Skip links

قصة : البورجوازي المتكبر و الخادمة 1

 2,102 عدد مشاهداات

😗البارت 1 😗 الحياة قاسية بزاف إلا مخدمتيش مغاديش تاكل طرف ديال الخبز .. دنيا علمتني نكون قويا كثر من القياس حيت عامرة غير بالوحوش … نسيت معرفتكمش برااسي مهم انا عفاف 20 سنة طويلة طاي ديالي لي شفاها كيگوليا عارضة الأزياء(اللهم زيدني تواضعا ههه) فمي حمر وصغير شعر كحل طويل شوية عينييا بحال ديال بابا .. عايشة انا و ماما بابا الله يرحمو مات ملي كنت صغيرة كانت عندي ديك 12 سنة بحال هاكاك . انا كنخدم في واحد ريسطو كيجيو ليها غي شكون شكون صحاب (اللعاقة) مولاها رجل طيب بزااف كيتعامل معانا مزيان معمرو گال لينا شي عيب الشخص : واحد دقيقة عفاك انا : واخا …. شنو حب الخاطر اسيدي الشخص : بغيت ….. وشكرا انا : مرحبا سيدي هادا هو حالي من طابلة لطابلة نهار كاامل داز الوقت وكملت نهارى بمشقتي الأنفاس دخلت الدار لقيت ماما گلسة كتسنى فيا مسكينة ماما : على سلامتك ابنتي انا : الله يسلمك احبيبة ديالي اجي نبوسك نوحشتك انا ماما : ههه اه ابنتي الحمقة حتا انا اجي عندي (مشيت تخشيت فيها كنعنق ونبوس ههه) انا : ماما فيا جوووع ماما : واخا انا غادي نحط ليك انا : اوكي بلاما نصلي نيت انجي مشيت نيشان لبيتي صليت وهبطت كليت انا و ماما بقينا كنتعودو حتا جاني نعاس مشيت لبيتي طحت على ناموسيتي معقلت على راااسي حتا الصبااح ماما : عفاف فيقي ابنتي راكي غادي تعطلي على الخدمة انا : واخا غي 5 دقايق ماما : نودي براكة علييك راكي غادي تعطلي انا : وااااخا ا ماما هانا نايضة مشيت الطواليط قديت حاجتي وهبطت نفطر من نبع الحنااان ديالي انا : صبااااح الخير ماما ماما : صبااح نور حبيبة ماماها انا : كيخصني نفطر داغية باش نمشي ماما : مزال الحال ابنتي فطري مزيان عاد سيري انا : راه انتعطل اماما واليوم حاجز شي وااحد المطعم كاامل ماما : علاه شنو كااين انا : شي وااحد داير الأجتمااع وحجزو المطعم ماما : اوا الله يعاااونك ابنتي انا : امين ا ماما .. هانا مشيت دعي معايا ماما : سيري الله يباعد عليك ولاد الحراام انا : امين ا حبيبتي بسلامة ماما : بسلامة ابنتي
😗البارت 2 😗

غادا فطريق و كندندن حتا وصلت …
ريسطو واااو شهادشي كنشوف ويلي ويلي على زييين لا لا واقلة غلطة فالعنواان ولكن هادي هي ريسطو …
الشخص : لا لة فين غادية
انا : انا خدامة هنا حيد من قدااامي (دخلت الدااخل حتا جات عندي ديك الهيشة ديال منى )
منى : اهلان اهلان الالة العروسة عاد جايا
انا : حيد من قدااامي لمك
منى : زيدي راااه تابعنا الخدمة
انا : واخا ياله اجي شكون هادوك لي حدا الباب
منى : هادوك ليكارد كور ديال ديك راجل لي داااير الاجتمااع
انا : كتعرفيه نتي
منى : شكون لي ميعرفوش عمران بن جلون ميلياردير عندو شركات داخل المغرب والخاارج المغرب ابنتي هاداك يشريك نتي و هاد ريسطو ههه
انا : ههههههههه يااك
منى : اه ابنتي زيدي تلبسي خلاص باش تخدمي على راااسك
انا : واخا الحب (نسيت معرفتكمش على منى هي صاحبتي الواحيدة لي عندي خدامة حتا هي على دارهم 20 سنة قادي قدها ) مشينا عند مول ريسطو حيت بغانا ….

