Skip links

قصة: الممرضة المفروحة والطبيب المرفح (الاخير)

 6,173 عدد مشاهداات

البارت26
💉الممرضة المفروحة والطبيب المرفح💊
بقلم حنان فارس
عند امان لي واقف على راس جداتو..فحين هي حالا فمها فتلفازة
أمان؛جدااا هاد ليوماين انغيب
رقيه؛ايييييييييه
أمان ؛نبغيك تشربي دواك فالوقت
رقيه؛ايييييييييييه
امان؛ راه انصيفط لك شي ممرضه تبقاا معاك
رقيه؛اييييييييييييه
أمان ؛(طلع حاجبو)جدااا وش تتسمعينيي ؟؟
رقيه؛تا حيد من قداميي ناريي ماين مراد نعسات معاا عتمان ودابا زهرا اطلقوو
أمان؛اش تتقولي شكون عتمان؟؟
رقية؛ راجل زهرة
أمان؛ اوا إلى راجلهاا علااش نعس معاا غيرهاا ؟؟
رقيه؛اراه منعش غا نعس
أمان؛وااتف
رقيه؛ازعماا مجابوش اولديي مجابوش غا كدبات ديك صفريطه
أمان؛شنووو مجابش.
رقيه ؛ازعماا مقامش مقامش احيد من قدامي خليني نتفرج اشنوو قولي تا هادس مفهمتهاش
امان؛ أستغفر الله ينعل ديلمي انا لي داخل شبوقات لعيالات..هاني غادي اجداا
رقية؛واجيي قولي وش فهمتيي ..اجي باش نكمل مسلسلي راه هاد الحلقات كاع مكونت تفرجت فيهم ودابا كنعاود لو
خنزرر فيهاا…على هضرتها والوقت لي تضيعو على مسلسل مساليي..ومشااا
رقية؛ اهياا ناري مالو هداا حشم ومشا يكمااا تاهوا مكيقيمش الله ياربيي لولد قدووو قداااش ومكيجيبش ربحة..اه اميمتي لحبيبه خصنيي نزوج هاد لقرع قبل مينتشر خبار لكرعة
أصبحنا وأصبح الملك لله فاقت فالصباح ناضت توضات..صلاة لبساات وخدات لفاليز دحوايجها لي أغلبهم دخوها..تسلتات بااش ميشوفهاش سبيل وخرجت..شدات طريق.. لكنينيك
وصلات دخلات لكار لي ايمشيو فييه لقاتو عامر…خرجات عينيها منين بان ليها امان كالس حداا سارة
سلسبيل:ينعل ديلمهاا ضيعااات ليي لخطة
💊تتمة💉
سلسبيل ؛طفوو ملقات فين تكلس
هزات راسها..من سمعات حمزة كيعيط لها..هوا لي كان كالس مور امان وسارة
حمزه ؛بسس زين اجي تقردي حداياا
سلسبيل؛(فنفسها)اللهم حمزة رأس لخبزة ولا نكلس بوحدي
مشات كلسات حداه.
سلسبيل؛ وفين صافا؟؟
حمزة؛( كيشوف قدامو فسارة وأمان لي مراهمش فهاد لعالم)
حمزه ؛ممم صافا..نقولو صافا
سلسبيل؛( تكعدات طلات عليهم كي ملك لموت)
انا؛ ونتوما صاافاا ..يكماا خصكم شي كاشة شي وسادة..مرتاحين ..
سارة؛ ويي بب صافا
أمان ؛(هز راسا فيهاا..كيشوف فعيونها..حس بيها معجباتهاش يكلس حدا سارة.لقا باش يدوز رحلتو ويفقصهل.ابتسم باسفزاز)ههه جيتيي
انا ؛ايه جيت تجيك فراس
أمان؛(تحت سنانو الله )اه
الله يدوز هاد طريق على خير
انا؛ قولتيي شي حاجة؟؟
أمان؛ قلت لك كلسي راه لكار ايتحرك
سارة؛ ناري ايتحرك كن غا جبناا لوطو ديالنا ومجيناش فيه..كيدوخني
أمان؛ حنا غاديين مجموعين ولكار لي نافع
سلسبيل ؛وعلى مالك لوطو خدامة بالطاقه شمشيه ولكار لاا راه مازوط مازوط ابب اوا تنفحي وسكتيي
حمرة؛ فرعتي لي راسي نتي اجي قردي هناا
سلسبيل:اووف وخاا الحب
كلسات حداه
أمان وسارة شافو فبعضهم..مخرجين عينهم
وفدقه وحدة نطقوو
أمان سارة؛ لحب؟؟؟؟😮😮 !!!

البارت 27
كانو غاديين فجو ديال سكات تا نقزات صفاء وحدا من الممرضات لي فلكار
صفاء؛ اش بان لكم نغنيو تا نوصلوو؟راه قتلنا لملل

الكل؛ ويي ويي
ناضت كتلواا عليهم وتغنيي بالانجليزية..منين لأغلبية وافقو على فكرة الغنا
سلسبيل؛ (شافت فحمزة بنص عين) هادي اش تتخربق؟؟
حمزة؛ كتغني
سلسبيل؛ كتغني ولاا كتشطح مالنا فكاباري؟
حمزة؛ تانتي عادي(كحزها بيديه) حيدي نتفرج
سلسبيل؛ اناري امي اط نشوف وش أمان كيشوف( ناضت طلات عليه..راسها قدام وجهو)
أمان؛ اش كاين حيدي راسك من قدامي؟؟
سلسبيل؛ قولي وش كتشوف ؟
أمان؛منيتك نتي قدك قداش ومتبانيش
سلسبيل؛ ماشي انا هاديك
أمان؛ آه صفاء ويي صوتها زوين
سلسبيل؛ طرماحتها لي زويناا😐
أمان؛ (خرج عينو فيها)شنهوااا
سلسبيل؛ قلت لك سد عينيك
امان:علاش انسدهم
سلسبيل:سدهم هي سدهم (حطات يدها على عينيه)
أمان؛ وش حماقيتي حيديي يديك..وشش بعقللكك
سلسبيل؛ راه والله ما نحيدهاا تا تكلس ديك صفريطة
حمزة؛ طلقي منو راك اتعوريه
سارة؛(خنزرات فيه) ياك تانتا بغيتي تفرج فيهاا ؟.
حمزة؛ لاء انا راه غير غير
سارة؛ راه تا نتاا والله ما تشوف
ناضت من بلاصتها بزرباا شدات ليه على عينيه..
غي ناضت مشات سلسبيل كلسات فبلاصتها..تبادلو لبلايص بلا ميحيدو يدهم من عينين امان وحمزة

أمان؛ (حيد ليهاا يدهاا بالقوة) وش حماقيتي..بغا تعوري ديلميي؟؟
سلسبيل؛ ايييييه حماقيت راه والله ما تشوف فيها ليوم نوري لهاد صفريطة
ناضت عندهاا بزربا
أمان؛ (عقد غوباشتو)غا اجي وسدي عيني حيدي مهم كاع غا بلاا شوهة( حط يديه على راسوو )الله يستر وصاف
سلسبيل؛(بصوت عالي) ختيي وا ختيييي
صفاء؛ ويي بب خليني نكمل
سلسبيل؛ تي المستقبل كولو قدامك الوريثة دمايا خليفة شخصيا
صفاء؛ شنا هواا؟؟
سلسبيل؛ حيديي خليني نهضر
صفاء؛ نن نتي لي اتحيدي تخليني نكمل

سلسبيل؛ تكملي اك(بالغوات)
سمعوني الله يخليكم ليوم خناا هناا مجموعين ومسافرين وتفكرت بحال هاد نهار كان جدي مسافر فطيارة
صفاء؛(قطعاتها) فعهد جدك كانت طيارة؟؟
سلسبيل؛ لا طيارة غا فيك انا قصدت لكار لكاار(بدات تحرك يدهاا..كانها كتعاود لهم حجاية)
ياكو كان فالكار ولكار تقلب وجدي حبيبي مات(سدات عينيها بحسرة) نفس لحالة ديالنا دابه غا هوا كان فرق واحد
الكل؛ شنو هواا؟؟
سلسبيل؛ هوا مسكين كان كيسمع للقرآن والذكر لحكيم ماشي لغناا 😢نقدوو نكونو حناا بلاصتوو على داكشي اختي صفاء جودي لينا لقرآن تا الى مشينا نمشيو لجنة.
صفاء؛(بصدمة) ااا ككك فاااش صارحة محفضاش

سلسبيل؛ شنوو قولتي محفضاااش ..يالهوييي ياااخرابيي قريش ومداروهاش
أمان؛(خنزر فيها) آه قريش كانو حفضين 60 حزب 😒اجي كلسي وبلا متحرجي لبنت
صفاء؛ نن مقصدتش محفضاش لقرآن قصدت معرفاش لقواعد دتجويد
سلسبيل ؛ (بطنز)اه اواا معليش تموتي وتحفضيه(شافت فيهم)
مهم هزوو يديكم لفاتحة على لمرحوم دجدي لي مات فلباطو
أمان؛(حط يدو على فمو..كيندب زهرو) لكار اسلسبيل لكااااااار
سلسبيل؛ (شافت فيه بنص عين)اييييه هداك هدااك(هزات يدها) فااتحة الكتاب😢😐

