Skip links

قصة : انقدوني شبح يلاحقني 1

 1,847 عدد مشاهداات

🚫🚫🚫ممنوع النشر كليا🚫🚫
انقدوني!! شبح يلاحقني 👻
البارت:01
بقلم/🎀Hayat Jamali 🎀
قصتنا يا سيدنا ماشي من الماضي الراحل ولا من المستقبل البعيد لا هي قصة ممكن توقع لأي واحد فينا حيت انا كيف ديما كنامن أن كل شئ ممكن و أن العالم ماشي غير حنا لي كنعيشو فيه العالم كيف تاعنا راه تاعهم حتى همااااا👻👻 كيف كنامن ديما بمقولة ما تقرب ما تادي ما كاين لي ياديك
ياله وجدو راسكم غادي نسافرو للعالم الواقع والخيال و التشويق و الغموض مع شوية من الفكاهة تسرحو و نساو عليا الواقع و المشاكل تاعو و تعالو سافرو ف الخيال تاعي❤
~دايزة ف شارع و في ايديها صاك جلدي هازة تليفون حتى وقفاتها عجوز تكون ف عمرها ستين الفوق وجهها كلو تجاعد و باين عليه آثار التعب باينة حياتها ما كانتش ساهلة و لا مريحة
العجوز:الله يرضي عليك ابنتي الله يسهل عليك عطيني شي صداقة
…:الله يسهل ا لالة قالتها و هي كتفوتها
الطلابة:الله يسر لك أمورك و يعطيك الخير راه تلات ايام ما كليت والو ابنتي
توقفات وهي ف حوار مع نفسها داخليا عندها غير 5درهم مجموعة إلى عطاتها ليها غادي تضطر تشد الطريق ل شريكة البوزيدي على الرجل و المسافة طويلة لكن الطلابة مسكينة باينة عليها محتاجة ليها اكتر هي اصلا ممكن تمشي شاركة و ما تتقبلش فالخدمة و يمكن هذا الطلابة فيها جوع بزاف نيت غمضات عينيها ف صراع مع الخير و الشر النفسي و اخيرا فتحات صاكها و العجوز مازال كدعي معها وعندها أمل تاخد شي درهم
طلعات 5درهم لي اصلا هي لي عندها و مداتها لطلابة
…:هاكي ا لالة
الطلابة:شداتها بسعادة الله يعطيك الخير الله ينقي طريقك من شوك يارب فين ما حطيتي رجلك تتنور الله يبعد عليك ولاد الحرام انتي تجري 3 خطوات و هما وحدة و ما يوصلو لك
…:اللهم أمين يارب سمحي ليا غير هدشي لي عندي قالتها بابتسامة قالتها و مشات
~~ بعد 3 سنوات~~
– ف شاركة البوزيدي الغنية عن التعريف و تحديدا ف مكتب سيف الدين البوزيدي صاحب الشركة شاب بدا حياتو من الصفر ومع العمل والاجتهاد و الحظ رجعو عندو شركات و فنادق و رجع اسمو ظمن اسماء رجال الاعمال الغنية واخا عمرو لا يتجاوز 30سنة
كان جالس فالمكتب تاعو حتى تدق الباب و تفتح كان سيف منزل راسو على ملف طلع راسو و بتسم من بعد ما شاف صديقو أمجد
أمجد :أهلا بالمدير زعما ما تسولش
سيف :راك عارف المشاغل اصاحبي جلس جلس
أمجد :ما كاين فين نجلس نوض ياله راه خليت نورة ف المطعم كتستنانا
سيف الدين :اواه امتى جات من السفر
امجد:غير اليوم و بغات ديرها لك مفاجأة شاف فيه والله حتى كتبغيك ههه و حتى انت باين كتبغيها ما عرفت علاش كتخبيو هذشي
سيف:بابتسامة سير فحالك و دخل سوق راسك نوض سبقني نكمل هذا الملف و نجي عندكم بلا ما تخليها بوحدها لا يتبسل عليها شي حد
أمجد : هههه و شفتي والله كتبغيها

🚫🚫🚫🚫ممنوع النشر كليا🚫🚫🚫🚫
البارت :02
انقدوني! !شبح يلاحقني
🎀Hayat Jamali 🎀
دخل أمجد للمطعم تاجه لطبلة فيها بنت شعرها صفر لابسة كسوة قصيرة بزاف كتلعب ف التيلي جلس جنبها و هزات عينيها فيه
نورة:فين سيف ؟؟
أمجد :هاهو ا لالة جاي صيفطني باش ما تبقايش بوحدك سعداتك بيه
نورة:سعداتي بيه مالو تاعي داك سيف شحاااال ماا عندو شخصية غير كيشوفني يبقى يتفتف
أمجد :راه الحب هداك الحمقة وانتي خاصك تستغلي هذشي لصالح تاعك ما تنسايش شكون هو سيف الدين واش يكون وشحال من وحدة تتمناه
نورة:غير الفلوس لي فيه زوينين أما هو ثقيل على نفس
أمجد :حنا اش بغيناه هو فلوسو اهم ا حبي بتسم بمكر غير صبري و إلى ما عترف لك هو ‘ بحبو عترفي انتي
نورة:ياك انت لي قلتي ليا ثقلي رجال ما كيبغيوش البنت سااهلة
أمجد :صافي الفريسة تصيدات دابا وقت طعم هز راسو و شاف سيف الدين داخل و كمل سوكتي هاهو جا
تقدم سيف الدين عندهم و هي توقف نورة
نورة:اوووه سيف توحشتك بزاف قالتها و سلمات عليه بالوجه
سيف:حتى انا صراحة لباس عليك بخير
نورة:وهي كتجلس حمد لله بخير
جلس سيف جنبها وهو كيبتسم ل أمجد ايوا مالكم ما خديتو والو
نورة:قلت ل أمجد ما نشرب والو حتى تجي انت قالتها و هي كتحط ايديها على ايديه
سيف:بثوتر ا ا ا مزيان قالها و بعد ايديه على ايديها شاف ف أمجد لي كيشوف فيه و يضحك نطلبو شي حاجة راني زربان عندي اجتماع مهم
أمجد :انت ديما مشغول رخف على راسك و عاد نورة واصلة
نورة:هه لالا عادي خدمتو الأهم
سيف:حتى انتي اهم زعما بغيت نقول حتى نتما اهم راكم صحابي اشنو بان لكم تجيو كاينة حفلة ف ليل ف الفندق ماشي حفلة حفلة غير دايرين شوية ترحيب ب شريك ألماني
نورة:انت عارف سيف دوك البلايص ما كنحملهمش لكن البلاصة لي فيها انت نحبها على ودك
أمجد :ههه ايوا انا البلاصة لي فيها تيتيز نحبها انا نجي
تقدم السرباي هاز الموني طلبو لي بغاو و هما كيهضرو و سيف الدين كيسول نورة على سفر تاعها كيف داز رجع النادل وهو هاز المشروبات بدا كيحط فالطبلة فلتات ايديه و تقلب كاس العصير على كسوة نورة نقزات معصبة
نورة:اوووف اشنووو درتي الحيوااان
النادل:سمحي ليا سمحي
نورة:نسمح لك راه الكسوة اكتر من خلصتك
سيف:وقف و شاف فيها صافي ما وقع والو بلا قصد تهدني نشري لك حسن منها
نورة:بلا شعور لا بحال هذا الحشرات خاصها تتعاقب…

انقدوني!! شبح يلاحقني
البارت:03
بقلم/🎀Hayat Jamali 🎀
أمجد :نورة صافي تهدني قالها وهو كيحركها من التحت برجليه عارف الكسوة عزيزة عليك لكن سيد ما قصدش
النادل:سمحو ليا بلا قصد والله و هدا الخدمة هي لي نكساب
سيف:حط ايديه على كتفو تهدن ما وقع والو سمح لينا على تصرف جيب للانسة عصير آخر
النادل: واخا اسيدي قالها و نصرف
نورة:اوووف سمحو ليا زدت فيه ياكو غير تعب تاع سفر و كيف قال خويا أمجد الفستان عزيز عليا
سيف: غدا يوصلك بحالو غير تهدني ما نبغيكش تتقلقي
أمجد :الشباب انا غادي نخليكم عندي شي شغل المهم ليل نجي انا و نورة لفندق
سيف :خد راحتك ا صاحبي المهم ليل أجي
أمجد :غير تهنى ياله بسلامة عليكم نورة ما تبقايش تتعصبي
نورة:ههه تهنى بسلامة
بقات كتشوف حتى غبر و رجعات شافت ف سيف ههه اخيرا بقينا بوحدنا
سيف:ههه مالك أمجد راه ولد خالتك حتى هو خنقك ولا
نورة:لا حاشة غير نبقى نشوف فيك حسن راني توحشت وجهك
سيف:احم احم ربي اخليك
شافت فيه نورة بنظرات باردة اويلي على ربي اخليك رجع النادل حط ليها العصير وهي كتشوف فيه بكره و نصرف
سيف:نورة غادي نخليك السكرتيرة تاعي كتاصل واش جبتي لوطو ولا نعيط لك لشيفور
نورة:بلا ما تتعدب جبت لوطو ما كرهتش شي جلسة فيها غير انا وانت بلا ناس
سيف:راك عارفة حنا مسلمين ممنوع علينا الاختلاء و انا وانتي لحد ساعة غرباء ما بغيتش يدخل بنا شيطان باش نبقاو نقين
نورة:ههه اه اه عندك الصح الله أودي هزات صاكها ياله نتمشاو حتى للباب
سيف:اه أكيد تفضلي سرح ايديه باش تسبقو….

🚫🚫🚫 ممنوع النشر فأي مكان🚫🚫🚫
انقدوني!! شبح يلاحقني
البارت:04
بقلم/🎀Hayat Jamali 🎀
رجع سيف الدين لملكتب هز ملف و خرج لقاعة الاجتماعات لكانو فيها العملاء و الشركاء دخل سلم عليهم و جلس
سيف:شاف ف المدير الموارد تاع شركة لي جايبة عرض ل شركة تاعهم امكن لك تبدا
وقف الشخص و بدا كيلقي العرض تاعهم و كيحاول يبين نقط لغادي يستفدو فيها شركة تاع سيف الدين حتى كمل و جلس
سيف الدين :هز ستيلو و شاف ف العملاء بابتسامة كلها ثقة هي شراكة قدمات عرض زوين لكن ما كانش مقنع كفاية لينا
مدير شركة العرض:كيفاش اسي البوزيدي
سيف الدين :بينتي لينا نقط لي غادي نستفدو فيها إلى دخلنا شركاء معكم ب ميزانية مليار هو مليار كلها ماشي تخلينا شركاء العكس تخلينا حنا أصحاب الشركة كليا
مدير شركة العرض :لكن انت عارف أن شاركة البخاري غير اسمها كيزعزع أقوى شركة وهذا عرض إلى رفضتوه سيادتكم راه بزاف شراكات بغاوه
سيف الدين :اه متافق معك على مكانة شركة تاعكم و أن بزاف بغاو يدخلو معكم لكن واش عارفين هذا بزاف أن الشركة ضربها سيزي
بدا كل واحد كيشوف ف الآخر و كيوشوشو
سيف :كمل أكيد هذشي مخبي و أن مليار غادي تخرجكم من سيزي لكن انا اشنو غادي ندير بشركة مفلسة تماما دابا أنتما لي بغيتو تستافدو مني و العرض تاعي هو الشركة ترجع ضمن شركات البوزيدي و انا نضمن أن جميع العمال ما يفقدوش العمل تاعهم لكن الإدارة غادي تتبدل بأشخاص كفوء من الاختيارات تاعي
مدير شركة العرض :ولكن اسي البوزيدي هذشي مستحيل سي البخاري يقبلو حيت شاركة تاع اجدادو
سيف الدين :مد ليه الملف كام على سي البخاري يتفكر أن شركة تاع اجدادو قبل ما يفرط فيها و يرميها سيزي كيف الفيلا تاعو هنا ف مجال البيزنيس كنفكرو غير ف الاستفادة متلا إلى سلفت ل سي البخاري مليار يقدر يرجعها ليا أكيد لا حيت سيزي هذا لكن انا ما عندي ما ندير بشركة على حافة الهاوية نكونو صرحاء المهم هذا العرض تاعي و إلى سي البخاري شي نهار عندو مليار رجع ليه شركة يعتبرها درس باش يتعلم ما يفرط ف اعمالو قالها و وقف ف اتجاه الباب
سيف الدين ف مجال العمل مغاير كليا شخصية قوية بزاف و فاهم المجال مزيان حيت ولد الحرفة من الصغر خرج ف اتجاه المكتب تاعو دخل و شغل الكومبيوتر طلعات ليه رسالة ف الإيميل فتحها كانو فيها صور منازل كان وصى سمسار يشوف ليه شي دار يبقى يمشي ليها فالعطل…

