Skip links

قصة : الوحش وذات القزحتين الجزء 2.( عشق جبابرة) ج30

 46,657 عدد مشاهداات

🌿تتمة الجزء🌿

عصمان : واش مغاتهناي حتى يخلطك

زليخة تنترات منو ) وااهي مدارت والو

عصمان : وااديها فرااسك وفركبتك

زليخة شافت فركبتها وابتاسمات ليه وشدات يدو ) خفتي عليا

فارس قرب منهم هو وجمانة ) زوزو واش تصالحتي مع جبار

زليخة مبتااسمة ) آه صباح هو مابقاش مقلق مني

(عصمان سرط ريقو ونتر يدو من يدها وبعد منها وقف جنب مالك …

جبار لي مزالو واقف أمام ساندرا هو مخنننزر وربع يديه وهي حانية راسها )

ساندرا بزز نطقات ) ق ق قلتي م مانخرجش من القصر

جبار حرك راسو بواخا ونطق بهدوء ) ونتي أشنو درتي

(ساندرا لارد حتى غوووت فوجهها لدرجة غطات وجهها بيديها ولبنات قفزو تخباو خلف أزواجهم )

جبار: ساااااندرا (مد يدو حيد ليها يديها من على وجهها وغوت ) سيييرو كلكم وصلو لبنات للقصر وسبقوني لمحكمة المتحولين …

(كل واحد جر حبيبتو ومشاو إلا زليخة لي ماتحركات حتى استدار وشاف فيها مخننزر عاد تبعاتهم كاتجري وشدات فيد عصمان لي تنتر منها تاني وباين فيه معععصب رجعات شدات يدو للمرة التالثة وهاذ المرة اختفى من مكانو كليا بقوته خلاها واقفة عينيها عمرو دموع ..ولكن مخلاتهمش يطيحو مسحاتهم وابتاسمات وزادت تابعة خوتها وخواتاتها …)

🌿🌿🌿🌿

عند جبار لي شاف ساندرا بدات تبكي بالخلعة …وهو هدن نفسو ونطق )

جبار : أول وآخر مرة تكسري هضرتي (مد يدو كايمسحلها دموع ) واش فهمتي

ساندرا بسرعة حركات راسها بواخا…. وهو شد يدها يالاه جرها يمشيو وهي وقفاتو )

ساندرا: بلاتي راه أنا حسيت بشيء غريب

جبار : أشنو هو هاذ الشيء

ساندرا: م ماعرفتش بالضبط ولكن حسيت بشيحد مراقبني وشي طاقة سحرية غريبة ماشي بحال طاقة سحرة السحر الأسود لي صادفت…وهاذشي علاش جريت حتى لهنا تبعت حدسي

جبار مخننزر جبد هاتفو بسرعة رسل عدت رسائل وشاف فيها ) بقاي واقفة هنا …(واختفى من مكانو بقوة التنقل …

(ساندرا سرطات ريقها ..وهي مزالها كاتحس بطاقتو قريبة منها …ولكنها فنفس الوقت حاسة بطاقة سحرية غريبة قريبة ليها بزاااف طاقة لي ماقدراتش تفسرها ..بدات كاتشوف حواليها بهستيريا ..وشافت فالشجرة الكبيرة أمامها لدقائق وهي حاسة بالخوف الشيء لي خلاها عيطات ليه بصرااتخ )

ساندرا: جبااااار …

( جبار مباشرة ظهر أمامها كايلهث..)

جبار :بقوة الجري السريع قلبت كل الغابة مافيهاش حتى طاقة سحرية أخرى من غير طاقتك لي أصلا بزز باااش كانحس بها

ساندرا سرطات ريقها وشدات راسها وهي كاتميل بالدوخة) لا لا أنا راه م متأكدة

جبار بسرعة شدها وكايهضر بصرااخ ) طاقتك مستنزفة للحد (هزها بين يديه وغادي بيها وكايغوت ) شكووون قاااليك تتدربي هااا شكووون قااليك خاسك تكوووني ساحرة قوية هااا واش أنا قلتهااا ؟ وااااش قلتهاااا أنا مااامحتاجش لقووتك وهذاك الكتاب أنا غاندمروو نتيي مامحتاجااش تكوني قوية أنا هو قوتك… (وشاف فيها هو صاااعر وهي لقاها مغمظة عينيها بالتعب نعساااااات …تنهد باسها فراسها واختفى بها من كل الغابة …..

(وغير اختفى ..الشجرة الكبيرة ليكانت واقفة أمامها ساندرا ….تحلات بحيث جدعها تحل على جوج ..وخرجات منو وهي كاتلهث والجدع دالشجرة رجع تجمع …مسحات العرق من جبهتها وابتاسمات …حتى وقف جنبها ونطق بصوتو البااارد…

…الرجل.. : شفتي بعينيك هي ولات وحدة منهم بل اكتر من هذا هي راها فعلا ولات مرات شيطانهم وباين فيه متعلق بها وحتى هي (ابتاسم)فلحظة خوفها بلاصة ماتستاعد للهجوم كساحرة مختارة هي غوتات مستنجدة باسمو ..ضعييفة …فا أشنو غاديري دابا …/

..المرأة.. : ( شافت فيه مبتسمة ) والو مغاندير والو حتى يدوز اجتماع الغذ عاد غايبان لينا أش خاسنا نديرو … ويااا ساااام دائما كانقووليك آمن بها كساحرة مختارة فا آمن بها /

سام نطق ببرود): فرق كبير بينها وبين آنجلا وميبهار …المهم خاسنا نمشيو من هنا بسرعة راه بزز قادر نكبح طاقتي وطاقتك مايحسوش بنا المتحولين…../

المرأة بدأت تتمتم بكلمات تعويذة تنقل … حتى تحل جذع الشجرة تاني ودخلات فيه هي والرجل “”سام”” وتسد عليهم الجذع …)….يتبع 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🌞الجزء 334🌞

🌿🌿🌿🌿

(تتمة لأحداث الجزء السابق)

عند الشباب لي وصلو لبنات من الغابة للقصر ..أميرة وسماح غير دخلو مشاو لأجنحتهم بسرعة بدون مايهضرو مع وسيم ومالك …أما سليم وفارس ماطلقو سميحة وجمانة حتى نبهوهم مرة وعشرة مايعاودوش يعتبو باب القصر ….وبعدها كل الشباب خرجو بعدما آمرو ليكارد البشريين مايعاودوش يخليو لبنات يخرجو ….وزليخة مشات نيشان لجناحها…أما جبار بعد اختفائه من الغابة ظهر وسط جناحو وحط ساندرا على السرير …حيد ليها الحذاء والجاكيط وغطاها باسها ففمها وحط جنبها هاتفها ..وخرج صاعر غادي خارج من القصر ودوز الخط …

جبار : فينكم

فارس : سبقناااك

جبار : راه قلت ليك فميساج بغيت كل كاميرات الغابة ليكانو فيها لبنات نواحي ملعب الكورة وبالضبط فلبلاصة لي كانو واقفين فيها ملي لقيناهم ومزال ماوصلني والو ..

