Skip links

قصة : العدول و بنت الناس ج4

 2,858 عدد مشاهداات

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 76

وصال ” بهدوء ” : عصاام أنا قلت ليك لي كاين صافي حتا إلا جا في الخطبة غيطلي منك السماحة

عصام : التبرهيش لخاوي جاي يقول عشقي حبيبتي الرومانسية د الزفت

وصال ” ضحكات حتا قربات ليه جارة نيييفه بلطف ” : وصااافي حتا نتا كدير من الحبة قبة

عصام : دابا شنووو نبقا نعيط ليك المدام ؟

***************

الطريق طوووويلة ويالاه وصلو ليها مع الحرارة ولكن كانو طالقين لاكليم ديال الطنوبيل و سورة يوسف خافتة جو ولا أروع

دخلو لمدينة السعيدية نيشان يقلبو على دار لكراء يدوزو فيييها هاد اليوماين يحطو فيييها حوايجهم عاد يتيسروا لبحر

بمساعدة السمسار لقا دار قريبة لبحر ولكن بثمن شوية غالي لأنه قريبة لكلشي ..

دخلو لدار هازة معاها صاكها و سفيان جار لفاليز شاف فيييها وضحك

سفيان : التزنيكة د الشمش نمشيو نتبحرو ولا نرتاحووو شوية ؟

هداية : نمشيوا نيييت مع هاد الصهد غييير لي يتحشا فيييه ميخرجش منووو كاع

سفيان : صافي أنا نخرج ناخد اش ندير ناكلو معانا و نتي بدلي حوايجك ياك بعدا هانية تبقاي بوحدك ؟

هداية : لا بغيت نخرج معااك ” بعفوية ” كنخاااف

سفيان : ههه واخا زيدي

دور يدييه على كتافها مع هي قصيرة و هو طويل كيووت ..

دازو ليماك خداو جوج بيتزات هو كفتة وهي Fruit de mer

دازو لسوبر مارشي خداو لمونادا و شيبس لي كتعجبها داكشي مخلط

دازو لدار خداو لي خاصهم وهي لبسات البروكيني وشال و طربوش د البحر فوق راسها

وهو شورط و تيشورط داير النضاضر و خاشي يديييه في جيب الشورط ..

دخلو لبحر السعيدية عائلي بإمتياز و شدو بلاصة حطو فيها داكشي تحت الظل

سفيان : ياله ندخلو نعومو

هداية : لا غير دخل نتا أنا هنا

سفيان : زيدي دخلي رجلي برجليييك هاد الساعة

هداية : واخا

شاف سفيان جنبه كانت مرأة كبيرة جالسة تبسم لييها وقال

سفيان : خالتي ماشي مشكل تشوفي لينا مرة مرة هادشي لي حداك فيهم التلفونات

المرأة : مرحبا أولدي على الراس و العين

شكرها و جر هداية معاه داخلين لبحر شاد ليييها في يديها

سفيان : زعمي زعمي أنا شاد فيييك يالاه

بداو كيدخلو لداخل وهي شادة فيييه خايفة لاتغرق وحتا هو متحكم فيييها شاد في يديييه بجوووج و هي كذلك داخلين لبحر لدااااخل ..

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 77

تبحرو عجبها الجووو وخصوصا هو كيعومها ضاحكين مع بعضياتهم ..!

خرجات مزنكة بالشمس شاد في يديها و الشمش ضاربة فيييه مع غير بالشورط و عريان من لفوق جسمو مطراسي وخادم عليييه ..

جلس كيمسح راسو بالفوطة و يمسح شعرو وهي حداه كتنشف راسها حتا هي .. جبد البيتزات مد ليييها ديالها و شد ديالو كياكل ويشووف في لبحر وهي كذلك ..

سفيان : كيييف جاتك التبحيرة هه

هداية : زوووينة و زعمت كثر راه منين كنت تنجي ليييه مكنقدرش حتا نحط فيييه رجلي

سفيان : هانتي زعمتي دابا نساليو و ندخلو

حركات ليييه راسها بالإيجاب و كملات ماكلتها وفي داخلها فرحانة بزاااف فرحتها متعطيييها لحد ..

زوج باغي يعيش لحياة و يجرب أي حاجة كيف قال ليييها رجلي برجليييك أي حاجة باغي يجريها تكووون هي جنبوو

سالاو التبحار ديالهم عيات بالجهد عينيها قربو يتسدو جمعات الحوايج بعد ما نشفو عليييها حوايجها شدو الطريق نيشان لدار لي كراوووها ..

خرجات من الدوش كتنشف شعرها لابسة بيجامة خفيفة قصيرة و شعرها كيقطر وهو متكي على الناموسية دوووش قبل منها

جمعات شعرها ومشات تكات جنبه حتا جرها حط راسها على يديييه قريبة لصدره وجا وجها مقابل وجهو ..

مد يديييه كيدوز على خصلات شعرها الفازگ حتا قرب طبع قبلة جنب شفايفها ..

سفيان : نمشيو بلاتي شوية ل Marina de Saidia ؟ ولا حتا لغدا ؟

هداية : خلي غداء نمشيو ندوزو النهار تما

سفيان : صافي ” حيد لييها خصلة قريبة لعينيها ” وتركبي معايا في جيسكي ؟

هداية ” بإبتسامة دافئة ” : أي حاجة درتيها ولا بغيتي ديرها أنا معاك ..

نعسوا في حض بعضهم مضرباتهم الفيقة حتا ليل كانت الساعة الستة د لعشية مع العيا محسوووش براسهم

سفيان : نعسنا هاد لوقت مكامل

هداية ” ضحكات ” : واخا نكونو يومييين بقينا بلا نعاس هههههه

سفيان ” طرطق عضامه ميل راسه نايض في إتجاه لحمام ” : هه عمري نعست هاد السوايع كاملين

لبسات السروال و الشوميز ديالها قادات الميكاب إستعدادا للخروج و هو سروال جينيز و تيشورط في البلومارين ..

كيتمشاو على الشارع غادين جنب بعضهم المدينة عامرة كلشي خارج و الجو مبرد

جلسو في ساحة عامرة فو الدراري الصغار كيلعبو و يشريو غزل البنات و الفشار ” لگلية ”

سفيان : نشري ليييك لكلية كتعجبك ؟

هداية : اه

تبسم لييها و ناض غادي يشريييها لييه حتا جلسو جوج بنات من وراها ” الكرسي فيييه جوج واجهات ” حتا بدات كتعقد حواجبها من الهضرة لي كيقولو داك الدروج بنات ..

: ناري على طووولة و تكلضيمة جاي يا ختي حبيتو غييير من الشوووفة

: صافي هذااا غندور بيييه مفيهاااش الشك

سمعات كلشي وكلشي داز على وذنيها حتا جلس سفيان ماد ليييها لگلية و شاد لييه حتا هو حتا مد ليييها شوية لفمها

سفيان : هههه أنذوقك شوووية من ديالي

تبسمات ليييه إبتسامة خفيفة و عقلها مزال مع لهضرة لي قالت لبنت لي كالسين موراهم شدتها الحرقة من كلامهم

حتا رمات لبنت شعرها وتكات هداية على شعرها حتا وغوتات لبنت بألم

هداية ” بخفوووت ” : تستاهلي على كمارد تفو

سمعها سفيان ودار شاااف فيييها حاجب طالع و مخنزر فييييها

سفيان ” بحدة “: هداية يااااك لباس ؟

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 77

غير عرفاتو سمعها سرطات ريقها و دارت شافت عند ديك البنت ببتسامة مصطنعة

هداية : سمحي ليا اختي مشفتكش

شافت فصاحبتها و صاحبتها كذلك و نغزاتها

البنت : يالاه يالاه نمشيو من هنا

مشااو من حداهم و سفيان باقي كيشوف فهداية ديك شوفة لي زعزعاتها

سفيان : علاش عايرتيها ؟؟

بدات كدور فعينيها معرفات متقول ليه كتقلب على شي سبب مقنع حيث رافضة تقوليه الحقيقة بلي غارت عليه

هداية : غير …. زلقات ليا

سفيان حك على مؤخرة رأسو : هداية هادشي مافيهش زلقات ليا خاصنا نحتارمو ناس كيفما كانو او لا لا ؟؟!

حركات ليه راسها بالإيجاب و داخلها كياكل فيها سمعات الهضرة على زوج طامعين ليها فراجلها و ليني فمها لي دارها ليها

هداية : مغتعاودش مرة اخرى

حرك ليها راسو بالإيجاب و بداو كياكلو فالقلية بينما هداية ولات غير ساهية و كتفكر معجبهاش الحال تحط فموقف بحال هدا لدرجة حسات بدموعها ايخرجو و هو اول مرة يدوي معاها بديك الطريقة نبرتو الجدية بورشاتها

حس بيها بلي خسر ليها الجو و هز وحدة من الكلية لي عندو و مدها ليها لحدا فمها و حتى هي شداتها من عندو

بقاو كياكلو فصمت حتى سالاو و دار عندها

سفيان : تبغي نبدلو البلاصة ؟؟

حركات ليه راسها بالإيجاب و ناضو من تماك بعدما رماو الكواغط فلابوبيل

سفيان : شنو بان ليك نرجعو حتى غدا للبحر ا هداية ؟

هداية : لي بغيتي

حرك ليها راسو بالإيجاب باغي يستاغل هاد الكونجي احسن استغلال و يدوز وقتو معاها حتى بالصدفة دازو من حدا دوك البنات نيت كانت هداية حادرة راسها
و شوشرة الفتيات وصلات حتى لمسامعو

