Skip links

قصة : الممنوع المرغوب 1

 3,454 عدد مشاهداات

🔥#الممنوع_المرغوب 🔥
✍إكرام كراميلا
📍بارت 1
📌 فصل الاول :لعنة_حب
لا أعــــــــــــرف كيف أو متى أحببتك ؟
كل ما اعرفه أنني أتنفسك عشقا .. أشتاق اليك في كل ثانية و دقيقة، أتدري لمــــــــــــــــــــــاذا ؟ .. لأنك روحي و الجسد لا يمكنه ان يعيش دون الروح .
أنت عالمي أنت وطني في بعض لحظات جنوني أحاول أن أتحرر من قيود حبك وأن أنسى أشواقي واحتياجي اليك ..!!
ولــــــــــــــــكني اجد نفــــــــــسي أموت مئات المرات وأنت بعيد عني ..!!
أنت شمسي، فشمس النهار تغرب بالليل ولكن شمس القلوب ليس لها غروب ..
لا أذكر كيف و متى أحببتك..!! لا أذكر حتى أني بحثت عن حبك..!! لا أذكر أني في يوم دونت في فكري خيالك..!! كل ما أذكره أني وجدت نفسي تائهة في صحراء قلبك..!! غارقة في شوقي إليك..!!
هائمة في صوتك..!!
هل أحببتك عندما أبحرت عيناي في عينيك ؟
هل أحببتك عندما أطربت أذناي بصوتك الدافئ ؟
هل أحببتك عندما حضنت قلبي وبحتُ له عن عشقك ؟
متى أحببتك لا أعلم متى ؟
ولكني أعلم أني احبك أحبك و أحبك .. بعدد ما نزل على الأرض من زخات المطر أحبك و يفيض قلبي بحبك .. كلما أشرق علي الفجر أحبك ويمتد حبي لما وراء هاته السماء لسموات أوسع وأكبر..!!
لا تنتظر أن ترانى أردد تلك الكلمة “أحــــــــــــــــبك”
فحبي لك لن تعبر عنه كلمات فحسب حبي كلمه ونظرة ونبض قلب يعشقك
أرأيت وعرفت مدى جنوني بحبك ؟
جنوني سحر و حبي عاصفة
وعشقي رياح تعصف بي و تقذف بقلبى إليك
فلا تسألنى متى أحببتك ؟

🔥#الممنوع_المرغوب 🔥
✍إكرام_كراميلا ✍
📍بارت 2
📌 فصل الاول :لعنة _حب
في مدرسة كبيرة كيقرا فيها غير شكون و شكون ..هنا كتعرف من كنيت باك كحترمونك بمقدار ما تملك في البنك هنا لغة المال لي كتكلم…
واقفة شابة في 27 سنة من عمرها وجه بشوش و مريح جمال عادي ولكن مميز.. بالباس الأسود فستان قصير بالون أسود شيك للعمل كتشوف فالتلاميذ بنظرتها المعتادة لي مخلطة بين الجدية والحنية “فيروز رشيدي” من نسب عائلة ثرية.. التلاميذ أمامها مع معلماتهم تعليم
فيروز (بصوت حنون ) : بون كوغاج ميزونفو لي لقا أي بغوبليم أنا هنا كيف ديما
بداو التلاميذ تيبتسمو ليها وعلاش لا وهي محبوبة گاع الأطفال ناهيك على تعامل الخاص لي كتعاملهم حيث كيحطو فلوسهم ..
فيروز (موجهة كلامها لنائبة ديالها ) : ملي اكملو شوفيلي شكون لي مجاش باش نطمأنو عليه
نجاة : داكوغ
مشات فيروز لمكتب ديالها كبير واسع و نقي ومرتب فيه جمييع الملفات التلاميذ و حتى ملفات عائلتهم مشات نيشان هزات ملف لي قريب لقلبها لي كيخلي قلبها ديما كيرفرف هزات ملف ديال “نوح الإدريسي” اسم لي بحد ذاتو كيخاليها في بحر الأحلام وظلمات ..بحر تخاف تغرق فيه ولكن هي معارف بلي راها غرقات حتى للقاع ومكين لي اعتقها.. كتعيش بين الخيال والواقع بين عالمين بين عالم الأحياء و عالم الموتى هي في عالم كتعيش فيه بحدها هاذ العالم هو فين كتنسج من خيالها لحياتها..

🔥#الممنوع_المرغوب 🔥
✍إكرام_كراميلا
📍بارت 3
📌 فصل الاول :لعنة_حب
وهي فالعالم خاص بيها.. عالم الحب والعشق والهيام سمعات دقان في الباب مكتب ديالها …
فيروز (برزانة) :وي اونطخي
نجاة مدات ليها ملف : هاذي دو جوغ رانا الإدريسي مجاتش
على إثر هاذ سمية حلات عينيها وقلبها تيدق
فيروز (بثوتر) :احم الإدريسي وهاذي يوماين مجاتش علاش لبارح مقولتيهاش لي؟
نجاة :ديزولي مي مبغيناش نبرزطوك بزاف

فيروز : (بعصبية)لا برزطوني الالة آخر مرة كتفهمي نبغي كولشي نعرفو داكوغ يمكن ليك تخرخي أمدام
بقات كتشوف فيها حتى خرجات من المكتب وهي ترسم ابتسامة على الشفين ديالها وعينيها لمعو بشرارة العشق.. وعلاش متفرحش وهي غتسمع صوت حبيبها ..صوت لي طالما أصبح نغمة موسيقية على الأذن ديالها صوت تقدر تفرزو بين مئات الأصوات حيث فالأخير هو صوت آسر قلبها..خذات هاتف ديالها وتاصلات برقم مكتوب فيه “العشق المستحيل ” محتافظة بالرقم ديالو من الملف شخصي لبنتو وهاذي حاجة ساهلة أنها تاخذو صونات عليه وهي كنتظر وما أصعب الإنتظار!!