البارت28
كان غاديي لكار..سارة وحمزة تيتبادلو نظرات..فحين سلسبيل مبرزطا اماان..وفنفس الوقت حاس بالوقت كيطير معاهاا…
وقف لكار منين وصل المنطقة الجبلية..المحددة..نزلوو كاملين
خرجات..شداتها الرعدة..جبل بارد..
سلسبيل؛ ا هيااا ميي لبرد هناا
شافت امان..زادت عندو..غير شافها شار بصبعو لها
أمان؛ شوفي هاحناا وصلنا منبغيش صدع منبغيش لمشاكل.. هنا حنا باش نعاونوو ناس ماشي نديرو لمشاكل فهمتي.
سلسبيل؛ على أنا كندير لمشاكل؟؟
أمان؛ (طلع حواجبو)فهمتيي؟؟
سلسبيل؛ صافي فهمت
أمان؛ (تم غادي)تخاف متحشم(ساط بجهد تا خرجات )طففف
سلسبيل؛ على كمارتك اسي دكتور
أمان؛( تم راجع عندها) قولتي شي حاجة؟
( بان ليها حمزة خارج هوا وسارة وهي تلصق فيه)
سلسبيل:غوياا حمزة دنيي معاك
حمزة؛(شاف فيها حبي زيدي)

لصقات فيه ومشات وهي تتشوف فأمان بنص عين
أمان؛ (واقف فبلاصتو.
لغباشة باينا على وجهو..كرز على سنانو)حبيييي
كانو غاديين..سلسبيل فيمينو وسارة فيسارو
حمزة؛ ايه شكون بحالي غادي مع جوج بنات طيطيزات..ولا شكون بحالكم غادين مع واحد بحالي
سارة؛ اش هاد تيقة زايدة؟؟
سلسبيل؛ شفتك تيقتي راسك ابب؟؟(شافت فسارة) اجي اجي اسارة خليه بوحدوو.
سارة؛ (شدات ف سلسليل)
يلاه خليه يطير بلا جناوح
حمزة؛ (عوج راسو..كيشوف فيهم)وياك نتوما مكتحاملوش؟؟
سلسبيل ؛ منيتك هادي راها لحب كن كان بنادم
سارة؛ اوا غا كدبوو عليك راه كنحبهاا أنا
سلسبيل؛ تا انا ابب زيدي زيدي
حمزة بقاا واقف كيشوف تا جا أمان
أمان؛ (متبع سلسبيل وسارة بعينيه)شفت هادوك ب2؟؟
حمزة؛ را لبنات والله ما تفهمهم😑نقدر نشخص اصعب الحالات الى حالة البنات

البارت29
كانت غادة هي وسارة
سلسبيل ؛ دابا اشنو انديرو؟؟
سارة؛ انمشيو لديك لخيمة نقدم مساعدة طبية لولاد صغار ونتي عاونيني
سلسبيل؛ آه اك😕
🔥عند امان🔥
كان متوجه لخيمتو الطبية..هوا وحمزة..بانت ليه سلسبيل غابرة فلوقت لي خصها تكون معاه
أمان؛ فين سلسبيل وش مغاديش تجي ؟؟
حمزة؛ كنضن بقات مع سارة
أمان؛ داباا هياا ممرضة ديالي ولا دسارة؟؟
حمزة؛ بيناتكم 😕خد ليك صفاء تعاونك
أمان:اوهوو الى هادييك غتشوفهاا سلسبيل

حمزة:كفاش تشوفها سلسبيل؟؟(غمزو)يكما تتغيرو على بعض
أمان(خنزر فيه)منيتك؟؟؟عرفتيي شنوو سير شوف المرضى ديالكك سيررر
حمزة:(حرك راسو)اهاا مشيت
🔥بعد ساعات🔥
سارة؛ اف واخيراا سالينا
سلسبيل ؛ ايه آه لخدمة معاك حسن من داك بوراس نتي لفنيكيشات دايرين بيك
سارة؛ ايه نتي الممرضه ديالو وخدمتي معايا عساك يتقلق
سلسبيل ؛ طزط خليه بتقلق😕خدامة معاه فلكنينيك ماشي هنا(هزات كتافها..شافت فيهاا..وعينيها خارجين)أجي عساك يجري عليا؟؟؟اجي َش زعما ايتقلق؟؟
سارة؛(كلسات..وكاس دلقهوة فيدها) خليني نشرب هاد لقهواا نسخن عضيماتي وسيري شوفيه
سلسبيل؛ اك داكشي
ناضت سلسبيل بجرا
مشات لخيمتووو فين خدام سعاا كاع ملقاتو
سلسبيل؛ فين مشااا هاد زبل؟؟
خرجات كتقلب عليه .
لكن كاع مبان لهاا
بقااات غاده غاده تالقات راسها وصلت لواحد لبلاصه خضراا مكسوة بالثلج جبدت تيلي بدات تسيلفاا وغادة فديك لغابة
سلسبيل؛ ياا سلام على تصاور شحال زوينين انفقص بيهم سبيل وحليمة (ضحكات بشر)
بقات غادة لمسافة..وهي كتصور..كتجري من بلاصة لبلاصة…عيات للحظة..حطات يدها فجنبها..كتنفس بجهد
سلسبيل:اوووف عييت..اوا نمشي نرجع نشوف داك زبل وش رجع
دارت بغا تمشيي.لقات راسهاا..محاوطة بالشجر…معرفات فين طريق
سلسبيل: ولكن منين جيت انا اصلا فين طريق؟؟؟

البارت30
سلسبيل:وناااارييي امييي فين اناا ؟؟؟فين طريق ؟؟الله ياربي الله انموت فعز شبابي(دورات عينيها) ههه لا وش منيتك اسلسبيل نتي اصلا ميتا ميتاا اه ولكن مبغيتش نموت مع ضفادع وداكشي لاا كيد انلقااا طريق(بدات.دور) جيت من هنااا ….لااا من هناااا ….اف احسن حاجة هيا نكلس هناا تا ياخذ مول الامانة امانتو
كلسات..على الارض..مكمشاا..تتندب حضهاا
🔥عند سارة🔥
كانت خارجا بان ليهاا أمان غادي جهة خيمتو ..غوتات عليه
سارة؛ أمان فين كونتي اش داكشي هاز ؟؟
أمان؛ هاد شانطة فيهاا شي ادوية تسالاو لياا ومشيت نجيب
سارة؛ آه اك سير راه سلسبيل تماا تعاونك فترتيبهم
أمان؛ أك خليت لك الراحة
دخل لخيمة ومبانتش ليه بسلسبيل عياا يقلب
أمان؛ داباا هاديي فين اتكون مشات عاود؟؟ هياا راها كدور واتخليني نسالي خدمتي بوحدي ( كرز على سنانو)ناري ونشدك نقتل ديلمك
بعد ساعات سالاا خدمتوو هز شانطا لي فيه دواا لي بقاا ليه وتوجه لخيمتو ينعس تا بانت ليه سارة وحمزة واقفين..توجه عندهم
أمان؛ شفتكم واقفين بوحدكم فين ديك ست الحسن ؟؟
حمزة؛ لواه سبعة لحسن علا من كتهضر نتا؟؟
أمان؛ شكون من غيرها سلسبيل
سارة؛ كفاش راه قبيلا جات لخيمتك
أمان؛ ولكن انا ملقيتهاش
سارة؛ مي كفاش انا راه متأكذه جات عند راه كانت خايفا لا تقلق منها حيت كانت معايا يعني اكيد مغاديش تمشي بلا متشوفك
أمان؛ (مخرج عينو)مي انا راه شفتيني فاش كنت براا يعني مشفتهاا
حمزة؛(كيحرك يديه.) اط اط هياا اكيد خرجات تقلب عليك منين ملقاتكش
سارة؛ وي بغيي دابا اتكون فشي بلاصه هناا يلاه نقلبوو عليهاا
بدااو كيقلبو عليهاا هواا وياهم سعاا لأرض تشقت وبلعاتها
حمزة؛ راه قلبناا كاع لبلايص ههه بقات غا ديك لغابة
أمان؛(خرج عينو بصدمة..حرك راسو بلا )لغااابة لا ميكنش

البارت31
أماان..خلاهم واقفين ومشا كيجري جيهت لغابة.
سارة؛ مالوو هذاا؟؟
حمزة؛ يمكن خاف يديرهاا فحوايجوو ؟؟
سارة؛ حمزة بلا ضحك باسل وزيد نتبعوه
حمزة؛ وحناا عارفين انا طريق شد راه طااار
سارة؛ مهم غا زيد يقدر يبان لنا
حمزة؛ وي بصح يلااه
🔥عند سلسبيل🔥
سلسبيل ؛ اوف وش انا نبقاا هناا شمس غربااات ولبرد بزااااف اف قلبييي دارني كنمووت😭ياربيي غا عتقني من هناا كنواعدك مغاديش نبقاا نسرق حوايج سبيل ومنبقاش نتفرج فالافلام ولكورة دالكفرة بالله ….تا دراري منبقاش لعب معاهم لي ماتش ..ومنبقاش نعصب بو راس دأمان..لاا اسي ربي حيد هادي منقدرش منعصبوش ..بس غاا فينوو والله ما نعصبوو (سدات عينيها بحسرة)
خرجات عينيها..منين سمعات صوتو
أمان:(بعصبية) أنا راني هنااا
سلسبيل؛(جرات حناكها) ناري طفوو وليت نحلم بيه ومعصب فوق كلش
أمان؛ ايه معصب وانقتل ديلمك ليوم (زاد جارها..وقفها اونفاص معاه)عرفتيي من ايمتاا كنقلب عليك بااش فالأخير نتصدم فهضرتك؟
سلسبيل؛(عينيها كيلمعو بالفرحة) يااه طلعتي بصح كاين لقيتيني..(قوسات حواجبها)بس انا هضرا عصباتك؟
أمان؛ قوليلي وش بصاح كتلعبي لماتش معا دراري؟؟دويي
سلسبيل ؛ وي اكيد..مي راه مغاديش نعاود واعدت سيدي ربي
أمان؛ شحال من مرا أااا؟؟
سلسبيل؛ على حساب ولاد لحومة مرا معاا قريقيبة مرا معاا طارق ومرا كن تجمعو كاملين
أمان؛ كتجمعوو كاملين ففراش واحد؟؟
سلسبيل ؛ تا اش تتخور اشمن فراش؟؟

