Skip links

قصة : العدول و بنت الناس ج3

 3,351 عدد مشاهداات

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 50

بعد مدة زمنية وصلو لمكان فيه غير البوتيكات الهاي مكان معروف بصحاب لفلوس عير شاافتو سرطات ريقها و هو دار فتح ليها الباب نزلات و هي مرتابكة عارفة مزيان الأثمنة لي هنا يالاه تمشى زوج خطوات بانت ليها باقا واقفة فبلاصتها و دار عندها مستغرب

سفيان : ياكما نسيتي شي حاجة فالطنوبيل ؟؟

هداية هنا رتابكات : أ؟؟!! لا لا منسيت والو و لكن …

سفيان بانت ليه كتسرط فريقها و بحالا باغا تقول شي حاجة

سفيان : شوفي ا هداية بغيتي تقولي ليا شي حاجة متحشميش قوليها ليا فوجهي و تقي بيا غنتقبلها كيما كانت

هداية هنا زادت حشمة على حشمة عاد نطقات : صراحة هاد البلاصة فيها الحوايج غالبين بزااف كون مشينا غير لشي بلاصة اخرى احسن

شاف فيها مطولا شوفة غريبة و بحالا عيونو السوداء حطيتي فوسط بؤبؤهم قطرة ماء لمعاتهم و خلات بريقهم يبان و ابتسامة كتعبر على بزااف بانت على فمو من نهار عرفها ولا كيبتاسم بزاف على غير عادتو و طبيعتو بتصرفها هدا زادت كبرات فعيونو عرفها ديال زمان نيت امرأة اقتصادية بمعنى الكلمة محساتش انتا تحولات ابتسامتو لقهقهات

سفيان : ههههه كتحاولي على جيب راجلك ؟؟

حمارو حناكها على إثر كلامو و نزلات راسها و قلبها حسات بيه ضرب بسرعة اكثر

سفيان : شوفي حنا دبا غندخلو و نتي لي بان ليك و عجبك غادي تاخديه مضربيش لحساب لحتى حاجة

هداية بصوت بالكاد يسمع : و لكن بزاف عليك

هنا عقد حواجبو : بغيتيني نتقلق منك ؟

حركات راسها بالنفي

سفيان : يالاه زيدي معايا

بقاو كيتمشاو بزوج فنفس الخط حتى دخلو لواحد من دوك البوتيكات كولشي كان فيه زوين واخا هداية مكانتش كتبغي تختار شنو بغات و لكن كان كيقراها من عينيها اي حاجة بانت ليه عجباتها مكيترددش باش يهزها ليها من داك المحل دازو لمحل د الصبابط و بقاو هكاك من محل لمحل حتى تقداو كاع داكشي لي خاص و سفيان كيخلص كانو يديه عامرين هو و هداية كل واحد فيهم شنو هاز فيديه يالاه حطو داكشي فسيارة بغا يديماري حتى وقف فجأة

سفيان : نسينا شي حاجة لا ؟؟

هداية باستغراب : شنو ؟؟!!!!

سفيان : نزلي

نزلو مرة أخرى و بقاو كيتمشاو فتجاه المحلات محسات بيه حتى وقف حدا محل د الملابس الداخلية

سفيان حك على راسو باحراج هو الاخر : دخلي هزي شنو بغيتي انا غنتسناك هنا

هاد المرة ماشي غير حناكها انما ذاتها كاملة تنملات عليها الوضع كان مرتابك بينهم هوما الاثنين حتى فضلات دخل تتفادا الاحراج ختارت شنو بغات بالزربة و رجعات لعندو

هداية : احم ساليت

دخل سفيان خلص و خرج كيفكر غير فالحشومية ديالها كل مرة كيزيد يكتاشف طبيعتها كثر

كانو غاديين فالطريق و هداية كل مرة تفكر بلس هي معاه فمكان واحد كتبتاسم حتى رن هاتفها هزاتو تشوف شكون سيفط ليها حتى وسعات عيونها بالصدمة كان ميساج من شخص مجهول

⬅️⬅️ متفرحيش بزاااف حيث نتي دياالي و غتبقااي ديالي

هادو كانو اجزاء اليوم فنظركم شنو غيوقع ؟؟ و ضنو التغيير لي غيحدث فالقصة مع ظهور هاد الشخصية المجهولة ؟؟ واش زعما زواج هداية غيدوز بيخير و على خير ؟؟و هداية و سفيان واش غيبقاو بهاد تفاهم ولا شي حاجة اتغير علاقتهم ؟؟ و الأهم من هادشي واش زواجهم غيكمل ؟؟ توقعاتكم و ارائكم ا زوينات متبخلوش علينا بيهم 😘

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 51

النفس تقطعات فيها و هي كتقرا فداك الميساج حسات بالخوف كينتاشر فداتها شوية بشوية و لهيب حارق كيطلع لوجهها خلا قطرة من العرق تنزل من وجهها

سفيان لي لاحظ تغييرها المفاجئ سولها فاستفسار

سفيان: كاين شي مشكيل ؟؟!!

هنا هداية استفاقت و بداات كتقنع رااسها فأفكار هي ختارعاتهم

هداية : لا لا غير وصال و فعايلها هههه

سفيان ببتسامة : كتبان نيت ضحوكية تجي مع عصام نيت

هداية : اه هادشي لي بان ليا حتى انا

لحظة صمت يتبعها تفكير عميق و نقاشات كثيرة بينها و بين راسها ….واش فعلا تقدر تكون وصال لي بغات ضحك معاها بحال هاكا ؟؟ ولا عنداك يكون شي حد فعلا كيعني كلامو ؟؟ و لكن حتى الى كان شي حد شكوون ؟؟ ….هي معندها عداوة مع حتى شي حد …و لكن تاني فآخر الرسالة مكتوب نتي ديالي ….شكون هدا لي غيقول ليها هاكا و هي عمرها تعرفات على شي دري ولا دوات معاه حتى الهضرة من قل سفيان

بعد لحظات كانو قدام كافي راقية غير طلعات هداية عيونها فين وقف وسعات عيونها كان يحساب ليها غيوصلها لدارهم

هداية : علاش وقفنا هنا ؟؟!

بتاسم من سؤالها السادج لي هي عارفة الجواب ديالو و نطق

سفيان: علاش فنظرك ؟؟

هداية هنا حسات لالغباء لي نزل عليها فلحظة سؤالها و حطات يديها على راسها كتقاد فزيف بحرج

هداية : ههه غير كان يحساب ليا غنمشيو لدار داكشي باش ستغربت

سفيان : خرجنا خرجنا خلينا نرتاحو شوية هنا بعدا عاد نمشيو

هداية : واخا لي بغيتي

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 52

جلسو فديك الكافي و هدابة بحالا بدات كترتاح شوية خداو طلباتهم هداية عصير د الليمون و هو خدا كاس د القهوى و بداا كيحاول يجبد معاها مواضيع يهضرو فيهم …كيحاول ينقص من الحساسية لي بيناتهم و يخليها ترتاح ليه كثر

فمكان أخر جالسة فبيتها كتقاد فشعرها يالاه كملاتو طالعة ليها ابيل فيديو من عند عصام و ضحكات باستهزاء من نيتو كيتسناها تجاوبو ابيل فيديو ؟؟!! اذن هو راه كيحلم …بقا كيعاود يصوني و تقطع شي تلاثة المرات حتى صونا عليها ابيل عادية عاد جاوباتو

وصال : هههه شفتي دبا دويتي

عصام : الجنية خفتي نضربك بالعين ؟؟

وصال : هههه تسكن فيك نشاء الله

عصام : هههه اوا راك ساكناني نيت علاه كدبتي ؟؟!

وصال : ليعطينا وجهك كتعرب تقلب الهضرة لصالحك

عصام : هههه اوا منكونش عصام الى مكنتش هاكا

وصال بدات كتعيب فيه : نينيني

عصام : ههه غا تبقاي تعيبي فيا تا نجي نقجك شي نهار

وصال دوات بثقة : هههههه الا وصلتي ليا ديرها

عصام : هههه يحساب ليك منقدرش زعما ؟؟! راه نحرش عليك غا نسيبتي و تفرجي ديك الساعة

وصال هنا وسعات عيونها نسات باي عندو فيديه الورقة الرابحة و لي هي مو و دغيا ضرباتها بنكرة

وصال : اشنو وصلنا لهادشي دبا زعما حنا و مفاهمين تبارك الله مكنخصروش الخاطر لبعضياتنا اولا نداحسو لاش غندخلو امي فهادشي ؟؟

عصام هنا ضحك حتى شد فكرشو هاد وصال شي نهار تسطيه

عصام : هههه زيد زيد حناا شنووو اخر ؟؟

وصال : السمن و العسل شخصيا ميحيدهاش ليك الطبيب

عصام : فكرتيني نيت نسيت مقلت ليك راني مريض بمرض خايب صعيب نداوا و دواه غالي

هنا وصال شدات فقلبها من نبرتو الجدية لي باانت فصوتو و الطريقة باش كيهضر حسات بقلبها كيتقطع لأشلاء ….. كفاش مريض و باش مريض ؟ و شنو هاد المرض لي دواه غالي و صعيب يداوا

وصال : كضحك معايا

عصام بجدية : داوي بصح

سكتات للحظات هاد تكلمات

وصال : شنو هاد المرض و شحال يكون دواه كاع

عصام تنهد : غالي غالي اودي ا وصال

حس بصوتها تبدل لدرجة صوت تنفسها لي مبقاش مستاقر قدر يسمعو

وصال : شحال كااع هاد الدوا ؟؟

عصام هنا ضربها بضحكة وحدة حلف ليسكت : هههه دواه نتي المصيبة نتي هههههه

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 53

على إثر كلامو الاخير محسش غير بشهقاتها لي تزاادو ….بدا كيسمع البكا بالجهد و الغوات ….هنا حس بقلبو غيسكت ماشي لدرجة هاد الحالة كاملة شي حاجة فيه تحركات و حس بالذنب تجااهها كفاش يعطيه خاطرو يدير ليها حاجة بحال هادي خلاها تبكي على والو و هو كان قاصد بيها غير يضحك معاها

عصام : شوووت كالم وصال انا مقصدتش هادشي

شهيقها و زفيرها مبغاش يحسب و هي كتبكي بالجهد و نطقات بأحرف متقطعة بسبب الشهقات

وصال : عم…رك تهضر…معا…يا هئ هئ هئ ضرب على نمرتي هئ هئ

عصام : وصال مقصدتش هادشي و الله الا غا كنت كنضحك معاك

وصال : سكت هئ هئ سكت مبغيتش نسمع صوتك هئ هئ هئ

عصام : وصال غير ……

مزال كعما كمل كلامو قطعات عليه الخط و هنا مسحات دمعتين من عيونها و رسمات ابتسامة خبيثة على وجهها

وصال : باش تعلم تكدب عليا انا غنوريك لعب كفاش داير

خرجات من بيتها فتجاه لصالون لحسن حضها مها كانت دايرة لكيت فودنيها و كتفرج فالفيديوهات د اليوتيوب نمر كلا نعجة و بغلة ولدات الى آخره من السلاسل المفضلة لنوعها من النساء …..

حيدات ليها الكيت من ودنيها و بدات كتجر فيها

وصال : ماما سربي سربي سربي قالت ليا غيثة بلي بغاتك تعاونيها فالحلوى سربي

نعيمة بعدم تصديق و صدمة : اويلي ياك سالينا الحلوى غير البارح !!!!!