دخل معاهم سليم فالخط ونطق) الأمر غريب يا جبار

جبار لي يالاه غايحل باب سيارتو يركب حتى وقف مكانو ) أشنو الغريب؟؟

سليم : كل الكاميرات المعلقة على الأشجار ولي من المفروض تكون صورات لبنات لا كاميرات دالملعب والا لي فالمكان لي كنا واقفين فيه مع لبنات ولا فالنواحي …

كلها لقيناها مغلفة بالربيع

جبار خنزر ) : الربيع!!

فارس : وا ربيييع نايض فيهم غلفهم لدرجت غطاهم ماصورو والو …عمرك شفتي ربيع نايض فالحديد….؟؟

جبار ابتاسم ) ساحر عنصر الأعشاب…

سليم : هذا هو استنتاجي حتى أنا ولكن ماحسينا بحتى طاقة سحرية اخرى أحم أنا راه حتى طاقة مراتك ماحسيتش بيها كاع حيت مستنزفة ….

جبار : هاني جاي ونهضرو…

(وقطع ….دخل لسيارتو لي زاجها فيمي حتى مابقاش كايبان للبوديكارد البشريين المنتشرين حول القصر …وهو يختفى من وسط سيارتو بقوة التنقل ….ظهر وسط الغابة ليكانو فيها ..وبالضبط جنب الشجرة الكبيرة …لي بقا واقف كايشووف فيها حتى تحولت ملامحه لإستغراب ملي شم أو استنشق في المكان عطر نسائي غريب …هو أكيد ماشي عطر ساندرا دالخزامة لي مستحيل مايميزوش …وماشي عطر زليخة الفرنسي المعتاد ..وماشي عطر ختو جمانة ليكادير بحال عطر أمو …وماشي عطر أميرة دزهرة الرمان أو حتى عطر التوأم سموحات دالخوخ وزهرة الليمون … بل عطر غريب كليا عليه…ولي ماعجبوش …شاف فجوانب الشجرة…وقرب منها باستغراب مد يدو لغصن من أغصانها هز منو زغبة او خصلة شعر كانت طوييلة وبوكلي …تماما كشعر ساندرا …ولكن ساندرا اليوم كانت مسرحة شعرها بلبلاك ….

جبار ابتاسم ولاح ديك الزغبة … وتحنا ضرب الأرض بلكمة قوة باستعمالو قوة تفعيل الزلازل…//إحذى أهم وأخطر قواه الثمانين/// ..حتى بدأت الأرض تحته كاتهتز يشكل قوي والشجرة الكبيرة تقسمات من الوسط على جوج..وطاح كل طرف فجهة وتسمع صوت ارتطام قوي فكل الغابة …..

(جبار واقف كايشوف فنصفي الشجرة مخنزر ونطق بصوت مسموع )

جبار : مرحباااا بسحرة معاشر آل بيثرووفا كانظن القصر وعاااااارفينو فين جااا غااااانتسناااكم (غووووت) فاااااا سااااندرا خط أحمر هي ولات محسوبة عليا دياااالي وظمن عشييرتي فاليسااخي بروحو يعاااااود يحااول يقرب منها مرة أخرى …(وشاف فكل المكان بنظرات شيطانية وبعدها اختفى من مكانو …..وبعد دقائق على اختفائه …تحل جدع شجرة أخرى على جوج وخرج منها ^^سام^^ كايلهث و مخنززر فالشجرة الكبيرة لي قسم جبار على جوج…ونطق…

سام : هي ساحرة يا شيطان المتحولين سااااحرة وفالأخير هي غايخسها تختار يا إما عائلتها و معاشرها أو عشائرك…(ورجع دخل فالشجرة لي تسدات بعدو ) 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🌞الجزء 335🌞

🌿🌿🌿🌿

التامنة مسائا …..وفأكبر جناح فالقصر جناح لي فيه جوج جوج من الحاجة.. وهو جناح التوأم سميحة وسماح …..

شيماء واقفة وسط الجناح وجنبها فاضمة كبيرة الخدم مع خادمات هازين علب.. وقدامهم فوق الفوطويات جالسات كل من : ساندرا…لي عاد شويا باش فاقت مخسرة بنعاس وفااشلة بحيث كل طاقتها السحرية مستنزفة وفيديها هاتفها لي فكل نصف ساعة كايصوني جبار وخاس تجاوبو ..جالسة وفقط ساااهية كاتتذكر الطاقة السحرية الغريبة لي حسات بها فالغابة … وجنبها جمانة ليشادة تلفونها كاتسيلفا وتسيفط لفارس … وسميحة لي شادة تلفونها كل شويا كايوصلها مساج من سليم وخاسها تجاوبو فنفس الدقيقة وإلا غايصعر … جنبها أميرة لي واضح عليها مزال معصبة … جالسة حداها سماح لي كاتقرأ فتلفونها فعشرات رسائل الحب لي كايسيفط ليها وسيم كل خمس دقائق ولي مامجاوباه على حتى رسالة منهم فقط كاطلعليه الvu…..وكاينة حتى زليخة لي متكية فواحد من أسرة البنات مغمظة عينيها وكاتفكر غير فعصمان وشي طريقة باش تصالحو …

شيماء : احم حبيباتي ؟

(البنات من غير زليخة شافو فيها وهي خذات علبة كبيرة راقية الشكل ..من كبيرة الخدم فاضمة وعطاتها ل ساندرا..)

ساندرا كاتشوف فالعلبة مستغربة وشيماء نطقات) حليها يا ساندرا

ساندرا شافت فيها) هاا واخا

(حلات العلبة وهي تحل معاها عينيها والبنات جنبها كذلك كايشوف فالعلبة بانبهار.. ساندرا هزات من العلبة فستان زفاف ابيض فخم مع اكسسواراتو وحذاء كريستالي شفاف… مع باقة ورد دياموندية كلشيء كايلمع وبريقهم منعكس على عيونها .. البنات حالين فمهم ونطقو كلهم) واااااو

جمانة : ماما هاااذو ديالك لي فصور عرسك نتي وبابا الباقة دالورد دياموندية والحذاء كريستال حر عاد الفستان لي كولو لؤلؤ

شيماء : لا مابقاوش ديالي ولاو ديال عروستي و مرات ولدي البكر

ساندرا شافت فجمانة ورجعات شافت فشيماء منبهرة) علاش أنا احم زعما علاش تعطيني هادو ب باين فيهم غاليين وبزاف و…

