Skip links

قصة : تزوجتها بوصية زوجها ج13

 7,169 عدد مشاهداات

193🥀
تزوجتها بوصية زوجها📜

الفصل 2: هـــــــوى الأزواج

“بعد 6 أشهر”

مونتريال…كنداا..
مستشفى”Maisonneuve-rosemont”

داااخل كيجرر رجلوو..دمم نازل من راسوو ومن نيفووو…بغزارة
غوتت بصوت عالي

“heeeeeeeelp”

نطق بصوتو لي بداا يتبح

“heeeeeeelp I need help”

طااح على طولتووو..لارض

كاانت جايا بخطوات تقال.كتمااايل..ومخلياا جسمها المنحوت يتماايل..جسم لي بارز فلمناطق الانثوية..شي لي خلاها..تباان بانوثة..صارخة..بنت فتلاتين من عمرها لابساا كسيوة فلابيض لاصقا عليهاا..مع صندالة فلكحل..مع طابلياا بيضة .معلقاا سناطة فعنقها…بشرة سمرااء..وشعرر اسود طويل..عيوون بنية..لعيوون لي وسعاات ..فاش شافتوو طاح..

زاادت بجرااا..

نزلات تسمع نبضوو بسناطة..

غوتات بجهد.

“بالانجليزية”

“اجيووو لهنا دغياا”

زادو كيجريو..عاونوها تنقل لمريض لغرفة لفحص.

بعد ساعة…

كانت خااارجا من غرفة لفحص..غاديا بثقالة. فلكولوار..حيدات طابليتهاا لي تلطخات بدم لمريض..لاحتها فزبل..وكملات طريقهاا بكسوتهات..

زادت لاسانسور..بركات على اخر طاج.

شافت فجوج دلممرضات لي حداها..

نطقات وحدة فيهم

……:دكتورة مونيكا بيخير

مونيكا :انا بيخير شكرا

ابتاسمو لها..وتمو خارجين..فحين هي كملات طريقها..

غاديين كيتوشوشو عليها.

….:غادة عندو عاود.
باينا باقا تتبغيه.

….:انا كتجيني علاقتهم عاديا غير لخدمة

….:نتي مراكيش قديمة..ناس لقدام هما لي شاهدين على قصة حبهم..

حبس لاسانسور فاخر طبقة.

زادت خارجا توجهات.لماكينة دلقهوة..عمرات جوج كسان

وكملات طلعة لسطح…على دروج.

كاان كالس على الحيط
.دلكلينيك..كيباان غير ضهرووو لعريض..لابس سكراب طبي فلكحل..

زادت بثقالة..وقفا حداه…حطات كاس دلقهوة..نطقات بصوتها لانثوي…

“بالدارجة”

مونيكا:باقيي كيعجبك تكلس هكدا بحال شحال هادي..عند بالي غتكون تبدلتي

بلا كيشوف فيها نطق ..بصوتو رجولي المبحوح

…:الزمان لي كيتبدل..ماشي بنادم

حطات يدها على ضهرو

مونيكا:أسيرم جبت لك قهوتك نتمنا تكون مزال تتشربها؟194🥀
تزوجتها بوصية زوجها📜

الفصل2:هـــوى الأزواج

أسيرم:مغنشربهاش..مناويش نسهر ليوم

مونيكا:آه لي بغيتي.

زادت واقفااا تتطل..ونسمة تطير خصلات شعرها..

مونيكا:غالبا غيطيح ثلج..لجوو بارد بزاف.

حرك راسو باه بلا مينطق.

مونيكا:كنت جيت عندك على حساب مريض..حالتو صعيية..غندخلو لعملية فليام جايين..(هزات راسها فيه)اش بان لك..تدخل معايا..انا ونتا بحال زمان.وحوش جراحة دماغ كيف كانو مسميينا.

أسيرم:نتي ماشي بحاجتي..غتقدي عليها بوحدك..وانا غرجع لمغرب..جيت على حساب أليكس..وراه بيخير دابا

مونيكا:اليكس مكيشوفنيش شاطرا عليك..على داكشي عمليتو مخلا تاحد من غيرك يقرب ليه..مكنضنش ايخليك..كيف مخلاكش6 شهور هادي..صعيب تخلي لكلينيك وتمشيي نتاا بلاصتك هناا.

شااف فخااتموو..زير على يدو على شكل لكمة.

أسيرم:بلاصتي فبلادي…

مونيكا:نتا مبقيتيش خدام فلرابطين..اذن حنا اولى بيك..الخدمة مهمة بالنسبة لك..ومغتلقاش حسن مناا..حنا ديجا خدمنا مع بعض قبل تا متخدم فلمرابطين…على داكشي بقاا بلا مترجع.

أسيرم:غرجع..عندي تما شي حاجة اهم من لخدمة.

تم نازل…كينفض يدووو..

ابتسمات ليه:لي بغيتي مغنوقفش فطريقك..نقدرو شي نهار نتلاقاو..كيبقا المغرب بلادي تا انا..بلاد ماما..وهي منين طلقات من بابا راها تم..نقدر شي نهار نجي نزورها ونتلاقاو.

عنقات يدها..كتشوف بلا تا حركة.

مونيكا:كنت نتمنا نخدمو..بحال زمان ولكن..ممكتابش.

هزز راسووو..منين حس..بثلج.طااح على وجهو
.

