Skip links

 6,384 عدد مشاهداات

موعدنا مع قصة قصيرة كوميدية فرفوشة كتمسنا وكتمس حالة اجتماعية كنعيشوها كل دقيقة اكيييد كلنا كنسمعو كلمة بايرة😒😒 ههه ايييه هادييكك
اليوم قصتنا »» البايرة المنحوسة «« 😂😂
من العنوان يبان العربون
يلاه كلكن تجمعن👇😍👇😍👇
كاتبات القصة :اسية برايسيسا وخولة بياض

القصة بعنوان 🌸البايرة المنحوسة🌸 بقلم ✍🏻 أسية برايسيسا وخولة بياضي💋 #ستار_سطوري✌🏻 ♡3♡ ❄الجزء الأول كم هي الحياة جميلة عندما تمتد لتشمل كل شيء مميز.. كل شخص مقرب.. كل وردة جورية.. آه وكم هي أروع برفقة الأشخاص الشفافين كقطرات الندى ونسيم الربيع.. لا تعكرهم الأيام ولا السنين.. الحياة بدون حب كشجرة الصنوبر بدون أوراق.. حب متبادل يرسخ اللحظات والذكريات بمقلتينا.. حب دااافئ كحب الأسرة وحب الحبيب.. آه كم هو ينسي الأوجاع وكم تلتئم الجراح برفقته.. وتتسع الإبتسامة ليظهر مكامن الجمال… أمير : (كايدوز يدو على حنكي ببطئ وعينيه مفيكسيين على عيني) حبيبة!؟ آش بان لك نمشيو نزورو ماماك خديجة؟ أنا : (كانشوف فلحيتو وملامحو مدوخيني) أها! اللي بغيتي أحياتي.. أمير أوووه شحال كلمة حياتي كاطلع من فمك بحال العسل.. أنا : كاين شي عسل قدك.. آش درت فحياتي تاطيحك الله بين يدي؟؟ طنحببك انا طنحبك😂.. أمير : (ضحك تابانو سنانو اللي مستفين بحال دروج المحكمة) وعينيه المعسلين غادين وقربو يتسدو) نموت أنا فاللي طايحبني ههه حمقة ديالي.. أنا : (حطيت يدي على يدو كانتلمس فيها) ياربي آميين ويبعد علينا عينين الحساد يارب.. احم يلا مشينا عند ماما وماماك؟! يلا عرفات غاتقلق نتا عارف باللي ماشي بزاااف باش جينا من شهر العسل وماسولنا فيها.. أمير : (شد يدي وباسها) ماماك هي ماما!! وعاادي نرجعو من عندها ونمشيو عند الوالدة.. أنا : (غوبشت فيه) ولكن😟 أمير : (ردخ يديه معا الحيط وخنزر فيا) صااافي راني هضرت وكلمة وحدة راني قلتها… أنا : (درت فيها خوفانة وغادة نبدا نبكي) أوووه حبيبي العصبي غاضربني؟؟ اهئ اووه مامصدقااش😢.. أمير : ( جرني تاتضربت فصدرو ودخت بريحتو.. تحنا لعندي حاط راسو حدا ودني كايهضر) سمحيلي أحبيبة نتي راكي عارفة بقدر ما أنا حنين ومامخسر لك خاطرك بقدر ما أنا عصبي ويدي كاتسبقني.. أنا : (معوجة قنانفي) وزعما ماتقدرش تحكم فعصبيتك على ودي هم؟؟ أمير : (باسني فراسي) يالله أحبيبة نهضرو من بعد دابا سيري تلبسي ولبسي داكشي مستوور أنا كانتسناك على برة أوكي حبيبة😍 أنا : أنا حوايجي مستووورين أمير : (كان غادي مهود معا الدروج تا دار لعندي) راه هضرنا واقيلا؟؟ أنا : (شفت فيه مقلقة) أوكي.. أمير : نموت أنا فاللي يسمع الكلمة.. دخلت للبيت ونا نلقى بواطة كبيرة شوية على الكوافوز.. مشيت بزربة كانجري حليتها وتحل معاها فمي.. ماما : (كاتزعزع فيا) زهرة نوضي!؟؟ فيقي ابنتي الله يسخط عليك!! أنا : (ناعسة مستمتعة بالحلمة) ممم واخا واخا.. هاحنا جايين.. ممم بلاتي نشوف آش جاب ليا.. ماما : (طلعاتها معا فخضي بواحد القرصة عااالمية) أتي نوضي الله يعطيك الجهل يالجحمومة تي فيقي… أنا : (نضت مفزوعة كانهج وكانشوف فين أنا أويلي فدارنا) أاا أمير فينو أمير…؟�

تتمة.. ما : (طلعاتها معا فخضي بواحد القرصة عااالمية) أتي نوضي الله يعطيك الجهل يالجحمومة تي فيقي… أنا : (نضت مفزوعة كانهج وكانشوف فين أنا أويلي فدارنا) أاا أمير فينو أمير…؟؟ ماما : البارح جمال واليوم أمير وغدا شكون؟؟ رشيد!! نوضي قبل مانجمعها معاك بشي صندالة تصيفطك عند اللي خلقك نيشان بلا بلايك.. أنا : (كانرجع راسي باللور وكانتفكر الأحداث ديال الحلمة) ماما خليني عليك عافاك؟!😔 ماما : من اللخر غاتنوضي تهزي.. جمعي خناينك ولحقي هزي الصينية دأتاي من الكوزينة ولحقي عليا للصالون.. أنا : (شفت فيها بصدمة مامتيقاش😳😳) ماتقوليش ليا الناس جاو بخطبو فيا!! ههه ياااي قانون الجدب صدق😂😂 ماما : (شافت فيا بحسرة) باينة شكون الجادب والمجدوب.. وجهك ديال الخطبة! ونتي كولك مشاكيل بيكوب وغادي معاك… أودي سري أنا.. أنا : ( كانلعب بصباع يدي) إيوا شكون جا؟ احم زعما شكون اللي جات.. مرت المقدم ولا!! يتبع؟؟؟

❄الجزء الثاني ماما : (قاطعاتني مخنزرة) عمتك تورية😏.. أنا : ممم وا شلااا شكون جا.. ماسوقيش.. ماما : عندك جوج ديال دقايق نلقاك قداامي ولا غانضبر معاك.. أنا : حلمي😉.. غير خرجات نضت على وعدي وسعدي طرفت حالتي وقاديت راسي شوية واخا مافيا مايتشاف.. سميتي زهرة وشي زهر ماعندي من نهار عرفت راسي غانجي للمغرب لويت الحبل السري على راسي فكرش مي.. كون ما فكني الطبيب كون راني فالرحمة.. المهم ما علينا عندي 27 سنة وأنا أكبر بنت فالعائلة أو بالأحرى كولشي تزوج ودار التريكة إلا أنا.. المهم نيفو ماعنديش احم.. ماعنديش الباك وزايدون كايقولو حلاوة الباك ث سنين.. ماكتابش لي نديه وزايدون ماعنديش العقل ديال القرايا و داكشي.. حروفي قهويين ولون بشرتي حنطية كانوزن 62 كيلو.. وطولي 60 : 1 احم كولشي هو هاداك ولكن فيينو هاد الزهر اللي يلاقيني بزهري العوج.. ماخليت تا حد فالدرب إلا وضربت معاه سيمانا روشارج وساليناها ب *لن يتزوجكي*.. ريحتي عطاات فالعائلة وسميتي على سيرة كل لسان ومرة مرة يسول علينا البعيد واش سهل عليا الله ولا لا!! عااارفة باللي هادي ماشي حالة وماشي عيشة.. وأفكاري عوجين وماخاصنيش ندي على عباد الله ولكن المجتمع اللي خلاني هاكا وكلمة بايرة كاتذبحني وكاتخليني نفكر نتزوج اليوووم قبل غدا ونمشي مزوجة وهدا هدفي حاليا هو نلقا شي راجل يتزوجني ويحيد عليا التقل ديال كلمة “بايرة” يالله البنات😉 غانمشي ندي الصينية قبل ماتجي مي وتنشرني فجريدة الصباح😌.. أنا : (دخلت للصالون حطيت الصينية قدام ماما وبركت مقابلة معا عمتي) أهلا أعمتي لاباس عليك.. احم هاد الأيام وليت نشوفك كتر من كمارتي فالمرايل.. ياك لاباس.. ماما : (ماكرهاتش تدفنني فالأرض😡) عمتي : (ضارت لعند ماما) ختي خديجة؟! آش هاد الهضرة كانسمع! ماما : ههه راكي تعرفي البنت ماعندها عقل وكاتبغي تشد فبنادم.. أنا : أويلي حي مالي طيابة العنب تانشد فيها.. (رجعت شفت فعمتي مبتاسمة) احم.. عمتي : (شافت فيا وربعات يديها) إيوا أزهرة.. كاين شي راجل ولا القضية ناشفة😌 أنا : القضية ساااردة وخاصها دلع🧐.. إن شاء الله حنا فيد الله وزايدون ماساخياش بواليديا.. (شفت فماما اللي كاتغمز فيا من الصباااح) إيوا أماما غانمشي نصبن و من بعد غاندير البسطيلة ديال الحوت عارفاكم من غير طيابي ماتاكلو🙂 نضت دخلت لبيت خويا هزيت تيشورط ديالو فالكحل.. وفكرت معا راسي علاش اللي مانصبنوش وندير فيه خير ونبان بطلة فوجوههوم ونتهنا من الصداع وغدا نصبن تقاشر بابا وبعدو نصبن فوطة ديال الدوش.. مالني على حالتي.. وزايدون المغرب عندو جفاف فالمياه لاش غانزيد فالفاتورة والضريبة😏.. شديت التيشورط رقدتو فبانيو.. وحليت البلاكار اللي فيه مواد التنظيف والتصبين.. هزيت جافيل معا التيشور كحل غايزيد يكحلو.. زدت ليه التيد وخليتو شوية بينما مشات عمتي ورجعت ليه شللتو فقط مافيا اللي يخسر ضفراني.. عصرتو بيدي ونشرتو فالشمش ونا فرحانة.. ماما : ياا ويلي حي عالبنت صبنات بياسة وحدة!! أنا : وا ماما شي عاد باش شي ماشي شي فشي.. الله يرضي علك امي.. ماما : لا غاسخطي نيت.. أنا : حاشا أمي.. (درت راسي غانبكي) اهئ مالكم على هاد الحكرة.. حيت ماجابش لي الله راجل بغيتو ديروني جفاف.. ماحيلتي للناس ولا ليكم وا بزاااف.. ماما : (شافت فيا بدوك الشوفات ديال من نيتك ابنتي) شوفي ديك الدراما ديال سامحيني اللي فالدوزيام مادوزيهاش عليا.. من الصباح ونا نفوح على عمتك وسايرة نقوليها بنتي فعلت وبنتي تركت وفاللخر ضربيلي كولشي فالزيرو.. ماخليتيلي فين نحط الراس😠.. صبري تقادا أزهرة يا ديري عقلك يا نصيفطك فين ديريه.. سكت ودزت فيها مخلياها كاتهضر معا راسها ماتسوقت.. همي وغارقة فيه.. دخلت لبيتي كانتنخصص.. فاللخر مسحت دموعي لاش غانبكي اللي ماعند بوه الزهر ماعندو لاش غانمرض راسي.. أودي غير نتزوج وديك الساعات تجي الموت😂.. محرومة من الحنان أنا😂😍.. فجأة سمعت صوت تيليفوني.. شديتو وشفت النمرة مستغربة😏🧐.. عماد : زهرة..😔 يتبع؟؟

