Skip links

قصة : الملتزم السادي ج 2

 47,988 عدد مشاهداات

16♥
بالرغوة وتتعوم دميتها معاها هي وصفاء لي جالسة جنب باش متفزغش وتتلعب معاها ومرة مرة تهز على شعرها الرغوة تتلعب معاها شمس خلاتهم شوية تيلعبو ودارت ليها شابان فشعيرها لي عجبها لكن خنزرت ملي شافت فيه لي بوانت التحت مخصرين منضرو كملات ليها شعرها وملاك مستمتعة بملمس يديها الحنين واهتمامها نوضاتها ودوزات عليها صويبينة وشللاتها ولات تتشعل وحنيكات مطبزين حمرين لواتها ففوطة وخرجاتها باش تلبسها اما صفاء مشات تتنشف للمونيكة وتلعب. نهبطو لتحت عند عهد وباه محمد لي كان رجل اسمر شوية وحروفو كحلين خدا منو عهد غي ملامحو الرجولية كيتشابهو بالرغم من الشعر ولون الاعين لي مبدل قرب عهد وجلس مقابل مع باه لي كان باقي واقف ونطق:شكون هاد البنت ولاش جايبها فهاد الوقت.تكا عهد وجر مسند دارو تحت يدو:لقيتها وجبتها تالصباح وتوصلني خبارها شكون هي.محمد جلس بلاصتو:ولاش مديتيهاش للكوميسارية.شافيه باستهزاء:شغدير ليها الكوميسارية غيديرو لي غندير انا غي انا بالزربة ماشي بحالهم هوما تاترشق ليهم.محمد بدا كيستفسر على البنت وعهد عاود ليه كيفاش لقاها ومحشمش فاش غاليه على لي كان ناوي يقصر معاها هي كانت سبب باش وصل لتما بقاو كيهضرو تاطلعو يشوفوهم واش نعسو توجهو لبيت صفاء لي بان ليهم فيه شاعل الضو دق محمد جوج دقات محترم حرمة الاناث لي فالبيت تاسمع شمس قالت دخل عاد فتح الباب ودخل ووراه عهد لي اول حاجة شافيها هي ملاك جالسة شادة دب وتتلعب فيه وعاطية بالضهر لمو وصفاء واقفة عند راسها كتشوفيها كتنشف ليها شعرها لي بان ليه مقاد من التحت وباينة مقطع بمقص حيث لاحظ قبيلة شعرها مكانش مقاد بحال هاكا واخة مشنتف الى انه كان كيبان مقصف ونطق وهو كيقرب:قطعتي ليها شعرها.شمس:امم غي من التحت بان ليا غيتقرد ليها وهي باقي صغيرة باينة عمرها قطعات♥17
عهد ضار وتقابل معا ملاك عاد بانت مزيان وبان جمالها الطفولي بدا كيطل عليها وبانو ليه شفارها كيتلسقو وباينة كانت تتبكي هز راسو فمو:واش كانت تبكي.شمس شافت فيه بحزن:اه خايفة من مها حيت نقصت ليها من شعرها كانت فرحانة فاللول تاقطعتو عاد بدات تبكي اوليدي والله مبغيت نبكيها.عهد هبط عينيه فملاك:واش غضربك.حركات راسها بالايجاب وهو يتنهد وابتاسم:مفيكش النعاس.ملاك شافت فيه:اه فيا.جات صفاء تتنقز:اتباتي حدايا.عهد خنزر فيها:شناهوا البرهوشة مالك نتي لي جبتيها راماشي باربي هادي بنية غتبات معايا.هضر محمد بصوت صارم:عاود شقلتي المنحرف.شافيه عهد لقاه مربع يديه وهاز فيه حاجبو وداير فيه واحد شوفة لي فهمها عهد طايرة ونطق تيغزز سنانو:قلت يمكن تخاف وهي مكتعرفكمش وميجيهاش النعاس.محمد هز الحاجب لاخر لي كان مهبط ونطق:علاش كتعرفك نتالي عاد لقيتيها.عهد شاف فمو وشاف فباه بابتسامة ماكرة:اتبات معاهم شمس.وشاف فمو تيتمسكن وباه خرج عينيه جنو وجنونو متباتش حداه الحب ديالو مكينعسش عهد وهو كيتمسكن وكيشوف فباه بنص عين:ميمتي هانتي ملاك امانة عندك مسكينة تالصباح را مسكينة باينة كتخاف وعاد حنا غراب عليها عفاك لما عنقيييييها مزيان وعطيها حنانك راعاودات ليا بلي واليديها صعاب.تيورك على ديك عنقيها وعطيها الحنان باش يفقص باه اما شمس بان الحزن فملامحها بقات فيها وقربات تدوز يديها على راسها:صافي انبات معاها مسكينة باش تنعس باينة عيانة.محمد قربات تجيه جلطة وبدا كيتحرك ومخرج عينيه:اشنو اشنو تي غدوزي لبيتك تنعسي ولا مايعجبك حال.نقزات صفاء:لا ابابا اتنعس معانا ونتا ديما تبات معاك مالك صغيور.هبط عينو فيها مخرجهم:اه اه صغيور لوالديك نتي شغلك غبري من قدامي لنخلطك.هز راسو فشمس هيبدا يطلب فيها لقاها غادة جارة ملاك تتغطيها وتخشات حداها18♥
