Skip links

قصة : الوحش وذات القزحتين الجزء 2 ( عشق جبابرة ) ج 17

 44,405 عدد مشاهداات

🍀الجزء الثاني من قصة #وحش_ذات_القزحيتين 🍀

والذي بعنوان : 👇

🕯 قصة : #عشق_الجبابرة ^🕯

♠ ️#أَحمِـلُ قَلبكٍَ مَعــيِ : متحولينVsسحرة ♠️

📜الكاتبة : chaymae ouaj 📜

💔الجزء211💔

شيماء ابتاسمات ) بغيتك ملي نهضر معاك تشوفي فيا مباشرة فعيوني وماشي غير أنا أي شخص ماتحني الرااس لتاواحد وخصووصا جباار

 

ساندرا لي مزنكة مخرجة عينيها فشيماء وكاتفرك يديها بتوتر.. الشيء لي لاحظاتو شيماء )

 

شيماء : واش حشمانة مني أو خايفة مني

 

ساندرا : ل لا ماخايفاش

 

شيماء :إذن حشمانة واخا (وتكعدات عاوناتها حيدات المونطو بقات غير بالفستان ) باش نحيدو الحشمة وتولي تهضري معايا بكل راحتك وبعفوية خاسنا نتعرفو على بعض أكتر

 

ساندرا كاتشووف فيها) : أنا عارفة عليك تقريبا كل شيء جدة كانت كل ليلة ودائما كاتحكي ليا قصتك نتي واللورد

 

شيماء : وأنا ماعارفاش عليك بزاف وماكرهتش نعرف عليك كل شيء… إذن نتي لي غاتعاوديلي على راسك من يوم عقلتي فيه على نفسك حتى لهاذ اللحظة … إيلا بغيتي أكيد؟

 

ساندرا ابتاسمات ) : واخا …

 

( وبدأت كاتعاود لشيماء عن طفولتها …لي مرت فقط فالترحال من قرية لجزيرة لدولة …طفولة دوزاتها فانغلاق فقط هي وجداتها ليكانت بالنسبة لها كل شيء أم أب صديقة أخت …بعد ذلك مرت لفترة مراهقتها كاتعاود لشيماء عليها لي هي كذلك دوزاتها غير فالتنقل من مكان لمكان هي وجداتها …وساندرا لي حتى عرفات حقيقة انها الساحرة المختارة عاد فهمات سبب ترحالهم الدائم لي كان بغرض حماية جداتها لها …كانو كل سنة او سنتين كايبدلو مكان عيشهم حرصا على أن آل جوفر مايعرفوش بمكانهم …وهذا ماوضحته ساندرا لشيماء …وبقات مدة وهي كاتعاودليها بعفوية وبصراحة ..كل شيء بالتفصيل تطلقاات معاها …وشيماء فقط ساكتة مبتسمة وكاتسمع ليها وهي كاتتأمل وجهها الطفولي لي مرة ضحك ملي تعاودليها شي موقف طريف..مرة تبكي ملي كاتعاودليها على ^ميبهار ^….

🍀🍀🍀

نخليو ساندرا كاتعاود لشوشو على حياتها …. ونمشيو عند

جبار لي بعد اختفاؤو من جناحو ..وبقوة التنقل السريع ظهر أمام المصعد يركب فيه يهبط للأسفل ((مايمكنلوش يظهر فجأة بقواه في الطابق الأول من القصر حيت كايكون عااااامر بالخدم )) …حتى لقا هاندا قدامو حانية راسها )

 

جبار : هاندا !(شاف فيها باستغراب وبعدها شاف ثيابها كانت لابسة فستان أبيض بحال شوميز …خفيف وقصييير ولاسق عليها مؤخرتها قربات تبان ..وكل صدرها عاري مغطين غير ريوس وهي مزننكة وكاتحاول تغطي صدرها بيد والأخرى كاتحاول تهبط بها الفستان ….وهي كاتشوف بتوتر ناحية الأجنحة ومن تعابيرها باينة بزز حابسة لبكية …. جبار حدو شافها اش لابسة و بعد نظرو على جسدها بدون اكتراث حيت ماشي سوقو فلبسها … وشاف فين هي كاتشوف ….كانت هاندا كاتشوف فديما لي مخبية فأحد الأجنحة المقابلة ليهم و كاطل عليهم من الباب لي مفتوح شوية وغير شافت جبار استدار وهي تخبع ….جبار مابان ليه والو و فعل قوة الرؤية خلف الجدار وعاد شاف ديما ….زير على يديه حيت فهم لبلان كامل …فهم سبب لبس هاندا لهاذ الثياب لي باين فيها من الطريقة باش مغطية صدرها أنها حشمانة من هاذ االلبس ولي أصلا ماشي ستيلها …وفهم سبب تواجدها كاتسنافيه أصلا ..الشيء لي خلاه تنهد بعصبية ونطق)

