Skip links

قصة : الألماسة المفقودة13

 4,353 عدد مشاهداات

هبط راسو كيشوف فعنقها لي كان واضح فيه ليطراس دابا لحبل زرقة …. دوز عليها بصبعو غير بشويا وهوا كيحك سنانو حتى تأوهات منين حطحوم على لحرقة لي غير شافها ضور ليها راسها كيتفقدها

هيصر: حرقة ديال كارو ( طلع ليها راسها وبنرفزة هضر ) شكون هادا ممم شكون هاد ز*** لي حط يديه عليك واش كتعرفيه

هند:( سرطات ريقها بصعوبة وهيا كتنفس بضيق وبخوف هضرات ) ال و س ي ف ر

هيصر:( حمارو عنيه وتشنجو عضلاتو وتوعد هضر) الوسيفر

هند: ( حطات راسها فوسط عنقو) ب.غ. ي. ت.
ن. م .ش. ي ل.د.ا.ر

هيصر:( خرج ليها راسها من عنقو) غتخنقي ( حطولها على صدرو) خليك هاكا وتنفسي مزايان ( وديمارا طونوبيل ) غنمشو لسبيطار ونتي غير غمضي عنيك وحاولي ترتاحي

مالت ليه براسها فوسط فصدرو وغمضات عنيها وفكل مرة كتدكر شنو وقعليها كتزير عليه بيديها وكتزيد تخشي راسها فصدور …. حتى كيقول ليها طلعي راسك باش متخنقش

🍃🍃🍃🍃🍃🍃🍃🍃🍃🍃🍃🍃🍃🍃🍃

في فيلا عند صفاء لي كانت كتمسح لأثات وهيا كتقلب على لغرفة ديال هند حتى بانت ليها وحد لخدمة هازة صينة فيه كؤوس ديال لقهوة ومتاجها لجيهت دروج …. تقدمات لعندها بعدما تأكدات من امان المكان وحداها وقفات ولي غير شافتها طلعات راسها كتشوف فيها بستغراب

الخادمة: واش بغتي شي حاجة اختي

صفاء:( حركات رسها ب أه ) انا بنت فطومة وجيت كنعاونها

الخادمة: اه إوا مزيان اختي

صفاء: ( فركات يديها وبتوتر وهيا عاضة على شفايفها ) وهيا قاتلي نمشي نخمل بيت لالة هند ولاكين انا معرفتش فين هوا تبارك لله لفيلا كبيرة

الخادمة:( مالت ليها براسها ) أه ولاكين لبيوتا مكلفة بيهم حورية

صفاء: انا معرفاش انا غير كندير داكشي لي طلباتو مني ماما

الخادمة: إوا هيا تعرف شوفي ( شارت ليها بعنيها) شفتي داك لكولوار

صفاء:( حركات رسها ب أه ) اه

الخادمة: دخلى معاه ولباب لي على يدك لسرية هداك هوا لبيت

صفاء:( بإبتسامة ) شكرا بزاف أختي عمري غنسى خيرك

الخادمة: هانيا اختي نمشي نطلع لقهوى قبل متبرد مافية لي يسمع لهضرة على هاد صباح

طلعات لخدامة فدروج وصفاء تقدمات متاجها لبيت لي كيف وصلات ليه تنفسات مزيان وعضات على لسانها وفتحات لباب لي كيف تحل عطا منو ريحت لكارو لي كانت مخلطة معا ريحة لبارفن الرجولي لي كان منتاشر فلجو …. دخلات وسدات لباب من وراها وهيا كتقلب بعنيها فلمكان

صفاء: افففف ريحة لكارو كتخنق فهاد لبيت طلعات هاد هند كتكمي باينا غتكون مورطة معا شي عصا بة ديال لحشي ش افففف فين غتكون هاد لباليزة (بقات كتقلب بعنيها حتى بانت ليها 3 ديال لباليزات تقدمات لعندهم بزربة وبيدها بدات كتقلب فيهم) اففف إنا وحدا فيهم بغاو لله ياربي شهاد لوحلة

عند لبنات لي كانو مجموعين فواحد صالون صغير لي كان كيطل على جردة وهوما كيتبادلو أطرف الحديت حتى قطع حديتهم دخول سينمار لي خلاهم كلهم يرفو رأسهم …. ورنق غير شافتو خرجات عينها فيه وعضات على شفتها السفلية بحرج حتى زادت وسعاتهم منين شاف فيها وتبسم ليها وختمها بغمزة عاد ضار لعند رجوى

سينمار: رجوى واحد دقيقة

رجوى: واخا ( وقفات من مكانها وتقدمات لعندو) نعام

سينمار:( حط شعرو ) بغيت منك واحد لحاجة

رجوى:( هزات حاجبها بستغراب ) شنو هيا

سينمار: هند وهيصر خرجو من فيلا بغيتك تدرقي عليها علما تجي

رجوى:( تبسمات) إوا شوفلك لقردة ولات حتى هيا كتسلت من دار ( حركات رسها ب واخا ) اكي اخويا

سينمار:( خربق ليها شعرها) عارف راسي نعول عليك ( شاف فرونق لي كانت كترمقو بنظرات مسروقة ورجع كيشوف فرجوى وبسائل هضر ) شكون ديك لبنت زعرة

رجوى:( ضارت كتشوف فرونق ورجعات كتشوف فيه ) رونق حتى هيا من لكلية ديالتهنا( غمزاتو) اش تما نت ممعدش تسولني على صحباتي ( ضحكات ) ياكما

سينمار:( باسها من خدها ) انا خارج دابا إوا رضي بالك ( وهز صبعو بتنيه) ممنوع لخروج بوحد

رجوى:( مالت ليه براسها ) تمام ( وضارات متاجها لعند لبنات وكلسات فمكانها وشافت فرونق ) اش درتي ثاني

رونق:( عضات على شفتها السفلية ) واش قاليك شي حاجة

رجوى:( حركات رسها ب لا ) ماقالي حتى حاجة ولاكين انا كنعرف خويا محدو سول عليك فنتي درتي معاه شي بلان وانا عارفك غير كري

رونق 🙁 شافت فريم ) هادي هيا سباب

ريم:( خرجات عينها ) علاش انا لي قتليك لوحي تيليفونك فطنوبيل

رونق: علاس بقيتي ساكتا مقلتيش راه خو رجوى

ريم: على نتي خلتني نهضر فنما نبغي ندوي كتسكتني

رونق:( هزات كتافها ) وانا باش غنعرف

رجوى: دبا شرحوليا اش درتي

ريم: منين كنت فكوزينة عيطات ليا وقاتلي اجي صوريني حدا شي طنوبيل واقفة حدا فيلا قتليها واخا هبطت وصورتها حتى بان خوك سينمار كان كيجري وغير شافتو هاد غنو( شارت ليها لجيهت رونق وبدات كتعاود ليها لبلان كامل) إوا دير لخير

رجوى: هههههههههههه فوقاش شريتها اختي

شيماء: ههههههههه لا نتي ولله حتى حمقة وبلوراق

رونق: ( ربعات يديها ورجعات لور) لموهيم مخرجتش بلاش

مرجانة: ههههه كولشي على نمرة

رجوى: اففففف نيت راكي مسكونة خاصكي فقي يصرعك

ريم : راني كنقولها ليكم ساكنها جنية سميتها لالة غنو لي شافتو

الكل: بغات منو ههههههههه

حتى قطعات حديتهم دخول سارة وامجد لي كانو فازكين وهوما كيلهتو

مرجانة:( وقفات من مكانها ومشات لعندها) ايلي مالكي شكون فزكك

أمجد: تحسات فلماء

سارة: لعساك ماما هوا لي دفعني فلابيسن

أمجد: ( حرك راسو ب لا ) هيا أحالتو لي تحسات وقاتلي أجي حتى نت

مرجانة: واش حماقتو كون دابا غراقيتو

شيماء:( كانت واقفة حدا امجد) وتشوفك ماما ليوما تعلقك من رجليك

أمجد: عفاكي عفاكي مكوليهاس ليها

شيماء:( شداتو من يديه ) زيد زيد نبدليك هاد لحالة

رجوى: (وقفات حتى هيا ) يالا حنى نمشيو لبيت هند راها مكيناش

شيماء:( بتسائل ) فين مشات

رجوى:( بإبتسامة ) خرجات معا هيصر

مرجانة:( بستغراب) هيصر انا شفتو خرج بحدو منين كنت لفوق بالي من سرجم

رجوى:( هزات كتافها ) غير مشفتيهاش سينمار لي قالي نغطي على غيابها

شيماء: ناري ويسوق بابا وماما لخبار مشاو فيها بجوج

امجد: فين مسات ومداتنيس ولله حتى نكولها لماما

سارة: مشات معا خالو سعداتها دبا غيكون داها لمدينة الملاهي ولا لسينما ولا مشاو يشريو لألعاب ياربي تكون شراتلي حتى انا

امجد:( حركات رسها ب لا) غتسرلي انا نتي لا أنا أه

شيماء:( حنات لعندو) عرفتي وتقول شي حاجة ولله حتى نقول ليها على هاد لحالة لي درتي ولبيسين لي دخلتي فيه

أمجد: ماسي انا هيا ( وشار لجيهت سارة لي خرجات لسانها ) سفتي سفتي كتعيبني

مرجانة: يالا إلى تبعتيهم غتحماقي

جرات مرجانة سارة وشيماء امجد وهوما كيتناكرو بيناتهم … اما لبنات فمشاو متاجهين لغرفة هند حتى سمعو صوت لجرس

رجوى: معرفتش شكون جا ( شافت فلبنات ) نتوما غير سيرو انا غنفتح لباب

مالوليها بريوسهم وهيا مشات لجيهت لباب لي كيف فتحاتو ترسمات إبتسامة كبيرة على شفايفها

رجوى: جيهاااان ( عنقاتها) لاباس عليك علاش مقلتيش ليا غتجي

جيهان 🙁 بعدات من حضنها) حمد لله خرجت من لخدامة بكري وقلت نجي نشوفكم

رجوى:( فتحات لباب) دخلي ( وهبطات راسها كتشوف فرجليها) كيف بقات رجليك

جيهان: مزيان مبقاتش كضرني كيف لاول

رجوى: حمد لله لقتيني عاد قلت لبنات نجيو نطلو على جداتك ومنها نشفوك

جيهان: صافي حتى لعشيا ونمشيو مجموعين

رجوى: إنشاء الله كيف بقات بعدا

جيهان: حسن من لأول

رجوى: حمد لله لله يشافيها ويعافيها ويخليها لينا إنشاء الله ويطول فعمرها

جيهان: امين فين هيا هند

رجوى: خرجات معا لحبيب لقلب إوا حنى خاصنا نغطيو عليها

دخلو معا لكولور ولقاو لبنات مزالين واقفين كيساينو رجوي

رجوى: علاش كتساينوني دخلو

رونق: ( شافت فجيهان) زوفري ديانا جا

جيهان: كتقلبي عليا

رونق:( عنقها ) توحشك ولله

جيهان: عليها كتجي لعندي

رونق: نتي عارفة منين كتجي ديك لعقروشة ام أربعة وأربعين مكنبغيش نخلي ختي معها بحدها

ريم:( عنقاتها) حمد لله على سلامتك وسلامة جداتك

جيهان: لله يحفضك أختي

رونق: ( طلعات حاجبها) معوتيش شفتي لمعجب سري

جيهان:( جمعات يديها على شكل بونيا ) غتسكتي ولا غنهرس ليك فمك

رونق: هههههه هوا لي كيعرف ليك

رجوى:بديتو ثاني يالا ندخلو قبل متجي خالتي ولا ماما

تقدامات رجوى لجيهت لباب فتحاتو وهيا كتضحك حتى تمسحات إبتسامتها منين شافت شي حد عاطيها بظهر كيقلب فدوك لباليزات

رجوى: شنو كديري

صفاء:( لي كانت ساهية كتفكر وغير سمعات صوتها قفزات من مكانها وضارت لعنها بلعرض البطيء وهيا كتفرك يديها بتوتر وكتسرط فريقها) انا كنت كنت كنمسح اه كنت كنمسح

رجوى:( دخلات وحداها وقفات ) كتمسحي ( رفعات حاجبها بتشكيك) وفين هوما لموعدات ديال تنظيف( ربعات يديها ) ولا كتمسحي بيديك

صفاء:( حطات اصابعها على فمها كتاكل فأظفرها) انا كنت كنمسح برا ونسيت لموعدات تما

رجوى: شكون نتي انا عمري شفتك واش نتي خدمة جديدة

صفاء:( حركات رسها ب لا) أنا بنت فطومة

رجوى: وشنو كنتي كدري اش وصلك لبيت

رونق:( وقفات حداها) باينى كانت بغا تسرق شي حاجة

صفاء:( حركات رسها ب لا بطريقة هستيرية ) لالالا ولله اختي مكنت بغا نسرق

رجوى : إوا اش دخلك لبيت وشنو قربك لباليزات

صفاء: انا انا كنت غير كنشوف

رونق: شنو كتشوفي اه كتشوفي شنو تسرقي

رجوى: إلا مقلتيش شنو كنتي كديري غنعيط على لبوليس يجيو يديوك

صفاء:( وسعات عنيها بخوف وبصوت باكي هضرات ) هءهءهء لا عفاك هءهءهء اختي هءهءهء إلا لبوليس هءهءهء إلا مدرتش هءهءهء هادشي هءهءهء خويا هءهء غيمو ت هءهءهء عفاك هءهءهء

رجوى:( بستغراب ) كيفاش

صفاء: ( مسحات دموعها ) انا انا غنعاود ليكم كولشي هءهءهء غير متعيطوش لبوليس

🍃🍃🍃🍃🍃🍃🍃🍃🍃🍃🍃🍃🍃🍃🍃

في مكان آخر فواحد صالون مغربي كبير بزاف وبأثات مخمالي …. كان كالس رجل كبير فلعمر وشعرو ولحيتو لكاتيفة كلهم بويض بشيب وفيديه هاز تسبيح ومن بين شفايفو كيدكر لله وفجنبو كان كالس وليد لي كان كيرشف من كاس ديال لقهوى وامامو العديد من لأوراق …. حتى رفع راسو منين سمعو كينادي بإسمو

وليد: نعام أجدي

موسى: امضرى اولدي لقتي بلاصت ختك

وليد:( حنحن وبإرتباك هضر) مزال كنقلب عليها اجدي

موسى: فين غتكون واش لارض تشقات وبعاتها

وليد: يقدر يكونو خواو لمدينة

موسى:( حرك راسو ب لا ) مكنضنش هيا غتكون غير هنيا حتى لحاج لله يرحمو باع دارو ومعرفتو فين تحول