😗البارت 3 😗

مول ريسطو (خالد) : بلاشك كتسألو علاش جمعتكوم .. كيفما كتعرفو ريسطو راااها محجوزة نهار كااامل حيت سي بن جلون عندو الإجتماااع مهم داكشي باااش تختار المطعم ديالنا ~مااانو~ عفاف و منى نتوما غاادي تكلفو بيهم إلأ خصااتهم شي حاجة تكلفو بيهااا منبغيش شي شكاااية من عندهم ياله بداو مبقى والو ويجيو …..
كل واااحد مشى لخدمتو رااادينا ريسطو زوييينة نقية وواحد الوقت لمحت عيني كنشوفو ليكاردكور دااخلين كل وواحد مشى لقنت ديال ريسطو گلت مع راااسي فشي فييلم و الله … حتا عيط ليا مول ريسطو
العم خالد : عفاف بنتي اجي عوني منى باااش تمشيو تسربيو الناااس ..
انا : وااخا
كنت كنقاد انا او منى داكشي حتا جااتني بوو لة ههه ضروري خاصتي نمشي لطواليط
انا : منى انا نمشي لطوااالييط
منى : سيري انتي گلسة كترعدي عليا هههه
انا : هههه صافي
غادا لطوااليط حتا كندخل فشي حيييط لا لا هادا بناادم
انا : اسي مكتشوفش عور
الشخص : اتحيدي من قداامي ولا نخلطك هنا
انا : علاه ش… (ويلي ويلي شهادشي يا ربي ويلي على طولا على زييين على وقفة و انا قدامو كيف نملة ولكن بلاتي هادا كيسبني ) اسي راااك نتا لي داخل فيا ماشي انا تفو
الشخص : انا يا ق…… ة نتي واااقلة معارفاش معامن كتهدري
انا : معامن هههه مثلا مع الحيواان (كنشووف سيد تزير عروقو خرجو شدني قجني حتا خرجو عينييا ) ط…. طلقني كح كح كح كح الله يااخد فيك الحق
الشخص : مرة خرة عرفني معاامن تهدري (مشا وخلاني كنهدر بوحدي صراااحة فسر والله اف اف اف شكتگولي ا عفاف )
منى : عفاف ياله اصحبتي خاصنا نقدمو ليهم الأكل
انا : انا جايا يلاه (مشييينا كنقدمو ليهم حتا كنقشع دااك الحيواان هه بغيت نگول داك لفسر )
العم خالد : مرحبا و ألف مرحبا المطعم تنور بييك اسيدي

😗البارت 4 😗
الشخص : شكراا اعمي
حنا كنحطو ودااك المرد كيشوف فياا ولكن صدمة الكبرى هي فاش عرفتو شكون …
العم خالد : ولدي عمراان شخبار ماماك لاباس عليييها شحال هادي مشتها
عمران : لاباس عليها الحمدالله رااها كتسلم عليك حيت عرفتني انجي لهنا
العم خالد : مرحبا بسلا مها حتا نتا سلم عليها
(عفاف منى اجيو زيدو حاطو داكشي لناااس ياله سربيو )
حنا : وااخا
عمراان : نتي ادييك الخدامة اجي هزي عليا هادشي انا مكنكلوش
انا : اول حاجة عندي سميتي تانيا نتا لي طلبتي هادشي
الشخص : اوا سمعي نگوليك الالة انا بغيتك تيبدلي هادشي او جيبيلي سلاد نسواز تحركي يا الخدامة (مع ضحكة الاستهزااء)
انا : تفو على متعجرف (واخا كنتعاير انا وياه إلا انني حاديا تفاااصيل وجهو انا تزعت صافي )
مشيت جبتليه داكشي لي باااغي قربت حتا لهدا ودنيه وقتليه (تاكل فيه سم ) بتسمت وزدت فحالي
مهم تعشاو و بدا المطعم كيخوى حتا مشاو كاملين مهم كملت خدمتي مع ديك 00:30 تاااع ليل مشى الحال و محال نلقى طاااكسي في هاد الوقت …

😗البارت 5 😗

الشخص : شكرا اعمي
حول كنحطو ليهم الماكلة او دااك المرد كيشوف فيااا و لكن صدمة الكبرى هي فاش عرفتو شكون
العم خالد : ولدي عمران فين ماماك شخبارها لاباس عليها
عمران لاباس عليها الحمدالله راها كتسلم عليك عرفتني انجي عندك
العم خالد : مرحبا بسلامها سلم عليها حتا نتا او لدي (عفاف منى زيدو سربيو هادشي )
حنا : وااخا
عمران : نتي اديك الخدامة اجي هزي عليا هادشي من هنا
انا : اول حاجة عندي سميتي تاني حاجة نتا لي طلبتي هادشي
عمران : اوا سمعي الالة نگوليك انا بغيتك تبديليه ليا جيبيليا صلاد نسواز تحركي يا هاد الخدامة
انا : تفو على مغرور و متعجرف (واخا كنتناگر انا وياه الى انني حادية تفاااصيل وجهو صافي انا تزعت )
مشيت جبت ليه داكشي لي بغا قربت حتا ودنيه و گتليه (تاكل فيه سم ) بتسمت و زدت فحالي
مهم تعشاو و صلاو الإجتماااع ديالهم بدى المطعم كيخوى حتا مشاو كاملين مهم كملنا الخدما مع ديك 00:30 تاااع ليل اف نااري مشى الحال محال نلقى طاااكسي في هاد الوقت ….
في مكان أخر بضبط عند العائلة بن جلون
عمراان من أكبر السياسيين في المغرب كلتمو متنزلش الأرض …. معروف عندو معارف ديالو … عندو شركات برا البلاد و الداخل البلاد … علاقة بواليديه علاقة كتجمع ما بين الموظة و الاحترااام التااافهم عائلة رائعة بمعنى الكلمة …. باااه خلا ليه كلشي گاع الملاك كتبهم ليه في سميتو من غير داكشي لي داار رااسو فاش قرى و مشى البرا …. عندو الأخت واحدة اسمها (أحلام) بنت زوينة ضريفة 19 سنة عندها الباااك هاد العاام … كنضن دابا تعرفتو على العائلة بن جلون ….
من بعد داااك الاجتماااع و دييك الخدامة لي نفرزاتني و لكن غااادي ندمها غي بلاتي (منكرش انها زوينة و متجدب لوااحد مي غادي نوارها عمران شكون هو )
دخلت الدار و سمعت شي صوت جاي من صالون توجهت ليه لقيت أحلام كتفرج ….
عمران : ايييه نتي متنوديش تنعسي خلاص
أحلام : خلعتيني حنحن و لا كحب ملك
عمران : غنجي ليك نودي تهزي من تم
أحلام : هاهيا نايضة (بدات كتغبن عليه باش يخرجها) خويا
عمران : اممم
أحلام : خرجني بلييييز قنطت
عمران : عيان مافياش
أحلام : عفاك ا خويا غي شويا و نرجعو
عمران : مصيبة معااك نتي يلاه نودي
أحلام : ياس ياس كنحماق علييك
عمران : امممممم
حنا خاارجين

