Skip links

قصة: الوحش وذات القزحتين الجزء 2 ( عشق جبابرة ) ج 41

 41,634 عدد مشاهداات

🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء407🌞
جبار قاطعها بصراخ ) إذن مرة أخرى ملي تقرري تمشي للعافية برجلييك فكرييي فلبنااات وماتجرييهمش معاااك حيت شحال قدهن يصبرووو فكل مرة كايتحرقو معاك اكييد غايجي نهار لي يخلييوك تتحرقي بووحدك …

جمانة هزات راسها شافت فيه بعينيها لي كايهبطو بدموع) كنواعدك ماغاديش نعاود أخوية والله منعاود عاارفة فكل مرة كانعطيك نفس الوعد ولكن هاذ المرة كانعني هضرتي ..فا واش غاتبقا مقلق مني ؟

جبار غوت): مغانعاودهاااش للمرة التالثة خرجييي …

(جمانة حنات راسها ومشات كتجري وهي كاتبكي …خرجات وسدات الباب وغير هزات راسها لقاتهم كلهم أمامها …سماح معنقها وسيم وهي كاتبكي على دروسها دالكمان وحلمها تولي عازفة مشهورة … وهو كايواسيها ..وسميحة حتى هي فحظن سليم كاتبكي وهو ساكت وكايقوليها حمدي الله جاتك فهاذ العقاب السهل …أما أميرة لي لونها صفر وفمها بيض …ومكاترمشش ومالك عيا كايهضر معاها ماكاتجاوبوش..حتى شافت جمانة خرجات ومشات بسرعة وقفات أمامها مخنننزرة فيها …

أميرة : نتي سبااب

(جمانة كاتمسح دموعها وحركات راسها بلا )

جمانة : كانعتاذر …

أميرة دموعها كايطيحو وهي مخننزرة حركات راسها بآه ) كاتعتاذري ياك … بعدما انا خسرت قرايتي… بقالي غير عاماين وناخد شهادتي لي لي كنت كنسهر بالليييل وأنا كانبريبااري باش ناااخدها بامتياااز ..حتى بين ليلة ونهار خسرت كل قرايتي ..وكاتقولي كنعتاذر ( دفعاتها بالجهد من صدرها حتى كانت جمانة غاتخبط مع الحيط لي موراها لولا فارس لي تعرض ليها ..ومالك بسرعة شد أميرة لي فقدات كل أعصابها وكاتغوت وهي كاتنتر منو باش طير على جمانة )

أميرة : قرااااتي لبروونش لي كاااانحلم بييها من صغري كل ليمونسيوون لي سهرت علييهم تاااجبتهم بدرااعي باش نااخذ شهادتي بامتيااز كووولشي ضاااع بسباابك نتي وبسبااب فشوووشك وخنااتك لاكنتي نتييي مااامسوقاش للقرااية أنا لا ….لاكنتيي نتي كاتنجحي بلفلووس أنااااا لا ….أنااا تقااتلت بااش جبت هاذوك النقط بدرااعي بعقلييي ومكاانفلت تامحاضرة باااش داابا نخسر كلشي وطمووحي وحلمي بسباابك نتييي خسرت كل شيييء فاااا مااتعاودييش تهضري معاايا سمعتي بعديي منيييي مااااتعاوديييش تقربييي منييي نتيي ومخططاتك

(جمانة كاتبكي بصراخ وهي مزييرة على تيشورت فارس…هاذ الأخير لي مخنزر فأميرة وغوت )

فارس :مااالِك…

مالك مزير على أميرة فحظنو ) تهدني يااا اميرة …

أميرة مززنكة بالأعصاب وكانغوت وهي كاتبكي ) : نتيي وحدة أناااانية نتييي كايهمك غيير راسك كاتفكري غيير فراسك…

فارس غووت ) ماااالِك…

(مالك بزز شد لأميرة وجهها دورو لعندو فعل قوتو ..التنويم الميغناطيسي ..ركز فعينيها ونطق )

مالِك : تهدني شووت كل شيء غايكون بيخير تهدني وحبسي من البكاء…

(أميرة ساااهية فعينيه تنفسها انتظم وسكتات من البكاء )

مالك ابتاسم ليها وهو كايدوز يديه على خديها ) مزيان ودابا أجي معايا بهدووء لجناحك غاتتهدني ونهضرو وأنا معاك …

(أميرة حركاتليه راسها بواخا ..وهو شد يدها وجرها معاه مشاو …)

(جمانة كاتشهق فحظن فارس … هزات راسها شافت فخوتها …سليم خنزر فيها وجر سميحة ليغير كاتبكي ومشاو ..ووسيم ابتاسم ليها وجر سماح ومشاو ..وهي فشلو عليها رجليها ولكن شدها فارس هزها عندو )

جمانة : ماغايسمحوش ليا أميرة وجبار وسليم ووسيم وحتى لبنات …

فارس : البنات مامنحقهنش يعاتبوك …حيت ماشي صغارات وغير عاقلات بل واعياات مشاو معاك باختيارهم وبرجليهم …هن غير معصبات دابا يتهدنو ويستوعبو هاذشي …وخوتك عطيهم وقت…

جمانة حطات راسها على صدرو وهو تحرك بيها لجناحها ….) ■□تتمة الجزء 407■□
🍀🍀🍀

داخل المكتب ..

ساندرا مخرجة عينيها حيت كان لغوات واصلهم …وسمعو كل شيء تقريبا …دورات راسها شافت فجبار وهي كاتتنفس بسرعة )

ساندرا : كنتي عارف أن هاذشي غايوقع ياك ؟اكييد كنتي عارف حيت كوولنا كانعرفو اميرة كاتموت على قرايتها وحتى التوأم كايقراو عزف الكمان عن حب لهاذ الهواية ..جمانة بوحدها لي مامسوقاش لقرايتها ..فا علاش ؟

جبار حاني راسو على بعض الأوراق نطق ببرود) علاش اش؟

ساندرا :علاش اختاريتي عقااب لي ماغاتضرش منو جمانة عالأقل ماشي بنفس الضرر لي لحق لبنات وخصوصا أميرة …

جبار تنهد وهز راسو ) عارفك ذكية يا سمرائي فا فكري شويا واش جاك هذا عقاب ؟

(ساندرا سرطات ريقها ..وهو كايشووف فيها ونطق)

جبار : جمانة واخا نعيا نعااقبها حتى ألف مرة ….نهار كاتتحط شيحاجة قدامها وكاتبغي ديرها كاديرها واخا تعرفهااا غالطة وهي أصلا مامسوقااش للنتائج…..حيت عند بالها دير لي دارت عندها فارس ماعمرو يخليها وعندها جاسم فظهرها وأنا ندير لي درت مغانآذيهاش (حرك راسو بآه ) وفعلا هي على حق فهاذشي ولكن …لبناات لي دااائما كايتبعووها فهباالها فاااا خاسهن درس باش مرة أخرى كل وحدة تفكر أولا فالنتائج دأي فعل غادييرو ..اشنو نتائجو عليهن وعلى أزواجهن …إيلا فكرو هكا ماعمرهن يتبعوها فمصايبها بالعكس غايوقفوها …

