Skip links

قصة : الممرضة والوحش 5

 7,547 عدد مشاهداات

#الممرضة___والوحش____ [ 101 ]
بقلم__الهاوية___سحر__كوثر__
رجاء . .ناصر
ناصر . . وي
رجاء . .ورا العشا بغيت نهضر معاك
ناصر . .اوك
مازن . . ماما واش هضرتي مع ممون الحفلات !
رجاء . .”مسحات فمها بالمنديل” وي ولدي انت غير رتاح انا غانتكلف بكلشي
مازن . .”باس يدها ” لهلا يخطيك عليا
ناصر . . “مسح فمو بالمنديل ووقف ” انا كانتسناك فالجردة
رجاء . .”وقفات بدورها ” انا ساليت .. .. ..
توجهو لجردة تحت انظار مازن ومصطفى لي كان قاتلو الفضول . .
مصطفى . .فاش غايهضرو !
مازن . .هز كتافو ” علمي علمك
مكان____اخ_____________ر
هدى . .هاااه مالو !!
متعة. .”تنهدت” كانحس بشي حاجة جيهتو وفنفس الوقت كانلوم هاد الإحساس لقبيح وباغية نكبحو
هدى . .عطيو لراسكم فرصة
متعة . . صعيب اهدى صعيب شي لي داز عليا ماشي ساهل صعيب ننسى صعيب نكون ليه بعد شي لي دار فيا
هدى . .”شدت يدها” متعة تيقي ليا لوحي كاع لحوايج الخايبة ورا ظهرك وعطي لراسك فرصة
متعة . .” بإصرار ” مستحيل اهدى مستحيل
__مكان___اخ______________ر
ناصر . .وي كانسمعك !
رجاء . . انا مستعدة نقبل بالبيبي كيف ما كان هذاك ولدك وحفيدي لكن من المستحيل نقبل بمو و…..”قاطعها”
ناصر. .سوا قبلتي بيها ولا رفضتيها حتى حاجة ما غاتغير مو هي لمرا لي غاتكون حلالي ولي غانكمل معاها حياتي ماغانسمح لحتى شي مخلوق يقرر مصيري او يدخل فعلاقتي بمتعة “وقف وعطاها بظهر
رجاء . .”كرزت على يدها” عمرني نقبل بيها الله ياربي اش هاد لولاد واحد جايب ليا بنت الكاريان ولاخر جايب ليا وحدة خارجة لطريق …..
مكان__اخ______________ر
لينا . .انا غانهضر مع عمي مصطفى تقدري من غدا تبداي
ماريا . .اوك قد ماسرعنا قد ما مزيان
لينا. .لهلا يخطيك عليا
ماريا. .واش نسيتي بلي راك ختي مستحيل نخلي وحدة بحالها تخرب حياتك مستحيل …..
تتمة_______
اليوم___الموالي_____
شرقات شمس جديدة معلنة على يوم جديد وتسللت اشعتها من ورا الستار كادغدغ وجها الملائكي فتحات عينيها وكاتكسل مدات يديها حيدات عليها لغطا وتوجهات لحمام خدات دوش خفيف حيدات بيه العگز من بعد خرجات لاوية الفوطة عليها نشفات لحمها وشعرها بسوشوار وبدات تلبس حوايجها ( الصورة فالأسفل) بعد ماجهزت نفسها طرفات ل يزين ولبساتو حوايجو وخرجو من غرفة نوم فتجاه المطبخ . . .
متعة . .صباحوووو
هدى . .”تلفتت ناحيتهم ” صباح الخير والخمير صباح العسل فالطباسل 😍 ياختييييي على الحب كايضحك فوجهي “خداتو من عندها كادغدغ فيه
متعة . . “رتشفت من فنجان القهوه وولت شافت فيها” عرفتي غادية غير بزز مابقيتش قادرة نتواجه معاه
هدى . .”حطات يزين فرولاكس ووقفت قدامها” سمعي لكلامي ولو مرة فحياتك عطي لنفسك فرصة انا متأكدة بلي قلبك باغيه لكن العقل لحرامي هو السبب هو لي مخلي الجفا بينكم
متعة . .”جرات الكرسي وجلست” ماعرفتش اهدى ماعرفتش
هدى . .”شدات يدها” تيقي فيا تبعي قلبك غاتربحي
متعة . .مابغيتش نتجرح
هدى . .خلي تقتك فالله عرفتي انسب حل نوضي توضاي وصلي صلاة الإستخارة
متعة . .”تنهدت تنهيدة خفيفة ” عندك الحق ربي هو لي غايدلني لطريق الصح
هدى . .يالا نوضي
مكان__اخ____________________ر
تقابلات مع المرايا كاتوضع لمسات الأخيرة وابتسامة ماكرة على شفاها بعد ماسالات تلفتت ناحية لينا وتكلمت
ماريا . . كيف جيتك سيدة أعمال ولا لا !!
لينا. . اجمل سيدة أعمال شافتها عيني 😙😍
ماريا . .گراسياس😚
لينا . .دابا شنو الخطوة الأولى!!
ماريا . .”قوسات عينيها” اليوم غانشوفها وجهاا لوجه من بعد غانقول ليك 😉
لينا . .”تنهدت” وانا شنو المطلوب مني يعني شنو ندير !!
ماريا. .حاليااا المطلوب منك تفرجي من بعيد وبسسسسس من بعد غانقول ليك شنو ديري “هزات صاكها ” يالا ماشيغي نشوفك فالعشيا “رسلات ليها قبلة فالهوى وخرجات كاتميل بخصرها يمين وشمال
بعد ماصلات صلاة الإستخارة خرجات هي وهدى ومعاهم يزين دوزوه للحضانة وكل وحدة شدات طريق قل من ساعة كانت قدام باب يالا غاتأنسطالي سيارة وهي تخرج فيها شابة عشرينية قامة طويلة وقوام ممشوق وانيقة بشكل كبير طاحت الأرض وشدات دراعها كأنها كاتألم نزلت متعة من سيارة وتوجهات ليها بخطوات متسارعة. . .
متعة . .”بخوف كبير ” الله ياربي واش نتي لاباس
تتمة__________
ماريا. .بصوت رقيق” م ماتخافيش ماشي شي حاجة
متعة . .”ساعداتها توقف” اري يدك “شافت فيها ” سمحي ليا بزاف “بخوف ” واش تقصحتي هااا نديك لسبيطار
ماريا . .لااا ماكاين لاش ماشي شي حاجة گراف “لاحت شعرها ورا ظهرها وستانفات كلامها … انا لي ماشفتش قدامي الخطأ ديالي
متعة . . نوو الخطأ ديالي “شافت فيها” اول مرة نشوفك هنا !
ماريا . . تماما هذا اول نهار عندي فالشركة
متعة . .”مدات يديها’ انا متعة السكرتيرة الخاصة ب ميسيو ناصر العمراني
ماريا . .”تبسمات بمكر ” وانا ماريا بن عبد الله …….
مكان__اخ___________ر
أحمد . .انا عارف الغلط راكبو من ساسو لراسو لكن انت مول العقل والقلب لكبير واش فنظرك الحبس هو الحل !
التازي . . وفنظرك شنو هو الحل هاااا “أشار ليه ” شوف حاالتي هرس ليا نيفي وكان غايقتلني وخرب ليا المحل وخلع الزبناء واش هاد الخسائر كاملة ماهزات فيك حتى شعرة وجاي دافع عليه بوجهك حمر هممممم قالك ماشي حل وشنو الحل فنظرك هااااااا !!!!!!
أحمد . .عندي لي حل غايرضيك وبزيادة من الفوق
التازي . .”رفع حاجبو ” وشنو هو هاد الحل ؟!!
مكان___اخ______________ر
رجاء . . بتدمر” اووووف هاد الوضع مابقاش عاجبني ماحيلتي لشغل دالمعرض لي فوق راسي ماحيلتي لسيهم ناصر لي خرج ليه العقل خلا بنت الحسب والنسب وتبع ليا وحدة والدة معاه ولد من لحرام بفففف
مصطفى . .دابا لاش مكبرة راسك لي عطا لله عطااه وقعات الفاس فالراس ومابقى عندنا مانديرو من غير نرضاو بالأمر الواقع ونجمعو شمل ولد لحرام كيف ما سميتيه راه حفيدنا
رجاء. .وهذا لي قاهرني ومكبل ليا يدي حيت حفيدنا “زفرات بعصبية…..
بعد ماتعرفو تبادلو ارقام الهاتف توجهات متعة لطابق الخاص بناصر بين ما ماريا توجهات لمكتب لسكرتيرة الخاصة بأب ناصر بعد نصف ساعة تقريبا وصل ناصر لشركة وتمشى تجاه جناحو الخاص بهيبتو المعتادة وخطواتو المخملية اول ماوصل لطابق جات عينو على متعة …
___الممرضة_____والوحش____ [ 103 ]
بقلم : الهاوية__سحر__كوثر___
التازي . .مدام القضية فيها صفقة مربحة انا موافق ومستعد نوقع على تنازل من دابا بس عندي شرط
أحمد . .كانسمع
التازي . .خوك ولا ولد عمتك ولا اش كايجيك گاع يفوت ساحتي وياويلو يقرب مني ولا من البار ديالي ولا ورب الكعبة حتى نغرقو فالحباسات
أحمد . .وقف .” خير البر عاجله ياالا لمركز ووقع على تنازل
التازي. .”وقف بدورو” وهو كذلك مدام تافقنا
الشركة__________
أول ما دخل لمكتبو تاصل بيها فالفيكس خدات نفس عميق وردت على لإتصال
متعة . .”بصوت ناعم ” وي الووو
ناصر. .”بخشونة” اجي لعندي
مكان___اخ______________ر
خدات النيلي وتاصلت بيها وابتسامة عريضة على شفاها ……
لينا. . وي ماري
ماريا . .تمت المهمة بنجاح الخطوة الأولى مزيانة غاندوز للمرحلة الثانية
لينا. .”عينيها لمعو بالفرحة” واش يصحح
ماريا. .ماياخدكش شك فهادي عصفورتنا قلبها هشيش “ضحكت بمياعة” ها هاه
وحالها ساهل
لينا . . واش هضرتو !!
ماريا . .وخديت رقمها گاع
لينا . .مزيان بزاااف لهلا يخطيك عليا بس ماتحگريهاش ديري احتمال لأي حاجة وماتستاهنيش بيها
ماريا. .نوووووو بيب ماتخافيش هادي ماريا واجرك على الله 😉 ….
الممرضة________والوحش___ [ 104 ]
_بقلم__الهاوية__ سحر____كوثر__
حطات سماعة وتوجهات ناحية المكتب بخطوات ثابتة حطت يدها على البواني ودخلت اول ما جات عينو عليها حط ستيلو من يدو وأشار ليها تجلس جرات الكرسي وجلست انفاص معاه . . . .
ساد صمت لثواني من بعد بدا كلامو
ناصر . . “بصوت خشن ” غانهضر وخاصك تسمعيني “شاف ف عينيها” بصح غلطت فحقك كانعترف وحتى نتي الغلط راكبك من ساسك لراسك يعني حنا غلطنا بزوج وبين هاد الفوضة والاغلاط جا ولدنا كأن القدر عازم يجمعنا بزوج ومصر يجمعنا مهما رفضتي “شد يدها ” متعة تيقي بيا “حط يدو على قلبو ” هاد القلب كاينبض غير ليك بغيتك وكانبغيك وباغي مزال نبغيك خلينا نرميو الماضي ورا ظهرنا ونعيشو الحاضر حاضر فيه غير انا ونتي وولدنا عطيني فرصة مابغيتش نديك بزز بغيتك تكوني ليا وانت راضية وقف وتوجه ليها بخطوات تقال جلس على ركابيه شد يدها بين يدو ” متعة تيقي فيا غانسيك الماضي والألم ديالو عطي لقلبك وليا فرصة خلي شملنا يتجمع
حط نيفو على نيفها وانفاسو الحارة كاضرب فوجها بقاو على داك الحال عدة ثواني كأن زمان توقف وفهاد الكون غير هو وهي الوحش القاسي وانتاه المجروحة وبدون مقدمات حط شفاهو على شفتها التحتية ومص رحيق شفاها قلبها ولا يضرب ف تسعين تسارعات نبضاتو ورجليها فشلو عليها أحاسيس كتيرة وافكار متخبطة ستجمعات قواها ودفعاتو بعيد عليا وصدرها مايطلع وينزل
ركزات شوفة ف عينيه وتمتمت ببضع كلمات . . . . .
متعة . .بغيت نبقى بوحدي
ركز بنظراتو للولبية صوب عيونها وتكلم بصوت رجولي بمتياز . . . .
ناصر . .هاد النهار معفية من الخدمة بس فاليل بغيت جوابك
متعة . .”بعد تفكير ” اوك
خرجات من المكتب بخطوات متسارعة هزات صاكها وخرجات من المكتب وخلاتو وراها متبعها بنظراتو هز سيجار بيد والقداحة باليد الثانية شعلها ونتر منها زوج نترات ملئ بيهم رئة ديالو بدخان وخرجو من نيفو . . . . .
مكان____اخ________________ر
وقفات بالميني كوبر ديالها جنب البحر انسطالاتها ونزلت فتجاه الصخر جلسات فوق واحد الصخرة وكلامو كايتردد صداه داخل مسامعها … _الممرضة___والوحش______ [ 105 ]
_بقلم__الهاوية__ سحر__كوثر__
مكان__اخ______ر
أول مخرج من المركز كانت سيارة من نوع الرونج روڤر فالأسود فنتظارو خدا الكونطاك من السائق وعفط عفطة وحدة فتجاه ڤيلا دالعائلة مسافة طريق كان قدام بابها رما الكونطاك للحارس ودخل لداخل كايصفر . . . .
راضية . .”لمعو عينيها” ولدي على سلامتك
أمين. .”بعدم مبالات ” انا غانطلع لبيتي نرتاح وحتى شي حد مايجي يصدعني
كرزات نتصار يديها من شدة الأعصاب وتبعاتو بنظراتها حتى غبر من قدامهم
انتصار. .قليل لحيا عمرو يتبدل
راضية . .دابا يدير عقلو تيقي فيا “ناداات الرئيسة الخدم” ميمونة ميمونةةةةةة
ميمونة . .”جات كاتجري” نعام الالة
راضية . .بغيت تقولي ليهم يوجد لغدا ويكون دايزو لكلام وكاع شهيوات لي كايبغي امين يوجدوهم
ميمونة . .تحت امرك لالة وعلى سلامتو
راضية . .”تبسمت” الله يسلمك
توجهات للمطبخ تعلم الطباخ بشنو امرت مدام راضية وباقي الخدم لي كانت من بينهم شابة عشرينية اول ماسمعت بوجود أمين ويلي تفك سراحو لمعو عينيها من الفرحة وقلبها ولا يخفق من الفرحة . . .
زينب . .واش بصح سي امين خرج
ميمونة . .ميقات فيها ” ايييييه يالاااا كل واحد يشوف شغلو . . .
بالجهة الثانية وبضبط فحديقة القصر كانت جالسة هدى كاتشوف بعيد وساهية خرجها من سهوتها صوت رجولي بمتياز
أحمد . .صباح الخير
هدى . .”تلفتت ناحيتو” صباح النور
مكان__________اخ_______________ر
فكرات وفكرت وفكرت ودخلت فصراع كبير مع عقلها لكن فالأخر قرارت تخلي قلبها يدلها هاد المرة وماتسمعش لعقلها لي فكل مرة كايدير ما فجهدو باش يطمس هاد الحب لي تولد وسط هاد الظروف والفوضة تنهدت تنهيدة طلعات من اعماق قلبها وترسمات ابتسامة خفيفة على شفاها لاحت شعرها ورا ظهرها وناضت فتجاه الميني كوبر ديالها فتحاتها وعفطات عفطة وحدة ماوقفت حتى وصلت لحضانة لي فيها يزين خداتو من عندهم وتوجهات لشقة وابتسامة رضا الى شفاهاا . . . .
مكان____اخ__________________ر
أحمد . .فين ساهية !
هدى . .”تبسمت” كنت كانشوف لهيه “اشارت الورد ”
أحمد . .”تبسم ” اه هي نفهم بلي الورد كايعجبك
هدى . .”بصوت عدب” معلوم شكون هادي لي ماكايعجبهاش الورد
أحمد . .وهادي معلومة اخرى صافت ليا “شاف فيها ” احم اش بأن ليك اليوم نتغداو بزوج !
