Skip links

قصة : الألماسة المفقودة10

 4,467 عدد مشاهداات

شيماء: فين غتمشي

إياد: (حك شعرو) غنتكف بواحد لقضية فمراكش

شيماء: فوقاش غتمشي

إياد: غدا غنمشي رباط لعند مالين دار ومن تما غنمشي

شيماء: وعلاش مقلتيهاليش لبارح بليل منين هضرتي معيا

إياد: حيت كنت بغيت نقوليك هاد لهضرا قبل منعلمك بغيت نعرف رأيك فلأمر قبل منمشي

شيماء: شحال غتبقا تما

إياد: معرفتش شهر عام عماين ولا كتر

شيماء:(هبطات راسها بتفكير ورجعات رفعاتو) واخا

إياد: ( طلع حاجبو بتأكيد) واخا علاش

شيماء:( بخجل) حتى انا كنحس براسي مرتاحة معاك وبغيت نعطي لهاد لعلاقة فرصة

إياد:( بإبتسامة كبيرة) عرفتي ولله لقسام حتى فرحة بزاف مكرهتش نخرج دابا ونغوت

شيماء: ههههه واش حمقيتي

إياد: منين عرفتك وانا حمق ودابا زدت حيت كنحماق عليك

شيماء:(هبطات راسها بخجل وحلات باب ديال طنوبيل ) خاصني نمشي

إياد: ( قرب راسو لجيهتها) اجي بعدا نقوليك واحد لحاجة

شيماء:(قربات لعندو) شنو

إياد:( خطف بوسة من خدها) غنتوحشك

شيماء:(بتسمات وهيا عضات على شفتها السفلية ) طريق سلامة وسوق غير بشويا

إياد: أمين (ماليها براسو ) واخا

شيماء: غير توصل عيط ليا

إياد: اكي

بتسمات ليه وجرجات من طنوبيل ودارت ليه باي ودخلات لدارهم … اما إياد فبقى متبعها بعنيه حتى دخلات عاد ديمارا

في مدينة الدار البيضاء …. تحل باب غرف النوم لي كان كل جدرانو وأثاتو بلون الأسود …. ودخل هيصر وهند لي كان مزال شادها من خصرها بتملك …. كيف دخلو سد لباب برجليه وضور راسو كيشوف فيها كيفاش كتساري عينيها فلمكان …. حتى بعدات عليه وبقات كدور فلبيت ورجعات رفعات راسها وشافت فهيصر

هند:(بستغراب ) كاني شايفة هاد لبيت مي معقلتش فين

هيصر: (تقدم لعندها وشدها من يدها وجرها لواحد لفطوي وكلسها فيه وهوا كلس حداها ) سي فيتك شيفاه

هند:(رفعات حاجبها بستغراب ) وفين غنكون شفتو متالا

هيصر: هادي قبل 9 سنين

هند: كيفاش

هيصر:( وقف ورجع وقفها ) دابا غدخلي تاخدي دوش خفيف ومن بعدها نهضرو تمام

هند:(حركات راسها ب واخا) وحوايجي

هيصر:(جرها لدريسينغ ) هاهيا باليزتك (وشار ليها بيديه )

هند:(طلقات من يديه ومشات كلسات فلأرض حدا باليزتها ونعساتها وفتحاتها وبدات كتختار حتى وصلات لملابس الداخلية وهيا ترفع راسها ) ممكن تخرج

هيصر:(تقدم لعندها وكلس حداها) وعلاش

هند:(بخجل) كاين شي حاجة سميتها لخصوصيات

هيصر:(رفع حاجبو) وشنو هوما هاد لخصوصيات

هند: شي حاجة ديال لبنات

هيصر: نتي معيا مخاصش يكون عندك خصوصيات

هند: ( فنفسا ” واش هادا حمق ولا مالو سامح مرتو وبنتو وتابعني خايفني لنهرب ليه ثاني) عفاك خلني نجبد اش بغيت

هيصر:(شاف فلبالزة ورجع شاف فيها) ختاري لكحلين غيجيوك احسن (وميل راسو وباسها من خدها وقف ) لحمام غتلقايه فهاد لكلوار لباب لأول على يدك ليمنيا (وخرج من دريسنغ)

هند:(ساطت برتياح وهبطات راسها حتى وسعات عنيها ) ويلي وانا كنقول على إنا كحل كيهضر (هزات سليب براس صبعانها ) لحمار لاخور لمنحرف ولله لبستو (رضاتو فلباليزا وجبدات دوبياس فزرق ورجعات سداتها وقفات متاجها لحمام)

في مدينة فاس …. فواحد المكتب متوسط وكل جدرانو بلون الابيض واتاتو بلون الأسود ….. كان كيتوسطو مكتب خشبي لي كانت كالسة فجنبو جيهان وهيا كتلعب بلقلم على لمكتب …. حتى رفعات راسها منين سمعات صوت ديال لباب كيتحل وقفات منين شافت طبيب دخل

طبيب:(شار ليها بيديه) غير كلسي ابنتي

جيهان: (كلسات ) شكرا

طبيب:(كلس فمكانو) نتي حفيدة فطومة شافعي

جيهان: اه

طبيب: حمد لله لعملية نجحات ليها لعملية 100% فمعندك مناش تخافي

جيهان: (عضات على شفتها السفلية ) ماشي على هادشي بغيت نشوفك

طبيب:(بستغراب ) واش كين شي موشكيل أبنتي

جيهان: (ضغطات على لقلام بيديها) بغيت نعرف شكون تكلف بمصاريف ديال لعملية

طبيب: (شبك أصابع يديه مع بعض) وعلاش بغتي تعرفيه أبنتي لحمد لله جداتك دارت لعملية فمعندك لاش تعرفيه

جيهان:(من فوق خاطرها هضرات) بغيت نشكرو على لخير لي دار معنا

طبيب: ولاكين هوا مباغيش يتعرف

جيهان: معندك متخصر إلا قلتلي إسمو انا فقط بغيت نشكرو حيت دار معنا خير كبير

طبيب: (ماليها براسو ) واخا (وفتح واحد لميلف عندو تما) نزار المنصوي

جيهان: ممكن لعنوان ديالو أو رقم ديال تيليفون

طبيب: معنديش ابنتي لعنوان اما نمرة فاعندي (وقف ) صبري نجيب لملف ديال لأب ديالو

جيهان : واخا

الطبيب :(تقدم لجيهت واحد رف فيه لعديد من الملفات وهز واحد الملف ورجع كلس فمكانو) سجلي

جيهان:(جبدات تليفونها) اكي

الطبيب : ** ** ** ** 06 صافي

جيهان:(وقفات) شكرا دكتور

الطبيب: العفو ابنتي

مالت ليه براسها وخرجات من لمكتب وتمشات لغرفة ديال جداتها وقفات حدا لباب ودوزات لخط لنزار حتى قرنات حواجبها منين لقاتو مشغول وهيا تقطع بنرفزة ودخلات لبيت لعند جداتها لي كانت مزالتها ناعسة وكلسات حداها

في مدينة الدار البيضاء ….. عند هيصر لي كان متكي على ناموسية وهوا كيخربق فتليفون …. حتى هز راسو منين سمع صوت لباب ديال لحمام تحل شي لخلاه يوقف من مكانو ويمشي قاصد لحمام …. تقدم لعندها وهوا كيستنشق عطرها لي كسر لغرفة و كيتفقدها بعنيه من بعيد وكيسرح عنيه فجمالها الطبعي … فخدودها ونيفها لحمرين وشفايفها الزهرين وشعرها لفازك لي كيقطر على وجها ورقبتها طويلة البيضاء متل الحليب لي مكرهش يدفن وجهو من بين تناياه

هيصر: (سرط ريقو وبهدوء هضر) علاش منشفتيش شعرك

هند:( هزات كتافها بلا مبالاة) ملقيتش سيشوار

هيصر:(زاد تقدم لعندها وشدها من يديها وجرها لواحد لفطوي) كلسي هنا شويا وانا جاي

هند:(مالت ليه براسها ) وخا

اما هيصر فدخل لحمام وحل واحد لمجر وجبد منو سيشوار ورجع سدو وخرج لعندها وبرونشاه فضوء وقف من وراها كينشف ليها شعرها بشويا

هند:(وسعات عنيها بصدمة ومدات يديها باش تحيدولو) صافي غنشفور راسي

هيصر:(طلع يديه لفوق ) رصاي (وكمل شغلو بتركيز حتى سالا وحنا باس ليها راسها) بصحة

هند:(وقفات) شكرا دابا ممكن تعودلي حيت راسي ضرني ولفضول كياكل فيا

هيصر:(حط يديه على كتافها وجرها لعندو) وخا ألفضولية ديالي (وتقدم بيها لبيت وكلسها على ناموسية وهوا كلس حداها وشد ليها فيدها بجوج وشاف فيها ) منين بغتي نبداليك

هند : من لأول

هيصر:(ماليها براسو وهز يديها بجوج وباسهم ليها وطلع كلس حداها وجرها لعندو معنقها وحط ليها راسها على صدرو … حتى بغات تبعد منو وهوا يحمر فيها) خليك هاكا

هند:(سرطات ريقها وبخجل هضرات) انا ممرتحاش هكا

هيصر:(زاد زيرها لعندو كتر) وانا مرتاح

هند : وا…

هيصر:(قطعها) سكتي شويا باش نهضر ولا ندير بناقص

هند:(حركات راسها ب لا ) لا صافي هاني ساكتة( وحطات يديها على فمها )

هيصر:(حيد ليها يديها من على فمها وداها لفمو وباسها وبقا كيلعب بأصابعها ) لقصة بدات هادي 9 سنين لي كنت حياتي من بين لموت حتى لواحد نهار ( وبدا كيعاود ليها من A حتى Z وهوا كيطل عليها وكيشوف معالم الصدمة لي مرسومة على وجها وفينما كتبغي تهضر كيحط صبعو على شفايفو حتى كتسكت وكترجع غير كتسمع ليه حتى سالا هضرتو عاد رفعات راسها كتشوف فيه)

هند:( بعدم تصديق هضرات) دابا نت هوا لأمير نائم لي عطاني لعقد

هيصر: (هز يديه كيبعد ليها شعرها من على وجها وهوا كيحرك راسو ب أه ) اه

هند: وبقتي 9 سنين ونت كتقلب عليا

هيصر: سي

هند:( بإبتسامة ) فخبارك مزال لأن ممتيقاش أنك نت هوا نفسو لي عطاني لعقد (بعد عليها شويا ورفع تيشوط ديالو حتى خرجات عنيها فيه وضورات راسها ) واش حماقتي علاش كتزول فحوايجك

هيصر:(عطها بظهرو) ضوري باش تتأكدي

هند:(عضات على شفايفها وضارت كترمش حتى وسعات عنيها ) نفس لوشم اه هوا انا مزال عاقلا عليه مزيان وكنت كنشوفة فلأحامي

هيصر:(ضار لعندها وهوا رافع حاجبو وبشبح إبتسامة هضر) كنتي كتشوفيني فأحلامك

هند:(حركات راسها ب اه وبخجل هضرات) اه

هيصر:(شد ليها وجها من بين يديه ) وانا كنت كنحلم بيك فايق اما نعاس مبقاش كيجني حيت تعوت ناخد لمخدير ديالي منك ومن عبق عطرك لي كان كيتغلل فأعماقي وكيريح انفاسي

هند:(هبطات راسها وعضات على شفتها السفلية ) واش حتى لهاد درجة كنت عزيزة عليك (هزات راسها وشافت فيه وبحزن هضرات) سمحليا حيت مقدرتش نحافظ على لهديا لي كنتي عطتني

هيصر:(باسها من راسها وقف متاجه لواحد لكوافوز وحل لمجر وجبد منو علبة مربعة زرقاء وتقدم لعندها وكلس حداها ومدهاليها) حليها

هند:(شداتها من عندو بستغراب) شنو فيها

هيصر: شوفي بنفسك

هند:( مالت ليه براسها وفتحاتها بفضول حتى وسعات عنيها ) لعقد ديالي (شافت فيه وبتسائل هضرات ) فين لقتيها واش فلغابة

هيصر:(حرك راسو ب لا ) كانت عند سيا

هند: (بستغراب ) عند سيا

هيصر: لممرضة لقاتها عندها فقبضة يديها

هند:(حركات راسها ب اه) كيف بقات هيا بعدا

هيصر: مزال مافقت

هند:(بحزن) مسكينة لله يشافيها متستهلش لي وقع ليها ولي عاشتو معا دوك لمراض نفسين وسفا حا (سالت دمعة من عنيها منين تدكرات لمشاهد لي شافت وعضات على شفتها السفلية ) تعدبات بزاف وقصات فداك لمكان لي كان بحال لجحيم

هيصر: (مسح دموعها لي على خدودها وبتسائل هضر ) ونتي شنو كنتي كدري تما

هند: داك شيطان هوا لي داني

هيصر:(ضيق عنيه ) وعلاش

هند: (سرطات ريقها ) حيت حيت كنت ضربت

هيصر: داك زا*** ياكي

هند: (حنات راسها وهيا مغمضا على عنيها) أه

هيصر: (هز ليها راسها ومن بين سنانو هضر) شنو دارليك

هند: (عضات على شفتها السفلية وهيا حابسا دموعها) والو

هيصر: شنو دارليك

هند:(حطات لعلبة على ناموسية وقفات وعطاتو بظهر ومسحات دمعة لي خدلاتها وهبطات ) مدار والو غير بغيت نهرب وملقيت غير سلا ح حدايا وضربتو ساعة لقيت راسي فحبس اسوء من لأول

