Skip links

قصة : الممنوع المرغوب 2

 2,761 عدد مشاهداات

#الممنوع_المرغوب 🔥
#الفصل_الثاني💔

🔥الممنوع_المرغوب 🔥
عندما تجتاحنا الهموم
وتتكالبنا الأحزان
وتتوشح حياتنا ألوان السواد
عندما تكون الدموع هي اللغة الوحيدة التي تترجمها العيون
عنواناً للآلام التي تعانيها القلوب
ولا يعد هنالك طريقاً للفرح أو البسمة إلينا
ولا نشعر بحلاوة الحياة
فماذا عسانا أن نفعل !
هل نستسلم أم نحارب ؟!
فبطبع يوجد هنالك ما يجعلنا نحارب ونحاول جاهدين التمرد على واقعنا
أجل إنه الأمل كلمة قليلة الحروف كبيرة المعنى
فالأمل كالزهرة التي تبث إلينا حلاوة ريحها وتسحرنا برونق منظرها فارضةً
علينا الانجذاب إليها محاولين بكل جهد الحفاظ عليها
فيجب علينا التمسك بالأمل لكي نعيش الغد ونستمر في حياتنا ونحاول
دائماً التغلب على اليأس
فبالأمل نستطيع وبكل قوة أن نسير قارب حياتنا كيفما نشاء وأينما نريد
مبعدينها عن الغرق والموت البطيء
فالأمل شمعة تنير الظلام
وكتاباً مفتوحاً لمن أراد أن يتعلم
فلكي نودع حياة بائسة خامدة
فليس علينا إلا أن نعيش حياة جديدة مشرقة يملأها التفاؤل
ويكون الأمل هو العنوان الرئيسي لها
✅الفصل الثاني : 🔥 الأمل 🔥
✍إكرام كراميلا

🔥#الممنوع_المرغوب 🔥
✍إكرام كراميلا✍
📍بارت 19
📌 فصل الثاني :الأمل 🌼
ناضت روان من النعاس مالقاتش فيروز مهتماتش بالأمر دخلات لدوش دوشات وقضات حاجتها وخرجات حتى كتلمح ورقة فوق والقوافوز توجهات ليها وهزات وبدات كتقرا وفكل مرة كيتغيرو ملاميحها..
“الحب كيخاليك تولي شخص آخر يمكن ميكونش الحب شي حاجة فهاذ الدنيا ولكن يمكن نقولو أنه جزء كبير فحياتنا وخاصو ضروري إكون أو يمكن لا، حيث ماشي أي حاجة بغيناها غلقاوها وسؤال لي ديما أروان فبالي هو علاش أي حاجة بغيناها مكلقاوهاش ؟
ولاا حيث ربي بغا هاكذاا مكتابة علينا ولا ،أي حاجة زوينة كتمشي منا يعني كتمشي معانا بالعكس نبغيو إنسان وميبغيناش وميعبرناش ويمكن مشايفناش نهائيا ..
روان أنا بغيت شخص مخاصنيش نبغيه شخص لي باني حياتو وعندو عائلتو صغيرة روان تيشهد عليا الله أنه عتابرتك صحبتي ومنكرش حياتي عمرتيها حيث حتى أنا وحيدة روان سمحلي بزااف كنت غنظلمك معايا وندخلك فظلمات لي أنا عايشة فيها غنخرج من حياتكم ولا عتابروني مكايناش ….”

🔥#الممنوع_المرغوب 🔥
✍إكرام كراميلا ✍
📍بارت 20
📌 فصل الثاني :الأمل 🌼
روان تصدمات و وفهمات مقصود بين السطور هي ماشي غشيمة مي نيتها ديما كتوقعها فمشاكل فيروز عتابرتها ختها وخنتها اه خنتها كفاش كتبغي رجلها ..هنا عرفات فيروز دخلات دخلة ديال الغذر هزات الورقة وقطعاتها و لاحتها فالزبل و هي متأكدة غتمحيها من حياتها أي واحد بغا ابعد عليها حبيبها وتاج راسها تمحيه
و هي فتخمامها دق الباب مشات فتحاتو ولقات نوح ترمات فحظنو وهي كتعلق فيه وتضغظ عليه
نوح( بشك) :حبيبتي مالك أشنو واقع ؟
روان :نوح كنبغيك بزاف بزاف أنت حبيبي أنا بحدي ياك (هزات راسها شافت فيه)
نووح (بقبلة سطحية على فمها ) :أش هاذ ابهضرة ؟ أنت راك روحي (شاف فالبيت )فين هي صاحبتك ؟
روان بضحكة مصتنعة :اه فيروز سافرت عرفتي أحبيبي أشنو وقع ليها
نوح : مالها ؟
روان :حبيبها غيسافر برات البلاد وقالها يا أنا ياهنا وهي ختارت تمشي معاه أنا بقا فيا الحال
نووح (طبطب على كثافها ):عمري هذا هو الحب بالعكس مخاصكش تقلقي منهاخاصك تفرحي حيث لقات الحب والقليل لي كيلقاه مهيم يلاه نفطرو ومن بعد نمشيو الطبيب ليوم رانا غتحيد الگبص
روان :واخة أحبيبي
هبطو العشاق ديالنا افطرو وتوجه لطبيب وحيد لگبص لاميرتهم
نوح : أميرتي تهنيتي دابا هه
رانا :اه ابابي هههه (كتشير بإديها)بابا شووف شتا هه
نووح :وي أبابا فصل لي كيعجبك هه
روان يلاه برد عليكم
توجهو الدار ونوح خذا روبو باش ابقا معاهم ويعطي خاطر لمراتو و بنتو

🔥#الممنوع_المرغوب 🔥
✍إكرام رشدي ✍
📍بارت 21
📌 فصل الثاني :الأمل 🌸
فيروز من بعد ما غذرات الڤيلا وهي متألمة ومحروقة على راسها وعلى أنها بغات راجل متخلقش ليها علاش ممنوع مرغوب علاش؟ هي بغاتو ولكن ممنوع عليها وحرام تبغيه غلظات وغلظات بزاف وقفات حدا واحد البارك وهي كتشوف فالشتاء كتساقط
لتعلن بان فصل جديد دخل فصل
#الشتاء نزلات منالطموبيل رغم شتاء ليكتساقط بغزارة بحال دموعها غيوم تبكي وهي كذلك غير فرق شتا كولشي كيحس بيها وولكن دموعها حتى حد مكيشوفها أو كيحس بيها ..
گلسات فوق الكورسي ووهي كتنخصص على حياتها وعلى والديها وعلى وحدتها على كولشي
” أذكر ذلك اليوم الذي تحول به عالمي إلى فجوة من السواد، كل شيء أصبح قاتماً، شعرت بالحزن والأسى قد سكن قلبي، مع بقاء العالم الخارجي كما هو ولم يتوقف” وهي فعز مأسات ديالنا حسات بتوقف شتاء وبظل فوق راسها شمات ريحة زوينة ومطمئنة ”
وهي فعز الحزن والبكاااء دياالها تحطااات يد على كثفيها .. .

