Skip links

قصة : الملتزم السادي ج 5

 50,436 عدد مشاهداات

71♥
نطق فؤاد مجاوبو بدلها:راغالسة كتعاون مها.شمس شافت فيه وشافت فملاك لي حانية راسها:وعلاش مكملاتش قرايتها واش مبغيتيش ابنتي.ملاك يالله جات تنطق وسبقاتها الغالية:ايوة راه وصلات الباك وخداتو بممتاز تباركالله والبنت اخرتها دار راجلها.شمس شافت فيها:لاواه تكمل قرايتها وتخدم وديك ساع تفكر فالراجل راهو يجي كيجري عندها ديك الساع.نطق محمد لفؤاد:نفهم من هاد الهضرة انها باقي ماداوي فيها حد.
فؤاد:لا جاو فيها بزاف.محمد ضار شاف فعهد لي كان كيشوف فملاك وعاود شافيه:ومالك ماعطيتيها.عهد ضور وجهو بالزربة مخنزر فباه ونطق فؤاد:ايوة مكتابش كلهم تيجيو كتلقاهم مخدامينش ولا باقي مشارب عقلو بغيت ليها واحد يستاحقها وراك عارف عوينة لي عندي مجاتش نعطيها لمن كان.محمد ضار شاف فولدو زعما سمع شكيقول:ايه عندك الحق ايوة الله يجيب ليها شي ولد الناس.عهد فهاد الحظة كان غينوض يقج باه.الجدة اعتادرات منهم وناضت ترتاح وهوما قلبو الهضرة تاني وبداو كيتافقو على العرس ونطق طارق:يكون نشاءالله الشهر جاي.عهد كيطلع فيه ويهبط:ومالك مزروب.طارق حشم وندم لاش هضر غاع تانطق محمد:ايوة شغيتسناو مزال ياك كلشي متافق وفرحان لاش غيزيدو يطولو بين الخطبة والعرس.عهد بدا تيحك قرفادتو:ايوة بعدا يتسنا غاواحد العام(وهز غي نص عين ففؤاد)باقي ماساخي بختي.طارق كان غيسخف فاش سمع عام:ها كيفاش عام كامل لاش مالنا لي نطولوه نقصروه.صفاء عيات تنغز فيه يسكت عارفا خوها غتيضحك ميديرهاش.تاشافيها وغمزاتو عاد سكت ونطق محمد:معزات عليك ختك تاشتيها صافي غتمشي.عهد شافيه بمعنى ياك:ايوة بعدا خليو غاشي شهرين رامغتهربش.بقاو مشادين فالعرس ايمتا تاخلاوها فالشهرين كيف قال عهد هو فعلا ماساخيش بختو.بقاو مجمعين وتاخر الوقت بزاف ووقف فؤاد مبتاسم:ايوة اسيادنا خلينا ليكم الراحة.72♥
محمد وقف:غتجلسو تباتو معانا متمشيوش دابا مشا الحال وعاد الطريق بعيدة عليكم واليل هادا ونتوما عيانين والطريق خايبة هنا يسدق ملقين ليكم شي وحدين ونتوما معاكم العيالات.
فؤاد:مبغيناش نتقلو عليكم.عهد فرحان طالب عليها:الله اودي راولينا عائلة دابا.فؤاد شاف فالغالية وولادو بحالا كيسولهم دارو ليه براسهم لي بان ليك وشافيه بقلة حيلة عندو الصح:واخة.ناضت شمس باش توريهم البيوتة فين يباتو وصفاء جرات ملاك:اتباتي معايا نتي.عهد شافيها مكرهش يضربها تاتلسق مع الحيط:خلي البنت تمشي ترتاح مغتخليهاش تنعس فخاطرها.صفاء قلبات عليه عينيها:ونتا مالك صحيبتي ولوستي بغيتها تنعس حدايا.عهد شاف فمو:الواليدة هضري مع هادي باغا تدي معاها ملاك النور تبيتها معاها.ملاك رجفات فاش سمعات سميتها منو وعاد مكيعيطوش ليها بسميتها كاملة جاتها فشكل صفاء حست بيها وبدات تفرنس وعاد عاقت بشوفات خوها ليها قبيلة شمس شافت فيه:هه وخليها راغتكون توحشتها متخصرش ليها خاطرها.صفاء جرات ملاك وضارت خرجات ليه لسانها.فؤاد والغالية وولادو وعيالاتهم طلعو لفوق فيه لبيوتة تاع الضياف اما ملاك طلعات مع صفاء فين كاين بيتها وبيت عهد ووالديه واسامة ومرتو لي لدابا باقين مرجعو بايتين فالشقة ديالو دخلاتها وسدت الباب وملاك عاد بدات كتشوف مع البيت لي تبدل ولا فيه سرير كبير وبدلات لون لشيبي والابيض جراتها صفاء وجبدات ليها بيجامة باقة جديدة عمرها لبستهم مدتهم ليها وملاك كانت حيدات شالها وصباطها شداتهم ودخلات للدوش دورات عينيها فيه وتبسمات هنا نيت دوشت ليها شمس نفضات افكارها و لبساتها كانت فالاحمر شورط فايت الركبة والفوقاني ديالو نص كم تاهو لبستهم جاوها لاسقين حيت صفاء رقق منها شوية خرجات حشمانة لقاتها تاهي مبدلة وجالسة هازة التيلي كتشاطي مع طارق لي غالس73♥
غالس كيتعنب عليها هزات راسها فيها وبدات كضحك بسيف خوها ميبقا ساهي فيها:ههه جاتك مزيرة.ملاك بخجل:شوية ماشي بزاف.صفاء ضربات فالسرير حداها تجلس حداها ومشات جلست وحيدات التيلي من بعدما قالت ليه غتنعس وضارت تكات فبلاصتها وتكات حداها ملاك وبدات كتهضر معاها وكتسولها لقاتها ضريفة بزاف تاملاك رتاحت ليها وطلقو مع بعضهم خصوصا معندهمش الصحابات ملاك تاوحدة مكانت كتبغي تصاحب معاها كيسحابوها معقدة من غير واحد بنت خالتها وصفاء كانو تيتصاحبو معاها غي على وديت عهد زعما يبقاو يشوفوه بقاو داويين تاناضت صفاء كضحك:ههه حقا نسيت موريتك واحد الحاجة.ملاك جلسات كتشوفيها مشات للماريو وحلات واحد المجر كان مسدود بالساروت حلاتو وبدات كتقلب تاجبداتها:هههه هاهيا لقيتها.ضارت لعند ملاك لي خرجات عينيها وناضت:هههه واو متقوليش ليا بقيتي محتافضة بيها.شداتها من عندها كانت دميتها لي جات هازاها ديك النهار:اه مقدرتش نفرط فيها تاخويا عهد بغا ياخدها ليا ومخليتوش عرفتي شحال من مرة كان غيضربني باش ياخدها ههه ولكن مخليتوش عليها لقيتيني شادة عليها بالساروت.ملاك باستغراب:وشغيدير هو بمونيكة.صفاء كتشوفيها بنص عين:منعرف تاكسوتك وشعرك لي قطعات ماما ديك النهار واخدهم واقلة باقين عندو لدابا.ملاك بقات غي كترمش وصفاء شاداها الضحكة وخدات من عندها المونيكة:اري نخبيها ويالله نعسو.عند عهد لي كان شاد المخدة المعهودة الوحيدة لي شاهدة على مدى حبو ليها من بعد الله واسرارو لي كيعاود كان شادها بحال شي بيبي كيف عادتو وكيدوز يدو على داك شوية الشعر:كبرتي بزاف.تبسم كيتفكر حشمتها وحياءها:ههه باينة غتمحنيني معاك.خنزر:ولكن حالك ساهل خاص غير باك يقبل بيا وميديرش العصا فالرويضة ونخليك تكملي قرايتك ونعيشك كيف الاميرة.دبالو عينيه تاني بهيام:توحشتك لاش74♥
بهيام:توحشتك لاش مهضرتيش معايا لاش مشفتيش فيا همم علاش كتعدبيني.عنق المخدة عندو كيشمها:توحشتك بزاف.باسها وحطها حدا راسو وناض حل الباب سدو وراه خارج هكاك عريان غي بشورط بديك الفورمة عندو كتخلع وسيكسي فنفس الوقت بداك الوشام لي شاد نص صدرو ليمني وغادي مع كتفو وهابط مع دراعو طل على بيت ختو بان ليه الضو باقي شاعل من تحت الباب تمشا بشوية وصل ودق بشوية ودقات قلبو تسارعو صفاء وملاك يالله غيتكاو وسمعو الدقان شافو فبعضهم.صفاء:شكون هادا لي جاي دابا.خرجات عينيها:عنداك يكون خوك طارق.ملاك كضحك:اويلي هداك رايتلف غالاحل الباب تاع البيت بقا غيطلع تالهنا.ضحكات صفاء تاتسمعات ضحكتهم وعهد كيتغدد برا عاود دق لكن بالجهد شوية نطقات صفاء وهي مقربة للباب:شكون.مجاوبهاش وحلت الباب كلو نسات ملاك لي مكوزة كتقاد الفراش كتسحاب صفاء غتبقا رادا الباب شافت فخوها باستغراب:عهد.فيناهوا عهد عينيه حوالو فداك الطرف لي عندها اما واحد السيقان بيضين كيشعلو هوما ودريعاتها وغدامها حميمرين وعنقها طويل قشع الخالة لي عندها فقرفادتها.صفاء بدات كتنغزو:عهد شبغيتي.ملاك سمعات سميتو وضارت بالزربة كانت باغة تمشي طل عليه بالتخبية ساعا مع ضارت مع خرجات عويناتها فيه وفجسمو وتاهو خرج عينيه فصدرها ووجها لي كيبان زوين كثر مع الشعر صفاء غاسمعات شهقة ملاك وريوغ عهد لي سالو ضارت بالزربة شافت ملاك عاد بانت ليها باينة كلها ودفعات عهد لي كان مخدر وردات الباب على ملاك لي غي مبقاش باين طاحت غالسة فوق السرير وحاطة يديها على قلبها لي كان غيخرج ووجها غيطرطق بالحمورية من داك المنضر لي شافت وتامن لبسها لي شاف بدات كتنش على وجها تنفس ومشات دخلات للدوش كتغسل وجها وكترعد وكتشدها الضحكة وكتحبسها اما عهد فغي ترد الباب مبقاش شافها وشاف فختو دفعها من قدامو75♥