وليد: شحال قدنا نقلبو راه فاس كبيرة وديك لبنت معندنا حتى شي صورة ليها

موسى: ( ضربو لقرفاتو) ديك لبنت راها ختك وغدير كل مافجهدك باش تلقاها لعمر كيضيع وخاصها تعرف عائلتها وتاخد حق باها لله يرحمو إلا كان هوا غلط فاديك لبنت مسكينة معنها حتى شي ذنب

وليد: ونت علاش مقلبتيش عليها من شحال هادي

موسى: قلبت اولدي وفينما كنت كلقاها كان باها كيبعدها ويقولي بعدو من عائلتي لحاجة لي غلطات ولدي وحفتي لي خلصو لله يسمح ليها ( وقف) نمشي نتوضى ظهر مبقى ليه والو ويأذن ( وخرج من صالة )

وليد: افففف خاصني نتهنا منها قبل ميلقلها وتضرب ليا كولشي فزيرو ( جمع وارقو وخرج من صالون )

🍃🍃🍃🍃🍃🍃🍃🍃🍃🍃🍃🍃🍃🍃🍃

في مدينة موسكو …. في اكبر مستشفيات موسكو فأحد الغرف كانت سيا ناعسة على ناموسية وهيا فاتحة عنيها وطبيب واقف عند راسها كيفحصها وفجهة الثانية كان كالس رافا على لكرسي وهوا شاد ليها فيدها بتملك وعنيه على طبيب

《حوار بالروسيا 》

رافا: شنو ادكتور

طبيب: كولشي مزيان وحتى دقات قلبها منتاضمة

سيا:( شافت فرافا) راني قتليك وليت مزيان

رافا: نتي راه عاد لبارح فقتي من لغيبوبة

سيا: ولاكين انا حاسة براسي بحالا نعست غير نهار واحد

طبيب: وخا هكاك مزال حياتك فخطار وقلبك تأدا بزاف

سيا: اكي دكتور

طبيب: كنتمنا ليك شفاء العاجل

سيا: شكرا ( ونساحب )

رافا : خلعتني عليك بزاف

سيا:( تبسمات) حتى لهاد درجة طلعت مهمة عندك

رافا:( باس ليها يديها ) واكثر متصوري نتي دابا امانة عندي

سيا:( بحزن) بابا مات بسبب لاشياء لي صنعها بيديه

رافا: مكانش عارف انه لأمور غتوصل لهاد لحد ولجواسيس لي بيعو بيه

سيا: خاطر بحياتو على قبل لعالم كنتما يكون مرتاح فلحياة الثانة ( بتسائل ) مايا وأليسيا واش هوما بخير

رفا:( ماليها براسو ) لكل بخير ومايا رجعات لأمريكة لأشغالها وفكل مرة كتاصل بيا كتطمن على صحتك اما أليسيا فخداها إبن أخ موريس

سيا: مزيان دابا لقيلادة فايادي أمينة

رافا: ( طلع حاجبو ) كيفاش علاش فين هيا لقيلادة

سيا: ( رمشات بعونتها) واش أليسيا معطاتش لعم موريس لقيلادة

رافا:( وسع عنيه ) لقيلادة عند أليسيا

سيا:( حركات رسها ب أه ) انا عطيتها ليها

رافا: ( وقف ) خاصني نقولها لموريس

حتى دخلات لممرضة وجارة فيديها كرسي متحرك

الممرضة: غتمشي معنا باش نديرو بعض الفحوصات باش نزيدو نتطمنو على صحتك

سيا:( حركات رسها ب وخا) رافا عفاك يالا معيا نت عارفني كنخاف من بحال هادشي

رافا:( شد ليها فيدها ) انا ديمن معاك معنك مناش تخافي وكولشي غيكون مزيان

حنى لعندها وهزها من بين يديه وحطها على لكورسي وجرها ولممرضة من وراهم متاجهين لغرفة الفحص

في مدينة الدار البيضاء فأحد غرف المستشفى كانت ناعسة مريم على ناموسية وكالسة طبيبة حداها على لكرسي وامامها شاشة الإكو وفجيها ثانيا كان واقف انور لي كانو عنيه على شاشة وعلى شفايفو إبتسامة كبيرة وهوا كيشوف ولدو وكيسمع ذقات قلبو لي خلى لغريزة لابوية تحرك فيه …. عض على شفتو ومركز غير معا شاشة كأن لوقت توقف بنسبة ليه …. ولأول مرة غيحس بفرحة كبيرة من أعماق قلبو

مريم:( بإبتسامة كبيرة) شحال صغيور ( شدات لانور فيديه حتى هبط راسو كيشوف فيها ) شفيه صغير بزاف

انور:( حركات رسها ب أه وهوا كيبتاسم) شفتو (شاف فطبيبة) واش ولدي مزيان

طبيبة:( وقفات وهزات كنينكس ومداتو ليها) كولشي مزيال وحتى صحة لبيبي ممتازة

مريم:( كانت كتمسح كرشها) حمد لله

طبيبة: ( كلسات فلمكتب ديالها وانور كلس أمامها) غنكتب ليك بعض الفيتامينات وشي تحاليل

انور:( قرن حجبانو ) ديالاش تحاليل واش كاين شي موشكيل

طبيبة: إجراءات عادية غير باش نتطمنو على سلامة لأم ولجنين

مريم 🙁 كلسات قبالت أنور) وبنسبة لادوية لي كنتي عاطياني من قبل

طبيبة: غير كمليهم وحالي تنقصي من سهير حيت باين من عنيك مكتنعسيش

انور:( خنزر فمريم) علاش مكتنعسيش واش بغا ضري ولدي

هبطات راسها بدون متجوبو وخدا من عند طبيبة لورقة ديال لأدوية وتحاليل وقالت ليهم لموعد لي غيرجعو فيه عندها …. خرجو من عند طبيبة وانور كيقرى فيدك لورقة حتى رفع راسو وشاف فيها

انور: تبغي نمشيو نتغداو فشي بلاصة

مريم:( بتسمات وهيا كتحرك راسها ب اه) اه ولله مكرهت من شحال هادي مكليت برا

أنور:( حل لباب ديال طنوبيل ) مشهيا شي حاجة معينة

مريم:(ركبات وهيا كدوزات لسانها على شفايفها ) لحريرة جاني لوحم غير على لحريرة ولبقولة

انور:( ركب حداها) واخا ( وديمارا طونوبيل متاجه لوجة ديالتو )

في مدينة فاس عند لبنات لي كانو مجموعين فبيت هند وكالسين على ناموسية ودايرين على صفاء لي كانت كتبكي

جيهان: ( ساطت بملل) اففف دبا غتسكتي باش نفهمو

رجوى:( طبطبات على كتفها) براكة من لبكة حيت مفهمنا حتى حاجة من كلامك

صفاء:( مسحات دموعها وهيا كتحاول تكتم شهقاتها) ليوما فصباح ديت خويا لاصال ومنين رجعت لدار وصلني ميساج فلواتساب ومنين فتحتو هءهءهء لقيت فيديو فيه خويا هءهء مربوط على واحد لكورسي هءهءهء واحد هاز هءهءهء فردي وحاطو على راسو هءهءهءحسيت بقلبي خرج من بلاصتو هء وكيف كمل لفيديو ديك ساعة تاصل بيا واحد واقليا اجي لعندي إلا بغتي خوك يبقى عايش هءهءهء مشيت لعندو بدون منفكر هءهءهء وكيف حطيت رجليا فراس درب هءهءهء وقفات عليا طنوبيل كحلة هءهءهء نزل منها واحد راجل طويل وعامر ولابس كمامة كحلة على وجهو وداير نظاظر ولابس كاسكيطة …. جرني من يدي وطلعني لطنوبيل هءهءهء وقاليا ندخل لفيلا ونجيب ليهم باليزا من بيت ديال شي بنت سميتها هند هءهءهء وإلا مدرتش هادشي غيق تلو خويا هءهء هءهءهء هءهءهء ويكمل بيا

جيهان:( طلعات حاجبها ) عندك معا لخيال واش بعقل ولا كتفلاي علينا

رونق: كاضحكي علينا ولاكاضحكي معنا

جيهان:( شداتها من يدها وزيرات عليها) مالك ساكة جاوبي

صفاء:( كمشات ملامح وجها متألما) هءهءهء ولله مكنكدب هءهءهء إلا مدترش هادشي هءهءهء غيقتلوه هءهءهء

رجوى:( وقفات) نتي حمقة وحنى كنضيعو وقتنا معاك

ريم: ( ربعات رجليها) لي نفرض كلامك صحيح اش غيديرو باليزا فيها لحوايج

رونق:( بسخرية) يعاودو فيهم لبيع فجوطية

صفاء: هءهءهء معرفتش انا درت غير هءهءهء لي قالوه ليا هءهءهء

جيهان:( ضيقات عنيها ) مزال عندك لفيديو لي قلتي

صفاء:( حركات رسها ب أه بطريقة هستيرية وخشات يديها فجيبها وجبدات تيليفونها ودخلات لجيهت لواتساب وخدمات لفيديو ومداتوليها) هاهوا

شداتو من عندها وقفو لبنات من وراها كيطلو حتى هوما حتى شهقو منين شافو طفل صغير فلعمر ديالو 10 كالس على كرسي ومربوط واحد واقف على راسو وهاز فيديه سلا ح وموجو ليه

رونق: هادشي كامل على لباليزا كون غير جاو طلبها نعطيهالهوم ونزيدهم حتى حوايج من عندي

ريم: هادشي مكيدخلش لعقل

رجوى:( قلبات شفايفها ) معرفتش إلا إلى كانت هند كتهرب لحش شيش ولا لألماس بدون علمنا

رونق: لواه لحلبة

رجوى: إوا اش تفسير هادشي كامل

جيهان:( رضات تليفون لصفاء وقفات متاجها لجيهة لباليزات) هاحنى غنعرفو

هزات لباليزة لأولى وحطاتها على ناموسية وفتحتها وبداو كيقلبو فيها

ريم: راه مكاين حتى حاجة لباليزات جمعناهم بيدنا

رونق: نتأكدو مافيها باس ( هزات وحد لعلبة وفتحاتها وفتحات عنيها بدهشة) واااااو كيحمق ياختي

رجوى: بسيف اختي ميكون كيحمق راه كلو ألماس

ريم 🙁 شهقات ) ياكما عليه كيقلبو

رونق: ( وقفات امام المرأة كتجربو على عنقها ) وكيف دارو شافوه عندها

رجوى:( كترض كولشي لمكانو) ماكين حتى حاجة

جيهان:( شافت فريم ) جيبي لباليزا لكحلة صغيرة

ريم:( حركات رسها ب لا) هاديك ديالت هيصر انجيب ليك لخرى ( هزات لباليزا ثانية وحطاتها على ناموسية وفتحاتها جيهان وبداو كيقلبو فيها )

رونق: مكاين حتى حاجة من غير شراوط

صفاء: ميمكنش ضاروري مغاتكون شي حاجة غير قلبو مزيان لله يسهل عليكم هءهءهء

رجوى: راه مكاين حتى حاجة هانتي هاحنى قلبنا قدامك

صفاء: غير زيدو قلبو

وقفات وحنات كتشوف فلباليزة وغير بعنيها كتقلب فوسط ديك لكومة ديال الملابس لي كانت مشتت تما حتى لمحات واحد صندوق لي كيف بغات تهزو منعاتها رجوى

رجوى: داك صندوق فيه غير كتابة ديال المدكرات ديالتها وهادو كيبقاو خصوصياتها فامعند حتى شي حد لحق يقلب فيهم

صفاء: غير نشوفو متعرفي تكون شي حاجة

رونق: اش غيكون اختى انا أصلن هادشي مداخليش لراسي

صفاء: ( بترجي ) عفاك غير غنطل عليه ولله منقلب فيه

جيهان:( هزاتو من بين يديها ) انا لي غنقلبو ( وفتحاتو وهيا طلع حاجبها ) خاوي فيه غير هاد صندوقة صغيرة

ريم:( بستغراب ) معرفتش فين حطات لكتاب

رجوى: زعما تكون نساتو فلقصر

ريم:( قلبات شفايفها ) ممكن

جيهان: جمعو هاد روينة قبل مترجع هند

صفاء:( حركات رسها ب لا) لا لا باقي مشفناش فداك صندوق

رونق: اش غيكون فيه خاتم ولا سنسلة

رجوى :(شافت فصندوق بتدكر وهيا تسعات عنيها وبصدمة هضرات ) قيلادة سيا ( هزات صندوق بزربة وركبات رقم ديال لمرو عاد تفتح وهيا تهز لقيلادة القلب الفضية ) على هادي كيقلبو

صفاء:( بتسمات ورفعات يدها باش تخدها ساعة جيهان كانت لأسبق) عفاك عطيهالي هءهءهء

جيهان: ( بستهزاء ) ماشي بهاد سهولة

🍃🍃🍃🍃🍃🍃🍃🍃🍃🍃🍃🍃🍃🍃🍃

في احد مستشفيات مدينة فاس بضبط فواحد لغرفة متوسطة كانت ناعسة هند على ناموسية …. وماسك ديال الأكسجين على وجها وسيروم معلق فيدها اليسرى …. ورقبتها ومعصم يديها بجوج مضمضين …. فلجانب ديالها كان كالس هيصر لي كان شاد ليها فيديها وليد ثانية كيمسح على شعرها وهوا ساهي فيها وكيفكر حتى رفع راسو منين سمع صوت لباب كيتدق …. تنهد وقف وحنى باس ليها راسها ومشا متاجه لباب لي كيف فتحو لقا سيف واقف أمامو وحداه نزار وأريد وسينمار

هيصر:( سد لباب من وراه وشاف فسيف بتسائل ) لقتي شي حاجة

سيف:( حرك راسو ب أه ) بصح الوسيفر دخل المغرب تقريبا هادي شهر وكان فلأول حاجز فواحد لفندق فكازا كلس فيه تقربا أسبوع منبد جا لفاس

نزار:( خشا يديه فجيبو ) وعلاش خطف لبنت وبغا يقتلها شنو غيستفد من هادشي

سينمار: هاداك راه واحد مريض وعزيز عليه يعد ب لبنات

اريد:( حك عنقو وبتردد هضر) زعمة يكون أنور عندو دخل فهاد شي

سينمار:( حرك راسو ب لا وبدن شعور نطق) انور كيبغيها ومك… ( قبل ميكمل كلامو حتى كتجيه ضربة لجنب فمو لي خلاتو يرجع لور حيت مكانش شاد توازن ديالو)

