Skip links

قصة : إنعكــــــاس قـــــــدري ج1

 5,902 عدد مشاهداات

❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:1🌹
_لعشية تعشات وضلام بدأ كيطيح كانت بنت لابسة جلابة في لون أسود ومغطية راسها بشال كتمشا بسرعة وقلبها كيضرب حتى لقات نفسها في درب خاوي ودارو بيها زوج شماكرية دورة خاتم وهازين عليها سيف كبير … خوف بان على عينيها كأنها سرطات لسانها ومقدراتش تهضر حتى نطق فيهم واحد
شخص1: ختاري تعطينا ساك بخاطرك وإلا ندير لختي واحد ليمارة عمرك تنسايها
_بلعات ريقها وبدأت غير كدور في عينيها كان حاط سيف على وجها دون متردد مدات ليه ساك
شخص2:(بمكر) بان ليا قطيطة خافت أش بان ليك دوزي معانا هاد ليلة
_زاد قلبها ضرب بسرعة شافت فيهم شوفة حادة وخسرات تعابير وجها معرفات منين جاتها قوة حتى دفعاتهم بزوج وطاحو ومشات كتجري جمعو وقفة وتبعوها لقات نفسها في درب كاعمة كيخرج لسقات مع حيط وكانت عيونهم كتقطر بشر وكيقربو لعندها بخطوات تقيلة وفي نفس لوقت كيشوفو في بعض …. ولكن للقدر كلمة أخرى في نفس بلاصة زوج دراري صورهم غير واضحة لأن كانت شبه ضلمة وفي يديهم سيوفة أكبر ملي هازين لولين غير وضحات ليهم رئية فلي قدامهم طلقو رجليهم ريح هربو خايفين منهم … بدأت كتقرب باش تشوف شكون فجأة ختفاو من قبالتها بحال أشباح …. حتى تسمعات صرخة عالية
****:(شادة قلبها) ياربي سلامة أش هاد حلمة هففف شي نهار نموت بسبابها
_هدا حلم من سنين طويلة وهي كتحلم بيه وكل مرة في شكل ولحد أن مزال ملقات ليه تفسير … كانت في سطح كيف عادة كتنقي زرع ولكن مع هاد جو بارد كانت شميسة سخونة ومحسات حتى غفات فوقو بتسمات وهي ترجع تخدم راديو وجات مع أغنية مفضلة ديالها إسمهان (طيور) كانت مرايا قبالتها شافت في وجها بشرتها بيضاء وعيونها متل حبة قهوة شعرها مارو قاتح حريري دافراه على شكل كرينات ودايرة كصة شفايفها بارزين متل كرز حطاتها وبدأت تنقي في زرع هزات عينيها مطيح غير حمامة….يمكن ضربها شي حد أولا طاحت من شي سطح عالي على سطحهم مشات عندها وهي تهزها لقات جناحها محيد قرباتها عند زرع وخلاتها تاكل حتى تشبع رجعات غمضات عينيها وسرحات مع أغنية شوية هي تسمع صوت أمها كيناديها هبطات وهي حفيانة حتى وصلات كوزينة
رائيك في أول بارت متهربيش
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:2🌹
شادية:(وصلات عندها)نعاااام لميمة شبغيتي …..؟
رقية:واش نتي مكتعيايش من سطح دوزي نصبي لغداء خوك قرب يجي ولبسي صندالتك راه تشربي برودة
شادية:بلاش لميمة كيعجبني نبقى حفيانة
_يلاه بغات تهضر وهي تسمع صوت دقان في باب شافت فيها بمعنى سيري حلي باب … مشات شادية دارت زيف على شعرها وإبتسامة مرسومة على شفايفها حلات لباب لمحات مرأة كبيرة في سن لابسة جلابة في صومو مطروزة هزاتها من رجليها حتى رأسها شافت فيها مزيان وتمعنات …. شادية بلعات ريقها من شوفة لي دارت فيها وهي تنطق
شادية:أش حب خاطر ألالة واش كتسولي على شي حد
سيدة: أحم واش هادي هي دار رقية ياك بنتي
شادية:أه ألالة هي هادي … لميمة ولميمة أجي واحد سيدة كتسول عليك
رقية:(خرجات كطل) شكون بنتي (تمعنات فيها مزيان) نعم ألالة شحب خاطر
سيدة:إيييه عنبوك أليام كبرنا حتى مبقينا نعرفو بعضياتنا
رقية:أوووه والله حتى كبرنا لالة نجاة غبورات هادي دخلي مرحبا بيك (شافت في شادية) الله يرضي عليك أبنتي وجدي شي براد أتاي
شادية:واخة لميمة هي أولى (مشات كوزينة)
_دخلو صالون ستقبلاتها برحب وفرحات بشوفتها صحبتها قديمة ولكن عينيها غير على بنتها شادية
رقية:مرحبا بيك والله حتى توحشتك … أش فكرك فينا حتى جيتي عدنا
نجاة:منكدبش عليك من زمان وأنا نقلب عليك حتى شفتك في سوق صدفة وكانت معاك هاد زوينة (دخلات شادية بصينية) كنتي بعيدة مني ولكن سولت حتى لقيتك وتاحت ليا فرصة وجيت وماشي جيت غير هكاك لينا غاية
رقية:مرحبا على رأس وعين أش هاد غاية عدنا
نجاة:نوارة دار بنتك شادية … ملي جات عيني فيها تمنيتها ولدي …
_شادية تحجرو دموع في عينيها وخرجات من صالة كتجري لبيتها مما خلى نجاة تبتاسم
نجاة:حشمات ههههه غزالة مشاء الله
رقية:(بتوتر) ووولكن صارحة هي … والله حتى تلفات ليا هضرة حيت حيت ..
نجاة:نتي راك ختي قبل متكوني صاحبتي فكري في موضوع وحددي نهار لي نجيو نطلبو يديها وعلمي خوتها
رأيك لي
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:3🌹
_شادية في بيتها دموعها شلال بغات تخرج تهضر معاها حتى لقات يد شداتها منعاها رجعات سريرها وتفكرات ماضي
*فلاش باك*
_نطق قاضي بحكم طلاق وكسر قلم خرجات تنهيدة من قلبها مليئة بحزن و فرح شعور مخلط غير فاتت باب محكمة حسات بأنها بحال طير عنقاء لي مات ورجع كون نفسو من رماد ….. كتسائل شنو غيكون مصيرها وهي طلقات من أعز ناس ليها كيفاش غتعيش من بعد حب لكبير وإحترام وتقدير علاقة ديالهم كان يتضرب بيها متل شنو وقع حتى تكسر قلم
شادية:صافي هاني طلقت وحققت رغبة ديالهم وتكويت في قلبي
حاجة:ربي كبير كيشوف كولشي نيتك كانت مزيانة عمرو يلقى بنت بحالك
شادية:لا حاجة هو لقى محسن مني بدلني من بعد عشرة سنين من بعد وعووود كادبة أه أربي
حاجة:(شدات يديها) غدا يجيب ليك ربي سيدو يعرف بقيمتك….راه (سكتات)
شادية: (تنهدات) شكون هدا لي يقبل بمرأة عاقر (عاكَرة) وشنو ينفع حب إلى كان راجل مهمووس بلولاد …. أنا عمرني نحلم مزال نتزوج وحتى نسمع كلمت ماما
حاجة:كتقولي حلمي مستحيل … أنا كنقول ليك أبنتي إن الله على كل شيئ قدير
شادية:ونعمة بالله … يلاه نمشيو لميمة كتسناني وعلى الله نلقى بيتي مزال وحتى فراشي حيت مبغيت نجيب معايا والو حيت كولشي يفكرني بيه ونشوف ردة فعل خوتي عاود
_ركبو في طموبيل وهي مسندة على كتفها وعينيها منفوخين بلبكا .. في كل متغمض عينيها كتفكر غير كلام لي قال ليها وجرحها في قلبها ونظرة تانية لي كان باين عليهم إنتصار …
