Skip links

قصة : إنعكــــــاس قـــــــدري ج5والاخير

 5,323 عدد مشاهداات

إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:101🌹
_فارس معجبوش حال وشداتو غيرة خايف يقول ليها رجعي معايا وهي تقبل وتخلى عليه من بعد مطلب منها زواج ….. ولكن شادية شدات في يدو وزادت خنزرات في إلياس
شادية:سمح ليا ولكن قنقدم ليك زوج ديالي فارس ومستحيل نضيع دقيقة من وقتي مع شخص تاني
_بداو كيتمشاو هو يبتاسم وسهى فيها فرح بزاف أنها معطاتوش من وقتها ولا تعرف أشنو باغي منها ولا يقول ليها … هزات راسها فيه بدلاتو نفس إبتسامة …
_في طريقهم كيشوفو هند كدابز مشاو كيجريو عندها …
هند:واش أنت حمق ولا مسطي بعد مني أخويا أويلي
****: (شاد راسو)وملي شفتك وليت حمق أش غندير
هند:ياه على باسل واش معندك شغل تبقا غير تلوط على لبنات
****:ديري ليا شوية سكر نولي حلو حلو كيف لعسل
هند:مشطبا هادي
****:(شاد على قلبو) أححح هضرتك شحال كدوب قلبي أنا طار طار
شادية:(وصلات حداها) هند مالكي (طلعات في شخص) مالك معاها أخويا
****:(هز راسو وشاف وراها وبتسام) واي واي واي شكون جاي وفييييييين أصاحبي فارس (دفع شادية وعنقو)
فارس:(متفاجئ) هههه فهد خرجتي هدشي غوصيناك زعمة تعلمنا
فهد:يلاه خوك خرج كنت غنصوني ليك شفت هاد زين نساتني في سميتي
هند:(خنزرات فيه) فارس كتعرف بحال هاد نمادج (كمشات وجها)
فهد:(شد دقنو) ومال هاد نمادج كيف جاك زوين بكوص(غمزها) غير حني فيه
شادية:(ضحكات) هانتي أختي ربي جاب ليك فتشى أحلامك حتى عندك أش بغبتي مزال
هند:(نغزتها) من نيتك شوف كيف داير
شادية:هههههه مشرمل ياختشي ههههههه😂😂😂 ولكن بكوووووص طيرتي ليه لعقل
هند:أشمن أشمن غير يبعد مني (مزال كتخنزر فيه) شوفي تصروفاتو ناري ناري
فهد:وشوفات عندك قتالة … خاي فارس أنا صافي طحت
رأيكم …. شادية دارتها زوينة …. وداك لحمق فهد هاهو غيهبل لينا هند 😂😂😂
إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:102🌹
_كل من شادية وفارس كيموتو بضحك عليها وتصروفات فهد …ملي كيهضر كيعبر بيديه بزاف وأي كلمة لابد يعوج فمو ولا يطلع حاجبو ولكن زوين في وجهو
فارس:(جرو)باركة من تعناب وقولي فين غتمشي دابة عندك فين تبات
فهد:(قرب حدا هند) فين ساكن زين نبات تحت عتبة ماشي مشكل خوك مولف لبرودة
_هند مشات كتجري بفقصة وتبعتها شادية كتضحك بحال شي زومبي …
شادية:ههههههههه حبسي ديك صكعة أوووف غنموت ناري فوج عليا هاد لعشيا
هند:(خنزرات فيها) وباركة أختي ضحكتي عليا مافيه كفاية … وزيدي زيدي مغرب قربات تودن مك تخرجنا في جورنال
شادية:هههههه متخافيش إلى قلت ليها بلي فارس بغى يتزوج بيا غطير بفرحة
هند:(وسعات عينيها) حلفي ياختي شفتي قلتها ليك كنت حاسة بيها سيد راه كان محن يشوف زين قدامو بليل ونهار …. واه بزاف …. عاودي ليا شنو قال ليك
شادية:(بتسمات) ممممم إوا يلالة(عودات ليها كولشي حتى على راجلها أول)
هند:ناري كن شفت داك مجدام ميفكني منو حد حتى بغيتي تبني حياتك هو عاد جا بغا يهضر معاك
شادية:معرفت علاش ولكن كوني هانية ديك فرصة عمرني نعطيها ليه … حيت حتى أنا خسر عليا جملة وحدة (تنهدات) خلينا من سيرتو راك وليتي ختي لازم نوجدو شي حفيلة صغيرة غير بيناتنا نفرحو مخاصني بإشهار تاني
هند:(بتسمات) إنشاء الله ويلاه سربي نمشيو نفرحو خالتي رقية
شادية:حبسي نتسناو فارس يجي
هند:وراه تلاقا مع داك لحمق والله ميطلقو دابة غير يلاه حتى يوصل علينا …
_بداو يتمشاو ويضحكو محسو بطريق حتى وصلو مشات كتجري شادية حلات لباب وعنقات أمها وبقات كدوور بيها …
رقية:وهيا ناري بشوية دوختيني تي أش كاين أي أي مي راسي
شادية: فرحي فرحي يالميمة بنتك حن عليها الله وربي ستاجب لدعائك وأخيرا نتزوج بشخص قابل عليا كيف أنا
رأيكم ….. هاو سي فهد لي معجبش لينا لالة هند😂
إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:103🌹
_عينيها دمعو بفرحة وهي تعنقها بقوة وشدات وجها بين يديها …
رقية:فارس أبنتي ياك هو لي باغيك …. كنت حاسة بيها وباين عليه دري درويش ومتخلق حمد الله أبنتي حمد الله صبرتي وربي جزاك
شادية:أه لميمة ربي كبير عارف كل حاجة عليا ومعناتي هو قابل لتزوجنا نتبناو شي وليد
رقية:إوا مزيان خوك في راسو ياك قررتو إمت ديرو عقد صافي
شادية:يمكن فارس غيقولها ليه وهاد لعشية ملي نكونو مجموعين يطلب يدي هههههه
رقية:انشاء الله … يلاه يلاه دخلي بدلي حوايجك لكوزينة وجدي لعشاء أنتي وهند راه حماس زايد عندك ليوم دكشي غيطلع ناضي