دفعها من قدامو وناوي يدخل وشداتو صفاء تعلقات فدراعو:اويلي فين غادي رالبنت محتجبة راممغطياش.عهد تيتنتر:الله ينعل طواسلك شداكشي ملبساها ولاش اصلا مترعة الباب دابا كون مكنتش انا.صفاء كتجرو ميدخلش:وعلاه مالك نتا شكون اصلا كلشي لي جا يشوفها غتجيه عادي تامن بابا غيحدر عينيه هو لي راجل ومغيديرش لي درتي.عهد لاحها من يدو جات على قزيبتها وناضت كدعي فيه هو السبب باش معندهاش الترمة بغات تشدو ساعا كان حل الباب ودخل كيقلب عليها بعينيه:فيناهي ملاك النور ملاك النور.صفاء كتعض فضفارها:ناري على المسخوط باغي يشوهني مع ناسي واعهد سير فحالك شغدير بيها.عهد سمع الما مطلوق فالدوش عرفها تما ومشا غيحل عليها الباب عينيه معميين باغي غي يشوفها تاني بداك المنظر صفاء خرجات عينيها وبدات تندب ومشات تلاحت على ضهرو:اداك راس الطارو والله تانغوت تايتجمعو الناس.عهد تيحيد ليها يديها من عينيه عماتو:غوتي نيت نفرغعو مها هاد الرمانة دابا.صفاء بدات تتطلب:هالعار الله يرضي عليك راهادشي حرام مخصكش تشوف فشي حاجة ماشي ديالك.عهد حبس عاد حس براسو نيت عندها الصح تالشوفة مكانش عليه يشوفيها بزاف وهي فديك الحالة هي شافتو هكاك حبس وهبطات عليه وشداتو من يدو جاراه مخرجاه هبط عينيه فيها:عنداك تخرج فحال هكاك يشوفها شي واحد ولا يدخل شي واحد سدي الباب.صفاء حركات راسها بالايجاب ووجها ولا حمر وجامعة شفايفها عرفها حابسة الضحكة وضربها لراسها وخرج غادي بحالو:وغاطلقيها لاتفرغعي ليا هنا.طلقات الضحكة وسدت الباب ضارت وهي تخرج ملاك غاسلة وجها لي باقي حمر مقداتش تهز راسها فصفاء لي كضحك عليها ومشاو نعسو صفاء خلاتها تاحسات بيها نعسات وناضت بالحس شدات التيلي وحيدات الخامية من البالكون دخل ضو القمرة ومشات تقابلت معاها وبدات كتصور فيها عضات على لسانها76♥
على لسانها بشر ومدات يديها لحنكها قاستها وعاودت قاستها عرفات نعاسها ثقيل ضحكات وبجغات ليها حناكها على فمها بانت جامعة شفايفها على شكل بوسة صوراتها وبدات كتفرنس سيفطاتهم نيشان لعهد لي كان فايق كيهضر مع المخدة مجاهش النعاس كل متفكر منضرها سمع جاه مساج فتيلي وهزو بانت ليه ختو بالزربة هزو تيسحاب واش شي حاجة حل المساج وبانو ليه تصاورها تبسم بلا هواو وخنزر فالتصويرة لخرة لي باجغة ليها حناكها محملهاش تقيسها وباينة فيها مرتاحة فالنعسة وكتب ليها مساج:بعدي منها خليها تنعس فخاطرها.شافت المساج لي سيفط وبدات كضحك وصونات ليه ابيل فيديو لي شدو عهد داغي غيبدا يعاير فيها لكن دغيا حبس فاش لقاها دايرة الكاميرا لور شادة ملاك وبدات كتقيسها وكتخشي صباعها فحنيكاتها وهو مغدد ملاك حست بالحركة وتقلبات على ضهرها وهزات يديها فوق راسها وكملات نعاسها صفاء بقات مكوانسية خافت تحصل تابانت ليها بقات ناعسة عاد تنفست اما عهد تكا وحط التيلي فوق مخدتها وصفاء بعدات التيلي شوية بانت الحركة لي دارت كتبان كيشي بيبي صفاء عاد تنبهات لعهد لي كيشوف بهيام فيها وساهي عايش اللحظة وبدات كضحك بشر وقطعات عهد معرف باش تبلا مبقاتش كتبان ليه بغا يحماق وبدا كيصوني ليها لقاها ديكونيكطات كون مالليل كون مشا قتلها وتهنا منها جبد تصاور لي سيفطات وبقا كيشوفيهم تاداه النعاس.اصبحنا واصبح الملك لله فاقت ملاك وبدات كتكسل حلات عينيها لقات صفاء باقي ناعسة ناضت للحمام قدات حاجتها وغسلات وجها خرجات وشافت فالباب وجاتها صورتو فبالها ضحكات بخجل ومشات شافت شحال فالساعة فتيلي ديال صفاء وبانت ليها صورت صفاء مع عهد دايراها فليكرون بقات كتشوفيه تاقفزاتها صفاء:حصلتك شكديري.ملاك شافت فيها كترد النفس:افف حشومة عليك مالك راشفت غالساعة.صفاء كتشوف غي بنص عين77♥
كتشوفيها غي بنص عين وخدات من يدها الطيلي وشافت فليكرون:امم كتشوفي الساعة ولا خويا.ملاك حشمات وبدات تحرك راسها بلا:شفت غي الساعة.صفاء مصغرة فيها عينيها:غري غري والله منقولها لشي حد عجبك ياك.ملاك صافي وجها ولا حمر:اشكتقولي تانتيا مالك فاش يالله كتفيقي كتكوني مبوقة ولا شنو.صفاء رجعات ليها التيلي:امم شوفي شوفي شحال الساعة نخاف غيدوز عليك الوقت.ومشات كضحك دخلات للدوش ملاك شافت فالتيلي وبالضبط في الصورة دغيا حطاتو وجلست كتسناها تخرج خرجات ونطقات:كتصلي.ملاك حركات ليها راسها باه.صفاء:باقي مصليتي الصبح.
ملاك:لا باقي لقيتيني عاد فقت راتوضيت نصليو انا وياك؟.صفاء بابتسامة:واخة انجبدليك شي كسيوة باش تلبسيها تهبطي بيها هي نيت مجاتش نخليك تلبسي القفطان.تبسمات ليها ملاك وصفاء مشات كتقلب فحوايجها جبدات ليها وحدة فالغوز بحزام فالكحل بشال كحل ومداتها ليها ملاك بقات كتشوف فالبيجامة وابتاسمات ليها صفاء:غي لبسيها فوقها وخليها عندك جاتك زوينة.ملاك تبسمات وشداتها لبساتها فوقها وقادات الشال جاتها لاسقة واخا برزات مفاتنها الا ان صفاء قالت ليها جاتها هي هاديك فرشوو صلايات وصلاو كملو وسمعو الهضرة التحت عرفوهم فاقو جبدات ليها صفاء صبيبيط ولكن ماجاش قدها ولبست طالونها وخرجو تمو هابطين سمعو الخطاوي وراهم ودارو كان عهد جاي كيتفوه ومبدل لابس نص كم فالزيتي وسروال بحال ديال العسكر ضارو كملو طريقهم ملاك غادا حشمانة تلفات ليها المشية تاكانت غطيح وشدتهاصفاء كضحك عليها ههه تتسحابو عهد لي غيشدها راه ساهي فيها وديك الكسوة لي لاسقة عليها كان غيتبعها كون طاحت هبطو لقاوهم مجموعين وكلهم مبدلين عطاوهم شمس ومحمد باش يبدلو جلسو معاهم وعهد غي حاضي ملاك وجد الفطور وناضو فطرو كملو وناضو يمشيو بحالهم تانطقات ملاك موجهة كلامها78♥
