Skip links

قصة : تناديك رغبة عشقي إليك ج2

 5,090 عدد مشاهداات

البارت 26

باقي كولشي كيشوف بصدمة ..
زوبير ..اش قلتي ابنتي ..
خولة .. بلاتي بلاتي كيفاش مافهمتش ( دارت عند نعيمة ) ماما !!!
خديجة .. سدات علو عينيها وكلسات بلاما تحل فمها ..
زينب .. ( مصدومة ) بابا واش كتهضر بصح !!
فؤاد .. واش حنا كنضحكو لبارح قلتها الواليدة وقاتليك خاطب خولة واليوم عاودنا كلسنا معاه انا والواليد وقاليك لا هو بفمو ومن النهار اللول قال زينب ويمكن جداتها ديال بسمة مشات غالطة ..
ناضت بسمة هازا تيليفونها وكضحك .. بلاتي نشوف واقيلة واقعة شي حاجة ماشي هي هاديك ..
مهدي .. انا هادشي مافراسيش قول نصر خاطب زينب وانا آخر من يعلم ..
زوبير .. ايوا دابا كولشي راجع لزينب هانتي شفتي غير سوء تفاهم لي وقع بينو وبين مو أما ابنتي نادام الراجل جا هضر معانا نيشان الا وانه شافك وبغاك ..
زينب .. ( عينيها دمعو شافت فخولة ورجعات شافت فعائشة لي دايراليها ابتسامة ورجعات مهبطة راسها حشمانة ..
ناضت خولة نساحبات تبعاتها نعيمة كتغوت بسميتها وتا الهام … وهي تنطق خديجة ..
خديجة .. ماكاااين زواااااج زينب هانتي شفتي ختك شنو واش بغيتيي تزوجي بالراجل لي كانت باغاه ليها، صافي نعلي الشيطان المكتاب هو هادا، تكتاب ليها حاجة خرا، باقا صغيرة وارا مايجيو فيك ..
مهدي .. الواليدة سكتييينااا اش هاد الهضرة كاتقولي ..
بسمة رجعات كتشوف فيهوم بابتسامة .. هههه بصاح غير جدة غلطات اما هو بغا زينب ..
هاد بغا زينب بغا زينب كتعاود ليها فمخهاا وقلبها كيضرب مليون وفنفس الوقت هضرت معا ماكاين زواج كاتعاود تخلطات ليها الفرحة مع الصدمة مع الحشمة ..
عائشة .. ( جات حداها حركاتها ) زيينب ويلي هضري ..
قلبي توقف عقلي صافي مابقيتش قادرة نفكر فيه وكل ما كنتفكر باغي زينب كنتفكر نصر وكاع اللحضات القلال لي دازو انا وكنحتمها ببغاني اه نصر طلبني انا ومن اللول وغير مو لي تلفات عليت عيني ماقدرتش نحبس ابتسامتي وشافت فخوتها ورجعات مهبطة راسها فرحانة وهي ضحك عائشة وطلعات راسها كتزغرت وهو يبدا يضحك باها وخوتها ..
زوبير .. ايوا مانزيدو غير الصلاة على النبي ..
مهدي .. أنا غانرد على نصر ابا غير خليه عليا ..
بسمة .. ( كلسات حدا زينب بفرحة هي ونهال ) مبرووك حبيبتي ..
طلعات زينب فيها عينيها مدمعين ..
بسمة .. وييلس الحمقة كتبكي ( هاد المرة هي جراتها ) ههه عادي عادي كتوقع كولشي على المكتاااب ههه ..
عائشة .. صلاااة وسلاااااام علىىىىى رسوووول الله ..
خديجة مازادتش هضرات سكتات حاطة يديها على فمها تاضربليها مهدي فكتافها .. مبروك الواليدة هانتي زوجتي بنتك الثانية ..
خديجة .. بااقي نادرناا فالطااجين ماايتحركك لا يمشيي ثاني تبانلو فنهااال ..
مهدي .. لواااه زدتيي فييه راه قاليك السيد بغا زينب من اللول المكتاب الواليدة ..
محمد .. نااري ماكاين غالفيشطات ..
زوبير .. انوض ونتا باغي غير الفيشطات ..
زينب باقا كالسة مع البنات فرحانة ودموعها دايزين .. البنات منقدرش أنا يعني باغا ول ك ..
شافت فيها بسمة فرحانة .. بلاتي بلاتي فهمتك فهمتك ..
ناضت. وعيطات مهدي شاف فيها .. يالاه نخرجو شوية زينب منهنا .. غمزاتو وهو فمها ..
مهدي .. اه يالااه زييدي ..
نوضااتها مشاو دخلوها للبيت لاباس لي كانت خولة كتبكي فالبالكون .. ولبسات وهي فرحانة وتاعائشة كتلبس غاتمشي معاها ..
لبسات سروال دجين فالأرق غامق قصير من لتحت حد العضم ولبسات غير تيشورت فالأبيض كيجي واسع سبورتيف وسبادري فالابيض جمعات شعرها فجنب وخلاتو مطلوق وخلات وجها هاكاك اصلا عقلها ما اهش هنايا وعائشة كتلبس وتهضر وزينب عقلها طاير مازال مامصدقة ..
خرجو عند بسمة وشافت فيها بابتسامة .. يالاه زيدي اجي يالاه تبدلي شوية الجو ماتبقايش دابا هنا ..
عائشة .. فؤاد نعاااك الدرااير ..
حركلييها غيير رااصو ومشات تابعاهوم … اما مهديي كان سبقهوم غادي للطموبيل وكيهضر فالتيليفون ..
مهدي .. وفيين اخااي نصر .. ياك اصاحبي خاطب البنت وانا مزال ماعارف … هههه الله ياودي وفين نلقاو حسن منك .. وفين باقي برا ولا ؟؟؟ .. وصافي نطلاقااو فكافيي “””” منهنا واحد ربع ساعة ههههه مشات

البارت 27

ركبو فالطوموبيل عاد قلع مهدي بسمة حداه وعائشة وزينب اللور لي باقا مامصدقاش .. طلقات بسمة اغنية فالطموبيل وجهدات فيه باش تبدل الريتم ..
اما الانسة كاطل من الشرجم على الشرارع طناش دليل وباقا الدنيا كتنغل بالبشار مراكش هادي وفشهر 8 فكفاش غادي تكون ..
تكات راسها وكولنا كتفكر نضرتو ليها ليلة الحنا كتعض على شفايفها وتسد على عينيها بيديها كضحك عائشة شافت بقات كضحك اما بسمة ومهدي مجمعين وطالقين سعد المجرد .. وغادي منير ..
مهدي .. ( شافها من المرايا كضحك بقا كيضحك) اسبحان الله ..
طلعات عينيها بسرعة فيه ورجعات هبطاتهوم حشمانة ..
بسمة .. خلي عليك البنت نتايا مالك ههه ..
مهدي .. هادشي غريب اختي اول مرة نشوف زينب فرحانة ..
بسمة .. ومالها ماتفرح اخويا راها تستاهل وجاتها على بغثة، شوفي احبيبتي زيريلينا على عمي راه بانليا طايح فيك ديه وجيبيه راه ديما مطلع علينا راسو،، ( ضحكات ) اول مرة عمي كيهضر معايا بجدية عرفتي حسيت بالضحكة باش قاليا تي شمن خولة شبيني وبينها عرفتو قتلني بالضحك ..
عائشة .. اختي صدمنا والله ماعرفناها مين جات ..

صافي باركة ويلي غير المعاودة عليه قتلات قلبي فمابالك غادي نتزوج بيه افففف، مازال مامصدقا كنت عارفة شي حاجة ماشي تالتم حيتاش كيفاش نصر كان كيشوف فيا ديما وفالاخير تقولوليا خولة واخا بقات فيا ولكن كيفما قالت بسمة المكتاب كما كنتفكرها قلبي كيضرني وبزاف شتي كون كان هو بدل الرأي ديالو نقول ولكن مدام هو طلبني من اللول اذن راه بصح كان باغيني ووقع سوء تفاهم وتاخالتي زربات ماخلاتنا تانعرفو شنو وقع ..
وصل بيهوم حدا واحد الريسطورون وكافي فنفس الوقت كبيييرة وعامرة فمراكش سطاسيونا عاد هبطو ..
زينب .. ( مع بسمة ) كون غير هبطنا غير لشي متنفس ..
بسمة .. ( ضحكات ) يااك وزيدي بعدا ونشوفو واش غاتبدلي رأيك ..
شافت باستغراب مافهماتش وزادت موراها غادا مع عائشة ومهدي وبسمة سابقينهوم بخطوة شادين فبعضياتهوم ..
زينب .. عائشة واش انا كنحلم غير قولي ؟؟
عائشة .. ( قرصاتها شوية من يديها ) هاااانتي يالاه فيقي ..
زينب .. افف تيقت ههههه ..
دخلو للكافي لي كانت دايرا ومفتوحة من كاع الجوانب كاطل على الضواو من لتحت منضرها زوين .. بقاو زينب وعائشة كيهضرو ويضحكو تابعين بسمة ومهدي ..
تاضورات زينب عينيها وهي تبلوكا، شافتو ناض من الكرسي ديالو كيضحك كيسلم على مهدي صافي رجليها خواو بيها عائشة شافت وهي تفاجأ بفرحة .. ويلي المسخوطة عيطوولىو نااري ..
قلبها بدا يظرب فالميا وستين سلم تاعلا بسمة ودار عند عائشة سلم عليها باليد وهي تشوف فيه كتبلع ريقها مدليها يدو وهي تمدهالو غير شد فيها زاد قلبها كيبخ الدم كتر من السرعة العادية ..
نصر .. ( اشار ليها للكرسي ) تفضلي ..
جرليها الكرسي وهي كلسات وكتشو فعائشة لي كتغمز ليها وهي مبتاسمة كلسات وجرات الكرسي راسها عاد كلس هو كانو مالسين فطبلة دايرة مهدي حداه بسمة عائشة زنوبة عاد نصر ..
نصر .. شنو طلبو ؟
بسمة .. ضاروري اعمي نتا غاتخلص علينا اليوم ..
مصر .. مرحبا ..
هز يدو ورجع شاف فمهدي .. صاڤا بخير كيبقيتو من المارياج مزيان !
مهدي .. ايوا اخويا هانتا كتشوف حنا عاد غانمشيو نسافرو باش نعرفو المارياج كيداير ..
بسمة .. ياك امهدي شفتي اعمي شفتي ههه ..
نصر .. عندو الحق ..
وقف عليهوم سيرڤو ..
نصر .. ( اشار لو ) مهدي ؟؟
مهدي .. كافي نواغ
بسمة .. گلاص !
نصر .. ( شاف فعائشة ) الأخت !
عائشة .. كافي نواغ ..
دار عندي شاف تانطق بسميتي ..
نصر .. زينب ..
طلعت عيني وبسرعة جاوبت .. بحال بسمة ..
السيرڤور .. طغوا كافي نواغ ودو گلاص ياك ..
نصر .. ڤوالا تبارك الله عليك ..
مشا السيرڤور ودار هو كيهضر مع مهدي وبسمة .. أنا وعائشة غير ساكتين، حشمت مارا وخصوصا القرب ديالو گالس حدايا ريحتو كضرب فيا كان لابس سروال فالأبيض وتيشورت فالزرق وسبادري وساعتو فيدو ومطلع شعرو اححح كليتو بعيني شنو زعما غايكون عاق بيا كنشوف فيه ..
حتا جابلينا السيرڤور االطلبيات حطليا حداها گلاص فيه طخوا بول ناريي فين غانحسي هادي وانا يالاه تعشيت اش داني نمزرك .. حطلو الورقة تاكانشوفو جبد 300 الدرهم حطها،، احح بقا فيا ناري غير فهاد الگلسة حطها كاملة ..
تاكيدور عيني ..
نصر .. بصحة ..
ابتاسمات ناطقة بشوية .. الله اعطيك الصحة ..
بسمة .. زينب هاد الكلاص فكرني فين ما كاندابز مع مهدي كنت كنعيط لنصر ويجيبني لهنا ويشريليا هادا كنبرد فيه ههه ..
نصر .. ( تكا على الكرسي ضاحك لعندها) هانتي كيعتارفوليك انا اللول لي تهنيت باش تزوجو ..
ضحكات هي بشوية مبتاسمة وحنيكاتها توردو
مهدي .. واخوويا صافي عفا الله ما سلف عيينا صابرين ..
عائشة .. عابلاتي ابسمة وتشوفي غايحمقك ..
بسمة .. محمقني يا زماان كان ..
حينيت كاناكل بشوية وكل معلقة نديرليها طريقها بوحدو، وكنحس بيه مرة مرة يضرب شوفة فيا وانا كنتقل ..
شوية حنا عندها لجيهت ودنيها شوية وهمس .. ممكن للأنسة ناخد واحد عشرة دقايق من وقتها ..
حمارو حنيكاتها ودارت شافت فيه مبتاسمة .. وهو ينوض راسم سمايل على فمو وحنحن ..
نصر .. مهدي واحد دي مينوت ونرجعو ..
مهدي .. مرحبا ..
ضار عندها .. تفضلي ..
هز هو الكونطاكط والتيليفون وتسناها تاناضت غادا قدامو عاد تبعها ..

البارت 28
مشات غادا قدامو واخا ماعرفك فين تحط رجليها تاوصلات لبرا وهو يتبعها شوية لجيهت الطوموبيل فتحها قبل مايوصل ليها فتح الباب جيهتها …
نصر .. تفضلي ..
زينب .. ( بابتسامة ) شكرا ..
نصر .. مرحبا ..
سد عليها الباب ومشا طلع لبلاصتو وتحرك ضيماري هي ركبات الصمطة وقلبها كيضرب مامصدقاش راه غادا معاه فالطوموبيل ..
نصر .. ( وهو مركز مع الڤولون ) لاباس عليك بعدا ؟
زينب .. ( حركات راسها لجنب ) لاباس الحمد لله ..
نصر .. الحمد لله ..
شاف فيها ورجع ركز فالطريق .. تبغي تسمعي لشي حاجة ..
زينب .. واخا ..
برونشا تيليفونو ومدوليها .. ديري لي عجبك ..
بقات تشوف فيه وقلبها اضرب شدات من عندو التيليفون .. ودارت اغنية #تيناديك لماجد المهندس ..
نصر .. كتعجبك ..
زينب .. ( شافت فيه متسائلة ) مم ؟
نصر .. ( شير للمسجلة ) الاغنية ..
زينب .. ااا .. اه ههه …
نصر .. ( مبتاسم ) مزيان ..
بقات غادا منزكة وحابسة الابتسامة ومرة مرة طل عليه بنص عين وهو مركز مع السوگان ..
نصر .. عرفتي باش فكرتيني بهاد الشوفات لي كتسرقي ..
زينب .. ااه 😳
نصر .. ( ضحك على التورتر ديالها وهضر بصوت رجولي هادئ كيهضر بهدوء وبثقاااااالة كل حرف كيتبتو فمسانعها ) شش رخي راسك عادي حسبيني بحال مهدي كتهضري معاه، طلقي صوتك باش نعرفو هضرتك الزوينة كيكاتخرج ..
لا صافي حدهاليها اش داك اوليدي دابا عاد بصح تزمتات ليها الهضرة فالحلق، زينب بصاح صحيحة فصيحة ولكن عمدها عرفات شي دري ولا هضرات مع شي حد داكشي باش ماعندها حتا شي معرفة واخا فيها تخراج العينين ودايرا فيها فاهمة وهي خبز ربي فطبگو ودابا جا لي غادي يساليهوم ليها ..
وقف حدا واحد البلاصة كطل من الفرق على الضواو دمراكش وبقاو مقابلين معاها وكاينة لمنارة من جنبهوم ..
نصر .. ( حيد الصمطة وشاف فيها كتشوف قبالتها فدوك الضواو كيبريو فعينيها ) ايوا قوليلينا الالة دابا كيجرا تاماختاروكش نتي وانا كنعرف وحدة هي زينب مم ..
هبطات راسها مبتاسمة ورجعات حمرة حمرة حشمات عضات على شفايفها وحاولت تنطق .. بيدي ماعرفتش ههه ..
نصر .. ماشي موشكيل كيوقع الغلاط ياك بعدا ماوقع حتا شي بروبليم فلافامي ولا بانتليا كاين شي حاجة تما ..
زينب .. ( تنهدات وحاولات تهضر عادي ) راك عارف مزال لدابا ماشفتش بنت خالتي كيغاتكون بقات يعني .. ( كتلعب بيديها بتوتر وهو حاضي مع جميع التفاصيل ديالها صبيعاتها لي كتلويهوم وعويناتها لي كيرمشو بزربة وفمها لي مرة مرة كتعض على شفايفها ) هي كيحساب ليها غاتخطبها وفالاخير رجعت انا يعني نيي ًًمم ..
نصر .. ( طلقاهاليها دغيا ) تروبلات القدية ..
زينب .. بحال هاكا ههه ..
نصر .. موشكيل صراحة بيدي ماعرفتش الواليدة لاش مشات لعند بنت خالتك ( ضحك ) أنا شفتك نتي ومن شفتك فالحنة عاد تفكرت بلي نتي الانسة لي هرساتلينا الطوموبيل ..
زينب .. ( حركات راسها بربة ) لا لا والله داك النهار يعني ماشي بلعاني وانا …
نصر .. ماشي مووشكيل الالة ياك جات غافالطوموبيل لي هرستيه هو هاديك المهيم هي السباب لي خلاتنا نكونو اليوم هنا ولا لا !
زينب .. ( رجعات شوية شعرها مور ودنيها ) بصح ههه
نصر .. ( ددار ابتسامة خفيفك بوجهو ورجع هضر بجدية ) ودابا جاوبينا بصراحة واش تانتي كتحسي بشي حاجة بحالي ولا غير انا لي طايح على قلبي ..
هبطات عينيها حشمانة مد يدو وطرق بصبعانو تاشافت فيه ..
نصر .. حشومة تحرمينا من هاد العوينات مين نكونو كنديو .. شوفي فيا وجاوبي .. عتابري راسك عادي هانا ( علا يدو ) كندوي معاك عادي .. اول حاجة نحيدو هاد الحشمة من الحوارات ديالنا ماكاين لاش ..
زينب .. ( خدات نفس داخلي وشافت فعينيه نيشان بابتسامة ) الى قلت ماحسيتش غانكون كنكذب ( وضحكات ) ..

