Skip links

قصة : أصبحت خادمة طليقي 2

 5,830 عدد مشاهداات

الجزء26❤
بقينا على داك الحال انا بديت نعيا و البنات غبرو من حدايا و شاداني الحشمة من انور و كنتقلب هكا و هكا و خايفة نعمر بالحنة
انور: عييتيي
انا: اااه بزااف
انور: نقليها تحيدها ليك باش تنوضي
انا: ااه والله ميرسي …هو ابتاسم ليا و هدر مع خدمات جاو مسحو ليا داكشي و اخيرا نضت اووف مكنحسش بلورانيا ديالي اووف طليت عليها
انور بواحد الابتسامة جانيية: تكايسي شوية راه هدشي ولا ديالي (غمزني)
انا:ءءء؟؟ نعام نعام ؟كيفاش مفهمتش
بابا اتا عنق انور من لور و ضغط عليه و ضحك ضحكة صفرة: ولدي شفتك قصحتي معاها الهدرة
انور : ههه علاه اعمي كدبت
بابا: و لكن راه باقا في داري حتى تمشي لعندك و قول ليها لي بغيت
انا حسيت بهم كيهدرو على شي حاجة خايبة واخا دكشي غير بالمعاني بغيت نسد ودني اصلا باقي هدرت سلوى و البنات كتدور ليا في راسي صافي شوية نوضونا نشطحو و ديرين بينا انا شادني شوية الحشمة غير حانية راسي و كنبتاسم و هو كيضحك و فرحان صافي سالات الحفلة بقيت انا و انور كنهدرو و كنضحكو في جردة على شطحة تاع خوه فحالا كيعوم و هما يبانو ليا البنات صحاباتي واقفين تما
انا: انور بغيت نعرفك على صحاباتي (شيرت ليهم) سلوى ليلى اجيو اجيو …هما جاو لعندها مريم كتلعب بشعرها و كتشوف فيه ليلى كتشوفيه بنضرة شهوانية عندك سلوى لي كتشوف فيه بنضرة تحدي و صوفيا ما جيبا في دنيا خبار
صوفيا : انور هادي مريم و هادي ليلى و هادي ختي حبيبتي سلوى
ليلى سلمات عليه و قربت تال عند فمو و طلعت صدرها لعندو كتهدر بصوت مثير : مشرفين امسيو انور …هو مدسرهاش حدو سلم عليها باليد : مشرفين (كحزها الور )
مريم تاهيا ماشي من العاكزين هدي بغات تسلم عليه من لابيز (صوفيا تقرصات)
هو : نونو ديزولي مكنسلمش هاكا ….هي رجعات اللور و دارت ضحكة صفرة (صوفيا عجبها الحال )
سلوى مدات يديها : سلام سي سلوى
هو ضحك ضحكة استهزاء و سلم عليها : مشرفين اسلوى(دار عند صوفيا) حبيبة دخلي للداخل غيضربك البرد انا دابا شوية نجي لعندكم ….صافي صوفيا مشات و جرات معاها ليلى و مريم سلوى: ههه ايوا اسي انور معندي ميتسالك دغيا طلعتي و خدمتي و غتناسب مع سي العلاوي
انور: ممم سلوى ا سلوى صوفيا عارفاك فات ليك دخلتي الحبس على النصب و الاحتيال
سلوى: هههن اصلا هاديك غير دمدومة اش …

الجزء27❤❤ عها متعرف ….انور شاد ليها من شعرها: هيي ال***غتلزمي حدك هديك لي كتهدري عليها راها مارتي دبا و نلقاك دوري بيها مرة اخرى نمحي ختي من الوجود (طلقها و قاد الكول ديال الجبادور ) هدرتي متعاودش(مشا)
سلوى كتنفخ و كتفش اراسها: لما فرقتكش معاها و خليتها تمرمدك و تجفف بيك الارض منتسماش سلوى (لاحت صاك في الارض )
مريم : سلوى مالك
ليلى: شنو قالك شي حاجة
سلوى: مكاين والو يلاه تحركو من قدامي
انا ودعت انور و مشيت طلعت الفوق لبيتي بدلت و تكيت نرتاح شوية حيت عييت نهار كامل غمضت عيني كيبان ليا غير انور درت يدي على وجهي و بديت كنضحك ابوحدي محسيتش براسي حتى نعست ….فقت بكري مموالفاش ليا فقت كنرمش في عيني شي جوج دقايق نضت كنجري هبطت عند فضيلة لكوزينة لقيتها كتعطي الاوامر لخدمات
انا: فضيلة عتقيني ..هي مشغولة غادية من القنت القنت و انا تبعاها
فضيلة: انسة صوفيا اليوما الجدول ديالك عامر بقاي في بيتك غنطلع ليك فطورك تما بينما جات الكولور و نقافة لعندك
انا: لا لا بلاتي سمعني (غوت) شنو غندير انا في ليلة دخلة ….كلشي كاع الخدامات حبسة من شغل و دارو كيشوفو فيا و فضيلة تاهيا تكوانسات فيا و خضارت و صفارت وجراتني لبرا
فضيلة: انسة صوفيا هادشي عيب
انا: ولكن بابا قاليا غيهدر معاك باش تعلميني قولي ليا واش بصح غيضرني
فضيلة: لا مكينش هادشي بالعكس
انا: اوو شنو خصني ندير
فضيلة رتبكات: شوفي مم كتعرفي ممم مهيم هو غيدير كلشي نتي مديري والو
انا: او شنو غيكون دوري انا
فضيلة : ممم والو تفوت هاد ليلة و نتي غتعرفي شنو دورك دابا غير خليه هو غيدير كلشي يالاه دابا سيري طلعي لبيتك انا نجيب ليك لفطور اوووف ….طلعت لبيتي و بقيت جالسة كنفكر دابا انا غنكون معاه اول ليلة انعطيه انطباع سيء عليا ايقول هادي مكتعرفش متصلحش تكون مرتي لا لا مغيقولش عاكا اصلا فين غيلقا وحدة فحالي زوينة و عندها الفلوس و لكن مكتعرف دير والو اوووف شداني الخلعة اووف صافي طلعو ليا الفطور فطرتدخلت ندوش جابت ليا فضيلة شي كريمات قالت ليا ديريهم شولتها علاش قالت ليا ديرهم و صافي خرجتلقيتها كتجمع ليا شي حوايط فيواحد لافليس صغيورةقالت ليا هادي غتكون في الاوطيل فاش نبغي نبدل نجبدها درت ليها براسي وااه طلعات ليا تغديت جات الكوافور صيبت ليا شعري و و درت ليا ليه مشطة جات نقافة….

الجزء28 ❤❤❤ ت ليا شعري و و درت ليا ليه مشطة جات نقافة تصايب ليا
نقافة : نتي هي العروسة ماشاء الله
انا: ميرسي
نقافة : مهيم احبيبة هاد تكاشط لي غنلبسهم ليك و هاد اكسسوارات راه شراهم باباك يعني انا غير غنعاونك في اللباس …. انا دك ساع شداتني البكية بقا فيا بابا مبغيتش نمشي من عندو مهيم لبساتني المرة لولة تكشيطة بيضة و بالمضمة ديالها و دارت ليا تاج فيه حجيرات ديال الديامون بالاكسسوارات ديالو طلعت كنشعل خرجت لقيت انور كان لابس كوستيم كحل لا فيست ديالو ديال الدان و عاوني في الهبيط و كيهدر في ودني : انا ممتيقش راسي بلي غيكون عندي هاد الجمال ..ياودي غير خلينا ساكتين تعالا تشوف انا …مهيم بقا عليا بالهدرة و انا غير حشمانة و ديك النقافة كتبرح مورانا و تزغرت صافي طلعنا في طومبيل ديالو لقينا منصور هو لي سايق تما جلست الور و طلع حدايا انور و فضيلة طلعت القدام
دار عندها منصور: و انا نقول علاش القمر ضاوي هاد النهار
فضيلة : مسيو منصور
منصور : يا شحال منصور حلوة من فمك
فضيلة : حتارم راسك عافك
نغزو انور من الور و كيهدرو بالاشارة مهيم
مشينا القاعة كانت فحال شي قصر مزينة لقيت صحاباتي تما بقاو يبدلو ليا من لبسا لبسا غادة جاية انا وانور و صحافة و كلشي يصور بقات غير لاغوب دخلت نلبسها و خليت انور برا انور واقف فرحان و كيضحك مع الناس جا عندو منصور عنقو : انور شفتك فرحان هههه
انور: هههه وبيانسير راه عرسي هادا
منصور: هههه و تكايس اصحبي درية باقا صغيرة ههه…هو يجي سي انصاف و عنق انور من جيهة الاخرة و كيشوف في ناس و كيضحك و كيهدر تحت سنانو: ههه نسمع بنتي تالمات و لا تقسكات نمحيك هه
انور: لا لا كون هاني اعمي راني كنعرف نتصرف
سي انصاف : و بشوية عليها الله يرضي على ولدي انا غنمشي نجيبها
جبدات ليا لاغوب لبستها كانت لاسقا عليا بالكمام و جات معا لاطاي ديالي زوينة و محلولة شوية من جيهت صدر و درت واحد البندو صغيور كيبري كلو مرصع بالالماس فوق شعري لي درتو بوكلي و عاد لافوال هابطة مع لاغوب من لور جا بابا هاد المرة هو لي غيديني تميت هابطة انا وياه من دوك الدروج فحال شي اميرة و انور واقف لتحت فحال شي امير و مد ليا يديه انا ابتسامت و بغيت نعطيه يدي و لكن بابا شد ليا من يدي الاخرى فاش درت لقيت دموع في عينيه انا درت عندو و مسحت ليه …

