Skip links

قصة : الأرملة(رضى الغفران)ج1

 6,057 عدد مشاهداات

الجزء 1

غزلان ….غزلان بجهد غزلان راجلك مااااات
تهجلتي غزلان وليتي. أرملة

دورت عنيا كنشوف كلشي مجموع من جديد كيف تجمعو هااااادي 3 سنوااااات تجمعو اليوم تاااااني غير هاااادي 3 سنين كانو لابسين اغلى مااااعندهم واليوم لي لقوهاااا قداااامهم لبسوهاااا وجاو يسيقو الخباااار واش بصح غزلان بنت لي تعرض العادي والبادي. لعرسهاااا واش بصح غزلان لي عرسهااا شهورااا وهومااا كيهضرو عليه ناااس دواار تهجلاااات ومااااات ليهاااا الراااااجل…
نفس بلاصة جالسة فيها لي كنت بااارزة فيهاااا قبل هااادي سنين نفس اللون لابسة لي كنت لابسة دااااك نهااار غير اليوم مديرة كحل مديرة عكر اليوم لبست رااااجلي الكفن وهوااا في بلاصت الخااااتم لبسني اليوم العدة ….

هجالة أرملة ….حتا في. الموت مجتمعنا دكوري علاش تسميت هجالة علاش تسميت أرملة بينماااا راجل يقلك يحلالو يتزوج. من العزااية
علاش مكيتبعو حتااا نعت من تموت مرتو علاش متلا مكيعيطوش عليه هجال ولا أرمل حتااا هوااا

كلهم كيشوفو فياااا ….عنين البعض منهم ايكلوني وعلاش لا وانااا كنت عروست عدوزتي المفضلة ومخلات لمن شكرتني كلهم كاااانو متشوقين بااااش يشوفوني كيف وليت من بعض تلت سنين ديال زواااااج. كيف ولات ديك غزلان لبرزااااات بنت 16 عاااام ومن تمااااك تحرم عليا الخروج تحرم عليا مجمع نساااا وشوفة رجال ….تحرم عليا نخرج بلا رااااجل

ضورت عنية كنشوف فيهم …كاين لي جا يوااسي. همي وكين لي همو كتر من همي ولقا فرصة فين يخلي دوك دموع يهبطو …كنشوف في عدوزتي. كيفاااش حزينة على فرااق ولدهااا .غير جالسة وسااهية وفي جنبهااا …ولادي رضى وغفران. لي باقين ماافهمين والو وباقين معارفين اشنو معنى الموت او. شكون مشى ليهم يلاه عمرهم سنتين. تواام …

في وسط هاد الضوضاء والبكاء والحزن لي مخيم في اركان البيت. ..تسمع صوت البكاااا من جديد براا شكون ايكون جا قفزات عدوزتي وكأن. قلبهاا علمهااا شكون جااا نااضت. كتجري. … وتسمع صوت شهقتها بالجهد … وكتغوت وتقول …تشويت في كبدتي اوليدي تشويت في كبدتي !!!

عاد عرفت شكون جا هداا لوسي متغرب لي طيلة هاد 3 سنين دزواجي من زكرياء المرحوم عمرني شفتو غير كنت تنسمع عليه. وتسمع عدوزتي كيفاااش تتعود عليه وتتشكرو …هوا صغير في ولادهاا عمرو 33 سنة عايش في الخااريج…

وانا في سهوتي حست بيد على كتفي هزيت راسي كانت ختي الكبيرة عبير. لا الدكتورة عبير الوحيدة لي تنقدات فيناا من الزواج ..حيت رباتها عمتي وقرتها .. وتخرجات دكتورة ..
عبير…غزلان حبيبة اجي معيا لوسك بغااا يعزيك
هزيت ليها رسي بالموافقة ونضت من بلاستيك وجلابة بيضة. ساترة كل جسمي ولكيات يديا والفولار شعري. وتقااشر رجليا وجهي لحاجة الوحيدة لي باينة فياااا ….

وقفت حداهم ولوسي عطيني عاااطيني بالضهر. حتا كتعلمو عدوزتي بعنيها بلي جيت عاااد ضار عندي حادر راسو …قدم ليا تعزية ورجعت بحالي خليت هاز بنتي غفران ورضى مشى عند جدو ..
دخلت لبيتي باش نرتاااح ..

الجزء 2

..اليوم بعد ربع شهر وسيمانة كنلبس الألوان ولكن قلبي باقي لابس الأسود من يوم زواااجي لي مكنتش رااضية عليه
حبيت راجلي…لا محبيتوش ولكن ولفت وتوالمت. ..مع مصيري …بنسبة ليا الحب مكيجيش بمجرد نتزوج .. انا من نااس لي منبغيش الحاجة تفرض عليا وزواحي تفرض عليا. ولهداا ..كان الرد من جيهتي بااارد
منكرش. بلي ولفت زكرياء ومبغيتوش يموت حيت اب لولادي ..ولكن لي عطا الله عطااه

هزيت مبرد الكحل دوزتو وسط عيني. كيف قالو لي نعمل .. لبست جلابيتي. الكحلة المفضلة ..وغطيت شعري وهزيت حوايجي لي جمعت البارح وخرجت …ولادي كانو في الخارج وانا كنودع في داك البيت وانا متأكدة عمري مغااادي نعاود ندخل بصيفتو بيت مرات زكرياء ..

خرجت لعندهم فين مجموعين العائلة كانت مجموعة حيت اليوم رميت البيض.
وقفت قدامهم والفاليزة في يدي .. لواسي عدوزتي. طفيلاتي. كلشي كيشوف فيا بشفقة الوحيد لي مكينش هوا شيخي وانا عاارفة سبب عدم مجيئو ..كنت عزيزة عليه والفراق صعيب عليه ..

غزلان… مخطباهم…جا الوقت صاافي. اليوم انمشي من هاد الدار كنتمناا تسمحو ليا جميع لا شفتو مني العيب ..
العدوزة..حشا ولي الله عمرنا ابنتي مشفنا منك العيب. ولا كلمة الخيبة بنت الأصل ومفصل .
غزلان… الله كريم والله يصبر الجميع. ..ولادي ولادكم والوقت لي بغات خاطركم تشوفوهم مرحبااا بيكم
العدوزة.. حشا يالعزيزة واش يكونو جمعينا غير الولاد بينتنا المحبة

وقفت في باب الصالة. بعد ما ودعتهم كنتسنا ولادي. حتا بان ليا جاي بمشيتو المعهودة نخوة.و العكاز في يدو لابس جلابة وفوقها السلهاام …. .. تحدرت باش نسلم عليه ونبوس يدو ولكن خطافهاا قبل وبالمقابل باس هوا على رااسي. …

الشيخ.الحاج زين..اب زكرياء…صافي سخيتي بينا .
غزلان ..بحياء .كل ضيف عكوبتو لبلادو
الحاج زين..اش هدا تقولي فيه بنتي غزلان ..نتي راك كنتي مولات الدار ومرات البكر
غزلان…تنهدات تنيهدة عميقة …الله يرحمو. ويرحم الجميع
الحاج زين ..امين ابنتي بلغي سلامي لحاج مختار وقولي ليه دروري نديرو شي نهار نجلسو فيه راه باغيه
غزلان ..انشاء الله
الحاج . غوت بجهد كينادي. على يحيى هوا لوسي لي كان في الخارج في المدة لي دازت من ورا. مجيتو عمري. تلاقيتو ولا شفتو حيت كنت بغيت نأدي الفريضة او العدة. بطريقة صحيحة ولهدا تجنبت مجمع الرجال والو يكونو لواسي حيت راهم حلال عليا ..
الحاج من جديد…يحيى فينك اولدي اجي
يحيى ..من وراه بهدوء …هنا الحاج كاين منقديو
الحاج.زين…وصل اولدي مرات خوك ..الله يردي عليك
يحيى ..رما عليا سلام بلاماا يشوف فيااا …
هزيت فيه راسي واول مرة هنشوفو ..من غير تصاور… كان زوين بزززاف مكشيبه لا في زكارياء ولا خوتو الأخرين في شكل …
هبط هز غفران وشد رضى من يدو وسبقني عودت القيت عليهم سلام الوداع من جديد ….وخرجت

الجزء 3

دقائق قليلة لقيت نفسي قدام درنااا
رجعت من جديد. لتسلط الأب …رجعت من جديد لديك غزلان لي خاصها تسمع وتسكت وتنفد اوامر باها. بصيفتو كيعرف مصلاحتهااا ولكن العكس هوا تيدبح بموس حااااافي …. ..
اثناء نزولي من سيارة رضى مشا كيجري تابع واحد. دجاجة بحكم حنا في الوسط القروي …
تبعتو كنجري. حتا شديتو وفي رجوعي. كنسمع شتى الجمل والعبارات
راها لي مات ليها مسكينة رااااجل
راهااا الهجالة
باقة مسكينة صغيرة ..وتهجلات.
اودي الموت متتعرف لا صغير لا كبير

هاد الشفقة وكلام ديالهم. كيتغرس في قلبي. بحال الخنجر كون غير يعروني وميقولوش هاكة بحالي بسيف عليا تهجلت. ..
بلاماا نزيد. نعير اعتبار لأي حد دخلت لدرناااا وسي يحيى كيدخل ليا في الحوااايج …في واحد. الزنيقة صغيرة مدخل لدرنا ..
حطيت ولادي لمي بعدما سلمت عليها ورجعت خديت منو الحوايج شكرتو على توصيلة حدر راسو ومشا لسيارة ديالو ولكن قبل مايطلع بان ليه با جاي وقف باش يسلم عليه من باب احترام …لكن ردة فعل با كانت صدمة بنسبة ليه انا انا ولفت
الأب.الحاج مختار…علاش موصلك البراني علاش متصلتيش بيا نجي نجيبك
غزلان.. كتهضر مقجوجة. حيت حشمها مع سيد وزيد خوفها من باها وهوا مكيضربش وليني هضرتو كيف سم كتهبط مع داتها…الحاج ابا لي طلب منو يوصلني ..ماشي شي حد غريب راه عم ولادي
الأب..بعجرفة ..براني الآلة براني لي كان جامعكم مات الله يرحمو ..
غزلان. شافت في يحيى ..كأنها كترجاه يسمح ليها على.هاد الهضىرة ليتيقول باهاا
يحيى …تنهد هوا شخص. كيعرف كيفاش يتصرف شاف في الأب ديالها بنضرات فارغة. وقال بجدية … بحال كيأكد على الحاج المختار ..جمعناااا دم ادا كنت براني دم خويا كيجري في حفادك ولدلك دير غير بوجهم ..وتصرف بإحترام
وطلع لسيارة ديالو وزااااد بحالو ..
الحاج مختار …دخل كيهلل على غزلان مخلا فيهااا غير لي نسى ولمهااا تا على موت رجالهاااا ورد ليهااا اللو مة على كلشي وعلى حتااا كلام يحيى ليه
دخلات ولادها ومشات لبيتهااا سدات عليهااا وخلاتو كيغوت. ويخااااصم والأم في كوزينة تتوجد ليهم مايكلو…حافضاه وحااافضة شخصيتو. القااااصحة ..

