Skip links

قصة : الوحش وذات القزحتين الجزء 2 ( عشق جبابرة) ج 28

 43,711 عدد مشاهداات

🦄تتمة الجزء 314🦄

 

ساندرا كاتبكي بصرااخ ..هي كانت عارفة ومتأكدة أن جداتها ماتت ولكن ماتخيلاتش ان موتها كان بهذه البشاعة….زليخة لي واقفة كاترجف تنترات من عصمان ومشات كتجري وقفات جنب جبار لي شاف فيها وعطاها ساندرا ..وهي مباشرة عنقاتها فحظنها بقوة وساندرا غير كاتبكي بصرااخ وكلها كاترعد بقوة لدرجة مقدراش توقف ..فاجلساتها زليخة على الأرض وجلسات حداها معنقاها ….

 

جبار ) : رجعو لور

 

(فارس ..وسليم رجعو لور جنب عصمان وخليل ..وجبار ليعينيه مظلميين كايشوف فدريكور لي شبه مغيب … تمشى حتى وقف عليه وهزو من شعرو حتى تقابل معاه ودريكور بزز نطق…

 

دريكور: م م ماتق تقتلنيش غ غا غانف نفعك …

 

(جبار كايشوف فيه ببرود …شدو بيده الأخرى من عنقو قاجو وكايزير قبضتو شويا بشويا…وساندرا لي مزية عليها زليخة فحظنها …سكتات من البكاء.بصراخ…و كلها كاترجف وهي كاتشوف فجبار ودريكور وشهقاتها كايتسمعو فكل الديبو )

 

جبار :بحالك مايستاهلووش يعيشو ..مايتساهلووش يتنفسووو ….مايستاهلووس فرص ….(وزييير بيديه على رقبة دريكور لي كايفركل ووجهو زرااق مقطوع فيه النفس ومخررج عينيه ..وجبار مخنزر فيه وهو كايضغغط ويضغط حتى تسمع صوت تكسر عضمت عنق دريكور …و فلحظة ضغط جبار بقوة كبيرة لدرجة راس دريكور طار وطاح مكركب كالكرة على أرض الديبو ..وجسده طاح بوحدو ….فهاذ اللحظة ساندرا شهقات وهي تسخف فحظن زليخة ..لي غوتات)

 

زليخة : جباار

 

((جبار بسرعة شاف فيها ..وحول نظرو لبرميل كبير ..عامر بالماء فعل قوة التحكم بعصر الماء ..وخرجات المياه من البرميل تضربات فيدي جبار وصدرو ووجهو حتى غسل من الدم لي ترش عليه ..عاد تحنى عندها خداها من عند زليخة ..وهز كتابها السحري لي واخا حرقو تاني ماتسوقس حطو ليها فحظنها وهزها ووقف )

 

جبار : نقيو الدنيا هنا (شاف فسليم ) ذوب جسدو بقوة تحويل الصلب لسائل

 

سليم ابتاسم ) كون هاني

 

(جبار فعل التنقل السريع و اختفى من مكانو بساندا …وعصمان عينيه على زليخة لي مزالة جالسة على الأرض حانية راسها وكاترجف …بغا يتحنى يعنقها ولكن عقلو كايضارب مع قلبو …حتى تنهد خليل لي كايشوف فيه ..وتحنى عندها هو حط يدو على كتفها …شافت فيه وعنقها عندو )

 

خليل كايدوز يدو على شعرها) : تهدني ويالاه نوصلك للقصر ..

 

زليخة سرطات ريقهها ) واخا (ووقفات شدات دراعو وخرج هو وياها …)

 

فارس شاف فعصمان لي متبع لزليخة العين) ماشي راك مقصح معاها أكتر من لقياس

 

 

عصمان سرط ريقو ) ماتدخلوش بيني وبينها

 

فارس : غانشوفك عيقتي غانتدخل

 

عصمان خنزر فيه …وسليم وقف بيناتهم )

 

سليم : واطلقوني نقيو دنيا هنا باش نمشيو نلحقو على جبار ..

🍀🍀

 

عند جبار لي ظهر مباشرة جنب سيارتو المركونة خارج الديبو … حلى الباب وجلس فكرسيو دالسائق وهي مغيبة فحظنو ماحطهاش فالكرسي جنبو بل خلاها على رجليه وفحظنو مزيير عليها عندو ومخننزر واخا قتل دريكور مابرداتش ليه …وكايتذكر ميبهار وشكلها ووجهها لي باين عليه الطيبوبة ..وكل كلامها لساندرا … تنهد وشاف فوجه ساندرا الشاحب لي عليه آثار الدموع …وباسها بحنية ففمها ..وكسيرة كايسوق بيد وحدة وحاضنها بالأخرى ….وطول الطريق ودماغو خدااام بالتفكير فشخص واحد هو^ ثيون^ ..وكل ماقاله لهم دريكور عنه…حتى وصلو للقصر وخرج صاعر وهو هازها دخل بها مباشرة لجناحهم …يتبع 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🌞الجزء 315🌞

 

صباح اليوم الموالي الساعة 8 صباحا …وعلى أعلى قمة في جزيرة ^كوناشير^ وهي إحدى جزء ^الكوريل^ الأربع التي تقع في المحيط الهادئ بين شبه جزيرة كامتشاتكا الروسية وجزيرة هوكايدو اليابانية.. جزر الكوريل الأربع هي في الأصل جزر يابانية ولكنها حاليا تابعة لدولة روسيا وللقانون الروسي بعدما قامت روسيا باحتلالها بعد هزيمة اليابان في الحرب العالمية الثانية..وحاليا الدولتان تتصرعان على هاذ الجزر لغناها

بثروات كبيرة من نفط وغاز طبيعي ومعادن……

فعلى قمة أعلى مرتفع في جزيرة كوناشير …جالس على صخرة كبيرة الحجم وشاد بيديه لي كلها وشم يد شخص آخر ومزيييير ليه عليها لدرجة الشخص كايغوت بأعلى صوتو بألم مخررج عينيه وكايتلوا مكانو وهو كايحاول يفك يدو وكايترجاه يحبس استنزاف ويرحمو ومايقتلوش … صراخ ألم وكلمات ترجي دامو لدقائق حتى سكت الشخص من الصراخ وجمد مكانو كايترعد كولو وبزز كايتنفس حتى خرج الروح ….