الجزء29❤❤❤
دموعو و عنقتو و قلبناها بكا كلشي تاتثر بينا ديك ساعة مهيم مشينا جلسنا جاو يتصورة معانا نضنا رقصنا انور داير يديه على خصري و انا حاطا يدي على كتفو و العين في العين و الابتسامة على شفاهنا صافي كملنا الحفلة و جا وقت الفراق بكينا و شبعنا بكا طلعت مع انور القدام و هو كان سايق بقينا غاديين و انا كنبكي بصمت على ود بابا هو يحط يدو على يدي : صافي احبيبة ماشي تزوجنا يعني ماشي مغنخليكش تشوفي باباك
انا كتفيت بالابتاسم ليه وصلنا لاوطيل و كان ديال خمس نجوم انا بقيت كنشوف عاد سرات معايا ليلة دخلة كنت فرحانة و لكن دابا…
انور: ههه يلاه الاميرة هبطي
انا: ءءء؟؟!نهبط؟؟ لا لا غير خليني هنا انا مرتاحاة
انور: هنههه اش كتقولي يلاه نهبطو (حيد السمطة و غيخرج انا شديت ليه من يدو على شوية و غنبكي بالخلعة)
انا: لا لا عفاك متهبطش خلينا غير هنا مزيانين و زيدون انا عيانا ماقداش نزيد على رجلي
انور خرج كيضحك و تم داير لعندي حليا الباب و دخل راسو و حيد ليا السمطة
انور: هههه انا غنهز الاميرة ديالي مغنخليهاش تحط رجليها في الارض
انا: ءءء؟ لا لا….هزني كنحس براسي خفيفة في يديه درت يديا بين عنقو وهو سد الباب دطوموبيل بركبتو وعطا سوارت دطوموبيل للعساس باش يسطاسيونيها …دخلنا و كلشي كيشوف فينا وهو هزني
انا: ناري شداتني الحشمة
انور: علاش عاتشدك نتي مع راجلك دابا ….بقينا كنشوفو في بعضنا شحال و كنقربو من بعضياتني و كنقربو حتى من الغرفة ديالنا مجينا نوسلو ليها لقينا راسنا دخلنا في القبلة الاولى صراحة هو لي كيبوس انا غير تنرمش بعيني هو كيسالي من القنفة الفقانية كيدوز لتحتانية انا صافي غيبت كنحس بجسمي كامل كيتهيج بواحد طريقة فحال شي مخدر و منعرف كيف دار حتى حل الباب دخلنا هو حطني فوق الناموسية و انا بقا مغمضة عيني انور بابتسامة : حبيبة نخليك الدوشي هي الاولة …انا كنت بغا نقوليه غير كمل عفاك : اااه واخا …مشيت دخلت للحمام و دخلت معايا حتى ديك لا فليز لي لقيتها تما في لا شومبغ دخلت دوشت مقصتش شعري شديت فوط لويتها عليا و بديت نقلب على شي حاجة نلبسها بديت كنجبد كنلقا غير لي دوبياس و لا شي كسوات كلهوم شبكا اويلي مغنلبسش هادشي اصلا شنو هادشي شفت تعييت و رمشت وهزيت واحد دوبياس بالكحل و لبست فوقهم شبكة كحلة قصيرة مقديتش نخرج حليت الباب و كنطل واش …

❤❤❤الجزء30
و رمشت وهزيت واحد دوبياس بالكحل و لبست فوقهم شبكة كحلة قصيرة مقديتش نخرج حليت الباب و كنطل واش كاين ولا لا مبان ليا حد في لاشومبغ خرجت بشوية غادة و كنهبط في داك العجب و انا نسمع تصفار من الور و انا ندور لقيتو محيد لافيست و متكي على الحيط و كيطلع فيا و كيهبط وكيصفر: واو هادشي كامل عندي …انا بغيت نهرب هو يشدن و عنقني من لور: هههه فين باغا تهربي مني ….انا درت عندو و هدرت معاه ببراءة و بصراحة : ع ع عفاك متقصحنيش غا بشوية ….هو يطلقها بواحد الضحكة حتى بانو ضراسو و بدا يقيس ليا شعري ووجهي : ههه انا اصلا من نقدرش نقصح حبيبتي (شد يديا وحطها على قلبو)شفتي هادا كيضرب غير ليك نتي بوحدك من نهار شفتك عمرك حيدتي من عقلي و قلبي ….ياه قلبو كيضرب بزاف تقول كان تيجري هو شد ليا وجهي و طلعو لعندو و بدا كيقيش ليا شفايفي و تكا عليهم بالبوسان و انا نبادلو نفس شي و يدو مشات ليا لتحت ضهري شوية هزني بشوية و حطني فوق ناموسية و بدا شغلو يقيش هنا يبوس هنا يمص هنا و انا غير بركا ناعسا على ضهري و كنتحرك و نتااه غير راسي كنحس بالعافية شاعلا فيا و شي حاجة كتهيجني كنطل كنلقا راسي مبقيت لابسا والو شوية طلع عندي و باسني وشد ليا يدي بجوج بيد و طلع ليا رجل وقااال فوق كتفو وقال: حبيبة صبري معايا 5 دقايق …..مفهمتش شنو قصدو ولكن كنحس بشي حاجة قاصحة كدخل بشوية بشوية انا كنغوت وحاولت نبعدو مني و لكن لقيتو حاكمني من جميع لجيهات و كنحس بدكشي قاصح كيشرك ليا لحمي و انا غير مازيدا كنغوت وهو يحط فمو على فمي و بدا كيخرجو بشوية بشوية و كنحس بروحي خارجامعاه و شي حاجة هابطة مني هو يطلقني وتكا سخفان انا نضت و شفت دم و مع انا كيدرني لتحت و مقدراش نجلس و انا نبدا نبكي: اهيء اهيء شنو هادشي شنو درتي ليا حشومة عليك هادا دم ….طلعت عيني فيه و يارتني مطلعتش مشفت غير هاداك بقيت مصدومة اويلي دابا انا تخشا فيا هداك كامل هو ناض انا دورت لتقط انفاسو و ابتسم ليا :نبداو تاني …انا درت نشوف فيه: لا لا عفاك لا …. هو يضحك يبدا يهر فيا و انا كنضحك شوية بغا يغفلني : انا عفاك لا لا باقي كيضرني و زيدون داكشي عندك كبير بزاف (سمحو لياا مي قصة هكاا كتبااتها مولاتها))…

الجزء 31 ❤❤ انور: شفتيه
انا بديت ندور في عيني: ءءء؟ لا لا غير حسيت …هو يجي لعندي باسني في فمي : صافي انخليك تنعسي دابا ولكن الايام جاية منضمنكش …صافي هو تكا و انا تكيت عليه و حشمانة و داني نعاس …فقت صباح ملقيتش انور نضت لبست واحد البنوار دالحرير بالكرونة منعرف فين كان هادا البارح بديت كنتمشا بزز : ااح اي اي اااح ..دخل انور: حبيبة فقتي …انا شفتو و حنيت راسي حشمت و هو يجي عندي: وينو الاميرة ديالي صابحة منورة ….باسني فمي : يلاه احبيبة لبسي باش نهبطو نفطرو راه حويجك لهيها لبسيهم يلاه نهبطو …بقينا واقفين هاكا مسمرين نشوفو في بعضنا
انور: مغتلبسيش ؟
انا: ههه بيانسير ماشي قدامك
انور: لا عادي اصلا شفت كلشي
انا: لا لا منقدرش غير خرج
انور: علاش انخرج انا بغيت نشوف كيف كتبدلي
انا كنهدر من تحت سناني: انور صافي خرج
هو يقرب ليا ومبتاسم و حل ليا البنوار: انا لي غانبدل …محس براسو تالقا راسو برا وسديت عليه هو بقا كيضحك و انا دخلت كنكر : اويلي هادا مكيحشمش وجهو مقزدر اووف …مشيت دوشت بعدا عاد خرجت و هزيت ديك الكسوة بالكرونة حد ركبة عندها سميطات هابطين على الكتاف و نص بوت بالكرونة و الكحل و شعري درتو بوكلي ودرت بوندو بالكحل ودرت مكياج خفيف و خرجت لعندو ملقيتوش هبطت لتحت لقيتو كيهدر معا شي راجل هو ومرتو مشيت عندو سلمت عليهم جلسنا كاملين نفطرو كل واحد واش طلب و هما كيهدرو فشي حاجة الخدمة مفهمتش انا بنادم عرسو ليوم و كيدوي في الخدمة اووف كنحس بشي حاجة كتلعب ليا في فخدي جيت نطل و انا نلقاها يدو و انا نقرصها بضفاري دار واحد تعبير فوجهو بلي راه تقصح شديت الضحكة غير بزز هو يدربني لرجلي و انا نرجعها ليه و هي تنوض الحرب تحت الطابلة على شوية كنا غنقلبوها حتى ناضو الناس
انور: اييييه نتيي علاش قرصتيني
انا : نتا لي تحرشتي بيا
انور جر ليا بزولتي حتى شعل فيا ضو : هدشي كلو ديالي انا: اااح اييي راك قصحتيني
انور: المهيم احبيبة وجدي راسك غدا غنمشيو الباريس (غميزة )….اناااا طرت عليه بتعنيقة : واااو كيفاش عرفتيني كنحماق على ديك المدينة واااو متخيلش فاش كنمشي ليها مكنقدرش نعس
انور غمزني: حتى حنا مغنعسوش
انا: اويلي واش غير هادشي لي كيدور في راسك نتا
انور: اصلا من نهار شفتك و غير نتي…..