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:4🌹
_من أكون ……؟ أنا هي مرأة العاقر أنا هي مرأة المحرمة على رجل تحت ظل أمه متراجية بأحفاد يلعبون حولها أنا العاقر منبودة من رجال مهمى كان جمالي …. أه من هده دنيا ضالمة هي ليست رغبتي أنا أيضا أريد دالك إحساس بطفل ينمو داخل أحشائي وأتدوق طعم الوحم وعدابه جميل أريد رئية عينيه لكي أنسى أوجاعي…
_غادية بحال عصفور لي تكسرو ليه جناح وبالها غير مع دكريات لي دوزات في حياتها لي فرمشة عين تبخر كولشي … ولا جرح صعيب يشفى تنهدات من قلبها …. وقربات توصل عند أم ديالها معرفاتش كيف غتستقبلها لهي ولا خوتها خدات نفس عميق دقات لباب
_شافتها أم ديالها ستقبلاتها بإبتسامة عريضة عنقتها بقوة بحكم مدة مشافتها … بقات كتشوف وراها ودور في عينيها …
رقية:بنتي مرحبا بيك دخلي دخلي فين هو إلياس كيبلاصي طموبيل ياك
شادية: جيت غير بوحدي ألميمة إلياس صافي خرج من حياتي
رقية:(بتعجب) وعلاش ممولفاش ليك ياكمة جايا غضبانة جلسي عاودي ليا شوقع
شادية:(دموع في عينيها)لميمة أنا طلقت صافي
رقية:(بصدمة) أويلي على طلقتي أش كتخربقي وإمت وقع هدشي وعلاش مقولتيهاش ليا
شادية:أهئ أهئ أهئ أهئ لميمة بنتك عاكَرة مكتولدش إلياس بغى دراري
رقية:(طاحت أرض) لا لا ميمكنش شتتقولي كلنا شاهدين على معاملة إلياس ليك وأنه كان كيبغيك كيفاش سخا بيك حيت مكتولديش(ناضت قربات لوجها) كان عليك تزوجيه ولا تقبلي طلقي دابة شكون غيسكت ناس من هضرة شكون
شادية:شنو ألميمة واش كتسطاي عليا نزوجو بيدي لا لا لا شفتي نكون بعيدة عليه على أنني نشوفو في حضن مرأة أخرى وفي نفس دار ولا هي تولد وأنا تجيني غزة في قلبي أهئ أهئ أهئ
بغبت رأيكم في أولى أجزاء قصة راه مزال قصة فيها بزاف أحدات شكون حيت هاد قصة كتمس شحال وحدة فينا لهدا متبخليش عليا
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:5🌹
_خرج خوها من بعد مسمع كلمة طلاق خرج جاعر ومشايف قدامو والو من غير أنه كان مستعد يضرب أخت ديالو …..
وليد:(مزير يديه) عاودي عاودي شنو قالت طلقات وبررررب حتى نصفيها ليها ليوم
رقية:(عرضاتو) أنا مزاوكة أولدي نعل شيطان ختك عندها عدر علاش طلقات
وليد:وتي يكون لي بغى يكون علاش طلق واش بغات تسعرني مكتولدش أه خليه يتزوج
_خرجات كتجري بلا عقل كانت متوقعة هاد ردة فعل مجتمع ديالنا مميرحمش مرأة مطلقة واخة تكون مضلومة يقول ليك منها لافوت شنو دنبها لمكانش كتولد وفضلات طلق على أنها تشوف راجلها مع إمرأة أخرى حيت حتى وحدة فينا متقبل وبأخص لاكنتي كتبغيه…
وليد:شوفي أمي هاهي هربات وبربي حتى نقتلها في زنقة
رقية:حبس أولدي حبس أنا مزاوكة خليها راه معندها فين تمشي مهمى كان كتبقى أختك
_دخل أخ تاني لهو أكبر ومعين عائلة بحكم أن أب مات من بعد سنين وكانت في يديه تقدية داخل مفاهم والو كيشوف خوه أم ديالو فديك منظر عقد حواجبو ونطق …
بكر:لميمة شواقع مال هاد مصعور تاني غتريح ولا نشرك ليك وجهك مع راسك
رقية:أنا مزاوكة لمى شدو ختك غيدير ليها شي عاهة مستديمة
بكر:مالنا في زريبة ولا راه عندها لي يحكمها صافي مبقاتش في مسؤولية ديالنا
وليد:كانت أما دابة ختك طلقات وجابت لينا عار فهمتي أصاحبي دابة
بكر:شكيقول هدا وعلاش طلق شنو سبب
وليد:(بصوت عالي) شفتك مبرد … وختك طلقات حيت عاكَرة وقالت رافضة يتزوج بتانية
بكر:(قرب حداه وخنزر فيه) مزال ترفع عليا صوتك سنانك تحسبهم في أرض ترجع لبيتك وسير تكونيطا ليا مع لخنز وسد عليك مزيان من أحسن أخويا
رقية:الله يرضي عليك أولدي سمع كلام خوك وسير مبغيتش دابزو تاني
وليد: وتي طلقي مني ياكمة يسحاب ليه صغير ويتحكم فيا وبربي حتى نحرق عليه هاد دار
أرائكم كيف جاكم تصرف وليد علاش هاد حكرة زعمة من خوها
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:6🌹
_بكر ضرب وليد ضربة وحدة معودهاش معاه دار يديه وراء ظهرو وهز راسو فيه بمعنى … سير ولا نخلي دار بوك هاد نهار … دخل بيتو هو حاني راسو بلا زيادة في هضرة
_شخصية بكر جدية ورزينة هاز مسؤولية هو صغير قرأ وخدم هو معين وحيد للعائلة كلمة عندو ميعاودهاش جوج مرات عصبي في وقت لي يشوف شي حاجة متعجبوش وحنين درجة كبيرة على أختو حيت هو لي ربها بحكم خوه وليد لاخدمة لا ردمة وزايدها طالق حلقو بسيف عليه يحتارم خوه
بكر:لميمة فهمني دابة شنو وقع واش كلام وليد صحيح
رقية:(حدرات راسها) للأسف أه ولدي ختك طلقات وسبب أنها مكتولدش ويلاه عرفنا موضوع
بكر:(حك على دقنو) ممممم صافي واخة متخافيش عليها نجيبها معايا
رقية:الله يرضي عليك أولدي ونقي طريقك من شوك بغيت ربي يحفضك
_يمكن عرف فين تكون مشات على الله كانت طريقو على جردة ركب في مطور ديالو حتى وصل فعلا كانت جالسة ودموع على خدها شلال وقف حداها وتنهد وهي هزات راسها خايفة من ردة فعل ديالو غمضات على عينيها وزيرات عليها كأنها كتسناه يضربها حتى جلس حداها وعنقها من كتفها
بكر:بكي وخرجي لي في قلبك عارف بلي صعيب عليك حال مغاديش نلومك لا تأكدي بلي خديتي قرار صحيح ولي تجرأ وحل عليك فمو حسابو معايا عسير…
شادية:(شافت فيه وبتسمات بخزن) شكرا أخويا بزاف أهئ أهئ أهئ والله معرفت مندير فراقتنا أخويا فرقاتنا … عمرني نسمع كلمة ماما
بكر:هدا قدرك ولازم ترضاي بيه … معرفتي من هنا قدام شنو بخبي ليك قدر
شادية:شنو مخبي ليا من غير حزن وتعاسة وكلام كيف قرطاس من فم بنادم (تنهدات)
بكر:نوضي يلاه معايا دار باك مفتوحة ليك وأنا في جنبك في أي وقت قبل متكوني ختي راك بنتي وربيتك على يدي
_فرحها هاد كلام ويمكن حسات بلي جنبها سند يحميها من بعد موت باها عنقاتو مع إبتسامة وركبات معاه في مطور ورجعو لدار
*نهاية فلاش باك *
أرائكم …. هاححح عجبني بكر في وليد .. صارحة كيف جاتكم معاملة ديالو مع شادية غدوم

❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:7🌹
_مسح دميعاتها وبتاسم في وجها وهي كأنه كترجاه ميكونش موافق ….