❄الجزء الثالث عماد : زهرة😔 أنا : (كانضور فعينيا كانخمم.. وبالمناسبة هاد عماد واحد من بو ركابيات اللي كانو عندي.. وتفارقنا فعيد الحب فالعام اللي فات حيت ماقدرش يجيب لي كادو.. بففف بقات فالكادو😏 ولكن الكادو هو كولشي😍) عماد؟؟ عماد : لاباس عليك؟! أنا : (كانلعب بالسيورة ديال القبية اللي لابسة) بيخير.. ونتا.. عماد : ماحاسش براسي مزيان.. أنا : أهاه ونا مالي.. سير عند اللي بدلتيني بيها تداويك وتخسر عليك كارني ديال جوج دراهم فسبيطار الحومة.. عماد : نتي اللي ممرضاني.. أنا : (تحلو عينيا بالسعادة😂) واها ماقالت الشوافة.. دير راسك فيا مشيتي فيها النعاس هو اللخر ماتلقاهش.. المهم نتا دابا كاضيع لي لوقت ديالي.. عماد : على أساس كان وقتك عامر ومن نهار عرفتك ونتي مسالية.. أنا : (جنوني فاقو ونا حاسة بيه تايفقصني) ماتخسرش الهضرة أ السي عماد.. راه قرن وزماار وحنا مصاحبين.. دابا راه عام باش غاتبقا عاقل عليا.. عماد : وشكون ينسا القمر فراس الشهر.. أنا ماتفارقت معاك إلا وباغي نجمع راسي باش ندق باب داركم.. بغيتك فالحلال ماشي فالحرام.. ومابقالي والو ونخدم.. أنا : (فهمت البلان ومابغيتش نعيق) الله يسهل علك.. عماد : زهرة نجيك من اللخر واش غاترجعيليا.. أنا : (دايرة فيها عزة نفسي) الكاس ماللي كايتهرس مكايرجعش كيف كان أ عماد.. عماد : زهرة عافاك.. أنا : صافي خليني نفكر.. عماد : خودي وقتك ولكن ماتعطليش.. قطعت على بوه لقيت ماما واقفة ليا على راسي.. ماما : إيوا يا ديك الحلوفة.. فيناهيا البسطيلة اللي سايرة تقولي غانديرها ما غانديرها ما شنا والو!! أنا : (كالعب بالتيلي) من نيتك أ ماما.. أومليط ديال البيض هو اللخر ماعرفت واش كاديرو فيه العطرية ديال الدجاج ولا كايطيب فالتلاجة.. الكوزينة بيني وبينها غير الخير والتيساع.. ماما : و حيت عارفة تريكت بوك كي دايرة عليها جيت ندوزك للكوزينة تعلميها.. أنا : ما فياااش أووووووه.. بغيتي تخرجي على غدانا.. ماما : (تحنات تهز الصندالة) واخا.. أنا : (نضت طايرة للكوزينة) زيدي أماما سربي من الصباح ونا نتسنا فيك.. فين كاين الحوت.. فالبلاكار.. ماما : (تابعاني كاتستغفر الله) فالفريكو الحلوفة.. إيوا يا البنات مانتسماش زهرة وعااارفة زهري كيف داير المهم أنا ماعرفتش واش مزال ديك الماكلة اللي درت سميتها بسطيلة ولا سطيلة ولا!! بايلة.. مهم حطيت داك الشي فالفران ورجعت للبيت كانتفرج فزواج مصلحة.. آآآخ واغير نتزوج أعباد الله بداك جان غانعيش الحياة.. غانقنعو يتزوج بيا بزز من طاسيلتو.. آآخ من الأسبوع الأول غاندير تيست وغانكون حاملة غانفقص العديان.. وغايعيشني فدلع.. سأكون مدللة يا جماعة.. مدللة.. وأنا ساهية فالمسلسل ناسية المحيط الخارجي.. تا كايتم داخل الوليد.. شاف فالمسلسل وجا بدل القناة.. أنا : (حرام عليك أبا فسدتي اللحظة بغيت غير نعرف آش غايقول البطل للبطلة مالك أبا مشارك معاهوم الورث ولا ناسي عندهوم جمل.. أكيد هادشي قلتو فخاطري حفاظا على ديمومة وجودي😂😂) بابا.. جيتي بكري؟ بابا : هاداك النعاس اللي خلاك تفيقي معطلة.. أنا : والاواه أبا تا القيلولة حسدتوني فيها.. را الحبيبة مي هي الأمل الوحيد اللي عندي هاد اللحظة.. بابا : (مشا برك فواحد القنت مضور عليه سلهام من البرد.. ههه كايبان غير الراس ديالو كي المش) فيناهي ديك مك.. أنا : ماعرفتش.. تكون فالكوزينة.. بابا : آش دارت فالغدا؟! أنا : أنا اللي درتو أبا.. بابا : لا حول ولا قوة الا بالله.. صافي الغدا هاد المرة فالزنقة.. أنا : والاواه أبا ماتزيدشاي فيه.. راني درت واحد الأكلة عجيبة.. المهم غاتعجبكم إن شاء الله المهم خود غير احتياطاتك.. بابا : لالالا مقبرة الرحمة هي السطاج اللخر ليا معاك.. زهير : (👉🏻 زهير خويا الوحيد وهو كبر مني ب 4 سنين عندو 31 سنة.. خدام معا بابا فمحل الخياطة.. المهم ماعلينا زهير غايدوز أكفس ساعة فحياتو.. ههخخ أودي كولها وقدر ديالو..) السلام عليكم.. أنا و بابا : وعليكم السلام.. أنا : ورحمة الله وبركاته.. أهلا بمن زارنا.. اليوم لك وغدا عليك.. ولن أنسى لك شيئا مما سبق.. زهير : (داز وخشا راسي معا المخدة تا وليت بحال النعامة اللي كاتخشي راسها فالتراب) فيك قوة الهضرة بزااف.. أنا : (كانتلمس فراسي ياكما تغير شكلو) الله ياربي يا الصوفاج.. الله ياخد فيك الحق الحقير.. بابا : (نيش عليا بالمزودة ومعا حنا المزودة كان متكي عليها هتلر فياماتو صاافي كمالت دابا غير نمشي نقلب فين نغرز) يتبع؟؟

❄الجزء الرابع بابا : نوضي تهزي يالمسخوطة بن المسخوطة لاخرة.. احتارمي خوك كبر منك.. هاديك هضرة تقال.. أنا : (نضت واقفة غادة فحالي) ها التيساع يالله وماتبعونيش.. مشيت للكوزينة لقيت ماما كاتحط ديك الأكلة العجيبة فالطبسيل.. ماما : (كاتغسل فيديها) ماعرفت واش هاد الشي يصلاح يتكال ولا دايز فالكلاب.. أنا : الكلاب أمي أما البشار مافيه خير.. ماما : (شافت فيا بنص عين) أمالك تاني؟! أنا : فمي أمي اللي دارهاليا😏 ماما : سرك!! دايما تانقوليك ديك الكلمة ماتخرج من فمك تا توزنيها.. أنا : ومالها أ مي وازنة بصحيحتها كيلو ونص😌 طيح اللي ماقاد يوقف على رجليه.. من اللخر حطي ليهوم الغدا ياكلوه بغيت لداك زهير ياكل فيه الجغديد ويوحل فالحلق ويخرج بصريرة ويدير ليه الباسر😏 ماما : (هازا الطبسيل غادة بيه للصالون) هادا جهدي عليك.. فمك لاحسو جرو.. من بعد ماحطات ماما الطبسيل بقيت كانتسنا تا يعيطو عليا.. زعما دايرة فيها عزة نفسي لكن ماللي شتهوم ماعيطوش قلت مافيها باس ندير راسي غاناخود شارجور من حداهوم ونتققققل باش يعيطو عليا.. معا الدخلة لقيتهوم قربو يكملو الطبسيل.. ماعقلت على راسي تاهزيتو من فوق الطبلة.. أنا : هايهايهاي.. كاتاكلو وماسولتوش فيا.. باش تسبوني وتعايروني واخا تقبلناها.. ولكن ماكلتي لا.. باش ديرو عليها هاد الحالة خاصني أوسكار.. بابا : غاتحطي داك الطبسيل ولا داك التيليفون اللي ملهيك علينا غايطير.. أنا : (كولشي إلا وسيلة تواصلي مع عريسي.. حطيت داك الطبسيل وتسوخرت للور.. ) احم.. كي جاتكم الماكلة؟؟ باش تعرفو قيمتي.. ولكن ماديروش ليا بحال جودها أكبر ماللي قال للبطلة طيبي لينا بحال هاد النهار فكل سيمانة.. زهير : على من زيناتو كولو مرقة كاناكلو فالمساخن.. أنا : سري أنا اللي فايقة معا 5 الصباح كانصبن لك فحوايجك.. زهير : (شاف فيا بصدمة) آشمن حوايج..؟؟ ماما : عانداك أ زهير غير داك التيشورط ديالك فالكحل دايرا لينا عليه هاد الحالة.. راك عارف الإيمان كايجيها مرة مرة.. سكت ودخلت لبيتي وسبحان الله لقيتو كايصوني كانت صاحبتي سلمى.. سلمى : بب سافا.. أنا : الحمد لله أختي ونتي لاباس كيف دايرة معا شي عيشة.. لقيتي شي عريس ولا والو.. سلمى : ههه نو هو اللي لقاني هاد المرة.. المدير ديالي اللي فالشركة اللي كنت نعاود ليك عليه كايشد الضد ديما معايا.. إن شاء الله بعد غدا العرس.. أنا : إيوا مبرووك هي بزز باش لقيتي هاد الوقت باش تخبريني بيه فالمستجدات.. سلمى : إيوا ياختي راك عارفة الوضع.. وإن شاء الله غانصيفط لك معا الفاكتور بطاقة الدعوة حيت ماتقدريش دخلي بلا بيها.. أنا : ماعرفتش واش غانجي ولا لا.. على حساب الكانة ديال ماما.. سلمى : بليييز أحبيبة غير شوفي معاها وإن استدعت الضرورة غانهضر معاها.. أنا : إن شاء الله تا نشوف.. إيوا العريس عندو شي تيتيز شي اخ شقيق ولا شي إبن عم ولا.. سلمى : ويلي أحبيبة لهاد الدرجة القضية عندك ناشفة.. باقة مالقيتي اللي يديك.. آش درتي مزال معا أمين.. أنا : بفف ماتفكرينيش ماشي لقيتو خاطب بنت خالتو وجا كايتفلى عليا.. سلمى : الله يلقيها ليه.. الله لا يوفقو.. أنا : إيوا ياختي بلا مانعطلك على شغالك من بعد ونهضرو.. سلمى : اوكي بب.. تهلاي.. قطعت عليها ولحت التيلي على الناموسية كانخمم.. وها هي دابا ضبرات على راجل واخا لا زين لا والو ولكن الجمال جمال الأخلاق باينة الحقد تحول إلى حب.. آآآخ ها هي صاحبتي الأنتيم غاتزوج وغانحضر لعرسها.. تا أنا بغيت عريس.. كايقولي واحد الراس كملي العرس ديال صاحبتك وسيري لميكسيك شهدي على الأعراس ديال عباد الله.. أودي ماعند بويا زهر.. تا سميتي قديمة ومابقاتش خدامة ليا.. يلا مابدلتها بقيت فهاد الخربة.. يتبع؟؟