سيف:( شد فيه وبهمس هضر ) فمك لي كيجبهالكي

سينمار:( هز راسو كيشفو فهيصر لي كان كيخنزر فيه وهوا كيمسح د م لي على فمو ) سمحليا اخويا مقصدش

هيصر:( شاف فسيف ) بغيتك تلقالي بلاصتو بضبط وحتى حد ميقرب ليه حيت حسابو معيا انا

سيف:( ماليه براسو ) واخا اخويا

سينمار: فوقاش غتخرج من سبيطار حيت حتى حد ماعرف من غير باها ولواليد وخالها

هيصر: ( شمر على نيفو وشاف فأريد ) عيطلي على المحامي ( وتخطاهم ودخل لبيت)

سيف:( بستغراب ) علاش باغي لمحامي

سينمار: وشكون عرف ( حط يديه على فمو) اححح حاس بضراسي كيضروني

سيف: نت فمك كياكل

🍃🍃🍃🍃🍃🍃🍃🍃🍃🍃🍃🍃🍃🍃🍃

في لفيلا عند لبنات لي كانو مازالين مجموعين فبيت ديال هند

صفاء:( حركات رسها ب لا ) لا منقدرش نغامر بخويا

جيهان: وحتى حنى منقدروش نعطيو بشي حاجة ماشي ديالتنا

ريم: وزعما مغينتابهوش إلا درنا هاكا

جيهان:( وقفات) انا عارفة راسي أش كندير ( شافت فيهم) شكون غيمشي معيا

رجوى: انا ممنوع نخرج من دار

رونق:( وقفات) صافي نمشي انا باش حتى حد ميشك

رجوى: ( وقفات) صبرو نعطيكم لفلوس

جيهان: ( هزات صاكها) عندي

وخرجات من لبيت هيا ورونق وكيف سدو لباب دورات رجوى سوارت ورجعات كلسات فمكانها وشافت فصفاء لي كانت حاطة يديها على حنكها كتخمم … حطات يديها على كتفها حتى رفعات راسها

رجوى: كولشي غيدوز مزيان إنشاء الله

صفاء: وإلى حسو خويا غيمشي فيها نتوما معارفين خطورة هادشي

ريم: ( شدات ليها فيديها ) عارفين ولاكين منقدر…

حتى سكتات منين سمعات صوت ديال لباب كيتدق شي لي خلاها تشوف فرجوى لي وقفات حدا لباب وهضرات بصوت مرتفع

رجوى: شكون

سعيدة:( كتحاول تفتح لباب) يانتوما حلو بابا علاش مطرقينها واش معنا شفارة

رجوى: ( عضات على شفتها السفلية ) لا اخالتي غير هند كانت كتبدل حوايجها ونتي عارفة سينمار غير كيدرم بلما يدق فلباب

سعيدة: حلي هاد لباب بعدا نطل عليها كيف بقات

ريم:( ضربات حناكها وبهمس هضرات ) شنو غنديرو دابا

رجوى:( حكات شعرها وهيا كتخمم حتى ضارت كتشوف فصفاء) دخلى لحمام وسدي عليك بساقطة وطلقي لماء بجهد وحاولي تقرقبي أو دير شي أصوات

صفاء:(مالت ليها براسها) وخا

ودخلات لحمام وكيف سدات عليها لباب وسمعات صوت ديال لماء تنهدات ودوارت سوارت كتحل لباب

سعيدة:( دفعات لباب ودخلات) لاش سادين هاد لباب ( ضورات راسها كتقلب بعنيها ) فين هيا هند

ريم:( سرطات ريقها وشارت ليها بيديها) راها فلحمام

سعيدة:( حركات رسها ومشات متاجها لحمام وفلباب دقات وهيا كتنادي عليها) هند ( دقات) هند

رجوى: ( وقفات حداها وهيا كتحاول تجرها من تما) مغتسمعكش اخالتي راها طالقة لماء

سعيدة: ( بعدات منها وعودات دقات) هند طفي لماء نهضر معاك

رجوى: راها مكتسمعش

سعيدة: ( بخوف) ياكما تكون سخفانة لداخل ( دقات) هند واهند نتي حلي هاد لباب ولا غير جاوبني

رجوى: ( ضحكات بلاهة ) لله يهديك اخالتي راها عاد دخلات وراها طالقا لماء فاعادي متسمعكش غير غتسالي غتخرج

سعيدة:( مالت ليه براسها وهيا تكلس كتشمشم) ماشي ريحة دخان فلبيت

رجوى:(خرجات عنيها وكلسات كتشم حتى هيا ) اه سينمار لي كان قبيلة معنا فلبيت وكانت فيه ريحة لكارو تلقها لسقات فلبيت

سعيدة : وخوك اش دخل لبيت فيه لبنات

رجوى: على نتي مكتعرفيش داك بوبنات ديال خويا خاصو غير ميصيد

سعيدة: ههههه دابا يتزوج ويدير عقلو ( ضارت غتخرج من لبيت) غير تخرج هند هبطو تغداو لتحت

رجوى:( حركات رسها ب لا بطريقة هستيرية ) لا لا مستحيل نكلس معا ديك ختي فصباح شديت راسي عليها غير بسيف اما كون ضربت لمها شي تريشة

سعيدة: ( تنهدات) صبري عليها غير على وجه خالك مسكين

رجوى: حتى هوا معرفت فين كانو عنيه منين داها

سعيدة: ( بستهزاء ) هادي مغتكون غير ضقة سحور ( تنهدات) لله يهدي مخلق بينها وبين لي خلقها

رجوى: امين ولاكين راه مغنهبطش طلعو لينا لغدا لبيت

سعيدة: اويلي حشومة مجاتش

رجوى:( بترجي ) عفاك اخالتي حتى ماما إلا قلتها ليها مغاديش توافق عفاك راه ولله مكنتحملها ونتي عارفة لساني مكنقدرش نشدو لي شفت شي حاجة معجباتنيش

سعيدة:( حركات رسها بستسلام) واخا أبنتي انا غنقول لشي حد يطلع ليكم لغدا وكيف تخرج هند قولولها تهبط لتحت تسلم عليم وتكلس معا خالها شويا

رجوى:( عنقاتها) وخا ( باستها من خدها) لله يخليك ليا يأحلى خالة فدنيا

سعيدة: ( بتسمات) هههه صبغيني صبغيني هاني مشيت

خرجات سعيدة من لبيت لي كيف سدات لباب من وراها دورات رجوى سوارت ومشات كدق على صفاء لي كيف سمعات صوت رجوى فتحات لباب ومشاو رجعو كلسو فبلاصتهوم ورخعو كيفكرو فهادشي لي غيديرو

امام احد المحلات لصنع المجوهرات …. كانت واقفة جيهان برفقة رونق لي جبدات تيليفونها ودخلات لجيهت ملفات الصور ومداتو لجيهان لي دخلات لمحال ومن ورها رونق

جيهان: سلام عليكم

صاحب المحال: وعليكم السلام

جيهان:( مدات ليه تليفون ) بغيت نصايب قيلادة بحال هادي بضبط وتكون ( دوزات ليه صورة اخرى) كتفتح بحال هاد شكل ويكون فلداخل ديالها USB

صاحب المحال 🙁 خدا من عندها تليفون وكيزومي صورة) اه مرحبا

جيهان: بغيتها ليوما بليل

صاحب المحال: ( حركات رسها ب لا) لا ابنتي هادي راه فيها لخدمة ديال يوماين

رونق: راحنا محتاجينها ضاروري ليوما عيد ميلاد صاحبتنا وبغينا نديوها ليها كهدية

صاحب المحال: مكرهتش أبنتي ولاكين إلا كنتو بغين لخدمة ديال صح فغاتخد لوقت

جيهان: ماشي مشكين أشريف واخى تصايبها غير بجالوق غير تكون كتشبه ليها

صاحب المحال: ( رجع كيشوف فتليفون) إلا كنتو مزروبين علاش متشريوش حاجة واجدا من ديبار

رونق: حنى بغينا شي حاجة مميزة فعافك تصاوب معنا

صاحب المحال: ( حرك راسو ب واخا ) واخا ولاكين غتكون خدما مزروبة يعني غتكون لخدمة مغشوشة

رونق: ماشي موشكيل

جيهان: وبشحال غتصايبها لينا

صاحب المحال: على حساب لمعدن واش دهب ولا نقرة

جيهان: بغيت أرخس حاجة

صاحب المحال: خلي حتى نصايبها ونهضرو فتمان

جيهان: ( مالت ليه براسها ) واخا ( شارت ليه بيديها) انا غنكلس غير فديك لقهوى علما تساليها

صاحب المحال: واخا ابنتي غنحاول

رونق: شكرا بزاف

صاحب المحال: العفو ابنتي ( مد لجيهان تليفون ) صيفطوليا صور

جيهان:( مداتو لرونق) صيفطيلو

خدات رونق رقم صاحب المحال وبعتاتلو الصور وخرجو من لمحال ومشاو كلسو فاحد المقاهي لي كانت حدا لمحال بعدما طلبو لاكل باش يتغداو

شميشا غربات ودنيا ظلامة ….عند هند لي كانت ناعسة حتى بدات كتحس بشي حاجة سخونة على رقبتها شي لي خلاها تفتح عنيها وهيا كترسم إبتسامة على وجها ومن بين شفايفها همسات

هند : هيصر ( لي كيف سمعها هضرات رفع راسو وهوا على شفايفو إبتسامة خبيتة لي غير شافتو خرجات عينها وبخوف هضرات ) أ أنور

أنور:( هز يديه كيمسح على شعرها ) توحشتك بزاف

هند:( بصوت مرتجف فيه نبرت خوف) شنو كدير هنا ( بغات تنوض من بلاصتها ولاكين حسات بكل داتها مخدرا عليها ) فين هوا هيصر (هزات راسها كتقلب عليه فأركان الغرفة)

انور:( هبط راسو وحط نيفو على وجها) كاين غير انا ( رفع راسو كيشوف فيها وهوا عاض على شفايفو ) متصوريش شحال موحشك

وهبط عنيه لشفايفها وهوا كيميل راسو ….. لي كيف شافتو غيقرب ليها بغات تهز يديها باش دفعو ولاكين مقدراتش بغات تغوت ولاكين بدون جدوى لحاجة لواحيدا لي لي قدرات ديرها انها تغمض عنيها وهيا مزيرا على نفسها حتى فتحاتحوم بزربة منين حسات بشي حاجة خانقها لي غير شافت وجهو شهقات ومن بين شفايفها نطقات إسمو

هند: الويسفر

الويسفر:( ماليها براسو وهوا ضاغط على رقبتها وبصوت مرعب هضر) خاصك تمو تي

خرجات عنيها وهيا كتحاول تنوض او دير شي حاركة ولاكين بدون فإدا حتى غمضات عنيها بستسلام وهيا كتسمع شي حد كينادي بإسمها شي لي خلاها تزير على يديها وفتحات عنيها بزربة وهيا كلها كتلهت وكتسبب من لعرق ودموعها على خدها …. رفعات عنيها لي كيف شافتو ناضت كالسة وفوسط صدرو تخشات وهيا كتبكي

هيصر:( كيمسح على شعرها ) شششش غير كنتي كتحلمي

هند: (خرجات راسها وشافت فيه ) هءهءهء كا نو هن ا بغا و يقت لوني هءهءهء جا و عن دي بجو ج {{ كانو هنا وبغاو يقت لوني جاو عندي بجوج}}

هيصر: ( جرها لعندو معنقها وباسها من راسها ) مكاين حتى حد

هند:( بخوف) ان ا خاي فة {{انا خايفة}}

هيصر: ( كحزها شويا وشد ليها وجها من بين يديه ) عمرك تخافي وانا معاك ( مسح بإبهامو على خدودها) صافي ششش براكا من لبكا راكي كتخنقي راسك

هند:( كتشهق) هو ما هو ما غي ب قاو مطارد يني حيا تي كام لة عمر ي مغا نتهنا منه وم {{هوما هوما غيبقاو مطارديني حياتي كاملة عمري مغانتهنا منهوم}}

هيصر: ماحدي كنتنفس عمر شي حد يقرب ليك ولي فكر فيها كنقسم ليك وبديني وما أعبد حتى اخيرتو غتكون على يديه( ومن بين سنانو هضر ) وداك ز**** غير غلقاه غنق تل **** ***** ولحمو نعطيه لكلاب ( حط يديه على عنقها) مزال كيضرك

هند: ( حركات رسها ب أه ) من ين كن هضر كي ضرني كنح س بيه مج روح {{ منين كنهضر كيضرني كنحس بيه مجروح}}

هيصر:( ماليها براسو وحنى رقبتها ومن فوق لفاصة باسها) حاولي متهضريش بزاف

هند:( حركات رسها ب واخا وهيا تخرج عنيها ) وا ش عر فو {{واش عرفو}}

هيصر: غير باك وخالك

هند: خا صني نر جع لد ار {{ خاصني نرجع لدار}}

هيصر: ( باسها من خدها وقف) حتى تشوفك طبيبة وتاكلي شي حاجة ( هز ليها يديها وباسهم ) غنمشي نجيب ليك شي حاجة تلبسيها من برا ( وضار باش يخرج حتى شدات ليه فيديه وهيا كتحرك راسها بلا بطريقة هستيرية )

هند: لا ع فاك بق ى معا يا مت خلي نيش بوح دي عف اك {{ لا عفاك بقى معايا متخلينيش بوحدي عفاك}}

هيصر:( كلس حداها) انا معاك متخافيش مكاينش لي يقربليك

هند: ( حركات رسها ب لا) لا لا نت غت خرج لب را وه وما غيج يو لعن دي {{ لا لا نت غتخرج لبرا وهوما غيجيو لعندي}}

هيصر:( تنهد بضيق) قتليك متخافيش وانا حداك واش انا فنظرك غنخلي شي حد يقرب ليك امم

هند: مبغ يتش نبق ا بوحد ي عف اك غير بق ى مع ايا {{ مبغيتش نبقى بوحدي عفاك غير بقى معيا}}

هيصر: ( جرها لعندو وحط ليها راسها على صدرو ) واخا ( هز تيليفونو من فوق لكوافوز ودوز لخط ) سينمار دوز لدار وقول لشي حد يجمع شي حوايج لهند

سينمار:( كان كالس فلمقهى ديال سبيطار ) واخا اخويا

هيصر: اريد وجد ليا داكشي

سينمار: اه واش بغتي نصيفو ليك لهنا

هيصر: ( شاف فهند ) لا سيفطو لعندكوم حيت بغيت كولشي يكون حاضر

سينمار: ( بتردد) علاه شنو باغي دير

هيصر: غير تجيب لحوايج متقول حتى حاجة حتى نجي ( وقطع عليه وبعد ليها راسها وبغا يوقف وهيا تشد فيه وهيا كتحرك راسها بلا ) انا غير معاك غنعيط غير على طبيبة تجي تشوفك باش نمشيو ( طلع حاجبو ) ولا ياكما بغا تبقاي هنا

