Skip links

قصة : الوحش وذات القزحتين الجزء 2 ( عشق جبابرة) ج 29

 43,918 عدد مشاهداات

🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🌞الجزء 324🌞

زليخة : واش مكاتشبعيش من البكاء ببف بالإضافة لخوافة وضعيفة نتي بكاية….

 

(ساندرا قفزات وشافت فيها …وهي توقف كاتشوف فيها باستغراب …)

 

ساندرا : ك ك كيفاش دخلتي ؟

 

زليخة : أمم تلاقيت جبار قدام الباب

 

ساندرا : وهو لي دخلك ؟

 

زليخة : بحال داكشي

 

ساندرا استدارت وهزات قطن كاتمسح عينيها ) أنا بيخير ومامحتاجاش للشفقة ديالك

 

زليخة : هه أنا ماسولتكش واش نتي بخير أو لا …وماجاياش نشفق عليك

 

ساندرا شافت فيها : وأشنو بغيتي ؟

 

زليخة ابتاسمات بشر ) نتحداك فمبارزة

 

ساندرا كانشوف فيها باستغراب ) ك كيفاش شنو هي مبارزة ؟

 

زليخة : أهاه علاش نتوما السحرة كيفاش كاديرو باش تقويو سحركم وتتحكمو بطاقتكم؟

 

ساندرا: إوا كون كنت كابرة وسط السحرة كون جاوبتك على هاذ السؤال

 

زليخة : أمم حنا المتحولين كانتبارزو بقوانا يعني جوج كايتواجهو فمعركة كانسميوها مبارزة كل واحد كايهجم على الآخر بقواه هو نوع من التدريب واستعراض القوى

 

ساندرا : آه مزيان بصحتكم

 

زليخة ربعات يديها ) إذن كاترفضي عرضي هه أصلا أشنو غانتوق من وحدة ضعيفة بحالك

 

ساندرا شافت فيها مخنزرة ) واخا نتبارزو ماعنديش مشكل

 

زليخة ابتاسمات ) فغابة لستاركس لي مور القصر بعد نصف ساعة

 

ساندرا خرجات تينيها) بلاتي مانقدرش نخرج

 

زليخة : كومووون سمراء غير لمور القصر جبار ماغايقول والو

 

ساندرا : جبار قال ليا ماتخرجيش من القصر

 

زليخة : غانكون معاك

 

ساندرا مخنزرة فيها ): مكايهمنيش كلمتو مغانكسرهاش

 

زليخة تنهدات وجبدات هاتفها دوزات رقم جبار لقاتو طافي ….) طافي تيليفونو (استدارت غاديا بحالها وكاتهضر) أنا غانمشي نتمرن بغيتي نتبارزو أجي مابغيتيش وعاجبك هاذ الضعف لي نتي فيه جلسي (شافت فيها ) وبقاي غير فالقصر ونهار يوصل الوقت لي غايخسك دمري فيه هذاك الكتاب غاتكوني ضعيييفة وخوااافة فا غايصدق الكتاب هو لي مدمرك ( وزادت خلاتها )

 

ساندرا سرطات ريقها …وكلام زليخة كايضور فبالها …تنهدات وهزات هاتفها سيفطات رسالة لجبار فواتساب …وخرجات بخطوات سريعة حلات البالكون على القرد قالت له يتبعها وخرجات بخطوات سريعة تابعة زليخة حتى وقفات فأول الدرج وهي حانية راسها على هاتفها بانتليها الرسالة مزال موصلاتو وماقراهاش ..عرفاتو غايكون فشي اجتماع وسرطات ريقها …حتى حسات بشيحد موراها …استدارت بسرعة لدرجة رجعات باللور كانت غاطيح كونما شداتش فالحاشية …لقات ديما لي واقفة خلفها

 

ديما : أوووه ردي البال راه هاذ الدروج خطيرين غير مامات راجلك راه تكركبات منهم جوج مرات وفالمرات بجوج كانت حامل وكانت غاتجهض 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🌞الجزء 325🌞

ديما : أوووه ردي البال راه هاذ الدروج خطيرين غير مامات راجلك راه تكركبات منهم جوج مرات وفالمرات بجوج كانت حامل وكانت غاتجهض

 

ساندرا سرطات ريقها وهي مخنزرة فديما …لي ابتاسمات )

 

ديما : بغيت نعتاذر على آخر مرة غير كنت معصبة وبطبعي مكنحملش شيحد يتدخل بيني وبين بنتي وأي واحد تدخل كاندمووو كيما درت ليك

 

ساندرا ابتاسمات ) ماشي مشكل حتى أنا من طبعي مكانتدخلش فأشياء وأشخاص مكايهمونيش ولكني مستحيل نخلي شيحد يآذي صحاباتي

 

ديما : كاتقصدي هاندا هي راها بنتي وندير فيها لي بغييت ونزيدك هي ماشي صاحبتك

 

ساندرا قربات منها ) هانتي قلتيها بنتك ب ن ت ك فا عامليها كابنتك أو خوديليك دروس عن كيفاش تكوني أم… (ابتاسمات واستدارت هابطة …خلات ديما مزنننكة بالأعصاب )

 

ديما : ماساهلاش مع راسك ألبرهوشة ولكن غير صبري عليا وغانفرجك (سكتات فاش حسات بشيء كايقيص رجليها ..حنات راسها وهي تلقا لونا لي قحقح (ضحك) وهو ينقز عليها حتى غوتااات وجات طايحة تكركبات جوج درجات مخبوطة على مؤخرتها ..والقرد هرب تابع ساندرا وهو كايقحقح خلاها كاتتأوه بألم…

 

ديما : أححح القرد بالقررد غاانقتلك أححح

 

🌿🌿🌿🌿🌿

فالأسفل لبنات بربعة مجموعات على طاولة الفطور بوحدهن …وكايهضرو بهمس ….

