Skip links

قصة : الوحش وذات القزحتين الجزء 2 ( عشق جبابرة) ج 49

 41,880 عدد مشاهداات

💜تتمة الحزء 453💜

ماريانا ابتاسمات ) شكرا ماي ليدي ولكن عفينا من العشاء الجماعي (أشارت لسام ) سام كياكل غير بوحدو منلي كان صغير… وهو بطبعو منعزل ونادر الكلام فا عذريه إذا ماجاوبكش..وأنا منقدرش نخليه غير عفينا من أي تجمع …

 

شيماء : براحتكم أي شيء احتاجييتوه غير طلبو الخدم..وأي استفسار او اي شيء أنا واللورد جاسم وكل لستاركس مستعدين للمساعدة … وعندكم كل الحرية في التنقل براحة فكل أركان القصر واستعمال كل مرافقو من صالة سبور المسبح الصونة وقاعة السنيما إلى غيرها … اعتابرو نفسكم فقصركم …

 

ماريانا شكراتها ..وشيماء خرجات خلاتهم …وهكذا مر الوقت حتى لليل تعشاو لستاركس بوحدهم بدون ماريانا وسام ..وبعدها كل واحد توجه لجناحو…

🍀🍀🍀

 

فجناح جبار… ساندرا فدريسينغ لبسات دوبياس فالأسود مشبكين مع بينوار أسود طوييل من الحرير وجلسات أمام مرايتها ..

.كاتشوف فنفسها ..هزات كريم كاتدهن منو وعينيها على كتاب التعاويذ لي محطوطة فوقو قلادة مفتاح التنين …كاتدهن فلحمها وهي سااااهية فيهم حتى سمعات رنت هاتفها معلنا عن وصول رسالة …هزاتو وحلاتها لقاتها من رقم غريب مكتوب فيها ^^ غدا مع 8 صباحا في ملعب لستاركس غايبدأ تدريبنا : ماريانا ^^ …

 

ساندرا سجلات رقمها ووقفات عقدات حزام لبينوار وخرجات من دريسينغ بانليها جبار جالس على سريرهم عاري الصدر لابس فقط سروال كيطمة أسود .وحاط لابتوب على فخضو كايخدم بيه …قربات حتى جلسات جنبو وهو سد اللابتوب وشاف فيها )

 

ساندرا : غدا مع تمنية …

 

جبارقاطعها) : عرفت …

 

ساندرا : كيفاش عرفتي ؟

 

جبار : أي شيء كايوصل لهاتفك كايوصلني…

 

ساندرا تنهدات )اذن فعلا مراقبوليا واش هذا شك ولا شنو ؟

 

جبار : لا بل حيطة ….ثقتي فيك كلية و لو كنت كنشك فيك ولو شوية مستحيل كنت نتزوج بيك …(جرها عندو وهي حطات راسها على صدرو سااهية )

 

جبار : غني ليا …

 

ساندرا خرجات عينيها وهزات راسها شافت فيه مزنكة ) صوتي فالغناء خاااايب …

 

جبار : خليني نسمعك وغانحكم ؟

 

ساندرا مزززنكة ) راه غاتندم والله (سهات مبتاسمة ) فدارنا فساو ميغيل كنت غير كنبدأ نغني كاتشير عليا جدة بكصرونة …وواحد نهار مشفتهاش واش ناعسة ودخلت للدار وأنا كنغني وفاقت مخلووعة قاتلي اللهم الصمك والا صوتي فلغناء…

 

جبار دار نصف ابتسامة وهو كايلعب فشعرها البوكلي وساهي فتفاصيل وجهها ) غير غني….

 

ساندرا توترات بدات تعراق ) آش نغني …

 

جبار :لي بغيتي …

 

ساندرا تكعدات جالسة جنبو وربعات رجليها ) واخا أحم أحم غانغني واحد الأغنية فرنسية قديمة كاتعجبني أحم أحم وشوف باش مايضروكش ودنيك ركز عالكلمات ماشي على الصوت …

 

جبار : واخا …

 

(ساندرا غمضات عينيها وبدات كاتغني أغني^^Ma philosophie^^ d’Amel Bent //بصوت رقيييق ومجهد كاااااتغووووت وتطووووول فالكلمااات بطريقة كاتصمد )

 

ساندرا :Je n’ai qu’une

philosophieeeeeeeeee

Être acceptée comme je suissssss

Malgré touuuuut ce qu’on me diiiiiiiiiiiiiit

Je reste le poing levééééé pouuuuuur leeee mm (وسكتات وحلات عينيها ملي حط جبار يدو على فمها …شافت فيه لقاتو مخررج فيها عينيه)

 

جبار : صاف سكتي تيقتك ..آه الحب أعمى ولكن ماشي لدرجة نقول على صوتك زوين ويلا عاودت قلت ليك غنيليا أنا عاطيك الحق وكل الحق تصرفقيني باش نفيق (وخشا صبعو فأذنو كايحكها ) واااو كون كانت عندك قوة الصوت كون صفيتيها لكل من فوق هاذ الكوكب من كائنات حية …

 

ساندرا مزززنكة وعينيها عمرو دموع ) وراه قلتهاالك صوتي خايب فلغنى نتا لي بززتي عليا نغني …

 

(جبار هز راسو شاف فيها لقاها بغات تبكي وضحك وجرها عندو تكاها وتكا فوقها وجهو مقابل مع وجهها )

 

جبار : ششت كنعتاذر ماقصدتش ولكن فعلا صوتك فالغناء كايصمك…

 

ساندرا : وراه عرفت ولكن نتا صوتك زوين وبزاااف …

 

جبار : آه خديت الموهبة من لواليدة كون تسمعي غنائها أحسن صوت سمعتو فحياتي هو صوتها ..واش نغني ليك ؟

 

ساندرا : آه ونفس الأغنية لي كنتي كاتغنيها ملي كنتي خاطفني أغنية ^^ just the way you are ^^كنت كل صباح كنفيق على صوتك ونتا كاتغنيها …

 

جبار مبتاسم ) خلي حتى لصباح تفيقي ونغنيهاليك أما دابا غانغنيليك وبالعربية وركزي باش تفهمي الكلمات …

 

ساندرا : واخا…

 

(جبار خنزر وبدأ الغناء بصوت رائع وهو ساهي فعيونها )

 

جبار :عم تسألي شو بدي منك…بدي ولا يوم أبعد عنك…اوعاكي تخيبيلي ظني وأنا بعمري ما بخيب ظنك..تتذكري أنتي وعدتيني ضلي حدي مواجهة عيني…لو لحظة بتغيبي عني ميت العادي بتلاقيني…الوعد وعد نحنا لبعض…ممنوع الزعل ممنوع وممنوع البعد….الوَعْد وَعْد نُحنا لَبَعَّضْ…مَمْنُوع الزَعَل مَمْنُوع وَمَمْنُوع البُعْد/// خننزر فيها ونطق وهو كايغني////ممنوع حدا يحاكيكي كلمة…ممنوع لغيري تِبتسمي…من ما سألكْ شو إسمك

بتقوليلو إنك ع إسمِي

أنا روحي إلك خلقانة وإنتي بدمي مشيانة…أنا وانتي عن بعضنا ما فينا نبعد ثواني…الوَعْد وَعْد نُحنا لَبَعَّضْ….مَمْنُوع الزَعَل مَمْنُوع وَمَمْنُوع البُعْد…كل ما غبت عنك ثواني برجع بشوفك حلياني

نيالو ها الحلا فيكي ونيالي الله شو عطاني…كل حياتي انا عاطيكي ….حاطط كل أملي فيكي

ضلي حبيني وضلي كل حياتك الله يخليكي… الوعد وعد ونحنا لبعضْ ….

