Skip links

قصة : تزوجتها بوصية زوجها ج 14

 10,609 عدد مشاهداات

205🥀
تزوجتها بوصية زوجها📜

كالس قدام..فوزي حاط رجل على رجل..كينقب فلوز..
فوزي:حليتي لقضايا لي ترفعو عليك
ينيس:اه داكشي سديتو هنا فلمغرب نتا عارفني كنت برا.
فوزي:سيد لي هرستي ليه يدو ع
كان مصر ميسحبش دعوة كفاش قنعتيه؟
ينيس:هرست ليه تانياا.
فوزي:(حرك راسو بلا حول)نتاا طبيب ناجح..فخدمتك..والمرابطين بحاجتك..حاول تبعد على لمشاكل..على وجه باك لي عيان.
ينيس:الله يشافيه.(مد ليه لوز)تاكل لووز..
فوزي:حرك راسو بلا
ينيس:تبغي كريكعات زوينين لعقل
فوزي:قلبتيها كركاع..نتمنا ينفعك..ليوم بدا لخدمة..عاونهم فلمستعجلات بزاف دناس كيجيو مهرسين…على ميقدو لك مكتبك..
تم نايض..
ينيس:وخاا اسي (سكت)
فوزي:فوزي..لكركاع كاع منفعك
ينيس(حرك راسو باه)فوزي لقجع ..غنتفكرك بيه باش منساكش
زاد خارج مخليه..توجه..لاستقبال..
غير شافتوو جااي هزات تيلي دارت راسها تتهضر..فحين لممرضة لي تتكون..معاها..هزات لملفات مخبيا وجهاا..
حط يدو متكيي كيشوف فيهم..
ينيس:طرينبوياا..كاين شي حد مهرس فلمستعجلات
نزلات لملف..مخنزراا فيه.
…:معرفتش اسي طبيب.
كياكل..ويهضر..

ينيس:غنمشي نشوف راسي(خنزر فسناء)قلبي تيلفون المكلخاا..
زااد لامستعجلات..كيشووف فلمرضاا..ولاطباء كيتجراو معاهم..تكا على لحيط..كيتمنضر…زاادت عندوو واحد لمرا..
…:نتااا طبيب
شااف فبطاقتو..وطابليتو لبيضة.
ينيس:لاا سكريتي
…:لالا طبيب..باينا فيك
ينيس:ولبينا لاش تتسولي
…:اه اخويا انا قلبي كيضرب
ينيس:بغيتيني نسكتو لك؟سيري لطبيب دلقلب ينفعك (مد لها لوز )تاخدي لوز زوين لقلب..
زااد غاديي..زاد عندوو واحد شاد فمرتوو..
…:نتا طبيب
ينيس:انا لقابلة
…:مرتي
ينيس:متشرفين..وانا مالي ومال مرتك.
…:دخلت عليها ومسالش دم بغيت نتاكد بلي هي كانت بنت..
شاف..فمرتوو..لي باينا فيها دريوشة حانيا راسها تتبكي

ينيس:ولاش جايبها لمستعجلات..ديهاا.لجهة خرا..

…:ديتها وحيت بديت نغوت جراو عليا قالك درت شوها.وشش انا ممحقيييش نعرررف مىر.
ينيس.(شار ليه بعينيه يقرب)قرب قرب..

قرب ليه راجل..تهزز..منين قاسوو لتحت..
غوت يانيس بصوت عالي
ينيس:سمحييليي اختييي سمحييي لييي..لمشكل ماشيي فييك..لمشكل فاداة لحفر..دودة اخوياا حدها تحفرر تفاحة ماشي جبل…تااهداا خصوو غار غار..ماشي شي وحداا جديدة..
….(مخرج عينو فيه..باغيه غير يسكت)سكت سترني الله يخلييك..
مد لييه لوز
ينيس:تااكل زوييين لتكبييير(شاف لتحت)
شدوو من عندوو كياكل..بزربا..فحين يانيس ضرب..فكتف لبنت
ينيس:ستريه اختيي..متعرفي يطوال مع زمان..
زااد غادي..مخليهم..شاف ولد صغير .شاد على يدو كيبكي..
زاد عندو.
ينيس:مالك؟
نطق وخناينو نازلين؛طحت عليييهااا..
ينيس:عليك كنت نقلب.(شار لممرضة)سيري وجدي ليه غنخليوه يدير راديو نشوفو وش هرس ولا غير تفدع..
نطقات لمرا لي معاه:وش تقدر تحيد ليه لحريق اولدي
….:ماشي سوقك نتي الحمارة
شاف فيها وشاف فيه
ينيس:علاش تتقول لها حمارة وهي كبر منك
رجعات خطوة لور حاسة بلاحراج..نطقات وهي حانيا راسها
“ماشي مشكل ولدي كيهضر غير بلحريق”
ينيس:ولدك…تقديي تمشي تقلبي لي على لممرضة لي صيفطت دابا..انا غنقص لحريق لولدك..
مشات فحين..هواا شاف فلولد.
ينيس:شحال فعمرك؟
…14 لعام
ينيس:عمروو ركلك حمار

حرك راسو بلا.
ينيس:غنخلي لحمار يركلك ليوم..وتكره تخرج سميتو من فمك..
قرب ليه..جاروو من يديه..كيفحصوو. بلاا ميحاول علييه.ولولد كيغوت بجهد ويتقطع

زاادت عندو..كتشوف فيها
إيناس:بعد منوو راه غير طفل
ينيس:داكشي دحقوق طفولة معنديش معاه..كن تزوج كن ولد قدي.
إيناس:خويااا وش مغديرش عقلكك..
ينيس:تعاود تقول لماماك حمارة؟
كيحرك راسو بلااا ويبكيي..
ينيس:لجنة فين

….:(بالخلعة)عندك اعميي
ضربوو لراسوو..
ينيس:تحت رجلين مك الحمار..كنضن ممهرس غير تفدعتي..بغيتي نتاكدو عاين راديو..
ناض بحري عند موو..
…:خلينا نمشيو انا بيخير.

