Skip links

قصة : الوحش وذات القزحتين الجزء 2 ( عشق جبابرة) ج 82

 8,134 عدد مشاهداات

🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــيِ : متحولينVsسحرة °°

📜الكاتبة•: °chaymae ouaj°
🔮الجزء 784🔮
الشمس شرقات طاردة ظلمة الليل لي كان مخيم على بطلاتنا المتواجدات فعرض البحر… والصورة وضاحت لهن..شافوها واخا مزالها بعيييدة…إلا أنها واااضحة قدامهم بالسحاب الأسود لي مخيم فوقها …ببوابتها الغرببة لي على شكل تماثيل ديال تنانين صخرية عملاقة متقابلة … ..والهالة الكئيبة المرعبة لي ضايرة بيها ولي وصلات لعمق فؤاد كل وحدة من بنات آل ستارك لي غير بالشوفة فهاذ الجزيرة لي مزال حتى ما قربو ليها …حسو بالخوف وبجدية الموقف لي هن فيه ..وكل وحدة منهن حساب بالخطر أحاط بحياتها ….كلهن بستة بيهن واقفات بصمت كايشووفو فيها بلا مايرمشو …حتى من ساندرا لي كلها كاترجف وهي واقفة مخرجة عينيها كاتشوف فنهايتها …..زليخة سرطات ريقها ..خلاتهن ومشات كاتجري لمقصورة القيادة زادت فسرعة اليخت المتجه للجزيرة ….وخرجات شافت فكل البنات …)

زليخة : هزو لي صاكادو نتاعكم والأكل وكل شيء غاتحتاجوه …

(لبنات فاقو من سهوتهن حركو راسهن بواخا وتحركو كايجريو..فحين زليخة وقفات جنب ساندرا )

زليخة : تقدري تدخلينا للجزيرة ياك …

(ساندرا لا رد سااهية فالجزيرة لي قرب ليها اليخت )

زليخة غوتات ) سااااندرا بلا ماتحلمي تهبطي من هاذ اليخت حييت إذا ماكنتيش غاتدخلينا للجزيرة راه حتى نني ماغااتدخلييش لييها …(قاطعاتهم سماح لي عيطات لزليخة ..)

سماح : زليخة السائق الآلي نقص من سرعة اليخت بوحدو وكانزيدها للحد عاد مكاتزيد تنقص ماعرفتش علاش …

(زليخة خنزرات فساندرا وتحركات كاتجري لمقصورة القيادة …فحين ساندرا تنفسات بعمق ..مسحات دموعها وهزات صاكادو ديالها من على الأرض دارتو فظهرها ..وتحركات بسرعة وقفات فمقدمة اليخت ومدات يديها بجوج للأمام وغمظات عيونها )

ساندرا : واتر ..والتر.. بينيفست.. واتر.. والتر.. بينيفست…

( حلات عيونها مع توقف اليخت …ويالاه تحركات تقفز فالبحر حتى غوتات زليخة)

زليخة جاية ناحيتها كااتجري وخلفها البنات ) : ساااندرا …

(ساندرا ماجاوباتهاش حتى أنها ماضارتش تشوف فيهن… نقزات فالبحر ولبنات لي كايجريو وغير وصلو لمقدمة اليخت طلو خرجوو عينيهم ملي بانت ليهم غاديا كاتجري فوق الماء كأنه سطح خشن كاتمشا على الماء كاتجري بسررعة وهذا بفظل تعويذة ألقتها …)

سماح :ك ك ك كيفاش د د دارت ليها ك كاتمشا فوق الماء..