 

(ساندرا كاتتنفس بسرعة وساهية فعينيه وهي متبعة ومركزة فكل كلمات الأغنية حتى كملها …الأغنية لي فهماتها كلها ….. وفهمات أنها أكتر من أغنية بل تقصد يغنيها وعن طريقها يزيد يأكدليها موقفو ….وهو كمل الأغنية وسكت كايشوف فيها )

 

جبار : فهمتيها ؟ 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🕯الجزء 454🕯

جبار : فهمتيها ؟

 

(ساندرا حركاتليه راسها بآه ..وهو تكا وخشا وجهو فعنقها وباسها فيه….)

 

جبار : إذن ماتنسايهاش ….

 

(ساندرا ابتاسمات وبقات ساهية فأفكارها لثواني )

 

ساندرا : جبار نسولك ….(سكتات شويا كاتسنا ردو مجاوبهاش وكعدات راسها بانليها نااااعس وحطات يدها كاتدوزها برفق على شعرو وهي مبتاسمة وكاتفكر فكل هاذ الكم من الحب والهوس والعشق والتملك لي كايبين ليها وتعلقو التشددي بيها لي عمرها تخيلات غاتلقا رجل يبغيها بهاذ الطريقة …وللحظة دمعو عينيها وزيرات على فمها وبدات تبكي بالحس ملي تذكرت أنه يقدر يجي واحد الوقت لي غاتتفرق معاه ..وأكيد الشيء الوحيد لي غايقدر يفرقهم هو الموت وأشنو غايوقع ليه من بعدها ….. بقات ساااهية فأفكارها وماحسات حتى نعساات)

🍀🍀🍀

مرت هاذ الليلة وجانا صباح يوم جديد ….ساندرا نااعسة حتى بدات تحس بقبلو المتكررة فكل وحجهها وعنقها وعضات خفيفة على صدرها …بزز حلات ليه عينها بانليها جالس أمامها وجنبو بلاطو بيه فطور شهي وورد أحمر وعلبة مجوهرات وعلبة أخرى …ورجعات سدات عينيها )

 

جبار هز فيها حاجبو ) أ نوضي أحبيبتي راه 9 هاذي …

 

(ساندرا يالاه غاتقلب للجهة الأخرى تكمل نعاسها حتى حلات عينيها عالجهد وتكعدات )

 

ساندرا : اويلي و التدريب مع 9 تعطلت تعطلت قاتلي التمنية ويلي ….

 

(جبار هز وردة حمراء حطهاليها فشعرها…وحل علبة المجوهرات خذا منها عقد ألماس خفيف عليه جوهرة بشكل تنين ..ركبوليها ..وهز العلبة الثانية جبد منها صندالة بكعب رااقية لامعة ومزينة بوردة كبيرة لبسهاليها وباسها فخدها )

 

جبار : بيرفيكت كاتحمقي…

 

شاندرا كاترمش فالورد والصندالة ) واالو زوينين (تفكرات التدريب وهي تخرج عينيها ) التدريييب

 

جبار : فيقتك مع سبعة مابغيتيش وفيقتك مع تمنية ومابغيتيش وبزز فقتي دابا نعاسك غادي وتايولي أثقل …

 

(ساندرا بزربة حيدات الصندالة رداتها لعلبتها ويالاه غاتنوض بسرعة حتى شدها بين يديه اختفى بها ظهر فالحمام وغير حطها حيدات الدوبياس وتخشات تحت الرشاش كادوش بسررعة وهو سرط ريقو وتكا عالحيط مربع يديه كااايتفرج فيها والماء كايهبط مع كل انحنائات جسدها عينيه فرسوها وغير كايسرط فريقو… وهي غير استدارت تهز الفوطة وهي تلقاه ساهي فيها …نساتو كليا …تزنكاااات وبسرعة لوات عليها الفوطة وخرجات وهو هزها وحط فمو على فمها غير كايبووس بشغف واختفى بها وظهر جنب السرير وحطها عليه وقرب ليها لبلاطو تفطر وهي متووترة حيت تعطلات عرفاتو مغايخليها تخرج بلا فطور … كلات بزربة وهو حاضيها ..تاكملات عاد هزها بين يديه تاني وبدأ كايبوسها واختفى ظهر فوسط دريسينغ وهي بزز بعدات فمها منو)

 

ساندرا : جباار بلا والو رااني معطلة عافاك …

 

جبار لي كان كايبوس فعنقها هز راسو شاف فيها ) عطيني غير ساعة …

 

ساندرا خرجات فيه عينيها وحركات راسها بلا ) بغيت نتدرب (حطات يدها على خدو ) كانواعدك فالليل حتى تشبع ونرقص ليك كاع وشحال مابغيتي …

 

جبار وسع ابتسامتو ) إذن فالليل يا سمرائي (حطها جالسة على فوطوي ) بقاي جالسة غانختارليك ماتلبسي بنفسي

 

(واختفى …ساندرا ناضت وبسرعة نشفات شعرها وسرحاتو وشداتو كوتشوفال ودهنات كريماتها وحطات شوية مكياج …حتى ظهر جبار جنبها لابس سيرفيت سبور سوداء وسبرديلة فنفس اللون ..وحطليها حتى هي سيرفيت سوداء ودوبياس فالأحمر وسبرديلة سوداء لبساتهم بسرعة وهزات عطرها يالاه غاترش منو حتى خسرات ملامح وجهها وشافت فيه)

 

ساندرا : وليت فعلا كنكره العطر لي منهار عقلت على راسي وأنا كنديرو غير هو ….(حطات القنينة ومشات كاتجري لجهتو فدريسينغ هزات واحد من عطورو وبقات ترش ترش ترش ..وبسرعة حطاتو عشوائيا واستدارت لقاتو مربع يديه مخنززر فيها)

