Skip links

 1,586 عدد مشاهداات

يلاه بااانو عندي هنا نحط ليكم قصة قصيرة كتقتل بالضحك من ابداعات يديا….ملي تبانو ليا تجمعتو نحط و مبغيت لا 1000 جيم لا والو ها لعار غير تبانو بعدا 😅😅
قصة بعنوان : احببت_سائق_حافلة.
بقلمي:OUMAIMA BEN.
قصة كاملة مكمولة و غنولي كل نهار ننقل ليكم 5 لقصص من غير هادي يلاه…اجتمعوووو 😤😤😤

#جزء_1 : الحياة قدما خدات منك ، قدما كتعطيك. وكن متاكد أنه مدام حرماتك من شي حاجة إلا وأنه كينتضرك حلم او بالاحرى واقع أجمل الحاجة لي كتميزو و هي الصبر ‏‎<3<3‎‏ . هادي انا خديجة وكيف كيقولو لي لي معندو خديجة فدار معندو والو هه (تحية لخديجات) عندي 20 عام و ام لطفلين مراد ومروى اكيد تفاجآتو حيت باقة صغيرة و عندي جوج دراري مي هادي هي حياتي لي كنعشقها ....غنحكي ليكم قصتي وخاصني لابد نذكر شبابي حيت بفضلو وليت اسعد آمرأة فالكون. #جزء_2 : خديجة : يخ تفو على طوبيس الله يحفر لبوك جذر. مرأة : تقاي الله أبنتي ملي وقفتي ونتي دعاي فشوافرية حشومة راهم متقلين بعباد الله. خديجة : ومالي انا عيرت شوافرية. لمرأة: وعلاه لي سايق طوبيس شكون. خديجة : (بغباء) شوافرية. لمرأة بقات غير كتشوف فيها وحتا هي متكون من لعاكزين طلعاتها وهبطاتها . خديجة : بنتي ليا حازمة رجلك ياكما كاين باس. المرأة : والو باس غير ضراني مشكيت عليك بقوة تمارة و الوقوف. خديجة : والله ومتساليني حلوف يا كن مكانش هاد طوبيس ياتندير لخالتو واحد لمصاج تولي تجري بحال بيدوان ولا مدرتهاش منكونش انا خديجة شوفي اخالتي راني أخصائية فالمصاج منعاودلكش على ايدياتي اش كيخرجو ...... لمرأة ضورات وجهها حاضية طوبيس حيت هضرة خديجة ضراتها فراسها وخاص غير لي يبداها باش تسرسر كولشي . دازت شي ربع ساعة و خديجة مزال غير كتشكر فراسها و فلمصاج ليكدير. خديجة : ايوا كيجيتك اخالتي. المرأة : كي لgرعة . خديجة يلاه بغات تجاوبها حتى بان ليها طوبيس جاي وبركات تنقز " هاهو جا هااااهو ههههه. #جزء_3 : وصل طوبيس واحتراما للمرأة لكبيرة فالسن الشيفور حل ليها لباب لقدامي . المرأة (وهي طالعة): الله يرضي علك اوليدي. شيفور : امين ا ميمتي. ورك الشيفور على بوطونة باش يتسد لباب حتى طلعات خديجة مع خفيفة وجاب الله لباب متسدش عليها. خديجة : الله يسد عليك بيبان الرحمة باغي تقتلني دعيتك الله. شيفور: امالكي سارطة كاسيطة د دعاوي لخايبة صباحتو لله. خديجة : شناااواا ! خايبة ! ماتولد ويعيش لك انا رااه خديجة أسي الطايح كتر من النايض ايوا زم فمك و كسيري. المرأة: وا نعلي الشيطان (تلفتت جيهة شيفور) تحرك اولدي الله يرضي عليك. تحرك الطوبيس و داك شيفور مرة مرة يهز عينو فيها وهي كتخنزر فيه , يلاه فاتو جوج بلاكات و بغات لمرأة تنزل .خديجة: من صباح ونتي واقفة فلبلاكة باش تجي من تماك لهنا وايني راك مكلخة اخالتي. المرأة : ‏‎>:)>:)‎‏ اش غنقول لك الله يعطك اللقوة علاه تسدي داك لفم. نزلات المرأة وخلات خديجة مصدومة خصوصا هي مقاصدة والو هزات راسها بان ليها الشيفور كيضحك و كيشوف فيها . خديجة: ضحك تهجرو باينة كي غيدوز نهاري غير ملي صبحت عليكم تفوو.