هدى . .”بعد تفكير” موافقة
_الممرضة___والوحش______ [ 106 ]
_بقلم__الهاوية__سحر__كوثر__
عدي . .ماما اش دارت ليك البنت هاا علاش مكبرة الموضوع
رجاء . .وشنو دنب البنت لخرى لي حلمت بليلة عرسها وعشمناها بزواج ولي هي لينا هااا شنو ذنبها !!!
عدى . .انا ماكانشوف حتى ذنب هنا مامكتابينش لبعضهم وبسسس ماتكبريش الموضوع وياريت تتقبلي ام حفيدك حيت بان ليا من المستحيل ناصر يسمح فيا كيف ما بان ليا بلي كايبغيها” وقف ” وانت عارفة من ناصر كايبغي وما كايتخلاش “غمزها وكمل طريقو فتجاه الطابق الثاني تبعاتو بنظراتها وكلامو كايتردد ف مسامعها
جلست فالكانابي وشدت راسها بيديها
رجاء . .الله ياربي اش هاد لكارتة كيفاش غانهضر مع لينا ونقنعها كيفاااااااااااااش
مكان___اخ___________________ر
توجهات لغرفة راضية تاخد من عندها الإدن وفنفس الوقت ماباغياش تقول ليها بلي خارجة مع احمد خايفة تشد فيها وتحشمها طرقت الباب زوج طرقات ودخلت داخل الغرفة جات عينيها على راضية جالسة فوق الكرسي وكاتقرا القران. .
راضية . .صدق الله العظيم ” سدات القران وشافت فيها ” اجي ابنتي
هدى . .جلسات فطرف دسرير ” الحاجة بغيت ناخد الإدن منك
راضية . .خير ابنتي !
هدى . .معروضة نتغدا على برا
راضية . .”تبسمت” طبعا معلوم تقدري تمشي “صغرات عينيها” بس شكون هاد سعيد الحظ هممممم !!
هدى . .” بخجل ” مجرد صديق لا غير
راضية . .”مابغاتش تزيد تحرجها” واخا ابنتي تقدري تمشي فين بغيتي
راضية . .باست خدها” لهلا يخطيك
خرجات من عندها وتوجهات لشقة عند متعة باش تجهز نفسها مسافة طريق كانت قدام باب العمارة نزلت من طاكسي وطلعت لطابق الثالت فتحات لباب ودخلت . . . .
هدى . .متعةةةةةة
متعة . .ايييه تفاجأتي
هدى . .”بخوف ” علاش جيتي من الخدمة واش عيانة ؟!
متعة . .”يالا بغات تعاود ليها وهي تسكت قوسات عينيها وتكلمت” ونتي علاش جيتي هااااا !!
هدى . .”تلاحت فوق الكانابي ” اخخخخخخ ياقلبي ماتخيليش امتعة شنو وقع من دابا شوية
متعة . .”بهتمام’ اش وقع ؟!
هدى . . أحمد عرض عليا لغدا
متعة . .”بفرح ” بصحححححح
تتمة_______________
توجهات لغرفة ديالها وبدات كاتجهز نفسها وفنفس الوقت كاتعاود لمتعة لي حتى هي عاودت ليها شنو وقع معاها هاد نهار
هدى . .واش بصححح عرفتي هذا احسن قرار خديتي
متعة . .”تنهدت ” كانتمنى
هدى . .”كاتوضع لمسات الأخيرة” ان شاء الله ماغايكون غير الخير
متعة . .”بإعجاب ” هاي هاي عاى تيتيز دالعمارة جاك الفستان تحفة “خدات الكاب” لوحي عليك هاد الكاب البرد قاسح
هدى . .”بفرح” واش بصح جيت زوينة
متعة . .”ضماتها ” حبيبة قلبي اصلا زوينة الله يفرح ويزيد فراحتك
هدى . .انا ونتي يارب * ضحكت * شوية غانوليو نبكيو هههه
متعة . .ههههههه
بعد ماكملت جاتها رسالة من عند احمد
💭 Bjr Ana lta7t
هدى . .ويلي ويلي تعطلت احمد وصل
متعة . .”طلت من السرجم (النافدة) عندو رونج ياك !
هدى . .ايييه يالا بيب نشوفك فالعشية
متعة . . كوغاج بيب😘
خرجات هدى كاتجري اتجاه باب العمارة اول ما نزلت جات عينيها على سيارة د احمد فتحات الباب وجلست جنبو
هدى. . تعطلت عليك
أحمد . .نو يالا وصلت صافي مشينا
حركات راسها بالإجاب شاف فيها وتبسم من بعد ديمارا فتجاه المطعم مسافة طريق كانو قدام باب المطعم لي كان فحي راقي بمتياز نزل من سيارة وفتح ليها الباب نزلت وعينيها كايدورو يمين وشمال بإعجاب شد يدها شي لي خلا العصافير يلعبو فبطنها وترتبك من لمسة يدو حس برتباك شي لي خلاه يضحك على حركاتها ورتباكها مع دلك بقى شاد فيدها توجهو لداخل المطعم نسات يدو وتدهات ف جمال المطعم وفالمعاملة لي تلقات من العاملين كأنها سيدة معروفة جر ليها الكرسي وأشار ليها تجلس
أحمد . .تفضلي …
هدى . .احم شكرا
مكان_اخ___________________ر
لينا . .ها شنو وقع !!
ماريا . .”رتشفت من العصير” من الحادت المزعوم ماوليت شفتها سولت وقالو ليا بلي خرجات من شركة
لينا . .وفين مشات !
ماريا . .وانا اش عرفني صبري على رزقك ماخاصش نزربو دقة دقة قلت ليك تيقي فيا ونعسي على جنب الراحة
لينا . .املي فالله وفيك كبير
ماريا. . غير صبري غانهنيك منها فاقرب وقت رتاحي
لينا . .”ضماتها” الله لا يحرمني منك
تتمة________________________
أحمد . .حكي ليا على راسك !
هدى . .”بدون تردد” امممم انا هدى العلامي 25 سنة قبل شهر كنت ممرضة ف مصحة *******
أحمد . .”قهقه ” ها ها ….. هاد شي عارفو قولي ليا لي ماعارفش
هدى . .متلاا !!
أحمد . .”هز كتافو ” اي حاجة متلا واش كاين شي حد ف حياتك شنو كاتبغي اي حاجة غير هضري
هدى . .اممم بخصوص واش كاين شي حد فحياتي هاد ساعة كاينة غير صحبتي الوحيدة متعة وولدها اممم وشنو كانبغي كايعجبني سفر بزاف والمغامرات
أحمد . . يعني نفهم بلي ماعندك حتى شي رجل فحياتك
هدى. .”تبسمت” تماماا
أحمد . .”بصوت رجولي” مزيان بزاف
قبل ما يكمل كلامو وقف عليكم سورڤور
…… شنو طلب ديالكم !!
أحمد . .”شاف فيها ” شنو تبغي على لغدا !
هدى . .غاناخد بحالك
أحمد . .”تبسم’ اوك
مكان________اخ_____________ر
ميمونة . .طلعي لغرفة سي امين وعلميه ينزل لغدا
زينب . .هي للولة _____ مشات طايرة لطابق الثاني والفرحة ما سايعاهاش طرقات زوج طرقات على الباب ودخلت لداخل كاتقلب عليه بعينيها . . . .
لكن ما بان ليه اتر رخات ودنيها وهي تسمع خرير الما جاي من دوش عرفاتو كايدوش ستغلت الفرصة وتلاحت فوق سريرو وهزات تيشورط ديالو كاتشم فريحتو . . . .
زينب . .اخخخخخخ امتى يكون هذا بيتي وامين حلالي
خرج من الحمام لاوي الفوطة على نصو غير شافها مسطحة فوق سريرو كشر على نيابو وصرخ فوجها. . .
أمين . .اييييه تهزي من تما
زينب . .”شهقات” س سمح ليا اسيدي
توجه ليها بخطوات تقال وعينيه عليها وقفات كاتفتف من الخلعة وعينيها فالارض . . . . . . . . .
أمين . .اش كاديري ف بيتي يا هاد لقح** همممم حركات شيخات ماتمشيش عليا براااااااااا
خرجات من بيتو ودموع تجمعو ف عينيها اخر حاجة كانت متوقعاها هي يجرحها بكلامو توجه لدرسينغ لبس سروال جينز ديالاڤي مع قميجة فاالبيض وصبادري بيضة نشف شعرو ورش من برفانو وخرج من الغرفة بعد ما لبس ساعتو اليدوية نزل لطابق السفلي وخرج من الڤيلا تحت انظار انتصار لي كانت كاتخنزر فيه فنفس لأتناء نزلت راضية غير شافتو خرج حسات بالخيبة من جديد فكل مرة كايخيب املها فيه كانت باغية تغدا معاه وتحاول جاهدة تقربو منها فكل ماكاتقرب خطوة هو كايبعد زوج خطوات شافت فيها انتصار وتكلمت. .
انتصار. .ماتقلقيش امي انتي عارفاه كي داير
راضية . .”تنهدت” الله يهديه
انتصار. .أمين امي اميييين
⁦❤️⁩ تتمة__الجزء ⁦❤️⁩
المسااااااااااء__________________
هدى . .اخخخ كان غدا زوين بزاف غمرني بهتمامو و خلاني نزيد نتعلق فيه
متعة . .ماصارحكش !!
هدى . .نن مزال متقل مي من خلال اسئلتو قدر يوصل ليا بلي راه مهتم
متعة . .الله يسعدكم
هدى . .اميييين يارب ويسعدك “شافت فيها ” هاااا ناصر ما تاصلش بيك !!
متعة .. نن مزال ان___ قبل ماتكمل كلامها رن الفون ديالها____
ترن………… ترن………….
هدى . .هذا ناصر
متعة . .”برتباك” وي
هدى . .”بحماس ” ردي اصاحبتي ردي
متعة . .”دوزات الخط ” وي الو
ناصر . .”بصوت رجولي ” انا لتحت
⁦❤️⁩ تتمة__الجزء ⁦❤️⁩
ترن………… ترن………….
هدى . .هذا ناصر
متعة . .”برتباك” وي
هدى . .”بحماس ” ردي اصاحبتي ردي
متعة . .”دوزات الخط ” وي الو
ناصر . .”بصوت رجولي ” انا لتحت
قطعات الإتصال وشافت ف هدى
متعة . . الله ياربي دارها بصح وجا
هدى . .”مشات كاطل من سرجم” ولهيلا كاين لتحت “توجهات ليها ” سربي اصاحبتي وجدي راسك
متعة . .انا غانزل غير بالبيجامة “هزات لكاب لاحتو عليها
هدى . .واش نتي صاڤا
متعة . .”بإصرار” هما زوج كلمات ماغانطولش
هدى . .”بتنبيه” عندك تزبليها ثاني سمعي منو وفكر الف مرة قبل ماتردي
متعة . .توجهات لباب ” ماتخافيش
نزلت مع دروج لابسة بيجامة بسروالها فالأزرق ولايحة على كتافها كاب فالگري وشعرها مطلوق قبل ماتخرج من باب العمارة خدات نفس عميق وتوكلت على الله عاد خرجت اول ماخرجت من الباب جات عينيها عليه لابس سروال جينز ديلاڤي مع كول مونطي فالبيض وگاط فالكحل ومتكي على رونج ديالو كايكمي غير شافها طفا الگارو وركز نظراتو للولبية صوبها توجهات ليه بخطوات تقال وقلبها كايرقص سامبااا…..
متعة . .مساالخير
___مكان__اخ_______________ر
كانت غادية جاية ف غرفة نومها كاتفكر فهاد لحريرة لمحرحرة وشنو غاتقول لميسيو اليازمي ولينا جلسات فطرف دسرير ودماغها مرفوع خرجها من سهوتها صوت مصطفى لي كان متبعها بنظراتو
مصطفى . .ياهاد لمرا مالك غير كاتخمي
رجاء. .”بتهكم” انا لي نخمم ونزيد نخمم على فقايص ولادك ومادارو فيا
مصطفى . . واش ناصر ثاني !
رجاء . .”بنرفزة”وشكون من غيرو اخخخخ ماقادراش نشوف فوجه لينا ونقول ليها كلشي سالا
مصطفى . .”بعدم مبالات” هاااء عادي ناس راهم طلقو كاع وعادي عاد لخطوبة
رجاء . .انت كلشي عندك عادي اش غانقول ليها اش حقا ما حقا ولدي شاف وحدة غيرك وانتي الله يعرضك سلامة
مصطفى . .وعلاش تهضري انت گاع خليه منو ليها
رجاء . .داك شي لي غاندير ماقادراش نشوف فوجها خليه هو يقولها ليها
مصطفى . . هي ادا جيتي دابا تنعسي ومدبرها حكيم
الممرضة_والوحش______ 107 ]
بقلم : الهاوية__سحر__كوثر___
أول ماطلعت ف سيارة ديمارا طول طريق وهما ساكتين كانت جالسة كاتخمم فشنو غاتقول مرة تشوف فيه ومرة فالطريق لي غادية وكاتطوال فلحظة تزاد معاها زايد والف سؤال كايدور فراسها علاش طول طريق فين غادي بيا وشنو غايوقع تلفتت ناحيتو وتكلمت بصوت خافت نوعا ما
متعة . .فين غادين !
كان حاط يدو على لكوسان وكايشوف فالطريق بنظرات حادة خرجو من شرودو صوتها تلفتت ناحيتها وتكلم بصوت رجولي بمتياز . . .
ناصر . .مابقى والو ونوصلو
متعة . .اوك بس فين غادين طريق طويلة بزاف
ناصر . .”تبسم جنب” مابقى والو وتعرفي
رجع كايشوف فطريق بين ما هي حطات راسها على زاج وكاتشوف فالطريق لي كانت خاوية فجنبها الشجر شاد صف واحد وعلى طول الطريق من خلال المنظر لي قدامها عرفات بلي خرجو على المدينة بعد نصف ساعة تقريبا وصلو المزرعة كانت معزولة على باقي المزارع تفتح الباب الكبير بشكل اطوماتيكي ودخلو لداخل وسط جردة كبيرة ماقدرتش تحقق فيها مزيان بسبب ظلام وشتا لي كانت كاطيح تزاد معاها زايد من جديد ولات غير كاتبرق ف عويناتها بين ماهو كان كايسوق وساكت ثواني وكانو قدام باب كبير من زاج وقدامو نافورة كبيرة انسطالا سيارة وشاف فيها
ناصر . .”بصوت رجولي ” وصلنا
تبسم ابتسامة جانبية ونزل من سيارة توجه للجهة الثانية بخطوات ثابتة فتح ليها باب سيارة وأشار ليها تنزل دورات راسها يمين وشمال كاتفقد المكان من بعد نزلت وهي مترددة ومتخبطة فأفكارها شافت فيه وتكلمت . . . . . .
متعة . .ع علاش جيناهنا
. .”شد يدها بين يدو وتوجه لباب الزجاجي وهو كايهضر فنفس الوقت
ناصر . .جينا باش نكونو بحدنا ونهضرو على راحتنا “تفتح الباب بشكل اطوماتيكي ودخل لداخل وهو مزال شاد فيدها حساات بقلبها ولا يضرب فالتسعين وكاع الافكار الخايبة جاو فبالها نترات يدها من يدو ورجعات ببضع خطوات للوراء والخوف متمكن منها
متعة . .ش شنو باغي ديري هاااا علاش جبتيني لهناا
توجه ليها بخطوات تقيلة وعينيه ف عينيها وابتسامة جانبية على شفاهو فكل ما كان كايقرب كانت كاتبعد حتى لصقات على الحيط حاوطها بيدو وعينيه ف عينيها وحرك شفاهو بشوية . . .
ناصر . .واش خايفة مني هممم
متعة . .”بتلعتم” ب بع بعد لهيه “بخوف اكبر” ردني من جبتيني
حط نيفو على نيفها وانفاسو الحارة كاضرب فوجها وهمس بصوت خافت كافحيح الأفعى . . .
ناصر . .ماحدك معايا فراك فأمان متعتي
أول ما قال كلمة متعتي الماضي لأليم جا قدامها تجمعو دموع ف عينيها وكلها كاترجف ستجمعات قواها ودفعاتو بعيد عليها . . .
