Skip links

قصة : دائما هناك أمل كاملة

 3,199 عدد مشاهداات

👑دائما هناك أمل👑
بقلمي:هناء المنصوري✍🏻
الجزء: الاول قراءة ممتعة☺

“الله أكبر الله أكببر”

سمعات صوت الاذان .. خرجات من كوزينتها كاتمسح يدها فالطبلية اللي لابسة .. مشات للحمام اللي كان قدام الكوزينة .. دخلات توضات و خرجات كاتنشف وجهها ويديها .. مشات جيهت بيت النعاس اللي كان قبالت الحمام .. قاطعهم الصالون اللي كان كبيير وواسع مفرش فراش مغربي تقليدي .. جامع بين اللون الموف و الكري .. مع زريبية فالكري .. دخلات لبيت النعاس اللي وااسع حتى هو .. مفرش بالكري و البيض .. لونها المفضل هي وراجلها هو الكري .. لبسات عباية الصلاة وشالها .. فرشات السجادة ووقفات كاتكبر .. سلات صلاتها .. بقات جالسة على السجادة .. كاتدعي و تعااود من كلل قللبها .. أمنييتها الوحييدة حاالياا

أمل كادعي بكل خشوع:يااربي الحبييب .. إنك السمييع العلييم .. الغفوور الرحييم .. رزقني الذرية الصاالحة يااربيي .. نفرحوو انا وراجلي بموولوودنا الاول .. يااربيي رزقني .. نتا اللي لاقلتي كنن فيكوون .. قل لامنيتي كوني يااربيي العزييز ياربيي (سلات دعواتها و ناضت جمعات السجادة .. قلعات عباية الصلاة .. بقات بديك الكسيوة القصيرة و الطابلية فوقها .. شعرها مجموع بقراصة وخرجات من البيت للكوزينة .. كاتكمل تفوار كسكسو ديالها .. دازت تقريبا ربع ساعة و هي كاتحرك فالكوزينة و كاطيب و تغسل اي قشعة وسخااتها .. ماحسات غي بيدين محاوطينها من خصرها و انفاسو عند عنقها .. دارت مبتاسمة عنقاتو كاتدلكلو عنقو و كتافو)

امل بابتسامة:حبيبوو .. جيتي بوحدك ماجبتيش معاك خالتي

عمر كايشمشم ريحة كسكسو:لا أحبيبتي جيت بوحدي .. مممم ريحة كاتحمق .. ربي يخليلك هاد اليدييدات (باسلها كف يدها من داخل) بالنسبة للواليدة صونيت عليها مللي خرجت من الخدمة .. قالتلي بلا ماندوز عليها .. راها غاتجي مع غفار .. غاتجيبهم مليكة

نوال غوبشات:مليكة؟ علاش غاتجي؟
عمر بعدم اهتمام:تلقايها جات عند الواليدة و قاتلها راحنا عارضينهم عليها ..

نوال بعدات من قدامو بانزعاج:انا نمشي نبدل عليا علاما يكونو جاو
عمر:واخا اعمري خودي راحتك

👑دائما هناك أمل👑
بقلمي:هناء المنصوري✍🏻
الجزء: الثاني قراءة ممتعة☺

خرجات من بيت النعاس لابسة فراشة خفيفة فالكري .. شعرها ضافراه للجنب و دايرة ميكاب خفييف وريحة خفييفة معطرة كاتشم منها .. قربات عند عمر اللي لابس قندورة زريرقة خفيفة .. داير الدوزيام كايتفرج فالاخبار .. سمعو الدقان فالباب .. ناضت أمل حلاتو و عمر موراها مبتاسم .. سلمات على عكوزتها اللولة و لوستها غفار .. معاهم بنت خالت عمر مليكة .. اللي كانت زوينة فوجهها .. وغليوضة .. شعرها مصبوغ فالحمر اكاجو .. وبويوضة .. امل مكاتحملهاش حيت قبل مايتزوجو .. هي و عمر حماتها كانت معارضة زواجهم .. وكانت ناوية لولدها بنت ختها .. دخلو بعدما رحبو بيهم .. جلسو فالصالون كايتجمعو على الاحوال ..