(ساندرا حالة فيه فمها ..وهو حط الأوراق ووقف أمامها )

جبار : ونتي غالطة بزاف حيت هاذ العقاب ضر جمانة وبزااف ماشي من ناحية القراية اكيد حيت أنا درت فيها خيير منلي عفيتها من لقراية ……ولكن عقابها هو لبناات لي غايقلبو عليها وغايحملوها المسؤولية …حيت هي تصبر لأي شيء إلا تحس نفسها خسرات خواتاتها وعاد هازة على عاتقها أنها السبب فضياع قرايتهن …

ساندرا مخرجة فيه عينيها ) علاش كل هاذ القسوة راها ختك و…

جبار غووت فوجها وهو مخننزر وخبط فالطبلة دلبيرو تاقفزات ) قسسسسسوة ياااك كل هااااذا وكاااتقوولي قسوة…!! وأشنووو كنتييييي كااااااتسناااي مني هاااا نسكت يااااك ولالا ونغفر لهن… باااش نبااانليك ماااشي قاااسي نسمح لهن بااااش مرة أخرى يخرجوووو يلووحو راااسهن فمصييبة أكبر يااااك …

(ساندرا حانية راسها كاترجف وكاتنفس بسرعة وبزز شافت فيه ودموع طاحو من عينيها شجعات نفسها ونطقات)

ساندرا : لا حيت غفران الخطأ ماشي من شيم الشيطان هاذشي عرفتو وفهمتو … وتانا طلبتك تخفف العقاب ماشي تغفرو … ولكن علاش ملي ختك وقفات قدامك و طلباتليك سماحة جريتي عليها هاذي هي القسوة يا جبار…

جبار مخننزر فيها وابتاسم ) واش كانبانليك هذاك الشخص لي كايسامح بكل سهوولة !

ساندرا سرطات ريقها وهي كاتشوف فيه بعيون دامعة …وزادت خرجات وخلاتو ومشات لجناحها …وهو جلس فمكتبو مخخنزر حتى ناض قلبو كولو لسقو مع الحيط وخرج اتاجه مباشرة لصالة سبور لي فالطابق الثاني من القصر….🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء408🌞
🍀🍀🍀

عند مالك لي دخل أميرة التي مزالت تحت تأثير التنويم الميغناطيسي …لجناحها …جلسها على سريرها وتنهد …وفرقع أصبعيه أمام وجهها …الشيء لي خلاها رجعات لوعيا …شافت فيه وشافت فين هي ووقفات كاتبكي وكاتغوت عليها)

أميرة : علاش نومتيني علاش راه هي سباااب هيااا أنا دابا خسرت قراايتي بسبااابها هيااا …

مالك شد يدها ) تهدني باش نهضر معاك سمعيني…

اميرة كاتغوت ) واالا ماشي عدل هااذشي أنا بغيت نكمل قراايتي بغييت نولي مصممة معرووفة و…

(سكتات حيت تحل باب جناحها ..ودخل باها فيليكس ..تنترات من خطيبها ومشات كاتجري تلاحت فحظن باها كاتبكي بصراخ)

أميرة : بابا قرااايتي اباب هضر مع عمو جاسم يهضر مع جبار والله منعاود غير خليوني نكمل قراااتي وندير لي بغييتوه بغيت قرااايتييي…

(فيليكس لي معنقها شاف فمالك ..ونطق )

فيليكس : قرار اللورد جبار نهائي يا أميرة وغير قابل للنقاش…

أميرة شافت فيه مميلة فمها وكاتشهق ) إذن نضيع أنا ياك قراتي ضييع ياك أبابا…

مالك قرب منها مبتاسم ونطق ) علاش غاضيعي يا أميرة ..واش ضروري تمشي وتجي للافاك باش تقراي التصميم ؟

(أميرة شافت فيه بعدم فهم ..وباها فيليكس خذا يدها باسها ونطق )

فيليكس : أحسن مدرسات تصميم ازياء غايكونو في خدمتك من غدا يا حبيبتي…

أميرة : و ولكن…

مالِك قاطعها ) اللورد جبار أمر أن تاوحدة منكن ماترجع للجامة أو لشي جامعة أخرى ..لكن هاذشي ماكايعنيش انه منعكن من لقراية بصفة عامة فا تقدري تكملي دروسك عادي فالقصر بمدرسات خاصات وأنا بنفسي غانقريك يا اميرة ونهار تكوني جاهزة مكانك غايكون فشركتي كالمصممة الأولى …

(أميرة كاتشهق وهي مرة تشوف فباها مرة فخطيبها ونطقات وهي كاتبكي )

أميرة : ولكن إيلا قريت فالقصر غاتكون عندي الخبرة آه … ولكن ماغاتكونش عندي شهادة معترف بها من جامعة عليا ..أنا بغيت هااذيك الشهادة أبابااا ..انا كنت كنسهر وأنا كنبربباري باش نااخدها بممتاز …

فيليكس : أشنوو زايداك الشهادة أحبيبتي و بلاصتك كاينة فشركة راجلك ..وإذا بغيتي شركتك الخاصة من غدا نفتحهاليك …

أميرة حركات راسها بلا ) مااابغيتش ننجح او نخدم بلفلووس بغييت ننجح بمجهوودي ونخدم بشهاداتي باش نحس أني فعلا نجحت فحياتي…

مالك ابتاسم ليها ومد يدو كايمسحلها دموع ) أنا شفت تصاميميك عدت مرات وشفت كل اختبارات اللغات والتسيير والإدارة لي دوزتي ولي كلهم نجحتي فيهم بممتاز …. وياك غاتخدمي معاايا …فا نتي مامحتاحاش شهادة تبين كفاءتك وقدراتك ليا حيت هاذشي شفتو ..بالنسبة ليا هاذ الشهادة لي كاتهضري عليها ماكاتسوى والوو نتي مصممة ناجحة ودائما غاتنجحي بلا شهادة

أميرة حنات راسها وعنقاتهم بجوج وهي كاتبكي ..■□تتمة الجزء 408■□
🍀🍀🍀🍀
بعد مرور ساعات …وفي مستشفى لستارك …دخلات هاندا لمكتبها وهي باين فيها الارهاق …حيدات طابليتها ويالاه هزات حقيبة يدها تخرج تتغذا فريسطو جنب المستشفى مع زملائها كالعادة ..حتى تحل عليها الباب بدون طرق ودخل بابتسامتو الماكرة …

مراد : زيين

هاندرا سرطات ريقها ) سلام ..

