Skip links

قصة : الملتزم السادي ج 11

 46,163 عدد مشاهداات

202
فمها وعينيها خارجين ووجها وﻻ حمر حمر عاد حست شنو قالت اما السي عهد غالس كيتهز ويتحط بالضحك:هههه واي كرشي ههههه علاه باش كيههههه كيغهههههه.كيجي يهضر وكتحبسو الضحكة:هههه هوووف هههه معندكش باش تغهههههههه واناري اي اي كرشي ههههه.مﻻكشاداها البكية:عهد صافي غي خرجات متعيقش.
عهد:هههه عافاك هانتي غاكمليها هههه معندكش باش ههههه تغطاصبينيههههههه.مﻻك بدون شعور تاهي بدات تضحك على ديك الضحكة لي كيدير وكتشوفيه ساهية حتا حبس من الضحك فاش لقاها ساهية وقرب لتيلي باسها وشافيها:نموت فيك انا.بتاسمات ليه ونطق:ونتي.مﻻك باستغراب:شنو انا.
عهد:مغتقولي ليا والو زعما.
مﻻك:ﻻ معندي والو.
عهد:مكتبغينيش.
مﻻك:عهد رامنقدش نحدد واش كنبغيك وانا باقة يالله عرفتك.
عهد:مﻻك النور حنا داخلين على الزواج وبغيتك تانتي تكوني كتبغيني مبغيتش يكونو مبززين عليك حيت كوني اكيدة ﻻمكنتيش باغاني والله منبزز عليك راسي اه كنقولك ﻻمكنتيش ليا عمرك تكوني لغيري ولكن وحق ربي الجليل ﻻمبغيتينيش وبغيتي واحد اخر منوقف ليك فطريقك.كيهضر وكيبلع الغصة لي واحلة ليه ماراضيش يقول هاد الهضرة:ولكن ديري فبالك بلي انا لي كنبغيك فوق راسي وبالنسبة ليا نشوفك فرحانة مع غيري اهون ليا على انني نشوفك تعيسة معايا.شافها غتبدا تبكي حيت تاثرات وبدا تيضحك:وزايدون اش دانا لهاد الهضرة ههه حبيبتي اتبغيني انا متاكد ياك.شافت فيه بحزن وتشجعات:عهد الى مبغيتكش وﻻ مكناش مكتابين لبعضنا وشفتيني مع واحد اخر شنو غدير.عهد تصدم ملقا ميقول وقلبو بدا كيضرب كيضرب حتا ضرو وخبا المو بابتسامة:نفضل نحيد عيني قبل منشوفك بين يدين واحد اخر.مﻻك بقات غي كتبرقق فعينيها ورجعات تكات:نعس نعس ونتا على هضرة كتقول هه فخبارك فاش كنت صغيرة من ديك ليلة وانا كنتمنا نتﻻقاك.عهد بابتسامة:عﻻش زعما.203
مﻻك بضحيكة:باش نشكرك.عهد قلب عينيه:يأ يسحابلي حيت كتبغيني.بقات كضحك عليه حتا سكتت على خاطرها وبقاو كيشوفو فبعضياتهم بابتسامة:نعس رتاح شوية.بقا كيشوفيها شحال وعينيه كيتغمضو وكيعاود يحلهم حتا داه النعاس بالتعب والعيا او نقولو فرحان حيت اخر وجه نعس عليه هو وجه حبيبتو مبتاسمة ليه نعس فراحة هي بقات شوية كتشوفيه ناعس وناضت بشوية بحاﻻ ناعس حداها ومبغاتش تفيقو مشات حيدات الكواش لي دارت رداتهم كيف كانو ورجعت لتيلي لقاتو تقلب على ضهرو وتاهي تكات مقابلاه حتا داها النعاس.فالصباح فاق عهد لول فتح عينيه على الشمس لي ضراتو فعينيه بقا كيشوف بعينيه عاد تفكر مﻻك لبارح وضار بالزربة لتيلي لقا باقي الكام شاعلة هزو فيدو وقطب حواجبو مكتبانش ليه كيبان ليه غي السقف ورجلها مدلية من السرير وبدا كيضحك معرفها كيدارت تقلبات تما عرفها حركية بزاف فالنعاس بقا كيشوف شحال فرجيلتها باين غي شوية من سيقانها ومع بعيدة مكيبانش داك شوية الشعر لي فيهم كتبان بيضة وزوينة عض شفايفو وتنهد وبقا شحال كيتسنا تفيق ساعة والو كتبان ليه غا رجيلتها مرة مرة كتحركها بقا هكاك حتا جات مو وصافي طفاه.دخﻻت لعندو بابتسامتها المعهودة وهازة فيديها ساشية:كيصبحتي شوية.
عهد:الحمدلله شدكشي تما.حطات الساشية فوق الكرسي وباستو فراسو ومشات كتجبد فداكشي:قاليا الطبيب بغيتي تاكل وعارفاك مكتحملش ماكلة السبيطار رجعت صاوبت ليك الفطور.عهد تغعد:احسن حاجة ديك الماكلة ديالهم معرت باش كيطيبوها اناري شهادشي.بدات كضحك عليه حيت مدات ليه جبانية ديال الصوبة:ههههه خضيرة مسلوقة ومطحونة.خصر سيفتو:يخخ كتبان بحال التقية.ضرباتو لراسو:نعمة الله هاديك كول وسكت ونتا كي الدري الصغير.مدها ليها:ﻻ والو واملي ضاربة تمارة ضارباها كون صايبتي شي مسيمنات شي بغرير شي حليوة♥لبنات هادا راه الكمالة تاع الجزء 203
203 ونتي جايبة ليا هادشي داير بحال شي واحد فيه السريسرة وخاري ليا فهاد الزﻻفة.شمس خنزرت فيه:كول وهنيني ونتا غاعد توحم ليا هنا رالطبيب لي قاليا شنو نطيب ليك راك باقي مريض مخصكش داكشي.حط ديك الزﻻفة فوق المجر لي حداه:انا ماغاناكلش ليك هادشي.ومد يدو لساشية حلها لقا فيها الفواكه وجبد بدا كياكل وشافت فيه حاطة يديها على حنكها:وانا فين غندير هاديك دابا.شافيها فمو عامر:شربيها تقوتي شوية رابنتي ليا ضعافيتي.حيدات يديها من حنكها:بصح ضعافيت وليت خايبة.كيحل فبنانة وعض منها:اه كوليها اتولي زوينة.شمس هزاتها وبدات كتشرب وكتخصر وجها وبدا كيضحك عليها:ههه شربي شربيها كولها وﻻ اتبقاي خايبة.خنزرات فيه:كضحك عليا لمك ياك.
عهد:ههه حاشة شتي راقلت ليك خايبة.شمس حطاتها:واييه مافيها بنة جابتلي الردة ارا ليا شي تفاحة.عهد طل فالساشية:بلعما واش بقات شي حاجة.خطفات ليه الساشية كيبان ليها غي الزبل وغوتات:اويلي صطتي فجوج كيلو دلفاكية.شافت فيه لقاتو كيضور فعينيه:غاقوليا منين دازو.
عهد:واراني مريض زعما.جرات ليه حنكو:بصحتك غي خفت ﻻيضروك.بقاو داويين حتا جبد معاها مﻻك:احم شت صفاء مجاتش.
شمس:اه خليتها ناعسة قالت تاتفيق وتبعني.
عهد:غتجي بعدا.شمس صغرات فيه عينيها:وايه غتجي ﻻش كتسول عليها عندك شي حاجة عندها.
عهد:اه بغيت احم تجيب معاها مﻻك.
شمس:والدرية شغاتجي دير عندك هنا.
عهد:ياه راه خطيبتي وتوحشتها بغيت نشوفها.
شمس:ولكن نجيك لصارحة تلله راك معيق وتاحنا غاديين معاك فهبالك راعاد لبارح خرجناها وليوم تاني نخرجوها ﻻ اولدي بﻻش تبقا فدارهم باش فاش تزوجو يطيح عليها السر.عهد قاد الجلسة:تي اشمن سر وﻻ فضيحة وياغتجيبوها ليا يانخرج انا نمشي لعندها رانا قلتها ليكم حيت عارف والديها ميخليوهاش تجي عندي عليها بغيتكم ديرو السبة.