الجزء32❤❤❤ غير نتي لي كدوري فيه …انا حشمت زعمة ههه
المهيم قدينا هاد النهار في الاوطيل مادرنا والو طبعا حيت غدا عندنا طيارة صافي الغد ليه جمعنا حوايجنا و انطلقنا وصلنا لديك المدينة لي كتسما مدينة الرومنسية واخا كنجي ليها مع البنات مي ماشي فحال دابا مع حبيبي انور صراحة داز عندي احلى ايام مع انور ضحكنا لعبنا تخصمنا تصالحنا معرفتش فين كان هاد الوقت كامل مخليني هنا دوزنا تقريبا شهر تما ورجعنا المغرب و هنا غيبداو المشاكيل اول حاجة درتها فاش جيت المغرب مشيت عند بابا سلمت عليه و قالو ليا بلي داو حوايجي لدارنا و مشيت مع حبيبي لدارنا وصلنا لواحد العمارة طويلة دخلنا و طلعنا في السانسور وصلنا لواحد الطابق فيه ثلاثة ديال البيبان مشا انور لباب الوسطاني و انا غير تبعاه حل الباب انا دخلت بانت ليا ديك شقة زوينة و مجهزة زوين مي صغيرة بزاف قدها قد المراح ديال دارنا
انور دار عندي: مرحبا بيك احبيبة في دارك
انا درت ليه واحد الضحكة صفرة و دخلت و بديت كندور فيها كان فيها مراح و كوزينة و 3 بيوت و مكينينش الخدمات
انا: حبيبي مكينينش الخدمات
انور كيضحك : ههه اتعت الله انا وياك اش خاصنا بشي خدامات (عنقني) انا اصلا باغي نعيشو غير انا وياك و نديرو علمنا الخاص بينا انا ونتي
انا كنقرب: غير انا ونتا؟؟
انور كيقرب :ايه غير انا و نتي ….ودخلنا في قبلة عميقة و انا نبعدو: وشكون لي غيطيب لينا …انور: مممم حبيبتي كتفكر غير في كرشها ماشي مشكيل نجيبو الماكلة من على برا بينما تعلمتي(غمزني)
انا :لا راه مكنعرف ندير والو
انور شد ليا يدي: و لكن انا بغيت ندوق الماكلة من هاد ليدين(باسهم ليا و باس ليا فوق راسي)يلاه احبيبة انا غنمشي لخدمة دابا تهلاي ليا في راسكانا: ااه وخا و الغدا
انور: هههع متخفيش غنجيب معايا من برا ههه يلاه حبيبة بيزو …هو خرج و انا مشيت كنستكشف المكان الاثاثنا مبيهش نمشي نشوف بيت النعاس لقيتو مفرش بطريقة زوينة و البيت مزيج مبين الكحل والكري و الحمر بواحد شكل زوين بقيت ندور و كنفكر بلي هاد دار هي لي غتولي دارنا و غتجمع ولادنا ياي الايام لي غتجي غتكون زوينة بزاااف دازت ايام و اسابيع و قررت نولي تانا نطيب و نقابل داري ساعا تاحجا مكتزدق ليا ديمن كيجي انور كيلقاني في مشكيل مع الطبخ مكيزدقش ليا واخا كنتبع المقادير و الخطوات بالحرف مي الغالب الله…

الجزء33❤❤
مي الغالب الله كتى كيجي هو و كيلبس طابلية تاهو و كيتخشا معايا في الكوزينة و كنبداو طيب يا ما طيب قطع يا متقطع عمرتيني نعمرك حتى الاخر كنخرجو بنتيجة هعع و كيطلع داكشي بنين واحد النهار كنت جالسة في داري لابسا سايا بالغوز حد ركبة و ديباردو بالبيض مع كان صهد و ديرا طابلية و جالسة كنجرب في الكوزينة حتى كنسمع الجرس هادا مغيكون غير انور جا بكري مشيت كنمسح يدي بالفوطة و مشيت نحل غير حليت و انا نلقا البنات طرت عليهم بتعنيقة هما يبعدوني
مريم: اووف اش هادشي لابسة
ليلى : ويلي متقوليش ليا عيشا هنايا
انا: اه و كنحس براسي كنت ضايعة قبل من نتلقا بيه هاد الدار ديالنا جمعا احلام زوينة ة كنسعاو نحققوها
سلوى: مممم هو لي قالك هاد الهدرة
انا حشمانا و هزيت راسي بااه
مريم : سعدااااتك …وهو تنغزها سلوى : مممم مكنشوفيش راسك اصوفيا كي وليتي
انا كنشوف راسي : مم كيوليت مفهمتش؟؟
سلوى: ردك خدامة عندو اولى و الخدامات حسن منك بعدا كنخلصوهم واش لهاد درجة معندوش الفلوس باش يجيب ليك خدامة
انا: لا لا ماشي هاكاك انا بغيت نطيب ليه
ليلى: نو نو حبيبة شوفي كيف كنتي في دار باباك كنا كنخرجو و كلشي دابا نتي مقابلة دار وهو فين اكيد كيضحك و كيلعب بفلوس باك
انا شداتني البكية: لا لا انور ماشي هاكا
سلوى: كلهم كدابا كيوهموك بشي حاجة في الاول هو فاش غيتمكن من شركة و غيستولي عليها غيردك خدامة عندو هادشي الى مجراش عليك برا
مريم: و شوفي دابا باقي ماكين والو من هادشي و ممخليكش تخرجيو مغيقدرش حتى يسدد ليك الحاجيات دياولك…

الجزء34❤❤❤
سلوى: ديه معاك لتسوق و حط يديك على شي لبسة غالية و شوفي واش غيشريها ليك يلاه احبيبة بسلاما نمشيو قبل ما يجي و نديرو ليك المشاكيل ….انا بقيت جالسة في بلاصتي و هدرتهم كتدور ليا في مخي
……ليلى: زعما هاد العبة غتفرقهم
سلوى: نو نو هادي غير شي حاجة صغيورة من داكشي لي غيوقع لما نخلي انور يبكي الدم راني منتسماش سلوى
مريم: حشومة عليك ديري فيه هاكا بالعكس خلي ديك صوفيا لي تبكي الدم تفو شحال مكنحملهاش
ليلى : ويييه طالعا السما
سلوى: هههه غير خليو هديك كنفكر نبيعها لشي شبكة امارتية بعد الموت ديال سي انصاف
ليلى: غنموتو حنا و داك شارف مغيمتوش
سلوى جبدات شي تقارير: هههه لا حبيبة متخفيش كلشي ضاربا ليه حساب و داك شارف قريب يموت حيت فيه ورم في دماغ و دكشي لاش باغي ينقل الملكية لراجل بنتو انور
مريم: واو واو دونك خصنا نفرقوهم دغيا باش نفردو صوفيا
سلوى: متخفوش صوفيا فحال العجينة في يدي …….
جا انور مع الغدا انا كنت في الكوزينة و ساهية في دكشي لي قالو ليا البنات جا وعنقني من الور: ممم اش موجدة ليا الحبيبة ديالي …انا درت ليه ضحكة صفرة: هادشي مكيزدقش كيف العادة و انا مغنبقاش نطيب كنحس براسي وليت فحال الخدامة فهاد الدار
انور خنزر وشد ليا من يدي: اش هاد الهدرة كتقولي نتي
انا نترت دراعي منو :كيفما سمعتي انا عييت و لكنتي مقادش تجيب ليا خدامة انا غادي نطلب من بابا هو يجيب ها ليا حيت هادي ماشي مشكلتي الى كنتي نتا فقير انا غنية
انور :صوفيا( غوت و خرج فيا عينيه و هز عليا يدو كان شوية و غيضربني)
انا درت يدي خفتو دورت ضهري و مشيت نبكي في بيتي اصلا انا مقلت ليه والو يخليه يغوت عليا و لا يبغي يضربني حشومة عليه بابا و مغوتش عليا مغنهدرش معاه اهيء اهيء البنات كان معاهم انا مغنبقاش معاه اهيء اهيء تلاحيت على نموسية و بقيت كنبكي حتى نعست .فقت معرفتش اشمن وقت بضبط لقيت راسي مغطية ونضت : اووف شحال في الساعة
انور شعل الضو و جاي كيضحك و هاز في يدو كرطون ديال بيتزا : حبيبة فقتي دابا 6
انا معصبة: حتى حد ماسولك😒😒

>
الجزء35❤❤❤ انور حط داكشي حدانا و جا جلس حدايا و كيمسح ليا في شعري: باقا مقلقة مني
انا حيدت ليه يديه : كنتي باغي تضربني و كتهدر
انور: ههه لا لا حبيبة انا نضربك لا لا منديرهاش يلاه جبت ليك بيتزا باش تكلي
انا: مبغيتش
انور: لا لا خصك تاكلي
انا: مفياش الجوع ( وهي تفرشني كرشي )
انور: ممم نتي و لكن كرشك عندها هدرة اخرى يلاه حلي فمك انا لي غنوكلك
انا ساداه : مممم…هو حل ليا فمي دخلو
انور: هههه هاكا دابا وليتي زوينة مهيم راه غدا غتجي لحبيبتي خدامة …انا درت عندو: بصاح …انور: هعه و شنو بان ليك نتي …و انا نعنقو : نتا احسن زوج في العالم كاملانور: مممم كنتي قلتي ليا ول بارح بغيتي تديري شوبين
انا: اااه و قلتي ليا تتكون مسالي
انور: هههه ها انا مسالي و غنمشيو و غنتعشاو برا من الفوق …انا نضت: ياس ياس انا غنمشي نوجد راسي ..و كنت غادا و رجعت بستو في فمو …انور: ناريي غتنودني ليك …انا: ههه نو نو دابا مشغلين تال من بعد
انور: ونتي لي جبدتني …انا: لا لا عفاك تا ليل …انور: ههه يالاه سيري في اليل راك مغتنعسيش ….المهيم مشيت لبست عليا واحد كلسو دجين لاصق و تيشورط بالبيض و فوق منها واحد طريكو الطويل بزرق و صبرديلة بالبيض حبيبي لبس سروال دجين و تيشورط بزرق و صبرديلة وخرجنا في اجواء زوينة دضحك مشينا المول بقينا كندورو و نقيس هادا نجبد هادا ة انور غير كيخلص حسيت بيه مل شوية و هي تبان ليا واحد سواري كحلة قصيرة بزاف ديال لي ديسكو شفت لو بري لقيتها بجوج دالمليون و انا ندور عند انور اكيد مغيشريهاش ليا غتجيه غالية
انا: حبيبي انور ناخد هادي …هو طلع فيها و هبط : لاء قصيرة بزاف
انا : ولكن ….انور: لاء ….هدرت سلوى على حق هو ميقدرش يسد الحجيات ديولي صافي خرجنا من تم هزيت المكات دياوليو طلعنا في الاوطو
انور: ممم جبيبة انخرجو شوية من روتين ديال المطاعم الفخمة و داكشي انمشيو لدوك المطاعم الشعبية نديرو مغامرة تما
انا: شنوو لا امبوسيبل نمشي لشي بلاصة شعبية
انور: ههههه حبيبة انا ويلك غنجربو كلشي ههه
انا: لا لا دكشي منقيش و غنعيف و غنمرضو
انور: هههع لا لا ماشي تال ديك الدرجة او انا غنديك واحد البلاصة اتعرفي فيها ماكلة جديدة ….اوووف عادشي لي بقا ليا منين ماقدش يعشينا برا نبقاو غير في الدار علاش …

