Skip links

قصة : انقدوني شبح يلاحقني ( الاخير)

 1,838 عدد مشاهداات

👻 انقذوني شبح يلاحقني 👻 انقذوني
البارت:76
بقلم/Hayat Jamali
عند سيف الدين كان كيصلي وهو يوقف جنبو الحكيم حتى كمل بتسم ليه
راها مراتك قربات تفيق تعالى باش تكون اول واحد تشوفو
سيف:وقف من الارض بفرحة اه شكرا بزاف الله يجازيك بخير
الحكيم:عادي اصلا كيف قلت ليك كلشي بالثمن تاعو
شاف فيه سيف و بتسم اي على شارف طماع راه الفلوس ماشي هي كلشي تبعو من لور حتى دخلو لغرفة لي فيها شروق غايبة قرب ليها الحكيم و بدا كيزول الابر الصينيه من صباع رجليها و ايديها
الحكيم:جسم مراتك قوي واخا تعرضات لبزاف تغلبات على كلشي يمكن الرابط بينك وبينها اقوى من ما تتصور اكيد انتما خلقتو لبعضكم ولي مخلوق ل بعضهم مستحيل شي قوى تفارقهم
سيف:يعني كيف تفيق نقدرو نرجعو فحالنا
الحكيم:مالك اوليدي زربان راه كاين بزاف ما تشوف هنا ومنها مراتك تتمتع بالمناظر و بهدوء المكان من بعد نوريكم بوابة الخروج طبعا هذشي
سيف:قاطعوا بابتسامة اه طبعا ماشي فابور
الحكيم:اه مزيان من حفظتي المقولة والقاعدة تاع ارض النجاة
سيف: واخا ما يكون غير خاطرك
شاف ف شروق لي بدات تتحرك قرب ليها بابتسامة فرح شد فايديها
سيف:شروق حياتي كتسمعيني
فتحات شروق عينيها لي كانو ثقال عليها وهي كتسمع صوت دارت تجاهو شافت سيف الدين شاد ايديها كيبتسم ليها بعدات ايديها بزربا من ايديه بخوف وهي كتشوف فالمكان و فالحكيم
سيف:شروق تهدني هدا انا سيف الدين واش عقلتي عليا شاف فالحكيم ياك قلتي غادي تعقل عليا
الحكيم:اكيد وبلا شك سيدة شروق واش انتي بخير
شروق عودات شافت ف سيف
واش متنا صافي هىء هىء لالا ناري مت وانا صغيرة سيف الدين هىء هىء مازال بغيت نولدو ولاد نعيشو حياتنا هىء هىء
سيف:ترمى عنقها بفرحة كان خايف خايف لا تكون ما عقلاتش عليه حبيبتي لالا ما متناش شرووووق انا فرحان فرحااان انك عقلتي عليا ناااري نحمدك باربي و نشكرك يارب رجع ندير صداقة كبيرة كيعنق فيها بسعادة ناري رجعات ليا الروح
شروق:حتى انا فرحانة حيت شفتك كنت خايفة عمري نشوفك سيف كنبغيك والله هىء هىء داز علينا بزاف فين هو داك الحمار تاع مراد اشنو وقع ليه ما بقيت عاقلة على والو غير من تفتح المصعد و بغيت نجي عندك و ما قدرت شافت ف داتها واو رجعت للجسد تاعي واااو انا فرحااانة كيفاش وقع هادشي
سيف:صافي نساي نساي المهم كلشي مشى المهم انتي بخير المهم ربي عاونا
شروق:شافت فالحكيم شكون هذا واش جدك
سيف:لا هذا الحكيم لي عالجك حنا ف العالم تاعو ضياف عندو
الحكيم:طبعا بالمقابل
سيف:ههه كلشي تاعك
شروق: شافت فيه سيف ما فهمت والو
الحكيم:دابا من فقتي خلصيني كنتسالك بزاف العلاج و الأدوية و الماكلة و الابر الصينية و نعاس عندي و البخور
شروق:شافت فيه باستغراب و شحال هدشي
الحكيم:بزاف مد المرايا طلعها من جيبو و مدها قدام وجهها و رجع شاف فيها وهو يتغيرو ملامح وجهو بصدمة و غضب لااااااا واش انتي مفلسة لهذا درجة
سيف:تهدن ما تقلقش انا نخلصك بلاصتها
الحكيم:انت ما عندك باش تخلصني قلتي مراتك لكن المرايا بينات انكم ماشي مزوجين يعني ما كتربطكم حتى علاقة باش تخلص عليها
سيف:وانت اشنو بغيتي مزوج بيها ولا لا ياك بغيتي غير الفلوس

👻👻 انقذوني شبح يلاحقني 👻 انقذوني
البارت:77
بقلم/حياة جمالي
شروق:و مالك بسلامة ما كاين حتى حاجة لله ف سبيل الله
الحكيم:شاف فيها ب غضب كون كنتي كتعرفي شي حاجة لله ف سبيل الله كانت المرايا عندك عامرة
سيف:صافي تهدنو بجوج انا نخلص الفلوس عندي بزاااف نعطيك دوبل
شروق:ربي خلصو خلينا نخرجو من هنا
الحكيم:هو ممكن ليه يخرج من هنا انتي لا القوانين ف ارض النجاة راها كتطبق
شروق:اش من ارض نجاة شافت ف سيف فين حنا نيت لبسو و شكلو غريب
سيف: قرب ليها شروق حبيبة تهدني خلينا نتفاهمو معه باش نخرجو والله ما نتفاهمو مع واحد ولا يتجمعو علينا القبيلة كلها ومن بعد غادي نشرح ليك كلشي صافي سمعي ليا شاف فالحكيم انا ما عندي فين نمشي بلا بيها دابا اشنو القوانين عندكم
الحكيم:القوانين هي نعيط لجنود يجيو بهزوها الحبس
شروق:الله اربي الله فقت من حبس غادي ندخل حبس اخر
سيف:سمع اسي شريف ولا الحكيم دير ب وجهي شحال كتسالها كاع