شمس204
شمس:وهي فخبارها راك هنا فالسبيطار.
عهد:اه عﻻش.
شمس:اويلي ايمتا قلتيها ليها.
عهد:لبارح هضرنا فتيلي.شمس كتفكر:دابا هوما ميخليوهاش تخرج بوحدها وﻻ بد ميجي شي حد معاها صافي نقول لصفاء تﻻقا مع طارق ويجيبها معاه.عهد كيطلعها ويهبطها:كتحرضي ختي على الفاحشة ياعودبالله.ميقات فيه:ايوة على نتا طفرتيه ياك نتا لي غتجيب مﻻك لعندك.
عهد:واسميتها مﻻك النور مالكم كتقطعو ليها سميتها.
شمس:على اساس نتا كنعيطو ليك عهد الدين كاملة.
عهد:واكنقولها ليكم ونتوما مكتبغيوش تعيطو ليا بيها شغندير ليكم.
شمس:ايوة نتا ماكنتش تجي معاك غاع ديك عهد الدين كنتي شيطان ياربي السﻻمة طير مع الطيور.
عهد:واهانا خمس سنين والزيادة داير عقلي ومكتعيطوش ليا بيها.
شمس:واصافي تانتا غي الولف.بقاو داويين حتا عيطت لصفاء وقالت ليها على مﻻك وتاصفاء لقاتها من الجنة والناس داغي عيطت لطارق لي كيسمع غيتﻻقاها ناض كيجري غا بشورطو حيت عهد شي مرات مكيخليهمش يتﻻقاو مشا عند خوتو كانو مجموعين فالصالة:توما نوضو رانسبي فالسبيطار.
خالد:شكون عهد.
طارق:وعﻻه شحال عندك من ختك نتا.
ايمن:اه فخباري قالتها ليا لبارح.
يونس:ﻻش مقلتيهاش لينا اصحبي.
ايمن:نسيت وعاد كان ليل فين انمشيو.سمعهم فؤاد لي عاد دخل:فين اتمشيو.
خالد:عند عهد قالك فالسبيطار.
فؤاد:ﻻش مالو شعندو.
طارق:الله وعلم المهم طايح فالسبيطار ثلثيام دابا يمكن.
فؤاد:ايوة نمشيو نشوفوه حشومة السيد مريض نمشيو نزوروه ايمتا تمشيو.الدراري شافو فبعضياتهم:نمشيو ورا الضهر بحال هكاك.فؤاد قاليهم واخا وطارق بدا كيضور فعينيه حيت قالت ليه يجيب تامﻻك بغا يشوفها عهد ومعرف كيقولها ليهم شافو خالد ونطق:امالك اراس القرد بارك دور لينا عريان هنايا سير ستر راسك.
طارق:ومﻻك ماتمشيش.الدراري:فين اتمشي.
طارق:تشوف نسيبي. ايمن شافيهم:واييه البارح مسكينة الواليدة لقاتها كتهضر معاه وهرست ليها التيلي ناري بقا فيا.
خالد:شكون عهد.
ايمن:واشمن عهد رالايفون ناري تكرفست عليه.
طارق:بقا فيك التيلي كثر مبقا فيك نسيبي.
ايمن:ولكن راناضي داك التيلي انا يكون عندي نهزو بالقطن باش منجرحوش بيدي.
طارق:هاويلي معامن.
خالد:مالك معارفش ايمن عقلو هو التيليفونات كل سيمانة مبدل واحد الله يعفو عليك وصافي اف دابا الواليد غادي معانا وعهد باينة غيبغي يبقاو بوحدهم.
طارق:وارا تما فين بقات.
خالد:تالتما ويحن الله.بقاو جالسين وقالوها لمﻻك لي فرحات بزاف وتالغالية سمعاتو مريض تاهي بغات تمشي كانت تتسحاب مﻻك غي كدبت البارح وصل الضهر وخرجو فاتجاه الكلينيك لي عطاهم طارق كانت عطاتو ليه صفاء لي فاش ققاليها طارق بلي غيجيو تادارهم سبقاتو حيت مغيدوزش عليها وقالتها لمها وعهد لي طلع ليه الدم معزيزش عليه بحال هاكا يجيو يتغجغجو عليك ويسولو كيبقيتي كيبقيتي هو باغي غا مﻻك وصافي بقاو تيتسناو حتا سمعو الهاراج دخلو عليهم جوج جوج كل واحد ومرتو مخليين طارق ومﻻك هوما لخرين سلمو على بعضهم ومﻻك سلمات على شمس وصفاء ومدات يديها ليه بقا شادها وجرتها بزز كترعد مهزتش فيه العين حيت جاتها فشكل تﻻقا معاه وجها لوجه من بعد ديك ليلة جاب ليها الله كولشي عارف شنو طرا وهو بحاﻻ كيشوفها عريانة اما عهد هوما كيهضرو معاه وهو حاضيها ممسوق لوالو غاليها هي بقاو كيسولو على الاحوال حتا جات الممرضة خبراتهم بلي بزاف عليه الصداع خاصو يرتاح ودعوه وتمو خارجين كانت خارجة ووقفها بمناداتو عليها:مﻻك النور عافاك واحد الدقيقة.شافت فيه وشافت فمها لي بقات حاضياها ونطقات تحت سنانها:متعطليش.خرجو وسدو لباب ومﻻك وجهات نضرها للممرضة لي واقفة عند راسو وكتشوفيها:خوك خاصو يرتاح.مﻻك هزت حاجبها205
مﻻك هزت حاجبها:نعام.الممرضة دايرة فيها ضريفة زعما كتسحابها واش ختو حيت بانت ليها هي الوحيدة لي عينيها غري متنبهاتش ففؤاد بلي تاهو بحالها حيت عندو غامقين عليها كيبانو كحلين تالى قربتي عاد كتﻻحظ بلي راهم غري ومع شافتها زوينة وهي شايفة عائلة عهد عندهم الزين كيتشاير تسحابها تاهي منهم:بغيت نقوليك زعما بلي خوك راه مريض ممكن انك تسربي تشوفيه شنو بغا.وشافت فعهد بابتسامة:احم موسيو ممكن تسرع حيت خاصني نبدل ليك.عهد مبغاش ينطق بغا يشوف مﻻك شنو غدير حيت الممرضة فارشة راسها را عينيها عليه حتا نطقت مﻻك وشافت فيها:شنو قلتي غديري ليه.
الممرضة:غنبدل ليه.مﻻك هبطات حواجبها:ﻻش كاينة غي نتي لي غتبدلي ليه مكينش الرجال اوﻻ مو نيت.الممرضة بحرج:احم هادي خدمتي وانا غير غادي نعاونو.مﻻك قربات لعندهم:غي سيري انا نتكلف بيه.
الممرضة:ميمكنش اﻻلة حيت نتي ماعارفاش تقدري تعغريه فبﻻصة الجرحة.
مﻻك:نو متخافيش انعرف ليه غي خرجي.
الممرضة:اوك ماشي موشكيل ﻻبغيتي تبدلي ولكن انا غي قلت زعما مع خوك يحشم منكم وﻻ شي حاجة.مﻻك بقلة صبر:غيحشم من ختو ومو ووحدة غريبة ماشي مرتو.الممرضة وﻻت حمرا فاش سمعت ديك مرتو:احم واش مرتو عاد غاتجي.مﻻك هزات يديها كان فيها خاتم الخطبة:اه انا.الممرضة مخرجة عينيها:اه سمحيلي يسحابلي.مﻻك قاطعاتها:ممكن تخرجي دابا.الممرضة شافت فيها محامﻻهاش:كنت كندير غي خدمتي.مﻻك ضحكات ليها ضحكة مستفزة زادت قهراتها:هه ماشي موشكيل احبيبة الغلط كيوقع.خرجات وكتنتر غا بوحدها ومﻻك ضارت وكتعيبها بصوت رقيق كيالمعزة:انن خوك ايرتاح انن خوك يخوي ليك الضراس انشاءلله.شافت فيه لقاتو تيشوفيها غامن تحت شفارو شاد الضحكة:نتي لي اتبدلي ليا.مﻻك وجها حمر:ومالي نبدل ليك غتغلبني زعما.غي هز عينيه فيها قلبات وجها باقة حشمانة او نقولو
باقة مقلقة من ديك ليلة:شنو بغيتي دغيا راكيتسناوني.عهد ماد ليها يدو:قربي ونقوليك.