 

ساندرا: يالاه يالاه يالاه تعطلنا تعطلنا …

 

(جبار شدها من كتفيها ودورها وأشار ليها للبارفان ديالو ) غاتتحركي وغاتهزيه وتحطيه فمكاانو كييما لقيتيه …

 

ساندرا مخرجة عينيها فلبارفان ) واغير يالاه تنرجعو ونستفليك كوولشي هاذشي نتاعك من لول لابغيتي …

 

جبار :لا الحب مستفيييييييين بطريقتي وماغاتقيصيهمش وملي غانرجعو غاترقصي ليااا أزوينة ديالي وبعدها غان..ويك ليلة كولها …

 

(ساندرا تزنكاات وتنترات منو ومشات كتجري هزات العطر رداتو بلاصتو وشافت فجبار )

 

ساندرا : صافي ؟

 

جبار : كحزيه شيوة لليمن …

 

(ساندرا كحزاتو )

 

جبار : زيدي شوية ليسر .. ■□تتمة الجزء 454■□

جبار : كحزيه شيوة لليمن …

 

(ساندرا كحزاتو )

 

جبار : زيدي شوية ليسر ..

 

(ساندرا عضاات شفتها بغقصة ..وكحزاااتتو لليسر )

 

ساندرا : صافي ؟

 

(جبار ابتاسم وتمشى حتى وقف أماما ودور يدو حول خصرها وتحنى خشا وجهو فعنقها وأخذ نفس عميييق )

 

ساندرا :فراسك راك عندك وسواس قهري كايتسمى وسواس الترتيب المصاب بيه كايحتاج لأن يكون كل شيء حولو وخصوصا أشيائه مرتبين وفقًا لنظام معين، وفي حالة العكس يحدث للمرء ضغط نفسي حاد وخصوصا ملي تكون الأشياء فى وضع غير منظم….

 

جبار كايبوسها فعنقهاي ونطق )رااني عاارف وأنا موسوس اكتر بيك نتي …(ودوز لسانو مع طول عنقها وبيديه كايبعج مؤخرتها )

 

ساندرا : بغيت واحد لحاجة ؟

 

جبار شاف فيها ) آمري …

 

ساندرا سرطات ريقها ) ماريانا وسام أحم مابغيتش تبقا معاهم فشد ليا نقطع ليك وتبقا تستافزهم وت…

 

جبار قاطعها ) رااه هااذيك خالتك لي بكل وقاحة كاتخنزر فيا وكاتشوف فيا بكره وحقد بحالا أنا لي كنت كانظل نقتل فبني صنفها …ماكاتحتارم تاواحد وبصفتي اللورد الأول بزز عليها تحتارمني بزز علييها فحضرتي تحني راسها ..ياك شفتي كل قياد العشائر شفتي تعامل واحترام عشيرتي ليا …هي باش زايدة عليهم مثلا ؟ كون غير كانت هي فعلا الكونتيسة الاولى دالسحرة نقول ممكن جاات معاها ههه ولكن هي شدات منصبك وتيقات راسها مسكينة … ونقوولو مثلا كون كنت أنا مجرد متحول عااادي ..ماحملاتنيش تانا راه مستحيل نسرطها فا عالأقل تحتارم أني راااجلك ماشي هضرة جوج تقوليك يالاه معايا أو تهضر باحتقار وتصغير عن زواجي بيك ..وكل نظراتها ليا كره واحتقار ..فا احترم تحترم لو حسيت باحترامها غانحتارمها ونهار نتيق فيها هي وهذاك عمك تعاملي غايتبدل معاهم ….شيء آخر ماتطلبيهش مني حاليا…

 

ساندرا حنات راسها بحزن ) واخا …

 

جبار شد يدياتها باسهم ) نتي خليك غير فتدريبك وديري فبالك معاشرك هم معاشري كيما انا واقف على عشائري وحاميهم غانحمي حتى سحرتك خاس غير يتقبلوني كنواعدك مغانظلمهمش وقانوني غايكون فوق العادل بالنسبة لهم ….

 

(ساندرا ابتاسمات ليه وهو خشا وجهو فعنقها تاني كايبوس ويعاود ومبغا يشبع )

 

ساندرا سرطات ريقها ونطقات وهي قربات تبكي ) و باراكا بوسااان رااه تعطلنااا…

 

جبار : ششششت تهدني اه نتي لي حلوة حد الجنون (باسها فأذنها ونطق ببرود ) ماتنسايش كل ماوصيتك عليه ..وإييلا نسيتي فشي لحظة فقط تفكري غير الأغنية لي غنيت ليك (واختفى بها بقوة التنقل….)

🍀🍀🍀

ونمشيو لجناح سليم لي فاق على الحس فجناحو …كعد راسو بانتليه سميحة خارجة من دريسينغ وهي مدورة شال على عنقها وفمها ونيفها …وجارة فاليز وغاديا بيها حتى لجنب الباب حطاتها جنب جوج آخرين ورجعات دخلات للدريسينغ…سليم تكعد مخنزر ووقف جنب هاذوك ليفاليز كايشوف فيهم ..حتى خرجات تاني من دريسينغ هازة آلة الكمان ديالها … شافت فيه وحطات يدها على الشال لي فأنفها ونطقات)

 

سميحة : فقتي جر معاك دوك لي فاليز جر ديهم ليا لجناحي لقديم…

 

(سليم مسح على وجهو وأخذ شهيق زفير كااتم عصبيتو ابتاسم ليها ونطق)

 

سليم : صباح الحب أحبيبتي (أشار لليفاليز) هااذو لاش ؟اشنو تاني هاذ المرة؟؟؟ باش حلمتي ؟؟؟ أشنو قاليك لمسطي دمخك ديري هاذ المرة ؟

 

(سميحة ربعات يديها مخنزرة وكاتتنفس غير من فمها أما نيفها مسدود بالشال)

 

سميحة : هاذو حوااايجي خرجتهم عتقتهم من دريسينغ ديالك لخانز وغانمشي لجنااحي لقديم …

 

سليم مبتااسم بفقصة ) علاش أحبيبتي ؟

 

سميحة : حيت نتا قولبتييني لبارح كاااتحزرني ننعس فالجناح وغير نبقااا واعدتيني ماغاتجيش حدايا وغاتنعس فوق لفوطوي لهيييييه بعيد مني وتخليلي السرير كولو ليا باش ماتخنقنيش بريحتك لخانزة ألخانز…وغير نعست جيتي حدايا وملي فقت صباح لقيت راسي ناعسة فوقك ماحشمتيش ألكداب ساعة وأنا فطواليط كانتقيا ؟

 

سليم كايعض فشفايفو بعصبية ) واا سميحة الله يهديييك

 

