Skip links

قصة : تناديك رغبة عشقي إليك ج4

 4,736 عدد مشاهداات

76__نصر .. ( ابتاسم ) مزيان .. يالاه لبسي حوايجك هانا كنتسناك نهودو نشوفو الواليد
حركات راسها ومشات لبيت بقات متكية عليه راسها عينيها غرغرو ماحملاتش تقوليها هاكاك بحالي هي خطفات الراجل لخولة علاش مزال مابغاو افهمو بلي نصر بغاها هيي هي اللولة ماشاف فحتا شي وحدة من غيرها .. يكفي شنو دارو فيها ايام العرس .. ماساماتش من هضرة العائلة لي كل دقيقة يقولو وكنا غانكونو فرحانين بخولة دابا .. وراه خطب خولة هي اللولة .. ومع ذلك كاتدارك وتقول هضرة وفايتة ولي فراسها راه هو لي فراسها وهو دابا راجلها هي ماديال حتا شي حد ..
لبسات بيجامة طويلة وجمعات شعرها دارت الزيف .. عاد خرجات عندو سدو الباب وهبطو شادليها فيديها تادخلو لتحت .. كان سليمان كالس متكي كيتفرج فالتلفازة .. وأفنان حداه كتلعب بالالعاب وسارة كالسة مخشعة فالتيليفون ومو فالكوزينة ..
نصر .. السلام عليكوم ..
غير شافتو افنان ناضت كاطير لعندو تلاحت عليه .. پاااااپييييي
نصر .. اميييرتييي ..
عنقاتو تخشات فعنقو وزينب بقات كضحك ومشات باست اليد لسليمان
سليمان .. ارضي عليك ابنتي كيوصلتو مزيان ..
زينب .. لاباس الحمد لله ..
شافت فسارة ودازت ليها وسلمات عليها الاخرى منفخة قالبة عينيها .. تتهدات وكاسات كتشوف فتصر جايب افنان عينيها مدمعين كاتعتابو على غيابو لي غاب عليها ..
جابها وكلسها على حجرو حدا زينب وسلم على باه باسلو اليد ..
زينب .. بغانسيسة لاباس عليك ..
بقات كتشوف فيها افنان متكية على سدر نصر وحركاتليها راسها ابتاسمات ليها زينب وحركاتليها يديها ..
تاكيسمعو الصونيط ناضت سارة حلات كيدخلو مهدي وبسمة شافتهوم زينب ضحكات بفرحة وماضت سلمات على خوها وبسمة عنقاتها وسامو على سليمان عاد حات ربيعة مصايباليهوم الكراطان للعشا .. سلمات عليهوم وقطعو كل واحد والطرف ديالو وبسمة تشول زينب كيدوزو الكونجي بيخير ..
تاسالاو العشا وهي تنطق ربيعة نايضة ..
ربيعة .. نوضي ابنتي زينب عاونيني ..
شافت فيها زينب وهي تخطف بسمة نطقات بسرعة ..
بسمة .. ( ناضت واقفة ) اويلي اجدة خلي راها دابا باقا عروسة جديدة عيطي على القدامات هههه ..
ناضت تازينب .. لا لا بلعكس ماشي موشكيل ..
هزات المول وعاوناتها تابسمة فالطباسل الاخرين مقشبة معاها وهي كضحك بشوية وصلاتهوم للكوزينة كتحطهوم ومشات ثاني بسمة تجيب الباقين تاكادخل عندها ..
ربيعة .. غسليهوم معاك راه ركيباتي ضاريني عاد طلعي ..
ومشات رجعات خارجة تنهدات وضارت شافت الفراطة فين كاينة لبساتها ودارت غاتغسلهوم .. تاجابت ليها بسمة الباقيين
بسمة .. خلي علييك انا نغسلهوم ..
زينب .. ( ضحكات ) لا اويلي علاه هادي ماشي داري غير سيري كلسي نساليهوم بالزربة ماشي بزاف ..
بسمة .. هاي هاي على مرات عمي الحادگة ..
ضحكات زينب ومشات خلاتها كتكمل دوك الماعن
رجعات عندهوم بسمة شافيها نصر .. فيناهي زينب ..
بسمة .. راه كتغسل غير شي ماعن وجايا

قطب حجبانو وناض من بلاصتو بقات ربيعة متبعالو العين اما الاخرين ماتسوقوش ..
مشا تادخل عليها لقاها كدوش الشبكة واوني على الماعن ابتاسم كيتنهد وقرب لعندها ..
نصر .. شكادير مراتي الحبيبة مم ؟؟
زينب .. ( شافت فيه ) نصر !! والو كنعاون خالتي ..
نصر .. راك تانتي عيانة وخسك ترتاحي اليوم جيتي مسافرة من الصباح وعاد البخوبليم لي وقع ..
زينب .. ( حركاتلو راسو بلا مع ابتاسمة ) غير خلي بااقي فياا الجهد ..
جا حتا باسها من عنقها .. شمن خير درت حتا رزقني ربي بيك مم ( وهو كيشم فريحتها )
زينب .. ( ذغذغها باللحية ديالو ) اويلي ههه نصر غايشوفنا شي حد ..
نصر .. ولا شافنا مم لي قادر اهضر اهضر قدامي نشوف ؟؟!
زينب .. ( بابتسامة خجولة ) احم هههه
كملات اخر طبسيل وحطاتو وهو يدورها عندو شد فيديها يديها فازگين بالما باردين ..
زينب .. بلاتي نمسسح يدي راه فازگين ..

77__جر سيغڤيت ودوزهوم على يديديها كيمسحهوم مزيان وهي مبتاسمة عينيها تغرغرو بهاد الحنان كامل باش كيعاملها تاسالا وهزهوم ساط فيهوم شوية وغمق عليهوم ورجع باسهوم ..
نصر .. اي حاجة فيك ديالي ومانبغيهاش ضرب تمارة، واخا !؟
حركات راسها بشوية، وهو يقربها ليه حيدليها الفواطة وحطها على المسطرة تاكادخل عندهوم افنان ..
افنان .. بابي انا نعس معاك ..
ضحكو بجوج .. اييه اجي اجي البخانسيس ديالي ..
هزها لعندو وخرجو لعندهوم .. خليت ليكوم الخير انا وزينب غانساحبو ..
بسمة ومهدي .. تصبحو على خييير ..
ربيعة .. عاتبقا معاك افنان ؟؟
حركليها راسو وجر مراتو مشاو طالعين عوجات فمها فيها ودارت مكملة حتيتها ..
دخلو لددار وهوما كيضحكو مع افنان ..
مشاو للبيت وهي بدات تحيد عليها البيجامة الطويلة وافنان كالسة فوق الناموسية كتلعب برجيلتها ونصر برونشا التيليفون فالشارج ..
زينب .. نصر انا غانمشي نشوف الكوزينة ونرجع ..
حركليها راسو ومشات للكوزينة ضاروري تكمل كولشي عاد ترتاح ماتقدرش تخلي شي حاجة نالغدا تتفات الباقي وهزات مذكرة صغيرة كتبات فيها اش باقي ناقص حيت ماجابش الطحين وبزاف دالحوايج كولشي قيداتو تاحسات براسها كاتغفا ..

طفات الضواو ومشات للبيت سمعات السقيم شافت الضواو طافيين وهي تلقاهوم ناعسين فوق الناموسية وافنان غاافية على يدو وهو كذلك .. ابتاسمات كتشوف بحنان حسات بحالي بنتهوم لي ناعسة تما، تحركات بشوية طلعات عليها الغطا ورجعات مشات هزات الغطا من البلاكار غادا خارجة تاوصلات للصالة بدات تفرش فوق السداري تاكيشدوها شي يدين شهقات اتغوت وهو يدورها سدليها فمها ..
نصر .. شششش
بقات دور بين عينيه لي كيضربو فيهوم غير شوييية الضو دالشاريع لي داخل من الشاريع مضوي وكيخليك تشوف شنو حداك ..
بقا مدة صواني هاكاك تاهبط يدو وجبدها لعندو حط شفايفو على شفايفها سدات عينيها طالقة الغدا من يديها وهو كل شوية يزيد اجبد كثر وكثر ويزير عليها من نصها لعندو وبقا معاها وهي راجعة اللور تاكلسات على السداري وهو باقي متكي عليها حاني لعندها سدرو كيطلع ويهبط تاناغما مع ديالها .. ماقدرش اصل قبلتو عليها وكيزيد اتلدد بشفايفها تاكيحس بيديها طالعين مع يدرو مطلعين معاهوم البودي .. تابعدات شوية فمها عينيها معسلين حلاتهوم حيداتلو البودي ورجع هبط لشفايفها بسدرو العاري دورات عليه يديها ..
بعد حط جبتهو على ديالها كنهج بجهد .. بزااف ازينب بزااف ..
ماقدراتش تجااوب حيدات التيشورت ديالها ورجعات طلعات على ركابيها فوق السداري مطلعة ليه راسو تاشاف فيعينها مكالي يدو مع الحيط ..
زينب .. ( شافت فعينيه نيشان ) نتا دياااالي ديااالي بووووحدييي ..
ورجعات غمرات شفايفها بشفايفو خلاتو دور يدو على ضهرها كيفتح ليها حمالات الصدر… وهي كدوز يديها على عنقو وترجع تخشي ضفارها فشعرو كتحس بذاتو سخوونة وشااااعلة بحالها .. وحاجة وحدة كتنغل فيها .. نصر ديال زينب زييينب بوحدها

78__دخلات مع الفجر للدوش كدوش وتبتاسم وتعض على شفايفها ومين كتفكر على جرأة جاتها حناكها كيحماارو هادي كانت اول مرة تعبر على حبها لنصر فنعاس كانت شحص اخر غيير على زينب لي كتكون ديما غسلات داتها ودارت البينوار مع الخرجة .. كاطلاقا معاه وهي تهبط راسها حشمانة ..
نصر .. قاديتيهوم ليا هادشي كامل مخبيااه وانا ماعارفش ممم !!؟
زينب .. شش هابشوية ههه فيقنا افنان ..
نصر .. ( قرب باسها من جبتها ) رتاحي سيري نعسي حداها غاندوش نتوضا نصلي الفجر وغانمشي نعس فالصالون ..
زينب .. لا خليك انا نمشي لتم ..
ضربها بشوية لراسها .. علاش ماكاتسمعيش الهضرة علاش ..
كلاها بيدو تكاها الحيط .. اش بانليك نزيدو شي واحد بالخف ممم !! ( هنس ليها فودنها ) حلاوتك ماكانشبعش منها ..
حنات بسرعة من يديها غادا كضحك وهو بقا متبعة بعينو كيضحك على صغيورتو لي ماخلات ليه عقل مابقا عارف مين اشدها ..
دخلات وشعلات غير فيوز ضوء خفيف ولبسات فيه بيجامة ودورات الفوطة على شعرها ومشات تكات حدا افنان كدوزليها على شعرها بابتسامة .. تاكاتسمع صوتو وتجويدو فالقرآن كيصلي الفجر جهرا، بقات ساكتة كتأمل فالسقف وقلبها كيخفق مع صوتو لي جابليها التبوريشة، رعشات جسدها كامل، تاسمعاتو كيسلم وتطفا الضوء بقات كتفكر فليلتها معاه وتبتاسم حتا نعسات ..
فيقوها يديدات صغيورين كيلعبو فوجها حلات عينيها مخسرة .. وهي تشوف البنوتة افنان كضحك معاها ..
ضحكات زينب وشداتها .. حصلتتتك
افنان .. ( غطات عينيها بيديداتها الصغورين ) اووبسيي ..
زينب .. ( عضات على شفايفها ) هيييي بابي باقي ناعس شنو بانليك نمشيو نفيقوه ..
افنان .. اه اه اه يالاه ..
زينب .. شش ابشوية يالاه ..
هبطاتها من يديها غادا بيها بجوجاتهوم رجيلاتهوم حفيانين وكيتسمعو خطواتهوم الصغيرة تاوصلو لعندو دارو واااحد جووووج ثلاااثة وهو يغوتو ..
يقفزوه حل فيهوم عينيه وناض عاقد على حجبانو تابداو كيضحكو وهي تلاح افنان عنقاتو ..
افنان .. صبااااح الخييير بابي ..
نصر .. ( كيلعب ليها فشعرها ) ولاو فيك ليبيتيز مم ..
زينب .. لا انا مولات الفكرة ..
نصر .. ( جرها من يديها ) ياك اللة ..
كلس وحدة منهنا والاخرة منهنا .. دابا شنو نديرليكوم مم ..!!
بدا كيهر فافنان وشوية دار عند زينب تاهية وهي تشدلو يدو كضحك ..
تاناضت مشات للكويزين صايبات ليهوم الفطور ودخل عندها محمل افنان فوق كتافو .. بقات ضحك وهي كضور بواحد الشريط ويبانو فخيضاتها بووويض كيلمعو .. كلسو بحال شي اسرة صغيرة كيفطرو تاسالاو وناض نصر لبس حوايجو وخرج ..
نصر .. افنان تمشي عند جدة ولا تبقاي هنا ..
افنان .. انبقاااا مع طاااتي زينب ..
زينب بقات كضحك ..
نصر .. مرحبا ( قرب لزينب وباسها من حنكها ) حبيبة غانمشي نتحرك شوية للخدمة الى حتاجيتي شي حاجة عيطيلي، وها افنان معاك ..
زينب .. صافي ..
ابتاسم ليها ومشا خرج بقات هي افنان فالدار ..
زينب .. شنو نديرو دابا مم ؟؟
افنان .. مممم انلعبوووو ..
زينب .. ممم واخا اجي نوريك باش انلعبوًهه ..
مشات شعلات الموسيقى فالتلفازة وجهداتها ديال الاطفال وجبدات الجفاف والكراطة ناوية تخمل الدار .. حلات الشراجم كاملين وجبدات السطولة دالما بدات تكبهوم وتجري حفيانة مع افنان وهي دير بحالها مفزكة رجيلاتها كيضحكو ..
تاعيات افنان وهي تديها لصالون كلساتها حدا السداري باش ترجع دير الصابون ودوزات الجفاف تاكتسمع صونيط قطبات حجبانها ومشات حلات الباب وهي تشوف قدامها سارة ..
سارة .. ( بضحكة صفرة ) صباح الخير ..
زينب .. صباح النور ( فتحات ليها الباب ) زيديي .
سارة .. نو بغيت غير ختي جيبهالي عافاك ..
زينب .. ( بقات غير كتشوف ) راه فالصباح قاليها نصر واش تمشي بغات تبقا هنا ..
سارة .. وجدة دابا قاتليا طلعي جيبي ختك داكشي لاش جيت نجيبها ( بدات تعيط ) افناااان ..
جات افنان كتجري وهي تشوف سارة ..
سارة .. اجي يالاه غانهبطو ..
افنان .. نو بغيت نبقا مع طاتي زينب ..
سارة .. ( حمرات فيها ) افناان اجي عندي ليك واحد الحاجة زوينة ..

