Skip links

قصة : زواجي من مغتصبي كاملة

 2,331 عدد مشاهداات

الأول جزء .. . هادي انا حفصة انا متوسطة القامة . عندي العينين زورق و فمي صغير . عندي فورما زوينا ولكن مكنبينهاش حيت كندير اللباس الشرعي و انا مدينة بزاف انا من النوع ديال لبنات اللي مدايها فقرايتي و صلاتي و رضاء والدي . فاش مكنقراش كنمشي نحفظ القرآن فالمسجد . انا معروفة فالحي ديالنا معمر شي واحد ما تبسل علييا ولا قلل من احتارامي.. انا كنسكن مع الام و الاب ديالي عندهم غير انا الحمد لله مرضية ، كنقرا فلافاك عندي شعبة الدراسات الاسلامية . اكثر حاجة كنكرها هي المكياج اللي كيديروه بعض البنات . الله اهديهم . المهم انا من عائلة عادية الاب ديالي تاجر الام ديالي ربة بيت عايشين الحمد لله كنسكن فحي عادي ماشي شعبي و ماشي راقي… انما حدانا كاين الحي الوفاء اللي هو ارقى حي فمدينتي . فيه الفيلات و السيارات الفخمة. انا فاش كنمشي نقرا هاداك هو طريقي . و من بداية السنة انا ف فوقاش ما دزت من تماك كنلقى واحد الشاب كالس تماك انا محققتش ليه فوجهو و مشفتش فيه ولكن متأكدة انه نفس الشخص . معمرو ما دوا معايا و انا معرفتش واش كيشوف فيا حيت كندوز من تماك طيارة دغيا . المهم داز نص عام . واحد النهار فيامات الله واحد النهار من اليامات الله ماما : بنتي وا بنتي ؟ انا : نعام ا ماما ماما : نوضي راه الفجر كيودن انا : واخ راني نايضة نضت توضيت صليت واحد جوج رجعات ديال الاجر و صليت الفجر و الصبح و بقيت كنقرا القرآن و نضت درت لفطور و وصلات السبعة . فطرت و لبست و سلمت على ميمتي و خرجت خرجت كانت الساعة 7 ونص كالعادة حيت كنمشي تقبط الطوبيس (لافاك بعيدة) . بقيت غاديا و انا نوصل لداك الحي رفعت راسي لقيت داك الشاب واقف عاود ولكن هاد المرة غير دزت عليه و هو يقولي هو : ختي سمحيلي نسولك انا وقفت ولكن راسي فالارض : نعام و خويا سول هو : واش كتسكني هنا انا : اه . كاين شي حاجة اخرى ! حيت يباغية نمشي نقرا هو : اه الصراحة راه والله كنفيق مع هاد الوقت على ودك باش نشوفك عجبتيني بزاااف . ممكن تعطيني

نمرتك و نهدرو الا تفاهمنا نجي للدار انا : استغفر الله العضير . بغيتيني سير لدارنا . و السلام عليكم و تميت غاديا و هو مدواش . و فاش قلت ليه السلام عليكم شفت فيه عطاه الله واحد الجمال ما شاء الله ربي احفظو من العين . واكن فاش قالي النمرة … صافي طاحلي من العين واخ يجي يخطب منقبلوش حيت مكيعجبونيش دوك الاشكال اللي كيتبسلو على لبنات . صافي مشيت قريت رجعت و اكيد دزت من تماك ولقيتو تماك عاود . انا غير دزت عليه و هو يتبعني بقا كيهدر و انا غاديا كيقولي ( راه عجبتيني و طاطا باطاطا… دوك البسالات ديال الدراري ) وصلت لاحومة ديالي مبغيتش الجيران اشوفوه خفت اهزو علييا شي نضرة خايبة . و لكن منقدرش نهدر معاه . تميت غاديا و غير دخلت الحومة و هو يعيط علييا ولد جارتنا كيير عليا علاء : حفصة !!! انا : نعام خويا علاء ) هاداك الولد كان مورايا) علاء : شكون هادا اللي كيتبعك انا : مكنعرفوش علاء : اشنو خصك ا خويا ؟؟ مالك تابعها هو : و نتا شغلك ! ديها فراسك علاء : سيري لدار ا حفصة نتي انا : ولكن… علاء : سيري ا حفصة صافي مشيت و خليتهم كيهدرو خفت لايجبدو شي صداع . صافي رجعت للدار و انا مخلوعة ماما : بنتي جيتي ! مالك ! وجهك صفر انا : (عاودت ليها كلشي حيت منقدرش نكذب عليها) ماما : متخافيش ا بنتي الا دوا معاك هاد المرة سيري متوقفيش عندو انا : واخ صافي المهم صليت كليت و نعست شويا … المهم الغد ليه كان عندي مع 10 خرجت من الدار ….

جزء تاني 2  . . خرجت من الدار كانت الدنيا عامرة اكيد حيت 10 ديال الصباح . و انا ندوز عليه قشعتو من البعيد معاه واحد لمرا و غادا و كندعي فخاطري فاش وصلت راسي فالارض و غادا دغيا دغيا حتى كتوقفني ديك لمرا المراة : سمحيلي ا بنتي نسولك . انا : نعام اخالتي هي : انا الام ديال عادل ، راه هبلني عليك عجبتيه ناوي المعقول و بغا اهدر معاك الا تفاهمتو نجيو للدار انا : لا اخالتي انا مكنهدرش فالتيليفون و معنديش التيليفون و سمحيلي راه تعطلت و مشيت صافي مشيت نقرا قرييت رجعت للدار مع 4 و انا كنت فالطوبيس هي تعيط علييا ماما انا : الو ماما ماما : بنتي فين راك انا : جايا راني فالطوبيس ماما : واخ ا بنتي راه كنستناوك انا : علاش ياك لاباس ماما : حتى تجي و تعرفي تشوشت صافي وصلت تميت غادية و هاد المرة ملقيتوش فبلاستو مشفتوش كاع . مشيت للدار دخلت و هي تلاقيني ماما فالدروج ماما : جاو عندك الخطاب انا : دبا ؟ ولكن ا مااما انا مبغيتش نتزوج ماما : قلنا ليهم هاكاك و هي مصرة قالتلي تشوفني لول البنت انا : واخ انا مقولها ليها دخلت للصالون و انا نتفاجا الام ديال هاداك الولد ( اللي سميتو عادل ) (سميرة) : بنتي هاحنا جينا لعندك للدار انا : شنو كديري عنا ! خالتي انا… هي : راه ولدي جاي و هدري معاه قولي ليه داكشي اللي عندك صافي شويا و جا عادل اول مرة نهدر معاه الراس فالراس خلاونا فالصالون و خرجو عادل : هانتي جيتك للدار انا : شوف نفوليك انا مبغيتش نتزوج عادل : نتي قلتي مكتهدريش فالتيليفون جيتك من باب دارك شنو بغيتي ! راه عجبتيني بزاف انا : سمحلي انا مكنفكرش فالزواج دبا عادل : مقبلتيش بيا انا : انا ماشي مقبلتش بيك . مبغيتش نتزوج دبا هو : واخ سمحيلينا على ديرونجمو و ناض حل الباب سمع قال للام ديالي زيدي نمشيو . خرج معصب ولكن واااو ا لبنات شفتو فعينيه واااو مشحال زوييين . كيحمق. استغفر الله هههه حاراااام المهم جات عندي ماما : راه قالي باباك راه هادو ناس معروفين الله اعمرها دار و راه ولدها عندو شركة و ناس معقولين… انا : مبغيتش نتزوج ا ماما الله يهديك ماما : على خاطرك ا بنتي ماشي بزز صافي دخلت لبيتي صليت صلاتي وقريت شويا ديال القران و قريت دروسي و كليت و التيليفون كالعادة… المهم صافي نعست الغد ليه نضت مشؤت قريت كالعادة دزت من تماك لقيت الدار

