Skip links

قصة : الوحش وذات القزحتين الجزء 2 ( عشق جبابرة) ج 42

 40,816 عدد مشاهداات

■□تتمة الجزء 412■□
ثيون ضحك بسخرية ) وااش من نيتكم سرعتي في إلقاء التعاويذ ولات كاتتجاوز سرعتكم بالأضعااف …وقوة تعاويذي وفعاليتها ولاو لا تقارنون بأي ساحر آخر فهاذ الأرض (ضحك باسمتاع ولاحهم بجوج على الأرض وهما مخرجيين عينيهم ومشلين عن الحركة ….وتحنى قفازي أمامهم وشد يديهم وبدأ في استنزاف طاقتيهما )

ثيون : أحسن شيء دار آلبرت انه سيفطلي أقوى أربع عناصر …(كمل استنزافو وناض استدار عند المرأتيين مخلي خلفو آنخل وكارلوس مجرد جثث )…

يولاندا وليديا مشادات اليدين وكاينطقو فنفس الوقت ) جيلاهار جيلاهاريس جابوديان جيلاهاريس جيلاهار جيلاهاريس جابوديان جيلاهاريس جابوديان جيلاهاريس جيلاهاريس///تعويذة الحصر شفناها قبل مع ساندرا وجبار على الجزيرة الخضراء مليي هجومو السحرة عليهما//

ثيون كايشووف فيهما ويالاه لاح رجليه يزيد عندهم حتى منعو جازر لامرئي قوي من أقوى الحواجز السحرية لأنه مدعم بسحر ساحرتين للسحر الأسود فنفس الوقت …)

(المرأتين سكتو وطلقو من يدين بعض و يولاندا مخرجة عينيها فجسدي آنخل وكارلوس ..شافت فثيون مخنننزرة وتمتمت بتعويذة النار وثواني حتى شعلو يديها بناار قوية لي يالاه غاتوجهها لثيون المحصور داخل الحاجز …حتى منعاتها ليديا …)

ليديا : عندنا أوامر نردوه للجزيرة المنسية وهو حي …

ثيون هز فيها حاجبو ) إذن توأمي ماسيفطكمش تقتلوني (ابتاسم باستهزاء )

يولاندا مخننزرة فيه ) أنت لي كاتقتل فبني صنفك عاار على السحرة ومستحييل نتقبلووك ككوونت عليينا …

ليديا حطات يدها على كتف يولاندا ) تهدني… حنا ماغانقدروش نحركو بيه حاجز الطاقة فا أنا غانبقا هنا نحرسو ..ونتي تنقلي للجزيرة المنسية وجيبي معاك الكونت آلبرت…

(يولاندا حركات راسها بواخا ويالاه غاتبدأ في التمتمة بكلمات تعويذة التنقل حتى قاطعم ثيون)

ثيون : بلاتي أزوينة فين غاديا تسناي نقوليك اش غاتقولي لخوية عاد سيري (وحط يدو على حاجز الطاقة أمامو وهو كايضحك …وليديا ويولاندا مخرجين فيه عينيهم )

ثيون : لافوري هاتبالي لافوري هارمالي بروكينفليكس

(وما احتاجش يعاود ينطق ب كلمات التعويذة مرة أخرى حتى تسمع صوت تكسر الحاجز اللامرئي كصوت تكسر الزجاج ….وثيون زاد بخطوات سريعة وهو كايضحك ….أما يولاندا وليديا لي تعابيرهم مصدومة من كيفاش قدر يكسر حاجز قوي بهاذ السهولة والسلاسة …هجمو عليه بسرعة بنارهم السحرية…لي ماقاصتوش حيت اختفى من مكانو بسرعة بتعويذة التنقل في الهواء …لأن ثيون وآلبرت ساحرين لأقوى عنصر سحري ولي هو الهواء..تنقلهم كايكون اختفاء فالهواء كالدخان …

///وتنقل سحرة الأعشاب كايكون عن طريق الأشجار كما شفنا مع سام وماريانا عدت مرات ملي دخلو فالأشجار واختفاو …تنقل سحرة التراب شفناه مع هاذ الرباعي لي ملي بانو اول مرة تحلات الأرض وخرجو منها وقفو امام آلبرت …تنقل سحرة النار كايكون بدخولهم فالنار …تنقل سحرة الماء كايكون وسط الماء …إلخ///