_ليل راح دخل بكر مع فارس وفرحانين بزوج بحكم قاليه كولشي وميلقاش حسن منو … هز راسو في شادية نزلات وجها بحشمة قرب حداها وعنقها
بكر:الله يتاويكم خير ياربي …. نيتك صافية لقاك ربي بشخص كيشبه ليك
رقية:بنتي مرضية وفارس راضي عليه ربي جمعو بنتي متصورش فرحتي قداش (دمعو عينيها)
فارس:(باس راسها) متبكيش دموعك غاليين شادية محظوظة حيت عندها أم واخ لي ديما معاها ومساندينها وأنا ربي شاهد عليا قلبي وعيني غير ليها
هند:الله يتاويكم وجيب ليا ربي حتى أنا شي حد يبغيني كيف كتبغي شادية (تنهدات)
شادية:(ضحكات) ههههههه راه لقتيه غير لبغيتي تعفري 😂
هند:(كمشات وجها)داك باسل من نيتك (طلعات حواجبها) ولكن مابيهش ههههه
شادية:داك زين كامل ومابيهش أش باغة أختي أش
هند:(هزات يديها) أودي بغيت غير ناكل دابة 😁😁😁😁
_كولشي بدأ يضحك عليها وهي تسول رقية شكون حكاو ليها أشنو دار بينهم …. وكملو ليلة بتقصار
رأيكم…..هند راه عجبها غير دايرة فيها داكشي …. 😂😂😂
إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:104🌹
*صباح جديد*
_شاف فيها وبتسام كانت في كوزينة كتوجد لفطور بقى مراقبها كيفاش كتكرص رغايف وتحطهم فوق مقلة ضربات دورة وبدلاتو نفس إبتسامة …
شادية:صباح نور سير تجلس شوية فطور يكون موجود
فارس:صباح ورد وياسمين … ملي نساليو لفطور راني هضرت مع خوك نديك تشوفي مفاجئة لي موجد ليك
شادية:(لمعو عينيها) 😊 صافي واخة حتى أنا متشوقة ليها بزاف مكرهتش نخرجو دابة
فارس:غير صبر …. أكيد غتعجبك …. (مشا جلس في مرح)
_ناض كل من بكر وليد من نعاس جلسو على طبلة لفطور شادية وجدات وهند كتحط رقية حتى هي عاد ناضت كتكسل جلسات معاهم ….باشرو في أكل ومن بعد بكر خرج مشا لخدمتو وليد مشا يطوطح تاني … شادية ناضت تبدل حوايجها وهند جمعات لماعن وقصدات كوزينة ورقية بدات تجمع دار … بعد مدة قصيرة خرجات شادية بتأنقة كيف عادة وعينين فارس عليها … قبل ميخرجو دعات رقية ليهم بخير وتسير ختموها بأمين … شادية متحمسة بزاف ومزال مطاحت في بالها شنو يقدر يكون موجد ليها فارس … ركبو في طكسي ومرة مرة كل واحد يخطف نظرة لتاني قربو لوجهة حبس طكسي
_غمض عينيها بشريط صغير وبقا شاد في يديها لطيح ومعرفاش راسها فين حتى وقفو
فارس:مستعدة تشوفي مفاجئة لي وجدت ليك
شادية:(مبتاسمة) أه بفارغ صبر سربي سربي
_فتح شريط ببطئ وهي تحل عينيها ورمشاتهم شافت قدامها مجموعة من دراري صغار كيجريو جيهت فارس وكيناديو بإسمو دارو عليهم وبداو ينقزو …
أطفال:باب فارس جا … بابا فارس جا
لؤي:بابا فارس فين كونتي توحشناك
ليلى:بابا فارس شكون هادي لي معاك واش خطيبتك
حفصة:بابا فارس جانا ضيف جديد وكننسناوك تسميه شوف شحال زوينة
_شادية عينيها لمعو بدموع ملي شافت دراري صغار دايرين بيها … شد في يديها ونطق
فارس:كنقدم ليك ولادي فاش كديق بيا دنيا نشوف غير ضحكة منهم نسى جميع ألم
شادية:كيفاش …………؟
إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:105🌹
فارس:مكاينش في هاد دنيا يحس بيتيم بحالي اولا بأحرى أطفال متخلا عنهم كيكون مصيرهم شارع كنجيبهم لهاد دار كملجأ ليهم ونوفر جميع طلباتهم باش ميحسوش بنقص فلوس باش كنت خدام عمرني صرفتهم على نفسي وإنما باش نبني هاد دار باش نحظن بيها هاد دراري صغار ومفراس حتى واحد أول وحدة نجيبها هنا وإنشاء الله إلى تزوجنا هنا غنسكنو
شادية:(دموع في عينيها) معرفت منقول ولكن هادي أحسن مفاجئة كانت في حياتي وأنت أجرك عند الله كبير
فارس:(هز طفلة رضيعة ومدها ليها) هادي ضيفة جديدة يمكن مدام أول مرة تجي فاتسميها أنتي وربيها على يديك لبغيتي
شادية:(شداتها وحسات براحة ) شحال زوينة حرام يتخلاو على ملاك بحال هاكة علاش هاد دنيا قاصية ناس بحالي تتمناهم وحدين أخرين صاخيين بيهم أه أه … مهم نسميوها ألماس
قمر:ياي سمية زوينة بزاف هههههه صافي ألماس
منال:شنو سميتك أنتي شنو كديري مع خويا فارس
فارس:(تحنى عندها) هههه هادي خطيبتي وعن قريب تكون مراتي يعني من ليوم فصاعدا غتناديو ليها ماما شادية صافي متافقين (شاف في دراري)
منال:غتجي تسكن معانا أنت وياها ههههههه
فارس:كان هدا وعد ديالي ليكم وهي إلى كتاب وتزوجت نجيو بزوج نسكنو هنا وتكبر عائلة ديالنا
قمر:(عنقاتو) ههههه أنا فرحانة بزاف … حيت كنتوحشك بزاف ودابة ديما تبقى معانا
فارس:(بادلها نفس عيناق وتجمعو عليه جميع أطفال) ديما أنا معاكم وياربي يرزقني لي نوفر ليكم جميع إحتيجاتكم
_شادية عجبها حال … تخيلات حتى عيات لنوع مفاجئة ولكن هادي فجئاتها … وأحسن حاجة هي دير خير في يتيم ….