للغالية ملاك:نسيت قفطاني.الغالية شافت فيها:سيري سربي جيبيه.ملاك شافت فصفاء بحالا كتاخد الادن انها تدخل لبيتها ونطقات:طلعي احبيبة دار داركم.بغات تقوليها طلعي معايا وهي تبانليها مشات كتهضر مع طارق الغالية نطقات:سربي املاك غنباتو هنا.محمد شافيها وشاف فعهد لي حاضيها:سيري جيبيه ابنتي.ملاك مشات طلعات هزاتو هو والشال والساك يالله غضور سمعات الباب تسد قفزات وهزت عينيها فيه دغيا نزلتهم فاش شافتو هو لي غي طلعات شاف فباه لي غمز ليه ورسليه رسالة غامن عينو زعما ستغل الفرصة وهضر معاها عهد ضحك ليه ومحمد دار صبعو فودنو زعما هاودني منك لدير شي حاجة.قرب لعندها ووقف قدامها بابتسامة:ملاك النور عقلتي عليا.ماقاداش تشوفيه بكثرة ماحشمانة منو وهوما فبيت واحد ومسدود الباب ملفوق دغيا خرجات عينيها بخوف وهزات فيه راسها وبغات تخطاه تمشي تخرج شدها من دراعها غي باش تحبس وطلقها:معقلتيش عليا انا عهد ديال عشر سنين لي.قبل ميكمل هزات فيه راسها:عقلت عليك كيغندير ننساك.عهد ضحك بهيام:بصح.ملاك ضورات عينيها تاني للباب بخوف:عفاك انتعطل على ماما غتغوت عليا.عهد شدها قابلها معاه:واش كيضربوك.زيرات على القفطان بيديها ياريت كون كانو باقين يضربوها بدل ديك الهضرة السامة ديالهم شافها ساكتة تيسحاب واش كيضربوها وزير عليها:واش كيديرو ليك شي حاجة.كتحاول تفك منو:عفاك طلقني تعطلت وعاد غيشوفوك مكينش غيعيقو.قرب منها حمقاتو بداك المنضر كطلبو وحابسة البكية وحناكها غيطرطقو بالحمورية وفمها صغيور منفوخ كتعوجو فاش كتهضر حسات بنفسو سخون كيضرب فوجها وبدات كترجف حس بيها ونطق:شش متخافيش مني.ملاك صافي غتسخف بالخلعة:عفاك طلقني غيقدرو يعيقو بينا.عهد ضور يدو على خصرها وهنا ملاك خواو بيها رجليها وشدها زاد قربها عندو:خليهم يعيقو بينا.قرب لحناكها دوز79♥
دوز لحيتو عليها وكيشم رويحتها ملاك غمضات عينيها ونزلو دموع الفزع عمرها طاحت فهاد الموقف انها يقرب ليها شي راجل وخوف ان شي حد يجي ويشوفهم وواليديها لي غيحسو بتعطيلتها تبنجات وتشنجات فور ماطبع قبلة على خدها وخشا نيفو وفمو فحنكها او نقولو وجهو كامل وكيشم بصوت مسموع بعد فور ماحس بالملوحة وديك البلاصة فازغة شافيها لقاها كلها كترعد وولات حمرة ومزيرة على عينيها كتبكي تنهد وقرب مد يدو ضورها على عنقها وقربها حط جبهتو على جبهتها:حلي عينيك.ملاك بصوت خافت مرعود منغنغ بالبكا حمقو:عفاك خليني نمشي فحالي.عهد ساط فوجها:انا هو فحالك حلي عينيك ولا برب الكعبة لي زرع حبك فقلبي منطلقك.ملاك حلات عينيها مصدومة مشلولة هو بتاسم وخطف بوسة من فمها يمكن محساتش بيها من اثر الصدمة لكن هو يمكن جاتو طويلة واخا مفاتتش جزء من الثانية تنهد بصوت مسموع ضور عينيه لجيهة السرير مكرهش يلوحها دابا ويطفي نارو تنفس مستغفر الله وكينعل الشيطان وحيد يديه منها طلقها وهو كيشوفيها اما هي غي حسات بيه طلقها مشات كتجري لباب وكترعد حلاتو وكتمسح دموعها قبل متخرج سمعاتو نطق بصوت مسموع:باقي غنتلاقاو ونتمنى تعطيني فرصة نقرب بخاطرك.مجاوباتوش ومشافتش فيه غادة وكتنش على وجها وكتنفس وكتحاول تبان عادية هبطات لقاتهم خرجو برا كيتسالمو مشات تاهي كتسلم عليهم واخة حسو بيها تعطلات الى انه قالت غي كانت كطويه وتقادو عليها تاخرات اما هو ضار خارج وبان ليه شالها طايح فالارض هزو كيشم فيه بضحكة وتوجه لبيتو دخل ولواه على المخدة وبدا كيبوس فيها كيشي مسطي80
كيف شي مسطي وتكا على ضهرو وحطها فوق صدرو مبتاسم كل متفكر قربو ليها ناض للبالكون بعدما سمعهم ديماراو بدا كيصغر عينيه كيحاول يشوفها فين تاقشعها جالسة اللور من جيهة الزاجة وكتبتسم ودير باي باي لشمس لي تاهي كضحك وتشير ليها بقا حاضيهم تاخرجو ودارو دخلو بحالهم وتاهو دخل تلاح على مخدتها متكي عليها وخاشي وجهو فالشال لي باقة فيه ريحتها مجهدة اما ملاك فوصلو ودخلو كلا ومشا لبيتو يبدل هي سدت الباب وطاحت كتبكي باقة فيها الخلعة ناضت مشات كتغسل وجها وبدات كتفرنس فاش تفكرات كلامو وباقة فيها البكية مسحات وجها ومشات كتبدل ديك البيجامة لي عطاتها صفاء وكتبتاسم خباتها باش متشوفهاش مها ودير ليها حالة ضارت هزات القفطان مبانش ليها الشال ملقاتوش وبدات كتقلب خرجات تتقلب فالطريق منين دازت فالدار شافتها الغالية ونطقات:مالك طاحت ليك شي حاجة.ملاك شافت فيها:اه الشال ديال القفطان معرفت فين طار عييت نقلب عليه.
الغالية:هزي سوارت ديال طوموبيلت باك فاش جينا وخرجي شوفي ليكون طايح تما.ملاك هزت السوارت وغادة تاوقفاتها:غتمشي بشعرك عريان والدرب عامر عزارا.ملاك ضارت لعندها:ياك لوطو غي قدام الباب مالي غنتعطل را دغيا.الغالية حيدات لي كانت لاوية على شعرها ولاحتو عليها:شدي غطي داك الشعر براكة من الهضرة.ملاك شداتو بالنفخة لواتو على راسها وخرجات حلات لوطو وبدات كتقلب فين كانت جالسة ملقاتوش ودلات شفايفها بحزن عرفات غتكون خﻻتو تما ومغتجيش تسولهم غاعلى شال وصفاء عاطياها بيجامة خرجات سدت لوطو ومع ضارت قفزات فاش لقات مها واقفة ليها فالباب وكتشوف فيها وفالدراري لي عايقة بيهم كيلوحو ليها السلام غاباش يخطفو الشوفة فبنتها ملاك تخطاتها كتحرك راسها بلاحول ولا قوة ودخلات عاد تبعاتها الغالية كتسد الباب:اشنو مكاينش؟.ملاك بتوتر:لا.81♥
ملاك بتوتر:لا يمكن خليتو فبيت صفاء.الغالية غادة للكوزينة:منعرف فين كان عقلك ابنتي.ملاك تبعاتها كتعاونها مجاوبتهاش دازو اسبوعين وطارق وصفاء ولاو كيخرجو مرة مرة امام الملأ وفرحانين ماشي كيف الاول خاصهم يبقاو غادين ومخبيين وحاضيين ولاو كيخرجو عادي اما واحد عهد قرب يخلي محمد ينتاحر بكثرت ماكيقوليه يهضر مع فؤاد باش يتفاهم معاهم ايمتا يجيو يخطبو اليوم كباقي الايام فاق وحط المخدة لي مبقاش كيفارقها حطها على مخدتو بحال شي واحد ناعس عليها وغطاها كيبتاسم مشا دخل لدوش ضربها بتحمحيمة وتوضا خرج صلا صلاتو وخرج هابط قبل داز على صفاء لقاها باقا ناعسة مشا عنكشها تافاقت ولات عزيزة عليه كثر حيت هي السباب انهم غيوليو عائلة مع دار ملاك واخة يبقا غي يشوفها مرة مرة خرج من عندها طل على بيت واليديه بان ليه محلول عرفهم فاقو هبط لقاهم جالسين فالطبلة كيتسناوهم يتجمعو جلس معاهم كانو واليديه والجدة لي كان اسمها فاطمة وعاد تم هابط اسامة باينة فيه ساخط ومن وراه نزهة تاهي هابطة معاجبها حال واكيد تاني بلباسها الفاضح كيديما جلسو معاهم وهي تقابلات مع عهد و ساكتين عاد هبطات صفاء وتجمعو على مائدة الافطار تانطق عهد صافي فقد الصبر:احم بغيت نقوليكم واحد الهضرة محدكم مجموعين.كلشي شافيه ومحمد كمل ماكلتو عرفو علاياش غيدوي نطقات شمس:نعام اولدي.
عهد:بغيت نكمل ديني انشاءالله.شافت فيه كتسحابو لقا شي وحدة ونسا ملاك:ام اه وشكون هي واش كنعرفوها.عهد ابتاسم ليها:كتعرفيها وماشي بعيد عزيزة عليك.شمس بفرح:شكون اولدي.
