Skip links

 1,024 عدد مشاهداات

♠♠♠#__قصة_قصيرة♠♠♠
👑❤على ديزني وبس وحبس❤👑

⚠القصة رقم 4 من السلسلة الدرامية لعميق السلاك⚠

طاااء طاااء طنيي طاء طاء طني طناااا 😐😐😐اعزااائيي الكراام اعزائاتيي الكرااام هواحد السلااااام عليكم 😅😅 …ملقيت مندير قلت نكتب قصة قصيرة بلاما نطول عليكم نلقا 200 جيم نحطها كااملة
ااه ولي دارت جيم ترجع تقراا ✌✌
منلقاش شي تعليق لا علاقة فهمتوني ياكو 😶🏃🏃🏃
وبدكر الام لي مزال معاها الله يطول ليها فعمرها ولي فارقتها الله يسكنها فسيح جناته 💜
القصة بعنوان … الو!.. ماما
للكاتبة او الكارتة: عميق السلاك
💜قراءة ممتعة 💜

‎☎الو!!…ماما☎
‎بقلم:عميق السلاك🎬
‎💫الجزء1💫
📞📞📞📞

‎نور:(ايديها باش هازا تيلي تيرجفو وهي مترددة دوز المكالمة العرق بداا كيتصبب من جبينها وكتافها تملكاتهم رجفة غريبة فالاخير دوزت صبعها على زر الاتصال محدها كتسمع لصوت الانتضار وقلبها تيضرب بالجهد مع كل رنة )

‎..الوو ! الوو شكون معايا ؟!

‎نور:(قلبها تزادو توالاو دقاتو وايدها بدات تترعد حطات تيلي على صدرها ومخرجة عينيها ففراغ هزت ايدها حاطاها على فمها حابسة شهقتها بداو دموعها تيتبلورو فشفارها وهي تتسمع صوتها..)

‎..الوو الووو!!

‎نور:(استجمعت قواها ورجعات قربت من تيلي عاضة على شفاها مترددة تهضر… حتا لاخر لحظة نطقت بصوت هامس نوعا ما غالب عليه التوتر)
‎الو ماماا

‎الام: هه نور هادي نتي توحشتك ابنتي علاش مهضرتيش فلول كنت غنقطع حساب ليا شي حد تيتفلا اش خبارك ابنتي كيف غادا مع لقراية والبرد تمااا تتلبسي مزيان عنداك تكوني تتخلي شرجم محلول صونيت عليك لبارح مجاوبتيش تشطنت عليك

‎صمت رهيب كاسرو تنفس نور لي كيتزايد كل تانية

‎الام: الوو بنتي تتسمعييني

‎نور:(مزيرة ايدها على ركبتها تتكمش على سروال بتوتر حتا قرب يتقطع )ااه اماما راه غي مع ريزو

‎الام:لااا نسرين حيدي داكشي
‎نور: نسرين ؟؟ جات عندكم ختي سلمى

‎الام: لاا غي مع لخدمة متتلقاش مسكينة لوقت وجابت ليا نسرين نقابلها ومنها تونسني وتعمر عليا دار ملي جات وهي مخشية فبيتك وتلبس فحوايجك فكراتني غي فيك فاش كنتي صغيرة

‎نور: غتكون كبرات (هزت راسها لفووق وشفايفها كيترعدو) عطيها لعابي اماما لي كينين تحت سرير…

‎☎الو!!…ماما☎
‎بقلم:عميق السلاك🎬
‎💫الجزء2💫
📞📞📞📞

‎الام: واخا تنوض هاظشي لما جبدتهم راسها تبارك الله حركية بزااف تظل تبقشش مصاب تطلع بحالك فكلشي ابنتي تقراااا ..وتكون مجتهدة ..وديما رافعة لينا راسنا قدام الناس.. تكون بحالك شخصيتها قوية وميكسرها ولا يضحك عليها حتا واحد تجيب نقط ممتازة وتمشي تقرا على براا وترجع وتزوج ونشوف ولادها ويطلعو بحال ماماهم وخالتهم

‎نور:(بدات تتهز بالبكا فصمت ودموعها هوادين شلال)

‎الام: الوو الو نور تتسمعيني
‎نور:(حطت ايدها على فمها تا حبست شهقاتها ونطقت) ههه ااه اماما انشاء الله

‎الام: اوا شتي مشيت مع نسرين ونسيتك
‎نور: ماشي مشكل

‎الام: عاودي ليا ابنتي راه تلت شهور هادي مهضرنا تا تهولت عليك

‎نور:تتمسح فدموعها وتبتاسم) هه لاباس انا بيخير اماما غي مع لقرايا راك عارفة مكينش شي ساعة خاوية لوقت مزيرة وهادا عامي لخر كترو ليكزام

‎الام: اوا الله يسهل عليك مصعاب ابنتي راه بغيت غي امتى نشوفك توحشتك بزااف والهضرة متتبرد ليا كاع وحشي ليك ديال 3 سنين

‎نور: مبقا والو اميمتي شهر وهانا معاكم تانا توحشتكم بزاف

‎الام: اوا الله يجيبك اكبيدتي على خير

‎نور: ماماا..!