شاف فينيس ضاحكا:يديك مبروكة اطبيب
شاف فيها وشاف فلولد..غيؤ خنزر فيه..طاح على رجلين مو كيبوس
…..:لجنة تحت رجليك اماما..
تلاح كالس بلاصة..لولد
ينيس:كنكره لبزاقل..مبروك سمعت تزوجتيي..معرفتش اش كان واكل تا تزوج بيك
206🥀
تزوجتها بوصية زوجها📜
الفصل2:هـــوى الأزواج

كلسات حداه مخنزرا..فيه..قربات ليه معنقاه.

إيناس:توحشتك خليتي بلاصتك
ينيس:لكلت نفس لهضرا غنتسما كداب.

بعدات عليه مخنزرا فيه.

إيناس:كتبقا نتا نتا..متتبدلش…وش زرتي بابا وماما

ينيس:لاا..سمعت بابا كان عيان

إيناس:اه كان دار اكسيدون هادي شي 6 شهور..ولكن باقي مدرور منهاا..

ينيس:اه الله يشافيه مسكين

إيناس:رااه باباك..كفاش تتدعي معاه كشخص غريب

ينيس:علاش وش مكيقولوش الله يشافيك؟(تم نايض)دابا نمشي نزورهم محد مكاين حد محتاجني هنا..

إيناس:سير غتفرحهم.

ينيس:كنفكر نهز زرواطة ونوقف فباب لمستعجالات..لي جاي يتفلا ويشد بلاصة ناس لمقصحين نجمعها معاه.

إيناس:خلييك منهم وسير..

ينيس(خشا يدو فجيب)فينو عريس لغفلة..مفهمتش كفاش قبل يتزوج بيك..وبيني وبينك خوك انا وش سحرتي ليه؟

إيناس:كفاااش؟؟؟انااااا ..لييه هوا..بزااف عليه..غنمشيي انا لي حماغة جاياا نشوفك..

تمات غادة.

ينيس:نتي حماغة بلودنين..نحلف عليها وكلتيه زنطيط لكلب..(دور عينو)عندو زنطيط بعدا.

بعد ساعات..

كان كالس..حاط رجلو على طبلة كيتفرج فتلفازة..تهز منين سمع دقان..زاد حال لباب..صغر عينو منين شافها..وشاف فلفاليزا

عدنان:اش جايا ديري هنا؟

إيناس:جيت لدار راجلي لعزيز..

دفعاتو وتمات داخلاا..

إيناس :قلت لك غنجي نعيش معاك..مجااتش انا مرتك ونبقا فدار بابا..خصيصا منين رجع خويا ممستعداش نسمع لهضرتو زينة..

عدنان:متاكدة بغا تعيشي معايا أا؟

كيقرب لها وهي راجعا بلور تا كلاها لحيط

حط يدوو على خصلات شعرها..رسم على ثغروو ابتسامة واسعة

عدنان:قولت لكك هاااد زواااج غيكوون على حقو وطريقو وخا كنكرهك..ومحدك جايا الا وقابلا بيه

سرطات ريقهاا ..مغمضاا عينيهاا وهي تتحس بلمساتو.

إيناس:محديي قبلت بييك..الا وانا راضياا بعذابك..

طكااها بيدوو..مع لحيط…نزل وجهوو مقرب لشفايفهاا…قلبات وجها لجنب منين حسات بانفاسو على وجها..بزرباا هزات لفااز دلورد لي كان حداهاا…ضرابووو بييه لراس..

حطط يدووو على راسوو..راجع بلور..كيشوف فييهااا..مصدوم..

بدورها تتشوف فيه مصدومة..ويدها كيرجفوو..

عدنان:يااااك قولتييي راضياا بكولشيي.

إيناس:ديزوليي..أنااا اناااا(تنهدات بجهد)مكنحملكشش منقدررشش ..حاولت نبززك علياا ولكن رااه (سكتات لثواني ونطقات).انااا..أناا مكنبغييش رجااال كنميل لبنات.

وسع عينووو كيشوف فيها ويدو باقاا على راسوو

عدنان:شنووو هواا صمت تا صمت باش نفطر على لزبيانة..

طاااح على طولتووو سخفان.
على إثر الضربة لي خدا او بالاحرى صدمة

207🥀
تزوجتها بوصية زوجها📜
هــوى الأزواج

كانوو على طبلة دلعشاا..كياكلو فجوو دسكات..

إخلاص:توحشت دارنا..مرة مرة كنا نجيو انا ونضال نكلسو هنا..ولكن مقنقدرش نطول فيها بلا بيك..المهم هي بقا نقية..ديما كنقيها حيتاش عارفا..بليي كيعجبك لحاجة نقية.(هزات راسها فيه)اناا منين فكرت فلموضوع لقيت عندك لحق

اسيرم:فاش عندي لحق؟

إخلاص:انك تبعد..عليا..ومتعيط..من حقكك..عادي اي واحد بلاصت ايدير بحالك..نتا
من نهار تزوجتيني وحياتك لور غير لحوايج لخايبين لي وقعوو لك خصرتي بزاف ..ختك عمك..وضريتي فصحتك..خصرتي بزاف

ابتسم لها
أسيرم:ربحت بزااف

إخلاص:باركة مضحك على راسك…نتا خصرتي ..اش ربحتي أاا؟

أسيرم:وليت نجي لدار ولقاا مرا تتعايني..مبقيتش مضطر نطيب ولا نخمل

ضحكات ..تا تكمشوو عينيها

إخلاص:تضحك عليا ياك نتاا دارك كانت مرتبا على حياتي واناا غير خربقتها لك.وماكلتيي ماشي صحية كيف نتاا تتبغييهاا..انا غير خربقت لك حياتك..

أسيرم:بصح نتي غير خربقيتيني

تحجرو عينيها بدموع..

إخلاص: لاش تبقا متشبت بياا خلينا..