عهد:ملاك النور.نطقات صفاء بفرح:واش ملاك ديالنا خت طارق.عهد شافيها بضحكة يمكن ماشي هو الوحيد لي غيفرح بهاد العلاقة:اه هي.نطق محمد وهو كيمسح فمو تيضحك:ماعند بوك صبر ياربي السلامة.عهد شافيه وتمحات ديك الضحكة:واعييت.82♥
عهد:واعييت منصبر وعاد راني كبرت ندير تانا وليداتي.شمس ضارت كطلع وتهبط فنزهة لي كانت مزيرة على يديها بعصبية:اه اولدي نيت الدار خصها تحيا بصوت الملائكة.اسامة ناض عرفها كتمعني عليهم وهو اصلا عليها كان هابط ساخط حصلها كتشرب الكينة وعاد مكتخليهش يخوي فيها ثلث سنين وهوما مزوجين وباقي مولدو هو مكيبغيهاش ولكن بما انه مربوط بيها ومرتو الا وانه كيتمنى وليد يزين حياتو تم غادي ونطقات شمس:اسامة ولدي فين غادي.مجاوبهاش ومشا غادي لباب لاح عينو جيهت باب الكوزينة وبانت ليه كطل غي براسها كيف عادتها بعويناتها السوداء غي شافيها تخبات ضحك باستهزاء وخرج اما هي فشدات فقلبها وحناكها توردو ومشات حدا المرا الكبيرة لي كانت كتشوفيها بحزن ونطقات:باقة دايراه فبالك اسارة.هزات فيها راسها كانت بنت زوينة عويناتها كبار كحلين مشفرين ودايرة زيف حياتي على شعرها الي خارج من لور واصل لنص ضهرها مضفور كحل طويلة شوية تنهدات ونطقات:عارفة اخالتي ولكن رامعندي مندير القلب مايشاور.الخالة لي اسمها ياقوت:ابنتي راه مزوج وعاد نتي.قاطعاتها سارة:خدامة عندهم ياك.ياقوت قربات ليها وحطات يديها على راسها:الله يرضي عليك بلاما تعدبي راسك وتعدبيني معاك راك امانة فرقبتي من المرحومة.سارة تخشات فصدرها معنقاها هادي هي سارة رباتها خالتها من بعد موت مها والاب ياقوت هي الوحيدة لي بغات تاويها من الشارع من بعدما تيتمات فوالديها وكانو مانسين لبعض بحكم ان الياقوت عقيم ومكتبش عليها الله انها يكون عندها الولاد لكن ربي جازاها على صبرها بسارة لي كانت بحال البلسم ليها ولراجلها لي تاهو كان ممخصصها من والو لكن خانتو الصحة واصبح مشلول الشي لي خلا ياقوت تنوض تخدم وتا سارة غي خدات الباك ملقاتش خدمة وياقوت هضرات مع شمس لي رحبات بفكرة انها تجي تعاونهم واخا83♥
واخا جاتها باقة صغيرة وبغاتها تكمل قرايتها وتخدم خدمة حسن لكن مبغاتش سارة بغات تعاون مع خالتها وراجلها وترد ليهم معروفهم.بعدات منها وتبسمات ليها:شغنديرو للغدا.نطقات شمس وهي داخلة هازة طباسل من لي فطرو فيهم:والله يابنتي معرفت داك عهد تلفني قالك غدا بغا يمشي يخطب.سارة مشات شدات منها الطباسل:لاش عدبتي راسك كون عيطتي عليا.شمس دفعاتها بمزاح:حيدي من قدامي انا تالفة الدري عندي قلت ليك باغي يمشي يخطب غدا ونتي فالطباسل.شافت فالياقوت:شغندير دابا معنديش مع هادشي تاداك اسامة مدرت ليه والو باش نقول عندي تجربة.سارة مشات تجمع الطبلة لقات ديك نزهة باقة جالسة وكتعض فيديها بالاعصاب سارة شافت فيها طلعاتها وهبطاتها مكتحملهاش مفيها لازين لاوالو كيبان ليك الشر فوجهها بدات كتجمع وشافت فيها نزهة بعصبية:اييه هاديك الخدامة مشتينيش باقي جالسة كنفطر.هي مكتفطر موالو غي ملقات فيمن تبرد حرها حيت عهد غيخطب غدا سارة زيرات على يديها:ﻻلة شمس لي قالت ليا نجمعها.نزهة ناضت تقالات معاها:وكترضي الهضرة على سيادك من الفوق.هزات يديها غطرشها وهي تجمعها قافزة فاش سمعات صوتو كان عهد هابط لابس حوايجو غادي للخدمة باش من بعد يدوز للخواتم:شهاد قلة الاداب.نزهة شافت فيه غتبدا تبلحس وسبقاتها سارة:سيدي ﻻلة قالت ليا نجمع الطبلة وهادي بدات كتغوت غبوحدها.نزهة خرجات فيها عينيها:لاﻻك انا قالاك هادي.عهد خنزر فنزهة تاتخلعات:نسيتي اصلك منين جيتي واقيلة نفكرك. شافت فسارة باحتقار وطلعات بحالهاو عهد قرب من سارة:مديش عليها راك عارفاها كيدايرة كنضن نتي حسن منها غمزها ومشا سارة حشمات فبلاصتها عارفاه عايق بيها على خوه ضارت كتشوفيه ونطقات باش يسمعها:مبروك الله يكمل عليك بالخير.ضار شافيها بضحكة:امين ويبعد عليا ولاد الحرام.سارة ضحكات ليه من84♥
ضحكات ليه من ديما كتشوفو خوها الكبير عمرها شافت فيه باعجاب ولاشيحاجة حيت كيعاملها مزيان كيف صفاء معندوش فرق انها خدامة عندهم:آمين سير الله ينقي طريقك من الشوك.عهد ضار مكمل طريقو كيضحك:أمين اجدا والعقوبة ليك.ضارت كتكمل الجميع بابتسامة تانقزات شادة فقلبها شافت شكون وقطبات حواجبها:حشومة عليك اختي.صفاء كضحك عليها:ويلي على خوافة.ضارت كتكمل:اف خلعتيني شحال من مرة قلت ليك متبقايش تخلعيني.صفاء بدات كتعاونها وغادين للكوزينة:ياختي كيعجبني فاش كتخرجي عينيك ههه.دخلو للكوزينة لقاو الياقوت وشمس جالسين كيقيدو فورقة التقدية يجيبوها الحراس و كيهضرو على التوجاد سارة بدات كتغسل المواعن وصفاء بغات تجلس معاهم تشد الجموع وقرصاتها شمس تاطارت لسما كتغوت:وماما شدرت ليك.شمس كتغزز سنانها مفقوصة:دار ليك المتعوسة لي عطاني الله نوضي عاوني البنت وتعلمي راك داخلة على الزواج ماشي غتبقاي تفيقي ليه تالضهر.صفاء دلات شفايفها ومشات كتعاون سارة لي كضحك عليها شافتها صفاء ولاحت عليها الرغوة:سكتي القردة.سارة بقات كتخرج ليها لسانها شمس شافتها غضربها تاني بالرغوة وشدات على راسها على برهوشة عطاها الله وغوتات:ابعدي من البنت وعاونيها ناري ياربي السلامة وتقولي واش تخلي شي واحد مرتاح.صفاء كدبل فعويناتها ومدلية شفايفها زعما تبقا فيها:كضحك عليا.
شمس:عبرات نيت راك دايرة الضحك فراسك.نغزاتها الياقوت كضحك:ههه والالة شمس يهديك الله راباقي فين تزيد تعلم.صفاء ضارت هازة يديها عامرة رغوة:شفتي اخالتي تيحغرو عليا.
الياقوت:ههه واميمتك معصبة مسكينة مع خوك غفلها ومموجدين والو.صفاء نقزات حداهم:اه حغا واش عالمين دار طارق.
شمس:لا عاد لقيتي باك طلع يعلم باها راغنجيو غدا.صفاء جلسات:واش غي غتهضرو ولا صافي منها للعرس.شمس كتشوفيها85
شمس كتشوف فيها:عهد قال غيهضر ومنها خطبة نيت ويتافقو على العرس نيشان بحالك ونوضي ابنيتي قبل لنريشك عاوني البنت.صفاء ناضت كتنفخ كتسحاب نساتها زعما.اما عند دار ملاك لي الغالية كتجري فالدار وكتخمل هي وملاك اما خوتها وعيالاتهم مشاو مكين لي يعاونهم ملاك هازة معاها السداري:امي واش غي رشقات ليك ونضتي تخملي افف اي تقيل.