😗الباارت 6😗

خرجت من ريسطو غاادية بوحدي خيفة لايخرج ليا شي وااحد من شي قنت … بقيت غادية و كنتلفت حتا كتبان ليا واحد لوطو جايا غير بشوية تخلعت گولت صافي هااادي للخرى ليا بقيت كنزرب فالماشية حتا وصلت الداااار (حيت دارنا مبعيداش بزااااف على فين كنخدم ) دخلت الدااار لقيييت ماما كتسنى فيا طمئنتها علييا و مشات تنعس حتا بدلت حوايجي وطحت دودة …..
بقيت تااابع ديك الخدامة ختي كتسولني گوتلها من بعد … داارت شافتني و بدات كتزرب فالماشية ضحكاتني هههه …. وصلات الداارهم عرفتها فين كتسكن وانا نرجع انا وختي فحالنا ….
اصبحنا و اصبح الملك لله فقت درت روتين اليومي ديالي و لتحقت بخدمتي ……….
داازت 15 يوم باش معودتش شفت عمران توااحشتو اويلي شکانگول انا حماقيت مافيهاش …. هاد صبااح فقت على غير عادتي اف جاتني ليغگل كتجيني بالوجع …
داز داك نهار بمشقتي الانفاااس رجعت الدار لقيت ماما كتسنى فيا كلينا ومشييت نعس …
صبح صباااح جديد أحدات جدييدة فقث درت روتين اليومي ديالي امشيت لخدمتي …. مع دخلة جاات ديك الهيشة كتجري ….
منى : صباااحو
انا : صباااحو الحب
منى : اليوما عندنا خدمة كثيرة
انا : علاش شنو كاااين
منى : عيد ميلاد ديال الٱخت ديال عمرااان ل جا داك نهار عقلتي عليييه
انا : ايييياه عقلت علييه (دكرات سميتو ا بتسمت بلاما نحس )
منى : يلاه قدامي تابعانا الخدمة
انا : اوكي يلاه

😙البارت 7 😗

داز الوقت داغيا …. ناس بداات كتجي وانا كنقلب عليه گاع مبااان لي واااقلة مغاديش يجي
منى : عفااف شوفي اختي تووت البرى لجا وااااو انا والله حتا ندبر على رااااسي هاد ليلة
انا : ههههه كتحلفي شكون غادي يشوفيك انتي ههههه
منى : بلاما تبقاي تفقسي فيا نتي تفو عليك انا عارفاك حسدتيني ههههه
انا : علاش غادي نحسدك ا صاطا
منى : على زيني ههههههههه
انا : يااك الالة ههههه ياله زيدي نخدمو ونتي كتحلمي فااايقة …. (مشينا هازينا المشروبات كنوزعو على ناااس وواحد ساعة لمحت عيني على واحد تيتيزة داخلة مع البا ب وااو كيف داايرة انا بنت وتزعطت فيها بلاتي بلاتي هاداك لي معاها عمران شكون هاديك لي معاااه زعمة مرتو نن نن ميمكنش اه كيفااش نسييت هاديك ختو لي عندها عيد ميلاد ) كنت كنسربي لناس حتا وقف عليا واااحد
….. : فين ازين صافا
انا : شنو حب الخااطر اسيدي
….. : بغيتك نتي شتك من گبيلة وعجبتيني
انا : سمحلي اسيدي (جيت دايرة نمشي حتا كنشوف سيد شاد ليا ادي ) حيد اديك علياا
…. : ملك متكبرة شمال بغيتي باش دوزي معايا ليلة حمراء (مع عمزة)
انا : حماار ومكتسواش بزاااف عليك انا
…… : دابا غادي تزيدي معايا (جارني وانا كنحاول نتفك منو حتا كنشوف سيد طلار درت نشووف وهنا كاانت صدمة … )

