Skip links

قصة : الهبيلة و بو لحية 1

 5,290 عدد مشاهداات

الهبيلة و بو لحية 👳‍♂️
الجزء : 1
بقلم : فرح حدادي &هاجر سلطانة

فأحد المناازل المغربية كتنصب الطااجين تنقي فالبصلة و تمسح دموع فحوايجها ب بيجامة زرقة و مرسومة فيها هيلو كيتي خاشية نصها فسليب و فنفس الوقت مجمعة مع صاااحبتها

رحمة : اشكتقوولي نتياا راااجل بلا لحية ما هو راااجل انا رااجلي رااه لحيتو واخا تكون فايتة الحزاام نقبل بيه ليطليني بيه و يطليه بيا

زاكية : واا تي كوون الرجلة فالشعر كون الحمار سيد رجال الراجل يا ختي هو الكلمة

رحمة : و منين اتجيه الكلمة بلا لحية ؟؟ لحية هو الراجل سدينا

زاكية : البايرة كتشرط تي شكوون دااها فييك بعدا 23 عاام و عمر شي حد دق باب داركم يا ودي يا ودي قالت ليك لحية

محسااات بييها تااا بدااات كتصم صووت انين بحال د دري صغييير

رحمة : ايييييييييييييي هئ هئ هئ

زاكية :اويلي تي ماال المسخوطة كتبكي ؟

رحمة : لا هئ هئ غا لبصلة مكنبكييش

زاكية : وااش احساب ليك كنرضع صبعي تي دوي ماالك الخطية

رحمة : لا واالو سحرو ليا غا متقوليش ليا واش ا عبااد الله 23 عاام و مزاال مخطبني حد انا منتزوجش هئ هئ مالي انا اشخااصني

زاكية : اويلي سكتي ا صاحيبة غا رزقك مزال مجاابو ليك الله

رحمة : وااخا تقولي تا تعياي عوينة و خرجات فيا و تاا مي زاينة مدااتها فيا

زاكية :اواا شوفي انشول ليك سعدية خبار الشوق هي توريني شي فقيه مزيان كيدير الرقية و سيري يا لالة و حيدي شك نتي كااع يقرا عليك غا شوية و تشوفي لما سعدك تقااد

رحمة : وا هي لدرتيها دبا و حنيتي فيا

زاكية : تقطعي فالقلب المسخوطة ياك تي لي كنتي تقولي غا قرايتي و نخدم فين مشا كاع دااكشي

رحمة خبطات على راسها : راه هاد راس طاارو لي مبغاش يقرا ليا واش لي مضوبل فالباك ديال شي قراية

زاكية :و تانتي حلاوة الباك فعامين

رحمة :و رااه تلث سنين متالية و مال هي بقات فعامين غا جييت و خرجت رااه جرااو عليا

الهبيلة و بو لحية 👳‍♂️
الجزء : 2
بقلمي : فرح حدادي &هاجر سلطانة

زاكية : و صافي مسحي دموعك من البكا يكون خير

رحمة كترمي فالبصلة فطاجين و تهضر : عرفتي بااينة ايقول ليا الفقيه سحرو ليا دروك تشوفي

سمعوو الخبيط د الباب قفزو بجوجاات

زاينة لي دخلاات عليهم :ويلي ويلي على غداايدي ساعتين غا باش تنصبييه و انتا يطيب هاويلي على السلكوطة بغاات تخرج عليا ها ويلي و الله يا باباك و ميطيب فالوقت حتى نسماطيك ليوم يسمعو خبارك جيران

رحمة : اهيا ناري غا بشوية عليك ا مي راه باقي الحال

شافت زاينة فزاكية : و نتي معندك ميدار فيينما جيت نلقااك لاصقة ليها فقزيبتها معند موك شغل تهنيه منها يا المعكازات و الله متقاادو تاا نقاادكووم

رحمة :وااا زدتي فيه ا مي

زاينة : زدت فيه انا انوريك زدت فيه

مشات جبداات سمطة من المجر كتشوف فيها

زاينة : اييه احيااني عليك المرحووم مشااط عليا منك غا السمطة لي بقاات و ليني نيت بااش نربي دوك جيفاات

خرجاات عندهوم غا شافوها خرجو عينيهم ليوم ياكلوها فلحمهم غوتو بجوجاات فدقة وحدة

زاكية و رحمة : واااااا مي زاينة يهديك الله

طلقوو رجلييهم لرييح و هي تابعااهم و ممفاكاش دقة يفلتو منها دقة ياكلوهاا و فلخر دارو راس على الراس جالسين قدام الباب

زاكية و هي كتشوف فرجيلاتها لي ولاو حمرين بالسمطة : امممممم هئ ضعت مع أسامة ايشووفو هاد طبات كعما يتلا يبغي يتزوج بيا و هو بحرا بحرا باش خطبني

شاافت فيها رحمة مخنزرة : يشويني فيك مالو مزوج بيك ولا بلحمك

زااكية :وا بجووج ا رحيمو بجوج نمشي لداار المهم انا نهضر ليك مع السعدية و نعطيك الخبار

رحمة : اوا عنداك تنسايني

الهبيلة و بو لحية 👳‍♂️
الجزء : 3
بقلمي : فرح حدادي & هاجر سلطانة

نهااار جدييد بأحدااث جدييدة صووت تليفون كيفنفن فوق رااسها طفييه و يعاود يصوني تا غوتات

رحمة: شكووون مبرزطني فهاااااد صبااااااااااح

شاافت نمرة و هي تقفز من بلاصتها و دارت تليفون فودنها

رحمة : انظراا شيخة ؟؟

زااكية : فقييه يجبد سحورك وااخا يكوون فكيلووطك و مدفوون فقبرك يحيد العين و الحسد و يخلي الرجال يتصاافو قداام بااب دااارك

رحمة :اتيني بييه يااا خيتي اتيني بييه

زااكية : و سمعي و حلي ودنيك فين ساااكن بين الجبل و الجبل فكااف كيف كااف النمر مرمية علييه زربية بجلد الميت

رحمة : هاا ويلي هداا سفااح يقتل نااس و يعلق جلودهوم مناقصنييش شاي مناقصني

زاكية :ها ويلي علييك على الحيوانات مكيموتوش غا بنادم لي يموت

رحمة : لا لا القضية فيها ان و زيد عليها ساكن بين جبل و جبل و رااه المغرب كاملو جبال ا زاكية

زاكية : واا تي رااه منعتين ليا البلاصة بضبط رااه غا بغييت ندير ليك بحال حديدان زعماا

رحمة : ليعطيك معطاك الله اوا صافي لعشية نمشيو ليه

زاكية : اتي ماالك على هاد زربة كاملة

رحمة : صاافي قلت ليك العشية

زاكية : و راه خااصك بعداا تدي ليه فروج و جوج قوالب د سكار و عاد تدويرة فلخر

رحمة : اويلي و منين نجيب الفروج و مكاين سوق

زاكية و رحمة دقة وحدة : الفروج د زاينة

زاكية : اوا يالاه تشديه نيت محد موك كتكون خداامة فهااد الوقيتة شوف الى متباع ليها الخبز دغيا

الهبيلة وبو لحية👳‍♂️
الجزء: 4
بقلم: هاجر سلطانة& فرح حدادي.

(قال ليك تحزماات الكرعة فالفقوسة و قالت ليها يالاه نقطعو الواد )

ناضو لالات الحادقين،مكفضين يديهم تاال الكتاف و طالعين لسطح لي مستعمرو الفروج يجري و يجاري فييه كاان ياا ختي هااني واكل شارب مااشط عايم تاا طلعو عندو هااد جوج جيفاات ناويين على الغدر غا شاافهووم تاا هوااا طلق حلووقو و بداا يكعكع علييهم ما هو محلفة عليهم مولاتو من قرن الفيل مايوصلوه ميقربوه ميشوفوه من نهاار لي لقات زاينة بغات تدوز عليه بموس حافي ، رحمة كتقرب لييه وتشهى فييه جمييع انواع دجاج المحمر

زاكية : و يا ختي تشهييتو غا محمر يجي على مزينو
رحمة :و تي الا تشهيتيه محمر انا تشهييتو مشوي الله الله على البنة
زاكية : يااا رحمة كروشنا هوما لولين شنو بان ليك ندبحوه دبا

رحمة : انا مبغيت لا مشوي لا محمر انا بغيييت رااااجل “بدات كتغوت ” راجل ا عباااد الله راااااجل ”

محساات غا بزاكية لي كتسد ليها فمها

زاكية : شوهتينا الخطية زيدي قضي غراااض

مشات بشوية تاتسلت و تشوف فيه ديك شوفة د البراءة غاوصلات عندو حطات يديها على شبيك تحل عليه تا ضربها ليها بواحد النقبة خلاتها تطير وتنزل، كانت غاتقجو فديك اللقطة ولكن تفكرات اللحية وهي تسترجع وعيها

