Skip links

 1,470 عدد مشاهداات

كوكو لحباب قصة كوميدية خفيفة ضريفة كااااملة مكمولة
🔮 #الشوافة 🔮
بعنوانها الفرعي : وصفات جلب الحبيب
للكاتبة : ✍️ #عميق السلاك
تعليق داخل رد كيف ديما قرصنات💜
قراءة ممتعة زوينات 😘

______🔮الشوافة🔮______
__😈وصفات جلب الحبيب😈__
#____بقلم_عميق_السلاك____
#______🚫الجزء 1🚫_____
💜_ك_😂_و_😂_م_😂_ي_😂_د_😂_ي_😂_ا_💜

هازا جلابيتها وتتزرب مرة مرة تشوف وراها تا خرجت من الدرب قطعت الشاتطي وشرات 2دراهم زريعة كلست تسنا فالطوبيس تما ساعة ساعتين كيوالووو تتنقي فالزريعة وتلوح حداها تادارت زبالة لكارة حدا رجليها غي شافت الطوبيس جاي لاحت دوك الزريعات لي بقاو ليها فايدها نبشان لفمها بقشورهم وناضت موجدة سلاحين المرافق تحارب بيهم تاطلع تشد لبلاصة بداو تيدافعو على الباب والغوات لي تبعص تبعص ولي شتف شتف
الشيفور سد لبيبان بجوج مبقا بغا يحلهم خرج راسو من الشرجم باش يقول ليهم ديرو النضام ياله بغا يهضر معرت شكون لي صرفقو تا بان ليه كلب تيحوي دجاجة وهي تتأوه بصوت قوقوعي

تحل لباب وطلعو كي لبهايم شي تيخرج فشي وهي تدفع على حر جهدها وتقنت بدات تتخشا وتحفر فبنادم باش دوز ولا ماشي البحت عن مقعد ولا التنقيب على المعادن قيد الانقراض
مرتاحت حتا وصلت لكرسي بغات تكلس وهو ينقز واحد لبرهوش حط ساك فالبلاصة

البرهوش: ديال ماما
منار كمشت وجهها فيه بصدمة قبل متخرج فيه عينيها

منار: خليني نكلس البوكوص
البرهوش:(كاع وجهو بووقل وعينيه برقعات كي الجن خرج ليها لسانو)

منار: (هزتو من كتافو بهزة وقرصة وخشات فيه ضفارها حطاتو لارض وكلست فالكرسي)

مو(واحد الشالوطية جايا عاطيا منها ريحت لمرقة سنانها صفرين وعروقاتها تساكح اتا وقفت عليها) الااالة الاااالة داك طفل لي خبطتيه كنتي تزحمي عليييه ولااااا

منار:(الصوت زعزع ليها الخلايا الصبغية دارت بشوية تشوف شكون هاد الراجل لي تيهضر معاها) اسيدي

مو:(هزتها من حوايجها) لواااه جداااااك
منار: الالة تلقي مني

مو: شقربك لولدي
مرا: اهداااك الله الالة تلقي منهاا

راجل:الله يهديك اشريفة دابا توحل ليك فايديد

وحدة من فرقة شوف تيفي :ناريي فين تيليفوني هادا فيديو ساخن شاهد قبل الحدف ليزبيانات فطوبيس عام يمتريسون الفاحشة على الهواء

منار:دابا مبغيتيش تشلقي مني

البرهوش:(تيبكي وخنونتو تخالطة مع الدموع تيجمعهم بكمامت ايدو وينغنغ) وااااميييييي هممممننننن

مو:(عطاتو تصرفيقا ودفعاتو )سير تكلس نتا ولا نرفس جد بوك نشوف هاد الصفريطة

الشيفور:(نااض جاي بغا يحدز تا تتجيه تاني تصرفيقا من حيت لا يدري تا بانت ليه هاد المرا الدجاجة هي لي تتحوي فالكلب بدلو لبوزيسيو…

______🔮الشوافة🔮______
__😈وصفات جلب الحبيب😈__
#____بقلم_عميق_السلاك____
#______🚫الجزء 2🚫_____
💜_ك_😂_و_😂_م_😂_ي_😂_د_😂_ي_😂_ا_💜

منار:(هزت راسها تالفوق وهي دخل فيها بدماغ تا لخرا راسها جات ومشااا وعنينيها تقلبو شدتها دايخة وخبطتها مع لكرسي تا طرطق جاي ولدها منغنغ بالبكا عطاتو تاهو واحد الطرشة تا طراسات ليه خمسة وخميس عليك اصابون الكف وااهااا صابوون الكف مع صابون الكف جيبو بالخف )ياااله الله يرحم من زار وخفف تا ديماري

الشيفور:(ديمارا وداير ايدو على حنكو لتجي فيه شي طرشة تاني براكة ميتفرج فاباحة الحياوانات)

منار:(كلست مربعة ايديها ورجليها تيشطحو فالطوبيس ديرين الموسيقة شوية بدات تدندن ) عاايشاا ملاات لمرجا… عااايشاا الساكنة فيا …عااايشة راني بماليا ….عااايشااا…. يااعيشا وعويشا ….عاايشاا مولاات الشجرة…. عاايشا عطيني سواريا ….وعاري عليييك اعاايشة واهياا عاايشا لمجدوبة…. وناري ناري وعاري عليييك اعاايشة…… واياا عايشاا لحريزية…… حب ..حب حوبا حوبا حبها حب حوبا حوبا حبها حب حب هب هب بهب بهب(بدات تضرب فسدرها بايديها وتهز وتحط وبنادم كين لي بدا معاها تينبح والواقفين بداو تيهيتو هب هب هب هااب الطوبيس تيبان ليك كامل ناض تيهيت هالي طيحوها المسلمين هالي تيصور هالي لاحت زيفها وبدات تجدب وهي عادما زيدا فيه) هااو الصالحيين…
هااللله …..اموولاناا …هااالله….. ليي مايخطانا…..هاالله …..مولانووباا هاالله…. رجاال لبلااد ….هاالله … دكو لوتاد…هاالله….صحاب لواد ….هالله… السلالة…. هاالله…. الحاضي مولانا …..هالله…. بلاد لخير ..هالله…. لقادي حاجا….. هالله… مولانوبااا… هاالله .. اومولانا هاالله الصالحيي…ن هالله طيور لجبال هالله …االله االه امولانا…. االله الله شوفو فينا……
وقف الطوبيس ونزلات وخلاتهم كاملين طايحين تيتركلو ويجدبو

منار:(دوزت ايديها على وجها ) الله سخفت (هزت جلابيتها وزادت دخلت تما لشي ديور دايرة لقب على راسها تا وصلت لواحد.الدار قصيرة قولو براكة لقات معرمين عندها لعرارم تاع لعيالات دارت مع الدار بلاما يشوفوها حيدت شي خشبات كبااارين كانو مدرقين واحد لباب صغيرة تحنات حلت بالساروت ودخلت وسداتو حطت جلابيتها وهزت لمري ايكخو سمرة لوجهها وبدات تخطط فيه بحال لوشام تا عمراتو الجهد لي لشتيها برا متعرفهاش عكفات راسها بواحد السبنية تما فيها لخيوط فيهم العقيق كبير والودعات هزت واحد جوج مزارع كبار دارتهم فعنها وعمرت ايديها باللوبان والودع لبست تحزمت بواحد الزيف عامر حجابات شعلت لمجمر وستفت حداها الشمعات وناضت غادا تتقرقرب كاملة وتخرشش مشات عقدات الساكطة تاع لباب بخيط تاع السبيب وغاديا راجعة لبلاصتها كلسات وهي تجر لخيط تاع السبيب تا تفكت الساقطة وتحل لباب…….