البارت 29

طلع راسو ضحك ورجع شاف فيها مد يدو وقاصها بشوية فالكدم تحت فمها ..
نصر .. هادشي لي بغيت نسمع الالة زينب ..
ديمارا الطوموبيل دار دوميتور راجع ..
نصر .. ماسخيتش بيك واكن واعدنا الاخ عشرة دقايق ونرجعو حشومة نخويو بالكلمة من أول نهار ..
احح دبت انا دتي نااري على نااس الكلمة نااري على السيباني ديالي اويلي اش سايرا نقول انا واناا لي شااررفة اماا هادااا مزال يهزني انا وعائشة كيفما قالت ويهرب بينا رجعنا ساكتين تارجع قفزني بصوتو نااري اخواتاتي واش عرفتو صوتو العادئ والقاصح كتحسيس اتغلغليك فالمعدة ختكوم راه ماتت زينب صافي بااح قتلها الشيباني ..
نصر .. ( تقل من السرعة يحاول ادوز معاها اكثر وقت ممكن ماشبعش من وجودها قدامو ) عرفيني شوية براسك ..
زينب .. مم شنو بغيتي تعرف ..
نصر .. عمرك .. شكاديري فحياتك !!
زينب .. فعمري 24 قول يعني 25 .. حاليا شديت لاليصونص وكالسا فالدار باقا كنقلب على خدمة ..
نصر .. مزياان ..
زينب .. ونتا ؟؟
نصر .. تاحنا الالة فعمرنت 39 قولي 40 ..
زينب … ههههههه كترجعلي الصرف ..
نصر .. شبانليك !!
زينب .. مزيان هو هاداك مابايناش فيك ..
نصر .. نتي باينة فيك الأنسة لي درجة توقت تقوليلي كتر ..
زينب .. ياااك ( قالتها بلى ماتحس ) احم زعما وااايلي ..
(زعما صححتي دابا ازينب الله اعطيني المسخ 🤦🏻‍♀️ )
نصر .. علاش ماعمر قالهاليك شي حد ..
زينب .. لا كيعطيوني قل من عمري ..
نصر .. ايوا مزيان الواحد يبقا متميز .. ( وقف الطوموبيل ) هاحنا وصلنا ) ..
دورت راسي لقيت بصح وصل نااري ماسخيتش قلبي ضرني .. ضرت شفت فيه
زينب .. شكرا ( ابتسامة خجولة ) ..
نصر .. تت لا دابا مابقاتش بيناتنا الصغيورة ..
زينب .. ههه مابقيتش شارفة ..
نصر .. اودي حنا لي شرفنا غاسير عالله ..
مدليها التيليفون ..
نصر .. تعطينا الإذن نسمعو هاد الصويت كل نهار ؟ ..
ضحكات وشدات من عندو التيليفون وكتباتلو رقمها مع اسم زينب ومداتولو ..
نصر .. ايوا الله ارضي عليك ..
زينب .. هههه امين ..
هبط وانا نعض على شفتيفي فرحانة قاليك شارف قال وهو يشوفوه البنات اعواجو انا راه بديت نغير من دابا ..
هبطات تاهية وخلاها تقدم رجعو لقاوهوم باقين تم نيت بسمة وعائشة تبسمو مين شافوهوم جايين وزينب حنيكاتها حميمرين وهو موراها بمشية معتدلة مستقيمية مطلع راسو كاتبان بحال شي طفلة مع الحامي والاب ديالها بطولتو والعرض ديالو .. وصلو لعندهوم ورجعات لقات الكلاص ديالها خوا خنزرات فعائشة ..
ناض مهدي وقف .. يالاه نتحركو
ناض كولشي خرجو مع بعضهوم لبرا وبداو اتسالمو تاوصل لعندها مداتلو يديها وهو يمدليها يدو باحترام ..
نصر .. تهلاي فراسك ونعسي مزيان ( غمزها بخفة ) ..
زينب .. ( بحشمة ) تانتا ههه ..
مهدي .. يالاه خاي نصر تانطلاقاو ..
نصر .. بيتاتنا التيليفون ..
بقيت متبعاه بعينيا تامشا لطوموبيلتو الله احفظو يا ربي والله اسهل علينااا انشاء الله ..
دعات هاد الدعاء فخاطرها وركبات فالطوموبيل ..
مهدي .. ( شافها من الزاجة ) مرتاحة اختيي ..
زينب .. هو هاداك اخويا ..
مهدي .. الحمد لله شوفي نصر راه ولد الناس وسيد راه بعقلو قاري وواعي وعارف شكايدير وراه غاتكوني شفتي هادشي ايوا نتمناو من الله يكون خير ..
زينب .. امين اخويا ..
بسمة .. كوغاااج حبيبتي زينب جو سوي فيااغ دو طوا ..
دينب .. ميغسي بسمة ..
رجعو للأبغطومون حطو زينب وعائشة تسناوهوم تادخلو ومشاو هوما للأوطيل ..
طالعين زينب وعائشة كيكركرو ..
عائشة .. زييديي كملييي ازبيل ..
زينب .. ايواا قاليي طلقيي رااسك عتابريني بحال مهديي ..
عائشة .. اححححح ماري يا ختي افففف ( ضرباتها فكتفها ) فرحتليييك ازينب والله يااا ربيي تخرج هاد الضحك على خير وياا ربي يسهل عليكوم ..
زينب .. امييين عجبنيي بزاااف اعائشة شخصييييةةة والله
عائشة .. يالسيف اختي ربعين عام احسابليك غايبدا اتبرهش عليك شتي غير مين ختارتليه مو وحدة خرا وقاليهوم منك نخلاق وراك شفتي نعيمة ماشي شي وحدة سويهلة وباينة كلمتها ماكاتفااتش ..
زينب .. ناري سكتي رااني خايففة ..
عائشة .. شش دابا نفكو حريرتنا هنا بعدا ويحن الله فداكشي لاخور ..
دخلو بجوجات قاطعين الحس فالدار وكولها مشات لبلاصتها دخلات زينب لبيتها بالحس كانت نهال وخولة لي ناعسين تما شافت خولة ناعسة عضات علو شفايفها وبدات تحيد السروال والتيشرت بشوية وبدلاتو ببيجامة وطاحت على ناموسية واخا عارفة هاد النهار ماجيها نعاس كتفكر فنصرووو ..
غير تكات حلات خولة عينيها دموعها نازيل وزيرات على سنانها ..
صبااح صباح فاقت معطللة .. شافت البيت مجموعة ناضت مدوخة عاد تفكرات اش وقع البارح وحبيبها الشيباني .. وناضت خرجات من البيت كتسمع الغوات قطبات حجبانها ومشات متاجهة كتسمع الهام كاتغاوت مع عائشة تاكدخل ..
الهام .. قليييك سمعتكوووم بودنينييي والىى كذذببت يعطيينيييي العگرررر ..
عائشة .. ايوااا اللله اممسسسخك بزااف عليييك تانحسدووها مالها اش داااات اطروو ديال الذهب ..
خولة .. تفووو كرهتهااا فيينااهييي ( يالااه غادوور تاكاتتشوفها واقفة ) ..
زينب .. ( تيليفونها كيصوني بين يديها مانتابهاتش ليه ) ماالكووم شنوو وااقع ه..
قببل ماتكمللهاا تاكتحسس بشعرهاا طار بين يدييين خووولةةة بينما تشد الخط فالتيليفون وتشد الخط كيتسمع ..آلو ..
خولةة .. كرهتتتك السسمممم الحسسدد هادشييي كامل طلع كره فقللبببككككككك

البارت 30

طارت عليها خولة لشعرها لواتو على صباعها ناض كولشي كيجري يفك وخولة تجننات عليها ..
عائشة .. طلقييييي طلقيييي الحمااااارةةة ..
زينب .. بعدييي منييي واااش حمقتيييي ..
الهام جايا كادير راسها كتفك وهي كضرب فزينب .. زينب مابقاتش عارفة راسها مين كيجيوها الدقات ومع المرة اللولة جاتها الدقة ديال خولة على غفللة حكماتها وهبطاتليها راسها ..
نعيمة جات تاعطات تسرفيقة لخولة لي ماعرفات مين جاتها وهي دفعها زينب من عليها تادوزات ضفر خولة من على وجها حساتو تجرد جات واقفها طلعات راسها منتوف .. وهي دور عندها نعيمة عاودات تاهية عطاتها تصرفيقة تاكولشي تصدم فنعيمة ورجع سقيل ..
زينب تصدمات وطلعات عينيها مدمعين فخالتها ويديها على حنكها ..
نعيمة .. هاديي باااش لمراا الجايا تعلمووو دابزوو نتوماا خواتااات وآخييرتهاااا دابزو على راااجل يااخساارة تربييتنا فيكووم ..
خديجة .. ( وهي محمرة فنعيمة ) ضربييي خوللة حيييت جبداات الشعر لزيينب ولكن لاش تصرفقيييي حتا زينب اش داارتلييك ..
خولة .. بنتتتك سرقاااتلياااا الرااااجل اخااالتييي بنتك رجعااات خطاافت الرجااال على اخر ياامها تحسد ختها ( ماحسات تاتسمكات بتسميكة من عند زينب جات طير عليها وهوما يشدوهوم ثااني ..
زينب .. ( بدات تغوت ) طلقوووووونييييي طلقوووووييي رصااو ..
نهال .. رصااااي زينب الدمم رصاااااي ..
بعدوهاا ولوخرا شداوها صاني جماعتها خديجك دورات الوجه لبنتها لقات طابع قد السخط جيهت حنكها كيسيل بالدم مع الدفر وزادتو التسميكة تابدا كيوزوز دغيا بدا يتنفخ ليها والسيكاتريس مصورين لييهااا تمااا ..
خديجة .. ( غوتااات ) نعيييييمةة منن اليوم تجمعييي حواايجك وتمشيي لدااارك صااافييي هادشيي كااامل درتووو على ود البزيزيلة لي رضعااتناا واخيرتهااا اش ديرييي اختييي اش ديرييي تصرفقييي بنتيي وتخسريليها وجها نتي وبنتك مااالهاا اشش داارت ياااك السيي. رااسو جااا تلاااح علييهاا اشش دااارت هييي ممم جاااوبييي ..
نعيمة .. خدوووج انا ماشي ضربت بنتتتك باااش نشووهااا شربتهاا بااش نسبهوووم علااشش اتعاايرووو ولكنن ماقلتييي بااااسس وصلاتت بيك تجريي على ختك يااااك اخدييجة ..( طاااحت فالأرض ) اجييي امييمتيي يتشووفي اجيي اميييمتي وفيينك تشووفيي اخيرت ياامي تقططع مابييين بناتك بسبااب راجل ماعرفناااه منيين جاا اجييي ..
عائشة مشات كطير جابت الثلج وبدات تحطو ليها حنكهاااا .. الحماارة لخرا الله اعطييهااا القطع اليديين يا ربيييي على سيكااترييس خاايب هادشي باانليا خسو طبيبب وييليي ..
نهال .. ( بدات تبكي مع ختها ) شش زينب عافااك ..
زينب .. ( دموعها نازلين وكتحس بملوحيتهوم كيحرقوها فحنكها ) نهال حنكي انعال شنو دارو فيييه عافاااك مااتخلعيينيش اهئ اهئ ..
نهال .. ششش اهئ عافاك غيير سكتي ..
خديجة ولات كترعد كتشوف حالة بنتها وتشوف فنعيمة لي طايحة فالارض مشات هزات التيليفون كتعيط لفؤاد يعتق .. ولي كانت خايفة منو هو لي طاحت فيه ..
عائشة .. شش مااتبكييش صاافي ( كاديريليها الثلج وترجع ليها بيديها الاخرى شعرها اللور كاع ترووبل ) ..
خولة كتنفض الشعر ديال زينب على مزيناتو من يديها تلوحو فالارض وباقا كتنفخ وطلع والهام كاتحاول تبردها واكرام كاطلع فنعيمة باش تنوض من داك الغوات ..
انا كنحس بحنكي صافييي مايمكننش تكوون وقعاات شي حاجة بلى رااسي لي كنحس الجلدة دياالو كاملة كتنغل ولكن اكثر حاجة من هادشي هو الالم لي فقلبي ماتوقعتش خولة ديير هاكا ابداااا مالها تاوصلااات لهاد الدرجة هادشي كاملة حيت قال نصر باغي انا وماباغيهاش هي ومادارات لا خطبة لا والو غير هضرة وصااافي لا بزااف .. دموعي مابغاوش احبسووو حسييت بالسخفة وحنكي صافي مابقيتش حاسة بيه ..
عائشة .. نوضي بعداا من الارض نوضي من على الباب .. داوها للكنابي لي فالدخلا دباب الداار كلسات تما وخولة من بعيد كتشووف فيها اما زينب قالبا عينيها مابغاتش تشوف فيها ..
تاسمعوو الصوونييط بالجهد مشاات خديجة تحل تاكاتشووف نصر واقف هو وبسمة لي مخلوعة من موراه ..
نصر .. فيناهي زيينب ؟؟؟
خديجة .. بسمةة ..
بسمة .. خا..
باقي ماكملتهاش عتب على خديجة ومع دخلة تاكيشوف الصغيورة ديالها دموعها هابطين وشعرها مخربق وحنكها سايل بدم عائشة كادير ليها فاللثلج .. مشا بجوج خطوات غلاض هز ليها وجها تاشافت فيه ونطقات بصوت رقيق مصدومة ..
زينب .. ننصرر ..
نصر .. ( بصدمة وهو حاط يدو على وجها ) شكون دار فيك هاد الحالة ..؟
دخلات موراه بسمة وهي تشهق …

تعليقااااااااااااات ضارووووري و غدا نطلاقاو شغانديرليكوم راه يدي ماكيقدروش اوقفو عادي ضاروري خاس نوقفليكوم الأنفس
البارت 31

باقي ماكملتهاش عتب على خديجة ومع دخلة تاكيشوف الصغيورة ديالو دموعها هابطين وشعرها مخربق وحنكها سايل بالدم وعائشة كادير ليها فاللثلج .. مشا بجوج خطوات غلاض هز ليها وجها تاشافت فيه ونطقات بصوت رقيق مصدومة ..
زينب ..(دموعها نازلين ) ننصرر ..
نصر .. شكون دار فيك هاد الحالة ..؟
دخلات موراه بسمة وهي تشهق …
نصر طلع عينو بسرعة كيشوف قبالتو خولة لي غير بشوفاتو طاح منها النص تحرك جوج خطوات وآشار لزينب ..
نصر ..( بصوت حاد ) نتي لي درتيليها هاد الحالة ؟
نعيمة تخلعات من شوفاتو وهي توقف قدامو .. اش دخللك اا الد الدريات بين بعضيااتهوم اشنو ياكما غاتحط يديك ..
نصر .. ( ركز فخولة ماداهاش كاع فنعيمة ) لقيتي راسك بنت وزهرك مكانحطش يدي عليهوم و كون كنتي راجل مايفكك مني غير لي خلقك ..
مشا رجع تحرك وبسمة كتقيس ليها فوجها قرب لعند زينب وخديجة جايا من اللور كتهضر .. اولدي هادا راه غير مشكيل عائليي ووو ..شكون سمعليك اخديجة الله اهديك اصلا كولشي مصدوم خولة دموعها طاحو مارضاتش اما هو هز التيليفون لعند ودنو وهو كيشوف فدينب لي صافي غمضات عينيها ماحملاتش الشوهة لي وقعاتليها ..
نصر .. اهلا سي حسن لاباس اخويا غير هنا .. وي خويا بغيت نبلغ على واحد جريمة اعتذاء ..
غير سمعو هضرتو كولشي دااار مصدووم نعيمة مشاتت كتجريي .. اعاار اولديي اش كااادييير ( بدات بغات تجبدليه يديه وهو يجرهااا خلاها تمشي عند زينب كتهز ليها فيديها ) .. ابنتي هضررييي معاااه اوييلي راه ختتتك هااديي راااه كيعط لللمخزنن عتقيي ..
زينب دورات عينيها ساداهوم صافي راه كتحس بالدنيا دايرة بيها شافت نصر خرج للبرا وتبعاتو بسمة وعائشة باقا كتبرد عليها .. بغييتهاليها باش تمشي ترباا واحد النهار تم ..
مشات خولة كاطير للطواليط وتبعااها الهام ونعيمة وقفات تزاوك فخديجة ..
خديجة .. هضررييي معع الدرييي اشش دخلووو فهااادشيي هااااا شتك تصمكتييي دوييي ..
نهال .. ( دارت دارت فيها ) سكتييييي امامااا واااش كتشووفي وجها كيولا ولا غييير دااوية تانشوفو بعدا واش هادشي باغي الطبيب ولا لا ..
دخل عليهووم فؤاد الباب اصلا محلول وبرا واقف نصر وبسمة وتامهدي لحق لتما ..
فؤاد .. اش واااقع هنااا ( دار كيشوف ختوو كلها دمايات هابطين مع العنق تخلع وعينيها حوومر بالبكا ) اشش هاادشيي ..( داار شاااف فخديجة لي قربات طرطق باغا تسرط لسانها ) شهااادشييً الوالييدة ..
مشا قفز عند ختو كيشوف ليها فوجهااا ونهال طلقاتهوم مسرسبين كاتعاود ..
نعيمة .. اولدييي رااااع بغاا يعييط للمخزززن يديييو ليااا بنتيييي راها مااشيي فطووعهاا دارتهااا ..
فؤاد .. رصاااااي اخاالتي صااافي غير سكتييي فيناهي خوولة ؟؟
بدات تم تم وهو ينهض فيها ..
نهال .. وااه مشات تخبعات فالطوالييط ..
مشا فؤاد بخطوات كباار وكيدق فالطواليط والهام تشوف فيه .. خوولة خرجيي خرجيي نتفااهمو ..

عاود دخل مهدي ونصر مزال بقا برا مازادش بغا يدخل واخا زينب تماا ولكن مابغااش يبقاا فداك المجمع ولا غايدير شي كارثة ..
بسمة .. عمي تهدن هاحنا غانشوًفوو شي حل ..
نصر .. ( مابغاتش تصرط ليه تصدم ) مافهمتش وااش هادو بعقلوهوم كيتحاماو هنا واش شفتي كيرضو ليها وجها ولا لا !!
بسمة .. تانا تصدمت اعمي والله بلاتي غير نشوفو بانليا ماكانش عليك تعيط للبوليس تانشوفو ..
نصر .. والله ماتزهق بالله بحال هادوك خاسهىم يترباو هه ولاهيلا جايا عندي مها تقوليا نضربها نحط يدي على وحدة موسخة داكشي لي بقالي فعمري ..
رجع خرج عندهوم مهدي .. مزيان لي عيطي للبوليس لقاو مابغاو ..
بسمة .. ناري غاتبقا فيااا غير خاالتي ..
مهدي .. الواالييدة الى بزز منها تسكت شنو يقتلوليها البنت وتبقا تشوف فيهوم ولا كيفاش ..
نصر .. كون ماوصلتش فهاد الوقت شكان مزال غايوقع مم ..
مهدي .. انا اصاحبي راه عيطاتليا هادي خلعاتني جينا كنجريو وخصوصا قاتليا نتا لي جاي عرفت الموضوع فين إن ..
نصر .. وعيطتليها مع كيتشد الخط كنسمع الغوات اصاحبي عرفتها غاتكون نايضة ( صونالو التيليفون ) وي خويا زيد حنا فالايطاج الثاني ..
فؤاد مع خولة فالبيت ونعيمة معاهوم وخديجة بربعة وسادين عليهوم.. عجباتك هاد الحالة لي وصلتو ليها علامن على رااجل اخولة راااجل ..
خولة .. ( كتشهق بالبكا ) مااحسيتش بشنو وااقع زائد داكشي لي عااودااتلييااا الهام وقااتلياا سمعااتهوووم كييقوولوو ماباغينيش نتزوج اهئ اهئ ..
فؤاد .. لا حووول ولا قووة الا باللله لا حولة ولااا قووة الا باللله ( كيشوف فنعيمة وخديجة ) عجبااتكووم هااد الشوووهة شوهتيي ولدك فالعمااارة وقداام الناس وزايديينها تادابا حدااا الراااجل ..
ناض وهي خاولة تشدووو .. ماتخليهوومش ادييوني اهئ عافااك افؤااد …
فؤاد .. حيدي عليا ماتغبينييش اخوولة تحمليي نتيجة افعالك وكونييي قدهااا سيري طلبي السمااحة من ختتك لي درتيليها داك الحالة فوجها شوفي شنو غادير ..

عائشة نوضات زينب .. نوضي ندييوك لسبيطاار منعرفف اكوون شي تسممم ..
زينب .. ( وقفات من البكا بقات غير هادية وكتحس بحنكها كيوزوز ) شش عائشة مابقا فيا مايهضر ..
اخرج فؤاد من البيت وهوما يدخلو البوليس ومعاهوم مهدي وبسمة ونصر لي كيشوف فزينب ..