هيصر:(وقف وشدها من يديها وضورها لعندو) علاش كتكدبي

هند: مكنكدبش

هيصر: تقدري تكدبي على كولشي ولاكين انا لا حيت كنقدر نقرا عنيك بوضوح بحال شي كتاب مفتوح (عض على شفتو وقرن حواجبو) علاش كتغطي عليه

هند: (نترات يديها وبنرفزة وهضرات) انا مكنغطي على حتى واحد انا فقط مكنبغيش نهضر فلموضوع حيت طيضرني بزاف فقلبي (ومشات كتجري ودخلات لحمام وسدات عليها لباب من لداخل وحطات ضهرها على لباب كتبكي)

هيصر: ( ضرب رجليه معا لكوافوز ومشا تابعها وبدا كيدق فلباب ) هند حلي

هند:( بصوت باكي ) عفاك بغيت نبقى بوحدي

هيصر:(بعصبية) غتحلي ولا غنفرع *** **** هاد لباب

هند:(كلسات فلأرض ) واش مكتفهمش بغيت نبقى بوحدي هءهءهء

هيصر: (مسح على شعرو بعصبية وضرب رجليه مع لباب) هند شنو دارليك

هند:(سدات ودنيها) هءهءهء عفاك سكت هءهءهء

هيصر: يغتحلي هاد **** ولا غنزدح **** ***** بجوج مع لحيط فمتلعبيش على اعصابي وفتحي هاد *****

هند: (وقفات وحلات لباب حتى تفرعات عليها ودخل كيف لعجاجة لي كيف شافتو حطات راسها على صدرو وعطات لعنان لدموعها) هءهءهء مبغيتش نتفكر هءهءهء بغيت نسا هءهءهء عفاك متسولنيش هءهءهء عفاك هءهءهء قلبي كيضرني بزاف هءهءهء عفاك متسولنيش هءهءهء عفاك هءهءهء عفاك هءهءهء هءهءهء

هيصر:(غمض عينه بعنف وهوا مزير عليها ودمو كيغلي وراسو كايبني ويهدم فشنو دار ليها …. حتى همس حدا ودنيها وبتوعد هضر) وحياتك وحياة كل دمعة هبطات من عنيك بسباب داك **** حتى نبكيهم ليه د م (باس ليها راسها ) كنقسم ليك غنخليه يتمنا لمو ت وميلقهاش كنواعد مو تو غيكون على يدي كنقسم ليك

هند: (حركات رسها ب لا) هءهءهء لا عفاك مديرهاش هءهءهء هءهءهء شنو مكان كيبقى ولد عمك هءهءهء

هيصر: (شد ليها وجها من بين يديه وحط جبهتو على جبهتها) مكيهمني حتى ****** من غيرك ومستعد نحرق ليابس ولخضر على قبلك واي واحد كان سباب فدمعة من عنيك مغيطلعش صباح عليه شكون مكان مكيهمش

هند:(غمضات عنيها ) بغيت غير نرتاح مبغيت حتى حاجة بغيت غير نعيش حياتي كيف كانت فلأول مافيها لاحرب ولاسلا ح ولاد م بغيب نحط راسي على لوسادة ونعس بدون منفكر فشنو غيوقع غدا

هيصر: وانا كنواعد غنسيك فكولشي وغنخليك اميرة فهاد لقصر

هند: (حركات رسها ب لا ) انا بغيت نرجع لدارنا لعند بابا وماما بغيت ناخد رضات بابا وبغيت نبوسليه يديه وراسو بغيت نقوليه انا مدرت والو واني مزالا كيف تولدت

هيصر: (جرها لعدو وخرجها من لحمام وداها لبيت ونعسها على ناموسية وغطاها مزيان وتخشا حداها وهز ليها راسها وحطها على يديه ) نعسي دابا حتى لصباح ونكملو هضرتنا

هند:(حركات راسها ب وخا) ونت

هيصر: (زاد جرها لعندو حتى وسعات عنيها ) انا غنبقى حداك

هند: (جرات يديها وبغات تدفعو) ويلي حشومة وأصلن حرام تنعس حديا

هيصر: (غرس راسو فوسط خصلات شعرها وبصوت منخفض لي بورشها هضر) لحرام هوا تحرمني منك ولحرام هوا بعدك عليا لي كيقتلني (شافها غتهضر وهوا يقطعها) شششش متفكري فحتى حاجة غمضي عنيك وحاولي تنعسي (وباس ليها راسها وبقى كيمسح على شعرها وهوا كيستنشق فلمخدر ديالو حتى غمض عينيه بستسلام )

في مدينة فاس ….. فواحد لحديقة متوسطة وكانت كتوسطها مسبح صغير وفجنبو كانت واحد لكليسا ديال لخشب … كانت كاسة واحد امرأة تكون في الأربعينيات وحدها واحد شاب يكون في العشرينات …. لب كانو كيرشفو من كوؤسهم ديال لقهوة وهما كيتبادلو أطراف الحديث

نعيمة: واش مضمون هادشي لي غادير

وليد: غير تيقي فيا اماما غنتهناو منها بدون منوسخو يدينا فيها انا عارف راسي اش كاندير

نعيمة:(حركات رسها ب وخا) وانا تايقة فيك اولدي حيت راك تربيتي وعجينة يديا ولاكين خاصها تمو ت قبل ميلقاها داك شارف

وليد: (شد ليها فيدها ) كيف لقيتها انا فغنتهنا منها بنفسي غير كوني على خاطرك

نعيمة:(بإبتسامة كبيرة) لله يرضى عليك اولدي حمد لله لي مطلعتيش كتشبه لداك وجه لويل ديال باك

وليد: لله يرحمو ماما راه مات فبلما تبقاي تجبديه

نعيمة: هاداك مديزاش فيه رحمة انا بغتو يتحرق فلقبر قبل لأخيرة

وليد: صافي غير متعصبيش ويطلع ليك ضغط ثاني

نعيمة: ماحد بنت ديك خرابة لبيوت مزالتها عايشة فمتقوليش متعصبيش مها فرقاتني على راجلي وبنتها بغا تاخد حقك لي دمرتي عليه ولله لكانت ليها ورث عائلة الوافي من حقك غير نت بوحدك نت هوا والي لعهد ونت لي غتاخد بلاصت جدك

وليد: (تبسم بخبت) وهادشي لي غيكون فغير كوني هانها (وقف ) غنمشي نعس غدا عندي جتماع مهم

نعيمة:(وقفات حتى هيا) حتى انا أولدي غنمشي نعس نرتاح بعدا شويا (عنقاتو ودخلو لفيلا )

في مدينة الدار البيضاء….. عند هند لي عيات تقلب على نعاس حلف ليزورها وعقلها خدام كيحاول يستوعب صدمات ديال ليوم حتى حسات بمصارنها كيغوتو بجوع …. رفعات راسها بشويا وهيا عاضة على لسانها حتى باليها ناعس …. ضارت غير بشويا حتى تململ ورفع يديه لي كانت على شعرها وحطها على خصرها وزاد جرها لعدو …. سرطات ريقها وهزات يديه غير بشويا وهيا كتشوف فوجهو وبقات كتسلت بشويا جرات وحد لوسادة وحطات يده عليها …. ونزلات من على ناموسية حتى لمحات لعلبة لي فيها لعقد هزاتو وحلاتو وركبات لعقد فعنقها وحطات لعلبة من فوق لكوافوز ….. عاد تقدمات لجيهت لباب وهيا كتمشا غير على راس ديال صبعانها غير وصلات ليه ضرت كتشوف فيه ورجعات كتشوف فلباب ومدات يدها لبواني وضوراتو غير بشويا وجرات لباب لعندها وضرات ثاني كتشوف فيه عاد خرجات ورجعات سدات لباب من وراها …. عاد تنفسات صعداء ورفعات راسها كتدكر طريق ديال سانسور حتى تقدمات فواحد لكولوار واسع وهيا كتشوف وكتكتاشف لمكان حتي وقفات حدا لباب ديال سانسور لي فتحاتو ودخلات وضغطات على زير رقم 1 وتسد لباب وهبط بيها حتى لطبقة الأرضية …. خرجات من سانسور وبقات كتمشا فكل أرجاء القصر وكتكتاشف لمكان وفنفس لوقت كتقلب على لمطبخ حتى تصادفات معا واحد لخادمة كانت دايزا من تما وتقدمات لعندها وبتسائل هضرات

هند: (بإبتسامة ) ممكن توريني فين جات لكوزينة

الخادمة:(حانيا راسها وبحترام هضرات) غير قولي لينا شنو بغتي وانا غنجيبو حتى لعندك ألالة

هند:(حركات راسها ب لا ) لا غير ورني فين جات

الخادمة: سمحليا الألة ولاكين ممنوع لسيدات لقصر يدخلو لمطبخ فقط أمرني وانا نفد

هند:(طلعات حاجبها بستغراب ) كيفاش ممنوع وشكون لي منعهوم

الخادمة: صاحب لقصر الالة

هند: (بنرفزة) قهرتني بهاد لالة سميتي هند نتي غير وريني فين جا اصلن انا ماشي من سيدات هاد لقصر انا غير بنت شعب

الخادمة: هادو هوما لقوانين الالة

هند: هنننند هننند افففف غرفتي شنو غنمشي نقلب عليها راسي

الخادمة: عطني اش بغتي وانا غنجيبوليك

هند: انا مكنحمل حتى حد يتسخر عليا محدي كنمشي على رجليا وكيعجبني ندير شغلي بيدي

الخادمة: وخا الالة تبعني انا غنديك ليها وعفاك الالة متقوليش لسيدي أنا لي خديتك

هند: (حركات رسها ب وخا) شكون بعدا هادا لي نتي مرعودة منو واش موريس

الخادمة: (حركات رسها ب لا) لا الالة سيدي هيصر هوا مول هاد لقصر اما سيدي موريس فعندو فيلا ديالو هوا لالة مرجانة

هند:(بستغراب ) وعلاش مرجانة مساكناش معاه

الخادمة:(بصوت منخفض) علما سمعت بيناتهم شي مشاكيل وشي صداع قديم

هند: (بفضول) وشنو هوا هاد لموشكل

الخادمة: ولله معرفة الألة

هند:(بملل) واش مملتيش من هاد لالة راني اختي كيفك فعيطلي غير بإسمي

الخادمة: منقدرش الالة (ورفعات يديها كتشير بيه ) هاهيا لكوزينة الالة

هند:(بإبتسامة ) شكرا أختي اجي شنو سميتك

الخادمة: فضيلة

هند:(مدات ليها يديها ) متشرفين أختي

الخادمة:(مدات يديها بتردد) شرف ليا

بتسمات ليها وتاجهات لكوزينة لي كانت كبيرة بزاف وفيه لعديد من الطباخين والطبخات ولخدم ولمساعدين ديالهم ….لي كانو لابسين لباس موحد كأنك داخل لشي مطبخ ديال شي مطعم راقي بمتياز …. وكيف حطات رجليها فكوزينة كولشي حط داكشي لي كان كيدير وحناو رأسهم بحترام وهوما مستغربين من دخولها وهوما عارفين لقوانين …. حتى تمات جاية لعندها وحد لمرأة تكون في الأربعينيات وحنات أمامها بلباقة وتكلمات معها بحترام

رائيسة الخدم: واش محتاجة لشي حاجة مدام المالكي

هند:(حركات راسها ب اه) بغيت نصايب شي حاجة ناكلها

رائيسة الخدم: كان بإمكانك تاصلي بيا غير من غرفتك وتقوليلي شنو مشهيا ويوصل حتى لعندك

هند: لا اختي بلما نعدبكوم انا غنصارب غير ساندويتش لراسي

رائيسة الخدم: غير رجعي امدام لغرفة ديالك هاهوا شاف غيتكلف

هند:(تخطاتها ودخلات لكوزينة) علاش نعدبو راجل مسكين وهوا من صباح تلقاه قيال واقف على رجليه كيخدم (شاف فواحد لخدامة ) ختي فين هيا ثلاجة

الخادمة: (شارت ليها بيديها ) راها الألة

هند:(بإبتسامة ) شكرا (وتقدمات لثلاجة لي كانت باب كبير حلاتها وحلات فمها معها) يااااي هادا راه بيت ماشي تلاجة (دخلات وبقات كتقلب بعنيها وهزات داكشي لي بغات وخرجات وتجهات لبوطاجي وغسلات ماطيشة ولخس مزيان وحطاتهم يقطرو وشاف فلخادمة لي واقفة حداها) عفاك اختي عطيني موس وقطعة ولملحة وزيت زيتون ولباكيط إلا كان

الخادمة: (مالت ليه براسها ) حاضر الالة (ومشات بزربة جابت ليها داكشي لي طلبات )

هند:(بإبتسامة ) شكرا أختى(وباشرات فتقطاع مطيشا على شكل دوائر وهيا كتهضر معاهم) شنو مزال كديرو فهاد لوقت واش كطيبو لجنون

رائيسة الخدمة:(تقدمات وقفات حداها) كندرسو لأطباق لي غتكون فجميع الوجبات ديال يوم الغدا إنشاء لله

هند:(مالت ليها براسها ) مزيان وشنو تافقتو توجدو

رائيسة الخدمة: (شافت فطابليط) غيكون لفطور تركي ولغدا إسباني ولعشا مزال مقررناش شنو غديرو فيه