مﻻك:ﻻ غي خليني هنا مرتاحة.
عهد:اوك على خاطرك.وحيد لغطا عليه وناض بشوية عليه غي حط رجليه فالارض لقاها واقفة عند راسو:شكدير رجع تكا راك باقي مريض.هز يديه لفوق بضحكة طفولية:بدلي ليا.
مﻻك:اويلي واش حمق واصﻻ انا باقة هنا حيت نتا قلتي باغي دقيقة.كيخرج شفايفو بحال لبوسة:عفاك عفاك داغي.مﻻك بعدات عليه:ﻻ اعهد منقدش قول شنو باغي داغي باش نمشي.مد يدو بالزربة قبل متبعد بزاف شد يدها:مالكي واش مقلقة مني.
مﻻك كضور عينيها عليه:ﻻ عﻻش.عهد كيقلب فيديها وكيقيس فيها بشوية:على داك النهار.هبط باس كفها بشوية تاتنهدات:سمحيليا احياتي سمحيليا.
مﻻك:عفاك قول شنو باغي نمشي كيتسناوني.عهد تنهد وطلقها:صافي غي بغيت نعتادر ونسمع منك بلي سمحتي ليا.
مﻻك بعدات:افف خلي الوقت لي ينسيني.وتمات غادة لباب ونطق:وعيطي معاك على الممرضة لي كانت تبدل ليا.شافت فيه باستغراب:شنوهي عاودها.عهد شافيها ببرود:كيف سمعتي رامنقدش نبدل راسي.مﻻك رجعات عندو:ياك باغيها هي تبدل ليك.عهد شافيها بغباء مصطنع:وانتي مبغيتيش تبدلي ليا وانا باقي مريض.مﻻك بخجل:فيناهوما حوايجك.عهد بضحكة تابانت ضرسة العقل كينعت ليها فصاك كبير كحل ديالو محطوط:راهوما.مﻻك قلبات عينيه كتنفخ ومشات هزاتو مع حﻻتو قال:عفاك جبدي ليا الكيطمة الكحلة.مﻻك بانت ليها وجبدتها ليه ومشات عندو شاف فداكشي ورجع شافيها:وشنو غنلبس تحتها جيبي ليا شي سوفيطمة.بضحكة ماكرة:وشي سليب احم غرسون اﻻ بغيت نقول بوكسر بحال داك الكحل لي بقا عندك.هزات فيه حاجبها ومشات جابت ليه الصاك كلو:شد جبد راسك.عهد شدو جبد سوفيطمة بيضة مقطنة وبانو ليه البوكسورات شي ربعة جبدهم كاملين:شنو نلبس البيض وﻻ لكحل وﻻ لزرق وﻻ رمادي ها.شاف فيها206
شافيها لقاها قالبة وجها لي وﻻ حمر ونغزها تاشافت فيه:راكندوي معاك اناواحد نلبس.مﻻك دفعت ليه يديه:لبس لي باغي انا مالي.
عهد:وابغا يلبس على دوقك.
مﻻك:شكون.
عهد:زز اودي خلينا ساكتين حيدي ليا حوايجي.مﻻك شافت فيه:كيفاش.عهد هز يديه لفوق:نصلي ليا نصلي.مﻻك مدت يديها كيرجفو طلعات ليه داك البودي وكتبلع ريقها ففصالتو لي واعرة وزادت زيانت بداك الوشام لي فدراعو شدها من كتافها وتعغز عليها بقات غي كتبرقق فعينيها:شششكدير؟.
عهد:والسروال رامنقدش نحني.حركات راسها بالنفي:ﻻ ﻻ منقدش كمل بوحدك.عهد كيتبوحط:راغنطيح ﻻطلقتك هانا شاد فيك وهبطيه دغيا.شافت تاعيات وغمضات عينيها وهبطاتو ليه وهو كيفرنس غا بوحدو وجا وقت البوكسر متسوقاتش ليه ومدت ليه السروال ومكتشوفش التحت غاع:شد لبس.مد يدو شد البوكسورات:اينة واحد نلبس فهادو.مﻻك تاني ضورات وجها شدتها البكية بكثرة ماكيحشمها وضور ليها وجها تاني:واينا واحد عجبك.تنترات منو:صافي عيقتي لبس ﻻباغي تلبس خليني نمشي بحالي.
عهد:اوك كالم طوا غي سولتك.طلق منها غاع وضار كيلبس وهي عطاتو بالضهر حيد داك البوكسر لي كان ﻻبس ولبس واحد اخور جا يتحنا لسروال حيت صعيب ماشي بحال البوكسر غيخشاه فرجليه وطلعو بالزربة مع تحنا شد فصدرو:اي اففف.مﻻك ضارت عندو بالزربة شافتو غلس فالسرير وشاد فالفتحة هكاك فالبوكسر متسوقاتش ومشات شدات فيه بخوف:مالك شنو.
عهد:والو مدي ليا السروال.شافت فالسروال وتحنات هزاتو وشدات رجلو وشدها:شكديري طلقي.دارت راسها مسمعاتوش وخشات ليه رجليه وبقات مطلعاه وصلت لركابيه وجاو عينيها فداكشي مضخم دغيا قلبات عينيها:وقف.عهد شد فيها تاني وهي واقفة وكطلعو ليه ويديها كيترعدو فاش بداات تعقد ليه السيور وشدهم عليها:طلقي مدي ليا السوفيطمة.لقاتها من الجنة والناس داغي ضارت هزت لي207
لي قاليها مداتها ليه وعاوناتو يلبسها وفاش كانت مهبطاها كتقيس لحمو بدون شعور منها ساهية فجسمو العامر والمطراسي وهو غي كيتنهد وحاضيها جاه ملمس يديها بحال الحرير لدرجة بعد بحاﻻ خايف يخدشها او يمكن خاف يشدها تما ومعندو تالصحة تما يموت ليها مﻻك شافتو بعد وهبطو بحدو تحرجات وضارت مدت ليه تجاكيطة ديال الكيطمة عاوناتو تاهي لبسها ومكيسة عليه ﻻتعغرو ومهبطة عينيها بحرج خﻻها تتسد فالسنسلة تاع تجاكيد وضور يديه على خصرها تاقفزات وهزات عويناتها فيه مع قزمة يالله فايتة كرشو شوية لقاتو مبتاسم ليها بدون شعور تاهي بادﻻتو الابتسامة:شكرا احبيبة.
مﻻك:عﻻش.حط يدو فحنكها بحنان:حيت غتولي ليا وحيت غنقدر نبقا نصبح على عينيك كل نهار ههه وتبقاي تلبسيني.شافت فيه بحنان:عهد غتعاملني مزيان ياك؟.هبط حواجبو باستغراب:اكيد اه عﻻش كتقولي هاد الهضرة.طلعات ليه السنسلة كاملة:معرفتش ولكن غي خايفة.هز ليها راسها من دقنها:عﻻش اتخافي مني ﻻكان على داك النهار والله مبقيت نعاود.قاطعاتو:عفاك صافي متبقاش تجبدو ليا بغيت نساه وماشي على داكشي اصﻻ انا هضرت.عهد باسغراب:وعﻻش.سكت شوية وعاود نطق يمكن فهم دوك الشوفات لي كدير:واش زعما خايفة نضربك وﻻ الصداع.بدون شعور عينيها تغرغرو وحركات راسها بالايجاب وبسرعة خشاها فصدرو معنقها وكيبوس على راسها:شش عفاك ششش انا واعدتك بلي غتعيشي معايا كيف الاميرة سمعتي.بعدها شوية وشد وجها بين يديه وكيمسح دميعاتها:شش صافي عﻻش كتفكري هكا واش شي واحد قالك عليا شي حاجة.
مﻻك:اهئ ﻻ.
عهد:ومالك كتقولي هاكا.