فاطمة (مت عمر):ايوا كي غادي مع الخدمة أولدي؟
عمر:مزيان الحمد لله
امل وقفات:نوض نغرف سكسو يكون وجد (مشات للكوزينة خلاتهم كايتجمعو .. قادات سكسو فالكصعة و زيناتو بسبع خضاري و اللحم .. خرجات بيه الفوار طالع منو وريحتو كاتشهي .. حطاتو فوق الطبلة المدورة دالصالة و مشات لعندهم فين كانو جالسين)

امل بابتسامة:اجيو راني حطيت
ناضو كولهم للطبلة جلسو كياكلو .. عمر طاح عما فسكسو جا بنيين ..فاطمة بقات كاتشوف فأمل و كاتميق .. شافت فمليكة اللي كانت حاضية عمر .. قرصاتها غي شافت فيها غمزاتها .. حنحنات و قالت:ايوا أبنتي باقي ماجا الخبار الزين؟

أمل وحلاتلها عرفاتها كادويلها على الحبالة:احم باقي ماجاب الله
فاطمة عوجات سيفتها:باقي ماجاب الله ولااا…

قاطعها عمر بنبرة جادة:الواليدة ماشي وقت هاد الهضرة .. كوليي

فاطمة كتاكل بشوية و تميق فأمل اللي مابقالها فين تدوزها وحلاتهالها .. سلاو الغدا .. ناضت امل كاتجمع الطبلة .. غسلات الماعن ووجدات طبسيل عاامر بالليمون التفاح البنان ووالفريز .. كاع الفاكهة اللي فالدار وجداتها .. نزلاتها فوق الطبلة .. كانو جالسين غي غفار و مليكة

امل باستفسار:فين عمر ووخالتي؟
مليكة كاتعوج فهضرتها:راهما فالصالون لاخر كايدويو

امل:نمشي نشوفهم (مشات للصالون لاخر .. كانو جالسين بجوج الراس فالراس و فاطمة كاتدوي وتكحل الضواسا)

فاطمة:ايوا كيفما شفتي 5 سنين دالزواج ماولداتش ولا حتى حس الحبالة ماسقنالها .. بزااف هادشي انا باغا نشوف وليداتك نتا و نشدهم فيدي .. باينة فيها عااكرا مكاتولدش .. نتا مباغيش التريكة همم؟ مباغيش ولاد تكل عليهم فاش تكبر؟

‎عمر:باغي ولكن باقي مجابش الله و راحنا مشينا لشحال من طبيب دوزنا انا ويااها .. بجوجنا كانولدو مكاين حد فينا عقييم كيفما قلتي

‎فاطمة:اووف اولدي سمعني راها تكون مزورة التحاليل بزااف على خمس سنين ماولداات .. كون تسمع مني خوود منها الموافقة و تزوج بنت خالتك .. زيينة و رزيينة و من العاائلة هي اللي تصلاحلك و تجيبلك التريكة

‎عمر تافاف:ولكن..
‎قاطعاتو فاطمة:مكاينش ولكن .. غاتدير هادشي
‎عمر بقلة حيلة:غانفكر ونرد علييك

‎أمل دخلات عينيها مغرغرين بالدمووع:غاتفكررر؟
‎عمر وقف شاف فيها بصدمة:امممل

‎امل نفات براسها كاتعض على شفتها التحتية .. سنانها كايترعدو:غااتفككر اعممر .. غااتفكر واش تتزوج علياا ولالاااا .. هادي هي أخرة العشرةةة؟

👑دائما هناك أمل👑
بقلمي:هناء المنصوري✍🏻
الجزء: الثالث قراءة ممتعة☺

فاطمة وقفات مغوبشة:اييوا نتيي عااكرة هو شننووو ذنببووو هااا؟ يبقا بلااا ولااد؟

أمل شافت فيها محاملاش الكلمة اللي قالتهالها غوتاات بكل جهدها:انااااا مااااشيييي عاااكرة شحااال من الطبييب قاالييي كاااين أملللل كووولهمم