79__تقدمات عندها وني تهزها لعندها ومشات هبطات بلى ماتقول حتاشي كلمة اخرى بقات زينب غير كتشوف ردخات الباب ولاحت الشطابة مارضاتش بهاد المعاملة ديال الزبل بحالي تقول غاتسحر للبنت ولا منعرف اش غاديرليها كلسات حتا بردات ورجعات ناضت كتكمل تارجعات الدار كتشعل .. عاد مشات جمعات دوك الحوايج من الماكينة لبسات وخطات راسها ومشات خارج مطلعة الحوايج فيديها للسطح وصلات لقات ديجا الباب محلول .. دخلات ليه كاتلقا واحد المرا عاطياها بالذهر كتنشر ..
زينب .. ( ماعرفاتهاش ) السلام عليكم !؟؟
دارت المرأة شافت فيها كانت باقا صغيرة يعني مااشي كبييرة بزاف تكون تاقادا ديال عائشة مرات خوها فالثلاثيناتً هاكا
المرأة .. وعليكوم السلام
زينب .. ( ماعرفاتش شكون ) وا واش كتسكنيً هنا ..؟
المرأة .. نتي مرات نصر ياك ؟؟
حركاتليها زينب راسها وهي تقرب ليهاوسلمات عليها
المرأة .. مرحبا بيك انا نجلاء مرات لوسك عبد الكريم .. كنسكن تحتك ..
زينب .. ( ابتاسمات ) اااه متشرفين ..
نجلاء .. ابراك فيك .. مرحبا بيك
زينب .. ترحب بيك الجنة اختي ..( مشات تنشر كتفكر ماعمرها شافتها ماكانتش كاتبان كاع حتا فالعرس مابانتش ليها ولا هي مارداتش ليها البال وقفات حدا واحد السلك حتا كتوقفها )
نجلاء .. ههه غير بلا ماتنشري فهاداك راه تحيدهوم وترميهوم ليك حدا الباب اجي خودي النص فديالي حتا تركبي ديالك

بقات غير كتشوف .. واش كتقصدي خالتي ..؟؟
نجلاء .. ( دارت كتكمل نشيرها وتهضر ) وي هادوك السلوكة ديالها ماكاتبغيش لي يقيصهوم ..
زينب .. ولكن راه خاويين ؟؟؟!
نجلاء .. مهيم احبيبتي انا غير قتليك وديري لي يليق ليك ..
هزات الشبكة ديالها .. مرحبا بيك ازين عندي الوقت لي بغيتي ..
زينب .. ( مابقات فاهمة والو ) شكرا اختي بارك الله فيك ..
ابتاسمات ليها ومشات هابطة طلات عليها زينب تامشات وشافت فالسلك ديالها خلات ليها النص ديالو ..
زينب .. باينة عندها معاها شي موشكيل !!
خافت من داكشي لي قالت ومشات للسلك ديالها ونشرات فيه حويجاتها كانو قلال شي كولونات وتيشورتات ديال نصر .. سالات وهبطات تاوصلات ليابها بقات تشوف فالدروج حطات الشبكة ديالها وهزات التيليفون ورجعات سدات الباب وهبطات لتحت وهي دق عليها .. بقات متلبكة تاكيتفتح الباب ..
شافت فيها نجلاء هازا فيديها طفل صغير تكون فعمرو ديك عاماين ..
نجلاء .. اهلاا حبيبتي زيدي ..
ابتاسمات زينب وقالت .. لا لا غير خلي جيت نشكرك وصاافي على قبيلة ..
نجلاء .. دخلي دخلي الدار دارك ..
دورات زينب عينيها ودخلات حشمانة شافت فالدار كانت تاهية مفرشة فراش بلدي زويين لقات طور الجنة مشعولة والطالة عامرة بالالعاب وديجا شي ولد كبير شوية فعمر ثمنسنين كيلعب بواحد الطابليطً..
نجلاء سدات موراها الباب .. دخلي ازينب الدار دارك كلسي ..
مشات مبتاسمة كلسات فسداري وداك الدري كييلعب ..
نجلاء .. نعمان نوض سلم على البنت حشومة ..
ناض نعمان حط الطابليك وقرب سلم عليها بالرجه ..
نعمان .. سلام خالتي ..
زينب .. سالام ..
قالها ومشا غبر ..
نجلاء .. هادا نهار كبير مين جا عندي شي حد ههه ..
زينب .. ( مبتاسمة كتشوف فالوليد ) وينو شحال فعمرو ..؟
نجلاء .. عام ونص ..( حطاتو عند ركابيها مشا على رجليه كيهز فالالعاب ..
زينب .. تبارك الله ههه شنو شميتو
نجلاء .. ( مبتاسمة ) عبد الرحمان ..

80__زينب .. ( كطرطق فصبيعاتها ) عبد الرحماان هييهو وينو الله اخليه ليك يا ربي ..
نجلاء .. امين احبيبتي كيدايرا بعدا كيدوزتي العرس تعودتي شوية على الزواج ههه
زينب .. هاحنا غادين هههه ..
نجلاء .. مبروك عليك ازين بالذرية الصالحة ..
زينب .. امين اختي شكرا والله على الجيست ديال السطح ..
نجلاء .. ( تنهدات ) هانية اختي انا غير شفتك شفت فيك راسي اول نهار دخلت جيت لهنا ..
زينب .. ماعمرني شفتك ؟؟
نجلاء .. مكنخرجش بزاف هه منعازلة شوية ..
زينب .. ماحضرتيش للعرس ..
حركات راسها بلا .. مايمكنش هههه ..
زينب .. عندك شي موشكيل مع خالتي !!
نجلاء .. اودي ( ضحكات بشوية ) لا جيت نبدا الموضوع ناغانساليش ..
زينب .. ( تنهدات ) قول ماشي غير معايا ..
نجلاء .. اذن حيداتليك عشريام دالباكور علاما بانليا ..
زينب .. لا واقيلة حتا هاد العشريام دالباكور ماكايناش ..
نجلاء .. ههههه ماتستغربيش راه باقي ماشفتي والو ..
زينب .. ماعرفتش شنو موشكيلتهاً..
نجلاء .. ( ابتاسمات بسخرية ) الى ماختارتكش بيديها ماعمرها دوزك بجغمة ديال الما ..
زينب .. علاش الى ختارو ولادها ماتبغيهومش ؟
نجلاء .. ( حركات راسها بلا ) انا اختي دازت عليا كحلة وكليت من عندها دقتي نييت حتا كتشوفي هانتي رجعت سادا عليا باب داري انا وولادي ومرة مرة نهبط ليها الدراري تشوفهوم وهاكاك وماتسكتش من الهضرة ..
زينب .. ( مخلوعة ) وعلاش هادشي كامل ؟؟
نجلاء .. من عند الله اختي تقولي قلبها كحل لا هيا لا بناتها ..
زينب .. ( صفارت ) واش حتا صفاء وبشرى ..
نجلاء .. بانليا مازال ماعرفتي والو( ابتاسمات وهي كتشوف فيها ) ماخلات ماخطبات لنصر ومكانش كيبغي ويقوليها نهار انبغي نخطب انمشي نجيبها بيدي، وانا منكذبش عليك نهار قاليا عبد الكريم راه نصر مشا خطب واحد البنت، عرفتها غاتكون مفقوصة والفقصة اختي ماكاتبرردش ليها سوليني انا لي مجربة ..

زينب بقات غير كتشوف ماعرفات تخلع ولا تنذب ولا تبكي ..
نجلاء .. ولكن شوفي اختي مولاها ربي والله نتي راح الحمد لله نصر بخديمتو وواخد تيقارو من غدا لابغا يهزك ويدير دارو بعيدة اما انا زهري هادا، عبد الكريم خدام مع عمي وكيصافر معاه كل خطرة للفيرمة باش كيحصدو، وانا مهار يسافر نرغب ونزاوك يديني حيت لمادانيش عارفاها دوز عليا الصراط المستقيم ..
زينب .. يا ربي الحبيب بغيت نعرف هادشي لاش ..
نجلاء .. اختي لي فقلبو شي سم راه فيه وكون ختارتني بيدها كون راه ديرلي كيالما القليل اما مين جابني ولدها ضد فهضرتها راه خرجات فيا سمها ..

81__زينب .. وعلاش ماكاتقوليهاش لعبد الكريم ..
نجلاء .. نهار قلتهالو كانت غاتوصل بينا للطلاق مسبتها كان ديك الساعة نعمان باقي يالاه فعمرو 3 سنين وتقلبات عليا القفة ورجعات هي المظلومة وانا الظالمة .. وصافي من تم سديت فمي وقالي عبد الكريم نكلس فداري وماتبقا تشوفني مانشوفها ..
زينب .. لا حول ولا قوة الا بالله ..
نجلاء .. اما بناتها راه الكلمة الزوينة وكولشي وهوما يظربوليك من لتحت وحشيو ليك فالمعاني وهي مرة مرة تكون مزيانة غير تجي بشرى تعمرها مزياااان وتمشي تنوض سااعرررة علييها ..
زينب .. يعني ديفو من بنتها ..
نجلاء .. انا نقوليك هي راه ماتشوفي من عندها خير ولاكن ماتقيصكش نهار تجي بنتها ترجع فرعون تقولي هزيتي وحدة وحطيتي وحدة ..
زينب .. صدمتيني اختي بهادشي والله ..
نجلاء .. اختي ماجيت شكيتليك راه طرطقت وتحبست ومابقيت لاقية لمن نقول وشفتك نتي عرفتك قلبك بيض داكشي باش نصحتك وديري تيقار من دابا ..
زينب .. باركة الله فيك انجلاء والله وبابي مفتوح ليك النهار لي بغيتي تعاودي انا كاينة هنا وانا معاك ..( قاطعها اليتيلفون لقاتو نصر ) الو .. صاڤا بيخير .. امم .. اه واخا..
قطعات حشمانة تقوليها غانمشي وهي ضحك نجلاء ..
نجلاء .. سيري سيري الراجل كيعيط وهنا تلهينا هنايا فالجمامع هههه
زينب .. ( ناضت واقفة ) ههه واييه خليتو بلا غدا ..
نجلاء .. ايوا عتقي بعدا لاماشدينا فالعكوزة نشدو فالراجل ..
زينب .. ( ضحكات ) هادشي لي كاين اختي نجلاء الله اصبرك خليت ليك الخير ..
نجلاء .. مرحبا اختي الله ياودي ..
خرجات مشات طلعات زينب وهي كتفكر فهاد الحريرة اويلي استغفرت الله السيدة بوالادها وباقا كاتعاني، دخلات لدار حيدات عليها الحوايج ..ومشات للكوزينة جبدات مكرونة غاديرها لازانيا .. كطيب وتفكر وعلاش ماعمر نصر هضر عليها واش حيت نسا ولا ماعطاش اهمية .. يمكن مافخباروش هادشي ..
كبات عليها مطيشة والكفتة وحكات الفرماج ودات لاصوص بيشاميل دارت كولشي فالمول وخشاتو فالفران تاكاتسمع السوارت .. خرجات طلاقاتو ابتاسم ليها تعلات على صبيعات رجليها باستو فحنكو وهو دور يدو على ضهرها ..
نصر .. كيبقي صاڤا ..
زينب .. بيخير مزيان ..
نصر .. فيناهي افنان ؟
زينب .. جات سارة داتها ..
نصر .. مزيان .. انا فانبدل حوايجي ونجي ..
حركاتلو راسها ومشات جبدات لازانيا من الفران سخونة وداييب فوق منها الفورماج حطاتها فالطبلة تاكيجي بالتيشورت والشورط شاف وهو يضحك ..
نصر .. طلعات القطيطة حادگة مم
زينب ..( كلسات حداه عاطياه الفورشيت ) علاش حگرتيني ههه
نصر .. حاشا كاين شي حد كيحگر بنتو .. بسم الله ..
بدا كياكل وهو يديرليها بيديه بياان زعما هادشي هو هاداك بدات تاكل وهي كتفكر واش تجبدلو الموضوع ولا لا ..
زينب .. نصر .. ( شاف فيها بعينيه ) قبيلة طلاقيت بنجلاء مرات عبد الكريم ..
نصر .. اييه مزيان فين !!
زينب .. فالسطح ورجعات عرضات عليا للدار شفت حتا نعمان وعيد الرحمان ..
نصر .. كيدايرين لاباس عليهوم ..
زينب .. مزيان بيخير ولكن علاش ماحضروش لعرسنا ؟؟
نصر .. ماعرفتش على مكنعرف كاين شي موشكيل بينها وبين الواليدة داكشي علاش ..
زينب .. وشناهو الموشكيل ..
نصر .. ( طلع مقطب حجبانو بضحكة ) شفت ولاو فيك الاسئلة بزاف مم ؟؟
زينب .. لا غير كنسول وصافي ههه
نصر .. ماعرفتش احبيبة داكشي بيناتهوم ماعرفش علاش داير البوغبليم وتانا ماسولتش واش انا نبقا مقابل صداع النسا .. تانتي مادخليش فهادشي خليك بعييدة ..
زينب .. لا بلعكس بانتلي السيدة ظريفة هادشي باش ومسكينة بوحدها ..
نصر .. كبيدة انا ماقتلكش ماتهضريش معاها بلعكس الوقت لي بغيتي سيري عندها وهي تجي عندك ولكن المشاكيل خليك بعيدة عليهوم وتالاجات تشكي ليك لا هيك ولا الراليدة قوليهوم انا ماليا دخل وخرجي براسك هاني باش ماطيحيش وسطهوم .. ( باسليها يديداتها ) مانبغيش توقعي فشي صدااع اللهم خليك هانية واخا احبيبة ؟؟

82__ناضت جمعات الغدا وغسلات الماعن دخلات للبيت لقاتو متكي كشات هبطات شوية الريدو وتكات نعسات حداه دوزو ليلة كاملة صهير …
ناضت على صوتو جوايه المغرب .. وقاليها تلبس حوياجها اخرجها، ناضت بسرعة لبسات حوايج سخانين شوية مع بدا يتحرك البرد .. دارت زيف وصاباتو على حقو وطريقو وهو كيلبس حداها تاخرجو هي وياه داها للمدينة السونطر بلاصة الطوموبيل وهبطو على رجليهوم كيتمشاو شوية .. شادا فيه وكاتعاودلو وهو يسمع ليها ويضحك حتا وقفها حدا لوكاسيون ديالو لي فسونطر كانت بجاج ولداخل بيرو مجهز وكولشي كالس فيه واحد الشاب .. وعاد قدامها واحد الكراج فين كيحطو الطوموبيلات ..
نصر .. هالخدمة دراجلك .. ( زينب كتشوف بابتسامة دخل سلم على داك الشاب وناض خرج بحالو بقا غير نصر وزينب تما ..
كلس فالبيرو وهز واحد التيليكوموند هبط بيه الريدو ديال المحل تاتسد عليهوم وشاف فيها باقا كتشوف ..
نصر .. اجي لهنا ..
تحركات لعندو وهو يجبدها من يديها كلسها فوق حجرو فالبيرو تابدات كضحك ..
زينب .. هادشي زويين ..
نصر .. وهادي هي الخدمة ديالي ..
زينب .. ماكاتبعيش الطوموبيلات ؟
نصر .. كنبيع لي كيفوتو عندي خمسنين، المرة اللولة كندخل الطوموبيلات وكانبقا نكريهًم مين كيفوتو خمسنين كيتباعو ..
زينب .. ااا فهمت ههه
حاطها فوق حجرو مدوز يديها على جنابها ويدو الاخرى كيشوف بيهوم البيسي كيوريها الطوموبيلات ..
زينب .. زويينين ..
نصر .. فين لي عجباتك ؟
زينب .. هاديك صياط fr لي فالبيض ..
نصر .. هادي ( رجع وراليها تصويرتها ) ..
زينب .. هادي زوينة ..
نصر .. صافي حسبيها جاتك ..
زينب .. ( بصدمة ) ااا
نصر .. ( باسها من عنقها ) حياتي كاملة وانا خدام فالطوموبيلات والزوينة ديالي ماتكون عندها حتا وحدة مايمكنش
زينب … لا لا اوييلي ماابغييتش واللله ..
نصر .. شش اصلا كانت غادي تباع غير تهناي ..
زينب .. ( هبطات راسها حشمانة ) حشوومة ..
نصر .. ( علا ليها وجها ) هادا مابغيتوش اهبط خليه ديما الفوق وماتهبطيه لحتا شي واحد ولو ليا كيهبط فقط لله لي خلقك ..
طلعات كتشوف فعويناتو وعنقاتو عناق حار فكل مرة كيعلي من قيمتها فكل مرة كيخليها تعرف بحق راسها .. باسها فعنقها ورجعات كتشوف معاه وكيهضرليها على الخدمة وفتحليها واحد المجر فيه السوارت ديال كل طوموبيل مرقمين وعاد مجر وحداخور بالوراق كيوريها بحال صديق ديالو ماشي مراتو وحبيبتو، هو معتابرها كولشي فحياتو وعاطيها الحق انها تعرف كولشي .. بقاو تما تقريبا شي ساعة عاد باش ناضو فتح عاد الريدو وعيط للخدام ديالو هضر معاه شوية وهي بقات واقفة برا عاد جا عندها وكملو رجعو للطوموبيل وداها لواحد الريطورون واعرة فمراكش .. كلسو تما طلبو امانسي پلا تعشاو بيه .. تاسالاو ومشاو ضرب بيها تاني دويرة بالطوموبيل شاعلين الموسيقى وزديح بحالي كيعيش كعاها من أول وجديد ومابغاش تحس بلي صافي تزوجات شخص كبير صافي الحياة توقفات بلعكس غايعيش معاها الحياة بجميع الوانها ..
عاد باش رجعو تالشي طناش دليل للدار ..
دخلو كيضحكو كيقولها شي حوايج كتموت بالضحك ..
زينب .. اويلي ششش ناري ههههههه انفيقوهوم ..
يالاه دخلو وهو يهزها بين يدو تابدات تكركر حاتها الحالة ..
نصر .. لا نتي داروليك شي حاجة فداك العشا ..
زينب .. هههه حطني العااار ..
نصر .. اخليني نهزك ونتي فيك جوج كيلو طيحيليا وشكون ابردوليا ديك الساعة ..
طلقات تاني بااااخ بالضحك طالعين وهو كل مرة يقولوليها شي حاجة فتحات الباب شوية يافتهوم كيهازها وطالع بيها ..
ربيعة .. اخليها سلعة تابدات دخل ولدي مع نصاصات الليل تفو مابقا حد يحشم .. ورجعات دخلات كدعي سدات الباب ..