يتبع….. كيف جاتكم مفاجئة فارس …. ودابة نوضح ليكم على نهار جاتو مكالمة مستعجلة مكانت غير طفلة من ابنائو خاف عليها أنها بنتو دون تفكير مشا يجري عندها
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:106🌹
_وقف فارس مسح دميعات شادية … هو كان كاتمها بزز تنهد غمض عينيه ورجع حلهم بلع ريقو ونطق
فارس:نتمنى تكون مفاجئة عجابتك وتي قنتي بلي أنا باغيك كيف نتي ….. شوفي شحال ديال دراري صغار يمكن تكن ليهم حب أكتر من ولادك حتى لمتنا يتفكرونا بدعوة ترحم علينا … لهدا بتاسمي وضحكي هدا مقسم ليك الله متعرفي يكونو سبابك دخول جنة …
شادية:(بتسمات) عندك صح وهادي أجمل مفاجئة نحضى بيها في حياتي وربي حطك في طريقي أش بغيت أكتر قلبك طيب كتحتارم مرأة وعاطيها قيمة الله يخليك ليا وصافي
فارس:(باسها من جبهتها) وخليك ليا حتى أنتي … يلاه دخلي تشوفي دار من داخل حتى لبغيتي تبدلي ديكور على دوقك من غدا نبداو …
شادية:(ميلات راسها) ندخلو ….😊😊😊
_دخلات شادية بخطوات أولى من بعد مسمات الله كانت دار كبيرة ومتيسعة … كانت صالة واسعة فيها مجموعة ألعاب وكانو مجموعة من غرف كل وحدة على أقل فيها 5 ناموسيات صغار لكل طفل عاد قاسمين لبنات بحدهم ودراري كدالك ومطبخ فين كيوجدو ليهم أكل ومراحيض بمكان دوش جميع مستحضرات إستحمام …. شادية عجبها تصميم كيفاش خصص ليهم فضاء فين يلعبو وينعسو وكدالك قسم خاص فين يتعلمو قرائة وكتابة كتبان دار صغيرة ولكن مجرد مكدخل ليها كتعجبك … المال لي كان يتخلص بيه مدة لي خدم سكندر وعائيلتو وعاد كان كل مرة شخص يدور معاه جمع فلوس كان من ممكن يمتع بيها راسو ولكن فضل يبني مؤى للاطفال شوارع ملجأ بشكل لي بغا هو …. كانت جنبها دار صغيرة متكونة من صالون وجوج بيوت مرح وكوزينة وجردة صغيرة عند باب كانت مجهزة من كل شيئ …. زادت شادية فرحات أكتر وأكتر
شادية:هدشي غزال حمقني زعمة برافو عليك قدرتي دير هدشي راسك واو … معندي ميسالك …
فارس:درتها في يد الله ومخيبنيش حمد الله كان واقف جنبي وكانت ديما دعوة من قلبي
شادية:(عنقاتو دون شعور) كنحمد ربي ليل ونهار أنه لقاني بيك
_فارس شداتو تبوريشة من صبعو صغير ولكن أول مرة يحس بأمان وشخص حاضنو رخى نفسو وبادلها نفس عيناق
فارس:يمكن أنا أكتر منك 😊😊😊😊
شادية:(رخات منو ومسحات دمعة من خدها) نرجعو دار نقولو ليهم هاد مفاجئة
فارس:لي بغيتي ومنها نهضرو على ضريب صداق وعرس كيفاش بغتيه يكون
رأيكم ….. 😊😊😊
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:107🌹
شادية:(كمشات وجها) أشمن عرس نديرو غير حفيلة صغيرة بينا وصافي علاش قوت مصاريف
فارس:(طلع حاجبو وشد في يديها) الآلة بغيت نفرح بيك وتحسي بنفسك عروسة لأول مرة بجميع تفاصيل ومضربي حساب لفلوس عندي شي باركة مخبيها لبحال هاد نهار …. واش فهمتي وجدي ليا راسك لخميس جاي نجمعو وراقينا نضربو عقد ونفس ليلة تكون حنة دوز واحد يومان نكريو قاعة صغيرة نعرضو على عائلة ديالك وأنا نعرض على ولادي هدا وعدي ليهم واش ماشي حرام نخلف بيه هوما بغاو يفرحو معايا حيت هوما عائليي من زمان
شادية:صافي على خاطرك وعلى قبل هاد ملائكة صغار نديرو فرح نخليو كاع لي كيبغينا يحضرو
_رجعو دار خبرو عائلة كل فرح لمن دار أيتام ولا نهار لي قررو يجمعو شملهم رقية عاد تهنات هي وبكر وعرفو فين حطات رجليها شادية … أما هند حتى هي ممخلياش من جهدنا فرحانة ليها بزاف تقول غير أختها عوناتها في كل خطوة …
_دازت سيمانة لمدة لي جمعو فيها وراق ومدة لي رقية علمات أهلها وحبابها … كاين لي تفاجئ أن هدا زواجها تالت كيفاش دارت ليه ومعارفينش أن الله قادر على كل شيئ وهدا قدرها في هاد حياة أنها تزوج 3 خطرات حتى جاب ليها لي يفهمها ويبغيها بعيبها قبل زينها فعالها وطيبة قلبها ضحكة لي مفرقاتش خدها ….