 

الشخص ضحك بسخرية و طلق ليه يديه ووقف كايتكسل وهو كايضحك ببصوت مرتفع ..نزل نظرو للشخص لي مزالو على نفس الوضعية ودفعو برجليه بقوة من على المنحدر وبقا واقف كايتفرج في طايح وجسدو كايتكركب حتى استقر فآخر المنحدر وطاح وسط تسع جثث أخرى….

 

ثيون متاسم وهو كايطل من الأعلى على الجثث) :وهاااا رقم عشرة….

 

(وقفات خلفو وكاتترعد ونطقات بزز) درت كل شيء قلتيه ليا جبتليك كل سحرة معشري واحد بواحد و استنزفتي كل ذرة سحر فجسدهم (شافت فيه) دابا بغيتك توفي بكلمتك ليا…

 

ثيون طرطق عضام رقبتو ونطق) يالاه عشرين ساحر ….. تلاث سنوات من الاستنزاف سراً كنت كانستنزف ببطئ ومرررة مرة باش مايعيقش بيا آلبرت وفتلك السنوات استنزفت طاقة عشر سحرة فقط واليوم زدت عليهم عشرة غلطت بزاااف ملي ضيعت كل هاذ الوقت فالاستنزاف سرا وأنا كانخمم لآلبرت (ابتاسم بشر) ولكن دابا ماكااايهمنيييش لاهوا لا غيرو خااسني نوصل لمئة ساحر بسرعة (أشار لها لجثث السحرة العشر لي فآخر المنحدر وغووت) هااااذشي لي جبتي ليااااا ماكااافينييش يا جوليا (غوت) مااااكااافيش

 

جوليا قفزات وغوتات) وأشنووو بغيتيني ندييرليك هاااذوك لي لتحت جثث كل معشري كل عاائلتي يا ثيووون ضحيت بيهم بعاااائلتي با وخوتي وخواتاتي باش تعرف شحال كنبغيك وأنه مكايهمني تاواحد من غييرك ونتا لي فكل مرة كاتلوحني لآلبرت (شدات وجهو بين يديها ) أناا كنبغيك نتا ماشي توأمك ماااشي آلبرت وأي شيء قلتيه ليا كنديرو لدرجة قلتيلي خلي آلبرت يبغيك ولحتيني ففراش خوك ودرتها …خليتو ولا كايموت عليا ووهمتو أني كانبغيه وكل مخططاتو وأسرارو لي كايعاودليا وهو فحظني كل ليلة …كنجي لغد ليه نقولهم ليييك و قلتيلي بغيتي سحرة معشري بغيتي تستنزف سحرهم وجبتهم ليك… فا علاش كادير فيا هكا علاش مازال رافضني ؟ اشنو مزاال خاسني ندير باش نثبت ليك راه كنبغيك؟

 

ثيون ابتاسم ونطق بعدم اهتمام ) على ذكر آلبرت أشنو خبارو ؟

 

جوليا سرطات ريقها ) بغا يعرف أشنو غايوقع فاجتماع المتحولين لي غايدار غدا …بغا يعرف واش غايعطيو ولائهم للمختارة …وأملو فأن هاذشي مايتحققكش كبير.. وإيلا ناضت الفوضى فقاعة الاجتماع وتمردو المتحولين على لستاركس غاتكون نقطة قوية لصالحنا غانقدرو ديك الساعة بسهولة ناخدو المختارة والكتاب …حيت لستاركس ماغايقدروش ديك ساعة يحميوها من بني صنفهم ومن السحرة فنفس الوقت …وآلبرت سيفط سحرة لإسبانيا وأمرهم يتحكمو بعقول بعض البشر عن طريق تعويذة الخضوع ..ويسيفطوهم للمغرب وبالضبط لنواحي مقر محكمة المتحولين كجواسيس … وهو خايف بزاف إذا فعلا المتحولين دكل العشائر عطاوها ولائهم راه مستحيل نشدوها ديك الساعة

 

(ثيون ابتاسم بسخرية وهو كايجرب فتعاويذو لي بسبب طاقة السحر لي امتصها من السحرة ولا كايطبق التعاويذ بسرعة )

🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🌞الجزء 316🌞

 

(ثيون ابتاسم بسخرية وهو كايجرب فتعاويذو لي بسبب طاقة السحر لي امتصها من السحرة ولا كايطبق التعاويذ بسرعة )

 

ثيون : اذن آلبرت قرر أنه ماغايزيدش يضحي بسحرته ككبش فداء ويسيفطهم لدولة المتحولين /المغرب/ فا تحكم بدمى بشريية تخدم مصالحو أممم حركة ذكية..مزيان يخليليا السحرة حيين هههه اللهم نستنزف أنا طاقتهم بعدا ويموتو وهم نافعين لشيء …أو يقتلوهم المتحولين غير هكاك (شاف فيها ) وأناااا مكايهمنيييش يركعو ليها المتحولين او لا هي فالأخير غاتولي ديالي

 

جوليا تعصباات وغوتات ) هااااذشي علاش راافضني طول هاذ السنين ياك ورافض حبي…. فقط كاتسالي مني فالفراش وتلوحني لفراش خوك ..مابغيتيش تتزوج بيا على قبلهاااا …تلك المختارة ياك (قربات منو حتى وقفات أمامو ) نتا ماباغيش غير تعويذة الخلووذ…نتااا باغيها هياااا

 

ثيون شاف فيها وبسرعة شدها من فكها مزيير عليها ) من الأحسن تدييها فراسك ودييري غير داكشي لي كنقوووليك أو غاااندمك ألق..بة ودابا قودي من قدامي (ودفعها) .. و أي حركة دارها آلبرت نبغي توصلني….(وتحرك غادي حتى قاطعاتو )

 

جوليا : بلاتي أشنو غاندير للجثث لي لتحت

 

ثيون : حرقيهم خليهم ولا كوليهم سوقك هذاك (ابتاسم) عائلتك هاذيك تحملي مسؤولية جثثهم

 

جوليا سرطات ريقها ) ونتا فين غادي ؟

 

ثيون : لجزيرة شيكوتان //وحدة من جزر الكوريل الأربع //(وابتاسم بشر)

 