ناضت وجدات الفطور ناض هو فطر ومشا ودارو غايخرجو فالعشية يتقداو .. جمعات هي الفطور والبيت خرجات الغطا يتشمس غير فالبالكون ولبسات حوايجها طلعات جابت الحوايج ومع الهبطة كاطلاقا مع عكوزتها طالعة فالدروج ..
زينب .. صباح الخير ..

83__ربيعة .. ( قالبة سيفتها ) صبااح زين هادا نيت .. دازت من حداها هازا البانيو ..
بقات زينب غير كتشوف تنهدات ودخلات لدارها طوات وحطات الحوايج فالماريو مع كتخرج من الباب تاكاتسمع ششرشلاااخ ديال الميمان بقات مقطبة حجبانها تاشوية كتشوف من تحت الباب داخل الما .. مشات بسرعة حلات الباب تاكاتشوف الميمان هابطة مع الدروج .. طلات من دورة ددروج الفوق ورجعات طلات لتحت كتلقا تانجلاء خارج كطل .. تاشوية كيتكب الما على ريوصهوم وهي ترجع زينب بسرعة للور فزگليها الشعر ..
زينب .. اويييلي اخااالتيي اشش كااديري ..
جاوباتها من الفوق .. كننسييق الدرييجاات الخانزيين ابنييتي ياكما بغيتي نتسنااكوم حتا تنوضو على خاطرهوم ريحة الخنز مانبغييش نشمها فداري ..
بقات زينب غامصدومة وكتشوف الميمان وقزگات من شعرها .. تعصبات طلات كتلقا نجلاء غاكاتشوف تاكاتسمع ثاني شرشلاخ ديال الميمان بسرعة رجعات ودخلات لدارها كتزبل .. مشات لطواليط جبدات الجفاف ومشات زدحات باب الدار تاتسمع فالدار كاملة وجفات دوك الميمان لي فزگو .. وحطات جفاف عند باب الدار باش مايزيد ادخل والو وبقات كاتعاير فيها بنفسها .. دخلات حيدات دوك الحرايج ونشفات شعرها لبسات حوايج جداد ودارت هادوك غير فالبالكون انشفو .. ومشات كادير الغدا وهي كتنگر مابرداتش ليها كتسمع الدروج كيتسقو .. تاسمعات الدقاان ..
ربيعة .. وخرجيييي خرجييي جفيي باابك ولا نخليه ليك هاكا ..
تنهدات حلفات ماتجاوبها خلات تاداز شوية دالوقت فتحات الباب كاتلقا الميمان حدا بابها طلعات عينيها لقات درجات دالسطح نقيين كيشعلو وهي من باب دارها لتحت عند نجلاء كامل ميمان ووسخ ديال الدروج لوخرين هبطاتهوم ليها .. طلعات ليها القردة طلات على مجلاء لقاتها مسكينة تاني تاهية خلات ليها من تم لعندها بنت الحرام حافضة قوالبها طلعات هي مجففة غير دروج ديال السطح وخلات ليهوم هوما يجفو الدروج الاخرين وشتي كون كانت غير تقولها ينوضو على سعدهوم ووعدهوم ماشي تكب الما على غفلة .. جرات الجفاف والكراطة وبدات تسيق على سعدها ووعدها تاوصلات للتحت عند نجلاء ..
نجلاء .. الدعوة بيها ناالله بنت الحرام ..
زينب .. غير خليها نهار غاطلعلي القردة غانخرج فيها طول وعرض ..
نجلاء .. غيير ابعدي منها اختي هادي راه مامعاها لعب هي دابا وماكرهاتش تجري عليك تجبديها ماتفك معاك تاطلقك
تنهدات زينب ورجعات طلعات لدارها مدخلة السطل وحطاتو فالطواليط .. ورجعات طيب الغدا
تادخل نصر ماهضراتش معاه حطاتلو الغدا وهو بقا كيشوف
نصر .. مالكي ازبينب واقعا معاك شي حاجة ..
بقات تخمم واش تقول ولا تسكت ولا ماعرفات مادير ..
زينب .. والو غير راسي كيدرني شوية وصافي ..
نصر .. ( تم نيت ناض من بلاصتو بقات غير كتشوف مشا تارجع هاز فيديه كينا دالراص ) شربي هادي باش اتهدن عليك ..
حركاتلو راسها .. واش منعستيش مزيان
زينب .. لا غير درني وصافي ..
نصر .. غابشوية عليك حاولي على راسك ..
تغدا وناض جمعات داكشي وشربات الكينة ومشات لقاتو كيتفرج فالصالون ابتاسمات ومشات تحشات حداه فسداري واحد ضحك وجبدها لعندو ودارو فيلم كيتفرجو فيه تاهبط راسو لقاها نعسات .. جر عليهوم الغطا ونقس شوية من اليتيلفزيون وكمل الفراجة
تالعشية فاقت لبسو حوايجهوم ومشاو لمرجان تقدات كاع لي غايخصها من الماكلة والماعن شي فيطات صغار ديال المسيح .. ادوات دالغسسل جوج ديال الشاريوات كباار هو وحدة وهي وحدة خلصهوم وستفو كولشي فالكوفر عاد رجعو .. قاد معاها داك الليلة كولشي فالكوزينة ومرة مرة يبوسها اولا يعنقها اولى يهرها .. تاسلا وخلاها تكمل وهبط هو عند واليديه اشرفهوم بقات هي هاكاك تاعيطات مها كتسول فيها .. مابغاتش تقوليها على ربيعة حيت اخيرتها غادي تقوليها شغلك هاداك نتي لي بغيتيه نتي لي ختاريتيه فضلات تسكت وتكمدها فقلبها ..

84__داز شهر على زواج زينب .. بدات تولف حياتها الزوجية وعلاقتها مع نصر كل مرة كاتزيد تحسن وتزيد تبغيه كتر وكتر ماعمرو خسرليها خاطرها بلعكس كيزيد ابين ليها حبهو ليها فكل مرة .. هادي كانت من جهة ومن جهة تقهرات من معاملة مو .. كل نهار هارجاليها ببلان .. مرة تطلع تلقا حوايجها موسخين ولا طايحين فالارض .. ومرة تنوض وتلقا التشطاب حدا باب دارها وخلاص بلا النهار لي تعيط ليها وتهبط وتقوليها ديري وعاونيني راه بناتي جايين وتخليها واحلة وتمشي تگلس وهي خاس دير وتسكت مين عاوداتليها نجلاء تخلعات وخايفة تعاود لنصر ويقوليها كتكايليا من مي وكتصدق تراجع وتبينلو بلي راه عادي .. وكيفما قالت نجلاء بناتها قالو ليها ماتعرفو والو .. اجيو وابقاو احشيوليها فالمعاني وبنت خالتك وحنا ختارينها كانت كدا وكدا ونتي شفتيه نزيان وديتيه وطمعتي فييه حتا كتمرض وتنوض طلع بحالها .. مرة مرة لي تجي عندها بسمة كاتفاجي عليها ولا نجلاء لي كتزيد تشكيلليها همها وهي لي فيها كافيها .. وفالاخير خسها تبقا تبين راسها نزيانة قدام نصر وتعطيه خاطرو واخا مين كيجي كيبقا معاها والى خرج كيخرجها معاه
ناضت اليوم مقلوبة من نعاسها كانتها خاسرة بالبيان بدات كتوجد الفطور غابزز .. جا عندها عنقها وهي تبعد منو
زينب .. راسي دارني خليني

شاف فيها .. مالكي .. ؟
بعدات كتحط فوق الطبلة .. والو ماعنديش الگانة ..
نصر .. ( خلاها تاحطات وشدليها يديها ) وشنو لي مخسر لحبيبتي الخاطر ..
خطفات يديها من يديه .. نصر عافاك مافيا لي يهضر والله ..
بقا هو غير كيشوف مصغر عينيه .. زينب قوليلي شنو واقع معاك ..
زينب .. ( نفخات بجهد ) اووووووفففف واااماااوقع وااالو انصررر واااالووو اوييليييي وااش صحااا بغييتيي نقوليك راه واقعليي صااافي بعد مني ..
مشات خرجات وخلاتو متبعها بعينيه تقلبو الملامح ديال وجهو رجع دخل للبيت لقاها متكية فوق الناموسية دار بدل حوايجو ورجع دار عندها ..
نصر .. بغيتي شي حاجة نجيبهاليك ؟؟
زينب .. ( وهي عاطياه بالضهر ) ماخسني والو ..
مشا تاكاتسمع باب الدار تزدح .. ناضت مخنزرة ..
زينب .. ولييتيي حتااا نتاا تزدح فالبييباااان كمل لي بداااتو مك ..
ناضت لاحت داك الغطا ومشات للكوزينة لقاتو ماكلا والو وهي تغوت .. المرااااااا الجااايااا قووولهاااا مانووضش انا نتعذب ونوجد وفللخر تخليني كيالحماارة .. بدات كتجمع وتلوح فلاڤابو خلاتو هاكاك ورجعات لبيتها هبطات الريدوات وتكات فبلاصتها كتبكيي
زينب .. يخخ اهئ انا زهري العذاااب وزببل تفوو اهئ اهئ سيري اخولة انا بغيتلك هزا من هاد الدنياااا تفوو عليك وعلى النهار لي كنتي فيه بنت خاالتي

بقات تبكي ودموع طايحين سراب حاسا بالخنقة بالوحدة بالكئابة .. ناضت عيطات لعائشة .. وهي تنفاجر وبداات تشكيي عليهاا وتبكيي والدموع دايزين
زينب .. بنت الكلبة اهئ اهئ مااخلاات ماداارت فيهااا لا هيي ولا الق**** ديال بناااهااا ادورووني بينااتهوم اهئ اهئ نهاار اتجمعو وييحلووو علياا الرجلييين تنوضني نخدمم علييهوووم اهئ ويبقاو علياا سرقاات الرااجل لزبل اللخرااا واناااا ماااااسرررقتتت الرااااجللل لححدددًاناااا ( بقاات ضرب فسدرها وتبكيي ) انااا ماااسرقت الراااجل لحدد راااجليي وختارررنيي اناااا اهئ اهئ
عائشة .. شش صافي اويلي ازينب مالكي ماديري فرااسك هادشيي

85__زينب .. عيييت وماالقييت علاامن نشكي اهئ اهئ ونخااااف نشكي لماما وتعياارني وتقووولي بغيتها فيك نتيي بغييتييه اهئ اهئ زعماا ماكااتعرفييش ماما اهئ اهئ وااناا بغييتو اه ولكن شيبيني وبيييين الق*** دموووووو اهى عيييت اختييي عييييت ولييت باغاا نطططج
عائشة .. واش نصر كيتعامل معاك خايب واش قلتييلو اش كيدييروولييك
زينب .. واايمشييً اقود مابقيتش حاااملاااه صااافي اهئ اهئ طلعلي الخراا ومابقييت بااغاا حدد اهئ
عائشة .. ششش صافي دابا غير تكاالمي ازينب اديري شي موصيبة فراسك صافي قوليلو تجي تشوفي واليديك وهاكا ترتاحي ميت ميمتا ماشفنااك اجي راه تامهدي غايجي يجيبك معاه
زينب .. ( كتمسح فدموعها وتنخصص ) اصلا داكشي لي غاندير بغيت نرتاح شوية
عائشة .. شوفي ازينب نتي باقا فلول ديال زواجك وتبدلات عليك حياتك راه ضاروري ماكيوقع هادشي وكيقولو اول عام فالزواج كيكون صعييب داكشي لاش حاولي تحاافضيي على اعصاابك وتبردي ولا عيتي اجي دوزي هنا واحد السيمانة ولا عشريام رتااحي فيها وتهدني ونحليك الموشكيل وعاد رجعي لابغيتي ..
زينب .. صااافي اعائشة وااش انا كنقوليك كيعااملًووني بحال الجفاااف ونتي تقووليلي اول عام كيكون صعيب
عائشة .. مهيم نتي دابا تكاالمااي غاتجي وغانحلو كوولشيي واخا ..
حاولات تكالميها وتقاطعات معاها بقات كتشوف فالحيط ورجعات ثاني تبكي تاطاحت ناعسة ..
دخل كيلقاها دايرا الضلمة فالبيت توقعها تكون فالكوزينة تنهد مشا حل الريدو تاعمااها مانت الشمس دالعشية ومع كضرب نيشان فبيتهوم ..
نصر .. ( كلس كيدوز على شعرها ) زينب كبيدة حبيبتي فيقي راه مابقا والو للمغرب ( كيقيس فجبهتها لا تكون مريضة ) زنوبة فيقي
زينب .. ( حلات عينيها معنفجة جرات عليها الغطا ) بععد منيي اننصصر ..
نصر .. زينب شهاد الهضرة واش كتشوفي واسك كيفاش كتهضري كيفاش نبعد منك ..
بحالي شعلها وهي ترمي عليها الغطا وناضت واقفة كتشوف فيه بعصبية .. شنووو بغيتيي هاااناا قووليي شنووو بغييتي !؟؟؟؟
نصر .. ( غمض عينيه مزير على القبضة ديال يدو ناض واقف ) هبطي صووتك ..
زينب .. مااغانهبطوووش انصر ماغااتنهبطوووشش من الصبااح وانا نقوولك بعد مني يمااعندييش كاانتتك بعد مني ..
نصر .. ( ضرب اللفيوز بيدو حتا طاح مشخشخ فالارض بالزاج وهو يغوت ) بغييتيي نبععدد هااحنااا غاانشووفوو هاد البعدد شحاال غايكوون ..
مشا خارج وهو يضرب الباب دالبيت تاتخبط بقوة قفزها ..
زينب .. حمااار اهئ كاالس تغوووت عليياااا اهئ ..
سمعات الباب خرج لبرا .. مشات كتشوف الجاج كاع تزلع فالارض .. مشات دخلات لطواليط تجبد الشطابة تاكتروع وهي تفتح لاشاس بسرعة هبطات عليه كتقيا واخا والو غير المرار مكالات والو هاد النهار كباتو وكلسات كتبكي .. بااغين اخرجو ااهئ عليا ..
خرجات وجمعات داكشي ومشات جبدات غير السقاطة كلاتها ماحاملة طيب والو ورجعات مشات تكات تاليل وتسمعو دخل بدل وجا نعس حداها جا يقيسها وهي تقلب عطاتو بالضهر
سيمانة وهي على حالة غير اقسها تنوض تغوت تاصافي طلعلو الدم كيخليها النهار كامل ومين اجي فليل نفس الشيئء اليوم جا لقاها كتجمع حوايجها ..
نصر شكااديري ؟؟
زينب .. غانمشي عند ماما ..جاوبها بعصبية .. ولكن قلتيها
زينب : خسني نتشاور معاك باش نمشي نشوف ماما ولا ؟؟
نصر .. ( ضرب فالماريو تاقفزات ) قاااادي هضرررتك معاااايااا ..
زينب .. وكرررررهتتتك لاااا نتااااا لا الشااارفة دموووك