انقدوني!! شبح يلاحقني
البارت :05
بقلم/🎀حياة جمالي 🎀
بقى كيقلب فالصور وهو يبان ليه واحد منزل صغير و شكلو باين قديم ف مكان خاوي هز حاجبو باستغراب
سيف: مال هذا ضارب مو الله اشنو ندير ف هذا دار قلت ليه بغيت دار زوينة فيها كلشي مصيفط ليا دار ف الخلى سد البيسي بابتسامة و كمل شغلو
داز الوقت وأخيرا دخل للجناح تاعو ف الفندق دوش و تسرح نعس شوية على ما توصل وقت الحفل العشاء
دازت ساعتين فتح عينيه و شعرو نازل على جبهتو وقف وهو عريان لابس غير بوكسر هز تيلي و دور رقم نورة
سيف:الوو لباس بخير
نورة:اووو سيف عاد تفكرتني هىء هىء واخا عليك توحشتك
سيف:حتى حتى انا المهم غادي تجي ياك انتي و أمجد
نورة:اه جاين واش ما توحشتينيش
سيف :بزاف بسلامة قالها بزربا و قطع
نورة:اتفووو على زبل الله يقطع لك المصارن كيعطي ربي الفول غير لي ما عندو ضروس
جا وقت حفل العشاء اخيرا كانت قاعة الحفلات عامرة و ناس قلال فيها نزل سيف دين بلباس رسمي أنيق و العطر تاعو سابقو بابتسامة خفيفة كيسلم على الناس شاف أمجد كيهضر مع بنت من الحفل بتسم و تقدم عندو
سيف :أمجد
أمجد :أهلا سيف الدين لباس الساط هدشي عندكم زوين
سيف:ههه اشنو لي زوين الحفل ولا قالها وهو كيغمزو
امجد :ههه كلشي كلشي نقدم لك أميمة سكرتيرة ف شركة صقلي
سيف:بابتسامة اه كنعرفها أميمة لباس عليك
اميمة:حمدلله بخير اسي البوزيدي
تسمع صوت نورة من لور
اه سيف دار سيف اتجاه صوت بابتسامة سعادة قربات ليه وهي كتربط على دراعو…

انقدوني ! شبح يلاحقني
البارت:06
بقلم/🎀Hayat Jamali 🎀
سيف:أهلا نورة شاف فيها جا معك الفستان وااعر
نورة :شافت ف أميمة بكره اه شكرا أمجد لباس
أمجد :حمدلله بنت خالتي راك منورة
نورة:ههه على غير جاو و سماوني نورة ياله غادي نسرق منك سيف الدين حيت توحشتوو بزاف قالتها وهي كتبعد و كتجر سيف الدين
سيف :نورة الله يهديك زولي ايديك الصحف و ناس غادي يديرو عليك صورة خايبة
نورة: بعدات منو وانت تبغي ناس دير عليا صورة خايبة
سيف :راه داكشي علاش قلت لك كوني على بال ما نبغيش لي يهضر عليك خايب
نورة :يخليك لي لي حبوبي
سيف:ا ا نمشي نسلم على ناس قالها وهرب من جنبها
نورة:بزاف ما بقيت عرفت شكون رجل فنا لكن ما عندك فين تهرب هههه فلوسك تاعي
كان سيف الدين كيسلم على ناس حتى قرب ليه واحد من الصحافة
الصحافي: سي البوزيدي راك منور ليلة بابهى حلة تبارك الله عليك كيف ديما
سيف:بابتسامة شكرا مرحبا بك
الصحافي:صراحة سمعت وشوشات أنك على علاقة غرامية ب ابنة أخت شريك تاعك أمجد آنسة نورة
سيف الدين :هذشي ما كاينش حنا حاليا غير أصدقاء
الصحافي :اها حاليا يعني كاين شي مخطط مستقبلي
سيف الدين : بابتسامة انا ما كنديرش علاقات حيت ما كندخلش من شرجم كندخل من الباب
الصحافي:يعني ناوي زواج واشنو كتقول على الرحلة لكانت فيها هي و رجل الأعمال سي دروي
سيف الدين :باستغراب كيفاش
صحافي:يمكن من تعابير وجهك ما عارفش أن آنسة نورة كانت ف جزيرة خاصة ب سي دروي و كان بينهم مشاهد حميمية ساخنة
سيف: حترم راسك اش هذشي كتقول آنسة نورة اشرف من الشرف ب راسو و غادي رفع عليك دعوة
صحافي:اسيدي انا ما جبت والو من راسي مد ليه تيلي ها هما صور تأكد بنفسك
شد من عندو تيلي وهو يشوف صور نورة و رجل كبير السن رجل الأعمال سي دروي اه نورة هذي كانو عدة صور كل وحدة بأشكال هاهما كيعومو هاهما معانقين كيتباسو مد ليه تيلي بصدمة
صحافي:سي سيف الدين أكيد هذشي ما كنتيش عارفو
سيف مد ليه ايديه زعما سكت وبعد عليه وهو كيفتح ف صدايف و كيرخي ف الكرافط خارج من الصالة لي هضر معه ما كيجاوبو خرج من الفندق و عقلو مرفوع بدا كيتمشى فالشارع و كيبعد و عقلو كيقول نورة لا ماشي نورة ولكن صور هي اش يصدق عقلو ولا قلبو بعد بزاف بلا وعي حتى كيحس بيد موقفاه نزل عينيه كانت عجوز فالستين من عمرها مقوص ظهرها
العجوز:صداقة الله يرحم بيها الوالدين تلات ايام ما كليت ولا شفت نعمة
سيف الدين :الله يسهل قالها و تجاوزها لكن هي توقفات ف طريقو تاني
العجوز:الله يعطيك الخير ا وليدي باش نشري غير خبزة
سيف: بعصبية راه قلت لك الله ييييسسسهل
العجوز:سير الله يسلط عليك التابعة طول حياتك ما تتفك منها فين ما هربتي منها تلقاها سابقاك

🚫🚫 ممنوع النشر🚫🚫
انقدوني!! شبح يلاحقني
البارت :07
بقلم/🎀Hayat Jamali 🎀
سيف الدين:بعصبية اااميييين قالها و بعد عليها
بدا كيتمشى و كل عقلو مع لي شاف و اصلا اشنو يدير يمشي يحاسبها باش من حق اشنو بينو و بينها شكون قال ليه كاع حتى هي كتبغيه تلقى هذا الاحاسيس هي فالمخيلة تاعو تفكر العجوز لي كان كطلبو يعاونها توقف من المشية و قلبو كيانبو
سيف:اشنو هذشي ا سيف الدين فين عمرك جريتي على شي حد طلب منك صداقة ولا سديتي بابك عليه ربي رزقك باش تعاون غيرك لالا هذا ماشي انا و المرا مسكينة بغات ما تأكل أعوذ بالله ياربي تسمح ليا تلفت راجع مع طريق حتى وصل فين وقفاتو المرا الشارفة ما كان فيها حتى بقى كيقلب و يجري بين الدروبة لكن والو توقف وعلى وجهو حسرة وهو كيضرب يد ف يد يارب تسمح ليا
-ف حفل العشاء كانت نورة كتقلب بين الحضور على سيف لكن ما بانش مشات عند أمجد سولاتو عليه
أمجد :فين يكون مشى؟؟
نورة:ما عرفت الآثار تاعو ما كاينش
أمجد :صافي غير ستمتعي حتى يبان راك عارفة سيف الدين مهووس بالخدمة
-عند سيف الدين لكان جالس فنفس البلاصة ما عارف اشنو يدير بغى غير يهرب من المكان ومن كلشي بغى يبقى بوحدو يصفى افكارو تنهد بعمق ما كرهش شي بلاصة ما يكون عارفها حد نقز من بلاصتو من تفكر السمسار هز تيلي و تصل بيه
سيف:الو سي رشيد لباس عليك
رشيد:حمدلله وانت اسي البوزيدي
سيف:حمد لله بخير محتاج دار بعيدة ما يكون عارفها حد و تكون مفروشة محتاج ليها ضروري
رشيد:الصور لي صفط لك ما عجبوكش صبر عليا صمانة نوجدها لك
سيف:لالا بغيتها دابا دابا تكون برا المدينة بغيت نهرب رتاح شي شوية ماشي مهم كبيرة ولا صغيرة ولا الشكل الفلوس و كلشي غدا يوصلوك انت غير عتقني
رشيد:اممم كاينة وحدة هي لي يمكن ليا نعطيك سوارتها حيت مولاها برا المغرب عطاني نتكفل وراه برا المدينة نيت و ما كاين لي يعرفك فيها
سيف:اه اه بغيتها شوف أنا ف شارع جوهرة كاينة كافي ف شوكة جيب ليا سوارت و العنوان
رشيد:صافي تهنى 15 دقيقة انا عندك…

انقدوني!!شبح يلاحقني
البارت:08
بقلم/Hayat Jamali
شد سيف الدين سوارت من السمسار رشيد و العنوان خاد تاكسي للعنوان ل كان بعيد شي 3 سوايع
فالحفلة الكل نتابه لغياب سيف الدين و منهم نورة و أمجد لي عياو يقلبو عليه
أمجد:تيلي مطفي فين يكون مشى هدا
نورة:تفوو هذا الغبي فينو
أمجد :راه خدمتك هذي كان عليك تقابليه و تلصقي فيه طول الحفل قالها بغضب
نورة:و سيد غير كيوصل عندي و يبدا قال الله قال الرسول مرضضضضني
دخل لصالة مدير الفندق بابتسامة و وقف الوسط بصوت مسموع
كنتمنى الحفل يكون عجبكم كيف كنوصل لكم اعتذار سي البوزيدي وصلو اتصال مهم و سافر المهم ستمتعو بالحفل وانا هنا باش تاخدو راحتكم
نورة:شافت ف أمجد كيفاش سافر على غفلة
أمجد :ما عرفتش شي حاجة تما دابا زيدي من هنا ما بقى فيه معنى
نورة :و بلاتي غير نتعشاو بعدا
أمجد :مالك ما عمرك كليتي الكافيار زيدي قدامي
-عند سيف الدين وصل اخيرا لمنطقة كانت بعيدة على المدينة غير ف فيلاج صغير فيه شوية الديور كل دار فين كاينة بقى شيفور سايق حتى بعد بزاف شي نص ساعة عاد وقف قدام جردة صغيرة و دار بسيط بحال ديور تاع ريف نزل من تاكسي و هو فتح الكوفر هز البلاستيكات الكتار لكاع لي خاصو و الشيفور كيعاون فيه حتى كمل خلص شيفور و دخل وسط جردة شاف فيها حالتها حالة خاصها الخدمة المهم لقى فاش يتلهى فتح الدار حتى هي كانت كاع مغبرة و الخملة بتسم و هو كيقول
ايوا ياله ا سيف ها انت تلاهى بدا كيجمع دار و يجفف و يمسح و يغسل 4 ساعات عاد كمل كانت دار صغيرة بعدا كون و حل فيها كانت عبارة على مراح و كوزينة و صالة الأكل و فين تتفرج و الفوق جوج بيوت و صالة فيها تلفاز و جليسة فيها مكتب عامر كتب تقول مول الدار عالم ولا باحت
بقوة العياء تاع سيف الدين دخل لأول بيت و تسرح فيه غمض عينيه نعسة وحدة
-اصبحنا و أصبح الملك لله
دخلات الحديقة بصدمة وهي كتشوف كل الأزهار ميتة و التراب يابس غوتات بغضب
-لااااا شكون دار ليا هكدا لجردة تاعي علاااش اربي علاش شدات صاك الجلدي تاعها بحزن ياله غادي تفتحو تهز السوارت حتى بان ليها الباب مفتوح دفعاتو بخوف و هي كتشوف وراها و قدامها واقلة شي شفار دخل لدار تاعها وهي خارجة عينيها حوالو من شافت ديكور الدار مبدل ماشي هكدا خلاتو
-ناري شفار شفاار هىء هىء لكن اشنو عندو ما يشفر ليا شروق تهدني تهدني فكري واش نهرب ولا نغوت
فتح سيف الدين عينيه على شي حركة فالدار التحت وقف باستغراب وهو لابس غير شورط نازل مع دروج بعصبية يمكن يكون شي كلب ولا مش فيقوه من نعاسو بقاو ليه خمس درجات وهو يشوف بنت بشعر مطلوق واقفة فالصالة عطياه ظهر
سيف:اشنووو كديري شكون انتي
تلفتات بخوف وهي تشوف رجل لابس غير شورط غوتات بجهد
شفاااار عتقوووني هاجم عليا شفااار

