Skip links

قصة : الملتزم السادي ج 3

 46,378 عدد مشاهداات

31♥
متسوقاتش ليها ولا لبكاها اما خوتها عياو ميدقو من بعدما لقاو لباب مسورتة عليهم بقات فيهم ختهم خصوصا ملي سمعوها كتستنجد بيهم ومشاو بغاو يفيقو باهم لكن لقاوه تاهو خرج وجاي جيهتهم فاش ملقاو كيدخلو مشا جلس فالصالة.تاكملاتو كلو خلات ليها راسها كلو مطبع ولكن كلو مقرع بالصدمة سكتات من البكا وبقات كتشوف فشعرها طايح فالارض وضرباتها الغالية جات جالسة:باش تعلمي لمك تخليها تقطعو ليك وتخرجي بالليل وليت نهز ليك الهم ونتي باقة لاسقة فالارض اما فاش تكبري تحلي رجليك بالعلالي وتجيبي لينا الشوهة.هزات فيها عينيها ملاك:كتبكي الكلبة سكتي الله يلغيها ليك قولي امين تاني نوض نكمل عليك نخصر ليك داك الوجه. ملاك تنفسات ومسحات دموعها بالنطرة وواعدات راسها فسرها عمرها تبكي قدام شي حد الغالية خنزرات فيها ومشات حلت الباب وخرجات مشات لبيتها ممسوقاش ليهم هما لي شهقو فاش شافو ختهم هكاك وجها زرق وشعرها مقطع كون ماحوايجها لي نقيين يحلفو عليها ماختهم وبلي شي حمقة من الزنقة بقاو مصدومين تامن فؤاد لي جا طل بقا واقف تابانت ليهم بدات تتجمع فشعيرها ودخلو خوتها حيدوه ليها من يدها وبداو كيجمعوه وخالد شدها معنقها تانطقت مبعدة منو:اندخل ندوش غنوسخك بالشعر.طلقها وخاطرو ضارو عليها وكيشوف مع شعرها وكيولات كتبان بداك الضرب وزاد كمل عليهم فؤاد فاش نطق بحالا ممسوقش:كون كنتي دايرة عقلك ميطراش هادشي.ومشا خلا الدراري لي تازمو واخا ماكانتش موجهة ليهم الهضرة فمابالك هي لي طاري ليها هادشي وزيد عليها صغيرة تمشات غادة لماريوها الصغير وجبدت حواج اخرين تاني وفوطة خرجات وتمشات للطواليط ومتبعينها بحزن تاناض طارق:انسخن ليك الما تسناي.باقي عاد نايض لقاها سدت الباب حيدات حوايجها وبدات تتعوم بيه بارد وكيطيحو دموعها كلما قاست شعرها اما فؤاد32♥
فملي خرج من عندها توجه حل الباب على مرتو كانت تتبكي وهضر بعصبية:لاش حيدتي ليها الشعر.شافت فيه مبينة القسوة:تستاهل لاش تخرج فداك الوقت خليها باش تعلم نيت متخرجش من يدينا وفاش تبغي دير مبغات تفكر شغيطرا من بعد.بقا كيشوفيها وشاف لساعتو ومشا تيلبس باش يمشي للخدمة:مغطيبيش الغدا؟ راني غادي دابا.
الغالية:راه صوب ليك شلاضة وغبر عليا.ردخ الباب:بلاش غاع.وخرج خلاها:بفف سير غاع هنيتيني.وتكات تنعس راسها عاطيها الحريق فؤاد مشا عند ولادو:فينهي ملاك.شافو فبعضياتهم:تدوش.فؤاد ضار للشوفو بان ليه طافي:بيه بارد.
خالد:اه مخلاتناش نشعلوه.
فؤاد:هانا مشيت للخدمة وردو ليها لبال لتسدق هاربة تاني.نطقو بهمس وهو غادي خارج:لا من بعد لي طرا فيها غتفكر تقرب لباب تاني.تنهدو فاش شافوها خارجة وباينة الضرابي عاطيينها الصداع دخلت لبيتها وخلاتو محلول وضارت عندهم:فيناهو شعري.
خالد:راحرقتو.تبسمات ليه ومشات تكات فسريرها ونعست بكثرت العصا باغا غي تغمض عينيها بقاو هكاك تالعشية وبدا يضلم الحال وناضت الغالية خارجة من بيتها كتجري خلعاتهم تابانت ليهم طلات على ملاك عاد تنفست ومشات كتفيق فيها بعنف:انوضي اه عاونيني نصب العشا.ناضت ملاك مخلوعة شافت فيها ونطقت:ديري زيف على داك الراس غتبقاي ضوري ليا بيه هكاك.دارتو تبعات مها كيصوبو العشا تادخل فؤاد جلس مع ولادو تاطاب العشا وحطوه تجمعو وتاواحد معندو الشهية كلاو بزز منهم الا ملاك وفاش شافتها مها مكتاكلش نطقت:نوضي حيدي من غدامي لمكنتيش هتاكلي والماعن تالصباح لمك وتلقايهم كيتسناوك.ناضت ملاك بحالا كانت طالبة عليها مشات لبيتها وتبعتها الغالية خلاتها تاتخشات فالفراش وسدات عليها بالساروت وملاك بقات تتشوف فالباب وغمضت عينيها.الغالية سدت الباب وحطت السوارت فوق التلفزة ومشات تكمل عشاها34♥
الدراري حطو دغاميهم وناضو شافتهم وخنزرت:لهلا يطيحو فيكم.كملو عشاهم هي وفؤاد وناضت دات داكشي للكوزينة وخلاتو ليها فعلا اما الدراري كانو مجموعين فبيت خالد تاناض بدا كيطل عليهم بانو ليه كيتفرجو شاف فخوتو غمز ليهم ولبس تجاكيطة كبيرة وجبد تيليفونو وحطو فودنو غادي وتيهضر زعما ودايز من قدامهم باش يسمعوه:اه واخا هانا نخرج عندك دابا اخاي عصام اه اه هانا هابط.وحيد التيلي وغادي جيهت الباب تاهضر فؤاد:فين فهاد اليل؟.خالد وهو كيلبس صندالتو:اواحد الدري كيتسناني على ود ندفع ليه مسكين واحد السيفي.
فؤاد:ومالو ميدفعو راسو.