سميحة : أوتقووووووول رييحتك كنعيفها غانبقا نبات فجنااحي حتا نولي نشمك ونقول أحلالاه بحال شحال هاذي …(ويالاه حلات الباب حتى دفعو بيديه سدو ونطق)

 

سليم :غانبقا ندوش كل ساعة غير بقاي ونبدل لبارفان وكل شيء غيير بقاي …

 

سميحة : واراه المووشكييل تاوجهك خايب ماشي غاريحتك …

 

سليم شد راسو ) غير بقاي وماتشوفيش فيا ؟

 

سميحة : وا لا وراه ماشي أنا لي ماحاملاكش راه ولدك فا خليني بخاطري ..صباح راه كنت غانتقيا مصارني ونتا نااااعس مع راسك (ويالاه غاتحل الباب تاني حتى شد يدها وشافت فيه )

 

سليم : صبري عندو حد يا سميحة فا امتا غايكمل هاذ لوحم ديالك…

 

سميحة شافت فبطنها ) سول ولدك …

 

(سليم هو الآخر شاف فبطنها وابتاسم وتحنا على ركابيه وحط يدو على بطنها)

 

سليم وهو مبتاسم ) باش عرفتيه ولد ؟

 

سميحة : غير قلت وصافي ماعرفتش…

 

(سليم عنقها من خصرها وحط راسو على بطنها …وهي حطات يدها على شعرو)

 

سليم : مزال مكاتحسي بطاقتو ؟

 

سميحة : لا ونهائيا ونتا بقوة رادار استشعار وتحديد القوى ..مكاتبانشليك اشنوهي قوتو …؟

 

سليم :لا مزال …🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🕯الجزء 455🕯

سليم :لا مزال …

 

سميحة تنهدات ) واخا إيلا كان ولد بغيت تكون قوتو بحالك أو بحال اللورد جبار ويلا كانت بنت بغيتها قزحية فاتنة بحال ماماك أو جمانة ….

 

سليم ساهي كايتخيل وهو مبتاسم وباسها فبطنها ) هاذ الخصر النحيف ولكريشة الصغييرة غاتنفخ وهي هازة طرف مني

 

سميحة : آه ومن دابا نقوليك غاتجيب ليها أطباء مختصين فالتوليد والوزن مابعد الولادة بغيت نرجع لرشاقتي

 

سليم : طبيبات أحبيبتي وأكيد أي شيء بغيتيه ..وحتى شعرك بغيتو يرجع يطوال كيما كان …

 

سميحة : لا عااجبني قصير

ودابا طلقني نمشي راه تخنقت وأنا كنتنفس غير من فمي …

 

سليم تنهد ووقف وهز ليها لي فاليزات بتلاثة )يالاه غانوصلك لجناحك القديم وتقدري تبقاي فيه براحتك حتى تفوت فترة وحمك ….ولكن ماتمنعينيش نشوفك او نلمس بطنك

 

سميحة ابتاسمات حركاتلو راسها بواخا وخرجات من الجناح وهو تابعها هازليفاليز …

🍀🍀🍀

فوسط غابة لستااركس لي خلف القصر … وبالضبط وسط ملعب الكورة الخاص بآل ستارك …نفس الملعب لي كانت كاتدرب فيه زليخة ساندرا ….واقفة ماريانا هي الأخرى بسيرفيت سبور سوداء كولون وقبية ميني بوط …وشعرها البوكلي جامعاه سفنجة ….كاتمشي وتجي معصصصصبة …وجنبها واقف سام مريبع يديه وكايشوف فيها )

 

ماريانا : أععع سااعة ونص باش كان خااسها تكوون هنااا أكييد هذااك النرجسي لمعفر ديالها لي عطلها بلعاااني بااش يفقصنيي وتلقااه كايحرشها علياا ماتحتارمنيش كمدربتها وكخالتهااا (ضربات الأرض برجلها حتى طار العشب ) أعععع كوون غيير مكااانش هو اللوورد الاول و كوون غير مكانتش عندو ديك 90 قوة وكايخلع…. كون بربي تانجمعو بنص يطيح للأرض ونتحنا عليه نبقا نعطييه نعطييه نعطيييه نعطييه نعطيييه نعطييه تانركش على والديه نييت ونوقف نستارح ونرجع نحتحنى نبقا نعطييه نعطييه نعطييه نعطييه نعطييه نعطييه نعطييه…

 

سام هاز فيها حاجبو ) تهدني ….

 

ماريانا : أمااامهدناااش ماامهدناااش وداك النرجسي كايفقص فياااا أعععع لخراي لاخر لمخنزر المتكبر لمعصب لمصعصع لمصعوور ل…(وسكتات قافزة ملي ظهر جبار لي معنق ساندرا أمامها مباااشرة …وجبار خنززر فيها حتى حنات عينيها ..حيت لقاها مخنزرة فيه …أما ساندرا مزننكة )

 

جبار غوت ) : صباح الخير على النْسااب هانية بيخير ارتاحيتو فالقصر وأكما خصاتكم شيحاجة ؟(شاف فسام وبالضبط فنيفو ) أهاه بريتي دغيا أصَّاحب ولكن لابغيتي أخرى قولها مرحبا بيك فأي وقت

 

(ساندرا مزنكة وهي كتقرص فيه وهو شاف فيها ونطق بهمس )

 

جبار : هدااي راه غير كندير فالصوااب …

 

ساندرا : احم صباح الخير (وشاف فيها وفسام )وكنعتااذر على التأخر …

 

ماريانا بزز ابتاسمات ونطقات بهدووء ) هانية غير حاولي مرة اخرى تلتازمي بالوقت…

 

جبار : ويلا ما التازماتش آش غايوقع كااع …

 

(ساندرا كاتقرص فيه ..وماريانا مسحات على وجهها وشافت فساندرا)

 

ماريانا :واجدة ؟ نبداو ؟

 

(ساندرا حركاتليها راسها بآه )

 

ماريانا :غانبدأ معاك بعصر النباتات حتى تتحكمي بيه كليا وتولي تقدري تمتصي الطاقة السحرية من الأعشاب وديك ساعة ندوزو لعنصر آخر …

 

ساندرا : النار الحيوانات الشمس القمر الهواء التراب واش غاتقدري تدربيني عليهم ونتي ساحرة عنصر أعشاب ؟

 

ماريانا حركات راسها بآه ) التراب والأعشاب عنصرين متداخلين فا سهل بزاف ندربك عليهم شفويا وتطبيقيا …وباقي العناصر مغانقدرش ندربك تطبيقيا عليهم ولكن غاندربك شفويا ونتي غاتطبقي …

 

ساندرا : واخا ….