شادية:لا لا لا أخويا ميمكنش نقبل ونعيش نفس تجربة عفاك
بكر:ختي فرصة كتجي مرة في عمر … دابة بغيت نسولك … شحال وأنتي مطلقة …
شادية:(حدرات راسها بحزن) مدة عماين
بكر:ملي تزوج واش فكر فيك واش ملي طلقك فكر في أحاسيس ديالك … لا كان أناني وبزاف كلنا شهدنا على معاملة ديالو معاك وقلنا هدا عمرو يفرط فيك معرفش بلي الله يمكن يدير شي معجزة بينكم وتولدو
_دخلات رقية وجلسات حداها بدأت تلعب في شعرها …
رقية:جاء وقت لي تكوني فيه حتى أنتي أنانية ومتبقايش عايشة مع ماضي ودكرياتو ربي جاب ليك راجل بنتو تربيها كيف بنتك وأكتر وأجر لديه كبير بزاف عند الله
شادية:كككيفاش واش مزوج ….
رقية:أه مزوج ولكن ماتت ليه مراتو مدة عماين دابة وأم ديالو كانت صاحبتي قديمة غير فرقاتنا ضروف ودابة جاء وقت لي ترجعي تكوني نفسك
بكر:وشفتي هانتي جاب ليك الله بنت واجدة أش بغيتي أكتر …
شادية:ولكن هو شافني هو لي بغاني ولا غير أم ديالو لي بغاتني
رقية:في أول يسحاب ليا بلي راه مزال بلا زواج وشرحات ليا بلي راه حتى هو كان مزوج ومراتو مات بكسيدة وحتى أنا شرحت ليها بلي راك (حدرات راسها) مهم بنتي هوما بغيينك كيف أنتي ولدها عمرو يدكر ليك حس ولاد غير كوني هانية من هاد نحية

شادية:(شافت فيهم بزوج) خليوني نفكر مزيان ونرض عليكم راه صعيب عليا حال
رقية:بنتي هدشي مخصوش تفكير مهم على راحتك نتمنى تختاري شيئ صحيح وخلينا نفرحو بيك مرة أخرى
بكر:لميمة عندها حق ويلاه وافقي الله يرضي على ختي
شادية:(بتسمات) شحال هاد بنت لي غتزوج بيك غتكون محضوضة … مهم متزربوش عليا خليوني نفكر
أرائكم ….. حنين هاد بكر هاااح قلبي 🙂
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:8🌹
رقية:وراه عييت معاه زعمة يشوف شي بنت ناس مزال مهداه الله
بكر:لميمة مزال ملقيت بنت ناس لي نتزوج بيها حيت نهار تبان نشد يديك ويلاه تخطبيها ليا هههه
رقية:ههههه إنشاء الله ولدي … يلاه حيد عليا خليني نمشي نصب لغدا راه تعطلت عليكم يجي داك وحش يجلس يعربط علينا
بكر:ولكان راجل يعربط حدايا نوريه نيويورك مورا درب ….
شادية:هههههه والله إلى أنت لي كتعرف ليه
بكر:هههههه إوا يخدم معايا بسالتو ممعناش … يلاه نمشي نتجبد شوية بيدما طاب لغدا وتكون أنتي فكرتي واخة
شادية:لا ممتافقينش خليني خاصني وقت بزاف (شافت بدل تعابير وجهو تنهدات) مهم يكون خير …
_خرج كل من بكر ورقية وبقات شادية كتفكر تسندات على سرير وخرجات تنهيدة حتى تغرغرو عينيها كيفاش تزوج وحب راجلها مزال معشش في قلبها مزال عاقلة أول نهار شافتو وأيام لي عاشو نهار عرسها لي قالت صافي نعيش معاه حياتي كاملة جمعات لوقفة وخدمات موسيقى ولجئات متنفسها وحيد وهو رقص إسباني معبر على حالتها لي كتحس بيها حاليا …
_دخل خوها وليد كيف رعدة طفى ليها موسيقى هي تخلعات وتكمشات في بلاصتها خايفة منو
وليد:ألالة مفاتحينش كباري في دار تشطحي علينا كيف شيخة هنا … ولبدي لنصدق عاطبك
_كان بكر وراه ضرب في كتفو هو مطلع هاجبو فيه كحز عليه وبدأ وليد غير كيدور في عينيه حدر راسو وخرج في نفس لوقت كيتحلف على شادية
شادية:(تنفسات برتياح) هففف طيرها مني خلعة تفو
بكر: نوضي عاوني مك في كوزينة وباركة من شطيح ….
شادية:(حدرات راسها) واخة خويا (خرجات كتجري )
رقية:(شافت فيها) ياك كنقول ليك ملي تبغي تشطحي هاد زعت ديالك حتى ميكنوش خوتك
شادية:وصافي لميمة راه غير نسيت محسيت براسي حتى (سكتات)
رقية:نقي نقي أبنتي داكشي راه ميعرفوش ليه
…حبيباتي بغيت أراء ماشي تقراي وتهربي في نظركم شادية توافق على هاد زواج ولا ترفض شنو توقعو قدر مخبي ليه حبيبة متهربيش عطي رأيك
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:9🌹
*في دار نجاة*
_فرحة كبيرة باينة على تعابير وجها كن صابت تطلق شعبي وتبقى تشطح … كانت في كوزينة كتوجد ليه أكلة مضلة ديالو وهي رفيسة بدجاج بلدي مع هي سالات حتى تسمع صوت باب تحل … دخل هو عكسها قربات حداه
نجاة:واش أنت ديما تبقى تدخل مع هاد تعوبيسة ضحك أولدي مولاها ربي وراني لقيت ليك واحد بنت شمن يازين وشمن يافورما والله ياولدي حتى دكشي لي بغينا وهضرت مع أم ديالها وجد راسك نهار سبت نمشيو نخطبوها ليك
_دون ميجاوبها مشا لبيتو حيد لافيست جلس فوق سرير كانت مجموعة صور قبالتو … دخلات نجاة وهي تجلس حداه دارت رجل على رجل وبقات تأمل معاه …
نجاة:(بضحكة غريبة) عرفتي هاد بنت معرفتش شنو جدبني ليها وصراحة مفاجئة هي بنت صديقتي قديمة بصدفة سمعت شي بنات كيهضرو فيها وملي سمعت بلي عاقرة قلت هادي فرصة راه عطيتها مهلة يومان وأنا متأكدة تقبل حيت كلام ناس خنجر مسموم وكيضرها بزاف
_حسات بشي حد كيتصنت عليها بدلات نبرة صوتها وشدات في حنكو
نجاة:ولدي جلال باركة متقهر في راسك شوف حالتك كيف ولات بنتك هملتيها بلا قياس صحتك كتراجع ضحك بلاك عليا
جلال:مزال موت ديالها قدام عيني ونبقى ديما نشوف بلي أنا سبب وعمر شي بنت لمرا تجي في بلاصتها
نجاة:(تنهدات) عارفة كنتي تبغيها بزاف ولكن تزوج غير على قبل بنتك هي مزال صغيرة خاصها أم خاصها حظن دافي
جلال:أمها ماتت وعمرها تلقى لي عاملها بحالها
نجاة:لا غالط بنت والله ياولدي شهوة منها عاد زيدون كانت حتى هي مزوجة كولشي شاهد على أخلاقها وعيب وحيد هي مكتولدش وأنت عندك بنية وهي أكيد تعاملها مزيان حيت ربي حرمها من لولاد واش فهمتي
جلال:مشايفهاش ومنقدرش نحكم عليها خاصني نعرف واش كيف وصفتيها ولا هي عكس لي شيفينها
نجاة: ولكن ولدي راه …
جلال:(قطع كلامها)مكاين مولكن أنا نعرف هاد بنت مهم يلاه نتغداو وجيبي معاك بسمة
نجاة:واخة ولدي باغي تبحت عليها ماشي مشكل مهم فكر غير بنتك وصافي
_ناضت وهي تغمزو ومشات كوزينة كان شخص كيتصنت من وراء باب سمع كلامهم هزات قصرية رفيسة وحطاتها على طبلة أكل كل واحد خدا مكانو وجلال جاب بنتو من لبيت وحطها عند حجرو وباشرو في أكل ونجاة هزات عينيها في شخص تاني …
نجاة:جلس العربي مالك واقف كنضن سمعتي كلامي
_لعربي خنزر فيهم وجمع لوقفة تم خارج وزدح عليهم باب …