هند: ديروه مغربي متلا طيبو بسطيلة بلحوت وطاجين بلحم ولبرقوق ولمشماش معسلين ودجاج محمر بدغميرا وزيتون ولوز مقلي وتريد بدجاج لبلدي ولبيض مسلوق وراس لحانوت ولحلبة ولعدس ولمروزيا بلبصلة لمعسلة وزبيب وسفة بلقرفة وسكار كلاصي وفشلايض ديرو غير لبقولة وزعلوك ولفول بزيت لبلدية ولكاموم وفديسر ديرو سلاط فرويت وبريوات وصافي

رائيسة الخدمة:(كتكتب كل ماقترحات على طابليط ) اكي امدام غدا فلعشا كولشي لي طلبتي غيكون واجد

هند: مزيان (هزات ساندويتش ديالها وضارت خارجة) لله يعاونكوم وتصبحو على خير

وخرجات كتاكل وهيا كتقلب على منين دوز حتى وقفات منين سمعات صوت ديال لبكي ضيقات عنيها وهيا عاطيا ودنيها كتسمع وكتحاول تعرف مصدر الصوت حتى تقدمات وهيا كتقلب بعنيها حتى بانت ليها سارة كالسة فلأرض وتانية رجليها وجامعاهم بيديها وخاشيا راسها وسطهم …. تقدمات لعندها وكلسات حداها ومسحات ليها على شعرها

هند: (بستغراب ) سارة علاش كتبكي واش ضربك شي حد

سارة:(هزات راسها وشافت فيها بوجها حمر ودموع على خدودها وشفايفها كيرجفو وهضرات معها بصوت باكي) ماما هءهءهء مبغاتش هءهءهء تدني هءهءهء غدا هءهءهء لمدينة الملاهي

هند: وعلى هادشي كتبكي

سارة:(حركات راسها ب اه) هيا هءهء ديمان هءهءهء مشغولة هءهءهء وعندها لخدمة هءهء

هند:(هزاتها وحطاتها على رجليها ومسحات ليها دموعها) ماماك كتخدم على قبلك باش توفر ليك داكشي لي بغتي متلا مدينة الملاهي كتلعبي بلفوس ياكي (حركات رسها ب أه ) وإوا شفتي كون ماكنش خدامة منين غتجيبهم

سارة:(كتشهق) اه ولاكين هيا هءهء ديمن عندها لخدما هءهءهء مكنسافروش هءهءهء ومكنمشيوش لعند بابي نزوروه هءهءهء

هند: شششش صافي غدا إنشاء الله نمشيو

سارة:( بفرح) واش بصح

هند: اه بصح غنشوف كيف ندير نقنع داك لمصعور ديال باك حيت هداك ماشي ديال لحوار

سارة:(عنقاتها) شكرا شكرا انا كنبغيك بزاف

هند: وحتى انا (هزاتها وقفاتها وقفات حتى هيا وعضات من سندويتشها ) دابا خاصك تنعسي حيت مشا لحال (شدات ليها فيديها وتمشاو متاجها لسانسور)

سارة: واخا

هند: فين كتنعسي بعدا

سارة: لفوق فبيت ماما

هند: وفين هيا ماماك

سارة: ناعسة

هند: خليتها حتى نعسات ونتي تسلتي بحالي ياكي هههه

سارة : هههه ومنين حتى نتي سلتي

هند: من داك لحمق لمصعور (فتحات باب ديال سانسور ودخلو ) فإنا طبقة كاين لبيت

سارة: ثاني ولاكين انا مبغيتش نعس بغيت نتفرج فديزني

هند: (بركات على زير رقم 2 ) لا دابا وقت نعاس وتفراج حتى لصباح

سارة: ( قلبات شفايفها ) ولاكين انا مافياش نعاس

هند: إلا تخشيتي فبلاصتك وغمتي عويناتك غيجيك نعاس

سارة: واخا ولاكن بشرط

هند: ههههه حتى نتي كتعرفي تشرطي إيه ألالة اش هوا شرطك

سارة: تنعسي حدايا ونبقاو كنهضرو حتى يجني نعاس

هند:(تحل باب ديال سانسور ) واخا (ضورات عنيها فلمكان ) فين غانعسو انا وياك

سارة:(شارت ليها لواحد لباب) داك لبيت خاوي

هند: واش متأكدا نمشيو ندخلو على شي حد بلغلاط

سارة: متأكدا

مالت ليها براسها وتقدمات لداك باب وحلاتو غير بشويا ودلات راسها كتأكد من لمكان عاد دخلات ودخلاتها حتى هيا وسدات لباب من وراها ومشات كلسات على ناموسية وعضات على ساندويش

هند:(كتمضغ ) اجي تنعسي حدايا

سارة:(طلعات لناموسية وتخشات بلاصتها وهند غطاتها) ونت مغاتنعسيش حدايا

هند: (وراتها سوندوتش) نكملو ونعس( مداتولها ) بغتي

سارة:(حركاتراسها ب لا ) مافياش جوع عاد شربت حليبي وكليت كيك بشكولا

هند: بصحتك(كملات ماكتها ومشات لحمام شللات فمها وشربات …. ومشات نعسات حداها ) مزال منعستي

سارة: ياك قلتلي غنهضرو بجوج

هند: ولاكين راه مشا لحال

سارة: عودلي شي قصة بحال ماما

هند: انا محافظة حتى قصة ولاكين ممكن نغنيليك

سارة : واخا

هند: غنغليك واحد لأغنية ديال رسوم متحركة كنت كنتفرج فيه بزاف ومزال لان كنتفرج فيه

سارة:(شدات على فمها كضحك ) هههه نتي مزال كتفري فرسوم

هند: كضحكي عليا لحسك (وهراتها من كرشها)

سارة: ههههه هههههه لا صافي (كترض نفسها) هههه ضحكت حيت نتي كبيرا ومزالا كتفرجي فرسوم

هند: وشكون قاليك رسوم كيتفرجو فيهم غير صغار

سارة: ماما حيت مكتبغيش تفرج معيا

هند: نعسي دابا انا غنغني ليك ونتي غمضي عنيك باش تنعسي

سارة:(مالت ليها براسها وغمضات عينيها ) هاني

بتسمات ليها وحنات باستها من راسها وهزات يدها كتمسح على شعرها وبدات كتغني ليها غير بشويا

🎼وبصوت رقيق
🎼حلمنا نهار حلمنا عمل
🎼نملك الخيار وخيارنا ألامل
🎼وتهدينا الحياة أضواء في أخر النفق
🎼تدعونا كي ننسى ألم عشناه
🎼نستسلم لكن لا مادمنا أحياء نرزق
🎼ما دام ألامل طريقا فسحنيا
🎼بيننا صديق لا يعرف الكلل
🎼مخلصا رقيق وإن قال فعل
🎼روميو هوا صديقي يحفظ عهد الأصدقاء
يعرف كيف يجابه الأيام
🎼روميو هوا صديقي علمنا معنى الوفاء علمنا ألا نخشى الألام
🎼روميو هوا صديقي يحفظ عهد الأصدقاء
يعرف كيف يجابه الأيام
🎼روميو هوا صديقي علمنا معنى الوفاء علمنا ألا نخشى الألام

حتى حبسات منين شافتها نعسات بتسمات وغطاتها مزيان وتخشات حداها وبقات كتلعب ليها فشعرها حتى بدا نعاس كيزورها وغمضات عنيها بستسلام

🍃🍃🍃🍃🍃🍃🍃🍃🍃🍃🍃🍃🍃🍃🍃

في مدينة فاس …… مع 5:00 ديال صباح امام بوابة ملهى ليلي خرجات جيهان وهيا كتلبس لافيسط ديالها …. وهيا كتمشى فإتجاه الشارع الرئسي باش تشد طاكسي …. بقات غادا فطريق لي كانت مظلما و وسماء لونها أزرق مايل لبياض ودنيا مغيما وريح كيسوط بارد وقطرات الندى كتصاقط من سماء وصمت رهيب لي كيتسمع منو فقط مرور بعد السيارات ….. فوحد لحدا كسر هاد صمت خطوات بعد الأقدام لي صوت صداهم كيتسمع من ورائها شي لي خلاها ضرو باش تتفقد لامر حتى كيضهر أمامها شخص واضع قناع أسود صوفي على وجهو …. شافت فيه بستغراب وضناتو غيكون شي شفار باغي يسرقها ساطت بملل وهيا مافيها ميتجادل معاه وهيا كتحس بتعب ولإرهاق وبغا غير فوقاش توصل لدار وتحط راسها على لوسادة وتنعس

رجعات ضارت باش تمشي بحالها بدون متكتارت ليه ساعة هوا كان ليه رأي أخر ….. حط يديه على كتفها وضورها لعندو حتى ضارت وهيا كتسوط

الشخص: فين هاربة أزين

جيهان:(ربعات يديها وبملل هضرات) من ثالي اش باغي

الشخص: (عض على شفتو ) ضاكوسطا كيسلم عليك

جيهان: ( سرطات ريقها ولخوف سكن قلبها وبهدوء هضرات) فلوسو دابا يوصلوه

الشخص: (حرك راسو ب لا) تو تو تو ضاكوسطا مبغاش لفلوس

جيهان:( قرنات حجبانها) واش بغا

الشخص:(خشا يديه من ورى ظهرو وجبد واحد لمو س كبير كيلمع ودوز عليه بطرف أصابيعو) ضاكوسطا بغا روحك لي من وراها غيربح الملايين ديال لفلوس

وهز لمو س باش يخشيه فكرشها حتى كيطيح ليه لمو س من بين يديه وهوا مخرج عنيه حتى كيطيح حدا رجليها ود م كيخرج من بين أظلاع ظهرو …. رفعات راسها بصدمة حتى كيبان ليها واحد داير كاسكيطا على راسو واقف امامها وهوا كيرد سلا حو لخصرو وتقدم لعندها وهوا كيتفقدها بعنيه

نزار: واش نتي بخير

↔قبل↔ كان خارج نزار من بار ومتاجه لطنوبيل ديالو باش يمشي لسبيطار لعند باه …. جبد سوارت من جيبو وحل لباب ….يالا غيدخل حتى نتابه لشي جوج واقين امامو واحد فيهم كيشير بعنيه لجيهت باب ديال لبار …. قوص حاجبو بريبا وضور راسو يشوف لايش شارليه حتى ضيق عنيه منين بانت ليه بنت خارجة من لبار وهيا كتلبس لافيسط ديالها ورجع كيشوف فهادوك لي واحد فيهم لبس قناع على وجهو ومشا تابعها ….. حل لباب ديال طنوبيل وحل واحد لمجر وجبد منو سلا ح وخشاه فحضنو وهز كاسكيطا من فوق لكورسي ولبسها ورجع سد لباب ومشا تابعو من لبعيد حتى وقف منين شافو وقفها ….ضور راسو كيقلب على شي بلاصة يتخبع فيها وفنفس لوقت يكون قريب منهوم باش يسمع لحديتهم ….حتى بانت ليه واحد طنوبيل قريبا ليهم …..مشا ليها غير بشويا وحنى مخبع من وراها وعطا ودنيه كيسمع لحديتهم وفنفس لوقت كيشوف فيهم من سرجم ديال طنوبيل

حتى قرن حجبانو منين شافو جبد لمضا وعوال يقتلها فديك لحدا وبدون تفكير جبد سلا حو من بين خصرو وقف من وراه وتيرا نيشان فوسط ظهرو↔الحاضر↔

نزار: واش نتي بخير

جيهان:(حركات راسها ب أه بطريقة هستيرية ) واش مات

نزار: (هبط على ركابيه وقاص فنبضو ورجع وقف) وي مات

جيهان:(خرجات عنيها فيه وغوتات اما وجهو) واش نت حمق علاش قتلتيه واش باغي تخرج عليا

نزار: (خشا يديه فجيبو وجبد تيليفونو كيكتب ميساج وفنفس لوقت كيهضر معها بهدوء) كون مقتلتوش كنتي نتي لي غتكوني دابا بلاصتو

جيهان: (حطات يديها على راسها ) لله يربي اش غندير دابا واش غنكمل حياتي كناكل فسيلون

نزار:(شاف فيها وهوا مطلع حاجبو ) ياك انا لي قتلتو نتي علاش خايفة

جيهان : بصح انا علاش خايفة (ضارت غادا بحالها) منشي نق***** لدارنا

نزار:(شدها من معصم يديها حتى ضارت) حياتك مزالا فخطار زيدي نوصلك

جيهان:(نترات يديها ) متوصلني منوصلك

نزار: راكي مراقبا

جيهان: اش دخلك نت وشكون لي قال حتى نت تكون معاهم وهاد لفيلم كامل من وراه شي منتيف

نزار: زيدي قدامي بلا كترات لهضرا

جيهان: (هبطات عنيها كتشوف فهداك لي ميت حداها) وهادا اش غدير فيه

نزار: غنديه لداري نكمل معاه سهرة

جيهان: شفتك قا تل بنادم ومبرد (بستهزاء) ولا راك متعود

نزار: (شدها من يديها وجرها متاجه بيها لجيهت طنوبيل ) وي ومن صباح لصباح كيعجبني نخرج نصيد فلبشار

جيهان: (عوجات فمها ) باينا فيك

نزار:(حل لباب ديال طنوبيل ) ركبي

جيهان:(نترات يديها وحطاتهم على خصرها وغمزاتو) نت كيفاش ركبي واش بعقلك

نزار: (هز كتافو) اكي بقاي هنا حتى يجيو صحاب لحال يجمعوك( وسد لباب ومشا لجيها لخرا وحل لباب وطلع )

جيهان: (هزات عنيها كتشوف فلمكان حتى قشعات واحد واقف بعيد وهوا كيسني ليها بلمراية سرطات ريقها وحلات لباب ديال طنوبيل وركبات حداه وبغرور هضرات ) بلاما تحس براسك ولا يسحابليك اني خايفة راه غير مباليش طاكسيات وانا خاصني نمشي دابا لدار

