Skip links

قصة : إنعكــــــاس قـــــــدري ج3

 4,648 عدد مشاهداات

❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:51🌹
هند:(شدات في يديها) إلى مصدقتنيش أجي معايا نهبطو لكاب في كاين طموبيلات وبأخص وحدة في أبيض حداها باب سري تماك كاين بيوت فين حاطين لبنات
شادية:علاش معلمتيش بوليس وجايا عندي
هند:بوحدي منقدرش حيت نجاة يديها طويلة تقدر تغرقني وتخرج راسها بكل سهولة ولكن أنا بغيت نعتقك في نفس لوقت تعاونيني نخرجو ديك لبنات لي مدة هوما محبوسين وغايبين على أهلهم أجي معايا أختي عفاك
شادية:بسمة بسمة واش بصح بنتو
هند:أه بنتو وأمها مزال عايشة راه وحدة من دوك لي محبوسين
_في وقت لي كتهضر هند دخل جلال غير بلحس وشدها من شعرها ولوا ليها يديها …
جلال:مبغتيش تحشمي ياك ومبغتيش تخليني في خاطري نخدم ليوم نصفيها ليكم بزوج(شاف في شادية) أووووه شادية عرفتي شكون أنا
شادي:طلق منها ولا نعيط بوليس
جلال:(عيبها) طلق منها ولا نعيط بوليس نانانانا أش كتسناي هزي تلفون
هند:شادية هربي محد عندك فرصة
جلال:فين غتهرب دوي فين
_شادية هزات فاز لوقت لي كان جلال حادر عينيه جيهت هند وهي تخبطو راس وطاح أرض
شادية:ناري قتلتو أش درت أربي
هند:بحالو خصو يموت ميستاهلش يعيش
_شدات في يديها وهبطو كيجريو من دروج مع خرجة كانت نجاة هي وسعيد دفعتهم هند وكملو على جري ديالهم
نجاة:(بصوت عالي) سعيييييييد تبعهم عنداك يهربو منك …
_خرج جلال شاد راسو في يديه دم شافتو نجاة وهي تخلع….
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:52🌹
نجاة:(بخوف) ولدي أش دارو فيك شكون لي ضرباتك
جلال:ماشي وقت هضرة دابة من بعد نمشي نجيبهم نوريهم عداب دنيا قبل أخرة
_مزال شادين في يديهم وكيجريو حتى طاحت هند وتقصحات من رجليها …
هند:(بألم)أي رجلي أهئ أهئ أهئ شادية ختي غير هربي عفاك
شادية:مستحيل نخليك بوحدك منسمحش راسي لوقعات ليك شي حاجة
هند:(شافت وراها) هربييييي راهم جاييين بزوج عفاك أنا قادة براسي هربييييي
_ملقات شادية حتى خيار بدأت كتجري وقلبها غيسكت بخلعة حتى أنها مكتشوفش وراها وليل بدأ يطيح حتى لقات راسها في درب كاعمة كيخرج وبدأت دور عينيها كيفاش تخرج من بعد محاصروها بزوج وسلاح بين يديهم …. غمضات عينيها وهي تفكر حلم لي كانت تحلم بيه من سنين كيفاش تحقق ليها في واقع رغم ماشي نفس شيئ لأن أحلامنا ماشي هو واقعنا وإنما إنعكاس غير صحيح للواقع ولكن كيخرج بصفة أخرى …. قالت هادي هي لخرة ليها وفجأة كانو شخصين لي ديما كانت صورهم غير واضحة وراء سعيد وجلال لي هوما فارس ورياض وكل واحد فيهم شد تاني وبداو في عيراك قوي ولي تغلب هوما جلال وسعيد هربو خايفين على حياتهم وفي نفس وقت فارس تجرح وتحنات عندو شادية
شادية:ووووواش خويا بخير يديك كيسيل منها دم بزاف خاصك تمشي طبيب (هزات عينيها فيه وبتسمات) أنت هو لي كنحلم بيه ديما عمرني تصورت شي نهار يحققو ليا أحلامي (شافت في رياض) وحتى أنت
_شدات في يديهم بزوج مفهمو والو علياش كتهضر ولكن رياض عقد حواجبو ملي شافها هتمات بيه أكتر منو وفي نفس لوقت جات هند
هند:حمد أنك بخير شفتي أش قلت ليك صدقتيني دابة ياك …. ولكن شكون نتوما
شادية:هادو عتقوني منو …. ولكن أجي كيفاش حتى شفتوني
…… رأيكم حبيباتي حلمة أولى تحققات ولكن بمعنى أخر
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:53🌹
*فلاش باك*
_كان فارس ورياض في طموبيل بحكم بزوج كيفكرو شكون لي سممو ولحظة رياض قشع شادية كتجري خرج عنيه فيها من بعيد …
رياض:هي والله حتى هي … ولكن علاش كتجري
فارس:مالك أصاحبي شكون هي شي قرطاسة جديدة
رياض:دخل فيك تبعني وسكت يلاه سربي
_مشاو كيجريو بسرعة ملاحقينها حتى وصلو بلاصة فين حاصروها…
رياض:أنا نتكلف بواحد وأنت تاني أكي متافقين
فارس:صافي مشات (تكلم مع راسو) هادي شادية شكون هادو أش بغاو منها(بتسام) أنا نيت مشهي نعصي شي حد وجيية جات حتى عندي هجووووم
*نهاية فلاش باك *
_شادية بقات غير ساهية في فارس وكتبتاسم غمضات عينيها وحلاتهم وهي مزال على نفس نظرة حتى نغزاتها هند ….
هند:هيهو شادية خاصنا نهربو لشي مدينة تانية
شادية:شنو كيفاش وعلاش نسافرو خاصنا نعلمو بوليس هاد ليلة خاص نجاة وجلال يبانو في حبس
هند:أمر ماشي ساهل كيف كتصوري راه حياة أكتر من 19 بنت تماك يقدرو يأديوهم قبل ميوصل بوليس …
فارس:(حنحن) أحم أحم ممكن تشرحو لينا شكون هدوك لي كانو تابعينك وعلاش بغاو يأديوك … أنا شفتك غير هادي يومان واحد كان معاك في كلنيك يمكن راجلك لا
شادية:(تنهدات) معرفتو راجلي ولا كيف قالت هند … أخويا قصة طويلة … مهم شكرا ليكم بزاف عمرني نسا هاد خير لي درتو معانا
فارس:ممكن توضحي كلامك (جمع لوقفة هو رياض)
هند:خويا أمر خطير حياتنا في خطر ربي حطكم في طريقنا وساعدتونا ولكن مبغيناش طيحو في مشاكيل لي صعيب تخرجو منها
رياض:(بتاسم جنب) نعرفهم على راسي أنا رياض سكندر ممكن تكونو سامعين بهاد إسم وحتى حاجة متعرضني خطر عاودو لينا شنو مشكل نقدرو نساعدوكم (عينيه على شادية)
شادية:(كدور في عينيها) صارحة عمرني سمعت بهاد أسم واش شي ممتل معروف سمحلي أنا كاعمة كنتفرج في افلام ولا مسلسلات
فارس:(ضحك بينو بين نفسو) لا لا ماشي ممتل رجل أعمال معروف بمصنع أحدية تابع لشركة t.m
رأيكم….. بغا يدير فيها واعر وهي عمرها سمعات بيه 😂😂
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:54🌹
شادية:(حكات على راسها) غير سمحلي والله معرفاها …
هند:(قطعات كلامها) هههه أنا عارفة كنشوف سي محمد سكندر في جرائد لبعض أعمال خيرية لي كيقوم بيها إدن أنت هو ولدو وحيد مدلل
_فارس مقدرش يهضر في هادي حس بلي رياض تزير وبلي تقمع دون قصد ولكن بين بلي مهموش أمر…
رياض:(بتاسم بزز) معليش دابة يلاه معانا عودو لينا مشكل لي نتوما فيه
_شادية حركات براسها مع إبتسامة وكانت قريبة منهم وهي تجرها هند لعندها بعداتها عليهم …
هند:مالك نية بلا قياس أختي شكون قال نية ديالهم غير لي شفناها دابة …
شادية:لا متخافيش نوايا إنسان شريرة كنحس بيها أنتي معرفاش بلي هدشي لي وقع ليا كنت نحلم بيه من سنين طويلة ودابة تحقق منهم واحد …
هند:كيفاش كاعمة فهمت ……….!!!!!!!
