Skip links

قصة : حيراء الاستاذ 1

 5,214 عدد مشاهداات

🍒حيراء الاستاذ 🍒
…….بقلم:عواطف…..

حلت الوجدية الباب دخلت وتبعتها حيراء دخلو
الوجدية:اففف تهرسو رجليا من الشطيح
حيراء:وحتى انا اخالتي وليني والله الى شبعت درديك شفيت غدايدي
خرج من البيت ودار ايديه على خصرو
علي:تباااارك الله على المرأة لمحزم بها اشهد الوقت ءءء فين كنتو بعدا
ونت(وجه خطابو لحيراء)اش داك تخرجي لشي بلاصة مكفاك دكشي لدرتي لبنت اجي لهنا
حيراء تخشات فالوجدية
حيراء بشوية:خالتي عفاك متخليه يضربني
الوجدية :علي الله يهديك راه مشينا غير العرس ديال جيران
علي :انا كنهضر دبا مع هديك قلت ليك اجي لهنا
الوجدية قربت ليه :وعلى عفاك غير سمح ليها دوزها ليها هد المرة
على :(موجه كلامو لحيراء)يالله غبري من قدامي مبغيت نشوف وجهك ونت (كلامو لوجدية)سيري طيبي ليا منكول كتلتنا بالجوع فهد الدار يخخخ
الوجدية:وصافي أعلى دبا ندير ليك متكول
مشات حيراء بدلت عليها وكلها حزن محيت بها كيعاملها بحال عدوتو وهي مديرة لا بديها ولا رجليها فرشت بلاصتها وتخشات كتفكر وعينيها مدمعين كتلعن هد الحياة وهد العيشا

اصبحنا واصبح الملك لله
باقة ناعسة وكتحلم حتى نضت مخلوعة وطلقت غوة وااااع سمعتها الوجدية من الكوزينة وجات تجري
الوجدية:تي مالك اديك المصيبة خلعتني
حيراء: اففف اخالتي حلمت بلي تزوجت وطلقت
الوجدية:هههههه الله يعطيك شي عقل الشيطان خدام يدرس بك تما تي نوضي راه اتمشي عليك الوقت
حيراء:اويلي نسيت ليوم قريا افف خلني نوض نبدل عليا
خرجت الوجدية مشات تكمل توجاد الفطور اما حيراء فمشات غسلت سنانها ومشطات شعر ها ولبست كسوتها مع طبلية مدرسية هزات شكرتها وخرجت تفطر لقت باها
جالس يفطر
حيراء: صباح الخير ابا
على مجوبها مبقاش فيها الحال اصلا متعودة على هد التعامل فطرو من بعد خرجت شدات الطوبيس لتانوية

وقفت سيارة قدام بارك صغير قريب من المدرسة ونزل من سيارتو بكل تقة فالنفس واناقة حط نضرات سوداء على عينه هو حقيبة فيدو ودخل كل شي لبنات كيقولو شكون هدا البوكوس ويتسٱلو واش شي استاذ جديد وكاين لتحلت فيه
البنت1:الله شحال زوين ياختي بوقوس
البنت:اه مزينو ايمكن شي استاذ جديد
اما هو فدخل الإدارة لمكتب المدير لوقف ورحب به
المدير:اهلا بالسي مالك بن شقرون مرحبا بك فالمؤسسة ديالنا
مالك:شكرا هذا لطف منك سي جمال
المدير:تعرفتي على المؤسسة ولا نبغي ندور معاك تعرف عليها
مالك: شكرا لك درت فيها داك النهار لجبت الانتقال ديالي دبا خصني نبدا خدمتي ..
يتبع….

🍒 حيراء الاستاذ 🍒
……بقلم: عواطف…..

وصلت وقت الدخول والساحة كانت عامرة بالتلاميذ صونا جرس الدخول الاقسام وكلها دخل لقسمو وشد بلاصتو
جلست حيراء حدا هبة صحبتها تسلامو وكلسو عطينها لنميمة والضحك لدرجة مردو لبال لقسم لقلس ودرب الطم ضحكت حيراء. بالجهد تلفتت وهي تبلوكا بلاصتها
شفها كضحك وكل شي ساكت خنزر فيها وجلس فالبيرو ديالو بقا كيشوف فالتلاميد كلهم هلي نطق
مالك: السلام وعليكم كنعرفكم براسي انا الاستاذ مالك بن شقرون انخد بلاصت الأستاذة ديال الاجتماعيات ومن هنا لقدام انا لنقريكم كين لعندو شي سؤال يتفضل قبل من بدو
اما البنات فرهم كلهم تعجبو فيه
البنت 1:افف قلبي الصغير لا يتحمل
البنت2:ومشتي انا واش هد الزين كلو ايقرينا
البنت1:وياه من ليوم انفهم الاجتماعيات وانتبه مزيان
البنت:2هههههه ومشي غير انفهو انولو نكلو الاجتماعيات
درت عندهم حيراء:اوا باز لكم عزيز علكم تعناب
على البشري
البنت:1تي دوري قدامك دخلي سوقك
حيراء:(شدات فخصرها)والى مدرت شنو اديري بسلامة
مالك:هي نت (موجه كلامو لحيراء)دوري قدامك
اما حيراء فبقات مشادة مع البنت حتى نغزتها هبة
حيراء:اوو ملك على هد النغزة خلني نوريها الهضرة
مالك:(درب ايدو مع البيرو )انسة ملك شنو كاين
كل شي قفز من هد الدربة اما حيراء فشهقت مني شافتو يخزر فيها
حيراء:سمح ليا استاذ هي لسبقت
البنت:نت لدرتي عندنا ماشي حنا
حيراء:ولكن نت لبدتي بتخسار لهضرة
مالك:(بصوت مرتفع)سكااات اشهد التبرهيش راكم مقبلين على الجامعة وبقيت كتبرهشو سكتونا بزوجكم
يالله كل وحد ينوض يعرف براسو باش نبداو الدرس
بدا من الصف لحدا لباب كل وحد كيقول سميتو وعمرو واسم باه وهو وحالتو الاجتماعية وصلو عند هبة حتى هي عرفت براسها وحيراء كذلك جلست وهو ينطق
مالك:موجه كلامو لحيراء)نت ردي بالك مزيان ونقصي من الهضرة الخاوية يالله شي وحد يعطني الدفتار نشوف فين وصلت لكم الأستاذة
مدات ليه هبة الدفتار شاف بلي وصلو فالدرس ديال الحرب العالمية 2 ناض كتب درس فالسبورة وبدأ لهم الشرح من اللول حتى وصلت الساعة صونا الجرس وخرجو من عندو دخلو عند مادة الفرنسية من بعد مسالات حصة خرجت هبة وحيراء من المدرسة شدو الطوبيس تودعو فالطريق وكملت حيراء لدارهم نزلت غادية لدار حتى شافها حميدة وهو يوقفها
حميدة: اففف ازين اش كدير فيا واش مزال مهداك الله عليا
حيراء:حميدة سير بعد مني منقصك انا
حميدة:غير قولي ليا علاش مبغا تعطني فرصة والله حتى كنبغيك وكنموووت أعباد الله
حيراء:سكوت واش تصتيت اتشوهني سير عطني تساع ولا حتى نقولها لخالتي
مشات تخطاتو
حميدة:ونت ليا وانا ليك وديريها فبالك

وصلت الدار دقت حلاا ليها الوجدية الباب
الوجدية:على سلامتك ابنتي دخلي دخلي عونيني راه الشقا فوق راسي
حيراء:الله يسلمك وخا انبدل عليا ونجي نعون خالتي لحبييبة..
يتبع….

🍒 حيراء الاستاذ 🍒
…..بقلم :عواطف…. (3)

فالشركة ديال المعادن وبالضبط فيقاعة اجتماع مترئسو عزيز بن شقرون
عزيز:إوا اسيدنا هذشي لقررنا وان شاء الله ايدخل معنا شريك جديد باش تشهر سميتنا وتولي شركة معروفة فالبلاد ونحققو ارباح ونوصلو لقمة ونتما كموضفين نبغي كل وحد يدير خدمتو ….
سلا الاجتماع خرج عزيز بن شقرون ركب فسيارتو ومشا لفيلا ديالو حلت ليه الخدامة الباب
عزيز:فين هي الحاجة كاينة فالدار ولا خرجت
الخدامة: كاينة اسيدي رها فالجردة
خدامة:وخا سيري حطي لينا لغدا
توجه لجردة
عزيز:حاجة فرح شنو مساليا تاني دوك الدفار
فرح: عزيز راجلي العزيز جتي إوا ضروري من نكون ديما أنيقة
عزيز:لهلا يخطيك وخلاص المهم جيت بغيت نهضر معاك فحد الموضوع
فرح:ايه مرحبا شنو هو
عزيز:قريب ايجي وحد الصديق الى باقي عقلة عليه منويل داك الفرنسي لتلقيناع حدا برج ايفل وتغدينا معاه
فرح:اه اه عقلة وشكون ينسى داك النهار
عزيز:غدي يجي لمغرب ياك وبغيتك تحاولي تقربي من مراتو محيت ايولي شريك ديالنا فالشركة وهكا نقدرو تولي سميتنا معروفة فالمغرب وبرات المغرب
فرح:كون هاني غير يجي وعرض علهم وانا نتهلا فيهم ومتخاف من تحاجة
عزيز:(باس ليها ايدها)الله يخليك ديما هكا
جات الخدامة عيطت علهم يتغدو دخلو جلسو كياكلو حتى سمعو صونيت فالباب
فرح:فاطمة شوفي شكون لكيدق الباب
مشات حلت لباب
فاطمة:اهلا السي مالك
مالك:اهلا فاطمة عفاك دخلي ليا هذي لبيت وجبي ليا كأس عصير
فاطمة:وخا اسيدي
دخل لصالون لقاهم يتغدو
مالك:السلام وعليكم بصحة
عزيز:الله يعطيك الصحة اولدي كدوزت نهارك
فرح:ولدي جلس تغدا
مالك:(جلس فلكرسي)مزيان أول نهار كيكون متعب شوية
بقو كيتغدو ويهضرو عاود ليه عزيز على الشركة الجديدة ليدير ..

وصلت العشية راجعين من الحمام بزوج وهي تلقا بمرات براهيم
الوجدية :وتعالي احدة نقولك
جات عندها السلام وعليكم ياكنتو فالحمام
الوجدية:ايه كنا فيه الله يعطيك صحيحتك بغيت انقولك قولي لبنتك تعطي لبنت ختي تساع راه ديما مسببة ليها فالمشاكل
حدا:اهيا يانري واش سيرا تكولي بنت انا كدير لمشاكل إوا لهلا يحيك بنتك لجأت دربتها وهي برسها ورتني الدربة
حيراء:سمعني اخالتي والله مدربتها هي لكتجبد ليا الصداع بنتك محسادة
حدا:هاي هاي هاي على محسادة واش اتحسد فيك باش حسن منها ءءء ولا ياك مزيدين عليك دوك جوج زغيبات لفرسك تجنعي معاه
الوجدية:نت لتجمعي معاه وهاني تبريت فيك لمرة الجاية اتشوفي وجه الوجدية (جرت حيراء)يالله بنتي هد الناس مكيقبلوش الحق
مشاو كملو طريقهم اما. حدا فبقات كتعاير وتسب فهم غير بحدها
دخلو لدار وجدات حيراء براد اتاي وكلسو كيتفرجو فالمسلسل ديال حب خادع فدوزيم
تعشات لعشية وصل الليل جلس فمكتب صغير فبيتو كيقد شي تمارين صونا عليه وحد من صحابو وجوب
مالك:مساء الخير
ايهم:وفين اصحبي غير ليك الاتر
مالك:راك عارف مع الخدمة نت صافا
ايهم:وتى راه غبرت حتى صافي وبخير فوق السلك واش منتشوفوش
مالك:شاف فالساعة، اه باقي لوقت فين كاين نت
ايهم: كاين فحد البرتوش تجي كاين شي قوق هنا دوز عليه ومتندم
مالك:ههههه ياك اولد الطيط داكشي لمسالي وخا انجي دبا عندك صيفت ليا لوكليزاسيون
نهى المكالمة ونض ليك السي مالك لبس وحد التشور بيض و وسروال فالاسود وكويرة بالاسود هز لكونطاك وخرج …
يتبع….