صوت غليظ وبحة رجولية :آلو
غمضات عينيها وعضات على شفايفها

“عندما سمعت صوتك حبيبي
لم اعد اتحكم بمشاعري
عندما سمعت صوتك اهتز كياني
ارتعد قلبي وعجز لساني
اهذا صوتك ام صوت من عالم تاني؟؟”
نوح (بعصبية): شكون معايا ؟
قفزات وتنفست مزيان وجوبات : موسيو نوح الإدريسي بونجوغ صافا؟ معاك مدموزيل فيروز رشدي دغكتغيس ديال ليكول الإشراق توصلنا بلي ابنة ديالك مجاتش هاذي يوماين و تشوشنا عليها (عضات على فمها)كيف كتعرف تلاميذنا بحال ولادنا ومعزتهم كبيرة فقلوبنا
نوح:احم بونجوغ مدموزيل رشدي هاذ النقاشات تناقشيهم مع مها ..أنا ممساليش مرة آخرى تاصلي بمدام ديالي

قمعة قوية 🙆
🔥#الممنوع_المرغوب 🔥
✍إكرام كراميلا ✍
📍بارت 4
📌 فصل الاول :لعنة _حب

فيروز :(سرطات الريق ديالهاوضغطات على إديها حتى حمارت)ديزولي أمسيو اوطخ فوا نتكلمو مع مدام ديالك بون جوغني مسيو الإدريسي
نوح :با كغاف وليك
وانقطع لخط بيناتهم وتمنات الهضرة طول تمنات الزمن يوقف على صوتو ولكن التمني كيبقا تمني ميمكنش ليه اتحقق…
فيروز : اااه نوح بغيتك كثر من راسي ربطت سعادتي بيك أنت بوحدك لي قادر تخليني أسعد وحدة فالعالم و أنت نيت قادر تخليني أتعس وحدة فالعالم أنت نقطة ضعفي لي كنحاول نقويها.. كنت كنظن بلي الحب ساهل ولكن لقيتو صعيب بزااف معرفتش كفاش وقع حتى طحت فشباك مي بغيتك بلا منحس والسؤال لي ديما فبابي هو إمتا بغيتك ؟؟ واش نهار هضرتي معايا ؟ ولا جمالك لي كيخليني نذوب بحال قطعة جليد فالنار ؟ولا رجولتك مفقودة فهاذ زمان ولا تعاملك زوين لي كتعامل بيه مراتك و بنتك؟؟ أخ شحال كنحسدهم حيث كنشوف فعينيك وعينيهم بلي هوما أغلى حاجة عندك مكرهتش نكون فبلاصتها كلمة حسد وغيرة قليلة بداكشي لي كنحس بيه ..نتا هو كلشي فحياتي نهار دخلتك لقلبي حلفت مايجي حتى واحد فبلاصتك أنا ختاريتك نتا أوبغيتك نتا أنوح أنت ديالي بحدي
~~~
في شركة كبيرة أكثر من 10طوابق كلها زاج ومكتوب بخط ذهبي جميل وباتقان حرفيين سهرو عليها ولما لا وهي شركة “الإدريسي” في مكتب تيفوح منو رائحة الرجولة ورائحة االأمان رائحة لي ولات قليلة فمجتمعنا.. “نوح” ووريث الشرعي لأملاك الإدريسي ووحيد أبويه ولدوه على مشقة كبيرة كان هو فرحتهم أولى وآخرة ليس بمدلل ولا العكس إنه أسد ابن أسد نوح الإدريسي 35 سنة صاحب أكبر سلسلة شركات العالمية لي وارثهم من جد لجد طالما كان وهو الموضوع المتداول فجميع الشاركات متنافسة لي كيخطو كفاش اطيحو اسم الإدريسي و صاحب العضلات مثيرة فاتنة مطراسية و كتافوو عراض وواسعين بزاف طوييل جسم رياضي ورشيق ومتناسق بامتياز وبزيو الرسمي الكومبلي دائما بالوان غامقة مثل الفحم ونظارات شممس سوداء هاذا دال على رجولتو وكاريزما الحذابة لي كيمتاز بيها
..حروفو كحليين حجبانو لي دل على الأصول عربيةو عينيه سودتين مثل سواد ليل ويتميز بالشفار الكثيفينو لحيتو المطراسية لي ديما كيخاليها خفيفة …

الممنوع_المرغوب 🔥
✍إكرام_كراميلا
📍بارت 5
📌 فصل الاول :لعنة _حب
نوح ملي عيطات عليه فيروز شوشاتو وهادشي علاش قرر باش اعيط لمراتو وحبيبتو لي كانت ومزالت عشق حياتو من صغر وهوما كيبغيو بعضياتهم…
روان قاديري بنت عشرنيات من عمرها 27عام كانو جيران ووالديهم صحاب وملي ماتو والديها تزاد تقرب ديالهم.. ملي هز عينيه وجاو فعينيها تكتبت ليه وتكتب ليها حب من أول نظرة
” آه من العيون، وفعل العيون إنّ لها في القلب جرحاً لا يبرأ، ومحبة لا تفنى”
هاكذا تزوجو وولدو بنت مثل الزهرة طبق الاصل من الام.. قد كانت جميلة جمالا لم تقع العين على شبيهتها ساحرة معتدلة القوام انفها الرقيق صغيرشعرها مثل برتقال ينسدل فوق كتفيها خفيفة رشيقة مثل فراشة ترفرف عيناها لوزيتان بهما كل الالوان البرتقالي والبني والاخضر يتبدلون أخذت الجمال وفتنة من الام الا أن شخصيتها القوية من الأب وحبيبها الاول ..يقولون أن البنت ترزق بحبيب حنون واحد في حياتها هو الأب
هز هاتف ديالو وصونا على روان
روان :الو حبيبي بخير
نوح :وي عمري بخير أنت صافا؟ رانا كولشي مزيان حبيبتي مديرة هضرات معايا(بجدية) أشنو واقع لرانا علاش ممشات هاذي دو جوغ واش واقعة شي حاجة ممم؟؟

يسرى من الله 🔥#الممنوع_المرغوب 🔥
✍إكرام كراميلا ✍
📍بارت 6
📌 فصل الاول :لعنة _حب
روان بثوتر :لا حياتي والو غير فشوش مبغاتش وأنت كتعرف جدي متيخصرش ليها خاطرها و نسيت مقولتهاش ليكول ديالها ديزولي انعيط عليهم
نوح :داكوغ إحبيبي مهيم عندي بزاف دالخدمة غذا غنكون عندكم إنشاء الله تهلاي فراسك بيزو ليك و لأميرتي
روان :الله معاك بب جوطيم
تقطع خط وروان عاد تنفسات دارت عند امراة كبيرة في السن مي مهلية فراسها وكأن الزمن لم يغيرها شعرها الاسود وعينياها سودويتين كبار #امينة” ام البطل ”
روان :اااه أماما قلبي كان غيسكت والله غذا جاي أشنو غنديرو والله لدوزها خايفة غيقتلني
امينة : اعوذ بالله أبنتي حماقتي قتيلة گاع حنى مابغيناش نشغلوه ونبرزطوه و هو عندو بروجي مهم ايسالي وانفهموه طاحت تهرسات من ايديها مكتاب ليها مالك أنت باغاها ليها راه بنتك حتى أنت
روان : مي أماما أنت عارفة غولاسيو لي بين نوح ورانا راه والله حتى يتقلق عليا و أنت عارفاه
امينة : ميوقع والو حتى أنت متخافيش و متبرزطيش راسك
روان : اييه اماما منتبرزطش سيغتو فشي حاجة كتخص رانا اودي الله ادير لي فيها الخير مهيم نقولها ليكول
امينة : واخة أحبيبتي
روان هزات هاتف ديالها وعيطات على مديرة مؤسسة الاشراق
روان : بونحوغ جوسوي مامون ديال رانا الادريسي
فيروز برزانة : وي مدام الإدريسي تشوشنا على رانا وعيطنا على باباها مي مقال لينا والو أشنو واقع أمدام؟
روان : داكوغ رانا مهرسة من اديها ومتقدرش تمشي ليكول
فيرووز : اوووه مايكون عندها باس امدام أنا غنجي نزورها رانا من تلاميذ مقاربين ليا وعزيزة عليا بزااف بزاف
روان :مرحباا بيك احبيبة رانا اتفرح
فيروز : لهلا اخاطيك امدام بخصوص دروس ديالها انكون انا مسؤولة على دروس لي دازوها انجيب ليها دروس ونراجع معاها
روان : اااه ربي اخاليك احبيبة من لطفك والله وتشرفت بيك امدموزيل ممم اشنو بان ليك تجي عندها فوقت لغذا مرحبا بيك
فايروز بصدمة وفرح : لهلا اخاطيك امدام انكون عندكم وليا شرف
قطعت معاها
امينة :بنتي شكون ايجي عندنا
روان :مديرة ديال مدرسة مسكينة قالت لي اتجي تزورها وتجيب ليها دروس لي ناقصينها
امينة : ممممم مزيان مرحبا بيها مهيم انوض نشوف اشنو كيوجدو فلغذا
روان : واخة اماما انا انمشي عند رانا

ناضت روان لبيت أميرة ديالنا صغيرة كانت غرفة جميلة مربعة شكل واسعة يتوسطه سرير من الخشب الرفيع فوقه حشية كبيرة سميكة كساها غطاء مزركشة بلالوان انوثة الزهراء وحمراء يحيط بالسرير خزانتان صغيرتان فوقهما مزهريتان على يمين السّرير خزانة كبيرة لملابس بكل انواع لصغيرتنا لي كتحماق على لبس وشياكة تتوسّط الجدار المقابل للسّرير نافذة كبيرة من الزجاج زهراء اللون أسدلت عليها ستائر تكاد تلمس الارض
دخلات لقات صغيرتنا متكية على سريرها كالأميرات وحاطة قدامها طبلة صغيرة حاطا فيها ايديها مهرسة وجنبها محطوط لابتوب واقف اسهل عليها تفرج دون تعب
روان : حبيبتي كيف بقيتي شوية مكتقصحيش
رانا : لاء انا مزيانة امامي بزااف مي توحشت ليكول ديالي وطاتي فيروز
روان قوست حجبانها : شكون طاتي احبيبة واش مديرة
رانا : اه امامي هي قريبة لي بزاف وعزيزة عليا والله
روان : حتى هي عزيزة عليها .هي اتجي تغذا معانا ليوم باش تشوفك
رانا : بصح امامي اووه توحشتها بزااف

🔥#الممنوع_المرغوب 🔥
✍إكرام_كراميلا ✍
📍بارت 7
📌 فصل الاول :لعنة_ حب
عند فيروز لي ممتيقاش بلي غتمشي لڤيلا ديال الإدريسي غتشم ريحتو لي تما تقدر تشوفو تقدر ابتسم ليها الحظ مجرد هاذ الأفكار زادت فسعادتها..كسر ايد طفلة غيحلو ليها بزااااف البيبان لي غتكونو مفتاح سعادتها ساست راسها من الأفكار باش تهتم بخدمتها
بعد مرور 3ساعات وصلات 12:30 وهاذي وقيتة خروجها مشات عند الأستاذة و خذات گاع الدروس لي اتقري هاذ السيمانة باش تراجع معاها قادات مكياجها ورشات من عطرها المفضل وركبات فطموبيلتها ط رونج روڤر بلون الأبيض…
وتوجهات لمنزل معشوقها وصلات ڤيلا كبييرة وعلاش لا وهي ڤيلا ديال الإدريسي.. حلو عليها الباب واو اشجار دايرين بيها من كل مكان و ونزلات.. توجهات ال لباب أصفر مرصع بحجيرات برااقة تجذب ناظرين صونات بدون متسنا كأن خادمة كانت كتنتظرها حلات عليها
خادمة : بونجوغ لالة أنت آنسة فيروز ؟
فيروز : وي أنا
خادمة : تفضلي معانا مدام روان كتسناك
دخلات الڤيلا أقل ما يقال عليها جنة على رفاهية وتابعت بعيناي خضروتين وهي تتجول في صمت للسقف العالي بإعجاب ..وعيناها تنظر إلى ذاك الجزء العلوي الأثير الذي يجعل خيالك يسرح في كم الكنوز الذي يدل على فخامة وثراء ساكنيه بقاو غاذين فواحد كولوار كبير بالبيض حتى دخلت الصالون كبير واسع مصبوغ بالون كلاسسكي أبيض ومرصع بالذهبي بيه أحجار مرصعة وبراقة المهم فخامة المنزل لا تعلي على فخامة القصوور..