في العشية وبعد ما خرج باهاا عاااد خرجااات هيا وخلات لولاد ناااعسين ..لقات مهااا في صالة كتحط في الغدااا ..
الأم..بحنية ..لا ديش عليه ابنتي الله يرضي عليك راك عرفاااه
غزلان جلسات بي بيجامة طويلة ..وشعر كيف سوااااد ليل مطلوق وعنين كيف البحر وكتشعل بالبيبوضة شبهات مهااابززاف الشمالية ولكن جابتهااا الوقت لعند مختار لي حجبهااا متخرج مدرج وحجب بناتهااا من غير عبير
رغم مولدتش ليه الأولاد عمرو لمهاا على هاااد القضية هوا قاصح غير في تصرفات وصعيب. اما متيخليهم مخصوصين من والو ومهلي فيهم. ..
غزلان…اناااا مولفة ولكن ولادي امي ولادي واش مطرين يبقاو يسمعو لهااااد شي
الأم…عزاز عليه ولادك عزااز عليه متخااافيش
غزلان..والو يكونو عزاز عليه با وانااا عرفااااه لسانو سليط وتيقطر العسل

باااقي في حوارهم سمعو باب دار تحل ..كان نيت هواا الأب جااا قدااامهم ..دير يديه من ورا ضهرو ..مركب الشيطان من الباب الله يعلم اشمن خبار جااايب ليهم تااااني
تنحنح ..وتكلم بجدية زايدة…..وجدي رااااسك جاااين شي ناااس يشوفوك بغاااوك. لزواااااج
رمااا القنبلة على غزلان وخلاهااا غاارقة…..

الجزء4

كنمشي ونجي في بيت علامات التوتر ضاهرة على. وجهي وداااتي. وخوفي من هااااد زوااج يكمل كبير ..
سيمانة هااادي. باش قالهاا ليناا وماما كتحااااول تقنعو. باش. ينهي هاد المهزلة ولكن با كلمتو متنزل الأرض عندو راجل هوا الكلمة وبنسبة ليه المرة من سهم الراااجل

اليوم ايتقرر. مصيري. ماشي مصير إمرءة لا هداا مصير أرملة. وعاد إمرءة. والحاكم في مصيري هوا با …
لا تيلفون لا والو معندي ولا طريقة باش نتوااااصل مع شيخي أو عمتي ولا ختي ..
حاسة بلي كاع البيبان تسدو في وجهي..وزواااااجي بهااااد الأربعيني المطلق بو 5 أولاد. مامنو هروب

كنشوف مسرحية كوميدية قدااامي …ابطالهاا الأربعيني بو خمس أ ولاد…والأرملة دو 19 سنة أم للتوؤم ….سيناريو. مكتوب من طرف با . ومخرج طبعاااا…المكتوب لي ما منو هروب
كنشوف من جديد حيااااتي كضيع كيف الأول ..واناا اشنو لي مانعني نوقف قدااامهم ونواااجهم. بعدم موااافقتي …
خاص خاصني بززاف القوة باش نخرج قدااام با ونرفض خاصني العزيمة ….وهيا ماشي من طبعي ..

هضرة على برى بزززاف ولادي معيا في البيت كيلعبو مي كتوجد ضيافة لعريس شيبااااني ….. مكان قداااامي سوى نهز كفوفي لسمااا وندعي لربي يدير تاويل. دلخير ويفك جرتي. بلا. دنوب. ..وليت كنطلب غير عريس. اخر من غير هداا لكان مكتوبي الزوااااج …

أمام منزل الحاااااج الزين كان وااقف. يحيى. دير يديه في جيابو كيرااقب. الدار .ديالو لي تتبنى جنب دار بااااه … حتا وقف عليه شاب من أهل الدوار ..
الشاب…با يحيى لباس عليك
يحيى…الله يحفضك نتا بيخير امورك مزيانة
الشاب ..حامدين شكارين. ..كيف غااادي مع البني وتمارة ..
يحيى…هز راسو في دار لي تتبنى …البني هوا البني. راك عاارف لما وقفتيش على شغلك يدرولك هاد البناية من هنااا داز
الشاب…اللهم يسر..قول ليااا واش ولاد خوك. زكارياء. ..اتخليوهم مع البراني
.يحيى…خنز فيه وبنضرات صارمة تكلم ..شريف. جمع راسك كيفاش البراني راه جدهم هداااك
الشاب ..انا مكقصدش الحاج مختار انا كنقصد راجل مهم.
يحيى ..عض حنكو من الداخل . ودوا تحت سنانو ..اش كتقصد سيدة يالله سيمانة دبااااش مشات لدارهم رجلها يلاه ماااات اشمن زوااااج كتهضر عليه

الشاب…مي راه. كتمشي عندهم والبارح قالت ليا هاد الشي وبلي حاج المختار لي جاي ليها هاد الراااااجل

خلاه يحيى كيهضر بااااقي مكمل جملتو طار من قدامو. دخل لداارهم …ديركت لبيت باه دق طل براسو
يحيى….الواليد مسالي نهضر معاااااك
الحاج زين …تفضل اولدي كنسمعك
يحيى…ساط ريح. معصب. …الحاج خاصك تمشي تجيب ولاد زكارياء
الحاج ..بتساؤل. علاش؟؟؟
يحيى…مهم اتزوج!
تتمة

الشيباني شاف زين وهتر وحل فمو. ..وقال بلي ربي جاب ليه نحيلة يحسدو عليهاااا كاع ناااس …. ..

وااقفة قدااااامو كيف سلعة البيع ..وبااا كيشكر ليه فياااا مقدرت لاندوي لا والو حاجتي في ربي هواا لي ايفك حالي …

تسمع دقااااااان مجهد في الباب .. ناااض با يحل بزربة وانااا مزدتش تانية من ورهااا مع هاااد طيح الفم لي غير خرج باا ولا تيضحك من ودنيه وانا عند الباب خارجة تنشوف نقطة ضوء دخلات مع باب الدار وشكون من غيرو شيخي …هزيت راسي في ودموعي تطلق سراحهم. في بززاف دلحضات تمنيت كون كان هوا با وبا هوا شيخي. علأقل كان ايعطين تيساااااع ….

تكلم الحاج زين بكل جدية….اش وااااقع هناااا اش هاد المهزلة
الحاج مختار….سيد الحاج ماوقع والو مبقاااا لي يزوج بناتو
الحاج زين…اش تتقول واش عندك العقل ولا متكسابوش. بنت مزال مكملت حتا خمس شهر على موت رجلها باغي تزوجهااا من جديد وبيمن. بهدااا كبر منها بكتر من عمرهااا
عندو 5. لولاد
الحاج مختار…بعجرفة وتكبر ..البنت بنتي واناا لي نقرر في مصيرهاااا

الحاج.زين…منحقك كون مكانت مت حفاااادي ….شاف في العريس بصراااامة …تفضل اشريف غرادكم مرفوض. والبنت لي طامع تكون على دمتك مرشومة
الحاج المختار…بمعارضة…معندكش الحق اسي زين تجري على ضياااافي

الحاج.زين…سمع غراااادي وديك ساااعة رحب بضيفك كيف بغيتي
الحاج.مختار..اشنو هوا هاد الغراااا د
الحاج زين…بنتي ومت حفادي غزلان …بغيتهاااا تكون مرات ولدي صغير. يحيى !!!!!

جزء5

حليت فمي باش نتكلم. ولكن صدمة كانت قوية وخلات اطراف داااتي تنمل علياااا وشعر بدني يوقف …صدماتي في هااااد العاام كتيرة مشاء الله من وحدة لوحدة من موت راجلي لقرار با بزواجي من شيباني. وقرار شيخي باش يعطيني لولدو الصغير ويخلى لمة. وعش مجموع وحفاااادو ميكبرهمش البرااااني ..
باينة خداا هاااد القرار حيت عااارف بااا ..

الأم…شفتي الحاج زين عرف كيف يقنع بااااك ووافق على زواااجك من ولدو

غزلان….مي واش تضحكي عليااا اش هاد الهبال انااا راه مستحيل نقبل نتزوج بلوسي
الأم..ايوا لاكان مستحيل تقبلي بيه علاش مقبلتيش بشيباني لول لي عمرو كان مضوبل على عمرك
غزلان..مي منقبل بشباني منقبل بعزري زواااج درت عليه كروة. ملقيتش بغيت والو
الأم…ومالك ابنتي على حالك عندك 30 ولا 40 راك يالله عندك 19 عااام وعندك 2 ولاد ومسؤولية وزيدون رحنا تنعرفوهم وعدوزة راك عزيزة عليهااا. معندك لاش تخااافي

غزلان…مي واش عند بالك حاجة كلثوم نية واش سيدة كانت تتغزل في جمال مرات يحيى قبل تعرفهااا وتقولي ليا نتي بلي اتوااافق عليااا مستحيل انا متأكدة

الأم..وعلاه زين منك كاين في هااااد الدوار ابنتي معرفتش علاش حاكرة رااسك ومقلة من قيمتك يحسن ليهاا شراف زوجاتك. لولدها زين وهمة

غزلان..قولي شان قولي مالك سكتي كملي شان ديرو ليا بوياا لي كان ايزوجني اليوم بشيباني ولا درو ليااا نهار جاو يخطبو لولدهم اللول وعطاني ليهم بلا موافقتي مالك سكتي

خرجات الأم وخلات غزلان غارقة وسط همهاااا اكتر حااااجة تتفكر فيهااا هيااا حشمتهااا من لوسهااا وشيخهاااا كيفاش كانت مرات واحد واترجع مرات لآخر متأكدة بلي العدوزة مغديش تواافق على هااااد شي وهيااا كانت. ديمااا تتقول ليهم ولدي يحيى انجيب ليه زين وانجيب ليه بنت وأهم عدرااااء
معدورة ومن حقهااا وشكون لي تبغي ولدهاا يربي ولاد واحد اخر …..
ولكن هدااا تيبقااا رئيهااا هيااا …

كان جالس فوق واااااحد جبل كيطل على دوار كاااامل ليل. وهوااا جالس تمام غير وحدو صوت موكااا هوا لي تيتسمع .. ونبيح الكلاب …في يدو واحد اللعيبة بحال القلادة كيلعب بيهااا ويفكر خبرو حاااج قبل يخرج بقرارو وانه كان مفكر فيه من زمااان. حيت عاارف تفكير الحاج. مختاااار … خانتو داكرتو لشتى. دكريات ووحدة منهم لي بااقي عاااقل عليهااا بحالي غير بارح

كان زكريااااء جالس في نفس بلاصة لي جالس فيهاا يحيى دبااا ولكن قبل 3سنوات
كان تيتكلم في تيلفون مع يحيى في الخارج

زكريااااء…خاص تفرح ليااا وأخير انتزوجهاااا
يحيى…صاحبي بنت صغيرة
زكرياء..بنت غزالة فنة انا عجبتني من كانت تتقرا وتصور كيجيو فيهااا الخطاب بنت 13 عاااام عاد دبا من دارت 16 مغديش يزكلوهااا

يحيى…هيا سيفطي ملين دار

زكرياء..عندهم نيت في هااااد اللحضة دعي مع خوك راه محن
يحيى..تنهد الله يسر تهلا فيهااا راه بااقة صغيرة
زكرياء..بضحكة عالية …راه حبي هديك لا متهلتش فيهااا فيمن انتهلا

عاد من دكريااااتو. بصرخة قوية كدوب التلج…..خارجة من أعماق قلبو ..مبغيش يغدر خوه مبغيش يقيص حاااجة خوه لي كان تيحماااق عليهاا

