Skip links

قصة : الممرضة والوحش 1

 10,362 عدد مشاهداات

#الممرضة_والوحش_ [ 1 ]
بقلم_الهاوية_ #sahar_kawtar__ 💄
هدى .. ربعت رجليها وجلست قبالتها ” هااااا عاودي لي كيف دازت الخرجة وكيف جاك
متعة ..”تلاح فوق السرير على ظهرها ” كايهبل كايهبلللللللل وفوق من هاد شي ملعقققق بالمعقول غانعيش حياة مرتاحة وانا معاه غانكون اميرة 👑 ههههه
هدى .. “حطات يدها على قلبها ” اححححح الله يعطيني سعدك بگووووص وملعقققق غاتهناي من داك الكلنيك دالويل
متعة .. “كاتشوف فالخاتم” قالي نتي ديالي ومستحيل نخليك لشي حد ركب ليا هاد لخاتم وقالي من غايرجع من كندا غايجيب عائلتو ويطلبوني بشكل رسمي
هدى .. فرحاااااااااتك الله يكمل عليك بالخير
متعة ..العقبة ليك نوضي لمول بغيت ناخد شي حوايج
هدى .. يالا ____”ضربات فيدها وبداو يجهز نفسهم لبسات سروال طاي أوط مع تيشورط فالكحل مكتوبة بالبيض لاحت شعرها ورا ظهرها وبدات كاتحط الميك اب لوجها بين ما هدى لبست كسوة فوق الركبة وفالأسود بلا كمام وحطت ميك اب خفيف وجمعات شعرها على شكل كعكة هزات كل وحدة صاكها وخرجو من الشقة فتجاه محطة طاكسيات خداو طاكسي وتوجهو للمول دارو فكاع المحالات خدات متعة الغرق دالكساوي والصيكان وخرجو للكافي تقهواه مارجعو لدار حتى لأشمن وقت حطات شي لي فيدها ودخلت ديريكت لدوش خدا دوش حيدات بيه العرق بين ما هدى توجهات لكوزينة بدات كاتوجد صباكيتي بالكفته بعد ماخدات متعة الدوش نشفت شعرها ودهنت الكريم لحمها ولبساات بيجامة شورط قصير فوق الركبة مبين كاع فخاضها فالغوز مع دوني ديالو فنفس الون ومشبك من جيهة صدر جمعات شعرها عشوائي يالا غاتخرج من البيت هو يوصلها الإتصال ضربات على رقم وهي تبسم دوزات الخط وتوجهات لبالكو
متعة ..حياااتي
أنيس ..روحي توحشتك
متعة …بصوت حنين ” حتى انا
أنيس ..ماكرهتكش تكوني دابا حدايا “تنهد ” مي قريب ان شاء الله مابقى والو
متعة ..ان شاء الله احم شنو درتي هاد نهار
أنيس ..واالو من المكتب جيت لدار ودابا راني فبيتي وكانهضر مع حبيبت قلبي وانت
متعة .. عاد دخلت من المول خديت شي حوايج وبدلت الجو
أنيس ..بصحتووو
متعة ..”ضحكت بدلع” الله يعطيك الصحة
أنيس ..غدا بغيت نشوفك قبل مانمشي لكندا
متعة .. اوك معاش !؟
أنيس .. من تسالي خدمتك
متعة .. اوك غدا مع الخمسة دالعشية دوز عليا لدار
أنيس .. اوك حياتي
___مكان__اخ________________ر
داخل ڤيلا دعائلة العلاوي كان جالس شاب ثلاتيني داير رجل فوق رجل وكايبخشش فالتيلي نزلت من الطابق العلوي شابة عشرينية قوام ممشوق وبشرة بيضاء كي بياض ثلج وشعر اشقر مموج توجهات ليه بخطوات تقال حطات يدها على عينيه وحابسة ضحكة ستنشق عطرها لي تغلغل فأنفاسو دورها
بالخف وجابها فوقو رجليه وعينيه ف عينيه
ناصر ..”بصوت رجولي ” حياااااتي
عبير .. “حطات يدها على خدو ” روحيييييي
ناصر .. “خشى راسو ف عنقها وهمس ‘ توحشتكككككك
عبير .. تأوهت ‘ اااااااه ” بعدات راسو عليها ” بب غايشوفنا شي حد
ناصر .. تبسم ‘ حلالللللي شكون غايقدر يمنعني
عبير ..”بدلع ” حبيبببب قلبي حتى نكونو ف بيتنا ودير لي بغيتي “ضحكت بدلع” هاههه
ناصر ..واخا الالة “حط يدو على بطنها ” اش خبار البطل ديالي !؟
عبير ..”شافت فيه بحب ” بخييير بقى غير شي ايام فقط ويكون ولدنا معانا
ناصر …”هزها بين دراعو وطلع لطابق الثاني ” ان شاء الله
#الممرضة_والوحش_ [ 2 ]
بقلم _الهاوية_ #sahar_kawtar__ 💄
دخلو لغرفتهم وحطها فوق السرير وجا فوقها
__مكان_اخ_________________ر
بعد الإتصال خرجت من غرفتها وتوجهات لكوزينة كانت هدى كاتوجد لاصوص دسباكيتي جرت متعة الكرسي وجلست تلفتت ليها هدى وتكلمت
هدى ..دوشتي
متعة ..وي
هدى ..بصحتوووو
متعة ..الله يعطيك الصحةة بب “كاتشم ‘ اممممممممم ريحة لاصوص ياسلاااااااام
هدى .. بصح عاطية ريحة زوينة
متعة ..كاتشهي يمممم يممممم هههه.
جلسو كايدردشو وهدى مقابلة لاصوص فنفس الوقت بعد ما كملت حطو سباكيتي ف طبسيل
كايتعشاو وكايدردشو
__مكان_اخ___________________ر
كانت تحت منو كاتأوه من النشوة وخاشية صباعها فشعرو وكاتزير عليه فكل ما زاد الوتيرة بعد ماكمل طبع قبلة ف جبينها تلاح على ضهرو وجرها لعندو ضمها وكاينهج جرات ليزار غطات جسدها ومخشية فحضنو ف نفس الوقت
ناصر .. قصحتك !!
عبير ..نن حياتي
ناصر ..” شاف فيها ” كانبغيك
عبير ..”تبسمت بحب ” كانموت عليك
__مكان__اخ___________ر
داخل غرفة مظلمة جالس شخص فوق الكرسي وسيجارة من النوع الفاخر فيدو كل مرة ينتر منها نترة خرج دخان من فمو وشاف فالكارد لي واقف قدامو
الشخص .. شنو درتي !!
الكارد ..كيف امرتينا نعام اسيدي غدا غانفدو
الشخص ..”قهقه ” ها ها ها ههه مزياااان مدلل العائلة غايولي فخبر كان “كرز على يدو ” وديني ومااعبد غانقتلهم واحددد واحد عائلة العلاوي غاتنقرض هاهاهههههههه
_مكان_اخ________________ر.
بعد لعشا وصل لوقت لهدى خدامة باليل لبسات سروال جينز كحل مع تيشورط فالبيض فيها كتابة فالكحل لاحت شعرها ورا ظهرها وخرجات من الشقة بعد ما باست خد متعة متعة لي غسلت لماعن وتوجهات لغرفتها تلاحت فوق السرير وكاتهضر مع محبوب قلبها
#الممرضة_والوحش_ [ 4 ]
بقلم_الهاوية___ #sahar_kawtar__ 💄
بعد ما تكلمت مع انيس قطعت الإتصال ونعست عند عائلة العلاوي بعد ما دردشو كل واحد طلع لغرفتو وخمدو …..
__اليوم_المواالي__ ⛅ ⛅ ⛅ ⛅ ⛅ ⛅
شرقات شمس جديدة وجايبة معاها احدات جديدة لأبطالنا فتحاات عينيها على اشعةةة شمس كاداعب وجها وكاتقول انهضي عزيزتي لاااحيااة مع الكسل ناضت كاتكسل فوق الفراش كي شي قطة وشعرها معنكش وقفات بتعب وتوجهات لحمام بتتاقل قضات روتينها وغسلات وجها ومشطت شعرها وخرجاات فتجاه الكوزينة وجدات ليها قهوة كحلة قاصحة وبلا سكر وحطت شوية دالفقاص فطبسيل وبدات كاتفطر وكاتكونيكطا مع انيس فنفس الوقت بعد مافطرت توجهات لغرفتها وبدات كاتجهز نفسها لبسات سروال سليم ديلاڤي فالازرق مع تريكو فالأبيض وسبرديلة فالأسود جمعات شعرها ديل الحصان وحطت ميك اب خفيف وهزات صاك كبير شوية فالأحمر دارت فيه تيلي ديالها والكيت وايكخو ومرطب شفاه وبيسكوي والمسكة دخيدو واجندة صغيرة مع ستيلو وسطها وبارفان ديالها دارت نظارات شمسية وخرجات من الشقة بدا يدخل البرد شوية حسات بريح كايحرك خصلاات شعرها توجهات لمحطة طاكسيات شدات نوبة وتوجهاات لمصحة فين خدامةة
__مكان_اخ__________________ر
فتح عينيه على اشعة شمسة لي تسللات من لاطيراس وكاداعب وجهو وعلى صدرو عبير حاطة راسها وغارقة فأحلى نومة فحضن راجلها حيد ليها راسها بشوية وقادها على الخدية وتوجه لحمام كايتمشى على طراف صباعو باش مايفيقهااش خدا شور خفيف وخرج من الحمام لاوي الفوطة على نصو توجه لدرسينغ لبس كوسطار فالبلو نوي مزير عليه وبارز عضلاتو مع شوميز بيضة وكرفاط بلو لبس ساعتو اليدوية ورش زوج رشات من برفانو الفخم عطر ملكي بامتياز << كلايف كريستيان >> توجه لسرير طبع قبلة على شفاهة وخرج من الغرفة بخطوات تابتة
__مكان__اخ_________________ر
___المصحة__ 🏥 🏥 🏥 🏥 🏥
حطها طاكسي قىريب من الكلنيك تمشات على رجليها شي خمسة دقايق تقريبا دخلت من البوابة فتجاه مكان تغير لملابس كانت هدى مزال خدامة لبست زي خاص بالممرضات وجمعات شعرها فالبوني وبدات خدمتها عند ناصر بعد ماخرج من غرفتو خرج من القصر كاكل بدون مايفطر وتوجه لشركةة مسافة طريق كان داخلها توجه لمصعد وطلع لطابق السادس ودخل لمكتبو لخاص طاغي عليه الون الأسود جلس فالكرسي ديالو وتاصل بالسكرتيرة تجيب ليه القهوة ديالو
هدى ..اخخخخ راسي غايتفرق عليا غانمشي نخمد باليل خدامة
متعة ..سيري خليت ليك القهوة فطري وخمدي انا غانمشي نشوف مريض لي فالغرفة خمسة
هدى..”هزات صاكها وكاتفوه ‘ اوكككك
#الممرضة_والوحش_ [ 5 ]
بقلم_الهاوية _ #sahar_kawtar__ 💄
توجهات متعة فتجاه الغرفة خمسة باش تباشر عملها بين ما هدى خرجات من المصحة فتجااه الشقة
___مكان_اخ_______________ر
فاقت كاتكسل تلفتات للجهة ثانية لقاتو بلاصتو فارغة تنهدت وتوجهاات لحمام خدات دوش وخرجاات من الحمام لابسة بينوار غوز ولاوية شعرها فالفوطة دهناات الكريم لجسمها ولبست كونبنيزو جينز للحوامل تحت منو تيشورط فالأبيض نشفات شعرها وحطات ميك اب خفيف لبست سبرديلة اديداس فالأبيض ونزلت لطابق السفلي
عبير ..صباح الخييييىر
رجاء ..”تبسمت ” صباااح النور بنتي كيف صبحتي !
عبير ..الحمد لله فين هو عمي
رجاء ..”شافت فتجاه دروج”هاهو نازل
مصطفى ..صباح الخير
عبير/رجاء .. صباح الخير
مصطفى ..فين هما دراري !؟
رجاء .. عدي كايدير سبور وايلن مزال ناعسة “شافت ف عبير ” و ناااصر. ….