انقدوني!! شبح يلاحقني
البارت:09
بقلم/Hayat Jamali
سيف :بعصبية كيفاش شفااار انتي شكووون بعدا هذي داااري شريتهاااا
شروق:كيفاش كيفاااش عاااود اشنووو شريتيها عند من النصاااب انا غير البارح كنت فيها و مشيت سافرت باش ندفع لواحد شركة نخدم انت نووووض النصاااب
سيف الدين :شاف فيها سوكتي بعدا مالك كتغوتي على هماجية
شروق:اااااييييه دخل داري و سب فيا والله و ماااا خرجتي دابا حتى نشوهك
سيف :صااافي سوكتي اصلا هدا الخربة ما عندي غراض فيها لكن خاص نسول بعدا على هذا الموضوع كيفاش زعما رشيد نصب عليا ولا تنصب عليه
شروق :شكون رشيد ولا بلعيد اسي خرج من دار هذا الخربة لي كتقول راه ورث أبا عن جد
سيف :انتي دااابا سووووكتينا غير سووووكتي فين هو تيليفون فين هو هذا زمر
شروق:واقلة ضحكو عليك و باعو لك دار ولكن انت حمار مالك ما قلبتي وراق ما سولتي جيران و ديك الجردة لي شتفتي ليا عليها غادي تعوضها ليااا سمعتي
سيف:وووو البشاااار سكتتتتتينا دار لدروج طالع يجيب تيليفون تاعو
هي غير شافتو دار طالع دخلات الكوزينة باش تهز شي موس دفاع عن النفس فضيلة
تلفت سيف الدين و مالقاهاش و هو ينزل بزربا يشوف فين مشات كيف تلفت لدروج غوت بصدمة و خوف و رعب و عدم تصديق كانت شروق داخلة و سط الطبلة تاع الخشب كتتمشى فيها تجاوزاتها و جات تفتح البلكار فين كتحط الماعن لكن ايديها تجازتها بدات كتغوت بخوف حتى هي و سيف الدين كيغوت
سيف :جنيييية جنيييية و جنووووون كيغوت وهو هارب وهي تبعاه كتغوت حتى هي بخوف
شروق:اشنوووو درتي لياااا بسم الله الرحمان الرحيم وااااع
دفع سيف الدين الباب و هرب برا وهو لابس غير شورط شكون مازال عاقل على شي حوايج كيجري و يقول ما جريت ما هز هم لحفى ولا الحجر لي دخل رجليه حتى وصل عند جماعة تاع رجال وقف كينهج وهو كلو كيترعد و رجال كيشوفو فيه مشكوك في امرو و غريب عليهم هضر فيهم واحد
امالك ا ولدي على هذا الحالة جارين عليك
سيف الدين :عف. .عفااااكم شريبة اوووف اوووف
وقف واحد فيهم عطاه قرعة تاع الما كانت عندو شدها سيف الدين سكحها كلها كيشرب و كيكب على راسو و وجهو بحال لي بغى يفيق مازال كيكدب عينيه اشنووو شافت دور راسو لور وهي تبان ليه صاحبة دعوتو كتجري و تنهج
سيف الدين :شاف فيهم هربو هربوو شفتوو هديك راه جنية جنية
…:بسم الله الرحمان الرحيم مالك ا ولدي علامن كتشير راه ما وراك والو
سيف:اويلي شوووف مزيااان هاهي جاية بعدددي مني بعدددي تسلييييم
شروق:ا عنداكم راه هو جن ماشي انا اوووف كتهضر و تتنفس بصعوبة راااه ماشي أنس
سيف:مااا تصدقوهاش رآها هي الجنية بعدددي مني راه دارك سيري ليها
…:نوضو الجماعة راه قلت لكم سيد هبيل كيهضر غير مع راسوو سيد ملبوس
..2:والله ما كدبتي نوضي سيد هبيل قبل ما يضربنا بحجرة كيهضر مع الخلى
سيف:و شوووفوووو هاااهي قداامكم جنية والله حتى جنية بدا كيقرا القرآن شي عقل عليه شي غير كيكورو مع الخلعة
شروق:كيفاش ما بيناش لكم و شكون نتما اصلا واقلة هدو جماعتك هىء هىء تسليم يارب تسليم
هربو رجال من حدا سيف الدين لي قالو عليه هبيل كانو حدا رجال شي ولاد كيلعبو غير شافو رجال هربو و سيف كيهضر بوحدو هزو لحجر و بداو كيشيرو عليه
سيف:لااا رصاااوو لااا بدا هارب و الولاد تبعينو يتشايرو و شروق حتى هي هربانة لا تجي فيها شي حجرة
شروق :لااااا عفاااكم غادي تفلقووني

انقذوني شبح يلاحقني
البارت:10
بقلم/حياة جمالي
هو هربان و هي تابعاه بالغوات و الولاد الصغار تابعينهم بالحجر و كيغوتو
واااا الهبييييل و الهبيييل شد الهبييييل شددد الهبببببببييييل
سيف الدين:اي راسي رجلي حبسو البراهش و شي حد يحبسهم
اما شروق لي أصلا هربانة الحجر كيدخل منها و يخرج و يضرب سيف الدين مسكين
شاف سيف الدين لوطو تاع البوليس فرح بحال شاف قارب النجاة أما البراهش غير شافهم كل واحد فين علق بالخوف قرب ليهم سيف الدين وهو كينهج و كيتالم بسبب الحجر كانو جوج رجال الشرطة هزو عينيهم تجاه الصداع و شافو سيف كيجري عريان
البوليسي1: هذا مالو مع هذا الصباح كيجري عريان
البوليسي2:جرات عليه مراتو واقلة ههه
قرب ليهم سيف بسعادة فرحان
عتقوني عتقوني كيهضر وهو كيرجع انفاسو
البوليسي1:مالك اشنو عندك مالك على هذا الحالة
سيف الدين:كاين جنية دخلات ف طبلة لا دخلات وسطها و ايديها دازو من المجر اوووف اوووف هاهي هاهي كيشير على شروق لي وقفات وراه كتسترجع انفاسها هاهي هاهي قالها بخوف جنون جنون بسم الله الرحمن الرحيم
شروق:لا الشاف ما تصدقوهش راه مريض هو نصاب دخل داري الشااافر
سيف الدين:اناااا شفاااار الجنية بعدي مني قالها وهو كيبعد منها
شافو فيه البوليس باستغراب و عاودو شافو ف بعضهم و رجعو شافو فيه
البوليسي1:سكران مع بوصبيح السكايري
سيف الدين:والله ما سكران وااا شي حد يصدقني
البوليسي2:شاف فيه ما عرفت فين شفتك انت وجهك ما خافيش عليا
البوليسي1:ما يكون غير شي بزناز هز عليا زمر لبندقة قالها وهو كيقرب شد ف يد سيف الدين
شروق:اه هكداك هزوه الشفار بن الشفار لآخر
سيف الدين:حبسووو حبسوو شاف ف شروق والله لا بقات ف مك الجنية تلقوني
شدوه بجوج وهو كيتقاتل معهم و دارو ليه المينوط و طلعوه ل ستافيط
البوليسي1:بحالك علاش كنقلبو نيت
سيف الدين:طلقوني ما عرفتوش شكون انا
البوليسي2:شكون انت بسلامة كاع لي شديناه كيقول ما عرفتوش شكون انا سكت لا نهرس فمك
شروق: شافت فيه ايوا الصعصع تسحاب سايبة نطلع نيت نشوف اش من حبس غادي يستقبلوك فيه
سيف الدين:حبسسسي مااا طلعييييش الجنية
البوليس: المسخوط شارب حتى تخوطر شاف ف صاحبو ياله ياله نشوفو هذا شكون…

✅✅ انقذوني شبح يلاحقني✅✅
البارت:11
بقلم/Hayat Jamali
جلس وهو كيحط ايديه على راسو بألم و عصبية من كل هذشي لي وقع ليه
سيف الدين:لا حولة و لا قوة الا بالله اعوذ بالله من الشيطان الرجيم اللهم اني اسالك العفو من ما انا فيه
كانت شروق مربعة رجليها كتشوف فيه من جلس كيدعي نفجرات بضحك
شروق: هههههههههه بركاتك الشيخ النصاب
شاف فيها سيف الدين بعيون حمرة غاضبة و حول نظر تاعو ل شاب لي مسجون معه ف لاكاب ل كان جالس مطلع راسو لسما عاود رجع النظر تاعو ل شروق لي كتلعب ب شعرها الطويل المموج وهي كتشوف فيه نظرات تحدي
أكيد ما كيشوفها حتى حد من غيرو لكن علاش غير هو لي كيكتبان ليه و شكون هي واش جنية مسيفة ب صورة بشرية إلا كانت جنية يعني يقول اعوذ بالله من الشيطان الرجيم غادي تغبر ولا شكلها يتغير هز عينيه فيها مرة أخرى
سيف الدين:اعوذ بالله من الشيطان الرجيم اعوذ بالله من الشيطان الرجيم
شاف فيها كانت كتشوف فيه نفس نظرات تحدي ما تغير لا لونها ولا شكلها ولا ختفت
سيف الدين:اللهم إن كان سحرا ابطله اللهم إن كان سحرا ابطله
هز راسو شاب لي كان جالس جنبو ب غضب
اسي الراقي سكتنا ما كتخلي بنادم يخمم من صباح تستغفر الله و تقرا عليا القرآن بنا ليك فينا جنون شاف فيه لابس غير شورط اودي من لبسك باينة عليك نييييت فقيه مشاااء الله
سيف الدين:سمح ليا ا خويا لكن ت…
الشخص: ما تقول والو كيليميني باينة عليك ولد الفرماج غير سكتنا
شاف فيه سيف الدين و سكت أصلا هو ماشي من عادتو يبقى يتعطى فالهضرة مع ناس ولي فيه كافيه دابا واش يبقى هنا ولا يعيط لمحامي و من هذا الشورط المشوه يحشم لي واحد يشوفو اااايييييه على الأيام سيف الدين البوزيدي فين وصل غادي يتشفاو فيه العديان
قربات ليه شروق جلسات جنبو وهو يبعد منها
شروق:اويلي مالك بارد النفس نوض سلخ مو ولا انت فعلا كيليميني هههههههههه كتضحك وهي شادة ايديها على فمها خواااف
سيف الدين:دور وجهو عندها سوكتي الجنية سوكتي جات معك الضحكة الضحكة
شروق:بزاف عليك نكون جنية شوف انا كاع ما عصبو صوتي صوتي حنين هههه
سيف الدين؛واش من نيتك راه ما كيشوفك حتى حد من غير انا الكوعبي المسخوط
شروق:ههههااا اوووه صبر راسك مالني ما نبان على انا شبح ولا جنون
سيف الدين:اه تماما ها انتي عرفتي
شروق:وقفات واخا صبر راسك العريان ههه قربات عند الرجل لي كان قدام سيف الدين جالس وهي كتمد ليه ايديها سلام انا شروق وانت
شافت الشخص ما حول عينيه فين كيشوف
شروق:هيه هيهوو واش انت ما كتسمعش اه واقلة ما كتسمعش بدات كتشير ليه بايديها لكن والو ما شافش تجاهها
سيف الدين بدا كيضحك بوحدو حتى شاف يد شروق دخلات ف جبهة الشاب وهو ينقز بخوف غوت كيف غوتات شروق بخوف وهي ما مصدقاش اشنو كتشوف اه ايديها ايديها دخلات ف راس الرجل خترقاتو
نقز الشاب بعصبية شنق على سيف الدين
فتحووو الباب واش نتما صافا سادين عليا مع حمق و الشااااف و الشاااااف فتحوووو