تخشات حداها وصفاء تاهي طلعات تتفرنس دارو ملاك الوسط محمد ملقا ميدير كان غيمشي يتخشا حداها تاهو وجرو عهد بكل قوتو خرجو وسد الباب وشاف فيه عاد وعا بالباب لي تسد وخرج عينيه فعهد:غنقتل والديك الحمار.وبدا كيضرب فيه:الكيدار لي حطك معرفت منين سلطك عليا الله ديما خارج عليا.حبس وتم غادي لبيتو:الله ياربي الله وشغنعق دابا انا المخدة تفو تفو اح ناااري ونشدك اشمس.عهد غادي وراه وتيضحك عليه تضار غيكمل محمد على لي بدا ولقاه طار هرب لبيتو وبقا كيغوت وتيحلف عليه هو لي سد الباب وحيد حوايجو ودخل دوش بالخف وتلاح فالسرير غي بالبوكسر يالله بدا يديه النعاس وبتاسم فاش تفكر ملاك عاد داه النعاس اما عند ملاك فملي خرجو وسدو الباب ملاك بقات ناعسة على ضهرها وجامعة يديها عندها تاضورات عليها شمس يديها معنقاها ملاك شافت فيها لقاتها مبتاسمة ليها:اشنو مفيكش النعاس.نطقات ببراءة مبتسمة:لا فيا.نطقات صفاء وهي كتعنقها تاهي:الصباح ونلعبو بزاف واخة.حركات ملاك راسها بالايجاب وغمضات عويناتها ودغيا مشات بسبب التعب والحضن الدافي لي لقات شمس حسات بيها مشات في النعاس وشافت فبنتها لي حاضية ملاك وكضحك ونطقات بشوية:امالكي عمرك شفتي بنادم.صفاء مدات يديها خشات صبعها فحنك ملاك مبطبط وبدات تضحك وشمس ضربتها بشوية فيدها:اويلي حشومة خليها ناعسة.صفاء رصات وعنقاتها تتفرنس:زويونة بزاف.ضحكات شمس وطفات الفايوز وغمضو عينيهم ينعسو تاهوما.اما عند عائلة ملاك فمنعسو ماشافوه منبعدما فاقت الام للطواليط بان ليها الباب محلول شوية بفعل الريح مشات بالزربة فيقت راجلها وولادها الكبار يشوفو واش كاين شي شفار ناضو كيقلبو الدار كاملة حتى كيتصدمو بطفلتهم مكيناش تما دارت ليهم الغالية حالة بغات بنتها اما فؤاد فخرج ديك الساع هو وخالد وايمن تيقلبو ويونس وطارق19♥
وطارق بقاو مع مهم من بعدما مالقاو تاشي اثر ليها مشاو للكوميسارية وخبروهم تاتفوت ربعة وعشرين ساعة عاد يمكن ينوضو يقلبو رجعو للدار صاخطين ولقاو الغالية كتسناهم لكن خيبو املها وعطاتها للبكا تاني تالصباح وعاودو تاني خرجو كيقلبو.نرجعو عند ابطالنا يلي فاقت شمس على اثر الشميشة لقات ملاك مخشية فصدرها وكل ماحاولات تبعد كتزيد تخشا فيها وكتهمس بكلمة ماما عفاك غي شوية بقات فيها وخلاتها تاتقلبات لجيهة صفاء وتعانقو بجوجهم تاني ضحكات على منضرهم وناضت بشوية غسلات وجها وخرجات مع سدت الباب لقات محمد واقف قدام الباب خلعها تحت عينيه كحل وعينيه حومر باينة مناعسش تنهدت ونطقت بشوية:متقووولش ليا.قبل متكمل جرها من يدها غادي بيها لبيتهم دخلها وردخ الباب وحيد التيشورط وجرها عنقها وكيبوس:افف ناري كنت غنموت.بقا غادي بيها تالاحها فالسرير وتلاح على صدرها باسها من تم وحط راسو وزيرها من خصرها عاد غمض عينيه ينعس وفعلا كيحط راسو على صدرها غفا هي بقات كتبتاسم على هاد الطفل الرجل لي عطاها الله وتاهي عنقاتو من راسو زادت خشاتو فصدرها مخلياه تايفيق على خاطرو عارفاه مناعسش بقات تتلعب ليه فشعرو وحاضياه اما ملاك ففاقت على يدين صفاء لي بقات كتخبش ليها فوجها وكتقيس ليها حناكها حلات عويناتها وشافت فيها لقاتها كضحك:هه صباح الخير فخبارك حناكك زوينين.ضحكات ملاك وناضو من الناموسية وبدات كتوريها فلعب وحوايجها جبدات ليها بيجامة نص كم بشورط ديالها غوز مروسمة فيها مشيشة لبساتها وتاصفاء بدلات وبقات تتشوفيها مشات جبدات بوندو فيه ودينات ديال القطة ودارتو ليها من بعدما مشطات ليها شعرها خلاتو مطلوق تاتحل عليهم الباب كان شاب تكون فعمرو 17 شافهم وضحك:صفاء شكون هاد الكتكوتة لي معاك.صفاء شدات فيديها:هادي ملاك النور جابها خويا عهد لبارح.20♥