البارت 32

دخلو البوليس شافو الحالة ديال زينب حداهوم .. فين خولة بن سلام ..
مهدي .. الواليدة عيطي على خولة ..
خديجة مسماعتش مشات وكلسات فالصالة حاطا يديها على راسها منعرف اش هاد المصايب ..
فؤاد .. خووولة خرجيييي ولا غايدخلو عندك ..
خرجات خولة كترعد كتبكي ومها من موراااها ترغب وتزاوك .. شافوها البوليس ومشاو لعندها جرها واحد من يديها وهي طيحايليهوم نعيمة ..
نعيمة .. وبنتييي لي عندي غاتديوها منيي لقييتوها وليك مااعندها باها ولا خوووووهااااا وطلقووليا بنتي ..
نصر دخل حط يدو على كتف زينب خاني عليها شوية .. كيكاتحسي مزيان ؟ بانليا تمشي تشوفي الطبيب ..
حركاتلو راسها بلا وباقا مامصدقاش شنو كيدور قدامها وخولة لي كتشووفها غادين جارينها علات عينيها جات فعينيها ناشين كتبكي وبحالي كترغبها غير بعينيها ..
هبطات زينب عينيها ورجعات طلعاتهوم كترعد فنصر ..
نصر .. شش ماوقع والو صافي …
دوز راحت يدو على جنب كتفها وهي حبسات دموعها ماكرهاتش تعنقو وتبكي ..
نعيمة مشات تبعاتها ومهدي شاف فزينب .. كيبانليا الجرحة ديالك خاسها غيير الدواا ..
فؤاد .. ( كيشوف فمو ) الواليدة انا غانمشي مع خالتي غير رتاحي ..
مشا تبعهوم وسد موراه الباب بقات تما الهام واكرام مشاو لبيت بقاو مخشيين فيها ونصر دار يديه فجيبو واقف مستقيم وكيشوف فزينب ..
بسمة .. ( حنات عندها هضرات بشوية ) زينب باش كتحسي واش شوية ..
زينب .. شوية بغيت نرتاح ..
وقفوها البناات عائشة ونهال غادين بيها بشوية وهي دور شافت فنصر ..
زينب .. ( بابتسامة ) شكراا ..
نصر .. ( كيشوف فعويناتها شاف الالم ديالها فيهوم ..تنهد ) الله اجيب الشيفة ..
ومشاو بيها بقا غير هو ومهدي وبسمة وخديجة خلاص بعيدة فالصالون ..
نصر .. مهيم غانخلي ليكوم الخير هاد الساعة ..
مهدي .. زيد يالاه غانمشيو أنا وياك ..
بسمة .. مهدي انا غانبقا هنا ..
نصر .. مزيان منهنا واحد كانز مينت نعطيليك هبطي طلعي ليها الدوا ..
مهدي .. ماشي موشكيل اخويا انا نجيبوليها ..
نصر .. عندي واحد الفاغماسي صاحبي نشرحلو الحالة ديالها ..
مهدي .. مرحبا ..
مشاو بجوج وسدات بسمة موراها الباب وشافت فخديجك تنهدات مسكينة باقا يالاه تزوجات ودخلات على المشاكيل ..
بسمة .. خالتي تبغي نجيبليك شي كاس دالما ..
خديجة .. لا ابنتي غاخليك ..
تنهدات خلاتها ومشات عند البنات كانو فالصالون الصغير .. البنات باقين كيهضرو على هاد الموصيبة ..
زينب .. ( بعد ماغسلات وجها وبانت الندبة على شكل خبشة ومنفوح شوية وجمعات شعرها كعكة غير ساكتة ومصدومة ) عافاك البنات سدو عليا الموضوع ..
بسمة .. طخي گغاف فغيمون ( ظرباتليها بشوية على فخيضاتها ) الله اشافيك ما شيغي ..
زينب .. شكرا بسمة ..
عائشة .. أنا نوض نشوف خديجة ..
صونا لبسمة التيليفون وهي تهبط لقات مهدي ونصر فالطوموبيل عطاوها ساشي ديال الدوا وفهموها شايتشرب ولي غايدار ومشات طلعات داتهاليها ..
بسمة .. ( مداتليها الساشي ) هاكي جابليك عمي الدوا ..
زينب .. ( تحلو عينيها مين سمعات سميتو ) نصر ؟
حركاتليها بسمة راسها وشداتو من عندها ..
بسمة .. شربي هادا دابا باش لاكان شي ميكروب بتحيد وهاد البوماد ديريها دابا وهادي ديريها فليل باش تحيد ليك السيكاتريس ..
زينب .. شكراا ..
بسمة .. ماكاين لاش شكريه هو هههه ..
دخلات خديجة عليهوم شافت فيها خديجة وهي دور راسها بحالي ماشافتهاش .. قربات ليها خديجة وهي تقيس ليها فوجها ..
زينب .. ( بعدات راسها ) ماما عافاك ماباغاش نهضر ..
خديجة .. رصاي نشوفليك كيبقيتي ..
ناضت واقفة دموع طرطقو بحالي كانت حابسااهوم .. دابااا عاد باانتليك بنتتك وقبييلة مين شوهاتني بنت ختك مع الناس ومع الراجل لي باقا يالاه عرفتو عجبك الحال ..
ناضت بسمة ونهال نساحبو وخلاهوم ايهضرو بوحدهوم ..
خديجة .. ( مشات سدات موراهوم الباب ورجعات عندها حمرات فيها عينيها ) كييلسيي نهضرووو كلسيي ..
كلسات بالنفخة كتمسح دموعها ..
خديجة .. شتي علااش انا المرة اللولة قلت لبااااك مايقولش لييك هاااعلاش هالي كننت خايفة منو وقع عجببك دابااا تعيطليك بنت خالتك بخطاافك الرجااال ..
زينب .. وشممنن خطااافة اماماااا السييد بغاانيي انا اناااا اهئ ماالكي ماكااتفهميييش ..
خديجة .. انااا فااهماااك وعائلتك فااهمك ولكننن بناادم خووور ميين غايدخللهاااا منيين مممن حسااابليك لحد هنااا وصااافي نسيتي الخنز دطرييكتك كيدااايراا عنددك حساابليك الامر غاوقف حد هنااا وبلاتتي تشوفيي مين غاتزيدي وتعمقي فالمعقوول وتزوجيي وتشوفي لما تطلييتيي بخطاافة الرجاااال حساابلييك غايعييطووليك راااجلك ولا غايقوولو اااا حگا غللطووو لماا طلااوك بدات الرااجل لخووولة رااني مااشي مك وراني كلبة ..

البارت 33

زينب .. مااكييهمنيي حتاااشيي حدد حتاااشي خراااي سمعتييي ماااشيي شغلييي يمشييو اقووودوووو من اللخر هادشي لي بغيييتي تسمعيييي ، شتي كون كاان بصاااح دااهاا هي وعاد شاف فييا نحلف بيميينيي مانشوف فيه ولكن السييد انا لي شاف وانا لي عجبتو وانا لي بغاني على سنة اللللللله ورسووووله ( ضغطات عليها ) وجااااا من الباااااب ماااشي من الشراااجمم وخطبنيي من عننند بااا سمعتيييي، واناا قاابلة ومياات الف قااابلة ضد فبنت ختك لي شوهاتتلياااا كماارتيي وضد فطااسييلة كااملة ولهلا يقلب جد بااهووم، وماتخافيش انا خوولة غادي نسمح ليها حييت نعذرهاا تيقاات رااسهااا واخا مادار فالطاجين ماايتحررق هو عمرو مالحق فيها تالشووفة باش تعتابر رااسها مزوجة وكاالسا تشريي فلي شووميز دوونوي، ومزياان نييت بيناتليا على وجهااا لي مخبيااه من هادي شحااال مييين كااانت طاايحة فمهديي ولا نفكرك كيفااش جاات تزااوك وديرني سميسنة على عسييلة مييين تزوج مهديي وهيي قاالبة وجهااا وقلناا مافيييهااا باااسس، ايوااا مااتخليينييش نجبدليييك الضواااساا ابنت طاااامووو وميين تشوفينيي قارمة ماااشي ماعنديش الفم رااه نكويها هي وعائلتها والهاتم حساتبها معايا من البعيد انا لي كنعرف كيفاش نرجع دقتي، ولاا بقااات فيييك ختتتك حيديينيي من سدرك بااش رضعيتيني، وسيريي تخطاي عليهووم ونشوفو نهار تكوني معوقة واش ادوموليك ولا لا ..
هزات دواها بالنفرة .. ومشات خرجات زدحات موراها الباب دخلات لبيتها لقات الهام واكرام متكين تما..
زينب .. ( هضرات بالجهد ) نوضوو منهنا خرجو لهيه ..
الهام .. ( بحالي كان خاس غير لي يوقعها ) هاادااك وجهك ولا قفاك ماتهنيتي تاديتيليها الراااجل وسيفطيتها للحبس ومااعنديي ماايتسااليك نيييت ..
زينب .. هااااهااااااي قاتليك الراااجل ( موراها نيشان جاو البنات اشوفو اش واقع ) لواااه البعابع ونوضي جمعيي شراوطك ويجيك ملحيي ضرگي زلاافتك لداركوم لاكانت باقا فييك النففس وديتيييلييها الراااجل اييييه وبصحتيي ورااااحتييي ونتي ياكما بغيتيي نتبعك لييهااا هانيية احبيبة تعيطة وحدة اجيو اجمعوك حتاااا نتيي ..
الهام .. كون كانت دارك رجلي هي اللخرة مانحطهااش فيييهاااا من كترة الحسدد لي فييك غاتبقاي حياتك هاكا كاملة هاحنا نشوفو وااش ادوملييك ونزييدك موو ختارتهاا هييي حسابليك بين ليلة وضحااها تشوف فيك نتي ..
اكرام .. وااش حماااقيتو ..
نهااال .. ايواااااا جمعيي فمممك رانيي ساكتة ليك الحسد هو ليي فيكوووم وكون كان عندكووم الخيير كاع ماتقلبو غير سمعتو بالزواااج تفوو كتغييلفووو كون كانت خدمة مقودة ماديروش علييهااا هاد الزبل كامل ..
بسمة .. ايويل نعلو الشيطان ..
الهام .. بديتيي البرهووشة تانتيي تدويي ايوا هاحنا غانشوًفو عشاااك السدرة ..
زينب .. برهوووشة وتمشيييك عللى صبعيين رجلييهاااا جمعييي غيير شعرة المجييير واجي هضري علينا بزااف على لاليااتك اوصلوونااا
عائشة .. دخلات لوسط ) شنوو وااش ماابغييتوشش تحشموو ولا كييفاااش واشش ماكفاكومش داكشي لي درتو باقين باغيين تزييدو ( دارت عند الهام ) ونتي لايجيك مليح جمعي حوايجك وسيري لدااركووم هادي ماادارك مادارها دار البنت لي يالاعت تزوجات وفرعتوليها راسها بالمشااكل ديالكوم الخااوية جايا تعايري هنا هادشي غا معروضة يا حسرة ..
زينب .. ( قطعاتها ) ضيااافت النبيي 3 ايااام ونوضي تكركبي منهنا دابا قبل المغرب هادشي لابقا فيك شي نفس ..
خديجة .. ( جات كتخرجهوم ) خرجوووو منهنااا صاافيي خرجووو ..
زينب .. ( عطاتها بالضهر غادا وباقا شاعلة ) حاات المحاامية خليوها خليوها راك تموت على جال بنات ختها ..
دخلت للطواليط وسديت عليا وحطيت داك الساشي فوق لاڤابو عاد شفت فالمرايا، ناري حنكي كيفاش كيبان حمر وتخريطة باينة فيها الله يعطيهوم گرضة، سديت عيني كنتنهد زهري هو هادا فين عمرو كان مقاااد تاغانجي نتزوج عاد انوضو هاد الكوارث كولها،، كلست فلاساش كنقضي حاجتي وهو يوصلني ميساج حليت التيليفون وانا نقرا ..
نصر .. كيبقيتي مزيان كتشربي دواك ؟
عضيت على صبعيي عيني كيبرييو وتخشعتت كنرعد ماعارفاش باش نجاااوب كل خطرة كتجي فباليي اللقطة باش دخل عندي قبيلة وبااش وقف معاياا احح حسييت بالحامي دياالي قداامي وتاحد ماعندو الحق احط علياا يدوو .. جاوبتو ونضت كانقاد فسرواالي وعاود سيفط ميساج ..
نصر .. الحمد لله تبعي لي پوماد ديالك حتا تبراي …
احح باغيني نبرا بااغيي حبيبتوو تبراااا، ولاهيلا قاليك بغاا خولة انا راه اصلا شكيت نهار قالوليا خولة والسيد غامزني نهااار هرررسسستتتت ليه الطوموبيل وماابغيتووش اطييح فيياااا نهااار كنت مععكرة، وتجي بنت خالتيي تقوليااا خطفتليي الراااجل وتي حمديي اللله لي تعتقنا داباا اما كون جابك تانهار تركاب الخواتم ويقوليها غلطت فيك جيبووليياا زييييينب اييه وشلللو بيها فمكووم

لا السيدة حماقت صافي

البارت 34

خرجات من الطواليط وهي تسمع تيليفونها كيڤيبري تزنزنات وبدات تعض على شفايفها وضحك، هزاتو وهي تشوف فؤاد وهي تعوج فمها وعبسات ..
زينب .. ( ببرودة ) آلو ..
فؤاد .. بدلي حوايجك وهبطي دابا شوية كون حداك ..
زينب .. علاش ؟
فؤاد … باش تمشي للكوميسارية ..
زينب .. وأنا مسامحة ليها غير تجي ..
فؤاد .. وبقات فالفم شوفي زينب راااه طالعااليااا صافي هودي خلاص ..
قطع عليااا يخ فف كاين شي صداع ولا نديروه .. مشيت عيطت لعائشة هي دخل تجيبلي حوايجي من البيت مافيا لي يدخل لعند ديك خيتي .. تاكيصونا ليا التيليفون يخخ فؤاد غايبقا مببرزطني جاوبتو تاانيي ..
زينب .. وصااافي هلكتييناا هاحناا دابا هواادين غاسكت ..
نصر .. زينب ؟؟ ! ..
حلات عينيها على جهدهوم وهي تسد عينيهااا كتشمت فراصها ..
زينب .. احم ن نصر ..
نصر .. ههههه مالكي معصبة كالم طواا شكون هادا لي معصبك مم ..
زينب .. لا لا ( حشمات ماااراا ) عيطلي فؤاد على حساب داك الموشكيل ديال خولة غانمشيو للكوميسيرية ..
نصر .. بغيتي تسمحيليها ؟
زينب .. راك عارف يعني العائلة وبنت خالتي ماجاتش باش تبقا محبوسة تما وماما ماقادراش نشوف فيها ..
نصر .. الحق أصلا ماشي عليكوم نتوما على الواليدة لي خربقات الضواسا كاملين ولكن هي تسرعات ثاني وغلطات معاك، الاهم دابا گلسي نتي فالدار رتاحي أنا غانهضر مع فؤاد وكولشي اتحل انشاء الله صافي ؟
زينب .. ههه صافي ..
نصر .. خودي راحتك والله اجيب الشيفة ..
زينب .. امين ..
قطعات ونقزات فرحانة تاشافت فيها عائشة هازا الحوايج ..
عائشة .. اسبحان الله ..
زينب .. زيدي زيدي غير حطي دوك الحواج الشيباني ديالي قصا الغراض ..
عائشة .. ناري لمووك اش هاد الزهر عندك ..
زينب .. غيير سكتي ماتقوسييش تانا راه مصدومة من زهري حاتني فشكل يعطيني هادشي كامل ..
عائشة .. ههه زيدي زيدي
ومشاو كلسو عند البنااات كولشي عابس وكلشي طالعلو الدم ..
عائشة .. منعرف اش هاد النهار يا ربيي ..
بسمة .. فغيمون حسيت بحالي كبر الموشكيل كتر من الحجم ديالو انا نافهمتش شنو الموشكيل ديالها يعني صافي وقع غلط فالأول وعمي ختار زينب من اللول وغير جدك غلطات فين كان البغوبليم ..
عائشة .. اودي هنا فين كاين الموشكيل نتي مازال ماعارفا اش كاين ..
زينب .. ( شافت فبسمة ) الله اعساك ابسمة السيدة تيقات راسها وناضت تقدا لزواجها واخا باقين حتا ماجاو فيها نوغمال ماتقبلش الصدمة ..
بسمة .. ( ضحكات ) فخباركوم انا باش كنتو جايين تخطبونا والله حتا ليلة قبل لي سقت الخبار ونشت قلتها لماما كانت غاتقتلني قاتليا فين نلحق نوجد هادشي كااامل ههه ونضنا نتجاراو داك النهار وهادشي راك شفتي نهار تركاب الخوااتم يعني ماشي غير غايجيو ادويو ..
زينب .. اختي حسابليك الناس بحالك راه كاين لي غير كيقولوليهوم العكايز واقيلة نخطبك لولدي وتنوض تحلم وتبدا تقاد فالشوار ..
نهال .. واخا تسدو علينا موضوع الزوااج ويليي ..
عائشة .. شوفليك ثاني .. زعما ماناوياش تزوجي ..
نهال .. مالي اختي حمااقيت، تمشي تلصق فيا شي وحدة وتقولي سراقت الرجال ههههه ..
ضحكات دارت لقاتهوم كولشي كيشوفو وزينب قلبات عينيها حيت حسات براسها تقرصات ..
نهال .. اوبسيي ( زيراات على زينب ) بااغدووون سييستر والله مابلعاااني ..
زينب .. مممم حيدي اويلي ختقتيني ..
نهال .. ( باستها من حنكها ) نحماق عليك ..
عائشة .. هاي هاي هاي ..
زينب .. اييه اييه بعدي عليا ..
بسمة .. هههه نتوما كتفكروني بختي إيمان أنا ويااها بحال هاكاا ههه ليل ومطال وانا نتناگر معاها، دابا مين خليتها غير يوماين عيطاتليا البارح كتبكي قاتليا توحشتك قتليها ايوا شفتي نهار كنا ندابزو ..
نهال .. ( عينيها دمعو ) زيينب دابا غاتخليني وتمشي ..
زينب .. ششش شش بسماالله ( ضربات على الطبلة جوج دقات ) خمسة وخميس لا نصدقو گالسين معاك ..
نهال .. وغاسييري بناادم كيداير ..
بسمة .. عرفتي فرحاانة ليكووم من قلبيي والله وكنحس بلي نتي اكثر وحدة تستاهل عمي ازينب، هو راه مايخليك مخصووصة من واالو وماتشوفي من عندو حتا شي عيب أنا عمرو خسرلي شي خاطر ولا غوت عليا ولا تعصب عليااا بلعكس ديما دايرني فعينيه ..
عائشة .. وعلاش ماعمرو تزوج ؟؟
بسمة .. ( قطبات حجبانها وضحكات ) كيفاش واش ماعارفينش بلي ديجا كان مزوج ؟

واش نعستو مابنتوليش ؟

البارت 35
شافو فيها بصدمة زينب حسات راسها بحال لي ظربتيها بشي حديدة طويلة عريضة ..
عائشة .. اويلي على كان مزوج ..
بسمة .. زينب وااش مافخباركشش .. ( بجدية ) واش ماقالهاش ليك عمي ؟؟؟
عائشة .. ( شافت فزينب باقين ماعرفو واش ابكيو ولا يزيدو اتصدمو ) واش كدوي بصاح ..
بسمة .. لا دابا بصح ضحكتوني مافهمتش اه راه عمي كان مزوج وعندو حتا بنت اصاحبتنا ..