رحمة: ستاغفيرت الله، كون ما مي كون شويتك و كليتك نبرد فيك غا الغدايد

عاودات مطات يديها و و عاود ليها بنقبة فصبعلنها تا غوتات
رحمة بالغواات : و الله امووووووك
زكية: هاويلي مالك
رحمة: نقبني ولد الحرام جوج مرات تقولي محرشاه مي ويلي ويلي على صبيعاتي مساكن
زكية: ونتي لي باغا الراجل واللحية تي سربيينا انبقااو هنااا

غا تحل عليه باابو لوح بريييشو منقز ميجي غا فوق راس زاكية لي كانت محنية نقبها فراسها

زااكية : هاااااو هااا مي و هاااا بااااا و هااا عمي و هاا خوياااا و شنووو دااار فياا ا رحمة و يااا ربي و ياا مولااي و يااا اجيو طلو عليا و شوفو كي كنت و كي وليت
هي تغوت و رحمة تقرص و تشوف فسطوحة ياكما شافهوم شي حد

رحمة : ويلي ويلي على شوووهة (كتقرصها و تشوف فسطوح ) ها ويلي شوهتيني كولشي ايسيق لينا الخبار

حسات بشرجم جارتهوم شاكنة فطاج تاني و جراتها تخبااو مور الباب

رحمة : شوووت قطعي لحس تا تمشي هاد البركاكة

زاكية كتقيس راسها لي خرج منو شويقيق د دم و تبكي

زاكية : هئ هئ قصحني ولد لحرام كوااني يا ختي كواااني

رحمة : ها ويلي تااعت كواااك هاا ويلي داارها لمسخوط 😲

زاكية بصدمة : تي علامن داوية ؟؟!!

رحمة :اسامة الحمار من لول قلت ليك ميصلاحش ليك ليعطيك شي كسيدة

زاكية : يعطيك غبارة داوية على الفروج اجاب اسامة الهضرة

رحمة : حكا فين الفروج

دورو عينيهوم فالسطح تا كيبان ليهم رجع لبلاصتو كيشرب فالماء

رحمة :و الله دباا لفلتك

مشات كتجري غفلاتو يالاه حل منقارو شداتو من وجهو مغمضة ليه عينين و لوات ليه جنحييه

رحمة : زاكية تبعييني دروك يوصل لفروج لعند الفقيه

ماااشفتووو وااالو 😂😂😂 عند الفقيييه كتبدااا الحكااية 😶
الهبيلة وبو لحية👳‍♂️
الجزء: 5
بقلم: هاجر سلطانة& فرح حدادي.

كوراات ليك الفرووج فخيشة و لبسو جلالبهووم و زاكية مع الخير شااايط و الجلابة ايفاازي تستاات كل حااجة بوحدها صدر مدفق القدام و طريمة واقفة لوور اما وااحد رحمة غا على قد الحال دااكشي ضرباات لييك عباية و كحلات العينين جبدااتهوم لماعرت لين و المشكل هي ماشي د الكحل حييث عينيها صغار و الكخل كيزيد يصغر العينين اوا و العكر الحمر راه جا مع سنينات صغار هو هداك جبداات لفلوس لي كانت خازنة لدواير زماان حطاات 100 الف كاملة كانت حامية فيها فرقاتها بين صدرها و جيب كاين فسليبها و جياب جلابتها باش تا الى تعرضو ليهم شفارة ميلقاوش الفلوس كاملين و يقولبوهم

زاكية : رحييمو و انا خاايفة غا من زااينة لا متلقاش فروجها و تعيق بينا

رحمة : تي زيدي زيدي اشبغاا يوقع كااع

بقااو غااديين غا وصلو لشارع زاكية تلفات ليها المشية و بداات تعوج حوك و حوك مخلية كوولشي حال فمو و ريووقو سايليين تااا سمعاات العيااط من محل مكتوب فلافيتة ديالو “بيصارة اسامة ”

اسامة : زكزوكتي

شافت فيه و رجعات وجهها لقدام مدورة الزيف على نص وجهها تا بقاو يبانو غا عيني

اسامة : وااا زكزوكتي حااولي عليا دوري غا نشوفوك و مغطية عليا هااد زين المسرار كولو

زاكية بتحلوين كتحاول ترقق صووتها و طلقات ليك واحد اللحن ام كلثوم فياماتها و مظارتوش : اوييييييلي ا أساامة كتحشمني

اسامة عينيه كيلمعو : نحشم زكزوكتي و منخلي لي يحشمها

رحمة بداات غا دور عينيها بينهوم و هو يتباادلو الحب قداامهااا و دور فرااسهااا

رحمة : ياا ودي ياا ودي على زيديني عشقا زيديني جاا يدلعها سماها زكزوكتو وااا قول زكيكتك و نووض نااايض

حسااات بقرصة ضربااتها ليييها زااكية و هي طموو و أسامة غا يفرنس تقوول واااكل مووخ الضبع

أسامة : زييدو زيييدو تاااكلو البيصارة على حساابي

زااكية بنفس الصوت : وييلي منعدبووووكش

أسامة سبقهوم و كيتعنgر زعما داار مزية : تووما لااش حاال المحاال أنا غا على حساابكووم

رحمة : بدل لبلاكة و سميه : بصارة رحمة زاكية

اسامة : علاش لا زييدو زييدو

زاكية تابعااه تفرنس تاا جرااتها رحمة

رحمة : دااخلنا علييك بوجه الله غا شنو درتي لدري

زااكية : القبوول القبووول ا صااحبتي متفهمييش لدااكشي تا نوريه ليك (دارت عند أسامة ) ساامتي حط ليا فديك الجباانية المزوقة لي بليموني ديك الكبيرة

رحمة : هااا ويلي الخطية ايمشي الحال على الفقيه

زاكية : كروشنا هوما لولين اوا و الى شدونا القطاطعية فطريق يخطفونا جيعانين ؟؟؟
الهبيلة وبو لحية 👳‍♂️
الجزء : 6.
بقلم: هاجر سلطانة& فرح حدادي

ايوا مشاو جلسو يشربو ليك البيسارة، رحمة باغا تشد زكيكو احح سمحولي زكية وتفصصها، تاتابغي تزعم وتفكر فكرشها

غاتاتفكر الراجل واللحية تايركبو فيها العصب، اسامة راه ماقاداه فرحة دافع الصدر بحال بيبي فالغيس.

اسامة: زكرياء واااا زكريا جيب شي جوج جبابن ديال البيسارة مع زيت العود والكامون.

زكية دايرة فيها الحشمة ودايرة زيفها كي اللثام زعما وتادوي

زكية: ويلي ويلي لاش معذب راسك تانتا
أسامة: كلشي يهون على ودك ازكزوكتي
رحمة شاداها الفقصة من صبع رجليها الصغير، باغا اشدهوم تسطح ليهم الريوس بزوج، جاب ليهم البرهوش ديال الزكرياء الجبابن وبدا تايتمضر فرحمة وريوكو سايلين، ضارت رحمة اتابان ليه حال فمو كيضبع

رحمة: اسد فمك اوليدي راه الموت تاضور
زكرياء: ملي شفتك لابغات تجي لموت غاتجي، ماحس بدقة تاجاتو لقرفادة
أسامة: سير تخدم ولا غانتفاهم معاك مزيان تبارك باقي تاماتختن وجالس يتعنب
مشا لبريهيش وبداو البنات كيدحشات ياكلو، هوما فالماكلة الحال مايشاور مايعرفو صواب مايعرفو آداب ديريكت ماكاينة لامعلقة لامولاي بيه، تايهزو الجبانية ويبداو يقرقرو
سالاو وبداو يتگرعو، وزربات رحمة على زكية زربة خايبة، جراتها وغادية بيها

زكية: ياويلي خليني نودعو اويلي طلقي غانودعو.

قاتليكم زكيكو باغا تودعو ههههههه
الهبيلة وبو لحية👳‍♂️
الجزء: 7
بقلم: هاجر سلطانة& فرح حدادي.