 

جبار : هاندا

 

هاندا قفزات وشافت فيه وعينيها عامرين دموع وهي مغطية صدرها بيديها )

 

جبار :أشنو كاديري هنا و مالكِ شكون قلقك؟؟

 

هاندا : أ ت تاحد أ أنا (شافت فديما ليكاتغمز فيها ورجعات شافت فجبار) أنا ب بغيت ن ن نسولك …احم آه على عصمان خوية فينو ؟

 

جبار لي مبعد نظرو عليها )أنا غادي عندو دابا

 

هاندا : واش هو بيخير ؟

 

جبار : آه

 

هاندا شافت فديما لي مخننزرة فيها …وهي تسرط ريقها ونطقات بزز)

 

هاندا: خ خ خ خرجني ق قصدي د ديني م م معاك ع عندو عند عصمان

 

جبار مديق عينيه فيها ونطق ) وبغيتي تمشي معايا ؟ متأكدة؟

 

(هاندا ماجوباتوش سكتات وحنات راسها مزيرة على فمها … حتى حسات بشيء على كتافها …شافت فيه لقاتو حيد حط لفيست نتاعو حطهاليها على كتافها ….جبار لي ملاحظ توترها وحشمتها من آش لابسة لهذا قام بهاذ الخطوة …وهي بسرعة شدات لفيست سترات بها صدرها وشافت فيه …كان مخنننزر الشيء ليخلاها سرطات ريقها )

 

جبار نطق بحدة وهو مخنزر ) هاندا سمعيني مزيااان حيت مرة أخرى ماغاديش نهضر … نتي راكِ بالنسبالي أخت لي كانفتاخر بها تربية عمي جوكار نتي وعصماان … نتي مربية مزيان يا هاندا راقية وخجولة وغاتكوني طبيبة ناجحة و نتي وعصمان حاسبكم خوتي من صغرنا ….ويوقع لي وقع غاتبقاو خوووتي ….فا أي شيء قلقك وأي شخص آذاك أو بزز عليك ديري شيء لي هو ضدد أخلاقك وتربيتك وأفكارك ورغبتك (و رفع من حدت صوتو ) يكووون شكوون مابغااا يكون هاذ الشخص ماعليك غيير تعلمييني يا هاندا وغانفرجك فييها… ماتسكتيش وخدمي عقلك فأي شيء تطلب منك أنك ديريه نتي ماشي بنت صغير أو مراهقة طايشة أو عاهرة أو دمية يُتحكم فيها… نتي بالغة وواعية عندك رأيك الخاص واختياراتك ونتي أغلى من هذا يا هاندا…

 

(هاندا صفارت وكلها كاتعراق طلعات معاها السخونية …حشماات منو حيت من كلامو عرفاتو فهم لبلان كامل …حركاتليه راسها بواخا ودموعها طاحو وشافت فيه وبزز كاتهضر )🍀الجزء الثاني من قصة #وحش_ذات_القزحيتين 🍀

والذي بعنوان : 👇

🕯 قصة : #عشق_الجبابرة ^🕯

♠ ️#أَحمِـلُ قَلبكٍَ مَعــيِ : متحولينVsسحرة ♠️

📜الكاتبة : chaymae ouaj 📜

💔الجزء 212💔

هاندا : كانعتاذر هئ ماقصدت والو أخوية والله منعاود هئ ماقصدتش هئ حتى نتا بالنسبالي أخ وعزيز عليا بزاف هئ كعصمان وكباقي شباب لستارك هئ

 