خالد:اراه مسكين مكيعرفش المهم هاني مشيت مغنتعطلش.خرج وسد الباب قبل ميجاوبوه مع سد الباب شاف يمين وشمال مبان ليه حد وضربها بجرية تالواحد سناك بعيد عليهم شوية بقا تيتسنا تاوصلات نوبتو وعطاه ميكة فيها داكشي لي طلب خلصو وخشاها فالتجاكيطة وسدها باش متبانش وضربها بجرية تاني تالدار عرف راسو تعطل بحيت كان عامر عليها مشا كيجري وجا كيجري بقا واقف شي دقيقة وكينش على وجهو باش ميبانش راكان تيجري ودق حل عليه باه:شهاد التعطيلة.خالد كبلع فريقو خايف يقشع تعبان ديال الميكة:راه دينا السيفي لدري لي غيدخلو للخدمة.فؤاد وهو كيحيد ليه من الطريق باش يدخل:فهاد الوقت وكون خلاه تالصباح مشيتو صدعتو الناس فهاد الليل.خالد داخل ومبعد منو باش ميشمش الريحة ودخل لاح صندالتو وغادي تيزرب لبيتو مشافش فمو غاع ودخل لبيتو وسد الباب مسح العرق وحل التجاكيط جبد الميكة وحطها لخوتو:افف ناري السطاج اللخر.شافيه ايمن وهو كيحل الميكة:وسطاج الواعر هو لي فاش نبغيو نعطيو لملاك ديالها.شاف فداكشي وسد تاني الميكة ولوا عليها زيف:خليه باش يبقا سخون مغتجينيش ناكل بلا بيها.خالد كيطل على والديه:بفف شت هادو مبغاوش ينوضو ينعسو غاع.نطق35♥
نطق يونس وهو نايض تيطل تاهو:بفف دابا مع نعسو قبيلة اجا منعسهم.مشاو جلسو تيتسناو تبان ليهم الضو طفا شافوه من تحت الباب وسمعو خطاوي قراب للباب جايين بسرعة حطو الميكة تحت السرير وتقادو تحل الباب كان فؤاد:شتكم مجمعين ليا هنا كلا وبيتو يالله مناويينش تنعسو.
ايمن:واخة هاحنا غاشوية ونوضو.فؤاد وهو كيسد الباب:غنطيح المغانة وضبرو راسكم.سد الباب ومشا لباب الزنقة سدو بالساروت ودا معاه الساروت يخليه حدا راسو ومشا للمغانة طيحها ومشا دخل لبيتو ينعس اما الدراري غي شافوه قطع الضو جبدو تيليفوناتهم شعلو الفلاشات ونطق يونس:يالله نمشيو رغيكون فيها الجوع مسكينة.ناض خالد هو اللول حل الباب وبدا كيتصنت على بيتهم سمع حسهم مقطوع ودار ليهم بيديه يتبعوه خرجو كيتسلتو كيالشفارة مشا طارق هز الساروت تاع بيتها من فوق التلفازة وعطاه لخالد حلو الباب عليها هي لي كانت باقة فايقة وكتبكي غي سمعت الباب تحل بدات تمسح دموعها بالزربة بانو ليها غي الفلاشات والخيالات تخلعات وتكمشت فراسها تابانو ليها هوما عاد تنفست سدو الباب ودخلو جلسو فالارض وخالد هزها عندو وجلسو حلو الميكة وعطات ريحة الكفتة زوينة خدا كل واحد خبيزة عامرة تاملاك شداتها كانت باقة دافية كلاتها حيت كان فيها الجوع وهوما كيهضرو بشوية طارق:واش كيضرك وجهك.شافت فيه ملاك وفمها عامر:امم غي شوية.
يونس:غدا نجيب ليك بومادة بقاي ديريها ليهم.حركات راسها بالايجاب وكملات ماكلتها وبدات كدمع:بغيت دبي لي جاب ليا عهد.تنهدو بحزن ونطق خالد:تانجيب ليك واحد بحالو.شافت فيه بدون امل:كون كانو يخليوك تجيبو كون خلاو اللعب لي كتجيبو ليا.حنا راسو ملقا ميقول كملو ماكلتهم ومشا طارق دا الميكة للزبل وجابليها الماء عطشات خشاوها فالسرير وباسوها تاواحد متجرا يحيد ليها الزيف على راسها وخرجو36♥
سدو الباب كيف كان وردو السوارت وكلا ومشا لبيتو غافلين على عيون فؤاد لي كان حاضيهم من اللول ومشا طل عليهم تافاش كانو ياكلو معاها وخلاهم.دخل شاف فمرتو وتكا تاهو ينعس اما ملاك تاهي نعسات بالعيا خصوصا ملي شبعت دابا.اصبحنا واصبح الملك لله عند عهد لي كان فبيتو تحت عينيه كحل باينة مناعسش وشاد الدب لي وصا الشيفور يجيبو ليها قبل حتا كيتفاجئ ردو ليه وخبرو بلي وقع فلوطو وبلي بقات فيه ناض حطو فالماريو حدا كسوتها وشعرها لي كان جمعو فبلاستيكة باش ميتشتتش وهبط يفطر لقاهم كلهم مجموعين فطر وهو تيهضر:غدا غنرجع لكولومبيا.محمد شافيه وشمس حبسات الماكلة شدتها البكية وشافت فمحمد زعما يهضر يحبسو ونطق:لاش مباغيش تبقا تشد معايا الشركة معرفتك اش كدير تما تالخدمة كل مرة وفين كتقول راك كتبريكولي.عهد تيمسح فمو:عاجبني الحال تما والادارة تاع الشركة ماشي قد مسؤليتها دابا انا.وناض مخليهم كيشوفو فيه ونطقت شمس لمحمد:الله ياربي ومغيرجعش تاني سير تالشي عامين ولا كثر تاني.
محمد:لا غنحاول معاه متخافيش.تنهدات وكملو فطورهم اما عهد طلع وهز تيليفونو لقا البوص مصوني ليه دوز رقمو وجاوبو:الو.
البوص:لاش رديتيها ليهم.
عهد:واليديها شنو بغيتيني ندير نخليها عندي.
