Skip links

قصة : انقدوني شبح يلاحقني 3

 1,922 عدد مشاهداات

👻 انقذوني شبح يلاحقني 👻 انقذوني
البارت:51
بقلم/Hayat Jamali
أحن إليك
فأنت الحنان وأنت الأمان
و واحة قلبي،إذاماتعب
أحن إليك حنين الصحاري لوجه الشتاء
وفيض السحب،أحن إليك حنين الليالي لضوء الشموس لضوء الشهب
قرأنا عن العشق كتبا وكتبا وعشقك غير الذي في الكتب
لأنك أجمل عشق بعمري
إذاماإبتعدنا إذا نقترب وعيناك
إني أخاف العيون شباك لقلبي
بها تنتصب،سهام تطيح بقلبي وعقلي
إذا ما أصابت .إذالم تصب فإن مت شوقا أموت شهيدا وإن مت عشقا فأنت السبب❤️💞
طلق ايديه من عنقو وهو يطيح الارض كيتنفس بصعوبة كان شوية و يموت بين ايديه
سيف:ياله قول ليا كلشششي سربي ما عنديش الوقت
أمجد:كيهضر وهو كينهج و كيحك عنقو والله ما عاااارف والو ضربت طونيبلتو يمكن كان غير خطة منو باش يتقرب مني قال ليا باها مول مجموعة صنع سيارات و قال ليا يهضر مع باه…. من بعد تلاقينا و قال ليا شروق خطبيبتي و بغيتها جيت نهرب حيت عرفتو عرفني و رجع خطير تشللني من الحركة و نقلني لمكان عمري شفتو ولا عرفتو
سيف:فين جا هدا المكان
أمجد:مااا عرفتش والله ما عرفتش داكشي تحت الارض ولا قبر ما عرفتش لكن بان ليا كهف
سيف:كهف العصر الحجري فاش عايشين
أمجد:عااايشين هما اااااه هما عاااايشين واش تسحاب داك العالم تاعهم ماشي تاعنا انا بان ليا هدوك جنون ولا كيخدمو جنون و العفاريت ولا ما عرفت اشنو كيفاش واحد طيرني لمكان اخر غير بخاتم على شكل جمجمة هددني هو و مرا الى ما جبتك و شغلتك حتى يوصلو ل شبح تاعهم غادي يقتلوني اشنو بغيتي ندير هذشي لي عارف
سيف:شاف فيه باشمئزاز طول عمرك حمار الكلب الغدار
أمجد: هدا قانون الحياة و الروح تاعي ماشي رخيصة بسبابك من نهار نبشنا القبر وقع لينا هذشي دابا نصيحة سير فحالك ونسى هدشي كيف قلت ليك هذشي صعيب عليك
سيف:نصيحتك خليها ليك الحمار ربي غادي يحاسبك الضعيف النفس قالها و خرج
شاف ف الدنيا لي بدات كتظلام زير على ايديه بالم ما كانش عليه يمشي و يخليها بوحدها هو عرف ان الامر فخ لكن ما توقعش ان شروق ممكن تبان ل شخص اخر من غيرو اش من شخص شخص ميت سنوات تفكر عيون شروق من شافتو من تفتح المصعد نظاراتها كانت كلها سعادة
_كيحس انو خدل الوعد ليها منين غادي يبدا ومنين غادي يكمل بتسم بسخرية كهف هذشي لي بقى اش من عالم والى سحر اش من نوع سحر هذا كيفكر وهو كيتمشى بلا عقل بدات الشتا كتنزل وهو كاع ما مسوق حوايجو تبللو كان البرد لكن هو الداخل تاعو بركان تكى على واحد الحيط و بدا كينزل معه بالم حتى جلس فالارض هاهو خسر كلشي سيف الدين البوزيدي لي عمرو خسر فشي صفقة خسر فاكبر صفقة ليه مابقاو لا

جلس فالارض هاهو خسر كلشي سيف الدين البوزيدي لي عمرو خسر فشي صفقة خسر فاكبر صفقة ليه مابقاو لا فلوس لا مجموعة شركاتو ولا شروق لي اهم حاجة ااااه ا سيف الدين كتحبها كتحبها قالها بابتسامة
سيف:هز راسو لسما ياااارب ياااارب الى الدعاء فالشتا مستجاب انا كنطلبك توصلني ل شروق يارب يا دا الجلال و الاكرام يا رحمن يا رحيم يارب راك عارف انا ماشي ناوي شي حاجة خايبة جمع رجليه حدا كرشو ربع ايديه فوق منهم و نزل راسو كيبكي بحال ولد صغير ما بقاش عارف اشنو يدير تحبسو ف وجهو كل الطرق ختفات قدامو داها مراد ولا اش يكون قدامو ما دار والو ما كان قادر يدير وااالو كل ما كيتفكر الامر كيبكي بحرقة قلبو وجعو لا ماشي وجعو غادي ينفاجر كيحس بيه مزير عليه بقى على هذا الحالة و الشتا كيتزاد و الرعد و البرق و سيف الدين مازال على نفس الهيئة
_اشنوو كدير هنا فهذا الجو اولدي؟؟

👻👻 انقذوني شبح يلاحقني 👻 انقذوني
البارت:52
بقلم/Hayat Jamali
نورة:وهي كتمسح دم من جنب فم أمجد ولد الحرام اشنو دار فيك كلها هذي صحة عندو قلت ليك سيف ما غاديش يسكت ليك دابا يرجع ياخد الشركات تاعو
أمجد: بألم ايييي غير بشوية ما تخافيش ما غاديش يدير والو هذا غير حيت محروق على الحب تاعو
نورة:عينيه كانو كيخلعو نظراتو مخيفة
أمجد:صدعتيني بيه ما تخافيش ما يقدر يدير والو قالها بالم وهو كيوقف نمشي نغسل عليا هذا الحالة و نمشي نشوف شريكتي هههه
_سمع سيف الدين صوت لكن ما هتمش و ما هز حتى راسو يشوف شكون
_معك كنهضر واش ما فيكش البرد علاش كتبكي
سيف هز راسو كانت عجوز وجهها مكمش و ظهرها مقوص هازة عكاز عقد حاجبو كيتفكر فين شافها اه هذي هي ديك الطلابة تاع ديك ليلة حط ايديه ف جيبو و خرج شي صرف مع شي وراق مدهم ليها بلا اي كلمة
العجوز:مدات ايديها و شداتهم الله يعطيك الخير و الرزق الوفير و يبعد عليك الشمايت و الحمير تبقى تلبس غير الحرير قول امين
سيف:امين لينا و ليك
العجوز:مالك كتبكي قول ليا ممكن نعاونك
سيف:ما عندك باش تعاونيني
العجوز:ايوا جرب كاع كلشي ممكن
سيف:عفاك الشريفة خليني عليك قالها وهو كيوقف باغي يبعد لكن العجوز شداتو من دراعو
كانت قبضة العجوز قوية ماشي قبضة تاع عجوز ف سنها كيحس بيها شداتو شدة متحكمة
سيف: شدة بحال هذي ف عمرك مستحيلة
العجوز:قوية ياك اولدي لكن بغيت نهضر معك
سيف:شاف فيها طلقي من ايدي الشريفة راه لي قسم الله عطيتو ليك
العجوز:طلقات منو حتى انا بغيت نعطيك واحد الحاجة
سيف:يرحم يماك ما عندي خاطر ل تابوهاليت تاعك قالها و هو يمشي
العجوز:فين غادي دابا و شروق ما غاديش تمشي عندها
توقف سيف من سمع اسم شروق و رجع عندها
فين كتعرفي شروق هااا هضري شكون انتي
العجوز:بابتسامة كلشي غادي تعرفو جلس بعدا نهضرو واخا شتا كاينة ماشي مشكل
سيف:لا ما بغيتش نجلس انتي كتعرفي فين كاينة شروق يااك شاف فيها انتي انتي واش مامات مراد ااا هضري
العجوز:انا ما ام حد لكن كنعرف شروق ماشي معرفة شخصية لكن من بعيد
سيف:دابا من هذشي كلو فين هي هذشي لي بغيت نعرف
العجوز:جلس ما تخافش عليها دابا هي ما يقدر حد ياديها أصلا هما كيعتانيو بيها حيت هي هدية
سيف:اااانااا ماااا فااااهم وااالووو لكن بغيت غير فين كاينة نجيبها هدية هما اصلا شكون نتما….

👻👻 انقذوني شبح يلاحقني 👻 انقذوني
البارت:53
بقلم/حياة جمالي
العجوز:جلس و غادي تفهم كلشي
شاف فيها سيف الدين مطولا وهو يجلس حداها كيف جلس مباشرة لقى راسو ف مكان غير المكان لي كانو فيه كانت حديقة كلها ورد ب مختلف الالوان شاف فيها بصدمة ما فهم والو واش العالم تاعو هذا ولا عالم اخر
سيف الدين:فين حنا اشنو هذشي
العجوز:هنا ممكن نهضرو براحة
سيف:انتي ساحرة ولا اشنو
العجوز:اه انا ساحرة
سيف:اعوذ بالله ولا يفلح الساحر حيث أتى
العجوز:ههه انا ربي عطاني قوى زايدة لكن ما كنادي بيها حد ولا كنتقوى على حد انا راني مسلمة مؤمنة بالله و رسوله صلى الله عليه وسلم السحر تاعي السحر الابيض نور
سيف:وانا اشنو دخلي ف هذشي كلشي
العجوز:عندك دخل من دخلات شروق حياتك حيت شروق هي عروس الشيطان
سيف:سمعي عفاك هضري معيا هضرة نفهمها راه هذشي كلو بزاااف
العجوز: شروق هي ف قبضة السحر الاسود اخطر انواع السحر حيت فيه غير الماردين و الشياطين خدام اي واحد داخل لسحر الاسود ما كيخرجش منو هو قوي بزززاف
سيف:دابا انتي سحر ابيض و السحر اسود اشنو زعما نتما اعداء لكن واش شروق حتى هي ساحرة
العجوز: لا هي قربان باش نفهمك مزيان مراد هو اليد اليمنى تاع الساحرة السوداء مراد ميت و رجع للحياة بقوى من الشياطين يعني هو روح الشيطان و الساحرة السوداء هي عايشة من قروون بسبب أعمالها و استحوادها على ارواح ساحرين السحر الابيض شروق اكيد فتحات البوابة من قرات التعويذة تاع العالم السفلي اكيد بالغلط ولا الصدفة حيت هي ماشي من ارواح خدم السحر الاسود ومن الساحرة حسات ان شروق فتحات البوابة الشيطان خاصها هي تكون العروسة تاعو قتلو باها و مها باش تبقى بوحدها و يتقدرو يستحودو عليها دارو خطة مراد تقرب منها خطبها هذشي كلشي حيت شروق مميزة راه صعيييب بزاف البشر يفتحو البوابة هذا الى ما قلنا مستحيل من ديك ساعة قوى السحر الاسود تسيطر عليها
سيف:فين كاينة البوابة بغيت نمشي ليها
العجوز:ما نظنش انت تقدر تفتحها ابدا
سيف:نجرب وصافي الاهم خاصني نوصل ليها باي ثمن
العجوز:انت تقدر تفتح البوابة تاع سحر الابيض حيت انت ما كتأمنش بالسحر ولا ساحرين يعني نفسك ما كتتهزش حيت ايمانك قوي
سيف: اكيد السحر ما عندو ما يدي مني و ربي معيا ربي فوق من كلشي
العجوز:هذاكشي علاش طاقة تاعك طاقة النور و عاد الدعوة تاعي حتى هي حماتك ف نظرك علاش من كتكون مع شروق عمر وصلكم شي حد و لا شافها شي حد غيرك دعوة تاعي التابعة هي شروق وانا لكن بسبب خطأ منك غير متعمد قدرات الطاقة البيضا تكسر….

👻👻 انقذوني شبح يلاحقني 👻 انقذوني
البارت:54
بقلم/حياة جمالي
سيف:مازال ما فهمت و هذشي ما بغيت نفهمو اشنو دخلني وسط الساحرة كيفاش هذا الطاقة انا طاقة وحدة لي عارف طاقة طريق الله تعالى ولي يخرج من طريق الله عمرو يطفرو
العجوز:تبارك الله عليك ايمانك قوي راه مراد ما قدرش يقرب ليك كون ما ربي حارسك كن راك دابا ميت ولكن نخاف عليك تدخل للعالم السحر الاسود هما غدا ف ليل مع اكتمال القمر الاحمر و ظهور قرون الشيطان و القربان لي هو شروق غادي يرجعو اقوى من اي وقت ممكن تموت تما وانا براسي ما نقدرش عليهم
سيف:الى كنت غادي نموت باش نحرر شروق من حجز مدة تاعو 3 سنين قابل بيها و كيف قلتي ايماني قوي والى العمر تاعي غادي يكمل غادي يكمل ف وقتو موتو وحدة لي كاينة و الاسباب تختلف دابا كيفاش ندخل للعالم السحارة الاسود
العجوز:خاصك تعرف انا و الساحرة السوداء راه حنا توأم لكن ممكن تقول انا الخير وهي الشر انا كنت وقفت ف طريقها من هي طغات بزاف و لكن فقدت البصر تاعي
سيف:شاف فيها كيفاش فقدتي البصر تاعك و عيونك كتشوف كلشي و كتشوفي فيا من صباح
العجوز:هدوك غير قدراتي لكن مستحيل نعرف مازال طريق للعالم السفلي
سيف:بانكسار هي صافي ما عندك نفع ليا و ما نقدرش نعرف شروق فين كاينة
العجوز:كاين شخص واحد اقوى منا هو يقدر يوريك طريق لكن انا ما عرفتوش واش ممكن تلقاه والى لقيتيه واش يقدر يساعدك حيت هو ديما القاعدة تاعو عدم تدخل فالامور تاع المخلوقات
سيف:غير وريه ليا انا ممكن نقنعو لكن هو اش من نوع تاع سحر كيخدم
العجوز: جميع انواع السحر عندو فيه جانب ضريف و جانب شرير لكن قلبو بيض الى قنعتيه يصيفطك للعالم الاسود
سيف:واخا غير وريني فين كاين انا نقدر نطلبو المساعدة الى فعلا قلبو بيض
العجوز:واخا انا هنا غادي تكمل المهمة تاعي لكن ندعي معك الله يخرجك من جحر الثعابين بلا ادية هزات ايديها لسما وهي تبان ريشة ذهبية طويلة
العجوز: تبع الريشة فين ما ختفت عرف انك وصلتي ل داك الشخص المطلوب…