_ليلة ليلة حنتها كيف قال فارس عتبراتها أول فرحة ليها ونسات واش شي نهار كانت مزوجة …. ملي سمع سي محمد سكندر أنه غيتزوج بيها مخلاش من جهدو وعاونو قدر متستطاع وفرح ليه من قلبو وهاد مدة خرج فيها رياض وزايد جابهم حتى لعندو طلبو سماحة وراسهم حاني أرض وقطعو وعد لمحمد أنهم من يوم ميجيو طريقهم … مع شادية وفارس قلبهم بيض سمحوهم …. ولكن رياض وزيد يمكن تلعلمو مزيان من مدة لي تحبسو فيها عاد عرفو نعمة لي كانو فيها …
_فهد مزال عينو على هند في كل مسمحت ليه فرصة يجي عندها خدا نمرة تلفون تعارفو على بعضهم كل واحد حمق من تاني
_خرجات وهي لابسة تكشيطة في أخضر ملكي ومكياج موالم حروف وجها وعائلة وحباب مجموعين وأخص دراري صغار كانت موسيقى خدامة كل كيشطح وفرحان يلاه جلسات وتبدا نقش هي تمشي عندها مرأة منقبة وتكلمات في ودنيها ….
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:108🌹
غضيفة:بنتي شادية الله يرضي عليك بغيت نتكلم معاك لجات على خاطرك أمر ضروري
_عرفاتها من صوتها حيت مستحيل يخفا عليها … غمضات عينيها وتنهدات … وستأدنات من نقاشة تسناها مدة دخلو بيت وسدات باب بإحكام … غضيفة حيدات نيقاب
شادية:شنو جابك أشنو بغيتي مني علاش جايا حتى نهار فرحي … ياك لبغتيه وقع هادي سنين وليتي جدة
غضيفة:(دموع في عينيها) سمحي ليا أبنتي غلط ديالي وأنا ندمانة عليه فرقتك على ولدي وعرفاك كتبغيه هو كيموت عليك ولكن عمرني بغيتك ليه ولكن كنضن ربي عاقبني على غلط لي درت معاك
شادية:عرفاك مكتحملنيش واخة كنت نتعامل معاك مزيان ونصبر على معاملتك قاصية معايا وكلامك جارح إيه بصح عاقرة ولكن ربي كبير رزقني بزاف ولاد ماشي واحد ولا زوج ويشهد عليا ربي انني نتعامل معاهم بكل حب وود
غضيفة:عارفة أبنتي عارفة وصلاتني لخبار ولكن راه ربي عاقبني أنا ولدي يمكن طريقة باش كنت نهضر معاك ولا موضوع لولاد
شادية:بغيت نقول ليك وفري كلامك وخليه عندك خليني نبدأ حياتي من جديد بلا صداع بلا مشاكيل
غضيفة:جيت عندك غير تسامحيني وتعرفي عيقاب ربي لينا …. إلياس أنا لي رغمت عليه يطلقك ولا مبغاش يدي سخط من عندي هو كان مغلوب عن أمرو واخة كان باغيك كيف أنتي وقادر يصبر معاك حيت كيبغيك ولكن أنا لي ممزيناش ومنسواش فرقتو عليك باش نرضي رغبتي
شادية:وعلاش هدشي كامل علاش شنو درت ليك
غضيفة:لغيرة أه لغيرة كنحس أنه دتيه مني ولا يبغيك أكتر مني مكنتش كنيغي يعاملك بإهتمام لهدا قررت نفرقكم وكانت حجة لولاد ولكن هاني زوجتو وربي رزقو بزوج ولاد معاقين وعاد مكيبغيش مراتو ولدي دمرتو بيدي مرض في صحتو في قلبو (طاحت على رجليها) عفاك لما سامحيه ورجعي ليه والله عمرك مزال تسمعي مني كلمة عيب ولدي كيبغيك ويضل يهترت غير بسميك سامحيه راه أنا سباااااب أنااااااا … شادية ولدي كيضيع مني وأنتي وحيدة لي تقدري ترجعيه كيف كان راه غيحماق وبدا يدور في زناقي سامحيه
شادية:أنا مسامحاكم دنيا وأخرة …. ولكن أنا ماشي بنت لحرام نجي حتى دابة ونغدر بسيد لي بغاتي وحتارمني طول هاد مدة كان راجل معايا وحمد الله دابة راه راجلي حلالا طيبا … سمعي خالتي غضيفة والله حتى قلبي مات من جيهة ولدك وداك حب لي كنت نكن ليه تبخر في هواء ودابة واحد لي في قلبي هو فارس فارس فارس
….. شنو رأيكم في غضيفة وكلامها وشادية شنو غدير في هاد لحظة
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:109🌹
_كان فارس على برا بحكم فهد كيكمي وسيد تقطع قال ليه هبط معايا ولا نكمي ليك في برزة حنة دار ليه خاطرو وخرجو زنقة … في وقت لي كانو مجمعين كان إلياس متاجه جيهتهم … غير شافو فارس عقد حواجبو هو يتكلم مع نفسو …
فارس:هدا أش جابو 😒 ياكمة ناوي على شر راه برب كعبة نولي قدامو وحش
فهد:(لاحضو تبدل) أنت مالك أصاحبتي لونك تبدل ياك لباس (شاف فين كيشوف) ياكمة عندك معاه شي حساب دابة نمشي نهنشرو برب
فارس:(شدو من يديه) راه أنا لغنتوالا بيه إلى لعب بزنطيطو
_كيقرب حداه بخطوات بطيئة وحاني راسو وعينيه لامعين بدموع وصل حداه هز فيه راسو وفارس خنزر فيه …
فارس:أشنو جابك من أحسن رجع منين جيتي ولا مغيعجبك حال
إلياس:ماجيتش ندابز بغيت نتكلم معاك بعقل ونتمنى تفهمني …
فهد:(شنق عليه) … سمعتيه أش قال يلاه دك ولا نعاود ليك ديكور دوجهك (دفعو)
فارس:فهد لا خليه يقول أش عندو ولا معجبنيش كلامو ديك ساعة منمنعكش وزيدني معاك
إلياس:(تنهد وعض على شفايفو) بغيت نقول جيت نرجع شادية هي كتبغيني أنا ماشي أنت وهي تزوجات بيك غير باش تنساني …
فارس:(طلعو كشاكش مع فمو وشنق عليه) واش عارف أش كتقول شادية راه مراتي بشرع وقانون وكتبغيني أنا حيت راجل عليك ماشي شماتة مطلقها على قبل لولاد … صافي غير ولدتي ولات تبان ليك في بلان ….