جرني نجرك جرني نجرك حتى وصلو لمحطة الطاكسيات و خلصو لبلايص لدواار الزفاطين و زحام فداك طاكسي غا زاكية شادة بلاصة و زكيكتها بلاصة و عاد بلايص عباد الله الحاصول 6 البلايص فطااكسي النفس قرب يتقاادة و عااد ماعرت شكون طلقها عليهم بحزقة دوخاتهووم و خلاتهوم سادين نيوفهوم و دااخلين فصراع الدقائق شكوون يحبس النفس لأطول مدة

موصلوو لتماا تااا ولاو حاالتهوم غاا خرجوو من الطااكسي تحطوو فواااحد الخلا و القفااار رحيمو ضاقت بيها دنياا و رااسهااا داااخ غاديا حتى حبسات زااكية

رحمة : حبسييي حبسيي حبسيي

وقفات زاكية تستفسر و رحمة ضرباتها بجرية فايتاها ب جوج ميترو و كااع البيصارة د اسامة كلااها تراااب

زااكية : ويلي ويلي هاادي غا لي بغات راجل عولنا عليك بكري و نتي تكوانسيتي فنص الطريق

كل وااحد و حاالو وحدة مصاارنها قربات تخرجهوم و وحدة تنكر فوق راسها

رحمة : ميمتي ميمتي كرشي كرشي الوجع واقلة هداا لي جايني غاا لبيصاارة د دااك عضيم طيو ديالك هي سبابي مافيهاش

زااكية : تي جمعي رااسك خلاص انتا نوصلو و انتا نرجعو و نتي جنونك محاملين زماني

رحمة :تي سكتي علياا بغييت ليييك الجداام مصارني كيتقطعو ماطي دااك ساك لهنا

مداتو ليهاا زاكية حتى كتشوفها جابدا قرعة د الماء و الصابون و بابيي جيني
هزات ساااك حتى كتصدم ” لميكة … المقص…. المقص د الضفران .. البرة د الخياطة …العكر .. الكحل …اولوييز …..”

لعجب المتعجب كان هاازو دااك الساك

زاكية :تي هاادشي كامل داايراه فسااك

رحمة : سكتي سكتي رااه متعرفي الوقت اش تجييب خاص كولشي يكون عندك فينما مشيتي

تسمعاات “طرررررررر ” و هي تنهد زاكية :احححح على راحة

محسات غا بالقرعة د الما نازلة ليها على راسها

رحمة مخنزرة :قول نتي لي عطرتينا طرييق كاامل مخليتي لينا منين نتنفسو

زااكية : اشمن انا كون طلقت علييكم دياولي و تشوفو انا راه غا كنت حابساهوم

رحمة و هي مغطية منخرها : ايووووف كنس قصيف
“تحنات هزات القرعة و غادية مبعدا ”

زاكية : زعماا نتي كتحزقي ليا ريحة زهرة الأقحواان

الهبيلة وبو لحية👳‍♂️
الجزء: 8
بقلم: هاجر سلطانة& فرح حدادي.

تجمعووو تااني غادين فطريق و شادين نميمة مرة يهضرو فالسعدية منين كتعرف هاد الفقيه مرة فطيابة مرة فالكسالة حتى وقفو قداام واحد القبة لواانها مخلط فيها الخضر والابيض

يلاه بغاات تقدم رحمة شدااتها زاكية

زاكية : تي سبقي رجليك ليمنى باش يبارك لينا الله نحيدو عليك هاد لعنة

رحمة : يا بسم الله

جااو يدقو تاا تفرع الباب بوحدو ولصقو فبعضياااتهوم معانقين

رحمة زاكية : تسليم تسليم اشهااةدا يا ربي سلامة

رحمة : طلبناا السمن و العسل

سمعووو ضحك و زاادو لصقو فبعضياتهم و صووت غلبيض كيقول

“هههههههه التسلييم التسلييم ” بقوة الخلعة ضرباااتها زااكية بجرية وحدة تاا تبعاتها رحمة و جرااتها

رحمة: تي زيدي فيين غاادا هاديهي صحبة رجلي برجلك

سمعوو نفس الصوت و قفزو

الفقيه : اطلقوونا خلااص انبقااو هنااا ؟؟

زااكية كتولول : نااااري و الله تااا بناادم

رحمة : و تي رااه بغيييبناااه يكوون بنااادم مي مااااي مي ماااي لكان جن فيه سااكن

خبط رجلييه قدااام بااابو و صفق بيديه : تااااااااااع

رحمة و زاااكية : وااااااااااع

بقااو مغمضيين عينيهم و دااك الشعر البيض لي عندو واااصل لحد الرجلين و داك الوجه الموسخ غا كيتفكرووه كيزيييدو يغوتو و هو خرج من دارو و كيدور علييهم و ركز الشووفة فرحمة

الفقييييه : سااااحريييينك سااااحرييينك

جوووج كلمااات خلاااوهااا توسع عينيها على جهدهووم و يطير الخوف و يجي فبلاااصتوو مصطلح ” رااجل ”

و نقزاات لعندو شااانقة عليه

رحمة :فيين هوما و شكوون هووما و علاش سااحريني على رااجل ياااك كنت عاارفاهم ساحريني و حاسديني على زيني ورييهم ليا دبا و حيد ليا سحورهم

الفقيييه : واااغااا طلقيي خنقتييني و نقولييك

رحمة : شكووون هااادو شكووون

الفقيه : ميمكنش ليا نقوليك دبا خاااصكي دخلي لدااخل باش نقوليك

رحمة :يالاه زيد زيد

دخلو لداااك المكااان من لدااخل حالتو حالة حصيرة و مطلق و طبلة و هيضورة فبلاصة الفقيه اوا و جناابو عااامر بالميكات شكاال و نوااع كل حااجة شنوو فييها و عاد شي ميكات كحلاات الحاجة لي كدخل الشك قدااامو فطبلتو حط ورقة و فلتر كحل

الفقيه : قبل منحط اشكااين فرااسي خاااصني خلخاالي
رحمة : هااويلي منين غنطيب ليك خلخااال فهااد الخلة ليخليك بالخلة

الفقيه : الفلووووس الفلوووس جوااادي طاالبييين عشرييييين الف ريااااال عشريييين الف ريال

رحمة : اوا لواااه عشرين الف رااه نشري بيييها ؤاااجل كااع ماشي نحيد بيها سحور

لفقيه : راه داكشي لي غديري غتحطي 20 الف و انا انعطيك لي غيجيب ليك الراجل تال بين رجليك و قولي بسم الله و ارااي علاش يبدااو جنوني

تنهدااات رحمة و مساااخياااش بفلوووسها و لكن كووولشي يهوون على قبل الحيبيب د القلب لي مزاال مبان خشاات يدييها بيين بزاازلها و جبداات بزطاامها لي قرقش فيه الفقيه عينيه خنزرات فييه و ناضت تال براا جبدات عشرين و خزنات الباقي و كون تعرفو الكنز لي هااز دااك البزيطيم تقولو مديالش رحمة

حطاتها ليه رحمة فوق الطبلة

رحمة : وا يالاه قضي غراااض خلاص

الهبيلة وبو لحية👳‍♂️
الجزء: 9
بقلم: هاجر سلطانة& فرح حدادي

حسبهووم و خزنهووم تحت طرمتو و دبااا ايبداا المعقوول طلق البخاااار فمجيميراا صغييرة عندو و بدااا

الفقيه : اجاااوي يااا صلبااان الي فيييه الحاال يبااان الي فييييه السحووور ايبان عييشوووري عيشوري خلييت علييك شعوووري

نغزات رحيمو زكيكويا : اوييلي هداا راااه كيغني على عيشوورة وااقلة الى هبيل و جراو عليه و حناا طليناااه

زاكية نخضاتها بيدييها : تي سكتي متعرفييش خدمة الفقهة

هز دااك الفلتر كيكتب بييه فالورقة و كيهضر

الفقيييه : لي داار لييك ….. داارو ليك و معااودو ليك … و دفنوو ليك فجردة المدفونيين …فالقبر لي فوووقووو وردة زرقة و ميحيدو ليك تااا تقطف الوردة

رحمة : هاااوييلي فييين غنلقا هااد الوردة الزرقة و المغرب كاامل مافييهش ورقة زرقة

الفقيه : انعطييك بااش تدباال الوردة و تبان فبلاصتها وردة بيضا بيوضية النواارة لي ما فيها ضسارة و مزينة فحيووط النصاارة

رحمة : لفقييه عرب عرب هااد لغة دشعر منفهمهاا شااي

الفقيه حط القلم و هز الورقة

الفقيه : هنا يا لالة هاا الورقة حطيها فالعتبة د داار و اكبر حجرة لقيتيها غطي بيهااا متجي فييه تكمل تلث يام تاا تلقااي العرسان مساتفين قدام باب الداار

رحمة : اويلي على حجرة و الى عاااق بيها شي حد

لفقيه : تي توكلي عالله مكااين لي يشووفها هاانتي يا لالة و نشاء الله مغترجعيش عندي حييث عريسك ايحضر ليك

رحمة : اوا نشووفو هااادشي

لفقيه بنفس الصوت الغليض لي دار فلول فاش يلاه جاو : هههه تسلييم تسليييم

كاانت غادا رحمة غا سمعااتو رجعات خطوة لوور

رحمة : وااحد الحاجة متبقاش تغوت هكاام راك كتجري على المشااش

الفقيه تاني : التسلييييييم

جرااتها زااكية جراا وحدة موقفااتها تااا فااتو البلاصة بشحااال

زاكية : هاويلي سايرة تلعبي ليا مع الفقيه يا كون لقيتي شي حد ممزياانش و خرج علييك و على مستقبالك