جبار : عارف الغلط ماشي ديالك وأحيانا نُجبر على فعل شيحوايج غلط غير هو راه الصحيح هو أنك تقولي ^لا^ في ما هو خطأ وغلط …حتى لو كان الشخص لي فارض عليك توقعي في هذا الغلط ولي قلتيليه لا هو أحذ والديك….هنا مكاتسمايش عاقة أو عاصية لوالديك بالعكس … ولكن في حالة ما مشيتي فهاذ الطريق يا هاندا وبنتي قدامي مرة أخرى هكذا وبهاذ النية … غايكون ليا معاك ومعاااها (ودور راسو بسرعة شاف فديما لي تخبات مخرجة عينيها ) تصرف آخر ماغايعجب تاواحد …

 

((هاندا سرطات ريقها وشافت ناحية ديما ونطقات وهي كاترعد ) ك ك كانعتاذر

 

جبار تنهد ) : خاس نمشي

 

هاندا نطقات بسرعة ) : واش عصمان بيخير ومالو علاش طافي تيليفونو عمرو دارها عييت نصونيليه و ..

 

جبار قاطعها )عصمان أنا معاه وغانكون ديما معاه كنستأذن

(واختفى من مكانو …خلاها واقفة جامدة كاتفكر فأشنو دارت دابا وكاتفكر فخوها عصمان …ماحسات حتى تجرات بعف من دراعها …ديما جراتها ودخلاتها لأحد الأجنة سدات الباب وغوتات ….)

 

ديما لي واضح عليها معصصبة ) وااش نتي مكللللخة ولا مااالك هااا

 

(هاندا فقط ساكتة و حانية راسها ودموعها كايطيحو )

 

ديما : علاش ماالصقتيش فيييه (ابتاسمات) ولكني شفتوو كيفاش شاف فجسدك وهو ماقدرش يقاومو وهاذشي علاش غطاك بلفيست نتاعو

 

هاندا هزات راسها شافت فيها ) واش ماسمعتيش أشنو قال هئ واراه عاق بيك نتي لي مسيفطاني هئ وعطاني أنا وياك تهديد مباشر

 

ديما : المهم هو جسدك وترو و..

 

هاندا غوتات )وااا مااامااا هئ ورااني حشماانة من راااسي هئ وهوااا شاف هاذشي هذا علاش غطاني بفيست نتااعو هئ هئ هو حتى ماشاافش فياا وماعمروو غاايشووف فيا ولا فغييري عينيه عاامرين أماما مُكتفي بمرااتو… وأصلا أناااا مااااابغيتووش يشووف فيااا بتلك الطريقة هئ راه خووية أماما خووية وماغايكوونش غيير خووية هئ

 

ديما لي أصلا مكاتسمعش لكلامها وماهامينهاش دموعها ) بقاتلي خطوة وحدة وغانوصل لآش بغيت …قبل ماينتاشر الخبر دالساحرة فكل العشائر …خاسني نطبق لي فبالي أكيد بليلة وحدة بينك وبينو غايخضع كليا لك خاسني شيخطة محكمة باش نخدرو أو نسكرو وبعدها تنعسي معاه ونبينو على أنه اغتصبك …وهاذشي خاس اللورد جاسم والليدي شيماء وكل لستاركس يعرفو به ويتيقوه …وباباك جوكار مستحيل يسمح ليه وغايطللب أنه يتزوج بيك… حتى اللورد جاسم ماغايسكتش ليه ..هذا زائد سخط العشائر لي غايعرفوه تزوج بساحرة ..مع كل هاذ الضغط جبار غايتجبر يطلق تلك الساحرة ويتزوج بك و….

( سكتات وقفزات حيت سمعات صوت تكسيير قوي …شافت فمصدر الصوت وخرجاااات عينيها فهااندا لي بالأعصاب جمعات يديها بجوج على شكل بونية و ضربات مرآة كبيرة تما حتى تكسرات …ومزالها كاتهز يديها تاللسماء وتضرب فالمرآة وكااتغوت )

 

هاندا : وااباراكا هئ وااا سكتي هئ واابعدي منييي ماابغييتش وماغانديرش هااادشي بعديي منييي هئ ماغاانعاودش نرخص نفسي هئ عطيني تييقااار حراام علييك أشنووو درت لييك هئ هئ أشنووو درت لييك حرام عليك (واستمرت فالصراخ والضرب بيديها لي ولاو كلهم دم في المرآة لي تشلخات كلها وأجزائها كايطيحو فالأرض… هاندا فقدت كل أعصابها وغير كاتغوت وتضرب وتبكي ….