ثيون ظهر مباشرة خلفهم وغير استدارو عندو بلكة قوية ضرب يولاندا لوجهها حتى طاحت على الأرض..وشد ليديا من عنقها قاجها ويالاه غاتنطق بكلمات تعويذة ..حتى سبقها نطق بسرعة ولمرة واحدة )

ثيون :أنهامروس بيفوليس فيسماتوس أنهامروووس بيفوليس
(بتعويذة الألم …وطلق ليديا لي طااحت على ركبتيها شاادة راسها لي غاينفااجر من الألم …وهي كاااتغوت بأعلى صوتها والدم بدأ كايخرج من ودنيها ونيفها …وهو كايضحك.. ثواني عاد بطل التعويذة وتحنى عندها شد يدها وبدأ في امتصااص سحرها ..وعينيه على يولاندا لي كاتتنفس بسرعة ركابيها فاشلين عليها ….)

ثيون : غاااتحركي من بلاصتك راسك يتبعج ( وأشار ليها لفوقها …وهي غير هزات راسها لقات الصخرة الكبيرة ليكان جالس عليها …فوقها مباشرة …هو متحكم بها بتعويذة تحريك الأشياء ….) 🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء 413🌞
ثيون : غاااتحركي من بلاصتك راسك يتبعج ( وأشار ليها لفوقها …وهي غير هزات راسها لقات الصخرة الكبيرة ليكان جالس عليها …فوقها مباشرة …هو متحكم بها بتعويذة تحريك الأشياء ….)

ثيون كمل امتصاص سحر ليديا ولاح يدها ) وهاذي الطاقة الستيين 60 أحح ماابقاش بزااف يا ساندرا ديالي…. ( وقف وتخطى جثة ليديا ..وزاد في اتجاه يولاندا لي يالاه غاترجع باللور حتى وقفها )

ثيون : تت ازوينة واش بغيتي تموتي ؟

(يولاندا حركاتليه راسها بلا وهي كاتتنفس بسرعة )

ثيون :إذن بقاي بلاصتك أحسن لك …(وتمشى بعض الخطوات حتى وقف عليها والصخرة الكبيرة تطفو فوقهم..وتحنى قفازي أمامها وحط يدو على خدها كايلمسو وهي كاتترعد )

ثيون : زويينة..مابيكش … (وصرفقها بقوة حتى ضار وجهها ومسح يديه فبوديه ونطق وهو مخسسر ملامح وجهو ) ولكن ماشي بجمالها ..ولونك مقرف ماشي بحال اسمرار بشرتها اللامعة ( سهى أمامو كايهضر بسرعة وهو كايتفكر كل اللحظات لي دوزهم مع ساندرا فجزيرة ساو ميغيل ) كلك عضاام وماشي بحال قوامها الممتلئ المثير ..كلك مكياج ماشي بطبيعتها ومافيكش النمش وشعرك (شاف فشعرها مخننزر وشدها منو مزيير عليه حتى غوتات بألم ) شعرك مقققرف بحاال وجهههك ماااشي بحااالها ..وصوتك ماااشي بحاالها ..ومستحيل تكووني فخجلهاااا ..(غوووت) مااشي بحااالهااااا ماكاينااش شيوحدة بحاالها هي دياالي أنا كاانت ديالي هو دااها ليا هيي كاتبغييني أنااا كانت بييين يدييي كانت حبييبتي وطوول الوقت معااياااا كاانت دياالي وبسبب آآلبرث وأوااامروو خسرتهااا وفقدت ثقتهااا مكاااااااانش خااسني نسمع منووو كان خااسني نااخدها ونردها دياالي ملي كانت بيين يدي ولكن حد هنااا وباراكا (طلق شعر يولاندا بعنف ونطق وهو مخننزر فيها )

ثيون : رجعييي عند آلبرت وهضريلييه عن القوة لي ولييت فيييها وكييفاش فثوااني صفييتها لتلاثة من أقوى سحرته …وقووولي ليه قاليك ثيووون خوووك عندي حاليا ستين 60 طااقة وملي نوصل ل 99
You will be the next
نختم بيييك الطاقة المئة ….