 

ماريانا شافت فجبار ) أحم ممكن تخرج من الملعب نتا وسام لورد ستارك …

 

(سام مباشرة نفذ وتمشى حتى خرج من الملعب ووقف جنب شجرة أما جبار ابتاسم ونطق )

 

 

جبار : لا أخالة ساندي ديالي أنا مامحركش من هنا بغيتي تدربيها دربيها وهي حدااايا وبين يديي …

 

(ماريانا زييرات على يدها وشافت فساندرا …هاذ الأخيرة لي تنهدات واستدارت شافت فيه ونطقات بهمس )

 

ساندرا : جباري…

 

جبار حنا عينيه شاف فيها ) روح جبار …

 

(ساندرا حطات يدها على خدو مززنكة كاتهضر بهمس وهي كاتشوف فماريانا بنص عين حشمانة منها)

 

ساندرا : خرج من الملعب وبقا حاضيني من بعيد …

 

جبار خدا يدها لي على خدو باسها ) لا أحبيبتي من حداك مغاديش نتحرك ومانأمن نخليك مع تاواحد (خنزر فماريانا كايطلع فيها ويهبط ) تخرج هي من الملعب وتدربك عن بعد…

 

(ماريانا عطاتهم بالضهر ونتفات راسها مفقووصة وكاتعاير فيه بهمس وبلغة السحرة )

 

(ساندرا تنهدات وعرفات مغاتنفعها معاه غير الحيلة )

 

ساندرا : أحم حبيبي (جبار شاف فيها مبتااسم) وصاف عافاك هانتا وقف لهيه (أشارت ليه لجنب سام ) وماتخافش عليا ماريانا مستحيل تآذيني (وبدات ترمش فعينيها )

 

جبار ضحك مبتااسم وغوت ) ياااا جنية ….

 

ماريانا قفزات …وساطت بملل واستدارت شافت فيه )نعام لورد ستارك؟ ■□تتمة الجزء 455■□

جبار ضحك مبتااسم وغوت ) ياااا جنية ….

 

ماريانا قفزات …وساطت بملل واستدارت شافت فيه )نعام لورد ستارك؟

 

جبار مبتتااسم ) راه نسمعها قالت أح …غانجي ندفنك حية فهمتي (وغمزها)

 

(ماريانا سرطات ريقها ..وساندرا خرجات فيه عينيها )

 

ساندرا :جباار راه مم….(سكتات مخررجة عينيها ملي طار عليها ببوسة وقدامهم كايبوس فيها كيما بغا سرط ليها فمها عاد طلقها كايضحك ..شاف فماريانا مخنننزر واختفى من مكانو ظهر واقف متكي على الشجرة لي جنب سام ..ربع يديه وديق عينو فساندرا وماريانا )

🍀🍀

داخل الملعب ماريانا عاد تنهدات براحة ملي خرج جبار …قربات من ساندرا ونطقات بلغة السحرة …حيت عرفات جبار غايكون كايسمعهما بقوة التنصت )

 

ماريانا : أختي بااازليك معاااه نااااري مستفز لأبعد الحدوود…كايفقص ومعصب غير مع حوايجو

 

ساندرا خنزرات فيها ) خاسك تهضري عليه باحترام …وراه غير كايبانليك تيقيني ملي غايولي يتيق فيك نتي وسام غايولي يتعامل معاكم برقي كفردين حقيقيين من عشيرو ..ومعايا أنا راه قلبو من دياموند …

 

ماريانا هزات فيها حاجبها ) حيت مزال ماغلطتي معاه نهار تغلطي ومن الغلط الأول والله ماغايعقل عليك يا ساندرا غايجري عليك هاذشي لماقتلكش وعائلتو كولهم غايجريو عليك وعقلي على كلامي …فا ديري عقلك ويالاه معايا أنا وعمك حد مزال عندنا الوقت ….يالاه معايا لمعاشرك لعائلتك دبصح

 

ساندرا : نتي وعمي على راسي وكنواعدك حتى متحول مغايآذيكم أو يحتاقركم أو يستاغلكم و مرحبا بكم وبأي ساحر آخر من سحرة الخير فأي شيء احتاجيتوني وفقصري ووسط عشيرتي إذا بغيتو تبقاو معايا دائما غانفرح ولكن أماريانا ماتعاوديش تطلبي مني نخليهم حيت أنا عائلتي الحالية هم لستارك …وعافاك ماتدخليش فعلاقتي براجلي نغلط معاه أو لا …يخليني او يجري عليا يضربني كاع …هذاكشي بيني وبينو ….وغانعاود نقوليك بلاصتي هنا فينما كان جبار غانكون

 

ماريانا تنهدات ) وشكون غايقود معاشرك ؟

 

ساندرا : أنا…. غير نكمل تدريبي غانعيط ليهم كلهم …

 

ماريانا :مستحيل يجيو إيلا بانو غايهجمو عليهم آل جوفر …خاسك نتي تمشي عندهم لمقر معاشرك

 

ساندرا : ماغايآذيهم تااواحد ماغانسمحش بهاذشي …

 

🍀🍀

خارج الملعب وعند جبار لي فعلا مستعمل قوة التنصت ومخننزر حيت مافهم حتى كلمة من حوارهم لي بلغة السحر …تنهد بعصبية وغووت )

 

جبار : كاااانظن نبهتك يا ساحرة ماااتهضريش معاااها بلغة الجنوون فحضرتي …وواش ماغااتبداايش هااذ التدرييب جاايبهااليك هنا باااش تهضري معااها..؟

 

(ساندرا وماريانا شافو فيه ..)

 

ماريانا نطقات بزز ) كنعتاذر لورد …

 

جبار غوت ) مااعندي ماندير باعتذاارك ..وباراكا من لهضرة الخاوية وبدااو فالتدريب…

 

(ماريانا زيرات على يدها بغيض …وشافت فساندرا …وجلسات على الگازو او عشب الملعب مربعة رجليها فوضعية اليوكا …وساندرا دارت بحالها وجلسات مباشرة أمامها …)

 

ماريانا : تنفسي بعمق ..وبعدها غاتغمظي عينيك …وفقط غاتبعي صوتي …

 

(ساندرا دارت داكشي لي قالت لها خالتها)

 

ماريانا : ماتحليش عينيك نهااائيا حتى نقولها ليك صفي ذهنك ..أي شيء كاتفكري فيه وشاغل بالك نسايه دابا فكري فشيء واااحد فقط لي قوليه وعاوديه وعاوديه وعاوديه فنفسك وهو ..^عنصر الأعشاب^ …

 

(وسكتات …ولمدة نصف ساعة تقريبا وهي غير كاتشوف فساندرا لي مغمظة عينيها وتنفسها منتظم ..ماريانا مخليااها تركز ….والمكان هااادئ كايتسمع فيه فقط صوت زقزقة العصافير ..وصوت الأشجار لي كايحركها ريح خفيييف ) ■□تتمة الجزء 455■□