_ شوفي ا صاحبتي دايرة خاتم فيديها باينة راجلها داكشي باش تصرفات هكاك

_ اوا حنا معرفناهش مزوج و مال منقولوش عليه هكاك باينة غارت عليه منا

فاش سمع كلامهم هاد فهم القصة و بلاما يحس ابتسامة جانبية ترسمات على وجهو و حط يديه على كتافها جارها لعندو و بدا كيحاول يجبد معاها مواضيع باش ينسيها حتى ولات كضحك تا هي

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 78

رجعو لدار كيضحكو بعدما ضار معاها شوية فالمدينة و شرا ليها شي كادويات كيما دا حتى لختو و مو و مها من دوقها عجبوها لحوايج تماك و سطاها الجو ستفات داكشي و هو ترما فوق النموسية و هي ناضت للكوزينة كتقاد فالعشا حتى دخل لعندها

سفيان : شنو كتقاد مراتي الزوينة

هداية : ههههه كنقاد طاجين بالفريت

سفيان : قلت ليك نشدو الماكلة من برى و لكن راسك قاصح

هداية : نبقاو غير ناكلو فالزنقة نبدلو شوية هههه

سفيان : غير مبغيتش نعدبك و صافي زعما حنا فعطلة

هداية: نيت عزيز عليا نطيب مكاين حتى عداب

سفيان : نذوق طياب مراتي نيت

بعد مدة حطات العشا و سفيان مبخلش عليها بالمديح طيابها زوين عجبو بزاف غير تعشااو مشااو نعسو

نهاار جدييد تاني جمعو مقتنياتهم مرة اخرى و الوجهة البحر
النهار لول مزعماتش دخل لوسط البحر و هاد المرة كان كيزيد يدخلها لوسط كانو كلما كيزيدو يتعمقو لداخل كلما كتزيد تلصق فيه و تحط يديها على كتفو حتى مبقاوش رجليها محطوطين فالأرض و هي تغوت

هداية : لاااا

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 79

سفيان بتاسم ليها : متخافيش

زادت لصقات فيه حتى بدا كيضحك عليها : هههه متخافيش غا طلقي

بغا يرجع لور يخليها تعوم و ليني والو لصقات فيه لصقة وحدة

هداية : لا مطلقنيش الأرض بعيدة

بقا كيضحك عليها و على تصرفاتها و كفاش خيفة و زيفها باقي ناشف من الفوق بسبب قلة زعامتها

هداية : صافي خرجني من هنا خرجني وصلني لبرى البحر

سفيان: هههههه واش غتبقاي تعومي غير فالجناب ؟؟ غير زعمي

هداية : لا لا خفت

داار ليها الخاطر رجعها حتى ولاو رجليها كيقيسو لارض و غفلها بداا كيرش فيها و هي هاربة و كتشهق بالماء

هداية : سفيان …. هههههه …. لا … صافي … سفيان ..ههههه …..

سفيان : ههههههه شوفي شكون غيفكك مني دبا

بقات عاطياه بالضهر و هو هاجم عليها بالماء حتى دارت عندو و بداات كترش فيه حتى هي و ضحكااتهم كيتسمعو كيبانو مواتيين مع بعضهم و لباسها ملابس المحتشم مزايدها غير جمال فجمال و هي مبللة بالكامل

سفيان : اجي ركبي فضهري نعوم بيك

هداية : و الى غرقنا بزوج

سفيان: ههههه ديك ساعة نموتو بزوج ” ضحكات على كلامو عاد كمل ”

سفيان : غير شدي فيا مزيان و رخي راسك مغيوقع والو

دااكشي لي دارت نيت و هو بدا كيدرع و هي فضهرو حتى وقف وسط البحر فبلاصة بعيدة على الناس و دورها لعندو شادها بيديه و الماء هازهم لفوق حطات يديها على كتافو كيشوف فيها و كتشوف فيه ……. و الشمس ضاربة فوجوههم الحاجة لي بينات عيونها العسلية بمنظر فاتن اكثر و خلااوه يسهى فيهاا بقاو كيتبادلو النظرات لمدة حتى قرب لعندها و طبع قبلة على شفايفها ……..

رجع لور كيبانو ليه حناكها توردو مرة اخرى الحاجة لي خلات قهقهاتو يتسمعو فالأرجاء هاد الحشومة ديالها راقت ليه و هي باش تخبي خجلها عنقاتو مخبية وجهها مور ضهرو ……… شوية بشوية بدات كتنسى الخلعة لي كانت شداتها من البحر حيث كان كيبان ليها كبير و هي بحال شي نقطة فوسطو ….. فجأة حسات بيديه كتحرك فضهرها لي خشاها من تحت حوايجها شداتها تبوريشة و الحشمة واحد الشعور فشكل حتى بلعات ريقها و نطقات سميتو بهمس حدا ودنيه

هداية : سفيان !!

شاف فيها و الابتسامة مرسومة فوجهو و عيونو الماكرين كيحسسوها بالخطر و نطق بتراوغ و هو عارف الجواب مزيان

سفيان : حشمتي مني ؟؟؟!!!

شااف فوجهها لي مكيزيد غير يتلون قدامو حتى نطقات

هداية : صافي نخرجو من هنا شي ساعة و حنا كنعومو

سفيان : هههه دغيا سخيتي بالبحر ولا خفتي من شي حاجة ؟؟

هداية زاد مركها حيث عرفات قصدو : لا اااء !! مخايفاش غير فيا الجوع

سفيان : هههههه واخا حتى نتغداو و نرجعو نعومو

العـــدول وبــنــت النـــاس 💍خطأ مطبعي
بــقلــم : رجــاء جاكــار و فــرح حــدادي
ج : 80

خرجو من البحر و تغدااو فجو زوين مليء بالضحك و التقشاب و كل مرة كيهضرو على مواضيع مختالفة بقاو مجمعين تماك شحال …..و الحاجة لي زادت عجبات هداية فيه واخا كانت كتموت بالغيرة فاش كتشوف البنات كيشوفو فيه هي غضو لبصرو ….كان ختار بلاصة بعيدة على الناس شوية حداهم غير واحد المرة كبيرة مع راجلها مرة مرة كانو كيدوزو من حداهم البنات بمختلف الاشكال و الانواع ….الى انه كان كيحدر عينيه ولا يبقى يشوف فيها غير هي

وصلات تلاثة د العشية عاد قتارح عليها يرجعو لبحر مرة اخرى و داكشي لي دارو و هاد المرة كان كيعلمها كفاش تخلي الماء يكون هازها كان حاط يديه من تحت ضهرها و هي مرفوعة

سفيان : زيدي رخي راسك

هداية : عنداك طلقني

سفيان : غنطلقك غير بشوية متخافيش

حيد يديه من تحت ضهرها من بعدما تأكد من تباثها و بقات كضحك و هي كتحس بالماء هازها للفوق

هداية : ههههههه الماء هازني

ختل توازنها للحظة الحاجة لي خلاتها غطسات عاد هزات راسها و هي شاربة الماء الحاجة لي خلاتو كيضحك عليها

هداية : ههههه حشومة عليك علاش كضحك

سفيان: ههههههه مبغتنيش نضحك ؟؟!

هداية : هههههه صافي غا ضحك نعاودها مرة اخرى

سفيان: عاوديها هاد المرة راسك

هداية : هههه لا عفااك مغنعرفش هزني بيديك تاني بحال قبيلة

سفيان : هههه واخ

طلعات مرة اخرى فوق الماء كطوف فيه و حتى هو رخا راسو ولاو بزوجهم مهزوزين على الماء و شد ليها فيديها ….كيحسو بواحد الراحة و الاسترخاء من نوع آخر

سفيان : شنو بان ليك نغطسو ؟؟

هداية : هههههه واخا نغطسو و ليني بقا حدايا

سفيان : ههههه شحال من مرة بغيتي نعاود ليك بلي انا غتكون معاك

هداية هنا تفكرات شحال من مرة كيقول ليها متخافش و بلي هو حداها و بتاسمات

هداية : هههه غير كنتأكد واش باقي فكلامك ولا لا

سفيان : هههه يالاه …. واحد ….زوج ….. تلاثة

غطسو تحت الماء و هداية بزز باش كتحل عيونها فيه على عكسو هو لي كان فاتحهم و كيشوف فيها قرب يديه لمس حنكها بيديه محس بيها غير كتركل مكملاتش حتى 10 ثواني تحت الماء و طلعات كتشهق الحاجة لي خلاتو طلع حتى هو

سفيان : والو عندك السوفل المدام

العـــدول وبــنــت النـــاس 💍خطأ مطبعي
بــقلــم : رجــاء جاكــار و فــرح حــدادي
ج : 81

و هاكا دازت تبحيرة ديالهم فمدينة السعيدية رجعو لدار مسخسخين تاني و المشكل ليوم خاصهم يرجعو لمدينتهم مساخينش وليني الخدمة

سفيان : شنو بان ليك ا هداية نمشيو ليوم ولا غدا فصباح ؟؟

هداية : هههه ولا منمشيوش كاع مسخيتش بهاد المدينة

سفيان : اوا مكرهناش و ليني الخدمة نرجعو ليها مرة اخرى

هداية: انشاء الله , من الاحسن نرجعو ليوم نيت باش يلاه غدا ترتاح فيه و ب غدا غتبدا الخدمة و ليني شوف شنو بان ليك نتا

بقاا كيفكر فهضرتها لي جاتو صحيحة نيت يلاه يرتاح و يستاعد للخدمة

سفيان : عندك الحق

هداية : اذن هاني غنجمع حوايجنا نيت

سفيان : و انا غنضوموندي العشا شنو تبغي تاكلي ؟

هداية : صراحة تشهيت طاكوس ….و ديك الفريت لي كتكون معاه …امممم لذيذة

طريقتها فالتعبير شي حاجة لي متقدرش تخليه ميبتاسمش دموندا ربعة من طاكوس هداية بدات كتجمع فالحوايج و هو كيعاونها و يطوي معاها مكانوش بزااف دغيا سالاو و بعد مدة كان شي حد كيصوني ….فتح و لقى الطلبية ديالو وصلات خلصها و دخل قاد داكشي فالطبسيل كانت هداية مكمشة فوق الفوطوي و رجليها ضاماهم لعندها على وضعية الجنين و عيونها غدروها نعسانة بتاسم على منضرها و بدا كيفيق فيها

سفيان : هداية ….هداية

بداات كتفتح عيونها بشوية

هداية : اممم داني نعاس نيت

سفيان : سيري غسلي و اجي نتعشاو

مشات و هي مغمضة عينيها غسلات وجهها و يديها عاد رجعات غير شافت فالطبق وسعات عيونها

هداية : و حنا غير زوج و جبتي ربعي ؟

طلع فيها حاجبو

سفيان : دبا تاعت الله واش كتسناي مني يشبعني طاكوس واحد ؟؟!!!