و ديما قربات منها وحاولات توقفها ويالاه حطات يديها على كتاف بنتها ..حتى دفعاتها هاندا وغوتات )

 

هاندا : واامااتقيصينييش هئ بعدي منييي ماغانغرييهش ماغاندييرش هذاااكشي ليكاتقوليلي هئ أنا ماااابغيييتش نكون سيدة كل العشاائر واااا ماابغيتش بعدي مني هئ هئ بعدي مني أنااا كانبغي خليييل أماما خلييل وعمرني نبغي غييرو هئ لاعاودتي حرضتيني أو بززتي عليااا نباان كالعاهرة من أجل جبار غانقوولها لبابا ..

 

ديما مخرجة عينيها فيها و صفارت )أ أشنو ك ك كاتهدديني!!

 

(هاندا كلها عرقانة ودموعها شلال والدم كايقطر من يديها بجوج خنزرات فأمها ونطقات ) بعدي مني أماما هئ وخرجيني من خططك لا أنا لا خوووية حيت ماغانعاود ندير والو من هاذشي واالو وإييلا بززتي عليا مرة أخرى شيء كهذا غانقوولها لجبار ولبابا وفكييها معاهم ديك السااعة هئ (واستدارت كتجري خرجات من الحناح ….خلات ديما واققة جاامدة ومخننزرة

 

ديما : بف خرجتي حنينة بحال باباك مابغيتيش تاخدي الراجل لمراتو .. كل شيء بسباب تلك الساحرة خاسني غير نتهنا منها ديك الساعة غاتخوا الساحة لبنتي 🍀الجزء الثاني من قصة #وحش_ذات_القزحيتين 🍀

والذي بعنوان : 👇

🕯 قصة : #عشق_الجبابرة ^🕯

♠ ️#أَحمِـلُ قَلبكٍَ مَعــيِ : متحولينVsسحرة ♠️

📜الكاتبة : chaymae ouaj 📜

💔الجزء 213💔

🍀🍀

 

عند هاندا لي غادة كاتجري فلكولوار في اتجاه جناحها …بخطوات تقيلة بسبب الدوخة ليجاتها …وهي كاترجف بالأعصاب و كاتبكي ويديها المجروحين لي فيهم الدم مغطية بيهم صدرها الشبه عاري ..لدرجة طلسات كل صدرها بالدم … كاتجري وصوت بكائها كايتسمع ..حتى وقفات أمام باب جناحها كاتلهث وعينيها مضببين يالاه مدات يدها تحل الباب حتى سرطات ريقها ملي سمعات صوتو…

 

(خليل ليواقف خلفها كايشوف فيها باستغراب )

 

خليل : هاندا ؟

 

هاندا كاترجف وماضارتش عندو …وخليل كايشووف فيها نزل نظرو لمؤخرتها لي بزز ساترها الفستان عاد ظهرها لي كولو عريان خننزر ونطق بصراخ )

 

خليل : هاااندا

 

هاندا قفزات مزييرة على فمها كاتمة شهقاتها بزز نطقات وبلا مادور عندو ) ن نعام ؟

 

خليل : أشنو هاذشي لابسة ومالك كاترجفي ؟؟؟

 

هاندا لارد )

 

خليل : كانهضر معااك ضووري شوفي فيا ( ومد يدو شدها من دراعها دورها وغير شاف وجهها لي حمررر وعينيها منفوخين بدموع ويديها ليحاطاهم على صدرها كلهم دم …خررج عينيه ويالاه غايغوت حتى مالت فاقدة لتوازنها وهو بسرعة شدها عندو كايشوف فوجها غمظات عينها مغيبة وطلقات يديها )

 