32
سلسبيل ؛منيتك ابنادم انا كنهضر على لي ماتش دلكورة ونتا نيتك خايبة
أمان:آه كوره (طلع حواجبو)تا انا كنت كنهضر غا على كورة(هز كتافو)اه كورة..كورة
سلسبيل؛(خنزرات فيه) طفوو سيبحالك متورينيش وجهك
(تمات غادة)
أمان؛ اجي فين غادة راه ضلام طاح راه انخليك هناا ونمشي
هي؛ (هزات كتافها)راه اصلا انا قلت لك سير
أمان؛(هز راسو)اك هاني غادي(بالغوات) وسيري بوحدك إلى سميتك مراا
أمان بقاا واقف حاضيهاا..شافها بصح مشاات ..وبعدات عليه بخطوات
امان(بنفاد صبر)وليني هادي حمقة(بالغوات) سلسبيل فين غادة سلسبيل عايني(تبعها كيجري)
سلسبيل ؛خليه يغوت( زادت من سرعة خطواتها وهي مرتاحة حيت سمعا صوت جريتو موراها)
وصل حداهاا…بدا تيمشا بجنبها
أمان؛واخيرا وصلت لك بفف زواق كطيري ..(مخنزر)يلاه زيدي تحركي قدامي
سلسبيل: مغاديش نمشي معاك هيا مليون
أمان؛ داباا مالك على هاد لعكس راه ضلام بدا يطيح ولموت دلبرد هناا وش بغيتي تموتي ولاا؟؟
سلسبيل؛ أصلا أنا ميتا ميتا بغيت ولا مبغيت
أمان؛ عارف كلنا ميتين وكلنا ليها و لكن مبغيتكش تموتي ونتي معاياا
سلسبيل(بدات تقهقه بجهددد تضحكااء شويا تحولات ضحكتها لدموع هستيريا)
أمان ؛(خرج عينو مصدوم معرف باش تبلا)مالكي؟؟؟ علاش كتبكي؟؟ وش قلت شي حاجة قلقاتك؟؟ وش كتبكي على لهضرا دقبيلا؟؟
تيقيني غا كنت ضاحك أنا عارف انك انقا وحدة..غير بغيت نفقصت..ولكن مبغيتش نبكييك
سلسبيل؛(تتهضر بشهقة) اهئ اهئ لاا مكنبكيش على داكشي
أمان؛ وعلاش كتبكي بالسلامة ؟؟
سلسبيل؛ غا بغيت نبكي وصاف
بقاا كيشوف فيهاا بلاا سابق إنداار جرهاا معنقهاا
أمان ؛ مسحيي دموعك ياربي اش هاد لحمقة بليتيني بها كتبكي معرفا تا علاش كتبكي
سلسبيل؛(محاوطاه بيدها)حمقة حيت راني هنا معاك ديني بحالي
أمان؛(بعد عليها..دور عينو) بس دابا بعدنا
انا؛ كفااش بعدنا وش معرفش طريق؟؟
أمان؛ لي معاك شكون ايبقا عاقل على شي طريق ؟؟انا تبعتك شجر وظلام منين انعرفها
سلسبيل :طفوووو هيا دابا حصلنا هناا وبسبابك ليوم نقتلك
(نقزات كضرب فأمان)
أمان؛زكاي مال مك جهلتيي.. راك اطيحيني زكاي قبل منهرس حسك
سلسبيل؛ (زادت منقزا عليه) راه انقتلك هيا نقتلك ليوم بسبابك انبقا برا
أمان؛ عصباتو جا يدفعهااا.. سعاا زلكو تلج وطاح وهوا جارها..تا طاحت معاه
بقاو هابطين مكركبين من من منحدر..بحكم المنطقة جبلية..ممسطحاش..
من زهرهم مطلعش بزاف
كانت تتشوف فعيونوو…مدوخاها ريحتو وقربو منهاا… وهوا نفس شي غارق فعينيها..
مرة هوا فوق منها.ومرة هيي..مقدوش يحبسوو..مقدوش يشدو توازنهم

محبسو تا ضربو مع شجرة عنقها لصدرَو..مطاكي عليها
فحين ضرب راسو مع شجرة
هزات راسها فيه..بحكم جسموو..كان فوقها.
سلسبيل؛اح اي ميي طفوو غول طايح علياا ونتا قدك قداش ومستغل لفرصة معنقني طفوو بعد علياا ازبل
هوا:لاا رد
سلسبيل؛أمان راه كنهضر معاك نوض تكعد …ونتا عاجباك طيحة ونعسا
.. ونوض ازبل شوف فين طحنا وحصلناا
هزاتوو بيدهاا..بلا ميجاوب.. قربات يدهاا قاستوو وهواا بارد اما ..
سلسبيل: أمان مضحكش معايا ضحك لخايب(ساطت بجهد) أمان بلا هاد ضحك نوض ازبل نوض راك تقيل…نوض راه انغطسب حسك

سلسبيل:ونووووض ازبل (دفعاتو تنوضو سعا كان قوى منها ..طاح راسو على صدرهاا بلا متحس حطات يدهاا على شعروو)
سلسبيل: احم ونوض ولاا نتف حسك ..
(حيدات يدهاا من تحت شعرو وهياا تلقاها عامرا دم)
سلسبيل(بصدمة..يدها بداو يرجفو)
اش هادشيي؟؟؟ (بالغوات)أمااان نوووض…نووووض
جمعات جهدها. دفعااتو بصعوبه قدرات تقلبوو
بانو ليها عيونو مسدودين..والدم سايح من راسو
سلسبيل(كلسات على ركابيها) أماااان نووَض عفااك نووض
..أماان نتاا كضحك ياااك بغيتي تلعب معاياا ياااك..ولكن اش هاد دم اربيي (بالغواات)شيي حدد يعاونااا
شكون ايعاونك اسلسبيل هنااا شكوون..أمااان فيييق عفااااك فييق (شدات شالها قطعااتو وحزماات ليه راسوو وطرف لاخر دارت فيه تلج وبدات تخلي قطرات دماء تلج طيح على وجهوو تا بداا يحل عينيه)
سلسبيل(عيونها محجرين بدموع)أمااان فييق كتسمعنيي
أمان؛ بصوت تقيل سل..س..بيل
سلسبيل؛ آه ياروح سلسبيل فقتي كتشوفني ياك
أمان ؛هه(ابتسم بصعوبة) وهل يخفى الأحمق
سلسبيل؛ طفوو عليك قتلتيني بلخلعاا
(ترمات فحضنو عنقااتو كتبكي))
أمان؛شش صاف انا بيخير..
سلسبيل ؛(بعدات عليه)يلاه نوض من هنا غيضرب لبرد
امان:عاونيني نوض
سلسبيل: اه وخاا شد فياا هاد شنطاا لي فكتفك ارا نهزهاا اش فيها بعدا
أمان ؛كانو فيها شي دوايات بقاو لي من لعلاج دليوم كنت هازهوم نعطيهم سعا جيت نقلب عليك
سلسبيل؛اوا طفوو ناس كيهزوو شي حاجة تنكل ونتاا جايب دواا
أمان؛جريني وسكتي حريق لي فياا كافيني خلينا نمشيو نقلبوو على لي يعااونا
🔥فجهة خرا🔥
كانت فدخلة دلغابة..هي وحمزة..شافت ضلام بدات تدور عينيهاا..بخوف
سارة؛ حمزة رااه طااح ضلاام داباا حناا فين انلقاوهم؟
حمزة؛يااك نتي لي بغيتي تقلبي عليهم ولا اشنو يكماا خفتي؟؟(جرهاا من خسرها وقربهاا لعندو) اصلا معندك ممن تخافي وانا معاك
سارة؛ (بقات ساهياا فعينيه وكتحس بأنفاسو وهوا قريب ليهاا)
فحين هوا زاد قرب ليهاا وطبع قبلة على شفايفها..
كيعبر على لحب لكبير لي مخبي ليهاا ولي هيا مضربا ليه حساب او على الاقل هكدا كيضن
كانت منساجما معاه..لثواني..بلا سابق اندار دفعاتوو بيدها
سارة:(بتوتر)رجعني بحالي
حمزه ؛وأمان وسلسبيل ؟
سارة ؛غادي يكونو رجعو بحالهم وكنضن هما كبار وبعقلهم وأمان قادر يتحكم فراسو ماشي بحالك.
كتهضر وهيا متوترا زادت وخلاتو
لبسمة فشفايفو..طاير وممتيقش انه باسهاا
حمزة؛ (تحت سنانو)هه اح شفايفك احلى من لعسل ناري حمزة فيق (بالغوات)سارة عاينييي