أسيرم:لبرد..نزلي باش متمرضيش..انا غنمشي لدار.

تم غادي..وقف منين نطقات

مونيكا:وش نتا مزال هاز من جيهتي؟مزال مقلق مني

سكت بلا مينطق…كمل..طريقووو
خرج من لكلينيك..ركب فلوطو ديالوو..كيشوووف من سرجم..ثلج ليي طايح..وبدا يغطيي دنيا..

وقف لوطو قدام دار لي كانت قريبة..

نزل داخل..حيد تجاكيط..ديالو..زااد كالس قدام المدفأة..هزز تيليي ديالوو..كيشوف فنمرتها قداموو..
باغي يعيط…لكن تردد.منين شاف لساعة..

لعشراا دليل هادي فكندا ولمغرب فايتو ..عرفها غتكون نعسات من زمان..

حط..تيلي وناض يجمع حوايجو..

“المغرب الرباااااط”

واقفا حدا سرجم لابسا بيجامة دنعاس.طالقا شعرها. مخليا نسمة الهواء السخونة كطير خصلاتو

شافت لتلفونهاا..وتعابير لاسف على وجها..هزات راسها فساعة كانت 3 دليل..كلشي ناعس الا هي.

زادت بخطوات تقال..شعلات ضوء لخفيف..جرات لكرسي..كلسات قدام المكتب..هزات مذكرتتها ..
كتحاول تخرج احاسيسها..وتعبر على لي فقلبها بحروفها..حطات لقلم تتكتب بخطها رقيق.


انا بحاجة لجرعة من صوته ..بحاجة لسماع مخدره..بحاجة لأن ألدغ من فحيح أنفاسه.. فانا كدت أغرق في سكرات اشتياقه”

سدات لمذكرة وناضت تنعس ودمعة محجرا فعينيها195🥀
تزوجتها بوصية زوجها📜
الفصل 2:هـــــوى الأزوااج

“قبل 6 أشهر ”

حل عينووو بثقالة..حسس بلحريق فراسوو وعضامووو مهرسين عليه..

تهزز منين تفكرر اش وقع..

باان ليييه عدنان على راسوو..

أسيرم:فييين اخلاص؟

عدنان:مرتك؟

أسيرم:آه هي فينهااا.

عدنان:مرتك لي تزوجتي بلا خباري

أسيرم(بنفاد صبر)عدناااان

عدنان:هي بيخير..كاينا فلانعاش مع نضال.

اسيرم:ماال نضااال؟

عدنان:وقف لها قلبها فعملية ولكن وصلت فلوقت..قدرت رجع لها نبض..كنبقا افضل طبيب انعاش فلكلينيك شي حاجة عاد..

سكت منين ناض اسيرم

اسيرم:اشمن عملية..علاش انا اخر من يعلم

عدنان:مبغات حد يعرف..

زااد غادي..كيجر رجلو ويدو معلقا فجبيرة.

وقف اونفاص معاه عدنان.

عدنان:فين غادي جرحك باقي جديد..من زهرك غير جرحاتك رصاصة فكتفك..كن راك مشيتي فيها.

اسيرم:فينوو داوود كييف بقاا؟

عدنان:منين وصل لبارح دخلوه لغرفة لعمليات..من زهرو متقاسوش اعضاءو داخلية..راه تحت لمراقبة فلانعاش.

أسيرم(دوز يدو على شعروو)ويونس

عدنان:رصاصة قاست قلبوو..باقي ممات..ولكن حالتوو صعيبة..

حرك راسو..بوخا..وتم خارج .

توجه لانعاش…بانت ليه..كالسا متكياا..كلى لحيط..

نطق..وهوا مصغر عينوو..

أسيرم:إخلاص

قدات كلستها تتشوف فيه…ناضت بجرااا عندوو..كطلعوو وتهبطوو بخوف.

إخلاص:لاااش نضتييي أااا لاااش …انا خرجت غير نطل على نضال..خلينا رجعووو نتااا مر.

حط يدوو على فمها مسكتها.

أسيرم:انا بيخير..موقع والوو…قالي عدنان..بليي لبارح جينا …معرفتش كفاش دوزت نهار ناعس..وش كنتي بيخير فهاد نهار

إخلاص(بالغوات)باااااركاااااا…باركااا متسول غير عليا..شوف نتاا حالتك..يدك مهرسين عضامهاا..وتقستي برصاص من لبارح ونتا مغيب..وكتسول علياا..نتااا لي ضريتيي ماشيي انا(دموعها نازلين)كن وقعات لك شي حاجة اش كنت ندير أااا؟؟
قلت لك يلاه نخرجو لاش رجعتي عندووو أاا.لاااش.

جرهااا لعندوو..بيد..وحدها..معنقها..وهي كالساا تتبكي وتنخصص..

زاد مكلسهاا..

اسيرم:نجيب لك لماء؟

حركات راسها بلا..

كلس حداهاا..

أسيرم:خصناا نهضرو

إخلاص:تا تولي بيخير ونهضرو.

أسيرم:انا بيخير..شي لي وقع…كان غلطة

إخلاص:وش على لبوساا أاا؟لاااا مكانتش غلطة.196🥀
تزوجتها بوصية زوجها📜
الفصل2:هــــــوى الأزواج

إخلاص:كنت بغيتك غير تركز معايا.

ابتسم بجنب:مكنهضرش عليها ااخلاص.(تنهد بجهد)انا عندي علاقة بموت معاد..موت بسباب غلطة مني.