الحكيم:3098 هذا راه رقم كتير وانا ما نسمحش ف حقي
سيف:نعطيك كتر اشنو مازال بغيتي
الحكيم:وانت ما كتجيها واااالو هنا كتخلص غير على رااااسك
سيف: اش هذا القانون الغبي ياك كيهمك الفلوس و صافي
الحكيم:حنا كاع ما كنتعاملو بالفلوس ف هذا الارض
سيف و شروق :و بااااش
الحكيم:بالاعمال الصالحة
سيف:شاف فيه بصدمة بلاتي بلاتي شرح ليا مزيان واقلة ما فهمتكش كيفاش الاعمال الصالحة
الحكيم:اه كنتخلصو بالاعمال صالحة كنهزوهم من عندكم ل حساب تاعنا
سيف:بصدمة دابا انا اي وقت كتمد المرايا ل وجهي كتهز ليا اعمالي صالحة كتحطهم عندك
الحكيم:بابتسامة ههه اه
سيف:,شنق عليه بغضب كيفااااش اشنووو كتقول طول عمري كندير فالاعمال صالحة و نقول الله يقبلهم ف ميزان الحسنات تجي انت تاخدهم ليا بساهل اويلي اويلي بغيتي تدخلني جهنم
الحكيم:ا طلق طلق على انت سولتيني باش كنتخلصو راه الخطأ تاعك
سيف: الخطأ تاعي الشارف انت لي لحظة هاز عليا المرايا سكت و طلق منو وهو كيتفكر من شرا الاكسسوار تاع شعر ل شروق ناري بشحال يكون شراه ناري واش رصيدو كمل تاع الاعمال الصالحة شحال باقي كاع ف عمرو على غباء كان فيه هذا عالم بين الحياة والموت اكيد ما كانوش غادي يتخلصو بفلوس على غباء علاش ما سول باش كيتخلصو واش هدو حماق ياخدو الحسنات تاع ناس بالرخيص و ساهل و ناس شقاو فيها
الحكيم:انت بالإمكان تاعك تمشي هي لا والى بغيتي تبقى ماشي فابور كلشي ليه المقابل قالها ومد المرايا ل وجهو
سيف:شدها منو بعصبية ماااا تبقاش تقربها الوجهي لا نهرسها عليك الحسنات تاعي راه انا لي تاعب فيهم شاف ف شروق و شد ايدينا ياله نخرجو من هنا اش هذا الحماق
شروق: اه ياله
تحركو للباب ياله خرجو وهما يلقاو 8 رجال من لبسهم باين عليهم جنود
الحكيم:قلت ليك ما عندها فين تمشي القانون هو القانون
سيف:شاف ف شروق واخا تكوني كافرة واش بسلامة ما عندك حتى مقدار الحسنات لي يخرجونا من هذا الوحلة اشنو بسلامة كنتي كديري فحياتك..

👻👻 انقذوني شبح يلاحقني 👻 انقذوني
البارت:78
بقلم/حياة جمالي
عند طارق من بعد ما تاصل بيه الكومسير جواد شاف ف البحاري
طارق: القضية دخلات منحرف اخر
البحاري:كيفاش اشنو قال ليك
طارق:وصلو حفير القبور جنون واقلة أمجد حماق على ما بان ليا يا كيدير راسو حمق يا تصطى خاص خبير طبي يدتخل فالموضوع عاد نشوف هذا مسألة القبور و جنون
البحاري:ياك ما شي كنوز ولا بحال هذشي
طارق:كون تهضر على شي حد هكدا نقول ليك ممكن لكن سيف لا ماشي سيف لي كيحفر القبور واصلا ما مخصوصش اوووووف هذشي ما مفهوم و غادي و كيترون دابا غادي ياخدوه ل طبيب يفحصو تم نشوفو اشنو كاين
_تعالو رجعو عند سيف الدين و شروق و خليو عالم البشر راه العجوز الساحرة مهلية ف أمجد و نورة نشوفو حريرة سيف و شروق
سيف: واخا تكوني كافرة واش بسلامة ما عندك حتى مقدار الحسنات لي يخرجونا من هذا الوحلة اشنو بسلامة كنتي كديري فحياتك
شروق:اكيد عندي حسنات راه هذا شارف هبل
الحكيم:ما عندك غير شي تفرتيت كنتعجب اشنو جمعك مع شخص بحال هدا (على سيف الدين) لكن دابا غادي تبقاي فالحبس
سيف:رجع عندو واش بعقلك تدي مرا مسكينة الحبس خلينا نتناقشو بالعقل دابا الى كنت مزوج بيها نقدر نخلص عليها
الحكيم:,اه الى كنتي مزوج بيها
سيف:واخا فين مكتب العدول نتزوج بيها و نعطيك هذا الحسنات واخا خايف نموت لقى راسي صفر حسنة
الحكيم:ما عندناش هنا العدول راه ارض النجاة هذي بين الحياة والموت اش من عدول
شروق:بعصبية بديتي كتعصبني انت ا هدا شارف
الحكيم:ما شفتي انتي ا صفر حسنة شاف فالجنود هزوها عليا
كيف قالها شدوها الجنود من ايدبها وهي كتتجابد معهم
سيف:شاف ف الحكيم تسنى تسنى قول ليهم يطلقوها عفاك دابا
الحكيم:بقى كيشوف فيه مدة من بعد هز ايديه طلقوها
سيف:شاف ف شروق ممكن تسوكتي خليني نشوف حل مع الحكيم بلا ما تزيدي تصعبي علينا الوضع رجع شاف ف الحكيم واش كاين شي حل من غير انها تدخل الحبس
الحكيم:شاف فيه وهو كيحك لحيتو امممم هي ناقصها الاعمال الصالحة باش تخلص دينها ليا كاين حل واحد لكن من شخصيتها العنيدة ما عرفت واش نعاونها ولا لا
سيف:عاوني انا الله يخليك انا ما نقدرش نمشي و نخليها هي راه مهمة بزااااف ليا و ما دازش علينا قليل باش تكون نهايتنا ف عالم يسرق منا اعمالنا