بقا كيشوفيها وحول نضرو لملاك:امم يالله هبطو تفطرو.صفاء وهي جارة ملاك:واخة اخويا اسامة.سبقهم وهبطو تاهوما لقاو غي جداهم لي جالسة تتسناهم يتجمعو باش يحطو الفطور صفاء مشات تتجري باستها كانت امراة ستينية باين الطيبوبة فملامحها وكتشبه لمحمد كانت الام ديالو.شافت فملاك لي بقات واقفة فين خلاتها ومدات يديها تجي عندها قربات عندها وشداتها هزاتها عندها باستها:الله وشكون هاد الشنيولة.ضحكات ملاك:انا ماشي شنيولة سميتي ملاك.باستها الجدة تابجغات ليها حنكها:احح يابنيتي وشحال حلوة وشكون نتي.هزات راسها فاسامة لي هضر:قالتلي صفاء جابها عهد لقاها وقيلة تالفة يمكن.ملاك هبطات من عندها فاش عيطات عليها صفاء وخرجو للجردة كيلعبو.عند عهد لي فاق على صوت اتصال هز الفون شاف النمرة وجاوب بالزربة بالكولومبية:وي شنو لقيتو شي حاجة.الشخص:اه اسيدي وسمحلينا على التعطال راك عارف صعيبة علينا حيت مغربية.
عهد:عارف عارف عطيني المفيد.
الشخص:انجيل اوف لايت(ملاك النور)السليماني الاب فؤاد السليماني مدرس بالجامعة وزوجتو الام الغالية الخضر الابناء عندهم الابن البكر خالد ومن بعدو..قبل مايكمل قاطعو عهد:افف عطيني نمرت باها ولا العنوان فين ساكنة شي حاجة نوصل ليهم.
الشخص:اه اسيدي عندنا هانا نملي عليك رقم الهاتف تاع الاب ديالها.عهد ناض وجبد ورقة وستيلو وقيد النمرة يالله جا يقطع وحبسو الشخص:سيدي خاص نقولك واحد الحاجة اخرى.عهد بقلة صبر عارفو شغيقول:شنو كاين.
الشخص:البوس بغاك ترجع وسولنا علاش بغيتي معلومات على اينجل وبغا تاهو يعرف شكون اضطرينا نعطيوه تاهو المعلومات عليها.عهد خرج عينيه وقطع عليه كيدوز رقم البوص وكيترعد خايف يديرها فبالو حيت كيتاجر فالبنات الصغار يالله تفتح الخط وسمع صوتو والكلمات لي هدنوه:عارفها مهمة بالنسبة ليك.21♥
تنهد عهد:لا ماشي شي حاجة.تبسم البوص لي كان رجل اربعيني شعرو ولحيتو بدا كيدخلهم الشيب وبشرة سمرا بزاف نطق:امم وعلاش ديتيها لداركم ومصيفط لي يقلب عليها زعما غي بغيتي دير الخير عارفك كان فامكانك ديها للبوليس وتهنى عارفك مكتسوقش الا لاكانت شي حاجة مهمة.زير عهد على يدو يمكن كلامو صحيح:نتمنى ماديرهاش فبالك راباقا طفلة.البوص ضحك:ههه وتانتا مديرهاش فبالك اولدي.كيشوف فتصويرتها جابوها من ملفها ديال المدرسة:مسماوها اينجل اوف لايت حتا اينجل بصح.غمض عهد عينيه وحلهم ملي سمع الخط تقطع اما البوص شاف ديك الصورة وحطها فوق البيرو كيشوفيها:زعما تبدليه فليلة وضحاها.تبسم بجنب:نتمنى ههه ناري اينجل وديفل زعما يتلاقاو.بقا كيضحك وكيتخايلها فاش غتكبر اكيد عهد مغيخليهاش غوت على الكارد لي كان فالباب ونطق وهو تيعطيه الصورة:نبغي خبارها تبقا توصلني بالتفصيل وتاديها شي حاجة ولو نملة راك عارف شغيصرا ليكم.حنا راسو باحترام وخدا الصورة من عندو وخرج يدير لي امرو بيه.