Skip links

قصة : الملتزم السادي ج 18

 45,626 عدد مشاهداات

♥346ج
ودار مﻻك عمرات بالعياﻻت ولبنات تاطارق وصفاء جاو من السفر هبطات مﻻك ﻻبسة قفيطين جوهرة فالخضيضر داخل معاه الدهبي وكانو صايبو ليها شعرها خﻻوه ليها مطلوق باش يضرق ليها العضات شوية ومدارتش المكياج اصﻻ طاح عليها السر جات غزالة وصﻻت النقاشة وبدات ليها وصفاء كتصور وتسيفط لعهد لي كان فهاد الاثناء شاد الطريق غيمشي للطبيبة حتا وصلوه دوك التصاور وقف لوطو جنب وحلهم وتبسم وكتب ليها:واش منقدش نجي.صفاء كتبت ليه:والله منعرف حيت كاينين غي العياﻻت ولبنات هانتا هاني نقول لخالتي واش يقد يجي.
عهد:قولي ليها بغا يتصور معاها وصافي.صفاء:واخا.قطعت معاه ومشات لعند الغالية سوﻻتها واخة مبغاتوش يشوف مﻻك تتقول باش تجيه مغايرة نهار العرس لكن شافتها مدايرة ﻻمكياج ﻻوالو وصفاء بقات ﻻسقاها وقالت ليها قوليه يجي وخرجت سيفطات ليه مساج ومشات كتنشط اما عهد وصلو المساج وتبسم شاف قدامو وتنهد كانت خاصاه غالسبة باش ميمشيش لطبيبة قلب الضورة وشد الطريق للدار يبدل يلبس شي حاجة كﻻس يفقص ليها لعديان.مشا لحوايجو وتلف معرف ميلبس وجبد تيليفونو سيفط مساج وجلس كيتسنا غي شي ربع ساعة حتا سمع الدقان حل لقاه باه هاز عﻻقة بميكة مغطية داكشي لي لداخل وبوكي دلورد كبير متقل شدهم منو:شنو هادشي اولدي.عهد كيحل لميكة وتبسم:انمشي عند حبيبتي.
محمد:ههه مبقيتيش تحشم.
عهد:فاش تحشم نتا عاد اجي قولي انا نحشم.
محمد:ايوة الله يمسخك ديني معاك راتامك خﻻتني بحدي.عهد بدا كيحيد حوايجو:راتانا غادي غاملسق ونديك معايا دختي.معرف سندالة منين جاتو للضهر تسمعت بحال الطرشة وشد فضهرو:ناري لواليدة عاداتك.
محمد:تفو على جنس كيداير.ومشا بحالو خﻻه كيضحك جبد داكشي لبسو وشاف فالمراية جاه ﻻسق وخرج غادي ويتقاد جاتو فشكل اول مرة يلبس هاد اللبس محمد شافو غادي وبسق ديك♥347ج
بسق ديك القهوة وعهد قلب عينيه تاني غيشد فيه وسمعو كيضحك:هههخخخ حياني الله تاشفتك سي عهد بالبلدي.
عهد:الواليد غنخسر معاك بعد مني.
محمد:قود الحمار تقادو لكتاف تاتخسر معايا.
عهد:ساليتي ممكن نمشي.محمد ناض كيضور عليه:اهايهاي تاراني والد الزين جا معاك الخضر.عهد شد راسو:واخا نمشي رانتعطل.
محمد:وقلب سروالك بعدا رامكيتلبسش هاكا راك قالبو.عهد شاف للسروال عليها ممرتاحش فيه حيدو قلبو:احح الله كان مزير ليا على السلطان.محمد ميق فيه:سلطان نقلبو نلقاه غاببوشة مﻻك اتبقا تجبدو بفيليل.عهد عوج فيه فمو وبدا كيهبط السروال زعما:نوريك وﻻ بﻻش.محمد هز يدو غادي هارب:سير سير راتلقاهم ساﻻو وتبقا تبان كيشي مسطي غادي ليهم بداك لكندورة زعما التناسق مع لعروسة.عهد غادي وكيغوت:سميتو جبادور.
محمد:اتاسير.عهد مشا ركب شاف فالمراية لي فلوطو وقاد شعرو بيدو وديمارا غادي مكسيري وصل وهبط كيسمع الحيحة لداخل تقدم سلم على خوتها وباها وشي دراري كانو تما واقفين معاهم ودخلو معاه لصالون وكلشي جلس مصدومين فيه ريوغهم سايلة حط لبوكي تاهو مبسم كيشوفيها هي شافت كلشي تبث عاد هزت راسها فيه مصدومة تاهي داك الجبادور جا معاه ﻻسق بقات غي حالة فمها تقدم باس جبينها والنقاشة ناضت عرفاتو باغي يتصور معاها مﻻك كحازت شوية وجلس مﻻسق معاها ساهي فيها:جيتي زوينة بزاف.
مﻻك بضحيكة وﻻت حمرا:هه تانتا جا معاك البلدي.عهد قادو هاز زنافرو للسما:بصح لبستو على ودك.مﻻك ضورات عينيها وبانو ليها لبنات مخرجين عينيهم فيه حست بقلبها قفز وبدا كيضرها مبغاتهمش يشوفو فيه هزت يديها بتردد حطاتها فوق فخضو مع قالت للنقاشة تنقش ليها غي ضهر يديها مكتبغيش تكثر لحنة دارت ليها نقيشة خفيفة وفنفس لوقت راقية ديال لعريسات:شوف زوينة.عهد شاف فيدها وتبسم خصوصا مزينو خاتم الزواج
#بونوي حبوبتي توقعاتكم♥348ج
الزواج هزها بشوية:زوينة بزاف.مﻻك بقات حاطة يديها فوق يدو حيت هزها كون خﻻتها فوق فخضو كان ينوض يتكيها قدامهم فالمقابل ديالهم كانت عمتو وبنتها كيوشوشو وطالعة ليهم حيت جابتهم شمس:شتي شحال وانا كنقولك ضوري بيه ضوري بيه هاهو داتو ﻻﻻك.
كوثر:ايوة صافي اماما مشا واحد يجي واحد.
حفيضة:وﻻش متديهش هو ها مالكي ماكون خدمتي تحرامياتك معاه.
كوثر:اما راعييت منضور بيه والو وتقول واش شافيا وﻻ شاف جيهتي.
حفيضة:شوفي بنت لحرام كيحاطة يديها.
كوثر:بفف ايوة خليها راه راجلها.
حفيضة:باينة موكﻻه شي حاجة شوفي كيكدير فيها.
كوثر:ايوة كون راه كيبغيها.
حفيضة:غاع هادا حب وﻻش ميبغيكش نتي.