🔥#الممنوع_المرغوب 🔥
✍إكرام كراميلا✍
✔بارت 22
فصل الثاني :الأمل 🌸
هزات راسها حتى كتلمح طيف امرأة كبيرة في سن كتبتاسم ليها رغم كبر باين جمال وباين وقارو أنها إنسانة طيبة وهي فاكنشاف ديالها هضرات سيدة بصوت حنين وخافث
سيدة:مالك أبنتي بحدك كتبكي أش واقع ليك گاع مم ؟
كلمة لي فيضات كاسها بدات تخنصص وتهضر مقطع :أش .. نقولك ولااا نعاود داكشي تعلقت فيه بزاف وملقيت نتيجة هءهءهء
مرة (بابتسامة حنونة ):واش أبنتي للحب ياك ؟
فيروز :أنا اخالتي درت شي حاجة خايبة بغيت شخص ماشي ليا ومخاصنيش نفكر فيه أنا وليت ممزياناش حيث بغيت نفارق راجل على مراتو وبنتو أنا ممزياناش هءهء
أنا كرهت راسي كنشوفو مع مراتو قلبي كيبغي اخرج كون نلقا نخرج قلبي ونقطعو طراف طراف..الألم لي كنحس بيه أنا أصلا موتي حسن من حياتي معنديش لي يخاف عليا ولا ايلا تعطلت اتشوش عليا حتى نهار لي قلبي دق دق لشخص ماشي من حقي وماشي من نصيبي هو باني حياتو اشنو أنا نهدمها ليه استسلمت اه حيث عرفت مكاين لاش مستحيل إبغيني
گلسات المرة حداها وطبطباا على
كتافها وقالت : اه أبنتي نت غلظتي وتعلقتي فين تفلقتي ولكن كنشوف فعنيك ندم وحسرة وهاذا كيدل على أنك إنسانة مزيانة بزاف وبريئة من داخل يمكن ملقيتيش لي واعيك ولا يوقفك ولكن قلبك بيض ابنتي الله سبحانه وتعالى كاتب لينا معامن غنعيشو ومعامن غنكملو حياتنا كولشي مكتوب هادشي علاش هاذي تعلمك بلي ماشي أي واحد مناسب ليك كل واحد خلق ليه الله شريك حياتو ماعليك غير تصبري وتدعي وتقوي إيمانك بالله كولشي قريب عند الله “وعسى أن تكرهو شيئا وهو خير لكم “ولعكس صحيح أبنتي قوي راسك هاذي غير مرحلة صغيرة و ادوز انت غتنساي واتبداي حياتك منقولكش حب ساهل مي غيجي وقت غتلقاي راسك نسيتي وبديتي حياتك ابنتي البدية هي صعبة واخة وشكون قالك نت بحدك انت معاك الله والله عظييم وهو خالق كل بشر متبقايش تقولي هاكذا الله مينسالش عبدو وحشا لله ..
فيروز :ونعمة بالله شكراا بزااف ريحتيني والله
سيدة (بقات تشوف فيها شوية وهو غتسمع صوت اذان الظهر ):بنتي الله دابا كينادينا باش نصليو تمشي تصلي ياك كتصلي ؟؟
فيروز بقات ساكتة: أنا عمري صليت ولا عرفت شي حاجة على دينا حتى صيام مرة كنصوم مرة لا أنا أخالتي معنديش أم لي توعيني ولا أب اربيني هءهءهء
سيدة (قبطات اديها ): غير هضرة دابا كبرتي وانت غتوعي رااسك يلاه معاياااا
تاقث فيها فيروز ومشات معاها …

🔥#الممنوع_المرغوب 🔥
✍إكرام كراميلا✍
✔بارت 23
📍فصل الثاني :الأمل 🌸
توجهات فيروزة مع سيدة وهي غاذيا سيدة مسولتها على اسمها وعلى والو وحتى هي مبغاتش دخل بغات غير لي اعونها واشد باديها بااش ترتاح وتقدر دير أي حاجة باش توصل لمرادها
وصلو الجامع لي كان كبير ودخلو من ممر النساء ودخلو الواحد بيت صغيرة مي كتحسيه كبير رائحة مسك لي كتريحك و شي حاجة متجذبك وتريحك حتى سمعات صوت سيدة
سيدة : بنتي هاكي دخلي غسلي راسك من لتحت و لبسي هاذو وخرجي عندي
داكشي لي دارت فيروز دخلات وغسلات وطرفات حالتها ولبسات عباية كحلة طويلة وفضفضة مع شال اسود وخرجات
سيدة (شافتها بتاسمات وقالت) :مشااء الله عليك ابنتي ملاك مهيم دابا غنتوضاو ولي عملتها عوديها من ورايا صافي
فيروز :واخة
توجهو المرحاض كان عامر عيالات لي حاول اصليو ويلبو نداء الصلاة وبالفعل لي دارت سيدة كتديرو من وراها كملو وتوجهو مسجد لي خاص بنساء وهزات صلاية وتبعاتها هي حافظة سور صغار غير من مدرسة فقط شحال من واحد قاري قرآن على حساب قرايتو وعلى حساب فرض ديالو ماشي محبة صافي اسالي قراية وايسالي من قرايتو وكأنه شي حاجة ثانوية فحين هو مفتااح وتسيير لحياة بزاف ناس هو منهج حياة المسلم لي كيخاليك تمشي فطريق بدون عقابات ….
بدات السيدة كتوعي ففيروز على الصلاة وفهمات راس بطلة ديالنا خفيف
شرعو فصلاة وسلاو وفيروز لي أول مرة اتحس براحة هزات صفوفها لسما مع دموع نازلة من عينيها
فيروز فنفسها : ياربي أنا غلظت مي ندمانة بزااف ياربي أنا عارفة مقصرة بزاف فحقك وكنواعدك غنتشبت بهادشي ونمشي عليه حياتي مظلمة ياربي بغيت نور فحياتي ياربي بغيت نساء نساه ياربي عطيني قوة عافاك ياربي صبرني وعالج قلبي راه متألم ياربي أنا عبدتك ضعيفة ياربي قويني ياربي
سلات الدعاء وناضت مع سيدة وعطاتها القرآن
سيدة :بنتي هاكي هذا هو رفيق ضربك وهذا هو دواء روح هو شفاء لأي مرض هو شفيع هو منهج ومفتاح لكل مشاكيلك
فيروز بابتسامة :شكراا بزااف أخالتي
سيدة :انت غتبقاي معايا حتى تحسي براسك قوية وتحسي براسك نسيتي حياتك لي ندمانة عليها
فيروز حركات راسها بإيجاب وگلسات وفتحات القرآن وبدات كتقراه ودموع نازلين ولما لا وهو كلام الله موجه القلب و روح للإنسان…
ملي الله سبحانه وتعالى كيبغي اهديك كيدير ليك سبب لي كيخاليك تبدل وتمشي في الطريق لي راسم ليك الله تعالى… معرت أشنو يوقع ليك من مشاكل وبزااف حوايج لي كتقول صافي هاذي نهاية ديالي كيجيب ليك الله واحد الفرج من

ملي الله سبحانه وتعالى كيبغي اهديك كيدير ليك سبب لي كيخاليك تبدل وتمشي في الطريق لي راسم ليك الله تعالى… معرت أشنو يوقع ليك من مشاكل وبزااف حوايج لي كتقول صافي هاذي نهاية ديالي كيجيب ليك الله واحد الفرج من حيث لا تحتسب مكتصدقش هادشي علاش مهما اشتد الظلام وبدا النور كيختافي فتذكر أن لك ربا يسمع و يراك و هو القريب ليك …
لا تيأس النور قادم فليس بعد الليل الطويل سوى نهار مشرق لا تحزن فطالما لك رب تدعوه تلذ به وترجوه فانت معك كل شيء ستعود الشمس حتما وتشرق من جديد وكأن الظلام لم يوجد قد المهم ألاتخسر نفسك وسط الظلام ولا مبادئك ابقى مع الحق دائما حتى لو لم تنطق به فقط آمن به في قلبك ….
ملي تضيااق بيك دنيااا عرفي عندك الله كبيير ملي تلقاي راسك وحلتي وقربتي طيحي سرحي صلاية وسجدي لله ملي تحسي براسك ناوية ترتاكبي شي ذنب او رتاكبتيه توبي وهزي القرآآن لي غينور ليك حياتك…