عبير .. ناصر خرج قبل لانفيق
مصطفى ..هممم اكيد غايكون فالشركة “اشار ليهم بسم الله
عدي ..” دخل عرقان ” غاتفطرو بلا بياااا
رجاء ..طلع دوش بعداااا هه
__مكان_اخ________________ر
كانت كاتعاين المرضااا ومرة مرة كاتهضر مع انيس ف تيلي فالجهة الثانية كان ناصر كايشرب قهوتو وحاني راسو على شي ملفات والسكرتيرة واقفة عليه كاتخبرو بالمواعيد
سكرتيرة ..من دابا لنص ساعة كاين اجتماع
ناصر ..”بصوت رجولي ” اوك
سكرتيرة .. ميسيو وقع ليا هاد الملفاات
ناصر ..حطيهم وخرجي
___المصحةةةةةةة 🏥 🏥 🏥 🏥 🏥
دخلت لأحد الغرف والملف فيدها وهازة معاها لابراي دالطونسيو
متعة ..صباح الخييير
…..”بصوت بطيئ ” صباح النور
متعة ..اووووه اليوم وجهك منور امدام فاتي فاتي .. “تبسمت ” شكرا ابنتي
متعة ..جيت نقيس ليك ضغط “كاتعري ليها دراعها ” هااااااا شنو درتي فغيابي
فاتي .. كنت كانتصفح الانترنيت شفت خبر حفل عائلة اليازمي
متعة ..”بهتمام ” شكون هاد ليازمي
فاتي ..هدا واحد ملعقققق لكن ولد لكلب مقطرررر اخخخخ اليام “تنهدت بحسرة” عاد لبارح كان مكحط مانعرف ديك تروة منين طاحت عليه
متعة .. ولاد دين الكلب مانعرف منين كايطيحو عليهم لفلوس “حيدات ليها لاباراي ” ضغطك مزيان
فاتي .. نفس سؤال لي عندي من جاتو هاد تروة منيييين
متعة ..”تبسمت ” ماتفكريش بزاف ولا ضغطك غايطلع ثاني انا غانمشي نشوف المرضة الاخرين ونولي لعندك “لاحت ليها بوسة فالهوى وخرجت ”
___مكان__اخ_________________ر
بعد مافطرو خرج مصطفى وعدي لشركة عند ناصر بين ما رجاء وعبير توجهو لمحل رجاء فين كاتبيع الازياء لي كاتصمم عندها لاطولي وجنبها محل فخم كاتروج فيه لازياء دخلو ديريكت لمكتبها جلسو كايدردشو على
على الحفل
رجاء .. انت دابا حرم ناصر والأنظار غاتكون كلها متسلطة عليك كتر من صاحبة الحفل هدا علاش غاتلبسي احسن فستان
عبير ..بيني وبينك مامتحمساش لهاد لحفل
رجاء ..حتى انا مافيا لي يمشي مي حضورنا لااازم راك عارفة لبرطكول وما اليه المهم نوضي معايا نختارو الفستان لي غاتلبسي
عبير ..يالاااا
___المسا________ء 🌃 🌃 🌃 🌃 🌃
وصل المساء والنسا ف قصر عائلة العلوي واقفين على قدم وساق كايجهزو نفسهم للحفل لبساات مدام رجاء فستان فالبلومارين تحت الركبة بالأكمام طخواكار وخلات شعرها مفرود مع ميك اب مناسب ومصطفى لبس كوسطار فالاسود مع شوميز فالأبيض بين ما ايلن لبسات فستان طويل فالأحمر بالأكمام وجمعاات شعرها مشيطة سامبل مع ميك اب مناسب وعدي لبس كوسطار فالأسود مع شوميز فالأسود كدلك ورد شعرو لور واخير عبير لبست فستان طويل فالأسود وفيه دونتيل فالصدر وخلات شعرها الأشقر على راحتو مع ميك اب مناسب وناصر لبس كوسطار بلو مارين مع شوميز فالبيض وكرفاط بلو لبس ساعتو اليدوية ورش برفانو وخرجو من الغرفة ومن القصر مجموعين طلعو مصطفى ورجاء وايلن ف سيارة من نوع الكات كات بين ما عدي طلع فالفيراري ديالو وناصر طلع فرزنج ديالو مع عبير وقلعو فتجاه الحفل مسافة طريق كانو قدام ڤيلا دعائلة اليازمي كان قدام الڤيلا مسطوكي بالسيارات الفارهة بلاصاو سياراتهم ودخلو لداخل مجموعين وفكامل اناقتهم وكاع الاعين تسلطو ناحيتهم توجه مصطفى والدراري فتجاه اليازمي لي تبسم ومد يدو يصافحهم كانت واقفة جنبو بنتو لينا بفستانها الأسود فوق الركبة بصدر مكشوف وشعرها خلاتو مليوح ورا ظهرها ومموج كانت كاتشوف ف عبير بغللللل ضغطت على اعصابها وصافحتها
لينا .. “تبسمت بزز ” مرحبا بيك عندنا
عبير .. “نفس الإحساس ” شكرااا
رجاء .. “تبسمت ” اووووه كبرتي وزدتي زيانيتي عاد لبارح كنتي قطيطة صغيرة هه
لينا .. “تبسماات ” مانوصلش لربع جمالك مدام العلوي “شافت ف ايلن ” بلا شك نتي ايلن اوووه ماتبدلتيش نفس الملامح ونفس الجمال “شافت ف عدي ” عدي سبق لي وشفتو كدا مرة وكنت مسرورة بشوفتو ” ولات شافت فناصر وتكلمت بصوت خافت وعينيها ف عينيه وقلبها غايخرج من بلاصتو ” نااااااصر
ناصر .. ‘مد يدو ” اهلااا لينا ومبروك تخرج
لينا .. “حالة فمها فيه ” شكراا
عبير ..ضاغطة على اعصابها ” احم حياتي
ناصر .. وي
عبير.. بغيت نشم شوية دلهوى تخنقت
لينا .. اووووه ظاهر خاطرك ضيق
عبير ..،”حطت يدها على بطنها ” مع الحمل اوووه مزال ماجربتيه العقبة ليك مع شي ولد ناس “شافت ف ناصر وجراتو من يديه بعيد عليها شي لي خلا لينا علاين وتنفجر
#الممرضة_والوحش_ [ 6 ]
بقلم _الهاوية_ #sahar_kawtar__ 💄
لينا ماهزاتش عينيها على ناصر طول الحفل وهي حالة فمها فيه وفكل ما كاتشوف عبير جنبو وكاتفشش عليه كاتبغي تنفاجر ايلن كانت مستمتعة بالحفل نفس شيئ ل عدي لي ضبر على راسو بين ما مصطفى ورجاء كانو مجمعين مع بعض رجال وسيدات الأعمال وشي طالقها على شي شاف ناصر ف عبير وتكلم بصوت رجولي
ناصر .. خلينا نساحبو مليت من هاد الجو
عبير .. “بفرح ” حتى انا يالااااا ______” شد يدها وخرجو من الحفل تحت انظار لينا لي ولات على اخرهاااا حطات المشروب من يدها ونساحبات هي كذلك ودمها كايفور توجه ناصر لرونج ديالو فتحها من بعيد طلعو فيها وديمارا فتجاه الڤيلاااا طول طريق وهو كايبوس يد عبير لي كانت كأنها اميرة 👑 وهي معاه فعز كلامهم حس بلي بدا كايفقد سيطرة ولا مخربق ومخرج عينيه لاحظات عبير قلاقو وبدات تسولو …
عبير .. “بخوف ” حيااتي مالك
ناصر .. “كايحاول يسيطر على الوضع” والووو والوووو
مابقاش قادر يتحكم فالسيارة ولا كايخلق العرقلة فوسط طريق وكلشي كايكلاكسوني عليه ويسبو بين ما هو دماغو مرفوع عبير قلبها غايوقف من كترت الخوف خرجاات عينيها وتكلمت
عبير .. “بخوف اكبر ‘ ناااااري اش وااااااقع حياتي انا خايفة هئ…..هئ….
ناصر .. ” شد فيدها ” مااتخافيش انا معاك
عبير ..”خرجااات عينيها ” لااااااااااااااااااااااااااا
طرااااااااااااااااااااااااخ. ..بووووووووم____
خرج فالشجرة وتخبط راسو مع زاج دالسيارة بين ما عبير تلاحت من الباب دسيارة وتكركبات فالطريق
___بعد_دقاااائق __
وييييييييييو__ويييييييييو __ويييييييييو
🚑🚑🚑🚑🚑🚑🚑🚑🚑🚑🚑
كانت كاتوجد راسها عندها الخدمة باليل بين ما هي غاتهز صاكها وصلها تصال من هدى
متعة ..وي هدى
هدى ..افينك اجيفة الروينة نايضة فالكلنيك وانت معطلة
متعة .. انا فالطريق اش واقع ياك لاباس
هدى ..حتى تجي وتعرفي سربي البروفسيور محيح ناري وكلشي كايتفتف هنا يالا تلاحي تلاحي ديك العقروشة جاية جيهتي _____قطعات هدى الخط وخلات متعة ماعارفة اش واقع مسافة طريق كانت فحي راقي فيه غير الڤيلات وماليهم غير شكون وشكون نزلت من طاكسي وتوجهات لراس شارع بعد خمس دقائق تقريبا وصلت المصحة كانت كبيرة وكلها زاج وكاتكون من عدة طوابق تار نتباها كم من البودي كارد كل واحد ياواحد يهزك ويهرب بيك لابسين كوستيمات فالكحل وسيارات ميرسيديس اخر موضيل كحلة وزاج فيمي توجهات لباب وهي مزال مدهشرة وقفها واحد من الكارد بصوتو الغليض
……ايه فين ماشية
متعة ..انا خدامة هنا “وراتو لبادج عاد سمح ليها دخل دخلت لداخل وكاتسأل شنو واقع
واقع ياكما شي واحد من القصر الملك جابو لهنا ولا شي خليجي ملعق جات عينيها على الموظفين لي معاها كلشي مدهسس وتالف ابتداءا من الاطباء للممرضين كملت طريقها فتجاه المكان لي كاتغير فيه ملابسها فطريقها وقفات واحد من زملائها
متعة ..هيييي بسسسسس اش واقع !؟
علي .. ” تالف ” انا براسي ماعرفتش اش واقع سمعت شي وحدة جايبينها لهنا فحالة خطيرة وراجلها ملعق حجز طابق الخامس كامل وممنوع اي واحد يدخل حتى يتأكدو من هويتو
متعة ..اففففف شحال فيهم حيدي نمشي نبدل
توجهات لمكان تغير لملابس وبدات كاتلبس لباس خاص بالخدمة بلوزة وصابو مديكال جمعاات شعرها ديل الحصان يالا غادير الكيت وهي دخل هدى كاتجري وكاتنهج
هدى ..متعةةةةة متعةةةةةةةة جرييييي جربييييييي
متعة ..الطيف اش كاين
هدى .. الإسعاف وصلت والحالة لي فيها المدام خطيرة جري البروفيسور طلبك لبلوك
متعة ..”كاتجري ” يالاااا يلاااااااااا
__#الممرضة___والوحش____ [ 7 ]
بقلم__الهاوية_ #sahar_kawtar__ 💄
__مكان _اخ___________________ر
داخل غرفة مظلمة فالطابق الثاني وكاطل على البحر جالس الشخص فوق الكرسي وفيدو سيجارة من النوع الفاخر وفاليد ثانية تسبيح كايلعب فيه بيديه من مظهرو ظاهر عليه الخير نتر نترة من سيجارة وخرج دخان من فمو تلفت لناحية لكارد وتكلم
الشخص “بصوت خشن ” مات !!
الكارد ..”كايتفتف ” س س سيدي
الشخص ..بصوت عالي ” نطقققققققققققق
الكارد … “بلع ريقو ” س سيدي م مزال نقلوه المصحة هو وحرمو لي عرفنا انها فحالة خطيرة لكن هو لاا والمصحة عليها حراسة مشددة من طرف رجال ل___قاطعو بصفعة على لوجه ___ طرااااااااااااااااااااااااااااااااااااخ
الشخص .. كلاااب مدور بيها غير لكلاب ورعاوين كيفاش يفلت هاااااااا كيفااااااااش “كرز على يدو وتكلم من تحت سنانو ” بغيت مراتو تموت اليلة قبل غدا هي ولي فكرشها كاتسمع غانحرق قلبو هو للول عاد نتبعو ليهم وياويلكم تغلطو هاد لمرة “نتر نترة من سيجارة بعصبية وغوت فوجهو ‘ براااااااااااااا
__المصحة_____🚑 🏥
نزلت لبلوك كاتجري بعد ما دارت الكمامة على نيفها ودخلت كانت فوق البياص شابة عشرينية بشعر اشقر وقوام ممشوق وكرشها لفمها شاف فيها الدكتور وتكلم …
الدكتور ..المريضة فحالة خطيرة والجنين فخطر خاص نخرجو الجنين نعتقوه ونقدو لمدام قبل لاضيع منا
بداو فالعملية القيصرية بعد دقائق خرجو البيبي وبدا فصراخ هزاتو متعة بين درعها مدات البيبي لمساعدة ديالها وبدات كاتساعد الدكتور ف خارج غرفة العمليات وبضبط فغرفة خاصة كان شاب ثلاتيني مسطح فوق السرير ووجهو فيه بعض الكدمات وغايب على الوعي ومعلقين لي سيروم بعض دقائق فتح عينيه وبدا كايشوف فمنحى واحد وضبابة ف عينيه كايحاول يستوعب فين كاين ثواني وواعا نتر سيروم من يدو وحاول يوقف وقف بزز حاس بدوخة ولأرق توجه لباب فتحو وتمشى فالممر كايقلب على نصفو الأخر وكاينادي بإسمها بصوت باح ….