كوثر:اماما وشنو غندير صافي دابا مشا من يدي ماشي مشافش فيا تاوهو زوفري ايشوفيا دابا.حفيضة بقات كتغزز ففمها مفقوسة وكتشوف لمﻻك متنكرش بلي زوينة.ايمن جاب كاميرا شاريها وبدا كيصور فيهم ولي بغا يتصور كيجي يتصور وغاع لبنات كيطيرو يبغيو يجلسو حداه وكيقوليهم دوزو من حداها مكيحشمش وتامﻻك عاجبها قميعو طلقو الشعبي تاني وناضو كيتسابقو كيلوزو قدامو عهد معجبوش المنضر وناض باس جبينها مطوﻻ وشدت فيه:خليك شوية باقي لحال.عاود باسها:انخرج شوية بيدما ساﻻو هادو التلواط.ضحكت ليها وتبسم ليها:غترجع ياك.
عهد:اه انخرج مع الدراري شوية تاتخوا الدنيا وندخل.حركات ليه راسها بواخا ومشا حاول ما امكن ميقيس تاوحدة ولي جات قدامو كتبسم ليه وتبقا ترمش فعويناتها بتقحبين كيخنزر فيها وكتحيد من قدامو خرج عاد تنفس مشا وقف مع خوتها كيهضرو حتا بان ليهم بنادم كينقص تاعمتو مشات ولي كيجيوه مشاو وخرجت عندهم الغالية كتمسح فالطابلية:دخلو اوليداتي تعشاو.دخلو وكانو شي دراري طلعوهم لبيت لفوق حطو ليهم يتعشاو حيت كانو لبنات لتحت ومﻻك معرية شعرها مبغاوش يدخلوهم تما وطلعوهم♥349ج
وطلعوهم لفوق عهد دخل وجلس حداها كانت كتشوف مع يديها لي وﻻت حمرا وشدها ليها مقطب حجبانو:مالها وﻻت ليك هاكا.
مﻻك:اه رادوليا داكشي ﻻش.
عهد:كضرك؟
مﻻك:اه شوية اصﻻ دابا شوية انوض نحيدها.
عهد:كون غي نضتي دابا حيدتيها.
مﻻك:اخليها باش تبان ليا زوينة.
عهد:اصﻻ يدك زوينة غاحيديها.نطقات شمس حيت كيهضرو بالجهد سمعاتهم:ههه خلي لبنت بعد منها نتا.
عهد:وشوفي يدها كيوﻻت باينة مشوطا.
مﻻك:واصافي غي شوية هانتا قيس قربت تكرم.عهد قاسها غي براص صبعو بشوية لقاها نيت قربت تنشف ومﻻك شافت فيه كضحك:نتا الراجل الوحيد لي شتك كتحمل الحنة.هز فيها حاجبو:غاحيت نتي لي دايراها اما والله منطوف جيهتك دابا راجالس ومخنوق.
مﻻك:بصح نوض نحيدها واقيﻻ.
عهد:هيا دابا.مﻻك ناضت خﻻتو كيضحك نيت يشد ليها يديها الغالية شافتها نايضة وحبستها:فين غادة.
مﻻك:انحيد هادي.
الغالية:عنداك تغسليها غي حتحتيها.
مﻻك:واخة.مشات حيدتها وشافت ليدها عجباتها بانت غامقة بزاف ورجعات لقاتهم يالله حطو لعشا مجموعين كيتسناوها غاهي عطاتها معا كلينيكس فازغ بما ورد مسحت بيه عاد مشات جلست حداه تاني:وري نشوف.مدت يديها عاجبينها:جات فنة.
عهد شدهم باسهم:نتي لي فنة.مﻻك وﻻت حمرة وجبدت يديها وبداو كيتعشاو كملوه وبقاو جالسين شوية ومﻻك بدات تغبع والغالية جاتها من الجنة والناس حيت مﻻسقين وكيكركرو:نوضي تنعسي باقي تابعك غدا غتهلكي ﻻبقيتي سهرانة.
مﻻك كتفوه:اااهنمنن واخا.ناضت سلمات على شمس حيت غتمشي مع عهد وضارت شافت فيه وناض مدت يديها وتحنا سلم عليها بﻻبيز تاتلفات على القبلة ومشات كتزرب بقا متبعها مبتاسم وضار شافيهم مبقاتش حلوة ليه الجلسة وشاف فمو:غتمشي وﻻ باقة.شمس ناضت:ﻻ ياوليدي عييت انمشي معاك دابا.خالد بدا كيضحك عاق بيه:صافي سخيتي بينا وﻻ غامشات مبقيتيش حاملنا.عهد♥350ج
عهد بدا كيضحك وكيحك قرفادتو:ههه ﻻ حاشة.بدا كيصوني ليه التيلي وجبدو لقاها نمرة بريفي وقلبو ضرب عرفو غيكون هاداك نفسو المجهول لي سيفط ليه فين كاينة ﻻش كيصوني ليه دابا ضور عينيه عليهم وجاوب:الو.تسمع صوت حرش غليض:مبروك عليكم.