#جزء_4 : قرب الطوبيس لمديونة و خديجة بغات تنزل .. حل ليها لباب لوراني وسد لقدامي. خديجة: حل ليا لباب. شيفور: راه لباب نزلي منو مناقصكش على صباح ضريتني فراسي. خديجة: أشريف راني حفيت رجلي فهاد طوبيس و مني كنطلعو كنطلعو من لور ومني كنبغيو نزلو كنزلو من لباب لقدامي هدا هو لقانون.شيفور: نتي خالفتي القانون وطلعتي من لقدام المتخلفة.خديجة: حشاك أنمرود تفو شو كيداير . هزات خديجة صاكها ونزلات من لباب لوراني كتشتف برجليها وتعاير فشيفور لي زاد وهو كيضحك عليها وعلى تصرفاتها. وصلات حدا لباب لقاتو مسدود وتفكرات بلي كيسدو مع ل1 رجعات تاني كتشتف والدمعة فعينيها. خديجة : سيرالله يلقيها ليك كيفما عطلتني تفو بغيتلك موصيبة (جلست فلبلاكة و عينيها شلال) اش نقول لسالم دبا (كتعوج) با سمح ليا راه تعطلت على لمديوني حيت تلاقيت مع واحد الشيفور جلاخة اووووف ليوم يعلقني فضوايا دلبيت اصلا هو باغي ليا غير السبة و غيشد معايا الزكير غدا يخ. بدات كتفقد الامل حيت طوبيس تعطل عليها او ولات خايفة لميجيش وتبقا هنا ومعندها حتى ريال فجيبها وهي كتفكر بان ليها جاي نقزات بالفرحة حيت اخيرا غترجع لدارهم لدرجة طلعات و جلست اونفاص مع شيفور وهي باقة كتعاير فداك شيفور.

#جزء_5 : شيفور : نتي هنا الله يستر هه هربو ليك لفيزيبلات تاني .هزات راسها كتشوف شكون ومعامن داوي داك خاينا لقاتو نفسو داك شيفور لي وصلها و عاجبو لحال كيضحك ناضت صارعة حداه. خديجة : شتي نتا , نتا نتا لوصلتي لداركم سالك غانم عرف راك مرضي لوالدين ولا شي صدقة تعرضات لك فطريق حيت اكيد ربي اينتقم منك على هاد تبهديلة لي بهدلتني ليوم. شيفور: واااااااو واش سارطة كاسيطة واش مكتسكتيش لعار منين كطفاي باش نعود نطفيك صداعك كيضرني و زيدون انا مدرت والو غير وصلتيني.خديجة : (غوتت) وصلتيني (تلفتات لقات كولشي كيشوف فيها وبدات كتهضر بشوي) قول عطلتني راني لقيت لمدرسة سادة دبا اش نقول لبابا أأأ وهو بزز باش خلاني نجي. شيفور: متقوليش ليا كنتي فلمديوني ههههه والله حتى تأكدت دبا بلي راك اكبر متخلفة راه ليوم كاين إضراب ولميوني سادة هه باينة فيك قارية بزاف. خديجة مرضاتش بهضرتو و بقات كتغدد كون صابت تقتلو ديك ساعة . خديجة : الله ينتقم منك تفو. رجعات لبلاصتها وغير تلقاه كيشوف فيها كتقلب وجهها ولا تبقا تشوف فيه وهي مخنزرة وهي عقلها غير عند سالم والسؤال لي محيرها هو واش غيخليها ترجع غدا ولا لا. وصلات لبلاكة ونزلات بلا حتى كلمة .. شيفور بقا حاضيها من الزاجة وهي غادة وحاطة الصاك فوق راسها على الشمس تبسم تلقائيا وهو كيفكر حركاتها الصبيانية.

