Skip links

قصة : الملتزم السادي ج 25

 46,338 عدد مشاهداات

♥526ج
تغبن:مكنحملش بحال هاد الضحك.حيد ليها يديها:وشنو راه كتحمقيني كنبغي هي نبقا نشوفيك.
مﻻك:ﻻ متشوفش فيا بديك الطريقة مكتشوفش عادي.
عهد:ههه ﻻش مالي كيكنشوف.
مﻻك:بحال هكاك كتبقا دبل فعينيك.وكتعيبو بعينيها وبقا كيضحك:دابا انا كندير هاكاك.
مﻻك:هه اه مشتيش راسك فاش كتكون جاهل أ أ.بدات كتمتم ودنيها وحناكها ايطرطقو بالحمورية وهو غيتسطا بالضحك:اياه وريني ههه كيكندير فاش كنكون جاهل اجي بعدا ايمتا كنكون جاهل انا.
مﻻك:بعد مني.
عهد:مﻻك النور بﻻما تعصبيني رمكنحملش فاش كتقولي ليا نبعد منك.
مﻻك:راماشي بصح كنقصد تبعد مني.هبطها حطها فالكرسي وناض مشا لتيلي عاقد حجبانو وبقات كتريمش:عهد رمكنقصدش تبعد بصح راغي كتخرج عي هكاك.
عهد:صافي شوفي شنو ديري تايجي باش تعشاي.تم غادي لباب وناضت كتجري شداتو ضوراتو عندها:عهد مالك.
عهد:مﻻك النور راطلعت ليا حيت عييت من هادشي ديالك مالي فينما نقرب ليك كديري هاد الحالة.
مﻻك بخجل:ولكن انا خليتك مالك.
عهد:انك مخلياني مكيعنيش انك باغاني.
حنات راسها:ﻻ باغاك.
عهد:شوفي فيا وقوليها.
مﻻك:انحشم عفاك مديرش ليا هاكا.
عهد:هانا هابط فاش يوصل لعشا انطلعو.
شداتو بحنان:عهودي عفاك والله مكنعرف لهادشي.باست ليه يدو:صبر وعلمني.شدات ليه وجهو باش يشوفيها وتعﻻت على قرون صباع رجيﻻتها وباستو بشوية:كيف علمتيني هادي وبزاف لحاجات.
عهد:ومالكي كتحشمي بزاف.
مﻻك:نتا لي كتحشمني.
عهد:وشغندير اﻻلة باش متحشميش مني.
مﻻك:بقا تسد دوك العينين عندك.
عهد:ﻻ صافي هادشي لي بقا صافي نضيع فالقيسان ونضيع تافشوف راقالك لي مشرا يتنزه وانتي محرما الشرا وتحرمي حتا التنزاه ﻻ بزاف مبقاش جواج هادا.وضار غادي وشداتو:عهد عفاك مديرش ليا هاكا.
عهد:شنو درت والو بغيت ندير لي قلتي ليا كنحس بيك بحاﻻ محامﻻنيش.
مﻻك:معرفتش مالك.♥527ج
عهد:ﻻ عارفة مالي.
مﻻك:ياك عاد كنا مزيان.
عهد:تاقلتي بعد مني.
مﻻك:راقلتليك مقسدتهاش بصح تبعد مني.
عهد:وﻻش كتقوليها.
تبسمات كتلعبليه فيدو:اخر مرة نقولها.
عهد:اخر مرة.
مﻻك:اه اه.
عهد:والله وباقة تقوليها منبقا نهضر معاك.
مﻻك:واصافي متعيقش.ضحك ليها وباسها فحنكها وضار غيخرج تاني وشداتو:اويلي فين غادي.
هز حاجبو بمكر:ﻻش مباغانيش نمشي.
بخجل:ﻻش فين اتمشي.عهد كيحك شعرو باغيها تقوليه بقا نكملو:احم معرت المهم انهبط.
مﻻك:وتخليني.
عهد:ويالله هبطي معاية لبغيتي.
مﻻك:ﻻ عاجبني هنا بغيت نبقاو هنا.
عهد:يالله نهبطو للجردة ياك كيعجبك تشوفي السما.مشات دخﻻت حدا السرير وكتشوف للسقف:اجي حل هادا.
عهد:هه شنوهو.
مﻻك:السقف نعسو هنا ونشوفو.
عهد:ﻻ ﻻ بﻻش ﻻكنا انبقاو غي نشوفو.
مﻻك:هاء ومالك شباغي دير.
عهد:باغي ن*وي.
مﻻك:متخصرش الهضرة.
عهد:هههه ﻻش.
مﻻك:ههه كﻻم الفاحشة.
عهد:ﻻاااه والنبي ياشيخة.مجات فين تهضر تاصونا ليه التيلي مشا شاف كتبان ليه نمرة لبوص بلع ريقو معرف كيهضر معاه وديك الجنية لي عندو كتعرف لسبليونية شافيها:هانا انجاوب داغي ونجي.
مﻻك:وعﻻش مالك بقا هنا.
عهد:ﻻ مبغيتكش تسمعي.
هزت فيه حاجبها:شي وحدة.
ضحك:غاعلى هاد الغيرة والله تانجاوب حداك.جاوب ودار التيلي فودنو ومﻻك كتسنا اش ايقول حتا بدا كيدوي بالسبليونية وعﻻمة الغضب فوجهو:كيفاش ايمتا.
انتوني وصوتو مخلوع:عادابا شوي معرفتش كيدارو عرفو بﻻصتنا مكناش دايرين حراسة باش منثيروش الشبهات حتا دخلو علينا داو لبوص.
عهد شد فراسو:ولكن داوه غاهو.
انتوني:اه وقاليا واحد منهم ان ماثيو ايلقاك تانتا ويتبعك ليه.
عهد:فينك نتا دابا.
انتوني:انا فالدار لي كنا فيها ديك النهار.
عهد:شنو واش نجي عندك نتا غي بحدك.ماثيو بقا ساكت غي صوت ريقو كيتبلع عهد سمع بحال الزناد عاد نطق♥528ج عاد نطق انتوني وصوتو فيه الرجفة:اه اه جي داغي. عهد شك فشي حاجة:التفاحة شحال فيها من دودة. انتوني ضور عينو بالخف ونطق:معفنة بزاف.تقطع الخط وانتوني طاح من اثر الضربة:حقير شنو كنتي كتقوليه.انتوني شاف فالبوص:سولني على واحد التفاحة.جايمس تبسم بخفاء زعما باقي عاقل ﻻخر مشا تقابل مع لبوص:ﻻش كضحك. دفل عليه:مغتفلتوش منها.ضربو بقوة تاطاح حدا انتوني اصﻻ مربوطين ومدقدقينهم عصا معندهم فين يزيدو يطاكيو على روسهم ﻻخر مشا جبد التيلي وصونا لماثيو خبرو بلي غيجي ويجيبوهم كلهم ليه بينما جايمس شاف فانتوني:واش ماكد سولك داك السؤال. انتوني:اه عنداك غير يجي بوحدو. جايمس:ﻻ ميغامرش رامخلي ليه الرجال ضروري ميعيط ليهم.حرك ليه راسو بالايجاب وجا واحد من هادوك لي واقفين ضربهم برجلو:سكتونا.سكتو مغيدين وكيشوفو فيهم هوما شي عشرة وزيد لي برا مخبين باش فاش يجي عهد يشدوه هو لي غي تقطع الخط ضار كيشوف فمﻻك لي مخلوعة من داكشي لي سمعت:شنو واقع واش شي حاجة طارية شكون هادا. عهد:شوفي انقولك واحد جوج كلمات هادشي خليك بعيدة عليه.بقات غي كتشوفيه مشا بالزربة جبد سيرفيط وكيهضر فالتيلي مع دوك الرجال لي مخلي ليه برا خبرهم بشنو طرا ولوخرين دك الساع عيطو لرجال لي مكلفين بعائﻻت عهد ومﻻك جاو وخﻻو تما شي وحدين للحماية عهد كمل لبس ومشا لسرير خشا يدو وتجبدت بحال المسطرة فيها بزاف ليبوتون برك على شي وحدين وتسد البالكون بحيط من اسمك انواع الحديد وكدلك السقف لي كيتحل تزادت فوقو طبقة ومﻻك تخلعات:عهد شنو كدير. شافيها:مﻻك النور حبيبتي الى تعطلت كثر من يومين خرجي من هنا ومتيقي فتاحد من هنا من غير المراة لي اتبقا معاك ملي اتخرجي من هنا وكناكد عليك احياتي متخرجيش ولو شنوما طرا من غير المدة لي قلتليك. مﻻك بخوف:ﻻش فين اتمشي. عهد:متسولينيش♥529ج عهد متسولينيش عفاك براكة عليا غي هادشي المهم رالكوزينة فيها كلشي دواك احياتي متنسايهش التيلي ديالك ديما مشارجي فهاد المدة واخة.حركات راسها بزز شدتها الدوخة بالخلعة شدها داها لباب حل جيهة من الكادر مكتبانش غاع راه كتحل ومﻻك غي كتريمش فيه اش هادشي هو دخل بصمتو وشد ليها يدها دخل بصمتها وشافيها:هادا غنسدو من برا ومتحليهش حيت رميمكنش يحلو شي حد من غيرنا. مﻻك شدتها البكية:عﻻش كدير هادشي ﻻش اتسد عليا شنو واقع اعهد.شد وجها بين يدو:متخافيش انا غنرجع انشاءلله غدا وﻻ ليوم غاع تفيق الصباح متعرفيني امتا دخلت عليك. مﻻك:حلف. عهد:افف امﻻك النور. بدات تبكي:ماشي سوقي حلف ليا.طلقها ومشا لسرير وهي شدت على فمها كتبكي:اهئ ﻻ حلف تاتجي.بقا ساكت مكيجوبهاش هبط لسرير لتحت خشا يدو كيقلب تالقا مسدسو بقا مضرقو عليها لتزيد تخاف خشا فالسروال وخشا العمارات فجيابو هز التيلي تاهو ومشا خارج وضار عندها حبسها حيت كانت تابعاه بدا كيمسح دموعها وقرب باس جبينها:ششش متخافيش غنرجع غي خوي راسك. مﻻك:اهئ ﻻ عفاك بقا معاية عﻻش غادي اهئ خلي تالصباح متمشيش دابا. عهد:ﻻممشيتش دابا تقدري تخسريني ديما.سكتات كترمش مصدومة:عهد شنو كتقول ﻻش هاد الهضرة شنو واقع.قرب قبلها بحب وبقوة وبعد كيشوف فيها معارفش واش ايرجع ولكن خاصو يمشي باش يسالي هادشي ويعيش هاني مد يدو وهو كيشوفيها برك بصبعو وبدا كيتسد باب حديدي اخر من غير هاداك تاع الخشب لي كان اخر حاجة شافت وقال هي كنبغيك وهو مبتاسم ليها مﻻك غي مبقاش يبان ليها شدات فراسها وصوتها غادي وكيجهاد:عهد عههد عااااهد عااااهد.وبدات كضرب فداك الباب الصدمة خﻻتها تنسا امر البصمة لي دار ليها ربي عماها باش متبعوش عهد حط راسو على الباب كيتسمع صوتها غي شوية حيت عازل للصوت عرفها كتغوت حر جهدها ملي صوت♥530ج ملي صوت ديالها كيوصلو تنهد بحرقة وكيدعي فخاطرو يرجع كيف قاليها ومطرا ليها تاحاجة فغيابو هو عارف الى مشا نسبة كبيرة انه غيفشل فانه يرجع ليها مكرهش ميمشيش ولكن خاصو قال ﻻهوما يفاريها دابا وﻻ يبقا حياتو كاملة عايشها خوف تم هابط وجبد فرديه قاد العمارة فيه وردو خباه مع ايخرج لقا ديك المرا يالله ادق كانت هي وراجلها باينة فيهم خايفين وشافيهم:مالكم صفرين. الراجل:الجردة عامرة بشي رجال واش معاك.