86__بقات ساكتة للحضة وغير جملتها لي كترددد علات عينيها كيترعدو فيه لقاتو كيشوف فيها وتعابيرو مامفهومينيش بقات كتشوف فيه والدنيا دايرا بيه ماعرفاتش مين خرجات هاد الجملة وبهاد الطريقة ..
نصر .. ( وهو كيقرب منها خطوات ) مافهمتش مزيان عاودي شنو قلتي ؟؟؟!!
بسرعة حول السورات من يد لليد لي فيها التيليفون وعلا يدو حتا خبات وجها بسرعة غوتاات كتسنا الدقة تنزل وهي تحل عينيها بسرعة كتشوف فاليد تجمعات قبضة مغمض عينيه مزير على يدو ..
بقا كيهبط يدو شوية بشوية ورجع هضر بهدوء تحت سنانو .. جمعي حوايجك كنتسناك لتحت ..
زينب .. ( دموعها طاحو ) ماغانمشيش معاك غانمشي مع خويا ..
دار عندها بلقطة مفاجئ وهو يجبد داك الباليزا من يديها تاغوتات شعطها مع الارض حتا تشتتو الحوايج ..وهي مزال كتبكي ..
نصر .. ( رجع دوا بلا مايغوت ) ودابا عاودي جمعيها غانتسناك لتحت ..
مشا خرج زادح الباب وهي تهبط على ركابيها كتشهق بالبكا وتجمع فالحوايج ديالها كاملين فالأرض .. ماقادرا تنطق والو والكين كتحس بوجع كبير فقلبها ماعارفاهش مين جاي جمعات كولشي ولبسات سروال دجين وتريكو مفضفض فالابيض غليظ دالصوف .. جمعات شعرها كعكة ودارت كاشكول فالفوز ومسحات دموعها وبقات جارا الباليزا تاوصلات للباب وخرجات مهبطها تالتحت .. غابوحدها تاوصلات للطبقة الاخيرة جات ربيعة خارجة تشوف اش واقع مادااهاش فيها وكملات تاخرجات برا لقاتو غادي جاي حدا الطوموبيل كيهضر فالتيليفون .. زادو طاحو دموعها .. تاشافها وجا هز من عندها الباليزا بلا مايديها فيها .. دارها فالكوفر بينما طلعات هي ركبات وجا ديمارا مقلع .. تاقطع وحط التيليفون .. بلا مايشوف فيها شاد الطريق بيد وحدة وتاهي قالبة وجها لجيهت الشرجم .. بلا ماتهضر معاه .. شاف فشعرها كيفاش عريان زاد زير على الڤولون كيتنهد وماهضرش ..
ساعة ديال الطريق وهوما فالسكاات واحد السكات غريييب جدا .. وهو غادي بسرعة معصب لأقصى درجة وكيحاول ابرد باش مايديرش شي موصيبة حتا كتغوت موقفااه ..
زينب .. وقااااااف وقققف. ( شادا على فمها ) مممم
شافها هاكاااك وققف بسرعة فالجنب وهي تفتح الباب طايرا ونزلات كاتقيااا مضوي غير الضو دالطوموبيل فداك الليل .. نزل بسرعة عندها شادليهاا رااسها ..
نصر .. تحناااي مزييااان ازييينب ..
بقات كاتقيااا حتا وقفااات كترجعع النفسس رجع بزربة للطوموبيل وخدا قرعة دالما وجبد ربعة دالكواغط بزربة ورجع لعندها ..
نصر .. ششش ( كطبطب على ضهرها ) غير بشوية شنو باقا كتحسي براسك متروعة ..
دوراتلو غي يدو زعما الدوخة ..
مدليها قرعة دالما شرباات ورجع مسحليها بكلينيكش وتكاها عليه شادليها يديها تازيدها للطوموبيل وكلسها فبلاصتها حال الباب ..
نصر .. واش كدوخي فالطوموبيل ؟؟
حركاتلو راسها باه وهو يمسح ليها على جبهتها جبد كاغيط دار فيه شوية دالما ورجع دوزوليها شوية على عنقها وجبهتها ورجع ليها شعرها اللور ..

87__دوراتلو غي يدو زعما الدوخة ..
مدليها قرعة دالما شرباات ورجع مسحليها بكلينيكش وتكاها عليه شادليها يديها تازيدها للطوموبيل وكلسها فبلاصتها حال الباب ..
نصر .. واش كدوخي فالطوموبيل ؟؟
حركاتلو راسها باه وهو يمسح ليها على جبهتها جبد كاغيط دار فيه شوية دالما ورجع دوزوليها شوية على عنقها وجبهتها ورجع ليها شعرها اللور ..
نصر .. شوية دابا .. ماشي موشكيل تاترتاحي على خاطرك ..
زينب .. لا شوية دابا غير يالاه نمشيو ..
نصر .. متأكدة ( حركاتلو راسها )
رجعات دارت وحنا ركبليها السمطة وسد عليها الباب ورجع لبلاصتو .. قلع غادي بسرعة ايوصل دغيا باش ماتزيدش تقيا كتر وهي كل شوية تروع ورجعات وقفاتو جوج مرات .. وهو كيحاول معاها تاوصلو لبني ملال صافي هي سخفات مارا كل مرة يقلب ليها راسها ..
نصر .. مكانش علينا نجيو ازينب مكانش علينا نجيو ..
زينب .. ( بصوت عياان ) سكت عافاك ..
حطات يديها على كرشها كتحس بوجع خفييف، حتا وقفها حدا باب الدار ..
نصر .. ( حيد الصمطة وشاف فيها ) مزيان دابا شوية ؟؟
زينب .. ( حركات راسها باه ) انا نهبط ..
نصر .. ( شدها من يديها ) حبيبتي قولي شنو واقع معاك شنو دارك واش تصرفت شي تصرف ماعجكش مم ؟؟ كاتعامل معاك الراليدة شي تعامل ماشي هو هاداك !! هضري قوليلي ازينب حالتك قطعاتني فقلبي !! شنو واقعليك
زينب .. ( بصوت باكي وعينيها مغرغرين بالدموع حيدات يديها ) نصر عافاك بغيت نرتاح شوية ( شهقات ) من كوولشي انصر عافااك ..
تنهد وجمع يدو راجع هبط وزدح الباب وهي هبطات غابشوية باقا دايخة .. هز باليزتها ومشا دق فباب ددار وهي موراه تافتحات مها كتسلم ..
خديجة .. اهلا ابنتي الحبيبة ( سلامت عليها ) مالكي ازينب اش فيك ..
نصر .. ( مدخل الباليزا ) مريضة شوية الراليدة خلي عينيك عليها ..
خديجة .. زيد دخل ..
نصر .. بارك الله فيك غانمشي ولاهيلا ..
بقات معاه وهو والو وشاف فزينب قبل ماطلع فالدروج شافت فيه وهو يجي باشها من جبهتها .. تهلاي فراسك واخا ؟؟
ماجاوباتش وهو يمشي خرج معصب دارت عندها خديجة .. مالكي مع السيد ..
ماجاوباتهاش مشات نيشان طالعة فالدروج ومها من موراها .. غير وصلات للفوق دخلات عليهوم وناضو البنات كيسلمو عليها وهي صفرة مااارا مابقا فيها مايتجمع .. بسرعة جاتها الترويعة ومشات ثاني كتجري للطواليط كتقيااا حتا كتبغي تموت تبعاتها مها كتجري تشوف مالها والبنات بقاو غير كيشوفو فحالتها كيفاش ولات

نوضاتها مها ..
خديجة .. هاويلي مااالكي نتيااا ..
زينب .. ( دارت كتغسل فمها ) قتلووني قتلووني ..
خديجة .. ( حيدات ليها الكاشكول ) الله يا بنيتي ومالكي فهاد الحالة ..
دخلات عائشة لعندهوم .. واش مريضة ..
زينب .. ( بداو الدموع كيطيحو ليها ) صافي حيدو عليا بغيت نمشي نعس ..
خديجة .. قتلووك ابنتييي قتلوووك ..
عائشة .. ( بقات فيها ) اجي نوصلك ..
وصلاتها لبيتها مابقا ليها فين تزييد ..
عائشة .. تاكلي شي حاجة !!!؟
حركات راسها بلا .. غير خليني
عائشة .. واقيلة شربتي البرد ومع هاد الصفر تسخسختي نعسي بشوية عليك ..
تكات واحد الشوية ناضت وحيدات التيريكو بجهد تاخلعات عائشة ..
زينب .. تفوووووو مرضنييييييي هاد الصهدد يخخخخ ( غوتات متعصرة ) اعتعععععععع ..
عائشة .. ( بقات غير مصدومة ) اويلي ازينب مالكي !!!
رجعات تكات فابديباردور وسروال دجين .. خليني نعس ..
ماعرفات ماتقوليها جبدات كاشة لاحتها عليها ومشات خرجات ..
خديجة .. كيبقات ؟؟
عائشة .. حالتها ماعجباتنيش اخاالتي ..
خديجة .. الله استر ياا ربي تكون غير من الاعصاب والطريق ..

88__عائشة .. اويلي اخالتي راه غوتات دابا عاد كتعصر خلعاتني وبقات ترمي فحوايجها بحالي خزيتي زينب وحطيتي زينب ..
خديجة .. ( دارت يديها على راسها ) ياا ربي ياا ربيي الحبييب الموهيم غدا نشوفو كيفاش غااتبقااا ..
عائشة .. يا ربيي انشااء الله ..
بقاو غير كيفكرو فحالتها ماعرفو شنو يديرو ..
وسط الليل ضرباتها الفيقة .. وناضت شافت جنبها لقات ختها نهال ناعسة كتشخر .. ناضت جرات واحد البينوار محطوط تما لبساتو ومشات خرجات الضلام ونصاصات الليل .. مشات للكوزينة .. دخلات ومضوية بضوء ديال تيليفونها كتشوف شنو كاين تما .. هزات الكاشير والخبز ودارت نص خبزة عمراتها شافت فالتلاجة جبدات واحد العصير بانليها تما وبدات تاكل وتشرب .. حتا تفكرات حالتها وبدات تبكي كتبكي وتاكل ومين تفكر بلي نصر مشا لمراكش كتزيد تبكي كتر وكتر .. تاشوية كيتشعل عليها الضوء .. طلعات عينيها خاشية الخبز فقمها والعصير شاداه فيديها وعاد كتبكي ..
زوبير .. ( بقا غير كيشوف ) بسم الله الرحمان الرحيم اش ماديري ابنتي اش فيقك مع هاد الفجر
زينب .. ( والضغمة فمها ) كناكل ( كملاتها بتنخصيصة )
زوبير .. الله الله الله ومالكي على هاد البكاوات .. ( قرب ليها جر كرسي كلس حداها وحط يدو على راسها ) مالكي ابنتي واش نصر ماكيعاملكش مزيان ؟
سرطات ضغمتها وحركات راسها بلا كتبكي .. كيعاملني مزيان
زوبير .. شش يا هاد الطفلة وقوليليا اش بيك !!
زينب .. عييت وتوحشتكوم اهئ اهئ ( ناضت معنقاه )
زوبير .. ( كيدوز يدو على ضهرها ) اجي ابنتي الزوينة الحادگة ديالي تاحنا توحشناتك وكون تشووفي حرام واش بلاااصتك عمرات فالدار فينما نجي نعيط نقول سميتك ومسا ونتفكر راه عطيتك ( زادت فلادوز دالبكا ) شش وصافي ابنتي ثاني راه كيجي الوقت كولها خاس يمشي ادير دارو حنا بقينا مع واليدينا دابا مم .. الا ايوا تانتي ابنتي هاكاك ..
زينب .. اهئ اهئ انا بغييت نبقااا معااكووم
زوبير .. هههه وهاديي زوينة ثاني ..
زينب .. عافااك ابابا اهئ اهئ ..
زوبير .. شش يالاه نوضي نوضي انمشي نصليي الفجر ونجي ..
زينب .. الاااا اهئ اهئ بقا معايا ابابا عافااك ..
نوضها وداها لبيتها .. ونعسات وهو بقا حداها قدا عليها القرآن باش تنعس حتا غفات وناض مغطيها ورجع غطا تانهال ومشا خرج ..
فاق فالصباح كولشي فطرو نهال مشات لافاك وبقات عائشة وخديجة كيتسناو زينب تفيق صابحا ناعسة
خديجة .. لا والو انا ماعجبني شاااي هادشي اليوم قاليا دوبير راه لقاها كتاكل مع ربعة دالصباح باش ناض اصلي الفجر
عائشة .. ( بقات كتشوف ) خاالتي اجي نقووليك
خديجة .. هانا
عائشة .. ايواا السيدة كااتقيااا ماحاملااش الهضرة على راجلها !! كانتها خاسرة .. نايضة تاكل فنصاصات الليل وعاد صابحة حامرة الحداش دابا فين عمر زينب تبقا حتا للحداش ماتكوونش زعماا جايباالينا شي بجغووط ..
خدييجة .. ( طاحت ليها طن فراسها ) ايييه ولاهيلا وانا كالسة نقول اش فيها البنت ومااكذبتييش السييدك رااه تكوون حاملة وهي مافخباارش دييرها بنتي ديرهااا سلعة كرشي نوضي نوضي سيري للفرماسسان جيبي هاداك اسميتو ..
عائشة .. التيست اخالتي التييست ( ناضت بالفرحة ) هااانا غاداا نيت قبل ماتفييق ..

89__مشات جابت عائشة التيست كتجري من الفارماسي .. ودخلات لقات لالة مولاتي يالاه نايضة معنكشة شداتها بزربة قبل مادخل لطواليط هي ومها ..
عائشة .. زيدي زيدي دخلي ..
زينب .. مالكوم مصبحين عليا ياك لاباس ؟؟
خديجة .. سكتي ودخلي ديري التيست ..
زينب .. شمننن تييست ؟؟؟
دفعاتها دخلاتها لطواليط وسدو عليهوم ..
عائشة .. هادي ديريليا شوية فهاد الطاسة ..
زينب .. ( قلبها خفق مين فكرات فاش كيفكرو ) و وااش ن نكون حاملة !!؟؟
عائشة .. يالاه يالاه سربي هاني كنساينك مين تسالي ديري قطرة هنا وتسنااي ..
خرجات وخلاتها كتشوف فداك التيست يديها كيترعدو لمجرد انها فكرات راسها اتكون حاملة دارت داكشي لي قاتليها وحطات التيست كتشوف فيه وشافت فالمرايا خدات نفس تابدات عائشة دق عليها .. سالييتيي ..
زينب .. صبرييي .. غسلات وجها وبقات تطل على التيست بنص عين ماعرفات تهزو ولا لالا واحد الشعور تخلق فيها فشكل تاشوية هزاتو سادا عينيها وحلاتهوم بشوية .. جمعات عندها شفايفها عاضاهوم تاحلات عليها عائشة هاكاك بداك البوزيسيون .. اش ماين انشووف .. ؟؟
طيراتليها تيست من يديها غير شافتو وهي تغوووووت .. وااااااااع واادااارتهااا دااارتتهاااا الزوووغبيييية .. ( طارت كتمخض فيها وزينب طلقات التبشيرة كضحك وهي تغطي فمها كضحك ) حاااملة حاااملة المسخوطة ..
خديجة .. ( جات كتجري لعندهوم ) اش كاين اش كاين ..
عائشة .. حاملة ..
ضرباتها خديجة بتزغريتة تسمعات فالدار كاملة وهي تعنق زينب كضحك .. تباارك الله تبارك الله مبروووووك والف مبروووك ارباا فعززك ابنتيي وتشووفييه اكبر قداامك ..
زينب .. ( واحد الشعور كتحس بيه غيير شكل ) هههه شكرا هههه ( شافت فعائشة ) انااا حااااملة واااااااع هههههه ( طارت ثاني كضحك وهوما كيضحكو عليها ..
عائشة .. وعطيي عطييي البشاارة
خديجة .. اييه عيطيي لرااجلك وقولوو ماتخافش ولدك لي معصب عليك ماشي نتي ..
زينب .. ( ضحكات كتعض شفاييفهااا وتفكر كيفاش غاتقولهالو ) شش انا عارفة كيفااش غانقوولهاالو ولكن عافاكوم ماتقولها لحتاا شي حد تانقوولها لييه هو ..
عائشة .. هاي هاااي هااحناا سااكتيين غير نووضيي كووليي مزيااان وخااسك ترجعي لمراكش باش تمشي تشووفي شيي طبييبة ..
خديجة .. اش مشههية بنتيي نتي غيير طلبييي وتشررطيي ..
زينب .. ههه ممممم ( بقات تفكر وضحك كتحس براسها فشكل ) بغييت دجاج محمر مممممم …
خديجة .. هييي اللولة يالاه دوزي بعدا تفطريي وكلسي رتاااحي ..
مشات خلاتها مع عائشة .. فاش كتفكري مم
زينب .. ( حطات يديها اسفل كرشها ) غانوليي اممم ( عينيها تغرغرو ) ههههه
عائشة .. شش عارفة هاد الاحساس الحمقة كتبداااي تحسي بيه من دابا فخباارك وفينما تحطي يديك تماا غااتفكري بلي راه عايشة والقطعة الصغيووورة منك تماااا خاسك دابا تقوليها لنصر ..
زينب .. ماعرفتش كيغانقولهالو
عائشة .. هه انا اول مرة كنت جبتلو تقيشرات صغيوورين بقا غير كيشوف تاجيدهوم ولقا مكتوب فيهوم ويلكوم دادي .. كانت عجباتو وفرح فرح عرفتي شحال كييفرحو ازينب ماتخييلييش وخصوصا نصر انا متأكدة ..
زينب .. عارفة ( وهي كتفكر فيه ) بقا فيا البارح ( عينيها غرغرو )
عائشة .. ماشي موشكيل احبيبتي دابا عادي ماشي بيديك كولو من الحمل ..
زينب .. عافاكي ماتقولوها لحتاشي واحد تايعرف نصر واخا ..
عائشة .. وصاافي ويلي راه قلناليك مانقولوها لحتا شي واحد غير طلقينا .. يالاه دوزي تفطري دابا
زينب .. واخا هانا جايا ..
مشات عائشة وهي كلسات فوق الناموسية باقا مامتيقاااش حطاات يديها على كرشهاا كضحك غابوحدها ..
زينب .. عرفتي بابا شحاال غايفرح مين غاايعررفك جااايي هههه ( على ذكرها بدا تيليفونها كيصوني شافت فيه لقاتو هو عضات على شفايفها وهي تقطع عليه وعاود المرة الثانية ورجعات قطعات ) ههه تانشوفو شنو غانقولو ياك امامي ههههه نخليو بابا شوية تانشوفو واش غايجي يشوفنا ولا لا