👻👻 انقذوني شبح يلاحقني 👻 انقذوني
البارت:55
بقلم/حياة جمالي
🔆 ضيف جديد فالقصة🔆
سيف: واخا شكرا ليك
العجوز:الله يوفقك قالتها و ختفات
شاف سيف الدين فالريشة لي طايرة وبقى تابعها ماشي مهم فين غادي تديه المهم هو يوصل عند شروق قبل ما يوصل الغد حيت الى وصلات ظاهرة القمر الاحمر و تطبقو الطقوس صافي عمرو يحلم بيها بقى تابع الريشة وهو كيطلب فالله يسر ليه الامور و يعاونو دازت ربع ساعات و ريشة مازال ما ختفات متكبر غير ف الغابة من غابة ل غابة هذا الغابة ما بغاتش تتحد
سيف:اوووف عيييت هدا راه سفر ماشي مشية يارب بغيت غير نشرب مالقيت الما اش من عالم هذا رجليه ما بقاوش هازينو لكن مستحمل من كيتفكر انو خاصو يوصل ليها بزربا واخا رجليه ما بقاو هازينو لكن مستحمل بقى غير كيجر فيهم وهو كيقول كل مرة صافي غادي تختفي هنا من بعد نص ساعة اخرى ختفات الريشة الذهبية اخيرا شاف سيف الدين جنبو ما كان حد شاف وراه قدامو والو طاح الارض بالعيى
سيف:اوووف فين هذا فينو يارب ما تقولش ليا هذا الشارفة كدبات عليا حتى هي اوووف
_ف مكان بعيد من سيف الدين بشوية كان كانو جوج اشخاص كيتضربو مع بعضهم
الشخص:ياله الكاسول شفتي الراحة اشنو كدير
الشخص 2: غادي نهزمك غير ستاعد قالها وهو كيهز ايديه تجاه شخص الاول كيف هزها الارض تزلزلات من تحتو لكن الشخص الاول طار فالهواء وهو كيضحك
الشخص 1:ههههه مازال ضعيف
الشخص 2:ايوا انا ماشي شارف بحالك
الشخص1:وقف وهو كيعنق الشخص التاني ههه واخا الصغير ايوا خاصك تغلب الشخص الشارف دابا ياله ماماك تكون كتسنانا
الشخص 2:وقف بحال كيسمع شي حاجة شي حد هنا
الشخص 1:ههه عاد حسيتي بيه راه قلت ليك حواسك ثقيلة
الشخص 2:و صافي الواليد عارف انا ماشي بالقوة تاعك شاف فيه و نفرج بالضحك انا اقوى منك هههه
الشخص 1:باينة ياله نمشيو عند خوتك و ماماك
الشخص 2:و هذا الشخص لي هنا
الشخص 1:غير بشري صفر قوى غمض عينيه و عاود فتحها كيقلب عليا
الشخص 2:ياله نمشيو نشوفو شنو بغى قالها و طار
الشخص1:رررجع واخا على امك كدير غير لي ف راسك قالها و طار تابعو
_جلس تحت من شجرة بعصبية مابقى عارف شنو يدير واش دخلو لهذشي و فين غادي يوصلو كان كيفكر حتى شاف شخص نازال من السما لعندو وقف متفاجىء حتى شاف شخص تاني نازال حتى هو كانو كيشبهو بعضهم بزاف غير واحد باينة كبير على الاخر بقاو كيشوفو فيه باستغراب بحال كيتسناوه يتكلم
سيف:شكون نتما؟؟
الشخص 2:انا فابيان هذا بابا رافائيل وانت
رافائيل: امتى غادي تتعلم تسكت فابيان عطيه العنوان تاهو
فابيان:وحتى انت ا رافا شوف كيف تخلع منا خليه يحس بالامان هههه
رافائيل:نتفاهمو من بعد شاف ف سيف شكون صيفطك هنا علاش كتقلب عليا
سيف:بدهشة باش عرفتي كنقلب عليك
فابيان:راه الغول هدا كيعرف كلشي مالك ما كتعرفش سيد القلعة
سيف: جلس الارض وهو شاد راسو راسي غادي ينفاجر اش هذا فين انا شكون نتما لالا واقلة غير كنحلم هذشي كاين ف العالم لالا اكيد حلم
فابيان:شاف ف باباه مسكين حماق ههههه كون شاف الباقي اشنو يدير
رافائيل:شاف ف سيف انت بشري انك تدخل للعالم تاعي اكيد بمساعدة ساحرة لي صيفطاتك ما تستغربش انا كنقرا الأفكار لكن هي صيفطاتك للمكان الغلط انا ما مساليش نعاون شي حد كيف ما بغى يكون
فابيان:فاش تعاونو الواليد اوووف امتى يكونو عندي قدرة قراءة الافكار
سيف:وقف قرب ل رافائيل لا عفاااك خاصك تعاوني انا مابقى عندي فين نمشي ولا نجي خسرت كلشي ضيعت كاع اوراقي والى ضاعت مني البنت لي كنبغي غادي نحماااق كتر من هكدا واش عارف باش وصلت عندك تمشيت 5 سوايع شدني العطش العيى لكن كملت طريق غير باش نلقاك العجوز قالت ليا انت لي قادر توريني البوابة تاع عالم السحر الاسود وانا ما غاديش نمشي من هنا حتى تعاوني واخا نعرف نطلبك نتوسل ليك ندير ليك اي حاجة لكن انت الامل الوحيد لي بقى ليا..

👻👻 انقذوني شبح يلاحقني 👻 انقذوني
البارت 56
بقلم/حياة جمالي
سيف:شاف ف رافا نظارات كتبين على اليائس تاعو خاااصك تعاوني
رافا:علاش خاصني نعاونك اشنو دخلي انا فهذشي ياك انت كتبغيها انت لي خاصك تعاون راسك انا الى بغيت شي وحدة ندير اي حاجة ماشي نجي نطلب الناس تتعاون معيا
سيف:واش انا بحالكم واااش انا عرفت منين نبدا منين نمشي انا مستعد نفدي روحي ليها لكن انا ما عارفش البوابة فين كاينة ما عارف والو على سحر و ما كنأمنش بيه واخا عارفو كاين لكن ثقتي فالله اكتر
فابيان:واو هذشي فيه الحب الواليد بحال الحب تاعكم انت و ماما
رافا:شاف ف فابيان الحب تاعنا ما بحال اي حب قالها بغضب و رجع شاف ف سيف الدين انت غير بشري ضعيف ما عندك حتى قوة الى دخلتي تما تسحاب غادي تخرج عارفين الحب كيخلينا اعمياء لكن انك تدخل عند الساحرة السوداء بلا اي خطة ولا درس لامور كتسمى غبي
سيف:عندي الله و قوة الله فوق من كلشي انا ما بغيت منك والو غير انك تفتح ليا البوابة عارف انا ماشي بحالكم لكن ما غاديش نجلس مربع ايدي خسرت كلشي و ما غاديش نخسر المرأة لي كنحب
رافا:هذا الساحرة مالقات تصيفطك غير ليا
فابيان:و فكر من جهة أخرى مزيان من صيفطتو لينا هذي مغامرة جديدة نيت مليت من الروتين اجي نعيشو شوية المغامرة رافا ياله ما تكونش شرير
سيف:فتح ليا غير البوابة و صافي
رافا: بسخرية ههه كتضحكني من كتقول نفتح ليك غير البوابة راه غادي تموت كيف تدخل داك العالم الاسود فيه اقوى السحارة و اقوى الشياطين لكن السؤال المحيرني كيفاش بشرية دخلات تما و روح تاعها خرجات ل عندك هذا كيعني ان كاين صلة بينك و بينها هذا الصلة اكيد توقفات دابا من رجعات تما شاف فيه و كمل خاصك تعرف انك كنتي غير مع روح ماشي الشخص كليا
سيف:كيفاش ما فهمتش
فابيان:واش قصدك بحال الانقسام ياك
رافا:تقريبا انقسام الروح مع الجسد و انها خرجات ليه هو بالذات (على سيف) معناه بينهم رابط او ذكرى قديمة لكن من كاع تنقذها نقولو نقذتيها و ستعقلات ما غادي يكون عندك حتى مكان ف قلبها
سيف:كيفاش شرح ليا بلغة كنفهمها
رافا: انقسام الروح مع الجسد يعني عيشة الشبح و الشبح مجرد خيال سراب من الروح كترجع للجسد الروح لي هي النفس الباطنية كاع اي حاجة دارتها ماكتعقلش عليها ابدااا بحال شخص كان ف غيبوبة و ستيقظ منها كيكون كل الاحذاث حلم و كيكون ف الذاكرة المنسية
سيف:معناه شروق ما غاديش تعقل عليا ولا تعرفني
رافا:على اشنو كتسحاب كيف تفيق تقول ليك حبيبي سيف الدين انت غادي تكون شخص مجهول عندها
سكت سيف مطولا كيفاش شروق ما غاديش تعقل عليه ولا كاع الاشياء لي دوزو و الذاكرات لي حاول يخزنها ف عقلها
فابيان:اووووه قاصحة هذشي مؤثر واش ما كاين حتى حل زعما ا رافا
رافا:لا ما كاينش اي قوة قوية تحاول تتدخل ف الذاكرة تاعها كونو اكيدين غادي يطير ليها العقل كليا
سيف:ماشي مشكل انا قابل بهذشي غير شروق تكون بخير و نطمئن عليها قابل بهدشي قابل نبقى راقبها من بعيد قابل نبقى نتجسس عليها قابل نبقى راقب حياتها الخاصة من تساع غير نرتاح أنها ماشي ف خطر
فابيان: داكشي علاش ما بغيت نحب حيت الحب كيخليك حمق و علاش أصلا نحب مرأة وحدة و الدنيا عارة جنس لطيف بكل الانواع كل ليلة نبقى نحب وحدة خاصني نتعلم من تجربتكم انت و بابا نبعد من هذا المشاعر الغبية
رافا:انت ا زير النساء غير بقى ساكت حسن
فابيان:خارج ليك الواليد مالك تنكر يامك الاولى
شاف فيه رافائيل و سكت حيت فابيان عندو صح اش عندو ما يقول
رافا:خاصنا ندرسو خطة باش تدخل و تخرج بخير
سيف:بسعادة غادي تعاوني ياااك
فابيان:اكيد غادي يعاونك راه رافائيل حنين غير عزيز عليه يمثل القسوحية
رافا:سكت حسن لا نبدل رائيي..