وصال : جري جري واش كنكدب عليك هنا قالت ليا ايخصها طبسيل عاودو حسبو الجيران و داكشي مكافيش….. قالت ليا غير حلوة نعيمة لي ياكلو ضيااف

هنا نعيمة نفخات ريشها و هزات ليك عينيها الفوق برضى : اييه وا بالسيف حلوتي زينة نيت بسيف

وصال : اوا سربي واش مغتقاديش ليها خلاص ؟؟ يلاه

نعيمة بدات غا غادية جايا : هاني هاني

لبسات جلابتها و دارت زيفها و كانت مخلية تليفونها ناسياه لي وصال غا بان ليها خباتو موراها تسناتها حتى خرجات عاد تكات فوق سداري

وصال : و دبا غنسالي ليك مزيان ا سي عصام الى مخرجتها منك هانا ها نتا

افكار شيطانية كتراودها بعضهم كتنعل فيهم الشيطان و بعضهم الشيطان كيتصدم فيها و يبقا يشوف و ميلقى ميقول و هنا هزات هاتفها فمكالمة طارئة لصاحبتها العزيزة

كانت جالسة مع سفيان حتى بدا هاتفها كيصوني غير شافت لمتصل ستأذنات من سفيان

هداية: سمح ليا

غا جاوبات تسمع صوتها كيف الرعد

وصال : عتقي ا صحيية

هداية : هانيا ؟؟!

وصال : سيفطت مي عند موك قلت ليها تزيد معاها طبسيل د الحلوى الى سولاتك قوليها نتي لي بغيتي تزيديه …تا نعاود ليك

هداية : بشوية ا وصال مافهمت والو شرحي ليا بالقاعدة

وصال : لي غنقول ليك عصام قفرها من عندي بسلامة

قطعات عليها و سفيان لي كان حداها سمع كولشي محسش غير بضحكتو الرجولية كتخرج بكل فحولة عرف صاحبو طاح فوحدة كثر منو فالهبال

…….يتبع غدا

اول حاجة كنعتاذر منكم بزااف على الروطار لي كان باسباب خارجة على ارادتي ❤️ كنتمنى يكونو هاد الأجزاء فالمستوى المطلوب و تكونو ضحكتو فيهم شوية بغيت ارائكم فشخصية وصال و عصام يلاه بينو ليا 😂😂

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 54

دخلات هداية لدارهم بعد ما وصلها سفيان لقات نعيمة نيييت تما و غيثة واقفة تتشوف ..

غيثة : واش بصح نتي قلتي لوصال نعيمة تزيد طبسيل د لحلوة

هداية : اه أنا غير واخد من حلوة الغريبة حسيت بييييها قليلة ..

نعيمة : اوا نيييت حتا انا جاتني قليلة

دخلات نعيمة و غيثة لكوزينة وعي توجهات لبيت و التلفون في يديييها داير ليييها الإزعاج و الإحساس بالخوووف ! من هاد الرقم المجهووول لي كيصوني علييييها ب إستمرار

********************

غير قطعات مع هداية هزات تلفووون مها دوزات نمرة ولد خالتها حيت معندهاش هي نمرتو ..!

دقائق قليلة و تفتح لخط مجاوبها ولد خالتها تربات معاه فالصغر وهي وياااه مضاسرين ..

وصال : أفين أداااك راس طارو فين شادها ؟

حسام : أنا غا هنا جالس شي حمار مات منين سمعنا صوتك أ لعشيرة

وصال : شووف أ حسام باركة من لهدرة عندي معاك بلان و نعطييييك رزقك مهم دوز عندي لداااار دابا دابا تعطل نورييييك

قطعات الخط و مشات كتجري ناحية بيتها جبدات أحسن ما عندها سروال جينيز و قميجة طووويلة في لون الأبيض و سندالة طالون في لون الأبيض و الشال في الموووف و النضاضر فوق راسها ..

دارت ميكاب خفيف كيييف مولفة و رشات ريحتها

تسمع الدقان في الباب خرجات فتحات ل حسام لي تم داخل كيضحك .. طويل و عامر و لحية كثيفة لابس سروال جينيز و تيشورط في الأسود و الساعة في ليد

حسام : نتي اش هاد لبلان تاني ديما نبقا تابعك غا نتي

وصال : شوف غنمشيو لواحد لمحلبة و غدير راسك زعما أنا و ياك مرتابطين تضحك معايا و طلق شي كليمات حلوووين ياك و تمد يدييييك توكلني مهم صررررع الدور

حسام : صافي غير هادشي ؟ ” ضحك بالجهد ” راني خبييييير في هادشي

ضحكات حتا هي و هزات صاكها خارجين من الدار بعد ما سدات الدار و الوجهة كانت لمحلبة عصام ..

#يتبع..♥️

____________

أراءكم و توقعاتكم كييييف العادة ..
تتمة الجزء 🌸

كانت المحلبة عامرة شوية فيييها الرواج خصوصا وهي جاية على الشاريع و الماكلة نقيييية و متووولة ..

شدو طابلة و وصال عينييييها غير تيدورو ممتأكداش واش غيجي لمحلبة ولا لا و لكن تتمنى هادشي لي دارت ميمشيش باطل !

حسام طلب ليهم لي خاصهم غير بان لييييها عصام كيبلاصي طنوبيلتو دغيا دارت شافت في ولد خالتها ..

وصال : بدا بدا يالاه ..

شد ليها في يديييها و بدا كيهضر و يضحك و وصال غادة معاااه حتا هي في الخط و ضحكتها مسمووووعة في أرجاااء المحلبة لي شافهم من بعيد و يكووون معارفهمش يقووول هادو غارقين في الحب مع بعضياتهم !

داخل داير يدييييه في جيبو و يدو الأخرى كيلعب في السوارت نتاع الطنوبيل راسو كيحركو شاداااه الشقيقة ..

غا علا عينيييه وهو يشووووف داك لمنظر يميل راسو أكثر و وقف مكرواااازي رجلييييه متبع لييييهم لعين كأنه كيشاهد في فيلم رومانسي ..

حسام ” مد طرف الحرشة بيدو موكل وصال ” : كولي أحبيبة ديالي كوووولي شبعي ليا الكريشة .. وشحال كنموووت عليك أنا

توجه بخطوات ثابتين و وقف عليهم جر كرسي و كلس كيشوووف فيهم بجوووج وقال

عصام ” ببرد ” : الرومانسية بطرف د الحرشة أ لعاشق الولهان ؟

#يتبع..♥️

—————-

اراءكم و توقعاتكم كييييف العادة !!

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 55

شدات وصال الضحكة بالزز ومشافتش فيييه نهائيا أما ولد خالتها لي كانت مفهماااه كلشي من الأول شاف في عصام ناوي يجاوبه ..!

حسام : ومن بعد سوووقك

عصام : المحلبة هادي و الناس تتجي تاكل فييييها ماشي طلق علينا الرومانسية الخامجة أ سي العاشق ! و نتي ” شاف في وصال ” أش تديري هنا و مع هذا بالضبط

وصال ” شافت فيييه ببرود كتبلع ريقها بدا كيدخل معاها الصهد من الجووو المشحووون ” : الأمر شخصي أسي عصام !

عصام ” ضحك بإستهزاء ” : شخصي هههه مزيان الهضرة ماشي معاك مع موك

وصال : سير الدار كتعرفها ياك عنداك تلف من شي زنقة

حسام : حبيبتي نووووضي نبدلو البلاصة هاد خينا وسخ لينا الجو

وقفات وصال كتمسح حوايجها مثقلة هزات الصاك و حسام مشا يخلص مشافتش فيييه نهائيا أما هو كالس و متبع لييييها الشوفة وعاض على شفايفه كيقشر فييييها ..!

شد فيها حسام كيقاد ليها الشال و كيضحك معاها دور يدييييه على كتافها وتمر خارجين حتا تكلم عصام من بعد ما وقف شاد في يدييييه نضاضر وصال ..

عصام : هاكي هادو أ أنيسة نسيتهم ..

وصال : شكرا !

حسام : متلمسش حبيبتي لله يخلييييك

عصام ” بعصبيييية ” : دابا مالك من الصباح و نتا تنقز شي باااس مكاين أ شريييييف هز غا سرواااالك ويجي طايح في لأرض داير فيها جنتلمان الفاصووولية د جوج دريال

قرب ناحية وصال شادهااا من يديها جارها من الصباح وهو صابر و مبرد و تيدوي عادي تعصب و الشقيقة شاداها ..

عصام : تحركي لداركم رجليييييك يدورو هنا نحشهم لييييك ” جهد صووووته ” تحررررركي

وصال ” عقدات فيييه حواجبها” : ياك لابااااس ؟

دخلها لطنوبيل الدنيا عامرة و مبغاش يبين أنه شي مشكل كاين

عصام : فييييييك شي فعايل أبنتي أ وصال و أنا لي غنحيدهم منك التبرهيش د والو !

وصال : دابا واش نتا سووووقك نتا معندكش صاحبتك مكتحلونش عليييييها ؟

عصام ” مخرج فييييها عينييييه ” : قطعي حسك أ وصال حسن لييييك راه غانجي نورييييك التحلوووين على أصوووله !

#يتبع ..♥️

___________

أراءكم و توقعاتكم ضروري ..!

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 56

دازو يومييين توجاد للعرس غادي على حقو و طريقه ..

اليوم كانو معروضين عند يامنة للعشاء المقربين فقط هداية و عبد المجيد و غيثة

فرصة باش هداية تشوووف البيت لي غيجمعهم إلا تبدل فيييه شي ديكور ولا الأثاث و في نفس الوقت باش يتناقشو على حاجات بساط د لعرس

كانت لابسة جلابة في لون الموف دارت الشال مع بليغة و خرجات شادة في غيثة ..

الأيام كتقرب وهي غيييير مكتزييييد توثر مبقاش بزاااف و يجمعهم سقف واااحد و فراااش واحد ..!

دخلو لدار يامنة و الإبتسامة خجووولة على شفايفها كان المغرب ياله وذن ، إستقبلاتهم منال لي رجعات من السفر بحجة ضروري تحضر لعرس خوووها الوحيييييد !

يامنة : دخلو مرحبا بييييكم دابا و قريبا نوليو عائلة و مزينتها نسوووبية

غيثة : وبي يخلييييك أختي يامنة لله يفرحك

جلسو في الصالون مجمعين غير قولها و ضحك علييييها هوما العيالات بوحدهم حتا إذن العشاء و ناضو العيالات يصلييو

حتا دخلو الرجال السي عبد المجيد و عم سفيان و خاله

جلسو مجموعيييين من جديد و أتاي و الفاكية و الكاطو تحطووو ، عينين هداية بقاو غير كيدورو كتقلب علييييه الرجال كلهم دخلووو إلا هو ..

شادة كاس د أتاي كتشرب منه بهدوء جالسة جنبها منال حتا وصلها من عندو هو مساج في واتساب

سفيان : طلعي لطبقة لفوق لبيت تشووفيه

شافت في أمها ويامنة وردات عليييه

هداية : دابا ؟

سفيان : وي

شافت ناحية منال وقربات منها و نطقات و وجهها حمر بالحشمة

هداية : منال أنا طالعة لفوق بغاني سفيان نشوووف البيت

منال : واخة غييير طلعي أ حبيبة

طلعات ومشات نيشان لبيتو كان واقف حدا لباااب تبسم لييييه بعد مقالو السلام ودخلو لبيييت النعاس تشووفووو

سفيان : شوووفي الديكور و كلشي الا معجباتكش شي حاجة نبدلوووها الأهم تكوووني مرتاحة !

زادت قدامه كتشوف في تصميم البييييت كان هادئ و و الديكور دياله بسيط نوعا ما

هداية ” بإبتسامة ” زوين عجبني

تبسم لييييها و جرها من يديييها بعفوووية مشابك صباعها مع صباعه

سفيان : أجي تشوووفي هنا

دانا لبالكووون لي فالبيت كبيييير و مقاد حمقها و عجبها بالجهد …

#يتبع..♥️

_______

اراءكم و توقعاتكم كيييف العادة !

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 57

جالس فبيتو ساد عليه و كيشوف فالصقف كيتفكر شنو لي وقع ليه معاها و شرارة الحب و الغيرة المجنونة شاعلة فداخلو ..كفااش محملش يشوف شي حد يكون حداها ولا بقربها و هو لي ناويها لحلال و كفاش خلاتو يتعصب بداية من المزحة لي كانت بالنسبة ليه بسيطة و لكن بالنسبة ليها هي لا ..!

خرجاتها منو بمعنى الكلمة و صورتها مع شخص اخر كتعاود في دماغه .. ! هادشي كولو خلاه يغمض عينيه عاقد غوباشتو من بعد دقائق قليلة توجه للأدوية خدا كينة د الراس شربها و راسو رجع بيه ليومين قبل من الآن ..