34
كانو..غادين..كيدورو فعينيهم..على الله تبان لهم طريق ولا يلقاو شي بلاصة يتخبعو فيها
سلسبيل؛أماان شووف هديك راها دار
أمان؛(صغر عينو)انا بانت لياا غا براكة ولا شي كوري
سلسبيل؛داكشب راه كوخ يمكن دلبقر..حيت ناس كيجيو يسرحو فلغابة..وغيكونو دايرينو يا باش يرتاحو فيه..يا يخبعو فيه لبقر لطاحت شتا عليهم وهما سارحين
يلاه نمشيو ليه
أمان؛(طلع حاجبو) انا مريض.. وكنموت.. ونمشي لكوخ دلبقر ..وااااو مدههشش
سلسبيل؛وباركة من شيكي لخاوي يلاه ندخلو ولاا نكلسو هنا نموتو بالبرد
أمان؛ اشمن شيكي غا معنديش معا ريحتهم
سلسبيل ؛عندك ولا معندكش دابا محتاجينهم يلاه نشوفو شي مدام بقرة تعاونا
أمان؛ نخاف لا غا تلقاي تما شي موسيو ثور يغتاصبك
سلسبيل؛ (خرجات عينيها)اشنوو هواا؟؟
امان :(حط يدو فراسو..تحت سنانو)وليت كنهضر بحالها(بصوت مسموع)والوو غازيدي..عند مدام بقرة
مشاو.. فاتجاه لكوخ..
دخلو لكوخ لي لقاوه مهجور..
سلسبيل ؛ناري مهنا تاشي بقره تعاوناا كاين غا تبن ولخشب وسرير صغير دشي سراح .
أمان:(ابتسم بطلاقة)أصلا بقره متحتاجش بقرة تعاونهاا
سلسبيل :ياك دابا انا بقرة؟؟ (نقزات كنضرب فيه ضربات دضحك.. تا قاستو فجرحت راسو)
أمان؛اي قتلي مي حسن
سلسبيل:(بخوف)ناري مي سمح لياا والله مدرتها بلعاني
أمان؛ هيا درتيها بصح ؟
سلسبيل:لاا اشمن اجي معندكش شي دوا فهاد صاك ينفعك
أمان؛ وي يمكن كاين لكن خص ليه لمااا.
سلسبيل؛ اك اط هناا راجعاا
(تمات خارجا كتجري)
أمان ؛اجي فين غادياا وش حماقيتي؟؟

35
بانت ليها آنية دنحاس….نقية محطوطا..هزاتها خرجات.عمراتها تلج ورجعات..
سلسبيل:هاني جيت شووف
أمان؛ شنوو هادشي؟؟
سلسبيل؛ثلج
أمان؛ أه اك صحابني ملحة.(خنزر فيها)ومنيتك راه شفتو ثلج لاش جيباه؟؟
سلسبيل؛باش تشرب دواا
أمان؛ ههخ بغيتيني نمص ثلج متلاا قولي بغيتي تقتليني من لخر؟
سلسبيل؛ لي شافك مريض لي شاف سارط كسيطه اجي كلس هناا وسكت
أمان؛واش اديري نتي؟؟
سلسبيل؛ نتا غا تفرج هادشي كبير عليك
مشات هزات تبن وشي خشب شعلت فيه لعافيه بسيف باش شدات وحطات طاسه دلماا عليها
سلسبيل؛ وش ملقاش عندك شي قطن ودوا حمر فداك صاك؟
أمان؛ههههه منيتك راني كنت هاز غا الادوية لمهمين ماشي صيداليه
سلسبيل ؛شوف ها لما تعقم ارا نعقم ليك جرحة وشرب تا دواا
مدات ليه صاكو..ولما
سلسبيل:نتا شرب دوا..انا نزيد لخشب فلعافية باش ندفاو
خلاتو شرب دوا..وحط الشكارا
زاد تكا على سرير..زادت عندو..والما السخون فيدها.كلسات اونفاص معاه
سلسبيل؛ شوف تهز شويا.. انحيد لك شال الى ضريتك قول اي وخاا
أمان؛ (كيضحك من تصرفاتها طفوليه )ههه اك
حيدات ليه شال..وبدات تمسح ليه دم وكتسوط على جرح
سلسبيل؛ اي… نااري ..فف..ميي
أمان؛ (هز عينو فيها)وراه انا لي خصني نقول اي ماشي نتي انا لمجروح ما شي نتي
سلسبيل: وبسبابي نتا تضربتي(دلات شفايفها) سمح لياا
أمان؛ليهديك اشمن بسبابك حاجة مكتابه نطيح ونتضرب عادي ولكن لي ماشي عادي هوا انك نتي تخافي علياا مع لعلم كنتي تغوتي كي لحماق بغيت نقتلك (كيعيب صوتهاا)غنقتلككك
سلسبيل ؛لاا مخفتش عليك غا خفت تموت ويسميوهاا فياا
أمان؛(خنزر فيها)نوضي تهزي عليا..
راسي دارني مفيا لي يتشاد معاك
سلسبيل؛ طفوو ماشي غانتاا لي ضرك راسك تا انا ضرني
أمان؛ضرك راسك را دواا فصاك
(رجع تكاا)
سلسبيل؛اجيي وفين انعس انا؟
أمان(..بطنز)اجي حدايا وسكتي؟
سلسبيل؛ حقير..نتا اتنوض وانا انعس
أمان؛ دابا شكون مريض انا َلا نتي؟
سلسبيل؛ آه بصح نتا لي مريض مي ضرني راسي
أمان؛شفتي داك صاك راه فيه دوا شربيه وخليني نعس غا ساعه وفيقيني واجي تنعسي نتي راه دوا لي شربت كينعس بليز سكتي وخليني نعس
سلسبيل؛ أك طف نعس
زادت هزات شانطة..بدات تقلب فدوا
سلسبيل: ولكن انا واحد فيهم دواا دراس ؟؟أماان طف انسولو ايغوت علياا وايضحك عليا ممرضه ومكتعرفش دوا دراس؟؟
مي خصني نسول
سلسبيل:أماان ؟
أمان:(بعينين مغمضين)مم
سلسبيل:ملقيتش دوليبران؟؟

أمان:مكيناش تم..تما دوا اخر نفس لمفعول..قرعتو زرقا(سد عينو نطق..بصوت خافت ممسموعش)حبووب
جبدات جوج.كريطينات ددوا فزرق..وحد سائل وواحد حبوب..بقات تتحاول تقرا..لكن مفهمات والو..بحكم مكتوب بلهولندية..نظرا لان جمعية هولندية لي تكلفات بالأدوية
سلسبيل:اش هاد لكتبه فيه لغة لياهود مفهمت والو؟؟دابا لسولتو ايضحك عليا ممرضة متتعرف تقرا..صافي غنشرب هدا على الله..
هزات السائل..
سلبيل:نشربو كامل ولا معلقة..نن قرعة صغيرة باينا كامل
شرباتو..دقة..
بقاات دوور فداك لبيت تعاينوو يفيق عياا مضَور وتكلس وتوقف
تاا بدات تحس بدنيا كدوور بيهاا.. و سخونيه طالعاا معااهاا حيدا.جاكيط
وخاا هكداك لحرارة طالعا معاها
بقات تشوف..كيبانو ليها البقر…كتحرق راسهاا..تسد عينيها وتحلهم…كيبانوو ليها ناس..سدات عينيها..وحلاتهم..بانت ليها مايا خليفة قدامها
سلسبيل:ماياا ختي اش تتديري هناا..(شارت ليها بصبعها)اه انا خدامة معاك بطرونة بحالك..شافت فأماان اححميي على لحيه ورموش اح على فمم تشهيتك (شافت فمايا)يلاه خرجي سيري عند جوني ديالك خليني نخدم مع لكليان
زادت تتمايل.عند امان.. و نقزات عليه
أمان؛ (تهز من بلاصتو..خرج عينو فيها)مالكي ؟؟؟
سلسبيل؛(كتعض شفايفها..بعينين ناعسين)كوينييييييي
أمان؛كفااااااش؟؟؟؟؟

36
أمان؛(مخرج عينو بصدمة)بسم الله عليك وش سخن عليك راسك كفاش كويني؟؟
نقزات عليه بغاا تبسوو وهوا كيبعد

سلسبيل ؛اجييي فين غادي كوينييي
أمان ؛اش وقع لك اهاد لهبلة؟؟(صغر عينوو ) اش شربتيي؟؟