زليخة مززنكة كاتغوت على حر جهدها وهي كاتشوفها كيفاش كاتجري فاتجاه البوابة دالتنانين ..) ساااندراا لا ساااندراا(جبدات بزربة جهاز التتبع الصغير المتطور لي فجيبها ولي كايخدم بالقمر الصناعي ولي كانت قبل ماتخرج من القصر ربطاتو مع هاتف عصمان….. شعلاتو…وغير شعل عرفات أن تعويذة الحجب دساندرا تلغات بمجرد خروجها من اليخت …فا زليخة بسرعة رسلات بالجهاز إشارة لهاتف عصمان )

(جمانة عيات تعيط لساندرا بدون رد من هاذ الأخيرة فا شافت فزليخة وغوتاات فوجهها ) علالاش حبستي اليخت خاااس نتبعووها وأنا مكنعرفش نعووم…

زليخة : ماااحبستوووش مااشي أنااا اليخت حبس بوووحدو حييت دخلنا لمحيط الجزيرة البحري واش نسيتو أنها قالت لينا بلي مستحيل حتى نقربو للجزيرة باعتبارنا متحولات الجزيرة كاتقبل غير السحرة …ومستحيل حتى ندخلو لمحيطها البحري راه الجزيرة طرداتنا قبل حتى مانوصلوليها وهي لي وقفات اليخت…

هاندا : هاذشي مايمكنش غانتبعووها (شافت فزليخة ) بقاو هنا غانحرك بكن اليخت … 🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــيِ : متحولينVsسحرة °°

📜الكاتبة•: °chaymae ouaj°
🔮الجزء 785🔮

هاندا : هاذشي مايمكنش غانتبعووها (شافت فزليخة ) بقاو هنا غانحرك بكن اليخت …

( ومباشرة نقزات فالبحر وباستعمال قوتها ^التحكم بعنصر الماء ^ حركت جسدها بسررعة كبيرة حتى استقرت خلف اليخت ..غير راسها لي خارج من الما …تنفسات بعمق وفعلات قوتها للحد وحركات مياه البحر بقوة كبييرة مشكلة موجة مُضخّة بقووووة وهي كاتعوم للأمام محاولة تدفع اليخت لي قدامها للأمام ولكن بلا فائدة كأنه كاين حاجز زجاجي كايخبط فيه ويردها هي واليخت للوراء لدرجة استعملت قوتها وغطسات للعمق وتحكمت بكل المياه المحيطة بيها….وشكلة بجسدها دواامة كبيييرة فالعمق وجهاتها لليخت لي ضربات فيه الدوامة الشيء لي خلاه كايتحرك بقوة ولكن بلاصتو مازاد حتى خطوة للأمام …. ومع ذلك ما استسلماتش بدات تاني كاتشكل فالدوامة التانية …فحين ساندرا غاديا كاااتجري للجزيرة دخلات من بوابة التنانين ..كاتجري فوق ماء البحر بكل سههولة وبدون حتى ماتتقاس بقطرة ماء وحدة … بفظل تعويذتها لي هي تعويذة خاصة بسحرة عنصر الماء ..وباعتبارها ساحرة كل العناصر فالماء هو أحد عناصرها … كاتجري حتى وقفات مكانها فوق الماء كاتلهث واستدارت بسرعة منلي سمعات صراخ البنات …بانليها اليخت كايتزعزع بقوة بسببة ضخ الماء القوي فالخلف من طرف هاندا ولبنات لاسقات مع حديدات اليخت باش مايطيحوش وكايغوتو )

ساندرا غوتاااات بأعلى صوتها ) : باااراااكا بلا مااااااتحااااولوووو مستحيييل الجزييرة تخلييكم تقربوووووو …

زليخة لي شادة فالحديدات غوتات بعصبية ) سااااندرا رجعي مااااتهورييش رجعيييي أو دخلييينا معاااك…

ساندرا غوتاات باش تسمعها ) زلييييخة سمعييي مني ورجعوووو سييرو منهنااااا ودييييهم بعدووو كليا عن المحيييط الهادئ إيييلا بغييتي تحميييهن سيييرو رااااه فأي لحظة غاااايوصلو السحرة دالسحر الأسود وإذا لقااوكن هنااا ماغايرحمووكمش …نتي عااارفة أنه مستحييل دخلو للجزيييرة فااااا عالأقل ماتضحيش بيهن وبرااسك بعدووو (ابتاسمات وهي كاتشوف فكل البنات لي كايشوفو فيها ) إيييلا مكتاب لينا غااانتلاقاو مرة تااانيا كنتو ليا خواتات لي عمرني ننسا ولي غانبقا نبغيكن ديما …سمحووليااا