روان تقدمات ليها مدات ايديها : بونجوغ مدموزيل تفضلي
فيروز : ميغسي مدام
گلسو فوق فوطي بالون ابيض
فيروز : داركم زوينة بزااف كتحمق سبحان الله رتاحيت فيها
روان : ههه ماشي إنت أول وحدة تقولها مرحباا بيك فأي وقت
فيروز : مهيم أنا غنبقا نجي عند رانا باش راجع معاها خصوصا قربو الإمتحانات لي كاينين فشهر الجاي تكون ضبطات أمورها وتكون قادرة تختبر راسها
روان : كنشكرك بزااف أحبيبة والله رانا غتفرح وهي متشبتة بقرايتها
فيروز : رانا كنعتبرها بنتي وهي عزيزة عليا بزااف
روان : ربي اخاليك حتى بنتي عزيزة عليها
فيروز : واخة نمشي نشوفها توحشتها بزاف
روان : واخة ساميحة غتمشي توصلك لبيتها أنا غنمشي نشوف لغذا اديرو بحسابك
فيروز : ميغسي مدام
روان : هه بلاش من هاذ رسميات عافاك غير روان كافية خصوصا أنت ماشي غريبة دابا راك من عائلة وصديقتي
فيروز : ليا شرف أحبيبتي روان نكون صديقة بوحدة بحالك

🔥#الممنوع_المرغوب 🔥
✍إكرام_كراميلا ✍
📍بارت 8
📌 فصل الاول :لعنة _حب
روان عيطات الخادمة ساميحة ومشات معاها .. حتى وصلو الجناح
فيروز : حبيبة بغيت نسولك واش هاذ الجناح كاينة فيه غير رانا بحدها
ساميحة : لا ألالة كاين بيت والديها وبيتهها حيث الجناح ديالهم خاص وتحت منهم جناح الجدة والجد العائلة والفوق كاين أب وأم سيدي نوح و لفوق گاع كاينين عم سيدي نوح وعائلتو مرتو وبنتو مي مكيكنوش ديما بحكم بنتهم كتقرا فبارا
فيروز بتاسمات عارفة خادمات كيموتو على حديث العائلة : ممم سيدك نوح معندوش خوت
ساميحة : لا ألالة هو بحدو هو الحفيد وحيد لي كاين كيف كتشوفي حتى من لالة ولدات غير بنت مهيم هاهو بيت رانا تفضلي
فيروز : صافي أحبيبة غير سيري أنا بغيت ندير ليها مفاجئة بقدومي هه
مشات الخادمة فحالها فهي تبتسم بشر وبعدات من البيت رانا.. وتوجهات لبيت لي باين ديال روان ونوح ..قربات ليها وحلاتو وحلات معاه فمها بيت دفيئ وجميل ومريح بزااف بالون الذهبي فاخر وسرير كبيير في الوسط… ياللحظ مكرهاتش تكون ديالها وهاذ السرير يكون هو لقاء جسديهم في الليل دخلات ضورات راسها بان ليها درسينغ ديال الرجال توجات ليها مع ابتسامة ولما لا وهي ملابس محبوبها تقدمات وهزات شوميز بالون الأزرق وحطاتها على أنفها ويا لتلك الرائحة جميلة مفعمة بالرجولة ..
اشتم رائحتك
من بين رحيق ألازهار
الله ما أجمل رائحتك
أنها رائحة ملاك
إن عطرك يهب لي الحياة
إني اتنفس من عطرك يا سيدي
لو قطع هذا العطر عني
اعلم باني سوف ارحل عن
هذه الحياة….
هزاتها كتشم ومغمضة عينيها شوية رجعاتها لبلاصتها و نساحبت بهدوء من مكان وتوجهات لغرفة صغيرتنا دقات وستأذنات بالدخول
رانا بذهول : طاتيي فيروز توحشتك
فيروز قربات ليها وعنقاتها حيث هي جزء وقطعة من روح روحها
فيروز :حتى أنا أحبيبة طاتي
بقات معاها وعطاتها تعليمات ديال دراسة وبلي غبقا تجي لعندها..فرحات صغيرة بريئة بهاذ للخبر دون علم منها أنها وسيلة.. للقائه جات روان وعيطات عليهم باش اتغذاو
دخلات جردة كبيرة ليتفوح منها رائحة الازهار خصوصا رائحة زهرة الاقحوان هزات عينيها لقات رجل كبيير في السن عرفاتو الجد صالح ولي حداه هي الجدة زهرة هوما مرأسين الطبلة وجنبهم رجل ستيني فالعمر هو أب بطلنا طاهر جنبو مرتو أمينة
گلسات جنب روان واونفاص ليها رانا شافت فالجد والجدة ومقابل معاهم كرسي خاوي ااااه هو مكان حب قلبها يعني مكانتو فالعائلة كبيرة وإلاا علاش غيترئس المائدة
ااااه هو مكان حب قلبها يعني مكانتو فالعائلة كبيرة وإلاا علاش غيترئس المائدة بتاسمات حيث عرفات قيمتو الكبيرة عندهم ..بقات كتشوف فكل واحد وكتمعن فيه نقولو كتستكشفو باش تعرف تعامل معاه..هنا خطط الشيطانية بداو كيطيحو فراسو..فكرة مور فكرة خاص غير تطبقها ركزات الشوفة فروان ورانا وخصوصا فروان خاص أي طريقة لي تبعدها من طريقها ومتبقاش فحياتهم ولي غتساعدها هي بنتها رانا حيث كلما تقربات من رانا غتقرب من روان دونك غتقرب من نوح وهنا غيسهال عليها تشدو بإديهااا….