90__خلات تيليفونها وناضت كتفطر وعائشة كضحك معاها وتعاود ليها على الوحم ديالها عند امجد وعند حسام وزينب كتسمع مبتاسمة وتاكل المسمن بالشكلاط والقهوة .. كتاكل وتفكر فالوجم ديالها لي باين كيغادي يكون من اللوول ..
عائشة .. وقوليلي دابا شنو غاديري مع عجوتك ..
غير قالتها ناضت زينب شادا على فمها ودخلات كتجري للطواليط كتقيا غاع خرجات داكشي لي كلات على الفطور .. تاناضت غسلات وجها دخلات عائشة كتشوف فيها غير شافتها رجعات تروعات وعاود بدات تقياااا تاكتجييف ..
عائشة .. ( شداتليها راسها ) خاسك تمشي لطبيبة ضاروري تشوفي بعدا هادشي كون عيطتي لراجلك ..
زينب .. ( بدات تبكي ) مااابقييييتشش حاااملاااااه يببعددد منيييي اهئ اهئ اهئ .. ( رجعات ثاني كاتقيا تاجات خديجة ) كتنش عليها ..
وناضو خرجوها مابقاتش باغا تفطر تكات فبيتها شاداها الدوخة ..
خديجة .. عيطتي لنصر ؟
حركاتليها راسها بلا .. ايوا اش كاتسنااي ؟؟
ناضت جعرات عليهوم .. ودخلوووووو سوووووق راااسكوووم ومااابغييييتش نعييطلووو واااش مااكااتفهمووووش ..
عائشة .. ( غمزات لخديجة ) شش صافي غير تكالامي صافي رتااحي ..
خرجو وخلاوها تم ..
خديجة .. ايوا شنو نهليو الدرية هاكا ..
عائشة .. انصبرو غير اليوم لاماقالتهاش غانقولوها حنا
خديجة .. وراه مهدي وبسمة ايجيو اليوم ايشوفو حالتها اش نقولو ..
عائشة .. قوليليهوم لي كاين ووصيهوم ..
خديجة .. زيدي زيدي كملي بعدا معايا داك الدجاج
عائشة .. عايني نرضع حسام وهاني معاك ..
جاو اعيطوليها للغدا قاتليهوم مابقاتش حاملاه ورجعات ثاني ثقيات جوج دالمرات بقا باها غير كيشوف تاقاتلو خديجة لي كاين وفرح مسكين وقالوللو يبقا ساكت حتا تشوف شنو دير … جات نهال فالعشية دخلات البيت لقاتها مضلمة وزينب ناعسة ضحكات حيت قاتليها خديجة شنو كاين حطات حوايجها وباستها ومشات خرجات ..
بقات هي ناعسة هاكاك تاليل كتفيق على صوت الهضرة بزاف نايضة فيها الدوخة ماكلات والو وماعندها الگانة لحتاشي لعبة .. هزات اليتيلفون لقاتو معيط ربعة دليزابيل طفاتو ولاحتو .. وناضت دخلات لطواليط تابدات تقيا وهاد المرا والو الخوا كولشي من برا كيسمعها كاتقياا بالغوات بجهد ..
خديجة .. مسكينة راه جاها الوحم صعيب ..
بسمة .. ( عمرو عينيها بالقلوبة ) ويييليي واااش حااملة ..
عائشة .. ( ضحكات ) ههه اه
مهدي .. ( ضحك ) ايوا مبرووووك ..
ناضت بسمة .. انا انمشي عندها هههه عمي فرااسو
عائشة .. ماتقلوهاش لنصر بغات حتا تقولهالو هي ..
بسمة .. ( غمزاتها ) ممم داكشي ديال المفاجأة ياختي يا ختي ههه ..
مشات كطير لقاتها خارجة من الطواليط صفرة والشعر مطلوق ليها طوييل وعرقان على جبهتها ..

91__بسمة .. ويلي ويلي على الخربووش دولد عمي باقي فااكرش ومعذبلينا زنوبة ..
زينب .. ( بابتسامة دابلة عيانة ) بسمة جيتو ..
بسمة .. احح يا حبيبتي ( سلمات عليها ) غابشوية عليك اجي نوصلك للبيت ..
زينب .. فيناهو مهدي .؟؟
بسمة .. ماشي موشكيل غير اجي نوصلك انا نعيطلو اجي تالعندك ..
دخلاتها للبيت وتكاتها دارت الوسادة مور ضهرها فارعها .. شكرا
بسمة .. ايوا قوولي النااس دارو الكريشة مم هههه
زينب .. (كتبتاسم بزز ) هادشي لي كاين
بسمة .. مبرووك احبيبتي مبروووك الله افكك على خير تانهزوه بين يدينا ..
زينب .. امين ..
دخل عندها مهدي .. ونااري ودغيااا بديتي ديري الفيران دياولك ( ضرباتو بسمة كضحك ) سكت قالا يسمعك عمي يوريك تقول على ولادو فيران
زينب .. خويا لاباس !!
مهدي .. اختي باينة دقتك صحيحة ( باسها من جبتها ) مبروك اختي ..
زينب .. الله ابارك فيك ..
مهدي .. ايوا نعيطو لسي نصر نباركولو
بسمة .. ( طيراتلو التيليفون ) رصااا خلي تاتقولهالو ختك ..
مهدي .. ( غمز زينب ) غاقوليها اختي راه افرح كيفما كان الحال .. ( كملها بضحكة وهي تسدلو بسمة فمو كضحك ) ديها فهاذا اولدك قبل الوقت ..
زينب .. ( بدون مبالاة ) غير قولوهااو لابغيتو ..
وقفو واحد الدقيقة بسمة كتشوف فيها وهي تكلس حداها .. حبيبتي واش واقعة شي حاجة بيناتكوم ..
عائشة داخلة .. وراه جاها الوحم عليه
مهدي .. لا لا بزاف هههههه ..
بسمة .. ( عضات شفايفها بجدية ) تت صافي اختي ناشي موشكيل والله ظروف وكادوز والله مرحلة وكدوز
زينب .. بغيت نعس عافاكوم بغيت نرتاح ..
عائشة .. نوضي غير كولي شي لقمة راه غاتموتي
زينب .. مااااابغييييتشششش زيدييييهاااا فرااااسك
بقا كولشي غير كيشوف مهدي نساحب بهدوء وتبعاتو بسمة وعائشة تنهدات وطفات الضوء وبقات هي كتبكي .. تفووو تاحد ماكيفهمك اهئ اهئ ( رمات الوسادة على الباب ) بعدووووو منييييي اهئ اهئ

داك الليلة كانت كول ساعة تنوض تقياا تاكاتقول اتخرج معداتها كاملة ومها بقات سهرانة معاها، عطاتها كاس دالحليب وصايبات ليها دشيشة بعدا تاكل غير شي حاجة .. كتكمل تبكي فحجرها وتبقا كاتقرا عليها القرآن نوضات خديجة نهال تمشي للصالون ونعسات هي حداها غير تسمع حسها تنوض معاها ..

تاوصلات الخمسة دالصباح عاد وقفات من داك الرضان ونعسااات ومها بقات فيهااا على هاد الوحم لي جاها مشحر ..
ناضت فالصباح كاتصايب الفطور وهي تحي عندها عائشة .. صباح الخير
خديجة .. اشمن اخير اودي ابنتي
عائشة .. سمعتها اخالتي الليل كامل
خديجة .. اودي تاجبت ليها السطل حداها صافي كنقول دابا تهبط القلب ديالها ..
عائشة .. يا ربي الحبيب فكراتني فالوحم ديال بنت خالتي جاها بحال هاكا ..
خديجة .. أنا غانعيط للدري مايمكنش تبقا هاكا بعدا نديوها للطبيب ويعرف هو علاش قالبة وجهها عليه باش مايقولش شي حاجة ..
عائشة .. بصح أنا غانقولها لبسمة هي تقولهالو حسن ..
خديجة .. صافي ..
عاونات قادو الفطور تاناضو تجمعو كيفطرو وجبدو الحالة دزينب كانت باقا ناعسة وهي تقولها عائشة لبسمة باش تقولها لنصر على الاقل يعرف راه مرتو حاملة ومنها يعرف حالتها راه مسالية ..
بعدات بسمة لجيهت البالكون وعيطات لنصر بقا كيصوني الخط تاتقطع وعاود عيطليها ..
نصر .. آلو بسمة ..
بسمة .. الو عمي كيداير لاباس !
نصر .. صاڤا بيخير نتي مزيان كيدايرين مالين الدار تما كولشي مزيان ( سكت شوية وهو يقول ) كيدايرا زينب !!
بسمة .. ( تنهدات وهي ضحك ) عندي ليك بشارة ههه
نصر .. لي هي ؟؟؟!
بسمة .. زنوبة غاتجيب لينا واحد البجيغيط ..
نصر .. كيفاش !! واش زينب حاملة ؟
بسمة .. اه هههه
نصر .. واش كدوي بصح
بسمة .. اويلي اعمي وراه كتوحم وحاها الوحم غير عليك غير سكت مسكينة ماكاتاكل ماكاتشرب وضلات الليل كامل وهي كاتقيااا داكشي ماقديناش نصبرو وقلناهاليك
نصر .. واش باقا ناعسة !
بسمة . اه مبروك اعمي
نصر .. ههه ونشوفو بعدا المرا حدانا عاد باركو

92__ماقديناش نصبرو وقلناهاليك
نصر .. واش باقا ناعسة !
بسمة . اه مبروك اعمي
نصر .. ههه ونشوفو بعدا المرا حدانا عاد باركو
بسمة بقات كضحك وتحاول تقشب عليه وهو غير مسايرها فخاطرو فرح حيت ربي رزقو وفنفس لوقت خايف على حالتها من شنو قالت بسمة وأيضا مقلق حيت كولشي عارف وهو لي باه وماعرفش، مابين والو من هادشي لبسمة تايشوف اميرتو بيدو عينو لي كتحكم ..
حلات عينيها فسقف الغرفة ماحملاش راسها .. ورجعات ناضت غابزز قضات حاجتها وخرجات لعندهوم لقات غير بسمة وعائشة لي كالسين .. ابتاسمو كيرفهو عليها وهي غابزز باش كتهضر، مابغاوش اقولو ليها راه قالوها لنصر خافوها لا تمشي تنفاعل وهي على نبيشة كتقلب على السبة .. كلات الفطور كدوزو بزز ماقادراش تاكل وناضت رجعات لبلاصتها تنعس تاشوية ناضت كاتقيا ثاني .. ومع سالات بقات كتبكيي تادخلات لعندها خديجة ..
زينب .. مامااا عذبنييي اهئ اهئ علاش هاكا علاش اهئ اهئ
خديجة .. ( جراتها عندها ) ماديريش هاكا ابنتي غير جاو وقالو الجنة تحت اقداام الامهات اييه ابنتي راه الولاد صعاااب صبري ابنتييي
زينب .. اهئ اهئ علااش كنشوووف بزااف كيجيهووم داكشي ساهل او زوين وانا شوفي غير من اللول شوفي كيجاني اهئ اهئ ..
خديجة .. الله ارضي عليك ابنتي ماعندك ماديري صبري صبري
بقات شحال كتبكي فحضنها عاد باش رجعاتها للبيت تكاتها تانعسات وحلات ليها السطل قدامها باش لاناضت تقيا فيييه ..
وجداتليها الغدا ديالها دارت ليها صلاد متنوعة ووكلاتها بزز منها باش تلقا غير ماتقيا بعداا ماتبقاش تقج فراسها ..
وصل جوايه المغرب تاكسمعو طوموبيل وزديح دالبيبان .. تسمع صونيط ناضت بسمة حلات لقاتو نصر .. تعانقات متسلم عليه وهي طالعة معاه سلم على خديجة وعائشة وهوما كيباركولو وهو غير بابتسامة خفيفة كيجاوبهوم بانقاتو كيف العادة شوميز فالازرق غامق وسرال فالاسود مع سبادري ومونطو طويل شوية فالاسود ساعتو فيدو وريحتو سابقاه زائد ملامحو واللحية الكثيفة السوداء المتوسطها شعيرات فالابيض كتعطيه كاريزما وشخصية اكثر قوة شاف فخديجة
نصر .. فيناهي زينب ؟
خديجة .. راه متكية اولدي هاهية فبيتها ..
سبقاتو وهو من موراها تافتحات عليها الباب لقاتها كتشوف فالتيليفون طلعات عويناتها كتشوفو من مور مها تقدم داخل
خديجة .. زينب ها راجلك جا يشوفك .. ( مشات خرجات وسدات موراها الباب )

بقات متشوف فيه وهو كيتقدم ويتمعن فحبيبتو الصغيورة كيفاش دابلة وتحت عينيها كوحل وشعرها كاتخليه مطلوق هابط مع سدرها .. گلس حداها وهي طلع عينيها لسقف مغرغرين بحالي ماقادراش تدوي .. ابتاسم بهدوء وهزليها يديها باردين وصغيوورين باسها من الفوق ورجع قلب بشوية باسهوم من لداخل وشم ريحتها ساد عينيه ورجع شاف فيها لقا جوج دمعات باردين هابطين مع حناكها وهي جامعة فمها لداخل ..
نصر .. مال بنتي الصغيورة مم ؟؟ مقلقة مني !! ..
ماقدراتش تبقا وهي تهبط راسها كتشهق بصوت عالي .. تنهد دوز يدو لعند كتافها جابدها لعندو حاط راسها على سدرو .. تتت ماكاين علاش احبيبتي هاد البكا كامل ششش ..