نزار: (ديمارا طنوبيل ) شكون هادو لي تابعنك

جيهان:(ضورات راسها لجيهت سرجم) ديها فسوق راسك

نزار: لسانك ماضي

جيهان: ولي قلب عليا كيلقاني

نزار: واش خدامة فلبار ولا نتي من هادوك

جيهان:(ضورات راسها لجيهتو وهيا مطلعا حجبانها) كيفاش من هادوك

نزار: (حرك راسو ب لا ) لا موحال ونتي دايرا كيف لعزري

جيهان : (خرجات عينها فيه ) لا نت اخويا كتقلب عيا راك معرفنيش راني بنت فاس جديد

نزار:(بتاسم بستفزاز ) وعلاش مخرجتيش عنيك فيه ونتي بقتي جامدا فبلاصتك ورجليك كيشطحو من لخوف وقلبك سمعت دقاتو من لبعيد

جيهان: (بعجرفة) انا كنخاف غير من لي خلقني وصافي

نزار:( حرك راسو ب أه ) اه باينا (هز تليفون ومدو ليها ) قيدي قيدي

جيهان:(خرجات عنيها فيه ) لا نت راك واقيلا فاهم غلاط ياكما كيحساب ليك *****

نزار: (بستفزاز) شكون داها فيك أعزري ديال ضوار ونتي مقرصة غير بوحدك قيدي لاديرسة ديال خربكت

تقرصات وخطفات ليه تليفون من بين يديه وقيدات غير إسم حومتهم ومداتو ليه وضارت وجها لجيهت سرجم وهيا مرضياش وحطات راسها على زاج وهيا كتفكر فشنو غدير فهاد لحريرة لي غرقات فيها …. ماهيا إلا دقائق حتى وقفات طنوبيل فراس درب حلات سمطة وحلات لباب ديال طنوبيل وخرجات بدون متشوف فيه …. أما نزار فابقا متبعها بعنيه وهز تليفون ودوز لخط

نزار: تبعها ومن بعد جيبلي جميع لمعلومات عليها(وقطع لخط وديمارا طونوبيل متاجه لسبيطار )

🌞 أصبحنا وأصبح الملك لله نهار جديدة وأحداث جداد …. عند هيصر لي كان ناعس وهوا معنق لوسادة حتى بدا كيفتح عنيه بنزعاج بسبب خيوط أشعة الشمس لي خترقات شقات ديال سرجم ….. هز يديه كيحك عنيه بإنزعاج حتى ضيقهوم منين شاف راسو معنق غير لوسادة ….وقف بزربا ولاح ديك لوسادة وبدا كينادي بإسمها وهوا كيقلب عليها فكل أركان الغرفة …. غير ملقهاش نفسو تقطعات ودقات قلبو رتفعات ومطاحت فبالو غير يكونو خداوها لي ثاني …. حتى خرج كيجري كيف لحمق وهوا كينادي بإسمها بأعلى صوت ….. هبط فدروج محبس حتى لصالة لي كانو مجموعين فيها كيتناولو وجبت الإفطار من غير ريم ورجوى لي مكاينينش ….. حتى رفعو رأسهم بستغراب وهوا غير كيقلب عليها بعنيه ومشا لعند موريس لي وقف وشاف فيه وبتسائل هضر

موريس: مالك اولدي

هيصر:(شنق عليه حتى كولشي شهق وقفو بزربا حداه) فين هيا فيد ديتوها ثاني

موريس: ( بعدم الفهم) علاش كتهضر

هيصر: هند فين هيا

موريس: ياك ديتيها معاك لبارح من تما مشفتها

سينمار :(حط يديه على كتفو) واش ملقتيهاش راه غتكون غير فلقصر

هيصر:(نتر من موريس وشاف فسيف لي جا فصباح بكري ) بغتك تشوفلي لكاميرات ديال لقصر دابا

مرجانة:(كانت جاية وهيا كتقلب بعنيها ) واش مبانش ليكم سارة

سينمار : هههه حتى هيا مجليا

مرجانة:(بستغراب ) علاش شكون لي تالف

سينمار : هن( حتى خرج عنيه منين شاف هيصر كيخنز فيه ) ولله حتى غير كنسا (شاف مرجانة ) مرات خويا

مرجانة: (حركات رسها ب أه ) غتكون غير هنا ولا خرجات لجردة

مشا هيصر وسيف لغرفة الكاميرات لي كيف دخل جر هاداك لي كان كالس تما وكلس فبلاصتو وسيف كاس حداه وبقاو كيشوفو فتسجيل ديال ليلة الأمس حتى بانت ليهم خارجة من بيت هيصر لي كيف شافها زادو دقات قلبو وبقا متبعها حتى رفع راسو منين سمع سيف

سيف: لقتها راها فطبقة الثانيا فوحد لبيت ديال ضياف مع سارة

كيف كمل سيف هضرتو وقف كيف لإعصار وخرج كيجري من لبيت ومشا كيجري متاجه لدروج لي طلع فيهم وهوا كينقز بجوج درجات حتى وصل لطبقة ثانيا ومشا نيشان لداك لبيت حل بابو بسرعة شي لي خلا هند وسارة يقفزو من بلايصهم وهما كيشفو فيه بحال عزرائل واقف على ريوسهم …. مشا لعندها وجرها لعدو معنقها بعنف حتى خنقها

هند:(كتحاول تبعد عليه) وازمر ولمصعور راك خانقني

هيصر:(بعدها من عليه غير شويا وحنى كيبوس فوجها بعشوائيا) واش بغا تقتلني عاد غتهناي

هند:(شافت فيه بصدمة ) بسم لله عليك واش ضربك حمار ليل

هيصر:(بعصبية) علاش نضتي من حدايا

هند: (حركات رسها ب لا) لا نت ولله حتى حمق وبلوراق واش شويا صافا

هيصر: هند بلما تجعري **** **** فهاد صباح وأخر مرة تنوضي من حدايا

هند: (بعدات منو) ياك أسيدي واش بعقلك كتهضر اش بيني وبينك اه عمك عتقني فصغري لله يكتر خيرو ودابا نشكرو ونت عتانتي بيا وكنت عزيزة عليك شكرا ولاكين باش تبقا تتحكم فيا وتفرض عليا اشياء مريضة فاحتى لهنا وحبس إلا كنتي موالف بنات ليل وعندك عقل أروبي وعندك عادي فأنا لا راها مرتك نعسها حداك هاهيا بنتك نعسها حداك انا بعدا ولله عمرفت ديك مرجانة كيفاش مزالا صابرا معاك كون كنت انا كون هزيت بنتي ومشيت لدار واليديا

هيصر:(مسح وجهو بنرفزة) صافي سالتي( شدها من يديها ) يالا لبيتنا ونهضرو

هند:( نترات يديها ) بيتي فدارنا اما انا هنا غير ضيفة جابرينها تبقا هنا

هيصر: (بصوت عالي) هاااااادييي هيااااا داااااارك ونتيييي غتبقاااااي هناااااااا معياااااا

سارة: (بصوت باكي وفيه نبرة خوف) ماما هءهءهء هءهءهء بغيت هءهءهء ماما هءهءهء هءهءهء بغيت هءهءهء ماما هءهءهء هءهءهء هءهءهء هءهءهء هءهءهء هءهءهء هءهءهء

هند:( مشات لعندها بزربة وعنقاها) شششش متخافيش غير كنهضرو

سارة: هءهءهء هوا كيغوت هءهءهء عليك هءهء هوا خايب هءهءهء كيغوت حتى ءهءهءه على ماما هءهءهء هءهءهء بغيت هءهءهء ماما

هند: شششش مكيغوتش (شافت فهيصر لي عنيه كيف جمرا وعروقو تنفخو … حتى سرطات ريقها بخوف من شكلو وهضرات معاه بصوت منخفض ) هيصر عفاك خرج راك كتخلع لبنت

هيصر:( فك قبطة يديه لي كان مكورها وشوفاتو تغيرو ودقات قلبو بداو كيضربو بعنف فوسط صدرو وتسلات إبتسامة صغيرة على وجهو ومشا لحداها وكلس وجرها لعندو حتى طلقات من سارة وبلهفة هضر ) عوديها

هند:(بخوف هضرات) شنو نعاود

هيصر: لي قلتيه دابا

هند: خرج راك كتخلع لبنت

هيصر:(حرك راسو ب لا ) لا قبل

هند: هيصر

هيصر:(عض على شفتو ) عوديها

هند: هيصر واش نت بخير

هيصر:(جرها لعدو معنقها ) محدك معيا فأنا بخير (بعد عليها شويا وشد ليها وجها من بين يديه وهوا كيشوف فعنيها) بغتك ديمان تقوليها بغيت نبقي نسمعها فكل دقيقة فكل ثانية واش مفهوم

هند:(غير حركات رسها ب أه مسايراه) واخا واخا واش ممكن تخرج راه بنتك كتبكي

هيصر:(طلع حاجبو وشاف فسارة ورجع شاف فيها ) بنتي (باسها من خدها ورجع كيشوف فيها وهوا غادي معها فلخط) بنتي انا هاهيا كلسا حدايا

هند: وراها خايفة حيت شافتك كتغوت

هيصر: حيت هيا كتعصبني حتى كتخرجني على برجي وكتخلي دمي يفور

هند:( بستغراب ) ولاكين هيا مسكينة مدارت والو نت لي داخل مدرم علينا حتى خلعتينا

هيصر: وهيا لي ناضت من بلاصتها وخلاتني كيف لحمق كنقلب عليها

هند: (شافت فسارة لي مكمشا ورجعات كتشوف فيه) هيا ناضت حيت حتى حد مبغا يديها لمدينة الملاهي

هيصر: وإلا ديتها مغتبقاش تنوض من بلاصتها وتخرج كتسلت فنصاصة ديال ليل

هند:(حركات راسها ب اه) غدير اي حاجة طلبتيها منها غير ديها مسكينة ليل كامل وهيا كتبكي

هيصر: بشرط

هند: شنو هوا شرطك

هيصر: عمرها تقولي نمشي بحالي ولا تبعد مني

هند: بلعس هيا غتكلس معاك حيت هادشي لي خاصو يكون مخصهاش تكبر بعيدا عليك هادا امر طبيعي

هيصر: يعني انا كلامي كلو صحيح

هند: اه وانا متافقة معاك

هيصر:(طلع حاجبو ) وعنداك تغيريه من بعد

هند:(حركات راسها ب لا ) لا مغاديش نغيرو

هيصر:(مد ليها يديه ) واعدني

هند:(شدات لي يديه) كنواعد ولله منغير رأي

هيصر:(شد ليها يديها لي فوسط يديها وباسها ليها ) دابا نشوف (وقف وجرها معاه حتى وقفات) دابا يالا معيا لبيتنا بغيت ندوش ونبدل حوايجي باش نهبطو نفطرو ونخرج بنتي لفين مبغات

هند:(حركات راسها ب أه بحماس وضارت كتشوف فسارة) نوضي غسلي وجهك ولبسي حوايجك وباش نمشيو لمدينة الملاهي

سارة:(بفرح) واش بصح

هند:(حركات رسها ب أه ) اه بصح يالا بزربة قبل ميغير هاد لمصعور رأيو

سارة: هانا غادا(وقفات ومشا كتجري ودخلات لحمام )

هيصر : مصعور

هند:(حركات راسها ب اه وبتأكيد هضرات) مصعور وحمق وميزاجي وعصبي

هيصر: (ضورها لعندو وشد ليها وجها وبهيام كيهضر) وكي….