🔥#الممنوع_المرغوب 🔥
✍إكرام كراميلا ✍
✔بارت 24
فصل الثاني :الامل 🌸
ومرت أيام ومرو معها أسابيع حتى وشهور ومعها فصول وجاء فصل #الصيف ليعطي أمال وإشراقات جديدة مع طلوع يوم مشم في منزل الإدريسي
فغرفة ابطال ناعسة روان ومعنقها نوح واديه ملامسين بطن منتفخ لي كبر فاقت روان من نعاس وهي كتحس بآلام مفاصل وواحد تعب كبير
ناضت الحمام باش دوش وحيدات حوايجها وتقابلات فالمراية حتى كتشوف بقع حمراء وخارج منهم دم هاذي ربع شهر وهي كاتشوفهم خذات رونديڤو باش تأكد من شكوكها..وتمشي السبيطار بدات تدوش وغسلات شعرها لي نصو طاح بسباب الحمالة… الله ييسمح لينا من الوالدين..نشفات راسها ولبسات حوايجها وهي تخرج وتوجهات لعند نوح لي يلاه فاق
روان :صباحوو بيبي
نوح (بقبلة سطحية) :صباح الخير عمري صافا ؟مالك فين غاذيا على الصباح ؟
روان :ليوم عندي رونديڤو مع الطبيبة نسيتي مهيم أنا غنمشي
نووح :نو تسنايني نمشي معاك
روان :لا احبيبة غير رتاح نيت باش نشوفواش ولد ولا بنيتة ههه ليوم بغيت نعرف ونديرها ليك مفاجئة
نوح :هه واخة الالة لي بان ليك تهلاي فراسك اوكي تسالي قوليها ليا
روان :واخة احبيبي
خرجات من الغرفة وهبطات تاجهات لسيارتها و توجهات لعند الطبيبة دقايق وصلات ودغيا دخلات
طبيبة : بونجوغ مدام الإدريسي صافا كيف غاذيا مع الحمل ؟
روان : مزيان مي ادكتورة كنحس بأعراض بزاف شوفي لحمي
طبيبة :بحالاش
روان :شهية مفقودة نهائيا وفليل كنصهد قولي لعرق نازل واخة اكون برد وولاو بقع بزاف فجسمي وهادشي خالعني
طبيية بخوف : متخافيش مهيم خاصك ديري تحليلة هاهي عندنا نيت ساعة ونشوفو
روان بقلق : دكتورة عافاك واش شاكة فشي حاجة مم
طبيبة : منقولك والو خالي حتى نشوفو
مشات روان دخلات دارو لها تحليلة لكولشي …
عند نوح لي فاق ودوش وتوجه لعند بنتو فيقها وهبطو افطرو
جدة:ولدي نوح فين هي روان
نووح :مشات عند طبيبة عندها كونطخول
الام :ومشات بحديتها كون غير قلتها
لنا نمشيو معاها
نوح : قالت ليك بغات دير لينا مفاجئة راك عارفة الواليدة راسها قاصح
جد :على الله بغينا حفيد حنى لهاذ عائلة
جدة بعصبية :اكون غير بصحتو وصافي
سعات في المكتب طبيبة شادة ورقة تحالين وكتقرا وراون توثر لاعب عليها خايفة وخايفة بزاف وشك كياكلها غيقتلها …
روان :دكتورة متخبي عليا والو اشنو عندي
طبيبة (بألم و أسى): للأسف عندك سرطان الدم

🔥الممنوع_المرغوب 🔥
✍إكرام كراميلا ✍
✔بارت 25
فصل الثاني :الأمل 🌸
روان بحالا صماكت وممثيقاش كتحس بضعف و خوف كبير
روان (خرجات عينيها):أش كتقولي مينكنش ؟؟
طبيية :سمعي امدام مغخبي عليك نت فمرحلة الثانية يعني قربت عندك الخطورة (تنهدات) راك حاملة وباغا تولدي عادي فميمكنش غتخسري حياتك اللهم تولديه دابا بأبيغاسيو وهاذي فحالة عاش حيث متضرر الجنين بزااف ومبروك عندك وليد
روان (بصدمة ) :لالالالالا نووح باغي لولد جدي باغي لولد هنئئئ علاش ياربي أنا علاش علاش هنئئئ؟؟
طبيبة ( ناضت طبط على كتفها) اشنو غدير مدام هذا قدر الله وقضاءه عفاك راه كاين ابعلاج غير تبعي وسمعي الهضرة وكوني قوية
“مُؤلم عندما يقول لك الناس (كُن قوياً) وليس لديهم أي فكره عن صعوبة ما تمر به”
شكون سمعها ولا فهمها روان هزات ساكها وخرجات وهي مدمرة توجهات لطموبيلتها وبداات غاذية شوية حسات براسها غدير شي حاجة وقفات قدام واحد البارك ويا للصدفة نفس البارك وكأن الأحداث تتكرر .. بقات كتشوف حتى لمحات شخص كان آخر توقعاتها فيروز وهي شادة صاشي ولابسة عباية كحلة ودايرة زيف شافتها تغيرات لابسة لباس عادي بزاف
روان (ضحكات بفقصة ) :كون غير فيها هي ولا أنا علاش ؟؟ ههءهء عمري اذيت شي حد معمرني ظلمت كولشي كنعاملو مزيان هنئئ ايلا مت كفاش غتعيش بنتي ولدي كفاش غيعيشو عنئئئ ياربي علاش مزال كدير ليا فالإمتحانات أنا عييث ياربي عشت بزاف الأحزان واش هاذي هي الأيرة مشاكل فحياتي ولا أنا لي غنكون الأخيرة فموت عائلتي كولشي مشا هنئئئئ
بقات كتشوف فيها وهي كتقول هاذ الهضرة وشافت لمرة لي معاها ودخلو جامع تنفسات ومسحات وجها وتوجهات لدارها

🔥الممنوع_المرغوب 🔥
✍إكرام كراميلا✍
✔بارت 26
فصل الثاني :الأمل 🌸
فيروز فهاذ الشهر تغيرات بزااف نقولو تبدات..ولا همها رضى الله وبدات وتوب على أي تصرف كانت كديرو.. المدرسة خلاتها فأمانة النائبة بحجة مسافرة وهي بغات غير تعالج علاج روحي تنسى دخلات هي وسيدة حطات داكشي لي شراو حدي لآن مزال معرفين على بعضياتهم والو
سيدة :بنتي بغيت نسولك متخبيش عليا ؟
فيروز :اه اخالتي مرحبا عارفاني منقدرش نخبي عليك والو
سيدة : واش هذاك للشخص لي قلتيلي واش نستيه؟
فيروز (ردت فعل سريعة) :تيقيني أنا نسيتو ومبقيتش كنفكر فيه هو دابا اكون فرحان بمرتو وولادو وإنا خليتهم نسيت كولشي
سيدة (بشك) :تيقتك ابنتي أش نقولك غير الله يعاونك وصافي
فيروز :امين اخالتي شكرا بزااف هادشي بسبابك شي حوايج وضاحو ليا وفهكتهم خيرك منساش
سيدة :ابنتي واش انت غتبقاي كل نهار تقوليها هه يالالة نساي
فيروز: ههه واخة اخالتي
ناضت فيروز دير لغذا لي تعلمات تطيب وتعلمات دير بزاف علاش لا وهي بنت الفشوش عمرها قادت شي حاجة كولشي كتلقاه موجود وهي فعز توجدها تليفونها صونا وجوبات لقات النائبة
فيروز :آلو وي نجاة كاين شي مشكيل ؟
نجاة: لالة خاصك ضروري تجي حيث ولي امور كيسولو بزااف وأي اجتماع كيبغيو اناقشو معاك انت فهمتيني
فيروز : افف فهمت اوكي صافي غذا غنجي إنشاء الله
قطعات معاها وهي حايرة خاصها توقف على شغلها طفات على غذا وتوجهات لملاك ديالها كيف كتقول ولا نور حياتها لنورات حياتها لي كانت قبل ظلمة
فيروز :خالتي بغيت نهضر معاك
سيدة : نعام ابنتي خبار الخير
فيروز :مهيم انا سميتي فيروز ومديرة ديال المدرسة وخاصني نرجع نقابل شغلي راك عارفة ولكن كنتمنى تقبلي على طلب ديالي
سيدة :تباركا الله ابنتي متشرفين اييه قولي بسم الله
فيروز :بغيتك اخالتي تمشي معايا لداري وتعيشي معايا عافاك متقوليش لا
سيدة (بقات تشوف فيها وهي تبتسم وقالت ): اشهد عليا الله بغيتك ودرتك فمقام بنتي ولكن سمحيني منقدرش
فيروز :خالتي أنا عايشة بحدي عافاك متخصريش لي خاطري واصلا انت بحدك هنايا عافاك
سيدة :هه شكون قالك أنا بحدي معايا الله ونجيك من لاخر أنا عيث كون بغيت دار وداكشي راه عندي فيه بزاف ولكن بغيت نقابل غير راسي ونكسب حسنات ورضى الله عافاك أبنتي متقلقيش مني مرحبا بيك بقاي تجي لعندي راني ولفتك
فيروز مشات عندها عنقاتها :خاطرك اخالتي وراحتك أكيد غنبقا نجي عندك (بحب)حتى أنا والله العظيم حتى ولفتك بزااف انت راه هي نور حياتي لي شديتي