فلاش باك ✨

كاانت راجعة معاه فالسيارة طريق كامل و هو كيخبط فالفلون د السيارة دليل على عصبيتو كفااش تخلي واحد من غيرو يجلس معاها .. كفاش تخليه يهضر معاها هكاك بداك التعناب الخاوي ..و علاش يحط يدو على كتفها ….. كان كل مرة كيطلق فيها شي جملة و حتى كيقول يسكت و لكن الشعور لي فداخلو ممخليهش

عصام : طلعتي هاكا ا بنت نعيمة ؟
هادي غير لي عارفينها بنت دارهم بغاو يخرجو رجليك من الشواري ..!

وصال : و سوقك دخل سوق راسك

عصام : انا لي عارف اشغندير معاك

وصلها لدارهم و فتحات الباب حتى بان ليها تابعها

وصال : فين غادي ؟

عصام مع سولاتو رجعها ليها : ماشي سوقك دخلي سوق راسك

وقفات قدام دارهم و هو باقي واقف حتى دارت عندو باستغراب : ا سبحان الله ا شريف واش تلفتي على القبلة ؟؟

عصام : مجايش عندك

وصال هنا ضحكات : ههههه شنو باغي زعما تقوليها ؟ و زايدون خرجت غير مع ولد خالتي

عصام مداهاش فيها و بدا كيدق لباب و حتى هي بكل ثقة فتحاتو

وصال : دخل عندها نتا كااع ؟؟ لاش واقف ؟

#يتبع♥️

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 58

متسوقش لكلامها و دخل لدار كيقلب عليها و ينادي باسمها ..!

عصام : خالتي نعيمة

مجاوبو حتى شي واحد حتى كيسمع صوت الهاتف هز راسو بانت ليه وصال شاداه فيديها

وصال : ههههه كتصوني على هذا الغزال؟؟

عصام هنا بقاا كيشوف فيها لمدة بنظرات فشي شكل : كلسي نهضرو بالعقل و نتفاهمو !

وصال : انا وياك معندنا فاش نهضرو

عصام: قلت ليك كلسي

وصال : و قلت ليك معندنا فاش نهضرو

هنا طلعات ليه القردة لسطح بديال المزيان رافضة هو حتى نقاش معاه و من صباح و هي تقمع فيه و سرعان مجبد هاتفو من جيبو كيخربق فيه و وراه ليها ..

عصام : بغيتي غير العكس أنا هو مولاه هادي اخر مرة تشوفي فيها كمارتي وسالينا قبل منبداو حنا كاع ..! تهلاي في راسك

صدمها و دهشرها كفاش عطاتو خاطرو يبلوكيها … علاش هي شنو دارت ؟ شنو دنبها ؟؟ هو لي منو كولشي هي غير رجعات ليه الصرف معارفاش بلي شعلات فيه العافية بتصرفاتها و مكملاها بالعناد ولات بحال شي جماد مكتحركش و غير كتشوف

هو لي كان غادي فحالو مردش لبال لزربية لي كانت متنية تعكل و وصال قدامو دغيا حد يديه تحت راسها باش ميتخبطش راسها مع الأرض .. شدها من خصرها باغي يحكمها حتا طاح حتا هو مزدوووح وهي فوق منووو قريبة لييييه بزااااف ..!

بحرج من شنو وقع دورات وجهها لجهة الأخرى و هو دغيا ناض من فوقها نطق غير بسمحي ليا على فمو و خرج بزربة من دارهم مبغاش يزيد يحرجها

اما هي فغير مشا ناضت تكمشات فبلاصتها و حناكها حمارو بالخجل الشديد حتى كلمة مبقات خرجات من فمها و حطات يديها على شفايفها شداتها تبوريشة كتفكر غير فقبلتها الأولى لي تسرقات بهاد الطريقة فهاد المصادفة الغريبة ..حيث يستحيل يكون تعمد يدير هكاك !

نهاية الفلاش باك ✨

حك على شعرو و هاتفو فيدو كيشوف راسو بلي مبلوكيها الحاجة لي دارها فساعة غضب و بداا كيفكر واش يرفع عليها الحظر ولا لا ؟؟ …و لكن كولما تفكر ولد خالتها و الطريقة باس تعاملات معاه حتى فاش بغا يهضر معاها بالعقل و يتناقشو كيحط تليفون من يديه

و حيث غااب النقاش و الحوار بينهم فالوقت المناسب هادشي خلاهم يبعدو على بعضهم ..!

#يتبع..♥️

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 58

متسوقش لكلامها و دخل لدار كيقلب عليها و ينادي باسمها ..!

عصام : خالتي نعيمة

مجاوبو حتى شي واحد حتى كيسمع صوت الهاتف هز راسو بانت ليه وصال شاداه فيديها

وصال : ههههه كتصوني على هذا الغزال؟؟

عصام هنا بقاا كيشوف فيها لمدة بنظرات فشي شكل : كلسي نهضرو بالعقل و نتفاهمو !

وصال : انا وياك معندنا فاش نهضرو

عصام: قلت ليك كلسي

وصال : و قلت ليك معندنا فاش نهضرو

هنا طلعات ليه القردة لسطح بديال المزيان رافضة هو حتى نقاش معاه و من صباح و هي تقمع فيه و سرعان مجبد هاتفو من جيبو كيخربق فيه و وراه ليها ..

عصام : بغيتي غير العكس أنا هو مولاه هادي اخر مرة تشوفي فيها كمارتي وسالينا قبل منبداو حنا كاع ..! تهلاي في راسك

صدمها و دهشرها كفاش عطاتو خاطرو يبلوكيها … علاش هي شنو دارت ؟ شنو دنبها ؟؟ هو لي منو كولشي هي غير رجعات ليه الصرف معارفاش بلي شعلات فيه العافية بتصرفاتها و مكملاها بالعناد ولات بحال شي جماد مكتحركش و غير كتشوف

هو لي كان غادي فحالو مردش لبال لزربية لي كانت متنية تعكل و وصال قدامو دغيا حد يديه تحت راسها باش ميتخبطش راسها مع الأرض .. شدها من خصرها باغي يحكمها حتا طاح حتا هو مزدوووح وهي فوق منووو قريبة لييييه بزااااف ..!

بحرج من شنو وقع دورات وجهها لجهة الأخرى و هو دغيا ناض من فوقها نطق غير بسمحي ليا على فمو و خرج بزربة من دارهم مبغاش يزيد يحرجها

اما هي فغير مشا ناضت تكمشات فبلاصتها و حناكها حمارو بالخجل الشديد حتى كلمة مبقات خرجات من فمها و حطات يديها على شفايفها شداتها تبوريشة كتفكر غير فقبلتها الأولى لي تسرقات بهاد الطريقة فهاد المصادفة الغريبة ..حيث يستحيل يكون تعمد يدير هكاك !

نهاية الفلاش باك ✨

حك على شعرو و هاتفو فيدو كيشوف راسو بلي مبلوكيها الحاجة لي دارها فساعة غضب و بداا كيفكر واش يرفع عليها الحظر ولا لا ؟؟ …و لكن كولما تفكر ولد خالتها و الطريقة باس تعاملات معاه حتى فاش بغا يهضر معاها بالعقل و يتناقشو كيحط تليفون من يديه

و حيث غااب النقاش و الحوار بينهم فالوقت المناسب هادشي خلاهم يبعدو على بعضهم ..!

#يتبع..♥️

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 59

بالرجوع عند سفيان ..!

كانو حواجبو معقودين و كيشوف فمكان واحد بعدما حط هاتفو من يديه و تفكيرو داه لبعيد ….و لكن خاصو يسمعها عاد يحكم بعدا ….. مكاين لاش يدي دنوبها و يتسرع فالحكم باطل و بالخصوص هي كتبان ليه ماشي من داك النوع و مقصد باب دارهم حتى سول عليها و كولشي شكرها ليه بداية من مو يامنة ..

تكلم فأذانها بشوية و هي حسات بقلبها غيخرج من بلاصتو و الخلعة متمكنة منها واخا مدايرة لا بيديها لا برجليها

سفيان : سبقيني انا جاي

هزات هاتفها لي كان حطو ليها فوق الطبلة و تمشات لي غا شافتها غيثة سولاتها بإستغراب

غيثة : فين غاديا ا بنتي ؟

هداية هنا وقفات كتفكر شنو غتقول ليهم و بالخصوص عيقات بدخول و الخروج

هداية : انا غير قدام الباب ا ماما يضربني شوية البرد

غيثة : كلسي حتى تشربي المناضة بعدا راه درناها تبرد نتبردو فيها فهاد الصهد

هداية : غير بصحتكم ما فيا لي يشربها

بعد شوية كان ناض حتى هو من بلاصتو كل لي فالغرفة فهمو البلان و عاقو حيث حتى واحد فيهم مدري صغير كاين لي تبسم عجبو الحال بلي هوما مفاهمين و كاين لي معجبوش الحال و مبينش و فالأخير الكل دار راسو مفاهم حتى حاجة

لقاها واقفة تما و كتمشي و تجي بتوثر معارفاش كي غتكون ردة فعلو

سفيان : علاش مطلعتيش الفوق البرد هنا

هداية : لا سخون الحال نهضرو غير هنا حسن

حرك راسو بتفهم و بدا كلامو مركز معاها وعينيه علييييها ..

سفيان ” حك لحيته بهدوء ” : كنتسنا الشرح ديالك !

بداات هداية كتبلع فريقها معارفاش منين تبدا هضرتها و لكن على الأقل رتاحت شوية منين تصرف معاها هاكا

هداية : داك نهار فاش خرجنا نشريو دهاز سيفطات ليا نمرة معرفتهاش ميساج

سفيان : شنو كان مكتوب ؟

هداية هنا حدرات راسها عاد تكلمات بصوت هادئ : بلي منفرحش مزيان و زواجنا مغاديش يكمل

سفيان : و علاش مقلتيش ليا هادشي ؟

هداية : كان يحساب ليا غير وصال لي كضحك معايا حتى سولتها منبعد قالت ليا ماشي هي بلوكيت ديك النمرة لي معرفتهاش و لكن كل مرة وليت كنلقى نمرة اخرى مسيفطة ليا و شي حد كيقول ليا بلي “دوات بصعوبة ” كيبغيني من الصغر ..

سفيان : مشكيتي فحتى شي واحد

هداية : لا

سفيان حرك راسو فتفهم :يالاه معايا

هداية : فين ؟؟

سفيان : غير يالاه

تحركات معاه شوية حتى وقفو حدا واحد الحانوت

سفيان : شي كارط جديدة عفاك

هداية بقات مخرجة عينيها فيه مصدومة حتى طلب ليها تليفونها و مداتو ليه

حيد ديك لاكارط القديمة و ركب ليها جديدة

سفيان: دباا فكينا المشكل و أي حاجة كانت أ هداية نعرفها الحاجة كيييف ما كانت واخة تافهة علميني بيييها داخلييين على الزواج و العشرة !

مد ليها لكارط القديمة و هاتفها .. شافت فيه شوفة اعجاب زاد كبر فعيونها بهاد التصرف و دغيا ترسمات ابتسامة على محياها على اثرها هزات لكارط القديمة فيديها و هرساتها قدامو رماتها فسلة المهملات لي كانت حدا الحانوت !

ابتاسم هو الآخر على تصرفها و حط يدو على يديها غادي معاها فالطريق و منضرهم من الوراء كيبانو كيوت رجل بضخامتو و هيبتو و جديتو و مرأة بأنوتثها و رقتها و اخلاقها النبيلة ..!

#يتبع_غذا..♥️

محتاجين نقااش كيف جاكم تصرف سفيان و تصرف هداية ! و عصام و وصال واش زعما هادي نهاية علاقتهم ؟..

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 60

اليوم عقد القران .. اليوم غيوليو زوج و زوجة إسمو جنب إسمها هي !

على صوت المنبه فاقت وجهها مشرق و عينيها مبسميييين

دارت روتينها الصباحي كييف العادة رغم التوتر و الخلعة لي شاداها كأي بنت منين كيكونو متوجهييين عند العدول ..