حط يدو على فمها..مقرب منها..كتحس بانفاسوو على وجها..نطق وعيونو غرقانين فيها

أسيرم:خربقتيني ولات بالنسبة لي احسن ماكلا هي لي من يديك…وليت نعرف لحاجة فين حطيتيهاا وبلعاني كنسولك باش تعطيهاا لي من يديك.
.وليت نضحك غير حيت نتي ضاحكاا..(سرط ريقوو)ونكعاا غير حيت شفتك كاعياا..

بصحح خربقتينيي..مبقيتش تنعرفني حياتي تخربقات كولشي بعد..وبعدت على كولشي
ولكن علاش اناا فرحان..؟؟؟علاش وخا خصرتهم فرحان..؟؟؟عمر كنت فرحان وانا معاهم بحال هكدا..علاش ممم؟بصح خربقتيني كنحس بهدا كيضرب(هزز يدها حطها على قلبو)كيضرب وانا معاك كتر ميضرب وانا حال راس شيحد فالعملية..بصحح خربقتينيي ..قوليلي اشنو خصني ندير.؟؟..نشوف طبيب لقلب حيت قلبي كيضرب.؟.ولا طبيب لعنين حيت عيني مكيشوفوش غيرك..؟ولا طبيب العضام حيت قد مبعدت وحاولت نهرب كنلقا رجليي جابوني لعندك..؟

بعيون ناعسا شاف فيهاا..

اشنو ندير يالي مخربقا حياتي اش ندير؟؟

حساات بقلبهاا غيووقف من هضرتوو..حسات بيه غيخرج قدامو..قرباات وجهاا منوو..حاطا نيفها على نيفوو.

إخلاص:نقولك اش دير أاا؟بغينيي بغيني لدرجة متبقاش تبعد علياا مزال..عطيني قلبك لدرجة متقدرش تبعد تا نهار ماشي6 شهور

خشاا يدو فشعرها جارها لعندو..نطق بحنية

أسيرم:طلبي شي حاجة خرا اما قلبي ديتيه من زمان.
وسعات عينيها منين حسات بشفايفو على شفايفها

ا208🥀
تزوجتها بوصية زوجها📜
الفصل2:هـــوى الأزواج.

كانت كالساا..كرشهاا عند فمهاا..

زادت حداها نضال..مدات لها كاس دلعصير كلسات حداها.

نضال:شربي زوين لك.

حياة:غيير كنشرب شي حاجة كنجري لطواليط

نضال:عادي..غير شربي راه زوين لك..

حياة:اوا سمحي لي تقلت عليك

خنزرات فيها:منيتك..راكي غير موانساني..انا لي مخليتكش تمشيي .انا لي بحاجتك..

حياة:وش اخلاص مغتجيش ليوم؟

نضال:لاا..قالت اتبقا فدار..جا راجلها.

حياة:وراجلك نتي امتا ناويا تشوفيه.

نضال:مراجليش..درت انا وياه مور 7 شهور غيخليني نشوف بنتي…بقاا لي شهر راني صابراا..
كيف صبرت سنين لي دازو

حياة:تا لدابا مزال مفهمت لاش تفارقتو كنتو سمن على عسل..

تمات نايضاا..

نضال:غنمشيي نعس..تصبحيي على خير..

زااادت لبيتهاا..تلاحت على سرير..هزات تيلي ..بانت صورة وصورة بنتو فشاشة..تنهدات بجهدد..

نضال:توحشتك..مدة مشفتك..انا عارفا بلي هاد لمرا كانت لخراا..عارفااا..

حطات تيلي على قلبهاا..سهات للحظة..تتفكر هضرتهم فلكلينيك..

نضال:خصني نقولك شي هضراا..

هز راسو فيها

داوود:وش شي هضرا زوينة..؟نتي تتشوفي حالتي..بغيت نسمع غير لهضرا زوينة من لسانك.

نضال:من بعد شي لي عشتو..ولي نتا عشتيه..قررت.

داوود:تا انا قررت..حنا انا ونتي وبنتناا..عائ.

قاطعاتو

نضال:نتفارقو..بمرة..عرفت بلي شي لي كنكنو لك ماشي حب..مجرد اششتياق للماضي..اتر عليا دواء خربق لي لهرمونات..خلينا نتفارقو هاد لمراا ..منعاودوش نتلاقاو.

تهزز من بلاصتو كالس .حط يدو على كرشو كيتوجع..تهزات عندو..

نضال:تكاا نتا مر..

نتر لها يدها..شاف فيهاا مخنز

داوود:وشش كنبان لكك حمار أاا؟وش كلب ديالك انااا…كنحاول نساال اش درتي كنحاول رجعوو كي كنا..ونتيي تتقولي نتفارقوو..شوووف فياا وش مكتوبة حمار فجبهتي أاا.

نضال:هدا كان احسن قرار ليك ولياا..صافي انا اقتانعت متخلاقيناش لبعض..

داوود:عييييت..اناا عيييت..عيييت منجري مورااك عيييت..عييت مندل على يديك..عيييت..من كولشي..تا بغيت رتاح..ونتي بغيتي تبعدي..كن كنتي تتبغيني كاع مغتعدبيني هكدا.بغيتي لفراق..صافي وخا..غنتفارقوو..مغنوريكش وجهيي مزال..

رجع متكيي..نطق بغصة وحرقة

داوود:مور7 شهور فاش غنتاكد انك وليتي بيخير غنخليك تشوفي بنتك..غنوفي بوعدي..ودابا تقديي تخرجي باغي رتااح..

قلب وجهو لجهة خراا..

زاادت خارجا بلا متنطق..شادة دموعها عندها..حلات لباب بانت ليهاا..بلا متنطق شافت فيها..ودموعها نازلين وزادت.
209🥀
تزوجتها بوصية زوجها📜
الفصل2:هـــوى الأزواج

حطات صباعها على صدرو..كتبعدوو بشويا منين سمعات لدقان..نطقات بصوت خافت.