لا لا بلاتي بلاتي خليوها بعدا تسرط الصدمة اللولة وثاني تصرط الثانيية، ماعرفات واش ضحك للزهر لي مكوز ليها ولا تضحك على راسها ولا تبكي ..
يالاه غاتهضر زينب وهوما يسمعو الغرات والباب تفتح كيسمعو نعيمة داخلك كتغوت ناضو كاملين غادين اما زينب ماتحركااتش بقاات مگلاصية فبلاصتهاااا ..
وأنا أنا كنت كنضحك وكنقول كيفاش الزهر ضحكلي فوجهي وجابلي راجل كامل مكمول ولكن كتاشفت بلي دنيا قد ماكاضحكلي قد ماكاتخورني، منيتك ازينب باغا راجل فالربعينات وبغيتيه يكون عزب شكاتنتاضري لاباس لي كااان مزوج وعندو بنت، ( عينيها غرغرو ) نصر صدق ديجا كانت عندو مرأة قبل مني ولا ودابا عندو حتا الولاد عندو بنت .. بنت ازينب غاتمشي عند راجل ديجا عندو بنت ..
طاحو دموعها واخا كتسمع صوت خالتها ماقادا تخرج عند حتاشي حد حيت الصدمة لي فيها يالاه تكفييها ..
بقات مدة گالسة كتستوعب اشنو وااقع واش لهاد الدرجة مكفسة حياتها، بدات تفكر وكتقول يمكن بصح هي مامكتاباش لنصر، وكيفاش خولة كانت زعما عارفة ولا تاهية مافخبارها مايتعاود، فكرات فمها هي دابا وضد الزواج اما مين غاتعرف بلي مزوج وعندو بنت والله ماتقبل واخا تحلمها بالكولور ..
هبطات يديها مسحات جوج دمعات وناضت خرجات كاتلقا بالهام هازا باليزتها حدا الباب وخولة عينيها حمرين بالبكا غير كالسة مكمشة فالصالون ونعيمة حداها كتهضر مع خديجة خرجات دار كولشي شاف فيها ..
خولة غير شافتها حنات راسها وخديجة تم نيت ناضت عند جراتها بشوية من رجليها تازيداتها لنص الصالة ..
خديجة .. دابا تصالحو قدامنا يالاه داباا ..
نعيمة .. ( بحدة ) وقفيي اخوولة ..
ناضت خولة واقفة وبقات تشوف فزينب وزينب كتشوف فيها لي فيها كافيها وماعندها گانة تاكحزات عندها خولة وعنقاتها ..
خولة .. سمحيليي اختي ..
زينب .. المسامحة ..
خولة .. ومبروك عليك ..
زينب .. ( بهدوء وهي كدوز راحت يديها على ضهر خولة ) مازال ماكاين والو اختي حتا يتزاد ونقولو سعيد ..
حسات بحالي ضرباتها بهاد الهضرة سكتات خولة وگلسات ورجعات تازينب لسداري ..
خديجة .. الهام اجي تانتي يالاااه ..
الهام .. خالتي أنا غانمشي والله مانزيدش نتقل عليكوم كتر وانا مسامحة ليها غير الله اعاون ..
مشات مخرجة الباليزا خلاتها خديجة هاكاك وگلسات كتنهد تاهضرات نعيمة ..
نعيمة .. هااا وماالكووم دابا ممم صافي شفتو شكنتو غاتخسروو كون گلستو قبل هاادشي وبقيتو مع بعضكووم ( شافت فزينب ) بنتي زينب سمحلي قبيلة على الدقة ولكن راه مابغيتكومش تزيدو دابزو ..
زينب .. ( ببردة صافي مابقات مسوقة لحد ) مسامحة اخالتي …
خديجة .. ايواا الحممد لله ونوضو دابا غسلو علينا داك الوجهاتت يالاه يالااه نوض نصايبليكوم كاسكروط راه ماتغدينا كاع قبيلة ..
نعيمة . هاني نوض نعاونك ..
ناضو بجوج بقات نهال وزينب وخولة واكرام ..
زينب .. نهال فين بسمة فين مشات ..
نهال .. مشات عند مهدي ..
زينب .. ( شافت فيها وكادرليها بعينيها زعما سم بكم ) ممم واااخاا انا غانوض نتكا ..
يالاه ناضت تاسمعات صوت خولة ثاني ..
خولة .. زينب سمحيليا بصح بغيتك تسمحيلي ..
زينب .. راه قتليك المسامحة اختتيي الله كيسامح شكون حنا تامانسامحوش ..
ومشيت انا راه لي فيااا كاافينيي تقتلت من لداخل وبسمة مشات وخلاتني هاكاك مابغيتش ندخل عند عائشة لي علم الله كيغاتكون تاهية مصدومة كتر مني كاينة مع ولادها وفؤاد سادين عليهوم البيت ديال مهدي .. مشيت لبيت وسديت عليا وتكيت على الناموسية نزلو دموعي بلى مانحس صعييب تحس راسك غير بوحدك لي عايش فالهم وغير بوحدك لي حاس بالتصميكة .. ماقدرتش نصبر مسحت عيني وهزيت التيليفون دوزت نمرتو .. مابغاش اجاوبني تاقطع تيليفون ورجع هو صونا وانا نجاوب تاسمعت صوتو ..
نصر .. آلو زينب !! صاڤا ..
بقات ساكتة كتبلع ريقها تاعاود عيط بسميتها وهي تنطق .. علااش ماقلتييهاش لياا انصر هادييك اول حااجة خاااس تقوولهااليي انصررر تقوليا فاايتليك تزوجتيي ..
نصر .. كيفاااش شكون قالهاليك ..!!!
زينب ..( مابغاش تبكي ويسمعها كتبكي بقات مقوية راسها ) نصرر صافي عافاااك نتا خبيتي عليا حتا بلي عن..
قبل منكملها كنسمع ..
.. پاپي ( papi ) نتا هنا ؟؟؟
حلات فمي بشهقة وانا نقطع بسرعة .. عضيييت علىى شفااايفييي .. تاكنشوفو ثاني كيعيطليا قطعت عليه وطفيت التيليفون ..

بنات عمي لاباس

البارت 36
ماقدرتش نحبس راسي .. حسيت بالدموع خرجولي من كل قلبي وكتردد اللحضة لي قاليا واش تانتي كتحسي بهادشي باش كنحس … وكنتفكر جوابي ليه يمكن تانااا زرببت يمكن .. علاش مين سولتوو ماايقولهالييش علااش .. صوت ديك البنت وهي كتعيطلو بابا مازال كيتعاود فوذني عرفتي شحال صعيب تكوني بغيتي راجل وكتقولي ديال راسو تايطلع دايز فيه الزواج .. عادشي ماعرفتو واش مطلق ولا ميتة .. كلما كنتفكر كنزيد نجهل كثر .. نضت ماحسيتش برااسي … جمعت حوايجي كاملين كنجمع ونهرنن مابغاتش تبرد ليا أبدا .. مسحت دموعي مزيان وجمعت شعري كعكة مهملة ولبست حوايجي وخرجت لبرا لقيت نيت خويا يالاه خارج كنت عارفة فؤاد راجع بحالو بحكم عندو يربيس مع الليل ..
جريت باليزتي تاشافوني وهي تنوض ماما ..
خديجة .. ويلي فين غادا نتي ..
زينب .. غانمشي نرجع بحالي مع فؤاد ..
كولشي شاف فيها مصدوم ..
عائشة .. واش منيتك ؟؟
زينب .. لاا من ريتييي فؤاد يالاه ..
خديجة .. واش باغا تحمقني عقللل وااحد لي عنديي راه طيرتيييه بهبااالك تبتيي ورصاااي فيين نااويية تمشيي ممم فييين ؟؟؟
زينب .. وصاااافيي خنققتووونيي ماابقييتش باااغااا نگللسس هناااا فهمتييي ماابغيييتششش والزواااج ربحووو بييه ماابقييتش باغااااه مابقييت باغا واالو بغييت نمشيي بحاالييي ..
عائشة شافت فيها بحالي فهماات شوية من شنو حااسة ..
فؤاد .. صااافي شش صاافي ( عنقهاا بقات كتبكي فحضن خوها ) صاافي خليها بغات تمشي صافي غانديها واصلا نتوما مابقا ليكوم والو غاتمشيو صافي ماشي موشكيل نيت تونسني فهاد الايامات ..
خديجة .. ( تنهدات وفنفس الوقت نيت رتاحت مين قالت مابغات زواج ) واصافي سيري مع خوك تاحنا غير شي يامات ونلحقو عليك مين اجي باك نقولهالو تاهو غبر اليوم النهار كامل ..
فؤاد .. الموهيم اسيادناا خليت ليكوم الخير الله اعاون ..
هز ساكو كان صغير وهز الباليزا ديال زينب ..
زينب .. بسلامة عليكوم .. ( قالتها وسدات موراها الباب مشات ) ..
خولة .. هالتي واش زينب مشات بسبابي ..
خديجة .. ابنتي ماشي بسبابك راه شفتي اش وقع خلينا ساكتين حسن تهنات بناقص من شي راجل اجيب لينا غير الصدااع ..
نهال .. ( مع عائشة ) هادي أول مرة بقات فيا زينب ديال بصح ..
عاىشة .. صافي سكتي تاهو مادار فيها مايتصلاح ماقالش كاع للدرية راه مزوج ..
نهال .. ونسولو خويا هو اللول لي ماقلهاش لينا زعما مايكونش عارف ..
عائشة .. صافي سكتي انا حسيت كولشي تخربق عليااا ماتزيديليش ..
ركبات فالطوموبيل مع خوها القدام ودارو الصماطي وقلعو دخلو فاوتورت ديال مراكش لبني ملال .. هي دارت ليزيكوتور فودنيها وطلقات الاغاني وتكات على الشرجم .. وفؤاد بقا كيشووف فييها ومابغا يجبدليها مزال تاشي حاجة ..
تكات راسها على الشرجم وعلى اغنية رحمة رياض – ماكو مني .. كتسمع وتايهة عينيها مدمعين وحلفات ماتعاود تنزل حتاشي دمعة ..

تعَبت روحي روحي شجاني
اشبيه جبت الهم الهم اليا
من الاول جان لازم لازم
ابقى وحدي وهاي هيه
كلها مني ولعت كلبي بغرام المايحبني
على نيتي وحيل طيبة وجنت اثق باليستغلني
اني مدري اشبيه يمكن ماكو اني وضعت مني
بعدما امشي وره كلبي الخذلني
وراح اعوف الباع وانسى اللي هملني
دورت ع المثلي لكن ماكو مني
اقهر بروحي بروحي بروحي عليمن
البارت 37
عادي ولفت ماشي شي حاجة جديدة صدمة ودازت ومن اليوم غانكمل حياتي بحالي تاحاجة ماوقعات صافي ..
حليت عيني كنتأمل فسقف ديال بيتي .. بقيت شحال كنوف فيه اودي بيني وبينك مزال عشرة طوييلة كيبانليا .. حيدت عليا ليزار هزيت شفت الساعة لقيتها العشرة .. قاعيدتي هي قاعديتي والفياق بكري مامنو رحمة واخا مكون ناعسة مع الستة .. البارح ماوصلنا لبني ملال تالجوايع الربعة دالصباح حطوي فؤاد ومشا مسكين نيشان تاني شاد الطريق لأزيلال عندو الخدمة تما .. هبطت التيشورت كان طالعلي على كرشي ومشيت حليت الريدو دخل شوية داك الشمس ديال الصباح وحطيت شوية راسي على الشرجم كنشوف الدراري خرجو كيلعبو الكرة فالحومة .. بقيت شحال ساهية .. تنهدات وخرجت هوا سخون من نيفي اودي كولشي كيفوت وكيبقاو غير الذكريات واكن عمرني غانسا بلي تزعطت فشيباني لي نقيل نقول عليه فارس احلامي وعمرني نسا داكشي لي كان عندي ليه احساس جديد ..
مشيت لطواليط دخلت دوششت مزيان وخرجت شفت فوجهي وجبدت داك الدوا بقيت نشوف فيه شحال ثاني .. عاد بديت نديرو فوجهي ودرت عليه فاصمة رقيقة .. ومشيت خرجت للكوزينة .. لقيت الدنيا مصفرة .. رجعت لبست جلابة خفيفة جمعت شعري وهزيت شي فلوس خلاهوملي فؤاد .. وهبطت مشيت للحانوت ديال الدرب شريت الخبز والحليب والفرماج .. وتميت راجعة للدار فيضت للحليب كبيتو مع قهوة ودرت الفرماج والزيت البلدية مع الخبز ..
بقيت كناكل فالكوزينة بووحدي وكنسمع السقييل غيير صوت الدراري لي برا لي كيتسمع ماحملتش هاد الجو نزلات عليا واحد الكئابة غريبة .. هادا شعور مين كتكوني مجموعة مع الناس وكتوجدي للعرس والحيووح وفالاخير كيفوت كولشي والعرس ماهو غير ليلة ودازت ودات معاها وجابت معاها شحال من حاجة ..
نضت شعلت التلفازة درت شدى تيڤي وزيدت شوية ممزكة ودرت بالدار جففتها كاااملة وكبيت فالدروج الما سيقتهوم .. ورجعت طلعت دوزتليها التجفيفة طلعت دوك الطلامط للسطح اتشمسو ورجعت فرشت السدادر وفرشت الزربية .. ماحسيتش بالوقت تالقيتها الجوج طحت فالسدادر ديال الصالة كنستاراح وهي طيح عليا سكينة صحبتي .. نضت هزيت التيليفون ددار دوزتليها نمرتها وبدا يصوني تاجاوبات قتليها تجي راني جيت لبني ملال وقاتلي بلي دابا شوية تكون عندي اصلا كنسكنو فنفس الحومة حسيت بيها هي لي غاتقدر تفوج عليا شوية هاد الغمة ..
رجعت حيدت الفواطة وشربت داك الدوا وعاودت البوماد ومشيت كلست درت mbc 2 تاسمعت الصونيط نضت حليت لسكينة وهي طير عليا عنقاتني ..
سكينة .. ناري توحشتك ازبلة ..
زينب .. تانا اختي زيدي زيدي ..
سكينة .. ماجاش فؤاد ..
زينب .. لا غابوحدي فالدار ..
سكينة .. كنشم ريحة سانيكروا ..
زينب .. غير سكتي دابا عاد دوزت للدار كاملة من الفوق لتحت ..
سكينة .. ياا ختي كنعرفك نهار تشدك الهايشة مايبانليك غير التسياق تنوضي ليه ..
زينب .. اودي حريرتنا حرييرة ( وصلو للفوق دخلو للصالة ) ..
سكينة .. ويلي مالكي ؟؟ قوليلي بعدا كيدااز العرس ..
زينب .. غزااال عند ماليه هنهه ..
سكينة .. ياك اختي لا دابا بصح شككتيني كاينة شي حاجة نيت ..
زينب .. اوا شغانقولييك مشينا لتم باش نحضرو عرس خويا صدقنا رجعونا خطافين الرجال ..
سكينة .. خطااافت اااش !!!
زينب .. الرجاال ههههه
سكينة .. عاوديليااا من اللول القضية بانليا فيها إن ..
زينب ..
بدات تعاودليها بعدا تحس براسها تفش شوية عاوداتليها كولشي من نهار هرساتلو الطوموبيل للحنة لنخطبة خولة ونهار التمر وعاد باش خطبها من عند باها والخرجة والروينة لي وقعات مع خولة وعاد جاتها للصدمة والحاجة لي خلاتها ترجع بوحدها لهنا

باش عاودات لسكينة حسات بعدا راسها تفشلت مولفة تعاود يا ليها يا لعائشة من غير هادو بجوج تاواحد مرال خولة كانت تاهية مرة مرة ولكن ماشي بحال هادو .. بقات فسكينة وحاولات تنسيها وتبرد عليها بقات شحال معاها تاقربات الستة وناضت مشات .. بقات غير هيي كتفرج فواحد الفيلم واخا عقلها طاير ماهواش معاها كاع تاكاتسمع الدقان فالباب قالت تقدر تكون سكينة تاني نسات شي حاجة .. هبطات كانت لابسة بيجامة تيشورت وسروالها وطالقة شعرها .. غير حلات الباب .. طلعات عينيها تاكاتشوف طوموبيل نصر لي هرساتها وزدت شافت كاتلقاه واقف متكي على الكوپو وحداه بنييتة صغيورة كتحمق بالزين كالسة تاهية حداه ترخاو يديها من الباب لي شادا ونصر مع داك الغروب دضحك وعلى يدين لداك البنت لي كاتشوف فيها كتشير ليها ..

البارت 37
عادي ولفت ماشي شي حاجة جديدة صدمة ودازت ومن اليوم غانكمل حياتي بحالي تاحاجة ماوقعات صافي ..
حليت عيني كنتأمل فسقف ديال بيتي .. بقيت شحال كنوف فيه اودي بيني وبينك مزال عشرة طوييلة كيبانليا .. حيدت عليا ليزار هزيت شفت الساعة لقيتها العشرة .. قاعيدتي هي قاعديتي والفياق بكري مامنو رحمة واخا مكون ناعسة مع الستة .. البارح ماوصلنا لبني ملال تالجوايع الربعة دالصباح حطوي فؤاد ومشا مسكين نيشان تاني شاد الطريق لأزيلال عندو الخدمة تما .. هبطت التيشورت كان طالعلي على كرشي ومشيت حليت الريدو دخل شوية داك الشمس ديال الصباح وحطيت شوية راسي على الشرجم كنشوف الدراري خرجو كيلعبو الكرة فالحومة .. بقيت شحال ساهية .. تنهدات وخرجت هوا سخون من نيفي اودي كولشي كيفوت وكيبقاو غير الذكريات واكن عمرني غانسا بلي تزعطت فشيباني لي نقيل نقول عليه فارس احلامي وعمرني نسا داكشي لي كان عندي ليه احساس جديد ..
مشيت لطواليط دخلت دوششت مزيان وخرجت شفت فوجهي وجبدت داك الدوا بقيت نشوف فيه شحال ثاني .. عاد بديت نديرو فوجهي ودرت عليه فاصمة رقيقة .. ومشيت خرجت للكوزينة .. لقيت الدنيا مصفرة .. رجعت لبست جلابة خفيفة جمعت شعري وهزيت شي فلوس خلاهوملي فؤاد .. وهبطت مشيت للحانوت ديال الدرب شريت الخبز والحليب والفرماج .. وتميت راجعة للدار فيضت للحليب كبيتو مع قهوة ودرت الفرماج والزيت البلدية مع الخبز ..
بقيت كناكل فالكوزينة بووحدي وكنسمع السقييل غيير صوت الدراري لي برا لي كيتسمع ماحملتش هاد الجو نزلات عليا واحد الكئابة غريبة .. هادا شعور مين كتكوني مجموعة مع الناس وكتوجدي للعرس والحيووح وفالاخير كيفوت كولشي والعرس ماهو غير ليلة ودازت ودات معاها وجابت معاها شحال من حاجة ..
نضت شعلت التلفازة درت شدى تيڤي وزيدت شوية ممزكة ودرت بالدار جففتها كاااملة وكبيت فالدروج الما سيقتهوم .. ورجعت طلعت دوزتليها التجفيفة طلعت دوك الطلامط للسطح اتشمسو ورجعت فرشت السدادر وفرشت الزربية .. ماحسيتش بالوقت تالقيتها الجوج طحت فالسدادر ديال الصالة كنستاراح وهي طيح عليا سكينة صحبتي .. نضت هزيت التيليفون ددار دوزتليها نمرتها وبدا يصوني تاجاوبات قتليها تجي راني جيت لبني ملال وقاتلي بلي دابا شوية تكون عندي اصلا كنسكنو فنفس الحومة حسيت بيها هي لي غاتقدر تفوج عليا شوية هاد الغمة ..
رجعت حيدت الفواطة وشربت داك الدوا وعاودت البوماد ومشيت كلست درت mbc 2 تاسمعت الصونيط نضت حليت لسكينة وهي طير عليا عنقاتني ..
سكينة .. ناري توحشتك ازبلة ..
زينب .. تانا اختي زيدي زيدي ..
سكينة .. ماجاش فؤاد ..
زينب .. لا غابوحدي فالدار ..
سكينة .. كنشم ريحة سانيكروا ..
زينب .. غير سكتي دابا عاد دوزت للدار كاملة من الفوق لتحت ..
سكينة .. ياا ختي كنعرفك نهار تشدك الهايشة مايبانليك غير التسياق تنوضي ليه ..
زينب .. اودي حريرتنا حرييرة ( وصلو للفوق دخلو للصالة ) ..
سكينة .. ويلي مالكي ؟؟ قوليلي بعدا كيدااز العرس ..
زينب .. غزااال عند ماليه هنهه ..
سكينة .. ياك اختي لا دابا بصح شككتيني كاينة شي حاجة نيت ..
زينب .. اوا شغانقولييك مشينا لتم باش نحضرو عرس خويا صدقنا رجعونا خطافين الرجال ..
سكينة .. خطااافت اااش !!!
زينب .. الرجاال ههههه
سكينة .. عاوديليااا من اللول القضية بانليا فيها إن ..
زينب ..
بدات تعاودليها بعدا تحس براسها تفش شوية عاوداتليها كولشي من نهار هرساتلو الطوموبيل للحنة لنخطبة خولة ونهار التمر وعاد باش خطبها من عند باها والخرجة والروينة لي وقعات مع خولة وعاد جاتها للصدمة والحاجة لي خلاتها ترجع بوحدها لهنا

باش عاودات لسكينة حسات بعدا راسها تفشلت مولفة تعاود يا ليها يا لعائشة من غير هادو بجوج تاواحد مرال خولة كانت تاهية مرة مرة ولكن ماشي بحال هادو .. بقات فسكينة وحاولات تنسيها وتبرد عليها بقات شحال معاها تاقربات الستة وناضت مشات .. بقات غير هيي كتفرج فواحد الفيلم واخا عقلها طاير ماهواش معاها كاع تاكاتسمع الدقان فالباب قالت تقدر تكون سكينة تاني نسات شي حاجة .. هبطات كانت لابسة بيجامة تيشورت وسروالها وطالقة شعرها .. غير حلات الباب .. طلعات عينيها تاكاتشوف طوموبيل نصر لي هرساتها وزدت شافت كاتلقاه واقف متكي على الكوپو وحداه بنييتة صغيورة كتحمق بالزين كالسة تاهية حداه ترخاو يديها من الباب لي شادا ونصر مع داك الغروب دضحك وعلى يدين لداك البنت لي كاتشوف فيها كتشير ليها ..