(يولاندا سرطات ريقها كاتترعد …وهو وقف مخننزر فيها)

ثيون : فلقائنا القادم غانرد جثة بحال صحابك (وتمتم بكلمات تعويذة تنقلو واختفى كالدخان في الهواء/ثيون ساحر عنصر الهواء / ) 🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء 414🌞

نرجعو للمغرب ..وفي قصر لستارك ..بالضبط في جناح هاندا …هاذ الأخيرة لي تعشات مع بعض أفراد العشيرة وطلعات مباشرة لجناحها …لبسات بيجامتها العبارة عن ميني بوط أبيض وشورطو قصيير فنفس اللون وشعرها بقا مطلوق …ووقفات أمام نافذة بالكونها ساااهية كاتفكر…اكيد فخليل لي واعدها غايجي يهضرو … شافت فالساعة قرية العاشرة والنصف ليلا ومزالو حتى مادخل للقصر ابتاسمات باستهزاء من نفسها….

هاندا :أنا كانتسناه وهو تلقاه نسى حتى واش هضر معايا فصباح

(تنفسات بعمق طاردة للدموع لي عمرو عينيها وبزز مصبرة رااسها ماتبكيش …حتى سمعات باب جناحها تحل بدون سابق انذار …تنهدات ظاناها امها ديما حيت هي ليكادخل عليها بلا دقان …وحنات راسها كاتمسح دموع….)

هاندا : ماما عاافاك والله ماقادة على هضرتك بلا والو كنحس بنفسي مخنوقة و..
( سكتات ملي استدارت و شافتو واقف أمام بابها خرجات عينيها وتزنكااات…)

خليل لي دخل عندها بدون اذن وغير هز راسو بانتليه واقفة امام البالكون عاطياه بالظهر والشورط قصيير ومزيير حتى كل مؤخرتها تقريبا باينة …وقف مكانو وعينيه مفيكسيين على مؤخرتها الكبيرة المثيرة …حتى استدارت عندو وحول نظرو لصدرها …بنظرات باردة …قرب حتى وقف أمامها مباشرة شاف فوجهها كلهااا مزنكة )

خليل : مالكي واش سمعاتك ماماك الهضرة تاني أشنو قالت ؟ (خنزر) أنا غانهضر معاها وبصرامة تعطيك التيقار نهائيا هاذ المرة ….

هاندا : لا لا ماشي هاذشي (ابتاسمات) من نهار تخطبنا ماما مابقاتش كاتحرض فيا أو تبزز عليا شيحاجة …

خليل نطق ببرود ): اووك إذن كنسمعك…

هاندرا :أ أ أ ….

خليل : صباح قلتي ليا فالهاتف بغيتي تهضري معايا فشيء مهم ….

هاندا :أ آه أحم ..الصباح دخل عندي مراد للمكتب و..

خليل خنزر وقاطعها ) قاصك تحرش بيك ؟

هاندا : أ لا غير هضر معايا على المشروع الوهمي نتاعو …

خليل تنهد ونطق ببرود ) مالو هاذاك القبيح زربان على عمرو أنا داير فيه خير مخليه يزيد يعيش بحرية فهاذ الحياة وهو زربان على خليان دار بوه …

هاندا كاترمش فعينيها ) أ أ …

خليل : والو …اش قاليك …؟

هاندا عاوداتليه كل شيء قالو مراد ..) وبصراحة ملي سولني واش خاسني أسبوع كووولو باش نسحب غير مليون خفت وماعرفت مانجاوبو وقلت ليه قلت ليه أحم (وحنات راسها)

خليل تنهد ونطق ببرود ) غير طلقيها اش قلتي ليه ؟

هاندا :قلت لييه بعد أسبوع غاينعطيه لفلوس كلهم ي يعني ماشي غير مليون بل خمسين مليون كولها …(وحنات راسها )

خليل هاز فيها حاحبو ببرود ) ياك قلت ليك ماديري والو بلا إذني …

هاندا : واماعرفت مانديير وترني وخفت نحصل…وارتاجلت…

خليل : ارتجالك غبي يا هاندا حيت منهنا لأسبوع عرس مالك وأميرة….