البوص:على الاقل مكانتش غتعدب يمكن كان بعدهم غيكون رحم ليها.عهد باستغراب تيسحابو واش داوي علا ملاك :كيفاش علامن داوي نتا بعدا؟
البوص:اينجل وشكون من غيرها لي مسيطرة على عقلك دابا.
عهد:كيفاش الهضرة لي قلتي.
البوص:فاش حطهم الشيفور دخلاتها مها بالزز ورجالي سمعوها كتبكي بالغوات وكطلب فيهم يمكن ضربوها.عهد زير على يدو:كيفاش علاش؟
البوص:معارفش لي عارف انها كانت كتبكي وهادشي لي عندي دابا.
عهد:واش كتراقبها.البوص بابتسامة:وشنو نحضيليك حاجتك كون هاني متخافش عليها مني منقدش ناديها.37♥
تبسم عهد:غدا راجع.
البوص:واينجل اوف لايت؟.
عهد:باقة صغيرة وعاد ماشي شي حاجة كيما فبالك يمكن غي بغيت نعاونها وبقات فيا.البوص بضحكة:هه شنو زعما كتبين ليا ان الديفل كيحن.
عهد:ههه لا وايلي المهم غدا نرجع ونكملو الهضرة.
البوص:مباغيش تلبي لباك رغبتو؟.
عهد:كتهضر بحالا معارفش لبغيت نخرج من المافيا غنخرج مكفن.
البوص:راك عارف نقدر نامنك لانتا لاعائلتك مبغيتكش ضيع بحالي عيش حياتك ودير عائلة صغيرة وبعد منا.
عهد:مغيخليونيش نعيش مرتاح خصوصا عرفو وجهي.
البوص:شحال من مرة كنقولها ليك وغنعاود نقولها انا كنواعدك انني منخليكمش تاداو وفاش تخرج غيتحرق ملفك بحالا عمرك كنتي واخة غنخسر عضو مميز بحالك هههه ولكن غنبقا نستاشر معاك مرة مرة تعطينا خطة.عهد تنهد بانكسار:ايوة شتي يعني عمري غنخرج تالأمنتيني غاتبقا تابعني نتا.
البوص:إدن باغي تخرج.
عهد:ماشي مهم شنو باغي لي كيهمني الناس لي قراب ليا ميتآداوش.
البوص:غدا فاش ترجع كاينة مهمة مكرهتش تمشي معانا.زير على الفون دغيا قلب الهضر بحالا ماشي نفسو لي كان يقوليه نامن عليك:واخة غنكون واجد.تقطع الخط ومشا كيجمع حوايجو وبقا كيشوف فكسيوتها وشعرها تنهد وهزهم تاهوما حطهم مع حوايجو تاليل ومشا ودعهم باش يالله يوصل للغد للكولومبيا وشمس فرقاتو بالبكا.نمشيو عند ملاك اللي فاش فاقت لقات الباب محلولة خرجات مشات لطواليط قدات حاجتها وغسلت وجها وخرجات مشات لكوزينة حيت سمعت تقرقيب لقات مها تتوجد الفطور يالله جات تهضر وملاك مشات كتغفد وبدات غسيل الماعن ومضاربة معاهم حيت البوطاجي طويل عليها كتبقا معلقة سلاو ومشاو حطو الفطور لقاوهم مجموعين وبداو كيفطرو كملو ونطق فؤاد لخالد وهو كيشوف فملاك وراسها لي طاح ليها الزيف من القدام شوية وبان شعرها لي مقطع وممقادش:خالد سير عند ادريس.38♥
خالد شافيه:علاش ؟
فؤاد:جيب من عندو الطوندوزة نقادليها شعرها يكبر مغاد ليها.الغالية ناضت معصبة:ولاش غيتقاد ليها خليه هكاك ينوض ولا ياربي مينوضش غاع.خنزر فيها وجلسات خايفة:الغالية بلا داك المرض ديالك تاني نوض اولدي جيب ليا لي قلت ليك غبل لايحل حانوتو.ناض خالد عند جارهم ادريس لي كان حلاق خداها من عندو ورجع عطاها لباه لي جر ملاك معاه لطوليط دخلها وحسن ليها قادو ليها ومسح ليها راسها من بعدما غسلو ليها ولات كتبان كيدري شافت فالمراية محملاتش راسها وهي دير الزيف عليه وداز النهار عادي الا ملاك لي زادت حدة قسوة مها وتاباها مسلماتش من معيورو دازو ايام واعوام ولا فعمرها 15 وتما غتكون كبرات وزيانت وعطات العين لدرجة بداو كيجيوها الخطاب عند عهد لي بدلوه السنين وكان كيضن ان بعدو ورجوعو لكولوبيا ويكمل حياتو كيكان غيخليه انه ينساها وانه غي حادث عابر خلاه يتعرف على طفلة فليلة ونهار ولكن كانت ديما كتزورو فنعاسو وكيتخيلها كتلعب قدامو وتامن البوص كل مرة يفكرو فيها حيت كان باقي مراقبها وشحال من مرة قاليه يقيلها عليه وكان جواب البوص دائما:مادامك حاطها فبالك ومفكرها الا وكتعني ليك شي حاجة.كان كيتعصب عهد منو ومن راسو وكل عام وكل مرة كيجيب ليه صورتها خارجة مع مها كانو صور قلال بحكم مكتخرجش بزاف.حتا لواحد النهار دخلو الكارد لي كيهضرو مع لي حاضيينها فالمغريب وكان عهد مع البوص:سيدي خبرونا رجالنا بلي اينجل كل مرة كيجيو لدارهم ناس فشكل كيكونو هازين الورد والحلاوي.البوص شاف فعهد لي كيشوفيهم هاز حاجبو ونطق:ومعرفتوهومش شكون.
الكارد:قالو لينا بلي سمعو الجيران كيهضرو انهم الخطاب.البوص حاضي عهد لي ناض وقف ومشا للشرجم كيتنفس وهضر مع رجالو تاني:وشنو واش قبلو واليديها ولا شي حاجة.
الكارد:لا اسيدي كيلقاو الرفض.39♥
البوص:علاش زعما.
الكارد:بحكم انها صغيرة يمكن اسيدي.