مبلعة مكين تا واحد صافي قلت راه فهم راسو مبغيتش نتزوج راه صافي . المهم بقا على ديك للحالة لمدة يومين و النهار الثالث … كان يوم الثلثاء اليوم الاسود . نهار اللي تبدلات فيه حياتي نضت عادي توضيت صليت فطرت و سلمت على ماما و خرجت كانت 7 ونص تقريبا كلشي مسدود . المهم غادا عادي حتا كنوصل للدارهم و كنشوف الباب محلولة ولك مكين حتا واحد . ديك اللحظة اللي كنت كنطل فيها على الباب صافي معقلت على والو نعاود ايكم شنو وقع ليها : ( حفصة فاش كطل على الباب جا موراها عادل دار ليها واحد الكلينيكس فيه هاداك الشي اللي كيدوخ ولا كينعس… فلبلاصة داخت هوها و هو كيشوف ليها فعينيها دخلها للدار اللي كانت خاوية داها لبيتو نعسها على فراشو و هو فاقدة الوعي و بقا كيهدر معاها : نتي بنت الماس عجبتيني بزاف و منقدرش نخليك لشي واحد اخر يا تكوني ليا يا اما ماتكونيش راه بغيتك من اول لحظة سمحيليييييي بزااف هادشي اللي غاندير بوزز عليا باش تكوني لييا . (لكمالة عندكم ؛ غطاصبها و هي فاقدة الوعي ) نكمل ليكم بلسان حفصة انا غير حليت عينيا كنحس براسي كيحرقني و و فييا دوخة حتى استوعبت حتى كنشوف اسي فلفراش بقيت كنهدر مع راسي 😞 فين انا !! شنو كندير هنا ! باربي اش هاد اللباس !! ) فهمت و بديت كنغوت بجهههههههد و كنبكي حتى كيدخل عادل تصدمت . هو : سمحيلي ملقيتش شي حل اخر و مشيت لعندو كنجري بديت كنضرب فيه : تفووووو علييك ضيعتيلي حياتي و مستقبلي شنو درت ليك علاش مقتلتينيش بعدااا يا ربي شنو درت لييك !!! المهم بقيت شي ساعة كنغوت و كنبكي و هو مدواش و انا نضت لبست لباسي و خرجت مدويتش معاه حتى وصلت للباب قلت ليه : ( بلا ما تهرب راه غادي اجبدوك فين ما كنتي ) و خرجت كنبكي بحال شي حمقة . مشيت لعند البوليس بقيت كنغوت عليهم حتى دخلوني للكوميسير و عاودت ليه داكشي اللي كاين عيط للواليديا و جات ماما بغات تموت كتغووووت … المهم مشبنا لعند الصبيطار درنا التحاليل لقاو بصاح فقدت العذرية ديالي . و ديتها للكوميسارية و رفعت عليه دعوة و داك النهار مشاو لعندو لقاوه فالدار سلم راسو و دخل للحبس . حكمات عليه المحكمة ب3 سنوات ديال السجن و غرامة مالية . انا كرهت حياتي كنت غير كنبكي . ولكن ايماني بالله قوي . صافي بقيت هاكاك مدة سيمانا و انا تبدلت كنحس فشكل وليت كنتقيا و كناكل بواف… المهم اعراض غريبة مشبت انا و ماما للطبيب تماك كانت اكبر مفاجئة اللي هي كنت حاملة … يتبع قريتي خلي (y)

جزء تالت من قصة . . انا طحطمت طحت فالارض تصدمت ملقيت ما نقول . صافي فقدت الامل فالحياة . سخفت و داوني للسبيطار شي ساعة و انا فاقدة الوعي ماما خافت علبا مسكيتا غير كتبكي… المهم فاش فقت و داكشي مشا بابا لعند والبديه دار ليهم الشوهة ولكن هما راه باين فيهم ماكانش عندهم لخبار و بقا فيهم الحال … مشينا للكوميسارية و رفعات الدعوة للمحكمة و قال لينا القاضي : الحل الوحيد ا بنتي انه اتزوج بيك . ولا البنت ديالك غادي تعطيها للخيرية و هو 3 سنوات غادي يخرج صافي انا : مستحيييييييل نقبل بيه مستحيل نتزوج بيه القاضي : صافي فاش غاتولدي غادي نديو ولدك ولا بنتك حيت نتي مازال كتقراي انا : لاااا . ياربي اش هاد شي اللي نزلتي عليا رجعت للدار محطمة و بقيت كنبكي و كندعي عليه . حتى كنسمع لبابا كيغوت فتش خرجت لقيت جات الام ديالو و خرجت لعندها انا: شنو باغييااااا واش معندك وجه ااه !! جيتي تكملي داكشي اللي دار ولدك دعيتكم للله هي :متقوليش هاكاك غير سمعوني عافاكم ماما ؛ خرجي علينا معندك ما تقولي هي : غادي نقول جوج كلمات نمشي انا : كنسمعوك هي : راه ولدي قالي درت بحال هاكا باش نتزوج بيها و باش متكون للتا واحد . قبلي تزوجي بيه هو يخرج و نتي غادي تعيشي مع ولدك و غادي تزوجو غير فلوراق فاش اتولد الولد طلقو و صافي انا : مبغييتش سمعتي خرجي علياااا صافي خرجات مشات دخلت لبيتي كنبكي و شويا خرجت نمشي لاحمام و دخلت على غرفة ماما كنسمعها كتدعي كتقول : ( ياربي دبا هاد البنت ضاع مستقبلها و مغاديش نلرح بحفيدي ياربي كيفاش غادي نشوف فالناس …) بكاتني و عرفتها كتعاني و قرر واحد القرار خرجت لعندهم انا : بابا ماما سمعوني . انا قرر نتزوج بهاداك باش نستر راسي و ربي ولدي ماما : بصاح ابنتي قابلة انا : اه بابا : حسن ا بنتي راه غير فاللوراق انا : اكييد ديك لعشية مشبنا للكوميسارية تنازلنا على الدعوة و قبلت نتزوج بيه هو فاش خرج تصدم كنشوف فيه حال فمو وليت كنكرهو واحد الكره عمري شفتو محاملاش نشوف فكمارتو و هو حتدر راسو و خارج . تافقنا فوقاش نمشيو نكتبو لكتاب و نمشي نعيش معاه ولكن الشرط اللي كان عندي انني نسكن برا هاد لمدينا ينساونؤ الناس . كان عندو دار فرباط مشبنا ليها و تافقنا فالعقد اللي وقعنا عليه جوج بينا انه مايقيسنيش و هو راجلي غير