❄الجزء الخامس من قوة مانا مفقوسة ماعقلت على راسي تا ضربتها بواحد النعس ديال القيلولة احم زعما ديال الغيبوبة 😂😂.. فقت معا 6 العشية ونضت كانتفوه بالنعاس.. حليت التلاجة جبدت نوتيلا والفرماج وسخنت الطوسط وبديت نعمر فيه وناكل تا شبعت مزيااان وجغمتها بكاس عامر ديال الحليب.. لقيت ماما واقفة معا واحد الجارة حدا الباب كايقرقبو الناب وينممو فعباد الله هادي هي حالتهوم.. مشيت للصالون جلست كانتكونيكطا فواحد الجروب تا طلع لي منشور ديال واحد البنت كاطلب منهوم يدعيو معاها بشي راجل.. بقات فيا وحسيت بيها فنفس الوقت.. قلت أجي نطل على التعاليق لقيت شي كايدعي وشي كايدير فيها أنا أقرأ وشي كايبقاو ينصحو فيها باش ماتبقاش تفكر فالزواج وتشغل راسها وناسيين أن البنت اللي بلا زواج ماللي كاتفوت 25 سنة كاتسمى بايرة والهضرة السامة اللي كاتقال ورا ضهرها تا حد مايقدر فالكون يصبر عليها ولا يتحملها.. شي غايقول يمكن دارت شي ذنب داكشي علاش محرومة من الزواج وشي تايقول عندها سر يمكن ماشي بنت ووووو… الهضرة ماكاتقاداش وكل تعليق كايكون أقسى من الآخر داكشي علاش تا حد ماغايحس بيك غير اللي فنفس ظروفك وحالتك.. وهادي هي موشكيلتي والنحس اللي عندي ماخلاني فعيشتي.. ماما : (تصافطات معا الجارة وسدات الباب جات غادة للكوزينة تا كاتسمعني كانتنخصص..) مالك تاني؟؟ أنا : (مسحتهوم بالخف) والو.. معامن كاتهضري قبيلة؟؟ ماما : معا حليمة.. قالت لك كاتعرف واحد كايقلب على بنت الناس وهو فايتلو مزوج ومطلق وعندو 3 الوليدات.. ولكن ماوافقتش.. مانعطيش بنتي لواحد مسخسخ معا حياتو!! يكرفسك ليا.. أنا : (زدت بكيت لهاد الدرجة الزهر عندي حازق) اهئ.. مزيان كان يسحابني تسخاي.. ماما : ممم على كاين اللي يفوتك أ جحمومة.. أجي بعدا علاش كنتي كاتبكي.. أنا : (تفكرت العراضة وقلت ندير السبة بيها) احم والو غير سلمى اتاصلات هاد العشية سيدي ربي رزقها براجل وعرسها معاه بعد غدا.. ماما : الله يكمل عليها بالخير.. ونتي آش مبكيك كل واحد كاياخد غير اللي مكتب ليه.. أنا : ولا غير هي عرصاتني للعرس وماكرهتش نمشي ولكن عارفاك مغاتخلينيش.. ماما : هادا وكاان.. أوا صافي غانهضر معا باك ماللي يجي باش يخليك تمشي.. يالله وا ضحكي يا المسعورة.. أنا : (ضحكت بالسيف ورجعت شفت فيها) ماما أنا زوينة؟؟ ماما : الزين أ بنتي فالفعايل والخصايل أما المظهر مايهمكش.. أنا :مممم عندك الحق.. أنا غانوض نجمع الدار شوية.. ماما : ويااك أ بنتي غير البارح هرستي الفاز اللي كانت جابتو لينا خالتك هادي سبع سنين من سبانيا.. العاار لاما شدي قنت واحد.. أنا : (شفت فيها بحال الدراري الصغار مقلقة) صافي غانمشي نغسل المواعن يالله.. ماما : (كاتحاول تضحك) لا أبنتي لا تال هاديك ومالاعبينش.. زينة الكيسان تهرسو بسبااابك السيمانة اللي فاتت.. المهم أن نيتك عندك.. والنية أبلغ من العمل.. أنا : مممم واخا😏.. رجعت بركت فبلاصتي وناضت ماما تصاوب العشا.. وبقيت ملاهية معا المسلسل التركي تا جا زهير.. زهير : (مشا للبالكون هز التيشورط بان ليه فيه بقع بالبيض كباااااار… تعصب وجا لعندي لتخو معا كمارتي) مال هادا؟؟ آش درتي ليه.. أنا : (شفت فيه معصبة) مالك نتا؟؟ جاتك الجعرة آش هاد المستوى الدنيئ (كي جاكم الدور را المسلسلات محفضيني✌🏻.. تقريبا القاموس اللغوي مستوحاة من عندهوم🤪) كيف تتجرأ تلوحو عليا بهاد الطريقة.. زهير : غانضرب مك الحمااارة علاش خسرتيه ليا يا البقرة.. أنا : جداك أنا راه غير جافيل باش يولي كايشعل.. شوف راه الشمش اللي دار فيه هاد الحالة.. مال مك؟؟ زوين مابغيتيهش عطيه ليا نهنيك منو.. زهير : كاتعرفي بشحال شاريه؟؟ أنا : (بدون اهتمام) بشحال كااع؟؟ ب 50 درهم.. زهير : راه خديتو معا العشران فالبرانس ب 500 درهم.. أنا : وااا حوكلو داير هاكاااك.. مانعطي فيه تا عشرة دراهم مقااادة.. زهير : (بنفاذ صبر) آش غاتفهمي فهادشي ونتي غير وحدة جاهلة مدرمة فهاد الدار ماعارفة من شا من را.. وزايداها بالزيااادة فالهضرة.. يالبقرة يا الباااايرة.. غمر شي حد مايتزوجك حيت فعلا ماشي ديال الزواج وكانحمد الله على هادشي.. أنا : (مصدومة وودنيا كايصفرو.. أكيييد تألمت فحياتي بزااف من هضرة الناس لكن الخنجر اللي تغرس فقلبي خويا اللي خشاه فيا وطعنني بيه.. لذلك خلاني نحس بالموت ألف مرة.. والدموع طاحو بلا مانحس بيهوم) لارد يتبع؟؟

❄الجزء السادس نضت من بلاصتي لا كلمة لا جوج ودزت فيه ماشية لبيتي دخلت وردخت بالباب ومشيت تقابلت معا المرايا كانشوف فراسي كانهضر وفنفس الوقت كانبكي.. زهرة باراكا من البكى.. علاش غاتقهري راسك على شخص بحال زهير وعلى أمثالو.. صحيح أنو خوك ومن لحمك ودمك وطعنك بكلامو السام ونعتك بما لا حول لك ولا قوة لكن هادشي ماغايأثرش وماغايغير بيك والوو وخا هادشي باين عليك ولكن ماغاتستسلميش وماغاتخضعيييش لهضرتهوم.. هاد العرس غاتمشي ليه ونتي بأحلى طلة وغاضبري على عريس.. غاتقاتلي تا تطيحي شي حد فالشبكة وتزوجيه باش يحيد علك كلمة بايرة…. وغبري من هاد الدار..أوكي باراكا من البكا.. أووف اهئ مممم.. هاهو بابا جا غانخرج قبل مايكبر الموضوع أكيد غايلاحظو غيابي وغايلقاوني فهاد الحالة وتكبر الموشكيلة ونا ماعنديش معا البطولة.. وغاتزيد عليا تا ماما اللي بزز باش صدرتها معا دموعي.. أنا : (رجعت للصالون لقيت زهير بارك وكايشوف فيا وأنا ماديتهاش فيه كانشوف فبابا.. اللي قربت لعندو وبست ليه يديه) على سلامتك أبا.. بابا : الله يسلمك.. شتك دايرة عقلك أبنتي هاد الليلة ياكما الكوسكينيون تقادات.. أنا : لا هاديك سميتها الكونيكسيون وباقا ماتقاداتش.. غير سولت فك مالها فيها عيب.. كاتجيب لي تأنيب الضمير بهاد الهضرة.. بابا : عندك شي صمير.. سيري من هنا سيري عاوني مك باش تحطو داك العشا نمشي نركد فحالاتي.. ماما : (داخلة بطبسيل عامر ب المعكرونة) يالاطيف داخل بعجاجتك.. هاهو العشا.. زهير زيد تاكول.. جا زهير برك وهو ساكت وماما عيات ماتسول فيه لكن ماعطاهاش راس الخيط.. علاه شكون يقدر يعتارف باللي عاير ختو بقدرها مقابل 500 درهم.. ماشي خزي؟! أنا : (نغزت ماما) احم احم… ماما : ممك الحاج.. بابا : (هز فيها راسو ) آش كاين.. ماما : بعد غدا إن شاء الله غاتمشي زهرة لعرس صاحبتها سلمى.. بابا : (شاف فيا ورجع شاف فيها) شكون هاد سلمى تاني؟ أنا : أويلي يا با بنت جارنا حمد.. بابا : شكون حمد..؟! أنا : اللي مزوج بفاطمة.. بابا : هه آه فاطمة نعرفها.. هاديك بنتها؟! ما شاء الله… تزجات سيري أبنتي.. ماما : (خنزرات فبابا) عرفتي فاطمة وماعرفتيش حمد.. إيوا الله يخليها سلعة😡.. بابا : خلينا ناكلو.. هاديكاه.. ماما : هاني ساكتة.. أنا : مم بابا عافاك غدا خليلي واحد الأمانة 💸💸 باش نكري التكشيطة عند فؤاد مول القفاطن… بابا : إن شاء الله.. أنا : (بست ليه راسو ونضت) يالله تصبحو على خير.. ماما : وماتبقايش مقابلة داك المشقوف.. وزايدون منين غايجيك هاد النعاس ونتي العشية كاملة ونتي ناااعسة.. أنا : والاواه أ الوليدة.. راه الهضرة معاكم ماشي غا كاتجيب النعاس.. كاتجيب الموت.. والسكر والسرطان.. ماما : الله يحفظنا يا ختي فمك لاحسو جرو.. أنا : وا هاد الجرو هو اللي غاي.. غاي.. (لقيت كولشي كايشوف ونا نجمعها) ههه غايقاد القدر ديالي.. مشيت كانطير غسلت سناني وتخشيت حاطة راسي على المخدة كانخيط ونفصل كي غانجي بالتكشيطة.. ياااه خاسني نكون تقيلة ومرزنة وحروفي مستفين على لساني.. ياااي إمتى غايوصل داك النهار.. زعما واش غايتحقق حلمي.. (ضرت كانشوف فالبلاكار اللي معلقة فيه البوكي ديال الورد ديال العراسات اللي حضرت ليهوم) ولا غانمشي نشد البوكي ونرجع للدار زعلانة… زعما أنا ماعرفة حد من غير سلمى ومها وباها.. ناااري والفاكتور يغلط فالدار نقتلو ونقلب عليهوم البوسطة سفاها على علاها.. وداك فؤاد مول القفاطن يا ربي نلقا عندو شي لون واعر.. ماما : (طلات عليا) واسيري تنعسي ونتي كاتهضري معا الحيوطة.. أنا : وا غير كانوصي الحيوطة باش يلا كان الزلزال مايطيحوش عليا.. راك عارفة أنا عندي إحساس.. ماما : نتي ماشي غير لسانك اللي لاحسو جرو تا أحاسيسك.. أنا : عارفة اللي كاين أ ماما.. ماما : الغما… خرجات وضرت لجيهة الحيط كانحاول نعس ونعست… يتبع؟؟؟

❄الجزء السابع ….. : (شدني من دراعي مزير عليا) ماعندك فين تمشي!! أنا : من نيتك أ حبيبي.. سير أ حنيني ماحد عظامك صحاح.. أنا مغانتعاطاش معا واحد قليل الحيا فحالك.. ….. : أنا لحد الآن محتارمك سو ماتخرجينيش من المورال.. أنا : وا احترام زين هادا.. يالله حيد من قدامي باغا ندوز.. ….. : خاصك تسمعيني!! أنا : شنو!! اختاصر خاصني نمشي.. …… : (غمض عينيه شهيق وزفير ومن بعد نطق) كانبغيك.. وباغيك للزواج… أنا : (شديت فمي بالصدفة.. مابقيت عارفة مانقول.. آش غانقول دابا؟؟ واش نوافق ولا لا؟؟ ياك هادا هو حلمي.. آش غانجاوب فينو لساني.. نطق.. نطططق.. ♧●♧●♧●♧●♧● نضت عرقانة كانغوت.. قااابلة قااابلة.. أوووف.. مديت يدي وهزيت موشوار مسحت وجهي وعنقي ورجعت متكية على الناموسية.. هادا كان غير حلم.. أستغفر الله ياربي ديرلي اللي فيها خير.. واش هادي حلمة الشيطان؟ أصلا ماكثرت ما أنا باغا نتزوج هادشي كثر فأحلامي مرة مزوجة مرة مطلقة ومرة والدة وحاملة ومخبوطة زعما مخطوبة🤪.. لكن هاد الحلمة فشكل داكشي متصارع فالداخل ديالي حسيتو حقيقة.. ياربي ديرلي تاويل د الخير ماعندي من غيييرك.. ضرت ولقيت الساعة 10 الصباح.. نضت بزربة غسلت كمارتي.. لبست عليا جلابة وخليت شعري مطلوق.. خرجت من بيتي ومشبت للكوزينة لقيت مي كاتغسل المواعن.. ماما : آش وقع وجرا تا فقتي بوحدك؟! أنا : والو.. خلا لك الوليد شي حاجة ولا والو؟! ماما : (كمشات ليا 250 درهم) هاكي.. يالله تلاحي من قدامي وكون جيتي عليا كون لبستي داك القفطان اللي عطيتو ليك.. أنا : لاواه الزعتر غير نلبسو غانبان بحال عبد الحليم حفيظ.. مالي حفيدتو ماما : آش كاتفمهي نتي.. كولشي على الأخلاق.. أنا : ماما الزين والمظهر هو كولشي أما من ناحية الأخلاق راه حنا مخلقييين وفايتين الخلوق لداك الجيه وتا شي حاجة ماشفناها.. ماما : سيري بسعي مني هاد الساعة.. أنا : وهاني غادة.. خرجت معا الباب.. حاضية الطريق.. تا وصلت لعند مول القفاطن.. أنا : ها واحد السلام عليكم.. فؤاد سافا.. فؤاد : أهلا زهرة هادي.. وا غبورات هادي.. أنا : تا آشمن غبرة تا سبع يام كاتسميها غبرة.. فؤاد : هي شي عرس هادا!! إيوا إيمتى غانفرحو بعرسك.. أنا : نهار يكتب سيدي ربي.. يالله طلقني خلاص وآتيني بما عندك.. فؤاد : ممم جيتي فوقتك البارح وصلني واحد القفطان غزاال غايعجبك فالكرونة ومطروز بالصم الصفر.. غاتباني قوووقة.. أنا : ممم وا جبد نشوفو بعدا.. غير جبدو تحل معاه فمي.. شحااال غزال غايجي معايا ههه شكارت راسها دازت من هنا😏.. حطيت يدي على التوب ديال الموبرا الملكي.. هههخ آخ زهرة عتارفي واش عمر كان عندك شي زهر بحال هدا؟؟ هاد اللبسة غاتطيح الزرزور من فوق الصور بدون نقاش.. هزيتو ودخلت قيستو وجيت خارجة لقيت فؤاد مصدوم.. فؤاد : هايهاي أزويهرة جيتي قرطاسة.. غدا عرسك مافيهاش.. أنا : (حطيت يدي على وجهو) قل أعوذ برب الفلق.. راه ماناقصة تا عينيك يعاينوني.. فؤاد : واشتي.. ماتخرجينيش للعيب.. أنا : شحال التمن😏 فؤاد : 350 درهم.. أنا : مالني خدامة فالدوزيام ولا فام دميناج ف فارمازي تا تعطيني داك التمن.. با راه غير خياط على قد الحال.. وزعما خاصك تكون معايا ماشي عليا.. شوف 250 درهم وماتزايدش معايا.. فؤاد : غير حيت جيتيني كليانة معروفة أما كون مانعقلش عليك.. أنا : (حطيت ليه الفلوس فوق الكونطوار) يالله فالعشية غادوز عندك ماما باش تجيبها.. فؤاد : سيري عالله.. خرجت من عندو وجيت راجعة تالقيت الفاكتور جاي جيهتنا.. أنا : السلام عليكم.. وصلات شي آنفيتاسيون للزهرة البواري؟! الفاكتور : إيه.. (مد ليا واحد الجوا بيض) هاكي.. وقعي ليا هنا.. وقعت ليه ومشا.. دخلت للدار ولقيت ماما كاتزيف فالمواعن.. ماما : تعطلتي.. أنا : راك عارفة فؤاد أماما.. (دخلت للصالون وحليت الجوا.. وجبدت لانفيتاسيون.. عرفت باللي العرس غايكون فأوتيل الأطلس.. مممم السيد لاباس عليه. غايديرولها فأوتيل.. تا أنا خاصني نكون فالمستوى.. أهاه.. دايرين ممنوع إحضار الصغار… أهاه عندهوم الحق فيهوم غير البسالة.. المهم غانضبر على طاكسي يوصلني غدا خاصة الحفل غايبدا معا 7 العشية.. جمعت داكشي ومشيت كانتفرج…يتبع؟؟