حتى قطع كلامو لباب لي تحل من طرف مرجانة لي غير شافتها هند بعدات من هيصر بزربة وهيا كتسرط فريقها اما هيصر فخنزر فيها ….حتى تمات جاية لعندها وهيا راسمة إبتسامة على شفايفهامرجانة: صباح الخير

هند: صباح نور واش كتقلبي على سارة راها فلحمام

مرجانة: ( حركات رسها ب أه ) واخا ياكما صدعاتك بقواة لهضرة

هند:(حركات رسها ب لا) لا بلعس هضرتها حلوة لله يخليها ليكم

مرجانة: امين ( شافت فهيصر لي خاشي يديه فجيبو وهوا مخنزر غير بحدو ورجعات كتشوف فيها ) واش عاود ليك كولشي

هند: (حركات رسها ب أه ) اه عودلي سبحان لله دنيا صغيرة طلع صاحب خوة بنت خالتي وعمو هوا نفس لأشخاص لي عونوني فصغري وفتحولي باب دارهوم

مرجانة: حتى انا بغيت نطلب منك سماحة على داكشي لي درت ديك ساعة كنت مراهقة وكنفكر بقلبي قبل عقلي وبسبابي كسرت تيقة اكتر شخص عندي( وشافت فهيصر) وكسرت ليه حتى قلبو لي شداياه جرحني مكنتش قاصدة اني نأديه كانت كنضن اني لادرت هاكا غيرجع ليا ولاكين طلع لعكس عاد مزاد بعد عليا

هيصر: (عض على شفتو وقرن حواجبو ومشا لعند هند وشدها من يديها وجرها ) يالا نمشو

هند:(خرجات عنيها فيه بصدمة ونترات يديها وبهمس هضرات ) اولي مراتك واش حمق

رجع شدها من يديها وجرها مخرجها من لبيت وهيا كتغوت وكتحاول تفك من قبطة يديه حتى وصلو لسانسو دخلها وعاد دخل وبرك على زير رقم 4 حتى تسد لباب وتنترات من يديه وبنرفزة هضرات

هند: شهاد تصرف درتي قدامها واش بعقلك راها مرتك ونت بهاد طريقة كطيح منها وكتحرجني امامها إلا كنتو مخاصمين وبيناتكوم لمشاكيل حلوهم معا بعضكم بلما تدخلني فيهم

حتى تحل لباب ديال سانسور وشدها من يديها وجرها مخرجها حتى وصل لبيتو حل لباب ودخلها ودخل من رها ومشا لواحد لوحة إلكترونية وسد لباب بصمة يديه باش متحلهاش وضار كيشفو فيها وهوا مضيق عنيه فيها وكيتقدم لعندها ….اما هيا فبقات كتسرط فريقها وكترجع بلور حتى تزدحات مع لحيط ورفعات راسها كتشوف فيه منين قرب منها بغات تهرب ساعة لقاتو محاصرها بيديه رفعات راسها وبصوت منخفض هضرات

هند: ممكن تبعد

هيصر:(طلع حاجبو ) ياك قلتي امر طبيعي نكون قريب ليك ولا دغيا نسيتي

هند:(خرجات عنيها فيه ) انا فين عمري قلتها

هيصر: (حط جبهتو على جبهتها)بلعس هيا غتكلس معاك حيت هادشي لي خاصو يكون مخصهاش تكبر بعيدا عليك هادا امر طبيعي ياك هادا كلامك اولا

هند: (حركات رسها ب أه ) اه مي انا كنت كنهضر على بنتك

هيصر: إوا متبقايش تقوليلي بعد مني ابنتي

هند: (طلعات حاجبها) بنتك

هيصر:( حرك راسو ب أه ) وي بنتي (وحط نيفو على حنكها كيحكو غير بشويا وهوا كيستنشق عطر جلدها ) انا عندي بنت وحدا هيا نتي

هند:(كتحاول تبعد وجها) وسارة

هيصر:(طلع راسو وحرك راسو ب لا ) هيا بنتها

هند:(بعدم فهم) كيفاش واش منين تزوجتو كانت ديجا عندها بنت

هيصر: (غمض عنيه وبنرفزا هضر) مرجانة بنت لمرة لي ولداتني

هند:(وسعات عنيها بصدمة ) مرجانة ختك (ضربات راسها بغباء) وانا لي ضنيتها مرتك (صغرات عنيها بتفكير) عاد فهمت علاش كانت كطلب مني نسامحها حيت هيا لي رجعاتني مسكينة

هيصر:(بعد عليها شويا وباسها من خدها ) انا غندخل ندوش بزربا ( وقرصها من لأرنوبة ديال نيفها ومشا متاجه لحمام وهيا مشات كلسات على لكورسي قبالت سرجم كتفرج وكضحك على راسها )

في مدينة فاس ….. فواحد لمحال ديال إصلاحات ديال الدرجات النارية ….. كان كاس واحد راجل كبير فلعمر يكون في الأربعينيات كيشرب أتاي وحداه واقف حداه واحد شاب لي كان حاني راسو وهوا كيهضر بدون ميرفعو

شاب: معرفناهش شكون ألمعلم

داكوسطا: ( جغم من كاسو ورفع حاجبو) شنو زعما هادوك بوليس

شاب: لا مكندنش هادو شي حاجة غتكون كبيرة وباين عليهم كارد عند هاداك لي داها معاه هوما لي هزوه

داكوسطا:(حركات رسها ب أه ) اممم إدان قلبلي على شكون هادا لي دخل نيفو في مالا ياعنيه

شاب: وخا ألمعلم

داكوسطا: دابا سير شوف شغلك وليلا بغيت نسمع خبر مو تها

شاب : وخا ألمعلم (وخرج من لمحال )

داكوسطا:(حط كاسو وهز تيليفونو من فوق طابلة ودوز لخط ) ختك طلعات قطة بسبع رواح

وليد: (كان فلمكتب ديالو….. بعصبية) واش بنت ومقديتوش عليها

داكوسطا: واحد عتقها فأخر لحضة

وليد:(بنرفزة) عندك 24 ساعة ولا ضواصيك كاملين يوصلو لبوليس(وقطع عليه)

🍃🍃🍃🍃🍃🍃🍃🍃🍃🍃🍃🍃🍃🍃🍃

في مدينة الدار البيضاء ….. عند هند وهيصر لي كيف خرج من دوش دخلات هند من وراه خدات دوش خفيف بدون متقيس شعرها ولبسات حوايجها لي كانت عبارة عن سروال ديال دجينز فزرق وتيشورط قصير وكيف سالات خرجات وبقات كتقلب عليه غير بعنيها حتى باليها واقف فلبالكون وهوا وعاطيها بظهرو وكيهضر فتليفون حتى قطع وضار خارج لعندها وهوا كيطلها ويهبطها بعنيه حتى خنزر فيها

هيصر: من نيتك عوالا تخرجي هاكا

هند: (حركات رسها ب أه ) اه علاش خايبين

هيصر: هادشي مقزب ومزير وعريان

هند: حرك راسو ب لا ) لا بلعس مستورين

هيصر:(قرصها من دراعها) وهادو عوالا تخرجي بيهم عريانين

هند:(ببرائة هزات كتافها ) صهد برا

هيصر:(شدها من يديها ودخلها لدريسنغ) صهد غير على دراعك (وجر باليزتها وفتحها وبدا كيقلب من بين حوايجها حتى جبد ليها كسوة زرقاء طويلة بلكمام) لبسي هادو وجمعي شعرك وغطيه ومترشيش من عطرك حيت غنمشيو لمكان عام

هند: (لاحت ديك لكسوة وبنرفرة هضرات) ماشي عيقتي شفتك كتصرف كأنك كاتب عليا

هيصر:(شد لباليزة وتخطاها ) عند ربع ساعة ولا غتبقاي فهاد لبيت مكاين لاخروج برات لقصر ولا تهبطي لتحت (وخرج من دريسنغ)

هند: افففف (حنات هزاتها) غندير هادشي غير على قبل لبنت لي واعدتها (ودخلات لحمام وسدات عليها وبدات كتلبس وهيا كتنكر غير بوحدها غير سالات جمعات شعرها لفوق وخرجات متاجها لبيت وهيا منفخة ومرضياش …. اما هيصر فكان كالس كيلبس فصباطو لي كيف سمع صوت لباب طلع راسو وكيف شافها حرك راسو برضى وهزا شال ومدو ليها

هيصر: غطي شعرك

هند:(قلبات شفايفها ) كيخنقني

هيصر: متزيريهش على عنقك مغيخنقكش

هند: ولاكين كاين صهد

هيصر:(وقف وتقدم لعندها وبدا كيلبسو ليها) ومنين كتلقي شعرك مكيصهدكش

هند: وعلاش هادشي كامل

هيصر: شعرك ديالي غير انا بحدي لي من حقي نشوفو ونقيصو وريحتك من حقي غير أنا لي نشمها ولحمك من حقي غير انا

هند:(بصدمة) ها

هيصر:(شدها من يديها وجرها ) يالا دابا تفطري
(خروجو من بيت متاجهين لسانسور باش يهبط لطبقة الأرضية )

🍃🍃🍃🍃🍃🍃🍃🍃🍃🍃🍃🍃🍃🍃🍃

في مدينة فاس …. عند جيهان لي كانت كتسد لباب ديال دار باش تمشي لعند جداتها …. بعدما نعسات شويا وخا بالها بقا مشغول مع داكشي لي وقع ليها …. خشات سوارت فجيبها وجبدات تيليفونها ودوزات لخط ماهيا إلا دقائق حتى جوابها

نزار:(كان واقف حدا طنوبيل ديالو) الو

جيهان:(حنحنات وبهدوء هضرات) سلام خويا انا بغيت نشوفك ضارور باش نرض ليك شي حاجة ديالتك

نزار: (بستغراب ) شكون نتي بعدا أختي

جيهان: نتشاوفو ليوما ف****** معا 23:00 وديك ساعة غتعرفي شكون

نزار: اكي

قطع وشاف فنمرة بستغراب ورجع خشاه فجيبو وركب فطنوبيل وديمارا متاجه لوجها ديالتو …. اما جيهان فمشات لشارع الرئيسي وبقات واقفة تما كتحاول تشد طاكسي حتى وقف واحد طلعات فيه وديمارا بعدما عطاتو لعنوان ديال سبيطار

في مدينة الدار البيضاء …. كانو مجموعين على طاولة الإفطار حتى دخلات سارة كتجري وإبتسامة كبيرا مرسومة على وجها ومرجانة من وراها ….. ومشات متاجها لعند هند وقفات حداها

سارة: هاني لبسة حوايجي فوقاش غنمشيو

مرجانة: سارة سيري تكلسي خلي خالتك تفطر

سارة: انا بغيت نكلس حداها حيت غتدني لمدينة الملاهي ياكي

هند:(جرات لكورسي لي حداها) اجي كلسي حدايا باش نفطرو ونخرجو

هيصر: (من بين سنانو ) هند

هند:(ضارت لعندو) شنو

هيصر: فطري

حركات رسها ب واخا وكلسات كتكمل فطورها وهيا كتجمع معا سارة وهيصر كيصوط غير بوحدو وسيف وسينمار كيتغامزو عليه وكيضحكو حتى سالاو وقفات هند وسارة وشاف فهيصر

هند: سالينا يالا نمشيو

سارة: اه ساليت حتى انا

مسح فمو وقف بهدوء وشد فيد هند وهيا شدات فسارة وجرهوم مخرجهوم بدون ميتكلم حتى شاف فيهم موريس بستغراب

موريس: فين داي لبنات

مرجانة:(بإبتسامة ) سارة بغات تمشي لمدينة الملاهي وهند قالتها لهيصر باش يديهم

سيف: ههههه دابا لي بغا شي حاجة منو يمشي لعندها

سينمار: ههههه لله يعز حكام لعيالات

موريس: (بإبتسامة ) حمد لله لي رجع كيف لأول ولينا كنشوفوه وكيتشارك معنا لاكل

رجوى:(حنحنات ) واش ممكن شي وحد يشرح ليا شنو واقع

مرجانة:عمي موريس هوا نفس شخص لي كان نقدها منين كانت صغيرة

ريم:(شافت فموريس بتفاجئ) نت هوا لأمير نائم لي عطاها لقلادة

موريس : (حرك راسو ب لا ) ماشي انا هيصر

رجوى: دابا هيصر هوا لي عطها لقيلادة (وهيا ضيق عنيها بتدكر وبهمس هضرات) وانا نفهم (ورجعات كتشوف فيه ) واش قلتوها لهند

مرجانة: هيصر عود ليها كولشي

ريم: (بتسائل) كيفاش قدرتو تعرفتو عليها وهيا فديك لوقت كانت مزالا صغيرة

سينمار: بلقلادة لي كان عطاها

مرجانة:( شافت فساعتها وقفات) انا خصني نمشي دابا

سينمار:(وقف حتى هوا) حتى انا غنخرج (شاف فمرجانة) ممكن نوصلك أختي فطريقي

مرجانة: اكي شكرا

خرجو سينمار ومرجانة وموريس طلع لبيتو و اريد وقف باش يخرج حتى ضار منين سمع ريم كتنادي بإسم

ريم:(وقفات وبخجل هضرات) ممكن نهضر معاك

ماليها براسو وكمل على طريقو وهيا مشات تابعاه

عند رجوى لي حتى هيا وقفات باش تمشي حتى شدها سيف من يديها وجرها لعندو

سيف: رجوى بغيت نهضر معاك

رجوى: (نترات يديها ) معندنا فاش نهضرو اخويا

سيف:(طلع حاجبو) خوك من فوقاش وليت خوك

رجوى: (بسهزاء) نهار لي رجعتني ختك

سيف: (عض على شفتو ) مكنتش كنعنيها كنت بغيت غير نبعدك مني كنت بغيتك تكرهني باش تنسايني

رجوى: وراك نجحتي (وضارت باش تمشي حتى رجع شدها ثاني وشافت فيه بعصبية) شنو باغي مني ثاني ولا ياكما نستي شي حاجة خرى مسمعتيهاليش

سيف: كنقسم ليك ارجوى اني مكنت كانعني حتى كلمة

رجوى:(نترات يديها ) مكيهميش اسيف هاد لهضرة مبقات كتعني ليا حتى حاجة صافي عرفت لي بغيت نعرف وشفت داكشي لي بغيت نشوف

سيف: (بستغراب ) شنو شفتي

رجوى: (بستهزاء ) شفتك شحال مكتسواش شفتك كيفاش طلعتي حيوان شفت لقرف ديالك شفت لحاجة لي قتلاتني كتر من لهضرة لي خرجتي من فمك شفت خيانتك لحبي ليك

سيف: على إنا خيانة كتهضري

رجوى: بغيت غينعرف شنو بغتي مني نبعد عليك هاني مبعدا شنو باغي شنو

سيف:(شدها من كتافها وجرها لعندو) باغيك نتي باغيك تعطني فرصة نبرر ليك سبب لي خلاني نسمح فيك ونهاجر لبلاد خرا بغتك تسمعني وتفهمني

رجوى:(حركات راسها ب لا ) مبغيت نسمع لحتى حاجة حيت بنسبالي حتى حاجة مغيبرر ليا أفعالك حتى حاجة

سيف: عفاك ارجوى غير سمعني وكنواعدك إلا مقنعتكش عمرك تعاودي تشوفي وجهي ثاني

رجوى:(عضات على شفايفها ) واخا

سيف: (بإبتسامة ) يالا نطلو لبيت باش نهضرو على خاطرنا

مالت ليه براسها ومشات سابقاه وهوا من وراها كيتنهد بتقل وكيفكر منين غيبدا ليها واش غتقبل هضرتو ولا غيزيد يشعلها