‎الام : نعام ابنيتي بغيتي نوجد ليك شي حاجا ؟….

‎☎الو!!…ماما☎
‎بقلم:عميق السلاك🎬
‎💫الجزء3💫
📞📞📞📞

‎نور:(شهييق زفير والسخونية طالعة ليها مع خدودها) لا بغيت غي نقولك بلي الغربة صعيبة بزاف فيها تضحيات وفيها ضحايا عشت فيها وشفت بزاف ديال لحوايج عاشرت ناس وشفت غدر ناس قريت مع ناس وتعلمت منهم …. فاش ياله جيت تلاقيت بواحد لبنت ظريفة وبنت الناس كنت ديراها كتر من ختي كانت تتشبه ليا فبزاف ديال لحوايج رتاحيت ليها وسكنا فبيت واحد تقاسمنا فراش واحد كلنا من صحن واحد وحتا لحوايج كانو حوايجي هوما حوايجها وحوايجها هوما حوايجي عاوناتني بزااف الو تتسمعيني اماما

‎الام: اه كملي ابنتي

‎نور: لمهم شوية بشوية تبدلات عليا مبقيتش تنعرفها .. بلاصتها تتبقا باردة حتا لنص ليل عاد تدخل وشي مرات مبقاتش تتدخل كاع وتغيب بليام سولت عليها لقيتها تتمشي مع شي بنات وولاد خارجين طريق “احرار” تاهت بيناتهم وكانت ضابطة امورها بيناتهم تخلات على شرفها فرهانات شربت وتبلات بالغبرة وسهير الليل مشيت ليها مامرة ما جوج ونحاول نرجعها لطريق سااعا بدون فائدة ولات تدخل لكليكا ديالها فصداع ومضاربات بسبابها وهوما يتخلاو عليها شربات داك النهار تاغيبات وخرجوها برا.. لقيتها ديتها لسبيطار ملي فاقت عنقتني اماما وبكاات بكااات على صدري حتا خوات قلبها (هزت ايدها لي عامرة وشام تتمسح فعينيها )

‎الام: الله لما سمحو ليها واليديها معندها فين تركد على هادشي لي دارت ليهم الحاصول الله يسمح ليها

‎نور: اامين
‎الام: كملي ابنتي اش وقع ليها…

‎☎الو!!…ماما☎
‎بقلم:عميق السلاك🎬
‎💫الجزء4💫
📞📞📞📞

‎نور: عاودت ليا كاع ليا داز عليها وطلبت مني سماحة شرطت عليها ترجع معايا لدار وانا معاها تتبدا من جديد حيت هي معدورة ماشي دنبها دنيا غرارة وهمتها بالسعادة فالتحرر وهي تحررات رجعت الشهر لول كان شوية صعيب باش ترجع كيف كانت ولكن مع المتابرة والعزيمة كان تطور بديت تنجيب ليها الدروس باش فتناها لدار ونراجع معاها سهرت معاها مكتاكل مكتشرب غي تفيق تقرا وتبات تقرا تا طاحت خلعتني عليها ديتها لطبيب تما كانت الصدمة لقات فيها ” السيدا ” وحاملة من لفوق

‎الام: (شهقت ) هيييه الله يستر اش هادشي شوفي بعدي منها لتعاديك متبقايش تقربي جيهتها

‎نور: (غمضت عينيها تا طاحو دموعها)ماماا بغيت نطلبك طلب ومترجعيهش ليا فوجهي

‎الام: الله يا بنتي قولي
‎نور: ملي غنجي بغيت نجيبها معايا

‎الام: اشنو اش غتجيبي واش تسطيتي تجيبي ليا مجرابة

‎نور: ماشي مجرابة اماما هي مصابة “بالسيدا” وبقاتلها اشهر معدودة وانا منقدرش نتخلا عليها

‎الام : لاا لااا شوفي الله يرضي عليك ابنتي انا بغيتك تجيني سالمة راني توحشتك وهي عاوناتك الله يكتر خيرها راك رجعتي ليها الجميل وكتر ولكن باش تجيبيها لهنا لااا

‎نور:(ناضت وقفات وتمشاات جهة الشرجم تتشوف فالبنايات) وعلااش
‎الام: وايا بنتي الدرية معندها عائلة لي تهزها راه اللحم لخناز تيهزوه ماليه

‎نور: معندها حد واليديها ميتين غي فهميني اماما راه منقدرش نتخلا عليها خصوصا فايامها الاخيرة

‎الام:الله يا بنيتي كون غي كانت مفيهاش المرض الخيب وحنا عدنا دراري صغار فدار ولحوايج لي قاستهم خاص يتحرقو ومنقربوش ليها راه جدام هادا واخا تكون غتخلصني منشدش لمرض فداري…

‎☎الو!!…ماما☎
‎بقلم:عميق السلاك🎬
‎💫الجزء5💫
📞📞📞📞
‎نور: ماما!!