جوليا مخرجة فيه عينيها ومشات كاتجري وققات أمامو قاطعة طريقو ) ج جزيرة شيكوتان لي مستوطنها معشر الكانما؟؟ لالالا يا ثيوون معشر الكانما هو تالث أقوى معشر من معاشر السحر الأسود بعد معشر الجدي ومعشرك آل جوفر ..وعاد هم عائلة كبيرة وكاتضم أقوى السحرة واش حماقيتي غاتستنزف سحرهم راه ماغاتقدرش عليهم بوحدك و هكا فلبلاصة غاتوصل لخبار لآلبرت وغايعرفك نتاااا حيت نتوما بجوج فالعالم الساحرين لي عندهم قدرة الاستنزاف وهو ملي يعيق بيك غايسيفطهم يقتلوك…راه أنا بزز قدرت نبرر ليه غياب أعضاء معشري وخروجهم من الجزيرة المنسية بدون اذنو

 

ثيون : أنا غادي غير ضيف رئيس معشر الكانما بنفسو غايعرض عليا

 

جوليا : ثيوون آلبرت غايعيق بيك

 

ثيون : مكايهمنيش خاسني نستنزف طاقة ثمانين ساحرة فأسرع وقت باش نكمل مئة وديك الساعة (ابتاسم) غانتعادل معاه فالقوة وغانديهاليه من بين يدييه وقدام عينيه بعدها غانفصل راسو عن جسدو

 

(جوليا صفارت وهي كاتشوف الشر خارج من عينيه …شاف فيها وابتاسم )

 

ثيون :بعدما نسالي من معشر الكانما غانجي لمعشر الجدي (حط يدو على خدها ) وبعدو معشر الأوكاليبست وندوز لمعشر البانتشي ومعشر اليوغاي ومعشر البلوتسي ومعشر البلايكل و…

 

جوليا لي مخررجة عينيها قاطعاتو)ثيوون ماتنساش نتا ساحر مستنزف آه ولكن تاواحد ماعارف حدود استنزافك نتا وآلبرت فا راه تقدر ماتتحملش مئة طاقة سحرية يقدر جسدك مايتحملش كل هاذ الطاقة و…(ثيون قاطعها بتصرفيقة قوية بضهر يدو حتى تلاحت على الأرض شادة حنكها وغوت وهو كاينهج)

 

ثيون : غااااانقدر سمعتي نقدر نستنزف حتى لألف طاااقة ساااحر وغااانديرها ودابا قووودي للجزيرة المنسية ولسقي فآلبرت أي حركة دار علميني وملي يعرف أني أنا ليكانقتل فالسحرة ونستنزف طاقتهم هو غايسيفطهم ليا يقتلوني ونتيييي غاتعلميني بشكوون سيفط وشحال من وااحد…. (وتحرك كايتمشا بخطى سريعة هبط من الجرف …خلاها جالسة مكانها شادة حنكها ) 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🌞الجزء 317🌞

 

🍃🍃🍃🍃🍃🍃

فنفس هاذ الوقت فالمغرب كازا …في جناح جبار لي خرج من دوش وشاف فالسرير …مزالها ناعسة كيما هي ..من ليلة الأمس منلي سخفات فالديبو مافاقتش وطور الليل وهو خاشيها فحظنو و فايق حاضيها ومقابلها حيت طلعاتليها الحرارة و كاتقفز مخلوعة فنعاسها….ماخلا تاحد يدخل عندها يشوفها حتى من مو وباه لي عاود ليهم سليم كل شيء وقع فالديبو ….

 

جبار تنهد واختفى من مكانو ظهر فالدريسينغ لبس عليه بسرعة واختفى ظهر واقف أمام السرير وجلس جنبها وكايدوز يديه على راسها حتى بدات تحل عينيها وشافت فيه ببرود ….

 

جبار : صباح الخير …

 

(ساندرا كاتشووف فيه تكعدات جالسة وشافت فالساعة ورجعات شافت فيه ..وهو فقط مراقب نظراتها وحركاتها وكايتسنى فردت فعلها حتى نطقات)

 

ساندرا : صباح الخير

 

جبار سرط ريقو وحط يدو على خدها) واش نتي بيخير

 

ساندرا عينيها عمرو دموع ونطقات بصوت مرعود ) : علاش واش خاسني مانكونش بيخير !

 

جبار باسها جنب فمها) لا ماشي هاذشي لي قصدت أنا بغيتك تكوني بيخير

 

ساندرا : وأنا بيخير (شافت فثيابو كان متأنق لابس كومبلي أسود..وهو شافها كاتشوف فحوايجو ونطق)

 

جبار : من هنا لربع ساعة عندي اجتماع مهم

 

ساندرا شافت فيه ) علاش نتا فاش خدام ؟ يعني بلا أنك شيطان المتحولين فاش خدام اخر واش بحال خليل ؟

 

جبار ابتاسم وعض شفايفو بفقصة وخنزر فيها) خليل و عرفتيه فاياش خدام وأنا لا ؟

 

ساندرا تزنكات ) صاحبتي أماندا كانت من معجباتو وحتى نتا وخوتك كانت متبعاكم فالمجلات وكانت كاتقوليا عن أعمالكم وكاتهضر عن ثرائكم غير نسيت وأصلا خليل هو كان قاليا ملي تلاقيتو فالجزيرة جلست معاه لدقائق قالي واش بغيتي توقيعي وملي ماعرفتوش استغرب

 

جبار :؟ أصلا هو فينما مشى كايقولها عادي أصلا لماقالهاش راه ماشي خليل … هاذشي باش غانعذرك هاذ المرة أزوينة ديالي ولكن (قرب حتى لأذنها وباسها ليها ونطق بهمس تهديدي ) آآآآخر مرة تجبدي اسم شي رجل آخر شكون مابغا يكون قدامي ( وباسها تاني فأذنها حتى تبورشات وبعد وشاف فيها مبتاسم) وأنا خدام فكل شيء عندي عدت شهادات وأهمها هندسة الطائرات و عندي أنا وخوتي شركة كبيرة دصناعة محركات الطائرات والصواريخ لي كانختاعرعهم بنفسي وكانوقف على تصنيعهم… وسليم مختص في تصميم هياكل الطائرات و عصمان الجانب الإداري للشركة وفارس الجانب الأمني…

 

ساندرا : وخوك الآخر لي عويناتو ملونين وسي…(وسكتات مخرجة عينيها ملي هزات راسها لقاتو ممممممخنزر فيها لدرجة صفارت)

