Skip links

قصة : الملتزم السادي ج 12

 45,087 عدد مشاهداات

♥222♥
وخدا ليها التيلي وبقا شادها شافيه لقاها نيت كدوي معا طارق لقا غي حبيبي والكبادي والقلوبة والبغو كيتشاير وشافيها:اهايهاي على ﻻلة البنات تي شحال جمعتي ديال الدنوب.صفاء حمرا بلحشمة واخة هكاك دافعة جبهة ومخنزرة باغة تفك منو باجغها وشادها غا بيد ومريض من الفوق وماقاداش عليه:افف ونتا مالك سوقك بحاﻻ نتا مكديرش داكشي مع مﻻك.شافيها وخمج ليها وجها بيدو:غنعوج مك نتي من شي قنت ﻻمسكتيش خوادرية بغيتك فواحد الغراض.صفاء نافخة ريشها عليه:ﻻءح مبغيتش يالله.شافيها وهز حاجبو ديك اللعبة ديال ياك:عقلي عليها وسمعي بعدا غاشنو باغي.صفاء كتشوفيه من تحت يدو حيت حاط دراعو على راسها شادو بيها ويدو شادة يديها بجوج مﻻقيا تافين تحرك:شنو.عهد:بغيت نشوف مﻻك.
صفاء:وسير شوفها شدخل جد اصل مي انا ﻻش جاي عندي.عهد عاود خمج ليها وجها:دابا مال والديك كتهضري هضرة الشماكرية تقادي معايا البرهوشة وﻻ نقادك.صفاء باغة غي تفك:افف واشنو غندير راك نتا لي خاطبها شحرق شطارتي انا بيناتكم.
عهد:ورا شطارتك فين بقات.صفاء كضور عينيها:شغندير.
عهد:والو بغيت غي نشوف حبي.صفاء بدات تغبن:واعهد واش حماقيتي وﻻ مالك راقلت ليك سير شوفها شدخل حمارتي.عهد:بفف ورا ماشي غي جي ونشوفها على هي بغات رامبغاتش تجي عندي.صفاء طرطقات عينيها:اويلي تخاصمتو تاني.عهد مد يدو بحاﻻ غيصرفقها:الله يحفضنا وينجينا ويخلينا لبعضياتنا ويبعد علينا وﻻد الحرام قولي امين.
صفاء:اااامين ياربي يالله طلقني.
عهد:واﻻ تي مالكي كدوخي عليا تاديري شغنقولك.صفاء كتنتر ومخصرة وجها قنطات:واشنو داغيا تخنقت.عهد كيضور عينيه كيفكر:بغيت انا نمشي عندها.
صفاء:واسير شكون حبسك.
عهد:دابا كيف شتي اﻻلة موﻻتي مجاتش غانمشي عندهم هاكا السﻻم السﻻم بغيت نخرج مع مﻻك.
صفاء:نقول لطارق يخرجها ونخرجو.عهد♥223♥
عهد هبط حواجبو:اولله ﻻخرجي معاه تسحابيني معارفكش كتخرجي معاه بﻻ خباري فاش كنت فالسبيطار باقي غنتفاهم معاك عليها من بعد لي وﻻ يوصلك تالشمن وقت.صفاء غي كضور عينيها باش عاق بيهم حيت مبقاش كيبغيها تبقا خيطي بيطي معاه يايحرمها عليهم تاهوما وﻻ يديرو ليه حل مع مﻻك تاهي تخرج معاه:دددابا شبغيتيني ندير ليك عطيتك حل ومبغيتيش.
عهد:وادابا بغيت نمشي نتغدا معاهم وفاش نكملو نهضر معاهم نخرجها راك عارفة والديها كيدايرين معرفتش طاح عليا غي هاد الحل لي مزيان على حسابهم.صفاء:وسير تغدا معاهم.
عهد:واهنا نتي فين غتخدمي دابا نتي غتنوضي وتصوني لبولفاف ديالك وغتقولي ليه.كيرقق صوتو كيعيبها فاش كتكون تهضر مع طارق:طاغييك مون فغيغ خرج من لوبيطال.ورجع لصوتو لعادي:وطبعا هو غيقوليك على سﻻمتو ونتي غتقولي ليه.تاني رقق صوتو:كيف كتعرف امون اموغ مغيبقاش يخليني نخرج معاك توجوغ دونك نطلبك طليبة.رجع صوتو:وطبعا هو ميبغيش يخصر لحبيبتو ونتي اتقولي ليه.رقق صوتو:عرض عليه للغدا بمناسبة خروجو عندكم فالدار باش تعز عليه ويبقا يخلينا نخرجو.سكت وشافيها:فهمتي شغديري.صفاء غي مبرققة عينيها:دابا انا كندير هكاك.
عهد:كديري مكتر دابا شنو غديري لي قلت ليك.صفاء كتنتر:واش حمق راماجاتش.عهد:اوكي لي بغيتي. رجع شاف فالتيلي وخرج من الواتساب فين كانت داوية مع طارق مسوقوش فيها هو اصﻻ مادام صافي قرب يهنيه منها ودخل للكاميرا ودار فيديو وبدا كيصورها هكاك وشدها من حناكها مزيرهم:قولي انا خراية.صفاء قربات تبكي بالضران:انا خراية طلق.
عهد:ﻻ تاتقولي انا بوالة.
صفاء:اععع طلق.زاد زير عليها ومخرج عينيه:قوليها ونطلق.
صفاء:اعغتععع انا بوالة.عهد سد الفيديو وطلقها دخل تاني لواتساب عند طارق وجبد الفيديو غيسيفطو ووراه ليها:شبان ليك يعجبو زعما.وكيقرب يدو♥224♥
يدو غيورك زعما وصفاء قربات تبكي:ﻻ ﻻعفاك صافي هانا نقوليه شنو قلتي.عهد ضحك وتغعد عليها جرها جلسها وكيقاد ليها فشعرها:يالله الله يرضي على ختي.مد ليها التيلي يالله غتشدو بعد يدو شافت فيه ونطق بتحدير:تحاولي تلعبي ضدي نخمج ليك ديك الكمارة.ميقات فيه وخدات التيلي:ايخ على بنادم بحاﻻ معرت شغتصنع.عهد مخنزر فيها:راجل مك انا لي غالسة تخيخي عليا وزايدون ديك الهضرة قوليها لراسك ودابا طلقيني دغيا راعندي ميدار.صفاء حنات راسها مهزاتوش وهو غا حاضيها كيتسناها غتعيط:ونتي شتك باقي شادة الستون تفو على الصباح.