نجاة:يعطيك لكرد لدوك يدين زيزون لآخر مهم ولدي كول كول ومتخافش كولشي يكون مزيان
رأيكم….زعمة هاد زواج وراه شي
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:10🌹
_شعرها مطلوق لابسة كسوة موردة ورجليها حافية وسط حديقة كدور بين ورود لي محيط بيها وجها منور وفرحانة وفجئة كتلقى غير أفاعي دايرين بيها تلاشات ضحكتها ودموع في خدها بدأت كتجري وهي خايفة بزاف ونبضات قلبها كتضرب بسرعة وأفاعي تابعينها…حبسات من جري لأنها وصلات لحد جبل عالي تزيد خطوة طيح منو في نفس لحظة نفس شخص ملامح ديالو مبيناش قرب حداها وشد في يديها وشخص تاني قتل كاع أفاعي ويلاه جات تنطق ختفاو … وكيف ديما كتفيق وعرق كيتصبب منها وشادة على قلبها كتنفس بصعوبة
شادية:ياربي أش هاد أحلام لي كل ليلة حلمة في شكل ونفس أشخاص كنحلم بيهم ولكن وجوهم مبيناش شنو حكمة من وراء هاد أحلام وعلاش كل مرة شر متجسد ليا بصيفة
_ناضت حمام وبدأت تغسل في وجها وهي كتحاول مع نفسها تربط كل حلمة حلمتها مع تانية وتربطهم مع بعضهم ولكن مكتلقاش تفسير حتى أنها عمرها حكاتهم لشي حد تنهدات قدات حاجتها توضات لبسات كسوة طويلة وغطات راسها فرشات زربية وبدأت تصلي وهي تختمها بدعاء وناضت كوزينة كتوجد لفطور لخوتها … ناض وليد معنكش ومخصر سيفة وجهو
وليد:واش هاد فطور كطيبيه برجليك سربي راسك راه عندي شي شغل
شادية:واخة خويا مبقى والو يوجد غير سير غسل وجهك تلقاه في طبلة
_وليد بقى يخنزر فيها مشى وهي مزال مفهات علاش خوها كيتعامل معاها هاكة هزات صينية حطاتها في طبلة مع رغيفات وزبدة وفرماج مشات بيت أمها باست حنكها
شادية:لميمة فيقي باركة من نعاس
_حلات عليها سرجم يدخل هواء ومشات بيت خوها دقات عليه
شادية:خويا بكر نوض فطور موجود يلاه باركة من لعكز
_من بعد مفيقات كل واحد هي تفكر بلي نسات ممشات باتيسري تجيب كرواص حيت بكر عزيز عليه يفطر بيه
شادية:لميمة أنا نمشي باتسري نجيب لخويا جلال كرواص راه مبقاش لي صايبت
رقية:واخة بنتي سيري ومتعطليش
شادية:أنا مشيت (خرجات).
رأيكم…. شنو فهمتو من حلمة
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:11🌹
_شادية لقات باتسري لي حداهم ساد وهي طر تمشي لي في جهة تانية شافت يمين وشمال قطعات شانطي ودخلات باتسري خدات لي بغات فجئة هزات عينيها بدأت طلع نفس وتهبطها بسرعة دموع تحجرو في عينيها كان قبالتها مع مراتو وكرشها كبيرة باينة عليها حاملة هو كيتلمس فيها بطريقة حنينة عضات على شفايفها بقوة حتى دم سال منهم ضربات دورة بسرعة حتى كانت غطيح كن مشدها بقوة وجرها عندو وجات عينيه في عينيها لي كيبريو بدموع وشفايفها لي كيترعدو وعامرين دم شم ريحتها لي تغلفلات مع أنفاسو بلعات ريقها وفطنات بوضع لي هي فيه دفاعتو وتمات خارجة وتزدح مع شخص تاني
****:غير بشوية وأنتي غادة كيف رعدة وغير طلبي سماحة بعدا
_قرب حدا صاحبو لي لقاه ساهي وماشي في هاد عالم …
****:هيهو أمالك أصاحبي تكونيسيتي خديتي لي بغيتي
_ضربو لكتف بقوة عاد فاق شاف فيه وتنهد ونطق بصوت حنين
****:أربي أش هاد جمال وريحة خويا **** أنا حبيت أه حبيت من أول نظرة
****:(طلع حاجبو وشد على دقنو) ربي ربي قوليا أنت فين عمرك شفتي شي بنت ومحبتيهاش من أول نظرة
****:لا لا هادي في شكل فيها شي حاجة مغايرة شفت في عينيها شعور غريب نتابني ولكن وجها بان ليا حزين وكانت غتبكي وشفايفها عامرين دم يعلم الله شنو حكاية ديالها
****: (ضحك عليه) شري لبغيتي راه نتعطلو وأنت مبان ليك غير هاد باتيسري
****:ياخويا قلبي قال ليا أجي هنا راه تلاقة بحبقلبي
_عقلو مرفوع شرا داكشي لي بغا وخرجو متوجهين سيارة ديالهم ركبو فيها ونطالقو عمل ديالهم
_أما شادية بدأت تجري حتى وصلات قدام باب دار مسحات دموعها بسرعة ومسحات فمها بدأت تضرب في حنيكاتها تنفسات بهدوء حلات باب ودخلات حطات كرواص في طبسيل وجلسات حدا أمها كتاكل في نفس لوقت كتجي عينيها غير في داك المنظر… حتى نطقات رقية
رأيكم….. شكون هادو زعمة جلال وشي صاحبو ممممم
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:12🌹
رقية:بنتي شادية مالك شفت وجهك مبدل ياك لباس ياكمة منعساش مزيان
شادية:لا والو لميمة غير عيانة وصافي متشطنيش معايا …
بكر:ميكون باس نتمنى تكوني وصلتي شي قرار بنسبة لزواجك
وليد:وعلاش لي متوافقش أش غتبقى جالسة لينا هنا
بكر:(خنزر فيه) مهضرتش معاك أصلا شغلها هداك تقبل ولا لا
رقية:صافي تبداو دابزو ليا هنا صباح هدا (شافت في شادية) أشنو قلتي أبنتي عطينا مدة يومان مرأة كتسنانا نردو عليها نتمنى تكوني خديتي قرار صحيح
شادية:(تنهدات بقوة) خديت قرار (كتفكر في منظر لي شافت) صافي موافقة قول ليهم يجيو في أي وقت
رقية:(بفرحة) فرحتيني يابنتي هههه نوض دابة نصوني ليها (جمعات وقفة)
بكر:(شد في يد شادية وبتاسم) الله يجعل يكون خير ليك أختي وتعيشي أيام زوينة
شادية:أمين أخويا أمين … بغيت نعرف هدا لي يتزوج بيا كيف غيكون
وليد:يكون كيفما بغا يكون ماشي تعليق ديكور تفرجي فيه …
بكر:الله يحفضك أخويا قولها زوينة ولا نوض من حدايا
وليد:هاهو غادي حرام يفطر شي حد في خاطرو معاكم …
بكر:مخلا والو قدامو قالك مفطرش في خاطرو وناري على وحش غابة ..
رقية:(رجعات كتجري فرحانة) صافي هضرت معاها قالت ليا بعد غدا يجيو يلاه نوضي خملي معايا دار وجدي ليا ديك حلوة لي كطلع بيديك شهوة منها نعيط خالتك وبناتها وعيطي حتى على عمامك ولي بغيتي من صحباتك ناس راه ولاد أصول يجيبو دريكت لهدية معاهم وتركبو خواتم وضربو صداقكم
شادية:لميمة واش كولشي بهاد سرعة ماشي بزاف شكون قال هاد راجل ممزيانش وطبعو صعيب ماشي نتكرفص معاه ونرجع تاني
رقية:سمعي بنتي ماغيتم هاد زواج حتى تهضرو بجوج وتافقو بيناتكم غير كوني هانية مستحيل نلوح بنتي في خابية .
رأيكم …. هامصعور أش خصو
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:13🌹
_مشات لبيتها بسرعة ودموع في عينيها محاس بيها حتى واحد ونار لي شاعلة في قلبها تقبلات مع مرايا ديالها وشافت راسها مزيان كانت سنسلة في رقبتها نترتها بقوة حتى جرحات نفسها وبدأت تكلم مع نفسها ….
