Skip links

قصة : الوحش وذات القزحتين الجزء 2 ( عشق جبابرة) ج26

 42,874 عدد مشاهداات

🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🌞الجزء 301🌞

 

 

داخل مكتب هاندا لي واقفة كاتلبس طابليتها ومراد جنبها …

 

مراد : هاذي المرة الرابعة لي كاترفضي فيها لعراضة ديالي للعشاء يا هاندا

 

هاندا شافت فيه مبتاسمة ) مرة أخرى دكتور مراد ماكانبغيش نتعطل فالليل ..احم و ياك كنخرجو أون كروب نتغذاو فا كنظن باراكا

 

(مراد قرب منها وهي بعدات بتوتر وقفات أمام مكتبها كاتهز فبعض الملفات)

 

مراد : أوك لامابغيتيش العشاء ..اشنو بانليك نتغذاو بوحدنا اليوم غير أنا ونتي باش نهضر معاك فشيء مهم

 

هاندا شافت فيه ) أحم مرة أخرى يا مراد ..يالاه نمشيو خاسنا نضورو على المرضى ( ودازت من جنبو يخرجو حتى شد يدها )

 

مراد : هاندا علاش وليتي كاتهربي مني!

 

هاندا نترات يدها من يدو ) أحم مكنهربش

 

مراد : بل كاتهربي واش خايفة من هذاك ولد عمك لي فكل مرة كايشوفك معايا كايبدأ يهدد فيك ماتخافيش منو انا معاك (ومد يدو شد خصلة من شعرها ) خاسني نقوليك شيء مهم عقلتي على مشروع المستشفى لي هضرتليك عليه المستشفى الخاص لي بغيت نبني أشنو بانليك تدخلي معايا شريكة فيه…

 

(هاندا سرطات ريقها ويالاه غاتبعد حتى تحل عليهم الباب ودخل خليل بملامح وجهو الباردة وقف جنبهم ..حط الملف على مكتب هاندا وشاف فمراد)

 

خليل : فعلا هي ماعندها علاش تخاف مني ولكن نتا خااف وكنصحك تخاف مني وبزاااف (ومباشرة عطات لكمة قوة حتى طاح مراد منشور فالأرض …وهاندا غوتات وشدات فدراع خليل)

 

هاندا: خليل صاف تهدن تهدن

 

خليل شاف فيها ونطق ببرود ) وراني مهدن واش بنتليك معصب ؟

 

(هاندا مخرجة فيه عينيها وحركاتليه راسها بلا)

 

خليل : مزيان ( نتر دراعو منها وتحنا شد مراد من شعرو كعدليه راسو ونطق) سيري لخدمتك يا هاندا

 

هاندا : أ أ

 

(خليل دور راسو وشاف فيها مخننزر وهي بسرعة هزات الملف وخرجات كاتجري…وهو رجع نظرو لمراد ونطق ببرود)

 

خليل : واش نتا مسالي قبك ها غير لاصق فيها

 

مراد كايتأوه وكايحاول يفك شعرو من بين يد خليل لي مزيير عليه) ونتا سوقك نتا مامنحقكش تتدخل وانا غانرفع عليك دعوى قضائية على هاذ الضرب لي فكل مرة كاضربني …

 

خليل ابتاسم باستهزاء ) واخا غانتسناك فالمحكمة اسيهم مراد ولكن ماشي كمدعى عليه بل كمدعي فا أشنو بانليك

 

مراد : أ أشنو كاتقصد رااه نتا لي تهجمتي عليااا وضربتيني ماشي أنااا

 

خليل : لا ماقصدتش الضرب اشنو بانليك فقضية نصب و احتيال

 

مراد صفار وسرط ريقو …وخليل دفعو ونطق) آخر إنذااار غانعااود نشووفك قرييب من هاندا غااندمك قبل مانسيفطك فين تگلاصا (شاف فيدو باش كان شاد شعر مراد وهو يخسر ملامح وجهو وهز موشوار كايمسحها ) وغسل شعرك (وخرج خلا موراد ..لي بسرعة وقف لونو مخطوف جبد هاتفو ودوز رقم ثواني ونطق)