صفاء:را قلت ليه شنو قلتي ليا.
عهد:ايمتا.
صفاء:عاد دابا.
عهد:وباش عرفتك انا راك نيت قلتيها ليه.صفاء مدات ليه التيلي ديك الهدة ديال هاك شوف تسحابو واش مغيشدوش تاخرجا عينيها فاش نترو ليها وبدا كيطلع المساجات وكيشوفيها مرة مرة وهاز حاجبو:شهاد التسلغيط نتي وليتي تهضري بيه.صفاء باغة تاخد ليه التيلي:بعد مني واصﻻ اش داك نتا لداكشي ياك باغي غي تشوف واش قلتها ليه.عهد كيبعدها:وانا بانت ليا غا شواية خدامة عندك هنا مشفت هضرة لي قلت ليك.صفاء ربعات يديها:وعطيني نوريك مالك دابا.ﻻحو ليها جابو ليها فطنطون فرق ليها جمجومتها خﻻها كتحك:ورينا نشوف يالله.صفاء هزاتو وبقات غادة طالعة تاوصلت فين قالتها ليه:اهايهاي قلتو شﻻ كﻻم طلقي نشوف.شاف داكشي لقاها نيت قالت كيف قاليها وﻻخر تاهو عنيبة قاليها واخا الحبيبة:شتي راقلت ليك ميخصر ليك.بهمس مسمعاتوش:الزويمل داير كيشي عايلة.(ناري وتسمك مﻻك عايرتي ليها خوها)مد ليها التيلي فاش شاف مو جايبة ليه فطورو وناض بشوية عليه شدو من عندها وجلس هادي ضر هادي تنفع ونطق فيه دودة:الواليدة ليوم غنمشي عند دار مﻻك النور.شمس باستغراب:ﻻش اولدي ياك ﻻباس.
عهد:ﻻ والو باس غي عارضيني للغدا.صفاء♥225♥
صفاء بمكر:عﻻه ايمتا عرضو عليك هوما وتسعود الصباح هادي ولي عارفين راك باقي فالسبيطار.عهد بزعفة مكرهش ينوض يقتلها وتبسم ليها باستفزاز:ياك قلتي ليا قلتي لداك الز.سكت كان غيخصر الهضرة:لداك الرويجل ديالك بلي خرجت وقاليك يجي يتغدا معاهم.شمس شافت فيها:اويلي على النبوري كدويو.صفاء شافت فعهد وكضور عينيها شوية وتبسمات ليه تاهي نفس التبسيمة:امم اه راقاليا نجيو كلنا ماشي غي نتا.عهد طرطق عينيه:شنو.
شمس:واش بصح ولكن ﻻ ماجاتش خاصهم يعيطو وﻻ شي حاجة ماشتي ميكونو موجدين وﻻ ندخلو عليهم على غفلة ونحرجوهم.صفاء كتشوف فعهد لي غيقتلها بعينيه وشادة فمها:ﻻ راه غتعيط مت مﻻك تعرضك وباها غيعيط لبابا.
شمس:ايوة ﻻكان هكاك نوض نوصي على شي حاجة نديوها معانا مجاتش ندخلو بيدينا خاويين اه حقا ولكن ﻻش عارضينا.صفاء بتمتمة حاضية من عهد ليغفلها وينوض ليها ضربت ليه كلشي فالزيرو مكانش باغيهم يمشيو تاهوما كانت غتجيه ساهلة يخرجها اما دابا غاباه غيدير ليه العصا فالرويضةهادشي اصﻻ ﻻبغا باها حيت محمد مكيبغيش يتخلوا معاه خايف يدير فيها شي حاجة معارفش سي سيد داخل ليها من السطح:اه اما عارضين حيت عهد خرج ممتمن انمشي معاك.لصقات فمها وسلتات معاها خﻻت عهد غي كيغزز فسنانو كان ناوي غي يتغدا ويطلب من باها يخرجها حيت غيكون غا بوحدو اما دابا العائلة اكيد غيبقاو مجمعين وسير ايمتا يقد يخليوه يهضر كيفكر حتا ضربت ليه طن فدماغو:وﻻش مصدع راسي انا دابا ديك الخراية غاداوية.وناض هز معاه البﻻطو غادي لكوزينة فين مشات مو وختو ناوي يجرها يهددها بالفيديو حتا كيشوف مو كدوي فالتيلي وكضحك وخرج عينيه:واخة اﻻلة الغالية هههه…اه انشاءلله….الله يسلمك….امين ياربي…انشاءلله الله اودي ههه…مع السﻻمة…واخة كوني هانية.قطعات وشافت فياقوت خالت سارة♥226♥
سارة كضحك:ههه هاهي عيطت كان يسحابلي متعيطش.عهد ضار مخنزر فصفاء واشار ليها بعينيه تبعو حط البﻻطو فوق البوطاجي وشافتو شمس:هه اولدي نيت عارضين ورا الطانش جوايه الضهر انشاء لله نمشيو.حرك ليها راسو بواخة وخرج كيشوف فصفاء لي تبعاتو كيخرجات ضار شافيها:غاقولي ليا ايمتا قلتي ليه الدار كاملة.