طمسات ملامحها وهي تتشوف فيه..حسات بقلبهاا غيخرج..

إخلاص:كفااااش؟

أسيرم:قلت لك فاش غنعرف كولشي غنعلمك..لقصة بدات منين ….

عود لهاا لبلان..ديونس..من لول تا لخر…سكت منين سالاا…بلاا متنطق..هي..

ناض..كيتمشاا بثقالة.

أسيرم:غنرضا باي قرار خديتيه..غندخل..نشوف نضال..

زااااد..داخل عند نضال..فحين هي..بقات ساكتا بلا متنطق..صدمة باينا فملامحها..ودموعها كيتلاقاو عند اخر.خدها بسكات..

نطقات وشفايفها كيرجفوو

“غدروووه..رزاوه فحياتووو علاش علااااش”

شهقات بجهد..كتبكيي على معاد لي ترزاا فشبابووو…بسباب غلطة بلا قصد..

دااازت سيمااانة…فهاد سيمانة كانت غير مع نضال..مقابلااهااا. لي بدات تحسن على عكس داوود لي مزال فلانعاش..كتشوف اسيرم مرة مرة فاش كيجي يطل عليهم..محطاتش رجلهاا فدار…حاساا بافكارها مشتتين..بغاا تبعد وتاخد وقتها..

إخلاص:كوليي غير هاد لمعلقة صافي

نضال:مقداااش.

حطات لبلاطو..تنهدات بجهد.

إخلاص:الا بقيتي هكدا عمرك اتوقفي على رجلك.

نضال:سيمانة وانا هنا كولشي عرفو بمرضي الا هوا لي غابر…انا حاسة بلي وقعات ليه شي حاجة..

إخلاص:منين غيعرف اتلقايه خدام

نضال:كان كيعيط كيسول دابا والو..

إخلاص:على اساس هزيتي تلفونك فهاد ليام.

نضال:مديه لييي هاهوا غير حدا راس..كن عيط كن سمعت.

مداتوو لها..هزاتوو كتعيط ..واخلاص كتشوف فيها باسف..عارفا مغيجاوبهاا..حد…وسعات عينيها مصدومة.منين قالت نضال”الوو”

نضال:الووو..داووود..(وسعات عينها منين جوباتها مرا)شكون نتي؟انا من معارفو(تهزااات كالسااا)كفااااااش تضرررررب برصااااص .197🥀

تزوجتها بوصية زوجها📜
الفصل 2:هـــوى الأزواج

بعد دقايق..كانت واقفا قدام غرفتوو..ولممرضة شادة فيها..شاافت فماماه..لي بدورها تصدمات منين شافتها..
بصح دازو سنين مقداتش تعرفها من صوتها فاش عيطات..لكن قدات تعرفها من شكلها.

خلاتها دخل عندو بلا متنطق..زااادت دااخلاا تتبكي..وتنخصص..ولممرضة جراها

زاادت عندو شاادة يدوو..مزيراا عليها..ودموعها نازلين.

نضال:مغندرش نخصرك تانتاا ..خصرت بابا وخويا..متخلينيش نخصرك تانتا..(حطات يدها على شعرو)فييق عفاااك بنتنا واناا محتاجينك..فيييق الله يخليييك..معندكش لحق تمشي بلا متخليني..نصحح غلطتي..

حنات على يدوو..كتبكي وتنخصص..تهزات منين نغزها قلبها..حطات يدها على قلبهاا..

زاد لممرضة بجرا عندها

الممرضة:خلينا نمشيو الله يخليك.

نضال:باقا بغا نبقا معاه

الممرضة:الله يخليك..خليه يرتاح..خلينا نمشيو مبغيتش يوقع مشكل مع دكتورة سكينة وعدنان.

زاد معاها..منين جهاد عليها لحريق…شاافت فماماه..
لي بدورها تتشوف فيها..

زادت عندهاا..وقفات اونفاص معاها..

….:اشخبارك ابنتي

نضال:بيخير اخالتي ونتي

….:بيخير ولفاق ولدي انكون حسن…كتباني مريضة ياك لباس؟

نضال:درت عملية على لقلب.

زاادت معنقاها..

…:الله يشافيك..ابنتي.

فلغرفة لي كانت حداهم..دخلا..بلباس لي كيدخلو عند لمريض..لكمامة مغطيا وجها..

زادت داخلا..كدور عينيهاا..فلارجاء..صوت لالات لي دايرين..بيه .بحال شي نغمة دلموسيقى .مخلياها تفرح..

وقفات حداه تتشوف فيه..

حل عينو بثقالة…حيد لاكسجين من فمو..ونطق وهوا كيلهث..

يونس:جيتي تشوفيني..طولتي.

سامية:جيت نشوف موتك

يونس:لاش تتكرهيني ونتي بوحدك لي بغيت.

سامية:نتا تتستاهل غير لكر ه..واحد مكيعرفش لمحبا بحالك..شكون غيبغيه.

يونس:كنعرف لمحبة..ودليل بغيتك..وبوحدك لي عاودت لك على حياتي

سامية:بغيتيني(ضحكات باستهزاء)وش لحب عندك هوااا تمتعع بغواتي أاا..شحال غوت شحااال طلبتك..ااا لاش مرحمتينيش..وش غير حيت عندك لفلوس دير مبغيتي..لي كيبغي مكيحكرش مكيضربش..مكيغتاصبش..نتا درتي لي كلشي..عمرر كرهت شي حد بحالك

ابتسم لها :لمهم كتبادليني واحد لاحساس

زادت عندو وعينيها ضلامووو..بلحقد

نترات لمخدة من تحت راسوو بزعاف..