انقذوني شبح يلاحقني 👻
البارت:12
بقلم/حياة جمالي
جاو البوليس كيجريو فتحو و هما كيبعدو الشاب على سيف الدين
الشاب:هذا راه هبيل خاصو سبيطار الحماق ماشي دخلوه معيا
البوليسي:هز ايديه و طرشو سكتنا لمك تسحاب راسك ف لوطيل ينعل الكيدار بوك دار عند سيف الدين وانت مال جدك راه باينة نيت هبيل زيد زيد قدامي جرو بعصبية ل برا
سيف الدين:احبس اسي بشوية انا بغيت نعيط دابا ل محامي تاعي
البوليسي:ههه الهبال عندهم المحامي زيد زيد قدامي
خرج بيه بعصبية اما شروق كانت واقفة كتبكي ب خوف و عقلها مازال ما عرف يستوعب أنها رجعات شفافة غير مرئية كيفاش هذشي و امتى و فين و علاش ياك غير البارح كانت مع خطيبها كتفطر معه و الليلة دايرين غادي يكون عندهم عشاء رومانسي و غادي يحددو موعد ل زواج كيفاش هذشي و امتى دموعها نزلو ب كترة قربات ل باب لكاب مدات ايديها لي كتترعد تجاه الباب وهي تخرج لبرا غمضات عينيها و خترقاتو فتحات عينيها لقات راسها برا لاكاب اشنو هذشي لا اكييييد هذا حلم اه بااااينةحلم و خاصها تفيق منو
_دخل سيف الدين للبيرو مع البوليسي و هو مازال لابس غير شورط كاع لي داز من حداه كتكون عندو فكرة وحدة هي انه تشد بالفساد باينة حصل مع شي وحدة غير من حالتو جلس البوليسي و قال ليه يجلس
البوليسي:ايه ايوا عاود ليا دابا من A ل Z باش نعرف اش من قرينة كحلة نديوك ليها
سيف الدين:بغيت نتاصل بالمحامي تاعي هو الأول ما غاديش نهضر حتى يكون
البوليسي:ايه واخا زيد اسيدي راه قال ليا صاحبي ما عرف فين شافك مد ليه تيليفون هاك ارا لينا هذا المحامي
سيف الدين:شد سماعة و بدا كيركب نمرة الووو سي الباكري لباس عليك معك سيف الدين لباس حمد لله بغيتك تجي دابا عندي الكومسرية *** و جيب ليا شي حوايج معك والو غير حاول تجي بزربا و ما تقول حتى حد شي حاجة حط سماعة تيليفون و رجعو ل بوليسي
بعد مدة زمنية دخل لبيرو الباكري المحامي هاز بوشيط تاعو و بلاستيكية تاع الحوايج
الباكري:سلام عليكم انا المحامي
البوليسي:اه مرحبا مرحبا هز راسو فيه من لبسو و ساعتو باينة شخصية و بوكو لعاقة
قرب ل عند سيف الدين لباس عليك سي البوزيدي شكون دار فيك هذا الحالة شاف ف البوليسي وهو عاقد حجبانو
البوليسي:تهدن هكدا لقيناه كيجري و كيهضر غير بوحدو
سيف الدين:بغيتك تخرجني غيرني غير من هنا ما تسولني على والو دير كلشي و خرجني
الباكري:شاف ف الكومسير وهو كيجلس اشنو السبب لي جبتوه لهنا
بداو كيهضرو و يتناقشو من بعد نص ساعة خرجو من البيرو من بعد مالبس سيف الدين حوايجو خرج من البيرو وهي طيح ف بالو الجنية اه الجنية صافي مشات بدا كيتلفت يمين و يسار لور و القدام و هو كيبتسم غير بوحدو بالفرحة
الباكري: سي البوزيدي مالك
سيف الدين: مشات مشااات ياا ربي حمدتك و شكرتك
المحامي:شاف فيه باستغراب شكون هذي لي مشات واش كانت معك شي وحدة
سيف الدين:كنت مع جنية جنية
المحامي:شاف فيه بمعنى صافي سيد هبل واش متأكد ما تناولتي حتى حاجة
سيف الدين: اعوذ بالله واش انا تاع هذشي ياله ياله بغيت رجع فحالي بغيت رجع ل شاركة ل الجناح تاعي بغيت ندووووش بغيت نخدددددم نخدددددم
المحامي:شد ف كتفو ياله بعدا خاصك ترتاح الأول
تمشاو لباب و سيف الدين فرحان اخيرا تهنى من هذا الكابوس كيف حط رجليه برا خرجو عينيه بصدمة كانت شروق جالسة شادة وجهها ب ايديها
سيف الدين:لااااااا لااااااا كيحرك راسو بصدمة لااااااا اكيد حلم هذشي كااابوس هذشي
المحامي:واش انت بخير واقلة خاصني نديك سبيطار
سيف الدين:سي الباكري شوف شوف تما هز صبعو تجاه فين جالسة شروق تما تما واش كتشوف شي حاجة
المحامي:كيشوف فين كيقول ليه سيف داك الورد مالو
سيف:لا ماشي الورد شوف مزيان
المحامي:والو من غير الورد و تراب ما كاين والو رجع شاف فيه و تفكر الهضرة لي قال ليه البوليسي أنو كيهضر غير بوحدو بحال معه شي حد لالا باينة البوزيدي صافي طار ليه الفرخ
هزات شروق راسها و شافت سيف الدين وهي توقف غادية تجاهو
سيف:شد ف يد المحامي بخوف سربي سربي خاصنا نهربووو من هنا قبل مااا توصلنااا…

👻👻انقذوني شبح يلاحقني 👻👻
البارت :13
بقلم/حياة جمالي
المحامي:شكون لي غادي توصلنا
سيف الدين: جنية جنيييية
المحامي: بسم الله الرحمن الرحيم قالها ب خوف
سيف الدين:سربي سربي ياله من هنا
المحامي:تهدن تهدن هذشي كلو غير هلوسات
شاف سيف الدين فيه و هو يتمشى بزربا ل لوطو فتح الباب القدامي و دخل مخلي المحامي كيشوف فيه باستغراب هز تيلي ركب رقم و تاصل
المحامي:الو سي أمجد لباس عليك بغيت نهضر ليك على سي البوزيدي
أمجد:مالو اش عندو ياك مسافر
المحامي:باستغراب مسافر لا راه انا معه عاد خرجتو من الكومسيرية
أمجد:الكومسيرية اشنو هوو
المحامي:هذشي طويل لكن بان ليا ماشي طبيعي كيهضر بوحدو و كيقول كيشوف جنون
أمجد:اشنو هو فين كاين هو دابا واش عارف اشنو كتقول
عند سيف الدين هز عينيه ف المرايا و هو يغوت بخوف من شاف شروق راكبة ف لوطو وراه شد قلبو لي قرب يسكت الكابوس مازال طويل دار عندها بغضب
سيف الدين:خرررجي من هنا سيري فحالك اشنووو بغيتي عندي
شروق:هزات عينيها فيه ب حزن ما عندي فين نمشي وانت بوحدك لي كتشوفني
سيف الدين:انا المتعوس لي كنشوفك انا مسخوط الوالدين سيري انا بالله معك بالشراع حجارك يشدوك هز ايده هااا العااار هااا العااار بعدي مني الجنية
شروق:وهي كتبكي هىء هىء انا ماشي جنية والله مااا جنية انا راه بناادم
سيف الدين:لالا باااينة الله اودي باااينة بنادم
شروق:والله حتى بنادم هىء هىء
سيف الدين:اه اكس مين ووووووووو بعدي مني كوووني لي بغيتي غير بعدي مني
شافت فيه شروق بحزن وهي تسرح ناعسة بلا ما تجاوبو
سيف الدين:و الجنون و نوضي سيري فحالك وكلت عليك الله هبلتيني
رجعو عند المحامي و أمجد لي كيهضرو ف تيلي
المحامي:انا غير خلعني حالتو وقلتها ليك حيت انت صاحبو اما هو قال ليا مانقول لأي واحد شي حاجة
أمجد:لا صافي ضروري خاصك تقولها ليا جيبو دابا ل فندق انا غادي نجي نشوف اشنو عندو قالها و قطع كيف قطع نفاجر بالضحك كانت جنبو نورة ناعسة معه على سرير شافت فيه باستغراب مالك
أمجد:عنقها بسعادة الحبيبة تاعي نااااري على زهر عندنا عاد قال ليا محامي سيف الدين أنو صافي طار ليه الفريخ
نورة:شافت فيه باستغراب كيفاش شكون لي طار ليه الفريخ
أمجد:سيف الدين صافي حماااق رجع كيجري ف زنقة عرياان و كيشوف جنون صافي هذشي ل صالحنا نوضي نوضي ندوشو خاصك تمشي تكوني جنب من رجلك لي مريض
نورة: احبس ويلي على هبيل وإلى قتلني
أمجد:يقتلك حبيبتي راه كيبغيك الحمق لي ولدو نوضي هذي فرصة باش تزوجي بيه و ناخدو كلشي منو ههههه….

👻👻 انقذوني شبح يلاحقني 👻👻
البارت:14
بقلم/Hayat Jamali
ركب المحامي تاع سيف الدين و نطلق بيه تجاه الفندق وهو كيشوف ف سيف الدين كل لحظة كيشوف لور تاع السيارة ما بقاش بغى يسولو على والو أصلا من حالتو باين كيدخل و يخرج فالهضرة كتفى بالصمت حتى وصلو ل فندق نزل وهو كيشوف ف الفندق تاعو لي خرج منو بلا عقل من شاف تصاور نورة و هاهو دابا رجع ب جنية جنبو تابعة كيف تفكرها تلفت لقاها جنبو كتشوف ف الفندق بصدمة يمكن الجنون ما عندهمش الفنادق هكدا قال تمشى لداخل بلا ما يهضر معها راسو غادي ينفاجر و ذاتو كتوجع فيه بحال سلخوه دخل لمصعد و طلع ل جناح تاعو سد عليه تلفت جنبو ما لقاهاش وهو يبتسم اخيرا تهنى منها الله على راحة شوية وهي تبان ليه داخلة من الحيط غوت بصدمة وهو كيرجع لور
سيف الدين:اعوذ بالله من الشيطان الرجيم بسم الله الرحمن الرحيم بعدي مني ها العار بعدي مننني اشنو درت ليك ا ربي حتى تعذبني بحال هكدا ياك ما كنفسد ما كنسكر ما كنصوم كنصلي كنصدق شد ف راسو لي غادي ينفاجر وهو كيتفكر ديك الطلابة لي دعات معه بالتابعة وهو يجري وهي تبعاه شاف ف شروق و كمل لااااااا لااااااا هههههه بدا كيضحك بحال الحمق ههههه تابعة لااااااا اش هذشي صافي غادي نهبل لالا صافي هبلت ماشي غير غادي نهبل
شروق:شوف راه انا ماشي جنية والله حتى انا بنادم
سيف الدين:صافي صافي انتي بنادم انا لي جن غير خرجي بعدي مني ياك هديك دارك خوديها سيري ليها والله يا جنية سمحت فيها و ف فلوسي حلال عليك
شروق:راك انت مريض ديك داري شكون أصلا باعها ليك غير البارح كنت فيها اكيد انت درتي ليا شي حاجة حتى رجعت هكدا باش تاخد دار تاعي
سيف الدين:واقلة حتى جنون كيضربهم الهبال ناخد دارك اش ندير بيها حتى هديك دار خربة تاع جنون
شروق: هيه جمع راسك هذيك راه ورث اب عن جد
سيف الدين:شاف فيها اه اه صافي اب عن جد ايوا سيري ليها عار ربي سيري😭😭😭
شروق:والله لا مشيت إلى ما عرفت اشنو واقع ليا واش ما فيكش الإنسانية تجري عليا فين غادي نمشي تخايل يتلقى ليا شي مجرم و لا شفار ولا نتعرض الإغتصاب
سيف الدين:هز ايديه بعصبية ضحكتيني واخا مافيا لي ضحك الإغتصاب يتلقى ليك شي حد شكون أصلا كيشوفك راك ياله داخلة من حيط ما بانش ليك باينة انتي شي جنية منبوذة خواو ليك عقلك و جراو عليك
شروق:شكون يضمن ليا انت ما تكون شي سحار درتي ليا شي حاجة غبرت كيفاش كتشوفني غير انت
سيف الدين:كنشووووفك حيت مسخووووط الوالدين سااااخط عليا بااا
تسمع دقان ف الباب سكت وهو كيشد ف راسو مابغى يشوف حد شافت فيه شروق
سير فتح الباب

هز صبعو بمعنى سوكتي كيف هزو شد ف وجهو ب عصبية كيسكتها بحال أصلا كيسمعها شي حد من غيرو قربات للحيط خترقاتو و خرجات قدام الباب شافت بنت شابة زوينة و أنيقة بزاف ب شعر اشقر و كسوة قصيرة و معها شاب زوين و غزال لابس كوستيم و العطر تاعو كيتشم من بعيد رجعات دخلات من الحيط وهي تقرب ل سيف الدين
شروق:ناري فتح الباب فتحو كاين واحد الرجل زوين بزاااااف حسن منك و معه واحد شهبة زوينة و أنيقة فين بحالك كيعرف هذا الناس الأنيقة واااو واخا مخطوبة لكن هذا الرجل وااااعر وااااعر هزات ايديها بعيون شبه مغمضة ااااحححح تيتيز ريحتووو بدات كتستنشق فالهوا احسن ريحة نشمها ف حياتي كاملة فتح سربي ولا خايف منهم اكيد ناصب عليهم النصاب ف شي حاجة
هز ايديه تجاهها بحال بغى يعايرها و هو يفوتها
كانت نورة و أمجد لي قدام الباب من بعد مدة ما فتح عليهم حد رجعو فحالهم