متعة . .هءهءهء ب بعد عليااااا ماتمسنيش ⁦😭😭
ناصر . .”بخوف ” متعة مالك “جدبها لعندو وخشاها بين ضلوعو وزير عليها سرعان ما حضن لوحش تحول لحضن دافي تخشات فيه كأنها قطعة منو تنهدت تنهيدة طلعات من اعماق قلبها وغمضات عينيها بقاو على داك الوضع دقائق بدون اي كلام . . .
ناصر . .”بعدها عليه بشوية” صاڤا دابا !!
متعة . .”بصوت باح ” علاش جينا هنا
ناصر . .”شدها من يدها توجه لكانابي ” ماتخافيش وتيقي فيا شي لي فبالك ما كاينش “تلفت ناحيتها ” هممم شنو تبغي على العشا !!
متعة . .”بنفاد صبر ” انا ماجاياش نتعشا
ناصر . .”بصوت رجولي ” وعلاش جاية هممم “غمزها ”
متعة . .”برتباك ” ب ب باش نهضرو
الممرضة_والوحش______ [ 108 ]
بقلم _الهاوية__سحر__كوثر___
راضية . .لاا لااا الولد عندي غادي الهاوية الى ماجمعتش راسي معاه غايضيع من يدي
راضية . .وشنو المعمول !
نتصار . .المعمول خاص نتقل ليه جناحو باش يرجع لطريق
راضية . .كيفاش
انتصار . .خاص نجيب ليه لمرا امي لمرا لي غاتردو لطريق وماشي اي مرا تكون شاربة عقلها ومحكوكة مع زمان
راضية . .وبسلامة فين غاتلقاي ليه هاد لمرا هاااا !!
انتصار . .”تبسمت” المرا كاينا امي كاينااا
مكان__اخ_____________________ر
ناصر . .”جلس على ركابيه انفاص معاها” وانا كلي ادان صاغية
متعة . .احم فكرت فالكلام لي قلتي صباح وانا موافقة نعطيو لنفسنا فرصة “حناات راسها وخدودها توردو من الخجل
ترسمات ابتسامة رضا على محياه وعينيه لمعو من الفرحة شد يدها بين يدو وباسها . . .
ناصر. . وانا وعد مني غانخليك اسعد مرا على الوجه الكون
جدبها لعندو ورجع خشاها فحضنو والفرحة ماسايعاهش ______________
مكان__اخ__________________ر
نعمة . .وااااااااااااااا تايكة عتقي عتقي الما دخل عليناا” هزات شطابة وكادفع لما دشتا برااا ناضو مالين دار قافزين على صوتها وكلشي مخلوع شتا كانت خيط سمااا ومجهدة خلات دوار كلو يتهز بالمياهاااات كتر الهرج والمرج وكلشي مدهي كايكنس الما على برااا بعد نصف ساعة تقريبااا صحات شتا وقفات وحاسة بظهرها غايتقسم حطات يدها على نصها وتكلمت . . . . .
نعمة . .الله ياربي ظهري تقسم
تايكا . .”دافعة كرشها لقدام ” واااا راك گاوطة مايتسالكش
نعمة . .”جرات صندوق وجلست عليه” عرفتي كن ماضرباتنيش الفيقة كان الما غايهزنا كلنا مافيهاش
الحاج . . انا غدا غانبني العتبة قدام الباب وباش ادا صبات مايدخلش علينا ثاني
تايكا . .داك شي لي خاصو يدار ابا الكبير
نعمة . .”وقفت ” ونوضو تنعسو يصبح ويفتح
⁦❤️⁩ ___تتمة_الجزء____ ⁦⁦❤️⁩
بعد ماتكلمو توجهو المطبخ يوجدو العشا الفرحة ما كانتش سايعاه عكسها لي كانت مخربقة وماعارفاش فين لاحت رجليها وكاتطلب ربي يدير تويل دالخير وماتندمش فتح ثلاجة لي كان ديجا معمرها بكاع لي غايحتاجو خدا الكفتة وبدا كايوجد لعشا وطالق اغنية اسبانيا كايدندن معاها وفكل مرة كايشوف ف متعة لي بدات كاتطلق طلعات فوق البوطاجي وتربعات وجلسات مقابلاه خشى صبعو فلاصوص طوماط وطبع ليها نيفها . . . .
متعة . . ردات شعرها لور ” اش درتي
ناصر . .فين شاردة هممم واش الأغنية ما عجباتكش !!
متعة . . نن عجباتني “قوسات عينيها” شنو غاطيب امممم !!
ناصر . .”بصوت رجولي ” سباكيتي
متعة . .دابا حايبني لهاد الجايحة باش توكلني سباكيتي 😏
ناصر . .”قهقه حتى بانو الغمازات ديالو” ها ها هه نقضيو دابا بلي كاين وغدا يكون خير
متعة . .وسعت عينيها من صدمة ” غداااااااااااا شنووووو !! “نقزت من البوطاجي ” ماتقولش ليا غانباتو هنا
ناصر . .”بخشونة ” وي
بعد ما وجدات سباگيتي عمر زوج طباسل وتوجه لغرفة الأكل وهي وراه كاتهضر فنفس الموضوع بدون ماتكل او تمل حط الأطباق فوق الطبلة وجر الكرسي وجلس بين ماهي بقات واقفة ودايرة يدها على نصها . . .
متعة . . مستحيل نقبل نبات هنا ومن الفوق معاك وفدار وحدة ثم مانقدرش نبات بعيدة على ولدي
ناصر . . “حط الفرشيط من يدو وشاف فيها” ادا كان على لي فبالك غير حيديه سبق ليا وقلت ليك انت فأمان ونتي معايا وادا على ولدنا انا عارفو فيد أمينة وصحبتك لي هي هدى غاترد ليه البال واول ماتشرق الشمس غانجيبو لعندك أشار ليها ” وادابا تقدري تجلسي 😉
متعة . .”حالة فمها” الله الله هاد شي كامل مخطط ليه ايوا شكون قال ليك بلي انا موافقة همممم “لاحت شعرها ورا ظهرها بعصبية ” بغيت نمشي دابا عند ولدي 😤
وقف وتوجه ليها بخطوات تقال وعينيه ف عينيها حسات بالإرتباك من نظراتو وفكل ماكايقرب بخطوة كاتبعد هي بزوج خطوات عقد حجبانو وكمل المشي ديالو صوبها بقات كاتبعد حتى لصقت على الحيط وقلبها كايرقص السامبا واخيرا وقف قدامها عينيه ف عينيها وانفاسو الحارة كاضرب فوجها حاوطها بيديه وتكلم بصوت خافت كافحيح الأفعى . . . .
ناصر . . فين بغيتي تمشي هممم !!
متعة . . “بتلعتم ‘ ع عن عند ولدي
ناصر . .”حط نيفو على نيفها” واش خايفة مني امم “كايمرر صباعو على خصلات شعرها” قلت ليك تيقي فيااا “حط شفاهو على شفاها وتكلم بصوت خافت
ماحدك معايا انت فأماني وتقطع يدي ادا تحطات عليه . .
متعة . .”ب ب بعد الشر ان___قبل ماتكمل كلامها قاطعها بقبلة حنينة خلات رجليها يفشلو ودقات قلبها تتسارع جر شفتها التحتية برفق وعطاها حقها وطلع لشفة الفوقية يالا غايتعمق ف قبلتو وهي دفعو بعيد عليها وكاتنهج . . . .
متعة . .”حطات يدها على صدرها كاتلتقط انفاسها ” بلييز بغيت نبقى بوحدي
ناصر . .مرر الإبهام ديالو جنب فمو وتكلم بصوت خشن كلو رجولة . . . .
ناصر . .اوك __________عطاها بالظهر وتوجه لجردة جلس تحت الشجرة وجبد الكارو كايكمي بين ما متعة جرات الكرسي وجلست مرفوعة من القبلة ومتخبطة ف أفكارها. . . .
__مكان__اخ__________________ر
كانت جالسة فالصالة لي انفاص مع الباب وحاطة رجل فوق رجل وفنجان القهوة فيدها كل مرة ترتشف منو وفنفس الوقت كاتنتظر قدوم أمين بعد دقائق من الإنتظار سمعات صوت محرك سيارة حطات الفنجان من يدها وعتدلت فالجلسة هازة حاجب وحاطة لاخر خارج الڤيلا كان أمين كايأنسطالي السيارة وحالتو حالة بشراب نزل من سيارة وتوجه لباب الڤيلا كايميل يمين وشمال وكايدندن على اغنية غربية فتح الباب بالمفتاح ودخل لداخل ….. وقفات كاطلع فيه وتنزل وكاتصفق بيديها
انتصار . .براااااافو….براااااافو تبارك الله عليك اولد بوطالب مايتسالكش كفيتي ووفيتي تبارك الله عليك
أمين . .”لسانو تقيل بشراب” اشنو باغية امرات بوطالب هممم
انتصار . .”بشمئزاز” حالتك كي الكلب عمرك تبدل ياريتني ماتزفت وولدتك ماتشرفش بالمرةةةةة بالحق الكلام ماشي دابا حتى يصبح ويفتح طلع تخمد
بعدم مبالاة وبدون مايتكلف ليها طلع ما طروج كايجر فرجليه ورجع كايغني من جديد فتح باب عرفتو ودخل داخلها تلاح فوق السرير وخمد ……….
__مكان_اخ___________________ر
بعد مارتاحت وجمعات افكارها هزات كاب وخرجات لجردة جات عينيها عليه جالس تحت شجرة وكايكمي توجهات ليه اول ماوصلت لاحت الكاب على كتافو وجلست جنبو هز عينيه فيها بدون مايتكلم ورجع كايكمي ساد صمت لدقائق من بعد طفا الكارو وجدبها لعندو خشاها فحضنو وغطاها معاه وابتسامة خفيفة على شفاهو . . . . . .
متعة . .توحشت يازين
ناصر . .”بصوت رجولي” حكي ليا على نهار ولادتو باش حسيتي !!
متعة . .حطات راسها على كتافو” اجمل احساس فالكون احساس مايتوصفش من نهار تولد هو عيني ومحور حياتي “تبسمات” ماعدبنيش لا فالوحم ولا فالولادة حبوب قبل مايتزاد
ناصر . .”الغصة فحلقو وتفاحة ادم كاطلع وتنزل شاف فيها وتكلم” ياريت كنت جنبك وحضرت لكل المراحل اخخخ قداش انا ماكنس___حطات سبابتها على فمو “شششششت مابقيتش بغيت نرجع للماضي خلينا فالحاضر يزين مزال بيبي ومحتاجك بزاف عندك كاع الوقت باش تحضر لمراحل لي جاية متلا من يحبو ومن يتمشى ونهار ينطق ونهار للول لمدراسة …..”شافت فيه وتبسمت ” انا متأكدة غايطلع دكي “هزات رقبتها بشموخ” بحالي
ناصر . .”ضحك على هبالها وختار يجاكرها” وعلاش ماتقوليش غايطلع دكي بحال هااا !! اصلا هو ولد وغايطلع لباباه اش ظهر ليك ؟!
متعة . . “خزرت فيه” اش اش هاااااء قال ليك دكي بحالي ونننن نننن نننن
ناصر . .”قهقه برجولة “ها ها هه حمقة
متعة . .”عوجات فمها ” هو انت ⁦🙄😉
ناصر. .جدبها لعندو وزير عليها فحضنو ” عرفتي انا محظوظ بزاف
متعة . .”بغباء ” علاااش !!
ناصر . .حيت عندي نتي
. .”توردو خدودها من الخجل وضربات طم بقات مخشية فحضنو وكايدردشو فمواضيع مختلفة حتى ترخاو بنعاس عاد كل واحد توجه لغرفة تلاحت فوق السرير من تعب ونعسات بين ما ناصر تلاح على ظهرو ودار يدو تحت عنقو كايفكر فيها حتى داه نعاس
⁦❤️⁩ ___التتمة_____ ⁦❤️⁩
اليوم__الموااالي___________ 🌄
شرقات شميسة وتسللت اشعتها من وراء الستار وكاتقول انهضي جميلاتي لا حياة مع الكسل ناضت مسخسخة تكسلات فوق الفراش كي شي قطة وناضت كاتجر ف رجليها فتجاه الحمام قصات روتينها وتوضات ورجعت لغرفة صلت الصبح وجمع الفراش ونزلت لطابق السفلي وفنفس الوقت كاتجمع شعرها بشكل عشوائي اول ما دخلت المطبخ كانت المفاجأة ولات كاتركز من الفرحة توجهات ليه والقلوبة كايخرجو من عينيها
متعة . .بفرح” زينووووووو حبيب مامااااا😍
هزاتو من الرولاكس وكادور بيه والفرحة ما سايعاهاش بين ما ناصر كان عاطيها بالظهر كايوجد القهوة والإبتسامة على شفاهو . . . .
مكان__اخ__________________ر
أول ما فاقت توجهات لغرفة نوم ديالو فتحت الباب وتوجهت للطيراس فتحات بابو وهزات ريدو باش دخل شمس اول ما دخلت شميسة جلس يخسر سيفتو هز المخدة وحطها على راسو توجهات ليه هزات المخدة ولاحتها فالأرض بزعف وتكلمت بصوت عالي حتى قفزززز
انتصار . .صباح الخير اسي أمين
أمين . .”شاف فيها قلب عينيه وتكلم بصوت مدعدع بنعاس ” اش بغيتي اماما على صباح !!
انتصار . .عندي ليك شي كلام نوض نوض غسل وجهك ورجع عندي
أمين . .”بزعف” دابا اش بغيتي بوجهي هااا _ضغطت على اعصابو ” ماما بليييز خليني نكمل نعاسي
انتصار . .”بإصرار” ماكاين نعاس حتى نقول كلامي
أمين . .”بنرفزة” كانسمع …..
الممرضة_والوحش_____ [ 109 ]
بقلم__سحر___كوثر______ 😘
ناض قافز من بلاصتو وخرج عينيه. . . .
أمين . .ش شنوووووووووو 😲 نعاااااااام !!
انتصار . .”جلسات فالكانابي ودارت رجل فوق رجل ” كيف سمعتي
وقف وكايشوف فيها والغضب بدا يسيطر عليه توجه ليها وتقابل معاها . . . . .
أمين . .واش من نيتك انا نتزوج بديك العروبية المخنة ولي شعرها ديما واقف !
انتصار. .كانت مخنة وشعرها واقف من كانت صغيرة دابا غاتعحبك انا متأكدة
وهي المرا المناسبة ليك
أمين . .راك كاتحلمي “يالا غايتوجه لحمام ويتجاهلها وهي توقفو بجملة خلات كيانو يتهز ويرجع يشوف فيها بغضب من جديد . .
انتصار . . غاتحط لي كاخط گيشي والكونطاك دسيارة وغاتنسى لإرت وبمرةةةةةة تقي بيا ادا رفضتي ماتحلمش لا بشركة ولا بدار ولا بغيرها وانا عند كلمتي اولد كرشي
أمين . .بصدمة” كاتفلاي معايا
انتصار . .”وقفات” فين عمري تفليت معاك همممم “فتحات لباب وتلفتات ليه ” من هنا لعشية نلقى الجواب عندك وانت غاتعرف مصلحتك اكيد
خرجات من الغرفة وخلاتو حال فمو من صدمة اخر حاجة كان متوقعها هي يتزوج بوحدة عروبية وقل منو فالمستوى زائد اخر حاجة كايفكر فيها هي زواج هز لكاس وضربو مع الحيط حتى تشتت وكرز على يدو حتى عروق رقبتو برزو وصدرو كايطلع وينزل بعصبية . . . . .
مكان__اخ__________________ر
كانو جالسين فالجردة ويزين بين دراعها كاتلعب ليه فشعرو وحاسة براحة احساس اول مرة تحس بيه وانفاص معاها كان ناصر كايرتشف من الفنجان ويولي يشوف فيها ويتبسم. . . . . .
ناصر . .كيف جاتك المفاجأة 😉
متعة . .هادي احسن مفاجأة “باست جبين يزين” شافت فيه” بس شحال غانجلسو هنا !!
ناصر. .”رتشف من الفنجان” يمكن اسبوع ويمكن كتر شكون عرف !
متعة . .”وسعات عينيها” اسبوع ولا كترررررر والخدمة و___قاطعها”
ناصر . .يمكن المدير جالس حداك !
