Skip links

قصة : أصبحت خادمة طليقي 1

 6,547 عدد مشاهداات

أصبحت خادمة 💞 طليقي
الجزء الأول

ليوم البرد بزاف و الريح كيطير و الشتا علاين تصب وكان ديك ساعة شي الربعة دالعشية فحال هكاك انا هازا جلابتي الخضرة لي كلها مقطعة و كنقز دايات ديال الما وشادة فولارتي لي خيفاها طير و هي لي عندي و هيا تعكلني واحد تيطوارة جيت على فمي كلي عمرت غيس نضت مقصحة من ركبتي وليت تنعرج و كنقلب على صابو ديالي لي ديمن حال فمو مسكين و كنقادو بوحدي بالمسامر مشيت هزيتو لقيتو تحل عاود تاني ياخ تفو بدات شتا الطيح و انا نبدا نجري باش نتخبا وقفت فواحد دريبة مظلمة تحت واحد الشرجم و شميت واحد ريحة ديال الماكلة زوينة ديال دوك العراسات شفت في كرشي كتزغرت شديت من كرشي جلست تحت دك شريجم وكمشت رجيلاتي نسخنهم من البرد و بقيت نسايب صابويا شوية حتى كنسمع صوت ديال شي وحدين باين فيهم مقرقبين و كيخسرو الهدرة صوت جاي و كيقرب ناري اميمتي نضت جمعت الوقفة ضربت راسي مع داك شرجم اااح يا ربي كنطلع عيني كنلقا 3 ديال شمكارية قدامي كل واحد يا وحد لمخير فيهم وجهو عامر كامل سيكتريس واحد جر ليا الفولار ….

الجزء 2
الفولار انا خفت بغيت نرجع لور لقيت غير الحيط
شمكار 1 : راني قلت ليكم اليوما غيكون نهار مق…شمكار 2: اااح شوف على فييم يا ربي …انا بغيت نهرب هو يرجعني واحد فيهم بجهد حتى تزدحت مع الارض
شمكار 3:زين فين غادة تنخدو الحلوة الدراري انا الول …شمكار: امالك(***)شوية لباس …بداو تما يدابزو و يتقامرو انا بغيت نستغل الفرصة نهرب هو يشد واحد من دراعي : اش غنديرو عننبداو حنا بتلاتة خطرة وحدة …بديت انا كنطلب فيهم و كنبكي و هما و تقول عاقلين على راسهم كيقطعو ليا في جلابة و انا نعض لواحد فيهم يديه هو يسمكني زدحني مع الارض و طلع فوقي و بدا باغي يبوسني و انا كنبكي و نغوت و كنضربو بيديا هو يسمكني و هما ينزلو لوخرين شدو ليا يدي و انا نسمع شي مرة كتغوت و كضربهم بواحد المغرف و جا مورها شي واحد قلدة و هما يهربو انا دغيا جمعت رجلي و تكمشت و نزلت راسي و كملت بكايا علاش كيوقع ليا انا هدشي كامل شوفي فين كنت و فين وصلت و انا نحس بشي يد كتمسح ليا شعري تخلعت طلعت راسي دغيا و كحازيت لقيتها ديك المرة نيت كانت كحلة و غليضة باينة فيها صحراوية و لابسة بيجاما و فوقمنها طابلية كاملة مطبعة بالخرقوم و فيها راحية الماكلة و حازمة راسها بزيف حاياتي
ديك المرة: متخفيش ابنيتي هدي غير انا فحال ميمتك جيلالي جيب طوموبيل (مشا داك القلدة كان لابس واحد الكوستيم زرق قديم ) نوضي ابنيتي وريني داركم نديك ليها ….انا مجاوبتش باقا متاترا من داكشي لي وقع و كنبكي بلا صوت …هي كتمسح ليا في راسي: صافي ابنيتي حبيبتي متبكيش راه مشاو نوضي دابا معايا تترتاحي و نوصلك لداركم.. .

الجزء 3 لداركم….انا كندير ليها براسي لا …هي:متخفيش ابنيتي مني منقدرش نخليك هنا بوحديتك نوضي معايا دروك يجي ليك شي حد ….انا نضت شديت منها و نوضتني كنعرج و لاحت عليا واحد الكاب فيه ريحة المرقة
هي: اااح واش مجروحة ابنيتي من رجليك فينهوا هاد صكع ديال جيلالي و هي توقف قدامنا واحد طموبيلة حشا واش نقولو طموبيلة كروسة كلها مشخشخة و قديمة كتشبه لدوك الخطافة كان سيقها هاداك لي سميتو جيلالي ولا منعرف دخلتني و جلستني لور و جلست حدايا …جيلالي : مي حكيمة غنخليو دريات هنا مي حكيمة: تدير و رجع ليهم راه باقي مكملوش الخدمة راه طيبت ليهم و كلشي بقاو غيحطو لناس و نتا رجع ليهم من بعد و خود من عند مالين سبوع الفلوس دابا دينا لدار …..تمينا غاديين بديك طموبيل و قلبي كيضرب خايفة اش غيديرو ليا هادو جاتني فشكل كيفاش زعمة هادو من دون عباد الله غيعونوني انا غادية و خايفة و كنترعد و لكن غير كتحط عليا ديك المرة يديها كنحس بالامان توصلنا لواحد الدار صغيرة وسط واحد الحي شعبي مشات حلات الباب و دخلتني دغيا لتما و داك خاينة مشا بطوموبيل دخلت طلعنا من واحد دروج مضيقين بزاف دخلتني لواحد الصالون كان صغير فيه 3صدادر مغلفين بطلامط شوية قدام ووسطهم طابلة ديال الخشب قديمة مغلفة بلاناب مقطع بقيت انا كنشوف …مي حكيمة: بنيتي جلسي هنا انا غنسخن ليك الما الدوشي …يلاه جات تنوض و هي تسمع صوت كرشي…مي حكيمة: فيك جوع اكبيدتي انا غنعمر ليك كويست تاع اتاي و نجيب ليك شي شوية لحم و دجاج شاط ليا من سبوع …مشات لكوزينة انا بقيت مكمشة فيا البرد و كنبكي على زهري العوج و سخونية الراس ديالي فين وصلتني
مي حكيمة: نوضي ابنيتي تغسلي حالتك بينما حطيت ليك اتاي..نضت دخلت لطواليط كانت صغيرة بزااف يالاه قدتني انا و جات مي حكيمة كبت ليا داك الما في سطل و عطاتني طاسة.