🍀🍀🍀

 

خارج الملعب …جبار وسام واقفين بنفس الوضعية ..وساكتين..وجبار عين على ساندرا وعين على سام حااضيليه عينيه أكما كايشوفليه فساندرا ديالو ..ولكن كايلقاه كايشوف غير فماريانا وبجمود….وفنفس الوقت كايتحسس طاقتو السحرية لي قوية ….وكايقارنها بين الطاقات ليكان حس بيها سابقا للسحرة امثال دريكور ..ثيون..وباقي السحرة دالسحر الاسود ليكان قتل فالجزيرة الخضراء

🍀🍀🍀

داخل الملعب …ساندرا قربات تكمل ساعة وهي بنفس الوضعية ومغمظة عيونها ….وماريانا كاتشووف فيها …)

 

ماريانا : ودابا بعدما صفيتي ذهنك وركزتي كل تفكيرك على عنصر واحد لي هو الأعشاب ..بغيتك تمدي يديك بجوج وتحطيهم على لگازو ..)

 

ساندرا مغمظة عينيها ودارت كما طلبت منها ماريانا …حطات يديها بجوج على لكازو او العشب )

 

ماريانا: ودابا بغيتك تحسي بالطاقة المنبعثة من الأعشاب لي لامسة بيديك …ركزي كليا على حاسة اللمس ..تحسسي الأرض التربة والأعشاب بيديك …وإذا حسيتي بطاقة الأعشاب حركي راسك بآه بدون ماتهضري وبدون ماتحلي عينيك …

 

(ساندرا خدات نفس عميق ..وبدات تحرك يديها على الأعشاب ….لمدت ساعة أخرى كاملة وهي على نفس الوضع فقط كاتلمس فالأعشاب ..بدون ماتحس بوالو ..خسرات ملامح وجهها وجاتها البكية وهي مغمظة عينيها وكاتتسائل داخلها ..واش هي فاشلة لهاذ الدرجة …طاحو دموعها ..لي شافهم جبار وخننزر ويالاه تحرك ناحيتها حتى وقفو سام… لي وقف أمامو بلا مايهضر )

 

جبار مخننزر فيه) حيد من قدامي …

 

(سام فقط كايشوف فيه بدون رد…حتى نطقات ماريانا الواقفة خلف سام )

 

ماريانا : ماخاسكش تقطع تركيزها وإلا غاتضربلي كل شيء فالزيرو لورد ستارك ….

 

(سام بعد من امام جبار وقربات ماريانا حتى وقفات أمامو تنهدات ونطقات بهدوء )

 

ماريانا : هذا هو تدريب السحرة كوولو كايعتامذ فقط على التركييز والأفكار واستشعار الطاقات ..ماشي على مواجهات القوى كتداريبكم يتواجهو جوج ضدد بعض بقواهم … لا تدريبنا مختلف كليا و راه ماشي سهل وخصوووصا علييها ..هاذ التدريب لي كاندير ليها دابا دوزتو انا فعمر الخمس سنواات أما هي راه طالعة فالعشرين ..ضيعات 14 سنة دالتدريب…. فا ماغاتجيش بين ليلة وضحاها وتتحكم بعنصر التراب أو الأعشاب أو أي عنصر آخر ..لي كانطلب منك دابا هو تصبر و ماتدخلش فالتدريب ماتشتتش ليها تركيزها …

 

(جبار مخننزر فيها …حول نظرو لساندرا لي مزالها جالسة على حالها..وسط الملعب و سادة عينيها ودموعها نازلين سرط ريقو …واستدار رجع وقف مكانو متكي على الشجرة …وماريانا رجعات دخلات للملعب و جلسات فوضعية اليوكا أمام ساندرا ونطقات بصوت هااادئ )

 

ماريانا : كاتحسي بالضعف ياك ؟ أكتر من ساعة ونتي كاتحسسي فالعشب بيديك وماقدرتي تحسي بحتى شويية من طاقتو وكاتفكري كيفاش غاتقدري تمتصيها تغذي سحرك ونتي ماقدرتيش حتى تحسي بها وتحسي بواحد من أهم عناصرك …

 

(ساندرا لي مزالها مغمضة عينها سرطات ريقها )

 

ماريانا : هاذ الضعف لي كاتحسي بيه دابا حوليه لقوة …عنصر الأعشاب ماغاديش يغلبك ياساندرا لا هو لا باقي العناصر …وديجا شفت تعويذة الإنبات لي طبقتي لبارح …انبثتي شجرة بتلك الضخامة وفي ثواني بسرعة ..راه مستحيل ساحر من عنصر آخر يطبق تعويذة الإنبات بنفس الإتقان والسرعة لي طبقتيها بيهم لبارح …وهاذشي كايدل على انك متمكنة من عنصر الأعشاب خاسك غير تحسي بهاذشي فأعماقك

وتيقي فراسك..ودابا غانعاود نقول ليك ركزي كليا على حاسة اللمس يا سااندرا حااسة اللمس ..تحسسي الأرض التربة بيديك والأعشاب بأصابعك …ركزي كل طاقتك وقوتك فقط في الإحساس بطاقة عنصر الأعشاب …وإذا حسيتي بها حركي راسك بآه ….

 

(ساندرا حبسات من البكاء تنفسات بعمق ..وبدأت تاني كاتلمس فالأعشاب ..وماريانا حاضية ليها يديها …مرت ربع ساعة ..ونصف ساعة أخرى وساندرا غير كاتحاول ..وماريانا سرطات ريقها وحولات نظرها لسام المتفرج لي جنبو جبار ….سام ابتاسم ليها وحتى هي.. ورجعات نظرها لساندرا ….

 

(جبار لي شاف نظراتهم لبعض وابتسامة سام ..ضحك باستهزاء ونطق بدون مايشوف فيه )

 

جبار : هيهو يا سيد روبوكوب فين جا مقر المعاشر السبع بالضبط ؟

 

(سام ماجاوبوش وحتى ماشافش فيه واقف بجمود ..وجبار هز فيه حاجبو )

 

جبار : ماكدبتش عليك نيت راك روبوكوب فا بلا ماتجاوب غانعرف بطريقتي ….