سامية:مغنقدرش نخليك تعيش..مغندرش مخلي وحدا خرا تعدب ودوق من كاسي..بصح ملقيت لي يقلل من وجعي ولكن غنقلل من وجع بنات ناس.

ابتسم لها ببسمة عريضة من لول:غنفرح لمت على يديك..يدين لوحيدة لي بغيت..

كرزات على سنانها..فربات لوسادة من وجهو كتخنققق فيه وهي تتلدد.منين تتفكر شحال من مرة غوتات…شحال بسبابو تعدبات .
198🥀
تزوجتها بوصية زوجها📜
الفصل2:هــــوى الأزواج

محيداات لوساادة تااترخا..وتسمع صوت لالة..لي كدل بلي قلبو وقف.

ردات لوسادة بلاصة..وتمات خارج..بهدوء..تكات حدا لباب..لعرق نازل من جبهتهاا…ودموعها نازلين..

شافت طبيب كيجري ولممرضات…كطل عليهم كفاش كيحاولو ينقدوه..تنفسات صعداء منين حرك طبيب راسو باسف.
ونطق ساعة الوفاة..

زاادت بخطوات تقال..توجها

عند دااوود..دخلات تشوفوو..منين بانت لهاا ماماه كالسا تهضر مع نضال..بعاد على لباب..

زادت عندو ودمعة فعينيها..

سامية:شكراا ليك على كلشيي..كن كانوو كاع بحالك..كاع مكونت نعاني..كن لكومسير لقديم دار خدمتو..ووفاء بلوعد لي عطاا ..وبلي غيخدم شعب..كاااع مكونت نعاني..كن كل واحد كيتحط فمنصبو لي كيستحق كاع مكونت نعاني..انا ليوم قتلتوووو…بيدي…عمر فكرت بلي غيجي نهار نولي قتالة كانو عندي احلام تا انااا..بحال كاع لبنات..ولكن خرج عليا وعلى احلاميي…لاغتصاب ولحكرا وضرب عندوو حاجة عادية..وماشي بعيد يكون بطل فعينين ناس…تيقنيي مكيحس بيها غير لي طاح فيها..منين كيهجمم عليك..ويقيسك بلاا متبغيي…بحال شي شرويطة موسخااا..يمسح فيها كبتوو..منين تتغوت ومكاين لي يعتق..وفلخر يقولك لحب…هادشي صعيب..وانا جهدي سالا..على داكشي صفيتها ليه..فيق..نتا بوحدك لي غنخليك تشدني..فيق دخلني لحبس.

سدات عينيها مخليا دموعها..يطيحو..حلاتهم منين سمعاتو نطق..بصوتو الخفيف..

داوود:سيري عيشي حياتك متشوفيش موراك

وسعات عينيها لي مغرغرين بدموع

سامية:فقتيي!انا كنقولك ق تلتووو

داوود:تا انا فاش ضربتوو كنت باغيه يموت..سيري..وفطريقك عيطي لي لمرتي..وميمتي.

زادت خارجاا..نطقات بصوت عالي

سامية:لمريض فاااق.

كاان داخل لكلينيك..غادي بخطوان تقال..ركب فلاسانسور..هزز عينو منين بان ليه.

وقف بلا مينطق

فوزي:كيف بقيتي اولدي؟

أسيرم:بيخير

فوزي:وش باقي مقلق منين..انا اعتاذرت لك شحال من مرة وتا من مرتك..مغتصفاش لخواطر.

أسيرم:خلي زمان يتكلف.

زاد خارج..منين وصل لطاج لي بغا..توجه لغرفة نضال..بانت ليه غير هي كالسا..زاد كالس حداها..كيشوف اونفاص

إخلاص:مشات تشوف داوود.

حرك راسو

إخلاص:غنبقاا معاها شي يام هي ماشي بيخير..

حرك راسو بوخا.

إخلاص:مغتشوف فيا وتهضر؟غتبقا غير تحرك لي فراسك.

أسيرم:غنمشييي..لكندا غرجع تم..مول لكلينيك لي كنت خدام فيه..قبل منجي لمرابطين..مريض..خصو عملية على داكشي انمشي.

شافت فيدوو لمهرساا..نطقات باستهزاء

إخلاص:بهاد ليد.عملية..شحال غدوز تم.

أسيرم:معرفتش..دابا غنتعرف على حالتو وفاش غنبرا غنديرها..لموضوع اياخد شهور.

إخلاص:خليه ياااخد تا سنين..بلا مترجع حسن..

ناااضت غاديااا..بزعااااف.
.
199🥀
تزوجتها بوصية زوجها📜

الفصل2:هــــوى الأزواج

المغرب الرباط.

نهاار جديد وكييف كل صبااح..
فلمرابطين..صووت الاسعاف وصوت صرخات المرضاا هواا..لي مسمووع.

كاان واقف..كيشوف فساحة لي قدام..لكلينيك..المشروع لي خدم عليه لشهور بدا يتبنا..والمستعجلات الجديد..بداا..يطلع..هكدا غيخفف على لكلينيك..