الجزء36❤❤❤ علاش دابا غيمشي بيا لوسخ اوووف ….وصلنا لواحد البلاصة المهيم ماشي مسخة مبيهاش و كينين الناس بزاف هنا و صداع دخلنا لواحد المطعم عامر و صغير و كلشي كيهدر و الماكلة فشي شكل اووف اش هادشي شوية جا واحد الراجل شارف عند انور : سلام اولدي تفضل تفضل سلام امدام(وضحك و معندوش سنان اووف) مشينا جلسنا في واحد الطبلة
انور: مزيان المطعم ولا خدام مزيان
داك الشارف: هدشي كولو بفضلك اولدي كنشرك بزاف و حتى نورة ولات مزيانة و الله اولدي خيرك عمري النساه غيجزيك الله من عندو (حط لينا الموني و مشا )
جات واحد المرا كبيرة تهيا في العمر و بغات تبوس ليه يدو وهو يبعدها
انور: لا لا ماديريش هاكا
ديك المرة كتبكي: شكرا اولدي بزاف انا بغيتك عمرك تشوف النهار لخيب في حياتك
انور: لا لا مادرت والو هادشي كامل بفضل الله سبحانه و تعالى( عنقاتو و مشات )
انا: ممم اش درتي ليهم باش خليتهم بغاو يديرو ليك ثمثال
انور: هههههه هادو مساكن كانو فقراء بنتهم كان فيها الكونسير و عندهم ولد شاد الاجازة ايكونومي و مخدامش و معندهم باش يعيشو و لا يكلو ولا حتى باش يعالجو البنت و كاع البيبان تسدو في وجهم و ديك البنت الصغيرة المريضة كانت سميتها نورة عندها 8 سنين كتسعى في البرد انا عزت عليا و بقيت كنهدر معاها و قالت ليا بلي عائلتها كاملة كتسعى معاها باش يجمعو ليها فلوس علاج ديالها انا مشيت شفت الوضع البنت سفتها لفرنسا كتعالج عند واحد صاحبي اخصائي و لحسن الحظ كان في البديات ديولو و تعالجات و رجعات عند وليدها و دري هدرت معا خويا يخدمو معاه و شريت ليهم هاد المطعم و الحمدالله كلشي غادي مزيان …….انا بقيت كنشوف فيه باعجاب بغيت ناكلو بعيني
انور: ههه مالكي كتشوف فيا هاكا
انا عضيت شفايفي : خبارك مشهيا ناكلك دابا
انور: هههه شنو هادا تحرش
انا طلعت رجلي معاه: ااااه عندك شي مشكيل
هو حل يدو: لا كلشي ديالك و لكن ماشي في القهوة تنمشيو لدار هههع نكلو دابا ….انا جبدت الموني نشوف شنو ناخد مفهمت والو
انا: حبيبة شناهو باولو
انور كيقرا في الموني: هو ديال الحولي (هو راه خسر الهدرة انا قديتها ليكم) انا ضربتو بالموني : ايييه كون تحشم
انور: ايييي و نتي لي بغيتي تعرفي
انا: وووووخا هكاك متقلش ليا هاكا
انور: دابا شنو غاتخدي
انا: ببي بي سارة …

الجزء 37❤❤❤
انور: بيصارة ؟؟ لا لا بلاما تشري هادي
انا: علاش لا زوينة
انور: ديقاها؟؟
انا: لا ولكن سامعة بيها بغيتها
انور: لا لا بلاش
انا: علاش واش غالية مقادش تشريها ليا ( انور طلع فيا راسو و كيشوف فيا باستغراب )
انور: بغيتيها واخا دنبك على راسك سي حسان جيب واحد بيصارة و انا غير قهوة
انا: غتعشا بقهوة (يمكن معندوش الفلوس الفقير لاخر)
انور: لا لا خصني قهوة حيت اليومة غنصهر(علاش واش على قبل سيكس مممم منعرف ) …جابولينا داكشي شفت ديك البيصارة بانت ليا كتشهي ضربت المعلقة لولا عجباتني و انا ندخل فيها وانور غير كيشرب القهوة و يشوف فيا شوية ناض لطوليط و انا استغليت الفرصة و طلبت من داك حسان يزيدني و هاد المرة هزيت الزلافة و شربتها باش ميعيقش بيا …صافي بغينا نخرجو مشا انور يخلص جبد ليهم بزاف ديال الفلوس (اوو البيصارة غالية لهاد دراجة ) داك الراجل و ديك المرة بقاو كيدعيو معاه صافي طلعنا للاوطو . و نطلقنا شوية هو يوقف قدام الفارمسي مشا شرا شي دوا و جا طلع
انا: مالك واش مريض
انور: لا لا الحمدالله
انا: وديالاش هاد الدوا واش مريض بالكرش
انور ضحك: لا لا ماشي ليا
انا: و مالو ليا انا
انور: هههه تال من بعد و تعرفي
مشينا للدار لبست واحد البيجاما قصيرة بسميطات في الغوز و انور لابس غير سروال كيطمة و كيشوف فيا اويلي هادا مالو اي ااح بدات كرشي كضرني مشيت نيشان لطواليط جلست و بقيت تما شي ربع ساعة و كرشي كضرني بزاف قديت حاجتي و خرجت صفرا
انور كيضحك: ههه شفتي لي مكيسمعش الهدرة و عاد مزيدا شربا جوج زلايف دالبيصارة انا: ايي براكا من الهدرة الخاوية و ارا داك دوااا ايي كرشي
انور : هههه هاكي بلعي هاد الكينة
انا يلاه بغيت نشدها اي اي مي كرشي رجعت لطواليط بقيت تاني شي ربع سااعة خرجت لقيت انور غيتسطا بضحك خديت من عندو الكينة بعصبية و بلعتها عاد بديت شوية كنرتاح اوووو
انور شاد الضحكة : حبيبة دابا مزيان
انا ضربتو بمخدة: كضحك عليا اصلا ككلشي بسبابك ( هزيا مخدة و ايزار) انا خليت ليك البيت ربح بييه انور: ههههه الا اجي هههههه حمقة ….خرجت فرشت في الفطوي لي على برا هو يجي هزني بكلشي ليا
انا كنتركل: نزلني
انور: ههههه لاء دابا انا خاطفك
انا: ولاااء نزلني …شدني ولاحني على النموسية و تكا عليا : …

الجزء38❤❤❤
عليا : يا كنتي باغا تاكليني يالاه و لا كانت غير هدرة …صراحة كياتيريني ولد الحرام بديت نبوس ليه ففمو و نزلت العنقو و كنتلمس في عضالاتو شي نص ساعة و هو يقلبني و مشيناااا في ليلتنا الحمراء فقت الصباح كان انور مشا نضت دوشت لبست بينوار قصير بالحمر ديال الحرير و كنشف شعري حتى كنسمع الجرس حليت لقيتها واحد البنت ملابساش مزيان
انا: شكون نتي
هي : انا الالة بلاصيت مي فاطمة كيت هي مريضة
انا: و شكون هاد فاطمة ؟؟
هي: لي خدامة عندكم
انا: اااه اااه نسيت دخلي ….وريتها الكوزينة خليتها تلبس حويج الخدمات و انا مشيت نشف شعري لبست شرط قصير ديال كيطمة وواحد البودي ميني بوط و تلاحيت على الفطوي و شديت الطيليفون و بديت نسيفط لانور مساجات نصدعو شوية ….شوية كنسمع الجرس بغيت النوض النحل و هي تبان ليا الخدامة دايزا و رجعات : لالة شي مرة سميتها سلوى بغاتك
انا: ااه ااه دخليها …دخلات سلوى سلمت عليها : فين البنات الاخرين
سلوى: راه مبغيتهمش يجيو بغيت نهدر غير بيني وبينك بعدا مزيان جاب ليك خدامة
انا: ويييه رتاحيت الصراحة
سلوى: مممم مزيان قولي ليا ياك كلشي مزيان بيناتكم هو ما كارمك من تاحجة …انا طلعت النفس و بديت نعاود ليها على الكسوة لي مبغاش يشريها ليا و على المطعم المسخ لي داني ليه و ضرني في كرشي
سلوى: ويلي ويلي على هاد الحالة شنو عادشي اوووف
انا: هنتي تشوفي اختي راني صبري
سلوى: نو نو نتي متستاهليش هاكا تستاهلي حسن منو
انا: لا لا اصلا ولفت
سلوى : كومون صوفيا نتي مخصكيش تباني فحال دوك المراوات الضعاف شوفي راجل ليلة مخليها دير لي بغات و زيدون نتي عندك فلوس باك ستغليهك ديري بيهم لي بغيتي نتي خاصك تحديه خصك تخليه يدير دكشي لي بغيتي نتي ماشي لعكس هو يتمتع بفلوس باباك و نتي يحبسك هنا
انا: و كيف غندير اختي؟
سلوى : هو ليوم عندو شي اجتماع ياك غيجي معطل
انا: اااه
سلوى: مزيان نمشيو نشطو في
انا: لا لا مغيبغيش غيتعصب
سلوى: شفتي شفتي راسك كي وليتي هادي هي صوفيا نوو مخضوش يخلعك و زيدون لا خفتي منو غنرجعك بكري
انا : لا مكنضنش و اصلا معندي منلبس
جبدات ليا واحد سواري كتبري بالبيض مع ليبا مشبكة
سلوى: ها أنا باش تعرفيني ماكنساش ختيي صغيرة انا : اوووو ميغسي بوكو حبيبة شحال زوينة…