عند عهد لي سمع الضحك جاي من الجردة مشا لبالكون طل بانت ليه كتلعب وفرحانة مع ختو وهو يخنزر ملي شاف تاخوه اسامة كيلعب معاهم بانت ليه جداه غالسة حاضياهم والخدامة كتحط الفطور فالجردة عرف واليديه باقين فبيتهم ضار غادي يخرج وبانت ليه الورقة لي كتب فيها النمرة يالله غيركبها يعيط ليهم وعاود حطو يربح وقت كثر معاها خرج غادي يفيق واليديه تاخرجو بجوج ومحمد مخصر وجهو باينة عاد فايق ومناعسش مزيان خنزر فولدو وجر شمس قدامو وعهد هابط وراهم وكيضحك عليه خرجو للجردة حيت سمعو صوتهم تما شمس تمشات عند البنات واسامة بينما عهد وباه جلسو حدى الجدة وعهد حاضي مع اسامة شمس وهي كدوز يدها على شعر ملاك:نعستي ابنتي مزيان.ملاك ضحكات ليها وولات حمرا بالجرا واللعب:اه مزيان.جراتها صفاء22♥
صفاء:واصافي اما خليها تلعب قبل مايجيو واليديها.ضحكات شمس وخلاتهم ورجعات حداهم جلسات وبدات كتسول فعهد عليها بدا كيعاود ليها عليها وقاليها تاعلى البكا لي بكات على معاملة والديها وهنا الجدة بانت لمعة حزن وشافت فولدها لي متيشوفش جيهتها وحاضي ملاك باسى حنات راسها وشمس لاحضات وحطات يديها عليها كتواسيها وتنهدات تاناض عهد:اسامة واش باقي صغير كتلعب معاهم اجي غلس معانا اصحبي.اسامة متسوقش ليه عاجباه ملاك جاتو كيشي مشيشة تاجات الخدامة كتعلمهم يتفضلو يفطرو ناضو وعهد مشا بالزربة حيد ملاك من يد اسامة لي كان هزها باغي يديرها فوق كتافو وشافيه باستغراب:خلينا نلعبو مع البنت.خنزر فيه عهد:دوز تفطر مصغيراتك باغي تلعب.وضار غادي جلس ملاك حداه وجلسو تيفطو وهو كيعمر ليها الطبسيل باش تاكل وتاهي لقات غي الحلاوة بدات غي كتسرط وهو مبتاسم والعائلة غي حاضيينو هو لي مكيحملش الغربا والبعالك من غير خوتو.كملو وناضو دخلو وخلاو البنات كيلعبو اما اسامة جرو عهد مدخلو معاهم جلسو فالصالون ونطق محمد:ايوة اولدي مناويش ترجعها.عهد شافيه:راوصلوني خبارها هاني غنعيط لباها دابا يجي ليها.شمس:عنداك يكونو شي جلاخة يقولو خطفنا البنت.
عهد:لا منضنش.
محمد:نوض اولدي عيط ليهم راهم تاهوما يكونو مشوشين عليها قبل ميمشيو يديكلاريو ويدخلو تالبوليس وتما فين الوحلة يبداو يحققو يقولك لاش جبناها اصلا.عهد شافيه عرفو تيدق على هادوك لي ضرب لي اصلا سيفط لي يجمعهم يغبروهم من تما ويمحيو الاثار ونطق وهو نايض:هانا نمشي دابا.ناض واسامة غاغبر من قدامو وناض خرج تاني يلعب معاهم عهد ركب الرقم من بعدما غير حوايجو فؤاد بدا كيصوني ليه التيلي كان جالس فدارو شاد راسو من بعدما فقد الامل يلقاها مبغاش يسول العائلة ولا الجيران بحالا خايف من الشوهة وهي غي طفلة شاف♥23
وهضر باش يسمعوه:فاش يجيو عيطو ليا.خرج عهد فاش مبانش ليه اسامة خرج وبان ليه جالس كيهر فملاك وهي غتصطا بالضحك قرب ووقف ليه عند راسو كيعزرائيل:شغلت ليك البرهوش ياك قلت ليك بعد منها.شافيه اسامة وطلقها هاز يدو لفوق:هانا.ناضت ملاك فاش جلس عهد فوق الربيع معاهم وحل يدو:اجي عندي.تمشات عندو وشدها جلسها على فخضو وصفاء مشات جلست عند اسامة لي نطق:فين لقيتيها.عهد شافيه:فواحد الدرب كانت تالفة.ملاك شافت فيه وبقات ساكتة وبدات كتشوف فداك الوشام لي فدراعو حيت كان لابس غي نص كم وطلعات فيه عينيها:علاش ناقش هادشي كامل كون درتي غي شوية.عهد خرج فيها عينيه الوشام لي ساوي فلوس صحيحة حيت كيبقا صحيح فالجلد مكيبهاتش الى قدام وهي كتقولو ناقش واسامة وصفاء تلاحو كيضحكو فالارض ونطق عهد:هادا دابا نقش ناري شنو قداش قلتيها.شافت فيه بنفخة:ولامكانش نقش شبغا يكون.عهد وهو تيوريها وطلع الكم تالكتفو باش يزيد يبان الوشام:هادا اعمو وشام كتعرفي شناهو وشام.