عهد:شكون نتا.تسمعات بيبيب قطع عليه وعهد حيد التيلي من ودنو ونطق خالد:مالك واش شي نمرة غلط.عهد كيبلع ريقو بداو يدخلوه التناوي:اه اه.سلم عليهم وخرجو معاهم فؤاد والغالية للباب مشاو بحالهم دخل لبيتو بقا فايق شحال وكيصوني ليها مرة مرة مكتجاوبوش وهي والو ناعسة تنهد وشاف للسقف وبدا كيتركل كيضحك:غدا انديها.جلس على ركابيه وهز يديه كيشطح:وديتها وديتها واللهيماخليتها واتيتها واتيتها واللهيتاواتيتها ااااح اقلبي.سكت فاش تفكر لي صونا قبيلة وبقا كيفكر راسو ضارو وكيقول غي لبوص لي داير ليه شي قالب ومطلعها عليه حتا داتو عينو اييييييوة ياحميد جا نهار العرس فاق على الحيحة والهاراج كانو كيصايبو الفيلة حيت ايديرو لعرس فيها بطلب من عهد سد عليه بيتو والشراجم وكمل نعاسو بعدما حاول يصوني عليها والو مجاوباتش وخﻻ ليها مسج.اما عند مﻻك خﻻوها فاقت على خاطرها باقي تابعها النهار فاقت ليهم تاقرب الضهر شافت التيلي لقاتو مصوني بزاف ودخلت للميساج وتبسمت:حبيبتي ليوم اتولي ليا.عضت شفايفها وبدات تعيوج وتلوي فشعرها:مالها شنو فيها ياك راجلي انترومانسا معاه شوية مسكين عمري قلت ليه شي حاجة زوينة.كتبت حبيبي ومسحتها وعمري ومسحتها تكتب وتمسح تاكتجي تسيفط ليه وكتعاود تمسحها كتحشم تنفست وكتافات تكتب:تانتا اتولي ليا.غمضت عينيها ووركت باش تسيفطات ليه عاد حلت عينيه وبدات تولول جات تمسحو لقاتو وصلو وقراه وخرجات عينيها وﻻحت داك التيلي ناضت خرجات اما عهد شافها شنو سيفطت وﻻح ديك لفوطة كان كيمسح نصو لتحتاني♥351ج
نصو لتحتاني وطاح على ضهرو فوق السرير شاد قلبو:اااي باغة تقتلني.كتب ليها كنبغيك ومشا للمراية شاف لبﻻصة لعملية مبقاتش باينة بزاف حيت كيدير ليها بومادة ديال سيكاتريس عاود دارها وهبط كيتمختر على خاطرو ماهو موﻻي السلطان.نرجعو عند مﻻك داوها لصونطر بيوتي اول مرة دخل لبحال هاد لبﻻيص تهﻻو فيها مزيان ودارو ليها ليزر للحمها كامل وﻻت كتحس براسها خفيفة من داك الشعر تاوجها داروه ليها فيه مخﻻتهمش يقيسو ليها حجبانها خﻻوها رتاحت شوية وبداو فالماسكات ودارو ليها تاشي كريمات لضربات مسﻻو تافات لعصر عاد لبسوها قفيطين باج وبداو ليها فالمكياج جات مبدلة كتحمق بالزين وصفاء عيا ميقوليها تصور ليه والو مبغاتش تاعيطت ليه يجي يديها عاد مشا عندها ومشاو معاه تاخوتها باش كﻻ ويهز مراتو وصونا لختو وبداو كيسمعو الصﻻ على النبي والزغاريت وخرجو مغطين ليها وجها قرب والمشية تلفات عليه شد يديها باسهم مطوﻻ عاد هز عينو فيها زاد قرب كثر ومد يدو هز داك الحجاب لي مغطيين ليها وجها وياريتو محيدو تفافا وردو عليها مخرج عينيه كيسمي الله وكيقرا اية الكرسي قلبو قرب يخرج ضار شاف الدنيا حداه لقا بنادم شي كيدوز كيبقا يشوفيهم وشي وقف كيشوف تنفس بالجهد وشدها بشوية من دراعها داها حل ليها لوطو تسناها طلعت وهز ليها لقفطان دخلو ومشا بﻻصتو وبقا كيشوفيها حانية راسها وكتلعب بيديها بتوتر:واش نتي مﻻك النور حبيبتي.سمع ضحيكة صغيورة منها وقرب هز تاني بشوية طل عليها غي من لتحت وهبطو بالزربة ضار كيدوز يديه على فخاضو:الله اكبر مشيت فيها.مﻻك قطبات حجبانها وحيداتو على وجها:واش معجبتكش؟.عهد ضار شافيها وغوت:غطي غطي غنموت.مﻻك شدتها لبكية وهزات راسها شافت فلمراية مفيها والو بالعكس جات زوينة وجرها لبﻻصتها غطاه ليها ومغمض عينيه:بسملله تبارك الله يحجبك♥352ج
الله يحجبك من لعين اووففف ممتيقش.مﻻك:شنو عهد خلعتيني واش جيت خايبة.عهد:الله اودي انا لي حسيت براسي خايب فهاد اللحضة.ضحكات وطﻻت عليه بشوية:ﻻ جيتي زوين.ضربها فيديها لي هازة الحجاب باش تغطيه:واش باغاني ندير بالناقص من شي عرس ها لبغيتي دابا نديك ونقولك من هنا مغتعريش وجهك.مﻻك حيداتو بنترة وهو يشهق مغمض عينيه:اويلي ﻻش مالي ماشي تاليلة عمري واتدير ليا بحال هاكا.كيجر ليها يغطيها وهي كتنتر معاه:عفاك ﻻمغطيه راغاناكلك الله بسملله ناري غنضربك بالعين غا انا.مﻻك بدات غي كترمش فيه معرفاتو مالو غاع وساطت خﻻتو غطاه عاد ديمارا غادي ويتنهد ويسرط فريقو ويمسح لعرق ويضور يشوفيها واش بصح حداه دابا وغادين يعلنو ويديرو اشهار ان هاد الزوج تربطو رباط العمر تبسم وهز يديها باسها:جيتي زوينة بزاف شحال مقديت نقول منوفيش حق جمالك.مﻻك عاد ضحكات بغنج:شكرا تانتا جيتي زوين بالبلدي.كان ﻻبس جبادور تقريبا نفس ستيل لي لبس فالحنة غاهادا بيض ومطرز بالباج.وصلو لفيﻻ لقاو الدقايقية والعائلة كلشي خارج اشافوهم جايين وبدا كيضربو وكلشي كيشطح هبط ومشا كيجري حل عليها وشد فيديها هبطات زادو دخلو وتابعينهم العائلة والدقايقية مشاو للمكان المخصص ليهم جلسو وجات عندو النكافة خلعاتو:حيد عليها لحجاب باش تصورو.مﻻك جراتو شوية من دراعو وهضرت بشوية:اه انحيدو تخنقت وبديت كنعرق ايتخصر ليا هادشي.
عهد:اودي اخليه يتخصر.
مﻻك:افف اعهد مالك ليوم.عهد ضور عينيه فالحضور شداتو لبكية ونطق:دابا هادو كاملين ايشوفو الزين لي ديت.مﻻك ضحكات:ههه اه وفقسهم يشوفوك اش ديتي.
عهد:وامتيقيش فراسك بزاف.
مﻻك:وادابا غاحيد عليا هادشي رامكنشوفش مزيان بغيت نشوف شكون وشكون ﻻ.عهد قرب ليها:ﻻش باش تفقسي لبايرات.
مﻻك:ههه ﻻ الله يسهل عليهم تاهوما.عهد تبسم وقرب ليها♥353ج
قرب ليها راسها عندو وباسها مغمض عينيه وفهاد الاثناء استغل المصور الفرصة وبدا كيصورهم تاقاطعاتو النكافة وحل عينيه بشوية باقي حاط فمو على راسها:يالله حيد ليها دابا.شافيها عهد هز صبعو نعت فيها وهبطو مصغر عينيه مفقوس:دخلت عليك بالله ﻻماقولي ليا شكون مسلطك عليا.مﻻك نغزاتو:اويلي اعهد راخدمتها كديرها.
عهد:اشمن خدمة هادي جاية تقوليا عري مرتك.
النكافة:لله يهديك اسيدي اشدانا لشي عيب كيف قالت كندير اخدمتي.
مﻻك:عهد عفاك.تنهد وتاني كيشوف فبنادم:قولي ليهمم يغمضو عينيهم.النكافة خرجات عينيها ومﻻك ضارت جيهتو:شكون.النكافة:اسيدي سربي راتابعاني خدمة اخرى.مﻻك هضرات بترجي بدا كيطلع ليها الدم:عهد عفاك مالك تعكستي ليوم.سمعها دوات هاكاك عرفها بدات تقلق وتنهد كيسوط وشاف فهاديك:شنو اندير.