 

جمانة : وا عاافاكوم

 

سميحة : لا

 

سماح :لا

 

أميرة مخنزرة ) جمانة غاتبعدي مني ولا غانخرج فيك جنوني

 

جمانة : هانتوما الحفل اكيد غايكون فالويكاند أي بعد اجتماع العشائر لي غايتقام غدا …بيومان أي نهار الأحد..واخا مزال ديك البعرة دملاك ماسيفطاتلي الوقت والمكان

 

سميحة : أييه وإييلا تدار فالويكاند كيغاندييرو نخرجو من القصر يا ذكية ..

 

جمانة شدات راسها ) ناري عندك الصح ايلا تدار بالأحد مستحيل نقدرو نحضرو (جبدات هاتفها بسرعة ودخلات للفيسبوك كاتكتب )

 

سماح :أشنو كاديري ؟

 

جمانة : سيفطت مساج لملاك قلت ليها لكانت غادير الحفل نهار الأحد ماغاديش نجيو ولكن لادارتو الإثنين غانمشيو

 

(وابتاسمات شافت فلبنات لي حالين فامهم فيها)

 

سميحة : واش من نيتك

 

سماح : وهي غاتدير عيد ميلادها فنهار لي مناسبك نتي ولا كيفاش

 

حمانة : آآآه وأنااا ليكانعرف هاذيك العقرب راها تمووت ونحضرو ليها لعيد ميلادها باش تبان عليينا قدام الطلبة ..فا أنا غانوريها شكون يبان على لاخر …المهم يكون لانيف نهار الاثنين وغانديرو راسنا غاديين للافاك ونمشيو لحفلها

 

أميرة وقفات طارت عليها بنتفة ) وااااااع شدوني علييها شدووني شدووني وااا ماتشدوونيش مااتشدوونيش خليييوني نهني العالم منها

 

جمانة مخرجة عينيها وكاتحاول تفك شعرها ) : وااشعري ازبلة شعري وطلقي نشرح لييك أح 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🌞الجزء 326🌞

جمانة مخرجة عينيها وكاتحاول تفك شعرها ) : وااشعري ازبلة شعري وطلقي نشرح لييك أح

 

(سميحة وسماح كايفكو حتى شافو ماواتهم جايات وبسرعة جلسو بهدووء بحالا موقع والو )

 

جمانة نطقات بهمس ) شششت متقولو حتى كلمة …

 

(شيماء والسيدات وقفو عليهم …وفهاذ الوقت هبطات ساندرا وقردها …وصبحات عليهم)

 

شيماء : ساندرا كيبقيتي حبيبتي

 

ساندرا مبتاسمة لها ):وليت بخير

 

شيماء: إذن جلسي تفطري (شافت فالبنات) سميحة سماح جمانة وساندرا فالمساء قبل العشاء تجمعو فجناح التوأم خاسني نعطيكم شيء ضروري ونهضرو شويا

 

جمانة : فاياش أماما ؟

 

(شيماء تارا باربرة أيار جاكلين وأليشا شافو فبعض مبتاسمات)

 

تارا : والو غير عمتكم شيماء غاتعطيكم شوي د الدروس عن كيف تتحملن الغيرة …

 

(لبنات شافو فشيماء مبتاسمات وهي غمزاتهم )

 

باربرة : فين زوزيتي

 

(زليخة وقفات عليهم وهزات تفاحة كتاكل فيها وعينيها على ساندرا) هانا أ ماما

 

شيماء : فطرو مزيان وتسلاو مع بعض الشباب والرجال ماغايجيو حتى لليل وأنا وعماتكم غانمشيو لكلينيك لستارك

 

اميرة : واش غاتبقاو مع جدو

 

ساندرا وقفات ) واش الجد زيدان مالو ؟

 

أيار : والو أبنتي هو والجدة رجاء كايديرو فحوصات روتينية كل شهر غانمشيو نبقاو معاهم تايكملو ..

 

جاكلين : لبنات جبار منع كليا عليكن تخرجو بذون إذنو وحتى خوية جاسم فا لي بغات تخرج تاخد الاذن أولا

 

أليشا : ويلا درتو شي زبلة ماتجيوش تبكيو من بعد فا تبتو فالقصر …

 

(البنات بربعة كايضورو عينيهم وساندرا شافت فزليخة لي كاتشوف فيها ونطقو كلهن فدقة ) : واخا …

 

(السيدات مشاو خرجو فاتجاه المستشفى تحت الحراسة المشددة للمتحولين دفرقة العدالة بقيادة مرال …وساندرا جلسات مع البنات كاتفطر وفحظنها القرد كياكل فالموز …وزليخة جلسات كملات تفاحتها ووقفات )

 

زليخة : بست سمراء هاني سبقتك (ومشات خارجة )

 

سماح مخرجة عينيها ) ناري فين مشات بلا إذن ناري قفراتها

 

جمانة كتاكل فكورنفليكس ونطقات بعصبية ) تي أشمن إذن وأشمن قفراتها هاذيك راها الزوزو زرقت لعينين عندها الخصاانة المطلقة من بابا ومن جبار ومن خالو آييفان وباقي عمامي كادير ليي بغات بلا ماتسوق شفتي راها تضرب القصر بصاعقة تشعل فيه العافية ويقولوليها برافو عليك يحسابليك نتي هاذي

 

سماح : علاش مالي أنا ؟

 

جمانة : والو غير كاطيري من المقلة ووجهك وجه العقوبات …

 

سماح : اييه ونتي بعقلك زعمة

 

أميرة غوتات ) أهنيييونا حييت حتى وحدة منكم ماابعقلها فا ماتقارنوش راسكم ووعيكم وذكائكم بزليخة (شافت فساندرا) قالت سبقاتك فا لفين ؟؟

 

ساندرا : أحم ل ل لشي غابة مور القصر….