❄الجزء الثامن.. أصبحا وأصبح الملك لله.. فقت معا 9 الصباح ههخخ.. دخلت للصالون معمشة كانتفوه لقيت زهير كايفطر.. وماما كاتصبن صوت ماكينة الصابون كانسمعو من هنا.. بركت لعيدة عليه وجريت الخبز كاناكول.. زهير : (كايشوف فيا بنص عين و واحلة ليه الهضرة فحلقو باغي يهضر) زهرة! أنا : (ماديتهاش فيه كأنو مكاينش معايا فنفس البيت) لا رد.. زهير : زهرة سمحيليا على البارح ماكنتش قاصد.. غير لحظة غضب.. أنا : عادي ماشي هادي أول مرة غانسمع بحال هاد الهضرة.. سوا من العائلة ولا من الجيران ولا من ماما ومنك.. مابقيتوش كاتأثرو فيا.. زهير : زهرة عافاك سمحيليا.. 😢 راه النهار مايدوزش ليا بلا بيك.. أنا : عادي ماطرى باس.. يالله هنيني.. زهير : (جبد 150 درهم من جيبو وحطها لي فالطبلة) هاكي هادو يلا خصاتك شي حاجة😔 ابتاسمت ليه.. احم الفلوس مهمين فالحياة ومع الحب مانعاودش ليكم المذاق كايجي واااعر.. جا عنقني ومشا للخدمة.. هزيت دوك الفلوس ومشيت للبيت جمعت حوايجي فالصاك ولبست كلاكيطة.. مشيت كانقلب على ماما لقيتها كاتنشر الحوايج.. أنا : ماما.. ماما : آش بغيتي؟؟ أنا : غانمشي للحمام.. ماما : سيري لاش جايا تقوليهالي بغيتيني نتبعك باش نحك ليك ضهرك.. أنا : لا مشكورة على الخدمة العسكرية.. عطيني 15 درهم.. جبداتها من الطابلية ولاحتها ليا فالأرض وكملات النشير.. تحنيت تا هزيت 5 دراهم وجبدت 10 دراهم من تحت السداري.. مشيت للحمام خلصت 10 دراهم وخديت صابون بلدي وجوج ساشي ديال الشومبوان كادوم.. دخلت للداخل حيدت حوايجي ودخلتهوم فليطاجير وقفلت عليهوم.. معا الدخلة طلع معايا البخار.. المهم قلب على شي زاوية خاوية مالقيت والو.. دخلت للسخون وهو أعدى مكان عندي.. فرشت وقاديت مسائلي 😂.. ونشيت عمرت جوج سطولا ورجعت كاندهن بالصابون البلدي.. تا جات واحد المرة عندها معا ماما بزااف.. جات سلمات عليا وبركات حدايا.. كريمة : زهرة.. شحال فعمرك أبنتي؟ أنا : غاتصوبيلي لاكارط ولا غاتورتيني دار الحاج.. كريمة : أهيا ناري يا بنتي غير سولتك.. أنا : عندي 27 عام.. كريمة : (بنظرات شفقة) واه هاد الزين كامل وباقي بلا زواج.. صعيبة بزااف.. أنا أبنتي تزوجت ف 13 عام و ولدت ولدي طه ف 15 عام.. أنا : هادا المكتاب أخالتي كريمة ماعندي ماندير.. كريمة : واش متجا خطبك تا حد؟؟ أنا : لا.. غانمشي نعمر السطولة باردين.. نضت وتحججت بالسطولة باش مانتعمقش معاها فالهضرة.. نفس الأسئلة ونفس الأجوبة لدرجة مابقالي غير نكتبهوم فملف بالماركور باش أي واحد يقرا ويشد عندو فمو.. تقهرت وتعقدت.. رجعت السطولة وطلباتني نحك ليها ضهرها.. حكيتو ليها وشللات وخرجات.. حكيت بزز والمورال زيرو.. كملت الدوش وخرجت نشفت ودهنت لحمي بمرطب.. لبست بيجامتي فوقها الجلابة وجمعت شعري بعد مانشفتو شوية بالفوطة ولويت عليه شال.. هزيت الصاك وخرجت.. طركت عصيري ديال الفريز ورجعت للدار.. حطيت السطولة ومشيت لقيتهوم تغداو وماخلاو لي والو.. مشيت للصالون لقيت ماما متكية ناعسة وبابا كذلك كل واحد فيهوم شاد سداري.. رجعت لبيتي نشفت شعري بالمجفف مزيااان.. وحيدت الجلابة.. كانت 2 دالعشية جمعت عاوتاني شعري وهو يصوني عليا عماد.. قطعت عليه ومشيت هزيت جوج تفاحات قشرتهوم وكليتهوم.. وسخنت الحريرة ديال البارح وجغمتها.. شربت الماء ومشيت غسلت سناني.. جيت خارجة ونا نتلاقا معا الواليد غايخرج.. بابا : شوفي هاديكاه.. تفوتي 12 دالليل بلا ماترجعي للدار.. أنا : من نيتك أبابا.. ماتخافش وزايدون را عرس صاحبتي هادا.. 😏 ويلا غبرت راكم عارفيني فين كاينة.. بابا : ديك الهضرة ديال برق ماتقشع خليها عندك.. هضرتي راني قلتها وداك التيليفون ديه معاك.. أنا : واخا.. غير خرج هزيت الفلوس اللي عطاني زهير ومشيت لعند سعيدة الكوافورة لقيت الصالون خاوي.. المهم طلبت منها دير لي مايكاب خفيف وتركز لي على الأيلاينور والشفايف.. وطلبت منها تسرح لي شعري وتموجو من التحت وتقاد لي الجناب دشعري.. وفعلا سالات ليا بعد 3 ساعات.. وجيت قرطاسة أنا وعجبني راسي بقيت كانقرا القرآن على راسي تقول أنا هي العروس.. يتبع؟؟؟

❄الجزء التاسع شكرتها بعد ماخلصتها.. رجعت للدار كانت 5 دالعشية.. لقيت ماما كاتاكول.. ماما : (شافت فيا مخنزرة) واعانداك ماللي ترجعي تبكي عليا وتقولي ليا ماداها فيا حد.. أنا : (هزيت كتافي) ونا مالي.. مشيت للبيت وصبغت ضفراني بالكرونة وتسنيت تا نشفات وحيدت حوايجي بقيت لابسة ديباردور وشورط قصييير طااالع على الفخض.. عاد لبست القفطان اللي كانت عندو فتحة تال الركبة.. ركبت المضمة ودرت سنسلة خفيييفة ديال النقرة ودرت حلقات ديال البلاكيور طوال.. قاديت شعري وهزيت طالون اللي كانلبسو فالمناسبات.. أسود وعالي من نوع دان… هزيت بوشيط باج درت فيه التيلي وعكر كرونة وماسكارا والفلوس معا الأنفيتاسيون.. خرجت من البيت وقرات عليا ماما القرآن خوفا من العين.. ماما : ياربي يا بنتي يلاقيك بولد الناس.. ويهني علينا هضرت الناس.. أنا : إن شاء الله أماما.. هودات معايا تا شديت طاكسي.. عطيتو العنوان و وصلني.. خلستو.. وجيت داخلة تا لقيت السيكيريتي كايقلب الأنفيتاسيون.. مديت ليه ديالتي ودخلت.. كنت معطلة واللي زاد صدمني أن الناس لابسين الكلاس وكساوي تا وحححدة مالابسة تكشيطة ولا قفطان مغربي وتا الطبالي دايرين بحال داكشي دالمسلسلات ماكاينش كراسا.. على الدخلة كولشي ضار كايشوف شكون هادي اللي لابسة تقليدي.. البعض كانو حابسين الضحكة.. عرفتو دوك البعكاكات.. والبعض كانو كايشوفو بإعجاب.. هزيت عيني كانقلب تا بانت لي سلمى باركة معا العريس.. شحال مواتيين بعضياتهوم.. سلمى قصيرة فالطول وعامرة.. وبشرتها بيضة وحروفها شهبين لكن ضريفة وتستاهل كل خير.. تقدمت لعندها وسلمت عليها وعليه باليدين.. أنا : مبروك عليكم.. ربي يجعل زواجكم مبارك ويخليكم لبعضياتكم.. سلمى : شحال فرحتيني ماللي جيتي.. يا ربي آمين.. عادل : (زوج سلمى) شكرا ليك.. سلمى عاودات لي عليك بزاااف.. وكايشرفني أني تعرفت على إنسانة بحالك.. أنا : الشرف ليا..😌.. يالله خليتك على خير.. سلمى : أطط نتصورو.. جات المصورة وتصورت معا سلمى ههه باقة حمقة تا فنهار عرسها.. شت الفرحة فعينيها وتا أنا ماكرهتش نحس بيها.. هي دابا تهنات من كلمة بايرة لكن أنا وألف من وحدة بحالي آش غايكون مصيرنا.. مشيت لأقرب طابل وحطيت البوشيط عليه.. جبدت التيلي كانتسيلفى معا راسي وكولشي كايشوف فيا.. عمرهوم شافو قفطان.. هو الصراحة ءغلبيتهوم أجانب والباقي باينة من الطبقة الراقية.. ماماها بانت لي من بعيد كاتهضر معا واحد المرة كبيرة عليها فالعمر.. وكانو لابسين كسوة طويلة و مخدومة بالأحجار.. لفت انتباهي السيرفور داز من حدايا وقفتو وهزيت مشروب غازي جغمتو فدقة.. جاني الملل والموسيقة كالم.. تا حاجة مامحركة تا كاس مامهرس تا دري صغير ماكايضور هنا.. داز شوية الوقت تا جا واحد اليهودي كايهضر معايا أنا مافاهماش آش كايقول وهو كايحاول يتحاور معايا.. عصبني ني تواصل ني زمر.. أنا : وا ماكانفهمش هضرتك ونتا كي عزري الضوار غير نتا بلق عليه.. عطيني بالتيساع ماباغاش نتزوج بيك أنا باغا نتزوج بمغريبي مسلم.. والو السيد مكايفهمش ونا نقلز ليه وهو يمشي.. أووه بنادم مكايفهمش.. مرررض من بعد وجدو البيفي.. فيه كاع الأطباق.. مشيت هزيت طبسيل وبديت كانعمر من كل طبق شي حاجة.. مشيت لبلاصتي وبديت كاناكول غير بالمعلقة تا جا عندي واحد آآآح على اللحية توتوز.. والعينين عسليين.. حط طبسيلو وبقا كايشوف فيا.. هو : (بالفرنسية) واش ممكن نوقف معاك.. أنا : (مافهمت والو) درج معايا الحب.. احم الأخ مكانفهمش.. …. : (بالدارجة) ممكن نوقف معاك.. أنا : تفضل.. …. : (كاياكل بالموس والفورشيط) كاتجي للعروسة شي حاجة؟! أنا : علاش كاتسول؟ كاتسالهوم الكرا.. ….. : بغيت غير نعرف.. أنا : احم.. أنا صاحبتها الأنتيم.. ….. : آه.. جا معاك القفطان.. أنا : (شداتني الحشمة وتزنكو عليا حنيكاتي) ش..شش..شكرا هه مهدي : أنا سميتي مهدي.. خو عادل.. أنا : (حليت فمي على قدو) نتا هو هو.. خو العريس.. راجل صاحبتي الأنتيم سلمى.. مهدي : (ابتاسم) وي أنا هو خو العريس راجل صاحبتك الأنتيم سلمى.. أنا : متشرفين.. أنا سميتي زهرة.. مهدي : سميتك زوينة ونادرة.. آش كاديري فحياتك؟؟ أنا : (حسيت بالإحراج ومارضيتش براسي) مم أنا مكانقراش.. ماعنديش الباك.. مهدي : آه.. و كيف هي علاقاتك فحياتك الشخصية.. أنا : (ماحسيت براسي تا قلتها) أنا بايرة.. 😔 مهدي : علاه شحال عندك من عام؟ أنا : 27.. ونتا.. مهدي : أنا 33 عام.. ولكن بالنسبة لي نتي ماشي بايرة وماتديهاش على كلام الناس.. أنا : (ابتاسمت ليه) وي عندك الحق.. مهدي : ممم مكاتفكري تغيري والو؟؟ أنا : لا.. راضية بقدري.. نورا : (ديك الشارفة اللي كانت معا فاطمة أم سلمى😂😂) مهدي.. مهدي.. ولدي آش كادير هنا.. (شافت فيا بإعجاب) شكون هاد البنت.. مهدي : (جرها معاه وهي كاتشوف فيا وهو كايهضر معاها.. ماسمعتش لغالبية هضرتهوم.. شفت الساعة كانت العشرة.. معا الليل قصير الوقت كايدوز بزربة.. مشيت للطواليط.. عاودت التعكيرة ودرت الماسكارا.. غسلت يدي وقاديت شعري وجيت خارجة ونا نتلاقا معا… يتبع؟؟؟