الغالية:هزي معايا الله ياربي الله وعلى زربة دارو لينا فؤاد وافؤاد.خرج من البيت وهاز التيلي تيعيط لولادو يجيو حيت ساكنين بعيد عليهم فجوايه فين ساكن عهد:اشنو مالك نتي اه صافي اولدي طريق السلامة ها ولا غي جي داغي اولدي الله يرضي عليك وصافي تاتجمعو اوف غنبقا نغول لكل واحد بوحدو وعيط معاك على طارق رامكيجاوبش قولها ليه وجيو مجموعين يالله بسلامة.قطع وشاف فالغالية لي كتجر الزربية وملاك لي هازة السداري ومضاربة معاه جاراه مشا شدو عليها وتيهضر مع الغالية:امالك نتي كتغوتي شكاين.الغالية وقفات شادة ضهرها:وتا هاد الناس مكيعرفوش لهادشي خاصو الوقت والتوجاد.ملاك غي كضور فعينيها مفخبارها والو:وتانا بحالي بحالك راعيط السيد وقالك غدا جايين يهضرو فيها.ملاك شادة معاه السداري خرجوه لبرا:شكون هادو.فؤاد شافيها مجاوبهاش وضار عند الغالية:نتي مقلتي ليها والو.الغالية حركات راسها بلا وملاك نطقات:شغتقوليا.فؤاد بتوتر بحالا حشمان:والو ابنتي والو هامك تقولك.ومشا هرب لبس تجاكيطة وهز بزطامو والسوارت وخرج يجيب التقدية ملاك ضارت عند مها لي تاهي حشمانة بحالا معرت اشغتقوليها:مي شكاين شكون هاد الناس.الغالية خرجات فيها عينيها:زيدي عاونيني دغيا شهاد الاسئلة ديال والو الروينة تابعانا ونتي كتسولي.ملاك دخلات كتعاونها وراسها ضارها والغالية كضور ضور وتبقا تشوفيها ساهية قربو يكملو ودخل فؤاد وتبعوه الدراري كيالفيران86♥
كيلفيران من غير خالد هازين معاه التقدية وعيالاتهم من الباب حيدو جلالبهم بقاو غي ببيجامات طوال احتراما لرجال لي معاهم ودخلو كيتجاراو كيعاونو الغالية وملاك حيت عاود ليهم فؤاد فالطريق تلاقا معاهم شافوها ونطقو شاهقين كلهم:شكديري نتي وجروها دخلوها لبيتها وسدو عليها الباب بقات غي كتشوف شدتها البكية وجلسات كتسنا فيهم يحلو عيات متغوت عليهم والو كيسحابو واش فخبارها وكضرب تمارة كملو بالزربة حيت كل وحدة كدير حاجة وجلسو تادخل خالد هاز علاقة ومعلقا فيها شيحاجة مغطية وشادها فيديه بجوج باش تبقا مسرحة ضور عينيه لقا كلشي جالس كيتساراح ونطق:فيناهي ملاك.نعتات ليه مو:راه فبيتها شدكشي هاز.تبسم خالد بفرح:غا قفيطين ماتلبس غدا هانا نديه ليها.وتم غادي غيدخل وقفاتو الغالية وفؤاد بتوتر:بلاتي.ضار شافيهم الكل باستغراب ونطق يونس:مالكم شكاين.الغالية:راه مفخبارهاش.خالد خرج عينيه:وشكتسناو.الغاليو جلسات:دخل نتا قولها ليها.خالد تنهد وكيحل الباب:راه بنتك امي شت هادا غاعما بغا يتحل.سمع صوتها من الداخل كتبكي كانت ناضت من بعدما سمعت صوتو قريب:خالد حل عليا معرفتش لاش سدو عليا.ضار كيشوفيهم وتقدمات ليه مرتو هازة السوارت:يسحابلينا فخبارها لقيناها كتشقا ودخلناها باش متخرجش ميسحابش لينا مفخبارها والو.شد منها السوارت كيتنهد وكيشوف فمو عارفاها غتخطب غدا وكانت مخلياها كتشقا.حل الباب ودخل وتبعاتو مرتو تقدم حط القفطان فوق السرير مسرح وضار عندها لقاها كتمسح وجها من الدموع:ناري على بكاية غتباني خايبة غدا.ملاك جلسات فالسرير:مالكم مع غدا شواقع.خالد جر ليها حناكها هاهي حليمة تقوليك.خرج ودخلو عيالات ايمن ويونس تاهوما وجلسو حداها كيضحكو نواوها:امالكم عمركم شتو بنادم.نطقات شادية مرت ايمن:اه ياختي عمرنا شفنا شي وحدة غتخطب وكتبكي.87
ملاك شافت فيها باستغراب:شكون غيتخطب وشكون كيبكي.كلهم نعتو فيها هزات حاجبها ونعتات لراسها بالسبابة:انا.هزو راسهم بمعنى اه نتي وناضت وقفات كتمشي وتجي وتفرك صباعها بتوتر:كضحكو عليا.نطقات حليمة:ويلي هادشي فيه الضحك رابصح داويين.ملاك شافت فيها:حلفي.حليمة خرجات فيها عينيها:عمري كدبت عليك.ملاك جلسات وسطهم فين كانت:افف ناري دابا تاني غيجي شي عوج ولا فرك ولا شي شمكار ولا شي زهواني ايخ.حليمة غمزات لخرين:لا يختي هادا همة وشان وطولة والتجريدة ياختي واللحية والنور باين فوجهو ملاك سهات كتفكر فعهد نفضات افكارها وشافت فحليمة مخشعة كتوصف ليها ونغزاتها:ارجوع لله راك مجوجة بخويا.حليمة عاد فاقت:ايوة ياختي كنزينوه ليك.ملاك:باينة غيكون كيف لي قبلو.حليمة ميقات فيها:من نيتك بحال لي فاتو وباك ومك دايرين هاد الحالة.ملاك صغرات فيها عينيها:وشكوناهو كتعرفيه.حليمة:اه.يالله غتكمل وقاطعات هضرتهم الغالية لي دخلات:نوضو تغداو باش نصاوبو شي حليوات لغدا.كلهم ناضو معاودوش معاها الهضرو حطو الغدا وملاك غالسة وحشمانة.كملو وبغات تعاونهم ومخلاتهاش الغالية تاهي لقاتها من الجنة والناس مشات ترتاح سدات عليها الباب باش ميدخل عندها تاواحد ضارت شافت داكشي لي حط خوها قبيلة ومشات كتجري حلات السنسلة وحلات فمها كان قفيطين اقل مايقال عند رائع فالسومو ناصح مصبراتش وقيساتو طلقات الشعر وبدات كتعيوج وكتفرنس جمعات شعرها ودارت الشال ديالو وبدات تضحك فرحانة حيداتو ومشات رداتو كيف كان وعلقاتو ففشرجم لي عالي وتكات كتشوفيه وكضحك وكتخايل فهاد العريس كيداير مادام كيعرفوه ولابد وتكون كتعرفو كتعيا تفكر ومكيجيها غي عهد لبالها تفكرات اخر لقاء بيناتهم والكلمات لي قال قبل متخرج قالت يمكن غي زعما حيت غيتلاقاو تاني بحكم خوها غياخد ختو ولي محيرها88
ولي محيرها كثر هو كلمتو تخليه يقرب بخاطرها غطات وجها بيديها حشمانة فاش تفكرات قبلة الخد اما الشفايف كانت مبنجة وعاد محساتش بيه حيت بالزربة بان ليها غي قرب وبعد بقات كضحك وسرعان محيدات يديها وتنهدات مخصهاش تبني احلام وردية ومن بعد تصدم وبدات كتفكر فهاد عريس الغفلة مادام نايضة الروينة وواليديها تالفين الا وانهم قابلين وهاد الناس مهمين ناضت من بلاصتها بعدما سمعت ادان العصر ومشات توضات وصلاة وزادت جوج ركعات استخارة ودعات انه لكان فيه الخير يكتبو ليها الله ولمكانش يبعدو عليها ناضت تاني مشات لسريرها كتفرنس حاسة براسها بحال شي اميرة مولفة بتمارة واخة مكيكون والو ولابد مها مكتلقا ليها شي حاجة المهم مترتاحش تلاحت يالله غتغمض عينيها ناضت قافزة للمراية شافت وجها مكرهاتش دير شي وصفات حيت عندها يقين انه مها الحنونة اكيد مغتخليهاش دير ماكياج مشات حلات الباب طلات عليهم لقاتهم باقين مسالاو مبانتش ليها حليمة وبدلات الاتجاه مبانوش ليها تاخوتها وباها ورجعات للكوزينة دخلات عليهم:انعاونكم.هزات فيها الغالية راسها عرقانة وحمرا حيت مقابلة الحلوة فالفران حيت كيطيبو غي فالدار:لا غي سيري تخشاي فبيتك نتي.جلسات حداها بقات فيها مها مقابلة الفران وصابرة لحرارتو على ودها وعجبها الحال فنفس الوقت شافت اهتمامها ولو لمرة فحياتها:انعاونكم سيري رتاحي شوية وانا نقابلها ليك.الغالية دفعتها بشوية باش تنوض من حداها:سيري دابا تحرقي ديك الكمارة لي على ودها قابلين عليك اما من جيهتي معرت اش عجبو فيك.ملاك حنات راسها ولابد خاصها تنكد عليها:ايوة خليني نعاونك.الغالية ضورات راسها للفران:متعاونيني منعاونك على عوينك الزين بغيتي تحرقيها ليا ويلي ويلي.بدات كتحل الفران بالزربة جبدات الطاوة على شوية كانت غتشوط ليها الحلوة89
على شوية وتشوط ليها الحلوة:اوف ياربي السلامة نوضي من حدايا ناري على منحوسة غاجيتي كانت غتولي فاخر.ملاك ناضت من حداها غاع وسولات شادية:فيناهي حليمة.قالت ليها شادية فالبيت ديال خالد نيت كتنعس ولدهم.خرجات متاجهة عندها.اما الغالية مدو ليها طاوة خرى خشاتها وبقات عاطياهم بالضهر وكتبان ليهم كتزير على السربيتة لي هازة باش كتجبد الطاوات وكطلقها وكتهبط راسها تبقا تلعبيها بحالا متوترة اما وجها مكيشوفوهش مضوراه عليهم تانطقات هدى مرت يونس من بعدما تشجعات:حشومة عليك اخالتي غتكون تقلقات على ديك الهضرة.اه لوكان يسمعوها شكانت تبقا تعاير فيها بلا سبب شافوها مجاوباتهمش ونطقات تاشادية:اه راها بنتك وعارفاها غتكون غي بغات تعاونك كون غي قلتي ليها تمشي ترتاح لغدا حسن من هاكا.الغالية مكتجاوهمش ومضارتش عندهم غاع بحالا منخلاهم حتا بانت ليهم حلت الفران تاني وضارت حطاتها ومدات يديها يعطيوها طاوة خرى بقات مادة يديها وهوما مخرجين فيها عينيهم كانو خدودها عامرين دموع وعينيها باقين كيسيلو شافتهم هكاك وغوتات تامدو ليها الطاوة:شكتبحلقو فيا.شادية مادة ليها الطاوة:مالك اخالتي.خنزرات فيها وكتشمر بنيفها:ونتي مالكي شغلك عاونيني وسكتي ولا نوضي عليا تانتي.شادية حنات راسها مخرجة عينيها وكطل على هدى غابنص عين بحالا كتقوليها شفتي لي شفت تاقفزاتهم تاني:ديك الحلوة ناوين تخليوها ليا انا لي نحيدها نقادها ونديرها فالسطولة ولا.ناضو بالزربة تيعفطو فجلايلهم هزو الطاوات يزوقوهم باش يتخباو للغد.اما ملاك دقات على حليمة مجاوبها حد ومبغاتش تدخل دقات مرة اخرى وسمعات شش من الداخل بشوية وبقات كتسنى تاحلت ليها الباب شافتها وتبسمات ليها:لالة لعروسة ميسحابليش نتي.ملاك ضحكات بخجل:اويلي تانتي شنو فهد نعس.حليمة كترد عليه الباب:اه بزز.90
بزز كان مبرزطنا مك كون مجاهاش صغير كون لاحتو فالفران شواتو.