بقات كتبكي شادالو فالشوميز كاع فزگاتها بالدموع وهو مخليها على خاطرها وكيدوز يديه على ضهرها بشوية ويسكت فييها مدوز يدو الاخرى ضامها ليه ..
زينب .. اهئ انا عييت اهئ
نصر .. انا معاك احبيبتي شش ( طلعليها وجها شوية كيشوف فعويناتو لي كيحمقوه حمرين بالدموع ) لاش هاد الدميعات هادو كاملين ممم لاش ( هبط يدو تاحطها على كرشها وزاد جبدها تاحطها على حجرو ) هادشي كامل جاي من هاد الفريخ لي هنا مم .. ( هي بقات غير كتسمع لصوتو وراها متكي على سدرو العريض بحال شي طفلة ) كيتعدا ليا على اميرتي مم ..
كيسمع تنخصيصها وبكاها لي تهدن وهو يبوسها فراسها وحط اللحية ديالو على جبهتها ضامها لعندو ومدور يدو على جنبها ..
نصر .. توحشتك اكبيدة مم !! توحشت نلقاك فداري ( هز الصبعين ديالها باسهوم ) توحشت ندوق من هاد الصبيعات .. ( زير شوية عليها من الجنب ورخاها ) اش هادشي درتي فيا غير قوليلي !!
هي غيير ساااكتك وتسمع لهضرتو تهدناااات بقات غير حلا عويناتها ترمش مرة مرة .. رجع ضغضغها فكريشتها حتا تحركات فوق حجرو مبتاسمة شوية ..
نصر .. شنو عندك هنا مم ؟؟ ( علات عينيها فيه وهو يزيد علالها راسها بيديه ونزل حط قبلة خفييفة على شفايفها ورجع شاف فعينيها ) مخبياي شي اميرك زوينة بحالك !!؟
زينب .. ( نطقات بشوية وهي مهبطة راسها ) باش عرفتيها اتكون اميرة ..
نصر .. ( ضحك بعدا سمع صوتها ) دابا خسنا نهروك باش تهضري مم ( رجع هرها تاضحكات وشدات فالعضلة دييدو ..
زينب .. ااي ههههه رصااا

93__نصر .. ( رجع ضمها كيسرح يدو على كتيفاتها ) لي كان احبيبة لي كان نتي كلك حلوة ولي حات من عندك غاتكون حلوة الله اجيبو على خير يا ربيي ( علا ليها راسها ) وشكرا احبيبة عطيتيني احسن كادو واحسن خبر سمعتو فحياتي ( باسها فجبهتها ) ..
زينب .. ( بقاو دموعها كيعمرو فعينيها ) كنتعذب بزااف ..
تنهد وحرك يدو شوية على كرشها .. بزاف احبيبة ؟؟
حركاتلو راسها باه ودموعها مزالين هابطين .. الليل كامل وانا كنتقيااا اهئ اهئ كل شويية تاكنقوول انموووت اهئ ..
نصر .. شش كولشي غايكون مزيان واخا غانديك عند الطبيبة نشوفو شي دوا كيوقف الرداان صافي كالم طوا احبيبة انا معاك ..
بقا شحال معاها كيسكت فيها وكل مرة ادلعها ويحاول ينسيها وهي ذابت من يدو وبحالي لقات علامن تشكي مرة يهرها وضحك ومرة تبقا تشكيلو من شي حوايج تافهين هو حيد الجاكيط ديالو وصباطو وتكا متكيها على سدرو كيسمع ليها تابدات تهضر
زينب .. اهئ اهئ وخااالتي تااهية داك النهاار خلات تااجااو اهئ بشرىى وصفااء اهئ وبقاات تقووليااا سررقت الراااجل لخوولة اهئ اهئ وانا انا مااسرقتش كنقوليهوم نتا ختارتيني انا قبل منها ..
نصر .. ( طلعليها وجها مقطب حجبانو بحالي تشوكا مين سمع هاد الهضرة ) واش كتهضري على الواليدة ..
حركات راسها باه وهي كتنخصص وتشهق بالبكا .. اهئ وكانت تكب ليا المااا وتخليني نجفف الدروج اهئ اهئ كتخليك تاتمشي للخدمة ودير مابغات ..
مخليها كتشكي وكل ماتسكت اقوليها زيدي كملي وبدات تسرسبلو كاع لي دارت ليها وهي غاتموت بالبكا وهو كيقيد عاقد حجباانو مزير على يديه ..

بقات تعاود حتا بدات غير كتنخصص تاكيحس بأنفسها نتضمات بقا كيدوز على شعرها تاهبط راسو باسها من جبهتها وبقا شحال كيشم ريحتها ..
ضل داك الليلة معاهوم خرج تعشا مع مالين الدار كولشي ممجموع وعطاتو خديجة العشا يشوف واش تبغي .. مشا داليها بيدو مابغاتش تفيقلو واالو عيا معاها تاخلاها على خاطرها وبات الليلة معاها فالبيت معنقها .. تاكيحس بيها ناضت من حداه كتجري لطواليط وتاهو تبعها كتقيا .. شدليها شعرها حتا سالات وغسليها وجها .. وهو يهزها بين يدو مشا بيها للبيت تكاها دايخة ..
نصر .. تاكلي شي حاجة مم !؟؟
دورات راسها بلا تنهد كيشووف فيها ورجع كيرطب معاها تغفات تاني على سدرو مخشية فيه لي شافها مايقولش هادي لي لباره كانت كاتعايرو ..
جوج مرات وهي كتقيا ديك الليلة وهو كل مرة كيفيق تاكيقول غايديها للسبيطار وكترجع تقولو لا وتنعس مافيها لي يتحرك ..

ناضت فالصباح كتشوف لقات راسها بوحدها فالبيت .. وكتسمع الهرج فالصالون حطات يديها مزيرة على راسها كتحس بيه غادي يطرطق وناضت لبسات بانطوفتها وبينوارها وخرجات لقاتهوم مجموعين عند الفطور ابتاسمات ابتسامة دابلة قاتليهوم صباح الخير ومشات غادا للطواليط ناض هو تابعها ..
نصر .. حبيبة كيصبحتي مم ( كيقيس يدو عند جبهتها )
زينب .. شوية شوية دابا
نصر .. خسك تفطري باش غانمشيو للطبيب ضاروري
زينب .. لا مافيا لي يمشي ..
نصر .. ضاروري احبيبة خاسنا نمشيو ويعطيك شي كينة لهاد الردان واخا دابا غانسبرو هاد الشهراين هنا تاتمشي لمراكش ونشوفو طبيبة نسائية منقدرش نخاطر بيك دابا فالطريق ..
زينب .. ( حركاتلو غير راسها ماقادا على هضرة ) واخا
نصر .. نعاونك ..
زينب .. لا لا غير خل( قبل ماتكمل هزها تاخرجات عينهيا وبدات تطل من موراه لايكون شافهوم شي واحد ) اويلي حطني
نصر .. هاز ولدي اختي فين الموشكيل ( دخل للطواليط وسد موراه الباب ..
فطرات ولبساات حوايجها معاونها غير بشوية عاد لبس حوايجو ومشا مهبطها .. معاوناهوم بسمة تالتحت ..
ومشاو غير بجوج لطبيبة مسائية فبني ملال عطاتهاليهوم عائشة .. غير وصلو ودخل معاها بقا گالس وهي موكية عليه راسها دايخ .. وكتشووف فواحد المرة حاملة تكون فشهرعا الثامن حطات تاهية يديها على كوشها مبتاسمة خسها غير فوقاش توصل داك اللحضة وشحال غاتكون فرحانة .. مرر عينو من التيليفون لي شاد شاف لقاها مبتاسمة كتشوف فداك المرا وشادا على كريشتنا .. ابتاسم مدوز يديه مورا ضهرها ورطب على كتيقاتها تاشافت فيه ..
نصر .. كيوليتي شوية ؟
حركات راسها بأه .. تاعيطات ليهوم الدكتورة ناضو دخلو طلاقات ليهوم الطبيبة بضحكة مع زينب وباش كتحسي وكدا وكدا .. قاتليها زينب بلي دارت التيست وطلع اجابي وراه قتلاتها الدوخة والتقيا وماكاتاكل والو ..
تكاتها على البياص ونصر كلس فواحد الكرسي كيشوف فيها مربع يدو مبتاسم ليها وهي كتشوف فيه وفالطبيبة .. لي دارت ليها جيل على كرشها وهي كتسولها على ليغيگل ومن فوقاش بدات تحس .. وفنفس الوقت كدير ليها الاباغاي على كرشها وكتشوف فالشاشة .. حتا بدات تبتاسم ..
الطبيبة .. مشاء الله الجنين كيكبر تبارك الله بصحة وسلامة ..
بسرعة دورات راسها للشاشة وهو ينوض نصر لحداها كيشوف تاهو دارت زينب شافت فيه عينيها مغرغرين .. بتاسم وهز ليها يديها باسهوم
نصر .. شحال عندو ؟
الطبيبة .. 3 سومين اموسيو ..( شافت فزينب ) يعني راك فالمرحلة ديال الوحم عادي تحسي بهاد الاعراض كل وحدة وكيفاش كيجيها الوحم وكل وحدة والهرمونات لي عندها ..
زينب .. كيتحرك ههه
الطبيبة .. هههه باقي صغيييير باقي حتا دقات قلبو ماتسمعو منهنا شي سيمانة غاتقدري تسمعيهوم ..
حركات راسها ودارت كضحك مع نصر، نزل باسليها جبهتها .. بقات الطبيبة غير كتشوف ورجعات مسحاتليها تحت كرشها ..
الطبيبة .. تقدري تنوضي مبروك عليك ..
زينب .. الله ابارك فيك .. ( كتنوض )

94__نصر .. عابشوية بلاتي نعاونك ..
قادليها حوايجها وهي كضحك وتشوف فيه كيفاش كيخاف عليها وعلى ولدو لي هازا فكرشها ..
تحركو للبيرو ديال الطبيبة وصفاتليها واحد الدوا شوية يحيد ليها الدوخة، ووصاتها تاكل ضاروري باش مايجيهاش فقر الدم ودور توصي نصر .. باش تبعد على العصبية وبلي الوحم راه كيأثر على النفسية وعلى الاعصاب ..
خرجو وهي شادا فيديها تصاور ولدها مرة مرة تجبد تشوفهوم غادي سايگ وكيضحك
نصر .. ماسخيتيش بيه مم ؟؟
زينب .. ( شافت فيه بضحكة وحب ) مااااسخيييتش بيييه خسنيي فووقاااش نشووفوو حدايا

وصلها للدار ورجع مشا شراليها الدوا وجابوليها .. بقا معاها داك النهار كامل، ثاني حاول يوكلها بزز باش تشرب الدوا واخا ماحاملاش وغير كتبكي .. عائشة وخديجة حارو اشنو يطيبو ليها، وصلات العشية كان خاسر يرجع حيت كيخلي الخدمة ولا ماوقفش عليها بيدو ماكاين لي غادي اوقف عليهوم ..
بقات ناعسة باسها وغطاها وخارج وكيوصي خلالها 3000 درهم محطوطة تم وسلم على مالين اللدار ومشا راجع لمراكش ..
طول الخمسشهور دوزااتهوم كككحلة مااااعمرهااا كرهات حياتها حتالهاد الخمس شهوور رجعاتليها ثاني الحالة على نصرر وكتحلف عليه وتقولو صافي باغا طلاقي وماتحملش تشوف كمارتو ولا تسمع صوتو ولا تسمع سميتو .. كيجي كيطل عليها ناعسة ويمشي حيت لاشافتو رجعات كتجعر تانابقاش كيجي تافاديا لا تنشي توقع ليها شي حاجة .. والردان والو واش وقفات منو تقية من سبعة لستة دالمرات فالنهار .. كرهات الزواج والحمااة وكل مايجي منهوم وضل الليالي تهرنن وتبكي وتشكي على مها وتقوليها باغا نرجع كيكنت .. ضعافت ووجها صفار وتحترعينيها زادو كحالو بالنعاس نهار ومطال وهي متكية تانوضة ببزز باش كتنوض للطواليط وترجع مابقاتش حاملة راسها .. جاها واحد الوحم صعييب صعييب بحالي تهزات زينب وتحطاات وتالطبيبة قاتليهوم شفت ماكفس ووصفاتليهوم ادوية يهدنو شوية باش تحيد الاعصاب ناعيك على فقر الدم لي جاها بسباب الماكلة ورجعات كتشرب فيه .. كتحلف وتعاود ماتعاود تولد صافيي كرهات هادشي كامل

شهر على شهر كانت كتهدن وكاتحاول ترجع لطبيعتها وكيف كانت ونصر ماشافتوش ربعشهور حيت صافي كتقولو لاجيت نقتل راسي .. كرهااات مايجي منو وهو كيحاول يصبر ويديرليها خاطرها حيت هادشي لي مكتب عليهوم الله بدات طلع فخمسشهور والكريشة بدات تبان ليها شوية وتاوجها رجع كيبياض وبدات تاكل بعدا شوية وحتا الڤيتامينات عاونوها باش ماطيحش مارا .. وبدات تخرج وتفطر وضحك عاد بداو احمدو الله .. وقفات اليوم حدا المرايا وطلعات البودي باش تبانليها كريشتها خارجة شوية .. بقات دوز عليه بيديها وتمسد بشوية وضحك ومين كتفكر هاد الايام لي دازو عليها وكيفاش كرهاتو كتنزل دمعة سخونة من عينيها تفكرات نصر متنكرش انها توحشااتو بزاااف وبعدات عليه بزاف لدرجة بحالي مابقاتش مزوجة بيه التيليفون طافياه عليه وماقاسهاش ولا شافها ربعشهور كااملة تنهدات وسرطات ريقها غسلات سنانها وعاد وجها بواحد الكوماج نشفات ودارت كريم وخرجات عندهوم تفطر
زينب .. (بابتسامة ) صباح الخير
جاوبوها دقة كان باها وعائشة وخديجة اما فؤاد فالخدمة ونهال فلافاك .. جلسات كتفطر حتا شافت فيها خديجة
خديجة .. ماعيطتيش لراجلك تشوفي كيف بقا وكيداير ربعشهور ماشاف كمارتك ..
ماجاوباتهاش كملات الدهين دالكوفيتير فالخبز وبقات كتاكل
زوبير .. هانا نايض نشوف شي شوية داك المحال ( معصب على زينب حيت صافي حالتها بدات تسگد والراجل ماحاملاهش يجي لعندها ) …
مشا خرج وخلا خديجة نايضة قبل مادير شي موصيبة بقات غير عائشة كتشووف فيها .. زينب راه بصاح قاتليك خالتي عرفنا وحمك داز صعييب وكلنا كنا شاهدين وتاهو تفهمك ولكين حتالاين شوفي دابا راه رجعاتليك الضحكة لوجهك وشوية تنفستي ختس بعدا تمشي تشوفي دارك وراجلك ..
زينب .. دابااا شنوو بااغيين تقوولوو انااا مامزيياناش ( رمات داك الطرف وناضت واقفة ) صااافي عاارفك رااسي مامزياانااش وانا كنتعدا عليكوم وطلعت ليكوم فالراس حسابليكوم ماشفتهااش كولكوم وليتو باغين تجرييو علييا .. ( قلبات وجها ومشات لبيتها خلات عائشة غير كتشوف .. يا ربي السلامة مابقا حد قادر اهضر معاك ..

95__دخلات للبيت كدمع كلسات شادا على كريشتها .. شفتي شفتي ميفاش كيديرو لماماك ماحااسيينش بييااا قاليك انا كنتعداا على باباك اهئ اهئ تارااحد مااكيفهمنييي اهئ انا مابغااهش اشوفني بهااد الحااالة وماابغيتش نشووف وجهو صااافي ابعد مني اهئ اهئ ..
بقات كتنخصص تاعيات وهي ضربها بنعسة مافاقت تالعشية رجعات اصلا حياتها كاملة نعاس .. ناضت مبوقة خارجة من البيت تاكاتسمع الهضرة دعائشة وخديجة ..
خديجة .. وشكون جرا عليهاا العاار وحناا بغيناها تمشيي لدارنا وانااا نمشي معاها لتم ونحضييهااا ورااه ديك عكوزتنا راااه لفعة تحت التبن ودابا تستاغل الفرصة ودخل شي وحدة على نصر وديك الساعة تكلس لا هي لا الولد
عائشة .. الله احفظ يا ربي راه مدام هو قاليها زينب وخطبات خولة راه دير اي حاجة هاديك تاحنا هادشي لي كنبغيو نفهموها الراجل راه ماشافهاش 4 شهور غايبقا يتسناها !؟؟؟
رجعات مور الحيط سادا على فمها وعينيها مدمعين وتحرك راسها بلا كل مافقلبها .. لاا نصر مايدييرش هااكاااا

مشات كتجري لبيتها وسدات عليها وشدات على كرشها دموعها طايحيين وكل مافعقلها ان نصر مستحيل يديرها نصر كيبغيها هي وهو مبعد حيت كيبغيها وكيبغي ولدهوم لي غايجي .. مشات بسرعة وهي كتنخصص هزات تيليفونها وبدات تقلب على نمرتو كترعد .. تالقاتها وبدات تعيط ..
تييييت تييييت
بقا هاكاك حتا قطع زاد قلبها فالهول وتسنات خمسة دقايق والو مارجعش عاود عيط وهي تعاود تعيط وثاني نفس الشيئ بقا حتا قطع .. قلبها رجع كيضرب فالنياين وعقلها غايخرج من بلاصتو .. بحالي كاع لي سنعاتو تطبق ولقطات فراسها يدورو بحالي نصر مع شي وحدة دورات بسرعة راسها بلا غاتموت بالبكا …
زينب … اهئ اهئ لااا لااااا ( حسات بوجع ضربها خفيف تحت كرشها شدات بسرعة بيديها كتشهق ) لاا ياك اولدي يااك اهئ اهئ باباك كيبغينا حنا مااسمكنشش اخلييناا اهئ اهئ ..
دخلات خديجة شافتها هاكاك تخلعات ومشات كتجري عندها .. مالكي اوييلي ماالكيييي !!!! ( كتمسح فوجها وتشوف فيها بهول )؟
زينب .. اهئ مامااااا نصر مااكيجااوبنيييش اهئ اهئ صااافي هو نساااااني اهئ اهئ ايكوون مشاا عند شي وحدة اخرى
خديجة .. اويلي ابنتي واش حمااقيتي اش هاد الهضرة كتقوولي ايكون غير خداام او ماجاوبنيشش
دورات راسها بلا كترعد .. لاااا اهئ اهئ انا كنعرفووو مايمكننش نصوونيلو وماايردش لياا فالبلااصة ودابا اهئ اهئ دابا دازت ربع ساعة او ماكيجااوبشش ..
خديجة .. اسكتييي يا الهبلة غايكون فخدمتو ومايكسمعش التيليفون ماالكي كتحمقيي راااسك هااكاا الله اهديك يااهااد البنتت االلله اهدييك
زينب .. ماااماا اهئ اهئ انمووت الى مشااا واللله تانمووت اهئ اهئ هو كيبغيني انا ..
كلسات مها حداها كتنهد وجراتها دارتليها راسها عند سدرها .. ماايمشيي فيين ابنتي واش اللعب هادا فين غايمشي الله اهديييك غير حني علييه ورجعي لدداارك ماعندو فين ايمشي راجلك راه كبير وبعقلو ماشي غاخلي مرتو حتا تحمل ويمشي عند وحداخرا
زينب .. نتوما قلتووها ( دفعاتها ) اهئ نتوووما كتشكووو فييييه رااجلي ماايديرش هااكاا كبغيينيي اناا وانا اليوم غانمشيي بحاالي مابقيتش بااغا نزيد حتا دقيقة هنا ( ناضت بسرعة غادا للماريو كاتبكي وتمسح الدموع لي يطيحو وبدات تجبد فالحواايج
خديجة .. نتي راه الى ماحماقيتي مور هاد الحمالة سوكيليا وااش تسطيتيي وقووليها للسيد بعداتا
زينب .. مااكيجااوبشش اهئ اهئ خسنيي نمشييي اناااا نشرف شنو كيدييير اهئ اهئ ..
خديجة .. ( بدات تعيط بجهد ) عااااائشة .. تهدني انا غانشوف مهدي نعيطلو ونقولو هو يعيطليه صافي رااه غايكووون غير ناسي تيليفون ولا طاافييه
زينب .. ( ضربات فالماريو ) مااايطفييييهش علياااا انااااا سمعتيي ماايطفيييهش عليااااااا ..
خديجة .. وصاافي فهمنا فهمنااا غير تدهدني ..
عائشة .. اويلي مااالكوم
خديجة .. جري جيبليا تيليفون نعيط لمهدي ..