👻👻انقذوني شبح يلاحقني 👻👻
البارت:15
بقلم/Hayat Jamali
نورة:مال هذا ما بغاش يفتح ياك كاين
أمجد:اه كاين ياله نمشيو دابا باين ما غاديش يفتح حتى من تيلي ما كيجاوبش عليه ليل رجعي عندو انتي بوحدك
نورة:اووووف هذا الحامض ثقيل
أمجد: تفكري فلوسو ياله ياله
_جلس وهو كيحط راسو على الكرسي الجلدي كيشوف ف هذا المخلوق ل بلاه الله بيها شم جنابو ب قرف ريحة العرق عاطي منو وقف وهو متجاهل شروق تجاه الدوش فتح الباب وهو يدخل فتح الما كيعمر البانيو وهو كيفتح صدايف قميجتو حتى دخلات شروق من الحيط
شروق:واو على دوش
سيف:نقز من بلاصتو ب خوف ااااعووووذ بالله شاف فيها ب غضب وهو كيمد ايديه ل ما سدو
شروق:غادي دوش اش من نكهة غادي تستعمل ف الباندوش
سيف:ما بقيت مدوش غادي ننننبقى ببببوسخي على لي خارج ليه جنية بحالك يدوش قالها و هو كيسد صدايف خارج بعصبية
شروق:مال هذا الله يستر بقى بوسخك الموسخ انا مالي
خرج لصالة و بقى كيمشي و يجي عقلو غادي يخرج كيفاش يدوش ولا يبدل حوايجو و جنية معه دابا إلا دخل دوش ممكن اي لحظة تدخل عليه و تشوفو عريان و نفس شي إلا غادي يبدل شاف فيها و هو شاد ف راسو لالا اه ربي خلق الانس والجن هذي ماشي بشرية يعني اكيد تكون جنية اش من نوع تاع الجن واش هذي هي الجنية العاشقة لي كتخرج ل رجال حرك راسو لالالالالا اويلي ا سيف الدين البوزيدي كيفاش تامن بهذا الخرافات صافي اعوام الدراسة ف اكبر المدارس ف امريكا مشات كلها شاف ف شروق لي جالسة كتشوف ف المكان ب راحة وهو يوقف شاف مباشرة تجاه الباب تاجه تجاهو فتحو و خرج تبعاتو شروق تجاه المصعد دخلات معه
شروق:فين غادي نمشيو واش ما غاديش رتاحو
سيف:انا ما غادي رتاح حتى نتهنى منك ب مرة شكون أصلا قال ليك تمشي معيا سيري فحالك
شروق:قلت ليك ما غادي نمشي حتى نعرف اشنو كاين علاش انت بوحدك كتشوفني ياك ما تسحابني عاجبني نبقى معك المصنن سدات نيفها ب قرف اووووف غادي نتقيى
سيف:حتى جنون عزيز عليهم النظافة اول مرة نعرفها
تفتح باب المصعد و خرج وهو كيهضر مع شروق لي كيشوفها غير هو و لي داز من حداه كيشوف فيه باستغراب مع من هذا كيهضر تاجه طابق سفلي فين كاينين سيارات تمشى بخطوات سراع و شروق تابعاه جبد من جيبو الكونتاكت فتح باب مرسيدس و دخل دخلات شروق من الباب و جلسات جنبو
سيف:دار عندها لا خودي سوقي انتي حسن
شروق:لا غير سوق انت ا شيفور تاعي
سيف الدين:ما غاديش نتناقش مع جنون قالها و نطلق…

👻👻انقذوني شبح يلاحقني 👻👻
البارت:16
بقلم/Hayat Jamali
توقف قدام عمارة ف مكان راقي نزل وهو كيلبس نظارات كحلة دخل العمارة بخطوات سراع تجاه المصعد
شروق:فين غادي تاني طلعات راسها كتشوف اسماء الطوابق لي كلها عناوين طوابق مشفى شكون مريض
سيف الدين:بغضب انا لي مريض ما باااانش ليك هذا المرض سكووووتينا
شروق:هماااجي لآخر قالتها وهي كتلوي فمها
تفتح الباب كيف تفتح بان باب عيادة طبيب نفسي تاجه ليه سيف الدين و دخل تجاه السكرتيرة
سيف الدين:سلام عليكم الله يخليك عندي موعد مع الذكتور
السكرتيرة: اه مرحبا الاسم الله يخليك
سيف:سي البوزيدي
السكرتيرة:اه اه مرحبا الذكتور كيتسناك تفضل
شروق:وهي تبعاه شكون شكون عاود اشنو كنيتك واش سمعت مزيان واش انت هو البوزيدي صاحب الشركات و مجموعة الفنادق ناري واش انت هو احبس جاوبني لا ما يمكنش واقلة كنحلم
تمشى سيف متجاهل كلامها مع السكرتيرة فتحات ليه الباب ودخل كان رجل ف العمر 40 ف المكتب جالس كيشوف شي وراق طلع راسو ف سيف الدين و هو يبتسم و دار حراكة ل سكرتيرة سدات الباب
الذكتور:اهلا اهلا سي البوزيدي تفضل جلس
سيف: شكرا قالها و جلس
الذكتور:كنت كنتسناك من الاتصال تاعك بنتي ليا مشوش شوية ايوا ها انا معك عاود ليا اي حاجة كتزعجك
سيف الدين: إلا عاودت ليك ا ذكتور ما غاديش تصدقني حيت انا براسي ما مصدق راسي قالها و هو كيشد ف راسو
الذكتور:شاف فيه من حالتو باينة ف صراع نفسي مع راسو غير قول ليا ا ولدي اي حاجة انا هنا غير باش نسمع ليك و نصدقك
سيف الدين:كنشوف جنية لا ماشي كنشوف لالا جنية لاصقة فيا ما كتبغيش تمشي هز صبعو تجاه شروق لي كانت ورا من الذكتور كتشوف ف سيف راها وراك كتشوف فيا
الذكتور:دار وراه بشوية الخوف لكن رتاح من ما شاف حتى حاجة ما ورايا والو
سيف:هذي هي المشكلة انا بوحدي لي كنشوفها انا بوحدي لي كنسمعها
شروق:راه قلت ليك انا ماشي جنية انا بشااااار البقررر
سيف الدين:سووووكتي الجنية شد ف ودنيه من صباح انتي دن دن دن مااا كتسوكتيش راسي غادي ينفااجر شاف ف الذكتور خاصك ا ذكتور دير ليا شي حل ياك هذي خدمتك
الذكتور:وقف وهو كيشد ف يد سيف واخا واخا تهدن ا ولدي تهدن تعالى جلس بعدا داه تجاه فوتوي جلدي حمر مريح تسرح فيه سيف الدين وهو كيغمض عينيه بألم
الذكتور:قول ليا شحال مرة باش نعستي
سيف الدين:فتح عينيه الحمرا بحال الدم لا نعست شوية البارح واخا نعاسي كان مقطع المهم نعست
الذكتور:واش تعرضتي ل شي صدمة ولا شي حاجة حتى خلاتك تشوف هذا الاشياء
سيف:شاف فيه و هو كيتفكر الصور تاع نورة اه كان خبر صدمني ما توقعتوش
الذكتور: واخا عاود ليا كلشي
شروق:هههه عاود لينا عاود بغيت نيت نعرف واش هذشي خاص بيا
سيف الدين:انتي سووووكتي و بعدي من جنبي سيري بعدي مني
الذكتور:سي البوزيدي تهدن شوف ركز غير معيا ما تركزش مع الاصوات ولا اشنو كتشوف عاود ليا اشنو وقع ليك من الأول
سيف:كنت ف حفلة من بعد …(بدا كيعاود ليه اشنو وقع)
الذكتور:اه يعني من فقتي ف ديك دار لي هربتي ليها باش ترتاح لقيتي بنت جنبك وهي معك دابا و فاي وقت واي مكان مشيتي ليه
سيف:اه تماما و بغيتها تمشي تبعد مني عفاااك ذكتور دير اي حاجة عفااك
الذكتور: واخا واخا تهدن هذا المرا لي كتبان ليك وصفها ليا كيف دايرة
سيف: شاف ف شروق لي واقفة جنبو عادية بحالنا ما مغيراش علينا
الذكتور:لا زعما واش شارفة صغيرة شحال تقريبا عمرها زوينة خايبة كيف جاتك
سيف الدين:واش دابا جاي عندك باش تهنيني منها ولا تخطبها ليا قالها بغضب
الذكتور:تهدن تهدن هذشي باش نعرف كلشي و نعطيك الحل و العلاج ان شاء الله
سيف الدين:شاف ف شروق لي كتشوف فيه ب غضب ماشي كبيرة صغيرة تكون عندها ديك 29
شروق:ايوا ايوا راني مازال صغيرة عندي 26 الشارف
سيف : غمض عينيه بعصبية قالت ليك عندها 26عام
الذكتور:اه مزيان واش زوينة
سيف:شاف ف الذكتور ما بيهاش عندها حقها
شروق :بغضب اااانا مااا بياش العوج العور انا راه كنحمق زوووينة قوقة اش كيعرف لحمار ل سكينجبير
سيف:تݣعد بغضب انا حمار الجنية
شروق:اه حمار عمى
سيف:راه انتي لي حمارة لصقة كولة سبيسيال
الذكتور:قرب ليه سي البوزيدي تهدن تهدن خليك مركز غير معيا
سيف:ركز معك هي أنك تخلي هذشي يغبر من قدامي
الذكتور:غادي نخليه يغبر إلا بغيتي انت حيت انت لي صنعتي هذشي عقلك لي صنعو
سيف الدين:شاف فيه باستغراب كيفاش اشنو قصدك
الذكتور:هذشي كلو من صنع عقلك انت لي صنعتيها وانت خاصك تغبرها حيت هذشي غير وهم صنعو دماغك
شروق:شافت فيه والله إلا هذا ذكتور غادي غير ياخد فلوسك و يطنز عليك ههه قال ليك انا غير وهم راني بشرية حقيقية…

👻👻 انقذوني شبح يلاحقني 👻👻
البارت:17
بقلم/حياة جمالي
سيف الدين:شرح ليا مزيان كيفاش زعما هذشي قالها و هو كيرجع يجلس
الذكتور: انت اكيد حيت تعرضتي لصدمة عاطفية المرا لي انت كتبغي لقيتيها كدابة هربتي باش ما تواجههاش ل مكان تكون فيه غير بوحدك و بسبب الصدمة العاطفية دماغك فرز هرمونات خلاتك تتخايل أن مرا رجعات كتبعك بحال الدماغ كون ليك حبيبة خيالية صغيرة زوينة و فين ما مشيتي كتمشي معك و كنشوفها غير انت هذا ماشي حقيقي هذا غير وهم حيت تعرضتي لصدمة
سيف الدين:ولكن ما كتبانش هي وهم كتبان حقيقية كليا
الذكتور:حقيقية ليك ماشي لينا واش شي حد من غيرك قدر يشوفها
سيف الدين:لا حتى حد من غيري كيشوفها ولا كيسمعها
الذكتور: اذا راه باين كلشي هذا غير خيال سراب بحال من كتمشى ف الصحرا و كتشوف الما ف الرملة لكن إلا بقيتي كتهضر معها و كدير معها عقلك اكيد غادي تعيش ف هذا الخيال و تصدق انو حقيقي شوف غير اليوم حياتك كيف رجعات رجل الأعمال رجع كيجري عريان حتى من الكومسيرية دخلتي ليها خاصك تتغلب على الوهم لي عقلك خلقو
سيف الدين:لكن عقلي يخلق بشرية عادية لكن هذي كتخرج و تدخل من الحيوط ما تكونش زعما جنية
الذكتور:الله يهديك اسي البوزيدي الجن مستحيل الانسان يشوفهم حيت ربي داير لينا غشاء ف العين حاجب علينا رؤية الجن إلا يوم القيامة نقدرو نشوفوهم و هما لا دابا العكس وانت واحد قاري و واعي ما خاصكش تفكر بهذا العقلية هذا غير سراب خلقو عقلك بسبب الصدمة انا غادي نخرج ليك حبوب منومة و حبوب تهدئة الأعصاب كيف تفيق غادي تلقى كلشي راجع كيف ما كان السراب ختفى دابا تجاهل اي هضرة او حركات خليك قوي اقوى من العقل حيت العقل قادر يخليك حمق وانت ب عقلك ما تهضرش معها ما تتحاوبش معها سير ل دار شرب الدواك و نعس و حمد الله انك جيتي عندي مع بداية هذا المشكل يعني غادي تتغلب عليه بسهولة غير بالدوا
سيف الدين: صراحة هضرتك راها منطقية الذكتور شكرا من هضرت معك رتاحيت شاف ف شروق لي جالسة غير كتسمع هضرتهم و تضحك بسخرية و كمل غادي نتجاهلها كليا و من نفيق لقاها ختفت
الذكتور:كناكد ليك هذشي لي غادي يكون وإلا لقيتيها ف الصباح انا نسد العيادة تاعي
شروق:وغير بدا تجمع من دابا ا ذكتور قال ليك انا شبح
ودع سيف الدين الذكتور بسعادة و راحة كلام الذكتور خلاه يرتاح كليا خرج و هو متجاهل كلام شروق و لا حركاتها رجع للجناح تاعو هز دوا و كاس الما
شروق: هيه انت هضر معيا راه والله ما غادي نغبر راه خاصنا نهضرو و نكتاشفو علاش انا كنبان غير ليك راه خاصك تساعدني و نساعدك علاش انا رجعت هكدا هيييه كنهضر معك
دخل الغرفة تاعو متجاهل تماما وجودها تسرح ف فراشو و شرب دواه اقل من جوج دقايق غاب عن الوجود نعس
شروق:هيه واش نعستي هيييه انت قربات ل وجهو كتصوط عليه وقفات ب غضب سير تنعس ما تفيق قالتها و خرجات من حيط ل حيط حتى خرجات برا الجناح وقفات وهي كتشم نفس العطر الرجولي تاع داك الوسيم بقات كتمشى تجاه مكان العطر الاكتر من روعة حتى شافت نفس الشاب الزوين مع البنت الشقراء خارجين من المصعد
أمجد:ضحكي وانتي عاقدة غوباشتك يشوفك سيف الدين يهرب
نورة:بغيت ليه الموت الغبي لآخر علاش بحال هذا عندو الفلوس
أمجد:حبيبتي ما خاصوش يموت حتى ناخدو فلوسو ديك ساعة حنا نقتلوه هههه عنقها بحب حاولي تكوني حنينة معه راه كيبغيك
نورة:كون هاني والله حتى نخليه يتزوج بيا ف صمانة ههه
شافت فيهم شروق بصدمة وهي كتسمع ل حوار تاعهم و كيفاش كيضحكو ب شر و هما كيختطو يسرقو فلوس شخص و يقتلوه و شكون هذا الشخص من غير سيف الدين لي الواحيد لي كيقدر يشوفها بقات واقفة بصدمة حتى خترقوها و دازو من وسطها..