الحكيم:الله يخليك رد بالك لاسلوبك ماشي سرقة راه كنتخلصو
سيف:اه اه زعما قصدي كتخلصو شوف الى بقينا هنا ما عندنا باش. نفعوك انا حسناتي راه طال الزمان او قصار غادي تكمل دابا قول لينا الحل من غير الحبس
الحكيم:امممم الحل هي تساعد الاشخاص هنا و دبر الخير باش يعمر حسابها ومن الاحسن ليها تبدا بزربا اي وقت تعطلتو هنا غادي تتعودو على الهواء و الطعام و يرجع صعيب تخرجوا
سيف:واخا واش ممكن نعاونها حتى انا
الحكيم:امممم اه لكن اي عمل خيري تقول هذا باسم شروق
سيف:شاف ف شروق لي كتفكر ف هذا الوحلة واخا واخا قالها و بتسم ليها ياله مشينا
شروق:فين غادي نمشيو
سيف:نقلبو على ناس لي محتاجة مساعدة واش سمعتي ما خاصناش نتعطلو
الحكيم:انا غادي راقب حسابها من الدين يتخلص غادي نجي نوريكم طريق
سيف:واخا شكرا ليك
قالها و جر شروق خرجو برا
شروق:كيفاش بامكانك تخليهم ياخدو حسناتنا بهذا سهولة
سيف:واش بان ليك كاين حل اخر هذا العالم تاعهم ماشي تاعنا…

👻👻 انقذوني شبح يلاحقني 👻
البارت:79
بقلم/Hayat Jamali
شروق:ولكن واخا هكداك راه الحسنات تاعنا هدو
سيف:شاف فيها ربي سوكتي سوكتي عندك بعدا شي حسنات لي تغوتي عليهم
شروق:و مالني كافرة ايوا جمع راسك
سيف:ايوا نسولك انتي اش من دين عندك
شروق:بعصبية زدتي فيه ا سيف قالتها و بعدات منو بغضب
سيف:تعالي تعالي شروق
شروق: دارت عندو بابتسامة عارفة ما تقدرش تقلقني
سيف:شاف فيها و حط ايديه ف جيبو رجعي هزي ديك الحجرة من الطريق واش ما كتعرفيش إزالة الادى عن الطريق صدقة
شافت فيه شروق بعصبية و تحنات هزات الحجرة بعداتها من الطريق و تبعاتو
دخلو السوق فين ما بان ليهم شي رجل كبير هاز ثقل ولا مرا كيعاونوه حتى ل دارو و يرجعو بقاو مدة هكداك حتى جلسو بقوة التعب
سيف:اووووف هذشي صعيب
شروق:واش نقول انا لي مرا
سيف:هذا يا ختبار من عند الله يا عقاب انا راه ما مالفش هذشي راني ياربي غير تاع المكاتب شاف ف شروق فين هذا حسناتك ياك كنتي كظلي توكلي داك جارك الشارف لي ساكن بوحدو و آخر مرة ليك صدقتي على شارفة 5 درهم راه الصداقة مضاعفة فين مشاو
شروق:راه هذشي لي كنتعجب ليه
سيف:دار تجاهلها تقابل معها زعما ما تكونيش درتي شي غلط تفكري كاع
شروق:هزات راسها كتتفكر اه كنت كناخد الخضرة من الفيرما لي قدام دار كنطيب بيها ل جاري
سيف: بابتسامة حصرة و صدمة كيفاش كتهزيها واش كتسرقيها
شروق:ماشي سرقة راه الباب ديما مفتوح غير مولاها ما كاينش
سيف:هز صبعو و ضرب بيه راسها كتوكلي ناس الحرام و كتسميها صداقة ربي سوكتي سوكتي لكن كلشي غادي يتبدل من نتزوجو
شروق:مالك اسيدي ما نخافوش تسيفتي شكون قال ليك أصلا قابلة نتزوج بيك
سيف:و غير حتى نخرجو و نشوفو هذا لبس تاعك نسااايه ما كاين غير الطويل شعر يتغطى عولي غادي دخلي تعاوني ناس ف دار العجزة عوج فمو لجنب على ربي يعمر ليك رصيدك اه ما كاين غير القران و الدين صلاة الفيس بوك الواتساب نسااايه
شروق:و سكني ف غار حسن
سيف:راه التقدم هو لي خرج عليك أصلا كيفاش حتى وصلتي لهنا كون ما مخك فين لقيتي أصلا تعويذة تقرايها
شروق:شافت فيه باستغراب تعويذة اش من تعويذة
سيف:تفكر انها ما عاقلة على والو ايوا سمعي ا لالة حبيبتي بدا كيعاود ليها كلشي
شروق:بصدمة و عيون دامعة ناري هذشي كلو شدات ايديه ما عرفت اشنو ندير كون ما كنتي انت ف حياتي
سيف:بعد ايديه على ايديها خلي لينا الحسنات عفاك و دابا قولي ليا فين لقيتي التعويذة حتى فتحتي البوابة عليهم
شروق:جلسات تتفكر اه تفكرت كنت ف عند واحد كيبيع الكتب القدام وانا لقى واحد واحد الكتيب صغير طايح هزيتو كان سميتو اسرار الجدب قريت فيه شوية كان فيه طرق السحر المحبة و التفريق شريتو و كنت كنجرب فيه تعاويذ المحبة على اي واحد تعرفت عليه
سيف:اه زيدي زيدي طلعتي سحارة حتى هي
شروق:غير عقل الصغر المهم واحد المرة قريت تعويذة جلب الارواح (لا انصح بيها أحد) وهما غادي يقولو ليا كاع لي بغيت جربتها ما جا حد لكن رجعت كنحس بحال شي حد مراقبني و ما بقيتش كنقدر نعس فالظلام ولا بوحدي دخلني الخوف و حرقت الكتيب لكن بقى الخوف حتى تعرفت على مراد تما ما بقيت كنحس ان شي حد مراقبني
سيف: اه حيت لي كان مراقبك خرج ليك و رجع معك هو و ساحرة تاعو..