صفاء:عاد دابا وتاهو معطلنيش كيقطعت معاه صونات مو لماما كيف شتي.هز يديه بجوج مغدد بحاﻻ غيخمج ليها وجها مي مقاسهاش:شغندير فيك دابا شغندير.صفاء عوجات فمها:ومالها شفيها ﻻمشينا كاملين.عهد شد فراسو وغادي:الله ياربي شدرت فحياتي تاتعطيني خت بحال هادي.ضار شافيها:هاعارت الله واش انا خخوك وﻻ عدوك غاع البنيات عزازين عليهم خوتهم تاليك نتي شوفي غا مﻻك النور والله متتهز فيهم الراس.صفاء خرجات ليه لسانها:واتاتكون نتا كدير ليا لي كيديرو ليها هوما.حيت عاودات ليها مﻻك كيتهﻻو فيها بزاف وعزيزة عليهم ماشي بحال عهد يضور يضور ويمرمقها معاها عند بالو ضحك كمﻻت وهربات حيت بان ليها راجع ليها:البرهوشة لوخرا وكتجبه.كيعيبها غادي طالع لبيتو:تاتكون كدير لي كيديرو انننينيي.دخل لبيتو وتكا على السرير داير يدو تحت راسو حل السورفيط خﻻها محلولة وجبد التيلي لقاها عاد مسيفطة صباح الخير كيصبحتي وجاوبها:الحمدلله انعاسة ديالي.شافها مقراتوش عرفها محداهش وخرج للبالكون بقا تيخربق بالتيلي كيتسناها تجاوبو.اما مﻻك كانت عاد فطرات واخة وقفت ليها فاش عرفات بلي خرج وعارضين عليهم للغدا جاتها فشكل منن بعد مدة غيتﻻقاو تاني لقات فجوة ومشات لبيتها داغي لقاتو شنو مسيفط وكتبت ليه:عهد واش بصح خرجتي وغتجيو عندنا اليوم.شاف مساجها وتبسم:وي خرجت وغنجي لعند حبيبتي نتغدا عندهم.مﻻك تبسمات بخجل وكتبت:على سﻻمتك ﻻش مقلتي ليا والو.
عهد:مجابتهاش الوقت وصافي.مﻻك جات♥227♥
جات تكتب حتا بان ليها سيفط مرة اخرى:مﻻك النور حياتي واخة نطلبك.كتبت ليه وي شنو وكتب:واخة طيبي نتي الغدا بغيت ندوق من يدياتك.مﻻك يديها كيترعدو:شنو بغيتي تاكل.عهد تبسم وكتب:لي جات من يديك سمن وعسل المهم طيبي نتي.مﻻك قلبها كيضرب غي بمجرد انه كيطلب منها تطيب ويدوق طيابها:واﻻ خاصك تقوليا حيت غنتلف شنو نطيب.
عهد:شنو كتعرفي طيبي بعدا.مﻻك عضات شفايفها دابا غتعيق عليه:كنعرف لكلشي.عهد بدا كيضور فعينيه وكتب:كتعرفي للرفيسة.مﻻك سالو ريوغها بمجرد ما شافت شنو كتب كتحماق عليها:اه كنموت فيها وكنعرف ليها.عهد قطب حواجبو:وﻻش ماتموتيش فيا انا دابا الرفيسة حسن مني.مﻻك ضحكات وكتبت:اه حسن منك.
عهد:يااك واخة اﻻلة طيبيها ليا نشوف واش كتعرفي نيت طيبي وﻻ غاطالقاها عليا.مﻻك:هانا غنوريك يالله بعد مني يالله نساليها فاش توصلو.مخﻻتو تايجاوب لقاها صافي مكتجاوبش يعني مشات.مﻻك غي حطات التيلي خباتو لتشوفو مها حيت لدابا عند بالها مهرس وتامن خوتها مقايلين والو مخليينها على راحتها عارفينها كدوي غي مع عهد.هبطات ومشات عند مها كانت فالصالون كتفرج:مي شنو غديرو للغدا.الغالية بﻻ مباﻻت:داكشي لي قسم الله.
مﻻك:وماغنطيبوش دابا.
الغالية:ومالي على حالتي نوض دابا تايقرب الحال ونوض نرد مريقة باللحم والبرقوق راه مشا باك يجيبو.مﻻك كضور عينيها:انطيبو الرفيسة.الغالية شافت فيها:اويلي راكتشد الوقت وعاد تمارة ﻻ يابنيتي ماقادة على عيا.مﻻك بتوتر:انديرها انا.
الغالية:نتي كتبغي تسخفي تافاش كتسايبيها لينا حنا لي قﻻل بقا غي دابا الضياف وعاد كتشد الوقت.مﻻك باغة تصايبها ليه والسﻻم:عفاك غنديرها داغي هانا دابا نبدا.الغالية بدات كتشوفيها شحال وكضورها فراسها نيت غتهنيها وضبر راسها متسوقش ليها:سيري هاودني منك راماشي شغلي تخلي الناس بﻻ غدا.مﻻك♥228♥
مﻻك بحماس:ﻻ متخافيش.
الغالية:سيري عجني وخليها تطلق هاني نعيط لباك نقولو يجيب شي جوج فرارج بلديين وسيري شوفي واش العطرية كاينة كاملة.مﻻك مشات بفرح للكوزينة:واخة امي.مشات شافت واش كاين لي يخصها لقات كلشي كاين وقالتها ليها بينما الغالية شدات داك النوكية لي عندها كتخدمو غا فحالة الطوارئ بحال دابا قالتها لفؤاد لي كان ديجا قرب يرجع للدار جايب اللحم تاقالتها ليه واخة مفيه لي عاد يرجع يمشي يشريهم ولكن ملي سمع بنتو غطيب مبغاش يخصر ليها وخﻻ اللحم عند الجززار نيت حيت كيعرفو ومشا يجيب ليها لي بغات.مﻻك شدات الدقيق وبدات كتغربل وفرحانة خدات قياسها لي يدير جوج قصاري حيت قالت ليها مها الرجال ياكلو بحدهم والعياﻻت بوحدهم بدات كدلك والعرق نازل معاها ويدياتها صباعها بداو كيضروها وهي ممهتماش المهم تخرج العجينة زوينة ومدلوكة مزيان مخﻻت تاوحدة من عياﻻت خوتها دخل معاها للكوزينة وﻻ تعاونها بغات يكون مجهودها بوحدو ما اكيد راها كتصاوبها خصيصا لبطلها وهوما باغين يدخلو معاها.خﻻتها كترخا ومشات وجدات العطرية بيدما جا باها تسنات غي شوية وجا مشات حﻻت عليه بالزربة خدات منو الميكات دارت اللحم فالثﻻجة غي لتحت كيف قالت ليها مها تحسبا يشدوهم للعشا يطيبوه ومشات للدجاج جبداتو لقاتو باقي دافي عرفات عاد مدبوح غسﻻتو مزيان ونقاتو من الدم وديك الجلدة لي كتكون بحال الشحمة حيداتها ومخصرة سيفتها مكتحملش تقيسها كمﻻتهم وﻻحتهم فالطنجرة دارت عليهم بصيلو وليقامة وشوية الما خﻻتهم تشحرو عاد زادت الما لي يقد وخﻻت العافية مهيلة لي ماتجي فين تكمل الملوي حتا تكون طابت وراكم عارفين طياب المهل كيتيجي روعة والله اكيد ماتكونو مجربينها اي حاجة كطيب بالمهل وكتاخد وقتها كتجي لديدة حسن من هاديك لي كتعطيها جهد فالعافية باش طيب داغي.مشات