متعة . .”تنهدت ” خاص نهضر مع هدى
“تلفتت كاتقلب على تيلي “فين هو تلفوني
ناصر . .غاتنساي تيلي طول ما حنا هنا
متعة . .لاااا مايمكنش خاص نهضر مع هدى ونطمن على شهد
ناصر . .شكون شهد !!
متعة . .شهد ختي
ناصر . .”عاد فطن ” ااااااه “شاف فيها ” غانخليك تهضري معاهم بس من بعد غانطفيو تلفونات وغانساوهم هاد الايام
متعة . .”حركات راسها بالإجاب ” اوك

الممرضة__والوحش_______ [ 110 ]
_بقلم__الهاوية__سحر_كوثر_____
نعمة. .”بصوت عالي” بزااااااااااااف عليك ولهلااااااااا يحيك الگدرة الحايلة
محجوبة . .اسيري يالبايرة يالي دخلتي فتلاتين والكلب ماقبل عليك اما بناتي برجالاتهم وبولادهم وماتوصليهمش حتى فوسخ رجليهم . . . . .
نعمة . .”حطت يدها على ودنيا” سمعو سمعووووو قالت ليك برجلاتهم بلاتي نضحك هههههههههههههههه وتسناي نجيب لي يضحك معايا “كاتبرح ” اجي امرات لعربي ضحكي واجي افوزية ضحكي معانا قالت ليك برجلاتهم “حطات يدها على نصها ” داك بوشعيب المخنن طايح سروال حتى هو محسوب من رجالة يالي بنتك كاتخدم فجنانات ويعلم الله اش كادير من وراه الخبار فراسك باش تجيب ليه مايلغج وهو كي لحمار مضهسس وغير طالق ريوگو ولا داك بوعزة السكايري لمقمل بوسخة لي كل ليلة مفرج فيها العادي والبادي ولي حتى هي خدامة وماشي اي خدمة شايلاها ياتقوا*يت رانا كاملين عارفين البير وغطاه خلينا ساكتين ونزيد نصحح ليك الشايبة لعايبة يلا كملت ربعة وعشرين ومزااال صغيرة وسيد رجال لي غايديني
محجوبة . .صغيرة على فم سبع االبايرة هدا جهدك ابنت دراز هاااا لقيتي لي يشلك مايبلك قالت لي بناتي هممممم انوضي تگعدي اخانزة لكرسون ياكبيرة المخنين عاد لبارح كانعقل عليك خنونتك زرگة تنوض قلب الكلب وشعرك كرد دابا جاية ترادي معايا كي طعريجة الله ينعل البايرة لي رباتك
نعمة . .كاتنتر ” اشوفي امحيجيبة العايبة لحد لان مزال صابرة ليك وراك عارفاني مايحتاجش نقول ليك شكون انا
محجوبة . . ها هاااي قالت ليك ماعارفهاش شكون ___وشكون لي مايعرفككش ياجبادت لبلا يالي ماوقرتي لا صغير لا كبير كي لعافية كاتصوطي فكلشي الله يخليها نقلاااااااا ايييييييخ تفووووووووووووووووو ……
نعمة . .”جن جنونها” كاتفي فوجهي هااااااا كاتفي فوجهي
فوزية . .نعلو شيطان
ناض الهرج والمرج شي كاينهي نعمة وشي كايدير بخاطر محجوبة حيت كبيرة زعمة حلفت نعمة لا سكتت وصل اخبار لوحدة من بنات محجوبة وجات كاتجري وعينيها خارجين ناوية على خزيت مالقاتش نعمة من العاجزين ترمات عليها نعمة وشطبات بيها دوار مالقاو مايفكو فيها ومحجوبة كاتولول . . . .
نعمة . .بعدات عليها كاتنهج ومها كاتجر فيها” هادي باش تعلمي طوفي بساحتي
العبدية . .وااا زهرة تي دخلي بنتك ولله الى حشومة هاد شي
نعمة . .”بزعف ” حشومة غير انا وهي لي كل مرة تنعتني بالبايرة وتحگرنا حيت دراوش وعلى قد الحال بالحق والله مانسكت لشي كلب فيهم لي دوا ياخد دوااا
زهرة . .”جراتها” زيدي دخلي يدخل فيك ريح ديما مشوهاني
زاهية . .”كاتجمع شعرها لي كاع تنتف ” والله لا بقات
48 sem5 mentions J’aimeRépondre

Photo de profil de stories_farah.hiba
stories_farah.hiba
@stories_farah.hiba زاهية . .”كاتجمع شعرها لي كاع تنتف ” والله لا بقات فيك هاااهي عقلي مزيان
نعمة . .”بصوت عالي” على مافخيلك سرجيه وركبي عليه
الممرضة__والوحش_____ 111 ]
بقلم__سحر__كوثر_______ 😘
المساااااااااااااااااااااااااء__ 🌆
كان فالبار جالس فواحد الكوان مرفوع وماكايشوف فحد هاز كاس دالمشروب كل مرة يرتشف منو وكلام مو كايتردد فمسامعو وانفاص معاه جالس صاحبو وجنبو شابة فالعشرينات من عمرها جمال مقبول وقوام ممشوق لابسة غوب نص شبر وصدرها مكشوف مع ميكاب صارخ كانت حاطة العين على أمين وكل مرة تعري صدرها وتحلون عليه باش تسخنو ساعة ولا هو هناااا
الياس . . مالك اصاحبي غامعبس خلينا نشطو
أمين. . “بصوت باح ” انت ماعارف والو
الياس . .اش واقع !!
أمين . .ماشي ماما العزيزة قررات تزوجني
الياس . .هاااي هااي على مولاي سلطان ايوا هدا خبر كايفرح
أمين . .كايخري ماشي كايفرح انت عارف اخر همي زواج انا همي الوحيد هو نرد الصاع لولد خالي المصون ثم انت ماعارفش شكون بغات تلصق فيا
الياس . .”شرب المشروب دفعة وحدة” شكون شي وحدة معروفة !
أمين . .”بستهزاء” هاااااء قال ليك معروفة باغياني نتزوج بوحدة من العروبية ماقارية لا ليف لا باا وجوع من الفوق اخر مرة شفتها خنونتها زرگة وكاتلحسها بفففف
اليسار . .اووووووووو سي طخو واش كاين هاد نوع !
أمين . .”تجاهلها ” غانطرطق اصحبي
الياس . .ساهل ماتقبلش رفضها
أمين. . بففف عند بالك مارفضتش لوات ليا دراعي
الياس . .”بهتمام” باش !!!
أمين . .”شاف فيه” بحقي
الياس . .”وظح
مكان__اخ___________________ر
أول مانعس يزين حطاتو فوق سرير وغطاتو وهزات الكاب ونزلت طابق السفلي وتوجهات لجردة كان شاعل العافية وجالس انفاص معاها وكايكمي. غير شافها طفا الكارو لاحت عليه الكاب وجلست على يمينو
ناصر . .”بصوت رجولي ” نعس !!
متعة . .”تبسمت” وي
ناصر . .غانكلف المحامي يجهز لوتائق فهاد الاسبوع
متعة . .”بهتمام” اشمن وتائق !
ناصر . .”شاف فيها” باش نديرو العقد ونحط ولدنا على اسمي
متعة . .”بصدمة” العقدددددددددد…..
ناصر . .”عقد حجبانو” وعلاه شنو يسحاب ليك همممم واش غانبقاو بلا عقد زواج وولدنا بلا اسم !! فجميع لأحوال نتي ملكي مي لازم مانطبقو الشرع والقانون
متعة . .كيفاش ملكك واش عند بالك انا دار ولا سيارة باش كل مرة تقول لي ملكي ملكي
ناصر . . “صغر عينيه” اش كاتقولي ءءءء انت عارفة مكانتك عندي ظفرك يسوا الدنيا وما فيها ماتخلطيش شكلي فالعكلي
متعة . .”تنهدت” ن ناصر انا مزال ما مستعدة “شافت فيه” مزااال تيق بيا
ناصر . .”كرز على يدو وتفاحة ادم كاطلع وتنزل فحلقو ” وحتى لين غاتستعدي هممم حتى يشيب راس !! “بنرفزة” حتى لين أمتعة حتى ليننننننن !!!! ⁦❤️⁩ __ التتمة_______ ⁦❤️⁩
الياس . .قهقه برجولة ” امتى اخر مرة شفتيها !!
أمين . .تقريبا خمسطاشر سنة كانت عندي 13 سنة وهي تقريبا 9 سنين بفففف انا هاد شي طلع لي فراسي ماعرفتش علاش ماما مصممة على زواجي وبضبط بديك خيتي
اليسار . . “ضاغطة على اعصابها” كيفاش مايمكنش تتزوج بيها قصدت يعني ماشي من سهمك ولا من مقامك
الياس. .وحدة بحال هادي فين كاتعرفها ماماك !!
أمين . .باها خدام عندنا فالفيرمة
اليسار. .هااا لي قلت لا هي من سهمك ولا من مقامك اكيد ما غاتزوجهاش “بلعت ريقها وكارزة على يدها
الياس . .”شاف فيه” انا عارفك دكي واكيد غاتخرج راسك من هاد الورطة
أمين . .”شرب المشروب دفعة وحدة وعينيه حمرين كيف جمرررررر ” بغات غازواج غانتزوجو مستحيل نسمح فالإرت لي من حقي ونخلي سيهم أحمد يتمتع برزقي
اليسار. .”وسعات عينيها” كيفاااااااااااش
الياس. .واش متأكد !!
أمين . .”تبسم بخبث” وشنو بان ليك
الياس . .هاعلاش قلت راك دكي ها ها ههه
وقف أمين ولبس الكويرة ديالو وخرج من البار بعد مادفع الحساب وخلا وراه اليسار غاتحماق طلع فسيارة ديالو وعفط عفطة وحدة ماوقف حتى لڤيلا انسطالا سيارة ودخل لداخل جات عينو على انتصار وراضية جالسين كايهضرو غير شافوه سكتو . . .
أمين . .بغيت نهضر معاك
انتصار . .كانسمع
أمين. .انا موافق
راضية . .”لمعو عينيها” بصحححححح
مكان__اخ_____________________ر
متعة . .”حاطة راسها على كتفو ” جاني البرد
ناصر . . وقف ونوضها معاه ” يالا ندخلو
لاح يدو على كتافها ودخلو لداخل وهي مخشية فحضنو توجهو لكانابي وجلسو
ناصر . .كايعجبوك افلام الاكشن !!
متعة . .”بحماس” بزاااااااف 😍
باس جبينها وتوجه لتلفازة دار امبيسي تو كان فلم امريكي بطولة طوم كروز ورجع جلس جنبها ضامها لحضنو حطات راسها على كتفو وكاتفرج ____________
مكان__اخ__________________ر
أول ما سمعت موافقتو هزات تيلي وتاصلت بأب نعمة وعلمتو بلي غاتجي غدا لعندو باش تطلب يد نعمة لولدها اول ماقطعت لخط توجه نعمة لي كانت خاشية وجها فالكانون وكاطيب . .
الحبيب . .نعمةةةة وااااااااااااااا ديك زرموميةةةةةة
نعمة . .”بصوت عالي” نعاااااااام اباااااااااا
الممرضة_والوحش________ [ 112 ]
بقلم : سحر_كوثر___________ 😘
نعمة . .”توجهات ليه وكاتمسح يديها ” نعام ابااا
الحبيب. .اجي ابنتي عندي ليك شي خبار
نعمة . .”بهتمام” خير اباا
الحبيب. . غدا ان شاء الله جاين شي ناس من المدينه يطلبو يدك يالا
حنات راسها زعمة حشمانة وهي ماكرهاتش تشطح احيدوس وكلمة المدينة خلات قلبها يفرفر عطاها بالظهر ومشى يعلم مها لالة زهرة غير غاب عن عينيها طلعت فوق الطبلة كاتشطح من الفرحة وتغني
_اليوم_المواااااااالي____________⁦🏜️⁩
كان ناعس فالكانابي ومكمشة معاه متعة حاطة راسها فوق صدرو ولايحة رجليها على رجليه وغارقة ف سبات عميق فتح عينيه وترسمات ابتسامة خفيفة على شفاهو ناض بالمهل وبدون مايخليها تحس او تفيق توجه لحمام قضا روتينو وغسل وجهو من بعد توجه لكوزينة بدا كايجهز لفطور . . . .
_مكان_اخ_______________________ر
فاقت مع شروق شمس خدات دوش خفيف ونشفت شعرها وبدات كاتجهز نفسها والفرحة ما سايعاهاش واخيرا غاتزوج ولدها واملها فالله وف نعمة كبير بعد ما جهزت نفسها توجهات لغرفتو كان فالحمام كاياخد دوش تبسمات وتوجهات لدرسينغ جبدات ليه كوسطار فالأسود مع شوميز فالبيض وحطاتو فوق السرير وحطت جنبو علبة فيها ساعتو اليدوية ونزلت لطابق السفلي كانت راضية جالسة فالصالة مجهزة نفسها . . .
انتصار. .صباح الخير
راضية . .صباح الخير ابنتي
انتصار . . هاا شنو غانديو معانا راني تالفة
راضية . .ايوا مشموم دالورد والثمر معمر بالوز والكركاع وشي تفصيلة دالتكشيطة وتفصيلة دالقفطان والجلابة وصاك بصباطو والملابس داخلية وشي بيجامة والحنا والسكر والحلوى ايوا والخاتم والله يجعل البركة هاااا أمين فاق !!
انتصار . .لقيتو كايدوش واش احمد ماغايمشيش معانا !!
راضية. .راك عارفاه مشغول ضروري غايكون فالنهار الكبير يالا يالا الوقت كايجري راه خاصنا نتقداو عاد طريق بعيدة
انتصار. .هانا غانطلع نشوف واش وجد راسو
الممرضة_والوحش________ [ 113 ]
بقلم : سحر_كوثر___________ 😘
فتاحت عينيها وكاتكسل ظهرها عواج من الكانابي وقفات وهي تفطن بلي خلات يزين ناعس بوحدو طلعات مع دروج كاتجري فتحات لباب وجات عينيها عليه ناعس فالكونة كي شي ملاك “باست يدو وتنهدت”
متعة . .حبيب ماماا
دخلت لحمام قضات روتينها وغسلت وجها وجمعت شعرها بشكل عشوائي ونزلت لطابق السفلي شمات ريحة القهوة جاية من المطبخ تبسمات وتوجهات ليه كان ناصر واقف كايقطع الخبز جلسات فوق البوطاجي وهزات زيتونة خشاتها فمها.
متعة . .صباح الخير
ناصر . .”بصوت رجولي” صباح النور كيف صبحتي
متعة . .صاڤا اخخ داني النعاس فالفوطي
ناصر . .”قهقه ” ها ها هه دانا نعاس احياتي
متعة . .”حطات يدها على راسها ” الله ياربي نعسنا بزوج فيه عليها عنقي وظهري ضاريني
ناصر . .”باس جبينها” سلامتك
متعة . .اوووه اش هاد لحداگة كاملة همم
ناصر . .”أشار ليها ” كيف جيتك شاف ولا لا ؟!
متعة . .”شربات من العصير” تبارك الله عليك
__مكان__اخ_____________________ر
كانت فايقة قبل الفجر هي ولالة زهرة وواقفين على قدم وساق كايوجدو اشمنك يامسمن واش منك ياكيك واش منك يابغرير وديجا مخبين شي غريبة لدوير زمان وقفات نعمة ظهرها غايتقسم عليها بالعيا …
نعمة . .اخخخخ امي ظهري غايتقسم
لالة زهرة . . “شافت فالساعة” العشرة هادي يالا طوفي بالدار جمعيها قبل لا يجيو وانا غانوجد ليك ماتلبسي ونسخن ليك الما دوشي حيدي ريحة العرق والطياب يالا ابنتي الله يرضي عليك
نعمة . .واخا امي واخاااا
دارت شي لي قالت ليها جمعات دار وخلاتها كاتشعل وتوجهات لحمام وسط دار كان سخون تخشات فيه ودهنت لحمها لحنا والعشوب وتحمحمات ودخلت مها حكات ليها خرجات من الحمام الحنيكات حمرين والسر طايح عليها وتوجهات لبيت نعاس ديالها مسحت بالفوطة وجات عينيها على قميص فالبيض محطوط فوق البونجة فين كاتنعس . .