سلسبيل ؛والوو غا داك دوا دراس زرق (هزات كتافها)واجيي كوينيي
أمان؛(حط يدوو على راسوو)وش شربتي شويا منوو؟؟
سلسبيل(ابتسامة مطلوقة)كولووو كولووو
أمان(خرج عينو)هداك مخدر دلآلم..شويا منو كيخليك ترفعيي فما بالك كولوو (تنهد بجهد) ينعل ديلمي كان خصني نخلي طاسلتك فلغابه ياكل مكك شي ضبع
سلسبيل ؛(كتقرب ليه بطريقة مغرية وهوا كيبعد تا لسقااتو مع لحيط)
سلسبيل؛ خخخخ كفاش اياكلني ضبع وانا عندي سبع بحالك ناااري ميي شحال زويين..وتسخااا بيااا مممم تسخاا بسلسبيل (حطات يدها كتماصي لحيتو)
أمان..وجهوو ولاا حمر..وعروقوو برزوو .حس بنار شاعلة فيه..من قربها…
سلسبيل:(عيونها ناعسين)أماان دياليي ..نتاا زوين بزااف بزاااااف
أمان(طلع حواجبو)شداتو ضحكة.. حيت عارفهاا بلا وعي وكتهضر من قلبها بلا كدوب..
أمان؛(صغر عينو) بصح كتشوفيني زوين؟؟ أاا ؟؟
سلسبيل ؛نتاا راك ماشي غا زوين نتا راك زوين بزاف(طلقات يدهاا..كانت غطيح..شدها دغياا من خصرهاا) عضالاتك كيحمقوو ولحيتك وشفايفك شعرك كن كان لاغتصاب حلال كن غتاصبتك
أمان؛ (مقدرش يصبر وهوا يتفركع بضحك)
سلسبيل ؛مضحكش علياا عرفتيي شنوو كيعجبني فيك كتر
أمان؛(جرها لصدرو..حرك راسو بلا.). لا شنو هوا؟؟؟
سلسبيل؛ قلبك(تنهدات) نتاا لباااس عليك مرفاااح اسي الدكتور ومع دلك متوااضع جيتي تااا لحموتي ولعبتي معا رباعتي وصابر على حمااقي…عمرك قللتي مني وخا كنعصبك..جيتي معانا فلكار فلوقت لي كنتي تقدر تجي فلوطو ديالك.. عرفتيي شنوو(عوجات راسها) نقول لك وحد لحاجة
أمان ؛(كيشوف فعيونها) على باقي شي حاجة مقولتيهاش قولي كنسمع
سلسبيل ؛عرفتيي هاد لقلب(شارت لقلبها) هداا وخ ماشيي شيي قااااالببب. لكن بان لياا بدااا يبغيييييك (ضربات فيدها
.حطات صبع على شفايفها)بس اشششش عساك تقولهاا لأماان غادي يتكبر ويحس براسو إلى عرف.. ودااااباااا (حطات يدها على عنقو)كويني قبل متجي ختي مايا تقلق منيي
أمان ..ابتسم ابتسامة جانبية.
(تنهد ببنفاد صبر)ختك ماياا
قربات وجها منوو تتشوف فيه…
مقدرش يقاوم نظراتها.قرب ليهاا وحط شفايفوو على شفايفهاا.. دخلوو فقبلة باريسية..بامتياز
السيدة قرباات دوب بين يديه شوياا بداات تجروو لسرير جراتو تا طاح عليهاا ..
بدات تحيد لو فتجاكيتو ..وهي تتلهت..فحين هوا نزل كيبوس فيهاا كيفرق قبلاتو فجميع انحاء جسمهاا..
قربات لودنوو..نطقات بهمس

سلسبيل(بهمس)متقووولهااش لامان

عرف انها ماشي فوعيها..وهوا بدا يفقد السيطرة على راسوو.. نااض عليهاا بزربااا..مشا هز وحد دواا وهياا تجي موراه
سلسبيل؛( معنقاه من لور) لاااش نضتي بغيت مزال اجي معايا(دلات شفايفها)

أمان؛(دار كيشوف فيها)نتي كتبغيني وبغاني نجي معاك ياك؟؟
سلسبيل:حركات راسها باه
أمان: اوا لي كيبغي شي حد كيسمع لهضرتو..هاكي شربي هداا
سلسبيل ؛على قبلك نشرب كلش اراا

37
شربات دوا دنعاس لي عطاها..باش تنعس ومتاترش عليها الهلوسة
.
غير شرباتو وبدات تجر فيه
سلسبيل ؛وزيد يلااه رجعوو لهيه باش تكويني
أمان؛وخا غا زيدي تنعسي انا زايد
سلسبيل ؛وصلات لسرير وشداتهاا دوخة طاحت
سلسبيل؛ فياا نعاا س
أمان؛ يلاه نعسيي
سلسبيل ؛ولكن انا بغيت تكويني..
امان؛ مرا خرا وغادي نن
(تنهد) منين تكوني فايقا وبعقلك
سلسبيل ؛(بثقالة)وداباا ياكويني يكويك سترر
أمان:ليوم بوسة..مرا خرا حاجة خرا..
سلسبيل: عرفتي بوستك زوينا انا عمر بست شي حد لكن نتا بوستك فشكل انبقا نبوسك غا نتا
أمان ؛(بنفاد صبر)ياربي وش مغاديش تنعس هاد لبنت وش غادي تجهل ديلميي
سد عينوووو…حلهم مخنزر.. شاف فيهاا لقاها نعسات.
أمان؛ واخيرا لحمقة نعسات دخل حداها وحط راسها على صدروو حمقة..(ابتسم ابتسامة جانبية) كتبغيني اش انقول لك .. بان لي تاهاد لقلب طاح فيك معرفتش اش عجبو فيك وش حماقك ولا تفرعينك او يمكن طبيعتك ..بصح مكرهتش نبقا غا نبوسك لكن منبغيش نستغل انك بلا وعي نهار لي تبغيني نبغيك تكوني بوعيك وتكوني حلالي …
(طبع قبلة على جبهتهاا)
منين خرجتي لي اهاد لممرضه لفروحة طيرتي لي عقلي
💫💫💫💫💫💫
جا صباح جديد فاقت سلسبيل …ولحريق فراسها
سلسبيل؛ اف راسي كيضرني .. مدوزا لحرب تانيه
دورات عينيها .. وهياا تشوف أمان حدهااا
سلسليل؛ ناري مي اش كيديير هداااا؟؟(حطات يدها فشعرها) هنااا ناري اسلسبيل طرمتك مشات
( شنقااات عليه )
سلسبيل:قولي اولد لحرام لمكبوت درتييهااا؟؟

38
أمان ؛(فاق مخلووع )اش درت ؟؟؟
سلسبيل ؛درتيها يااك درتيهااا (شانقة عليه)يا عدو الله دويي درتيهاا
أمان؛ غادي تزيدي كلمه وحدا انصرفق ديلمك جمعي يدكك وهضري بحال ناس
سلسبيل؛ (بدات تنبد فراسها)آه ياربي كنت كنسمع من لبنات منين كيتعداو عليهم كيوليو ولاد لحرام اشرار وهاناا داباا كنشوف بعيني😢 ياربي عمر تشفيت فيهم لاش هكداا وقع لي لاش
أمان؛ (طلع حاجبو)آهاا ودابا فهمتك… دابا نتي صحابك تعديت عليك انا ؟؟(تزل بضحك)هههههه وش منيتك؟؟
سلسبيل ؛علاش كضحك اشنو زعماا مقستينيش يااك؟؟
أمان؛لاا مستحيل نديرهاا
انا؛ وعلاااش جاي ناعس حدايا ؟؟
أمان؛وش نتي معقلاا على والو من لبارح ؟؟(تفكر منين كانت تقول كويني)
سلسبيل؛ اش انعقل عقلت بلي نتا نعستي وانا بقيت كالسا
أمان؛ هانتي قلتيهاا يعني اناا لي جيت نعس هناا ونتي جاياا حداياا يعني نتي لي درتيهااا دويي (صغر عينو)وش معندكش خووك أاا؟؟
سلسبيل ؛اناري اش تتقول انا مستحيل نديرهاا سير قلب على شكون دارهاا لاش باغي تبقاا على ذمتي ؟؟
أمان؛ ياك هنااا غا انااا وياااك أااا يعنيي نتي لي درتيهاا..كنت كتسمع بلي تيتخلاو على دراري ومتقتش..علاش اربي وقع لي هكدا عمر تشفيت فشي ولد(كيطنز عليها..شاف فيها)داباا انا اش ايوقع ليي اناا شكووون ايبغي يتزوجني من بعد هاد شوهة دويي؟؟
سلسبيل؛(سرطات ريقها)شوف انا والله معقلاا على شي حاجة تا يلاا درتهاا مدرتهاش بلعاني
أمان؛وهيااا درتيهاا بصح؟؟
سلسبيل؛ شوف دابا انا نقلب لك على شي وحدة لي
اتبغيك كيف نتاا
أمان؛ لاا الالة نتي ديريهاا وغيرك يحصل فيهااا
سلسبيل؛ وهياا صافي نسترك أناا.
أمان هنا مبقاش قادر يصبررر وطاااح كيتفركع بضحك
*****فجهة خرا****
سارة ..مشات لخيمة دحمزة دخلات وكان كيبدل
سارة؛ (سدات عينيهاا )ناري متعرفش تهبط لغطا الى كنتي تبدل
حمزة؛ونتي متعرفيش تدقي عاد دخلي
سارة؛راه غا خيمة كيف ندير ندق
حمزة؛ اوا صافي تانتي عادي ياك كتشوفي غا عضالات راجلك ماشي شي حد غريب
سارة؛ شكون راجلي زوجتيني بلا خباري؟؟
حمزة ؛قصدت لمستقبلي
سارة؛اه بقاا تحلم وخا تبقاا غا نتا مغاديش نديك
حمزة ؛اوا شتي هادا هواا لمن كيقولو استغلال
سارة؛ اشمن استغلال؟
حمزة؛ تبوسيني عادي ولكن منين كنجيو لعقول كتهربوو😑