 

(لبنات خرجو عينيهم )

 

سميحة : واش غاتدربك ؟ ناري سعداتك تدريبها وااعر راه كانت تابدات كدربنا أنا وسماح وجمانة ومع فقصناها حلفات لاكملات لينا وخلاتنا لعمي إيفان

 

ساندرا: أحم ل لا ماشي غادربني غانتبارزو

 

(لبنات نطقو كلهن بحماس )وااااو

 

سماح : أح مباارزة مابين ساحرة ومتحولة غادوز شااااخدة

 

جمانة : وا بلاتي واش خلاك لعتروس تخرجي أتوام روحي 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🌞الجزء 327🌞

جمانة : وا بلاتي واش خلاك لعتروس تخرجي أتوام روحي

 

(ساندرا كاضور فعينيها …هزات الهاتف شافت بلي الرسالة مزال ماوصلاتو سرطات ريقها وهي كاتفكر … آه خايفة بزاااف منو …ومع تعاملو زوين وراقي معاها وكل الحب ليكاتحس بيه عاطيها … فا هي كارهة تكسر كلامو وتخرج .. وفنفس الوقت غير كاتتفكر زليخة كاتجهل بالأعصاب … وقفات بسرعة مخننزرة لدرجة الكرسي طاح لور والقرد قفز هو ولبنات )

 

ساندرا: للضرورة أحكام وماانقدرش نخليها تغلبني لا لا بغات تتبارز أنتباارزو (شافت فلبنات ) وجبار سيفطت ليه ميساج

 

سماح : وقراه !

 

ساندرا سرطات ريقها وحركاتليهم راسها بلا )ولكن كيما قلت للضرورة أحكام

 

جمانة وقفات ) أبرافو عليك راه خاسك نييت ماتخليش زوزو تبان واعرة عليك فا كانحييك على تفكيرك غير سيري خرجي وكيما قلتي فعلا للضرورة أحلام

 

أميرة مخننزرة فجمانة )وااا أحكااام

 

جمانة : هااديك الموهيم شوفي سوسو ديالي نتي ماعارفاش الغابة فين جات ياك ياك ياك ؟

 

ساندرا: مور القصر؟

 

جمانة : شفتي ماعارفاش(شافت فالبنات) نوضو نوصلوها …

 

(لبنات خرجو عينيهم فيها )

 

سميحة : واراها قالتليك مور القصر إذن راها عارففة اش غانوصلووو جلسي تبتي قبل مايجي سليم وجبار يقسمونا على ربعة

 

جمانة : واانوضو نوصلوها غاتلف لينا ويجي لينا جبار بررربي تانقوليه نتووما لي جليتوها

 

سماح وسميحة وقفو بسرعة …وأميرة مزال على وضعها داير يد تحت حنك ومخننزرة فجمانة )

 

جمانة : واانوضي ياديك البقرة واش غاتبقاي فهاذ القصر بوحدك نوضي نخرجو نفوجو ونتفرجو فالمبارزة ومولاها ربي

 

أميرة : نتي اخرتك على يد جبار وعقلي فين قلتهاليك

 

جمانة : أغير نوضي نديرو الزبلة بعدا ومن بعد نخممو فالحل (وشدات يد ساندرا مشاو فاتجاه الباب ..وتبعوهم التوأم والقرد لونا …أميرة بقات جاالسة بلاصتها حاضياهم تاخرجو ووقفات )

 

أميرة : أصلا فكل الأحوال غايخلطوني معاهم فالعقاب كيجلست كيمشيت فاعلاش نتعاقب وأنا مادايرا والو (ومشات كاتجري حتى لحقات عليهم كايتمشاو جنب ليكارد ليحانيين راسهم ) 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🌞الجزء 328🌞

(ساندرا غادية وكاتتأمل حديقة القصر وهي مبتاسمة وجمانة شاداها من يدها و غير كاتهضر وتعاود ليها ماكاتسكتش ..وسميحة لونها صفر كاترعد وتشوف فجنابها لايخرج ليها سليم من شي قنت … وأميرة وسماح مخنزرات وصلو لخلف القصر وقفو أمام السور لي فيه باب كبير كايتحل بالبصمة …يالاه غاتحلو جمانة ببصمتها حتى غوتات سميحة )

 

سميحة: لبنااات وافيا الخلعة راه سليم ماغايدوزهااش ليا بالسااهل وبربي حتى كنخاف من عصبيتو بزاف

 

جمانة شافت فيها ) زغبيا وااش خرجتي بلا ماتعلميه واااا قودتيها

 

(سميحة وسماح وأميرة وساندرا خرجو فيها عينيهم )

 

أميرة : علاش نتي علمتي فارس و عطاك الإذن

 

جمانة : درت بحال ساندرا وسيفطتليه ميساج

 

سميحة : وقراه وقاليك خرجي ؟

 

جمانة هزات كتافها ) لا أصلا تلفونو طافي ؟

 

(لبنات شافو فبعض ورجعو شافو فيها بصدمة)

 

جمانة : ومالي أنا سووقي أنا لي قلت ليه يطفي تيليفونو المهم سيفطت ليه المساج قبل منخرج فا لمقراهش فالوقت سوقو هذاك ومدام مجاوبنيش وسكت فاراه السكوت علامة الرضّا

 

أميرة شدات راسها ) قولوليها تسكت ولا غانريشها

 

(سميحة بسرعة جبدات تلفونها بتوتر حتى هي سيفطات مساج لسليم بأنها خرجات مع لبنات للغابة خلف القصر يتفرجو فمبارزة زليخة وساندرا …وسماح هازة تلفونها كاتخمم واش تسيفط لوسيم ولا لا )

 

سميحة تنهدات براحة ) صاف قلتهاليه وتاهوا تيليفونو طافي المهم قلتهاليه

 

جمانة : برافو عليك (شافت فسماح ) واطلقينا نتي

 