👻👻 انقذوني شبح يلاحقني 👻 انقذوني
البارت:57
بقلم/حياة جمالي 🤸
سيف:القمر الاحمر قالت ليا الساحرة غدا غادي يكون ف الليل
رافا:اه غدا ظاهرة القمر الأحمر و السحارة كيتسناو هذا القمر بزاف باش يناديو على الشيطان كيتسمى حتى قمر قرون الشيطان و أخطر السحارة هما لي كاينين فالطقوس كتكون الطقوس ف الجزيرة السوداء يعني البشرية غادي تكون تما واكيد حيت هي القربان غادي تكون هي مركز الاهتمام شاف ف سيف الدين باستغراب انت علاش ما قتلوكش من عارف كل هذا المعلومات
سيف:ما عرفت لكن قالت ليا الساحرة عندي شي طاقة بيضاء و هي دعات معيا بالتابعة و كانت كتبعني يعني كتحميني
رافا:و بغيتي تدخل تما راه يحسو بالطاقة تاعك من بعيد
سيف:و اشنو الحل دابا
فابيان:اشنو بان ليك الواليد رجعو منهم اكيد الى رجعنا منهم ما غاديش يحسو بالطاقة تاع هذا سيف واخا انا طاقة تاعو راه مزيانة يعني هو محمي
سيف:رجعو منهم اش كتقول انت
رافا:شاف ف فابيان هز ايديه طلقها عليه لراس مباشرة شكون هذا رجعو بحالهم على شكون قال ليك انت غادي
فابيان:ايي و قسحتيني و على مالني مانمشيش
رافا: حيت انت صغير و متهور و عارف فعايلك لكن فكرة أننا ندخلو وسطهم فكرة زوينة كن وسطهم و فالوقت المناسب هجم عليهم
سيف:ماشي من الاحسن نهجمو على كل واحد بوحدو
رافا:اولا انا ما غاديش نمشي معك انا غادي غير نوريك طريق نعاونك تدخل وسطهم و الباقي ليك انت
فابيان:لا كيفاش حشومة الواليد راه هو ما يقدرش
سيف:لا ماشي مشكل الى دار هدشي كلو راه عاوني ف كلشي و الباقي يحلو الله
رافا:حنا عندنا تجمع عائلي غدا بمناسبة عيد ميلاد بنتي لارا وانا و فابيان ما نقدروش نغيبو عليه
فابيان: ولا ا رافا ما تكونش هكدا
سيف:خليه اكيد اسرتو هي لولى دابا غير قولو ليا اشنو ندير و منين ندخل
رافا:غادي ندير ليك تعويذة خاتم للطاقة البيضا لي عندك و غادي نلبسوك نفس الملابس تاعهم هما غادي يكونو كتار مستحيل يحسو بيك ولا يظنو انك ماشي معهم
فابيان:السحارة مكان تجمع تاعهم كيكون ف القاعة السوداء ل ساحرة الكبرى اجي معاش كيبدا التجمع الواليد
رافا:كيكون مع طلوع الفجر و كيتمشاو ف غابة الاموات مع القربان حتى للمكان المعلوم
سيف:يعني خاص نتحرك من دابا
رافا:اه باش ما ضيعش وقتك و ماتنياش ماشي اي حاجة شفتيها ولا سمعتيها كتكون حقيقية قرب ليه بابتسامة عطيني ايديك
مد ليه سيف الدين ايديه كيف قال ليه رافائيل شدها رافائيل و حط الكف تاع ايديه على الكف تاعو
رافا:هيروس اطيروس خوشاي روشماخ بيرو اهيهو طيرومايسي هاهو پيروهاس
كيف قال التعويذة خرج نور اسود اللون من الكف تاعو و بدا يدخل للكف تاع سيف الدين
رافا:طلق من ايديه دابا القوى تاعك قوة سوداء بفضل قدرتي فالسحر الاسود
سيف:بصدمة ك.ك.كيفاش واش حتى انت منهم
فابيان: بابا هو راه سيد العوالم هو من كل جنس لكن اقوى من اي واحد
رافا:ما تخاف ما تصدم هذا طاقة السحر الاسود لي دخلت فالجسد تاعك راها وقت تبغي تهجم غادي تحيد ليك
فابيان:ياله نخليكم انا غادي نمشي نسبقك الواليد عند ماما شاف ف سيف الدين كنتمنى لك حظ موفق
رافا:فين غادي تعالى هنا
فابيان:عند ماما و صافي خليني نمشي
رافا:شاف فيه بابتسامة واخا سير عندك دير الشغب
فابيان:لا تهنى شاف ف سيف الدين بسلامة قالها و ختفى
سيف:بسلامة رجع شاف ف رافائيل واش كلكم كتغبرو هكدا
رافا:اه حنا بشر تقريبا بحالكم فالشكل لكن اقوى منكم غادي تتبع هذا الطريق تاع الغابة حتى تلقى شجرة شكلها غريب و الفاكهة تاعها كحلة وراها كاين باب غير باب واقف بلا اي حيوط ولا دار مد ليه خاتم كان ف ايديه و كمل حط فالعين تاع الباب هذا الخاتم و غادي يتفتح لكن رد بالك الباب غادي يبقى مفتوح ليك 24ساعة فقط الى ما رجعتي قبل من الموعد صافي غادي ترجع معهم للابد و غادي تتحول لخادم هز ايديه لسما و طلقها تجاه سيف الدين مباشرة تغيرو الحوايج تاع سيف دين رجع لابس ملابس كحلة شبيهة لملابس السحرة خدام الشيطان
سيف:شد الخاتم وهو كيشوف ف حوايجو بدهشة واخا شكرا ليك
رافا:الى رجعتي غادي تلقاني هنا عطيني خاتمي والى ما رجعتي خليه حتى ندوز و ناخدو
شاف فيه سيف هذا مالو بارد لهذا درجة
سيف:اه واخا شكرا
رافا: تبع هذا الطريق سربي ما بقاش عندك الوقت
شكرو سيف الدين و مشى تجاه الطريق و رافائيل مراقبو بابتسامة غريبة ما مفهومش معناها بقى سيف غادي و هو كيطلب الله يكون كل الامر بخير كانت الغابة كلها اشجار طويلة وهو مركز مع الشجرة لي قال ليه رافائيل حتى سمع صوت من فوق شجرة
_واش متأكد من هذا الاتجاه..

👻👻 انقذوني شبح يلاحقني 👻 انقذوني
البارت:58
بقلم/حياة جمالي
واش متأكد من هذا الاتجاه
هز راسو سيف الدين مباشرة كيف هز راسو طار الشخص لكان فوق من الشجرة نازل للارض بابتسامة
سيف:علاش تبعتيني باباك غادي يخاصم عليك
فابيان:بابا عارفني غادي نمشي هو كيقرا الافكار و من ما حبسني يعني حترم قراري واصلا انا ماشي صغير تانيا راك غلتطي ف الاتجاه عندك زهر تبعتك
سيف:راه شجر كتير و كلشي مشابه داكشي علاش
فابيان: ياله من هنا ما بقى والو و يبدا تجامع شمس قربات تشرق
سيف:شاف فيه شكرا حيت غادي تمشي معيا قالها و هو كيتمشى تابعو
فابيان:سمعت ان البنات تما زوينات بزاف ماشي حمق نضيع هذا الفرصة
سيف:راه من الشهوة تاعك ما كتتحكمش فيها خاصك تتزوج باش تتهنى
فابيان:وقف وشاف فيه واش انت حمق ما كنتحكمش ف شهوتي بنت ليك انا مغتصب ولا اشنو داكشي كيجي بحلاوتو و أصلا نتزوج و نبقى طول حياتي نعس غير مع وحدة الملل يشدني و زيد عليها حنا ماشي بحالك كنعيشو اكتر منكم بكتييير و اخيرا قول ليا واش هذا شروق زوينة و لا لا
سيف:اشنووو هووو زيد قدامي والى غادي تهضر مازال على شروق احسن ليك رجع منين جيتي
فابيان:نفجر ضحك هههه باين من تقلقتي شروق غادي تكون زووووينة بزاف
سيف:هييييه راه كتهضر على المرأة تاعي
فابيان:امتى تزوجتي بيها على حسب علمي انت شفتي غير روحها و غير تهنى أصلا انا غادي تتحرش غير بالساحرات من يعرفوني فابيان الهجين غادي يتلاحو علي ااحححح غادي يدابزو عليا غادي تشوف طايح كتر من نايض عليا وحيت انا حنين و قلبي واسع كلشي و قوة الاحصنة لي عندي ما غادي نخسر الخاطر ل حتى وحدة
سيف:ما بقيت عارف واش انا محظوظ حيت غادي معيا ولا انا متعوس
فابيان:ههه على انت مازال عندك شك انك محظوظ على كاين اتعس منك على مرا جاي لقبرك بحال غير هي لي كاينة
سيف:من تحب غادي تفهم علاش درت هكدا
فابيان:و ما تبقاوش تحبو ب قلبكم حبو ب داكشي تاعكم هز كتفو بعصبية اهم قالو ليك رجال
سيف الدين ما جاوبوش بقى غير تابعو حتى اخيرا ظهرات الشجرة لي قال ليه رافائيل كانت شجرة غريبة الشكل و الفواكه تاعها على شكل جماجم كحلة و ريحة تاعها كريهة بزاف
سيف:اففف اش هذشي
فابيان:الشياطين و الماردين عزيز عليهم الروائح الكريهة اي مكان كريه و مافيه نظافة ولا رائحة عطرة كيسكنو فيه بحال المراحيض صافي هذا هو المدخل تاع العالم السفلي اخطر عالم و اوسخ عالم عالم الجن و الشياطين و خدم السحر هنا كاين طاقة هائلة من طاقة السحر الاسود الداخل مفقود و الخارج مولود
سيف:مشاء الله كلامك كيشجع(بمعنى العكس)

فابيان:ياك حبيبة قلبك هنا ياله ندخلو الفارس المغوار ارا الخاتم تاع بابا
مد ليه الخاتم تاع رافائيل شدو وهو يهز ايديه مباشرة كيف هزها تغيرو الملابس لكان لابس ل ملابس نفسها لي لابس سيف الدين هز القب تاع السلهام و غطى بيه راسو نفس الشي دارو سيف الدين حتى هو غطى راسو
فابيان:غادي نبقاو حدا بعضنا رد بالك تهضر معيا ولا دير شي حركة راه المحمية كتغلب السبع
سيف:لا تهنى
دار فابيان ورا الشجرة الكبيرة و هو يشوف الباب لي معلق غير ف الخوا قرب ليه و حط الخاتم ف عين الباب كيف حطها مباشرة تفتح شافو غير الظلام ما باين والو للحظة قال سيف الدين ف راسو اشنو وصلني لهذشي اشنو كندير هنا لكن من تفكر شروق و الابتسامة تاعها و انها كتحس بالملل من ما كتلقى مع من تهضر قوى راسو اكيد هي دابا وحيدة روحها كتبكي و بغات مع من تهضر من وصل حتى لهنا ما غاديش نساحب ومن ربي وصلو حتى لهنا غير يرتاح ان الله هو الحارس وهو القادر على كل شيء…

👻👻 انقذوني شبح يلاحقني 👻 انقذوني
البارت:59
بقلم/Hayat Jamali
فابيان:دار عند سيف لي ساهي ياله واش ما بقيتيش غادي تدخل ولا
سيف:شاف فيه من وصلت هنا ما بقى رجوع بسم الله توكلت على الله ياله قالها و سبقو حط رجليه فالعتبة و دخل تبعو فابيان حتى هو من لور
كانو كيتمشاو جنب بعضهم ف طوالة طويلة كلها مظلمة كيسمعو شي أصوات غريبة و كتبورش كانت اصوات كتخوف بحال صوت خنازير غراب داكشي مخلط و الهواء كان كيخنق بالريحة الكريهة تاعو تقول داخلين ل طواليت عام ما تغسلات كيتنفسو بصعوبة بداو كيتمشاو بزربا غير باش يوصلو نقطة الوصول يتهناو من ريحة لي عمرات ليهم الريئة تاعهم اكيد من هذا الروائح الكريهة و الظلام فهذا مكان اخبث المارديين يعني المكان اكتر خطورة من كان كيتصور سيف الدين
تمشاو تقريبا نص ساعة بلا ما يهضرو غير لاصقين مع بعضهم فجأة بداو كيسمعو اصوات اقدام كتيرة و شي كلمات ما مفهوماش بالنسبة ل سيف الدين لكن اكيد انها تعويذات تمجيد لشيطان
اخيرا كملو الطريق الطويلة لي دخلو منها حلو فمهم بدهشة من المنظر لي كان قدامهم كانو تقريبا ملايير من السحارة ف الفناء كان قدامهم لاهيب ناري كبير عااالي منور المكان كلو دخلو وسط الحشد الكبير المختلط كانو لابسين كلهم نفس اللباس كيغوتو باعلى صوت بكلماتهم الغريبة و كيهزو ايديهم الفوق ب حركة تخليد الشيطان🤟🏻🤟🏻🤟🏻 شاف سيف ف فابيان و بزربا كل واحد فيهم جلس يقلد حركاتهم
سيف:(ف خاطرة) اعوذ بكلمات الله التامات من كل شيطان و هامه
فابيان:(ف خاطرو) اويلي شنو جابني هنا فين هو الجمال الانثوي كون غير بقيت لحفلة عيد ميلاد ختي كنت نشوف الجمال بكل الاصناف انا هنا مع هذا مجموعة الهبول كنشطح لشيطان غير تاع لي حرق هذشي كامل
تسمع صوت غوات غريب هزو عينيهم تجاه الصوت وهما يشوفو ناقة بيضاء اللون كبيرة الحجم دايرين بيها مجموعة من السحارة الخدم كل واحد هاز موس طويل و غريب الشكل قربو من الناقة لي كتغوت بحال البشر و دموع نازلة هز كل واحد الموس باعلى ايديه و الباقي كيغوتو و كيمجدو الشيطان بكلمات مفهومة هذا المرة
••••الدم النقي لي عظامتك مولاي الشيطان الدم العذب ل سموك مولاي انت الهي انت سيدي انا خادمك انا عبدك مولاي الشيطان نحن الضعفاء و انت القوي نحن خدامك ليل نهار الاسود بالابيض و الاسود يغطي الابيض خدامك نحن نفديك نفديك ياااا سيدي الشيطان الليلة ليلة مباركة سوف نحتفل و نشرب الدماء تقبل منا فطورنا بارك لنا بيه هزو ايديهم كيغوتو يحيى يحيى يحيى جباروتك يحيى عظامتك•••••••

كيف قالو هذا الكلمات مباشرة بدا كل واحد كيدخل الموس ف الناقة من كل جهة بقاو كيخشيو فيها الجنوية و الدم كيخرج كيف خرج هزو كؤوس كحلة من الخشب كيعمروهم بالدم و الناقة كتغوت و كتتالم وهما كل ما عمرو كاس بالدم كيمدوه لواحد كيفرق على الحشد بصف صف اي واحد شدو كيشرب منو و كيعطيه لي حداه و لي حداه كيشربو و كيمدو لي حداه
وقف سيف الدين بعصبية من المشهد الشنيع لي شاف ياله بغى يتقدم عندهم حبسو فابيان شدو من ايديه
فابيان:وقف فين غادي غادي تخرج علينا شوف غير اش دارو ف مخلوق ضعيف خلي اشنو غادي يديرو فينا انا وياك و ف شروق
تفكر سيف الدين شروق وهو يرجع بلاصتو و قلبو كيالمو على المشهد لي شاف حس براسو رجع شيطان اخرس من سكت