هاندا كاترمش فيه عينيها مافاهمة والو ) ك كيفاش علاش مالغاوهش ؟ وآش جاب عرسهم لهاذشي ؟

خليل : لا عمي فيليكس مابغاش يلغيه العرس بعد أسبوع غايتقام فحديقة القصر …

هاندا : آه ولكن اش جاب عرسهم لمراد النصاب ؟ مافهمتش ؟

خليل : (تنهد ساهي كايفكر بصوت مرتفع) مالك ماغايكونش مسالي يقضيليا لبلان منهنا لأسبوع حيت غايكون عريس … (ابتاسم وهو هاز حاجبو ) أصلا بعرس ولا بلا عرس هو حلف مايعاونني اذن في كل الأحوال غانضطر نخدم معاه العنف… بيرفيكت …

هاندا كاتشوف فيه باستغراب حالة فمها مكاتفهم فيه واالو ) م مافهمت والو يا خليل ؟

خليل شاف فيها ورد شعرو للخلف وابتاسم) والو قلتي ليه بعد اسبوع اذن حتى لبعد اسبوع ونقوليك اش ديري ..حاليا حاولي تتجنبيه ويلا عاود سولك قوليلو راك كاتسحبيليه فلفلوس من البنك …تصبحي بخير (واستدار يخرج حتى تفكر شيء ورجع استدار عندها ونطق ببرود)

خليل : نقصتي فالوزن (أشار ليها بيديه لمؤخرتها) صغارت ليك على آخر مرة كنتي فيها فجناحي فاش دابزتي مع ماماك وجرحتي نفسك بالزاج وغيرت ليك ثوبك بنفسي …كانت عندك منفووخة على هكا …فا بقاي تاكلي بزاف باش ترجع تكبر ليك … (وزاد خرج خلاها مخررجة عينيها ) …. 🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء 415🌞
🍀🍀🍀🍀
وماشي بعيد عليهم …خرجات من جناحها لابسة بينوار حريري طويل ..وهي كاتمشا بخطوات سريعة وكاتختل والهاتف فيديها غير كايفيبري…وقفات كاتلهث وهي كاتشوف فجنابها ..حتى بانليها باب قاعة البيسين المغطى …وتحركات بسرعة دخلات ليها وسدات الباب موراها وشعلات الأضواء ..وشدات الخط وبدات تهضر بعصبية و بهمس )

ديما : ياااك قلت لييك ماتصوونيش فهااذ الليل تالصبااح …(سكتات شويا كاتسمع الرد وبعدها نطقات ) …ماكايهمنيييش بغيتهم هاااذ الأسبوووع ضرووري ويكونو من النوع السّام القاتل ….(سكتات شويا كاتسمع فالرد ونطقات) …تتمة المبلغ غاتتحول لحسابك البنكي بعدما يوصلوني فطرد للعنوان لي عطيتك قصر لستارك …(سكتات شويا كاتسمع فالرد ونطقات بعصبية) …بعدما تشد فلووسك غبر نهائيا وعنداااك تنسى بغيييت عالأقل سبعة حتى لعشرة ..ويكونو من النوع الخطير …(سكتات شويا كاتسمع فالرد وبعدها نطقات ) …ماتعاودش تصوني ليا حتى تسيفط الطرد وعلمني ديك الساااعة فمساج باش نتسناه وبمجرد مانشدو فلوسك غايتحولو لحسابك (وقطعات مبتاسمة بشر ونطقات بهمس وهي سااااااهية فلبيسين )

ديما :هاذي هي اللخرة ليك يا ساحرة مستحييل تفلتي منها هاذ المرة ..وملي تمووتي ديك الساعة غانختار الوقت المناسب ونفضح تمثيلية خليل ديك الساعة هاندا بزز منها غاتغوي جبار وتردو ديااالها (ضحكات باستمتاع وخرجات كاتختل حتى رجعات دخلات لجناحها )
🍀🍀🍀🍀
ونمشيو لجناح جبار …هاذ الأخير لي جالس مفطح فوق الفوطوي عاري الصدر فقط بسروال سبور ..وحاطط على رجليه حاسوبو كايخدم عليه ..وبعض الملفات منتشرين على الطاولة جنبو ….وأمام البالكون …جالسة ساندرا على وسادات من الريش فالأرض …وهي لابسة غير شوميز مثير فالباج الغامق …وشادة عندها الكتاب السحري كاتقرأ فيه ..
وقردها جنبها كياكل فالعنب ….