ناصر .. عبير …عبيييييييييييييير
توجه ليه مصطفى ورجاء ووراهم عدي وايلن
رجاء .. ولديييييييي ولديييييييييي هئ..هئ
ناصر ..فين هي عبير فين هي !؟
مصطفى .. فالبلوك اولدي “عنقو ” الحمد لله على سلامتك
رجاء ..حبيب قلبي ربي حفظك ليا اااااااااااااه هئ…هئ..فرمشة عين كنتي غاضيع مني
ناصر .. “حس بألم فضلوعو ” اااااه “عض على شفتو التحتية من الألم ‘ شاك بلي الحادت كان مدبر فلحظة فقدت سيطرة الفران كان مقطع اكيد شي عدو حاول يقتلني ” ضرب راسو بيدو من شدة ندم ” اخخخخخ اش داني نخلي عبير تجي معايا ادا وقعت ليها شي حاجة ما غانسامحش راسي
رجاء ..”حطت يدها على فمها ” بعد شرررررررر _____”توجهو لبلوك وبقاو واقفين قدام بابو بعد دقائق خرجات الممرضة وهازة البيبي بين وكاتجري حاولو يوقفوها وماقدروش توجهات بيه لحضانة كان عيان شوية بين ما متعة كانت الداخل مع طاقم
الدكتور ..متعةةةة مدي ليا المشرط
متعة ..”مداتو ليه ” تفضل دكتور
الدكتور ..المريضة شاك بلي عندها ارتجاج فالدماغ لكن لي متأكد منو عندها نزيف داخلي ونقدرو نفقدوها فأي لحظة …
متعة ..بعد شرررررررر
خارج الغرفة كانو غادين جاين على اعصابهم ناصر رغم تعب لي كايحس بيه الى انو كايكابر ومتلهف لشوفة عبير بعد ساعات خرجت متعة وتعب هالكها وقفوها وبداو عليها بالأسئلة
رجاء .. كيف بقات عبيرر فين هيييييي
متعة .. يالا سالات العملية مانقدر نقول ليكم والو حتى يخرج الدكتور وهو غايشرح ليكم
توجهات لحمام المخصص للأطباء حيدات الصباعيات والكمامة وغسلت يدها ووجها جمعات شعرها لفوق وجلست فوقة الكرسي كاترتاح خرجو عبير فالباياص فتجاه المصعد ووراهم الدكتور المشرف على حالتها كايجري
ناصر .. ‘وقفو ” كيف بقااات عبير وشنو عندها!
الدكتور .. ماغانقدر نقول ليكم والو دابا
ناصر .. “شنق عليه ” عااااااااااااا كيفااااش ماغاتقدر تقول والو ديك القح***** كاتعوج علينا وقالت لينا نسولوك ودابا انت كاتقول مانقدر نقول والو شكون غايقول لينا فنظرك هااااااااا
مصطفى ..”كايجرو ” نااااااصرررر نااااااصر
عدي .. خويااا طلق منووووو
متعة ..”جات كاتجري ” اييييييييييه اش هاد قلت الادب طلق من الدكتور ولا غانجيب ليك الامن طلققققققققققققق الويللللل
دفعو حتى تزدح مع الحيط وهز يدو حتى لفوق ونزل عليها لوجه طرااااااااااااااااااااااااااااااخ…….
حطات يدها على خدها ووسعات عينيها من الصدمة بين ما ناصر مخرج عينيه فيهااا
ناصر ..وديني وما اعبد وتوقع شي حاجة لمراتي حتى نحيكم واحد واحددددددد
__#الممرضة___والوحش____ [ 8 ]
بقلم _الهاوية_ #sahar_kawtar__ 💄
غمزها الدكتور باش سكتت خزرات فيه ومشات طايرة لكافي تاخد قهوة كحلة لعلا وعسى تكالما بين ما دكتور نساحب بلا مايضيف حتى كلمة وخلا وراه بركان غاينفاجر ضرب الكرسي برجليه حتى تهز وصدرو كايطلع وينزل بعصبية كانت رجاء كاتشوف فيه ودموعها نازلين بين ما مصطفى توجه لكافي يدخن باش يرد مزاجو فالطائرة لي متوجهة لتراب الوطني كان فيها مازن ودمو كايغلي ومتلهف لشوفة عائلتو خصوصا خوه وسندو كيف كايقول
داخل لكافي كانت متعةة دمها كايفور شربات كاس دالقهوة دفعة وحدة
متعة.. الله يعطيه لقطيع الكلب الخانزززز اخخخخخ كن دار لي دار خارج المصحة كنت خليت لي مايشري يتفرج عندك زهر اولد الكلب بالحق والله ما نفوتها ليك
مصطفى .. “كان واقف وراها ” غاتفوتيها غاتفوتيها “شاف ف عينيها ” ادا طفتي بساحتو مانضمنش ليك شنو يقدر يدير تاقي شرو وعدريه هو فحالة صعيبة لي ماعارفين عليها والو مراتو وكايبغيها كتر من روحو عموما كانعتدرو
متعة ..ولدك قليل ترااابي ظاهر لي ماربتيهش صحححح انا لي حسن ليه يتقي شري ولا غانسوط فيه وفقبيلتو ” لاحت ليه هاد لكلام وتوجهات لمكان اخر تبعها بالعين حتى غبراات كان ممكن بكلمة منو يطردوها خارج المصحة لكن تفهم ولدو لي ضربها خدا القهوة ليهم كاملين وتوجه ليهم
كان طاقم من الدكاترة فغرفة الأشعة دارو سكانير ل عبير وتأكدو بلي عندها رتجاج فالدماغ نقلوها اللإنعاش وتوجه الدكتور ليهم
لدكتور ..المدام نقلناها لغرفة العناية المركزة كان عندها نزيف داخلي الحمد لله سيطرنا عليه كان عندي شك وتأكدت منو المدام عندها رتجاج فالدماغ وتقدر دخل ف غيبوبة وتقدر لااا كلشي بيد الله دعيو معاهااا
ناصر .. “بصوت باح ” قولتي غيبوبةةةةة
الدكتور ..للأسف لكن كايبقى احتمال لا اكتر الله يشافيها البيبي حطيناه فالقرعة كان خاصو اسبوع على مايتزاد صحتو ضعيفة شوية غايبقى تحت العناية حتى يتجاوز الخطر
رجااء ..”نزلو دموعها ” واش ولد ولا بنت !!
دكتور .. ولد يتربى ف عزكم ودلالكم
قال ليهم شنو عندها ونصرف وخلا وراه قلب مسكور طاح ناصر على ركابية وشد راسو بين يديه وقف وخرج من الصحة بخطوات متسارعة كان محتاج يبقى بوحدو تغنق ودنيا كادور بيه حتى بلاصة مامريحاه الحاجة الوحيدة لي غاتريحو هي شوفة ف عينين محبوبتو طلع فالسيارة دخوه وكسيرا بعيد على المصحة واخا كان عيان الى انو كابر وفضل يبعد بعد ساعات حطات الطائرة لي جاية من السويد فوق الثراب الوطني قدام باب المطار كانت سيارة من نوع لكاط كاط ف نتظارو هز السائق الشانطة حطها فالكوفر وديمارا فتجاه المصحة
__#الممرضة___والوحش____ [ 9 ]
بقلم _الهاوية_ #sahar_kawtar__ 💄
توجه ليهم بخطوات متسارعة ….
مازن ..”بصوت خشن ” باباااا
مصطفى ..تلفت ” ولدييييييييي
مازن ..”ضمو ” طمني كيف بقى ناصر وعبير !!
مصطفى ..ناصر لاباس عليه عاد خرج وعبير الله يكون معاها محتاجة لدعواتنا
رجاء ..”كانت هازة لكافي وجاية غير شافت مازن طاح الكاس من يديها وتوجهات ليه كاتجري ودموع ف عينيها
رجاء ..”تخشات فحضنو ” ولدييييي هئ…هئ..ولدي الحبيب الحمد لله لي جيتي خوك محتاجك ناصر محتاجك ا مازن
مازن ..”زير عليها ” ان شاء الله كلشي غايتصلح هادي سحابة وغادوز
__فالجهة _الثانية من المصحة __ 🏥 __
كانت جالسة فواحد لكوان والكيت فودنيها حسات بيد تحطات على كتفها تلفتات بالخف وجات عينيها على شخص طويل وكتافو عراض وبشرتو سمرا لابس الكوستيم فالأسود والكيت فودنيه شاف فيها وتبسم بخبث …
متعة ..”بستغراب ” شكون انت ؟!
الشخص .. “بصوت غليض” دابا غاتعرفي شكون ااناااااا ….
___مكان__اخ___________ر
المكان دورا جمايكاااا اكبر دوار فيك ياتمارة سكن عشوائي وبيئة شعبية بمتيااااااز فإحدا البراريك كاين شابة فالخامسة والعشرين من عمرهااا قامة طويلة وقوام ممشوق وبشرة حنطية وشعرها واصل الخصرها فالبني ومسبسب لي شافها يقول عاملة سوشوار وهو رطب من عند الخالق عيون مشفرةةة وعسلية وانف منگاد وشنايف منفوخين بشكل مثير وحمرين كي بلعمااان صدر مشدود ومؤخرة بارزة عندها كل مقوماات الجمال بالإضافة لدكاء لكن زهر لي غايب فبراكة كاتكون من صالة صغيرة فيها ربعة دالحوفة وكايتوسطهم طبلة وجنب صالة بيت صغير فيه سرير متواضع وماريو دالخشب واكلاه سوسة وسط البراكة كاين مريح صغير مفرشين فيه حصيرة فاللازرق وزوج بونجات وكاتوسطهم طبلة وفالقنت تلفازة لي منوع لقديم وفوق منها رسبطور واخيرا وليس اخيراااا طوايلط صغيرة بزاااااف وانفاص معاها كوزينة متواضعة كانت جالسة فواحد الكوان وتيلي فيدها كاتهضر مع محبوبها وصلت ربعة دصباح وعينيها تسدو بنعاس
💬 حياتي عيني تسدو بالنعااس غانمشي نعس حتى انت سير تنعس
💬 واخا بون نوي حبي😘
حيدات 3ج وتلاحت فوق الحاف تنعس
فمكااان اخر كان ناصر جالس فوق الصخرررر نزلت دمعة حارة شقات طريقها فوق خدو وتبعاتها تنهيدة طالعة من اعماق قلبو فكل ماكاتجي فبالو بلي يقدر يخسر مراتو كايجن جنونو هز المشروب ورتشف منو وعينيه حمرين كيف جمررر
___المصحة___ 🚑 🚑 🚑 🚑 🚑 🚑
متعة ..”دفعت يدو” شكون انت وشنو بغيتي !؟
الشخص .. ادا سمعتي لكلامي غاتربحي وبزاااااف وماغاتبقايش مسوقة لهاد لكنيك لي اجرو
الشخص .. ادا سمعتي لكلامي غاتربحي وبزاااااف وماغاتبقايش مسوقة لهاد لكنيك لي اجرو ماكايتعداش ربعة لاف درهم كيف والو مع الملاين لي غاتشدي
متعة ..”بنرفزة” ياا غاتقول ليا شنو بغيتي نيشان وبلا لف ودوران يا دور تقود ماناقساكش هاد ساعة
الشخص .. مقبولة منك اتوت “مرر يدو على دقنو ” سمعيني
__#الممرضة___والوحش____ [ 10 ]
بقلم _الهاوية_ #sahar_kawtar__ 💄
مازن .. قرب يطلع نهار سيرو لدار رتاحو ليكم شوية انا غانبقى هنا حتى يجي ناصر
عدي ..حتى انا غانبقى معاك “شاف فيهم ” بابا ماما مازن عندو صح سيرو ترتاحو ماعندنا مانديرو هنا كلنااا
رجاء ..مستحيل نخلي ولدي بوحدو هو محتاجني هئ….هئ….
مازن ..هو محتاج يرتاح عليها خرج وجودكم هنا ماليه حتى معنى سيرو ترتاحو انا وعدي هنا
مصطفى .. عندهم صح يالاا نرتاحو شوية ونرجعو
خرج مصطفى ورجاء وايلن من المصحة وخلاو مازن وعدي واقفين فالممر وكاينتاظرو قدوم ناصر لي تأخر _____
__فالجهة_الثانية_من_المصحة____
متعة .. “بصدمة” ش شنوووووو عاود اش قولتيييييييييي “خرجات فيه عينيها” غانعلم بيكم البوليس كاتسمع المجرمممممم __يالا جات تمشي وهو يجر من المرفق ديالها وزير عليها حتى تأوهت من الألم
متعة ..ااااااااه
الشخص ..(كايشوف فيها بشررر) ادا نسميك مراا جربيييي
متعة ..غانعلمك بيك القتاال وماغاتقدرش تخلعني
الشخص ..ادا ساخية بروحك وبروح هدى صاحبتك هااااا ؟! “رفع حاجبو ”
متعة ..”بثلعتم ” ش ش شنوووو
الشخص ..”مد ليها قرعة حجمها صغير بزاف وداخلها سائل كيف المااا ” غاتحطي ليها هاد سم فالسيروم وحتى حد ماغايقدر يعرف واش سمممم
متعة ..”خداتو من عندو وضرباتو مع الحيط حتى تشتت ” مستحيلللللل كاتسمع مستحييييييييييل
الشخص ..”زير على الفك ديالها ” ادا حاولتي تقولي شي كلمةة كوني اكيييدة غانحيك لا انت لا صاحبتك من الوجود وغاتنفدي شنو طلبنا منك وبززز منك كاتسمعي “خرج فيها عينيه “””” انا دابا غانمشي مي قبل ماتشرق شمس غاتلقايني عندك وياويلك تعلمي شي حد حيت غانهيوك من الوجود “اشار ليها ” هااااا ودني________
عطاها بالظهر وتمشى بعيد عليها تبعات ليه العين حتى غبر والخلعة شاداها من صبعها صغير جلست فوق الكرسي حالة فمها ورجليها كايرجفو حطات يدها على صدرها وكاتحاول تاخد نفس
متعة ..الله ياربي اش هاد المصيبةةةةةة
___بعد___اربع___ساعاااااات____
شرقات شميسة ⛅ وتسللات خيوطها الذهبية داخلة المصحة معلنة على يوم جديد واحدات جديدة لبطلتنا لي كانت مكمشة فواحد الكوان وكاتخمم خرجها من تخمامها صوت زميلها فالعمل كان واقف بزي الممرضين وفيديه زوج كيسان دالقهوة كحلة …
علي .متعةة جبت ليك معايا القهوة
متعة ..”رفعات راسها ” هاااااااا
على ..”رفع حاجبو ” حالك ما عاجبنيش واش مريضة !؟
متعة .. “تنهدات ” احم غير شوية دالعية “مدات يدها ” عطيني القهوة
علي .. “مدها ليها ” تفضلييي
متعة ..شكراا _ _ _ _ _ _
__#الممرضة___والوحش____ [ 11 ]
بقلم _الهاوية_ #sahar_kawtar__ 💄
كان واقف قدام الإنعاش وكايشوفها من زاج مستلقية فوق البياص وكلها اسلاك وكايتسمع صوت الآلة ….طيييييط…طييييط…طيييييط
وقف موراه مازن وحط يدو اليمنى على كتفو
مازن ..”بصوت رجولي ” ان شاء الله غاترجع ليك ولينا
ناصر ..”بصوت باح ورجولي فنفس الوقت” غانموت ادا وقعات ليها شي حاجة
مازن ..بعد شرررررررررر “شاف فيه ” يالا الكافي نفطرو شوف حالتك كي ولات عطي لراسك راحة باش من تفيق عبير تكون بخير
ناصر ..”الغصة فحلقو ” ماعندوش منين يدوز اخويااا اخخخخ ونعرف الزاامل لي قطع الفران
مازن ..”عقد حجبانو ” قطع لفرااااان ؟!