إخلاص:شيي حد كيدق

سرط ريقوو..بعد عليها..مدوز يدوو على شعروو..

أسيرم:كتعايني شي حد؟

حركات راسها بلا.

أسيرم:رتاحي انا غنوض نحل.

تم نايض متوجه..لباب..ميل راسوو منين بان ليه واقف..بكوستارو لكحل..شاد ملفات فيدو

أسيرم:عميي..ياك لباس؟

فوزي:نتاا هناا..فرحت منين شفتك..اشنوو وش غتخليني هناا؟

اسيرم:تقدر دخل.

زااد داخل..توجهو لصالة كالسين..

زادت عندهم اخلاص..

اخلاص:سي فوزي تشرب شي حاجة.؟

فوزي:شي كاس دلماء صافي.

حركات راسها بوخا..تمات.غادة..لكوزينة..

فوزي:امتا رجعتي؟

أسيرم:ليوم.

فوزي:امتا غتجي تزورنا عبلة توحشاتك.

اسيرم:مغنجيش.

فوزي:باقي قلبك شاد فجيهتي..قولتي زمان غيداوي كولشي..وش مزال منساك فاش درت

تنهد..بصوت مسموع:يمكن كنت غالط .زمان مكينسيش كولشي.

فوزي:نتمنا تنساا..وترجع..ختك ندمات..وانا ندمت..مديهاش فيها غير وحدة طايشا..نتا لي خصك توريها طريق..
المرابطين بحاجتك..وبلاصتك ديما غتبقاا تم..امتا مبغيتي ترجع رجع..على قبل باباك..لي كان يحلم..بيك..تما..وعلى قبل مرضاك..لي كيتعدبووو..

زاادت عندهم..حطات لماء على طبلة..شاف فيها فوزي..

فوزي:اش خبارك ابنتي..دزت عندك لدار نضال..قالت لي راكي هنا..

إخلاص :بيخير حمد الله.

فوزي:تشوشت عليك منين مجيتيش لخدمة..(مد لها ملفات) راجعي معاك هادو

شداتهم..وهي متوترا من نظرات اسيرم..

اخلاص:طلبت من سناء تكلف..ليوم..

اسيرم:(ميل راسو)اشمن خدمة؟

فوزي:مرتك ولات سكريتيرة ديالي وش مفخباركش.

طلع حواجبووو..كيشوف فاخلاااص…

أسيرم:(كارز على سنانو)لا فخباري غير نسيت

فوزي:اوا نخليكم مشا لحال.

تم نايض غاديي..واسيرم تا بعوو..غير سد لباب خنزر فاخلاص..

اسيرم:اش هادشيي اااا؟؟

إخلاص:كنت غنعلمك غيررر

بالغواات:غيييير أششش غيييير اشش…كفااااااش قدرتي تخدمي معاااه بلااا خباري دوييي أاا

(شدها من يدها مزير عليها)انااا رااااجلككك…وش فهمتيي راااجلك…نفس لتنفستييي خصنييي نعرف وش فهمتيييييي؟؟؟210🥀
تزوجتها بوصية زوجها📜
الفصل2:هـــوى الازواج

نترات يدها بزعااف..

إخلاص:وشش متقدرش تهضررر بلعقل بلا غوات.

أسيرم:لعقل؟؟وششش خليتييي لييي شييي عقل…وش خليتك مخصوووصا من شيي حاجة باااش تمشيي تخدميي معاه دويي؟؟

إخلاص:الفلوس ماشي هما كولشييي..انا ملييت ..من لكلاس..وديبلوم عندي بلا فايدا..بغيت نستاغلو ونخدم..

اسيرم:آه وملقيتييي غييير عميي..نتييي اكتررر وحدة عارفااا اش وقع..نتي اكترر وحدة عارفااا اش عشت..

إخلاص:كولشي ماضي انا نسيت وتا نتا نساا..

أسيرم:سمعينيي..(بالغوات)سمعيينيييي غتنساااي هاد لخدمة فهتييي غتنساايهاا..ومن ليوووم اي حاجة درتيهااا تشاااوري معاياا انا لول..فهتييي وش فهمتييي

إخلاص:خدمتي عجباني لنتا تخليتي على خدمتك..انا لا..ممستعداش نتخلا عليها..وكن بغيتي نعلمك..كن عيطتيي..نتا غابر 6 شهور..كن عيطتي وسولتيي اش كندير وش تبدل .كن علمتك…دابا نتاا معندكش لحق نهائياا تلووومنيي..وش فهمتييي..معندكش لحق..

شدد يدهاا..هزهاا قدامهاا..

اسيرم:محددد هاااد لخاااتم فصباااعك الا وعندييي لحققق…الاا غبرت فعنديي سببي..فهمتيي..ودابا بلا متجهليي ميي..كولشييي نقبلووو الا مرتيي تخدم عند فوزييي…بلاا متخلينيي نتصرف معاااك خاااايب

إخلاص:علاش مالو فوزي..وش ماشي عمك .نتا عارفو اش كيسوااا..وهوا مستحيل يضرني..على داكشي غنبقاا خدامة..معاااه..(نترات يدها)وهاد لخاتم مغيبدل والو

تمات طالعاا لبيتها بزرباا..فحين هواا ركل طبلة بلعصب تا قلبها…نطق وهوا كارز على سنانو..


انااا عااارف أناا لي عارف نتي معرفا والو”

طلعات لبيتها..سدات عليها…ويدها على قلبها..