النكافة:نوضو وعري ليها وجها وبوس راسها.عهد شد فيديها نوضها والنكافة كتقاد ليها فالقفطان من التحت قابلها معاه وتنهد وهزو عليها بشوية تاعراه ليها النكافة طلت عليها كتسناها شي كوفرة باش تضحك عليه على الحالة لي داير بحاﻻ ملكة جمال العالم وخرجت عينيه كتبرغم وهبطات كتقاد تاني ملتحت:وامنعدرو الدري مسيكين ضرباتو تﻻفة.كانت حانية راسها تانطق:هزي فيا عينيك.مﻻك تبسمات وطلعاتهم ابشوية وتنهد جات بكل مافي الكلمة من معنى روعة فتنة فوق لارض تبسم ليها وقرب قبل جبينها وحط يدو على ضهرها بلطف مقربها عندو وحطت يديها على صدرو باش ميزيدش يقربها عاد حبس بعد شوية وهبط عينو فيها وهزات فيه راسها:كنبغيك.ضحكات ليه وضورت عينيها على الحضور وهو متبعها بدات النكافة كدير ليهم ليبوز بلاش يتصورو وصافي مشات عاد جلسو وبنادم بدا كيجي كيسلم يبارك ليهم كاين لي فرحان ليهم وكاين لي حاسدهم اما واحد خالد مقربش جيهتها حاضي امنبعيد وعينيه مغرغرين وكيضور كيتلف♥354ج
يتلف ميشوفش فيها مستحملش وخرج من تما غاع مشا جلس مع الرجال كبار شوية معندهمش مع داكشي بحال باه ومحمد وجلس معاهم كيهزهز فرجلو.اما مﻻك كل مرة مدخلينها يبدلو ليها وعهد غاتابعها متفرقش عليها حتا للبسة لخرة خﻻوها طلعات تبدل وبداو كيدخلو الناس لداخل لفيﻻ لي كانت مزينة بكل اناقة مﻻك كانو كيطلعوها غي لبيت شمس ومحمد تتبدل حيت بيت عهد بقا فالطبقة لي فوقو ومجاتش يبقاو يطلعوها تالتم يكرفصوها لبساتها وكتقيس فيها بابتسامة وشافت فالمراية الكوافورة هي نفسها لي صايبت ليها وجها وكانت كتصايب ليها شدات الشال فاش كتبدل جات من وراها كتصايب ليها شدة ديال لعريسات:كون غي خليتي شعرك عريان فن تباركلله اتجي غزالة بيه.
مﻻك:ﻻ.
الكوافورة بابتسامة:براحتك تالحجاب كيجيك غزال تباركلله تانتي زوينة.تبسمت ليها مﻻك:واخا نقص شوية من الماكياج.
الكوافورة:واش معجبكش.
مﻻك:ﻻ زوين غابغيت نقصو بان ليا راجلي من لي شافني وهو يتنهد وغاكينفخ يمكن معجبوش.نطقت النكافة من لور كانت كتجمع حوايجها:ههه وابسيف ابنتي راخايف على رزقو.ضحكات الكوافورة:ههه وايلي.
النكافة:والله والدري قلت ليه ايعري ليها وجها والو مبغاش بزز عاد عراه.
الكوافور ضارت كتكمل:والصراحة تقال راتستاهل يخاف عليها الله يحجبك اختي ﻻنمشيو نضربوك بالعين.تبسمات ليهم مﻻك:شكرا.قادو ليها وعهد عاد هابط من بيتو كيقاد فالكوستار وكيضحك تم غادي لبيت فين كتبدل حتا بان ليه طارق واقف تما وقرب عندو:طارق مالك.تبسم ليه:والو غابغيت نهبطها انا والدراري.
عهد:ههه وانا.
طارق:ههه وانتا اتهبط تسناها لتحت حنا انجيبوها ليك.عهد ضور عينو:وفيناهوما الدراري.
طارق:وهبط اصحبي اتخصر لينا لبﻻن.عهد هبط كيضحك:واهانا غادي.هبط واخة كان باغي يهبطها هو ويشوفها هو لول بﻻغوب ولكن مبغاش يخصر لخوتها بغا♥355ج
بغا يخليهم ياخدو راحتهم معاها فهاد النهار هبط لتحت وجلس فلكراسى البيضين كبار مخصصين ليهم وكيتبسم كيتسناهو اش غيصنعو.مﻻك لفوق كملو ليها ونقصات ليها كيف طلبات جات مبدلة تاني وطايح عليها السر غير طبيعي جات فنة وكيوت واخة خفيف داروه ليها مضاد للما باش تاﻻبكات ميتخصرش ليها حلو لباب كيصليو على النبي وهي تلقا خوها وتبسمات كيف تبسم ليها وشدها كيضورها وهي عاجبها لحال كيف شي اميرة جات حبسها كيطلع ويهبط وكيضحك:ههه اهايهاي على تيتيز.
مﻻك:ههه براكة من طنز.
طارق:هه ﻻ والله جيتي زوينة دابا نتي تزوجتي صافي.مﻻك تمحات ديك الضحكة بقات غي ابتسامة يالله كتبان وشدتها لبكية بحاﻻ فيقها بلي صافي غتمشي عليهم حس بيها وضحك جارها كيضور فيها عاد ضحكات كتناسى:هههه كتباني بحال داك رجل الثلج خاصك غاخيزوة فداك النيف.مﻻك ضرباتو فصدرو:بزاف عليك.بعد وطوا يدو باش تخشي يدها بجنتلمانية هز زنافرو للسما:تسمحي ليا نوصلك.ميقات فيه:مالك طاكسي.
طارق:اياه زيديني حبا زيديني عشقا نستاهل.ضحكات وخشات يديها وهو ضار شاف فديك النكافة مبغاتش تسكت خﻻها كملت التزغريتو وغتبدا تاني ونطق:اخالتي واخة تطفاي غنطلقو واحد لوغنية.