 

مراد : سمع مزياان وجدلي جواز سفر باسم مزور فآخر هاذ الأسبوع (سكت شوية ونطق بهمس وبعصبية) لفلوووس غايكوونو عندي هااذ الأسبووع غيير ودجووو (وقطع…)

🍀🍀🍀🍀

((عند خليل لي خرج برات المستشفى ووقف جنب سيارتو يالاه جبد هاتفو حتى شاف بعض البنات معجباتو جايات كايجريو ناحيتو ..تنهد بملل ودخل لسيارتو لي زاجها فيمي…ودوز الخط ..لي ثواني تشد ونطق وهو مبتاسم ….

 

خليل : وحش الرائدين

 

(تسمعات ضحكة رجالية وبعدها نطق )

 

إياد : خليييل آل ستارك ملك جمال العالم

 

خليل :نتا عارف أني ماشاركتش فالمسابقة أوما كون ديت اللقب…

 

إياد : عارف ألخاوة في الجمال والوسامة مكاينش لي يتنافس معاك خخههه أش خبارك؟ 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🌞الجزء 302🌞

 

إياد : عارف ألخاوة في الجمال والوسامة مكاينش لي يتنافس معاك خخههه أش خبارك؟

 

خليل : بيخير ونتا ..عندي أخبار أنك فالمغرب واش مزال هنا أو رجعتي لأمريكا وكاين شي مجرمين وفين واحد يحيى

 

إياد : يحيى بيخير وأنا فالمغرب فكازا عندي قضية غانحلها هنا عاد نرجع …وعطا الله المجرمين غامزلعين فين واحد جبار ولكليكة دخوتك شحال هذا مادرنا شي تجمع …

 

خليل : خوتي حتى هوما مشغولين بمجرمين من نوع خاص(قصدو متحولينvsسحرة)

 

إياد : مافهمتس واش وقع معاكم شيحاجة ؟

 

خليل تنهد) لا..المهم بغيت منك شيء يا رائد إياد ومابغيتش ندخل خوتي فالأمر نتا عارفهم شحال عصبيين فا يعني يبقا بيني وبينك

 

إياد : مرحبا أصاحبي غا عطيني الاسم وتفرج…

 

خليل ابتاسم) مراد القصابي طبيب متدرب فمستشفى لستارك…

 

(إياد لي جالس فمكتبو فالكوميسارية وأمامو حاسوب ..كتب فيه اسم مراد الكامل وابتاسم ونطق)

 

إياد : واضوسيه خاامر بقضايا النصب والإحتيال أصاحبي ولكن ديما خارج منها كالشعرة من العجين حيت مكايلقاوش عليه أدلة…

 

خليل : هاذشي عارفو يا إياد هو محترف فالنصب والإحتيال على النساء كايستهدف الغنيات منهن…كايلعب عليهن وكاياكل فلوسهم ويزيد بلا مايخلي موراه حتى دليل ولكن هاذ المرة طاح فالبنت الغلط….

 

إياد : أمم هو من نوع المجرمين الأذكياء حيت كايخرج راسو من القضايا بذكاء….

 

خليل نطق ببرود ): منين جاه الذكاء لو كان ذكي لو بقا فنصبو على البشريات ولكن زهرو يهودي هاذ المرة طيحو فمتحولة غانخليه يندم علنهار لي حط رجليه فمستشفى لستارك

 

إياد لي كايحك راسو بعدم فهم ) هانت غاتبدأ تاني تهضر بلغة الفضائيين وكيديما أنا غانقوليك واش شارب شيحاجة أصاحبي واشرح اش كتقول

 

خليل :والو والو سمع لي بغيتك ديرو دابا هو تسجل كل اعترافاتو…

 

إياد نطق بعدم فهم ) علاش هو غايعتارف!!