إخلاص:مصحابنيش غيتعصب هكدا..نخرج نعلمو بلي غنعوض سكريتيرة لاصلية غير شي شهور وخالتو لي طلبات نخدم مع فوزي لبغيتو يرجع لكلينيك..؟لالا غنسد فمي .ولكن علاش تعصب هكداا..(حطات يدها على شفايفها..منين تفكرات قبلتو ليها..ابتسمات بلا شعور)غنصبرر..اكيد غيرطاب من بعد..اكييد مغيبقاش مقلق مني ..هوا قال بلي ديت قلبو وش هادشي كيعني انو كيبغيني؟211🥀
تزوجتها بوصية زوجها📜
هـــوى الازواج
صباح جديد ونهار..جديد..فاق عاقد غوباشتو..توجه لدوش خدا دوش..خفيف..لبس قميجة فزرق لمغلوق مع سروال جينز كحل..مشط شعرو لور..داار ريحتوو..وركب ساعتو..وتم خارج

بان ليه باب بيتها..محلول..وهي مكيناش..نزل لتحت..لقا لفطور..وعلى طبلة ورقة صغيرة..كاتبا فيها.
“انا مشيت لخدمة”كمشهاا مزير على يدو

اسيرم:غنشووفو عنادك فين غيوصلنا
زااد خارج..وهوا زعفان..

كانت داخلا لكلينيك..لابسا كسيوة بيضة حد ركبة مع صبرديلة كحلا…طالقا شعرها ومكياج خفيف..
داخلا وهي تتشوف موراها يقوول هارباا..

زادت لاستقبال.عند سناء

إخلاص:صباح لخير.
سناء:صباح نور..شفتك مبكرا
إخلاص:لبارح مجيتش قلت نجي بكري ليوم.
سناء:اوا سي فوزي مزال مجاا..شي ساعة ونص على ما يوصل..
إخلاص:ماشي مشكل.
سناء:اوا غديري فيا خير لجيتي لبلاصتي خمسا دقايق نمشي لطواليط ونجي..محد دنيا كالم

إخلاص:وخا ومتعطليش.
زادت لبلاصة سناء لي توجهات لطواليط..
كلسات تتقاد لها لملفات..وترتب دنيا..هزات راسها منين سمعات شخص هضر..
إخلاص:نعام.
كياكل ويهضر:وش لقجع وجد لي لمكتب ديالي .
إخلاص:(كدور عينيها)شكون هاد لقجع؟
ينيس:مول شي(شاف فيها)جديدة نتي.؟وش جراو على سناء؟
إخلاص:لا لبات نداء طبيعة.
ينيس:(مد لها لوز)خودي لك لوز
شافت فيه وشاافت فيدو..شدات من عندو..كتنقب
إخلاص:وش نتا جديد هنا؟
ينيس:علاش وش باينا فيا جديد..اكيد مغتكونيش شفتي شي حد زوين بحالي فهاد لكلينيك دشارفين
إخلاص:كترتي من كلوريكس…..
ينيس:نعدرك وحدا بحالك اش فهمها..فزين..(تم غادي)فاش تجيي سناء كولي لها سول فيك يانيس..غتفرح ..
تنهدات بجهد..هزات تيلي منين سمعاتو كيصوني.
إخلاص:ويي مستشفى المرابطين

…..:وقعاات كسيدة..لحافلة نقل مدرسية..داباا غيوصلو3 ديال سيارااات لاسعاف..خليو لكلينيك متأهب..غنخرجوو لخرين ونصيفطوهم..
حركات راسها بوخاا..غوتات بجهد
إخلاص:دكتوور يااااانيس

دار كيشوف فيها..زادت عندو بجرا.
إخلاص:عيط لي المسعف..علمني بلي وقعات كسيدة..خاايبا لحافلة مدرسية .وغيجيبو شي وحدين حالتهم صعيبة هنا.معرفتش اش ندير؟
ينيس(قاد سماعتو)شحال غيجيو فلول ؟

إخلاص:3 فطريق.
وقفات عليهم سناء..
سناء:اش واقع؟
ينيس:سناء جمعي شحال قدرتي ديال لاطباء خاصة لانعاش وطب عام وصيفطيهم لمستعجلات.
سناء؛ولكن صبح هدا باقيي..مجاو.
ينيس(بالغوات)عيطيييي عليهم..وصيفطي اي طبيب هنا يقدر يعاون بغض نضر على تخصص(شار لاخلاص)تبعيني..
زااد بجراا..وهيي تابعااه..
دخل لمستعجلات..كيهضر بلغوات.
ينيس:ايي واحد هناا حالتووو مستقراا..يتفضل يخرج بحالوو..ولا يتحول لشيي..غرفة..بغيييت كاع لاطر تجمع هناا…غيوصلوووناا حالات صعاب..معارفين عليهم والوو …كنوو واجدين لكلشييي..(شاف فلاخلاص)خودي معاك ممرضة..وجيبي شحال مقدرتي داكياس دم لي فلخزان..
زاادت بجرااا.
.
كانت داخلاا ..بثقالة..وقفات منين نقزات قدامها سناء.
سناء:دكتورة نضال..جري لمستعجلات

نضال:اش واقع؟
سناء:شي كسيدة خايباا..
نضال:سلامة اربي…عيطيي لعدنان وسكينة وعلي..
سناء:عيطت لهم..راهم فطريق.
زاادت بجراا لمستعجلات..

واقف براا كيعاين..يوصلو سيارات لاسعاف..زاد كيجري منين وقفات وحداا..

نزل لمسعف..ولد صغير..مغيب..
المسعف:طفل ف11 لعام من عمروو..خصر بزاف ددم..فطريق..غالبا عندو هرس فعمودو لفقري..طريق كلها كيغوت بلحريق من تم..تا غيب
ينيس:هداا خليه عنديي(زااد دافعووو)تحركووووو دغيااا دغياااااا..
حطات ليه دم..وتمات..خارجا..تتشوف اش واقع.
وقفات لاسعاف تانياا…نزلوو راجل كبير..ناعس على كرشو وزااجة كبيرة فراسوو .شادينها..كيجريو بيه..
وقفات نضال حدا اخلاص.
نضال:من لافضل بلا متشوفي