شادية:يلاه نمشيو ومن بعد نشرح ليك (رجعات شداتها من يديها توجهو عندهم) يلاه خويا مشينا أنا متأكدة تساعدونا
_عند رقية وبكر لي كانو ناويين يديرو مفاجئة لشادية مشاو عندها عيمارة …. في داك وقت كانت نجاة كتعقم جروح جلال…
نجاة:بغيت نعرف هاد زهر لي عند هاد بنت منين جابتو شكون دوك لوحوش لي تهجمو عليك أنت وسعيد
جلال:أي بشوية غير بلاتي والله يطيحو بين يدي منرحمهم … كنت قلت ليك شحال هادي قطعي لحنش راسو شوقي فين وصلاتنا
نجاة:ميسحابش ليا دير بحال هاكة أما كن قتلتها شحال هادي … ولكن دابة عاقل على وجوه ديالهم (سمعات صونيت باب في نفس وقت لي كان غيهضر) أربي سلامة شكون لي جانا في هاد لوقت نمشي نحل باب
_ناضت تحل باب كانت ليها صدمة قوية ملي شافت رقية هازة في يديها لي ساشي فيهم أكل مفضلة ديال شادية
رقية:(سلمات عليها)كيدايرة لباس عليك
بكر:سلام خالتي (مد يديه)
_نجاة معرفات باش تبلات أش غتقول ليهم وفين هي بنتهم دخلو وباين عليها توتر بدأت تشوف في جلال بمعنى شنو معمول وشمن كدبة نقولها
رقية:(تخلعات ملي شافت وجهو كامل كدمات) ولدي مالك في وجهك …
جلال:(ناص مخنزر فيها) هدشي كامل بسبب بنتك ملي كتبغي شخص تاني علاش قبلات تزوج بيا أه
رأيكم…..هاهو يلقى شي كدبة يصغرها قدامهم
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:55🌹
رقية:(بصدمة) كيفاش أولدي كاعمة فهمت بنتي مكان حتى واحد في حياتها من غير طليق ديالها
جلال:(ضحك بإستهزاء) شنو وهداك لي هربات معاه يوم أشنو تسميوه ….. غلط ديالي ماشي ديالكم أنا لي ختاريت بنتك من دون لبنات واخة عاقرة قبلت بيها وفي أخير طلعات وحدة متسواش
بكر:(شنق عليه) عرف أش كتخرج على فمك ختي كنعرفها مزيان ميمكنش دير شي حاجة لي تهبط فيه راسنا أرض
جلال:ههههههه باينة شوف هاد حالة لي أنا فيها بسبابها ملي بغيت نستفسر شكون لي معاها هجم عليا وهي جلسات تفرج دابة طلق مني ولا ندير ليك شوهة خليني ساكت … ولا مصدقتنيش دخل قلب عليها شوف واش كاينة هدشي مزال مكملات حتى سيمانة
رقية:لا لا مستحيل بنتي ديرها ملي طلقات فيما تبغي تخرج نخرج معاها كيفاش تكون كتبغي شي حد وهي إسم راجلها ديما كان في شفايفها هدشي كدوب حاسة بنتي واقعة ليها شي حاجة
نجاة:(حمرات فيها) حقيقة مرة أرقية ولكن غلط ديالي … مهم خرجو بلا شوهة وسيري قلبي على بنتك في جيهة تانية أما باش ترجع مرة أخرى غير كتحلم
_خرجو ممصدقيش كلام لي تقال على بنتهم ولكن كيفاش تهرب مع شخص تاني …. بكر تعصب بلا قياس عقلو تلف بتفكير
رقية:ولدي ختك كتعرفها مزيان عمرها خبات علينا شي حاجة مستحيل تهبط راسنا في غيس
بكر:(بعصبية) ولكن سمعتيه شنو قال عقل كيقول ليا شي حاجة غالطة وعقل كيقول ليا هدشي صحيح وفين هتكون مشات ياربي (خبط يدو مع حيط)
_ركبو في طكسي رجعو دار كيحالو يصونيو ليها ولكن كان تلفون طافي هنا شك بدأ يراوضهم وخوف سيطر عليهم …
بكر:إلى دارتها بصح عمرني نسمح ليها ونسا بلي كانت ختي وربيتها على يدي إلا عار
رقية:شوت متقولش هاكة أكيد سبب لي خلاها دير هاكة والله معرفت تلفت تلفت أهئ أهئ أهئ ولاتكون وقعات ليها شي حاجة
رأيكم…… بكر زعمة يبقا شاك في ختو ديرها
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:56🌹
_عند نجاة وجلال لي تعصبات على قبل هضرة لي قال وهي تخنزر فيه …
نجاة:علاش قلتي ليهم هربات مع واحد تسطيتي
جلال:شنو بغتيني نقول في لحظة سمحو ليا راه بنتكم عرفاتني كنتزوج غير عيالات عاقرين كنبيعهم وهي تهرب …. وليدة فكري معايا بعقلك
نجاة:بصح عندك حق ولكن لمشاو علمو بوليس غنمشيو فيها …
جلال:ميقدروش يديروها هند عارفة مزيان شكون معانا وفي أخير هوما لغيخصرو…
نجاة:ناري وطيح في يدي هند والله حتى نحرقها وهي حية بقات غير مدة سيمانة كيفاش نكملو 20 بنت وشادية كانو فيها جميع موصفات لي كيبغي روسي
جلال:غلط ديالك في أول تقراي كف ديالها مكناش نطيحو في هاد مشاكيل …. فين نلقاو وحدة نفس موصفات وعاقر من لفوق ياربي أش هاد مكتوب دخلات بنحسها
نجاة:معدناش وقت ندير مستحيل حتى نلقى وحدة بحالها في ضرف يومان نخويو هاد عيمارة قبل ميجيو دوك زوج تاني ويتكشف مستور
_عند شادية وهند لي دخلو دار بعيدة على مدينة وكانت قريبة من غابة هند لي كانت غير مأنة ولكن شادية كانت مرتاحة وكاعمة خايفة …
رياض:لمهم تخباو هنا حتى صباح ونرجعو عندكم وتعاودو لينا كولشي دابة غير رتاحو
شادية:شكرا بزاف بزاف عتقنونا من وحوش بشرية
فارس:هدا غير واجب أختي
_خنزر فيه رياض هو يسكت ورجع شاف في شادية وبتاسم …
رياض:هدا واجب مهم خليناكم في راحة حتى صباح
_خرج هو فارس ركبو في طموبيل هو بعوبس وشاف في فارس…
رياض:منين كتعرفها وباش عرفتيها مزوجة وفين شفتيها …
فارس:في نفس كلنيك لي كونتي جالس فيه بدون قصد تزادحت معاها وجا عندها راجل وبنت يمكن مزوجة…
رياض:لا ميمكنش تكون مزوجة أش هاد زهر
فارس:علاش واش فايت شايفها حتى أنت
رياض:ملي كنت في كلنيك أول محليت عيني كانت هي قدامي ومن تم أنا نفكر فيها…
فارس؛(سكت وتكلم مع راسو) هاد بنت دارت فينا حالة أول مشفتها تعجبت فيها وحتى مسيو رياض كدالك ولكن هي مزوجة وعندها بنت ولكن شنو قصتها حتى كانت هاربة مكرهتش نعرف كولشي دابة
رياض:هيهو فارس وفين سهيتي أصاحبي راه كنت كنهضر معاك ماشي مع حيط
فارس:سمح ليا معرفت فين سهيت مهم معرفت شنو قصتها صباح ونعرفو دابة لازم نرجعو سي محمد يكون مخلوع هو مدام بهيجة وأنت يلاه خرجتي من كلنيك عاد خاصني نبحت شكون لي كان كيسممك .