هنا هداية ضحكات على كلامو : ههههه ا سيدي بصحتك

بداو كياكلو هو كلا زوج و هي واحد مكملاتوش و بغات تخلي نصو

سفيان : واااايلي هدا هو عشاك صافي

هداية: صافي شبعت الله يخلف

سفيان : تي زيدي كولي اشمن بركة

العـــدول وبــنــت النـــاس 💍خطأ مطبعي
بــقلــم : رجــاء جاكــار و فــرح حــدادي
ج : 82

هداية : ههه نزيد شي حاجة نتفرقع

سفيان : هههه لا لا كليتي بزااف !!

زاد كياكل فتالث و هي غير جالسة كتشوف فيه حتى سالا هزات طبسيل داتو و مشات تغسل سنانها و هو كذلك جا غسلهم و بقاو جالسين فوق الفوطوي

هداية : عييت ليوم

سفيان : قربي لعندي

قربات لحداه شوية محسات بيه غير زاد جرها لعندو حط ليها راسها فوق صدرو و يديه كيدوزهم على شعرها و بعد مدة فاش رد البال لتنفسها لي ولا منتظم نطق

سفيان : هداية !!

مكانش رد من عندها عرفها عرفها نعسات داكشي باش مبغاش يصدعها

قاد ليها راسها فوق الفوطوي و بدا كينزل الحوايج ديالهم لطنوبيل و هي ناعسة حتى سالا عاد جا لعندها فضل مينوضهاش و حتى هي مفتحاتش عينيها نيت غارقة فنعاسها ركبها فطنوبيل و قاد ليها الكرسي باش ترتاح فيه و حزام سلامة …رما عليها حتى واحد الغطا عندو فتليفون عاد نطالق لمدينتو

بعد مدة زمنية كان قدام دارهم بانو ليه الضواو مطفيين فالدار لتحت فضل ميزعجهومش و فتح الباب ديال الدار الفوقانية عاد توجه لعندها هزها تاني حاطها فوق النموسية حس بالعيا اليوم و كملات عليه الطريق دغيا تخشا حداها طاح طيحة وحدة

اصبحنا واصبح الملك لله

فايقة على اشعة الشمس لي ضربات فوجهها حتى دورات راسها فأرجاء الغرفة

هداية : بسم الله الرحمن الرحيم واش كنحلم ؟؟ فين انا ؟؟
العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 83

اليوم خطبة وصال و عصام ..! وصال من نهار قالها لييها عصام قالت كلشي لصاحبتها هداية ..

المغرب إذن و وقت دخول عصام و عائلته قرب

دار نعيمة عامرة بالحباب و الصحابات ومنهم هداية لي واقفة مع صاحبتها و فرحانة لفرحتها ..

جالسة وصال في بيتها ممتوثراش بالعكس الفرحة و الضحكة واسعة ضرسة العقل تتبان ليييها بالفرحة

هداية : تبتي أوصال شوية أويلي

وصال : ههههه وأخيرا غنتخطب لحب قلبي

هداية ” بإبتسامة ” : لله يكمل عليييكم بالخير أحبيبتي

وصال : للهم أمين أكبيدتي ” جراتها لعندها جلساتها حداااهاا و تكلمات ليييها في وذنيها بالشوووية ” معاودتيش ليييا على ليلة الدخلة نصحي ختك راااااه ختك قريبة تبعك

حمارو خدود هداية بالحشمة و الإحراج من سؤال صحبتها شافت فيييها جامعة الضحكة بالزز وقالت

هداية : وصال لله يهدييييك لا تحمستي و بزاااف أتجمعي أبنتي

وصال : هههههههه أكنضحك معاك نتي تعط عينيك و متعاوديش لواحد قولي ليا كيييف جاتك التسافيرة لسعيدية ؟

هداية ضحكات بحماس ” : غزالة و زعمت نعوووم مع سفيان هههه ضروري دخلي بزز منك

كملو الهدرة ملهين الوقت و برا كلشي قايم بالواجب لا يامنة ولا غيثة كلشي واقف مع نعيمة و حتا خوتات وصال لي ساكنين بعاد جاو لخطبة أختهم أخر العنقود ..

تسمع الدقان في الباب و الصلاة على النبي

داخل عصام و أمه شادة فيييه لابس كوستيم في الأسود و خوه جواد و مراته ماجدة بنت خالت وصال لي عقدو العقد جنبهم و حتا سفيان داخل معاه بكونه صاحبو ..

مبسم و الخجل واضح علييييه و الكل كيرحب بيييه و بعائلته

دخلو لصالون و جلسوووه لوسط فين موجدين الكلسة

كيقرقب بسباط في الأرض و كيتبسم مع أمه وخوه جواااد حتا تسمع الصلاة على النبي من جديد مدخلين وصال بقفطان في لون الأبيض جاها غزال و على طايتها و الميكاب خفيف

وقف عصام وشد فيييها واقفين وهوما كيضورو فيييهم حتا قرب لييييها كيطلع لييييها الشبكة قبل جبينها بقبلة حنينة مغمض عينيييييه

قرب لييييها كثر و نطق بصوت خافت و حنين خرجات لييييه بلا ميعيييق براسه أش قال

عصام : جيتي غزالة أحبيبة ..

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 84

تزنكاات و قلبها غيطيييير من كلمة حبيبة لي قالها ليييها فرحات و فرحتهااا متعطييييها لحد ..

الشخص لي كانت كتشوفو من بعيد من إعجاب تكون لحب و اليوووم خطبتهم و قريب تجمعهم دار وحدة و بيت واحد و سقف واااحد

شافت فييييه مطووولة باغة تقووول ليييه شحال من حاااجة لكن الناس حداهم تبسمات ليييه و هبطات راسها حشمااانة

ونعيمة من بعييد كتشوف في بنتها لي كانت معمرة عليييها الدار أخر العنقوود له نكهة خاصة لعائلة

وشحال كيكووون الفراق صعيب و دار البنات خاوية أخرتهم دار راجلهم ..!

كلسو و يديييهم مشابكين مع بعضياتهم حاطها على فخضة كيتلمس نعووومة إيديها

قرب عصام لوذنيها ونطق بشوووية

عصام : مابقا قد ما فات وتكوني في داري و نشوووف زعامتك داك ساعة ” غمزها ”

وصال : تتخله فييييا دابا ؟

عصام : لا بلعكس

وصال : تخيل نهار العقد نهرب ليييك ولا نقول ليييهم ما موافقاااش

عصام : عادي نعاود نقلب على راسي

صدمها وشافت فيييه حتا ضحك بالجهد كيشوووف في تعابييير و جهها المصدووومة جرها بالخف عنقها تعنيقة باينة غا كيدوي معاهاا ..

عصام : نتي لييي كاينة ميمشيش بالك بعيييد غا ثبتي معانا ههههه

شربوا لبعضياتهم الحليب و ركبوا لخواتم وفرحتهم بجوووج متعطيها لحد الواحد منين كيلقا مواصفات فارس أحلامه في واحد الشخص كيرتاااح لييييه و كيبغيييه ب أدق التفاااصيل

تفرقوا وكل واحد شد بلاصته باش يتحط أتاي و الكاطو طابلة فييها رجال و طابلة د العيالات

و هداية جالسة جنب أمها و يامنة مجمعة معاهم و سفيان من بعيد كيضحك معاها و يغمزها و شي مرااات كيقول لييييها كلام غير بشفايفه كتفهووو غا هي ..!

تسمع الدقان في الباب شافت هداية كلشي مشغووول كيسربي شافت في يامنة وقالت ..

هداية : خالتي سمعا الدقان أنا نمشي نفتح ونجي كلشي مشغووول

يامنة : واخا أبنتي لله يرضي علييييك

ناضت من بلاصتها و عقد سفيان حواجبه متبع ليها الشوووفة فين غادية هادي

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 85

غادية ناحية الباب ديال الدار تفتحها فتحاتها ب إبتسااامة على وجهها كيييف العادة تستقبل بييييها الناس ..