جبار هز عينيه من على الحاسوب شاف فيها …حط الحاسوب جنب ووقف …تمشى تالجنبها وجلس خلفها معنقها من الخلف دور يديه حول بطنها وجرها حتى تلاسقات معاه وولات جالسة بين رجليه وحط راسو على كتفها كايشوف معاها فالكتاب وهو ساكت …كايبانوليه فقط أوراق بيضاء فارغة /بوووحدها فالعالم كمختارة لي كايبانليها اش مكتوب فيه / …وهي ماهزاتش عينيها من على الكتاب ….شاف فالقرد وخنزر فيه متحكما بدماغه بقوة التحكم بالحيوانات…حتى ناض هاذ الأخير كايجري خرج للبالكون …♡■تتمة الجزء 415♡■
جبار هز عينيه من على الحاسوب شاف فيها …حط الحاسوب جنب ووقف …تمشى تالجنبها وجلس خلفها معنقها من الخلف دور يديه حول بطنها وجرها حتى تلاسقات معاه وولات جالسة بين رجليه وحط راسو على كتفها كايشوف معاها فالكتاب وهو ساكت …كايبانوليه فقط أوراق بيضاء فارغة /بوووحدها فالعالم كمختارة لي كايبانليها اش مكتوب فيه / …وهي ماهزاتش عينيها من على الكتاب ….شاف فالقرد وخنزر فيه متحكما بدماغه بقوة التحكم بالحيوانات…حتى ناض هاذ الأخير كايجري خرج للبالكون …

جبار باسها فكتفها ونطق بصوت هادئ) نوضي باراكا عليك لعشية كولها ونتي جالسة بحال هكا غير كاتقراي فيه….

ساندرا تنهدات وعينيها على الكتاب ) ووالو قريتو كولو وعاودت وانا كانحس بطاقتو و كانحس بكل تعويذة حتى أضعف وأصغر تعويذة مكتوبة فيه …ولكن مابين ليا والو ..

جبار مخنزر فالكتاب ) امكن خاسك أكتر من أنك تحسي بيه بل توريه سحرك !

ساندرا دورات راسها حتى تقابل وجهو مع وجهها )كيفاش ؟

جبار ابتاسم وباسها ففمها ) غير فرضية وصاف …قلتي ليا أن الكتاب مستحيل يتدمر ياك ! فا جربي ألقي عليه تعويذة ما ألقي عليه بسحر المختارة نشوفو اش ممكن يوقع ملي سحرك يتمزج بسحر الكتاب …

ساندرا سااهية كاتفكر فكلامو وابتاسمات ) ع عندك الصح عمرني فكرت فيها …

جبار ابتاسم )؟ جربي نشوفو (وزير على بطنها معنقها وهو حاطط لحيتو على كتفها …وهي ابتاسمات عاجبها قربو منها ولمسو لها….حطات الكتاب أمامها ومدات يدها فوقو)

ساندرا :؟ غانجرب تعويذة النار ….

جبار : جربي …

ساندرا تنهدات ) : فاير فاير فلاير فاهاريست
فاير فاير فلاير فاهاريست
فاير فاير فلاير فاهاريست
(تعويذة النار)

…وانطلقت نار قوية من يدها ضربات فالكتاب السحري …لي شدات فيه نارها كليا كايبان بالعين المجردة أنه يحترق …وساندرا وجبار كايشووفو فيه …ثواني حتى تطفات منو النار فرمشت عين وبانليهم الكتاب صحيح مافيهش نهائيا آثار او حتى رائحة الحرق …لأنه كما سبق وذكرت هو غير قابل للتدمير إلا بطريقة وحدة لي مكتوبة فيه ولي مزال مابينها لساندرا )

جبار باسها فخدها )أشنو حسيتي بشيحاجة ؟

(ساندرا سااااااهية فالكتاب …وبدات تتنفس بسرعة ولونها صفار …لدرجة خلعاتو وبسرعة دور وجهها عندو مخنزر)

جبار : مالكي اشنوو ؟

(ساندرا لارد مكاترمشش …وجبار شد وجهها بين يديه وغوت)

جبار : ساااندرااا هضرييي ماتبقااايش تخلعيني علييك اشنوو باش حسييتي اشنو بان ليك؟

ساندرا كاتشوف فييه ) م م ممكن ت تهجم على الكتاب بقواك…

جبار شاف فيها باستغراب ) اشنو كيفاش ؟ 🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء 416🌞

ساندرا سرطات ريقها )غانفهمك غير أولا هجم على الكتاب بقوة التحكم بعنصر الماء ….