رأيكم…. متبقاوش ساكتين
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:57🌹
هند:(مستغربة من شادية) أربي مالك مأمنة لهادو بهاد طريقة واش مخيفاش
شادية:(بتسمات) نونو متخافيش هادو حراسي لي ديما كنحلم بيهم
هند:(دارت يديها على وجها وخسرات تعابير وجها) لا لا لما كنتيش كتفرجي في مسلسلات تحلمي بزاف وبأخص خيال أجي جلسي حدايا عاودي ليا
شادية:(جلسات حداها هي تعاود ليها جميع أحلام لي حلمات) شفتي كيفاش تحققات حلمة أولى ولكن خايفة من أحلام تانية كيفاش غيتحققو ليا وشمن صفة …
هند:(دلات شفايفها) سبحان الله هدشي عندك عجيب أجي علاش مهبطاتكش نجاة عند لبنات
شادية:معرفتش ولكن نتي لي خاصك تزيدي تعاودي ليا فين كتعرفيهم وعلاش كيديرو هاكة وعلاش أنا بضبط عاونتيني كن قلتي ليا هدشي نهار أول
هند:(تنهدات)حاولت نمنع زواجك بأشد طرق ولكن مقدرش نعاود ليك حقيقة كاملة لأن كلب ديال جلال كان ديما مانعني في كل مرة نبغي نعاود ليك وأنا لي خويت ماء على عقد لغد ليه جيت عندك ونفس شيئ
شادية:كن قلتي ليا منطيحش في هاد مصيبة ولكن معرفنا دابة فين توصلنا … مهم منين كتعرفيهم
هند:قصة طويلة …
شادية:تعاوديها ليا كنسمع …
هند:أش غنقول بلي أنا هي ديك بنت لي كانت كتشوف غير فوق وباغة كولشي يكون قدامها ملكة وصافي يكون خدم داير بيا نتأمر عليهم ولكن واقع مر كنت كنقلب على خدمة حتى تلاقيت بجلال في أول عطاني وجه برائة وتعتارفت أنا وياه شاف بلي كنت نحلم بمال بزاف حتى واحد نهار صدمني فاش قالي لخدمة لي كيخدم هو مو وطلب مني نخدم معاهم نقلب حتى أنا على عيالات عاقرين ومطلقين وكيف ديما نفس تمتيلية في أول رفضت ولكن فاش وراني فلوس عينيا حوالو كانت مهمة ديالي نجيب حتى أنا بنات يخدمو بريضاهم في دع…..ارة وكنت دايرة فيها باطرونة شريفة كان شرطي على نجاة وهي أنا حتى واحد ميمسني مستعدة نجيب ألف بنت ياربي تسمح لي شحال من وحدة ضيعتها في حياتها وشحال من وحدة بغات تهرب ولكن كنت في طريقهم كيف شيطان بحكم دوك ليهود كيبغيو بنات عربيات حيت كانو أكتر طلب متشوفيش عداب لي كيدوز عليهم تحركات فيا عاطفة وقررت نحبس ولكن معامن … نجاة حرشات عليا كلب ديال سعيد حرقني من توتو ديالي يمكن أكتر من إغتصاب بنفسو دابة راه كنعاني من تشوه مكاينش راجل لمرا لي يقبل على وحدة بحالي خلاوني عايشة قالك على قبل خدمات لي درت ليهم وخلاو سبيلي ولكن بتهديد منحلش فمي ولا يديرو ليا أكتر من هدشي شحال من بنت حاولت نعتقها ولكن دون جدوى حتى جيتي أنتي سبحان الله أكيد ديري يديك معايا نعتقوهم
ونغرقو نجاة وجلال في حبس
شادية:(بقات كتشوف فيه مدة وهي ساكتة) هدشي كامل خلعتيني صارحة … ولكن أنتي تبتي وبغيتي تكفري على دنبك وتساعدي دوك عيالات لي طاحو في شبكة ديال نجاة … أجي نسولك شحال مدة كانت تهبط لبنات لكاب وتحبسهم
هند:مدة شهر ولكن فيك أنتي كان ليلة لي حضرتي فيها كانو غيهبطوك حيت كملو عدد مطلوب ولكن حتى أنا معرفتش علاش طولو معاك وسمعت نجاة كتقول لسعيد يهجم عليك باش يدخل جلال ويسحابك مدخلة راجل عليه وترجعي داركم
رأيكم….. حرقوها من توتو وناري متبغيهاش لعدوك والله إلى كتر من اغتصاب
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:58🌹
شادية:(غوبشات) أه عندك صح هجم عليا واحد ودخل جلال وشك في كرامتي حتى دخلات واحد مرا كبيرة قالت راه تهجم عليها
هند:يمكن هادي حاجة فريدة ربي حطها في طريقك أما نجاة كانت ضرب بيك طر
شادية:علاش كيديرو هاكة واش حتى لهاد درجة عندهم مرأة رخيصة يبعوها براني(شدات في يديها) أنا معاك حتى نطيحو جلال ونجاة في حبس ونتمنى فارس ورياض يسعدونا
هند:نخاف غير يسمعو قصة يخافو صارحة متيقاش فيهم بزاف …
شادية:أنا تايقة فيهم غيساعدونا أنا متأكدة وحتى أنتي تيقي بيا …
هند:(حركات في راسها وبتسمات) صافي واخة وأجي نعسو راه ديك طيحة لي طحت دكدكات لي عضامي جاب الله مشدونيش وتبعوك أنتي وأنا لحقت عليكم كنعرج
_صباح جديد وشميسة بأشعتها نورات معلنة على يوم مليئ بتفائل من طرف شادية ولكن واش كيف كظن يومها ولا يوقع عكس …. حلات عويناتها من بعد مسمعات تقرقيب وهي تنغز هند لي كانت ناعسة حداها …
هند:أي أي مالكي أختي على هاد نغزة تساليها ليا
شادية:نوضي راه كنسمع حس تخرشيش
هند:(كمشات وجها) أنا جالتنمان نوض نتاحرب يمكن دراري جاو … هف بلاتي نخرج نشوف (وقفات وشافت فيها) ونوضي تبقاي مكسلة ليا
شادية:(دلات شفايفها) غير سيري أنا كنخاف
هند:(دارت يديها على خصرها) تنوضي تكعدي معايا لا..قالت كنخاف أنا رجل صخر
شادية:(ضحكات) هههههه كنضحك معاك يااااه حيدي
_هزات فازة في يديها وهي تحل باب تزدحات مع فارس طاحت ليه على رجليه … وشادية حطات يديها على فمها
شادية:وهيا ناري عوطبت راجل من رجليه (تحنات عندو) سمحلي سمحلي والله مشفتك كيسحاب ليا شي حد تهجم علينا
فارس:صافي صافي موقع والو أصلا من نهار شفتك وأنا معاك في كسايد …
رأيكم….. حب لكسايد ههههه وفي شادية ههه
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:59🌹
_كمشات وجها ودلات شفايفها وعقدات حواجبها وجمعات وقفة …
شادية:عارفة راسي منحوسة سمح ليا ماشي قصدي…
فارس:(خرج عينيه وناض عندها) لا لا عفاك متقلقيش كاعمة قصدت نجرحك غير كنضحك معاك وصراحة أجمل كسايد يوقعو ليا
شادية:(بتسمات بخجل) ههههه من نيتك كتدوي
_هند دايرة يديها على خدها وكتفرج فيهم وفي كلام لي كيقولو … حتى قطع حديت رياض مخنزر فيهم بزوج …
رياض:(بصوت عالي)فاااااارس
فارس:(قفز) نعم مسيو رياض
رياض:شنو وقع علاش ديك فازة مهرسة
شادية:(قطعاتو) غلط ديالي كان يسحاب ليا شي حد غريب مع خرجة تزادحت معاه طاحت فازة على رجليه غلط ديالي ماشي ديالو …
رياض:ماشي مشكل غلط كيوقع مهم أجيو تجلسو راه جبنا ليكم ماتكلو …
شادية:فيا جوع (شدات هند من يديها) أجي معايا
هند:(جلسات وخبطات على راسها) أش هاد بنت ياربي
شادية:(دلات شفايفها) مالكي ……..🙁😕😕😕
هند:والو كولي كولي 😑😑😑😑
شادية:فارس رياض أجيو تفطرو معانا
رياض:(يلاه بغا يمشي يجلس هو يشدو) فين غادي ياك فطرتي …
فارس:مزال مفطرت أمسيو رياض غير فقت خرجت عندك
رياض:(تنهد) سير سير …
_جلس باشر في أكل في نفس وقت كيهضر مع شادية ويضحك معاها وهند كتشوف فيها بلي هانية مخايفة موالو ومعلبلهاش وضع لي هي فيه حيت معرفاش بلي عصابة كتقلب عليها من طرف جلال لمشاو لقاوها تكون نهاية ديالهم … اما رياض فعلى بالو شيئ أخر محاملش أنها تكلم معاه بقا صابر حتى سلاو جلس حداهم في طبلة وشبك يديه مع بعض …
رياض:أحم أحم ساليتو ماكلة يمكن ليكم تحكيو شنو مشكل لي طايحين فيه
_شادية شافت في هند بمعنى نتي لي تهضري لي عارفة كولشي
هند:(تنهدات) أنا نعاود ليكم كولشي ولكن نتمنى توقفو معانا نعتقو بنات بريئات لي طايحين في مستتقع صعيب يخرجو منو (بدأت كتعاود ليهم وحكات ليهم كولشي حتى لحظة بارح فاش عتقو شادية)

❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:60🌹
_كل من رياض وفارس تصدمو ملي عرفو قصة وبأخص أن شادية هدا زواجها تاني ومرأة عاقر … لمعو عويناتها بدموع ناضت وعطات بوجها حيط تبعها فارس وحط يديه على كتفها ….