فيروز مشات عندها عنقاتها :خاطرك اخالتي وراحتك أكيد غنبقا نجي عندك (بحب)حتى أنا والله العظيم حتى ولفتك بزااف انت راه هي نور حياتي لي شديتي بإيدي شكرا بزاف منوفيش بهادشي لي درتي معايا
سيدة :الله يرضي عليك ابنتي كولشي في سبيل الله كنت غير سبب أما المعدن ديالك هو كولشي كون الله مابغاكش تهداي كون هدرت شحال وهدرتي مدخل ليك فراسك

🔥الممنوع_المرغوب 🔥
✍إكرام رشدي ✍
✔بارت 27
فصل الثاني :الامل
فيروز ناضت جمعات حوايجها لي قلال بزاف وگاع داكشي لي عندها وخرجات سلمات على السيدة بالبكا
فيروز : تهلاي فراسك اخالتي راه كل نهار تلقايني عندك ولا خصاتك شي حاجة عافاك قوليها ليا
سيدة : مخاصني والو كوني غير بخيير ابنتي تهلاي فراسك حتى انت والله يرضي عليك والله يعاونك
فيروز باست ليها اديها وراسها وعنقاتها
فيروز :بسلامة اخالتي
سيدة (بحزن ) :الله يعاونك
مشات فيروز لقات طموبيلتها محطوطة فركن لي خلاتها فيه وهي مسخة شحال هاذي مساگت هزات كونطاك وحلات وگلسات وتوجهات لدارها حلات الباب دخلات الدار .. لقاتها نقية وسمع وتقرقيب فالكوزينة توجهات ليها لقات مساعدة ديالها امرأة كبيرة متوسطة فالعمر ومعاها بنتها وولدها گالسين كياكلو بقات فيروز كتشوف ومفهمات والو حتى دارت المساعدة وخرجات عينيها وطيحات الخبر
مساعدة بخوف :لا…لة أش كديري .. سمحليا بغيت نقول مرحبا بيك
فيروز (فهمات البلان بتاسمات وهي تقول) :ترحب بيك الجنة كملو فطوركم ادادة حورية
دادة حورية ( بصدمة) :ايه واخة
خرجات فيروز توجهات لبيتها ودخلات دوش..
نرجعو لكوزينة وصدمة على وجه حورية حيث تعامل غريب فين عمرها هضرات معاها ودابا حصلتها فدارها ومقالت والو وحتى لبسها غرييب بزااف بهاذ درجة تبدلات وفين كانت فهاذ الوقت من غير شي بواط ولا قصارة…
~~~
فيروز دخلات تدوش نصلات حوايجها طلقات ولما غاذي من راسها لحتى رجليها وهي مغمضة عينيها غترجع لحياتها وروتينها غير هي غتغير بزااف الحوايج فحياتها لي كانت مخربقة وكاملة فلخوا الخاوي… كملات ومشات صلات صلاتها ووخرجات عند حوريية لي كانت كتوجد لغذا
حورية شافتها بدات تقفقف :سمحليا ابنتي والله حتى غير …
فيروز (قطعاتها) :دادة حورية واش نجاة مكانتش كتوصل ليك خلاصك ؟
حورية :لا ابنتي كانت كتوصل فالوقت وبزايد الله يكثر خيرك (بدموع ) ابنتي راه راجلي تزوج ولاحني أنا ولادي مزال صغارين كون مكنتيش انت مكلفة بقرايتهم راه اضيعو اضيعو هءهءهء
فيروز (بثأر ) :دار دارك ادادة ديري فيها لي بغيتي أصلا أنا غنجي غير فاليل راك عارفة مع الخدمة مهيم خوذي راحتك انت ولادك وايلا حتاجيتي شي حاجة مرحباا
خرجات من الكوزينة وتوجهات لبيتها ترتاح وتنعس

🔥#الممنوع_المرغوب 🔥
✍إكرام كراميلا ✍
✔بارت 28
فصل الثاني :الأمل 🌼
عند روان لي گالسا فييتها وعينيها عامرين بالدموع خايفة من الموت ومن نوح ينساها ..وفنفس الوقت على الولد فكرة مرعبة أنها يموت ليها ولدها…جاتها فكرة ولقات انسب حل ليها شدات الورقة وستيلو وكتبات گاع لي فبالها وگاع لي فقلبها وناضت حطاتها مع حوايجها… وهبطات التحت لقات عائلة مجموعة على المائدة العشاء وكيضحكو وفرحانين شافها نوووح توجه ليها وقبطها من ايديها
نووح : حبيبتي علاش هبطتي بقاي ترتاحي فوق؟
روان :ماشي مشكيل مممم فيا جووع يلاه
توجهو الطبلة بداو كياكلو حتى سمعو كلام الجد
الجد : أنا فرحان بزاف وأخيرا الحفيد غيجي وريث ديال الإدريسي
الأب :هانتا الحاج تحقق كلامك هه
الجد (دار شاف روان) : طلبي لي بغيتي أهم حاجة الحفيد لي كنتسناوه من زمان
نووح : إنشاء الله يتزاد (لبس بطنها) بطل باباه وأخيرا (باس جبهة روان) شكرا حيث نت معايا وغتعيشيني الأبوة لمرة الثانية
روان :ههه إنشاء الله يتزاد ويكبر وويكون كيف بغيتوه هه حتى أنا فرحانة بزاف هه
كتضحك وهي من الداخل كتبكي أصعب حاجة هي تخفي الألم وتولي تألم في صمت…
” أن تتظاهر بما ليس في داخلك كي تحافظ على بقاء صورتك جميلة”
هذا حال گاع الناس شي فرحان شي مخبي أحزانو وشي معاررف مايدير كل واحد حاط راسو على المخذة وكيفكر… نووح فمشاريع ديالو وفحياتو وروان كفاش غدير وبزاف المطارق فراسها، وفيروز البطلة ديالنا لي گالسا كتقرا فالقرآن حيث مجاهاش النعاس وكتدعي الله تجي إيام زوينة فحياتها
#أصبحنا وأصبح الملك لله
ناضت فيروز دخلات دوش قضات حاجتها صلات صلاتها وخرجات لبسات كسوة طويلة و وقاضت شعرها ودارات ميكاب عادي
(بنسبة الحجاب هي مدارتوش بشكل نهائي ) وطلقات شعرها عادي وخرجات فطرات وهزات ساك ديالها وخرجات ..أول حاجة دارت غسلات طموبيلتها وتوجهات اليكول ديالها شحال توحشات خدمتها دخلات لمكتب گلسات بدات كتنكتاشف وتقرا
فالوراق …
داز الوقت حتى كتلمح رانا مع نوووح حسات ولكن كان إحساس خفيف أو يمكن وهمات راسها بيه حضرات راسها … وركبت فطموبيلتها وتوجهات عند سيدة وصلات حتى كتدق على الباب
فيروز :اووه مالها مكتجاوبش أويلي
(شوية وهي تحس بالباب تحل )
سيدة جديدة :نعام ابنتي بغيتي شي حاجة ؟
فيروز :عافاك أخالتي واحد سيدة كانت هنايا فين هي ؟
سيدة : اه ليلى مشات لدارها لبارح وراه قالت ليا نقول ليك هاذ الهضرة
“لي جرا ليك جرا ليا غير انت بعدتي وأنا قربت وخربت حتى
فيروز :عافاك أخالتي واحد سيدة كانت هنايا فين هي ؟
سيدة : اه ليلى مشات لدارها لبارح وراه قالت ليا نقول ليك هاذ الهضرة
“لي جرا ليك جرا ليا غير انت بعدتي وأنا قربت وخربت حتى ملي درت لقيت راسي بحدي لا حب نفعني ولا ولاد نفعوني هربت باش نرتاح لقيتك انت وكانتي أحسن صدفة ..مهيم ابنتي أنا رجعت لولادي ونتمنا ليك نجاح وتيسييير فحياتك …”

🔥#الممنوع_المرغوب 🔥
✍إكرام كراميلا ✍
✔بارت 29
فصل الثاني :الأمل 🌼
فيروز بحالا خويتي عليها ماء بارد تصدمات بزااف مشات و هي لي عالجاتها وخلاتها تشوف حوايج مكانتش ..حذرات راسها ودموع فعينيها بقا فيها الحال مودعاتهاش
مشكراتهاش كيف كتستاحق كانت هي ملجأ وحضن الدافي توجهات لسيارتها وتاجهات لدارها دخلات دوشات وصلات صلاتها كان عصر ودخلات كوزينة طيبات ليها متاكل وغسلات الماعن وتاجهات لبيتها تفرج ومخاليا حورية وولادها احسو براحة
هزات التليفون وبدات تقلب وتفرج فالأفلام ….
عند الإدريسي عائلة مجموعين على مائدة العشاء روان كتاكل من فوق خطرها وراسها وجسمها عاطينها لحريق بزاف بزاف كتحس بدم جامد
نوح (بهمس ): حبيبة كولي مالك ؟
روان :مافياش والله حاسة بشبعة
الام :غير خاليها أولدي مع الحمل هو هذا الله يفكها على خيير
نوح :ممم أمييين الواليدة
كملو عشاهم وطلعو انعسو روان تخشات فبلاصتها باش تنعس حيث عيانة بزاف حتى حسات بنووح لي عنقها من الور وكيبوس فعنقها
نوح :حبيبة توحشك مم..
روان (بعدات راسها بألم أي حاجة كتحس بيها ): نوح عيانة بزاف ومراشقاش ليا عافاك
نووح (بغضب ): روان ستة شهر وانت فنفس للهضرة (ضار عطاها بظهرها )
روان (حسات بغلظها ودارت عندو ) :حبيبي سمحلي مي والله حتى لعيى هاذ الحمل مسخفني
نووح : صافي أروان باغي نعس
حتى هي فهمات راسها و ضارت ونعاس مابغاش ازورها كتحس بالموت قريب ليها بزاف خايفة ،خايفة من كولشي لي جاي …
~~~~
اصبحنا واصبح الملك لله
ناض نوووح دوش ولبس حوايجو كومبلي اسود وسرح شعرو وتوجه لشريكتو وهو غاذي وهو كيفكر بلي روان تغيرات بزاف مفهمش مالها حملها لول كانت عادية ودابا ولات نافراه وهادشي كيدخل ليه شك فراسو بزاف وصل الشركة ودخل وكولشي كيوقف احتراماا ليه وتوجه مكتب ديالو حتى جات السكرتيرة
سكرتيرة : Monsieur, vous avez une réunion d’affaires dans une demi-heure ( سيدي لديك إجتماع عمل بعد نصف ساعة)
نووح : ?Eh bien, tout est prêt(حسنا ، كل شيء جاهز؟)
سكرتيرة : Tout est prêt, monsieur(كل شيء جاهز سيدي)
خرجات السكرتيرة من المكتب ونوح هز الملف ديالو وخرج لإجتماع..
عند فيروز لي فاقت و دارت نفس الروتين لبسات كسوة طويلة بالكمام في الأبيض سامبل وزوينة جاتها بحال شي ملاك وطلقات شعرها ورجعاتو لور مع الميكاب ثقيل وركزات على عيونها هزات ساكها ودارت فيه گاع لي غتحتاج و خرجات فطرات وتاجهات لمدرستها