👻👻 انقذوني شبح يلاحقني 👻 انقذوني
البارت:80
بقلم/حياة جمالي
شروق:ما كنتش عارفة هذشي غادي يخرج ليا
سيف:من غير هذشي راك رجعتي مشركة و ربي كيتقبل كلشي الى المشركيين دابا عاد عرفت علاش حسناتك منعدمة شرك بالله هو انك تصدقي كلام كاهن وانتي ماشي غير صدقتيه طبقتيه
شروق: بحزن هضرتك ا سيف كتوجعني ف قلبي كتخليني نحس بتأنيب الظمير
سيف: هذي غير هضرة تاع بشري بحالك اثرات فيك و حشمتي و ما حشمتيش من ربك من كنتي كتحطي الكتاب و تسحري انا ماشي كلومك حيت انتي حبيبتي ومن غير ما تكوني حبيبتي حنا بشر و البشر خطأ ما كاينش شي حد فينا ما كيغلطش و خير الخطائين التوابين هذشي خاص يدير ليك عقل و يكون عبرة ليك و ل غيرك ممكن ربي حطني ف طريقك مرة أخرى باش نشد بايديك وانتي تشدي بايدي و نتعاونو على الصعب و واحد ينصح لآخر ماشي رميو لومة على بعضنا ممكن حتى انا ربي حطني هنا حيت ناقصني شي حاجة بتسم ليها و كمل و غادي تكمل بيك انتي
سمعو.من وراهم احم احم تلفتو كانت مرآة كبيرة فالعمر
سمحو ليا نتما لي كديرو الخير و كتعاونو ناس
سيف:اه حنا عندك باش نعاونوك
العجوز:صراحة انا عندي ارض مزروع فيها درة و بغيت لي عاوني نجنيوها حيت نضجات طلبو مني العمال اجر كبير ما قدرت عليه
سيف:اه نعاونوك بكل فرح
شروق:و شحال من مساحة ف الارض تاعك
العجوز:ماشي بزاف غير الف هكتار
شروق: شافت ف سيف هىء هىء سمعتي شحال
سيف:بتسم ليها صبري ما بقاش لينا بزاف ما تعرفي هنا يكون مفتاح الخروج من رجعو نعسي رتاحي
شروق: سعداتك ا سيف بشخصيتك كلشي عندك بتفائل
سيف:ههه ايوا سعداتك بيا ا مراتي العزيزة
شافت فيه بخجل و قلبها كيفرفر بالفرحة….

👻👻 انقذوني شبح يلاحقني 👻 انقذوني
البارت:81
بقلم/حياة جمالي
ف مكان اخر داخل قلعة كلها منورة و اثات عريقة فاخرة كانو اصوات ولاد صغار كيلعبو و صوت موسيقى هادئه دخل فابيان وهو عيان و مهموم كيف دخل جراو عندو جوج بنات توائم تكون عندهم عامين
خويااا فابيان فين كنتي ماما كتقلب عليك قفرتيها
فابيان:عنقهم المشاغبات تاعي هزهم كيبوس فيهم فين هو بابا
كيف قالها ظهر رافائيل بتسم ليه
اهلا على سلامة غير ما سكنتي
فابيان:شاف ف خواتاتو سيرو كملو لعبكم قالها و هز ايديه تجاه هم و هما يختفيو
رافائيل:مالك
فابيان:اكيد عارف راني معصب ما قدرتش ننقدهم
رافا:قرب ليه وهو كيلعب ف شعرو الغول تاعي معصب ههه
فابيان:راه ماتو واقلة. خاصك تكون حزين شوية يبقاو فيك
رافا:شكون قال ليك ماتو واش تسحاب باباك غادي يخليك تمشي بلا ما يراقبك راك الكبدة تاعي و عيون ماماك بغيتي ماماك تقتلني
فابيان:اشنو زعما واش نقدتيهم
رافا:ما تخافش عليهم هداك طريق تاعو منورة وانا من طاحو من الجبل نحرفت بيهم ل عالم بين الحياة والموت ارض النجاة ما بقى والو و يرجعو
فابيان:ههه ناري شحال كنحبك ا رافا
رافائيل:ههه حتى انا لكن مع دالك ما غاديش نفكك من المحاضرة تاع ماماك
فابيان:اوووف راني كبرت واااقلة واي لحظة ممكن نسكن بوحدي
رافائيل:رد بالك نسمعك خدمتي معها شي قواى تاعك نتفاهم معك ياله انا غادي عند خالك كريست و عمك كارلوس
فابيان:فين هي جوليا و نايباف حسهم مقطوع
رافا:مشاو ل سوق
فابيان: دوك البنات المتمردات غادي يحمقوني
رافا:هدوك بناتي ما شغل فيهم حد من تولدهم خليهم يحمقوك قلها و بتسم ليه و ختفى
فابيان: واخا دابا نشوفو لكن حسابي مع نايباف مزيااان بتسم و هو كيعيط افرااا افريتة حبيبة ولدها انا جيت المهم ضربيني غير بشوية
_ داخل مركز الشرطة كانو 4 أشخاص جالسين ف البيرو تاع جواد كيسولهم
جواد:يعني نتما معترفين ب هذشي
الشخص:الشاف حنا شي جريمة قتل ما عرفنا عليها والو و ما شفناها سي أمجد عيط لينا نحفرو قبر قال ليك شي كنز ماكنز و كان معه فقيه حنا غير فقراء و ما قاريينش و الغالب الله طمعنا بالفلوس
جواد:واش لقيتو فالقبر واش بصاح القبر خاوي
الشخص:الله اعلم حنا ما شفنا والو الشاف والله القسم
جواد:يعني معترفين القضية فيها الكنوز
الشخص:هذشي لي تقال لينا لكن حفرنا شدينا فلوسنا و مشينا أصلا أمجد و الفقيه ما بغاناش نشوفو اشنو فالقبر باينة الشاف لقاو شي كنز صحيح…

👻👻 انقذوني شبح يلاحقني 👻 انقذوني
البارت:82
بقلم/حياة جمالي 🤸
جواد:ما تمشيو اي بلاصة من نحتاجكم نعيطو ليكم تكونو هنا مفهوم ياله سيرو فحالكم