فارس:متخافيش مغيوقع ليك والو محدي أنا رياض معاكم .. هاد مجرم غيتعاقب أشد عيقاب
شادية:عمرني ضنيت عقر ديالي غيوصلني هنا علاش هاد ظلم شنو دنبنا حيت مكنولدوش (بدأت تبكي)
فارس:(جبد كلنيكس مدو ليها) حتى واحد في هاد دنيا مختار يكون ناقص من شي حاجة كمال لله دابة نساي هدشي لازم نفكرو كيفاش نعتقو دوك لبنات
هند:عندي فكرة ولكن لابد نلقاو شي بنت نفس موصفات شادية متلا فورما شعر حروف وجها
رياض:(جمع وقفة) منين نلقاو وحدة بحالها
فارس:(عض على شفايفو)يمكن فهمت قصد هند وفهمت خطة لي بغات دير
هند:(بتاسمات) تباركة الله عليك كتفهما طايرة أوا خاصنا نلقاوها
فارس:أكي أكي أنا عارف واحد بنت شوية موصفات ديال شادية ولكن خصنا نقنعوها في تمتيل معانا باش نجدبو هاد نجاة وجلال عدنا
هند:أكيد أنا متأكدة بلي نجاة كتبحت خلال هاد يومان حيت معندهاش وقت بزاف ولازم حنا نتحركو
شادية:(عقدات حواجبها) في راسكم مافهمت والو ممكن تفهموني …
هند:(تنهدات) واخة واخة أنا غنفهمك
_في وقت لي بغات تهضر هجمو عليهم مجموعة من رجال ملتمة غير وجوهم لي كتبان .. فارس شد شادية ورياض هند
رياض:فارس يلاه نهربو من باب وراني دغيا معدناش وقت لي نتعاركو معاهم
فارس:واخة غير خرج أنت أول أنا ودي معاك حتى شادية أنا نتكلف بيهم (دفعها عندو) سيري معاه
_ممخليش رجال يتبعو رياض بدأ يتعارك معاه بكل قوة في نفس لوقت كيشوف واش بعدو …
….. بغيت رأيكم شنو زعمة ينجحو في خطة لي رسمو ولا يوقع لعكس
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:61🌹
_من بعد مدة جري في وسط غابة حبسو وجلسو يستارحو…
شادية:(كتنهج) مسكين فارس خليناه بوحدو عنداك يديرو ليه شي حاجة
رياض:غير جلسي رتاحي كنعرف فارس مزيان هو شخص قوي قادر يحارب ألف راجل
شادية:(هزات حاجبها) لواه زتي فيه واخة يكون خارج من فيلم هندي
رياض:(عوبس فيها) ياك قلتي مكتفرجيش في افلام مسلسلات كيفاش عرفتيها
شادية:(حكات راسها وبتسمات) ولا ودابة هي خويا هو لي كيتفرج فيهم وكنجي غير فديك لقطة لي بطل كيعتق بطلة كتولي فيه واحد قوة..سبحان من خلقه.. منعرف منين كيجيبوها دخل ليه قرطاسة في دماغو تخرج من قلبو وزينة ينوض يشطح بيها بحال مافيه والو
هند:(كتفرشخ عليها بضحك) 😂😂😂ومي كرشي طيرتيني أصحبتي نتي بوحدك أجي أجي تجلسي ريزو عندك مشقلب
شادية:لا لا منجلس حتى نشوفو جاي دري مسكين خليناه بوحدو وبغتيني نجلس مرتاحة لا لا هو مسكين نهار شافني ضروري توقع ليه شي حاجة (دارت عند رياض) صوني ليه يرحم والديك راني مخلوعة عليه
_كيشوف كل أهمية ليه هو كأنه مكاينش قدامها غوبش ودار سبة بلي تلفون طافي عندو …
رياض:والو تلفون عندو طافي يمكن طاح ليه هو كيتعارك معاهم …
شادية:(كمشات وجها بحزن) ياربي ميوقع ليه والو
_وهي طالقة عينيها من بعيد حتى كيبان ليها جاي كيعرج بدون تفكير مشات كتجري عندو غير وصلات شافت يديه فيها دم وجيهت فمو مجروح…
رياض:أجي فين غادة
هند:فارس جاي أكيد مشات عندو
شادية:(وصلات عندو وشدات في وجهو) الله ياربي حبيب شوف حالتك كيف ولات يديك وجهك
فارس:متخافيش أنا بخير قدرت نهرب منهم
شادية:مكانش عليك تبقا بوحدك معاهم … يديك مجروحة بزاف كتحس بألم
_هند ورياض جايين كيجريو حتى وصلو عندهم هو يدفع شادية باش متبقاش شادة فيه …
رياض:مالك أصاحبي أش وقع ليك واش كانو رجال كتيرة كيفاش عرفتي بلي سلكنا من هاد طريق
فارس:متخافش غير تهدن بصعوبة فلت منهم وعرفتكم غدوزو من هاد طريق حيت هي لي تخرج على شاريع وراك عارف بلي غابة حافضها صمت وكل جهة فين كتوصل هههه رجال لي تبعوني دوختهم وخليتهم يمشيو من طريق حلوف جبت ليهم وجيبة
رأيكم….دخل ليه قرطاسة في دماغو تخرج من قلبو 😂😂😂
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:62🌹
شادية:(قربات حداه) هههه عبرتي عليهم دابة أنت خاصك تمشي طبيب ضروري
فارس:نو نو معليش نمشيو دار تانية نعقمهم عادي نبداو في خطة ديالنا
رياض:(ضربو كتفو) هههه عارفك قوي منخافش عليك
فارس:(حس بألم ومبينش ليه) 😊 ههههه هدا واجبي من ليوم حماية شادية وهند على حسابي
رياض:باركة من هضرة نصوني مامون يجيب لينا طموبيل لهنا
فارس:صونيت ليه بحال والو يكون وصل دابة وكيتسنانا في بلاصة لي قلت ليه غير تبعوني دابة
شادية:تباركة الله عليك كولشي فكرتي فيه معندي ميسالك
_هند لحظات شوفة لي كيدير رياض لفارس وفي شادية وعرفات قضية حامضة .. وهي تجرها عندها غير بضحك وبدأت تكلم معاها طريق كاملة حتى وصلو فين كاين شيفور وركبو في سيارة تاجهو دار تانية قريبة من فيلا ديال رياض ….
شادية:فين هي فين دغيا دغيا دغيا
هند:غير بشوية عليك شناهي
شادية:علبة إسعافات أولية دغيا دغيا رياض عفاك
رياض:غير جلسي راه قادر يداوي راسو براسو بلا تعدبي راسك
شادية:(كمشات وجها بإنزعاج) من نيتك كيفاش غيدير ليها وهاد خاصو يلوي فاصمة عندو يد تالتة ومشفتهاش
فارس:شادية رياض عندو حق أنا نداوي جرح راسي
شادية:(خنزرات فيه) شنو شنو قلتي هدشي كامل وقع ليك بسبابنا ونبقى جالسة فين هي فين
_دخل غرفة بلما يجاوبها هدشي كامل على قبل رياض وإنزعاج لي حس بيه ولكن شادية راسها قاصح تبعاتو من بعد مجبد علبة إسعافات أولية وهزات قطن بدأت تنضف ليه دم لي سايح من يدو عاد عقماتو ولوات ليه فاصمة وهدشي تحت أنظار رياض من بعد هزات عينيها في شفايفو
شادية:فمك حتى هو مجروح بلاتي نعقمو ليك حتى هو
_قربات حداه حتى حس بلي نفسها سخون تيجاها غمض عينيه لا شعوري وستنشق ريحت شعرها بني طويل وملامح وجها …
رياض:(حنحن) أحم أحم يمكن ساليتي ياك
شادية:بلاتي بلاتي شوية عندو جرحة حدا حاجبو
_غير سالات بتسمات في وجهو وشدات في خدو قرصاتو قرصات خفاف
شادية:وهاحنا سالينا البطل هههههههه دابة عاد نرتاح
رأيكم….. غيرة غيرة
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:63🌹
رياض:(مغوبش) إلى ساليتي نجلسو ندويو في خطة لي نرسمو ونطيحو راجلك ياك …
هند:أه بصح عندو حق معدناش وقت بزاف لابد من نسربيو
فارس:متخموش عندي فكرة مهم كل واحد يشد مكان ديالو أنا نعاود ليكم كيفاش رسمتها في بالي حلو ودنيكم مزيان … مهم كنعرف واحد بنت نفس موصفات تقريبا شادية هي صديقة قديمة قليل فاش كنتلقاو مهم غنمشي عندها ونطلبها تمتل معايا … مهم أنا غنتنكر برجل كبير في سن نلصق لحيا وندير كرش مهم رأكم فهمتوني وهي على أساس بنتي طلقات حيت مكتولدش مهم هي خطة مرسومة ولكن كيفاش نخليو هاد نجاة ولا جلال يكون قريب منا باش يسمعو حديت ديالنا
هند:هاد قضية خليها ليا نجيب نجاة وجلال حتى لحداكم
رياض:بغيت نعرف هاد جلال شنو نسب ديالو وفين ساكن
هند:(قالت عنوان ونسب) اسم كامل هو جلال ريفاعي عنوان ****
فارس:أجي أجي هدا نفس شخص لي رفض يبيع لينا عيمارة ديالو
رياض:عندك صح ولكن علاش
هند:يمكن على قبل بنات لي دافنين تم خايفين يتكشفو…
رياض:(ضحك بمكر) هههههه ودابة نفهم أودي قتل وخطف راه إعدام خاصهم يحكمو عليه مهم قضية عندو مزوهرة نيت
هند: نتوما لي بغيتو تشريو عمارة ممممم هكاك مهم هاهي بين يديكم نيت فارس نوض صوني لبنت وشوف واش تعاونا هاد خطة هاد ليلة نطبقوها
فارس:أنا نمشي عندها شخصيا إلى وفقات ندوز عند واحد صاحبي هو لي غنتنكر عندو
هند:صافي واخة ولكن بسرعة هاد ليلة خاص نجاة وجلال يباتو في حبس لوقت لي تكونو كتمتلو أنا ندي بوليس عيمارة فين مخبعين لبنات وفي نفس لوقت خاص شي مجموعة من رجال شرطة لنفس بلاصة لي نمتلو فيها