لبسات جلابة في الغوز بب و الشال و صندالة طالون وخاتمها

ريحة الطياب فايحة في الدار مدام أنه عقد القران اليوم اذن الغذاء غيكون في دار السي عبد المجيد مجموووعين كاملين ..

خرجات كانت مها كتحط لفطور و باها جالس على طبلة لفطور تبسموا ليييها بعد ما صبحوا علييييها ..

عبد لمجيد : مزيانة واجدة دابا نييت ابنتي ” ضحك ” الوقت هو الوقت

هداية : ضروري ا بابا

تسمع صوت الكلاكصون نتاع طنوووبيل سفيان ، وقف عبد المجيد لابس جلابة مخزانية في لون الأبيض محلق على العادة وعلاش لا و ليوووم عقد قران بنتو الوحيدة لي رزقهم لله بعد معاناة البنت الأولى و الأخيرة ..

خرجات هداية شادة في باها أما غيثة بقات في الدار مقابلة الطياب

قالت السلام مخطوووفة في سفيان ب إبتسامة وهو كذلك

ركب عبد المجيد قدامه و لور هداية و توجهووو لمكان لي غيعقدو فييييه ..

عبد المجيد : كيييف قلتي ليا اولدي نتاع لعدول و بغيتي تمشي عند عدووول أخر ياك أولدي ..

سفيان ” بثقالة ” : أييييه واحد السيد عندي عزيز حتا هو عدوول و كان ديما كيقول ليييا أنا لي نعقد لييييك منين تبغي تزوج وحتا منين ساق لخبار حلف حتا هو يكتب لعقد

عبد المجيد : أحسن

طول الطريق وهي جالسة و كتسمع لحوار بين سفيان و السي عبد المجيد حتا وصلو ونزلو طالعين مع دروج لمكتب عدوول أخر ..

شادة في الاب ديالها من جديد و قدامهم سفيان غادي ب سروال جينيز و قميجة في الأسود الساعة في يدييييه كتبان و النظاظر د الشمش على عينييييه !

ديجا كانو شادين الموعد لذلك لقاو العدول السي عبد الرحيم في إنتضارهم بوجهو البشوووش و الضحكة باينة على وجههو و الفرحة مقداهااا

عبد الرحيم : مرحبا بيييكم نهار كبير هذا

جلسات هداية و سفيان اونفاص معاها انا باها بقا واقف تحت الرغبة ديالو ..

سفيان ” حنحن ” : لله يكبر بييييك السي عبد الرحيم

عبد الرحيم : نبداو ..

سفيان : على بركة لله

عبد الرحيم : اليوم نهار كبير عندي وعلاش لا سفيان بحال ولدي و واحد من ولادي وصل الوقت لي حتا هو غنشوفو بدارو و وليداتو نتمنا لييييكم حياة سعيدة و الذرية الصالحة ” حنحن ” هداية بنت عبد المجيد الطالبي توصلتي بصداقك أبنتي ؟

قبل متنطق هداية جبد سفيان جوااا و مدووو لييييها وعينيه مبسميييين

سفيان : هاهوا صداقها تفضل أسي عبد المجيد

عبد الرحيم : أما بعد سفيان ابن عبد الرحمان بن موسى قابل الزواج بلالة هداية الطالبي ؟

سفيان ” بهدوء ” : قابل

عبد الرحيم : هداية الطالبي قابلة الزواج بسفيان بن موسى على سنة الله و رسووووله و تصبرو على بعضكم في الحلوة و المرة

صرطات ريقها بتوثر و أفكار تدور في راسها صافي غتزوج غدخل في مسؤولية الزواج و الراجل و الأولاد مستقبلا ..

طال صمتها بعض ثواني حتى حنحن سفيان عاد قالت ..

هداية : قابلة

سنياو على عقد القران ديالهم و أصبح زوج و زوجة على سنة لله و رسووووله !

خرجو عبد المجيد و عبد الرحييييم عارفين و فاهمين ولاد الوقت ..

قرب لعندها سفييييان جر الكرسي لحداهاا و جلس شد يديييها بييين يديييه

وقرب قبل جبيييينها و ببحة رجولية خافتة قال ..

سفيان : وليتي مراتي حلالي غنتشاركو المرة و الحلوة و غنشاركو الدم حتا هو ! لله يرضي علييييك

” عاود قبل جبييييينها مرة أخرة بحب ” وهو كيشووووف فييييها مطوووول !

#يتبع..♥️

————-

اراءكم و توقعاتكم كييييف العادة ..!

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 61

خرجو بجووج و الضحكة باينة على وجهها من كلامه ..

لقاو عبد المجيد و عبد الرحيم مشاو مع بعضهم تصاحبووو مع بعضهم دغيااا و عرض علييييه عبد المجيد لغداء ..

ركبات جنبو في الطنوبيل بعد ما حط وثائق د الزواج ديالهم قدامووو ..

سفيان : نمشيووو لدار ولا شي كااافي ؟

هداية : لدار أحسن غيبقاو يقولو هادو فييين مشاو

سفيان ” خنزر ” : مصاحبييين ؟ لا ياك الحلال و درناه مشغلش البشار فيييينا !

هداية : و أنا كنحشم ” بتلعثم ” يبقاو يقولو ليا فييين مشيتووو بجوووجكم

سفيان : قولي ليييهم ما شغلكمش كنت مع راجلي صعيبة علييييك ؟

تزنكات و التزنيكة بانت لييييها على وجها حتا سكتات قالبة وجهها لمراية تتشوف و شادة الضحكة و البكية في نفس الوقت كلشي تخلط علييييها ..

وقفات الطنوووبيل قدام الشاريييع مبلاصية أونفاص مع محل لبيييع الملابس الرجالية ..

سفيان : نزلي ختاري معايا شي حوايج

حركات لييييه راسها و نزلات و هو كذلك غادة جنبو حتا دخلو لمحل !

هداية : شنو بغيتي تاخد ؟

سفيان : شوميز ليلة الحناء و جلابة و كوستييييم مزال مخديييت والو

غادة قدامه تتشوف بحماس حاسة بشعور فشكل معرفاتش طرجمه ..

حتا حطات على قاميجة في لون الرمادي و الأخرى في الأزرق بارد

هداية : شوف هاد الألوااان واش يعجبوووك ؟

هزهم من عندها بصمت نيشان دخل لبلاصة فييين كيقيسووو

المحل كان كبيييير كل ما يخص الرجال ..! كل جهة و أش فييييها جهة خاصة ب الملابس التقليدية و الأخرى الكلاص و الأخرى العصرية متنوووعة

خرج لعندها كيحك في شعرو مع هو عامر و مفورمي القاميجة جاتو كتحمق ومع فصالتو ومع عمريتو نييييت ..

شافت فييييه ب إعجاب واضح على ملامحها حتا قربات لييييه بعفوية غادة تقاد ليييه لكووول

وكتعلي برجلييييها مع طووويل عليييها وهي قصيرة ..

تبسم بمكر وهو كيشوف هنا و لهيه المحل خاوي و البلاصة لي فيهم هوووما مكاينينش الكاميرات

مع تعلات تقاد لييييه لكووووول شدها من خصرها مزيييير عليييها من جنبها ..

وخطف بوسة خفيييفة من شفايفها ..!

أول قبلة في حياتها .. أول رجل يلمس شفايفها كانت من نصيبه هووو راجلها و رفيق دربها ..

التزنيكة طلعات معاها و الحشمة كذلك معرفات أش ديييير من غير قلبات وجهها و مشات كتشوووف لييييه الجلابة مبعدة علييييه و يدييييها كيترعدو

كتحشم منوو قليل فاش كتزعم عليييه ولكن دابا صافي ولا حلالها مكاين علاش تحشم ..

تبثات راسها و دارت بحال ما وقع والو و قربات عندوو ب إبتسامة

هداية : دوك جوج قاميجات غتاخدهم بجوووج ؟

سفيان : وي

هداية : أجي شوف هاد الجلابة غزالة في هاد لووون

ختارت معاه و عطاتو من ذوقها و حتا هو لحاجة لي ختارتها ليييه كتعجبووو ..

داخلييين على الحي فين ساكنين من بعد ما خدا لي خاصو

وقفو بجوووج جنب بعضهم بعد ما صووناو حتا تسمعو الزغاريييت والصلاة على النبي فرحانين بييييهم ..!

#يتبع..♥️

___________

أراءكم و توقعاتكم كيييف العادة ..!

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 62

في بييييتها كتبدل حوايجها لبسات قميص جوهرة في الأبيض مسحات لمكياج ديال الصباح و دارت واحد خفيف بسيط ..

تبسمات مع راسهاا و بداو أحداث د الصباح كيدوزو بين عينيييييها وحدة بوحدة

حطات يديها على شفايفها و ضحكات بخجل رغم أنه مدة قليلة باش عرفاته و عرفها إلا أنه بتصرفاااته و بسلاته لي تتبان مرة مرة بدات كتكون لييييه مشاعر بعيدة عن الإعجاب ..

تسمع الدقان و ناضت بالشوية فتحات لباب كانت وصال مبسمة معاها مقاداها فرحة ..

وصال : صاحبتي تزوووووجات و حتا هي أتبقا تقوووول لينا راجلي حبيبي ..

هداية ” ضحكات ” : ويلي بالشوووية أ صاحبتي

باركت لييييها وصال فرحانة معاها و مشاركة معاها نهارها ..!

حتا وصل وقت الغداء ، خرجات عندهم هداية سلمات على يامنة و منال فرحانين أكثر زوجوو ولدهم بالبنت لي بغاوها و تمناوها لولدهم ..

نعيمة جالسة في الكوزينة مع عندهم كبيييرة نيييت مكلفة بالطياب د لغداء حتا دخلات عليييها وصال

وصال : ماما حطي ليا شوية في طبسيل مبغيتش ناكل مع الجماعة في الصالون

نعيمة : سيري جلسي في الصالون الصغير لي بعيد على الصالون و البييييوت راه تما جالس عصام نيييت نحط ليييه يمشي لخدمتو ، مزال مغنحطو الغداء

وصال : واخا اماما غييير منين تغرفي عيطي ليا نجي ناخد الطبسيل

لقاتها من الجنة و الناس من شحال هادي وهي باغة تدوي معاه مبلووكيها و محيدش لبلوك هاد المدة كاملة ..!

هي فعلا زادت فيييه و تبرهشات و مكانتش خاصها دير داك الشي وهو كان ضاحك معاها فقط

غطلب منو السماحة حيييت هي لي غالطة و ردان لهضرة ممكن يكون تقلق منهاا بالجهد ..!

قادات راسها وتوجهات بهدوء .. لقات سفيان نيييت خارج من داك الصالون توثرات ومعرفات أش دير حتا وقفات عليييه و تبسمات

وصال : خويا سفيان بارك لله لكما و جمع بينكما في خير لله يرزقكم الذرية الصالحة ..

سفيان : للهم أمين أختي شكرا ..

تبسم لييها وهي زادت دخلات الصالون كلن جالس شاد التلفووون و متكي على الوسادة

طولات فييه الشوووفة ونطقات بصوت خافت مسموع ..

وصال : عصام

معلاش راااسو نهائيا ولا شاف ناحيتها واخا سمع صوتها و عرفها هي ..

شداتها البكييية على شوووية يبداو دموووعها ينزلوو

وصال : وا عصام علاش كدير هاكا ” قربات لعنده جلسات حداه و خطفات لييييه التلفون ” : شوووف فييييا دوي معايا حشووومة علييييك

شاف فييييها ببرود وجهو خالي من أي تعبييييير ..

عصام : أري التلفون لهنا ممساليش لتبرهيشك أختي

#يتبع..♥️

________

أراءكم و توقعاتكم كيف العادة .!

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 62

في بييييتها كتبدل حوايجها لبسات قميص جوهرة في الأبيض مسحات لمكياج ديال الصباح و دارت واحد خفيف بسيط ..