مراد قرب منها حتى وقف أمامها ) كيدازت العملية باين فيك عيانة …

هاندا : ماساهلاش عملية استئصال ورم على العمود الفقري والعملية دامت لأربع ساعات…

مراد مبتاسم ) وتحت اشراف عميك لي هما أمهر دكتورين فا اكيد غاتكون العملية نجحات …

هاندا :أكيد نجحات ههه

مراد : برافو نجاح آخر يضاف لمسيرتك الطبية …

هاندا : راه ماكنتش الطبيبة الأساسية المشرفة على العملية بوحدي يا مراد كان معايا عمي غسان وبصراحة بدونو ماعرفتش واش كانت تنجحلي العملية حيت فعلا كانت معقدة بزاف ونسبة نجاحها ضئيلة …

مراد : أمم نتي محضوضة بزاف حيت تدريبك غادي تحت يدي امهر طبيبين فكل شمال افريقيا عميك … شفتي بيني وبينك كل الأطباء المتدربين فهاذ المستشفى حاسدينك على هاذشي وعلى المعاملة الخاصة لي كايعاملوك عمامك بيها حيت كلهم ماكرهوش عملياتهم وخدمتهم يكونو مديري المستشفى عدنان وغسان آل ستارك هما المشرفين عليهم …

هاندا مبتاسمة ) فعلا أنا محضوضة ..

مراد : أحم إوا ماقلتيش ليا سحبتي المليون الآخر …

هاندا سرطات ريقها وهي كاتشوف فيه ) أ مزال أحم غير مزال و احم…(وسكتات كضور فعينيها…وهاذ التوتر لاحظو مراد وخنزر )

مراد : داز أسبوع تقريبا باش عطيتيني مليون وقلتي ليا تاتسحبي الآخر !! مافهمتش واش خاسك اسبوع كولو باش تسحبي غير مليون !! أو اشنو كاين ؟

هاندا تزنكات وحاولات ما امكن تبت نفسها ابتاسمات ونطقات )

هاندا: راك شفتي فهاذ الاسبوع قليل فاش كنجي للمستشفى كانو عندنا شي مشاكل فالعائلة هاذشي علاش تشغلت ولكن غانسحبو فأقرب وقت يكون عندك…

مراد : تقدري تحددي ليا شيوقت…

((هاندا كاتسرط فريقها بتوتر وكاتتذكر أن خليل قاليها مادير والو تايعلمها ..ولكن لابقات ساكتة غاتخلي مراد يعيق انها عايقة بيه وكاتماطلو …
هاذشي علاش شافت فيه ونطقات بكل ثقة …)

هاندا :اشنو بانليك بعد أسبوع ..

مراد مخنزر ) خاسك أسبوع آخر كامل باش تسحبي مليون من البنك ؟

هاندرا محافظة على ابتسامتها ) لا باش نسحب ليك خمسين مليون يعني نعطي حصتي كلها ونوقع الاوراق دالشراكة …

مراد خررج عينيه بصدمة ) ك ك كتهضري بصح ….

هاندا : أكيد ..

مراد بسرعة شد يدها و الفرحة خارجة من عينيه) خوووودي كل وقتك وراحتك أنا نتسنااك ..

هاندا سحبات يدها منو وهي مبتاسمة ) لا غير اسبوع كافيني…

مراد : صاافي بعد أسبوع غانوجد تانا حصتي من لفلوس نوقعو لوراق ونبداو مشروعنا المشترك …

(هاندا حركاتليه راسها بواخا ..وهو ودعها وخرج فرحان ..أما هي تنفسات بعمق وجلسات على فوطوي …هزات هاتفها ودوزات رقم خليل ..لي جاوبها فلبلاصة …)

خليل :هاندا …

هاندا مبتاسمة هي كاتسمع اسمها منو ) خليل

خليل : مالكي…

هاندا : والو أحم بغيت نسولك واش غادوز مورايا لعشية حيت خاسنا نهضرو ضروري…

خليل : مامساليش اليوم راه قلتها للواليد هو غايوصلك للقصر بعدما تكملي دوامك فليل وملي نجي غاندوز عندك …

هاندا حنات راسها بحزن ) واخا …

خليل قطع عليها الخط …وهي دموعها طاحو وكاتفكر فوضعها وكاتطرح في تساؤلات …حتى لإيمتا غاتبقا متيقة هاذ الخطبة الوهمية …حتى لإيمتا غاتبقا كاتحلم بيه كراجلها وكسند لها طول حياتها …حتى لإيمتا غاتبقا مقتانعة أنه غايجي نهار لي هو غايبغيها فيه …حتى لإييييمتا غايبقا عندها أمل ..فحين عمرها تلقات منو حتى ردت فعل وحدة ولو صغيرة تبينليها أنه ممكن يبغيها أو ممكن يكون بيناتهم شيء حقيقي …هاندا مسحات دموعها وناضت صححت مكياجها وخرجات…..) 🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء409🌞

نرجعو لقصر لستارك …وعند جبار لي منلي خرج من مكتبو معصب دخل كايتريني …لسااعات والطابليط جنبو حاضي عن طريقها عبر الكاميرات ساندرا لي شافها منلي دخلات لجناحها كتبكي ..حتى تهدنات وخرجات باش تهبط للأسفل لقات زليخة واقفة قدام باب جناحها …هبطو بجوجات وجلسو جنب مو وعماتو وتغذات معاهم ورجعات طلعات هي وزليخة لي وصلاتها حتى لجناحهم وغير دخلات تكات على السرير مغمظة عينيها… ومر الوقت ومازالو كايتريني… عاري الصدر وكووولو عرقان ومتكي على كرسي طويل وكايرفع فوزن ثقيل …بدون أي قوى فقط قوته الجسدية العاادية ….فقط كايهز ويحط فلحديد وهو سااهي كايفكر …حتى حس بطاقة سليم …وثواني حتى دخل هاذ الأخير بلباس سبور … بلا مايهضر ..تكا فالكرسي لي جنبو وبدأ هو الآخر كايرفع فالحديد ….
كايترينيو بسكات ..ودقائق حتى دخل وسيم هو الآخر كان عوال يلعب بوكس ..وغير شافهم ابتاسم وتمشى تالجنب جبار وتكا هو الآخر كايرفع الحديد …

جبار وسطهم حط هذاك الوزن كايلهث وتكعد هز قرعة ماء كايشرب منها ….وحتى خوتو بجوج تكعدو وشافو فيه …)

وسيم : واش نتعطلو هاذ المرة تاني حيت مغانقدرش

سليم كايمسح العرق بفوطة ) علاش فين عمرك قدرتي دييما خارحلينا على لبلان …

وسيم : وبلاناتكم قاصحين أصاحبي…

سليم : شفتي راه تاخناتك ليها تانتا مع لواليد وخالي إيفان بحالا عاطيينها الأوكي لكل زبايلها …

وسيم ابتاسم ) ربي واش ملي كاتشوف فيك بعويناتها الملونين الدامعين كاتقدر تبقا مقصح قلبك أنا مكانقدرش أخوية ومستحييل نقدر واخا دير لي دارت…

سليم : هااا لي قلنا …

وسيم هز كتافو ) كولا وقلبو أصاحبي أنا راه غير عويناتها كاينسيوني شيحاجة سميتها الغضب …

سليم مخنزر وشاف فجبار لي ساكت ) من العقاب لي عطيتيهن باين غضبك عليها غايطول هاذ المرة …

جبار شاف فيه) نهار نشوف أنها دارت ولو شوية من عقلها ..وولات مستوعبة أنها تزوجات وعندها رااجل عندو حقوق عليها ..ديك الساعة ممكن نرجع نهضر معاها عادي…

(سليم ساهي ووسيم خنزر فيهم ووقف )