كيف خرجو هز تيلي ركب رقم
الو دكتور نوري لباس عليك معك الكومسير جواد واش خرجو الفوحوصات تاع داك خينا
نوري:اهلا لقيتيني ياله غادي نتاصل بيك اه راه خرجو و فعلا سيد ما عندو حتى مشكل ف عقلو كيف قلتي جميع الفحوصات هما هدوك باين غير كيمثل باش يتهرب راه غادي نصيفط ليك التقرير للمكتب
جواد:اه صافي شكرا بسلامة
_شروق:عيييت ا سيف والله شمس حرقاتني و جوع هذشي كاع ما غادي يسالي شوف قداش ياله حيدنا ربع تاع ربع ربع ربع
سيف:شاف فيها بابتسامة واش تسحابيني ما عييتش ربي لي عالم غير صابر ان الله مع الصابرين حتى انا فيا جوع لكن ماشي مستعد نسمح ف اي حسنة ليا على قبل لقمة
شروق:شحال تقريبا نكونو جمعنا تاع الحسنات
سيف:و ربي قال الحسنة الصدقة بالضعف و حنا دابا شربنا حيوانات و كلنا طيور عاونا ناس سقينا الشجر و النباتات بتسمنا ل ناس ف وجوههم عاونا هذا السيدة و بزاااف درنا كيهضر وهو كيحيد فالدرة و ايديه كاع تجرحو شاف فيهم بابتسامة عرفتي ا حبيبتي هذشي دار ليا دروس
شروق:اش من دروس ف هذشي وانا كاع ايدي تجرحو
قرب ليها سيف شد ايديها شاف فيهم بحزن و هو ينزل ايديه شد قميجتو من التحت و قطعها
شروق:لااا اشنو درتي
سيف:عادي غير ثوب اري ايديك شد ايديها و بدا كيلوي الثوب لي قطع ل شرائح طوال
شروق:حتى ايديك راهم مجروحين
سيف:انا ايدي ايدين رجال ما خاصهاش تكون رطبة ياله البطلة تاعي ما بقاش بزاف
شروق:بابتسامة الله يخليك ليا يارب
سيف:امين ياله ياله قالها و رجع كيحيد هو و ياها الدرة و كمل اه قلت ليك علمني دروس بزاف ماشي غير لي عندو الفلوس هو لي كيصدق راه صداقة ماشي غير فلوس غير كلمة زوينة ضحكة شربي الحيوانات ناس تحيدي الادية على طريق انا كنت كنبقى فالمكتب و كنعطي فوس اه حتى هي صداقة و ناس الفقراء و المحتاجين ينفعوهم لكن قررت حتى انا ندخل لأعمال تطوعية ف وقت الفراغ طبعا انا وياك
شروق:ان شاء الله حتى انا هدشي دار ليا دروس كتيرة الحمد لله ان هذا الدروس كانت معك واخا دخلتك ف اشياء انت بعيد عليها لكن غادي نعوضك
بتسم ليها سيف الدين غير نظرة من عينيك و وجودك معيا اكبر تعويض
فجأة ظهر الحكيم وهو هاز عصاتو و كيف العادة و المرايا شافو فيه بابتسامة فرح
شروق:واااش صافي صافي دين تخلص
الحكيم:اه دينك تخلص و مازال ف رصيدك شي حاجة
سيف:الله اخيرا نقدرو نرجعو
الحكيم:اه ترجعو من دابا اي وقت بغيتو
شروق:ولكن المرا الكبيرة شكون غادي يعاونها ما نقدروش نخليوها
سيف:اه بصاح ما نقدروش رجعو حتى نكملو درة
الحكيم:هذا العالم ماشي تاعكم كيف قلت ليكم الى تعطلتو تبقاو هنا
سيف:واخا واش بالإمكان تاعي نستأجر ليها رجال يعاونوها
الحكيم:اه طبعا لكن هذشي
سيف:اه ماشي فابور حفظتها
بتسم الحكيم و قرب ليه المرايا ل وجهو و عاود رجعها صافي تهناو دابا يجيو رجال
شروق:ياك انت ماشي مستعد تسمح فاي حسنة تاعك
سيف: ولكن متأكد ان الله غادي يضعف ليا الحسنة لي حسنت بيها ل هذا المرا
الحكيم:ياله تبعوني
تبعوه من لور حتى وصلو شجرة كبيرة و طويلة هز العصا تاعو تجاهها و هي يبان وسطها ضوء بحال ممر سري بحال مرايا شي حاجة عجيبة
الحكيم:شاف فيهم هنا كتنتهي الرحلة تاعكم فالعالم تاعنا حنا كنا غير محطة باش تعرفو ان الأعمال الصالحة اهم حاجة فالوجود انتما عندكم مازال حظ انكم تجمعوها اما حنا حظنا هو يجي شي حد غالط فالطريق نجمعوها منو دابا دخلو من هذا المعبر لعالمكم و نساو اي حاجة وقعات هنا
شروق و سيف:شكرا ليك بزاف بتسمو ليه و شدو ف ايدين بعضهم و تاجهو لمعبر لي وسط شجرة دخلو ليه كيف دخلو ختفاو و ختفى المعبر
مباشرة لقاو راسهم ف طريق بداو كيشوفو يمين يسار كيتاكدو واش العالم تاعهم هدا كانو قدام واحد المرا هازة تيليفونها و بنتها كتلعب قدامها جات البنت كتجري عند ماماها بخوف
ماما ماما شوفي هدوك خرجو من العدم
الام:بسم الله عليك ا بنتي الرسوم المتحركة خرجو عليك
البنت:والله حتى بصاح بانو نت العدم
الام:زيدي زيدي رجعو دار من دابا ما بقاو رسوم متحركه…

👻👻 انقذوني شبح يلاحقني 👻 انقذوني
البارت:83
بقلم/Hayat Jamali
سيف:الله اخيرا اخيرا اوووف توحشت الدنيا
شروق:فين حنا دابا
سيف:ما بعاد والو على الفندق تاعي شد ايديها اول حاجة ندير ندوش نبدل عليا حاس براسي عام ما دوشت
شروق:حتى انا و بغيت ناكل و نعس