رياض:واخة نمشي نهضر مع واحد كومسير صاحب وليد ديالي نعاود ليه هادشي باش حتى هوما يرسمو خطة باش يقبضو عليهم
شادية:(بتسمات) واو داكشي أفلام أكشن تخطيط وداكشي قبض على عصابة
هند:(شداتها من ودنيها) بغيت نعرف واش كتفرجي في افلام ولا لا حيت هدشي خربق ليا عقلي أنك تقولي مكتفرجيش فيهم
شادية:وراه أنا مكنتفرجش فيهم غير بعض مرات تنجلس حدا خويا و كنجي بحال هاد لقطات
فارس:ههههه حمقة هاد بنت مهم غنخرجو أنا ورياض دابة نتوما بقاو هنا فاش نصوني ليك أهند تجيبي نجاة ولدها حتى بلاصة لي غنقول ليك وانتي شادية بقاي بعيدة حيت منبغي يوقع ليك والو
شادية:صافي كون هاني نتفرج من بعيد أنا ونشجعكم ههههههه😁
رأيكم…. وكولشي على شادية
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:64🌹
_بعد مرور 3 ساعات لوقت لي قنع فارس بنت تمتل معاه ولوقت لي رياض مشا عند كومسير عاود ليه على جلال أم ديالو وتافقو …
_عند شادية وهند لي جالسين أحر من جمر كيتسناو مكالمة من واحد فيهم
هند:هادو مالهم تعطلو ياربي
_مجات فين تكمل هضرتها حتى صونا ليها فارس عاد رتاحت
هند:حمد الله أشنو درتي
فارس:سمعيني مزيان مهمة غادي تم قريبة من عيمارة شوية أنا في حي **** تماك أنا سامية غير يقربو حدايا صوني ليا صافي
هند:صافي واخة عرفت مكان أنا نصوني نجاة وجلال ونكدب عليهم
_تقطعات مكالمة وهي تاخد نفس عميق وصونات لنجاة بريفي كدبات عليها في موضوع أنها تسلم ليها شادية وطلب منها سماحة ولكن بشرط ترجع معاهم على أساس راه ندمات …. بتسمات نجاة بشر ماشي صدقاتها ولكن فرصة باش تشدها وتندمها … كان كيشوف فيها جلال بإستغراب
جلال:مالكي كضحكي هكاك
نجاة:ههههه لالة هند صونات ليا وقالت بلي ندمات ناوية تسلمنا شادية وترجع معانا وبغات تلقاني في درب تاني …
جلال:نتيق في شيطان ومنتيقش فيها شي لعبة هادي ولكن سيري جيبيها هي وديك كلبة لي معاها منقلبو على حتى بنت أخرى شادية فيها جميع موصفات ميهمش لي قريتي في كفها
نجاة: بصح مهم راه أنت وسعيد خاص تجي معايا بوحدي كيف غندير ليها ولهربات تاني متنساش ليلة غيجي روسي راه واحد سعتان يكون هنا ودابة 7 لعشية
جلال:صافي نمشي معاك ولكن غضبي منسيطرش عليه لشفت ديك هند
نجاة:خاصك تسيطر على أعصابك غير حتى نرجعو شادية بين يدينا ديك ساعة ليك حرية دير فيها مابغيتي
جلال:صافي واخة فين قالت ليك نتلقاو بعدا
نجاة:وراء درب تاني فين كتبنا عيمارة جديدة
_تاجهو عازمين يشدو هند وشادية كانو بتلاتة ملي بعدو على عمارة كان فارس سامية قبالتهم … ونجاة طلقات ودنيها معاهم …
فارس:صافي أبنتي خاصك ترضاي بلمكتاب ديالك أنتي عاقر داكشي علاش طلقتي دابة معليك غير ترضاي بنصيبك وتجي تقابلي معايا خوتك
سامية:لا لا با أنا غادي نتاحر ميمكنش يتزوج ويخليني أهئ أهئ أهئ أهئ حيت عاقرة
رأيكم….. متبقاوش ساكتين
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:65🌹
نجاة:(بتسمات) سمعتي لي سمعت وضرب ليا على بنت داكشي لي كيبغي روسي
جلال:(كمش وجهو) ولهيلا ولكن شادية أكتر منها صافي راه كامل عدد مطلوب
نجاة:أش بالك واحدة فوق حساب روسي غيزيد لينا في مبلغ لاحطينا حتى هادي معاهم بلاتي بلاتي صبر نمشي نهضر معاهم وأنت وسعيد سير جيب ديك كلبة خليني ناكل دماغ هاد راجل
جلال:صافي واخة ولكن كيف غنديرو ليها وبنت مكتعرفناش
نجاة:وخليني نعرف عنوان دارهم ونخطفوها فكر معايا بعقلك يلاه سير
جلال:وصراحة الله يخلي ليا داك لعقل لي عندك وصافي ههههه واخة واخة أنا غادي
_خطة كيف ترسمات غادة نجاة وجلال طاحو في حفرة لي حفروها …. نجاة بدأت تكلم مع فارس على أساس أنه أب بنت وتضحك عليه بكلامها معروف بيه وجلال كيبحت على هند لي كانت من بعيد واقفة كتسناه ومن وراها بوليس غير وصل عندها وبغا يهضر حتى كان بوليس شدو هو سعيد ونجاة هي مناغمسة في هضرة مع فارس جا كومسير طلب منها تركب في سطافيط
نجاة:وشاف أش درت فين غاديين بيا (هزات عينيها كتلقى ولدها وسعيد ومينوط على يديهم وجالسين) بنت لحرام علمات بوليس
بوليسي:سربي راسك طلعي ألالة معدناش وقت
_مشات كتجري شادية عند فارس وبدأت كتضحك عليه وعلى منظر لي ولا فيه
شادية:ههههههه والله حتى كتبان راجل كبير ههههه
فارس:هههه عرفت راسي وليت شارف
رياض:(جاي كيجري) فين هند تمشي معانا تورينا بنات فين مخبعين
شادية:راه واقفة لهيه كتشير لينا مع كومسير يمكن ياك
_مشاو كاملين كيجريو جيهتها في نفس لوقت مشات مع بوليس عيمارة دخلو نيشان لكاب لقاو لبنات مربوطين وسادين ليهم فمهم مجموعة من رجال شرطة بدأو يفكو فيهم
هند:بنات متخافوش كل وحدة فيكم ترجع دارهم نجاة وجلال صافي تشدو
_لبنات كاملهم ضحكو وعاد حسو بإرتياح وميكنوش بحال هند لي كانت هازة حمل كبير ويمكن دابة خفاف عليها …. وبوليس قبظ عليها حتى هي حيت كانت خدامة معاهم وشادية مبغاتش تطلق منها
شادية:فين غاديين بيها حبس عفاك مديهاش هي عتقاتني…
كومسير:حتى أنتي تفضلي معانا باش تلقي أقوالك علينا تعاودي كيفاش حتى تزوجتي بيه
_كل من شادية وهند وفارس ورياض كاملين توجهو مخفر شرطة باش يلقيو بأقولهم ضد في نجاة وجلال
في نظركم هند تفلت منها واخة بلغات بنجاة وجلال شنو تكون اقوالهم
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:66🌹
_عند رقية لي قلبها محروق على بنتها تبكي وتنوح ومن نهار كدبات عليها نجاة وهي في فراش … بكر جالس حداها وحاط يديه على راسو منزاعج من هاد وضع عقلو ترون بتفكير وكيخمم فين تكون ختو في لحظة …
رقية:الله على بنتي يومان وهي غابرة يعلم الله واش حية ولا ميتة وشكون هدا لي مشات معاه … قلبي قلبي ممهنيش أولدي ممهنيش بنتي واقعة ليها شي حاجة
بكر:ولميمة باركة من نواح (باس يديها) أنا مزاوك فيك خليني نفكر فين تكون مشات
رقية:هانا ولدي هانا بغيتيني نسكت من نواح ويلاه نوض قلب على ختك وجيبها عندي علم بوليس
بكر:وفين نقلب عليها واش هي عندها خمس سنين نعلم بوليس أش غنقول ليهم معرفنا واش هربات بصح ولا شي حاجة واقعة ليها
_في مركز شرطة هند وشادية جاليس ومقابلين مع كومسير كيحقق معاهم
كومسير:هند عوافي منين كتعرفي نجاة زروالي ولدها جلال ريفاعي وعلاش كانو كيحبسو لبنات في لكاب …
هند:(تنهدات عودات ليه كولشي) هدشي لي عارفة شاف أنها كتضحك على بنات وبأخص لي عاقرات وكتبيعهم رئيس عصابة روسي
كومسير:شنو علاقتك معاها وعلاش مجتيش علمتي بوليس بهدشي لكدير
هند:(سكتات مدة عاد تكلمات) أسيدي أنا كنت وحدة من ضحايا ديال نجاة كدبات عليا وخلاتني نخدم معاها وهدشي كامل بتهديد وأنا خفت بأخص هي مع عصابة خطيرة وشحال من بنت قتلوها قدامي ودفنوها تحت عيمارة
كومسير:كيفاش جاتك فكرة أنك تعتقي شادية وتخرجيها من دار نجاة وتقولي ليها بيمن تزوجات
هند:من شحال هادي وقلبي ضارني على دوك لبنات مكرهت كن شحال هادي شكيب بيها ولكن شهادة بوحدي متكفيش وكانت نجاة تخبي لبنات فشي بلاصة ونطلع كدابة وهي تبرأ راسها ولكن فاش قررت نساعد شادية قلت على أقل يكون معايا شخص تاني باش نكشفو نجاة وجلال حمد الله ربي حط حتى فارس ورياض عونونا …
كومسير:ممممم مزيان وأنتي شادية لوادي أش كتقولي كيفاش تعرفتي على جلال ريفاعي تزوجتي بيه
شادية:أنا شاف عمرني عرفتو ولكن نجاة جات واحد نهار لدار (عودات ليه كولشي) هدشي أشاف يعني راه غير مدة سيمانة باش مزوجة بيه وهدشي لي عارفة وعودات ليا هند وهربنا منهم صافي..