هند: بغ يت نم شي {{بغيت نمشي}}

وقف هيصر وتاجه لجيها ثانية وضغط على واحد زر احمر ورجع كلس حداها

هيصر: ( رجع ليها راسها على صدرو وبدا كيمسح على شعرها زفر وبتسائل هضر ) علاش خرجتي

هند 🙁 عضات على شفتها السفلية وبتدكر هضرات ) باش نق لب علي ك {{ باش نقلب عليك}}

هيصر: ( هبط راسو كيشوف فيها وهوا مخنزر) بنت ليك دري صغير تخرجي تقلبي عليا واش نتي بعقلك خارجة فداك ليل بوحدك

هند: ( قلبات شفايفها وزيرات على كفوف يديها ) مكنت ش عا رفة غي وقع هاد شي {{ مكنش عارفة غيوقع هادشي}}

هيصر: والو اهند والو متخرجيش من لبيت حتى نجي لعندك وانا كيف لحمار كنضنك هربتي لعند لبنات ليل كامل وانا كلوم فراسي حتى لصباح كنتصعق منين كلقاك خارج لفيلا بأمتار

هند: ( رفعات راسها كتشوف فيه وبتسائل هضرات ) كي فاش لقت يني {{كيفاش لقتيني}}

هيصر:( تنهد ورفع راسو لسماء ورجع كيشوف فيها) داكشي لي كنت كلوم راسي عليه هادي 9 سنين مدرتوش درتو دابا باش عمرك تلفي مني مرة اخرى

هند:( ضيقات عنيها بستغراب ) كي فاش مفه متش {{كيفاش مفهمتش }}

هيصر: ( ميل راسو وباسها جنب فمها ) فهمي غير لأشياء لمهمة اما هادشي خوي راسك منو

حتى رفع راسو منين سمع صوت لباب كيتدق بعدها عليه وقف مشا متاجه لباب …. حلو ولقى طبيبة وفجنبها ممرضة لي غير شافهوم عطاهم بظهرو ودخل لبيت وهوما من وراه

طبيبة:( شافت فهند وهيا كتبتاسم ) حمد لله على سلامتك

هند:( بإبتسامة ) شك را

طبيبة:( شافت فلممرضة) عبريلها ضغط وحيدي ليها لمصل ( مالت ليها لممرضة براسها وهيا رجعات كتشوف فهيصر وإبتسامة كبيرة على شفايفها ) غتكون عيان دابا مسيو هيصر

هيصر:( كان مربع يديه واقف حدا هند كيشوف فيها بهدوء هضر بدون ميحيد عنيه من على هند ) جبتك تشوفي لمريضة ماشي انا

طبيبة:( عضات على شفتها بإحرج وحولات تبقى محافظ على إبتسامتها) حنا هنا كنهتمو بكلشي مسيو هيصر

هيصر:( ضار شاف فيها وهوا مخنزر) هتامي حاليا غير بخدمتك ( ورجع كيشوف فهند لي كانت كتهضر معا لممرضة وكتجاوبها على لأسئلة ديلتها وهيا كتشجل فواحد لمدكرة طبية )

طبيبة:( خدات لمدكرة من عند لممرضة وبعينها بدات كنقراها) صحتها مزيان حمد لله اما بنسبة لحلقها فتعرض لضغط كبير شي لي خلاه يتجرح وإنشاء لله غيرجع لحالتو طبيعة غير معا مداومة لأدوية لي غنسجل ليك وممنوع تكالي لأشياء صلب أو ساخنة وحاولي تقلل من توابل

هند:( مالت ليه براسها ) وا خا

طبيبة:( كلسات كتكتب وكيف سالات مدات لورقة لهيصر) هادو هوما لادوية وبعد لمراهم ( ضورات راسها كتشوف فهند) شويا وغيوصل لأكل لي غيكون خاص ( بإبتسامة ) بشيفاء إنشاء

هند: شك را

خرجات طبيبة وهيصر سد لباب من وراهم بسوارت عاد رجع كلس حدى هند وجرها لعندو منعسها على صدرو وهوا كيلعب ليها على شعرها وفكل مرة كيبوسها من راسها بدون ميهضر باش متهضرش وتتأدي حلقها … وبعد دقائق تطرق لباب وقف هيصر وحل لباب ولقا لممرضة واقفة وحداها عربة فيها لأكل …. خداها من عندها وسد لباب من وراه ومشا لعند هند لي غير شافت لماكلة قادات كلستها وهيا كدوز لسانها على شفايفها

هند: فيا لم وت دي ال جو ع {{ فيا لمو ت ديال جوع}}

هيصر:( كلس حداها وهز زلافة ديال صوبة بلخضرة وبدا كيبردو ليها ) على فوقاش الماستي مكانش فيها جوع امم

هند:( بإبتسامة ) من ين كان كون نا عسة {{منين كانكون ناعسة}}

هيصر: ( بشبح إبتسامة ) حيت كتكوني ديجا معمرها عاد ناعسة

هند: ( حركات رسها ب أه ) تم ام ا {{ تماما}}

هيصر:( عمر لمعلق ومدها ليها) يالا حلي فمك تاكلي

هند:( حلات فمها وشدات من عندو لمعلقة وبدات تسرط بشويا وهيا كتقبح ملامح وجها ) اععع با سلة وا ش مط يب ينها برجل يهم {{ اععع باسلة واش مطيبينها برجليهم}}

هيصر: ( مد ليها ثاني) كولي وسكتي

هند:( بعدات وجها) ما بغي تش وا ش ها دي ص وبة دي ال لخ ضر ولا مص ارن دي ال ج ران {{ مابغيتش واش هادي صوبة ديال لخضر ولا مصارن ديال جران }}

هيصر: إلا بغتي تبراي دغيا فخاصك تبعدي من لأشياء لي فيها توابل فاكولي ولا غتبقاي بجوع حيت ممنوع تكالي شيء أخر

هند:( قلبات شفايفها وحلات فمها كتاكل من عندو) مس سوس وبا سل واش هاد و معند هومش حا سة ذو ق {{ مسوس وباسل واش هادو معندهومش حاسة ذوق}}

هيصر: ( هبط راسو وباسها من خدها ) غير صبري علما تبراي

هند: ذو ق عا د هض ر {{ ذوق عاد هضر}}

هيصر:( ماليها براسو وهز شوية براس لمعلقة وخشاه فمو ) زوين وصحي ومافيهش توابل بزاف

هند: نت أص لن معند كش حا سة تذ وق لي كت شرب لقه وى قاص حة كي ف لقط ران ومسو سة من لف وق {{ نت اصلن معندكش حاسة تذوق لي كتشرب لقهوى قاصحة كيف لقطران ومسوسة من لفوق}}

هيصر: ( مد ليها ثاني) كولي وبراكة من لهضر راكي كتزيدي تجرحي حلقك

ربعات يديها بنرفرة وبدات كتاكل وهيا غير كتسوط ومعجبهاش مداقو فمرة وغير كتبزز على نفسها … حتى سالات عاد عطاها تاكل تفاحة محوكة معا بنانة

هند: بقا ليهم غي ر سيل يلاك لي مجابو هش ليا {{بقا ليهم غير سيليلاك لي مجابوهش ليا}}

هيصر: ( شدها من حنكها وجبدو غير بشويا) نجيبو لبنتي إلا بغاتو

هند: ( بإبتسامة ) بص ح عرف تي كنم وت عل يه كا نت ما ما غير كتب غي تصا يبو لأم جد كتص ايب ليا مع اه حتى أنا {{ بصح عرفتي كنمو ت عليه كانت ماما غير كتبغي تصايبو لأمجد كتصايب ليا حتى انا}}

هيصر:( بشبح إبتسامة ) بنتي انا مزال مبغات تكبر ( مد ليها لمعلقة) يالا كولي دابا باش نمشيو

عند جيهان ورونق لي كانو داخلين لفيلا حتى تلاقو معا سينمار لي كان خارج من لباب وهاز فيديه شانطة فيها حوايج ديال هند لي جمعاتهم ليه رجوى وهيا مستغربة من لامر ومنين سولاتو نكر وقال ليها انهو معرفش هوا فقط تلقى لأوامر من عند هيصر ….. طلع راسو وشاف فرونق لي كانت مشغولة كتخربق فتيليفونها حتى رفعات راسها منين سمعات صوت ديال تصفار لي غير شافتو سرطات ريقها وهبطات راسها حتى وقف امامهم

سينمار: سلام

جيهان: ( بستغراب ) سلام بغتي شي حاجة اخويا

سينمار:( شاف فرونق لي كتقلب فعنيها وكتجنب تشوف فيه) ممكن دقيقة انسة

رونق:( شافت فيه وهيا موسعة عنيها وبصبعها شارت بيه لنفسها) واش انا

سينمار:( ماليها براسو ) سي نتي

جيهان:( لي فهمات لبلان بحكم انها كتعرفو اخ
رجوى … حركات رسها بلا حولا وبهمس هضرات ) لفيه شي طبيعية ممعرو يبعها ( وتخطاتهم ودخلات لفيلا )

رونق: ( طلعات راسها كتشوف فيه وبتسائل هضرات ) شنو بغتي

سينمار:( طلع حاجبو ) لي شافك فصباح ميقولش هادي نتي

رونق:( حكات رقبتها بإحراج) هاديك ماشي انا

سينمار:( بتدكير مصطنع) اه نسيت هاديك لالة غنو

رونق: ( بإبتسامة بلاهة) اه هاديك ( وبهمس هضرات ) لله يلكيهالك اريم ( ورجعات كتبتاسم) خاصني ندخل دابا لبنات كيساينوني ( بغات تتخطاه حتى شدها من معصم يديها)

سينمار: غير نصوني عليك جوبي

رونق:( حركات رسها ب واخا) واخا ا..

سينمار:( مد ليها يديه) سينمار

رونق:( مدات ليه حتى هيا يديها ) متشرفين انا رونق

سينمار: شرف ليا انسة رونق على فكرة سميتك زوينة بحالك

رونق: شكرا حتى سميتك على لعموم سررت بمعرفتك دابا خاصني ندخل ( تخطاتو وغير عطاتو بظهر وهيا ترسم إبتسامة كبيرة على وجها )

سينمار:( بقى متبعها حتى دخلات وهوا يعض على شفايفو ومن بين شفايفها نطقات ) رونق

بتاسم ومشا متاجه لطنوبيل ديالو وهوا كيصفر … ركب فيها وحط ساك فلكرسي لي حداه وديمارا متاجه لسبيطار

عند لبنات لي كانو مزالين فبيت هند كيهضرو على نفس الموضوع …. حتى سمعو صوت ديال لباب كيتدق …. وقفات رجوى وتجهات لباب وبصوت عالي هضرات

رجوى: شكون

جيهان: حلي غير انا

رجوى:( فتحات لباب وكيف دخلات شافت فيها بستغراب ) فين هيا رونق

جيهان:( دخلات وحطات صاكها) بقات معا خوك

رجوى: ( سدات لباب ) حنى فين وهيا فين

ريم:( شافت فجيهان) امضرا

جيهان:( جرات صاكها وفتحاتو وجبدات منو واحد لعلبة وفتحاتها وجبدات منها القيلادة ) هاهيا

رجوى:( خداتها من بين يديه ) ياي ولله حتى تقول هيا

صفاء: ( وقفات حدا رجوى كتشوف حتى هيا ورجعات كتشوف فجيهان) وإلا جربوها قبل ميعطوني خويا

جيهان: لأصلية فيها رقم سري فUSB وحتى هاديك وخا خاويا

ريم: وإلا كانو كيعرفو لكود

جيهان: مكنضنش حيت غير سارقينها ولي فهمت من عند هند ولي ستنتجة هيا ديال أب سيا والوسيفر وأنور بغاو يسرقوها

رجوى: هههه خاصك تمشي تحطي cv ديالك عند كونان

جيهان:( ميكات فيها وشافت فصفاء) معيطوش عليك

صفاء:( حركات رسها ب لا) مزال

جيهان:( وقفات) مزيان دابا وجدو شي باليزة وعمروها بلحوايج ( شافت فرجوى ) اي حاجة مكتلبسيهاش ولا معندك بيها غراض سيري جيبها وجيبي معاك حتى شي لباليزة نديرو حوايج هند فيهم يقدرو ديجا عارفين باليزتها

رجوى: اكي ( شافت فريم) نتي تكلفي بلباب متحلي حتى لحد

ريم 🙁 مالت ليه براسها ) واخا اختي

رجوى:( وتجهات لباب وكيف فتحاتها لقات رونق غدق) فين كنتي سارحة ياهاد شيخة

رونق:( عضات على شفتها السفلية وبتسمات ) اححح خوك طلع لوز

رجوى: كملات مودراري وبو بنات هادشي لي كان ناقصني مكفاوه فيل زادوه فيلا

وخرجات من لبيت ومشات لبيتها وجبدات جميع لحوايج لي ممحتجاهمش وبعد لمكياجات ولأحدية باش حتى لاقلبو لباليزة ميشكوش …. وخشاتهم فوسط واحد صاك وجبدات حتى واحد لباليزة …. وخرجات من لبيت وهيا كتسلت باش ميشوفها حتى حد …. حتى وقفات مصمرة فمكنها منين سمعات شي حد كينادي بإسمها

رجاء : رجوووى ( تقدمات وقبالتها وقفات) مالكي كتسلتي بحال شفارة

رجوى: ( بهمس) نتي نيت لي كنتي ناقصاني

رجاء:( هبطات راسها كتشوف فلباليزة وساك تبسمات بستهزاء ) ياكما عوالا تهربي حتى نتي معا صاحبك حيت هادشي عندكم فدم

رجوى:( خنزرات فيها) حتارمي راسك

رجاء:( ربعات يديها وطلعات حاجبها) مالي كدبت ياك بنت خالتك حتى هيا هربات معا ولد عمها

رجوى:( غمضات عينيها كتحاول تكتم أعصبها ) حاليا عندي امر اهم منك اما نبدل لمرات خالي لفيشور ديال وجها وهاد لوقت لي كضيعيه معيا سيري حدي راجلك قبل ليطيروه ليك حيت راكي حاضنة على عقرب ( غمزاتها وتخطاتها ومشات متاجها لدروج)