رحمة : اوا مالي كدبت عليه زيدي زيدي “رحمة بالغواات ” واااااا غنتزوج ا عباااد الله غااااااااادي نتزواااااااااج

بدااات كدووور فبلاااصتها و زااكية كضحك علييها تاااا طاحت بقوة الدوخة لي جاتها بدوران

زااكية : هههههه تي صبري غا تا يتساتفو قدام داار بعدا

رحمة : غيتسااتفو غيتسااتفو

رحمة : عندي إحساااس غا نوصل لداار انلقى الخطااب

زاكية : تي رااه على تلثيام عااد يبان البرهاان

رحمة : و غا زيدي زيدي هاد دوار الزفاطين ببراكتو

الهبيلة وبو لحية 👳‍♂️
الجزء : 10
بقلم: هاجر سلطانة& فرح حدادي

ركبو الحادگات فالطاكسي بعدما لقاوه بستة وستين كشيفة، غاركبو وهوما يجيو حدا وحدة غلييضة شادا جوج بلايص وهوما حداها كي الكميشات، خصوصا رحيمو لي جات الوسط بين زكية لي تاهيا هازة وبين لالا طرطش(المطرطشة زعما😂) ايوا جالسين تاكايسمعو طرررر غادارو مع الضورة مع التنسيمة ديال الروز والبيض والرفيسة والمساخن، لاوالو ماتخلعو مادهشو غير حوقة طرطش.

رحيمو: اوكووك واش انا لي جا ينسمني واش انا لي جا يعطرني، واش انا ماعندي ز.ك تانا نحزق عليكم

زكية(سادة نيفها بزيفها): تي غير سكتي نتي ماعندكش غير ز.ك غايجيك الراجل غير سكتي

رحمة: هاهيا

صبرات وكابرات غاحطهم الطاكسي وهي ضربها رحمة بجرية لدارهم تاتقطعات ليها الصندالة، حلات الباب ولقات زاينة هازة سمطة الحاج وواقفة تاتشوف فبنتها لي بحالا خلرجة من الحرب.
الهبيلة وبو لحية 👳‍♂️
الجزء : 11
بقلم: هاجر سلطانة& فرح حدادي

زاينة:افين كنتي اوجه اللفت

رحمة: ووواااالو امي غامشيت شربت البسارة مع زكية

زاينة: ياااك لمك نتي شربي البيسارة وانا نتغدد مع الطاجين لي حرقتي، هاااا باغاني نسماااطيك

رحمة: لا امي لا راه غير غفلاتني

زاينة: هادشي فيه الغفيل اوو ، والغفلة لي غفلتيني ففروجي هاديك فينها

رحمة: الله ياربي الله اميمتي، حق بوعبيد الشرقي وعايشة مولات المرجة ماشفتو

زاينة: ماتحلفيش هووص سكتي لمك، رازياني فطاجين وفروج، كنتي تشري فيه، دابا تحطي فلوسو ولانحطك حدا باك فالمقبرة

رحمة: الله يامي ماعندي، بنتك مزلوطة(الله يمسخك)

زاينة: هاويلي ندب هك ولا هك ولاندب جنب، هاويلي بنت وحدة لي عندي خارجة ليا فعودي، هاويلي باغا تخليني على الحديدة هاويلي دوزي لوالديك، ليوم نريش مك

ايوا شداتها ماطلقاتها، تاضرب بيديها والسمطة فاليد لخرى ورجليها تاتركل بيهم لمهم خلاتها لوحة فنية، اييه ومالكم كنتو حاگرين خالتي زااينة، كلشي تال فروجها لا، ايوا ناضت رحمة ماتشوف فيها لا موحمة ولا شادة بحبل كيشي دجاجة منتوفة ومصلوقة
الهبيلة وبو لحية👳‍♂️
الجزء: 12
بقلم: هاجر سلطانة& فرح حدادي.

بقاااات رحمة مقنتة فالقنت و كتبكي على سعدها و وعدهاا و حالتهاا حاالة تا من وجهها مفلتش من القمييش رضاتها خريطة و كتخنزر فيها من الفوق مرة مرة تشوف فييها جنب و رحمة لي حااضية لحمها و بينها و بين راسها

رحمة : ويلي ويلي ايجيوني الخطاب بهااد الحالة ؟؟!

زااينة قاانية عليها و مبرداتش ليها و البكا د بنتها جااها باااارد مكرهااتش تنوض تزيدها شي سلخة و فروجها فروجها سيرتو كدور بين رااسها

زاينة : كليتووه محمر ولا مشوي الملهوفاات

رحمة : و الله معرفت اشدار بيه

زاينة مخرجة عينيها : شكوووون هدا المسخوووطة ؟؟!

(ناضت ليها باقا هازة السمطة فيديها و رحمة عاد سراات معاها اشقاالت )

رحمة : الا ماشي هكاك بغيت نقول زعما ماعرت شنوووو دار ليييه تاا غبر

زاينة : و الله ا مك نهاارك ميدخل منو الضووو و متكري

رحمة : وااااااا مشفتوووووووووش واااا مكنعرفوووووش علااااش نتي عندك شي فرووووج عندك فروووج

زاينة زادت هزات السمطة : و الله اباباااااااك و متنزلي داك الصوت تااا نزيدك شي سلخة

الهبيلة وبو لحية👳‍♂️
الجزء: 13
بقلم: هاجر سلطانة& فرح حدادي.

لييل كامل كل مرة كتنقز من بلااااصتها و تهثر

رحمة : انتزوج …. ايجيني عرييس … تا صبح الصباااح

و الحادقة فايقة مع 7 ماعرت فين مات شي حمار
المسمن دارتو فالثلاجة هو و المخماار و قادات المسكوتة تا هي اوا شنو ؟؟ متعرفي يدخلو الخطاب دباا خاصها متحط ليهم ضرباتها بجرية لبيتها هزات كيسها و الصابون البلدي و بقات هاك بلااك غا سلاات ضربااتها بتكحيلة مخلياها تبان كي بووعو بدوع العينين و لبسات ليه بيجامة نقية و مشطات الشعر و تلمس فييه و تسهى مرة نرة الحدييث كاامل حول الراجل الراجل الراجل

تا تدق الباب و نااضت كتجري

رحمة : الخطاب هادو الخطااب جااو

غا حلاات لباب تبدلو ملامحها و بدات كتبجك فوجهها

اسامة : زكزوكتي مكتجاوبنيش لباارح ياكما وقعات ليها شي حااجة فين زكزووكتي

رحمة بالغوااات : سييييييير ليعطييييييك حبة فزك المزكزك لااااااخر لبعطييييييييه شي طياااارة نتا و ز**كك و زك زك*ك واااش ا عباااد الله لي ملقى ميدار يجي عندي “بدات تخبط فرجلها ” عطيوني تيسااااااع ا عبااااد الله عطييوني تيساااع

العيالات كيطلووو من الشرجم

صفية : لا لا واااااقلة بنت زاينة تشيراات متقولوش ليا

هنية : بااااينة فيييها نيييت بسيييف داك نهار مشيت عندهوم اتاي سخون كتكبو فالقرقارة

بتدمر رجعاات لدااخل الداار و تفكراات الورقة كعما حطااتها و رجعات ضرباتها بجرية شافت هووك و هووك فشرااجم مطرقيين و حس نااس مكينش و خرجاات باانت لييها حجرة فبلاصة واسعة كيلعبو فييها ولاد دربهوم كورة و هزاتها
طبقات وصية الفقيه حاطة الورقة تحت الحجرة فالعتبة د الباب

و رجعااات لدااار تا سمعاات الباب كيدق و عاودات ضرباتها بجرية

رحمة : الخطاااب

حلاات باانت لييها مهاا و هاازة فرووج

رحمة : اشدااكشي ا مي

زاينة : و تقربي لفرووجي هااد المرة نعلقك من رجليك
تلث ياام داازت بالتماام و الكمااال و تاا خباار ما جاات تاا حد مدق بااب الدار واخا كل يوم كتوجد كولشي و فلخر تصدق مخيبة سيفتها

قدام بابهوم
كاانو ولااااد الدرب دااايزيين يلعبو كورة كيف عادتهم و كيقلبو على حجرة يقادو بيها الكوول متباان ليها غا حجرة رحمة فطريقهوم هزوها و الورقة لي تحتهاااا داها ريح لبعيييد و متوقف غا قدام باب صفية لي كانت نازلة تا لقااتها

صفية : ويلي ويلي بغااو يفرقووني على رااجلي الكفااار بسم الله الرحمان الرحيم اعووذ بالله من شيطان رجيم

ناايضة كتجبد خااارجة من دااارهم تااا نزلاات عينيها و هي تحني عنقها و حلات فمها

رحمة : الحجرة ….الحجرة…. الراااااااجل (بقات كدور فجنابها ) اويلي ا عباد الله مشاا ليا رااجل … اويلااااي اوييلااااي رااجلي ضاااع

الهبيلة وبولحية🧔
الجزء 14.
بقلم:هاجر سلطانة، فرح حدادي.