👻👻 انقذوني شبح يلاحقني 👻👻
البارت18
بقلم/Hayat Jamali
اصبحنا واصبح الملك لله فتح عينيه المعسلة بتكاسل وهو كيلعب بشعرو فاق مدوخ بحال نعس قرن بدات الاحذات كيسترجعهم قفز من الناموسية جالس من تفكر الجنية شاف يمين و يسار ما شاف والو طلع عينيه كيشوف شحال ساعة كانت جوج الظهر قفز وهو كيقلب ف كل جهة خرج لصالة و لبيت الاخر مالقى حد قلب ركن ب ركن ما كاين والو بتسم بسعادة و فرح وهو كيتفكر كلام الدكتور
سيف الدين:ااااييي لهذا درجة عقلنا قادر يحمقنا ياربي سلامة الحمد لله على نعمة الطب
دخل دوش خرج لبس فقية و جلس كيصلي و كيحمد الله و يشكرو كمل صلاتو و قرا شي سور القران دعى الله و وقف
سيف الدين: صافي هذي كانت تجربة باش عمري نتهرب من اي مشاكل نورة اه كنبغيها ز بغيتها لحلال لكن إلا فعلا عندها علاقة و كتبغي واحد غيري الله يعاونها ماشي نبقى نحمق راسي
تاجه ل خزانة فتحها و بدا كيختار مايلبس حتى نقز بخوف من صوت شروق وراه
شروق: لبس القميجة البيضة مع سروال كحل و كوستيم كحل يجيك زوينين
دار بخوف و بزربا و هو كيشوف ف شروق الجنية كتشوف فيه ب شر😈
شروق :و ما تنساش تمشي عند دكتور تسد ليه العيادة
سيف الدين:اعوذ بالله من الشيطان الرجيم ش ش ش ششششكون انتي لالااا هذشي بزاف
شروق:انا راني بشرية بحالي بحالك قلتها ليك و نعاود نقولها
سيف الدين:هز ايديه ب غضب واش هذي حالة البشرية كتدخلي من الحيوط كتدخلي ف بنادم ما كيشوفك حد غيري ما كيسمعك إلا أنا
شروق:واش تسحابني عاجبني هذشي حتى انا بغيت نعرف علاش وصلت ل هذشي
سيف الدين:عررررفتي اشنووو ماشي شغلي ف اي حاجة انتي غير سراب ما غاديش نركز عليك
شروق:انا ماشي سراااب انت لي اشنو كنتي كدير ف داري و علاش انت فقط لي قادر تشوفني
سيف الدين:هز كوستيم ف الازرق الداكن و كمل ما سوقيش فيك قالها و هو كيهز الفقية بغى يحيدها
شروق:بثوتر هيه هيه اشنو كدير حبس حبس قالتها و هي كتمد ايديها تجاه يد سيف الدين شداتها اه شداتها ما تجاوزاتهاش
سيف الدين حس ب ايديها شدات فيه خرج عينيه ب صدمة كيف تصدمات حتى هي و غوتو بجوج غير هي غوتات ب فرحة و هو بخوف
شروق:واااو رجعت مراية رجعت كنبان ياااس يااااس انا فرحانة كتنفز ب فرحة و هي كتمد ايديها كتشد فيه
سيف الدين:بععععدي مني كيقولها وهو كيتهرب منها ما تشدينيش جنية بعدي مني

سكتو ف دقة من سمعو صوت الجرس شاف سيف الدين فيها ب علامة سوكتي و هو خايف لا تهضر و يتسمع صوتها يتشوه مع العمال تاعو اي واحد يشوف بنت شابة معه ف الجناح و هو بهذا لبس الخفيف اكيد غادي يقول بابتة معه لاا صافي سيف الدين البوزيدي غادي يتشوه اش يدير دابا
شروق:فتح مالك خايف اه ولا خايف يشوفوك مع وحدة بالجمال تاعي يتصدمو كيفاش درتي ليها هههه
سيف الدين: احسن حاجة سوكتي و خليك هنا

👻👻 انقذوني شبح يلاحقني 👻👻
البارت:19
بقلم/حياة جمالي
سيف الدين: حسن ليك سوكتي و خليك هنا
قالها و هو كيخرج من الغرفة تاعو مخلي الباب مفتوح
شروق:مالني خدامة عند باك قال بقاي هنا نوض نخرج رجع داري عند حوبي قالتها وهي كتمشى لباب
فتح سيف الباب وهي تبان ليه عاملة كيف فتح الباب سلمات عليه دخلات دافعة طبلة تاع الماكلة بالروايد
سيف الدين:قولي ليهم يوجدو ليا طونوبيل ب الشيفور غادي نمشي شاركة
العاملة:واخا اسيدي بدات كتنزل الاطباق ف الطبلة
هز سيف الدين عينيه شاف شروق جاية بدا كيهز ايديه ف اتجاهها سير سير هزات الخدامة عينيها فيه و هو بزربا دار بحال كيجري على شي دبانة
سيف الدين :اوووف الناموس مشكلة صافي
الخدامة :دابا ندير ليه الدوا السيدي
قربات شروق ل خدامة ب ابتسامة
اممم هذشي باين كيشهي تبارك الله عليك قالتها و هي كتمد ليها ايديها لكن عواض ما تمسها خترقاتها خرجو عينيها ب دهشة و بدات كتحاول تمسها لكن بلا جدوى و سيف الدين مقابلها بصمت و استغراب علاش مسالتو اه حس بايديها لكن علاش العاملة ما حساتش بيها
سيف الدين: صافي غير سيري انا غادي نكمل الطبلة
العاملة:لكن راه قربت نكمل
شروق:لا علاش علاااش اشنو كيوقع ليا مدات ايديها ل الثوب لي مغطي الطبلة ب غضب جراتو حتى طارو الطباسل لسما جاو طايحين
العاملة:ب رعب من المشهد ب ب بسم الله الرحمن الرحيم
سيف الدين:غوت ب عصبية تهددددني حبسي غادي تهرسي كلشي
شافت فيه العاملة برعب هذا مع من كيهضر هي شافت الماعن كيطيرو لسما ولكن ما شافتش شروق تاجهات للباب ب خوف وهي كتقرا القرآن جرا عندها سيف الدين شدها
العاملة:ب دموع هااا العااار اسيدي هااا العااار خليني نخرج والله ما نقول ل حد اشنو شفت
سيف:لالا ما تخافيش غير قولي ليا اشنو شفتي واش بانت ليك بانت ليك ياااك
العاملة: ب دموع والله ما بان ليا والو اسيدي والله هىء هىء هىء والله ما نقول لحد انك خدمتي سحر و طارو الماعن لسما هىء هىء عفاااك خليني نمشي
سيف:تهدني تهدني اعوذ بالله اش من سحر خدمت ما تبكيش سيري سيري فحالك
كيف قال ليها سيري وقفات بخوف وهي كلها كترعد فتحات الباب و خرجات ف اتجاه المصعد شفايفها بيضا لونها شاحب بحال الشبح دخلات المصعد تجاه غرفة العمال دخلات وهي مازال كتكدب اشنو شافت شداتها وحدة ب خوف من حالتها
…:كريمة كريمة مالكي واش راك لباس
كريمة:شافت فيها ب خوف ناري ياختي كيخدم جنون

….:بسم الله الرحمن الرحيم شكون هذا
كريمة:قال ليا غير سيري شفتو شفتو كيدير إشارات علاش علاش من قال ليا خرجي ما خرجت هزات ايديها لي كتترعد طارو الماعن لسما كلهم وهو يغوت كيهضر معهم اه مع جنون جنون كتهضر وهي كتترعد
….: اشنو كتقولي بسم الله عليك مالك كتدخلي و تخرجي ف الهضرة
كريمة: شافت فيها بخوف والو والو حسن ما تعرفيش بعدي مني سيري فحالك قالتها وهي كتدفعها عليها