39
سلسبيل؛(خنزرات فيه)طفو داباا نتا لاش كضحك لاش وش سترا عيب ؟؟
أمان؛ (مزير ضحكتو)لا ماشي عييب..اشنوو دابا وش صافي غادي تستريني وهياا جيبي جوج من لحاجة واجي خطبيني
سلسبيل؛جوج جوج من لحاجة مالي انخطب دكتور؟؟؟احقا نسيت بصح دكتور😑
أمان؛ لالا ههههه نتي بزاف فأخر يامي نتخطب نوضي نشدو طريق قبل منخبط حسك
؛ هاني نايضا (خنزرات فيه)وقلب على شكون يسترك
أمان؛ حوايج نتيي تستريني؟؟
سلسبيل؛ صافي زيد تا انا والله لا تزوجتك
أمان؛وهياا بصح بغاا تزوجيني اولا (غمزها)
سلسبيل؛ اش تتقول؟؟ لا انا غا ضاحكة ههه منيتك يلاه.
أمان؛أك اك زيدي طيري ونزلي اتعتارفي اتعتارفيي
سلسبيل؛باش انعتارف بالسلامه
أمان؛(شدها من يدها..جرها تا ضربات مع صدرو) اتعترفي بليي نتي كتبغيني ومتقديش تبعدي علياا وبلي كتموتي عليا وطايحا فيا كيف أنا طايح فيك
سلسبيل؛ اشش تتقول شكون كدب عليك..وعلى انا بير باش طيح فياا ؟؟(عوجات راسها بعد مستوعبات هضرتو)زعماا وش بصح نتاا كتبغينيي وااش بصح بصحح ؟؟؟ ولكن كفاااش ؟؟؟؟وعلاش؟؟ واصلا انا مغادي نعتارف بوالو؟؟
أمان؛لا بغيتك تعتارفي بلي كتبغيني كيف عتارفت انا وبلي لحيتي كتعجبك وعيوني وتواضعي (كيقول هضرتها دلبارح)
سلسبيل؛(خرجات عينيها)اويليي وكفاش عرفتييي؟

40
أمان؛كفاش عرفتيها ..(طلع حواجبو) هادشي كيعني اني كاع مكدبت عليك وهضرتي بصح؟؟
سلسبيل (طلعات معاها لحمورية وولا وجها حمر بلحشمة)
سلسبيل؛(بعدات عليه)لا معرفتي والو.. اجي وش ماشي صهد؟؟
اجي وش عندك لفايسبوك؟؟باش داخل ؟؟
أمان؛(صغر عينيه كيشوف فيها) وينو حشمتي يخليلي لحشوميه (جرهاا من حنيكاتهاا)
سلسبيل ؛نتر يدك .وعلاش انحشم بالسلامة ماشي نتاا اول واحد تجي عندي تقولي كنبغيك
أمان؛(خنزر فيها) أوه يعني انا بحالي بحالهم اك الالة.. يلاه تبعيني إلى بغيتي ترجعي منين جيناا
مشا وخلاهاا
سلسبيل؛اويلي اش درتي اسلسبيل ينعل ديلمي هدا لولد لي كنبغي جا تلعندي قالي كنبغيك وانا صدرتوو طاي طاي..اش ندير دابا اربي (بدات تغوت عليه)
سلسبيل؛ أماااااان عينن أماااااااااان صبر نهضر معاك
أمان؛ زايد ومديهاش فيهااا وهيااا تبعااه كتجري ..عارف معندها عقل وغير باغي يخليها تحكم ففمها
بعد عليها بخطوات..وهي تابعاه..تلج متلقل جربتهاا
سلسبيل ؛أماان عاين أماااان وقف أماااان
(بدات تلهتت..حطات يدها على قلبهاا) اه نفس الاحساس نفس وعكة لقلب لكن هاد لمرة كنحس هاا قوياا قلبي كيعرف يحب ومكيقدرش يتبع محبوبو( عرق نازل من جبهتها فعز ثلج انفااس متقاطعاا وكأن ايادي كاخنقنها وموس كيترشك فقلبها)
شافت فيه كيبعددد.
سلسبيل(ابتاسمة ودمعة فعيونها) لكل قصة نهايه وبان لي هادي هياا نهايتي مكانش عندي لحق نبغيي وانا عرفاا انا قلبي ليه غا أيام معدودة وايوقف
(بقات تتشوف لجهتو..صورتوو كتبان مضببا .. بغات تعيط ليه تقوليه اجي غا ضحكة معاك تقوليه انها بغات مرة وحداا وبغاتو هواا..لكن قواها خارت رجلها مقدوش يزيدو مزال ومقدوش تا يهزونها استسلمات لجادبية الأرض الباردة…طاحت على الثلج البيض البارد.. وكأنها فكفنها الأبيض البارد

كان غاديب متل خطواتو..استغرب منين مبقاش سمع صوتهاا
امان؛ شفتها سكتات اشنو وش دغياا ملات ؟(تنهد )استغفر الله.. تانتا امان عرفهاا كيف دايرا وكتهضر بلا فرنات حمقة وعفوياا بلا قياس ولهضرا لي قالت لبارح هياا لاصل حيت هضرات من قلبهاا..وهكدا مغاديش تربيها غير اتعصبهاا
داار بثقالة عندهاا..ولبسمة على شفايفوو…
خرج عينوو مصدوم منين شافها ولبسمة تلاشت من شفايفو

41
كفاش مغاديش يتصدم وهواا شايف حبيبتوو طايحا.. وكأنهاا ميتاا فوسط ثلج
مشاا عندهاا كيجريي ..طاح على رجليه
أمان؛(شاد وجها بين يديه) سلسبيل فيقييي نوضي بلاا هاد ضحك لباسل ..راه والله تا نكعااا بقااا يضرب فيهاا ووالو..سلسبيل بغيت نعصبك ماشي نقتلكك فيقيي
عرف بلي بصح سخفانه.
حل ليهاا تجاكيتهاا…شد يدها..نزل راسو كيسمع لدقات قلبهاا…كانو سراع من لعادي..ضن انها غير تقلقات وعيات منين جرات موراه..بحكم ليل من لبارح مكلات
حط يدو فثلج وخلا قطرات لما تنزل عليهااا تابدا تحل عينيهاا
حلات عينيها بثقالا.. كتبان ليهت صورة موضحاش مزيان..شويا تا وضاحت..كشتشوف ف وجه امان كان باين خايف حطات يدها لي تقال عليها على خدو
أمان؛( شد يدهاا باسهاا) خلعتيني عليك الحمقة ديالي سمحي لي هادشي بسبابي مكانش خصني نخليك تجري مورايا ونتي من لبارح مكليتي
سلسبيل؛ ههه نتا نية ولي جا يديرها بيك وهاد لمرة قلبي دارهاا بيك نتاا معندك تا علاقة بشيي لي واقع هناا بغيتي تعرف اش واقع قرب ليا ودنك حيت مقداش نغوت..
أمان؛ تصدم فهضرتهاا وضن انها غا كضحك معاه نزل وجهو وكيعاين تقول نكتة من نكتهاا
سلسبيل؛ (بهمس صوتها تبحبح) أمان عرفتي مكونتش بغيت نبغيك لكن بغيتك عمري بغيت شي حد عمري خليت غيرك يدخل لهاد لقلب لكن نتاا كونتي اقوى مني منين شفتك قلبي طاح ليه سروالو (ابتسمات ابتسامة جانبية)سمح لي حيت خليتك تبغيني سمح ليي اطبيب لقلب حيت خليتك تبغي وحدة مريضة قلب..ومرضها خلاها فاخر ايامها… طبعاات قبلة على خدووو حبيبي تفكرني بالخير
رخات راسها…طاحت سخفانة
أمان؛ دم جمد فعرقووو عينوو خارجين بقوة الصدمة ومليانين بدمووع لبنت لي بغااا وكانت ديما ضاحكة طلعات كتموت قدام عينيه ومساق لخبار عنات بوحدهاا وداباا كتموت بوحدهااا
أمان ؛لالالا سلسبيل فيقييي نتيي عمريي نتيي حياتي نتي مغاديش تخليني راه انا نهاري مغاديش يدوز إلى مسمعتش ضحكتك نكتك هضرتك فيقيي راه انا والله منقد نعيش بلا بيك هاد لقلب رااه بغاني ومغاديش نخليه يخلينيي هزهااا بين يديه وزاد بيهااا

42
مسافة طريق…وصل فين كانو لخيم ديالهم شافو حمزة وسارة لي كانو برا ..زادو عندو كيجريو
حمزة؛ صاحبيي فين كونتي؟؟
سارة؛ سلسبيل مالهااا ؟؟
أمان؛(خنزر فيهم)مااشي وقت الاسئلة داباا ؟
حمزة؛ دخلهاا لداخل لقاعة لفحص دغياا

دخلوهاا كيجريو
💔بعد دقائق كانو كيفحصوها💔
حمزة؛ اش هادشي دقات قلبهاا تقال

أمان؛ قبيلة فحصتها كانو سراع..هياا مريضة قلب شوف هناا شريان الرئيسي مكيوصلش ليه دمم..بطريقة سلسة..راه تخنق خصهاااا عمليه فأسرع وقت