#جزء_6 : وصلات خديجة غير بزز لدارهم حتى حلقها نشف حيت لبلاكة بعيدة شوية على لقرية لي كتسكن فيها هي . دخلات لدار كاعية وحاقدة على الوضعية لي كانت فيها ليوم لقات كولشي ناعس ومخليين ليها غداها فوق الطابلة . دخلات دريكت لبيتها بدلات و طاحت كاااو مفيقاتها غير مها مع ل 5 . لأم : اديك لموصيبة تي وقتاش دخلتي انا محسيتش بيك. خديجة : جيت مع لوحدة أمي. لأم : إيوا وشنو ! قديتي لغاراض. خديجة: طوبيس تعطل عليا حتى لغدا ونرجع. لأم: شاورتي بوك. خديجة: لا مزال أمي حتى ليل ونقولها ليه . لأم: يلاه تgعدي جمعي لوقفة دي دوك لبهايم سقي ليهم راه ماتو بلعطش مساكن. خديجة : أ مي شوفي كي وليت بشمس. لأم: وانا منبقاش فك من صبيحة ربي وانا فايقة نجري من هك لهك. خديجة : صافي هاهية نايضة. شمرات خديجة على يديها و خرجات لبير عمرات بانيو كبير و حطاتو ليهم هوما كيشربو وهي جالسة فوق كرسي حاضياهم. خديجة: شتو نتوما هما لي عايشين لحياة واخة كنذبحوكم ونضربوكم مكتقولوش أحح بسيف حيت راه متقدروش دويو , عايشين سعااادة متبعكم قراية (كتحسب بيديها) متبعكم شقا متابكم زواج متابعكم مسؤولية . ماشي بحالي أنا دربت تمارة باش ناخد لباك وملي جبتو بمونسيو الواليد قالك يحبسني حيت لبنت بلاصتها هي دارها أصلا شكون هاد الزغبي لي غياخد وحدة بحالب مكتعرف دير والو (قربات لبهايم ) وهو صراحة كنعرف مي هذا لي ايخطبني انقول ليه مكنعرفش باش يمشي فحالو . طلقاتها خديجة بضحكة فريدة من نوعها حتى كتفش وتعاود ضحك تاني حتى تفشات وناضت جمعات لبانيو بعدما غسلاتو مزيان و تاجهات لحانوت د باها.

#جزء_7 : خديجة : با بغيت ندوي معاك . سالم: اش كاين تاني. خديجة : با راني مقديتش داك لغرض لقيت لمدرسة سادة. سالم : ايوا . خديجة : غنرجع غدا ناخد لباك ديالي. سالم : فضحتي لينا راسنا بهاد لباك ديالك خليه ليهم و جلسي للأرض فداركم. خديجة: با راك معارفش بقيمة داك لباك. سالم: وا سيري سيري لباك قالت لك سمعي دردبي عليا لداركم منشوفكش قدامي . تمات غادة كتشتف برجليها و كتبكي حيت باها رفض رفض قاطق تكمل دراستها وهي يلاه بدات بشهرين . —– سفيان كمل خدمتو و ركب على موطور وتما جاي لقريتو لي قريبة لقرية د خديجة . نعرفكم كتر على بطل القصة آسمو سفيان خدام ف طوبيس كنضن بديتو كتفهمو كتر : ملامح رجولية مع لحية خفيفة و حجبان كتيفين فلكحل . فيه 1.90 طويل ومكدر . سفيان رغم أنه سائق إلا أنه كيخدم فلفلاحة لي مخلي ليه باه . سفيان عندو الإجازة فالادب الإنجليزي , متعجبوش كيفاش عندو هادشي وخدام شيفور ولكن هدا حال أغلب الشباب او ولاد بلادنا لان الدولة وبكل سهولة عمرها مقدمات فرص لهاد الشباب . سفيان ملي خدا الإجازة مرض باه و اضطر انه يخدم فلفلاحة , سمع بلي واحد الشركة دالنقل كيقلبو على شوافرية مرفضش بالعكس صبر حتى رسموه ودارو ليه وريقاتو واخة خدمة طوبيس صعيبة ولكن مع بنيتو اكترية كيخافو منو ويديرو ليه لهيبة.

#جزء_8 : سفيان كيخدم نص نهار ولي بقا كيدوزو فالفلاحة و مع عائلتو الصغيرة لي متكونة من الاب و الاخت زينب لي منعها منعا كليا انها تفوت باب دار شغلها كيبقا فالدار لداخل و حتى هي مرزنة مكتخرج ما والو سميتها زينب شقرة و عويناتها عسليين كتشبه لماماها بزاف صورة طبق لأصل . سي جيلالي ملي حس بلي ساعتو قربات وصى سفيان على زينب وبدا كيفاتح سفيان بموضوع الزواج لقاه راسو خاوي و كيفكر غير فالخدمة و بقا بشوي بشوي حتا بدا كيعمر ريسو بالزواج خصوصا أنه عندو 27 عام لداكشي قرر يجيبها من لقريه حيت بنات لمدينة مكيصبروش لديك تمارة . فاقت خديجة بزز بقات كتشوف فالسقف عاد عاقت بلي خاصها تمشي لمديوني تاخد لباك ديالها . ناضت واقفة بدلات حوايجها عاد خرجات دريكت لطواليط غسلات وطرفات حالتها . خديجة: صباح لخير أمي. لأم: شتك لابسة فين غادة على الصباح . خديجة: غادة نجيب باكي. لأم: قهرتينا بهاد لباك سيري خلاص ومتعطليش . خرجات خديجة بلا فطور غادة وكتهدر بوحدها وتعير فدارهم حيت معارفينش بأهمية لقراية وعندهم لبنت غير ديال زواج او وضع خديجة مختلف بحكم هي صغيرة وسط من ربعة ديال لغوال تا واحد فيهم ما قاري و هما ليكيحرشو باها باش تجلس فالدار .