شيماء بتاسمات لها وقاطعاتها) آه فعلا غاليين غير الباقة بوحدها تكلف ثروة ولكن بالنسبالي قيمتهم المعنوية مكاتقدرش بثمن هادو كلهم هذايا جاسم ليا لبستهم انا فعرسي… وفاش سالا العرس خبيتهم عندي و واعدت جبار أني غانعطيهم للبنت لي غاتملك قلبو ولي غاتكون مراتو (شيماء شدات وجه ساندرا بين يديها) واليوما أنا كانوفي بوعدي….هاذو ديالك ونتي راك وليتي وحدة من بناتي

(وباست ساندرا فخدها …وساندرا عينيها غرغرو وعنقات شيماء …حسات فحظنها مرة أخرى بدفء وحنان و حب..بحال ليكانت كاتحس بيههم وهي فحظن جداتها…شافت ف شيماء بامتنان …)

ساندرا : كنواعدك غانحافظ عليهم

شيماء : وتعطيهم لمرات ولدك من بعدك او لبنتك …

(ساندرا حركات ليها راسها بواخا وشيماء ابتاسمات و رجعات بلاصتها وساندرا بقات كاتشوف فداكشي لي عطاتها بانبهاار وحمااس لدرجة قيسات الحذاء ليجا قدها وضحكات بعفوية وبسرعة هزات هاتفها كاتصور فرجيلاتها وتضحك ..)

(شيماء خذات علبة ثانية من عند فاضمة وشافت ف سميحة) وهادي ليك يا سميحة المبتسمة

(سميحة خذات العلبة حلاتها وهي تجبد منها حذاء كعب عالي ..مطرز بالذهب ..وهو نفسه حذاء الجميلة و الوحش/من الجزء الأول/ وهي تخررج عينيها هي والبنات و شافت ف شيماء لي نطقات)

شيماء : هاذ الحذاء بالضبط يا سميحة هو اغلى كنز عندي… واجمل شيء هداني ياه جاسم…..صممو ليا بيديه وتلك الرسمة لي أسفلو دالجميلة والوحش رسمها ليا بنفسو …. وسليم ملي كان صغير لدابا وهو كايحمااق على هاد الحذاء وكان ديما كايقوليا ماما لبسيه الحذاء الذهبي وفاش كنت كنلبسو ونخرج نلعب معاه هو وجبار ووسيم فالحديقة دالقصر كانو عينيه كايمشيو غير للحذاء …لهذا قررت أني غانعطيه لعروستو… وطلبي الوحيد منك هو تحافضي عليه لبنتك او لعروسة ولدك حيت هاذ الحذاء عندقو قيمة كبيييرة بالنسباليا …

سميحة لي عينيها مدمعين نقزات بفرح وهي تعنق شيماء لي ضحكات وباستها فخدها هي الأخرى …وسميحة بسرعة حيدات بنطوفتها ولبسات الحذاء …)

سميحة : أحسن هذية كانواعدك أعمتي حتى غانحافظ عليه

(شيماء خدات من كبيرة الخدم علبة اخرى عطاتها ل سماح لي بسرعة وبحماس حلاتها وجبدات منها عقد لؤلؤ فخم وحذاء ازرق لامع لي كعبو على شكل يد من الذهب والبنات كلهم كايشوف معاها )

جمانة : وااو هذا هو الحذاء لي صمم جدو أسد لجدة ريبيكا الله يرحمهم والعقذ اللؤلئي هو هذية جدو زيدان لجدة ريبيكا نهار ولدات بابا

وشيماء ابتاسمات نطقات) آه هادو كانو نتاع ريبيكا أم جاسم ومن شحال وانا مخبياهم ومحافظة عليهم وكانقول أني غانعطيهم ل زوجة ولدي الصغير وسيم وحتى نتي يا سماح حافظي عليهم

سماح: وااو زوينين بزااف أعمتي ( ووقفات عنقات شيماء لي ابتاسماتلها وباستها فخدها .. وشافت ف جمانة لي كاترمش فعينيها وعطاتها مفاتيح سيارة )

شيماء:وهاذو ليك أصغيورة ديالي ….🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🌞الجزء 335🌞

شيماء:وهاذو ليك أصغيورة ديالي ….

جمانة كاتشوف فالمفاتيح مستغربة) تاعاش هاذو…

شيماء: مفاتيح سيارتي لي كنتي ديما كاطلبي ليا و..

(ماكملاتش كلامها بسبب جمانة لي غوتاااااات ونقزات من بلاصتها وقفات فوق الفوطوي كاتشطح وتغوت )

جمانة : وااااااااااااعع ماتقوليش ا ماما واااع ياااحليليييووووو وستك ستك ستك طونوبيل لغوز ستك ستك لي مطلية بالالماس ستك ستك ولي اختارع ليك بابا بنفسووو … وستك ستك ستك

شيماء بتاسمات لها) ااه ابنتي هي و..

جمانة طلقات غوتة أخرى صمكاتهم وهي كاضحك) واااااااع هي ولاهيلا هي هههه ودييتها ودييتها والله إيييما خليتها (طارت على شيماء بتعنيقة وهي حضناتها عندها) شكراا شكرا ياا احسن أم فالدنيا (وبااستها ف خذها بقووة حتى دخلات ليها الحنك ) أحححح الحب نتي يا سيدة العشائر أحححح مامثيقاش طونوبيلتك لي كنت نحزرك غير نركب فييها ولات ديالي ولا في الاحلااااام هههه أححح غانفرع بيها الطرح أححح سيارة مطلية بالألماس

شيماء:ههه حمقة اصلا انا مكانعرفش نسوق وعمري سقتها ولا غانسوقها بسبب الفوبيا نتاعي من السرعة وكنت مخبياها ليك نتي..

جمانة: اللهم نسوقها انا حسن ماتبقا غي اتغمل انا نهز فرفوسي ونحطو حدايا وندور بها و نفوجها هي وفرفووسي هااءح

شيماء: قولي نتي لي غاتفوجي بيها

جمانة: كي فوجت انا بحالا فوجات سيارتي وفرفوسي احم سيارتي ااه ياك ولات ديالي

شيماء بتاسمات) اه ديالك بصاحتك بها أحبيبتي

جمانة و البنات غايطيرو بالفرحة وشيماء شافت ف اميرة ونطقات) انا مخبية ليك حتى نتي ولزليخة و لهاندا هداياكن حتى لعرسكن وكل وحدة تاخذ هديتها ..

زليخة كعدات راسها شافت فشيماء ) عميتو أنا بغيت التاج لي هذاك جدي زيدان ملي ولدتي جبارو كايحمقني داك التاج عندك (ورجعات غمضات عينيها )

شيماء : جاك أحبيبتي

أميرة مبتاسمة : واخا أعمتي…

شيماء عطات الاذن لكبيرة الخدم وباقي الخادمات خرجو وبقات بوحدها مع البنات ) غذا غايكون اجتماع العشائر و آه غايكون حتى حفل لزفافكم…وخطبة مالك وأميرة فا عالله الحفل مايتحولش لتمرد..فكل الأحوال نتوما ..ماعندكمش مناش تخافو الشباب وباواتكم غايكونو معانا و…(سكتات وهي كاتشوف فاميرة لي باين فيها ماشي على طبيعتها و هاذشي لاحظاتو شيماء من الأول فا سولاتها)

شيماء: مالكي ا أميرة واش مدابزة مع مالك؟

اميرة حنات راسها وهي تقول) ااه صراحة دابزنا عالصباح بكري ..