❄الجزء العاشر جيت خارجة ونا نتلاقا معا مهدي.. مهدي : كنت كانقلب علك وقالو ليا نتي هنا.. أنا : (حشمني ماقدرتش نهز عيني فعينيه) آه شكون هوما.. الإحضي آي.. ونتا زعما علاش كاتقلب عليا.. مهدي : ماعرفتش.. أنا : ممم وا خاصك تعععرف وماللي تعرف قوليا.. مهدي : آه عطيني نيم ديالك باش يلا عقلت عليها نقولها لك.. أنا : (بغيت نردو ولكن عيييب كاين شي حد اللي يرد الزين واللحية كولشي على اللحية والعوينات والتكلديمة والطولة.. احم.. ) قيد 06********.. (مغاتعرفوش نمرتي يالله😏 اللي بغات تعرف ها أسية تدوزهالكم فالبيرفي✌🏻) مهدي : ممم فراسك سلمى غاتقطع الكيك يالله.. أنا : بصح شفت فيه مصدومة وماعقلت على راسي تا ضربتها بجرية واقفة ورا الحضور وكولشي مقرب لجيهتها وهي باللبسة البيضة كي الملاك.. ابتاسمت من كل قلبي.. وماعقلت تا طاحت دمعة من عيني ومسحتها دغيا.. مهدي : (واقف مورايا كايشوف فين كانشوف) كاتبكي؟! أنا : (بلا مانحيد عيني عليهوم) لا.. علاش غانبكي.. هادو دموع الفرحة.. آخر صديقة ليا غاتزوج.. أكيد غانفرح ليها مهدي : قلبك هشيش.. أنا : (ضرت لعندو) لا.. بالعكس.. مهدي : (قرب وجهو لعندي) ولكن ماشي هادشي اللي كايبان ليا.. هضرتك وتصرفاتك وأسلوبك.. كايدل على العكس.. أنا : (ضرت كانشوف فسلمى وعادل كايوكلو بعضياتهوم) فراسك أ مهدي!! سلمى غاتلوح البوكي وغايجي فيا.. مهدي : إلى جا فيك غانوصلك شخصيا.. أنا : احم (ضرت لعندو بتحدي كانلحن هضرتي) متافقين..😍 سلمى هزات البوكي وعطاتنا بالضهر… حسبات تال 3 وطوعاتو على جهدها معا هي ضاربة الحساب مسبقا وعارفة الموقع الإستراتيجي ديالي.. مديت يدي بسرعة والتاقطت البوكي وكولشي كايشوف فيا.. مهدي : (ابتاسم) ربحتيني.. ولكن بالمناسبة واش غايكون مصير هاد البوكي.. ماتعرفي فال وغايجيب عريس.. أنا : عندي العشرات بحالو فالدار.. (قلبتها ضحك) ههه يالله جيب لي حقي فالكاطو قول للسيرفور يقوي معايا نموت أنا على الكاطو دالعراسات.. 😂😂.. لحافظك ماتنسانيش..✌🏻 مهدي : (ابتاسم لبرائتها.. وعفويتها ماشي بحال البنات المتصنعات.. جاتو إنسانة إجتماعية وضحوكية وقماعة.. لذلك حس بالإنجذاب لشخصيتها دونا عن البنات اللي سبقلو عرف..) ههه أوكي.. مشا وجا بجوج طباسل.. أنا : (خديت من عندو طبسيل وكانشوف فطبسيلو) 😳 كاتاكل الكاطو؟؟ مهدي : (كلا ضغمة) علاش حرام عليا… أنا : زعما راك راجل.. الكاطو للبنات.. مهدي : (هز معلقة كبيرة ودخلها ففمها) كولي دابا.. أنا : (تصدمت.. وكلني من معلقتو.. واش هدا فال.. كليت الضغمة وجر معلقتو كمكمل الماكلة) مهدي؟؟ مهدي : وي.. أنا : غانمشي.. مهدي : أوكي غانوصلك.. يالله مشيت سلمت على سلمى ودعيت معاها.. جيت خارجة ونا نلقى مهدي فالأوطو كايكلاكصوني.. تزعطت فالطوموبيل كثر من مولاها.. أودي🧐.. احم.. مشيت وركبت.. أنا : ياكما تعطلت.. مهدي : لا بالعكس.. ممم فين جات داركم.. أنا : مزوجة.. مهدي : (مقضب حجبانو مصدوم) مزوجة؟؟ كيفاش!؟ ياك قلتي باللي نتي!!.. أنا : (قاطعتو) ساكنة فزنقة مزوجة.. مهدي : (حاس بالراحة) آه.. اوكي.. أنا : الأخ مخطوب.. مهدي : ههه لا علاش لقيتي ليا شي عروسة… أنا : لا كااع اللي كانعرف تزوجو بقيت غير أنا.. احم للأسف ماعندك من غيري… مهدي : ههه دمك خفيف.. وضحوكية😂😂 أنا : (وااا المسخوط طنحبك أنا أجي خبطني وخطبني وخلطني معا البيض والكحل.. وا ميمتي أنا مستقبلي كايضيع) 😢 ماشتي والو!! مهدي : ممم هيا كاتعرفي طيبي؟؟ أنا : ههخخ شكون مايعرفش طيبي.. الحلاق اللي فراس الدرب.. مهدي : ههه كانهضر على الماكلة.. أنا : (ويلي على شوهة غايحسابني غير كانعرف الدراري بزاااف) آه ههخ كانعرف كانعرف لهلا يوريك..😂 مهدي : ممم مثلا؟؟ أنا : كانطيب القلب والكبدة وكانفركع المرارة وكانهر الكرشة.. ونجيب الشقيقة و… مهدي : آه فهمت.. ههه.. باز ليا.. انا : نعام؟! مهدي : زعما باز لهدا اللي غايديك🤪 أنا : وا سعداتو قالاك باز ليه!! نو توش با مي زافير.. مهدي : هههه.. هانتي وصلتي.. أنا : ماسخيتش ولكن المهم.. هاديك الدار اللي بابها كحل شتيها.. مهدي : (حيد السمطة وقرب ليا تا تلاصق حنكو معا حنكي باش يشوف) آه هاديك.. أنا : لارد.. ضار ولقاني مصدومة وهو يرجع لبلاصتو كايتكرشخ بالضحك.. يتبع؟؟

❄الجزء الحادي عشر🔥 مهدي : ههه ماعوالاش ترجعي لداركم.. أنا : ها آه آه.. واخا.. حيدت السمطة وهزيت البوشيط ديالي والبوكي🌸.. جيت خارجة وهو يقولي.. مهدي : زهرة.. أنا : (آآخ على زهرة وسميتي كايتقطططططر بالعسل من فمك.. 💋💋) احم نعام.. مهدي : للمرة الثانية.. جا معاك القفطان.. أنا : (حطيت خصلة من شعري ورا ودني بالحشمة) ههه.. سديت الباب ومشيت بلا جواب.. حليت الباب ودخلت ديريكت لبيتي كان كولشي ناعس.. أول حاجة درتها حيدت الطالون وتبعتو القفطان والمضمة.. جمعتهوم فالساشي ديالهوم وحطيتهوم حدا باب البيت باش نرجع القفطان لفؤاد غدا.. رديت الطالون لموضعو الأصلي تااال شي عراسية خرى.. علقت البوكي معا خوتو.. ودخلت دوشت دوش خفيييف ماقربتش لشعري.. ولبست بيجامتي ومشيت نعست.. وكل ماكانتفكر أحداث اليوم كاتشدني الضحكة وكانحط يدي على فمي كانضحك.. سمعت شي ميساج نضت كانطير حليت البوشيط وجبدت التيلي لقيت نمرة جديدة مصيفطة ليا ميساج.. حليتو ولقيت مكتوب فيه.. ☆تصبحين على خير يا زهرتي☆ عرفتو مهدي ودخلتو فالكونطاكط وفرحااانة.. عجبني اللقب حيت تا واحد من الكمامر اللي كانعرف مالقبني بهاد الإسم😏… تلاحيت هاد المرة ونعست.. هاد المرة كنت عيااانة والعيا ماخلاني نحلم.. جا الصباح أقصد المساء.. دابا راه 2 العشية.. نضت كانتكسل.. غسلت كمارتي وقاديت شعري بيدي.. لقيتهوم كايتغداو.. ماما : يالله فايقة يا الجحمومة.. كنتي كاتغسلي المواعن.. أنا : كنت كانجفف الأرض.. واااه را عييت مامنحقيش.. زهير : مالك أ مي العشية هادي وقريها.. أنا : (شفت فيه ورجعت شفت فبابا) بابا.. ؟! بابا : شنو؟ أنا : مالك مغوبش أبا طلقها تسرح.. الحياة كانعيشوها مرة وحدة مالكم على هاد التشاؤم.. بابا : سيري أبنتي ردي القفطان لفؤاد يالله تلاقيت معاه ماللي كنت راجع وسولني عليك.. أنا : هانا غادا دابا نيت.. رجعت للبيت هزيت ديك الصاشية.. وخرجت ديريكت لعند فؤاد.. حطيتهاليه فوق الكونطوار.. أنا : ها أمانتك عانداك تبكي.. فؤاد : مالك تاني؟! أنا : شوف نتا.. خرجت معصبة.. وسمعت للصونيط.. لقيت سلمى.. أنا : نعام… شتك معيطة ليا من أول نهار ههه.. كاااع اللي عرفتهوم قلبو عليا من نهار العرس.. سلمى : نتي راه بالسيف عليا وعليك.. بان ليا باللي القدر جا لعندك أصحيبتي.. أنا : شنو شكوون؟ سلمى : إن شاء الله غدا غانجيو نطلبوك من داركوم.. أنا : هههخخخ شكون نتوما السعايا.. سلمى : أنا وعائلة عادل.. أنا : أهيا نارري ياكما باغاني لراجلك زوجة التانية.. سلمى : تف تف عليك.. الله يحفظ.. ربي يخليه ليا بوحدي.. أنا : وا شكون الزمرة واتي قولي تا هضرة مكاتوصليها مقادة مكاتخلي بنادم يفهمها مقادة وا مشطبة معاااك.. سلمى : وانتي اللي ماكاتسكتيش.. مهدي اللي بغاك وتا مو دخلتيلو لقلبها.. أنا : هاويلي السيد غير شافني البارح تزعط.. بهاااد الزربة كي دار ليها.. سلمى : واهوما جايين غير يدويو فيك ويلا تفاهمتو غاتكملو حياتكوم معا بعض.. أنا : آه فهمت.. ممم واخا يكون خير.. سلمى : يالله عادل جا.. أنا : أجي بعدا كي داز داكشي ههه.. سلمى : أسرار زوجيا يا بنت.. ولييك بقتلك أنا.. أنا : تلاحي.. قطعت ورجعت للدار تغديت مزيااان ماما دارت لينا العدس.. أنا : واس بابا وزهير خرجو.. ماما : (كاتفرج فمداولة) واييه.. أنا : بغيت نهضر معاك… ماما : خبار الخير.. أنا : احم زعما.. هو.. ماما : وا هضري جبتي ليا بولة.. أنا : بعد غدا غايجيوني الخطاب🤐🤐 ماما : (طيحات التيليكوموند بالصدمة والفرحة) حلفي؟! آشنو.. بصح! صافي وأخيرا جاب ليك الله رزقك.. وغانفرح بيك.. أنا : ماما هوما غايخطبوني زعما وففترة الخطوبة غانشوفو واش غانتفاهمو ولا لا.. حيت زعما السيد مكايعرفنيش مزياان احم.. ماما : يكون خير أزهرة.. إيوا شكون هادو؟! أنا : ممم خو راجل سلمى صاحبتي.. ماما : فيها خير أبنتي.. شلوح ولا عروبيين.. أنا : مكايهمنيش المهم السيد غايحتارمني ويبغيني ويحبني ويعشقني ويموت فيا ومايشوف غيري.. ماما : هيا خاصنا نقلبو ليك على قفيطين.. أنا : (شفت فيها بنص عين) القفطان اللي عطيتيني قاضي الغراض.. ماما : لالا هه من نيتك تخرجي على رزقك بيه.. بنتي غاتلبس أحسن قفطان.. غدا نمشيو عند فؤاد يضبر ليك.. أنا : فؤاد غايترفح هاد السيمانة😂😂 جات معاه.. ماما : نوضي تجمعي سيري غبري.. ولفتي الجماعة.. أنا : هانا غادة.. يتبع؟؟؟