 

جبار : ياك عرفتي فاش خدام راجلك إوا باراكا عليك ماعندك مديري بشيحد آخر… (واباسها ففمها وشاف فعينيها ساهي فيهم) عندي عمل مهم خاس نخرج وغانغيب نهار كولو

 

ساندرا لي مزننكة بزز كاتشوفليه فعينيه ) و واخا

 

جبار نطق بصوت هادئ) : نتي بخير ياك ؟

 

(ساندرا حانية راسها وحركاتليه راسها بآه وعينيها مغرغرين ..وهو ابتاسم ونطق)

 

جبار : ينعل بو هاذ الاجتماع والعالم كامل… غانبقا معاك 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🌞الجزء 318🌞

 

جبار : ينعل بو هاذ الاجتماع والعالم كامل… غانبقا معاك

 

ساندرا شافت فيه وبزز حابسة البكية وبزز كاتهضر بصوت مرعود ) غير سير أنا بيخير لبارح غير غير تصدمت شويا وصاف أما راني كنت متأكدة أنه هو لي قتلها …

 

جبار عنقها وحط ليها راسها على صدرو جهة قلبو ) وأنا قتلتووو وبنفس الطريقة وأبشع وأي شخص أذى ولو شعرة وحدة منك غايموت بطريقة بشعة ..(سكت شويا ونطق) وغدا غانديرو أول خطوة وهي أن كل العشائر غايركعو ليك….

 

(ساندرا بسرعة تكعدات من حضنو وشافت فيه مخررجة عينيها وصفارت نطقات بصدمة)

 

ساندرا: ش ش ش شنو !!

 

جبار : ماعندك من آش تخااافي

 

ساندرا حركات راسها بلا ودموعها بداو يطيحو ) ماغايركعووش ليا …

 

جبار مد يدو مايمسح لها الدموع ) غايركعو ليك…

 

ساندرا كاتحرك راسها بلا ) ماغايتقبلونيش….

 

جبار : غانخليهم يتقبلوووك…

 

ساندرا غير كاتشهق وكاتبكي بقوة وكاتحرك راسها بلا)

غايطالبوك تخليني….

 

جبار غير كايمسحلها الدموع) : مستحييل نخليك….

 

 

ساندرا شافت فيه وبزز نطقات) : راه أنا أكبر تهديد مهدد وجودهم فا غايطالبوك تقتلني…. أو تتخلا عن ولاية العرش…

 

جبار ابتاسم) مستحيل نآذيك بل نقتل أي شخص حاول يديرها…. ومستعد نخلي ولاية العرش ومانخليكش…

 

ساندرا سكتات مدة كاتشووف فيه ودموعها غير كايطيحو ونطقات ) م مستحييل يقبلو أنك تبقا معايا ونتا هجين….

 

جبار وسع ابتسامتو وخدا دمعتها بأصبعو حولها لجليد ولاحها ففمو كلاها ونطق) إذن أنا مستعد نتخلا عن قواي التمانين ونولي بشري عادي باش نبقا معاك…وحدي معاك وفالحياة تاحد ماغايآذيك كيكنت بشري عادي أو هجين… او كيكنت اللورد الأول على عرش المتحوليين أو مجرد شخص عادي …هاذشي كولو مكايهمنيش لي مهم عندي هو نتي

 

((ساندرا حلات فمها وكاتتسائل داخلها واش فعلا كايهضر بصح! واش كل هذا حب لدرجة يخلي ولاية عهد أقوى صنف ..ويخلي قواه ..وعشيرتو ..غير باش يبقا معاها …واش كاين شي حب لهاذ الدرجة أو غير مجرد كلام …وجبار كايشوف فيها كأنو عرف فاياش كاتفكر …قرب حتى تقابل وجهو مع وجهها ونطق )

 

جبار : وما الحُب إلا وعد وهذا الوعد هو دَيني لكِ أسدده مع كل نفس أتنفسه وأنتي معي…. (ابتاسم ) سبق وقلت ليك كايعجبوني الأفعال أكتر من الأقوال فاخلي أفعالي تجاوب على الاسئلة لي كايطرحها دماغك

 

(ساندرا سرطات ريقها وهو باسها ففمها ونطق )

جبار: ماغانجيش للغذاء و نقدر نتعطل فالليل

 

ساندرا ساهية فيه ) و واخا

 

جبار: نصوني عليك جاوبي وتقدري تتحركي بحرية فالقصر ولكن لخروج لا

 

ساندرا : واخا

 

(جبار قرب منها وكايتسنا …وهي فقط ساهية فيه كاترمش فعينيها وهو تنهد ونطق)

 

جبار : إوا ؟؟

 

ساندرا : إ إ إوا يوا !!

 

جبار : واش ماغاتبوسينيش…!

 

(ساندرا خرجات فيه عينيها وبعدات منو…وسرطات ريقها وبدات كاتفتف )

 

ساندرا: أ أ ك ل لا

 

جبار خنزر فيها ) مابغيتيش اوك هانا صابر حتى تبغي…أنا غانمشي …

 

(ساندرا شافتو ناض ..وتفكرات زليخة وجات فبالها لقطة قبلتهم … وهي تخررج عينيها وغوتااااات)

 

ساندرا :أ بلالالالاتي 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🌞الجزء 319🌞

 

ساندرا :أ بلالالالاتي

 

(جبار استدار شاف فيها باستغراب ..وهي وقفات كاتجري وقفات أمامو وشدات يدو بسرعة مزيرة عليه لدرجة غرسات ظفرانها فيدو )

 

ساندرا : فيين غادي!!

 

جبار هاز حاجبو ) للإجتماع راك قلتي ليا غير سير!!

 

ساندرا طلقات يدو بدات كاتفتف ) غ غاتخرج من الجناح وتمشي تخرج من القصر لشركتك نيشان للإجتماع ياك يعني يعني ماغادوزش لشي جناح اخر ….