شادية:من بعد هاد سنين كنت كنقنع نفسي أنك تزوجتي على قبل مك وعمرك تبغيها بحالي ساعة لي شفت ليوم كان لعكس نظرتك ليها كيفاش كتمس كرشها (عضات على شفايفها وبدأت تضرب كرشها) علاش علاش ماشي أنا علاش أهئ أهئ أهئ كولشي كان زوين في حياتي علاش تخلى عليا حيت عاكرة مكنولدش شنو دنبي إلى ربي مبغاش (بدأت تسمح دموعها) صافي شاف حياتو علاش نبقى مربوطة فيه طول حياتي نعيشها كيف قسمها ليا ربي أه ههههه وديك بنت نعاملها بحال بنتي شادية مسحي دموعك ورمي ماضي بعيد
*بعد مرور يومان*
_لالة نجاة لابسة قفطان في زيتي مخدوم بزواق معلم بسقلي حر وحجيرات مزينينو وشال دهبي مع مكياج موالم سنها وجلال بكوملي في أسود مع شوميز بيضاء بينا فصالة جسمو رياضية وسامة وجهو بعيون رمادية حواجبو كتيفة ولحية مزينة دقنو عطينو جمال من نوع خاص في سن35 سنة وبنتو بسمة بلغوب أميرات ومشيطة ديالها وسويك في عمر 4 سنوات كانو معاه بنات من عائلة حتى هوما لابسين قفاطن ومزينين
نجاة:تباركة الله جيتي فن أولدي ربي يحجبك أنت أميرة ديالي
بسمة:بابا فين نمشيو
جلال:تنهد نمشيو نجيبو ماماك جديدة هي لي تبقى معاك من هنا قدام
بسمة:(دلات شفايفها) لا مبغيتش أنا بغيت ماما مغاديش نقبلها
نجاة:بنتي بسمة ماماك ماتت الله يرحمها وباباك غيتزوج مرة أخرى وهدشي كامل على قبلك وصافي
بسمة: لا لا مبغيتش هي تكون قبيحة أهئ أهئ أهئ
نجاة:لا لا بنتي شكون قاليك هاد كلام هي زوينة هانتي تشوفي
جلال: حتى أنا مبغيتش هاد زواج ولكن بزز مني نقبلو غير على ودك (سكت مدة) إلى مشات حتى تعملات معاك قبيح منرحمهاش .
رأيكم…. هاهو محبوب جميع بكر غير من وجهو باين ياكو ياكو
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:14🌹
_كانت واقفة من بعيد وكتشوف فيهم بنظرة غريبة بأخص جلال وبدأت تكلم مع نفسها
****:خالتي نجاة واش من نيتك تزوجيه وأنا كاينة لا ماشي ديالك واش في نظرك أنني نسمح بهاد زواج ههههه أكيد لا لا
_رسمات إبتسامة على وجها وقربات عند جلال وبدأت تكلم معاه بتحلوين
****:جلال واش أنت متأكد بلي مستعد تزوج بوحدة عاكرة واش مفكرتيش شي نهار بسمة تبغي أخ ولا أخت تونسها ماشي حشومة … (قربات أكتر) حل عينيك مزيان هي متصلاحش ليك وأصلا تقدر تكون قبيحة ولا مزويناش

جلال:(بعدها منو)دابة عرفت شكون كيعمر بسمة في دماغها…(شنق عليها) تفرقي عليك بنتي ولا بربي حتى ندفن في أرضك دوك ألاعيب ديالك ماشي معايا وهاد كلام وفريه ليك عارف شنو في عقلك
****:(بدأت تلمس على يديه) أوووه سي جلال مالك شنو عيب لي قلت غير كتضلمني
جلال:(طلق منها ودفها) كن موليدة لي جابتك حتى نجري عليك وجهك نحس وتمسكين تفو
_بدات تخنزور فيه وتكلم مع نفسها (لا لا لا أنت مخاصكش تعامل معايا بهاد طريقة ) بدأت تحرك في راسها بطريقة غريبة
نجاة:لبنات منباتوش هنا عروسة كتسنانا يلاه يلاه كل وحدة تخرج وتركب في طموبيل
_لبنات نزلو كاملين … وجلال تنهد وقاد حالتو ورجع هز بنتو كيحاول يهدنها لأن **** خلاتها تخاف من عروسة قبل حتى تشوفها ونزل تابعهم ركبو في سيارة غير بحدهم وبدأ يتسمع كلاكسون وزغاريت وطوبيل بيكوب راكبين فيها عيساوة حتى وصلو قدام باب دار جابو ليها دهاز كأنها مزال عروسة لأول مرة حتى جيران بدأو يهضرو عليها
جارة1: هانتي يختي والله يعطينا زهر عاكرات ههههه هي لي صادقة ليها ضبرات على راجل على مزيناتو وعندو بنت متحمل متوجع
جارة2:ويييه منعرف منين كيضبرو عليهم راجل شهوة منو ياختي حبيتو أنا
جارة3: وباااااز تبركيك أش ديرو ليه شكون قال ربي كتبو ليها ..
…. رأيكم شكون تقدر تكون هادي وعلاش باغة توقف زواج واش زعمة كتبغيه يلاه أرائكم وتفاعلكم كيف ديما لقيت تفاعل زايد نتهلى فيكم
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:15🌹
_مقابلة مع مريا بتكشيطة بيضاء وتسريحة شعر عروسة مكياج موالم حروف وجها وتاج فوق راسها مع أنصوبل سنسلة وخاتم وبارسلي حنة مزينة يديها بلونها غامق وكدالك رجليها مع سباط شفاف دخلات رقية مع دموع فرح حتى هي تقول أول مرة تكون عروسة
رقية:صارحة بنتي طلعتي غزالة مشاء الله (بدأت تقرأ عليها أية كرسي ومعودتين) ربي حجبك ويحميك من كل عين حاسدة
شادية:(حدرات راسها بحزن) أمين لميمة
رقية:بنتي وضحكي متبينيش ليه راك (سكات)
_دخلات نجاة من جمال شادية عينيها ولاو يبريو قربات حداها وباستها…
نجاة:مشاء الله فنة فنة سعدات ولدي يملك هاد زين … أحم مهم قبل متخرج ولدي بغا يهضر معاها
شادية:حتى أنا كنت طلبت نتلقاه حيت قبل منخطيو هاد خطوة خاص نساويو بزاف أمور
نجاة:واخة بنتي أنا نعيط ليه (خرجات وتبعاتها رقية)
****:(شدات في يديه) جلال غتندم على هاد زواج بعد منها حسن ليك
جلال:إلى فرقتيني عليك عمرني ندم على شي حاجة درتها في حياتي سيري بحالك وليدة جايا
نجاة:(خنزرات فيها) أش كانت كدير معاك ديك خيتي واش …
جلال:لا والو غير بركات ليا دابة قولي شنو قالت
نجاة:دخل عندها حتى هي كانت نفس شيئ
جلال:(تنهد وتكلم مع نفسو) ندخلو نشوفو هاد عروسة … واخة وليدة شمن بيت هي (نعتات ليه رقية)
_مشا بخطوات تابتة دق وحل باب ببطئ كانت عاطية بوجها حيط وقف بكل رزانة بحة صوت رجولية …
جلال :أحم أحم سلام
_شادية قلبها ضرب بسرعة عضات على شفايفها وغمضات عينيها مزيرة عليهم بعد توان خدات نفس وهي تضرب دورة عندو في هاد لحظة زمن توقف بجوج في دقة وحدة حسو بنغزة في قلبهم بقاو جامدين … حتى هبطات عينيها شادية وكدالك هو جلس على كرسي كان قريب ليه دافع سدرو قدام شبك يديه هز راسو فيها
جلال:أحم جلسي متبقايش واقفة جيت نهضر مع قبل منوقعو على ورقة زواج
شادية:(جلسات) مممم واخة هضر كنسمع ليك
جلال:منطولش في هضرة … وباش نكونو مفاهمين قبلت بهاد زواج غير قبل بنتي هي مزال صغيرة ومحتاجة أم لي تكون جنبها …
رأيكم …. شنو إحساس لي نتابهم
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:16🌹
_رجع بلور سند ظهرو ودار رجل على رجل وشاف فيها بحدة ومطلع حاجبو..