البوص:صافي غي سيرو واي خبر يوصلني بالزربة وفوقتو ماشي تاترشق ليكم وتخبيو عليا.الكارد حاني راسو:كنا كنسحابوهم غي زيارات عاديين اسيدي سمحلينا.البوص دار ليه بيديه يمشي خرج وسد الباب وناض وقف حدا عهد لي نطق وهو كيشعل فغارو:غنهبط للمغريب.البوص هز فيه حاجب:تالدابا لاش مرجعتيش خمس سنين هادي.
عهد:بغيت غنرجع توحشت الدار.
البوص:تالدابا عاد توحشتيهم وجاك الحنين.
عهد:جايمس غنرجع غضيع من يدي.
البوص:راكنقوليك كتحس بشي حاجة من جيهتها لدرجة عيطتي بسميتي.عهد حنا راسو:سمحليا راغي افف رامكين والو من دكشي غي بغيت نرجع بقات فيا نخاف يجوجوها بزز را عقليتهم فشي شكل هادوك.جايمس بقا كيشوفيه مطولا:بقات فيك ولا حسيتي بالخطر وخفتي.
عهد:اشكتقول تانتا اصلا غنخرج سوقها غاع غنرجع على قبل الواليدة من شحال وهي طلبني نرجع.
جايمس:عليها من نهار جيتي ونتا عاطيها للسكرة والدروغ والعاهرات لي غي كتوصل لنشوتك ونتا كتعيط بسميتها راكتوصلني خبارك.شافو حاني راسو وساكت مبغاش يحكر عليه وضار غادي للباب:غتلقا الطيارة كتسناك فالعشية.تبسم عهد وكمل غاروه ومشا لشقتو جمع حوايجو ومشا لسرير وتكا على مخدتو مقابل مع المخدة التانية لي كان ملبسها كسوتها لي جاب معاه وتامن داك شوية الشعر ملسقو فشريط على المخدة الفوق شدها وعنقها وتيشم فداك شوية الشعر وكيشوف فصورتهم الكبيرة لي على الحيط لي كانو تصوروها فلوطو كان خرجها ودارها كبيرة بزاف باش تبقا باينة ليه عمر التيلي جوج سوايع و غمض عينيه وخشا وجهو فديك المخدة نعس.عند ملاك لي كانت كتمشط فشعرها لي طوال بزاف وكثاف ليها تادخلت عندها مها وبدات تمشي وتجي قدامها:لاش مباغاش تجوجي ها قدك راوالدين.شافت فيها باسى:باقة صغيرة امي وعاد باقي باغا نقرا.40♥
ميقات فيها الغالية:اخرتك غاتمشي لدار راجلك طفروه هادو لي كملو قرايتهم دابا الناس كيشوفو الخطاب داخلين خارجين وباك كيردهم بسباب هضرتك دابا غيقولو غي مسترة على شي زبلة.ملاك لاحت المشطة وبدات كتجمع فشعرها:فين كنخرج انا بعدا باش ندير هاد الزبلة تامن المدرسة كديني وتجيبيني ديما فاش كنقرب لباب رجلي على رجلك.
الغالية:ايه نخاف منك وعليك حيت زينة وعاطية للعين نخاف تغري وديري ليا شي شوهة.وخرجات خلات ملاك كتنهد على هاد الام لي عطاها الله.راكب فالطيارة وكيضرب رجليه مع الارض باغي يوصل داغي ماوصل تالغد ليه كانت العشية فالمغرب غي هبط جابو ليه الكارد لوطو ديالو وتوجه للفيلتهم دخل وسلم عليهم وحيد شوقو منهم اما شمس بقات غي معنقاه جلسو فالصالون وهي مخشية فيه تاشاف فيها:الواليدة واخة طلقيني نخرج شوية.زادت زيرت عليه مكتفاه زعما رامغتخليهش يمشي عليها مرة اخرى:لا ياولدي وتغول واش مزال تخرج عاد جيتي باقي مشبعت منك.تفك منها بسهولة وناض:نص ساعة وهانا معاك.ومشا خارج تيزرب ركب لوطو وداز لاقرب بائع ورود خدا بوكي كبير وتوجه لحيها باغي غي يشوفها مباشرة كيولات باركا لوطو بعيد على الدرب معندوش فين يحطها لداخل وتمشا لبابهم هاز البوكي دق والناس لي داز كيبقا يشوفيه بسباب الوشام والسلاسل لي شافو يحلف عليه تامفيوزي تحل الباب وطل خالد لي بقا كيشوفيه:نعام شكون بغيتي.عهد حيد النضاضر :بغيت باك.خالد بقا تيشوف فيه جاه مالوف تاخرج عينيه وحل لباب مزيان خرج عندو:خاي عهد.عهد تبسم:عاقل عليا بعدا.خالد وهو كيحيد من الطريق ومداير حركة بيدو بمعنا دخل:وايلي منقدش نسا لي عتق ختي دخل غتبقا واقف فالباب.عهد دخل وتسمع صوت الغالية من الكوزينة:اشكون.
خالد:واحد الضيف.تمشا بيه دخلو لصالون لي كان جالس فيه فؤاد شاد كتاب:مرحبا دخل اخويا.41♥
فؤاد هز راسو بدون مبالات تيسحابو غير شي صاحب خالد حتا تهز واقف ولاح الكتاب:نتا.الغالية جاية وكتمسح فالطابلية كان عهد عاطيها بضهرو العريض ونطقت بهمس:شكون اخالد هدا.عهد ضور غي راسو حيت سمعها معرفاتوش فاللول تاحلات فمها:نتا شكدير هنا.نطق خالد:الواليد الواليدة حشومة السيد جاي ضايف وباركن عليه نتا نتا الوليدة عمري شي كاس ديال اتاي السيد اول مرا يجي عندنا.الغالية دغيا ضارت غادة تالفة ونطق محبسها وهو كيحط البوكي فوق الطابلة:لا بلاش الشريفة جيت ندوي معاكم جوج كلمات ونمشي.فؤاد عاد بدا كيتقاد من الصدمة مكانش متوقعو يجي خصوصا من نهار الحادثة مشافوه لاهو لاعائلتو وعقلو بدا خدام اش جابو تالهاد الوقت من بعد عوام مد يدو وشير ليه للسداري:جلس بعدا اولدي تفضل.عهد جلس ومفرق رجليه وخالد جلس حداه فرحان.عهد شاف فؤاد وشاف فالغالية وبدون مقدمات نطق:بغيت ملاك.شافو فيه بدون فهم والغالية جلست:كيفاش.