بلوراق و فاش نولد نطلقو … و قبلت نتزوج بمغتصبي … ، دبا غادي تبدا حياتي الجديدة المهم انا مفرحتش براسي مدرت لا عرس لا كسوة بيضا لا والو غير داكشي على لوراق و صافي . نهار اللي جمعنا حوايجنا غادي نمشيو نستقرو فالرباط .حتى ينساو الناس شويا حيت عارفين الشعب ديالنا معندو شغل مقابل غير القيل و القال . المهم كان الفراق حزبين مع بابا و ماما . ماما مسكينا مصبراااتش غير كتبكي بزااف المهم طلعت معاه فالسيارة و طلعت معاه القدام و صافي شدينا الطريق و مدويتش معاه و هو كذلك محاملاش نشوف فيه . صافي غاديين حتا كانغوت انا : وقف وقققف وقف هو : مالطي ياك لاباس انا : دغيا دغيا … وقف و انا تلاحيت برا بقييت كنتقيا … و جا لعندي كيجري : حفصة مالك ياك لاباس ! انا : والو غير مموالفاش كنسافر و مع لحمل… هو : واش متقدريش تكملي (و قاسني من يدي ) انا : حييييد عليااا يديييك اول مرة و اخر مرة تقيسني فيه سمعتي . هو : مكنديروش شي خاجة حرام اصلا غير قستك لاتكوني مريضة انا : نتا اخر واحد يهدر على لحراااام ا … حسبي الله و نعم الوكيل صافي راني بيخير هو بقا كيشوف فييا و طلعنا فالسيارة صافي غمضت عينيا و ساكتة حتى مشا علييا داكشي فجأة … انا : عادددددللل عندااااك !!!! و فرينا بجهد . و انا تلسق وجهي مع لمرايا . وووووه كنا قريب ندخلو فديك السيارة غير ربي كان معانا هو : حفصة حفصصصة . واش راكي بيخير انا : اااي راسي !واش مكتشوفش ولا ! بغيتي تقتلنا هو : ربي حفظ . صافي فقنا من الصدمة و بدا كيتمشا غير بشوية . حتا وصلنا للدار . اول مرة كنشوف بحال ديك الدار اصلا هاديك فيلا مشحااال زوينا دخلت و انا حالا فمي ، عادل : هلنتي خطاري البيت اللي عجبك خوديه انا ؛ البيت اللي كاين نهزو كمي داير غير ننعس و نرتاح عادل : هانتي هاد البيت زويين بيتك هادا . دخلت ليه حلبت فمي ووو زوين بزااف . الموهيم درت دورة فالدار كاملة غير لفراش و الديكور ديال الناس المجهدين ههه صافي دخلت لبيتي نعست رتاحيت مزيان الغد ليه فقت مع 10..

جزء الرابع من القصة. . نضت و انا كنسمع شي حس عندي فالبالكون انا صحابلي عادل كيدير شي حاجة برا نضت طليت حتا كنلقا جوج شماكرية ولا مانعرف شنو داكشي المهم كنشوفهم برا فالجردة كيكميو ولا شي حاجو … خفت بزاااف حيت انا خوافة بزاااف محسييت براسي حتا خرجت من بيتي و انا صفرة بقيت كنعيط على علاء غير بشويا خفت لايسمعو و بدين كنقلب عليه فالغرف ديال الدار و انا خايفة و انا ندخل فواحد البيت كنشوفو ناعس مشيت لعندو (ديك الساعة عقلي توقف بالخوف ) مشيت لعندو و بديت كنفيقو . كنهزو زعما و كنعيط عليه هو : حفصة ياك لاباس انا ؛ عادل ! راه مانعرف شكون .. زعما وايلي راني . شكون… هو : ( ناض من لفراش) حفصة بشوباا عليك مالكي ! اشنو واقع انا : واحد جوج راهم فالجردة . حدا بيتي . كيكميو… يمكن لا شمكارة هو : شنوووو !! زيدي نشوفو انا: راني خايفة . هادوك راه شمكارة هو : متخافيش انا معااك المهم خرجنا و هو غادي انا موراه حل الباب ديال الدار و هما كانو غاديين اخرجو فاش شافونا جبدو الموس عادل : شنو واقع هنا ! شكون نتومااا ! واحد منهم : شوف تحرك نصفيوهاليك . نتفاهمو غير بلعقل عادل : لا والو غير حط داك الموس . و نتفاهمو حطو الموس : هاد الدار كان مكيسكن فيها حتى واحد و كنجيو مباتو فهاد الجردة دايما دابا شي عام . و معمرنا ما دخلنا لللدار و لا هزينا شي حاجة راه غير كنعسو كنمشيو انا : و راه خلعتونا . كون غير علموتو لينا عادل : حفصة دخلي للدار نتي راكي بعيدة على هادشي انا : لا غير… عادل : قلت لييك دخلي دخلت بديت كنطل غير من السرجم كنشوف حتى كنشوفهم كيجمعو كراطنهم و خرجو و دخل عادل انا : واش مشاو ! هو : اه راه مشاو مغاديش ارجعو للهنا انا : اوا مزيان كنت مخل… ااااه نتا شنو اصحابليك راسك اا ! معندك الحق تقولي هاكاك سمعتي صحابليك راسك راجلي ديال بصاح انا راه كنكره سمعتي كنكره كنشتمأز منك هو : واخ خودي راحتك فالدار انا راني خارج كاع انا : خرج محاملاش نشوف كمارتك و مشا لبس حوايجو و خرج بقيت فالدار جمعتها و سيقتها ماملة كانت عامرة بالغبرة واخ كانت كتجي شي امراة كتسيق كل شهر . المهم وجدت لغدا و كليت و مشيت كنختش فالتلفازة كنتفرج حتى وصل المغرب و هو يدخل غير جاء انا نضت نصلي المغرب . صليت كملت بقيت فبيتي كنقرا القران شي ساعة . صافي خرج درت اتاي كان هو فبيتو مشفتوش حطيتو هزيت كاسي ودخلت لبيتي صافي بقيت تماك غير كنفكر حتى كنسمعوليه يعيط انا نخرجج لعندو : شنو هو : واش نتي اللي درتي هاكا لهادا ؟ انا : اه كان فوق الطابلة و كان موسخ انا غسلتو شويا شنو مالو

هو : وااايليي !! على غسلتييه ! خدمتي مشااات يا ربي اش هاد شي انا : خدمتك ! انا مقستش خدمتك . هو : هادا راه cle usb راه فيه الخدمة انا : رديتيني حمارة ولا ! صحابليك مكنعرفش usb كي داير هو : ا هادا راه اهر ما كاين داير بحال ستيلو راه غاليييي . نتي ضيعتيه مشا و لكن الخدمة هي المشكيل انا : اوا انا معرفاش . هو : ااه انا اللي درتها لراسي و فاش قال ديك لهدرة انا نمشي لعندو عطيتو واحد السقلة معمرو كلاها : مكتحشمش نتا لعبتي فيا باش نكون مراتك بزز و مازال كتهدر كتقول انا اللي بغيت . شنو بغيتي ترميني و تمشي تخطار وحدة اخرى دير ليها بحال داكشي اللي درتيلي انا ولا ! بلا ما تحلم انا كنحشك كنخاف و كنخاف الله اااه ولكن باش تهين كرامتي لااا سمعتي هو بقا حال فمو مفهم والو ) ولكن انا كندوي على usb انا اللي حطيتو على الطابلة زعما قلت كون غير ديتو معايا انا : شنو ! اوا مهم انا غير كنعلمك و درت دخلت لبيتي و سديت الباب بجهد . بصاح انا قريت بزااف على قصص ديال الاغتصاب و كيتزوجو من بعد كيطلقو ولكن الحالة ديالي غريبة حيت انا منعرف مكنكرهوش بزاف عادي . واخ ضيع لي مساقبلي ولكن كان الحلم ديالي انني ندير داري و وليداتي و راجلي و هاني غانديرهم واخ فاجواء اخرى ولكن منعرف المهم شعور غريب يمكن ملي كان عاجبني ولا مانعرف … المهم صافي بققيتت شوبا درت لعشا و كليت خليت ليه حقو و دخلت ننعس … نعست عادي و نص الليل حلمت بشي احلام كتخوف و حلمت بعادل كيغتاصبني … واحد المنضر رهيب و انا كنغوت فداك الحلم بجهد و كنبعدو عليا و هو والو . فجأة كنشوف حدايا عادل عادل : حفصة وااا حفصة !! رجوع لله قولي اعوذ بالله من الشيطان الرجيم انا غير شفتو و كانو الدموع فعينيا و بقيت كنبكي و كنبعدو : حيد عليا متقسنيش كنكرهك خرج عليا براااااا ضيعتيلي حياتي خرج عليا خرج هو : حفصة راه انا : قلت ليك خرج و هو خرج و انا بقيت كنبكي تفكرت داك النهار و داك الحلم صافي فاش حلمتو دبا كرهتو ديال بصااااح دبا محاملاش نشوف فيه …… يتبع جام (y)