🍒 حيراء الاستاذ 🍒
…. بقلم:عواطف…..(4)

جمعت الماعن خسلتهم ومشات لبيتها فين تنعس هزات كتوبة ديالها كتراجع حست بالملال دخلت كتبقشش فالانسطا وهي تلقا بالكونط ديالو دخلت لتصاورو وبقات كتشوفهم وحدة بوحدة
حيراء:صرحة بوقوس مع راسو هد الاستاذ سعدات هدي لتزوجو .
سدات التلفون وتخشات فراشها بقات كتفكر حتى غفات

وصل ومكاين ليك غير طيح كتر من النابض فالبرتوش غير وحدة تنسيك فالخرة دوز ابيل ليه
مالك:وفيينك اصحبي اش هد البلاصة عمرة غير بالق….
ايهم:هههههه وعلاه شنو سميتو شوف القدام راني جالس مع دوك لبنات
مالك:(كيقلب بعينه حتى شافو)اه صافي شتك
قطع عليه الخط وتوجه لعندو تسلم معاه مد ايدو لهدوك لبنات ليل لديرين بايهم سلم معاهم كلهم حتى لوحد جرتو جلس حداه ايهم زاد كيضحك
البنت :ايهم اشهد الزين مخبي علينا كلو محرم عليك
ايهم:ههههه إوا هاني جبتو لكم معندكم متسلوني راني انا لنتسلكم ليلة لوحدة
البنت:احح غير ليلة جاتك
مالك كيحاول يبتاسم وكيتحلف على صحبو بعينه قربت منو البنت حطت ايدها على صدرو وكتهضر بصوت مقحبن
شنو بان ليك تقضي الغرض
مالك:هااا
البنت:قربت لودنو وهضرت بشوية )اححح بغيتك تشهيتك
مالك:حس براسو تزير من هد الكلمة )علاش لا
نضت رمات بوسة لايهم فالهواء وشدات بيد مالك ودخلتو لوحد الغرفة مع الدخلة تلحت عليه بالبوسان والتوحويح جردتو من حويجو حس براسو سخن وهو يدفعها فوق الفراش وبدأ كيقطع عليها دوبيس بسنيه وكيجر هم اما هي فعجبها الحال بقو ساعات حتى وصلت ل12 هلي خرجو من البرتوش هو ايهم
مالك:دعيتك الله اش داك تجيبني هنا
ايهم:هههه ياك حتى قضيت لغرض هلي وليت تندم
مالك:وتا راه السيدة مازوخية وبغتني نسلخها
ايهم:ههههه وملك مشبعت فيها عصى هد النوع هدشي ليبغي
مالك:ملني انا مريضة يالله سير تلاح راني خدام غدا
ايهم:باي بصحتك الكويةهههه
مالك:(حل سيارتو)الله يعطيك الصحة

صبح الصباح كانت كتفطر باش تمشي لمدرسة
الوجدية:ومالك ابنيتي كتمكعزي على المكلة كولي
حيراء:مافياش الجوع
على:مافيك الجوع نوضي تهزي لمدرستك اش تسني
الوجدية:علي الله يهديك
نضت حيراء والدموع فعينيها تمنات باها شي نهار يتعامل معها مزيان لكن ديما نفس التعامل بهكا ولا فعينها بحال عزريل..
يتبع…..

🍒 حيراء الاستاذ 🍒
……بقلم: عواطف…..(5)

دربتو الفيقة شاف الساعة لقا 7:30 نض دخل الدوش دوش عليه خرج مسح شعرو وبدل لبس لباس رسمي بدلة بالبيج وهز حقيبتو ونزل لقا مو كتفطر
مالك: صبح الخير الوليدة
فرح: صبح النور الولدي
جلس كيفطر كلا شوية وناض باس لمو رسها
فرح: مكاتب والو اولدي
مالك: بركا عليا غادي نتعطل
خرج ركب فسيارتو ومشا لمؤسسة …

فالدرب غادية كتمشا بالزربة وهزة محفضة على كتافها لبسة سروال وشوميزة بالبيض وديرة شعرها كوتشفال جا وحد الشاب دير كاسك على وجه وسايق الموتور مشفها وكان ايخرج حبس الفران وكان ايتقلب كن ماشي رجلو لحط فالارض اما هي فطحت على ايدها وكتبكي محيت مالات قادة تحركها
هبة: هئ هئ تفو عليك الحمار كنتي اتهرسني
الشاب: جا شدها من شعرها شنو قلتي ءءء انا حمار
هزات فيه عينها الكريستالية المدمعين
هبة: طلق من شعري
كتحاول تنوض ولكن هو حكمها
الشاب: ورني جهدك يالله
هبة: (عضاتو فيدو حتى عيط ودازت كتاجري بعدت عليه ونطقا)هذي باش تعلم
الشاب: وخا البرهوشا مزال انتلقو
هز مطورو وكمل طريقو

وصلت المؤسسة لقات الناس كيدخلو يالله اتخطا الباب حتى سمعت شوحد كيعيط عليها درت وهي تلقها هبة
هبة:افف كيحسابلي تعطلت
حيراء: لا مطعتلنا والو
دخلو بزوج صونا جرس ديال الدخول دخلو عند الاسلاميات قرو الحصة ديالهم وشرح لهم الدرس وعطاهم تمارين دوز ساعة فالتمارين سلات الحصة خرجو
حيراء: افف منحمل هد الاستاذ ديما مغرقنا بالتمارين غير باش يشد داك المشقوق فيدو
هبة: مشتي انا انا منحمهم كاملين هد الاستاذ الجديد لمعرفت كيفاش ايكون
حيراء: نتمنو يكون مزيان
بقو مجمعين حدا القسم حتى وصلت الحصة ديال الرياضيات دخلو قرو شرح لهم الدرس سلات الحصة غادين خرجين من الموسسة كانت هبة كتشوف فحد المدابزة حدا القسم شي استاذ مع تلميد
هبة:حيراء شوفي معرفت شكون مدابز مع السي العرفي
حيراءغادية وكتشوفهم حتى خرجت فشي شخص وكانت اطيح وشدها
مالك: نت هذي ردي لبال فين تحطي رجليك
حيراء: سمح ليا استاذ مرديت البال
طلق منها
مالك: ردي لبال لمرا جاية
مشا وخلها
هبة تفرشخت بالضحك
هبة: ههههه كيقولو بحال هد الصدف كتجلب الحب
حيراء: ولواه كتجلب الزمر مشي مشي راه انطعتلو وملقو الزبل ديال الطوبيس
خرجو شافو طوبيس ايتحرك ومشو يجرو باش مي مشي علهم…..
يتبع….

🍒 حيراء الاستاذ 🍒
…..بقلم: عواطف…..(6)

دوز الحصص لعندو ليوم ورجع الدار صونا فالباب حلت ليه الخدامة طلع لبيتو بدل عليه لبس تشورت وقبية وسروال سبور نزل لتحت طلب من الخدامة تقد ليه كاس ديال القهوة وتجيبو ليه لبيتو ودكشي لدارت …شوية وجات الخدامة دقت
مالك:دخلي افاطمة
دخلت حطت ليه القهوة ديالو
فاطمة: تبغي شي حاجة مزال اسي مالك
مالك: لا شكرا
خرجت هو بقا خدام كيقاد البرنامج ديال القرايا ديالو لشنو ايدير لكل فوج

كانت كتراجع فكتوبتها حتى جا دخل عزريل كما كتقول ليه دخل بعجاجتو
علي:حيراااء فين اديك السلكوة ءءء خرجي لهنا
حيراء سمعتو وتخلعت تكب ليها الماء فالركابي خرجت الوجدية من الكوزينة لكانت كتوجد العشاء
الوجدية:علي ملك تاني شنو وقع
علي:فين هي هديك لديما جايبة ليا تباري ديال الناس واش انا مرتاح ءءء بغين نركبو فيا السكر
خرجت حيراء من بعد مسمعت خالتها كتهضر
حيراء:شنو درت تاني ابا
مشا علي حتال حدها وهز ايدو وصفق معاها حتى كانت اطيح على الحيط
علي:نت خصني نعود ليك التربية
جات الوجدية قدامها
الوجدية:علي بركا اش درت ليك البنت مالك تاني معها
علي:الوجدية بعدي خلني نربها
الوجدية:علي عطي البنت التساع راه بنتك زعمة
حيراء كتبكي وتنخصص وشادة حنكها هئ هئ والله مدرت والو هئ
علي:انا لكشوه بيا مانو مني مالني منو
دفع الوجدية وهو يجرها وهي كتغوت …
يتبع….

🍒 حيراء الاستاذ 🍒
……بقلم:عواطف…..(7)
حيراء:عفاك ابا هئ هئ هئ والله مدرت شي 😭😭 نت كضلمني
علي:زدي قدامي(جرها من شعرها)زدي يالكلبة ديما مشوهاني ديما الله ينعل النهار لجتي فيه لهد الدنيا
الوجدية:(نضت من الأرض كتغوت)واااكواااك أعباد الله علي طلق من البنت حرام عليك هئ هئ هدشي لدير ميبغيه لا الله ولا عبدو

جرها وكتغوت
حيراء:عفاااك مدخلنيش لتما هئ هئ هئ
علي : سكتي عليا ولا نصف لك الروح (حل وحد الغرفة صغيرة مضلمة وهو يدحيها حتى دخلت وساد الباب بالساروت)بقي لماك تما حتى تربي
الوجدية كتبكي وطلب فيه
الوجدية:هاااالعار اعلي حل على البنت رحمها رها بنت هئ هئ عفاااك
علي:(هز صبعو بتحدير)سمعني مزيان الوجدية والله وتمشي حتى تحلي ليها حتى نخلطك معاها وهاني علمتك
تخطها غادي خرج
علي: هدشي غادي يحاسبك الله عليه وغادي تندم هئ هئ
كتغوت ربي لخلقها وضرب فالباب
حيراء:حاااال وحرااام عليييك هئ عفااااك الظلام حل هئ هئ هئ
جلست الوجدية حدا البيت المظلم
الوجدية:هئ هئ عفاك ابنتي غير صبري مبدي حيلة
حيراء: هئ خالتي عفاااك حلي ليا ظلام وخفت بحدي (كتشهق وتبكي )عمرني انسمح ليك ابا هئ ديما ضالمني هئ
الوجدية: عفاك ابنتي كتقطعي ليا قلبي غير صبري غير يجي ونهز ليه السوارت ونحل ليك غير سكتي ابنتي هئ …

دخلت لدار وكضحك بكل جهدها
حدا:امدرة ابنتي شنو درتي
نهيلة: ههههه صافي ليوم يسلخها مفيهاش
حدا:كضحك .هكاك نبغيك باش تعلم الخنزة تعوج فمها وتهضر مزيان …
(فلاش باك)
صلى علي العصر ورجع من الجامع غادي لدار سمع شوحد كيعيط عليه دار جات عندو سلمت عليه وكتبكي وتشهق
علي:ملك ابنتي نهيلة ياك لباس
نهيلة: هئ هئ هئ هئ بنتك اعمي شوف شنو درت فيا (كتوريه شي حمورية فوجها لقدتها غير بالعكر حتى ولات تبان بحال ضرابي) مدرت ليها والو هئ وجات تلحت عليا فالمدرسة
علي(:تعصب هو عدوه وعدو لتبرا فيه )وخا ابنتي غير مسحها فيا انا غادي ندير معاها
نهيلة:هئ هئ لا اعمي بلا مدير ليها والو انا عرفة علاش كدير ليا هكا غير محيت شفتني كنجيب النقاط حسن منها غير قولها تبعد مني هئ هئ
علي: وخا ابنتي غير مسحها فيا
نهيلة:وخا اعمي
مشات ومسحيت دموعها وكضحك )إوا الا لا حيراء انعلمك مزيان تعودي تجي تبري فيا نت وديك العوجة ديال خالتك ههههه
علي ولا كيغلي عليها ومعصب مشا مرة لدار حل باب ….
(نهاية فلاش باك)

مزال جالس فبيتو حتى جات لخدامة علمتو بلي مو باه كيتسنوه فطابلة لعشا خبرها بلي جاي سد البسي حيد نضراتو ديال الشوف وهبط لقاهم كيتسنوه
مالك:مساء النور
فرح:مساء الخير اولدي يا مخرجت مني جيت؟
عزيز: ولدي غدا بغيتك تحضر فالمصنع ايكون حفل تكرمي
مالك: وخا الوليد لكن غير ميكون فصباح عندي حصص إضافية
عزيز: لا فالليل فاش ايكون
بدو كيتعشو مرة مرة كيهضرو فشي موضوع سلو العشا كل وحد طلع لبيتو …..
يتبع…..