❄الجزء الإثنى عشر يقولون أن سجينة بالسرداب انفرجت.. وأن خليلها بالسماء ينتظر.. يقولون أن قلبا بالمعصم أسير وأن القلم الأسود عند المصاحف باليد يوقع.. ويقال أن جمرة من جمار اليوم ستنطفئ وتندثر.. فهنيئا لصاحبتها🌸 أنا : آآخ ضهري أمي ضهري.. وا ماقاداش… ماما : (كاتقاد الحلوى فالسوبيرة) قابلي الحلوى فالفران خاصها تكون ذهبية تحرق نقتلك.. واش نكدبو على النااس.. خاصك تكون تعرفي طيبي.. أنا : وا را عارفني ماعارفة تا بصلة.. ماما : (نيشات عليا بطبسيل ديال إينوكس😂) تريكت الخلا والجلا يا الجحمومة.. مايصلاح معا مك غير العصا.. أنا : وا ماما وكاتعدبيني بحال هاكا.. وا اللي بحالي راهوم مرتاحيييين دابا.. ماما : وشنو باغا طيبي ماللي تزوجي.. تاكلو ماكلة الزنقا.. أنا : كولشي ممكن أماما معا ميدو ومهدي مودي ومودا..😂😂 الله يرزق غير الصحة والسلامة. واتكايسي كولشي عندو حل فهاد الدنيا.. ماما : (حاطة يدها على راسها) إلا نتي أبنتي.. ماعند بوك حل.. كون سميتك الطاهرة كان غايبان فك شوية الضو.. ولكن اللومة ماشي عليك على المرحومة جداك اللي سماتك.. أنا : وايلي جدة اللي سماتني ههه حكرو علك أ مي… ماما : يالله قابلي ديك الحلوة.. أنا : اهئ وا لااااا بففف.. المهم البنات راكم عارفين معا نبع الحنان لا شيئ مستحيل عجنت الحلوى وطيبتها.. درنا ربعة الأشكال وحدة ديال اللوز وجوج ديال القهوة وصابلي وكل عجينة كانديرو منها أشكال.. والفقاص تكلفات بيه ماما فالتقطاع حيت كايفقص.. ولكن أجمل حاجة ماللي تكوني مفقوصة كولي الفقاص وغاتحيد منك الفقصة😂😂 عن تجربة البنات😂.. جا الليل وجا بابا أنا حشمت ومشيت بركت فالبيت وخليت ماما كاتوصل ليه الهضرة.. لقيت التيليفون عامر اتصالات من مهدي.. اهئ.. حبيبي كان يصوني عليا ومالقانيش وماسمعتوش.. بسباب الحلوة.. ناري ها هو كايصوني عاود.. مهدي : زهرة.. أنا : (كانلحنها وحشمانة) مهدي.. مهدي : سافا.. أنا : احم الحمد لله.. مهدي : ممكن طلي من الشرجم.. أنا : نو واي ماتقوليش نتا كاين على برة.. مهدي : وا شوفي بعدا.. طرت بالزربة حليت الشرجم وطليت كان مقابل معايا بالأوطو كايطل منها.. مهدي : هه جات معاك الطابلية.. أنا : هه ياك!! راه بسبابك.. دخلت للكوزينة وصاوبت الحلوى.. مهدي : غاتكون بنينة✌🏻 أنا : أكيد وعلاش لا وأنا العشية كاملة ونا مقابلاها.. عييت.. مهدي : فك النعاس؟؟ أنا : لا ولكن فيا العيا.. احم أجي بعدا.. واش بصح غاتجي تخطبني.. مهدي : ههه إن شاء الله.. أنا : زعما غانتفاهمو.. أجي واش كاتبغيني.. مهدي : وي.. ونتي.. أنا : نهار الخطبة ونقولك.. مهدي : ههه (باسني فالهوى) أنا : زعمتي أكبور ههه.. (💋💋💋💋 طنحبك انا مواح مواح مواح مواح..💋💋💋💋) مهدي : إن شاء الله غاتكوني حلالي😍 أنا : إن شاء الله.. مهدي : ياالله سيري تنعسي وتغطاي مزيان.. أنا : تمام وتا نتا.. مهدي : (بغا يحشمها) وأنا آش؟؟ أنا : زعما تغطا مزيان راه الناموس خايب.. مهدي : كاين شي ناموس قدك..😂 أنا : آه كاين ونتا أولهم وكبيرهم وأصغرهم ومتوسطهم😂😂.. مهدي : يلا بقينا هاكا غايكونو عندنا الهالات السوداء.. تصبحي على خير زهرتي.. أنا : تانتا ميدو مواح.. مهدي : مواح.. قطعت وسديت الشرجم.. ودخلت نعست.. #اليوم صباح جديد.. داز عامر بالأحداث العابرة كاقتناء القفطان اللي ماما تحلف ونا نحلف وفؤاد يحلف.. أنا نقول دهبي وهي تفول زرق.. فاللخر خديناه دهبي حيت الزرق مكاينش.. كريت معاه تا الطالون وشحال فرح ليا فؤاد حيت لقيت هيرنيس زعما عريس.. ماما ماخلات لمن قالت باللي غدا غايجيو يخطبوني.. كولشي ولا يقول دابا البايرة الوحيدة اللي سيرتها فكل دار للتحليل والنقاش اليومي غاتزوج.. كولشي تصدم لدرجة أنهوم ماصدقوش أن النعمة وأخيرا دخلات فحياتك.. وهادشي اللي ألمني.. المهم تقدينا شي حاجات للدار وخدينا الدجاج.. وصلنا للدار رقدات ماما الدجاج فالحامض باش دوز ليه من بعد.. وأنا شديت كروب ديال الوصفات اللي قريتها كانطبقها على الكمارة ها الروز ودانون ها كومجا الكوك ودانون والعسل وها الزيت والقهوة.. وها ماسك الخرقوم.. المهم تصفا الوجه بعد البخار ومن بعد ماحيدت النقط السوداء.. درت كوماج لشفايفي بالقرفة والمعجون ماشي هاداك.. كانهضر على ديال السنان😂😂.. ضربت سيلفيات معا كمارتي.. وصيفطت وحدة لمهدي من بعد ما صيفط لي ميساج.. بعد شوية عيط ليا.. مهدي : جيتي فنة ماشاء الله.. أنا : ربي يخليك ليا ميدو (آآح غايقتلني بالصواب ديالو البنات..) يتبع؟؟؟

❄الجزء الثالث عشر مهدي : واش ممكن نشوفك اليوم.. أنا : والله ما كرهت لكن الرقابة عندي فالدار.. رجلي على رجل ماما.. مهدي : ماعليش مزياان.. أنا : ممم إيوا.. آش كادير دابا.. مهدي : خدام.. أنا : ومالك تابعني ديها فشغالك المسخوط غانخرج علك.. مهدي : على أساس ماخرجتي عليا ما والو.. أنا : 😉 يا ويلي واش بصح نتا مهدي اللي شتو أول مرة ولا كانحلم.. واش بصح أنا غانتزوج.. مغانبقاش بايرة.. مهدي : نتي ماشي بايرة أ زهرة.. هاداش المرض حيديه من دماغك.. غاتزوجي حيت نتي شايفة راسك قادرة على المسؤولية وحيت فعلا عندك ماتعطي فحياتك الجديدة في سبيل شريك حياتك أنا : وي.. واخا.. وانا مكانعرف لا نطيب ولا نصبن.. مهدي : داكشي غاتعلميه وتقنيه قبل من الزواج.. وزايدون راك تعرفي لحوايج ماحسن من داكشي.. أنا : (زناكيت وعراقيت فبلاصتي😱😱 أوعدي يانا.. نسيت داكشي.. احم.. ) م.. ميدو.. غانمشي.. مهدي : تهلاي فراسك.. سي يو توموروو.. أنا : أوكي بب.. قطعت عليه ونضت لقيت عمتي تورية جات.. عمتي : وأخيرا لقيتي اللي يقبل عليك؟! أنا : الحمد لله لاقاني الله باللي يستاهلني وعطاني على قد نيتي وجازاني بعد ابتلاء.. عمتي : درتي عقلك ولا غا كايجيب ليا الله.. أنا : العقل عندنا كولنا غير كل واحد و آش عندو فيه.. شي فكر شي عجينة.. عمتي : و هانتي تهنيتي وماغاتبقايش بايرة.. أنا : لا مابقيتش.. ومن بعد.. عمتي : كوليني.. أنا : ونتي مالك واش جايا تزوريهوم ولا تنكديها عليا.. خوك وكاتشوفيه وا قلبي عليااا.. آآآو قاتلك الحسد.. عمتي : مامربياش.. أنا : غانوض أحسن مانجاوبك.. أ تورية.. رجعت لبيتي وضربت بالتيلي فالناموسية… آش باغا عندي هاد الحمقة.. ياك عاطياها التيساع.. وحتا بعدما أنا على وشك الخطوبة كايذكروني بوضعي.. خايفيني ننسى.. ولكن أنا مانساش الضبرة بعد الخياطة كاتخلي غير ليطراااس.. داز النهار عادي وعمتي بقات عندنا تا جا بابا فالعشا ومشات هي واخا بعيدة غلينا شوية لكن بعد المرات كاتجي دوز عندنا النهار كامل.. أنا مابقاتش كاتهمني.. الحاجة اللي كاتهمني أني مرتاحة معا مهدي ومخاصني تا خير.. داز النهار عادي.. تا جا النهار نها الخطبة.. نضت بكري.. دوشت غير فالدار وفطرت وعاونت ماما فالدجاج اللي طيبناه وحمرناه شوية باش نديرو البسطيلة دالدجاج.. واللي زوقتها على حقها وطريقها.. إيه نعاماسي زهرة دارت بسطيلة دالدجاج.. ماما تكلفات باللحم والبرقوق.. قادينا داكشي بكري.. ودرنا الدواز للغدا.. جا بابا وزهير تغدينا مجموعين ومشا بابا للخدمة وزهير مشا جاب لينا مونادا وراسيون.. بدلت لاناب للطبالي.. وجمعنا الدار وسيقناها.. ومن بعد مشيت كانعاون ماما فتستاف الحلوى واللوز والكركاع والصينية دأتاي وأتاي ماعمرناهش تا يجيو حيت علماتني سلمى هاد الصباح باللي غايجيو معا 6 العشية.. غير قادينا المسائل جريت ماما للبيت ولبسات عباءة كانت مخيطاها فالقهوي وقاديت ليها الشال التركي.. درت ليها كريم وكملات التجهيز بنفسها وأنا مشيت لبيتي درت مايكاب خفيييف لراسي.. ولبست قفطاني اللي فالباج.. وشربيل فنفس اللون.. طلقت شعري بعدما سرحتو بالباتشا ودهنتو.. درت سنسلة وكورميط.. بقيت كانتسنا تا سمعت الكلاكسون ديال الطوموبيلات… مشيت كانطل كانو تلاتة ديال الطوموبيلات وحدة مورا لخرا.. والدراري الصغار مجموعين كيف القش.. خرجو من الطوموبيل ونا عيني غير على مهدي اللي هز عينو وشافني.. كان واعر ولابس كوسطار فالأسود وبابيون جا غزاااال.. خرج لعندهوم بابا وزهير واستقبلوهوم.. طلعو كاملين للصالون.. تا جات لعندي سلمى.. ماعقلت على راسي تا تلاحيت عليها معنقاها.. أنا : هههه وأخيرا غانتخطب وغانتزوج.. ههه يوبي.. سلمى : ههه وي فرحت ليك.. وجيت باش نجيبك حيت كولشي كايتسناك.. أنا : حاسة بالتوتر.. سلمى : طلقي راسك وترخاي وعينيك فالأرض.. باش ماتشدكش الضحكة راك صكعة ونا نعرفك كثر منهوم كاملين.. أنا : احم.. ههه. دخلنا أنا وياها والعينين علينا.. سلمت على ماماه وباباه والبنات باليدين وحدة ختو والتانية خالتو وبنتها.. وسلمت على عادل باليدين وماللي وصلت لمهدي هو اللخر مد ليا يدو وسلمت عليه وبقا شادها تا عفطت عليه وطلقها.. رجعت بركت حدا ماما.. وعيني حادراهوم.. عفاف : (أم عادل ومهدي احم حماتي المستقبلية) الحاج يالله هضر.. الحاج : (نسيبي 😉 الحاج عورابي) إيوا.. ها حنا جايين وقاصدينكم والمقصود الله.. عندي جوج وليدات.. واحد زوجتو وتهنيت عليه والتاني بغيت نجمع شملو ونتهنى عليه فحياتو معا بنتك زهرة يلا قبلات.. يتبع؟؟؟