جزء خامس من قصة . . الغد ليه فقت مع 11 كنت بحالا كناكل لعصا راسي تقيل و كنحس يراسي مريضة بزاااف صافي درت مجهود نض خرجت من البيت و انا غاديا للحمام حتى كنحس بالدنيا كدور . و انا نطيح حتى فقت فالسبيطار و الممرضات حدايا انا : شنو واقعع فين انا ! ههرضة : الحمد لله على السلامة . ماكاين باس غير عييتي شويا و دختي و راجلك جابك لهنا انا :راجلي ! الممرضة : ااه كان خايف عليك بزااف باين فيه كيبغيك …. لااا متنوضيش فين غاديا انا : بغيت نخرج هي : لا راكي عيانا درنا ليك شي تحاليل نشوفو واش الولد مزيان و تقدري تمشي انا : وااخ صافي خرجات شوبا و جا دخل عادل عادل : حفصة كيراكي انا : (معرفتش شنو داك الشي ولكن كنحس براسي شي حاجة غريبة بحالا وليت بصاح مراتو و هو راجلي ) انا بيخير . شنو وقع لي هو : منعرف انا دخلت للدار حتى كنشوفك طايحا هزيتك جبتك لهنا قالولي غير عيانة شويا ماشي شي حاجة انا : اه راه قالولي غير مع لحمل و راه دارولي تحاليل اشوفو ولدنا واش بيخير و هو تصدم فاش قلت ليه ولدنا بقا كيشوف مقال والو . و حتى انا تصدمت معرفت كيفاش قلتها ليه و حتى الشوفة ديالي ليه ديا تبدلات منعرف علاش انا : زعما اشوفو الولد واش مزيان هو : ولدنا غايكون مزيان ان شاء الله معرفتش علاش مغوتش عليه غير سكت . المهم خرج مشا جاب شي حاجة ناكلها و هي تدخل لعندي الممرضة قالتي بلي راه بيخير و انا نسولها انا : بغيت نسولك هي : اه سولي انا : دبا فاش حملت كنت راجلي كنعاملو فشكل ولكن اليوم تبدلت منعرف علاش هي : ههههه راكي حاملة و راكي كتوحمي . وراكي كتوحمي على راجلك دبا ههه انا : شنووووو ! هي : عندك الزهر كاين اللي كيبقاو محاملينش رجالهم . و هو يدخل عادل انا : حم حم واخ شكرا عادل : وصلو التحاليل الممرضة : اه ولدكم بيخير عادل : الحمد لله انا : فوقاش نقدر نخرج ! الممرضة : صافي تقدري تخرجي دبا عادل : واخ شكرا صافي نضت و عاونني ( الصراحة صدقق راجل معايا )

طلعت للسيارة و فالطريق كنا واقفين فقف حتى كدوز من تماك واحد لبنت كتاكل ديك التفاحة اللي عليها الحلوى وايلي جابت لي جوع بغيت بحالها انا : بغييت بحالها ! هو : شنو ! هاديك ديال الدراري الصغار انا : لاااا بغيتها ماعليش و هو يوقف السيارة و مشا جابلي 4 و جا و غير شفتهم بقؤت كناكلهم بواحد الطريقة بحالا كنت فالصحراء ههه هو : بالصحة انا : شكرا . سمحلي منقدرش نذوقك حيت انا كنتوحم محسيتش براسي فتش قلتها ليه و هو بقا كيشوف فييا هو : سميلي انا مكنتش عارف بلي كيتوحمو دبا . داكشي علاش . من هاد النهار فوقاش ما خصاتك شي حاجة عيطيلي نجيبهاليك انا : وااخ صافي من داك النهار ولا معرفتش بحالا هو راجلي ديال بصاح كنعاملو مزيان يعني حسن من الاول . دازت شي سيمانا حتى لواحد النهار حنا كنا ففصل الشتاء و انا من الناس اللي كنخااااااف من صوت البرق خاصة فالليل . واحد النهار كان كان واحد البرد و واحد الشتاء ديال ربي ما شاء الله عليه صافي كان علجبني الحال كنتفرج فالشتاء حتى كنمشي ننعس كنطفي الضوء و نحط راسي على لمخدة حتى كنشوف واحد مولاتي و تبعها واحد الصوت ديال البرق واياااو انا نقز من بلاصتي و شعلت الضوء بديت كنقول شي ادعية و هي طرطق وحدة اخرى بجهد كثر و انا نغوت وا ماماااااا . و نضت خرج من بيتي شعلت الضوء و كلست كندعي و بدا كيطرق بشويا بشويا حتى دخلت لبيتي عاود غير سديت الباب و هي طرطق عاود مصبرتش و انا نخرج و مشيت ديريكت لبيت عادل غير اوصلت لعندو هي تطرطق وحدة اخرى و بالخوف اللي كان فييا مدقيت ما والو دخلت ديريك شعلت الضوء عليه و انا نعيط ليه بجهد عادل عااادل . و هو مسكين نقز واحد النقزة فرمشة عين كان حدايا عادل : حفصة يااك لاباس ياك ما كرشك كضرك انا : لااا خفت هو: خفتي ؟ مناش ؟ و هي طرطق و انا نغوت ههه : من هادااااا هو : ههههه (بدا كيضحك ) واش كتخافي من البرق انا : متضحكش علييا راه كندوي معاك بالصاح هو : صحابلي غير الدراري الصغار هههه انا : اوا راه كنخااف بغيت الا بغيتي تهبط معايا

للصالون تشعل التلفازة و تجلس تفرج و انا ننعس فاش يديني نعاس تطفيها و تمشي تنعس هو : هههه حفصة واش ضربك حمار الليل شنو كتقولي انا : كندوي معاك بالصاح هو : اوا زيدي زيدي ا اخوافة انا : شكرااا بزاااف مشينا للصالون مسكين كان كتفوه كان ميت بالنعاس و انا خليتو اتفرج فالتلفازة ههه زعما باش منسمعش و مشوف داك الضوء كيخلعني و فاش كيكون حدايا شي واحد مكنبقاش نخاف انا : عادل بغيت نسولك واش تخلعتي دبا عاد هو : ماشي غير تخلعت اصحابلي وقع شي حاجة لولدنا انا بقيت مكوانسية جاني احساس غريب انا : لا متخافش ولدنا غادي اتولد بيخير ان شاء الله . هو : عارف راكي كتهلاي فيه انا : (بتاسمت ) المهم غمضت عينيا بديت كنفكر فيه والله حتى بغيتو انا فهمت علاش دار ظاكشي هو راك كان باغيني ديال بصاح كون غير تزوجت بيه بلا هادشي كونا عايشين احسن عيشا… المهم داني نعاس فاش عرفني نعست بصاح طفا التلفازة و هزني اول مرة……