مﻻك:معرفتش اهئ حيت اهئ حيت مولفة اهئ اهئ.عهد جلسها فالسرير وجلس جنبها مضورها عندو هو عارفها على والديها ولكن بغاها تطلق معاه وتخوي قلبها:كيفاش مولفة.مﻻك شافت فيه بتوتر معرفاتش واش تهضر وﻻ تبقا ساكتة208
وﻻ تبقا ساكتة:اهئ والو يالله خاصني نمشي.عهد تنهد وبدا كيحك ليها ضهرها بكفو مبتاسم:واخا لي بغيتي ولكن بغيتك تكوني هانية من ديك الناحية واخا احبيبة ومسحي دموعك يالله.مﻻك مسحات وجها وبقات جالسة شوية تابردات عاد ناضت وبغا ينوض وشداتو:مالك ﻻش نضتي واش ادخل لطواليط.ﻻح عليها يدو على كتافها بحاﻻ متكي عليها:ﻻ انهبط معاك بغيت نتنفس تنتخنق هنا.مﻻك ضورات عينيها فالغرفة وشافت فيه:واييه باز ليك.
عهد:وبقاي تجي عندي ونسيني راباقي ليا شي سيمانة عاد يطلقوني.ملقات متقول لسانها معقود اول مرة تحقق فيه وفوجهو شحال وسيم ورجولي فنفس الوقت كيبان النور والوقار بديك اللحية وعهد تاهو سها فيها وضعف وتم محني عندها بشوية وغمض عينيه وهي تابعاه تلقائيا غمضات عينيها لكن مخلوعة حتا حسات بلحيتو وفمو سخون فوجنتها وبعد طلع لجبهتها تاهي باسها وبعد غمزها وقلب عليها القفة:عجبني تفكيرك.مﻻك وﻻت حمرا وخنزرت فيه:ياك هضرنا متبقاش تقرب ليا بحال هاكا زيد ﻻباغي تهبط.بقا كيضحك وزاد معاها مﻻك طﻻت مبانوش ليها عاد تنفسات ونطق:امالكي مخلوعة مالهم وﻻ شافوني حاط يدي عليك.مﻻك بتوتر حيت عاق بيها كتقلب فيناهوما:ﻻ ماشي هكاك غي معرفتهمش فين مشاو.ضورت عينيها وبانت ليها ديك الممرضة نيت حاضياهم ومﻻك ضورات تاهي يديها على خصرو معنقاه واخا كترعد خلات عهد غاكيبرقق فعينيه فديك التعنيقة وشافها كتشير على شي حد ضور وجهو وبانت ليه ديك خيتي جاية جيهتم وكتنفخ عاد فهم البﻻن وهمس ليها:جنية مع راسك.كضحك ليه وكتهضر تحت سنانها:سكتنا شوية.وصﻻت عندهم هاديك وكطلع فيها وتهبط محامﻻهاش وتامﻻك نفس الشيئ:نعام شنو بغيتي.
مﻻك:احم فيناهي الطريق للتحت.عهد قلب عينيه شاداه الضحكة كان بامكانها تسولو هو حيت عارف الطريق لوخرى بتنفاخ ماقاداها ﻻلرض ﻻسما:سيري نيشان209
نيشان وغتلقاي ﻻسونسوغ وهبطي.مﻻك مكتعرفش ﻻسونسوغ وسوﻻت ببراءة:مكاينينش الدروج.الممرضة هزات شفتها الفوقانية معوجاها بتمياق:ﻻش غتهبطي السيد فالدروج راه باقي مريض وﻻ مكتفكريش فراحتو ﻻبغيتي الدروج سيري هبطي فيهم نتي وخلي السيد يرتاح وﻻ بﻻش ميهبط حسن.مﻻك محمﻻتهاش تهضر هكاك قدامو بحاﻻ باغة تبين ليه رامكتهتمش بيه:ونتي اش مشاليك سولناك مطلعيش ليا فوق راسي جاوبي على قد السؤال بﻻ داك الطيران تاع والو.طلعاتها وهبطاتها وزادت جارة معاها عهد لي وﻻ حمر حابس الضحكة معرفش مالو ماباغيش يطلقها خايفها ضور ليه تاهو مخليين وراهم لوخرى كاتاكل فجنابها بالفقصة:البرهوشة لوخرى يخخ كيﻻصقاه.مﻻك مشات فين وراتها لوخرى بان ليها السانسور والدروج حداه:تقد تهبط فالدروج.عهد شافيها بنص عين:كتخافي من ﻻسونسوغ.مﻻك شافت فيه:فين عمري طلعت فيه انا بعدا.شافيها هاز راسو:متقوليهاش.
مﻻك:والله عمري طلعت فيه.
عهد:تبغي تجربي.شافت فيه زامة فمها بضحكة:مكرهتش ولكن شكون غيخدمو.
عهد:انا مبنتش ليك.ومد يدو ورك عليه وتحل مﻻك بقات غي كتفرنس ودخلو وزادت لسقت فيه ورك على التاج لول وتسد لباب وتحرك السانسور ومﻻك غمضت عينيه وزيرات على دراعو:اربي شهادشي.عهد عنقها كيضحك عليها:ههه اودي واملي كنتي غاتخافي ﻻش طالعة.حﻻت فيه عين وحدة:وابغيت نجرب.بغا يبعدها عليه يطلقها وتخشات فيه كتنتر باش متبعدش منو:ﻻ ﻻ شدني غنطيح.عهد شدها:هههه اشمن غاطيحي واش انا لي مريض خاصك تشديني وليت انا لي خاصني نشدك.مﻻك بدات كتخشا فيه وكتحرك راسها بﻻ فصدرو عغراتو وﻻ باغي يحيدها صابر بزز حيت تقصح بزاف:مﻻك النور هانننتيي غيي حلي عععيناااايييي.مﻻك بسرعة بعدات منو فاش غوت بالم وشافت فيه مخلوعة:عهد عهد مالك واش كيضرك.عهد تحنا مغمض عينيه بالم وشاد فصدرو وكيسمعها كتهضر معاه
#بون______________وي210
كتهضر معاه وصوتها قرب يبكي:عهد عفاك جاوبني.عهد تنفس مزيان وحاول يخبي الضران ما امكن ووقف عادي وبدا كيضحك:ههه ايوة شتي راقلت ليك ساهلة مطيحيش.مﻻك خصرات مﻻمحها:بفف خلعتيني عليك.مد يدو لحنكها بحنان كيدوزها:بصح تخلعتي عليا.مﻻك بحرج دورات وجها كتحاول تلف:امم دابا ﻻبغيت نهبط لتحت كنورك على الواحد ياك.عهد تنهد وقرب لحداها كيعلمها كل بوطون ﻻياش كتليق حتا وصلو وتحل لباب خرجو وبغا يشد فيها وبعدات كتشوف فمنحا واحد شاف فين كتشوف لقا الدراري برا وعياﻻتهم كيتسناو فلوطوات والغالية واقفة مع شمس و حاضية ايمتا تخرج اما فؤاد واقف مع محمد جا يشوفو كيبقا حيت مجاش عندو فالصباح عهد رجع شاف فمﻻك:اجي لهنا نشد فيك رامقادش نتمشا بوحدي.ومد يدو تشد فيه زعما مﻻك شافت فيدو وشافت فمها لي كتشوفيها غا بنص عين حاضياهمومﻻك عايقة بيها اما فؤاد فجاتو عادي بلعكس بحاﻻ عاد تهنا من جيهتها وضامن غاياخدها كيقول مبقاش عندو حكام عليها مﻻك قربات ليه وهمسات:شد فيا وعنداك تبسل.عهد ﻻح عليها دراعو تاخرجات فيه عينيها:مالك كتخرجي فدوك العينين.مﻻك كتغمزو يبعد ومخرجة عينيها ونطق بغباء مسطنع:حبيبة مال عينيك داخلة ليهم شي حاجة.مﻻك سكتات حيت صافي اصﻻ وصلو حداهم وفلتات منو بالخف كون ماباه حداه كون طاح محمد شدو وعهد هضر تحت سنانو وهو كيشد توازنو حيت غفﻻتو كان شاد بيها ليكيليبغ وهضر غي تحت سنانو يالله باه لي سمعو:طلقتني بنت الهم.محمد تاهو بشوية:عبرات على والديك كون محشمت نخلي والديك تشتت.عهد يالله شافيه غيهضر قاطعهم فؤاد بابتسامة:يالله بسﻻمة عليكم وعلى سﻻمتك اولدي.