 

خليل : آه قريبا غاينسيفطو لعندك غايجي برجليه يگر بكل شيء وبغيتو يغبر فالحبس وتهلا فيه مزيان حيت لاعاود بان قدامي..أو عرف جبار بأمرو (ابتاسم) أنا غانجمدو مدى الحياة وجبار بعدما غايحرقو ويجمدو ويعاود يحرقو غايدوبليه عضامو ..أما واحد عصمان يقدر يختافي بيه ويظهر به مباشرة فجهنم يحطو ويزيد

 

إياد حك راسو بعدم فهم وطلقها بضحكة )هههههخ نتا وخوتك أحيانا كاتقولو شيحوايج مكنفهمش عليكم ..

 

خليل نطق ببرود) : أودي راه تفهم يطيرليك الفرخ غاخليك حسن بلاش…

 

إياد : صاف واخا ملي يكون هاذ مراد جاي لعندي و برجليه باش يعتارف على راسو ..أحم علمني نستقبلو باش تالاكان وجهو مشرشم نقنعو بطريقتي مايرفعش عليك دعوة اعتداء وتهديد…

 

خليل :أشمن تهديد واعتداء نتا عارفني شحال مسالم فا كون هاني هو غايجي عندك صحيح فصيح جسديا… يالاه باي (وقطع…وكسيرا فاتجاه القصر )

 

//ملاحظة إياد كيما كتعرفوه بطل من أبطال قصة عذراء ساقطة ..وهو رائد شرطة بشري عاادي ماعارفش بوجود متحولين..ماعارفش أن أصدقائه من لستارك متحولين…//

 

(ومن نافذة المستشفى الزجاجية …كانت هاندا كاطل على سيارتو حتى كسيرا عاد تنفسات براحة …ووقفو جنبها طبيبتين بشريتين صديقتيها لي غير شافو خاتمها سولوها ..وهي مالقاتش كيدير تتهرب من الجواب فا أكداتليهم أنها تخطبات لخليل ..وبقاو مجمعات كايضحكو ويباركوليها مارادينش البال لمراد لي سمع كل شيء وعاد مازاد عزما ينفذ لي فبالو … ….))

🍀🍀🍀🍀

عند ساندرا لي بعدما فطرات تكات هي والقرد ففوطوي فالبالكون .. مدة طويلة والرياح الخفيفة كاتلعب بشعرها وفقط ساهية فالسماء وهي كاتفكر فلقائها مع دريكور واش غاتقدر تكسر دائرة الحماية …تنهدات شافت فالقرد فحضنها ناعس ..حطاتو وناضت كاتمشى وهي كاتحس بلحريق تحتها دخلات للدريسينغ ووقفات جنب الطاولة لي عليها كتاب التعاويذ كاتشوف فيه …

 

ساندرا : شيحاجة ماهياش

 

(وهزات الكتاب وغير حلاتو وهي تشهق وطاحت على ركبتيها فاشلة و مخررجة عينيها فيه وكادوز أوراقو بسرعة ورقة بعد ورقة بعد ورقة وهي كلها كاترجف …حتى تحل عليها الباب ودخل جبار لي غير شافها فتلك الحالة قلبو تهز وبسرعة قرب منها وتحنا أمامها مخنزر)

 

جبار :ماالكي 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🌞الجزء 303🌞

 

جبار :ماالكي

 

(ساندرا مكاتجاوبوش وحتى مشافتش فيه…فقط كادوز الأوراق بسرعة بيديها لي كايترعدو ومخررجة عينيها فالكتاب …وهو غوت)

 

جبار : ساااندرا

 

(ساندرا لارد حبسات فالورقة ماقبل الأخيرة كاتقرأ مافيها وشهقات ودموعها طاحو …هزات راسها بشووية شافت فيه مميلة فمها ولونها صفر ونطقات)

 

ساندرا : ب ب بانت !