النكافة:اياه واخة اوليدي.نيت هناوها طارق جبد تيليفونو كتب مساج بالزربة وجاه الرد ديك الساع وتبسم ليها:نمشيو.تبسمت وحركات راسها بالايجاب حتا بان ليها فهد وشي جوج دراري صغار ﻻبسين كوستيمات صغيورين تاهوما وشي جوج بنيتات ﻻبسين كسيوة بيضة بحال ﻻغوب قد قد صغيورين جايين كيشي فيران معرفتهم كيدارو طلعو فالدروج ضحكات وجاو من وراها كيدافعو كحز نتا لهيه كحز نتا لهيه تاغوت عليهم طارق:ايه بﻻ بسالة ﻻش تافقنا وحشمونا مع الناس.شافو فيه:واخة.عاد تقادو وهزو شوية من ﻻغوب من لور ومﻻك بقات كتبسم وتحركو لجيهت الدروج هابطين مﻻك هزت♥356ج
مﻻك هزت عينيها فالدروج وحبست لوهلة كتشوف فخوتها مستفين على طول الدروج وتطلقات اغنية الفرحة ﻻنا حاسس بيها.شدتها لبكية خصوصا فاش كتسمع اختي حبيبتي وضي عيوني وكيشوفو فيها مبتاسمين كانو مستفين متابعين يونس لي قبل من طارق وايمن لي كبر منو وعاد خالد فالتحت غاع تمو هابطين بشوية حتا وصلو ليونس وعطاها ليه كيضحك ومﻻك غي كتسرط فريقها بحاﻻ حابسة ليها ححرة فحلقها ماباغاش تبكي زادو لايمن تاني وعطاها ليه تاوصلو لخالد وهوما من لور جراو على دوك لبعالك وهوما لي شدو ليها لغوب مع منفوخة بزاف وجاية منحوتة على صدرها وخصرها وطويلة من لور عهد لي اختارها ليها نيت شد فخالد لي فاش شافتو هاكاك زادت تازمات وعينيها غرغرو خشات يديها فدراعو وحانية عينيها زادو غي شوية حتا بان ليها واحد وقف قدامها هزات عينيها وياريتها مهزتهم عينيها غي مازادو عمرو كان باها قرب باس راسها ومد يدو شدت فيه غي زادو صافي مقداتش تصبر وبدات تبكي حبس وعنقها وعاد مزادت فالبكا وكتزير عليه مينكرش تاهو شداتو لبكية اما الدراري تاهوما كيمسحو عينيهم كلهم وﻻو حمرين اما واحد خالد بدا كيتنخصص ومغطي وجهو بيديه بجوج.فؤاد كيطبطب عليها لحضة لطالما تمناتها حصﻻت عليها فاخر لحضة وتاغتمشي عاد عطاها ليها:الله يرضي عليك صافي سكتي.تنفسات وبعدات منو كتحاول تحبس لبكية شافت فيه مطوﻻ ونطقات بصوت مقطع مغنغن:راضي عليا.حط يدو على راسها بحنان ونطق بابتسامة:دنيا واخرة.زادو دموعها وشدت فدراعو تاوصلو لعهد بقات فيه بل بقاو فيه كلهم خصوصا خالد بان ليه هو لمدعوق فيهم كلهم ضور عينيه كيقلب على لغالية لقاها تاهي كتبكي اصﻻ كلشي تاثر(تانتوما تاثرتو احح بكيتكم اصﻻ تانا بكيت غاعتارفو)قرب ومد ليه يدها وشافيه:امانة فرقبتك.سكت شوية عاد نطق:الى يوم الدين.عهد شدها منو وفؤاد♥357ج
فؤاد شاف لمﻻك:يقلقك متنسايش عندك دار باك تحاماي فيها.مﻻك عاد مزادت فلبكا:وتاﻻمشيت منها عندك ربعة الرجال ورا ضهرك عمرك تنسايها تنساي سميتك وهادي عمرك تنسايها ابنتي.بدات كترعد وغطات وجها بيديها كتشهق بالبكا خصوصا عاد شافت خوتها كيبكييو عهد عنقها بجنب وتحنا عندها:صافي شش سكتي من لبكا.شافت فباها تبسم ليها ﻻحضات عيونو لي وﻻو حمرين ومشا بحالو خرج برا وتبعوه الدراري يبكيو على خاطرهم بزز باش سكتت باش يتصورو وعهد غي مزير ليها على يديها كيواسيها حتا بانو ليه الدراري دخلو كيضحكو وجايين جيهتهم طارق مشا لعند التريتور وقاليه شي حاجة فودنو وتبع خوتو حتا بداو كيسمعو موسيقى هادية للرقص تقدم خالد ومد ليها يدو مبتاسم وعينيه باقين حمرين من لبكا وشاف لعهد:ممكن نسرقوها ليك واحد اللحظة.عهد حرك ليه راسو بالايجاب ومﻻك ناضت فرحانة شدت ليه فيديه وتقدمو لوسط وبداو كيرقصو تاواحد فيهم مكيعرف يرقص بحال هاكا المهم هوما هاد اللحضات الجميلة لي كيعيشو بداو كيضوروها بيناتهم كل مرة شادها معنقها واحد كيضور فيها وكيضحكو معاها شحال من مرة كانو ايشقلبوها عاد كيشوها كيضحكو مع ﻻبسة الطالون عهد ناض وقرب عندهم كان معاها طارق والدراري مضورينهم:شتكم ماشي غي لحضة بغيتو ديوها النهار كامل.خالد ضحك:ههه ايوة مشتيش راسك نتا لي ديتيها لينا لعمر كامل مافيها باس لصبرتي واحد الشوية.
عهد:ههه وتانا باغي نشطح مع مرتي.خالد غوت على طارق:طارق اجي طلق للسيد رزقو راقرب يبكي.طارق عنقها خشاها فصدرو:يبكي انا مالي ختي هادي.
عهد:وانا رامرتي.
طارق:ايوة عاودها لترمتك.مﻻك ضرباتو:حشم شوية.
طارق:ياك بقا فيك.
ايمن:واشوف ليك السليعفانة كضرب.مﻻك ضربات لرض برجليها ودﻻت شفايفها:ماشي سليعفانة انا.ايمن كيهزهز ليها حجبانو:سليعفانة سليعفانة.مﻻك زادت♥358ج
زادت دﻻت شفايفها:افف عهد هضر معاه.عهد شدو من قرفادتو:بعد منها نتا شوف كيغتبكي.ايمن كيتنتر مع قصير عليه هاز فيه راسو ودافع جبهة:ومالها راسليعفانة مالها اتبدا تعيق علينا.شاف فخوتو وشافيها:تيبديتي تحرشيه من دابا اسليعفانة.خرجات ليه لسانها بطفوليه:مشي سليعفانة انا.عهد ضورو عندو من قرفادتو وباقي شادو منها:مالك اصحبي باغي تقلقها ليا.
ايمن:وغاطلق ونتفاهمو بعدا.
عهد:مطالقش تاتقوليها هي زوينة وكتكوتة وغزالة.ايمن شاف فمﻻك وعاود شافيه:هاديك لقردة نقوليها انا هاد الهضرة اخويا عهد واش مكتشوفش.عهد داه وجابو كيلعب بيه كيبغا:شناهو.ايمن شاف فمرتو كضحك عليه:ناري ضعت طلق اصحبي قردنتيني قدام لمدام.عهد والو مطلقوش وشاف لمﻻك كيطلب:اديك سليعفانة.عهد داه وجابو تاني:ياأ بغيت نقول الزوينة لكتكوتة ديال خوها قولي لهاد لحلوف ديالك يطلقني.مﻻك عاد بدات تفرنس:صافي اعهد ونتا راه سميتو عااااهد االدين ماشي حلوف يالفلوس.ايمن طلقو عهد وبدا كيقاد فلفيستة:اعقلي عليها ﻻنتي ﻻهو وهاهي فيكم.عهد دفعو بشوية ودخل لمﻻك شدها وطارق حيدها ليه:ايه ايه شكدير نتا.عهد ﻻسق معاه وجهو خلعو:مالنا منخافوش.