لالة زهرة . . “هزاتو ” هاد القميص لبستو نهار جا خطبني باك ااااح اليام “تنهدت ” وقبل مانلبسو انا لبساتو مي الله يرحمها فعرسها عرفتي ماكاينش لي ماحماقش عليك من الحرير ومخدوم باليد جابوه ليها ناسها فالخطبة ديالها الله يرحمك امي فهاد نهار
نعمة . .”طنشات ودنيها وحلت فمها ” نعاام نعاام نعاااااااام…لا مي حرام عليك واش من نيتك نلبس هاد لقميص لمحشر لبساتو جدا الله يرحمها فعرسها
لالة زهرة . .ومال جداك ازرمومية هااا مال جداك كن وتعرفي هاد القميص شحال يسوى ماتهضري “لاحتو عليها” يالااا لبسي خلاص ناس علاين ويوصلو
نعمة . .هءهءهءهءه عاااااااااا هءهءهءهء حرام عليك امي😭😭😭😭
لالة زهرة . .”جلست جنبها وضماتها” سعدي فرحي بنتي جا فيها لخطاب من المدينة غانفقص عيالات دوار
نعمة . .”مسحات دموعها بكمها “خصوصا ديك محيجيبة لحزاقة ظل دور وتقول انا بايرة “فرنست ” ههههههههههههه غانتزوج امي وماشي اي زواج غانمشي لمدينة
لالة زهرة. .”طاح عليها ضيم” الله على بنيتي غاتبعد عليا لله هءهءهءهءه
نعمة . .وخلاااااص امي بغتيني نبقى تيتي نيني حداك ويقول عليا البايرةةة هااا هاد شي لي بغيتي خليني امي ندير راجلي وولادي ونولي نجي عندك من صيف لصيف بحال دوك ناس دبرا
ونجيب ليك سارة وسعد كاينقزو فالدار ويدوزو عندك العطلة
لالة زهرة. .شكون هادو !!
نعمة . .ولادي امييي😂😂😂😂
الممرضة_والوحش________ [ 114 ]
بقلم : سحر_كوثر___________ 😘
لينا . .كيفاش يومين ماجاوش لشركة
ماريا . .”دارت رجل فوق رجل” هاد شي لي شفت حسها غابر وهو كذلك والمتل
لدرجة الموظفين بداو يهضرو عليها وشاكين بلي بينهم علاقة
لينا . .”وقفت ” بنت الكلببببببببب بالحق والله ماتفرح بيه ولا كان ليها راجل
ماريا . .”رتشفت من الفجان” وهذا هو بيت القصيد بغيتك ترتاحي ماشي من ديبار غانفرتكو ليهم العش غير بالمهل انينو غير بالمهل
_مكان__اخ_____________________ر
جالسة فالكرسي وحاطة ولدها فحضنها وكايفطرو كايرتشف من الفنجان وعينيه ف عينيها بعد ماكملو فطورهم مدات ليه يزين وجمعت لماعن غسلتهم وولت رجعت عندهم . . .
متعة . .”جلست جنبو” الغياب ديالنا بزوج وفنهار واحد غايخلي الموظفين يهضرو مافيهاش شكككك
ناصر . .”بصوت رجولي” ومن بعد !!
متعة . .كيفاش ومن بعد غايوليو يهضرو عليا و___قاطعها___
ناصر . . شكون غايتجرأ يهضر مع مرات المدير هممم !! وباشمن حق غايهضرو!
متعة . .”كادور ف عينيها” ولكن ان__قاطعها___
ناصر . .شششششت ماتقولي حتى حاجة خلينا نستمتعو بهاد العطلة انا ضارب لحساب لكلشي “جدبها لعندو وطبع قبلة على شفاها
__مكان__اخ____________________ر..
وقفات قدام الڤيلا وحيدات نظارات الشمسيه وتوجهات لباب بعد ما خدات نفس عميق ثواني. تفتح الباب فوجها . .
الخدامة . . نعام الالة !!
رجاء. .كاينا الأنسة لينا
الخدامة . .وي مدام تفضلي
شافت فيها ” شكون نقول ليها !!
رجاء . .قولي ليها مدام رجاء ….
الخدامة. .تحت امرك
طلعت لخدامة لطابق الثاني بين مارجاء جلسات فالكانابي وكاتنتظر قدومها دقائق قليلة وكانت لينا قدامها
لينا . .اهلا خالتي رجاء
رجاء . .رفعات عينيها” اهلا بنتي
لينا. .شنو تشربي !؟
رجاء . . مابغيت والو ابنتي “اشارت ليها ” اجي جلسي
لينا . .”جلست جنبها” هانا
رجاء . .”خدات نفس عميق” عندي ليك شي كلام
لينا . .خير لحالتي
⁦❤️⁩ ___التتمة___ ⁦❤️⁩
لبست القميص لي عطاتها مها وطلقت شعر بعد ما نشفاتو ودارت الكحل والعكر دربعة وعشرين ساعة وحمرات الخدود وجلست كاتسنى قدومهم على احر من الجمر
__مكان__اخ____________________ر
خداو كاع لي خصهم من مراكش وشدو طريق لڤيلاج تاحناوت مسافة طريق كان داخل الدوار وكاع الفام محلولين فالحديدة لي داخلة ولي كايشوفوها غير فالأفلام وكايتسألو عندمن غادين وشنو باغين نسا د دوار شد واحد الكوان وجلسو يوشوشو خصوصا من شافو السيارة تأنسطالات قدام باب دار لالة زهرة نزل السائق فتح ليهم الباب نزل أمين هو الأول بزي الرسمي لي جا لاصق على عضلاتو وبرزهم بشكل مثير ووراه انتصار راضية هازين بعض الهدايا بين ما سائق هز الباقي تحلو الفام والعينين وزاد الهمس وتقطع الشك باليقين خصوصا من شافو لكراطن دالسكر ومشموم الورد . . .
فوزية . .واقلة تگعد الميمون لبنت لالة زهرة
محجوبة . .”بعدم تصديق” لاااا لاااا غايكونو غير غالطين فالدار مافيهاش
ربيعة . .وعندمن غايكونو جاين باين فيهم الخير وظاهر شابعين مال
محجوبة . .مايكونو جاين غير عند دار الحاج تهامي هو لي بنتو كاتقرا فمراكش اما ديك البايرة فين غايكونو شافوها او سمعو بيها “قادت زيفها” انا غانمشي نفطنهم “نبهم” …..
محجوبة . .الااالة الااالة
انتصار. .”تلفتت ناحيتها”نعاااام
محجوبة . .”كاطلع وتنزل فيهم وف أمين بإعجاب ” بلا شك غالطين فالدار دار الحاج تهامي جات جنب الجامع “اشارت ليهم” لهيييييه “تبسمت”والله الى فرحنا ليها مسكينة تستاهل بنت الخير وحتى نتما “كاتشوف فالسيارة” ظاااهر ولا الخير والخمير وماغاتلقاوش ماحسن منها على مافخباركش راها بنت بنت خالتي و__قاطعتها راضية”
راضية . .ظاهر راك نتي لي غالطة الالة حنا جينا عند____قبل ماتكمل كلامها تفتح لباب وخرجت منو لالة زهرة
لالة زهرة . .”بابتسامة عريضة” مرحبااا مرحبااا نهار كبير هذاا
راضية . .ترحب بيك الجنة ونعيمها
تعانقو قدام محجوبة لي حلت فمها مية وتمانين درجة ومابقات فاهمة والو بعد العناق الحار لي تم بين راضية ولالة زهرة ونتصار دخلو لقلب دار ودخل السائق الهدايا من بعد تغلق لباب رجعات محجوبة بأدراجها فتجاه صحاباتها لي طنشو عينيهم . . .
فوزية. .شفتي اش قلت تگعد لميمون لبنت لالة زهرة
محجوبة. .لاااا لااا هادي دقة شي فقيه صحيح مافيهاااااش
داخل_البيت___
دخلو لصالة لي كانت متواضعة مفرشين زبية كبيرة فالحمر ومدورين بيها بونجات ملمطين بطلامط فالباج ومعاهم مخاد وفالوسط طابلة دايرة مغلفة بميكة فالحمر موردة سلم عليهم الحبيب ورحب بيهم
الحبيب . .نهار كبير هذا مع ناس الكبار
انتصار. .الله يكبر بيك
راضية . .ايوا خير الكلام ما قل وذل جينا طالبين بنتك المصون لولدنا أمين على سنة الله ورسوله
هز عينو ف أمين لي كان كايشوف ف فراغ وكارز على يديه . .
الحبيب . .ماغانلقاش ما حسن منكم البنت بنتكم الحاجة
انتصار . .الله يكبر بيك “كاتقلب بعينيها” ايوا فين هي عروستنا !!
الحبيب . .”بصوت عالي نوعاً ما” لالة زهرة لالة
لالة زهرة . .يالا ابنتي طلقي راسك
نعمة . .ناااري يامي شداتني الحشمة
لالة زهرة. .طلقي راسك هذا ماشي وقت هبالك . .
هزات لالة زهرات زوج طباسل واحد فيه الغريبة والاخر فيه لملاوي ووراها نعمة هازة صينية دتاي والقميص كايتجرجر وسوالف مطلوقين اول ما دخلت دورت عينيها كاتقلب على عريس الغفلة الحشمة طارت غير شافتو طنشات عينيها وضحكة وصلت ليها لودن حتى نغزتها لالة زهرة عاد حنات راسها. . . . . .
سلمت على راضية ونتصار ومدت يدها ل أمين وحانية راسها زعمة حشمانة سلم عليه وهو ضاغط على نفسو وماحاملش الوضع حتى انو ماكلفش راسو يهز عينيه ويشوف فيها توجهات لعند مها وجلست جنبها ومرة مرة تهز عينيها فيه وتفرنس _______________
__مكان__اخ_______________ر
هزات طبسيل وشيرات بيه حتى تشتت ولي جات قدامها كاتشير بيها وصل باها مع الفوضة لي دايرة وتوجه ليها كايجري بينما الخدم كانو كايشوفو وماقادرين يدرو والو
اليازمي . .اش هاد لحالة الينا
لينا . .ااااااااااااااااااااه هءهءهءهءهءهءءه علااااش ابابا علااااش علاش فضلها عليا جرحو بنتك ابابا وهانوها جروح وحيدتك ابابا😭😭😭😭😭
ليازمي . .”شدها بإحكام باش ماتأديش نفسها” شرحي ليا اش واقع شكون قلقلك!!
لينا . .ناصر ابااابا ناصر خلاني على قبل بنت زنقة سمح فيا ابابا هءهءهءهءءه جات عندي مو وقالت ليا ننساه بدم بارد علااش يجرحوني ابابااا علاش خلاوني نحلم ونبني فالتالي ريبو كلشي هءهءهء
جلس فوق الكانابي وجلسها فوق رجليها وضامها لصدرو والغضب مسيطر عليه بشكل واضح كرز على يدو وتكلم من بين سنانو وعينيه حمرين كيف جمر
اليازمي . .والله ماتبقى فيك اولد العمراني
__مكان__اخ_________________ر
لابسة بيجامة كلون فالگري مع بيل ديالو فالبيض وبينوار فالگري وجامعة شعرها على شكل كعكة وكاتخلط فالكيك بشوكولا وفوق البوطاجي جالس ناصر مقابل معاها هزات عينيها فيه وتكلمت
متعة . .علاش كاتشوفيا تلفتيني
ناصر . .”نزل لعندها وضمها من لور” ماكنتش عارف بلي مدامتي حادگة
متعة . .”نفخات شنايفها” ايوا اش يسحاب ليك هممم “رخات ودنيها ” ويلي يزين فاق كايبكي
ناصر . .”انت رتاحي انا غانشوفو
توجه لطابق العلوي بين ماهي رجعت كاتخلط فالكيك وابتسامة عريضة على شفاهااا
مكان_اخ_______________________ر
بعد قراو الفاتحة وركب ليها الخاتم بدون مايشوف فوجها شي لي نرفزة قربت من مها وهمست . . .
نعمة . .اويلي امي تي هذا مالو نافخ
زهرة . .”لكعتها من لتحت” راجل حشمان والجنس القصيف لا تي تبتي
راضية . .”تبسمت” عروستنا ماالها هه
يالا جات ترد نعمة وهي تسبقها مها
لالة زهرة . .هه غير حشمانة
انتصار . .”بإعجاب ” تبارك الله تبارك الله كبرتي وزدتي زيانيتي
نعمة . .”توردو خدودها” ربي يخليك احماتي
انتصار . .العقد الأسبوع جاي ان شاءالله والعريس من هنا لشهر باش يالا نوجدو على تيساع اش ظهر ليكم
أمين . .”بصوت رجولي ممزوج ببحة” انا ماباغيش العرس
نعمة . .”نقزت “ولكن انا بغيت “خرجت عينيها
هز عينيه فيها وخنزر فيها شوفة وحدة منو خالتها تبلع لسانها قد ماهو وسيم وعحبها قد مانظرتو خوفاتها
نعمة . .”نقزت “ولكن انا بغيت “خرجت عينيها
هز عينيه فيها وخنزر فيها شوفة وحدة منو خالتها تبلع لسانها قد ماهو وسيم وعحبها قد مانظرتو خوفاتها وخلاتها تدخل سوق جواها عفطت عليه انتصار من تحت طبلة باش يزم وضحكت بزز
انتصار . .هه كاتعرفو رجالة ماعندهمش مع حريق راس بس العرس اكيد غايكون شحال عندنا من نعمة
نعمة . .”رجعت فيها روح “شكرا اخالتي
بعد ماتافقو خداو لكارط ناسيونال ديالها باش يبداو ف تجهيز الوتائق وخرجو من من عندهم وشدو طريق لرباط
لالة زهرة . .”جراتها من لودن ” ادوي يا فليفلة ءءءءء اش ديك قلة لحيا راجل ساكت ونتي كي لعابة ولا بغيتي تسكتي زايداها بتخراج العينين واش باغية تشوهينا
الحبيب . .اخخخخ على جيل مايحشم مايرمش زمان كانت لمرا غير تسمع جاين يدويو فيها كاتجمد فبلاصتها من الحشمة
نعمة . .”تنترات من مها” ايوا يابا لي سكت على حقو شيطان غرو انا بغيت لعرس ونفرح براسي زواج راه مرة فالعمر “عوجات فمها”
لالة . .”زهرة” الله يقلل حياااك وتقول واش كاتحشمي
خلات مها كاتنگر وطلعت لسطح كاضرب فرجليها مع دروج وتسوط جلست فواحد لكوان ودارت يدها على خدها طلت علينا بنت جيران من سطح لي جنبهم وتكلمت
كلثوم . .بصح شي لي سمعت
نعمة . .”هزات فيها عينيها ” اش سمعتي !!!
__مكان_اخ___________________ر
ناعسة فوق سرير وكاتبكي وجنبها ماريا كاتلعب ليها فشعرها . . . . . .
ماريا . .انت من قبل عارفة شنو كاين علاش دايرة فراسك هاد لحالة خليك قوية
لينا . .”شهقت ” هءهءه كان عندي بصيص أمل فبحر من اليأس لكن بححححح مشااا مو عطاتني بظهر وهي الأمل الوحيد لي كان عندي قالت لي بدم بارد نسايه وعيشي حياتك ماعارفاش بلي _حبست الكلمة وزادت فبكاها” هءهءهءه
ماريا . .خلااااااااااص سبق ليا وقلت ليك ماغانخليهمش يفرحو وناصر غايرجع ليك تيقي فيااا
لينا. .”مسحت دموعها”واش بصح
ماريا. .”ماياخدكش شك فهادي
مكان_اخ_______________________ر
بعد ما وجد لكيك جهز القهوة وخرجاتهم لجردة فين كان جالس ناصر وحاط يزين فحضنو كايلعب معاه غير شافها حطو فرولاكس وتبسم
ناصر . .امممم ريحة الكيك كاتشهي
متعة . .”حطات ليه قطعة من الكيك فطبسيل ” ذوق ورد عليا
خدا الفرشيط هز شوية ذاقو وسد عينيه كايتبنن ” امممممممم لذيد بحالك 😉
متعة . .توردو خدودها من الخجل’ ناااصر
ناصر. . روح ناصر
متعة . .”دارت يدها ورا رقبتها” واش ماماك غاتقبل بيا !