👻👻 انقذوني شبح يلاحقني 👻 انقذوني
البارت:60
بقلم/Hayat Jamali
بقاو الكيسان تاع الدم كيوصلو كل الصفوف حتى وصل ل عند فابيان شدو وهو كيشوف ف سيف الدين و هزو ل فمو شرب و عطاه ل سيف لي شدو حتى هو بدورو قربو ل فمو بحال شرب و مدو ل ساحر لي جنبو شاف ف فابيان ب غضب وهو كيشوف جنب من فمو فيه شوية دم
سيف:علاش شربتي كان عليك دير راسك غير كتشرب
فابيان:انا راه جزء مني مصاص دماء و جزء منهم ما عندو ما يدير ليا
سيف:كيفاش مصاص دماء و منهم
فابيان:سكت راه غادي يسمعوك و تصدق خارج علينا فعلا رافائيل ما كدبش البشر فيه غير الصداع بغيتي نخرجو من هنا احياء سكت
من بعد ما كملو شرب الدم بداو كيتقدمو القدام وهما كيغنيو الغنا تاعهم
تمشاو تقريبا اربع ساعات حتى وصلو مكان خالي مافيه حتى اثار حياة كانو الهياكل العظمية معلقة ف فروع الشجر اليابس ربما يكونو هياكل عظمية لاشخاص كانو قربان او اشخاص شربو دم تاعهم
سيف بقى غير كيشوف و يرمش بعينيه كان كيقول السحر ضعيف لكن دابا وهو بين هذا العالم معهم اكيد هذشي مختلف أصلا مستحيل يتقبلو عقل بشري توقفو من الحركة و من الغوات و الهتافات ب تمجيد الشيطان الرجيم تاعهم كانت الساعة تقريبا تكون الخمسة تاع العشية بقاو واقفين بلا حركة و شخص باين اكبر منهم كيتمشى بين الحشد و كيراقب الساحرة لي جاين ل طقوس القمر الأحمر بقى كيشوف ف الاشخاص حتى توقف جنب من سيف الدين و فابيان بقى تقريبا نص دقيقة حتى رجع كل واحد فيهم كيفكر منين يبدا الهجوم واخيرا تحرك من جنبهم و كمل تفتيش الصفوف كيف كمل التفتيش طار بخفة فالسما
الساحر:مرحبا بكم يا معشر الساحرة و خدم الشيطان حنا ف هذا المناسبة العضمى لي كنتسناوها كل 100 سنة و هي قرون الشيطان غمض عينيه و فتحها وهي ترجع حمرا بحال الدم و كمل القربان هاهو فالطريق و القمر الأحمر حتى هو قرب يظهر خااااصنا رحبو ب الإله تاعنا حيت هو كيعطينا قوى عظمى هز ايديه واي واحد يحاول يفسد المراسم عقوبتو أكيدة معروفة كمل ب كلمة غير مفهومة •اريتوس هيريش•
كيف قالها كلشي تحنى على ركبتو بحركة ولاء كيف شاف سيف الكل تحنى ما فهم والو حتى جرو فابيان و تحنى حتى هو تحناو بركبتهم و راسهم التحت فالارض
بداو كيسمعو اصوات أنثوية كتغني غناء غريب القدام تاع الموكب كانو 8 ساحرات لابسين الكحل بشعر كحل طويل باسطين ايديهم لي شاعل فيها العافية و كانو وراهم شي حاجة بحال صندوق طاير فالهواء كيف طايرين حتى هما نزلو و دارو نجمة نزلو وسطها الصندوق لي كان غير تابوت وسطو جثة بنت لي هي شروق كانت لابسة فستان الزفاف كحل اللون و شعرها مطلوق مزينينها ب مكياج
كانو 8 ساحرات لابسين الكحل بشعر كحل طويل باسطين ايديهم لي شاعل فيها العافية و كانو وراهم شي حاجة بحال صندوق طاير فالهواء كيف طايرين حتى هما نزلو و دارو نجمة نزلو وسطها الصندوق لي كان غير تابوت وسطو جثة بنت لي هي شروق كانت لابسة فستان الزفاف كحل اللون و شعرها مطلوق مزينينها ب مكياج ايديها بجوج مربعة لقلبها و وسطهم سكين منقوش نقوش غريبة حتى هو كحل كيف تحط التابوت وسط نجمة ظهرات الساحرة و وراها مراد شافت فالحشود بعيون حمرا مرعبة بابتسامة شر
الساحرة:كيفرحني من كنشوف كل قرن الحشود تاعنا غادي و كيمتد هاهاهاها
مراد:هذا بالفضل تاعك معلمتي شاف ف الساحر ل كان كيخطب عليهم دار ليه إشارة كيف دار ليه إشارة حنى راسو و ختفى..

👻 انقذوني شبح يلاحقني 👻
البارت:61
بقلم/حياة جمالي
هز سيف الدين راسو بان ليه صندوق بحال تابوت حس قلبو غادي يوقف شعور غريب جاه اكيد تما حبيبة قلبو شروق بلا شعور خرجو ليه دموع من عينيه شحال تعدب تكرفس دخل امور ماشي تاعو و ما كيعرف عليها والو تعدب عيى و مازال علم الله اشنو مخبي ليه علم الله واش غادي يخرج من هنا وسط هذا الكم الهائل من المارديين الساحرة ما عندو حتى خطة ما عندو حتى هدف يمشي ليه من غير شروق ايمانو قوي و عارف الموت واحدة لكن الاسباب مختلفة ما كرهش ينوض يجري يعنقها ي هرب بيها حنى راسو بألم القهرة و هو كيطلب الله المساعدة
_قرب مراد ل تابوت بابتسامة انتصار
مراد: اخيرا جا نهارك الحبيبة تاعي جيتي عروسة زوينة فخر ليك تتزوجي ب مولانا الشيطان هههه قولي للبطل تاعك يساعدك دابا
قالها وهو كينفجر بالضحك لكن سرعان ما تغيرو ملامحو من شاف يد شروق كتتحرك و نور كيحاول يخرج منها قرب ليها بصدمة حط ايديه على ايديها وبقى كيردد بعض التعاويذ قربات الساحرة من شافتو كيقول التعاويذ لتابوت وهي تخرج عينيها ب غضب هزات العصا لكانت فايديها لسما و تسمع صوت بحال الرعد
الساحرة:بصوت مزعزع بحال الرعد معنا دخييل قلبووو عليه قتلوووووه
سيف الدين و فابيان سمعو الكلام بداو كيدورو عينيهم بين الحشد لي ما تحركش ما عرفو واش يهربو ولا يبقاو لاصقين بحالهم واش صافي تكشفو وكيفاش تكشفو ولا غير شاكين فيهم
مراد:شاف فالسما بعصبية القمر قرب يظهر الى فعلا هذا الغبي جا هنا غادي يندم
الساحرة:سير قلب ما بغيتش اي غلط يوقع سرررربي
طار مراد و من وراه الساحرات لي كانو جنب من التابوت و بعض من الساحرة الاقوياء كيقلبو فكل بلاصة
والساحرة السوداء كتشوف ف السما ب عصبية ما خاص يوقع حتى خطأ ماشي حتى وصلو لهنا و يفشل هذا القربان المنحوس خاص قرون الشيطان يظهر خاص الشيطان ياخد القربان و يهز السكين و يمزق بيه صدرها خاص الشيطان ياكل القلب تاع القربان و ياكلو هدشي كلو خاصو يكون صحيح
بدا كلشي كيقلب و قلب سيف الدين كيضرب بسرعة
فابيان:بصوت شبه منعدم عطيني ايديك نغبرو من هنا
سيف:لا ما غاديش نخليها
فابيان:ارا ايديك راه عواض قربات واحد يكونو 3
سيف: لالا مااا غاديش نخلي ليهم مراتي
شاف فابيان تجاه ساحرة وقفات القدام كتشوف فيهم شوية تاجهات تجاههم بعيون حمرا مركزة عليهم حتى وقفات مباشرة قدام وجه فابيان بقات كتشوف فيه بشك
فابيان:زين لباس عليك راك منورة ا حبيبة…

👻 انقذوني شبح يلاحقني 👻
البارت:62
بقلم/Hayat Jamali
عند أمجد لي مشى الشركة هو و نورة ياله غادي يدخل المكتب وهي تحبسو السكرتيرة
السكرتيرة :سي البوزيدي ما كاينش اسي أمجد
أمجد:عارف أصلا ما عمرو غادي يكون
السكرتيرة:بذهشة كيفاش اشنو
أمجد: بغضب اشنو بغيتي تعرفي سمعي جيبي ليا جميع الملفات لي خدامين بيهم و المشاريع لي بادينهم و تعالي اه ومع 2 غادي يكون اجتماع علمي العمال كلهم واش صافي
السكرتيرة:اه صافي قالتها وهي كتشوف ف أمجد باستغراب
كيف دخل رجعات المكتب تاعها بزربا ركبات رقم سيف الدين لكن الخط مسدود بدات كتفكر اشنو دير وهي تتفكر محامي الشركة ركبات رقمو
السكرتيرة:الو سي الباكري لباس عليك بغيت نقول ليك شي حاجة مهمة
الباكري:اشنو كاين شي مشكل ا أمل
أمل:ما عرفت اشنو واقع سي أمجد جا المكتب عطاني الاوامر بحال هو سي البوزيدي و قال ليا عمرو يكون مازال سي البوزيدي و امرني نعلم الكل ان اجتماع مهم غادي يكون مع 2
الباكري:مال هذا طايح على راسو وفين هو سيف الدين عيطي ليه
أمل:عيط لكن الرقم مسدود
الباكري: واخا واخا دابا نعاود نعيط ليه انتي راقبي داك خينا و شوفي اشنو الهدف تاعو
أمل:راه قال ليا نجيب جميع الملفات لي خدامين بيهم حاليا و المشارع
الباكري:باستغراب لعجب سيري ديري لي قال ليك انا غادي نقلب على سيف الدين نشوف اشنو واقع
أمل: واخا اسي طارق اه نسيت ما قلت ليك كانو ف وجهو شي كدمات بحال دابز مع شي حد
طارق: واخا واخا دابا نشوف فهذا الموضوع انتي حاولي ما امكن تعرفي اشنو واقع ياله بسلامة
قطع عليها و ركب الرقم تاع سيف الدين لكن والو الرقم مغلق وقف من الكرسي تاع البيرو و خرج اكيد خاصو يوصل ل سيف الدين قبل هذا الاجتماع لي ما بقى ليه غير ساعة ركب لوطو تاعو و تاجه للفندق وصل للاستقبال
طارق:قولي ل سي البوزيدي المحامي الباكري هنا
عاملة الاستقبال:سي البوزيدي ما كاينش خرج
طارق:فين خرج وعلاش نمرتو طافية ما قال ليكم والو
عاملة الاستقبال:شافت فيه كان آخر مرة شفناه بحال هبل كان كيغوت و كيجري بطريقة غريبة
طارق:اشنو سكت شوية و كمل وريوني الفيديو
عاملة الاستقبال:ما نقدروش اسي طارق
طارق:ما قلتش ليك واش تقدري ولا لا قلت ليك وريه ليا ما تنساي اني الموكل عليه ف غيابو
شافت فيه سمح ليا واخا هزات ايديها لواحد من رجال الامن و تقدم عندها
-دي سي الباكري لغرفة المراقبة خليهم يوريوه لي بغى
مشى مع رجل الأمن بخطوات سراع هو اخر مرة خرجو من الكومسيرية كان بحال شوية عقلو طاير لكن خلى الامر ل أمجد بما انو صاحبو من ديك ساعة مابقى سول عليه ربما غلط كان عليه يسول دخلو لغرفة المراقبة
_نورة:ما لاحظتيش انك زربتي على انك دير اجتماع و تقول ليهم انك رجعتي مول الشي
أمجد:الحبيبة تاعي هذا عصر السرعة و خاص السرعة ف كلشي حنا خاصنا نحوشو الفلوس كلها و نبيعو هذا الزمر و نهربو من هنا
نورة:علاش نبيعو كلشي و نسافرو نبقاو هنا مالنا شكون غادي يوقف ف طريقنا
أمجد:واش تسحابي العمال و المدراء غادي يبغيو شي حد من غير سيف الدين هدو راه اوفياء ليه لحد النخاع
نورة:يعني ممكن يخونونا فاي لحظة
أمجد:ما تفكري ف والو غير تبعيني ولا عليك
_عند طارق لي شاف الكاميرا و تصدم من شاف سيف الدين كيف كان كيغوت باسم أمجد و كيهدد انو غادي يقتلو و خرج جاري من الفندق
طارق: هادشي ما يخرج ما يعلم بيه حتى حد مفهوم
الحارس:غير تهنى اسيدي
شاف فيه طارق و خرج دابا خاصو يوصل ل سيف الدين باي طريقة الى كان أمجد مضروب فاكيد ضارب هو و سيف الدين لكن علاش اصدقاء بينهم حب يوصلو يضاربو و علاش سيف الدين كان كيحلف انو غادي يقتلو ياله وصل الباب يخرج و هو يشدو موضف الاستقبال دار عندو
طارق:كاين شي مشكل
الموضف:مزيان من شفتك سي البوزيدي خلى ليك واحد الظرف قال ليا نوصلو ليك لكن المشاغل نسيتو حتى شفتك
طارق:فين هو اراه
الموضف:تسنى انا نجيبو دابا قالها وهو كيرجع لمكتب الاستقبالات بعد مدة جا هاز ظرف كبير الحجم شدو طارق
من امتى عطاه ليك؟
الموضف:من شي يومين هدي ولا تلات ايام و قال ليا نقول ليك طبق كاع لي فيه
طارق:واخا شكرا شد الملف و خرج ركب ف سيارة تاعو و فتح الظرف بدا كيقرا فيه باستغراب و ذهشة كانو فيها شي وراق
طارق:يا إما سيف هبل يا إما انا هبلت يا إما كاينة شي ان هنا رمى الوراق بعصبية و هز تيلي تاعو ركب رقم
طارق:الو سي البحاري لباس عليك بخير
البحاري:حمد لله بخير ا سي الباكري
طارق:الى عندك شي وقت بغيت نجي عندك دابا ضروري كاين شي أمور بغيت نتناقش معك فيها
البحاري:اه مرحبا تعالى انا كاين ف دار انا نصيفط ليك العنوان
طارق:بلا ما تصيفط والو انا عارف المهم 10 دقائق انا عندك…