الجزء 4❤❤❤❤ عطاتني طاسة و ديك الطواليط مفيهاش الضو
مي حكيمة: يخ البولة تحركات تايجي جيلالي و نسخرو يجيب ليا وحدة نتي دوشي دبا نمشي نجيب ليك الفوطة و اري داك الكاب نشدو عليك…عطيتو ليها و خرجات بقيت انا كنشوف في حالتي و ديك جلابة كيف مقطعة بوحشية و العالم الله كون مجاوش هادو كون اش دارو فيا بديت كنحيد فيها اصلا هي لي كانت عندي و كنت لبسة من لتحت واحد البيجاما نص كم بالكالسو ديالها بديت كنكب عليا الما شحال توحشت ندوش جايا تلتسينين معمتش بقيت كنكوب عليا الما و كنتفكر لي داز عليا و كنبكي شحال كنت كنعس في زنقة و بعد الخطرات في المحطات و كانو كيجريو عليا كنت كنسعا باش ناكل كنت كندابز مع القطط على شياطا ديال الماكلة لي كيلوحها الناس في الزبل حاولت نخدم في واحد الباتيسري عطاوني نغسل الماعن و انا مكنعرف ندير والو و جراو عليا شحال من مرة كنت غنتعرض الاغتصاب و الحمدالله ربي كيسيفط ليا شي واحد يعتقني ولا كنهرب كندابز مع دوك المشردين على البلايص ديال النعاس شحال من مرة كنبقى بلا ماكلة يومين الحويج غير كيصدقوهم علينا المحسينين ….شوية تقادا ليا الما لي في سطل و هي دق عليا مي حكيمة :سليتي ابنيتي؟وهاكي الفوطة…حليت الباب بشوية و مديت ليها يدي و عطاتني بنوار عريض و طويل لبستو وليت مخشية فيه و درت القب على راسي و خرجت لقيت مي حكيمة جلسة كتكب اتاي في الكيسان
مي حكيمة:اجي ابنيتي تاكلي عاد لبسي ديك البيجامة و داك سروال راه جبتهم ليك …مشيت جلست حداها حطات ليا شي نص دجاجا و اللحم في طبسيل واحد و الخبز و كاس تاع اتاي طحت فيهم عامية كناكل و كنتبنن حتى وحلت ليا وجابت ليا مي حكيمة كاس ديال الما
مي حكيمة:ابشوية عليك ابنيتي راه الماكلة مغتهربش منك اجي قولي ليا فين ساكنة نديك لداركم كون راه مشطونين عليك
انا كنهدر بشوية حانية راسي: مممعنديش
مي حكيمة: كيفاش معندكش ابنيتي
انا: ممات ليا بابا من هادي 3 سنين و معندي فين نمشي و لا فين نسكن
مي حكيمة: اح اح على بنيتي و شحال في عمرك
انا: 25 عام مي حكيمة: واراك باقا صغيرة تبركلاه و زوينة حروفك كحلين عينيك مشفرين شفر يضرب شفر و طايتك تبركالله مهليا فيها كلك ماشاء الله زوينة و كانو غيتكرفسو عليك دوك شماكرية ياك باقا عزبة ياك
انا: لا امي حكيمة راني مطلقة مي حكيمة: ااح حيانيي هو سبابك باينا توصلك لهاد الحالة انا لي عارفاهم بلامتسوليني ….

الجزء5 ❤❤
بلامتسوليني عليهم انا شحال خدمة على داك راجل عندي في الاخر قلز ليا
واحد البنت: مييي حكيمة وااا مي حكيمة(كانت واحد البنت لابسة جلابة و مطلعاها جايا كتعوج و ضربا ليك عكر حمر شافتني و بقات طلع فيا و تنزل)ويلي شكون هاديي ؟؟يكما اتخدم معانا ….انا فاش سمعت اتخدم معانا و شفت شكل ديال البنت عقلي مشا نيشان لداعرة ناري امييي بغيت نهرب بقيت كلي كنتناخض
مي حكيمة: لا بنيتي هادي غير بنية لقيتها برا و عزت فيا جبتها معايا اشنو سميت بنيتي حقا؟؟
انا: ءءء؟ انا ؟سميتيي؟ صوفيا
ديك البنت : هههههه و انا هيا مركاريتا
انا: اه مشرفين
مي حكيمة: اسيري بعدي من درية سيري شوفي صحابتك
ديك البنت :هاهيا غادا مهيم ها فلوسك حقا راه جيلالي جمعها مع فاخيتة مبغاتش تدخل تصربي معانا و هو يسمكها
مي حكيمة: و مالها سخن عليها راسها مبغاتش تدخل تخدم
ديك البنت: وراه مرضاتش
مي حكيمة : اويلي على مرضاتش ملنا ناعسين مع رجالة و لا كنشطحو عريانات اويلي لا كانت مرضياش بخدامة لاش جات لعندي اويلي المهيم سيري دبا تال من بعد و نتفاهم معاها
انا: واش كتخدمو خدامات
مي حكيمة: ايه بنيتي كنطيب في العراسات و سبوع و هاد البنات كيخدمو معايا يصربيو ناس و يغسلو الميعنات تما و جيلالي راه معانا يحمينا مع حنا غير وليات و لي مبغاتش تقاد يقادها حيت راه كنخلصهم قبل من مايمشيو
انا: اه مزيان و الله يعاونكم
مي حكيمة: فكريني ابنيتي في سميتك ؟؟!كساندراا ياك ؟؟
انا : لا سميتي صوفيا
مي حكيمة: ااه صويفا
انا: لا صوفيا مي حكيمة: شكون سماك ابنيتي معرفو ميسميوك اعلى الصوفا المهيم نوضي بدلي راه غيطرشك البرد راه البيجاما لهيه
نضت مشيت هزيت ديك البيجامة لقيتها طوييييلة و عرييضة دير من ربعة هزيت حتى داك سروال لقيتو سروال قندريسي عرييض لبستو و حزمتو و هاديك البيجاما لي عطاتها ليا دخلت فيها خرجت عندها لقيتها جايبة ليا كاشة و ماقدة ليا بلاسة لي الصالون فين نعس حيت اصلا الدار فيها غير صالون و بيت و كوزينة و طواليط .مي حكيمة : هنتي ابنيتي اتنعسي هنا رتاحي ليك انا: معرفتش كيف ندير نشكرك والله ..جات لعندي عنقتني: هههه لا ابنيتي مكاين لاش نتي فحال بنيتي و عزيتي عليا و غتبقاي معايا تتوقفي على رجلاتك منخليكش ملاوحة على برا يكلوك الوحوش
انا:معرفتش كيف غنردليك داك الجميل
مي حكيمة: ربي غايخلصني