خرجات فيه عينيها ودارت صبع على حنكها تادخل وسط حنكها وهبطاتو عليه:اويييلي على وشام فخبارك بلي جسمك ماشي ديالك.ضحك عهد:وعلاه ديالمن الغزالة.ملاك ربعات يديها:جسمنا امانة عندنا عطاها لينا الله باش نديرو بيه لي يرضيه ماشي نديرو فيه مابغينا فهمتي بحال دابا علاش لي نتاحر كيمشي لجهنام نيشان وكيمشي كافر حيت ربي الروح عزيزة عندو وعاطيه لينا امانة باش منقتلوش راسنا فهمتي افف معرفتش نشرح ياك.كلهم مخرجين عينيهم فيها هضرة كبر منها وعلاش لا وهي باها استاد.عهد ضور عينيه تيتلف الدعقة لي جاتو ومبانت ليه غاختو:سمعتي سمعتي البنات تيعمرو راسهم بالمفيد ونتي حاضية ليا ميخيات.صفاء خرجات فيه عينيها:غتمشي لجهنام نتا واشم.وبدات كتقلي ليه السم هو سخط:راه غنوض نخلطك.اسامة عنقها:نوض نشوف.عهد بدا24♥
عهد بدا كيغزز فسنانو مبغاش ينوض ليهم ويبان هماجي قدام ملاك.هبطها وخلاها مشات تتلعب مع ختو قرب وقت الغدا ودخلو حتا كدخل عليهم الخدامة موجهة كلامها لمحمد لي هبط:سيدي شي ناس فالباب كيقولو بنتهم ما بنتهم.محمد شاف فملاك لي وقفات وباين فيها بحالا خايفة ونطق:دخليهم ابنتي.مشات اما هو نطق لملاك:اجي ابنتي غلسي حدايا.مشات عندو جلست حداه وهو عنقها بيد وبدا كيشوف معاها:متخافيش ابنتي ياك داركم هانتي غتمشي معاهم.هزات فيه راسها وعينيها مدمعين:ايضربوني حيت خرجت.مسح ليها دموعها:لا ابابا ميضربوكش غنطلبهم صافي غي سكتي.قبل متهضر دخلو تيزربو وكيشوفو فيهم بقا شي كيشوف فشي تانطق محمد:دخلو اسيادنا مرحبا بيكم.فؤاد وهو كيشوف فيه شادها عندو:لا اسيدي جيت ندي بنتي والطريق لي جابتني تردني.نطقات شمس للغالية لي باين فيها باقة مخلوعة:لالة جلسو مرحبا بيكم دار داركم جلسو رتاحو.شافو فبعضهم وجلسو مقابلين معاهم ونطقات الغالية وهي مغددة خاصها غي ايمتا تشدها تنتفها على الخلعة لي دارت فيها وكتشوفيها هي باينة مرتاحة غي من حوايجها لي لبسوها والبوندو لي ديرة زادت تعصبات ملي شافت شعرها مطراسي من التحت بين ليلة وضحاها لقات بنتها مبدلة عليها ونطقات مخززة سنانها:ملاك اجي لهنا.ملاك شافتها هكاك زادت تخشات فمحمد لي زيرها بحالا كيقول ليها انا معاك:بنتك غتجي عندك غي ارتاحي.غوتات عليها تاني متسوقاتش ليه:ملاك اجي داغي يالله نمشيو بحالنا.نطقات الجدة:لاواه لاوه تاتغداو حشومة وعاد تعرفو فين كانت البنت.نطق فؤاد:لهلا يخطيكم الحاجة ولكن عندنا شغالنا.نطق عهد لي من قبيلة وهو حاضيهم خصوصا ملاك لي غي كترعد وخايفة من المفروض كان خاصها تمشي تعنق مها تصرف عادي من طفل كان بعيد على اهلو لكن هي لا بقات مخشية فباه وتملي عيطات عليها مها ممشاتش شي25♥
الشي لي اكد لو ان داكشي لي عاودات صحيح:غتجلسو تاتغداو عاد اتمشيو ومنها نيت تعرفو ملاك فين كانت.كلهم شافو فيه وكيطلعو ويهبطو فيه على الوشام وداك السلاسل والخواتم ونطق خالد لي هو لي كان كيبان ممعصبش من ختو بقد ماكان خايف عليها:واخا مقلتو عيب.شافيه فؤاد مخنزر متسوقش ليه وكمل كلامو خالد:وفين لقيتوها.عهد ناض تم خارج للجردة:اجي معايا.وضار شافيه بنص عين:بحدك عفاك.نطق فؤاد لي كان نايض تاهو:بنتي وباغي نعرف فين كانت وكيلقيتوها ووصلات لهنا.عهد وهو مكمل طريقو:لي خاصك تعرف دابا هو انها ممادياش وهدا بحد داتو سبب يخليك تجلس تشكر الناس لي لقاوها خالد هانا كنتسناك تجي نعاود ليك.