طارق:اطلق الدرية خنشطحو معاها.
عهد:وانا معجبتكش.
طارق:وانا معلياش الله.
عهد:صفاء شفتها قبيلة كتصور مع التريتور راباقة حداه.طارق طلقها مخرج عينيه وضار غادي حتا حبس فاش شاف صفاء جالسة متبتة وكتفرج عاد سرا معاه القالب فاش سمعهم تيضحكو عليه ضار لقاه شدها هز كتافو ووقف مع خوتو ضايرين بيهم وكيسفقو بشوية عهد شاف فيها:ممكن تسمحي ليا بهاد الرقصة.
مﻻك:هههه واخا.بلعات ريقها وجمعت الضحكة فور مضور يدو على خصرها وﻻسقها معاه والضواو قﻻلو بقا ضو خفيف مسلط عليهم وتبدﻻت المموسيقى لوحدة رومانسية بقاو كيشوفو فبعضهم وكيحركها معاه على نغماتها قرب♥359ج
قرب باس جبينها وهبط لعويناتها باسهم وهي غمضاتهم وحطات يديها على صدرو طلق يد لي شادة يديها وضور يديه بجوج على خصرها هازها عندو شوية وهي ضورات يديها على عنقو بحنية وحط جبينو على جبينها ونيفهم مﻻسق كيحسو بانفاسهم سخان حل عينيه بشوية لقاها مغمضة عينيها مستمتعة باللحضة قرب شوية فمو دوزو غي من لفوق لقطة لي مقدوش يﻻحضوها الحضور حيت دازت بالزربة بان ليهم غي قرب وبعد اما مﻻك حسات بالعافية شعلت فداتها كاملة وحلت عينيها فيه وهبطات يديها من عنقو رداتهم لصدرو ونطقت بهمس:شنو درتي.
عهد بنفس النبرة:غتسكتي وﻻنحويك قدامهم.
مﻻك:حشم شوية متخصرش لهضرة.عهد زاد زيرها من خصرها تاتاوهات بشوية:عﻻش لحوا عيب ياك مرتي ودابا فاش غنمشيو غنخشيه فيك عرفتي شناهو.مﻻك وﻻت حمرا وكتزير على كوستيمو بصباعها بخجل:سكت اعهد.
عهد:تاتقولي ليا شنوهو.
مﻻك:عهد بعد مني.
عهد:ههه اعولي اتبقاي تقولي سميتو كل نهار.قرب بهمس كثر:وكل دقيقة وكل ثانية حيت منقدش نطلقك شي جزء من الثانية.مﻻك بخوف:ومغتضربنيش.حساتو حبس وبعد شوية هو عاد فاق وتفكر مرضو وسلبيتو هزات فيه عويناتها:ياك مغتضربنيش ومغتشدش ليا يدي.هي كتهضر وهو عاد مكيزيد يجهل عليها مكرهش دابا يديها يشدها ميطلقهاش تاتسخف وميعياش منها لكن عيونها لخائفة خﻻو قلبو يراف:صافي سكتي.شدت فيديه جبدتها عندها وباستها قدام لكل خﻻت هادوك مالين لبروتوكول ينوضو كيتبسمو وكيسفقو مﻻك معﻻبالهاش بيهم بحاﻻ غي هي وياه وشافت فيه بعدما باست كفو مطوﻻ:واعدني مضربنيش وانا كلي ليك.عهد خشا وجها فصدرو معنقها:كنبغيك كنبغيك بزاف رحميني عفاك براكة عليا عييت نصبر.
مﻻك:شنو بغيتيني ندير همم.
عهد:قلبك وروحك وعقلك وجسمك كلك بغيتك ليا بغيت نملكك.غمضات عينيها وزيرت عليه خاشية وجها فصدرو هاربة من اعين الناس
#بونوي♥360ج
من اعين الناس:اصﻻ انا كلي ليك.عهد زير عليها وتحنا قرب لعنقها كيهمس ليها وباقي خاشيها فيه:مكافينيش هادشي بغيت كثر بغيتك تبرهني ليا من ليوم نتي مرتي حياتي حبيبتي وشرفي مبغيتكش تخدليني شي نهار.زيرت ليه على ضهرو وهضرات بنفس النبرة اصﻻ تيهضرو بشوية:عمري نخدلك وﻻ تشوف مني شي حاجة تقلقك عمري.
عهد:بغيتك تبغيني وتكوني ليا الزوجة الصالحة ونجيب منك وليدات وتعاونيني نربيوهم احسن تربية.حركات راسها مطلعاه ومهبطاه بمعنى اه مقداتش تهضر تربط ليها اللسان وكمل هو:بغيتك تيقي بيا انني عمري نخليك ولو شنو ماكانت الضروف من غير لموت.زيرت عليه قاطعاتو:الله يحفضك ليا.تبسم بفرح:ويحفضك ليا تانتي صافي متافقين.بعدات شوية شافت فيه:هاد الهضرة كلها لي قلتي موجهة ليك تانتا متافقين.حط يدو على خدها بوعيد:متفرقنا غي لموت.تبسمت ليه:الله يطول فعمرنا تانشوفو وليدات وليداتنا.ضحك بمكر حيت بدا كيتاثر وغيسدق باكي ليها:ههه هي باغة لوﻻد احح قولي ليا بعدا كتعرفي كيتيديرو يصنعوهم ياك.دفعاتو شوية:حشم شوية ويلي.جرها عنقها كيتبسم:انشاءلله انشرفو بزوج ههه وعاد اتجيني المراهقة ونبدا نخونك ونتي تابعاني فلكوميساريات ههه.
مﻻك:ديرها نقتلك.
عهد:ههه كتغيري.
مﻻك:راك راجلي واقيلة اوﻻ.
عهد:احح عنداك فاش نمشيو تنكري هاد راجلك.مﻻك خشات وجها كتفيرنس وهو بقا كيتنهد معرف شنو غيدير فهاد ليلة باغيها لاقصى درجة وخايف يبدا معاها اليلة وتشدو لحالة تاني يسدق ماديها حبسو وتحط لعشا هوما جابو ليهم طابلة بيضة مزوقة حطوها قدامهم وجابو ليهم لعشا مﻻك دخﻻت طول وعرض فداكشي مع مكﻻتش من الضهر وعاد داكشي بنين بقات غاكتسرط ولكن مكيسة لتوسخ لاغوب وعهد مرة مرة يوكلها وكتبقا تعضو بلعاني وتبقا تفرنس:وايني راك باسلة.