🍒 حيراء الاستاذ 🍒
……بقلم:عواطف…..(8)

جالسة خشية راسها بين رجليها وعنقة راسها كتقفقف بالبرد وتبكي وخايفة وكتخايل فالغرفة بلي شي حاجة فيها كتغمض عينها بيديها وتشهق
حيراء:هئ هئ هئ علاش ياربي علااااش مدرت والو هئ علاش لممت مع ما وتهنيت خلتني فيدين عزريل ميعرف الرحمة ياربي نموت حسن ونتهنى من هد الدل ديالو هئ هئ كل شي البنات عندهم اباء زونين وضريفين الا انا عندي اب كافر فيا ومعدبني فحياتي وديما ضالمني علاش ياربي هد الظلم وهد العداب شنو درت فحياتي حتى نتلقا هدشي هئ هئ هئ
بقات كتبكي حتى غفات والدموع فعينها لتنفخو بالبكاء .
اصعب حاجة هي تكون مدير والو وتعرض لظلم ديال شي شخص ويحطو عليك شي حاجة نت مديرهاش والاصعب من ذلك ان البنت يكون عندها اب بحال هكا صعيب ومحنين فيها ومعتها قيمة وكأنها ماشي بنتو ولا كتعنيه نهائيا عزت النفس ديالو كتخلي بعض الآباء يكونو هكا مع ولادهم وهدشي كاين بزاف فالمجتمع ديالنا كتلقا بنت مسكينة محتاجة لحنان الاباء دولها لكن هما قسحين معها مكيرحمهاش مكيعطها حقها كبنت ليهم ويوقفو فجنبها هدشي لكيخلي بعض الابناء ينهرو ويحسو بالفراغ العائلي لمكاين مصعب منو لكن فاخير المطاف هدشي حتى لو حاولنا نوعو به بعض الآباء فمغديش يفهموه محيت هما صافي مشاو على داك المنوال ….

الوجدية جالسة على اعصابها كتسناه غير ايمتا يدخل قلبها كيتقطع ومفيدها مدير بقات كتسنى حتى وصلت 10:30 دخل لدار بحكم انه كيبقا خدام فالمحال لوحد الوقت متأخر
علي: حطي ليا العشا نتعشا
الوجدية: علي عفاك حل على البنت متكونش قاسح
علي: الوجدية سيري جبي ليا العشا هديك بنتي وانا لعارف كفاش نتعامل معها
الوجدية: كتقول بنتك ءءء واش فين بالك شي اب كيعامل ولادو هكا ءء
علي: شتي هداك العشا مبغتووو بنااااقص منو ومدخليش خصها تربى باش تعرف تصرف
الوجدية: الى كانت بنتك فرها بنت ختي وانا خالتها
علي: منتناقش معاك نمشي نعس حسن
دخل لبيت ينعس اما هي فبقات كتغلي مبدها والو …
يتبع…..

🍒 حيراء الاستاذ 🍒
……بقلم :عواطف….(9)

أشرقت شمس تشع نورا في محياها عقبات لبعض الاشخاص دون ان يدرك ذلك
صبحت مع الصباح وقفة ليه على راسو اما هو فراه كاع ممسوق ناعس
الوجدية:(كتحرك فيه بيدها)علي وعلي فيق راه صباح الصباح
علي:اش بغتي الوجدية خلني نعس
الوجدية:وغير فيق نقولك الله يردي عليك
علي:(ناض جلس)هاني شنو بغتي مع هد الصباح
الوجدية:(جلست حداه)وعفااك اعلي حل على البنت مسكينا من لبارح وهي نعسة فظلام الله يرضي عليك (بست ليه كتفو)الله يسهل عليك حل عليها مسكينة انا غادي نهضر معاها ونقولها دير عقلها وراه ايمشي عليها الوقت ديال القريا
علي:(شافيها شحال ونطق)هذ المرة التانية وانا ندوزها ليها على قبلك لكن المرة لخرى متجيش توصلني الى درت شي حاجة
الوجدية:وصافي كون هاني غير حل ليها مسكينة
علي:(مد ليها السروت)شدي حلي عليها لباب
شدات الوجدية السوارت ومشات حلت عليها لقتها مسكينة نعسة فالارض والسرق زيت غير يضور حدها فيقتها
الوجدية:حيراء بنتي نوضي الله يردي عليك
حلت حيراء عينها لتنفخو بالبكاء غير شفتها عنقتها ونفجرت بالبكاء من اول وجديد
حيراء:هئ هئ هئ خالتي متليت بغيت نعيش مع هد عزريل عفاك هربني لشي بلاصة هئ هئ هئ
الوجدية:(كتسكت فيها وقلبها كيتقطع من جهت بنت ختها)عفاك ابنتي غير صبري دبا يفرج الله شتووو صافي نوضي يالله خصكي تقري وتوصلي باش تخلصي من هد القيد ديال باك
ناضت حيراء مسحت عينها وشدات فيها الوجدية حتى ناضت مشات لطواليط غسلت وجها وسنانها مشتات شعرها ودرت ليه ضفيرة هزات شكرتها وخرجت لقات لوجدية مجدا ليها فطور كلات شوية وناضت باست ليها راسها وخرجت لمدرسة على أمل تنسى هدشي لوقع معها هد الليلة وعندها عزيمة باش تقرأ مزيان وتنجح وتقدر تحرر من هد الوحشية الأبوية…
فاق من النعاس دوش وبدل عليه لبس بدلة بالبيج هز حقيبتو وخرج ركب فسيارتو غادي لمؤسسة مسافة ديال الطريق وقف بسيارتو فالبارك بلاصها ودخل تلقا بوحد جوج أساتذة سلم معاهم وتعرف علهم بقاو يهضرو حتى صون جرس الانضار وكلها توجه لقسم فين ايقري دخل
مالك:السلام وعليكم
ردو عليه التلاميذ السلام
سل اللوزم ديالو حطهم فوق المكتب كيقيد الغياب وصل لسميتها عيط عليها لكن ما جوبت شاف فهبة لقا بلي جالسة بحدها يالله يسجلها فالغياب وهي دق باب ديال القسم
مالك:(شاف فالساعة ديالو)اشهد الوقت جبي ورقة التأخر
حيراء:عفاك استاذ اخر مرة
مالك:(شفها بلي عينها حمري ونطق)دخلي اول واخر مرة
دخلت حيراء شدات بلاصتها وهبة كتسول فيها ملها لكن مكتجوبهاش
سلا مالك تقيد الغياب بقا كيدير مرجعة معاهم لدرس لفات وكل شي كيشارك الا هي لبين عليها الاكتئاب والحزن .دخلو لمحور تاني من الدرس وبقا كيشرح ليهم ويفهمهم كل حاجة ويعطهم التمارين حتى تسلات الحصة صونا جرس الخروج خرجو التلاميد وخرجا هبة وحيراء حتى وقفهم بصوتو
مالك:أنسة حيراء المرني
حيراء:(درت عندو)نعام استاذ
مالك:هبة ايمكن لك تسنايها برا
خرجت هبة تسنها حدا القسم اما حيراء فمشات لمكتب عند الاستاذ مالك…
يتبع….

🍒 حيراء الاستاذ 🍒
….بقلم: عواطف….(10)
وقفت حدا المكتب ديالو
مالك:(كيشوف ليها فعينها لحمرين ومنفوخين) انسة المرني شنو عندك
حيراء:(هزات راسها )لا استاذ معندي والو
مالك:متأكدة بلي مكاين والو
حيراء:اه استاذ متأكدة
مالك:اكي يمكن لك تمشي
بتسمت ليه حيراء ابتسامة مصنعة وخرجت عند صحبتها
هبة:شنو بغاك الاستاذ
حيراء:والو سولني مالني
هبة:وشنو قلت ليه
حيراء:والو راه مبيا والو غير صهرت مع مسلسل ولو عينيا منفوخين بالصهير
هبة:متأكدة احيراء
حيراء:اه متأكدة خلينا نمشو انتعطلو على الحصة
مشو طلعو لقسم ديال الفلسفة وفطريقهم تلقات بنهيلة لغير شفت فعينيها وزات الضحك وتستهزء
نهيلة:اووبس حبيبة مل عينيك حمرين
حيراء:(مكرهتش تنتفها لكن مبغات تاني درها سبة وتعقب بسببها)هههه مبيهم والو بقيت كنرجع كما عرفة بلي قريب الامتحانات وانا ملفا نجي انا لولى خصني ندير مجهودي لهذا صهرت
نهيلة:(كتغدد من لداخل)اه مزيان
تخطتها مشات وهد الاخرين دخلو سولتها هبة
هبة:اففف يختي هد السيدة منحملها مكرهت شي نهار نتفها
حيراء: حتى انا مكنحملهاش وكتر منك
بقو مجمعين دخلت الاستاذ ديال الفلسفة بدات تشرح لهم فالدرس ديال ليوم ساعتين ديال الشرح والتمارين حتى سلات الحصة وخرجو ركبو فالطوبيس كما إعادة تفرقو فالطريق هبة مشات لدرهم فطريقها كانت وحد المجموعة ديال الدراري شفها وحد
الدري:دراري دراري شفو وحد التيتيز كدير
تلفتو الدراري كيشوفو فيها ديزا وحدرة رسها تلفت حتى هو بنت ليه بقا كيشوف فيها فهد اللحظة هزات عينيها ونيشا مشو ليه تبلوكات بلاصتها شدات فشكرتها وهي دوز كتجري هو شفها كتجري وتبعها بغي يشدها خلا الدراري لمعاه فحيرة واستغراب ….
يتبع….

🍒 حيراء الاستاذ 🍒
……بقلم:عواطف….(11)

كتجري وسط الدروبا لقات وحد الحيط وهي تخبا فيه وكترجع انفسها شدة فقلبها ومرة مرة كطل
هبة:افف الله يخد فيك الحق شكون نت واش داني نعيرك ياربي خرجها مني
طلت مرة أخرى تشوف يالله اترجع وهي تحس بشي وحد شدها من ايديها درت وهي تصدم بلاصتها
الدري:علامن كتقلبي ءء
هبة:طلق من ايدي شنو بغتي عندي ءءء اش درت ليك
الدري: هد السؤال انا لخصني نسولك علاش كتجري شكون تبعاك
هبة:(كتحاول تفك ايدها) وطلق طلق الزمر بعد مني فين نعرفك
الدري:(شدها من عنقها وقرب وجهو لوجهة بقا شحال كيشوف فعينها الكريستالية) علاش فيك تخسار الهضرة ءءء وزيدون انا لكنتسالك ماشي نت
هبة:بعد مني شنو تسلني فين نعرفك اصلا
الدري:(ورها ايدو لبلاصة لعضا زرقة)شوفو المجعورة شنو درتي خصني نديك لسبطار الجحم راك جحمتي
هبة:نت لقلبتي عليها ماشي انا وطلق دبا بلا منعود ليك خرى
الدري:هههه لا انا برجع الصرف (غفلها وهو يشد ايدها عضها حتى غوتت بالجهد وهو يسد ليها فمها بدو )هذي غير صرف ديال الحمار اما العضة فباقي الصرف ديالها
هبة:(دموعها كينزلو ليه على ايدو غفلتو وهي تعطيه برجلها لمعلم طلق منها بلهلا يطريه ليه وعطات رجليها لريح)مكيسواش احح امي على عضة در ليا ليعطيه موصيبة
اما الدري فبقى مسكين شد مركز الاساسي ههههه وكيحاول يرجع نفس وغير حتى نشد هد المرة افف اربي على ضقة …
فالمصنع كان عزيز جالس مع وحد من المسؤولين على العمال حتى دخل عندو الشخص لمسؤل على الحفل ليكون فالقاعة كبيرة ديال المصنع
المسؤول:سي عزيز راه وجدنا كل شي واش يمكن لخدامة يمشو
عزيز:واش تأكدتو لا تخص شي حاجة
المسؤول: كل شي مقاد اسي عزيز
عزيز: و خا يمكن لهم يمشو
خرج المسوؤل بقا كيهضرو هو المسؤول على العمالك على قبل شي الالت غادي يجو وكيعطيه شي أراء وافكار جداد…
حطين الغدا وكيتسنو فعلي يجي يتغدا سمعت الباب تحل وهي تركب فيها الخوف والرهبة دخل علي مشا لكوزينة غسل ايديه وجا خنزر فيها وهو يمد ليها ايدو حيراء بقات تشوف فيها شحال هلي سلمت عليه جلسو يكلو فصمت حتى نطق
علي:الوجدية مسافر وحد تلات ايام خصنا شي سلعة لمحال
الوجدية:اه الله يعاونك اعلي
علي: امين ردي بالك مزيان وبالخصوص هذي لا دير شي زبلة تاني
الوجدية:غير كون هاني
كملو مكلتهم رجع علي لمحال اما حيراء فمشات لبيتها كتراجع ومرة مرة كتفكر مامها هزات تلفونها دخلت لوتساب لقات هبة حال وهي تصيفت ليها بقو يهضرو ومجمعين وعاودات ليها هبة على البلان لوقع معاها اما حيراء فشبعت فيها ضحك