تبسمات مع راسهاا و بداو أحداث د الصباح كيدوزو بين عينيييييها وحدة بوحدة

حطات يديها على شفايفها و ضحكات بخجل رغم أنه مدة قليلة باش عرفاته و عرفها إلا أنه بتصرفاااته و بسلاته لي تتبان مرة مرة بدات كتكون لييييه مشاعر بعيدة عن الإعجاب ..

تسمع الدقان و ناضت بالشوية فتحات لباب كانت وصال مبسمة معاها مقاداها فرحة ..

وصال : صاحبتي تزوووووجات و حتا هي أتبقا تقوووول لينا راجلي حبيبي ..

هداية ” ضحكات ” : ويلي بالشوووية أ صاحبتي

باركت لييييها وصال فرحانة معاها و مشاركة معاها نهارها ..!

حتا وصل وقت الغداء ، خرجات عندهم هداية سلمات على يامنة و منال فرحانين أكثر زوجوو ولدهم بالبنت لي بغاوها و تمناوها لولدهم ..

نعيمة جالسة في الكوزينة مع عندهم كبيييرة نيييت مكلفة بالطياب د لغداء حتا دخلات عليييها وصال

وصال : ماما حطي ليا شوية في طبسيل مبغيتش ناكل مع الجماعة في الصالون

نعيمة : سيري جلسي في الصالون الصغير لي بعيد على الصالون و البييييوت راه تما جالس عصام نيييت نحط ليييه يمشي لخدمتو ، مزال مغنحطو الغداء

وصال : واخا اماما غييير منين تغرفي عيطي ليا نجي ناخد الطبسيل

لقاتها من الجنة و الناس من شحال هادي وهي باغة تدوي معاه مبلووكيها و محيدش لبلوك هاد المدة كاملة ..!

هي فعلا زادت فيييه و تبرهشات و مكانتش خاصها دير داك الشي وهو كان ضاحك معاها فقط

غطلب منو السماحة حيييت هي لي غالطة و ردان لهضرة ممكن يكون تقلق منهاا بالجهد ..!

قادات راسها وتوجهات بهدوء .. لقات سفيان نيييت خارج من داك الصالون توثرات ومعرفات أش دير حتا وقفات عليييه و تبسمات

وصال : خويا سفيان بارك لله لكما و جمع بينكما في خير لله يرزقكم الذرية الصالحة ..

سفيان : للهم أمين أختي شكرا ..

تبسم لييها وهي زادت دخلات الصالون كلن جالس شاد التلفووون و متكي على الوسادة

طولات فييه الشوووفة ونطقات بصوت خافت مسموع ..

وصال : عصام

معلاش راااسو نهائيا ولا شاف ناحيتها واخا سمع صوتها و عرفها هي ..

شداتها البكييية على شوووية يبداو دموووعها ينزلوو

وصال : وا عصام علاش كدير هاكا ” قربات لعنده جلسات حداه و خطفات لييييه التلفون ” : شوووف فييييا دوي معايا حشووومة علييييك

شاف فييييها ببرود وجهو خالي من أي تعبييييير ..

عصام : أري التلفون لهنا ممساليش لتبرهيشك أختي

#يتبع..♥️

________

أراءكم و توقعاتكم كيف العادة .!

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 63

شهقات بصدمة من تصرفه البارد و هادشي لي قال لييييها

شافت فيييه شوووفة مطووولة و بنبرة مغنغنة قالت ..

وصال : عصام مديرش ليا بحال هاكا عارفة راسي غالطة و مدرت فيييها ما يصلاح ” عبسات ملامحها ” نتا مول لعقل تدي على وحدة بوهالية بحالي ؟

مردش علييييها وقلب وجهو مكيشوفش فيييها گاع ..

وصال : غتبقا قالب عليييا وجهك بحال المرأة غضبانة غي دار باها أويلي

عصام : دابا شنو بغيتي من لخر ؟

وصال : تسمح ليييا

عصام : صافي المسامح كريييم

وصال : مخرجاش من قلبك أ عصام

عصام ” تنهد ” : فيييك شي فعايل أ وصال بزاف وقلتها لييييك بغيتي تردي صرف ماشي بداك الطريقة و داك التبرهيش

تكات جنببه ميلة راسها على كتفه

وصال : وصافي حتا نتا مالك منعاودش ندير كاع هاد لفعايل

عصام : ونوووضي جيبي ليا نتغدا نمشي نخدم على ولادي راه مشا لحال

وصال : حتا تعيط ليا ماما نجي ناخد الطبسيل

تسمع طرن صوووت مساج .. هزات التلفون حتا تصدمات صدمة ثلاثية الأبعاد مساج فييه سميت قلب و حداه قلب إذن حبيبيتو ؟ مثلا

وصال ” بإنفعال ” : شكووون هادي لي مسيفطة لييييك حبيبي واش تغديتي ولا مزال شهادشي لي كنشوووف أ عصاااام أنا درت غير تمثيلة مع ولد خالتي قطعتي لهضرة و بلوكيتيني و سمعتيني خل وذني فالخر نتا عندك البديل

عصام : شكاتخوري مسالي قبي أنا باش نتصاحب و نتزلل

هزات التلفون دياله مطرطقة فييييه عينيها و شافت فيييه بحدة

وصال : وهادي شكووون ؟

عصام : ختي هاديك مالك مزووبة وكتفهمي غا من راسك و لقلب هي لي قيدات سميتها هاكاك

تنهدات على إنفعالاتها ولكن الغيرة دارتها و عرفات كيييفاش تبهدل بييييها

عصام ” بغمزة ” : نتي لي كاينة و حتا وحدة ما تجي في بلاصتك ولكن لله يرضي عليييك حيدي عليك التبرهيش وداك التخربيق الخاوي معجباتكش شي حاجة أجي عندي نيشان ناقشوووها و نفتحووها مكاين لاش الغوااات و الصداع

وصال : واخا

فاهمين بعضياتهم و فاهمين تصرفات بعضياتهم كذلك و حد مباغي يعتارف بمشاعر لأخر لنفسه ..

خرجات جابت الطبسيل د الغداء عرفات ليهم نعيمة طبسيل فيه دجاجة و الدغميرة ديالو

حاطين التلفووون أونفاص معاهم و كيوريها صور أخته و ولدها و كيعرفها على عائلته واحد بواحد و صوت ضحكاتهم و قهقهاتهم مالين المكان ..!

#يتبع..♥️

__________
كيف كيجيكم كووووبل عصام و وصال ؟

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 64

تغداو مع بعضهم فرحانين بيييهم و مقاداهم فرحة ..

جلسو مع بعضهم كاملين الرجال في صالون الصغير و العيالات في الصالون الكبييير عاطينها لضحك مع بعضهم و شادين في هداية

دخلات عندها رحاب وجلسات على حجر هداية وقربات لعندها و نطقات في وذنيييها ..

رحاب : خالتو هداية قال ليك خالو أجي عندو بغا يتكا راه كيتسناك حدا باب بيييتك

حنحنات هداية و قربات همسات ل غيثة

هداية : ماما غنمشي نشوف سفيان بغا يتكا هانية ندخلو ل بيتي ؟

غيثة : ما عليش أبنتي ولكن مطوليش معاه دخليييه وخرجي ” غمزاتها ”

بحكم حلفو السي عبد المجيد و غيثة حلفو عليهم لا خرجو من عندهم دابا وهو شداتو الشقيقة و الدوخة و الشمس د الصباح ..!

وقفات قادات القميص ديالها و توجهات لبيييتها .. حمدات لله خلاتو مجموووع و كل حاجة مقادة في بلاصتها

لقاتو واقف جنب الباب حاط يدييه على راسو واليد الأخرى في جيبو

هداية : ها أنا جيت ..

فتحات ليييه الباب ودخلات وهو وراها سد لباب وشاف فيييها

سفيان : راسي عاطيني الحريق بالجهد شي كينة د الراس لله يحفظك

هداية : واخا

خرجات سادة الباب وراها و مشات لكوزينة هزات كينة د الراس من الثلاجة دارتها ذوب في الكاس و خرجات غادة في إتجاه البيييت

الحرارة و الصيف و البيت مزمووت محس براسو غا محيد التيشورط بقا بسوفيطمة د الصماطي

وتجبد على ناموسيتها لي كانت من جوووج بلايص بعد ما حيد صباطه

مدات ليييه الكاس و شدو من عندها كيشرب فييييه وحطو على الكوافوز لي جنبو بقات تشوووف فيييها ونطقات بهدوء

هداية : نمسد ليييك نواضرك غيكونو كيضروك

حرك ليييها راسه فقط ، هزات واحد الزيت عندها

وجلسات حداه وبدات كتمسد ليييه نواضره بكل حنييية

أما هو واحد الراحة حس بييييها حمد لله عليييها و خصوصا منين طلقات لاكليييم حيييت عندها في البيييت و بعيدة على الناموووسية

مدة وهي كتماااسي ليييه وهو مغمض عينييييه و هي كتشوووف فيييه و تحقق في ملامحه عن حرق رجل شرقي ب إمتياز !

محسات غير بيديييها لي تجرات و باسها في راحة يدييييها وقال

سفيان ” بصوت مبحوووح ” : لله يرضي علييييك الحنان ولمن عطاه ربي

#يتبع_غدا♥️

—————

البنات اشهاراتكم للقصة و الاراء بكثرة عفاكم حمسووونا شوووية !

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 65

تغزلو بيها بهاد الشكل و كلمة ليرضي عليك من فمو شي حاجة خلات الفرحة تسلل لحياتها حسات بحالا الدنيا كاملة فصفها ….بحالا كولشي فرحان …..كولشي كيحس بالتفس الشعور لي كتحسو …واش زعما الزواج زوين حتى لهاد الدرجة ؟واش هادشي لي ولات كتحس بيه تجاه هاد الشخص هو الحب لي كانت كتسمع عليه ؟؟

لخدودها فقط حكايتهم الخاصة طول المدة لي تعرفات عليه ….ابتاسم و هو كيشوف فيها و يحقق فملامحها محسات بيه غير محيد فولارها من فوق راسها حتى كيبان قدامو شعرها لأول مرة كان عندو فضول يحرفو كيف داير و ما إن شافو حتى طاح غريق فسوادو و لمعانو حيد المقبض منو حتى نزل على ضهرها الشعر لي مكانش طويل بزااف كيفما مكانش قصير بزااف

و هنا بتاسم و هو كيرضي فضولو اتجاهها و نطق بصوتو الرجولي : شعرك زوين ا هداية

بتاسمات بخجل و فنفس الوقت متلبكة و الكلمات كيهربو ليها رافضين الخروج من شدة خجلها واخا هي عارفة بلي مخصهاش تحشم منو و دبا هو راجلها يعني عادي يشوف شعرها

دورات عيونها لجنب و نطقات بصعوبة : غير … حيث مصايباه

سفيان : بصح ؟ إذن خاصني نشوفو حتى و هو ممصايبش

توسعات حلقة عيونها من كلامو و بدات كتلشبك فصباعها بعدم راحة واحد الشعور فشكل بحال بركتي على زر الانذار فقلبها باش يخفق ليه هو و ينطق بسميتو فقط

حط يده على شعرها معاملها بحال شي طفلة محتاجة لدلال و بدا كيحرك فصبعانو فشعرها و بتاسم ليها
ابتسامة خلاتها غير ساهية فيه و فجنب عيونو لي تكونو تجاعيد رقيقة زادتو جادبية

رجعات خطوة للوراء و دغيا حطات زيفها على شعرها غتهرب من بركان قلبها الخامد لي نشط فجأة معلن على تمرد مشاعرها و احاسيسها

هداية: خاصني نمشي

هربات من قدامو بلاما تسنى جواب و هو كيشوف بمشيتها المزروبة الحاجة لي خلات قفطانها يعكلها مرارا و تكرارا

حك على مؤخرة رأسو و نطق و عيونو كيلمعو ببريق خاص الضاهر حتى هو كيعاني من لعنة الحب و بدا كيتعلق بزوجتو الخجولة لي اكثر حاجة كتعجبو فيها هي خجلها على الرغم من انه كيشوف شي مرات بلي مخصش يكون الخجل بينهم حيث بغا يكتاشف طبيعتها و جوهرها و لكن عارف مزيان بلي خاصها الوقت باش تعود على وجودو فحياتها

سفيان : غتولفي ا هداية

…….# يتبع

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 66

جوايه المغرب كان سفيان مشا لدارو ديك الساعة بقاو غير العيالات مجموعين

لبسات هداية قفطان بالأخضر سامبل مع زيف بالذهبي خاص بالمناسبات و البنات كل وحدة شنو لابسة و هنا تطلقات الموسيقى فالدار بحكم يوم مميز بغاو يفرح فيه كوولشي و هنا بداا النقش هداية كتنقش و البنات كيصليو على رسول الله فأجواء مكتخلوش من الضحك و البنات شادين الصف باش غير تسالي هداية يحنيو حتى هوما و الفرحة مالية قلوب الكل و هاكا دازت ليلة الحناء عند هداية لي من موراها دارو صداقة بليل تعرض ليها الصغير و الكبير من الرجال اما النساء كانو معروضين للغدا الغد ليه ….