تنهد بجهد..قاد كرفاط كوستارو وتم..داخل..بثقالة..

شاااف لصوورتوو لي على واجهة الكلينيك..
صورة اسيرم مرابط..لي وخا مبقاااش..باقين ناس كيجيو على قبلوو..

زااد عندوو لحارس..

….:وش نحيدوها اسي فوزي

فوزي:لااا المرابط صغير غيجي نهار ويرجع..

زااد دااخل بخطوات..تقاال..
غادي فلكولوار..كيدير دورة شرفية على لكلينيك قبل ميطلع لمكتبوو..

وقف منين سمع غواتها..تتغوت باعلى صوتها.

……:قولتيي لي غيعيشش قولتيهاا لي انا وياه مكامل تا شهر على زواجنا..كن ماكدتيش لي بلي غيعيش كاع منخليه يدير دابا لعملية.

نطقات وهي حانياا راسهاا

سكينة:كن تعطلنا كانت اتكون نفس نتيجة.

هزات راسها فيها:انا متاسفة لخسارتك.. انا درت..

قبل متكمل هضرتها نزلات عليها بتصرفيقة…بدات ضرب فيها كيف شي حمقة..تتغوت وضرب..فحين سكينة بقات حابسا بلا تاشي ردة..فعل..دخل فوزي والممرضات مبعدينها..

جروها بعيد .فحين هواا واقف كيشوف فسكينة..

فوزي:خودي ليوم عطلة..سيري لدارك رتاحي.

حركات راسها بوخاا…

تمااات غاادة..ودموع محجرين فعينيهاا..

توجهات لاسانسور..بان ليهاا عندنان متكيي شاد تيلي لابس.سكراب طبي فزرق مرجع شعروو لور..وريحتو معبيا المكان.

طلعهاا بنص..عين..ورجع هبط عينوو..فهاد ست شهور حاول ما امكن يدير حدود بينو وبينها.

واقفاا بلا متنطق..فجوو دصمت..

كسرات هاد صمت..منين هضرات بصوتها لمبحوح بلبكا.

سكينة:علاش كنكونو ابطال ومنقدين منين كينجا لمريض..وكنوليو..مجرميين بحال شراوط فااش..كنفشلو فاننا نعتقوه.

عدنان:حيت حنا أطباء

سكينة:علاش خصني نخصر بزاف باش نبقاا طبيبة..كرهت هاد لخدمة وما يجي منها.

زاادت خارجا منين حبس..لاسانسور…يلاه جاا يخرج..بانت ليه فلخرجة..بغا طلع..نطق وهوا ضاحك بجنب

عدنان:مرتييي لعزيزة
200🥀
تزوجتها بوصية زوجها📜
الفصل 2:هـــوى الأزواج

خنزرات فيه وتمات داخلها..رجع داخل حداهاا..

إيناس:كنتي خارج لاش رجعتي؟

عدنان:سوووقك؟

رجعات شعرها مور ودنها..بلا متعطي اهمية ليه..هوا وهي لي دارو عقد زواجهم شهر هدا…وحفلة صغيرة..لكن هي بقات مع عائلتها وهوا فدارو..لليوم باقا مسكنات معاه

عدنان:هضر معايا باباك

تنهدات بجهد:نفس لاسطوانة..باغيني نجي نعيش معاك.

عدنان:باعتباري راجلك فكنقولك بقاي فداروو..معنديش مشكل تموتي فدارو.

خنزرات..فيه..ابتسمات جنب بغيظ

إيناس:وباعتباري مرتك ..كنقولك غنجي نسكن معاك..ليوم قبل غدا

عدنان:غتندمي..غنعدبك فحياتك خليلي تساع حسن

إيناس:عذبتيني غنعدبك..غنكون مرايتك..اي تصرف خايب درتيه لي غنرجعو لك(شافت فيه مخنزرا)اك اراجلي لعزيز.

زاادت..خارجا..ثواني وتبعهاا..

شاف فنضال ليي بدورها توجهات عندهم

نضال:اووووه الزوجين السعيدين شرفووو لكلينيك

إيناس:بفف خليك منوو.

عدنان:بفف خليك منها..لاش جايا

نضال:كفاش لاش جايا نتا فوق ما تتشوفني تقولي لاش جايا..جايا نخدم..انا بيخير دابا لعملية راه دازت عليها6 شهور ازين

دوز يدوو على لحيتو:لحسيتي براسك ماشي تا لهيه..علميني(شاف فايناس)ولا علميني نتي مع عندك لبركاكة ديالك

إيناس:لبركاكة ديالي لي خلاوك تعتقها..من زهرك داك نهار بقيتو عندنا فدار..وجيت فيقتك.

عدنان:(بالغوات)مييييغسييي وفيتيي وكترتيي(بنبرة حادرة)غنمشي لخدمتي..

تم غادي مخليهاا..ونضال تتشوف فيه مصغرا عينيها..

نضال:وش متاكدة بليي هدا راجلك

إيناس:مع كامل لاسف..ونتي راجلك.

نضال:مراجليش طليقي..ومبقا بيني وبينو والو

إيناس:هوا كان يبغيك..مفهمتش علاش خليتيه يبعد منك ومعطتيهش فرصة خرا.

نضال:الحب بوحدو مكافيش انا وياه متزاديناش لبعض.على داكشي ختاريت لفراق.
201🥀
تزوجتها بوصية زوجها📜
الفصل2:هـــوى الأزواج

بعد ساعات…صوووت الموسيقى..العالية..هي لي مسمووعة ..فالبواط..