👻👻 انقذوني شبح يلاحقني 👻👻
البارت:20
بقلم/حياة جمالي
جلس وهو شاد ف راسو بصمت شوية هز راسو فيها بغضب
سيف:صافي رجعت ضحكة صااافي رجعت ضحكة لي سوا و لي مااا يسواش اشنو بغيتي عندي اش مشارك با مع باااك
شروق: شافت فيه بحزن علاش كتغوت عليا و كتهضر هكدا معيا
سيف:وقف بعصبية تجاهها اشنو بغيتي ندير ليك نشطح ليك متلا نطبل ليك راك خربتي ليا حيااتي رجعتيني ضحكة انا لي حتى حد ما يقدر يهز فيا عينيه رجعت ضحكة حتى بين الخدامة تاعي
شروق:واش انت كيهمك غير راسك واش ما كنبانش ليك انا ف نظرك هذشي عاااجبني حتى انا راه عندي حيااتي حتى انا عندي مشاعري مالك اناني
سيف: بعصبية اااااااه اناااااني واااش خارجة ليا من العدم جنية شبح كوووني لي بغيتي هذشششششي ماااا كيهمنيش ماااااشي شغلي فيك عندك شي مشاااكل حليهم بوووحدك عندك شي حرب مع جنون موتي فيها بوووحدك ماااا تجيش تفسدي ليا حياااااتي واااش سمعتي
شروق: طلعات فيه عينيها اللامعة اكيد كتتحارب مع دموع باش ما تخرجش ليها واش ما فيكش الإنسانية
سيف الدين:شاف فيها بسخرية هاهاهاها انتي آخر وحدة تهضري على الإنسانية وانتي من نهار خرجتي كنخربي ليا حيااتي إلى فيك النفس غبري عليا وجهك قالها و هو كيدخل الغرفة بدل حوايجو و خرج شاف تجاه شروق مازال كيف خلاها جالسة حاطة رجليها الرقاق الحفيان فوق من الكرسي و راسها فوق رجليها و شعرها مغطي و جهها
سيف:كنتمنى من رجع ف ليل ما لقاكش هنا مفهوم
قالها و فتح الباب خارج نزل و ركب ف سيارة لي كانت كتستناه و نطلق الشيفور ل شركة نزل و راسو الفوق داخل ل شركة تاعو لي شافو كيسلم عليه تاجه لبيرو تاعو دخل و تبعاتو السكرتيرة من لور
السكرتيرة:على سلامتك سي البوزيدي كيف كانت الرحلة
سيف الدين:مزيانة اشنو جدول اليوم
السكرتيرة:تاصل بينا سكرتير شركة البخاري كيسول واش مازال
سيف:هز ستيلو و بقى كيدور بالكرسي لي جالس فيه اممم يعني البخاري فلس كليا رجع باغي غير لي عتقو تاصلي بالمدير تنفيدي ل شركة بوزيدي 6 قولي ليه يمشي هو شخصيا عند البخاري يدرس معه العرض
السكرتيرة:واخا اسيدي و سي أمجد و أنسة نورة سولو عليك بزاف قالو ان البورطابل تاعك طافي
سيف:اه نسيت مسألة البورطابل شوفي شي حد يمشي يرجع ليا الرقم و يشري ليا بورطابل بحال تاعي هز راسو راك عارفاه حيت البورطابل تاعي طاح ليا
السكرتيرة:واخا اسيدي بغيتي نجيب ليك قهوة
سيف: جيبي ليا الملفات تاع الاسبوع لي فايت و قهوة
خرجات السكرتيرة و هو يحط راسو ف الكرسي براحة الله هذي هي حياتو الخدمة الخدمة الخدمة شاف ف تيليفون هزو و ركب رقم أمجد
سيف:اهلا لباس عليك
أمجد: اخيرا تفكرتي صاحبك شحال من مرة جينا عندك انا و نورة ما كتفتحش
سيف:كنت عيان شوية نورة لباس عليها
أمجد:لباس عليها منين غادي تحماق بسبابك من غبتي وهي كتبكي خاصك تاصل بيها
سيف:انت قول ليها انا بخير غدا نتاصل بيها و نديرو موعد نهضرو اليوم عندي خدمة بزاف راك عارف المشروع لي داخلين فيه
أمجد:اه صافي المهم عندك ما تاصلش بيها
سد سيف الدين السماعة وهو كيتفكر صور تاع نورة مع الشارف الدروي ما عارفش منين غادي يبداها لكن حاليا كيتهرب من المواجهة
داز نهار عند سيف الدين كلو خدمة و ملفات هز عينيه كانت ساعة 6 تفكر شروق واش تكون مشات زعما أكيد من ما بانتش ليه نهار كلو تكون مشات تفكر المخاصمة تاعهم يمكن كان قاسي معها لكن ما عندو ما يدير ليها خاصها تمشي فحالها وقف وهو كيلبس الفيست تاعو
_حط البطاقة الاليكترونيه ف باب الجناح تاعو تفتح دخل بتردد دخل لصالة و هي تبان ليه شروق مازال كيف خلاها بحال شي جمد
سيف:و قلبك بااارد مازالة هنا عوج فمو لجنب هيه معك كنهضر
ما جاوباتش تمشى ل بيتو بدل حوايجو و لبس سيربيت خرج و مازال شروق على نفس الجلسة دخل المطبخ هز ما شربو وهو مستغرب كون ما ظهرها لي كيتهز من كتتنفس كون يقول ماتت بقى كيشرب وهو كيستغرب واش الكلمات تاعو ل هذا درجة كانت قاسحة عليها هو ماشي هكدا هو ما يقدرش يخرج حتى كلمة جارحة هو ماشي هكدا مربي مربي على فعل الخير و مساعدة الناس لكن هذي ماشي ناس قرب ليها باستغراب
سيف:هيه معك كنهضر جالسة ف داري و كتنفخي عليا هز ايديه بغى يشد فيها لكن رجعها ف اخير المطاف خاف لا يشوف شي حاجة اخرى ولا تكون مسيفة بحال افلام الرعب بعد عليها و جلس فوق من كرسي قدامها و كمل
ما غاديش تمشي فحالك ياك صافي فهمت انتي لصقة واخا دابا كيف قلتي خاصني نعرف علاش انتي كتباني غير ليا واخا حتى انا بغيت نعرف ما بقاش عندي اختيار دابا هزي راسك و هضري معيا باش انا و ياك نحلو هذا لغز و كنتمنى تهزي راسك بلا ما تسيفي…

👻👻 انقذوني شبح يلاحقني 👻👻
البارت:21
بقلم/Hayat Jamali
هزات راسها و هي كتبعد شعرها على وجهها و سيف كيوجد راسو نفسيا باش ما يتصدمش من يشوف شي حاجة مرعبة تنفس الصعداء من كانت ملامحها كيف ماهي
شروق: بسعادة بصاح غادي تعاوني بصااح
سيف:واش بان ليك عندي شي حل آخر
شروق:انا والله ماشي جنية ولا شبح راني بشرية بروح و جسد عندي حياتي و كلشي
سيف:واخا نقولو هذشي صحيح لكن اشنو خلاك هكدا اشنو وقع ليك
شروق:ما وقع والو عاقلة فطرت مع خطيبي خرجت تجاه شركة ندفع سيڤي تاعي لكن ما بقيتيش مشيت ما بقاوش عندي فلوس و رجعت على رجلي
سيف:واخا واخا غير بشوية واش عندك عائلة كيفاش كتقولي خرجتي و رجعتي نفس نهار غير من شكل الجردة باينة مهجورة من زمان دار حالتها حالة كلها غبرة نظفتها ف 4سوايع هذشي ما كيدخلش العقل واش الوقت عندنا هو نفس الوقت عندكم
شروق:هيه كيفاش عندكم واش مازال دايرني جنية علاش من ما غاديش تصدق كلامي كتهضر معيا
سيف:غير بشوية عليك راه خاص نسولو على كلشي فين هو خطيبك
شروق: خطيبي طبيب جراح ياله قال ليا غادي يخدم ف واحد المشفى خاص
سيف :بفرحة هاااا حنا لقينا خيط اشنو اسم المشفى قالها وهو كيطلع تيلي من جيبو
شروق:اسم المشفى
سيف:شاف فيها باستغراب اه اسم المشفى راه اي مشفى عندو اسم
شروق:طلعات شعرها بايديها ما عرفتش السمية
سيف:كيفاش ما عرفتيش السمية واش كضحكي عليا لا
شروق:والله ما كنصحك لكن هو قال ليا غير غادي يبدا خدمة ف مشفى ما قال ليا سميتها اوووف ولا واقلة قالو و نسيت عليه
سيف:وقف ب عصبية واش متأكدة عندك خطيب متأكدة من هذا المعلومات راه الف مشفى هنا دابا كيفاش بغيتي نصدق هضرتك وانتي كتقولي هضرة لا منطقية
شروق: ياله رجعو دار اكيد ناس غادي تعرف شي حاجة كان ساكن قريب ليا رجل شارف كنت ديما كنجيب ليه الاكل اكيد هو غادي ياكد ليك اني مخلوق بشري بحالك
سيف:واش كتسحابي ما عندي خدمة بقى غير غادي جاي
شروق:عفاك عفاك الله يخلي لي عزيز عليك
سيف:واخا غادي نفكر ف هذا الموضوع لكن بشرط
شروق: اشنو هو اي حاجة موافقة عليها
سيف:ما دخليش ف الامور تاعي ما تبقايش دخلي و تخرجي على غفلة ما بغيتش بحال هذشي يتكرر تاع الصباح حياتي ما تقربيش ليها ما تنسايش انا رجل انتي شاف فيها ما عارف اشنو يقول انتي جنية انتي شبح انتي انتي المهم انتي أنثى يعني ما تبقايش دخلي عليا و تخرجي ف بيتي راه بيت اخر جلسي فيه حتى نشوف هذا الحريرة كيف غادي تخرج صافي
شروق:واخا صافي شكرا بزاف ما غاديش تندم والله
سيف الدين:والله حتى كنحس غادي ندم غير تهناي…

👻👻 انقذوني شبح يلاحقني 👻👻
البارت:22
بقلم/Hayat Jamali
شروق:مالك متشائم ا خويا
سيف الدين:واش بان ليك كاينة شي حاجة كتخليك تتفاءل انا ماشي خوك انا سيف الدين
شروق:مشرفين انا شروق مدات ليه ايديها
سيف:مشرفين بلا ما نسلمو ما كنسلمش على البنات قال هكدا غير باش يتجنب السلام أصلا هو خايف من الاقتراب منها بقى غير السلام
شروق:واخا واخا فهمت
سمعو صوت الجرس تقدم سيف الدين فتح الباب وهي تبان ليه نورة كيف شافتو نورة ترمات على صدرو عنقاتو
نورة:سيف توحشتك بزاف بزاف فين كنتي علاش ما بغيتيش تهضر معيا كاين شي مشكل كتهضر وهي كتشوف وراه بحال كتقلب على شي حاجة
سيف:ما تخافيش انا بخير شاف فيها و ف لبسها الشبه عاري انتي و من جيتي
نورة:جيت بوحدي من قال لي أمجد هضر معك ما بردت
شروق:بااااينة نيييت شاااعلة فيك قالتها وهي كتشوف فيها ب كره
سيف:دار لور من سمع كلام شروق و فهمو و وجهو حمر بخجل عاود رجع عند نورة خاصك ترجعي لدارك
نورة:بصدمة مصطنعة وهي كتشد فيه ما يمكنش ليا نخليك خليني ندخل بعدا
سيف:بتوثر لا لا انا بوحدي ما جاتش راكي عارفة
نورة:بلليييز ما ديرش ليا هكدا
سيف:نورة صااافي سيري غدا نهضرو
نورة: شافت فيه واخا واخا سمح ليا على الازعاج بسلامة
سيف :بسلامة دابا نتاصل بيك قالها و دخل ساد الباب
دخلات المصعد بغضب وهي كتهز التيلي
نورة:الو متأكد واش حماق بان ليا بحال فايق كان كيهضر مع شي بنت سمعتو لا ما سمعتش صوتها لكن باينة مدخل شي بنت الداخل رفض ندخل تماما كان خايف لا نشوفها أمجد خاصك ضروري تشوف شكون هذا البنت لي معه واخا واخا انا جاية قالتها و قطعات
شروق:شافت فيه بسخرية ما كنسلمش على البنات غير كنعنقهم ناري ديك البنت لابسة عريانة و ريحتها داك العطر عندها ما غريبش عليا اه اه هو
سيف: قاطعها هيه هذا البنت بالذات خط احمر و ما تنسايش اشنو الاتفاق تاعنا حياتي بعيدة عليك
شروق:هوووه صافي صافي بلا ما تتعصب
سيف:ياله نمشيو دابا
شروق:فين؟؟
سيف:غادي نبداو البحت ف المكان لي خرجتي ليا ف دار تما
شروق:بفرحة والو والو غادي تساااعدني
سيف:تبعيني قبل ما نغير رأي تاعي و من الاحسن قدام ناس ما تهضريش معيا حيت ما غاديش نهضر معك قالها وهو كيفتح الباب خارج و سدو
شروق:الحمد الله هههه تبعاتو خارجة من الحيط
_كانو ف سيارة شادين طريق لدار شروق
شروق:شحال ساعة دابا
سيف:هز تيلي شعلو و وراها شاشة
شروق:بصدمة كيفاش اشنووو هذشي 2020 اويلي واش متأكد حبس حبس شدات راسها لالا غادي نحماق
سيف:مالكي تاني ركن لوطو على جنب اشنو مالك اش من عجب خرج تاني
شروق:حنا فاش من عام دابا
سيف:كطنزي عليا لا
شروق:هىء هىء هىء غير جاوبني عفاااك
سيف:2020
شروق:كيفاش هذي ياك غير اول البارح كانت 2018
سيف الدين:ضرب يد على يد لاحولة و قوة الا بالله ايه زيدي مازال
شروق:والله معك بصاح هىءهىءاشنو هذشي غادي نحماق
سيف:انتي عاد غادي تحماقي انا صافي حماقيت 2018 صافي راه قلت ليك شبح ياختي و بقاي ف 2018 لاش هاجمة عليا هنا
شروق:سوݣ سربي خاصني نعرف اشنو واقع ليا اشنو وقع ليا عفاك حرك لوطو هىء هىء
سيف:غمض عينيه و عاود فتحهم يارب إن كان سحرا ابطله زيدي زيدي نشوفو فين غادي نوصلو واخا البداية باين العربون تاعها..