جبار تنهد وشاف فالكتاب ..وبعدها حول نظرو لكأس كبير دالماء محطوط على الطاولة مد يديه تحكم بهذاك الماء لي خرج من الكأس وتحرك بسرعة ضرب فالكتاب …ومباشرة ساندرا دارت بحالو …مدات يديها امام الكتاب ..تمتمت بتعويذة الماء حتى بدأت المياه كاتخرج من يديها ضربات بقوة فالكتاب ….(وهي تسرط ريقها وشافت فجبار )

ساندرا : هجم بالريح وبشي قوة عندها علاقة بالتراب …

/جبار نفذ طلبها ..بقوة تحكمو بعنصر الرياح وجه زوبعة قوية شيئا ما ضربات فالكتاب..وتبعاتو ساندرا بتعويذة /

ساندرا : هاير هاير فلي بروفهااير(وانطلقت زوبعة ريح قويييية فاتجاه الكتاب ضربات فيه … وحدة من قوى أقوى متحول /جبار/ ….مع…. تعويذة ساحرة مختارة../ساندرا/… بنفس العنصر..الرياح… امتزجو فطاقة وحدة وضربو فنفس الوقت في فالكتاب بقوة ..وريح قوية ملأت كل الجناح ..

(ساندرا الشوميز وشعرها كايتطايرو لها بسبب الهواء ..وجبار مستمتع بالأمر ومستغل كل لحظة كايبوس فعنقها ويتلمس فبطنها وصدرها بحرية وبسبب الريح شعرها كايجي على وجهو وهو مبتااسم ….وهي واخا مركزة مع الكتاب كايبورشها ….ثواني حتى توقفت الرياح …والكتاب مزالو مكانو صحييح ماقع فيه والو ….ساندرا شافت فجبار )

ساندرا : زيد عنصر التراب …

(جبار باسها ففمها وابتاسم …حول نظرو للكتاب ..وبعدها ضرب لكمة فالأرض لي تحلات كلها كاتتشقق في اتجاه لكتاب حتى تحلات الارض من تحتو ز طاح فوسط الشق ..وعاود جبار ضرب بلكمة أخرى فالأرض حتى تسد هذاك الشق لي حل فالأرض ..وتسد على لكتاب …. وتبعاتو ساندرا ألقت بتعويذة الإنبات …وفلبلاصة لي تسدات على الكتاب …نبتات مكانو زهرة حمراء خرجات من الأرض وتفتحات …..وبقاو بجوج كايشووفو فيها …وثواني حتى تشققات الأرض من تلقاء نفسها وخرج منها الكتاب بقووة وهو يطفو فالهواء وطاح امام ساندرا لي مخررجة عينيها ) ….

جبار : واا كتااب هذا عندك بحال إيلا مسكون….

ساندرا كاتتنفس بسرعة وعينيها عمرو دموع ونطقات ) فهمت …

جبار شد وجهها بين يديه مخنننزر وغوت ) غاااتبكي يا ساندرا غاااندمك بااراكا اليوم بكييتي جووج مرااات ووحدة منهم بسباابي فادمعة منشووفهاش …

ساندرا سرطات ريقها ..وحركاتليه راسها بواخا )

جبار : اشنو فهمتي ؟

ساندرا : امكن فهمت أشنو ناقصني …

جبار : نتي كاااملة وماناااقصك والو يا سااندرا….■□تتمة الجزء 416■□
جبار : نتي كاااملة وماناااقصك والو يا سااندرا….