/روبوكوب robocop عنوال فيلم عن رجل آلي /

🍀🍀🍀 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🕯الجزء 456🕯

..نخليوهم فالتدريب ونمشسو عند …. هاندا لي فاقت متحمسة وعاجبها الحال…حيت وصلها إيميل من طرف مانادجر خليل تجي للشركة مع 12 زوالا من أجل بروفات تمثيل الإعلان وجلسات تصوير او فوطوشوت …

 

هاندا فرحاانة حيت غاتكون هي المودل لي غاتصور مع خليل الاعلان.. وجدات راسها وتأنقات وخرجات من القصر ركبات طونوبيلتها متوجهة لشركة خليل لي وكما سبق وذكرت شركة مختصة بالمنتجات الرجالية كالعطور ولي برودوي دالشعر والكريمات الخاصة بالرجال لي كلها ضمن ماركة خليل.. حتى ان كل الاعلانات والإشهارات لي كاتروج لهاد المنتوجات الشركة نفسها هي المكلفة بتصويرهم خليل بالاضافة لأنه صاحب الشكرة والماركة باسمو فهو المودل الأول والوجه الإعلاني الاول لشركته ….

 

بعدما وصلات هاندا بلاصات سيارتها فالبارك ودخلات قصدات الاستقبال..

 

هاندا: سمحيلي عفاك..

 

(كانت فالاستقبال بنت تقريبا قد هاندا فلاج.. شافت فيها ونطقات) باش نقدر نعاونك ا انسة ؟

 

هاندا: انا هنا على قبل خليل احم قصدي انا لي غانصور الاعلان مع خليل آل ستارك..

 

الاستقبال: ااه نتي لي غاتصوري اعلان الشامبو الجديد دالشركة مع السيد خليل..

 

هاندا بتاسمات بحماس ونطقات) ااه انا..

 

الاستقبال: مكان التصوير واجد والمصور تاهو جا هادي نص ساعة .. كلشي واجد كانو كايتسناوك غير توصلي باش تبداو الفوطوشوت..

 

هاندا: اه وفين نلقا مكان التصوير ؟

 

الاستقبال: الطابق الثالث تما فين كايتقامو لبروفات وكايصورو الاعلانات ا انسة..

 

هاندا: هاندا اسمي هاندا

 

الاستقبال: انسة هاندا انا غانعلم منادجر السيد خليل بقدومك.. فور ماطلعي ليطاج الثالث غاتديك لمكان التصوير..

 

هاندا: صافي كانشكرك..

 

(مشات هاندا طلعات فالمصعد تال الطابق الثالث وفور ما تحل لقات قدامها بنت تاهي قدها فلاج هازا فيديها طابليت.. خرجات هاندا من المعصد ماعرفات فين تمشي وسولات ديك البنت..

 

هاندا: عفاك ممكن تقوليلي فين مكان التصوير..

 

(البنت شافت فيها ونطقات) انسة هاندا ؟

 

هاندا: هي أنا..

 

البنت: انا منادجر خليل والاستقبال علموني بقدومك.. تفضلي معايا..

 

(مشات وتبعاتها هاندا تاوصلو لقاعة حلاتها ودخلات و موراه هاندا .. كانت قاعة كبيرة مجهزة بمعدات التصوير من كاميرات واضاءة.. وفبلاصة التصوير واابروفا دارو خلفية للبحر..

 

وفالقاعة كاينة الحركة بزااف.. المصور كايتفقد الكاميرات لي مثبتين فوق بلاطو التصوير وكايتفقد الكاميرا الشخصية نتاعو لي بها غايتحرك وياخذ صور الجلسة من زوايا مختلفة..

 

والمكلفون بالاضاءة وغيرهم كايتفقدو مساءلهم واش كلشي هو هداك قبل مايبداو التصوير.. هاندا كانت غير كاتشوف حتى تحطات يد على كتفها ودورات راسها تشوف شكون.. كان راجل او شبيه راجل او راجل بنت مجموعين فشخص غريب الأطوار .. لابس مايو فالزرق بسميطات كاااشف على كتافو.. والمايو محلول عند صدرو على شكل حرف V .. و لاسق معاه نازل تال فخاذو.. ولابس معاه سروال سليم بالاسود مزير عليه.. ومعاهم طالون حتى هو فالاسود.. وشعرو مطولو تاال الكتااف و مسرحو وداير معاه مقابط فالأزرق.. داير عكر حمر وكايمضغ المسكة ونظارات شمسية على عينيه.. فاليد الليسرية نتاعو كاينة ساعة نسائية وفاليد الاخرى ظاير اسوارة من الذهب .. اظافرو طوال وداير ليهم مناكير فالحمر..

 

و واقف كايمضغ المسكة وهو كايشوف فهاندا لي بدورها حالة فيه فمها معاقت براسها تانطق بطريقة محلونة)

 

الشخص : هااي

 

هاندا شافت فيه) ه ه هاي

 

(جات المنادجر وقفات معاهم وشافت ف هاندا..)

 

المنادجر: انسة هاندا كانقدم ليك مصمم الازياء المشرف على أزياء الاعلانات دالسيد خليل كانقدم ليك جمال..

 

هاندا شافت فيه ونطقات) جمال ؟

(ورجعات نظرها للمصمم لي حيد نظاظرو وعطاهم لمساعدتو وتقدم تاوقف على هاندا ونطق بصوتو لي رققو فالهضرة وهو كايشوف فالمنادجر)

 

جمال: حشوووومة عليك (هز يديه دار حركة شار بها لنفسو وجسدو ونطق) هاد الجمال كامل وتسميه جمال (رجع يمضغ المسكة وهو يشوف هاندا) حبيبة ماتديش عليها انا جولي تقدري تقوليلي غا جولي..

 

(المنادجر شافت فيها بنظرة زعما من نيتك عاد تنهدات ونطقات بنوع من الصراخ) جوووولي ايييلا ساليتي هضرتك شرفنا و ديها توريها اشنو غاتلبس لجلسة الفوطوشوت..

 

جولي مرقق صوتو) وعلاش كاتغوتي احبيبة را كااااانسمعك (دورات وجهها للجهة الاخرى) اوووووف منك..

 

(هاندا لي واقفة بيناتهم غيير كاتشوف وحالة فمها فالطريقة باش كايهضر..

 

جولي شاف فهاندا طلعها وهبطها) ممم مزياانة قوقة مع راسك حسن من ديك المعواجة والمسمومة لي كانت غاتجي تصور مع خليل ديالي (حطات يديها على وجهها وسرحات كاتفكر) اااااااييي لوكان نكون انا لي نصور معاه.. عععع نسخف بالفرحة

 

المنادجر: جوليييي تعطلنااااا

 

(جولي عاد فاقت من احلامها ومشات لهاندا ودورات يديها على كتافها) اجي احبيبة اجي معايا وديريني بحااال صاحبتك..

 

(جمال او جولي أخذ أو أخذت هاندا لغرفة التبديل وتما لقاو الميكاب ارتيست والهير ارتيست كايتسناوهم..جلسات هاندا قدام المراية صايبو ليها شعرها مزيان بحكم اطأن الاشهار بخاص بشامبو للشعر.. وصايبو ليها الماكياج تاهو.. سالاو خرجو.. عاد جاب جمال بواط كبيرة حطها قدام هاندا….)