الجزء6❤❤ …………..بعد مرور شهر………….
مي حكيمة كتحل الخامية دصالون و كتنكر: و تي نوضيي ااه ديك خيتي راه خمرتي بنعاس راه التناعش هادي
انا درت المخدة على راسي : و خليني امي حكيمة وو خليني راني ضربت تمارة البارح
مي حكيمة: على زين الخدمة ديالك كل مرة جايية ليا تبرية حتى فشي دار متبتيش فيها نص نهار مقاد فف
انا: و مالني انا راهما لي مكتعجبهمش خدمتييي واااه
مي حكيمة: نيت خدمتك مكوزة فحالك انا نظل نقلب ليك على دار الكبيرة و الفيلات فين تخدمي و تستقري و نتي تعودي دبزي ليا معاهم و الله تنكادك عبلاتي
انا: و صافيي ا حكيمة مالنا تاني على هاد الهدرة
مي حكيمة : تيشتك ساريا تعيط ليا حكيمة حرفية واقيلا مقداتكش نتفا ديال ديك نهار
نضت و حطيت يدي على كتفها: سمعي احكيمة رانيي خاسرة و طالع ليا الدم بلاما دوقي مسماري …ضربت ليا يدي و نزلت تكات تجبد صندالة ميكا من رجلها انا غير شفت صندالة و انا نهرب …هي: ليوما نورك مسماري كيدير
انا : هاالعار ا مي حكيمة ا سمحليا اكنت كنضحك ….مع الدار صغيرة دغيا شداتني و بركات تشحطني لفخادي :بركا تجوبي معايا في الهدرة بت سليكطة لخرة …انا: اي ااح اي عفاك اااي منبقاش نعاود اااااااييييي …من بعد ديك قتلت العصا جلست في طابلة كنفطر و كنتنخوة على كاس تاع اتاي وواحد الحلوة جابتها ليا مي حكيمة لبارح من واحد العرس كطيب فيه اما مي حكيمة شادة تيليفون و تضرب في الارقام من عرف لمن
مي حكيمة: ااالو ختي مليكة …ااه …ءء؟..سمحليهاهاعار العشرة لي بيناتنا ….ءء؟…نتي عارفو صويفا معندها عقل
انا: صوفياااا …..مي حكيمة : و الله و متسكتي نتي تنهرس ليك داك الفم لا لا ماشي معاك اختي مليكة شوفي هادي أخر مرة ديري بوجهي يلاه جوج تجي لعندك يلاه بسلامة (طفات تيليفون) نوضي لبسي حوايجك خلاص
انا : مغنمشيش عند ديك جلدة البايرة و اصلا معنديش الحوايج و مغنلبسش داك سروال قندريسي …..

الجزء7❤❤❤❤ ال قندريسي
مي حكيمة: هداك راه سروال حياتي لموك
انا: سروال حياتك و لا مماتك مشي سوقي انا مغنمشيش
مي حكيمة: وليتي دعي معايا بالموت الموك و لكن انا لحمارة مدخلاك لداري
انا: تاواحد مضربك على يديك نتي لي قلتي ليا جلسي
مي حكيمة: هاي هاي على هيبول البول و ليتي تجوبي معايا حتى دابا باقي الحال نودي جمعي كراوعك ….انا قربت ليها و عنقتها من لور و بست ليها يديها و راسها : وايلي امي حكيمة و انا نقد نمشي و نخليك بوحديتك ….هي : انا ممحتاجا حد بعدي مني مكتسمعيش ليا …..و انا نبوسها من حنكها: لا ممبعداش واخا ضربني و تجري عليا مغنمشيش ….مي حكيمة : ههه و يلاه ابنيتي لبسي حوايجك يلاه تمشي تخدمي ….انا: اووو مي كوود اااوووف..مي حكيمة: بقاي تما تعيريني بالفرانسوية راه غتمشي هيا غتمشي …انا: اولا معيرتكش تانيا هدي لونكلي ماشي فرونسي تالتا مغنمشيش عند ديك شيبة العاصية ….مي حكيمة: اسمعيي هديك الكلبة راه والله تنتف والديك لما مشيتيش الله يا راسي الله حكل راجلك طلقك و لاحك الزنقة سرك ابنيتي لسانك زيزوار
انا: سمعي امي حكيمة راه مجبتدكش
مي حكيمة: شفتك ساريا التحلفي عليا
انا: وا منعرف
مي حكيمة: هاي هاي على زبالة اجي قولي ليا تي موك و باك فيناهما
انا: اوووف امي حكيمة اوووف شحال من مرة سولتيني هاد سؤال و قلت ليك بابا مات من هادي ثلاث سنين و ماما ماتت منين يلاه تولدت مي حكيمة: الله الله على بنيتي يتيمة اجي عندي نعنقك …انا مشيت عندها على نيتي عنقتها و هيا طلعها معايا بقرصة
انا: ااااييي اااح
مي حكيمة: باش تعلمي الموك تجوبي معايا دابا غتنوضي تلبسي حوايجك و تزيدي قدا…