 

جبار ربع يديه) واش قصدك لجناح لواليدة …؟ لا حيت غايكون لواليد مزال فجناحو غير غايتعصب فا حتى لليل ملي نرجع عاد نشوفها

 

ساندرا :م ماشي هادشي لي قصدت؟

 

جبار مسح على وجهو ) واخا وأشنو قصدتي يا سمرائي ؟

 

ساندرا كضور فعينيها ) : و والو

 

جبار : أوك واش نمشي؟

 

ساندرا : ب بلاتي

 

جبار ضحك وهو كايشوف فيها مفاهم والو ) ههه هانا بلاتيت…

 

(ساندرا واقفة قدامو مزنننكة ومزييرة على يديها وكاتقااتل باش تهضر …وهو مربع يديه كايتسناها تهضر وكايشوف فساعتو )

 

جبار : مزال معطلة ؟ حيت راه تعطلت بربع ساعة ؟؟إيلا بغيتي نبقا معاك غير قوليها ماغانمشيش !

 

ساندرا: أ ألا غير سير

 

جبار ابتاسم وباس يدها) : واخا

 

(ويالاه استدار حتى غوتااات )

 

ساندرا: أ بلالاتي

 

جبار استدار شاف فيها مخنننزر ) مابغيييييتش نغوت عليك ولكن نتي امكن بغيتيني نغوت عليك ؟

 

سلندرا حركات ليه راسها بلا ) ماشي هاذشي غير بغيت نسولك…

 

جبار تنهد ) : واخا سولي؟

 

ساندرا بزز نطقات ) و واش زعمة مزال بغيتيها ؟

 

جبار مديق فيها عينيه ابتاسم حيت فهمها وقرب منها وهي حانية راسها ومزززنكة ) أشنو هي؟؟

 

ساندرا : ه ه هي…

 

جبار هز ليها راسها بيديه حتى شافت فيه ونطق بصوت هادئ ) أشنو هي…

 

(ساندرا كاتسرط فريقها …وهو مستمتع بتوترها وخجلها )

 

جبار : نطقيها ..

 

ساندرا : ل ل ب ب بو بو س لبوسة

 

(جبار حرك ليها راسو بآه وهو جامد كايشوف فيها ..وهي سرطات ريقها وكاتتنفس بسرعة شافت فيه وقربات منو شدات فلفيست نتاعو ..حولات فمها لوضعة البوس وغمضات عليها بقوة وتعلات واقفة على أصابع رجليها وحطات شفايفها على شفتيه وقلبها غايسكت ..وفقط حاطة فمها ومزييرة على عينيها وهو رااسي وكايشوف فيها جابتليه الضحكة …مدة وهي غير حاطة فمها مكتحركوش وحتى هو .. حتى تقطع فيها النفس عاد بعدات وهي حانية راسها وعرقاانة ونطقات )

 

ساندرا: و وا واش ص صافي ؟

 

جبار ابتاسم ولحس شفايفو ) لا مزال

 

ساندرا شافت فيه وحنوكها غايطرقو بسخونية وبزز كتهضر ) و و واش تزيدك زعمة ؟

 

جبار حل لكرافاط لاحها ) علاش خديت شيحاجة باش نزيد (حيد لفيست لاحها وبدأ كايحل فصدايف القميجة وهي مخرجة عينيها فيه) 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🌞الجزء 320🌞

 

جبار حل لكرافاط لاحها ) علاش خديت شيحاجة باش نزيد (حيد لفيست لاحها وبدأ كايحل فصدايف القميجة وهي مخرجة عينيها فيه)

 

جبار : أجي نعلمك كيفاش تبقاي تبوسيني

 

(وشدها من خصرها ويدو الأخرى حطها خلف راسها وبشوية قرب منها حط فمو على فمها كايبوس فيها بشوووية وكايحرك شفايفو بطريقة محترفة مثيرة كايمص كل شفة بوحدها …فقبلة فرنسية مدة عاد بعد حاط جبهتو على جبهتها وشاف فيها ونطق بهمس)

 

جبار : نوبتك …

 

(ساندرا مززنكة وهي كاتنفس بسرعة شافت فيه وحطات يدها على خدو ..وحطات فمها على فمو وهو جامد …بقات مدة وهي غير حاطاه ..حتى بدات تحركو كاتحاول تقلدو وهو فقط راسي ومستمتع بالأمر حتى بدات تمص ليه شفتيه …غمظ عينيه مستمتع ..مدة وهي كتبوسو بنفس الطريقة باش باسها حتى بعدات حانية راسها وبزز نطقات)

 

ساندرا : و واش ص صافي دابا؟

 

جبار لي كاينهج والعرق كايهبط مع جبهتو خشا راسو فعنقها ونطق بهمس ) تت ماصافيش والله ماصافي وعمرو غايصفى معاك…

 

(واختفى بها ظهر جنب السرير وبحركة سريعة قطع ليها بجامتها على جوج …ونتر ليها ستيانات وهي مخرجة عينيها حتى لقات راسها عارية كليا فوق السرير وهو فوقها خاشي راسو فعنقها كايبوسها بقوة ….

 

🤎🤎🤎🤎

 

عند أميرة لي خرجات من جناحها وهي حانية راسها على هاتفها ومبتاسمة كاتقرأ مساج مالك لي قال لها أنه واقف جنب جناحو كايتسناها يهبطو بجوج يفطرو…ويالاه سدات باب جناحها وهزات راسها حتى لقاتو واقف أمامها …

 

أميرة : خليل

 

خليل : صباح الخير

 

أميرة سرطات ريقها وكاتشوف فآخر الكولوار لي مع الدورة كاين جناح مالك ) صباح الخير

 

خبيل وقف أمامها ) ماسولتينيش بمرة عن خطبتي لهاندا فاجيت نوضح الامر

 

أميرة : ح حتى أنا كنت بغيت نهضر معاك فهاذششي وعليا أنا وما..