عهد:الله يسلمك اعمي.مشاو ركب والغالية جرت مﻻك مخﻻتها تاتسلم عليهم فخاطرها ومشاو ركبو وضارت عندها:ﻻش بغاك وﻻش تعطلتي باش تهبطي.خالد لي كان سايق قاطعها:والواليدة شهاد211
شهاد الاسئلة راعادية يبغي يهضر معاها خليهم بيناتهم.الغالية كتخنزر فمﻻك:حيت شتو مبدل قلت الله وعلم شنو طرا تما.مﻻك حابسة البكية:رالممرض لي عاونو يلبس عليها شتيه مبدل.
الغالية:ونتي بقيتي معاهم فاش كان يبدل.مﻻك بتوتر:ﻻ بقيت تسنيتو برا.
الغالية:وﻻش تاتسنايه بقا فيك.
مﻻك:حيت قاليا بغا يهبط يسلم عليكم.(الله عليك ياشيخة هههه)سكتو ووصلو لدار طلعات مﻻك لبيتها جبدت التيلي لقاتو مسيفط ليها مساج:حبيبتي فاش توصلي عيطي ليا.مﻻك بدات تضور فيه بيديها:تاشت هاد التيلي مكيخواش من التعبئة لبارح ليل كلو وهو شاعل الكونيكسيون ومخواش.خشات صبعها ففمها:زعما كيعبا هو ههه نيت دارها مزيانة منلقاش كيندير نشارجيه انا ههه.حيدات الشال وكتفكر واش تصوني وﻻ ﻻ سمعت الحس وضارت مخلوعة مخبية التيلي فالشال كانت الغالية:انمشيو عند خالك سمحمد طاح من الدروج شهر هادي وهو مهرس عاد وصلتني خبارو تمشي وﻻ بﻻش.مﻻك بتوتر وكتفكر الى مشات مغتهضرش معاه وهي عارفا مها الى لقات الجماعة كتسكن تما اما ﻻمامشاتش غتهضر معاه فخاطرها تاخوتها ميدويوش معاها:امم ﻻ غي خليني.الغالية طلعات فيها حاجبها بتخنزيرة:هو تمشي عندو وخالك لي مريض متمشيش اما قرب ليك خالك وﻻ هاداك.
مﻻك:واحيت غتمشي غتعطلي وراك عارفاني مكنحملش تما.
الغالية:دابا غاقولي ليا مالك مع هاديك الدار فينما نمشيو لعندهم مكتبغيش.
مﻻك:افف والو هاني ندير شالي ونهبط.الغالية خرجت ومﻻك شافت فالتيلي خﻻتو سيلونس وخشاتو فصدرها كيف العادة وسايبت شالها وهبطت لقات طارق لي غيديهم كانت تاحليمة غتمشي طلعو وتحرك مدة ديال الطريق وصلو دقو وحﻻت عليهم مرتو مكتحملش مﻻك ملي دخلت وهي تميق فيها خصوصا فاش سمعتها غتزوج حيت عندها تاهي غا جوج بنات وكبر من من مﻻك وريحتهم عاطية يعني طحبات بكل مافي الكلمة من212
الكلمة من معنى ومكيقولو ليهم والو حيت كيسكتوهم بالفلوس عليها مﻻك مكتحملش تمشي عندهم وكاين سبب اخر غنتعرفو عليه من بعد دخلو سلمو عليهم ومﻻك تخشات بين حليمة وطارق بحاﻻ خايفة من هاد الدار لي جاو ليها وكتحس بالتيلي كيفيبري وكيقطع وكيعاود يفيبري عرفاتو مغيكون غا عهد كيصوني.بقاو جالسين وحطات ليهم مرت خالها الضيافة وهو جالس مجبد رجلو مغبسة تهرس منها مﻻك مداقت منهم والو بقات غي جالسة وكضور فدوك العينين بغات غي تطلع للسطح وﻻ لبرا تجاوبو حيت بكل بساطة باغة تاهي تهضر معاه يمكن توحشاتو اوﻻ فاش لقاتو مخلي ليها مساج باش تتاصل بيه تلقائيا عقلها تيعطيها انها خاصها دوي معاه طارق بقا جالس غاشوية واستادن منهم وخرج كيتسناهم برا حيت تاهو مكيحملش ديك الدار كتبان موسخة والدنوب ضايرين بقناتيها واخة الدار كبيرة والاثات جديد وكيبانو مرفحين الى ان حاجة الحرام كلما زيانت كتبقا خايبة خصوصا فاش دخلت وحدة من بناتهم داخلو ﻻبسة جﻻبة مطرطقة عليها ومزعرة الشعر وحجبانها غي خط رقيق ومكياج ديال القحاب يبان ليك من بعيد تشوفو تقيا مفيها ﻻزين ﻻطاي دخﻻت وكتلوك فمسكة سلمت وجلست مقابلة مع مﻻك حدا باها لي ممسوقش وكيشوف فمﻻك لي معرفاتوش ﻻش كيشوفيها وترها ونطقات ديك الطحبة سميتها شروق اودي الشوق يشوفها يغيب:مرحبا بيك اعمتي نورتو.الغالية كتشرب فاتاي ومحامﻻهاش:ترحب بيك الجنة ابنتي.
شروق:ايوة ياملوكة سمعت غتزوجي شي مرفح.مﻻك ميقات فيها مجوبتهاش والغالية قرصتها غي من التحت مي مبغاتش تهضر وجاوبات بﻻصتها:الله يبارك فيك والعقوبة ليك.شروق كطلع مﻻك وكتهبطها من ديما مكيحملوهاش حيت هي ديك المﻻك الطاهر ديال العائلة وفعﻻ تاحد مكيحل فمو عليها بالخايب ديما كيجبدوها بالخير ونطقت بغات تعصبها ونطقت بﻻ حشمة بﻻ حيا قدام باها ومها والغالية213
والغالية وحليمة محشمت غاع منهم ومع كلشي عارف والدين مﻻك متشددين شوية خصوصا معاها بغات تشعل العوافي:امين اعمتي نسول غا مﻻك منين ضبرت عليه باينة كانت مبرعاه.مﻻك شافت فيها باستغراب فعﻻ مفهمتهاش وحليمة نطقات حيت فهمتها طايرة:احبيبة مﻻك سعدها وميمونها جا تالباب دارهم ودق عليها والله يجيب ليك تانتي.
شروق:ايوة انا غي قلت زعما ملي مرفح وشابع لعاقة قلت يمكن كانو يلعبو وكينقز من الشرجم يمكن.طلقاتها بضحكة مقحبنة:هاهاهاه يمكن تادارو شي وليد عاد لوات ليه يديه.الغالية وقفات معصبة:سمحمد شهاد الهضرة جينا نشوفوك ولينا فالمعيور.
شروق:ومالكي مرضيتيش اعمتي راعادي المهم جا يصلحو الغلط.محمد بدا كينغزها تنوض وناضت بحالها:احم غاسمحولينا راكم عارفينها كيدايرة.نطقات مرتو مغزفة محامﻻش راسها وكتخنزر فمﻻك:ومالها دوز على الواد الهرهوري ومدوز على الواد السكوتي.مﻻك صافي تغرغرو عينيها والغالية بغات تمشي بحالها غاع:ايوة الله يخليها قاعيدة تفو ندمت ﻻش جيت نوضو يالله.محمد ناض شاد فالعكاز اما مرتو مشات تبعت بنتها وكتبرغم محمد بقا كيسايس معا الغالية:ايوة اختي غيالسﻻك ابنت ميمتي راكم عارفين لي كاين.الغالية سلمت عليه وتمو خارجين وحبس مﻻك:ابنتي مغتسلميش عليا.مﻻك بانت ليها مها خرجت هي وحليمة خﻻو مﻻك كتزرب تلبس فسبرديلتها مبغاتش تبقا بوحدها وشافت فيه بتوتر وقربات مدات حنكها تسلم عادي حتا حسات بيه مد شفايفو خانزين باس حنيكاتها النقيين الموردين ومﻻك خصرات سيفتها لي كانت خايفة منو طاحت فيه كتحس بيدو شاداها من دراعها فاش بغات تبعد:وامالكي مكبرة علينا.مﻻك كتبعد منو:خالي بعد مني.