عهد خرج طل بانو ليه ديال ديك النهار وشي وحدين اخرين كانو بزاف هوما واقفين كيتسناوه وضار لعندهم:اه معاية خالتي عفاك غي دي داك الطاجين ورجعي بقاي فالدار مع مرتي تانرجع. المراة:اه اولدي هي لولة فينها مرتك. عهد:راهي لفوق بﻻما طلعي عندها تاتهبط هيا. الراجل:واش مسافر اولدي. عهد:عندي شي شغل نقد نتعطل الى فت ثلثيام اخالتي ومﻻك النور مخرجاتش عيطي لجبران ياك عرفتيه. المراة كتفكر:اييه لي وراني كيندير لمشاش. عهد:اه هداك المهم انا غنوصيه وعفاك مرتي فاش تهبط ديوها لدارنا وﻻ دار باها.حركات راسها بالايجاب وعهد مشا عند الرجال وخرجو ركبو فالطوموبيﻻت وعهد صونا لجبران قاليه شنو كين ووصاه على مﻻك مدة ديال الطريق غادين كيخلعو اوطو ورا اوطو وكحلين زاج فيمي وغادين طايرين واحد من هادوك جبد صدرية ضد الرصاص ومدها لعهد:للحماية اسيدي باينة انتشابكو معاهم. عهد شدها لبسها:رامجمع سكني هاداك راكاينين الناس عاديين فديك العمارة مبغيت تاحد يتادا. الغارد:جايمس كاري العمارة كاملة غي على حساب بحال هاد المواقف. عهد:اه اوك ولكن راه السكان فديك المنطقة مبغيتكمش تشابكو معاهم الا فالضرورة. الغارد حنا راسو:اوامرك اسيدي.قربو يوصلو والتيلي ديال عهد صونا كانت نمرة جايمس نيت وجاوب:وي انتوني. انتوني حاضي من ﻻخر حيت حاط ليه الفردي فوق♥531ج فوق راسو وطالقين هوت باغلوغ باش يسمعوه شنو تيقوليه:فينك واش مغتجيش. عهد:ﻻ مغنجيش. انتوني بصدمة وشداتو لبكية وتلخرين تصدمو حيت كانو ماكدين غيجي:عﻻش ياك. قاطعو عهد:ماشي سوقي فيكم انا خرجت شحال هادي منكم. انتوني بهلع:ﻻ عفاك اجي نتا املنا راهم شادينا فالبرطمة غي فخ.مجا فين يكمل كﻻمو تاضربو ﻻخر بالفردي لعنغرتو غيب وقطع الخط بالزربة:تفو مغيجيش.مجا فين يضور تاتحل لباب بالجهد كلشي بقا كيرمش مصدوم من الهجوم لي دارو ليهم على غفلة ومكانوش متوقعينو عهد كيضرب غي لتحت مباغي يقتل تاواحدهاداك الكبير فيهم تخبا تحت طابلة بالزربة مخليهم مﻻهيين كيدابزو مع رجالو وعيط لرجال لخرين طلعو عهد ورجالو معرفوهم منين تزادو غلبوهم وعهد خوات ليه العمارة مجا فين يعمر تالقا فردي عند راسو:حركة اخرى دماغك يتشتت.غمض عينيه كيلعن حضو كانو غادين مزيان كون متزادو عليهم ناض هاداك الكبير ديالهم وجا تقابل معاه كيضحك:اليوم فرحتي مكتصورش انني اخيرا لقيتكم ﻻ وضربت عصفورين بحجر واحد.مشا عند جايمس لي كان طايح فالارض:ودابا باقي مباغي تقوليا بﻻصت باك. جايمس:ماشي الاب ديالي هاداك وزيدون معارفوش فيناهو.جا واحد من رجالو تيجري جايب ليه التيلي ديالو وجاوب:نعم سيدي اه شديناهم بجوج اه اسيدي قالك معارفش بﻻصتو عيينا معاه اوك غنشدو دابا الطريق لعندك.قطع معاه ومشا جر جايمس وقفو مقادش يتحرك:بان ليا توحشتي موطنك الاصلي البرازيل.عهد غي كيرمش حيت هضر بالبرتغالية وقريبة شوية لاسبانية فهم غالبرازيل وانهم باينة ايمشيو ليها وقلبو بدا كيضرب فين ايديوه وايخلي مﻻك وتاحد معارف شي حاجة من غير جبران لي مفيدو تاحيلة اﻻ ادا مشا لدارو وتﻻقا برجال لبوص شدوهم وتمو مهبطينهم خرجوهم من العمارة وحاضيين ليكون شي حد ومع ليل كلشي ناعس تامن لفرادا كانو دايري♥532ج كانو ديرين ليهم كاتم الصوت عهد شادينو وحاطين سﻻح على راسو اصﻻ معندوش الجهد فين يفكر كيهرب منهم عقلو حابس غي فخﻻ مﻻك بوحدها عاد بدات تسرا معاه راه مريضة وتقد تطرا ليها شي حاجة النيت بداك البكا والغوات ندم على تسرعو كون غي بقا حتا همس ليه جيمس زاد كمل عليه:ﻻش جيتي ﻻش ضنيتك عرفتيه فخ ومغتجيش. عهد:راعرفتو مكنتش نسحابهم كثار هاكا. جايمس:افف اصحبي دعي ربك غي نتفكو. عهد:مرتي غتبقا بوحدها. جايمس:غترجع ليها متخافش.قاطعوهم فاش خشاوهم بالزربة فليزوطو فارقوهم وانتوني مسكين باقي مغيب تاهو داوه تامن الرجال لي مضروبين هزوهم عهد ضوروه داروه الوسط ملقا كيدير حس براسو ضعيف فهاد اللحظة تاﻻحاول ياخد لشي حد لفردي يقتلوه فالبﻻصة قرر ميتسرعش مربما تطرا شي حاجة غمض عينيه مزير عليهم كيدعي فخاطرو يرجع لمحبوبتو لي فهاد اللحظة جالسة فالارض على الباب كتبكي وشادة فراسها لي عاطيها لحريق:عااهد اهئ اهئ.متحمﻻتش الالم وناضت بشوية مشات لدوا هزت مسكن لي عطاها الطبيب فبحال هاد الحاﻻت شرباتو ومشات لسرير وبدات كتمسح دموعها:غيرجع غيرجع افف ياربي اش هدشي.شدت فقلبها لي تزير عليها وناضت كتستغفر الله ومشات توضات ودموعها محبسوش حاسة بشي حاجة خايبة اطرا وانه مغيرجعش كيف قال خرجات لبسات باش تصلي يخف عليها الهم وكدعي ان دكشي لي فبالها واحساسها يكون خاطئ كمﻻت ومشات لسرير تكمشات كتديها عينيها حيت الدوا كينعس ومباغاش تنعس حالة عينيها فالباب كتسناه يدخل على غفلة كيف قال محساتش تاداتها عينيها اما عهد فهاد الاثناء كانو طلعوهم فالباخرة غيشدو الطريق من تما باش يمشيو لاسبانيا من تما عاد ايشدو طيارة للبرازيل وعهد محاملش راسو كل مابعدو قلبو كيتزير عليه وكتشدو لبكية دازت مدة وجا الصباح كانو وصلو للاراضي لبرازيلية هبطوهم غي جايمس♥533ج غي جايمس وعهد باش يديوهم لماثيو اما الرجال لخرين غيديوهم يشدوهم تايشوفو اش يديرو معاهم ركبوهم فطوموبيﻻت وشدو الطريق وهاداك الكبير فرجال ماثيو غادي فرحان حيت باينة ايتهﻻ فيه مدة تاع الطريق ووصلو هبطوهم مجرجرين دخلوهم هبطوهم لبﻻصة بحال القبو وربطوهم خﻻوهم تما ونطق عهد:ﻻش دابا شادنا هادا. جايمس:قالك غينتقم لباه. عهد:افف. جايمس:مالك.عهد هز راسو لفوق مغمض عينيه ودموع سالو:مرتي سديت عليها فبﻻصة مامنة بزاف لدرجة لمدارتش بصمتها متحلش ديك لبﻻصة. جايمس:مزيان نيت تاﻻفكرو هاد ليام يمشيو ليها ميلقاو كيدخلو ليها. عهد:ندمت ندمت ﻻش سديت عليها. جايمس:ﻻش مالك. عهد:مريضة عندها ورم فالراس اتطرا ليها شي حاجة قلبي ضارني عليها انموت لطرات ليها شي حاجة انمووووت.جايمس جا يهضر وهو يتحل لباب ودخل ماثيو كيتعنغر:اووه شوف شكون عندنا. جايمس:بﻻما تفرح بزاف. ماثيو:ههه بحاﻻ عندكم لي يعتقكم. جايمس:نفضل منخلعكش منهم. ماثيو:هههه ميخلعونيش واخا شكون مابغاو يكونو.بدا كيشوف فعهد باستهزاء:واملي ظل جهنم عندي هنا وشديتو ﻻش انخاف من لخرين مادام قديت نشدو فالقبضة ديالي ههه وكيبكي. عهد هز حاجبو بغرور:من بعد انبكيك ولكن مضنش كنبكي حيت شديتيني. ماثيو:همم اوك اصﻻ غي غنجمعكم انصفيها ليكم مغتلقاش الوقت فين تبكيني.ضار عند جايمس:دابا نتا باقي مباغي تقول فيناهو باك. جايمس:واخة نكون عارف بﻻصتو هادشي طبعا ﻻكان باقي حي عمري منقولك بﻻصتو. ماثيو:اه مسكين زعما يكون مات بحال ماماك ايزابيﻻ.جايمس عينيه تحلو فور متفكر الام ديالو لي شحال هادي وهو دافنها فقلبو:اوبس شنو فكرتك فيها تؤتؤ مسكينة ماتت محروقة هرباتكم نتا وختك وبقات هي باااح تامن عضامها مبقاوش هههه. جايمس بغضب:كلب اصﻻ كلشي بسباب باك تسحابني معارفش. ماثيو:همم نقولك واحد الخبر♥534ج جايمس:اخبارك معندي مندير بيها. ماثيو:ولكن غيفرحك. جايمس:فهاد اللحظات بالدات نتا لي خصك تقلب على اخبار يفرحوك.