وصلت لعشية فبيتو كيقاد راسو ويلبس وبتأنق باش يحضر الحفل لكاين فالمصنع من بعد مسلا نزل لتحت كيتسنا مو تجهز لكتخد ساعات غير باش تماكي وتقاد صونا على صحبو
مالك:وصحبي فينك مبنتي
ايهم: اهلا بعشيري صافا مزيان وغير مع وحد التصميم ديال وحد الشركة
مالك:شي خدمة هدي
ايهم:واه ونت لباس شنو دير
مالك:والو كاين وحد الحفل فالمصنع ديال الوليد وانمشي ليه
ايهم:حلال عليك هههه نخليك دبا شنو بان ليك نتلقو غدا؟
مالك:اكي فالعشية نتلقو
هبطات مو مقادة الحالة وهزة صكها صغير فيدها
فرح: يالله اولدي راه سليت
مالك: الوليدة منورة ليوم
فرح: الله يخليك اولدي يالله نمشو قبل منطعطلو
خرجو مشاو الحفل لفلمصنع كان فيه بزاف ديال المدراء وبزاف ديار الرؤساء الصغار وشخصيات والسربية كيخدمو الضيوف ويجيبو ليهم لخصهم اما عزيز فكيعرف ولدو على بعض الشخصيات المعروفة ولعندهم علاقة بهد المجال ديال الصناعة بقا كيهضرو على الخدمة ويتعرفو حتى جاء وحد من الحراس ديال برا خبرو بشي حاجة فودو وهو يخرج عزيز فرحان
تلقا ليه عند الباب تسالم معاه سلام رجولي وسلم مع مرتو رحب بهم عيط لفرح لكانت ملهيا مع صحباتها لحديتهم كلو غير على الموضة واخير الصيحات واخر مديلات لخرجو فالحويج ستأدنت منهم ومشات
عزيز:فرح هذي زوجة منويل سميتها صمنطا
فرح:(تسلمت معها بلابيز) مرحبا بك عندنا فالمغرب احبيبة متشرفة بمعرفتك
منويل:مدام بن شقرون صافا عليك بخير
فرح:بخير اسي منويل ونت بخير
منويل:لباس لباس المغرب بلاد زوين بزاف
عزيز:ههه اه زوين بلادنا دقيقة نعيط على ولدي تعرفو عليه
مشا عزيز عند مالك لكان وقف مع شي رجال اما فرح بقات كتهضر معاهم وعطيهم خطر وضحك ليهم..؟
يتبع…..

🍒 حيراء الاستاذ 🍒
……بقلم:عواطف….(12)

حطين العشا كما العادة تعشو فصمت من بعد جمعت حيراء الماعن غسلتهم ومشات لبيتها حلات الفيسبوك بقات طلعة نزلة فالاخبار والى جها شي مساج كتجوب عليه
علي نجمع ليك السروال الكحل تهو
علي: الوجدية واش انبقا نعودها ليك جمعيه هو المنطو ديالو
بقات كتجمع ليه باش يبدل سدات الصاك ونعسو

مزال مسالات الحفلة كان كل وحد معامن مجمع
صمنطا:صرحة ولدك تبرك الله غزال بزاف
فرح:ربي يخليك احبيبة كيشبه ليا
صمنطا:حتى انا عندي بنت سميتها روزا
فرح:واش بصااح وعلاش مجبتها معاكم
صمنطا: مبغاتش راك عرفة ولاد ليوم كفاش ديرين
فرح:ههه اه بصاح وشحال فعمرها
صمنطا: 28عام هي كاتبة سنريوات الافلام الاجنبية
فرح:هكاك تبرك الله عليها
بقو مجمعين وشدين الهضرة حتى وصلت 1 سلاا الحفل وتودعو مع بعض الضيوف لمهمين وبينهم منويل ومراتو وكلها مشا لدارو باش يرتاح …

صباح نهار جديد فدار عند الوجدية خرج علي باش يسافر وصلا الوجدية على الدار وترد لبال لحيراء لدير شي حاجة فغيابو هذا هو تفكيرو خامج ومشا ..مشات الوجدية لبيت حيراء فيقتها علمتها باش تنوض تسخر ليها لجانوت نضت حيراء غسلت وجها لحت عليها عبيا وخرجت تسخر جبت الخبز والفرماج ولشكلاط ورجعة لدار جرا رجليها حتى وقف قدامها
حميدة: الزين ديالي اش هدشي باش خرجة ءءء
حيراء: واش نت معندك شغل ءءء فين ما دزت لقاك قدامي
حميدة: راني كنبغيك وكنتسطا واش تفهمي وعلاش لبسا هكا فالزنقة ءءء شوفي كيمزيرة عليك
حيراء:افف صبر ياربي واش انا نتفك من عزريل وبجي ليا جهنام وعطني تساع فين تعرفني
حميدة :(شدها من ايديها)نت ديالي كتفهمي ديال حميدة والله ويقرب ليك شي وحد حتى ندبحو
حيراء:(كتنطر ايدها منو)وطلق مني قالك ديالك انا ديال راسي ابنادم
نطرت ايدها منو ومشات وخلاتو كيهضر بالجهد
حميدة:وديااااالي ايييه ديااااالي بززاززز
هدشي كامل داز قدام عدوتها لسجلتو وصورتو فتلفونها
نهيلة:ههههه اح دبا انشوفو شنو ايدير معاك با علي هد المرة ايمنعك من الخروج مفيهاش هههههه

نزل مبوق بالنعاس مشا لفابو غسل وجهو ومشا لطابلة الفطور لقا مو وباه كيفطرو قالهم صباح الخير وجلس بقو كياكلو فصمت حتى نطقت فرح
فرح:(كتهضر وتشوف فمالك) عزيز فرسك لبارح صمنطا قالت ليا بلي عندها بنت عمرها 28 وملفوق كاتبة سنريوات
عزيز:تبرك الله ولكن مجبهاش معاهم
فرح:لا مجاتش لكن عرضت علهم غدا لعشا شنو رأيك ومنها نتعرفو علهم كتر وعلى روز شنو رأيك اولدي
مالك:دري لبغتي الوليدة
عزيز:فكرة زوينة منها نتقربو كتر ونتعرفو علهم
رجعو كياكلو كمل مكلتهم ناض مالك طلع لبيتو كيوجد راسو محيت عندو حصة مع 10
كتبدل حويجها باش تقرأ محيت عندها حصة ديال الاجتماعيات واخرى ديال السبور لبست بدلة وسبدرين مشتاط شعرها كوت شوفال هزات سكادو ديالها وخرجات كتمشى حتى وصلت لحدا بلاصة الطوبيس وهي توقف ورها ونطقت
نهيلة:حبيبة جا معاك حميدة توتيتو بعضكم ههههه
حيراء:(ضرت عندها)اش كتخربقي ءءء هد التكلبين ديالك فين اتوصلي به تفو على شيطانة
نهيلة:بصحتي ورحتي وغير بلاتي حتى نتلقا بعمي علي واتشوفي
حيراء:لفجهدك ديريه راك مفسرك والو وربي كيعاقب الاشرار
نهيلة:مفسريا والو تسناي(خرجت تلفون ورتها التصور والفيديو)هههه ودبا غير هدو ايخلوك تمنعي من هد القريا لحاسة برسك من جهتها
حيراء:(تخلعت)نت مكتسوي وسيري قولها ليه مكنخاف من بحالك
جا طوبيس وقف ركبت حيراء هي لولة خلصت وشدات بلاصتها وفقلبها الخوف اكيد الى وراتو لبا غدي يتيقها. ونصدق فشي حاجة اخرى اففف شنو خصني ندير….
يتبع….

🍒 حيراء الاستاذ 🍒
…. بقلم عواطف…..(13)

كتمشا فالدرب وكطلب ياربي متلقاه كل مرة كتلفت فجنبها حضيا لخرج ليها من شي قنت
هبة:ياربي منين تصلت عليا هد بنادم وليت نمشي وخايفة نسيت انا مكنخاف منو
بقات كتمشى وصلت حدا فين يوقف الطوبيس شفتو جاي ورتحت وقف الطوبيس تلفتت وهو يبان ليها جاي من الدرب بحد المطور كبير دغيا طلعت الطوبيس وصلو المؤسسة نزلت ودخلت مشات حدا قسمها لقات حيراء وقفة وشاردة وكتفكر
هبة:هيهو فين ساهيا
حيراء:صبح الخير هبة افف عندي وحد المشكل
هبة:قولي شنو عندك
صونات ديال الدخول لاقسام. ندخلو وعودي ليا
دخلو التلاميد القسم وكين الصداع وحيراء عودت ليها كل شي على نهيلة وشنو درت فيها وشنو نويا دير
هبة:شتي الكلبة والله الى شهتني نتفها شوفي انقولك شنو انديرو
بقات كتعاود ليها الخطة. فهد اللحظة دخل مالك لقا علهم السلام كاين لردو وكان ين لي لا قيد الغياب لمحضر وبدأ كيشرح لهم فالدرس وكل شي منتبه الا هبة وحيراء لكانو كيهضرو ويتفقو شنو ايدرو .
كيسمع صوت الوشوشة وزعجو مخلاه يركز مرة اللور وتغضى المرة الثانية المرة تالتة وهو يدرب الفتر مع السبورة
مالك:نت وياها ملنا شنو وقع ءءء كتقلبو على شي تقرير انا كنشرح ونتما ممسوقين
حيراء وهبة تخلعو حتى قفزو من بلاصتهم حدرو رسهم
هبة:سمح لينا استاذ
مالك:أنسة لمرني تحولي اجي لطويلة لقدام ومن ليوم فصاعدا اتبقي تجلسي فهد الطويلة
نضت حيراء بلا حتى متزيد كلمة جلست ورجع كيشرح من جديد تسالات الحصة وخرجو بزوجهم باش يديرو لفبالهم
مشو عند السبور وحتى نهيلة كان عندها حصة ديال السبور حيراء مشات تلعب اما هبة فقالت الاستاذ بلي مريضة غكلي وجلست تسنتهم حتى خرج كل شي من الفيستيغ وبانت ليها نهيلة حطات ساكها فوق وحد الطابلة مشات طلبت من الاستاذ واش يمكن ليها تجلس فوق الطابلة محيت كاين البرد وقالها غير جلسي جلست وشافت كل شي ملهي وكيلعب والاستاذ مشا من حدها حلات ليها صكها قلبتو لقات تلفون فجيب الصغير هزتو ولكن لقات فيه الكود
هبة:تفو وو الكلبة ديرة الكود ولكن منتفكش ليوم
بقات كتفكر وهي ضحك ههههه ضغطت على الجنب فين كاين البلاصة ديال الفوليم والبلاصة من تسد تلي بقات ضغطة حتى خرجت ليها شي كتبة وضغطت على فوغماتي وفرمتها كلها رجعت كأول مرة تشرات حلتها قلبت لقات بلي كل شي مشا ضحكت بشر وهي ترجعها بلاصتها وناضت من تما حولت لبلاصة …بقو كيديرو سبور ساعة كلها من بعد تسلات الحصة وجو تلاميذ باش يهزو محافضهم شافت فيها حيراء وتبسمت ليها وطمنتها بعينها هزات ساكدو ديالها وغادين وهبة كتخرا بالضحك على هد شي لدرت
هبة:هههههههه اااففف اففف اوتشوفي نتقمت ليك منها
حيراء:(مستغربة)شنو درتي المسخوطة
هبة:متصوريش شنو درت ليها
حيراء:وقولي خلاص شوقتني نعرف
هبة: فرماتيت ليها تلي كامل مبقا فيه والو ومحطيتو حتى تأكدت بلي كل شي مشا
حيراء:ويليي والله حتى شيطانة صافي نت ولكن عبرتي عليها هههههه
مشو كيضحكو حتى وصلو حدا الطوبيس تسنوه حتى جاء وركبو ….
يتبع….