حمزة؛ حنا منقدوش نديرهاا هنااا هاد لعملياات خصهم ضروري لكنينيك
سارة؛ (دموع نازلين من عيونها)سلسبيل متستهلش هادشي لي كيوقع ليهاا
امان؛ ماشي وقت لبكا دابا اسارة انا راه مغاديش نخليهاا تخليني فهمتيي سيري قولهم يوجدو هيلي كوبتير لاسعافية انديهاا لكنينيك
سارة؛وخاا😭
أمان؛(شاد فيد سلسبيل) يلاه الحميمقة ديالي قاوميي انا مغاديش نخليك تخلينيي مغاديش نخليك
حمزة؛(حط يدو على كتف أمان )وش كتبغيهاا
أمان؛كتر متصور اصاحبي كتر متصور
حمزة؛بغيت نفرح حيت صاحبي واخيرا بغاا وبغاا بنت ضريفا بحال سلسبيل سعاا
أمان؛(شاف فيه وعيونو محجرين بدموع)هياا مغاديش تخليني ياك هياا اتبقاا معاياا
حمزة؛نتا راك دكتور كبير عتقتي بزاف كفاش اتخلي حبيبتك تموت؟؟مستحيل
أمان؛ هاد لعمليات خطيرين بزاف وهياا راها فالحالة حرجة ونتا عارف هادشيي لكن انا مغاديش نخليهاا وخا تكون غا نسبة10%يا نعيشو بجوج يا نموتو ب2
تمات داخلا تتجري
سارة؛ حمزة أمان راه وجدات هيلي كوبتير
حمزة؛حط يديه على أمان يلاه اصابي عتق حبيبتك
سارة؛بقات تشوف كفاش حبيبتو

43
💔مسافة طريق💔
وصلوو لكنينيك ..دخلوها كيتجاراو
شافهم لممرضات..استغربو لحالتهم
نهاد؛هادو كيجريو اش وااقع ؟؟يكما لقاو شي حالة صعيبة فجبل
حليمة؛ ناري والله معرفت
نهاد؛ زيدي زيدي نسولوو اش واقع راه ايوب داخل نسولوه
زادو عند ايوب لي داخل موراهم
حليمه؛ ايوب اش واقع وبسلامة امتا جيتو؟؟ وفين بقرتي ضاحكة توحشتها حق مولانا
أيوب؛ صمت
نهاد؛ وهضر ازبل مالك صاقر؟
حليمة؛شافت فأمان وسارة وحمزة داخلين ومعاهم شي ممرضين من قسم أمراض لقلب وشراين داخلين ومدخلين سلسبيل
حليمه؛(نزلو دموعها..نطقات بالغوات) صحبتيييي
نهااد؛(شافت فيها بصدمة)سلسبيل
مشاو كيجريو ..وقفو على راسهم
نهاد(تتبكي)اش وقع ليهاا ؟؟
حليمه؛قلبهااا مبقاش قد صافيي استسلم😭
أمان؛سمعهاا(وقف كيشوف فيها) نتي كنتي عارفا أاا؟؟ علاش مقولتيهاش لياا كناا اتديرو لعملية وحنا متأكدين انهاا اتنجح
حليمه؛هياا مبغاتش ديرهاا حيت غالية ونسبة نجاحهاا قليلة بغات تعيش عادي ومبغات حد يعرف ويشفق عليهاا ادكتور😭
أمان؛حمقة فكرات غافراسهاا مفكراتش فلي كيبغيوهاا غادي ندمك غا بلاتي على تفيقي ونوريك (مسح دموعو لخانوه ونزلو)
وتوجه لغرفة لعمليات
💔بعد دقائق..فقلب غرفة لعمليات💔
امان.. هز مشرط باش يبداا لسعاا يديه كيترعدوو بقاو لممرضين لي معاه كيشوفو تصدمو عمرهم شافوه خايف هكدا..
حمزة؛ صاحبي قصح قلبك
أمان؛ عمرك جربتي انك تحط حياتك قدامك صعيبة اصاحبي صعيبة
حمزة؛على قبلهااابداا..والى مكونتيش قاد نعيطو لدكتور رضى
أمان؛ لا انا غنبدا(هضر بهمس؟كنبغيك كوني قويا
سما الله وطلب منو يحمي حبيبتو وبدا لعملية.
كانت غادا مزيان…فجأة..نبضها..بدا يطلع ويهبط..تا هبط بمرة
شاف فحمزة مخرج عينوو
حمزة:قلبهاا وقف..سد سد..خص نوقفوو لعملية..مسااج القلب

44
ساعات وساعات وهماا فلعملية لخبر نتشر وكلشي بدا يدعي معاها حتا من قريقيبة قرر ميعاودش يكريسي إلى الله نجاها.الله..
خارج من العملية..ملامح وجهو..مطموسين…دور راسوو شاف فامان..لي غير خرج..طاح..حدا لباب..شدد راسوو..بين يديه..كيشهق..كيف شي ولد صغير..نزل عندو..حمزة معنقوو
حمزة:لاش هاد لحالا لاش..هي راها بيخير
هز راسو فيه..عيونو ولاو حومر
امان(ابتسامة فشفايفو ودمعة فعيونو)عرفتي احساس تكون مكتنفسش..كاني كنت فقااع لبيير ..وعاد خرجت..
حمزة(عنقو)تنفس اصاحبي تنفس..هي ليوم بفضلك عايشا كن سمعتي لي وستسلمتي كن خصرتيهاا ولكن نتا تشبتي بيها
سهاا للحظة تفكر منين وقف قلبها ..فوسط لعملية
حمزة؛ اش هادشيي نبض كيهبط ..خص نسدو لمريض..خص لعملية تحبس
أمان؛ مغاديش نحبس..مبقا والووو..مبقا والوو هي
مغاديش تموت مغاديش تموت. فهمتيي هي غتبرا
حمزة؛قلبها اصاحبي نبضها هابط
أمان؛عطيها ابراة د***
حمزة:وخاا..(وجه هضرتو لممرضة)وجد لابرة
وجدو لابرة ..
حمزة:عطيناها لها نبض باقي هابط
أمان ؛مكمل عمليتو وعينيه على نبضهاا…غيطلع غيطلع..يلاااه اسلسبيل يلااااه
حمزة؛نزلوو دموعوو حيت صافي فقد لأمل..خصها خصها صعقة..سد لمريض اصاحبي لابرة منفعاتش..
أمان؛ سكت ولااا خرج علياااا برااا خرج ..(شاف فحمزة)لقلب ليي كيبغيي امان لقلب لييي كينبض لاماان مستحيل يوقف وقلب امان كينبضض فهمتييي
حمزة؛ (هز عينو..كيشوف نبض)كمل اصاحبي كمل ..(ابتسم بطلاقة)نبض طلع رجع طبيعي
أمان ؛(تنهدد )قلت لك مغاديش تخلينيي ..لاستجابة لاكسجين كيف دايرا
حمزة:مزيان..كل لمؤشرات مزيان ..غير كمل
🔥فجهة خرا🔥
كانو فغرفة لانتظار..كالسين على اعصابهم..كيدعيو معاها من اعماق قلبهم
سارة؛ (جامعا يدها..حدا فمها) ياربي تحفضهاا. يارب
هزات راسها منين وقفات عليها نهاد
سارة:وشش خرجوو؟
نهاد؛معرفتش ا دكتورة جيت نعلمك راه المدير باغي يشوفك
سارة؛بابا فينو؟؟
نهاد؛(شيرات بصبعهاا )لهيه
سارة ؛اوكي شكرا..سيري شوفي وش خرجوو..انا غنشوف بابا
مشات عندو ..بزربا.
سارة:وي بابا؟؟
عمر(رجل خمسيني..كوستار فلاسود..ملامح. سمرا ..شعر اسود مكتسي بياض شيب)
عمر:اش هاد شوهة كنسمع؟؟ أمان كالك جاب شي وحدا ودار ليها عملية ؟؟
سارة؛ ايه ومن بعد ابابا هيا حبيبتو ومن حقو يعاونها
عمر؛ كتقوليها بوجهك حمر حبيبتو مقدرتي تا تطيحي الراجل..جات وحدا يلاه لبارح دارت داكشي لي عييتي متخططي فيه

سارة؛ بابا انا وامان عمر انكونو لبعض فهمتي هوا ولد ضريف ولكن انا مبغيتوش ومبغاش فلوسو…انا راه بنادم من حقي نختار شكون نبغي ومعامن نكون..هاد دنيا ماشي غير اعمال ابابا..انا ماشي ماشي واحد من اسهم شركة..فهمتي..انا وامان مستحيل نكونو مع بعض حيت انا كنبغي غيرو كنبغي شخص لي كيبغيني وكيخاف عليا ماشي شخص لي باغي غيري على داكشي إلى بغيتي بنتك تبقا معاك متعاودش تجبد لي هاد لموضوع..حيت كنقسم لكك لعودتي جبدتيه عمر تشوفني مزال
خلاتوو وزادت..بخطوات سراع..فلكوروار..وقفات للحضة منين شافت حمزا..كيشوف فيهاا
زادت عندو بثقالة
سارة؛نتا وش سمعتينا.. أاا؟؟
حمزة؛ (حرك راسو)للاسف صوتكم كان عالي سمعت… سمعت (ابتسم)وفهمت بلي عندك لي يبغيك فحياتك ..الف مبروك اختي
عطاها..بضهر تم.غادي..خرجات عينيها..فيه..عوجات راسها مصدومة..نطقات بلا وعي..بالغوات
سارة؛ اوا لينعل ديلمك امتاا وليت ختك اناا دويي الكلب المصعوور ..دوييي وش مي هي مككك باش نكون ختكك..وش بابا هوا باباك باش نكون ختكك..ولا يكما بابا خان ماما مع ماماك باش نكوون ختكك هضر احمزا الخبزاا
دار عندها..مصدوم..مخرج عينو فيها..
حمزة؛ كن غا فشلات لعملية نقول راه روح سلسبيل دخلات فيك(طلع حواجبو)
صافي كالم ماشي ختي اك اك
سارة؛كفااش كالم وانا نهار لي جمعت جهدي وعتارفت لبابا وقلت ليه بلي كنبغي واحد..لي هوا نتاا طبعات
. وليت ختك أااا؟؟؟اصلا انا لي حمراا اخويااا
جات تمشي وشدهاا من يدها
حمزة؛ (عيونو كيلمعو)يعنيي صافي بغيتيني ولكن امتا وكفاش وعلاش ..
سارة ؛شويا لاباس؟؟
حمزة؛والله ما ختي حق مولاناا ماا خوك(غوت بجهد) بغاتنيي برب تاا بغاتنيي
جرها معنقها بجهدد
حمزة: كنموت عليك اصفريطة ديالي كنتشرشم عليكككك