سماح : علاش غانسيفطليه مالو سوقو فيا كايقوليا هو فين خارج ولا فين كان ألبعابع (وزادت حطات بصمتها على الباب وتحل ..وخرجو كلهن غاديين مع الغابة )

 

ساندرا خدات نفس عميييق ) : واااو غابة كبيرة زويينة كانحس بالطاقة الصادرة من الطبيعة والتربة وأصوات العصافير …

 

جمانة : أنا كاتخلعني هاذ الغابة بزاف فاش كنت صغيرة ماكنتش كنقدرش ندوز منها بوحدي وحتى دابا مستحيل ندوز منها بوحدي

 

أميرة ابتاسمات ) دائما كنا كنلعبو فيها غميضة فصغرنا ونتي خوافة كاتبقاي لاسقة حدا الباب دالسور حتى كايجي عندك فارس وكايهزك عاد كاتقبلي دخلي للغابة هههه وكان كايبقا هازك ونتي كاتوريه فين يتخبا بيك وهو تابع هبالك

 

سميحة كضحك بدموع ) ههه ومع كان غليوض كايتخبا بيها مور شجرة هو كبر منها وبسبب حجمو لي كايفضحو بسهولة كانلقاوهم

 

جمانة : غليوض !! بزااف على والديك فرفوسي من صغرو صحيح ومعضل

 

ساندرا ابتاسمات وشافت فجمانة ) نتي وفارس مع بعض من صغركم حبكم زوين بزاف ونقي…

 

جمانة شافت فيها ) : حتى نتي وجبار هو راه كايتصرف معاك فشكل كأنو كايعرفك من نهار تولدتي وحتى نتي أي شيء قالو ليك كاتقوليلو واخا واخا واخا كأنك عاطياه كل مفاتيه التحكم بحياتك فانتوما بجوج علاقتكم قوية ومتينة بشكل غريب

 

ساندرا ابتاسمات ) امكن حيت تولدت باش نكون ليه

 

أميرة : كيفاش ؟

 

ساندرا : كاينة نبوءة هي قدييمة عمرها ألاف السنين كاتقول بلي جبار ذو المئة قوة والمختارة حامية الكتاب… هما لي غايوحدو صنفين المتحولين والسحرة وغايدمرو الكتاب معا…. أحم ومؤخرا يعني ولبارح ظهرو كل تعاويذ الكتاب ومنهم تعويذة الخلوذ ظهرو فنفس اللحظة حيت حيت(سكتات ووقفات مكانها مزززنكة ولبنات وقفو كايشوفو فيها ) حيت زعمة ت ت ت تزوجنا أنا وجبار يعني أحم أحم زواجنا كان شرط باش تعويذة الخلوذ تظهر فهمتوني ياك يعني كخلاصة مستحيل الصنفين يتوحدو إذا أنا وجبار ماتوحدناش فا أنا وهو مكتوبين كزوجين فنبوءة قديمة

 

(لبنات كايشووفو فيها…وجمانة شافت فأميرة )

 

جمانة : اميرة راه مدة أكتر من أسبوعين باش تزوجو علاش تا لولبارح عاد بانت التعويذة زعمة

 

أميرة شافت فجمانة ) سؤال عبقري شيمرات كاتصدمييني بدكائك وطريقة تفكيرك حتى كنقول شكون هادي 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🌞الجزء 329🌞

أميرة شافت فجمانة ) سؤال عبقري شيمرات كاتصدمييني بدكائك وطريقة تفكيرك حتى كنقول شكون هادي

 

جمانة : وا دابا شرحي ليا

 

أميرة :آه عدت أيام باش تزوجو ولكن تالولبارح عاد دارو لي بيتيز ..ودوك لي بيتيز خلاتهم يتوحدو جسديا

 

جمانة حكات راسها ) شنو دارو …؟

 

ساندرا شهقات مزززنكة وقاطعاتهم ) ز ز زليخة تعطلت عليها …

 

(وزادت كاتجري مزنننكة وتبعوها لبنات كايضحكو إلا جمانة لي مافاهمة والو …ثواني حتى وصلو لمكان خالي من الأشجار وسط الغابة عبارة عن ملعب الكرة كبير وضايرين بيه الأشجار …ملعب آل ستارك …ساندرا بقات واقفة كاتتأمل الملعب …بانت ليها زليخة فوسطو حاطة أمامها بمسافة بزاف دلقراعي الزجاجية على العشب وكاتضربهم بسعقات كهربائة قوية حتى كايتهرسو وأي قرعة نيشات عليها كاتجيبها فيها … حتى حسات بالبنات وحبسات تنهدات وبسرعة جبدات هاتفها رسلات رسالة مستعجلة لباها إيفان عاد استدارت وشافت فساندرا …

 

زليخة : كاتسناي لعراضة !

 

(ساندرا تنهدات ودخلات للملعب وقفات جنب زليخة ..ولبنات وقفو جنبهن وجمانة جلسات على العشب كتلعب مع القرد )

 

ساندرا : أشنو دابا ؟

 

زليخة : عندك شي تعويذة تقدري تهرسي بيها هادوك لقراعي

 

ساندرا : تعويذة التكسير الذاتي كاتخليني إيلا طبقتها أي شيء أمامي كايتهرس

 

زليخة : إذن وريني شكون مننا غاتكسر أكبر عدد من لقراعي وبعدها نتواجهو …

 

أميرة : بلاتي يا زليخة ..هي راها ساحرة عنصر الماء وسط غابة كبيرة بعيدة كليا عن البحر أو أي مصدر ماء فاراه طاقتها غاتكون ضعيفة كيغادير تتواجه معاك ؟

 

كلهم شافو فساندرا لي مغمظة عينيها وهااادئة ونطقات وهي سادة عينيها ) بالعكس كانحس بشيء غريب بزاف كانحس بالطاقة كاتغذي فسحري كليا كأنني كأ كأنني وسط قاع البحر …