 

جبار مخننزر ويديه كاترعد بالأعصاب …شاف فالكتاب ومد يدو بسرعة شدو حيدو ليها من بين يديها … واخا شعلات فيه عافية قوية شدات فيدو ولكن ماتسوقش لاح الكتاب حتى تخبط مع الحيط وطاح..وشاف فيدو لي شادة فيها العافية حولها لجليد حتى تطفات ..وشد يدها بيدو السليمة …)

 

جبار : تهدني أشنو وقع مالكي …

 

(ساندرا فقط كاتبكي حانية راسها وكلها كاترجف …وهو بزز ضابط أعصابو مايغوتش يزيد يخلعها ..جرها عندو هزها من خصرها بيد وحدة ووقف من على الأرض وهي جامدة فقط كاتبكي وكاتنخصص…اختفى بها ظهر فالجناح حطها على السرير وشاف فيها )

 

جبار : ساندرا أشنو وقع هضري…

 

ساندرا شدات راسها ) كل التعاويذ المخفِيّة بانت كلها كلها بانت (شافت فيه وكلها كاترعد بطريقة هستيرية ) ك كان لكتاب كايبين ليا أربع أوراق فاليوم إيلا كتر…. وحتى للأمس كان مبينلي فقط ربعو أي ربع أوراقووو فقط …. ولكنو دابا بين كل شيء كل شيء منلي فقت وأنا كانحس بطاقة غريبة فالجو طاقة سحرية معقدة واش عرف عر عرف عرفتي نتاعاش هاذ الطاقة …!(وشهقات بقوة)

 

جبار مد يديه كايمسحليها الدموع ) تعويذة الخلود؟

 

ساندرا حركات راسها بآه وسرطات ريقها وغير كاتبكي ) هي لي مكتوبة فالورقة لي ماقبل الأخيرة وطااقتها لي منتشرة فالجو و كيما أنا حسيت بيها كل ساحر وساحرة فهاذ العااالم غايكونو حسو بيها وعرفو بأن لكتاب بينها ليا هي قوية بزااف بلا التعاويذ الأخرى لي كلها مرعبة هي أقوى تعويذة على وجه الأرض

 

جبار : ولكن علاش بانو كل التعاويذ بهاذ السرعة !؟ وبين ليلة وضحاها؟

 

ساندرا شافت فيه مميلة فمها ) بسبابك

 

جبار ديق فيها عينيه) قصدك….

 

ساندرا حنات راسها ) تدمير الكتاب وتوحيد الصنفين مهمتي أنا ونتا ماشي غير أنا بوحدي (ابتاسمات) مستحيل الصنفين …سحرة ومتحولين يتوحدو إذا أنا ونتا ماتوحدناش كجسد وروح وحدة… هاذشي لي مذكور فالنبوءة وتفسيرو أنه خاسنا ن ن ن…

 

جبار قاطعها ) نتزوجو وتولي مراتي فعلا (ابتاسم ودم يدو كايلعب بشعرها )وناكلك شفتي قلت ليك نتي تولدتي ليا ديالي

 

ساندرا شافت فيه وهي كاتبكي ) واش مامقدرش خطورة الأمر التعويذة لي كل ساحر وساحرة كايتسناوها منذ آلالاف السنين هااهي بااانت وكلهم حسو بييها ودابا قبل أي وقت غايديرو المستحييل باش يشدووني أنا والكتاااب وعرفتي شنو الأسوء فكل هذا

 

(جبار كايشوف فيها بدون رد وهو غير كايمسح فدموعها لي كايطيحو)

 

ساندرا سرطات ريقها ) باش ننفذ هاذ التعويذة (ابتاسمات ) باش نخلي صنف السحرة خالدين ومستحيل يموتو… خاسني بالإضافة للكتاب … نضحي بمئة كيان خارق للطبيعة …أي بمئة ساحر أو مئة متحول خااسني طاقة مئة ساحر أو مئة متحول يا جبار…وباش هاذ الطاقة تتخاذ منهم وتتوهب للتعويذة هم خاس يمووتو

 

جبار زيير على يديه ) المتحولين ماشي ضعاف باش يقدرو السحرة يشدوهم أو يتضحى بيهم …

 

ساندرا حنات راسها ) ولكن معاشري دالسحر الخير ضعاف … ومدام التعويذة بينات أنها خاسها هكذا تضحية…آل جوفر مغايقدوش على المتحولين وكانظن مستحيل يضحيو ببعض فا غايقلبو على سحرة السحر الخير يشدوهم ويوجدوهم ليا على قبل التعويذة ….