ماثيو شدو من شعرو بقوة ناتفو ومهبط ليه راسو لتحت:عقل على هاد الهضرة مزيان اسيهم جايمس انا ماشي هو با لي قديتو ديروها بيه ويطيح مسجون خاصك تعرف بلي انا اخطر منو. قاطعو عهد:وبجوجكم ولو تجمعو عمركم تخرجو من ضل جهنم. ماثيو شافيه مصغر عينيه:نعتابرو تهديد. عهد بحدة وعيون حاقدة:اعتابرو وعد بلي داك الظل رجع يغطيكم حيت بانليا تماديتو بزاف. ماثيو ناض:ههه احنا انشوفو اش ادير هه طبعا هادشي الى قدرتي تخرج من هنا قبل منقتلكم. نطق جايمس:غيجيوك ضياف عن قريب غي وجد ليهم الضيافة. ماثيو:راقلتليك مغيخلعونيش وهوما لي خاصهم يوجدو راسهم.وخرج ساخط قدرو يستفزوه كثر ومشا كيغوت على رجالو:دابا تحضرو ليا داك الكلب تاع باه فينما كان.حناو راسهم وخرجو اما هو مشا عند ايزابيﻻ:عرفتي ليوم شكون جبت واخيرا ولدك طاح بين يدي.ايزابيﻻ بدات كتبكي:ﻻ متبكيش خلي هاد الدميعات باقي الحال عليهم عارفك باغة تشوفيه ولكن منخليكش تشوفيه عرفتي عﻻش.ايزابيﻻ غي كتبكي:ههه حيت بغيت نجيب ليك تاحبيب القلب ياك خاصك تشكريني انا ضريف انجمعك بيهم ونخليهم كيتعدبو قدامك ونتي مقادة ديري والو ومن بعد نقتلهم واحد واحد وديك الساع انكون نفدت انتقامي للاب ديالي وفاش انخرجو انخليك ليه هو يشوف شنو يدير معاك.خرج خﻻها غتسطا بالبكا بمجرد مكتفكر ان ولدها لي سنين مشافتو من نهار كانت عندو سبع سنوات(فﻻش باك)جايمس:مامااااا يالله معانا ﻻاااا منمشيش بﻻ بيك.ايزابيﻻ كلها عرقانة وكتربط ليه اينجل لي كانت عندها ديك الساع اربع سنوات ربطاتها معاه باحكام بالزربة:هبطو داغي هانا انتبعكم. جايمس:كتكدبي معندكش منين تخرجي. ايزابيﻻ باستهم كتبكي وكتزرب كانت العاف♥535ج كانت العافية وصﻻت لفوق ولبيت سخون وكدخل من لحيوط والباب:ﻻ انتبعكم بقا شاد ختك مطيحش ليك وهربو لهيه بعدو من لعافية اتحرقو.عاودت باستهم وكتبكي خايفة بانو ليها الناس مساكن باغين يطفيو العافية ووالو مكيجيو فين يزيدو يعمرو لما تاكاتكون شعﻻت تاني كثر ايزابيﻻ غوتات عليهم يشدو وﻻدها وتمات مهبطاهم بشوية بداك ليزار وخايفة لتشد فيه لعافية ويطيحو وجايمس كيغوت كيبكي عليها وتاينجل كتبكي عليها ومتشبتة بخوها شدوهم الناس وايزابﻻ بدات كضور تقلب على باش تهرب تاهي حتا تحل الباب وبانو ليها رجال تسحابهم من الساكنة ايعتقوها حتا ضربها واحد منهم لراسها داخت وهزوها خرجو من الجيهة الاخرى لي مفيهاش الناس خرجو على الغابة تما كانت اوطو كتسناهم دخلوها ليها وهي باقة ديخة شادة فراسها شافتهم دخلوها لاوطو وضارت كتشوف شكون حتا خرجت عينيها:نتا. خوسي شدها من شعرها:اه انا.سرفها تاضارت وشدليها راسها تاني ومد ليها بحال التيليكوموند فيه بوتون وحدة:بزر واحد وميبقا ليك تا اثر بالنسبة ليهم. ايزابيﻻ:شنو باغي عندي اهئ عفاك وﻻدي صغار. خوسي:ماشي سوقي نتي لي جنيتي على راسك نتي وداك راجلك. ايزابيﻻ:اهئ عفاك مضلمهمش. خوسي:نتوما بسبابكم ايتضلمو.برك على الزر وكيبان ليها بيتها انفاجر والناس هربو كيغوتو دموعها حبسو كتشوف فمنزلها لي اواها وعطاها عائلة كيتحرق بل مبقا فيه والو اصبح رماد يتناثر في الهواء بحاﻻ عمرو كان قلبها ضرب خافت يكونو وﻻدها تقاسو وﻻدها لي كانو فهاد الاثناء كيغوتو على مهم بالرغم من صغر سنهم الى ان داك الانفجار خﻻهم يستوعبو ان مهم كانت لداخل وكلشي وﻻ كحل كيفاش بغاو انسان يبقى فداك الحريق والانفجار خوسي ديمارا وشافيها:وباقي انجيب داك الرجل المغوار ديالك فيناهو دابا هممم ﻻش مجاش يعتقكم.ايزابيﻻ غي مصدومة ومن تما♥536ج ومن تما وهو شادها عندو بغا حتا يلقا داك لي كان سبب فشداتو الاولة فالسجن ولي بسبابها خسر بزاف من سمعتو من داك الوقت لدابا كتعدب.(نهاية لفﻻش باك)حﻻت عينيها كتنفس بالزربة فور متفكرات بنتها لي تعداو عليها قدام عينيها وبسباب داك الحادث تشﻻت وقالو ليها بلي ردوها لخوها لدابا معارفاش ان بنتها ميتة بقات غي كتبكي.نخليوهم ونرجعو عند مﻻك لي فاقت قافزة كتقلب عليه وكتغوت عليه ناضت شعﻻت الضواو حيت كانت مشعلة غي لفايوز مع مسدود كلشي غي الضلمة بدات كتبكي تاني وتفكرات التيليفون ومشات كتجري بدات كتصوني ليه والو طافي عيات تصوني بغات تمشي تحل لباب وهي تحبس فاش تفكراتو شنو قال ورجعت:اه ايرجع انبقا باش فاش يجي يلقاني درت بهضرتو.مشات جلسات:اه اه ايرجع باش منقلقوش ايرجع ايرجع.بقات جالسة تما وكل مرة كتنوض دير التيلي فﻻشارج واخا عامر خافت يصوني يلقاه طافي وكتنوض كتاكل بزز باش تشرب الدوا كيف قاليها واخا دازت يومين كيف قاليها ومخرجاتش حتا جا جبران لدار لقا ديك المرا تاهي عاد جاية كانت كتجي كل نهار باش تشوفها واش اتهبط شافتو ومشات عندو بالزربة:جابك الله اوليدي. جبران:مرت السي عهد واش هبطت. المرا:ﻻ اوليدي راني خفت عليها حيت فين كينة مكنسمع والو خفت غالاتكون سخفانة وتالباب هاداك معرفتو مالو مفيه باش نحل غاع.دخلو وطلعو لديك الطبقة جبران عارفو دير ديك الطبقة مامنة عرفو ايكون سد عليها بقا كيشوف وكيقلب ملقاش غاع شي حاجة وبدا كيضرب بالجهد حيت عارف هاد النوع تاع البيبان كيكون عازل للصوت مﻻك سمعت الدقان وناضت بالزربة كانت عاد صﻻت باقة بعبايتها كانت ادير بصمتها وتفكرت بلي تاهو يقد يحل يعني كون كان هو غاعما يدق هاكا بلعات ريقها وتراجعات خايفة حتا سمعاتو كيغوت:مدام مﻻك انا جبران. مﻻك غوتت:فيناهو عهد. جبران معرف♥537ج معرف ميقول:معرفتش راه وصاني نجي نديك للدار ﻻتعطل.مشات بالزربة لوات شالها وحﻻت لباب بانت ليها المراة وجبران وشافت فالمرة:فيناهو عهد شنو قاليك فين مشا. المرا:والله معت ابنتي وصاني عليك وصافي وهاهو جا يديك هادشي لي عارفة. جبران:عفاك راه موصيني نديك لداركم وﻻ دارو. مﻻك رجعات:ﻻ انبقا تايجي. جبران:عفاك امدام راه الى جا ولقاني مديتكش من هنا ايغوت عليا عفاك.مﻻك بقات كترمش:وﻻ جا هنا وملقانيش. جبران:ﻻ مغيجيش هنا ولكن الى مشا لهيه وملقاكش تما المشكلة.بقات غي كتشوف معرفاتش فلخر وافقات داها لدارو دخﻻت وبقاو كيسولوها وعاودات ليهم اش وقع وكتبكي محمد واسامة ديك الساع مشاو ديكﻻراو حيت كثر من يومين غايب ومﻻك حست براسها بحال الغريبة تما واخا محسسوها بوالو بلعكس مواسيينها وطلعت تاني كتصوني ليه عيات متصوني تاني كيعطيوها طافي عيات بالبكا وتامن دواها مشرباتوش ضرها راسها ومشات تكات اما عند عهد فثلثيام دازو عليه كيالسنوات توحشها لاقصى درجة ولي كيزيد عليه هو معارف عليها والو خاف غي ينساوها تما وﻻ تكون نسات كيتحل لباب اوﻻ يكون تزاد عليها الحال بالو مشطون وجايمس مﻻقي باش يعاونو من غير كيقوليه راكاين لي يعاونا نطق عهد:ايمتا غيجيو هادو موحال واش قبلو طلبك. جايمس:يقدرو يكونو باقي موصلهم خبر انني تشديت. عهد:افف مغوصلهم تاغنكونو صفاوها لينا. جايمس:مالك على هاد التشاؤم.مجا فين يكملها تاتحل لباب ودخا ماثيو كيصفر وشاد التيلي تاع عهد وكيشوفيه عهد خرج عينيه حيت بان ليه محلول وجالس كيدوز بصبعو:اووه شكون هاد الفاتنة.ضور ليه التيلي كانت صورة ديال مﻻك ناعسة وشعرها مﻻوح وحنيكاتها حمرين كتبان كيوت مكرهش فهاد اللحظة يحرق راسو على الصور لي كان كياخد ليها فغفلة منها دابا اكيد ايكون شافهم كلهم:حط داك التيلي معندو باش♥538ج معندو باش يفيدك.ماثيو كيشوف فالصورة وكيدوز وغي مزايد كيتبهر بجمالها:ﻻ عندي باش يفيدني شكوناهي هادي. عهد تحت سنانو:منصحكش تفكر فيها. ماثيو وقف:ﻻش مهتم تالهاد الدرجة واش ختك.عهد بقا ساكت:بغيتها غنجيبها عندي عجباتني بزاف.ضار شافيه:شنو سميتها. عهد:قسم بربي لي خلقني وتقاس شعرة منها حتا نحرقكم كاملين. ماثيو:ههه تالهاد الدرجة عزيزة عليك اصﻻ متخافش عليها عجباتني مناديهاش تاﻻمليت منها نردها لداركم سالمة غانمة.كيدوز صبعو على تصويرتها كانت ضاحكة فيها:واخة هاد العينين منملش منهم. عهد غوت:غنقتلك وتقيسها. ماثيو خارج:انا لي غنقتلك فاش اتكون هي بجنبي.