مﻻك:ههه وابعد مني كدير الدغمة كبيرة رافمي♥361ج
رافمي ماشي هو فمك.عهد خشا دغمة ففمو وتمتم:دابا نوسعو ليك يالحبيبة غاصبري.مسمعاتوش وكملات عشاها كلشي كمل بقاو جالسين شوية ومرة يطلقو الشعبي كلشي ينوض يتحير ومرة يديروها كالم كينوضو ليكوبل يرقصو حتا تمو جايبين ﻻطاغط مﻻك عينيها حوالو معاها وناضت قبل من عهد لي بدا يضحك وشدها من يديها:ههه اتسنايني ونتي نكرتيني.
مﻻك:ههه سربي كتشهي.مشاو وعطاهم لي مكلف موس طويل بحال السيف عهد جا من وراها وشد معاها يد فخصرها ويد على يدها وهي فرحانة مقاداها فرحة هبطو لموس على طول الطورطة وجا لي مكلف بدا كيقطعها باش تفرق على الناس رجعو ابطالنا جلسو بﻻيصهم ومﻻك بدات تنغزو:قولهم يسربيونا حنا لولين عنداك ميبقاش لينا.عهد حط يدو على عينيه كيضحك:ههه واﻻ مبقاتش نشري لحبيبتي وحدة ابوحدها.
مﻻك بحماس:بصح يالله هي دابا.عهد ضور راسو بﻻ حول كيضحك وبان ليه السرباي جايب ليهم:هه هاهو كولي حقك وسكتي.حطو ليهم ومﻻك زادت كتاكل وتبنن شافت فيه:زوينة بزاف.
عهد:ههه واكوليها.
مﻻك:هه هاني كناكل.عهد بدا غي كينقب وكيهز من ديالو كيعطيها تاكملت ديالها وضارت عندو كيوكلها ديالو وهو مبسم حتا كمﻻتها ليه وبدا كيمسح ليها فمها زعما اما هي مفيها والو غي بغا يقيسها:نقولهم يزيدوك.
مﻻك:هه ﻻ براكة الحمدلله شبعت افف ههه غنطرطق.
عهد:بصحتك احياتي.تبسمت ليه وبان ليها باقي حاط يدو على فمها وشدتها ليه باست صبعو بالزربة وهبطات ليه يدو خﻻتو غاهاز حاجبو وابدات تزعم عليه ﻻحظ بلي ماشي اول مرة شحال من مرة كديرها معرفش واش هاكدا كتعبر على حبها يمكن لحد لان معمرها اعتارفات بحبها ليه لكن تصرفاتها وغيرتها لمخفية لي هو لوحيد لي كيﻻحضها كتخليه يحس انه عندو مكانة فقلبها ولو مقايﻻهاش ليه بدات الدنيا تخوا حتا جالوقت باش تمشي ناضو خرجو بالزغاريت مﻻك بداو♥362ج
بداو عينيها يتغرغرو كلما سلمو عليها عهد خﻻها كتسلم وتعنق فخوتها وعياﻻتهم حتا سمع صوتو من لور:غتهﻻ فيها ياك.عهد ضار عندو:شهاد لهضرة كتقول اخالد راغنديرها فعيني.خالد تنهد وعينيه تغرغرو:راماشي ختي هاديك رابنتي فخبارك انا لول هزيتها هه فاش جبناها للدار بدات تكبر بشوية بشوية ولواليدة مقصحة معاها لدرجة شي مرات مكانتش ترضها وكنت نسخن ليه لحليب بالتخبية ونعطيه ليها يالله كانت تشبع.حبس لوهلة كيقاد صوتو ويحبس لبكية بانت ليه الغالية عاد عنقاتها كتبكي وضحك بسخرية:ههه عنقاتها هه عرفتي مسكينة شحال من مرة كانت تشوفها عنقاتنا وتقولينا تعنيقة ماما كيف دايرة كنا نعاودو ليها ونشرحو ليها باش تحس وتخايل داك التعنيقة لدرجة كانت تسرق ليها ريحتها هي و لمسك لي كيدير لواليد وكديرهم فمخدتها ونلقاوها معنقاهم مخشية فيهم فاش كانت تحصلها تهزها وتحطها بالشفارة غي حيت حاوﻻت انها تستشعر داك الحضن.بدا صوتو كيتغنغن وطاحت دمعة:شنو دنبها عﻻش حيت بنت من ديما مديريش هادي وهادي عﻻش حيت نتي بنت مخصكش ديريها.شاف فعهد لي حاني راسو وكيسمع ومزير على يدو:كنطلبك بل كنترجاك تهﻻ فيها وﻻمعرفتش وريها متغوتش عليها كنضن خدات مايكفي من لغوات والعداب ﻻغلطات صحح ليها رادير عقلها والله.قطب حجبانو:ولكن دير فبالك حاجة وحدة.عهد شافيه:شنو.
خالد:تكون تانتا سباب فعدابها وتكمل مابداو غتلقاني فوجهك يمكن هوما والديا وملقيت ليهم جهد ولكن نتا واخة راجلها منعقلش عليك.عهد تبسم بجنب:نعتابرو تهديد.
خالد:حاشة ولله باش نهددك ولكن غي باش تبقا مفكر ومتقولش والديها يمكن مكيحملوهاش تنوض تحغر عليها.عهد بقا ساكت وضار شاف جيهتها بانت ليه غتسطا بالبكا والغالية كتدفعها وكتبكي كتقوليها صافي سيري ومﻻك والو مبغاتش طلقها باقة باغة تبقا معنقاها عهد مشا شدها♥363ج
شدها عنقها وشاف للغالية لي دخﻻت كتزرب وكتشهق ومﻻك كترطا ليه باغة تمشي عندها قرب فؤاد وشدها من عندو:باسملله عليك ابنتي.مﻻك تخشات فصدرو مزيراه وكتشم ريحتو ومزيرة على عينيها كترعد كتحس بحاﻻ عمرها كانت معاهم وﻻ شافتهم بقا كيبوس ليها راسها وشاداه لبكية وشاف عند عهد:سير اولدي الله يرضي عليكم.عطاها ليه ومﻻك بقات شاداه وشافت فباها بترجي:عفاك اشوية اهئ خليني معاكم.دوز يدو على وجها بحنان:سيري ابنتي مع راجلك راك باقة اتشوفينا مغنمشيو فين.مدها لعهد لي شدها زيرها عندو يمكن زاد حقد عليهم فهاد اللحضة لي بكاوها تالخر عاد عطاوها حنان مكاملش عشرة دقايق وكانت معاهم ازيد من تسعطاشر سنة ركبها وسد لباب بالزربة ومشا ركب ومﻻك كتشوفيهم من الشرجم بانت ليها مها كطل من بعيد وكتبكي وعياﻻت خوتها تاهوما كيبكيو وصفاء وشمس تاهوما بقات فيهم ديمارا وغادي بشوية دازو من حدا خالد بقا واقف متبعهم فاتوه ابشوية وتبعهم كيزرب عهد شافو هو لوحيد لي بقا فيه منهم كاملين بان ليه كيقرب وكيزيد يزرب عهد غمض عينيه وتنهد وكسيرا خارج بان ليه وقف شاد فراسو وبدا كيبكي ومﻻك تاهي كتنخصص حداه والو مبغاتش تسكت شد يديها باسهم:شش احياتي براكة عليك راماشي مغتبقايش تشوفيهم.