كلهم خرجو عينيهم كيدار عرف سميت خالد وتامن فؤاد تفكر قبيلة فاش هضر معاه نفس الصوت وناداه باسمو ناض خالد وباقي مصدوم تبعو منين خرج لقاه واقف:هانا كنسمعك.عهد ضار تقابل معاه وبدا كيعاود ليه كلشي منسا تاحاجة نطق خالد وعينيه مغرغرين على ليكان غيسرا لختو والسبب الاكبر واليديه يمكن نطق بزز:بسيف اخويا بسيف متبغي تلعب وتفكر تخرج باليل بسيف وهي النهار كامل بين ربعة الحيوط بسيف وفينما تضور متلقا علامن تحط الراس فيهم.تنهد وضار غيدخل تاحبسو صوت عهد:ونتوما لي خوتها مالكم متلعبو معاها.ضار شافيه تاني:كيبان ليا كتعرف علينا كلشي المهم هادشي مكيهمنيش وغنجاوبك فينما نبغيو نلعبو معاها ولا نخرجوها كنلقاو الرفض من هادوك جوج الناس لي جالسين الداخل معارفش السبب ولكن لي عارف انهم خايفين عليها وقسوتهم غي حيت هي لي عندنا كون مكانوش كيبغيوها متلقاهومش هنا دابا.حط عهد يدو على كتفو:راباينة مقهورة نتمنى هاد الحادث ميزيدش يازم الامور عليها.تنهد خالد وشافيه بمعنى ميمكنش يدوزوها ليها تاعهد يمكن فهمو غي من تنهيدتو ونطق خالد:نتمنى اخويا نتمنى.26♥
جاوبو عهد وهو كيشوفيه:تهلا فيها تقدر توصل بيها تفكر لله يستر تنهي حياتها.خالد حرك راسو بلا نافي فكرة يخسرها:الله يحفضها.ضار وتم داخل وعهد جبد تيلي كتب مساج وتم داخل موراه اما عند العائلة ملي خرجو نطق محمد وهو كيهبط ملاك من عندو:سيري ابنتي لعند والديك.شافت فيهم ملاك بخوف ومشات مترددة غي وصلات شدتها الغالية من دراعها بعنف لاكن بلاما تبين ليهم انها قصحاتها حسات بيها غي ملاك لي غي من الشدة عرفات شنو تابعها وهبطات راسها كاتمة دموعها ميطيحوش الشي لي لاحظاتو شمس لكن معندها مدير كيبقاو والديها ومعندها دخل فيهم اما فؤاد بقا كيشوفيها ومخنز:اش خرجك فداك الليل الموصيبة.ملاك هزات راسها كتشوفيهم بحالا كتستنجد بيهم لاكن معندهم ميديرو ليها حتى نطق محمد:البنت يمكن ضربها حمار ليل وتمشات ناعسة تالباب يمكن نسيتوه محلولة وخرجات.شافيه فؤاد بحالا كيقوليه واش منيتك داوي وهو يهز فيه حاجب ونطق ببرود يمكن محملوش حيت فكرو فباه تامن الغالية مرتاحش ليها بجوجهم كيفكروه فطفولتو لي عاش وكتجيه ملاك بحالو كتعيش(هادشي كلو الاحداث الجاية غنعرفوه غي مكنبغيش نطول ونحرق الاحداث باش يجيو كل واحد بوقتو).
محمد:اي حاجة ممكنة ماشي ضروري تكون خرجات بحدها.فؤاد بقا غي كيخنزر محاملش راسو خصوصا شافهم انهم اغنياء واخا هو ماشي فقير الا وانهم كتبان فيهم واصلين ويدهم طويلة اما كون كانو قدو كان يمشي يديكلاري بيهم.بقاو ساكتين تادخلو الدراري وجلسو وخالد مع جلس نطق:ملاك كتكوتي اجي عندي.ملاك بالزربة مشات عندو تفكات من قبضة امها ومشات عندو اما الغالية غي كتحسب ليها عنقها عندو وعهد حاضيه عرف غي من التعنيقة وانها مخايفاش منو انه كيتهلا فيها حتى نطقات الغالية:شكون لي لقاها.عهد وهو كيطلع فيها ويهبط:انا اشريفة.الغالية شافت فيه وفحالتو شكت27♥
شكت فيه ليكون دار لبنتها شي حاجة وشافت فبنتها:ملاك واش دار ليك شي حاجة.ملاك فهمتها غي من شوفتها وعطاتها للبكا من ديما كتمرضها بهضرتها تامن خوتها فاش كيكونو يلعبو معاها كتبقا تقوليها بحال ديك الهضرة ديال واش قاسك ولا شي حاجة زير عهد على قبضة يديه:اه درت.كلشي شافيه بصدمة وكمل كلامو وهو نايض منرفز كون مكانتش كبيرة كان يمشي يقجها:درت عتقتها من واحد الرباعة تاع الزوامل.