🍒 حيراء الاستاذ 🍒
…..بقلم عواطف….(14)

قبل متنزل قالت ليها يخرجو هي ويها هد العشية حيراء تفكرت بلي باها مكاين وقالت ليها وخا هبطات هبة وكما عادتها غادية لدر يالله درت مع درب وهي تلقاه مسند على الحيط وحط ايد على ايد تخلعات معرفت واش تهرب ولا توجه مصيرها قررت هد المرة متهرب واش اتبقا ديما هربة اما هو فيكتسنها غير تلقها لجرى تاني تمشات حتى وقفت قدامو
هبة:شنو بغت مني علاش ديما تبعني
الدري:(مد ليها ايدو)سلام سمتي عصام كنسكون فدرب لحداكم
هبة:(مملفش ليها تسالم مع الدراري ولا تكتر لهم)انا مكنسلمش
عصام: حشومة من الادب تسلمي الى شي وحد مد ايدو
مدت ايها ليه وتسالم معاها جاتو ايدها صغيرة ورطبة مسخلا يطلق منها
هبة:(كتجر ايدها )وصافي طلق من ايدي
عصام:سميتك بعدا
هبة:سمتي هبة يالله طلق
طلق من ايديها
عصام:بغيت نتعرف عليك كتر
هبة:انا مكيعجبنيش نهضر مع الداري
عصام:ولكن انا بغي نتعرف عليك محيت عجبتني شنو فيها تعطني فرصة
هبة:نت باين فيك غير من هد الوشمات لدير بلي شي بزناز وانا مبغيتش نتعرف عليك
عصام:(صرحة هي عندها الحق انا بزناز لكن ماشي خيب ولا كنتعدا على ناس )تخطها ومشا بدون حتى كلمة
اما هي فبقات مستغربة من طريقة لمشا بدون ميقول والو هزات كتفها وكملت طريقها لدار

وصلت العشية مشات الكوزينة لقات الوجدية كدير المسمن المعمر بست ليها راسها
حيراء: تبارك الله على خالتي الحادكة
الوجدية:الله يبارك فيك كملتي مرجعة
حيراء:اه اخالتي وبغيت نطلب طليبة
الوجدية:قولي نسمع
حيراء: هبة صحبتي لكنت عودت ليك عليها قالت ليا نخرجو نضرو شوية والله حتى قنط
الوجدية:وخا ابنتي سيري لكن ردو بالكم سيري تحت حوجي واتلقي 200درهم وهزيها الى بغتي شي حاجة
حيراء:(عنقتها)ربي يخليك اخالتي
مشات بدلت لبست كسوا طويلة معها فيست وقدت شعرها خلاتو مطلوق درت شوية الفنديشن وكلوس خفيف هزات ساك صغير درت فيه الفلوس والتلي وخرجت كتمشى شفتو وهي تزرب فمشيتها لحق عليها كيجري
حميدة:فين غادية بهد الحالة دوي
حيراء:واش نت معندك ميدار مقبلني غير انا اسيدي مسقك دخل سوق رسك
مشات وخلاتو اما حميدة كيتحلف عليها غير حتى يتزوجها وتشوف الصراط منين ايدوزها
كيحلم هد حميدة بزاف مجا يشوف الصراط مناش ديزة مسكينة ههههه
شدات طوبيس دوزت ابيل لهبة ودرت معها البلاصة فين يتلقو وقطعت ورجعتو الصاك

ركب فسيارة ديالو وايهم من مراه كيحاول يلعب معاه ويتسابق معاه حل مالك الزاج ونطق
مالك:ههههه بين حياتك رخيصة نقص السرعة شوية بلا لعب دراري صغار
ايهم:انا حياتي بحال لعبة وكيعجبني نكون انا لمتحكم وانشوف شكون ايسبق لخور
زاد ايهم من سرعة ومالك حتى هو كيحاول يوصل ليه بقاو فسباق حتى وصلو بلصو سيارة فبارك ديال السياراة بقو كيتمشو حدا البحر وايهم كيعود ليه على وحد الهندسة ديال وحد الشركة كيديرها
تلقت بهبة وتسلمو بلابيز بقو كيتصورو كدرو حدا لبحر هبة شافت شي شخص وهي تنغز حيراء
هبة:حيراء شوفي شكون هنا حتى هو كيضور
تلفتت حيراء
حيراء: الاستاذ مالك
هبة:خلينا نمشو نسلمو عليه
حيراء:اش بغيناه قرينا عندو غير صباح
هبة:(جرتها)وغير زدي

كانو كيهضرو ويشوفو فالبحر وامواجو حتى وقف علهم جوج بنات
هبة:السلام وعليكم استاذ مالك فرصة سعيدة
مالك:اهلا انيسات بخير
هبة:بخير الحمدلله
مد ايهم ايدو سلم مع هبة انا صديق ديالو نتما تلميدات عندو
هبة:اه كنقرو عندو
مالك:أنسة حيراء لباس عليك
حيراء:بخير استاذ
ايهم :(مد ايدو سلم مع حيراء)سميتك زوينة بحالك
فهد اللحظة نغزو مالك
كنقصد بلي سميتك عجبتني
حيراء:شكرا لك
مالك:شنو كديرو هنا
هبة:غير قنطنا وقلنا نخرجو شوية نخليوكم بلا منصدعكم
ايهم:لا لا مكاين حتى صداع ايمكن لكم تبقو معانا
قرب مالك لحدا ودنو:(واش نت حمق هدو رهم تلميدات ماشي بنات البرتوش رد بالك
هضر ايهم بشوية:(وملها شنو فيها خلهم نتعرفو متعرف هههه )نتمشو
ومنها نتعرفو كتر

بقو كيتمشو ويهضرو طبعا غير هبة وايهم هما لمنوضنها اما حيراء غير ساكتا مالك مرة مرة كيشوف فيها كفاش ساكتة وفالقسم متسكت …
يتبع….

🍒 حيراء الاستاذ 🍒
…..بقلم عواطف…..(15)
قربت الشمس تغرب نضو ودعهم ومشاو رجعين لدار
هبة:الله شحال ضريف هدا ايهم ومتفتح
حيراء:اه بصاح ضريف وكيعجبو الضحك
هبة:ونت ملك مني جلستي ونت ساكتة
حيراء:شنو بغتني نقول انا مامالفاش نجمع
هبة:وخا يالله نشدو طاكسي راه الوقت وماما اتخسم الى مجيت بكري
مشاو وقفو فالطريق كيتسنو الطاكسي دزو وحد جوج دراري بالموطور ديالهم وزادو كيتبسلو علهم ويتحرشو بهم هد الظاهرة منتشرة بزاف فبلادنا وخا تلبس الخنشة مغادي يخلوك الله يستر ..وحد الدري صغر تصفرة ديال زعمة راكم تيتيز
الدري:(قرب من حيراء)الزين صافا عليك
نطقت هبة:خويا سير بعد منا عطينا تساع
الدري:انا مكنهضرشي معاك معوصحبتك
هزات فيه صبعها
هبة:واش مكتحشمش كتبسلو على بنات عباد الله سير عطينا التساع
الدري:قليلة الادب هذي ملك كتنقزي
هبة:نت هو قليل الادب حنى مبغينا نهضرو معاكم
الدري:اصلا انا مبغي نهضر معاك جيت على قبل هد الزين
فهد اللحظة حط ايدو على كتف حيراء لبدورها نترت ايديها منو ودربتو بترشا
حيراء:شنو كيحساب ليك ءءء حتى بنات الزنقة حتى تجي وتحط ايدك عليا
دري بقا فيه الحال وخصوصا انه دربتو قدام صحبو لوقف بعيد عليه فوق المتور وكيتسناه شد ليها ايديها وهو يلوها ليها حتى غوتات من حر الوجع
هبة كتحاول دفع فيه لكن والو قسح عليها
الدري:كفاش كتجرئي الكلبة تهزي ايدك وضربني ءءء
حيراء:اي طلق مني الحمار
زاد زير عليها هز ايدو ايصرفقها حتى حس بدو تشدت ليه دار يشوف شكون لقاه مالك دربو بكرشي لوجه حتى طلق من حيراء
مالك:اش كتقلب اشمتا عند البنات ءءء
بقا كيعطيه الوجه حتى سيل ليه الدم من نيفو
دري ناض هرب اما حيراء متلات قادة تحرك ايدها
مالك:ياك مدار لكم والو
هبة:هداك استاذ حمار خشاك جاي كيتبسل علينا فاش كنا انشدو طاكسي
حيراء:افف ايدي كضرني مقدة نحركها
مالك:انشوف ليك(شد ايدها)بدا كيحركها كبحالة كيدير ليها ترويض وهي كاحاول تصبر )غير تقصحتي شوية فاش تمشي لدار دري ليها تلج اكي
حيراء:شكرا استاذ
هبة:سمح لينا مرضناك معانا
مالك:لا واجب أنا راه شفتو فاش جاء عندكم وبدأ كيتبسل غير بصدفة كنا راجع لدار احسن مابقوش تبقو برا حتال هد الوقت
هبة:وخا استاذ شكرا
مالك:يالله نوصلكم
حيراء:لا استاذ بلا منعدبك
مالك:زيدو مكاين حتى عداب
مشو ركبو معاه وصل هبة هي لولا لنزلت وشكراتو غادية كتمشى فالدرب حتى شدتها شي يد وزدتها مع الحيط وعينه حمرين وبين عليه معصب هبة تخلعت قربات تبولها فسرولها بهد النضرات الشرسة
عصام:(كيهضر تحت سنيه)شكون هداك الزمل لجابك ءء هضري
هبة:(تلفت عليها الهضرة وبقات ساكتة
عصام:هضريييي كنتسااااك ولا الموووش كااال لسانك هضرييي
هبة:ءءء شكون
عصام هز ايدو وعطها لوجه
عصام:هدشي علاش رفضة تعطني فرصة ءءء محيت عجبك شي وحد اخور قولي (شدها من عنقها وهي دموع فعينيها)سمعنييي مزيااااان نت من ليوووم لعصااام والى شفتك ركبة مع شي وحد انقطع ليك رجلك
طلق منها ودبا غبري من قدامي
هبة:(مسحت دموعها)انا مدياااااال توحد فهمت وهد التصرفقة غادي تندم عليها غير بلاتي
زدات وخلاتو وحاسة بلي حكر عليها وزرب عليها وهي كتكره لحكرها
عصام:كنتسنى تندمني..
يتبع….