مع ايخرج والتيلي بدا كيصوني وقف كيشوف كانت تصويرتها النيت ومفهمش شنو مكتوب حيت بالعربية عهد تصمك فهاد اللحظة حيت دايرليها رنة خاصة كان ايسخف فهاد اللحظة خصوصا ماثيو ضحك وشافيها:تتاصل بيك اوووه نجاوبها نسمع صوتها كيف دير.عهد كيحرك راسو بالنفي ماثيو ضحك ودوز الخط اما مﻻك لي فاش سمعاتو كيصوني ناضت كتنقز بالفرحة وكتسنا يجاوب حتا تفتح الخط وبدات كتغوت وتبكي وتضحك:عهد فينك اهئ هضر اهئ عفاك توحشتك.هي كتهضر وعهد قلبو كيتحرق على الاقل باقة حية:عهد هضر معايا اهئ عفاك عهد هانتا اهئ والله تانا درت لي قلتي ليا اهئ واش مقلق مني اهئ اهئ انا جيت لداركم انا مع عائلتك اهئ عاااهد جاوبني هضر راكنسمع تنفاسك اهئ عفاك.بلعات ريقها كتقاد صوتها:اهئ كنبغيك احبيبي كنبغييييك عفاك غي رجع غنحماق بﻻ بيك قوليا غي فينك اهئ.ماثيو قطع وشافيه:صوتها زوين واخا كتبكي باينة خيفة.هز فيه عينو:شكوناهي.عهد بالو غي مع كلماتها لي دخلو لقلبو بحال الابرة معرف واش يفرح وﻻ شنو يدير حس بقلبو غيوقف مفيقو غي كلمات ماثيو:غنعرفها بطريقتي شكون وغنجيبها معرفتكش ﻻش داير هاد الحالة عليها انا قلتليك♥539ج قلتليك مغناديهاش نتا اصﻻ اتموت.وخرج كيضحك ومشا عطا التيلي لواحد من رجالو:اخر نمرة عيطات موﻻتها تطلع من الارض تنزل من السما تجي مع الريح ماشي سوقي يومين تحضر عندي وشكون هي واي حاجة عليها نبغي توصلني.عهد مع ديك الردخة تاع لباب بدا كينهج وعينيه حمارو بمجرد مكيفكر ايشدها وﻻ شي حاجة وبدا كيتنتر باغي يحل يديه لي اصﻻ مكبلين بسلوكة ديال الحديد ويديه طايبين بكثرة ماكان كيتنتر لكن دابا سال منهم الدم جايمس غوت عليه:رصا اصحبي راك غضر راسك. عهد:كيفاش انتهدن مسمعتيش الكلب شقال. جايمس:سمعتو سمعتو ولكن تهدن شنو زعما الى قطعتي يديك اتهرب وتسلك هاكاك راحنا بحدنا اعهد وسط مملكتو تسنا تايجيو. عهد :مغنتسناهمش انا حيت باينة موصلاتهمش الخبار ثلثيام وحنا هنا ثلثيام وانا بعيد عليها ثلثيام معارفش اشطاري ليها فيها ثلثيام معارفش واش شربات دواها وﻻﻻ.غوت:وباغيني نرصا بربي وتوقع ليها شي حاجة تانحرقهم كاملين.جايمس:دابا غي تهدن وميكون غي الخير.سكت لوهلة وعينيه بداو كيطيحو منهم الدموع بغزارة:قالت ليا كتبغيني اعتارفات ليا عﻻش احياتي تالدابا عاد قلتيها عﻻش. جايمس:سكت من هاد الهضرة بحاﻻ مغترجعش ليها. عهد تنهد:راباينة مغنرجعش ليها. جايمس:دغيا وليتي تتستسلم ها ﻻ ماشي نتا هو عهد لي عرفتو وفيناهي ديك الهضرة كملة لي كنتي تقوليه ضل جهنم رجع والروينة صافي اجبد ليك حب حياتك وضعفتي رامخصوش يعرفها نقطت ضعفك حيت ديك الساع عدابك ايكون مضاعف على لي كان ايكون. عهد:شنو بغيتيني ندير راك عارف شحال تعدبت باش حصلت عليها عارف شحال تسنيت من عام عاد باش فرحت بيها فلخر قالت ليا كتبغيني فضروف خيبة لي منقدش نجاوبها ونعنقها ونفرح من قلبي بل غي متزاد خوفي عليها.جايمس تنهد وبقاو ساكتيت اما مﻻك تقطع عليها الخط وبدات كتصوني تاني والو♥540ج والو مكيجاوبش بغات تحماق تاقالت اخيرا اتعرف شي حاجة عليه شدات فراسها لي عطاها لحريق وبدات كتحس بشي حاجة سخونة هابطة مع نيفها دارت يدها تمسح تسحاب غي لخنونة بالبكا فاش شافت لقات الدم قلبها بغا يسكت ومشات كتغسل كبات الما على قرفادتها عاد حبس(هادي طريقة معرفتش كيكتخلي الرعفة تحبس ولكن شحال من مرة شفت بنادم دارها وكيحبس الدم دييك الساع ونصيحة واصﻻ طريقة غالطة فاش كنرعفو كنهزو راسنا الفوق باش داك الدم يرجع ويحبس ﻻ مديروهاش حيت الله يستر قالك فاش كيرجع كيدخل للرية)شﻻت وجها ومسحاتو مشات لسرير شاداها الدوخة والردة وبدات كتبكي تاني وصل ليل كتحس براسها بحالا بوحدها فهاد الدنيا لبست جليليبة وغي لوات شالها وهبطات شاحبة لقاتهم فالصالة:بغيت نمشي لدارنا.شمس تاهي لونها شاحب مخلوعة عل ولدها:ﻻش هادي ماشي داركم ابنتي. مﻻك كتبكي:اهئ بغيت نمشي لدارنا. شمس:واﻻ ابنتي متبكيش صافي بغيتي تمشي تاحد ميشدك.ناضت عنقاتها ومﻻك شافت فمحمد:باقي ملقاوه. محمد باسف:باقي ابنتي.زمات فمها حابسة لبكية ومشات خرجات معاها شمس وداها جبران وصلها مشات دقات وحل عليها فؤاد:مﻻك؟.حل لباب كامل دخلها خلعاتو وجها صفر وباينة باكية وواصلة بيها للعضم خاف لتكون دابزت مع عهد وجراو عليها:مالك ابنتي. بدات كتبكي:عهد اهئ اهئ.فؤاد سخط يسحاب بصح جرا عليها فهاد ليل شدها جلسها والغالية جات تاهي تخلعات:اويلي مالك.مﻻك غي كتبكي وهوما لي فيهم ممهنيهم غي مكيزيدو يتاكدو جارين عليها.فؤاد:وامﻻك واش اتبقاي تبكي مالكي اش واقع ﻻش جاية فهاد ليل. مﻻك:عهد معرفتش فينهو. الغالية:هاء ومالو ايكون عدنا. مﻻك شافت فيها:ثلثيام مبان غبر. فؤاد:ﻻ حول وﻻ قوة اﻻ بالله وسكتي دابا كون راه غي مسافر وﻻ شي حاجة.الغالية:تمتمات غي فؤاد لي سمعها:كون راه جالس مع شي وحدة. ♥541ج فؤاد خنزر:فيها مكتشوفيش حالتها باغة تزيديها. الغالية:انا غاهضرت. فؤاد:اﻻلة سكتي وزيدون الغايب حجتو معاه مالكم كطيحو الباطل على الناس.مشات كتبرغم:كون راه بنتك دارت شي كارثة وهرب عليها الراجل.مﻻك ناضت بالزربة مشات لبيتها كتبكي وسدت عليها فؤاد بقا غي كيتنهد ومشا هز تيليفونو صونا لمحمد استفسر وفعﻻ قاليه بلي ديكﻻراو بقا غي كيضور راسو بﻻ حول ومشا دق على مﻻك:ابنتي براكة من لبكا رادابا يلقاوه.مجاوباتوش غي كتبكي. فؤاد:هبطي ابنتي تعشاي. مﻻك:اهئ مبغيتش اهئ.تنهد وهبط خﻻها على خاطرها وتكات غمضات عينيها هاربة من هادشي امﻻ انها تفيق تلقا راسها غي كتحلم فالصباح فاقت مع غتنوض وهي ترجع جلسات شادة فراسها بقات جالسة تامشات عليها الدوخة ومكتشوف والو قدامها بقات كتغمض عينيها وتحلهم عاد بدات تبان ليها الضبابة وعاد كتوضاح الرؤية ناضت بشوية وهي تشدها التقية ومشات كتجري لدوش ردات غي المرار وكتحس بالسخفة مشات جلسات كترد النفس وتفكرت دواها فكرت بلي خصها تشريه باش فاش يرجع ميتقلقش منها هادي هي الهضرة باش كتبرد راسها هبطات لقات باها كيتفرج ومها كانت فلكوزينة لي غي سمعات صوتها خرجات كتشوف شكتقول:انخرج ابا. فؤاد:فين اتمشي ابنتي. مﻻك:خاصني شي دوا. فؤاد والغالية باستغراب:دوا ﻻش مالك. مﻻك ببرود ضربات فالبﻻصة لي قالها الطبيب بﻻصة الورم:عندي ورم هنا.شافو فبعضياتهم مصدومين ومع قالتها بداك البرود متيقوش.الغالية:شنو كيفاش. فؤاد:شكتقولي ابنتي. مﻻك قطبت حجابنها وجلست شدتها السخفة:واش اتعطيني باش نشريه وﻻ بان ليا مباغينيش نبقا معاكم هنا غانرجع لدار عهد.الغالية جلست تخبطت فالسداري مصدومة:الله ياربي ومنين طاح هادشي. مﻻك:مكاتيب امي با واش.قاطعها:عطيني سميتو انا انجيبو ليك شوفي لونك كيمخطوف.مﻻك ناضت طلعات لتيليفونها♥542ج لتيليفونها جبدت نمرة ديال الطبيب وسولاتو عليهم وعطاهم ليها وسولها كيبقات وواش كتاخدو فوقتو وقالت ليه اه معندهاش الغانة لي تجاوب معاه هبطاتهم لباها لي خرج مرفوع بحاﻻ مشا لفارماسي غي باش يفيق ويعرف ان فعﻻ بنتو مريضة عطاتو الدوا وسولها عليه قالت ليه فعﻻ كياخدوه لي مراض بالمرض الخيب شداتو البكية فديك اللحظة ورجع للدار عطاه ليها بزز كﻻت وشرباتو والغالية كتشوفيها كانت حمرا بالبكاوات:من ايمتا وهو فيك. مﻻك:معرفتش قاليا الطبيب اغلبية من شحال هادي عاد بان. الغالية:وشنو واش غي بالدوا اتبراي. مﻻك:خاص عملية. الغالية:الله ياربي الله وبنيتي باقة صغيرة. فؤاد:نعلي الشيطان اهاد المرا رانشاءلله اتبرا. مﻻك:وﻻ مرجعش عهد مغنديرهاش. فؤاد:ﻻش مالي انا مت لي منقدش نديرها ليك. مﻻك ناضت:مشي هكاك ابا معندي مندير فهاد الدنيا لمكانش هو فيها.