رحمة تاضور بحال المسطية فالدوار تاتقلب على الحجرة والاهم الورقا والو عيات ماتقلب، تجلسات حدا العتبة وبدات تخنن

رحمة: وااا ماعندي زهر تامن حجرة وورقة مشاو وخلاوني هنننن وااا زهري المكوز دور غير نقلز ليك هننننن

جايا زكية تكعط فجلابتها، شافت صاحبتها تاتبكي وداك المكياج مطلس فوجهها وهي تجي تجري عندها.

زكية: مالك الجحمومة ها، ياكما اغتاصبوك ها، قولي (وبدات تغوت وتلافت لناس) وااا شكون هاد خانز ز.ك لي دارها لصاحبتي هااا يجي قدامي هنا.

سدات رحمة فم زكية بيديها عينيها خارجين: اويلي على اغتاصبني، لا اغتاصبني غانكون كانبكي، بفففف

زكية : هاويلي خرجتي ليها طاي طاي ياك

الهبيلة وبو لحية👳‍♂️
الجزء: 15
بقلم: هاجر سلطانة& فرح حدادي.

شفتي اختي ميجييك مليييح رجعي عند الفقيييه رجعي هدااا هو الحل الوحييد لي بقا عندك

رحمة : و نتي اترجعي معايا يااك

زاكية : والله مكرهت و ليني فااطنة اجري عليا من داار نتي غا ديريها فيد الله و قولي لزاينة بلي راك غادية لعرس صاحبتك

رحمة : على مولانا يصبح و يفتح نشوفو هاادشي فين غيوصلناا

صبااح صبااح ماليه الملحة و الستر علييه صباااح زيين عند شي ناااس و مخلي دار بوه عند شي ناس خرين بحال رحمة لي صبحات طالع ليها الدم تحزماات و ترزمااات و بااب الفقيه د دوار الزفاطين قصداات و فباابو طرقااات ياالاه بغااا يغووت بحاال لمرة لي فاينة بالتسلييم شنقاات عليه من حواايجو

رحمة : مكااين لا سلام لا كلاام داااكشي لي درتي ليا بات ما صبح و الخطااب فدااري مباانو شي حل بعقلو ولا رد ليا رزقي

الفقيه : وااااااش كنلعبووو هناا ولا شنووو زيدي زيدي دخلي عندي دوااك

دخلاات معاه و جلس كيحك فلحيتوو و يخمم تاا قفزااتو

رحمة : تاا طلقني خلاااص كاااين شي ولا نمشي

الفقيه : وا هو لي غنقوليك كلام خطيير و نخااف يكون شكي فمحلووو مكااين لي طير الحجرة من غيرو

رحمة مخرجة عينيها : هااويلي شكوون هو ؟؟

الفقيه : الجن العاشق كيبغيك

رحمة : اويلي كتفلا عليا

الفقيه : كتقراي الحمد قبل متنعسي ؟؟

حركات راسها بالايجاب

الفقيه : كتقراي اذكار النوم سورة الناس الفلق الاخلاص الكافرون

حركات راسها بالايجاب

الفقيه : كتقراي سورة الكرسي ؟

حركات راسها بالايجاب

الفقيه : هاااااه اذن مكتقراايش سورة الكهف

رحمة مصغرة عينيها : على سورة الكهف من اذكار النوم
الفقيه : مكتقرايهااش دااكشي باش دار فيه الجن العاشق مبغا و ليني عندي دوااه نهاار الغد لييه ميبقاش لييه وجوود

رحمة : كفااش نهاار ؟؟

الفقيه : اتبااتي فالكااف و لسمعتي صوت بحال صوت الدياب ولا صوت شي حااجة ميكي رااه غا صووت الجن الغد لييه ايمشي فحالو

رحمة : وااش متأكد زعماا غيمشي ؟

الفقيه : سمعي لكلاام الفقهة ابنتي راه كاان المعلم ان يصبح استااذاا

رحمة : نديروها فيد الله

الفقيه : ولكن بلاتي …. جنوني لبغااو يجريو عليه بغااو 40 الف

رحمة : هااااااااا

الفقيه قفز من بلاصتو من ردة فعلها : طلبي تسليم ابنتي التسليييييم

خشاات يديها و جبدااات 40 الف ربعالاف تنطح لوخرا حطاتهم لييه

الفقيه : دبا ضلام الحال يلاه نوريك الغاار

رحمة : بلاتي نصوني لمي نعلمها بلي غنباات عند صاحبتي

صوناات على مهااا و توجهاات للغار داايراها فيد الله

غا دخلاات مشاا رجع لفقيه لداارو يكمل نعااسو و يوصي و يعااود فييها متخرجش تاا يصبح الحال
اوا هي مخشية تماا و ضلام ضلاام كيباانو غا عينيها لي بحال د المشااا و شوية بشوية كيركبها الخووف و كتبقا تدعي تااا تكون وصلات جوج د لييل قلبهاا زاااد فالضريب و عقلها كيخيل ليها شي حواايج ياا ربي سلااامة تاا بداات تسمع صووت بحاال صووت ديااب و بداات كتقراا القرآن بصوت مرتافع و محدهاا تقرا القرآن محدهاا تزيد تسمع فصووت مجهد تاا بدااات كتغوت و تقرااا القرآن

رحمة : بسم الله الرحمان الرحيم وااا ميييييييييييييييي

جبداات تليفوونهاا كتقرااا فييه و تعااود. تقراا تااا حبس دااك صوت و بداات كتنفس بالجهد و تمسح العرق من وجهها و التراب قاس ليها زيفها جبدات تليفونها تفكراات نوكيا بيل و بداات ضوي بييه المكاان تاااا وسعاات عينيها و صغرااتهم فنفس الوقت كيبان ليها مسماار بحال لانطير الصغيور لي كيكون فوق تلفازة بداات كتجر فييه واالو حراام واش بغا يتجر لييها تاا بداات كتحفر فالجنااب حفرة مور حفرة تااا جبدااتو بين يديها و هاادي لي مكانت ليها على البال جبدات الراديو بين يديها و خرجات من الغار كان الفجؤ فات و قرب يصبح الحاال الشمس بداات تشرق تحركاات لعند الفقيه كتسلت تا كيبان ليها هاز تليكوموند فيديه و نااعس خبطات رجليها مع لارض تا قفز من نعاسو برك على تليكوموند و رجع نعس و هي شعلو دووك الاصوات فالراديو اواا هناااا رحمة ولاو فييها عشرة يضحكوو معااها فكولشي الى الراجل

الهبيلة وبو لحية👳‍♂️
الجزء: 16
بقلم: هاجر سلطانة& فرح حدادي.

محسااات براااسهاا تاا كاانت شاانقة على الفقيه و شادااه شدت العما فالضلمة

رحمة : ليووووم نقتلك و نسيل دمك تاااال الراااااجل متلعبش معايا فييه

باااانت ليهاا شمعة تمااك و هزااتها

رحمة : هاانا غنورييك

هزاات شمعة و بانت ليها قرعة د دووليو كباااتهم لييه على المطريااال باااش خداام و هو ولا غا موسع عينيه و مع كبير فالعمر و هس ولااو فيها عشرة مقدرش عليهاا

رحمة : هاادشي باااش كنتي مقوولبني هانا غنورييك

الفقيه :عييشك بنتي عييشك غا متحرقيش ليا دااكشي بااش كنترزق

رحمة : منحرقوش وااخا

حطات شمعة فالطبلة و هزاات كااع دااكشي لي عندو رمااتو براااا

رحمة : يالاه دبااا رجع جمعو

يالاه بغاا يخرج جرااتو من قب جلااابتو

رحمة : فلوسيي تحطهووم ليا دباا مناقصة فييهم رياال و لا نشنق عمي هناا نييت ميسيق لييك حد الخبار

الفقيه لي خصر سيفتو زعما حزيين بقا ليه غا يبكي : رااني خسرتهم

رحمة : كتفلااا عليا ستيين الف تحطهاا ليا دبا ولا ميعجبك حااال

الفقيه : اييه وااخا نحطهم نحطهم غا طلقيني ابنتي طلقي

طلقاتو من قب جلاابتو تااا هز الحصيرة فيها صنيديقة و هي وااقفة عليه كي العسكري غا حل ديك الصنيديقة حلات عينيها غا زرقالاف على ختها

رحمة : تبارك الله تباارك الله و ماال كاااع هاادشي عندك

نتراات ليه صنيديقة من يديه و بداات احسب فالفلوس تا حسبات 60 الف ديالها رجعاتها لبزطامها و رمات عليه صنيديقتو تا تشتتو الفلوس فلارض و هزاات عليه صبعهااا

رحمة : ضحكووو عليااا فكوووولشي تااال رااااجل منقبلهاااش ليييكم

الفقيه : جنك صحيييح ابنتي صحييح مقدييت علييه

رحمة : سييير ليعطيييك تاابعة نتا و جنووونك

جمعاات رااسها و نقراات زيفها من طريق غااديا و تهلل و شمتة التجرجييرة لي داار فيييها وحلات لييها فكرجوطتها و ميبقى فييها غا فروج زااينة مسكيين لي مشوااتو محمراااتو علم الله اشداار بييه الفقيه الحراامي

دمووعها تجمعو عند فمها و هي غاديا و تشكي و تقول علاااش انا معندي زهر و زهري ضاربني بالحجر تاا فاات داك لخلا و القيفار و وصلات لمحطة الطاكسيات و تسناا تااني تا يتجمعو البلايص

غا وصلات لداارهم ترماات ففرااشها حامدة الله بلي مها مزاال مجاات و مال دير معاها تحقيق صوونا تليفونها بانت لييها زاكية و طفاتو مقادة تهضر واقلة مكتابها تعيش باايرة تا تموت

الهبيلة وبو لحية👳‍♂️
الجزء: 17
بقلم: هاجر سلطانة& فرح حدادي.