 

خليل قاطعها ) سمعيني أنا أولا …خطبتي لهاندا غير تمثيلية قدام ماماها حيت بغات تلسقها لجبار بزز وبدات كاتحرضها تتقرب منو وبزاف دالأمور لي إيلا وصلات لعمي جاسم أو للعم جوكار غاينوض صداع كبير فا هاذشي علاش خطبتها باش نحميها من العمة ديما ومخططاتها …

 

أميرة مخرجة فيه عينيها ) بلاتي (شدات راسها مخنزرة فيه) واش كاديرها بلعاني (غوتات فوجهو ) وااش نتا مكاتحسش وقلبك بارد لهااذ الدرجة ولا كيفاش ؟؟؟ نتا عاارفها شحاال كاتبغيك وعاارفها واخا تعيا تقوليها خطبة دبلعاني رغم هذا هي غاتكون فرحااانة بيها وشكون شاف متيقاها وحاطة عليها آمال وتوقعااات علاش قلبك قاصح هكا راه كاااينة ألف طريقة باش تعاونها وتحميها ونتا نضتي خطبتييها واش مفكرتيش فغدا ملي تفسخ الخطبة اش يطرا فيها

 

خليل : أنا فقط بغيت نعاونها وراه وضحتليها كل الأمووور وهي عاارفة هاذشي وواافقات عليه وأنا عمرني واعدتها بشيحاجة حيت أنا كانبغيك نتي

 

أميرة : خلييل فييق راك مكاتبغينيييش وامكن نتا كاتبغي هاندا غير معمي على قلبك

 

خليل شاف فيها باستغراب) شنو ؟

 

أميرة : كيف قلت ليك كاينة ألف طريقة باش تعاونها ولكن نتا اختاريتي تخطبها لو كنتي كاتبغيني دبصح ماغاتفكرش حتى فخطبتها واخا يبززوها عليك كنتي غاترفض فافكر مزيان يا خليل نتا كاتبغيها هي وفكرة أن مها ديما كاتلوحها على جبار خلاتك بسرعة خطبتيها هاذي راه سميتها غيرة…

 

خليل سكت شوية كايفكر حتى ضحك باستهزاء ) ههه نتي غالطة أنا باغيك نتي…

 

أميرة غوتات ) أنااا غير تحدي بالنسبة لييك يا خليل تحدي خاسك تربح فيييه حيت نتا خلييل آل ستارك المصنَّف كأجمل مودل فالعالم الرجل الخلاب لي عندو مئات الآلاف دالمعجبات ولبنات لي صادف فحياتو كلهن كايموووتو عليه …فحين بنت عمو اختارت رجل غيرو ….

 

خليل : كيفاش ؟

 

أميرة : آه أنا حليت سوء الفهم لي بيني وبين مالك ….ولبارح ملي نضتي نتا وعصمان خرجتو باباه طلبني قدام كل العشيرة لولدو وأنا وافقت ونزيدك قلتها لبابا وماما وجبار سمح ليه بأنو يهضر معايا وحتى يخرجني… ونزيدك تاني خطبتنا غدا في حفل اجتماع العشائر…فا يا خليل نتا خوية وغاتبقا غير خووية

 

(ولحظة صمت خليل كايشوف فيها ببرود نظرات لي خلعوها …قرب منها وهي رجعات خطوة للخلف …وزاد قرب منها وهي رجعات بالخلف حتى تساطحات مع الباب دجناحها وهو واقف مباشرة أمامها مافاصلهم والو )

 

خليل : علاش اختاريتيه هو؟

 

أميرة كاتتنفس بسرعة ومخلوعة منو ) ح حيت كانبغيه هو يا خليل أنا كانبغي مالِك

 

خليل : وأنا ؟ ها ..؟ وأنا لي قلت ليك ألف مرة …كانبغيك..وأنا؟

 

أميرة : خليل راك والله مكاتبغيني هانت تقبل الخسارة فهاذ التحدي وغاتعرف أنك ماكااتبغينييش فكر فيها…و وهانتا تخيلني وحطني قدام عينيك وحط جنبي هاندا وشوف عينيك فين غايشوفو واش فيا أو فهاندا..؟

 

خليل : هاااذ الخزعبلات دكتب طب النفس ليكاتقرايهم ماتطبقيهمش عليا …واش كايحسابليك أنا دري صغير ومعتابر كل هذا لعبة كانلعبها مع مالك لعبة لي مخاسنيش نخسر فييها لهاذ الدرجة مستهينة بحبي ليك ومامتيقاهش ؟

 

(أميرة سرطات ريقها ..وهو تحنى حتى تقابل وجهو مع وجهها وحط يديه بجوج على الحيط حاصرها …)

 

خليل : عاودي فكري كنواعدك حتى غاتكوني فرحانة معايا …

 

أميرة لي كلها كاترجف وهي كاتشوفو كايقرب منها ) خليل ب بعد مني 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🌞الجزء 321🌞

 

أميرة لي كلها كاترجف وهي كاتشوفو كايقرب منها ) خليل ب بعد مني

 

(خليل شاف ففمها وبدأ كايقرب منها بشوية يالاه غايبوسها حتى زيراات على عينيها ساداهم وبدات تبكي بصوت مسموع ..الشيء لي خلاه حبس وتراجع كايشووف فيها..تنهد وحنا راسو ويالاه غايعتاذر منها حتى تدفع بقوة لدرجة تخبط مع الحيط ..بسبب مالك لي دفعو مخننزر فيه وشد أميرة من يدها ردها خلفو وغوت )

 

مالك : خليييل (ويالاه غايطير عليه حتى شدات أميرة يدو وهي كاتبكي)

 

أميرة : لالا لا يا مالك ماتكسرش وعدك ليا … (فأنه مايضاربش مع خليل)

 

مالك تنهد بعصبة وكايهضر بصراخ ) آخر مرررة يا خليل غانشوفك مقرب منها ولو خطوة كاااانقسم ليييك غاااانقتلك واخا نعرف نكمل حياتي كلهاااا فسجن المتحولين غااانقتلك

 

(أميرة صفارت وكلها كاتترعد ومالك غير كايغوت وهي كاتحاول تجرو يمشيو وكاتشوف فالأجنحة حواليهم وهي خايفة لايخرج واحد من خوتها ويسمعهم )

 

أميرة : باراكا مالك عافاك يالاه نمشيو باراكا سكت

 

مالك : خسرتييي سمعتييي هي كااتبغيني أنااااا فاااا تقبلها كيييما أنا تقبلتها ملي وهمتيني أنها اختااارتك نتا وبعدت منكم …فااابعد أحسن لك سمعتييي أحسن لك وإلا قسما بالله حتى غاااتندم

 

(خليل غير كايشوف فيهم ببرود تنهد وحنا راسو وزاد دخل لجناحو …أما مالك كاينهج بالأعصاب استدار شاف فأميرة لي غير كاتبكي ونطق بهدوء )

 

مالك : سمعي مابغيتكش تهضري معاه مرة أخرى نهااائيا …

 

أميرة شافت فيه وهي كاتبكي ) هو راه ولد عمي

 

مالك غوت) : ولد عمك لي ياااااالاه دقيقة باش كان كايحاول يبوسك بزز منك واخا قلتيليه راك قبلتي بخطبتي لك !