الجزء 6

الأب ويحيى والعدوزة كلثوم في غرفة من غرف المنزل …عاود ليهااا الأب على مخطط ونيتو بزواج ولدو يحيى من كنة غزلان …
كلثوم…بصدمة..جيبهااا وجيب ولاد ولدي يعيشو معنااا لاكن زوااج من يحيى مستحيل
الحاااااج..زين …كلثوم..علاش مستحيل شنو لي مستحيل في الموضوع مدام المعني بالأمر مواافق
كلثوم…لا لا تم لا انااا مقبلاش بصيفتي امو مقبلاش بزواااجو من مرات خوه
الحاج…زين ..كلثوم يهديك الله ياك كانت غزلان عزيزة عليك وغير تتشكري فيهااا
كلثوم..ايه نشكرهااا وعزيزة ولكن مااشي. لدرجة نواافق على زوجهااا من ولدي صغير. باش يكبر ليهااا ولادهااا ويحميهم على تعاستو هوااا
الحاج..زين وشكون قال ليك هوا. مفرحناااش. ولاكبرهم راهم ولاد خوه مااشي دلبراااني وغزلان راه بنتنااا كبرت عندنا وعارفين اخلاقهااا .
كلثوم..بترجي للحااااج ..عفاااك لما خلي يحيى في رااحتو ومدخلش في حياااتو خليه يخااااد قرارتو. بحدو ويتزوج بلي حباااات خااااطرو
للحااااج…الولد راه موافق على هاااد الزواج اكلثوم وبالرضااا ديالو تقدري تأكدي كيف بغيتي
..يحيى ..الواليدة. ..الواليد عند صح ومتدخل في والو بالعكس انا لي بغيت
كلثوم..لا بغيتي خود عزبة. معندهااا حمد ولا محمااااد ولد ولاد ليك رااسك متربيش ولاد واحد اخر

الحاج.زبن بصراااامة ..اش هاااد الهضرة متقولي فيهاااا هدوك ولاد خوه ونفرض الله يستر تيتمو مكااانش ايربيهم
كلثوم..بتمياااق وتاتيتمو ويربيهم دبااا عندهم مهم تربيهم ولدي يتزوج بعزبة ..ويفرح برااااسو ..
الحاج .زين..الهضرة معاك متحيب نفع
كلثوم…معصبة ..لا هضرتك نتا لي تتجيب نفع تزوج. ولدي صغير وتدخل ليه في حياتو لا نيت نتا لي تتعرف طارت معزة انا مموافقااااش على هااااد الزوااااج

يحيى ..بمحااااولة تهدئة .. الحاجة..راه. مبزز عليا الواليد باهااا باغي يزوجهاا لواحد خر واش تبغي حفاااادك يعيشو بعاد عليك عارفك تتقولي هاد الهضرة غير حيت معصبة. ياك من مشات ونتي تتنكر على عيلات دراري وتتقولي ليهم كون غير بقات لالكم ولامنعرف دبااا اش تغير.
كلثوم…لي تغير هوا انا مبغيتكش ضيع حيااااتك ولاد خوك يجيو يعشو هنا على راااس والعين ومكيناش لي تخصر خااااطرهم اما زواااجك من مهم راه يستحيل…

العشية كلهااا وهومااا معاهااا بجميع. طرق حاولو يقنعوهااا بزوااااج يحيى من مرات المرحوم. ولكن والو…كل مرة يرجعو لنقطة صفر ..ومعجبهاا حال ولا راضية على القرار …

كلتوم…ساطت بالجهد. من شافتهم. مصرين على القرار ..وقالت بغضب مكتوم على غزلان…انوااافق ولكن بشرط ولا مقبلتوهش راه بحلوفي وباش تيحلفو العيلات الحرات بنت المختار لارجعت دخلت عليا عروسة
الحاج..بنفرة طليقنااا احنااا تنسمعوك
كلثوم…تزوجهااا ولكن دير ليااا خااااطري وتجيب لك عروسة عزبة.
يحيى..بصدمة اشنو؟؟؟
كلثوم ..ايه كيف سمعتي. لا بغيتي موافق على هاد. الزوااااج من غااادي تزوج على غزلان وتجيب لك عروسة. من لي حبااات خااااطرك
للحااااج..خبط يد مع يد مرااضيش على شرط مراااتو …
شاف يحيى حتااا عيااا وفكر مزيااااان عااااد عطى. جوابو
يحيى…وخا لي بغات خااااطرك الحاااااجة”””

الجزء7

وهانااا اليوم نفس الموقف لي عشتو هاااادي سنين كنعيشو اليوم وكنوقع على زواااجي من خو المرحوم …

أرملة ورجعت عبئ على بااا حتااا قرر يزوجني لشباااني وحماية لي بغااا ينقد الأرملة ولقااا حل وحيد هواا يزوجني من خو راااجلي …

بعد توقيعي على ديك الورقة ….نضت بزربة لبيتي ..سديت الباب وطحت معاه منهاااارة ودموعي كتسااقط بحال شي أمطار غزيرة ولا شي جزيرة. شحال مصبات فيها شتا وخير ربي اليوم تدفق عليهااا وهدااا لي وقع ليااا من زمااان ماابكيت. ديمااا كنت تنخبي في قلبي واليوم فااض الكاس وتطلق. سراااح دوك دموع يهبطو …. بكيت وبكيت. ولا بكى دوى قلبي ولا كلام عبر عن جرحي ومكتوبي …شعري شاب وانااا صغيرة وهم دنيااا رشااني وخلا قلبي رهيف …وصدماااات خلاوني نتوقع كلشي ….

كنمسح وجهي باش يوقفو هااااد دموع لاكن غير مكايزدو…حاااسة لي حساااه صعيب نطرجمو. صعيب نكتبو ولا نقولو مغديش نقول بلي الوراق مكفافينش باش نكتبو. ولكن صعيب نوصل. احسااااسي وهواا مغيحس بيه غير لي مجربو ….
يفرضو عليك زوااااج. جوج مرات اقبح حااااجة يمكن لول فرضو عليااا بااا وتاااني فرضو عليا المكتوب. .. ولكن تيتساااامو مرفوضين. …

ندااائي للأباااء. اتقو الله في ولادكم اتقو الله. في افعالكم. الزوااااج عمرو كان ولا ايكون بزز الحاجة دبزز كتبقااا فوق القلب كيف الحجرة. كتبقااا بحال الضبرة محدك نتاااا باغي تنسااا وهيااا كتزيد دق عليك …….

مقدرااااش حتاااا نغوت ونعبر ولا نقول لي ضااارني معنديش لمن نعااااود ولا نشكي من غير ربي حيت عاارفة وببساااطة بلي تواااحد مغااادي يحس بيااا وبدكشي لي بااغة نوصل ليه …لا سولتوني على عمري غاددددي نقولك الله علم لي عشتو نسااااني في سميتي …مبقااا غير عمري
……
…..شعري شاب وانا صغيرة هم دنيااا رشااني. 🌺🌺🌺🌺🌺
نبات نفكر في حيلة
مكتااب عليا نعاني
ياربي اش هاد شي عيت
نخلي كلشي ونمشي
مليت!!!

ومعنديش الزهر لا مع حبابي
ولا صحابي لي حبيتو يغدرني
……🍁🍁🍁

الجزء 8
شهر داز على زوااااجي واناا مزالة في درنااا
مزال البني ديال دار مكملش والحاج لي طلب مني نبقااا حتا يكمل يحيى دار ..انااا ويحيى عمرنااا هضرنااا ولا شفتو من نهار زواااجي بيه الحاج لي مكلف وهواا لي تيصرف على ولادي …

اليوم عيط حماية عند با في صباااح وخبرو بلي ايجي يديني. يعني اتكون دار كملات حاسة بالخنقة. ..واناا عارفة لي كيتسناني. تماك عدوزة عمرهاا عيطات ولا سولات فيا من كنت يلاه جيت وقبل زواج كان ديماا تتسول عيطت ليها انا شحال من مرة ولكن من تتعرف نمرت با. متتجاوبش …
عرفت وعرفت مزيان اش كيتسناني انااا لي عرفهااا قد ضرفتهاا قد الصعوبة ديالهااا وزواااجي من صغير في ولادهااا مستحيل تقبلو…
لبست لولادي وهزيت حوااايجي ولبست نفست جلابتي الكحلة . ..توااادعت مع مي من سمعت. الكلاكصون وخرجت با مكينش ..كان هواا حماية. بنفس شكل لباس ديال ديمااا ودينار الصلاة مطبوع في جبهتو. وسلهااام على كتاافو. نخوة واحترااام ..سلمت عليه بحياء وطلعت لسيارة للور ..بجنب ولادي وانطلقنا. ومحدنااا تنقربو. وقلبي تيضرب بالجهد بحالي داخلة لشي سبااااق.

وقفنا عند الباب وكلاكصونااا عليهم فتحو لينااا دخلنااا نزلت وتوتر كبير ضاااهر علياااا …اول حاااجة نتاابهت ليهااا هياااا. عيلات لواسي كيف تيشوفو فيااا انا عارف بلي كاين فيهم لي تتبغيني وكاين لي خاصهااا غير الفرصة فين تدوز ليااا …سرطت ريق كنفرك في يديا تقدمت نحوا. الصالون بخطوات تقيلة حيت مجموعين تماااك …مع الباب اول وحدة طاحت عليهااا عاايني هيا عدوزتي نصلت حدائي وتقدمت جيهتهااا باش نسلم تحدرت وطبعا قبلة على يدهااا كيف درت نهار لول وكيف كنت تندير ديماا وكيف قالو ليااا هوماا نعمل نهار جيت بنت 16 عااام

قالت العدوزة بصرامة ..وعيونهااا كيطلقو القرطاس ..غرابك في قرابك جاية لابسة علينااا الكحل باغة واحد اخر من ولادي يموت باش عاد تلبسي عليه البيض ..

جملتهااا صدمتني وخلات دمعة تحجر في عيوني …دنيا دارت بيااا. وماعرفت بااش نجوبهاااا نقد الموقف وخاا مبقااا فيه ميتنقد واحد من لواسي
اللوس. بضحكة محاولة يخفي ماقلت مو…مي ههه بغات تقولك زعمااا راك عروسة كون لبستي شي لون اخر
العدوزة ..لي قلتو واضح وبين. وهيا مااشي عروسة هيااا هجالة. سترهااا خوا رجلهااا

مقدرتش مزال نزيد نتحمل ولا نزيد نسمع لكلامهاااا لي كيف سم. رجعت كنجري منين دخلت. يلاه فت باب تضربت فيه هزيت راسي وبعدت منو بزربة ودمعة محجرة في عيني ..
يحيى…حادر راسو وعمر شوفة كملهااا فيهااا…مالك اشنو وااقع علاش كتجري

عضيت في شفايفي. باغة نمنع هاااد دموع بأي طريقة من طرق. باش ميشوفهم حد. ضورت راسي جيهت الحيط.
وقلت بصوت هامس بغيت نبدل جلابيتي
يحيى.. عيط. بصوت مرتااافع على بنت خوه. جات عندي. وطلب منهاا تمشي معيا لدار ديالو لي لاصقة على دار حمااااتي نبدل

غير دخلت مع الباب. منتاابهت على والو ولاشفت شكل دار ولا زوقهااا نيشان طلقت سراااح دموعي تهبط

الجزء 9

من جيت في صباح ومن تضربت فيه. معاااود شفتو طلعت انااا لدار مزال لحد الأن بقااا فيهااا مقدرتش مزال نهود. ولا نسمع داك الهضرة حيت كتهبط مع داتي كيف سم. كنت واقفة حدا النافدة كنشوف في الغابة مقابلة معناااا وساهية. غير جسم لي هناااا اما العقل غااايب وتيفكر في شلا مطارق
حتا تنسمع باب دار تحل وبنتي تتغوت بصوتهااا المعكل ..ماما ..
درت درة على رااسي وخرجت عندهم كان هوا نيت يحيى لي جابهم ..
يحيى..دار يديه ورااا راسو حك بتوتر ..كانو تيبكيو عليك
غزلان .حادرة رسهاااا .كيف ديماا .كتهضر مع ولادهااا..وتسول فيهم
رجع تكلم بنفس نبرة. شوفي اشنو خاص دار قوليها ليا نجيبو والفرااش نضبااانيو الليلة حتااا لغداا ونعبهطو لمدينة
نختاااروه. ..
غزلان ..بصوت هااادئ كيف ديما مكتعرفهااا كاع تاوش كتهضر غالب عليه الحشمة. ماشي مشكيل غير جيب لي بأن ليك مناسب
يحيى..عوج فيهااا راسو ..كنت تتهضري
غزلان..بتساؤول ؟؟اه علاش
يحيى..غي حيت ماسمعت والو
غزلان .قلت ليك ماشي مشكيل غير ختار نتااا لي بأن ليك مناااسب
يحيى..فين وصلتي في القراية زعما حداش حبستي