ومشات طلعت لبيتها تاني كتصوني ليه ووالو فهاد اللحظات بينما هي كتصوني كان موقعها عاد كيزيد يبان ويتاكدو منو بعدما عرفو مكانها شدو الطريق نيشان لديك البﻻصة وبقاو مراقبين الدار وعرفو فعﻻ ان ديك البنت لي بغا ماثيو فديك الدار خاصهم غي كيديرو يخطفوها كانو جالسين فلوطو بعاد شوية على الدار حتا صونا ليهم التيلي وشافو فبعضياتهم:شنو انقولو ليه. ﻻخر:وقوليه احنا كنتسناو الفرصة فين نجيبوها.دوز الخط وكلو كيتفتف حيت كيخافو منو. ماثيو:فيناهي ركنتسنا وقيلة. الغارد:راه لقينا موقعها اسيدي هاحنا مقابلين معاه. ماثيو:وشكتسناو جيبوها ليا داغي. الغارد:راه اسيدي الدار لي فيها شعبية كيغنديرو ندخلو ونهزوها رالسكان غيشدونا ويعيطو لبوليس. ماثيو:ياك مسلحين لي جا قدامكم نحيوه. الغارد:ماشي غي هادشي اسيدي كاين مخفر غي فالضورة زائد الدنيا عامرة والنهار كلشي ضدنا. ماثيو غوت:ماشي سوقي ليلة تكون عندي.♥543ج الغارد بخوف:اسيدي غي اتخرج وﻻ حتا ليل. قاطعو بعصبية كيغوت:ماكيهمنيش تحضر عندي ليومة وﻻ غنسيفط لي ينحروكم ويجيبوها ليا.جا يهضر وقطع عليه ماثيو وﻻح داك التيلي كيغزز ففمو وهو يهز التيلي تاع عهد وبدا كيدوز فتصاورها ساهي وهو يغوت على الغارد لي برا:فيناهوما اخبارها. الغارد:راه باقي كيقادو ملفها اسيدي. ماثيو:قوليهم يسربيو.حنا راسو ومشا وهو بقا كيتسنا وكيتفرج فيها وكيتبسم كانو تاشي فيديوات ديالها واخة مكيفهمش شنو كتقول المهم عاجباه ديك الرنة ديال صويتها وصوت ضحيكتها حتا قطب حجبانو فواحد الفيديو كانت عاد كتفيق وعهد كيبوس فيها من فمها وكيبوسها فوجها وكيضحك وتاهي كتفيرنس ليه وقف مخرج عينيه وقلبو بدا كيخفق كان تيسحابها ختو لكن دوك القبل واللمسات والتعناق ماشي ديال اخ لختو غمض عينيه مباغيش يتيق وبدا كيدوز تاني بحاﻻ مكينش داك الفيديو لكن عاد مكيزيد يشوف تصاور وفيديوهات ليهم وهوما كيتباوسو حتا جمدو مﻻمحو فاش شاف صور وفيديوات ليهم فالعرس بﻻغوب كيرقصو وباينة فرحانين زير على يديه وهز راسو فاش تحل الباب كان نفس الغارد هاز بيسي ومدو ليه:هاهو فيه غاع المعلومات لي لقينا عليها وﻻ كانت شي حاجة جديدة انخبروك بيها.حرك ليه يديه يمشي ومشا كيقلب فداكشي غي على واش مزوجة مباغيش يتيق اشنو شاف فالتيلي حتا كيطلع ليه فعﻻ مزوجة منو دفع داك لبيسي ساخط وناض غادي بالزربة هبط حلو ليه لباب ودخل عندهم مشا بدا كيضرب فعهد لي كون كان مطلوق كون غاعما قد تايقرب ليه عهد طاح بكثرت الضرب تضرب ليه راسو مع حديدة تفرع ليه حاجبو وبدا يشرشر بالدمايات وشدو من شعرو هازو:ﻻش مزوجها ﻻش. عهد دفل عليه وماثيو ﻻحو كيمسح:كنت نسحابها ختك كون قلتيها ليا غاعما كنت نفكر فيها.ضحك بمكر:ولكن دابا غي مزدت بغيتها ما اكيد بعدها اتولي ارملة.عهد♥544ج عهد:بربي وتقيسها تانقتلك. ماثيو:اصﻻ لقاوها وغيجيبوها ليا وغتولي ليا نتا غي كون هاني غير كتعدب فراسك هكاك ونتا ميت ميت. نطق جايمس:نصيحة متفكرش فيها حيت غتفتح عليك باب جهنم.ماثيو ركلو فكرشو تاخرج ليه الدم:نتوما ماشي فوضع لي يسمح ليكم تهددوني مكرهتش نقتلكم ونقطعكم طراف طراف دابا ولكن باغي تانجمعكم تما غنتلدد فموتكم اكثر. عهد:غتندم حيت مقتلتينيش دابا.ماثيو ضربو تاني ومشا خرج وعهد نطق:شكون هادا لي باغي يزيد علينا. جايمس تنهد:واحد الراجل رباني هو نفسو راجل ماما(ياك عارفين الحوار تيكون بالسبليونية فاش تيكونو تيهضرو هادو ياك ههه). عهد:وﻻش باغيه تاهو. جايمس:معرفتش فايتة معاودة ليا ماما بلي فين تﻻقاو بسبابو تشدت شي عصابة وتما جابها عندو كانت حاملة بيا. عهد:ومك اش داها لشي عصابة. جيمس:كانو خاطفينها كيبيعو القاصرات. عهد:ونتا. جايمس:مالي انا. عهد:واش ناتج عن دوك العﻻقات وﻻ شنو. جايمس:ﻻ نتيجة اغتصاب ورباني داك الراجل وتزوجو وولدو ختي. عهد:ولكن مك باش ماتت. جايمس:تحرقات دارنا هرباتنا انا وختي وهي بقات لداخل ملقاوش جثتها غاع وﻻت رماد ومن تما وحنا كنتﻻوحو من عائلة لعائلة واخا كنت صغير كنت كنشوف فعينيهم عدم رغبتهم فينا هزيت ختي ومشينا لميناء مكانش هامني فين انمشيو المهم نبعد على البﻻد لي خدات مني بزاف هربنا مخبين فباخرة تاوصلنا لبﻻد عرفتها من بعد انها كلومبيا ومن تما بقينا متشردين تادخلت للمافيا والباقي راك عارفو. عهد:ولي رباك فيناهو. جايمس:معرفتش كان كيغبر علينا بزاف قليل فين كان كيجي ولكن اخر مرة غبر كثر من عام ومعرفنا عليه والو. عهد تنهد:غيكون ميت. جايمس:اغلبية ﻻ كون كان ميت ميقلبوش عليه كون راه ساقو الخبار. عهد:ﻻش متاكد بلي راه حي. جايمس:فايت قايل ليا واحد الجاسوس معاهم بلي تاكيلقاو♥545ج كيلقاو موقعو فاش كيمشيو ليه كيلقاوه مشا لبﻻد اخرى مكيجلسش غاع. عهد:وباش عرفتيه هو نيت. جايمس:ومنعرف حيت اصﻻ مخابراتي عادية كنضن يكون كيترحل.عهد بقا ساكت وهو يبدا يضحك:ههه عمرنا جلسنا دوينا بحال هاد الثلثيام. جايمس:هههه جلسة مفيدة للتعارف. عهد:هههههه عمري ضنيت قصتك هاكا. جايمس بحزن:خسرت بزاف تامن ولدي وﻻ بنتي مات بسبابهم. عهد تنهد:غتعوض متخافش.بقاو ساكتين كل واحد كيفكر فهمو.اما مﻻك فالعشية جاو عندهم عائلة عهد بقاو جالسين وكيهضرو عليه حتا نطقات شمس للغالية حيت بانت ليها بحاﻻ باكية وغي ساهية:الغالية مالك كنتي كتبكي ياك ﻻباس.الغالية بدات تتبكي:بنتي اهئ مسيكينة اتمشي ليا.طبطبات عليها وشافت فمﻻك:متمرضيش راسك ابنتي دابا يلقاوه. الغالية:اش اتمرض راسها وهي اصﻻ مريضة. شمس:ﻻش مالها. الغالية:ﻻش مفخباركمش مﻻك؟؟.مﻻك شافت فشمس ومحمد وتنهدت:مكنتش باغة نقولها ليكم. شمس بخوف:ياك ﻻباس اشنو. مﻻك:عندي ورم فالراس.شمس شهقت شادة على فمها ومحمد نطق:ﻻش ابنتي مقلتيهاش عهد فخبارو. مﻻك شدتها لبكية:اه فخبارو. محمد:ايمتا هادشي. مﻻك:دوك ليام فاش كنا كنمشيو للطبيب. محمد:وعﻻش ابنتي مقلتوهاش لينا. مﻻك:مبغيناش نشطنوكم وصافي.شمس بدات كتبكي مﻻك مصبراتش وتاهي بدات كتشهق دارو ليهم جنازة تما فؤاد ومحمد معرفو شكون يسكتو بثلاثة بداو وخﻻوهم على خاطرهم كيبكيو مﻻك بدات كترعف تاني وناضت كغسل وكلشي تخلع عليها تبعتها الغالية وقلبها ايسكت:شنو مالكي. مﻻك:غي رعفت.ضارت اتمشي لبيتها والغالية بانت ليها مشي هي هاديك مشيتها غي كتلوح رجليها ومشات شدت فيها:ابشوية عليك ابنتي.مﻻك شافت فيها وبانت ليها غي الضبابة معقلتش على راسها تاجات طايحة والغالية ملقات متشد حدها دارت يدها على راسها من لتحت:مﻻك مﻻااك مﻻاااك فؤااااااد.طلعو تيجريو♥546ج تيجريو فؤاد بانت ليه طايحة ومشا هزها بالزربة كيسرفق فيها بشوية:مﻻك بنتي مﻻك ياربي السﻻمة ياربي.هزها دخلها لبيتها والغالية جابت ريحة كتشممها ليها وكتبكي هي وشمس ومحمد جبت تيليفونو عيط على طبيب صاحبو يجي بالزربة حيت مبغاتش تفيق غاع تسناوه جا وقاليه محمد بلي مريضة بورم قلبها وشاف الدوايات لي كتاخد وشافيهم:متخافوش راعادية فحالتها وتنتابه لراسها مزيان رافحالتها خاصها تكون اكثر من مرتاحة وتانتوما خاصكم تعاونوها والله يجيب الشيفة غي خليوها ترتاح.محمد رافقو هو وفؤاد للباب وفؤاد عيط لوﻻدو يجيو يشوفوها وقاليهم باش مريضة حاس براسو ايطرطق بكثرة ماكيفكر راه باقة صغيرة ومريضة بداك المرض خوتها اساقو الخبار جاو بﻻ عقل اما واحد خالد كان ايسخف ليهم بقا عند راسها تافاقت وديخة:خالد. خالد:غزالة خوها. بدات كتبكي وتخشات فيه:اهئ عهد غبر اهئ قلب عليه اهئ اهئ عفاك. طبطب عليها:واخا غي سكتي براكة من لبكا الله يرضي عليك.