#بونوي♥229♥
مشات لعجينتها لقاتها ترخات مزيان وجابت الزيت وبدات كتلوي وكتحط مكملت تاغفر ليها الله وشدتها الدوخة مولفة غا بداكشي قليل شعﻻت على المقلة اوﻻ الفراح المهم هاديك لي كنطيبو فيها الملوي المسمن الرغايف.شعﻻت تحتها مخلياها كتسخن ومشات كتغرص فاول وحدة كانت ترخات حطاتها حداها باش تهزها وحﻻت على المريقة لقاتها بدات كتختار والريحة عاطية ياسﻻم تامن خوتها ملي جاو وهوما فارعين ليها راسها ايمتا توجد ماباغين ﻻيتسناو سي عهد ﻻ خرى باغين غاياكلو وهي كل مرة تجري على يونس كيحماق على شي حاجة سميتها الملوي كل مرة ضارباه بالخضبة باش كتقلب الملوية وهو مابغاش يحشم عيات تقوليه راميقدش داكشي وهو والو تاجات ليه الغالية عاد مشا الغالية جات طﻻت عليها لقاتها حالتها حالة كلها عرقانة ووجها حمر بالسخونية خصوصا حنيكاتها بقا غي الدخان لي مخرجش منهم ومشات طﻻت على المرقة وكتهضر معاها:قربتي راه قاليا طارق جايين.مﻻك ضارت لقات باقين ليها شي ثﻻثة:اه صافي هاني قربت بقاو غي هادو.الغالية غطات على المرقة بعدما داقتها دارت فيها زعما راه قلباتها اما هي راغي هوايش الريحة لي واعرة لي داروها ليها مقداتش تصبر:امم ومالكي فاش تاتصايبيها لينا حنا مكتجي بحال هاكا وﻻ دابا حيت ناسك جايين.مﻻك كتقلب فالملوية:ﻻ.جات تشوفيها وهي تقيس دراعها بجنب الفراح نقزات شادة على يديها والغالية جرتها طلقت عليها الما ومﻻك قربات تبكي مكتحملش تحرق وﻻ تجرح فلحمها عزيز عليها لاقصى درجة لدرجة تامها فالحمام مكتخليهاش تحك ليها ضهرها حيت كتحردها وتاتمشي عند شي مرة مكتبغيش لي يقيسها فلحمها شارية ليها الغالية كيس طويل كيتشد بجوج يدين كتحك بيه راسها نيت.الغالية سدات الما:سيري بدلي هاد الحالة.كانت تعمرات بالزيت وكلها عرقانة:خليني هانا نكمل هادو لي بقاو.مﻻك♥230♥
مﻻك كتبرد الحرقة وكتنش عليها:ﻻ غي خليني انكملها.الغالية معاودتهاش معاها حيت عارفاها مكتحملش تكون بادية الحاجة ويكملها وراها شي حد وهادشي طبعا ورتاتو من الغالية تاهي بحالها فهاد القضية.الغالية مشات جبدات القصاري مسحاتهم وداتهم للبنات لي كانو بادين كيفرتو الملوي حيت شافو مﻻك معطلة وتاهي خﻻتهم حيت مجاتش تايجيو عاد تبدا فيه عليها بداوه عارفينهم بعاد وميجيو فين يوصلو تايكونو كملوه.اما مﻻك مسكينة غي كتبدا تقلب فالملوية كتوصل الحرارة للحرقة كتبغي تموت وبقات مقاتلة معاهم وكطل على المرقة مرة مرة لقاتها صافي واجدة وطفات عليها.مكمﻻت دوك المﻻوي تابغات تسخف ومشات طلت عليهم لقاتهم دغيا زربو عليهم حيت العوين بقاو ليهم غي شوية مخﻻوهاش دير يديها معاهم وقالو ليها تمشي تبدل وتبعتها حليمة لقاتها عاد اطلع:مﻻك شنو اتلبسي.مﻻك دبﻻت مﻻمحها حيت غاع حوايجها مهرتكين وكبار عليها تاوحدة فيهم متفرح ومتقدش تلبس البيجامة لي جابت من عند صفاء:لي كان المهم غنبدل.حليمة ضحكات ليها:را جاب ليك خالد واحد الفراشة كان شراها لبارح بغا يعطيها ليك وملقاش الوقت وهاهي جات وقيتها سيري لبيتي راك اتلقايها حدا حوايج فهد راه باينة.مﻻك بفرحة:بصح شكرا.ومشات كتجري لبيتهم كان محلول مشات لمجر لي دايرين فيه حوايج ولدهم لقاها هي الفوقانية باقة بميكتها جبدتها ومشات لبيتها بالجرا سدت الباب وبقات كضور فرحانة هادي هي مﻻك ابسط حاجة كتفرحها لدرجة يجيبو ليها غي مسكة كتبغي طير بالفرحة يمكن الطفولة لي معاشتش خﻻتها اسيرة ديك الطفلة لي باقة باغة تلعب وتشري الحلوة وتسنا العيد باش تشري كسوة جديدة.سرحاتها وكتفرنس كانت فلون الشيبي طبعا حيت خوتها كيشوفو بلي كيجيو معاها لون الزرق والشيبي والغري والكحل والبيض عليها اغلبية الحوايج لي كيجيبو ليها♥232♥
شافتها وضحكات ليها:هانا تاني على الزيونات غاقولي ليا واش كل نهار كتزياني عطينا السر هههه.مﻻك وﻻو حناكها حمرين كتر ماهوما حمرين من الطياب ديال قبيلة:هه بصح انا زوينة.حليمة قربات جراتها من حناكها:ويلي على الحمقة راك كتفتني اجي ندير ليك شوية الماكياج.مﻻك بخوف خافت مها تخنزر فيها وﻻ تبقا دير فيها دوك الشوفات بحاﻻ بنت الليل:ﻻ بﻻش غي خلي.حليمة جراتها لبيتها هي وخالد:زيدي قالاك.مع حﻻتو لقات فهد مجبد بايل ليها فوقق الزربية وناعس حال فمو:ويلي ويلي على البرهوش.مﻻك بقات كضحك وحليمة تخطاتو مشات كتجبد الماكياج:مﻻك عفاك فيقيه براكة عليه من النعاس نيت يهبط معايا دابا مفيا لي يبقا بالي معاه.مﻻك مشات كتعنكش فيه وحاضية ﻻتقيس البول وتخنز فاق مخصر سيفتو غي شاف مﻻك وهو يضحك ومد ليها يدو عينيه باقين مسدودين ومجبدين بالضحك:اننمننم هه دادوش.هي هزيني عندو مﻻك ملقات كيدير ليه وهو معمر حيت مدارتش ليه ليكوش ستحﻻها عمر كلو وهزاتو غي بيديها مبعداه منها وقفاتو وبدات كتنصل ليه باش تبدل ليه كتحيد ليه غابصباعها حليمة شافتها وجات حيداتو ليها كتزرب ليه ودخﻻتو غسﻻت ليه من التحت متبقاش فيه الريحة وخرجاتو كتبدل ليه ومﻻك مشات شﻻت يديها وكتشم واش باقة فيها الريحة وخرجات لقاتها كملت ليه دغيا وجابتها جلساتها مﻻك مبغاتش:صافي بﻻش اصﻻ تعطلت اندير غي عكر.