✩★✩★✩★

داز الوقت وجا وقت خروج وفيروز خارجة لمحات رانا واقفة قدام الشانطي ومن وراها الأستاذات لي كيبقاو حداهم غمزات فيروز وحدة من الأستاذات تخاليها بحدها مع رانا حيث توحشاتها
فيروز :رانااا صافا أحبيبة؟
رانا :وي أنا صافا ميغسي هه
فيروز : هه مزيان كتسناي فباباك إجي إديك؟
رانا :اه غيجي يمكن هو ومامي ادوني
فيروز :مزيان
وفعز حديث ديالهم وقفات طموبيل نوح ونزل غير بحدو وتوجه لبنتو بابتسامة مشات تجري بعندو وتعلقات فيه وهو بادلها العناق ومشا عند فيروز
نووح : سلام صافا ؟
فيروز :وي حمد الله نت والعائلة؟
نووح : الله يحفظك أختي كولشي مزيان مم (شوية هز عينو شاف فيها) واش كنتي مسافرة ؟؟
فيروز : لا كنت فنفس المدينة غير خذيت راحة
نوح (باستغراب ): مم داكووغ …واش روان مجاتش هنا
فيروز :نو مجاتش علاش ات..
رانا (قاطعات هضرة ) :بابي فخبارك جيث أنا بغومياغ فلإكزام والله ههه
نووح( بضحكة ) :ههه برافو أحبيبة
فيروز : الله يحفظها رانا ذكية هه
نوح :(بمزاح) كتشبه لباباها هه
وهوما كيضحكو كانت عيون خارجة منهم الشرارة..كتشوف فيهم كانو كيبانو بحال العائلة فرحانة وهو نار غيرة شعلات
روان (بصوت عالي) : نووح
نووح دار وبتاسم وبدا كيدير باي باي وهي غاذية روان معرف أش وقع حتى خرج عينيه من لي شاف ذاك المنظر لي كيانو ترفع ودنيا دارت بييه..
بقات فيا روان مسكينة 💓💓💓

🔥#الممنوع_المرغوب 🔥
✍إكرام كراميلا ✍
✔بارت 30
فصل الثاني :الأمل 🌼
روان وهي جاية بالفقصة مكتبان ليها والو غير فيروز وكفاش واقفة مع راجلها خافت من فكرة لي جات فبالها عارفة نوايا فيروز خبثين بزاف فعز تخمامها..نسات بلي قاطعة الشانطي وهي تضربها طموبيل