رجاء:( بستغراب) كيفاك حاضنة على عقرب ( هزات كتافها بلا مبالات ومشات متاجها حتى هيا لدروج)

🍃🍃🍃🍃🍃🍃🍃🍃🍃🍃🍃🍃🍃🍃🍃

عند رجوى لي وصلات لبيت دقات وفتحات ليها ريم ومدات ساك ولباليزا لجيهان وبداو كيجمعو فلحوايج وكيقادو كولشي …. عاد كلسو كيساينو يتاصلو بصفاء باش تسلمهوم لباليزة من غير جيهان لي كانت واقفة حدا سرجم كتهضر فتليفون

جيهان: بدر بغيتك فواحد لحاجة

بدر:( كان فلقهوى) اش درتي ثاني

جيهان: عاد عولا بغيتك تسلفني مطورك

بدر: ( وسع عنيه ) متقوليش عوالا على شي سباق ثاني لا نتي كتقلبي على أخيرتك

جيهان: ( ساطت بملل) دابا غتعطيليا ولا لا

بدر: فينك نتي

جيهان: عند صاحبتي

بدر: صيفطيلي لاديريسة انا غنجيبوليك

جيهان: يحفضك ألخوادري عارفة راسي نعول عليك

بدر: هانيا أصاطة يالا تلاحي

جيهان: تلاح ( وكيف قطعات رسلات ليه لعنوان وخشات تليفونها فجيبها وبقات واقفة كطل من سرجم وعقلها خدام كيفكر فهادشي لي غدير )

عند هيصر وهند …. لي بعدما سالات ماكلتها بعد عليها هيصر لعربة ورجع كلس حداها حتى سمعو صوت ديال لباب كيتدق شي لي خلاه يوقف بعدما باسها من خدها ومشا متاجه لباب لي حلو بسوارت ولقى سينمار متكي على لكادر ديال لباب وهاز صاك على كتافو

سينمار: ( مد ليه صاك) هالأمنة مجمعاتها رجوى حتى قتلا تني بلأسئلة

هيصر: ( شدو منعندو) غير سيرو نتوما انا شويا ولحق عليكم

سينمار: واخا اخويا

سد هيصر لباب ودخل عند هند لي كانت كالسة وحط صاك حداها وفتحو وبدا كيجبد فلحوايج وكيحطهوم حداها من فوق ناموسية ورجع حط صاك فلارض وجر ليزار من عليها وشاف فيها

هند: غي ر خر ج ا نا غل بس {{غير خرج انا غلبس}}

هيصر: ( مد يديه باش يحيد ليها لبيجامة ديال سبيطار لي لابسا ) ضوري نحليك صدايف

هند:( خرجات عينها فيه ) أن ا غنح لهم را سي غي ر خر ج {{انا غنحلهم راسي غير خرج }}

هيصر( تنهد وكلس على ناموسية وضورها من كتافها حتى ولات عاطياه بظهر ومد يديه وبدا كيفك فصدافة ديال لبيجامة بشويا … حتى بغات تضور وهوا يشدها من كتفها ورضها كيف كانت) رصاي

هند:( سرطات ريقها وبغات تضرو ثاني ولاكين حاصرها بيديه) غنح لهوم را سي غي ر خر ج {{غنحلهوم راسي غير خرج}}

كأنه مسمعهاش مد يديه لصدافة ثانية وحلها حتى بدا كيسرط فريقو وهوا كيشوف فظهرها لي كان واضح من تحت لبيجامة سرح عنيه على كل تقاسم ظهرها ولحفر لي فجنب كتافها …. هز يديه وحط صبعو سبابة على رقبتها شي لي خلاها تشهق وتحس بجسمها تبورش عليها حتى غمضات عنيها وهيا مزيرا عليه ودقات قلبها تسارعو وهيا كتحس بإصبحو هابط بشويا على عمودها الفقاري حتى وصل لوركها وتوقف …. فتحات عينيها وهيا كتنفس بعنف ويديها مزيراهم على ليزار … اما هيصر فكان مخدر وجميع لأوضاع لمنحرفة طاحو فبالو وهوا كيرسم ويخطط فضهرها وانفاسو كتسارع مفيقو من هاد لعالم السافل لي كان عايش غير صوتها

هند: ( بصوت مرتجف ) ه ي ص ر {{هيصر}}

هيصر:( جمع يديه وهوا مغمض عنيه بعنف وقف وهوا كيزفر عطاها بظهرو وبهدء هضر) كملي راسك

رونق: ( قرصاتها من خدودها) غير والفي على لامر ألوستي لمغيارة ( ودخلات)

رجوى: ( بتسمات) بقى فيا زغبي مسكينهند:( ضارت لعندو بعرض البطيء وخدودها حمارو بسبب لخجل لي حاسة بيه ) خ ر ج بع دا {{خرج بعدا }}

هيصر:( تمشا لجيهت سرجم بدون ميلتافت ليها وخشا يديه فجيبو وجبد علبة ديال السجائر وخرج واحد وحطو فمو ) لبسي لاغتلبسي

هند:( وسعات عنيها ) وا ش بغت ني لب س حد اك {{ واش بغتني لبس حداك }}

هيصر:( ضار كيشوف فيها ) ياك نتي لي طلبتي مني اني منخليكش بوحدك ( سرطات ريقها وحركات راسها ب اه ورجع عطاها بظهرو ) إوا لبسي دغيا

بقات كتشوف فيه وهيا متردد انا تلبس امامو هزات ليزار ولاوتو عليها وهزات دوك لحوايج فيدها وقفات بشويا لي غير حطات رجليها على لارض شداتها دوجة … وخا هاكاك بززات على راسها وبقات غاديا بشويا حتى حس بيها هيصر وضار لعندها لاح لكارو من بين يديه وبزربا مشا لعندها وشد فيها

هيصر: علاش نضتي من بلاصتك

هند:( عضات على شفتها السفلية ) بغ يت نم شي لح مام لب س تم ا {{ بغيت نمشي لحمام لبس تما}}

هيصر:( جرها لناموسية) باش طيحي تما واش نتي مقدراش حتى توقفي على رجليك

هند: نك لس فو ق لا شا س {{نكلس فوق لاشاس}}

هيصر: لبسي فبلاصتك

يالا شافها غتحل فمها وهو يخنزر فيها حتى صقرات فبلاصتها وهبطات راسها …. تنهد وعطاها بظهرو ومشا ثاني لقبالت سرجم وقف وجبد كارو اخر كيكمي فيه وفكل دقيقة كيزفر وهوا قران حجبانو وكيسوط فدخان بعصبية … اما هند ملقات حتى حل اخر امامها من غير انها تبدل امامو واخا عاطيها بضهرو ولاكين متيقاش فيه تنهدات هبطات راسها كتشوف فحوايجها وهيا كتفكر …. فلاخر هزات حوايجها جرات داك ليزار وتغطات بيه كامل وبدات كتحيد فديك بيجامة وغير حيداتها باشرات كتابس بزربة وفكل ساعة كتهز ليزار وغير من شق كطل عليه واش كيشوف فيها …. حتى كملات عاد تنفسات برتياح وحيدات من فوقها ليزار وطلعات راسها كتشوف فيه

هند: سا لي ت {{ ساليت }}

ضار عندها هيصر بعدما لاح لكارو وتقدم لعندها حتى وصل حداها وهز ساك وجبد منو تقاشر وسبردلة وتحنى حدا رجليها وهوا حاط ركبتو على لأرض …. هز ليها رجلها وحطها على ركبتو وبدا كيلبسها فتقاشر …. اما هند فصدمها وفنفس لوقف حسات من نوع من لحرج وهبطات بغا تحيد ليه تقاشر من يديه

هند: غن كم ل را سي {{غنكمل راسي }}

هيصر:( طلع راسو كيشوف فيها وهوا مخنزر ) رصاي

ورجع هبط راسو كيكمل ليها لبس بعدما سالا بدا كيلبس ليها سبرديلة ويعقد ليها فسيور بحال شي طفلة كيوجدها باباها باش تمشي لمدراسة …. غير سالا وقف وهز شال لي كان من فوق ناموسية ولبسوليها من فوق راسها وخلاه مرجوف على حساب عنقها …. وحنى لعندها باسها من راسها عاد هازها من بين يديه حتى شهقات وضورات يديها على عنقو وبصوت منخفض هضرات

هند: قا در ا نم شي عل ى رج لي ا {{قادرا نمشي على رجليا}}

هيصر:( خراج بيها من لغرفة) وانا بغيت نهز ألماستي عندك شي مانع يانسة

بتسمات وحركات راسها بلا وحطات راسها من فوق صدرو …. حتى خرجو من سبيطار وقفو حدا طنوبيل ديالو لي لقاو نزار واقف تما كيهضر فتيليفون وهوا عاطيه بظهرو لي كيف حس بشي حد وقف حداه ضار وغير شافو نها لمكالة بسرعة وطلع عنيه كيشوف فهند لي حشمات من لموقف

نزار:( بإبتسامة ) على سلامتك

هند:( تبسمات بخجل) شك را

هيصر: كيف بقى

نزار:( تنهد) مكاين حتى تطور لأطباء فقدو لأمل انه يعيش مدة طويلة

هند: ( بفضول) شك ون ها دا {{ شكون هادا}}

نزار: ( خشا يديه فجيبو وتكا ظهرو على طنوبيل) لواليد

هند:( بأسف) لل ه يش اف يه {{لله يشافيه}}

نزار: امين

وضار حليه لباب ديال طنوبيل وحط هيصر هند من فوق لكرسي وركب ليها سمطة وسد لباب وشاف فنزار وطبطب ليه على كتافو

هيصر: ماغيكون غير لخير إنشاء الله

نزار: إنشاء الله داكشي لي كاين اخويا

تخطاه هيصر وركب حتى هوا فطنوبيل وديمارا متاجه لفيلا

في فيلا عند لبنات لي كانو مزالين مجموعين فلبيت وهوما كالسين على احر من لجمرة كيساينو غير فوقاش يتاصلو بيهم ويتهناو من هاد شي

رجوى:( كانت كالسة على ناموسية وحاطة يديها على حنكها) أففففف هادو مبغاو يبانو

جيهان: ( كانت واقفة وحاطة ظهرها على لحيط حتى صونا تيلفونها ) فينك

بدر: ( كان راكب على واحد لمطور) واقف فنفس لبلاصة لي قلتيلي

جيهان: متحركش من بلاصتك شويا ونهبط لعندك

بدر: صافي

جيهان (قطعات لخط وشافت فصفاء ) إلا تاصلو بيك هضري معاهم عادي

صفاء:( حركات رسها ب واخا ) واخا

خرجات جيهان من لبيت وهبطات لتحت حتى خرجات لبرا …. وبقات كتمشا حدا صور ديال لفيلا حتى بان ليها كالس كيكمي تقدمات لعندو وحداه وقفات وبليدين تصافحو

بدر: صافا عليك

جيهان: حمد لله

بدر:( وقف من على لموطور) هاهوا وخا خاطري ممهنينيش عارفك غتخشي راسك فشي موصيبة خرى

جيهان: لله يحفضك اخويا عمر خيرك نساه

بدر: تانتي غير نسايه غير بعدي من لمشاكيل

عند لبنات لي كانو ساهين وكل وحدا فين كتفكر فجيه حتى قفزو كاملين بسبب صوت ديال تليفون ديال صفاء لي كان محطوط على ناموسية

صفاء:( هزات تليفون وهيا كلها كترجف وشافت فلبنات) انا خيفة بزاف ليكونو عاقو بيا

رجوى: دابا غير جاوبي قبل ليقطعو

رونق: دير هوط باغلوغ

مالت ليها صفاء براسها وشدات لخط وبصوت مرتجف هضرات

صفاء: أ أل ألو

الشخص: ( كان كالس فطنوبيل وعنيه على لفيلا) شنو درتي

صفاء:( شافت فلبنات وهيا كسرط فريقها) لباليزة عندي

الشخص:( تبسم) ممتاز دابا غتخرجي من لفيلا بدون ميشوفك شي حد

صفاء: واخا وخويا

الشخص: خوك فأمان محدك دايرا عقلك

صفاء: أنا درت داكشي لي بغيتو

الشخص:( شاف فساعتو لي على معصم يدها ) هبطي دابا

صفاء: واخا ( وتقطع لخط) خاصني نهبط دابا

رجوى: ( وقفات ) انا غنخرجك من لفيلا

ريم: عيطو بعدا لجيهان

رونق:( هزات تليفونها كتصال بجيهان لي بسرعة جوبتها) جيهان راهم عيطو وقالوليها تهبط دابا

جيهان: (كانت كالسة من فوق لموطور ولكاسك على راسها واقفة بعيدا شويا على لفيلا وهيا عضات على شفتها ) اكي قوليها غير تهبط وتصرف عادي وانا غنبقى معها

رونق: ونتي اش غادري

جيهان: نتوما تصرفو عادي متخليو حتى حد يحس بكم ( وقطعات لخط)

رونق:( شافت فصفاء) قلتليك تصرفي عادي وهيا غتكون معاك

ريم: ( تنهدات بخوف) لله يخرج هادشي على خير

صفاء:( جرات لباليزة وشافت فلبنات) شكرا بزاف على هادشي لي كديروه معيا

رجوى: هانيا اختي غير تجيبي خوك على خير وبخير

صفاء :إنشاء الله

خرجات من لبيت برفقة رجوى لي كتحاول تأمل ليها طريق حتى وقفات حدا لباب وضارت كتشوف فيها

رجوى: منقدرش نخرج معاك لبرا حيت ممكن يشوفني ويعيقو بينا

صفاء:( عنقاتها) شكرا اختي بزاف ودعيو معيا لله يسهل عليكم

رجوى: لله يعاونك اختى ولله يحميكم من كل شر وإنشاء لله كولشي غيفوت

صفاء: إنشاء لله

بعدات من حضنها وحلات لباب وخرجات من لفيلا وهيا هازا لباليزة ومشات متاجها لباب الخارجية لي كيف حلاتها وحطات رجليها برا ….. وقفات عليها نفس طنوبيل لي تحل بابها وغير بيديه شار ليها باش تطلع …. سرطات ريقها وبدون تردد طلعات لطنوبيل لي كيف سدات لباب ديمارا