جزء سادس من قصة . الغد ليه نضت لقيت راسي فبيتي عرفتو هو للي جابني لهنا عجبني الحال نضت درت لفطور و هو كان ليوم الاحد مخدامش جا فطر و انا نسولو انا : شكون داني للبيتي هو : واحد الجن هو اللي هزك انت : متبقاش تخوفني هو : ههه انا شكون غادي اهزك من غيري و انا نغوت عليه : شتك نسيتي شنو درتي و تيقتس بلي انا مراتك ديال بصاح اول مرة و اخر مرة تقيسني سمعتي . و نضت جيت ندخل للبيتي و هو يقولي : نتي فشكل مرة مزيان مرة خايبة مفهمتش ليك و انا ندخل لبيتي و بلعت الباب . بقيت كنفكر علاش درت ليه هاكاك راه كنبغيه … المهم بقيت هاكاك فبيتي حتا كنسمع للدقان انا : شنو بغيتي هو : بغيت نهدر معاك انا : كول داكشي اللي عندك من تماك هو : واخ . ليوم مخدامش نتي راكي حاملة ماجاتش تبقاي قبالت 4 حيوط الل بغيتي تخرجي تفوجي شويا لبسي انا : (فرحت و نضت حليت ليه ) واش بصاح هو : ااه انا : واااخ مشيت لبست لباسي اكيد الشرعي و درت معاه جاكيط ديال البرد و خرجنا . داني لواحد المول تماك فكازا بقيتا كنتساراو حتى كانشوف واحد التصويرا ديال واحد لاطاغط ديال لعرس كيديرو ليها الاشهار و انا نتشهاها وايلي دارت فيا جنووون انا : عادل كاين واحد المشكيل هو : مالكي ! ياك ما عيتي انا : لااا . عجباتني هاديك هو : ههه واش هاديك فالتصويرا انا : ااه بغيت بحالها هو : كتفلاي فين نلقاها ليك انا : واخ صافي خلي بنتك ولا ولدك اخرج فيه هو : لااالااا نسيت بلي كتوحمي عنداك تقيسي راسك غادي ندبروها . انا : اوا هاكاك مشينا لدام المحال اللي داير اشهار قال لينا هادي ديال العرس و راه خصها وقت باش توجد خصها دوموند ولكن راه كاين منين دوقو الا عجباتكم عادل : قرب ليه : مراتي كتوحك غير جيب لينا شنو ما اكون كيشبه لديك اللي فتصويرا هو : ههه واخ جاب لي واحد جوج مورصويات طحت فيهم عما عجباتني بزااف عادل : صافي ؟ ولا تزيدي انا : لااا صافيي جا يخلص و هو يقوليه : لاا و الله ما تخلص الله افك وحايلها على خير انا : امين شكرا خرجنا و قال لي عادل : صبري راني جاي دخل لعندو بقيت كنتسناه و خرج دغيا صافي و بقينا كنتمشاو و مشحال من حاجة شريناها .. ولكن مازال ما شريت للولد حيت معارفاش ولد ولا بنت . من بعد ظخلنا لواحد المطعم كبير بقيت كنتشها تماك ههه مسكين صابر معايا و هو عاجبو الحال كلينا وخرجنا مشينا درنا شويا و رجعنا للدار و غير وصلتا انا ظقول ليه انا : عادل

شكرااا بزااف هو : علاش انا : على ليوم هو : هادا واجب ديالي ا حفصة بلا ما تشكريني دخلنا كنا جبنا معانا بيتزا كليناها و بقيت كنتفرج هو دخل لبيتو انا كنت ديما كنقول ياربي غير اخرج علييا ما حاظلاش نشوف كمارتو دبا كنمل وحدي و كنتسنا غير فوقاش ارجع من الخدمة و نشوفو حيت كنتوحشو كنتوحم عليه زعما ههههه بقيت كنقلب فالتلفازا والو جاني الملل و انا نفكر واحد الفكرة . انا نطلقها بواحد الغوتة بجهدددددد : عادلللللل عااااادللل و هو كنسمعو كيطير فالدروج هو : حفصة ياك لاباس انا : كرشي كرشي هو : كتضرك !! راني معاك واش نمشيو للطبيب .و انا مصبرتش انا نطلق واحد الضحكة حتى بكيت بالضحك هو :مالك عاود انا : ههههه تفليت عليك هو : هادشي فيه التفليا ا حفصة ؟ انا : راه مليت تسيتك تهبط والو هو : ( بقا ساكت ) مصحابليش كون عيطيلي كون بقيت معاك انا : اوا هانا عيط ليك خهههههه هو : انا استسلم راه من هنا حتا يتولد الولد غادي نكون ميت بالخوف راكي ديما كتخلعيني عليك بشي حاجة انا : اوا سمحلي صافي هههه و هو يجلس معايا : اوا هانا اشنو نديرو دبا انا : واش كنتي مشغول هو : لاااا كنت غير ناعس انا : اوا بقا ناعس هنا هو : واخ صافي من هاد النهار منخليكش بوحدك انا : مرسي ههه كنتفكر فاش خلعتك هو : صافي عيقتي انا : هههههههه صافي صافي انا ساكتة بقينا كنضحكو و كنفرجو حتى كنشوف فيه كنلقاه داه نعاس بقيت كنشوف فيه و فوجهو مشيت جبت مانطة غطيتو و انا بقيت كنتفرج حتى كيديني نعاس … فنص الليل كيفيق عادل و هو يشوف راسو مغطي و فالصالون شاف فيا لقاني انا بلا غطا بلا والو و هو جا غطاني بالمانطة ديالو و انا حسيت و نضت انا : عادل شنو كديير هو : غير كنغطيك . حماقيتي غطيتيني و نسيتي راسك انا : لا غير داني النعاس هو : واخ صافي تا لغدا نتفاهمو دبا نعسي انا : و نتا فين غادي هو : غادي ننعس فين غادي انا : اه تا انا نوض لبيتي هو : صافي راكي مدوخة بالنعاس نعسي انا نجيب لمانطا ننعس لهيه انا : واخ صافي بغيت نقوليك واحد الحاجة هو : ( فالليل و كان الظلام و هو ميشوف فييا ) اه قولي ا حفصة انا : تفكرت فاش تخلعتي قبيلا 😂😂😂😂😂😂 و بقيت كنموت بالضحك مع نص الليل هو : واش حماقيتي الساعة راها 3 و نتي كتضحكي اوا سبحان الله نعسي نعسي انا : غير كنضحك صافي ههههه و مشا جاب لمانطا نعس تا هو فالصالون مبغاش اخليني بوحدي و غدا الصباح…

جزء سابع من قصة . . انا معمر صحابلي فيا هاد الحس الفكاهي . تفاهمت معاه لزااف و نسيت داكشي اللي دارلي … المهم فقت مع الصباح لقيت غير بلاصتو و بقيت كنهدر بوحدي : مقال حتى صباح لخير فاق و مشا لخدمة الله احفظ اصلا انا اللي كنعطيه الوقت . ويلي شنو كنقول واش غادي افيقني باش اقولي صباح الخير هههه و هو يقول لي صباح الخيير و انا تخلعت انا : منين دخلتي ! هو : هههه ممشيتش للخدمة ليوم ههه انا : اه صحابلي ممشيتيش هو : هه سبحان الله كتهدري بوحدك بوحدك انا : اه لا غير هاكا كندير ديما هو : ههههه اصلا اللي كتضحك مع نص ليل توقع منها كلشي انا : هههههه ياك اوا دبا نتا اللي كتجبدني هو : صافي صافي غير كنضحك المهم مضت درت لفطور فطرنا جمعت الدار و كان البرد دخلت فالمانطا كنتفرج فالتلفازة حتى كنسمع واحد الصوت ديال شي حاجة طاحت و انا نسمع للواحد الغوتة ديال عادل واياو تخلعت عليه . و انا نطلع كنجري و كنعيط عاااادل مالك . غير دخلت لبيتو انا نلقاه طابح فالارض طاحلي النص مشيت لعندو كنجري انا : عاااادل عاااادل !!! والو هو مغمض عينيه مكسمعك والو توقف لي لعقل معرف شنو ندير الا نبكي بقيت كنوضو و كنبكي حتى كينوض كيموت بالضحك … كيضحك بالجههههههد… انا : متقوليش كتضحك هو : هههههه واياو مت بالضحك اه تفليت عليك انا : شتي لبسالاااات هو : و نتي نسيتي لبساللت ديالك انا : و انا نضت : عيقتي و الله… هو : نتي كديري كثر انت :انت راه حاملة واش باغي اطحلي الدري هو : لااااا الله احفظ . صافي سمحيلي منعاودش انا : لا غير عاود و انا قلبت وجهي و تميت غاديا نخرج و هو يقولي هو : حفصة بغيت نسولك انا :