نوح معقلش على راسو خصوصا ملي شاف روان فذاك المنظر.. حط رانا وبدا غاذي كيجري وصل ليها وحط وجها فحجرو

نوح (بحزن وصدمة ) : روان روان حلي عينيك احبيبتي حلي عينيك
فيروز لي شافت رانا كتبكي هزاتها وحطاتها فطوموبيل وتاجهات عند نووح وهي كتبكي كفاش وأشنو واقع ؟؟.. وصلات حلاهم وهي تخرج عينيها روان مرمية فلأرض وعامرة فراسها وتحتها بالدم…

فيروز : نوووح دم دم خاصنا نمشيو السبيطار
نوووح غير كيشوف حتى جاو ناس كيتجمعو هذا هو المغرييب عزيز علييهم تفرااج وتبرگيگ…
نوح هز روان وداها الطموبيل ولقا رانا كتبكي وجات فيروز خرجات رانا وداتها عند نجاة باش تاصل بالعائلة تجي ديها و تبعات نوووح خايفة عليها بزاف
وصلو السبيطار ودخلو روان العملية ونووح اديه مزال فيهم دم حبيبتو وقلبو كينزف وخايف عليها
فيروز بقا فيها ومشات وگلسات حداه

فيروز : نووح ثق فالله راه مغيوقع ليها والو إنشااء الله دابا تفيق
نووح : ايلا ماتت غنموت معاها حياتي بلا بيها ظلاام هي نور حياتي
فيروز (بألم أكبر ) : اكون خير ان شاء الله علاش كتجبد موت ميوقع لها والو متخافش (حطات إيديها على كثافو باش توسيه ) روان متشبتة بيك وبرانا وميمكنش تخاليكم
نوح (بتنهييدة ): حيث عارفة ايلا مشات مغيبقا وااالو
فيروز (بصوت حنين): دابا تفيق وتخرجو من هنا ويتزاد ولدكم و تعيشوو حيااتكم غير متشائمش كولشي غيولي مزيان
نووح (بصوت حزيين) : كنتمنى كنتمنى
“الوجع لا يحتاج إلى حديث طويل، أحياناً تكون نبرة الصوت نصف الكلام”
داز الوقت ومزال روان فالعملية .. وجاو العائلة لي كما وصلاتهم خبار جاو وكاملين خايفين عليها وعلى الحفيد ..
جد :كنتمنا ميوقع لحفيدي واالو ياربي حفظو ليا
فيروز بصدمة بقات كتشوف فيه فعز هاذ الألم كيبان ليه غير الحفيد وناسي أمر وروان ..فعز هضرتها سمعو الباب تحل وخرج الطبيب بوجه بئييس
نووح (ناض اجري عندو) : هضر قوليا كيف بقات هي عايشة
طبيب : للأسف الجنين مقدرنااش نعتقووه تخنق ليها وجاتها ايموغاجي وجسم مريضة أصلا ضعيف بزاف.. زيادة كانت هاملة صحتها وعارفة عندها الكونصير (بحزن) دخلات فغيبوبة الله يصبركم..
فيروز حطات اديها طفمها طوكتبكي كتبكي بقاااات

فيروز حطات اديها طفمها طوكتبكي كتبكي بقاااات فييهاااااا بزاااف متستاهلش هادشي مرض وموت ولدها صعييب ..
نووح (بضحكة وممثيقش) : تهه كونصير وأنا مفخباري والو مرتي كتعذب وأنا مفخباري واالوووووو
الجد : وحفيدي لي ضاااع
نوووح : واش انت كيهمك غير الولد وروان مكتهمكش لي مريضة وداخلا فغيبووبة
“لقد تعذبت في صمت، وتعذبت بعمق ولم يكن يعرف ذلك أحد سواي
#رواان ”

🔥#الممنوع_المرغوب 🔥
✍إكرام كراميلا ✍
✔بارت 31
فصل الثاني :الأمل 🌼
الجد طاح تصدم الحفيد لي كيتسناه ودع الحياة والجدة والأم مصدومة كتبكي والأب مشا ايواسي ولدو ..ولدو لي بقا غير كيشوف مصدوم ….
فيروز طاحت كتبكي مقدراتش تصبر وكتدعي باش تفيق هي مزال متسامحاتش معاها هي غذرتها متستاهلش هادشي متستاهلوش كتقول فهادشي وكتتبكي
أمينة (أم نوح ) : ولدي دابا تفيق إنشاء الله غير يلاه الدار دوش وبدل حوايجك
نوح (بألم ) : أنا خسرت ولدي ومقادش نخسر روان ..روان جزء مني ايلا مشات غتمشي حياتي معاها
فيروز كتسمع لهضرتهم وهي كتشوفو شحال متعلق ومربوط بروان هنا حمدات الله وشكراتو أنها بعدااات حيث نووح من الول ماشي ديالها وعمرووو كان ليها …
~مر يومين بكل أحزانه وبكولشي عائلة شرعات في دفن حفيد ديالهم وقلوبهم متألمة بزاف بزااف فيرووز لي ديما كتطمئن على روان وفما مشات كتلقا بنووح لي كيتسنااا حبيبتوو تفييق … توجهات لسبيطار لقات نفس الأحداث كتكرر هو واقف من وراء الزجاج ..مزال واقف فشرجم وكيشوف فمراتو ورفيقة دربو كتحتضر قلبو حرقو بزاف على المنظر لي كيشوف فيها..كانت كتألم وكتعيش معانات وهو فدار غفلون موقفش معاها موالو…كيشوف فحبيبتو توجهات ليه
فيروز : سلاام .. صافا ؟
نوح : كيف كتشوفي مزال مفاقتش كفاش غنكون صافا ممم ؟!!
فيروز : دابا تفيق إنشاء الله آمين بالله وكون قوي باش ملي تفيق روان تلقاك قوي ماشي مدمر كثر منها
نوح (هز عينيه وشاف فيها ): أمين
شوية وهوما يشوفو الأطباااء كيدخلو عند رواان وكيقادو ليها الدار الطبيب وضحك لنوح لي مفهم واالو
خرج الطبيب …
طبيب : مبرووك علييكم مدام روان فاقت من الغيبووبة
نوح معقلش على راسو عنق فيرووز فدييك الحظة وكيحمد الله أنها فاقت
بعدات فيروز لي حسات بجسمها بحالا تكهرب وضربو ضوو
نوح : نقد نشوفها
طبيب : خمسة دقايق
نوح : واخة
لبسوه لبسة ودخلوه وهو كيشيوفها كتبتاسم ليه توج ليها وهز ايديها وباسها
نوح : على سلاااامتنا أحبيبي على سلامتنااا أخييرااا أخييراا فقتي
روان ( بصوت ثقييل ومتقطع ) : حبيبي.. نوح … رانا ..رانا ديرها فعيني واخة أنا كنبغيك بزااف بزااف …وأنا مرتك وحيدة … أنووح ..
(فعز الحدييث ديالها وهي تشهق خرجات عينيها وآلة وقلبها وقف)
نوح بقا شاد ايديها وهو كيشوف فيها جاو أطباء و بعدوها عليه وغطوها بليزار
طبيب : باراكا فراسك الله يبدل محبتها بالصبر
نووح تصعق وقلبو كيضرب وباغي اخرج كيحس بدوخة ودنيا خاوية وذنيه كتصفر
نوح (ومشا عندها وهو حزين ومتألم حيد غطا على وجها لي شاحب ) : حبيبة متمشيش منقدرش نعيش بلا بيك وعدتيني أنك غتبقاي معايا غتكملي حياتك معايا علاش تمشي؟ (بصوت عالي )علااااااش؟ انت مخاصكش تموت مخاصكش رواان جاوبي جاوبيي؟؟
حيدوها من قدامو وخرجوه من شومبر ومشاو وهو كيشوف فضوء حياتو كتنطفئ مع موت مراتو ضاعت حياتو خرجو من المستشفى
وفيروز لي تصدماات وحساات بأن ختها لي ماتت مابغاتهاش تموت بقات فيها رانا حتى هي كبرات بلا أم حتى هي ملي سمعات موت الأم كانت بحال صاعقة فموت الأم ابشع خبر تسمعه لا حبيب ولا صديق يمكن تعويضها هنا .. فيروز تذكرات أنها كانت اتبعدهم واش عقاب ليها هذا أنها تشوف لي كتبغي معذبين بين عينيها واش عقاب ليها أنها ملي كانت اتفرقهم كانت ايكونو هاكذاااا ..
نووح دخل البيت وهو كيشوف فتصاورها وحوايجها وكولشي ليها نادم على أي وقت داز بعيد عليها مزال مشبعش منها مزال محتاجها ماتت ومات معاها