مﻻك:اهئ مغتحسش اهئ بيا اهئ.عاود باس يديها:حاس بيك اروحي حاس بيك غي كتسحابي صافي تزوجتي مغتبقايش تشوفيهم متخافيش ﻻبغيتي كل نهار نجيبك تشوفيهم غي سكتي من لبكا عفاك.مﻻك بدات تنقص من لبكا:اهئ راسي ضرني.عهد:كون نعستي غتكوني عييتي داكشي ﻻش غي نعسي احبيبتي.هبط ليها الكرسي شوية تاتقادات وقالت ليه مرتاحة وباقي كتنخصص(ناري عرفتو شحال بكيت فهاد الاجزاء والله احح غنقلبدابا لفيستة عليكم)مﻻك بقات متكية شوية حتا داتها عينيها عهد شد الطريق لدارهم لي فافران كان لجو بارد شوية دار♥364ج
دار شي ساعة ونص فالطريق عاد وصلو وضار شافيها بقا شحال كيشوفيها عاد هبط وسد عليها مشا حل باب لفيﻻ وكيتلفت ليها كل مرة خايف ﻻيجي شي واحد وياخدها ليه ههه حل لباب ومشا حل لكوفر وهز حاجبو باستغراب كيسحاب واش دارو ليها باليزاتها كاملين ساعة بانت ليه غي شانطة صغيرة هزها دخلها غي حدا لباب ورجع لعندها حل لباب وبدا كيحل ليها حزام السﻻمة وعاض لسانو مكيس لاتفيق حتا بانت ليه قفزت شافت فيه:عهد.قرب خطف منها بوسة مينكرش فرحان حيت فاقت:روح عهد.بدات تحك عينيها:فين حنا.مدت ليه يديها وشدها خرجات بديك لاغوب هاكاك منفوخة:فدارنا احبي.تبسمت ليه بتبويقة ديال النعاس حمقاتو:وصلتي تالايفران وانا ناعسة.
عهد:اه ودابا من هاد الهضرة راليل هادا زيدي ندخلو.سد لوطو ودخلو طلقها مشات دخﻻت وهو سد لباب طرقو بانت ليه جلست فالصالون كتحيد شالها حتا سمعو لحس ومﻻك طارت نقزات حداه وخرجت مراة من لكوزينة وعهد مينكرش تخلع فلول عاد تفكر بلي هوا لي سيفطها تقاد الدار تقدمات عندهم بابتسامة بشوشة:وليداتي مبروك عليكم.عهد تقدم باس راسها:الله يبارك فيك.المراة شافت فمﻻك وقربات:تباركلله مشاء الله.شافت فعهد:صمتي وفطرتي على جوهرة غزالة تباركلله.عهد تبسم بزز اشمن صيام الحاجة وهو قبل خمس سنين كان ميحبس الموطور تالرمضان.قربات سلمت عليها وباركات ليها وشافت فعهد:هانتا اوليدي راقادو كلشي كيف وصيتي ورا حضيتهم ووقفت على الشغل بيدي.
عهد:شكرا الله يطول فعمرك.
المراة:يالله اوليدي خليت ليكم الراحة هاد الساع.
مﻻك:اتمشي بوحدك اخالتي ليل.
المراة:هاهيا داري ابنيتي غاهنا ومكين مناش نخاف الله يرضي عليك.تمشات بشوية عليها حيت امراة مسنة ومشات معاها مﻻك تاحﻻت ليها لباب خرجت عاد ضربت راسها وضارت عند عهد:اوليدي نسيت الله يتبتنا على الشهادة راه قبيلة♥365ج
قبيلة جا واحد سميتو جبران يمكن قاليا بلي خدام عندك فلفيﻻ لهيه ديال والديك كتعرفو.
عهد:اه خدام عندنا مالو شنو بغا.
المراة:كان جايب صندوق كبير معرفتو اولدي شنو فيه وقالينا بيتكم يدخلو ليه وانا خفت ليكون فيه شي حاجة وقلت ليه بيتكم هو لي داير للضياف ودخلو تما وسد لبيت وفاش خرج هاز الصندوق محلول وخاوي وسد لباب وقالينا تاواحد ميحلو.عهد:ولكن مقالش ليكم شنو فيه.
المراة:الله واعلم اوليدي قالك كادو وتاواحد ميحل لبيت تاتجيو وصافي ولكن من قبيلة مرة مرة نسمع التقرقيب فداك البيت وخفت اوليدي نحلو.
عهد:واخة اميمتي شكرا وسمحيليا عدبتك.المراة غادة:عدابكم راحة اوليدي الله يرضي عليكم.مشات وسد لباب ومﻻك شافت فيه:كون غي وصلتيها ليل عليها وبانت ليا الدنيا خاوية هنا.عهد ضحك وجرها عندو:ههه ﻻ متخافيش عليها مولفة هنا وعاد الدنيا مامنة هنا واخة تبان ليك خاوية راماشي اي واحد يدخل ليها فهمتي احبيبة ويالله حيدي هاد الشال فيك الجوع.مﻻك بدات كتحيد الشال:ﻻ مفياش كليت الحلوى بزاف غهمتني.دﻻ شفايفو:فيا الجوع اناكل بوحدي.
مﻻك:اجلس معاك ولكن خاصني نبدل.عهد مد يدو حيد ليها بحال لبوليرو كان مغطي ليها فوق صدرها وكتيفاتها ودراوعها ومﻻك خرجت عينيها هي لي لبستها ومعارفاش بلي فيها هاد لبياسة:اويلي فين كان هادا ياه ميسحابليش كتحل تامن هنا.بقا كيضحك عليها وقرب باس كتفها مغمض عينيه ومد يدو طلق ليها شعرها كانو مهبطينو ليها بالبﻻك سامبل جاها كيحمق بعد وحﻻت عينيها بعدما كانت مغمضاهم تنهد وقرب باسها بشوية فشنيفاتها جاوها سخان بزاف وبعد تاني:ياك قلتي ليا انحيد ليك انا لغوب ﻻش باغة تبدلي دابا.مﻻك وﻻو حناكها حمرين:ولكن.قاطعها مبعد شاد يديها وكيشوفيها:هه خليني نشوفك هاكا جيتي زوينة.تبسمت ليه وهبط باس يديها

Leave a comment