 

جبار : تهدني غانوصلو ليهم ونلقاوهم قبل من آل جوفر

 

[ ] ساندرا شافت فيه ) لا ماشي هاذشي سحرة السحر الخير لو بغاوني نلقاهم كاانو بانو قدامي أو تواصلو معايا بطريقة ما ومن شحال هذا ولكنهم مخبيين وماحدهم مخبيين صعيب نلقاهم فا خاسني ندمر الكتاب بسرعة بزربة

 

جبار :واش هو بين ليك كيفاش يتدمر

 

ساندرا حركان راسها بلا ) الورقة الاخيرة مافهمتش علاش مابانتش غير هيا بوحدها لي مابانتش

 

جبار : مدام كل التعاويذ حتى من تعويدة الخلود بانت بمجرد اتصالنا الجسدي أكيد طريقة تدمير الكتاب عندها حتى هي شرط ما ..باش تبان ..!

 

(ساندرا بسرعة ناضت كاتجري وهو تبعها ..دخلات للدريسينغ هزات الكتاب وجلسات على الارض كاتقلب فأوراقو ..وجبار جلس جنبها كايشوف فيها )

 

ساندرا كاتهضر بهستيريا وهي كاتبكي ) : والو والو وااالو غير تعاويذ فتعاويذ (شافت فيه ) ماواضحكش بمرررة الشرط..واالو ماكاين واالو اشنو خااس باش يبينلي الكتاب كيفاش يتدمر أشنوو هو هاذ الشرط ليخااسو يتحقق..؟

 

جبار سكت شوية كايفكر وابتاسم) ممكن توحيد الصنفين…

 

ساندرا شافت فيه ) ها ؟ 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🌞الجزء 304🌞

 

جبار سكت شوية كايفكر وابتاسم) ممكن توحيد الصنفين…

 

ساندرا شافت فيه ) ها ؟

 

جبار : هذا هو الاحتمال لي بانلي خاس المتحولين يركعو ليك والسحرة دمعاشرك يركعو ليا وهنا غايبقا فقط تدمير الكتاب …

 

ساندرا سهات كاتفكر ) فعلا ممكن …

 

جبار شد يدها ) إذن حنا غانطبقو كل الاحتمالات الواردة غانبداو بصنفي يركعو لولية عهدهم وبعدها نقلبو على معاشرك

 

ساندرا : غايكون الأمر صعب وتدمير الكتاب ممكن يكون خطير حتى ل مستحيل

 

جبار : كيما كان الوضع حتى وااااحد وحتى حااااجة ماغاتآذيك وأنا دائما غانكون جنبك و النبوءة فيها نتي وأنا… فهاذشي مخليني متأكد أنه عندي دور ما فتدمير هاذ الكتاب

 

((ساندرا كاتشوف فيه وهو عنقها بيد …وهي حطات راسها على صدرو ..وعاد تذكرات العافية لي شدات فيدو ملي حيدلها الكتاب وبسرعة تكعدات وشدات يدو غير شافتها وهي تخررج عينيها…كانت راحة يده حمراا محروقة )

 

ساندرا: اويلي د د دوا خاسها دواء

 

جبار ابتاسم ملي حس بخوفها عليه) تت غير حرقة بسيطة ..

 

ساندرا : نار الساحر قاتلة للمتحول فا ماتعاودش تقيص الكتاب وأي هجوم نار من ساحر تجنبو

 

جبار مبتاسم وقرب منها ) : نفهم أنك كاتخافي عليا

 

ساندرا بسرعة طلقات يدو مزنكة ووقفات ) خاسك تداوي يدك

 

جبار وقف هو الآخر كايشوف فيها )واش نتي وليتي بخير فاتك لحريق كاتمشاي عادي

 

ساندرا مزنكة وحانية راسها حركاتو بآه وهو ابتاسم)

 

جبار: لبسي عليك شيء مستور باش نتغداو ونمشيو

 

ساندرا : أنا فطرت مزيان و مافياش جوع غير يالاه

 

جبار : إذن غيري ثيابك (واختفى)

 

(ساندرا بدلات عليها لبسات كيطمة سبور سوداء وقادات وجهها شوية بميك أب خفيف وكلوص لامع …وخرجات لقاتو جالس لاوي فاصمة على يدو شاف فيها ابتاسم ووقف كايسكانيها بعينيه)