😙البارت 8 😙

كاان عمران لي كيضربو ….
ختي عندها عيد ميلاد و گتليك مبغاتش تدوزو فالفيلا گتليها صافي انحجز مطعم مااانو نديرو فيه عيد ميلاد … (معرفتش علاش ختاريتو حيت خدامة فيه عفاف او معرفتش انا كنبغيها معرفتش تخربقت فالدماغي والله )
دخلت انا وختي حتا شفت ملاكي داايرة كالفراشة كطير من هنا لهنا جااات زوييينة بزااااف اف لبسة داكشي مزير عليييها مي دابا نتفهم معاها ….
مهم مشيت تلاقيت مع شي ناس غنعقدو معاهم واحد الصفقة حال كنشوفها جارها واحد بنادم مشعرتش براسي حتا شديتو وكنعطيه لعصااا (على فكرة عمران راه ديجا سيفط واحد من رجالو يبحث وعرف عفاف شكون هي مهم عارف دابا عليها كلشي ) عمراان عيط على رجالو باش يهزوه من هنا
عمران : شهادشي لبسة نتي
انا : ماشي سوقك فيا لبس ليبغيت
عمران : اوا الالة راااكي غلطة انا شغلي فيك حيت نتي ديالي ملكي انا فهمتي ودابا غادي تغبري لداخل منشوفش وجهك ولا مغاديش يعجبك الحال (بالغواات) فهمتي
انا : (انا مزالة مصدومة من هادشي لي سمعت )… ا.. واخا مشيت كنجرى معرفتش واااش نضحك و لا نبكي ههههه

😗البارت 9 😙

عمران …
معرفتش كيدرت حتا مشيت غوت عليها كاانت كاتبان فحال دراري صغار وهي خااايفة ولكن مغادي نخليها لحتا لواااحد حيت هي ديالي انا …..
نرجعو عند البطلة ديالنا نسيتوني ياااكو اهئ اهئ
من. بعد ما مشيت لدااخل كيفما گال ليا قطاااع روااح هههه اح عليه تسنيت حتا مشاو وانا نخرج جمعنا داكشي ومشيت الدار دخلت وطحت فوق ناموسية بحوااايجي من كترت العياااا
اصبحنا و اصبح الملك لله 😁😁 فقت درت روتيني اليومي ونزلت فطرت مع حبيبتي ماما اوا هدرنا شوية وخرجت مشيت لخدمتي …..
منى : صباااحو العمر
انا : صباااحو اسمر ههههه
منى : شتك رشقة ليك هاد صباااح ماموالفاش ليك
انا : اوا الله يخاليني ديما ناااشطة ههههه
منى : اه حقا فكرتيني فين كنتي البااارح
انا : ا….. انا لا دابا حيت عييت مشيت كنرتااح
منى : امممممم مزيان الالة
انا : ههههه يلاه نخدمو
هكدا دااز نهار عااادي …
بعد مدة شهر
دابا داز شهر باش مشفتش عمران تواحشتو بزاااف . تلقاه گاع معقل عليا اودي (انا خدامة حتا كنلقى تيليفون كيصوني ) مشيت الكلوار ديال ريسطو باش نجاوب
انا : الو ماما
ماما : لاباس عليك ابنتي
انا : لاباس ونتي بخير
ماما : بخير شوفي رااه جاو عندنا ضيااف
انا : شكون هوما
ماما : مغاديش تعرفيهم هما من العائلتي مهم حولي تجري بكري ابنتي
انا : واااخا ا ماما
ماما : ياله بسلامة
انا : بسلامة

😗البارت 10 😗

انا كنموت على ماما حيت هي فيها صحبتي وختي و بابا هي لي عندي فهاد دنيا منين ماااات باب الله يرحمو هي لي بقاات ليا ندفع عمري كلو غي باااش منخسرهاش …..
مشيت كملت خدمتي وخرجت فحالي غادا فطريق ختا تفكرت عمرااان توااحشتو مكرهتش نشوفو ولو غي من بعييد انا ولييت كنبغيه مفيهاااش اف حرت لا لا يمكن يكون غير الإعجااب صافي هادشي لي كاااين …..
وصلات الداار كنسمع الهدرة كثيرة فالدار اويلي شنو وااقع اكما ماما وقعات ليها شي حاجة (طالعة فالدروج وكنعيط )
انا : ماما ماما واااااااااا ماما
ماما : نعاام ابنتي اجي هانا فالصالون
انا : اففف خلعتيني يتسحاب ليا وقعات ليك شي حاجة (كنهدر معاها ومعنقاها )
ماما : حمقة هه زيدي زيدي دخلي
دخلت معاها الصالون ختا كنتفاجئ بناس معمري شتهم فحياتي
ماما : ختي نعمة هاهي بنتي عفاف
خ ن : تبارك الله غزالة

😗البارت 11 😗

الله يبارك فيك اخالتي
انا : انا عفاف مرحبا بيكم عندنا
خ ن : متشرفين احبيبة نتمنى منكونوش تقال عليكم
ماما شكاتگولي اختي مرحبا بيكم في أي وقت يااااك ا عفاف
انا : ايييه دار داركوم سمحوليا انطلع نبدل حوايجي
خ ن : خود راحتك ابنتي
مشيت لبيتي بدلت حوايجي وانا خارجة من بيتي وكنسمع صوت روجولي انا كنزيد و داك صوت كيزييد لا صافي صوت جاي من صالون دخلت وتصدمت اح على زين مي عمرااان حسن منو
ماما كتهدر معايا و انا ساهية فيه هههه
ماما : عفاف و عفاف فين سهيتي ابنتي
انا : نعام ا ماما سمحيليا سهيت
ماما : زيدي سلمي على حمزة ولد خالتك نعمة
انا : اه اه مرحبا بيك
حمزة : ترحب بيك جنة شكرا
انا : هانية ا خويا (حسيتبيه تزير من ديك خويا )