فاطمة خنزرات فيها:شفتك كاتعليي صووتك علييااا ..ماابقاا احتررااام .. سمعييي ادييكااا ولديي غاتسنيييلو على المواافقة يتزووج وبزز مننننك

املل كااتررعد:يطلللقنييي و يتزووج اما انا مستحييل نقبل تدخل عليا الضرة مستحييييل (شافت فعمر اللي سمع الطلاق رجعع حمممر .. شافت فيه شوفة دخيبة أمل و خرجات كاتجري من داك الصالون لبيت النعاس .. لبسات عباية وشال لواتو على راسها وبلغة كل حاجة فلون .. خرجات طاايرة رضخاات البااب .. عمر خرج كاايعييط بسميتها)

عمر:امللل امللل فيينك .. (شاف فغفار) فيينهاا؟
غفار:لبسات عبايتها ووخرجاات
عمر خرج عينو فيها:شنووو؟ (كان خارج حتى جراتو مو من يدو)

فاطمة:دابا هادي المرى اللي كنتي غاتموووت و تزووجهااا؟ تضحية صغييرة على قبلك ماقدااتش دييرهاا هممم؟؟ وزاايدااها بالتسنطييح وتشعط فالبيبان و تعلييي صووتها .. انا ماكنتش كانقدر حتى نقول أه ولا لا فاش كادوي معايا عكوووزتيي اما بااك فحتى راسي مكانعلييهش فيييه .. تربية أخرر الزمااان من الاحسن طللقها و تهنا من الجلااخة

عمر خرج فبها عيينو:أشنووو .. نطللقهااا؟ وابربييي لاكانتلهااا هه قالك نطللقها (دفع يد مو و خررج تابع أملل .. فاطمة شافت فمليكة و غمزاتها)
فاطمة:هه قرييب تمشيي فحاالها و دخلي نتي لهاد الدار تكوني نتيي مولاتهاا
مليكة بتاسمات بخبث .. شافت فغفار اللي خنزرات فيهم معاجبهاش الوضع هزات صاكها و خرجات هوما تبعوها
اما عمر فخرج كايقلب فجوايه العمارة فاش ساكنين .. بالزربة ركب فطموبيلتو مرسيدس كحلة على قد الحال و نطالق كايقلب فالزنااقي .. عيا ماايقلبب جاتو فكرة تكون مشات لدارهم .. بالزربة قلب الطرييق عاافط على الكسيراتور .. حتى وقف فدربهم مشا لدارهم كايصووني و يعاود حتى طلات عليه ختها صغييورة
عمر:امل هنا؟
رودينة:لا مكايناس .. مزاتس
عمر بقا كايشووف فيها و طلع فطموبيلتو .. مشا لراس الدرب و حاضي لاتجي … ساعة .. ساعتين .. ثلاثة دالسواايع .. أذن العشاا ومبانتشش .. مل كايتسنا و قلب الطريق لدارهم .. دخل و كلو أمل يلقاها رجعات ولكن واالو .. الدار كيفما خلاها باقا .. جلس فوق المطاربة كايتسنا و يزعزع رجلو .. خايف علييها لايوقعلها شي حاجة

👑دائما هناك أمل👑
بقلمي:هناء المنصوري✍🏻
الجزء:الرابع قراءة ممتعة

جالسة بين مجموعة من النسا .. معلية كفوفها للسما و كاتدعي و تعااود لربي الجلييل يحقق أمنييتها بالذرية الصالحة .. الليل كولو كادعي بكلل خشوووع .. عيونها شلاال دالدموع هاابطين و هي كادعي حتى كاتحس بقلببها غيخرج و تنخصيصات كايخرجو من أعمااق قلبها

أمل:يااربيي الحبييب ياااربيي ياربيييي (سلات دعائها .. بقوة ماعيات تكات على سجادتها و غمضات عينها ترتااح .. حتى غفاات)