شيماء تنهدات وجرات كرسي جلسات قدامهم ودارت رجل على رجل ) كنسمعك….

أميرة (عاودات لهم كلشي لي وقع بينها و بين مالك وخليل هاذ صباح )…وأنا مانقدرش أعمتي نقلب على خليل ونتصرف كأنو مكااينش واخا كل شيء هو عزيز عليا بزاف وكايبقا واحد من خوتي لي كبرت معاه فاكيفاش مالك قدر يطلب مني هكاك وبطريقة تهديد قالي إيلا عاودتي هضرتي معاه غير نسايسني وسيري عندو …كيفاش يهضر معايا هكا راه زاد فيه بزاف

شيماء مخنزرة فيها ) :ونتي مازدتيش فيه (أميرة شافت فيها مخرجة عينيها ) نتي ابنتي سااااهلة عندك وجاك عادي وببساااطة تشترطي عليه يخلي كنييتو و لقبووو و عشييرتو وعائلتو و بلادو ويتنسب للستاركس إذا بغاك….! وجاك زااد فيه غير حيت هو طلب منك ماتهضريش مع ولد عمك لي كايبغيك ؟

أميرة سرطات ريقها …وشيماء تنهدات )

شيماء : أميرة سمعيني ..مالك كايبغييك وبزااف وإذا كان شي متحول آخر بغا شي متحولة وهي اشترطت عليه إذا بغاها يخلي عشيرتو على قبلها ويجي يعيش مع عشيرتها هيا !!…كنقسم ليك صعيب حتى لمستحيل شي متحول يقبلها على راسو …ومالك قاليك آه وهو مستعد يخلي حتى اسمو على قبلك … على قبل حبك … ونتي استكترتي عليه طلب واااحد لي هو طلبك ولي أصلا من حقو وغيرة منو كراجلك …وشكون هاذ الراجل أصلا لي يقبل مراتو تبقا على تواصل دائم مع ولد عمها لي كايبغيها!…هنا مغايكونش راجل بل شماتة ….

(أميرة حنات راسها كاتبكي )

شيماء : أميرة الزواج كولو عبارة عن تضحيات ماشي غير من جهة الرجل بل من جهة حتى المرأة …فا ماتسنايش من مالك يكون هو لي كايضحي دائما …باش زواجك ينجح خاسك حتى نتي تتنازلي شويا وبعدي الغرور والكبرياء عن علاقتك براجلك … نتي بنت ذكية فا دائما خدمي عقلك …قلتي أنك متأكدة من أن خليل كايبغي هاندا غير غرورو عاميه …فاخدمي على هاذ النقطة لصالحك حاولي تبيني هاذشي …ولكن اي شيء درتيه او غاديريه خاسو يكووون بحكمة ونصييحتي ليك ماديري تاحاجة من شأنها تهدد ليك زوااااجك…ماشي غير باااش ماتخسريش شخص آخر او باش ديري الخاطر لشخص آخر … تخسري راجلك وعلى حساب راااجلك ….🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🌞الجزء 336🌞

أميرة مسحات دموعها وابتاسمات ) غانحاول أعمتي… أنا آه كنبغي مالك بزاف وماباغاش نخسرو لأي سبب كان فكنواعدك غاندير كل جهدي باش نحافظ عليه…

شيماء : وتخليه راضي عليك حيت هو داير معاك كل جهدو باش تكوني راضية عليه..قابلي الحب والإهتمام لي كايعطيك راجلك بما أكتر وهكذا غاتخليه متعلق بيك أكتر

(أميرة ابتاسمات وحركات راسها بواخا …وشيماء شافت فسماح لي مخنزرة )

شيماء : سماحتي مؤخرا نتي غير معصبة فا اش تم ازوينة دعمتك…

(سماح ساكتة كاتفكر ..هي ماتقدرش تعاودليهم عن أن وسيم قولبها باش تزوج بيها حيت لاعرفات شيماء غاتندمو ..وهو غايوريها الفيديو ويفضح سماح …تنهدات وشافت فشيماء )

سماح : والو أعمتي

شيماء : امم إذن كل شيء مع وسيمي طبيعي و مزيان ياك؟

سماح : آه …

شيماء مديقة عينيها فيها ) :وقتما بغيتي تهضري أنا مستعدة نسمعك يا حبيبتي وأنا متأكدة من أنك غاتكوني فرحانة بزاف مع وسيم حيت هو بوحدو فولادي لي طبعو هادئ وضحوكي وماعندوش الغيرة أوفر دوز (بزيادة) أي أن شخصيتو المرحة والكوميدية مناسبة ومكملة لشخصيتك القوية والعصبية …نتوما بجوج مكملين بعض ..

(سماح لاإراديا ابتاسمات بعينيها كايبريو …وشيماء شافت فجمانة )

شيماء:حبيبتي

جمانة قاطعاتها ) أنا وراجلي بيييخييير أماما كووول ونااايس وفووق سلك .. مكااينش فالعالم بحال فرفووسي حبقلبي …

شيماء ابتاسمات ) عرفت أنه مكاينش فالعالم بحال النبيل فارس أنا بغيت نسولك نتي واش بيخير غدا غاتتزوجي فا أكما خايفة من شيحاجة…

جمانة ابتسامتها اختفت وسرطات ريقها ) لا منآش غانخاف أنا غير غانتزوج هاء قصدي تزوجت وغدا غاندير الحفلة وصاف يعني …

شيماء : واخا احبيبتي أنا ماخايفاش عليك حيت نتي فيدين فارس وأنا متأكدة أنه واخا ديري لي درتي هو غير غايزيد يبغيك ….