خالد غي سمعو بدا يخصر الهضرة سد ليها ودنيها تامن اسامة سد لصفاء ودنيها عارف خوه فاش كيولي فبحال هاد الحالة مكيبقا عاقل لا على صغير لا على كبير:الزوامل بغاو يتكرفصو عليها كون محفض الله بدل متلقاي بنتك دابا بيخير كون راك لقيتيها مجلية فشي قنت ومغتاصبة وشوف اشنو اخر.ناض تافؤاد وقف ومخنزر فيه بعيونو الرمادية لي خداتهم منو ملاك غي هو عندو ناصحين عليها:متخصرش الهضرة احتارم غاناس الكبار لي معاك.شافيه عهد باستهزاء:دابا مشديتي من هضرتي كاملة غاتخصار الهضرة.فؤاد مزير على يدو وهو مبغيش يتخيل بنتو فديك الحالة:المهم بنتي بيخير والله يكثر خيرك.قاطعهم محمد:سي فؤاد جلس عفاك تهدن عهد جلس الارض حشم شوية.جلسو وتسمع شهيق الغالية لي كتحبس دموعها وكتحبسهم بزز ملاك شافتها كاتبكي بغات تمشي عندها وهي تغوت عليها قفزاتها:متجيش عندي البرهوشة الناس والدين البنات وانا خطية اهئ الله يعطيك موصيبة تهنيني منك اهئ قهرتيني اهئ.ملاك بقات كتشوفيها وكتبلع ريقها بزز من ديما كتسمع هاد الدعاوي على والو ونطقات ودموعها حبسو:امين تانا نتهنا.كلشي شافيها والغالية زادت كتحلف عليها فنفسها ولكن تاتشدها فالدار شمس جراتها حيت كانت قريبة ليها هزاتها عندها معنقاها وملاك بحال المصدومة غي كتشوف فمها محملاتش تدعي عليها قدام بنادم حسات براسها بحال شي وحدة رخيصة بزاف.شمس28♥
شمس كتمسح ليها وجها من الدموع وعينيها مغرغرين وكلشي كيشوفو فملاك من غير والديها كيشوفو كيفاش طفلة وقالت امين على دعوة مصيبة تهنيها دعوة من ام لي الجنة تحت اقدامها وتمني تحقق الدعوة من طفلة جوج عزاز عند الله مادامها تمنات الا وانها فاض بيها الكاس نطق عهد مزير على يديه لي بياضو بكثرة مامزيرهم:كدعي فيها اول واحد خاصو يتعاقب هوما نتوما حيت مخليين بنت صغيرة تخرج فداك الوقت.نطق فؤاد مكيشوفش فيه:مخليناهاش خرجت بحدها.
عهد بعصبية:كيعني انها مكتهمكمش وممسوقينش ليها ومعندكم بيها غرض لدرجة محسيتوش بيها ايمتا خرجت.فؤاد حاني راسو محاملش نفسو فهاد اللحظة يمكن عندو الحق فهادي ولكن هي كتهمهم وبزاف:مفكرناش فيها وقدر الله وماشاء فعل.نطق محمد:المهم نجاها الله وحفضها.ملاك ضوراتها شمس عندها وعنقاتها وتخشات فيها والغالية محاملاهاش هي بنتها علاش متخشاش فيها تاهي لي كانت غتحماق تفكرات انها هي لي عمرها حوزتها لعندها وطبطبت عليها ولاقالت ليها شنو خصك كاظن ان المسكن والحوايج وانها وسطهم كافيها حنات عينيها محاملاش تشوفيها مخشية فيها. حتا دخل عليهم الشيفور هاز دب كبير فالغوز بحال ديال صفاء تمشى عند عهد ومدو ليه شدو ونطق لملاك بابتسامة:ملاك هاكي.ملاك شافت فيه وشافت فوالديها بحالا باغة تاخد الادن وهو ينطق خالد:خودي غتخليه ماد يدو.تمشات ملاك ببطئ خايفة يغوتو واليديها وصلات وشداتو من عندو عنقاتو عندها وعهد هزها مجلسها فوق فخضو حتا ناض فؤاد وتبعاتو الغالية:يالله نخليوكم هاد الساعة والله يرحم ليكم الوالدين.
محمد:والدينا ووالديك غي هو غلسو تاتغداو حشومة نخليوكم تمشيو.
فؤاد:لا كيخصنا نمشيو خدام العشية.وخاصني نرتاح مناعسش.حرك محمد راسو بالايجاب وناض:واخة غي هو عاودو زورونا.فؤاد شاف فملاك:انشاء الله ملاك نوضي يالله29♥
ملاك هبطات من عند عهد ومشات اول حاجة عند شمس عنقاتها مزيان عاد صفاء تاهي لي بقات تاتبوس غي فحناكها:بسلامة امو حناك غنتوحشك.ضحكات ليها ملاك بلاما تجاوب ومشات عند الجدة باستها وباست ليها راسها ودازت لاسامة تاهو عاد مشات عند محمد باستو تاهو لي تحنى عندها اما عهد مشات عندو وشدها من يديها غادي خارج معاهم هو ومحمد:غيوصلكم الشيفور.