👻👻 انقذوني شبح يلاحقني 👻 انقذوني
البارت:63
بقلم/حياة جمالي
رجعو عند سيف الدين لي كيدوز اكفس لحظات حياتو شي حاجة مايتقبلها العقل
وقفات الساحرة مباشرة قدام وجه فابيان بقات كتشوف فيه بشك
فابيان:زين لباس عليك راك منورة احبيبة
ضربو سيف الدين لركبتو ربما يستعقل هو شاف ساحرة و تحل
الساحرة:شكون انت وجهك مااا غريبش عليا مع اي طائفة جيتي انت وياه
فابيان:طائفة ااا طائفة
الساحرة:اه جاوب سربي قالتها وهي كتهز ايديها لفوق وهو يظهر سوط ناري طويل ملوي بطريقة دائرية جاوب سربي
سيف:حنا جينا مع طائفة السحارة خدام السحر المدفون
شافت فيه الساحرة و السوط الناري ف ايديها وهي دور راجعة
تنفسو اخيرا الصعداء ما عرف سيف أصلا هذا الطوائف ولا والو غير مع الخلعة خرجات ليه لكن سلكاتو
سيف:مشينا نموتو اوووف
فابيان:وهو كيشوف القدام بعيون مركزة وغير وجد الموت شوف قدامك شوف
شاف سيف الدين قدامو كانت الساحرة دايرة عندهم و هي كتهز ايديها كيف هزات ايديها بزربا دارو عليهم السحارة لي كانو منحنين على ركبتهم
ساحرة:اغبياء ما كاينة حتى انواع طوائف حنا طائفة وحدة لي كاينة عبادة الشيطان
بقى سيف الدين و فابيان كيشوفو ف السحارة لي دايرين بيهم وريق كيصرطوه بزز
فابيان:,كون غير بقيتي ساااكت
سيف:قلب دابا على خطة ماشي ساكت
فابيان: الهروب الهروب واش كتعرف ليه
كيف قالها هز ايديه لسما و طلقها قدام الساحرة لي دايرين بيهم مباشرة طارو لسما و طاحو الارض وهما يرجعو رماد كحل شد ف يد سيف الدين و طلقو رجليهم ل ريح لاصلا ما كايناش تما بداو كيدخلو ف السحارة و الصفوف ترونات
شاف مراد الروينة لي بعيدة عليه طار يشوف اشنو كاين شاف جوج لابسين نفس ملابسهم هاربين و الساحرة تبعاهم ب السوط الناري تاعها نزل مباشر شد ف الرداء تاع واحد فيهم وهو يطيح القب من فوق راسو شافو و عرفو كان سيف الدين
دار عندو سيف الدين ستغل الصدمة لي شدات مراد وهو يركلو ب رجليه و كمل على الهروب تاعو
فابيان:ارا ايدييييك قالها وهو كيشد ايديه كيف شدها ختفاو من قدامهم
مراد:ب عصبية لااااااا لاااا علاااش خليتيهم يهربووو علاااش مااا قتلتيهم
الساحرة:شخص لي معه قوي بزاف
مراد:دار عند الخدم قلبووو عليهم قتلوووهم مااا بغيتش يوقع حتى خطأ فالمراسم
تحناو على ركابيهم و ختفاو من قدامو
رجع عند الساحرة لي كانت كتحط شموع كحلة فالقرب من التابوت و حنى ركبتو هزات راسها فيه ب غضب
الساحرة السوداء:كون اكيد غادي نقتلك انا بايدي الى وقع شي خطا فالمراسيم
مراد:كوني أكيدة ما غادي يوقع والو ا معلمتي
الساحرة السوداء:انت لي خاصك تكون اكيد ما يوقع والو حيت بصاح غادي نقتلك أصلا هذا الغبية ما كانش عليا ناخدوها قربان جا منها غير الصداع
مراد: انتي عارفة انها هي الوحيدة لي قدرات تقرا الطلاسيم يعني هي المطلوبة
الساحرة السوداء:ما عرفت واش مطلوبة ل شيطان ولا لاخد روحك

👻👻 انقذوني شبح يلاحقني 👻 انقذوني
البارت:64
بقلم/حياة جمالي
ظهرو فوق من شجرة عالية بزاف بقاو كيشوفو التحت كان كلشي كيقلب عليهم التحت مرون اكيد مابقى عندهم وقت خاصهم يشدوهم بزربا قبل بداية المراسم
سيف:اشنو غادي نديرو دابا
فابيان:تسنى حتى يتفرقو و نزلو عندهم
سيف: مابقى والو للمراسيم
فابيان:الخطة تغيرات دابا صافي تكشفنا بفظلك
سيف:نسيتي واقلة راسك غير شفتي انثى و بديتي تعبر
فابيان:كون سكوتي كنت ندير ليها تعويذة الحب البشري اللعين
سيف:حترم راسك وصلنا لمعيار
فابيان:هز راسو لسما و هو يدفع سيف الدين للارض رماه بعدددد قالها و طار فالهواء
كانت الساحرة مولات السوط الناري طايرة فالسما و هي ترمي تجاههم السوط الناري لكن فابيان كان أسرع منها تجنبو و رمى سيف بعيد طار عندها وهو كيشد السوط الناري بايديه لي شعلات فيهم العافية كليا و طلعات شعلات فالجسد تاعو كلو غير شافت الساحرة انو رجع رجل. ناري تصدمات وشدها الخوف بتسم ليها بشر
فابيان:خسارة زوينة كنت بغيت نتعرف عليك اكتر لكن مابقى عندي وقت قالها وهو يجر السوط بقوة حتى تحيد من ايديها هزو لسما مباشرة طلقو عليها غوتات باعلى صوتها و رجعات ختفت رجعات رماد تبخر فالهواء
أما سيف الدين كيف طاح على الارض تجمعو عليه الخدم هز رجليه تجاه واحد بحركة سريعة طيرو بعيد(احححح سيد معلم الفنون القتالية) هز رجليه تاني طلقها على واحد وهما يطيرو عليه باقي الخدم شدوه من رجليه
سيف:طلقو طلقو طلقو الكفارة بالله هز راسو كان فابيان كيتقاتل حتى هو مع الخدم بعيد عليه
سيف:فاااابيااان عاااوني
هز فابيان ايديه تجاه سيف الدين بحركة دائرية وهو يظهر سيف مذهب ف ايديه
شاف سيف الدين فالسيف ل فايديه بصدمة
سيف:واش بنت لك انا سلاحف النينجا
فابيان:هذشي لي عطاك زهرك هز ايديه لي خرج منها نار و طلقها على الخدم لي جاين تجاهو
اما سيف بقى غير كيشير بالسيف بحركات غير متقونة لكن السيف كان قاتل لي جا قدامو ك يطير ليه راس
فهذا الاثناء لي هما مقاتلين مع الخدم كانت الساحرة السوداء و مراد كيوجدو ل طقوس لي على وشك البدء
_رجعو لاشنو وقع ف شركة البوزيدي ف قاعة الاجتماع كان الكل حاضر و كيتسأل اشنو سبب هذا الاجتماع لي جا على غفلة و بهدا السرعة خصوصا من عرفو ان أمجد صديق سيف الدين الحميم هو لي غادي يترأسو كانو جالسين فالقاعة كل واحد كيعطي نظريتو حتى تفتح الباب ودخل منو أمجد بلباسو الأنيق و ريحتو لي ديما سابقاه هاز راسو و كلو ثقة فالنفس و ف ايديه ملف لقى التحية و تاجه ل كرسي الرئيس جلس فيه و كلشي كيشوف باستغراب…

👻👻 انقذوني شبح يلاحقني 👻 انقذوني
البارت :65
بقلم/حياة جمالي 🤸
تقاد فالكرسي تاعو شاف فيهم
أمجد:بلا شك كلشي كيتسأل على سبب هذا الاجتماع لي جا على غفلة
الكل: تماما
أمجد:بابتسامة انا هنا غادي نجاوب على تسالاتكم ربط صبعانو مع بعضهم و كمل من هنا القدام ما غاديش يبقى البوزيدي فالشركة
شافو فيه بذهشة و بداو كيتشاوشو بينهم
أمجد:الله يخليكم الله يخليكم شوية الهدوء عارف هذشي صدمكم المهم خويا سيف الدين البوزيدي عندو شي مشاكل خاصة مابقى عندو وقت لخدمة و باع ليا جميع الشركات بيما فيها مجموعة الفنادق
شخص:لالا هذشي ما يمكنش حنا خدمنا مع البوزيدي من سنوات و عارفين انو العمل تاعو مهم واخا اي مشكله يوقع مستحيل يفوت شي عمل
أمجد:بنادم عندو ضروف و حتى دابا عتبروني بحال البوزيدي اشنو الفرق بيني وبين خويا حبيبي
تفتح الباب و ظهر منو المحامي طارق و ف جنبو شخص شاف فيهم بابتسامة
طارق:سمحو ليا تعطلت عليكم
أمجد:مرحبا مازال عاد بدينا شاف ف السكرتيرة بابتسامة غضب سمح لينا نسيتك لكن امل راها قامت بالواجب
طارق:هانية اسي أمجد تاجه ل كرسي جلس و جلس جنبو الشاب لي معه
أمجد:المهم نكملو فين كنا صاحبي سيف الدين البوزيدي بما انو واثق فيا خلى ليا كلشي بيع و شراء
طارق:كيفاش بيع و شراء شرح ليا راه عاد وصلت اشنو فاتني
أمجد:ما فاتك والو سيف الدين ما بقاش بغى شركات و باعهم ليا
الشخص لي مع طارق:كيفاش خلهم ليك واش هما صبابط متلا
أمجد:شاف فيه باستغراب سمح ليا شكون انت بعدا
_بدات الساحرة كتشعل الشموع هزات شمعة فايديها كانو ظفارها كتخوف طوال و موسخين شافت ف مراد
الساحرة:جا الوقت شافت وراها كان الهدوء حيت مكان القتال بعيد عليهم
مراد:شاف ف الساحرات لي جنبو بداااو قالها و قرب كيشوف ف شروق لي مسرحة فالتابوت بابتسامة نصر
كيف قالها بداو كيغنيو ب تعاويذ غريبة لجلب روح الشيطان
_عند سيف الدين كان كيقاتل ب السيف لكن كانو اكتر منو شدوه من رجليه و ايديه و حيدو ليه السيف كانو كيشوفو فيه بعيون حمرا
سيف:{{ أعوذ بالله من الشيطان الرجيم و اتتبعوا ما تتلوا الشياطين على ملك سليمان وما كفر سليمان ولكن الشياطين كفروا يعلمون السحر وما أنزل على الملكين بيبابل هاروت و ماروت و ما يعلمان من احد حتى يقولا انما نحن فتنة فلا تكفر فيتعلمون منهما ما يفرقون بيه بين المرء و زوجه و ما هم بضارين بيه من احد الا بادن الله و يتعلمون ما يضرهم ولا ينفعهم ولقد علموا لمن إشتراه ماله في الأخرة من خلاق و لبئس ما اشتروا أنفسهم لو كانو يعلمون}}
كيف كمل الآية الكريمة طاحو كل الخدم الارض كيغوتو و كيسدو على ودنيهم بألم
سيف الدين بقى كيعاود فالاية و آية الكرسي وهما كيغوتو بالم حتى نفجرو كلهم دقة وحدة و تحولو ل رماد
شاف فابيان ف سيف الدين بذهشة
واااو تعويذة سحرية رائعة
سيف: بغضب القرآن الكريم هذا حصن المسلم ماشي سحر هز راسو وهو يبان ليه القمر بدا كيتغير لونو. اشنووو هذشي
فابيان:لا سربي سربي بداو المراسيم
كيف سمع كلام فابيان بدا كيجري وهو كيقرا القران الكريم بصوتو العذب باعلى صوتو
شافت الساحرة السوداء ف القمر و العصا ل فايديها كتتحرك باظطراب
الساحرة:قوى النور قريبة بزاف لهنا شافت ف مراد و كملات بسبابك هذشي وقع سير قتلووو ما ترجعش الى ما قتلتيه موت و ما تخليهش يوصل هنا سيدنا ابليس (اعوذ بالله) قرب يطلعو القرون تاعو و ياخد القربان
مراد:ما تخافيش مستحيل يقدر عليا تحنى على ركبتو ولاء ليها و ختفى…