البارت 38
مابقات فاهمة والو مابقاتش عارفة واش لي واقع دابا واش غير كتحلم ..
همس فالودينة دالبنوتة تاضحكات وهزها من جنيباتها وحطها للأرض مشات تحركات لعندها تاوقفات حداها ..
.. ( بصوت صغيور وهي كضوي بعويناتها ) سلام ..
زينب .. ( قلبها خفق وعضات على شفايفها بفرحة وهي تهبط لعندها ) شنو سميتك مم ..
.. أفنان ..
زينب .. اوو المزيونة أفنان ..
أفنان .. أجي اجي نقوليك ( قرباتليها زينب زعما ودنيها وهي تهمسليها بشويية زعما ) پاپي حزين ( دلات ليها شفايفها ) وقالي بلي إلى ضحكتي نتي عاد هو غايضحك .. ( حطات يديها الصغيوورة على حنكها دزينب ) واش ممكن ضحكي باش پاپي يفرح ؟؟؟

اويليي على حزيين اويليي على نضحك بااش افرح عيني حشمت نهزهوم فيه بقيت كنشوف غير فهاد الجمااال، وانا اصلا مازال مامصدقة بلي راه ضرب الطريق من مراكش تالهنا هو وهاد الحليلة غير باش اشوفني .. تنهدت ورجعات حنات مبتاسمة وهمساتليها ..
زينب .. تقدري تمشي عند پاپي وتقوليلو اجي لهنا ..
حركاتليها راسها بسرعة ومشات كتجري لعندو فرحانة وهزها لعندو غير هضرات معاه وهو يتم جاي .. حنات زينب راسها حشمانة ودخلات جوج خطوات للدار وعضات على شفايفها مخبية فمها بيديها تاوصل لعندها ..
نصر .. السلام عليكم ..
شافت فيه . وعليكم السلام ..
نصر .. ممكن نتفضلو !!؟
زينب .. اه زيد مرحبا ..
زاد هو اللول كيشوف فالدار وهي سدات موراه الباب وتبعاتو من اللور تاشافتو وقف عند الدروج ..
زينب .. ( بحشمة وحنيكاتها حومر ) الفوق ..
حركليها راسو وتقدم وأفنان كضحك بين يدو وزينب كضحك معاها من اللور تاوصل للفوق وهي تسبقو شوية شعلات الضو وهو يدخل الحمد للله لي كانت فرشات سكينة معاها الطلامط عاد مشات .. حط أفنان وهبط بصباعو حيد الصباط على تقاشر بويض وافنان تاهية حنات حيدات سنيديليتها وزينب غير كتشوف فيهوم من اللور تادخل گلس حال رجليه شوية وحط فجنبو السوارت والتيليفون والنضاضر وجات لعندو أفنان هزها گلسات فوق شي حجرو ..
بقات زينب واقفة متوترة ماعرفات مادير ..
زينب .. احم تاكلو شي حاجة جيتو من مراكش ..
نصر .. تت غير شي كاس دالما ..
حركاتلو راسها ومشات دغيا للكوزينة غير وقفات باش تعمر الما وقلبها كيضرب ويضرب ماعرفات مادير توترات ماتوقعاتش ابدا ابدا انه يجي لعندها ..
عمرات كاس دالما ودارتو فبلاطو وداتولو .. هزو من عندها بابتسامة ..
نصر .. شكرًا ..
زينب .. بصحة ( رمشات عيوناتها كضحك مع أفنان مبتاسمة ) ..
شرب جغمة ودار عند أفنان .. تشربي ابابا ..
علات وهبطات راسها .. وهزليها لكاس لعند فمها شربات شوية ورجع حيد من عندها وكمل لي بقا فالكاس وحطوليها فالبلاطو ..
زينب .. ( بابتسامة ) بالصحة المزيونة ..
أفنان .. ( بضحكة ) شكرااا ..
نصر .. مهيم الى قدرتي تلبسسي عليك شي حاجة نمشيو لشي كافي مجاتش نبقاو فدار ماكاينينش مالينا ..
توترات ورمشات عينيها .. ا اه واخا ولكن خسني معلم خويا ..
نصر .. ماكاين لاش فخبارو ..
جمعات عندها شفايفها ودارت غادا للكوزينة حطات البلاطو وطارت للبيتها غير ردات الباب وهي تعوج ..
زووووووووطططط جااا لعندي اها اها اها ( بدات تشطح وضرب برجلييهاا )) عندمن حاااا عند لالة زيينببب عااودوووهاا عند زيينبب احاححححح اميي .. ايوا دابا شنو غانلبسو .. فتحات الماريو وفتحات الباليزا لي باقا ماجبدات منها والو ..
جبدات ولبسات كسيوة طويلة فايتة الركبة بشوية فالبلو سيال باليدين ولبسات معاها كولون فالابيض حد العضم .. طلقات شعرها رجعاتو جنب كتعجبها هاد المشطة .. ووقفات حدا المرايا دارت ميكاب خفييف .. ورشات من ريحتها وهزات ساكها .. ولبسات السبادري فالأبيض عاد خرجات عندو بشوية لقاتو كيلعب مع أفنان بقات شحال كتشوف فيهوم بحب وكتفكر واش ضلماتو المرة اللولة .. تقدماتت لعندو ودارت ابتسامة ..
زينب .. انا واجدة ..

البارت 39

طلع عينو شاف فيها وهي تهبط أفنان قربات عندها بفرحة .. ياااايي بحاااالي بجوجاتنا دابا دي بخااانسييس پاپي تاهية لابسة غوب شوف شوف فلبلو ..
نصر .. نتوما أحسن بخانسيسات يالاه أجي .. تفضلي الانسة زينب ..
ضحكات بشوية طفات الضواو وهزات سوارت الدار وهبطات تابعاهوم سدات باب الدار وهو مشا حط افنان اللور وفتح الباب القدامي تسناها تاجات طلعات وسد الباب عاد مشا لبلاصتو ..
أفنان .. ياااي انخرجوووو پاپي بغيت شكولااا اتشريهالي يااك ..
نصر .. مرحبا نشريها لبنتي ..
ابتسمات زينب كتشوف قدامها وهو يبتاسم وهو يمد يدو شعل الموسيقة ودار تيناديك .. وزادت فالابتسامة ديالها وحنات راسها جنب كضحك .. وتاهو شاد فالڤلون داير ابتسامة واسعة ..
أفنان .. نتي سميتك زينب ؟؟
زينب .. ( قطبات عينيها بمرح ودارت عندها ) باش عرفتيها ..؟؟
افنان .. پاپي قالي انمشيو عند بنت زويينة سميتها زينب ..
نصر .. هااا شفتي دابا ( ضربها ضويبة خفيفة لنيفعها بصبعو ) كتفرشليا الخطط ديالي ..
زينب .. هههه ( ضرباتلو يديه بمرح ) خليييهااا غانولييو صحااباات بااينة يااك ..
نصر .. غانولييو صحااباات ؟؟ ا( حرك فمو زعما بايييه ) ..
عاقت بشنو قالت وهي تحشم وعضات على شفايفها ضايرة لجنب ..
أفنان .. ياس ياس انولييو اميييي ..
وقف حدا واحد الحانوت كبير شوية باينة فيه كولشي ودار عندها ..
نصر .. هنا جاي ..
نزل وبقات هي متبعاه بعينيها وهي دور تشوف فأفنان لقاتها كتلعب بواحد المونيكة كانت عندها تماا ..
زينب … اوووو شنوو دااكشيي ؟؟
افنان .. ( علات عويناتها بفرحة وهي تقدم لعندها وطلعات المونيكة لعندها ) هادي باربي ديالي زوينة ؟؟
زينب .. زويييينة ولكنن نتيي بحاالها وحسن منها ..
أفنان .. ( ضحكات بطفولية ) ههه كتهضري بحال بابي تاهو كيقولهالي ..
زينب .. بصح وشنو كيقوليك بابي عاوتاني ؟؟ ..
أفنان .. كيقوولييي بلي أنا أحسن برانسيس فهاد العالم وبلي تانا عندي لي غوب دالاميرات والبيت دالاميرات وكولشي ..
زينب .. وييينووو ..
أفنان .. عجباتك هاديي ؟؟ ( كتوريها باربي ) ..
زينب .. زويينة بزاااف ..
أفنان .. عطيني يديك .. (شافت فيها باستغراب وضحكات ومداتليها يديها وهي تحطليها المونيكة ) هاكي خوديها ..
زينب .. ( تفاجاة ) ويلي لا هاكي ديالتك هادي احبيبة ..
افنان .. ( جمعات يديها مورا ظهرها ) لا توتو ماغانخدهاش دابا ولات ديالك خودييها نتيي كتشبهلييك نتيي زويينة ..
زينب .. ( عينيها غرغرو شهاد البراءة اربي يالاه غاتهضر وهو يتفتح الباب ودخل نصر ) ..
فتح الميكة وجبد منها ميلكة كبيرة ديال بابلي وعطاها لأفنان ..
أفنان .. يااااااي بااابييي مييغسيييي ( باستو من حنكو ) ..
نصر .. بصحة البغانسيس ديالي ..
دار ومدليها الميكة .. لزينب بقات غير كتشوف فيها ..
نصر .. وهادي ديال البغانسيس الكبيرة ..
زينب .. اويلي نصر لا غير خلي لأفنان ..
أفنان .. ( قاصتها فكتافها ) زينب زينب غير خودي انا عندي … ( شافت فنصر ) بابي انا عطيت لزينب باربي حيت تاهية بغانسيس ..
نصر .. بغاڤوو البخانسيس ديالي ..
زينب .. الزيوونااات نتي ههه ..
هبطات عينيها حشمانة كتشوفو كيف عمرليها الميكة بالشكلاط والشيبسات ارا ماتاكل سخي لاهوا لا الصغيورة وتاكلهوم بدمهوم ..
سطاصيونا حدا كافي كانت معروفة تما زوينة .. هبطات زينب وهاد المرة هي لي فتحات لأفنان هابطة كضحك .. وشافهوم نصر بابتسامة عينو غير على زينب ..
أفنان .. ( ذلقات من يد زينب ومشات لعند نصر كتنغزو فرجلو ) بابي انلعب فالبااارك ..
هزها لعندو ودار عند زينب .. يالاه نديوها للبارك ..
مشات معاه وصلو لتم حطها وخلص عليها باش تلعب وبقا واقف داير يديه فجيبو كيشوفها كتقنقز ..
وزينب كتشوف فيه وهي مربعة يديها غير ضار شاف فيها وهي تحنيي بشرعة البرق عينيها شتمات راسها .. حصلها ..
جرها بشوية من يديها تاوقفات فنفس خطو بلعات ريقها وطلعات عينيها شافت فيها ..
نصر .. ودابا قوليلينا مال الانسة مادام سدات اليتيلفونات وشدات الطريق مع نصاصات الليل الا وانه كاينة شي حاجة گغاف مم ؟؟

البارت 40

نصر .. ودابا قوليلينا مال الانسة مادام سدات التيلفونات وشدات الطريق مع نصاصات الليل الا وانه كاينة شي حاجة گغاف مم ؟؟
سكتات وحنات راسها ورجعات طلعاتو شافت فيه عاقدة حجبانها .. نصر راك عارف شنو كاين يعني أنا ..
نصر .. عندك موشكيل ياك ؟؟
زينب .. موشكيييل ؟؟! فاش ..
نصر .. فأفنان !! ..
حركاتلو راسها بزربة بلا .. لا لا حشومة تقول هاد الهضرة ( شافت فأفنان كيفاش كضحك وتلعب ببراءة ) مايمكنش يكون عندي موشكيل مع ملاك بحال هاكا .. ولكن أنا تقلقت حيت ماقلتيهاليش انصر ( طلعات عينيها فيه ) وعلاش خبيتي عليا !! ..
نصر .. ماخبيتش عليك ازينب كيفما شفتي الظروف كيف كانت حنا مالحقناش نگلسو مع راسنا وقت مزيان لي غادي نحطو كولشي ووضاح المخبي اولا لا ؟؟
زينب .. ( هبطات راسها ورجعات طلعاتو شافت فعينو ) كان ممكن تقولهالي ول البارح مين خرجنا فليل كان ممكن تعلمني ..
نصر .. زينب فاهمك وعرفتك حسيتي بحالي كذبت عليك كاينة ولا لا ؟
زينب .. ( دورات وجها شافت فأفنان ) حاشا واش قلت هاكا ..
نصر .. دوري عينيك شوفي فيا ..( دارت شافت فيه ورجعات نزلاتهوم وهو يضحك بهدوء كيهضر معاها متبت داير يديه فجيبو ماشي مامسوقش وماشي معصب بلعكس عادي بكل اريحية ) حنا الالة زينب خسنا سواايع هوما غير باش نحيدو هاد الحشمة عاد ندوزو الامور الاخرى ..
زينب .. ( طلعات عينيها بزربة فيعينيه ) ها عيني ..( طلع حجبانو بشوية وهي ترجع تهبطهوم بسرعة ولعبات بيديها ) ك كتوترني ..
نصر ..ههه علاش غانوترك الله يهديك ابنت الحاج ..
زينب .. احم فيين خليناها ..
نصر .. كنكذب عليك !
زينب .. ماتقولشي هاكا انا ماقتليكش كذبتي ولكن ماعلمتينيش وصافي ..
نصر .. وعلى هادشي مقلقا ومغوبشة وحارمة علينا نشوفو ضحكتك ونسمعو صوتك لي يالاه فرحنا باش عيطتي صدق قطعتي علينا الضوء ..
ضورات وجها جنب ضاحكة ..
نصر .. بالمهل ابنت الحاج كيتقاد كولشي وهانا حداك دابا يالا ( قرب لعندها ) هانا سولي ..
حمارو خذوذها .. شحال لهاد الدرجة وااضح فتصرافتو بلى تصنع بلى مايعيق بلى مايتلوا لاكيجيها نيشان وعادي وببرودة بلى مايتخبا بلى مايتعتر بلى والو هضرتو موزونة ومعقولة كيخليها هي دور فبلاصتها ومرة مرة يعطيها معاني فهضرتو كيخليوها ترجع كيمطيشة تابلعات لسانها بحال دابا ..
شافو أفنان خارجة كتجري لعندهوم ..باااااابييييي ..هزها لعندو وباسها من عنقها ..
نصر .. لعبتي مزياان ( حركات راسها ) بصحة ..
دار شاف فيها .. انسة ( شافت فيه ) تفضلي ..
غير بهاد الانسة كيخطف انفااسها كيخلييهاا هي تحتارم راسها بلا ماتحسسس كيقولها بطريقة كتخليها تعرف بحق كلمة انثى شنو كتعنيي تبعاتهوم من اللور كتشوف غير تعاملو مع افناان غييير شكل غير ضحك وتقشاب مايغوت عليها ما يقيسها وهي من تصرفاتها باينة شحال متقربة ليه ،،، كلسو فالكافي هي قبالتهوم وهو مكلس حداه افنان دارو طلب ليها عصير باناشي وهو كافي نواغ والبخانسيس ديالو كيف كيسميها لاكلاص ..
تحط ليهوم شافت زينب ديل البول ديال الكلاص وبلي ماغاتعرفش تاكلها وهي تهضر مبتاسمة ..
زينب .. حبيبتي اجي عندي هنا نوكلك ..
شافت فيها بفرحة وناضت من حدا نصر ورجعات حدا زينب هو عجبو المنضر لي درات وكحزات ليها البول دالكلاص وبدات تهز شوية بالمعلقة وتعطيها .. وتمسحليها فمها شوية بالكاغيط وضحك معاها طلعات عينيها على بغثة لقاتو كيشوف فيها بفرحة .. رجعات ضارت ضاحكة كتكمل ليها .. تاسالات عاد بدات تاكل ديالها وغير أفنان البخوشة لي مصدعة الدنبا بهضرتها .. وزينب كتشول فراسها غير على مها وكيفااش ماسولاتش عليها بثاثا ولا جبداتها .. بقاو كالسين فالكافي شحال واخا هضرتهوم هوما قلييلة وغير افنان لي كتهضر ..
تاناضو تحركو طلق ليهوم الموسيقى وبداو اضورو فبني ملال .. تاشوية سمعو حس افنان تقطع موراهوم دارت زينب لقاتها مسكينة ناعسة ..
زينب .. نعسات مسكينة ..
نصر .. عيات اليوم وعاد مع الطريق داكشي لاش ..
زينب .. بصح .. ( توترات شوية وتجرئات تسولو ) فيناهي ماماها ..
نصر .. جاوبها وههو مركز فالطريق ) توفات هادي 5 سنين ..
ضرباتها الطامة وبقات ساكتة ماعوداتش هضرات وحسات بقلبها ضرها مرة مرة وضور تشوف فيه تاوصلو للدرب ديالهوم فالليل وقف وشاف فيها وتاهية حيدات الصمطة وبقات شحال ساكتة والصمت سيد الموقف ..
زينب .. احم .. شكرا على الخرجة كانت زويينة بزاف ..
نصر .. مابيناتناش عاد شكرا ..
زينب .. ( ابتاسمات يالاه غادور وهو يوقفها ) ..
نصر .. زينب ..
رجعات طلعات فيه عينيها ..
نصر .. غانعاود نسولك السؤال ديال داك النهار وبكل وضوح واش كاتحسي بشي حاجة من جهتي ..
بقات ساكتة كتشوف فعينيه وهو كذلك عنيها كيلعمو مع ضوء ديال الشاريع شوية دورات عينيها لأفنان لي ناعسة ورجعات شافت فيه هو فهمها ..
نصر .. زينب قولي لي فقلب بصراحة أنا ماشي كنرغمًعليك شي حاجة كولشي بيديك ..
زينب .. ( هبطات راسها ورجعات علاتهوم بابتسامة ) كيفما قتليك داك النهار وغانعاود نقولهاليك تادابا غانكذب الى قلت ماكانحس بوالو جيهتك ..
دورات عينيها مع يديه لي تحركات تاقاست يديها تبورشات من لحمها هزها ودارها بين يديه الكبار ورجع شاف فيها ..
نصر .. زينب نتي أول مرأة فحياتي وأنا عمرني لا تزوجت ولا خطبت ولا هضرت فشي وحدة نتي أول وحدة ..