جمانة لاسقة مع حديدات اليخت وكاتبكي بصراخ غوتات ) لا ماغانسمحليكش أساااندرا لاحطيتي رجليك على رمال هاذيك الجزيرة عمرنيي نسمح لييك…

(ساندرا ماجاوباتهاش استدارت تاني كاتجري فاتجاه الشاطئ لي مابقاش ليها بزاف وتوصل ليه …كاتجري وهي كاتسمع فصراخ البنات بسبب تحرك وتزعزع او تزلزل اليخت بقوة فمكانو…..حتى أخيرا وصلات لشاطى الجزيرة حطات رجليها على رمالو ..ووقفات حالة فمها فغابات الجزيرة لي باااينة على شكل متاهات …سرطات ريقها ونطقات بهمس وهي كاتسمع صراخ البنات خلفها )

ساندرا : غير ندخل للغابات ونغبر على عينيهم غايمشيو مستحيل زليخة تخليهن تما وهي متأكدة أنهن ماغايقدروش يدخلو أو حتى يقربو ..وهي عاارفة انه إذا بقاو تما غير غايموتو على يد السحرة لي غايكونو حاليا قاصدين هاذ الجزيرة(تنفسات بعمق ) كانعرفك مزيان أزليخة مستحيل تقبلي يتآذاو فا ديهم بزربة… راه غير خرجت من اليخت تبطلات تعويذة الحجب لي كنت لقيت وكاع جبس خواتمهن غايكون رجع يخدم (تنفسات تاني بعمق وهي قلبها غايسكت ومعدتها ضراتها بالخلعة ورجليها باش ترمي الخطوة تزيد فاشلين ..) هن غايكونو بخير يا ساندرا غايكونو بيخير نتي ركزي فمهمتك ركزي ….

( زيرات على يديها ويالاه رمات الخطوة تزيد تدخل للغابة حتى سمعات صوت قوي كأنه صوت صااروخ متجه ناحيتهم..
🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــيِ : متحولينVsسحرة °°

📜الكاتبة•: °chaymae ouaj°
🔮الجزء 786🔮

( ساندرا زيرات على يديها ويالاه رمات الخطوة تزيد تدخل للغابة حتى سمعات صوت قوي كأنه صوت صااروخ متجه ناحيتهم ……الشيء لي خلاها لا هي لا البنات لي مازالات على اليخت … يضورو بسرعة ويهزو ريوسهم للسماء ….حتى خرجووو أعينهم وهن كايشوفو طائرة لي أكييد عرفاتها زليخة…جاية ناحيتهم بسرعة قصوى…هاذ السرعة لي نقصات تدريجيا وهي كاتقرب لهن ….

(هاندا..لي فالبحر بسرعة دفعات جسدها بتحكمها بالماء حتى تهزاات بقوة هازها الماء وجات واقفة على سطح اليخت جنب البنات كاتقطر وكاتلهث وهي هازة راسها كاتشوف فالطائرة لي غير قربات لليخت بدات كاتنخافظ عن علوها شيئا فشيئا بحيث السرعة الجوية ومعدل الانحدار نقصو باش يمكن لجسم الطائرة ينحادر بدرجة كافية استعدادا لهبوط سلس …فا غير بقى بينها وبين الماء مسافة قصيرة بدأت طوافات كاتخرج من الطائرة بدل العجلات..باعتبارها طائرة صاروخية برمائية ..فا هي كاتتضمن خاصية النزول والأقلاع من أو على البر أو الماء ……

البنات كلهن واقفات فحالة صدمة…وهن كايحسو بأقوى سبع طاقات في صنف المتحولين…وبين هاذ الطاقات طاقة أقوى هجين فصنفهم…طاقات لي أكيد ماخفاتش على كل وحدة منهن…لدرجة كلهن سرطو ريقهن منلي استقرت الطائرة على الماء بمسافة ماشي بعيدة على يختهن ……وثواني على استقرارها …تحل الباب وخرج أولا …مخنزر …عروق جبهتو ويديه مطراسيين…وعينيه على لبنات لي كلهن حناو ريوسهم ورجعو خطوة للوراء كايرجفو …وبعدو خرجو باقي الجبابرة الست واقفين خلفو وكلهم كايرمقو البنات بنظرات كلها غضب وسخط …وخلفهم بستة سام حاني راسو جنبو ماريانا كاتطل وتشوف البنات على اليخت وعينيها كايقلبو على ساندرا …..)