🔥#الممنوع_المرغوب 🔥
✍إكرام كراميلا ✍
📍بارت 9
📌 فصل الاول :لعنة_حب
بداو كياكلو في صمت…حتى سلاو وبقاو مجمعين في گلسة من غير رانا طلعات ترتاح ..جلسة مليئة بجو العائلة دفيئة لي نقرضات هاذ الجلسة الجدود و الأولاد والأحفاد مجموعين.. ترابط العائلي مكاينش لي غيفرقهم يعني عائلة متمسكة ..ساد الصمت حتى تكلم الجد صالح
الجد صالح : مرحبا بيك أبنتي قالت لي بنتي روان عليك وبلي غتعوني رانا على دروسها وهادشي مكيديروهش بزاف
فيروز : رانا عندي غالية وعزيزة وهذا واجبي
جدة : أشنو سميتك أبنتي؟؟
فيروز : أنا سميتي فيروز رشيدي
طاهر (بذهول) : واش أنت بنت أمين رشيدي ؟؟الله يرحمو كان من أحسن رجال الأعمال
فيروز (بخنقة ) : أمين ياربي
امينة : أووه بنت صغيرة يوقع ليها هاكذا راه بزاف (شافت فيها)كنت قريت على كفاش والديك دارو كسيدة و مااتو وتأثرت بزااف و تباركا الله عليك كونتي راسك براسك

فيروز : كنشكر والديا لي خلاولي باش نعيش و أسست مؤسستي
أمينة :إيوا فين هوما عائلتك واش عايشة بحدك أبنتي ؟؟
فيروز سرطات ريقها والسخانة بدات كتطلع ليها حسات بخنقة..عتقتها غير روان وكلامها
روان : صافي سدو الموضوع (شافت ففيروز)حبيبة مرحبا بيك عتابري هاذي دارك
فيروز : لهلا اخاطيك حتى نتوما مرحبا بيكم فداري المتواضعة(وقفات) مهيم أنا غنمشي غذا إنشاء الله غنجي عند رانا
روان :واخة أحبيبة مرحبا بيك
أمينة :الله اعونك أبنتي
فيروز :أمين شكرا
خرجات فيروز وعينيها عامرين بدموع
فيروز (ركبات فطموبيلتها وبدات غاذية): هنئ اااه أماما اااه أبابا فين خالتوني فين ومعا خلتوني ؟؟كتيتشفاو فيا مسكينة هي أنت أنا قسحت راسي وقلبي باش حتى حد ميعرف ضعفي ولا يشفق عليا بنيت مستقبلي و خليت للماضي ورايا .. نسيت موتكم باش نقدر نعيش ولكن علاش ديما تيبغيو افكروني الناس علاش ؟؟أنا قوية بلا بيهم مساكن هوما نتوومااا …
~~~

ابراهيم : بقات فيا مسكينة صعيبة اموتو ليك والديك فنهار واحد
روان (بتأثر كبيير ) : اااه بزااف گاااع عزاات عليا مسكينة بزااف
شوية سمعو صوت لي مكانش على البال..
نوح (بحة رجولية وصوت غليض شوية ): سلام وعليكم
روان بلا هواها وقفات وخرجات عينيها وحتى من مو وباه بداو غير كيضورو فعينيهم أما الجد والجدة فبقاو على طبيعتهم..
تحنا سلم على جدودو بيد وعلى والديه شوية وهو يركز الشوفة على حبيبتو لي توحشها بعنااق حاار وهمس ليها في أذنيها
نوح (بهمس ) : توحشتك أبب
روان : ياك قلتي لي غتجي غذا علاش ليوم ؟
نوح (هز حجبانو وملامح الغضب ظهرات عليه): أنا تنقولك توحشتك أنت كترادي معايا فالهضرة ساليت شغلي جيت عندك شي مشكل ؟
أمينة دخلات باش ميتوضش الصداع وغمزات روان باش تسكت
: مرحبا بيك أولدي توحشنااك غبرتي تلتيام بزااف علينا
نوح : حتى أنا مهيم غنمشي نشوف أميرتي
بقاو غير كيشوفو فبعضياتهم حتى تكلم الجد
جد : ولدي نوح فغيابك وقع مشكيلة بسيطة لي كيوقع لگاع لبدراري الصغار
نوح :شنو واقع ؟؟
الجد : رانا كانت نازلة من الدروج وهي طيح وتهرسات فإديها
نوح (خرج عينيه وبغضب كبير ) : كفااش؟! (شاف فوالديه وروان ) علاااااش أناا مفخبااريش ؟ بلا متقولولي مبغيناش نبرزطوك لاا برزطوني بنتي هاذيك كتفهموو الخدمة كتسنا وكتعوض بنتي لي لااا
(ركز الشوفة فروان) حساابي معاك من بعد وليتي تخبي عليااا
طاهر : ولدي حنى لي قلنا ليها متقولهاش ليك باش متشوش و أنت بعيد فكرنا فيك كثر
نوح بغضب شاف فيهم ومجوبهمش شاف فروان بحركة بعينيه و الشرارة كتخرج من عينيه بكثرة الأعصاب باش تبعو ..ملقات مادير وهي تبعو وكتدعي فخاطرها حيث أكثر حاجة كيكرها نوح هو الكذوب..دخلوا البيت ديالهم
نوح( بغضب وجدية ) : عارفني مكنحملش الكذوب وتحرميات بزااف يااك؟؟ وإنت أشنو درتي كذبتي عارفاني مكنقدرش نعاقبك باش تعلمي هادشي علاش طلعت فوق الراس مي هاذ المرة كثرتي أشريفة
روان :(ببكاء ) هءهء أنا مكنتش قاصدة أحبيبي والله خفت عليك وقلت بلا منبرزطو دابا يعرف من بعد عافااك ماديرش هاكذااا
نوح :(تنهد) مي هاذ المرة كلامي مغيجيش على كلامك حيث كذبتي فالموضوع كيخصنا بجوج فهمتي
روان (شدات ايدو و عينيها عامرين الدموع ): مديرش ليا هاكذاا عافاك أنا خفت عليك والله إحبيبي عافاك منقدرش منهدرش معاك
نوح ( نثر اديه من ايديها ) هضرة سلات
وخرج من البيت وتوجه لعند أميرتو ولذة كبيدو وطفلة ديالو…
نوح حل الباب لقا رانا كتراجع الدروس وايديها محطوطة ضرو قلبو وخاطرو عليها..وعلاش لا وهي قطعة من قلبو وروحو ؟
نوح : أميرتي
رانا بفرحة توجهات عندو هزها وهو مكايس لاديها وعنقها وكيشم رائحتها لي بحال المسك
رانا : بابي جيتي توحشتك بزااف بزااف
نوح : حتى أنا أبابا
بقا مع بنتو فالبيت وحت العشا ..تعشا معاها بلا ميهضر مع تاحد وروان كتبكي فبيتها ومبغاتش تعشا ..

🔥#الممنوع_المرغوب 🔥
✍إكرام كراميلا✍
📍بارت 10
📌 فصل الاول :لعنة_حب
جا يوم جديد لابطال دياولنا
فيروز لبسات لباسها شيك سروال مع شوميز اسود مخشية فسروال ومونطو خفيف بني مع ساك بنفس لون وشعر عادي مطلوق على كتفيها مشات مؤسسة ديالها وسالات شغلها وعيطات لروان باش تخبرها لمجيئ ديالها توجهات لسيارتها لطريق منزل روحها
وصلات ستقببلوها وطلعات عند رانا
فيروز : رانا حبيبة رجعتي داكشي لي قلت ليك ياك
رانا : اه اطاتي راجعتو مزيان وبابي حتى هو راجع معايا وقالي بلي انا قوية حيث واخة مريضة كنقرا
فيروز : اه احبيبة بابي عندو صح انت قوية بابي جا لبارح فين هو دابا
رانا : اه جا ومقلق حيث مامي خبات عليه بلي انا مريضة وهو غضب ولبارح بقا معايا ونعس حدايا
فيروز تخربقات ونفسها تصاعدات واش گالسة في نفس مكان لي كان ناعس عليه شوية
تحل الباب وسمعات خطواتو وشمات ريحتو لي سابقاه بلات شفايفها وحسات بدقات قلبها وهوما كيخبطو..جسمها بدا كيسخن وفنفس الوقت القشعريرة كتسري فيها إحساس فشكل كيمتلكها فكل مرة كتلمحو أو تسمع صوتو… حيث فالأخير هذا إحساس الحب…
رانا : بابي أجي سلم على طاتي فيروز
فيروز توثرات وزاد ضربات قلبها لدرجة حسات بقلبها غيوقف وروحها غتطلع..