“الله أكبر الله أكبر”
حلات عينيها القهويين على صوت الاذان .. دورات عينيها كاتشوف فيناهيا .. كانت باقا فالجامع فوق السجادة .. ناضت جلسات كاتسمع لاذان الفجر .. مشات بالزربة لبيت الما توضات و خرجات تصافات كاتصلي الفجر حتى هي مع القلة دالنسا اللي فالجامع فهاد الوقت .. دوزاات ساعتاين كاتصلي و تدعي بكل خشووع .. حتى عيات و مشات خارجة من الجامع .. كان ضو الصباح بدا يبان .. الرييح قوووية ففصل الصييف .. نقيطات دالشتا كايطييحو .. هي تلوات على بعضها و زربات خطاويها غادة لدارها … كاترعد و حمرةةة مزنكةة .. راسها حاسة بيه غايطرطق و سخوونة بزاااف .. بدات كاتزااد الشتا حتى سردااتها كااملةة .. ربع ساعة عااد وصلات لدارها .. طلعات للعمارة كاتنهد و تقفقف .. طلعات بشووية عليها مسهووتة .. وقفات فباب الدار كادقدق .. تحل الباب دغيا .. خرج عمر اللي باينة فيه مانعس ماشافو .. شاف حالة مرتو خرجو عينيه .. دخلها بالزربة مزير على كتافها
عمرر بصوت عالي:فيين كنتتي؟
امل كاترمش بالزز:كنت فالجامع
عمر رخف يديه:شنووو؟
أمل بابتسامة:كنت كاندعي سيدي ربي يرزقنا الذرية الحسنة
عمر غي كايشوف فيها .. هي بتاسماتلو و مشات كاتلوح الخلفات بالزز غادة جيهت بيت النعاس .. غي وصلات للباب حلاتو دارت عندو مبتاسمة:مممم بغيت نقولك .. لا بغيتي من غدا نعطيك الموافقة تتزوج .. انا ماعنديش الحق نحرمك من الولاد
عمر مازحزحش عينو عليه .. هي بتاسماتلو و دخلات للبيت .. قلعات العباية و الشال و دموعها بداو كاينزلو على خدوودها كايحرقووها فقلبها .. جات تقلع الكسوة اللي سردات حتى هي، الارض مشات و جات بيها .. كاتشوف غي الضبابة قبالتها .. حتى طاحت فاقدة وعيها .. مع طيحتها طاح قدامها واحد الفاز سمعو عمر من برا فيقو من الصدمة اللي كان فيها .. دخل عندها طاااير

👑دائما هناك أمل👑
بقلمي:هناء المنصوري✍🏻
الجزء: الخامس

دخل مخلوع للبيت .. وزاااد تخلع مللي شافها طايحة فالارض فاقدة وعيها .. قرب هزها كانت طاايبة بين يدوو .. بالزربة حطها فوق الفراش كايدوز يدو على وجهها

عمر بخوف:أمل .. امل نتي بخيير .. امللل شوفي فيااا

امل والو مكاتجاوبشش فخطرة هو وقف مفافي معارف مايدير بقا غادي جاي .. عااد تفكر واحد الجارة قدامهم راها طبيبة .. خرج طااير لعندها كايدق و يصووني .. حتى تحل الباب و خرجات عندو ملوية فبينوار طويل مضهشرة بالنعاس

عمر بالزربة:امل امل سخفات و سخونة بزااف

هي فعفعها:واخا هانا جايا دابا
عمر سبقها دخل للدار خلا الباب مردودة .. هي لبسات جلابة فالصومو و جمعات شعرها … هزات ادواتها الطبية و خرجات من شقتها دخلات لعندهم .. مشات لبيت النعاس نيشان حيت هي صاحبة امل و شحال من مرة جات عندها .. نص ساعة دازت دوزاتلها و دارتلها ابرة خافضة للحرارة ..