وسيم : نتوما بجوج عارفين انها ماغاتقدرش تصبر بلا بيكم واخا من ديما كاتخاف منكم ومن ديما كاضربليكم غير نتوما بوحدكم لحساب ولكنها كتموت عليكم ماغاتقدرش تصبر لتقلاقكم فا ماتعيقوش تاني …

جبار ابتاسم ووقف خنزر فيه ونطق ) نتا حر فردات فعلك على زبايلها وحتى أناااا وغانهضر معاها نهار نشوفها تستاهل اني نهضر معاها…(وتحرك لبس بوديه و خرج فحالو ..وسيم شاف فسليم لي شاف فيه)

سليم : غانهضر معاها (وقف) ملي نحسها فعلا ندمات على تصرفها (واتجه لآلة الجري خدمها وطلع عليهاكايجري بسرعة ووسيم وقف أمامو )

وسيم : وسميحة ؟

سليم شاف فيه مخنزر ) دخل سوق راسك…

وسيم : قبيلة ملي كنا واقفين جنب مكتب جبار شفتها كيكاتهضر معاك وتحزر ونتا حتى مكاتشوفش فيها …

سليم ابتاسم )وادخل سوق راسك اصاحبي واش نتا سمحتي لسماح خاسني نسمح تانا لسميحة ولا ؟

وسيم : لا ماقلتش هاذشي (هز يديه)لا أخاي دبر لراسك غير هو نصيحة راه سميحة هشة فووق لقياس هي وجمانة بحاال بحال رطباات بزاف ماغايتحملوووش هاذشي عالأقل سماح قاصحة شويا …

سليم وقف ديك الآلة وهو كايلهث مخنزر ونطق بنوع من الصراخ ) واااش دابا غاتورييني مراتي كيفاش دايرة ولا شنووو…

وسيم هز فيه حاجبو ) نتا وياه فوطوكوبي والله..

سليم : لا هو زاايد عليا نغزاات … هاذشي ليقلتيلي عن سميحة قولوليه عن ساندرا ..سير قوليه ساندرا هشة ورطبة وكوولنا غانشوفوك مخشي فالحيط…■□تتمة الجزء 409■□
سليم : لا هو زاايد عليا نغزاات … هاذشي ليقلتيلي عن سميحة قولوليه عن ساندرا ..سير قوليه ساندرا هشة ورطبة وكوولنا غانشوفوك مخشي فالحيط…

وسيم : الله يستر (واختفى من مكانو ..وسليم مسح على وجهو ورجع خدم الآلة كايجري )

🍀🍀🍀🍀

عند جبار لي بعدما خرج من صالة السبور …غادي فالكولوار في اتجاه جناحو وباين فيه معععصب…حتى وقف مكانو كايفكر لثواني …وبعدها بقوة التنقل اختفى وظهر أمام باب جناح جمانة …فعل قوة رؤية ماخلف الجدار …وبعدها اخترق الباب ودخل …وتمشى حتى وقف مربع يديه .. جنب فارس لي جالس على كرسي جنب سريرها ….

فارس نطق بلا مايشوف فيه ) أربع ساعات وهي كاتبكي عييت نحاول نسكتها بدون فائدة ..ماقدراتش تصبر على كلام أميرة ليها وعلى نظرات لبنات ..وعلى برودة سليم (هز راسو شاف فيه) وقالت أنها شافت فعينيك نظرة بمعنى عمرك تسمح ليها هاذ المرة…

(جبار مجاوبوش عينيه غير عليها …وفارس رجع كايشوف فيها ونطق)

فارس : ماغانقولش أن عقابك قاسي حيت بصراحة جاني هين بزاف مقارنة مع النفي وماعنديش الحق نطلبك تسمح ليها ولكن واش نقدر نطلبك ماتطولش فقلقك عليها حيت نتا وأنا عارفين انها واخا تعيا تصبر غاتنهار فالأخير…

جبار : ونتا سمحتي ليها (شاف فيه ) حيت ماشي هاذشي لي كايبانلي فعينيك يا فارس …
🍀🍀🍀🍀
نمشيو لجناح جبار ….ساندرا متكية على سريرها ناعسة وكوولها عرقانة …وكاتتنفس بسرعة …بدات كادور راسها يمين وشمال بسرعة وهي مزييرة على يديها …حتى شهقات وتكعدات جالسة وهي حالة عينيها عالجهد مكاترمشش…وبدأ سائل لونو أخضر كايهبط من جناب فمها …حطات رجليها على الأرض وناضت بخطوات ثقيلة….دخلات لحمامها وسدات موراها الباب من الداخل …وتوجهات للافابو وقفات أمام المراية وهي مزالها حالة عينيها عالجهد مكاترمشش ….لثواني وهو يتغير انعكاسها على المراية…بدل صورتها بانت صورة ماريانا ساحرة الأعشاب ….)

ماريانا لي كاتبان فالمراية نطقات ) تقدري ترجعي لوعيك دابا ….

ساندرا شهقات وتحنات على ركبتيها كاتكح وكاتنفس بسرعة … وهي كاترمش فعينيها …هزات راسها كاتشوف نفسها فالحمام…و آخر ماعقلات عليه كانت جالسة كاتهضر هي وشيماء حتى حسات بالدوخة ..وطلعات للجناح مباشرة تلاحت فوق السرير نعسات ….ساندرا سرطات ريقها وهي كاتشوف حواليها باستغراب… ويالاه دورات راسها للافابو تغسل وجهها حتى ضربات فماريانا لي منعكسة على المراية …الشيء لي خلاها غوتات برعب ورجعات خطوة للخلف وهي كاتتنفس بسرعة…🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء410🌞

ماريانا ابتاسمات ) تهدني كونتيسة ساندرا ماغانآذيكش…

ساندرا :ك كيفاش كاتباني ليا فالمراية ول…

ماريانا قاطعاتها ) تعويذة التخاطر….

ساندرا خنزرات ) تعويذة التخاطر ممكن تنجح وتسمح بالتخاطر بين شخصين عبر المراية … لي ضروري يكونو قراب من بعض بزاف وكايعرفو بعض… فاكيفاش درتيها وأنا مكانعرفكش نهائيا …؟

ماريانا مبتاسمة ومسحات جنب فمها لي هي الأخرى به سائل لونو أخضر ) استعملت أعشاب خاصة عاوناتني فنجاح التعويذة أعشاب شربتهم انا ونتي فنفس اللحظة وبيهم نجح التخاطر عن بعد بيني وبينك…وماصعيبش تعرفي نوع هاذ الاعشاب

ساندرا تفكرات الخادمة ليجابتليها العصير الغريب فصباح وهي تخرج عينيها ) واش واش متحكمين بخدم القصر البشريين بتعويذة الخضوع ولا شنو …

ماريانا : لا شيطانك حااضي جنابو بزز شديت تلك الخادمة ..واش غانضيعو الوقت فهاذ الهضرة الخاوية ! أنا غامرت بزاف باش نتواصل معاك عبر التخاطر ..غير باش نفكرك…

ساندرا سرطات ريقها )تفكريني فاياش ؟

ماريانا: فأنه عندك مهمة ضخمة خاسك ديريها ..تابعك أقوى وعاء سحري خاسك تدمريه (الكتاب ) ومصير صنفين لا السحرة دالخير لا المتحولين فيديك… وأنه عندك سبع معاشر دالسحر الخير لي كلهم تصدمو ملي عرفوك وليتي الليدي دالمتحولين فوقت لي كوولهم كانو كايتسناوك تولي الكونتيسا علييهم على بني صنفك …ونتي مخلية كل هذا و غارقة وسط المتحولين ومشاكل بناتهم التافهة !