إلياس:طلقتها بزز مني على قبل مي … هي لي بغات … أما أنا كنت قابل عليها كيف ماهي ودابة خاصك طلقها باش ترجع ليا …
فهد:واش أنت مريض شارب شي عجب عاد جاي تاكيفاش يطلقها وترجع ليك سير سير راه بديت نتعصب معاك ….
_شادية طلات من سرجم بانو ليها كيداتبزو وشي شانق على شي وهبطات بتكشيطة ديالها كتجري حتى وصلات عندهم ورقية وغضيفة وبكر وهند تابعينها …
شادية:(بصوت عالي) فارس إلياس حبسو باركة (جرات فارس عندها) واش تسطيتو باغيين ديرو ليا شوهة راه قسما بالله حتى نقتل راسي باركة عليا أوااااه صافي
…. سيد كيدوي من نيتو قالك طلقها باش ترجع ليا
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:110🌹
غضيفة:(قربات حدا ولدها) صافي ولدي يلاه نرجعو بحالنا هي مبقاتش بغاك
إلياس:كيفاش أمي مستحيل …. شادية أنتي كتبغيني أنا عرفتي دابة علاش طلقتك ماشي على قبل لولاد وإنما (سكت)
شادية:سمع كلامي مزيان إلياس … كنت كنبغيك أه ولكن فعلة لي درتي معايا جرحاتني في قلبي بزاف وقلت من بعدك عمرني نبغي شي حد تاني ولكن (زيرات يديها على يدين فارس) هو لي داوا جرحي وشفت فيه راجل مناسب ليا … أما بنسبة لولادك نتمنى يكون خير ليك يمكن ربي خلقهم هكاك باش تبغيهم أكتر … وبنسبة مرتك حاول تبغيها يمكن تلقى فيها شي حوايج أحسن مني … وسير عند طبيب دوز وعرف مشكل مناش واش فيك ولا فيها أما أنا غير نساني … هدا قدري حمد الله عليه تعلمت منو بزاف أشياء وأن ربي كيرزقك على حسب نينك … نتمنى ليك سعادة في حياتك (هزات عينيها فارس) يلاه ندخلو ناس كتسنى وبغينا هاد ليلة دوز زوينة
_رجعات شدات في يديه وبداو يتمشاو بهاد كلام تأتر بيه فارس بلا قياس … تبتات ليه شادية فعلا كتبغيه وعمرها مزال تفكر في إلياس ولا شي نهار تلمح صورة منو … أما إلياس خلاتو واقف كيف جماد متوقعش منها هاد ردة فعل وكلام يسحاب ليه زوج كلمات تجري حضنو …
_واحد حاجة غافلين عليها رجال وهي مرأة لحيدات راجل من قلبها عمرو مزال يرجع للقات شخص مناسب من بعدو
_حناو رأسهم ورجعو منين جاو وندم لي كيقتل في غضيفة أنها ضيعات لولدها جوهرة مكتقدرش بتمن بسبب غيرتها ليمكان ليها حتى معنى …. وأغلبية نوع هاد غيرة لي كتكون عند حموات من عريساتهم راجع سبب أن كيكون ميت ليها راجل في سن صغيرة ومنهم أسباب أخرى كتحس بلي داتو منها حيت حبو ليه كيكون متملك …
_دخلات شادية وجلسات في برزة حنة ومدات يديها وهي كتبتاسم كأن لم يكن شيئ هند نوضات شعبي وجلسات تشطح مع لبنات وتنشط معاهم … غير سلات شادية جلسات حداها هند حتى هي تنقش وضرب فال لراسها … رقية وبكر مبغاوش يجبدو موضوع لأن شادية سدات لفام ودازت ليلة أحسن ليالي لشادية ختموها بطلبة باش ربي يبارك في جمعهم ويرزقهم كل ميتمناو بيه
رأيكم …. شادية خلات إلياس كيف جماد من عندي عبرات عليه هو مو وتمسكات في فارس لي
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:111🌹
*بعد مرور يومان*
_من بعد حنة كان فارس عند وعد لأطفال ميتم هوما يحضرو نهار عرسو فرحة لي كانت في قلوبهم ميعلم بيها غير الله ولكن شادية كانت أكتر حتى أن عينيها منشفوش من دموع وفارس كيسكت فيها كل مرة ولكن حتى هو خانوه وبداو يبكيو بزوج
_كيف كل فرح كاين لي فرحان من قلبو وكاين لي هاز دغينة في قلبو بأخص لبنات لي باقين بلا زواج وكيكون قلبهم محساد ….. رقية عمرها نشطات حتى في عرسها أول تشطح وتغني وبكر حداها يصفق … أما وليد جمع صحابو وجابهم ودارو ديك شطحة جماعية لمشرملين فوجو على قلبهم ودارو عرض مضحك لمدعوين …
_دوزات ربعة لباسي ولي حيداتها تلبسها هند وهي تقرب حداها عنقتها وباستها …
هند:ياختي وشحال فرحانة تقول أنا هي عروسة مبروك عليك والله يجعل ربي يرزقكم لي تمناو هاد نهار عمرني نساه قسما بالله عرسك واو شي حاجة واعرة إستسنائية دوك دراري صغار يمكن هوما لي زينوه أكتر ….