غزلان..حادرة رسهااا …من السادس ابتدااائي

يحيى…علاش
غزلان…كان خاص نتحول لبلاصة خرى فين نقراا الإعدادي ولكن با مبغاااش
يحيى..خير في مااختاره الله
غزلان..دكشي ليكين
يحيى..انا انمشي نجيب ليكم شي حاجة باش نتغداو
طول هاد الحوار ماهز فيهااا راس ولا شاف في وجهااا كيهضر.حادر رااسو. ..
غلب عليا نعاس البارح هانا

الجزء 10

من مجمع نساء خارجة. كانت تأدي الواجب كيفها كيف نساء الدوار وتعطي الزرورة لبنت جارتها
عند الباب تلاقات وحدة من أهل الدوار بعد سلام وكلام وسؤال عن الأحوال …
دامية ..ايواا مباروك ومسعود الآلة كلثوم قالو لي رجعتي مرات المرحوم على دمة ولدك صغير
كلثوم…غير سكتي اجارتي حبيبتي ندمت حتا ندمت زغب في رااسي من دخلتهاا لداري عروس من اصلو
دامية ..ربعات يدها ايوا علاه ياك كانت عجباك وتضلي تشكري فيهااا
كلثوم..ندمت اختي ندمت حتا ندمت زغب في رااسي حيت دخلتهااا عروسة لداري غير المرحوم كان يهترف بيهااا وشيخ يكولك مكينش بحالها مفضلهااا على بناتو. وزيد دبااا حتا صغير في ولادي
دامية…ايوا سيدة قارية صوريهااا وفيقهااا صحيح. ولا خطاك تحربيها بخو لعبها
كلثوم..مفهمتش
دامية..زيدي معيا لداري ونكوليك. الحيوط اش خلاها مولاها بودنيهم
…..
في الدار
كلثوم…احنااا وصلنا اتينا بما عندك
دامية..سيدة راه بين عنبورهااا من لول وبين ديرة يدهاا في يد شي فقيه صحيح..هوا لي ضارب ليهااا ضربة
كلثوم..زعما سحور…منضنش لا مكانتش تتخرج
دامية ..نوضي الله يجيبك على خير لا مكانتش هيااا راه مهااا
كلثوم…اويلي ستغفرالله لا لا حيدي عليااا من الخرفااات ميمكنش
دامية..ايه خرفات لول كان يموت على تراب رجليهااا وشيخ دير ليها كيف الماء القليل وزيد صغير في ولادك تزوجهااا وقولي ليا نتي لا خرفات
كلثوم..واش ندير
دامية ..ضربيهااا بضربتهاااا
كلثوم .كيفاش زعمااا نسحر ليهااا
دامية..ايه سحري ليهاا ومالهااا عيب سحري ليهاااا تفرق ليك على ولدك سحري ليهااا ترجع من جات وحجرهااا يشدوهاااا .
كلثوم ..حطات يدهااا على خدهااا تتفكر .. والحاج لا عرف راه والله تا يبتني في خيمة بوياااا
دامية ….ومنين ايعرف تااااانتي قولي ليه راك غادة تشوف بنتك لي مزوجة جيهة مراكش راه كاين تماا وحاد الفقيه الله يعطينا ببراكتو. غرااضك يتقداا ليك بزربة ودكشي متقون …
كلثوم..زعماااا
دامية ..والله عليك منكدب غير جربي غاهوا كيبغي تدويرة شوية وراه ساكن قريب ناس بنتك لي مزوجة جيهة مراكش تحد مغاادي يعيق بيك. وانا انمشي معاك
كلثوم..نبيع دهبي ونخلص مهم نتفك منهااا ومن داري متبقاااش فيهااا
دامية. غرااضك عولي من هناا راه مقدي
كلثوم..وصافي غي ندير وقيت ونمشيو انشاءالله
الجزء 11

كل واحد وعلاش كيمشي عند الفقيه. لي حاشا واش يتسمى فقيه. …كلمة كبيرة. عليه لي اصلا كتلقب غير الفقه لي عاارفين اصول الدين ماشي لي كفر ..ودار حوائج نفيهم دين الإسلامي باش يتقبل السحر ديالو ….

كانت كلثوم ودامية واقفين شادين الصف باش. يدرو داك شي لي نواو وشمل غزلان. يتفرتك. ..عدوزة عمهااا شيطااان وجارة نمامة وقاطعة يدهااا من صلة الرحم..وجاو اليوم عند المسعود باش يفرتكو شمل. لغزلان
تصلات بيه دامية وقالت ليه على غراضهم قبل ..وقال ليهم اشنو يجيبو معاهم باش غراضهم يتقدااا في نهارهم ..
كلثوم باعت كروميط ديال العنق تدهب غير بنص تمن باش يتقداا ليهاال الغراض..

دخلو عندو قالت ليه مراضهم واعدهم بالغراض ايتقدا وبالمقابل. ايعطوه الفلوس
مدو ليه علاش تافقو وفاش ايقدي الغراض

خرجو فرحانين. من عندو. ..حيت لي عولو عليه ايتقدا. وغزلان اترجع لدارهم وتبعد من ولد كلثوم .
واش نقول ليك الآلة كلثوم واش زهرك كافر ولا غزلان لي وقف معاهاا الحض هاااد النهار
قاليه الفقيه لي نتسناو في براكتو دخلت لجاااامع ببلغتو
هيا هادي عندك اكلثوم طحت في فقيه. مريض. بالزهايمر وكينسااا ..في عوض الفراق وكره. دار المحبة والقبول
ايواا اش خلاهااا مولاهااا هااادي اكبر شمس العشية. خدتهااا لالة كلثوم لي رجعاااات لدااارهاا فرحاااانة عند بالها اتفك من غزلان …

اما عند غزلان ناضت مع صباااح. بدلات لولادهااا وحتا هيااا بنفس جلابة الكحلة ..لي تكساب. دارت شحال من وحدة ودار ليهااا زكرياء شحال من وحدة ولكن كانت تتصدقهم
وتتلبس الحكل حيت كتحس بيه قريب ليهاا وكيمتل جزء من عاشتو …

الجزء 12

تاويل وطبخ واي حاجة متعلقة بالكوزينة عزيزة عليااا. ..فرشت دار. ختاريت غير من مجلات لي كان تيجيب يحيى ..وفرشتهااا بدوقي عجبني الحال حيت داير لياا خاااطري وخاا باقي بينتنااا بعد. ولكن بديت تنتوالم مع الوضع كيف توالمت في اللول….
كل واحد فينااا كينعس في بيت. انا مع ولادي وهواا وحدو. ..
طلب مني متبقاااش نهبط عند عدوزتي التحت الإ لي ضرورة يمكن حتا هوا عارف لي كيتجول في خاطرهااا
وبلي مرضياش على زوااجو مني …
كنوجد في الغدااا ومديااع خدااام. حديااا …ولادي تيلعبو في البيت ..

في وقيتة دلغدااا جا يحيى .. دخل اول شي مو باش يشوفهااا ويطمن عليهااا

يحيى..باس على رسها الواليدة. كيف بقيتي لاباس عليك
كلثوم..نحمدو الله ونشكروه
يحيى. الحمدالله
كلثوم…ايوا اولدي ديك المرة عندك متهبط مطل ما تجيب ليا حفاااادي نشوفهم
يحيى…الواليدة. راك عارفة ورااني عاارف خليهاا بعيدة من الأحسن
كلثوم..علاه ياوليدي شكون دار ليهاا شي حاجة
يحيى…ساااط بجهد ..الواليدة خليني من هاد شي وشبوقات العيلات. من الأحسن
كلثوم..كضور في عنيهااا باغة تبجد الهضرا ومااقادرة ولكن غير تتفكر غزلان تيجن جنونهااا لي سيمانة هااادي ومفعول الفقيه بااقي مقدااا شي حاااجة

ساطت بجهد ..وقالت. بنوع من الحزن
كلثوم…وليتي اوليدي تتكدب عليا
يحيى ..فاش كدبت عليك
كلثوم ..فين الوعد لي عطيتيني
يحيى ..اشمن وعد
كلثوم ..نزوجك
يحيى…عض حنكو من داااخل بااقاا منسيتي هاااد الموضوع
كلثوم..مغديش نسااا راك وعدتيني. ووعد الراجل دين عليه
يحيى..ساط ..يكون خير الواليدة غير نرجع من الخارج
كلثوم ..علاه نتا رااجع
يحيى..ضروري على حساب الورااق والخدمة
كلثوم..الله يديك بحفضو ويرجعك بحفضو
يحيى..يالله نخليكم هاد. ساعة
كلثوم..جلس تغداا معنااا
يحيى..غير بصحة كاين الغداا الفوق
غير خرج يحيى ضوراات عنيهاااا متعيب وتميق. وليتي تفضل مك على البرااااني غير بلاتي والله في دااري لا بقااات

الجزء 13

دخل دار ضربت فيه ريحة نقية ودار مجموعة ومتولة وكل حاااجة في بلاصتهااا …دور عنيه في الأرجاااء. ..كيشوف دارت الواان زوينين وباردين. عكس شخصيتهااا …
..
كتبان ليه بحال شي كتاب مثير من العنوان. لكن غموض الصفحاااات. كيخليه بااغي يتعمق كتر ..وهداا لي وااقع ليه مع غزلان …

بنت مااشي بحال لبنات. عارفة لي في قلوب نااس من جيهتهاا وتدير بنفسهااا معرفاااش عارفة نوايهم وكتخلي كلشي في يد رحماااان. صعيب تفهمهااا وتفهم شخصيتهاا المنطوءة …
حشومية ولكن مااشي غبية. كتميز وتعرف من خلال كلام ….

دخل عندهااا الكوزينة ..لقاهااا تتحط في الغدااا ..وتهضر مع ولادهااا تحاول. تكلم معاهم باش يتسرحو في الهضرة …
يحيى..باس عليهم …لباس بابا..شاف فيهاا ورجع هبط عينو بزربة. مكملش فيها حتاا شوفة .كيف دوزتو. نهار
غزلان ..بهدوء..مزيان الحمدالله سير غسل يديك انحط الغداا
حرك. راسه ومشااا لحمااام لقااا كلشي من جديد مرتب وفوطة ديالو معلقة خاصة بيه .. غسل وخرج لبيت باش يبدل لقاهااا مرتبة ليه الحوااايج. كل حاااجة في بلاصتهااا .. بدل وخرج عندهم
لقاها حطاات الغداا في طبلة. . ..دكشي تاااني مزوق وشلايض ودكشي لي كيحب اي راااجل تغير. .. ماشي غير مرقة مرقة. تطلع لو في رااس بحكم هواا مدة وهواا عاايش في الخاااريج. ..كيعجبو يكون الأكل متنوع .. وديسير والعاصير ..
امااا غزلان غير لقات كلشي موجود. كفضت على يديهااا ووجدت ليهم دكشي لي تاتبغي تهيا.. عكس من كانت مرات المرحوم في اللول كان أغلب الأحيان كسكسو ولا مرقة. مع كثرة نااس. كلثوم مكانتش تتواافق على شهيواات … عندها دكشي غير تضيااااع ..