(جمانة ابتاسمات وشيماء شافت فسميحة وساندرا وتنهدات )

شيماء : نتوما لي عندي معاكم خدمة كتيرة …

ساندرا وسميحة كايشوفو فيها …وهي وقفات وجرات الكرسي حتى لأمامهم مباشرة وجلسات )

شيماء : نبدأ بسميحة (ركزات فعينيها ) مال باربي المبتسمة مؤخرا تحولت لباربي حزينة

(سميحة حنات راسها وعينيها دمعو )

شيماء : هضري يا سميحة قولي كل شيء فقلبك بصراحة

سميحة : منلي كنت صغيرة وأنا كنشوف ولدك سليم أعمتي كالبطل كالقدوة وكمثال لرجل أحلامي… هاذشي كولو لي كلما كبرت وهو كايتحول لحب حتى وليت فعلا كانبغيه بزاف وبسكات ..نهار كايجي كانفرح بزاف وكنبقا غير خاضياه من بعيد بلا مايحس …ونهار كايمشي ويغبر بالشهورة ..كنت كنبقا نحسب الساعات والأيام باش يعاود يجي …ونهار قاليا أنه بغاني وغايخطبني ..أنا أعمتي حسيت بفرحة عمرني حسيت بيها فحياتي ولكن مؤخرا كل هاذشي تبدل…

شيماء :أمم خليني نخمم فالسبب …الغيرة ياك؟

سميحة حركات راسها بآه وهي كاتبكي ) أنا مولفة من صغري كانلبس بحررية كنماكي ونقاد راسي كيما بغيت كندير لييي بغيت عمرو بابا ولا عمو جاسم ولا خوية جبار قالولي لا معريا ولا معيقا ..مولفة كانهضر بعفوية ونتصرف بطلاقة ونضحك مع فارس وخليل ووسيم ولكن من نهار خطبني كل هذا تبدل كليا وليت كنحس راسي معاه مخنوووقة وفالحبس ….(كاتمسح دموعها )تخيلي أعمتي هوا لي كايختارلي حتى مانلبس..مابقيتش كنقدر حتى نلبس بدوقي ؟ وكندير غير شوية دكحل كايمسحوليا …والبارفان ديالي أعمتي هو لخر بدلو ليا جابلي آخر بدوقو هو… وقالي هذا لي تولي ديري دائما ومتبدليهش ..ماتخرجيش ماتكتريش لهضرة مع خوتي … حتى من لفيسبوك والأنستغرام حيدهم ليا حيت عندي فيهم أصدقاء جامعاني بيهم غيير لقراية …وواتساب مراقبو ليا … لا والزوينة هي ملي كايوصلني بنفسو للافاك وكايدخلني حتى لقسمي وهو شادلي يدي بحال شي بنية صغيرة حتى يجلسني فمقعدي ويتأكد أني جالسة فصف كولو بنات وماقريب ليا حتى ذكر ..وإيلا كان لبروف راجل كايهددو مايشوفش فيا ومايهضرش معايا عاد كايمشي …كايخليني غارقة فحوايجي بالحشمة مع الناس …وكل مرة سالخ طالب من الطلبة لدرجة ولاو كايشوفوني كايهربو ..وانا وليت كاارهة ديك لافاك …كانحس معاه أني مكايناااش كاين غير هوا شخصيتو غير هوا لي طااغية أنا مااعندي رأي ماعندي اختياار ماعندي شخصية ..وملي كندير بعكس هضرتو أعمتي أو نقوليه لا فوجهو ونتحداه كايبقا يغووت فوجهي ويضرب فيديه مع الحيط ويهرس اي شيء امامو لدرجة كنقول هاهوا غايضربني ولا يقتلني وليت خايفة منو و بزاااف .. وهاذشي كولو أعمتي خلاني كانفكر فأني غلطت بزااف ملي تسرعت ووافقت عليه …

لبنات مخرجيين عينيهم ….أما شيماء مبتاسمة ..بل بزز حابسة الضحكة) 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🌞الجزء 336🌞

لبنات مخرجيين عينيهم ….أما شيماء مبتاسمة ..بل بزز حابسة الضحكة)

شيماء : عالأقل نتي راك كاتجرئي ديري بعكس هضرتو وكاتقدري تشوفي فعينيه وتقولي ليه لا ( شافت فساندرا) ونتي ؟

ساندرا كاترمش فعينيها ومزنكة ) م م م مالي؟

شيماء : واخا هضرتي من قبل وعاودتيليا كل شيء …بغيت دابا نسمع رأيك فجبار…يعني غيرتو الاوفر حبو التملكي و تحكمو وغواتو و عصبيتو …كل هذا بغيت رأيك عليه ؟

(ساندرا حنات راسها ويالاه غاتهضر حتى نطقات شيماء )

شيماء: ساندرا سبق وقلت ليك راسك ماتحنيهش أمام أي شخص

ساندرا شافت فيها ) هو ضريف بصراحة وبزاف(سهات مبتاسمة ) وضحوكي واخا شخصيتو مستفزة ولكنو مرح وحنين بشكل غريب ..حنانو فشكل شيمرات كنكون ناعسة حتى كنحسو كايلعب بشعري ويدوز يدو على راسي بحال شي أب مع بنتو صغيرة (سكتات شوية وابتاسمات وشافت فشيماء ) ماعندي حتى مشكل أنا كايعجبني كيما هوا ..

(لبنات شافو فبعض )

شيماء مبتااسمة) : إذن ماعندكش مشكل فغيرتو وتحكمو وغواتو ولو شويييكيك

ساندرا : هو آه كايخلعني بزاف فاش كايخنزر فيا أو فاش كايتعصب… وبصراحة أنا …… (سكتات)

شيماء : كملي خودي راحتك فالهضرة …

ساندرا : كايبقا يغوت حتى كنقول غايضربني وكنقول صافي غاي غاي غاي غايجري عليا يحيدلي الكتاب السحري ويلوحني ..

شيماء : خلي هذشي من بعدك وقوليلي غيرتو وتملكو واش عندك فيهم شي مشكل..؟

ساندرا : بحال كيما قالت سميحة هو كايقولي اش نلبس وفاش كنلبس شيء ماعجبوش كايختار هو …..وكايقولي اش ممنوع نلبس برات الجناح… أحم درت غير عكر لبارح وحيدوليا… وكايهددني دائما ويوميا مانهضرش مع خوتو أو حتى اللورد جاسم نهائيا …ومانهزش راسي نشوف فيهم… وتيليفوني كانظن مراقبوليا ومدخليا غير نمرتو وعاد مانخرجش ومانجبدش ليه اسم شي رجل اخر قدامو شكون مكان يكون ….ولونا قردي ماينعسش حدايا كايسدليا عليه فالبالكون غير حيت ذكر …. وفاش مايكونش كايصوني خاس نجاوبو فلبلاصة وإلا كايبان قدامي بقوتو مخنزر …حتى الآن غير هاذشي تانتفكر شيحاجة اخرى ونقولهاليكم ..(هزات راسها شافت فيهم لقاتهم مخرجين عينيهم فيها )

جمانة: أجاب الله كاين الله وراك غاجالسة حاليا فالقصر مكتخرجيش ( شافت فسميحة ) تخيليها كاتقرأ معانا فلافاك كوراه جبار دارليها الخمار ..وماغايقنعوش غايصفيها لكل الرجال حتى من العميد..ويرد لافاك للنساء فقط….