ساندرا سرطات ريقها مخنزرة ) ونتي شكون حتى تهضري معايا بهاذ الطريقة ..أنا مكانعرفكش….

ماريانا ابتاسمات ) سبق وعرفتك على نفسي ماريانا فلورا آل بيثروفا …

ساندرا حركات ليها راسها بواخا ) وشكوون ماريانا فلورا آل بيثروفا ؟ شكوون نتيييي أشنوو كاتجيني؟

ماريانا : حاليا أنا شادة بلاصتك فرئاسة معشر آل بيثروفا و المعاشر الست للسحر الخير حيت حضرتك مشغولة بالمتحولين …واشنو كانجيك (ابتاسمات) نهار نتلاقاو غاتعرفي…

ساندرا : سمعيني أنا عارفة مزيان المهمة لي على عاتقي وعارفة اشنو خاس ندير ولكن ماشي ذنبي إيلا لكتاب مازال حتى لدابا مابين ليا طريقة تدميرو…

ماريانا : كيبغيتيه يبين ليك طريقة تدميرو ونتي مزال ما متوفر فيك الشرط الأساسي ليخاس يكون فالمختارة ؟

ساندرا حولت تعابيرها للإستغراب ) كيفاش اشمن شرط؟ ■□تتمة الجزء 410■□
ساندرا حولت تعابيرها للإستغراب ) كيفاش اشمن شرط؟

ماريانا : لو كنتي واخدة الأمر بالجدية لي يستاهلها ..لو كنتي عاطية الوقت ليعاطياه للستارك ومشاكلهم لهذاك الكتاب الملعون ومركزة فكل ورقة كاتقرايها منو …كنتي غاتحسي بأشنو خاسك او بالأحرى بأشنو ناااقصك باش الكتاب يبين ليك آخر ورقة منو ولي هي الورقة لي فيها خريطة المكان ليخاس يتدمر فيه الكتاب وأيضا الطريقة …

ساندرا مخرررجة عينيها وكاتنفس بسرعة وغوتات) ك ك كيفاش عرفتي كل هذا وأشنو هو هاذ الشرط ؟

ماريانا : عااارفة كل هذا حيت أنااااا بيثروووفا وألكساندرا جداتي الأوولى بحالك ومن المفروووض نتي تعرفي اكتر مني (ضحكات باستهزاء) ولكن لا أنا لا باقي المعاشر ولينا شاكين حتى فكونك مهتمة بهذاك الكتاب أو بمهمتك باراكا عليك غير تنعسي كل ليلة فحظن سيد المتحولين و تلبي ليه رغباتو … وفصباح تنوضي كاتجري تعتقي خواتاتو من مصايبهن أما معاشرك آخر همك و…

ساندرا قاطعاتها بصراخ ) سيد المتحولين لييي كاتهضري عليييه رااه هو راااجلي وخواتاتو خواتاتي وعشائروو عشااائري وعطاااوني ولائهم فاااا احسن لك تهضري عليه باحتراام … ومهمتي ماناسياهاش هذاااك الكتاب غاندمرووو ونزيدك أنا ماطامعااش نترأس معاشرك …

ماريانا خنزراات فيها وغوتات وهي كاتهضر بطريقة متسفزة ) معاااشري !!!! واااراهم معاااشرك نتييي حييت نتيييي مختاارة ألكساااندرااا ماشي أناااا نتييي الكونتييسة الأوولى وااا فيييقي راااك سااااحرة ماشي متحووولة رااه من غداااا غاديري غير خطأ وااحد بسييط غايلوووحك ماغايعقلش عليييك…و النبوووءة كاتقوول تعاون المختارة والجباار لتوحيد الصنفين مااشي أن المختاارة تولي عبدة عند المتحوليين وااااافييقي راااه هذاك الكتاب لي مامسوقاش لييه فأي لحظة تقدري طيحي لانتي لاهوااا فيد آل جووفر وديك سااعة تيقيني غايخليوك بزز منك تطبقي عليهم تعويذة الخلوود وغاااتصدقي بيدييك مدمرة المتحولين السحرة والبشر بدل ماتدمري الكتاااب

ساندرا غوتاات ) باااراكا و..

ماريانا قاطعاتها وغوتات بأعلى صوووتها ) فالوووقت لييي نتيييي كاتفلاي فييه وعاايشة الحب مع جبارك ..ثيوون آل جوفر كل نهاار كايزييد قوووة على نهار لي قبلووو راه كايستنزف طاقاات سحرة معاشر آل جووفر ومابقاليه واالو وغايولي كايعاادل جبارك فالقوة والسرعة ويقدر يفووتو إييلا كان جسدو يقدر يستوعب اكتر من مئة طاقة ساااحر هااذيك السااعة غاتكون عندو القوة أنه يجي برجلييه يااااخدك ومن وسط هااذ القصر وقدااام عينين راااجلك وكل عشيرتو …نتي عارفة مزيان قوة التوأم عند السحرة ..وعارفة مزياان أن الاستنزاف عندنا كالاستنساخ عند المتحولين ..ثيون يقدر يستنزف طاقة ساحر ضعيف ولكن يخليها تتضخم فجسدو…. أي قرييبا تاواحد ماغايقدر يوقف فطرييقو يا مختاارة …

ساندرا لونها صفر ومخرجة عينيها ) وشحاال قدو يستنزف ! وشكون قاليك أن جسدو يقدر يستوعب مئة طاقة ساحر أو أكثر ؟

ماريانا : إذن واش غاتعتامدي على هاذ الفرضية وتغامري ؟

ساندرا : ماغانغامرش الكتاب غاندمرو و…

ماريانا قاطعاتها بضحكة ) قدرتي تخليه يبين ليك كيفاش تدمرين بقا غير ديريها ….🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء411🌞
ساندرا شدات راسها ) دابا اشنو بغيتي عندي ؟

ماريانا خنزرات فيها ) بغيتك تفيقي وركزي على الكتاب فقط …

ساندرا : كيفاش غايبين ليا طريقة تدميرو اشنو هو الشرط ؟

ماريانا ابتاسمات باستهزاء ) قلت ليك ركزي فييه حسي بييه وغاتعرفي اشنو ناقصك كمختارة باش الكتاب يبين ليك كيفاش تدمريه …وشيء آخر قبلما نمشي …النقص لي كاتعاني منو مستحييل المتحوليين يعوضوه ليك ..فا بلا ماتبقاي تشحفي راسك بالتدريب مع شقراء الكهرباء بغرض تقوي سحرك…حيت غيير ماكاتزيدي تضعفي راسك وتستنزفي سحرك بتدريبات المتحولين…. نتي راك سااااااحرة وا سااااحرة ماشي متحولة …

ساندرا : بارااكا من الألغاااز وقولي ليا نييشان اشنو خااسني باش يبين ليا الكتااب كيفاش ولا فين غاندمروو

(قاطعم صوت جبار لي بدأ كايعيط لساندرا وكايدق فباب الحمام وماريانا لي بدأت صورتها تختفي من على المراية شافت فساندرا مخنزرة ونطقات…)…..
🍀🍀🍀
نرجعو لجناح جمانة …عند جبار الواقف كايشوف فيها …وفارس جالس على كرسي جنبو وهو الآخر كايشوف فيها ..