عهد:بغيت نتزوجها.فؤاد طلعو وهبطو:بنتي باقة صغيرة.
الغالية:مصغيرة والو قراناتها والدين.عهد شافيها وضار عند فؤاد كيتسناه ينطق تاني ونطق فعلا:منعطيهاش ليك صغرها ماشي السبب الوحيد لي يمنعني نعطيها ليك بالضبط.هز فيه عهد حاجبو:كيفاش علاش مالي معجبتكش خدام وبرزقي الحمدالله والراجل ميعيبو غاجيبو.خالد هضر حيت بان ليه لاطولو يقدرو يتشانقو حيت فهم نضرات باه لعهد لي تاهو كان كيشوفيه باستفزاز:خويا عهد ختي باقة صغيرة كيف قال الوليد مضيعهاش رابقي باغة تقرا وتبني مستقبالها.عهد ضار عندو:مالي بنت ليك غنحبسها بحالكم راعندها كامل الحرية تكمل قرايتها فاش مابغات وتخدم غاع منغلعش ليها ولكن عطيوها ليا.دخلو الدراري لي كانو خارجين على اخر كلمة ونطقو كاملين وهوما كيشوفو فعهد لي عمرهم شافوه معرفوهش تيسحابوه شي خاطب تاني غي من الورد لي42♥
الورد لي جايب:السلام عليكم.كلشي شافيهم ومجاوبوش ونطق فؤاد:معاطيش وسالينا.الدراري دخلو جلسو حدا عهد ضوروه وهو وسطهم ممسوقش ليهم حدو لاح فيهم عينو شافهم عرفهم خوتها.ونطق طارق بهمس ليونس حيت كان جالس حداه وكيطل على عهد بنص عين:تاشكون هادا تاني باينة فيه ملعق تيبان واعر خونا.نغزو يونس يسكت وعهد ناض وقف:نخليكم هاد الساعة بان ليا جيت فوقت ميصلاحش للمناقشة.
فؤاد:مكاين لا مناقشة لا اطروحة باقي مساخيش ببنتي.عهد وهو متوجه للباب وخالد ناض معاه:نتمنى نيت هضرتك تكون صحيحة.خرج ونطق:عنداك تجوجوها بزز.حرك ليه راسو بالنفي ودعو خالد وداز من تحت شرجمها عارفو غي من الصور لي كان يجيب ليه البوص هز عينو لتكون كطل لكن هي كانت كتحفض سادة ودنيها مسمعتهمش فاش كانو يهضرو ولا عرفات واش جا شي حد كمل طريقو ومشا ركب تحرك بحالو وغادي مغدد تاوصلو مساج:متخلاش عليها حاول مرة خرا.لاح الفون وكسيرا للفيلا اما عند خالد كيسد الباب دخل لقا باه غادي لاح البوكي فالزبل تنهد ومشا عند خوتو للصالون جلس معاهم كانت الغالية مشات تكمل شغلها ونطق ايمن بهمس:شكون داك الغانغستا لي كان عدنا.شافيه خالد:اودي كون غا عطاها ليه وهناها مسكينة من هاد العيشة.خنزرو فيه كلهم:راباقة صغيرة اصحبي ولاكان شي واحد صعيب يحرر عليها عيشتها كثر ماهي محررة.شاف خالد فيونس كان هو لي نطق:تاراهادا عهد الدري لي عتقها داك النهار.كلهم خرجو عينيهم من ديما كانو باغين يعرفوه ومتشوقين ليه من تعاويد خالد وتامن ملاك لي عاودات ليهم كيف عاملوها مزيان فداك الليلة ونهار ونطق طارق:ناري داك الصاط ناضي كون غاتناسبو معاه.نطق ايمن وهو كيقاد الجلسة:ولكن لاش جاي دابا ويمكن عارفها باقة صغيرة وباينة فيه واحد متقف زعما ماشي شي جاهل لي يجي يخطب بنت قاصر.خالد شافيه كيحك دقنو43♥
كيحك دقنو:لا منضنش يمكن غي بغا يجي يضمنها فاش تكبر.يونس وهو كيطل ليكونو جايين:اودي كيبان ليا يجي معاها كتبان فيه معقول غاهو كيخلع.بقاو داويين عليه.دازو ليام ورجع مرة تانية ولقا الرفض وتاني ماشافهاش دازو شهرين بالضبط عهد كان كل نهار كيشجعو البوص يمشي يجرب حظو مرة اخرى لي من بعدها عمرو غيرجع مشا لبس شوميز مغ باش تبان على حالتو ناوي المعقول حيت اخر مرة كان مشا قاليه فؤاد مجايب لا والديك لاوالو وجاي عندنا بحالا جاي تشري شورط.لهدا طلب من الاب ديالو يمشي معاه وميقول والو للعائلة تايشوفو شغيطرا مبغاش مو تفرح على والو اما محمد فكان غيطير بالفرحة وغيفضحو بزز باش تبتو مينطق بوالو لكن خبرو بلي باقة صغيرة وقاليه عهد بلي غي يطلبو يدها باش ميعطيها لتاواحد تاتكبر.خلاو تافات العصر وشدو الطريق وصلو دقو وحل هاد المرة طارق بابتسامة:خويا عهد لاباس.شاف فمحمد:سلام عمي بيخير عليك.تبسم ليه محمد وهو ينطق عهد:كاين السي فؤاد.طارق دغيا تحولو ملامحو لحزن وهو كيشوفو هاز الورد ولابس مقاد هاد المرة وللمرة الثالثة عارفو غيرجع بلا جواب تمنى لو كان بامكانو كان يعطيها ليه مغمض عيونو حيت لمس انه باغيها نيت حيت هو الوحيد لي لقا الرفض ومع دلك عاود رجع:اه كاين.تبسم ليه عهد بحالا فهمو فاش كيفكر:وغتخلينا واقفين فالباب.دغيا تبسم طارق وحيد ليهم من الباب دخلو وتوجهو للصالون جلسهم ومشا يغوت على باه لي جا جلس وهو كيشوف فيهم تنهد وجلس مقابل معاهم كانت الغالية فالحمام هي وملاك وللمرة الثالثة مغيوقفش الحظ معاه يشوفها ونطق فؤاد:باقي مفقدتي الامل.حنحن محمد وقاد الجلسة:ومغيفقدوش كنضن عارف لاش جينا.فؤاد شافيه:عندك بنتك ياك.محمد هز فيه عينيه:اه.