جبار تحنا على ركبة وحدة ..ودفع جسدو بقووة باستعمال قوة ^القفز البعيد^ نقز بمسافة كبيرة من طائرته حتى لسط يخت زليخة وجا واقف أمام البنات لي صفارو بالخلعة وتاوحدة فيهن ماقدرات تهز راسها او تتحرك ….
🍀🍀🍀
على الشاطئ واقفة ساندرا مخرجة عينيها فاليخت وفالطائرة التي حطت على الماء خلفو وبمسافة ماشي بعيدة عليه …غير كاتسرط فريقها وهي كاتحرك راسها بلا وقلبها غايسكت … وكاتحاول تشوف شكون خرج من الطائرة مابانليها تاواحد حيت اليخت حاجب عليها الرؤية ومغطي كل مقدمة الطائرة …حولات نظرها لبنات لي مستفات على اليخت عاطيينها بالظهر ….ويالاه ديقات عينيها تشوف شكون واقف قدام البنات …حتى فجأة بانوليها كلهن هربو تخباو خلف زليخة ….مخليين ليها مجال واضح للرؤية …وغير شافتو وعينيها جاو فعينيه وهي تخررج عينيها ورجعات بسرعة خطوة للخلف الشيء لي خلاها تعكلات وطاحت كاتنفس بسرعة وكاتنطق ب )

ساندرا : لا لا لا مايمكنش لا ….(وخرجاات عينيها أكتر منلي بانولها بقية جبابرة آل ستارك مع سام وماريانا خلف جبار ..وكلهم كتيشوفو فيها …)🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــيِ : متحولينVsسحرة °°

📜الكاتبة•: °chaymae ouaj°
🔮الجزء 787🔮

ساندرا : لا لا لا مايمكنش لا ….(وخرجاات عينيها أكتر منلي بانولها بقية جبابرة آل ستارك مع سام وماريانا خلف جبار ..وكلهم كتيشوفو فيها …)

🍀🍀🍀

على سطح اليخت …جبار غير وقف قدام البنات بملامح وجهه المرعبة …هن جمدو حتى وحدة منهن مادارت حتى ردت فعل او تحركات او حتى شافت فيه ..فحين وهو كايحول نظرو من وحدة للأخرى بلا حتى مايهضر …حتى ظهر خلفو عصمان بقوة التنقل وهو حاطط يديه وحدة على كتف خليل والأخرى على كتف مالك نقلهم معاه ..وجنبهم ظهر سليم حاطط يدو على كتف فارس وجنبهم ظهر وسيم حاطط يدو على كتف سام وشاد بيدو الأخرى دراع ماريانا نقلهم ….وكلهم ساكتين كل واحد منهم كايشوف فملكة قلبو أمامو بسخط بلا مايهضر حتى واحد منهم مع حتى وحدة من لبنات …. أما ماريانا وسام فا مخرجين عينيهم فالجزيرة وبوابتها ….

جبار لي مابانتش ليه ساندرا معهن ومكايحسش بمرة بطاقة سحرها على اليخت …زيير على يديه و يالاه تحرك خطوة وحدة ناحية البنات حتى كلهن شهقو وتحركو كيجريو برعب تخباو كلهن خلف زليخة ….وهو وقف مكانو كايشوف فنقطة وحدة ولي كانو حاجبينها عليه البنات …..شافها واقفة على رمال الجزيرة و غير جاو عيونو الزرق فعيونها السود هو ضغط على سنانو بغضب … وزير على يديه منلي شافها ترعبات لدرجة طاحة للخلف….نطق وهو ساهي فيها على الشاطىء)

جبار : فارس غير نعطيك إشارة حرك اليخت فاتجاه الجزيرة …

فارس حرك راسو بواخا وتحرك قاصد مقصورة القيادة )

(زليخة لي كغيرها من البنات لي خلفها …خايفة منو ومع ذلك نطقات بسرعة )