الجزء39❤❤❤
سلوى: دابا ندوز عليك
انا: ضافي اوكي
سلوى: مزيان ندوز عليك مع 10 نلقاك واجدة
انا صافي قررت نمشي معاهم جا انور تغدينا قال ليا عندو اجتماع غيتعطل و غيبقا فاتح طيلي لا خفت ولا شي حاجة نصوني ليه صافي مشا سلمت عليه و بستو و عنقتووو كنحس بهادي ااخر تعنيقة و قلت ليه يحضي راسو مزيان و شنو ما وقع انا راه كنبغيه بزاف صافي باس ليا فوق راسي و في فمي و مشي و حتى ديك الخدامة مشات انا بديت نتقاد و قلبي كيضرب بزربة درت سوشوار لشعري و خليتو مطلول و لبست ديك الكسيوة القصيرة بزاف مع اليبة البيضة و بقيت كنتسنا حتى صونات عليا سلوى هبطت لعندها طلعت في الاوطو ديالها كانو لبنات سلمت عليهم مشيت لابواط لقيت صحابي تما سلمت عليهم توحشتهم بقينا كنشطحو و نسيت راسي و خلاوني نشرب بزز مني (وخا كنشرب كنبقا عاقلا علا شنو كيوقع و مكنفقدش سيطرة) و بقينا هاكاك كنطل على طيلي نشوف شحال ساعة لقيت 3 دصباح و شي 50 ابيل من انور نارييي قفرتها عييت في سلوى تنوض تديني ووالو سلوي سكرات و مبقاتش قادة حتى تهز راسها خرجت كنجري شديت طاكسي ديريكت لدار
غير خرجات صوفيا و هي تنوض سلوى بنت الحرام مكانت لا سكرانا لا والو
سلوى : هنههههه قربات النهاية اسي انور نت تحديتني و كنتي باغي تاخد املاك شركة مني و لكن راك
k18
سلوى : هنههههه قربات النهاية اسي انور نت تحديتني و كنتي باغي تاخد املاك شركة مني و لكن راك معرفش نتا معامن (دارت الحركة ديال الكبوس بيديها🔫)بيو بيو بيو ههههههههههههه
مشيت في طاكسي لدار حتى كيبان ليا انور برا كيبان لقلق علة وجهو و كيمسح راسو ووجهو و كيشوف في طيليفونو و كيدور هاكا و هاكا ماعرفش فين غيمشي انا خلصت خرجت من طاكسي و بديت كنقرب لانور بشوية بشوية و قلبي كيضرب و كنميل مع سكرت و طالون .. دار عندي و تسمر فيا و طلع فيا و هبط وجمعها معايا بسماكة و شدني من دراعي وطلعني و انا كنبكي دخلني و سد الباب و زدحني مع الحيط و خرج فيا عينيه و معصب و عروقو خارجين و كيغوت: فييين كنتييي اه دوييي فين كنتي بهاد الباس (انا قاطعة الحس كنبكي في صمت و كيقفزني فاش كيغوت ) راني كندوي معاك فين كنتي بهاد الباس دوي اا****(و درب يديه مع الحيط ) كنهدددر معااااااك
انا قررت نهدر: ااا ن ن نا ك ك كنت في
شد ليا الكف ديالي و شم ليا فمي و جمعها معايا بطرشة حتى طحت الارض و بديت كنبكي….

الجزء40❤❤❤
ن نا ك ك كنت في
شد ليا الكف ديالي و شم ليا فمي و جمعها معايا بطرشة حتى طحت الارض و بديت كنبكي بجهد: و سكرااااانا من الفوق (شد ليا من كتافي بجوج و عينيه خارجييين) شنو عندير فيك دابا شنو قولليا شنو غندير فيييييك خليتني حتى مشيت و خرجتيي ت**** منعرف معامن العالم الله اش كدير مورا ضهري
انا حليت فيه عينيي و كنبكي و كنشهق و نضت: اهيء منس محش اهيء ليك اهيء تهيني هاكا ….هو شد ليا من شعري : و مزاااال عند يمااااك الوجه لي يدوييييي (لاحني على الارض ) و مشا هو لحمام …انا بقيت تما كنبكي و كنشهق …اما انور دخل الحمام و كيشوف في المرايا و معصب هو يضربها و هي تهرس و بدا كيهرس كلشي في الحمام اما صوفيا سمعات داك الصداع سدات و دنيها و خافت و ناضت لبست مونطو و خرجات تودوسويت شدات طاكسي و مشات عند دار باها…. وصلت لباب حل عليا العساس دخلت لدار لقيت بابا لابس بنوار وهابط لعندي كيسولني مالني انا غير شفتو عنقتو و بديت نبكي اصلا اثار ديال يدين انور باقين في وجهي بقيت كنبكي و نشكي و قلت ليه بلي ضربني و بابا عيط لوحدة من لخدامات طلعني لبيتي باقي مخطيتش في دروج كنسمع انور داخل انا جريت دخلت دغيا لبيتي
سي انصاف : حشومة هادشي لي درتي لبنتي زعمة امنتها عليك
انور كيغوت : مشتيهاش هي اش دارت خارجا بليل بشبر ديال الحوايج منعرف فين كانت دايعا
سي انصاف: تهدن اوليدي تعالا معايا نهدرو
بقيت كنتسنط من ورا الباب و كنبكي مشت لناموسيتي و تخشيت بقيت كنبكي حتى شبعت صافي خليت دموعي في عيني و نعست فقت على شي يدين كتمسحلي في شعري كان عند بالي انور نضت مخلوعة
بابا: بسمالله عليك ابنتي (عنقتو)
انا: انور مشا ؟؟
بابا: ااه هدئتو بزز البارح و عطيتو بيت الضياف انعس فيه و فاق بكري و مشا لشركة و لكن ابنتي فين كنت لبارح
انا نضت: انا والله ما درت شي حاجة خيبة مشيت غير لا بواط مع لبنات نشطو شوية
بابا: سمعي ابنتي دابا نتي مزوجة و مخصكش تمشي لهاد البلايص و خاصك تعلمي راجلك فينما كنتي غتمشي و تقوليها ليه
انا: وهو ماحشوماش عليه مد عليا يدو شوف الاثار ديال يدو كيف بقات مطراسية ليا في وجهي نتا ابابا و عمرك مديتي عليا يديك
بابا: ايه ابنتي راني هدرت معاه و قاليا كان معصب بزاف و مقدرش يتحكم في راسو و لكن ابنتي نتي لي منك الغلاط
انا: انا لي مني الغلاط؟…

الجزء41❤❤❤ بابا: شوفي ابنتي دابا نوضي وجدي راسك ليوما عندنا واحد الحفلة صغيرة بليل تكريمية غيجيو فيها صحبنا و غنديروها عندنا في جردة و بغيتك تكوني زوينة باش منها تصالحي و ترجعي مع راجلك يالاه نخليك دابا ترتاحي و توجدي ……لا لا ابابا سمحليا انا غنتاقم منو مغنخلهاش فيه يدربني كيفاش يتجرأ و انا صوفيا العلوي يضربني واحد فحال هداك اصلا هو اش كيعرف على حياة الغنى الحتالة لاخر سيفطت ميساج لبنات و قلتليهم دابا يكونو عندي في دار بابا داكشي لي دارو نيت انا دوشت و لبست سروال دجين و تيشورت و جاو لعندي عاودت ليهم كلشي
ليلى: هادي هي الروجولة كيعجبني الراجل فحال هاكا(و هي تقرصها سلوى)لا لا زعمة مخصوش يدير ليك هاكا حشومة
سلوى: شفت هاد الفقير المهمش زاد على حدو اشنو يحصاب ليه راسو شفتي اش قلت ليك مهيم دابا باغا تنتقمي منو و لالا
انا درت لعندها : ااه ويي و ليوم عندنا حفلة و قال ليا بابا نرجع معاه
سلوى : ممم المهيم تعالي نقوليك شنو ديري …بقات كتقوليا شنو ندير
انا: ووولا دارها بصح
سلوى: نووو ميقدرش هو عندو فيك مصلاحة امبوسيبل يقبل بالعكس غيطلبك و يرغبك و غيولي ينفد ليك طلباتك
انا: زعمة
ليلى: واااه اصلا رجال يصلح معاهم غير فحال هاكا لا طلقتهم يشدو فيك سوليني انا ليمجربة سلوى و ليلى طراشقو مع بعضياتهم و انا جلست نفكر وصل ليل و نضت لبست كسوى خضرة طويلة بسميطات فيها العقيق من جيهت صدر بالارجونطي و مطلوقة من لتحت و صباط طالون بالارجونطي درت مكياج يناسب الكسوة شعري سيبتو جنب لبنات كل وحدة واش لبسات انا متوترة خايفا لهادشي ميزدقش خرجنا الحفلة بدات تعمر و انا كنتسنا باحر من الجمر💔 جات عندي سلوى عطاتني واحد كاس ديال شراب : خودي شربي هادا باش ينشطك و يشجعك …شديتو من عندها و شربتو في خطرة و قلبي كيضرب حتى شفتو داخل 😕 بديك الهيبة ديالو كيبان شخصية و مع داك الكلاص لي لابسو و عاقد دوك الحجبان و كيقلب عليا انا بغيت نتخبا و هي تشدني سلوى: فين غادة يالاه خاص تكون شخصيتك قويةمتخليهش يخليك تحسي بضعف يلاه ثقي في راسك يلاه ندميه على نهار لي تجرء فيه و حط يدو عليك هادا هو الوقت باش تنتاقمي منو يلاه …انا درت ليها براسي واخة و مشيت هزيت ميكرو :سلام عليكم اول حاجة بغيت نرحبو بيكم كاملين على حضوركم ليوما لحفل تكريم لبابا (درت شفت في انور لقيتو داير يديه في …