______🔮الشوافة🔮______
__😈وصفات جلب الحبيب😈__
#____بقلم_عميق_السلاك____
#______🚫الجزء 3🚫_____
💜_ك_😂_و_😂_م_😂_ي_😂_د_😂_ي_😂_ا_💜

براا كانو لعيالات كبار وصغار وهالي جايبة بنتها هالي جايبا صاحبتها تا تحل عليهم لباب غير بوحدو قفزو دارو كاملين مخلوعين تيدفلو فسدرهم تتبان ليهم الشوافة كالسة مربعة وظار بيها الدخان والشمع لملون هزت راسها وتكرعت عليهم

منار:(غلضات صوتها وقلبت عينيها) طلبوووو التسليييييم التسلييييييم (بدات تتخالف فايديها وتقرقرب فاللوبان والمرجان)
التسلييم الجوااااد

بداو شي تيتخشا فشي معرفو شكون يسبق
منار: هاااش قلتو االجواااد هااا(دورت راسها لجنب)مممم لحمر واخا اسيادي واخا كععععع (تكرعاااات ) مولات لحمر تدخل

رجعو كاملين لور ودخلت مولات لحمر هي وصاحبتها
منار: ميدخل غير لحمر
خلات صاحبتها عند لباب ودخلت غير وحدها تتقنت وتلفت وراها تا كلست): التسلييم التسلييم اشرييفة تسلييم

منار:(تتشوف فيها غير من تحت السبنية) جايا على ديار ولا توكال ولا ضريب لفال

البنت: جيت على طاكسي الالة

منار:(عطساااات بجهد تا طار فرورها فالبنت) هاااتسيووو

البنت:(مسحت وجهها)
منار:طاكسي تضحكي عليا بغيت تكرج فيك دعوة لجواد متولدي ولاد مدكي وتاد طلبي التسليييم التسليييم (بدات تعووج فسيفتها وتلوي فعنقها)

البنت:التسليييم التسليييم انا مسلمة وطالبة التسليم والله تا جيت على طاكسي االالة
منار: وعلاش جيتي عندي واش باش تسحري ولا ديري لقبول

البنت: هااه لا دابا انا (قربات لعندها) تنكراشي على واحد دري وهو

منار:(بجقات فيها وهي ترجع لور) ممديهاش فيك

البنت:(حدرت راسها) ااه
منار:تيسكن حداكم
البنت: اه

منار:(شافت ليها فايدها ديرا كورميط بحرف M ) سميتو بحال منير بحال معاد بحال مراد…

______🔮الشوافة🔮______
__😈وصفات جلب الحبيب😈__
#____بقلم_عميق_السلاك____
#______🚫الجزء 4🚫_____
💜_ك_😂_و_😂_م_😂_ي_😂_د_😂_ي_😂_ا_💜

البنت: ايه مراد باش عرفتيها

منار: طلبي التسليم بليمارة مسجل فلاصال تاع سبور

البنت:(مخرجة فيها عينيها) اييه التسلييم التسلييم
منار: (حطت ليها كسرونة مصدية وتتقول فخاطرها وكونما كان مسجل فلاصال كاعما تزعطي فيه )ااا بيييييض

البنت:(بقات تشوف فيها) بيض

منار:ميزي لحبة لعوماار الصرف لبينكا ولفكة وا لعااقة واتي حطي العملة ابنت الجد
البنت:هااه سمحي ليا (حلت بزطامها وهي تجبد ليها 20 درهم)
منار: ديالاش هادي نوضي تكعدي عليا نوضي عندي حلقة الجاوي حاطا ليا ربعمية ماهي تا فلوس لكونيكسيو باش نتواصل مع لجواد

البنت: وشحاال بغيتي

منار:(قلبات عينيها وسادة مزروع تاع لوبان تتسبح بيه) لابولمو ديال انوي
البنت:(جبدت 100 درهم حطها)

منار:هاا بياضكم الجواد وفوكو هاد لمسكينة التسلييم التسلييم(هزت لفلوس خشاتهم فسدرها)قربي لهنا وسمعيني مزيان هادشي تديريه بالحرف ولا زدتي ولا نقصتي متلومي غير راسك راك تجلاي لجيحة لكحلة التلت لخالي ولعمرك باقي ترجعي عندي سمعتي وحاجة الله يقضيها الله

البنت:(غير تتشوف فيها وترعد خايفة) تسليم الالة تسليم

منار:غدا سمعتي غدا غتشدي طوبيس ولاد سعيد النمرة واحد باش تكوني غير نتي بوحدك فحياتو غتنزلي فالبلاكة اللخرة باش تكوني نتي لولة ولخرة فحياتو غتلقاي واحد لبنت سميتها سعاد تتبيع كلشي تشري فوطة تاع لصال من عندها متاوايش على التمان باشما باعتها ليك شري باش حياتكم تكون سعيدة غتمشي لدار غدوشي وداك لما شديه فشي بانيو متخليهش يمشي لبسي حوايجك وجبدي ديك لفوطة لي شريتي لويها على كرصونك وطلعيه هزي داك لما وسيري لكوزينة ديريه فكوكوت عندك تصويرتو

البنت(حالا فيها فمها ) ااه عندي
منار:لوحي تصويرتو فداك لما وسدي لكوكوط خليها تاتصفر ملي غتحلي غتلقاي ديك التصويرة ولات بيضة ومكمشة وجنابها صفر شديها دهنيها بفرماجة وكوليها

البنت: ناكل مراد
منار: غتاكلي غير تصويرتو باش تهضم فمعدتك وطلع مع مواد القيت فالدم فهمتيني

البنت: اااه فهمت….

______🔮الشوافة🔮______
__😈وصفات جلب الحبيب😈__
#____بقلم_عميق_السلاك____
#______🚫الجزء 5🚫_____
💜_ك_😂_و_😂_م_😂_ي_😂_د_😂_ي_😂_ا_💜

منار: وديك لفوطة
البنت: مالها

منار:غتبقاي دايراها وتنعسي قبل ميودن لمغرب تكاي على جنبك ليمن وبقاي تقولي فلان ولد فلانة دور تا دور وتديني غير انا تاتنعسي والغد ديري ديك الفوطة فبلاستيكة ووصي شي دري فلاصال يعطيها ليه غير يمسح بيها وجهو عمرو لباقي شاف فشي وحدة من غيرك يولي يهتهت غير بسميتك ويشوف غير لجيهتك لما ولا تابعك حال فمو راني ماشي شريفية بنت الشرفا يااله نوضي على سلامتك

البنت:(تلاحت ليها على تيدها تتبوسها) الله ينورك التسلييم الجواد التسليم

منار:(بخت عليها دفالها تا قفزت) برررررررر امولااااانوبااااا

خرجت وجات وحدة اخرا كلسات

منار: ديار ولا توكال ولا ضريب الفال
المرا: راجلي الالة ما كاسيني ما مصبطني ونهار نقول ليه يخرجني تيخلي دار بويا عصا ويقوليا نطلقك جيت لعند مي وجارتنا لي وراتك ليا وبلي حاجتك مقدية

منار: (هزت راسها لفوووق تتلعب بصدرها وتحير) بررررر برررر لجوااااااد لجواااااااد كععععع

المرا:(قفزت مخلوعة)التسلييم
منار: لجواد عندهم لحل يولي يعطي ما يكرطط يمد مايتشرط ولي فرط يكرط ولايني لجوااااد طالبين لبياااض

المرا: اتيني بالحل وانا قابلة بلي طلبو لجواد

منار: نعاام الجوااد (حطت تيدها على ودنها) مم بغاو جوج طاكوس ومناضة هاواي و100 درهم عندك ربع ساعة لتعطلتي بلاصتك تما هزها لما
المرا:هي لولة لجواد(ناضت تتلبس فسباطها خارجة طايرة تشري ليها اش بغاو لجواد)

منار:(حطت ايدها على كرشها تتغوط بالجوع ) عنداك تجيبو ليا من عند محماد مول الكيوسك طيابو كاع معفون تفو

مكاملاش 10 دقايق جايا راجعة تتجري فايدها ميكا حطتها ليها
المرا:هالي طلبو لجواد
منار:(تتشوف فيها غير من تحت السبنية جرت لميكا حلتها وخي تحطها حداها ومدت ليها لكسرونا) ااا بييض

المرا:(حطت ليها 100 درهم)…

______🔮الشوافة🔮______
__😈وصفات جلب الحبيب😈__
#____بقلم_عميق_السلاك____
#______🚫الجزء 6🚫_____
💜_ك_😂_و_😂_م_😂_ي_😂_د_😂_ي_😂_ا_💜

منار: سميتك سميتو وسميت مو
المرا: انا حليمة وهو سعيد ولد فطومة

منار:ممممم (دارت تدور فراسها وتعوج فعنقها ) وغتسمعي ليا مزيان خلي تاينعس ويخمر ونوضي قلبي ليه جيابو داكشي لي هزيتي فالهزة اللولة شديه وسيري هزي لغربال حطي فيه داكشي لي هزيتي تاع لفلوس غربلي ليه فوق راسو سبعات تدويرات تايبدا يتململ وحبسي جيبي راس تاع التومة وحكيها فالغربال فوق راسو وقولي الثومة يا الثومة الناس تيعيطو ليك الثومة وانا نقوليه لالة الثومة جيبي ليا حقي من ولد فطومة يعطيني الليلة وليوما يكبر بيا وسط الحومة الراي ريي والشوار شواري يبات ويظل يهتهت بحلومة السالباني حلومة لكاوياني حلومة الساكنة قلبي حلومة تكعدي الالة قدا الله غراضك ولترجعيش عندي ولا غتلقاي لي ميعجب