نوح : (باس بنتو فجبينها )حبيبة باباها (دار عند فيروز ومد ايدو ليها) مرحبا بيك
فيروز قفزات ووقفات باش تسلم عليهو بدات هازة إديها نحو إديه وهي كتحسها ثقيلة عليها…أخيرا وصلات لإديه وهي تلمس يدو الحرشة ايديها الناعمة
” لقد لآمست يدك اليوم أطراف يدي بدون قصد
فتحوّل كل جزء مني إلى بركآن “نبض”
ارتعشت يديّ لهفة
و تمنيت لو توقف الزمن لحظة لمستني يديك
أما بعد…
تساءلت حتى شابت فيّ الإجابات !
أ تراك لمست يدي أم قلبي؟”
نوح: ميغسي بوكو بُوغْ المجهود لي كادريه مع رانا عودات لي مها كولشي فغيمو ماشي كولشي بحالك أمدام فيروز
فيروز :(بابتسامة جذابة وصوت رقيق وزادت رقاتو)مادموزيل فيروز
بطلة عندي شيخة حشاكم 🙂🙂

🔥#الممنوع_المرغوب 🔥
✍إكرام كراميلا ✍
📍بارت 11
📌 فصل الاول :لعنة_ حب
نوح( بابتسامة جذابة): مشرفين بيك أمدموزيل
فيروز ( بوجه مليئ بالحب) : ليا شرف أموسيو
نوح :ميغسي مرة آخرى على هادشي لي كاديري مع بنتي
فيروز :نو راها غالية بزاااف عندي
نوح :داكوز نخاليك دابا عتابري دار دارك
فيروز : (بتحلوين)ميغسي
خرج نوح من البيت وعطر ديالو كيفوح فالشومبر..وملمس اديه مزال كتحس بيه فإديها تهندات وغمضات عينيها هاذي هي فرحتها وسعادتها كتلخصهم بإسم واحد هو “نوح الإدريسي ”
رانا :طاتي بقاي معانا حتى تعذااي سيلڤوبلي
فيروز( بابتسامة) :ههه ميمكنش ليا والله خاصني نمشي مهيم غنمشي عند ماماك باش تراجع معاك هاذ بارتي وغذا نعطيك تخدمي ليكزام داكوغ
رانا : داكوغ
خرجات فيروز وتوجهات لبيتهم حتى سمعات صوت حبيبها تم وهنا وقفات وبدات كتسمع…
نوح:روان مكنبغيش نغوت عليك ولا نتعصب مي رانا عارفاها شي حاجة غالية عليااا بزااف مهيم عارفاني شحال كنبغيك وبزااف (تنهد) مهيم أحبيبي مرة جاية منعقلش عليك متخبي عليا والو
روان :واخة أعمري متعاودي
طلات فيروز حتى قلبها خفق ملي شافتهم كيتبادلو قبل نزلت دمعة من عينيها تخنقات عضات على شفتيها وركات عليهم حتى خرج منهم دم … زيرات على إديها حتى تبدل لونهم أصعب إحساس هو تشوف محبوك ومعشوقك كيبغي وكيعشق شخص آخر أمامك..أما إحساس فيروز مضاعف حيث هاذ المعشووق صعييب…زطمات على راسها وخرجات ركبات فطنوبيلتها وتوجهات لدارها بقلب مكسور وحزن فعينيها كبيير….
~~~~
روان :حبيبي تلاقيتي مع مادموزيل فيروز مسكينة كتعاون بزاف مع رانا
نوح : وي سيدة ظريفة ومعقولة
روان :وي عرفتيها هي راها فيروز رشيدي بنت مدير أعمال أمين رشيدي الله ارحمو دار أكسيدو هو ومرتو وماتو وبقات بحدها
نووح (بتأثر ‘ :اووه باها ميحسابليش عندو بنت تباركا الله
روان :وي بزااف عافاك أحبيبي هي معندهاش صحابات وأنا بغيت نكون صاحبتها عافاك تبغي ؟
نوح : معنديش مشكيل علاش لا سي أمين كان كينفعني بزااف فأمور الإدارة وشحال ستافدت من خبرتو دونك لي بان ليك أروحي
روان : واخة مهيم يلاه نزلو نتغذااو
نوح :يلاه
…..
طايحة فوق الناموسية هاكاك بحوايحها…ودموعها هابطين بحال الشتا.. تسؤلات فراس كثيرة علاش حتى هي متلقاش حب حياتها ؟ علاش لي متكونش هيفبلاصة روان ؟ اه حسداتها و مرضتها ومكرهاتش تكون هي فبلاصتها …ناضت من فوق وغسلات حالتها وخرجات گلاسات وهي كتشوف فدارها..كئييبة و مظلمة.. كيف كتسميه منزل
طايحة فوق الناموسية هاكاك بحوايحها…ودموعها هابطين بحال الشتا.. تسؤلات فراس كثيرة علاش حتى هي متلقاش حب حياتها ؟ علاش لي متكونش هيفبلاصة روان ؟ اه حسداتها و مرضتها ومكرهاتش تكون هي فبلاصتها …ناضت من فوق وغسلات حالتها وخرجات گلاسات وهي كتشوف فدارها..كئييبة و مظلمة.. كيف كتسميه منزل بلا والدين يعني بلا حياة بلا طعم كفاش قدرات طفلة تربى بين خدم موثوقين ماتو والديها وماتت معاهم طفلة بلا حنان وعطف الأم ولا ذرع وحماية من الأب صعيييب تلعب أدوار فحياتك أنت كتعطف على راسك وتحن عليه وفنفس الوقت تربي راسك. مكان فجنبها حتى حد حتى من عائلتها نكراتها ودات لي رزقها حمد الله لي لقات محامي واقف فأملاكها واخة نص داوهم عمامها مي اللهم العمش ولا العمى بقات فدنيا لاحنين ولا رحيم ولات يتييمة من كلتا الجهتين… بقات تشوف حتى تنهدات..دخلات لبيتها دورات باش ترتاح.. خرجات وقادت راسها الماكلة وگلسات كاتكل بحدها لا مؤنس ولا محن لها سوى وحدتها وجدران منزلها …
“الوحدة تعلّمك أن تكون صلباً وقاسياً، ومنذ أن خرجت إلى هذه الدّنيا وأنا أسير وحيداً كالموت، لا عجب أن تقسى قلوب من تقتاتهم الوحدة”

🔥#الممنوع_المرغوب 🔥
✍إكرام كراميلا ✍
📍بارت 12
📌 فصل الاول :لعنة _حب
في جهة مقابلة عكس وحدة فالمجمع الادريسي العائلة مجتامعة على المائدة الغذاء هنا فين كيحلى جلاس ويحلى الكلام لكبير وصغير اتصنت فالعائلة هي كنز كل واحد وهي ذرع لي كتكي عليه و هي ملاذ و حيد و هي قلب الحياة فالبوجود العائلة كتحلى الحياة
“العائلة اشبه بالملاذ في عالم ليس له قلب”
من بعد ماتغذاو وكل واحد مشا يقضي مشاغيلو هاذي هي الحياة جري من هنا و هنا داز لوقت ومشا نهار وجا ليل تعشاو عائلة في سعادة كيف عادتها تاحاجة مكتعكر مزاج ديالهم …
أما البطلة ديالنا فكانت فبيتها كتفرج وشادة طليفون كتشوف أشنو دير صبرها تقاضا وصبر كيضبر حبها غيقتلها وهوسها غيرها.. هنا كتجي وساوس الشيطانية والأفكار لي تقدر تنجح تقدر لا وتقدر توصلك لمواصيل لا تحمل عقباها…
“أقوى شيء في الكون كله، أقوى من الجيوش وأقوى من القوة المجتمعة للعالم بأسره، هي فكرة آن أوان خروجها إلى النور”
هاذ فكرة لي طاحت عليها يمكن تبدل حياتها هي واثقة غتنجح هي عارفة بل متأكدة بلي تولي حياتها حسن ..