الجزء8❤❤❤❤
قدامي (بعدت منها)
انا: مغنمشييشش يالاه
مي حكيمة: ناري هاد البنت غتقتلني في لخر يامي سمعي راه والله و متزيدي قدامي حتى نعيط لجيلالي يجمعها معاك راك باقا مضقتيش دقتو
انا: شوفيي خلافتنا يبقاو بناتنا بلاما دخلي بينتنا شي حد واش ترضاي بنتك يضربها داك الخباطة
مي حكيمة : اسمعيي راه والله منعقل عليك هو لي غيفكني منك يالاه
انا: تانا مغداش يلاه و ديري لي عجبك
من بعد ساعة …..خارجة انا ومي حكيمة و كنتناكرو انا لابسة جلابة بالباج قديمة منعرف منين دبرت ليا عليها مي حكيمة و شعري ضرت ليه قراسة و شرات ليا صابو ب30 درهم و هي خارجة حداية لبسة جلابة خضرا و هزاها ديرا زيف حياتي و فوق منو زيف
انا: نتي كليان زوين لماركا ديال حياتي هههه
مي حكيمة: ازيدي براكا من الهضرة الخاوية و عنداك تجوبي مع مليكة و لا مالين دار بالهدرة
انا: اياااه بغيتهم يعيروني و انا نبقا ساكتة ليهم …..مي حكيمة: انا درت دنب في حياتي تا سلطك عليا ربي
جيلالي : كيدايرا امي حكيمة لاباس
مي حكيمة: الحمدالله
جيلالي : ونتي الالة صفية
انا: الحمدالله سميتي صوفيا
مي حكيمة: سمية كي وجهك يا لطيف زيدي قدامي …بغيت نطلع في طموبيل هو يجي جيلالي حل الباب : تففضلي الالة
انا: ااه رربي اخليك.

الجزء9❤❤❤❤
مي حكيمة شادة من فمها و كتشوف في جيلالي : اويلي على دري تاتجمع تا تحليتي
انا شادني ضحكة و جيلالي ولا كامل حمر : لا امي حكيمة راه غير عزت عليا
مي حكيمة: مممم عزت عليك
صافي ركبنا في ديك القزديرة لي كلها كتزوي نوبا نوبا تحبس و جيلالي غيفرنس و انا و مي حكيمة نتناقرو و تحلف عليا حتى وصلنا نزلنا كان واحد الدار ديرا فيها مليكة مشروع و رداها شركة صغيرة كتعامل مع دوك ناس لي لباس عليهم لي خاصاه خدامة ولا لي عندو شي حفلة كيعيط ليها دخلنا لقينا فيها بزاف ديال البنات كيتقيدو باش يخدمهم عند الناس لي لباس عليهم كل وحدة و على حساب المؤهلات ديولها و كيخلصو مزيان بقينا داخلين حتى وصلنا لبيرو ديال مليكة و ديك مليكة كبيرة و شارفة و باقا ممزوجاش و كيصحاب ليها راسها باقا صغيرة
مليكة: سلام مي حكيمة لاباس
مي حكيمة: الحمدالله ابنيتي
انا: اويلي علي مي حكيمة و نتي قدك قدها
جمعتها معايا مي حكيمة بقرصة
مليكة: هنتي راني مكنجبدهاش غير على وجعك نتي
مي حكيمة: مسحيها فيها عافا كبيدتي
مليكة : المهيم راه لقيت ليها بلاصة عند واحد الناس لباس عليهم هنتي علميها بلاما تحشميني معاهم فحال لي دارت المرة لي فاتت مع دوك الناس كبت سطل ديال الما على ولدهم
انا: اويلي هو لي تحرش بيا بغيتووني نبقا ساكتة ليه
مليكة: مم على زينك مهيم سربي خلاص خاصك تكوني عند الناس مع جوج هاكي العنوان ..مهيم لبست كيف العادة ديك الكسوة الكحلة حد ركبة فوق منها طابلية بيضة و تقاشر بيضين مع صبيبط كحل (هاد البسة كتعطيها لينا شركة ) لبست جلابتي فوقها وودعت مي حكيمة لي كان عندها ختانة تمشي طيب فيها وصلني جيلالي طريق كاملة وهو طالق عليا سلوقية كتجري باع البكيرات شرا ارض باع خيمة و انا كنجوبو غير بممم مزيان وصلني للفيلا كانت غير صغيورة ماشي شي حاااجة تاني دخلت وصلني الجاردينيي تال الكوزينة لقيت تما شي ربعة الخدامات لابسين بحالي ووحدة لبسة بدلة كحلة صايا كحلة فايتا الركبة و قميجة بيضة و لافيست كحلة ومستقيمة مكينش ريحة الضحكة في فمها ديرة فحال المسطرة
هي: سلام نتي هي مدموزيل صوفيا
انا: ويي سيكي ؟؟ههه
هي: مكنضحكوش هنايا(جمعت الضحكة) حطي دوك الحوايج و تبعيني نوريك شغالك …انا حط …

جزء10❤ حطي دوك الحوايج و تبعيني نوريك شغالك …انا حطيت جلابتي و تبعتها عطاتني شطابة
هي : سمعي هاد دروج بغيتهم يوليو يشعلو …و مشات اويلي هاد مالها غطرطق غاراسها مخلاتني تنرتاح شوية يخ تفو على بنادم ممرتاحش ميخلي يرتاح بديت كنشطب و كنكر شوية و هي تمات هابطة واحد البنت مستيليا لبسا شورط قصير بزاف ديال دجين و ديباردو في البيض و طالقا شعرها و كتلعب في تيلي ديالها فكرتني غير فراسي شحال هادي
هي حانيا راسها: شوفي جيبي ليا واحد كاس ديال الما انا: و علاش مالك احبيبة نتي محنيةهي طلعت راسها فيا : ايكسكيوزمي(عفوا)
انا: كيفما سمعتي مكتشوفينيش مشغولة سيري جيبيه لراسك
هي: واش معايا كتهدري كيفاش تجرئي الخدامة لخرى انا: ااايه خدامة و حلي بيها فمك
هي : يخ تفو شكون دخل هاد الهماج لهنا
انا: غتسدي فمك و لانجي نوريك الهماج كيف داير الحمارة لخرى
هي : اوميكود مامييي مامييي
ماماها نازلة من الفوق: مالكي ا ملاك كتغوتي اش واقع .هي : شوفي عليا هاد خيتيي وسط داري كتعيرني. ماماها: اايه نتي واش سافا با
انا: مهدرتش معاك نتي بقاي بعيدا هدشي و بيني و بينها خليني محترماك امدام
ماماها: اويليي شكون دخل هاد زبل ديال الزنقة هنا انا: ايييه عرفي اش كتخرجي من فمك راه غير جيتيني مرة كبيرة اما نوريك الزنقة فين جات
ماماها: اشنو هادشي خاالد ميلودااا
جات ديك المرأة المسطرة و موراها واحد القلدة تبركالله ماماها: اشنو هاد الحالة لي جبتي ليا اميلودة ميلودة: سمحليا امدام دابا غنعالج الموقف
انا: هههه دابا هاد الاناقة كاملة و في الاخر سميتك ميلودا .ميلودا: خالد دير خدمتك (داك القلدة جاي لجيهتي) انا: غير هدا اسي خالد نهدرو بالفم انا غنمشي راسي
ميلودا شادة تيلوفون: اش هادشي جبتي ليا امليكة زعما راه ديرا فيك تيقة حشومة عليك حشمتيني مع الناس مكين ما ولكن هاهيا غنرجعها ليك ….خرجني داك خالد هازني من كتف و لحني على برا : نلقاك مرة اخرى هنا نوريك ….انا نايضة من الارض و كنمسح في يدي و حويجي: انا مغنرجعش عندكم بعدا ارو ليا جلابتي شفارة لخرين ….شيرو عليا بيها و سدو الباب تفو بنادم مكيحترمش ااااوووف غنرجع عند ديك مليكة تاني بقيت غادية على رجلي و كنهدر غا بوحدي كنحس براسي تقلت على مي حكيمة و هي مسكينة معندهاش واخا مقالغندخل عند ديك مليكة غتفرع ليا مخي ….