خرجو عينيها بالصدمة من الشخص لي بان قدامها هو ولد جارتهم سليمة لي حاط عليييها لعين كيييف كيقول و كل عام منين كيجي كيبقا يضسر علييييها لدرجة قالتها ل أمها دوي مع أمه

تحركات بالزربة كتفتف و الخووووف شادها قلبها كيضرب بالجهد

رجعات خطوووة لوراء هاربة داخلة .. حتا تكلم الشخص و إبتسامة ماكرة على وجهه بحالا لقااا الكنز و لا الذهب

كريم ” ولد سليمة ” : سبحااان لله معرفت أش درت مع ربي حتا جيتي في طريقي دابا و أنا باغيك نتي بالذات

جرها من معصمها و هي هاربة باغة دخل لداخل و القفطان ممسعدهاااش نهائيا باش تجري حتا باااش تغوووت حط يدووو على فمهاا بالزربة

هداية عمرها تخيلات هاد البلان غطيييح فيييه ولا يوقع لييييها قلبها غيخرج من بلاصتووو بقووة الخفقان أما يديييها خلاص كيترعدووو بالخلعة و الدموووع بداوو كينزلووو على خدها حاريييين …

هداية : طلق مني بعدني غنعيط لراجلي

زير على فكها منين نطقات كلمة راجلي وجرهااا غادي بيها وهي كتعثر و تلصق ليييه مع الأرض

كريم” بإستهزاء ” : زيدي نوريك راجلي شحال كتسوا نتي ديالي و حطييييت عليك لعين من زمان و رشمتك ونتي فكرش مك

وداك راجلك لي خدااااك مني مزااال ليا معاااه هضرة أخرى ياله حطاتني الطيارة ليييك نيشان نتي

الزنقة كانت خاوية خصوصا وقت العشاء دابا أغلبية داخلييين يصليو و الحوانت حتا هوما سدو و دخلووو يصلييييو

عضاتو في يديييه بحر جهدها باغة تهرب منووو من هاد المريض نفسيااا لي عاد بدات كتنفس منين بدلات النمرة و مبقاش كيسيفط لييييها ويهددها من لفوق ..

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 86

هي كتجري و هو لي كان شاد فيديها بالعضة لي عطاتو طلقها حتى بداات كتغوت بالجهد من راس الزنقة و هو موراها

هداية : سفياااااان ….. سفيااااان

سفيان لي كان على القرص اصلا نيت كان كيتسائل فين غتكون مشات كان يلاه غيتبعها فاش شافها مرجعاتش دغيا يلاه كان خرج قدام الباب حتى كيسمع غواتها ضربها بجرية وحدة موقفش لقاه يلاه شدها مرة اخرى من يديها كيجر فيها دغيا مشا لعندهم كيجري …… ماشي من عادتو يفقد السيطرة على راسو و لكن باش يشوف مراتو بهاد الشكل واخا يبقى فيه عرق واحد ايتحاسب مع لي خلا عيونها يبكيو عينيه تعماو و بين عينيه غير الطريقة باش كتبكي مراتو

كان كل خطوة داير فيها عشرة غير وصل لحداه جمعها معاه ببونية لوجه حتى طاح للأرض و هداية دغيا تخشات فحضنو كتبكي و تشهق …. غتموت بالخلعة و يديها كيترعدو

ناض كريم من الأرض شاد فحنكو و قرب ليه الحاجة لي خلات سفيان خبا هداية من موراه

سفيان : بقاي لور

جا لعندو كريم بغا يضربو محس بيه غير لوا ليه يديه لي بغا يضربو بيها و ضربو بركبتو لضهرو حتى حس بالسنسول ديالو يكون تقسم

طيحو للأرض و عاود شدو من حوايجو شانق عليه بيد و اليد لوخرى ضربو بيها لوجهو كان فيه ميزيدو كثر غير غوات هداية لي حبسو

هداية : سفياان سفياااان هئ هئ صافي

جات شدات ليه يديه و جرها عندو معنقها كيسكت فيها يالاه جبد هاتفو يعيط على لبوليس حتى سمع صوت ديال السطافيط الضاهر شي حد من الجيران لي تجمعو عليهم لي عيط ليهم

لي لداخل مع صوت الموسيقى مكانوش كيسمعو الغوات يالاه كانو ركبو الخواتم حتى تحبسات الموسيقى فجأة و كيسمعو الهضرة بزااف كانت منال لي خرجات تشوف شكون غا بان ليها خوها رجعات لعندهم كتجري

منال : سفياان …سفيان

كولشي جرا لعندها كيسول شنو واقع و هي مجاوبات حد كولشي تبعها يخرجو يشوفو شنو طاري كنهم عصام و وصال

وقفو عليهم البوليس لي كان واحد فيهم كيعرف سفيان بحكم الدومين ديالو شحال من مرةجا لعندو على وديت الوراق

البوليسي : اشواقع هنا ا سي سفيان ؟؟!! شي حد صونا علينا قالينا شي بنت بغا يخطفها شي حد

سفيان : مراتي لي كان جارها هدا ” شير ليه للأرض ”

و فالبلاصة جااو عندو البوليس شادينو طلعوه لسطافيط هو لي كان باقي دايخ بالدق لي شد

البوليسي : سي سفيان خاصك تمشي معانا حتى نتا و المدام

سفيان : صافي هاني غنتبعكم بطنوبيلتي

جا عصام لحداه : شنو واقع ا صاحب ؟؟؟

سفيان: حتى لمن بعد دبا غير كلس مع مالين دار و طمنهم انا غنرجع

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 87

كان الكل مجموع فالزنقة حتى ركبوه فسطافيط داوه معاهم و سفيان تبعهم نيت من لور بطنوبيلتو جاب الله يامنة مكانتش حاضرة بحكم مقدراتش تمشي بقات مع راجل بنتها و رحاب مشات غير منال منهم

بعد مدة مجموعين فالدار الكل كيفكر فشنو وقع و خايفين من شنو غيوقع واخا طمئنهم سفيان

دخلو لعند الكوميسير لي غا شافو تصدم حيث كان صاحبو نيت

الكوميسير يوسف : واايلي ا صاحبي شنو كدير هنا

ناض لعندو عنقو و سفيان بتاسم ليه عندو عزيز واخا مكيتلاقاوش بزااف

يوسف : وا غبورات هادي ا ساط

سفيان : اوا غير مع الوقت و صافي عرضت عليه العرس و مجيتيش

يوسف : اوا كانت المدام حاملة مبان ليها فين تبلزو غير فداك النهار نيت

سفيان : هههه اسيدي مبروك عليك هي نور ايولي عندها خوها

يوسف : واييه العقبة ليك ا صاحبي

قاطعو الشرطي لي كان واقف حداهم

سعيد : شاف ماشي داكشي علاش جا

غا نطق غوبش فيه يوسف تقول ماشي هو لي غير شوية هادي كان كيضحك مع بلاصتو

يوسف ناض من بلاصتو : اجي كلس فبلاصتي حسن ؟؟

سعيد : سمح ليا ا شاف

يوسف : اوا دردب عليا قاتلني غا بالهضرة

خرج سعيد من تما يلاه غيخرج هو يرجع عندو تاني

يوسف : اشكاين تاني ؟؟!

سعيد : خاصني نكلس نكتب الاقوال

سكت يوسف عاد شاف لعند سفيان جبد معاه الموضوع

يوسف : اوا شنو سبب الزيارة ؟؟!!

سفيان : واحد خونا لي كان كيسيفط لمراتي كل مرة و بدلات النمرة و دبا حلات الباب كان كيدق حتى كنشوفو جارها و عطيتو علاش كيقلب حتى وقفو علينا سطافيط

يوسف : ماشي ديالك هادي ا صاحبي مولفك كتحكم فأعصابك

سفيان: تعماو ليا عينيا

يوسف : كون كنت فبلاصتك كنت ندير فحالك هادشي الى مدفنتوش حي

خداا الأقوال ديالو و ديال مراتو و رفع عليه دعوة للمحكمة حيث بفعل حتى شهود لي صوناو عليهم عرفو شكون لي ضالم و سمحو ليهم بالخروج ….بينما كريم لي بقا كاسر الدنيا بالغوات و تهليل ديالو نزلوه لسيلون يتكلاصا عاد ياخدو اقوالو ختى هو من بعد

توادع مع صاحبو

سفيان : اوا شي نهار و دوز

يوسف : دبا نهجم عليك انا و المدام و الدراري غا ديرها فراسك

سفيان : ا سيدي مرحبا بيكم سلم على خالتي رجاء حتى هي

يوسف : مبلغ اللهم يسر

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 88

هداية مقدراتش تكمل معاهم الجو و مبغاتش تخسر فرحت صاحبتها صونات على وصال و علماتها أنه وجع لغيكل واخا مكاين والووو وبلا ميتخلعوو عليييها ..

جلسات على السرير كتنهد مخلوووعة و الخلعة و الرجفة مزالة شادة فييها لدابا تنهدات منين شافت سفيان داخل كيطرطق عضامه و جلس جنبها كيدوز على ضهرها ..

سفيان : الحمد لله خرجات على خييير و تبعتك

هداية : ركب فيا الرعب أسفيان ولله دابا منقدرش نخرج بوووحدي ولا نشووف الزنقة

سفيان : أنا معاااك أي حاجة أنا معاك دخلي دوشي ولا ندوش ليييك

هداية ” بسرعة نطقات ” : لا أنا ندخل ندوش دغيا الا بغيتي اسفيان غييير سير كمل الخطبة د صاحبك أنا نعس و نرتاح شوية

سفيان : لا مغادي فييين نوجد ليييك شي حاجة تاكليييها ولا مشهييية شي حاجة

هداية : لي قديتي عليييه ديرو ..

دخلات لحمام كتنهد دوشات دوش خفيف أما سفيان بدل عليييه حوايجو عاقد حواجبو ومشا في اتجاااه الكوزينة يقاد وجبة خفيفة لعشاء ..!

خرجات هداية ب بيجامة خفيفة و شعرها كيقطر و إبتسامة خفيفة على شفايفها منين شمات ريحة د الطياب وبالضبط د الطاجين

دخلات عليييه لكوزينة كان كيطل على الطاجين وقفات جنبه كتشوووف معاه و قالت

هداية : ريحة غزالة مممم كيشهي هادشي باينة غيطلع بنين

سفيان : هههه نتمناو

دارت شلاضة د الخيار و مطيشة و البصلة و عصير د ليمون خفيف و مشات توجد الطابلة ..