جلس في طبلة وهز قدااامو غفرااان يوكلهااا

غزلان..غير خليهااا انا انوكلهااا اتوسخ ليك حوايجك
يحيى..لا لا غير خاليهااا مااشي مشكيل. ..تكلفي نتي غير برضى
عم سكوت من جديد وهداا شي لي تيكره يحيى..متيبغش سكوت بززاف عزيز عليه يتناااقش. باش ميحس بالغرابة ..كسر صمت بجملتو لي خلات غزلان تسد ليهااا شهية
يحيى..سيماااانة الماشية ..انرجع لخاريج

غزلان..حلات فمهااا باش تهضر ولكن رجعات سدااتو ..من تفكرااات بلي مااشي منحقهاا تدخل ليه في امورو

يحيى…بحالي فهمهااا اش بغاااا ت تكول رجع تكلم …غااادي نبقاا غير6 شهر ونرجع على حساب الخدمة والوراق

غزلان..الله يسهل
يحيى..عارفة فاش خدااام يااك
غزلان..بتوتر ..معرفتش
يحيى..مهندس فلاحي
غزلان..حركات رسهااا بسكوت
يحيى…الواليد ايتكلف بالمصروف ديالكم حتاا نجي نتي اتبقاااي هناا في دار. مرة مرة يطل عليكم ولا بغيتي تمشي لداركم هواا غااادي يديك وخاا ولا حتاجيتي شي حاااجة. نقولهاا ليه سيري معاااه الفيلاج. وخودي لي خاااصك

غزلان…ولكن انا عمري مشيت لهاااد الفيلاج مخطااا من كنت حاملة كنت تنمشي ندوز ونرجع.
يحيى…شي وقيت قبل ماانمشي ونديكم. تااخدو لي بغيتو ولي خصاك نتي ودراري وشوفيه باش تبقاااي عاقلة. من تخصك شي حاجة لي ضروري. تهبطي على ودهاا سيري مع الواليد
غزلان ..حادرة راسهاا …قالت بهد وء..سي يحيى..نتااا راك مملزومش دير هاااد شي كلو اناا عاارفة بلي بغيتي غير دير خاااطر الحاااج. . تقدر تخليني في درنااا
يحيى..بصمت طويل ..من تغداي وجدي دراري. باش نهبطهم يشوفو الواليدة لتحت ونااض

الجزء 14

كيف وعدهااا وفى. وهبطهااا مع الولاد. الفلاج لي كان كبير وفيه تقريبااا كلشي .. كاسا لولاد وهواا لي تكلف وشرى ليهم على دوقو .. وحتاا هيااا طلب منهاا تاخد لي بغات.
ولكن غزلان مافتتش بيجاااامة وحدة .. هزهاا شاف القياس. وبدا تيهز ويحط ليهاا عارف بلي موسم الشتاء قرب. دكشي علاش ختار ليهااا بيجامات سخان وبينوارات تقاشر سيرفيطات تاع دار وتريكوات سخان مع كلونااات بنطوفة مخطاا الملابس داخلية. لي محاااولش اصلا يقرب منهم اصلا …وهيااا كتشوف تيعزل كتصاحبهم. لخواتاتو. ..ماشي ليهااا

ورهااا لا جات مرة خرى منين تقداا وكيوريهاا غير محلات تاااع العيلات. ماشي لي خدااامين فيهم رجالة
..
رجعو لدار محملين واكيد منساااش الأم ديالو وبااااه. ميسر ليه الله وخدااام على رااسو. وقبل مايمشي لبراا كانت عندو كريمة ديال طااااكسي شريهااا من فلاحة لي كان تيفلح قبل يمشي لخاريج ويخدم. بالديبلوم ديالو ..
طلع ليهااا دكشي ورجع هز دكشي لخر لي شرااا للأم ديالو لي مشافتوش اصلا غزلان اشنو هواا ولا كانت معاه من خداااه..بقات في طومبيل ..
دخلو ليهاا وجلس معهاا شوية وضور معهاا وقال ليهاا بلي ايمشي يشوف شي صحابو

غير خرج هوا عيطااات على وحدة من عيلات ولادهااا لي سم ضااااهر على وجهاا
كلثوم..ريحان..طلعي شوفي اش خداا ليهااا وشحال. وشوفي واش خداا لي شي دهب ولا شي حاااجة قلقليهااا مزيااان وشوفهيااا واش شركو الفرااش ولا مزال ..يلاه و سربي محدهم يالله جاو باقي مخبات دكشي

فعلا مراات ولد قدات بيجامتهاا ومشات عند غزلان
دقات عليهاا حلات ليهاا غزلان لي يالله نصلات جلابيتها …
ريحان..اهلا حبيبة غزلان لباس
غزلان..عرفاها وعارفة نيتهاا راه كانت عايشة معاهم 3 سنين عارفة تفكيرهم كيف دير
..لباس الحمدالله
ريحان..ومالك اختي ديرتي عليناا كروة متليتي تسولي ولا تجي
غزلان..بهدوء علاه مااشي نتومااا لي خااص تجيو عندي هزات حجبهااا …زعمااا راني عروسة
دخلات ريحان تدور في عنيهااا وتشوف في الفرااش ودنيااا واش نقيه خلتهااا غزلان تبركك اصلا معندها منقول فيهاااا حادكة ومتولة ولا مجيتها تحنتك
من كانت غااادة كوزينة توجد صينة جرات باب بيتهاا سداتو لي دخلات ليه الحوااايج ونصلات ساروت خشاتو في صدرهااا .. مبينا ت لخرى والو. لي ديرة برسهااا غير تتضحك مع لولاد وهيا تتبركك
..جابت صنية والفاكية حطاتهم قدمهاا كبات ليهااا وجلسات معهااا تعطيهااا صوبهااا تتمشي بحالهااا
..ريحان..كنت خارجين قبيلة ..ياك
غزلان..امم
ريحان..ياختي خارجين شي بيجامات. شفتهم داك نهار عند خاليد في تيلفون فنين كوناهم كانين اليوم عند مالين الحوااايج (باغة تسلت من غزلان الهضرة وتعرف منهاا اشنو شرات. زعمااا )
غزلان ..بضحكة صفرة ..سيفيطي خاليد يشوف ليك
ريحان..علاه نتي اليوم مخديتي والو
غزلان…بحلاش زعما
ريحان..حوايج ودهب قالو ليا هابط هاد الليمات ياك
غزلان..بهدوء..تتهبطي وسولي ..تفضلي دوزي كااسك
ريحان…ربي يخليك ايواا كيف غااادة نتي ويحيى
غزلان..بحلاش زعما
ريحان..زوااجكم. كيف غااادي
غزلان..وراه غااادي مكتشوفيش .
ريحان..بضحة صفرة. وعيونهااا كيطلقو السم…الله يكمل
غزلان …امين

الجزء 15

قبل ميغاااادر يحيى ويمشي واحد نهار قتااارح على. غزلان واحد الفكرة بلي غااادي يرجع لولاد في. سميتو. وفعلا قاااد. الوراق وحيت دكشي كيشد الوقت خلا باه يتكلف ويرجع غفران ورضى في سميتو. غيتبدل غير اسم الأب اما النسب راه هوا هوا

اليوم …يحيى ايمشي مع العشية …
فاقت غزلان كاعية ..وغير سااهية وكتخمم في لي ايوقع من هنااا القدااااام

كانت يلاه ولات شوية بحال شي وريدة من تسقاااا. ومحد موعد السفركيقرب وهيا كتدبال ..

سدات عليهااا باب
الكوزينة …
..
وخلات دموعهااا يهبطو. …مبغاتوش يمشي حيت حست معاااه بالأمااان..مبغاااتش ترجع لداك الوحدة والألم لي كانت تتحس بيهم
عمر ليهاا وقتهااا. كيعجبهاا الحال من كيسول فيهااا وعلى اشنو خاصهااا ولا من تيهتم بالولاد…
ولفااات عليه وعلى الكلام لي تيقول من تيبغي يكسر الصمت .
كتبكي بصمت باش ميسمعش صوتهااا .. وتعض في يديهااا من تجيهااا شي شهقة عيونهااا حمارو وحناك تزنكو والنيف كدلك ..ولات بحال شي مطيشة ..

فاق يحيى كيتكسل.. وويتكسل… يلاه ايدير بانطوفة في رجلو سمع البكاااا. ..وتنخصيص وخاا صوت بعيد شوية إلا انو قدر يميزو بلي صوت البكاااا خرج من البيت تابع صوت حتا وقف قدااام باب الكوزينة عرف بلي غزلان لي تتبكي لدااااخل …
تنهد وحل الباب لقاهااا عطياااه بالضهر تتمسح في دموعهااا اول حاجة خطفت نضرو هيااا شعرهااا العرياااان. ..اسود بحال سواد ليل .وطول لحد خصرهااا …اول مرة كيشوفو .. ..

اما غزلان من حسن باب تيتحل. ضورااات وجهااا كتمسح في دموعهااا اعداا حاااجة عندهاا هيااا ناس تشوف ضعفهاا

قرب منهااا ..
يحيى ..غزلان واش تتبكي
غزلان ..بصوت مقجوج..لا لا
يحيى .علاش كتكدبي ..مالك اغزلان…كيسول فيهااا وعنيه كتهرب لشعرهااا كيحاول ميشوفش فيه ولكن الغالب الله خصوصااا هواا من رجال لي تيعشقو شعر. الكحل. كيعجبو شعر بصفة عااامة. ولكن هاكة كحل. تار انتبااهو. بززاف

غزلان…والو دارت باااغة تمشي. بحالهااا …لكن شد ليهااا من درعهااا موقفهااا..اول مرة ايشوف ويكمل شوف فيهااا ويشوف لون عنيهااا الأزرق. .. ..تاني حاااجة اتير انتباااهو هواا عنيهااا لي ركز فيهم الشوفة. …كأنو غرق في بحرهم مبقاااش مزال قااادر يهبط وجهو … دواا بنبرة هااادئة وحنونة في نفس الوقت وعنيه في عنيهااا ..
…كتبكي حيت انمشي

غمضات عنيهااا مانعة دموع تهبط ..هز يديه. وحاول يحلهم…عفااااك متغمضيش خليك غير فااااتحهم ..

غزلان..هزات فيه رااسهااا وقالت بنفس مدمرة وخوف غالب عليهااا من مستقبل …بقااا متمشيش
يحيى…انمشي وانجي انشري ليك تيلفون ..انبقا ديمااا نهضر معاك
صافي
غزلان..صافي
يحيى… بحنية…وعلاش مزالة كتبكي
غزلان..خايفة
يحيى..مناش اغزلان منااش خاايفة…دار يديه على كتاافهااا..تأكدي محدي عاايش مستحيل حااااجة تأديك إلا مكتب ليك ربي ..
مقدرش يمنع رااسو ميعنقهااااش وميخشيهاش بين ضلعو من انهارت باكية. … محدهااا هيااا تتبكي وهوااا تيزير عليهااا. ..احساس. غريب جدااا كيحس بيه. ..مكرهش ميتفرقش عليهااا يبقااا غير معهااا ومعنقهااا يخليهااا تحس بلي كاااين بلي ايحميهااا ويخااف عليهااا …

الجزء 16

مشا وكنحس بلي املي ضاااع …معرفتش علاش ناس كتغير ولا هومااا هكااا من لول غير كانو تيمتلو. علينااا الحب والإخلاص وتيتسناو غلط منك بااش يردوك جفاف تحت قدامهم …
…هدوء ..عم دار .مع رحيلو ..
كنحس بفرااااغ كبير …كل ركن. كيجيني خصاه شي حااااجة وهيااا غير …غيبت يحيى من دار …خلاهااا تتبان ليا بلا فراش بلا لوان بلا زواااق

دازت اياااام قليلة ..على سفرو..دوزتهااا فقط في داااري … متنشوف حد مكيشوفني حد كيف طلب مني منهبطش عندهم مهبطتش. .
حماية يكتر خيرو ديمااا كيسول فيااا وكيتقدا ليااا…وخااا هاااد شي كامل حااسة شي حااااجة نااقصة