زليخة :الجزيرة مكاتقبلش غير السحرة واخا يحرك اليخت مستحيل الجزيرة تسمح نقربوليها ……راه عيات هاندا تدفعو بضخ مياه البحر بقواها ولكن ما…. (سكتات منلي شاف فيها مخننزر )

(جبار رجع نظرو لساندرا التي على الشاطئ … ابتاااسم جنب ومد يدو لجيبو جبد منو سنسلة …وهز يدو للفوق تحت انظار ساندرا والباقين وطلق السنسلة لي تدلات من يدو ووضاحت ليهم …كانت ^قلادة عين التنين^ لي عطات ماريانا لساندرا..ولي كانت رمز لإعلان كل معاشر الخير ولائهم لساندرا …أي هاذ القلادة هي كالتاج لي كل السحرة عطاوه لساندرا باعتبارها كونتيسة عليهم …وليكانت بحاالها عند كونت معاشر آل جوفر المتوفي ^آلبرت ^ ولي بيها كان كايحل ويسد الجزيرة لي ساكنينها سحرة السحر الأسود ..الجزيرة المنسية ^ …وحاليا كاينة عند ثيون …..الإختلاف بين القلادتين هو لون عين الثنين …قلادة ساندرا لون العين لي فيها قرمزي …وقلادة ثيون لون العين لي فيها أزرق…وقلادة ثيون معروف أنها كاتسد وتحل ليهم جزيرتهم …أما قلادة ساندرا فا هي قديمة قدم كتاب التعاويذ السحري وكتقليد مؤكد عند معاشر السحر الخير ..كانت القلادة كاتتوارث من كونتيسة لأخرى عبر أجيال وكايعتابروها كنز مقدس خاس كل كونتيسة تحافظ عليه حتى توصلو للمختارة نهار تتولد …وحتى واحد من السحرة مكان عارف الغرض من هاذيك القلادة وأشنو كاتحل !……ولكن جبار كان استنتج هاذ الغرض نهاار عرف من زليخة التي استجوبت الساحر لي كانو شدو …أن جزيرة آل جوفر ^الجزيرة المنسية ^ كاتتحل وتتسد بمفتاح كالذي تعطى لساندرا … )
🍀🍀
ساندرا لي مزالها جالسة على الرمال بصدمة غير شافت جبار هاز شيء فيدو ومعليه عن قصد كأنه كايوريه لها …ديقات عينيها تشوف أشنو هذاكشي …ومابانليها مزيان حتى فجأة وغير تقابلات القلادة مع جزيرة المتاهة ..توهجت عين التنين القرمزية بقوووة ضوااات باللون القرمزي السااااطع لي بان على بعد أمياااال ….ضوء سااااطع قوي قرمزي اللون كأن المفتاح يصرخ بأنه وجد بابه …..وساندرا غيير شافت القلادة ضوات باللون القرمزي عرفاااتها الشيء لي خلاها شهقات ووقفات وغوتاااات حتى صوتها وصل لييهم )

ساندرا : لااااااااااااا…(وحولات نظرها لعمها سام لي تحرك حتى وقف جنب جبار )🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــيِ : متحولينVsسحرة °°

📜الكاتبة•: °chaymae ouaj°
🔮الجزء 788🔮

ساندرا : لااااااااااااا…(وحولات نظرها لعمها سام لي تحرك حتى وقف جنب جبار )

🍀🍀🍀

على اليخت
جبار لي بعد صراخها اختفت نصف الابتسامة لي كان رسم على وجهو …خنننز وعيونو ماحيدووش علييها بمرررة ..كايرمقها بنظرات مرعبة …لاح القلادة لسام لي وقف جنبو… ونطق بأمر )

جبار : حل لق..وي …

(سام …لي منلي شاف القلادة عند جبار عاد فهم علاش قاليه خليتك حي غير حيت محتاجك فشيء …فا بلا مايحتاج لأمر جبار قرب منو حتى وقف جنبو مستعد ينفد لي عليه…ومنلي لاح ليه جبار القلادة شدها ويالاه هزها مقابلها مع الجزيرة وعينيه حتى هو على ساندرا ..يالاه غايبدأ فإلقاء التعويذة باش يحل الجزيرة أمام صنف المتحولين حتى قاطعاتو ساندرا لي غوتات بأعلى صوتهاا )
🍀🍀
على الشاطىء…