#جزء_9 : وقفات فلبلاكة لقاتها كتصفر وغير بوحدها لي كاينة , بقات ساهية كتخمم حتى داز طوبيس او موقفش هاد لمرة ما سبات ما عايرات بقات كتخمم فحياتها كيف غتولي وهي لي كانت كتحلم دير دار بعيد على لقرية وتكون عندها طموبيل كيف لبنات لي كيقراو معاها وتكون تعرف تلبس فيقها لكلاكصون ديال طوبيس هزات عينيها لعسليين لي لحزن غلب عليهم كتشوف شكون حتا بان ليها سفيان كيشوف فيها و كيتسناها طلع , بدات جاية بخطوات بطيئة لقاتو حل عليها لباب لقدامي ركبات بلا متقول حتى شي كلمة , سفيان سد لباب و كسيرا هو غادي وهي حاضية الزاجة. سفيان: إإإيييه وا لأخت. خديجة : نعم ! معابا.سفيان : أجي دخلي حدايا. خديجة: لا غير خليني هكا مرتاحة. سفيان : ودخلي و كوني تسمعي لهضرة. حل ليها لباب و جلسات فدروج كتشوف فيه مركز فصوgان خصوصا طريق لمديوني لي عامرة حفاري. تلفت جيهتها لقاها حاضية طريق و ساهية وجهها صفر و فمها ناشف , وقف فلبلاكة وجبد تفاحة و بنانة مدهم ليها. سفيان: هاكي كولي. خديجة: لا شكرا فطرت عاد خرجت. سفيان: مكتعرفيش تكذبي شدي راه باينة بلي راك باقا بلا فطور. خديجة: ‏‎😍😍. سفيان: كولي باش تدعي عليا تاني.

#جزء_10 : بدات كضحك و خدات من عندو داكشي وبدات كتاكل فيه وهو كيشوف فيها مرة مرة . سفيان : مالكي . خديجة : والو . سفيان : غير دوي باينة فيك كااعية . خديجة: ونتا مالك آش دخلك . سفيان : هههه دبا عاد شفت لبنت دلبارح ههه لاشارج ديالك هي كرشك. بدا سفيان كيضحك و يضحك حتى مبقاش قادر يسكت وهي غير ساهية فيه لابس قميجة نص كم فالكحل و لغوز بارد مع عقيق فيدو ليمنى و سروال تجين و سبادري وكاسكيطة قالبها , تلفت عندها لقاها كتشوف فيه. سفيان : راني مضحكتش عليك لتعودي دعي عليا تاني نتي يخاف منك لواحد (كيضحك) . تلفت تاني جيهتها لقاها مزال ساهية فيه. سفيان : مالك ! واش مناقشة مع الدار. كانت هادي كلمة لي خلات خديجة تغبن وتنخصص , كان سفيان قرب لمديوني وطوبيس بقا فيه غير هوما و رسوفورة وجوج بنات حتى هوما غادين لمديوني . سفيان: دبا مالكي اش قالو ليك حتى خلاوك فهاد لحالة. زادت فوتيرة لبكا و كتبكي وتنخصص فصمت تزنgت وعينيها حمارو و مع عسليين عطاو منضر زوين سفيان حل فمو فيها عجباتو لأقصى درجة . وصل لمديوني ونزلو لبنات. سفيان(مع رسوفورة): ختي حليمة عافاك نمشي نقدي واحد لغرض ونجي مغنتعطلش . حليمة: واخة سير. وقفها سفيان و دخلها لمديوني وهي مزالة غير كتبكي. سفيان : يلاه قدي غراضك بالزربة باش نرجعك معايا وبراكة من لبكا. خديجة : هئ لا منقدرش. سفيان : وعلاش.خديجة : هئ هئ با باغيني نخرج من لقرايا انا جاية ناخد لبك ديالي.سفيان : ودبا شباغة ديري.خديجة. باغة نكمل قرايتي.سفيان: ماشي أي حاجة بغيناها هي لي غتوقع …