البارت 41
تفافات واحد الشوية كتشوف فيه صغرات عينيها بحالي غير بيهوم كتسولو ..
شاف فيها وهبط راسو شوية ضحك ..
زينب .. ن نصر م مافهمتكش ..
نصر .. ( هز يدو وضربها بشوية تحت فمها ) واش لي قاليك الحمقة شي حاجة كتيقييه ..
بقات غير كتشوف وعلامات الاستفهام ضاهرين ..
نصر .. زينب أما معمرني تزوجت واش فنا دارك غانكون هاكا وماغانقولهاش ليك !!
زينب .. ( خطفات يديها وصافي راسها تقلب ) ن نصر عافاك راه مافهمت والو ( دارت شافت فأفنان ) وها هادي ياك بنتك !!!؟
نصر .. ( كيشوف فعويناتها مباشرة ) أفنان بنت خويا .. مات قبل خمس سنين وهو ومراتو بأكسيدون ( هزات يديها بسرعة دارتهوم على فمها ) وخلا جوج بنات اللولة فعمرها 13 عام وأفنان باقا يالاه 6 شهور ..
عينيها تغرغرو تابداو المعو قطرات دموعها مع الضوء، خسر ملامحو ماعجبوش يبكيها .. واشتي دابا هالي مابغيناش ششش ( رطب ليها على كتفها ) قدر الله ومشاء فعل الحمد لله على كل حال ..
زينب .. ( حسات براسها حمارة فهاد اللحضة كيفاش ضلماتو وكيفاش حتا انها مافهماتتووشش ) س سمحل ا ان( قاطعها )) ..
نصر .. هه شش الحمقة الذنب ماشي عليك على بسمة لي ماعرفاتش تضحك وصافي .. بجوجاتكوم حمقات وغاتشيبوني تانا كتر مأنا شايب هههه ..
زينب .. ( دارت شافت فأفنان وطاحو دموعها بلى هواها بقات فييها ) ماكنتش عارفة انا حسابلي بنتك نتا ..
نصر .. راها بنتي ماكذبتيش أنا أكثر واحد قريبالو فالدار وفينما مشيت كتمشي معايا ربيتها من صغرها، كان ناقصها غير شي ام تاهية تكون زوينة بحالها مم !! ( غمزها بشوية وهي تهبط عينيها مبتاسمة وخرجات ضحكة خفيفة فعز دموعها وهو يضحك ) اوا شتي هالي بغيتا ضحكي لا يصيبنا الا مكتبه الله لنا ..
عضات على شفايفها .. سمحليا والله م ربما تسرعت ..
نصر .. ياك حلينا الموضوع دابا كولشي توضح ؟؟! ( حركات راسها ) ونوضي خلينا نمشيو راه تابعنا الطريق وخلي التيليفون شاعل ..
ضحكات وشافت فيه .. شكرا وسمحلي عذبتك معايا ..
نصر .. حشومة تقولي هاد الهضرة ماشي موشكيل خلينا أفنان تعرف على برانسيس بحالها ..
زينب .. ( ضحكات ) اكيد ولينا صحابات دابا ..
شاف فيها بابتسامة اكثر حاجة خلاتو يجي حسها تقسحات من جيهتو هي حيدات شعر شوية على وجه افنان تاسمعاتو حنحن وهضر بسميتها وهي دور شافت فيه ..
نصر .. احم زينب .. انا غانهضر مع الواليد ديالك على أقرب فرصة باش نجي لداركوم ..
قلبها ضرب ضربات خفاف طالعين معاه تلبكات وتلوا ليها اللسان .. مرحبا ..
نصر .. ( ابتاسم ) هادشي لي كنت باغي نسمع، تهلاي فراسك ولا حتاجتي شي حاجة قوليها ..
حركاتلو راسها ودارت حطات المونيكة لي عطاتها أفنان عندها ..
نصر .. توتو هاديك غير خليها عندك غاتنوض غاتقلق ..
زينب .. اويلي ههه شغاندير بيها انا مسكينة اللعبة ديالها ..
نصر .. اودي الله يهديك راه كتعرم فيهوم عندها فبيتها خلي هادي عندك سوڤونيغ من عند بنتي أفنان ( وغمزها ) ..
زينب .. واخا ههه الله اديكوم على خير ..
نصر .. امين ..
هبطات هازا فيديها الميكة دالسقاطة لي شراليها ومونيكة فاليد الاخرى بحالي كانت خارجة مع باباها ودلعها وجابها للدار، مشات كتبتاسم وماقاداها فرحة فقلبها، دارت تشوف لقاتو باقي متبعها بعينيه على ليها يديه وهي ديرلو باباي .. ودخلات للباب وسدات متكية على الباب كتعض فشفايفها تاسمعات طوموبيلتو قلعات وهي طلع كفوفها للسما .. ياااا ربي ديه على خير وتحفظو من كل عييين ياااا ربييي ..

عرفتو واحد الفرحة فقلبي مااكاتتصددقشش صدق دياال رااسو اه وقالهالي بفموو انا اوللل وحددة فحياااتو عينيي كل دقيقة يعمارو بدموع وماعية غي ديال الفرحة والحب لي تغمر فقلبي، شفت فالمونيكة وكنتفكر كيفاش افنان يتيمة الواليدين ماتستاهلش كاتحمق بالزين ولكن واعدت رااسييي الى كتاب زواجنا غانكووون احسسسن ام لييهاا وغانديرها فمتاابة ولادي لي غانولد وكتتتر ..
دخلت لبيتي وتلاحيت على ناموسيتيي … نضحك غغابوحدي تقول حمقة مقطعة الجوانط ولكن ماتلومونيش مين كنكون حدااه كنحس براسي مابقيتش زينب لا ولات غير وحدة ضعييفة قدام ضحامتو وقوة رجولتو لي كتشوفيها فأبسط حاجة نضراتو هضرتو صوتو وعيونو وريحتو فكوولشيي .. حسيت براسي اكثر وحدة طلعليها الجوكر فرجل مثالي ..
شوية وانا نتفكر ببسسمة نضت طافجة انا انوريك امولات الفعاايل ناريي على ضحك شوفي فين وصلنااااا
دوت رقمها وعيطت قبل ماتهضر وانا نسبقليها .. وسيريييي الللله اعطييييك شييي عقللل الله اعطيك مااتااكلي ..
سمعتها طلقات واحد الضحكة .. وناري اصاحبتي خريتيني بالضحك والله ماصدقت بلي تيقتيني واش منيتك عمي غايكون ديجا مزوج وماغانقولهاش ليكوم ..
زينب .. واش هادا ضحك اصاحبتنا واااش منيييتك قوليلي بعدا غير راه كضحكي معايا ماشي تخيليني هاكا بحال خبر ربي فطبگو تشوهت حدا السييد ..
بسمة .. وسيريي شكون بحاالك عمي ضرب الطرقان تالعندك فخبارك كان عارف بلي فهمتي مقلوبة مين مشيتي لبني ملال وقالينا تاشي واحد مايعيطليها باش اجي تاالعندك

البارت 42
سالات مع بسمة وبقات كتفكرر عاضا على شفايفها تاسيفطاتلو ميساج ..
مين توصل علمني …
بقات واحد خمسة دقايق هاكاك وهو يوصلها ميساج تم نيت هزاتو لقاتو هو
انشاء الله نتي غير نعسي رتاحي ..
ابتاسمات ابتسامة طويلة عريضة ..
عرفتو هاد الليلة حسيت راسي نعست احسن نعسة ماعقلتش تاعلى فؤاد فوقاش جا واش دار تافقت لغدليه الليلة بت كنحلم بيييه هادشي راه بزاف قلبي الصغير لا يتحمل ولكن واخا هاكا خسني نتوگض، لابقيت حالالو الفم من غدا يقول هادي ندير بيها كيفما بغيت وماتقولش ايي اييه معامن جيتي اوليدي .. ولكن واخا واخا نمووووووت انا فمول العقل ..
فقت فالصباح اول حاجة شفتها هي تيليفوني لقيتو مسيفط ميساج بلي وصل على خير وبيخير …
دخلات للكوزينة وتغني وتشالي بيديها صايبات الملاوي والرغايف نعار تنوض فيها تبانليها غير الكوزينة .. قادات كولشي على الطبلة مشات طلات لقات خوها طايح عما كيشخر .. خلاتو على خاطرو وشات فطرات على خاطرها وخطاتلو هو حقو حيت دارت حدو قدو والباقي دارتو فالڤريگو ..
وصلات داك العشرة هزات التيليفون عيطات لعائشة كتسولها على الاحوال وعاوداتليها على لي وقاع وسولاتهوم على فوقاش غايجيو قاتليك يقدرو غدا ولا بعدو وقاتليها بلي راه خالتها اليوم مشات ..
قطعات معاها وبقات كتنهد تفكرات خولة وايامهوم وكذلك تفكرات اش دارت ليها نفخات تاكتشوف خوها خارج من البيت ..
زينب .. صباح الخير ..
فؤاد .. صباح النور ..
زينب .. فوقاش جيتي البارح سمحيليا نعست بكري ..
فؤاد .. لا عادي جا نصر لهنا البارح ..
حشمات من سؤالو .. اه راه جا ..
فؤاد .. مزيان كنت قتلو لا بقا الوقت نتلاقاو ولكن ماطلقوني تالقيتو مشا ..
زينب .. وي داكشي .. راه عاد دابا هضرت مع عائشة قاليك غدا ايجيبهوم مهدي ولا بعدو ..
فؤاد .. فخباري ( كلس حداها ) تبارك الله توحشت بحال هاد الفطور ..
زينب .. ايوا كول بصحتك ..
فؤاد .. صلحتو بعدا الخطأ لي وقع بيناتكوم ..
زينب .. اودي غاظلمت السيد ..
فؤاد .. ( كياكل ويهضر ) تانتي اختي كتزربي ..
زينب .. صافي دابا كولشي تصلح وراه قاليك غايهضر مع بابا باش اجي ..
فؤاد .. مرحبا الله اكمل بالخير ..
زينب ..( بابتسامة حشمانة ) أمين ..
دوزات داك النهار هي وفؤاد كيتفرجو فالتلفازة ومرة مرة يجمعو تاوصلات الغشية وهي تسمع تيليفونها كيصوني .. دغبا قطعات فيه الزي ودارت شافت فخوها لقاتو كيشخر بقا يتفرج تاداه النعاس .. ناضت مسلتة لبيت وسدات بشوية الباب ومشات للناموسية جرات عليها ليزار وتخشات تحتو تاعاود عيط للمرك الثانية عاد جاوبات بشوية ..
زينب .. آلو ..
نصر .. آلو وي صاڤا ..
زينب .. ( وهي مبتاسمة غابوحدخا قولو الله استر ) بيخر ونتا ..
نصر .. ولله الحمد براكة الله فيك .. مالين الدار صاڤا الامور مزيانة ..
زينب .. كولشي بيخير ..
نصر .. كيبقيتي شوية من وجهك ؟ متبعا دوك لي پوماد
زينب .. اه شوية دابا غادي وكيبرا ..
نصر .. الحمد لله ايوا لقيتيني دابا فواحد الكافي كنساين فالواليد ديالك ..
زينب .. ( قفزات كالسة ) ب بابا ..
نصر .. اييه الالة ..
زينب .. احم ههه مزيان ..
نصر .. مالكي سمعت صوتك بحالي مضغوطة ..
زينب .. لا لا خويا ناعس وكنهضر غابشوية ..
نصر .. ياكنا درتليك شي ديرونجمون ؟؟
زينب .. لا بلعكس عادي ..
نصر .. ايوا هاهو الراليد ديالك واحد الشوية ونصونيليك ..
زينب .. واخا ..
سلا معاها وحط التيلفون وناض مد يدو لزوبير كان مع مهدي .. تسالمو سلام الرجال وكلسو ..

قلبي بقا كيضرب ماكرهتش كون درت شي ميكرو نعرفهوم علاياش كيهضرو .. قلبي كيفرفر دابا كالسين على ودي شغايكون كيقولو وبالاخص هو بغيت نعرفو كيغايكون كيهضر قدام بابا .. باقي ماكملتها صوناتليا ماما ..
زينب .. آلو ..
خديجة .. الو فينك ..
زينب .. فالسوق فين غانكون اماما الله اهديك ..
خديجة .. قلبتي رأيك رجعتي باغاه ..
زينب .. ماما لاكنتي معيطالي على هادشي نقطع حسن ..
خديجة .. مالكي على هاد الفريرة تبتييي شوييية وحطيي قاعك للأرض وباركة من الزربة الخايبة تبقاي تلعبي بولد الناسس هاوذني منك السيد راه كبيير يبقا نقابلك نتي بهبالك ..
زينب .. اسبحان الله كاشفتك كادافعي ورجعتي باغاني ليه كيجرا وطرا ..
خديجة .. كاندافع على تربيتي ليك لا يقولو ولدت فرفارة البارح تقولينا مابغيت زواج واليوم سايقة الخبار بلي السيد جاي تالعندك فين كلستو مم ياكما دخلتيه للدار ..
زينب .. احسابليك اماما غانتزوج ببرهوش السيد راه بعقلو ونتي قلتيها بفمك مشينا خرجنا برا وزايدون جاب معاه بنت خوه مشات معانا ..
خديجة .. يكون لي كان ماتخلييهش ينفارد بييك والله ويلقاك شي فريفرة تايقول بناااقص
البارت 43

زينب .. زدتي فيه اماما لي يسمعك تقول كنبقا مصدعاه فالتيليفون ..
خديجة .. هانا نوصييك وحتا فالتيليفون ماتحاوبيهش بزاف وماطوليش الهضرة معاه راني عارفك دابا كدوي معاه وانا كنقوليك ..
زينب .. واخا واخا الموهيم دابا غير مين قبلتي مزيان ..
خديجة .. ماشي قبلت ولكن راه مايمكنش نخلي بنتي تزوج بوحدها واخا باقين ماعرفنا داك مو علاش ناوية ..
فكراتها بمو بحالي شععلات فيها العافية ..
زينب .. ماما خلي داك الموضوع تالمنبد ..
خديجة .. تالمنبعد وهاحنا غانشوفو هاد الحريرة راه شفتيها داك النهار كيفاش كانت مع خولة تجي دابا تقوليليها نتي لي غايديك راه انا شاكة ماتكون تاتلفات ودارتها بلعاني وداتها هي بلاصتك ..
زينب كتفكر نها العرس كاتزيد تسخط ..
خديجة .. والموهيم دابا حنا غدا حايين وغانشوفو فوقاش ايجي اخطبك راه اليوم مشا يطلاقا باك معاه ..
زينب .. انشاء الله ..
خديجة .. اه وخالتك راه غاتكون حاضرة هي وخولة ..
زينب .. علاه فين عمر كانت شي حاجة وماكانوش هوما ..
خديجة .. صافي سكتي وخرجي داكشي من قلبك تانشوفو فين غايزيد هادشي ..
قطعات خلاتها تنفخ وتعاود ماكاتفكرها غير فالمصايب اه بصااح عندها الحق ومو اوييلي واا مو مو لي كانت تشوف فيها داك الشوفات نهار العرس تقولي عدوتها .. وشوية تفكرات كلاام مها اه بصااح راااه غاالبا دااكشي لي كاين نصر قاليها تخطب زينب وهي دارت لي فراصها ..

دازت يوماين بسرعة البرق ومالين الدار جاو وتقرر بلي من مور يوماين غايجيو دار نصر اهضرو فيها ..
جا اليوم الموعود مها كتوجد منهنا وهناا فالشيهواات .. وزينب ناضت اليوم هي ونهال وخولة مشاو للحمام واخا علاقة زينب مزال ماتصلحاتش ميا فالميا بخولة ولكن كادير عين مييكة ..
رجعات حميمرين حنيكاتها من الحمام قيلات دير فالوصفات باش تبان بلقة .. غير دخلات للدار تلاقاتها عائشة وخديجك وهوما يصليو على النبي
صلاااااة وسلاااام علاااه رسوول الله الااااه الجاه الى جاسيدنا محمد اللله ومع الجاه العالي ..
حشمات زينب وهبطات راسها عينيها كيدورو مشات دخلات للبيت .. طلقات شعرها ينشف باش تمشي تصايبو وعائشة دارت بصالة كتجمعها وتعاود حطات تما البلاطو كبير دالفضة بالكيسان والبراد خاوي باش اعمرون فالعشية .. وتبعاتها خولة حطاات الطباسل ديال الحلوة ..
اما نعيمة تكلفات بالغدا جاو الرجال وهبطاتليهوم تغداو فالصالون لتحتاني ..
خديجة دخلات بسرعة عند زينب ..
خديجة .. وطلقي راسك خلااص راه سكينة كاتسناك ..
زينب .. افف هانا هانا ..
مشات خرجات لقات البنات كالسين فالصالون ..
زينب .. هانا غادا ..
مشات كتجري هبطات لقات سكينة كاتسناها ومشاو هي وياها عند واحد صاحبتهوم كوافو ويتجمعو ..
سكينة .. شوفي غييير بشوية علييك مين اجيي مااديريش راسسك ماخايفاش وماشي عاوتاني داك الحشمة تصرفي عادي ونوضي وفرقي عليهوم اتاي وكلسي متبتة ..
زينب .. ناري نتي وماما كيف كيف غير ماكاتزيدو تخلعوني انا لي خالعني هو مو ناري باينة فيها مشحارة ..
سكينة .. مو لاكانت قاسحة نطيبوها خسك تبداي تعرفي وتعلمي كيفاش تكسبي عكوزتك لعندك ماشي ضدك راهي كوولشي وللارجعتيها سوسة راه عمرك تهناتي ..
دخلو لعند الكوافورة بدات لزينب تصايب ليها الشعر وهوما مجمعين تاسالاو جمعاتوليها ودارت ليها زيف حياتي وتمو راجعين ..
دخلات زينب للدار ودعاتها سكينة حيت ماغاتحضرش ..
مشات نيشان للبيت سمعات البنات فالصالون كيهضرو .. جات عندها خديجة ..
خديجة .. سربي سربي دغيا دابا شوية وهوما يكونو هنا ..
زينب .. هاني اماما صافي بلاما تزيدي تخليعيني ..
خديجة .. ماديري تاحاجة فوجهك هانا كنوصيك والله ونلقا شي حاجة تاتمسحيه عاد تخرجي
زينب .. واااخا
مشات ولبسات هي واحد اللقفيطين خفيف فاللبسة بلى حزام فالباج .. وطلقات الشعورات شافت فالمرايا دهنات كريم وعلات شفارها الكثاف بزيت الخرواع حمرات فمها وخدودها شوية وهزات من ريحتها رشات شوية تاكادخل نهال .. كانت هي لابسة ديجا غير الرومي .. غير شافتها وهي ضربها بتزغريتة كاع الدار سمعاتها .. تم نيت جات تاعائشة طل وخولة وخديجك وهوما يصليو على النبي .. وخرجاتها خديجك كاتقرا عليها وزينب حشمانة وكاع خذوذها زادو حمارو كتر ماهي حمرة ..

البارت 44
رجعاتني ماما للبيت وسدات على البنات بقينا غير انا وياها كلساتني وباستلي على راسي وحطات يدي عليه .. عرفتها كاتقرا اية الكرسي .. عاد هبطات كلسات حداها ..
خديجة .. سيري ابنتي الله ابعد عليك عينين الحساد والشر ويبعد الشر من طريقك وتكون ايامك كلها خير فخير ..
عيني دمعو وانا نعنقها .. سمحيلي اماما ..
خديجة .. شش نتي لي سمحيلي ولكن ميمتك تاتفكر بعييد ابنيتي بعيييد ..
حركتليها راسها وهي تبتاسم وضرباتها بواحد التزغريتة زعزعات بيها البيت ..
خديجة .. ايوا هالشيباني جاي ليك نهار ومطال ونتي مصدعاني بيه ..
ضحكت ومشات خرجات خلات البنات ادخلو عندي وانا رعشة شاداني من صبع رجلي صغير خايفة ومتوترة لاتمشي توقع شي حاجة وليت متوقعة اي حاجة ..
عائشة .. ششش بسمالله بسمالله .. الله احفظك ..
زينب ..امين ..
كنسمعو تعياط فؤاد من براا .. الواااليدة هاهوما جاو ..
فرفرو البنات من حدايا لشرجم بيتي وانا صافي السخفة شداتني .. نضت تانا كنطل عائشة خلاص خرجات لبرا بقات غير نهال واكرام تاخولة مشات ..
نهال .. ناااري ياااااختييي واااميي عينيييا اجي اختيي تشووفي رااجلك اجييييي ..
مشيت طليت قلبي كيطلع ويهبط وانا نشوف الشيباني ديالي هبط من الطوموبيل كيفتح لاڤيست لابس كونبلي فالاسود مع شوميز فالاسود ومطلع شعرو اناقتو المعهودة .. كانو جوج طوموبيلات سطاسيوناو حدا الباب وحدا هبط منها حبيبي ولي موراه هبط منها باها ديال بسمة .. كنشوف حبيبي فتح الطوموبيل موراه تاكنشوف عكوزتي ناااري يا ربيي تحفظ هاد النهار .. كانت هابطة معنكرة لابسة واحد الجلابة دوبياس بالقفطان ديالها .. ومن الجنب لهيه هبطات واحد المرة وباه .. كنشوف نصرو مشا للكوفر فتحو وجبد بوكيل ديال الورد على مزينااتو عطاها لداك المرة علاما عقلت عمتها ديال بسمة .. يعني ختو .. الطوموبيل الاخرى نزلات منها مها وباها دبسمة وهي حيت جات من طرف العريس .. وعمتها هاديك كنت عارفاها ..
كنسمع الزغاريت حدا باب الدار درت لقيت نهال والو ماكايناش حدايا لاهية لا اكرام ويلي المساخيط خلاوني بوحدي .. بقيت كنشوف سلم على بابا وعلى فؤاد لي رتبلو على كتفو احح على رااجلي كنطلع عيني كنلقا بنات الحومة كيطلو من الشراجم .. درت يدي على قلبي كندعي ربي يحفضو من العين حيت جا كييحمممق .. دخلو كاملين ورجعت دابا كنسمع الهراج فدارنا .. وداكشي كيقرب يعني كيدخلو للصالون ..