الجزء11❤❤
مع الدخلة شيرت عليا بكرسي حمدالله مجاش فيا
انا: نتي مالك صافا كنتي باغا تجيبي فيا هادا
مليكة كتغوت: عصبتني كرازتني خرجتي ليا في عودي
انا: و طرطقيي كاع انا ماليي سوقيي مهيم متشيريش عليا بكرسي يا ويل كون جا فيه
مليكة طلعت فوق البيرو: و ناريييي غتركبي فيا سكار ..انا: بردي بردي احبيبة منعرف شكون غيركب في لاخور سكار
هي : خرجيييي علييااااأاا ….انا : هاهيااا خارجة ….مشيت الفيستيار نبدل حيدت ديك الحيحة ديال الحوايج و تميت خارجا راجعة عن ملكة تعطيني فلوسي و انا نلقاها خارجة من البيرو ديالها كتهدر مع شي وحدة: ويلي شنو غندر دابا هما طالبين 20 بنت و انا عندي غير 19 كريمة مرضات و خوات بيا هاد نهار شنو عندير يا ربي و البنات كملين فرقتهم على الديور
ديك البنت: صافي امليكة نعديو ب19
مليكة: اويلي راه ناس مهمين هادو من اكبر رجال الاعمال في البلاد و نتي كتقولي ليا نعديو راه والله تيقتلونا كملين لا وقع ليهم خطأ واحد في الخطبة ديالهم
انا: مليكة الخلاص ديالي
مليكة : سيري قلبي ساعة بخرى قبل منسى بلي راه مي حكيمة موسين عليك
انا: ويلي باغا تاكليني في حقي
ديك البنت: مليكة ها كمالة 20
مليكة: اويلي صوفيا بغيتها تخرج علينا
انا: لهلا يحييك كلاك
مليكة: ناري غنقتلها
ديك البنت: مليكة مبقا قدامنا حتى حل اخر غير هي غتبلاسي كريمة و نعطيوها غير الماعن متخرجش
انا: لهلا يحييكم قلاك نبلاسي شي حد مزيان تبركالله انا صوفيااااا نبلاصي كريمة مليكة شدتني من دراعي: شوفي راه والله و ديري خطأ واحد تما و لا تجاوبي مع شي حد حتى نكردك و نعطيك الكلاب يلاه سيري وجدي راسك
انا: ايوا صافي هدشي لي بقا مالني اختي طالباك و لا ضربتك على يدك راك نتي لي محتاجني ماشي انا
مليكة: عيشة دوي معاها مبقا ليا جهد ليها
ديك البنت: تعالي اختي صوفيا بصح حنا محتاجينك و هاد الناس لي غاديين عندهم مكيتلعبش معاهم احبيبة راه الخطبة ديالهم و لا رتكبنا خطأ واحد مشينا فيها كامليين
انا: و هكاك و هدرو معايا هاك بشوية …. مشيت الفيستيار عطتني لبسة مغايرة على هديك لي كنت لابسها هادي واحد القميجة بالبيض و سايا قصيرة بزااف تاهيا بالكحل و صباط طالون بالكحل(توحشت نلبس فحال هاكا ) و فوق منهم واحدايرلينر و كلوز خرجت لقيت البنات….

جزء12❤
فرضو عليا نطلقو شعرنا و ضروري ندير المكياج سيبتو ليا ديك عيشة واحد ايرلينر و كلوز خرجت لقيت البنات كلهم لابسين فحالي و ديرين تهما نفس شدة و المكياج بقينا مصافين جا واحد الكار صغيور ركبنا فيها شي نص ساعة ديال الطريق عاد وصلنا لواحد القاعة فيها الضواو من على برا و الباب ديالها فخم بزاف و على برا كين باركين باقي مكين حد دخلت كندور عيني لقيت جردة مزوقة عرفتهم غيديرو الخطبة فديك الجردة فيها طويبلات طوال محطوطين فيهم الطباسل و الورادي دخلونا الكوزينا مقصومة على جوج وحدة فيها لي شاف كيطيبو ريحة المكلة كتشهي و لوخرى لي غندخلو ليها انا من ديبار عطاوني نقي البطاطا و نغسل الماعن حشومة عليهم و مشاو البنات لي معايا كيهزو المونادا و العصير و الاطباق لي سيبو على برا وانا كنغسل الماعن على قلبي و ديك المريشة واقفة عليا دور دور و تحلف عليا و دوك الماعن تكنقول تقاداو حتى كيحطو ليا تاني شوية الحفلة بدات كتعمر و ناس غير الهاي كلاص و صحافة تما و الفرقة الموسيقية كتعزف موسيقى هادئة واااو شحال توحشت هاد الاجواء واخا كانت كتجيني مملة في داك الوقت
ملكة قفزتني: هديك ااااه حطي دكشي من يدك و خرجي عونيهم في الحطات
انا: مال موك قفزتني دويي بشوية
ملكة عطاتني بلاطو ديال العصير : هاكي براكا من الهدرة الخاوية و سيري حطي هادشي للناس و بلاما تجوبي معا حد سربي
يخ هزيت داكشي مخلط عندي في بلاطو عواصر و منادات خرجت لعندهم و لي بغا شي حاجة كيجي يتفقلل عليا بغيت هادي مبغيتش هادي اووف خويت داك البلاطو و رجعت للكوزينة لقيت شي بنات خدمات معايا شادين النميمة
البنت 1 : شوفي يا ختي كيف دايرا
البنت2: وييه وااو على جمال فيها راها من اوكرانيا و عارضة ازياء هنايا
البنت 1 :واو كيف دايرا زوينة بزاف العالم الله بخطيبها كيف داير كلشي كيعاود عليه بوقوص و بوكوو العاقة …..انا دخلت راسي نشوف علامن تيدويو لقيتهم على واحد البنت زعرة بنفس طول ديالي تقريبا لاطاي انا مفورمية عليها عندي لور و القدام خارجين عليها شوية شعرها زعر و عينيها خضرين زينها كاوري لبسا كسوة بيضة مضيقة حد ركبة و ديرا فوق راسها تاج صغيور ديال الالماس واحد طالون بالبيض
انا: هادي هي العروسة
البنت1: ااااه …انا: و فين خطيبها …البنت 2:و منعرف على مبان ليا باقي مكينش
انا: مممم انا نمشي نخرج نبركك هيهيه