بقا يوم كيفصل بينها و بين حياتها جديدة فمنزل جديد و مع الشخص لي ولا نصفها الثاني

الغداء تجمعو فيه كاع العيالات و الجيران كيما معروف على عائلة سي عبد المجيد الجود و الكرم مخلاو معطو ليهم و كبرو بناسهم مزيان …… صوت الطعارج و البنذير مالي المكاان و العيالات مجموعين فالصالون الكبير محيدين الطبالي و محزمين الطرامي و كل وحدة باش مكلفة لي كتعرف تشطح كدخل الوسط و لي عندها مع طعريجة تشدها فيديها ….. ها لي شادة الصينية و الكيسان …و ها لي شادة البندير …قالو لأميمة باعزية متعرفيش فشطيح و هو فرحانين ببنتهم لي كبرات قدام عيونهم واخا غير جيرانها و لكن عزيزة عندهم

قرابة اذان العشاء تسمع الكلاكصون د السيارة معلنة على رجوع العروسة من الكوافورة الدراري الصغار كيتجاراو و دارو على الطنوبيل كيحاولو يلمحو طيف العروس لي وجهها مغطي بالشبكة مغطياها و هنا كولشي نزل من الدار و بدا التزغريت

حطات بلغتها الرمادية التقليدية فالأرض و النقش مزين رجليها من الجوانب عاد خرجات من السيارة و لي شافها كيشهد على جمال هاد العروس لي الأبيض زادها نور فنور و وصال نزلات حتى هي من السيارة شادة مرافقاها و الملح فيدها كترش بيه حيث المعروف فالعراسات المغربية كتكون العين و الحسد دخلات لصالون و الكل مجموع عليها كيصورو و يتصورو معاها و هنا علمات هداية سفيان بلي مستعدة باش يجي و بعد قليل تسمع الكلاكصون د السيارات مرة أخرى و هاد المرة بكثرة باش يوصلو حتى عائلتها فدار سفيان كانت الصدقة و قدوم هداية فنفس الوقت

وقف مع دخولو لعندها و هو موسع عيونو و كأنها تعويذة مخلياه كل يوم يشوفها احسن من لي قبلو غوب بيضاء بانت بحال الأميرة فوسطها و النقش فيديها عاطيها نظرة خاصة مقادرش يب عيونو عليها قرب لعندها كثر و غيثة لي كانت حداها بتاسمات ليه

غيثة : حيد ليها الشبكة اولدي

تقدم لعندها بكوستيمو الرمادي و شعرو لي مطلعو لفوق زايدو وسامة على وسامة و كيما كيقولو حنا لي كنجيو مع الحوايج ماشي هوما لي كيجيو معانا هاد المثل كينطابق على سفيان لي فرمتو بينات الكوستيم لي لابس كان فرجليه حداء أسود لامع و فيديه لي مدها لهداية ساعة مزيج بين الرمادي و الذهبي حطات يديها الرطبة الصغيرة فوق يديه الضخمة و وقفها و هو كيشوف فيها لمدة و وصال كتضرب فبنت خالتها بكف يديها

وصال : سربي سربي سربي شدي هادلقطة عنداك تفلت ليك صوري صوري

باطراف اصابعو كان مطلع الشبكة من على وجهها كيحقق فييه عاد قرب ليها كثر الحاجة لي خلات الكل متبع حركتو و هو كيقبل جبينها لثاني مرة و نطق قرب ودنها

سفيان: مكنضنش غتكون فالعالم شي عروسة حسن منك ….جيتي زوينة بزااف

تسمع صووت الصلاة والسلام و تبعوه الزغاريت كل وحدة كتزغرت تلاثة تزغريتات و هنا بدااو منزلينها فالدروج و هي عيونها بدااو كيعمرو بالدموع و كتحاول تحكم فراسها غتوحش دارهم بزااف صعيب تبدلي المكان لي مولفة كيما الأشخاص ايضا

…….# يتبع

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 67

المكان لي طفولتها كاملة دوزاتها فيه و قنات منزلهم لي كل قنت عندو دكرى خاص فقلبها اليوم ها هي كتغادرو بثوب زفافها و الرجل لي غتكمل معاه حياتها بجنبها

زير على يديها كثر بحالا حس بيها و بشنو كتفكر حتى شاف فيها شوفة بحالا كيقول ليها بيها “انا معاك ” الحاجة لي خلاتها رتاحت شوية بحركتو هادي و تقدمات و الجيران دايرين بيها و عائلتها حتى هي بداو كيسلمو عليها كيودعوها و محساتش بعيونها انتا خانوها و خرجو دموعها و هي كتعنق فأعز الناس على قلبها

شوفة دموعها شي حاجة خلات قلبو يضيق عليه مباغيهاش تبكي و لكن معندو ميدير فالأخير كتبقى أنثى و عادي تكون عاطفية فهاد المواقف كان باها حتى هو واقف بشهامة وصلات لعندو و بقات كتأمل فوجهو و هو أيضا كيشوف فيه كيحاول ميبينش ليها شحال صعيب عليه يبعد عليها تحنات قبلات يدو و دموعها كينزلو فوقهم اتوحشت باها بزااف محساتش بيه انتا جرها عندو معنقها هو الآخر عمارت داارو و بنتو المرضية لي معمرو سمع عليها شي شكوى ولا تبرية الآن ولات عروسة من الآن بدا كيتخيل البيت كيف غيكون بلا بيها مشاعرو هو الآخر كانو عكس الصرامة لي كتبان فوجهو و هو كيطبطب على بنتو

عبد المجيد : و صافي ا بنتي هانتي غير فهاد المدينة نيت مغتمشي فين فينما توحشتينا اجي عندنا

سفيان: راه عارف الحاج هداية كيفما ولات مراتي كتبقى بنتك تجي عندكم الوقت لي بغات و حتى نتوما مرحبا بيكم عندها فأي وقت هادشي بلاما نقولوه

حرك ليه عبد المجيد راسو : يالاه طلعي ا بنتي خاصك دبا تمشي لدار راجلك

دارت عند مها هي الوحيدة لي مسلماتش عليها واخا قلبات عليها فالأرجاء ملقاتهاش معارفاش بلي هربات من هاد لحظة لي كبدتها اتغادر منزلهم مبغاتش تشوفها و هي كتمشي و هنا دارت عند سفيان

هداية: ماما

حط يدو على كتفها : راه غتلاقاي معاها تما فالصدقة شفتها ركبات فطنوبيل عصام

حركات راسها بالإيجاب و دخلات لسيارة كان مزال مجاش شيفور و الزاج فيمي مكيبينش شهقاتها محبسوش و هو الأمر ضرو فخاطرو و جرها لعندو ضامها لصدرو

سفيان : متبكيش

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 68

حسات بالأمان فحضنو و شهقاتها غير ما زادو رتافعو لي بدات كتحاول تحبسهم و هو كيدوز يديه على ضهرها

سفيان: شووووووت

بعدها عليه شاد وجهها لعندو : شوفي فيا

و دوا بمزاح : اووه شفتي هانتي خصرتي الماكياج

ضحكات على كلامو فوسط من حزنها و هو جبد ميشوار من جيبو كيمسح ليها دموعها

و هنا كان دخل شيفور لي لقا سلامو و بدا فسياقتو و سفيان شاد فيد هداية بيديه و مرة مرة كيتلمس رطوبتها

و الآن ها هي قدام منزل جديد تعرضو ليهم حتى جيران يامنة بالشطيح و منال هازة فيديها رحاب و كتغني معاهم و راجلها حاضيها من بعيد و كيضحك

كانو اجوااء زوينة بزااف و استقبلو عروستهم احسن استقبال حتى دخلات لصالون و ناس بداو كيتصورو معاها بانت ليها وصال لي كانت بقفطان د جوهرة بالغوز بارد و محيدا الزيف طالقة شعرها لي واصل ليها لخصرها و دايرة مكياج زوين غمزاتها هداية و هي تجي لحداها

هداية : وصال فيا العطش

حركات ليها الراس بالإيجاب يالاه وصلات للكوزينة كانت غتغوت بالخلعة معرفاتش منين خرج ليها حتى حط يدو على فمها و هو كيشوف فيها شوفات فشكل

بعد عليها و هي حطات يديها على قلبها

وصال : اووف خلعتيني و سخفتيني اشبغيتي عندي

بقا بنفس النظرات و عينيها متزحزحوش عليها

عصام: تسيفتي المدام

وصال حطات يديها على خصرها : و مالي كي بنت ليك

عصام : بنتي ليا مزوقة كي طعريجة فين الزيف ؟؟

وصال هنا ضحكات و دارت يديها على شعرها مرجعاه للوراء : و مالك كاتب عليا حتى كتسولني ؟؟

عصام هنا ضحك على كلامها كلاشاتو نيت : هههه واخا ا لالة ندوزوها هاد المرة

وصال : ههههه اوا بسيف عليك دوزها دبا مبقا متقول

عصام هنا حط يدو على الحيط مكاليها خلاها توسع عيونها : زعما حتى حنا منفرحوش براسنا خلاص

هنا بداات غا كتفتف و دفعاتو بيديها بشوية من جهة صدرو

وصال : بعد مني اويلي !!

نسات حتى لشنو كانت داخلة لكوزينة دغيا هربات خلاها كتفتف و هو كيضحك عليها

عصام : ههههه فيك غا الفم اودي ا وصال غا كتوصلي لمعقول زعامتك كتقادا

مبان ليها غا دروج د السطح لي خاوي غير وقفات فيه حطات يديها على قلبها لي حسات بيه ايخرج

وصال : الحرامي لاخر بغيت ليه ….بغيت ليه … بغيت ليه

مقدااتش حتى تدعي عليه و حطات يديها على شعرها

وصال : اوووف

……..# يتبع

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 69

بعدما شبعو الناس تصاور و شطيح و بعد قرائة الفقهة لما تيسر من القرآن الكريم و دعائهم مع الازواج تحط العشا لناس و تحط حتى لهداية مع سفيان غير بزوجهم و هنا بدااو الناس كيخفافو شي كيمشي لدارو و شي باقي مجمع و عاطيها لتقشاب و هنا سفيان شاف لعند هداية

سفيان : يالاه نمشيو لبيت …..ترتاحي شوية نيت اتكوني عييتي

حركات راسها بالإيجاب و هنا بدات كتطلع معاها الصهدة الحاجة لي خلاتها تسرط ريقها الخوف ديال كاع الفتيات كيكون فهاد لحظة و فهاد اليوم الأول لي كيكون مجهول بالنسبة ليهم بسبب شنو كيسمعو عليه كل وحدة شنو كيكون مصيرها فيه الحاجة لي كتخلق التخوف فدواتهم ….. هاد التخوف لي كيكون ملاحق كل عروس و كل فتاة عازبة

تحركات معاه هداية و طلعو لدار الفوقانية لي فيها بيتو لي ديجا شايفاها لقات باليزتها تما لي كانت طلعاتها ليها وصال