سول ؟ هو : واش بصاح تخلعتي عليا و قالها فشكل و هو كيشوف لي فعينيا و انا تكوانسيت زعنا مقوليه راه كنبغيك ؟ وانا نقوليه انا : راك ساكن معايا تصرا ليك شي حاجة اسبوها فيا هههه هو : و علاش كنتي كتبكي ؟ انا : اواااا صافيي انا هاكاك دايرا دغيا كنبكي و شنو صحابليك ؟ زعما هو :اه انا نويت شي حاجة اخرى صافي نساي انا : شنو نويتي هو : والو انا : واااخ يالاه انا هابطة اه ليوم واش تقدر تجيب شي حاجة من برا البرد ما فيا ما يدير شي غذاء هو : ههه واخ صافي خبط دخلت فالمانطا و هو خرج اجيب الماكلة و بعد واحد 10 دقايق كنسمع للصونيط انا ؛ اوووف نسيتي عاود سوارت فالدار و مشيت حليت حتى كنشوف واحد لمرا لا هي ماشي مرا هي بنت مشحال زوبنة تبارك الله بحال شي ملاك انا : نعام اختي ؟ هي : واش هادي الدار ديال سي عادل ؟ انا : (تجمدت فبلاصتي ) اه شكون بغاه هي : واش ممكن تكلميهلي انا : دبا خارج مكينش فالدار بغيتي شي حاجة قوليهالي نقولهالو هي : لا بغيت نشوفو . واش ممكن ندخل حيت البرد انا : ااه سمحيلي مرحبا دخلات و انا غير كنطلع و كنهبط غير الريحة اللي دايرا الدوخك شفت فيها و شفت فراسي لقيت فيه الفرق بحال الموزنبيق و امريكا . المهم جلسات انا : شكون نتي هي ؛ و نتي شكون نتي ؟ واش الخدامة ؟ انا تزعزعت كون معنديش الايمان فقلبي كون قلبتليها وجها انا : اه هي : و هي دير رجل على رجل : عافاك واحد القهوة ملقيت مانقول حين معنديش الحق نقوليها انا مراتو حيت مراتو غير بلوراق.. المهم مشيت للكوزينا درت القهوة واخ كان البرد و عكزانة و جبت ليها القهوة هي : شكرا انا ؛ ( و انا نجلس ) كاع مقلتيلي شكون نتي هي : خههههه انا خدامتي مكتجلس مع الضياف ولكن مكين باس انا كنخدم معاه انا : ( صافي كلعات لي قلبي ، كرهتها ) اه بغيتي تقولي خدامة عندو هه هي : اش هاد قلت لحيا و هو يدخل عادل شاف فيها و تصدم ….

جزء تامن من قصة . . و هو يحط داكشي اللي فيديه و جا عادل : حنان شنو كديري هنا ؟ هي : عمري راه تقلقت عليك كنصوني ليك مكتجاوبش و انا نجي لعندك انا تصدمت وليت صفرا صافي مقديتش نصبر هو : شنو كتقولي نتي اش جابك هنا اصلا ؟ معامن تشاورتي هي : ويلي مالك ! خفت لا تكون مريض . و هاد الخدامة جالسة معايا اصحاب ليها دارها و حتى القهوة مكتعرف تصايبها و هو شاف فيا و شاف فديك القهوة و شاف عينيا تغرغرو بالدموع و هو يشدها من يديها و تعصب بزااف ولا حمر اول مرة كنشوفو هاكا هو : خرجي عليا برااااا من هاد النهار راكي مطرودة و كتقةلي مزال عمري مكتحتارمي تا واحد و هادي اللي كتدوي عليها راها مراتي و حاملة بولدي و انا كنبغيها كتر من راسي سمعتي يالاه خرجي

عليا و هو يجرها للباب حلها و خرجها و بلع لباب بجهد و شاف فييا و كان معصب و طلع لبيتو مقالي والو انا معرفت واش نتصدم ولا نفرح ولا نحزن تخلطو ليا المشاعر و الله واش بصاااح كيبغيني؟ و هاديك علاش قالتليه عمري يعني راه بيناتهم علاقة… المهم دخلت لببتي بقيت كنبكي معرفتش علاش واش بالفرحة ولا من الجزن حيت هاديك رداتني خدامة… معرفتش و فجأة… سمعت للدقان انا : عادل راني ناعسة و هو يدخل انا : قلت ليك راني ناعسة هو : عارف بلي ما ناعسة والو . بغيت ندوي معاك انا ؛ شنو بغيتي هو : هاديك خدامة عندي سكرتير ديال و هي دايما كندير البلبالة فالشركة ان انا و ياها كنبغيو بعضياتنا لدرجة كل الشركة عارفة و كتقةل ليهم ان عادل مبغاش اقولها لحتى واحد عاد يالاه عرفت هادشي و طلبات مني السماحة و قالتلي راه كنبغيك… و انا عارف الا كنتي كتبغي شي واحد شنو هو الاحساس ديالك الا قاليك بعد مني . انا قلت ليها داك الشعور خليه فقابك و نسايني حيت انا حتى الشوفة مكنشوفش فيك حيت عندي حد اخر شاغل بالي و من داك نهار هي كتبحث و انا عرفت انها شافتك معايا فتش خرجنا ديك النهار و عارفاك نتي مراتي و جات غير باش تفتزك و صافي و سمحيلي بالنيابة عليها انا بقيت ساكتة كيدوي معايا فشكل و كيدوي معايا بنيتو انا : نتا مادرتي والو بلعكش نتا راك حاميتي عليا كنشكرك و دوك الاشكال كنعرفهوم.. ولكن كاين واحد الحاجة مفهمتاش هو : شنو انا : علاش قلتي ليها راه كنبغيها ؟ هو : ( بقا ساكت شي 10 دقايق ) حيت بصاح كنبغي مراتب ولد ولدي ولا بنتي ان شاء الله انا : ( معرفت ما نقول ولكن جا لراسس داك النهار… ) شنو اصحابليك اا ! واش حيت عشت معاك واحد الشهر و تيقتي راسك ا. متنساش بلي نتا لي وقفتيلي مستقبلي معمري نسامح ليك و نتا سير لعند هاديك اللي بحالك . هو: عندك الحق كنت متوقع . داكشي اللي درت انا مغاديش اتغفر عارف و لكن مان نيتي باش تكوني معايا… و غايجي نهار تفهميني فيه . و خرج انا صراحة كنقول كون غير مقلتش ليه هاكاك و لكن لابود كل مرة نفكرو . حيت واخ كنبغيه كاين واحد الطرف كيتفكر داكشي… صافي شوبا جابلي الماكلة كليت نعست نضت مع الليل لقيت لعشا واجد فالكوزينا هو اللي دارو ههه كليت و رجعت نعست .. صافي من داك النهار الحياة ديالنا دازت عاديا يعني كيرجع من الخدمة كياكل كيهدر معايا عادي… و حتى هو ميك عليا من داك النهار صافي دازت 3 شهور…..