سمحمد:ومال زعما الهضرة لي قالت بنتي غالطة باينة كنتي معاه من قبل واﻻ منين غتعرفي واحد شابع فلوس.
مﻻك:خالي طلقني رامغيعجبك حال بعد مني.سمحمد♥214♥
سمحمد كيشوفيها بشهوة وكيحاول يقرب ليها يقيسها فوجها:مالو حﻻل عليه وحرام عليا انا ياك حبيبو انا كيف كنتي تقولي ليا فاش كنتي صغيرة ياك باقة عاقلة.مﻻك جمعات جهدها ودفعاتو جا طايح مع مهرس وخرجات بالزربة كلها كترعد وكيجيوها شي لقطات فاش كانت صغيرة ديما كيبغي يشدها فشي خوية كون ماكان كيحفضها الله كون تمكن منها شحال هادي مشات ركبت لور حدا حليمة لي ﻻحضات رجفتها وشدت فيها:مالكي.
مﻻك:والو مماليش.حليمة كتسحاب واش قالو ليها تاني شي حاجة:مديش عليهم.مﻻك حركت راسها بالايجاب وضارت للزاج كتحاول تحيد دوك الصور لي كيجيوها.وصلو لدار ودخﻻت نيشان لبيتها سداتو خﻻت كلشي مستغرب كانت الغالية غتمشي ليها وحبسوها حيت اكيد اتكون مقلقة من بعد ديك الهضرة لي الغالية بدات كتوسوس ليها والشيطان كيلعب ليها فدماغها اما مﻻك كيسدت جبدت التيلي كدوز رقمو وكلها كترعد باغة تبكي كتحس براسها محتاجاه وهو الوحيد لي تقد تحط عليه الراس دوزت المرة لولة والتانية والتالتة والو وحطاتو وناضت كتمشي وتجي وطاحو دموعها عيات تحبسهم كلما تفكرت رائحت خالها القدرة وملمس يديه الملوث عليها وكتفكر فاش كانت صغيرة تاني فاش كان يقوليها غلسي على رجلي وكيجيبها تالفوق حجرو يبقا يلعب بيها ويتنهد وهي معﻻبالهاش تاكبرت عاد عرفت دوك الحركات شكيعنيو نفضات افكارها ومشات كتبدل ومشات تسطحات وجبدت تصاورو كتشوفيهم مزيان وكدوزهم بشوية عليها شحال ديال الوقت ومجاوبتهمش فاش دقو عليها للعشا بقات غي كتفرج فيه وكانو تاشي فيديوات ديالو مع المخدة كيدوي معاها كيشي مسطي على اساس مﻻك تما عرفاتو نيت راه مسطي بيها وقلبها كيخلق ليه اعدار على ديك النهار كتشوف وتفرج ساهية حتا قفزات فاش بدا كيصوني وتبسمات بمجرد مشافت حبيبي ودوزات ﻻبيل وكدوي بشوية♥215♥
بشوية ﻻيسمعوها:الو عهد.
عهد:روح عهد.عضات شفايفها مخبيا الفرحة:كيبقيتي.
عهد:احح عاد كتسولي فيا.
مﻻك:رامكناش فالدار وعاد راه عيطت عليك ﻻش كمجاوبتيش.عهد بتوتر حيت كانت قبيلة حﻻت ليه الجرحة فاش تخشات فيه ودخلوه خيطو ليه عاد فاق دابا فاش لقاها معيطة بغا يتسطا بالفرحة ودغيا دوز ليها باقي ديخان بالبنج حيت غي حلة خفيفة ماشي خطر عليها خﻻو ليه التيلي:احم كنت فالجردة كنشم الهوا وداير ليه سيلونس مسمعتوش صوري.
مﻻك:اوك ماشي موشكيل.
عهد:احم قلتي ليا مكنتيش فالدار فين كنتو.مﻻك بتوتر كتحس براسها غطرطق وباغة عﻻمن تشكي ومعندهاش لمن تامها لي تحط عليها الراس تقد تعايرها وﻻ متيقهاش:كنا عند واحد خالي طاح فالدروج تهرس.عهد كيحس بصوتها ماشي هو هداك:اه الله يشافيه مالك صوتك معاجبنيش.مﻻك باغة تلفو:حقا مقلتيش ليا عﻻش بدلتي التيليفونات نسيت نعطيه ليك قبيلة.عهد ضحك عرفات كيتقلب الموضوع:حيت بغيتك تشوفي شي حاجة فيه.مﻻك تبسمات:امم درتيها بلعاني.
عهد:شنو بعدا عجبوك.
مﻻك:اه زوينين واش زرتي غاع دوك البﻻيص.
عهد:اه وغنديك ليهم انشاء الله فاش نتزوجو.مﻻك بحماس كضور فعينيها:بصح كلهم غديني ليهم.
عهد:وعﻻه ﻻماديتكش نتي لي حبيبتي شكون بغيتيني ندي الفرملية مثﻻ.مﻻك قطبات حجبانها:يخ متفكرنيش فيها كون غابدلوها ليك جابو ليك راجل.
عهد:هههه واخا دابا نقولها ليهم امم شنو نعتابرك غرتي.مﻻك بتلعثم:انا امحما نع امﻻ ﻻش انغير.
عهد:ههههههه صافي صافي اي.مﻻك تغعدات:عهد مالك.عاض على فمو ضراتو الجرحة وهو غالس كيكركر نسا راسو:والو غي تحركت وضريت.
مﻻك:ايوة حاول على راسك راك باقي عيان.
عهد:اححح اقلبي غتحمقني هاد البنت.مﻻك حشمات:ﻻ منحمقكش والله.
عهد:ربي ربي قولي والله.
مﻻك:والله.
عهد:اححح غتسكتي ليا مو هاد القلب.مﻻك بدات
#بونوي😘😂😴😴♥216♥
مﻻك بدات غي كتفرنس بقاو داويين شوية كيحاول ما امكن يزيد يطلقها معاه وتاهي مع مكتلقا معامن تهضر رتاحت معاه حتا سمعت باها كيدق عليها وكيغوت ليها وقطعات معاه حطات التيلي ومشات حﻻت لقاتو واقف:مالكي قالو ليا مهبطيش تعشاي.
مﻻك:اه مافياش.
فؤاد:يالله هبطي تعشاي معايا.
مﻻك:ﻻ غي بالصحة والله مافيا.فؤاد وهو غادي هابط:دابا نلقاك لتحت.مﻻك تنهدت وردات الباب وهبطت تابعاه لقاتو فالصالون هو والغالية لي نطقات:راه عشاكم فالتﻻجة سخنيه.مﻻك مشات حﻻت الثﻻجة لقات طاجين ديال الخضرة مخلين ليهم جيهة معزولة نقية ممقيوساش جبداتو ودارت ليه غﻻقتو باش يهبط عليه الصهد وشعﻻت البوطة تسنات غي شوية باش ميتحرقش وخﻻتو مغطي ومشات كتدي فالخبز والما عاد جابت الطاجين وبداو كياكلو فؤاد متعشاش معاهم بحكم كان عندو غرض قداه عاد جا:نتي سطتي فالطاجين وكاتقولي مفيكش.مﻻك وفمها عامر جالسة تتسرط:وراميسحابليش دايرين الخضرة.فؤاد رجع لور:شتسحابي باك وزير غيدير ليك فيل مشوي.
مﻻك:ومالها منستاهلش.فؤاد هز حاجبو وشاف فالغالية بمعنى سمعتي وهي دارت ليه هازا يديها معندي مندير:اياه تستاهلي تستاهلي.مﻻك جاتها عادي نسات بلي مكتفوتش معاهم جوج كلمات وكتقولهم بزز:كون مدقيتيش عليا غاعما نعرف راكم دايرينو كنت غنموت بالجوع.
الغالية:ايوة عياو خوتك يدقو ونتي مبغيتيش بقالينا غانجيبو الدقايقية.