👻👻 انقذوني شبح يلاحقني 👻 انقذوني
البارت:67
بقلم/حياة جمالي
أمجد:باستغراب سمح ليا شكون انت بعدا
طارق:و شرح لينا بعدا كيفاش خلاهم ليكم و فين هو سيف الدين و هذا الكرسي ماشي تاعك
أمجد:بابتسامة نصر خاصك من هنا القدام ترد بالك من اسلوب هضرتك معيا الى ما بغيتي تبقى بلا خدمة قالها و هو كيرمي ليه الملف
شدو طارق و جلس كيقرا فيه
أمجد:ايه كيف كتشوف انا راني ماشي جاي كنهضر غير بالفم هدشي بالوثائق الى ما عجبك الحال ممكن تخرج انت و ضيف تاعك
الشخص لي مع طارق:كيفاش هذا نخرجو شيفنا راسنا حترمناك وانت تزيد فيه
أمجد:نزيد فيه كيف ما بغيت الشركة تاعي وانا حر بديتو كتعصبوني نتما بزوج
طارق:اشنو معنى هذشي راه بامكاني ندخلك الحبس على هذا الوراق
أمجد: علاش تدخلني سيف الدين البوزيدي باع ليا وانا شريت واش هذشي ماشي قانوني
الشاب:وقف من الكرسي بعصبية تجاه أمجد انت بعدا اشنو مݣلسك فالكرسي تاعي نوض منو قالها وهو كيجرو
أمجد: طلق مني غادي نعيط ليك على الأمن يخرجوك
الشاب:غادي يخرجوك انت لي هاجم شاف ف طارق شكون هذا الحمق
أمجد:بدورو شاف ف طارق قول ل صاحبك يبعد ولا غادي يندم شكون هذا بعدا
الاشخاص لي فالقاعة بداو غير كيشوف اشنو واقع قدامهم ما فهموا والو
طارق:نقدم ليكم سي البحاري سي البوزيدي باع ليه الاملاك تاعو بيع و شراء وانا شاهد على هادشي
أمجد:بصدمة كيفاش اشنو تقدم عند طارق جاين تنصبو عليا
البحاري:انت لي جاي تنصب علينا كيفاش سيف الدين يبيع ليك و هو بايع ليا
أمجد:شاف ف طارق اكيد هذي خطة من الخطط تاعك لكن ماشي عليا انا راه ب وراقي ارا لينا الدليل ان هذا الشخص هو مول هذشي
طارق: الدليل ان هذشي قبل من التاريخ لي داير انت يعني الى خاص شي حد يبيع ليك ف هو سي البحاري تاني حاجة عندنا شهود و العون ف المحكمة و انت اش من شهود عندك انت اكيد نصاب عيب دير هكدا و تعض اليد لي مدات ليك الخبز
أمجد:هذشي كدوب علاش سيف الدين ما قال ليا والو وانا صاحبو
البحاري:واش ضروري يقول ليك كلشي ياله ياله جمع عليا وراقك و خرج من الاملاك تاعي قبل ما نعيط ليهم يخرجوك
أمجد:غادي نبلغ عليكم غير تهناو
طارق:مد ليه الملف سمع الى سي البوزيدي ما ظهر من هنا 24 ساعة انا لي غادي نبلغ عليك غير تهنى هز عليا وراقك و خرج فحالك
شاف فيهم أمجد بعصبية و ف المواضفين لي حابسين الضحك عليه تقدم للباب وهو كيتحلف عليهم
البحاري:شاف ف المواضفين و كمل ما غادي يتبدل والو عتبرو بحال البوزيدي مازال واصلا غير شي ايام و يكون معنا لكن اي واحد نحصل عليه شي حاجة غلط ما غاديش ندوز ليه الخدمة كيف ما كانت تكون دابا ماشي ان البوزيدي ما كاين حاليا تتكاسلو ليا مفهوم ياله كل واحد يرجع فحالو و هذا لي سميتو أمجد اي واحد نحصلو كيتعامل معه لا من بعيد ولا قريب غير يمجع حوايجو من دابا ياله كل واحد يشوف خدمتو
خرجو كلهم بقى غير طارق و البحاري
طارق:دابا عاد عرفت علاش سيف الدين دار هذا الخطوة صراحة تلقى الخير ف البراني و ما تلقاه فالقريب منك
البحاري:من وجهو باينة عليه نصاب انا من افلاس شركتي تعلمت نعبر بنادم من وجهو لكن سيف الدين فين غابر
طارق:ما عرفت و عمرو دارها سيف الدين اكتر واحد مضبوط فالمواعد تاعو وانا غادي نقلب والى فعلا أمجد ليه دخل مشى فيها
البحاري:باينة ليه دخل ما شفتيش باين كان فشي مدابزة..

👻👻 انقذوني شبح يلاحقني 👻 👻
البارت:68
بقلم/حياة جمالي
•••كل الاحذات من وحي خيال الكاتبة •••
_مراد ما تخافيش مستحيل يقدر عليا تحنى على ركبتو ولاء ليها و ختفى
كان سيف الدين كيجري باش يوصل ل تابوت ياخد شروق حتى حس بشي حاجة شداتو من رجليه و طاح الارض شاف كان حبل ملوي على رجليه تحنى كيحاول يفك فيه حتى تهز من الارض فالهواء و ظهر مراد
مراد:ما بغيتيش تحشم داخل هنا لكن جيتي ل قبرك هاهاها
سيف:ماااا غااااديش نخليك تادي شروق
مراد: هاهاها باش غادي تحبسني بهدا القوة الضعيفة تاعك هز ايديه ف الهوا و سيف معلق طاير هو فالارض كيشوف فيه بابتسامة شر ضغط على ايديه بحال خانق شي حد وهو يحس سيف الدين بشي يد قوية تحطات على عنقو كتخنق فيه بدا كيحاول يفك ايديه باش يخلص عنقو من اليد الغير المرئية لي كتخنق فيه لكن والو بدا كيحس ب ودنيه كتصفر و النفس كيمشي ليه تفكر شروق صافي واش هنا غادي يموتو فهذا العالم الغريب مع السحارة سحارة الشر
عند الساحرة لي كتقول بعض من التعاويذ طلعات عينيها الحمرا فالسما و هو يبان ليها القمر قريب يوصل لون احمر هزات ايديها تجاه الساحرات وهما يقربو التابوت ل حافة الجبل كانت شروق غايبة عن العالم بقوى السحر الروح تاعها رجعها مراد و حبسها بقوة السلسلة و بين ايديها الخنجر المنقوش بتعاويذ سحرية بالكحل ظهر اخيرا القمر الأحمر كيف ظهر كلشي سجد الى الساحرة السوداء بقات واقفة هازة عصاتها
الساحرة السوداء: هاهاها اخيرااا اخيرااا لكن فينك ا مراد سربي تعالى
_مراد: عطيتك فرصة تعيش لكن تبعتيني دابا ودع الحياة هاهاها كيف هز ايديه تانية تجاه سيف جاتو ضربة من لور طار و طاح بعيد كيف طاح بالم طاح حتى سيف الدين
فابيان:خاصك واحد عندو قوى بحالك ولا كتر طار عندو و هو كيشدو من عنقو
فابيان:سرررربي سرررربي هذي فرصتك تنقدها سررربي
كان سيف كيتنفس بسرعة و صدرو كيطلع و ينزل بالم لكن من سمع كلام فابيان وقف بصعوبة شاف القمر رجع احمر جمع كل قوتو و بدا كيجري
مراد:ما تحلمش الهجين صاحبك ينجح
فابيان:من عرفتيني هاجين غادي تعرف اني فضولي السحار الحقير
مراد:هز ايديه و هما يظهرو مجموعة كبيرة من الخدم طارو على فابيان لي كان شاد مراد من عنقو بدا فابيان كيتحارب معهم وهو مازال شاد مراد من عنقو طارو عليه الخدم و حاصروه
الساحرة السوداء:اهلا بقدومك الهي الشيطان (اعوذ بالله) هاهي عروستك عذراء طاهرة مطهرة قلب صافي اقبل القربان مننا و اظهر لنا قرونك التي ننتظهرها بكل شغف قالتها و بدات كتمتم ب شي كلمات بلغة غير مفهومة حسات بشي حاجة كتتحرك من التابوت دارت بوجهها وهي تشوف شروق كتحاول تحرك ايديها كانت غايبة لكن ايديها كتتحرك و تجاه قلبها خارج منو نور حسات بخوف هذا الأضحية فيها غير الشؤوم باين قوى النور قريبة للمكان لكن خاص قرون الشيطان يظهرو خاص الشيطان يظهر بزربا و يهز الخنجر يقطلع بيه قلب هذا القربان المنحوس كيف دارت بظهرها بدات كتكمل التعويذة نقز عليها سيف الدين من ظهرها رماها و هو يجري ل تابوت لي فيه شروق
سيف:شروق شروق الحبيبة تاعي فتحي عينيك شروق بدا كيحاول يهزها لكن ثقية بحال مربوطة مع الحديد
_فتحي عينيك كوني قوية شروووق تحنى كيبوسها فوق من راسها و دموع نازلة من عينيه شروووق انا كنبغيك كنبغيك
وقفات الساحرة السوداء لجاتها الضربة على غفلة شافت سيف كيعنق ف القربان هزات عصاتها تجاهو و خرج بحال اعصار لونو كحل هز سيف الدين لسما خبطو الارض
_كانت شروق ف لا وعي تاعها جالسة ف مكان مظلم كتبكي
شروق:انا خايفة ما تخلونيش شكون هنا هىء هىء خرجوووني شي حد يخرجني ماما بابا هىء هىء
فجأة حسات بقطرة ماء طاحت فوق من وجهها هزات راسها لسما وهي تشوف نور بيض و سمعات شاب كيبكي و يطلبها تبقى معه طاحت القطرة تانية لي هي دموع سيف الدين وهي تسمعو كيقول ليها كنبغيك

👻👻 انقذوني شبح يلاحقني 👻 انقذوني
البارت:69
بقلم/حياة جمالي
•••كل الاحداث خبالية •••
شروق:عتقننيي عااااوني عفااااك هىءهىء بدات كتمد ايديها تجاه النور كتحاول توصل ليه
طاح سيف الدين الارض بألم شديد ف ظهرو كيحس بحال ظهرو تقسم سمع صوت غريب مرعب هز راسو وهو يبان ليه الهلال تحول ل قرون حمراء و مخلوق كيخلع كيوقف بين جوج جبولة لي بين القمر هز راسو اكتر بالم و دم خارج من نيفو و فمو
سيف:مااا غاااديش تديها ديني انا بلاصتها
الساحرة السوداء:طارت عندو و هزات العصا ضرراتو بيها ل راس ماا غاديش تفسد الخطة تاااعي ا مخلوق النور
سيف:بالم غادي نحبسك وقف بكل قوتو لي بقات عندو و جرا ل تابوت وهو كيشوف ف الشيطان لي جاي تجاه التابوت و صوتو مزعزع المكان
سيف:وهو كينزف ببببعدددد هذي تااااعي تاااااعي
الساحرة السوداء:جرات عندو شداتو من عنقو غادي نفرغ ليك كل قطرة دم لي ف ذات الحقير
سيف بدا كيحس بكل جزء من ذاتو كيتحرق ما بقى عندو قوى غمض عينيه
سيف:ياااا رب ياااارب ياااارب
فتحات شروق عينيها وسط القربان مباشرة كيف فتحاتها شافت مخلوق غريب مخيف عندو القرون جاي من بين الجبال تجاهها و شافت مرا مخيفة كتخنق ف شخص غريب تخلعات من المشهد وقفات وهي كتشوف اشنو لابسة شافت ف ايديها كان فيها خنجر هزات راسها ف الشاب كان نفس الشاب لي كان كيبكي عليها اه هو لي تبعاتو باش فاقت مباشرة ما عرفات كيفاش و امتى هزات الخنجر قفزات من التابوت و مباشرة طعنت بيه الساحرة السوداء شافت الساحرة السوداء ف شروق ب دهشة و استغراب كيفاش تخلصات من التجميد كيفاش قدرات تتخلص من التعويذة و تتحرك لا و تطعنها ب الخنجر الاسود
الساحرة:لالااا لالا ماشي انا القربان ماشي انا الهدية قالتها و طاحت الارض
طاح جنبها سيف الدين كان كينزف فتح عينيه لي شبه مسدودة شاف شروق كلها كتترعد ما فاهمة والو و المخلوق الشيطاني كيغوت غوات مرعب بحال غضبان و كيتحول ل غبار و ختفى
شروق شافت ف الساحرة السوداء لي كيخرج منها دم كحل لون بحال القطران كلها كتترعد ناري غادي تدخل الحبس قتلات روح و الروح عزيزة عند الله غادي دوز شبابها محبوسة لكن اشنو كدير هنا اشنو وقع كانت كتحاول تتفكر حتى كيشدها شي حد من شعرها هزها من الارض
شروق:بالم اييي طلقني دارت وهي تشوف مراد لكن ملامحو كانت غريبة بزاف مراااد
مراد:هذا الكابوس حياتك قتلتي معلمتي
شروق:مرااد طلق طلقنييييي….

👻👻 انقذوني شبح يلاحقني 👻 انقذوني
البارت:70
بقلم/حياة جمالي
هزها مراد بعصبية و دلى رجليها فالهاوية تاع الجبل
غادي نقتتتلك غادي نقتللللك شاف ف الساحرة السوداء وهي تختفي رجعات رماد كحل و ختفات غوت غوتة زعزعات المكان و دموع نزلو من عينيه كانو الخدم كلهم كيتحاربو مع فابيان كيف سمعو الغوات رجعو رماد و ختفو بقى فابيان كيدور راسو باستغراب مال هدو واش هذي علامة زوينة ولا خايبة طار بزربا للمكان القربان
سيف:بالم بعد منها خليها علليييك
مراد: كلشي بسبابك انا غاااادي نتخلص منها و ندوووز ليك معللللمتي هىء هىء هىء العاهرة انتي تقتليها انتي الحقيرة غادي نتبعك ليها فالجحيم تدوز عليك العذاااب
سيف:زحف عندو و هو كيحاول يوقف خليها عفاااك هي بريئة قتلني انا
فابيان:لي ظهر فهذا اللحظة هيه خليييها عليك
مراد:حتى انت غادي نقتلك انت بسبابك و سبابو كلشي وقع
فابيان:طلق البنت و تعالى قتلنا دابا غير طلق البنت
مراد:بغيتوني نطلقها هزها و مد ايديه اكتر ف حافة الجبل
سيف:لالا عفاك مستعد ندير لك كلشي غير حطها الارض
شروق:هىء هىء عتقووني مااا بغيتش نموت مازالة صغيرة هىء هىء
فابيان:ما تكونش جبان حط البنت و واجهني رجل ل رجل ولا عارف حنا اقوى منك داكشي علاش مخبي وراها النعجة
مراد:بابتسامة شر غادي نقتلكم كلكم هاهاها روح معلمتي ما غاديش يمشي باطل هاهي طلقتها قالها و مباشرة طلقها فالهاوية وهي كتغوت
سيف:شررررووووق لااااااااااااااااا قالها و نقز مباشرة وسط الهاوية بلا اي تفكير او تردد شدها و عنقها ليه
شروق: لااااااا لااااااا وهي كتعنق فيه مااا بغيتش نموت
سيف:عنقها بقوة ليه قرب ل ودنيها اشهد ان لا اله الا الله و اشهد ان محمد رسول الله قالها و غمض عينيه
كيف طلق مراد شروق ف حافة جبل الجحيم قفز عليه فابيان هز ايديه لسما ل شعل فيها العافية و طلقها على صدرو دخلها وسط لحمو و قطلع بيها قلبو رجع مراد غبار و ختفى جرا فابيان طل على الحافة كان الضباب بزاف
فابيان:سيييييف سيييييف لالا ما خاصكومش تموتو لا لاااا سيففف شروووق بقى كيعيط ربع ساعة بالم و حزن المكان ما بقى فيه حد من غيرو و اكيد السقوط من حافة جبل الجحيم المصير هو الموت وقف بحزن
فابيان:كنتمنى تتجمعو فالاخيرة ا صاحبي قالها و ختفى
_ أمجد: ولد الحرام انا يديرها بيا
نورة:قلت ليك كيفاش حتى سيف الدين وقع بزربا لكن هو كان ضارب الحساب من زمان
أمجد:يمكن ديك الشبح الحقير لي معه كان سمعتي انا وياك شي مرة من كنا كنخططو
نورة:دابا خاص سيف يبان ولا غادي تكون ف مشكلة يقدر طارق يلصق ليك شي تهمة
أمجد:بعصبية ولاد الحرااام خاصني نتخلص من سيارتو لي قدام العمارة
نورة:واشنو كتسنى نوض دابا نيت
خرج أمجد فتح باب السيارة تاع سيف الدين ياله جا يخدمها و هو يسمع صوت دقان فالزاجة عينيه خرجو بصدمة
•شوفي شوفي اشنو داكشي بشريين ياه بشريين عندنا•…