كانت كالساا..بلباسها دصبح كسيوة فلحمر ..سماطي..مع صندالة فلكحل كعب عالي..محطوطة لافيست دلكسوة حدها..

كتشرب وتبكيي بحال شي حمقة..شادة فيها سكرة لاقصى حد.

كان كالس حداها..كيشطح بلاصتو ويتهز مع..لموسيقى..شاف فيها ضاحك

أمين:شربيي باش تنساي شربيي

سكينة(نزلات على لكاس)درت لي فجهدي..علاش هاد دنياا ماشي عادلة علاش تتخلينااا نعيشو لحياة لي مبغينش(بثقالة)ع لاا ش.

طااحت متكياا منين شدات فيها سكرة.

شاف فيها بلا ميعطي لهضرتها اي اهمام..كالس وعينو كيقلبو على لي كيبيع لو لحبة..
ضحك منين بان ليه واقف حداه.

…..:صحبتك عجباتنيي

ضحك بجنب :شحاال تخلص فيهاا؟

…..:شحااال طالب؟

شااف فيه وشااف فيها:باقاا بغطايتهاا ..انا ومقصتهااش

…..:عطيها لي نعطيك خنيشة؟

ضحك ..تا خرجوو دموعو:

امين:خنيشة كتخلصها من عندهاا بلاا والوو

…:جوووج منزيدش

كيدوز يدوو..على شعرهاا..وضهرها..
هزز يدها وطلقها مطيحاها

نطق بصوتو منغم

امين::هااد زين كيستاهل 3 دلخنيشات..اختار دغيا محد شادة فيها تبويقة…راه فاش اتوكض اتولي متوحشاا..وغضيع عليك قوقة

دوز لسانوو على شفايفووو وهوا كيشوف فيها

…….:جاااتك صاحبتك ديالي هاد ليلة

رماا لييه لخنيشات..تلاح عليهم كيف شي كلب لقا العضام..وزااد منوضهاا جارها..شداات فيديه
.وهي دايخا نطقات.

سكينة:فين دايني مبغيت نمشي فين..خليني معااك

نترر يدهاا..باسهااا بشويا..

امين:غيعجبك الحال غير سيري الزين ديالي.

زااد حاط يدو على خصرها جارها..ركبهاا فلوطو ديالوو…مسافة طريق..وقف حداا لموبل فين ساكن..نزل جارها..وهي جارا رجلها..

طلع فلاسانسور..بلا ميعطي اهمية لي شخص لي حداه..

كيدوز يدو عليها..كيلمس فيها..وهي تتهضر بصوتها سكران

سكينة:بعد علياا..بعد..

…:شريتك غاليااا كفاش غنبعد ااا

نزل وجهو بغا يبوسها هزو منين سمع شخص لي موراه نطق

…:قالت لك بعد هي بعد

ضحك بجهد:ونتا مالك..اش دخلك..شكون نتاا باش دخل.

ابتسم ببرودة:معرفتينيش شكون انا؟

حرك راسو بلاا :معرفتكش عرفني عليك.

ميل وجهو يمين ويسار..مطرطق عضاموو..

….:متاكد باغي تعرف علياا؟

حرك راسو باه..

ثوانيي…معدودة..تحل باب لاسانسور..خارج جاارها..شاف فمول لادروك..لي طايح..شااد فصباع يدو لي عواجوو كيغوت بلحريق..

شاف فيه ضاحك:ودابا عرفتيني شكون انا(جبد بطاقتو لاحها عليه)جيي لهاد لبلاصة نقاد لك صباعك..

زااد جارهاا..غوت بصوت عالي

“..اناا لي كنكره بنادم..ولكن بنادم مصر يتعرف عليا”

زااد معاها..فحين مول لادروك..قدم صباعوو لي كيترعدوو..هز لبطاقة..قراا فيها اسمو”يانيس بنيس طبيب عظام ومفاصل”
طااحت من صباعو من حس بلبولاا نازلاا معاه..سخونة..ومقادرش تاينوض..بلحريق دعضاموو..
202🥀
تزوجتها بوصية زوجها📜
الفصل2:هــــوى الأزواج

دخل لداروو مع دخلا..دفعهاا..جات طايحاا..معطاهاش اهمية..زاااد..دريكت لدوش..
عمرر سطل دلمااء..وتوجه عندها…خوااه عليهاا..تاتهزات..

كتشهق وتننفس بجهدد..صدرها كيطلع ويهبط..وهي تتغوت

سكينة:اش ششش واقع؟

ينيس:والو مواقع والوو غير كانو غيحلو كهف جديد عندك..كان لفار غيدخل لغار

رجع لدوش..عمر سطل..وجاا كيخويه..عليها….وهوا كيغني بصوت عالي

ينيس:روووج فلمالاا شربي ودوشي..ولجاو جدارمية لوووحي كلشييي..

كيغنيي ويكب ..ممسوقش ليهاا هيي لي تتغوت…

لااح سطل ..وزاد..

ينيس:قبل متخرجي سيقي لماء لي ضيعتي…آه وخلي فلوووس جوج سطولا..

زااد لبالكون..جبد كارو..كيبخ..وهوا مزاال كيغنييي..

فحيين هيي..نااضت داتهاا كلها تترجف..توجها لباب باغا تخرج..قبل متحلها طاحت..على طولتها..