 

ساندرا : هاني واجدة

 

جبار ابتاسم ومد يدو حطها على خدها وتحنى خرج لسانو ولحس لها كل فمها ومص شفتيها شفة بشفة بقوة حتى تأكد أنه حيدلها كل أحمر الشفاه عاد بعد وهو كايتبنن )

 

جبار : ممم حلوة ودابا مشينا (ومد لها يدو)

 

(ساندرا لي جاامدة ومزننكة وشفايفها كايوزوزو …سرطات ريقها وبتوتر هزات كتابها بيد وبالأخرى شابكاتها مع يدو وتحركو خارجين)

 

جبار : غاتديه

 

ساندرا شافت فالكتاب ) خاسني نديه حيت إذا أنا بطاقتي الضعيفة ماقدرتش نخترق تلك الدائرة ..الكتاب غا يقدر ..🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🌞الجزء 305🌞

 

🍀🍀🍀

خارج القصر واقفين الشباب كل واحد جنب سيارتو …وكل واحد واقفة جنبو حبيبته…فارس غير كايضحك بفرح وهو كايشوف فجمانة لي غير كتهضر مكتسكتش…وسليم مبتاسم وهو واقف جنب سميحة وكل شوية ينزل عليها ببوسة وهي مززنكة ….ووسيم واقف كايعاود فنوكات لسماح ويتزلع بالضحك وهي مخننزرة فيه ..

..أما مالك واقف جنب أميرة لي هازة دفتر كاتوريه تصاميمها وهو عندو قلم كايصححلها بعض الأغلاط حيت حتى هو مصمم أحذية معروف ويتقن حتى تصميم الأزياء .. ..إلا خليل لي واقف مخنزر فمالك وأميرة كايشوفهم كايهضرو ويضحكو وهو حتى الآن ماعارفش أن أميرة اختارت مالك ووافقات على أنه يخطبها…..حتى خرج عندهم جبار وساندرا …لي تجمعو عليها لبنات…. والشباب تجمعو على جبار …

 

جمانة : فين غايدين ؟

 

ساندرا : خاسنا نقضيو شيء أنا وجبار ونتوما ؟

 

سميحة : للافاك

 

أميرة : أنا وجمانة عندنا امتحان والتوأم عندهم حصة..

 

سماح شافت فالكتاب )وااو شحال زوين واش مانقدرش نقيصو كاع

 

ساندرا : لا غايحرقك

 

حمانة كاتشووف فساندرا ) مال لونك صفر

 