بقا غي كيتنهد وكيطبطب عليها حتا سكتات وهزت فيه راسها:واخة تخرجني تخنقت. خالد:واخة يالله. مﻻك:فين اديني. جر ليها حنيكاتها:فينما بغات الغزيولة ديالي.تبسمات ليه بحزن وقرب باس جبينها وخرج خﻻها تبدل ناضت لبست جﻻبتها لي جات بيها ولوات شالها وهبطات كانت شمس ومحمد مشاو بحالهم شافت لصفاء لقاتها حمرا باينة كانت تتبكي صصفاء شافتها ووقفات:مﻻك ختي. مﻻك:رممزيانش ليك لبكا رك حاملة.تفرغعات بالبكا ومﻻك عينيها غرغرو:دابا يرجع دابا يرجع.وضارت بالزربة خرجات عند خالد ركبات معاه وشافيها:فين تبغي تمشي. تنهدات:معرفتش لي كان.ديمارا ومعرف فين يديها وشد الوجهة للبحر لعل وعسى تنفس شوية واوطو تابعاهم باركا وخرجو وهي غي ساهية حتا خالد جاا سلم عليه صاحبو وبقا داوي معاه ومﻻك بقات واقفة غي قريبة ليهم حتا وقف واحد♥547ج وقف واحد قريب ليها شوية ونطق بالانجليزية:هاي.مجوباتوش حدها شافت فيه وضورت وجها تاني حتا ودنيها قلشو فاش سمعاتو شنو قال:الزوج ديالك داير ليك سيغبغيز وبغاك تجي عندو.مﻻك ضارت بالزربة عندو متلهفة ونطق:خاصك تمشي معانا باش نديوك عندو.مﻻك ضارت بالزربة غوتت على خوها لي جا بقا تيشوف باستغراب من هاد الرجل لي باينة اجنبي وشاف لمﻻك لي لفرحة غطير من عيونها:مالك شكون هادا. مﻻك:شتي كنت عارفاها مبيه والو خاصني نمشي عندو.كتهضر وترعد كلها وخالد شدها:فين اتمشي شكون هادا. مﻻك:هادا باينة من عند عهد راه سيفطو داير ليا مفاجاة ايديني عندو. خالد شافيه:وهاد عهد فيناهو.ﻻخر مفهموش تاقالت ليه يهضر معاه بالانجليزية عاد جاوبو:فبﻻصة قاليا منقولها لتاشي حد هو لي سيفطني باش نجيب ليه مرتو. خالد بشك:وﻻش معيط موالو ومسيفطك نتا. مﻻك بلهفة:راه عندو رجال بزاف خدامين معاه وتاهادا ايكون هو لي مسيفطو عﻻش هادا فين ايعرفني ويجي عندي بالضبط. خالد مدخلش ليه هادشي لراسو وشاف فﻻخر:عيط ليه نشوف.ﻻخر جبد التيلي ووراهم نمرتو ومﻻك نقزات بالفرحة:نمرتو هادي نمرتو. خالد:صوني ليه.ﻻخر دوز الخط وكيتسمع غي الخط دايز وشافيهم:راه غيكون مشغول كيجهز ليها دكشي لي كتبغي راه سيفط ليا غي مسج. خالد:انشوف هاد المساج.ﻻخر دخل للمساجات وكانو فعﻻ مرسولين من رقم عهد كيقوليهم يجيبوها ليه بحاﻻ عهد نيت لي مسيفطو وخالد واخا ممتيقش جاتو غريبة:ولكن امتا اديها عندو. الراجل:قالينا ليلة تكون عندو.خالد جا ينطق وسبقاتو مﻻك:اه يالله دابا. خالد:امﻻك واش حمقة تمشي مع واحد غريب. مﻻك شافت فﻻخر:واخا يمشي معايا خويا.ﻻخر ضورها فراسو ونطق:اوك واخة تبعوني بلوطو.مﻻك مشات كتجري ركبات وخالد ديمارا غادي تابع ﻻخر لي قال لصاحبو اش كين وجبدو سﻻحاتهم بقاو غادين والطريق♥548ج والطريق غي مزيدة تطوال ومﻻك غطير بالفرحة وخالد حاس بشي حاجة اتوقع وفعﻻ غي وصلو لبﻻصة خاوية لوطو حبسات خالد حس بالخطر وبقا كيشوف اش ايديرو ومﻻك غي كتشوف فين وقفو كتسنا عهد ايجي من شي بﻻصة خالد بانو ليه خرجو من لوطو وجاين وقطب حجبانو معجباتوش ديك الهبطة لي دارو وجين بالزربة هبط عينو شوية ليديهم وخرج عينيه بانو ليه لفرادا بسرعة سد لوطو من لداخل وديمارا راجع بلور ولخرين بداو كيضربو فالروايض ومﻻك تخلعت الصدمة سرطات ليها اللسان حتا تفشو الروايض وخالد سخط والخلعة تخلطو عليه العرارم ومكين لي يعاونهم جاو بغاو يحلو لبيبان لقاوهم مسدودين ومﻻك تخشات فخالد كتبكي مخلوعة لخرين شافو مغيحلش ليهم وبداو كيضربو فالزاج تاتهرس وحلو لباب جروها ليه وخرج بالزربة بدا كيدابز مع واحد وﻻخر جارها وهي كتنتر الخلعة مفشﻻها اما خالد كثر منها كيبان ليه واحد هاز سﻻح وكيدابز معاه وﻻخر جار ليه ختو اقل حاجة كيفكر فيها دابا ايديوها يتكرفسو عليها ﻻخر شاف راسو ممسلكش بالمدابز وهز عليه لفردي:غنضرب.خالد زاد لعندو غيضربو وﻻخر ضربو فركبتو خالد طاح من حر الالم كيغوت ومﻻك غتسطا بالبكا والغوات بدات كترعف وقواها كتخور حتا غيبات دخلها لوطو وخالد واخا هكاك ناض بغا يتبعو شد لي ضربو وهو يحط ليه الفردي على راسو وﻻخر شدو:راقالينا منقتلو تاحد.دفعوه تاطاح ومشاو جراو ديماراو وخالد بدا كيغوت وتيبكي زحف لوطو ديالو جبد التيلي ومزير على ركبتو شداتو السخفة ودوز رقم البوليس ومعرفش راسو فين وتفكر بﻻكة كانو دازو عليها كيعرفها قريبة من تما نيت ميجي فين يتمشا ليها تايوصلو مع تباركلله تيجيو داغي(هادشي ﻻماماتش وهو كيتسناهم)خﻻ لوطو تما وزير على رجلو ميزيدش ينزف ودموعو محبسوش كيفكر فختو كيحس براسو اضعف واحد فالدنيا لي مقدش ينقدها وصل لديك♥549ج
وصل لديك لبﻻصة لي قال لبوليس كانو شي ناس تما خافو فلول ولكن شافوه مقربش ومحاشاهاش ليهم عاد زادو سولوه وقاليهم كيتسنا لبوليس وناضو شي وحدين عيطو لاونبيلونس وهو مرفوع وغي كيبكي حتا جاو لبوليس مع شافهم وقفو عليه بدا تيعاود ليهم بحال شي حمق وهوما مدخلش ليهم دكشي لي كيقول لراسهم واخا شافو رجلو مضروبة وهزوه داوه لسبيطار وفالطريق عيط لباه:الو با.
فؤاد:مال صوتك.
خالد كيبكي:تبعوني لسبيطار****.
فؤاد بخلعة:اشنو مالكم.تقطع الخط حيت مبقاتش عند خالد تعبئة ونيت جاتو من الجنة والناس ميقولش ليهم فؤاد قالها ليهم وناضو تيتجاراو يسحابو واش كسيدة مشاو سولو عليه وقالو ليهم باقي فغرفة العمليات وكلشي تخلع مشاو لقاو لبوليس تما لي خرج الطبيب قاليهم فعﻻ لقاو رصاصة فركبتو لبوليس لي مكانوش متيقين كيتسناو واش بصح رصاصة وﻻ شي حمق تيتفﻻ عليهم وبقاو تما تاياخدو اقوالو باش يفتحو تحقيق فهادشي جاو عندهم ولبوليس داك الغرايدي فيهم شافهم هكاك مجموعين تما ومشا عندهم:نتوما عائلة خالد السليماني.
الغالية نقزات كتبكي:اه اه ولدي.
البوليسي:البنت لي كانت معاه واش ختو.كلشي شافو فبعضياتهم ونطق طارق:اه ختنا فيناهي.
البوليسي:قالينا خالد بلي تخطفات.
كلشي شهق ونطق فؤاد:ولكن حنا نسحابو كسيدة اش هادشي.
البوليسي نعت لغرفة العمليات:ولدكم دابا خرج عندنا الطبيب لقا عندو رصاصة فركبتو وفاش مشينا عندو فلول نسحابوه حمق حيت كان تيبكي ودابا كنتسناوه يكملو ليه ويفيق باش ناخدو اقوالو وبيدما فاق كنضن خاص.قبل ميكمل الغالية طاحت سخفت وشدوها وﻻدها كانت ديزة ممرضة وقالتليهم فين يدخلوها ودقات ليها مهدا حيت غي الصدمة غيباتها ولبوليسي كيسول فلخرين:واش معندكم تاشي اعداء وﻻ شي حاجة.حركو راسهم بﻻ ونطق تاني:زعما يكونو شي عصابة.
نطق فؤاد:راه تاراجلها غايب هادي كثر من يومين.
لبوليسي:بلغتو باختفاؤو.
فؤاد:اه بلغو واليديه.جات فرملية خبراتهم بلي خالد فاق ومشاو لبوليس دخلو عندو خداو اقوالو وهو غي شاد فراسو كيبكي دخلو عندو تاني فؤاد وخوتو ومرتو وتاني بدا كيعاود ليهم جاب الله مكيناش الغالية اما كون ماتت ليهم تما ضلم الحال والغالية مبغاتش تحرك ليهم من تما عند بالها كيضحكو عليها وبنتها دايرة كسيدة وميتة ومبغاوش يقولوها ليها لدرجة شنقات على خالد الشي لي زاد انبو ضميرو ﻻش معتقهاش ولكن ماكن في اليد حيلة حتا عاودو ليها اش طاري وجمدات فبﻻصتها:بنتي الله ياربي وبنتي فين داوها ليا ونتا ﻻش غادي معاهم ﻻااااش.
خالد شاد على وجهو تيتنخصص:مكنتش عارف ايوقع هادشي.بدات تتغوت عليه وهو غي حاني راسو تاجا الطبيب قالهم انهم ميمكنش يبقاو هنا وخرجو خﻻو خالد حيت ميمكنش يخرج دابا ومشاو بحالهم كلشي ساهي وكل مرة يعيطو لبوليس على واش كين شي جديد♥550ج
اما عند مﻻك فضربتها الفيقة على يدين كيلعبو فشعرها فلول تسحابو عهد وجمعات ديك التبسيمة سرعان مشمت ريحة رجالية غريبة حﻻت عينيها وشافت فيه وتجمعت فراسها مخلوعة وكضور عينيها فين هي ماثيو تقاد فالجلسة كيشوفيها ياريتها مفاقتش وحﻻت دوك العينيه كان مخشع كيقيس شعرها كيف بغا تنحنح:كتعرفي للانجليزية.