فارس : ماغانقولش أن عقابك قاسي حيت بصراحة جاني هين بزاف مقارنة مع النفي وماعنديش الحق نطلبك تسمح ليها ولكن واش نقدر نطلبك ماتطولش فقلقك عليها حيت نتا وأنا عارفين انها واخا تعيا تصبر غاتنهار فالأخير…

جبار : ونتا سمحتي ليها (شاف فيه ) حيت ماشي هاذشي لي كايبانلي فعينيك يا فارس …

فارس سرط ريقو ) سمحت …

جبار : متأكد ؟ سمحتي كليا ؟ ومن أعماقك ؟

(فارس حنا راسو بدون رد …وجبار حط يدو على كتفو ونطق )

جبار : أنا ماعنديش هاذ القدرة على أنني نتظاهر بشيء كانحس بعكسو يا فارس أو نظغط على نفسي نتحمل شيء لي قلبي مامتحملوش …أو نسامح بكل سهولة وبرود على الكدب …فا برااحتك تظاهر قدامها انك سمحتي ليها ..وخلي نفسك تتحمل وتتقبل كل كدوبها ولعبها عليك فالوقت لي قلبك رافض يتقبل..وسامحها على كدوبها فالوقت لي نتا مقادرش تنساهم…. إييلا نتا قادر دير هاذشي انا مستحيل …

فارس ابتاسم ) أنا كانبغيها هاذشي لي عارف..

جبار : حتى أنا كانبغيها يا فارس حتى أنا… (وطبطب على كتفو وزاد خرج مباشرة في اتجاه جناحو …اخترق بابو ودخل مالقاهاش على السرير …

جبار : سااندرا (شاف فكل الجناح ماكايناش ويالاه تحرك للدريسينغ حتى وقف مكانو ملي سمع حس الهضرة فالحمام ..تمشى تاوقف خلف بابو ودق )

جبار : ساندرا ؟ واش كادوشي ؟ ساندرا !!
🍀🍀🍀
داخل الحمام …ماريانا وساندرا
(قاطعم صوت جبار لي بدأ كايعيط باسم ساندرا وكايدق فباب الحمام وماريانا لي بدأت صورتها تختفي من على المراية شافت فساندرا مخنزرة ونطقات…)

ماريانا : هاذاكشي لي ناقصك بدونو ماشي غير ماغايبينليكش الكتاب كيفاش تدمريه فقط بل مستحيييل تقدري تدمرييه ونتي كاتعاني من هاذ النقص ..بل هو لي غايدمرك ..

(ساندرا كاتتنفس بسرعة ..وسائل أخضر كايخرج من جناب فمها وفنفس الوقت كايخرج من فم ماريانا وهي كاتشوف فهاذ الأخيرة لي صورتها قربات تختافي كليا من على المراية ..وجبار غير كايعيط ليها ….فاغوتات )

ساندرا :بلالاتي عاافاااك شرحييي لياااا …

ماريانا مبتاسمة) كنواعد المرة الجاية غاتلقايني واقفة أمامك وغايكون لقاء فعلي هاذ المرة وبالضبط بعد أسبوع …

((ساندرا يالاه غاتهضر …حتى اخترق جبار الباب …..جبار لي تهز قلبو ملي سمع صرختها وأنها كاتهضر بلغة مامفهوماش وبسرعة اخترق باب الحمام …ودخل شدها من يدها ردها خلفو وشعل يديه بالنار مخنننزر فالمراية وهو كايشوف فماريانا لي هزات فيه حاجبها ومن بعدها اختفت كليا من على المراية لي تشققت وبدأت كاتفرتت …وساندرا شهقات وطاحت على ركبتيها كاترد وتعاود …وكل ماتقياتو عبارة عن السائل الأخضر لي شربات وجبار محني عندها برعب ..شادها وهو مافاهم والو …وهي كاترد وترد فداكشي أخضر تاسخفات ليه فيديه …. بسرعة قطع لها الفستان ليكولو توسخ حيدوليها بقات غير بدوبياس … وهزها وقف بها تحت الرشاش وطلق عليهم الماء بارد لي خلاها حلات عينيها وشهقات وعنقاتو برعب كاترجف … وهو كايتنفس بسرعة غسل ليها ولواها ففوطة وهزها حطها على السرير وهي كاترجف وساهية وغوت فوجهها )

جبار : أشنووو واقع ؟

(ساندرا سااهية فنقطة وحدة بدون رد …وهو حيد ليها الفوطة وتكاها على السرير ومد يدو كايضغط على بطنها بشوية كفحص )

جبار : تعرضتي لتسمم (تكعد يهزها ) غانلبسك بسرعة نديك للمستشفى ضروري ديري غسيل للمعدة…

(ساندرا تنترات منو حتى رجع حطها على السرير )

ساندرا : أنا بيخير

جبار غووت مخنزر) واااش كاضحكي عليااا كيفاش بييخير أشنوو كلييتي وشكوون هاذيك الساحرة لي بانت فالمراية وأشنوو قالت ؟؟أشنو دارت لييك؟؟ وأشنو ديك اللغة باش كنتو كاتهضرو ؟؟■□تتمة الحزء 411■□
جبار غووت مخنزر) واااش كاضحكي عليااا كيفاش بييخير أشنوو كلييتي وشكوون هاذيك الساحرة لي بانت فالمراية وأشنوو قالت ؟؟أشنو دارت لييك؟؟ وأشنو ديك اللغة باش كنتو كاتهضرو ؟؟

(ساندرا هزات راسها شافت فيه …عاد تذكرت أنها وماريانا كانو كايهضرو بلغة السحرة …اللغة باش كايتكتبو التعاويذ السحرة ..اللغة لي مستحيل شخص غير ساحر يفهمها يكتبها أو يقراها واخا يبقا يتعلمليها حياتو كلها …هي لغة خاصة بالسحرة فقط …)

ساندرا :أنا بيخير…

جبار غووت ) سااااندرااا …

ساندرا غوتاات ) أنااا بيخيير (شدات يدو ليكاترجف) تهدن أنا بيخير وماتعرضتش لتسمم …

جبار : هاهوا مهدن يالاه شرحي …

ساندرا : هاذيك ليكانت باينة فالمراية هي الساحرة ليقلت ليك خرجات ليا فالغابة قالت اسمها ماريانا فلورا آل بيثروفا هاذشي لي عرفت انا …استعملات تعويذة للتخاطر عن بعد باش قدرات تتواصل معاية عبر المراية …

جبار : اشنو داكشي كنتي كاتردي نووضي غاندير ليك فحص و…

ساندرا زيرات على يدو ) غير أعشاب سحرية (سرطات ريقها ) صباح جابتليا خادمة كأس عصير لونو أخضر قالت ليا الخادمة انه عصير صاوباتوليا ماماك …صدقات الخادمة متحكم بها بالسحر عن طريق ماريانا ..وهذاك العصير لي شربت فيه شيعشبة هي لي خلاتني انا وهي نتواصلو عن بعد

جبار مخننزر ) خاادمة فقصري متحكم بها بتعويذة الخضووع…ونتييي عطااوك عصير قالوليك من الواليدة وبكل غباء تيقتي وشربتيه …!