حليمة:ههه كتحماقي بعدا على العكر.
مﻻك:ههه غي شوية.حليمة مداتو ليها ومﻻك شداتو ودارت غي شوية مباينش مي شفايفها بانو ناضيين وخرجو ومﻻك كل مرة تهز الشال من جيه حيت مرخي ندمات ﻻش مقاداتوش غي قربو وسمعو شمس كتسول عليها وجاوبتها الغالية:طلعت غي تبدل لقيتيها عاد ساﻻت طياب الغدا.شمس كتفرنس:هي هاد الرويحة كنتي لي طالقاها.عهد كيضحك غي من التحت حيت فعﻻ الريحة كتشهي لدرجة كلهم♥234♥
وكيضحكو ودارو زليفات فيهم لبلول لي بغا يزيد يمرق.بداو كيهزو وقادو فالطوابل وفؤاد نوضهم لصالة فين كاين الطوابل وتاهوما فهمو راسهم ملي شافوهم حطو فجوج طوابل عرفو بلي غيفرقو عهد بقا غي كيبرقق فعينيه كان باغي يجلس حداها وبقا كيسب فصفاء فخاطرو شتي كون مكانتش طير غاعما يجيو تاهوما ويسدقو فارقين ندم على الساعة لي قال فيها لوالديه مكرهتش تكون عندي ختي وولدو ليه جنية حاشة واش ختو فؤاد وخالد جابو القصاري لي بقاو حيت ثقال عليهم وجلسو تجمعو يالله غيبداو مﻻك بان ليها يونس بحاﻻ متردد عاد حﻻت عينيها بحاﻻ تفكرات شي حاجة وناضت ونطق فؤاد:فين غادة مغتغدايش.مﻻك غادة لكوزينة:هاني جاية غي بداو.كلشي جمع يدو مبداوش ومحمد محروق ريوقو سايلين وعهد ضربو ليدو بهمس:حشم شوية شوهتينا عمرك شتي الماكلة تسنا تاتجي مﻻك النور.محمد رجع مهبط شفايفو كيشي بعلوك:هانا الله يخليها سلعة.تسناو غي شوية تابانت ليهم جايبة طبسيل فيه الملوي مفرتت ناشف مفيهش البلول يونس شافها جاية جيهتو وشنو هازة وناض شدو منها كيضحك:الله يرضي عليك.ورجع جلس مع مكيبغيش تكون مرقة بزاف وﻻ بد مكيبغي داك الملوي ناشف كيبقا ينشف بيه عهد غي كيشوف حيت تاهو ﻻحض بلي يونس بقا راجع فاش بغاو يبداو اما دابا كون يخليو ليه القصعة كاملة متقدوش وشاف فمﻻك لي جلست وكتلوح شالها حيت تخصر وكيشوف فيونس لي جالس كيخشي فوجهو بحاﻻ عاد حﻻت ليه وخنزر فيه ونطق فنفسو:الخرى شو كيكياكل تفو مالي ماتهﻻ فيا تانا.خرجو من سهوتو فؤاد:كول اولدي باسمالله.عهد عاد شافيهم لقاهم دخلو طوﻻ وعرضا اما واحد باه بدا يدخل ليه فجيهتو ونغزو:ابشوية عليك مالك غتموت.محمد ميق فيه فمو عامر جالس كيدك:ممساليش ليك دابا تانسالي لوالديك ونفرجك.عهد شاف فالقصرية محملهومش ياكلو طيابها وكولشي كيسرط تامن مو♥235♥
تامن مو وجداه مابقا ﻻريجيم ﻻبروتوكول ﻻ نمي الوحيدين لي بانو ليه تياكلو بعقلهم هوما الغالية وفؤاد حيت مولفين طيابها ولكن مينكروش بلي ليوم كانت احسن.عهد مد يدو حيت تاواحد ماتياكل بالمعالق واخا حاطينهم لي بغا وتاهو بغا ياكل بحالهم اصﻻ مكتجيش بالمعاشق هز عينو تاني فحبيبتو بانت ليه باقة مدابزة مع الشال وكتاكل ممسوقاش لبنادم تالماكلة وكتولي متوحشة شاف قدامو والريحة كتشهي كثر من المنضر وداق الدغمة اللولة بﻻ شعور تنهد وخرجات ديك التنهيدة:امممم.سمعوه والدراري تشتو بالضحك اما محمد وحلت ليه بالضحك تاخرجت ليه الماكلة من نيفو عهد مرغ عاد عاق كيتسمعات هوما مكيضحكوش عليه ولكن الطريقة باش دارها وخرج ديك التنهيدة والاممم خﻻتهم يضحكو عهد حنا راسو على القصرية مهزهاش اما العياﻻت ممسوقينش ليهم اما واحد الدجاجة نهشروها مسكينة واحد الجهة لي قدام عهد ومحمد بحاﻻ دايز عليها اعصار مخﻻو فيها والو وبقاو غادين كيستعمرو الوسط تاكملوها كلها ورجعو لور.