طل عليها..وهوا مدلي شفايفوو..

زاد لبيتووو..جاب غطاا..لاحو عليها مخليها..تنعس فلارض..ودنيااا ماء..

فحين هوا زاد لبيتو ينعس على سريرو..تكسل ونطق بثقالة

ينيس:وكيكولو لي مكندريش لخير..مكااينش شي حد كيدير لخير فهاد دنيا بحالي..

صبااح جديد ونهار جديد…كاانت خاارجاا..من دار نضال..لابسا غير جلابة خفيفة..وزيف..

وقفات بغا تشد طاكسس..لكن قبل متشدو..شافتو وقف عند رجلها بلوطو..

نزل متوجه عندها.

عزوز:مرت خويا فين غادة وش بغا شي حاجة.

ابتسمات جنب..هادي هي حالتو فهاد شهور عمر خلاهاا..

إخلاص:غنمشي لقبر..بغيت نزور معاد..ممحتاجة والو..

عزوز:ركبي نوصلك

ركبات بلا متزايد معاه عارفاه ميتفكش.

سايق وهوا ساكت..

إخلاص:ديما كنبغي نسولك وكنتردد..شنو علاقتك بيه..شنو شي لي يخليك تبغي أسيرم هكدا.

عزوز:كنضن كاع لي فهاد دنيا كيبغيو سي طبيب ولا مبغاهش راه مكلخ.
هواا عتق ولدي..بلا مقابل..فلوقت لي كلشي عطاني بضهرو..وش كاين شي حاجة كثر من هكدا..

ابتسمات ليه:وقف هنا..وصلنا.

عزوز:غنعاينك
إخلاص:غير سير عندي شي شغل قريب من هنا غير سير

حرك راسو بوخا..فحين هي نزلات توجهات لقبر معاد..كلساات حداه..

إخلاص:توحشتك..ممتيقاش بلي داز كتر من عام على موتك..حرقت موووتك بقاا فلقلب كضر..نتاا مشيتي مغدور..وخليتيني بوحدي..او بالاحرى خليتيني معاه..هوا لي مشاا..تخايل كاع مكسول فياا كل نهار..يمكن هضر معايا مرات قلال..وحدو سولني وش انا بيخير وقطع..ولكن مخلي صاحبو عند راسي ديما..كفاااش خليتيني مع واحد بلا قلب بحالو أاا؟؟…كفاااش كيسول وش انا بيخير كفااش باغيني نكون بيخير بلااا بيه..انااا ماشيي بيخير(نزلو دموعها)اناااا توحشتووو بزاف..هوا هرب منييي..اول مغنشوفو غنرجع نهرس ليه يديه..غنضربووو ونغوت عليه..غنعدبوو مزيان تيقني..

سكتات منين سمعات صوتو موراها.

أسيرم:ماشي حشومة تتشكيني ليه؟

ناضت واقفا..حاسا بقلبها غيخرج..دارت بثقالة تتشوف فيه..خرجات شهقتها..وزادت عندو.بجراا منقزاا عليه معنقاااه…وهي معلقاا فيه

203🥀
تزوجتها بوصية زوجها📜
الفصل2: هـــوى الأزواج

كان واقف على راسهاا..لابس طريكو كحل مع سروال وصبرديل فنفس لون..مرجع شعرو لوور..كيشوف فيهاا بعينوو السودا..مصغر .نضراتو كانو كيتاكد من شي حاجة..

زااد حاط كاس دلقهوة..على طبلة..ورجع كيشوف فيها..

حلات..عينيهاا بشوياا..حاسا بعضامها مهرسين وكلها فازكة..
بدات تكح بصوت خفيف..هزات عينيها فيه..هوا لي حاني كيشوف فيها..ردات عليها لغطاا..مرجعا داتها لور

هزز راسو..نطق ببرودة

ينيس:عايشاااا

سكينة:ششكون نتاا اش كندير انا هناا..

خشاا يدو فجيبو كيشوف فيها.

ينيس:وش نسيتي اش وقع لبارح؟

تمات نايضاا..واقفا تتشوف فيه..بغيض

سكينة:اشش درتي لي لبارح..اش تندير هناا.

ينيس:ايييه (ساط بججهد)كنكره بنادم لمكلخ..كن درت لك شي حاجة اتلقاي راسك فبيتي..منقدرش نلعب فلارض عضامي غيضروو..

سكينة:بزاااف علييك..مكاينش شي مكلخ قدك..مستغل وحدا معقلا على والو.

ينيس(طلعها وهبطها)ن ننن نتي ماشي من نوعي..بلا ميصاحب راسك تقدي تحركي فيا شي حاجة باش نستغلك..(عطاها بضهر)ماعلينا..خرجي بحالك ومتعاوديش توريني كمارتك..

سكينة:شفتيني ميتا باش نبقا معاك..

زاادت غاداا..مع اول خطوة تزلقات فلماء لي فلارض..شدات فضهروو..وبزربا دار شادها من خصرهاا..كيتبادلو نضرات وهما قراب من بعض.

سكينة:طلقق مني..

طلقهاا جات طايحاا لارض.

سكينة:ايي وش نتااا حمار

ينيس: لا ولكن يلاه كنت شاد حمارة.

خنزرات فيها..ناضت بزعااف..غادة

سكينة: كمارتك..