صفاء: فين هوا خويا

شخص:( شاف فلباليزا لي كانت حاطة على ركابيها ورجع كيشوف فطريق) هاحنى غادين لعندو

🍃🍃🍃🍃🍃🍃🍃🍃🍃🍃🍃🍃🍃🍃🍃

عند جيهان لي كانت واقفة بعيد شويا وحاضيا صفاء غير بعنيها حتى شافت طنوبيل لي وقفات حداها وطلعات فيها وكيف تحركات هبطات زاج ديال لكاسك ومشات من وراها تابعها …. لي كيف بعدو من فيلا وقفات طنوبيل ديال هيصر لي تحل ليها لباب أطوماتيك ودخلو لداخل حتى وقف امام بوبة ليفيلا خرج من طنوبيل ومشا لجيهتها وفتح ليها لباب وحل ليها سمطة ومد يديه باش يهزها وهيا تبعد يديه بمتناع هضرات

هند:( حركات رسها ب لا) غي ر خل ني نه بط را سي {{غير خلني نهبط راسي }}

هيصر: ( ماليها براسو وشد ليها فيديها وخرجها من طنوبيل وسد لباب وحط ليها راسها على صدرو وضور يديه على كتفها) مزال فيك دوخة

هند:( حركات رسها ب أه ) غي ر شو يا {{غير شويا}}

زير عليها وتاجه بيها لفيلا وقف حدا لباب كيتدق حتى تفتح لباب من طرف لخدامة …. دخل لداخل ومشا نيشن لبيتها ومد يديه لبواني باش يفتحو ولاكين لقاه مسدود

هند( بستغرات) شك ون سد و{{ شكون سدو)
(حتى ضارت منين سمعات خطوات ديال شي حد لي كيف شافت شكون تبسمات وبإسمها نادات) شي ماء

شيماء:( كانت هازا تليفون كتكب رسالة لإياد لي كيف سمعات إسمها رفعات راسها وغير شافتها شهقات خرجات عنيها ) هند ( ومشات لعندها كتجري) هند مالكي مال وجهك شكون دار فيك هادشي ( وهيا ترفع راسها كتشوف فهيصر لي كان كيشوف فيها بدون ملامح)

هند: ان ا بخ ير

شيماء: مال صوتك

هند:( غمضات عنيها ورجعات فتحاتهم) من بعد

شيماء:( مالت ليها براسها ومشات لباب كتدق فيه حتى سمعات رجوى كتقول “شكون”) غير انا فتحي لباب

رجوى:( فتحات لباب لي كيف طلعات راسها خرجات عينها ) هند مالكي

تخطاهم هيصر ودخلها لبيت وحطها على ناموسية ونعسها وحيد ليها سبرديلة وتقاشر ولاح عليها ليزار … ولبنات من وراه كيحاولو يستفسر منها

هيصر:( باسها من راسها وبأمر هضر) نتي بقاي هنا ممنوع تحركي من مكانك واش مفهوم ( مالت ليه براسها ) وحاولي متهضريش بزاف

هند: صا في

هيصر: ( باسها من خدها وقف) انا عندي وحد لخدمة شويا ونجي لعندك ( هز يديه بتنبيه) عنداك تكرر نفس لأمر

هند:( حركات رسها ب لا) مغ نخ رش {{ مغنخرش}}

تنهد وخرج من لبيت وكيف بعد سدات شيماء لباب بسوارت ولبنات ضارو عليها وكل وحدا كتسول فيها من جيه

هند: ان ا دا با بخ ير ابن ات {{ انا دابا بخير البنات}}

رونق: نتي كيفاش بخير ونتي كولك مدكدك قول داز عليك طراكس

رجوى: دابا عوديلينا ازمر اش وقفع حتى مجيت سينمار باش ياخد حوايجك دخلات ليا شك

هند:( سرطات ريقها وهزات راسها كتشوف فيهم) ان ا تخ طف ت {{ انا تخطفت}}

الكل: ( بصدمة) شنوووو / كفااااش

رجوى: ( بخوف) شكون هادو ( سعات عنيها) واش أنور

هند:( حركات رسها ب لا ) الو سي فر {{الوسيفر }

شيماء:( بستغراب ) شكون هادا

ريم: وشنو بغا منك ياك هوا صاحب انور

رونق: زعما انور لي صيفطو

رجوى: ( بنرفزة ) سكتووو ( شافت فهند ) كيف دار خطفك وشنو بغا منك

هند: ( حطات يديها على عنقها) غن خت اصر لي كم ماف يا لي يه ضر {{ غنختاصر ليكم البنات مافيا لي يهضر }} ( وبدات كتعاود ليهم كل شي باختصار منين خرجات من لفيلا ومحاولة قت لها من طرف الوسيفر) ها دشي لي وق ع {{ هادشي لي وقع}}

رجوى:( بعصبية ) ولايني ز*** **** ****

ريم: هادا راه واحد مريض

رونق:( هزات كتافها ) عادي عندو واش نسيتو اهو سا دي

شيماء:( لي مفاهمة حتى حاجة) شي وحدا فيك تكرم وتشرح ليا شكون هادا بعدا

رونق: صاحب انور

شيماء: واش دخلو فهند

رجوى: قصة طويلة منبعد ونعودو ليك دابا خليونا فلمهم ( شافت فهند) وعلاش دار هادشي كامل اش بغا منك

هند:( عضات على شفتها السفلية ) لق يلا دة

فواحد لمكتب كانو كالسين كل من شباب ورجال على لفطوي وهوما كيتبادلو اطراف الحديت حتى رفعو راسهم منين سمعو صوت ديال لباب كيتحل ودخل منو أريد برفقة واحد شخص عاد دخل هيصر لي كيف شافوه وقفو ومن غير عزيز لي تقدم لعندو وبلهفة هضر

عزيز: فين هيا بنتي

هيصر: ( بهدوء) لتحت

عزيز:( تخطاه باش يهبط حتى وقفو هيصر ) شنو

هيصر: بغيت نهضر معاك فواحد لموضوع

عزيز: مكاين حتى موضوع حاليا أهم من بنتي

هيصر: وحتى هاد لموضوع كيخصها

عزيز:( بستغراب ) شنو هوا واش بنتي وقعات ليها شي حاجة

هيصر:( شار ليه بيديه لجيهت لفطوي) كلس بعدا

كلس عزيز وهوا مستغرب عاد كاس هيصر بجانبو كلس اريد وداك شخص

موريس 🙁 بستغراب ) علاش جيبن لموحامي

هيصر:( فرك يديه معا بعض وبهدء هضر) انا وهند غنتزوجو

في مكان اخر بضبط فواحد لغابة لي كان شكلها مرعب بزاف وصوت رياح لي كتضرب أخصان ديال لأشجار كيصدرو اصوات كتخوف وصوت ذئاب ولحيونات البرية لي كتخرج بليل كتقلب على شي فريسة تفتارسها …. وقفات طنوبيل ونزل منها شخص مغطي ملامح وجهو …. ومشا متاجه لجيها ثانية وفتح لباب لصفاء لي كنت كولها كترجف من لخوف …. هبطات ورفعات راسها كتكتاشف لمكان لي عاد مزاد كبر خوفها ورهبتها … زيرات على لباليزة بيديها لي كانت عرقنة وسرطات ريقها لي ولا كينشف فوسط تغرها وضارت كتشوف فداك شخص لي كان كيسد أبواب ديال طنوبيل

صفاء: فين هوا خويا

الشخص:(شعل فلاش ديال تليفون وشدها من رقبها وجرها معا واحد طريق لي كان فيها شجر قليل) قريب نوصل لعندو

مالت ليه براسها وهيا متبعا خطواتها لا طيح فشي حفرة او تزطم على شي حيوان او شيء ما ….. حتى بدا كيبان واحد ضوء بعيد بحال شي نقطة وفكل مكيقربو كتوضاح ليها صورة …. كان واحد لكوخ خشبي لي من شكلو باين انه مهجور وجا فوسط لغابة وليكارد فكل مكان محاوطين كل ركن من اركان لغابة …. زادو قربو لداك لكوخ حتى وقفو جوج ديال ليكارد لي كانو واقفين حدا لباب …. تقدم داك شخص وصفاء فجنبو كيجر فيها حتى وصلو لباب وبسائل هضر

الشخص: لبوص جا

لكارد: ( شارليه بيديه) جا غير لمساعد لخاص ديالو

ماليه براسو وجرها مدخلها … حتى سمعات صوت انين لي خلها ترفع راسها وهيا كتحاول تعرف مصدر صوت …. لي غير عرفات مكانو لاحت لباليزة ومشات كتجري متاجها لواحد لبيت لي كيف حلات بابو حطات يديها على فمها وهيا كتحاول تكتم شهقات وسالت دمعة من عنيها …. وهيا كتشوف خوها كالس على كرسي ومكبل بلحبال وفمو مسدد بلصاق بلاستيك وهوا كيحاول ينوض من مكانو فور مشاف صفاء وبدا كيصدر انبن لي فهمات انه كينادي بإسمها وكيستنجد باش تنقدو من هاد لأشخاص لي بدون رحمة

صفاء 🙁 بصوت باكي ) كرم

تقدمات لعندو بخطوات سريعة ومدات يديها كتحيد لي داك لصاق لي على فمو حتى شهقات منين تجرات من لخلف …. ضارت كتشوف حتى سرطات ريقها وهيا كتشوف ماكس لي كان كيشوف فيها بنظرات مرعبة لي كولها تجمدات فمكانها وهيا كترجف امامو ودموعها على خدها

《حوار بالإنجليزية 》

ماكس:( تبسم بستهزاء ) مزال لحال على مغادرتكم

صفاء:( سرطات ريقها وهيا كتحاول تجمع كلمتها ) انا درت لي بغتو فخلني ندي خويا ونمشي بحالي

ماكس:( ضحك بصوت مرتفع حتى تسمع صداها فكل أرجاء الغرفة) هههههههههههههه أي واحد دخل في لعبة شيطان معمرو كيخرج إلا وهوا ميت

صفاء:( خرجات عينها وبدات كترجع لخلف ) نتوما وعدتوني انكم غتخليو خويا إلا جبت ليكم لباليزة

ماكس: هههههههههههه علاه عمرك شفتي شي شيطان كيوفي بوعدو

صفاء:( بصوت منخفض ) واش كدبتو عليا

ماكس: ( تقدم لعندها وهبط راسو وحط خدو على خدها وبهمس هضرات ) تماما ههههههههه

رجع لور وشاف فداك شخص لي كان واقف حدا لباب …. وهبط عنيه كيشوف فلباليزة لي كان شادها فيديه …. تبسم بجنب وتقدم لعندو ومد يديه باش يجر لباليزة من بين يديه حتى رضها داك شخص من ورى ضهرو وهوا كيحرك راسو ب لا

الشخص: تؤ تؤ تؤ ( وشمر على نيفو) خلاصي

ماكس:( ضور وجهو وهوا كيضحك بخبث ورجع شاف فيه ) طلعتو كلكم أغبياء ( وجبد سلا حو من خصر وبغفلة من داك شخص جاتو رصا صة فوسط راسو حتى غوتات صفاء بأعلى صوتها ومشات كتجري لعند خوها وخشات ليه راسو فوسط كرشها باش ميشوفش ) كنتمنا تكنو فهمتو درس ههههههههه

هز لباليزة وضار كيشوف فصفاء لي كانت كتبكي فصمت وهيا خاشيا راس ديال خوها فوسط بطنها وغارسة أظافرها فتيشورط لي لابس …. وتقدم لواحد طابلة كبيرة وحط لباليزة من فوقها وبدا كيقلب فيها وهوا كيلوح فلحوايج بعشوائية …. حتى ترسمات إبتسامة على وجهو وهوا كيجبد لقيلادة لي كانت فلأسفة ديال لباليزة

بقى كيتفقدها حتى بان ليه فوسط ديال لقلب كاين فراغ لي كان واضح بشكل كبير …. تبسم بجنب وقسم لقلب حتى كبرات إبتسامتو وعض شفايفو وخشا يديه فجيبو وجبد تيليفونو ودوز لخط وحطو على ودنيه

《حوار بالروسيا 》

ماكس: ( بإبتسامة ) لUSB عندي دابا مستر

الوسيفر: ( كان كالس فطنوبيل فلمقعد الخلفي وهوا كيدخن فسكار ) ممتاز ماكس ممتاز

ماكس:( شاف فصفاء وبتسائل هضر ) وهادي اش غنديرو فيها

الوسيفر:( بإبتسامة شيطانية) نفس شيعار لي كان كيردد لعقرب بعد كل عملية

ماكس:( بتاسم ) تمام مستر

قطع عليه وضار كيشوف فيها وهوا مزال محافظ على إبتسامة …. تقدم لعندها وجرها من شعرها حتى غوتات وهيا كتترجاه باش يطلقهوم لحال سبيلهم …. وهز من لارض واحد لحبل وجر لكورسي وكلسها فيه وهيا كتركل باش تنوض حتى جمع معها بتسرفقة حتى غيبات …. تبسم بسخرية وبدا كيربطها معا لكرسي …. غير سالا نفض يديه وخرج من لبيت وسد لباب بسوارت ونادا على واحد من ليكارد لي كانو واقفين حدا لباب …. تقدم لعندو وهبط راسو بحترام

《حوار بالإنجليزية 》

ماكس : بغيتكوم تحرقو هاد لكوخ كاملة وبلاخص هاد لبيت

لكارد:( ماليه براسو ) واخا مستر

خرج ماكس من لكوخ وهوا كيلبس لقفزات الجلدية …. ومشا من نفس طريق لي جات منو صفاء وداك شخص وليكارد من وراه ….. غير دخل فوسط لأشجار خرجات جيهان لي كانت مخبعا من وراء واحد صخرة لي كان نابت فجنبها لأعشاب لبرية لي كانت كتيفة مغطية ديك صخرة بلكامل …. رفعات راسها كتشوف فداك كوخ وبالها معا صوت رصا ص لي سمعات وصرخة صفاء لي تسمع صداها حتى لخارج …. ضيقات عنيها وهيا كتقلب على شي طاريقة لي تقرب بيها لكوخ بدون ميشوفوها ليكارد ….. حتى كيبان ليها واحد كينادي عليهم وهمس ليهم بشيء غير مفهوم لي خلاهم ينساحبو وبقاو غير أربع منهوم لي جوج فيهم وقفو حدا لباب وجوج ثانين مشاو لوراء دار …. طلعات حجبانها بستغراب وبقات مركزة عليهم حتى تمو جاين وفيديهم قنينات كبار لي غير شافتهوم وسعات عنيها ولي زاد خلعها منين شافتهوم كيكبو دوك لقراعي على لحيوطا ديال لكوخ …. هزات يديها كترجع شعرها لور وهيا حيرا شنو غدير …. زيرات على قبطت يديها وخطات خطوى متاجها لكوخ بدون تردد حتى كتحس بيد تحطات على فمها وليد ثانيا على بطنها ….