خليل كاشوف فيها مخرج عينيه) هااندا ! هاااندرا !! شيييت(وهزها فحظنو شاف فجناحها وخلاه وتوجه بخطوات سريعة لجناحو حل الباب ودخل حطها بسرعة على سريرو ..وبسرعة مد يديه كايقلب لها صدرها المطلي بالدم ظنا منو أنها مضروبة فصدرها …مالقا والو عاد شد يديها كايقلب فيهم لقاهم كلهم مسلوخين و مجروجين جروح غارقة والدم كايخرج ..بسرعة ناض توجه للحمام هز فوطات ورجع حطهم على يديها مزيير باش يوقف النزيف وجبد هاتفو وهو كاينهج دوز رقم وغوت …

 

خليل : وسييم داابا تبان عندي فجناحي داااابا ( وقطع )

🍀🍀🍀🍀

 

نمشيو عند جبار لي بعدما خلا هاندا …ظهر وسط المصعد ونزل حتى للأسفل …مباشرة خرج من القصر لقا فارس وسليم جنب سياراتهم كايتسناوه ..ووقف كايهضر معاهم تحت أعين زليخة المراقبة لهم …ليكاطل عليهم من نافذة …

 

جبار : فين هو

 

فارس(قوة الجسد الفولاذي ) : فالملهى

 

سليم قوة استنساخ 50 قوة ) : ليواضح فيه معصصب ) بغيت نفهم زيلي فين كان عقلها ملي تصرفات هكاك راها قتلاتو وهو حي…

 

جبار خننزر فيه ونطق بحدة ) كانظن قلت حتى واااحد مايتدخل أو يعلق على الأمر وماتبينووش ليها أنكم عرفتو بآش وقع …

 

حركوليه راسهم بواخا )

 

فارس : خاس نمشيو راه إيلا شرب بزاف غايفقد عقلو و يقدر يبين قواه أمام البشر …

 

(جبار يالاه غايهضر حتى شاف سيارات ..باه وعمامو وخالو داخلين مع القصر …حتى حبسو سياراتهم جنب سيارات جبار سليم وفارس ..وخرج جاسم أولا .. وبعدو جوكار.. إيفان ..فيليكس.. ودياب..غسان..وعدنان…

 

جبار ابتاسم وتقدم عنق عمو جوكار وتبعو فارس وسليم )

 

جوكار/قوة التفجير/ مبتاسم ) كانغبر غير سنة كانجي كالقاكم زدتو ضخانة على ضخامتكم يا وحوش

 

فارس : هه كاتدق عليا أعمي

 

جوكار : كلكم 🍀الجزء الثاني من قصة #وحش_ذات_القزحيتين 🍀

والذي بعنوان : 👇

🕯 قصة : #عشق_الجبابرة ^🕯

♠ ️#أَحمِـلُ قَلبكٍَ مَعــيِ : متحولينVsسحرة ♠️

📜الكاتبة : chaymae ouaj 📜

💔الجزء 214💔

جوكار : كلكم

 

(جاسم كايشوف فجبار وسليم و هو مخنزر ..وجبار غمزو سيفطليه بوسة فالهواء ..وسليم هزليه حجبانو ..وجاسم مسح على وجهو مفقوص ونطق )

 

جاسم : فين غاديين

 

إيفان (قوة الألم أب زليخة) : جبار خاسنا نهضرو فشيء مهم ..

 

(جبار شاف فيه وشاف فملامح باه وباقي أعمامو الجدية ونطق )

 

جبار : حاليا عندي أمر مهم نقضيه خليو حتى لغدا صباحا ونجتامعو حيت حتى أنا عندي مانقول ليكم …

 

سليم : أشنو واقع بالضبط

 

دياب(قوة الجسد الفولاذي أب فارس) : الموضوع طويل

 

جاسم : حتى للصباح ونهضرو …

 

فيليكس(قوة التنقل السريع أب أميرة ) : وبالنسبة للساحر لي حابسين فالديبو راه دار شيء غريب

 

فارس :أش دار ؟

 

جبار نطق ) ألقى تعويذة ما …..تعويذة خلاتو أحاط نفسو بحقل كهربائي غير قابل للإختراق ..بحال الدائرة لي كانت داخلها ساندرا وجمانة أثناء فكه الربط… فا أي شيء حي مستحيل يخترق تلك الدائرة لي هو داخلها

 

عدنان (قوة النار أب التوأم سموحات) : واش مشيتي شفتيه؟

 

جبار : لا مزال ولكن كل شيء كايوصلني راه معاه مالك

 