المرا:التسليم التسليم (ناضت تتعتر فجلايلها)

منار:(خرجت ليها لسانها تتعيب فيها) الثومة يا ثومة ههه احم اموولااانووبا

وقفت واحد لكاط كاط تضرب على الشعا نزلت منها واحد البنت ديرا زيف على وجها دخلت وهي تكلس قدامها

منار: جايا على ديار ولا توكال ولا ضريب لفال
البنت جايا على لبغال
منار:(خرجت فيها عينيها ) ماجدة هادي تي
ماجدة: (حيدت الزيف ) هههه وايه ياخيتي

منار: بلاتي (تلقت الخيط من تحت رجلها وهو يتسد لباب ولي برا كلشي قفزو وبداو تيتشتتو كل وحدة دازت من جيه )

ماجدة: لحرفة هي لحرفة
منار: (حيدت السبنية) ياو اش نديرو يا خيتي هاحنا مسلكين مع الشعب
ماجدة: من نيتك نوضي نوضي راني جايبة ليك واااحد لهمزة وتفكريني

منار: اهيا ناري غبرتي تا غبرتي وجايا بعجاجتك

ماجدة: هي نوض فحالاتي سري وانا لي قلت مكين لي تليق ليه هاد لخدمة من غير صاخبتي وحبيبتي منار

منار:اتي نوضييي قالااك راني حافضات قولي ليا شحال غتربحي نتي فهاد البيعة وشرية

ماجدة:(بدات تضور فعينيها) غندي غير لأجر
منار:لواه لبعر

ماجدة: وداكشي قليل ميكونش قدك نتي لقبلتي
منار:بلاتي تانقصيي بعدا (جبدت ديك الميكة ) تاكليي

ماجدة: ماكلت الزنقة لاا بلاش
منار: بلاش عليك نيت (بدات تتاكل ودوز بالمناضة تا سالات دوك طاكوس وتكات لور) الحمد لله…

______🔮الشوافة🔮______
__😈وصفات جلب الحبيب😈__
#____بقلم_عميق_السلاك____
#______🚫الجزء 7🚫_____
💜_ك_😂_و_😂_م_😂_ي_😂_د_😂_ي_😂_ا_💜

ماجدة: كانو خاطفينك
منار:بصحتي وراحتي ياله قولي اش عندك ونوضي قبل ليزعوطوك جوادي لتلت لخالي

ماجدة: لواه لمدغشقر شتك كدبتي كدبة وتيقتيها قالت ليك جوادي واش اعباد الله انا جايبا ليك ضقة صحيحة ونتي تتفلاي

منار: تلقيني خلاص راني ممسالياش مزال خاصني نمشي نشري فوطة تاع لصال

ماجدة:هانتي لفيلة فين خدامة
منار: مالها ياكما تتكراشي على شي قصر عندي ليها وصفة تاع جلب الحبيب من داكشي

ماجدة:(خبطتها لرجلها) ينعلجدبووك واش الكلبة انا تندوي معاك ونتي تتخلطي ليا فخالوطاتك

منار:(تتحك فرجلها) ااي وراه غير مشا ليا هادشي مع الدم
ماجدة: بنت مولات الدار قالو مريضة بهادشي تاع العكوس والحسد والعين وناس ساحرين ليها لي خطبها تطيح ليهم تما تا تيهرب عرفتي غير ولاد السياسيين والناس لبوكو حبة لي خطبوها وهربو مها باها وخوها مخلاو مدارو ليها الطبيب لمخير داوها ليه ومها غتجهل على بنتها كل يديوها على برا ويتبعو ليها مع الطبة تتعطيهم الزبابل تاع لفلوس ولا قداو ليها فبنتها بغاو يتصطاو

منار: ايوا
ماجدة: حليوة قالك ايوا وا جمعي متاريالك ونوضي نديك راني قلت ليها غنقلب ليك على شي شريفة دقة بطلة

منار:(وقفت) واش تسطيتي انا هادشي ديراه غير سهبالة وسريق لعواد اش وصلنا لشي عكوس ولا لوكوس ولا كان عندها مانع ولا جن عاشق حابسها من زواج شغندير ليها انا نبخرها بزغب طبوني لالالااااا هادشي ممعاناش

ماجدة: وايا لهبيلة واتي ديري ليها غير خيدة بيدا جمعي صريف ومتعرفيني منعرفك ولا حيد بغيت نضبر علين بشي 10 لمليون

منار :10 لمليون
ماجدة: اييه هادشي غا لمشيتي وبديتي تحيري ليهم تم

منار: (بدات تتهز بالقجاقل ديالها) هزي لمجمر وزيدي قدامي
ماجدة: اوا هكاك نبغيك

منار: تي لي غتخلصي الطوبيس
ماجدة: لواه لكار زيدي راه الشيفور تيتسنا

منار: تاهو جاي واش على ديار ولا توكال ولا ضريب لفال

ماجدة: جاي على كاط كاط اخر موديل

منار : هااه اوا قولي هكاك بلاتي نسد لخيمة شدي هوك(عطاتها لقجاقل ودارت تسد فالباب)…

______🔮الشوافة🔮______
__😈وصفات جلب الحبيب😈__
#____بقلم_عميق_السلاك____
#______🚫الجزء 8🚫_____
💜_ك_😂_و_😂_م_😂_ي_😂_د_😂_ي_😂_ا_💜

زادت لقات شيفور حاني راسو وحاا لباب ركبو فلوطو وكسيراو نيشان لفيلة

منار (جابدة تيليفون) سميت هاد لبنت
ماجدة: مها

منار: اش غتكون ديرا فالفيس

ماجدة: كتبي مها المنفلوطي

منار: شوف ليا اينا وحدة فيهم هي

ماجدة: هديك لولة راااه.. علااش
منار :ابغيت نبقشش لبروفيل ونصيفط ليها انفيتاسيو باش نعرف اش نقول لمشيت لهيه…شوشو قبلاتني قبلاتني

ماجدة: اوااه نتي اش ديرا
منار: خوي قلبك

ماجدة: علاش غتسوليها

منار: شش هاهي تتكتب راسها ويلي ويلي تي زيدي نقراي
ماجدة: هااحي تتبغي واحد ومواعداه تسناه وهو تعطل عليها سوليها شكون هادا

منار: اطك قالت ليك ولد خالتها يا ختشيي

ماجدة: اييه عرفتو سي نوفل

منار: نوفل لمغوفل هااء يغيس فيه الشيطان

ماجدة: امالك

نتار: نسيت وكتبت ليها نوفل لمغوفل قالت ليا باش عرفتيه سميتو نوفل وهي تبلوكيني

ماجدة: اوا مفيها باس ههههه

منار: اييه قول تاهي ديرا سهبالة وسريق لعواد باش تسنى بوركابيها باركة تحير لينا على لخطاب اوا هااك ااصراحة بغيت نتلاقا معاها ودابا نشوف هاد خيتي لي طاح عليها هاد البلان الجهنامي

ماجدة: تلاقيتو ليحفظ
منار: انا نغمض شوية وملي نوصلو فيقيني

طريق تلاتة السوايع عاد وصلو لواحد لفيرمة كبيرة تاع الليمون طلت من زاج تيبان ليها لخيل والمواشي عامشتين زادو شوية وهوما يوقفو قدام واكد لباب كبير تحلت ايلي دخلو بطوموبيل حتال داخل لقاو واحد لمرا لابسة كلاس جامعة شعرها بطريقة راقية واقفة هازا تيليفونها فايدها عند لباب غير وقفت لوطو جايا عندهم تتزرب

منار: شت هادي قاصدانا قصيد لعدو مشادة تاوضو
ماجدة: هاديك هي مولات الدار ضحكي ليها فوجهها(نزلت وخلات منار فلوطو)
منار:(بتاسمت ليها من الزاج بلاما تبين سنانها)….