عند ريم وأريد لي كانو كالسين فواحد صالون عصرى وأريد داير رجل من فوق رجل وهوا كيشوف فيها

اريد: واش غتبقاي ساكت

ريم:(حنات راسها بخجل) هوا انا فصراحة بغيت نمشي لفاس

اريد:(طلع حاجبو) وعلاش

ريم:( بحزن) بغيت نشوف ماما مسكينة راها عيانة منين دخل با لحبس وخويا غبر ليه لأتار

أريد: وباك علاش دخل لحبس

ريم:(فركات يديها بتوتر) داك لي كان غيزوجني بيه كان عاطيه شي فلوس ومسنيه على شيك خاوي ومنين عرفني هربت طلبو يرض ليه فلوسو ومنين با بغا يرضهم ليه لقاهم هزهوم خويا ورجع لعندو وقاليه انا فلوسو تسرقو هوا متاقش بيه ومشا حط داك شيك عند لبوليس وجاو هزوه

أريد:(ماليها براسو بتفهم وقف) غدا غنمشو كاملين

ريم:(وقفات الإبتسامة هضرات) شكرا بزاف

ماليها غير براسو وتخطاها وهيا مشات لبيت لي كانت كالسة فيه هيا ورجوى

فواحد لغرفة كبيرا لي كان كل جدرانها بلون الابيض واتاتها بلون الأسود ….. كانت كالسة رجوى على لفطوي وسيف كالس حداها من لجها الثانية

رجوى:(ربعات يديها ) بدا

سيف:(تقاد فكلستو وتنهد) نتي عارفة اني معندي حتى حد فهاد دنيا من غير موريس هوا لي رباني وكبرني وخدمني معاه حتى لنهار لي تعرفت على سينمار وأريد لي كانو صحاب هيصر لي حتى هوما عتابروني خوهم وتاقو فيا ودخلوني لدارهم وعرفوني على عائلتهم لي فسوطها عرف شنو هوا لحب منين تعرفت عليك كنتي ديك ساعة مزالا مراهقة بنت طايشا محبة للحياة كنت كنشوف فيك راسي منين كنت فسنك حتى لقيت راسي كنغرق فيك شويا بشويا (عض على شفتو ) حتى لنهار لي قررت نعتارف ليك بكل مكنحس بيه وكنت خايف ومتردد لترفضني ساعة كان لعكس منين عرفتك حتى نتي كتبادلني نفس لمشاعر فرحت وحسيت بدنيا مبقاتش سايعاني دوزت معاك أحسن أيام عمري وحلمنا كيفاش غتكون حياتنا من نهنا لفوق تخينا عرسنا وبنينا دارنا فأحلامنا سمينا ولادنا (سرط ريقو وهبط راسو ) حتى لواحد نهار لي جا عندي موريس وقالي خاصني ندخل معا لما فيا السوداء مقدرتش نرفض حيت لخير لي دار فيا روحي ورخيصة عليه وافقت مي شرط عليا اني نبعد على كل ناس لي كنبغي باش متبقا عندي حتى نقطة ضعفة لي يقدرو يستغلوها ضدي (غمض عينيه بضيق) كان امر صعيب عليا بزاف فلأخير لقيت هادا هوا لأمر صح حيت منقدرش نغامر بيك وبحياتك فضلت نق تل قلبك ولا نشوفهم كيق تلوك قدام عنيا فضلت نقت ل راسي ولا تأدا منك ولو شعرة وحدا (تنهد ومسح على وجهو بضيق) داك نهار داز عندي كيف لجحيم سكرت كميت تحششت مخليت مدرت باش منين نهضر معاك منكونش فوعي باش منين نفيق منتفكرش دموعك لي قدامهم كنرجع ضعيف وكل قوتي كتلاشا ( عض على شفتو ) صبح صباح لي تمنيتو عمرو يطلع بقيت كنفكر بزاف كان عندي حل واحد اني نهضر معاك فتليفون مكانش عندي لجرئ ولقوة لي نواجهك بيها حاولت نقت ل قلبي وصونيت عليك و ( شاف فعنيها لي كانو حمرين ودموعها على خدها وشفايفها كيرجفو وهيا كتشوف فيه بتمعن وإصغاء )

وقلت داكشي لي حتى كلمة منهوم مخرجات من قلبي حاولت نجرحك باش تكرهني حولت نهينك باش تنسايني وأنا كل كلمة كتخرج من حلقي كتجرحني كان قلبي كينزف د م كان كيتقط وكيتعصر (مسح دمع لي كانت على رموشو عالقة) ماشي غير نتي لي تعدبتي ماشي غير نتي لي بكتي ( شد ليها يديها وباسهم ليها ) وعمري نستك عمرك غبتي من عقلي ولا من قلبي كنت كنقاوم باش نبقا عايش غير على قبلك حيت كان عندي امل أناكي غترجعي ليا شي نهار ونحقق كل احلامنا لي لبيناها بجوج (ترسمات إبتسامة على وجهو ) وهانا رجعت ثاني غير على قبلك باش نعوضو كل لأيام لي ضاعت من حياتنا ونعوضك على لحزن لي تسببت ليك فيه ونسيك فكل دمعة نزلات بسبابي (بتراجي) عفاك ارجوى سمحيليا حيت بسبابي تعدبتي وقاصتي فسن صغير سمحلي حيت جرحت قلبك وهنت حبك طاهر سمحيلي(شاف فيها ) هضري قولي شي حاجة متبقايش ساكة

رجوى:(مسحات دموعها وشافت فيه بحزن وهيا كاتما شهقاتها ) هادشي كامل مكيبررش ليك خيانتك ليا كان بإمكانك تعاود ليا كولشي كنت غنتقبل لأمر وكنت غنزطم على قلبي ونحاول نبعد منك وفنفس لوقت نكون كنتسناك ولاكين نتا دمرتني قتلتني فديك لحضة لي كنت جايا لعندك كيف لحمارة باش نرغبك تبقا معيا كنت مستعدا نتنازل على اي حاجة غير تبقى معا ساعة شفت شي حاجة لي ( عضات على شفتها السفلية باش متبكيش) ضمراتني و ….

سيف:(قطعها وبستغراب هضر) على إنا خيانة كتهضري ونتي فوقاش جيتي لعندي

رجوى: (هبطات راسها وبهدوء هضرات) كيف قطعتي عليا ديك ساعة خرجة من دار وجيت لعندك

سيف: ولاكين انا مشفتكش ديك نهار

رجوى:(بستهزاء ) حيت كنتي مشغول كتدوش

سيف: (طلع حاجبو ) واش دخلتي لدار علاش مشيتي

رجوى: كنتي مشغول مع لأنسة غزلان لمساعد لخاص ديالك لي ستقبلاتني وهيا لابسة حوايجك وشعرها فازك من لفوق

سيف: صبري صبري راكي فهمتي غلاط اه كانت جات عندي غزلان على حساب واحد لورقة كنت نسيتها فشاركة ومنين كانت داخلا لفيلا زلقات وطاحت فلبسين وهيا مكتعرفش تعوم فطريت نعاونها وعطيتها من حوايجي علما ينشفو حوايجها وانا دخل ندوش باش نوجد راسي لسفر

رجوى:(تسلات إبتسامة صغيرة على وجها وقلبها دق فطبول الفرحة حتى محاتها منين شافيها وهضرات بعدم تصديق ) وشنو لي غيتبتلي صحة كلامك

سيف: (ضيق عينيه بتفكير وهوا ينوض من مكانو وتاجه لواحد طابلة وهز منها لبيسي ديالو ورجع كلس حداها) غنوريك تشجيل ديال لكاميرات ديال ديك نهار وكنتمنا يكونو مزالين

رجوى: (وقفات) اكي غير تلقاهم سيفطهم ليا فتليفون

سيف:(وقف حتى هوا) وإلا شفتي دليل برائتي واش غتسمحي ليا

رجوى: (حركات رسها ب لا) ماشي بهاد سهولة حيت قلبي جرحو مزال مطاب وممستعدش لشي صدمة خرى وخاصني لوقت نتقبل فيه هادشي كامل وزيد عليها خدمتك نت وخوتي لي خارجة على القان ون

سيف: (قرب ليها وتنفس بضيق) شحال ديال لوقت

رجوى: معرفتش

سيف:(حرك راسو بتفهم) انا مستعد نساينك عمري كامل باش تسمحي ليا

رجوى:(سرطات ريقها وبعدات منو) خاصني نمشي خليت ريم بوحدها حشومة (وخرجات من لبيت وسدات لباب من وراها وهيا عاضة على شفايفها حتى ضارت منين سمعات صوت ديال ريم لي كانت كتنادي بإسمها ) ريم

ريم:(تقدمات لعندها) عيت نقلب عليك (وضورات راسها كتشوف فلأبواب) تلفت على لبيت

رجوى:(بإبتسامة ) بسيف اختي لقصر كبير بزاف وكل أبواب متشابهين

ريم:(شافت فلباب لي خرجات منو) واش هادا هوا لبيت

رجوى:(لوات يديها على دراع ريم وجراتها) لا ديال سيف

ريم:(ضارت لعندها وبستغراب هضرات ) ونتي شنو كنتي كديري فبيتو(بتسائل ) واش تصالحتو

رجوى: غير هضرنا وصافي حتى تجي هند ونعاود ليكم مافيا لي يعاود لكل وحدا فيكم بحدها

ريم: رجوى بغيت نسولك

رجوى: سولي (حلات لباب ديال لبيت)

ريم:(دخلات وشاف فيها ) مجاوكش تصروفات ديال هاد هيصر غراب

رجوى:(كلسات على ناموسية ) فلاول اه مي دابا عرفت سبب كل هاد تصروفات

ريم:(كلسات حداها) كيفاش

رجوى: حاليا مغنقدر نقوليك حتى حاجة حيت مزال متأكدت من لأمر وهند لي غتفسر لينا مبقيناش كنشفوها كنبغي غير نهضر معها أو نقيصها كلقاه قبالتي بحال ملك الم وت كيدير فيا شي شوفات كيهبطو ليا لماء فركابي وكندير بناقص وكنرج لور

ريم: ومنتبهتيش انها رجعات كدير لحجاب

رجوى: تلقاه هوا لي جبرها ديرو (وقفات ومشات كتشوف فتيليفونها لي كيتشارجا) معلينا حتى تجي ونعرفو منها كلشي ( حيداتو من شارج ورجعات كلسات حداها وطلعات حاجبها وبسائل هضرات) اجي بعدا نتي فاش بغتي خويا

ريم:(بخجل) والو غير قتليه اني بغيت نمشي لفاس

رجوى: هههههه اه كتاخدي لإدن زعما وأنا نفهم

ريم: عادي زعما هوما لي ساكنا معاهم فخاصني ناخد لإدن

رجوى: ههههه عرفتي ولله متيقت منين قلتي أريد هوا مول لفعلة هههههه كنت كنضنو سينمار حيت هداك شنايفو غير مدلين بحالو بحال مراد شحال من مرة حصلتهوم مقنتين لبنات ههههه ولاكين أريد هادي بزاف ههههه اش درتي ليه يلمسخوطة ياكما لقضية فيها لمجامر ههههه لكان هكا فراه فقيك صحيح هههههه

ريم:(هبطات راسها بخجل ) وصافي ارجوى بلما تبقاي تحشمني هكا براكا عليا غير هوما لي مبقيتش كنقدر نشوف فيهم

رجوى: هههه افففف شتي إلا كان بصح خويا طايح فيك غنكون فرحانة بزاف حيت غتولي مرات خويا

ريم: اويلي اش كتقولي

رجوى:(بتسائل ) اجي بعدا ونتي

ريم: وانا مالي

رجوى:( طلعات حاجبها) شنو كتحسي من جيهتو

ريم:(خرجات فيها عنيها ) لا أويلي راه بحال خويا

رجوى: خوك هوا لي ولداتو ليك مك (عوجات فمها ) وعماد كيبوسك من فمك

ريم :(حركات راسها ب لا ) لا

رجوى: إوا شفتي (وقفات وقفاتها) ومن دابا غنبداو نتأكدو

ريم:(بستغراب ) مناش غانتأكدو

رجوى: زيدي قبالاتي ونتي غتعرفي (جراتها وداتها لدريسينغ وجبدات باليزتها وفتحاتها وبدات كتقلب حتى جبدات واحد لكسوة قصيرة فصومو وصباط ومداتوليها) هاكي لبسي هادو

ريم:(خرجات فيها عنيها وهيا كتحرك راسها بلا بطريقة هستيرية ) لا مستحيل نلبسهوم راه هادشي معيق

رجوى: إلا بغتي تعرفي مشاعر أريد إتجاهك فلبسي وسكتي

خداتهم من عندها ودخلات لحمام ولبساتهم بتردد كبير غير سالات خرجات لعند رجوى

رجوى: (صفرات) توت لفريز ليوما خويا غيدوخ

ريم:( بخوف) غيغوت عليا

رجوى: (جراتها) زيدي زيدي نخرجو نتمشاو شويا فجردة( وخرجو من لبيت متاجهين لحديقة القصر)