❄الجزء الرابع عشر بابا : (أشار ليهوم عليا🙈) ها هي زهرة وحدة اللي عندي.. مغانشكرهاش قدامكم.. إسم على مسمى (كايقصد المصائب والنحس 😂😂).. اللي قالتها هي اللي كاينة.. الحاج : احم.. واش توافقي بمهدي على سنة الله ورسوله أبنتي.. أنا : 🙊🙉🙈 (بدون تردد وافقت علاه شكون اللي يفرط فالعسل) م.. موافقة.. ماما : لوولولولولولاااااااااي… الله يجعلها مبارك ومسعود.. عفاف : الحمد لله والشكر لله.. أنا : (هزيت عيني فمهدي بالسيف لقيتو كايغمز فيا.. ونا كانزيد نتعصر.. حاسة بالعينين كولها عليا..) 🙊 ماما : بنتي سيري دي مهدي لبيتك باش تهضرو على خاطركوم وتفاهمو.. نضت وناض معايا.. بقينا غادين تا وصلنا للبيت ودخلت ودخل من ورايا وخلينا الباب مردود.. مهدي : 😂 هاني خطبتك البايرة😂😂 أنا : ههه مابقيتش بايرة صافي خطبني ميدو😍✌🏻 عفا عليا الله.. العقبا ليك.. مهدي : ها هي قدامي.. (شد راسي وباسو وأنا استحليتها شحال جات حنينة وفوقتها.. ) كانبغيك.. أنا : اهئ تا أنا كانبغيك😢 مهدي : (شادني من دراعي) وا لاش كاتبكي دابا؟؟ خاصنا نكونو فرحانين.. أنا : أنا مغانتهنا تا نخرجو من عند العدول متزوجين.. زهري وأنا عارفاه.. خايفة لايكون هادا حلم.. مهدي : (قرحني وسد لي فمي باش مانغوتش) ههه الشوهة لا.. أنا : (كانتحلف عليه) الشوهة هي اللي غاتجي من بعد خوما شوهااات ماشي غير وحدة.. مهدي : الله يحفظ.. (ضور عينو وبان ليه البلاكار معلق فيه البوكيات 😂😂) ههخخخ هنا فين كاتعلقيهوم.. أنا : هه وي.. زعما غانتزوج من بعد كل عرس.. لكن كنت فقط كانحضر.. مهدي : كون غير شفتك من البوكي اللول.. كون دابا را حنا كانعيطو على ولادنا بسمياتهوم.. أنا : (كلمة ولادني جابت لي القشعريرة من كرشي.. 🔥🔥 ولادنا.. ولادنا.. ولاااادنا.. ههه وصلات لأعماقي) ياااه غايكون سميتهوم شادي وشمس وشهاب.. مهدي : أسماء زوينين.. عندك الذوق.. أنا : ههه.. مهدي إيمتا العرس.. مهدي : إن شاء الله غايكون بعد شهر.. أنا : أهاه.. ولكن عندي شروط.. مايكونش فأوطيل.. وكولشي يلبس القفاطن والتكاشط.. ومن حق الدراري الصغار يجيو.. والطبالي غايكون عندهوم كراسا.. وغاتكون الجلسة ديالنا فالفاص اللي مقابل معا الجميع.. وغايكون الشعبي.. وغانرقصو على كلمات شيرين عبد الوهاب ههه.. وغانتهز فالعمارية والعرس غايكون فقاعة…. مهدي : (حااال فمو مصدوم) أهاه ياكما ناقصة شي حاجة؟! أنا : ههه الله اودي.. الماكلة ثم الماكلة.. على الدخلة الحليب والتمر فيه اللوز والكركاع.. والحلوى.. وغاتحط بسطيلة الحوت واللحم بالبرقوق والمشماش واللوز.. والدجاج المحمر.. والديسير عاااد الكاطو… وغانلبسو الشلحة حيت جدة الله يرحمها جدها سوسي.. وغانلبس الطنجاوية حيت ولد عم بنت حبيب مي شمالي.. وغانلبس الرباطي حيت عروست لوست جارتنا من الرباط… مهدي : أهاه.. رخفي شوية هادشي مغانعقلش عليه دقة وحدة!! أنا : ماتخافش أنا هنا وأنت هناك والورود الصفراء معا الصيف تحت الشتاء داخل الغيس في الجنوب (فاش فكركوم هاد التعبير العاااار😂 ماشي فالترجمة ديال أغاني هنود الحمر) مهدي : احم يالله نرجعو لايصدقو جايين.. أنا : سير غير نتا من بعد ونجي ولا كاتعرف شنو غانبقا ناكل فالشكلاط اللي جبتي ليا مافيا اللي يخرج.. المهم يلا طرات شي حاجة غاتقولي سلمى.. بالمناسبة صيفط ليا سلمى بغيتها.. مهدي : أوكي.. وديري فراسك باللي طنحبك ههه😍 أنا : ههه اختشي🙊 مشا وجات من وراه سلمى كاتمختر فجحلالها.. سلمى : نتي هنا ونا لهيه مفقوصة.. أنا : علاش؟! شنو طاري.. سلمى : واش أنا غانقابل راجلي ولا راجلك.. تي را بنت خالتو غير لاصقة حداه.. تي سيري فرقي السيد لايصدق خاطبها بلاصتك.. أنا : (نضت مفزوعة) أويلي حي.. شناواااا في مملكتي لا أحد يقترب لمي زافييير.. نضت مسحت فمي وعاودت التعكيرة ودخلت لقيت السيد كايجمع معاها.. وماما معا مو وخالتو… وباباه معا با.. وسلمى مشات عند راجلها وأنا مشيت ديريكت بركت بيناتهوم.. وهو بلا مايعيق مدور يدو على خصري.. أنا : (بابتسامة) عرفني على بنت خالتك.. مهدي : سميتها سناء.. ساكنة فأوروبا حاليا وجات خصيصا لزواجنا.. أنا : (ضرت لعندها مبتاسمة) هه متشرفين أنا غنية عن التعريف.. سناء : (بابتسامة) شنو كاديري فحياتك.. أنا : واخدة ديبلوم فعلم النفس وفدراسة الأفعال الحقيرة وجس نبض الكذب.. وكذلك ديبلوم فالتيحراميات والمصائب.. والديبلو اللخر باقة خدامة عليه واللي هو… مهدي : (قاطعني ) ههه ضحوكية.. شتي… هههخخ سناء : وايييه سعداتك بيها أخويا الله يجيبلي شي راجل بحالها ضحوكي.. أنا : شحال عندك من عام.. سناء : 33 سنة.. أنا : نتي ماشي غير فات عليك الطران تي موحالش تلقايه🔥… أنا وبزز باش لقيتو😢 مهدي : فراسك باللي مراضع معا سناء؟! أنا : (مصدومة.. حسيت بباب وتحل عليا) ههه ياااك.. وايلي.. إذن نتي لوستي سناء.. سناء : ههه وي.. أنا : (واخا عليك أ سلمى حالفة تخرجيني معا العائلة للعيب كون ما رزانتي وأخلاقي كون دابا را مقطوع مني الأمل..😡) احم يالله نخليكم على خير.. يتبع؟؟؟

❄الجزء الخامس عشر🔥 ☘حفلة الحناء☘ بعد ما مشيت ناضت ماما بمساعدة سلمى تحط العشا ليهوم باي يتعشاو.. كلاو وعيطو ليا ديك الساعات لاوية على راسي شال.. قرينا الفاتحة ومن بعد تسالمنا معاهوم ومشاو.. كانو الناس يطلو من الشراجم👀 بركاكين لاخرين😏 ماعندهومش الجرأة.. تعاونت معا ماما وجمعنا الدار ومشات نعسات ونا غسلت المواعن وزيفتهوم ورديتهوم لبلاصتهوم.. عاد مشيت بدلت عليا الحالة.. ونعست.. ماقدرتش كاااع نحل التيلي ولا نجاوب.. داز مايقارب على تلك الليلة.. ليلة الخطبة شهر إلا يوم😍.. فديك الفترة تعلمت الطبخ.. وتعلمت التنظيف والتصبين ههه حوايج خويا هوما اللي تعلمت فيهوم مزياان.. تعلمت الحداكة.. وشريت لوازمي أو مايقال بجهاز العروس.. كل نهار تقريبا كانخرج للتسوق لاقتناء حاجاتي.. ومهدي كانتلاقاو مرة مرة.. مرة يجي للدار نهضرو فالصالون وبعض المرات كانتلاقاو فكافي عائلي ولا فشي خرجة تسوقية معا ماماه.. اللي ولات كاتجي عندنا بشكل دائم.. ونعم الأم.. وتا الأب ديالو الله يعمرها دار عائلة رائعة وخلاص🙊.. اليوم يوم الحناء😂.. البارحة بعد حمام العروس.. اليوم من الصباح والبنات عندي فالبيت شي كايقاد الصالون وشي كايساعد فتنظيم السفرة.. وسلمى معايا كاتماكي ليا باش نبان فأبهى حلة.. صوبات ليا شعري على شكل مشطة مجموعة اللور.. لبست القفطان الأخضر المطروز بالباج الخاص بهاد المناسبة.. ودرت الطرحة على راسي مع تاج خفيف فالدوغي.. لبست بلغة فالباج.. ودرت دبليج دالذهب مع سنسلة.. قادات لي سلمى المضمة.. وخرجت على نغمات وألحان شعبية مرددة بعد كل حين.. دخلت للصالة بالصلاة على النبي محمد صل الله عليه وسلم.. بركت فالجليسة وضارو بيا البنات كايشطحو على إيقاع الشعبي.. ونا فرحانة وماقاداني فرحة.. جات النقاشة اللي دارت معاها ماما من الجميعة باش تنقش لي.. وبدات تنقش ليا.. قلت ليها ماتكترش لي فالرجل.. فقط زخرفات صغيرة من فوق رجلي ماشي من التحت وكذلك بالنسبة ليدي.. درت غير صبيع خليجي.. بقيت باركة ومرة مرة تجي تبلل لي ماما ريقي ودير الصقوة للحنة.. خويا مرة مرة يطل علينا واش خاصانا شي حاجة.. كانشوف ماما وكانحس بالضعف.. غانخلي كبيدتي بوحدها فهاد الدار وغانمشي نتزوج.. غانخلي الدار اللي عشت فيها 27 سنة.. اللي رسبت فيها واللي تسميت فيها بايرة منذ طلوعي عالعشرين شعور خايب.. وصل وقت السفرة وكولشي مشا ياكل إلا الدحشة ديال سلمى جايبا حقها وحقي تال عندي كاتوكلني وتوكل راسها.. فجأة سمعت صوت تيليفوني اللي كنت خليتو عندها باش يلا صونا شي حد تعلمني.. وكان مهدي.. دارت لي الفون على وذني.. مهدي : حياتي سافا.. أنا : الحمد لله أ حبيبي ونتا.. لقيتيني ساليت الحنة وكاناكل الكوتي.. مهدي : هي دابا سيقانك عامرين حنة.. أنا : لا درت داكشي خفيف ضريف هههه.. مهدي : يخليلي أنا قطيطتي اللي تحشم وتضحك… أنا : ههه فين راك دابا؟؟ مهدي : غانمشي نصلي.. أجي واش كاتصلي عمري سولتك.. أنا : (بلعت ريقي) كيفاش؟؟ نتا كريزي مجنون.. انا مسلمة ومن الطبيعي كانصلي.. سلمى : احم..(شاداها الضحكة وخرجولها بالدموع😂..) أنا : رديتيني كاافرة تال العرس وغانتاقم منك.. مهدي : أنا غير سولتك وشوفي نتي كيف أولتيها.. أنا : الهضرة ماشي دابا تال غدا.. أوكي باي.. (بعدت وذني وشفت فسلمى ) قطعي يقطع حسك نتي وياه.. يلا صونا ماتجبديهش ليا.. سلمى : ههخخخخ هربتوه ليا بزوووج.. هو ماجاه الإيمان تال دابا😂😂 أنا : واماعرت ليه😠.. وا وكليني ونتي كاتحكري عليا جوج ضغمات هنا وخمسة عندك.. سلمى : أهيا ناري تا فنهار خبطتك زعما خطبتك وقاااصحة.. بااز ليه معاك طبعك قاصح.. أنا : ههه لك أنا بدللو.. 😉 الحنان وداكشي قاضي الغراض.. سلمى : هههخخخ… كملت الماكلة ومسحات لي العكر وعاوداتولي.. بقيت باركة تا نشفات الحنة ورجعوني لبيتي دارولي الليكات.. حيدت القفطان والطرحة ولبست بيجامة قصيرة.. بقيت باركة فالسرير.. تا جا بابا سول فيا وجا باس ليا راسي ومشا.. جاب لي البكا وماتهنيت تا فشيت راسي بالبكا.. نبكي ونقول مابكيت.. حاسة بالإشتياق ليهوم من دابا وهوما معايا.. غدا غانتاقل للمنزل اللي فرشتو بنفسي وذوقي.. وغانعيش معا شخص آخر في الحقيقة هو غريب عني.. بهدف الحب والوئام وتأسيس أسرة ملئها السعادة.. لكن لن يعود لي مكان بعائلتي فأنا غدا سأصير بعصمة رجل آخر..وأخيرا نمت.. نمت بعد صراع طويل بين نفسي وبين الأنا.. أحدنا يطرح سؤال وأحدنا يرد عليها إلى أن غلبني النعاس ☆سبات الدببة☆ غافية عن الحديث المتبقي… يتبع؟؟؟