😗البارت 12 😗 حمزة 25 سنة عند شركة صغيرة ديال تصدير ساكنين في طنجة كاين هو و ماماه باباه واحد ختو صغيرة في عمرها 15 سنة …… مهم بقينا مجمعين معاهم هدرة تدي هدرة حتا نطقات وياريتها مهدرات حيت بصح صدماتني صدمة العمر ….. خ ن : بلاشك كتسألو سبب زيارة ديالنا ليكم ماما : مرحبا بيكم في اي وقت خ ن : ربي يخاليك ختي نتي مولات صواب انا : دار دارك ا خالتي خ ن : عارفة لي كاين ابنتي الله ينورك انا و ماما : (بتسمنا ليها) خ ن : انا جيت طالبة راغبة فيد بنتك لولدي حمزة انا : (من كثرت صدمة غوت) ا اشنو ماما : كتهدري من نيتك اختي خ ن : اييه انا گولت مكاين لي تليق بولدي قد بنتك حيت مربية و معقولة تبارك الله عليها ماما : انا معندي منگوليك شوار شوارها هي خ ن : اوا شنو گلتي ابنتي انا : (انا مزال فالحالة صدمة ) انا مكنفكرش فالزواااج بمرة خ ن : بنتي متزربيش فكري على خاطرك و جاوبينا انا : داكشي لي كاين گولتو ليك اخالتي حمزة : صافي اماما خليها تفكر على خاطرها و تجوبنا ماما : مقلتي عيب اولدي خ ن : إلا وفقتي غاادي نكون فرحانة بزاااف حيت اتولي عندي مرات ولدي غزالة بحالك ويلا مبغيتيش مغاديش نبزز عليك انا : شكرا اخالتي …. صافي دابا نفكر ونجوبكم

😗البارت 13 😗

داازو يوماين كنگول نقبل ونتزوج بيه واااحد راااس كيگوليا نرفض معرفتش حرت (انا كنفكر في عمران منكرش انني كنبغييه مي معرفتش واش نقدر نأسسس حيااتي مع وااحد مكنحس من جيهتو بوالو )
اليوم غاتجي خالتي نعمة باش نرد عليها اهئ اهئ اهئ مبغيتش نتزوج بيه مبغيييتش
عفااااف : عفاف هبطي ابنتي تكلمي
انا : اجا جايا اماما
نزلت دخلت لعندهم لقيت ماما و خالتي و لدها حمزة سلمت علييهم و گلست …
حمزة : (عينيه كيبريو ) سلام عفاف لاباس عليييك
انا : حمدالله بخير و انتا لاباس
حمزة : لاباس شكرا
خ ن : نتمنى تكوني فكرتي ابنتي فزواجك
انا : اييه فكرت اخالتي
ماما : فكرتي ابنتي مزيان (ماما مهدراتش معاايا فهاد الموضوع حيت عرفاني غادي نرفض )
خ ن : الله يفرحك ابنتي كيفما فرحتيني
انا : خالتي واااقلة مفهمتينيش . مهم انا انخرج انا و حمزة بااش نگولو جواااابي
خ ن : ايه ابنتي سيرو
خرجت من الدار انا وحمزة كنتمشاو وانا نقشع وواحد رونج روفر تابعانا و المشكيلة زاااج فيمي مهم مديتهاش فيها حتا نطق حمزة
حمزة : عفاف نتمنى تكوني فكرتي انا غادي نعيشك اميرة غير قابلي
انا : حمزة شوووف نتا ولد ضريف زوين اي بنت تمنااااك سمحلي انا منقدرش نتزوج بيك و…. (قاطعني )
حمزة : عفاف عطيني فرصة وحدة .. انا من نهار شتك وليت كنبغيك
انا : حمزة بلييز بلاما تضغط عليا

😗البارت 14 😗

حمزة : اوكي على خاطرك
انا : شكرا دابا مزيان
حمزة : وااش يمكن لينا نكونو اصدقاء الا بغيتي طبعا
انا : اممم على مولانا
حمزة : (مد ليا يدو ) اصدقاء
انا : ههههه صافي اصدقاء
حمزة : فخبارك ضحكتك زوينة
انا : (بتسمت ليه ) خاصنا نرجعو الدار
حمزة : اه ياله (غااادي تكوني ليا سوى بالخاطر ولا بزز)
افففف و أخيرا تهنيت منو حمل ونزاه على ظهري
وصلنا الداار وخبرتهم بقراري بقاو گالسين معانا شوية و هما يمشيو اوا وگلست انا و ماماتي كنتعودو
ماما : كنت عارفاك غاادي ترفضي
انا : نتي عارفة بلي مبغيتوش جاني ثقيل على القلب
ماما : امممم ثقييل ولا كااين شي واحد اخر
انا : ههههه لا مكاين واالو
ماما : غي گولي عينيك فضحينك
انا : هو بصراحة كاين مكاين
ماما : گوليلي انا كنسمعك
انا : انا شفتو جوج مرااات وفهاد جوح مرات تعلقت بيه واخا دابزنا مي بغيتو والله ا ماما
ماما : وينو على حبيبة ماماها حتا هي ولات كتحب
انا : ههه صافي اماما كتحشميني
ماما : يخليلي لي كيحشم انا
انا : مانا غاددي نمشي نعس تصبحي على خييير
مانا : ونتي من اهل الخير ابنتي