ناصر . .”عقد حجبانو” وعلاش لي ماتقبلش هاااا زائد انا ماغانتسنى حد يقبل ولا يرفض نتي ليا وبوان فينال
⁦❤️⁩_ التتمة___________⁦❤️⁩
نعمة . .”تكات على سور دسطح” وغانسكن فالمدينة الالة وراجلي ماشي اي راجل سي امين حفيد لالة راضية مرات الحاج الله يرحمو وشكون لي مايعرفش الحاج ناس دورا لحم كتافهم من خيرو
كلثوم . .”تنهدت” سعدااااااااااااااتك العقبة لعندي قالو ليا بلي كايفتن بزين بحال شي ممتل شافتو مي
نعمة . .”بفتخار” اييييييه طويل تبارك الله ومبودر وشعرو مسرسب حسن من شعري فاالمارو وتغوبيشة كي سبع واهم من هاد شي غانسكن فالمدينة 😍 وغانولي حتى انا مرات فلان همة وشان “شافت فيها وعوجت فمها” ايوا اش غانقول ليك ربي كايرزق كل واحد على قد نيتو
كلثوم . .”بحسرة” ايه قولي ليا اش قالك واش عجبتيه!
نعمة . .دارت يدها على نصها ” ويلا ماعجبتوش انا غاتعجبيه نتي متلا 😏 سيدي طايح على شوشتو من دخل ماهزش لعين عليا حتى حشمني قدام بااا ومرة مرة يغمز بحال داك شي دالأفلام المصرية
كلثوم . .”حطات يدها على قلبها” سعدااااااااااااااتك
نعمة ..”خمسات ليها” خمسة ف عينين لي مايصليو ع النبي
كلثوم . .”عوجات فمها” عيني ماخايبينش غير تهناي” بفضول” قولي ليا اش جابو ليك !!
نعمة . .زوج كروطن دسكر وزوج زوج من الحاجة وخاتم ذهب ومشموم الورد عرفتي داك شي كايهبل مايكون سعدك ان شاء الله “رفعات رقبتها بكبرياء
كلثوم . .”بتخشع” امييييييين🙏
__بعد__اسبو___________________ع
مر اسبوع ومتعة وناصر مع بعضهم واخيرا خرجو من المزرعة وتوجهو لرباط وصلها لباب العمارة ونزل كايهضر معاها
ناصر . .”بصوت رجولي” سيري رتاحي “باس جبينها ” علمي باباك فهاد الأسبوع غانجي لعندو
متعة . .”بخوف” بابا قطع لغيااا من نهار حبلت
ناصر . .”شد يدها” انا غانحل هاد المشكل ” انت رتاحي من نوصل غانتاصل بيك
متعة . .”تبسمت” اوك ….
__الممرضة__والوحش______ [ 115 ]
بقلم : _سحر________كوثر_____ 😍
خارجة من دوش لابسة بينوار دالحمام فالبيض وهازة فوطة صغيرة كاتنشف بيها شعرها وانفاص معاها هدى هازة يزين وكاتهضر معاها. . .
هدى . . قولي عشتي اسبوع كلو رومانسية 😍
متعة . .”جلست فطرف دسرير ” اخخ اهدى خايفة من لي جاي
هدى . .هااااء مناش غاتخافي !!
متعة . .من مو من اول ماعرفت ب يزين وهي موقفة شوكتها ماعنديش جهد لنزاعات وصداع راس
هدى . .خوي راسك من هاد شي مناش غاتخافي وهو معاك متعة العمر لحظة واخاص تعشيها
متعة . .”لاحت شعرها ورا ظهرها وتكلمت ” غانعيشها وماغانخلي حتى حاجة توقف فطريقي
هدى . .”ضربات كفها مع كف متعة” هادي هي صاحبتي ههههه
__مكان__اخ_____________________ر
توجه لشركة وحاسة بطاقة اجابية واول مرة يبتسم فوجه السكرتيرة كان ديما عاقدهم معاها طلب قهوتو المعتادة وحنا راسو على البيسي كايخدم غير سمعات ماريا بقدومو تاصلت ب لينا وخبراتها . . بعد ساعات خرج من شركة وتوجه لڤيلا دالعائلة . . .
رجاء . .”تبسمات” ولدي اش هاد لغيبة
ناصر . .”ضمها ” مامااااا صاڤا
رجاء . .الحمد لله اولدي وانت
ناصر . .صاڤا الحمد لله غانطلع نشوف سيف توحشتو
رجاء . .حتى هو توحشك بزاااف
باس جبينها وطلع لطابق الثاني توجه لغرفة ولدو لي كان كايلعب ولهاية ف فمو هزو ضمو لصدو وبعتر قبولاتو فخدودو
_المساااااا__________________ء 🌆
هدى . .اش نوجد لعشااا !
متعة . .غير رتاحي انا غاوجدو شنو بغيتي نطيب لگغاطا ولا بيتزا !!
هدى. .اممممممم لگغاطاا بيب
متعة . .”جمعات شعرها على شكل كعكة “اوك
توجهات لمطبخ وهدى وراها بدات متعة كاتوجد لگغاطا وهدى جالسة فوق البوطاجي وكاتاكل المكسرات وكاتهضر على احمد . .
هدى . .مزال ماصارحني لكن كانشوف الإعجاب ف عينيه
متعة . .”تلفتت ناحيتها” الإعجاب ما موكلش اهدى مالو تقيل كي لكونكسيو خاص يدير شي خطوة اوووو
هدى . .”تنهدت ” هو رزين بلا قياس شنو ندير
متعة . .خاص تقيسي نبضو اهدى
هدى . .كيفاش
متعة . .احيييييييه انت لالة تشيطين مانحتاجش نقريك
هدى . .”قوسات عينيها ” امممم فهمتك عرفتي عندك صح خاص نتحرك ماشي غير غانقيس نبضو غانخليه يقول كانبغيك بلهلا يطريه ليه
متعة . .صفقت “وهذا هو بيت القصيد
_الممرضة__والوحش_________ [ 116 ]
_بقلم : سحر____كوثر_________ 😍
مكان__اخ_______________________ر
داخل لملهى ليلي كان جالس فمكانو المعتاد وانفاص معاه صاحبو . .
الياس. . هي بعد اسبوع غادخل لقفص ذهبي “قهقه” هاها
أمين . .”شرب الكاس دفعة وحدة” فكرتي فشي لي قلت ليك
الياس . .وي
أمين . .إي !!
الياس . .”بعد تفكير ” موافق
أمين . .”تبسم برضا ” هاكاك نبغيك خليك راجل
الياس . .نرجعو لموضوعنا تقدر ترفض زواج انت عندك تروى لي تعيشك قائد حياتك كاملة علاش خليتي مك تلوي ليك دراعك
أمين . .شنو كنتي باغي نقول ليها ااااه الإرت ديالك ماهامنيش انا مافيوزي كانتاجر فسلاح ءءءءء !! باش يسكت ليها القلب وتموت وهي ساخطة عليا خزر فيه”” بلييييز الياس
الياس . .راك حنش عمرك تبدل متلتي عليا بلي محتاج فلوسها مانخافش عليك ايوا ومراتك المستقبلية شنو غادير معاها
أمين. .ديك جرتيلة غانواطيها بان ليا لسانها طويل وخاصو يتقطع كن اكيد ما غاطولش غير تصبر عليا
_مكان_اخ________________________ر
جالسة فالجردة ودايرة رجل فوق رجل وفنجان القهوة فيدها كاترتشف وانفاص معاها ناصر . .
رجاء . . اش غانقول ليك انت تعرف المهم عندي تكون مرتاح وتكون هي بنت ناس
ناصر . .”بصوت رجولي” متعة بنت ناس مأصلة وماحدي معاها غانكون ديما مهني
رجاء . .”بحسرة” بقات فيا لينا عشمتيها على والو ماشي حرام
ناصر. .”وقف “خلااااص اماما انا اخر همي لينا ”
هز تيلي ديالو وخرج فتجاه سيارتو طلع فيها وديمارا فتجاه العمارة فين كاينا متعة وفطريقو تاصل بيها باش تنزل عندو . . . .
متعة . .”قطعات الإتصال وشافت ف هدى ” هذا ناصر قالي جاي عندي
هدى . .ايوا سيري حلقى على الحالة
متعة . .”خلااااص حتى نتي “شدت اسفل بطنها” الوجع قتلني ومبغاتش تنزل خلاص ( قصدت دورة شهرية)
هدى. . شربي شي حاجة سخونة
متعة . .”توجهات لغرفتها” غانشرب غلالة هي لي غاتنفعني
هدى . .تماماااااااا ……
دخلت لغرفتها لبست بيل نواغ مع كلون نواغ ولبست تريكو دصوف طويل ومفتوح فالگري خلات شعرها على راحتو وهزات الماسكارا جبدات بيها شفارها واحمر شفاه دوزاتو على شفاها ولبست فرجليها أوگ نواغ وخرجت من الغرفة فتجاه صالة توجهت لرولاكس فين جالس يزين هزاتو باستو فخدودو وخلات احمر شفاه على خدو
متعة . .الخنفوش ديالي كايكبر ويزيان 😘
هدى …هو فعار الله ونبي رسول الله
متعة . نتي حمقة انا نعين ول___حبست كلامها ورخات ودنيهااا…
متعة …سمعتي شي حاجة!!
هدى . .”طلات من النافدة” هذا ناصر كايكلاكسوني
متعة . .”حطات يزين ف رولاكس” يالااا تهلاو فراسكم شوية ونجي بيزووو
هدى . .بيزووو حبي ستمتعو بوقتكم..
__الممرضة_والوحش_________ [ 117]
_بقلم :سحر__كوثر____________ 😍
خرجات من شقة ونزلت لتحت بخطوات متسارعة خرجت من العمارة جات عينها على لوطو دناصر توجهات ليه والإبتسامة على شفاهااا
متعة . .”فتحت باب سيارة” كاتسنى شي حد اسيدي !
ناصر . .كانتسنى واحد البنت زوينة بزاف ولكن عصبية شوية ومشاكسة هه
متعة . .”طلعت فسيارة” على اساس انت لي هادي 😏
ديمارا سيارة وكايقهقه . . .
ناصر . .هاهاهه “بصوت رجولي” هااا توحشتيني !
متعة . .اش غانتوحش فيك عاد صباح شفتك
ناصر . .”حط يدو على يدها” انا بعدا توحشتك “هز يدها وباسها”
متعة . .”توردو خدودها’حتى انا
ناصر . .”بصوت رجولي ممزوج ببحة” دابا واش توحشتيني ولا لاا!!
متعة . .”ضرباتو لكتفو” نااااصررررررر…
ناصر . .روح وقلب ناصر ” زاد فسرعة ” فين تبغينا نمشيو
متعة . .قلل سرعة بعدااا
خفض سرعة ورجع تكلم . .
ناصر . .كاتعرفي شي مطعم زوين نتعشاو فيه !!
متعة . .كانعرف واحد زوين كايطيب لكبدة اممممممم ياسلااااااام لذيدة
ناصر . .اوووه شهتيني فين جا هاد المطعم !
نعتات ليه قلب طريق وشد طريق تمارة كانت كاتهضر بزااف ومرة مرة كاضحك حتى كايتغمضو عينيها تطلقات معاه وولات كاتاخد راحتها فالهضر وكاتحس بالفرحة وهي معاه بين ماهو كان كايشوف فطريق وكايتصنت ليها بدون ما يقاطعها ومرة مرة كايشوف فيها ويتبسم حتى كايبانو الغمازات ديالو نصف ساعة تقريبا وكانو قدام مطعم شعبي صغير جنب البحر مختص فالكبدة نزلت من لوطو وتوجهات لمطعم لي كانو فيه طاولات قلال من الخشب .وفيهم بعض شباب كل واحد شاد نص وكايخشي فوجهو. .
متعة . .باااا العربي باااالعربييييي…
خرج لعندها رجل فالستين من عمرو. تقريبا مربوع القد لابس سروال كحل مع جاكيط فالكحل وداير طاقية فوق شعرو الأبيض غير شافها تبسم حتى بانو ضروسو . . .
العربي . .اهلااا اهلاااا ب بنتي نورتينا
متعة . .”سلمات عليه” اش خبارك على خير
العربي . . نحمدو ابنتي
متعة . .جيت وجبت معايا ضيف عزيز على قلبي “شدات يد ناصر
العربي . .”كايشوف ف ناصر ” مرحباااا مرحباااا تفضلو “أشار ليهم لطاولة معزولة وفوق منها مزهرية صغيرة فيها الورد جرات وراها ناصر وتوجهاات لطاولة. . . .
_مكان_اخ_____________________ر
ماريا . .سيد مبشور والضحكة واصلا ليه لودن تقول كن مع حور العين
لينا . . وديك الكلبة ما بانتش!
ماريا . .هااااء يالااا ترتاح مع راسها غاتكون الأسبوع كامل. هي هازة ليه رجليها بالحق غير تصبر فرحتها ماغاتكملش
لينا . .”بغلللل” الله يطيرها بنت الكلبببب بغيتك ا ماريا تخليه يكره اسمها ونهار لي شافها فيه
ماريا . .”تبسمت بمكر” كوني هانيا “شافت فيها ” اش بان ليك نسهرو برا !
لينا . .”ضمات المخدة ونعست “نن بغيت نعس غير سيري نتيا
ماريا . .”جراتها”نوضي نوضي نبدلو الجو اصاحبتي …..
⁦❤️⁩ __التتمة_______ ⁦❤️⁩
كانت طبلة عامرة بالكبدة مشوية هازة نص فيه الكبدة كاتخشي فوجها وتبنن
متعة . .امممممممم ياسلااااااام “هضرت وفمها عامر” كيف جاتك الكبدة د با العربي كايصرع شرمولة ديالها
ناصر . .وي لذيذة بزاااف
متعة . .اووووه تحرك البرد
حيد الكويرة ديالو وحطها على كتافها بغات تردها ليه ورفض
متعة . .ولكن انت البرد عليك
ناصر . . نن مافياش البرد “شاف فيها” تاصلتي ب باك !!
متعة . .مزال
ناصر . .اش كاتسناي انا علمت ماما مابغيناش نضيعو الوقت عرفتي شنو عطيني العنوان ديالو انا غانتكلف
متعة . .”حبست من الكاملة’ ولكن را___قاطعها_______
ناصر . .قلت ليك انا غانتكلف كوني هانية
بعد ماتعشاو خداو معاهم حق هدى وخلصو با العربي وتوجهو لجنب البحر كايتمشاو جات عينها على الكروسة دغلالة جراتو من يدو وتمشااات تجاها
ناصر . .”شنو هنا ” أشار لبرمة”
متعة . .هادي غلالة عمرك دقتيها!
ناصر . .لااا
متعة . .هاانت غادوقها متأكدة غاتعجبك
طلبت من شخص لي كايبعها يعمر ليهم زوج زلايف اول ما داقها ناصر بزقها من فمو وعوج سيفتو ….
ناصر . . بفففف
متعة . .هااااء ماعجباتكش !!
ناصر . .”مسح فمو ب كلنيكس_ حالتها اش عجبك فيها
متعة . .نو ماتقولهاش ماعندكش دوق بالمرةةةةة عرفتي شناهيا ماتعجبكش غلالة 😂
ناصر . .امممم 😏
خدات زلافتها وزلافتو نزلت عليهم بزوج وزادت ثالتة وهو مبهوط فيها وكيفاش كاتجبدها وتبلعها نوضات ليه قلبو وهو معياف بشكل كبير باش كملاتها وجملاتها طلبت منو يعمر ليها الميكة باش تدي حق هدى هنا وسع عينو للأخر وتكلم. .
ناصر . .ماتقوليش غاتديها فالميكاا !!
متعة . .”هاااء وفاش بغتيني نديها بسلامة !! “وجهات كلامها لمول غلالة” عمر معاك وكتر لبلول
……. واخا الالة . . .
بعد ما عمرها ليها خلصو ناصر وتوجهو لسيارة قد ما ستغرب كيفاش كاتاكلها قد ما عجباتو عوفيتها وبساطتها بين ما هي كاتهضر وتعبر جدبها لعندو ولتهم شفاها
__الممرضة__والوحش______ [ 118 ]
_بقلم : _سحر______كوثر_______ 😍
بعد_سااااعة______
جالسة هدى فصالة مونجي كاتاكل الكبدة لي جابت ليها متعة وكاتهضر
هدى . .”فمها عامر” دابا امتى غايجيب مو !!