لعشية مجمعيين لييك فالجردة على زرييعة و يتعاااودو و زااكية تموووت بضحك

رحمة :اوا ضحكي نتس لي جاات معاك

زاكية :ههههه و لاهيلا عبرتي علييه ا صحييبة دوزها علييك خلعة

رحمة : انا مفااقصني غا راااجل لي تا قلت لقييتو و صدق صراااب و غا تخيلتو

زااكية :تاانتي دبااا تلقااي رااجل غااا فرحي و سعدي يااا لالة

رحمة شاافت فيها الشووفة ديال حابسة دموع عند عينيها

زاااكية :متدييرييهاااش المصييبة قلبي هشيش شووووفي كاااين فقيييه اخر هدااا قاالو صمعة دياالو مزياااانة نورييه لييك و حكمي بعينيك

رحمة : اشمن فقيييه هدااا تاني ؟؟

زااكية : هاانتي اتشووفيييه و تعرفيييه غداا نمشييو عندو

رحمة : اوا الفقيه لول مصدقش نشوفوو التااني

زاكية : و لييني هاد الفقيه بعيد شوية يمييتو جلااخة و سااكن فدوار بني سكروون فوت ازيلال لديك جييه

رحمة : هاا ويلي بعييد

زااكية : اواا هداا بعيد و ليني معرفتي البركة فين كاينة غدا نوضو بكري و نمشييو لييه

رحمة : انشاء الله

زاكية :الاهم من هاادشي مطمااعش كيبغي غا ايطرو د زييت البلدية صاافي

رحمة : ها ويلي اشكيدير بيها

زاكية : و على انا شفت تنا غا سامعة من عند سعدية ديك المرة وراتني غا هاد الجوج و ليني قالت ليا نمشي عند لول لي قريب حسن

رحمة : نديروها فيد الله

الهبيلة وبو لحية👳‍♂️
الجزء: 18
بقلم: هاجر سلطانة& فرح حدادي.

نهااار جديييد و مغاامرة جديييدة و الوجهة دواار بني سكرون غااا من السمية يباان لييك البلاااان
فااقو الحاادقاات بكري و شمروو على درااعهم و جبدو فلوس مركوبهم مووقفو تااال ازيلال لي غا وقفو خاااصهم طااكسي باااش يكملو طريق وصلاااتهم طاااكسي تال وااحد الخلا و حطااتهم

زااكية :هييوا و منين عنمشيوو دباااا ؟؟

رحمة : نسولوك نتي يا لحاادقة

بقاا كيشوفو تا عياو فبعضيااتهم و جلسو لااارض

رحمة : زاكية حسن نرجعو بحالنا لنصدقو حاصلين هنا

زاكية :انا تسيق ليا مي هنا تاعتي متعاود و غا كادبة عليها قلت ليها مشيت عند جدة

رحمة : ليدوزها على خير تاني غا زيدي زييدي

بانو لييهم وااحد جوووج حمير جايين و واحد ناعس فوقو شي حد على ضهرو

زاكية تكمشات فرحمة بالخوف و رحمة داافعة جبهة موقفاات تال حداااه

رحمة : اشرييف اشريييف

الشخص : حنااااااااان وااااااا حناااان كنبغييييك ا حنااااااان و يااااا حنااااااني يااا حلوة و ياااا حناااااان

وقف فوق الحمار على رجليه و كيغني تااا فقد تواازن و جااا مخبوط فالرملة

رحمة : مااات ماات ياك ؟؟

زاكية : وااقلة كاان سكران

رحمة : وا تي قولي كان سكران قلااك واقلة

زاكية : اوا دباا محتااجيينو خاااصنا نفيقوه يورينا دار الفقيه

تحنات عندو رحمة كتزعزعو بيديها : تااا نوووض ا شريييف وااا هيا سي محمد

قفز من بلااصتو و شد ليها فيديها و كيشوف فعينيها

الشخص : حناااان هااادي نتي جيتي

رحمة : وااه انا وريني داار الفقيه بغيتها

الشخص : كتقلبي على جلاخة بااغا تسحري ليا نتي سااحرااني بلا فقيييه غااا ديني و خوديني

رحمة : تاخدك جنية نشاء الله

الشخص : قلتي كتبغيني انا كنحماااق علييك كنحمااق
رحمة : فين دار الفقيه

الشخص : الحمير يوصلوك تا ليها رااه عارفين دوار

بعد 15 دقيقة و بعد العديد من المحاولات بزز بزز زاكية ركبات مع رحمة فالبغل على قولتها كتخاف من العلو ليعطينا وجهها

ترمات دااك الدري فوق الحمار كيما كان و نطاالقو

مكاين غا رااا راا فطريق و صدااع السكايري وااش بغاا يساالي

تاا وصلو لقبيلة المراادة بعد طووول انتضاار

رحمة :اووف وصلنا

كاان عندهم سووق فديك القبيلة كيبيعو و يشرييو فيه و كسباان ليك كوولشي سكران و مقلوب تاا من العياالات غادين و يتململو فطرييق تقول كيشطحو و مكاين تما غا الغليضة على ختها
بقاو غا ميشوفو فدااك العجب تاا وصلو لقبيلة المرادة و حبس الحمار قدام داك الباب عاد نزل سكايري و جبد من شواري د حمارو جوج بادة ديال ماء الحياة الطبيعي و زاكية و رحمة غا مخرجين عينيهم

رحمة : هااويلي اشهااادشي واااش متأكدة داار الفقيه هادي ؟؟

زااكية : واقلة السكايري ولدو قالوها نيت لولين ولد المعفونة تخرج حادقة و بنت الحادقة تخرج معفونة مشابه لباه

خرج داك سكايري كيتمايل تاني :قاليكم سي الفقيه خرجو

دااروها فيد الله و دخلو مع دخلة كيحلوو عينيهم

الهبيلة وبولحية 🧔
الجزء 19.
بقلم: هاجر سلطانة & فرح حدادي.

اتا تصدمو تايبان ليهم قراعي دماء الحياة وحدة فوق وحدة مستفين، بقاو واقفين قدام لباب شحال تاقال ليهم السكايري

السكايري: حنان، الحيبانة تاعي، يالي قلبي شافك طاح( وبدا يحك فراسو) فين طاح احنان فييين طاح

رحمة غاتاتشوفيه وباقية الصدنة باينة فيها

رحمة: يطيحك فجهنام ان شاء الله يخخخخ، وزادت وخلاتو داخلة عند الفقيه وزكيكو تابعاها حالة فمها، وقفو قدام لفقيه، بان ليهم عينيه مقلوبين بالسكرة، والقرعة والكاس حداه، هز الكاس وقربو لرحمة

لفقيه: نتي، ياااك نتي لي باغا تقضي الغراااض(صوتو تقيل بالسكرة).

رحمة خرجات عينيها: ايه انا اسي لفقيه(وبدات تجخنن بكمام البيجامة) اسي الفقيه لي داروه داروه ليا على الراجل، بقيت بايرة وتاحد عمرو…

قبل ماتكمل هضرتها جاي السكايري لي فوق لحمار يتلاوح

السكايري: انا نديك احنوونتي انا، مع قالها مع طاح كاو فلرض.

ضور الفقيه وجه رحمة بالكاس بالخف: باغا راجل

رحمة عينيها ولاو يبريو: ايه ايه باغاه

الفقيه: ايوا هاكي هاد القريعات ابنيتي
الهبيلة وبو لحية👳‍♂️
الجزء: 20
بقلم: هاجر سلطانة& فرح حدادي.