#جزء_11 : هزات راسها فيه لقاتو جامع حجبانو الشيئ لي زاد من وسامتو. خديجة: انا مطلبتش شي حاجة غالية من غير نقرا . سفيان: مخاصكش تعصي والديك الى قالو لك خرجي هي خرجي زادت فلبكا و دخلها لإدارة سحبات بكها او ورقة لمغادة سينات و خرجات و سفيان تابعاها حتى طلعو لطوبيس وجلسات حداه تاني زاد سوفيان حتى لمديونة حيت خاصو يمشي حتا لتيرمنيس عاد يرجع . وقف فتيرمينيس وحيت كيعطيوهم 10 دقايق استراحة بقا جالس حداها منزلش , هز لباك كيشوف فيك لقاها فعمرها 18 عام و جابت لباك بميزة حسن . سفيان : دونك سميتك خديخة. خديجة: ونتا مالك ديها فراسك شوية وحط ليا باكي . سفيان:لسانك شحال سليط هه لي شافك دبا مسقولش راك قبيحة وكتخرجي نيابك. خديجة: حمد لله (باست يديها من لور ولقدام) عارفة راسي غا دريويشة. طريقتها خلاتو شبعان ضحك . ساد الصمت وسفيان مزال هاز لباك ديالها . خديجة : ونتا ?. هز حجبانو زعما شنو. خديجة: شنو سميتك ?. سفيان(كيحاول يقلدها) : ونتي مالكي ديها فراسك شوية. خديجة: شو كيداير يخ راه أنا هي الأصل والباقي غير تقليد . ش: سفيان تكلم ليكونطرول. خديجة: هاااااا هانيتي خرجات فيك وعرفت سميتك ودبا سير تخرا. نزل سفيان كيضحك و رجع هو و رسوفورة لي بدات كتقطع فلوراق للناس , ديمارا سفيان طوبيس وهي حاضياه كيف كيسوق. خديجة: بغيت نسولك. سفيان: سولي . خديجة : شهرين دبا وانا كنمشي وكنجي فهاد طوبيس وعمرني شفتك . سفيان: كنت فواحد لخط يلاه جيت لهنا. خديجة : و إيمتى جيتي. سفيان : غير لبارح وليوم. خديجة: ايوا راه عندك الزهر .

#جزء_12 : سفيان: وشناهوا هاز الزهر. خديجة : عندك الزهر حيت تعرفتي على خديجة ليهيا أنا. سفيان : هههه اه نيت صبحت على دعاويك الزينين. خديجة: (شافت فيه بحب) ولكن هادي آخر مرة غتشوفني. تلفت كيشوف فيها وسها فعويناتها لي كيرمقوه بكل حب . سفيان : وعلاش . خديجة : (بحزن) حيت صافي انجلس فدارنا . تلفتات جيهة الزاجة وقلبها مقبوط عليها معرفاتش شنو بيها لأنه إحساس جديد عليها. وصلات لبلاكة ليغتنزل ليها هزات صاكها وحل عليها سفيان لباب. خديجة : (بابتسامة) شكرا بزاف. سفيان: ولو هذا واجب. خديجة : بسلامة الله يعونك. سفيان: لأول مرة غدعاي معايا. خديجة(بدون شعور) : انولي ندعي معاك ديما. احمرو خدودها ونزلات كتجري وسفيان كيف ديما بقا حاضيها حتى غبرات عاد زاد , وصلات عرقانة لدار وكيف لعادة كولشي ناعس ولغدا فوق الطابلة , مشات دوشات عاد مشات لداك طاجين دخلات فيه طول وعرض مخلات حتى حبة دازت لبيتها و غير حطات راسها على لمخدة طاح فبالها سفيان.خديجة : صافي أنا أنجلس دبا فدار ومخاصنيش نبقا نفكر فيه صافييي. سفيان كمل خدمتو مع 2 , ركب فمطورو وزاد لدارهم حتى وصل لنص دطريق وعيط عليه صاحبو لي كيخدم عشية وطلبو يرجع ضروري, سفيان قلب الطريق و مشا عند صاحبو لقا لباك ديال خديجة محطوط فوق لكوسان. ‏‎
#جزء_13 : خالد : ملي شفتو قلت مغيكون غير ديال سفيان. سفيان : اه ديال لخوادرية (ختي) شكرا أصاحبي يلا نخليك الله يعاون. نزل سفيان من طوبيس كيضحك وزاد مع الطريق لدارهم لقا زينب كتشطب . زينب : على سلامتك أخويا. سفيان : الله يسلمك كي بقا لوالد (باباه). زينب : حمد لله أخويا شوية. (شافت لباك) خويا ديالمن هداك. سفيان: واحد لبنت نساتو فطوبيس قلت نخليه عندي لتعود ترجع ليه لمهم كاين شي غدا خوك جيعان. زينب: راه لغدا فوق لفران سخنو وتغدا. دخل لدار بدل حوايجو و سخن غداه… حطو فوق الطابلة و بدا كياكل. سفيان: وايني مكلخة هادي يوماين و هي غادة جاية فاللخر ناسياه وغادة (كيقرى فيه) لقرية قريبة من هنا خاصني نديه ليه. داز أسبوع و سفيان غارق فحب خديجة لي مكتفرق خيالو ليل ولا نهار , جيلالي زيرو بزواج و هو مبقا عارف لمن يعطي راس واش لباه و لا ليه و خديجتو .