محمد كيتنفس بحاﻻ كان كيجاهد وهاز يدو شوية ﻻيقيس المخاد:الله وﻻهيﻻ الله يعطيك ابنتي الصحة جات بنينة والله عمري كليت بحال هاد النهار.مﻻك باقة كتاكل وضحكت ليه:بصحتك اعمي.كلشي بدا كيشكر طيابها وعهد غي مخنزر محاملهمش وكيقول فخاطرو:اصﻻ كون مكنتش انا والله ﻻدقتوها يخخ على بنادم تفو دابا ضربت تمارة عليا وهوما ساطو فيها تفو على تريكة اعع.بقا غالس تيتغيدد وحاضيها تاتاكل ومشا خالد جاب ليهم غسلو ودا القصرية خاوية غسلوها ههه عهد مقنت مهواش مع الرجال لي كيهضرو حاضي مﻻك كيحسب ليها الدغمات تاهي حست بشي حد حاضيها وهزت عينيها وهي توحل ليها بزز سرطتها وتبسم ليها وعاودت حنات راسها بحاﻻ مقلقة هو هز حاجبو باستغراب وبقا حاضيها مهزاتش فيه الراس وبقا تيقول مع راسو مال هادي كملو♥236♥
كملو العياﻻت وناضت حليمة جابت لضياف غسلو اما البنات ناضو بحدهم غسلو وبداو كيجمعو الطوابل عهد كيتسنا شكون غتجي تمسح الطابلو كيدعي تكون مﻻك حتا كتبان ليه الغالية لي جات مسحتها ودﻻ شنايفو كيقلب عليها بعينيه حتا جات وجلسو تجمعو تاني مجمعين وعهد كيهزهز فرجلو بتوتر وكيشوف للساعة غيمشي لحال وهو باغي يخرج معاها شوية يضورها ويهضرو فراحتهم تحنحن فاش لقا فرصة فاش سكتو:احم السي فؤاد ممكن نخرج انا ومﻻك شوية.فؤاد شافيه باستغراب:ﻻش اولدي معجبكش تجلس معانا.عهد بتوتر حشمو:ﻻ حاشا غي بغيت نخرجو شوية حيت يالله خارجين مرة وحدة راك عارف لي كاين.
فؤاد:اه مقلتي عيب ولكن فين اتمشيو.عهد ضور غي راسو لعند محمد زعما مال هاد بنادم تيدير ليا لونكيط جاوبو محمد غابعينيه زعما ماشي سوقي ضبر معاه:انمشيو غي لشي بﻻصة.
فؤاد:عﻻش انا قلت ليك غتمشيو لماشي بﻻصة راعارفكم غاتمشيو لشي بﻻصة انا سولتك على هاد البﻻصة فين جات.عهد توتر ودنيه وﻻو حمرين خصوصا كلشي ساكت وكيشوفيه:معرفتش المهم نخرجو.فؤاد شافيه شحال وشاف فمﻻك بﻻما يجاوبو:نوضي ابنتي بدلي خرجي بدلي الجو شوية.مﻻك حركت راسها بالايجاب وناضت.الغالية فهاد الحالة متقد تقول والو مادام باها لي هضر معاها كتكون خارجة داك السوق.مﻻك مشات دخلت لبيتها وبدات كتمشي وتجي فلخر جلست فالسرير كتطرطق صباعها بتوتر:بف دابا فين ايديني هادا تاني اففف ياربي غميدير تاحاجة تاني ويبدا يقيس فيا.توكلت على الله وناضت بدﻻت لبسات لفوق بحال لكسيوة فلون كاشيري كتجي حد الركبة مزيرة شوية من جيهة الصدر ومرخية من التحت مشدودة بحزام تحت الصدر فلون الاسود ولبست معاها سروال كحل وجبدت سنيديلة كحلة مشبكة جبدت شال جاي لون الكسوة غاهو بارد شوية ضوا ليها على وجيها مشات قاداتو فالمراية وشافت لفمها كان باقي♥237♥
باقي شوية العكر مسحاتو مزيان عاد هبطات.اما عهد فاش مشات هي ضار عند باه ماد يدو:سوارت.محمد باستغباء مسطنع:اشمن سوارت تاني.
عهد:ديال لوطو.
محمد:ومالك كتهضر ومنفخ شاريها ليا باك وﻻ.عهد اصﻻ ديجا طالع ليه الدم معرفش مالو غافاش شافهم كﻻو ماكلتها وعجباتهم غار ومحملهمش:الواليد عطيني خنمشي.محمد:مال والديك دابا غاقوليا واش مسلفها ليا لي نعطيها ليك ها.عهد ضار عند اسامة:اسامة عطيني سوارت لوطو ديالك.اسامة مسكين جبدهم ومدهم ليه:غاتقد بعدا تسوق انمشي نوصلكم فين بغيتو.عهد شد منو السوارت مشربن:ﻻهادشي لي بقا.اسامة غا مبلق عينيه:غانتا بشوية راك باقي مريض.