جزء13❤
بنت 1.2: ههههههه سيري
انا هزيت بلاطو اخر و خرجت مشيت حداها نستكشف لقيتها فحلا كتسنا شحد وقفت و مديت ليها البلاطو
هي (تكرفسات على الدارجة): هدا اتاي
انا: لا اصلا مكاينش اتاي في هاد البلاطو في خطرة
هي:و هدا لي بالقهوي شناهو
انا: هدا زعزع
هي : زع زع زعزع ؟؟ شناهو هادا
انا : شنو غيكون عصير
هي: اوووف انا مكنشربش العاصير و ماشيغي تعطل عندك اميجيش و يقولو هرب عليها
انا: ههه يياااه كتهدري بدارجة
هي : اه تنتي اجي نقولك(قربت لعندها) ولا صافي بلاش انا: لهلا يحييك ..حتى كنحس بشي حد شد ليا فمي
مليكة بضحكة صفرة : سمحلينا ا مدموزيل (بشوية)زيدي نتي قدامي …جراتني تال الكوزينة ….مليكة: بغا تخصري ليا فرصة العمر ديالي والله لا كانت ليك
انا:غا بشوية عليك شكون داها فيك لنتي لا فرصة العمر ديالك
مليكة: سمعي هديك خيتي….دخلت وحدة من دوك البنات : راه وصل العريس وصل انا خليتها تهدر و خرجت نشوف تانا لقيت البنات لي خدمين معايا وقفين كيهدرو و انا دخلت مبيناتهم و انا نتسمر عيني خرجو وهو كان داخل لابس الكلاس و ربة اللحية و قدها و شعرو كيفماهو و لابس سروال كحل و قميجة زرقة لاصقة عليه و فوق منها جيلي بلا كمام بالكحل عاد لافيست بالكحل بينات ليه البنية ديالو واعرة و بيناتو شخصية مشا و سلم على ديك زعرة بلابيز انا وليت كلي كنترعد عيني خرجو و رجلي مبقاوش هازيني و عيني دمعو
حتى شد ليا شي واحد من كتفي مليكة:هههه شفتك ابنتي خرجو ليك عينيك و حليتي فمك ههه
وحدا من دوك البنات : واااااااااو كيف داير زويين هادا منتوج مغربي
انا دخت دخلت فحالي الكوزينة وقفت قدام الروبيني غسلت وجهي و انا كنتفكرو اووف خاصني نمشي باقسى سرعة من هنا …دخلو دوك لخدمات معايا كيهدرو
وحدة منهم: ياختي كيف داير سعداتها
البنت2:وييه سمعتة كلك كان مطلق البنت 3 : تانا سمعتها منعرف شكون هاد الحمارة لي خلات واحد فحال هداك ….انا عا سمعت ديك الحمارة كنت غنخرج و انا نوقف و درت ليهم : ايييه نتي وهيا براكة من نميمة الخاوية في عبادالله ….و انا نخرج من تما بغيت نمشي الطواليط مبقيتش قادة نبقى في ديك الكوزينة البنت2: نتوما مال هادي سعرات ولات الامام المفتي البنت 3: نتوما اش كتعرفو على صوفيا
خرجت مشيت للطواليط لي(غايبدا تشويق هااح😂😂) #س

جزء14❤❤❤
لي كينا لداخل في القاعة دخلت قديت حاجتي و غسلت وجهي و كانت مرايا تما بقيت كنشوف فراسي و كنتفكرو هوا اووف مخاصنيش نبان ضعيفة قدامو انا قوية و اصلا اندير براسي مكنعرفوش حيت صافي تفارقنا و كلشي سالا مبينتنا و كل واحد عيش حياتو دابا و اصلا خدامة ماشي عيب العيب هو لدرت شي حاجة خايبة اووف انا غنتكلما اووووف …حليت الباب و خرجت فديك الزعرة
هي : اووبس …انا: ديزولي ..وبغيت نزيد فحالي وهي تشد فيا : اجي اجي انا محتاجاك
انا: فاش غتحتاجني وحدة فحالك
هي : بغيت نبدل حويجي و بغيتك طلعي ليا سنسلة من لور ….جراتني معاها البيت بدلات قدامي حطات ديك لبيسة البيضة و لبسات وحدة حمرة طويلة بلا كمام مفتوحة تالفخض و انا نضت كنسد ليها سنسلة و مبغاتش طلع
انا: مبغاش طلع ليا سنسلة
هي : غير حاولي معاها
انا: واش هدي كتجي قدك
هي : ااه راني قيستها في البوتيك جاتني لاصقة
انا: كنظن بلي راك غلضيتي
هي : متقوليهاش لا ميمكنش غير طلعيها …انا كنحاول نطلعها ليها و كنسمعو الدقان
هي : دخل ….هو: كميليا باقي ما سليتيش …انا فاش سمعت صوتو بقيت مكوانسية اويلي اش غندير و قلبي كيضرب معرفت نهرب معرفت ندير حتى حاجة بقيت غير عطياه بضهر و حانيا راسي
هي: اوو ماشغي مزيان مني جيتي شوفني واش بصح غلاضيت ….هو : لاا شكون هادا لي قلها ليك …هي شريت ليا بنت الحرام: الخدامة
هو: اوو نو واش امدموزيل مكتشوفيش
انا بقيت حانية : سمح ليا ..و جيت تميت خارجة عكلتني واحد الطابية و طلوات ليا رجلي مع الطالون كنت غنجي على فمي فادالله شديت راسي …هو جا العندي وشد ليا من كتفي: عنداك بشوية عليك …الهزة لي غنهز راسي فيه لقيتو مخرج فيا عينيه و مصدوم و كيشوف فيا و كيطلع فيا و يهبط صراحة مرضيتش يشوفني بلبسة الخدامة …بعدت عليه دغيا و خرجت و سديت الباب يا ربي لاش لقيتيني بيه و انا فحال هاكا ياربي شنو غندير دابا كون راه كيتشفا فيا مشيت للكوزينة ملقيت فيها حد شديت دوك المعنات و بركت نغسل فيهم و انا ساهية …دخلت ماليكا لقات صوفيا ساهية مكدويش جرات وحدة من الخدمات
مليكة: واش هديك صوفيا لي تما دايرا عقلها
البنت: ااه والله ايلا هي
مليكة: عنداك تكون دارت شي مونتيف هادي ناسكتا غير على خزيت البنت : وا منعرف يلاه يلاه نحطو للناس العشا
مليكة: لا بلاتي …..