#جزء_13 : خالد : ملي شفتو قلت مغيكون غير ديال سفيان. سفيان : اه ديال لخوادرية (ختي) شكرا أصاحبي يلا نخليك الله يعاون. نزل سفيان من طوبيس كيضحك وزاد مع الطريق لدارهم لقا زينب كتشطب . زينب : على سلامتك أخويا. سفيان : الله يسلمك كي بقا لوالد (باباه). زينب : حمد لله أخويا شوية. (شافت لباك) خويا ديالمن هداك. سفيان: واحد لبنت نساتو فطوبيس قلت نخليه عندي لتعود ترجع ليه لمهم كاين شي غدا خوك جيعان. زينب: راه لغدا فوق لفران سخنو وتغدا. دخل لدار بدل حوايجو و سخن غداه… حطو فوق الطابلة و بدا كياكل. سفيان: وايني مكلخة هادي يوماين و هي غادة جاية فاللخر ناسياه وغادة (كيقرى فيه) لقرية قريبة من هنا خاصني نديه ليه. داز أسبوع و سفيان غارق فحب خديجة لي مكتفرق خيالو ليل ولا نهار , جيلالي زيرو بزواج و هو مبقا عارف لمن يعطي راس واش لباه و لا ليه و خديجتو .

#جزء_14 : خديجة دوزات سيمانة غير فالدار من نهار جابت لباك مخرجاتش هي عند بالها لباك راه كاين فالصاك حيت كيفما حطات صاكها كيف باقي . صورة سفيان مكتفرقهاش توحشاتو بزاف او ولات باغة غير تشوفو كون صابت طير من هاد الدار متكره لدرجة عاودات لمرات خوها كولشي عليه أو ولات دعي معاه فصلاتها وطلب الله يجمعها معاه. زهرة: صباح الخير أمي. لأم : صباح لخاير نوضي ديك لمكفية خلاص وسيري نتي وياها لمدينة تقداو راه تقدية.سلات وراجلك مبغاش يمشي قالك عندو شي شغل. زهرة : واخة أ مي. طارت زهرة كتجري لبيت خديجة كتفيق فيها أو والو عيات معاها. زهرة: دبا شنو مغتنوضيش. خديجة: منيضاش بسعو عليا تفووو. زهرة: سري انا لي باغة نديك عند سوسو ديالك تشوفيه . خديجة(نقزات) : لا صافي أنا غنوض دبا. ناضت كتشوف شنو تلبس لقات مها صلحات ليها جلابة لكحلة وفيها عقيق من الصدر مع صباط فالكحل وجمعات شعرها لعسلي فمقيبك صغيط وخلاتو مطلوق لأول مرة حيت مها مكتخليهاش تخرج بيه حيت فايت مؤخرتها و كيجيب ليها غير لعين . سلتات خديجة وزهرة من مها باش متشوفهاش لابسة و مقادة وطالقة سوالف , ركبو فكرويلة آجتنابا للعرق حتى وصلو لبلاكة وبقاو كيتسناو فطوبيس ديال سفيان , طوبيس لي جا مكيطلعوش ليه حتى بان ليها طوبيس لي فيه هو جاي حيت حفظان رقم دطوبيس لي كيخدم فيه , تحل لباب لوراني وطلعات هي وزهرة … مشات كتجري لقدام بان ليها مركز مع الصوقان وهي تقفزو ‏‎😉😉