رأيكم…..
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:67🌹
_مدة تحقيق دازت مع كل واحد في وسط …. كوميسارية كان كل من شادية وفارس ورياض سلاو تحقيق معاهم ولكن هند مزال شادينها
شادية:حمد الله عتقو بنات وكل وحدة عيطو على أهل ديالها
فارس:وي حمد ولكن هند لي مزال مخرجات منعرف علاش
شادية:بصح عنداك غير يشدوها حيت كانت خدامة معاهم أنا طلبت منها تكدب وتقول ليهم بلي بزز عليها كانت معاهم
رياض:لجينا صارحة حتى هي خاص تعاقب حيت شحال من بنت بسبابها تكرفصات

شادية:(عقدات حواجبها) ولكن هي تابت وبغات تصلح غلط لي دارت (شاف فيه) عفاك ممكن تساعدها أنت عندك معارف الله يخليك
رياض:(تنهد على نبرة صوتها) واخة واخة نشوف شنو غيقول كومسير في قضية ديالها ونوكل ليها محامي وإنشاء الله تخرج
شادية:(بتسمات) شكرا بزاف عمرني نسى ليكم هاد خير
رياض:(بتاسم) هدا واجب 😊😊
شادية:شكرا ليك بزاف حتى أنت فارس عارضتي حياتك خطر وبزاف حوايج
_غير كملات هضرتها شافت أمها وبكر جايين بحكم أن كومسير صونا ليهم … مشات كتجري عنقات أمها حتى تغرغرو عينيها …
رقية:الله يابنتي وفين كونتي أش وقع ليك متصوريش شحال تخلعت عليك
شادية:غير تهدني لميمة أنا بخير (عنقات بكر) خويااا توحشتك
بكر:(شدها من دراعها) شنو وقع قاليا جلال بلي هربتي مع شي حد
شادية:كداب مجرم بغا يشوهني معاكم الله يعطيه مصيبة
رقية:علاه أش وقع عاودي ليا أبنتي
شادية:(تنهدات عودات ليهم كولشي) شفتي أمي بنتك فين كانت غتمشي ويعدبوها شفتي كن سمعتي كلامي ودرنا بناقص من هاد زواج شفتي أش خرج منو شفتي
رقية:صافي أبنتي فيها خير ربي حفضك ويمكن كنتي وجه خير على لبنات لي عتقتي
بكر:(تعصب) والله يطيح بين يدي حتى نقتلو خلا ليا عقلي مرون بتفكير رغم أني عارف عمرك ديري شي حاجة خايبة بحال هادي حمد الله أنك بخير (هز عينيه في رياض وفارس) شكرا ليكم بزاف معرفتش باش نجازيكم
فارس:مكاين لاش تشكرنا حمد الله أنها بخير وترجع ليكم
_في وقت لي كان كيهضر وقف عليه كومسير وكان مينوط بين يديه …
كومسير:أنت هو فارس لمريني
فارس:هو أنا أش حب خاطر
كومسير:تفضل معانا أنت متهم بتسميم رياض سكندر
فارس:كيفاش ميمكنش هدشي كدوب
رياض:شاف كاين شي غلط ماشي هو
كومسير:أدلة بين يدينا وصاحب شكوى هو أب ديالك محمد سكندر …
رياض:كيفاش لالا ميمكنش (جايهضر كان باه قبالتو) وليد هدا أش كيقول
محمد:للأسف أولدي كلام كومسير صحيح غلط ديالي درت فيه خير وهزيتو من زنقة وفي أخير بغا يقتلك ببطئ
رياض:ممصدقش هدشي كدوب ميمكنش يديرها
محمد:دارها لولا زايد لي كتاشف أمر وشاف كميرة وكان كيحط سم في دوا ديالك لي كتشرب لما تيقتيش هاهو يوريك فيديو
رأيكم …. في وقت لي كان هو يتبت برائة ديالو ساعد شادية وزايد لقى فرصة ولعبها عليه
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:68🌹
شادية:(قربات حدا رياض) فين غاديين بيه هو مدار والو علاش علاش هدشي (بغات تبعو شدها بكر)
بكر:حبس أختي فين غادة
شادية:خووويا هو عاوني باينة عليه دري درويش ميدير والو أكيد شي خطأ في موضوع هضر رياض ياك هو صاحبك
رياض:(تنهد وعقد حواجبو) هو ماشي صاحبي هو خدام ديالي حاول يسممني
شادية:أش كتقول ميمكنش يسممك مستحيل هو عاود ليا بلي راه أنت عندو عزيز وغالي هو راه كيعتابرك خوه أصغر وقادر يضحي بحياتو على قبلك ميمكنش يكون داك كلام لي قالي كامل كدوب هو هو إنسان صادق أنا حاسة بشي حاجة ورا هاد إتهام خطير
محمد:أش كتقولي أبنتي ودليل شفتو بعيني 26 عام وانا مأمنو على ولدي يجي حتى دابة ويغدرني هو عارف معزتو في قلبي
شادية:عمي عمي تيق بيا والله فارس ولد مزيان واخة تعرفت عليه مدة قصير إلى أنه باينة عليه دري مزيان
محمد: كنا بحالك مستحيل نصدقو هدشي ولكن هو كان ناوي على لغدر ولدي رياض يلاه نمشيو كومسير يتكلف بوضوع
بكر:تهدني أختي ويلا كان كلامو صحيح أشنو غديري أنتي
شادية:لا خويا لا هو هو دري درويش ولكن معرفت شنو بلان سم
بكر:صافي تهدني أجي معايا دابة دار رتاحي ومن بعد نشوفو أش غنديرو صافي
رقية:خوك عندو صح أبنتي يلاه ترتاحي
_شافت حتى عيات تنهدات وسمعات كلامهم غادية وكل تفكيرها مع فارس ولا هند أي أنها مدة قصيرة باش وعرفات عليهم ولكن كأنها مدة طويلة عمرها تنسى لي دارو معاها … ركبو في طكسي وهي حاطة راسها على كتف أمها حاسة بعياء حتى وصلو دار … مع دخلة كان خوها وليد قرب حداها وشدها من شعرها بكر كان مزال تحت ورقية كانت بعيدة منها شوية
وليد:فين كونتي ومعامن أه وليتي تهربي مع رجال (زير عليها) هضري
رأيكم….. في كلام رياض ☹
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:69🌹
_شادية من كترت وهي معصبة جمعت كامل قيواها وضربت خوها بشمال حتى جا مرضوخ … في نفس لحظة دخل بكر ورقية وسعو عينيهم وفمهم من هول صدمة
بكر:تكَعد أوليدي عطاتك (قرب حدا شادية عنقها من كتفها) منين تعلمتي هدشي عبرتي عليه
شادية:غير مكنبغيوش نبينو ليكم قوة خارقة لي عطانا سيدي ربي أما راه نن نن
رقية:(قربات حداها شادة حنكها) أش درتي أبنتي ياتي مال خوك غيب
شادية:مزيان فيه هاد مرة قبل ميفكر يحط عليا يدو بتفكر هاد نهار … حتى أنتي ألميمة خوي عليه سطل لماء يفيق
_مشات نيشان لبيتها وحتى بكر تبعها وخلاو رقية بوحدها مع وليد …
رقية:أهيا فين مشيتو وخليتوني راه خوكم هدا بنتي شادية ولدي بكر والله يرضي عليكم أجيو غير هزوه معايا نديه بيتو …. وهيا ناري هادو مالهم مبقات فيهم محنة
_كيحل عينيه ويعاود يرمشهم وبدا كيشوف فين هو لقا رقية عند راسو عاد رجع داكرة أش وقع بغا ينوض هي تشدو …
رقية:نعلم شيطان أولدي مناقصني صداع خوك راه كاين …
وليد:والله متبقى فيها غير بلاتي على ديك شيخة صمكة …
_خرج بكر بدأ يختزر فيه وليد نزل عينيه أرض جمع لوقفة خرج لزنقة وزدح باب …
بكر:تخاف متحشم يامسروم (رجع بيتو ورقية دارت يديها على راسها…)
_بعد مرور يومان … شادية طلب وترغب في بكر يعاونها تشوف فارس وهند لي دازت هاد مدة ومعرفات عليهم والو شادة يديه وتبوسها
شادية:عفاك عفاك أخويا الله يخليك دير شي حاجة والله مكانو هوما كن راني (سكتات وحنات راسها)
بكر:(شدها من دقنها وهز راسها) شوووت كن حفرت أرض عليك وجبتك على انني نخليك في داك مستنقع مهم نشوف واحد صاحبي على الله يقبلو حيت راه مكاتجيهم من عائلة والو واش فهمتي
شادية:ماشي سوقي ماشي سوقي بغيت نفهم من فارس كيفاش قضية سم باش نعاونو وهند هاديك خلاص باينة متفلتش منها على أقل يحكمو عليها بخمس سنين ….