سيف:ههه حتى انا ياله ياله
بداو كيجريو بفرحة و حوايجهم كلها موسخة بالتراب و فستان شروق مقطع أما سيف خلاص اول واحد شافهم هو البواب سحابهم متشردين و حبسهم
سيف:مالك كاين شي مشكل
البواب:سي البوزيدي انت هذا سمح ليا سمح ليا ما عرفتكش دخل دخل سمح ليا مرة أخرى
بتسم ليه سيف و دخل كان كلشي كيشوف فيهم بصدمة جرات عندو المضيفة
سي البوزيدي اشنو وقع ليك فين كنتي
سيف:ما تسوليش عطيني الكارط تاع الجناح تاعي و صافي
_واخا اسيدي واخا جرات ل مكانها خرجات بطاقة الجناح مداتها ليه وهي كتشوف ف شروق باستغراب بقات كتشوف فيهم حتى دخلو المصعد
المضيفة:اشنو وقع شكون هذيك فين كانو واش كانو رهينة فشي بلاصة
فتح باب الجناح و دخلو
سيف:,الله اخيرررا الحمدالله و شكر لله الحبيبة تاعي سيري ل غرفة تانية دوشي و خرجي تلقاي الماكلة
شروق:ما عندي ما لبس
سيف:اه واخا انا نجيب ليك سي سيرڤيت تاعي قضي الغرض حتى تخرجي المول و شري لي عجبك
شروق:واخا حبيبي
مشى سيف الغرفة تاعو يجيب ل شروق ما تلبس اما شروق تجهات تلفازة خدماتها وهي تصدم بالاخبار
شروق:سيف الدين سيف تعالى سربي
خرج سيف بزربا مخلوع مالك شنو كاين
شروق:شوف شوف الاخبار كيهضرو عليك
قرب سيف الدين كيسمع كانو كيهضرو على ان أمجد قتل صاحبو سيف الدين البوزيدي و لقاو اذات الجريمة و تطبق فصيلة الدم و الدلائل لكن الجثة مختفية وان أمجد مشدود هو و المساعدة تاعو فالجريمة
شروق:اشنو هادشي
سيف:كيفاش انا ميت وانا هنا و اش من اذات الجريمة اش من دم فين هو تيليفون تاعي قلب جيبو ما لقاهش اكيد طاح فشي جيهة تاجه للهاتف الارضي ركب رقم طارق
كان طارق ف البيرو تاع جواد كياقشو القضية وان غدا غادي يمشيو المحكمة حتى كيرن هاتف طارق هزو طارق شاف فالرقم باستغراب
جواد:مالك
طارق:الاتصال من الجناح تاع سيف الدين قالها و فتح الخط كيف فتحو وقف بصدمة
سيف:الو طارق فين كاين
طارق:سيف فين كاين قالها بفرحة واش انت لباس بخير انت فالجناح ياك
سيف:انا بخير بخير عاد رجعت سمعت شي خبار قتلوني ولا مافهمت والو
طارق:سيف سمع بقى بلاصتك انا جاااي دابا صافي
سيف:واخا اجي راه مافهمت والو
طارق:صافي صافي ا صاحبي انت بخير ياك
سيف:بخير حمد لله ياله نمشي ندوش راني عيان قالها و قطع عليه…

👻👻 انقذوني شبح يلاحقني 👻 انقذوني
البارت:84
بقلم/حياة جمالي
جواد: شاف طارق واش متأكد سيف الدين
طارق:ناري كلي كنترعد والله حتى سيف سيف ما عرفت كيفاش لكن هو نوض نوض نمشيو عندو
جواد:ياله سربي هو لي غادي يفهمنا
_تدق الباب تاع الجناح كانت شروق و سيف الدين كيتفرجو فالاخبار من الانترنت غير سمع الباب تدق وقف بابتسامة ل شروق و فتح كان طارق و جواد لي بقاو كيشوفو فيه ب دهشة و استغراب
سيف:مالكم الله يستر
طارق:ههه والله حتى سيف الدين ترمى عليه عنقو خفت تكون ميت
جواد:ناري صلينا عليك و كلينا سكسو ههه عنقو حتى هو لكن كيفاش
سيف:دخلو دخلو بعدا راه نتما لي كيفاش قتلتوني
دخلو وهما يتفاجؤ ب شروق جالسة هازة البيسي و لابسة حوايج سيف دار ليه طارق إشارة ب راسو شكون هذي
سيف: قرب ل شروق بابتسامة نقدم ليكم خطيبتي شروق
شاف جواد ف طارق ب خوف و دهشة من سمعو الاسم هذي هي جنية لي قال ليهم أمجد واش زعما هذشي بصاح
شروق:سلام مرحبا
طارق:اهلا ختي شاف ف سيف تعالى هنا خرج نهضرو معك
سيف:هضرو هنا راها ماشي غريبة
جواد:غير خرج نهضرو برا سمحي لينا ا لالة
شروق:عادي سير معه ا سيف
سيف:بابتسامة انا جاي دابا ما نتعطلش
خرجو ب 3 وهما كيشوفو فيه ب دهشة و خوف
طارق:منين خرجات خطيبتك هذي و عمرك هضرتي عليها
سيف:و حياتي الخاصة ما كنشاركها مع حد
جواد:شحال وانت كتعرفها
سيف:شاف فيهم باستغراب مالكم كتسولوني عليها واش حنا ف شروق ولا ف أمجد
طارق:راه حيت أمجد هضر لينا عليها قال لينا هي جنية
جواد:اه و مشيتي عالم الحن و دابزتي مع خطبيبها و انت دابا واقلة نصدقوه هو من انت خرجتي من العدم و معك شروق و الدم تاعك ف الموس و قميجتك
سيف شاف فيهم مالقى ما يقول و ما كيحملش يكدب
طارق:ممكن تفسير شكون هي
سيف:هي راه بشر بحالنا بحالها بنت واحد السيد كنت كنعرفو كانت دارت كسيدة و فقدات ذاكرة 3 سنين دابا انا لقيتها صدفة من شريت دارها هي رجعات ليها داكرة جات ل دارها لقاتني تما و انا ما كنتش عارف واش دارها أصلا المهم من بعد عرفتها شكون و انها بنت كنعرفها من صغرها و عاونتها من بعد لقيت راسي كنبغيها و كتبغيني و قررنا نتزوجو