عهد:دخل سوق راسك زوينة هادي نوصلكم.فؤاد غي حاضي شنو كيطرا وساكت وكيشوف فعهد وكيفكر وكتمشي ليه داكرتو لاول مرة جا كان كيشي مجرم ودابا حالتو تشوفو متحلف عليه هو نفسو داك الشخص وبدا كيدخلو الشيطان:راه غي كيمثل عليك باش ياخد ليك بنتك مشتيهش كيكيدوي مع باه راه غيدي ليك بنتك وغتخوا عليك الدار وشكون تبقا تلقا تيتسناك مسخن ليك الما فاش تكون خارج ها غاقوليا ها نوض وفرتك مو هاد المجمع اصﻻ بنتك باقا صغيرة اش داها لشي زواج باينة غي كيمثل وغي يخدها ليك غتكرفس معاه.قاطع تفكيرو ووسواس الشيطان عهد لي وقف تيشوف فجيهة ضور راسو لقاها واقفة وشاف فعهد:متعطلوش باش تعشاو معانا انشاءلله.عهد حرك راسو بالايجاب وجا غيمشي حتا شدو من معصمو شافيه عهد باستغراب ونطق فؤاد بعدما كان يشوفيه شحال:امانة عندك تطرا ليها شي حاجة واخا غي قمشة متلوم غي راسك.تبسم ليه بجنب خﻻ فؤاد غي هاز حواجبو ببرود من جراتو:متحتاجش توصيني على روحي.على اثر هاد الكلمة فؤاد صافي طلقو وكيسمع التعصار حداه ضار لقا وﻻدو مخشيين فبعضهم وشادين نيفهم حابسين الضحكة ووجهم غيطرطق بلحمورية خنزر فيهم:مالنا.خالد
#بونوي♥238♥
خالد حابس الضحكة وشاف فخوتو بهمس:ناري الخوادرية فيمن طاحت.طارق كيغلض صوتو تيقلد عهد وفيه الضحكة وتيهضرو غي بشوية بيناتهم:روحي.وهو يتفرغع بالضحك وتاهوما تشتو حداه كيتﻻوحو على بعضياتهم ممسوقينش لناس لي كيشوفو فيهم اما عهد مشا عند مﻻك وقالو بسﻻمة وخرجو هي لي سابقاه وهو وراها مخنزر فداك الطرف وكيدوي مع راسو:احح ازبي على خير كيتسناك بفف دابا غتخرج بحال هاكا.شافها حلت الباب وضارت شافت فيه عاد هز عينو ولكن جات فصدرها لي واقف وكيبان زوين وزاد قطب حجبانو:الله على مخيدات.وهز راسو فوجها:غتخرجي هاكا.مﻻك باستغراب كتشوف فراسها:اه عﻻش.عهد:مجاتكش مزيرة.
مﻻك:ﻻ بالعكس مرتاحة.عهد تنهد مبغاش يبدا يخنقها من دابا اما بامكانو يقوليها تمشي تبدلها مبغاش من دابا تنفرو بحكامو:اوك يالله نمشيو.مﻻك خرجو وضربها البرد تاع الزنقة تفاجات المهم خارجة واخا خايفة من عهد يدير شي تصرف فشي شكل مع خرج عهد رد لباب وراه ضار وخرج عينيه فجوج مخلوقات جاين كيغوتو بصوتهم الطفولي الرقيق وكيتسابقو مكيعرفو تايتمشاو:ادادادوة مﻻ ماﻻماﻻ.وجاو طاحو عند رجلين مﻻك كيضحكو وتحنات عندهم كتبتاسم وقفاتهم وشافت فعهد كضحك:عقلتي عليهم.عهد غي مخرج فيهم عينيه كيدير ينساهم كانو جاد وجود دوك التوام لي فدرب مﻻك اما هوما شافو عهد لي طويل مع مﻻك كانت محنية بداو يتشعبطو فيه كيلقرودة وكيديرو ليهم بيديهم بحال ديك النهار باش يهزهم شاف فمﻻك لي نطقت:هزهم.هز فيها حاجبو:يعني بقينا هنا مغنخرجوش.شاف فالصغار:سيرو اعمو حنا غادين.التوام شافو فيه وحبسو على الحركة وعينيهم بداو كيعمرو بالدموع ومدليين شفايفهم دايرين فيه واحد الشوفة دمروه وشرشمو ليه الضمير تنهد وتحنا غيهزهم:مرة وغنحطكم سيرو بعدو مني.اما الشياطين دغيا تقلبو كيضحكو خﻻو عهد غاهاز حاجبو فهاد♥239♥
فهاد المخلوقات هزهم بجوج فيدو وباسوه وهو مخصر سيفتو حيت عمروه ريوغ ومخلط مع الخنونة مﻻك شافتو بقات كضحك عليه شافتو بحاﻻ طالع ليه الدم ودوزات يديها على شعيرهم المشيعكك:يالله اماما هبطو خليو عمو.عهد جا يحطهم وهوما يبداو مادين يديهم لمﻻك وبعدات:ﻻ اماما انمشي باي باي.شافوها دارت بايباي وبداو كيضحكو حطهم عهد وجلسو فالارض وهزو يديهم كيديرو بايباي:بوباييي.جاد عطاه بسماكة لكن جود مبكاش وشافيه مخنزر رد ليه السماكة:اوموك اننضبو(زعما مال مك انضربك ههه).مﻻك:ﻻ رصاو مدابزوش.جود شافيها مخنزر زعما طالع ليه الدم وكيهضر ويعبر بيديه:اوهو ضبني.وكيسرفق فراسو كيوريها كيدار ليه.وهو يدفعو تاني جاد:انبضك باييبايي.عهد ساط كينفخ:شهاد اللغة ياربي الزين مﻻك يالله نمشيو.جود خنزر فيه ونعت لخوه:ضب موك.عهد خرج فيه عينيه:شناهو اضرب مي.جود وقف بحال شي راجل شارف وهز يدو:واانااا موك ضب ضب موك.وكينعت لخوه.وعهد قطب حواجبو:شنو مفهمتش.جود مسكين كيشرح من نيتو باغي يفهمو:تاا اميا نتا نا موك اه.عهد غمض عينيه وحلهم بقلة صبر هو ماشي مكيحملش الدراري الصغار بلعكس كيحمقوه ولكن هادو نيرفاوه حيت مضيعين ليه الوقت لي خصو يكون دابا شاد فيد مﻻك وكيتعنب عليها.عهد هز راسو فمﻻك لقاها قاطعة النفس وبحاﻻ عاضة شفايفها من الداخل ووجها حمر صغر فيها عينيه:واغاطلقيها ﻻتفرغعي.مﻻك طلقات ضحيكة بزز حبستها وشافت فيه:يالله نمشيو غيحمقوك.عهد ناض بعدما كان محدور عند جود لي بقا تابعو باغي يشرح ليه تاشاف مو وقلبو الضورة عندها كتبان ليهم فالبزولة ههه.عهد مشا ركب فلوطو تاع اسامة مالكم تسحابوه غيحل ليها الباب(نو دكشي تاع الافﻻم والقصص قصتي بغيتها تكون مختالفة شوية من الخيال وشوية من الواقع يعني بين اوبين ماشي الخيال المفرط وماشي الواقع المفرط)محلش♥240♥