#جزء_15 : خديجة : هاني جيت. تلفت سفيان بزربة عن تاتير الصوت لي سمعو , صوت خلاه يتفكر كولشي و يتسائل كيف قدر قلبو يبغيها و هو يلاه تعرف عليها ‏‎:|:|‎‏ , لقاها واقفة ومع كانت كتجري نص فشعرها طاح على كتافها و لقصيصة مغطيو عويناتها كتبان سو كيوت ‏‎<3<3‎‏ . سفيان (مبتاسم ) على السلامة. خديجة : ( كدوي وكتحل لباب باش تجلس حداه) الله يسلمك. جلست حداه وهو غير كيشوف فيها كيف كدير عفويتها لي كتحمقو . سفيان : شتك هابطة ماشي طالعة. خديجة: اه هابطة انا ومرات خويا لمدينة نتقداو شي حاجة . سفيان : ممم مزيان ومالكي طالقة داك الشعر. خديجة(حسات بغيرتو عليها) : علاش مالو جاني زوين ياكة. سفيان: مكتشوفيش لي هابط كيشوف فك عاد كينزل جمعيه. خديجة : معنديش مقبط. وقف طوبيس فالضو لحمر ونزل بزربة جاب ليها مقبط و رجع. سفيان: يلاه جمعيه . خديجة: هي الأولى . جمعات خديجة شعرها وجلسات كتشوف فيه. سفيان: مالك كتشوفي فيا. خديجة : بغيتك تعلمني نسوق . سفيان : واخة غير جيبي فاش نعلمك . خديجة: حلف. سفيان: الله. خديجة: صافي شكرا. سفيان: اجي لباك ديال فيناهوا. خديجة : فالصاك مسكين كونا راه غمل (تفكرات بلي مخشاتوش فصاك) ويلي باكي مشا انا حطيتو. سفيان: اه راك حطتيه هنا و راه عندي فدار. خديجة: اوووف حمد لله و إيمتا أتجيبو ليا. سفيان: نتي لي غتجي عندو فكريني نهضر معاك ملي نوصلو لمدينة. وصل طوبيس لمدينة وكيف ديما عندهم استراحة د 10 دقايق , زهرة مشات وخلاتهم مع بعضياتهم #جزء_16 : خديجة : إيوا . (شاف فيها) فاش انهضرو. سفيان: معاش اترجع مرات خوك. خديجة : دبا شوية (بانت ليها زهرة جاية) صافي هاهية جاية مغدويش خلاص . سفيان : بدلت رأيي من بعد وتعرفي طلعي نوصلك. طلعات خديجة كاعيو وجلسات حدا مرات خوها , سفيان عرفها كعات وبقا غادي وكيضحك عليها حتى وصلها لبلاكة نزلات بلا متسلم عليه وحتا بلا متسولو على لباك ديالها. دازت يوماين وخديجة جالسة غير فالدار كتواسيها غير زهرة وكتحاول تعمر وقتها بالشقا عى الله تنسا صورتو. وصل الليل وتجمعات لعائلة على لعشا. سالم: دوي نتي ولا ندوي أنا. لأم : لا دوي نتا نيت. سالم: خديجة جاو فيها لخطاب و عطيتها . وحلات ليا . خديجة : كح كح كح اشنو اويلي نتوما علامن داويين. سالم : علاه شحال من بنت عندنا. خديجة : علاه هادشي علاش جلستوني من لمديوني. #جزء_17 :سالم : ومالي بغيت نبقا شادك عندي لبنت بلاصتها هي دارها والسيد زين وحالو ميسر لاش أنرفض . خديجة : أ با الله يهديك راني صغيرة على الزواج. لأم : باقة صغيرة إيوا باز قدك راني والدة خوتك بجوج. ناضت خديجة زعفانة وكتبكي تلاحت فوق نموسيتها ودموعها شلال وكلما كتفكر سفيان كتزيد فلبكا. فاقت على صوت الصداع فدار لقات مروات خوتها كيجمعو فالدار داتها مها نيشان لحمام فركاتها و لبساتها قفطان سامبل وكحلات عويناتها وشعرها جمعاتو لفوق . وصل وقت لغدا و الدار عمرات بالغاشي و خديجة دموع على طراف عينيها . لأم : مشاء الله على بنتي منورة (بانت ليها كاعية) باك لقا ليك