 

أميرة : كيفاش ياك نتي ساحرة عنصر الماء ماشي التراب ولا النباتات ؟؟

 

ساندرا حلات عينيها وشافت فيهم ) حتى أنا ماعرفتش ولكن حاليا سحري راه تغذا بالطاقة كليا (وشافت فزليخة مخنزرة)

 

وليخة ابتاسمات ) اذن وريني

 

(لبنات بعدو اللور وبقات واقفة زليخة وساندرا …هاد الأخيرة لي مجات تحل فمها تنطق بكلمات التعويذة حتى هجمات زليخة بسرعة وفرمشة عين بسعقة كهربائية وحدة كسرت تلاث زجاجات او قراعي …وساندرا حلات فمها وشافت فيها مخنزرة )

 

ساندرا: امكن رااني ساحرة ماشي متحولة فااا خاسني وقت باش نطبق التعويذة

 

زليخة شافت فيها ) : فلحظة الخطر راه مابقاتش فالهجوم ومدى قوته بقات فسرعتو وكيفيتو فا بغيتي تغلبيني خاسك هجوم سريع ومدرووس (قربات منها حتى تقابلو وجوههم ونطقات وهي مخننزرة ) أما إذا كنتي عاد غاتبداي تهجااي ليا في تعويذة فا راك ميتة 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🌞الجزء 330🌞

(ساندرا سرطات ريقها وشافت فلقراعي ونطقات بصراخ )

 

ساندرا: فاكسيموس لاهارفيست فاكسيموس بلارافيست

فاكسيموس لاهارفيست فاكسيموس بلارافيست …/تعويذة تكسير الأشياء/ كاتعاوذ فكلمات التعويذة وزليخة ابتاسمات وضربات بصاعقة قوية جوج قراعي تهرسو ويالاه غاتضرب الخمسة الآخرين لي بقاو حتى ماشي تكسرو بل انفاجرو كالقنابل الصغيرة وتسمع صوت انفجار بدل صوت تكسير الشيء لي خلا لبنات رجعو لور…)

 

جمانة :واااو

 

أميرة :واو هجوم قوي يا ساندرا برافو

 

(ساندرا تنهدات وابتاسمات وشافت فزليخة بتحدي )

 

زليخة ضحكات ونطقات باستهزاء ) ستة لخمسة

 

ساندرا :أشنو ؟

 

زليخة :مزال الحال على انك تفرحي بالفوز (أشارت للقراعي) كسرت ست زجاجات ونتي يالاه خمسة

 

ساندرا : حيت ركزت فتعويذتي على خمسة فقط لو ركزت على أكتر لو تهرسو ..فا اجي نعاودوها

 

زليخة : لا غاندوزو للمواجهة دابا ( وبعدات من ساندرا وقفات امامها بمسافة ونطقات) غانهجم عليك

 

ساندرا مخرجة عينيها ) واش من نيتك كيغاندير نصدك

 

زليخة : ماتصدينيش بل قابلي هجومي بهجوم

 

ساندرا : يااك وأشمن تعويذة هجومية أنا غانقابل بيها الكهرباء يا ذكية وغاااتواجهوو

 

زليخة : وشوفي نتي و تعاويذك داكشي دالآبرا كادااابرا ديالك …وباش نسهل عليك من حيث عناصر القوى الكهرباء مكايقابلو غير الكهرباء (وابتاسمات بشر )

 

ساندرا مزييرة يديها بالأعصاب ..ومكرهاتش طير على زليخة تنتفها … تنهدات كاتفكر وشافت فيها ) واش عندك مناعة ضد كهربائك

 

زليخة ابتاسمات وأميرة نطقات )

 

أميرة : ساندرا زليخة راها من أقوى الهجينات لي عندهن مناعة جد قوية ضدد عنصر قوتهم فا زوزو راه عندها مناعة كلية ضدد كل أنواع الكهرباء والحقول الميغناطيسية والصعقات الرعدية ماكايأثروش فيها بالمرة بل العكس هي راه…

 

سماح قاطعاتها ) : كاتمتصهم أي كايزيدوها قوة

 

ساندرا حالة فمها فزليخة تنفسات بعمق وشافت فيها مخنزرة ) حسبي حد عشرة وديك الساعة هجمي وعطيني أقوى ماعندك

 

زليخة لي بداو يديها وشعرها كاتتطاير منهم شرارات كهربائية قاتلة ) مااطلبتي غير الموجووود

 

أميرة بسرعة قفات بيناتهم ) زليخة حماقيتي ولا واش من نيتك ماعندها لا درع لا قوة هجومية تصدك

 

ساندرا: أميرة (ابتاسمات ملي شافت فيها أميرة ) عندي ما أقوى

 

أميرة : آش؟

 

ساندرا تنفسات بعمق وغمظات عينيها ) تعويذة رد الهجوم على صاحبه…..

🌿🌿🌿🌿

 

في مقر محكمة المتحولين …وفي غرفة مغلقة …جالسين على طاولة دائرية وكايتناقشو بجدية حول اجتماع يوم الغد …

جبار خليل فارس عصمان سليم وسيم ومالك …

 

سليم : كل أعضاء فرقة العدالة غايكونو منتشرين بين الحضور ومستعدين للتدخل

 

جبار : القاعة دالمحكمة تكون واجدة بكل شيء قبل الوقت وقبل حضور الرؤساء …

 

عصمان : علاش ماطليتيش عليها راه حولنا القاعة من قاعة محكمة لقاعة أعراس مزينة بشكل راقي

 

جبار : الكاميرات وأجهزة الليزر والأجهزة الحرارية

 

فارس : قاديت كل شيء مبنى هاذ المحكة جا فالخرجة دالمدينة وسط الغابة…أي احتمال أنه يجيونا زوار من صنف آخر (سحرة) هو احتمال جد واارد ويتخباو بين الأشجار فا زرعت أنا ومالك الكاميرات وأجهزة تحسس حرارة الجسد والليزر فكل الغابة ونواحي المحكمة كون أكيد أنه أي شخص قرب غانعرفوه