ناصر .. شاك بلي الحادت مدبر لي خدمني خدمني فالحفل
مازن ..بلاتي بلااااتي واش كاتعتقد بلي شي حد حاول يقتلك ؟! واش عارف اش كاتقول يعني عندنا عدو …..
ناصر ..”كرز على يدو “تمااااامااااااااا….
__فمكان_اخر_ /المصحة🚑
بعد ماشربات قهوتها توجهات لحمام قضات روتينها وغسلت وجها باش تصحصح من بعد توجهات لعناية قبل ماتخرج من المصحة خافت يكون المجرم دار شي حاجة اول ماوصلت لعناية جاات عينيها على ناصر وخوه واقفين تخطاتهم ودخلت لداخل بدون ماتشوف فوجهو طمنات عليها وخرجات فلحظة كانت غاتوقف وتقول ليهم شنو كاين لكن خوفها منعها كملاات طريقها وتوجهات لمكان تغير الملابس حيدات البلوزة والبوني ولبسات لحوايج لي جات بيهم وسبرديلتها اديداس وجمعات شعرها بشكل عشوائي هزات صاكها وتوجهات لبوابة فنفس الوقت نزل ناصر ومازن للكافي ياخدو قهوة فطريقها جات عينيها على شخص غريب لابس لباس الممرضين قالت مع نفسها غايكون يالا تعين كملت طريقها وتوجهات لمحطة طاكسيات يالا غاتركب فطاكسي وهي تضرب ليها فراسها طنننننننننننن بلي الشخص لي لابس زي الممرضين غايكون مجرم زيرات على صاكها وطلقات رجليها لريح وصلت لباب المصحة كاتنهج توجهات لمصعد كان خاسر طرت تطلع فدروج لطابق الخامس مشات كاتجري بلاعقل الشخص دخل العناية وضرب داك سم فالسيروم وخرج بالخف بدون مايلفت الأنظار وصلت لطابق الخامس كاتنهج توجهت ديريكت للعناية فين كاينا عبير اول مادخلت شافت فالآلة قلبها وقف حطاات يدها على فمها ووسعت عينيهاااا
متعة ..الله ياربي لاااااااا لاااااااااا هئ…هئ…
“مسحات دموعها وخرجاات من العناية فنفس الحظة وصل مصطفى شافهة خارج من العناية ولون وجها مخطوف عقد حجبانو وتوجه ليها
مصطفى .. صباح الخير
متعة .. ص صباح الخير
مصطفى ..” بشك ” كيف بقات عبير
متعة ..”بلعت ريقها” م م مدام عبير عطاتك عمرها قلبها وقفففففف
مصطفى ..”بحال ادا تكب عليه سطل دالما
مصطفى ..”بحال ادا تكب عليه سطل دالما طايب ” شنووووووووووو “حط يدو على راسو ” لاااا اله الاا الله ان لله وان اليه راجعون
“جلس فالكرسي وكايردد كلمة الله اكبر بين ما متعة توجهات لدكتور المسؤول على عبير وخبراتو بلي عبير توقف قلبها مشى كايرجي وتأكد بنفسو غطاو ليها وجها طلع مازن وناصر لطابق الخامس جاات عينهم على مصطفى لي كان كايشوف ف متعة بنظرات ماكاتفسرش
مازن ..بابا صباح االخير
مصطفى ..” كايشوف ف ناصر بحسرة ” صباح الخير
ناصر ..”بشك ” بابا مالك !؟
مصطفى .. ولدي خاصك تصبر وتكون راجل
ناصر ..”بخوف كبير ” اش واقع ؟!
مصطفى ..عبير عبير عطاتك عمرها
مازن ..الله اكبر .
ناصر ..”خرج عينيه ” لااااااااااااااااااا “شد راسو وكايحاول يكدب شنو سمع جات عينيه على دكتور خارج من عندها وحاني راسو توجه ليه وشنق عليه
ناصر ..قل ليهم بلي كدوووووب قول بلي مراتي عايشةةةة وماماتتش
مازن ..” كايجر فيه” ناااصر نااااصر
دفعهم وتوجه لعناية دفع لباب ودخل لداخل كانت فوق البياص ومغطين ليها وجها بليزار توجه ليها حط راسو فوق صدرها ودموعو نازلين وصلت رجاء وعدي وايلن ومعاهم لينا لي اول ماسمعت بالحادت جات كاتجري وخايفة على ناصر اول ماوصلو خبرهم مصطفى بلي عبير ماتت ايلن طاحت على وقفتها ماكانتش غير مرات خوها بل صديقة طفولتها ورفيقة دربها هزوها ودخلوها لغرفة فارغة والدكتور ضرب ليها ابرة دضغط وخلاوها ترتاح رجاء ماقدراتش تصبر بقات فيها مرات ولدها وبقى فيها ولدها كتر حالتو كانت كاتقطع القلب جلسات فوق الكرسي وكاتبكي بحرقة وجنبها لينا كاتصبر فيها وفنفس الوقت فرحانة حيت خلا ليها الجو وقالت هادي هي المناسبة باش تقرب من ناصر لي سالب قلبها وعقلها #يتب______ع …
__#الممرضة___والوحش____ [ 12 ]
بقلم_الهاوية_ #sahar_kawtar__ 💄
فتحات عينيها وحاسة بدوخة كاتحاول تستوعب شنو وقع ثواني وداز الواقع قدام عينيها …..
ايلن ..عبييييييييييييييير هئ…هئ…هئ.. ع عبييييييير ااااااااااااااااااااه هئ….هئ…..
__دفعت رجاء الباب ودخلت هي ولينا كايجريو عندها جلست جنبها رجاء وضماتها ”
رجاء ..عفااك ابنتي ماتزديش تشوي قلبي خوك من جيه وانت من جيه هئ…هئ…عبير الله يرحمها ابنتي سالا اجلهااا
لينا ..”نزلو دموعها ” دعي ليها برحمة ماتزديش تحرقيها
ايلن ..هئ…هئ…ع عبيير ماشي غير مرات خويا عبير صاحبتي وكل حياتي مشاات اماما مشااااااااات اااااااااااااااااه هئ….هئ….هئ…
____خارج الغرفة كان مصطفى جالس فالأرض وشاد راسو بين يدو وحابس دموعو وجنبو مازن عاقد حجبانو وقلبو كايوجعو على خوه لي تكواا كية صعيب تبرااا اونفاص معاهم كان واقف عدي حاني راسو وداخل الإنعاش كان ناصر جالس فالكرسي كايشوف فيها ودمعتو نازلة ترجل مازن تجاهو وحط يدو على كتف خوف وتكلم
مازن ..ناااصر شد حيلك غاتمشي لدار ترتاح وانا وعدي غانتكلفو بالإجراءات
ناصر ..”بصوت باح ” بغيت نبقى بحديييي
مازن ..”بصرامة ” نااااااااااااصررررر
ناصر ..”شاف فيه بعيون دامعة ” قلت ليك بغيت نبقى بحدي وانا لي غانتكلف بالإجراءات
مازن ..اوك غانصيفط عدي مع بابا وماما وايلن وانا غانبقى معاك غانخرجوها مع الظهر ان شاء الله ________” خرج مازن لعند باه وعلمهم يرجعو مشات رجاء لحضانة طمن على حفيدها بعد ما طمنات عليها خرجات من المصحة مع عدي ومصطفى وايلن ومعاهم لينا لي اصرت ماتفارقهمش ولا لحظةةةة بين ما ناصر ومازن بقاو فالمصحة مسافة طريق كانو العائلة فالقصر وبداو يتاصلو بالعائلة والاصدقاء علمو عائلة عبير لي كاينين ف فرنسا ولي اول ماسمعو الخبار قصدو المطار كايجريو لبسات رجاء جلابة مخزانية فالاصفر بااارد ولاحت شال فوق راسها وايلن لبسات جلابة مخزانية فالكحل (الأسود) ولاحت الشال فوق راسها فنفس الون وعينيها منفوخين بالدموع …وجنبها لينا لابسة جلابة مخزانية فالمارو ولايحة شال فالمارو فوق راسها وشعرها مطلوق مغطي غير نصو ودايرة رجل فوق رجل ومرة مرة كاتعنق ايلن لي ماقدراتش تصبر وبعض النسا من العائلة جالسين فالصالة ولابسين جلالب مخزانين ومخدومين باليد داك شي دالعياقة وكل وحدة كاتبان على وحدة بالمشاريع لي عندهم وفباب القصر كان واقف مصطفى وجنبو عدي كايستقبلو ناس لي جاو يعزيوهم اما فالمصحة كان مازن جنب خوه لي شاد راسو بين يدو وجالس ________خرجات من المصحة وضميرها كايأنبها كيفاش ماقالت ليهم والو وهي
والو وهي لي عارفة اش كاين خدات نفس عميق وقررات تقول كلشي لناصر وهو يتكلف اول مارجعت لمصحة ويالا غادل جرها شخص من دراعها وداها لسيارتو كانت كاتفركل بين يديه دفعها داخل سيارة وكسيراااااا بعيد على المصحة وقف فمكان خاااااالي تلفت عندها وتكلم …..
الشخص ..شنو راجعة ديري فالكلنيك هاااا ياك ساليتي خدمتك ولا راسك سخن عليك ؟!
متعة ..قتااااال مجررررررررم غانعلم بيك البوليس (الشرطة ) كاتسمعععععع
الشخص ..”زير على الفك ديالها ” ظاهر ليا روحك وروح صاحبتك رخيصة عليك اااااه ختك تتيزة بحاااالك “عط على شفتو التحتية ‘ وحتى سميتها تتيزة ___ شهد احححححح
متعة ..” وسعات عينها ” ك ك كيفاش عرفتي ختي اش باغي مني “هزات صبعها ” كانقسم ليك ادا قستي شعرة وحدة منها غانحيييك كاتسمعععععععع
الشخص .. اوووووه خلعتيني “حمر فيها” هدا اخر كلامي واخا طيري وتنزلي ماغاتوصليش للبوص وكلشي غانقلبوه عليك ازوينة الشخص لي قتلها ماكاينش فالصورة مسحنا تسجيل الكاميرات وحتى فاش هددتك مسحنااه يعني الشكوك غاتكون عليك وحتى حد ما غايقدر يوصل لينا البگوصة هدا علاش غاطميييي حسن ليك وادا حاولتي تنبشي على صداع مانضمنش ليك شنو نقدر ندير خافي على ختك حسن ليك __”غمزها ودفعها خارج سيارة وكسيراااااا _ ناضت من الأرض ومزاال مصدومة من كلامو حطات الصاك فالارض وجبدات منو تيلي ودوزات الخط ثواني وتفتح الخطططططط….
شهد …ختييييي
متعة ..شهددددد شهدددد انت لاباس “بخوف ” واش ماجا عندك حتى حد !؟
شهد .. ” بستغراب ” لااا علاااش
متعة .. “مررت يدها على شعرها ” خلي تيلي ديما حداك وماتيقي فحتى واحد كاتسمعي واي حاجة تقوليها لياااا
شهد .. و واخا انا غاندخل دابا الحصة يالا باي
متعة ..باي حبيبة
__#الممرضة___والوحش____ [ 13 ]
بقلم _الهاوية_ #sahar_kawtar__ 💄
___بعد__ساعتين___
وصلو عائلة عبير من فرنسا كايبكيو بحرقة على بنتهم وقفاات رجاء وضمات مدام غيتة لي ماقدراتش تصبر على فراق بنتهاا
غيثة ..ااااااااااااه ابنتي اااااااااه ااااااااااه اكبدتي تشويت فيها ااااااااه هئ….هئ…الله يابنتي مشيتي فعز شباك الله الله لمن خلتيني واشمن طريق ترضك ليا الله هئ..هئ….هئ…
رجاء ..الله يرزقك ويرزقنا الصبر هئ…هئ…
غيتة ..فين هو حفيدي هئ..هئ…
رجاء ..البيبي صحتو عيانة شوية كاين فالحضانة
غيتة ..ااااااااخ ابنتي هئ….هئ..كيفاش غانقدر نصبر كيفاااااااش قولو ليا كيفااش غانصبر على فراق كبدتي هئ….هئ….