المسعف:هدا شيفور..ضرر بزاف..زاجة. لي فراس معرفناش فين..واصلا بضبط…فعمروو خمسين عام كيعاني من سكري وانخفاض ضغط.
حطات يدها على فمها.
نضال:حالتو معقداا..انا نقدر نعاون فشي حاجة لي بسيطة .حيت ماشي تخصصي
إخلاص:وش غتخليوه يموت.
سدااات عينيهاا..منين طوش عليهاا..دمم..نتيجة المسعف لي رخا زاجة..شهقاات بجهد..موسعا عينها بصدمة.
زااد كيجري عندو..
أسيرم:دخلوووه دغيااا.. طلقناا..بشوياا على راسوو.(هز راسو فاخلاص لي عمرات دم،)نتي بيخير
حركات راسها باه..حول تركيزو لمريض..زاد بجرا معاه.
وقفات اسعاف تالتة..نزل لمسعف.
المسعف:بنت11 لعام..تغرس فيها زاج فكرشها..غالبا تمزقو اعضاءها داخليا..
زادت نضال بجراا..نزل لبنت..مدخلينها..حسات بيدياتها صغار شادين فطابليتها..وسعااات عينيها منين شافت وجها.. عينيها لي تغرغرو بدموع.نطقات برجفة

نضال:فيروزة
212🥀

تزوجتها بوصية زوجها📜

هــــوى الأزواج

كتشوووف فيهاا بلا مترمش..عيونها مغرغرين بدموع..فلحظة حسات بقلبهاا وقف..حاسة بكبدتها تتقطع..
شحال عاينات تلاقا بيهاا..شحال وشحال..لكن عمر تصورات انها غتشوفها قدامهااا..غرقانة فدمها..

خرجات شهقة مسمووعة ودموعهاا نزلوو بغزارة..غوتات بصوت عاليي

“بنتييييييييي”

رجعات خطوات لور على وشك انها اطيح..ضارت منين ضربات بصدرو.وحاسة بيه شادها

شافت فيه ودموعها نازلين..كتشهق مقداش تهضر.

كتردد بنتيي..بتمتة..وحروف متقطعين..وبين حرف وحرف تتنخصص بجهد..

شااف فييهاا..نطق بلغوات

عدنان:ماااشيي وقت لبكااا ماااشييي وقتووووو…(شار لمسعفين )دخلوووها دغياا اش تتعااينووو..طلقووووونااااااا

زااد داخل بجراا وهي تابعاه..تضرب مع دكتور علي..

علي:اشنوو حالتها؟

عدنان:دخلات فيها زاجة فكرشهاا.

علي:غنقلوهاا لغرفة لعمليات معندناش لوقت..غتدخل معايا؟

عدنان:معاك معااك..

زادت نضال بجرا شدات فعليي تتبكي

نضال:غندخل معااكمم غندخل معاكم

علي:ولكن نتي طبيبة نساء وتول د اش…

قاطعاتو بلغوات ..

نضال:اندخل مع بنتيييي غندخللللل…

شاف فيها مصدوم..مكانش عارف انها ببنتهااا..

عدنان:نضااال بلا متصعبيي لامووور..بنتك اتولي بيخير..هداا وعد …(شاف فعلي)خليناا نوجدوو راسنا لعملية

علي(موجه هضرتو لممرضة) عرفووو ليي زمرت دمهاا.
ونقلوها لعمليات.

نضال:A ايجااابي زمرتهااا ،A ايجابيي

زاادوو ناقليهاا لغرفة لعمليات..بجرااا..ونضال تابعاهاا بجراا..

كااان دااخل..لكلينيك غادي بثقالة..بانت لييه..سناء تتجري..توجه عندها

فوزي:اش وااقع؟

سناء:وقعات كسيدة خايبا (كتهضر بزربا)ولمرضى جابوهم لمرابطين..ناس لي كانو فلمستعجلات..فليل ..مشاو بكري..ودصبح باقي مجاو..جابووو لنا 3 دلمرضاا حالتهم خطيرة..وتيلفون محبسش..باقي غيجيو مرضااا خرين.. حنا اقرب كلينيك لبلاصة لكسيدة..ولاطباء دلانعاش وطب العام بحرا حضر غير علي وعدنان..شي لاخر باقي مجا..وروييينة اسيي فوزيي روينة

فوزي:تهدنيي..وتنفسيي..عيطي لمسعفين..علميهم بلي ناس..لي غيقدو يوصلوو عايشين لسبيطارات لخرين بصيفطوهم تم.حنا غيسيفطو لينا غير لي حالتهم صعيبة..وميسيفطوش لينا ناس لي جروحهم طفيفة

سناء:ولكن لي جروحهم طفيفة اكيد وليديهم غيجيبوهم لهنا..وراه شي وحدين جاو

دارت منين سمعاتهاا هضرات

إيناس:انا غنتكلف بيهم..

فوزي:وانا غنشوف هادو لي غيوصلوو جيبي لي صناطة..

شافت فيه مصدومة

فوزي:تحركيي وش نسيتي بلي من غير اني مدير لكلينيك كنبقاا طبيب..
213🥀

تزوجتها بوصية زوجها📜

الفصل2: هــوى الازواج.

كانت فلحمام..بمجرد متطلات بدم..توجها تغسل حوايجها..

كتغسل وتمسح..بلمشوار..ولكن طبعة والو مبغاتش تحيد..تفكرات راجل لي فراسو زاجاا قاسماه على زوج..

زادت بجراا كتقيا…كتغسل وجهاا.وتردد

“نساي اش شفتي نساي”

مسحات وجها وتمات غادة..
وقفات منين تفكرات كفاش دخل باش يعتق راجل..ميلات راسها وهي مكاونسيا بلاصتها

إخلاص:وش غيحل راس راجل؟

زاادت بجراا راجعا ترد..

كاان كيهضر..بلغوات…

اسيرم:خصررر بزاااف ددم..غنقلوووه لغرفة لعمليات معندناش وقت لي نضيعووو..

الممرضة:ولكن ادكتور عدنان دخل مع علي..غيخصنا نعاينو طبيب لانعاش..لاخر..

اسيرم:وجدوها محدو يوصل..وعرفولي زمرة دموو

الممرضة:مجاا حد من عاىلتو ومعندوش سجل طبي عندنا تحليل اياخد وقت..