______🔮الشوافة🔮______
__😈وصفات جلب الحبيب😈__
#____بقلم_عميق_السلاك____
#______🚫الجزء 9🚫_____
💜_ك_😂_و_😂_م_😂_ي_😂_د_😂_ي_😂_ا_💜

نجلاء: ماجدة تعطلتي
ماجدة: راه طريق بعيدة الالة ها لمرا لي قلت ليك

نجلاء: (قربت حداها وتتهضر) اجي واش متأكدة غادي تعالج ليا بنتي
ماجدة: الله ياودي واش انا الالة غنكدب عليك

نجلاء:واخا ياله وصليها لبيت مها

الشيفور:(حل ليها لباب تنزل )
منار:(نزلت حادرة راسها تتشوف فحوايج نجلاء بشاخ بشاخ وا دجاجة بكامونها هادي )

نجلاء(مدت ليها ايدها) سلام الالة انا نجلاء مامات لبنت لي مريضة

منار(مدت ليها غير صبعها قاستها بيه وباستو) فين الطفلة
نجلاء:(دارت تتشوف فماجدة)

ماجدة: مها لفوق فبيتها

نجلاء:ااه وي لفوق يااله تفضلي مرحبا بيك
منار:(بقات واقفة فبلاصتها )منصيبش

نجلاء: وعلااش ياك.جيتي باش داوي ليا بنتي

منار: اييه ولكن لجواد خاصهم لصانص
نجلاء: كفاش

ماجدة:(قربتليها) بغات لفلوس
نجلاء: هااه ويلي مرحباا جيبي ليا الشيك ديالي

منار:(خرجت عينيها لقادية فيها الشيك هزت ايديها ديرا ايكس) احبااس احباااس جوادي تيبغيو لكاااش الزرقة حبيبي الزرقة

نجلاء: اابون واخا عطيني واحد الدقيقة (هزت تيليفون تتركب فالرقم ) الو وحيد ..لالاا كلشي مزيان … ااه الله يرضي عليك شوف احبيبي جيب ليا 100000 درهم كاش نبغيها دابا متعطلش عليا ياله بيزو مامي

منار:(مخشية فماجدة تيحسبو بالسانتيم تا تيتلفو)

نجلاء: غير دخلي ها ولدي جايب لفلوس زيدي.مرحبا

منار:توكلنا على الله يا باسم الله (حطت رجلها ليمنية فالباب وهي تبدا التخاريفها هزت راسها وهي تكرع عليييهم)كعععع هااااد الداار فيها سحر كبيييير سحر كبييير متزوج لعزبة.. لي دار دار ليها فالعتبة ..خاصها الحرمل والشبة ..وجلدة الكلبة ..وعينين الطوبة ..ودنين البكمة كععععع التسلييم التسليييييم…

______🔮الشوافة🔮______
__😈وصفات جلب الحبيب😈__
#____بقلم_عميق_السلاك____
#______🚫الجزء 10🚫_____
💜_ك_😂_و_😂_م_😂_ي_😂_د_😂_ي_😂_ا_💜

نجلااء:(رجعت لور دايرة ايدها على فمها) سيكواصا

منار: ممم نيت تشهيت الكرواصا وتا لجواد مكرهوش شي غدا مكهوم يااااك الجوااااد

ماجدة:(قربت لنجلاء لي مخلوعة) تتهضر مع جوادها الالة وخاص لي قالوها ديروها طلبي التسليم

نجلاء:(تتشوف فماجدة كفاش تدير وبدات تاهي تتخالف فايديها وتطلب فتسليم) التسليم التسليم ماجدة وجدي ليها اش بغات

ماجدة: واخا الالة
منار:(نغزتها) هاايه الدغميرة الدغميرة

نجلاء:(حطت ايدها علة ظهرها) ميكون غير خاطرك تفضلي سربي اماجدة

ماجدة؛ هي لولة الالة
منار: (كلسات تعمرت ليها الطبلة من الراس تاراس اشمنك يالحم ويا دجاج ويا حوت من جميع الانواع وسلطات وسييييير عالله كلات وشبعات وتامن لعضوومة كددات ايلي رجعات لور وهوما مقابلينها خايفات لتكمل بيهم مسحت فمها وتشبحااات) الحمد لللللله

نحلاء: بصحتك
منار: يعطيك الصحة فين لولية

ماجدة:تبعيني الالة نوصلك لبيتها

طلعو فدروج مكين غير قرب قرب قرب تا وصلو لبيت مها كان مسدود بداو تيدقو شحال عاد تحل دخلت منار وهي تسد لباب فوجهم
نجلاء:(بقات واقفة )

ماجدة: خليها امدام خليها دير خدمتها راه.متتبغيش لي يبرزطها باش يكون تواصل روحي مع لجواد
✌✌✌✌✌🔮🔮🔮🔮
مها: شكون نتي
منار: انا ابنيتي شوافة جيت نحيد عليك لعكوس ونسقم سعدك بجاه الله ونبي دكي وتادك وتولدي ولادك

مها:خرجي عليا الالة ولا مغيعجبك حال داكشي لي بقا ليا بالحق كلشي من ماما فينما لقات شي حلايقي تجيبو ليا انا عندي جامع لفنا

منار:(وقفت مخنزرة تتخرشش فاللوبان): ومنكونش جايباني يماك ..كي لي مشا وخلاك.. لما نشتت ليكم الشمل يبقا لاهو تسناك …ولا عمرو يشوف فيك ويتمناك ..

مها: تي اش تتقولي شكون هادا لي تتنتسنا اش تتخربقي مامااااا مااامااااا

منار:(كلست لارض وهضرت بشوية) سيدي نوفل يااااك سميتو نوفل 😈😈
نجلاء:(حلات لباب ) مالك ابنتي
ماجدة:(وراها تتعض فصباعها)

______🔮الشوافة🔮______
__😈وصفات جلب الحبيب😈__
#____بقلم_عميق_السلاك____
#______🚫الجزء 11🚫_____
💜_ك_😂_و_😂_م_😂_ي_😂_د_😂_ي_😂_ا_💜

مها:(بقا مخرجة عينيها شوية وهي ضحك ومشات لعند لباب ) لا والو اماماا والوو صافي غير سيرو

نجلاء: واش متأكدة ابنتي

مها: ااه اماما غير سيرو (سدت لباب ورجعت عندها) نننتي باش عرفتي هادشي

منار:ياك بغيتي غير نوفل جاك ابنيتي

مها: صعيب ماما مغتبغيش مكتحملوش
منار: وعلاش

مها:(كلسات فبلاصتها بالزعاف) مكتحملوش
منار: صافي هادا وكان عيطي ليه وليوم وليوم لخطبة
مها: واش كضحكي عليا

منار:(خنزرت فيها) طلبي تسليم قاللااك
مها: التسلييم
منار:وهاد نوفل جا ولا باقي
مها:معرفتش مزال ماا

منار: عيطي ليه دابا

مها:(هزت تيليفون دوزت نمرا وهي طيرو ليها منار من ايدها)
نوفل: مي لووف

منار: يور لوف بين الحياة والموت انا الخدامة ديالهم راها تتموت جي شوفها لاخر مرة والسلام عليكم الى اللقاء فالحلقة المقبلة(قطعات عليه الخط خلات جوج مصدومين نوفل لي طاح ليه تيليفون وبدا تيتفتف ومها لي حالا فيها فمها دغيا زربت عليها)ماالك

مها:(بقات شحال عاد.ضربتها لفيقة) عطيني لااش قلتي ليه هاكا

منار:(دفعتها بشوية) كحزي لهيه وتركني وطلبي التسليييم ولا دروك نسيفط ليه جوادي بيات ميصبح

مها: لا لاا اللخ يخلييك مديري ليه والو

منار: اوا هي خليتيني ندير شغلي ودابا قربي عندي وهادشي لي غنقوليك غديريه بالحرف والباقي عليا شوفيي…

نجلاء:(غاديا جايا قدام لباب وماجدة حاضيا معاها ) مالهم سكتو
ماجدة:(هزت ايديها) ومااعرت الالة

مها:(ضربااااااتها بواااااااااحد لغوووتة ) واااااااااااااااااااااااااع…

______🔮الشوافة🔮______
__😈وصفات جلب الحبيب😈__
#____بقلم_عميق_السلاك____
#______🚫الجزء 12🚫_____
💜_ك_😂_و_😂_م_😂_ي_😂_د_😂_ي_😂_ا_💜

ماجدة:(ضارت لعند نجلاء لي طارت حاطا ايدها على قلبها)

نجلاء:(دفعات عليهم لباب ودخلت)

مها تالقا شعرها وطايحة على رجليها تتجدب ومنار تدور بيها وتخرشش فاللوبان غوف راسها هي تتهضر وماها تتعاود موراها

منار: ااالله الله
مها: الله

منار: ارجال اللله
مها (تتجدب براسها)الله

نجلاء: بنتي
ماجدة:(شدتها)

منار: كحزي لهيه الالة وطلبي التسليم التسليييم

ماجدة: مدام سمعي اش تتقول ليك
نجلاء:(تكمشت تتشوف فبنتها تتجدب وضرب فسدرها)

منار:(تتشير بايديها ومغمضة عينيها) جيبي ليا وجيبييي جيبي لييااا القرفة تحيد علينا التلفة وا جيبي ليا وجيبي جيبي ليا لعود لقماري بيه نعمر داري واجيبي يااو جيبي واتي جيبي ليا ساكي باغا نماكي هااء جيبي ليا ساكي لي فيه شغلي ابنيتي