ملاك:ههه راديرها.حليمة ضرباتها لراسها:اويلي رامك هاديك اجي واش بغيتيني فشي حاجة لاش جيتي عندي.ملاك غادة بيها لبيتها وكتفرك فصباعها:احم دابا انا خطبتي غدا ياك وبغيت ن.حليمة باستغراب:شنو بغيتي.ضحكات بشر:هه ياكما بغيتي تشوفيه.ملاك شافت فيها كطلعها وتهبطها:من نيتك.ودفعاتها لبيت وسدات الباب:بغيت شي وصفات نديرهم باش نبان غدا زوينة.قرصتها من حناكها:راك زوينة يالهبيلة.ملاك مشات للمراية:لا شوفي فمي فيه القشور والموسطاج لاقربتي ليه كيبان وعاد بشرتي كتبان باهتة.حليمة جات من وراها:اودي راهادشي خاصو سيمانة ولكن ماشي مشكيل نديروهم ليكم واخا ينقصو غاشوية وتالغدا وغطيه بالماكياج.ملاك دارت عندها:رامي موحال تخليني نديرو وعاد.ضارت كتوريها فوق المجر ديال المراية فيه غاروايح لي كيجيبو ليها خوتها وباقين عامرين:وعاد معندي تاحاجة من الماكياج.حليمة غادة تحل الباب:نجيب باش ندير ليك شي وصفات بعدا وتالغدا ونقنعو مك ديري شوية الماكياج ومضربيش ليه حسبة غنشري ليك كلشي ماتحتاجي.ملاك جلسات فرحانة مجرد تفكير انه تاهي يولي عندها مكياج ديالها واخا مديروش غي تشوفو عندها ويكون ديالها بقات كتسنى تادخلات حليمة هازة بزاف ديال الحاجات غي من الكوزينة لي كانو خرجو منها ومشاو لصالون كيكملو التزيين بغات دير ليها داكشي طبيعي باش تالاكانت بشرتها حساسة ميديرو ليها والو الحاجات الطبيعية حطات داكشي فوق الفايوز وخرجات تاني وملاك كتشوف مع داكشي وبدات تضحك مع راسها:هادي باغة طيبني واقيلة.حليمة تعطلات هاد المرة شوية ودخلات هازة كاسرولة وسوبيرة تيطلع منها الباخ حطت الكاسرول حدا داكشي وضارت عند ملاك:نوضي غسلي وجهك مزيان غي بصابون الحجرة.ملاك ناضت طايرة ورجعات طايرة مسحت91
مسحات وجها مزيان بفوطة نقية وطلبات منها حليمة تجلس فالسرير وتربع رجليها وشدات معيلقة سنيدة دارتها فطويسة صغيورة وزادت عليها زيت الزيتون خلطاتهم شوية وعطاتها ليها:شدي ديريها فوجهك كلو تافمك.دارت داكشي لي قالت ليها:يالله دابا بقاي ديري بصباعك حركات دائرية وترخاي ليا مع راسك ومتوركيش على بشرتك غي بشوية.ملاك تكات على الكادر تاع الناموسية وبدات كدير داكشي لي قالت ليها وحليمة شادة ليها الوقت خﻻتها شي ربع ساعة عاد قالت ليها حبسي(تعلمو راوصفات بصح راكم عارفين هادا كوماج من احسن المقشرات مي متبقاوش ديره كل نهار غي شي جوج مرات فالاسبوع ولا مرة باش البشرة ميخرجوش فيها الرؤوس السوداء براكة غالي فالنيف والجبهة وتحت الفم ههه ياكو)ناضت غسلات وجات جلست تاني وجها بان فيه ضو حيت عمرها دارت ليه شي وصفة حليمة عطاتها شدت السوبيرة لي كان فيها الما طايب وشي طروف ديال الحامض وبعض من اوراق النعناعولاحت عليها ديك الفوطة غطات ليها راسها لي قابلاتو مع السوبيرة باش يطلع معاها الصهد ونطقات:فاش تعرقي مزيان عاد حيدي.بقات مخشية شي ثلث ساعة عاد خرجت كتنفس مزيان مسحات ليها وجها داغي واوات على صبعانها كلينيكسباش متقمش ليها بشرتها بضفارها وبدات كتحيد ليها لي بوان نوار كانو فيها صغيورين عاد باديين فيها حيداتهم وطلبات منها تمشي تغسلو بما بارد لي جابت من الثلاجة وتكات ليها راسها هاد المرة على جوج مخاد ومشاد للكاسرولة لقاتها بردات وجبدات وراق لي تيكونو ديال لاصيغ كانو عندها شي وحدين فصاكها ومشات بدات كدير ليها الحلاوة لي صاوباتها بكاس سنيدة ونص كاس ديال الما ونص حامضة كدير ليها وكتحط عليها الورقة كتسنا غي شويا حيت كتكرم داغي وكتنترها ليها تاكتقفز ملاك مكملات ليها تابدات تتبكي وجها ولا حمر خلاتو تيبرد ليها ومشات92
ومشات كتصايب ليها فماسك بشكلاط غبرة مسوس ودانون طبيعي مع العسل الحر خلطاتهم مزيان وضارت عندها وتبسمات:ههه ياختي بان فيك الضو.ملاك كتشوف فالمراية:ناري حجباني كيبانو بحالا مطراسيين عنداك ماما تغوت.حليمة رداتها تكات:ويلي على الحمقة غالابغات راغعما قربت ليهم اصلا عارفاها كيدايرة وزيدون نتي مقادين ليك سبحان الله تكاي دابا وترخاي ومتفكري فوالو باش بشرتك تستافد من هاد الماسك.ملاك تكات وغمضات عينيها وبدات كديرو ليها دارتو ليها لوجها كامل ودارت ليها بحال المجاس محدو باقي مانشف عاد حيدت يديها مشات تغسلها وجابت خيارة قطعات جوج دواور وبدات كتحك فلي بقا جابت النشا وخلطاتو معا داك الما ديال الخيار لي عزلات وخلاتهم طلات عليها بان ليها باقي منشف مزيان ومشات جابت القرفة مطحونة خلطاتها مع سنيدة وشوية الما ورد غي باش يتخلطو دارت غي شوية حيت غديرها غي لفمها وحطتها جنب وكتسنا فيه ينشف مبغاتش تهضر معاها باش متحركش فمها وعاد تبقا مكونسونطريا باش تشد فيها الوصفة بان ليها كرم ومشات قاستو غي بشوية حسات بيها مﻻك وحﻻت عينيها حمرين وبدات تضحك عليها:ههه داك النعاس.ملاك مقداتش تضحك كتحس بوجا كارم كتحس لاحركات وجها تقطع ليها الجلدة وحليمة شدات كلينيكس وجلساتها جابت ديك السوبيرة فاش كان الما طايب وبدات كتمسح ليها بكلينيكس باش ميطيح والو فالارض لي طاح كيطيح فالسوبيرة باش مترونش الدنيا حيداتو ليها بقا غي شي اثار قليل مشات جبدت ثوب مقطن فزغاتو بشوية ماء الورد ومسحت ليها وجها خلات بشرتها ترتاح شوية تاني عاد دارت ليها داك النشا والما ديال الخيار ودارت ليها تاسكر والقرفة والعسل لفمها تكاتها ودارت ليها الخيارات على عينيها وملاك كضحك بقات شوية وفمها بدا تيحرقها سولات حليمة وقالت ليها بلي عادي حيت فيها القرفة بقات93
بقات تاني تانشف ليها ومشات غسلاتو رجعات لعندها وجها تيبري وفيمها ولا حمر ومنفوخ حيت القرفة كتهيج البشرة (جربوها البنات زوينة تالفم الزرق كتحيد مع المدة لاداومتي مي ماتقويوش تاني)مشات جلسات ودوزات ليها تاني بماتلورد على وجيها ومشات كتجمع داكشي:ههه يالله دابا يالله لعروسة رتاحي ليا مع راسك.خلات ليها الما ورد وخرقة اخرى ناشفة مخلاتش ليها لوخرين ليلسق فيها شي ميكروب وخلات ليها تا وصفة القرفة لفمها:هانتي هادي فاش تبغي تنعسي ديريها شي ربع ساعة وغسليها وماء ورد دوزي على وجهك وخليه نعسي بيه صافي.مﻻك وهي كتكا فبلاصتها بابتسامة:واخا شكرا.حليمة مشات باست ليها راسها حيت عزيزة عليها ومعتابراها بحال بنتها خصوصا كتشوف راجلها تاهو كيحن عليها:ويلي على الحمقة راك كثر من ختي متخرجيش غي رتاحي ههه اليوم مك تجري عليا ماعاونتهمش.مﻻك شدات فيها:سمحيليا افف دابا خايفة لاتعيق بيا شنو درت.