جزء15❤❤❤
مليكة: لا بلاتي نشوف هاد المعجزة لي تحقات قدامي …مشاو حطو للناس العشا و صوفيا و تقولي تحركت من بلاستها ولا طلعات راسها غير كتغسل و ساهية شي شوية سلات الحفلة و الخدمات تجمعو في الكوزينة ياكلو و انا باقا غير ساهية كنحس بالداخل ديالي كيبكي و كيغوت و قلبي كيضرني حتى سمعت كلشي ناض من مورايا
مليكة: سي انور مرحبا بيك لقيتي شي مشكيل في الحفلة نتا ولالة كميليا ….انا غير سمعت انور وقفت من كلشي درت لقيتو كيشوف فيا بتخنزيرة اربي هادا مالو اش باغي و لاش جا لهنا
هو دار عند مليكة: صراحة الالة مليكة بغيت شي خدامة في دار دادا عيات بزاف(انا فاش سمعتو عرفتو باغيني انا باغي يدوز عليا الدكاكة و ينتاقم مني)
مليكة: ههه ايه ايه اسيدي انا نختار ليك احسن خدامة
انور: لا لا انا بغيت انا نختارها (الله يا ميمتي الله )
مليكة:ءء؟ ههه اه اه تفضل
انا ضورت وجهي كملت معنات و كنقفقف
انور: بغيت هاديك لي كتغسل لهيها
مليكة: شكون ؟؟صوفيا ؟؟لا لا عداك راه متعرف دير والو شوف ليك شي وحدة اخرى
انور مخنزر: مليكة راني هدرت غدا تكون عندي ..وخرج مليكة ولات كاملة كتقفقف و انا ندور عندها : شوفي بلاما تحلمي بلي غنمشي لعندو
مليكة : سمعي راه والله و متمشي لعندو حتى غيحدرو لجنازتك ليوما
انا: لا قدرتي عديريها ….و هي تنزل عليا بالنتيف و انا كنغوت و البنات يفكو فيها فرقوها عليا غبزز و انا كنبكي جابو الكار مشينا للشريكة مع ديك 4 دصباح لقيت مي حكيمة تما كتسناني هي و جيلالي مشيت كنبكي عندها فحال شي درية صغيورة : هيء مي حكيمة هيء هيء نت نتفاتني
مي حكيمة مشات تخاصم عليها : حشومة امليكة هادشي انا امنت على بنيتي و نتي مشيتي نتفتيها حشومة هادشي
مليكة: فحلا هي دروشة
مي حكيمة: اياه و ضربيها ؟؟ هادي هي مي حكيمة عزيزة عليا (انا كنتنخصص)
مليكة: ولا و راه مبغاتش تمشي تخدم ضبرت ليها على خدمة واعرة و مبغاتش و انا نتفها على مصلحتها
مي حكيمة: ايه و ضربيها؟؟ شنو غتكون هاد الخدمة كاع اشتادا زعمة
مليكة : ولا راه بغاها داك مسيو انور العثماني خدامة عندو …مي حكيمة ضربت طم مبقيتش كنسمع هدرتها و دارت عندي و نزلت عليا بقرصة. انا:ااااي اح اح قصحتيني
مي حكيمة :و تي بالهبلة لوخرة كاين لي قول لهادا لا بغيتيه يخرج علينا كاملين
مليكة: وييه قوليها ليها…