نعسات بطلة ديالنا وهي عامرة بالأفكار الإجابية وبلي غذا فيكون حسن وأهم حاجة هي تفارق نوح على مراتو وفعز أفكارها ..فهاذ جوج ناعسين وفحض بعض ومعاقلينش على عالم عشاق وحبيبين وزوجين..كفاش تقدر تفرق بين جوج قلوب جامعهم الحب وحتى القدر واهم حاجة الحلال ؟؟!!
#شرقات شمس لتلعن عن يوم جديد وبداية جديدة فحياة اي واحد
في منزل الإدريسي
روان :رانا حييبة نوضي فيقي من نعاس ههه
رانا : مامي خليني سيلڤوبلي
روان :نوضي هه اويلي وليتي غير نعاس راه اتجي طاطا فيروز نوضي يلاه
راناا :اووه واخة
ناضت أميرة ديالنا قضات حاجتها وخرجات تفطر لقات جدها وهيرو ديالها باباها
يونس : صباح نور أحبيبتي
رانا (مشات عنقاتو) :صباحو أبابي
بداو فالفطور ديالهم.. فجيهة المقابلة فيروز ناضت قضات حاجتها وفطرات ومشات ليكول خذات لي خاص وسولات وتوجهات بسيارتها لفيلا الإدريسي وقلبها كيرفرف وهي حاملة أمل لحياتها جديدة وصلات فيلا لقات روان ونوح فجردة گالسين ومعاهم ثمرة حبهم رانا (rana) وهي تحس بغصة فقلبها كمداتها وتوجهات ليهم
“أيها الحظ، لقد تعبت، ألا يوجد متسع في دفتر مواعيدك للقائي.. ما زلت على قيد الانتظار ”

فيروز :بونجوغ
رانا مشات عندها عنقاتها طفلة بريئة كتبغيها حيث الأطفال تكسبي محبتهم غير بالهضرة وتعامل زوين

رانا :طاتي جيتي أنا واجدة ساليت كولشي
فيروز :برافو أحبيبة
روان :مرحبا بيك أفيروز
نووح :مهيم أنا غنمشي (عطا ايدو لفيروز )شكرا أمدموزيل وفرصة سعيدة
فيروز (باتسامة كتحس بقلبها كيرفرف ) :ميغسي
مشا باس روان من فمها قدامها تمنات الأرض تحل وتدخل فيها.. هاد التعامل ديالو كيفقصها حيث فكل مرة كيبين مدى وتمسكو بمراتو وبنتو

🔥#الممنوع_المرغوب 🔥
✍إكرام كراميلا✍
📍بارت 13
📌 فصل الاول :لعنة _حب
من بعد ماخرج نوح توجهات فيروز مع رانا و روان لمراجعة من بعد معطاتها كولشي و بدات رانا كتحفظ ..
روان :فيروز واخة نخرجو نهضرو
فيروز :واخة (هضرات مع رانا )حبيبة ملي تسالي هاذو ديري حتى هاذ اكزام صافي
رانا :داكوغ
توجو لبلاصة صغيرة بحال الصالون مي مرتبة
روان :صارحة شكراا بزاف على هادشي لي كديري نافعانا و الله (بجدية) مهيم أنا معنديش صحابات و بحدي حتى خوتات معنديش بحكم حتى أنا ماما ماتت الله يرحمها وأنت شف فيك ختي وبغيت نكونو صديقات
مجرد ما سمعات لكلامها بتاسمات بفرحة وصدمة بهاذ خبر ختاصرات عليها بزااف الحوايج وعطاتها أمل كبيير
فيروز (في نفسها): “ههه فرصة زوينة كنت عارفاك غبية ودابا أكدتي ليا ..فريستي غتجيني بين ايديا و أنت أروان غتعطيها ليا وفمك
ضاحك ”
روان :فيروز أشنو قلتي؟
فيروز : ليا شرف حتى أنا وحيدة ومعندي لا أخت و لا صديقة و كنواعدك غنكونو أحسن صداقة بيناتنا
“احذر مما تخبر به الناس، فصديق اليوم يمكن أن يصبح عدو الغد فبين ثانيةٍ وثانية يموت أمل وَيحيا يأس، تبتسمْ شفة وَتدمعَ عين، يخونْ صديق ويخلص عدو، بين الثانية وَالثانية…”
راوان :اووه فرحتيني والله حتى أنا كنواعدك غنكون نعمة الصديقة لي فما حتاجيتيها غتلقيني فجنبك
فيروز :هاذي مافيهاش الشك هه
ناضت روان بطيبوبتها وبرائتها او نقولو سذاجتها عنقات فيروز وهي فرحانة أخيرا غتلقا معامن تخرج مي بحال فيروز عجباتها شخصيتها وقوية وهي فهاذ الإحساس بريئ مقابلو إحساس الكره والحسد والغيرة ديال فيروز لي كتواعدها غتكون أسوء صداقة بيناتهم …
من بعد ماكملو تجمعات العائلة لغذاء وكل جا حتى من فيروز گلسات وتقبلات مع روان …
من بعد لغذا كل واحد توجه لمكانتو فيروز لمدراسة بقات فيها حتى كملو وتوجهات لبرطمتها وتعشات وبقات كتفكر
فيروز :خاص شي خطة لينجيبو عندي وخاص نكسب ثقة روان مزيان أصلا هي غبية ههه فبيانسيغ وبزز منها غدير لي بغيت ممم خاصني نعرف حوايج لي كيكره حبيبي وهنا غطيح فالفخ ههه

🔥#الممنوع_المرغوب 🔥
✍إكرام كراميلا ✍
📍بارت 14🔞🔞
📌 فصل الاول :لعنة حب
“اللهم_إني_أخذت_بذنب_ماقرأت_وما كتبت_وما تخيلت ”
عند نووح ملي سلا خدمتو توجه لمنزلو لي مشتاق لحبيبتو وأميرتو تعشا وخرج من دوش كيمسح وجهوو بفوطة وهو لابس غي شورط بسيوور فزرق و ملفوق عريااان بجسمو رجولي مثير شاف فروان متكية فوق ناموسية وكتقرا فرواية توجه لعندها وحيدها ليها وبدا ويلعب بشعرها البرتقالي لي كيحمقو طالما كان كيعشق ادق تفاصيلها كيف مكانت
نوح :حبيبي باراكا عليك تبليتي ليا بهاذ روايات وأنا ممم متبلايش بيا (هبط لعنقها الأبيض الجذاب كيبوس فيها ويهرها)
روان ( بصوت أنثوي) : نوووح ههه نو أحبيبي وقتي كاملو ليك اه فخبارك
نوح : مم
روان : صافي هضرت مع فيروز وقدرت نقناعها ولينا أصدقاء
نوح : مزيان أحبيبي ودابا جا وقتي توحشتك بزااف بزااف
روان:(بعيون مليئة بالحب) :حتى أنا
نوح:(بحدة) غنمحنك
روان: دير لي بغيتي أنا عاطيك الضو الخضر
نوح: (هزها من خصرها وحطها فوقو) غنفتارسك أحبي حيث موحشك بزاااف
بدا كيهبط يدييه على خصرها النحيل لي متقولش واش والدة و يدوز لحيتوو على عنقها براق و هي كتقفز من بلاصتها..كيدكها بلحيتو وكيبووس بشووية بقُبل حنينة بزاف جردها من ملابسها هي أصلا مكانت لابسة والو و هو كذلك شوية و هو حط يدو فوق صدرها و هي غاارسة ظفاارها فذراعو من حر النشوة…زادت هو كيعصر فصدرها بيد وحدة و كيقييس فالريووس دصدرها بكل احترافية مركز مع دقاات قلبها لي كانو كيدق ويدو الثانية كانت فووق طوطو كيديرو حركات ليكتجهلها هو من زمان محمقهاو مهبلها..وبمجرد اسمع صوتها وأهاتها كيزيد يورك على صدرها شوية هزات اديها وحطاتها فوق المعلم هي جريئة معاه شوية رجع كيبووس فعنقهاا ولا نقولو جسمها كامل وكيحاول ايخلي البصممة فكل بلاصة فذااتهاا لي كيقول هاذي ملكي ومرتي وأم بنتي هاذي ديالي شوية و هو يهز مخذة حطها تحت كرشها و بدا كيماارس معاهااا و وفمو مزاگيش كيبوس فمها و صدرها عنقها ولاو بالون الأحمر والأزرق وفات الوقت جااب اللول و الثاني وحس بيها عياات..خرجووو مسح لهاا و مسح راسوو تكااا وجاات هي فوووق صدرووو..نعسو و العيا غلب عليهم

🔥#الممنوع_المرغوب 🔥
✍إكرام كراميلا✍
📍بارت 15
📌 فصل الاول :لعنة_حب
گالسين فالبيت بحال أي أزواج
زهرة(الجدة):أويلي الحاج أنا أش دخلني فيهم راهم كبار وعارفين أش كيديرو
صالح “الجد “(بانفعال ) :راه عندنا غير حفيد واحد ولادك ولداهم عاگرين شي والد بزز شي ولد بنت وحبس حيث تزوجو شارفين وغذا تمشي تهضري مع روان بغينا حفييد ولد
زهرة (تنهدات معندها مادير):واخة أسي الحاج كلامك هو الكبير
زينة الحياة هوما المال والبانون وهوما ناقصهم الباننون لي كيزينو حياة أي شخص وكتولي حياتك ليها طعم خاص ولاد هوما نعمة كيعطيهم ليك الله .. عائلة الإدريسي رزقها الله بالمال ولكن الأولاد بزز باش كيولدوهم..الجد باغي لي يحمل اسمو ويكمل مشوارو الشركات الإدريسي ..كيشوف راسو غاذي وكيكبر وحتى من حفيدو نوح حتى هو غاذي وكيكبر.. حتى هو خاصو ولد حيث البنات معندهم دخل فشركات ولا تيسير الحياة حيث بنات خاصهم غير اتزوجو ويولدو .. العقلية القديمة الجاهلة لي حاگرين المرأة وبلي الرجل حسن من المرأة .. كل واحد وهمو ولكن هم الجد صالح هوما لولاد لي مكينينش…
بعض المرات كنقولو فنفوسنا سعدات مالين فلوس عايشين حياتهم كيف بغاو ومناقصاهم والو،،مي كل واحد ماعالم بيه غير لي خلقو .. يمكن داكشي لي كنكسابو وكيبان لينا تافهم وبلا أهمية فنظرنا إكون هو حاسدك عليها..داكشي علاش حمد الله على أي حاجة عندك حيث شي حاجة عندك ليوم يمكن تنوض غذا ومتلقهاش ..