شيماء تنهدات بعمق وشافت فيها هي وسميحة ) سمعوني مزيان سميحة وساندرا … حيت فعلا بين كل الشباب سليم صعيب وجبار أصعب ..ولكن أهم شيء خاسو يكون مرسخ فبالكم هو … : لا جبار وااا لا سليم راه مستحييييييل يمدو يدهم عليكم مستحيييل واخا ديييرو معاهم لي درتووه…فا ركزووليا على هاذ النقطة مزيااااااااااااااان وداائما ديروها فبالكم …

سميحة : ولكنو كايخلعني…

شيماء : كايخلعك بغواتو وعصبيتو هاذشي راه طبيعي ولكن حدك غاديري فبالك انه مستحيل يضربك …خوفك منو غاينقص بزاف وحتى نتي يا ساندرا …مثلا أنا ملي يالاه عرفت جاسم كان ومزالو لدابا عصبي بزااف مكايضحكش وحتى نهار كانقولو شيحاجة بهدف نضحكو مكايضحكش جدي لدرجة كبيرة …وحتى أنا كانت عصبيتو كاتخلعني وبزااااف ولكن ماشي كنت كنخاف منو على راسي لا أنا عمررني خفت منو حيت هو من اول نهار واعدني اليد ليتتحط عليا تتهرس حتى لو كانت يدو هو …و أنا دائما كنت متأكدة أنه عمرو يضربني حتى بالضحك …ولكني كنت كنخاف عليه بزاف حيت فاش كايتعصب كايآذي راسو ونموت ومنشوفوش آذى نفسو بسببي (شدات يد سميحة ) حبيبتي سمعيني مزيان سليم بحال جاسم مستحيل يضربك راه يضرب راسو ومايضربكش …قوليلي ملي هو كايتعصب بسببك ويضرب يدو مثلا مع الحيط واش نتي ماكاتأثريش ؟

سميحة : لا كايبقا فيا بزاف والله …

شيماء : ومعاملتو ليك واش ماشي هو يستاهل عليها انك تسمعي كلامو وديري بيه…

سميحة : ولكن راه بزاف أعمتي بزاف مانقدرش نصبر…

شيماء : تقدري وخاسك تقدري حيت ياا سميحة وحتى نتي يا ساندرا ..بلا ماتسناو من حبار وسليم يتبدلووو أو ينقصو من الغيرة حيت مستحيييل يتبدلو … خاسكم نتوووما تتعوذو على طبعهم وتعرفو كيفاش تحولو عصبيتهم وغيرتهم لصالحكم….

(سميحة كاتسمع بتركيز هي وساندرا لي كاترمش فعينيها)

ساندرا : كيفاش ؟ 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🌞الجزء 337🌞

ساندرا : كيفاش ؟

شيماء : لبستي شي فستان مثلا ماعجبوش تعصب نتي ماشي تحني راسك وتجلسي تبكي وتترعدي هكا غير غاتزيدي تعصبيه وهو كايشوفك كاتبكي بسببو ….بل غاتقربي منو وهو معصب غاتعنقيه وأحم المهم بحركاتك غاتحلوني عليه راه غاضربيليه كل عصبيتو عرض الحائط وغاتخليه غير بشوفاتك وكلامك يدير أي شيء بغيتيه نتي لدرجة هذاك الفستان لي ماعجبوش غايلبسوليك بيديه …

(ساندرا مزززنكة …وسميحة مبتااااسمة )

سميحة : بصح أعمتي وتصدق ؟

شيماء : آه بصح وديري فبالك شيء مهم يا سميحة راك مابقيتيش ديال راسك نتي ديالو عندو كل الحقوق فيك يغير يأمر يتعصب يتحكم ….كل هذا من حقو #مادااامو محتارمك وماكايآذيكش وكايبغيك بووحدك وصاينك وكايعاملك كالأميرة ومهتم بيك وبأدق تفاصيلك …فا هو يستاهل منك تتحملي غيرتو وحبو التملكي ولكن فنفس الوقت ماتنسايش حتى نتي بشخصيتك ورأيك ملي ماتعجبكش شيحاجة بهدوء وبعقل غاتهضري معاه وتقوليهالو وتشرحيلو علاش معجباتكش وغير بطريقتك غاتخليه يقتانع ..ونفس الكلام بالنسبة ليك مع جبار يا ساندرا …

سميحة لي ضحكات ) واخا أعمتي

شيماء شافت فساندرا لي حانية راسها ) قلت ليك الدرس الأول هو راسك دائما هزيه وشوفي ليه فعينييه وهو كايهضر معاك يا ساندرا…

ساندرا شافت فيها ) م مكانقدرش…

شيماء : بسبب الكاريزمة ديالو الطاغية وخجلك الكبير ماغاتقدريش ولكن خاسك تحاولي خصوصا فالنقاشات الجدية بينك وبينو ونتي كاتعبري عن رأيك و رغباتك ماااتحنيييش راسك ….

ساندرا : غ غانحاول….

شيماء : الدرس التاني ليك هو تقولي لا بدل واخا …

ساندرا : هاا !!

شيماء : جبار قاليك مثلا ماتخرجيش من القصر غاتقوليلو لا نخرج بغيت نخرج…

ساندرا مخررجة عينيها ) : أويلي مانقدرش

شيماء : خاسك تقوي شخصيتك قداامو يا ساندرا وأول خطوة لتقوية الشخصية هي تتعلمي تقولي لا ….

(ساندرا سكتات كاتفكر …وشيماء شدات يدها )

شيماء : جبار بالضبط يا ساندرا مستحيل يآذيك لا جسديا وا لا معنويا أو بألفاظ … مستحيل فا ماعندكش علاش تخافي منو نهائيا ماتكونش عندك حتى ذرة خوف منو ..فكل حالاتو حتى مني يوصل لأعلى درجة فالعصبية ويتسيف كالشيطان قداامك ماتخاافيش منو …. بالعكس فا قوي نفسك معاه شوفي فعينيه بتحدي إذا هو دار شيء ماعجبكش هضري ماتبقايش ساكة قولي لا على الأشياء لي نتي ماراضياش عليهم….

ساندرا شافت فيها ) كانظن واخا نقوليه لا هو غايدير لي فراسو ….

شيماء : وديري تانتي لي فراسك العناد والرفض أحيانا كايكونو ضروريين باش تبيني لنصفك الآخر أنه ماشي ضوري يكون هو دائما على حق وصواب غير حيت هو الرجل ونتي المرأة …

ساندرا غمضات عينيها بقوة وحركات راسها بلا ) مانقدرش أخالتي والله مانقدر راه كنوقف قدامو قلبي كايبغي يسكت ولساني كايتربط كاتخرجلي من فمي غير واخا واخا واخا

شيماء مسحات على وجهها وضحكات بفقصة ) ههه وهاذ واخا ديالك كاتقوليها عن اقتناع أو خوف؟

ساندرا :كيفاش؟

شيماء : يعني متلا ملي كايقوليك ماتعراايش كاتقوليلو واخا …واش غير حيت خايفة منو ومن ردت فعلو ملي يشوفك تعريتي… أو واخا كاتقوليها عن اقتناع انك فعلا كامرأة متزوجة مخاسكش تلبسي شيء فاضح قدام باقي الرجال….