45 ؛
🔥🔥بعد ساعة🔥🔥
كانت ناعسا…مزال لمخدر مأتر عليهاا…فقلب لغرفة..مجمعا عليها العائلة..حلات عينيها بثقالة
دورات عينيها..بانو ليها مجمعين على راسها..ابتسمات..بثقالة
سلسبيل(تتهضر بشويا)جداا..سسبيل
الجدة؛ بنتييي فقتييي
سبيل؛ وفين الحب صباحو
سلسبيل:صباحو(حولات نظرها لطاهر ..وحليمة)طهورتي..حلومتي
طهر؛زهرااا حياتيي
حليمة؛ حبي فاقت
سلسبيل(شافت فايوب ونهاد)عشرانيي
أيوب؛ عشيرتيي
نهاد؛ لاا هادي عشيرتي انا فاقت
سلسبيل؛ (تنهدات )ياربيي دوز هاد لحلمة على خير كنعرف ان لواحد منين كيموت كيلقا حور لعين سعا انا تقولبت تابعيني لعائلة تا لجهنم
سبيل؛ يخ على بنت تاوهيا مريضا كتفلاا بعقلك ابنادمة؟
الجدة؛ يا طلعاا لشقربوبي ليرحمو
سلسبيل ؛ ناري توحشتكم اف شحال مدابزنا انا وياك اسبيل وبالمناسبة وبما اني مريضة وميقدرش يضربني راه سبيل مزعوط فيك احليمة
حليمة؛(خرجات عينيها) شنهواا؟؟
سبيل؛(بصدمة) غا غاا غاا كضحك سكتي ديلمك طفوو
طهر؛يابعد بعد من مرتي اداك لقرع
سلسبيل؛ناري اتاج راسي وش مكتشوفش شعكوكتو قداش؟؟
بقاو ضاحكين تا عيطات سلسبيل لحليمة
سلسبيل؛بس حليمة فينو حوبي؟؟
حليمة ؛ناري وش امان؟؟
سلسبيل؛ وشكون من غيرو
حليمة؛ راه تقلق حيت خبيتي عليه ومبغاش يشوفك
سلسبيل؛ يااه اسيي امان اجي نقولك عيطي لنهاااد واجيي
****
حمزة؛ساعة باش فاقت ونتاا مزال هناا تقلاا بوحدك
امان؛ خليها تعلم تخبي علياا اف اسااط بغيت نشوفهاا ولكن ..خصني ربيها شويا ونوض نشوفها
دار بزربا منين شاف حليمة

حليمه؛ دكتور دكتور عتق
حمزة؛ اش واقع؟؟

حليمة؛سلسبيل تزاد عليهاا لحال
أمااان؛غا سمعهااا مشااا كيجري عندهاا

💉الممرضة المفروحة والطبيب أنا المرفح💉
بقلم حنان فارس/Ht
الجزء46 والأخيييييير
دخل لغرفتهاا بجراا.. وهواا يوقف جامد منين لقاهاا واقفاا فلباب عرفها كتفلاا عليه
أمان؛ (ميل راسو)عجبك لخلعة لي خلعتيني؟؟ولاش واقفااا(شاف فحليمة)واش هادييي خدمة هادييي عاد دايرا عملية ومخليهاا توووقفف…عاونيهاا تكلسسس
تم غادي وهياا تشدو من يديه
سلسبيل؛ لمريض مخصوش يبقا غير كالس اولا؟؟ونتا فين غادي؟
أمان؛(مخنزر..كيلهت بلعصب)غادي قبل منقتل ديلمك
سلسبيل؛كفااش اتقتل شي وحدا عايشاا بسبابك؟؟ عايشاا حيت نتاا كاين جنبيي …حداياا.. معايااا اسي دكتور كنبغيك كنبغيك والله تا كنبغيك
أمان؛ (تحولات عصبيتو لابتسامة ..دار عندها)حمقة دياليي(صغر عينو) وانا كنموت عليك
قرب قرب..جراتو من يديه كلسات على سرير..وهوا واقف
سلسبيل؛منقدرش نزل على رجلي..حيت لغراز ايضروني مهم نتا تخيلني اني نازلا

كيشوف فيها مطلع حواجبو..معارفش اش تحت راسها
سلسبيل:نتا عطيتيني قلب جديد .. حياة جديدة..وانا بغيت نكون ليك..ومعاك..أمان انا كاينا هناا بفضلك..كل نفس كنتنفسو بفضللككك…مبغيتش ناخد نفس وانا بعيدة عليك…مبغيتش نعيشوو تعقيدات فحياتنا..حنا بغينا بعض ادن خص نكونو مع بعض هادشي لي عارفاا
الجدة؛ اويلي على لمسخوطاا؟؟
طهر؛ ايه تربيتي هاديي تربيتي
سبيل؛ واو شي سيلفي من قلب لحدث
زادت عندو..حليمة..
حليمة:شدني معاك فسلفي
سبيل(عينيه كيلمعو)نشدكك غير نتي باركاا
ابتسمات ليه وهي غارقا فعيونوو
حليمة:تعلم منهم باش نهار تجي تخطب متجيبش لقوالب وتجي حيت انطلعهم معاك
خرج عينوو..بدا يكحب بجهدد
بقا كيشوف..فيها..ابتسم بطلاقة
أمان؛ وش منيتك ؟؟راه راجل لي كيخطب ماشي لمرا ولا يكماا بغا تستريني ؟بصح
سلسبيل؛ (بجدية)مضحكش ازبل انا بغيتك وبغيتك تكون ليا ماشي سوقي شكون كيخطب وتا هاد لخاتم مزور غا نهاد لي جابتو..فهمتي تزوجنيي بسيف ولا بلخاطر
أمان؛اك الالة بغيت جوج جوج من الحاجه ودار بوحدي وخاتم حقيقي وديك ساعة ندويو

سلسبيل؛ شوف انا معنديش هادشي لي طلبتي..انا غير وحدا مزلوطا .ولكن عندي قلب يبغيك
أمان؛ حمقة كنقوليك حمقة نتي عندك ما حسن عندك انا اعمري بكل تواضع
سلسبيل:(ابتسمات بطلاقة) يعنيي موافق؟؟
أمان؛ (حنا على رجليه) نتي لي واش موافقة تكوني مرتي حبيبتي حياتي ؟؟

سلسبيل؛(شافت فعائلتها)خطبني دكتور ومقبلتششش
امان:خنزر فيها
سلسبيل:موافقا والله تا موافقا
جرهاا لعندوو معنقهاا
الجدو؛ياسعدو يافرحَو زبيانتي اتزوج
أمان؛(شاف فلجدة) واااااايلي
سلسبيل ؛(شافت فيه)زيبيانة ددراري حق مولانا
امان؛( شد وجها بين يديه)ديالي بوحدي…طبع بوساا فراس شفايفهاا
سلسبيل ؛(دفعاتو)ويلي جداا؟؟
أمان؛وانا مالي مرتي
الجدة(حطات يدها على راسها)ايه ناس كيف كيبوسو الله يسمح لك اشقربوبيي متتعرف تا تشلقم كيف ناس

دازت أيام خطبهاا من الدار باشراف سي طهر..وبعد مدة دارووو عرس ..فيه غا لعائلة وصحاب من لكنينيك..وعايشي مع بعض هاز هبالها وقابل بيهااا…
ونفس شي بالنسبة ل سارة دات حمزة برضا باباهااا..
وسبيل باقي كيقرا ويجمع راسو باش يقد يخطب حليمة..بعد معتارفو بمشاعرهم لبعض..

ومتتسالي قصة حب تا تبدى وحدا خرى..وهاد لمرة بدات بين طاهر والحاجة جدات سلسبيل..طاهر لي كان باغي عائلتوو معاه..باغيي لي يبقا معاه…مباغيش يبقا بوحدوو تايموت..باغي معامن يضحك ويشاركو فضحكتوو..شي لي لقاه فسلسبيل وعائلتها
the end
هادي هياا قصة لممرضه لمفروحة وطبيب لمرفح بقلم حنان فارس خليو اراءكم وتشجيعاتكم بيبياتي😘😘

Leave a comment