جلال:وهاد زواج غيكون غير على ورق فقط لأن كلمة أم ديالي ومعانات بنتي هي لي خلاتني نقبل ومع أنتي عاكرة ومكتولديش كنضن تكوني مفتاقدة حنان أمومة أكيد تعاملي معاها زوين ياك
_حسات بغزة في قلبها زيرات عليها بزاف شافت في حيط تنهدات ورجعت شافت فيه
شادية:عارفة لي كيدور في راسك أنني نكون قبيحة مع بنتك . . يمكن كيف قلتي أنا عاكرة (جمعات وقفة) ولكن قلبي ماشي قبيح حتى ديك درجة لي تخيلها (حطات يديها على كرسي وقربات عند وجهو) حتى أنا مموفقاش على هاد زواج ولكن شفتو من مصلحة ديالي كيف أنت كتبغي مزال مرتك حتى مزال كنبغي طليق ديالي حيت هو أول حب (دلات شفايفها) مهم هدشي لي كنت بغيت نقول ليك قلتيه ليا ويشهد عليا ربي ديك بنتك غتكون أكتر من بنتي (طلعات حاجبها وبتسمات ورجعات وقفات)
_بقا غير متبعها بعينيه وبطريقة كيفاش كانت كتهضر رشقات بصبعها هو يفيق من سهوة ديالو حتى وقف ومد يديه
جلال:إدا متافقين زواج على ورق
شادية:(مدات يديها) أكي متافقين
_خرج وهي طيح دمعة من عينيها كلمة عاكرة تلاحقها طول حياتها مكانت باغة تهضر بهاد طريقة ولكن طرات … دخلات رقية
رقية:بنتي مالك صافي تافقتو ياك راه ناس كتسنى
شادية:(بتسمات في وجها) أنا موجودة يلاه نخرجو
_ضحكات رقية وغطات وجه بنتها وتبعاتها بصلا وسلام على رسول الله وبداو لعبات في تطبال وبنات كيشطحو ويزغرتو جلسات حدا رياض ونظرة ديك بنت باين عليها شر كيتقطر منها
****:لا لا ميمكنش هاد زواج يتم لابد ندير شي حاجة نمنعو
_يلاه خطات خطوتها أولى شدها شخص من كتفها وجرها عندو مخنزر فيها
****:ربي ربي مالك بحال لكرادة كتلصقي في بنادم داكشي لي بغيتي مغيكونش حيت أنا منخليكش أهند
هند:(نترات يديها) سعيد بعد من طريقي مستحيل نسمح بهاد زواج أنت عارف مزيان علاش بغيت نمنعو
رأيكم ….. صارحة ضرني قلبي على شادية إيه كلمة عاكرة كتدبح
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:17🌹
سعيد:(شدها من شعرها) وبرب كعبة وتحاولي تمنعي هاد زواج بأي طريقة نحرقك وأنتي حية
هند:(خرجات عينيها) من نيتك كتهددتي أسوعيد نفكرك
سعيد:(سد فمها بيديه) زمي فمك وسيري جلسي منك ضيوف وراك تحت عيني
_بعد منها خطوات وخلاها كتغلي بغضب متوقعاتش يكون هنا جلسات وهي في دوامة تفكير لابد أنها تحبس هاد زواج بأي طريقة …
_شادية مزال مغطي وجها ودموعها شلال لعدول سلات خدمتو وبقى غير توقيع وهي تحس بنغزة في قلبها …
_جلال نفس شيئ قلبو ممهنيهش حاس بلي شي حاجة توقع كيشوف قبالتو كولشي فرحان وكيضحك ولكن معرفش هاد إحساس لي نتابو ….
_بكر بجلابة بيضة وطربوش حمر بإبتسامة نابعة من قلبو ورقية واقفة حداه كتزغرت بقفطان صومو مطروز برباطي وبعض من عقيق زمرد مزينو …
_وليد بعيد عليهم مع إبتسامة غريبة مربع يديه ومسند على حيط ولاوي رجليه …
لعدول:(هز راسو) الله يجعل كولشي مبارك ومسعود أولادي مبقى ليكم توقعو(مد ستيلو لجلال ) هاك ولدي وقع (وقع جلال ومد ستيلو لشادية) هاكي بنتي وقعي راه جميع شروط وصداق ديالك موافقة عليهم ياك
_شدات ستيلو بين يديها تنهدات بقوة وهزات عينيها لامعة بدموع من خلال شبكة باش مغطي راسها كتشوف كولشي قدامها بلعات ريقها وحنات تسني حتى سمع صراااااخ عالييييي حتى كولشي دار يشوف
…. في نظركم أشوقع زعمة هند دارت شي حاجة ولا كتوقعو حد تاني
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:18🌹
_تسمعات صرخة كان وليد شارب شي حاجة وفقد توازن ديالو حتى طاح على بسمة غوتات وبدأ تبكي مما خلا جلال يجمع لوقفة خوفا على بنتو وهند لقات فرصة كان قبالتها غراف ماء وهي دفعو حتى تخوة على عقد وقاس شادية في حوايجها … بتسمات هند ودارت رجل على رجل وتكلمات مع نفسها ..
هند:هاد بعلوكة وهاد ولد دارو لي مقديتش عليه صارحة فرصة كبيرة عطاتني ودابة على أقل أجلت هاد عقد وديك ساعة نلقى فرصة ونهظر معاها وهي بنفسها ترفض هاد زواج
نجاة:(بخوف) الله يولدي مالك شارب شي حاجة
رقية:(مشات بسرعة حداه) واش عورتي بنت صغيرة قدامك
وليد:ومشفتهاش واه (جمع لوقفة)
بسمة:أهئ أهئ أهئ طحت دفعني
جلال:(قرب حداها) طيرتيها مني أبنتي أجي جلسي حدايا … عمو مدرهاش بلعاني (شاف فيه) ماشي مشكل أخويا وليد موقع والو
_هزها وشاف غراف مدفك كرز على يديه بغضب حتى تكلم مع نسفو (أش هاد زهر مكوز) شاف في هند كتضحك عرف بلي هي لي درتها خنزر فيها وشاف في سعيد بمعى سير بالي بيها
_شادية نزعجات من هاد وضع جمعات وقفة وهي ترجع بيتها جلسات على سرير حيدات شبكة على وجها وبدأت تبكي
شادية:أش هاد نحس أربي أهئ أهئ أهئ باين عربون من نهار أول لا لا صافي منقدرش نقبل بهاد زواج
_دخلات نجاة عندها كتمشى ببطئ قربات حداها وهي تحنى مستواها وحطات يديها على ركبتها وهزات راسها فيها
نجاة:متقوليش هاكة أبنتي كتعرفي بلي ماء أمان يمكن هدشي خير ليكم بزوج مسحي دموعك وقادي حالتك ألالة ليوم نركبو خواتم وغدا إنشاء سيرو بزوج لمكتب لعدول
رقية:(دخلات) لالة نجاة عندها حق بنتي هدشي راه خير ليك نوضي الله يرضي عليك متخليش ناس تهضر عليك …
شادية:(مسحات دموعها وناضت) واخة غير خرجو نتوما أنا نقاد حالتي ونخرج عندكم
رقية:(بتسمات) واخة بنتي بيدما قاديت ليك برزة وصينية تركاب خواتم …
_خرجات كل من رقية ونجاة وقفو على شغلهم بيديهم وباش ناس لي معروضة متهضرش بدأو لعبات يطبلو
_أما هند شدها سعيد وخرجها برا وشانق عليها حتى كانت روحها تخرج … كن مضرباتو لمعلم ودفعاتو حتى طاح أرض …