ساندرا سكتات كاتفكر وابتاسمات ) كانظن عن اقتناع حيت أنا ماشي بحال سميحة كايعصبني تحكمو وكارهة غيرتو ….(سكتات شوية ونطقات مبتسمة وساااهية ) بل بالعكس…

شيماء ابتاسمات ) فرحانة بغيرتو؟ عاجبك تحكمو …؟

ساندرا حركات راسها بآه ) كانحس بيه فعلا كايبغيني من أعماقو وبزاف…

شيماء حطات يدها على خد ساندرا ) بحاالي تماااما نتي كاطرجمي غيرتو حب واهتمام .. وتملكو لك عشق طاغي…..وأوامرو لك خوف منو عليك…. تماما بحالي مع جاسم (شافت فسميحة ) وحاولي تفكري هكذا مع سليم..باش تقدري تتحملي طبعو … حيت هاذ التلاثي نفس الشخصية مع اختلافات بسيطة (رجعات شافت فساندرا ) ولكن مزال عندك تخوف لي أنا لاحظتو قلتي بلي خايفة انه يحيد ليك الكتاب ويلوحك ياك شرحيليا هاذشي؟

ساندرا زيرات على يديها ) هو يعني مبينليا أنه كايبغيني وبزاف لدرجة شيمرات كانتسائل واش كل هذا حب ….مبينلي هاذشي بتصرفاتو وأفعالو وأقوالو ولكن (عينيها دمعو ) واخا هو قاليا ماغايخلينيش واخا يوقع لي وقع يخلي كل شيء ومايخلينيش ..ولكن ..ولكن….

شيماء : آش ولكن آش؟؟ 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🌞الجزء 338🌞

شيماء : آش ولكن آش؟؟

ساندرا : أنا أخالتي كانبقا مجرد ساحرة وهو متحول بل أقوى متحول فتاريخ المتحولين وفتصنيف الصنفين المتحولين أعلى مكانة بدرجااااااات عن السحرة أكتر أقوى أغنى أذكى أسرع…فا أنا كنبقا غير ساحرة وهو ملك على عرش المتحولين لي ممكنليه يختار أجمل وأقوى وأذكى وحدة فصنفو …وأنا كانبقا مجرد ساحرة و…..

شيماء قاطعاتها مخننزرة ) وحتى أنا كنت مجرد يتيمة فقيرة حتى مستوى تعليمي ماعنديش وهجينة لي فهذاك الوقت كنت كنتعتابر كالوحش بالنسبة للمتحولين ليكانو فقانونهم كايقتلو أي هجين بان …والآن أنا هي السيدة الأولى على عرش المتحولين فا ماتحكريييش راسك عالأقل نتي زايدة عليا ببزاف ملي كنت فسنك زايدة عليا بمستواك الدراسي وثقافتك لغاتك وأنك أميرة على صنفك … فا منعاودش نسمعك حكرتي راسك…. ومن حيت يخليك (ابتاسمات) جبار راه يموت ومايخليكش فاحيدي هاذ الفكرة من راسك ….

(ساندرا ابتاسمات وهي ساهية…وشيماء هزاتليها راسها حتى شافت فيها )

شيماء : وقوييي شخصييتك قداااامو وتعلمي تقولي ليه لا عن الأشياء لي ماعاجبينكش

ساندرا : غانحاول ….

(شيماء ابتاسمات وشافت فزليخة ) زوزو

زليخة وهي متكية ومغمظة عينيها ) دروسك حافضاهم أعميتو وكانطبق ما أكتر منهم وعارفة أشنو كندير….

شيماء : إذن مرال ماشي مشكل بالنسبة ليك؟

زليخة ابتاسمات ) هي ماشي مشكل او حتى تهديد صغير قدامي ممكن ليا بحركة يد …نسيفطها منين جات ..لكنني مخليااااها …بغا يلعب خليييه يلعب نشوف …فالأخير أنا متأكدة أن عصمان يا غايموت أعزب ياغايسمح ليا ونتزوجو …. حيت من غيري أنثى أخرى فحياااتو مغاتكونش حيت بووووحدي ليكنت وغانبق فقلبو واخا يدير زراعة القلب ويبدلو غانبقا كاينة غيييير أنااااا

شيماء : ثقتك فنفسك أجمل وأقوى شيء فيك يا زليخة برافو (شافت فساندرا ) تعلمي منها الثقة فالنفس وأحيااانا كانحتاجو نخدمو بعض الغرور الأنانية فالحب وهكذا غاتقوي شخصيتك الخجولة قدام الكاريزمة الطاغية ديالو ….

(ساندرا شافت فزليخة مخننزرة …وزليخة شافت فيها وضحكات ورجعات غمضات عينيها )

شيماء : سالينا اليوم بقاتليا هاندا هي مداومة فالمستشفى مزال ماجات ولكني غانهضر معاها أكيد يالاه نوضو لأجنحتكم تعشاو ونعسو …حيت الشباب مزال مغايجيو ….غدا تابعكم نهار طويل (ابتاسمات)وليل أطول

لبنات كلهن ابتاسمو …كل وحدة هزات هذاياها وودعو شيماء وخرجو في اتجاه اجنحتهم …..🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🌞الجزء 339🌞

فنفس هاذ الوقت …وفمستشفى لستاركس…دخلات لمكتبها مبتاسمة حيدات الطابلية ديالها علقاتها وقادات ثيابها …هزات من حقيبتها أحمر شفاه ومراية عكرات ورداتو للحقيبة ويالاه غاتخرج حتى تحل عليها الباب بدون طرق او إذن مسبق…ودخل مبتاسم ….

مراد : صافي غاتمشي…

هاندا مبتاسمة : آه أخييرا كملت عييت اليوم ندوة طبية فصباح و لعشية كلها خدمة …

مراد : نوصلك….