قادات كلشي و كلسات نتسنا سفيان يحط حتا تم جااي و الطاجين في يديييه

كيان ليييه العاصير و باشروا في الأكل

سفيان : كيييف جاك طيابي ؟

هداية ” كتبنن ” : غزااال و لله كيشهي

سفيان : بصحتك .. بغيييت نسولك أهداية

هداية : اه ..؟

سفيان : كتشربي مانع الحمل أخر مرة ما شربتييييهش ؟

هداية ” توثرات ” : نسيتووو

سفيان : وعلاش كتشربييييه ؟

هداية : الصراحة مبغاش الولاد دابا أسفيان على الأ..

قبل ما تكمل كلامها قاطعها سفيااان كيشووف فيييها و حاجبو طالع

هداية : علاش مبغاش تولدي دابا ..؟

تتمة الجزء 🌸

هداية : لا ما قصدتش هاكاك يعني على الأقل دوز على زواجنا خمس شهور بحال هاكاك

سفيان : الأولاد زينة الحياة الدنيا و أنا من ديما كنت باغي يكون عندي الولاد وخصوصا فااش وصلت لهاد السن

كملو الحوارات و النقاش ديالهم حتا ناضت هداية جمعات الدنيا ودخلات لبيييت

لقاتو مجبد على الناموسية فاتح البالكون و الهوا كيدخل بارد و التلفازة مشعولة ..

جمعات شعرها و دهنات يديييها بكريم و تكات جنبببه كتفرج معاه في المسلسل لي داير ..

حتا جرها خاشيها حاط ليييها راسها على صدرووو

سفيان : ختي نتي باش كالسة جنبي

ضحكات بخفوت و زادت تخشات فيييه كثر

هداية : غدا خدام ؟

سفيان : وي مع الثمنية خاص نمشي

هداية : نقاد ليييك الفطور ؟

سفيان : مكاين لاش نفطر في القهوة أحسن

هداية ” بعفووووية ” : ولاش تزوجتي منين باقي باغي تفطر في القهوة

سفيان ” ضحك طانز عليييها ” : باااش نديييير الولاد أزين

صونا تلفون سفيييان غييير شاف إسم المتصل هزو و بعد هداية بشوووية و ناض البالكون تيدوي و باين مزيييير

هداية” بالشوية ” : علاش داخل تدوي تما دوي حدايا

دار ليييها إشارة باش تسكت ودخل ساد من وراه الباب

شدهااا الفضول معامن تيدوي واش كيدوي مع بنت كون كان راجل عادي يدوي معاااه حداهاا

الأفكار السيئة و الشيطان بداا يوسوس ليييها في راسها ..

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 89

بقات جالسة فبلاصتها كتشوف فيه كيهضر و يعبر و هي غطرطق بالفضول حتى سالا عااد رجع لعندها هي لي غير شاافتو ضيقات عيونها و كتحاول تصرف عادي

هداية : معامن كنتي كتهضر ؟

سفيان : مع لطيفة

هداية هنا خرجات عيونها زاد كمل عليها لي بقا و الصدمة و الحرارة كطلع معاها حتى دوات بلكنة مبالغ فيها دليل على تفاجئها من جوابو البارد

هداية : لطيفة ؟؟!!!

دور راسو فيها عاقد حواجبو على ردة فعلها هو الآخر مصدوم : علااش ستغربتي ؟؟!!!

هداية هنا عقدات هي الأخرى غوباشتها : مرة و كتقولها بوجهك حمر محشمتيش

سفيان : مالها الكاتبة ديالي و صونات عليا عادي

هداية هنا حطات يديها على بعضياتهم : ااااه عادي اشفيها دااكشي علاش مشيتي كتهضر فالبالكون و مخليني هنا

يالاه ناضت من بلاصتها محسات بيه غير جرها من يديها مجلسها

سفيان : جلسي راه غير خدامة معايا و زايدون مزوجة

غير قال ديك مزوجة بحالا خويتي عليها سطل د الماء بارد رتاحت و قلبها عاد بدا كيهدا

هداية : و علاش مهضرتيش معاها حدايا ؟؟

سفيان : امور د الخدمة ا هداية و زايدون هي صونات عليا حيتاش بقا ليها شهر و تولد و علماتني باش نشوف لي يديبلاسيها علامى تولد

هداية هنا عرفات راسها غالطة و السيدة مسكينة صدقات كاع قريبة تولد و هي لي كانت غايرة عليه من والو

هداية : مسكينة ليفك وحايلها على خير

سفيان هنا بتاسم ليها كيشوف فيها شوفات ماكرة : كتغيري عليا ؟؟

شافت فيه بصدمة مخرجة عينيها

هداية : انا ….أااا ؟؟ انا ….اه تااكل chips ” مداتها ليه كانت حطاتها فوق الطبلة

سفيان هنا ضحك حيث بدلات الموضوع و جرها لعندو معنقها و باسها فعنقها

سفيان : و علاش قلتي عليها مسكينة ؟

هداية: حيث الولادة كتكون صعيبة

سفيان : و لكن الولاد زينة الحياة

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 90

هداية دارت لعندو : غنجبدو هاد الموضوع مرة اخرى ؟؟!

سفيان : مساليناش نقاشنا البارح علاش متحيديش الكينة من دبا ” شبك يدو مع يديها و قبلها فحنكها : خلينا نولدو

هداية : سفيان قلت ليك لبارح خليني نفكر و زايديو
ن حنا مزال مكملناش حتى شهر على زواجنا مكاين لاش نزربو

بقا كيشوف فوجهها و بدا كيقرب لشفايفها شوية بشوية و هي كتشوف فعينيه كل منهم ساهي فالآخر الحاجة لي خلات هداية تنسى حتى على شنو كانو كيهضرو …… تدمجو شفايفهم مع بعض و هدابة بدات كتحس براسها طايرة فالسماء لدرجة غمضات عيونها كتستمتع بقبلتو لي كانت كلها رومانسية حتى نطق

سفيان : انا مكرهتش تولدي ليا دبا

كل شيء فيه فديك اللحظة كان كيبان ليها سااحر كانت كتفكر غير فحركااتو و لمسااتو ليها لي كلها كتطيرها و تخلي لحمها يتبورش عليها و بدااا كيتقرب منها مالك جسدها بين يديه و مخلي كيف شمعة دايبة بيناتهم محسوش براسهم انتا كانو فنموسيتهم كيعيشو حبهم الحلال الطيب…….. بعد علاقة جنسية متكاملة بيناتهم و هي بين أحضانو خاشية راسها فصدرو و هو كيدوز يديه على شعرها محسش بيها انتا قفزات من مكانها

هداية : سفياان الكينة !!!!!

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 91

بقا فيييها لحال متنكرش على الزربة لي دار ليييها ولكن في نفس الوقت مبغاتش تبييين لييييه تبسمات بخفوووت و ناضت متكية راسها على كادر السرير ..

تنهدات وناضت هزات البينوار الحريري لبساتو على لحمها و سفيان كيشووف أش كتصنع ..

سفيان : علاش نضتي ؟

هداية : والو غا جااني شوية البرد و لبست عليييا هذا

سفيان : نعسي نعسي بلا متفكري في والو الحاجة لي مكتبها ربي هي لي تكون ..

هداية : داكشي

صباح جديد ضرباتها لفيقة مع السبعة بالضبط حريق الضرسة .. شادهاا دخلات دوشات و توضات وشربات لكينة د الضرسة شافت جهة سفيان كان مزال ناعس على كرشو و ملامحه هادئة ..

تبسمات بوحدها متحمسة و فاقت بنشاط دخلات لكوزينة وجدات قهوة معطرة على حقها و طريقها دارت حريشات صغار قا داتهم في الطبسيل و بدات كتقاد في الطبلة كلشي مقاد متول على حقو و طريقوو ..

شافت الساعة كانت 7:40 بالضبط توجهات لبيييت نعاس و جلسات جنبوو مترددة في الأخير حطات يديييها على لحيته كتفيقو بالشوووية ..

هداية : سفيان فيييق غيمشي عليييك الحال لخدمة يالاه توجد راسك

فتح عينو كيرمش بالشوية حتا تبسم لييييها حاط يديييه على خذها

سفيان : فقتي قبل مني نتي گاع ياك قلت لييييك ماتفيقيش ؟

هداية : وجع الضرسة شربت لكينة

سفيان : انا نوووض ندوش جبدي ليييا حوايجي

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 92

الأيام كدوووز روتينية حتا داز شهر و نص بالضبط على زواجهم ..!

جالسة في الصالون مجمعيييين على كاس د أتاي و المكسرات ديالها و الطبلة عامرة الخيييير موجود وداكشي مقاد على حقو و طريقو

عيطات ليييها غيثة تجي تعاونها حيييت ليييوم جاية عمها و مرت عمها و ولادهم بعد غياب طووويل ..

جلسات جنب مرات عمها عندها عزيزة و كذلك عمها و ولاده

لطيفة ” مرت عمها ” : اواا أحبيبة قولي لييييا كيييف جاك الزووواج ههههه

هداية : زوووين الأهم الإحترام و التفاهم

لطيفة : لله يكمل عليييك بالخييير أحبيبة منين قالو ليييا هداية تزوجات ولله ما تيقت ألحبيبة د قلبي

هداية : هههههه المكاتيب ولله

لطيفة : راجلك غيجي لعشاء ليييوم ؟

هداية : اه غيجي راه عيط ليييه بابا وقال ليا غيجي

لطيفة ” غمزاتها ” : نيييت نشوفو راجل لالة هداية

تم داخلين ولاد عمها لي عاد غتشوفهم مع كان وقت صلاة د العشاء داخلييين غير شافت ولد عمها بلا متحس طارت عليييه معنقاه و مزيرة علييييه بالجهد ..