__مكان__اخ________________ر
شدات طاكسي وتوجها لشقة ودماغها مقلوب اول ماوصلت توجهات ديريكت لحمام خدات دوش حيدات بيه العيا وحاولات تسترخة وتخمم فهاد الكابوس بعد ماخدات دوش خرجات من الحمام للابسة ينوار بيض دالحمام ولاوية شعرها فالفوطة جلسات فوق السرير وكاتخمم شنو دير وكيفاش تخرج من هاد المأزف بعد ما رتاحت شوية نشفت لحمها وشعرها ولبسات بيجامة بسروالها فالمارو وجمعات شعرها بشكل عشوائي وتلاحت فوق السرير بعد مجهود غفااات
فكان اخر وبضبط ف المصحة كان ناصر ومازن كايقادو الإجراءات باش يخرجو عبير مع الظهر بفضل الفلوس ومعارف مالقاوش عراقل زائد حتى حد ماقدر يعرف واش مقتولة لأن السم لي خدات ما كايبانش بسهولة
بعد ساعات كملو الإجراءات وهزوها ف نقل الأموات فتجاه القصر وقدامهم مازن فسيارتو بين ما ناصر كان فالإسعاف معاها مسافة طريق كانو قدام بوابة القصري نزل مازن هو الأول ومن بعد نزل ناصر هزوها ودخلوها لواحد الغرفة فطابق السفلي كان القصر عامر غير شافتها مها طاحت غيبات وطاحت وراها ايلن مشى مازن كايجري هو ختو بين دراعو وطلع لطابق الثاني حطها فغرفتها ومعاه لينا لي جلست معاها وام عبير حطوها فغرفة ضيوف طلع ناصر لغرفتو خدا دوش ولبس جلابة فالأبيض وجلس فطرف السرير هاز تيشورط دعبير وكايشم فيها تكلم بصوت باح مخنوق بدموع ….
ناصر .. علاااش خلتيني اعبير علاااااش ااااااااخ كيفاش غانقدر نصبر على فراقك قولي ليا كيفااااا
___دق_______دق_______دق _____
ناصر .. دخلللل
عدي ..” دخل لداخل “خويا كيف بقيتي !؟
___جلس جنبو وضمو ”
ناصر .. الحمد لله
عدي ..ونعم بالله نوض الظهر علاين ويأدن غايديو عبير لمقبرة شهداء
___خرجو من الغرفة وتوجهو لمقبرة بعد ماحطو عبير فالإسعاف وتبعوها سيارات من الور مشاو فجنازتها بزاف دناس مسافة طريق كانو فالمقبرة صلاو عليها صلاة الجنازة وعراو ليها وجها
وجها تحنى ناصر على ركابيه وطبع فجبينها قبلة الودااع نزلت دمعة حارة من عينو وقطرات فوق وجها حط مازن يدو على كتف ناصر وهمس ليا
مازن ..خويا باركةةةةة
وقف ناصر بعد ما مسح دموعو وكايشوف فيها للمرة لأخيرة وقلبو كايتعصر عصير حطوهاوف قبرها يالا غايلوحو عليها تراب خدا البالة من عندهم كايحز الثراب وكايلوحو عليها وقلبو كاينزف من الداخل بعد ماغطاها كاملة نزلت دمعة على خدو مسحها بالخف وشاف ف خوه لي كان قلبو كايتقطع عليه بعد الدفن رجعو بأدراجهم للقصر وبداو الناس كايعزيو فيه واحد تلوا الأخر دخل رجل فالخمسين من عمرو وهاز تسبيح فيدو توجه ديريكت لعند ناصر وعزاه ….
محمود ..البركة فراسك اولدي الله يبدل محبتها بالصبر
ناصر ..”بصوت رجولي ممزوج ببحة” مامشى معاك بااس
محمود ..”مد يدو لمصطفى ” عزائنا وعزائك واحد الله يرحمها
مصطفى ..”ضمو ” اللهم امين
محمود ..مازن ولدي الله يرزقكم الصبر
مازن ..”باس يدو ” امين اعمي
محمود ..عدي ولدي البركة فراسك
عدي ..”باس يدو” مامشى معاك باس اعمي _ _ _ _ _ _
__#الممرضة___والوحش____ [ 14 ]
بقلم _الهاوية_ #sahar_kawtar__ 💄
دخل محمود ومصطفى لداخل بين ماناصر وخوتو بقاو حدا الباب يستقبلو تعازي الناس بعد لحظات وصل رجل فنفس سن محمود ومصطفى وهاز تسبيح فيدو وقف قدام ناصر وعنقو …
ادريس ..ولدي البركةةةة فراسك
ناصر ..”بادلو العناق ” مامشى معاك باس اعمي
ادريس .. صابح مازن وعدي ” البركة فراسكم
مازن /عدي .. مامشى معاك باس …
توجه لمكان مصطفى ومحمود صافحهم وعزا مصطفى وجلس مع اصدقاء طفولتو ورفقاء دربو وكل واحد فيهم كايلعب بتسبح ديالو ما عادة مصطفى لي كان كايشوف ف ولدو بحسرة
___المسا_______ء 🌆 🌆 🌆 🌆 🌆…
كانت الجردة ديال القصر عامرة بالناس والمقرئين كايقراو القران وسرباية كايفرقو اتاي والحلاوي مشكلين جنائز ناس الكبار كاتعرفوهم الحلاوي الغالين وبساطل واللحومات محمرين تقول فرح ماشي قرح لكن قلب ناصر ربي لي كان عالم بيه العافية شاعلة فيه الداخل كان جالس بين ناس وعقلو غايب وقلبو كاينزف من الداخل توجهات ليه الخدامة وهمسات ليه …
الخدامةة… سيدي مدام غيتة بغاتك
ناصر ..واخاااا ___ستأدن من ناس لي كان جالس وسطهم وتوجه ليها بخطوات تقال وراسو عاطيه لحريق وقف قدامها وتكلم بصوت رجولي …
ناصر ..وي
غيتة .. من غاتكمل بنتي ثلت يام غانرجع لفرنسا لكن ماغانرجعش بوحدي غاناخد معايا حفيدي هئ…هئ..الله يخليك ماتحرمنيش منو هو دكرى الوحيدة لي بقات ليا من بنتي
رجاء ..”وسعات عينيها” كواااااااااااااا….
ناصر .. “ركز فيها شوفة ” ولدي ماغايمشي فين مكانو طبيعي معايا وتقدري تشوفيه الوقت لي بغيتي
غيتة .. “وقفات وعينيها كايطير منهم شرر” شنوووو بسبابك بنتي تحت تراااب ماغانسمحش ليك تاخد حفيدي حفيدي غاناخدو معايا بغيتي ولا كرهتي
ناصر ..”ضغط على اعصابو ” ماتخلنيش نغلط فيك امدام غيتة ..”ورك على كل حرف ” ولدي غايكون معايا وجري طوااالك ____” عطاها بظهر رجع لمكانو وخلاها وراه حالة فمها رفعات راسها وتكلمت …
غيتة .. ناااااااصررررررر…
__بعد_مرور_اسبو_____ع
فهاد الأسبوع كانت متعة كاتمشي لكلنيك تزاول عملها لكن خاطرها عمرو هنا من ديك النهار لي عتابراتو مشؤوم خصوصا اليوم غير كاتعافر وكاتخدم بزز خاطرها مزير وبالها ماهاني ماعارفاش شنو لي مخليها هاكا واش تأنيب ضمير حيت ماقالتش شنو شافت ولا شنو ماقدراتش تفسر حالتها ستغفرات الله وتوجهات لغرف المرضى تطمن عليهم
__#الممرضة___والوحش____ [ 15 ]
بقلم _الهاوية_ #sahar_kawtar__ 💄
كان مسطح فوق السرير وسط غرفتو لي طاغي عليها الأسود وزادها سواد ظلام لي من نهار ماتت عبير ماشاف ضو من غير ضو الگمرة كان مغمض عينيه وداير يدو تحت منو فجأة رن تيلي مد يدو دوز الخط ..
ناصر ..”بصوت رجولي ” وي
…..سيدي بعد مافحصو السيارة تأكدنا بلي الحادت مدبر شي حد لعب فالفران
ناصر ..”نار شعلت فقلبو كرز على يدو وتكلم ” نبغيكم تجبدو ليا هدا لي تسبب فالحادت
……غانحاولو اسيدي
ناصر ..”بصوت عالي ” ماتقولش ليا غانحاولو غاتنفد شنو قلت ليك __طييييييييييييييط…
قطع الخط ولاح تيلي وناض منرفز وشرارة الغضب كاطير من عينيه مرر يدو على شعرو بعصبية ونزل لطابق السفلي كانو لعائلة كايفطرو اول ماشافتو رجاء تبسمات من نهار ماتت عبير ماشرك معاهم طعام او جلس معاهم…
رجاء ..”تبسمت ” صباح الخير ولدي
ناصر ..”بصوت باح “صباح الخير .
” شاف ف باه ” الحادت مدبر
مازن ..”وحلت ليه ” كح…كح…. ش شنوووو
مصطفى ..شنو لي اكد ليك ؟!
ناصر .. السيارة خضعات لفحص وقدرو يعرفو بلي شي حد لعب فيها وقطع لفران
رجاء ..”حطات يدها على فمها ” الله ياربي
مصطفى ..”وقف ” ناصر مازن تبعوني لمكتب
رجاء ..شرحو لينا اش واقع
__كملو طريقهم وخلاوها هي وايلن مصدومين وحالين فمهم بين ما عدي كان خارج القصر كايتريني دخل ناصر ومازن المكتب مع باهم وسدو الباب وراهم …
مصطفى.. دابا تأكدنا بلي شي حد حاول يقتلك
مازن ..”بعصبية ” لكن شكووووون….
مصطفى ..”بصوت خشن ” الممرضة لي عندها الجواب كانظن ..
ناصر ..”خرج عينيه ” الممرضةةةةةةةة ؟! شنو علاقتها ؟! وشكون هادي ؟!!!
__فلاش_بااااااااااك_________
متعة.. الله يعطيه لقطيع الكلب الخانزززز اخخخخخ كن دار لي دار خارج المصحة كنت خليت لي مايشري يتفرج عندك زهر اولد الكلب بالحق والله ما نفوتها ليك
مصطفى .. “كان واقف وراها ” غاتفوتيها غاتفوتيها “شاف ف عينيها ” ادا طفتي بساحتو مانضمنش ليك شنو يقدر يدير تاقي شرو وعدريه هو فحالة صعيبة لي ماعارفين عليها والو مراتو وكايبغيها كتر من روحو عموما كانعتدرو
متعة ..ولدك قليل ترااابي ظاهر لي ماربتيهش صحححح انا لي حسن ليه يتقي شري ولا غانسوط فيه وفقبيلتو
__الحاض_________________ر
مصطفى ..كلمة ماغانفوتهاش بقات كاتردد فمسامعي خصوصا عينيها كان فيهم غضب كبير نهار ماتت المرحومة حست بيها ماشي على بعضها خايفة مخربقة ماعرفتش
مازن ..لكن هدا ماكافيش تقدر تكون تأترات زائد تصرفيقة ماغاتخليها تفكر تقتل
ناصر ..”كرز على يدو ” هادي هي الخيط لي غايوصلني الحقيقة غاندمهااااا
__خرج من المكتب صاعر وطاير تبعو مازن ومصطفى لكن ماقدروش يوقفوه طلع فرونج ديالو وكسيرا فتجاه المصحة كانت خارجة منها وطلعت فسيارة من نوع الفيراري ديمارات السيارة وتبعها ناصر من الور ودمو كايغلي بعد دقائق وقفت سيارة قدام مطعم كايطل على البحر نزل منها شاب ثلاتيني فتح ليها باب سيارة وتوجهو لداخل المطعم ..
أنيس.. جر ليها الكرسي ” تفضلي
متعة ..”عينيها كايلمعو من الفرحة” شكرااا
انيس ..”جلس قبالتها ” توحشتك بب
متعة ..”سبلت عوينااتها ” حتى انا هااا كيف دايرة كندا وناسها ؟!
أنيس ..مزيان ولهيلااا بخير اه هضرت مع الوليدة الأسبوع الماجي غانجيو نخطبوك بشكل رسمي احححح مابقى والو وتكوني حلالي
متعة ..”وسعات عينيها ” الأسبوع الماجيييي ماشي زربتي مزال ماموجدة
أنيس ..”ضحك حتى بانو الغمزات ديالو” توجدي من نيتك اش غاتوجدي جمال مشوين الله يهديك المهم علمي باك يجي باش نطلبوك منو
متعة ..”بحسرة ” باااا احححح خلي داك جمل راگد
أنيس ..ماعمرو جا طل عليك
متعة ..حتى انت نسى انا غانتاصل بيه ونعلمو يكون خير “تبسمات” ايوا الحبان ديالي اش درتي فغيابي ههه
___مكان __اخ_______________ر
داخل لاتولي كانو البنات كل وحدة محنية على الماشين ديالها كاتخيط وعينيهم عليها وكايتغامزو ويضحكو بشوية
زاهية فسسس شفتي اش دارت ليها على روطار ههه
حفيظة ..”ميقات ” عبرات عليها عجباتني فيه جفات بيها لارض
نزهة ..انا هاد نوع كايسالي معايا كادير راسها دكية وهي بلاصة المخ عندها الخرا لا والنهار اللول جاية داير درة وتمسكن غير خدمات ولات طلق سوالف الله يستر
زاهية ..قالت ليك ديك نهار جاية بدرة كان راسها ضارها “ضحكت بمياعة” ها ها هههه
نزهة ..يعطيها ضرورة تفوووو على جنس _ _ _ _ _ _
__#الممرضة___والوحش____ [ 16 ]
بقلم _الهاوية_ #sahar_kawtar__ 💄
غزلان ..اييييييه كل وحدة تشوف شغلها باركة من توشويش “شافت ف تجاه سحر ” وانت طلقي يديك روطار وزايداها بتمسكين طلقي راسك
سحر ..الصمت
___مكان_اخ_________________ر …
بعد الغدا جلسو جنب البحر شوية كايخططو لمستقبلهم من بعد وصلها لدارها وهو ديمارا لدارو فهاد الأتناء كان ناصر مراقبها اول مادخلت لعمارة بلاصة سيارة وتوجه ليها سأل العساس على رقم شقتها عطاه رقم وطلع ليها بخطوات متسارعة يالا كانت دخلت سمعات صونيط وتوجهات لباب تفتح اول مافتحت دفعها بقوة حتى تنشرات فالأرض ودخل لعندها وسد لباب وراه غير شافتو وسعات عينيها ….