 

جبار : مابغيت حتى خطأ فالغذ

 

وسيم : ماغايكون حتى خطأ حيت درسنا كل شيء

 

خليل : أنا لي مافهمتوش هو : رسلنا لهم الدعوات على أساس اجتماع قياد العشائر وفالدعوة طلبنا منهم يلبسو بدل رسمية للرجال ودي غوب سواري لزوجاتهم أكيد غايجيو مافاهمين تاوزة واش جايين لحفل ولا لإجتماع رسمي

 

فارس : جوج فواحد

 

خليل : بل بغيتي تحطهم أمام الأمر الواقع ياك يا جبار

 

جبار : لا أنا ببساطة بغيت قياد عشائري يحضرو لعرسي(وابتاسم)

 

خليل : واش نتوما ملاحضين أنه عرس حتى جمانة وسميحة وسماح وغاتكون حتى هاندا وأميرة وزوزو وماواتنا يعني راه كاين احتمال هاذ الحفل يتحول لمجزرة مافكرتوش فالبنات إذا وقع شيء كهذا هن كيغاتولي نفسيتهن …

 

جبار قاطعو ) خليل إذا وقع شيء… لبنات وساندرا ولواليدة وعماتي وباقي النساء زوجات قياد العشائر ماغايبقاوش فالقاعة باش يشهدو عليه..يعني المجزرة دبصح غايحضرو ليها الرجال فقط

 

سليم : كل شيء مدروس يا خليل راه فينا مانديرو اجتماع رسمي عادي يحضروليه فقط الرجال ونأمرو وننهيو ونخبطو ونتعصبو ونهددو ….. ولكن فكرة الحفل والاجتماع فنفس الوقت غاتخلي جبار يتقرب منهم أكتر

 

جبار : أو العكس ممكن بالحفل نستافزهم أكتر على حسب هم وولائهم….

 

(كلهم خرجوو فيه عينيهم)

 

سليم : بلاتي إذن حفل الزفاف وتحطهم أمام الأمر الواقع غير باش ..

 

جبار قاطعو )آه باش نختابر مدى ولائهم 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🌞الجزء 331🌞

خليل : خاس غير الأمور توقع كيما متوقعينها (شاف فجبار ) أشنو هي خطتك البديلة فحالة رفضوها المتحولين رفض نهائي

 

جبار شاف فوسيم ) ماشي خطة وإنما شخص

 

(سليم ديق عينيه وهو كايشوف فجبار ليعينيه على وسيم )

 

فارس : كيفاش ؟

 

جبار : حتى إيلا مشات الأمور غدا عكس مامتوقع وغاتعرفو

 

فارس : بقالينا غير الكاميرات المزروعة نواحي المحكمة كلفت عشر متحولين من فرقة العدالة بمراقبتهم ولكن واخا هكاك(هز هاتفو ) غانسيفط ليكم الشيفرة ديالهم لهواتفكم ممكن تطالعو عليهم وقتما بغيتو ..

 

(هزو كلهم هواتفهم لي غير شعلوهم …طلع مساج ساندرا لجبار ..ومساج سميحة لسليم…ومساج جمانة لفارس ….لي غير قراوهم تنهدو بعصبية وشافو فبعض )

 

سليم غوت) : بربي حتى كندير كل جهدي معاها باش مااانغوتش وبااااش نبقى ضريف

 

جبار كايعض شفايفو بعصبية ) شكووون خلا مك تبقاااا ضريف

 

وسيم : أش واقع (طار خذا هاتف خوه قرأ الميساج وخرج عينيه ) وأنا مااعلماتنيش سماح علاش ماسيفطاتليش تانا رسالة ماحاشاتهااش لملتي

 

خليل :: أشنو غاديرو دابا واش غاتمشيو عندهن حيت مزال تابعنا اجتماع مهم وطويل مع أعضاء فرقة العدالة

 

فارس ليعينه على الهاتف كايقرأ مساج جمانة ويعاودو ) : تهدنو راه معهن زليخة

 

مالك : لاوقعات شيحاجة زليخة ماغاتقدرش تحميهم كلهن بوحدها

 

(جبار لي كايصوني على ساندرا وكايعاود بدون رد منها خبط فالطبلة ووقف)

 

جبار : خليل بقا هنا استقبل أعضاء فرقة العدالة وبقا معاهم حتى نرجعو

( خرج بسرعة صاعر وتبعوه كلهم إلا خليل …)

🌿🌿🌿🌿

فوسط ملعب الكرة لي وسط غابة لستارك ….واقفة زليخة …وبمسافة واقفة أمامها ساندرا متقابلتين مع بعض….ساندرا مغمظة عينيها مركزة حتى بدات تحس بهاتفها كايفيبري ليها فجيب الفيست كان جبار لي كايصوني…ماقطعاتش تركيزها بل بدأ تنطق بكلمات تعويذة رد الهجوم على صاحبه وهي تسمع فعد زليخة من واحد لعشرة باش تهجم عليها …

 

زليخة مخننزرة وجسدها كولو كايضرب بشرارات الكهرباء القاتل وكاتحسب) : خمسة …ستة ….سبعة ..