 

جولي: يلاه احبيبة دبا خاصك تلبسي..🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🕯الجزء 457🕯

جولي: يلاه احبيبة دبا خاصك تلبسي..

 

هاندا: واخا

 

(هاندا حلات البواط لقات فيها دوبياس مايو توني فالأبيض مع بينوار شفااف طرطقات عينيها وشافت ف جمال)

 

هاندا : هادشي لي غانلبس..؟؟

 

جولي وهو كايمضغ فالمسكة) الاعلان او الإشهار غايكون فوسط البحر أحبيبااا أما ظابا غيير بروفا وتدريب واكيد خاسك تكوني لابسة مايو و هادو هوما حوايج البحر…وآخر ماصممت نتي اول وحدة غاتلبسيهم ….

 

هاندا طرطقات فيه عينيها) ولكن انا مانقدرش نلبس هكا..

 

جولي: كيفاش تاني ؟ نتي عارضة وكاتقولي مكاتلبيس هكا..

 

هاندا: ولكن انا..

 

جمال قاطعها) هادشي لي وصلني نصممو يعني هادو لي غايتلبسوو في حالة مابغيتيش نتي كان عليك تقوليها ونجيبو عارضة اخرى..

 

(هاندا سرطات ريقها وشافت فالدوبياس..

 

جمال شاف فيها ونطق) انا غانمشي نعلم المنادجر تجيب لينا عارضة ثانية..

 

(يلاه استدار يمشي تانطقات هاندا)

 

هاندا : لااااا ماتمشيش ..

 

(جمال شافت فيها ونطق مرقق صوتو ) نعام !

 

هاندا: انا غانلبس غي خرج تانبدل..

 

جولي: وايلي على نخرج راه انا لي غانلبسك ونجهزك..

 

(هاندا طرطقات فيه عينيها وغوتات ) كيفااااااش

 

(جمال حط يديه على وذنيه ونطق) اويلي صمكيتيني مالكي تغوتي عليا هكا (حط يد على صدرو ويد فخصرو ونطق) اووف منك خلعتيني .. مالكي اختي مالكي ؟

 

هاندا: امايمكنش تلبسني انا نلبس لراسي غا خرج..

 

جولي: وراني المصمم هنا يعني خاصني نشرف على لبسك..وراني بنت بحاالك أحبييبة غاتعراي لابغيتي …

 

هاندا تزنكات ): غي نلبس ودخل ديك ساع شوفو…

 

جولي: واا عجب هذا.. سنين وانا خدامة عمر شي عارضة جرات عليا…. انا نخرج تاتلبسي وندخل.. جرحتيني هكا (بدا صوتو يغلب عليه البكا) معاطياش قيمة لخدمتي وتعبي أوووف منك (حط يدو على فمو ومشا كايجري خرج وسد الباب من موراه .. بقات هاندا لي حالة فمها وكاتحاول تستوعب اش هاذ الكائن )

 

هاندا: انا ومكانديرش بحالو (طرطقات عينيها) وقاليك سميتو جمال.. زعما يكون عندو فائض فهرمون الانوثة.. ااه ممكن… (شافت فالحوايج لي غاتلبس) دبا انا نلبس هادشي ونخرج به قدامهم ( نشاب بيديها على وجهها لمزنك و عضات شفتها السفلى …. حيدات حوايجها باش جات ولبسات دوك الدوبياس ولاحت عليهم بينوارهم لي كان كاشف كلشي.. يلاه كاتسد حزامو تاتحل عليها الباب ودخل جمال كايشوف فيها )..

 

جمال: وااو كنت عارفهم غايجيوك هوما هادوك..

 

هاندا: كانعتاذر على قبيلة كنتي كاتبكي ومقلق..

 

(جمال كايضحك وهو كايتعوج فبلاصتو ويدو كايديرها على فمو) هههه لا احبيبة ماشي مشكيل ههه انا قلبي هشيش وفنفس الوقت دغيا كانسامح مكاين مشكيل..

 

هاندا: واخا يا ج ج جمال

 

جمال: جوووولي .. الجيم الواو اللام الياء جولي

 

هاندا هزات راسها: جولي (طلعاتو ونزلاتو) ااه جولي فعلا..

 

جمال قرب منها ونطق) دوري حول نفسك نشوف..

 

(هاندا دارت دورة كاملة عاد شافت فيه هو لي مخرج عينيه نطق)

جولي : وااااااو على طرمة عندك..

 

هاندا تزنكات) نعاام !!

 

جمال: ااحح تانا غانفخ طرمتي تولي عندي كي ديالك وهكا نعجبك خليل..

 

هاندا طرطقات فيه عينيها) تعجبك خليل ؟

 

جمال: احح سكتي حشمتييني آآآه وشحال زوين وفسر كاااايحمقنيييي وشفايفو مرسمومين باتقاااان ااحح ياااربي غاااا بوسة وحدة منهم غااا بوسة ولابغات لموت تجي تجيييي..

 

هاندا: اش كاتخربق ؟

 

جمال: ااه بوسة وحدة لو يبيعهالي بالملاين نشريها منو انا بالضعف.. (شاف فيها مخسر سيفتو) عندك زهر احبيبة والله تازهرك مرضي تا خلاك تصوري معاه خليل..

 

هاندا: نتا راك معارفش شكون انا راه خليل..

 

جمال: اااه خلييييل عاارفو كلالاك رااه خليلي على قبلو كايجيو المودلز من اخر الدنيا باش غير يشوفو فييه أححح غاااا شوفة وحدة منو كتقتل .. ونتي ماشي غا شوفة لي تدي منوو (حط يدو على فمو زعما غايبكي ونطق) قلبي الصغير لا يتحمل.. (دار يدو على كتفها) زيدي زيدي زهرك يديك عند فارس الاحلام..

 

(خرجو من الغرفة هو و هاندا ومشاو تاوقفها فبلاصة التصوير امام خلفية البحر.. مد يدو باش يحيد ليها البينوار وهي تشدو وزيرات عليه)

 

هاندا : اش كادير..

 

جمال: حبيبة البينوار مكايتصوروش به خاصك تحيديه..

 

هاندا: ولكن انا..

 

جمال حيدو ليها بزز وخلاها غا بدوبياس) مكاينش لاش نتعطلو مزال .. (حط البينوار على دراعو وتمشا بتعواج تابعد على بلاصة التصوير وبقات هاندا بوحدها غير كاتشوف ويديها مرة على صدرها تغطيه ومرة على فخذاها وهي مزنكة و كووولشي كايشوف فيها تاقربات تبكي..)

Leave a comment