شادية:(بتسمات) حتى أنا فرحانة بزاف واخة ماكنتش باغة هاد هيلالة ولكن بلمة هاد أطفال سعادة ديالي لا تصف …. ونتي ياربي تزوجي بفهد ياربي
هند:(كمشات وجها) داك لحمق من نيتك أنتي عرفاني مكيعجبتيش
شادية:(طلعات حاجبها) عاودي أش قلتي … ملي كطلعي سطح كيف لحنش تسحلتي حتى لفجر عاد تهبطي ياكمة يسحاب ليك ناعسة تراه كولشي على عيني بلا ديك عزة نفسي …
هند:(فرنسات ليها 😁)لا راه كنطلع نصلي قيام ليل باش ربي يسامحني ويرزقني بزوج صالح
شادية(تكرشخات عليها بضحك) هاهاهاهاهاهاها وناري مي كرشي قالت قيام الليل أنوضي الله يمسخك نتي راه شوية ويدير معاك دراري في سطح قالت ليك قيام الليل 😂😂😂 أوووف ياربي ضحكتني وحق ربي تي غير كري راني زعمة صاحبتك
هند:(حتى هي بدات ضحك) هههههههه أش غندير راه هو لي حمق كيقول ليا طلعي ولا تلقايني في بيت نخطفك ونديك والله ميهضر شي حد 😁😁😁أوا مع أنا كنخاف زعمة أحم أحم ببرائتي بزز مني كنطلع أوا عاود ليا على إجرام لي دوز في حياتو وكيفاش دخل حبس …. حتى أنا عاودت ليه على إجرام ديالي …. مالقينا راسنا غير حبينا بعضينا …. إوا مجرم خدا مجرمة وشادية تهنات منينا 😂😂😂
شادية:مسخوطة أوا كن قلتيها نديرو عرس واحد لاش كترت مصاريف
هند:قاليك بغا يجمع راسو ويخدم ويجبدها من عرق كتافو … أنا صابرة راه صارحة درويش ولد ناس
رأيكم …. 😂😂😂😂 قالت كطلع تصلي قيام الليل هند مقطعين ليها فزيبلات اما فهد
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:112🌹
شادية:(عنقتها) إوا مبروك هدشي لي بغيت وتمنيت حتى نتي تحبي وتتحبي حمد الله ربي كبير عن قريب تزوجي تكوني أسرة … أجي عاودتي ليه على بلان توتو ديالك
هند:أه عوادتها ليه 🙂🙂🙂🙂
شادية:شنو قاليك 😶😶😶😶
هند:قالي أحم أحم مهم تكون تقبة ديك تقبة باقة عزبة وميهمش يكون محروق ولا زرق مهم يشوف دم راه مجنون وفيه عااااااايشة
شادية:ههههههههه أوا حمد الله باقة تقبة عزبة هو لي يضحي بيها
هند:باركة باركة من هضرة يلاه آخر لبسة ناس جاها جوع ضروك ينوضو ياكلوني ههههه
_فعلا كانت أخر لبسة ليها خرجات بصلاة وسلام على نبي مختار وزغاريت …… ناس كلات حتى تنفخات بتلاتة أكل ودسير بسطيلة بدجاج ولحم بلبرقوق وسفة … قبل ميسالي عرس ناس حطات لي كاظو لي جابت حتى لي مجابش كيحطها فلوس وسلات حفلتنا على أتم وجه كولشي خرج فرحان ناشط شبعان …
_خرجو عرسان من بعد مسلمو على عائلة ركبو في طموبيل متوجهيه دارهم بحكم مبغاوش يمشيو لأوطيل … ودراري ركبو في طموبيل كبيرة كاملين حتى وصلو
_كانت شادية بقفطان أبيض خفيف مخدوم بلعقاد حتى لتحت ومطروز مع مشيطة سامبل ومكياج خفيف …. حطات رجليها يمنى ودكرات إسم الله وكان فارس شاد في يديها
فارس:مرحبا بيك في دارك (بتاسم)
_بدلاتو نفس إبتسامة ودخلات لبيت كانو زوج زرابي مفرشين شافتهم شادية بتسمات كان شال في أبيض محطوط فوق ناموسية دارتو على راسها وغطات شعرها
شادية:نبداو صلاتنا
_حرك راسو بإيجاب وباشرو في صلاتهم باش ربي يسر ليهم زواجهم وختموها بدعاء وأمين … كان باين توتر على فارس وشادية لأنها حسات بحشمة رغم ماشي بنت ولكن راجل جديد في حياتها … قرب حداها وشدها من خدها
فارس:مستعدة ولا عيانة نخليوها مرة أخرى شنو قلتي
شادية:(عضات على شفايفها وحنات راسها بحشمة) لي بغيتي
_جمع لوقفة ومد يديه ناضت حتى هي جلسو فوق سرير وحيد ليها شال وبدا يتأمل في وجها حتى شد دقنها وقرب حداها باسها من شفايفها بوسة خفيفة ولكن سرعان مقلبو خفق رجع طبع قبلة وهاد مرة طويلة وشادية تجوبات معاه … وبدا يهبط رقبتها بتسلسل حتى طلعات تبوريشة مع شادية وبدأت طلع وتهبط ننفسها بسرعة …. رجع بلور هي تنوض شادية بزربة ستأدنات
شادية:سمحلي ندخل حمام ونرجع (حنات راسها ومشات)
_تجبد على سرير وبقا يسناها … دازت مدة ربع ساعة وهي تخرج بشوميز دونوي في لون أحمر غامق وطلقات شعرها ديل حيصان ومعكرة شفايفها بنفس لون وريحة لي وصلات أعماق قلبو غير شافها دوخات ليه لعقل … قربات جلسات حداه

…. ههههه هند مهم تكون تقبة عزبة …. أش كتسناو مزال كونو تحشمو خليو ناس تقضي غراضها ههههههه
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:113🌹
*بعد مرور 3 أشهر *