متعة ..ا ا ش اش كادير “دارت راسها نسات عليه ” شكون انت ….
ناصر ..”هزها من شعر ونزل عليها لوجه طراااااااااااااخ…” دابا دكرتي شكون انا ؟! هممممم دوي القح******
متعة ..”حطات يدها على خدها ” الله يعطيك لقطيع “يالا جات تغوت وهو يسد ليها فمها ”
ناصر ..”من تحت سنانو ” شكون انت وشكون وراك هااااا
متعة ..”ستجمعات قواها ودفعاتو” اش كاتخرف شكون انت بعداا ؟! انا ما كانعرفكش
ناصر .. كانقسم ليك حتى غانحيك اكيد موت مراتي ماشي طبيعي نهار صرفقتك ماتصرطاتش ليك “بدا كايدورها فراسو لقا بلي غير كايخربق هي شافها حتى جاو االمشفى سكت مدة ورجع تكلم ” انا غانتأكد وياويلك تكون عندك يدك “دفعها وخرج كيف تور الهايج تاصل بواحد من معارفو وخبرو بلي باغي يشرح الجتة قطع معاه الهضرة وتوجه لقصر ودماغو مخربق رجاء توجهات لمصحة اليوم اسبوع والبيبي فالحضانة مشات طمن عليه
وسمعات خبار فرحاتها البيبي صحتو مزيانة وتقدر تخرجو كان خاصها لكارط ناسيونال دناصر تاصلت بيه وتوجه لكلنيك واخا كان صعيب عليه يرجع لنفس المكان فين ماتت عبير ضغط على نفسو ودخل دار الإجراءات وخرجو البيبي معاهم مسافة طريق كانو فالقصر عند متعة كان الخوف ناهش قلبها واحد الراس كايقول ليها قولي ليه وواحد الراس كايقول ليها غايقتلو ليك ختك انت مادرتي والو مجرد شك ومن طلعتي لقتيها ميتة انت ماعندك دخل انت مجرد ضحية وسط هاد صراع تنهدات تنهيدة حارة وتوجهات لحمام تاخد دوش كانت مسطريسية بزاف ومحتاجة تصفي دهنها وترتاح فقصر عائلة العلاوي كانت فرحتهم بالبيبي كبيرة من غير ناصر لي ماقدرش ينسى مرتو ولا ثانية خصوصا من تأكد بلي شي حد ورا الحادت عيا يخمم ويخمم جا فبالو باولو لي كان منافسو وسبق ليه تعارك معاه وهرسو من نيفو ورجع دكر الخصم ديالو انريكي قبل خمس سنوات قبل مايعتزل كان بطل فالكيك بوكس وكان انريكي خصمو ومنافسو فالأعمال فنفس الوقت وسبق كان
فنفس الوقت وسبق كان بينهم مشاحنات ومشادات كلامية فكر وفكر ونفض عليه الافكار قال مع راسو …
ناصر .. مايمكنش يكونو هما هدا شي عدو اخر شكون شكون …”بنرفزة ” فكر اناصر شكووون شكوون. ……..
ترن _______تررررررن____
ناصر .. وي الو
معاد ..خديت الإدن نقدرو نشرحو الجتة من غدا
ناصر .. “كرز على يدو وتكلم بصوت رجولي ” مزياان وشكرا بزاف
معاد ..مابناتناش ….” قطع الخط وتلاح فوق السرير ….
__فالجهة _ الثاني_________ة
ايلن ..”كاتشوف فيه ” مسكين غايكبر بلا ام
رجاء .. انا غانكون مو وكل حياتو وعمري نخليه يحس باليتم “شافت فيه بحب ” حبيب جداه ياربي تحفظو ليا
ايلن ..”شافت فيها ” شنو غانسميوه !!
رجاء ..ناصر لي غايسميه
ايلن ..”نزلت دمعتها ” كن كانت عبير معانا كانت غاتكون فرحانة بيه وكنا غانديرو حفل العقيقة كبيىر بزاف وكلشي يحضر فيه
رجاء ..”غمزاتها تسكت ” احم ولدي
ناصر ..خليوني معاه بحدي
رجاء ..واخا اولدي ايلن يالااا ….
__خرجو من الغرفة وسدو الباب وراهم وخلاوه معاه كان كايتفحص كل قنت فالغرفة بعينيه الغرفة لي جهزات عبير وتفننات ف تزينها كانت كل حاجة فبلاصتها غرفة طاغي عايها الون الأبيض مع الأزرق بااارد كايتوسطها مهد خشبي فالأبيض ومزين بشبكة فالأبيض مغطية البيبي كامل شاف ف وجهو الملائكي وطول فيه الشوفة مد يديه وهزو بين دراعو خشاه فحضنو وكايستنشق ريحتو لي كاتسلب العقل همس فودنيه بصوت خافت وحنين
ناصر .. ولدي حبيب قلبي كانواعدك هدا لي حرمنا من ماماك غانحيه غانخليه يتمنى الموت ومايلقاهاش ‘طبع قبلة ف جبينو وحطو فالكونة وخرج من الغرفة
__#الممرضة___والوحش____ [ 17 ]
بقلم _الهاوية_ #sahar_kawtar__ 💄
__بعد__مرور__ايااام____
تم تشريح الجتة ودارو ليها تحليل دقيق جداا كان ناصر على اعصابو والجو مكهرب ف قصر العلاوي اما عند متعة ماعلى بالها بوالو كاتفكر غير ف ختها وفراسها طاحت فدوامة صعيب تخرج منها هي مادارت لابيدها ولابرجلها لكن تفرض عليها تعيش هاد الحالة من الخوف والهلععععع ماقدراش تفرح براسها او تعيش كيف قبل بالها هاني
هدى ..امالك ياهاد البنت الضحكة مابقاتش كاطلع ليك شنو عندك زعمة اليوم غايجي محبوب القلب يخطبك
متعة .. اخخخ با تعطل قلت ليه زعمة ناس جاين باليل ربعة هادي
هدى ..هي الى نضتي توجدي راسك وباركة من تخمام..
__مكان__اخ________________ر
رضوى .. “بنرفزة ” على اخر يامي ولدي ياخد ممرضة مزيان والله الى مزيان
أنيس ..”بعصبية ” ماماااااا “كتم غضبو ” متعة هي البنت لي غاتكون مراتي ببساطة كانبغيها ومستواه الإجتماعي ماكايهمنيش بلييييز خليني نفرح ويدوز هاد نهار بخير
عثمان .. فرقي عليك الولد وخليه يختار لي بغى قلبو
رضوى ..”ميقات ” اخخخخ منكم ومن ختياراتكم هاحنا غانشوفو هاد الممرضة لي تلفات ليك العقل
___مكان__اخ_______________ر
مازن ..”شاف فيه” طلعت نتيجة
ناصر ..”كارز على يدو ” شنو طلع فيها !
مازن .. عبير ماتت مقتولة بسم
حس بالماس تخشاو فقلبو ودنيا دارت بيه كان عندو شك لكن كان كايحاول يكدب نفسو ويقول لاا عينيه ولاو حمرين كيف جمرر وعرق تطراسة فجبينو كرز على يدو وخرج من القصر والغضب عامي عينيه لحق عليه مازن كايجري طلع فلوطو ديالو وتبعو…..
___مكان_اخ_________________ر
غزلان .. توجهات لمكتب رجاء ” مدام الكولكشن الأولى كملت اليوم
رجاء ..”تبسمت ” مزيان بزااااف غاتعلمي البنات بلي هاد لعشية غايخدمو ساعات اضافية وغايبداو فالكولكشن الثانية
غزلان ..اوك مدام
رجاء .. انا غاندير جولة فلاطولي من دابا شوية
غزلان ..اوك مدام…..
___مدام__اخر_______
خرجات هدى كاتجري لمخبزة جابت الحلوة بالوز مشكلة وليفو والكاطو …الخ بين ما متعة كانت كاتحاول تنسى وتركز فاليلة لي مميزة وكبيرة عندها وقفات فالمطبخ وكاتوجد فالعصائر بعد ماسالات توجها لحمام خدات دوش بعد دوش نشفات لحمام ودهنت الكريم وصايبات شعرها بسوشوار ولبست قفطان فالباج جوهرة الحرة بالراندة وحطت ميك اب سموكي وصلت هدى وبدات تقاد شي لي جابت فالطباسل بعد دقائق وصل اب متعة لابس جلابة فالمارو باست ليه يديه وتوجه ديريكت لصالة نافخ ريشو
متعة ..’كاتشوف فالساعة” مابقى ليهم والو ويجيو
هدى ..كلشي واجد احححح جيتي قوقة وتاك القفطان العفريتة
متعة ..هههه وتاني اه ولعفريتة لاش لااااش
____تررررررن______ترررررررررن…..
هدى ..هاهما جاو جري دخلي لبيتك انا غانحل لباب
متعة ..”قلبها كايخفق” واخا …
_ضرباتها بجرية لبيتها بين ما هدى توجهاات لباب فتحاتو كان أنيس لابس كوسطار فالأسود وبكامل اناقتو ووراه رضوى لابسة فستان فالأسود طخوا كار فوق الركبة سامبل مع صباط كعب عالي فالأغجونطي وطالقة شعرها مع ميك اب خفيف وجمبها عثمان اب انيس لابس كوسطار فالبلومارين تبسماات هدى ورحبات بيهم
هدى ..مرحبا بيكم تفضلوووو
أنيس ..شكرااا..
__#الممرضة___والوحش____ [ 18 ]
بقلم _الهاوية_ #sahar_kawtar__ 💄
دخلو لداخل وتوجهو لصالة فين كان جالس اب متعة ورضوى ماعاجبهاش لعجب جلست ودايرة رجل فوق الرجل وكادور ف عينيها يمين وشمال بتكبر وتعالي ….
هدى ..مرحبا بيكم
عثمان ..الله يكبر بيك ابنتي “شاف ف اب متعة” بلا شك انت هو اب متعة ؟!
قاسم ..اييه هو انا
أنيس ..اش خبارك اعمي !!
قاسم ..نحمدوه ونشكروه
عثمان ..ندخلو فصلب الموضوع جينا طالبين فيد بنتك المصون متعة لولدنا انيس على سنة الله ورسوله
قاسم .. مرحبا مرحباا
رضوى ..فين هي متعة ؟!
هدى ..تواني وتكون هنا هه ____” وقفات بالخف وتوجهاات لبيت متعة باش تخرج متعة لي كان قلبها كايضرب من الفرحة وحشمانة فنفس الوقت توجهو لكوزينة هدى هزات المشروباات ووراها متعة هازة الحلوة حطاتها فوق الطبلة وتوجهات ليهم سلمت عليه وجلست جنب باها حانية راسهاا …
__مكان_اخ_________________ر
بلاصة سيارة فوق الجرف ونزل منها ودمو كايفور وصل مازن وبلاصة سيارتو ونزل عند خوه وقف جنبو …ساد صمت لعدة ثواني من بعد تكلم مازن ….
مازن .. خاصنا نعرفو شكون المجرم باش يدفع ثمن
ناصر ..”بصوت باح ” خداوها مني اخويا خداو قلبي وغدروني
مازن ..مستحيل يفلتو غايدفعو ثمن غالي
ناصر ..”نزلت دمعة على خدو ” غاندمهم على نهار لي خلقو فيه غانخليهم يتمناو الموت ومايلقاوهاش ….
مازن . القانون غاياخد مجراه
ناصر ..”كرز على يدو ” انا هو القانون وانا لي غاناخد حقي بيدي غاندمهم امازن غاندمهم
مازن ..” مانصحكش ماضيعش حياتك على قبل مجرمين غانخليو القانون يعاقبهم
ناصر ..بغيت نبقى بوحدي
مازن ..ماغانخليكش
..”شاف فيه وتوجه لسيارتو طلع فيها وكسيرا طلع وراه مازن فسيارتو وتبعو ..اول ما دخلو وسط المدينة قدر يتلفو توجه لشقة متعة بين مامازن كان تالف وكايحاول يلقاه لكن بدون جدوى مسافة طريق كان قدام باب العمارة

__#الممرضة___والوحش____ [ 19 ]
بقلم _الهاوية_ #sahar_kawtar__ 💄
عثمان ..السكوت علامة الرضى هه نقراو الفاتحة
قاسم ..يابسم الله ……. بعد ماوافقت متعة قراو الفاتحة يلا يكملوها وهما يسمعو صوت صونيط توجهاات هدى لباب وهي مستغربة شكون لي جاي عندهم اول مافتحت لباب دفعها ودخل مدرم وهي وراه كاتغوت …
هدى ..شكون انت وفين داخل
قاسم ..”وقف” اش واقع !!