في لفيلا ….. شافت فيها رجوى ورجعات شافت فلبنات لي حتى هوما كانو كيشوفو فيها وغير بعنيهم كيفسر شكون لي خطف اخ صفاء …. ورجعات كتشوف فيها ويالا بغات تفتح فمها حتى تطرق لباب لي كيف سمعاتو هند خرجات عينها

شيماء :هادي دقة ديال ماما

رجوى: اففف شنو غنديرو دابا راه من صباح وانا كنصدر فيهم

ريم: ( حطات يديها على خصرها) إلا مشفتهاش دابا غتحس بشي حاجة ماهياش

رجوى: باينا كتغوت لينا على حساب لعشا

هند:( كلسات حطات يديها على لكوافوز وهيا كتحاول تنوض) مخص هاش تشو فني به اد لحا لة {{مخصهاش تشوفني بهاد لحالة}}

شيماء: هند خاصك تهبطي باش ميحس حتى حد اناكي مكنتيش نهار كامل فدار

هند:( شافت فيه ديك شوفة ديال واش من نيتك وشارت ليها لوجها) وا ش من ني يتك نه بط به اد لحا لة شن و غنق ول لي هم {{واش من نيتك نهبط بهاد لحالة شنو غنقول ليهم }}

رونق: وجهك عندي ليه لحل شويا ديال لمكياج وها وهوا رجع بيو

هند: وصو تي لي مكنقد رش نخر ج حتى حر ف {{وصوتي لي مكنقدرش نخرج حتى حرف}}

ريم: ( هزات كتافها) قوليلهم ضربني لبرد منين دوشت خرجت كان لاكليم مشعول او خرجت بشعري فازك

رونق: ( شافت فرجوى ) نتي سيري فتحي لباب ودوزي لبيتك جيبي مكياجك ونتي تبعني لحمام

دخلات هند ورنق لحمام وكيف سدو لباب من وراهم حلات رجوى لباب وهيا كتبتاسم ببلاهة

رجوى: توحشتينا اخالتو

سعيدة:( دفعاتها ودخلات) ساعة باش تحلو ( ضورات راسها كتشوف فلبيت) فين هيا هند

رجوى:( شارت ليها لحمام) لداخل معا رونق انا غنمشي لبيتي نجيب شي حاجة وراجعا ( خرجات من لبيت)

سعيدة: ( مشات كدق فلحمام) هند واش نتي بخير

داخل الحمام لي كانت هند كالسة على لاشاس حيت دوخة مزال شادها ورونق واقفة حدى لباب وحطا ودنبها كتصنت

رونق: بيخر اخالتي غير بغيتها تحك ليا ظهري

سعيدة: إوا سربيو راه مبقاش بزاف ويتحط لعشا

رونق: واخا أخالتي

خرجات سعيدة من لبيت وسدات لباب من وراها وريم دوزات سوارت من ورها عاد خرجات هند ورنق لي مشاو وكلسو على ناموسية حتى دقات رجوى …. فتحات شيماء ليها ومدات لاطروسة ديال لمكياج وبدات رونق كتقاد ليها لمكياج وهيا كتحاول تخفي كل زروقية لي فوجها لي كيف سالات …. قادات شالها وحولات ما أمكن تغطي عنقها ….. جابت ليها رجوى سندالة ديال دار …. وقفات وشدات فيها شيماء ورجوى ورنق وريم من وراهم …. فتحات رجوى لباب وخرجو متاجهين لصالة الأكل

🍃🍃🍃🍃🍃🍃🍃🍃🍃🍃🍃🍃🍃🍃🍃

في المكتب…. كولشي شاف فيه بصدمة وبدون إستعاب لكلام لي لفظ بيه حتى وقف عزيز بنرفز وهوا كيشوف فيه

عزيز: شهاد لهضرة كتقول

جواد:( وقف ومن كتافو جرو مكلسو فمكانو) عزيز تهدن ( شاف فهيصر) ولدي هاد لهضر ماشي وقتها دابا

هيصر:(بهدوء) وقتها حيت خاصها تكون على دمتى واقرب مني باش تكون تحت حمايتي

عزيز: بنتي وقاد بيها

شاف هيصر فلموحامي لي فهم راسو وخرج من لمكتب ورجع كيشوف فعزيز

هيصر: هند حياتها معرضة لخطار وداك زم ( سرطها وكمل بهدوء) لك لب هوا سباب

موريس: ( بتسائل ) واش انور لي خطفها

هيصر: ( من بين سنانو ) الوسيفر

موريس:( بستغراب ) وهوا شنو غراضو بلبنت

هيصر: معرفتش لي عارف هند غاتكون على دمتي ليوم قبل من غدا

عزيز: وش كتهضر بعقلك وشكون هاد سفرجل ولا اش سميتو

سينمار: ( عض على شفتو وقرن حواجبو) صاحب انور ومنين كان خاطفها كان كالس معاه وهوا شخص مريض فعقلو وممكن يدير اي حاجة

سيف: ( شاف فهيصر وهضر) وليوم لقيناه شانق ( شاف فعزيز) بنتك كون مجيناش فلوقت لمناسب كون ما..

هيصر:( بعصبية) سيييييف

عزيز: ( وقف وبصدمة هضر) شنووو

جواد:( بستفسار) ممكن تشرحو لينا شكون هادا وشنو علاقتو بهند

اريد: ( بهدوء ) أنور مورط فتجارة ديال لبنات والوسيفر شريكو وهوا لي خطفها ولاكين علاش بضبط معرفناش

سينمار: ممكن تكون عندو شي حساب معا انور وبغى ينتاقم منو عن طريق هن ( سرطها بعدما شاف فهيصر لي كان كيخنزر ) ختي

هيصر: (شاف فسيف لي فهمو وناض فتح لباب ودخل لموحامي لي كان كالس فواحد لكليسة كانت تما) بدا من دابا فلإجرئات وجميع ورقها غيوصلوك وبغيت لعقد يكون واجد عندي غدا

المحامي:( ماليه براسو ) واخا اسيدي ( وخرج من لمكتب برفقة سيف )

عند هند لي وصلات لباب ديال لصالة لي كانت خارجة منو سعيدة لي غير شافتهوم جات لعندهوم وهيا كتفقد هند من بعيد

سعيدة: شويا ابنتي واش كرشك مزالا كتضرك

هند:( تبسمات ليها و حركات رسها ب لا ) صمت

سعيدة: ( شافت فوجها بتشكك) ومال وجهك صفر

رونق: هههه نتي اشمن صفر وانا نصف ديال لقرعة دلفون دوطان طليتوليها

سعيدة:( بستغراب ) كيفاش

رجوى: هههه غير كضحك اخالتي متديش عليها ضحكها حامض

سعيدة:( حطات يديها على ظهر هند ) دخلي ابنتي لصالون انا غنمشي نعاون خالتك

مالت ليها براسها ودخلات برفقة لبنات …. كان صالون مغربي كبير بأتات راقي وتصميم تقليدي … كانت كالسة رجاء وختها ودنيا ومرجانة لي كانت مكلسة سارة على رجليها وعطياها تليفون باش متحركش من حداها …. تقدمو لبنات ودخلو لصالون لي غير شافتهم رجاء تبسمات بسخرية

رجاء: شكرا حيت تكرمتو وجيتو تكلسو معنا

رجوى:( بهمس) ياربي تصبرني

رجاء:( شافت فهند لي تقدما لعندها باش تسلم عليها) هادا كلو غير نعاس ( عوجات فمها ) تقول غير موحمة

غزاز سنانها وتبسمات ليها من فوق خاطرها وسلمات عليها وسلمات على دنيا بدون متنطق حتى حرف ومشات كلسات حدا مرجانة وبنات كل وحدا فين كلسات

رجاء:( شافت فهند كطلعها وكتهبطها بسفزاز ) شفتك تبتي وتحجبتي

رجوى:( من بين شفايفها) لعقبى حتى ليك توبي من داك بوخ دوالو

رجاء: ( حطات رجل من فوق رجل وهيا كتشوف غير فهند) ماكي ساكت ودافعة علينا كبير

ريم: ضربها لبرد وحلقها ضارها ومكتقدش تهضر

رجاء: اه إوا لله يشافي

مرجانة:(شافت فيها بخوف) واش كيضرك بزاف

هند:( حطات يديها على عنقها) شو يا

مرجانة: قولية لماماك درليك لعسل معا لحامض كانت كديرها ليا جدة لله يرحمها

هند: ( مالت ليها براسها ) وا خا

رجاء:( ربعات يديها) إوا معوتيش لينا على قصتك معا ولد عمك

رجوى: ( من بين سنانها) رجاااء

رجاء:( عوجات سفايفها) عادي ماكين حتى حد براني واصلن كولشي عرفها هربات معا انور

رجوى:( وقفات ) لا نتي زتي فيه عيت صابرا ليك ولهضرتك لي كيف سم

رجاء: ( تبسمات ورضات شعرها من ورا ودنيها) دابا لي قال صارحة فهاد لوقت ممزيانش حيت عزيز عليكم نيفاق

هند:( وقفات وجرات رجوى لي شافتها غتمشي لعندها) رج وى خلي ها تق ول لي بغ ال متد يهاس في ها {{رجوى خليها تقول لي بغات متديهاس فيها}}

رجاء: شنو مرضيتوش تسمعو لحقيقة

هند: خلي ني محتر ماك امر ات خا لي ولحا جة لي متكو نيش عار فة اسا سها فمته ضريش علي ها {{خليني محترماك امرات خالي ولحاجة لي متكونيش عارفة اساسها فمتهضريش عليها }}

رجاء: ( طلعات حاجبها ) هيا إلا عوتنا دابا نيت

هند: ها دا امر مكي عنيكش {{هادا امر مكيعنيكش }}

رجاء: ( طلقات صبعانها كتشوف فأظافرها وبستفزاز هضرات) بلعكس كيعنيني لامر فيه شرف ديال لعائلة لي حتى انا منها ( شافت فيها وتبسمات ليها بخبت) إلا لكان لعب بيك كيف بغى غير شبع منك لاحك كيف شي قح****

كلشي خرج عنيه من هضرتها وضارو كيشفو فهند لي رجع وجها حمر … اما رجوى فطوت لكمام ديال يديها وتقدمات لعندها من بين عينها غير شعرها لي كانت كتلعب بيه …. حتى رجعات لور منين شافتها مجرورا من شعرها من طرف هند حتى هبطات راسها وزلقات من فوق سداري ونعسات على كرشها من فوق لارض وطلعات على ضهرها وبدات كتنتف فشعرها ورجاء كتحاول تفك راسها وضور على ظهرها باش دافع حتى هيا على راسها …. ساعة هند كانت حاكمها مزيان وفينما كتبغي دور كتهزها من شعرها وتزدح ليها راسها معا لارض …. وهيا غير كتبكي وكتغوت بصوت عالي باش يفكوها من بين يدها …. اما دنيا لي غير شافت ختها بديك لحالة بغات تلاح على هند ساعة شداتها رجوى وحكماتها مزيان باش متحركش من بلاصتها وهيا كتفرج فهند

رجوى:( بحماس) مزيان زيديها نتفي دوك زغبات لي فرحانة بيهم هاكاك لله يعطيك صحة

رونق:( هزات تليفونها كتصور فيهم) شعلات اححح إلا عيتي اختي بغيت نجي نعاونك ولاكين ظفراني عاد صايبتهوم

رجوى : لعيتي نجي نكمل عليك معنديش موشكيل

ريم:( حاطة يدها على فمها ) هند صافي طلقيها

شيماء: نتي شمن طلقيها انا من شحال هادي وانا كنتمنها ليها

مرجانة:( كانت هازة سارة معنقاها وهيا كتبكي) ششش اماما مكاين والو

سارة: هءهءهء هءهءهء هءهءهء هءهءهء هءهءهء هءهءهء هءهءهء كيضاربو

مرجانة: هند باركة ( شافت فريم) سيري غوتي لشي حد يجي يفكهوم ( مالت ليها براسها وخرجات من صالون كتجري)

اما هند فمكانت مكتسمع حتى لحد فقط كتبرد فيها كل اعصبها ولهضرا لي قالت عليها بدون متكلم او تنطق بشي حرف غير يديها لي خدامين

عند جيهان لي كانت مزيرة من كرشها وفمها وهيا كتركل وتأنن باش يطلقها حتى خرجات عنيها منين سمعات صوتو لي همس بيها حدا ودنيها

نزار: شششش غنحيد يدي ولاكين متغوتيش

جيهان:( مالت ليه براسها ) اممم

حيد نزار يديه من على فمها ورخف يديه من على كرشها حتى ضارت لعندو بزربة وبهمس هضرات

جيهان:( بنرفزة ) شنو كدير هنايا

نزار:( خشا يديه فجيبو وطلع حاجبو ) نسولك نتي شنو كديري هنيا فهاد ليل وشكون هادو لي تابعا

جيهان: ( جرجات عنيها فيه) واش كتبعني

نزار: ( تقدم شويا وطلع راسو كيشوف لكوخ ) شنو علاقتك بهاد ناس

جيهان: ( طلعات راسها كتشوف حتى هيا) ماشي سوقك ( وتخطاتو مشات متاجها لكوخ حتى شدها من معصمها وضارت لعندو معصبة) طلق مني ازبل هاد لوقت لي كنضيعوه فلهضر غنخصرو حياة ديال جوج دناس

نزار: ( طلع حاجبو بستغراب ) كيفاش

فين جات تجاوبو حتى ضارو بجوج منين سمعو صوت ديال شي حاجة كتحرق شي لي خلا جيهان تشهق وفكات يديها من بين يديه ومشات كتجي متاجها لكوخ لي غير شافوها دوك ليكارد بغاو يتيرو فيها ولاكين نزار كان أسرع …. اما جيهان فكانت مامهتما بحتى حاجة فقط عنيها على نار لي كاتاكل لكوخ لخشبي …. مشات لجيهت لباب ومدات رجليها باش دخل حتى تجرات من طرف نزار

نزار: واش حماقتي فين غادا

جيهان: ( بصوت عالي) راه جوج ديال ناس لداخل

نزار:( شاف فلكوخ ورجع شاف فيها وهز ليها يديها وحط ليها على كفهوم سلا حو) خليه عند انا غندخل

جيهان:( شدات سلا ح وزيرات عليه بيدها وحركات راسها ب أه ) واخا

دخل نزار لداخل من بين لكتل النارية وهوا حاط يديه على نيفو باش ميستنشقش دخان …. بقا كيقلب غير بعنيه من بين ديك نيران ودخان لي حاجب الرئية …. حتى بان ليه وحد لباب لي كان مسدود ونار كتيفة كتاكل فيه … تقدم ليه وهوا كيكح بسبب شدت دخان وداتو كلها سخنات من شدات حرارة لمكان