👻👻 انقذوني شبح يلاحقني 👻 انقذوني
البارت:70
بقلم/حياة جمالي
_نزل الشريف اشنو كدير الداخل
فتح أمجد الباب تاع لوطو و خرج و هو كيشوف قدامو كانو ربعة من رجال الشرطة معهم المحامي طارق
أمجد:اشنو كاين ياك والو باس
طارق:هذي راه طونوبيل تاع البوزيدي اشنو كدير فيها و اشنو كدير عندك
أمجد: كيفاش اشنو كدير عندي صاحبي خلاها ليا شاف ف البوليس كاين ما نقضيو
البوليسي:مرفوعة عليك دعوة بسبب البوزيدي لي مختفي انت اخر واحد شافو
أمجد: راه البارح كان عندي و مشى واش عندك شي دليل لهذا تهم ولا غير داوي خاوي و تابع ليا هذا المحامي لي مسالي قبو
البوليسي:عندنا دليل العساس تاع العمارة هو ب دورو قال لينا ان سيف الدين دخل لشقة تاعك ما بقى شافو خرج ومن خرجتي انت كنتي مضروب و كان سمع صوت صداع و غوات
أمجد:مابقى خرج مالني صرطو
البوليسي:فيك الفهامة بزاااف شاف ف صحابو هزو عليا هذا
أمجد:اتسنى راكم غاالطين شاف ف البوليسي لي جاي يدير ليه المينوط طلق طلق غادي ندمكم كاااملين
طارق:غير ياله الكومسيرية و ندمنا والله و ما ظهر البوزيدي حتى نغرقك فالحبسات
كانت نورة جالسة كتسنى أمجد حتى تدق الباب فتحات كان العساس تاع العمارة
نورة:نعم
العساس :لالة راه سي أمجد هزوه البوليس
نورة:اويييلي علاااش اشنووو دار
العساس:ما عرفت جاو سولوني و هزوه
نورة:بخوف الله اربي الله أمجد سدات الباب كلها كتترعد ما عرفات اشنو دير بزربا لبسات عليها و خرجات
فالكوميسيرية جالس أمجد و قدامو الكومسير و طارق كيسولو فيه
أمجد:و راه قلت ليكم اه ما كنكرش كان عندي دابزنا لكن راه مابقيت شفتو مازال
الكومسير:و هذا الوراق المزورة تاع البيع و الشراء ل ممتلكاتو
أمجد:راه هو وقع هذشي ماشي مزورين ما فهمت منين خرج هذا البحاري ب وراق الى غادي تحقق حقق مع البحاري هو لي يكون ليه دخل ف اختفاء سيف الدين واصلا الى كان نيت مختفي
الكومسير:كيفاش الى كان مختفي راه كل الاصابع كتوجه ليك انت
فتح الباب و دخل واحد البوليسي هضر بصوت ما مسموعش مع الكومسير و عطاه شي حاجة و خرج
الكومسير:واخا اسي أمجد ها حنا غادي نشوفو دابا قرب من البيسي وحط كارط ميموار و خدم الفيديو بقاو كيتفرجو هو و طارق شافو ف أمجد لي كيشوف فيهم باستغراب
الكومسير:واخا شوف دابا دور ليه البيسي
كان الفيديو تاع برا العمارة و داخل المدخل العمارة باين سيف الدين حتى نزل من لوطو و طلع فالمصعد لكن من بعد ما بقاش نزل
أمجد:اه كان عندي لكن شوفو راه نزل
الكومسير:راه السيد مابقى نزل وانت معترف انو طلع عندك
أمجد:والله حتى نزل
طارق:هذشي راه فيه الحبس من الاحسن تتعاون معنا
أمجد:شاف فيهم والله ما كنكدب سكت شوية كيهضر مع راسو كيفاش طلع مابقى نزل و حتى العساس شاهد لكن هو نزل اه نزل تفكر نورة وهو يشوف فيهم اااه ااه نورة نورة كانت معنا هي شاهدة
الكومسير:وفين هي
أمجد:راها فالشقة اه اه هي تشهد

👻👻 انقذوني شبح يلاحقني 👻 انقذوني
البارت:71
بقلم/Hayat Jamali
الكومسير:هز تيلي الووو رجعو للعمارة و قلبو داخل الشقة و من بعد جيبو السيدة معكم
أمجد:علاش يجيبوها راه هي ماليها حتى دخل
طارق:داكشي غادي نعرفوه من تجي
ياله نورة خارجة من باب العمارة وهي تشوف سيارة الشرطة وقفات قدامها نزل بوليسي و صاحبو
انتي الآنسة نورة بنت خالة أمجد
نورة:اه انا هي اشنو واقع ياله كنت جاية عندكم
البوليسي:فتحي لينا باب الشقة بغينا نفتشوها
نورة:باستغراب علاش اشنو واقع
البوليسي:بغضب ا لالة حنا لي كنسولو هنا سربي طلعي فتحي لينا الباب
شافت فيهم نورة ب ارتباك و رجعات طلعات فتحات ليهم الباب دخلو من وراها اول حاجة نتابهو ليها هي المرايا لي معلقة قدام الباب مهروسة دخلو كيقلبو كانو بعض الاثات مهرسة
نورة:علاش كتقلبو بالذات باش نعاونكم
البوليسي:عاونينا غير بالسكات تاعك
بقاو كيقلبو فكل قنط وكل واحد مشى جهة واحد دخل الطواليت كيقلب ياله بغى يخرج وهو يشوف شي توب كيبان جزء تاعو تحنى جرو و هو يتصدم كان عامر بالدم كيف هزو طاحت من جيبو كارط فيزيت هزها كانت باسم سيف الدين البوزيدي
صاحبي تعالى هنا تعالى
جرا عندو البوليسي وهو يتصدم من شاف القميص لي كلو دم
البوليسي:تاع المختفي اكيد
البوليسي 2:بزربا عيط ل شرطة الجرائم
هز تيلي و تصل ب شرطة الجرائم لي بزربا جات
نورة:هىء هىء اكيد شي حد لي دار هدشي راه ماشي أمجد هذا القميجة عمرها كانت هنا ولا جابها أمجد هىء هىء أمجد مستحيل يقتل لالا هىء هىء
البوليسي:لالة سوكتي هذشي غادي نعرفوه دابا غير تهدني
نورة:كيفاش نتهدن و هذشي تدار ل أمجد
البوليسي هز عينيه ف واحد من الشرطة العلمية جاي تجاههم
هذا الغرفة تاعمن فين سوارت تاعها
نورة:تاعي هىء هىء كتهضر وهي كتبكي هزات صاكها بين ايديها لي كتترعد بغات تفتحو لكن بقوة الصدمة و الخوف على أمجد كانت ايديها كتترعد طاح الارض و تشتت
نورة:سمحو ليا هىء هىء
البوليسي:ماشي مشكل غير تهدني انا نجمعو ليك تحنى كيجمع شد صاك ياله بغى يدخل فيه باطة تاع البودر لي طاحت وهو يشوف بلاستيكية بيضة وسطها شي حاجة من شكل تاعها باين طويل مد ايديه كيتحسس فيه كان قاصح و بحال آلة حادة
البوليسي:اشنو هذشي؟؟؟ قالها و خرجو برا من الصاك كان سكين مغلف
نورة:بصدمة اشنو فين كان هذشي
شدو منو واحد من شرطة الجرائم بايديه لي فيها القفازات و خرجو من البلاستيك كان موس عامر بدم يابس شافو ف نورة كلهم بصدمة
اما نورة مابقات فهمات والو بقوة الصدمة و الخوف طاحت الارض غايبة….

👻👻 انقذوني شبح يلاحقني 👻 انقذوني
البارت:72
بقلم/ حياة جمالي
كانت الكومسيرية مقربلة رجعو ف جريمة بلا ما يلقاو جثة طارق تصدم و غير كيبكي كيفاش سيف الدين مات من كمية دم لي ف القميجة اكيد مات راه دم بزاف
طارق:خاصكم تلقاااوه انا ما متصورش سيف الدين يموت مقتول لا لا اجمل خلق كيخاف من الله كيصدق ما كيوصل حد كيفاش تكون الخاتمة تاعو هكدا
الكومسير:طارق تهدن انا براسي ما عرفت تصدمت راه حتى من ثلاجة قلبناها هما بجوج كينكرو انهم دارو ليه شي حاجة
طارق:واش بغيتيهم يقولو اه قتلناه دوك جوج انا غادي نخليهم يتعفنو فالحبسات سيف الدين اصاحبي سمح ليا لكن والله حتى نتاقم لك منهم
الكومسير:كاينة فارضية وحدة انهم قتلوه و قطعوه ف الطواليت و تخلصو من الجثة تاعو فشي قنط الشرطة العلمية قالت دم دم بشري والقميجة تاع سيف الدين لكن خاصنا نعرفو الفئة تاع دم سيف الدين البنت راه مصدومة كاع ما كتهضر كون هضرات كنا نخليوها تهضر لكن بقوة الصدمة مشى ليها النطق
طارق:و غير يمشي بمرة حاول تخليهم يهضرو باي طريقة
الكومسير:وغير تهنى راه نزلت سي أمجد يتݣلصى شوية و يتكرم من رجالنا باش يرجع ليه العقل
_كان أمجد طايح على كرشو كاع مسلوخ و لابس غير شورط حيدو ليه حوايجو كلها و سلخوه مزيان كان عقلو مع نورة من سمع اشنو وقع لكن كيفاش هذشي كيفاش حوايج سيف و الموس كون ما عارف القوة الضعيفة تاع نورة كان يقول هي قتلاتو لكن لالا واش يكون كلشي من عقل طارق ولكن كيفاش بقدر يدخل الشقة و صاك نورة لالا هذا بفعل جنون اه الاشباح اه هما لي مسحو الفيديو هما لي بغاو يغرقوه اكيد سيف الدين سحار هو بغى ينتقم منو بهذا الطريقة و مخبي فشي بلاصة كيتفرج وقف بالم وهو كاع ما قادر مشى تجاه الباب كيدق
أمجد:حلو حلو بغيت الكومسير غادي نقول كلشي فتحووو عليا
ف برا تاع الكومسيرية كانت عجوز مقوصة الظهر واقفة وسط من الشتا طلعات عينيها فالكوميسيرية بابتسامة
العجوز:من حفر حفرة لاخيه وقع فيها ايوا شفتي طمع فين وصلك هههههههههه بحال غادي يصدقوك الى عاودتي ليهم الحقيقية قلت ليك راك مراقب وانا ما غاديش نخليك تمشي بلا عقاب القلوب الخبيثة ديما كتحاسب وانت مازال عندك حسابات ههههه بدات كتضحك و فجأة ختفات من المكان….