عند هند وهيصر لي وقف طونوبيل امام بوابة ديال مدينة الملاهي لي كيف شافتها سارة بدات كتنقز فبلاصتها وهيا مسايعها فرحة …. نزل هيصر هوا لأول وهند بغات تحل لباب ساعة لقاتو مقفول من برا حتى حل ليها هيصر لباب وشد ليها يديها ورجع سد لباب وحل لباب لسارة لي هبطات بزربة وخشا سوارت فجيبو وجر هند لي شدات فسارة ….حتى دخلو لداخل لي كانت دنيا خاويا كتصفر من لبشار فقط ليكارد لي منتاشرين كيف نمل حتى رفعات هند راسها كتشوف فهيصر بستغراب

هند: واش مخدامش

هيصر: خدام

هند: وعلاش خاوي بحال هاكا فين هوما ناس

هيصر:(خنزر فيها) انا ماشي ز**** نديك لبلاصة مخلطة

هند: (خرجات عينها فيه ) واش نت لي خوتيها

هيصر:وشنو بالك

هند:(حركات راسها ب لا ) لا راك حمق وديرها (خنزر فيها حتى هبطات راسها وشافت فسارة وبسائل هضرات) سارة منين بغتي نبداو

سارة: (بحماس هضرات وهيا كتشير ليها بيديها) من هاديك بغيت نركب على لحصان

هند: (بإبتسامة )انا بغيت نركب فيهم كاملين

حرك هيصر راسو ب لا حولا وداهم فين بغاو وركبو ولعبو وكيف كتوقف لعبة كيمشيو لتانيا وركبو وكيف كيشبعو منها كيمشو كيجريو لعبة خرى وهوا غير مسايرهم وعلى قبل هند صابر حيت شافها فرحانة بزاف ورجع لامس من جديد تصرفاتها الطفوليا لي متغيراتش نهائيا و إبتسامة لي مافرقاتش نهائيا شفايفها …. بقاو لعشيا كاملة وهما كيلعبو وهوا غير تابعهم حتى ركبو فجميع لألعاب وخداو صور وفيديوهات من تليفون ديال هيصر لي فينما كيطلعو فشي لعبة كطلبو هند يدير ليهم فيديو ولا كتاخدو هيا بنفسا وكدير سيلفي …

هيصر:(شاف فساعتو) دابا وقت لغدا

هند: (وقفات حداه وشدات فيد سارة) حتى انا جاني جوع

هيصر:(شدها من يديها وجرها ) على نتي فوقاش مكانش فيك جوع

هند: (بإبتسامة كبيرة ) حتى مرة

هيصر: وليت كنخاف على راسي منك

هند: (بستغراب) وعلاش

هيصر: لامتلقاي متاكلي ومنباليك غير انا

هند:(ميكات فيه) نت لحمك شارف وخا نسدو عليك فلكوكة مطيبش (حتى رفعات راسها وسعات عنيها وبلهفة هضرات) يااااي غزل لبنات (جرات هيصر من يديه) شريه ليا عفاك

سارة: حتى انا بغتو اخالو

هند: انا بغيت 2

سارة: حتى انا

هيصر:(حرك راسو ب لا حولا ) برهوشة ( وداهم لعند مول غزل البنات وشرالهم شحال بغاو عاد داهم لطنوبيل وركبهم عاد ركب هوا وديمارا ) معرفت اش عاجبك فهاد صباغة

هند:(قطعات شويا ومدتو ليه) دوق بعدا عاد هضر

هيصر: (بعد وجهو ) مكناكلش سكاريات

هند: (هزات كتافها بلا مبالات ) كعلى (وخشاتها فمها وهيا كتمص فصبعانها) امممم حلوة وكدوب فلفم

هيصر:(سرط ريقو وهوا يشوف فيها) مكتعرفيش تاكلي ونتي ساكتا

هند: لا (ضارت كتشوف فسارة لي حتى هيا كانت كتاكل وجها كلو رجع حمر ) سارة عنداك توسخي حوايجك

سارة:(حركات راسها ب لا ) لا اخالتو مغنوسخهومش

هند:(شاف فهيصر) غير تسالي وقف لينا فشي بلاصة نغسل ليها وجها

هيصر:(ماليها براسو ) فين تبغي تغداي

هند:(بحماس) نمشيو لماكدو

هيصر: واخا

مالت ليه براسها وكملات ماكلتها وهيا كتبنن وكتمص فأصابعها بصوت مرتفع لي رجعو كيتلصقو …. اما واحد هيصر فعالم بيه غير لله وهوا غير كيتنهد وحاس براسو مبقاليه والو وينفاجر ويطير عليها يسرط دوك شفايف لي رجعو حومر بسبب غزل البنات وياكل دوك صبعين لي كتمص فيهم وتبنن …. حتى وقف طنوبيل بزربة لدرجة هند وسارة مشاو وجاو فمكانهم

هند:(شافت فيه بستغراب ) اويلي مالك واش باغي تقتلنا

شاف فيها وهوا كينهج وكيسوط وجهو رجع حمر غمض عنيه وحل لباب ديال طنوبيل وخرج بدون ميجاوبها ورجع سد لباب وبعد شويا من طونوبيل وجبد علبة ديال السجائر وهز واحد وشعلو وبدا كيكمي فيه وهوا كيحاول يبرد بيه وزاد تاني وثالت حتى ضرب نصف فلعلبة وهند مراقباه من سرجم وهوا عاطيها بظهرو وخاشي يد فجيبو …. حتى مشا لكوفر وحلو وجبد قرعة ديال ماء وهبط عليها حتى تزوا ورجع سد لكوفر ومشا لجيهتها وحل ليها لباب

هيصر:(هبط حليها سمطة بدون ميشوف فيها) نزلي

هند: مالك (نزلات)

هيصر: ( حيد ليها غزل البنات من يديها ولاحها فلأرض حتى خرجات عينها فيه ) اخر مرة تاكلي هاد صباغة فزنقة

هند:(قلبات شفايفها ) علاش لحتلي ديالتي

هيصر:(كب على يديه وبدا كيغسل ليها وجها وهوا مركز على شفايفها ) هاد زبل مبغاش يتحيد من فمك

هند: (كمشات ملامح وجها بألام) اي راك كتقصحني

هيصر: شششش ( فزك يديه مزيان وبدا كيفرك شفايفها بإبهامو ) هادشي رضليك فمك حمر

هند: وزبل راه شنايفي هادوك وراهم أصلن حومر كيف بغيتيهم يكونو خوضر

هيصر: (كيصوط بنرفزة) حومر بزاف وكيفتنو

هند:(بعدات وجها بتضايق) واش باغي تحيد ليا جلدة اففف(بقات كتحسس شفايفها بصبها) طيبتيهم ليا مساكن

هيصر:(سرط ريقو وحيد ليها يديها من على فمها ) متبقايش تقيصيم

هند: اففف خاصني غير نمشي لدار ندير ليهم لمرطيب

هيصر:(خرج فيها عنيه) نقطعهم ليك إلا لقيتك حطا شي حاجة فيهم

هند: (بستغراب ) وعلاش

هيصر: أري نغسل ليك يديك ونتي فيك قوة لأسئلة

مدات ليه يديها وغسلهم ليها وجبد كنينكس من لعلبة وبدا كيمس ليها حتى نشف ليها وجها مزيان

هند: خاص حتى سارة تغسل

هيصر: غير طلعي ( طلعات وقاد ليها سمطة ورجع حل لسارة لباب وبدا كيكب ليها ماء فيدها) غسلي وجهك مزيان

هند:( خرجات عينها فيه ) أيلي غسل ليها نت راها بقى صغيرة مغتعرفش تغسل مزيان

مجاوبهاش وبقا كيكب ليها لماء حتى سالات مد ليها كنينكس وبدات كتمسح لراسها ورجعات طلعات لبلاصتها عاد طلع هوا لبلاصتو وديمارا طونوبيل

عند رجوى وريم لي كانو كيتمشاو فجردة وهما كيهضرو ويضحكو بصوت مرتفع حتى لتافتو منين سمعو صوت ديال طنوبيل داخلا

رجوى:(بتسمات بخبت وشافت فريم) هاهوا جا ( وجراتها من يديها ) يالا نمشيو لعندو

ريم:( خرجات عينها فيه ) أويلي فين غنمشيو واش حماقتي

حتى وقفو حدا طنوبيل لي نزل منها اريد لي كان حاني راسو حتى رفعهوم وهوا يخنزر فريم لي كانت حانيا راسها وبدا كيطلعها ويهبطها بعنيه ورجوى حاضياه بنصف عين

اريد:(بعصبية) شهاد شي لابسة

ريم: ماش….

رجوى:(قاطعاتها وبرائة هضرات ) مالهوم اخويا حوايجها

اريد: (خنزر فيها ) سكتي نتي مهضرتش معاك ( وشاف فريم) ونتي طلعي بدي عيا هاد جوج سنتيم لي لابسة ومنبعد غنتفاهم معاك

ريم:( حركات رسها ب واخا بدون مترفع راسها وبخوف هضرات) واخا اخويا(وجرات رجوى وبهمس هضرات ) هادشي لي بغتي شفتي معجبوش لحال وراه بسيف وانا خارجة عريانة ليوما غيسمعني شي كلمة تبكني

رجوى:(بإبتسامة ) ولله حتى طاح نيت هههه

ريم: شكتخرقي نتي دابا فين غنحط وجهي ناري

رجوى: لخط رقم واحد سالات دابا غنتاقبو لخط رقم جوج

ريم: لي هيا

رجوى: تبعني وغتعرفي ( وجراتها متاجها بيها لبوابة القصر)

عند هند وهيصر لي كانو واقفين حدا طونوبيل ومقابلين مع لبحر وسارة كتلعب قبالتهم ….. كانت هند ساهيا كتشوف فسارة حتى ضارت لعند هيصر لي كان كيشوف فيها بتنعن هوا خاشي يديه فجيبو ومتكي ظهرو معا طونوبيل

هند:( بتسائل) شنو لي مخليك تكرها حتى لهاد درجة

هيصر:( طلع حاجبو ) مفهمتش

هند:(ضارت كتشوف فسارة ) كنهضر على مرجانة

هيصر :(ضور راسو بإنزعاج ) هند بدلي لموضوع

هند: علاش حنى هضرنا فيه باش نبدلوه

هيصر: خلي نهار يدوز زوين

هند: ( بإسرار) شنو دارت

هيصر: (ساط بنرفزة) راني هضرت واقيلا

هند: فهمنا انك مقاطعها ولاكين سارة اش دخلها علاش كتعامل معها بديك طريقة زعما راها بنت ختك لواحيدا كان خاص تكون معاملتك ليها احسن

هيصر: كنتعامل معها عادي كيفما كنتعامل معا لجميع

هند: لا مخاصش تعامل معاها كيف كل خاصك تعامل معها كأنها طفلة متلا غير قبيلا أنا غسلتي ليا بنفسك وهيا خليتيها تغسل بنفسها

هيصر:(تنهد بضيق ) معمرك تقارني نفسك بشخص اخر

هند: وعلاش انا اه وهيا لا شنو هوا لفرق

هيصر: (ضار لعندها ) هند عفاك قلبي لموضوع حيت كنتعصب بسببو

هند:(بإنزعاج ) نت اصلن معصب غير معا راسك وديما مخنزر قول كلاو ليك لورث (تخطاتو مشات متاجها لعند سارة حتى حسات بيه حط يديه على خصرها وجرها لعند معنقها وضور يديه على كرشها وحط جبهتو على راسها) شنو بغتي مني ياك انا كنعصبك

هيصر:(بهمس هضر) انا مقلتش اناكي كتعصبني انا هضرت على لموضوع

هند: (شدات فيديه لي على كرشها وحيداتهم وضارت لعندو) وحتى لفوقاش غتبقى تهرب من لموضوع اممم (شدات ليه فيديه برائة وخشاتهم من وسط يديها وحطاتهم حدا صدرها ) شيء عادي يوقعو لمشاكيل من بين لإخوة يدابزو وتصالحو ولاكين مخاصش تطول فمقاطعتك ليها إلا كانت غلطات هضر معاها ونصحها وريها صح من لغلط قدما كان لموضوع كبير فمخاش تعاقبها بهاد طريقة هيا محتاجة ليك كيفما نت محتاج ليها

تبسمات وبتدكر هضرات) حتى انا كندابز معا ختي وشحال من مرة وصلنا لضرب ولاكين عمرنا قطعنا لهضرا على بعضيلتنا مكتكملش ساعة كتلقاها فبتي ولا كنمشي لعندها حيت شنو ما وقع كتبقى ختى وفأي ظرف كلقها واقفا معيا ومسانداني وكتغطي عليا منين كندير شي حاجة وانا بلمثل (خدات نفسها ) حنى كنبقاو غير إنسان وعادي ندابزو حتى لمصارن فركش وكيدابزو ولاكين حتى عضو ميقدر يخدم إلا بمساعدة لعضو ثاني بمعنا حتى نت هيا غتكون محتاجة ليك تعاونها وتساندها وتوقف معا تفرح لفرحها وتحزن لأحزانها حيت نت لوحيد لي تقدر تحس بها حيت نت خوها وشنو ما دارت فخاصك تسمح ليها (كان كيشوف فيها بهيام وكيسمع ليها بإنصات ودقات قلبو كانها فسباق لي كيف حطات يديها عليه خرج عنيه فيها بصدمة اما هيا فكملات هضرتها عادي) خاصك تصفي قلبك من جيهتها وتحاول تصلح علاقتك بيها حيت حتى حد مغيدوم ليك من غير لله وعائلتك وناس لي كيبغوك أما لفلوس كتمشي وكتجي وتقدر تغمض عنيك وتحلها وتلقى راسك معندك حتى درهم تشري بيها خبزة متخليش شيطان يلعب بعقلك ويكرهك فختك حيت شنو موقع ولا غيوقع كتبقى ختك من لحمك ودمك