🍒 حيراء الاستاذ 🍒
…..بقلم عواطف…..(16)
وصلها لدرب ديالها قبل متحيد الصمطة وتهبط سولها
مالك:هنا فين كتسكني
حيراء:اه هنا فين تسكن
مالك:مزيان تصبحي على خير
حيراء:شكرا لك استاذ
هبطات من سيارتو. فهد اللحظة كانت نهيلة كتسد السرجم وشافتها هابطة من السيارة كحلة زو ينة.
نهيلة:ماما اجي اجي تشوفي هههه الكلبة قالك حتى هي ولات تجيبها الطموبيل حتال الدرب
جات حادا طال
حاد ا:والله الى حيراء وشكون هداك لجبها
نهيلة:ميكون شي وحد كيضحك عليها ولكن غير بلاتي انشريها ليها واندمها نوريها تفلاشي ليا تلفون هي وديك الكلبة لخرى ديال هبة
دقات الباب حلات ليها الوجدية
الوجدية:على السلامة تعطلتي ابنتي ياك لباس
حيراء:لا مكاين والو اخالتي غير دورنا لقو طاكسي
الوجدية:بدلي حويجك واجي حطي العشا راه خصني نوض صباح بكري انحل المحال ديال باك
حيراء:اه وخا انمشي نحيدهم
طلعت حيراء بدلت عليها مسحت وجها جمعت شعرها لفوق مشات حطات الطاجين وحد صلاد فخوي والعصير وجلسو يكلو فهدوء عاودات ليها على شنو درو هد العشية باستتناء الدراري لتحرشو بهم محيت مابقى تخليها تخرج
جمعت المعين فاش كلو غسلتهم وطرفات الكوزينة ومشات حدا التلفازة كتفرج فحد البرنامج

وصل الدار حلت ليه فاطمة الباب دخل لقا مو شدة مجلا فيديها ديال ملابس وكتقلب باس ليها ايديها
مالك:ماما شنو كديري
فرح:كنقلب على وحد الجلابة يالله خرجات
مالك:هههه نتما النساء قتلكم غير اللباس والموضة
فرح:إوا ضروري من لبسو وانا كيعجبني تكون ديما كووول
مالك:وخا مزيان فين الوليد مزال مجا
فرح:مزال كنتسنوه ايجي باش نتعشاو
مالك:اكي حتى يجي وعيطو عليا انطلع لبيتي
مشا مالك طلع البيتو بدل عليه دوش وخرج كينشف راسو لبس قبية بالكري مع سروال بالكري وشعرو هبط على عينيه وابتسامتو البيضاء لزتو جامالية وداك الوسم لفدراعو حتى هو ممخلي ليه من الزين حل بيسي ديالو وصلو وحد الايمايل فيه شي معلومات بخصوص التلاميد من عند الحارس العام بقا كيقرأ فيهم حتى وصل لمعلومات ديال حيراء قرهم وبقا كيتفكر ديك التصرفقة لعطات لدري فاش حاول يقرب منها بتسم بشكل عفوي وقال
مالك:الشرسة البريئة
رجع كيكمل يقرأ معلومات على كل تلميد حتى جات فاطمة كدق دخلات
فاطمة:سي مالك راه العشاء واجد وسي عزيز جاء
مالك:اكي افاطمة هاني جاي
نزلت فاطمة اما هو فسد البسي ونزل جلس يكولو فهدوء فقط الصمت من بعد مسالو مكلة كل وحد مشا لبيتو….
يتبع….

🍒 حيراء الاستاذ 🍒
……..بقلم عواطف…(17)

صبح صباح جديد كله امل يرجو أن يكون هناك تغير افضل
فاقت كتكسل مشات الدوش غسلت حالتها لقات خالتها كتوجد طابلة الفطور عاونتها جلسو يفطرو بزوج جمعت الماعن بما انها ليوم مقريا خرجت الوجدية لمحال وفطرقها سمعت جوج عيالات كيهضرو
المراة1:فرسكي بلي بنت علي ولات تجيبها الطموبيل حتال الدار
المرأ2:اه يخيتي بنات اليوم متلو يحشمو
المرأ1:الله يسترنا وصافي
الوجدية تعصبات ومبغات تحط رسها فموقف محرج معاهم كملات طريقها المحال حلتو بقات خدامة وراعيا الخدمة
اما مالك فكما العادة عندو حصص إضافية ليوم فحد السنتر من بعد ما فطر مشا دوز وحد ساعتين ديال القريا كيشرح لهم ويدير معاهم تمارين ويوريهم كيفاش يخدمو على الخرائط …
وصلت وقت الغداء خرجت التسخر بما ان ماماها مريضة شوية مشات جبت ليها شي دواء من الفرماسيان حتى تلقاتو فالدرب وقف بمطورو مع وحد الدري لمحها جاية وبقا متبع ليها العين اما هي فشفتو وهي تحدر رسها مدتها فيه مشات دخلت الفرماسيان خدات دواء ديال الرأس وديال السخانة وخرجت راجعة للدار حتى وقف قدامها
عصام:هبة بغيت نهضر معاه
هبة:ندمكاين فاش نهضرو بعد من طريقي
عصام:هبة متعصبي طواسلي راه مقصدت نضربك لكن نت ستفزتني بسكتك
هبة:اصلا نت شكون ءءء شكون باش تهز عليا ايدك بغيت ليك الكرد فيها لا نت با ولا ما ولا خويا ولا رجلي ولا حتى خطيبي
عصام:اجي نهار لنكون وحدة فهدو
هبة:راك كنحلم بزاف نقص من الأحلام
تخطاتو وخلاتو وقف
عصام:اتحقق وحدة من هدو وغير تسني وشوفي..

وجدات الغداء فوق الطابلة وكل شي باش غير دخل الوجدية وتلقى كل شي واجد بقات كتفرج فحد المسلسل حتى سمعت لباب تحل دخلت الوجدية وهي تمشي بغات تسلم معها لكن نطرت ايدها
الوجدية:قولي ليا شكون جبك لبارح
حيراء:(بإستغراب)علاش
الوجدية:جوبي معامن جتي لبارح ءءء انا تيقة فيك ومخلياك على رحتك ونت كدري هد التصرفات
حيراء:سمعني اخالتي انا معمري انفقدك تقة ديالك لبارح وقع وحد المشكل
زات كتعود ليها كل شي حيراء
الوجدية:رضي البال ابنتي راه هد المجتمع لعيشين فيه مكيرحم
حيراء:وخا اخالتي يالله راه وجدت الغدا
الوجدية:انمشي نغسل ايديا ونجي …

فالسبير ماركت كانت فرح وفاطمة كيتقدو وفرح لغير تهز وتحط فرحنة بهد الضياف لغادي يجو فاطمة لكانت سايقة الكرسة لفيها هدكشي لشرات بقو كيشرو هدي وهدي حتى صافي عمرات جوج سشيات كبار وصلهم ليها وحد من المساعدين لكوف السيارة وركبت ومشاو

وصلت العشية حيراء كما العادة وجدات العشاء جات الوجدية بقو كيتعشو كتعود ليها على المحل
الوجدية:صرحة الخدمة زوينة بزاف كتخليك تعلمي وتكتسبي الخبرة
حيراء:اه اخالتي بصاح زوينة الخدمة
الوجدية:ان شاء الله ابنتي حتى نت تخدمي وتحقق داك الشي لبغتي
حيراء:امين اخالتي
سلو العشاء هزات الماعن مشات غسلتهم ودخلت لبيتها هزات تلفون كدخل لانستا والفب ومرمرة كتجوب على لصيفت ليها

فالدار بن شقرون كانت الطابلة وجدة بأشهى المأكولات والعصيرات ودكشي مزين اما فرح فكانت لبسة قفطان بالبيض وقادة الحالة مزيان وعزيز لكان فالصالون كيتسنى الضياف ديالو يشرفوه وفبيتو تسمع الصونيت فالباب طلبت من فاطمة تحل الباب مشات حلات لباب لهم ….
يتبع…..

🍒 حيراء الاستاذ 🍒
….بقلم عواطف…. (18)

ستقبلتهم فرح بكل حرارة وبالضحك دخلتهم الصلون مشات لكوزينة قالت لفاطمة توجد لهم اتاي والحلوة رجعت عندهم تعرف علهم كتر
فرح:هدي هي روز
صمنطا:اه هي هدي
فرح:تبرك الله عليها زوينا مساء الله
صمنطا:شكرا لك
روز:بيتكم زوين مقاد بطريقة تقليدية عجبني
فرح:عوينتك لزونين حنا كنمشو على عادات بلادنا وكيعجبني التقليدي
روز:مزيان اخالتي
هبط مالك لكان فغرفتو مني جاء من الحصص دخل لبيتو متلا خرج حتى لدابا شافتو فرح وعيطات عليه
فرح:مالك ولدي اجا
جاء مالك تعرف علهم لمرة التانية سلم على منويل لمنغامس فالهضرة مع عزيز على الخدمة وعلى لماشين الجداد ليخصوه هلي سلم مع صمنطا ومن بعد على روز لغير شافتو تعجبت فيه وخصوصا بنضرتو وباتسمتو الجدبة
فرح:روز هذا مالك ولدي استاذ ديال الاجتماعيات وكتعجبو خدمتو بزاف
روز:متشرفة بك
مالك:شكرا وانا كدلك
روز:شحال فعمرك
مالك:30سنة
روز:تبرك الله يزيد فعمرك
بقو كيهضرو ويتعارفو على بعضهم
ناضت فرح جلست حدا صمنطا وبقو يهضرو
فرح:صرحة جو مع بعضيتهم بزاف
صمنطا:(كتشوف فبنتها بفرحة بديا عليها)اه بصاح جو كيوت
فرح:مكرهتش ولدي يتزوج بشي بنت متقفة وتكون من عائلة مرموقة
صمنطا:مزيان حتى انا بغيت نشوف بنتي عروسا
فرح:شنو رأيك الى قنعنهم يتزوجو وخلينهم قراب من بعضيتهم
صمنطا:فكرة زوينة نولو عائلة وحدة
فرح:خلي كل شي عليا بينا بلي بنتك عجبها ولدي كنشوف نضرتها ليه كفاش ديرة
بقو يهضرو جابت فاطمة اتاي والحلوة وعطتهم اتاي وجلسو يشربو فهدوء كملو شريب طلبت منهم فرح يتفضلو لطابلة العشاء
ناضو كل وحد شد كرسي وبقو كيكلو ويهضرو مجمعين حتى وصلت 12ناضو تودعو معاهم وطلبو منهم يعود هد الزيارة وهد الاخرين لبغو حتى هما يشرفهم شي نهار دخلت فرح جلست حدا مالك وعزيز بقات ساكتة هي نطقات
فرح:صرحة اعزيز عجبتني روز بزاف بنت متقفة واعية ومستقلة بأفكارها وذاتها
عزيز:اه محيت هما اجانب هكا كيكونو
فرح:مكرهتش تكون مرات ولدي
مالك:(هز حاجبوفمو)الوليدة لاش كتخطي اكان
فرح:وعلاه مالها متلقاش حسن منها اولدي بنت متقفة بحالها
مالك:لا لا واش منيتك كتهضري انا نتزوج بفرنسية.
عزيز:صرحة اولدي البنت زوينة مفيها حتى دفو
مالك:انا مزال مكنفكر فزواج دبا
عزيز:خطرك
مالك:نخلكم صباح عندي حصص .
مشا مالك طلع لبيتو تخشا بلاصتو ونعس

صباح نهار جديد كل امل ناضت متجر رجليها من بعد ماسمعت بلي الباب كيدق مشات تحل وهي تخلع…..
يتبع….