ساندرا حركاتليه راسها بلا) كنت كانظن أني ساحرة عنصر الماء أي كانستاامد طاقة سحري من الماء …ولكنني غالطة يا جبار أنا مختارة أنا ساحرة كل العناصر يا جبار كووولها وهنا كاتكمن قوتي (وبداو دموعها كايطيحو ) وحااليا ياالاه كاانقدر وبزز نمتص طاقة عنصر المااء بووحدووو …. و صبااح قالت ليا ماريانا ممكن بسهوولة نعرف نوع الأعشاب السحرية لي هي استعملات فتعويذة التخاااطر …راااه مستحييل ساحر بعنصر آخر غير الأعشااب والتراب يعرف نوع العشبة ولكن هي قاالت ليا ممكن بسهوولة نعرف عرفتي علاش …حيت أنااا ساحرة عنصر الأعشاااب والمااء والنار والتراب والرياح والحيوانات القمر والشمس …كل العناصر يا جبار كوولها ممكن تغذي سحري كوولها حيت انا مختاارة وهاذي هي ميزة الساحرة المختاارة ..لي مستحييل يتميز بيها شي ساحر آخر …حيت كل ساحر بعنصر واحد فقط … أنا بوحدي لي ساحرة كل العناصر … وانا بضعفي يااالاه كانقدر نمتص طاقة المااء …

(جبار مبتااسم وهو كايسمع لكلامها وكل دمعة طاحت يا كايمسحها يا كايلحسها …شد يدها باسها ونطق )

جبار : قلتها وغانعاودها …نتي أقوى بزاااف منلي كاتتخيليه يا ساندرا …

ساندرا شافت فيه بعينيها الدامعين ) وريني هاذ القوة يا جبار فيينها هااذ القوة وأنا من المفروض نتحكم بكل العناصر يالاه بزز كانتحكم بعنصر وااحد ..و و ..والكتااب راه مستحييل يبين ليا كيفاش ندمرو وأنا مزااال مكانتحكم بكل العنااصر هذا هو الشرط …نهار نتحكم بيهم كلهم بقوة وسلاسة الكتاب غايبين ليا الخريطة والطريقة دالتدمير…

جبار : أشمن خريطة ؟

ساندرا : ماريانا قالت ليا صباح خريطة المكان ليخاس الكتاب يتدمر فيه والطريقة …

جبار ابتاسم ) إذن مابقالينا والو ونتهناو منو نهائيا …

ساندرا حركات راسها بلا ) امكن مزااااال حيت خاسني ضروري نتحكم بكل العناصر والمشكل هو (حنات راسها) أنا ماااعرفتش كيفااش غاندير ليها …

جبار هز ليها راسها حتى شافت فيه ونطق بهدوء ) فكري مزيان..ممكن مزال مكاتحكمي بيهم كليا ..ولكن راه كاتحكمي بيهم جزئيا …

ساندرا :كيفاش ؟

(جبار اشار ليها للقرد لي كايطل عليهم من البالكون كايشووف فيها بعينيه الدامعين)

جبار : قردك لحمار لي غير تابعك فينما مشيتي واي شيء قلتيه ليه كاينفذو ..ونهار قلت ليك نردوه للغابة قلتي ليا لا هو فرحان هنا سولتك باش عرفتي قلتي ليا كاتحسي بكل شيء هو كايحس بيه ..تما شكيت حتى انني أحيانا كاانشك واش عندك قوة التحكم بعقول الحيوانات وغير كايشوفك كاتبكي كايبدأ يبكي معاك بحال دابا …وعقلتي على نهار فك تعويذة الربط ملي جبت ليك تايغر تضحي بيه …. حطيتو أمامك وغير شافك كاتبكي عينيه دمعو ونتي غير حطيتي يدك عليه وبديتي كاتقولي شيء بلغة السحر …غيرتي رأيك فالتضحية بيه وقلتي انه مزاال غايعيش…قوليلي واش سحرة عنصر الماء عندهم هاذ القدرة ..؟راك كاتستامدي سحرك من الحيوانات بدون ماتحسي يا ساندرا ..ونهار الغابة ملي تبعتي زليخة لملعب لستارك لي وسط الغابة تتدربو …كيفاش قدرتي تطبقي تعاويذك فالتدريب ونتي وسط غابة وتراب وبعيدة بأمياال عن اي مصدر مااء ..منين جبتي الطاقة للتدريب ولمواجهة زليخة ؟..■□التتمة 2 للجزء 416■□

(ساندرا ساااهية كاتفكر فهذااك اليوم …سولاتها أميرة نفس السؤال…كيغادير تواجه زليخة فمبارزة منين غاتستامد طاقتها وهي بعيدة بزاااف عن الماء والبحر ….. وهي أجابت أنها كاتحس بشيء غريب بالقوة وان سحرها كايتغذااا…وعاد استوعبات أنها فهذااك اليوم امتصت قوتها السحرية من التراب ومن الأعشاب والأشجار المحيطين بها …)

(ساندرا حاالة فمها بصدمة…وجبار ابتاسم وباسها فأنفها )

جبار : امكن مزال مامتحكماش بكل العناصر ولكن راك متحكمة ببعضها….