نقز واحد لخط ديال لعافية وقصد لباب لي ضربها برجليه وتحلات بسهولة بسبب نار لي كلات نصف منها … طلع عنيه لي دمعو ليه ورجع حومر وهوا كيشوف صفاء لي كانت مغيبة وفجنبها كرم لي كان كيبكي وهوا كيتركل من فوق لكرسي …. تقدم لعندهوم بسرعة وفكهم بجوج وحط صفاء على كتفو وكرم هزو من بين يديه وخرجهم من لغرفة

🍃🍃🍃🍃🍃🍃🍃🍃🍃🍃🍃🍃🍃🍃🍃

عند جيهان لي كانت وافقة على نار وهيا كتمشي وكتجي فمكانها وقلبها ضارها عليهم وعقلها كيفكر فيهم … حتى عيات صابرة وتقدمات لباب باش تدخل وكيف رفعات راسها مشات لعندهوم كتجري وخدات كرم من بين يديه وهوا تمشا باش يبعد من لمكان….غير بعد من لكوخ شويا حط صفاء على لارض وهوا كلس كيكح وكل جهو رجع كحل بلحموم ديال دخان

كرم 🙁 كلس حدا صفاء وهوا كيبكي) ختي هءهءهء ختي فيقي هءهءهء ( شاف فجيهان بتسائل) هءهءهء واش ماتت هءهءهء

جيهان:شششش اصاحبي ختك مزلا عايشة غير سخفانة(وضارت كتشوف فنزار منين سمعاتو كيكح بهسترية حتى حسات بلخوف عليه) واش نت بخير

نزار:( حرك راسو ب أه وهوا كيكح) اككك اككك اككك مزيان

جيهان:( هبطات عنيها كتشوف فصفاء وهيا كضرب ليها على وجها ) صفاء صفاء

كرم: ( كيحرك حتى هوا فيها) ختي هءهءهء ختي (حتى بدات كتحرك راسها وهيا كتفتح عنيها بشويا ….هبط كيعنق فيها ) ختي هءهءهء فقتي هءهءهء

صفاء:( بدلاتو لعناق وهيا كتحاول تكلس) كرم هءهءهء خويا هءهء واش نت مزيان هءهءهء مداروليك والو هءهءهء

كرم:( بعد من حصنها وهوا كيحرك راسو ب لا ) لا مدارو ليا حتى هءهءهء حاجة نتي لي ضربوك ( وحط يديه صغار على خدها لي تورم) واش كضرك

صفاء:( حركات رسها ب لا ) لا ( وضورات راسها كتشوف فجيهان) شكرا بزاف اختي هءهءهء حيت عتقتي حياة خويا هءهء عمر لخير لي درتوه فيا هءهءهء منساه

جيهان:( شافت فنزار) خاصك تشكريه هوا لي عتقكم انا مدرت والو

صفاء:( شافت فيه بإمتنان) شكرا اخويا شكرا بزاف

نزار: مكاين لاش تشكرني اككك اي واحد كان غيدير نفس شي اكككك

جيهان:( وقفات ومدات يديها لصفاء كتعاونها باش توقف) خاصنا نمشيو من هاد لبلاصة

نزار:( وقف حتى هوا وهز كرم) طنويبل بقات برا لغابة

في لمكتب بعدما خرج لموحامي …. كلس عزيز مصدوم فمكانو وهو كيحاول يسوعب كل هاد لاشياء لي سمع حتى حنحن اريد بصوت شبه مسموع شي ليخلا جواد يرفع راسو ويشوف فيه

اريد:( تقاد فكلستو وهوا مشابك يديه وبجدية هضر) بغيت نداكر معاك فوحد لموضوع محدكوم مجموعين

جواد: لله يسمعنا خبار لخير

اريد: خير إنشاء الله بغيت نتزوج

سينمار: هههههه واش ليوما يوم لعالمي لتودع لعزوبة ولا شنو

سيف: هههههه واش منيتك كتهضر اب اريد

جواد:( بصدمة) وش كتهضر بكل قواك العقلية

سينمار : غير متصدمش الواليد حيت ولدك طاح طيحة خايبة بزاف

اريد:( خنزر فيه ورجع كيهضر معا جواد) انا فقط كنعلمكوم باش تمشيو تخطبوها على حسب التقاليد

جواد: ( ضيق عينيه) وشكون هاد لمتعوسة

يالا اريد غيفتح فمو ولباب تفتح عليهم من طرف ريم لي كانت كتنهج …. بعدما مشات لكوزينة كتقلب على ليلي وسعيدة قاتليها لخادمة انا ليلى كتصلي وسعيدة كتنعس ولدها شي لي خلها طلع لفوق باش تقلب على شي حد لي يعونها فلقات غير باب ديال لمكتب امامها لي فتحاتو بدون تردد …. لي كولشي شاف فيها بستغراب وهيا كلها كتلهت وكتشير بديها لخارج لمكتب

سينمار: ( شاف فجواد) هالعرسة مرات ولدك جات حتى لعندك

اريد:( خنزر فيه وقف متاجه لعندها ) ريم مالكي

ريم:( كتلهت) عتقوها غتق تلها

اريد: ( طلع حاجبو بستغراب ) شكون هادي

ريم: هند كدابز لتحت

عند هيصر لي كان كاس كيخربق فتليفون كيشوف امور لخدمة كيف غديا …. حتى وسع عنيه منين سمع إسم ألماستو شي لي خلاه وقف بزربة وخرج من لمكتب وهوا كسرع فخطواتو

اما هند فمكانت مكتسمع حتى لحد فقط كتبرد فيها كل اعصبها ولهضرا لي قالت عليها بدون متكلم او تنطق بشي حرف غير يديها لي خدامين …. حتى حبسات براسها مهزوا وغير من ريحتو عرفات شكون وبدات كتركل من بين يديها وهيا كتمد يديها باش ترجع تكمل شغلها حتى زاد زير عليها وبنرفزة هضر

هيصر: رصاااي

هند: ( كتحاول تحيد يديه لي على صدرها وهيا كتركل برجليها) طل قني

حتى كيبان ليها سماعيل مشا لعند رجاء وقفها وهيا كلها مشعكك وكل شعرها طاح نصفو فلأرض ونصفو مزال من بين اصابع هند …. وجبهتها تجرحات بزديح لي كانت كتزدحها على لأرض

سماعيل: شهادشي شنو واقع هنا

رجوى: هيا لي جبداتها

دنيا: ( تنترات من بين يديها ) سكتي نتي لي جبتي صداع من لأول

رجوى: ياك اختي ( وبغات طير عليها حتى شدها سيف) طلقني نوريها صداع ديال بصح

جواد:( بصوت عالي) رجوووووى

عزيز:( مشا لعند هند لي مزالا كتركل من بين يدين هيصر) علاش ضربتيها

هند:هي ا لي جبد اتني {{هيا لي جبداتني}}

سماعيل:( شد رجاء من معصمها ) اش درتي ثاني

رجاء:( ببرائة ) هءهءهء هيا هءهءهء ليطارت عليا هءهءهء انا كنت هءهءهء غير كنهضر هءهءهء معها عادي هءهءهء هءهءهء هءهءهء هءهءهء هءهءهء هءهءهء هءهءهء

دنيا: اه اخويا هوما لي تحماو فينا

رجوى:( مدات يديها باش تشد ليها شعرها) غتسكتي ولا غنطوي ختي على عشرة

سيف:( جرها مبعدها من عليهم) واش حنى باغين نبردو طرح ونتي كتزيدي تشعليها(طلعات راسها كتشوف فيه وهيا مخنزرا )

سماعيل:( شاف فرجاء وهوا مخنزر فيها) شنو درتي ثاني واش انا فينما نديك لشي قنت ضاروري تجبدي لمشاكيل

رجاء:( نترات يديها وهيا كتزيد فوتيرة لبكا) هءهءهء هءهءهء ياك اسيدي هءهءهء انا لي كندير هءهءهء لمشاكيل هءهءهء هءهءهء دابا شكون واكل لعصا هءهءهء انا ولا هيا هءهءهء ولا حيت هءهءهء هيا بنت هءهءهء ختك هءهءهء إوا هءهءهء بقى معاهم ( شافت فختها) يالا نمشو بحالنا هءهءهء اصلن من لأول ممرحبش بينا هنيا

جواد: ( تقدم لعندها وطبطب على كتفها) اش هاد لهضرة ابنتي مرحبا بيك فاي وقت هادي دارك وحنى عائلتك ثانية وهاد لمشكيل غنحلوه دابا

دنيا: خاصهم يعتادرو منا اعمي

هند:( وسعات عنيها فيها )هي ا لي خا صها تطل ب من ي لإعت دار{{ هيا لي خاصها تطلب مني لإعتدار}}

رجوى:( كتركل من بين يديه سيف) طلق خلني نوريها لإعتدار على أصلو وانت طلق أزمر

رجاء: ( شافت فهند بمكر) إلا معتدرتش هءهءهء مني ءهءهءه ورضات لي هءهءهء كرامتي هءهءهء لي هانت هءهءهء فغانشي بحالي هءهءهء

رجوى: شطابة حتى لقاع لبحر مشيا بلا رجعا

جواد: رجووووى ( وضار كيشوف فهند لي كانت كتشوف فرجاء بحقد) عتادري ابنتي من مرات خالك وعلى هاد لحالة لي درتي فيها

هيصر:( شد لهند فمها وخنزر فجواد) مرتي انا مكطلبش لإعتدار

وشاف فرجاء بشوفات كتخلع لي غير شافتهم سرطات ريقها وقفات من ورا سماعيل …. وجر هند من معصمها وخرجو من صالون متاجه لبيتها

اما رجاء فجرها سماعيل مخرجها حتى هيا من صالون حتى تلقاو معا سعيدة داخلة وهيا كتشوف فيها مخلوعة

سعيدة: اويلي مالكي

رجاء: ( بنفخة) سولي بنتك ( ونترات يديها من بين يدين سماعيل ومشات كتجري)

سعيدة:( شافت فسماعيل) كيفاش سولي بنت هادي مالها وشكون دار فيها هاد لحالة

سماعيل:( تنهد) معرفتش شنو وقع بينها وبين هند حتى ضاربو

سعيدة:( وسعات عنيها ) هند

سماعيل: غنطلع نفهم منها اش واقع

سعيدة: سير اخويا ( ودخلات لصالون وقفات حدا عزيز وجواد كتحاول تستفسر الموضوع)

🍃🍃🍃🍃🍃🍃🍃🍃🍃🍃🍃🍃🍃🍃🍃

اما لبنات فبقاو واقفين فمكانهم مصدومين حتى طلعات رونق راسها كتشوف فرجوى لي طلق منها سيف ومشا وقف معا أريد وسينمار

رونق: (بهمس هضرات لي فيها نبرة صدمة) واش قال مرتي ولا غير جباليا لله

شيماء: ولله حتى قال مرتي

رجوى: ( طلعات حاجبها ) على هادو وقتاش تزوجو ( حتى قفزات منين سمعات جواد كينادي بإسمها ) نعام ابابا

جواد: ( عطاها بظهرو ) تبعني

رجوى: ( هبطات راسها ) واخا

خرج جواد من صالون ومشا متاجه لمكتب ورجوى من وراه …. حتى دخل لمكتب وكلس من فوق فطوي وطلع راسو كيشوف فيها

جواد: شهاد شوهة درتي لتحت

رجوى:( هبطات راسها) هوما لي جبدونا ابابا

جواد: وديرو لبنت ديك لحالة واش بعقلكوم هيا ضيفة عندي فداري يعني خاصكوم تحترموها ومنين تكونو برا ديك ساعة ديرو لي عجبكم واخر مرة ديرو بحال هاد تصرف فقلب داري ونتي عرفاني معنديش معا هاد لأسلوب وإلا كان شي مشكيل حلوه بلحوار ماشي بلعنف دابا كون وقعات ليهم شي حاجة فين غنوصلو اه بغتي دوزيها فلحبسات دابا هبطي وديري عقلك

رجوى: واخا ابابا سمحليا ( هبطات راسها وخرجات من لمكتب)

عند هند وهيصر لي دخلو لبيت وسد لباب من وراه ودور سوارت وهوا كيسوط غير بوحدو …. اما هند فكلسات من فوق ناموسية وهيا كتنكر وكتحلف فيها حتى طلعات راسها كتشوف فهيصر لي واقف كيشوف فيها وهوا حاط يديه على خاصرو

هيصر:( بهدوء) شنو قتليك انا قبل منخرج

هند:( وقفات حداه) شو…

هيصر: ( بصوت عالي) شنووووو قتلييييك

هند:( سرطات ريقها وهبطات راسها ) متخر جيش من لب يت

هيصر: اه ونتي أش درتي

هند: هي صر انا ….

هيصر: جاوبيييي اش درتيييي اه خرجتيييي يااااك دااااباااا اناااا هضرتيييي لايقلب **** *****

هند:( عضات على شفتها السفلية وهيا كتحرك راسها بلا ) لا ما شي هاك اك ما ما لي عي طات عل يا با ش نزل تنتع شا ومبغ يتس نعي ق ح يت نه ار كا مل وا نا غي با وز يد عل يها ان ها في نما كت سول عل يا لب نات كيك دبو عل يها فغت حس بش ي حا جة {{ لا ماشي هاكاك ماما لي عيطات عليا باش نزل نتعشا ومبغيتس نعيق حيت نهار كامل وانا غيبا وزيد عليها انها فينما كتسول عليا لبنات كيكدبو عليها فغتحس بشي حاجة }}

هيصر:( كان كيسمع ليها حتى ضيق عنيه فوجها وبصبعو شار ليها) قربي لهنا

هند:( قربات لعندو وهيا كتشوف فيه بستغراب ) شن و

هيصر:( دوز صبعو على وجها وبنرفزة هضر ) شهاااد **** حاااطة فوووجهك ( وسع عنيه فيها) وخرجتي بيه حتى لبرا

هند: ( دوزات يديها على وجها) در تو غ ير با ش نغ طي زرو قية لي فوج هي {{درتو غير باش نغطي زروقية لي فوجهي}}

هيصر:( من بين سنانو هضر ) اخر مرة تطلي هاد لعفن فوجك اخر مرة ولله كنقسم ليك بالله حتى غنتفاهم معاك ( بصوت عالي) واش مفهوم

هند:( قفزات من صوتو وحركات راسها ب أه بطريقة هستيرية ) اه اه

هيصر: مزيان ( ومشا لجيهت سرجم) سيري غسلي عليا ديك لكمرة ( وجبد علبة ديال السجائر )

Leave a comment