 

(ساندرا لي مادة يديها أمامها ومغمظة عينيها كاتركز كل طاقتها فهاذ التعويذة )

 

ساندرا : فيسماتوس فيخماروس لوهاريس فيسماتوس فيخماريس لوهاريس …

أنهامروس بيفوليس فيسماتوس أنهامروووس بيفوليس

 

زليخة غوتات ) عشرررررة (ومدات يديها بسرعة وانطلقات منهم صعقة كهربائية قوييية بسرعة الضوء فاتجاه ساندرا لي حلات عينيها وبقات جامدة مكانها …والشرارات الكهربائية وصلو حتى لأمامها وارتدو بقوة على زليخة لي حلاتليهم يديها مستقبلاهم وضربو فكل جسدها لي امتصهم …أي هجومها رجع عليها …

 

لبنات ابتاسمو وكايسفقو لساندرا لي كاتلهث وعرقانة ومبتاسمة …حتى قاطعاتهن زليخة )

 

زليخة : ساندرا

 

ساندرا شافت فيها..وبسرعة زليخة مدات يدها ووجهات ضربة كهرباء لساندرا لي خرجاات عينيها ومجات تحل فمها تعاود تطبق التعويذة حتى تهز جسها بالسعقة الكهربائية وطاحت على الأرض…لبنات غوتو برعب ومشاو كايجريو ضارو بيها …

 

أميرة غوتات : زلييخة وااش حماقيتيييي

 

(زليخة تمشات حتى وقفات عليهم وربعات يدها وهي كاتشوف فساندرا لي مليوحة على الأرض )

 

زليخة : تهدني يا أميرة راه هجمت غير بذبذبات ضعيفة يعني بحالا غير هريتها بالكهرباء …

 

جمانة : أبربي كون شافك جبار كون هرك مزيااان بالذبذبات دبصح

 

زليخة : ساندرا قلت ليك ماتركزيش على قوة وحدة الهجوم بل على سرعتو وطريقتو وأهم شيء هو التركيز حيت غاتغفلي غير شويا مشيتي فيها بحال دابا

 

سميحة شافت فساندرا لي حانية راسها ) واش نتي بخير

 

(ساندرا مزيييرة على العشب فيديها شافت فزليخة مخننزرة وهي كاتنطق بهمس بكلمات سحرية حتى علات صوتها وغوتات )

 

ساندرا: هاير هاير فلي بروفهااير

 

(وانطلقت زوبعة ريح قويييية فاتجاه زليخة لي خرجات عينيها …حتى ضرباتها وتهز جسدها بقوووة وطارت حتى طاحت خارج الملعب وسط العشب ….ولبنات وقفو مخرجيين عينيهم فزليخة امامهم لي منشورة وسط الربيع…شافو فساندرا بصدمة ..وهي بزز وقفات داخية وبزز نطقات )

 

ساندرا : ت تغ تغفلي غير شويا م مشيتي فيها ….

 

(زليخة تكعدات جالسة كاتتأوه بسبب ألم الطيحة ..وشافت فركبتها لي تجرحات حتى تقطع ليها الجينز …ولبنات غوتو بواااو وبداو كايمدحو فساندرا ويضحكو …

 

أما ساندرا لي جمدات مكانها ساااهية مكاترمشش لدرجة ودنيها تصمكو مكاتسمع والو بحالا الزمن وقف بيها ….حسات ببرود قااتل فالجو …حسات بطاقة سحرية غريبة …طاقة غير عادية الشيء لي خلاها صفاارت وبدات كاتتنفش بسرعة …وهي كاتحس بصاحب هاذ الطاقة خلفها هي ولبنات مباشرة …الشيء لي خلاها استدارت بسرعة مخررجة عينيها وشافت خيال امرأة خلف الأشجار لي بسرعة اختفى …وهي غوتاااات ….

 

ساندرا : بلالاتيييي 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🌞الجزء 332🌞

ساندرا : بلالاتيييي

 

( ومشات كاتجري بأقصى سرعتها تابعة الخيال …ولبنات خرجو عينيهم مافهمو والو وتبعوها كايجريو واخة سابقاهم …أما زليخة لي طايحة بعيد عليهن صفارت وغوتات )

 

زليخة :تسناااااو لالا لالا وقفوووهاااا حبسوووو

 

(وناضت بزز بركبتها عاطياها الحريق كاتجري وهي كاتعرج تابعاهن ….)

 

🌿🌿

ساندرا كاتجري غير عالله و بسرررعة كلها عرقانة وكاتلهث كادوز من جنب الأشجار بسرعة …سبقات البنات بمسافة …وفقط كاتجري حتى حبسات وسط الغابة كاتلهث وهي مخررجة عينيها وكاتشوف حواليها ومزال عندها نفس الإحساس ونطقات …

 

ساندرا : ش كون هنا أ أنا عارفة انه شيحد هنا (سكتات مخرررجة عينيها وهي كاتشوف حواليها ومزالها كاتحس بالطاقة السحرية الغريبة…حتى شمات ريحة عطر نسائي غريب …الشيء لي خلاها تحركات تابعة الرائحة في اتجاه شجرة كبيرة حتى وقفات أمامها حالة فمها كانت أكبر شجرة فلبلاصة لي هي فيها ونطقات بصوت مرعود )

 

ساندرا: ش ش شكون هنا …(سرطات ريقها ويالاه غاتحرك طل خلف الشجرة لي أمامها حتى سمعات الحس خلفها الشيء لي خلاها استدارت بسرعة وبانو ليها البنات بأربعة لي وصلو عليها سخفانات كايلهثو …

 

جمانة وهي معنقة القرد ) : ناري ناري شحال جريت ناري أنا كنضرب نغلاض وتاوليت نغلاض ووليت نحبني ونحب طايتي ودابا بهاذ جرية ضربت كل شيء فزيرو…

 

(ساندرا شافت فيها ورجعات شافت فالشجرة باستغراب وسرطات ريقها ..وطلات خلفها مالقات والو …حتى تشدات من دراعها وتجرات …بسبب زليخة لي لونها مخطوف وكاتلهث وهي كاتشوف فيها بخوف )

 

زليخة : نتي نتي نتي واش بيخير ها..أشنو وقع ع ع علاش جريتي ؟؟

 

ساندرا سرطات ريقها ويالاه غاتهضر حتى جمدات ملي حسات بطاقاتهم لا هي لا البنات لي جاو كاايجريو كلهن برعب تخباو موراها هي وزليخة ..وكلهن شافو أمامهن ثواني حتى ظهر أمامهن جبار مخنننزر وظهرو جنبو سليم ووسيم وعصمان كلهم بقوة التنقل …وفارس ومالك خرجو من بين الأشجار ووقفو جنبهم….