اسيرم:سووو وجديي ،o سلبيي طلقينااا..وخليو ناس لي فلكلينيك يتبرعووو بدم…وتاكدي من ضغطو وسكر فدمو

حركات راسها بوخا وزادت بجرا..فحين لخرين نقلوو لمريض بشويا لغرفة لعمليات.دار موراه منين سمعو هضر

فوزي:وش غدير ليه لعملية بلا مدير لي راديو على راسوو..

أسيرم:معندووش لوقت لي يضيع..وبلا مدخل فخدمتي..لي علياا نقد لمريض..ولي عليك تسد فمك..

زاااد مخلييه..مصدووم من ردت فعلووو…وكفااش هضر معاه بوقاحة..

فوزي:هااد لولد خرج على سيطرة..(حرك راسووو بشوياا وعينو على اسيرم لي تابع لمريض)

توجه فوزيي..بجراا منين سمع سيارة اسعاف خرااا…

كاان ينيس مع لمريض..هز راسو منين غوت طبيب المساعد

….:لمريض..نبضووو كينزل..

زاادت بجراا..عندو..نطقات بصوت مسموع..

سكينة:خلييييه ليااا..

هزز راسوو فيها..قرن حواجبو..
بدورها شافت فيه.

نطق هي وهوا فدقة”نتيي نتاا”

شاف فطبيب لمساعد..

…:مؤشراتوو تتراجع

سكينة:وجدوو ليي لانعاش لكهربائي دغيااا…نبضووو شحال وصل؟؟

ينيس:نازل ل50..

سكينة:غيرجع غيرررجع..باقييي صغييير غيقاااوم..يلااه البطل يلاااه

قرن حواجبو مخنزر..

ينيس:ايييه دراما ديي..ديري اش بغا ديري طلقيناا..كن كان شعر يداوي كن داوا راسو.

ساطت بجهد محركا راسها بلاحول..

تقدامات تتعالج .لمريض..رجع نبضوو لطبيعي..بعد محقناتو..وصعقاتوو ..

خنزرات فيانيس..

سكينة:غنشووف لمرضى لخرين هداا..ليك.(خشات يدها فجيبها مخنزرا).غنشر شويا ددراماا..

كيشوف فيهاا بلا ميرمش..نطق بعدم اهتمام”تتسووطاي من حداياا تسوطاي”حول نضرو لمريض.

كانت غادة جاايا..فلكولوار..كطلب الله يعتق بنتها…جمعا يدها عندها ودموعها نازلين..

وقفات منين شافتوو..جاي كيجري..هوا وصاحبوو…شاااف فيهاا وهوا كيلهت ودموع محجرين فعينيه..

داوود:بنتيي (شد فيدها مزير عليها)فيروزة فيينهااا؟214🥀
تزوجتها بوصية زوجها📜
هــــوى الأزواج.

نضال(كتهضر ودموعها نازلين)ف..فف..فغرفة لعمليات.

داوود(خرج عينوو مصدوم)وش هي بيخير؟

نضال:مزال معرفاا والو

حطط يدوو على راسوو..غوت بجهد

“الله اربييي حفضهااا لي حفضهااا هي لي عندي”

حط صاحبو يدو على كتف داوود

منتصر:غتكون بيخير بنتك قوياا..غتفلت منهاا..

“بعد ساعات”

خرج عدنان من غرفة لعمليات تهزات عندو نضال..وداوود

نضال:بنتييي بنتييي

عدنان:وعدتك غتكون بيخير…الحمد الله زاج مقاسش اعضاءها داخلية..وقع نزيف صغير قدرنا نسيطرو عليه..غيخرج علي يشرح لك كثر على لحالة..غنمشي نعاونهم فلمستعجلات..وبنتك..شويا غتنقل لانعاش..

نقزات عليه..معنقااه..بحرااا حسات بروحها رجعات..فحين كتفا داوود..بيدو لي تحطات على كتف عدنان كتعبير على شكر

بعدات عليه منين شافت علي خرج..وهوا توجه لمستعجلات..

توجه لمستعجلات..صوت لبكاا مسموع من دخلة..بانت ليه..كتعالج جروح وحد لولد صغير…

توجه عندها

عدنان:واخيرا قررتي تولي طبيبة وتخرجي تحاربي فلميدان

إيناس:مغنتجادلش معااك

“كتحرك راسها يمين وشمال”

شاف فيها..تنهد بجهد

عدنان:وش عييتي من صبح ونتي هنا؟

ايناس:انا بيخير(شافت فلولد)رتاح شويا وغيمشي لحريق

حرك يدو بلاشارة..
شافت فعدنان..مفهماش اش دار لولد

عدنان:قالك شكراا..هادي مدرسة صم..ولبكم..ودراري لي عندهم نوع من لاعاقة..

بان تاتر على وجها ابتسمات بتسامة خفيفة..وقالت “العفوا البطل”

عدنان:شفت لاجواء هنا كالم..وش مجاوش حالات صعاب؟

إيناس:أسيغم وينيس باقيين فغرفة لعمليات..وجات حالة صعيبة تكلف بيها فوزي وسكينة..وباقي لحالات تكلفو بيهم اطباء خرين..

حرك راسو بمزيان..حطط يدوو على راسو كيتوجع

إيناس:باقي كيضرك؟
عدنان:هادشي بفضلك اانسة لزبيانة..
🥀تتمة214🥀

“بعد ساعة”

زادت متوجها لاستقبال عند سناء..

إخلاص:وش باقي لحالات دلكسيدة كيجيو

سناء:لاا..الحمد الله..هاد نهار داز صعيب .اصحبتيي تهديت.