هداية ” كضحك ” : ناري ناري توحشتك ألحليلو ديالي

فيصل ” شاب في أواخر العشرينات ” : الحلاوة ديالي توحشتك

شاف فيييها كيضحك و غمزها كيضورها و يشوف أش تزاد فيييها و اش نقص فيييها كييف كيدير ليييها كل مرة

فيصل ” غمزها ” : غلاضيتي ألحلوووفة هههههه فييين رجييييم لي كنتي قاتلانااا بيييه

شدها جارها خاشيها في حضنه ضاحكييين وصوت قهقهاتهم كيتسمع مع بعيد

فيصل : اوا أش كتعاودي ألحلاوة د العائلة مبروووك مادرتي بعدا

غير تنور داخلييين لصالون مكملين لهضرة ديالهم سمعات صورت سفيان من حدا لباب تبسمات ل فيصل خلاته داخل و مشات عند سفيان تسلم عليييه من وجهه حتا ميل وجهه مبعد

سفيان : ساليييتو التعناق و التعشاق ديالكم على السلامة

هداية : هههه ولد عمي عرفتي شحال هادي مشفتو جاية لعام ولله حتا توحشناهم

عقد حواجبه مكمشين كابح العصبية ديالو و حاجب طالع كيشوف فيييها مخنزر

طل من وراها مكان حد جرها قرب لييييها

سفيان : كووون غييير زدتي عنقتيييه و بستيييه نتي كاع ولاد عمك و لا عمتك ولا خالتك عليييك بالتقار ” تبسم بسخرية ” هه قالت قالت لييييك لحليلو د قلبي لاواااه ” سكت عاض على شفايفه من لكلام لأخير لي كان غيخرج ليييه ”
راك تزوووجتي يمكن مبقيتيش د راسك الآلة ماشي مسألة الغيرة ولا منعرف ولكن على الآقل ديري إعتبار لهذا ” شير لراسو ” سيري دخلي ومنين تساليييو العشاء عيطي ليا نجي ناخدك

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 93

هداية شافت فيه بصدمة : علاش نتا مغتعشاش ؟؟!

سفيان شاف فيها بنص شوفة : شبعت

نزل مع الدروج و خلاها غير كتشوف مصدومة من ردة فعلو لي جاتها هي مبالغة بحكم مولفة هكاك مع ولاد عمها

بقات كتمشي و تجي فبلاصتها و من بعد نعلات الشيطان و مشات كتعاون مها و هي ساهية ماشي ابدا كيفما كانت قبيلة

دازت العراضة بالضحك و النشاط عند كولشي تفكرو فيها الذكريات و تجمعو مع بعض فالرسول وصى على زيارة الرحم على كل حال …..بعدما تعشااو الناس و بأحسن ضيافة كيف العادة

كانت هداية جالسة فالكوزينة يلاه كتعشا هي و مها كيف معروف على المغاربة ضيافة الضياف و الحرص على راحتهم اهم من كولشي ….داكشي باش كيخليو عشاهم هو لخر

غيثة : اوا شوفليك حتى سفيان عاودنا عيطنا ليه قاليك ما فيه لي ياكل …ياك شي باس مكاين عندو بعدا ؟؟

هداية : لباس عليه ايكون غير كلا مزيان فالكوتي ولا

غيثة و هي مصغرة عينيها : حتى نتي بنتي ليا ماشي هي هاديك ياكما واقع بيناتكم شي مشكل

هداية هنا ضحكات ضحكة مصطنعة : ههههه من نيتك ا ماما لباس عليا اشمن ماشي تال تما كتشوفي فيا من قبيلة و انا نضحك

غيثة بتشكيك : امممم اه اه عندك الحق

كان بإمكانها تعاود لمها شنو واقع و لكن فضلات تحتافظ بهادشي لراسها بلاما تشطن مها على والو فالأخير كيبقاو هادو اسرار بينها و بين راجلها و كيما كيقولو الراجل و المرأة ميعرف شنو لي بيناتهم غير لي خلقهم فهي فضلات راحة مها بلاما تعمر ليها راها بهادشي

كملو عشاهم هكاك و غسلات هداية الماعن عاد جلسات كتمسح فيهم و ترجعهم لبلايصهم و هنا رجعو لصالون و متحلا الجلسة غير بكاس د آتاي يهضم فالأخير و لي كان كيف العادة فيصل لي معمرو كيما موالف فاش كيجي لعندهم حيث كيعرف ليه كيدير ليهم اتاي صحراوي بمعنى الكلمة ….

بعدما ودعو الضياف لي رفضو يباتو هنا صوناات هداية لسفيان لي مكانش جوابو كيما المعتاد ابدا

سفيان : امممم

هداية : راه ناس مشاو

سفيان: هاني جاي

قطعات الخط و بداات كتفكر كيغدير تصالح مع راجلها حيث من واحد ناحية بان ليها بلي حتى هو عندو الحق خلاها طوال هاد الوقت و هي كتغسل لماعن و هي كتسخر لضياف تفكر فتصرفها

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 94

سمعات الكلاكسون نتاع الطنوبيل وقفات كتقاد حوايجها وشافت فيي ماماها ..

هداية : ها سفيان جا أماما يالاه نخليكم غدا إن شاء لله نتشاوفو

غيثة : و مال سفيان مبغاش يطلع ؟

هداية : غيكون عيان أ ماما غدا نتشاوفو

غيثة : واش مخاصمين ولا شنوو علاش مطلعش زعمااا

هداية ” بإبتسامة إطمئنان ” : و ماما راااه قلت لييييك لي كاااين ” سمعات باها كيعيط لييييها ” ها بابا كيعيط أنا مشيييت

خرجات من دارهم لقات باباها واقف كيدوي معاه من السرجم نتاع الطنوبيل كيضحكو سلمات على باهاا و ضحكات طالعة لطنوووبيل ..

خرجو من الحي السرجم د الطنوبيل مفتوووح و الغربي بارد كيدخل ..

تنهدات كاسرة الصمت لي منين طلعات وهو ساكت قالب وجهو عليييها غادي متلف بين شوارع المدييينة

هداية : سفيييان أنا عارفة راسي غلطت و كنعتاذر فعلا مكانش خاصني نسلم عليييه هاكاااك أنا زربت و تصرعت

سفيان : الصمت ..

بقا ساكت حاط يديييه على الشرجم و الأخرى كيسوووك بيييها و حواجبو معقودين

هداية : سفييييان كندوي معاك

سفيان : سمعتك

هداية : أنا شرحت لييييك دابا لي كاييين هو ولد عمي تربينا مع بعضنا بحال خووويا هو ولله وكان قريب لييييا بزاااف ..!

سفيان : أول حاجة ممنوع السلام باليد فما بالك بأعناق وداك الكلام ونتي زعما راك قارية و واعية وكتعرفي بيييين الصحيح و الغلط أو لا لا ؟

مدام أنك تزوجتي و ولا عندك راجل في حيااتك منكذبش علييييك تعصبت و لدابا مزال معصب وكنحاول محاور لموضوع بالحوار وبالشووووية

بدااات كتعصب و بانت على ملامحها جاها زاااد فييييه بزاف هي كتبرر ليييه وهو غييير مزايد فيييه بالنسبة ليييها ..

هداية : ماشي زدتي فييييه أ سفيان صافي ردني عند ماما مناقص گاع ……

عقد حواجبه مزير كيقشر في شفايفه بعصبييية وقال

سفيان : بصح زدت فييييه ألالة هداية عندك الحق ..

بغيتي دار بااااك نردوووك لدار باك

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 95

كان القرأن طالقو في الطنوبيل ومع الهدوء و لي كاييين في الشارع راحة نفسية ..!

سكتات و حتا هو سكت و منطقش حتا وصلو لدارهم ..

شافت و سكتات منطقاتش نزلات طالعة وهو بقا كيسد الطنووبيل

دخلات لبيييت بدلات حوايجها و مشطات شعرها وتكات مغمضة عينيييها عاطية بالظهر

طول فيييها الشوفة و بدل عليييه بقا غييير بشورط و نعس حتا هو عاطيها بالظهر

صباح جديد فاق و ميزاجو على غييير العادة لبس حوايجه و دار روتيييينه و خرج لخدمته

حلات عينيييها حسات بحركاته فاش فاقت و منين تسد باب البيييت الدمعة نزلات على خدها مكانتش متوقعة الموضوع غيوصل حتا لهاد الدرجة

مولف كل صباح منين كيفيق كيداعب خذها بلطف و يقبل جبييينها بحنية و يغطيها إلى كانت معرية وليووم مشافش حتا جيهتها ..

بداو الدمووع كينزلو بحرارة على خذها كتشهق و كترجع نخمم و تفكر في الهدرة لي دارت بيناتهم البارح واش تقلق منها بالجهد و لا قالت شي كلام لي مكاينش ناضت فاشلة غسلات و جهها و دارت قهوة كحلة و حطات بعض الحلويات و جلسات كتفطر و عقلها كيخطط بعييييد

مزالة في أولى زواجهم وقالت ليييه ديني لعند ماما الكلمة لب خرجات ليييها بدون شعور و فالحظة غضب

هي مولفة كتصرف بالعقل و الهدرة الا بغات تخرجها حتا تدور في راسها و تشوفها واش مناسبة ولا لا ولكن في داك لحظة منين شافت ولد عمها هي براسها دابا كتراجع تصرفاتها و هضرتها تصدمات ..

تنهدات و بدلات عليييها بييجامة مستورة و هبطات لتحت عند يامنة …..

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 94

سمعات الكلاكسون نتاع الطنوبيل وقفات كتقاد حوايجها وشافت فيي ماماها ..

هداية : ها سفيان جا أماما يالاه نخليكم غدا إن شاء لله نتشاوفو

غيثة : و مال سفيان مبغاش يطلع ؟

هداية : غيكون عيان أ ماما غدا نتشاوفو

غيثة : واش مخاصمين ولا شنوو علاش مطلعش زعمااا

هداية ” بإبتسامة إطمئنان ” : و ماما راااه قلت لييييك لي كاااين ” سمعات باها كيعيط لييييها ” ها بابا كيعيط أنا مشيييت

خرجات من دارهم لقات باباها واقف كيدوي معاه من السرجم نتاع الطنوبيل كيضحكو سلمات على باهاا و ضحكات طالعة لطنوووبيل ..