فيليكس : واش مالك رجع ؟

 

جبار : رجع بأمر مني هو و بعض المتحولين حارسين الساحر حتى نساليليه

 

سليم : يعني دابا مانقدروش نقربو لهذاك الساحر

 

جبار : غانقبروو أكيد

 

جوكار :و فينو عصمان من صباح وأنا كانصونيليه هاتفو ماخدامش

 

(جاسم سليم وفارس شافو فجبار لي نطق)

 

جبار : كلفتو يقوم بمهمة أعمي وأنا غادي عندو دابا

 

جوكار ابتاسم : واخا أولدي هي ماغانشوفوش اليوم و حتى هاندا ماكايناش رسلاتلي رسالة ..

 

غسان/قوة الجليد أب خليل/ نطق بتوتر ) آه أحم عندها مناوبة فالمستشفى ماغاتجي حتى للصباح ماتخافش عليها ياجوكار راه معاها ولدي خليل

 

(جوكار ابتاسم ودخل هو و إيفان دياب عدنان غسان وفيليكس …. بقا جاسم واقف أمام جبار وفارس وسليم …)

 

جاسم : فين عصمان ؟

 

فارس : فالملهى أعمي هاحنا غاديين ليه …(وتحرك ركب سيارتو )

 

جاسم شاف فجبار وسليم ) جبار الأمور بدأت تخرج عن السيطرة وباقي العشائر..

 

جبار قاطعو ) لواليد أنا عارف عندي دراية بكل شيء كايوقع (وابتاسم بشر) غدا صباحا نهضرو فهاذ الموضوع

 

سليم شاف فباه ) :كل شيء تحت تحكمنا أصاحبي

 

جاسم :و فين ساندرا ؟

 

جبار :فجناحي ومعاها شيمائي

 

سليم خنزر فيه ) شيمائنا

 

جاسم خنزر فيييهم بجوج وزفر بقوة )

 

سليم :أحم قصدي شيمائك ألواليد

 

جبار ابتاسم بشر ونطقها باستمتاع ) : شيماائيي وقالت ليي أنها غاتبقا مع ساندي ديالييي حتى نرجع

 

جاسم تنهد وشاف فيهم مخنزر ) ماشي وقت المشاكل والغضب هذا… يا جبار فا حل كل أمورك مع عصمان خاسنا نكونو يد وحدة باش نواجهو ماهو قادم…🍀الجزء الثاني من قصة #وحش_ذات_القزحيتين 🍀

والذي بعنوان : 👇

🕯 قصة : #عشق_الجبابرة ^🕯

♠ ️#أَحمِـلُ قَلبكٍَ مَعــيِ : متحولينVsسحرة ♠️

📜الكاتبة : chaymae ouaj 📜

💔الجزء 215💔

جاسم تنهد وشاف فيهم مخنزر ) ماشي وقت المشاكل والغضب هذا… يا جبار فا حل كل أمورك مع عصمان خاسنا نكونو يد وحدة باش نواجهو ماهو قادم…

 

جبار : عمر يكونو بيني وبين خوتي مشاكل أصاحبي

 

سليم : وخصوصا عصمان هو خونا ألواليد فا كون هاني …

 

(جاسم شاف فيهم ودار نصف ابتسامة ) وفين وسيم !

 

جبار : مع خليل

 

(جاسم حرك لهم راسو بواخا وتحرك غادي داخل…وجبار وسليم ركبو كل واحد سيارتو وكسيراو مع فارس ….

 

(طول هاذ الوقت وهي واقفة مخبية بستائر النافذة وكاطل عليهم …سمعات كل الحوار وتخبات حتى دخل خالها جاسم ..عاد خرجات كاتجري مالقات قدامها غير سيارة وسيم خدات مفتاحها من ليكارد وكسييرات تابعة جبار سليم وفارس ….