أنيس ..”وسع عينيه” اش كادير هنا !!
ناصر ..”نزل عليه براسو حتى رعف” دابا عرفتي اش كاندير ازا******
متعة ..”بخوف” الله ياربي “خزرات فيه” خرج عليا اش باغي مني
وقف انيس مسح دم من نيفو وحاول يضرب ناصر لكن يد ناصر كانت السباقة شد يد انيس ولواها حتى غاطرطق __
ناصر .. “دفعو حتى تنشر فالأرض ” كبرتي الزا**** ووليتي باغي ضرب سيداك
رضوى .. “تحناات على ولدها ” ولدييييييييي
توجه ل متعة وجرها من شعر ___
ناصر ..شكون وراك هااااا شكون لي كلفك باش تقتلي مراتي دوييييييي
متعة ..”تأوهات من الألم ” اااااااااااااه طلق من شعري طلققققققققققق
أنيس ..”نزل عليه لوجه ” طلق منهاااا
ناصر ..”رد ليه ضربة بدوبل حتى رعف” خليك ازام***** بعيد _رجع شاف ف متعة …
شكون وراك عترفي
رضوى ..الله ياربي على اخر يامي ولدي باغي مجرمة كنت حاسة بيها ماشي بنت ناس
عثمان ..”بعصبية ” رضوى
قاسم ..”خزر ف متعة ” اش درتي ابنت الكلب هضري
متعة ..”نزلو دموعها ” ماشي اناااا هئ..هئ…ماشي انااا وماكانعرفهمش كنت باغية نقدها لكن كان فات الفوت ..
ناصر ..”بالغوات ” شكون هما د دويييييييييي
أنيس ..”حل فمو ” متعةةةةةةةةة ش شرحي ليا شنو واقع !!
ناصر ..”جرها من شعر ” نطقي شكون وراك
أنيس ..”دفعو ” طلق منهااااااااااااا
رضوى ..كاتجر فولدها ” خليك بعيد اولدي خلينا نمشيو من هنا
عثمان ..الله ياربي اش هاد الكارتة
متعة ..انا ماشي مجرمة كاتسمععععع وماعندي حتى دخل ف موت مراتك ودابا خرج عليااا خرججججججحججج
يالا جا يرد وهو يسمع صوت تيلي اول مارد سمع صوت مو وهي كاتبكي ….
رجاء .. ولدي هئ…هئ.. ناصر ولدك صحتو عيانة كايمووووووت
ناصر ..”وسع عينيه” شنوووووووووووو…
خرج من االشقة كايجري بلا عقل اول ماخرج تنفسات صعداء جلست فالكانابي وكاتمسح دموعها ويدها كايترعدو شاف فيها انيس وتكلم ….
أنيس ..شنو واقع امتعة ؟!
متعة .. بليز ا انيس بغيت نبقى بوحدي
____الممرضة__والوحش_____ [ 20 ]
__بقلم _ الهاوية __ #سحر_كوثر__ 💄
بعد ماتاصلو بيه هزو لبيبي وتوجهو لكلنيك مسافة طريق كان ناصر قدام باب المصحة دخل لداخل كايجري بلا عقل جات عينو على رجاء واقفة فالممر وجنبها مصطفى اب ناصر
ناصر .. “بلهفة ” مالو اش وقع ليه ؟!
رجاء ..سخف الدكتور كايكشف عليه ومزال ماعندنا عليه خبار
مصطفى ..ماتخافش اولدي ان شاء الله يكون بخير
ناصر ..”مرر يدو على شعرو بعصبية ” الله ياربي
مازن .. “جا كايجري ” ناصر ماما مال بيبي
رجاء .. صحتو عيانة شوية “جات عينيها على دكتور ” هاهو دكتور جاي
ناصر ..”توجه ليه ” كيف بقى ولدي
الدكتور ..دابا الحمد لله البيبي صحتو عيانة شوية خاصو غير المراقبة وغايولي بخير
رجاء .. سخف ليا
الدكتور ..البيبي تزاد قبل الوقت وقلبو عيان شوية هو لي كايخليه يفقد وعيو حطينا تحت المراقبة وان شاء الله يكون بخير
ناصر ..”بخوف ” القلبببببببب
الدكتور .. ماشي شي حاجة خطيرة ماتخافوش ان شاء الله غايكون بخير …
__مكان__اخ_________________ر
كانو جالسن جنب البحر شاف فيها وتكلم….
أنيس .. حكي ليا من الأول
.. “تنهدت وبدات تحكي ليه من الأول رفعات عينيها وشافت فيه ….
متعة ..هادي هي الحكاية انا مادنبي واالو مادرت لا بيدي ولا برجلي كنت تحت تهديد
أنيس ..كان عليك تقوليها ليا علاش خبيتي عليا علاااش ؟! ” زفر بعصبية” كان ممكن نتفاداو هاد شي كامل
متعة ..انا مادرت والو كنت تحت تهديد هدوني بشهد
أنيس ..ولو كان عليك تقوليها ليا على الاقل واش عاقلة على وجهو ؟!
متعة ..اه عاقلة عليه مزيان
أنيس ..انا غانحل هاد المشكل
متعة ..”تخشات فحضنو ” ماتخلنيش بوحدي
أنيس ..”باس جبينها ” ماتخافيش عمري نخليك تيقي فياا
متعة ..”رفعات راسها ” وانت فين كاتعرفو من شافك واد جعر
أنيس ..”رفع راسو وتنهد ” هادي حكاية طويلة نحكيها ليك من بعد ماشي دابا
متعة ..ماماك كانت معصبة مني بزاف وم__قاطعها ”
أنيس ..انا لي غانتزوج بيك ماشي ماما اوكي “باس راسها ” خوي راسك من اي حاجة تزعجك
حركات راسها بالإيجاب بعد دقائق طلعو فسيارة وصلها لدارها وهو توجه لدارو …
هدى .. واخيييرا جيتي
متعة ..”كادور ف عينيها ” فين هو باااا
هدى ..غير خرجتو خرج
متعة ..”تلاحت فالكانابي ” راسي غايطرطق اهدى
هدى ..غانوجد ليك لويزة كاتهدن الأعصاب وغاتعاودي ليا من الألف للياء
متعة ..”تنهدت ” اوك
____الممرضة__والوحش_____ [ 21 ]
__بقلم _ الهاوية __ #سحر_كوثر__ 💄
رجعو بأدراجهم لدار وخلاو ناصر فالمصحة رفض يرجع معاهم بعد دقائق وبعد ماطمن على ولدو خرج من المصحة فتجاه المجهول
خدات كاس دالويزة وتكمشات فوق السرير وجنبها هدى بعد ماحكات ليها وسعاات هدى عينيها وكاتفتف ….
هدى ..الله ياربي هاد شي كامل كنتي ساكته عليه
متعة .. شنو كنتي باغياني ندير هااا ؟! هما هدوني بيك فالأول ورجعو هدوني بختي اهدى هدوني بشهد كيفاش كنت غانضحي بيها هاااا !! كيفااااش ….
هدى .. وشنو غاديري دابا ؟!
متعة ..”بتقة ” انيس بجنبي وماعندي مناش نخاف
هدى ..”تنهدت ” ياربي تبعدهم علينا
متعة ..امييييييييين…
___مكان_اخ___________________ر
الشخص ..”كايلعب بتسبيه فيدو ” هااا شنو الجديد !
الكارد ..سيدي ناصر عاد خرج من المصحة وقبل كان فدار الممرضة
الشخص .. شنوووو دار الممرضة هديك الممرضة خاص تضمنو سكاتها ولا الموت غايكون قدرها
الكارد ..ماتخافش اسيدي مستحيل تتكلم حنا مهدينها بختها ومستحيل تخاطر بيها ثم ماعندها حتى دليل مسحنا تسجيلاات الكاميراا
الشخص ..واش متأكد بلي التسجيلات كاملين تمسحو !!
الكارد ..بتقة ” ك كاملين
الشخص ..همممم الخطوة الماجية غايكون ضحيتها البيبي بغيتو يتبع مو ويزيد قلب ناصر يتكوا كتر من الاول
الكارد ..امرك سيدي
___مكان__اخ_________________ر
دار فشوارع لمدينة حتى قرب يطلع نهار عاد دخل توجه ديريكت لغرفتو وتلاح فوق سرير من تعب وعبير مامفارقاش بالو ولا لحظةةة…
__اليوم_الموال___ي 💦 ☁️ 💦 ☁️💦☁️
اصبحنا واصبح الملك لله …الجو على برا مغمغم وريح قوي تبعاتو قطرات من شتا بدات كاتجهد تدريجياااا فتحاات عينيها ببطئ جات عينيها على نافدة الغرفة توجهات ليها بخطوات تقال فتحات الزاجة وستنشقات ريحة تراب مبلول بقطرات المطر حسات بنتعاش غريب ترسمات ابتسامة خفيفة على شفاهة هدا هو اجمل وافضل موسم بنسبة ليها موسم المطر لكن سرعان ماتلشاات الإبتسامة من دكرات ناصر وموت عبير تنهدت تنهيدة طلعات من اعماقها وتوجهات لحمام قضات روتينها ومشطات شعرها بعد ما غسلت وجها وتوجهات لبلكار خدات سروال جينز ديلاڤي مع تريكو دالصوف فالگري وكويرة فالكحل ما بوتين فالكحل خلات شعرها مطلوق حطات ميك اب خفيف وبدات كاتجمع بيتها وفيقات هدى لي فاقت بزز قضات حاجتها غسلت وجها ومشطت شعرها ولبست سروال جينز ديلاڤي مع تريكو دالصوف فالموطارد مع بوتين كحل وخلات شعرها مطلوق وتوجهو لكوزينة وحدة كاتوجد لقهوة ووحدة كاتسخن الخبز
____الممرضة__والوحش_____ [ 22 ]
__بقلم _ الهاوية __ #سحر_كوثر__ 💄
كانت مدام رجاء جالسة فالصالة وحاطة رجل فوق رجل وفيدها مجلة وجنبها مصطفى هاز جورنال وكايتصفح اخبار صباح نزل مازن من الطابق العلوي وتوجه ليهم
مازن ..صباح الخير
رجاء / مصطفى .. صباح نور ..
مازن ..”باس خدها ” كيف صبحتي ؟!
رجاء ..الحمد لله اولدي شوية
مازن ..”شاف ف باه ” بابا خاص نعلمو البوليس يدخل فالقضية
مصطفى ..لقتيني غانتكلم فالموضوع لازم مانعلموهم بيهم غانعرفو المجرم
رجاء .. وناصر غايوافق !!
مصطفى .. غانحطوه امام الامر الواقع بعد ما نعلموهم شنو نخليوه يرتكب حماقة ؟!
رجاء ..”دقات فالخشب” بعد شر ربي يحفظو ليا من كل شر
مصطفى ..”تنهد ” اميييين “شاف ف مازن ” انت تكلف وخليو ناصر علياا
مازن ..وهو كدلك ( وقف )
رجاء ..فين غادي جلس حتى نفطرو جميع
مازن .. نن غير بصحةةةة _____________
خرج من القصر تحت انظارهم فالطابق العلوي كان ناصر فالحمام مخشي تحت رشاشة حاط يدو بزوج على االحيط والما نازل مع ظهرو وعقلو كايخمم بعد نصف ساعة خرج لاوي الفوطة على نصو وتوجه لدرسينغ … لبس سروال جينز ديلاڤي مع تريكو دصوف فالأبيض وكويرة فالكحل وسبرديلة بيضة لبس ساعتو اليدوية ورش بارفانو ولاح كاشكول فالكاكي فوق عنقو وخرج من الغرفة نزل لطابق السفلي لقاهم جاليسن على طاولة الإفطار قال صباح الخير وخرج تحت انظارهم
رجاء ..”بحسرة” الله على حبيب ماماه
مصطفى ..ولدنا كبر ارجاء
رجاء ..كبر وكبر همو معاه الله ينتقم من لي حرمو من الفرحة وحرمنا معاه
عدي .. فين غايكون مشى على صباح !
مصطفى ..خليوه يريح اعصابو ويصفي دهنو شكون غايمشي لمصحة يطمن على حفيدي !
رجاء … انا
ايلن ..غاتوصليني معاك اماما لمعهد
مصطفى ..علاه فين طنوبيلتك (سيارتك )
ايلن .. تخدشات وصيفطتها تصلح
عدي .. انا غانوصلك
ايلن ..اوك تااانكس….