خرجو من الحي السرجم د الطنوبيل مفتوووح و الغربي بارد كيدخل ..

تنهدات كاسرة الصمت لي منين طلعات وهو ساكت قالب وجهو عليييها غادي متلف بين شوارع المدييينة

هداية : سفيييان أنا عارفة راسي غلطت و كنعتاذر فعلا مكانش خاصني نسلم عليييه هاكاااك أنا زربت و تصرعت

سفيان : الصمت ..

بقا ساكت حاط يديييه على الشرجم و الأخرى كيسوووك بيييها و حواجبو معقودين

هداية : سفييييان كندوي معاك

سفيان : سمعتك

هداية : أنا شرحت لييييك دابا لي كاييين هو ولد عمي تربينا مع بعضنا بحال خووويا هو ولله وكان قريب لييييا بزاااف ..!

سفيان : أول حاجة ممنوع السلام باليد فما بالك بأعناق وداك الكلام ونتي زعما راك قارية و واعية وكتعرفي بيييين الصحيح و الغلط أو لا لا ؟

مدام أنك تزوجتي و ولا عندك راجل في حيااتك منكذبش علييييك تعصبت و لدابا مزال معصب وكنحاول محاور لموضوع بالحوار وبالشووووية

بدااات كتعصب و بانت على ملامحها جاها زاااد فييييه بزاف هي كتبرر ليييه وهو غييير مزايد فيييه بالنسبة ليييها ..

هداية : ماشي زدتي فييييه أ سفيان صافي ردني عند ماما مناقص گاع ……

عقد حواجبه مزير كيقشر في شفايفه بعصبييية وقال

سفيان : بصح زدت فييييه ألالة هداية عندك الحق ..

بغيتي دار بااااك نردوووك لدار باك

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 95

كان القرأن طالقو في الطنوبيل ومع الهدوء و لي كاييين في الشارع راحة نفسية ..!

سكتات و حتا هو سكت و منطقش حتا وصلو لدارهم ..

شافت و سكتات منطقاتش نزلات طالعة وهو بقا كيسد الطنووبيل

دخلات لبيييت بدلات حوايجها و مشطات شعرها وتكات مغمضة عينيييها عاطية بالظهر

طول فيييها الشوفة و بدل عليييه بقا غييير بشورط و نعس حتا هو عاطيها بالظهر

صباح جديد فاق و ميزاجو على غييير العادة لبس حوايجه و دار روتيييينه و خرج لخدمته

حلات عينيييها حسات بحركاته فاش فاقت و منين تسد باب البيييت الدمعة نزلات على خدها مكانتش متوقعة الموضوع غيوصل حتا لهاد الدرجة

مولف كل صباح منين كيفيق كيداعب خذها بلطف و يقبل جبييينها بحنية و يغطيها إلى كانت معرية وليووم مشافش حتا جيهتها ..

بداو الدمووع كينزلو بحرارة على خذها كتشهق و كترجع نخمم و تفكر في الهدرة لي دارت بيناتهم البارح واش تقلق منها بالجهد و لا قالت شي كلام لي مكاينش ناضت فاشلة غسلات و جهها و دارت قهوة كحلة و حطات بعض الحلويات و جلسات كتفطر و عقلها كيخطط بعييييد

مزالة في أولى زواجهم وقالت ليييه ديني لعند ماما الكلمة لب خرجات ليييها بدون شعور و فالحظة غضب

هي مولفة كتصرف بالعقل و الهدرة الا بغات تخرجها حتا تدور في راسها و تشوفها واش مناسبة ولا لا ولكن في داك لحظة منين شافت ولد عمها هي براسها دابا كتراجع تصرفاتها و هضرتها تصدمات ..

تنهدات و بدلات عليييها بييجامة مستورة و هبطات لتحت عند يامنة …..

تتمة الجزء 🌸

رحاب : بغيت بنت باش نبقا نلعب أنا وياها و تكوون صاحبتي

سفيان : قوليها ل طاطاك هداية تنوض تولد ليييك بنيييتة

خرجات فييه هداية عينييها بمعنى سكت مبقاتش دايرة الثقة في رحاب غيير من أخر بلان دارت ليييهم ..

رحاب ” وقفات حتا جلسات عند هداية ” : ولدي ليييا بنيييتة أطاتي

هداية : واخا أطاتي

ضحكات معاها كتلف ليييها الكلام شادين فييها حتا نعسات و دخلوها لبيييت جداها

الصباح بكري فاقت دخلات نيشان لحمام و الطيست في يديييها

قرات كيفية الإستعمال و دارتو كيييف هو و حطاتو بعيييد كتسنا 20 دقيقة دوز باش تشوووف النتيجة

رجعات تكات شادة تلفون كتشووف في سفيان ناعس جنبها تلفات الوقت كطلع و تنزل في الفايسبوووك حتا داز الوقت

ناضت بخطوات ثقيلة غادة تشوووف النتيجة شوية متوثرة إلا كانت إيجابية متأكدة سفيييان غيفرح و فرحتو متعطيها لحد فداك الوقت ..

غمضات عينيها هازة الطيست حتا زعمات و فتحات عينيييها

لقات غييير شرطة وحدة يعني مكاينش حمل الطيست سلبي

معرفاتش واش تقولها ليييه ولا تخبي ولا دييير راسها مدارت والو

إلا خبعات ليييه خايفة لا ينوض شي مشكل وهي مقدراش ……

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 96

منال شافت في هداية داخلة بالشوية مشات جراتها كضحك و جلساتها اونفاص مع سفيييان و هي حداها طووول الوقت و هداية بحالا جالسة على الشووك ..

حتا وقفات منال كتودع سفيان شاف سفيان جهة هداية خاطف الشوووفة فيييها وقال

سفيان : غييير سيري هداية خليها معايا شوية خارجييين

منال : واخا بصحتكم

قلبات عينيييها مالقات مانقول جبدات تلفوونها كتلهي الوقت و الجو مكهرب بيناتهم

هز شي وراق و تلفون في يدييه و سوارت

سفيان : يالاه نخرجو

قادات راسها و تبعاتها ، عطا الوراق لكاتبة ودوا معاها و هبطو غادييين لطنوبيل

طووول الطريق لا هو تكلم ولا هي ..

حتا وقف قدام كافي عائلييية جاية خارجة على المدينة شوووية داير بيييها الكالم و الهدوء و المناظر الخلابة و واحد الراحة ميمكنش

والجو كان شوية باقي بارد و الدنيا مزالة خاوية جلسو في جليسة على برة تقليدييية

سفيان ” شاف في هداية جامع يديييه كيشوف فيييها بجدية ” : بوون جينا لهنا نحلو المشكل لي طوول و كبر بالنقاش و الحوار ..

شافت فيييه بصمت مرداتش عليييه حتا إستأنف كلامه

سفيان : بحالي بحال أي رجل غيشوف داك المنظر وداك لكلام مغيرضاش

هداية : شرحت لييك و قلت ليك لي كاين و إعتاذرت لييك معرفتش نتا لي مفهمتيش ولا معرفت

سفيان ” عقد حواجبه ” : وداك الهضرة لي قلتي ديني عند ماما واش في أول مشكل لي نحلوه في النقاش نتي تقولي ليا ديني عند ماما هادا كلام ؟

هداية : خرج في لحضة غضب و الإنسان في لحضة غضب مكيعرفش أش يقول ولا أش كيخرج من فمو

تنهد وطول يديييه شاد في يديها كيتلمسها بحنان ..

سفيان : ولاد عمك ولا عمتك ولا خالاتك علييك بالتقار السلام باليد ولا متسلميش نتي گاع حسن ليا وليييك وداك الهضرة مكاينش لاش منها و الجموع داكشي كان منين كنتي د راسك أما دابا لا !

هداية : فهمت تنادم معايا الحال حييت تسرعت بزاف

سفيان : المشاكل ديالنا من الاحسن نخليوها و ناقشووها بيناتنا مكاين لاش تطول بحال دابا نجلسو ونحطو كلشي بالنقطة و الفاصلة ها لي معجبنيش أبنت الناس وها لي معجبنيش أولد الناس !

هداية : وعلاش قلبتي عليييا وجهك منين جيت داخلة عندك ؟

سفيان : بغييير قصدك أهداية بغييير قصد

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 97

ضحك كيحاول يهدن الوقت وقال ..

سفيان : صافي تصالحنا أ مدام ؟

هداية ” ضحكات ” : تصالحنا ..

فطرو مع بعضياتهم وهي كتعاود ليييه على طفولتها مع فيصل وكيف كانو في صغرهم و هو عاطيها الخاطر و كيسمع ليييها وصلها لدار و رجع لخدمتوو

حطها حدا لباب و مشا ياله غطلع حتا كتبان ليييها الصيدلية قريبة لييها شافت في الصرف لي فيديييها ومشات ..

هداية : عفاك اختي عطيني طست الحمل

الصيدلانية : مزوجة

هداية : اه

خداتو من عندها بغات تجرب وتحيد الشك

طلعات لدار مخبعاااه بااش غداا في الصباح بكري ديرو و تشوووف أش كاين

دوزات النهار بنشاط و حيوية منين تصالحو هي و سفيان بحالا شي حمل كان في فوق كتافها و إنزااح ..

صونات ليييها أمها علماتها غتجي عندها هي و مرت عمها

أول مرة غتجي عندها أمها من بعد الزواج تلفات و توثرات في الكوزينة .. جمعات دارها على حقها و طريقها وريحة النقا و العود مطلوبين في الدار ..