هيصر:(عض على شفتو وهز راسو لسماء وغمض عينيه بألم ورجع كيشوف فيها ) ماشي كولشي ساهل كيف كتدني كاينين شي حوايج لي مخليني نبعدها على حياتي حيت بسبابهم تضمرت وقلبي ما ت (ضار وعطاها بضهر وهوا وكيمسح على وجهو) هيا بنسبا ليا بحال شي عقاب لي غير كنشوفها كنتفكر كبوس حياتي (غمض عنيه بعنف وضار لعندها وبهدوء هضر ) هند عفاك أخر مرة تجبدي معيا هاد لموضوع

هند: (تنهدات حركات رسها ب واخا) ولاكين بشرط

هيصر:(شدليها وجها من بين يديه وباسها من خدها ورجع شاف فيها) نتي امري وانا نفد

هند: (سرطات ريقها ) تحاول تصالح معها وتعامل مع سارة عادي عفاك على قبلي إلا كنت بصح عزيزة عليك وكتعتبرني بحال بنتك كيف قلتي ليا

هيصر:(جرها لعندو معنقها وخشا راسو وسط عنقها وهوا كيتنفس بضيق وكيخرج تنهدات متابعة) مغنواعدك بوالو اهند (خرج راسو من عنقها وشاف فيها ) حيت لأمرة صعيب عليا بزاف

هند: غير حاول

هيصر:(حرك راسو ب وخا) واخا

هند:(ترسمات إبتسامة كبيرة على شفايفها ) وغادي تنجح انشاء الله انا متأكدا

هيصر: (شد ليها فيديها وجرها لباب ديال طنوبيل ) فين بغاتني نديها ثاني لألماسة ديالتي

هند: بغيت نمشيو لسينيما ونتفرجو فرسوم المتحركة على قبل سارة

هيصر:(طلع حاجبو ) على قبل سارة ولا على قبلك نتي

هند: (عضات على شفتها السفلية ) على قبلنا بجوج

هيصر:(حل ليها لباب) طلعي أبرهوشتي لي قدك دارو دراري ونتي مزال كتفرجي فروسوم

هند: (ربعات يديها ) برهوشة وبصحتي كيتك نتا اشارف لي باقي باير كون تزوجتي كون ولتي قدي

هيصر:(هبط لعندها وقرب من وجها وبفحيح هضر) قلبي بغا غير ألماستي (وباسها من نيفها وقاد ليها سمطة ورجع كيشوف فيها ) ماكي مصدومة فيا هكا

هند: (سرطات ريقها وحركات راسها بلا ) لا والو

هيصر: (ماليها براسو وسد لباب وشاف فسارة وتنهد ) سارة

سارة:(ضارت لعندو وجات كتجري) واش غنمشيو

هيصر: (حل لباب لخالفي ديال طنوبيل ) ركبي

ركبات وسد لباب ومشا هوا لجيها ثانيا وركب وديمارا طونوبيل وهز تيليفونو كيخربق فيه وبغا يخطو حتى رفع راسو منين سمعها كتهضر معاه

هند:(كتشوف فيه ) واش ممكن نستعمل تيليفونك

هيصر:(مدو ليها) فأي وقت ممحتجاش تاخدي لإدان

هند:(قبطاتو وبتسمات بلطافة) شكرا

هيصر: (طلع فيها حاجبو وبتنبيه هضر) اخر مرة نسمعك قلتيها

هند:(حركات راسها ب وخا) اكي (وشعلات تليفونو لي مكانش فيه لكود ودخلات كتقلب في Tubidy ) هاني لقيتها

هيصر: شنو لقتي

هند: واحد لأغنية تركية واعرا (وبرونشات تليفون مع ليباف ديال طنوبيل وطلقاتها وبدات كتغني معاها وهيا كتمايل فبلاصتها وكتحرك فيديها وترجع كتشوف فيه وكتضحك وهوا غير حاضيها وهايم فحركاتها ودايب فصوتها لي ساكن فعقلو وفقلبو )

🎼Gun doğmuş çiçek açmiş bana ne
🎼Benim acim aşkimdan sana ne
🎼Istomivorum gelme,
🎼Eline başkasi tutmuş bana ne
🎼Göslerine yabanci dalmiş bana ne
🎼Benim acim aşkimdan sana ne
🎼Istomirorum gelme
🎼Unuturum elbet
🎼Geri döneseğimi zannet
🎼Bende bittin artik sen
🎼Hesabini tanriya ver
🎼Unuturum elbet
🎼Geri döneseğimi zannet
🎼Bende bittin artik sen
🎼Hesabini tanriya ver

بقات كتغني حتى سالات لأغنية وشاف فيها هيصر وهوا مطلع حاجبو بستغراب

هيصر: كيفاش قدرتي تقني هاد لغات كاملين روسيا لألمانيا وتركيا

هند:(بإفتخار) كنتقن 25 لغة

هيصر: (بإنبهار ) 25 لغة وفسن صغير

هند: ماشي قضية سن إنما قضية إرادة

هيصر: وعلاش ختارتي اناكي تقني هاد لغات كاملين

هند:(هبطات راسها) كنت بغا نحقق حلمي لي كتاشفت فلأخير أنه فقط سراب

هيصر: وشنو هوا حلمك

هند: (بإبتسامة باهتا) اني نكون موظيفة طياران ونجول لعالم (فركات يديها وشافت فيه) اما دابا حلمي اني غير نرجع لدارنا ونبقى معاهم مبقيت بغا حتى حاجة من غير أنا حياتي ترجع طبيعية كيف كانت فلأول

هيصر:(شد ليها فيديها ) كنواعدك انا كل أحلامك غيتحقق

هند: (بإبتسامة ) إنشاء الله

وهزات ثاني تليفون ودارت أغنية جديدة لي كانت حماسية وبدات كتشطح وكتغني بصوت عالي وسارة جات وقفات حداهم وبدات حتى هيا كتشطح وكتدندن مع لأغنية …. كملو طريق وهوما موسقين حتى حبس هيصر حدا سينما حل لباب وخرج ومشا لجهت هند وحل ليها لباب وهبطات وشد ليها فيديها وحل ثاني لباب لسارة لي مشات وشدات فهند ولاح هيصر سوارت ديال طنوبيل لكارد لي كانو مشتين تما ….. تمشاو ودخلو لسينما حتى وقفو حدا فين كيقطعو لوراق وهيصر شاف فهند بتسائل

هيصر: فاش بغتي تفرجي

هند:(هبطات راسها كتشوف فسارة) سارة شنو بغتي نختارو فلي ديزني

سارة:(هزات كتافها ) لي كان

هند: اممم اش باليك نتفرجو فريبونزر ولا ساندريلا ولا الجميلة ولوحش

سارة: لي بغتي

هند: اكي (شافت فهيصر ) نتفرجو فساندريلا

ماليها براسو وشاف فهاديك لي كانت واقفة تما وغير بعنيه هضر معها مالت ليه براسها ودخلات فواحد لباب اما هيصر فاجر هند ودخل بيها لداكخل حتى وقف امام واحد لباب كبيرة لي كانت مغلفة بجلد لأحمر …. حلو ليه ليكارد لباب ودخلو لغرفة السينما لي كانت خاوية وشاف فيها هيصر بتسائل

هيصر: فإنا صف تبغي تكلسي

هند: لأول

ماليها براسو وهبطو فدروج حتى لتحت وجرها لاحد الكراسي وكلسها وكلسات حداها سارة وهوا كلس حداها من جها الثانيا

هند: كون غير جبتينا تشيبس ودرة ولموندا

هيصر: غنجيب ليك غير درة اما لأشياء لأخرا لا حيت ليوما كليتي بزاف من لأغدية لي فيها مواد مصنعة

هند:(قلبات شفايفها ) عفاك وخا غير تشيبس واحد

هيصر:(هاز تيليفون كيخربق فيه وهضر بدون ميرفع راسو ) لا

هند: غير بكية صغيرة

هيصر: ممنوع

هند : غير نصف

هيصر: راني هضرت

هند: ( شافت فيه وهيا كتجنن غير بوحدها ) مسموم ومقشاش ومصعور

هيصر: (رد تليفون فجيبو وشاف فيها ) انا خايف على صحتك وهاد لمواد إلا كترتي منها يقدر يوقعليك تسمم أو أمراض سرطانية لله يحفضك

هند:(ربعات يديها وقلبات وجها ) جوع هوا لي كيق تل عمرك سمعتي شي حد ما ت حيت كلا بزاف

حتى هزات راسها منين شافت واحد لبنت جارة وحد لعربة لي كانت عامرة بلاكل حتى حطات لعربة امامهم ومشات بحالها اما هند فبقات كتشوف فلأكل لي كان عبارة عن فواكه متنوعة لي مقطة بشكل جميل وانواع ديال الشكولاطة ولمكسرات ودرة ومشروبات طبيعية …. عضات على شفتها السفلية برضى وهزات علبة ديال درة وبدات كنقب منها وحتى سارة ختارت شنو بغات …. حتى لوحد لحدا لأضواء تقطعات وشاشة شعلات ضوء معلنة على بداية ديال لفيلم الكرتوني

شميشا غربات ودنيا ظلامة …. في قصر المالكي …. فأحد الصالونات العصرية كان كالس موريس وسينمار و أريد وسيف لي كان هاز لبيسي ديالو كيقلب من بين تسجيلات لقدام اما لباقي فكانو كيشربو لقهوة وهما أيتبادلو فأطراف الحديت

اريد:(رشف من كاسو وبهدوء هضر) غدا غنمشيو لفاس

سينمار: حتى لواليد راه محمقنا باش نجيو ندوز رمضان معاهم

موريس: (عض على شفتو بتدكر) ولبنت

سينمار: موحال واش يخليها هيصر ترجع

سيف:(هضر بدون ميرفع راسو) غير فاق وملقاهاش حداه كان غيريب لقصر وعساك يخليها تمشي بغيتيه يحماق

سينمار: هند خاصها ضاروري ترجع لدارهم

موريس: صعيب باش تقنعوه بلأمر

سينمار: لواليد راه ديجا معصب من أريد حيت رجعها اما إلا رجعنا بلا بها فعلم لله اش غيوقع

اريد: انا غنحاول نهضر معاه

سيف: هند إلا عرفتنا غنرجعو راه هيا لي غتخليه يرجعها فبلما تدخلو

موريس: كنخاف يأديها منين تقوليه انها بغات ترجع حيت غيفكر اها مبغاش تبقى معاه

سينمار: غير لله يحفض وصافي

حتى تمو داخلين رجوى وريم لي بدلات حوايجها …. دخلو وكلسو حداهم على لفطوي واريد لي كيف دخلات وهوا كيشف فيها بنص عين ورجوى حضياه من بين رموشها حتى ضحكات بشر وشافت فسينمار

رجوى: خويا ريم بغاتك تمشي معها لدار باش تجمع حوايجها (ريم وسعات عنيها وكتشوف فيها بصدمة)

سينمار: (حط كاسو من فوق طابلة ) وخا

رجوى: رها بغات تمشي حتى لمول باش تشري لخالتي رقية شي حاجة وراها كانت غتقولهاليك وحشمات حيت نت لي كترتاح معاك بزاف

ريم:(هضرات بهمس) اويلي اش كتقولي نتي

رجوى: ششش سكتي

سينمار: (وقف) معندها علاش تحشم اي حاجة بغاتها تطلبها مني بكل حرية

رجوى: (شافت فريم ) يالا نوضي تمشي باش ترجعي بكري قبل لعشا

سينمار:(عض على شفتو وشاف فأريد بنصف عين ) ماشي موشكيل نتعشاو برا

رجوى: اه فكرة زوينة نيت تاخدو راحتكم فشرى

اريد:(كان بارك على كاسو وهوا كيحرك فرجليه بنرفزة غير سمع حس لعشا محس براسو حتى حط كاسو بعنف وقف وبهدوء هضر) انا غنديها

سيف وموريس طلعو ريوسهم وبصدمة شافو فيه اما سينمار فضحك ورجوى شافت فريم وغمزاتها وأريد هز تليفونو وسوارتو وخرج بدون ميشوف فيها اما هيا فهبطات راسها بخجل حتى نغزاتها رجوى

رجوى: إوا وقفي راه أريد مكيبغيش يتسنا بزاف

ريم:(بهمس هضرات) ولله حتى حشومة عيك اصاحبتي (وقفات ومشات تابعاه )

رجوى:(وقفات) انا غنمشي نشوف ختى مرجانة

موريس: سيري ابنتي غتلقايها فبيتها ولا ملمكتب

مالت ليه براسها وسيف شاف فسينمار وحرك راسو بمعنى شنو واقع

سينمار: ماشي غير هيصر لي كيتعدب حتى لخوادري

سيف: أوايلي متقولهاش ههههه

موريس: هادا شيء مزيان وحتى لبنت باينا فيها درويشة وحشوميا فهيا لي غتصلاح ليه وتقدر تصبر على طبعو لبارد

سينمار: وي ريم ضريفة ومكتشبهش لبنات لخرين حتى انا فرحت ليه منين ولا كيحس بشي حاجة من جيهتها

موريس: لعقبة ليكم

سينمار: هههه دابا نوبت سيف اما انا مزال عليا لحال

موريس: ولإمتى حتى خوك صغير جا من وراك وخطب ونت معوالش تستقر فحياتك ودير ولادك

سينمار: نهار لي نلقى لبنت لي تفهمني تبغني كيف انا بدون متطلب مني اني نتغير وتكون حتى هيا ضحوكيا باس متنكدهاش عيا وديك ساعة نشوفو

Leave a comment