فؤاد:مكين لاش غنشدو طاكسي كيجينا.
عهد:مغتلقاش طاكسي هنا وخصوصا فهاد الوقت كيخصكم تمشاو بزاف عاد تلقاوهم والشمش على ملاك غتمرضها.شير للشيفور وخبرو يوصلهم ومشا جاب لوطو عهد تحنا عندها وباسها وعنقها مطول وشاف فالدب:خليه معاك تالامتلاقيناش من بعد بقاي مفكراني بيه واخا.هزات راسها وهبطاتو بمعنى نعم:واخا شكرا زوين بزاف.نطقات الغالية وهي كتشدها من يدها:وفينهي كسوتك لي كنتي لابسة.عهد:كانو توسخو ليها رالحتهم.خرجات فيه عينيها:علاش نتا لي بدلتي ليها.
عهد:لا الواليدة عوماتها وبدلت ليها هي.الغالية جرت بنتها وغادة تركب فؤاد شافيهم:كنشكركم مجددا.حركو ليه راسهم بلاما يجاوب ومشا تاهو يركب وتقابل معاهم خالد بابتسامة لعهد لي كان فنفس سنو:الله يكثر خيرك اخويا وشكرا اعمي حيت جبتوها عندكم.
عهد:عنداك تنسى لي قلت ليك.خالد بابتسامة:كون هاني.ومشا ركب تاهو وتحركات لوطو ودخلو بحالهم اما عند ملاك لي غي تحركات لوطو صرفقاتها مها وبدات تعاير فيها والشيفور كيشوف من المراية نطق خالد لي كان جالس القدام حداه وهو ضاير كيشوفيهم:امي براكة عليها مسمعتيش الناس شقالو رالقاوها كانو غيتكرفصو عليها.الغالية مغددة:وعلاش تخرج اصلا علاش رخفت للكلبة باقة غاصغيرة وشدارت اما فاش غتكبر غادير ليا شوهة لي منعرف فين نحط فيها وجهي وقيلة.
خالد:الله يهديك الواليدة شهاد الهضرة الوليد هضر معاها.فؤاد ضاير متيشوفش فيه30♥
فيهم غاع ساهي فالشرجم.تنهد خالد وهو كيشوفها كتبكي وساكتة ومعنقة الدب حتا وصلو لدارهم لي كان عطا خالد العنوان للشيفور هبطو والغالية حيدات ليها الدب بالنطرة ولاحتو لور ونطق الشيفور:الالة خلي ليها ديالها راجابو ليها سيدي عهد.خنزرت فيه ودخلت جاراها وملاك عطاتها للبكا وكتشوف وراها فالدب باغاه.تنهد خالد واعتدر منو ودخل تابع باه لي دخل نيشان لبيتو ينعس ضور عينه لمو لي مدخلاها كتنتف لبيت لاخر وسدت الباب وكيسمعوها كتغوت عليها وكيسمعو صوت الضرب:علاش قطعات ليك شعرك لاش ها.ملاك غي ساكتة تابدات تحيد ليها فدوك الحوايح بالنترة وبدلاتهم ليها وهي كتقرص وتعضغاع لحمها مسكينة زرقاتو وخوتها برا مقادينش يدخلو يفكوها جالسين وكيدعيو معاها بكل بساطة تاهوما خايفين حتا بانت ليهم خرجات وهازة دوك الحوايج داتهم لسطل الزبل وجات وشافت فخالد:دااابا تجيب ليا طوندوزة.ناض خالد بخوف:لاش بغيتيها.
الغالية:غنقرع لمها داك الشعر مباغاهش مباغاهش مخلياهم قطعوه ليها نقرعو لما تانا من الجدر سير جيب ليا طوندوز.خالد جلس:الوليدة الله يهديك تانتي صافي ميكي عليها.شافت فيه مغددة وشافت فولادها لوخرين زعما ينوض شي واحد فيهم يجيبها ليها وكلهم حناو راسهم ونطقت:اييه واخة الله يرضي عليكم.ومشات للطواليط تاكتبان ليهم جابة بيغ وكتحيد ليها الغلاقة كلهم وقفو ماجاو فين يهضرو تاكانت سدت الباب حتا سمعو صرخات ملاك:لااا عفاك شعري لااا اهئ بابااا غتحيدو ليا اهئ لااا عفاك.الغالية كضربها باش تبت:الله ينعل طواسلك سكتي الكلبة.وبدات كتشد بالخصلة بالخصلة وكضربها ليها من الفوق قريبة للجلدة ملاك بحات بالغوات والبكا:اهئ لااا عفاك اخر مرة مبقيتش نخرج اهئ خااالد اهئ خويا عفاك اهئ عاونوني اهئ والله تاندير لي بغيتي اهئ عفاك عفاااااك لاااا.الغالية متسوقاتش
♥♥التعاليق داخل الرد بلييييز

Leave a comment