🍒 حيراء الاستاذ 🍒
….. بقلم عواطف….(19)

تقدمت نحيت الباب حلت وهي تخلع شاف فيها فدهشة ونطق
علي:ملك شفتي جن قدامك حيدي من طريقي
(حيراء شدات ايدو باستها ليه وخا هو مكان عجبو الحال دخل )فين الوجدية
حيراء:فالبازار ابا
علي:ونت معندك قريا لجالسة فالدار
حيراء:لا ليوم مكنقروش
علي:سيري عمري ليا اتاي وجدي ليا شي حاجة يالله تكعدي
مشات حيراء لكوزينة عمراات براد اتاي رداتو فوق البوطة وسلات المسمن سخناتو وحطت زلايف فيهم الزيتون والزيت والعسل والفرماج ودتهم ليه وجها كل حزن تساؤل لفراسها شنو ايوقع الى عاملني با بطريقة حنينة ميخسر والو ….جبت اتاي من بعد مقدتو والمسمن وحطاتو دخلت لبيتها اما هو فجلس كيكل..
اب شيطان ليس في قلبه رحمة تجاه ابنته الوحيدة

فالدرب كانت وقفة حدا وحد الحيط كيجلسو فيه غير ربعة الشلهبية لكيتكيفو ودوك شمكارة ديال الدرب كتشوف ليمن وليسر ليكون حضيها شي وحد بقات وقفة حتى شفتو جاي غير وصل حداها وهي تجرو من ايدو
حميدة:تي اش بغتي عندي مع هد الليل ءءء
نهيلة:سووو سكوت وسمعني
حميدة:دوي شنو خصك عندي
نهيلة: نت بغتي حيراء ياك
حميدة:ونت اش عرفك وسوقك بعدا
نهيلة:وغير سمعني
حميدة:هاني طلقني راه فيا النعاس
نهيلة:انا غادي نعونك حتى تخدها وتزوج بها
حميدة:ههههه زوينة هادي وكادري ليها بسلامة
نهيلة:سمعني وتصنت
بقات كتعود ليه على الخطة وكفاش ايقدر تولي ديالو اما حميدة عجباتو الفكرة بزاف
حميدة:وليني شيطانة مع رسك ابليس وميقد عليها ولكن شنو المقابل ءءء عندك طلبي فلوس راه خوك مزلوط
نهيلة:لا مبغيا منك والو غير شفتك كتبغيها وقلت نعونك مجرد مساعدة إنسانية
حميدة:الله يحفضاك المهم اندشي نكمل نعاسي
نهيلة:وخا لكن هدشي بينتنا باش تنجح الخطة
مشا حميدة لعينه مسدودين بالنعاس اما نهيلة فبقات وقفة شحال كضحك وعجبها الحال
نهيلة:ههههه مسكين قاليك انعونو بلا والو هههه هدفي هو نخلي ديك الكلبة تعاني محيت كنكرها ..
رجعت لدار دخلت كتسلت حيدات فولارها لكانت مغطية به ومشات تخشات بلاصتها …

صبح صباح جديد مشرق تنبعث منه أشعة شمس ذهبية …

كيف العادة فاقت بتتقول طوات فرشها ومشات غسلت حالتها ومشتاط شعرها لبست سروال فالاسود مع كسوى هابطة شوية هزات طبليتها فيديها وسكادو ديالها وخرجت لقات باها يالله خرج الوجدية كتحط فطور لهم بزوز
الوجدية: حيراء اجي تفطري ابنتي
حيراء: كتسد صدايف الطابلية)وخا اخالتي
مشات جلست يفطرو
خالتي لبارح تعطلتي
الوجدية:اه ابنتي محيت كنت كنتحاسب مع الخدامة جو قالو ليا بلي بغو يتخلصو
حيراء:مم مزيان
فطرت وخرجت وصلت حدا مكان فين يوقف الطوبيس حتى جاء ركبت …
يتبع…..
🍒 حيراء الاستاذ 🍒
…….بقلم عواطف…..(20)

دخل لمؤسسة بلباسو الرسمي والنظارات فالعينين والمشية متتاقلة تلاقا باستاذ ديال الاسلاميات صفحو بقو كيهضرو شحال هلي تفارق معاه ومشا لقسم فين كيقري هد المرة سبق التلاميد كتب عنوان الدرس فالسبورة لهو عنوان درس في جغرافيا ديال الاتحاد الاوروبي
قاد المحاور ديالو فالسبورة وحط الفوتر وجلس هز تلفونو كيبقشش فيه حتى صونات ساعة ديال الدخول بدو يدخلو التلاميذ دخلت هبة ناض بدا فشرح الدرس وهي دق الباب بقا شحال كيشوف فيها هلي نطق
مالك:واش نت مكتعرفي معنى احترام الوقت
حيراء: استاذ راه ترسبور لمعطل
مالك:أنسة هد الأعذار غير مقبولين حضري فالوقت مفهموم دبا سيري جبي ورقة
حيراء: عفاك استاذ اخر مرة
مالك:هضرة منعودهاش جبي والورقة سمحت ليك مرة المرة الجاية لا دبا سيري مضعي ليا الوقت
حيراء ضربت رجليها مع الارض وكتنفخ
حيراء:تفو على بشار كدير عصبني نت لبقتي ليا فالحساب
مشات عند الحارس العام ومن حسن حضها لقات واحد كيقولو لو الدرويش ههه بحالو بحال لقاب ديالو عطاتو مبرر التأخر وعطها ورقة شكراتو ومشات دقات ودخلت مدات ليه الورقة بالتنفيض اما مالك معجبوش الحال من طريقة لمدات بها ليه الورقة بقا شحال يخزر فيها جلست بلاصتها حدا هبة
هبة:ملك اصحبتي تعطلتي
حيراء: افف عفاك راه معصبة متزدني راه الطريق بعيد شنو ندير ندير جناح
هبة:وصافي تهدني ..
مالك شفهم كيوشوشو وهو يدقر. بالفوتر فالصبورة رجعو كينتابهو وهو كيشرح لهم فالمحور الاول ديال الاتحاد الاوروبي
بقات مركزة مع الشرح حتى كتحس بلي شي حاجة فشعرها درت وخرجو عينيها ….
يتبع….

🍒 حيراء الاستاذ 🍒
…..بقلم عواطف….(21)

……فمكان بعيد على الاراضي المغربية بالضبط فمدينة سمسون التركية فحد الاحياء الفاخرة لفيهم غير الديور راقية وقفة فالبالكون بطولتها المتوسطة وبشعرها البوني وعينها العسلية ورموشها البونية لبسة تشورت وجمعة شعرها على شكل ديل حصان هزة في ايديها وحد السقي وكتسقي به المزروعات الوردات لفلبالكون لبلون الابيض لهو لون السلام والورود الصفراء لهما ورود الصفاء كدندن وتغني بصوت خافت أغنية مغربية هذا دليل على حبها لبلادها المغرب اشتياقها الكبير ليها بقات كتسقي الوردات ونفس الوقت كتغني ودندن حتى سمعت تلي كيصوني حطات السقاي ودخلت هزات تلفونها وغير شفت شكون المتصل وهي تبان علامة السعادة على وجها جوبت
جوليا:مامي واحلى مامي توحشتتتتتك بزاف
فرح: مشتي انا يااحلى اميرة فعائلة بن شقرون
جوليا:خبارك تمام احولك بخير وبابي واخي مالك كلكم بالف خير
فرح:كلنا بخير ونت لباس عليك مزال مبغا تجي لمغرب راه توحشتك ابنتي بزاف
جوليا:انجي امامي قريب
فرح:والله يردي عليك الى مااجي تجمع عائلتنا
جوليا:حاضر يامامي انجي قريب سلمي على بابي واخي
فرح:نقولها ليهم ردي لباب لراسك يالله بسلامة
نهات المكالمة رجعت كتكمل السقي ديال الوردات وهي كلها عزم وايرادة باش تمشي لبلادها…

كتبكي وتشهق وديرة فيها بلي مديرة والو وبريئة
البنت:والله استاذ مدرت ليها والو هئ هئ
حارس العام: صافي ابنتي سكتي وخلني نفهم شنو وقع استاذ مالك قوليا شنو وقع
مالك: (كيشر لحيراء)هد الآنسة ضربت معا البنت
حيراء:ولكن استاذ راه هي لدرت ليا المسكة فشعري ولصقاتو مع الطاويلة
الحارس العام:(كلامو موجه لبنت)واش بصاح درتي ليها مسكة فشعرها؟
البنت:هئ هئ هئ والله استاذ مدرت والو
حيراء: بركا عليك من الكدوب علاش كتكدبي ءءء نت لدرتها
مالك:سكتنااا جيا معطلة وزيدها بالمضربات ملك ليوم شنو وكلة
حيراء:(تعصبت)معرفت علاش استاذ مكتقبلش الحق كنقولك هي لدرت ليا مسكة فشعري
مالك:قليلا الاداب علاش كتهضري هكا معيا ءءء
هز ايدو كان ايضربها بطرشة وشدها ليه الحارس العام
الدرويش:اسي مالك تهدن مكاين لاش تهز ايدك على تلميذة
مالك:(شاف فيها شحال بعصبية حول نضرو لحارس العام) ممكن شي ورقة ديال ربور
حيراء:(خرجت عينها وطحت دمعة منهم) نت استاذ ظلمتني هدشي لادير ضلم انك دير ليا ربور
اما مالك قيد ليها ربور وعطاه لحارس العام وخرج طلع ليه دم لرسو
اما حيراء فراه بقا فيها الحال بزاف
الحارس العام: بنتي حيراء متقلقي غادي نهضر معاه اكي
خرجت البنت وطلقت ضحكة مزيانة فيك تستهلي مشات لقسمها جلست بلاصتها وهزت تلفونها بالتخبية كتبت مساج

راه درت دكشي لطلبتي مني وعطاها الاستاذ ربور وخا كليت طرشة دربتني الق…. بطرشة
يتبع…..

🍒 حيراء الاستاذ 🍒
…..بقلم عواطف….(22)

دخلت لقسم هزات ساكدو ديالها وخرجات وفعينها دموع الحكرة والظلم خرجت من اللسي كتمشا فوق الترطوار وكتفكر والحزن ملي قلبها وكاين صراع داخلي كيقتل فيها
علاش انا بضبط كيوقع معايا هكا واش درت شي دنب ولاش ضلمت شي شخص شي نهار واش ماني بنت مزيانة واش نستهل هدشي اولا با لولدني ولمن دمو ودبا قريتي لهيا مهمة شنو هدشي ياربي واش اختبار ولا شنو هدشي لكيوقع معايا غير سلا الحوار الداخلي وهي تطلق شهقات ممزوجين بدموع هئ هئ هئ هئ هئ هئ ياربي متليت بغيت هد الحياة كنتعدب فيها فقط كل شي كيعاملني خايب وعلاش معرفت هئ هئ هئ هئ
بقات كتبكي وتشهق حتى حسات براسها رتاحت شفت وحد الكرسي جلست فوق منو وبدأت كتغني ..”يامرياتي يالي بتعرف حكايتي …يامرياتي يالي بتعرف حكايتي … ” كانت مغمضة عينيها ومرداتش لبال لشخص لجلس حدها ونطق
الشاب:الحياة دائما كتخليني فأسواء حالتنا مني مكلقو حتى سبيل كنلجؤ لبكاء وغالبا كنغنو شي مقطع لخلينا نزيدو فنبرة العينان وهدشي كلو باش نخرجو داك الصوت اليائس الداخل
حيراء حلت عينها وشافت فيه ونطقت
حيراء: الحياة اولا نقدرو نقولو قدرنا كيقصى علينا بزاف وكيخلينا ضعاف قدام ارادتو
الشاب: بتاسم وشاف فيها)نت غادي تعشي حياة حسن من هذي غير يكون عندك صبر جميل
غير قال هد الجملة وهو ينوض مشا وخلاها اما حيراء فبقات متبعة ليه العين حتى غبا مبقا كيبان ليها نضت شيرات.على طاكسي ركبت ومشات الدار

سلات الحصص ديالها وكل شي خرج مع 12:00 شفت طوبيس وقفاتو ركبت حتى وصلت لدرب نزلت كتمشى وساهية كتمشى بشوية حتى شدتها شي يد تخلعت حتى شهقات
الدري:الزين فين غادي متقصريش معايا هد النهار ءء
هبة كتحاول تفك منو كدفعو لديها
هبة:طلق مني شكون نت وشنو بغتي عندي طلااااق
بقا كيجبد فيها كيحاول يقرب لفمها وفديك الوقيتة مكاين لعتقك كل شي دخل يتغدا
الدري:وليني قاسحة مع راسك اجي لهنا فين غادا
هبة:وطلق الحمار تفو على بشار
بقا كيحاول يقرب يبوسها فمها هزت رجلها عطتو لمكان الرئيس شد فيه وكيتوجع اما هي فبقات كتجي وكتلفت وراها حتى خرجت فشي واحد وهي طيح فالارض تحنا عندها شد بيدها ناضت
عصام:ملك شنو وقع لاش كتجري
هبة بقات شحال تشوفيه وعنقاتو بجهد كأنها خيفة يهرب منها ولا يبعد عليها هي بتأتير الخوف عنقاتو اما عصام فصافي هد التعنقة كافية باش يعرف بلي هي بغاه يكون فحيتها زير عليها شحال هلي بعد عصام:قولي ملك
هبة:(شدها الخلعة)وحد وحد اففف لهيه
عصام:متعصبي دين مي هضري
هبة:واحد كان بغي يتعدا عليا
هنا عصام الاعصاب بدو كيترقصو ليه فوق راسو وزير على قبضة ايدو تخطها وغادي مع الدرب كيقلب عليه دار مع الدورة لقاه مزال شاد فالمكان السري هد الاخير لغير شفو وهو يخرجو عينه محيت عصام بزناز معروف فالحي ومكيرحم توحد …
يتبع….