مﻻك بخوف نطقت بالانجليزية:شكون نتا.
ماثيو مد ليها يدو:ماثيو.خﻻتو بﻻكة وتفكرت شعرها لي عريان وشافت لحوايجها كانت ﻻبسة غي بحال لبيجامة تاع النعاس جاب الله مستورة وناضت واقفة كتجمع شعرها وعقداتو باش ميتحلش:فين انا شكون نتا ﻻش جايبني هنا.ماثيو وقف تقابل معاها وبعدات اكثر واخة بعيد مخلية مسافة اكبر فين تهرب ﻻبغا يشدها:عهد.
مﻻك بلعات ريقها:فيناهو وفيناهوما حويجي.
ماثيو:حوايجك بدلوهم ليك لخدامات وعهد(تبسم بمكر)انديك تشوفيه ولكن اول حاجة خاصك تفكري فيها دابا هي صحتك انا خديت رونديفو باش ديري العملية.
مﻻك بخوف:عهد فيناهو.
ماثيو خطا خطوة وحبس فاش شافها رجعت جوج خطوات:فاش جابوك كنتي سخفانة وراعفة لهدا دارو ليك فحص شامل ولقاو عندك ورم.باسف:عارفك اتكوني مصدومة ولكن.
قاطعاتو:عارفة شنو عندي ودابا ممكن توريني فيناهو عهد ياك قلتي اديني عندو.
ماثيو مشا حل لباب وضار كيشوفيها:يالله.
مﻻك:مغنخرجش هاكا جيبوليا حويجي.حرك راسو ومشا هضر مع خدامة طلعات ليها حوايج ماشي للمحجبات ومبغاتش تلبسهم وهبطات تاني وشافيها:فيناهي وﻻش مهبطاهم ﻻش مخداتهمش.
الخدامة:مبغاتش اسيدي قالت ليا نجيب ليها شي حاجة تاع المسلمين.
ماثيو:كفاش.
الخدامة:بحال لباس لي كانت لابسة.
ماثيو:اوك شوفي ليها شي حاجة.مشات كتقلب على شي حاجة ملقاتش فلخر تفكرات ايزابيﻻ حيت هي لي كتبدليها وكتوكلها تفكرات عندها زيوفة كتبغي تربطهم على عنقها ومشات هبطات لعندها تبسمات ليها باسف معندها باش تفيدها هي فقط خادمة ومشات هزات زيف من ديالها وايزابيﻻ بقات كتنين وتمتم وشافت فيها:انعطيه غي لواحد لبنت جابها ماثيو.
ايزابيﻻ حركات وجها باستغراب وهي تنطق كتنهد:تاهي جابها خاطفها ومسلمة مبغاتش تبفا بشعرها عريان.ايزابيلا تبسمت باسى وضورت وجها تاني لبالكون كتنهد على هاد لبنت لي جاب تاني الخدامة مشات هزت من حوايجها تريكو مفضفض وسروال سليم وطلعاتهم ليها غي حلت لباب مﻻك قفزت عطاتهم ليها:شوفي هادشي لي لقيت واش يفيدك.مﻻك شداتها:بليز فيناهو عهد.
باستغراب:شكون هادا.
مﻻك:راجلي قاليا هاداك قبيلة ايديني نشوفو.
الخدامة باسف:معرفتش عﻻياش كتهضري ونصيحة متلعبيش مع داك الانسان.
مﻻك قطبات حجبانها:كيفاش عﻻش شكون هو وفين كيعرفني انا وكيعرف راجلي.
الخدامة:هادا راه خطير زائد اغلبية اتكون عندو عداوة مع راجلك وشادك باش يجيبو هو مهم انمشي لشغالي.مشات551♥ج
مشات وخﻻت مﻻك غي كترمش والخلعة راكباها مشات لبسة داكشي بالزربة وخيفة ليدخل شي حد وكترعد كلها مشات حلات لباب كان محلول وبدات كضور فعينيها بانو ليها الدروج ومشات هبطات منهم وهي تقفز فاش بانليها جاي ﻻحضات بلي مبدل ومقاد الحالة على غير كيف شافتو المرة لولة بالرغم من وسامتو الى ان عينيها مكيشوفو غي عهد هبطات ومبعدة منو:فيناهو.
زاد قدامها:تبعيني.مشات بشوية تابعاه خرجو للجردة وعينيها متبهروش بانواع الورود الموجودة تما ربما كون كان عهد لي سابقها فهاد اللحظات كانت تجري وتضور تشمهم وحدة وحدة هو ضار شافيها وتبسم كينعت ليها فالجردة:هادو من اغلى واجود الورود الموجودة هنا فالبرازيل تبغي نبقاو هنا شوية.سكت فاش شافها واقفة مصدومة وتبسم بجنب:مالك.
مﻻك:حنا ففلبرازيل.
ماثيو:اه.مﻻك شدتها الدوخة وقلبها كيخفق بشدة وهي تشهق:خالد.وشدات على فمها كتبكي كيفاش تانسات خوها لي اخر لحظة شافتو كان مرمي فالارض شاد فرجلو من اثر الرصاصة لي جات فيه قرب بغا يشدها وبعدات هازة فيه صبعها خويا اهئ خويا فيناهو.
ماثيو:معرفتش ولكن الضربة لي عطاوه مغتقتلوش.
مﻻك:اهئ اهئ ﻻ خويا شنو بغيتو عدنا.ماثيو هز عينو وشير بيدو وجا داك الغارد نفسو لي ضرب خالد ومﻻك خنزرت فيه مكرهاتش تمشي تقجو لكن تاحاجة مفصفها فهاد اللحظات ماثيو جبد فرديه ونيش لركبت ﻻخر لي بقا كيتفتف ويتحرك يهرب يجيبها ليه فراسو ﻻهما محدو منيش تما يبقا:سيدي واش درت شي غلط.
ماثيو:ﻻ غي غنبين ليها بلي خوها يقد يبقا حي.مﻻك وﻻخر بقاو كيشوفو باستغراب مجاو فين يستوعبو اش قال تامﻻك غوتات حاطة يديها على ودنيها وﻻخر طاح شاد فركبتو كيغوت من حر الالم ومﻻك زادت فالبكا:اهئ اهئ عﻻش.
ماثيو:باش تشوفي واش ايموت.شافت فيه بحدة وعينيها فيهم غضب كبير:خويا معرفتو واش عتقوه وﻻ بقا تما فداك الخﻻ بوحدو ونتا جاي كتوريني فهادا واش مكتحسش.
هز فيها حاجبو:هضري بادب وعرفي راسك معامن.
بقرف:وشكون تكون بنادم بحالنا وﻻ ياكما مكدخلش تقضي حاجتك.
ماثيو:مضنيتش عهد مستواه فالاختيار وطيئ لي يختارك ولكن خسارة عينيك كيشفعو لو كنتي كدبحي بنادم.مﻻك غي سمعت سميتو زادت قطبت حجبانها♥552ج قطبات حجبانها وبدات تمسح عينيها:فين هو.ماثيو ضار مكمل طريقو وتبعاتو وكتدعي فخاطرها غي تشوفو ويكون بيخير ويطرا لي بغا يطرا ديك الساع بان ليها هبط من دروج ولبﻻصة خاوية واقفين فيها غي جوج حدا دوك الدروج تخلعت واخا هكاك كمﻻت الطريق بان ليها حل باب ووقف كيشوفيها بابتسامة ماكرة طﻻت وخايفة تدخل ويسد عليها حتا خرجت عينيها وغوت داخلة كتجري والدموع بداو يسيلو:عهد عهد.قربات جلسات شدات وجهو لي مفروع ليه حاجبو والدم كارم عليه هو هز راسو سخفان تامن الماكلة كيعطيوهم غاشوية باش ميموتوش قطب حجبانو جاب ليه الله غي كيحلم تاحس بيدياتها الدافيين عليه وحل عينيه مزيان:مﻻك النور حبيبتي. عنقاتو كتبكي ومخشية فيه:عهد اهئ اهئ.كتسناه ايعنقها لكن مكبل بعدات كتشوفيه وضارت كتشوف ليديه:مالك شنو ﻻش رابطينك.طﻻت على يدو وشهقات فاش شافتهم الجلدة معفنة ليه والقيح خارج. عهد:مﻻك النور اجي شوفي فيا.مﻻك تقابلت معاه كتنخصص:ششش متبكيش شنو واش دارو ليك شي حاجة. مﻻك كتبكي بهستيرية:ضربو خالد برصاصة فرجلو اهئ اهئ ومعرفتش شنو طرا ليه من بعد اهئ عفاك شنو واقع ﻻش حنا هنا ﻻش شادينك شكون هادو. عهد:ششش احياتي متبكيش غنخرجو من هنا متخافيش.ماثيو قرب نوضها بالنترة بعدها منو ومﻻك تنترات بقوة رجعات عندو ومخنزرة فماثيو:متقيسنيش. ماثيو:هضر معاها دير عقلها. عهد شاف فمﻻك:حبيبتي مكينش كيتهربي ها. مﻻك:فلبرازيل اعهد فين انهرب فين.ماثيو ساخط حيت تيهضرو بالدارجة متيفهمهمش وشدها هاد المرة بقوة اكثر مكتف ليها يديها ومﻻك كتنتر ليه وشاداها الدوخة والتقية وكلشي مخلط عليهاوعهد عينيه خارجين وكيغوت وتيتركل:طلقها الكلب طلقها. ماثيو كيضحك وتبت لمﻻك وجها تشوفيه:شتي هاداك غنقتلو مغيبقاش غي ودعيه حيت مغتبقايش تشوفيه.مﻻك مبقا عندها فين تزيد وهي ترد عليه وبعد مخصر سيفتو مﻻك بزز طلعت النفس وهزت راسها مع غتهزو مع صماكة تاضارت طيحة وعهد غوت حر جهدو:بربي تانقطعها ليك. نطق جايمس كيغوت:بعد منها رامريضة.مﻻك غمضات عينيها مزيرة عليهم كتبانليها الضبابة ونيفها دايز بالدم جرها نوضها بالجهد ورجليها خاويين بيها وعهد غيموت فبﻻصتو كيشوفيها مقادا تاتنوض وتم جارها مخرجها وبدات تتبكي تاني وضارت كتشوفيه:عهد اهئ.غوت جايمس بالدارجة مقطعة ومتلعتمة:كينين رجالي قلبي عليهم متخيفيش.عهد غوت حر جهدو فاش تسد لباب وهي بقا شادة فيه تاجرو سدو بالجهد:فين اتلقاهم فييين.صوتو بح وبقا كينهج اما مﻻك فبقا جارها وهي كتجار معاه ومرفوعة كضور عينيها فلبﻻصة كتفكر فشنو قاليها ﻻخر لي هو جايمس تادخلو لداخل ودفعها هاز فيها صبعو:شنو كنتو تتقولو.