سفيان : دخلي دوشي الى بغيتي

حركات راسها بالإيجاب و بدات كتحيد اكسيسواراتها من حلقات و تاج و شبكة حتى وصلات لكسوتها و حشمات بالخصوص هو كيشوف فيها واخا لابسة من تحت الكسوة و ليني حشمات يالاه بغات تدخل لدوش محساتش بيه غير شادها بيديه من كرشها محبسها عاد بدا كيفتح ليها فالسنسلة د الكسوى و هي حشمانة منزلها ليها و ضهرها بدا كيتكشف قدامو حسات بالقشعريرة فداتها من حركتو و نطقات و هي منزلة راسها بعدما بعد عليها شوية

هداية : شكرا

سفيان: مكاين لاش تحشمي مني ا هداية انا دبا راجلك

……..# يتبع

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 70

حركات راسها بالإيجاب و دخلات لدوش مدخلة معاها فاليزتها لدوش و كتحس بالفراشات كيلعبو فكرشها شي شعور فشكل مصاحب لخوفها دوشات لقات تماك مختلف البرودويات الخاصين بالنساء و لكن هي كانت جايبة معاها البرودويات ديالها كتفضل متستعملش حاليا اي نوع مكتعرفوش ….بعدما سالات توضات و نشفات راسها و دهنات بالكريمات المرطبة باش يبقى جسمها رطب عاد هنا بقات كتشوف فملابسها و حايرة شنو تلبس الآن

فالأخير هزات تخوا بياس حريرين بالأبيض سوفيطمة و سروالها عاد البينوار من الفوق لي فيديه داخل الطرز بالذهبي مشطات شعرها لي مغصلاتوش فاش دوشات شفنجة لفوق عاد خرجات بعدما نظفات الدوش وسعات عيونها و هي كتشوف فيه كان حتى هو يالاه خرج من الدوش لاخر لابس غير شورط فرمادي و عضلاتو كيبانو و فوطة فشعرو كينشف بيها سرطات ريقها و عيونها ساهيين فيه و سرعان متداركات الوضع

هداية : بصحة

سفيان طلع عيونو فيها و فلباسها : بصحتك حتى نتي

” مكانتش هداية ابدا من داك النوع السائد فالمجتمع لي كيعتاقدو بلي فليلة الدخلة خاصهم ضروري يلبسو شوميز دونوي قصير باش يثيرو انتباه الزوج …حيث فمعتقدها هي ليشوميز دارو للأشخاص لي مطولين فزواجهم و بدات كتبرد العلاقة بينهم و الزوج فالبداية مغيحتاجش لحاجة بحال هادي باش يتأثيرا حيث مدام بغا يتزوج الى و عندو رغبات حتى هو …..واخا ماشي بوحدهم علاش داير زواج انما كيبقى سبب من الأسباب …..و كيبقاو الأراء كيختالفو ”

لبس فوقية بالكرونة حتى هو جاتو كتحمق و شد فيديها قبلهم بحنية

سفيان: منين شفتك اول مرة و لاحظت قربك من رحاب و كفاش كتعاملي معاها من تماك تمنيتك أم لولادي و شفتك فيك بنت الناس لي غنكمل معاها حياتي و تخيلتك مورايا و انا كنصلي بيك قصدت لحلال و ربي مخيبنيش مستعدة ا هداية نبداو حياتنا بالصلاة و نشكرو الله لي جمع بيناتنا

حركات راسها بالإيجاب و هي كتأمل فكلامو الرزين و الموزون رجل جدي بمعنى الكلمة و كيعرف كفاش يتعامل مع انثى فحالها شنو غتبغي كثر من هادشي ؟؟

هز زيفها لي كان فوق الكرسي و لواه على شعرها مغطيه بيه عاد توجهو للقبلة و بدا صلاتو بثاني ركن من اركان الاسلام من بعد النية و لي هو تكبيرة الإحرام

صوت شجي تسمع فأركان الغرفة و طريقة تجويدو لأيات الله خلاها تزيد غير خشوع فخشوع بعد الانتهاء من سورة الفاتحة قرا حتى سورة الكافرون و فالركعة الثانية سورة الاخلاص جهراا بحكم صلاتهم كانت فليل ” فنهار كتصلى سرا ” و بعد الانتهاء دار عندها حاط يديه على راسها كانت كتبان ليه مرتاحة على قبل و هادي من فوائد الصلاة كتخلي الشخص يشعر بالطمئنينة

سفيان: ” اللهم إني أسألك من خيرها و خير ما جُبِلَت عليه و اعوذ بك من شرها و شر ما جُبِلت عليه ”

طلعت شوفتو فيها و ناض مد ليها يديه حتى جلسو فوق النموسية عاد حيد ليها شالها من راسها

سفيان : ياكما كتحسي براسك عيانة ولا ممستعداش دبا

حركات راسها بالنفي حيث عارفة هاد الحاجة وقتما اجلاتها غتبقا غير ضاراها فراسها عاد نطقات

هداية : انا بيخير

ابتاسم ليها و حط يديه على كتافها

سفيان : ” اللهم جنبنا الشيطان و جنب الشيطان ما رزقتنا ”

بداا كيفتح ليها البينوار و قرب طابع قبلة على خدها ………..

……# يتبع

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 71

صباح جديد ..

فتحات عينيها على أشعة الشمس لي داخلة من البالكون شافت جنبها كانت بلاصته خاوووية و الفراش مخربق نوعا ما ..

تبسمات بدووون شعوور منين تفكرات لحظات لي دازو في ذاكرتها وهي بييين يدييييه

تعامل معاها بحنية و حسسها أنثى بالغزل ديالو لجمالها و طراوة لحمها ..!

عضات على شفايفها مغمضة عينيها بخجل منين سمعات الباب د الحمام تفتح وكان خارج هووو ببينوار د الحمام رجالي و فوووطة صغيرة كيمسح بيييها على شعره تبسم ليييها منين شافها كطل عليييه و خدودها حمرين و شعرها الأسود مسرح على الوسادة

جلس جنبها و تلمس خدها بحنان ..

سفيان : صباحية مباركة ياااا عروووس

مزادت غير حشمات كثر و كثر .. تكا جنبها حاط راسها على كتفه وشاف فيييها بجدية

سفيان : تحتك عاطيك الحريق ؟ بلا حشمة ثاني أ هداية وايلي

هداية ” بخفوووت ” : شوووية شوية مكاينش لحريق بحال لبارح

سفيان : مزيان ، أنا نوووض نلبس ونتي دوشي باش نهبطو

حركات ليييه راسها بالإيجاب كتسناها غا ينوض باش متزيدش تحرج أكثر

كانت لابسة بيجامة خفيفة سماطي حد الركبة و شفافة مبردة نييييت

وقفات كتشوف فيييه حتا هو فهم راسو مبغاش يزيد يحرجها أكثر ومشا يلبس حوايجه

دخلات لحمام كان مجمووع والحوايج لي كان لابس دايرهم غي سلة التصبين .. الباندووش و الشامبوان ديالو في بلاصتهم و البلاصة نقية مجففة بحالا حد ما دووش

حطات الفوطة و جبدات صاك صغير فيييه الباندوووش ديالها و الشامبوان …..

دوشات و توضات وخرجات نيشان تبدل حوايجها

لبسات قميص في لون الأبيض ودارت شالها و خاتمها د الزواج و ميكاب بسيط

لقاتو نيييت جالس على السرير كيقاد ساعته اليدوية لابس عباية في لون الگروونة

شاف فييها و قرب ليها جار ليها نيفها بلطف

سفيان : لأخر مرة غنقووولها ليييك أهداااية متحشميش مني الحلال درناااه ” غمزها ” و الوليدات مبقا والو و نديروهم اش بقا مزال ؟

#يتبع ..♥️

____________

أراءكم و توقعاتكم ..

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 72

ضحكات على كلامو و لكن هادشي ممعنش تورد خدودها فاش كتفكر الأمر و هنا قرب ليها سفيان ببتسامة مقبل راسها عاد خرج سابقها و هي خرجات من موراه ….. تسناها قدام الغرفة حتى وصلات عليه عاد تحرك هو وياها

كانت العائلة مجموعة على طاولة الافطار المزينة باشهى و الذ المؤكولات المغربية

نطقات ببتسامة و هي كتشوف فالجو الزوين لي خالقينو بحديثهم

هداية: صباح الخير

كانت منال كتشوف فيها بنظرات فشكال و مركزة بالخصوص على مشيتها لي كانت مبدلة شوية حتى بدات كضحك و تغمز فهداية زعما عقت بيك الحاجة لي خلات ضحكتها تزلق ليها هي الأخرى الحاجة لي خلات سفيان دور وجهو لعندها مستغرب معرفش علاش ضحكات حتى دور وجهو لفين كتشوف لقا حتى ختو كضحك و بتاسم

يامنة : اييه شحال و انا نحلم بهاد لحظة لي عروستي تفطر معانا فنفس الطبلة و لاهيلا نهار كبير دار عمرات بيك

بتاسمات هداية على كلامها الحلو و ردات ببتسامة
هداية : اخليك ليا ا خالتي الدار عامرة بيك قبل من كولشي

يامنة : الله يرضي عليكم ا بنتي و يجعل ايامكم كلها فرحة و سعادة و يرزقكم الذرية الصالحة انشاء الله

سفيان لي كان جالس حدا هداية شد ليها فيديها من تحت الكرسي الحاجة لي خلاتها تشوف فيه و بادلها نفس النظرات نظرات كلها صدق ….. عامرة بالمودة و الرحمة لبعضهم ….بحال شي مراهقين فسن الخامس عشر ….من عيونهم كتقراي احترام و تقدير كبير …و كان الطارق فقصتهم الرومانسية عجوز هازة فيديها سلة….. و لكن مافيهاش التفاحة السامة بل تفاحة الحب لي جمعاتهم مع بعض فالحلال

الكل كان لاحظ نظراتهم لبعضهم محسوش غير بواحد الغيورة الصغيرة لي نزلات من كرسي اكلها و توجهات لعندهم واقفة حداهم و كتشوف فيديهم لي فيدين بعض حيدات يديهم من بعضياتهم و هوما شاافو فيها مخرجين عينيهم و الضحكة خرجات من فمهم

رحاب : بعدا انا مقلقة منكم كون عرفت هاكا منخليكمش تزوجو

سفيان لي زادو توسعو عيونو : و علاش الأميرة ؟؟

هداية : علاش شنو قلق الزوينة ديالتي ؟؟

هنا رحاب رجعات قصتها القليلة للوراء و تنهدات بتضايق

رحاب : اوووف كنت كنتسنى قبلاتكم الصباحية ليا كيما موالفين كتبوسوني فاش تشوفوني و ليني نتوما حتى حد مداها فيا

الكل ضحك على كلامها الصريح و طريقة تحدثها الطفولية حتى قربات منها هداية و سفيان تحناو لعندها باش يقبلو خدها و يطلبو منها السماحة بطريقتهم و لكن كان لهاد الشقية رأي أخر

دغيا خوات بيهم مدورة وجهها لجهة الأخرى عاطياهم بضهرها و مربعة يديها

رحاب : ولكن شكون قاليكم انسمح ليكم بهاد السهولة

يامنة بقات حالة فمها و منال لي كانت كتشرب فأتاي وحل ليها

كاانت هداية و سفيان موسعين عيونهم و فامهم ملتاحمين قدام الجميع بسبب الشقية الصغيرة حتى بدات منال كتحب بالجهد مقجوجة و مها كتخبط ليها فضهرها

هداية غير حسات بالموقف فاش تحطات هربات من تماك موقفات حتى لكوزينة و سفيان متبع ليها العين حتى دارت عندهم رحاب بتسائل

رحاب : مالكم ؟؟

………# يتبع

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 72

ضحكات على كلامو و لكن هادشي ممعنش تورد خدودها فاش كتفكر الأمر و هنا قرب ليها سفيان ببتسامة مقبل راسها عاد خرج سابقها و هي خرجات من موراه ….. تسناها قدام الغرفة حتى وصلات عليه عاد تحرك هو وياها