واقف مع واحد السيد مشغول كيشوف فشي وراق ديال البيع ..
نصر .. ( تسالم معاه ) الله يبارك ..
مشا تاتوادع معاه حتا كيوقف طاكسي حدا المحل ديالو وكتهبط بنت محجبة لابسة جلابة طويلة فالأبيض بييضة وعينيها زورق هازا ساك فيديها اصوغتي مع الصباط والجلابة وجها صغيور وهي قصيرة شوية ومع الطالون جاها هو هاداك شافت فلوكاسيون .. تاشافت فنصر ..
..( صورتها رقيق وهادئ من خلالو كاتبان بلي باقا فالعشرينات من عمرها ) السلام عليكم نتا سي نصر بن عبود ..
نصر .. اييه الالة هو هادا ..

96__.. ( ابتاسمات برسمية واحترام وحركاتلو راسها بلى ماتمدلو يديها ) أنا بنت الحاج عربان كان ديجا دوموندا على الطوموبيل گولف سيس ..
نصر .. اييه مرحبا تفضلي ..

حركاتلو راسها ومشات من موراه تادار شاف فيها .. غاتشوفي الطوموبيل ؟
حركاتلو راسها ومشا لجيهت لگاراج شعل الضوء وداخلين كان كبير والطوموبيلات مستفين فيها .. داها حتا لواحد الطوموبيل گولف سيس فالزرق الغامق .. ومشا حل ليها الباب ..
مشات شدات فالباب وركبات كتشوف لداخل وتشوف فالمقبض عاد باش شافت فيه ..
.. شحال باش تافقتي مع الواليد ؟
نصر .. 14 ..
.. ( حركات راسها جامعة فمها زعما اش هادشي ) ماشي بزاف ؟
نصر .. الثمن هو هاداك شحال تعطي ؟
.. 13 12،50 !!
نصر .. ( ضحك ) لا بزاف ثاني
.. ولاهيلا هو هاداك انا يالاه وحدين تشاراو قدامي هادا هو الثمن باش تباع ..
نصر .. هادي أكثر طوموبيل ماخدماتش ليا بزاف يمن بحال هاداك اوالو مامسلكش، وكيونو اختلاف شنو نتي نوطير ؟

.. ( حركاتلو راسها كتحرك على الڤولون ) يعني ماتحتاجش تخلص نوطير انا نكتب العقد ( شافت فيه ) شنو قلتي ؟؟
نصر .. خدام ثاني معايا نوطير مايمكنش نخذل بيه ..
.. ( ضحكات بشوية ماشي داك الضحكة العالية لا باحترام ) لي بانليك كاتبقا نتا مول الشي .. شنو درنا دابا ..
نصر .. 13،50 ..
.. ماتنقصش
نصر .. ( علا يدو ) هادا جهدي على وجه الواليد ..
.. مرحبا مافيها باس ..
نزلات منها زاد كيوريها اللور والكوفر، عاد مشاو طالعين رجعو گلس فالبيرو وهي كلسات فدوك الكراسا لي تم ..
نصر .. عطيني السمية !!
.. جويرية اعربان ..
كتب وبدا كيطرح عليها الأج وفين خدامة وفين ساكنة والبنك ديالها .. تاسالا وطبع داك الورقة وعطاهاليها ..
نصر .. انفوا غادي ايوجد النوطير الوراق غانعيطليك ..
جويرية .. مرحبا ( حطاتلو كارط فيزيت ) هادي لاكارط فيزيت ديالي الى حتاجتي شي نوطير مرحبا ..
نصر .. ( ابتاسم ليها باحترام ) مرحبا الالة جويرية اكون خير ..
حناتلو راسها باحترام ومشات خرجات ..

خديجة .. آلو عيط لنصر شوف فين كاين راه ختك غاتحماق كتصوني وا( قبل ماتكمل بدا كيصوني التيليفون ديال زينب ).

طارت لعندو هزاتو لقاتو هو بسرعة جاوبات .. آلووو فيين كنتييي وعلااش ماكاتجااوبش عليااا اهئ اهئ اهئ ..
نصر .. ( ناض من الكرسي فالبيرو بسرعة ) حبيبة مالكي !؟؟؟ وا صاڤا … واقعة معاك شي حاجة !!؟؟؟
زينب .. فييينك اهئ اهئ علااش ماجيتيش عنديي اهئ اهئ ..
نصر .. ششش زينب كااام طوااا واخا فينك دابا ..
زينب .. اهئ فيين غانكوون فيين خليتيينيي فين غانمشيي ..
نصر .. واش نجي لعندك ..
زينب .. اهئ اهئ شنو باغي تخلينيي هنااا راه توحشتك اهئ
نصر .. ( ضحك على هبال المرا لي عطاه ربي ) داكووغ صافي كالم طوا واخا غانشوف فالعشية نجي لعندك ..
زينب .. ( كتنخصص ) صافي ..
نصر .. ههه حمقة واش بعدا مزيان نتي لاباس ؟؟
زينب .. اه ..
نصر .. رتاحي احبيبتي الحمد لله مين سمعت صوتك هادا هو المهيم عندي ..
زينب .. ( تهدنات وكلسات بقات غير التنخصيصة لي كاطليعليها شوية ) تانا
نصر .. ( رجع راسو اللور كيتحرك بالكرسي شوية ) توحشتك لا نتي لا ولدنا ..
زينب .. ( تكات تاهية فالنانوسية كتشوف فالسقف ) تاحنا بزاااااف ..
نصر .. جمعي حوايجك وغير بشوية عليك ..
زينب .. ( بابتسامة ) واخا ..
تقاطعات معاه وحطات تليفون على قلبها وحطات يد على كرشها .. وكتشوف بابتسامة ذايبة سادا عينيها متخايلاه حداها

97__عاد حسات بقلبها تفج ناضت للطواليط غسلات وجها ورجعات كلات وكضحك وعائشة وخديجة يضحكو ويتغامزو عليها .. خديديج عاد رتاح قلبها مين غاترجع بنتها لدارها حيت أحسن حاجة هي تبقا حدا راجلها ولو يوقع لي وقع .. رجعات كتجمع فالحوايج تاسالاتهوم وسدات السيكان والباليزا كاملين بدات تخرج فيهوم السيدة فرحانة تقول غادا لتركيا جات نهال بقات غير كتشوف الله استر هاد البنت حال واحوال مشات زينب كطل من الشرجم كاتسناه بحال شي طفلة كاتسنا باباها يجي من الخدمة وجاييب فيدو مصاصة .. تاكاتسوف طوموبيلتو دخلات للدرب ضحكات حتا طار ليها الفريخ .. ونزلات من السداري غادا كتجري ..
خديجة .. غابشويييةة بااا طييحييي دااك البجغووط وييسفطك للقبر ..
شكون داها فيك اخدوج غادا هابطة كدردج فالدروج وحريشتها شوية خارجة سابقاها تافتحات الباب كان يالاه غايصوني تاكاتلاح عليه .. دور يدو على ضهرها دافعها مدخلها كيضحك وسد موراه الباب وهي باقا معنقاه كتشم فرييحتوو سادا عينيها واحد الريحة فيه كتخلييها تغوووص فييهااا وتلف ..
هبط راسو خاشيه فعنقها وحط يدوعلى خاسرها مبعدها شوية باش متزيرش على كرشها وهمس فودنيها ..
نصر .. حبيبتي.. كبيدة ديالي ( باسها فعنقهااا ) توحشتك ..
زينب .. تاانااا ..
بقا مطلع يدو كيمسد ليها على ضهرها ويشم ريحت شعرهااا توووحشها لوااحد الدرجة ماتصوررشش بزز باش كان كيصبر راسو باش مايشوفهاش .. كلما كيتفكر ريحت شعرهاا كيرش العطر ديالها فالبييت باش تبقا ريحتها لاصقة فييه كعااشق مجنوننن ليها بووحدهااا وسمية وحدا محفورة فقلبو ” زينب ” لا غير ..
بعدها شوية كيشوف ملامح وجها مزييااان عويناتها المعسلين الفييم الصغور ديالها الحميمر بلا ماكياج النوييف المقاد والمبسط .. طلع يدو كيرجع ليها شعرها البني الغامق مور ودنيها ولي فلتحت ديالو بني فااااح .. حط راسو على جبهتها وهبط بيديه حتا وصل لكرشها وهي تحط عليها يديها ومالت بجنبها متكية على سدرو العريض لطالمة توحشات هاد الصدر والعناق ديالو لي كتحسسها بطفلة فحضن الاسد ديالها ..
نصر .. تهليتي فولدي مزيان ..
حركاتلو راسها بأه ..
نصر .. عذبك ؟.
زينب .. ( حركات راسها باه ) ماخلانيش نشووفك ..
نصر .. انا معاك ولو مكنتش حاضر بالجسد روحي معااك احبيبتي
زينب .. يالاه نمشييو ..
نصر .. ( ضحك ) اوااه بلاتي نسلمو على مالين الدار ياهاد البنت ..
دلات شفايفها مقلقة زعما تاجبدهوم لعندو وخطف بووسة ..
نصر .. نااكلهووم ..
جمعاتهوم لعندها كضحك فرحانة وجرها من يديها طلعو للفوق عاد سلم على مالين الدار وبقا كالس شوية مع باها كيهضرو حطات ليهوم خديجة اتاي اما خي فدخلات كتلس حوايجها شومييز وسالوبيط دجين سروالو بوي فراند جمعات شعرها ديل هابط وخلات القصيصة مايلة جنب .. طوات الكمام دشوميز ودارت الساعة والكورميط الخاتم ذذهب رشات من ريحتها وهزات ساك بسنسلة طويلة وسبادري فالابيض .. عاد خرجات عندو .. جاتها اللبسة كيوت كتحمق والكريشة باينة شوية فول الحمل مع عندها خمسة شهور دابا .. مشات كلسات حداه .. وهو كسمع لباها وهاز كاس داتاي فيدو .. تافات الخال شوية عاد ناض خلا ليهوم السلام ومشا هزليها الباگاج ديالها .. بقات هي كتسلم على واليديها تاسالات ومشات هبطات تابعاه لقاتو يالاه غايركب مشات ركبات حداه ودارت السمطة كتشووف فيه بفرحة دار لقا عويناتها كيتزاگلو وحنيكاتها حميمرين كتشوف فيه بحالي غادا لسيركو
زينب .. ( ماقاداها فرحة سبحان مبدل الاحوال ) يالاااه هههه

نصر .. ( قرب قبل مايدير السمطة جرليها شفايفها وكلاهوم ) راه غاناكلك الحلوة ديالي ..

قلعو غادين مدات يديها طلقات الأغنية ديال تناديك، غادا ممزكة عليها وكتغني وتشالي بيديها وهو غير كيضحك ويشوف ففيها مااعمر شاف زينب هاكا تالدابا، وشحال كيحماق على الضحكة ديالها مين كتكون مرسومة على وجها .. دارت عندو طالقة حلالقها صوتها كيحمق لأول مرة غايسمعها كتغني، بقا كيسممع ..
زينب .. وانااااديييييك ودموووعي همااالييييل ..
كحزات تكاتلو على كتفو وهو يشد على يديها كيسمع لصوتها تاشوية طفا داك المسجلة ..
نصر .. غني نتي بوحدك ..
زينب .. احم احم ( قادات صوتها وهي تبدا تغنييها بووحدهااا رااائع صووتها زااد فتحلو قلبو كتر وكتر بقا كيسمعها والابتسامة مافارقاتش وجهو وفنفس الوقت صبعانو الكبار كيلعبو بصبيعاتها الصغاار ويدورهوم بين يدو وهي مستحلياااها كااتحمااق على لي كيلعب بصبيعاتها ولا فوسط الفروة دشعرهاا كذوووووووب .. بقات كتغني تاهية وكأنه ماكاينش وواحد الجو رائع والسما مضوية بالنجوم عليهوم من الفوق تمنات لو يوفق بيها الزمن فهاد اللحضة ..

98__زينب .. ( طلعات عينيها معسلين وحطات يديها على اللحية ديالو ) تناااديك رغبة المقابيل من الأرض وانت بالمجرة ..
حط الطوموبيل ديالو على الاتوماتيك تمشي بوحدها وهو يدور شدها من فمها وجرها من جنبها دخل معاها فقبلة طوييييلة كيخرج گاع الاشتيااق ديالو ليها كتحس باللحية ديالو كتهرها تحت من فمها وشفايفو سخانين فدياولها زادت قربات تامدات يديها فتحات السمطة ديالها وطلعات كلسات فوق حجرو بلى ماتفرق القبلة بعد شوية وشاف فيها كينهج بشوية .. وهي كتحس برجولتو من لتحت عرفات وصلاتلو للطوب عضات على شفايفها كدور فيه عويناتها
نصر .. ( كيشوف فيها ) كبيدة ديالي ( شادليها على جنابها ) راك حسيتي بيا مم ..
هبطات وجها كضحك بشوية بحال شي فارة شاف فيها وكيشوف مرة مرة مع الطريق داير بالو ..
زينب .. احم ( كتشوف ببرائة ) بغيتي نرجع لبلاصتي ..
رجع جبد شفايفها باسهوم وشاف فيها .. غير گلسي هادي هي بلاصتك .. ..
بتاسمات وحنات شوية باقا على حجرو وتكات على صدرو وهو بقا شاد الڤولون سايگ ومدور اليد الاخر من ضهرها حاطها على كرشها كيمسدها بشوية ..
استحلات الكلسة وطلقات راسها ماحساتش براسها تانعسات

ضرباتها الفيقة لقات راسها فبيتها فدارها مغطية وكتحس براسها ناع على يدو دورات عينيها لقاتو ناعس شافت فالتيليفون لقاتها 3 دالصباح .. يعني جات وهزها وطلعها ونعسات بعدات شوية من يدو حيدات الغطا لقات راسها بدوبياس ههه حيدليها حوايجها وهي غيبوبة تعجبات كيفاش مادرباتهاش الفيقة وهي كان نعاسها خفيفة شمات الهوا كتشوف فبيتها وطلع راسها بابتسامة …
ناضت لبسات غير واحد البينوار حريري ديال شوميز دونوي من الماريو ومشات للكوزينة للبلاكار كتبقش بحال شي قطة على ماتاكل .. لقات واحد الشيبس تما هزاتها هي وواحد كورن فليكس يمكن جابو نصر لأفنان ..
دارتو مع الحليب وبدات كاتاكل تاسالات وحطات الزلافة فلاڤابو ودازت لداك الشبيس واقفة ورجل حاطاها على الاخرى كاتاكل وفاتحة الفايس دور فيه جا من موراها تكا على الباب سدرو عريان لابس غير الشورط .. كيشوف فيها من كدم رجليها وهو طالع مع فخيضاتها البويض وداك البينوار كيتحرك شوية حريري كيبين سرينك لاسق على نصها .. وشعورات نازلين .. عض على شفايفو بشوييية وتحرك لعندها تاكاتس بيدو تخشات بين جنابها شهقات مخلوعة تاطيحات الشيبس من يديها .. وهو يدورها وبحركة خفيفة هزها حطها فوق الرخامة وجهو مقابل مع وجها وجسمو ضلل عليها من الضوء لي كان ضارب فيها وكتحس برخامة بااردة ففخيضاتها ..
نصر .. شش هادا غير انا ..
زينب .. نصصر خلعتيينييي !!!
نصر .. شكادير القطيطة ديالي فهاد الوقت ..
زينب .. ( عضات على شفايفها ) فيقتك ..
نصر .. ( طلع راسو كيضحك ورجع شاف فيها وغمزها ) فايق من اول نهار شافك ..