 

زليخة تنهدات وهي كاتشوف فجبار والشباب ونطقات )

 

زليخة : boooys تهدنووو

 

سليم غوووت )سميييييحة

 

سميحة خلف ساندرا قفزات تابدات تبكي …أما جبار عينيه على ساندرا لي حانية راسها ….سليم اختفى من مكانو وظهر جنبهن ويالاه غايجر سميحة من وسطهم حتى دفعاتليه زليخة يديه ….

 

سليم غوت ) زليييخة حيديي من قداامي

 

فارس نطق بحدة ) جمااانة

 

جمانة طلات عليه من خلف ساندرا وهي معنقة القرد ) نعام أفرفوستي

 

فارس كل العصبية لي فيه طارت وحبس الضحكة بزز ) أجي نقوليك

 

جمانة : هيا لولا أكربوجي (وتمشات كاتنقز ..خلات لبنات مخرجييين عينيهم فيها ..ووقفات جنب فارس لي حط يدو على خدها وشاف فالقرد ورجع شاف فيها )

 

فارس : معامن تشاورتي تخرجي

 

جمانة : معاك أفرفوس راه سيفطت ليك ميساج

 

فارس: وجاوبتك ؟ قلت ليك خرجي؟

 

جمانة : لالا سكتي

 

فارس :إوااا

 

جمانة : إوا راه سكوت علامة رضاااا

 

(فارس تزلع بالضحك وعنقها بعجها هي والقرد ….أما سلييم مخننزر فسميحة لي مخبية مور ساندرا كتمسح فدموعها ….وزليخة واقفة مانعاه يدوز ليها)

 

سليم : زليخة حييدي

 

زليخة غوتات ) أ لالالا مامحيدااش (شافت فجبار ومالك ووسيم )لبنات خرجو معاايا

 

سليم غووت ) ووومن بعد غاااتقدري على حمايتهن بووحدك

 

زليخة تنهدات بعصبية وغوتات ) سليييم تهدن وركز وتحسس طاقة المتحول فمحيطك

 

(سليم شاف فيها باستغراب… وفعلا تحسس الطاقات لي حولو وبلا طاقتو وطاقت خوتو ولبنات كلهن تحسس طاقة عشر متحولين آخرين قراب منهم..وشاف فزليخة )

 

زليخة حركات راسها بآه ) نتا عارف أنني مستحيل نعرضهن للخطر أنا فالأول قلت غير لساندرا تخرج نتدربو (شافت فجبار) بغيت غير نعاونها تقوي سحرها وملي شفت معاها كل البنات فلبلاصة سيفطت رسالة لبابا يسيفطليا متحولين من فرقة العدالة لملعب لستاركس ومدازت حتى خمس دقائق حتى كانو المتحولين فالمحيط وقراب منا ومستعدين للتدخل فحالة الخطر …(خنزرات فالشباب) فااا لبنات مدام خرجو معايا هن كانو تحت مسؤوليتي ونتمنى تفهمو هاذشي 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🌞الجزء 333🌞

سليم تنهد ومد يدو لسميحة ونطق بهدوء ) أجي

 

(سميحة شافتو تهدن وابتاسمات شدات يدو وهو قربها منو وبدا كايمسحلها الدموع …وأميرة وقفات جنب مالك هي مخنزرة وهو معصب منها وبقاو ساكتين …وعصمان عينيه غير على ركبة زليخة المجروحة ومزير على أسنانو ويديه …وسماح جنب وسيم وكايهضرو بهمس…)

 

وسيم : علاش أنا ماسيفطتيش ليا ميساج بحالهم…

 

سماح : علاش شكون نتا…

 

وسيم : راجلك امكن وخاسك تشااوري معايا

 

سماح : واخا تحلم بيها أون كولوور

 

وسيم : هانتي غاتشوفي

 

سماح : حلم

 

(وسيم يالاه غايهضر حتى شاف جبار لي تمشى وهو مخنننزر لدرجة كلهم سكتو حتى وقف أمام ساندرا لي غير حانية راسها وفيها السخفة بزز واقفة ….ويالاه غايهضر حتى تدخلت زليخة )

 

زليخة : جبار خرجات معايا كانت معاايا

 

(جبار شاف فيها مخننزر حتى سكتات ورجع شاف فساندرا ونطق بهدوء )

 

جبار : أشنو قلت ليه أنا قبل منخرج همم ؟

 

(ساندرا سرطات ريقها وهزات راسها شافت فيه لونها مخطوف ومقدراتش تهضر او تزيد تشوف فيه بسرعة حنات راسها ويديها كايترعدو )

 

زليخة تدخلت تاني ) جباار شوف فيا أنا هضر معايا أنا

 

(جبار شاف فيها ومد يدوشدها من أذنها بقوة حتى خرجات عينيها وغوتات بألم ونطق مخننزر)

 

جبار : آخر مررة تحطي رجلك فجناااحي يااا زليخة

 

زليخة : أححح واطلق أصاحبي ونشرح ليك

 

جبار زاد زير على أذنها حتى غوتااات) مكااانضحكش واش فهمتي

 

زليخة : فهمت فهمت غير غير طلق …

 

جبار طلقها ) ماتدخلييش (شاف فساندرا مخننزر ) واااش نعاودليك السؤااال؟

 

(زليخة يالاه غاتهضر تاني حتى جرها عصمان بعدها عليهم وهو مخنزر فيها ونطق )

 

عصمان : واش مغاتهناي حتى يخلطك

 

Leave a comment