فؤاد:شحال فعمرها.
محمد:17.
فؤاد:تبغي تزوجها فداك العمر.محمد قلب عينيه عرفو شباغي يقول44♥
شباغي يقول وعرف بلي عهد عندو حق وان عقليتهم مخورة نيت:لا منبغيش ولكن لاكان شي واحد باغيها نعطيه كلمتي باش فاش تكون فالسن القانوني وعندها اختيار يكون هو الاول او هو نيت.فؤاد بدا كيشوف مع عهد:وفنضرك لاجا شي واحد بحال ولدك.عهد شافيه باستغراب ديما كيقولها ليه بحالا معرت شنو فيه ونطق محمد:علاش مالو عهد كيجاك ولدي ميستاهلهاش ولا شنو اولا عاطي لكلمة لشي حد اخر.عهد زير على يدو على اثر اخر كلمة قال باه ونطق فؤاد:نجيك لصراحة بنتي بغيت نعطيها لواحد عارف بينو وبين الله باش نكون هاني من جيهتها اجي بعدا فاش خدام.نطق محمد حيت بان ليه عهد حنا راسو بحال المصدوم:كيبريكولي مرة مرة.
فؤاد:كنضن انكم فحالة مادية لي متسمحش ليه انه يبريكولي اولا.
محمد:كيبغي يعتامد على راسو وعاد ماشي بريكولات تاع هنا كيف كضن كيمشي لكولومبيا ورا لقيتيه عاد جا منها هادي شي شهرين دابا.فؤاد كيشوفيه وكيشوف الوشام ومنين سمع كولومبيا بلاد الاجرام والعصابات والمافيات بدات كتجيه لبالو حاجة وحدة من حالتو انه شي مفيوزي:شنو كتخدم فكولومبيا.محمد جا ينطق وسبقو عهد:ناوي ندير شركة تصنيع الزمرد وتصديرو.محمد خرج فيه عينيه وفؤاد نطق:ايوة ملي باقي ناوي تاتخدم عاد اجي دق بابي وكيف قلت ليك بنتي بغيت ليها راجل يكون عارف بينو وبين الله.كان كيهضر وكيورك على كل حرف بحالا كيوصليه راني عقت بيك فاش خدام وانه عمرو غيقبل بيه هكاك.ناض عهد وتبعو باه:المهم نخليوك هاد الساعة.ناض معاهم فؤاد لباب وسدو من وراهم كان خالد عاد جاي من الخدمة كانو ديك ساع باقي مدارو الشركة ديالهم شافو وجا سلم عليهم وهو كيشوف فعهد لي باين فيه مصدوم:خويا عهد لباس عليك.هز فيه عينيه:فينهي ملاك مبانتش ليا مك فالدار خارجة معاها ياك؟.خالد باستغراب:اه مشاو لحمام رايكونو جايين دابا.عهد45♥
عهد:فينجا هاد الحمام.خالد تينعت ليه:رامن مور هاد الزنقة ولكن علاش كتسول.عهد تمشا للوطو وخلاه متحملش نضرات الجيران لي كانو تيوشوشو هاهو رجع تاني وكيضحكو هه تاني ردو هه معرت مالو مبغاش يحشم وميبقاش يرجع. خالد بقا متبعو تاحط محمد يديه على كتفو:الله يرضي عليك بلاما تقول لدار راسولك عليها.خالد حنا راسو:واش تاني ردو الواليد.محمد اكتافا يحرك راسو بمعنى اه ومشا ركب حداه وديمارا تقابل مع الحمام بعيد شوية تسناو غي شوية وتمو خارجين هي ومها من الحمام كانت هازة السطولة ومها الساك لابسة جليليبة كحلة واسعة ممبيناش طايتها وشد على راسها ووجها منور وحنيكاتها المطيبزين لي لطالما حمقوه محمد شافهم وتبسم:كبرات تباركالله.وضار شاف فولدو وسرعان ما اختفت تلك الابتسامة فاش شاف دمعة هوادة من عينو وهو حاضيها محمد تدعق وبقا ساكت تاغبرو وديمارا تاني ودموعو محبسوش تاوقف فالطريق لي كتكون خاوية مادية لفيلتهم حبس جنب وبدا كيمسح وجهو وكيضحك:هه شتيها تبدلت هه بحالا عاد البارح كانو محيدين ليها سنيناتها التحتانيين هههه بحالا عاد البارح هزيتها كتبكي من الضلمة ووقفنا هنا نيت باش نعرف عليها شي حاجة ونديها لدارهم قالو ليا تالصباح هنا حطت راسها على راسي وقالتليا نتا بطلي عتقتيني هههه.بدا كهضر وكيضحك حتا تفرغع بالبكا وكيغوت وتيضرب فصدرو:مقديتش نحيدها من بالي مقديتش غنموت لمشات من يدي غنموت.محمد شافو دخل فحالة هستيرية وضربو بونية تاسكت وجرو معنقو:غتكون ليك اولدي غي صبر تاتكبر بعدا باقا صغيرو وعاد راك سمعتي باها شقال.محمد كان كيواسيه وفنفس الوقت كيرسليه رسالة باش يتبدل حيت تاهو ماعاجبوش حالت ولدو لي سكايري وكل نهار بنت فشكل تامن كولومبيا ماتيحملوش يمشي ليها عارفو شنو كيدير تما حيد عهد من حضنو تيمسح وجهو وبغا يديماري وحبسو46♥
حبسو باه:نزل خليني نسوغ انا حالك ماعاجبنيش وانا باقي باغي نعيش.ضحك عهد بمرارة وهبط تبادلو وساغ وصلو لفيلا وهبط سابقو مهضر مع تاوحد نيشان لبيتو مع دخل مع صونا ليه التيلي تنهد فاش شاف المتصل وفتح الخط مع فتحو سمع صوتو بالاسبانية طبعا حيت البوص كولومبي واللغة الرسمية تاع كولومبيا هي الاسبانية:عطيني غي الادن وتكون عندك دابا.
عهد:لا مدير والو بغيت بالخاطر.