الجزء42❤❤❤ في جيبو )وكيفما كتعرفو كاملين و الاغلبية حضر لعرسي بلي انا تزوجت بواحد اقل مني مستوى
بابا: صوفياااا
انا:مغتسكتنيش ابابا لااء ماشي ليوما انا صبرت بزاف نتا بعتيني لواحد حتى الدار لي عيش فيها صغر من الحمام ديال بيتي وشنو قالك هههه انا نطيب ليه سمحلية اانور انا ماشي خدامة عندك و شنو باغي تحبسني في دارك انا كنت البارح في ديسكو مع صحابي و بيانسير واحد فحالك ملقيش حتة الخبز ياكلو مغيفهمش وحدة فحالي انا …كلشي دار كيشوف في انور و بدا كيهدرو انور بقا واقف كيخنزر فيا انا خفت منو هو يخرج و تبعو بابا
سي انصاف : وقف اولدي اولدي اي اي احح (شد من راسو )انووووور …دار لقا سي انصاف طايح و رجع كيجري : عمي عمي
سي انصاف طايح و كيبكي و شاد من حنك انور: ع ع عفاك اولدي ا ا انا مبقا ليا و والو ون ن ن موت و و و ص ص ص صصوفيا معنديش ل لمن خليها ع ع عفاك اولدي
انور غمض عينو و كيحاول يتمالك نفسو : خليني دابا نديك لطبيب
سي انصاف: لا لا اولدي طبيب م معندو ميدير ليا غير ديني لدار دابا غنشرب د دوايا ونرتاح و و لكن صوفيا ا ا اوليدي …بدا سي انصاف يبوس لانور في يدو و انور كيحاول يهرب يدي و يهدئو عاونو حتى ناض و رجعو لدار جلسو فوق الفوطوي و مشا جاب ليه الما و عطا لسي انصاف دواه عاد رتاح شوية
صوفيا: وااو وااو عمرني شفت شي راجل معندوش كرامة فحالك اسي انور لهاد الدرجة الفلوس …قبل مايكمل انور شدها من دراعها
صوفيا : اييي قسحتيني
انور معصب : سمعي نتي غتزيدي كلمة اخرى غنهرس ليك داك الفم
انا نترت يدي منو: مكنخافش منك …هو رجع عند سي انصاف
انا: انور طلقني …انور دار عندي مصدوم و بابا ناض وقف : اش اش كتقولي ابنتي اش اش جبدنا فشي طلاق
انا : بابا بقا بعيد انا مبقيتش قادرة نعيش مع هاد الحتالة في الفقر ….انور شد ليها من الفك ديالها و سي انصاف بدا يفك و الخدامة حتى فرقوه عليها: بغيتي غير الطلاق هاهو غيجيك سمحلية اعمي انا صبرت عليها بما فيه الكفاية و نتي تسناي ورقت الطلاق ديالك …و نفض يديه منهم ولاح عليا واحد الكارطون و مشا اويلي واش غيديرها بصح و لكن سلوى قالت ليا مغيقدرش يتخلى عليا خصني نمشي نهدر معاها توريني شنو ندير حيت الوضع خرج عن سيطرة….درت نقلب على تيليفوني و انا نلقا بابا كيخنزر فيا جا وصرفقني كانت اول مرة كيضربني فيها بابا…

الجزء43❤❤ طرة….درت نقلب على تيليفوني و انا نلقا بابا كيخنزر فيا جا وصرفقني كانت اول مرة كيضربني فيها بابا و هو كيترعد: ش ش شوفي ا ا ببنتي انا راه مديمش ليك و و و غتندمي على ه ه هاد شي …بغا يطيح بغيت نشدو شدوه الخدامات
انا : بابا …بابا: متشدينيش طلعوني لبتي نرتاح ….طلع بابا لبتو و انا شديت تليفوني و هدرت مع سلوى باش تجي لعندي دابا هزيت ديك الكارطون لي ضربني بيها حليتها لقيت فيها ديك الكسوة الكحلة لي بجوج ديال المليون حسيت براسي باغا نبكي و قلبي مقبوض كنحس براسي غنخسر كلشي جات سلوى نضت عندها كنبكي: اهيء اهيء سلوى دارها بصح هو بصح غيطلقني اهيء اهيء شنو غندير
سلوى: سمعني و حبسي من البكا هو مغيقدرش يطلقك هادشي غير تهديدات خاوية و لا دارها غيكون غير باش يخوفك و غيرجع ليك في الاخر
انا كنمسح عيني: كتضني هاكا
سلوى: اويلي راه انا متأكدة يلاه دابا سيري طلعي تنعسي
سلوى: هههههه عمري شفت شي مكلخة فحال هادي و لكن راه عجبتني في داك انور وينوو شحال كان زوين فاش كان معصب ههههههههههه دابا ضربت عصفورين بحجر واحد بقا غير داك انصاف يموت دغيا
…….كان هداك النهار هو اخر نهار شفت فيه انور رجعت لحياتي لقديمة حياة لي ديشكو شراب و لكن كنت غير جسد بلا روح كنت كنتفكر انور و كنبدا نبكي و نتألم كنت كنيغيه بزاف و لكن الحمدالله ملي كانو معايا صحاباتي هما لي كيواسيوني و يحاولو ينسوني فيه و سلوى قنعاتني بلي زدق ولد الحرام و هرب هو ميستهلنيش و بديت كنحاول نرجع علاقتي بي بابا لي دهورات صحتو بزاف ولا كيجلس على كرسي متحرك و حتى حد مقاليا اش عندو لي كنسولو كيقول ليا غير راش تال واحد النهار لي جاتني فيه برية فيها ورقت طلاق ديالي حسيت ديك الساعة بجناوة تخشاو ليا في قلبي جلست في الارض و بقيت كنبكي جا بابا كيمسح ليا في شعري انا شفتو عنقتو و بديت كنبكي : دارها بصح ابابا اهيءاهيء انا كنت باغا غير نتاقم
بابا: نتي لي ضيعتيه ابنتي نتي لي ضيعتيه
صافي بقيت كنبكي على حبي لي ضيعتو بيدي البنات كيحولو يواسوني حتى خرجت من ازمتي ووليت كنقابل بابا لي لحدي الان معرفتش شنو عندو دازت تقريبا عام و هنا غتكون الفاجعة نهار مات بابا انا كنبكيي و كنقول ليهم ميمكنش باباااا لا ميمكنش بابا يموت متيقتش بابا يموت لا اكيد كيضحكو معايا كنت غنتسطا مخلتهومش يخرجوه باش يمشيو يدفنوه كنبكي و كنجر…