حليمة:هي راغاتعيق بيك دايرة شي حاجة حيت تبدلتي شوية وليتي زوينة المهم دابا غي خوي راسك ورتاحي ليا باش تعجبي سيد العريس ههه.ضحكات ليها وخرجات خلاتها ملاك حطات يديها تحت راسها وغمضات عينيها وجا فبالها تاني غي عهد نفضات افكارها وخوات بالها منو.اما عند عهد فملي خرج الصباح كمل خدمتو دغيا وخرج بكري ومشا لمحل ديال الخواتم دخل سلم على مول المحل لي كان راجل كبير:ﻻباس اولدي.عهد بابتسامة:الحمدلله.الراجل مشا جبد جوج باطات فالكحل حلهم كان فيه خاتم رجالي بالفضة السوداء والباطة لوخرى فيها خاتم نسائي بالدهب الحر ومزخرف بالدهب الابيض واحد اخر معاه نفس الشكل غي فيه جوهرة كتبري شافهم شد ديال الرجال قيسو وعاود حطو وهز لاخر شدو فيدو وكيبتاسم تانطق الراجل:ﻻماجاش قدها راك عارف المحل محالك وقتما بغيتي تجي تبدلو مرحبا.شافيه عهد وهو كيرد94
وهو كيرد الخاتم بابتسامة:لا اصﻻ غي الخطبة هادي والعرس بغيتك تصاوب ليا واحد اخر يكون مميز وغنجيبها معايا المرة الجاية باش تعبر عليها ويكون مواتيها.الراجل:اكيد غتكون شي وحدة مميزة فعﻻ.عهد تيجبد باش يخلصو:اه وبزاف.حبسو الراجل قبل ميجبد:لا اولدي اعتابرهم كادو بمناسبة زواجك.عهد متسوقش ليه وجبد مبلغ كبير حطو قدامو عارفو ضرب تمارة فيهم وعاد باينة هو لي ناقشهم حيت عرفهم ديالو وبغا يخدهم ليه بيديه الراجل حنا راسو كيشوف المبلغ:اولدي الله يهديك راخيرك سابق.عهد بتاسم ليه وهزهم خشاهم فجيبو ضور عينيه فالمحل:معندكش شي كومبلي حوالق وشي سنسلة.الراجل بتاسم ليه ومشا دخل الداخل تعطل شوية عاد خرج هاز باطة كبيرة شوية فالاحمر حلها وراها ليه كانو حوالق كيجيو طوال بدهب الابيض وفيه بحال الجواهر صغار كيبريو ومعاهم سنسلة بحالهم كانو سامبل وفنفس الوقت راقيين شافيه عهد بضحكة حيت باينة ديال الخاتم:ههه متقولهاش.الراجل بابتسامة:اه كان بقا ليا الوقت وصاوبتهم نتمنى يعجبوها.هزهم بيديه كيشوفيهم:وعلاش ميعجبوهاش.شافيه غيسولو بشحال وهو يبان ليه تحنا هز زرواطة وهزها الفوق بحالا غيضربو:غتغبر عليا ولا نسيفطك معطوب.عهد سد البواطة وهزها تيضحك:هانا غادي امتقلقش لينا هاه وعنداك تنسا لي وصيتك عليه.الراجل بدا تيضحك تاهو:ﻻ متخافش الله اودي.خرج من عندو ركب لوطو ومشا لمحل لبيع الكوستيمات دخل والبنات لي فالاستقبال ولي خدامين تما غيسخفو فينما كيجي كيبداو يعرضو فراسهم بحالا عمرهم شافو شي راجل اما هو مشا للاستقبال وهضر معا وحدة مكيشوفش فيها:كلكي ليا عمران.قبل ماتجاوبو نطق صوت من موراه تيضحك:هانا شبغيتي.عهد ضار عندو تيضحك سلم عليه من بعد السلام نطق عهد:بغيت شي كوستيم يكون مضايرش.عمران هز فيه حاجبو وهز يديه:والمحل راك عارفو ديما95
رك عارفو ديما فيه اخر مكاين.
عهد:بغيتو لمناسبة ماشي غي الخدمة.
عمران:اشنو شي حفل ولا شنو.
عهد:خطبة.
عمران:ياء وياك خوك مزوج وختك عاد جيتي ديك النهار خديتي قميجة وسروال.سكت فاش شافو تيضحك وخرج عينيه:غتزوج امسخوط.عهد حرك راسو باه وعمران شد ليه فكتفو بملامح حزن مسطنعة:البراكة فراسك مالك على حالتك كنتي عايش بيخير.عهد ضربو لراسو:تبي غنبقا نبردو انا غافلمخدة ولا؟دوز عطيني شي حاجة نخرغها راني تعطلت.عمران ضحك:ايوة مبروك مدرتي عرفتي يالله لقيني تانحل فواحد الكوليكشن عاد جات من فرانسا شي حاجةطوب تعجبك.مشا قدامو وتبعو عهد داه لبلاصة باقي عاد كيقادوهم باش يحطوهم للبيع بان ليه واحد فالغري هزو قيسو جاه هوا هداك خداه وخرج رجع لدار لقا مو كدور وكتغوت عليهم وكتمشي وتجي ومشا شدها جلسها:امالك الميمة غارتاحي ليا.شمس خنزرت فيه:حيد من قدامي قالاك من شحال وانا نتسناك دير عقلك وتزوج نفرح بيك تاكتصدمني باغي تمشي غدا.عهد كيضحك عليها:وانا رامكرهتش تالعرس يكون غدا.هزات فيه صبعها:ااسمعني نقوليك مكين بو عرس تايفوت رمضان بحالك بحال ختك.عهد تكا على ضهرو:غاتهناي اﻻلة غنديرو قبل العيد الكبير.صغرات فيه عينيها:ولاش زعما.هز كتافو وناض:بغيت يالله نخليك نمشي نرتاح ليا باش غدا نكون اونفورم.تم طالع وتﻻقا باه وسولو:اشنو قالك باها.محمد بغا يخلعو خصوصا شافو هاز الكوستيم ودبل ملاميحو:باينة غيرفضو راقاليا تالغدا ويشوف.عهد ميق فيه عرفو كيتفلا:امم وغتخلي شميسة ديالك كضرب تامارة ونتا عارف مكين والو اتااا نوض.ومشا وخﻻه واقف وهبط تاهو كيضحك عهد دخل لبيتو وعلق الكوستيم ومشا تيدوش فرحان خرج تينشف راسو لبس غي بوكسور وتلاح على المخدة فوقها:امم غدا انشوفك توحشتك.وهبط كيبوسفيها تنهد وتكا على ضهرو وهزها فوقو كيف ديما وغمض عينيه96
وغمض عينيه كيتخايلها ناعسة فوقو عقلو بدا كيمشي ليه بعيد ونفض تفكيرو اجا مايرقدو ليه تاني وناض لبس هبط لتحت يلاهي راسو معاهم.اما مﻻك فاقت على الدقان خرجات لقاتهم كيتسناوها للعشا مشات وحانية راسها زعما باش ميشوفوهاش هوما جاتهم عادية واخا بانت ليهم زوينة على اللزوم وقالو اكيد غدا خطبتها ومتكون دارت بحالتها تامن فؤاد ميك ومقال والو باش ميحرجهاش اما واحد الغالية كانت اتنوض تريشها خصوصا شافت حجبانها بانو بزاف مقادين حيت تحيد الشعر الخفيف من وجها وفمها كاتبان بحالا معكرة وعاد يالله فايقة باقي حمر وحنيكاتها مزنغين خلاتها تاتعشات ومشات لبيتها وتبعاتها مﻻك شافت فيها وحنات راسها عرفاتها غتقول شي حاجة وهي تنطق الغالية:شدرتي لوجهك.مﻻك بتوتر:والو.الغالية قربات بعصبية هزات ليها راسها:متقوليش ليا والو راماشي كنرضع صبعي.مﻻك شدتها البكية:واحد الوصفة.الغالية دارت يديها فجنابها:ولاش مالكي فين عمرك درتي شي حاجة نتي لديك الكمارة.مﻻك جلسات:غي بغيت نتهﻻ فراسي شوية.
الغالية:قطعتي حجبانك؟.هزات فيها راسها بﻻ.الغالية عرفتها مكتكدبش حيت مكتعرفش وكتفرش داغي:ومالهم باينين بحالا مقادين.مﻻك كتفرك صباعها:حيت درت واحد لوصفة كتنتف الشعر ولكن مقستهمش درت غي لوجهي مقربتش جيهتهم.الغالية كطل عليها:ومخفتيش يطير لبوك تاجلدة غاليلقيتي طلسي لديك الكمارة.