البوص:راك عارف ساهلة نجيبها ليك وديك ساع خلي داك باها يقلب عليها وميلقاهاش.عهد تلاح فالسرير متكي على ضهرو:ومن بعد شنو غنجيبها عندي ونقولها سلام لباس خطفك البوص ديالي حيت بقيت فيه وغتبقاي معايا.البوص هز كتافو بحالا كيشوفو:عادي ويقدر تشكرك غاع حيت هنيتيها من دارهم.
عهد:افف اشكتغول تانتا ومعرفتي تكرهني حيت بعدتها عليهم.تنهد البوص:اوك لي بغيتي ولكن عقل غياكلك الندم بحال نهار رديتيها ليهم بيديك وغتقول كون غي خطفتها.
عهد:مباغيش نخاطر بيها.
البوص:مباغيش تخاطر بيها وغادي تخطبها المافيا البرازيلية غيحرقو عائلتها فور ماتاخدها لهادا الخطف هو الحل الوحيد لي تقدر تحميها بيه من دارهم ومن اعداءك.عهد بدون تردد:بغيت نخرج.البوص بعدم فهم:وخرج لاش كتقولها ليا مالي غنحبسك.عهد عرفو مفهموش وعاودها:بغيت نخرج من المافيا ومبغيت تبقا رابطاني بيكم تاحاجة بغيت نرتاح.البوص بكا ساكت وعهد متوتر باغي يسمع جوابو تاتقطع الخط ديما كيديرها ليه وكقطع بلا تاكلمة لاح التيلي وناض جبد ديك المخدة تاني وعنقها ونعس اما البوص لي بقا تيضور فبيروه تالف مباغيش يخليه يخرج وفنفس الوقت باغيه يبعد ماباغيهش يحصل بحالو هو لي ضيع حياتو وتحرم من حب حياتو ومن انه يدير عائلة ديالو بقا تيفكر تالصباح ولقا حل واحد وفبالو انه يديرو.عهد مافاق تاليل هبط لقاهم فالصالون ومشا جلس حداهم وشمس47♥
كتشوفيه بحزن حيت عاودليها محمد لي جرا عاود غي ليها بحدها بقاو كيهضرو معاه عادي بحالا مواقع والو تاناض بحالو غادي خارج ونطق محمد:فين غادي ليل هادا.عهد شافيه:غنخرج نقصر شوية.
محمد:ماثراتش الهضرة تاع قبيلة يمكن.وناض غادي طالع بحالو:ضبر راسك متجيش نتا غاع لابغيتي بقا غي مقصر.عهد بقا متبعو وهضرو وهضرة فؤاد كتاكل فيه وخرج معصب شمس لاسامة مخلوعة:جري تبعو سير معاه.
اسامة:وفين عمري خرجت معاه ولا داني معاه.
شمس:تبعو ليرضي عليك.اسامة ناض كيتنفخ لقاه يالله غيديماري حل الباب بالزربة وركب معاه وعهد شافيه مخنزر:مالك تانتا.اسامة شافيه من ديما كيخاف منو:والوليدة غالت ليا نتبعك.عهد تنهد وهبط ردخ الباب ومشا دخل للجردة وتااسامة هبط شافو مشا للجردة وجلس وهو كمل طريقو دخل وشافت شمس:فين خليتيه مشا ياك قلت ليك سير معاه.
اسامة:راه فالجردة كيكمي.تنفسات شمس وناضت خرجات عندو لقاتو جالس فالارض وجلسات حداه هو شافها وطفا الكارو حطو حداه من الجيهة الوخرة.
شمس:باقي مابغيتي تحيد داك الحرام.
عهد:الله يعفو.شمس حطات يديها على راسو:مالك اولدي باينة مهموم عاود ليا ميمتك انا.عهد شافيها وتكا على ضهرو حاط راسو على فخضها وكيشوفيها:والو غي عيان.بدات كدوز يديها على شعرو:امم صافي غي العيا ونوض تنعس رتاح.
عهد:مفياش.
شمس:تانا مفياش نبقا معاك نتعاود انا وياك نيت.عهد ضحك:ههه بغيتي داك هتلر يجي يجري عليا حيت مغينعسش بلا بيك.
شمس:ههه لا يجي يجلس معانا تاهو ملي مغينعسش مغينعسش لاهوما نشدو الجماعة.تنهدات:هضر اولدي خوي قلبك عليا ماربما ترتاح.
عهد:فخبارك؟.حركات راسها بالايجاب وساط:افف عليك الواليد.ضرباتو بخفة لراسو:متنفخش راباك وعاد انا لي حكرت عليه فاش بنتي ليا ماشي هو هداك.بقا ساك وحول نضرو للسما:شنو بان ليك.شمس بتردد48♥
شمس بتردد:نجيك لصراحة؟
عهد:امم.
شمس:باها عندو الحق.عهد شافيه ديك الشوفة ديال من نيتك وكملات وهي حاطة يديها على خدو:اه اولدي وتانا مكرهتش تكون اثرات فيك هضرتو حيت بصح عندو الحق من غير انها صغيرة بغيتك تبدل.عهد بقا كيشوفيها وساكت تاهي سكتات وخشا وجهو فكرشها معنقها:تانا غنخليه بلا نعاس نعلمو يحرشك عليا.ضحكات وعنقاتو تاهي تابان ليها جاي كينفخ وماعاجبو حال ملي شافو معنقها وزادت ضحكتها:ههه هاهو جاي لينا.عهد طل عليه بنص عين وزاد تمخشش فيها تيفقصو تاوقف عليهم كيقباط الرواح:نوضي تنعسي ماناوياش.