🍒 حيراء الاستاذ 🍒
….بقلم عواطف….(23)

مشا في اتجاه ديالو جاعر وعينه كيرمو الشرارة شدو من قرفدتو وبدأ عليه بكروشي تبع كروشي حتى بدا نيفو يخوي الدم وشداتو الدوخة هبة غير شفت منضر دم وتخلعت مشات كتجبد فعصام
هبة:عفاك صافي اتقتلو طلق منو بركا
اما عصام معقل شنو يدير بقا كيصلخ فيه حتى طاح مغمي عليه هبط لعندو وشدو من الكول ديال القميجة ونفس الوقت شد فيد هبة ونطق
عصام:شوووف مزيان ازمل وحقق فهد الوجه (كيقصد ليه هبة)شنو ياك
الدري كيحرك غير راسو متا قاد حتى يهضر
عصام:هدي خاصة بيا نهار نشوفك قربت من جهتها ولا غير كلمة كلمتها اندفنك ونت عاااايش كتفهم
حرك ليه الدري راسو بوخا طلق منو عصام وشد فيد هبة جرها حتى نطرت ايدها منو
هبة:شرحي ليا كفاش خاصة بك ممم
عصام:اه كف سمعتي نت خاصة بيا عندك شي مشكل
هبة:شوف نقولك ماشي محيت دفعتي عليا ايحسابلك واش ربحتني رد بالك
قال هدشي ومشات
عصام:قولي غير شكرا نكرت الخير
وخا طيري نت اتكون ديال عصام فقط ابرهوشة

دخلت لدار لقات خالتها فالكوزينة سلمت عليها
الو جدية:على السلامة ابنتي
حيراء:الله يسلمك اخالتي
الوجدية:سيري ابنتي بدلي واجي حطي الغدا دبا يجي باك لغدا وميلقاه محطوط ويزيد يخاسم
حيراء:وخا اخالتي
مشات بدلت لبست بجامتها وخرجت حطات الغدا فوق الطابلة والعصير والشليد سمعت لباب كيدق مشات حلت سلمت عليه دخل عطاتو يغسل وتلمو يتغدوا فصمت حتى سلو الغدا جمعت الماعن طرفتهم وحطاتهم فبلاصتهم وقادت الكوزينة اما علي غير تغدا توضا وصلا ومشا لخدمتو
حيراء:خالتي بلا متفيقني عند 2:00 محيت مقاريا
الوجدية:علاش ابنتي ياك مامريضة
حيراء:لا الاستاذ الجديد دار ليا رابور
الوجدية:اووويلي شنو درتي يالمسخوطة ءءء
حيراء:وخالتي عفاك راك عرفني انا مكنجبد حد اصلا هو غير على سبة من نهار لول
الوجدية:إوا قولي شنو خلاه يدير ليك ربور
حيراء عودات ليها شنو وقع مع ديك البنت
الوجدية:وليني بنت الحرام هذيك الله يعطها جربة
حيراء:دبا الى قلتها لبا ايدير ليا حالة تاني وايزيد بارك عليا وانا مقادة على مشكل حتال غدا ونمشي نشوف شنو ندير
الوجدية:نمشي معاك ابنتي
حيراء:لا اخالتي غير خليك قاليا الحارس العام ايهضر معاه
انمشي نتكا شوية
الوجدية:وخا ابنتي رتاحي
مشات حيراء دخلت لبيتها ونعست بقات كتفكر شحال هلي دها النعاس اما الوجدية فمشات عند وحد جارتها تعاونها عندها سبوع ديال ولدها

فالبيت ديال عائلة بن شقرون كانت فرح فطابلة ديال لغدا هي وعزيز ومالك كيتغدو فهدوء تام حتى نطق عزيز
عزيز: ولدي مالك بغيت نهضر معاك مرة الغداء
مالك:وخا الوليد
كملو مكلتهم ناض عزيز مشا لمكتب ديالو ناض مالك حتى هو تبعو لقاه كيتسنى فيه
مالك:شنو الموضوع الوليد ياك مخصينك فلوس ءءء
عزيز:لا اوليدي مخصني حتى فلوس بغيت نهضر معاك فحد الموضوع مهم لمعمل ديالي لهو ديالك فالمستقبل ولكن هدشي لنقولك معرفت واش اتقتنع به ولا لا
مالك:هاني كنسمعك قوليا نعرف الموضوع بعدا…
يتبع…..

🍒 حيراء الاستاذ 🍒
… بقلم عواطف…..(24)

بقا كيعود ليه الموضوع وكيحاول يقنعو لكن مالك مفتنع بالفكرة
مالك:لا الوليد منقدرش ندير هكا غير على قبل مصالحي هذا ايتسمى نفاق
عزيز:غير حاول تستوعب شنو قلت ليك وفكر مزيان فمستقبلك وفمستقبالنا وفاعمالنا كفاش اتكون الى نت وفقتي
مالك:لا لا هد التصرف كلو غلاط وانا مبادئ مكتسمحش ليا ندير هكا
عزيز:مالك نسى دبا المبادئ هذشي ماشي غلاط المهم فكر مزيان وخود وقتك وحط قدام عينك المكانة لنقدرو نوصلو ليها
مالك:استسمح نخليك دبا
خرج مالك معجبوش هد الاقتراح ديال باباه هو ماشي من داك النوع الاستغلالي ليقدر يستغل شخص على قبل مصالحو عندو مبادئ اهم من اي مراتب ومن كل شي …خرج صونا لايهم دار معاه يتلقو فالكافي ودكشي لدار ركب فسيارتو وصل لوحد الكافي دخل جلس فحد طابلة بقا كيفكر فهد الاقتراح ونفس الوقت كيتسنى ايهم
ناعسة فبيتها وكتحلم حتى فقت قافزة على صوت التلفون لكيصوني جوبت
حيراء:الو هبة بخير
هبة:لباس الزين فينك مبنتيش ليا فاللسي
حيراء:واش مفخبارك بلي داك الزمر ديال الاستاذ دار ليا ربور ومنقدرش نحضر لحتى مادة الى مجبت لا
هبة:(بإستغراب) اويلي واش علا حساب محيت ضربتي هديك لبنت
حيراء:اصلا هو ظالمني وزيد ها بغها فيا انا عرفة داك النوع
هبة:وصافي اصحبتي ميبقاش فيك الحال جبي باك باش تقري راه الباك هذا ماشي اللعب
حيراء:(فخاطرها ياريت نقدر نقولها ليه )وخا انشوف سيري قرب بلا منشدك
قطعت المكالمة شافت الساعة لقات بلي 3:30 خرجت مشات لكوزينة جها الملال حتى خالتها مكاينة فالدار بقات كتوجد فالكسكروط درات المسمن معمر وكريبات بالشكلاط وجدات الحليب والقهوة غلاط دكشئ مشات شعلت تلفازة وبقات كتفرج حتى سمعت باب كيدق مشات حلات لقاتها خالتها لرجعات
الوجدية:(كتشمشم)بنتي شنو هد الريحة
حيراء:غير رحت المكلة جاني الملابس وملقيت مندير وقلت ندير كسكروط
الوجدية:تبرك الله على بنتي الله يرضي عليك إوا حطي لينا نكلو قبل ميبرد
مشات حيراء حطات دكشئ لوجدات وجلسو ياكلو والوجدية كتعود ليها على السبوع كيف كان
هكا دز الوقت بسرعة وصل ليل كان عزيز فطابلة العشا مع فرح وكيهضرو
فرح:شنو درتي مزال قدرتي تقنع مالك بالموضوع
عزيز:(كيكول ونفس الوقت يهضر)لا لبان ليا محال يوفق
فرح: غادي نخليه يوافق بطريقتي
عزيز:وكيف اديري ليها ءءء
فهد الاثناء دخل مالك
فرح:(شافتو)صافي من بعد وتعرف
دخل مالك لصالون لقاهم يتعشو فصمت ونطق
مالك:مساء النور
فرح:مساء الخير ولدي اجا تعشا
مالك:لا غير بصحة تعشيت برا مع ايهم
فرح:اكي اولدي رحتك
مالك:انطلع لبيتي رتاح تصبحو على خير
فرح:تصبح على خير
تحرك غادي لبيتو حتى وقفو صوت عزيز
عزيز: مالك فكرتي فالاقتراح
مالك:(دار لعندو)الوليد دكشي مافيه تفكير
كمل طريقو ….
يتبع…..

🍒 حيراء الاستاذ 🍒
…..بقلم عواطف….(25)

صبح صباح جديد نضت كيف العادة بدلت عليها لبست سروال فالبيج وشموز فالاسود دارت شعرها كوتشفال هزات سكادو ديالها خرجت بلا متفطر كتمشى بسرعة باش متلقى مع داك وجه النحس ديال حميدة وصلت لموقف الطوبيس تسناتو حتى جاء وركبت خلصت شدات بلاصتها
اما مالك فكمل فطورو هز حقيبة ديالو وخرج ركب فسيارتو طريقو ليسي غادي سيق بسرعة وصل لحدا لسي ايدور حتى خرجت شي وحدة قدامو مبيناش شكون هي فرنا بجهد حتى تحكو رويض مع الارض درت بالخلعة وخرجو عينها خرج صاعر من السيارة
مالك:واش مكتشوفيش ءءء ولا ياك مبغتيها فيا
حيراء:(مزال غير شدة قلبها بالخلعة تصمكت ) نت استاذ لمكتشوف كنت اتقتلني ونت لكيبان بلي بغتها فيا
مالك: نت بنت ممربيا وقلت الاداب فيك كثيرة
حيراء:(بقات تفكر الى تزيدات معاه فالهضرة فمغديش يحيد ليها الرابور )استاذ غير سمح ليا انا مني لفوت اكي
تخطتو ومشات غادية دخلة ..تفو على بنادم حس براسو كن ماشي داك الرابور انوريك الهضرة
اما مالك بقا متبع ليها لعين ولهد المخلوقة وكيحرك رسو بمعنى لا حول ركب فسيارتو ودخلها لبارك من بعد دخل ليسي اما حيراء فمشات لمكتب الحارس العام لقات درويش
حيراء:صباح الخير استاذ
درويش:صباح النور بنتي حيراء
حيراء:هضرتي ليا مزال مع الاستاذ باش يحيد ليا رابور راك عارف الباك هذا مبغيتش حتى حاجة توقف فطريقي
درويش: انمشي دبا معاك لعندو ونطلبو
ناض مشا معاها لقاه كيشرح درس لوحد القسم اخور ديال السيزيام دق الدرويش الباب سمع مالك باب القسم لكان سدو مشا حل خرج عندو بقا كيهضر معاه الدرويش وكيطلبو باش يدوزها ليها هد المرة اما حيراء فغير وقفة وحادرة رسها وكتسمع لحاديتهم
مالك:هد المرة اندوزها ليك مرة جاية منسمح ليك حتى اجيب ولي امرك
حيراء: حركت ليه راسها باه
حيد ليها ربور ومشات حتى شكرا مقلتها ليه فقط شكرا الحارس العام ودخلت لقسمها لمادة الرياضيات …اما مالك فبقا كيشرح لتلاميذ دولة الدرس حتى بان ليه التلي كيصوني يالله كان ايسدو وهو يستغرب علاش فاطمة كتصوني خرج لبرا باش يجاوب
مالك:الو فاطمة ياك لباس
فاطمة:اسي مالك وقع وحد المشكل عفاك ممكن تجي لدار
مالك:شنو وقع بلا معخلعني
قالت ليه فاطمة شنو وقع مالك تخلع حتى الملاكمة مقطع دخل عتذر من التلاميذ وهز حقيبتو وخرج بسرعة ركب فسيارتو مكسيري….
يتبع….

Leave a comment