 

أميرة حنات راسها ) هو ماكايبغينييش هو كايبغي هاندا و أنا متأكدة من هاذشي

 

 

مالك تنهد بعصبية ونطق ) ماااااكايهمنيييش حدو مزال ما اقتانع أنك ديالي مستحيل نتقبلو فا مانشوفكش كاتهضري معاي يا أمييرة اختاريتيني ياك وقبلتي بيا فا هو اعتابريه مكاينش… حتى السلام ماتقوليهااش ليه

 

أميرة مسحأت دموعها ) هو راه خوية يا مالك مانسخاش بيه وبيك فا واش اختياري لواحد معناها أني نخسر الاخر

 

مالك : آه حيت مستحيييل نقبل بمرتي صديقة لولد عمها لي كايبغيها وباغي غير الفرصة باش يتقرب منها (ابتاسم) الموت أحسن ليا

 

أميرة حركات راسها بلا ) هو راه مكايبغينيييش راه غير ضدد منو وغروورو عاميه والله مكايبغيني وراه ساااهل نثبت ليه وليك هاذشي غير عطيني فرصة

 

مالك غوت) :لالا و مكااايهمنيييش ونهار نشووفك كاتهضري معاااه غييير نسااايني و سيري عندو… (واستدار غادي خلاها واقفة مخرررجة عينيها ….وفقنت الكولوار واقفة مخبية …شافت كل شيء وسمعات كل شيء ..ابتاسمات بشر ونطقات بهمس)

 

ديما : كاتلعبو عليا خطبة مزيفة ياك ههه واخا يا هاندا هاحنا غانشوفو

🤎🤎🤎🤎

فجناح جبار لي متكي على ظهرو وهو لاوي فوطة على نصفو …ومتكيها فوقو راسها على صدرو كايلعب بشعرها المبلل وهي لاوية فوطة قصيرة على جسدها …مغمظة عينيها وكاتسمع لدقات قلبو … أما هو ساهي فسقف الجناح مخنزر …حيت مفعل قوة التنصت كايسمع كل شيء كايدور فالقصر ….مدة وهو كايتصنت حتى شاف فساندرا لي هادئة فظنو

 

جبار : ساندي

 

ساندرا حلات عينيها وكعدات راسها بزز فاشلة شافت فيه وهو ابتاسم )

 

جبار : عييتك كنعتاذر ولكن نتي لي حلوة بزاف كاتخليني كنفقد السيطرة … ونتي لي جبدتيني أما أنا كنت غااادي لخدمتي..

 

ساندرا خرجان عينيها وشافت فالساعة 9 ونصف ) أويلي اجتماعك 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🌞الجزء 322🌞

ساندرا خرجان عينيها وشافت فالساعة 9 ونصف ) أويلي اجتماعك

 

جبار تكعد ) داااز هاذي ساعة..وماشي مهم حيت خديت ما أحس … (باسها فصدرها وهز هاتفو طل لقا عشرات المكالمات من فارس وسليم وعصمان ..رسل ليهم رسائل..وشاف فيها ) تكاي حتى ترتاحي عاد نوضي أنا غانخرج

 

ساندرا حركاتليه راسها بواخا ..وهو باسها وناض يلبس ..وهي تكات فاشلة …حتى ظهر أمامها لابس ..جلس جنبها ونطق)

 

جبار: غانتعطل ولكن طول الوقت غاتكوني تحت عيني لاكنتي غاتخرجي من الجناح لبسي شيء مستور

 

ساندرا حركاتليه راسها بواخا وهي ساهية فيه) لونا مزال مسدود عليه البالكون غايكون فيه جوع

 

جبار : حتى تلبسي عاد حلي عليه ممنوع شي مخلوق يشوفك عارية حتى لو كانت دبانة

 

ساندرا: واخا

 

جبار : أنا غانمشي عنداك تبكي فغيابي

 

ساندرا : واخا

 

(جبار تحنى باسها وابتاسم واختفى …وهي بقات متكية ساهية حتى ابتاسمات ونطقات )

 

ساندرا : شحال زوين …وجانتل ..وكايحمق …

 

(جبار لي ملي احتفى من جناحو ظهر أمام بابو لقا زليخة واقفة تما .. وبعدما هضرو بجوج… زاد غادي فلكولوار وهو مفعل قوة التنصت سمع كلام زليخة وابتاسم ..وبعدها سمع كلمات ساندرا وهو يوقف مكانو وسع ابتسامتو حتى ضحك بفرح وهو يزيد …

🐚🐚🐚🐚

أما ساندرا لي بزز ناضت كاع صحتها فاشلة عليها سخفها حيت ماحاولش عليها بحال المرة الأولى …بزز كاتمشا …دخلات للدريسينغ تلبس وغير وقفات قدام المراية وفكات الفوطة لي طاحت ..شافت جسدها وهي تشهق ..طبعها أكتر حتى من ليلتهم الأولى…ابتاسمات وهي تهز ماتلبس سروال سبور وميني سوفيطمة سوداء مع جاكيط ..وهزات حذاء كعب أسود سميطات …سرحات شعرها البوكلي وقادات مكياج خفيف … ويالاه غاتخرج من دريسينغ حتى بانليها كتاب التعاويذ …هزاتو وبقات مدة كاتشووف فيه وهي كاتذكر جداتها …حطاتو وهزات هاتفها حلاتو على صورها هي وجداتها و انهارت وهي كاتشهق وكاتبكي بالجهد …جلسات على الأرض حطات راسها على ركابيها وهي كابكي بقوة حتى قفزات ملي سمعات ….

 

…..: واش مكاتشبعيش من البكاء ببف بالإضافة لخوافة وضعيفة نتي بكاية….