ساندرا شافت فيه وابتاسمات وهي طير عليه بتعنيقة قوية حتى رجع باللور ) نتا ذكي بزاف واخا متحول وماعندكش دراية بالسحر والسحرة ولكن كل كل تحليلاتك منطقية بزاف وصحيحة …

جبار غطس راسو فعنقها كايستنشق عطرها بإدماان): اححح على تعنيقة وعلى حظن …

(ساندرا بعدات منو مبتاسمة ومززنكة وهو ركز فعيونها ونطق )

جبار : باش تتحكمي كليا بكل العناصر السحرية …خاسك تدريب من طرف سحرة ..ويلا كانت هاذيك الجنية دصباح فعلا من معشرك وبيثروفا كيما قالت ليك …هي غاتكون عاارفة هاااذشي ومداام هي قريبة منك إلا وراه عندها مهمة خاصة …ولي هي تدريبك …. وكل السحرة عاارفينك مابديتي كاتزاولي السحر حتى للسن 19 سنة فا ضعفك الحالي مبرر ..وأنا متأكد أن سرعة تعلمك للسحر كاتتجاوز سرعة أي ساحر آخر حيت نتي مختاارة كل العناصر السحرية خاسك غير تدريب صحيح ومن طرف سحرة وقوتك غاتبان ….

(ساندرا مبتااسمة وهي كاتسمع لكلامو لي زرع فيها ثقة كبيرة فنفسها وحمسها ..الشيء لي خلاها باستو فخدو ونطقات)

ساندرا : شكرا على كل شيء …

(جبار ابتاسم وجرها من خصرها هزها ووقف )

جبار : شكريني غدا بشي رقصة شرقية مثيرة أخرى أما دابا خاسك تنعسي …(وحطها على السرير وتكا جنبها ويالاه جر ليزار عليهم غطاها ومد يدو يطفي الأضواء حتى شدات يدو وتكعدات تكات فوق صدرو كاترمش فيه عويناتها …)

جبار : مافيكش نعاس ..؟

ساندرا(مزززنكة وبزز نطقات ) : ب ب بغيت…

جبار فهمها ولكن حافظ على برودو تظاهر بالعكس ) آش بغيتي ؟

ساندرا سرطات ريقها وحناكها غايطرطقو بلحمورية ) ب ب بغيت نتا ….

جبار : شرحي شرحي راه مافهمتش ؟

ساندرا : د دير ليا ك كيما لبارح ….(وحنات راسها مزننكة )

جبار : علاش أش درتليك لبارح …؟

(ساندرا يالاه هزات راسها شافت فيه غاتجاوب تالقاتو بزز حابس الضحكة وهي تخنزر فيه مزززنكة وعينيها دامعين)

ساندرا :كاضحك عليا (ناضت من فوق صدرو ) بناقص كاع …

(جبار كايموت بالضحك شدها من يديها وجرها تاطاحت فوقو ونطق )

جبار : منلي خرجتي من دريسينغ لابسة هاذ الشوميز المثير وأنا بزز شاد راسي عليك وقلت غاتكوني عيانة نخليك ترتاحي اليوم تنعسي بكري و…

ساندرا قاطعاتو بسرعة ) لا لا ماعياناش مرتاحة بزاف…

(جبار رد راسو للخلف كايضحك بالجهد وهي مخنزرة ومزننكة )

ساندرا : وصاف سكت…

(جبار بخفة قلبها تحتو ومد يديه كايحل ليها خيوط الشوميز )

جبار : أنا ندير لحبيبتي حسن من البارح كااع…

(ساندرا ابتاسمات مزززنكة وهي دور يديها على عنقو )
🍀🍀🍀
بعد مرور أسبوع كامل ….يتبع

Leave a comment