محلش الباب ولكن بقا واقف تادخﻻت وسدت الباب عاد مشا لبﻻصتو راه ماشي ضروري يجي ويحليك الباب باش يبين ليك راه كيحتارمك وﻻ كيبغيك ﻻ هادوك غي بروتوكوﻻت مرة مرة فين ديروهم ماشي ديما يكفي انه ينتاضرك حتا طلعي نتي لولة ماشي يطلع ويخليك بحاﻻ ممسوقش لهﻻ يقلب ويشقلب بيك نتي غاع.خﻻها كدير فالسمطة وديمارا خارج من الحومة وبقا غي كيضور والصمت سيد الموقف معرفش فين يمشيو ونطق:فين تبغي تمشي.مﻻك هزات كتافها بﻻ مباﻻت:لي كان.نقص من السرعة شوية وشافيها هاز حاجبو:مالكي واش بيك شي حاجة.تفكر قبيلة فاش حنات راسها بحاﻻ مقلقة:تافاش كنتي تاتغداي بنتي ليا ماشي هيا هاديك.مﻻك حانية راسها:امم والو.عهد مرة يشوف فالطريق ومرة فيها:ﻻ عندك شي حاجة وباينة معايا واش باقي.مﻻك عرفاتو غيدكر ديك اليلة تاني ونطقات بانفعال:واش كل مرة خاصك تفكرني صافي خليني نسا اوف.عهد بقا غي كيشوف:اوك كالم طوا مطرا والو سمحيليا.وضار حاضي الطريق ومخنزر مﻻك طﻻت عليه غي بنص عين بان ليها وازن تسعين بقا فيها الحال عرفات راسها زادت فيه وهي تنطق معفرة وعاطية راسها لزاج:بنادم ياكل ويسرط بﻻ نديغ ومايقول تاكلمة زوينة.عهد جمع حجبانو باستغراب وشافيها وعاود رجع لطريق:واش معايا هضرتي.مﻻك ضارت كتقلب فلوطو وفجنابها عاد شافت فيه ونطقات بنوع من الاستهزاء:وشكون حدايا من غيرك اسي لواعر.عض شفايفو:انا واعر دابا(لهﻻ يوريك الوعورية اﻻلة مﻻك).مﻻك ميقات فيه:شﻻ مسمعتي تانتا.عهد مد يدو ضورها عندو حيت رجعت ضورت وجها لزاج:اه كيفاش بنادم ياكل وﻻ منعرف شنو مفهمتش.
مﻻك:والو صافي.
عهد:واقولي احبيبة.مﻻك دابت وماباغاش تبين:ﻻ والو.
عهد:عافاك اعمري يالكتكوتة ديالي.ههو كيهضر وهي كتلوا ابوحدها وكتفرنس غي من تحت التحت وهو عايق بيها وغي مزايد فيه:يالقلب ديالي نتي العمر.مﻻك♥241♥
مﻻك قلبها كيضرب بزاف وكتسمع ليه باغاه يزيد:يحياتي عافاك ﻻماقولي ليا يالحبيبة كنبغيك يالله قولي.
مﻻك:ﻻءح منقولش ليك يالله.
عهد:واهانتي اتولي خايبة.مﻻك دﻻت شفايفها:ﻻ انا زوينة قاﻻك.شافيها بنص عين:شكون كدب عليك.مﻻك جمدو مﻻمحها وكترمش فيه:بصح.عهد حبس لوطو جنب وشافيها باغي يجربها واش تايقة فراسها وﻻ ﻻ وهضر بجدية باش تيقو:اه خايبة مفيك ميتشاف وزيدي عليها معرفتش عﻻش باغي نتزوج بيك نخاف غتكوني سحرتي ليا.مﻻك هزات حجبانها ديك اللعبة ديال ياك وحطات اصبع السبابة على صدرو كاستفزاز وكتقلب فعينيها كتفقصو خﻻتو غاكيبرقق فعينيه:اه سحرت ليك بعويناتي وغتزوج بيا حيت كتبغيني وانا يالحبيب ديالي زوينة وفيا بزاف ميتشاف وبزز منك تزوج بيا وﻻ ميعجبك حال.عهد قرب ودنو لعند فمها شوية ونطق ببرود ووجهو مفيه تاشي ردة فعل جامد بحال شي مصدوم:عاودي عاودي شقلتي مسمعتش مزيان.مﻻك دفعاتو بداك الصبع بغرور كانت غتهرس منو وهو وﻻ تحرك او تزعزعز وبردات التعويجة لي تعوج ليها صبعها غافخاطرها مبغاتش تبين:كيف سمعتي.وتقادات فبﻻصتها كتشوف قدامها وهو هز راسو بشوية كيدوز لسانو على شفتو السفليو وهاز حواجبو وكيرمش بشوية وبدا كيحك فلحيتو:ﻻ صافي هادشي لي بقا والله.مﻻك شافت فيه باستغراب:ﻻش مالك.عهد شاف فالكراسى لور ورجع شافيها:ﻻش كنتي مسكونة دابا معرفتيش شنو طرا.مﻻك ساطت وغمضات عينيها وحﻻتهم يالله كيغتنط وبدا كيحل الحزام وكيهضر:ﻻ ﻻ صافي ﻻ صافي انا غنمشي نتاحر ﻻ نارييي وكتسوط من الفوق.مﻻك شدتها الضحكة:وامالك نتا قلتي ليا خايبة وانا غي قلت ليك زوينة صافي مطرا والو.عهد: ﻻ طرا قاﻻك مطرا والو وقلتي بزاف ههه قلتي الحبيب ديالي احح نموت فيك.وقرب باغي يشدها من عنقها يشلقمها ودارت يديها على فمها وهو جمع ضحكتو وشافيها:حيدي مالك.مﻻك تتهضرقصة : الملتزم السادي ج 1

Leave a comment