ماجدة: هي لولة (نزلت تتجري جابت ليها صاكها لي فيه لماتيريال)

منار:(تدووروور وتبخ على مها ) برررر اموولااي عبسلااام برررر المعمر لخيااام
ماجدة:(جايا تتلهت وحطت ليها الساك)

منار:(تتبخ على ماها لي تتنقز وتركل تقنات الدور) كحزيي لوور الالة

نجلاء غير شادة فقلبها وتتشوف خايفة على بنتها لي ولات تتنقز خلعاتها

منار:(بدات تتجبد فالمجامر لي تيشعلو بالحجر تتريكلي ليهم السخونة وتحط فيهم لبخور بدات تستف فالشمع لملوون وتشعل فيه جبدت واحد لقرعة فيها داكشي مخلط دارتو فايدها وهي تشرشم بيه تا نقزو )كعععععع واهييا لجواااد واهيا مالين لوااد جينا قاصدينكم والمقصود الله فكو تقاف هاد لبنية يالييي حاجتهم مقدياا تلقو سراح هاد لولية يجاه ربي والانبيا وايااا الصالحييين والاوليا واهاهاهااااااا

مها: (نغزتها منار وهي تعاااااود ضربها بوااااحد لغوووت) واااااااااااااااااااااااااااااع…

______🔮الشوافة🔮______
__😈وصفات جلب الحبيب😈__
#____بقلم_عميق_السلاك____
#______🚫الجزء 13🚫_____
💜_ك_😂_و_😂_م_😂_ي_😂_د_😂_ي_😂_ا_💜

نجلاء: ااا التسلييم التسلييم

منار:(وقفت على راس هاما وتتنش عليها فالدخان ) هزي ايديك ليمنية يابنيتي هزي يدك حطيها على قلبك وقولي ها قلبي ها تخماامي ها باش ياتيني الله

مها:هاقلبي ها تخمامي ها باش ياتيني الله

منار:(كلست لارض جات مربعة هزت الكارطة وبدات تتبخر فيها تقابلة مع مها وحطتها ليها بين ايديها) عاوديها ابنيتي

مها: اقلبي اتخمامي اباش ياتيني اللله

منار: اري لهنا ابنيتي (شدتها من عندها وبدات تدمس فيها وتفرق ) وايا لجواااد بلغو المراااد وايا الصاليحين فكو سراحها فالحين واهياالاوليا وقفو مع هاد لبنية واهيا لخياار فرشو لسرار الله الله هانتي الالة هاهووو جايها على عودو هاهوو زين الركبة هاهو زين الوقفة يااااااااو
شكون هاد لمكدر مول لحمر هاد لمكيدر بو لبااادر تيتقدم ويتوخر نجيك من اللخر شعكاكتو كي المغوفل نقولك سميتو محمد نقولك سميتو نوفل بررررررر

بخرتو بالجرانة ليتيمة يجي لعتبتو لقديمة بخرتو عين لفروج دروك يطلع مع الدروج يا وكلتك قلاوي لحمار يجي تايجري ميوقف تالدار
نجلاء: شكون هادا واش تنعرفوه

ابلاما تسولني الشغل ناضي منضي لي جايبينو لجواد ميرجع وتفرقو عليه لعواد لما تزداو هاد لولاد غي نساي بنتك راه غطير لروضة لمنسية
نجلاء: التسليييم التسليييم لي قالوها لجواد هي لي كاينة

مها:(تتجدب بالفرحة وهي تغوووت تاني ) واااااااااااااااااع

ماجدة:(رجعات لوور مربعة ايديها تا سمعت لعياط فالدار) مداد واقيلة سي وحيد وصل

منارة:(اسمعت وحيد وهي تقلش ودنيها)

نجلاء: سمحو ليا الجداو انا غاديا نجيب ليكم لبياض

منار: سيري سيري سيري(بظات تتخرخش بسدرها ومرجانها تا خرجت نجلاء وهي تحبس)

مها:(سمعتها حبست وهي تعري على وجها ) لاش حبستي

منار: بلاتي نتساراح اووه راه سالا ليا لمازوط سالات لكونيكسيو جيبي ليا نتي شي عاصيير…

______🔮الشوافة🔮______
__😈وصفات جلب الحبيب😈__
#____بقلم_عميق_السلاك____
#______🚫الجزء 14🚫_____
💜_ك_😂_و_😂_م_😂_ي_😂_د_😂_ي_😂_ا_💜

ماجدة: هي لولة (مشات تنزل تجيب ليها لعاصير)

مها:شكراا بزاااف معرفت كفاش غنشكرك
منار: بغيتي تشكريني وريني تصويرت خوك

مها: ولاش بغيتيه

منار: شتك تتسولي فيا

مها: لتلا غير سمحي ليا هي لولة بلاتيي هاهو الالة

منار (تتحنزز فيه) واا الزين زييين مزوج

مها: لااا
منار: مرتابط

مها: لااا
منار:شحال تيلبس فرجليه
مها:42

منار: طاي دسروال
مها:32

منار:لكتاف
مها:52

منار: طول القضيب
مها:ميترو وستين

منار:(😱😱دارت عندها لقاتها مربعة ايديها) ميترو وستين من نيتك
مها: ونتي تتسولي فيا هاد الاسئلة من ريتك

منار:بغيت نفك تقافو تاهو يا بنيتي ياك قلتي ليا باقي ممجوج وزيدون شتك تتلاجي معايا طلبي التسليم

مها: (صغرات فيها عينيها) اوا التسليم

نجلاء: (جايبة المانيطة تاع لفلوس دخلات وجايا قاصدة منار) ها بياضكم الجواد

منار: الله الله (شدت ديك المانيطة حلتها مكيت غير الزرقة يا حبيبي الزرقة جمعتهم وبدات تتبخ على مها وتجمع فالماتيريال) رزقك ابنيتي جايك جايك وشاد الطيارة ليلة ليلة ملي لبقر يتزاوك ولحمير تهرط ولكلاب تنابح والجران يقرقر والغنم تصيح والخيل تحنحن وموكة تعوك ليلة يجي ميمونك ومكتابك وطلبي التسليم طلبي التسليم هو هادا الالة فك الله سراح بنتك وليلة عريسها جاي الذكر لي دفعت رجلو باب لعتبة من غير مخارمحا هو رزقها ومكتوبها زودو بخير

وحيد: (حل عليهم لباب ودخل ) معندك فين تمشي اشريفة…

______🔮الشوافة🔮______
__😈وصفات جلب الحبيب😈__
#____بقلم_عميق_السلاك____
#______🚫الجزء 15🚫_____
💜_ك_😂_و_😂_م_😂_ي_😂_د_😂_ي_😂_ا_💜

نجلاء: وعلاش اولدي

منار: (غاديا سالتة) سمحو ليا عندي منقضي

وحيد:(وقف ليها فالباب بالطول والعرض) مغاديا فين اشريفة

منار: صلي على النبي يا وليدي

وحيد:اللهم صلي الحبيب

منار: عاود صلي على النبي

وحيد: عليه الصلاة والسلام

منار: اوا حيد عافا وليدي خليني نمشي

وحيد:واقيلة مفهمتينيش راه متعاود غير الصلاة على النبي و راني قلت معندك فين تمشي

منار : نعل الشيطان اوليدي ولتعسرش ليا الاجر وتوقف فطريق لخير حيد اوليدي راه مزال تابعني شلا قضا يتقضا

وحيد: ونشاعللله مختخرجيش من هنا

منار: يااااك اوليدي (ضارت لعند ماجدة مخرجة عينيها تخريجة حصلت حصلة لكلاب دارت لعند نجلاء ) الدري عندك الالة باين ليا معكووس وملي حبستيني حبستيني وتانا شدوني رجال لبلاد اوليدي زيد نديرلك شوية ديال القبول

وحيد: حدك تم وغتريحي لارض تنشوفو هاد تخارف ديالك ولا لبوليس
نجلاء: وحيييد
وحيد: خليك بعيدة الواليدة

منار: لبوليس ومالنا عليه ارا ليا ابنيتي داك لكرسي نبات معاكم تا لمباتة اللهم وجوهكم ولا لمخزن(شدت ديك لمانيطة وكلسة لارض مكمشة تتبلع فريقها مرة مرة طلع عينيها فماجدة لي بدات غاديا وتتكحز مع لحيط حتا قربت تخرج من لباب)

______🔮الشوافة🔮______
__😈وصفات جلب الحبيب😈__
#____بقلم_عميق_السلاك____
#______🚫الجزء 16🚫_____
💜_ك_😂_و_😂_م_😂_ي_😂_د_😂_ي_😂_ا_💜

مها بدات تطل عليهم من تحت الزيف وهي تمشي لسرير تكات

منار: (مك يا مك ليوم تمشي فيها يابنيتي يا منار خبارك يجيبوها لخرين ) مقلتيش ليا اوليدي مجوج

وحيد: تيخنزر فيها) لا غتجوجيني تانا
منار: مرحباااا

نجلاء: بصح اللالة

منار: الله ياودي خاص يدير غير النية ويبات مع لحية ونشاعلاه حاجتو ليلة تكون مقدية

وحيد:الالة شحال مكتقادتيش شفتي بلانك لول مسلككش قلتي دوري ليا.