رأيكم …. وزهر عندها شكون بقات فيه
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:19🌹
_هند:(كترجع أنفاسها) أخر مرة دير بحال هاكة ولا نشوهك
سعيد:(رجع من بعد مبرد ليه لحريق) شنو تشوهني شنو … ياك حضرتك مديرو والو علاش هرقتي ماء على عقد
هند:راني قلت مستحيل نسمح بهاد زواج يتم واش كتفهم
سعيد:هند أهند يمكن نسيتي شنو درت ليك زمان كتقلبي عليا أخر تحدير ليك نشوفك كدوري على جلال ولا توقفي في طريق هاد زواج قسما غضما والله حتى ندفك وأنتي حية ورجعي دابة منين جيتي من أحسن ليك
هند:تهديد ديالك مكيخوفنيش أنا هي عقبة لي تكون في طريقكم أكلب
سعيد:(ضربها بطرشة حتى طاحت وشدها من شعرها) يمكن مكتفهميش بخاطر لعصا لي كتفهمك
_يلاه بغا يعاودها حتى صونا ليه تيلي كان جلال وطلب منو يحضر في حين ويمنع هند تدخل
سعيد:هاني هضرت نلمح صورتك كتخطا وسط دار
_طلق منها وهي كتنهج وغضب مسيطر عليها أكتر ودموع ماليين خدها جمعات لوقفة ومسحاتهم
هند:مستحيل هاد زواج يتم لا لا فكري أهند فشي خطة
_دخل سعيد وتكلم غير بعينيه بمعنى صافي كن هاني … هي تخرج شادية مرة تانية بصلا وسلام على نبي جلسات حداه وبداو في تركاب لخواتم وكلو بعضياتهم تمر وشربو لحليب … وكملو لعشية بضحك ونشاط رغم أن تعابير شادية وجلال باردة كيتسناو فوقاش يساليو …. بعد مدة من تقديم هدايا ليها بداو يفرقو حنة على بنات جراتهم وحتى وحدة مقبلاتها
رقية:بنتي صفاء خودي حنة باش ربي يسهل عليك حتى وتزوجي ليلى هاكي حتى أنتي يلاه بنات قربو حتى نتوما
صفاء:سمحي ليا خالتي منقدرش نقبلها بنتك أه عروسة ولكن هدا زواجها تاني وكتعرفي بلي هي مكتولدش ولمشينا قبلنا بحنة ديالها غيكون فال ممزيانش لينا لهدا الله يكمل عليها
_هزات عينيها لقات شادية كاتمة بكية ديالها بلعات ريقها وبغات تمشي عندها … مشات كتجري لبيتها وسدات عليها لباب
رأيكم….. مهمى بنادم هضر مكيوزنهاش هففف هاد كلام بدات لي قالت جارة بحد داتو سم
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:20🌹
_تبعاتها وبغات تحل باب حتى شدها بكر من كتفها وحرك راسو ..
بكر: لميمة خليها ترتاح هاد حادتة لي وقعات لعقد تهرق عليه ماء وكلام هاد بنت ماشي ساهل خليها تبكي باش ترتاح
رقية:(تنههدات) الله على بنتي زهرها كيف داير ولكن كتبان ليا نجاة درويشة وحتى ولدها أنا متأكدة تكون فرحانة
بكر:هدشي لي نتمناو أما دابة سيري حتى أتني ترتاحي ليلة دازت حتى غدا جمعو دار
رقية:(حركات راسها) واخة ولدي سير حتى أنت
_شادية مزال بنفس لبسة حسات بقلبها داق بزاف جمعات وقفة وحيداتها لبسات بجامة في لون أسود موبرا فيها صورة لولو كاتي في أحمر وبانطوفة نفس لولن دخلات حمام غسلات وجها ورجعات لسرير وبين عينيها غير هاد لحظات لي دازو وهضرة جلال وعاد بنات حومة تكمشات بحال شي بب صغير وغفات
_صبح صباح جديد وشميسة شرقات ناضت رقية بدأت تجمع بلما تفيق شادية ولكن هي فاقت سرعان مسمعات تقرقيب ناضت حمام قدات حاجتها وهي توضأ خرجات مسحات بفوطة وبشرات في صلاة … غير سالات لبسات عباية ديالها ودارت شال غطات شعرها
شادية:صباح لخير لميمة كيف صحبتي
رقية:زينت عريسات صباح نور
شادية:أنا نمشي باتيسري نجيب شي حاجة ونرجع نوجد لفطور
رقية:لفطور واجد هزي فلوس وجيبي لخوك كرواص وخودي لي بغيتي
_هزات شادية فلوس وهي تخرج وباين على وجها حزن كتمشا وهي ساهية حتى قربات باتيسري دخلات تاخد لي بغات وهي تلمحها هند من بعيد …
رأيكم….. أش بغات منها هادي
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:21🌹
_غير شافتها هند بتسمات لاإراضي وبدأت تكلم مع نفسها ..
هند:فرصة باش نمشي عندها ونخليها تغير رأي ديالها ترفض هاد زواج حيت ماشي من مصلحتها … شافتها قاطعة شانطي وبدأت تزرب في مشيتها حتى وصلات عليها وهي تقابل معاها
شادية:(عقدات حواجبها) شكون نتي
هند:(بتسمات) ماشي مهم تعرفي شكون أنا أهم هو خاصك تسمعي هضرتي …. بأي طريقة خاصك ترفضي هاد زواج من جلال حيت ميصلاحش ليك غتندمي طول حياتك
شادية:أش كتخربقي شكون وأنتي ومنين كتعرفي جلال ياكمة
هند:(قطعاتها) أنا بغيت غير مصلاتحك متسولنيش علاش لأن أمر خطير عتقي راسك من حد باقي وقت
_هزات راسها لقات سعيد بنظرة شريرة غير شافتو خوف سيطر عليها وقبل ميوصل عندها هربات هو يتبعها
_شادية مفهمات والو ولكن كلامها دخل ليها شك رجعات وهي في دوامة تفكير شكون هادي وشنو بغات منها راسها من كترة تفكير ضرها …
_عند نجاة وجلال جالسين فوق كنابي …. هو ماشي في هاد عالم قطعات مخيلة ديالو غير نجاة
نجاة:ولدي مالك شفتك ساهي وغير كتفكر هانت غتزوج
جلال:لي خايف منو هو هند دير مستحيل باش توقف هاد زواج
نجاة:(بتسمات بطريقة غريبة) هاديك خليها ليا راه كلفت سعيد يراقبها ويحضي لاتمشي عندها كن هاني من هاد نحية
جلال:إلى مشات حتى دارتها (جمع لوقفة) حسابي معاها عسير (بتاسم بشر)
نجاة:أنت وجد غير راسك هاد نهار تمشيو عند لعدول غيتم عقد في أمان وحفظه ومن داك لوقت تكون هند تحت يدي يلاه نوض وجد راسك
جلال:واخة لوليدة بصح مخصناش نضيعو لعشية يتم عقد …
رأيكم …… علاش هند باغة توقف هاد زواج وعلاش نجاة مصرة على هاد زواج
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:22🌹
_هاربة كتشوف وراها حتى تعكلات وطاحت على راسها وتجرحات وكانت فرصة لسعيد وبنظرة شريرة تحنى عندها وشدها من شعرها .