 

🌿🌿🌿🌿🌿

نرجعو دقائق للخلف…وعند زليخة لي خرجات من جناحها لابسة جينز مزير عليها كري وفيست جينز قصيرة ورافعة شعرها اسفنجة..ودايرة نظارات شمسية …ويالاه غاتتحرك مع لكولوار حتى شافت فالجناح المقابل مع جناحها وهو جناح جبار ..وبقات واقفة كاتشووف فالباب حتى قفزات ملي ظهر أمامها جبار …هاذ الأخير لي بقا واقف كايشوف فيها وهي كاتشوف فيه ونطقات …

 

زليخة : صباح الخير 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🌞الجزء 323🌞

زليخة : صباح الخير

 

(جبار ماجاوبهاش تحرك واستدار يمشي حتى بسرعة شدات يدو وقفاتو وهو مزال عاطيها بالضهر نتر يدو من يدها ويالاه غايزيد حتى سمع شهقاتها ….الشيء ليخلاه وقف وتنهد ونطق وهو عاطيها بالضهر )

 

جبار: نهار يسمح ليك عصمان غانسمح ليك حتى أنا

 

زليخة نطقات بعصبية وهي كاتبكي ) : نتا عارف أنه صعيب بزاف هو يسمح ليا ..ماشي بالساهل يسمح هو كايعدب فيا عن طريق مرال لي ولا مكايتفارقش هو وياها … وماغايسمح ليا حتى يشوفني تعذبت نيت وأنا مابقيتش قادرة نصبر على تجاهلكم ليا بجوج (رجعات شدات يدو وجات قدامو ) أنا كنعتاذر والله ماقصدت فيها شيحاجة…عالأقل سمحليا نتا …

 

جبار تنهد وهو كايشوف فعينيها وتحنى باسها فجبهتها ونطق ) شكرا على الجيست لي درتيه لبارح مع سمررائي فالديبو…

 

(زليخة ضحكات وسط دموعها وهي طير عليه بتعنيقة…وهو ابتاسم…بعدات وشافت فيه)

 

زليخة : كنت غانحماق والله فكرة أني خسرتك وعاد تعامل عصمان معايا و..

 

جبار قاطعها ) صبري عليه…

 

زليخة : أنا صابرة (مسحات دموعها وشافت فباب جناحو) عطيني كلمة السر ندخل

 

جبار هز فيها حاجبو ) فأحلامك

 

زليخة : أحم ماغاديش نقيص والو …

 

جبار ابتاسم )لا غير دخلي وقيصي نيت باش عصب رجليك نطيروليك

 

زليخة : وتقدر

 

(جبار ابتاسم وهو مخنزر فيها ..وهي سرطات ريقها

… وزاد غادي مع لكولوار مفعل قوة التنصت لي هي قوة كاتخليه يسمع بوضوح كل الاصوات المحيطة به … سمع كلماتها ملي قالت :

 

زليخة مخنزرة فيه ونطقات بهمس) هانية والله تاهانية نضحي بعصب رجلي في سبيل نخرج تلك السمراء ديالك من قوقعة دالكآبة لي غاتكون خشات فيها راسها دابا …

 

(…وسمع كلام ساندرا ملي قالت عليه زوين جانتل وكايحمق …ضحك ودخل للمصعد )

 

(زليخة لي بقات حاضياه تاغبر …وهي دخل بسرعة لجناحها هزات كابل …وخرجات برونشات الكابل مع هاتفها ..وحلات اللوحة الإلكترونية ديال بابو برونشات الكابل معاها ونطقات )

 

زليخة : نشوفو شكون نابغة أكتر أنا أو نتا يا جبار (وبقات كاتخربق فهاتفها لعشر دقائق وهي عاضة شفايفها بعصبية وكاتحاول تختارق شيفرة الباب تحلو حتى تعصبات …)فاااك واخا تكون حاطط كل فلوس الدنيا فهاذ الجناح ماديرش نظام معقد هكا …(تنهدات وعاودات المحاولة وباش يتحل ليها الباب بلا بصمة جبار أو ساندرا …طلبوليها كلمة سر )

 

زليخة : هاء ساهلة (كتبات ساندرا ..عطاوها إيرور ..وكتبات شيماء وتاني غلط ..كتباتهم بجوج ووالو ..وزادت جاسم ووالو ) أويلي ..(تنهدات كاااتفكر حتى ابتاسمات وكتبات ..سمرائي …وهو يتحل ليها الباب وابتاسمات ) أصلا بحالك بحال خالي غير هو شيمائي ونتا سمرائي حرام تعيطو ليهم بسمياتهم عادي (تنهدات وهي تدخل سدات الباب وبقات واقفة وسط الجناح كاتشوف فالكمرات وهي تهز يديه باستسلام )

 

زليخة : فاك نسيت الكمرات (حنات راسها شافت فعصب رجليها وتنهدات …شافت فكل الجناح بانليها السرير كولو مخربق وعوج ولوسايد طايحين) حسن عوانك معاه يا ساااندرا (شافت فالحمام ورجعات شافت فالدريسينغ ليكان بابو محلول …وتمشات ناحيتو وكلما كاتقرب وهي كاتسمع صوت البكاء……

🌿🌿

وعند جبار لي فسيارتو وسايق بسرعة قصوى خارج من كازا فاتجاه مقر محكمة المتحولين لي مبقالو والو ويوصل لها …حتى بدأ لابتوبو كايسني بضوء أحمر دليل على أن هناك اختراق للنظام الأمني دجناحو …هزو بيد وحدة والاخرى سايق بها حلو على الكاميرات بانتليه زليخة واقفة وسط جناحو وهو يهز حاجبو ونقص من سرعة السيارة وشغل السائق الآلي ….

 

جبار : ياك ازوزو (ابتاسم ) نتي لي قلبتي عليا (سكت ملي شافها تحركات في اتجاه الدريسينغ …هز هاتفو يالاه غايدوز رقمها..حتى شاف فالدريسينغ عبر الكاميرات وبانتليه ساندرا متكومة حول نفسها كاتبكي بقوة …خنزر وبقا كايتفرج حتى شاف زليخة دخلات عندها …وساندرا سكتات من البكاء بل خنزرات وبداو كايهضرو فاللحظة لي وصل فيها هو لأمام باب المحكمة وأصلا معطل الشيء لي خلاه اضطر يسد اللابتوب ويدخل )

🌿🌿🌿

 

#نرجعو عند زليخة لي دخلات للدريسينغ … بانت ليها ساندرا جالسة حانية راسهي وهي كاتبكي ….زليخة وققات عليها وربعات يديها ونطقات …

 

زليخة : واش مكاتشبعيش من البكاء ببف بالإضافة لخوافة وضعيفة نتي بكاية….

Leave a comment