هاندا : لا غانمشي مع عمامي عدنان وغسانكيما ديما راهم غايكونو كايتسناوني …

(مراد سرط ريقو وابتاسم ومد ليها ملف …وهي شداتو وحلاتو ) هذا هو تصميم المستشفى الخاص ..المشروع ليقلت ليك …

هاندا كاتشوف فالملف ) وااو زوين باينة غايكون طوب ..واش لقيتي الأرض المناسبة ليغاتبنيه عليها …

مراد : أ آه الأرض احم واجدة كل شيء واجد خاسني غير شريكتي تسني ليا بعض الأوراق…

هاندا شافت فيه باستغراب ) شكون شريكتك ؟ هاء واش قصدك أنا (سدات الملف وعطاتوليه ) مانقدر على مشروع ضخم كهذا وعاد خاسني نشاور بابا وبزاف دلحوايج …

مراد : ههه عندك 23 عام يا هاندا ورصيد بنكي عاامر اشمن غاتشاوري باباك ههه…

هاندا شافت فيه باستغراب ) ك ك كيفاش عرفتي شحال فحسابي البنكي ؟…

مراد خرج عينيه ) أ أنا ماعارفش أحم غير قلت وصاف …وشكون مكايعرفش باباك الآغا التركي جوكار واحد من أغنى رجال الأعمال فالعالم ليعندو مناجم ذهب…يعني مشروع صغير كهذا كيف والو بالنسبة ليك يا هاندا …

هاندا عاودات خدات منو الملف ) غاندرس الملف مزيان ونجاوبك من بعد …

مراد ابتاسم ) أكيد خودي كل وقتك المهم نتي لي غااتكوني شريكتي…

(هاندا ابتسمت له وودعاتو … وخرجات وهي هازة الملف …حتى لخارج المستشفى ووقفات باستغراب حيت مبانوش ليها سيارتا عميها عدنان/أب السموحتان / وغسان/أب خليل/ …وشوية حتى وقفات جنبها سيارتو …خرج منها حتى وقف جنبها وحل ليها الباب …

خليل : ركبي

(هاندا مبتااسمة بحب وهي واقفة مكانها ساااهية فيه ..وهو باين فيه معصب وكايتسناها تركب …حتى شاف بعض البنات المعجبات لي قشعوه و جايات ناحيتو كايجريو وهن كايغوتو باسمو ..وشدها من يدها ركبها وركب وكسيرا …. هو سايق ومخنزر …وهي ساهية فيه بحب …

هاندا : كنت كنتسنا باباك وعمي عدنان …

خليل وعينو على الطريق ) علمتهم أني انا ليغانوصلك فطريقي …

هاندا ابتاسمات وبقات ساكتة كاتفكر فاشنو تقول ) أحم كيداز نهارك …

خليل ببرود ): عادي 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🌞الجزء 340🌞

خليل ببرود ): عادي

هاندا لي ملاحظة انه معصب ) واش واقعة معاك شيحاجة …

خليل تنهد وشاف فيها ..وشاف الملف فيدها ) أشنو دكشي…

هاندا : احم غير خدمة ..

خليل سكت ..وكمل سياقتو وهي غير كاتشوف فيه باستغراب)

هاندا : كاتبان معصب اشنو واقع …

خليل : كنتي عارفة بأن أميرة وافقات على مالك…

(هاندا سرطات ريقها بدون رد وهو تنهد …حتى دمعو عينيها ملي سمعات كلامو …)

خليل وهو ساهي فالطريق ) قرار أميرة ماغايغيرش قراري يا هاندا ..فاغانعاود نقوليك خطبتنا مجرد تمثيل باش نحميك من خطط ماماك ..حتى لو أميرة ومالك تزوجو أنا خسرت آه ولكن (شاف فيها )هاذشي مامعناهش أني غانكمل معاك….

هاندا دموعها طاحو ودورات راسها بسرعة للنافذة وابتاسمات ) عرفت ياخليل عرفت ..نتا ماتحتاجش كل مرة تفكرني فهاذشي حيت فهمتو..فاكون هاني (نطقات بهمس ماسمعهاش ) عالأقل خليني نعيش الكذبة خليني نحلم …

(خليل شاف فيها ورجع نظرو للطريق…وهي بقات مدورة وجهها كاتفرج فالسماء والقمر المكتمل ….حتى وصلها للقصر ..وغير حبس هي متسناتوش ..حلات الباب دالسيارة وخرجات ….خليل بقا تابعها بعينيه حتى دخلات ..يالاه غايخرج حتى هو من سيارتو حتى بانليه ملفها لي نساتو مرة أخرى ….هزو وشاف فيه وهو يحلو ….لقا مخطط هندسي لبناية ضخمة..وبعض الاوراق لي شارحين أنه مخطط لبناء مستشفى ..تنهد ونطق ببرود)

خليل :زربان على عمرك اسيهم مراد واخليني غير تانساليليك بعدا ….( جبد هاتفو ودوز رقم جبار )

خليل : لخاوة كل حسابات هاندا البنكية تتجمد حالا وماتطلقش بدون إذني

جبار : أش تم ؟

خليل : خلي حتى لمور روينة اجتماع الغد ونفرجك نتا وعصمان …

جبار ابتاسم ) أوك سيير (وقطع عليه)

(خليل خبع الملف عندو فالسيارة وخرج في اتجاه القصر)

🤎🤎🤎🤎

عند ساندرا لي دخلات لجناحها هي وقردها بعدما تعشاو مع البنات والسيدات والجدة رجاء …جلسات على سريرها فاااشلة …شافت فيدها وتمتمت بكلمات تعويذة النار مرة وجوج بدون فائدة كاتحس بطاقتها السحرية مستنزفة للحد …. عينيها دمعو ونطقات)

ساندر: كل طاقتي مشات غير بتعويذتين ..أشنو هاذ الضعف كامل (تنهدات بحزن وناضت دوشات بالخف …نشفات شعرها خلاتو بوكلي على طبيعتو ودهنات كريمات الجسد مع عطرها …ولبسات دوبياس أسود مع بينوارو حريري أسود …وتوجهات لسريرها لقات القرد بلاصتها …

ساندرا : لونا سير للبالكون بلاصتك ونعس غايجي جبار يلقاك حدايا ويتعصب ..

(القرد غير كايشوف فيها هزاتو حطاتو على الأرض وتكات بلاصتها عياانة كاتفوه )

ساندرا : سير للبالكون يا لونا

(…ومباشرة غمظات عينيها …والقرد فالأرض غير بانتليه نعسات ابتاسم وطلع تخشى فحظنها بين صدرها …ويالاه غايغمض عينيه حتى تهز من زنطيطو ..

جبار هازو من زنطيطو مخنننزر فيه ) صدرها ألحماار مخشيييلياااا فصدرهاااااا ياك ..وأجي نوريك(واختفى به ظهر فالبالكون وهو يدليه كايمرجح فيه غايلوحو من البالكون ..والقرد كايفركل ويغوت حتى سخف بالخلعة….)

جبار مخنزر ولاحو فوق لفوطوي لي فالبالكون ) مرة أخرى غانسيفطك لمعدة ليون (الأسد) نيشان …..

(ودخل بانتليه ناعسة …ابتاسم وحيد كل ثيابو بقا غير بالبوكسور وتخشى جنبها ….حيد ليها البينوار لاحو… خلاها غير بدوبياس ….وتحنى كايبوس فيها ويعاود …حط راسو على بطنها كايلعب بحلق سرتها بأصبعو وهو ههه ساهي كايفكر في اجتماع الغذ …حتى غمظ عينيه……يتبع

Leave a comment

  1. وينك يااختي نزلينا بقية حلقات