الدكتورة:ها هاد السيرو عطيهلها مللي تفيق .. و مع ديك العشرة ضرووري جيبها عندي للعيادة .. بغيت ندوز عليها حيت شكيت فواحد الحاجة

عمر باستغراب:شنو هي؟
الدكتورة؛بلاتي نتأكد و نشاء الله يكون خير ماتنساش كمادات بما باردين باش يعاونو فنزول الحرارة .. يلاه خليتكم بخير (مشات خرجات فحالها .. عمر شاف فأمل و قربلها كايديرلها الكمادات اللي وجدهوملها .. مانعسش كااع .. فخطرة حاضيها كايدوز يدو على وجهها .. خايف عليها عمرها مرضات هاد المرضة .. قرب باسلها حنكها و بعد .. تحسس جبهتها و ذاتها كانت الحرارة نخافضات .. ناض كايتكسل مشا للدوش .. غسل وجهو و كب الماا على راسو باارديين .. سالا خرج كايمسح راسو حتى شافها ناضت جالسة حاطة يدها على راسها)

عمر جلس قدامها:أمل بخير دابا؟
امل بابتسامة باهتة:ممم بخيير
عمر وقف:بلاتي نوجدلك الفطور باش تشربي دواك و نمشيو عند نرجس للعيادة تديرلك كنترول

امل مجاوباتوش هو مشا للكوزينة كايوجدلها الفطور .. وجدو خداهلها اللي كان فالكوزينة حطولها فداك البلاطو .. وكلها بيدو هي كل تفكيرها فهضرة حماتها و انها عمرها تولد ولا تحس بالأمومة .. شافت فعمر عينيها مدمعيين .. قرب بشووية باس شنيفاتها بوسة خفيفة ووبعد

عمر بحنان:حبيبتي ماتفكريش بزااف .. نوضي ديري دوش خفييف نمشيو للعيادة
امل بتعب:انا بخير بلا من عيادة
عمر غوبش:لا خاص ضروري باش نطمن عليك اجي (شدها من يدها نوضها .. مشا بيها للدوش .. هي بتاسماتلو عنقاتو و دخلات تدوش)

مسافة الطريق كانو وصلو للعيادة دنرجس .. دخلو شادين فيدين بعضهم .. ستقبلاتهم نرجس

نرجس:مرحباا بييكم .. تشربو شي حاجة؟
عمر/أمل:لا شكرا
‎نرجس بتاسمات شافت فأمل:شوية دابا أأمل؟
‎امل:ممم بخيير الحمد لله
‎نرجس:اجي معايا ندوزلك
‎امل ناضت معاها دخلو لواحد الغرفة اخرى و بدات كادوزلها .. سالاتلها و خرجو نرجس كاتبتاسم..

‎عمر باستفسار:قوليلي فاش كنتي شاكة وواش تاكدتي؟
‎نرجس بابتسامة:اه كنت شاكة فواحد الحاجة و تأكدت منها دابا
‎أمل:شنو هي؟

‎نرجس بابتسامة كاتنقل بصرها بين أمل و عمر:احم احم .. كنت شاكة أن امل حاااملة و صدقات بصح حاملة
‎عمر:مافهمتكش؟
‎امل:شنو قلتي عاودي؟

‎نرجس كاضحك:راه امل حااملة .. بجوج سيمانات
‎عمر:من نيتك؟
‎أمل غرغرو عينيها:كاضحكي معايا؟

‎نرجس :واش هادشي فيه الضحك راني تأكدت وهااا التحاليل (مداتلهم ورقة شدها عمر كايقراها و يعاود)
‎عمر:مايمكنشش
‎أمل شدات على فمها و دموعها نازلين على وجهها؛واخيييرااااا ربي ستجااب لدعوااتي
‎عمر حنا لركابيها شاد يديها بين يدو .. بدا كايبوس فييهم و يعااود:ألله احلى خببر فحياااتييييي

‎أمل حنات عندو عنقاتو كاتبكي:أخيييرا ياربي الحبييب شكراا شكرااا

‎عمر كايضحك:انا غانولي اب ههههه اببب ابببب ههههههه

‎أمل كاتشوفو كي فرحان فرحات معااه كثثر ربي اللي عالم بفرحتها المضوبلة على فرحتو اخيير ربي غايرزقهم الذرية الصاالحة أخييرا أملهم تحقق .. دييما كااين أملل ماتحبسووش من الدعااء .. خاص يكون عندكم يقين ان ربيي ديما كايستااجب لعبدو
‎#النهااااية

Leave a comment