رجعت گلست فوق الناموسية حسيت بالبولة شاداني صافي اليوم نطلقها كاع السيناريوات طاحو فبالي يوقعو ..
كنسمع الضحك والهضرة فالصالة حطيت وذني على باب بيتي .. كيتسمع صوت الرجال والعيالات والهاراج ماقدرت نفرز غير صوت ماما لي كترحب ..
تاشوية باب بيتي كيتفتح وهي دخل اكرام ونهال ..
نهال .. ناري يا ختي اذوب انا اذوب اش هاد الزين ديتي ..
زينب .. ( خنزرت فيها ) ايوا جمعي فمك ..
نهال .. هاي هاي ( ضرباتها لكتفها ) يا ختي مشاء الله تاواتاو والله ..
ابتاسمت وهبطت عينيها فرحاانة لا بل غانطير بالفرحة .. قويليلي كيجاوك النعابير ديال مو ..
اكرام .. اويلي مين دخلات وهي كتشوف والهضرة تخرجها بالعبار تقول كتخلص عليها ..
نهال .. واييه اويلي بقيت غيير كنشووف ..
شداتني البكية .. ناااري .. ششش سكتو سكتو نطل ..
يالاه خرجت راسي شوية تاكنحس بالباب ضربني وتسمعات درااااف .. رجعت راسي مقسحة كنڤيبري … وااش هبلتي ولا مال مك ..
نهال .. والله مابلعااني مافهتمكش شقلتي ..
ناري جبتدت راسي وتزينزينت حسيت بالبيت دارت بيا .. وصاي وصااي وصااي ..
مشيت كلست فناموسيتي شديت على رااسي ..
نهال .. ختي واش تقسحتي ..
اكرام .. اويلي اصاحبتني راه نورمال تقسحيها راه تسمعات دقة
دخلات عائشة .. البنات يالاه خرجو خرجو باش غانخرج زينب ..
مشاو خرجو وهي تشوف فيها .. مالكي ..
زينب .. الكلبة ديال نهال زدحاتليا راسي ناري كنحس بالدوخة ..
عائشة .. اويلي بغيتي نجيبليك شي حاجة تاكليها راه ماكلتيش اليوم ..
زينب .. لا لا غير خلي افف قلبي كيضرب اعائشة كنحسو غاوقف ..
عائشة .. ههه عادي الحمقة راه كاملين كنا هاكي ولكن غابلاتي شوفي انا دابا معاكوم شكون قال نهار جيتو تخطبوني ..
ناضت زينب ورجليها كتحسهوم فاشلين .. ففف ..
عائشة .. زينب غابشوية انا راه خالتي قاتليا سيري جيببها يعني خسك تخرجي دابا ..
زينب .. يالاه يالاه اف اف ..
شداتها زينب من يديها وفتحات الباب شوية وهي طلق صلااااة وسلام .. وهي تحي خديجة زينب غير حانية راسها وكتقول دابا شوية وطيح .. تادخلو بيها للصالو وبداو تالبنات معاونينهوم فالزغاريت .. همساتليها خديجك فودنها تسلم وهي ماعارفا تاشنو كادير كتحس بالدنيا دايرا بيها بدات بختو وعاد بباه ودازت للباها دبسمة عاد وصلات لعندو مدليها يدو كيشوف فيها هي حانية راسها وهي تشد فيه كترعد تاشوية وهي تزير عليه تاكيشوف السيدة كتميل وقف بسرعة دوز يديه مور ضهرها وطاحت سخفانة

البارت 45

سخفات بين يدو جاب يدو الاخرى بدا يضرب بشوية فحنكها ..
نصر .. زييينب .. زينب ..
ناض كولشي من بلاصتو كيشوفو من غير عاىلتو لي غير كيشوفو ..
خديجة .. زييينب ( دارت ) نهاال جيبيي لختك الريحة سربي ..
دوز يدو الاخرى من نحت فخاضها وهزها .. فين بيتها ..
مشات عائشة قدامو وتابعها من اللور وناضت بسمة مشات تاهية .. دخل لبيتها حطها فوق الناموسية جات خديجة تدهن ليها الريحة جيهت نيفها .. نصر كيشوف فيها بدات تحل يديعها مخسرة .. اما لوخرين فالصالون ..
نعيمة .. ايوا الخلعة مسيكينك راه ماكلات والو ..
رشيدة .. ههه كتوقع ماشي موشكيل ..
ربيعة غير ساكتة وفخاطرها غزات فيها نيت اما خولة ماتسوقات ولا ناضت عندها للبيت اصلا مورالها خاسر .. شوية كيشوفو نصر راجع وكلس بلاصتو تخسر فالگانك ..
زوبير .. الصبر اوليدي البنت عندي هشيشة ..
نصر .. الله ياودي اعمي كتوقع مافيها باس …
خرجات خديجة اما زينب بقات فالبيت كدمع وعائشة حداها ..
زينب .. ماعندي زهر اعائشة ..
بسمة .. ( كترجع ليها شعرها مور ودنيها ) ششش نوضي غسلي وجهك شوية بالما ماوقع باس ماشي موشكيل ..
نضت كنسرط فريقي اويليي وحدي وعلى شوهتي وعلى زهري لي مكوزلي تكوييزة ديال الزمان ويگلس اقلب ويشقلب فيا دخلت لطواليط غسلت وجهي ورجعت هاد المرة درت فوندوطان اغطيليا ودرت البودغ عاد رجعت لبيتي لقيت بسمة وعائشة مبتاسمين ويحاولو انسيوني .. رجعو خرجوويي ثانيي للصالة بالزغارير وگلست حدا بابا حانية راسي ماقادراش نطلعو .. وانا كنحس بالانضار كاملين عليا كنشوف غير الرجلين ديال نصر لي كالس مقابل معايا ..
الحاج سليمان .. وكيبقيتي ابنيتي ..
زينب .. الحمد لله اعمي بارك الله فيك
الحج سليمان .. ونعم بالله الله اجيب الشيفة .. ايوا اسيادنا كيف عارفين جماعتنا اليوم باش نكونو مع ولادنا ونجمعهوم فطريق الشرع .. وهادشي لاش جينا طالبين راغبين فيد بنتكوم زينب لنصر على سنة الله ورسوله ..
زوبير .. أنا منلقاش نسيب حسن من سي نصر تبارك الله ايوا كيبقا الراي ديال زينب .. ( دار عندها ) اش قلتي ازينب ..

من ديما كنت كنسمع بالمعاودات على الخطابي وكنسمع بالبنت تحشم تقول موافقة وكنت نضحك ونقول منيتهوم فين الحشومة فهادشي ولكن من جربت وعرفت ودابا تحطيت فامر الواقع حسيت بلساني تعكل وتعقد ومابقيتش قادرة نقول شي حاجة ..
بقيت ساكتك وحشمانة تاعتقني بابا وقال .. ايوا السكوت علمة الرضا ..
الحاج .. ايوا مانزيدوكوم غير صلاة على النبي ..
وهوما يعليو يديهوم كيقراو الفاتحة .. انا فهاد اللحضة طلعت راسي بشوية فنصر اححح على حبيبي لي دابا وليت مراتو قدام الله مطلع كفوفو وكيقرا بنفسو .. عكس بابا وباباه ..
سبحاااان رب العزة عمااا يصفووون وسلااام على المرسليين والحمد لله ربيي العاالميين ..
الحاج .. الله اجعل كولشي مبارك مسعود ..
تسمعو الزغاريت وكنحس بيدين بابا كيديوزو على ضهري وانا نشوف كولشي ناض كيتسالم وانا هبطت راسي كنضحك تاجات عائشة كاتباركلي ووقفاتني جابو التمر والحليب وجوج بواطات ديال الخواتم ..
وقف تانصر لي كان كيسلم على باه وبابا ومهدي وفؤاد ..
وقفت حداه كنحس بالدنيا كدور بيا تاني ماعرفتها واش توتر ولا فرحة .. تفتحو البواطات ديال الخواتم وهز منها خاتمي ومديت أنا صباعي هو لدابا مزال ماعضرش معايا كنحس بيدو شداتني من راحت يدي ويدو الاخرا دخلي بيها الخاتم كان فيه حيرات صغار ومركب من جوج والثاني فيه حجيرك وحدة الوسط كبييرة ..
عطاتني تانا عائشة الخاتم .. وهو يعطيني يدو دخلتلو الخاتم بصبيعاتي رقيوقين غير سالا سمعنا التصفااق والزغاريت ..

هزات تمرة من البلاطو وتما عاد طلعات عينيها فعينيه وهي تمدلو عض منها عضة وشدها من عندها عاود دورها ليها عضات منها ورجعات هزات الحليب شرباتو ومن نفس الكاس دورو ليها ونهال كتصور بواحد الكاميرا جابها مهدي ..
وبسمة مقشبة هي وفؤاد ومهدي اللور ومرة مرة هوما ينغزو نهال باش تبدا تصلي على النبي وي بداو اللللهم ومصلي وعليييييييه ارسووول الالله جيناا للصاالحيين جييناا متاااقييين اللهم ومصليي وعليييه ارسوول الله ..
كانو عينيها كيلمعو سالاو من الخواتم وهي تفتح واحد البواط كانت تاني كاملة كولي هز منها السنسلة ودارت حيدات شعرها وركبهاليها غير سلا وهو يدوز صبعو من على عنقها دارها بلعاني حتا رتاعشات وقلبها ضرب .. تاضورها وقدام كولشي جرها من كتفها وباسها من راسها .. ونهال كتصور فرحانة كلسو فالسداري حدا بعضياتهوم تاشوية كتنوض مو لعندها كولشي شاف وخصوصا خديجة لي كتنتاضر شنو غدير تاحنات عندها وهي تعلقليها واحد البروش ديال الذهب فسدرها ..
ربيعة .. مبارك عليكوم ( دارتليها ابتسامة صفرة ) ..
نصر .. ( شاف فيها فرحان ) لهلا يخطيك الواليدة ..
زينب .. ( بابتسامة بريئة ) شكرا اخالتي ..

دخلات للبيت مابقاتش قادرة سدات عليها الباب وطاحو جوج دمعات ..
خولة .. ماعمري نسااهاالييك ازينب

البارت 46
ضحكات معاها ومشات رجعات لبلاصتها وهو يقرب لودنيها همس ..
نصر .. كيبقيتي شوية ؟؟
زينب .. ( حركاتلو راسها ) شوية دابا ..
نصر .. حاولي على راسك .. نتي لي عندي دابا .. ( وبعد شوية )
هي حشمات وحناكها مزنگين، كتحس بيديه محطوطة من مور ضهرها .. وكحزو الطابلة باش غايحطو العشا .. وكولشي جماع وكولها فين .. .. رجع شاف فيها لقاها غير كتلوي فصباعها وهو ينغزها شوية فكتفها تادارت عندو وهو يقرب ..
نصر .. مالها زينة البنات !! مم
زينب .. ضحكات خجلانة .. والو عادي مالي ..
نصر .. ماخليتيلي عقل من نهار شفتك وانا دايخ ..
خجلها فالبلاصة شدها من يديها .. ما سر جمالك ؟؟ ..

نااري قلبي الصغير لا يتحمل اعبااد الله هادا ناوي اكمل علياا .. طلعت عيني فيها كنلصق رموشهوم مع بعضهوم وهو يغمزني ودار كيحك فاللحية ديالو لي فيها شيباتي نبغي غير نشوف فيه ..
تحطات البسطيلة ديال الدجاج جوج ربايع انا مع عائلة نصر ومعانا بابا والاخرين لهيه ..واخا عارفة رباعت عائلتي قالبينها نشاط مع مهدي وفؤاد ومحمد وبسمة ونهال تجمعو تما غاهوما ..
دار عندي نصر .. كولي راني عارفك ماغاتكونيش كليتي هاد النهار ..
حركتلو غير راسي اما اللسان لي غايجاوب والو مديت يدي تاكنشوف فيها الخاتم احح ودرت نشوف فيه تاهو مد يدو وداير فيها الخاتم مازال مامتيقة هادا لي حدايا ولا راجلي راجلي وعمارت داري .. اودي وكيقولي كولي انا راه نبقا غير نشوف فالخير لي عطاني الله اشبعني سيمانة .. هبطت عيني شوية وانا نبلع ريقي تبارك الله لا لا اش هاد العقل عندي يا ربي خرجو عيني وشينورمال شنو حسابليك الخير غايكون غير الفوق راه باينة عندو حتا لتحت .. هنا عرفت شنو دايرا فالسيد لا راه ديتلو عقلو نيت .. درت البروتوكول ديالي وبديت نخدمو ثاني فالماكلة وسنو راه القدية فيها العگوزة .. كل دغ نديرليها حسابها ونعرف منين ندوزها .. تاشوية قطع نصر ثاني طرف وحطولياا عجبني الجيست وطارو الفراشات فقلبي .. درت لقيت مو خارجين عينيها اربي السلامة هبطت عيني بسرعة .. القضية حامضة اخوتي .. الماكلة ماعمدها منين ندوز واخا كون كنت بوحدي نطيح فهاد البسطيلة عمية .. تاتهز البلا وتحط ثاني الللحم بالبرقوق والاناناس .. جمعت شوية القفيطين وقطعت الخوبز نغمس غير شوية وناكل .. ومعداتي خاوية طالع معايا الجوع ديال بصح .. ومصبرك راسي تايفور هادشي واراك للمعقول ..
سالا العشا .. وتهز كولشي ورجع ثاني هاد المرة عاد غايهضرو فالمعقول .. شفت حبيبي تقدم شوية فاتح رجليه ومتكي يديه كالس بأريحية ونضراتو كنحس بيهوم لناس غير شي بالنسبة ليا مين تشوفو من بعيد كانلقا الجدية وماكاين لا هاكا ولا هاكا ولكن انا لا. غير مين كتشوفي هاد الاختلاف كتحسي براسك درتي بلاصة فقلبو ..
نصر .. مهيم اسيادنا كيفما تافقنا العقد غايكون منهنا سيمانة ..
حليت عينيا فيه اويلي فوقاش هادشي .. كولشي تصدم شفت فماما كتسولني بعينيها حركتليها كتافي زعما تانا راه ماعارفاش …
زوبير .. اييه داكشي لي كاين والعرس قلنا نديروه فالاخير ديال هاد الشهر ..
خديجة .. راه باقي غا 15 يوم ..
نصر .. ( شاف فخديجة ) الواليدة كولشي غايتوجد والعرس فينما بغيتوه يكون ماكاينش موشكيل صوا هنا صوا فمراكش ..
جريتو شوية من يدو تاضار عندي بينما زوبير كيهضر مع باه ..
زينب .. نصر ماشي زربنا ..
نصر .. لا احبيبة هو هاداك ماعنديش مع الخطبة ديال عام بغيت نجيبك لداري فأقرب فرصة ..

قال هاد الهضرة سكتني صافي قرمت، اختي باغي يديني لدارو السيد راه باينة فيه دابا وهو كالس قدامي مكرهش ياكلني فما بالك نكلسو عام مخطوبين ..
الحاج سليمان .. هادشي لي كاين مكاين لاش نتعطلو ..
ربيعة .. ايوا أنا كنقول من الأحسن نديروه فمراكش عائلتي ماتقدر شاي تجي لهنا وكيشفتو ماكاين فين إگلسو ..
شفت فيها حالة عينيا هادي واش كتحشيلينا الهضرة ولا كيفاش مافهمتش ..؟؟
نصر .. ( بسرعة رد عليها ) الواليدة العرس غانديروه فين غاترتاح بعدا زينب أما العائلة داكشي ثانوي

البارت 47
زينب .. ( ابتاسمات ) ماشي موشكيل اخالتي أنا أصلا كنت غانقوليكوم نديرو العرس فمراكش ..
خديجة شافت فبنتها مخرجة عينيها كون لقاتها كون كلاتها ..
دار عندها نصر .. Sur ?
حركاتلو راسها .. اه باغا نديرو فمراكش ..
نصر .. وصافي اسيادنا العرس انشاء الله فمراكش ..والعقد غايكون هنا منهنا خمسيام ..
الحاج سليمان .. ايوا الحاج الله اجعل كولشي مبرووك والله اخلف ( ناض وقف ) ..
وهو ينوض كولشي كيتسالم شاف نصر فزينب …
نصر .. متأكدة احبيبة بغيتيه فمراكش ..
زينب .. ( حطات يديها على يديه ) وي متأكدة كتعجبني مراكش بزاف ..
نصر .. ( ضحك ) هانتي غاتمشي دابا تعيشي فيها ..
قلبها ضرب وهبطات راسها حشمانة ..
كولشي كان ملاهي كيسلم وهي كدور عينيها لايكون شي حد كيتفرج فيهوم واخا واقفة في امان الله
نصر .. ( وقف ووقفات تاهية ) يالاه اكبيدة غانشدو الطريق دابا ونهار الخميس نكون معاك ..
زينب .. واخا ..
نصر .. عندك كونط ؟
زينب .. كيفاش !!
نصر .. كونط بانك !؟
زينب .. احم لا ..
جبذ بسطامو وبدا يخرج فميتين درهم من مور لوخرا تاسرطات ريقها .. ( حطليها 2000 درهم ) .. هادو كافينيك !!؟
حلات عينيها وهي توقفو بيديها .. لا لا والله بلاش ماغانحتاجها فوااالو ..
جمعهوم ملويين وحطهوم فيديها وسد عليهوم .. خليهوم عندك منعرف تحتاجيهوم غير علاما درتي كونط نصيفطهومليك تما احبيبة دابا ماهازش معايا ..
زينب .. لا انصر والله ماكاين لاش مامحتاجة حتاشي حاجة الحمد لله ..
نصر .. ( ابتاسم وهزليها يديها باسهم ) .. بغيت الاميرة ديالي ماتحتاج حناشي حاجة مهيم شري بيهوم داكشي لي غاتحتاجي ويلى ناقصحك شي حاجة قوليهالي عادي وليت راجلك دابا صافي ..
حنات راسها بحشمة وحركاتلو باه ..
نصر .. ( رطب على كتفها ) يالاه خليت ليك الراحة، وحاولي تاكلي مزيان واخا ..
زينب .. واخا الله اديكوم على خير
نصر .. امين .. مشا تحرك وهي عاد تحركات ومشات سلمات على خواتاتو الصراحة الضرافات بحال بسمة وسلمات على رشيدة وصلات لربيعة وهي تقرب سلمات عليها باتسامة بريئة وبعدات .. الله اديكوم على خير ..
مشاو هبطو ومشات كتجري طلات عليهوم من بيتها تاشافت حبيبها فتح الباب لمو ومشا قبل مايطلع طلع عينو تاشافتو وهاد المرا بلى ماتحشم ابتاسماتلو وتاهو غمزليها وطلع عاد تحركو .. شافت فالفلوس لي عطاها فرحات من كل قلبها فكل مرة كيزيد احببها بتصرفاتو .. مشات وحطاتها جنب الكوافوز وهي دخل عا طاافجة ..
عائشة .. ايوااا مبررووووووك مبروووك مبرووك مبرووكك واللف مبااركة عليك على سلامتك ..
زينب .. ههه الله اسلمك ..
عنقاتها .. فرحتليك اختيتو والله تستاهلي وتاواتيتو احيد ويبعد عليكوم الحسد ..
زينب .. امين اختي ..
مشات زينب لجيهت الماريو كتبدل وهي دخل خولة لي كانت شافت كولشي مين كانت كتهضر مع نصر .. مبروك اختي ..
شافت زينب فيها .. الله ابارك فيك اخولة العقبة ليك تانتي ..
خولة .. امين، عاوتاني العرس فمراكش هههه
زينب .. ايوا شوفي مكتابك فين كاين
خولة .. واييه بحال دابا شكون قال النهار اللول نتي تزوجي وانا نبقا ..
زينب .. ( ابتسامة صفرة ) هه وايه .. ( عيطاات ) ماااامااا وخليي دااك العشااا نحيي ناااكل
خرجات كاطير بالبيجامة للكوزينة لقات محمد ونهال واكرام هارفين .. حيدو حيدووو واللله وتحطو يديكوم تانقطعهااا يا دحووشك من الصبااح ونتوما تاكلو بااز ..
محمد .. نتي ماخسكش دابا تاكلي سيري جمعي داك الكرش لي عندك راه مابقا والو سيري سيري ..
زينب .. شناااهو بزااف علييك طلق طلق .. ( خطفاتلو الطبسيل دالبسطيلة )) هه ولاهيلا قاليك الكرش ..
نهال .. ( ياااي شوفليك الخاتم فاليد ..
زينب علات يديها زعما هالخاتم وكتعلي فحجبانها وتهبطهوم بفرحة .. هاااهو ..
خديجة .. ( جراتها مقرساها ) اجي لوالديك ..
زينب .. اهياااتااا طلقي لهيه دابا تزرقيليا اللحم ونصدق ثاني فالوصفات باش اتحيد ..
خديجة .. ( كتعيبها ) العررسس فمراااكش اخاللتيي ايوا الله امسخك راني كلبة نيت مين ربيتك ..
عاىشة .. ( مدخلا طباسل ديال الحلوة كاضحك ) ههه اخاالتي الله اهديك ..
نهال ..( كتفلا بيها ) وراااه خااالتها
خديجة .. يخواااولك الضرووسة
زينب .. وماما وماابغاش نجبد الصداع صافي اش فيها تامندي راه عرس تما
خديجة .. وااامنهااار اللول امووت المش البكرة مين جايا ميين
عوجات فمها ومشات كتهز ليها فكتافها واخدة طبسيلها
خديجة .. مييمتي باغا تخرج فيااا الفقسة وانا اصلا فيا السكااار ..