❄الجزء السادس عشر 🔥النهاية🔥 أصبحنا وأصبح الملك لله.. فقت بكري شربت الحسوة من يد ماما مع التمر.. غير كملت لبست جلابة على طايتي فالخضر.. وطلقت شعري اللي كان مسرح.. لبست بالغينة وخرجت من الدار.. لقيت مهدي كايتسناني.. ركبت حداه وتسالمنا بالحناك غير تفكرت البارح ونا نجمع راسي.. مهدي : (وهو سايق) أهيا ناري تي مالك على هاد البرود.. اليوم عرسنا.. خاصك تكوني كاتشطحي.. أنا : وما عرفت لك ولأسئلتك البااايخة.. اللي كاطيح عليك مرة فالعام.. صدمتيني البارح فراسك.. كايصحاب ليا قريش رجع من الموت.. مهدي : وا ماتزيديش فيه.. ماشي تال ديك الدرجة وزعما حنا غادين عند العدول.. أنا : هاني ضاحكة أخويا غير سكتني.. مهدي : (جر يدي وباسها) طنحبك.. واخيرا وصلنا عند العدول دخلنا وقدمنا ليه الوثائق.. وبدا فالمراسيم احم.. ودوك الأسئلة الروتينية اللي فسامحيني من وما نيت كايتعاودو.. أنا أكييد ماخليتوش يكمل الجملة وسربيت كانقوليه يوريني فين نوقع.. أعلننا زوجا وزوجة.. باسني فراسي وعطاني فلوس الصداق كاش.. خرجنا وركبنا فالأوطو.. مهدي : فين غانديك دابا.. أنا : ماما مشات للقاعة توقف على الأشغال.. سو ديني للكوافورة كاتسناني سلمى تما باش نصاوب راسي.. وماللي نقرب نسالي غانصيفط لك ميساج تجي تديني.. مهدي : واخا حبي.. أوووه مامتيقش باللي تزوجنا.. شتي دابا راه حلال عليا شي بوسة.. أنا : تا يفوت العرس.. دابا لا مزاج لي.. مهدي : مورا العرس مانعقلش على بنتي.. أنا : حشومة أبابا باغي تغتاصب بنتك!؟ مهدي : ولو على عيني ههخخ.. أنا : ها حنا وصلنا.. يالله هانا غادا.. مهدي : (باس ليا يدي ) تهلاي فراسك.. أنا : ههه على عيني وراسي🙊 .. دخلت.. لقيت سلمى كاتسناني.. دخلنا للصونا درنا ماسكات فقط أما لاسيغ وترطيب وتبييض درناه قبل ليلة الحناء بيوم.. المهم كملنها وخرجونا.. جات وحدة تكلفات بالمايكاب.. صرعاتو ليا جا فن وبيجنن.. ودارت لي عكر فالبوردو جا فن.. وجات وحدة أخرى صوبات لي الشدة اللي جات فننة وطالعة والكصيصة الطويلة مهودة.. جات وحدة من البنات حطات صاك كبير ديال التكشيطة اللي غانلبس.. الدخلاني فالدوغي بارد ومن برا بيض مطرز بابدوغي فن… درت المضمة رقيقة.. ولبست الطالون جيت فنة ولا طاي بيناتني قوقة معا هاد المايكاب الإحترافي.. كولشي بقا كايشكر فيا.. قريت المعوذتين.. وجات سلمى انباهرات بيا.. سلمى : راه جا مهدي وكايتسناك.. خرجت بالصلاة والسلام.. كان مهدي واقف بكوسطار فالكري واعر.. جا معا لبستي بيجنن.. بقا حال فمو فيا ونا حالة فمي فيه.. جا لعندي وباس لي راسي.. وتحنا لعندي معا أنا قصيرة عليه.. مهدي : جيتي بوكوصة ماشاء الله.. هاد الزين كولو ديالي.. أنا : ههه كاتحشمني بهاد الهضرة.. نتا جونتي..🙊😂😂.. مهدي : آآخ ونشدك بالليل.. أنا : ههه… كاتخلعني من دابا.. مهدي : لهلا يوريك😂😂 ركبت معاه وهو الطريق كاملة يشكرني ويتحلف فيا ههه.. وصلنا وأخيرا للقاعة.. طلعنا معا واحد الدروج من اللور.. ودخلنا للبيت اللي كان عامر كادوات.. المهم بقيت جالسة أنا و ياه تا جات النكافة وهوداتنا بالصلاة والسلام والمحسادات غاياكلو حبيبي بالعين.. ونا كانضرب من التحت للتحت.. مشينا وبركنا.. والعائلة كاتجي ضرب معانا تصاور والبنات اللي كلفاتهوم ماما أي بنت يهزو التيلي كايوقفو عليها بحال عين حرودة😂😂.. التفتيش العسكري.. جا بابا تصور معايا بست ليه راسو ورضا علينا و وصانا لبعضياتنا.. أنا : (قربت ليه كانهضر) جمع عينيك هاداك آه… والله ونحصلك ماندوزهالك على خير.. مهدي : عينيا مكايشوفو والو من غيرك.. أنا : شوفلك سناء مكوانية لهيه معا زهير.. ههخخ والله ي كبر منو بعاماين.. مهدي : كل واحد وزهرو.. متلا محمد رسول الله عليه أفضل الصلاة والسلام مزوج بخديجة رضي الله عنها وهي أكبر منها عمرا.. أنا : عليه أضل الصلاة والسلام.. كبرتي فعينيا.. بعض المرات كايجيب لي الله مزوجة بولد الفقيه.. ههخخ مهدي : ههخخ… أنا : شوف شوف.. شفارات كايشفرو الدجاج.. مكايحشموش.. من مورا العرس غانتفاهم معاهوم.. مهدي : ركزيلي دابا غير فالعرس خليه زوين.. جات النكافة وبدات تبوزا علينا ههه.. داكشي فشكل فاللخر فرضنا عليها ذوقنا وقلنا للمصور يصورنا كيف بغينا.. برك همهدي وأنا داوني ركبوني فالعمارية وغفلوني هزوني.. ونا مخلوعة خايفة نطيح.. 😭😭.. بقاو كايلوحو عليا الورد اليابس.. وهوما كايضورو بيا بين الطبالي.. تا حطوني فاللخر.. جابو مهدي وتصورنا معا العمارية وطلعونا بالصلاة والسلام للبيت.. جابولي لبسة فالزرق الملكي.. حشمت نبدل حداه تا شوهاتني النكافة بنت الحرام ماللي قالت لي.. النكافة : أويلي غاتحشمي حدا راجلك؟؟؟ جاب الله راعا ليا وضار أما كنت نسخف.. بدلت بالخف وقادوني وخرجنا ديريكت للطبلة اللي باركين فيها المقربون أولى😉.. كليت شوية حسيت بالشبعة معا هاد الأجواء.. من بعد نضنا وبدينا نضورو عليهوم ونقولو ديك القولة الشهيرة ☆مرحبا بيكم☆.

رجعنا لبلايصنا ومن بعد شوية طلعنا للفوق.. لبست الرباطية والسوسية ههه وتا الطنجاوية.. عاد لبست لاغوب اللي كانت بالكمام وكول باطو.. بينات لي الطاي حوتة.. كان مهدي لابس كوسطار فالكحل وبابيون فنفس اللون.. واقف حدا الجليسة.. المهم بابا وصلني تال عندو وصاه عليا ومهدي طمنو من جيهتي ومشا.. شداتني البكية وبزز باش حاولت نجمعها.. المهم نجلنا تصورنا معا الكاطو وقطعناه.. وكلتو ووكلني.. وشربنا العصير.. من بعد هزيت البوكي ونيشت بيه للور وماللي ضرت لقيت بنت 2004 هي اللي خداتو وااااع إمتا ولاو يتقاتلو عليه.. المهم نيشت بداك اللي فيه الفنيد 3 المرات والباقي نزلو عليه كايتخاطفو.. جابت لي ماما سلهام.. ولبستو عليا وتسالمت معاهوم بالدموع.. كون ما جرني مهدي كون رجعت معاهوم.. ركبنا فالسيارة اللي مزينة باحترافية ومكتوبة عليها أسمائنا بالملصق.. أنا : علاش ختاطفتيني.. آش غادير ليا 😰 مهدي : بب انفصام الشخصية خليها عندك.. دابا وصلنا للمعقول.. أنا : ههخخ وامي كرشي كاتخلع فيا.. خايفة أنااااا… مهدي : آش كاديري تما؟! أنا : كانكتب فالقصة شغلك.. أبب مهدي : آه شغلي.. يالله ساليها دغيا أحياتي قبل مانتلاح علك بشي بوسة راني ماضامنش راسي… ناري على جحموم.. زربان على عجينتو اللي هي أنا 😅😅😂 باقي ماعارفش حقيقتي يلا ماندمتو بالمصائب مانتسماش.. ههخ غير كانضحك أودي نقولها ونعاودها مكاينش أحسن من العسل😍.. عسل الحلال.. ياااي متتبعاتي هادي هي قصتي قصة البايرة المنحوسة.. اللي وأخيرا لقات الحب الحقيقي فالوقت المقرر حصوله.. والعنوسة عمرها كانت وهي ظاهرة خلقها المجتمع واللي خلقات إحتكار على جنس البنات فقط ماشي على الرجال.. لذلك كلنا لا #للعنوسة.. لا ترهقو أرواحكن يا بنات على شيئ بيد الله وحده.. ترك وعلق.. عيشو قدركم ورضاو بيه كيف ما كان بالزوين والخايب وماتعرفو الخير فين كاين..😚 #تمت_بحمد_الله