جزء تاسع من قصة جام قبل متقرا . داك النهار فقت مع الصباح و انا عيانة راسي كيضرني و انا ندير الليمون لراسي و تكيت شويا لتلفازة و هو يدخل عادل هو : حفصة ياك لاباس انا لا غير شويا راسي كيضرني هو : ياك ما بزاف نمشيو لطبيب انا : لاا حاجة عادية هو : لا نوضي نمشيو لطبيب اصلا فوقاش هادي ممشيتي لعندو اشوف واش راكم بيخير انا : واخ انت نلبس لبست و خرجنا وصلنا للطبيب هو صديق عادل داكشي علاش بلا رونديفو بلا والو دخلت و بقا كيهدر معايا… الطبيب : دبا راه تقدرو تشوفو ولدكم راه كيبان تشوفو واش بنت ولا ولد انا : بصاااح ! اااه بغينا نشوفو عادل : كون غير نحليو حتى اتزاد و نشوفو انا : لااا نشوفوه الطبيب : ههه واخ و قلبي كان كيضرب بجهد . نعست و هو دار الراديو بديت كنشوف فيه و تغرفو ليا عينيا بالدموع عادل : حفصة ويلي الولد راه بيخير الطبيب : خليها راه هادوك دموع الفرح هه انا : ههه اه بصاح والله اوا ا سي الطبيب شنو عندي الطبيب : بلاتي … ههه اه صافي نوضي و نقول ليكم فالبيرو نضت رديت جلابيتي و مشينا لبيرو انا : اوا؟ الطبيب : شنو بغيتو نتوما انا : انا بغيتها بنت عادل : اللي عطاها الله هي اللي بغينا ولكن انا بغيت ولد الطبيب : ههه لمرا اللي ربحات مبروك ا لالة حفصة غادي تزاد عندك بنت باذن الله انا من كثرة القرحة و انا نقزت على هادل عنقتو بجهد كنقول الحمد لله يا ربي و انا فرحاناااااا حتى تبثت و انا نحيد انا : غير بالفرحة… الطبيب : هههه مبرك عليكم عادل بقا كيشوف غير فيا تصدم . الطبيب : واكن كاين واحد المشكيل . راه نتي الرحم ديالك صغير فاش غادي تولدي غادي تلقاي شويا ديال الصعوبة و من الاحسن تولدي بالعملية عادل : كيفاش وش الا ولدات عادي غادي تعرض راسها للخطر الطبيب :لا غير غادي تجيها صعيبا انا : ياربي كون معايا عادل : شاف فيا : ماغادي اوقع والو كلشي غايدوز بيخير ان شاء الله الطبيب : خصك تهلاي فراسك دبا راكي فالشهر 4

و الكرش كتكبر خصك شويا ديال الرياضة و تاكلي الاكل الصحي عادل : واخ ا دكتور مون هاني صافي خرجنا و وصلنا لدار جلست فالصالون و هو يجي لعندي هو : شوفي من هاد النهار غادي تابعي الاعلامات ديالي اللي قلتها غادي ديريها انا : هه شنو هو : خليني نكمل ، كل الصباح مع 10 غادي نخرجو انا وياك نديرو سبور . و غدا غادي تجي واحد لمرا تبقا دير الشغل ديال الدار و غادي نجيب ليك شي كتزب غادي تقرايهم و تعرفي كيفاش تبقاي تعاملي مع راسك و نتي حاملة و حتى فاش غادي تولد بنتا . و غادي نجيب كتاب ديال الاكل للصحي للحامل و تبقاي تاكلي غير داكشي الصحي و حتا انا ناكل داكشي معاك باش منديرش فيك الجنون ههه انا : هاي هاي شتك دغيا سمعتي لهضرة هو : شنو صحابليك منلعبو انا : واخ ا سيدي ، هاي هاي كابتن ههه انا : اوا هاكاك صافي مشيت لبست لباس الدار و كليت شويا و عادل مشا لخدمة حتى لليل لي رجع درت اتاي بقيت كنتقرج و هو يجي هو : كيدايرين لاباس انا : هههه رانا بيخير . هو : غادي نبدل عليا نجي و نخطارو الاسم ديال بنتنا انا : هههه صافي واااخ فاش جا جلس حدايا بزااف حيت غادي نخطارو من الانترنت و دار فالتيليفون ديالو . جا قرب لعندي و الانفاس ديالو كنحس بيهم و كنشوف ليه فوجهو عينيه زوينيين هه هو : يالاه هانتي ديري هادا فالتيليغون ديالك و شوفهم كاملين خطارو منهم 3 ديال الاسماء و كتبيهم و انا غادي نخطار عاود 3 و نقوليك شنو نديرو ليهم انا : واخ بقيت كنخطار انا عجبوني ( ملاك، انصاف ، دعاء ) و هو عجبو ليه ( لين ، صفاء ، لمياء ) هو : ديا غادي نعيط ل 5 ديال صحابي و نقول ليهم انا اسم عجبكم و لي قالولي بزاف غادي نخطارو احسن اسم و نتي كذلك انا : و غادي يبقا فالفينال غير جوج ياك ههههه هو : اه ههه و بدا كيعيط 3 قالو ليه (صفاء ) و جوج قالو ليه (لين ) انا : يعني اسم صفاء هو : اه اصلا كان عاجبني صفاء هه انا : واخ دبا انا عندي غير واحد صاحبتي و نعيط لبنات خالتي صاحبتي و 3 ديال بنات خالتي قالولي ملاك . و واحد بنت خالتي اخرى قالتلي انصاف هو : يعني ملاك هو الاسم الي عجبهم انا : اااه هبلني هاد الاسم و دبا ها الفينال شنو نديرو هو : دبا انا نعيط لواليدة ديالي نتي الولدية ديالك و يقولو انا اسم انا : عههههههه واخ عيط انا و فرحات مسكينا فاش قلتليها بنت بقات كتبكي و كتزغرت و قالتلي سميوها ملاك باش تكون بحال شي ملاك و هو يعيط ل لواليدة ديالو و حتى هي فرحااات مسكينا بزاف و هي تقول ليه اسم ملاك اللي زوين و بدون ما نحس : شكراااااا ا خالتي حتى انا عجبني داك

الاسم دبا انا لللي ربحت هههه هي : بقات مشحتل ساكتة : مبروك عليكم ا بنتي يتربا فعزكم ان شاء الله انا : امين ا خالتي و قطع هو : صافي بلا متهدري نتي اللي ربحتي صافي انا : هههههه معمرك متلعب معايا و فجأة هو هبط لعند كرشي : دعاء ديالي عندك تخرجي بحال ماماك تهبلوني انا : بقيت كنشوف فالفرحة فعينين كنت مبغياش نقوليه ديك الهضرة ولكن قلتها : ولكن فاش غادي تولد مغاديك تهبلك تبقا تشوفها غير من أسبوع لأسبوع شاف فيا واول مرة كنشوف ديك لحالة هبطو ليه دموع وهو كيشوف فيا وهو يمسحهم: اه عرفت احفصة عرفت ومشا طلع لبيتو كنسمع سد لباب بجهد.. وأنا بقيت كنبكي فاش كنتفكرت ديك لاتفاقية الي سينيا عليها كيتحرق قلبي صافي مشيت نعست ..