ساندرا سرطات ريقها وسهات وهي كاتشوف فالكتاب)

~~~~

عند الشباب:

 

سليم : وسيم بوحدو ماكافيش

 

وسيم : ياك أسي وراه غانوصلهن ونتسناهن حتى يخرجو غاتهنا

 

جبار مخنزر ) سليم على حق بوحدك لا …

 

(كلهم شافو فيه باستغراب …جبار لي واضح عليه معصب )

 

مالك : أنا غانكون معاه غانوصلو لبنات للافاك ونتسناوهم حتى يخرجو يا جبار

 

جبار شاف فيهم ) الكتاب بين عن تعويذة الخلود لساندرا وكيفما قالت هي: كل السحرة غايكونو حسو بظهورها فا أكيد دابا وقبل أي وقت غايديرو المستحيل وأي شيء باش يشدوها فاا هي والبناات حاليا فخطر أكتر من أي وقت فا ردو باالكم

 

(الشباب كلهم شافو فالبنات لي واقفات بعيد عليهم ضايرين بساندرا وكايضحكو )

 

سليم مخنزر ) سميحة ماغاتخرجش هاذ الفترة من القصر وحتى جمانة ومن الأحسن كلهن بلا والو نقطهم طايحة ماعندهم مايدرو بشي قرايا غانمشي نقوليهم يدخلو كلهن (ويالاه تحرك حتى وقفو جبار)

 

جبار : البنات غايزاولو حياتهم ونشاطاتهم اليومية بشكل طبيعييي وعادي حنااا لي غانركزو فحمايتهن وحراستهن أكتر فا وسيم مالك غاتوصلوهن وغاتسناوهن حتى يكملو ..فارس عصمان سليم وخليل للديبو نزورو صاحبنا

 

…..: أييه وواحد وزليخة نسيتوها ياك

 

(استدارو كلهم حتى لبنات وبانتليهم جاية ناحية الشباب …بابتسامتها الخلابة وكاتتمشا بطريقة مثيرة وقفات وسط الشباب مربعة يديها وكاتشوف فجبار مخنزرة…

 

زليخة : غانمشي معاكم

 

(جبار ماجاوبهاش حتى ماشافش فيها ..أشار بيده للبنات ليجاو وقفو عليهم وساندرا قربات منو كاتشوف فزليخة مخنزرة..وهو شد يدها باسها وشاف فالبنات ونطق)

 

جبار : هواتفكن ممنوع تطفى نهااائيا وممنوع تخليو حصصكم وتخرجو برات الجامعة … وممنوع كليا تخرجو من القصر بدون إذني (خنزر فيهن) وبربي وتخاالف شيوحدة منكن هضرتي لاعاودات عتبات باب القصر فحيااتها فهمتو ولا نعاود

 

(لبنات مخرجاات عينيهن فيه وبسرعة حركوليه راسهن بواخا)

 

جبار : مالِك و وسيم غايوصلوكم وغايردوكم …تقدرو تمشيو …

 

(لبنات دارو باي باي لساندرا وتوزعو سميحة وسماح ركبو مع وسيم وأميرة وجمانة مع مالك لي مباشرة كسيراو فاتجاه الجامعة ….)

 

جبار لي مشابك يدو مع يد ساندا ويالاه تحرك لسيارتو حتى وقفات زليخة أمامو مخنزرة)

 

زليخة : قلت بغيت نمشي معاكم

 

(جبار مجاوبهاش وجا يتخطاها حتى وقفات تاني أمامو …وساندرا كاتشوف فيهم باستغراب ..وكل الشباب كذلك وعصمان مخننزر فيها)

 

زليخة وعينيها عمرو دموع ) : جباار عارفاك مقلق مني ولكن عافاك ماتعاملنيش بحال خليني نمشي نكون معاكم إذا احتاجيتوني نعاونكم…!

 

(جبار شاف فيها مخننزر حتى بسرعة بعدات من طريقو حانية راسها ..وجر ساندرا حل ليها الباب لقدام ركبات وركب هو وكل خوتو كل واحد فسيارتو ..بقات زليخة واقفة بوحدها مخننزرة ومشات كتجري حلات الباب الخلفي لسيارتو وغير ركبات كسييرة بدون مايتسوق ليها …وساندرا من كل هذا استنتجت أنه كاين خلاف كبير بينها وبينو لدرجة جبار حتى مكايهضرش معاها …فا طول الطريق وهي كاتشوف فزليخة من المراية بقات فيها حيت شافت الحزن فعيونها ..وزليخة ساهية فالنافذة وساكتة ….حتى وصلو للديبو وهبطو كلهم لقاو خمس متحولين ليكانو حاضيين دريكور كايتسناوهم أمرهك جبار بالانسحاب ومشاو بقا فقط جبار ساندرا زليخة والشباب …

 

جبار شاف فساندرا لي مخرجة عينيها فباب الديبو …ونطق)

 

جبار : ماتخافيش

 