👻👻 انقذوني شبح يلاحقني 👻👻
البارت:23
بقلم/حياة جمالي
أمجد:بغيت غير نعرف هذا فين ماشي ف هذا الوقت شي حاجة تما شاف ف نورة اشنو بان ليك انتي
نورة:ما عرفت كان سيف الدين حدايا كيترعد و كيقول كلشي بقوة توتر لكن دابا والو شي حاجة مبدلة فيه شافت فيه أمجد واش زعما يكون تعرف على شي وحدة ف الحفل
أمجد:لا ما نظنش لكن اخير واحد هضر معه هو صحافي شاف فيها ب شك خاصنا نعرفو اشنو قال ليه نوضي نعسي دابا غدا نشوف هذشي و انتي بقاي هضري معه تبعيه لصقي فيه ما تخليهش يفكر فاي حاجة من غيرك
نورة:صافي تهنى الحبيب تاعي شافت ف تيلي اوووف هذا شارف ما صدق قلت ليه كنبغيك صدعني ديما يتاصل بيا
أمجد:داك الوردي مزيان حتى هو بحصيصتو ستغليه يشري ليك ذهب الالماس و ذهب
نورة:هههه بابتسامة تهنى احبي
__كان كيسوق و عقلو مع ديك 2018 ما بغاتش تنسى ليه كيتسنى غير يوصل باش يعرف اشنو كاين اخيرا وصلو لفيلاج كانت ساعة 4 تاع صباح شاف فيها كانت سارحة بعقلها
سيف:وصلنا
شروق:مزيان ياله زيد نشوفو اشنو كاين
سيف الدين:عرفتي شحال ساعة راه 4صباح كلشي ناعس نعسي على ما يفيقو ناس شاف فيها باستغراب ياك بعدا كتنعسي
شروق:باستغراب والله ما كنعس اه لعجب كيفاش ما نعستش
سيف:واخا واخا عرفتي اش خليني نعس انا شوية وانتي عسي عليا قالها وهو كيسرح الكرسي
شروق:واخا نعس اسيدي جات معك
كان ناعس بقوة التعب و كل هذا الضغوط نعس نعاس الغيبوبة حتى كيفتح عينيه على صوت دقان ف الباب و صوت شروق كتفيق في
شروق:فيق شي حد هنا فيق
شاف ف الزاج كان رجل ف الخمسين من عمرو كيشوف فيه باستغراب
فتح الباب و هو كيشوف ف شروق و نزل عند الرجل
الرجل:سلام ا ولدي مالك ناعس هنا ياك ما خسرات ليك طونوبيل
سيف:عليكم السلام لا ا شريف غير جيت عند شي ناس و مالقيتهم نعست هنا حتى يرجعو
الرجل:شكون هذا ناس انا كنعرف كاع لي ساكن هنا
سيف:بابتسامة بصاح مزيان جيت عند بنت عمي لي ف دار لي فيها جردة هز صبعو هديييك
الرجل:باستغراب بنت عمك؟؟
سيف:اه بنت عمي كتعرفها
الرجل:لا اولدي ديك دار 3سنين وهي مافيها حد من نهار سكنت هنا ما شفت فيها شي حد من امتى ما هضرتي مع بنت عمك
سيف:من زمان مع كنت برا المغرب واش كاين شي حد هنا ساكن من زمان ممكن يعرف شي حاجة
الرجل:اه شوف سي بلعيد هو راه المقدم هنا عارف كلشي ياله الله يعاون
سيف الدين:الله يحفظك شكرا قالها و طلع عند شروق شاد ف راسو ها واحد عمرو شافك
شروق:هذا ساكن جديد ياله نشوفو الرجل لي كنت كنمشي عندو
سيف:واخا زيدي واش نخلي لوطو هنا ولا اشنو

شروق:نمشيو على الرجل ياله
نزل سيف الدين و تبعاتو شروق سبقاتو كتوريه الطريق دخلو الغابة كيتمشاو حتى وصلو دار بحال الكوخ قدامو دجاج و جوج معاز
شروق:هذي دار با محمد دق عليه و سولو
سيف:ياربي يستر بسم الله قرب لباب الدار لي من الخشب كيدق حتى سمع صوت رجل كبير خرج ظهرو مقوص ف ايديه عكاز
سيف:سلام عليكم سمح ليا الواليد إلا صدعتك
با محمد:مرحبا شاف فيه بعيونو شبه المغمضة شكون انت ا ولدي
سيف:انا براني كنسول على واحد سيدة هنا قالو ليا ممكن انت تعاوني
با محمد:اه شكون هذي اولدي
سيف:سميتها شروق كتسكن ف دار لي فيها جردة
با محمد:هز ايديه كيحك لحيتو و كيتفكر شروق لااولدي هذا السمية عمري سمعتها قلتي دار فيها جردة انا كاع ما كنخرج من شي عام ما بقيت عقلت على ديور
قربات شروق عند سيف الدين لي طلع عينيه فيها
شروق:قول ليه راها بنت كدير الݣرينات و كانت كتجيب ليه الحليب ديما
سيف:اه راك كتعرفها غير تفكر راها كانت كدير الݣرينات و كانت كتجي عندك ديما كل نهار و كنجيب ليك الحليب
با محمد:اه اه الله يتبتنا على الشهادة مولات الݣرينات الله اودي عرفتها عرفتها شاف فيه و شكون انت لي كتسول فيها
سيف:انا انا ولد عمها عاد جيت من برا
با محمد: شاف فيه ب غضب دابا عاد بنتو التريكة تاعها
سيف:باستغراب كيفاش فين هي دابا
با محمد:الله يرحمها ويغفر ليها
سيف و شروق شافو ف بعضهم باستغراب و صدمة
سيف:كيفااش ؟؟
با محمد:ماتت 3 سنين هذي الله يرحمها نهار جنازتها ما جا ليها حد..

👻👻 انقذوني شبح يلاحقني 👻👻
البارت:24
بقلم/Hayat Jamali
شروق بصدمة جلسات ف الارض كيفاش هذشي كيفاش ماتت هذي 3 سنين كيفاش و علاش أما سيف الدين لون وجهو تغير كيحس ب فمو نشف كان متوقع تكون جنية عفريتة اي حاجة لكن تكون ميتة و كيشوفها لا بزاف عليه هدشي شاف ف با محمد بدهشة
سيف الدين:واش متأكد من هذشي
با محمد: ديك البنت كانت عزيزة عليا مستحيل ما نعقلش عاقل انها كانت ضرباتها طونوبيل بقات ف سبيطار يومين و ماتت جابها خاطيبها هنا دفناها كنا غير شي ستة ناس من نهار دفنها خاطيبها بقوة الصدمة مابقى رجع هنا
سيف الدين:فين كاينة المقبرة لي مدفونة فيها
با محمد: تمشى نيشان شي ربع ساعة غادي طلقاها شاف فيه بغضب سير سير دابا عاد بنتو قالها ودخل مخليه
شاف سيف الدين ف شروق لي كانت كتبكي مالقى مايقول رجع شاف ف الاتجاه لي قال ليه با محمد تمشى ب خطوات سراع بحال مامصدق اشنو سمع و شروق تبعاتو بنفس خطواتو و هي ما مصدقاش بعد مدة وصلو المقبرة دخلات شروق بين القبور كتقلب بحال الهبيلة كتختارق الشوك و الحجر بقات مدة من الوقت هكدا حتى وقفات قدام قبر بصدمة كان قبر باينة عمر شي حد زارو وقف وراها سيف الدين شاف فين كتشوف تحنى مد ايديه كيبعد الشوك و الربيع لي مغطي الاسم فتح عينيه ب صدمة كان مكتوب ف القبر المرحومة شروق جمالي (بطلة القصة باسم ختي شروق ⁦الله يخليها ليا⁦❤️⁩) فيها
هذي انتي يااك
شروق:بعيون دامعة اه اه هىء هىء هىء امتى متتتت امتىىى هذشي الى كنت ميتة علاش ماشي ف قبري علااااش رجعت هكدا علاش متتت هىءهىء هىء هىء انا مازال صغيرة مازال بغيت نعيش حياتي مازال بغيت نتزوج بغيت نولد بغيت نعييييش حياااتي هىء هىءعلاااااش علااااااش
سيف الدين:أستغفر الله راه ماشي غير شراف لي كيموتو رجع لله راك بديتي كتكفري اعوذ بالله اش هذشي دابا
شروق:شافت فيه ب غضب بعد مني سير فحالك ياك بغيتي تتهنى مني صافي هاااا انت عرفتي الحقيقة انا ميييتة هىء هىء هىء انا ميتة مييييتة من 3 سنين هذي سيييير فحاااالك
سيف :تهدني على اشنو كتسناي تكوني وانتي شبح
شروق:سكككككت سكككككت سير فحالك
سيف:انا غادي ماااا تغوتييييش علياااا انا مشيت بقاي ف قبرك مالك هاربة من عداب القبر قالها وهو كيعطيها ب الظهر مشى و خلاها
شافت ف القبر ب دموع وهي كتعض ف صبعها امتى ماتت علاش ما عاقلاش على والو فين هو مراد اشنو كيدير دابا يكون تزوج عايش حياتو دار الولاد جلسات فوق من القبر تاعها تسرحات فوق منو بدموع ما بقاتش عرفات اشنو ديرو فين تمشي واش تبقى حياتها هكدا حتى يوم القيامة واش دابا كاع لي كيموت كيرجع شبح هكدا غمضات عينيها
سيف:انا غادي ماااا تغوتييييش علياااا انا مشيت بقاي ف قبرك مالك هاربة من عداب القبر قالها وهو كيعطيها ب الظهر مشى و خلاها
شافت ف القبر ب دموع وهي كتعض ف صبعها امتى ماتت علاش ما عاقلاش على والو فين هو مراد اشنو كيدير دابا يكون تزوج عايش حياتو دار الولاد جلسات فوق من القبر تاعها تسرحات فوق منو بدموع ما بقاتش عرفات اشنو ديرو فين تمشي واش تبقى حياتها هكدا حتى يوم القيامة واش دابا كاع لي كيموت كيرجع شبح هكدا غمضات عينيها ب ألم

👻👻 انقذوني شبح يلاحقني 👻👻
البارت:25
بقلم/حياة جمالي
فتح باب اللوطو حط راسو على الكوسان ما بقى فهم والو بحال داخل ف فيلم الخيال العلمي حرك لوطو و نطلق و هو عقلو طاير واش الاموات كيرجعو اشباح و علاش بسلامة تخرج ليه ما كيعرفها ولا عمر شافها هز تيلي لي كيصوني هزو كانت نورة فتح الخط
سيف الدين:الوو
نورة:صباح الخير فين كاين كنسمع صوت لوطو
سيف: خرجت برا نشم شوية الهوا محتاجة شي حاجة
نورة: واش خاص تكون شي حاجة باش نتاصل بيك
سيف الدين:نورة نورة عرفتي راسي غادي ينفجر و عاد انتي بالذات مازال ما بغيت نهضر معك
نورة:بصدمة علاش اشنو درت علاش رجعتي معيا هكدا هىء هىء
سيف: بسلامة دابا
نورة:سيف الدين ما تقطعش انا محتاجة ليك بزاف
غمض عينيه و عاود فتحها وقطع الخط وقف لوطو بعصبية
سيف:واش انا شغلي فيها مالني اشنو ندير ليها اوووووف
قالها بعصبية وهو كيديماري راجع منين جا
فتحات عينيها لي حمرا بقوة الدموع وهي تشوف سيف الدين راجع عندها اشنو رجعو ياك مشى
شروق: اشنو بغيتي
سيف:قرب لقبر لي ناعسة فوقو مرتاحة دابا هكدا
شروق:ب دموع واش بنت ليك مرتاحة اش هذا السؤال
سيف: بابتسامة اه سؤال غبي ياك حتى هذا الموقف راه غريب صراحة مشيت شديت طريق لكن عقلي بقى معك ما قدرتش نخليك واخا انتي غير شبح ما كنتيش عارف ان الأموات كيرجعو اشباح علاش من كيرجعو اشباح ما تطلع ليا ماما نشوفها عمري شفتها من نهار ولداتني ماتت كنت نفرح لو خرجات ليا شاف فيها زعما ماتكونيش هي
شروق:لواه حناك انا
سيف:عوج فمو أصلا وحدة بحالك مستحيل تولد زوين بحالي شوفي انا راني خواف من انتي شبح نعترف ليك كنخاف من المقابر و الاشباح دور عينيه ب خوف ياله من هنا
شروق:هىء هىء حتى انا كنخاف من هذشي
سيف:ياله من هنا
شروق:راه حتى انا شبح
سيف:بابتسامة لا انتي والفتك ياله من هنا من بعد نشوفو اشنو نديرو
شروق:راه هدا بلاصتي
سيف: حتى تغبري ما نبقاش نشوفك عاد تكون بلاصتك واقلة داك خطيبك سقرام ما دارش ليك العشاء ولا صدق عليك شاف فيها اجي ياك ما كيتسالك شي حد فلوس خاصني نخلص دينك باش روحك ترتاح
شروق:بغيتي دير الخير على ظهري
سيف:بابتسامة إلا بغى الله علاش لا
شروق:بغيت نرجع ل دار ممكن لقى شي حاجة خاصة ممكن نمشيو
سيف الدين:واخا و منها نتاصل بشي حد يدير ليك العزا و نوكلو ناس حتى با محمد بان ليا فقير بزاف غادي نعاونو
شروق:و باينة عندك الفلوس غير مشتتة
سيف الدين:يجود علينا المحسنين ب مالهم و نحن بمال المحسنين نجودو
شروق: اشنو قصدك
سيف:وقف بابتسامة ياله من هنا قبل ما يخرج ليا شي شبح اخر و تكمل الباهية..
يتبع…

Leave a comment