“يا ليت الدنيا تعود بي إلى أيامك، إلى حنانك، إلى عطفك، يا ليتني أستيقظ في الصباح وأسمع صوتك الحنون الذي تناديني به، يا ليتني أحتضنك وأشم رائحتك العطرة التي أفتقدها بشدة، يا ليتني ويا ليتني ما فقدتك، وما رأيت يوماً مثل يوم وفاتك”

🔥#الممنوع_المرغوب 🔥
✍إكرام كراميلا✍
✔بارت 31
فصل الثاني :الأمل 🌼
“هل تفهم كيف يكون هذا الشعور، لست بحزين، فقط تشعر بالعتمة في صدرك، هل تفهم كيف يكون المرء منطفئاً”
دازت شهراين بأحزانها و عتمتها وبكولشي ليها اكفس شهرين حياة الإدريسي شي حزين على فقدان روان وشي حزين على الحفيد وشي حزين على رانا نووح …
هذا حال الميت ..كيموت وكيخلي ناس كيموتو من وراه صعيب تخيل حياتك من وراه ولكن ديما كاين واحد الأمل لي هو النسيان الجزئي عطاه لينا الله باش نساو ونساو آلامنا ونكملو حياتنا عادي ونعاودو رجعو كيف كنا ونوقفو من جديد…
أما فيروز فهي متخلاتش على رانا حتى دقيقة ..واخة صغيرة و معارفاش بمعنى الموت غير هي إحساس معمرها تشوف مها كفاية يخنقها ..رانا كانت كتهضر غير مع فيروز وهي لي ورجعات البسمة فوجها الصغير كيبقى الصغير مزال متستوعب موت حيث موت حاجة كبييرة …
مشكيلة فالكبيير ..نوووح مرت شهراين وهو غير السكرة وساد عليه فالبيت مكيخرجش بحالا باغي اموت اعاقب راسو حيث ماتت قدامو …
في المائدة الفطور كيفطرو ..ورانا گالسا حدا فيروز لي مكيتفارقهاش
فيروز: رانا حبيبة مالك كولي؟
رانا (بحزن ): توحشت بابا بغيت نشوفو هنئئ واش حتى هو مشا بحال ماما هنئئ ؟؟
الجد : لا أبنتي كاين ..غير هو قالك حزين لي خلق روان خلق غيرها مفهمتش علاش هادشي كامل ؟؟
الجدة : اويلي أش هاذ الهضرة
الجد : كذبت شهراين وهو غير السكرة وساد عليه أشنو باغي اموت راه طراجل اكمل حياتو ويشوف بنتو وعلاش لا يعاود اتزوج أنا باغي حفييد
فييرووز شحال كتكره هاذ الجد بزااف كيهمو غير سميت عائلتو فقط الإنسانية منعادمة ناضت طلعات لبيت رانا حطاتها وعطاتها طابليت وهي تنهد خارجة في اتجاه البيت ..حاسة بنوووح حيث مناسياش كلام روان بلي نووح ضعيف ..
دقات فالباب ولكن لا مجيب وبقات كدق
حتى تحل الباب وهي دخل وريحة الشراب وگارو دنيا كتخنق لقات نووح لي گالس فوق الناموسية ودايرين بيه تصاور روان وعينيه حمريين بكماية وسهير حلات شراجم باش تحيد الريحة
نووووح : سدي شرجم وخاليني بحدي (باستهزاء )ياك شفتيني مزال عايش ؟
فيروز( قربات ليه ) : علاش كتعاقب راسك ممم ؟هذا قضاء الله وقدره خاصك تقبلو وتقول حمد الله انت مغضاربش مع قدر الله مكتوب
نوح :كنحس راسي نعادمت من الوجود مبقا ليا علاش نعيش لي كانت حياتي مشات دونك حياتي معندها معنى

فيروز: مايمكنش ليك تقول هاد الهضرة ونتا على قيد الحياة وعندك بنتك رانا لي كتسناك كل نهار تنزل تفطر وتضخك معاها أشنو ذنبها حتى هي؟ ماتت ليها مها وبقا غير باها أشنو ذنبها تحرم منك أنووح؟ خاصك تنوض على قبل بنتك حيث محتجاك ومحتاجاك بزاف بزاف مخاصكش تستسلم الحياة مزال قدامك أنا حاسة وعارفة موت أخيب حاجة ولكن الموت علينا حق فأشرف خلق الله مات ..(بحزن) روان مشات فين نمشيو كاملين مشات عند الله والله سبحانه وتعالى رحيم بعباده..ماتت نقية فقط طلب ليها الرحمة و المغفرة روان مكانتش غتبغيك تكون هاكذا ولا طيح هاذ الطيحة لي وليتي مدمر
نوح( بحدة) : صافي خرجي علياااا ( بصوت أعلى ) خرجيي حيث انت محاساش خرجي
فيروز (ببكاء ): حاسة…
قاطعها شدها من ذراعها ولاحها ومشا
هي جمعات راسها ومشات حدا رانا لقاتها نعسات وتكات حداها مهتماتش بأشنو دار نوح ..عذراتو حيث ماتت حبيبتو …
نوج سمع هضرت فيروز حيث اثرات فيه وهو مباغي حتى حاجة تأثر فيه باغي يموت توجه الدرسينغ روان وبدا كيقلب فحوايحها حتى لمح رسالة وهزها..توجه الكنابي وبدا كيقراها

🔥#الممنوع_المرغوب 🔥
✍إكرام كراميلا ✍
✔بارت 33
فصل الثاني :الأمل 🌼
“احرصوا على الموت توهب لكم الحياة واعلموا أن الموت لابدَّ منه، وأنه لا يكون إلا مرةً واحدةً، فإن جعلتموها في سبيل الله كان ذلك ربحَ الدنيا وثوابَ الآخر”
وهو كيقرا و الحزن مالي عينيه رسالة كانت من روان لنووح
” نووووح حبيبي وتاج راسي ملي قريتي هاذ الأسطر يعني أنا ودعت الحياة ومشيت منها مبقاش عندي وجود فحياتك وحياة بنتنا … نوح رانا محتاحة ليك محتاجة لأب فجنبها محتاجة رفيق يوعيها متخلاش عليها ..عافاك كنبغيك بزاف وكنتمنى متنسانيش أنوووج متنسانيش وبقا تبغيني غير أنا عافاك عارفة جدي باغي حفيد هادشي علاش خاليت ليكم ولدي تهلا فيه ووعدني أنك متزوجش أنووح عافاك بغيت نبقا مراتك غير أنا كنبغيك وعيش حياتك ولكن متنسانيش ومتخلاش على بنتك
#روان ”
نوح وهو كيقرا وقلبو كينزف كفاش غينسى واش ينسى بنت لي كبرات قدام عينيه انسى حب حياتو انسى أول بنت دق ليها قلبو وعشقها انسى بنت لي مدااتلو اديها ملي كان محتاجها ….
تفكر بنتو رانا واميرة قلبو كفاش قدر يحرمها من حنان الأب هنا جاه كلام فيروز رانا محتاجاه واخة نسياان صعيييب مي خاصو اعيش…
نوووح : كنواعدك منبغي حتى بنت من غيرك أصلا قلبي مات بموتك أروان انت هي حبييتي ومرتي لولا ولاخرااا
داز الوقت
توجه لدوش دوش ولبس حوايجو وخرج ولقا الخدامة تنظف البيت وتجمع حوايج روان تعطيهم وتصاور تخزنهم
توجه لبيت بنتو لقا فيروز وبنتو ناعسين بقا كيشوف فرانا