منار: لواه لواه اوليدي راني حرة وشريفية منقول غير لي كاينة وفية وحنا مدخلناكم على طمعية جينا نديرو غير خير ومزية لفكينة هاد لولية مفيها باز نزيدوك حتا نتايا ولا لا اشريفية

نجلاء : التسليم التسليم

وحيد: نقاداو ليك بنت ليك فالقادية
منار: علاش لي منديروش واحد لمزية

وحيد: لي هي

منار : لجا مكتاب ختك وتفكت من هاد لبلية نديرو الحضرة ولي شرطوها عليك لجواد فساعتها تكون مقدية اش قلتي هاا

وحيد (بقا تيشوف فيها ) موافق

منار: اوا وريوني الالة شي بيت نرتاح فيه راه مكتوب لبنية ياله شد.الطيارة

نجلاء : مرحباا مرحباا.ماجدة مااااجدة

ماجدة جايا تتجري: نعام الالة
نجلاء: دي لالة الشريفة لبيت الضياف

ماجدة: واخا الالة (هزت ليها ماتريالها وزادت ) تبعيني

منار:(مكنزة فديك المانيطة تاع لفلوس وتبعتها تتحنزز فوحيد)
وحيد: لواليدة بغيت نهضر معاك

نجلاء : (مشات غطات مها لي تكمشت فبلاصتها) زيد قدامي

سدت لباب وتتندب فحناكها وتخبط ففخاضها

ماجدة: هاحي هااحيي خرجتي عليناااا كي غنسلكو داباا دويي

منار :(كلسات تتنقز فوق السرير) وو ووو ووووو

#####هادي هي ديال انا فهمو ندادي وهو يقلع فوتادي البنت تتهضر معاها وهي تتقز فالسرير داكشي لي بقا لبووك😂😂😂…

______🔮الشوافة🔮______
__😈وصفات جلب الحبيب😈__
#____بقلم_عميق_السلاك____
#______🚫الجزء 17🚫_____
💜_ك_😂_و_😂_م_😂_ي_😂_د_😂_ي_😂_ا_💜

ماجدة:(طلعت عندها جراتها) تي تندوي مع مك كي غنديرو نسلكو من هادشي

منار : عادي تنتي غنخرجو كيف الزغبة من لعجينة اجي شكون كين فالدار من غير هادو

ماجدة: كاين مول الدار

منار: وفين هو
ماجدة:ميجي تايصبح لحال جاتو المراهقة المعطلة عاد ولا تيسهر وعاطيها لرحلات

منار: واسعداتوو حسن منداك لمعقد بالحق نسرحوه

ماجدة:واش تخور لمك لعقل راه سي وحيد هداك والله لا دازت عليه

منار : شششش (هبطت عينيها تيبان ليها وقف ظل على لباب)

نجلاء:وحيد اش تنديرو هنا
وحيد: شش غير سمعي ضروري مغتكون شي حاجا ماشي تالهيه

منار:(هزت فيها راسها وزكات فيها الشوفة ركزات فعينيها ومبتاسمة ابتسامة جنب)

ماجدة:( بدوك الشوفات وترتها) ماالك لاش تتشوفي فيا هاكا

منار: لي تمشي لقبور فنصاصات الليل والقمرة مخيمة تهبش لقبور و تكسكس بيد الميت المغدور تجمع سبعات الجغمات من بول لحمارة لحرانة تهز سلا لكلبة لفرادية تضفر زغب السبع وتسلخ جلد الضبع يجي سيك وحيد يخلعني طلبي التسليييم (شيرات ليها تحت لباب فين تيتحركو الظلال)التسليييم

ماجدة:(رجعات اللور مصدومة وغاديا جهة الباب تتجري) التسليييم التسلييم

وحيد:(جر مو ودخلو لبيت لي حداها تما) اش هادشي سفاحة جبتيها لدار الواليدة

نجلاء:من صباح ونتا دوي دوي دوي واقيلة انا مك وديك لي مريضة ختك وهاديك لمرا هي لي غتعالجها سدينا لموضوع اشنو كدير ولا اش مكديرش شغلها هداك بينها وبين لي خلقها غتعالج ليا بنتي وانا خلصتها هنا وحبس

وحيد:الواليدة

نجلاء عطاتو بالظهر وخرجت خلاتو غير تيدور فبلاصتو مداخلاش ليه هاد اللعبة فراسو نهائيا طاح الليل كانو تيتعشاو تتسمع غير تقرقيب الفراشط والماس تا هضرت نجلاء

نجلاء: ماجدة عيطي لديك لمرا تعشا معانا

####وداكشي لي بقاا😂😂…

______🔮الشوافة🔮______
__😈وصفات جلب الحبيب😈__
#____بقلم_عميق_السلاك____
#______🚫الجزء 18🚫_____
💜_ك_😂_و_😂_م_😂_ي_😂_د_😂_ي_😂_ا_💜

منار كانت واقفة فدروج غير سمعتها وهي تم جايا مديراش لحس حتا وقفت عليهم بمرجانها ولوبانها

منار:سعد الله مساكم

نجلاء:(قفزات فبلاصتها )يااله قلت لماجدة تت

منار(تتجر فالكرسي تكلس وتهضر) نتي نوي ومولانا يقضي الالة الجاية بالنوبة والغاديا توبة نتي بنت لخير الالة غادرك الغير داتو مخلاتو بعد على وليداتو هو غادي بلا هواه وهي جاراه سير يا العدوة دعيتي بالقوة امولاناا الي مخطانااا

وحيد(حط الموس من ايدو وهو ينوض هو لمشوار مسح جناب فمو ولاحو)

نجلاء:(تتصنت ليها ومركزة معاها)عندك.لحق هادشي كامل عندك فيه لحق اللالة

منار: لبغيتيه مم غدا يرجع ليك

نجلاء: (تلقت لفرشيط) بصح الالة

منار: الله اودي عطيني تصويرتو وغدا يجي عند رجليك راكع

نجلاء: وااخا دابااا هانا جايا:(طلعات تتجري تجيب ليها اش بغات)

ماجدة:(تكات على لكرسي) اش هادشي تديري فيه امنار

منار:(بدات تتاكل) متندير تاحاجة تعصي مولانا ماني مشعودة ولا شوافة سري فلساني ولي عندو نظم لكلام يحكم قطيع بلا لجام

ماجدة:انا بعدا عيت فبلاصتك والله كيغديري لهادا تاهو

منار:عطيني غير فين تيكون ورجعي لور و تفرجي

ماجدة: انا غنسول ليك الشيفور
منار:(شافت نجلاء جايا وبدات تضحك) سيريي

نجلاء:هاكي الالة ها التصويرة

منار ناضت وقفت شدتها من عندها : كوني هانيا لما يجي بلا عقل ويدوز من عين لقفل وتلت ياام وهو فبيتو رازم راني ماشي شريفة بنت الشرفة

نجلاء:التسليم الالة التسليم ولي بغيتيها تجيبها ليك ماجدة

منار:(بدات تتجدب) مجامري

ماجدة: (مشات طايرة جابت ليها ساكها غاديا تدردك شافها وحيد وهو يتبعها تاوقف فالدروج تيتفرج فيهم)…
______🔮الشوافة🔮______
__😈وصفات جلب الحبيب😈__
#____بقلم_عميق_السلاك____
#______🚫الجزء 19🚫_____
💜_ك_😂_و_😂_م_😂_ي_😂_د_😂_ي_😂_ا_💜

منار كلسات تربعات ويدات تحل فالساك خشات ايديها فواحد لحك فيه الزهر سردات ايديها مزيان وهي دوزها على الشمع تا شعلت ليها لعافيا فايديها بقات هكاك شي 5تواني وهي طفا