سعيد:(بجدية) عطيتك فرصة بارح ولكن مستغلتيهاش ودابة بربي منرحمك
هند:(بخوف) سعيد طلق مني أنت عارف هدشي لي كدير فيه دنب كبير هاد زواج مستحيل يتم
سعيد:(ضحك بمكر) هاهاهاها دنب هو لي نرتاكب دابة معاك غنديك فين تمناي لموت ومتلقايهش
هند:غتندم أسعيد والله منخليه يتزوج بيها واخة تقتلني
_بدات كتفكر كيفاش تفلت منو حتى عضاتو من رقبتو من قوة ألم لي حس بيه سعيد دفعها وهي تلقى فرصة وهربات من جديد
*عند شادية*
_جلسات مع خوتها وامها في طبلة فطور ولكن شاردة كتفكر غير في هند وكلامها حتى قاطع تفكيرها بكر
بكر:ختي شادية فين ساهية وجهك مبدل ياك لباس
شادية:(بتسمات) لا والو أخويا غير كنفكر في لعشيا كيف غدوز تاني حيت نمشي أنا جلال نكتبو عقد
بكر:غيكون كولشي مزيان تفائلي خير …
شادية:إنشاء الله أخويا … أنا شبعت نوض نجمع دار نوجد راسي بحرا نسالي ونجي مع إلياس في لوقت (وعات بإسم لي قالت) بغيت نقول جلال
بكر:(مبغاش يحكر)واخة أختي الله يكمل عليكم بلخير
_ناضت شادية بشرات في شغل دار ولكن مزال نفس تفكير كيدور في راسها من بعد مدة من زمن سالات شغلها وهي تدخل بيت لبسات كسوة في وردي بارد سامبل وشال مورد عملات مكياج خفيف ولبسات سندالة معلياش بزاف مع هي سلات تسمع دقان في باب
_مشات رقية حلات باب ستقبلات…. بكل حب ورضى وقف في مكان ديالو وخرجات شادية بأناقتها حادرة عويناتها هو باقي ساهي فيها وبتاسم إبتسامة غريبة
رقية:ههههه جيتي معاها نيشان بنتي شادية أجي قربي (شافت فيه) ولدي جلال شادية أمانة عندك
جلال:متخافيش كيف مشات معايا ترجع كوني هانية راه تولي مراتي (شاف في شادية) يلاه مشينا
شادية:(حركات راسها بإيجاب) مشينا لميمة دعي معانا …
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:23🌹
خرجو بزوج وطبعا مع دعوات أم ليها كل من شادية وجلال ركبو في سيارة وتوجهو مكتب لعدول وماهي إلى مدة حتى كانو وصلو قبل متخرج شادية غمضات عينيها وخدات نفس عميق .
جلال:شادية هاحنا وصلنا نزلي
شادية:واخة (فتحات لباب وخرجات) … قبل مندخلو بغيت نتكلم معاك
جلال:(بتسائل) نعم أنا كنسمع تفضلي
شادية:صارحة مبغيتش من أول نهار مشاكيل ولكن هاد صباح جات عندي واحد بنت (عودات ليه شنو قالت) مهم قلت نقولها ليك لكانت كتعنيك ومك بغات تزوجك ليا بزز نشوف كيفاش نهضر معاها
جلال:(خسر تعابير وجهو وتنهد) هاديك راه شيطان بسيفة إنسان باغة دير مستحيل باش متخليكش تزوجي بيا
شادية:ولكن علاش شكون هي وعلاش باغة تمنع هاد زواج عاود ليا
جلتل:في حقيقة أنا بغيت مرأة لي تهتم بنتي ماشي تكرفص عليها وهي بغاني أنا شحال من مرة حولات تأديها حيت أصلا من زمان وأنا رافضها من زواجي أول وباقي نرفضها حتى بزواجي أنا وياك عفاك متحوليش تسوليني على سبب أهم وافقت عليك أنتي … ومرة أخرى لجات عندك عنداك تيقي بشي كلمة تقولها حيت كدوب في كدوب
_هدشي خربق عقل شادية غير عودات ليه تبدل وجهو بشكل غريب دخلو بزوج مكتب عدول حيت أنه كان كيتسناهم وجميع لوراق موجودة لازم غير توقيع فقط قداو شغل بسرعة
_غير وقعات شادية حسات بنغزة في قلبها ضراتها بزاف لدرجة كانت تسخف ولكن شدات راسها كان كأس لماء قدامها شرباتو جغمة وحدة
جلال:شادية مالك شنو وقع ليك
شادية:لا لا متاخفش أنا بخير غير حسيت بدوخة خفيفة وصافي
جلال:نوضي نرجع دار رتاحي توجدي راسك باش بعد غدا نجي نديك …
رأيكم….. هاد زواج فيه خير زعمة ….
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:24🌹
_شدات في يديه دون متقول كلمة ومع خرجو كانت هند مرقباهم وباين عليها خوف ..
هند:علاش علاش أشادية مسمعتيش كلامي كنقسم إلى غتندمي على هاد زواج وقت لي ماتنفع فيه ندامة …. أه سيدي ربي أش غندير دابة خاصني نعطل تدخل دار …. بأي طريقة تاني ولكن كيفاش ندير … عاوني ياربي عاوني
_وصل جلال شادية دار هو رجع دارو ومعصب دخل هو كينفر بحال وحش وبدا يخبط في حيط وكانت نجاة جالسة شادة كأس قهوة ديالها ناضت بسرعة لعندو تستفسر
نجاة:ولدي مالك معصب ياكمة وقعات شي حاجة ورفضات شادية
جلال:(بعصبية) لا لا تم عقد ولكن هند إلى حكمتها هاد مرة مغاديش نرحمها مشات ليوم عند شادية باش تمنع زواجي منها
نجاة:(بتسمات بشر)تهدن أولدي ياك دابة تزوجتو علاش خايف خلي موضوع ديك لفعى أنا نتكلف بيه
جلال:حيت مرة أولى مبغيتش تعاود تانية شدي لفعى من راسها قبل متبخ سمها فينا
_عند شادية ضامة دبدوب في دراعها ونار في قلبها محاس بيها حتى واحد تزوجات من جديد ولكن مفرحناش حيت دائما واحد جانب منها مكسر تربي بنت من فرحاتها ولكن تمانتها تكون مع زوجها أول ولكن ملي تحتم عليها أمر طلاق وفقات غمضات عينيها وكيف كل مرة كترجع دكريات قديمة لي عمرها نساتها حيت معششة في عقلها
*فلاش باك*
_إلياس هاز بوكي دلورد قدمو ليها بطريقة ساحرة مما خلا عيونها تلمع بفرحة وهيام كبير قربات حداه باستو من شفايفو هو بدورو بادلها نفس نظرة وهمس بصوت حنون في ودنيها
رأيكم ….. هاد هند زعمة مممم
❤إنعكــــــاس قـــــــدري❤
🖋 بقلــــــــم💎مـــــــريم المجدوبي💎
🌹بـــــــارت:25🌹
إلياس:أنتي أحسن حاجة كاينة في حياتي وفرحتي تكمل ملي يكون شي فنكوشة كتشبه ليك وفنكوش كيشبه ليا غنكون أسعد شخص
شادية:(دورات وجها لحيط بحزن) صارحة بغيت نقول لي شي حاجة على قبل هاد قضية
إلياس:متقوليش ليا حاملة وكتوحمي (نقز بفرحة) ياااس كنت عارفها (عنقها) مبروك علينا أحياتي
شادية:(دمعو عينيها ودفعاتو) لا لا أنا مشيت عند طبيب ليوم قالي ميمكنش ليك تولدي إلياس أنا عاكرة
_كأنك صفعتيه بقوة ودنيه زفرو وبدأت تكرر ليه غير كلمة .. عاكرة .. قربات حداه وشدات في يديه وهي كتبكي
شادية:إليااااااس أنت كتبغيني متخلنيش ياك نقدرو نربيو شي وليد ولا بنية متخليش هدشي يأتر على علاقة ديالنا أهئ أهئ أهئ عفاااااك جاوب متبقاش ساكت هضر (عنقاتو) الله يخليك قول شي حاجة
_دخلات أم إلياس غضيفة من بعد مسمعات كلمة عاكرة وتعابير قاسية على وجها
غضيفة:كيفاش يبقى معاك وأنتي عاكرة واش من نيتك أنتي عارفة ولدي كيحماق على ولاد وتسنى 6 سنين من عمرو في أخير بغتيه يبقى معاك
شادية:لا خالتي متقوليش هاكة والله حتى نحماق أنا مستعدة نشوف شي دكتور أخر
غضيفة:دكاترة مغرب كامل مشيتي عندهم شنو مزال ليك أه دوي .. سمعي وحلي ودنيك معايا ياإما تقبلي ولدي يتزوج تانية وتمشي معايا بقلبك مسلم نخطوباها ليه ولا طلقي
شادية:لا لا مستحيل إلياس هضر متبقاش ساكت أكيد متقبلش تزوج بوحدة من غيري ياك
غضيفة:(شداتها من يديها) صافي باركة أنا هضرت ولدي معايا في قضية ..
*نهاية فلاش باك *
يتبع ….. رأيكم لي نفترض في بلاصة شادية تاخدي نفس قراراها ولا وتقبلي يتزوج تانية

Leave a comment