عهد:اتاسير فيحالاتك مالها غترضعك.محمد شاف فشمس لي ولات حمرا وهبط جابدو من قرفادتو جارو وهو شاد مزير ماباغيش يطلق:نوض لوالديك بلاصتي هاديك ماشي غكترضعني كتعطيني تالحلوة.عهد تفرغع بالضحك وفشل تاطلق منها وقدر يجبدو عهد:هههه واااع واصافي هاني نايض ههه ملي القضية فيها الحلوة والشكلاط.نوضو باه ودفعو يدخل وشد شمس لي مخشية فحوايجها حشمها شدها من يدها ودخلو وكلا مشا لبيتو ونعس الا هو لي غي سد الباب طاح عليه الضيم ومشا تكا يحاول ينعس تاوصلو مساج من البوص:غدا جي فاسرع وقت لابغيتي رغبتك تحقق عهد يديه بداو كيترعدو ودوز رقمو مي لقاه طافي عرفو دارها بلعاني باش ميلقا ميدير ويمشي ديك ساعة ناض بدا كيجمع حوايجو شاف فلمخدة لي ملبس وضحك:غنخليك منديكش معايا غنرجع داغي متخافيش غنتوحشك بزاف.باس المخدة ومشا خرج خلا ميساج لباه وخرج فداك الليل باش يلاه يوصل كيوصل لقا الكارد كيتسناوه ركب معاهم ومشاو للمنطقة لي كيكون فيها البوص دخل لقاه تيتسناه فالبيرو تقدم عندو ونطق:هانا جيت.البوص شافيه:متاكد باغي تخرج واخا عارف غتخرج ميت حيت تالالى خلاتك مافيتنا واعضاءها وانا عارف انهم غيخليوك ولكن المافيا البرازيلية غتجيهم ساهل يستهدفوك49♥
عهد بعصبية:نتا قلتي ليا لابغيتي تخرج جي ماشي باش تغوليا خاصني نخرج مكفن هاد الهضرة عارفها.البوص وقف وتقابل معاه:غدا كينة عملية معاهم كمحاولة صلح.عهد بعدم فهم:واش معاهم هوما ميمكنش هادوك مكييعرفوش يتفاهمو وعاد انا معرفتش سباب هاد العداوة لي بيناتكم لي عارف بكري كنتو متحالفين.البوص ضار لجيهت البيرو وهز صورة شادها وبدا كيهضر وهو كيتفكر:كانت امنيتها تولي طبيبة وتجول العالم.عهد طلع فيه راسو مفاهمش وهو باقي كيشوف فديك الصورة لي بين يدو ومكمل على كلامو:كنا متشردين والزنقة ماوانا كنت بغيتها تحقق حلمها ونشوفها ناجحة واخا غير من بعيد بديت بالتجارة مع البزناسة لي كانو فحومتنا وكنروج ليهم المخدرات ومن تما داوني لزعيمهم بسبب خدمتي المتقونة ومكندويش وعمري وشيت بيهم خدمني معاه تاقاليا البوص ديالهم بغا يشوفني وفعلا داوني ليه خدمني معاه وبديت كنمشي معاه للمهمات لي كانو كيبيعو الحشيش ولا السلاح والاعضاء والبنات كان عاجبني الحال حيت جمعت فلوس بزاف وقدرت نصيفتها لاكبر جامعة ديال الطب فامريكا مكنتش خايف عليها منهم حيت قلت مغيعرفوهاش هي لي عندي.وضار شاف فعهد وعيونو مغرغرة وعهد كيشوفيه مفاهم والو ومصدوم من عيونو الدامعة:تالداك النهار لي كنا غنهربو طن ديال الكوكايين للبرازيل مشينا لميناء كيف العادة لقيناهم تما تسالمو الرؤساء ديالنا وكيضحكو عادي كيف ديما كنتسناوه يجيب لينا الفلوس حتى صدمنا انه جايب مجموعة كبيرة من البنات لي غيجيبو لينا الضعف ديال الثمن باش كنا متافقين قبل البوص ديالي جابوهم حتا كنتصدم بيها معاهم كانت كتبكي وطلبهم كيف البنات لوخرين مصبرتش وهزيت سلاحي وجهتو ليهم باش يطلقوها لكن مبغاوش هضرت مع البوص ديالي تفهمني ولكن ياريتني متسرعتش وهزيت سلاحي تما انا لي خلقت العداوة خوسي البوص ديال50♥
ديال المافيا البرازيلية مبغاش بحكم انه مرضاش حيت هزيت عليه السلاح الحاجة لي عمرشي واحد تجرأودارها طلبتهم لكن مبغاوش البوص قبل بالبنات لوخرين ومبغاش يطلقها هي بقات عندو رجعنا وخبرني بلي غيحاول يجيبها ليا حتا كيوصلني فيديو.غمض عينيه مزيرهم وطاحت دمعة:كانو كيغتاصبوها وهي كتبكي حسيت براسي مشلول فديك اللحضة مصبرتش وبغيت نمشي ليهم لكن حبسني البوص مبغاش يخسرني وبالتالي ميخسرش شراكة مافيا بحالهم صبرت حتا للغد ليه وجابوها للغد عرفتي فاش جابوها فكارطونة عريانة هكاك ودم عدريتها باقي بين فخاضها كانت سخفانة حمدت الله غير انها عايشة ومقتلوهاش كانت معاها رسالة مكتوب فيها:قرصت ادن لكل واحد تجرأ عليا.الرسالة مكانتش غي ليا بل حتا البوص ديالي مرضاش غطيتها ودخلتها عوموها الخدامات وجابو طبيبة ليها بقات سيمانة وبدات كتسترد حيويتها لكن نفسيتها كانت مدمرة عييت نواسيها وكن كنشكر الله غير انها باقة كتنفس وقدامي حتالواحد النهار.تخصر صوتو بسبب حابس البكية:دخلت كيف عادتي حتا كنلقاها دابحة راسها وكاتبة ليا فورقة نسمحليها وبلي متحملاتش تشوف شفقتي عليها وبلي كنت عزيز عليها.جلس فوق الكرسي وكيشوف فصورتها ودموعو طايحة:من تما بدات العداوة بيناتنا خصوصا فاش قتلو البوص غدروه ووليت فبلاصتو بحكم كنت يدو الايمن وقريب ليه ومعندوش لي يخلفو.مد ليه صورتها وعهد مد يدو شدها باقي مصدوم طول الوقت بقا ساكت وكيسمع ليه شاف فالصورة وحل عينيه على وسعهم كانت بنيتة تكون فالعشرينات معنقة جايمس يالي ديك الساع كان باقي شاب ومبتاسمة الشي لي خلا عهد يخرج عينيه هو حنيكاتها المطبزين الحمرين وعيونها الرمادية ووجها الطفولي كانت نسخة لصغيرتو ملاك غي هادي سمرة وشعرها مزعراه.البوص شافو هكاك وضحك تيمسح وجهو:هه كتشبه ليها ياك.عهد شافيه ورجع

Leave a comment