ساندرا : لااااااا ساااام لااااا ماااتحلش لالااااا (شافت فخالتها ) ماااريااانا منعييييه هذااا أمر منعيييه …
🍀🍀
على اليخت ماريانا حنات راسها بقلة حيلة وهي كاتفكر تحت صراخ ساندرا لي ماسكتاااتش…فحين سام نطق بصراخ وهو مزالو هاز القلادة )

سام : يااك واعدتيني أنك غير تتحكمي بآخر عنصر تعلميني واااعدتيني أنك ماغاتمشييش قبل ماتقوليهالي …

(ساندرا فمها كاايرجف وبدات تبكي وكاتغوت بحر جهدها عقلها غايخرج )

ساندرا : ياااك نتاا أكتر وااحد كاان عاارف أنه مكاااااينش حل ثاااني… يااااك كنتي عاارف ومتاكد بحاالي وأكتر أنهم كااانو غير كايضيعوو فالوقت ومستحييل يلقااو الثغرة … يااااك نتا دابا حاسس بحاالي بأشنووو داخل هااذ الجزييرة فااااا ماااتحلهاااش ليييهم أساام

سام سرط ريقو وغوت ) ماغاتقدريش يا سااندرا بوحدك ماغاتقدريش …(ويالاه غايبدأ فإلقاء التعويذة حتى غوتااات مزنكة بالأعصاب والعرق لي نازل من جبهتها تنفخ )

ساندرا :كاانعتاااذر صاافي هااني كاانعتااذر منك مااقدصتش نضحك علييك او نكدب أنا درت غير لي كااان خاسني ندييروووو فا كنعتااذر غيير ماتحلهااش كنترجااك أعمي مااتحلش (شافت فكل رجال لستارك من غير جبار وغوتاات حتى صوتها بح ) واااااش بغيتو تموووتو ولا بغيييتو تشووفوهن كايموووتو قدااامكم (وأشارت للبنات )

(جبابرة آل ستارك غير كايشوفو فيها مخنزرين بلا رد …فحين هي شدات راسها بيديها بجوج كاتبكي بقوة ورجعات كاتشوف فجبار وغوتات )

ساندرا : جباااااار مااادخلش عافاك ..ديهم وسيير نسااوني سييرو (شهقات وهي كاتشوف فجبار ) نسااني…🟣الجزء 2 من قصة 🟣

♡#وحش_ذات_القزحيتين ♡
والذي بعنوان :
▪︎قصة : #عِڜْڦُ_ٱڷﭳٻَٱٻِږهﮧ▪︎
°° ️#أَحمِـلُ قَلبكٍَ مَعــيِ : متحولينVsسحرة °°

📜الكاتبة•: °chaymae ouaj°
🔮الجزء 789🔮

(جبار كايشووف فيها ببرود …دور راسو شاف فسام بلا مايهضر …هاد الأخير لي حرك راسو بواخا وتقدم خطوة هاز القلادة مقابلها مع الجزيرة….)

(ماريانا قربات حتى وقفات جنب سام ..كاتشوف فساندرا ونطقات بصراخ )

ماريانا : الملكة ماكاتمشيش للحرب بوحدها يا ساندرا …فا أشنو فائدة جيوشك من عاشئرك ومعاااشرك …إذا ماهزوش معاك عبء مهمتك…

ساندرا خرجاات عينيها منلي فهمات مغزى كلام ماريانا ونطقات بهمس ) لا مايمكنش …

(سام غمظ عيونو وماريانا شابكات يدها مع يدو ..وسحرها دمجاتو مع سحرو لتعزيز سرعة تطبيق التعويذة لي أي ساحر او ساحرة يقدرو يطبقوها لفتح أي مكان مغلق سحريا ..التعويذة لي كاتحتاج فقط المفتاح السحري الخاص بفتح هذاك المكان ..وأيا كان من السحرة يقدر يطبقها .. ماريانا زيرات على يد راجلها وبداو بجوج بإلقاء التعويذة تحت صراخ وترجي ساندرا …