أصبحنا وأصبح الملك لله….
روان :واخة أجدة ميكون غير خاطرك داكشي لي غيكون
الجدة :ديري أبنتي جدك خاطرو وولدي حفيد راه أمنيتو فالحياة راه غيتهلى فيك
روان:إنشاء الله إكون غير خاطركم
الجدة :فين هي رانا ؟
روان:مشات مع فيروز لواحد بارك شوية وأنا ونوح نطرگوهم
الجدة :معذفتش علاش مرتاحيتش لديك فيروز
روان :(خرجات عينيها) أويلي أجدة أش هاذ الهضرة كتقولي ؟ سيدة كتعاون رانا ودايرة مجهودها كامل وأنت كتقولي ممرتاحاش ليها نونو بالعكس هي مزيانة وسيمانة وحنى نهضرو صرفات فينا غير الخيير
الجدة :وإنت تعرفي
صونا تليفون ديال روان وجوبات
روان :آلو حبيبي صافا ؟
نوح :وي أنا كنتسناك لتحت نزلي
روان :واخة أنا هابطة
عيطات لمساعدة وعطاتها ساكها وخرجات عند نوح …
~~~
فيروز :حبيبة بغيتي تاكلي شي حاجة ؟
رانا :لا أطاتي حتى يجي بابي ومامي
فيروز :أنا عزيزة عليك ؟
رانا :اه بزاااف
فيروز :حتى أنت أكبيدتي راك بحال بنتي مم تبغي نكون بحال ماماك
رانا :مممم لاءح ماما حسن
فيروز سرطات ريقها وبتاسمان ببرود مكرهاتش تقتلها على هاذ الكلمة بانو
رانا :اه بزاااف
فيروز :حتى أنت أكبيدتي راك بحال بنتي مم تبغي نكون بحال ماماك
رانا :مممم لاءح ماما حسن
فيروز سرطات ريقها وبتاسمان ببرود مكرهاتش تقتلها على هاذ الكلمة بانو ليها جايين وهي تركز الشوفة فنوح لي فكل مرة كتشوفو كتزيد طيح فيه وقلبها كيبقاا ينادي غير باسمو لي سكن روحها واستوحذ على ذاتها
رانا :مااماااا باابااا
مشات كتجري عنقاتهم وهزها نوح
روان :صافا ممحناتكش
فيروز :نو بالعكس رانا بنت فنة وغزالة ومؤدبة
نوح :(شاف ففيروز) غير حيث كتحتارمك أما حنى (بضحكة جذابة )ركبات علينا
فيروز بلا قصدها ضحكات بزز منها..
روان :مم فيا الجوع
فيروز :حتى أنا يلاه نتغذاو فداك ريسطو
مشاو بلاصة وگلسو فطبلة روان ونوح حدا بعضياتهم أونفاص ليهم فيروز ورانا..فيروز فكل مرة كتهز عينيها كتمشي نيشان فعينيه ..
رانا :بغيت بييتزاا
نوح: واخة
دمونداو على البيتزا … بداو كياكلو ونوح كيبقا اوكل فروان بحال بنتو..عاطيها الخاطر وباين عليه الحب والغرام فتعاملو..لعمى اشوف حبو وصمك اسمع نبضات قلبو وحتى لي قلبو حجرة اتحرك ملي اشوف هاذ الحب..فيروز تقرصات وحذرات راسها هي عارفة بلي ماشي ديالها وعارفة بلي ملك لمراتو ولكن القلب مكيشاورش.. بغات وعشقات شخص لي قلبو عامر بهيام وحب طفولتو حب لي ممنوع ولكن مرغووب بشدة

🔥#الممنوع_المرغوب 🔥
✍إكرام كراميلا ✍
📍بارت 16
📌 فصل الاول :لعنة_حب
روان : غذا نتلقاو نديرو شوبينغ صافي
فيروز :داكوغ نيت خاصني نتقدا شي حوايج
روان :(بابتسامة) واخة أحبي
نوح :غنبدا نغير حبي ليا بحدي
روان :هههه لا أنت بزااف تغير من فيروز حتى هي اووه
نوح :عارفاني نغير عليك من أي شخص
روان :عه عارفاك عارفاك هه
خرجو من ريسطو وكل واحد كيحمل مشاعر لاخرو شي حب صادق ونقي وشي غل وحسد وهوس… هاكذا الحياة شي ماباغي شي وشي محامل شي وشي باغي كولشي…
~~~
مر شهر بكل أحداثه لي تغيرو بزاف وأولهم علاقة فيروز وروان لي زادت طورات وتوطدات وتكونات صداقة حقيقية ومحبة كبيرة بيناتهم روان كانت كتبغي بزااف فيروز وعتابرتها ختها وتوأم ديالها مكتخبي عليها والو..كانت صديقتي وحامل لأسرارها..
فجهة اخرى رغم الحسد والغيرة لي حاملاهافيروز لروان فهي عمرات فراغ كبير كان فحياتها متنكرش هادشي ولاو اخرجو اضورو بعض مرات مع نووح و هادشي كيزيد إأزم نفسيتها كتبغي تموت تخنق ملي كتشوف الحب لي بيناتهم وهادشي زاد أزمها…فكل مرة كتستسلم وكتأزم ولكن حبها لنوح وقلبها كيغلب عقلها هي عارفة بلي ماشي ليها ولكن اصرارها قوي…
روان فهاذ الشهر دارت لي فجهدها باش تحمل وليوم غيمشيو عند الطبيبة
روان : حبيبي غتمشي معانا حتى فيروز هاذ الخبر غيفرحها مسكينة شحال نصحاتني وقفات معايا
نوح (باس راسها): لي بان ليك أحبيبي يلاه
توجهو لمستشفى لقاو فيروز كتسناهم وسلمات عليهم ودخلو ..روان ناعسة فوق سرير واقف حداها نوح قابط اديها وفيروز كتشوف لمعة ديال فرح فعينيهم..