‎الام: شوفي ابنتي هضرة وحدة هي هادي مغتجيبيهاش هي مغتجيبيهاش وبلاما نبقا نهضر راه مستحيل شي وحدة بحالها تدخل لداري

‎نور:(حلت الشرجم وبظا لبرد تيطير فخصلات شعرها) صافي براكاا نساي مبقيتش غنجيبها

‎الام: اييه الله يرضي عليك ابنتي وكون تلقاي ديري تحاليل ودوزي بدلي سكنة نتي كاع لمهم خلينا من هادي ونكمل ليك ابنتي وقداش فرحت ملي عرفتك قربتي تجي من دابا بديت نوجد ليك فدهازك و سمير كمل الدار بالجهيز وشفناها جات زوينة انتا نشوفك داخلة ليها عروسة يا بنتي ونفرح بيك تانا ونبان قدام جاراتي والعائلة

‎نور: ماما.! تيليفون غيطفا

‎الام: ااه مسخيت بيك كاع ابنيتي تهلاي فراسك وردي البال لصحتك وبعدي من هاديك الله يرضي عليك

‎نور: اه واخا بوسي ليا نسرين

‎الام: واخا ابنتي

‎نور: ماما.!!
‎الام : نعام ابنتي

‎نور: تنبغيك♡

‎الام: هه تانا تنبغيك ابنتي وبزاااف الحبيبة ديالي

‎نور: الو!! ..ماما

‎الام: ههه نور صغيورة انا تنسمعك

‎نور: بغيت غي نقولك تتقولي شي حوايج بلاما تحسي بيهم كون غي تولي تردي لبال لهضرة لي تتقولي وتفكري فيها قبل متنطقي بيها

‎الام: ياك لباس واش على هديك؟!

‎نور:لالااا انا غي قلت و هديك عندها سمية*

‎الام : اشنو سميتها..

☎الو!!…ماما☎
بقلم:عميق السلاك🎬
💫الجزء6 والاخير💫
📞📞📞📞
نور: ههه تيلي غيطفا بسلامة

الام: بسلامة ابنتي

نور:(باقا مقطعت المكالمة هبطت ايدها تا طاح ليها تيلي والخط مزال دايز شافت انعكاسها فزاج النافدة وجهها الشاحب وعينيعا الدابلين دوزت ايدها على كرشها المنتفخة وبتاسمت) ..سميتها “نور”

صوت الاسعاف كاسر الدنيا وطنوبيلات واقفين والسير معرقل هزو الجثة فسيارة الاسعاف بعدما جمعو اطرافها فاكياس و دنيا ترونت والصحافة تيكتبو على حالة انتحار من الطابق العشرين لفتاة فربيع عمرها وفي بطنها جنين غير شرعي ……الووو!.. نوور باقا تتسمعيني الوو ..!! بنتيي

📞📞📞📞📞
《وسمايا عامرة غيوم.. وشحال بكات💔 .. صابر تحال ميدوم ساهي وسط السكات🔇….وسمايا عامرة غيوم.. 💭وشحال بكات .. صابر تحال ميدوم ساهي وسط السكات🔕
دنيا… غدرات بيا وداتلي لحبيب دغيا 😣…..مشا وانا كاعما سخيت…..دنيا… غدرات بيا وداتلي لحبيب دغيا….مشا وانا كاعما سخيييت ووو وو …❌
جراح الماضي كامعا براو😷… وكواني الشوق راه كنتحصر شي مرات …. على لحباب ….مشاو وخلاوني بلا سباب …..ايا ميمتي عشت لعداب😢 تسنيت مكتابي…. تقت فالزمان طلع كداب⌛.. اااه يا دنياا لباقي صابر … ااا يا دنيا باغي نبدل بزاف واكاعما قادر💔…..اااه يا دنياا لباقي صابر …ااا يا دنيا باغي نبدل بزاف واكاعما قادر…!!》

●”الو!!.. ماما ” قصة من تأليف الكاتبة عميق السلاك تتحمل عبرة واستفادة تتنظم لاعمالي السابقة امسية طيبة❤✌