رحمة : و لكن شنوو غنديير بييهم علاش ماحية ماشي حراام

الفقيه (جلاخة ) : كتآمني بالله ا بنتي

رحمة : آمنا بالله

جلاخة : مصائب قوم عند قوم فوائد و حتى واخا حراام راه فييها الشفاء و ان الله غفور رحييم دهني بيهااا كل نهار صحتك و ربي ايجييب لييك لي كتمنااي

رحمة : شكرا ا سي الفقيه

يالاه ناضت بغات تجمع الوقفة هو يحبسها بهضرتو كيهضر و يجغم من القرعة د ماحيا

جلاخة : اوا و إيطرو ديال زييت ديالي فيينها ؟

نطراات لزاكية الميكة من يديها و عطاتو لييه حيد الغلاقة لقرعة و جغطو كاامل مخلي رحمة و زاكية غا حالين فمهم ما قال تجرحو زيت فحنجرتو و لا دير ليه الحرقة لي تبعها لداك الحرام لكحل ما والو غا سالا مد ليها القرعة

جلاخة : هااك هاا الخااوي

شافو فيه و فبعضياتهم و شدو القرعة من عندو غا خرجو من تما تكلمات رحمة

رحمة : واا هااد الفقيه واخا بان ليا هبيل عندو ميقول

زكيكو : و تي راااه كاااع صحااب الدوار هبال ماشي غا الفقيه

رحمة : عالله غا يتقضا لينا الغرض يالاه يالاه نرجعو لدار

رجعو لداار و رحمة مرمداات صحتها و مشاات تقااد العشااا و تغني و تشطح تااا جاات زااينة دوور دوور و تشمشم فالكوزينة

شاافتها رحمة اشكدير و خافتها تعيق بييها و دارت رااسها كتشم تااا هي

رحمة : ريحة المازوط لا ؟؟

الهبيلة وبو لحية👳‍♂️
الجزء: 21
بقلم: هاجر سلطانة& فرح حدادي.

زااينة : لواااه ريحة ليصاانص ماعرت منين جاا هاد العجب

مشاات طلات على طااجين و رحمة غا تسرط فريقها خايفاها تعييق بيها

رحمة متلفة الهضرة : ريحة طاجييني زوينة يااك ا ماما

زاينة : ام شكوون شكرك ياا العرووسة زيدي زيدي نتفرجو علااما يطييب هاااد العشا المعاقب ديالك زيدي

رحمة : بعدا درتو

زاينة بطنز : لا لا ابنتي تعدبتي علاش ديريه رااه السمطة لي خلا ليا المرحوم لداابا مخزونة علااش ديريه متعدبي ما وااااالو

طااب العشاا و تعشااو و توالات ليام و زاينة كل مرة شمشم فديك الريحة محملاتها مقبلااتها تااا قاالت شي فار ولا طوبة لي ميتة ليها فشي قنت
و ليوم مع بنتها مشات عند زاكية نيت كاينة غا هي قالت اشندير اشندير عليا بالتخماال داار كاملها قلباتها كتسارا منين كتجيهم ديك ريحة مرة مرة تا دخلاات لبيت بنتها غا حلات لباب سداات نيفها

زاينة : ويلي ويلي اشهااادشي قول ريحة جابا من هااد البيت قربات لفراشها يالاه كي هزات مانطتها رماتها سادة نيفها

زاينة : ويلي ويلي و ريحة بنتي دوخ قبيلة

زاينة : كون مكنت نعرف بنتي كوون نقوول كتسكر هااد روايح بحال الريحة لي كانت تكون فالمرحوم منين كان مبلي

يالله خارجة من البيت مضرب غا رجليها مع جنب د نااموسية و بدااات كتوعوع تمااا بالألم حسات برجلها تهرست ليهاا تحناات لارض تشوف فصبعها لي خرج منو شوية الدم تا دورات راسها لتحت ناموسية و كمشات عجباانها

زاينة : ديالاش هاااد القرعة

مطات يديها هزااتها غا حلاتها سدااتها و بعداتها عليها

زاينة : هااا ويلي على المصييبة تبعاات ليا حرفت بااها ها ويلي ها ويلي على تربية زاااينة داااها لخلاا و ولات سكايرية ها ويلي ها ويلي فخر يااامي بنتي تخرج سكايرية

يالاه باان ليها الباب كيتحل جرااات لبيتها هزاات السمطة

شاافت فييها رحمة مصدومة من وقغت العسكر لي دايرة و قبل تنطق سبقااتها مها

زاينة : نشويييك و نردك قديييد الشوهة المشوهاااني

الهبيلة وبو لحية👳‍♂️
الجزء: 22
بقلم: هاجر سلطانة& فرح حدادي.

مفهماات واالو فلول و ليني غا شافت باب بيتها محلول عينيها خرجو بالصدمة لا لا الى دااكشي لي فبالها صحييح ليلة ميفكها فكااك

هزاات زااينة سمطة تال سما و خبطااتها مع الحييط

زاينة : وليتي ليا شمكاار الدرب دوي ؟

عاوداات خبطاات السمطة مع الحيط : ولات سميتك زريقة يااااك ؟؟؟

رحمة تلفات ليها الهضرة ولات غا ترعد : م….م.ما……مي غا نشرح ليك

عطاتها ليها زاينة لفخض : هااااك لموووك اش شمكاارة هاااك

رحمة : واااااااع وااااا مي فخضي (زاادتها دقة ) وااا مي كرشي ……. واااا عفاااك ا زااينة ….وا لحمي ا عباااد الله …. وااا زااينةغا بشوية

زاينة : اتشوهيني المصيبة انا نورييك … هااااك زيييدك هااادي لمك زييدك …

رحمة : لعااار ا مي لااا

زااينة : هاااااك لموووك زيديك

رحمة : وااا غا نشرح ليك اااااااي

اوااا شداااااتهاا بردت فييها القلب جلسو بجاات لاارض و زاادت كملاات عليها بتقيير و رحمة تبغي تفسر ليها و قالت ليها ماشي هكاك و لفقييه لي وصااها اوا و حريرة خرا نااضت تااني

زااينة :هااااا ويلي هااااا ويلي بنتي ولاات تمشي ليا عند الفقهة : هااااا ويلي هاا ويلي واااش انا مبيتااك فزنقة تااا تبغي تزوجي بزز

رحمة : وراااني عييت ا مي واااش غنبقاا بايرة طول حيااتي ؟؟

زاينة : وا بنتي دااكشي غاا اقدار و يكدب عليك الكداب لي يقوليك تزوج بسباب شي فقيه ولا شي حاجة هاكا و نتي غا تبتي و رزني رزقك يجيك تال بااب داارك و حتى لمكتاابش مالي انا خفتيني نجري عليك و هانتي تبارك الله بااك خلا ليك الدار لي مهمة و كنترزقو باشما عطا الله حيدي بالك من هاد الافكار و الزوااج ماشي مهم المهم العباادة و داك الفقيه لي مشيتي عندو مفقيه ما والو و كون فقيه نيت د بصح ميعطييكش ماحيا ياك هي حراام ؟؟

رحمة و دموع فعينيها : عندك الحق ا مي وااقلة مكتاب عليا نبقا بايرة طول حياتي

زاينة : الحاجة لي كتابت ليك اتعيشيها وال نوضي خملي داك البيت ديالك و حيدي منك ديك الريحة لي تقلب الميت واخا يجيو الخطاب لباب دار ا بنتي يشمو ديك ريحة يقلبو طريق المرة هي نقااوة

رحمة : عندك الحق ا مي

زاينة : خرجتي هبيلة و بوهالية ا بنتي فاش خليتي لفقيه يضحك عليك بجوج كلمات المهم المانط نبغي نلقااهم غدا مصبنين نقيين يالاه و ضربيها بشي تسييقة تا هي البيوت رااه جمعتهم يالاه كنت بادية تا جيتي نيت

الهبيلة وبو لحية👳‍♂️
الجزء: 23
بقلم: هاجر سلطانة& فرح حدادي.