👻👻 انقذوني شبح يلاحقني 👻 انقذوني
البارت:73
بقلم/حياة جمالي
•شوفي شوفي اشنو داكشي بشريين ياااه بشريين عندنا•
كانت غايب على الوجود حتى كيحس ب شي حد كيلمسو ف وجهو و شعرو فتح عينيه ب شوية وهو يغمضهم بقوة النور عاود فتحهم وهو يشوف قدام وجهو بنات صغار تكون عندهم 15 سنة لابسين البيض و وجههم منور كيف شافوه فتح عينيه هربو بخوف
سيف:فين انا اش هذا المكان بدا كيدور عينيه للمكان كان زوين بزاف طبيعة غاية فالروعة و اصوات العصافير بحال الانعام
سيف:واش جنة هدي واش صافي ما مت تفكر شروق فين فين فين هي شروووق وقف بألم الضربة فالظهر كيعيط شروووق شروووق
البنات غير سمعوه كيغوت هربو بخوف
ناري هربي هربي متوحش خاص نبلغو الحكيم
بدا سيف كيدور فالمكان و هو كيلاحظ انو كيدور من صباح ف نفس المكان هذا العالم بحال المتاهة فجأة ظهر قدامو رجل كبير فالعمر لابس كلشي بيض و لحيتو واصلة حتى ركبتو بلون بيض و شعرو بيض طويل هاز مرايا مزخرفة ف ايديه شاف ف سيف الدين و بتسم
سيف:شكون انت فين انا فين البنت لي كانت معيا
_ما تخافش تهدن انت ف ارض النجاة اشنو كدير هنا كيفاش دخلتو هنا ما عرفت لكن اكيد انكم كنتو بين الحياة والموت حيت هذا عالم بين الحياة و الموت من زمااااان ما شفنا بشر هنا انا هو الحكيم
سيف:فين البنت لي كانت معيا
الحكيم: هزيناها تتعالج باينة كانت وسط روح شريرة لكن هذشي اكيد ماشي فابور
شاف فيه سيف باستغراب حتى هذا العالم تاع نجاة ولا اش سميتو بغى الفلوس باينة شي عالم طماع هذا
سيف:نعطيك لي بغيتي غير علجوها
الحكيم: واخا حتى انت راك مضروب قرب ليه و هز المرايا قدام وجهو و رجعها عندو شاف فيها و بتسم ابتسامة غريبة ما مفهوماش
الحكيم:،زيد زيد معيا الله اودي مرحبا مرحبا اي حاجة بغيتها كاينة هنا عندنا مقاهي و ملابس و اكسسوارات ماكلة كلشي كاين
سيف:واش متأكد هذا ماشي عالم بشري
الحكيم:لا لا هذا عالم بين الحياة والموت وانت كنتي ف طريقك للموت و الطريق تخلطات جابتك هنا انت و البنت اجي البنت اشنو كتجيك
سيف:مراتي علاش فين هي ديني عندها
الحكيم:ههه مراتك الله يكمل ليكم بالخير عندكم ولاد ولا لا الى ما عندكم راه عندنا اعشاب الإباضة و القوة الجنسية
سيف:شريف ما عنديش مع العشابة
الحكيم:ههه عندنا حتى طبيب زيد زيد بعدا معيا
تبعو سيف الدين على وعدو واخا ما فهمش هذا الحكيم مالو و علاش كيتصرف هكدا داير بحال شي نصاب ولا سمسار بقى تابعو حتى وصلو بيوت مصنوعة من الخشب والقش و ناس خارجين شي كيبيع شي كيشري كان كلشي لابسين البيض لبسهم قديم بحال تاع العثمانين من غير سيف وقف الحكيم حدا بيت كان الباب مفتوح دخل و تبعو سيف الدين كان بيت كلو اعشاب و كتب تاع الطب بالاعشاب و كانو شباب كيقراو الكتب وشي كيدق العشوب شي كيغسلهم شي كيجفف
سيف الدين ما عرفش اشنو وقع فابيان عاقل غير من قتل مراد و سمع صوتو كيعيط عليه من تبع شروق كيتمنى يكون بخير لكن فهذا العالم ما خايفش و باين كاين الامان واخا كلشي غريب دخلو واحد غرفة كان فيها الند و شموع وهي تبان شروق ناعسة على سرير من القش قرب ليها سيف الدين بفرحة وهو يتصدم كيف قرب كانو ابر ف صباع رجليها و صباع ايديها شاف ف الحكيم ب غضب
اشنو هذشي اشنو درتي ليها
الحكيم:ما تخافش هدو ابر صينية كنخرجو الطاقة السلبية من الجسد تاعها و كنرجعو ليها هدوء السكينة و الراحة النفسية خاصها الهدوء بزاف ياله نخرجو من هنا
سيف:لا ما غاديش نخرج من هنا
الحكيم:غادي غير تفسد العلاج تاعها خليها ترتاح من بعد ربع ساعات غادي ترجع بخير و تفيق
شاف سيف الدين ف شروق خايف ايخليها توقع ليها شي حاجة بقوة ما عاش من مصايب ما بقى قادر يصدق حتى حد بتسم ليه الحكيم بحال كيقول ليه تهدن و صدقني وهو يتبعو سيف الدين برا
الحكيم:فيك جوع
سيف:اه بغيت ناكل الى تكرمتي
الحكيم:قرب ليه و طلع المرايا قدام وجه سيف الدين كيف الاول و رجعها بابتسامة اه اه انا نختار ليك هههه ما تاكل
سيف:باستغراب واخا شكرا…

👻👻 انقذوني شبح يلاحقني 👻 انقذوني
البارت:74
بقلم/حياة جمالي
خرج الحكيم و خلى سيف الدين مستغرب من تصرفاتو لكن غير يصبر حتى تفيق شروق و يمشيو من هنا هذا الى شروق عاقلة عليه تفكر كلام رافائيل انها ما غاديش تعقل عليه وهو يتنهد بعمق و ملامحو تغيرو ل حزن دخل الحكيم هاز سلة مغطية شاف ف سيف الدين
الحكيم:مالك ا ولدي كتنهد بحال هاز هم الدنيا
سيف: تفكرت شي حاجة و صافي
الحكيم:اشنو هي ممكن نساعدك فيها
سيف:ربي يصاوب وصافي صعيب تساعدني
الحكيم:راه هذا العالم كلشي فيه ممكن غير قوى ليا لقى ليك حل
سيف:شاف فيه زعما ممكن ديك السيدة من غادي تفيق ما غاديش تعقل عليا حيت وقعو بزااف غادي نكون رجل غريب عندها
الحكيم:هز ايديه كيحك ف لحيتو امممم هذشي صعيب
سيف:شفتي عرفت ما كاين حل
الحكيم:قلت صعيب ماشي مستحيل و الحل كاين لكن غالي
سيف: اش من حل غير قول ليا راه عندي فلوس بزاف
الحكيم:بابتسامة وهو كيهز المرايا عارف عارف انت غاني هههه المهم كاينة حبة هنا كياكلها الشخص و اي حاجة كاينة ف العقل الباطني ممسوحة بقات غير آثار كترجع كنستعملوها لاشخاص لي فاقدة ذاكرة و عاد كاينة حبة كتفقد ذاكرة كيستعملوها الاشخاص لي عندهم شي الم عميق
سيف:وبشحال هذشي
الحكيم:ماشي غالي عليك غير 260 الف
سيف:ماشي مشكل لكن واش ما عندها حتى اضرار من بعد
الحكيم:راه قلت ليك القدر حطك ف المكان المناسب
سيف:اه بغيتها بغيتها الى كانت شروق تعقل عليا وحتى ثمن ماشي شي حاجة
الحكيم:بابتسامة ههه انت تعرف قرب المرايا ل وجه سيف الدين كيف العادة و رجعها ليه بابتسامة فرح
سيف:اشنو كدير ديما بهدا المرايا قدام وجهي
الحكيم:والو ا ولدي غير كنتخلص ياله كول كول بامكانك تخرج تشوف برا والى عجباتك شي حاجة شوفها حتى تفيق مراتك قالها و دخل الغرفة عند التلاميذ تاعو كيجهز الحبة لي شراها سيف من عندو
سيف:واخا شكرا تحنى على الشبكة عراها كان فيها تمر و حوت مشوي و رغيف و كاس الما و كاس الحليب تحنى كياكل كان مداق الاكل غريب عجيب هذشي فايت واكلو لكن المداق مختلف و غير جوج لقمات و شبع واخا كان فيه جوع العالم كلو هذا العالم غريب و حتى ديك المرايا مازال ما فهم اشنو كدير و كيفاش كيتخلص منها واش هكدا بحال كارط ݣيشي ولا بنك كياخد من الحساب تاعو فالبنك المهم هذشي ماشي مهم بالنسبة ليه الاهم هي شروق غادي تعرفو قلبو كيفرفر ب فرحة متشوق غير امتى تفيق وقف وهو يلمس ظهرو باستغراب ما بقى فيه حتى الم حتى ضرب بحال كلشي كدوب تاجه لباب لي مفتوح طل كان سوق عامر بالناس و اي حد شرا كيطل فالمرايا ما بقى فهم واش المرايا هي العملة تاعهم هنا بدأ
كان سوق عامر بالناس و اي حد شرا كيطل فالمرايا ما بقى فهم واش المرايا هي العملة تاعهم هنا بدأ كيدخلو شك تقدم عند وحدة كتبيع اكسسوارات شعر لبنات عجبو واحد اكسسوار مدو ليها وهي تهز المرايا قدام وجهو كيف دار الحكيم و رجعات شافت فيها بفرح
_شوف شوف الى مازال بغيتي شي حاجة مرحبا مرحبا
سيف:لالا شكرا شد منها الاكسسوار وهو يهرب أوآه واش هنا هو اغنى واحد فيهم ولا كيفاش ما بقاش بغى يدور رجع لبيت القش تاع الحكيم و جلس فيه
_خرج طارق من مركز الشرطة وهو يبقى البحاري برا كيتسناه
طارق: وصلاتك الخبار
البحاري:ما عمري توقعت طمع يوصل بنادم لقتل سي البوزيدي كان الله يعمرها دار كلشي كيشهد على اخلاقو
طارق:ما كاين حتى حد بحالو كيخاف الله والى حس شاطت غير درهم ماشي تاعو عندو ما كينعسش ف شهر كيختم القرآن تلات مرات صلاة الدين عمرو فسد ولا قرب شي حاجة حرام مستحيل يموت هذا الموتة و اشنو يقطعوه لالا ما خاصوش تكون الخاتمة تاعو هكدا
البحاري:دابا هذشي لي انا مخليه ليا امنة اشنو ندير فيه هذشي ماشي تاعي واش عندو شي عائلة
طارق:شاف فيه البحاري الله يخليك ماشي وقت هذشي انا احساسي كيقول ليا سيف الدين ماشي ميت و قريب يبان
البحاري:طارق الله يهديك والدم و حوايج سيف ياك نفس القميجة لي كان لابس و اذات الجريمة اشنو باقي حتى من طونوبيل ما تحركات من قدام العمارة بقات غير الجثة دابا تبان هذا قدر الله اكيد نهايتو هنا مأساوية لكن فالاخيرة ربي غادي يعوضو روح عزيزة عند الله
طارق:مااااا غااااديش نثييييق حتى نشوف الجثة بعيني شفتي الى الجثة ما بانت غادي نقلب عليه الارض و السما دوك فلوس شركات و الفنادق نخسرهم غير فالتقلاب عليه..

👻👻 انقذوني شبح يلاحقني 👻 انقذوني

البارت:75
بقلم/حياة جمالي 🤸
ف الكومسيرية بالضبط ف مكتب الكومسير من بعد ما قرر أمجد يعترف و جابوه المكتب
الكومسير:مزيان من درتي عقلك ف راسك و قررتي تعتارف راه نيت غير كنتي كتصعبها على راسك دابا قول ليا شكون مول الفكرة و فين الجثة
أمجد:سمع والله حتى غادي نقول ليك كلشي ولكن واش غادي تصدق ولا لا حيت هذشي صعيب يتقبلو العقل
الكومسير:وغير هضر من بعد نشوفو واش نصدق ولا لا
أمجد:راه سيف الدين والله ما ميت و خرج من عندي و هذشي كلو غير الخطة تاعو حيت انا بغيت ناخد الاملاك تاعو اه الحاجة لي درت هي بتزبتو يوقع على وراق البيع و الشراء شي حاجة اخرى لا انا ولا نورة حنا لينا دخل فيها
الكومسير:كيفاش هو غادي يدير خطة و يقتل راسو متلا
أمجد:جواد عارف سيف الدين صاحبك لكن راه سيف ماشي عادي بحالنا
الكومسير:انا كندير خدمتي الصحبة صحبة و الخدمة خدمة كيفاش ماشي عادي بحالنا اكس مين متلا
أمجد:تقريبا لكن هو راه معاشر مع جنية و كيبغيها و هي معه ديما و خرج خطيبها حتى هو جن جا عندي خطاطفني العالم تاعهم العالم تاعهم ماشي بحال تاعنا هددني نوريه العفريتة شروق اه شروق
جواد:شاف فيه و فتح عينيه واش دابا جاي مضيع ليا وقتي كطنز عليا
أمجد:والله القسم حتى معك بصاح ما عندي علاش نطنز عليك
جواد:واخا نقولو بصاح دابا خطيبها خطفك انت بالغلط سحابك سيف الدين و رجعك و خطفو دابا هو مخطوف فالعالم الغريب ياك كيهضر وهو كيطنز عليه
أمجد:لا خطفني انا حيت حفرت قبر شروق شروق راها ميتة و من حفرنا قبرها لقينا غير مونيكة
جواد:الله دخلنا قضية أخرى حفير القبور
أمجد:راه عندي دليل رجال لي كان معنا وقبر ديك الجنية راه سيف من الجن خطيب الجنية داها سيف رجع عندي سلخني و تبعو اكيد هو راه مخطوف غ عالم الجن
جواد:شاف فيه بعصبية واااااش بنت ليك انا نخرج جاي تعاود ليا سنياريو رمانة و برطال الجزء تالت
أمجد:والله حتى بصااح و عندي شهود تاع حفير القبر جواد والله انا مستحيل نقتل اه نسرق نصب القتيل لا و حتى نورة ماليها دخل شوف شوف وراه ايديه لي مازال زرقة شوف هدو راه جنون لي ضربوني انا براسي من قالها ليا سيف ما صدقتوش وحتى المحامي تاعو عارف سيف كيشوف العفريتة وكان تشد فالكوميسيرية عريان غير بشورط هو براسو قال ليا كنبغي العفريتة خااااصك تصدقني سير لقبر و تأكد
جواد:راني ماشي مخرج انا بوووليسي كنخدم بالادلة و قضية القبر راه جبدتي على راسك حاجة اخرى
أمجد:ماشي مشكل غير قلب راه رجال يقولو ليك كلشي كانو معيا شافو كلشي اه اه وحتى نورة كانت جنية ضرباتها من تقربات من سيف
جواد: باين ليا واكل شي حاجة ولا جاي تمتل عليا قصة باش تتهرب من تهمة القتل العمد و التمثيل بجثة لكن ماااااشي معيااا اسي أمجد رجع جلس فالكرسي تاعو هز سماعة تيليفون آلو اجيو هزو عليا هدا تهلاو فيه مزيااان هذا المرة
أمجد:والله ما كدبت حراام عليك
جواد:غادي غير يكرموك يرجع ليك العقل نشوفو شحال قوة تحامل تاعك بغيتي دير راسك حمق انا رجع ليك العقل
دخلو جوج رجال جروه برا وهو كيغوت اما جواد جلس كيضحك
ههه زوينة هذي عفريتة عمر شي مجرم جاني بهدا القصة باش يتهرب هز تيلي و ركب رقم طارق
(مسكين أمجد لكن فعلا شكون غادي يصدقوك🤣)
يتبع…

Leave a comment