(ساندرا حنات راسها وهو وقف صاعر …عطاها بالظهر كايفكر ونطق )

جبار : اشنو بغات منك اشنو قالت ليك ؟

ساندرا : والو غير فكراتني فمهمتي وصاف…

(جبار استدار شاف فيها ..وتقدم تا تحنى امامها ونطق بهدوء )

جبار : بلا ماتحمقي ديلمي وهضري بوضوح ..قولي ليا كل شيء هي قالتو …

ساندرا شافت فيه)ققالت ليا أني هملت الكتاب ونسيت مهمتي الأساسية (سرطات ريقها ) قالت ليا نركز على الكتاب ومنلي غانركز عليه غانفهم اشنو هو الشرط لي ناقصني باش يبينليا كيفاش ندمرو ..قالت أنني كانعاني من نقص كبير وفهاذ الحالة مستحيل نقدر ندمر الكتاب …قالت أنني ساحرة ماشي متحولة وأن تدريب زليخة ليا ..غير كايضعفني وكايستنزف سحري ..وقالت ليا أنني كانضيع الوقت ب ب…

جبار كايشووف فعينيها وهي كاتهضر ) كاضيعي الوقت معايا ومع عشيرتي …

ساندرا حركات راسها بآه ) فالوقت لي أحم ث ث ثيون كا… (وشهقات بألم ملي شد يدها بسرعة وزيير عليها مخنززر ونطق بتهدييد)

جبار : اسمووو ماتذكرييهش ماتنطقييييش بفمك وبصوتك حروووف اسمووو وآخر مرررة

ساندرا : ضريتيني …

جبار طلقها ) كايستنزف طاقات سحرة معشرو ياك …

ساندرا : باش عرفتي؟

جبار : نسيتي كلام هذاك الحيوان د دريكور عليه …هو قال أن هذاك لق..وي مهووس بالقوة وكايسعى يولي فقوتي أنا باش ي(بغا يقوليها ياخدك ليا ولكن ماقدرش ..ووقف صااعر وضرب كوافوز ببونة قسمو )

(ساندرا فقط ساهيا وكلام ماريانا كايتعاود فبالها )

ساندرا : خاسني نفهم اشنو هو هاذ النقص لي كانعاني منو ؟ خاسني نفهم ضروري نفهم …وإلا عمرني غاننجح فهاذ المهمة علاش انا ضعيفة هكا خاسني نفهم …

(جبار شاف فيها …بانوليه عينيها كاينزلو بالدموع وجلس جنبها شد وجهها بين يديه)

جبار : نتي ماكاضييعيش الوقت يااا ساندرااا حيت كل حاجة بوقتها ..ونتي معاايا ومع المتحولين حيت مقدر لك تكووني الليدي الأوولى على الصنفيين ونتي دياالي و ماكاتعاني من حتى نقص كلك كااملة وبطريقة مثالية ..(باسها ففمها) نتي أقوى من لي كاتصوري خاسك غير تآمني بنفسك وبقدراتك وتحاولي تنساجمي مع هذاك الكتاب ….. ياك قلتي ليا ان الكتاب عندو طاقة كبييرة… فاركزي على هاذ الطاقة وماتقرايهش فقط كأسطر اي سطحيا..بل حسي بيه وبطاقتو …

(ساندرا ابتاسمات له وسط دموعها …وهو ابتاسم لإبتسامتها)

جبار : وبالنسبة لتدريب زليخة لك .. أنا كنت عااااارف ومتأكد انه ماكاينفعك بوالو حيت مور كل تدريب كانحس لطاقتك أضعف ماشي أقوى ..وغير حييت شفتك مستمتعة بالوقت لي كادوزيه مع زليخة وخليتك..

ساندرا : إذن كيفاش غاندير نتدرب كيفاش غانقوي سحري …

جبار : نتي ساحرة يا ساندرا ساحرتي السمراء …وتدريب المتحولين ماعندو باش ينفعك خاسك تتدربي على يد سحرة …

ساندرا خرجات فيه عينيها ) ها هاذيك ماريانا قالت ليا انه مابقاش بزاف وهي غاتبان ليا قالت قالت اسبوع…

جبار ابتاسم بشر ) إذن غانستقبلها بنفسي بعد اسبووع وكانواعدك غانخليها تدربك وغاتولي أقوى…

(ساندرا حنات راسها وهو عنقها وحاسس بها كاترجف فحظنو )

جبار :ساندرا نتي ماشي بوحدك أنا معاك واعدتك وغانعاود نواعدك أننا غاندمرو هذاك الكتاب بجوج ويدي فيديك …

ساندرا فحظنو ساااهية فأفكارها ..وهي دور يديها حول ظهرو زيرات عليه…..🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🌞الجزء 412🌞
🍀🍀🍀🍀
التاسعة 9 ليلا …وفي أعماق غابة جزيرة شيكوتان ..إحدى جزر الكوريل الأربع (نفس جزيرة معشر السحر الأسود ^الكاناما ^ لي لقا فيها آلبرت كل أفراد المعشر ميتين بسبب خوه ثيون لي استنزف طاقتهم للحد )…وفي غابة أعماق هاذ الجزيرة ….وقف فمكان خالي من الأشجار وهو كايلهث و مبتااسم بشر وكايشوف حواليه …حيت واخا الليل السماء صااافية وفيها القمر مكتمل مضوي كل المكان ….

ثيون مسح العرق من جبهتو وغوت بطريقة ساخرة ) يوووولاندااا ..لييدياااا ..آآآنخل …كااارلوووس …واخرجووو خلاص واش ماشي حشوومة وعيب ..خويا مسيفطكم ليا تقتلووني وبلاصت ماتبعوني وانا نهرب صدقت أنا لي تابعكم ونتوووما لي هاربين….

(ثيون سكت شويا كايشوف حواليه ..والهدوووء طاغي على المكان ..تنهد بملل وبانتليه صخرة كبيرة …تقدم حتى جلس عليها فيوضعية اليوگا ..وغمظ عينيه يستشعر الطاقات في محيطو ……ثواني حتى حل عينيه ولقا أمامو رجليين …لابسين بجوج الأسود بشكلهم المخيف …)

ثيون مبتااسم بشر ) آنخل وكارلوس مرحبااااا

كارلوس : كونت ثيون عندنا أوامر من الكونت آلبرت بإلقاء القبض عليك وإعادتك للجزيرة المنسية للقصر الزجاجي مقر معشر آل جوفر …

ثيون : وايلي ….