الجزء44❤❤❤ ت متيقتش انا بابا يموت لا اكيد كيضحكو معايا كنت غنتسطا مخلتهومش يخرجوه باش يمشيو يدفنوه كنبكي و كنجر ليهم صندوق كيفاش ياربي غنفيق و مغنسمعش ديك كلمة بنتي صوفيا من فمو ممتيقاش بلي فاش غنفيق غنعيط بابا و مغيجوبنيش بقات هاد الافكار كدور بيا شي شهر و انا على نفس للحالة ديما كنحلم بيه كيعيط ليا كنسمع صوتو في دار كيعيط ليا صوفيابيتو مبقيتش قادرة ندخل ليه و لكن ربي سيفط ليا سلوى لي متفرقاتش عليا و لا لحضة ووقفت معايا في هاد الازمة
سلوى: حبيبة لمحامي دباباك جا
انا شادة تصاور بابا و دموعي هابطين و حلقي مبحوح : اشنو بغا
سلوى: شي حاجة على الورث
انا: ممسلياش
سلوى جات لعندي وشدات ليا من وجهي : نونو حبيبة خصاك تشوفي حقك ضاروري
انا كنشوف فيها و كنبكي: بابا مشا اختي سلوى مغنعودش نشوفو
سلوى عنقتني: لا لا احبيبة متبكيش راه بغاه الله و نتي خاصك تكملي حياتك و تشدي املاك باباك يلاه غسلي وجهك و لبسي حوايجك باش نشوفو المحامي
انا: والله كون غير خليتي تالمنبعد مافياش
سلوى: اووو صوفيا باغا تخسري خاطري
انا: لا لا اشي هكاك غير صافي صافي انا هابطة …مشيت غسلت وجهي لبست سروال دجين و طريكو بالحمر قصير و نزلت سلمت على المحامي و جلست
المحامي: انا جيت لهنا باش نقرا ليكم لوصية ديال سي انصاف لي خلاها ليا قبل ميموت(انا شداتني لبكية)
سلوى متحمسة: وي وي تفضل
المحامي جبد واحد الورقة و بدا يقرا فيها: سلام انا سيد انصاف للعلوي اوصي بجميع ممتلكاتي بدون استثناء لبنتي صوفيا العلوي لي مدت لا تتجاوز…..انا في هاد النقطة بديت كنبكي و كنغوت : اهي اهيء علااااش اباباااا خليتيينييس علاااااش انا بغيت والوووو بغيتك غير نتا اهيء اهيء ….حاولات سلوى تعدئني و المحامي كان خاصو لي سني ليه و سلوى هدرات معاه قالت ليه تتنسكت و نتهدن عاد تعطيني نسني و من بعد تسيفطهم ليه و مشا انا بقيت كنبكي عاونتني حتى طلعت لبيتي نرتاح …فقت مع ديك 6 ديال لعشية لقيت سلوى حدا راسي
سلوى:حبيبة فقتي
انا: اااه شحال ساعة
سلوى: 6 هاكي تاكلي
انا: لا لا مفياش معندوش منين يدوز ليا
سلوى: حشومة عليك انا وجدتو ليك بيدي و مبغيتيش ..صافي بقيت كنكول بزز حتى ساليت
سلوى: ممم صراحة بغيتك تسني ليا هاد الوراق
انا: ديالاش هادو
سلوى: ممم ديالاش…..
الجزء45❤❤❤❤ سلوى: ممم ديالاش غ غيكونو ديال الممتلكات دياولك بغاهم المحامي
انا: اااه اري نسني …بديت كنسني علا دكشي بلاما نقراه اصلا مافيا لي يقرا وسلوى فرحانة غير سليت خطفتهم ليا من يدي
انا: سلوى بلاتي ….سلوى ولات كلها حمرا و كترعد …انا: جلسي عفاك (جلسات و هي كترعد) نتي عارفاني خرجت من سيزيام داكشي لاش منقدرش نسير الشركة
سلوى عاد رتاحت: هههه تنتي انا هنا نعاونك و نعلمك كوني هانية ….انا عنقتها : معرفتش كيف ندير نشكرك ….سلوى: ههههه انا لي خاصني نشكرك ….صافي داز داك النهار عادي مافيه حتى حاجة جديدة لغد ليه مع وقيت لغدا جات عندي سلوى قالت ليا نخرجو و انا مفياش لي يخرج عييت فيها ووالو صافي لبست سايا صفرة حد ركبة و طلعا على الكرش و قميجة بيضة نص كم خشيتها و شعري خليتو مطلوق و شوية المكياج دارتو ليا غير سلوى بزز مشينا تغدينا على برا في واحد المطعم فخم على حساب سلوى و طلعنا في الاوطو ديالها و بقات غادية بيا حتة دخلنا لجيهت الغابة انا قلبي تقبض عليا
انا: سلوى حنا فين غادين
سلوى سايقة و دايرا نضاضر و كتجوبش قلت واقيلا دايرا ليا سير بريز وقفنا قدام واحد المصنع فيه البرامل بزاف هبطت سلوى وتبعتها
انا: فين حنا ؟؟ مكتجوبنيش هما يخرجو واحد الرجال كبار مصعصعين و ديرين نضاضر و لابسين الكحل انا وقفت في جنب ديال سلوى حسيت بقلبي غيخرج من بلاستة
واحد منهم كيهدر بلبنانية: وين لالبضاعة …وهي تشدني سلوى من يدي و دفعتني عندهم و شدني واحد فيهم و طبع فيا وهبط : مممم اديشها حلوي هاي صبية …وعطاها واحد فيهم شنطة عامرة فلوس انا مفهمت والو وحالت نفلت من هاداك لي شادني : اييه نتا طلق مني و نتي على اشمن بضاعة كتهدري سلوي حيدت نضاضر: ههههه صراحة فكرت نقتلك و لكن غنديع غير الفلوس باش نخبي جتتك باش ميكشفنيش البوليس وهادشي كامل غير صداع الراس دكشي لاش قلبت على شي حاجة تقدري تنفعي بيها في حياتك و بما انك زوينة قررت نبيعك لواحد شبكة امرتية ديال الدعارة و نربح من موراك فلوس و تهما يربحو ههههه
انا: سلوى وااش كضحكي معايا عفاك راه معزيزش عليا هاد اللعب سلوى : اللعبة لوحيدة و الضحكة لوحيدة هي نتي هههه مضنيتكش غتيقي هدرتي لدرجة انك غتفرقي مع راجلك حيت قلتها ليك انا ههههه و شنو قالتلك بغيتيه من بعد ديك الهدرة كاملة لي قلتي ليه يرجع ليك هههه واليني راك هبيلة😂…
الجزء 46❤❤❤ انا بقيت مصدومة فيها و هي تم غادية لطوموبيلتها و هي دور عندي : اااه نسيت ههههه شكرا على شركة و دار (هزات شي وراق في يدها )
انا: نتييي انسانة مكتسواااش كيفاش قدرتي ديري فيا هاكا
سلوى: ههههه نتي لانسانة سهلة لمنال لمكنتش انا كان غيكون واحد خور
طلعت في طموبيلتها و لوخرين بداو يجروني
انا كنبكي و كنغوت و مكنبغيش نتجر ليهم: سلوىىىىى عافاااك متخلينيش هنا سلوىىىى اهيء اهيء مشات ….دخلوني ولاحوني في واحد البلاصة مضلمة و سدو الباب جيت ندور لقيت كتر من 50 بنت تما جالسين اعمارهم بين 20 ل 35 تقريبا انا مشيت تقنت حدا واحد البرميل كبير و بديت كنبكي و كندعي في ديك الحمارة عمري نسامح ليها ربي غيخلصها من عندو حشومة عليها اهيء اهيء و لكن انا لي حمارة دبصح لي تيقتها و جعلاتني نقول ديك لهدرة لانور و خلاتني نسني و نضيع ممتلكات بابا لي عمرو كامل فناه و هز كيحاول يجمعهم بقيت كنلوم في راسي و كنبكي و نتحسر و كندب ….شوية كنسمع فحال شي كميوات جاو عرفتهم جاو غيدونا ناريي شنو غندير ياربييي شنو غندير رجعت لور بان ليا واحد البرميل تخشيت و سطو بلاما ميعيق بيا حد و كنطلب ربي باش ميعيقوش بيا وشدا فمي و كنبكي و هما كيجرو فيهم و يضربو فيهم و هما كيبكيو حتى تقطع الحس بقيت تما شي ساعة و انا نطل مابان ليا حد خرجت من تما بصعوبة و بديت كنحاول نتسلت الحمدالله ملقيت حد لقيت غير واحد جوج شدين جوج بنات و بركين يغتاصبهم مساكن و هما كيغوتو انا مقدرتش نعتقهم خرجت من داك المصنع كنجري و كان طاح الضلام ديك ساعة بقيت غادية في ديك الغابة و الخلعة فيا و كنجري و نبكي حتى صبح الحال و عييت بغيت نشرب و حتى طريق باقي ملقيتها كلشي غاشجر حتى بان ليا واحد مول الكروسة
انا سخفانة: ع ع عفاك ا ا سيدي بغيت الما (كان راجل كبير سايق كروسة عامرة بزبل سيقها حمار ) عطاني مسكين الما
هو: بنيتي مالك واش تابعاك شي حد
انا كنت باغا نقولو اه و لكن تفكرت سلوى و حلفت عمرني نعاود خباري لشي حد و لا نتيق فيه : صراحة لا غير تلفت على طريق قول ليا كاين شي بلاصة قريبة ساكنين فيها الناس
هو : لا ابنيتي كاين غير واحد سوق قريب كيعمر هاد النهار
انا: اااه واخا توصلني ليه عفاك
هو: واخا طلعي ابنيتي باينا حالتك و زوينة تباركالله …صافي طلعت فديك الكروسة و بقا غادي بيا و رحة زبل طالعا مع نيفي😭😭…
الجزء47❤❤❤ …صافي طلعت فديك الكروسة و بقا غادي بيا و رحة زبل طالعا مع نيفي و دبان شوف اصوفيا فين كنتي و فين وصلتي عطاني داك راجل واحد طرف دالخبز ديال الدار مع انا فيا جوع كليتو واخا معجبنيش وصلنا شكرتو مشيت كندور في داك سوق نقلب على شي طاكسي يديني لشي مدينة اخرى من غير هادي دخلت مابنتهم في سوق و زحام تكرفست بالمزيان و دافيع مشيت لقيت واحد الطكسيات كبار واحد كان كيعيط ب**** مشيت سولتو شحال يديني
هوء: 4000 الالف ..انا مهزيتش معايا لفلوس حدي حيدت واحد سنسلة ددهب كانت في عنقي : واخا نعطيك هاد سنسلة و توصلني راها ديال الدهب
هو : انشوف …عيطتها ليه لقا فيها الطابع
هو يقوليا طلعي طلعت القدام و طلعت حدايا واحد المرة كبيرة هازا قفة دايرا فيها الدجاج حي و كتغوت بزاف و انا خايفة من دوك تجاج لينقبوني و عاد هاداك مول طاكسي داير شعبي و كل ساعة يقرب ليا حتى لحدا وجهي و يبدا يغني و فمو خانز اوووف …وصلنا لتما حتى غفر ليا الله الدنوب تما بدات حياتي جديدة حاولت نخدم في بتيسريات ولا في محلات ولا في قهاوي دايما كانو تيجرو عليا حيت ديما كيطلبو مني ندير معاهم شي حوايج مع كيشوفوني بنت وحيدة في هاد المدينة كيبغو يستغلوني في الجانب الجنسي و فاش مكنبغيش كيجريو عليا احيانا كيكون رجال كبار بولادهم و بلحيتهم شيبة كيطلبو منك شي حوايج و كيهدرو معاك بشي هدرة رخيصة كتكرهك في راسك صافي ملقيت مندير معندي فين نبات جربت نسعى وليت كنبات في المحطات عانيت من الجوع شحال من مرة كنت غنتعرض للاغتصاب و لكن ربي حاميني الحمدالله حتى تلقيت بمي حكيمة❤ …. k22