جواد:و الدم و القميجة و كيفاش دخلتي ما بقيتي خرجتي من العمارة تاع أمجد و انك انت و أمجد حفرتو القبر تاع شي وحدة سميتها شروق ولا نفسها نيت هذي لي معك
سيف:انا كنت قلت ل أمجد اشنو وقع وان البنت كانت فاقدة ذاكرة و ناس سحابوها ماتت دارو ليها قبر هو حفر القبر يتاكد بخصوص الدم انا ما فهمت والو و القميجة الله اعلم اه مشيت عندو تخاصمنا لكن خرجت واش قلبتو الكاميرات
طارق:اه هما لي بينو لينا هذشي
سيف:يمكن غير مشكل فيهم
جواد:شاف فيه واش متأكد هذشي لي كتقول هو الحقيقة
سيف:اه اكيد
جواد: واخا دابا نشوفو مسألة دم غادي نرجعو تحاليل ياله ا طارق قالها و تاجه المصعد
طارق:واخا بلاتي شاف ف سيف صاحبي هذشي ما كيدخلش الراس
سيف:شاف فيه بابتسامة وانت علاش المحامي تاعي غير باش كلشي تدخلو ل راس
طارق: واش عندك ما تقول ليا
سيف:قرب ليه راه واخا نقول ليك ما غاديش تصدقني ولا يستوعبو عقلك المهم هديك راه بشر وانا عايش انت دابا دير خدمتك و رجع ليها حياتها و اسمها
جواد:طارق يااااله سربي
طارق:واخا انا جاي شاف ف سيف تهنى…

👻👻 انقذوني شبح يلاحقني 👻 انقذوني
البارت:85
بقلم/حياة جمالي
قالها و تاجه ل عند جواد دخلو المصعد
جواد:زعما صدقتي كلامو
طارق:و انا ك محامي تاعو غادي نصدق كلامو و أصلا انت عارف سيف ماشي من نوع لي كيكدب
جواد:وديك شروق لي خرجات من العدم
طارق:هي كتأمن ب الاشباح
جواد:شاف فيه ما بقيت فاهم والو دابا من ما كاينة جريمة يعني غادي يخرج أمجد
طارق: خلي زمر واحد يومين و من بعد خرجو و عطيه انذار الى قرب ل سيف الدين و لا مراتو راه يدخل الحبس نيشان
جواد:ما قالش ليك امتى العرس ههه باش نوجدو راسنا
طارق:مع سيف الدين توقع غدا يعرضك حتى ديك شروق زوينة جات معه
جواد:اه جات المهم اجي بخصوص نبش القبر راه جريمة
طارق:شاف فيه بابتسامة راك صاحبنا زعما و النبش ماشي لشئ اعراض خايبة
_من بعد يومين كان أمجد كيشوف فالسقف و ساهي اي طمع تاعو فين وصلو خسر حريتو و خسر نورة لي كيبغي هاهو لا فلوس لا حرية علم الله شحال غادي يتسجن واخا هو ما قتل حد شحال كان كيتمنى سيف الدين يختفي بمرة دابا رجع كيتمنى غير امتى يظهر باش يخرج من هذا الوحلة تفتح عليه الباب و هو يوقف كيشوف شكون كان واحد البوليسي
زيد تحرك الكومسير بغاك قالها و جرو برا تجاه البيرو تاع جواد دخلو و خرج البوليسي
جواد:سي أمجد كيف جاتك ضيافتنا
أمجد:راكم غاالطين فيا هىء هىء خلوني نشوف غير نورة بغيت نعرف غير خبارها
جواد:نورة مازال فالمصحة مازال ف صدمة انا جبت ليك خبار زوينة سيف الدين البوزيدي راه ظهر
أمجد: بفرحة اه راه قلت ليك والله ما قتلتو هو عايش ياك دابا انا نخرج ياك نمشي عند نورة ياك
جواد:غير بشوية عليك اه انت حر لكن تقرب ل سيف الدين ولا مراتو راه من نشدك انا والله ما نطلقك
أمجد:مراتو؟؟؟
جواد:اه مراتو المستقبلية شروق
أمجد:كيفاش غادي يتزوج جنية؟؟
جواد:وقف بعصبية صافي حبس عليا القصة تاع جنية ولا زبل براك من الفبركة تهز سير فحالك حمد الله سيف ولد ناس ما تابعك على عقد البيع والشراء المزورين و عندك زهر الدم من رجعو فحصوه كان غير خطا هو غير دم حيوان ياله سير فحالك
فالمكتب تاع شركة البوزيدي كان سيف الدين هو و طارق و البحاري ف اجتماع
سيف:انا عارف الاختيار تاعي كان صحيح من خليت ليك كلشي
البحاري:و امانتك ا خويا رجعات دابا اشنو درنا فالشركة تاعي المفلسة
سيف:عرفتي باش تكون عندك افلاس و ما تقرب فلوس ناس خاصك تكون كتخاف الله بزاف لي ثقيلة عليك خفيفة عليا خلي اسم شركة البحاري و انا مستعد ندخل معك ف فروع لاسم شركة
طارق:بحال غادي تسالي لينا اسي العريس
سيف:ما عرسنا ما تزوجنا ما قضيتي لينا غراض
البحاري:اه بصاح امتى العرس
سيف:من نرجعو شهادة الحياة للمدام شاف ف طارق تحرك خدم ليا ف هذشي
طارق:فتح البوشيط تاعو و طلع ورقة ترااا ترااا
خطفها سيف الدين من ايديه و قراها وقف بسعادة ناري لا ههههه
طارق و البحاري:رجوع لله الشريف
سيف:و حبسو عليا هدشي كلشي العرس العرس غدا وقف كيفكر شوية لالا بعد غدا وقفو عليا الخدمة شاف ف طارق وجد ليا الوراق سربي
طارق: كلشي وااجد عرفتك غادي تقولها وانا نجمعهم..