دري الله يعمرها دار درويش واي بنت تتمناه يلاه طلقي ضحكتك ونوضي السيد كيتسنا. خرجات خديجة حادرة راسها .. عطاتها مها سينية ومشات فاتجاه د بيت لي فيه الناس حطات السينية و حنيكاتها حمرين او عينيها فالأرض. سالم : هادي هي بنتي أسي سفيان. خديجة : ‏‎😤😤 #جزء_18 : خديجة سمعات السمية لي خلاتها تهز عينيها بزربة لقاتو هو سفيان بقميجة بيضة و سروال تجين فلبلومارين و ساعة فيدو و مزيز الحالة , بتاسمات تلقائيا و بانت لفرحة على عينيها لي أكدت أنها كتسنا هاد اللحظة من شحال. سفيان : سي سالم نتا عارف علاش جيت وسمح ليا بزاف حيت جيت بوحدي لوالدة ميتة الله يرحمها و الواليد مريض وكتبقا معاه ختي تقابلو. لأم: مكاين باس أولدي حسب راسك من ليوم واحد من ولادي. سفيان : ربي يخليك أميمتي. سالم : يلاه باسم الله نقراو لفاتحة. سفيان وخديجة : باسم الله. قراو لعائلة وتافقو على الصداق و لعرس لي غيدار من هنا أسبوع بطلب من سي جيلالي لي مزروب باش يحضر لعرس ولدو . داز أسبوع كيجري وخديجة كل نهار و آش كدير تالفة مابين طياب واللبس و كتمنى غير إيمتى يجي نهار لي غتجمع فيه مع سفيان تحت سقف واحد . #جزء_19 : جا نهار لعرس و دوزوه فسطح ديال دار خديجة حيت دارهم كبيرة و حضر حتى بابات سفيان لي بغا يشوف عروسة ولدو. فرحة سفيان و خديجة مكانتش كتصور و باينة انهم كانو كيتسناو هاد اللحظة من شحال هادي. خديجة واخة لبسات وتقادات مطلعاتش حسن من سفيان لي بااان زوين بزاف خلا عيالات الدوار و حتى لبيرات غير حالين فمهم فيه وخديجة غير تتقرا عليه لقرآن و هو كيضحك من تصرفاتها . داز لعرس على خير و ركبات خديجة مع سفياع على لموطور وخالا ختو و باه مع دار نسابو باش ياخدو راحتهم . وقلو لدار ودخلات خديجة برجليها ليمنى دخلها لبيتو وجلسات فوق النموسية وهي عينيها للأرض. سفيان : تعقلي على هذا. انا : ههه باكي . سفيان : هذا لي جمعنا انا وياك . خديجة : اااه بصح. جلس قفازي كيشوف فيها وهي عينيها فلأرض. سفيان : خديجة مرحبا بك فدارك. خديجة : شكرا . سفيان: غنقول لك واحد لحاجة و سمعيني مزيان انا كنبعيك و مكيهمنيش واش نتي كتبغيني ولا لا. . #جزء_20_و_الأخير : دوزو ليلو وا لا في الأحلام , داز عام و سفيان قدر يلقا خدمة مزيانة كأستاد د لغة الإنجليزية و خديجة تقلات بالحمل والشقا ديال الدار واخة مكتبغيش تبين لسفيان بلي عيات , ولدات خديجة توأم مروى ومراد و سفيان زاد فرح بولادو و مزال حبو لخديجة كيف الأول و كتر وحتى هي هكاك . خديجة قبلات ب سفيان واخة خدام غير شيفورو معندوش وزيد ساكن فلعروبية ومن لقليل جا لكتير او ولا استاد أو ولات خلصتو مزيانة لحمد لله . داكشي لاش لإنسان يصبر ويحمد الله على أي وضع فيه و حتى حنا البنات مايكترش فينا تشراط بزاف , لي كتعرف شي واحد وعارفاه راجل و باغيها حلالو تصبر معاه راه ربي لي كيرزق ولا كنتو ناويين لحلال و داخلين على.صدق النية ربي غيجمعكم ويكمل عليكم بالخير . وصلنا لنهاية لقصة شكرا حيت تبعتوها معايا و كيف ديما باقي لجديد.....