مﻻك:كون غاجبتوهم والله تنخرج منردهاش فوجهكم.فؤاد بدا كيضحك:كولي كولي وسكتي.كتخشي فوجها:اننمم هانا.فؤاد بدات كتجمع ليه ديك الضحكة وهو كيشوفيها مدة وكتبان ليه غادة بالعرض البطيئ كتاكل وداكرتو مشات لاول مرة كﻻت فيها الطاجين ديال الخضرة كانو عند الضياف وعجبها وبقات كترطا ليهم حيت غي داقتو وكتبغي تزيد كيشدوها وﻻت كيشي مهاوشة حشماتهم مع الناس وفاش مشاو كﻻت♥217♥
كﻻت اكبر قتلة حيت بيناتهم بحاﻻ ممربينهاش نساو بلي هي غي طفلة عجبتها اكلة وبغات تشبع منها بقا ساهي وكيقول كون غي خليناها كﻻتو شربحنا والو هاهي غتمشي وتخلينا اسيرين دوك الدكريات وعقلو خدام زعما غيتهﻻو فيها هاد الناس لي اتمشي عندهم زعما عهد هو الزوج المثالي لي كان باغي ليها وﻻ غي باغي يتهنا منها ومن هضرت الناس لي اصﻻ غي داويين شحال وهو كيشوفيها وكل مرة كتجي ليه شي لحظة معاها من اول مرة حاوﻻت تمشا وكان جالس ومشافهاش كانت جاية عندو غي وصلت عندو وطاحت جاراه من لحيتو كاملة نتفتها ليه من تما حلف ﻻعاود نوضها اوﻻ نهار كان يوكلها وكانت تبزق عليه توسخو وﻻ شحال من مرة خﻻتو بﻻ نعاس وشحال من مرة تقيات عليه وشحال من مرة تيلقاها هي اول وحدة كتسناه فاش كيجي من الخدمة بضحكتها البريئة وكتنوض كتعافر مع السدادر شادة فيهم ﻻطيح تاكتوصل عندو وكيضرب ليها كلشي فزيرو كيبوسها غي من راسها وكيمشي مخليها غي كتبرقق فعويناتها متوقعة انه يهزها شحال وشحال ندم على شحال من لحضة ضيع معاها غير باش مطلعش مفششة ودير مبغات وميهضروش فيه الناس نفض افكارو فور مبانت ليه كمﻻت داك الطاجين ونايضة كتجمع وفمها باقي عامر كتمضغ ناض مشا لبيتو هارب من دوك الافكار لي طاحو عليه دقة وحدة سمع الباب تسد وضار لقاها الغالية:مالك اراجل غا ساهي وفين كنتي تالهاد الوقت.ففؤاد قطب حواجبو:من ايمتا وليتي تسولي فين غادي وفين جاي.الغالية طمرات:احم اه سمحلي.فؤاد تنهد:مشيتو عند خوك.
الغالية:امم تاني مﻻك ديتها بزز وتاني بقاو يدقو دوك الخانزات ديال بناتو.بتوتر:دارو ليا الوسواس.فؤاد لتخ داك الفوقية لي كان هاز:واش مكتهديش نتي مكتعيايش البنت فين عمرها غبرات على عينينا ونتي كدي على دوك الخنز تفو.هز فيها صبعو:وزيدون شحال من مرة قلت ليك متبقايش تديها♥218♡
تديها لديك الدار الوسخ كيعطعط منها.الغالية:وشغندير راه خالها ومسكين بغا يشوفها راك عارف عزيزة عليهم.
ففؤاد:عزيزة عليهم وكيهضرو ديك الهضرة.
الغالية:وشنو منشوفش خويا.
فؤاد:شوفيه نتي بنتي معندها مادير بيهم.وضار عاض على فمو بالاعصاب تيبدل وهي بقات تعوج ففمها زعما مال هادا ومشات تكمل فيلمها اما هو مشا تغما كيطرد دوك الافكار لي كيجيوه وخصوصي كيتفكر بلي صافي غتمشي عليه واتخوا عليه الدار كانت مونساهم.اما مﻻك كمﻻت الجميع ومشات لبيتها وتﻻقات مع مها هابطة:فين غادية تاني.
مﻻك:لبيتي انعس.الغالية تخطاتها:سيري سيري معرفناك شكديري فداك البيت.مﻻك غادة بهمس:كنتدروغا شكندير مثﻻ افف.الغالية ضارت:شقلتي.مﻻك قفزت:والو غي تفوهت.
الغالية:الله يعميها ليك.مﻻك ضارت مخرجة عينيها غادة لبيتها وكتهضر فنفسها:ناري ياربي السﻻمة.دخﻻت لبيتها وهي تقفز شادة فقلبها لقات ايمن شاد تيليفونها وغالس كيتسيلفا شافها ومشا لعندها:اجي نديرو شي سيلفي.مﻻك غي مخرجة عينيها كتسحابو واش حلو وشاف داكشي لي فيه زادت خرجات عينيها فاش تفكرات بلي فلفون ديكغون تصويرت عهد حشمات وخافت كلشي تخلط عليها حتا نغزها:وضحكي.مﻻك ضحكت بزز وخدا ليهم صورة ومدو ليها وجبد تيليفونو:سيفطي سيفطي فالبلوتوت.
مﻻك:مكنعرفش ليه.ايمن ضرب راسو:ياه على بﻻن نسيت الايفون مفيهش لبلوتوت سيفطيه فالواتساب.مﻻك قلبها طاح بين رجليها باش عرف عندها واتساب:شكون قالك عندي واتساب.ايمن شافيها بنص عين:ايوة سولي هاداك لي دايرة تصويرتو فليكرون ومن لي شديتو وهو يصوني فيه مخﻻني تنتصور فخاطري حلي دغيا صيفطي ليا خنمشي بحالي رامرتي كتسناني.مﻻك قطبات حجبانها:وششكون قالك قرب ليا لتيليفوني.
ايمن:واراك عارفاني مع التيليفونات هوما عقلي ونتي عندك الايفون اخر مكاين وبغيتيني نشد يدي.مﻻك♥219♥
مﻻك باغة غاطلعو واش حلو وقلبو معارفاش راطلع غي الكام:مم ماشي سوقي متقربش ليا لحاجتي وزيدون كيدرتي عرفتي الكود باش حليتيه.ايمن كيطلعها ويهبطها:تي مالك اسليعفانة.مﻻك بدات كتنتر مكتحملش لي يقوليها سليعفانة هو لي هازها عليها:ماشي سليعفانة انا.
ايمن:واصافي غاسكتينا اناري وسيفطي داغي خنمشي.مﻻك بتوتر:وكيدرتي حليتيه باش تصورتي.ايمن خطفو ليها تاكان قلبها غيسكت وقرب ليها كيوريها هز الكام محلوش:باش انعرف انايا هاد الكود عييت نجرب والو شتو غيتبلوكا وحبست باينة فيك اسليعفانة مخبية فيه اسرار الدولة.مﻻك خداتو ليه:ماشي سليعفانة كحز لهيه خنسيفط ليك.ايمن متحركش وبقا هاز فيها حاجبو زعما من نيتك تاهي محشماتش وبعدات منو مخبية بيديها زعما ميشوفش بقا غاكيضور فراسو بﻻ حول كره تاعهد لي ملي ترافغت معاه وهي لسانها وﻻ طول منها بدات كطل عليه بنص عين معفرة:نمرتك.ايمن فتاها عليها ودخلاتو عندها واخا تعطﻻت حيت معرفاتش ليه بقات غي كتخرمز وماباغاش تعطيه ليه يوريها خايفة يدخل لميساجات ويشوف شكيسيفط ليها داك الماسخ لي عندها وتحشم حداه سيفطاتهم ليه عاد مشا بحالو وطل عليها قبل ميخرج:سليعفانة.مﻻك غوتات:اععع ماشي سليعفانة.مشا تيضحك خﻻها ساخطة وهي تﻻحت فالسرير بعدما سدات الباب لقاتو كان مسيفط ليها ديجا ميساج حيت مكتجاوبش وهضرات معاه غي مساجات واخا عيا معاها بغا يشوفها مي مبغاتش عند بالها غطلع ليه فراسو معارفاش بلي مكرهش يبقا غي يشوفيها مياكل ميشرب يكون اخر نفس ليه وصورة شاف تكون عليها بقاو كيهضرو واخا غي هضرة باردة وعادية حتا مبقاتش كتجاوبو وكيطلع ليه بلي كتقرا الميساجات عيا يسيفط ويصوني والو عاد شاف لساعة لقاها جوج دليل وبدا يضحك اكيد غتكون نعسات وفعﻻ كانت حالة فمها ومشقلبة تاني فنعستها والتيلي مﻻوح فالارض♥219♥
مﻻك باغة غاطلعو واش حلو وقلبو معارفاش راطلع غي الكام:مم ماشي سوقي متقربش ليا لحاجتي وزيدون كيدرتي عرفتي الكود باش حليتيه.ايمن كيطلعها ويهبطها:تي مالك اسليعفانة.مﻻك بدات كتنتر مكتحملش لي يقوليها سليعفانة هو لي هازها عليها:ماشي سليعفانة انا.