👻👻 انقذوني شبح يلاحقني 👻 انقذوني
البارت:86 و #الاخير🥰
سيف: يخليك ليا ا صاحبي نخليكم دابا بسلامة قالها و هو كيجري خارج بفرحة
طارق:الله على البوزيدي حماق لينا هههههههههه
البحاري:سعداتو الله يعطينا فرحتو
طارق:يعطيها ليك انت اما انا الله يخلي ليا امل تاعي
البحاري:شاف فيه امل سكرتيرة
طارق:بشحمها و لحمها راك معروض من ورا عرس سيف الدين
البحاري:ههه قلبتو الشركة حب و زواج هههه نخرج نشوف حظي
_وصل سيف الدين للفندق تاجه للجناح غير الجناح تاعو دق فالباب وهي تفتح ليه شروق كانت لابسة كسوة طويلة و شال تاعها شاف فيها بابتسامة حب
سيف:واااو جيتي وااااعرة مشاء الله واش بقناعة تاعك
شروق:بابتسامة اكيد بقناعة و بغيت شخص لي كنبغي يفتخر بيا كيف جيت جا معيا ستيل جديد
سيف: مشاء الله نورة على نور اللهم بارك يارب تكون فاتحة خير علينا جبت ليك خبار زوينة ناري شفتك و تلفت
شروق:ايوا دخل بعدا
سيف:لالا بعدي مني الى دخلت نخاف ما نتحكم ف راسي الوراق تاعنا خرجو ليلة نجيب العدول نضربو العقد و العرس بعد غدا شوفي ما تقوليش بزربا هذشي كلشي موجود انتي غير قولي بغيت هدي راه مابقى عندي صبر انتي حدايا و بعيدة
شروق:ههه واخا صافي شحال تعطيني ف الصداق بعدا
سيف:لي بغيتي امر وانا معك نغامر الوريدة تاعي
شروق:ههه ما تبقاش تحشمني بحال هكدا
سيف:ههه كتعجبيني من كتحشمي و قولي شحال بغيتي فالمهر هذا الحق تاعك
شروق:ما بغيتك تعطيني والو اقلهم مهرا اكترهم بركة
سيف:بسعادة شروق سيري دخلي قبل ما ناكلك غير صبري عليا حتى ليل لكن سربي المهر ضروري
شروق:بغيت مصحف ياله بسلامة ا راجلي الحبيب كنبغيك قالتها و سدات الباب
سيف:ههه نموت فيك هز تيلي ركب رقم الوو بغيتك تقلب ليا على مصحف تاع ذهب الى ما كاينش صنعو عند شي ذهيبي ظرورر بعد غدا بغيتو
__بعد مرور عام كان سيف الدين هو و طارق متاجهين ل شركة وقفو ف إشارة المرور حتى دق باب شرجم سيارة نزلها طارق لي كان كيسوق وهو يشوف مرا كبيرة مقوصة الظهر
عفاك اولدي شوية صداقة فيا موت جوع
طارق:دخل ايديه ل جيبو و خرج ورقة نقدية هاك الواليدة
العجوز:سير الله يسهل عليك و يرزقك الدرية الصالحة و يعطيك مقدار ضعف حسناتك
هز عينيه سيف الدين و شافها و بتسم
طارق:اللهم امين الله يعاون الواليدة قالها و نطلق من بعد إشارة ضوء الخضر
سيف:ناري كون ما عطيتيها صداقة كانت شي ايام ف حياتك غادي ترجع كحلة بحالي
طارق:شاف فيه باستغراب واش كتعرفها
سيف: بابتسامة كنت تلقيتها واحد ليلة شاف ف المرايا مراقبها حتى ختفت و بتسم
فعلا صداقة شحال من حاجة خايبة كتجنبها لينا حنا غير ف قطار الحياة و مسارنا مجهول ممكن فاي لحظة حتى حنا نتلقاو مع نفس الطلابة ممكن بعض منا يصدق عليها ممكن بعض منا ما عندوش و شافو الله وممكن بعض منا يقول اوووف شحال كتارو الطلبة و حنا ما عارفينش أن هذا الصدقة راه كتمشي غير ف ميزان حسناتنا لي نحتاجو ليه شي نهار قصتنا هنا سالات ماشي كانت غير قصة كانت فيها بزاااف تاع العبر و الدروس المصير تاعنا حنا لي كنقرروه خلاها سيف الدين اعمال الخير كتيرة خاص غير نفتحو عينينا و كيف العادة نختمها ليكم بالمقولة تاعي فكل قصة و لكل بداية نهاية و لكل نهاية بداية ❤️
✅النهاية✅

Leave a comment