ينيس:عجباتك..عارف راسي زوين..ولكن كيف قلت نتي ماشي من دوقي

سكينة(بالغوات)كمارتككك متعاااودش توريهااا لييي…حيوان..

ردخات لباب ومشاات..

وقف كيشوف راسو فلمراية دلباب..كيرجع شعرو لور مبتاسم

ينيس:نعذروها ممولفاش بزين..

“في جهة خراا”

بعداات عليه ودومعها نازلين..مسحاتهم بزربا..

إخلاص:لاااش رجعتي أاا؟؟سير فين كونتي..

زااادت مخليااه..فحين هوا تنهد..بجهد..وتم تابعهاا..

خرجات برا لمقبرة..غادة.وزيف طاح من شعرهاا..كتحاول تمسح دموعهاا..مبغاهمش ينزلوو..

وقفات بغاا تشد طاكسي..يلاه كيف وقف لهاا..جات تركب..محسات غير بيديه مشبكين مع يدهاا..

موجه هضرتو لمول طاكسي:تقدر تمشيي مرتيي انا غنوصلها..

زاد بحالو فحين هي نترات يدها..شافت فيه مخنزرا
إخلاص:(بالغوات)تا لدابا عاد تفكرتي مرتك أاا؟؟تا لدابااا انااا..

كيشوف فيها كفاش تغوت..وتحرك يدها..وخصلات شعرها طير قدام وجهاا..عيونها لي كيلمعوو بدمووع..ورموشها لفازكين..ابتسم جنب وهوا كيشوف فيها..هز يدوو مبعد خصلاتها على وجهو..نطق وعينونو غرقانين فيها.مخليها تسكت مكاونسيا

أسيرم:توحشتك

204🥀
تزوجتها بوصية زوجها📜
الفصل2:هــوى الأزواج

سكتات تتشوف فيه..كتحس بلمساتو لي على وجهاا..

شدات يدوو تتشوفها فيها.

إخلاص:يدك ولات بيخير..

حرك راسو باه

إخلاص:اناا متوحشتكش

أسيرم:عارف

إخلاص:وممقلقاش منك حيت مشيتي وخليتيني

أسيرم:عارف.

إخلاص:وممقلقاش منك حيت مسولتيش فيا كل نهار.ممقلقاش

أسيرم:(بلل شفايفو)عارف

إخلاص:انا ممقلقاش منك..وعمري تقلقت منك..دير شنوو لي عجبك ..تا الا بغيتي تعاود ترجع منين جيتي مغنتقلقش منك.

حرك راسوو..باه..كيشوف فيها كفاش تتههضر وهي شادة يدو..وحانيا راسها..حس..بدمعهاا سخونة طايحا على يدو..
جرهاا لعندوو .بجهد..معنقهاا. خاشيها فصدرو لعريض..ومحاوطها يدوو..

حوطاتوو بيدهاا..كتبكييي…

إخلاص:متوحشتكش …متوحشتكش..

جرهاا لعندوو كتر..خشاا راسوو فعنقها كيستنشق عطرهاا..

نطق بصوت خفيف.

أسيرم:اناا بعدا توحشتك..توحشتك لدرجة يلااه حسيت برراسي قاد نتنفس..البعد عليك صعيب..صعيب.. بزاف.

هزات راسهاا فيه..تتشوف فيه ودموعها مزال نازلين..

إخلاص:لصعيب متبقاش تبعد.خليك معايا ديما..

شدد وجها بين يديه..كيمسح دموعها..ولبسمة فشفايفو

أسيرم:غنفهم من هضرتك بلي البجيغيطة ديالي مبقيتيش مقلقا منيي..

دفعاااتوو.. تمات غادة..

إخلاص:مقلقااا..مغتراضينيش بجوج كلمات..هضرتك مغتارش فيا مكانش سبب يشفع لك اش درتي

زادت غادة..مخلياه واقف..كيتنهد..بزربا رجعات عندوو..شبكات يدها مع يديه..جارااه..بلا متهضر..فحين هوا اكتفا بضحكة خفيفة..على حالتها..

“المرابطييين”

كاانت داخلا لمرابطين..لابسا سروال جينز مع قبية فلكحل..طالقا شعرها ومكياج خفيف..دايرا القب دلقبية على شعرها..

زادت لاستقبال..يلاه بغات تهضر وهي تعطس..

مدات لها سناء كلينيكس

سناء:ياك لباس ادكتورة

سكينة:انا بيخير..غير مرضت بسباب وحد لحمق..عطيني لبروغرام دليوم..

قربات..منهم وحدا من للمرضات.

….:فدكر لحماق..شفتو رجع

سناء:انا واحد من لحماق لي رجع

…:موول لووز..شفتو طلع عند فوزي

سناء:وايلي متكوليهاش..عاوتاتي غنبقا نتجرجر معاه فلمحاكم..مكتجيه لحالة غير قدامي

سكينة:على اشمن حمق تتهضرو شكون هدا.

سناء:واحد اسوء من لحمق لي مرضك..غيقلب لمرابطين راس على ساس..(شافت فلممرضة)غنستاقل قبل ميبدا يتنمر عليا عاود

الممرضة:نستاقلو بجوج..لعاود قالي طرينبويا غنتاحر.

كتشوف فيها..مطلعا حواجبها..جرات لبروغرام.

سكينة:بحالا زدتوو فييه..

تمات غادة مخلياهم..

Leave a comment