_في هاد مدة شادية وفارس زاد حبهم لبعض أكتر وأكتر دقيقة بعاد على بعض شبه سنة 😊 وإحساسها مع أطفال لا يوصف كأنهم طرف منها .. ودار تشهرات أكتر وأكتر لأن هند وفهد دارو ليها إشهار عبر مواقع إجتماعية بحكم دار ممرسماش على أنها ميتم ولكن بمشاهدة عالية لي حصلو عليها ولا يوصلوهم تبرعات من جميع مدن وحتى خارج المغرب ودار ولات مشهورة وزادو كبروها كيستقبلو أطفال من أي مستشفى ولا أطفال لي سمعو بيها سن تقريبا 7 ولا 8 وحتى أكبر كيستقبلوهم وتبروعات كتزيد يوميا حتى من محمد سكندر ملي عرف بيها مخلاش من جهدو وساعد بمبالغ كتيرة هاد دار ولات حديت جميع حتى من قنوات تلفزيونية كيقومو مع فارس إستجوابات كيفاش جاتو فكرة شنو مساندو ********* وبزاف أسئلة من هاد قبيل …
_في هاد مدة كدالك هند وفهد تزوجو ولا خدامين مع فارس وشادية معاهم يد وحدة …. دارو دار على قد حال .. وهاهي في أسابيع أولى حمل فرحانة بزاف لأن من نهار تلقات بشادية حياتها تبدلات رغم أنها تابت ولكن كيرجع فضل كامل ليها
_بكر حتى هو تزوج في عرس شادية شاف واحد بنت وبقى غير كيفكر فيها ومن داك نهار هو مراقبها عرف عليها شادة وفادة سول عليها كاع ناس ليتعرفوها حيت قبل ميخطي خطوة لابد من هادشي … كانت بنت ناس وكلهم كيقلوها زوينة عاد هي معلمة ومحتارمة راسها زينها بحروف غربية أصيلة شعر اشقر ولكن دايرة حيجاب عينيها متل لون بحر بشرتها بيضاء وناعمة متل أطفال نيفها كيف منقار وفمها بارز ومفتون … توكل على الله وخطبها وحتى هي قبلات بيه بحكم كانت زمان وهي حاطة عليه عين ولكن عمرها بينات ولكن هو شافها كان قلب على قبل وبعد أسابيع تزوجو … وسكن مع دار بحكم هدا شرطو وهي وفقات نتوما عارفين رقية تعاملها أكتر من بنتها …. أما وليد هداك بوحدو معينو في زواج ولا ولاد عينو غير في زنقة ودوران … كل واحد ربي رزقو بشنو بغا
_أما شادية باقي أملها كبير عند الله يرزقها بولد ولا بنت كل مرة تمشي عند طبيب وكيقولو ليها نفس هضرة وفارس في جنبها كيواسي فيها وداير ليها خاطر …. كانت جالسة وهازة طفل صغير بين يديها وكتبكي في نفس لوقت …
فارس:(عنقها من كتفها) علاش كتبكي دابة علاش(مسح دميعاتها)
شادية:أهئ أهئ أهئ علاش علاش كيرميو هاد ملائكة ملي مقادرينش يربيوهم … أنا تمنيتو يكون موعاق وعمرني نخليه أهئ أهئ أهئ
رأيكم ….. بكر ورميساء
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:114🌹
فارس:وصافي راه مكنبغيش نشوفك كتبكي الآلة عتابريهم ولادك كاملين علاش مزال كتقهري في راسك
شادية:ديارهم بحال ولادي ولكن منكدبش عليك بغيت داك إحساس يكبرو في كرشي نتوجع باش نولدو ونشوف عويناتو نسى وجيعاتو …😔
فارس:وباركة الله يرضي عليك طيبتي هاد عينين بدموع شوفي أنا دريني دري مزال صغير (ضحكات شادية) ههههه وهاكة نبغيك ضحكي عفاك
شادية:(مسحات دموعها) واخة واخة غدا نمشي عند واحد طبيبة درت عندها أخر تحليلة والله مزال لبقيت مشيت عند شي حد ونردا غير بهاد ملائكة لي جاب ليا الله
فارس: واخة انشاء الله يلاه نوضي تنعسي دابة وعيطي على مليكة دي ريان بلاصتو ….
_صبح صباح جديد وشادية مبقاش عندها حماس حيت غتسمع نفس هضرة … دخلات عند طبيبة وجلسات معاها في بيرو وتقبلات معاها
طبيبة:مرحبا الآلة أشنو عندك وعلاش جيتي شنو مشكل…
شادية:درت واحد تحليلة على قبل أنني مكنجيبش لولاد
طبيبة:شحال وأنتي مزوجة واش أول مرة دري تحليلة
شادية:(هبطات راسها) كنت مزوجة مدة 6 سنين مع زوج أول وسبب لي خلاني نطلق هو ولاد يعني مشيت عند بزاف أطيباء كيقولو نفس هضرة وكتاب تزوجت مرة تانية ومزال ميأست ولكن بالي تقولي نفس هضرة حتى أنتي
طبيبة:بغيت نسولك واش غير أنتي لي كونتي كدوزي زعمة راجلك عادي عمرو دار شي تحليلة
شادية:لا ولكن تزوج ولد غير هو تزادو عندو ولاد موعاقين
طبيبة:(بتسمات وشدات تحليلة بين يديها) بغيت نقول بلي ربي ستاجب دعائك أنتي حاملة
شادية:(متفاجئة) شنو كيفاش بصح أنا أنا حاملة وأخيرا (شدات كرشها)
طبيبة:مبروك عليك … تهدني وسمعيني دابة كونتي تمشي عند أطبة كيقولو ليك بلي أنتي مكتولديش ياك (شادية هزات راسها بإيجاب ) مشكل هو ملي كتكون علاقة حميمية بينك وبين زوجك وقت حيونات منوية كتبغي تمشي بويضة ديالك هي مكتقبلهمش حيت عندو حيونات منوية مشوهة وبويضة ديالك هي لي كانت كترفضهم وملي تزوج كنظن أن مرأة عندهم نفس جيناات لي خلا بويضة ديالها تقبلهم هادشي خلاهم يولدوهم موعاقين
شادية:(كتبكي) مشكل عمرو كان فيا وعلاش لي مشيت عندو كيقول مكتولديش