بكر: صافي أنا نوض دابة نمشي عندو في لعشية نرض عليك ولكن نجي نلقى مطيبة داكشي لي كيعجبتي
شادية:(بتسمات) واخة أخويا تلقى لي كتحب
رأيكم….. دوخات ليه ضربة😂😂
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:70🌹
_بعد مرور تلات ساعات مدة لي بكر دار كل جهدو باش شادية تشوف فارس … رجع دار حل باب كانت شادية أحر من جمر كتسناه غير شافتو لمعو عينيها وقربات حداه شدات في يديه
شادية:أمضرا أخويا نقدر نشوفو ياك فرحني عفاك
بكر:درت أختي كل جهدي ولكن للأسف(هو كيهضر وتعابير شادية تتحول حزن حتى نطق) للأسف غدا في صباح يمكن ليك تشوفيه
شادية:(شدات على قلبها) هف طيرتيها مني (عنقاتو) شكرا شكرا أنت أحسن أخ في عالم
بكر:عندي غير أخت وحدة ومنلبيش ليها طلب لي ليبغات
شادية:أش ندير بلا بيك (شدات في يديه) اجي جلس وجدت ليك كاع داكشي لي كيعجبك
رقية:(كتضحك) الله يخليكم هاكدة ياربي وربي يرسل ليكم لي يفرحكم
_قربو حداها بزوج عنقوها وباشرو في أكل وليد في بيتو ساد عليه كيف غول متوحد … كانت شادية في قمة فرح حتى هي بغات تساعد فارس وتخرجو من حبس على أقل ترض دين لي عليها
_في سجن زنزانة لي فيها فارس مجبد على سريرو كيفكر فين طايح حتى وقف شخص عليه لحظة لي غيهز عينيه حتى كتجيه لكمة لوجه وشنق عليه
جلال:داخل داخل لهاد لحبس ندير جريمة أخيرة ولا حكمو عليا بإعدام والله حتى هانية مهم هو نديك معايا …
_كيحاول يفك فارس نفسو … هو يجي شخص من وراء جلال شدو خبطو مع أرض وجا راسو على قنت حديدة دسرير هو يتحنى عندو
****: أخ جا غير دابة بغا يدير فيها صعصع وتحكر وظاكشي لا لا لا لا هدشي مكنبغيهش
_بغا فارس يشنق عليه مخلاهش **** هو يشدو من يدو
****:(عنقو من كتفو) حبس حبس وأجي تجلس معايا يقرب ليك نحيد ليه طبلة دونيه
_كان فارس كيغلي بغضب وجلال أكتر منو هوما غاديين وجلال بدأ يجري بسرعة بغا يضرب شخص لي معاه وصل حداه عطاه بركلية وفارس عطاه بكدمة ورجعو زنزانة مصارعة حتى دخلو حراس وفكو جلال من يديهم
رأيكم…… بردو ليا جنوني في جلال ولكن شكون هاد شخصية جديدة تهمة تهمة يكون ليها دور هههه
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:71🌹
حارس:(بغضب) واش أنت مزال مسخنتي حتى بلاصتك وبديتي في مدبزات
****:وشاف راه هو لي جاي هاجم …. وأنت عارف هاجم يموت شرع ديه ديه علينا بعيد هادي ماشي بلاصتو
_هزو جلال هو مدغدغ ورجع *** شد فارس من كتفو وجلسو ياخدو نفس هو ينطق فارس
فارس:شكرا بزاف على مساعدة ….
****:هانية أخويا والله باينة عليك دري درويش حيت من نهار جابوك وأنت ساكت مكتدوي مع حتى حد مهم نقدم ليك راسي معاك فهد عرفتي علاش سماوني هاد إسم حيت معروف بسرعة ودكاء
فارس:مشرفين أسي فهد أنا فارس
فهد:فارس مغوار ههههه شرف ليا عاود عاود ليا علاش جيتي هنا
فارس:(تنهد) أنا براسي معرفت علاش هنا تهمة خديتها باطل ولكن لي بقا فيا رياض يتيق بديك كدبة
فهد:كولنا دخلنا باطل عاود ليا أصاحبي
فارس:(رتاح ليه وعاود ليه كولشي) هادشي موصلني هنا
فهد:بنادم ولد ق**** خدمو سنين وفي أخير يتهمك سممتي ليه ولدو وناري كن كان بين يدي
فارس:أودي لي معندو زهر هو هدا خلينا منهم وأنت أش كدير هنا
فهد:وااااااااالووووو غير بنادم دصر عليا وأنا نحيد ليه عينيه داكشي علاش ولكن خوك مبقا ليه والو ونشم ريحة حرية واي واي
فارس:علاش شحال وأنت هنا
فهد:غييييير 3 سنين وبقى ليا واحد شهير ونخرج ونطفي ليه عين تانية ونرجع نكمل 3 سنين أخرى وبيخيير
فارس:ومالك عليها دير عقلك أصاحبي وبعد من لبلا
فهد:أخاي فارس وراه معندي حتى حد يتسناني على برة خوك مقطوع من شجرة وبحالي بحالك … ولكن شوف تأكد أنت مدرتي والو وربي غادي يفكك منها
فارس:نعل شيطان إوا هانت تخرج قلب على خدمة ستقر تزوج
فهد:أودي خدمة ههههههه ماخدمو حتى لي عندهم شواهد بقا غير واحد بحالي خارج من حبس بالي عيشتك كانت محدودة مع ناس هااااي داكشي باش كاعمة عارف دنيا برا مهم تشرفت بعرفة ديالك ومزال تلاقينا ليام
فارس:(بتاسم) انشاء الله
فهد:اوا نوض تعشى ونعس ولها مدبر حكيم غدا
فارس:على ربي … يلاه
……. كيف جاكم فهد سريع والو غير حيد سيد عينيه الله متبقاش ساكتين. #بونوي💕
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:72🌹
_صباح جديد وشميسة ضوات وأشعتها دخلات على بيت شادية … حلات عينيها وهي تطلع معاها ريحة قهوة ستنشقاتها بواحد إحساس رهيف … وهي تنوض مبتاسمة … دخلات حمام قدات حاجتها توضات نشفات راسها فرشات سجادة ولبسات عباية وبشرات في صلاتها …. وفي أخير ختامتها بدعاء رتبات بيتها ولبسات حوايجها عبارة على كسوة في أبيض منقطة بأسود عملات مكياج خفيف وطلقات شعرها سانبل وخرجات لقات فطور محطوط وجلسات حداهم …
بكر:وراك عوالة يختي واجدة صافي
وليد:متقولش ليا تخرج بشعرها مطلوق
بكر:ولا راه لقتيني نقول ليها ربطيه كيجيك أحسن وبين وجهك …. وديها في راسك سوقك
_ضحكات جنب وبدأت تاكل … غير سلات شدات بكر من يديه وبتسمات في وجهو
شادية:خويا لعزيز مشينا 😊
بكر:مشينا أختي لعزيزة 😊
_شدو طاكسي حتى وصلو لسجن دخلو عند شخص لي سمح ليهم يشفوه تسناو مدة في بيرو هو يخرج عندهم … شافتو شادية بتسمات جمعات وقفة وناضت سلمات ناض بكر حداها حتى هو سلم عليه … وفارس حس بإحساس غريب مضنش أن شادية تجي تزرو أكتر من رياض لي كان يتسناه أحر من جمر لمعو عينيه بدموع
شادية:فارس لباس مالك شوف فيا علاش تبكي
فارس:(حاني راسو) صارحة قلت صافي عمر شي حد يفكر فيا حتى لي ضنيتو خويا وقديت عمري معاه فرط فيا تيق ولد عمو وكدبني أنا لي كنت سبب في بزاف أشياء
شادية:ميبقاش فيك حال جيت حتى أنا نعاونك ونتبت برائة ديالك أنت غير عاود ليا شنو قضية سم أنا حاسة بيك بريئ
فارس:أودي تلعبات عليا دابة زايد لعب في واحد تسجيل على أساس كنحط سم في دواء رياض وبوليس كيئامن غير بأدلة أما أقوال زيدها في راسك
شادية:(شدات في يديه) جلس عاود لينا بتفاصيل أنا خويا جينا حابين من قلبنا نساعدوك
بكر:(قرب حداه وشد في كتفو) شادية عندها صح لي درتي معاها عمرني نساه فضلك على رقبتي
فارس:كانت شادية ولا غيرها نتصرف نفس شيئ … مهم جلسو أنا نعاود ليكم
رأيكم…..