هزيت تيلفون لي خدااا ليااا باش يبقااا يعيط ليا ودار ليا فيه كارطة ورشارج ..ركبت نمرت اختي وعيطت ليهااا
..غزلان..عبير لاباس عليك
عبير..غزلان هاد لاباس احبيبة ونتي ديما تنعيط نسول عليك ماما تتقول ليا معندك باس
بعد السؤال على حال والأحوال استنفات غزلان الكلام وقالت بحمااس
غزلان..عبير باقا تعقلي . ديك مرة فاش قلتي بلي هداك الخضر معقلتش على سميتو كتهضري بيه بصورة مع خطيبك
عبير..ايه وتصاب ..هانتي دخلي متجر الألعاب. وكتبي وتصاب ولا قوليها في واحد ميكرو ايكون تماك ودخليه
غزلان..وكيف ندير نهضر فيه
عبير ..دخليه ونوريك كيف ديري ليه
غزلان ..صافي وخااا

دارت كيف قالت ليهااا وحطاتو يتشاارجااا… ومشات تكمل شغالتها حتا سمعان دقان مشات حلات
غزلان..خالتي!!!!
كلثوم…ايه خالتك مالك شديتي رجلك متليتي تسولي. ماوالو
غزلان..غير مكنساليش وصاافي ..دخلي تفضلي
كلثوم…معلوم انتفضل وندخل دار ولدي هاااادي
مجوبتهاااش غزلان…
رجعات تكلماااات ..ايمتااا ابنيتي اتنشي لداااركم
غزلان..نعام اخالتي مفهمتش
كلثوم..لمطات شفيفهااا ..علاه يحيى ..مقالش ليك اتمشي لداااركم
غزلان..لا مقال لياا والو
كلثوم …ايكون غير نسااا الحبيب ديالي بسيف وهواا ولا غارق فيه الهم باقي صغير
غزلان …كتمات في قلبهااا وقالت بهدوء ..اشنو تشربي اخالتي
كلثوم…مخااصني والو ..دورات عنيهااا في دار وخا نقية متصرطاتش ليهااا…جمعي ابنتي ركانيك شوية ونقي دار ريحة البول عطاتني من الباب ..ناضت غادة بحالهااا… وكتكمل في كلامهاااا ولا انجيب ليه لالة لبنات تنفي لولدي دارو ماشي يتجمع فيها العشش ..وحلات باب وهبطات ..

غزلان..اععععع حمارت وتزنكاااات معصبة عدوهااا لي يقول عليهااا معفونة ولا مننقياش دارهااا .. لداك العصاب هزات كلشي وجفات ومسحات بسنيكروااا كلشي نقي وهي تمسح وتعاود واتبكي …بردات غديدهااا عاد ناضت هزات تيلفون لقات وتصاب تشرحا عيطات لعبير ورتهاا كيفاااش دير وتهيا رسهااا خفيف وخاا قارية غير تال سادس كتفهم بالعربية وتعرف تقرهااا دكشي باش قاد ليهاا يحيى تيلفون بالعربية …
جبدات رقم يحيى…وبدات تفصل وتخيط مع رسهااا تصيفط ليه متصيفطش. بقااات هكاك حيرانة حتااا نعسان وتيلفون في يدهااا اما ولادهااا داهم معاه جدهم الصبااااح

17الجزء

فقت تنحس براسي ايتقسم. بصدااع حيت مملفاش نعس بنهار ..هزيت عيني لساعة بان ليا حال مشااا وعلاين 6 هااادي ….عيطت لحماية سولتو على ولادي. وقالي بلي راهم بيخير شوية وايجيو ..نضت باش نوجد ليهم شي حاجة كسكروط ..

من ساليت هزيت تيلفون .. يلاه اندخل لوتصاب بداو كيجوني رساءل من نمرة يحيى
.دخلت .لقيتو كيسول فيا وفي الأولاد معرفتش كيفاااش عرف بلي شارجيت الوتصاب
..بقيت كنشوف في دوك رساءل وكنفكر. واش نجاوب ولا بلاش …
اثناء تفكيري وصلات رسالة أخرى كان محتوهااا ..
سلام لباس عليك
عضيت في شفااايفي. ..وانااا تنقراا في ديك رسالة
جاوبت بحمدالله ونتا لباس
رد عليا هديك ساعة …
ب لباس بيخير
سيفطهااا وسكت شحال عاااد كتب لاولاد بيخير
هكاك ستمرت أيام قليلة
كل نهاار نفس الأسئلة ونفس الجوااب ..
وعندهااا هيااا نفس روتين مبعدااا كل البعد عند المشاااااكيل وصدااااع
اليوم ..جات في صباح مرات لوسهااا
عرضات عليها باش تغدااا معاااهم
بالها ما هنهاا لهااااد العراااضة
لبسات بيجاااامة طويلة ودارت فولار على رسهااا.
شدات من ولادها وهبطات..عندهم
دارت النية وخلات كلشي لربي ..لكان مكتب ليهاا الأدة في هاد العراضة مرحباا بيهااا كان مكتب عليهااا نجاة مرحباا بيهاا..صيبااات لي قسم الله هبطاتو معهااا بعد معلامااات يحيى لي واافق ..بنية انو تقاااد امورهاا مع العدوزة ويتفك المشكيل وتصفى الخواطر

دخلات متوترة وكتفرك في يديهااا ..كانت العدوزة جالسة في بيت الجلاس دخلات عندهاا بعض السلام ناقص من طرف العدوزة. جلسات غزلان. وريحان دخلات صينية. والفاكية والحلوى ..من ورها دخلات دامية سلمات وسولات في أحوال غزلان وعلى مها وخوتاتهاا ..#نفاااااق

دامية..بضحة صفرة وحقد وغل في القلب وسبب واضح. كانت ناااوية تهضر لبنتهااا مع كلثوم….ايوا يابنيتي كيف غااادي زواااجك يحيى كيسول
غزلان ..بهدوء..مزيان هاد ساعة. مرة مرة كيسول الحمدالله
معطاتهااا باااش تنقي سنانها والعدوزة غير كتلمط في فمها ..ودور في عنيهااا .. كتسنى فرصة فين تبان ليهااا وتقصف

الجزء 18

تهزات الصنية والعدوزة ملقات منين دوز لغزلان بدات تدفع ليها الهضرة على ولادها
جلسو ممربينش
جنس قصيف
اش هااااد ترابي دلويل
برك اتطلي تلامط.
اتوسخو زربية
وغزلان غير ساكتة وتتلم في قلبهااا ونهار تنفاحر لا تلموهااااش
تحط الغداا ..ولكن قبل يبداااو دخلات. مرات لوس غزلان اخرى سميتهاا نبيلة
.قالت….ختي غزلان الله يحفضك انتي قارية شوية اجي وريني كيف نعمل لواااحد الدواا
قالت العدوزة بصرامة ..مكتشوفش راه كتغدااا حتاا تسالي
قالت غزلان ..بهدوء..ماشي مشكيل. انشوفهااا ونرجع
خرجت تبعاهااا
خلات دامية والعدوزة كيشوفو بعضياتهم ..ونضرات الخوف ضاهرة على وجوهم
..دخلات معاهااا لبيت ..شدت فيهااا نبيلة من يديهااا بجهد وقالت
نبيلة…هزي اختي ولادك وخرجي من هاااد دار وعمرك تعودي تعتبي فيهااا
غزلان..نبيلة ختي مالك .
نبيلة..كلثوم راه ديرة ليك توكال قداااامك وخا تشوفيهم اياااكلو معاك من نفس الطبسيل دكشي مديور ليك. سيري هزي ولادك ورجعي لدارك .اه غزلان ختي مبغااا عيشتي تحرر ودن ماسمعت وعين ماااشفت
خرجات غزلان بزربة. من بيت نبيلة كتزرب وبين عنيهااا غير ولادهااا لا يقربو من داك شي
دخلات عليهم عنيهاا حمرين ..من حسن الحض لقااات العدوزة شادة غفران ناااوية تضربهااا
قالت .غزلان..بثعتلم وااضح ..خالتي اشنو تديري علاش اضربيها
العدوزة..كطير كطير مع الطيور والو واش تجلس
خطفتهااا منهااا غزلان ونااادت على رضى بصوت مرتااافع
رضى.يلاه
رضي…بصوت طفولي ماما ناكل
غزلان..نوض لداركم وتدير ليكم تاكلو هزااااتهم وخرجات بزربة خلات العدوزة ماافهمة والو ودامية كتر
كلثوم..هادي مالها
دامية…يمكن بقااا فيهاا الحال حيت ضربتي بنتهااا اش قربك ليهااا هااانتي ضيعتي عليناااا كلشي اكلثوم
كلثوم..ميصحابنيش ت ايبقااا فيهااا الحال
دامية ..وشوفي كيف ديري دبااا يلاه بزز باش لقيناا طريقة هانتي ضيعتي كلشي

الجزء 19

كنعيش الألم.
كنكتبو في الواقع

اليوم حملت قلمي لأدون سطور لم تأتي من فراااغ
بل واقع عاشته غزلان
لبنى
حليمة
خديجة
في قصة غزلان حاولت نحكي عن معاناة. ألم واقع حقيقة
عدة احسيس عاشتهم عدة فتيات
زواج الغصب
زواج القصيرات
زواج عن غير رضى
سلطة الأطباء على البنات
اتخاد القرارات في مكان الشخص المعين
مشاكيل الكنةوالحمااة
الزواج ..من اخ العريس

الحاجة الوحيدة لي تتقدر تنبع من وسط هااااد المعاناة هيا الحب لي كيجي بحال الشمس في عز الغيوم او الشتاء في عز الحر
يخفف علينا الألم ..كينسينااا احيااانااا …
ما نعيشه ..

ضروري ما القدر يكون عندو دور في كل قصة وفي كل حكاية.
متلموش غزلان ادااا يوم تبدلت او دارت حاجة خايبة
لأنهااا ضحية ..
هداا كلامي ليكم نتوما كقرءاات
ولكن رد شخصيات
ايكون …كتالي
طلقهااا جيب حسن منهاا
تزوج غير
دخلهاا الحبس
خليهاا تعفن
متستاااهلكش
نتااا راحل وسيد رجال وزينت البنات تكون ليك
غدرااااتك. …

المجتمع دكوري. وتفكير نساء هوا لي خلاه يكون دكوري
علاش شكون من تضر بنتهاا تتقول ليها صبري معندك مديري زهرك هداااك
على شكون لي تتخان بنتهاا وتتقول ليهااا هدا مهزت ليك مغرفتك صبري
على شكون لي كتاكل العصا وتتقول ليهااا المسامح كريم
على شكون شكون شكون
علاش مرة من تتخون تسما في فاسقة .علاش راجل لا

علاش راجل من تيدير وتيدير مكنقولش لو صبر
في أبسط الحوايج راجل لاكان عاكر خاص المرة تصبر معاه والعكس لكانت المرة تيقولو لو تزوح وجيب لي تولد ليك
علاش بنت من تتكون فاقدة البكارة ديالهااا كيتنعتو فيهااا جميع النعوت ورااااجل من تيكون ناقص رجولة يقولو ليهااا سترى ومتقولي والو
وصبري من جديد
صبر
صبر
صبر
مفهوم العرب عدنااا هواا نسكت لضلم والحكرة والمعاناة
نسكت لكلام القاااصح
نسكت ادا تهنت في كرامتي
نسكت ادا كليت العصا

وهدا مصير. إمرءة
#الصبر

الجزء 20
داز شهر على غياب يحيى.
لقيت نفسي ام واب. في نفس الوقت
تربي توااام حاجة مااشي سااهلة. خاصك. تعرف تعامل مع تقلبات ديالهم المزاجية العناد على ابسط الحوااايج
الخوف لي تيكون زايد نغزة فيهم …
..
هاد المرة ماشي عطيت تيساع لعدوزتي هاد المرة حطيت سطلهااا بلا تقرقيب وباب داري مبقيتش كنحلو إلا لشيخي لي كيجي مرة مرة يزوريني
يحيى باقا كنهضر معاه كنحس برااسي عاايشة مرحلة جديدة من حياااتي ويلاه تنتعرف على شي راااجل
كيسول فيا
كنسول فيه
باغي يعرف بزززاف عليا وحتا انا نفس شي
كيسول اشنو كنبغي لون مفضل اكل. البلد بحالي انا فيتة فين تزاديت

كملت شغالي وجلست نرتااااح
كنسمع تيلفون كيصوني يلاه انوض نجيبو. بانت ليا غفران هزااه وتضحك ..
وتهضر معكلة كيف ديمااا
عرفتو هواا من صوتو ..
من شحال تيعيط ابيل فيديو ومكنبغيش نجوبو حيت تنحشم وكتبة ماشي هيا صورة. ودبا غفران لي جوبات.