نرجعو لصوفيا حاليا لي خليناها جالسة في الارض ديال بيت كتبكي
بقيت كنبكي شوية مسحت دموعي حيت اصلا لبكا معندو ميدير ليا مغيقدم مغياخر نوض نلبس حوايجي و نوجد راسي دابا انا لخدامة صوفيا و انور هو لي خدامة عندو ..نضت لبست حوايج لي عبارة عن سايا قصيرة كحلة و قميجة قصيرة كحلة فوقهم طابلية بيضة و شعري دايرا ليه كودشوفال و خرجت لعند دادا لكوزينة لقيتها كطيب لفطور تباركالله حادكة و الماعن مستفين ملقيت مندير جلست في الكرسي و شديت تفاحة بديت كناكل و نتفرج فيها : قولياليا ادادا دابا غنبقاو غير انا و انور في ليل راس في راس دادا: هههه متخفيش ابنيتي انور ميدير ليك والو اصلا كيجي عيان كيطلع نيشان لبيتو(يا دادا تنتي عدوك عما شو نتي فين و انا فين…
الجزء48❤❤❤ انا: هههه الانسان هو لي دير حتياط لراسو هههه… هو يدخل انور بعجعاجتو لكوزينة كان لابس سروال كيطمة كري مع تيشورط بالكري بينا يالاه فايق من نعاس و لكن لي زين زين واخا يعوم من ثنين ثنين هو كيدور وجهو هاكا و هاكا هو يشوفني و خنزر فيا و انا ساهية فيه و مبتاسمة و عاجبني و كناكل تفاحة تم جاي لعندي و شدني من دراعي و كيغوت : اشنو كديري نتي ؟
انا: اي ااح قسحتيني (هو عاد مازيد كيزير) شنو بان ليك كندير كناكل تفاحة …شدها من يدي و خبطها مع الارض حتى تفرتكات و من موراه كاميليا و دادا كيشوفو فينا و خيفين
انور: انا راه جبتك هنا باش تخدمي ماشي جايا سياحة
انا: و تفاحة اش دارت ليك ….هو يزيد يزير عليا و قرب ليا و خرج فيا عينيه ولاو حمريين تخلعت عرفت راسي قفرتها و قصحني في دراعي كنحس بيه غيتهرس في يديه : مكنضحكوش هناية …انا سرطت ريق : ش ش شوف ب ب بلاما تعصب اص اصلا كل كلشي و واجد هنتا ي ياك ا ا ادادا
دادا: ايه ايه اوليدي كلشي مقاد غير الفطور لي باقي انا كنسيب فيه ….طلقنيي اووف و مشا عند دادا عنقها: سمعي ادادا انا جبتها هي باش تخدم و نتي ترتاحي ماشي العكس …انا كنشوف في دراعي لي مبقيتش كنحس بيه و لات ديك البلاسة زرقة تفو حبس ليا الدم
كميليا كتهدر بشوية: قسحك ياك
انور هدر قفزنا بجوج : كميليا متبقايش تهدري مع فحال هاد نوع لي جيين من زنقة ولا منعرف نخافهم لا يعاديوك ….انا خرجت فيه عيني صدمني بهدرتو
دادا: و لكن اولدي انبقا نتخلص و مندير والو
انور باسليها يديها: نتي راك في مقام الوليدة تعالي نخرجو لجردة نفطرو و سمعي نتي وجدي لفطور و خرجيه لينا ….وجر كميليا و دادا خرجهم من الكوزينة
انا: انور شوف هو دار فيا واحد الدورة خلعني خلتني كنقفقف و تم جاي كيقرب ليا: عاودييي اش قلتيي
انا : ءءءء فف …جمع ليا شعري كامل في قبضت يدو و تكاني و قرب الوجهي و كيهدر : اولا فاش نهدر معااااك هبطي عينك تانيااااا متبقايش تجاوبي معايا و لا نقطع ليك داك لسان تالتا غتعيطي ليييااا سيدييي انور مفهوم ….انا حابسة البكية و دموع في عيني و هزيت راسي بااه هو: يالاه قولي نشوف
انا : اهيء و وخا
هو: شنو لي واخا
انا: اهيء اهيء و وخا ا ا س سيدي ….هو لاحني و نفض يديه : دابا مزيان و مشا خارج ….بقيت تما كنحاول نتمالك نفسي منبكيش و لكن مقدرتش 😒…
الجزء49❤❤ نفسي منبكيش و لكن مقدرتش و مع انا اصلا مكنعرف لا نطيب لاوالو جالسة و كندور في راسي و كنبكي: اهيء اهيء ويلي ويلي اهيء مكنعرف ندير و والو و نارييي لا مادرت والو اهيء اصلا باينا فيه باغي غير سبة منين يدوز ليا اهيء اهيء …بقيت تما كندور فديك الكوزينة و كنولول لقيت الحاجة الوحيدة لي سيبتها دادا هي القهوة و البيض يلاه كانت غديرو يطيب و العصير سيباتو خسو غير يطحن اوووف الحمدالله بديت بالعصير هو الاول البيض تنرجع ليه فايت ليا حاولت نطيبو فاش كنت باقا مزوجة بانور و حرقتو بقيت نبكي حيت كنت خفت انور ليتقلق ساعة هو جا وعنقني و سيبناه بزوج و لكين دابا لا حرقتو غيعلقني مهيم طحنت العاصير هزيت البيض هرستو فوق المقلة كبيت زيت بديت كنقلب على الملحة درت فيه جوج معالق كبار دلملحة و هي تكفح ليا الملحة في الارض بديت نجمع ديك الملحة حتى بديت نشم ريحة الحراق
نمشيو عند انور في جردة كميليا و دادا كيتناغزو و كيهدرو بشوية و ديك شوية لمسموعة
كميليا: شفتيه اش دار لخدامة
دادا: ويه اول مرة نشوفو هاكا
كميليا: اووماي كود على شوية كان غيضربها
دادا: ايه ايه راني شفتو كان غيهرسها من دراعها
كميليا هدرت بجهد : و رااااه هرسهااا
انور دار شافيها و خنزر
كميليا حنات راسها: سوري
هزيت داكشي لي طيبتو و خرجت حطيت داكشي قهوة و العصير و البيض حطيتو و تحرق ليا من لتحت و لكن غطيتو بالكتشوب باش مايبانش و حطيت ليهم الخبز من بعض ما حمصتو انور شاف داكشي و فحالا معجبوش و يلاه غيهدر و هي تنقز دادا
دادا: هههه هادشي باين بنين ههه (هزت شوية ديال الخبز و داقت البيض و فحالا بغات تروضو.
دادا: هههه هادشي باين بنين ههه (هزت شوية ديال الخبز و داقت البيض بدات تكحب)
انور شد من دادا: ممالك ادادا
دادا سرطاتو بزز: ههه لا والو غير وحلات ليا هادشي زوين تبركالله عليك
كميليا فرحانة: بصح ؟ اندوق (خدات شوية و يلاه غتردو ) شنو هاد ..(نغزتها دادا برجليها و شافت في انور لي كان باينة فيه باغي غير سبة ينوض ليها) ههه شنو هاد البيض هه زوييين واااو عمرييي دقت فحالو وااو …انا صراحة عجبنيي الحال او كاعما حساب لي كنعرف نطيب انور مستغرب: اندوق
دادا و كميليا شدو ليه يديه: لااااا
انا بتكبر : لا غير خليه يدوقو نيت باش يشوف طيابي كيف ولا …هو دار و خنزر فيا….
الجزء50❤❤❤ و انا نرجع شوية لور
انور: لا غندوق نشوف هادشي كيف داير …كميليا هزات طبسيل و مسحاتو في حوايجي
انا حليت فمي: واش نتي سافااااا ولا مالك
كميليا: معندي حل اخر ماكلتك مافيها ميتكال كون داقها كان غيعبرك عاود تاني …وهي تعيق براسها و دارت يديها على فمها و دادا بقات تشوف فيه و انا حالا فمي هو ناض و خبط يديه مع الطابلة قفزنا كاملين و مشا
دادا جرات كامليا: واش نتي معندكش لحباسات كميليا: شنوهيا الحباسات
انا: دادا بلما تهدري معاها بالدارجة القحة راها مغتفهم والو
دادا: ونتي قولي ليا شنو درتي في البيض
انا: والو درت زيت و جوج معالق دالملح
دادا: جوج ؟؟؟اللله ياربي راسي …ومشات
انا: مالها
كميليا: شناهيا قحة ؟ …خليتها و مشيت لبيت نحيد عليا داك الباس لي يلاه عامر كامل بيض يلاه حليت القميجة اتا دخل انور عليا بجهد و انا نرجع نسدها بيدي و هو يحني عينو
انا : ايييه راني مبقيتش مرتك بقا دق عاد دخل فهمتي يلاه دابا برا …هو يدور عندي و خنزر و تم جاي ليا انا بغيت نرجع الور حتى لقيتو وصل وشد ليا من الفك ديالي : و بزااف عليك تكون مرتيي(قطع ليا القميجة بقيت غير بسوتيان) وهادشي راه شفتو شحال هادي وشافوه حتى شي وحدين من بعدي(انا حليت فيه عيني) دكشي لاش بلاما تديري ليا فيها البنت الشريفة( و لاحني على النموسية)و من الافضل ليك تبقاي بعيدة على دادا و كميليا بلما تعمريهم بالوسخ ديالك (انا غير كنبكي نزل عندي و شد ليا من فكي و كيمسح ليا دموعي) تو تو تو هاد الدموع باقي الحال عليهم مزال غنوري مك جهنم الكحلة غير بلاتي ..و لاحني و مشا و زدح الباب اهيء اهيء نتا لي بقيتي ليا اهيء انا اصلا لي فيا كافينيي عاد اتزيدني نتابالجحيم ديالك اهيء اهيء فينك ابابا اهي ء كون غير دينتيني معاك اهيء لي جا يمسح فيا رجليه…انور خارج من بيت صوفيا معصب و مزير على راسو: مخصكش ضعاف قدامها اانور شد راسك مخصكش ضعاف ….حتى تساطحت معاه كميليا: ما شيغي غنولي مرتك قحة قريبا
انور معصب : تال منبعد اكميليا …وطلع لبيتو
كميليا : اوكي بب
نضت من الارض حيت البكا معنظو ميفيدني غنتعامل معاه كانني مكنعرفوش و غنحاول نتجنبو و لا هدر معايا مرة اخرى غنهز حوايجي و نرجع عند مي حكيمة مشيت نضت ملقيت منلبس لقيت غير لقيت غير بجامة ديال مي حكيمة و عريضة عليا اووف شديت زيف…

Leave a comment