😗البارت 15 😗

نمشيو عند البطل ديالنا عمران ياااا عمران
بضبط كيتواجد في افخم اوطيل كااين ففرانسا ….
بلسان عمران : غبت هادي شهر على المغرب على ود الخدمة حيت واحد صاحب الواليد ديالي بغا يتشارك معايا و جيت نشوف هادشي …
ستيفن : (كيهدر معاه بالفرونسي مي انا مع مجلجة فيها غادي ندرج ليكم ههههههه) مبروك علينا امستر عمران
عمران : الله يباارك فيك نتمنى نزيدو القداام (تليفون ديال عمران كيصوني ) ألو وي
الشخص : سيدي الالة عفاف خارجة مع واحد
عمران : شناهوا شكون هااد ثا….. ل فين كاينين
الشخص : كاينين حدا دارهم
عمران : نبغيييك تجيب ليا معلومات على هاد خينة (بالغوااات) فهمتي ولا ترحم على روحك
الشخص : (كيسرط ريقو) وووااخا اسيدي
ستيفن : مسيو عمران ملك شفتك معصب
عمران : (كيهدر هو معصب) والو والو مهم خليتك دابا غادي نهبط المغرب
ستيفن : اوكي سلم ليا على الحاج و الحاجة
عمران : مرحبا بسلامك ياله يعاونك
عمران غادي فطريق تواصل بيهم يوجدو ليه حوايجو و طيارتو الخاصة …..
بعد مدة
عمران وصل المغرب هبط فالجردة لي كااين فالقصر ديالهم غادي نيشان لبيتو حتا عيطات لو مو
الحاجة : ولدي ياك لاباس ملك جاي معصب مقدرتي حتا تسلم علينا شوف الحاج ولدنا كبرو ولاو كيتجنبونا
عمران : حاشة الواليدة غي معصب شوية وصافي متديش عليا
الحاج : ولدي كيف داز القاء مع ستيفن
عمران : مزيان الوليد مهم انا طلع بغيت ندوش و نخرج نمشي نشوف شاركة
الحاج و الحاجة : الله يعاونك او لدي
غادي عمران فطريقو كيسب وينعل
عمران : وااااخا الالة عفاف طوالو رجليك مي بلاتي انا جاي ليك

😗البارت 16 😗

نرجعو عند عفاف
اليوما فقت وانا خاطري دارني ممهنينيش .. لبست سيرفيت بزيتي ودرت گرينات فطرت و خرجت غادا فطريقي حتا كنسمع واااحد الفرااان مجهد حدا راجلي … درت نشوف شكون هاد المريض لي مكيعرفش يصوگ حتا تسمرت في بلاصتي … نعام يا سادة انه عمراان اح عليييه جاي بواحد الكستار فالگري جا كيحمق ..
انا : واش باغي تقتلني ولا شنو
عمران : غادي نقتلك ونشرب من دمك انا
انا : جمع راسي اسي شنو كيسحاب ليك راسك (عطاني واحد تصرفيقة تسمكت )
عمران : عاجبك راسك وقفة ليا مع لي سوى ولي ميسوااش
انا : لا رد
عمران : هدري تكلمي
انا : لا رد
عمران : واخا الالة (شدني من دراااعي و غادي بيا لوطو) ها حنا غنشوفو
انا : طلق مني
عمران : غادي تركبي بخاطرك و لانركبك انا خطاري
انا : (شفت حتا عييت و ركبت غادي بواحد سرعة تخلعت وتكمشت بلاصتي ) فين غادي بيا نزلني هنا
عمران : سكتي منسمعش حسك
انا : گتليك نزلني مبغيتش نمشي معاك وااش بزز (عطااني تصرفيقة واحدة مورة لخرة حتا هود ليا دم من نيفي )
بقينا غاديين حتا وصلنا الواحد تلة عالية بزااااف هبط و جا حل ليا الباب
عمران : نزلي …..

😗البارت 17 😗

عمران : نزلي
انا : لا بعد مني
عمران : متسعرينيش گتليك نزلي
انا : (نزلت و بديت كنحقق فالمكان لي قبلتي واااو ) هانا نزلت لاشىء جيبني لهنا
عمران : (حوطها مع لوطو و سارح فعينيها و كيهدر معاها) شكون هاداك لي كنتي وقفة معاه هدا داركم
انا : (دار ليا تنويم المغناطيسي ) كتهدر على حمزة
عمران : (كرز على سنانو ) ايييه هو شنو كنتي كديري معاه
انا : جا مع ماماها باش يخطبوني
عمران : (سعر كيهدر و هو معصب ) كيييفاش جا باش يخطبك ..
انا : (كتهدر ببرائة ) ايه و لكن انا مبغيتوش
عمران : (ساهي فيها و طريقة باش كتهدر كتخليه يدوب فيها ) و علاش مبغيتيش كاين شي واحد في حياتك
انا : (حركات راسها بالإيجاب)
عمران : شكون هو
انا : هاهو واقف قدامي (عاد نتابهات لشنو گالت ) ايه صافي بعد مني
عمران : (بتسم و رتااح حيت تأكد انه كتبغيه ) لا مبغيتش ياله
انا : صافي خليني نمشي راه الخدمة تابعاني
عمران : نخلييك و لكن بشرط
انا : شنو هو
عمران : نعاود نشوفك مع داك نص راااجل نقتل مك
انا : (ببرائة ) مغاديش نعاود نشوف حيت ساكن ف مدينة خرى
عمران : اوكي ياله (حيت غادية حتا زدحني مع دااك صدر لي عندو بسني في نيفي ) دابا مزيان
انا : حشمت و هبطت راااسي