تنخرج فيهاا عنياااباش تدي تيلفون ووتمشي تنتحلف عليهااا شعري عريان لابسة غير حوايج عادين. تيشرط وسروال بيجامة ..
لاحت ليا تيلفون وهربات كتجري يديك مشيت البطريق ديالهااا جاب الله طاح مقلوب
رجعت حطيتو وجبت زيف عملتو عليا عاد. هزيت تيلفون ولكن صدمة هيااا من لقيت الكامرة مقلوبة وكان تيشوف فيا من كنت تنتحلف على غفران
قلبتهااا عندي وبعدت من تيلفون خليت. غير نص وجهي لي باين
..
قبل نهضر تكلم هواا..
يحيى…بابتساااامة على وجهو ..حيت كان تيضحك من كانت تتحلف على غفران..عوج راسو في كاميرة كيقلب عليهااا بعنيه …كيحس بلي شي حاجة كتر من شوق لي مشاتق لي شوفتهااا وقلبو ايخرج من بلاصتو بالدق

.اش هدا زعماااا ..تشويق
غزلان ..نعام

يحيى..شفتك باين غي نص وجهك نص اخر فين

غزلان..ضحكت بشوية….بركا عليك

يحيى..باغي نشوفك
كاملة
غزلان..ضحكت بمويوعة كتلعب بأطرف شعرهااا من لتحت…وشوف مايبرد جوف

يحيى..قهقهة رجالية …قال مبتااسم لي بغيت نبرد الجوف خاص نجي يمكن

غزلان ..ونتااا تعرف

يحيى…ياودي تحد عرفي اناااا

غزلان..ايواا متلاحش فين تفلق

يحيى..عاجبني نتلاح وباغي نتلاح

غزلان ..قطعات عليه …ايواا تلاح

وتكات على كرسي تضحك وجهااا منور….وعنيهااا مدبلينش كيف ديمااا لا ضاحكة من القلب ❤️ وهداا حالهااا في كل مرة تهضر معاه

الجزء 21

نهار عرفت خويااا كيبغهاااا وناوي يتزوجهاااا انساااحبت. ..
شفتهااا قبل منو. ..غير بصدفة من كنت تنصوق الطاكسي ديالي ركبت معيااا هيااا ومها وشي احد من عائلتهااا كان باين فيهااا المرض ولكن مكانش مانع. لون عنيهااا يبان ويسحرني من اول لحضة …
طريق كلهااا وانا ساهي فيهااا سبحان الخالق لي صورهااا بهاد الجمال ..
لبسهااا كان طويل ويرة فولار على شعرهاااا
من تماااك اعجبت بيهااا

من وقفناا في في محطة نزول منزلتش عيني عليهااا كانت تتبان كبيرة على عمرهااا
ولكن من عرفت بلي خويااا الكبير. زكرياء حاط عينو عليها انسااااحبت. ولكن صورتهااا مبغاتش تنساا ليا من بالي
هدا متيعنيش. بلي بغيتهااا
ولكن حسيت بإعجاب قوي من جيهتهاا وحاولت نساه
كيفاش يتنسااا ليااا بسهولة او بالأحرى متنسااش غير دفنتو في قلبي. حتا تجي شي وحدة. وتنسيني فيه

من ورااا زواااج خويا بيهاا ومجىء ديالي انا لخاريج ..
معاودتش هبطت بمرة
بصراحة كنت خاايف لا مشااعر اعجاب تولد من جيهتهااا ونولي نشوف في حااااجة حرااام عليااا. ونتسمى غدرت خويااا بعدت وبعدت ولكن قلبي غير مكان يقرب

وعاد عقلي ما يزيد يفكر فيهااا
قبل زواااجي بيهااا حاولت من جديد نكتم هاد الإعجاب ومنحاولش حتا نشوف فيهااا حيت كتبقاا أمانة خويا وافقت على موضوع زواااج من مرة خرى. غير بااش نقدر نقنع نفسي بلي هيا مجرد أمانة وخااص نحميهاا. لكن قلبي حن
وخا حن في ايامي القليلة لي بقات لي في مغرب
حسيت براسي رااااجع الغربة وهاااد المرة مااشي غير الإعجاب لي في قلبي ليهااا هاااد مرة هااز معاه حاجة خرى. .. عكس لول كنت باغي غير نمشي قبل نشوف خويا مشا يخطبهاا
مكرهتش منتفرقش عليهااا نبقااا معاهااا ..نديهااا معايا
كلشي فكرت فيه
ومن هنااا استنتجت بلي هدااا ماشي مجرد. اعجااااب
هدااا الحب. لي في قلبي جيهة غزلان
وانا في الغربة كنحسب ليالي….ايمتااا تسالي هاااد 6 اشهر خلاص باش نرجع ليهااا نرجع نغرق في عنيهااا و الأهم لون شعرهااا الحكل لي عمري شفت بحالو ..
شهر وانا تنحاول نتكلم معاهااا غير باش نشوفو ولكن والو. ست غزلان قاطعة الما والضو يمكن محلفهااا فيااا حتااا نجي

الجزء 22

الأيام كتمر. …نفس الروتين. كنعيشو. كل اليوم ..غير ولادي ودار وكنهضر مع يحيى. بلا كاميرة

العدوزة تنسمعهاا يوميااا تتنغر وتغوت بجهد وتمعني عليااا ولكن انا ديرة عين ماشفت ودون ماسمعت عطيهاا مشي
ومخليهااا دير لي بغات حتا يهديهاا الله.

قلبي بدااا يتعلق بدات الفرحة تدخل ليه اهتماااام يحيى. ولو من بعيد خلاني نتعلق بيه لدرجة وليت عارفة معاش كيعيط ومعاش تيكون داخل الوتصاب ..
كنعيش مرحلة معمرني توقعت انعيشهااا شي نهار في حيااااتي
قلبي تيضرب بزززاف من تنهضر معاه ولا مني تيقول ليااا توحشتك. كنحس بدغدغة. كتسري في دااااتي ..
..
..عارفة رااسي بلي كنحس بس حاجة من جيهة يحيى ..ماشي ولف كيف كنت تنحس مع زكرياء. شي حاجة مختالفة
..معرفتش واش حب ولا عشق. حيت عمرني جربت
يمكن لي خبير ايعرف حالتي بمجرد نضرة ..واناا مقدرااش نميز نوع احسااسي

موعد رجوع يحيى كيقرب …
نضفت دار مزيان. درت تلامط جداد بدلت بزاف دلحواايج
عطاو نضرة جديدة لدار ..
اليوم ايوصل حيت البارح بليل نزل في طنجة مع جا عبر الباخرة وحيت مدخل معاه سيارة. من تماااك ولكن ممدونياش. ايدوز بيهااا مدة ويرجعهااا كيف شرح لياااا ..
خدمة ديالو. مرخوفة و يقدر يخدم غير من الحاسوب
ولكن على حساب الورااق خااص يبقااا يمشي ويجي.

جبدت لي انحتااااج باس نوجد ليه الأكلة لي قال تتعجبو .. الدجاج معمر بالشعرية صينية. والخضر مبخرة ..

وجدت وقاديت شلاضة والديسير. والعاااصير ..
محد الوقت كيقرب. وقلبي كتزاااد دقااااتو .. .باغة غير ايمتااا نشوفو
..كنحس بداتي. بدات تتسحن عليااا وتوتر غلب عليااا ..اماا فمي طيبتو بالعضان .الحشمة رجعات وخا تنقول انحيدهااا ….وتحاول نبداا حياة جديدة ونتقبل بلي هدااا قدري …
كل مرة كنطل من نافدة. نشوف وااش وصل ..

حتا تتبان ليا سيارة كحلة. نوع مرسيدس دخالة باقة جديدة وفيهااا بلاكة ديال برى
مقدرتش مزال نبقاااا. نطل

اما عند يحيى . نفس الإحساس كيحس بيه بحال مرااهق حب شي بنت غير من موااقع تواصل الإجتماااعي وأول مرة ايشوفهااا كان جايب طومبيل عامرة حوايج وهداية دخل عند الأم ديالو هيااا لولة. …مخلا مجاب ليهااا وعيلات خوتو وبان. تفكر كلشي صغار ولكبار..برك معاهم شوية وشرب معاهم اتاي وكلثوم كل مرة تنوض دير برسهااا باغة. تجيب شي حاجة ودوز من جدااا طومبيل تبركك. وتشوف اشنو جايب فيهااا ساعة جاح كان فيمي ومبان ليهااا والو بغات تفقص وتموت
..
يحيى..يلاه انخليكم. نطلع نشوف دراري على رضى وغفران

كلثوم..بتمسكين. وجلس معنااا ياوليدي. يالله جيتي. وانا باقة مشبعت منك وقلعت منك الشوق مالك مزورب

يحيى..كتر من ساعة وانا معاك وانااا مزال معاك فين انمشي. راه غير لداري الفوق
كلثوم..وغير جلس اوليدي معنااا انا انحطو العشاااا ديرونو بحساابك زعمااا تخليه وتمشي

يحيى دار الخاطر لمو ومبغاتش يخليهااا. مفكوعة عليه من اول نهار جا
وهياا تتغمز في ريحان تنقص بوطة وتخلى يطيب على نهار مهيلة كيف هوا كيف قلب يحيى لي شوق غلبو ولا بااغي غير يشوفهااا خلاص. هز تيلفون كيسفط ليها في ميساجات
هبطي عندي.
غزلان..علاه فينك نتاا نهبط عندك
يحيى..زعما معرفتش فين انا لتحت عند. مي مبقيتش قااااد نصبر هبطي نتي ودراري
غزلان وصبرتي صبرتي 6 شهر. غير صبر دبااا تتشبع منك مك
يحيى…عندي بززاف دلكلام باغي نقولو ليك. بغيت غير ايمتااا نشوفك
كلثوم ..يحيى وليدي حط داك تيلفون وتحتت معيااا شوية راني موحشااااك الحبيب ديالي

الجزء 23

حط تيلفون وعطاااا الخاااطر للأم ديالو وخلهااا على خاطرهاااا وخااا باقة. باغة تعرف اش في طومبيل ولكن متقدش تقول ليه والو تحط داك العشاااا
يحيى دار غير صواب امااا جاه ميدم مقدرش عليه
..بزز باش تفك من كلثوم لي مقبلاه تعال بات هنا وليدي

حل الكرااااج ( خدا سوارت من عند باه حيت كان مخلي لو ضوبل ) ودخل الطومبيل. وهز من دكشي لي جيب ليهم حتا هومااا
وطلع. دار جوج خطوات في دروج حل لباب …لقااا صقيل حيت اصلا. مشااا الحال. عرف بلي الولاد ايكونو نعسو ..