كانت العائلة مجموعة على طاولة الافطار المزينة باشهى و الذ المؤكولات المغربية

نطقات ببتسامة و هي كتشوف فالجو الزوين لي خالقينو بحديثهم

هداية: صباح الخير

كانت منال كتشوف فيها بنظرات فشكال و مركزة بالخصوص على مشيتها لي كانت مبدلة شوية حتى بدات كضحك و تغمز فهداية زعما عقت بيك الحاجة لي خلات ضحكتها تزلق ليها هي الأخرى الحاجة لي خلات سفيان دور وجهو لعندها مستغرب معرفش علاش ضحكات حتى دور وجهو لفين كتشوف لقا حتى ختو كضحك و بتاسم

يامنة : اييه شحال و انا نحلم بهاد لحظة لي عروستي تفطر معانا فنفس الطبلة و لاهيلا نهار كبير دار عمرات بيك

بتاسمات هداية على كلامها الحلو و ردات ببتسامة
هداية : اخليك ليا ا خالتي الدار عامرة بيك قبل من كولشي

يامنة : الله يرضي عليكم ا بنتي و يجعل ايامكم كلها فرحة و سعادة و يرزقكم الذرية الصالحة انشاء الله

سفيان لي كان جالس حدا هداية شد ليها فيديها من تحت الكرسي الحاجة لي خلاتها تشوف فيه و بادلها نفس النظرات نظرات كلها صدق ….. عامرة بالمودة و الرحمة لبعضهم ….بحال شي مراهقين فسن الخامس عشر ….من عيونهم كتقراي احترام و تقدير كبير …و كان الطارق فقصتهم الرومانسية عجوز هازة فيديها سلة….. و لكن مافيهاش التفاحة السامة بل تفاحة الحب لي جمعاتهم مع بعض فالحلال

الكل كان لاحظ نظراتهم لبعضهم محسوش غير بواحد الغيورة الصغيرة لي نزلات من كرسي اكلها و توجهات لعندهم واقفة حداهم و كتشوف فيديهم لي فيدين بعض حيدات يديهم من بعضياتهم و هوما شاافو فيها مخرجين عينيهم و الضحكة خرجات من فمهم

رحاب : بعدا انا مقلقة منكم كون عرفت هاكا منخليكمش تزوجو

سفيان لي زادو توسعو عيونو : و علاش الأميرة ؟؟

هداية : علاش شنو قلق الزوينة ديالتي ؟؟

هنا رحاب رجعات قصتها القليلة للوراء و تنهدات بتضايق

رحاب : اوووف كنت كنتسنى قبلاتكم الصباحية ليا كيما موالفين كتبوسوني فاش تشوفوني و ليني نتوما حتى حد مداها فيا

الكل ضحك على كلامها الصريح و طريقة تحدثها الطفولية حتى قربات منها هداية و سفيان تحناو لعندها باش يقبلو خدها و يطلبو منها السماحة بطريقتهم و لكن كان لهاد الشقية رأي أخر

دغيا خوات بيهم مدورة وجهها لجهة الأخرى عاطياهم بضهرها و مربعة يديها

رحاب : ولكن شكون قاليكم انسمح ليكم بهاد السهولة

يامنة بقات حالة فمها و منال لي كانت كتشرب فأتاي وحل ليها

كاانت هداية و سفيان موسعين عيونهم و فامهم ملتاحمين قدام الجميع بسبب الشقية الصغيرة حتى بدات منال كتحب بالجهد مقجوجة و مها كتخبط ليها فضهرها

هداية غير حسات بالموقف فاش تحطات هربات من تماك موقفات حتى لكوزينة و سفيان متبع ليها العين حتى دارت عندهم رحاب بتسائل

رحاب : مالكم ؟؟

………# يتبع

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 73

حك على شعرها و بتاسم مغير الموضوع

سفيان : كملتي الحفاظة د الكونجيكيزون د avoir لي عطيتك داك نهار ؟!

رحاب : اه ا خالو و حفضت حتى être

سفيان : مزيان المجتهدة حتى تفطري و راجعيهم من بعد انشدهم عليه صافي تافقنا ؟؟

رحاب : واخا ا خالو

ستأذن منهم بأدب و لباقة

سفيان : سمحو ليا

توجه لجهة المطبخ لقا هداية كتاكل فضفارها و تمشي و تجي اتموت بالحشمة هزات الكاس د الماء كتشرب فيه محساتش غير بيديه محاوطها من خصرها حتى قفزات من بلاصتها ولكن صوتو هدئها شوية

سفيان : شفتك هربتي ؟

دارت لعندو كتشوف فيه : غير حشمت شوية

سفيان: اممم شوية ؟!!!!

هداية : بزاااف كفاش غنشوف فوجههم دبا “حطات يديها بزوج على حناكها ” تشوهت معاهم

حيد يديها من على حناكها شادهم بيديه و قرب ليها سارق قبلة اخرى منها

سفيان : انا راجلك ماشي براني ا هداية

زاد قبلها قبلة اخرى

سفيان : و عادي نبوسك

حناكها حمارو و سرطات ريقها ! تصرفاتو معاها شي حاجة لي هي ممولفاهاش دغيا بدات كدور فراسها

هداية : دبا يشوفنا شي حد تاني

ضحك على كلامها و بعد منها شوية هز الكاز عمرو و شرب حتى هو

سفيان : حقا فليل غنمشيو لواحد البلاصة جمعي حوايجك

……..# بنوي

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 74

شافت فيييه بإستغراب وقالت ..

هداية : فييين ؟

سفيان : يالاه قدرت ناخد كونجي يووومين نمشيو لسعيدية لبحر في أخر شهر تسعة نمشيو لشمال إلى كتاب ..

هداية : إلى كانت عندك لخدمة بلاش حتا لتالي د شهر تسعة كيييف قلتي

سفيان : ماشي مشكل نمشيو نبدلو الجو شوية وديري حتا حوايج البحر و جمعي ليا معاك حوايجي

هداية : غتعوووم ؟

سفيان : وي وحتا نتي جمعي معاك البروكيني ديالك

هداية : واخا

طلعات لبيت نيشان بلا متشوف إتجاااه الصالون الموقف لي تحطات فييييه محرج تمنات داك لحظة تخشات تحت الأرض ولا طيييح فيييه !

حوايجها كانو مزال نيييت في الفاليز هزات الفوطة ديالها و البروكيني لسباحة و سروال جينيز و شوميز طويلة و جلابة و كذلك المستحضرات التجميلية ديالها ..

عاد دازت لحوايجه كتجمع لييييه حتا يطلع و توريييه وهو يعرف واش كلشي هو هداك

تسد الباب كان هو داخل شاف فيييها وتوجه لعندها

هداية : أجي شوووف واش كلشي هو هداك في حوايجك لا نكون جمعت ليك شي حاجة ماشي هي هاديك هههه !

سفيان ” شاف في الفاليز كانت حاطة حوايجها لتحت و حوايجو هو لفوق جامعة ليييه كلشي ” : كلشي هو هداك مناقصة حتا حاجة لبسي حوايجك نشدو الطريق دابا نيييت باش نوصلوو بكري

داكشي لي دارت نيييت لبسات عباية مبردة على حسب الجو الصيفي و الحرارة ودارت الشال شوية مرخووف غير في الطنوووبيل

هبطات وسفيان و راهاا هاز الفاليز .. هي غير شافت في يامنة حناكها غيطرطقو بالحشمة و هاد التسافيرة جاتها رحمة من عند لله تغبر على لله هي تنسا شوية و هوما كذلك !

يامنة : سيرو أبنتي فوووجوو و شهر عسل سعيد ههههه

هداية : ربي يخليييك أخالتي

سلمو على كلشي و شدوا الطريق في إتجاه السعيدية !

******************

في دار نعيمة ريحة الطياب فايحة عاطية من العتبة د الباب وعلاش لا اليوم عرضات على عصام لي بتقشاب ديالو دخل لقلبها و ولا عزيز و غالي ..

إذن الظهر و هذا هو الوقت لي غيجي فيييه وصال ما قداااهاا فرحة غتشوفوو اليوم من نهار عرس سفيان و هداية مشافتووش هو مزير بالخدمة و الضغط د المحلبة ..

تسمع الدقان في الباب .. مشات وصال بالزربة متحمسة و متشوووقة تشوفوو

فتحات الباب و التبسيمة على وجهها على شوووية و تعنقو

عصام : السلام علييييكم لباس عليييك

وصال ” بإبتسامة ” : الحمد لله ناري توحش ” ياله عاقت براسها و سرطاتها وكملات ” توحشناااك ههههه

عصام : توحشتيني أزين حتا قلبي توحشك هههههههههه

#يتبع..♥️
________________

أراءكم و تعليقاتكم كيييييف العادة ..

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 75

وصال : قصدي ماما توحشاتك و الدار حتا هي مالك مالك ..

عصام : گولي هاكاك دابا .. لله على ريحة د الطياب

إستقبلاته نعيمة و كبرات بيييه بالضحك و النشاط

كانت الصينية د أتاي والفاكية و الكاطو محطوط على الطبلة ..

عصام : هاد الغريبة غزااالة تبارك لله عليييك أخالتي نعيمة

نعيمة : بصحتك اوليدي بصحتك

عصام ” ضحك ” : عندك هاد البنت حادكة ولا والو ؟

وصال خرجات عينيها في نعيمة باش تستر عليها سعات نعيمة حطاتها لييييه باردة ..

نعيمة : اوا وليدي كتعاون شوية ولكن الطياب منقولش ليييك والو ولكن شوية

عصام : هههههه هي مغناخذوووش المرأة حادكة أنسيبتي

نعيمة ” بإستغراب ” : على مالك غا تخدها هي

عصام : بحال داكشي انسيبتي واش انا غا نسيبتي نسيبتي وفتالي مكاين والو ..

نعيمة : اولدي اعصام هههههه باركة من الضحك

عصام ” بجدية ” : لا مكنضحكش ا ميمتي وقت المعقووول معقول باغي بنتك على سنة لله و رسوووله و اليوم بغيت نقولها حجة و زيارة نيت نرشمها هههه

وصال تزنكات و حشمات فالنفس الوقت خصوصا وهي حدا أمها .. أما بالنسبة الموضوع كان ديييما مسامح ليييها و قالها ليييها بصريح العبارة ما مرة ما جووج

نعيمة : منزيدكم غير لخير أنسيبي شكون ميبغيش نسيب بحالك ضحوكي و نشووطي بخدمتك بدارك قاد على المسؤولية نشوفو جواب البنت ولا أنا كنت فدار غفلووون ؟

وصال مزادت غييير غرقات كتشوف مها الشوفات لي دايرة فييييها

عصام : البنت شفتها و عجباتني منكدبش عليييك أنا عندي نيشان نيشان ما مرة ما جوووج شفتها في خطبة و عرس صاحبي سفيان

نعيمة : اواا ولدي منزيدكم غير لله يكمل بالخير

عصام : للهم أمين ، من هنا يومين تكوون الخطبة الرسمية نجيب الواليدة و خويا و نهضرو داك الساعة على العقد إلا كتاب

نعيمة : مرحبا بكم اولدي الدار داركم و من زمان و نتا نسيبي ههههه نوض نشووف داك الكوكوط لا تمشي تحرق ليا و نبقاو بلا غذاء

غا ناض عصااام طارت وصال لعندو قاجااه من عنقووو

وصال : شوووف شوووف كيف وليت كيف مطيشة مالك ما دوي حتا نغبر أنا كمارتي

عصام : هههههههه مالك أ هاد مطيشة عيشة حماريتي الحشمة و الصواب زعما

وصال : ومالي منحشمش ؟

عصام : على نتي عندك لوجه باش تحشمي ” عقد حواجبه بجدية ” شوووفي نقوليك جوووج هضرات داك الفاصوليا د ولد خالتك نلقا كمارتو نهار الخطبة غنوريك

وصال : لا أعصام عندي عزيز و متبقاااش تقووول ليه فاصلوووليا هو راجل شهاد الهضرة

عصام : أسبحان لله أشريفة شي باس مكاين ؟

وصال : أكنهضر معاك أ عصام هو بحال خويا و اصلا انا لي مني لغلط وقلت ليييه يمثل معايا

عصام ” بحدة ” : يااا أنااا ياا هوووو أ وصال هضرة وحدة ..!

#يتبع..♥️

__________

ويا فرحة ما تمت ..🙂

Leave a comment