طلعاتو وهبطاتو553ج♥ طلعاتو وهبطاتو وبدات تمسح نيفها بالكم ومجوباتوش تعصب وشاف فحالتو ومشا غي ضار هي خرجات منين جات كتجري بان ليها لباب لكبير عرفاتو تاع لخروج ومشات كتجري معرفاتهم منين خرجو ليها بسﻻحاتهم كيخلعو وهزوهم عليها ونطق واحد فيهم بالانجليزية:رجعي منين جيتي رامغنخليوكش تخرجي. مﻻك بعصبية:راكم خاطفيني رمغتفلتوش. الغارد:عارفين وهاداك لي خاطفك ﻻخرجتي نتي تما فين مغنفلتوش منها دبصح رجعي بﻻ مشاكل بليز.ضارت راجعة كتفكر نيت تالى خرجت فين اتمشي ولكن الى دار ليها شي حاجة ﻻخر اش ادير وعهد فين اتخليه وﻻخر قاليها ايقتلو فين طاحت ومعندها لي يعاونها لمعو عينيها فور متفكرت لي قاليها ومشات كتجري لدوك الدروج ووقفوها ليغارد:ميمكنش ليك. مﻻك بثقة مصطنعة:راه قلتها لل(كتفكر سميتو)ميثو. شافو فبعضياتهم:شكون هادا. مﻻك بتلعثم:لي كان دابا هنا. الغارد:وخﻻك. مﻻك:اه هبط حليا راطلبتو وقاليا منتعطلش.واحد جبد تيليفونو:ولكن خاص نعلموه. مﻻك بتوتر:ﻻ عﻻش غتصدعو. الغارد ﻻخر:وييه وايبقا غي يغوت يقولك ضيعنا الوقت. مﻻك تنفست:ها شتي سمع لصاحبك. هداك الغارد لي دوا نيت شافيها وعاود شاف فﻻخر:سير جيب السوارت.ﻻخر مشا لواحد لبيت حداهم وﻻخر ضار عند مﻻك بالزربة عطاها كينة وقريعة ديال الما:خبيهم دغي وعطيهم لهاداك لي يدو مضرورة. مﻻك كترعد:واش نتا معاهم وﻻ شنو. الغارد كيشوف ﻻخر واش جاي:عارفهم خاطفينك وتفرشيني نحيك من هاد الدنيا. مﻻك:ومالك مدخلهم نتا. الغارد:مكيخليوناش ندخلو. مﻻك:وياك غي بحدكم شكون شافك وباش عرفت هادشي لي عاطيني ماشي شي سم وﻻ شي حاجة. الغارد:لي معايا ايشوف وعاد تنتبدلو مالك فيك كثرة الهضرة خبي دكشي وعطيه ليه لمبغيتيش يديه يتقطعو هادشي ﻻماماتش.مﻻك خباتهم دغيا تحت البودي مع مفضفض مبانوش:وباش عرفتي يدو مضرورة ياك مكدخلش. شاف باقي مخرج ونطق:قالها ليا واحد معايا فيت شافو ﻻش باغة دخلي عندهم بعدا نتي. مﻻك:لي مضرور فيدو راجلي. الغارد:ولكن ﻻش جابك ياك شاد راجلك اش ايدير بيك نتي.مﻻك بالزربة حيت بان ليها ﻻخر خرج:هاداك لي لداخل قاليا عندو رجالو هنا وقاليا نقلب عليكم ومنخافش ياك نتا منهم.سكت مجوبهاش حيت ﻻخر وقف عليهم وشافيه:هبط حليها.مشا تيحل وﻻخر نطق بشوية:وحلي ليهم يديهم وقولي للي مع راجلك راوصلنا الايجاب من عند لي غيعاونوهم.حركت راسها بالايجاب♥554ج حركت راسها بالايجاب ومشات بالزربة دخلت عهد شافها وقفز:حبيبتي.مشات طاحت كتعنق فيه:ﻻش شادينك. عهد:شي حاجة وصافي ياك مدارو ليك والو.قلبو ضرو كيشوف لنيفها باقي فيه الدم وحنيكها مصورن فيه صباع ﻻخر بانت ليه كتجبد شي حاجة من كمها:ﻻ مقاسنيش شرب هادي على حساب يدك داغي راغي كدبت عليهم باش دخلوني. عهد خرج عينيه:المسخوطة واش باغة يقتلوك.خشات ليه الكينة ففمو وتبسمات:متخافش عليا.شرباتو لما ومع شحفان دوزها دغيا وبقا كيشرب عاد تفكر جايمس وحبس مبعد وجهو ونعت ليها:دي ليه يشرب. مشات بالزربة شرباتو تاهو وتبسم ليها:شكرا.ردت ليه الابتسامة ومشات لعهد كتحل ليه يديه بالزربة ومقطبة حجبانها فداك الخماج:عهد راه دوك لي حاضيين برا هو لي عطاني وقاليا راه مع دك الراجل وقاليا بلي شي وحدين قبلو وايجيو يعاونكم اش هادشي اعهد راتلفت والله.حلت ليه وهو بدا تيشوف ليدو ومخصر وجهو:همم اه مزيان.مﻻك مشات لباب غتخرج وعهد ناض وحبساتو:ﻻ عهد عفاك فين غادي. عهد:وانتي لي فين غادة. مﻻك:انخرج راغي كدبت عليهم باش خﻻوني ندخل خفت داك خينا يجي ونتفرش وديك الساع يجمعنا كاملين. عهد بعصبية:كتخافي وانا حداك.قربات بحزن تعﻻت باستو بشوية ففمو:خايفة عليك انا معارفاش اش هادشي لي حنا فيه ولكن لي ماكدة منو انه يقتلونا ويقردونا وتاحد ميسيق الخبار عفاك اعهد ياك قالك ﻻخر ايجيو لي يعاونونا واصافي طلب الله ومتخافش عليا. ضارت اتخرج وشدها:كتبغيني بصح. حناكها حمارو:عفاك انخرج رغنحصل واش بغيتي يشني تانا معاكم.طلقها بدبول بقا فيها وجات تخرج ونطق جايمس لعهد:قوليها انخرجو بليل تعلم رجالي.عهد ضار شافيها:قولي لداك لي برا انخرجو بليل يشوفو كيعاونونا. مﻻك:ولكن. قاطعها:ديري اش قلت ليك ومتخافيش ونتي بقاي فشي بﻻصة يعرفوك باش تمشي معانا.حركت راسها بالايجاب خايفة وخرجات بالزربة ﻻخر شافها وحركت ليه راسها بالايجاب وﻻخر مشا سد لباب وقربت ليه بشوية:قالك ايخرجو بليل.ﻻخر خرج عينيه:واش حماقو. مﻻك:عفاك شوف كيدير راه مصممين بانو ليا عفاك ميتاداش راجلي. قفزها ﻻخر:اش باقة كديري هنا. مﻻك ضحكت ضحكة صفرة:هانا غادة. ﻻخر:عمرني شفت شي وحدة مخطوفة وكتسارا.مﻻك خنزرت فيه وضارت غادة مشات لباب تاني ووقفو منيشين عليها ميقات:تفو على كمامر. الغارد بانجليزية:واات. مﻻك بدارجة:خرا سيتقود وجهك كيترمت البرمة. الغارد زاد هز سﻻحو عليها:شنو كتقولي.عوجت فيه فمها وضارت راجعة وهي تقفز لقاتو واقف قدامها:شكديري باغة تهربي زعما.زادت مجوباتوش وشدها من دراعها وتنترت:متقيسنيش عنداك يسحابلك راسك راك شادنا هنا نتا هو القيد والله يامك ويشدك عهد تايي. ماثيو مخصر وجهو حيت دوات بدارجة:سبيك ان انغلش. زمات فمها وخرجاتها نيت متيفهمهاش متيفهمش اللهما تاخد راحتها فالمعيور:ياتاي*ويك.حطت صبعها ففمها:ﻻ ﻻ ياربي تسمحليا ديالي هاداك.هزات فيه صبعها ونطقات بانجليزية:شوف نتا راواخا شادنا رامديرش فينا لي بغيتي وغتعاقب على هادشي هانتا اتشوف.شدها من يدها وبقات كتنتر معاه وتم مدخلها:انوريك اش قاد ندير.بقا جارها بزز تاجا عندو واحد من ليغارد555♥ج جا واحد من ليغارد حاني راسو:سيدي الاب ديالك اتاصل وبغاك فاقرب وقت تمشي عندو. ماثيو باستغراب: ولكن ﻻش معيطش ليا وعاد لبارح كنت عندو. الغارد:معرفتش اسيدي عاد عيط وبغاك ضروري ﻻلقيتي ليوم تمشي.ماثيو حرك راسو بالايجاب ودفع مﻻك:عندك الحظ فلتي ليوم.مﻻك خنزرات فيه:غتندم على هادشي. تبسم باستهزاء:نتي لي غتندمي على هادشي فاش انقتلو قدامك.خﻻها كتفقس ابوحدها ومشا خرج اما داك الغارد بقا واقف تما تسناه تامشا وقرب منها:نتي بصح مرت عهد. مﻻك:اه. الغارد:واش ماكدة غيخرجو ليوم. مﻻك:تانتا معاهم. الغارد:اه وسربي هضري رمعندناش الوقت. مﻻك:اه قالها ليا داك الراجل ﻻخر ولكن كيغديرو ليها واش نتوما بزاف. تنهد:معرفتش حنا قﻻل بزاف ومغيقدش لوقت باش نعيطو للرجال لخرين يوصلو علينا المهم نتي بقاي متيقضة فاي لحظة نجي عندك باش تهربي معاهم.حركت راسها بالايجاب ومشا تاهو باش ميثيرش الشكوك مﻻك بقات غي كضور فبﻻصتها معرفت فين تزيد وهي تبان ليها ديك الخدامة غادة فواحد الكولوار وهازة صينية مغطية تبعاتها وبانت ليها هبطات من شي دروج وبقات غادة تابعاها بشوية تابانتليها دخلت من باب مﻻك بقات مترددة ومشات طلت ودفعت لباب شوية بانت ليها كتوكل فمرا شارفة مﻻك بقات فيها حيت مكتقدش تحرك غاع غي يد وحدة وبزز دفعت لباب اكثر تشوف شنو كاين اخر التبرغيغ عندها فالدم لكن لباب اصدر صوت شي لي خﻻهم ينتابهو ليها الخادمة باستغراب:نتي هنا.مﻻك خرجت عينيها وضحكت ضحكة صفرة حتا تصدمت من المرة لي بدات كتنفض وكتمتم وكتعلي ديك اليد جيهتها:اي..نج…ل.ودموعها سايلة مﻻك تخلعت ورجعات لور سدت لباب وايزابيﻻ بقات باغة تحرك والخادمة كتبتها:شش مالكي.مكتشوفش فيها عينيها على لباب وكتمتم باسم اينجل الخدامة بانت ليها مغترصاش وتنهدت هزت دكشي ومشات خرجت مﻻك بقا

Leave a comment