نجلاء:(ناضت قافزة): التسليم التسليم

منار:(بدات تتجدب بكتافها وتخرشش فاللوبان تتلوح الدقيق دالبارود فالمجمر تا تتشعل لعافيا زرقاا وترجع طفاا ) ديرو النية وباتو مع لحية الليلة ليلة بسماها قمرة مضوياها والنجوم مزيناها لالة مها علامها يتكعد وفراشها يتجدد راه جاي جاي بسلامتو يمالو زينو ومهابتو وايا سيدي عبد الرحمان مول المجمر ولالة فاطمة الزهرا قضيو غراض هاد لمراا لغايب جيتو بالجالب الجايب يرجع لقرابو السايب راه خايفين عليه.من لمصايب وافين يا مول الجلالب جيبو السكار قوالب الله الله
بخااات عليهم ولاحت لباروود فالعافية

منار:(بدات تضور فعينيها وهي تجمع النوضة) دخلو لبيوتكم وسدو عليكم ولسمعتو شي تقرقييب ولااا شي حس مطلوو متخرجوو سمعتي الالة مطلو متخرجو التسلييم التسلييم

نجلاء: التسلييم
منار: نوضي الالة ديري اش قالو ليك لجواد

وحيد:(حرك راسو يمين وشمال وضار دخل لبيتو)
نجلاء: هي لولة(مشات طلعات تتجري لبيتها غي.دخلت وهي تفكر وحيد يقدر يخرج والشريفة قالت متخرجوجش مشات هزت الساروت ودارت على لبيوتة سورتتهم ايلي دخلت وسورتت بيتها)

ماجدة:(تطل عليها من دروج تا شافتها وهي ترجع عند منار لي تتجمع فداكشي) يااله سيريي هادي هي لوجيبة سيري
منار: فيين
ماجدة: وا سيري هربي راه سورتات عليه سيري خرجي نعيط ليك لطاكسي
منار: طلعت ليك ااسخانة ابنتي ولا مالك
ماجدة: نتي لي مالك ياكما كدبتي كدبة وتيقتيها
منار: حيدي حيدي من قدامي راه عندي.شلا ميتقدا
ماجدة: مبقيتيش بغيتي تمشي فحالك؟؟

منار:(دارت لجهة الطبلة كفضات على ايديها وبدات تااكل من هنا وتاكل من لهيه تتهضر وفمها عامر) لاا الصراحة عجباتني الدار وحتا لي فالدار حبيتووو
ماجدة: ياختي بااااز ليك
منار: ممم مالي

ماجدة: حرت معاك انا سرطي سرطي هادشي كامل تديريه وظلي توري لبنات اش يوكلو رجالاتهم ها زنطيط لحمار ها كفتة لبغال واش منك يا توكال ونتي زعما متخافيش تاكلي عند الناس ليكونو دايرين ليك السحور
منار:(تتهضر وفمها عامر) انا ممم انا ملي نجوع الناس نااكلهم
ماجدة: بصمرحمرحيم
منار:(هازا ايديها تدير ليها خمسة وخميس) اللهم بارك

####لاهيلا قالك متاكليش عند الناس خوفا من السحور انا راه كي نجوع الناس ناكلهم…

______🔮الشوافة🔮______
__😈وصفات جلب الحبيب😈__
#____بقلم_عميق_السلاك____
#______🚫الجزء 20🚫_____
💜_ك_😂_و_😂_م_😂_ي_😂_د_😂_ي_😂_ا_💜

ماجدة: هانا غادا نسول الشيفور على فين تيكون سي مبارك

منار:مدي ليا معاك داك لفخض لي خلا داك لمعقد اري اري

ماجدة: (هزات لبلا ديال وحيد حطاتو قدامها) كولي تاكلي الرهج
منار: هشش

بقات تتاكل هادي تنفع هادي ضر حتا عمرااتها ورهي ترجع لور تتنفس شافت ماجدة جايا وتقادت فالكلسة

منار: امضرااا

ماجدة:كنت بغيت نسولو ساعا لقيتو مشاا يجيبو حيت صونا ليه

منار: غيجيبو هناا
ماجدة: ااه

منار:(مسحات ايديها فالناب تاع ااطبلة وناضت لساك جبدت منو جوج قفاطن بيضين وشي طروفا تاع التوب ) هاكي شدي وزيدي شوفي كيديري تتخرجينا لطريق

ماجدة: اش هادا
منار: قلت ليك زيدي

ماجدة: اش باغا ديري فهاد الليل الكاريتة

منار: لي فراس الجمل فراس الجمالة

وحيد:(بغا يخرج تيحل فالباب مبغاش يتحل ليه) لواليدة حلي لباب
بدا تيضرب فيه بكتفو ولكن الباب قاااصح عيا يضرب فيه فلخر ركبو وهو يرجع فحالو

الشيفور جاي سايق ووراه سي مبارك سكران تيغني شاف فيه من لمراية ورجع شاف قدامو حتا تيخرج ليه فالطريق داكشي لابس لبيض ضرب لفران وتييان ليه تاكشي جاي عندو بغا يرجع بلوو ياله تلفت تيبان ليه داكشي تاني كين ورااه وتييغوووت بغا يزيد لوطو مبغاتش تحرك ليه

منار لابسة لبيض ووجها مجخلطاه بالبيض تا مبقاوش تيبانو الملامح
ااااااع

ماجدة: لابسة تاهي لبيض وديرا النقاب بالبيض باش متعرفش جات تتخبط عليه فالزاج

منار:(جات تتخبط فالجهة لاخرة ومخرجة عينيها)

الشيفورعقلو بغا يخرج تيغوت ويتفتف:بصمرحمرحييييم بصمرحمرحييييم اشهد ان لااا اله الا الله واااااااابصمرحمرحييييم (حل لباب وخرج غادي تيجري جهة الغابة وتيغوت)…

______🔮الشوافة🔮______
__😈وصفات جلب الحبيب😈__
#____بقلم_عميق_السلاك____
#______🚫الجزء 21🚫_____
💜_ك_😂_و_😂_م_😂_ي_😂_د_😂_ي_😂_ا_💜

منار: (حلت لباب ودخلت كلست حدا مبارك)

مبارك:(ولا تيطرش فرااسو باش يفيق) انا بالله وبشرع معااكم اناااا

ماجدة:(كلسات حداه من الجهة لاخرة وهي تقجو) باقيي تصهر
مبارك: لالااا بصمرمرحييييييم حجاركم يشدووكم

منار:(جايا باغا تعضو وتتخرج واحد الصووووت تيخلع) ععععع غترجع لمرتك وولادك ولا لااا

مبارك:نرجع نرجع والله تانرجع(بال فسروالو بالخلعة)

منار:(بدات تتشم) اييخ اش درتي بلني البواال

ماجدة: طحتي من عيني

مبارك:(وجهو حماار وااسكرة طارت منو طاح ليه الطونسيو وطلع ليه السكار ومساست ليه الملحة) انا مسلم وطالب التسليم

منار:(هبطات خلات لباي محلول) نزل سير لدارك والله ونصيبك خارج تنشير بيك لثلث الخالي

مبارك خرج تيجري وركابيه خاوين بين غادي هارب كل شوية يلقا طرف تاع التوب معلق فعود تيدي فيه البرد تيبان بحال الاشباح بقا غير غادي وتيغوت

منار:(جمعت لمسامر لي كانت لاحت فالطريق ومسحت وجهها جمعات دوك الطروفة تاع التوب هي وماجدة ورجو لفيلة دخلو وكلسو)

ماجدة(هزت فيها راسها) قرصيني

منار ناضت قاصداها : هي لولة

ماجدة: لا صافي بلااش بلاااش ناري مقادراش نتيق هادشي كامل درناه
منار: واغير تيقي

ماجدة: ودابة اشنو

منار:دابا نوبة لمغوفل ايكون وصل حسب توقيت الرباط سلا وماجاورهما

ماجدة سمعت الصونيت ناضت تشوف اش واقع: وا لعفووو

منار: على لي تلفو اما حنا غير تنتكيفو

تيدق ويصوني عقلوو خارج والكارد تيهضر فالفون تا خرجت ماجدة غير حلت لباب وهو يدفعها ودخل مكشكش…

______🔮الشوافة🔮______
__😈وصفات جلب الحبيب😈__
#____بقلم_عميق_السلاك____
#______🚫الجزء 22🚫_____
💜_ك_😂_و_😂_م_😂_ي_😂_د_😂_ي_😂_ا_💜

نوفل: مهاا اشنو واقع لمهاا دوييي فين هي
ماجدة معرفت باش تبلات تا هضرت منار

منار: اتلق السيدة مها بيخير وراها ناعسة يمكن انا لي عيطت ليك
نوفل غادي عندها حاقد شدها من دراعها تي اش تتخربقي عليا فين مها