🍀🍀🍀🍀

نرجعو عند شيماء وساندرا لي مزال كاتعاود لشيماء كل شيء عاودات ليها كل الرؤى لي شافتها فيهم ملي كانت شيماء حامل بجبار ومخطوفة (الجزء الأول) وعاوداتليها كل شيء عن عشقها للبحر ولركوب الأمواج …و وراتها القلادة لي فعنقها ليكانت كابحة سحرها طول هاذ 19 سنة …ولي هي تذكار من أمها … ساندرا أيضا عاوداتليها كل شيء بصراحة عن ثيون…ونوع العلاقة ليكانت بيناتهم وأنه عمرو قاصها … وعن جداتها…. كل شيء كاتعاود عليها وهي كاتبكي وشيماء مخلياها على راحتها …وأيضا عن صديقتها أماندا وكيفاش ماتت فيوم عيد ميلادها المنحوس ….

حتى قاطعهم الدقان كانو الخادمات لي جارين طاولة كبيرة عامرة بأطباق العشاء مسيفطها لهما جاسم …تعشاو غير بجوجات فجو مرح ..بحيث جبار صونا على ساندرا لي بالخلعة جاوباتو فلبلاصة كاتفتف وهو طول معاها فالهضرة والأسئلة وترها حتى شدات شيماء الهاتف قالت له ^تلاح^ وقطعات عليه خلات ساندرا كاضور فعينيها …وشيماء حرصت على أن ساندرا تاكل مزياان حتى كملو عشاهم وشدو ديكلاص كياكلو … وشيماء طلبت منها تكمليها الحكي عن جبار وأشنو وقع بالضبط معهُما في الجزيرة الخضراء …وساندرا بدأت تحكي …وكاتنسا راسها وتسهى مبتااسمة وهي كاتهضر عن جبار…الشيء لي ملاحظاه شيماء ….عاودات لها كل شيء تقريبا ..مع إخفاء بعض الحقائق …وهي كاتعاود وعينيها كايتسدو …فا وقفاتها شيماء وقالت لها فصباح يكملو…وناضت للدريسينغ جابت ليها شوميز خفيف تبدل فستانها …وساندرا مالقاتش كيفاش ترفض تلبس الشوميز دونوي …فا لبساتو بمساعدة شيماء ..لي تكات جنبها وحظناتها عندها كاتلعب لها بشعرها..وقالت لها غير تنعس هي غاتبقا جنبها حتى يجي جبار كما واعداتو …ساندرا فحظن شيماء حسات بالرااحة لي شحال مابقات حسات بها …من آخر ليلة قبل ليلة ميلادها ملي نعساتها جنب جداتها ..دموعها طاحو وغمظات عيونها ….

 

🍀🍀🍀

الساعة 11 ليلا وفي واحد من أرقى الملاهي ف سونطر المدينة …وداخل الملهى الموسيقى مجهدة ..والأضواء خافتة ….

جالس مفطح فطاولة راقية بفوطويات … و بوووحدووو … وأمامو جوج قراعي دالويكسي خاويين …والتالثة فيديه كل شوية كايرشف منها وهو داااايخ بشراب …و ساهي أمامو كايشوف فالبنات الشبه عاريات فحلبة الرقص ..كايرقصو بجنون مع صوت ونوع الموسيقى الصاخبة …والشباب غير كايتلمسو فيهن …ساااهي أمامو مبتاسم كالأبله وهو كايتخايل طيفها وهي كاترقص بحيوية أمامو ..وكاتتمايل بقوامها الرشيق وشعرها الذهبي لي كايتطاير مع حركاتها الرشيقة وهي مبتسمة ليه وكاتشوف فيه بعيونها الزرق …مدة وهو كايتخايلها أمامو ….ونطق بصوت تقييل بشراب )

 

عصمان : ت تابعاني تالهنااا وا قودي من دماغي خلاص غاتقتليني عاد تتهناي وابقاي تشطحي تما .. ( وسكت حيت جلسو ما جنبو جوج بنات شبه عاريات ) 🍀الجزء الثاني من قصة #وحش_ذات_القزحيتين 🍀

والذي بعنوان : 👇

🕯 قصة : #عشق_الجبابرة ^🕯

♠ ️#أَحمِـلُ قَلبكٍَ مَعــيِ : متحولينVsسحرة ♠️

📜الكاتبة : chaymae ouaj 📜

💔الجزء 216💔

عصمان : ت تابعاني تالهنااا وا قودي من دماغي خلاص غاتقتليني عاد تتهناي وابقاي تشطحي تما .. ( وسكت حيت جلسو جنبو جوج بنات شبه عاريات )

 

الفتاة الأولى ) مالك ألبوكوص معصب وكايهضر بوحدو …

 

الفتاة الثانية ) من صباح ونتا جالس بوحدك قلنا نجيو نونسوك

 

الفتاة الاولى ) نتهلاو فيك وتهلا فينا (وغمزاتو)

 

(عصمان عينيه معسلين بشراب كايحلهم عالجهد يشوف فوحدة ويضور راسو يشوف فالأخرى ونطق)

 

عصمان : ز زليخة ت تاوحدة من منكم ما زليخة!