امااا غزلان من دخل لعند الأم ديالو وهياا تتسنااا فيه عشات دراري ونعساااتهم لبسات بيجاااامة جديدة. ومشطات شعرهااا حشمات تخليه بلا فولار دارتو عليه غير مبعتر
وتطرف من هنااا وتقاد من هنااا حتا سمعات باب الكرااااج تحل. ..بكثرة الحشمة وتوتر لي سيطر عليهااا مشااات لبيتهاااا .. وتخشات في الفراش دارت برسهااا نعست
دخل يحيى تيقلب عليهااا بعنيه … حل البيت لي كان تينعس فيه في لول لقااا الولاد ناعسين فيه وحدهم بااسهم وغطاهم وخرج …
مشااا لبت اخر حل الباب بشوية محد الباب كيتحل محد غزلان كتزير على عنيهااا وجهااا يتزنك ..
شعل الضو لي كان طاافي بانت ليه ناعسة وعطيااااه بضهر ..قرب منهااا ودار جيهة وجهااا غير شافو. دار ضحكة بزاااوية فمو عرفهااا فيقة من خلال عنيهاااا
تحدر على ركبتو مقرب منهااا ..حط يديه في حنكهاااا. تيتلمس فيه ببطئ ملمس يديه الحنين خلا حلمهااا يبورش عليهااا ويتزير وخا تتحاول دير رسهااا نااعسة ولكن مفروشة
قرب وطبع قبلة على حنكهااا وقال بشوق عارم
توحشتك
توحشتك بزززااف بهدوء وانفاااسو تضرب في وجهااا حلي عنيك عارفك فيقة.
بزز حلت فيه عنيهااا مزنكة
غير حلتهم ضحك ضحكة خفيفة
يحيى…مغديش تسلمى على راااجلك
غزلان..مدااات يدهااا ..سلام
يحيى..ضحك من جديد ومد يد و وقال بطنز ..معاك يحيى ونتي
غزلان ..هاااء
يحيى..هو كون كنتي ناعسة نقولو نعاس قالبك ولكن نتي افيقة
غزلان .. تكعدااات ..احم احم نحط ليك تعشااا
يحيى..دور رااسو بآه مع غمزة خطيرة .خلات غزلان ولات باغة غير تفك وتخرج متبقاااش معاه في بيت واااحد
خشات رجلهاا في. بانطوفة. ونااضت. ..
يلاه اترمى الخطوة شدهااا من يديهااا
يحيى…راك بااقة مسلمتي عليااا واقيلة
غزلان…لا راه سلمت عليك
يحيى…عمك اناا وعمك واتعنقيه …دورهااا عندو بخفة وعنقهاااا بجهد. توحشتك بززاف في خباارك ..يديه كتهبط زيف على شعرهااا. خشا فيه نيفو كيشم ريحة زوينة فيه
يحيى..ريحتك ريحة شعرك نتى .حكاية. معنديش ليها عنوان
غزلان وفينك اغزلان حشمة غرقات فيهاا. مسكينة ولات تندم في رسهااا وتقول كون غير نعست بصح
فصل العلناق وبقااا كيشوف. فيهااا
يحيى..مغتقولي والو
غزلان .احم معر معرفتش اش غنقول
يحيى ..هز ليهااا رسهااا بزوج صباع وخلا عنيه يتيهو في متاهة عنيهااا …دار يديه من وراااا عنقهااا وقربهاااا منو حط نيفو على نيفهاااا.. وقال
وشفايفهم علاين يتلاصقو
كنت موجد بززاف دلكلام نقولو ليك ولكن غير شفتك ومشاااا كلشي مبقيت عااقل. على حتااا شي حرف سوى كلمة وحدة
وهيااا #كنبغيك
وحط شفااايفو على شفايفهاااا غرق معهااا في قبلة الحب ولدته
غرق معهاا في مشاعر كانت مدونة
مبقاااا باغي يفكر في والو. سوى فيه وفيهاا وفي ولادهم
دورهااا جبهة حيط وكلاهااا معاااه وزااااد غرق في القبلة يبوس. ويفصل ويرجع
لتاهم شفيفهاا نيت. من كترت مكانت قبلة شوق كانت قبلة كفيلة تعبر عن الحب لي حاسو من جيهتهااا

الجزء24
نساااا رااسه وبقااا غارق معاها في القبلة او بالأحرى مشبعش ومقدش يبعد
حطات يديهااا على صدرو با ش دفعو ..ولكن شدهم ليهاا بيد وحدة ودارهم ليها فوق رسهاااا وشدهم. مع الحيط …وكمل التقبيل ديالو بمنتهى الإحترافية
…بعد شوية غير باش يشوف ردة فعلهااا وطلق منهااا غير طلق …طارت من قدااامو مشاااات لحمااام وسدات عليهااا الباب وتكات عليه كتنهج

تبعهااا هديك سااع كيدق عليهاااا ..
يحيى…غزلان مالك اش واقع واش لابااس
لارد
رجع تكلم ..غزلان حلي الباب
..والو مكتجاوبش
يحيى…غزلان. واش بقااا فيك الحال حيت قربت منك ولا أشنو .
خرجي خلينااا نهضرو..ونوضحو الأمور

غزلان..بلاتي انااا خاااارجة
داز شوية الوقت عااااد خرجااات كتمسح في وجهااا بالفوطة
شد ليهااا يحيى من يدهااا..غزلان مالك
غزلان ..والو
يحيى… علاش درتي هاااد ردة الفعل واش معجبكش الحال حيت قربت منك
غزلان…سكات لا رد
رجع تكلم …
واش مبغيتش نعطيو فرصة لهاااد زوااااج
هضري مااالك سااااكتة .
غزلان..معرفتش اشنغقول ليك .
يحيى..ساهل. واش باغة تعطي فرصة لزوجنااا
غزلان..مفهمتش
يحيى..زوجنااا يولي حقيقي ..نساو لي فات ونساو بلي شي نهار كنت غير لوسك

غزلان..يحيى انااا خاايفة بززاف والله

يحيى مناااش خاايفة

غزلان..من كلشي ومن امك. مموافقااااش علياا ايحيى ومغديش تقبل هااااد شي

يحيى..بحب ديري يدي في يدك وخلينااا نتغلبو على كلشي مي دبااا ربي يهديهااا شي نهار وتواافق على هاااد الزوااااج المهم هوا نتي واش رااضية نعطيو فرصة لزوجنااا

غزلان ..هبطااات رسهااا حشمانة مقدرااااش تجااوب
..هز ليهااا رسهااا بزوج صبعان من دقنهاا
جوبيني اغزلان

غزلان..ابتسماات بحالي عطاتو الجوااب بهاااد الإبتساااامة وطارت من قدامو الكوزينة..
بدات تتسحن في العشاااء والإبتسااامة فالتة ليهااا وقلبهااا كيدق. بجهد ..
.
وجدات الطبلة كتسنااا فيه حشمات تمشي تعيط عليه
غير شوية ودخل عندهااا مبدل بسيرفيط الدار
جلس في طبلة ..وابتاااسم ليهااا حيت تتشوف فيه ..
ولاد تعشااااو
غزلان..امم
يحيى..اجي نتي تعشاااي
غزلان.. انا جاية.
تعشات معاه في جو غارق بالحشمة من طرفهااا اما هواا عااادي تياااكل ويشكر في طيبهاا وعجبو الحال حيت دارت حاجة عزيزة عليه نهار مجيتو بااش تفرحو ..

كمل وناض. خلاهااا تتحيد في ماعن من طبلة طرفات الكوزينة عاد خرجااات ..مشات الحمام ..قدات بيجامتهااا وغسلات سنانهااا وعقلهااا خدااام في لي جاااي ..
وخلعة شادهاااا ..وكتساءل مع نفسهااا زعمااا ايبغي حقو اليوم
من اول ليلة
لا لا منضنش غير تال غدااا بعد
حارت بيهااا ومعرفاااات اش غدير وجهاا تزنك ..ماشي سااهل تشرك الفراااش مع لي كان لوسهااا واحد النهار

الجزء 25
تتمة
يحيى..من البيت غزلان واش اتباااتي تم
غزلان..هنااا جاية بهدوء هانااا جاية
البكية باغة تخرج ليهااا..
قدات مسائلهااا وخرجات. لبيت ..
يحيى ..هز راسه فيهااا كيصحاب ليااا اتباااتي تماك
غزلان..بتوتر اتنعس هنااا
يحيى..ضحك بزواية فمو عرفهااا فاااش كتفكر
وي انعس حداااك الحب
غزلان خرجات عنيهااا ..هاااء. نعااام
يحيى..هز يديه بحال شي مجرم حصل ..وقال كيضحك غير غنعس حداااك اما دكشي لي تتفكري فيه مامنو والو. بصراحة عجبني تفكير ديالك
غزلان. اه انا انمشي نعس حدااا دراري كيفقو في ليل
يحيى..بهدوء غزلان دوزي تنعسي
مشات لجيهة لخرى من السرير. وتكاااات مضورة وجهااا عندو …مقدرااااش تعطيه بضهر ..
دار تهوااا نفس شي وربع يديه متكي كيشوف فيهاااا وفي عنيهااااا
غزلان..يحيى زعمااا درنااا صحيح مغديش ندمو شي نهار
يحيى..معرفتش واش لي كيتزوج كيفكر
في هاد سوؤال ولا غير نتي
غزلان..حالتنااا حتااا مااشي كيف كيف
يحيى..غزلان غير كتبغي تمرضي رااسك بهاااد الأفكار خليك واقعية شوية … حنااا كنعيشو الوااااقع مااشي خيال
غزلان..كلو من خوفي لا نتعلق بيك ونتفرق مغديش نقدر نتحمل
قرب منهااا ودار يديه تحت. راسهاا جرهااا عندو …اش هاااد افكار تيطحو عليك ..غير قولي ليااا قبل كاااع متصلح علقتناا قلت ليك بلي ديمااا انبقاااا معاك ومكتااينش لي اتخصر خااااطرك وخااا
حركات رسهااا وبقاااات في وضعيتهااا حتااا نعساااات
وخلات يحيى ..من ورهاا كيفكر معرفش هااااد الخوف عندهااا مناش
ايه اسي يحيى كلو من امك وغزلان خااايفة غير لا حقد يزيد يعمي عنيهااا كتر وتأدي واحد من ولادهااا ولاهياااا
امااا نتااا راك ولدهااا مستحيل تأديك وهيا تدير في هاااد شي كلو على قبلك

فاقت في صباااح غزلان على صوت دراري كيلعبو. .. كان وقت مشا حيت منعسوش بكري علاين وقيت الغداا
خرجات بدلات ليهم وقدات ليهم البيت وخدمات ليهم تلفاااازة خلاتهم يتفرجو ومشات تتوجد في في فطور بكل حيوية ..تزوق من هناا ونحط من هنااا قدات طبلة. عاااد يحيى فاق غسل. ودخل عندهااا الكوزينة باسهااا في خدهااا..
يحيى صباااح نور
غزلان ..صباح الخير. جلس تفطر انا انجيب دراري
يحيى ..غير خليك هانااا انجيبهم .. من الكوزينة تتسمع فيهم فرحانين وتيغوتو بابا حيت. ولفوه تيهضر معاهم يوميااا .. .
غير فطرو هبط جاب ليهم. دكشي لي يقال البارح في طومبيل مخلا مجاب ليهم تهلا فيهم حوايج لعاب شكلاط
وحتااا غزلان كدلك لبيسااات دلخروج. زوينين ومستورين…بيجمات مكياااج روايح شيلان. مونطو ..ليبوط
..
يحيى..بدلي ليهم حوايجهم ووجدي حتاا نتي راسك الواليد عيط ليااا باغي نتغداو معاهم اليوم

Leave a comment