منار: دابا هادي حالة يجي بيها عريس

رجع لور تيشوف فيها
نوفل: اشمن عريس ولازمر

منار:شوف بغيتي تزوج بمها معليك الا دير جوج حوايج اولا غتنسا انني عيطت ليك وتانيا غتخرج واحد 5 دقايق وتدق باش تدخل

نوفل: نتي اش تتخربقي خالتي عمرها تقبل بيا لبنتها

منار: ونتا اش خاسر داباا ديني على قد عقلي ودير اش قلت ليك ولما غدا كان لعرس راني ماشي شريفية بنت الشرفة

نوفل: واخا هانا الالة متنعرفك متتعرفيني كنت معليا ما بيا عتا لقيت راسي قدام الدار مزيانة

منار: بييرفكت ياله لباب
خرج نوفل برا تيشوف هادشي فين غيوصلهم

منار: طلعي فيقيهم قولي ليهم راه لبقر زوكت ولحمير هرطت ولكلاب تنابحت والجران قرقر والغنم صيحت والخيل حنحنت وموكة عوكت

ماجدة غاديا تتحفض فيههم تا وصلت لبيت نجلاء دقات عليها وحلات

ماجدة: لاالة لالة قالت ليك الشريفة راه لبقر زوك ولحمير هرطت ولكلاب تنابحت والجران قرقر والغنم صيحت والخيل حنحنت وموكة عوكت

نجلاء: اييه اشنو زعما

ماجدة: يعني مكتاب بنتك جا الالة

نجلاء: بصح بصح (غاديا تتجري حلت لباب علة بنتها وعلا ولدها) زغرتيي نتييي

ماجدة بدات تتزغرت : لولولولولولويييي

وحيد خرج لابس كيطمة وتيشورت هاححح مشهيتكم فيه البناات لمهم وخرجات تا مهاا…

______🔮الشوافة🔮______
__😈وصفات جلب الحبيب😈__
#____بقلم_عميق_السلاك____
#______🚫الجزء 23🚫_____
💜_ك_😂_و_😂_م_😂_ي_😂_د_😂_ي_😂_ا_💜

نجلاء: يااله نزلو راه جا مكتوبك ابنيتي

وحيد: وا لواليدة اش هاد الصداع

نجلاء: ياك مخاطر معاها وياله نزل تشوف فعينك

نزلو لتحت كاملين لقاو منار مستفة الشمع والبخوور دير لعجاجة فالدار شوية وهو يتسمع الدقان

منار شيرت بايديها: بلاااتي كيف قلت ليك الالة لي جادو بيه لجواد نصيب مقسم لا هو فكتاب مزمم ولا فراس مخمم يتقبل بالرضا

نجلاء: التسليم وحنا قابلين بهدية لجواد

منار:حلييي
ماجدة: حلت لباب ودخل نوفل

وحيد: نوفل هادا نتا جي غير بكري اصاحبي تعشا

نوفل داخل متيهضر وتيتكلم حادر راسو وهاز ايديه بحالا ضاربو حمار ليل وغادي نيشان لعند.منار ايييه الشواافة مقرياااه كلشي فسبيل الحب
منار غي وصل عندها وهي تنوض: ها مكتابك ابنيتي

مها حدرات راسها وهزات ايديها وغاديا بحال لمشيير تتزيد.بحال الزومبي تا وقفت حداه

وحيد: لاا لاااا مزدتيش فين

نجلاء: وااش ميمكنش يبدلوه لجواد

منار تكرعااات لييها فوجهها: كعععععع

نجلاء نقزات فبلاصتها: تسلييم تسلييم سمحو ليا الجواد حنا راضيين بيه
منار: لعراس غدا

وحيد: لعرااس راه غير واحد

منار: تعقل على الشرط لي عليه وافقتي

وحيد: تضحكي عليا انا نتزوج بيك سحارة

منار: لهلا يحييط ويطول الزمان عليك تاوصلو يديك لرجليك نبيعك ونشيك نسيزيك ونطيح الكتاف عليك انا لالااااك الشريفة نرقصك ونحكم فيك

وحيد كان غادي قاصدها تا شدتو مو

###هاد الشوافة فمها مبري منها….

______🔮الشوافة🔮______
__😈وصفات جلب الحبيب😈__
#____بقلم_عميق_السلاك____
#______🚫الجزء 24🚫_____
💜_ك_😂_و_😂_م_😂_ي_😂_د_😂_ي_😂_ا_💜

نجلاء بخوف: لا اولدي دير اش تتقول لييك الله يرضي عليك الله يخليك الالة سمحي ليه

منار: علا وجهك

نجلاء:الله يكبر بيك ودابة قولي لينا بيمن غتزوجيه الله يكتر خيرك نتي ولجواد

منار : هي يتيمة مقطوعة من شجرة درية موااح(جمعت صباعها وباستهم) معندي منسالها تحطها على الجرح يبراا

نجلاء: وفين غنلقاها

منار: كيف جا اللول غتجي تاهي خاص غير النية

وحيد: هاحنا غنشوفو فين غادي هادشي تاعك

بدا لباب تيدق تاني بالجهد كلهم دارو تيشوفو فيه مشات ماجدة تحل عير حلت دخل مبارك تيجري موقف تا لعند.رجلين نجلاء تيبوس فيهم ويعاو

مبارك: سمحي لياا سمحي ليااا انا مزااوك سمحوو ليا عمرني باقي نخرج ولا نبعد عليكم لعاار لما سمحو لياا

وحيد: ياربي تصبرني

نجلاء تتشوف فمنار لي عطاتهم بالظهر وغاديا طالعة لبيت : صافي نوووض نووض

مجا فين يصبح لحال تا ناضت منار بكريي خداات دووش لبسات حوايجها لي عبارة على سروال كحل سليم وقميجة بلوسيال خشاتها فااسروال تلقت شعرها على طولو واصل حتا لحد فخضها جبدات الكصة رشات ريحة لبسات سبادري وجمعت داكشي كااامل وخشاتو فماكينة الصابون لي كينة فداك لبيت حطات تا دوك 10 لمليون تما جمعت لبيت بحال الا مكان فيه تا حد وهي تنزل تتسلت خرجت وبدات تدق فالباب بالجهد

كلشي كانو ناعسين تا تيسمعو فالدقان ماجدة غطات راسها وكملت على نعاسها ونجلاء جايا تتجري تحل غير حلت اش غنقول ليكم لقات واحد الملاك مشاء الله هازا ايديها ومغمضة عينيها

###شي وحدة تصرفقها😂💪💪…

______🔮الشوافة🔮______
__😈وصفات جلب الحبيب😈__
#____بقلم_عميق_السلاك____
#______🚫الجزء 25🚫_____
💜_ك_😂_و_😂_م_😂_ي_😂_د_😂_ي_😂_ا_💜

وحيد جاي من السبور تيشوف فواحد مولاتي طااي والشعوورات كان غيطيح على فمو
نجلاء: مرحباا مرحباااا

منار(تأدبات ولات تتهضر بواحد الصويت حنين تيبورش بحال صوت فيكتوريا مولات الشاقور ملي تدير لايف) شكراا الله يخليك فين هو وحيد

وحيد سمح سميتو هس بالتبوريشة من صبعو الصغير : انا انااا هو وحيد

منار:(دارت عندوو مبتاسمة مشات تتجري وعنقاتو) كنبغيييك

وحيد(فشل طاحت ليه القرعة تاع لما من تيدو تيحس بيها معنقاه وت السيد تبلووكة واطااح فيه النص)

الدقايقية والعدولات جااين ومشعلين العافيا بالغنا وااشيخاات دغيا الجردة عمرت ديك الساعة هزوهم فالعماريا هو بحوايج السبور مكين ما ولكن طلعو هبطو نوفل ومها بحوايج النعاس هبطوهم سيناو لاكت وطلعوهم تاني فالعمارية

منار حطات ايدها عليه: صافاا

وحيد:لحمد لله احبيبة ونتي
منار: اوسي احياتي

ماجدة مربعة ايديها وتتفرج: التسلييييييييييييم

وهناااا يا لبناااات سالاات قصة شوافتنااا الى اللقاء 🙏💃💃💃💃💃

😂😂😂الكواليس

البنت لي مشات تعطي لكراش لفوطة لي مبيتاها فطبونها مسح بيها الكارديانزتاع الطوموبيلاتزجاتووكورونا ديك الساعة وهي جاها تسمم من داك الاحماض لي كلاتهم فالتصويرة

لمرا لي تيصوطها راجلها بدات تتغربل فالفلوس فوق راسو وهو يفيق حصلها تتسحر لي فوق راسو وهو يعطيها قتلة تاع لعصا

🔮🔮اتهلاااااااااااااااااااو🔮🔮