متعة . .”كاتلعب بشعرها” قال هاد الأسبوع
هدى. . خاص نوجدو راسنا
متعة . .اش غانديرو بسلامة حتى نتي
هدى . .من تجي نحطو ليها ركابينا متلااا هااا ! والحوايج شريتي اش تلبسي !
متعة . .خلااااص حتى نتي تقول غانحطو ليها بيبي بحناكو طبسيل دالحلوى وكاس دالقهوى فاتها لهيه وغدا غانخرج نشري شي كسوة وصلاة على نبي
هدى. .صبري حتى نخرج معاك باش نختار ليك
متعة . واخا اماما
هدى . .”ضرباتها بالمنديل” الغمة اجيفة “وقفت كاتفوه” اخخخخخخ جاني نعاس
متعة . .”وقفت بدورها” حتى انا نمشي نخمد
حطو لماعن فالكوزينة وكل وحدة توجهات لبتها تلاحت متعة فوق السرير وتكمشاات كاتقلب على داتها عينها
_اليوم_الموال__________________ي
فتحات عينيها مع ساعات الأولى من صباح يالا غاتنوض تاخد دوش هو يفيق يزين كايبكي رضعااتو من بعد هزاتو وتوجهات لحمام تخشات فالبانيو خدات دوش هي وياه من بعد لبساتو بنوارو وتلوات هي فالفوطة . . .
_مكان_اخ_____________________ر
بعد ما مارس الرياضة توجه لحمام خدا دوش وخرج لاوي الفوطة على نصو والفوطة صغيرة كاينشف بيها شعرو توجه لدرسينغ بخطوات تقال وبدا كايلبس حوايجو عبارة عن بيل كول غولي فالنواغ مع سروال لاطوال گري وڤيست فالگري ومونطو نواغ لبس ساعة يدوية فلون الفضي ورش برفانو وخرج من الغرفة توجه لغرفة سيف صبح عليه وطبع قبلة ف جبينو ونزل لطابق السفلي
بعد ما لبست ل يزين حوايجو وحطاتو فرولاكس بدات كاتلبس حوايجها عبارة عن فستان كلاسيكي حد ركبة وكمام طخوا كار فالبلو غوا مع ليبا موس نواغ وصباط طالو نواغ ولاحت عليها مونطو كاشمير نواغ صايبات شعرها بالمقلوب وحطات ميك اب خفيف لبست ساعتها اليدوية وبراسلي سامبل واقراط سامبل خلات شعرها على راحتو ورشات عطرها المفضل من بعد دارت تيلي ف صاكها وهزات صاك يزين ورولاكس وخرجت لصالة فين كانت هدى كاتنزل لفطور . .
هدى . .”بإعجاب” هاي هاي كاتباني بحال شي سيدة أعمال ملعقة 😍
متعة . .”بصح جاني البلو غوا !
هدى . .جاك زاز لوز
متعة . .”كاتشمشم” امممم ريحة القهوة ياسلااااااام
هدى . .”كاتشوف ف يزين متكي فرولاكس مخنزر ونافخ شنايفو” وينو على زين كانموت انا فهاد تخنزيرة
متعة . .”هزات الفنجان ورتشفت منو”الله يحضر سلامة ديما مخنزر
هدى . .خليه يكون كاريزما
متعة . .اجي شنو خطة اليوم !
هدى . .”ضحكت بمياعة” قصدك لأحمد!!
متعة . .تماماااااااا
_الممرضة_والوحش________ [ 119 ]
_بقلم : _سحر_كوثر________ 😍
بعد ما تكلمو خرجو من الشقة وصلو يزين للحضانة وكل وحدة شدات تجاه مسافة طريق كانت متعة قدام باب شركة انسطالات الميني كوبر ديالها ونزلت منها توجهات لباب كاتميل بخصرها المنحوت يمين وشمال فطريقها تصادفات مع ناصر لي كان يالا وصل توجه ليها بخطوات مخملية وابتسامة خفيفة على شفاهو ترسمات ابتسامة عريضة على شفاها وعينيها لمعو من الفرحة . . .
ناصر . .”بصوت رجولي”صباح الخير
متعة . .صباح نور ميسيو
ناصر . .”عقد حجبانو” شنو ثاني هاد ميسيو همم !
متعة . .همست ” احم حنا فشركة
.”جدبها لعندو وطبع قبلة جنب فمها خلات ركابيها يفشلو من الخجل كاع الاعيون تفكساو عليهم وبداو كايتهامسو فين ما بينهم على مقروبة منهم كانت ماريا واقفة وموسعة عينيها. . .
متعة . .”بثلعتم” ن نا ناصر بلييز
.حط يدو على خصرها وتوجهو لمصعد تحت انظار لكل كانت كاتحاول تبعد لكن شدها بإحكام والإبتسامة على شفاهو ثواني وكانو فالطابق العلوي .
أول ما وصلو لجناحو لخاص دفعاتو بعيد عليها والغضب متمكن منها.
متعة . .نااااصررررررر اش درتي اش هاد تصرف !!
بحركة سريعة جدبها لعندو ولصقها عليه حتى تخلطو انفاسهم وتكلم بصوت خافت كا فحيح الأفعى” شنو درت !
متعة . .”توترات من نظراتو لي ختارقوها” ب ب بستيني قدام الموظفين.
ناصر . .”همس ” فين !
متعة . .”هزات صبعها وأشارت لجنب فمها” ه هنا
حط شفاهو جنب فمها وطبع قبلة خفيفة خلاتها تتبورش رفع راسو شوية ورجع همس ليها وانفاسو الحارة تخلطت مع انفاسها. . .
ناصر . . هناا
متعة . .”حالة فمها وكاتشوف ف عينيه” هاااا…..
رجع حط شفاهو على شفاها ولتهمهم كايجر كل شفة ويعطيها حقها حطات يدها ورا رقبتو وزيرات عليه شي لي خلاه يزيد فالوتيرة ويزيد يتعمق ف قبلتو دفعها على الحيط وحاوطها بيديه شاهدها بإحكام ولسانو داخل تغرها كايمص رحيقها هز يدو حطها على صدرها وكايعصر فيه شي لي خلاها تأوه من لذة وخا كانت كاتحس بالألم خصوص من عضها لكن شهوة كانت أقوى من الألم بين ما هما كايمصو شفايف بعض دخلت ماريا هازة فيديها ملف غير شافتهم وسعات عينيها وحلت فمها للأخر طلعتها ونزلتها بحتقار وهزات الملف وضرباتو مع الأرض على اساس طاح من يدها قفزات متعة ودفعات ناصر بعيد عليها شي لي خلاه يتنرفز تلفت بالعرض البطيئ وعاقد حجبانو بغا يشوف شكون لي تجرأ وقاطعو . . .
ناصر . .”بصوت خشن ممزوج بنرة قاصية ” تشربي قهوى ولا عصير !!
ماريا . .ديزولي ميسيو “تحنات هزات الملف” طاح من يدي بدون قصد ج___قاطعها بحدة___
ناصر . .ماقلتش ليك جمعي معايا اش بغيتي !
ماريا . .”الغصة ف حلقها “جبت هاد الملف للأنسة متعة ”
ناصر . .”خداه منها وأشار ليها للباب” تفضلي
__الممرضة__والوحش_______ [ 120 ]
_بقلم : سحر_كوثر_____________ 😍
خرجات ماريا من الجناح ووجها حمر من القمعة لي خدات بين ما متعة جلست فالكرسي وركابيها فشلو عليها ماحملاتش تشوفها ماريا فداك الوضع كان غادي جاي حرت المكتب برجليه ودمو كايفور. .
ناصر . .”بغضب “مافهمتش انا هاد لبشار من كايفهم من زك* بفففف
متعة . .لثاني مرة كانتحط فموقف محرج بسببك
ناصر . .”تلفتت ناحيتها ” وااااااط!!!! يمكن نسيتي بلي فهاد الأسبوع غاتكوني مراتي وفوق من هاد شي ماشغل حتى قوا* كاتسمعي خاصك تتعودي على هاد شي وقتماش قال لي راسي نبوسك غانبوسك قدامهم قدام غيرهم ماكايهمش ببساطة انت ديالي وماشغل حتى مخلوق
متعة . .”بغضب” انت راك مريض
ناصر. .”جدبها لعندو ” مريض بيك انتي دائي ودوايا “طبع قبلة على شفاها” خليك معايا اليييز وحيدي منك الحشمة زيادة وماتنسايش انتي ديالي و ماخاصك تخافي من حتى واحد وماتحشمي من حتى واحد حنا ماشي كانسرقو هنا ولي قال عليك نص كلمة غاندفنو وهو واقف خليهم يجربو يحلو فمهم وغاتشوفي
متعة. .ماغايحلوهش قدامي ولا قدامك غايحلوه ورانا وهاد شي لي مابغيتش زائد انا هنا موظفة كيفي كيفهم وم__ قاطعها__
ناصر . .انت مرات المدير الهبيلة ماشي كيفك كيفهم “طبع قبلة ف جبينها ” ظاهر غاتحمقيني معاك
متعة . .”حطات راسها على صدرو ” بليز ماتكررش شي لي درتي قبيلة قدامهم خليهم يحترموني
ناصر . .بزز منهم غايحترموك
متعة . .نااااااصر
ناصر . .”ضمها لصدرو” روح ناصر
متعة . .”بعداتو عليها ” دابا يجي شي حد ثاني مابقيتش باغية نزيد نتحشم
ناصر . .”قهقه برجولة” ها ها هه الحميمقة ديالي علاش ماباغياش تفهميي بلي ماعندك مناش تحشمي راك ديالي وحتى حد ما غايتجرأ يقول عليك نص كلمة
متعة . .”رفعت حاجبها” ضارب بيا الخط زناتي ولااا
ناصر . .شناهو هاد الخط زناتي عاوتاني
متعة . .ظاهر ليا خاص ندير ليك دعم فالمصطلحات المغربية
ناصر . .”جدبها لعندو” نن بغيت دعم فحاجة اخرى “غمزها
متعة . .”ضرباتو لصدرو” قليل لحياا …
⁦❤️⁩ ______ التتمة _______ ⁦❤️⁩
جرها من يدها ودخلها لمكتب ديالو وسد لباب رجعات ببضع خطوات لور ووسعت عينها ودماغها نحارف . .
متعة . .اش باغي دير !
ناصر. .”قهقه برجولة” ماتخليش دماغك ينحارف ” أشار ليها للملف ” بغيت تخدمي معايا “جر الكرسي وشد ف يدها باش تجلس
جلست انفاص معاه وكاتلعن تفكيرها المسخ لي فكل مرة كايحرجها معاه بين ما ناصر كان مقابل مع البيسي وبدا الخدمة
__مكان__ اخ_____________________ر
لالة زهرة.. اديك الملعوقة شفتك مابقتيش باغية تشقاي
نعمة . .”كادهن لحلبة لوجها ” وااااااا مي راني عروسة زعمة وخاص ندور براسي ولا بغيتي راجل يطفش مني قبل مانمشي عندو
لالة زهرة . . على هادي عندك فيها شك غايطفش منك ومن لسانك لزفر وقلة عقلك “بتهديد” والله وترجعي ليا مطلقة حتى ندفنك ونتي حية
نعمة . .”تربعات فوق الحصيرة” هي الى خلتيني ندور براسي باش مانطلقش
لالة زهرة . .”جراتها من ودنهاا” انوضي تعلمي لي ينفعك باركة من تحماريت ديالك
نعمة . .”بألم” وااامي ودني ودني “تنترت منها” اش غانتعلم العجينة وكانعجنها طياب وكانطيب ونتحدا مية طيابة وطيابة تصبين وكانصبن اش غانتعلم دخلت عليك بالله
لالة زهرة . .كاتعرفي طيبي القلب اوجه البومة نوضي تهزي تبعيني
_مكان_اخ______________________ر
بين ما هو مركز فالخدمة وصلو تصال هز تيلي ورد . .
ناصر . .”بصوت رجولي” وي الووو
الشخص. .سيدي عندنا مشكل فالدوانة شدو لينا سلعة
ناصر . .”بنرفزة” اشمن مشكل اقلال نفع _سكت شوية وستأنف كلامو” انا جاي
_قطع الخط ووقف. . .
متعة . ._بخوف_ اش واقع !
ناصر . . غانحل واحد المشكل ونرجع ” باس جبينها وخرج
متعة . .”تابعاه ” شرح ليا اشمن مشكل
ناصر. .”لبس الڤيست ديالو ” وصل وقت لغدا نزلي المطعم تغداي مشكل بسيط متعلق بسلعة لي صدرنا غانمشي نحلو ونرجع” طبع قبلة اخرى على شفاها وتوجه لمصعد بين ما متعة هزات تيلي ديالها ونزلت لمطعم ونظرات الموظفين ملاحقينها توجهات لطاولة معزولة عليهم وجلست كاتشوف فيهم غير بنص عين
الموظفة 1 . .شوفي ليك الصلگوطة وجها قاصح
الموظفة 2 . .ياختي مانعرف اش عشق فيها زينها باسل
الموظفة 3. .ياختي عمرو شاف فشي وحدة منا كيفاش قدرات طيحو ف شباكها
الموظفة . .حتى نتي غايدوز بيها زوج ليلات ولا ثلاتة وغايلوحها لتوش
جات عين ماريا عليها هزات لبلا ديالها وتوجهات ليها كاتميل بخصرها يمين وشمال وابتسامة ماكرة على شفاها. .
ماريا . .ممكن نجلس معاك !!
__الممرضة__والوحش_______ [ 121 ]
__بقلم : سحر_كوثر___________ 😍
هزات فيها عينها كاتشوف فيها من بعد تكلمت . .
متعة . .”اشارت ليها” تفضلي
ماريا. .ميرسي
جلست وحطت البلا ديالها فوق طبلة هزات الفرشيط وبدات كاتاكل فصمت بعد ثواني تكلمت . . .
ماريا . .من امتى وانت خدامة هنا !
متعة . .”حطات الفرشيط من يدها” ماشي بزاف شي شهر ونص تقريبا
ماريا. .”رتشفت من العصير” اوووه مزال جديدة واخيرا لقيت شي وحدة جديدة بحالي “مدات يدها” انا ماريا بن عبد الله
متعة . .”صافحتها” وانا متعة
ماريا. .اوووه سميتك زوينة بزاف
متعة . .شكرا
حنات راسها وكاتاكل فصمت بين ما مارايا كانت كاطلع فيها وتنزل وكاتخمم كيفاش تكون قريبة منها وتكسب تقتها
ماريا . .يالا دخلت المغرب كنت عايشة ف كالفورنيا مزال ماقدرت نتأقلم مع ناس لي هنا
متعة . .”بهتمام” علاش جيتي هنا زعمة قصدت كالفورنيا عندك فيها افاق والعيشة تما زوينة
ماريا. .”حطات الفرشيط من يدها وتنهدت” تطعنت فظهري امتعة تطعنت من اقرب ناس ليا ودنيا كحالت ف عيني
متعة. .”بهتمام اكتر “علاش شنو وقع ليك !
ماريا . .”تنهدت وعوجات الفك ديالها وولت شافت فيها” صاحبتي ولي كنت حاسباها كتر من ختي كنا مشاركين دار وحدة ولي تقالت عليها خفافت عليا كنت كانعاود ليها شادة والفادة كنا خدامين بزوج فواحد شركة وانا لي توسطت ليها باش خدمت تما فديك شركة تعرفت على هيتم شاب مغربي عايش تما كان اليد اليمنى لصاحب شركة تغرمت بيه وكنت طايرة بالفرحة خصوصا فاش صارحني وجاني كود”نزلت دمعة من عينها” وقالي باغي لحلال داك نهار كان اسعد نهار فحياتي مشيت لدار وانا طايرة بالفرحة وعاودت ليها شنو قالي من بعد عرفتها عليه وشي مرات فاش كانخرج معاه كانديها معايا تصوري شنو دارت !
متعة . .”بإصغاء” شنو دارت !!