إخلاص:وش ممات حد؟

سناء:ماتوو..دراري لي كانو على لموتور. جوج..بيهم ولكن لحم الله لبراعم موقع لهم والو

اخلاص:واش جاب لموتور لحافلة مدرسية؟

سناء:على حساب مقالو نقل كان غادي عادي تابانو قدامهم وحد جوج على لموتور..كيغوتوو ويتهزوو بيه راك عارفا. المراهقين..وعلى غفلاا طاحوو.
ودازو تحت حافلة..شيفور حاول يحبسها ويبعد جنب صدق قالبها..

اخلاص:متيحاولووش..لحياة قصيرة..كانو غاديين يقراو صدقو فكسيدة..(تنهدات بجهد)وش دكتور اسيرم باقي فلعمليات؟

سناء:اه هوا ويانيس لي باقين لباقي سلاو.

اخلاص:امتا غيسالي؟

سناء:معرفتش لاش تتسولي؟

اخلاص:أاا والو غير بغيت نعطيه شي وراق…نخلييك..غنمشي نشوف خدمتي بقيت مع نضال ومطليت عليها..

زادت غادة فلكوروار..شاافت..لناس كيشوفو ليها ولطبعة دم فحوايجها..

حركات كتفها بعدم مبالات..

زاادت بحالها..وقفات مكوانسيا..

إخلاص:ياكما دم طوش عليا تا من لووو..

محساات غير بيدين على كتفهاا..
دارت تتشوف فيه..وهوا كيلبس ليها طبليتو لبيضة..فحين هوا بقا بسكراب زرق..

هزات راسها فيه..

إخلاص:وش ساليتي عمليتك

حرك راسو باه

إخلاص:وش عتقتي لمريض؟

حرك راسو باه..وهوا مشغول كيلبس لها..

إخلاص:دم عادي فلكلينيك .

حرك راسو باه..بلا ميهضر بعد عليهاا..وتوجه لمكتبوو..وهي تابعاه بخطوات سراااع..

دخل ترماا على لفوطوي لي تم..حاط يدو على راسوو..

سدات لباب تكات..عليها..

إخلاص:لاش متتجاوبنيش وش نتا باقي مقلق مني؟

أسيرم:خرجي بغيت رتاح..

زادت جارا كرسي كالساا قدامو..
حيد يدو على راسو مخنزر فيها..

إخلاص:قولتي باغي ترتاح ماشي تبقاا بوحدك

أسيرم:باغي رتاح بوحدي.

إخلاص:,حسبني مكيناش مغاديش نهضر

أسيرم:على هاد لحساب انا لي غنخرج .ونتي سيري قابلي خدمتك لي ميتا عليها..

تمم خاارج..مخليهاا مصدومة من ردة فعلووو
215🥀
تزوجتها بوصية زوجها📜

“هــــوى الأزواج”

زااد خارج وهي تابعاه وقف منين وقفاتوو سكينة..تتستاشر معاه فوحدة من لحالات..فحين عينين اخلاص..عليه…سرطات ريقها تتحاول تسرط غصتها..

شافت لتيلي تيعيط..هزاتو مجاوبا

إخلاص:انا جايا اسي فوزي..

تمات غادة وعينين اسيرم عليها لي سمع هضرتها..

أسيرم:صافي خلي ضوسي ديالو عندي ومن بعد ورد عليك

سكينة:وخا شكرا …وفرحت منين رجعتي..

ابتسمات ليه..فحين هوا حرك راسو..وكل واحد توجه لخدمتوو..

زاادت غادة..توجهات لغرفة راحة..مع دخلا بان لهاا كالس شادة كاس دلقهوة فيدو..زادت عندوو..

سكينة:كيف بقاا لمريض؟
ينيس:بيخير.
سكينة:موقع ليه والو

ينيس:غالبا مغيعاودش يتمشاا..

وسعات عينيها حاطة يدها على فمها

سكينة:مسكين باقي صغييير..
ينيس(ببرودة)مسكيين
سكينة:حاول تبين انك تاترتي شويا..لولد من مدرسة دناس لي اصلا دصم لبكم..ويزيد يخصر رجلوو..راه وخا حجر خصو يبقا فيك

ينيس:ربي منين كيبغي ينزل لخير كينزلو فدقة

سكينة:لمعندكش لمشاعر ..حاول تبينهم وخا غير كدوب

ينيس:(ناض مخنزر فيها ..)ميكونوش عندي لمشاعير حسن بزاف من اني نتصنعهم..
(زاد غادي..وكاس لقهوة فيدو)قلت لك مباغيش نشوفك ولكن بان لي غنتشاوفو بزاف..

“فجهة خرا”

كانت كالساا تتغسل وجهاا فدوش..حاسا بعضامها تهرسوو ..بلعياا..

شاافت بنت..داخلاا حداها..تتقاد عكارها…رجعات تتغسل فوجها بلا متعطيها اهمية..تهزات منين حسات بيها قاستها من لور..

وسعات عينيهاا..وشافت ..مصدومة فلبنت لي تتعض شنايفها.وتتنطق بتحلوين
“kiss me بوسيني”

إيناس: مي سي پاا پغيي اش تتخربقيي نتيي اش غنبووس فيك.؟

حوطاتهاا لبنت مع لپاڤو..وهي بقاا تتردد

“kiss me bb kiss me”

وكتلمس فايناس لي غير مخرجاا عينيهاا مصدومة..دفعاتها مبعدااها..

إيناس؛مبقيتوو تحشموو كترتوو كترتوو..

زاادت اتخرج..وهي لبنت تعنقها من لوور..

….:فين غادة احبيبة kiss me بليز..

دارت عندها معصباا..

ايناس:هاني غنكيسي مككك..

دفعاتها طايحاا..وطاحت فوقها تتنتف وضرب..ولبنت تحتهاا تتغوت..

غوتات بجهد

“””وعدنان عتق عتق راه طلعات دورجين”

أراءكن توقعاتكن واشهارتكن

Leave a comment

  1. متبقاوش تعطلوا عفاك حطي لاجزاء لاخرين قصة روعة تبارك الله عليك 😍😍

    1. l9isa fi tawr alkitaba fach kat7at al katiba chi7aja rah 7ta 7na kan7toha chokran