ايمن:واصافي غاسكتينا اناري وسيفطي داغي خنمشي.مﻻك بتوتر:وكيدرتي حليتيه باش تصورتي.ايمن خطفو ليها تاكان قلبها غيسكت وقرب ليها كيوريها هز الكام محلوش:باش انعرف انايا هاد الكود عييت نجرب والو شتو غيتبلوكا وحبست باينة فيك اسليعفانة مخبية فيه اسرار الدولة.مﻻك خداتو ليه:ماشي سليعفانة كحز لهيه خنسيفط ليك.ايمن متحركش وبقا هاز فيها حاجبو زعما من نيتك تاهي محشماتش وبعدات منو مخبية بيديها زعما ميشوفش بقا غاكيضور فراسو بﻻ حول كره تاعهد لي ملي ترافغت معاه وهي لسانها وﻻ طول منها بدات كطل عليه بنص عين معفرة:نمرتك.ايمن فتاها عليها ودخلاتو عندها واخا تعطﻻت حيت معرفاتش ليه بقات غي كتخرمز وماباغاش تعطيه ليه يوريها خايفة يدخل لميساجات ويشوف شكيسيفط ليها داك الماسخ لي عندها وتحشم حداه سيفطاتهم ليه عاد مشا بحالو وطل عليها قبل ميخرج:سليعفانة.مﻻك غوتات:اععع ماشي سليعفانة.مشا تيضحك خﻻها ساخطة وهي تﻻحت فالسرير بعدما سدات الباب لقاتو كان مسيفط ليها ديجا ميساج حيت مكتجاوبش وهضرات معاه غي مساجات واخا عيا معاها بغا يشوفها مي مبغاتش عند بالها غطلع ليه فراسو معارفاش بلي مكرهش يبقا غي يشوفيها مياكل ميشرب يكون اخر نفس ليه وصورة شاف تكون عليها بقاو كيهضرو واخا غي هضرة باردة وعادية حتا مبقاتش كتجاوبو وكيطلع ليه بلي كتقرا الميساجات عيا يسيفط ويصوني والو عاد شاف لساعة لقاها جوج دليل وبدا يضحك اكيد غتكون نعسات وفعﻻ كانت حالة فمها ومشقلبة تاني فنعستها والتيلي مﻻوح فالارض♡220♥
فالارض تكرفسات عليه بالمزيان هاد اليام لي بقا عندها اما عهد برد راسو غي بديك الصورة لي عندو ندم ﻻش بدل التيليفونات غاع بعدا فيهم بزاف كان كل مرة يبات على وحدة فيهم بقا كيشوفيها ويتنهد وتيطلب الله يكمل ليه بالخير ويجازيه على صبرو بيها بقا هكاك كيدعي وكيطلب الله وعينيه كيتغرغرو ماباغيش يزيد يتعدب على بعدها ماباغيش يجي شي نهار ويتفارقو اكيد غيفارق هو الحياة ديك الساع بقا حتا داتو عينو غفا.دازت سيمانة عليهم وكل نهار عهد غي مكيزيد يغرق تالراسو فيها بداك التغانين لي كتبقا شي مرات تعكس ليه عارفها غي باغة تعصبو حيت كيﻻحض الضحكة لي كتحاول تخبي شحال من مرة كيشعلو على والو وكيعاودو يهضرو عادي بحاﻻ مكانوش مخاصمين هادشي لي عاجبو هو مكتبغيش الصداع فاش كينوضوها كتقطع عليه وفاش كيعاود يصوني مكتجاوبش تاتدوز مدة تيكونو بردو عاد كتجاوب وكيهضرو عادي ولي ﻻحض انها مزاجية بزاف دغيا كتقلب عليه وهادشي طبعا راجع للطبيعة لي عايشة فيها شي لي خﻻها داغي كتقلب تقد تكون فرحانة لاقصى درجة غي تقوليها كلمة متعجبهاش تقلب في ساع متعطلكش وكدلك العكس كتكون معصبة غي كيقوليها مشيشتي كتبقا تفرنس كيلبهلولة.عيا يطلبها تجي عندو ومبغاتش حيت كتحشم شنو غتقوليهم باش يديوها عندو وتاهو فرع لطبيب راسو باغي يخرج حتا سمح ليه يخرج ليوم متسنا حد غي سينا وراق الخروج هز تيليفونو وساك لي فيه حوايجو وخرج عيط لشيفور وقاليه ميقوليهم والو ودار كيف قاليه ومشا جابو فاش دخل عليهم لقا شمس وصفاء واقفين فالباب لابسين كيتسناو الشيفور يديهم عندو حتا كيهبط ليهم هو وشمس مشات كتجري مخرجة عينيها شداتو:اويلي على المسخوط ايمتا خرجي ﻻش معيطتيش لينا.عهد:عاد دابا خرجت راك شتي راه باقي الصباح ايمتا غنكون خرجت.
شمس:اه اه وﻻش معيطتي مقلتي والو.عهد جر♥221♥
جر صفاء وتكا عليها مبغاش يتكا على مو حيت باقي عيان داغي كيسخف صفاء مقجوجة حيت معنقها وﻻيح شوية من تقلو عليها:اعقعقعق طغق طلق.عهد شاف فمو:مال هادي واش مبقاتش كتعرف تهضر.شمس عاد شافتو كيداير ليها صفاء وﻻت حمرا غتموت وخرجات عينيها فيه:ويلي طلق من ختك غتقتلها ليا شوف كيوﻻت.عهد ﻻحها وشد فالسارية لي فالدخلة تاع الفيﻻ:نقتلها ليك مالها كانت تغسل ليك فليواني راغازايدة ناقصة.صفاء مخنزرة كتميق بدوك العينين:ومالك نتا لي كنتي تغسلهم.قاطعهم صوت اسامة جاي كيضحك وشدو تكا عليه:على سﻻمتك ايمتا خرجتي.جا ينطق وهوما داخلين حتا جا تا محمد وسارة وخالتها وجداه تامن الكارد فاش شافوه دخلو بقاو عليه على السﻻمة ونطق وهو كيغلس على الفوطوي:الله ياربي بحاﻻ جاي من عوكاشة را كنت غاهنا فالدورة مالكم.الكبير ديال لي غارد هو لمكلف بيهم وكيعطيهم الاوامر كان راجل كبير شوية قصتو قصة تاهو عهد لي مدخلو كان خدام معاه نيت فالمافيا وتاحد ماعارف غي هوما بجوج:على سﻻمتك اسيدي تخلعنا عليك.عهد غمض عينيه وحلها ليهم بمعنى شكرا وخرجو بقاو غي هوما وسارة وخالتها مشاو كيوجدو ليه فالفطور حيت كلشي فاطر وكانو غيتحركو لشغالهم محمد واسامة مشاو لخدمتهم واكيد اسامة كيف العادة ولف منضر سارة كتبقا طل عليه من لكوزينة تشوفو غادي وﻻ كيبتسم ليها ديما تاكتهرب وكيمشي كيضحك عليها اما عهد خﻻ شمس ناضت لكوزينة وشاف فصفاء لقاها شادة التيلي وكتفرنس عرفها مع طارق وبدا كيضور عينيه وهز مسند حداه ﻻحو عليها شافت فيه قلبات عينيها:الله يستر.خرج فيها عينيه:راه غانوض لوالديك.
صفاء:نوض انا مالي.عهد تم نايض وهي تقفز كتسحاب واش ميقدش ينوض:والله ومبعدتي مني تانقولها لماما.عهد بالزربة جمع شوية داك الجهد لي عندو ونقز عليها شدها تاضر فصدرو كتفها بيد وخدا

Leave a comment