طبيبة: مبرووك عليكم مدام حاملة باسبوعها ثالت
نوح متحكمش فراسو وباس حبيبتو وهنا تغرغرو عينين لي مراقباهم بحسرة زاد ولد لي غيتمسكو بيه
تقدمات باش تبارك ليها وهي مدايرة ضحكة عكس داخلها كتحس بروحها غتخرج خبر غير مفرح هاذي موصيبة غتزيد تمسك وترتابط بمعشوقها دموع على طرف عينيها ولكن مقوية راسها مكرهاتش تخرج قلبها وتعفس عليه من الإلم و#لعنة_الحب لي حاسا بيها .. باغا تمووت مقادراتش تستحمل كتشوف خططها كولشي مشا حبيبها وفارس أحلامها كيضيع وهي كتشووف ما أصعب شعور الحب❣❣
فيروز :اووه أحبيبة مبرووك مبرووك الله أخييرا تحقات دعواتي حمد الله حمد الله هه
روان :شكراا أحبيبة بزااف
فيروز (ابتسامة باردة عكس داخلها):متقوليش هاكذا أنت راك ختي ونبغي ليك غير الخير
“مِن المؤلم أن تتظاهر بما ليس في داخلك كي تحافظ على بقاء صورتك جميلةً، وأن تصافح بحرارة يداً تدرك تماماً مدى تلوّثها، وأن تنحني لذلّ العاصفة كي لا تقتلعك من مكانك الذي تحرص على بقائك فيه، وأن تبتسم في وجه إنسان تتمنّى أن تبصق في وجهه وتمضي”

🔥#الممنوع_المرغوب 🔥
✍إكرام كراميلا ✍
📍بارت 17
📌 فصل الاول :لعنة_حب
فرحة كبييرة داخل العائلة
جد :حمد الله حمد الله أخييرااا غيجي لحفييد لهاذ العائلة إنشاء الله يكون ولد
جدة: إكون غير خليقة كاملة وبصحتو (شافت فروان)مبرووك أبنتي مبرووك
روان: امين امين ههه فرحانة بزااف
إمينة : مبروك عليك أبنتي إنشاء الله يجي افرح وينور الدار ويْوَنَس ختو كيف كان بنت ولا ولد أهم حاجة صحتو (شافت فنوح)ولدي تهلا فمراتك دابا راها فمرحلة حساسة شد خاطرها ومتقلقهاش
نووح : علاه أنا نقدر
روان : إن شاءالله إكون ولد هه
روان هزات طليفونها ديالها تاصلات بفيروز لي كانت كتبكي مزالها فنفس المكان لي توادعات فيه معاهم قدام المستشفى حتى حسات بتليفون
فيروز :اووف أشنوو بغات عوتاني (جوبات)الو نعام أروان واقعة شي حاجة ؟
روان:نور بب عافاك عافاك بغيتك تباتي معايا بليز بليز
فيروز (غضطر باش توصل لي بغات ):واخ أحبيبة أنا جاية عندك
ركبات فسيارتها وتاجهات لعند روان راسها ومدراستها هملاتهم بزااف ولات تابعة غير روان ونووح هامها كبير هوما
تجمعو تعشاو ونووح دار خاطرها مشا نعس مع بنتو رغم الإشتياق كتبقى أنثاه وحبيبتو وبغا هاذ النهار اطبق أوامرها فيروز نعسات حدا روان
روان (وهي كتشوف فسقف مزخرف) : عرفتي أفيروز أول مرة من سنين طويلة نفرح بزاف بهاذ الخبر حيث حملي لول كان عذاب ماتت ماما و من بعد بابا غبر وخصوصا علاقتي كانت متوثرة مع نوح بزاف وصلنا الطلاق نووح كان طايش بزااف وسكرة وسهير كانت حياتو مخربقة

🔥#الممنوع_المرغوب 🔥
✍إكرام كراميلا ✍
📍بارت 18
📌 فصل الاول :لعنة_حب
فيروز (بصدمة) : أويلي واش بصح ؟
روان: نوح تغير بزااف من بعد ماكنا غنخسرو رانا حيث داك نهار منسيتوش هو كيبغيني بزاف بل كيعشقني أفيروز حيث تزوج بيا بزز عائلتو مكانتش قابلة وبغاني ودخلني فعائلتو كان الأمر صعيب في الألول تعذبنا ودزنا من بزاف الصعاب مي حبنا كان ديما قوي وقوي بزاف
فيروز ( صافي كتحس براسها
دايخة ): كفاش كنتو غتخسرو رانا؟مفهمتش؟!
روان : كان سكران كيف ديما ومعصب بزاف على قبال صفقة ومع إنا عندي الزهرهه لقاني فوجهو وتما برد جنونو فيا وتم كنت غنخسر ببنتي و راسيو هنا تغير نوح بزاف كان ضعيف كيآثر عليه أي حاجة مي رانا قواتو بزاف ملي تزادت ولا مهتم بيها وبيا وح ميقدرش إعيش بلا بيا وببنتو حيث هو ضعيف وضعيف من الداخل بزاف (تتهدات)كنتمنا منموتش ولا يوقع شي حاجة حيث غينهار اللهم نتألم أنا ولا يتألم هو (شافت فيها) طولت عليك مهيم تصبحي على خير وسمحيلي برزطتك مي بغيت نخوي قلبي
فيروز :بالعكس مرحبا فأي وقت أحبيبة
روان طفات ضو ومشات في النوم عميق وهي مرتاحة ولاحت هم كبير
لفيروز ….
كتهضر مع راسها فعز دموع لي هابطين : كتبغي نوح كثر مني روان هي بلسم جروحو ماشي أنا روان هي مراتو هي حياتو متمسك بيها كفاش گاع غنقدر نفارقهم ؟عائلتهم و مقدروش كفاش ؟أنا يلاه دخلت لحياتهم غنفارقهم كفاش؟أنا أنانية كفاش قدرت نفكر فهادشي ؟روان مأذاتنيش هي عتابراتني بحال ختها وأصلا إيلا فرقتهم أنا لي غنتسمى ممزياناش ،أصلا ممزياناش نهار فكرت فراجل مزوج ووالد أنا *حبة حيث بنات ناس ميديروش هاكذا (بدات كتبكي) هءهء عمر بنات الناس اهزو ينيهم فراجل مزوج ولا يفكرو فيه مجرد تفكير هو ماشي ديالي ديالها
ناضت من حداها بشوية ولبسات منطوها وشافت فيها
فيروز :(باستهزاء )لنفترض گاع خانها معايا خان مراتو لي و قفات معاه أشنو يضمن لي ميخونيش حتى أنا؟ لي يلاه تعرف عليا حيث الخائن كيبقا طول عمرو خائن كيف دار معاها غيدير معايا (تنهدات) مكيتوبش…
بدات خارجة حتى وقفات ورجعات أدراجها بان ليها دفتار توجهات ليه وهزاتو و كتبت شي حوايج وهزات ساكها وخرجات للمجهول ؟؟؟
“هناك أحزان ممنوعة
أحزان لانملك حق إظهارها للنور
أحزان تدور تفاصيلها «بداخلنا »
لأن «حولنا »لا يتسع لها
كأحزان الحكايات التي نعيشها في الخفاء
فالحكاية التي لا نستطيع إظهارها للنور تبقى تفاصيلها حبيسة بنا
فنفرح فيها بيننا وبين أنفسنا …ونحزن بيننا
فالحكاية التي لا نستطيع إظهارها للنور تبقى تفاصيلها حبيسة بنا
فنفرح فيها بيننا وبين أنفسنا …ونحزن بيننا وبين أنفسنا
ونعيشها بيننا وبين أنفسنا
ونموت فيها بيننا وبين أنفسنا
وحين ننكسر فيها نبكي بيننا وبين أنفسنا
لأن هذه الحكاية كانت عالمنا الخاص
العالم الذي أخفيناه عن أعينهم
الحزن الممنوع هو ذلك الحزن الذي تكون أغلب تفاصيله بنا .. وليس حولنا”
✨✨
#نهاية فصل الأول مع بداية جديدة للفصل الثاني
الى الملتقى ✌
#يتبع 💚

Leave a comment