جزء ماقبل أخير . . الغد ايه كنت ناعسة حتى كنوض على عادل كيفيقني فبيتي انا : شنو كدير نتا هنا على الصباح هو : من الصباح كيدق و نتي ميتة فالنعاس نوضي الالة من تماك .انا : ياك لاباس علاش هو : شنو قلت ليك البارح ليوم عندك الرياضة يالاه هاهي البدلة الرياضية ربع ساعة نلقاك واجدة انا :واياااو حتا لغدا نبداو عافاك هو : قلت ليك نوضي مكينش غدا و هو يخرج… نضت لبست و خرجت انا : هاني واجدة فين غادين هو : هاكاك نبغيك نمشيو نجريو فالكورنيش مشينا حتى لكورنيش فالسيارة و وصلنا نزلنا بقينا كنجريو واحد 10 دقايق انا نعيا انا : عادل راه صافي عييت هو : هخهه مسكينا يالاه 10 دقايق راه جوج سوايع غادي نديروها رياضة انا : شنوووووو لا انا منقدرش اصلا راني حاملة منقدرش هو : ههه اوا داكشي علاش غادي ديري رياضة يالاه زييديي زيدي بقيت كنجري كنجري و كندير المجهود جريت شي نص ساعة و والو مبغاش اخليني نرتاح و انا نضرط نلعب عليه عاود هه كنا كنجريو حتا كنوقف كنغوت انا : عاااادل وايااو كرشي كرشي كرشييؤ و هو يوقف تخلع عاود ههه : مالكي ؟؟؟؟ واش كتضرك كرشك انا : يمكن غادي نولد هو : اشنو غادي تولدي باقي يالاه ف 4 شهور. اجي لسيارة ترتاحي انا : روحني لدار دغيا راه كيضرني كرشي هو : واش نمشيو لطبيب انا : لااا راه غير حريق عادي روحني نرتاح هو : واخ مشينا و فاش وصلنا لباب جا يخرج باش اجي اعاوني ندخل لظار انا نقوليه : بلاتي هو : شنو انت : ( انا ندير واحد الضحكة بجهد ) ههههه تفليت عليك هو : شنو ؟؟ لااا متقوليهاش انا : اوا راه عيت مبغيتيش تخليني نرتاح هاداك هو الحل الوحيد هو : نتي راكي حمقة . حشوما عليك . راه لمصلاحتك ا حفصة الله يهديك انا : منقدرش صعيب عليا هو : واخ ا لالة يالاه تبقاي كل صباح دوري فدار لمصلاحنك انا : صافي اه نبقا ندور فالدار غير نعيا نوقف صافي هو : اوا يالاه نزلي نزلي خههه انا كنموت عليه بالضحك و انا غير دخلنا للدار كنلقاو واحد لمرا ماشي صغيرا ماشي كبيرا عاديا نجي قد ماما انا : شكون هادي عادل : هاديي خالتي فاطمة غادي تعاونك فالدار نتي حاملة زعنا انا: اااه مرحبا بيك ا خالتي تونسي معايا بعدا فاطمة : ههه ترحب بيك الجنة ا بنتي شكرا عادل : نخليكم تعارفو انا غادي نمشي ندوش نبدل و نمشي لخدمة دخلت فطرت وجلست بقينا كنهدرو انا و خالتي فاطمة و تفاهمت معاها بزااف زوينا مسكينا . صافي يقينا هاكاك عادي حتى داز 3 شهور … يعني هادا هو الشهر اللي غادي نولد في فيه

جزء أخير من قصة . . دازت 3 شهور اخرى يعني هدا هو الشهر ديالي غادي نولد فيه انا كيف قالي الطبيب غادي تولدي فالوسط ديال الشهر . كانت كرشي كبيرااا و انا معروف عليا كنصبر كان كيكون فيا لحريق و الراس كيضرني… المهم تمارة دازت عليا ولكن صبرت . واحد الليلة مشيت نعست و خالتي فاطمة كتمشي تروح مع المغرب يعني مكتباتش معانا . مع ديك 1 ديال ليل انا يفيقني واحد لحريق يا ربي السلامة بقيت كنقول الادعية والو كنقول دبا غادي نولد واللوو مبغاش امشي داكشي كيزيد و انا بقيت كنغوت بجهد و هزيت التيليغون عيطت لعادل غير صونا واحد المرة هو يهز : الو حفصة ياك لاباس انا : هبط راني كنولد ااااااي كرشي وا ماماااا و انا غير قطعت كان عندي ححدا الراس هو : حفصة واش بصاح صافي راه قالينا الطبيب مزال و انا نقبط فيييه وا قلت ليك راه كنولد واش مكتفهمش هو : صافي وااخ نوضي يالله تكاي عليا بشويا حتى ركبت فالسيارة و عادل مشا كيجريي للسبيطار وصلت دخلوني و عادل على اعصابو برا كيتسنا . و هو يخرج الطبيب عادل : اوا كيراها الطبيب : المريضة راه متقرش تولد خصها عملية مستعجلة و الا غادي نفقدو الطفلة و الام هو : شنووووو ! ( و هو يقبطو يقجو ) : و الله و يوقع شي حاجة لمراتي ولا لبنتي حتى نقلب هاد السبيطار سمعتي دير المجهود ديالك و خصهم بجوج اعيشو سمعتي الطبيب : سي عادل تكالما حنا نوجدو الغرفة و نتا سير لعند مراتك راه بغات تدوي معاك و هو يدخل اعندي مسكين صفر مخلوع عادل : حفصة متخافييش غادي تولدي و غادي تكون ملاك بيخير و تا نتي بيخير واخ انا : شوووووف انا راه كنبغييك بزااف سمعتيي راه وليت كنحماق علييك الا بقيت فالحياة … هو :حفصة متقوليش هاكا صافي غادي ديري عملية و غادي تكوني بيخير انا : سكت خليني نكمل ، الا بقيت عايشة قطع داك الاتفاقية بغيت نعيشو ب 3 بينا فدار وحدة سمعتي و الا مت طهلا فبنتنا راها امانة فعنقك ( بداو كيبكييو بجوووج . اصلا حتا انا بقيت كنبكي ههه ) و هو يجي الطبيب : غادي ناخدو المريضة انا : بلاتييي و جا لعندي قبط لي فيدي مغادي يوقع ليك والو غادي نعيشو ب 3 بينا فدار وحدة ا حفصة سمعتي . و هو يبوسني من جبهتي و انا كنبكي و مبتاسمة و دخلوني للغرفة العمليات … بقا عادل برا كيتقطع و كيدعي و فجأة كيشوف واحد للممرضة خارجة كتجري و عادل كيعيط ليها و هي مشات تعيط على طبيب اخر و كتقوليه غادي نفقدو لمريضة… و دخلو عاود بقاو ساعة و هو كيتسنااا والو حتى كيخرج الطبيب شاف فيه عادل : دكتور شنوووو ! كيراهم الطبيب : سكت واحد

السكتة …. و هو يهبط راسو و قال ليه… كيف قلت الطبيب صديق عادل و اكبد ادوزها عليه ههه قال ليه : بنتك فصة جد جيدة تبارك الله مشحال زوينا عادل : الحمد لله يا ربي و حفصة طبيب : حفصة مازال فاقدة الوعي ولكن راها مزيان عادل : ياك ما شي حاجة خطيرة الطبيب :لاااا راهم بجوج بصحة جيدة عادل : ( و هو يغوت ) الحمد لله ياااا ربيي . واش نقدر نشوفهم الطبيب : البنت دبا غادي اخرجوها تشوفها و هي اخرجو ملاك ماشاء الله اسم على مسمى بحال الملاك غير هزها عادل هبطو ليه الدمووع بالفرحة و كيضحك و كيبكي … بعد شي نص ساعة قالو ليه راه مراتك بيخير . دخل لعندي عادل : حفصة ! كيراكي انا : بيخير . فين بنتي ! عادل : راها غيجيبوها ليك دبا راها بيخيير انا : الحمد لله ياربي عادل : الحمد لله . و انا نزعم نقبط ليه فيدو : شكرا على كلشي ا عادل هو : متشكرينيش . انا خصني نقوليك سمحيلي على كلشي انا : خصنا ننساو كلشي و نبداو حياتنا من جديد هو : اككيييييد . و هي ادخلو ملاك و غير هزاتها حفصة بدات كتبكي كتبكي بجهد : و اخيرا شفتك ا بنتي و اخيراااا صافي بعد اسبوع خرجات من النستشفى و هي بيخير و رجعو لمدينتهم و فاجأو عائلاتهم بالخبر انهم كيبغيو بعضياتهم و غادي اعيشو الى الابد ان شاء الله جميع و حفصة فرحااانة و حتى عادل كبرو بنتهم اللي عندها دبا 3 سنين . و عادل ديما مهبل حفصة باش تزيد شي وليد و هي مازال كتفكر هههه -النهااااية- كنتمنى تعجبكم رأيكم فقصة بنوتات😍❤

Leave a comment