ملاك:ﻻ راداكشي طبيعي منخاف والو.الغالية ضارت خارجة بحالها:ومنعرف ضبري راسك.وخرجات سدات الباب عاد ملاك تنفسات وتكات بﻻصتها اما عهد فمشاو كلشي ينعس اﻻ هو مجاهش متشوق لغدا بزاف حتا سمع الباب تحل ضار شاف شكون ودغيا ضور عينيه غاض بصرو على مرت خوه لي جات تاني ﻻبسة شوميز كانت غي حسات باسامة نعس وناضت خرجات لعندو تمشات ووقفات وراه وقاستو فكتفو ودغيا بعد منها عاطيها بالضهر97
عاطيها بالضهر ونطقات بصوت مغري:عهد حن فيا راكنبغيك.عهد بلاما يضور:سيري فحالك قبل مندير ليك شي شوهة.قربات وعنقاتو مزيرة عليه:مطلبت والو عفاك غي ليلة وحدة والله تاطير معايا فالسما ومغتبقاش تفكر تزوج وانا مستعدة نطلق خوك ونتزوج بيك.عهد نتر ليها يديها مشمأز منها وبعد وهضر بعصبية:خرجي عليا.يالله غتقرب تشدو تاني وضار عندها مخنزر وعينيه حومر وكيشوف ليها فعينيها باش ميشوفش جسمها لي مامغطي منو والو خلعها واخة هكاك وحطات يديها على صدرو:عفاك عطيني غي فرصة كنواعدك انك مغتندمش وغتعيش معايا فسعادة.عهد تعصب بالمزيان وفاض بيه الكاس تالهاد الدرجة حقيرة وباغاه يزني معاها وماشي اي وحدة هي مرت خوه هز راسو فاش بان ليه خيال جيهة الباب وخرج عينيه لكن سرعان مرجع لعصبيتو فاش طمنو الشخص لي كان واقف فالباب لي عاطياه نزهة بالضهر وماشافتش غاع واش كين شي حد تبسم ليها بالجنب ونطق:شنو قلتي عاد دابا شوية.نزهة وﻻ عندها بصيص امل فاش شافت ديك الابتسامة ونطقات بغنج بحالا حشمانة:غنخليك اسعد واحد غي عطيني فرصة.عهد دار يدو على دقنو بحالا كيتفكر:امم واخا ماشي لي كنت باغي غنسولك واحد سؤال اخر فاش كنتي كتجي عندي كلا ليلة شنو كنت كندير ليك انا.الشخص لي فالباب خرج عينيه ودار يدو على فمو كاتم صدمتو نزهة حنات راسها زعما مقلقة منو:كنتي كتجري عليا.هزات فيه راسها بضحكة مغرية وكتقرب ليه:ولكن ماشي مشكل لكنتي دابا غتعطيني فرصة نشارك معاك الفراش.يالله غتحط يديها عليه وبعد رجع لور تاني:اه واخا ولكن راك عارفاني ملتزم وميمكنش ندير لي بغيتي اﻻ فحالة وحدة وراك قلتيها عاد قبيلة شوية فكريني فيها.نزهة بقات كتشوفيه بابتسامة فرحانة:نطلق خوك ونتزوجو احبيبي.عهد بقا كيطلع ويهبط فيها محملش ديك حبيبي خصوصا منها هي وميحملها من تاواحد هو98
هو باغي يسمعها من الحيبان ونطق:وشنو السبب لي غتقولي ليه باش يطلقك وﻻش تزوجتيه اصﻻ وكيدرتي ليها تاخليتيه يتزوجك انا عارفو كان عقلو طايش ديك الساع وميمكنش يتزوج.نزهة هزات كتافها:انا تزوجتو على قبلك باش نوصل ليك وتجيني ساهل اما كيدرت خليتو يتزوج بيا ههه مغتيقش عرفتي كنت تبعتو للبرطمة ديالو فين موالف كيقصر وديك النهار نيت تبعتو فالبار لي كيمشي ليه وبقيت كنسيفط ليه كل مرة كاس تاع الشراب القاصح مع السيرفور باش ميعرفنيش انا وخليتو تاضرب الكاو ومشيت ليه عاونوني الحراس تاع البار ديناه لديك البرطمة ايوة من بعد عريتو(عضت على شفايفها باغراء وعهد مزير على يديه كتر من الشخص لي واقف فالباب من هادشي لي كيسمع)وتعريت حتا انا جرحت راسي شوية ودرتو فالفراش باش يبان بحاﻻ غتاصبني وفالصباح بكيت عليه بلي جابني من البار بزز حيت زعما كنت غي مع البنات مقصرين بيناتنا امم وهو تيقني داغي حيت هددتو غنشوهو ومنتحركش ليه من تما اﻻ ﻻدار مع حل وقلت ليه يتزوجني وهو مسكين بغا باش ميتشوهش مسكين بقا فيا.عهد مبرد راسو باش يزيد يسمع اش مخبية تاني:دكية مع راسك اه وشنو هو فاش قاسك زعما معاقش بيك راك ماشي بنت فاش قاسك مرة اخرى ومتقوليش ليا معمرو قاسك فهاد الثلث سنين.هبطات راسها بتوتر:لا اه قاسني.عهد ربع يدو ايه ايوة كيدار معاقش بيك راك فيرجن.نزهة بحرج:كنت مديفرجيا اصﻻ.عهد خرج عينيه وهي هزات فيه راسها وقربت ليه:عفاك متلومنيش مكنتش فوعيي وتخايلتو نتا وتاهو اصلا كان سكران وستغلني.عهد حيد يديه حيت شداتو من يدو:اه واخا منلوموكش اﻻلة مكنتيش فوعيك نعدروك ولكن خويا شدار ليك تاتعدبيه معاك فخططك.
نزهة:حيت خوك ومكانت عندي تاطريقة باش نتجمع معاك فدار وحدة من بعد رفضك لياوانا لي قلت ليه منتحولوش لدار لي شرا غي باش نبقا نشوفك.99
عهد:امم واخا ودابا كيغديري تخليه يطلقك واش غتقولي ليه هادشي لي عاودتي ليا.نزهة بدون مبالات:ماشي سوقي لمهم نكون معاك كنفكر نقوليه مكنبغيكش ومامفاهمينش وانا وعهد كنبغيو بعضياتنا هو اكيد مغيوقفش فطريق سعادتنا واكيد سعادتك نتا لي خوه.هز فيها حاجبو:شكون قالك كنبغيك انا منطقتهاش بعدا.نزهة بحرج مرغها:اه ولكن المهم غتعطيني فرصة. هز فيها حاجبو:انا مقلتش غاع غنعطيك فرصة واش كتخيلي وﻻ شنو.زاد حرجها وتبسمات ليه بغات تنسيه زعما:المهم نتا قلتي مغتقدش تلبي ليا رغبتي حتا نطلق خوك وهاد الاسئلة لي سولتي.عهد هز تالحاجب ﻻخر مطلعهم بجوج:وشكون قالك نتي غطلقي خويا وماشي هو لي غيطلقك.حبسات عن الحركة وبقات كتشوفيه:كيفاش.عهد هز عينيه كيشوف وراها ونطق:خرج عليا هاد الزبل قبل مندير شي موصيبة.ضارت بفزع ولقاتو هو اسامة بشحمو ولحمو ياك كانت خلاتو ناعس وﻻكن مضناتش انه كان غي ساد عينيه كيحاول ينعس وهي مع كانت مزروبة باغا تمشي تغري عهد متسناتش وناضت كتلبس بشوية اسامة طل عليها غي بين شفارو فاش حس بيها ناضت بقا كيشوفيها كان فرح كيسحابها باغا تفاجأو وتجي تصالح معاه على الصباح لي دابزو لكن حتا كتصدمو مشات حلات الباب وخرجات وتبعها بانت ليه دخلات لبيت خوه وزاد تعصب كان ناوي يمشي يشوههم ساعا سمع حديثهم وبقا واقف فالباب وعرف بلي خوه معندو تاعلاقة معاها وبلي هي لي كتجي عندو ديما عهد فاش شافو جاتو فرصة انه يبين ليه فعايل اللفعة لي مزوج بيها.اسامة غي شافها ضارت وتم غادي جيهتها ناوي على خزيت وشدها من شعرها جارها لبرا عهد تبعو وبان ليه كيضربها وغادي مهبطها وكيغوت باعلى صوتو:انا يالقحبة دايراها بيا ولمك بغيت نسترك زعما ساعة كتلعبي ورا ضهري يالقحبة باغة ضوري ليا بخويا.وكيضربها وهي كتغوت بحر جهدها وكيسب فيها مبقاش عاقل100
عاقل على راسو كلشي سمع الصداع وفاقو خرجو يشوفو شواقع وكلهم شهقو فاش شافو داك المنضر عهد ومحمد هبطو كيجري بان ليهم غيقتلها ومحمد هابط وكيسول اشواقع اما العيالات من جيهة بقات فيهم ومن جيهة بغاوها ليها حيت مكيحملوهاش جروه عليها وهي طاحت فالارض مقاداش تحرك واسامة كيغوت وكشاكشو خارجة وواحد سارة غي حاضياه وكتبكي حيت كتبات فالفيلا والياقوت كتمشي تقابل راجلها اسامة سكت وبدا كيتهدن وطلقوه وتاواحد مامشا لنزهة يشوفها ونطق محمد مخنزر فيه:شهدشي درتي فالبنت هادي هي تربيتي تبغي لي يدير مدرتي فختك ها.اسامة ضار عندو ساخط:ختي بزاف على هاد القحبة.وتم غادي ليها وشدو عهد تاني مكتفو هي شافتو كان جاي ليها وناضت كتبكي:اهئ اه قحبة وضحكت عليك اهئ ونتا زامل مجوج بوحدة بحالي نتا اصﻻ ماشي راجل.خرجات فيه عينيها:اه ماشي راجل نتا غي شماتة وتزوجت بيك غي مصلحة حيت كنبغي عهد وكنت غنخليه يتزوج بيا.اسامة عينيه تعماو طعناتو فرجولتو وبلا حشما بلا حيا كتقوليه كنبغي خوك عهد صافي طلقو عليها يدير فيها مابغا واسامة غي حس براسو تحرر ومشا غادي عندها محمد بغا يشدو وتفك منو بالزربة هي جات تهرب ملقات فين تاشدها من شعرها مطيحها فالارض وجارها لبرا وكيعاير ويسب خرجها تالزنقة فداك الليل ودفل عليها ونطق:من دابا نتي مطلقة تفو عليك وبربي وباقي نشوف كمارتك حتا نقتلك.ودخل بحالو ووصا الحراس ميخليوهاش تدخل اما هي ناضت كتمسح دموعها وكتنفض حوايجها وتمات غادة بغات تدخل تاحبسها الكارد وهو مكيشوفش فيها حيت شبه عريانة:ميمكنش دخلي اﻻلة.نزهة بغات تخطاه:بقيتي ليا غانتا الحشرة تحبسني ندخل.وقفات فاش سمعات صوت الزناد وجد باش يطلق رصاصة وشافت فيه:خطوة ويطير ليك مخك هادو اوامر موسيو اسامة.نزهة مخرجة فيه عينيها:كيفاش لابغيت ندخل غتقتلني.حرك راس

Leave a comment