آنخل : كونت ثيون ماتخليناش نستعملو معاك العنف …

(ثيون حس بالطاقة خلفو واستدار بانوليه امرأتين …حتى هما بشرة بيضاء ومكياج وثياب سوداء …ابتاسم ورجع نظرو لآنخل )

ثيون : وايلي ..(نقز من فوق الصخرة حتى وقف على الأرض كايقاد ثيابو ويتكسل ..وطرطق عظام رقبتو ونطق ) وريييوني هاذ العنف نشوووف….

(السحرة بأربعة شافو فبعض …وتقدمو آنخل وكارلوس كااايجريو ناحيتو ..فحين يولاندا وليديا شدو فيدين بعض وبداو في إلقاء تعويذة ….)

(ثيون واقف مكانو مبتااسم كايشوفهم جايين كايجريو ناحيتو بسرعة كبيرة …وهما يتمتمان بكلمات تعويذة …عرفها تعويذة التجميد وتعويذة التخدير أي غير غايقيصوه غايتشل كليا عن الحركة وغايتخدر حتى يبطلو التعويذة عاد يفيق ….بلا تعويذة الحجز او الحصر لي كايلقيوها الجوجات لي موراه …لي غايخليوه يتحزج داخل حقل سحري من الطاقة كسجن مؤقت ….ثيون ابتاسم باستهزاء وبقا واقف مكانو بلا مبالاه حتى قربو يوصلوليه حل فمو تمتم بكلمات نفس التعويذة لي باغيين يطبقوها عليه وغير قربو ليه مزال حتى ماقاسوه بسرعة وبقوة كبيرة منو شدهم بجوج من رقبتيهما هزهم من على الأرض وهما مشلولين عن الحركة ….■□تتمة الجزء 412■□
ثيون ضحك بسخرية ) وااش من نيتكم سرعتي في إلقاء التعاويذ ولات كاتتجاوز سرعتكم بالأضعااف …وقوة تعاويذي وفعاليتها ولاو لا تقارنون بأي ساحر آخر فهاذ الأرض (ضحك باسمتاع ولاحهم بجوج على الأرض وهما مخرجيين عينيهم ومشلين عن الحركة ….وتحنى قفازي أمامهم وشد يديهم وبدأ في استنزاف طاقتيهما )

ثيون : أحسن شيء دار آلبرت انه سيفطلي أقوى أربع عناصر …(كمل استنزافو وناض استدار عند المرأتيين مخلي خلفو آنخل وكارلوس مجرد جثث )…

يولاندا وليديا مشادات اليدين وكاينطقو فنفس الوقت ) جيلاهار جيلاهاريس جابوديان جيلاهاريس جيلاهار جيلاهاريس جابوديان جيلاهاريس جابوديان جيلاهاريس جيلاهاريس///تعويذة الحصر شفناها قبل مع ساندرا وجبار على الجزيرة الخضراء مليي هجومو السحرة عليهما//

ثيون كايشووف فيهما ويالاه لاح رجليه يزيد عندهم حتى منعو جازر لامرئي قوي من أقوى الحواجز السحرية لأنه مدعم بسحر ساحرتين للسحر الأسود فنفس الوقت …)

(المرأتين سكتو وطلقو من يدين بعض و يولاندا مخرجة عينيها فجسدي آنخل وكارلوس ..شافت فثيون مخنننزرة وتمتمت بتعويذة النار وثواني حتى شعلو يديها بناار قوية لي يالاه غاتوجهها لثيون المحصور داخل الحاجز …حتى منعاتها ليديا …)

ليديا : عندنا أوامر نردوه للجزيرة المنسية وهو حي …

ثيون هز فيها حاجبو ) إذن توأمي ماسيفطكمش تقتلوني (ابتاسم باستهزاء )

يولاندا مخننزرة فيه ) أنت لي كاتقتل فبني صنفك عاار على السحرة ومستحييل نتقبلووك ككوونت عليينا …

ليديا حطات يدها على كتف يولاندا ) تهدني… حنا ماغانقدروش نحركو بيه حاجز الطاقة فا أنا غانبقا هنا نحرسو ..ونتي تنقلي للجزيرة المنسية وجيبي معاك الكونت آلبرت…

(يولاندا حركات راسها بواخا ويالاه غاتبدأ في التمتمة بكلمات تعويذة التنقل حتى قاطعم ثيون)

ثيون : بلاتي أزوينة فين غاديا تسناي نقوليك اش غاتقولي لخوية عاد سيري (وحط يدو على حاجز الطاقة أمامو وهو كايضحك …وليديا ويولاندا مخرجين فيه عينيهم )

ثيون : لافوري هاتبالي لافوري هارمالي بروكينفليكس

(وما احتاجش يعاود ينطق ب كلمات التعويذة مرة أخرى حتى تسمع صوت تكسر الحاجز اللامرئي كصوت تكسر الزجاج ….وثيون زاد بخطوات سريعة وهو كايضحك ….أما يولاندا وليديا لي تعابيرهم مصدومة من كيفاش قدر يكسر حاجز قوي بهاذ السهولة والسلاسة …هجمو عليه بسرعة بنارهم السحرية…لي ماقاصتوش حيت اختفى من مكانو بسرعة بتعويذة التنقل في الهواء …لأن ثيون وآلبرت ساحرين لأقوى عنصر سحري ولي هو الهواء..تنقلهم كايكون اختفاء فالهواء كالدخان …

///وتنقل سحرة الأعشاب كايكون عن طريق الأشجار كما شفنا مع سام وماريانا عدت مرات ملي دخلو فالأشجار واختفاو …تنقل سحرة التراب شفناه مع هاذ الرباعي لي ملي بانو اول مرة تحلات الأرض وخرجو منها وقفو امام آلبرت …تنقل سحرة النار كايكون بدخولهم فالنار …تنقل سحرة الماء كايكون وسط الماء …إلخ///

ثيون ظهر مباشرة خلفهم وغير استدارو عندو بلكة قوية ضرب يولاندا لوجهها حتى طاحت على الأرض..وشد ليديا من عنقها قاجها ويالاه غاتنطق بكلمات تعويذة ..حتى سبقها نطق بسرعة ولمرة واحدة )

ثيون :أنهامروس بيفوليس فيسماتوس أنهامروووس بيفوليس
(بتعويذة الألم …وطلق ليديا لي طااحت على ركبتيها شاادة راسها لي غاينفااجر من الألم …وهي كاااتغوت بأعلى صوتها والدم بدأ كايخرج من ودنيها ونيفها …وهو كايضحك.. ثواني عاد بطل التعويذة وتحنى عندها شد يدها وبدأ في امتصااص سحرها ..وعينيه على يولاندا لي كاتتنفس بسرعة ركابيها فاشلين عليها ….)

ثيون : غاااتحركي من بلاصتك راسك يتبعج ( وأشار ليها لفوقها …وهي غير هزات راسها لقات الصخرة الكبيرة ليكان جالس عليها …فوقها مباشرة …هو متحكم بها بتعويذة تحريك الأشياء ….)

Leave a comment