طبيبة: هاد قضية قليل لكيعرفها وخاصها دراسة خاصة …. عندك زهر لقيتني يلاه جيت من خارج أول مريضة هي أنتي مبروك عليك راه أنتي كتولدي ولكن كان عندك مشكل واحد هي بويضة ديالك صعيب تقبل أي حيونات منوية وكنظن مع زوجك تاني وافقك 100%
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:115🌹
_《إصبر فصبر جميل》 شادية في هاد لحظة فرحتها كبيرة بزاف صبرات في أول وجاب ليها الله راجل لأي بنت تمناه وزادت في صبرها في لولاد ولكن قال تعالى 《ولا تقنطو من روح الله إن من يقنط من روح الله آلا قوم كافيرون صدقة الله عظيم 》…
_شكرات طبيبة بزاف على هاد خبر وبسرعة مشات كتجري ميتم … كان قبالتها فارس عنقاتو بقوة وتبكي في حضنو حتى تخلع يسحاب ليها وقعات ليها شي حاجة ولكن سرعان مشدات في وجهو وشافت فيه ونطقات بديك كلمة أنا حاملة قلبو خفق بسرعة حس بلي دنيا ضحكات ليه ورجع عنقها بقوة
فارس:حمد الله شفتي ربي كبير ستاجب لدعواتنا (زاد عنقها ودموع في عينيه)
شادية:ممصدقاش ولكن لوقت لي قالتها ليا حسيت بصدمة سنين طويلة ومن بعد هاد عمر ربي رزقني باش تمنيت حمد الله
فارس:شنو قالت ليك طبيبة ……
شادية:(عودات ليه مشكل حقيقي) هدشي لي قالت ليا (غوتات) أععععع أنا فرحانة بزاف (بدات تنقز)
فارس:ألالة بشوية على بنتي أتبتي أرض
شادية:(كمشات وجها) دغيا رضتيها بنت وعلاش ميكونش ولد بحالك عويناتو زرقين
فارس:لا لا بغيت أنا بنت بحال بعوينات حبة قهوة (عنقها) هههههههه حمد الله غير ليجات من عند الله مرحبا بيها مهم تكون خلفة كاملة
شادية:أمين … خاصني نفرح لميمة وهند وبكر وليد كولشي كولشي خاصو يعرف ههههه
فارس:أش بان ليك فشي عراضة ونفاجئوهم كاملين مممم …
شادية:فكرة زوينة صافي واخة أنا نصوني ليهم وغدا نوجدو شي وليمة على قبل هاد خبر
_هدشي لي كان وجدو عراضة على حقها وطريقها واخة كل مفهمش علاش غير لمتها أحسن حاجة كانت في نهار جمعة وهاد نهار كيكون مبارك لينا ضحكو ونشطو … كل من بكر ومراتو رميساء … هند وفهد … ورقية واليد … وقفات شادية وبدأت تحنحن وهزات كأس ماء وبدات طقطق فيه …
شادية:أحم أحم واحد دقيقة نقول ليكم واحد خبر
هند:مالنا في برلمان كأس وداكشي اودي صفقي صفقي قلاك
شادية:هههههه غير تحمست مهم أنا حاملة
_كولشي حل فمو من هول صدمة ولكن رقية تقول كانو دمعوعها عند باب ناضت عنقتها وتبكي
رقية:واش بصح أبنتي إمت هدشي شكون قالها ليك شفتي صبرتي وربي جزاك في أخير
شادية:تهدني ألميمة تهدني أنا نقول ليك
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:116 :الأخيـــــــر🌹
_عودات ليهم مشكل …. وكولشي فرح ليها وبدا يعنق ويبوس أما فارس بقى جالس هو مبتاسم حتى قرب حداه بكر …
بكر:ألف مبروك والله راه ربي كيبغيكم ومبغاش يحرمكم من هاد نعمة … لأن قلوبكم صافية بحال حليب … (عنقو) …
فارس:الله يحفضاك أخويا بكر … حمد الله راه ربي مطالع بنيتنا …
رقية:بنتي شنو مشهية شنو بغيتي دابة نوجدو لبنتي حبيبتي …
شادية:هههههه دابة والو ولكن ملي نبغي شي حاجة من يديك غادي نقولها ليك
رقية:إنشاء الله أبنتي …. الله يخليك ليا وفرحك طول عمرك
.
.
.
.
.
*بعد مرور سنتين*
_بصبر شادية وحب عائلتها ربي كان كريم معاها رزقها بزوج توأم بنت ولد إيناس ويانيس كيشبهو فارس في عوينات وشعر لشادية … وعائلتها كبرات وداقت طعم أمومة … ومكانتش كترضع غير ولادها حتى أولاد ميتم لي عندها ومحتاجين حليب لأن كمية حليب لي في صدرها كانت كتيرة مشاء الله
_أما هند ولدات ولد وسماتو غالي … وطرائف بينها وبين فهد عمرها تسالي وحتى داك كلام … بكر حتى ولد وسما بنتو نور هدى … ورقية ولات دار عندها عامرة بحفايد … وتفاقو وصيفطوها لعمرة تشوف مقام نبي …
.
.
.
.
❤هل تعلمين أني مجنونك …… وعندي سعادة سرها في عيونك …
❤هل تعلمين أني أفدي …… حياتي من دونك وأنني عشقتك ولم أرى مثلك …
❤هل تعلمين أنكي سحرتني …… وأن غرامك نار يدوبوني …
❤هل تعلمين أن …… طلتك تسعدني وأني أفعل هوائل من أجلك …
❤هل تعلمين بأنكي …… أنتي محبوبتي وأن شموعكي نورت كل دروبي ومن دونك أنا ظلمة من ليل …
*… النهـــــــــــــــــــــــــــــــايـــــــة …*
نتمنى تكون نالت إعجابكم وكانت في مستوى نهاية قصة خفيفة ضريفة قريتيها عطيني رأيك … وشكرا ليك …

Leave a comment

  1. قصة رائعة فلاول كانت مشوقة جدا خليتينا نقراوها كلها باش نتعرفوا على لاحدات فوسط لقصة ضحكنا او فلاخير بكينا قصة فلمستوى 🌹