ساندرا شافت فيه مخنزرة ) ماخايفاش

 

((جبار استغرب حيت فعلا كايبان عليها ماخايفاش …شد يدها وتمشاو داخلين وفجنبهم الشباب وزليخة …حتى دخلو للديبو المتجمد …بانليهم دريكور جالس فوضعية اليوغا مغمظ عينيه وكل لحمو وفمو زرقين بالبرد….وغير حس بوجودها ابتاسم وحل عينيه ونطق)

 

دريكور : أخييرا أخيييرا يا مختارة

 

(وبسرعة وقف..لدرجة ساندرا رجعات باللور حتى تساطحات بصدر جبار و غرسات ظفرانها فيدو كاترعد ملي تذكرت صورة صديقتها أماندا لي دبحات راسها بسباب تحكم دريكور بها عن طريق تعويذة الخضوع…غمضات عيني ماها بقووة محاولة تقوي نفسها وجبار عنقها عندو و نطق بهمس فأذها)

 

جبار: تهدني أنا معاك 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🌞الجزء 306🌞

 

جبار: تهدني أنا معاك

 

دريكور شاف الكتاب فيدها ونطق بحماس) جبتوها ليااا (شاف فساندرا) زيدي لعندي أجي (شاف فجبار ) خليها تقرب ليا بمجرد مانشدها أنا غانقوليكم كل شيء

 

(ساندرا مخرجة فيه عينيها وشافت فجبار هي وزليخة)

 

زليخة: أش كايخربق هاذ القبيح المعفون

 

جبار شاف فساندرا ) كسري دائرة الحماية يا ساندي ديالي باش نعطيه داكشي لي بغا..

 

دريكور خرج عينيه وشاف فساندرا وغوت)كيفاااش لالا عنداك ديريها

 

سليم : وااش نتا غبي لهاااذ الدرجة كايحسابليك غانخليوك تحط صبع واحد على مرات خوية

 

خليل نطق ببرود) كانقدم ليك ساندرا جبار أسد آلستارك ياقبييييح

 

(دريكور خرج عينيه وتصمكوليه ودنيه بالصدمة من اش سمع …شاف فخواتم زواج جبار وساندرا وسرط ريقو ملي شافهم كلهم كايقربو منو وشاف فسانظرا وغوت )

 

دريكور : فكري مزيااان يا مختارة القوة كلها بين يديك تقدري تردي نفسك وكل بني جنسك خالذين …ماتكونيش غبية زواجك منو غير مستغلييينك بغرض أن المتحولين يتحكمو بالسحرة هو غايخليك دائما تحت رحمتو وباش يحكم معاشرك لا غيير فااا علاش اختاريتي تكوني عبدة عند المتحولين فوقت لي ممكن تكوني فيه كونتيسة السحرة

 

(ساندرا وقفات أمام الدائرة بخطوات قليلة وجنبها جبار ليشاد يدها وكل الشباب وزليخة جنبهم …و كلها كاترعد وبزز كاتهضر ومزييرة على يد جبار كأنها كاتستامد القوة منو )

 

ساندرا : أنا مابغيت نكون لا كونتيسة السحرة وا لا سيدة المتحولين …وباش نصنع بيدي كيان خالذ لايقهر مسووخ ووحوش في هيئت بشر متعطشين للدم وحووش طماعين فالقوة لي بتضحياتهم غاينحييو جنس البشر والمتحولين ..مستحييل وتعوييذة الخلود عمررني غانطبقها … ودابا قوليا نتا لي قتلتي جدة ياك

 

(دريكور خرج فيها عينيه وجبار شاف فيها ورجع شاف فدريكور)

 

ساندرا لي دموعها بداو كايطيحو ): من بعد ماهي هرباتني أنا مباشرة حسيت بموتها كنتي نتا ياك…

 

دريكور لي مرعووب حرك راسو بلا ) ماشي أنا ناتاشا آه ناتاشا الساحرة لي كانت معايا هي لي قتلاتها أحم سمعي غير قربي مني أزوينة ونهضرو أنا مغانآذيكش غير أجي عندي كنواعدك غانحميك من المتحولين وحتى من آل جوفر

 

(جبار مابقاش قادر يصبر تعصب لدرجة كل عضلاتو تضخمت وخنزر فساندرا)

 

جبار : كسري الدائرة وحالا

 

ساندرا شافت فيه ) غاتقتلو مباشرة بعد كسري للدائرة ياك؟

 

(جبار مخنزر فيها ودريكور فشلو عليه رجليه أما الشباب كايشوفو فساندرا)

 

جبار : لا غااانعرض عليه للقصر ونرحب بيييه نضااايفو ونهزو كاع فوق لعمارية (غوت) سااااندرا

Leave a comment

  1. معاياش كيتحطو الاجزاء؟؟