__مكان_اخ__________________ر
__دوار _ جامايكاا___
سحر ..ميييي واااا ميييييي الما فاض علينااا
رقية .. “بصوت عالي ” هزي شطابة ودفعيه لبرااا انا راه غارقة هنا القطرة كاتقطر فوق لحوايج
سحر ..الله ياربي الحال غايمشي عليا لخدمة
رقية ..”بنرفزة” تمشي ماترجعي ابنت الكلب دفعي لما لبرااا
شمرات على كتافها ولاحت لكاب فوق ظهرها زهزات شطابة وكاترد لما لبرا والشتا خيط سما وزنقة كاملة مهزوزة بالما وكلشي كايغوت عاى برا بعد ماصحات شتا وتنقص الما رجعات لبراكتهم غسلت رجليها ولبست جلابة دالكاشمير فالكحل ولاحت شال فوق راسها ولبست تقاشر مع صابو ديال مها فالبيض وخرجات كاتجري فتجاه لاطولي دالخياطة بعد نصف ساعة وصلت ستقبلاتها غزلان شافة

بالغوات بحال كل صباح جلست فالبوسط ديالها وحنات راسها على الخدمة …

___الممرضة____والوحش______ [ 23 ]
__#بقلم : _ #الهاوية__سحر_كوثر_ 💄
وقفات مسمرة وحالة فمها بين ما ناصر كان كايجري وار الكارد ولي جا قدامو كايدفعو كتر الهرج وكلشي كايغوت نزل الكارد لكاب كايجري بلاعقل وناصر وراه تخبى ليه بين القنات وقف ناصر كاينهج وكايدور ف عينيه لكن ماقفلش عليه ضرب رجلو مع الارض بعصبية وكرز على يدو عيا يقلب لكن فص ملح وداب جمع يدو على شكل لكمة وضرب الحيط ….
ناصر .. شييييييييييت “من تحت سنانو ” غير هرب غانجيبك غانجيبك….___”خرج من لكاب وطلع ديريكت لطابق فين كاينا متعة لي كانت مزال مرعوبة جرها من شعر وزدحها مع الحيط ….
ناصر ..شكون هداك نطقييييييييي “رجع جرها ” هداك هو لي دفع ليك الفلوس هممممم
متعة ..”دوخة شاداها ” ااااايييي
زير عليها من شعر وكايديها ويجيبها تجمعو عليهم الأطباء والممرضين كايفكو فيها بعد مشقة قدرو يفرقو عليها لاحت شعرها مورا ظهرها ورجعات بزوج خطوات لور..
طول فيها شوفة ونزل الإدارة شاف تسجيلات ديك اليلة بدون فائدة مالقى حتى دليل خرج من المصحة دمو كايفور بعدو بدقائق جات مدام رجاء تطمن على حفيدها لي مزال بنفس الوضع وتحت المراقبة بعد ماشافتو توجهات لاتولي ديالها …….
سعدية ..اش هاد لخراااا هااااا اش هاد لمرض كل نهار جاياني معطلة عند بالك جاية لاطولي دباااك
سحر ..س سمحي ليا اخر مرة
سعدية .. “شافت رجاء جاية فتجاهم ” ها هي المدام جات هاحنا غانشوفو الالهم سحر
رجاء ..اش واقع ؟! “كاتشوف ف سحر ”
سعدية ..مدام هادي كل نهار روطار
سحر ..”غرغرو عينيها” سمحي ليا امدام اخر مرة
رجاء ..”بصرامة ” غانعتبر هدا وعد ادا تكرر هاد شي عتبري راسك مطرودة
سحر ..،”بلعت ريقها ” و وعدددد
__مكان___اخ________________ر
نزلت لكافي جرت الكرسي وجلست ماتخمم طاح أنيس فبالها خدات تيلي وتاصلت بيه وحكات ليه شنو وقع جنون بداو يشطحو فوق راسو قطع الإتصال طلع فلوطو ديالو وكسيرا فتجاه المصحة مسافة طريق كان فيها .ً…
أنيس ..”جات عينو عليها ” متعةةةة
متعة ..”وقفت ” انيس
أنيس ..”شد يدها ” حياتي نتي لاباس اش دار ليك داك الحمار هااا ؟!
متعة .. ماتخفاش انا لاباس
أنيس .. شنو كان باغي داك الويل قصدت شخص لي كان هدك !!
متعة ..”بحيرة” ماعرفتش ماع__”جا فبالها البيبي” بلااتي بلاااتي البيبي”خرجت عينيها
البيبي هناا “حطت يدها على فمها ” الله ياربي اكيد باغين يقتلوه _”وقفات ومشات كاتجري فتجاه الحضانة ….
__مكان___ اخ_______________ر
بلاصة سيارة ودمو كايفور خمم وخمم فجأة طاح ولدو فبالوو ربط الأحدات مع بعضها وهنا تأكد بلي كان جاي لولدو وشرك متعة معاه
متعة معاه عفط عفطة وحطة لمصحة حتى تحكو روايد مع الأرض مسافة طريق كان قدام بابها نزل بلا مايبلاصي سيارة او حتى يهز لكونطاك مشى كايجري بلا عقل لجناح الرضع وقف قدام الباب كايلهت منعو المسؤول لي تما باش مايدخلش مد ليه 200 درهم زغلو عينيه وفسح ليه طريق دفع لباب ودخل جات عينو عليها واقفة قدام لكونا دولدو خرج عينيه لي حمريني كيف جمر وتوجه ليها _____
ناصر ..اييييييييييييييييه
متعة ..”قفزت على صوتو ” الصمت ..
ناصر .. “جرها من دراعها بقوة ” اش كاديري هنا ؟! هممممممم !! جاية تبعيه لعبير دويييييييييييييي
متعة ..ان انت فاهم غلط طلق يدي وعتيني
ناصر ..وغانقتلك كاتسمعي غانقتلكككككك نطقي دويييي جاية تقتلي ولدي كيف قتلتي مراتي هممممم
متعة ..”كاتأوه من الألم ‘اااااااااااااااه طلق مني طلقققققق…”ستجمعات قواها ودفعاتو ” خلينا نخرجو من هنا هادي ماشي بلاصة الهضرة
___الممرضة____والوحش______ [ 24 ]
__#بقلم : _ #الهاوية__سحر_كوثر_ 💄
خرجو من الحضانة دفعها على الحيط حتى تهزو ضلوعها وتكلم …
ناصر ..يالااا نطقييي
متعة ..انت فاهم غلط انا جيت باش نطمن عليه لا غير
ناصر ..’زير على الفك ديالها “عند باالك غاضحكي عليا هممممم دوييي شكون هداك هاااااا شكوووووون
أنيس ..” جاي فتجاهم” ايييييييييه طلق منهاا
متعة ..”شدت راسها بيدها” الله ياربي
أنيس ..”شنق عليه” كيفاش تقرب من خطيبتي هاااا باشمن حققققققققق…
دخل فيه ناصر براسو حتى رعف جرو من الكول دالقميجة ونزل عليه بلكمة لوجه خلاتو يفقد توازنو ويجي طايح فالأرض
ناصر .. كانظن هاد شي كافي
أنيس ..”وقف كايمسح دم من نيفو ” غانقتلك الكلب “نزل عليه بلكمة ودخلو فعراك من جديد عيات متعة تفرق فيهم بدون جدوى عيطو دكاترة لسكريتي جاو فرقوهم شافت فيها سكرتيرة وتكلمت…
سكرتيرة ..متعةة المدير طالب يشوفك
متعة ..” بلعت ريقها ” و واخا “شافت ف أنيس ” بلييييز أنيس سير من هناااا
أنيس .. “رفع صبعو فوجهو ” غانحيك ادا قربتي ليها مرة اخرى
ناصر ..”توجه ليه “اجي وريني نشوف
__وقف بينهم سكريتي __
السكريتي ..فرقو علينا هاد سوق يالاا خرجو كاتزعجو المرضةة
أنيس ..” كايحرك راسو ” هاااهي ديرها فين تجيك اسي ناصر
ناصر ..”بصوت رجولي ” كانتسااك والحساب القديم مزال ماتسد “غمزو”
متعة ..”حالة فمها ” اش اشمن حسااب ؟!
ضرب فيها ناصر فالكتف وخرج بين ما أنيس كان كايقاد حوايجو شاف فيها وتكلم ..
أنيس ..هدا غير كايخرف سيري شوفي االمدير وانا غانمشي نقضي شي شغل فاالعشية غانجي نديك “باس جبينها وخرج من المصحةة تحت انظارها وكلام ناصر مزال كايدور فدماغهااا نفضت عليها تفكير ومشات فتجاه مكتب المدير …….
___مكان___اخ_________________ر
الشخص .. نتر نترة من سيجارة” كيفاااش فشلتي هاااااا واش بيبي صغير ماقدرتيش تنهي حياتووو
الكارد .. سيدي ناصر كان جا وتبعني مالقيت كي ندير لكن وعد غانفد لي طلبتي غدا ان شاء الله
االشخص ..لييييلة باليل كاتسمع لييييلةةةة وغاتشوف شي حد من المصحة لي يسهل عليك كيفاش تدخل بلا مايشك فيك شي حد راك فاهمني
الكارد ..تحت امرك سيدي
الشخص ..يالاا برااااااا
__مكان___اخ_______________ر
لينا .. غاندير مافجهدي ناصر غايكون ليا اماما لياااا
عبلة .. الى قدرتي تاخديه غانعرفك بنت حارة ومايقد عليك حد دغية ضربي الحديد ماحدو سخون شحال من بنت حاطة عليه العين وشحال من عائلة مرموقة كايحلمو يتناسبو مع ميسيو برادة
لينا ..”شافت بغرور ” غايكون ليا “تبسمت ” راك كاتعرفيني من كانحط شي حاجة فبالي لازم مانوصل ليهااا
__مكان__اخ________________ر
كان جالس فسيارتو كايگمي ودماغو خدام بعد ما رصى على بر ديمارا …
فمكان اخر كانت سحر محنية على الماشين وكاتخيط وعينين البنات عليها كايميقو فيها تقول قاتلة ليهم باهم ولاغاتقسم معاهم الورت هذا هو حال الدرويش لي حاني راسو وماديها فشغلو وكلامو قليل كايقولو عليه متكبر وحاس براسو فنظرهم سحر وحدة شايفة راسها ونافخة عليهم هدا علاش واخدين منها موقف وماكاتصرطش ليهم خرجات مدام رجاء من المكتب وتوجهات لاطولي ضربت فيها دورة كاتشوف الخدمة هي كادور وديفوات كايبانو ……
رجاء ..اش هاد الخدمة ناقصة هااااا
واش الكولكشن كلها ديفواات !!
سعدية ..”كاتفتف” اشمن ديفو امدام !!
رجاء ..”جرات الغوب ” فين هما عينيك هدا ماشي ديفو قلت ليكم انا خدمو على ميليم ونتما خدمتو زوج دالمليم زائد الفنيسو زيروووو واش باغين ضحكو فيا ناس ولا شنووو ؟!
سحر ..مدام انا خدمت على مليم هااا “وراتها ”
رجاء ..مال سحر سمعات اش قلت وانتما لااا فين كان عقلكم نبغي هاد لويل دابا يتصلح وادا تكرر الغلط ماتلومو غير راسكمممم …
خرجات من لاطولي كاتقرقب بطالون ديالها وخصرها كايميل يمين وشمال تلفت لبنات ناحية سحر وجلسو يعوجو فيهااا…
فوزية ..مدام انا خدمت على مليم ننننن نننن
نادية ..دابا علقت ليك رايةةةة بفففف
سعدية .. فرقو عليا هاد السوق وصلحو ديفو
___الممرضة____والوحش______ [ 25 ]
__#بقلم : _ #الهاوية__سحر_كوثر_ 💄
خرجاات من مكتب المدير على اعصابها تحت انظار الممرضات لي بداو كايتهامسو عليها جات عين هدى عليها توجهات ليها وتكلمت
هدى ..هاااا اش قال ليك ؟!
متعة .. شبع فيها هضرة وقالي غايكون هدا اخر انذار ادا تكرر شي لي وقع قبيلة غاينتطرد اوووووف عيت اهدى والله حتى عيت
هدى ..الحل الوحيد عندك هو تمشي البوليس وتقولي كاع شي لي شفتي
متعة ..اهاااه وفين هو دليل ؟! باش كلشي يتقلب عليا زائد ختي غاتكون فخطر انا ما عليا غير نديرها فيد الله ونسكت انا ماشي قد هاد ناس “تنهدت ” بفففف عيت عييييت المشكل البيبي فخطر داك الكلب جا وكان قاصد مكان البيبي ماعرفتش اشمن حساب بينهم حتى توصل بيهم الحقار يأديو ملاك صغير الحمد لله وصلت فالوقت والى كان بحححح افففف هاد شي كايألم والمشكل يدي مكتفين وماقادرة ندير والو
هدى .. اخخخخ هادي حريرة محرحرة يالا نشوفو خدمتنا من بعد ونشوفو شي حل
متعة ..” بتعب ” يالاا
__المساااااااء__ 🌉🌉🌉🌉🌉🌉
بعد ما قاد الخطة ديالو وتافق مع الإدارة جلس مقابل مع الكاميراا وكايتسنى حضور الشخص المطلوب وفنجان القهوة فيدو ومازن جنبو مراقب كاميراات المراقبة بعد دقائق دخل الكارد بمساعدة احد الموظفين وتوجه لجناح الرضع كايسلت وعينين ناصر عليه يالا دخل لجناح وهما يتوجهو ليه كايجريو برفقة واحد من شرطة جبد قرعة صغيرة من جيبو وخدا حقنة يالا كايعمرها هو يتفتح الباب جات عينو على ناصر ومازن وواحد من الأمن طاحت الحقنة من يدو وولا كلو يتفتف …
مازن .. طحتي بين يدي الكلب “توجه ليه ونزل عليه بلكمة والوجه ”
مازن.. “كايجرو ” خويا ماتوسخش يديك البوليس غايشوفو شغلهم معاه …
ناصر ..”قجو ” شكون وراك هممم شكوووون
الشرطي ..ميسيو ناصر حنا غانحققو معاه انت هنا مهمتك سالات القانون غاياخد مجراه
ناصر .. غاندمك انت ولي معاك وعد
#يتبع

Leave a comment