 

الفتاة الأولى مدات يدها كاتتلمس فصدرو ) سميني زليخة ولا حتى عبلة أزوين لي بغيتي

 

عصمان شد يدها ودفعها حتى طاحت وغوت ) أقودووو عليا ت تاتكونو زليخة وأ أجييو تلمسو فياا

 

(الفتاتين ناضو بسرعة هربو وهو حط فمو على قرعة الويسكي كايشرب بجهالة …..وماشي بعيد ..عليه فالدخلة دالملهى وقف جبار وفجانبيه ..سليم وفارس …حتى بانليهم فين جالس…

 

فارس صفر ) واو باين فيه ماشي غير سكران …

 

جبار مخخنزر وهو كايشووف فعصمان و نطق ) سليم استخدم قوة التنويم الميغناطيسي وأمرهم بإخلاء الملهى كليا وحالا

 

سليم : غانحجزو …(ومشا )

 

فارس : علاش ؟ يالاه نهزوه ونمشيو ؟

 

جبار : ماغاينوضش بهاذ السهولة هو معصب بزاف غايشوفني غايصعر…

 

(فارس شاف فالزبناء لي بداو كايخرجو والملهى بدأ كايخوا يالاه غايهضر حتى وقفو عليه هو وجبار فتاتين حالات فامهم فجبار وفارس )

 

الفتاة الأولى ) شي ليلة(وقربات من فارس لي بعد وهو مخنزر فيها ونطق )

 

فارس: تبغيها فسبيطار ولا فالقبر ولا فالحبس ؟

 

الفتاة الثانية وقفات أمام جبار لي عينيه غير على عصمان ونطقات ) لبوكوص

 

جبار جاوبها بلا مايشوف فيها حتى ) لبوكوص بمراتو ألق** قودي من قدامي…

 

(الفتاتين شافو فبعض وتحركو خرجو …وجبار وفارس جلسو فطاولة بعيدة على عصمان ..وتسناو حتى كل الملهى خوا ….سليم نوم صاحب الملهى ميغناطيسيا باش قنعو أنه يحجز كل الملهى ويخرج كل الزبناء حتى من لي سيرفور وصاحب الملهى خرجو …. وسد الباب بقا فقط جبار سليم وفارس ..وعصمان لي ماهواش هنا غير كايشرب …

 

جبار وقف ونطق ) ماتدخلوش بيني وبينو …(وتحرك حتى وقف عليه وغوت) عصمااان

 

عصمان هز راسو شافو ونطق ) صاف كملات واقودو عليا من دماغي نتا وياها تصب…

 

جبار تنهد ) نوض خاس نمشيو !

 

(عصمان كايشوووف فيه ..وحط القرعة على فمو شربها كلها حتى لآخر قطرة …وهزها بقوووة لاحها فاتجاه جبار لي ماتزعزعش بقا واقف مكانو والقرعة تخبطات بقوة مع صدرو كأنها تخبطات مع الحيط ..طاحت كلها مهرسة لقطع صغير من الزجاج ..وهذا بسبب تفعيل جبار لقوة الجسد الفولادي … كأنها ضربت في الفولاذ )

 

عصمان ضحك باستهزاء ) ههخ إذن هاذا نتا بصح نيت جيتي …

 

جبار : تنوض ولا نوضك؟

 

عصمان : نوض نوض أخوية ( ووقف بزز وهو كايميل ..وبسرعة الضوء اختفى من مكانو بقوة التنقل ظهر جنب جبار ..ووجه له لكمة قوية تفاداها جبار بسهولة..ومع سكر عصمان ماتحكمش فتوازنو طاح على الطاولة كايضحك ونطق )

 

عصمان : ههه عجباتك البوسة

Leave a comment