كان غادي معاها دقة دقة حسات بالحلاوة بين يدو فرغ فيها اشتيااقو وحبوو ليها لي فكل مرة كتزيد تأكد منو كثر وكثر وتقول اه بغاااني وانا ملكة دارو وام ولادو، دوبها بحنااانو ومعاملتو فالفرااش تخلي مليون مرا تحسدها، كتحس بيه راااجل معاها لا فناعسو ولا فحبو ولا فحمايتو ولا فهضرتو، فكلشي كتحس برجولتو والانوثة ديالها معاه ..
دوزو ليلة ولا اروع ليلة جبدو فيها احاسيسهم واشتياقهوم لبعض ربعشهور ماشافوش بعضياتهوم ولا هضرو فيهاا ومين جات لقات دارها كيفما خلاتها ماتبدل فيها والو، ولا حتا راجلها باقي بنفس حبو ولي ربما تزاد كتر وكتر ..
نعسات بين يدو مسهووتة واخا حااول عليها اكثر بسباب الحمل وتعامل معاها كيف الما القليل ..
ناضت فالصباح سمعات الرشاش فالدوش حلات عويناتها متقلين .. ناضت مشات للحمام وحلات الباب بشوية كتشوف عاطيه بالضهر والما نازيل مع شعرو لي كان نقصو شوية ومن تم ضهرو عضات على شفايفها ودخلات سدات موراها الباب بسقييل وحيدات البينوار ومشات تاعنقاتو من اللور، حس بيديداتها الصغيورين دايرين عليه حط عليهوم يدو كيتلمسهوم وابتاسم دار عندها بشوية شافها كتشوف فيها والرشاش كيفزگ من شعرها ..
نصر .. قطيطة ديالي فاقت ..
حركات راسها باه وتعلات على صبعين درجليها باستو فحنكو ووقبل ماتهبط شدها من نصها هبط لفمها باسها وجبد شفايفها عاد دورها وحط يدو على كرشها كيمسدها بشويية تاترخات متكية راسها على سدرو والما هابط عليهوم ..
نصر .. خسنا نمشيو نوفو واش عندنا هنا فريخ ولا كتكوتة ..
زينب .. ههه ماعرفتش قالتلي الطبيبة تاتبداي دخلي فستشهور ..

99__نصر .. باقي ماكيتحرك ؟
زينب .. ( دورات راسها بلا ) مرة مرة كنحس بوجع خفيف ..
نصر .. راه سقت الخبار لفقر الدم لي عندك ماكاتاكليش ..
حركات كتيفاتها .. ماعنديش الشهية ديال والو ..
نصر .. واخا هاكاك احبيبة راك دابا بجوج رواح ماشي واحد خسك ضاروري تاكلي باش تبقاي موگضة ..
زينب .. انحاول ..
نصر .. لي تشهيتيها قوليهالي واخا انا غانجيبهاليك ..
حركات راسها وعنقاتو دوشو بجوج وخرجو لابسين الفاطي .. بدل هو حوايجو وهبط مشا للخدمة وهي لبسات حوايجها وبقات ملوية الفوطة على شعرها كادور غير بدوبياس فوق منهوم كسيوة خفيفة واخا شهر ربعة الكليمة مطلوقة فالدار سخونة ..
دخلات للكوزينة لقات التقدية كولشي كاين بقات كدور فدارها وتشوف شنو ناقص وواش مغبرة توحشاتها بزاف، تاشوية تفكرات ربيعة وهي تبقا تفكر اييه حسها تقطع ونيت تهنات منها هاد الربعشهور ولكن حتا دابا باقي مابانت ماقاتليها تاراش حاملة .. ولكن غايكون قالهاليها نصر، تفكرات نهار عاوداتلو كولشي عضات على شفايفها زعما يكون هضر معاها، مدام مازال لدابا ماسمعات والو اذن بحال والو يكون هضر معاها، تنهدات واخا تشكات واكن بقا فيها الحال حيت من واحد الجانب كتفكر حشومة تقطع الصلة مع عائلة راجلها ماجاتش وماعمرها كانت تخايلها، فكرات تايجي نصر وتهضر معاه، مشات بغات طيب ماقدراتش كتعيف من الماكلة ديال الدار وماتقدرش طيب لراسها هزات التيليفون عيطاتليه قالتهالو وقاليها بلي غايجيب الغدا من برا طلبات اش بغات وقطعات اليتليفون فرحانة مشات شعلات التيڤي وكلسات كتفرج حتا جا جايب معاه جوج بيتزات وحدة دفخوي دوميغ ووحدة دالكفتة .. وجايب معاهوم الموناضا والصلاد .. حطات كولشي فوق الطبلة كضحك معاه وجرها كلسها فوق حجرو كيتفرجو وياكلو تاسالاو وهو يهضر كانت كتشرب الموناضا ..
نصر .. لبسي حوايك نهبطو عند الواليدة لتحت ..
سرطات ريقها كتشوووف فيه وناضت بلى ماتجاوب لبسات كيف العادة الطويل وحطات خرقة على راسها جا شافيها ابتاسم ولبس تاهو وجرها هابط بيها تاوصل لتحت وهو يدخل لقاهوم باقين مجموعين باه ووخواتاتو بجوج لي جايين هوما وولادهوم صغار وسارة وافنان جات كتجري عند زينب كضحك معاها وربيعة كطلع فيها وتهبط وتشوف فكرشها كيفاش دايرا ..
ناضو خواتاتو سلمو على نصر .. وعلى زينب بالنفخة .. وهي كملات التسللم على سليمان جات لربيعة وهي تخطف يديها بقا نصر كيشوف فيها تنهد حط افنان من يدو وقرب لعندها وكولشي كيشوف
نصر .. الواليدة اخر مرة تافقنا هضرت معاك على زينب خرجنا بلي غاتعتادري منها وانا جيتهاليك اليوم مانسيتش هضرتك وهاهية دابا قدامك واقفة ..
دورات زينب عينيها لنصر وفخاطرها كتقول .. لا بلااش انصر بلاش ..
وربعية رجع وجها حمر اه قالت هاد الهضرة ولكن كاتحساب غير بينها هي وياه ومن البعد انسا ولكن هو طبقا بالحرق وجابها تالقدام بناتها وكولشي وطرطقهوم فيها بداو الغدايد اطلعو وي هبطو وهو كيشوف فيها بمعنى نطقي راه كنتسناك ..

وربيعة بقات كالسة وكتشوف فيها طلقات واحد النفخة وهضرات .. ايواا ابنتييي الى درناالك شي حاجة الله اساامحح ..
زينب .. ( حناكها حومر ومتلبكة ) ماشي موشكيل اخالتي المسامح كريم ..
ابتاسم نصر وحنا عند مو باسليها راسها، عاد جات زينب وسلمات عليها ومشا گلس مكمل حتيتو وهي تنوض ربيعة للكوزينة غاطرطق تبعاتها بشرى ..
بشرى .. ويييليي على اخييرت ياامي نشووف ميي طلب السماحة من الموسخات ..
ربيعة .. وهانتي تشوفي ثااني
بشرى .. لا لا هادي فاتت حدودها لهيه ربعشهوور وهي كالسة عند دار مها وخليا الراجل هنا بحالي تقولي حنا زوجناه الحيط قول هي غضباانة ودايرا فيها مسرحيية ودايرالو الدمعيات باش اجي ارجعها وطيح بكمارتك للأرض ..
ربيعة .. وماشفتي الكرش زربات عليه بالولاد باغا تلصق دغيا
بشرى .. وهاادي نادرنا بحساابها ..
ربيعة .. صافي سكتي عليا لهيه
بشرى .. ايوا بيتي تخليها هاكاا تشفيي فييك علم الله اش كتقولو نزال اليوم اجي اخليك تعتادري غدا تبوسيليها الراس وبعدو تولي خدامتها لا لا لا هادشي مامقبوولش ..
ربيعة .. لاماوريتهاش ربيعة كيدايرا ماولدات فيا مي غير الخلا ..
بشرى .. فرجينا فيها امي جايا تبان على بناااتك دارتها اليام وهو غير خويا لي شلللها ذهوبات وهي اش جابت غير الوسخ والمسخ وباغا طلع فوق ريوصنا ..
ربيعة .. ماتزيدي شااي تفقصيني غابلاتي عليها ..
بشرى .. أمي راها حاملة با تولد ليك هنا ولا تقتلو وتقوليهوم هووما ..
ربيعة .. ( ضحكات مغزغة ) لنا اخرة يامي تجي هاديك توريني باش غاتلعب المرأة الحاملة وانا عارفة اش غانديرليها غابلاتي ..
بشرى .. اري نهزليك هاد الصينية واجي دغيا ماتخدمي شاي على الشيخات ..
مشات خرجات وخلات ربيعة كتغزف وتفكر اش ديرليها ..

100__شربو اتاي وزينب تاهية غير ساكتة جنب نصر مجمع مع باه وهي مرة مرة تلعب مع افنان وبشرى كتشوف فيها شوفات دالقتالة اما صفاء ماشي بحالهوم مرة تسوق مرة عادي ضحك وتنشط ..
جات ربيعة هازا خنافرها .. حطات ليهوم الكيكة وبدات تقطع ومشات كلسات لي بغاها بنوض اهزها، تاخرجات سارة من بيتها كانت ناعسة سلمات على زينب ونصر وكلسات كتشرب فاتاي ..
بقاو مدة تاناض نصر وهي تنوض معاه زينب لصقات فيهوم افنان وداتها معاها طلعو لدارهوم بدل هو حوايجو مشا يطلاقا واحد صاحبو وهي بقات فالدار مع افنان كتلعب معاها ودايرين فيلم قصارين عليه تاحطات افنان يديها على كرشها ..
افنان .. ياه عندك كريشة هههه
زينب .. ( ضحكات كتشوف فيها ) عرفتي شنو كاين فوسط هاد الكريشة ..
افنان .. ( ببرائة ) شنو ؟؟
زينب .. بيبي صغيووور قد هاكا ( وراتها بيديها زعما صغييير ) ..
افنان .. ياااه وعلاش مخبع ..
زينب .. ( بنفس النبرة دصوتها ) مخبع هنا كيااكل ونااعس تايكير مزيان باش اجي ..
افنان .. نتي ماماه ؟ ( حركاتليها زينب راسها مبتاسمة ) وشكون باباه ؟
زينب .. هو بابي !
اقنان .. ( بسرعة قلبات شفايفها وربعات يديها زعما معصبة ) لاااا باابي ديالي بوحدي ..
زينب .. ( دلات شفايفها بحالها ) مابغيتيش اكون عندك خوك ولا ختيتك صغيوورين بحاااالك العبوو معاااك ..
افنان .. اه ولكن بابي ديالي انا ..
زينب .. علاش وهوما مساكن
افنان .. حيت ماغايبقاش اجيبلي انا باربيات والشكلاط
زينب .. توتوتو غايجيب ليكوم كاامليين وغايبقا يديكوم للالعاب وكولشي ..
افنان .. ( عينيها فيهوم القلوبة ) بصاااح ؟؟؟
زينب .. اه
افنان .. يااااي فوقاااش غايجيي ..
زينب .. ههه بغيتيه ايجي ..
افنان .. ( عنقاتها من كرشها حاطا يديها عليها ) اه اجي باش نبقاا نلعب معاااك اجيي
زينب .. اا تاهو كيقولك اه باغا نلعب مع افنان
عنقاتها زينبب ضاحكة وافنان دور دور وتجي تهضر مع الكريشة وزينب دير اصوات طفولية بحالي كاتجاوبها، تادخل نصر شافهوم هاكاك غير شافتو افنان جات كتجري لعندو وتجرو ضحك هازها ومشا كلس حدا زينب بدات تقولو على البييي وتعاودلو كتعبر بيديها
افنان .. ودابا انا قتليها الى جا ماغايبقاش بابي ايجيبلي الشكلاط وباربيات غادي اجيبهوم ليه هو ..
نصر .. نتي راك البخانسيس دياالي ة شكون غايتخد بلاصتك مم ( حط يدو على كرش زينب ) وتاهو مين غايجي غانشريلو ونجيبلو بحالك
افنان .. صااافي انا غانتسنااه ..
بداو كيضحكو بدل حوايجو ورجع كلسو كيتفرجو وحدة منها والاخرى منهنا حتا نعسات افنان ناض حطها فناموسيتو ورجع عند زينب كملو الفراجة
ناضت فالصباح توجدلو الفطور ماخلاهاش باغاها غير ترتاح مشا خرج لبرا وهي بقات تافاقت افنان دارو كورن فليكس بجوج بيهوم كلاو وجمعات زينب الدار وكلسات دارو الاغاني كيغنيو بحيث عارفة نصر غايجيب الغدا .. حتا نطقات افنان
افنان .. طاتي بغيت نجيب محفضة معلمة عطاتنا اكزيغسيس ..
زينب .. ( ابتاسمات ) واخا غانلبس حوايجي ونهبطو نجيبوها
داكشي لي دارت لبسات عليها وخرجو هبطاتها لتحت ودخلات لدار كتسمع الصفارة كتصفر طارت افنان من يديها مشات تحيب المحفضة وهي بقات واقفة وكتسم فريحة الطياب .. تاجات ربيعة
ربيعة .. اهلا ابنتي ياك ماكاين باس ؟؟
زينب .. لا اخالتي غير افنان جات تجيب محفاضتها وهبطتها
ربيعة .. هاكاك وازيدي ابنتي زيدي ماتبقاي شاي واقفة ..
ابتاسمات زينب وفرحات لهاد المعاملة بعدا صفا قلبها كلسات والريحة ماكهنياها تانقزات سولات ربيعة ..
زينب .. خالتي واش مطيبة دجاج محمر ؟

ربيعة .. ( شافت فيها بنص عين وهي ضربليها طن فراسها ) اييه تبغي تغداي معانا ؟
جاوباتها بلاما تحس .. واخا ..
ربيعة .. ( بابتسامة صفرة ) صافي طلعي لدارك اوجد الغدا ونعيطليك ..
زينب .. ( بفرحة وقفات ) شكرا اخالتي اكثر خيرك ..
مشات فرحانة جابت افنان فيديها المحفاضة ومشات طلعو هي وياها، لفوق جبدات ليها افنان الكتوبة وبقات زينب معاوناها فالحفاضة وعقلها غير مع الدجاج كتحس بالمداق ديالو كيدور بين لسانها وديك الريحة محال واش بغات تحيد من نيفها ماكرهاتش دوق منو دابا دابا ..
كملات غير بزز دازت ساعة ونص ناضت غادا جايا كتسنا فيها تعيط ليها تگلس وتعاود تنوض وتحط يديها على جنابها تنهد وافنان سالات قرايتها وبقات كتفرج .. تادازت نص ساعة وحدا اخرا صافي ماقدراتش تصبر مشات لبسات بيجامتها طويلة وعيطات لافنان ..
زينب .. يالاه معايا نمشيو عند جدة ..
مشات شداتليها فيديها ومشات هابطة تاوصلات لدار وهي دخل شافت سليمان غادي خارج شافها وهو يوقف باستلو اليد ومشات معاه افنان ودارت لقات سارة كالسة كتخربق فالتيليفون وكانت حتا بشرى اصلا هي ديما كالسة عند مها بحالي تقول ساكنة .. وخلاص ربيعة تنقي فالزنجلان شافت الدنيا ساقلة سولاتها ..
زينب .. خالتي ! ً

Leave a comment