😗 البارت 18 😗

بقينا غاديين فالصمت حتا قربنا لريسطو وهو ينطق
عمران : ملي تخرجي غادي تلقاي شيفور يوصلك لدار تفهنا
انا : ممكاين لاشى انمشي راسي
عمران : كلامي مكنحملش نعاودو مفهوم ايجي شيفور ركبي معاه يوصلك (بالغوات) تفهمنا الالة عفاف
انا : وو وااااخا بسلامة (هبطت كنجري خفت يجي مورايا )
عمران : هههه ا عفاف شنو درتي فيا كنشوف كيبغي قلبي يسكت
دخلت لريسطو وبديت الخدمة طبعا مع تحقيق تااع منى لي مكتساليش منو هاكدا داااز نهار …. جيت خارجة و كنلقى لوطو من نوع ديال كاط كاط كتسنى فيا طلعت بغيت نواريه الداار ههههه صدق كيعرفها دخلت سلمت على ماما كلينا و بدلت حواجي حطيت رااااسي على وسادة و كنفكر فهادشي لي دااز ليوما اح ا عمرااان بقيت كنفكر حتا نعست ..
صبح صباح جديد أحداااث جديدة لي غادي تقلب حياتي
فقت درت روتين اليومي فطرت مع ماما و خرجت غادا نقطع شاطني حتى يوقف عليا شيفور
شيفور : مدام ركبي نوصلك
انا : نن غي سيير انمشي بوحدي
شيفور : عفاك ا مدام مركبي راه اوامر مسيو عمران
انا : اوكي يلاه (شيفور حالي الباب ياله جيت نركب حتا شدني شي واحد من دراااعي درت نشوف حتا تصدمت الله يا رب شنو جااابو )

😗البارت 19 😗

حمزة : عفاف لاباس
انا : له حمد االله شنو كدير هنا
حمزة : ياك حنا أصدقاء و جيت نشوف صديقتي
انا : اه بصح مهم دابا غادية الخدمة من بعد و نهدرو اوكي
حمزة : حشومة عليك تمشي و تخليني
انا : غاديا الخدمة و تعطلت بزااااف و الله خليها مرة خرى
حمزة : اوكي مي فاش تسالي الخدمة تلقايني كنساينك
انا : (مصيبة كحلة هادي ) اوكي نشاءالله
وصلني شيفور هبطت تلاقيت مع منى عند الباب
انا : صبااااحو حبي
منى : صباااح نور حبيبى .. مال زين مكشر على صباح
انا : جا داك بنادم لي گتليك عليه حمزة
منى : اويلي لاشىء جا شنو بغا
انا : دار سبا بالصداقة گاليك و مورة الخدمة بغا يوصلني اودي حريرة و اشمن حيريرة
منى : فاش يجي گوليلو سير مبغياش نمشي معاك هههه
انا : حتل لتما ويحن الله زيدي ….
العم خالد : عفاف سيري شوفي ديك طابلة شنو بغات
انا : اوكي
مشيت نشووف ديك طابلة كنلقى جوج بنات تيتيزات
انا : شنو الحب الخاااطر الالة
البنت : انا بغيت قهوة عفاك
البنت 2 : بغيت عصير

😗البارت 20 😗

جبيت طالبية ديالهم و زنلتها على طابلة وانا متأكدة انني شفت هاد البنت مي الفضول لي فيا خلاني نسولها
انا : واخا نسولك
البنت 1 : ايه تفضلي
انا : واااش فايت لينا تلاقينا شي نهار
البنت 1 : ايه ا حبيبة انا أحلام خت عمران داك نهار درت عيد ميلاد هنا
انا : مرحبا بيك هه حيت شفتك منين جيت عندك نشوف شنو بغيتو گلت منعرف فين شتها مهم مرة خرى مرحبا بيك
أحلام : شكرا حبيبة ربي يخاليك
مشيت لخدمتي حتا سالا نهار خرجت هدا الباب رسطو و انا نشوف حمزة اففف
حمزة : سلام انا جيت
انا : هه مرحبا
حمزة : مشينا
انا : ياله (ويلي نسيت شيفور) حمزة غي ركب انا جايا
مشيت عند شيفور گتلو غي سيير انا غادي نمشي مع صديق ديالي فالأول رفض مي فالتاني قنعتو و مشى
رجعت عند حمزة و مشينا الداار

😗البارت 21 😗

عند عمراان كان گالس فالبيروه حتا جااااه اتصال من شيفور لي كيوصل عفاف
شيفور : ألو مسيو عمران
عمران : شكاين
شيفور : لا لة عفاف
عمران : مالها واش وقعات ليها شي حاجة هدر
شيفور : لا اسيدي هي بخير لكن ماشي انا لي وصلتها الدار
عمران : كيفاش ماشي نتا شكون تكلم
شيفور : جا عندما واحد الوالد كندن سميتو حمزة
عمران : (تزير و كرز عاى يديييه ) تبعهوم و شوف فين غاديين
شيفور : امرك سيدي
عمران واااخا الالة عفاف وليتي ديري داكشي لي گاليك رااااسك هز تيلي ديالو و تصل بشواحد
عمرانن : ألو بغيتك توجد ليا …… خليه يهدر و نمشيو عند عفاف
من بعد موصلني حمزة الدار شكرتو و طلعت فحالي عند ماماتي الحبيييبة …