ماريا . .ضارت بيه وولاو كايلعبو ورا ظهري واانا وسطهم كي طرطور هءهءهءهء ديك ليلة ماتنساش ليا كان عندو عيد الميلاد وكنت باغية ندير ليه مفاجأة مشيت شريت الگاطو والكادو ومشيت لدارو باش ندير ليه مفاجأة بحكم كانو عندي سوارت فتحت لباب ودخلت كان سقيل قلت مع راسي غايكون خارج نيت نستغل الفرصة ونزين الدار ونقاد على مايجي بين ما انا كانوجد سمعت صوت ضحك جاي من غرفة نوم كان صوت بنت وضحك مالي المكان ركابيا فشلو عليا حطيت لي فيدي وتوجهت لغرفة كانقدم خطوة ونوخر لخرا تخيلي شكون لقيت معاه فالفراش هي سلوى صاحبتي كانت معاه فالفراش هءهءهءهءهءهءهءهءهء
متعة . .”تأترات” الله ياربي واش وقع !
ماريا. .صدمة كانت قوية قوية بزاف لساني تخرص ودنيا مشات وجات بيا وليت كانضرب فحناكي ونبكي كي شي حمقة بين ما هي كانت كاتشوف فيا بكل جرأة من غوت فوجها ولمتها سباتني عرفتي اش قالت ليا
متعة . .”حالة فمها” اش قالت !!
__الممرضة__والوحش_______ [ 122 ]
__بقلم : سحر_كوثر___________ 😍
متعة . .”حالة فمها” اش قالت !!
ماريا . .قالت ليا وبدم بارد كايبغيو بعضهم وبلي انا العزول بينهم
متعة . .وهو اش قال !!
ماريا . .الكلب كان حاني راسو وساكت شوفتهم وهما م__حبست كلامها وكاتبكي ” خرجت كانجري مابقاش عندي الجهد لي يلومهم ولا يعاتبهم مايستاهلوش “شهقت ” هءهءهءهء تدبحت والجرح مزال ما طاب تدبحت من اقرب ناس ليا واش لهاد درجة حنا خايبين ومابقاتش تقة مابقيتش قادرة نتيق مزال مابقيتش قادرة نتيق أمتعة هءهءهءهءهءهء
متعة . .”شدات يدها” ماتبكيش مايستاهلوش دموعك دعيهم لله ربي غاينتقم منهم “تنهدت” عارفة شي لي عشتيه صعيب لكن غايجي نهار لي تنسايه وربي غايعوضك خير …..
ماريا. .”مسحت دموعها ” بصح غانقدر ننسى
متعة . .اكييييييد
ماريا . .ماعندي حد فهاد دنيا هءهءهءه جناحي مكسور بغيت علامن نحط راس بغيت نرجع نتيق فالناس ونمارس حياتي بشكل عادي
متعة . .”مررات يدها على شعر ماريا” ادا قبلتي بيا نكون صاحبتك وبابي غايكون ديما مفتوح فوجك وفأي وقت
ماريا. .”ضحكت من بين دموعها ” بصححح
متعة . .”تبسمت” معلوم “شافت فيها ” انت دابا فين جالسة !!
ماريا . .فالأوطيل مزال ماالقيتش شي دار
متعة . .اجي عندي لدار مرحبا بيك وجلسي شحال ما بغيتي وادا بغيتي تبقاي معانا مرحبا بيك كاينا غير انا وصاحبتي وولدي
ماريا. .”وسعات عينيها ” بصحححححح !! الله يكتر خيرك فضلك عمري ننساه
متعة . .اعود بالله اشمن خير “شدات يدها” تقدري من اليوم تجي وبابي غايكون مفتوح فوجهك
ماريا . .”عنقاتها وتبسمات بمكر” شكراا بزااااف
_الممرضة__والوحش_______ [ 123 ]
__بقلم : سحر_كوثر___________ 😍
_مكان_اخ_______________________ر
كانت لابسة غوب فوق ركبة ومفتوحة من جيهة صدر جات لاصقة على جسدها المنحوق وشعرها المموج لايحاه ورا ظهرها وجالسة فالجردة كاتقرا كتاب ل مدام راضية فنفس الڤيلا وبضبط فالطابق الثاني كان أمين مخشي فالجاكوزي وكايهضر فالتيلي وكاس نبيد فيدو كل مرة يرتشف منو . .
أمين . .”بالإسبانية” الدفعة للولة قلتي اليلة
الشخص . .نعام سيدي
أمين . .انا غانكون حاضر بغيت المكان يكون مأمن
الشخص . .تحت امرك سيدي
قطع الخط وشرب النبيد دفعة وحدة من بعد ناض لبس بينوار دالحمام فالبيض وخدا فوطة صغيرة كاينشف بيها شعرو توجه لدرسينغ ولبس سروال جينز ديلاڤي مع تيشورط فالبيض وصبادري فالبيض لبست ساعتو اليدوية ورشف بارفانو وخرج من الغرفة بخطوات ثابتة فتجاه الطابق الأول
راضية . .نفيسة نفيسةةةةةة “بغضب ” واش هادي ماكاتسمعش
هدى . .اش بغتيها !
راضية . .بغيتها تجيب ليا القهوة
هدى . .وقفت ” انا غانجيبها ليك.
تبسمات فوجها وحطات الرواية من يدها وتوجهات لمطبخ كاتميل بخصرها يمين وشمال جات عينو عليا تبسم بخبث وتوجه ناحيتها بخطوات تقال . . . .
دخلت المطبخ لي كان فارغ وبدات كاتوجد القهوة وكادندن وقف وراها ولصق صدرو ضخم مع ظهرها وانفاسو الحارة كاضرب فرقبتها حسات بالخلعة طالعة معاها من صبعها صغير ولسانها تخرص هز يدو بشوية ومررها على خصلات شعرها برفق وتكلم بصوت خافت . . . .
أمين . .القمر طل علينا …
تلفت ناحيتو بشوية حاولت تبعد عليه لكن كان محاوطها بيديه وانفاسو الحارة تمزجات مع انفاسها حركات شفاها بشوية وتكلمت بثلعتم. .
هدى. .ءءء أمين
أمين . . “قرب وجهو منها وتكلم بصوت خافت كافحيح الأفعى” وي
هدى . .ب ب بعد عفاك
يالا جايرد وهو يتجر من قرفادتو وجاتو لكمة لوجه من حيت لا يدري. . . .
أحمد . .”صدرو كايطلع وينزل بعصبية” اش كادير ءءءء اش كادير !!
أمين ..”حط ديو على خدو كايحاول يستوعب شنو دار احمد من شوية بلا مايأخرو جمع يدو على شكل لكمة ونزل عليه لوجه حتى داز دم من فمو ” هادي باش تعلم وتهز يدك المبيدق
تشابكو بينهم أمين كايضرب واحمد ما مقصرش وهدى شادة واحد القنت وكاتولول جات راضية وبااقي الخدم كايفكو بزوجهم كان عندهم كايقولو واحد صعب من الاخر ماتفكو غير بالكشايف وقفت بينهم راضية وتكلمت بغضب. . .
راضية . .اش هاد لحالة !!
أحمد . .”كايقاد قميجتو” سولي ولد بنتك
أمين . .وعلاش ماتسولش ولد ولدها دوي ازام* سخن عليك كر*

راضية . .استغفر الله اش هاد لكلام “بعصبية” امييييييين شوية الإحترام مانتاش ف بورديل
انتصار ..”جات كاتجري ” اش واقع …..

_الممرضة__والوحش_______ [ 124 ]
__بقلم : سحر_كوثر___________ 😍
أحمد . .”بصوت عالي نوعاً ما” لي واقع اعمتي ولدك مابقى مايحتارم حد وكايمد يدو على حوايج ماشي ديالو لي واقع اعمتي خاص تعاودي ليه ترابي
أمين . .”دخل فيه براسو ” اش غاتعاود ليا ازام*
أحمد . .”نزل عليه بلكمة لوجه” ترابي اقليل العفةةةةةة
راضية . .”بصوت عالي” باركةةةةةةةةةة مابقيتو تحتارمو حد “وقفت بينهم” شرحو لينا اش واقع
أحمد . .”بنفعال ” لي واقع حط يدو على حاجتي وانا لي مس حاجتي يترحم على روحو
أمين. .من جاتك اوجه لقل** عاقد عليها لاااا …. داوي فيها حتى هادي لااا ادا علااش كاتقلب !!
هدى . .”بنفعال ” صافي سكتوووووو “خزرت فيهم ” من صباح وانتما مسميني حاجة انا ماملك حد وماحاجت حدددد “خرجات عينيها ف احمد وخرجات من المطبخ بخطوات متسارعة وراضية حالة فمها عاد ستوعبات علاش مضاربين شافت فيه انتصار بغضب وتكلمت . .
انتصار . .ماحشمتيش راك غاتزوج افلان ومحسوبة عليك مرا وقريب تكون فدمتك الى ماحترمتنيش على الاقل حترمها
دفع احمد بكتفو وخرج من المطبخ بلا مايرد عليها يالا غاتكلم راضية وهو يحبسها . .
أحمد . .بلييز الحنانة ماشي وقت عتابك بلييز ” خرج من المطبخ بخطوات متسارعة تجاه الحديقة فين كانت واقف هدى وكلها كاتغزل كانت باغية تقيس نبضو لكن ماشي هادي الخطة لي كانت راسمة وماشي هاد لكلام لي بغات تسمع كلمة حاجتي نرفزاتها وخلاتها تحس انها بضاعة ماشي انسانة وقف وراها وانفاسو الحارة كاضرب فرقبتها وتكلم بصوت خافت . .
أحمد . .هدى
هدى . .الصمت
أحمد . .”شدها من دراعها برفق ودورها عندو” سمحي ليا ماكنتش باغي هاد شي يوقع لكن ماستحملتش يكون قريب منك و ….
هدى . .”عينها غرغرو” وشنو
أحمد . .”شد يدها ” عيت مانكبح مشاعري تجاهك واش مزال ماباغية تحسي بيا ءءء “مرر يدو على خدها بحنان وحط نيفو على نيفها حتى تخلطو انفاسهم ” هدى انا كانبغيك وليتي جزء مني وستوليتي على كياني وتفكيري مانقدرش نشوفو قريب منك ونسكت واش كلمة حاجتي قلقاتك هاااا “طبع قبلة حنينة على شفاها ” ماعنديش كلمة أخرى نقولها من غيرها حيت بصح كاتعنيني وكانحس بلي كاتخصيني ومامنحق حتى حد يقرب منك او يفكر يمسك “شاف ف عينيها ” هدى تكلمي
هدى . .”تبسمت من بين دموعها”ك كاتبغيني !
أحمد . .”باس جبينها” وكانموت فتراب رجليك
هدى . .”مسحت دموعها ” ماتزيدش تقرب غايشوفنا شي حد
أحمد . .”جدبها لعندو ” لي بغى يشوف يشوف حنا ماكانسرقوش ” حيد خاتم كان دايرو فيدو دنقرا وتحنى على ركابيه ” هدى ماعنديش مع الكلام رومانسي غانجيك گود تقبلي تكوني حلالي وتكملي حياتك معايا !

هدى . .”حطت يدها على فمها من دهشة” ق هه قابلةةةةة
وقف ولبس ليها الخاتم واخا جاها كبير على صباعها طبع قبلة على جبينها وتكلم
أحمد . .”هذا غير رشمتك بيه كيف كايقولو غدا ان شاء الله غانجيب لحاجة والخاتم لي يوالم هاد صبيعااات “باس صباعها وابتسامة عريضة على شافهو قلبها كان كايرقص سامبا ماضناتش الغيرة غاتخليه فهاد لحالة لدرجة يطلب يدها باش يضمن بلي ماغاطيرش من يدو فالشرفة كانت واقفة راضية وكاتشوف فيهم وابتسامة عريضة على شفاها . . .
⁦❤️⁩ ___ التتمة___ ⁦❤️⁩
_المساااااااااا__________________ء 🌌
كانت جالسة فالكانابي كاتعاود ل متعة والخاتم فيديها. . .
هدى. .اخييراااا أمتعة واخيرااا دار خطوة وماشي اي خطوة خطبني أمتعة راجل لي بغاه قلبي طلب يدي 😍
متعة . .”ضماتها” فرحت ليك الله يكمل عليكم بالخير
هدى . .”عنقتها بحرارة” اميييين
شافت فيها” هاااا البنت لي قلتي ليا واش غاتجي هاد ليلة !!
متعة . .اه عطيتها العنوان
هدى . .ماعرفتش بان ليا تسرعتي من عرضتي عليها مزال ماكاتعرفيهاش مزيان
متعة. .بالعكس ضريفة بقات فيا مسكينة تغدرات من صاحبتها وماعندها حد هنا مافيها باس دير الخير تلقاه
هدى . .جاتني بيزاغ ماعندها حد
متعة . .هاد شي لي قالت
ترن_____ترن________ترن_______
متعة . .الباب ماتكون غير هي جات
لاحت عليها الكاب وتوجهات لباب فتحاتو جات عينيها على ماريا واقفة وشانطة فيديها تبسمات فوجها وفسحات ليها طريق باش دخل . .
متعة . .مرحبا مرحباااا
ماريا. .”ضماتها” ترحب بيك الجنة
دخلو لداخل وهدى كاتشوف فيها وقفات قدامها ماريا وكادور ف عينيها زعمة حشمانة
متعة . .ماريا كانقدم ليك صاحبتي وختي هدى “شافت ف هدى ” هدى كانقدم ليك الآنسة ماريا
هدى . . متشرفة
ماريا. .”تبسمت” الشرف لياا…..
_الممرضة_والوحش__________ [ 125 ]
_بقلم : سحر_كوثر______________ 😍
بعد ماعرفاتها على هدى داتها هدى بنفسها لغرفتها خوات ليها واحد الجهة من لبلاكار فين دير حوايجها بين ما متعة كانت فالمطبخ كاتوجد العشا . . . . . .
_مكان_اخ________________________ر
أمين. .”نتر نترة من سيجار وشاف فالشخص لي معاه” بغيت هاد صفقة تمشي من بين يديه كاتسمع
الشخص . .امرك سيدي
أمين . .”أشار ليه” تفضل
خرج الشخص بين ما امين طفا سيجار ورتشف المشروب دفعة وحدة وتوجه لتيلي ديالو. .
أمين . .”بصوت خشن” بغيتك تصيفط ليا شي وحدة (قصد بنت اليل)
الياس. .دقائق وتكون عندك….
_بعد ساع_____________________ة
بدات كاتنزل لعشا هي وهدى بين ما ماريا كانت داخلة لغرفة دهدى وكاتهضر فالتيلي بصوت خافت. .
ماريا . .وي انا فالدار عندها دابا
لينا . .برافو عليك هي غاتبداي تحفري ليها من دابا !
ماريا . .”تبسمت بخبث” تماماااااااا…..
سمعات حس الخطوات …قطعي قطعي شي حد جاي ___طييييييييييييييييط___
لاحت الفون فاالسرير وجمعات شعرها بشكل عشوائي ..
هدى . .”فتحت الباب ودخلت ” اجي تعشاي
ماريا ..”تبسمت”واخا
توجهات لصالة مونجي فين كانت جالسة متعة وهدى وحاطين يزين فالرولاكس
متعة . .”تبسمات” رتاحيتي!!
ماريا . .”هزات كاس دالعصير شربات منو” وي ختي رتاحيت
هدى . .امممممممم الگغاطا كاتصرعيها أمتعة
ماريا. .سعداتك كاتعرفي طيبي انا ماكانعرفك منين نبداه
متعة . .ههههه ادا بغيتي نعلمك
ماريا. .”ببراءة مصطنعة” بصحححح😍
متعة. . معلوم
ترن____ترن___________
هدى . .هذا مايكون غير الحبان جاوبي
متعة . .هشششششش….” هزات تيلي وبعدات عليهم كاتهضر بين ما ماريا تبعات ليها العين وراخية ودنيها . .
متعة . .وي يالا كانتعشاو وانت تعشيتي
ناصر . .”بصوت رجولي “وي “تنهد ” توحشتك
متعة . .”بصوت خافت” حتى انا
ناصر . . حتى نتي شنو
متعة . .”بصوت ناعم” نااااصر
ناصر. .عيون وقلب ناصر
متعة . .دابا مع البنات خليني حتى ندخل لبيتي ونهضرو على راحتنا
ناصر . .اوك
قطعات الإتصال وتوجهات لصالة مونجي وبدات كاتعشا وكاتهضر مع هدى وماريا
يتب____________________ع

Leave a comment