دارت كيكة و الحرشة صغار كانو عندها و المسمن معمر و دارت بيتزات صغار و بانكيك بالشكلاط و الموز

خلاصة القوول بينات حداگتها باغة تكبر براسها و متحشمش ..

سمعات يامنة كتستقبلهم ب إبتسامة مشرقة مشات سلمات عليييهم بقفطان جوهرة و شعرها دايرة لييه كوب شوفال مدام أنهم غيير العيالات مجموعين

تحطات الطبلة عامرة و على حقها و طريقها حتا ملقات فيين تزيد تحط مزال و مها فرحانة ببنتها و يامنة مكاين على فمها غييير ولدي لي تزوج و فرحانة ب مرت ولدها ..

كلاو و شربو وبقاو معاها حتا وذن العشاء و خرجو فحالهم مبغاش يكلسو لعشاء ..

دخل سفيان وفي يدييه الديسير داه لكوزينة و مشا الصالون لقاها جالسة محيدة القميص غير بسوفيطمة سماطي مع الصهد شاف فييها وقال

سفيان : شكون كان هنا ؟

هداية ” بتعب ” : ماما هي ومرت عمي و خالتي يامنة عاد دابا شوية خرجووو عيييت باغة غانطيح و حتا طبلة مقديييت نجمعها

سفيان : غير خليك ناكل ونجمعها رتاحي شوووية ..

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 98

هداية : لا غيير خليك حتا نتا جاي عيان من لخدمة شوية و نوض نجمعها ..

كلا و ناض غسل يدييه توضا وصلا العشاء و بدا كيجمع معاها الطبلة كينقل لكوزينة و هي مبتاسمة وشكون بحالها ربي عطاها راجل معاونها ..

وقف حداها في لكوزينة وهي كتغسل لماعن و ترجع كل حاجة في بلاصتها

سفيان : شنو نديرو العشاء ؟

هداية : غندير لحم بالبرقوق نهبطو نتعشاو مع خالتي

سفيان : جبدتي لحم من لفريكو ؟

هداية : جبدتو قبيلة

هزو سفيان و جبد كيقطع البصلة ….

حتا غطا علييها كطيييب شافت فيييها مستغربة وقالت

هداية : فييين تعلمتي الطياب ههههه كتصرعو و يديك بنينة

سفيان : كنت ساكن بوحدي زوفري في مدينة أخرى وكنت كنتعلم و نصوني لواليدة تعطيني لمقادير حتا تعلمت

هداية : وأنا كنقول مالو كيدير الطاجييين حسن مني

ضحك وجرها خاشيييها تحت باطو مزييير عليييها

سفيان : لا الطاجيييين ديالك حسن

جمعات الدار و هزات الكوكوط هابطييين عند يامنة جلسو معاها متلفييين الوقت ضاحكين ناشطين مع بعضهم و رحاب مزينة ليهم الجو

غسلات الماعن و جلسو شوية معاها ..

رحاب : خالو فوقاش حتا نتا يولي عندك ولاد بزااف نعلب معاهم

جلسها على حجره كيضحك و هداية جنبو غمزها كيشووف في رحاب

سفيان : شنو بغيتي بنت ولا ولد ؟

سؤالي لنساء لمتزوجات راجلك كيعاونك في لكوزينة ؟

تتمة الجزء 🌸

رحاب : بغيت بنت باش نبقا نلعب أنا وياها و تكوون صاحبتي

سفيان : قوليها ل طاطاك هداية تنوض تولد ليييك بنيييتة

خرجات فييه هداية عينييها بمعنى سكت مبقاتش دايرة الثقة في رحاب غيير من أخر بلان دارت ليييهم ..

رحاب ” وقفات حتا جلسات عند هداية ” : ولدي ليييا بنيييتة أطاتي

هداية : واخا أطاتي

ضحكات معاها كتلف ليييها الكلام شادين فييها حتا نعسات و دخلوها لبيييت جداها

الصباح بكري فاقت دخلات نيشان لحمام و الطيست في يديييها

قرات كيفية الإستعمال و دارتو كيييف هو و حطاتو بعيييد كتسنا 20 دقيقة دوز باش تشوووف النتيجة

رجعات تكات شادة تلفون كتشووف في سفيان ناعس جنبها تلفات الوقت كطلع و تنزل في الفايسبوووك حتا داز الوقت

ناضت بخطوات ثقيلة غادة تشوووف النتيجة شوية متوثرة إلا كانت إيجابية متأكدة سفيييان غيفرح و فرحتو متعطيها لحد فداك الوقت ..

غمضات عينيها هازة الطيست حتا زعمات و فتحات عينيييها

لقات غييير شرطة وحدة يعني مكاينش حمل الطيست سلبي

معرفاتش واش تقولها ليييه ولا تخبي ولا دييير راسها مدارت والو

إلا خبعات ليييه خايفة لا ينوض شي مشكل وهي مقدراش ……

توقعات اش دييير هداية واش تقولها لسفيان ولا لا ..!🌸
العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 99

دخلات للكوزينة كتوجد الفطور سخنات المسمن لي بقا من لبارح و جبدات الفرماج و الزيت و الكوفيتير دارتهم فطبيسلات و جبدات زيتون و الخبز حتى هوما ….يلاه حطات الطبلة حتى وقف عليها قدام الباب د الكوزينة كيحك فعينيه

سفيان: صباح الخير

هداية ببتسامة : فقتي صباح النور

قرب لعندها قبلها بحنية

سفيان: فقتي بكري اليوم ؟

هداية : واه ضرباتني الفيقة بكري و مبغيتش نرجع نعس

سفيان : اوا ديك ساعة بقاي متكية فبلاصتك علاش عدبتي راسك حتى تفيق و نوجد معاك الفطور

ابتاسمات ليه و حطات يديها على خدو و كترمقو بنظرات ساحرة

هداية : علاش شنو كندير انا باش نعدب راجلي العزيز و هو يستاهل كل خير

ابتااسم على كلامها رااقو مدحها ليه و عجباتو كلمة راجلي العزيز من فمها حيث اول مرة تنطقها ….لي لاحظ مؤخرا انا الخجل ديالها منو نقص بزااف بالمقارنة بالأيام الأولى و هاادشي مكيخليه غير يزيد ياخد راحتو معاها كثر و يحس بالراحة بجوارها
و هو كيكتاشف شوية بشوية شخصيتها الضحوكية لي كانت مخبياها عليه

بدااو كيفطرو فجو زوين و هي كتقرب لحداه اي حاجة بغا يهزها حتى هز زيتون رماها ليها ففمها

سفيان : وليتي كتاكلي بزااف

هداية : ههههه على لي فطر معاك متحلش ليه الشهية

طلع حاجبو فيها مبتاسم بحالا كيقول ليها زعمتي ا شعيبية حتى بداات كضحك

هداية : ههههههه

او هنا تفكرات شنو بغات تقوليه و هي تحنحن

هداية : احم بغيت نقوليك شي حاجة

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 100

هنا طلع راسو فيها و هو كل اذان صاغية باغي يسمع لمتطلبات مراتو و كزوج يحاول يوفر ليها اي حاجة بغاتها

سفيان : و باقا كتشاوريني الى محتاجة لشي حاجة قوليها ليا

هداية هنا طلعات فيه عينيها كتلاحظ ردة فعلو

هداية : درت التيست د الحمل حيث شكيت فراسي حاملة

وسع عيونو من كلامها مصدوم و يلاه الضحكة بدات كترسم على وجهو حتى سكتاتو

هداية : و لكن طلع سلبي

دلا شفايفو بخيبة أمل و نطق

سفيان : فيها خير

ابتاسمات و طلعات ليه راسو لي كان منزلو بيديها قابلات وجهو مع وجهها و كتشوف فيها شوفة كلها أمل

هداية : يجيب الله من هنا لقدام “سكتات شوية عاد استئنفات كلامها ” غنحيد الكينة

بتاسم ليها و عيونو عاود حياة فيهم نفس الفرحة و كأنها حاملة فعلا مجرد كلامها خلا الضحكة ترجع لوجهو محس براسو غير نايض من بلاصتو و نوضها معنقها

سفيان : ههههه احلى خبر سمعتو فهاد الصباح شنو لي خلاك بدلتي رأيك ؟

هداية : صراحة فاش كنشوف دراري الصغار كنتبورش و لا منين كنشوف رحاب كتكبر قدام عيني حتى انا بغيت نجرب نفس الإحساس لي كتحس بيه منال …نفس احساس الأمومة ” حطات يديها على كرشها ” و هو دار معنقها من ضهرها و حط يديه فوق يديها على بطنها ”

هداية : شحال زوين يكون عندك طفل من أحشائك ” طلعات شوفاتها فيه بحكم قصر قامتها قدامو و هو منزل راسو ليها ” و الأحسن من ذلك هو يكون هاد الطفل منك

عيشااتو بكلماتها فواحد الحلم زوين كيتمنى من قلبو يتحقق لدرجة حس بغريزة الأبوة تحركات فداخلو و مكرهش يكون أب فأسرع وقت

سفيان : ههههه يلاه نولدوهم دبا

دارت لعندو كضحك و حناكها طلعات معاهم تزنيكة ضرباتو لصدرو بمشاكسة

هداية : هههههه سير تخدم اشمن

شاافت فالساعة و خرجات فيه عينيها

هداية : ويلي ويلي مشا عليك الحال 8:10 دقايق

قبلها على خدها و هز سوارت الطنوبيل مغادر المكان و كيضحك

سفيان: ههههه خليتيني بلا عقل فهاد الصباح

بداات كضحك عليه حتى كمل كلامو غامزها

سفيان :هههههه قيدي عندك ا مدام هاني كنتسالك الكريدي

……..# يتبع

Leave a comment