دخلات لبيتها كلات داكشي وحطات الطبسيل وبدا تشوف فالخاتم وتبتاسم
زينب .. زينب مرات نصرر ( احححححححح ….

البارت 48
صبحات لغدليه ونايضة تشالي والخاتم فيديها كيعبر بلي هاد الغزالة راه ديال مالينها .. كولشي مجموع للفطور خرجات تاهية كتفطر ..
خديجة .. راه مين عرفت العرس باقيلو 15 يوم جنابي طابو بالتقلاب هاد الليلة وعاد خسنا نكلسو هنايا سيمانة علاما تعقد عاد نمشيو اش غانقديوًفسيمانة ..
فؤاد .. والمرة اللولة كون تقولو تمشيو تم ديرو العقد وكولشي
زوبير .. تادابا باقي الحال الى بانليكوم هاد اليوماين نمشيو لمراكس ونعقدو تما ..
خديجة .. زينب ؟؟
زينب .. بصح ماما عندها الحق راه متكفيش وعاد خاس نشوف النگافة والتريتور والقاعة اففف العراام ..
عائشة .. وعاد شهر تمنية فين غاتقدري تريديزڤي على هادشي
فؤاد .. غانشوفو مع مهدي وعاد نصر راه قاليك غايتكلف بداكشي الكبير راه عندهوم معارف تما ..
خديجة .. وصافي ازوبير نوض جمع الوقفة غدا نمشيو لمراكش يالاه ايوا البنات نوضو نجمعو للدار ولي عندها شي حاجة تقديها ..
سالاو الفطور وتكلفات خولة وعاىشة بالجميع ديالو ونهال وزينب ناضو كيجمعو للدار واكرام تعاون نعيمة وخديجك فالجميع دلتحت ثاني ..
زوبير عيط لنصر وقاليه بلي تقلب البروكرام والعقد تاهو غايدار فمراكش ..
تجمعات الدار ومشات زينب كتجمع حوايجها ..
عائشة .. عائشة نجيبليك باليزاتي حيت راه خاسك تجمعي حوايجك كاملين ..
زينب .. ايولي واش دابا ..
عائشة .. ايوا شحسابليك راه من تم لهيه ..
زينب .. ( عينيها دمعو ) اويلي ..
عاىشة .. مالكي اويلي هههه والجمقة راه صافي غاتزوجي واش عاد تيقتي راسك ولا .!!!
زينب .. ولاهيلا عاد حسيتي بيها ..
عائشة .. هههه وجمعي احبيبتي كولشي فالبالز وودعي بيتك ..
زينب .. واخا واسيري جيبي الباليزات سيري شفتي كون خرجت هاد الصباح شريت البالز ..
عائشة .. داكشي الحمقة كيتشرا بفلوس الصداق .. اولا هوما كيجيبوهليك فالدهاز نتي وزهرك ..
زينب .. وومغانجمعش كولشي تانشري من تم ..
عائشة .. لي بانليك ..
بدات تجمع وطوي وجبدات الحوايج دالبرد لي مخبعين فالرزامي وهي تجيبليها عائشة الباليزات وحدة كبيرة ووحدة صغيرة .. وبدات تجمع معاها يالاه جات خديجة اتقولهاليها وهي تلقا عائشة قامت بالواجب ..
كتجمع ودمع على بيتها السيدة عاد حسات راه غاتزوج ..
جمعات روايحها والسيكان ديالها وسبابطها ونهال كالسة حداها مرة مرة تعطيها شي تويشية ..
نهال .. وطلقيلي تاديك الكسوة ..
زينب .. وباز داكشي كامل لي عطييتك ماكافييش ؟؟؟
نهال .. وصااحبتناا دابا غاتزوجيي واراا نصر مايشريليك طلقي راه ختك باقا غاتبقا فالگحط ..
زينب .. ( رماتهاليها ) شديي تفوو يخليها سلعة ماعرفنا شكون غايتزوج انا ولا نتي ..
عائشة .. جاوك زوينين الحوالق لي شراليك المسخوطة ..
زينب .. ( كانت لبسات الكولي كامل بالحوالق بالكورميط ) تانا عجبوني ياختي وباينين وازنين ..
نهال .. اه قوليلي نسيبي فين خدام ..
زينب .. عندو لوكاسيون ..
نهال .. ياء صافي ..
زينب .. وياااه صاافي احبيبتي غير جوج ديال المحلات فشوارع معرووفين فمرااكش وكيكري فيهوم غير الطوموبيلات المفرشخين ..
عائشة .. اباركة ماتعيقي علينا براجلك ..
نهال .. ولاهيلااا شحال زعما كاع يشد ..
زينب .. بيدي ماعرفتش ..
عائشة .. ايوا لاكان على حساب ماكاتقولي غاتكون القليلة شي 2 دالمليون فالشهر وعاد فالصيف راه ادخل حتال 5 دالمليون حيت هوما كيكونو دايرين بحال التجار على حساب الحركة وشمن طوموبيل غاتكرا من عندك ..
زينب .. اختي بااركة هادشي وراه الخييير والكفااااية
عائشة .. كفاااية اش بغيتي الماليك ..
شدو الطريق الغدليه لمراكش كاملين جوج طوموبيلات لاباس لي كان مهدي مشاو للاباغطومون ديالو ..
وبداات التوجااد للعرس جري هنا وهنا .. زينب طقطقات داك الفين درهم غير فيوماين غير فالتخربيق ديال الحنة وعطات بيها العربون بقات زاوية ورجعات تاخد من عند باها ومها تاهية قايمة بالواجب واخا كيقوليها نصر واش ناقصك شي حاجة كتقوليه لا راه باقا عندي .. اما الخروج والو خدوج قاطعة عليهوم الضوء والما قاتليك تاتعقد بداو اجيو العائلة مع عندهوم واحد التريكة يوصلو قبل بسيمانة وهوما اصلا لقاوها من الجنة والناس كيمشيو اتساراو فمراكش ..
وصل نهار العقد ناضت فالصباح دخلات دوشاات وخرجات كانت الدنيا عامرة شي خارك شي داخل شي يالاه نايض شي كيفطر .. دخلات لبسات جليليبة لي شرات فالابيض وهابطة بالطرز منيتك بالجوهر فالغوز والصفيفر … وكل دقيقة تجي تزربها مها .. تاجات عائشة ..
عائشة .. سربي ازينب راه نصر لتحت هو وباه وبابا راه كيتسناك باش تهبطو
زينب .. ناري فيا الخلعة
عائشة .. وسيريي تعقدي على مخك ابنادمة ..
خوبشات ودارت تكمل .. جمعات شعرها ودارت زيف فالصفيفر غير محطوط على شعرها .. لبسات الساعة والكونيط جات دير الخاتم وهي تعقد حجبانها ..
زينب .. فين الخاتم ؟؟
مع الخرجة من البيت لونها مخطوف كاطلاقا عائشة .. سربي اصاحبتنا يالاه وينو جيتي فنيونة ..
زينب .. ماشفتيش خاتمي !!
عائشة .. اينا خاتم !!
زينب .. كيفاااااش انااااا خاتم خاتمي اعائشة خاتم زوااجي ..
ومشات غادا قدامها رجعات لطواليط فين دوشات وهي مكتحاولس تبين لناس فالصالة اش واقع مالقاتوش بدات ترعد ..
عائشة .. ( كتهمي ليها ) وااش لدينمك الناس كيحيدوً خاتمً الزواج من اليد ..
زوبير وقف عليهوم .. ابنتي نصر كيتسناك لتحت
زينب .. ( دموعها بداو اطيحو ) ناري اعائشة عتقيني منقدرش نهبط عندو بلا خاتم

البارت 49
زوبير .. اشمن خاتم تاني شكون غايكون داليك الخاتم ..
عائشة .. صافي سكتي غانفكو هاد المووشكيلل واش قلبتي فالدوش مزيان حيدي نشوف ( دخلات للدوش تقلب وتعاود ) ..
زينب .. ( شافت فباها كتبكي ) باابا اتسمتني ماما تحيح ..
زوبير .. ودابا راه الناس لتحت كاتعاين اس با نقوليهوم ..
زينب .. ايولي ابابا نهود عند السيد بلا خاتم لا وغادا نعقد عاد لا ابابا لا خسني نلقااه ضارووري
خديجة .. مالكوم واقفين هنا ( شافت عائشة خارجة وجها صفر )
عائشة .. والو مالقيتوش ..
خديجة .. اش مالقيتيش
زينب .. ماما داوليا خاااتمي .. ( خرجات فيها عينها ) .. هاوييييلييي شمن خاااتم ؟؟؟
عائشة .. صافي سكتيي قلناليك غانقلبو عليه ..
زوبير .. زيدي ازينب نمشيو راه السيد لتحت مين تجي وارا ما تقلبي ..
خديجة .. ايولي بغيتي السيدة تمشي تعقد بلى خاتم هااويلي ..
زوبير كيعيطولو هز التيليفون لقاه نصر .. نتوما مرض بالله الى مرض سمعي غانهوض خمسة دقايق تكوني تم ماكاين لا خاتم لا زعتر راه الموهيم هو اعقد ..
مشا وخلاهوم واحلين وجهوم صفر وهي توقف عليهوم نعيمة
نعيمة .. امالكوم .. زينب باقا مامشيتيش
خديجة .. لا اختي غير مخلوعة شوية وكنسيروليها ..
نعيمة .. هاوييليي ومااتخافي( لا غاتبداا )
زينب .. اخاالتي رااه ماخايفااش غير كنهضر مع ماما فشي موضوع مهم
حشاتهاليها خالتها تقرسات .. اااه وهانا غادا ..
عائشة .. يخخ على زبل اش غانديرو دابا نقلبو الضيااف مم ونقولووليهوم شكونو شفر الخاتم
زينب .. مامااااا اهئ اهئ عتقيني
خديجة .. اااااشش غااانعتقق جد طااسيلة بووك الكلب المرة جاايا خلي خااتمك تحت الكلبة ودابا اش غانديرليك نولدووليييك ..
عائشة .. واااخا تسكتو خالتي نتي غاتقلبي بالحس بينهوم ياك ونتي غاتمشي تعقدي ماعندك ماديري باش المرة جايا واخا دخلي تعومي فالشلال ماتحيديهش من يديك وهادشي لالقيناه اما لا طيراتوليك شي وحدة منهنا غانساايه وقوليلو باي باي ..
خديجة .. اويييلي اوييلي على طيرووه لييهااا اليوووم ارزييونيي فبنتيي يخ يخ ..
مشات زينب خرجات هابطة فالسانسور كاتحاول تخفي دموعها وشتوف فصبعها والو الخاتم طار هي حيداتو ودخلات دوشات مين خرجات نشات ماركباتوش هي متأكدة خلاتو فالطواليط وميا فالميا هزوليها شي حد ماكاينش نقاش ..
خرجات لقات نصر فالطوموبيل وحداه باه وباها اللور مشات حشمانة على التعطيلة وركبات غير قلعو نصر شاف فيها من المرايا وباه محمع مع باها ..
كيشوفها حانية راسها وماقدراش تطلعو .. بقا الطريق كاملة وهو مشوش عليها تاوصلو لعند العدول وهبطو هبطات تاهية ومشاو جميع دخلو لمكتب العدول لقاو تما ديجا الشهود كيتسناو ..
كلس هو وياها وباه وباها من اللور والشهود تما ..
العدول .. سي نصر بن عبود ولد سليمان بن عبود .. واش تقبل تزوج بالمدعوة زينب القباش بنت زوبير القباش على سنة الله ورسوله ..
نصر .. قابل ..
عاودها العدول المرة الثانية والثالثة وهو نفس الجاوب ..ورجع عند زينب
العدول .. زينب القباش بنت زوبير القباش واش تقبلي تزوجي بالمدعو نصر بن عبود بن سليمان بن عبود على سنة الله ورسوله ..
زينب .. قابلة ..
وعاودهاليها كذلك المرة الثانية والثالثة وعطاهوم الكتاب سنا فيه ورجع دوزلييها هي وهي كتحاول تخبي يديها بلاصة الخاتم وسنات بليمنية .. عاد دوز للشهود وسولهوم ثاني واش شاهدين على زواج هاد الإثنين وسناو ..
العدول .. مبروك عليكوم من اليوم كاتعتابرو زوج وزوجة بالرفاه والبنين ..
تسالم الحاج مع زوبير وثاني ناض نصر سلم على العدول وزينب ناضت بابتسامة سلم عليها باها وباست اليد للحاج ..
وجا هو سلم عليها بالوجه وهمس جيهت ودينها .. مبروك علينا اكبيدة ..
ابتاسماتلو زينب بابتسامة وبالها مع الخاتم لي شغل فبالها ودارت بلي نادام مشاليها الخاتم الا وهو فال خايب على زواجها …
خرجو لبرا رجعو ركبو فالطوموبيل وصلو زوبير .. جات تهبط وهو يهضر نصر .. زينب تقدري تبقاي .. حلات عينيها حشمانة وبلعات ريقها
زوبير .. صافي بقاي ابنتي مع راجلك مافيها باس تاتجي ..
ماقدرات دير تاحركة هبط زوبير ورجع ديمارا وهي قلبها خفق ..
الحاج سليمان .. ايوا اولادي الله اجيب ليكوم التيسير والله ارزقكوم بالذرية الصالحة ..
نصر .. ( وهو صايك ) اميين الواليد الله اطولينا فعمرك ..
دينب .. امين اعمي ..
وصلو تاشافت زينب فالدار فين وقفو كانت تقريبا بحال ڤيلا بثلالة ديال الطبقات نزل الحاج سليمان ونزل تاهو حتا فتح ليها الباب ..
نصر .. تفضلي امدام ..
ضحكات مهبطة راسها ومداتلو يديها هبطو .. ودخلو للڤيلا القدام ديالها بجردة غير دخلات لداخل كانت بالدروج وباب ديال الطبقة اللولة ..
نصر .. ( عيط بالجهد ) الواااليدة ..
خرجات ربيعة دايرا زيف حياتي ولابسة بيجامة طويلة والفواطة دايراها .. شافت زينب ماتوقعاتهاش ..

البارت 50

زينب .. ( بابتسامة ) اهلا خالتي
ربيعة .. اهلا مرحبا ..
نصر .. ترحب بيك الجنة .. الواليدة ايوا ها المرا لي مصدعاني عليها نهار ومطال ..
ربيعة .. ( بضحكة صفرة ) اييه شفتها نيت زيدو دخلو ..
نصر .. غانطلع زينب تشوف الدار وشنو غاتبغي تفرش فيها بعدا ..
ربيعة .. ( مصغرة عينيها ) هااكاك ايوا سيرو مرحبا ..
نصر .. اعطيك الخير الواليدة ..
زيدها شد فيديها وفرحان بيها عالاخر طلعها فالدروج وربيعة متبعاهًم بعينيها .. وهاااكاماليي ثاني هااكا تبداا ديريلا غاتبدا دووز عليااا كيالطران وطلع ..
وصل للإطاج الثاني لقات قاني باب ..
نصر .. هادي الدار ديال خويا عبد الكريم هو الكبير ..
زينب .. ماعمري شفتو !!
نصر .. ( وهوما طالعين ثاني ) لا راه كان نهار العرس ولكن ماجاش نهار الخطبة
وصلو للإطاج الثالث وهو يجبد السوارت .. وهادي دارنا اكبيدة
ابتاسمات وبلعت ريقي قول عكوزتي غاتولي تحت مني ولكن مزيان ملي بعدا داري بوحدي .. فتحها ودخل لقيتها تقريبا خاوية كاملة .. دخلت كنشوف كانت تقريبا نفس الفصالة ديال هاديك لي لتحت ولكن هادي معغايرة من لداخل مصبوغة ومقادة ناقصها غير الفراش ..
سد موراها الباب وجا شدليها من يديها ..
زينب .. واش مكنتيش كتسكن هنا ؟
نصر .. كنت غير كنعس وصافي ( وهو غادي بيها من يديها ) والوقت لاخور يا اما عند الراليد والواليد لتحت يا ايما فالخدمة ..
وصلها حدا البيت لي كان مفرش بالناموسية زويين وكلااص ومصبوغ بالكحل صباغة دالعنبرة كتبري والماريو والناموسية فالابيض وخصوا ان البيت عندها بالكون الخوامي تاهوما فالابيض والكوافوز فالابيض كولشي كاين والزربية فالاسود ..
نصر .. مهيم انا عاد ناري ناخد رأيك لابغيتي نبدل منو شي حاجة ..
زينب .. لا لا بلعكس زوين ..
نصر .. ( حيد صباطو ) زيدي ..
قلبها بدا كيضرب . لا ماشي موشكيل غير خلي ..
نصر .. ( ضحك بشوية وقرب شدليها من يديها ) احبيبة راه تزوجنا راني راجلك وهادي دارك مناش باقا كتحشمي !!!
زينب .. لا ماشي غير ( حيدات شربيل وحطات رجيلاتها البويض على الزربية ) باقا مامولفاش هه ..
نصر .. ( ضرب بشوية بصبعو لحنكها ) دابا تولفي مع الوقت ماشي موشكيل .. دورات عينيها فالماريو لقاتو باقي محلول نيت مع كان هز حوايجو فالصباح ..
نصر .. ماديش عليا راجلك شوية غايعذبك فالجميع ..
شافت فيه وضحكات وقربات وسداتو .. هههه ماشي موشكيل مولفة مع خوتي هاكا ..
نصر .. ايوا الالة زينب كيجاك البيت قلتي مانبدلو فيه والو ..
زينب .. ( دورات راسها بلا ) عجبني والله حسن من لي كنت نتوقعو ..
نصر .. اذن ندوزو للدار نيشان ..
زينب .. ( ضحكاتلًو ) صافي هه ..
قرب ليها وجرها من يديها تاقرباتلو بلعات ريقها كتشوف فعينيه ..
نصر .. غير قولي شنو درتي فيا تاخليتيني نفكر فيك ليل ونهار مم ؟؟
حركاتلو كتيقاتها زعما معرفتش ..
قربليها وهي كتحس بالرعدة .. دارو راسو فعنقها حتا طاح الشال من راسها .. وحط شفايفو تما حتا عوجات عنقها مبوورشة طلع معاها الصهدة من صبعها الصغير .. وبعد شوييييية شفاايفو وشم فريحتها وهو مدور يدو من على ضهرها كيحس بيديها كيترعدو، طلع فمو لعند ودنيها .. زينب طلقي راسك ..
هي مين كيزيد بحالي كيزيد اطلعليها تبوريشة كتر وكتر .. وهو كيحس بيها بين يدو بحالي خايفة بحالي متوترة .. بعد وشاف فوجها وابتاسم .. تاشافت فعينو ورمششات بزربة وهبطاتهوم ..
نصر .. هههه حبيبة نشوفو الدار ؟
حركاتلو بسرعة راسها مهبطات ..
قرب باسها من جبهتها وشد فيديها جرها معاه ورجعو خرجو كيشوفو فالدار وكيوريها البيوت كاانت واااسعة بصالون كبيير وعاد صالون الكلاس وحوج بيوت عاد بيتهوم وكاينة طواليط عندو فالبيت عاد طواليط برا زائد كويزين ..
نصر .. كيجاتك زوينة ؟
زينب .. حمقاااتني ..
نصر .. نمشيو نشوفو الفراس شنو ديري فيه ؟
زينب .. واخا ..
طلعات يديها لعند زيفها طلعو وهو يقشع بلاصت الخاتم ..
نصر .. نسيتي خاتمك ؟
زينب .. ( بحالي ضربتيها بطرشة تفافات ) هااا اا

مين كنقوليكوم كالس فاتح رجليه وحاط عليهوم يدو هالكلسة لي كنقصد

Leave a comment