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:73🌹
_خدا نفس عميق جلس وشبك يديه مع بعض بلع ريقو وشاف في شادية وهي طلقات ودنيها معاه
فارس:فيديو لي وراني كومسير كيبين أنني كنحط سم في في دواء ديال رياض هو عيبارة على سيرو وأنا لي كنت كنحط غير سيرو نفسو طلبو مني هو شخصيا زايد كانت قرعة فيها غير شوية وزدتها في تانية يمكن تماك لعب على كميرة بينات أنني شاد قنينة صغيرة ومكتوب عليها سم والله أنا معارف يعني قرايتي محدودة ومكنعرفش نقرا مزيان لعبها عليا حتى طحت في حفرة لي حفر ليا
شادية:رياض مجاش عندك في خطرة يستفسر منك
فارس:(هبط راسو بأسى) لا يمكن مسيو محمد مانعو حيت قالي لمبرئتيش راسك تقضي طول عمرك في حبس …. وأنا مداير والو مضلوم وربي شاهد
شادية:والله حتى عارفة بلي راك مضلوم (دمعو عينيها) أنا نمشي عند رياض ونهضر معاه ونعاود ليه ماقلتي ليا أكيد غيساعدنا ياك راه صاحبو زعمة
فارس:أنا راه كنعتابرو خويا لي معنديش محروم منو ربي شاهد عليا
شادية:والله حتى ندير كل مافجهدي ونخرجك هدا وعد مني ليك
_هي كتهضر ودخل حارس يعلمهم بلي زيارة سلات لي كانت مدتها قليلة بزاف …
حارس:زيارة سلات فارس تفضل معانا
فارس:(بتاسم في وجها) وأنا تايق فيك
_خرجو كاملين وبكر شاد شادية من كتفها معناها عارفها بلي بقا فيها بزاف وبأخص أنه عاونها….
بكر:وصافي أختي إنشاء الله ربي يعاونا وغدا نمشيو عند هاد رياض لكان صاحبو أكيد غيساعدو
شادية:أه ضروري نمشيو على أقل نرد ليه مدار معايا
بكر:واخة ختي غير دابة ضحكي ويكون يقينك في الله قوي واخة
شادية:(بتسمات) واخة …..😊😊😊
_شدو طاكسي ورجعو دار شادية هي تفكر حاجة تانية ضربتها راسها طن …
شادية:(خرجات عينيه)خويا بكر
بكر:مالكي تاني مخرجة دوك عينين
شادية:تفكرت بسمة شنو زعمة فين تكون دابة مسكينة
بكر:مشيت سولت عليها حتى أنا فكرت فيها …. راه مع أم ديالها كانت محبوسة مع بنات
شادية:(تنفسات برتياح) حمد الله كنت نسيتها كانت قالتها ليا هند مهم من أحسن وضيع ديك بنت في شاريع ولا خيرية
رأيكم ….. شادية كتفكر في كولشي منعرف أش غيقول رياض
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:74🌹
_في زنزانة فهد داير رجل على رجل وشاد جوان بين يديه كيشوف في فارس لي جاي مرسومة ضحكة على شفايفو…
فهد:هانا هانا على ضحكة تاني صحيبك جا باش يعاونك ياك
فارس:هههههه لا لا ماشي هو كنضن هداك صدق كدبة
فهد:(طلع حاجب وهبط تاني) وشكون جا لي خلا ضحكة تبان من عينيك
فارس:عزيز عليك تعرف إوا قرب تسمع
فهد:هو أول (جلس مقابل معاه)
_فارس عاود ليه من أول ليقاء مع شادية حتى وقت لي هربات مع هند تلقاتو من جديد …. وفهد داير يديه على خدو وكيبتاسم غير سلا هو ينطق
فهد:ياخويا هدشي عندك ديال أفلام هههههه وقصة عندك …. ولكن حق ربي لهو لي غيجزيك نيتك زوينة وطيبة هاد بنت أنا متأكد بلي غتعاونك
فارس:إنشاء الله هدشي لي نتمناو
_في سجن نساء وزنزانة أخرى وهادي فيها هند ونجاة لي كل وحدة تغيز تانية ومكرهاتش نجاة تنوض تشنق عليها …
نجاة:يالفعة كرطيطة والله متبقى فيك عنداك يسحاب ليك تخرجي سالمة حيت بلغتي بينا ياوالله حتى نغرقك معايا غير صبري أنا وياك في شواية وحدة
هند:(عطاتها صبح ) مكيهمنيش نتحبس قد ماأنا دابة مرتاحة أنني عتقت شحال من بنت بريئة وأنا طالبة غير عفو الله هاد ساعة أنا عفو باش نخرج والله مطامعة فيه ربي كيجازيني على مدرت أنا راضية بيه
نجاة:تبتي ياجيفة وغير بلاتي أنا والله مندير شي حاجة روسي قاد بشغلو يصفيها ليك وأنتي هنا غير بلمهل …. جاياك نوبة
هند:والله مخايفة من شي حد لحاجة لي عجباني هي طول ربي في عمري وشفتك هنا 😂😂😂ههههههههههه إوا نضربو لعدس أنا وياك ومكاين لي زورنا
_نجاة تفقصات من كلامها تكمشات في بلاصتها وبدات تشوف فيها بحقد كبير وهند بلغاني كدير شي حركات باش تزيد طرطق ليها مرارة
رأيكم …… في كلام هند ههههه
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:75🌹
_صباح جديد شادية مشات عند رياض على وعاسة يقدر يتنازل لفارس ويخرجو من حبس غير على وجه عشرة سنين لي دوزو …. حيت إحساس قوي عمرو يخيبها أن فارس بريئ من هاد تهمة … خدات نفس عميق ودقات في باب فيلا وهي تخرج عندها خادمة…
خادمة:سلام بنتي أش حب خاطر
شادية:سلام خالتي إلى كان ممكن تعلمي رياض بلي بغيت نشوفو
خادمة:شكون نقول ليه …
شادية:قولي ليه شادية هو عارفني …
خادمة:واخة واحد دقيقة ونرجع عندك …
_دخلات خادمة كان رياض جالس في جردة وداير رجل على رجل وشاد كأس قهوة في يديه
خادمة:صباح نور مسيو رياض واحد بنت كتسول فيك وقالت بلي إسمها شادية
رياض:(بتاسم وحط كأس قهوة من يديه) أش مزال كتسنى دخليها
خادمة:واخة ميسيو رياض
_مشات بسرعة طلبات من شادية دخل شافتو من بعيد ضحكات في وجهو … حتى وصلات عندو …
شادية:سمح ليا جيتك في هاد وقت
رياض:الله ياودي مرحبا بيك في أي وقت متصوريش شحال فرحان بشوفة ديالك
شادية:شكرا بزاف مهم جيت عندك ونتمنى مترفضش طلبي
رياض:أنتي أمري ماشي طلبي جلسي متبقايش واقفة
شادية:هههه شكرا (جلسات) مهم جيت عندك مترضهاش في وجهي موضوع على فارس عفاك متقلقش والله إلى بريئ من هاد تهمة مشيت عندو مخفر عاود ليا كولشي أكيد شي حد لي دارها كاعمة كيحملو وبغا يبعدو عليك
رياض:(تنهد) لو مشفتش فيديو نكدب أي واحد يتاهم فارس حيت عمرني شكيت فيه وليكان كيدير معايا عمرني نساه ولكن باش يبين وجه برائة معايا ورا ظهري يغضرني لا هادي منقبلهاش
شادية:أكيد شي غلط عفاك حاول تبحت في موضوع متخليش يتعاقب على جريمة هو مدرهاش أصلا الله يخليك … راه عاود ليا بلي زايد عطاه شي حاجة يكبها في دواء ديالك يعني هو مكيحملوش وبغا يلصق فيه عاد تهمة
رياض:(بتاسم بمكر وتكلم مع نفسو) كل همها فارس كأنني غير موجود شكون هو باش حسن مني ياك أنا عندي مال نسبي معروف … وشنو خدام يخطف أضواء عليا لا لا وجيبة جات حتى عندي ميمكنش نفلتها كانت عيني فيها في حاجة أخرى ولكن ملي هي بضاعة مستعملة وعاد من فوق عاقر أرا نتسلاو معاها …
شادية:رياض فين سهيتي جاوبني هضر قول شي حاجة
رياض:إلى بغتيني نتنازل على دعوة وفارس يخرج من حبس عندي شرط إلى بغيتي…
شادية:شنو هو لكان في إستطاعة ديالي مرحبا قول أنا كنسمع
رياض:شرط هو دوزي مع واحد ليلة حمراء راه من نهار شفتك وأنا كيتخايل نفسي معاك … تشهيتك وندير مستحيل باش (عض على شفايفو) …
رأيكم …..

Leave a comment