نووح بهمس :سمحليا احبيبتي ضعافيت مي كنواعدك هادشي ميتكررش
وقف وتاجه لتحت لقاهم ايستعدو باش اياكلو
الجد: اوه اخيرا هبطتي الله يرضي عليك أولدي هكاك نبغيك حياة كتستمر مخاصكش توقف
الام : ولدي اجي تغذا راه شوية اتهبط رانا
الجدة : صارحة خاص نشكرو فيروز بزااف بزاف وقفات معانا وخصوصا رانا عاملتها بحالا بنتها
الام : ممم ولكن متنسايش بلي راها مولداهاش
الجد : حتى أنا لاحظت مقدار تعلق رانا بفيروز وهادشي زاد شجعني على قرار لي غناخذ مهيم تفضلو
نووح كاره جدو لاقصى درجة كاره حياتو ولكن معند ميت ميدير قدام غسالو كيبقاو عائلتو وحبابو ميمكنش انكرهم
سمعو غوثة رانا بابتسامة بريئة
رانا : باابااااااا
مشات كتجري عندو وعنقاتو توحشاتو وتوحشها
رانا : بابي اخيرا جيتي
نوح : اااه ابنتي جيت لعندك انت
رانا : بابي اخيرا جيتي
نوح : اااه ابنتي جيت لعندك انت وليتي هي حياتي بعد ماماك
“طفلتي يا نبضات الفؤاد وخفقان القلب، يا بسمة ارتسمت على شفاه حياتي وزورقاً من حب أبحر في شطآن ذكرياتي”

🔥#الممنوع_المرغوب 🔥
✍إكرام كراميلا ✍
✔بارت 34
فصل الثاني :الأمل
بداو كياكلو فصمت حتى سلاو ونطق الجد
الجد : ولدي نوووح بغيت نهضر معاك أنا كنتسناك فمكتبي
نوووح : واخة إجدي
مشا تبعو المكتب ودخل گلس اونفاص ليه
جد : عارف هاد الهضرة ماشي وقت مناسب ولكن خاصك تزوج أنووح حيث هاكذا تقدر تنسى وأنا ختاريت ليك فيروز حيث رانا مرتاحة معاها ووحيدة لي تقدر تربي حفيدتي وتنسيك فمرتك وتجيب لينا حفيد
نووح (بصعر ) : واش عارف راسك اشنو كتقول اه ههه انت كيهمك غير حفيد مكيهمكش راسي واش مرتاح ولا فرحان طول عمرك أناني وغتبقا أناني وبزاااف على هاذ الحالة
الجد ( بصوت أعلى ) : حتارم راسك من امتا كتهز صوتك على جدك مشفتيش كيف وليتي مقابل غير المرض لا خدمة لا ردمة فين غاذي اه ياإما تقابل خدمتك ولا تزوج أنا عارف مباغيش تزوج ولكن انت تعرف حياتك ( قرب ليه)أنا أصلا عارفك ضعيف متقدرش تنسى اللهم بقا تخدم وطور من شركتنا وحفيد مم ماشي مشكيل بعلاقة غير شرعية ليلة ودوز
نوووح (بصدمة وضحكة استهزاء) : هه فهمتك أجدي مزيان وقرار قراري وكيف گلتي حياتي ماسوق تاحد ادخل فيها فهمتي
خرج من المكتب صااعر بالبياان وافكار كيدوزو فراسو
نوح: مخاصوش ااثر عليا ولا يحطني أمام الأمر الواقع علاش لي منحطهم كاملين ونصدمهم أنا نيت (بمكر)جدي بغيتي تلعب عليا أنا لي غلعب عليك
الجدة لي سمعات كولشي وتبعات نووح لبيتو
الجدة : عافاك اولدي متعصبش راسك هو باغي غير استفزك
نووح : جدة انت عارفة جدي باغي غير ندير خطأ باش ابان بلي هو مزيان وبلي تربية ولادو فالصورة هادشي كامل هو مباغيهش هه فيروز من امتا كيقبل بزوجة يتيمة معندهاش عائلة …و تكون معندهاش املاك وعائلة كبيرة هو بغا ابين ليا ويصيفت رسالة هي فيروز مربية لرانا وميمكنش تكون مرتي فهمتي أجدد (تنهد) طول عمرو كيستحقر فناس وهاكذا دار معايا مع روان ودرت غلظ ولكن أنا لي غنقادو
الجدة : ماديرش شي حاجة تندم عليها عافاك
نووح : متخافيش ( باس راسها ) مهيم ارتاحي انت الميمة كولشي غيتقااد كنواعدك
خرجات الجدة وتوجه لدوش دوش ونشف حالتو ولبس حوايجو وخرج لمرادو….
# أصبحنا واصبح الملك لله
على مائدة الفطور گالسين كيفطرو

الجد : فين هو نووح مبانش ليا ؟ ولا ياكما رجع الحزن ديالو عوتاني
الام : لا الحاج راه مشا لخدمة بكري الله يعاونو ويسهل عليه
الجدة : امين وليدي مسكين
رانا بهمس : ميمة فين مشات طاتي فيروز ؟
الام : راه…
سكتات بداكشي لي شافت واش تكذب عينيها ميمكنش هادشي مفاهماتش ولدها نوح قابط ايد فيروز هادشي مكيدخلش لعقل
الجد (وقف وعائلة كاملة وقفات معاه) : أشنو هادشي أنوووح وعلاش شاد فيد البنت؟؟
نووح : هاذ البنت ولات مراتي ولات كتحمل اسم مدام الإدريسي مراتي أجدي
الجد : كفاااش اش كتخرف ها كفاش تزوجتي وبلا خبارنا وتزوجتي بهاذي
الام : نووح أشنو درتي واش متتوبش ها فالول سمحنا ليك مي فاثانية لالالا ملي باغي تزوج نشوفو ليك بنت شي عائلة معروفة واش حنى عندنا دار الأيتام لي يتيمة معندها لا والدين لا عائلة لا والو..كفاش كتفكر ها ؟؟
فيروز كاامها بحال السهم دخل لقلبها طلقات من ادين نووح ودموع فعينيها مي نووح شد ايديها وقبطها مزياان
نوووح : واليدة مرتي هاذي وخاصك تحتارميها بتداءا من اليوم حترام فيروز من حترامي وأي كلمة كتوجه ليا أنا لأول فهمتو واجب احترامها وهاذ كلام موجه ليكم كاملين

قال هاذ الكلام ومشاو طلعو ا لفوق لبيت نووح وصلو وفيروز دموع فعينيها رفض حاجة خايبة بزاف
نووح : گلسي أفيروز مهيم عقلتي على الهضرة لي قلت ليك مم ؟
فيروز : اه عاقلة مزيااان
#فلاش_باك 🔙🔙
#يتبع 💋💋
كبيداتي فصل الثاني غنتوادعو معاه احححح القصة عاد غتبدا 😍😍 دونك تفاعلو 🙄🙂

Leave a comment