نهاار على نهااار رحمة بدااات كتبدل و كتقبل فكرة الى شي حد مكتاب لييها راه غيدق باب داارها و يجي يخطبهاا بدااات كتنسا و تنااسا موضووع زوااج و تقبل اشكتب عليها الله الحاصول هضرت زاينة فيقااتها و كاانت بحال طرشة فوجهها باش تشووف لي عندها و ماشي لي معندهاش

كتشطب قدااام الدار توصل الماء د التسياق لقرقارة حتى وقف عليها وااحد رااجل لحية مربيها تا لمعدة و العينين كحلين و زايدهم بالكحل حجبانو معقودين و من شوفة فيه مكيدخلش للخاطر قرب عندها و شد لييها العصا د شطاابة

شاافت فييه بستغرااب قبل مينطق

راجل : عندك السحوور خاااصو يتحيد ليك باش يتقااد سعدك

قلبات وجهها لجهة لوخرى هاد القوالب حفضاتهم دبا و الى عاودات دارت بيها غا ترمي راسها فشي بير حطاات يديها على خصرها : اوااا و من بعد ؟؟؟

راجل : انا فقييه و قادر نحيدو لييك مبغييت وااالو غاا شوية من شعرك و اتلقاي لي بغيتي

شاافت فيه بشك :واااخا تسناا هناا

دخلاات لداارهم و متبان ليها غا هيضورة ديال العتروس و مع شعرو بحال شعر بنادم قطعات منو شوية و داااتو لفقيه لي غاا شاافو بااانو لييه شي شووفات داارهم فييها و ضحك مدخلش ليها لخاطرها نهائيا و ليني قالت تبع الكداب تال لباب دار مشا الفقيه فحالو و هي دخلاات لداارهم اكمل شقاها نااسياا موضوع الفقيه هضراات مع زاكية كيف العادة جماعة و ضحك. و قطعات

و لييل ا لييل اااااااا عمري ليل اااااه طيبااات ليييك وااحد طوييجين فااعل تاارك و حطاات معااه شلاايض شكال و نواع رااشقة لييها

رحمة : هااانا ا ميييمتي لتقوولي مكنتهلاااش فييك

زااينة : يرضي عليييك راااك فاااكاني لاهيلا و شفتك نااشطة فاش وجدتي كاع كاع هادشي

رحمة : ههههه يا شنو و حكرتي بنتك

زاينة : لا لا حااشا هههههه السلعة لي متشبه لمولاها حرام

رحمة تفكرات داك راجل : ميي جا واحد الفقيه قبيلة داز من قدام باب داار

حطات زاينة دغمة : متقوليش ليا رجعتي دوري بالفقهة تاني ؟؟

رحمة : وا تي غا سمعيني ا مي بعدا هو لي وقف عليا ماشي مشيت عندو و قاليا ساحرينك عطيني شوية شعر ديالك و انحيد ليك سحوور

زاينة خبطات على فخضها : هاااويلي ياكما عطيتيه ليه شعر رااه كيديرو بيه سحوور
رحمة : اويلي متخافييش احساب ليك باقا هبيلة عطييتو من شعر الهيضورة هههههه

زاينة : هههههه و لاهيلا عبرتي علييه نييت هااد المشعوديين كثرو ليخلييهم بلخلا

رحمة : واييه

تعشااو يالاه كيحطو ديسير تاا كتباان لييهم دييك الهيضورة كتوهج

زااينة : بسم الله رحمان الرحيم اشهاادشي ؟؟

بدااو كيترعدو بالخوف حتى تهزاات الهيضورة و بداات كتمشاا بوحدها

زاينة : زيدي زيدي نتبعوها

رحمة : اويلي ا مي خفت لا لا

زاينة : تي لوي عليك ليزار و تبعيني

بقااو غاديين تابعيين ديك الهيضورة تا وصلو لوااحد جهة د جنانات و الهيضورة باقا غادية و هوما تابعينها موقفات ديك الهيضورة تال لوااحد البرتوش ديال الخشب تمااا

رحمة : ويلي ويلي شنوو كان ايوقع ليا حمدتك يا ربي و شكرتك

زاينة : عييطي لبوليس دباااا ارااي دااك تلييفون

صوناااو ليييهم و ماا هي غا شي دقايق تاا كيسمعو الغوات فديك البلاصة

المشعود : ضحكااااات عليااااااا اندمهااا ضحكات عليا البرهوشة

غا سمعااتو رحمة جنوون طلعو فوق راسها كيشطحو يلاه بغات تمشي ليه تا جرااتها زااينة

زاينة : تي وااش تسطيييتي رجعيي لوور ها ويلي

الهبيلة وبو لحية👳‍♂️
الجزء: 24
بقلم: هاجر سلطانة& فرح حدادي.

ما هي غا شوية تاا سمعو صووت الحركة فالأرجاء يالاه بغاااو يغوتو داار لييهم البوليسي شوووت بفموو كااانو خمسة منهم دااارو بداااك البرتووش و فرعووه غااا فرعووه طاااحو فوااحد المنظر لي عمرهم تمناو يشووفوه عيفهم و قلع لييهم القلب

البوليس : هزز يدييه متحركش

جرااو هزووه من فووق دييك الجثة د بنت مزاال شاابة من الدم لي مجمد تحت راسها باينة مااتت شي يومين هادي مينطووه و عيطوو على صحااب سطافييط بلي تأكدو من الهضرة لي تقالت فتليفون بدااا دااااك المشعود كيترطاا لييهم تما و يغوت و مع عرياان ملابس واالو شااف فييه البوليسي شووقة شريانية و عطااه بركلة لمعلم نييشان خلااه كيترطااا و حماااار

البوليسي : لعنة الله و علييك الكلب موقرتي تاا الميتيين

كاانت زاينة و رحمة كيطلو من الباب شوية تااا شاافو لي معمرهم شاافوه رحمة تصدماات و وسعات عينيها حاطة يديها على فمها بداا قلبها كيضرب بجهد كااانت تاا هي ايوقع لييها بحاال هااكا ؟؟ كاان دااك الفقيه تا هي ايتكرفس عليها و يقتلها تا هي

محساات برااسهااا تاا طاااحت سخفاات و مها تحناات عندها و كتفيق فيها

زاينة : رحمة …. رحمة بنتي فييقي رحمة

الدنياا تشقلبااات بالبوليس و الشرطة العلمية القضية فيها القتل اذن ضروري يكونو حااضريين

داااو دااااك المشعود فيين يترباااا و يتحاسب على افعاالو

عند رحمة

بدااات كتحل عينييها شوية بشوية كتلقى راااسها فالسبيطاار شاافت حداها باانت ليها مها

رحمة : فيين انا ؟؟؟

دخلات عندها زاكية لي كانت كتجري و تبعاتها مها

زاكية : وااش بغيتي عندب طيرتيها مني خلعة غا سمعت الخبار جيت كنجري

الهبيلة وبو لحية👳‍♂️
الجزء: 25
بقلم: هاجر سلطانة& فرح حدادي.

الخباار شااعت و كوولشي كيهضر غا على رحمة قولباات المشعود رحمة قولباتو و الخباار داااعت حتى تنساات و دااازو شهرين بيااماتهم و سوايعهم و زاينة غا تحصر على حالة بنتها لي ولاات غا كطييح ليهاا و تا من السبيطار ولات حافضة طرييقو و فاش فقداات الأمل من هااد الحال قررات و ليووم جراات بنتها لي ديق عليها صدرها و فالطريق كل مرة تقوول لمها يالاه نرجعو لداارنا وااخا ولات صفرا و ليني زيين باقي كيبان ولا نقوول ولات كتبان حسن من قبل علاش لا و هي بعداات على دااك المكياج لي مكتعرفش ليه و غا خاشية راسها فييه هو لي كان يبينها خايبة و بداك الكحل يبانو عينيها صغار بزااف دبا ولاو كيبانو طبيعين و زوينين بحال ديال شينويات

دقو فواااحد الباب و خرجات عندهم مرة كبيرة داايرة الخمار

المرأة ( فاطمة ) : سلاام

زاينة :و عليكم سلام كاين الفقيه

المرأة : دخلوو راه عندو شي عياالات يخرجو و دخلوو نتوما

اما وااحد زاينة غا سمعاات سمية لفقيه بدااات كترعد ولاات كتخلع من هاادشي د الفقهة و المنظر لي كانت شاافتو نيت ماشي سااهل

زاينة جرات بنتها و دخلو و رحمة : غا دور و تقوليها “يالاه نمشييو ا مي ” يااك نتي لي قلتي ليا بعدي على طريق الفقهة ا مي ”

زاينة : سكتي سكتي ا بنتي هدا راه ماشي غا فقيه بسمية و كيداوي غا بالقرآن يحساب ليك بحال لوخرين توملي عالله

ما هي الى دقائق حتى خرجات واحد المرة و بنتها و دخلو هوماا و جلسو لارض اشغنقول لييكم رحمة كانت منزلة رااسها و غا طلعاتو حلفات لعوداات نزلااتو و مينطق فمها غا ب

رحمة : سبحاان الله

كاان حادر عينيه مكيشوفش فييهم كيهضر غا بفمو و زاينة كتجاوبو اما رحمة فكاانت كتحقق فملامحو مستغلة فرصة انه مكيشوفش لجهتها على هدوء كيباان عليييه و على ملامح سوداء رجولية و لحية سوداء مطويلاش بزااف هاادشي عااد و الجلابة كيجاتو مشاء الله طلعاات فييه و نزلات مزياان و بداات كتحفظ فصوورتو فدماغهاا حساات بواحد الإعجاب قوي من جهتو و مرة اخرى نطقات فنفسها ” كون غيير كان هدا هو رااجلي “

Leave a comment