ماريانا وسام فنفس الوقت ) هالا.. فالا.. وايوس..هالا..فالا..سكريوس…

(ساندرا شهقات مخررررجة منلي حل سام عينيه ومباشرة هز جبار يدو عاطي الإشارة لفارس لي فلبلاصة ديمارا اليخت بأقصى سرعة فاتجاه البوابة …حتى تدفع اليخت بقوووة وسرعة مضااعفة الشيء لي خلا لبنات لي مكمشات فقنت يشوفو فجنابهم حتى بانليهم سليم ووسيم متحكمين بمياه البحر بقوة التحكم بعنصر المياء بحيث كيدفعو اليخت للأمام بضخ الماء …فحين فارس تحرك شد جمانة من دراعها جرها من وسط البنات ويالاه غاتهضر حتى خنزر فيها ..سكتات حانية راسها …نفس الشيء دارو خليل جر هاندا من وسط البنات لاح عليها فوطة وقال ليها ببرود تنشف راسها …أما مالك فا غير قرب من أميرة بدات تبكي ..خنزر فيها وهي تسكت … فحين وسيم خدام كايتحكم فالماء من الجهة اليمنى لليخت وعينيه على سماح مخنزر فيها وهي غير كاتسرط فريقها ….أما عصمان فاكايشوف عادي فزليخة …..

فحين جبار فا مربع يديه و واقف فمقدمة اليخت وهو كايشووف فيها…اليخت لي قطع بوابة التنين ومتاجه لليابسة بسرعة قصوى…..وجبار يالاه غايتلاح فالماء حتى بانتليه ساندرا عطاتو بالظهر ومشات كاتجري تدخل للغابة زييير على يديه ونقز من اليخت باستعمال قوة ^القفز البعيد المدى ^ بحيث تعلى جسدو ونقز بمسااافة كبيييرة من اليخت حتى للشاطىء…)
🍀🍀
على الشاطئ ..وعند ساندرا لي صوتها بح بكترة الصراخ وهي كاتشوف فعمها وخالتها يلقيان تعويذة الفتح ^ باش يحلو الجزيرة المغلقة في وجه المتحولين والهجائن …حتى خرجات عينيها وجاتها اللقوة منلي بانتليها قلادة عين الثنين القرمزية توقفت عن التوهج ..تطفا النور لي كان فيها بمعنى أنه الجزيرة تفتحات وأي متحول يقدر يدخليها …حركات راسها بلا وهي كاتشوف اليخت تحرك بقوة وسرعة ناحيتها وجبار مخننزر فيها …وبحركة لا إراادية ولا واعية استدارت ومشات كاااتجري هاربة منو في اتجاه الغابة …..كاتجري بأقصى سرعتها وبلا عقل ويالاه غاتدخل للغابة حتى ظهر قدامها بقوة تنقلو وهي مع السرعة باش كانت كاتجري زلقات ليها رجلها مع الرملة وتخبطات بقوة مع صدرو لدرجة رجعات للخلف دايخة يالاه غاطيح حتى بسرعة شدها من دراعها بيد جرها بعنف عندو حتى تقابلات معاه مخرجة عينيها فيه …ويدو الأخرى هزها حتى للسماء ينزل عليها بتصرفيقة قوية…..يتبع

Leave a comment

  1. 😭🔥 الأحداث نار جيتو حتال الجزء المشوق عاد حبستو بلييز التتمة امتا كيتحطو الأجزاء

  2. واو عفاكم حطوا لاجزاء لاخرين دغية. القصة ولات ناااار عفاكم متبقاوش تعطلوا 💋😍😭

  3. مرضتوووونااا والله منااااقص انا غادي نحذف كااع هاد قصص ستار من تلفوني

    1. kifach 3iya9na akhti al9isa rah ankatiba liba9i la7tat walo

    1. واختي كوني غير كادوي بعقلك راه قصه طور الكتابه يعني مازال ماكاملا كانحطو ليكم اجزاء جديده كلما كانو..