😗البارت 22 😗

تيلي ديالي كيصوني شكون هاد نمرة غريبة
انا : ألو
الشخص : نزلي انا حدا داركم التحت
انا : شكون نتا لي كتگوليا نزلي
الشخص : (بالغواات) يا غادي تنزلي و نطلع ليييك
انا عرفتو منين غوت عليا ههه عمران نضت درت كاب عليا و هبطت عندو گالس فالوطو ….
طلعت و هو كسيري بواحد سرعة موقف حتا لهدا البحر
عمران : انا شنو گتليك گبيلة دوي گتليك متهدريش معاااه و نتي كديري العكس
انا : (عرفتو كيهد على حمزة) هو جا عندي انا ملقيت منگوليه
عمران : واخا علاش مركبتيس مع شيفور يوصلك
انا : دابا هو انا
عمران : جوبي ملكي كتقفقفي عليا
انا : حزرني و مبغيييتش نردها لو فالوجهو
عمران : اهاه خفتيييه يتقلق و لاشنو
انا : صافي متزيدش فيييه صبرت ليك بزااااف (لا لا صافي حنكي عوااج مافيهاش )
عمران : مرة خرى ترفعي عليا صوتك نقتلك فهمتي
ديمارا لوطو وصل هدا الدار هبطت و ردخت عليه الباب ….
عمران : قلعييه حسن
طلعت و مديتهاش فيييه دخلت لبيتي و تقبلت مع المرايا
انا : الله يعطيييك الهرس لدوك اليدين تفو .. مشيت تخشيت ففراشي و نعست

😗البارت 23 😗

صبح صباح فقت البطلة ديالنا توجهت لحمام دوشات و خرجات نشفات شعرها و لبساات جينز مقطع مع بيل سمااطي درت ميكاب و خرجات عند ماماها لي كتسناها باش يفطرو ….
انا : صباحو كبيدتي
ماما : صباح النور الغزالة شهاد الاناقة جيتي فسرة ابنتي
انا : يخاليك ليلي الحب …. فطرناو هدرة تدي هدرة و خرجت لخدمتي
عمران : ايييييه نتي اجي لهنا
انا : انا !!!!
عمران : ايه نت اجي ولا نجي
انا : (واااش كيحلم بيا و لا شنو ) نعام
عمران : طلعي
انا : لا نمشي رااااسي
عمران : بربي ومطلعي حتا نهبط ليك و نشوهك ختاري
انا : امري لله
طلعت حداه و درب فيا واااحد تخنزيييرة بيلت فحوايجي

عمران : لاس دااايرة داك لعكر
انا : نتا سوقك
عمران : مسمعتش مزيان عدوي شگلتي
انا : انا عييييييت كل مرة خااارج ليا من جيييه و زااايد يتحكم فيييا براااكة و…. (سكتي بواحد البوسة شغنگولكم )
عمران : كون عرفت بوسة تسكتك كون درتها من زمان
انا : (حشمت مقدرتش نشوف فيييه ) ديني الخدمة و دابا
عمران : واخا الالة كاين شي اوامر خرى
انا : لا رد
ساااق لوطو و صمت عم المكااان وصلت و هبطت مهدرتش معااااه
العم الخالد : عفاف اجي ابنتي
انا : سمحلي تعطلت عليك لكن اخير مرة
العم خالد : ماشي مشكيل ابنتي نيت اليوما ماكينة خدمة .. هاكي وقعي على هاد الوراااق
انا : ديالاش اعمي
العم خالد : أوراق ديال العمل ابنتي عاديين راه كلشي وقوع عليهم بقيتي غي نتي
انا شديد دوك لوراق وقعت عليهم بلاما نقراهم
مشيت نشوف منى ….
العم خالد : خطة مشات كيفما بغيتي ههه مبروك عليك
الشخص ! شكرا برااااف بلابيك مكنتش عارف شنو ندير
توقعاتكم ؟؟؟؟؟
يا ترى علاياش وقعاات عفاف
الشخص قطع الاتصال مع العم خالد الشخص : ها حنا ا نشوف دابا الالة عفاف (ضحكت الانتصار) من بعد ما وقعت على دوك لوراق مشيت كنشوف واحد منى فين غااابرة عفاف : لمك من صباح كنقلب عليييك منى : ها انا احبي توحشتيني ياااك ههه انا : معلوم نتي رااك الحب ابب هههههه منى : اليوم مكاينة خدمة شنو ظهر ليك نمشيو نتساراو انا : فكرة غزالة ياله قداااامي خرجنا و بغات توقف طاكسي هو يجي شيفور هههه منى : شنو هادشي انا : طلعي من بعد و نعاود ليك طلعنا گلسنا لور دارت عندي دارت فيا شي شوفااات ياربي سلامة (زعمة نطقي و عوديلي و لا نخلى عشتك ههه) انا : هادا شيفور ديالي هههه سيفطولي عمران منى : عمران عمران متأكدة انا : هههه اه (عودة ليها كلشي و بقات حالة فمها ) انا : سدي فمك الموت كدور هههه
#يتبع…

Leave a comment