الجزء16❤❤❤
انا: علاش مالو اش غيدير لينا كاع قيطع لينا ريوسنا
مي حكيمة: ايه ابنيتي و غيشوطو لينا هاداك راه هو الاقتصاد دالمغرب
انا: لواه لواه زدتي فيه اووو
مي حكيمة: ونوضي تكعدي شفتك كتفشي عليا تما
انا : مغنمشيش هيا مغنمشيش ….شدت ليا ودني و جبدتها و كتهدر تحت سنانها: علاش قولي ليا اعلاش …انا: اااح اي هيء هيء مبغيتش نمشي لعندو اهيء
مي حكيمة: اويلي حاي غتزيدي لعندو لموك و لا غنوريك واش كتعرفي هاداك غتخدمي عندو زين و راجل تبركالله و يطيح الزرزور من فوق الصورو غيخلصك مزيان غتشري احسن لباس و غتاكلي احسن ماكلة و تنعسي في احسن فراش و معمرو يعيرك ولا يقزدر عليك اصلا كيكون هو ديما في الخدمة و مكيعمرش في دارو و حشا وليلاه تكون هديك دار قصر تبركالله و زيدون كاينا حتى صاحبتي تما فاطمة خدامة تم غنوصيها عليك حتى تمارة مغدبيهاش و ديك خطيبتو و لامرتو اغادة جايا تالهدرة متعرفش تهدر فحال المطهسة مغتأديك ماوالو هي كتصاحب مع الخدامات و تعود ليهم واش بغيتي مزال
انا: متأكدة هو مكيعمرش في دار
مي حكيمة: وا بيانسير ابنتي راه عندو 44 شركة خاصو يقابلها هادشي غير لي في المغرب لي على برا العالم الله
انا: مممم هاي هاي ولا مليونير
ملكة:و علاش متقوليش مليادير المهم دابا جمعي شطيطك غادة غتمشي لعندهم
انا درت عند مي حكيمة: مبغيتش نتفرق عليك اهيء اهيء مي حكيمة : اهيء اهيء كون شفتب انا بنيتي دابا غنموت مهنية عليك غير نتي تبتي و حصني و متجاوبي مع حد في الهدرة لي قالوها ليك ديريها باش يخليوك عندهم انا: اهيء اهيء متخفيش مغيجريش عليا غير غيخرجها مني
مليكة :براكا من تعناق مالكم مخرجينها عروسة مجوبناهاش وصلنا جيلالي للدار دخلت مي حكيمة تجمع ليا حوايجي و انا تكيت نرتاح شوية مع ديك 7
الجزء17❤❤ مع ديك 7 جات تفيق فيا
مي حكيمة: انوضي اااه غتعطلي
انا: حكيمة قلبي ساعة بخرة الله يرحم باك
و هي تجمعها معايا بقرصة حتى طرت لسما
انا: اااااااي حشومة هادشي لي كديري فيه والله العاضيم
مي حكيمة: انوضي اظيك العزري اتعطلي على الخدمة …صافي نضت فطرت على خاطري تحت انغام المطربة مي حكيمة نضت لبست ديك جلابتي الباج نيت هي لي عندي جمعت شعري عشوائيا و خرجت برزمة فيها 5 تقاشر و جوج بيجامات و سراول حياتي و زيوفت حياتي معرفتش انا اش غندير بيهم خرجنا برا كتعنقني مي حكيمة حيت مغتمشيش معايا و كنبكيو و دارت ليا 20 الف في يدي و هيا مسخياش بيا و لا انا ساخيا بيها ربكت مع جيلالي يوصلني سكت من البكة درت باي باي لمي حكيمة و زاد بيا جيلالي بقينا غاديين شي ساعة ديال الطريق و مزال موصلناش و دخلنا في طريق الغابة
انا: واش دار بعيدة
جيلالي : اااه شوية جات في الخرجة ديال المدينة
انا: ممم اصلا انا غادية للجحيم برجلي
جيلالي ضرب يديه مع الكيدون: اصلا انا مكرهتش نخرجك من هادشي كامل
انا :جيلالي؟؟
هو: والله نتزوج بك و نديرك حلالي و نعزك فوق راسي منخليش ديك خياتي يمدو عليك يديهم و نحيدك من هاد الدل لي نتي فيه و لكن انا نمشي نطبك من عند مي حكيمة و نشوف رأيها …انا بقيت غير كنشوف فيه مصدومة شوية نزلت عيني و جاتني البكية و ابتاسمت و حطيت يدي على كتفو و صوتي مخنوق: جيلالي شكرا بزاف بزاف…من بعد الهدرة ولا غير سكات حتى وصلنا و كيف ماقلت مي حكيمة قصر تبركالله و هو بالبيض و كبييير بزااااف و دايرا بيه حديقة عرييييضة بزااف و كلها خضرا وفيها الورود من كل انواع و الاشجار و داير بيها صور و عاد الباب الكبييير المشبك وقفين بيه جوج بوديكارد فعلا المنضر خيالي بقيت غير حالة فمي دكشي فحال دوك القصور لي في الحكايات لي في ديزني مهيم سلمت على جيلالي باليد و مشيت عند دوك البوديكارد لي واقفين في الباب و لابسين كوستيمات كحلين
انا: سلام انا الخدامة الجديدة سيميتي صوفيا …واحد فيهم حطيديه على ودنيه كيسمع التعلمات من واحد سماعة في الودن
هو : تفضلي امدموزيل ….تحل الباب اوطوماتيك دخلت بقيت غادة مع واحد شانطي طويل باش نوصل للباب الدار غادية و كنخضر عويناتي واااو دكشي رائع كنحس براسي فحال فشي قصة ديال الجميلة و الوحش…….

الجزء18❤❤❤
الوحش و صلت الباب و هي تحل ليا واحد المرة كبيرة في العمر وجهها عامر تاجعيد و لكن ملامحها زويني "مشا الزين و بقاو حروفو" طريقة الباس ديالها فحال ديال مي حكيمة
هي بابتسامة: نتي هي صوفيا الخدامة جديدة دخلي
انا: اه هه شكرا و نتي هي خاليتي فاطمة
هي : ايه ابنيتي عيطي ليا غير دادا راه وصاتني عليك ختي حكيمة
دخلتنيي لديك الدار وااو كيف دايرا من الداخل شي حاجة خارقة للعادة كان مراح فيه اثاث مصري و دروج الوسط على مبان ليا كيطلعو البويوتا و التحت كاين غير مراح و من هاد جهة صالون مغربي اصيل و من جيهة الاخرا كينا الكوزينة و شي بيوتا حداها مصدودين
انا: اه دادا فين نحط هاد لافليز و نبدل حوايجي ….وهي تجي ديك الزعرة لابسة كسوة ديال النمر مقزبة حدها حد الفخض ديالها و جايا كلها كتفيفري بداك الطالون
دادا: كميليا جيتي
هي : وييي ماشيغي بايقيي ناعس (شافتني و جات لعندي) ااووووو مون ديوو تيي لا وو واش انور لي جابك؟؟ اوو مزيان باش تبقاي تقولي لي واش تزديت ولا نقصت في الوزن اجي اجي بعدا نوريك بيتك ….جراتني لواحد البيت تقريبا حدا الكوزينة و دادا مورانا كان داك البيت كلو بيض الاثاث ديالو بيض الصباغة الحيط بيضة كلو و فيه واحد شريجم كيطل على جردة واحد المنضر زويون و عاد نموسية الوسط كبيرة تاهيا مغلفا بالبيض و ديك كميليا غير تدوي واااو مكتسكتش كتسولني و كتجاوب الراسها مراضتني بديك الدارجة المعكلة ديالها
هي : شوفي هاهو بيتك انا نطلع نفيق ماشيغي و نهبط نعاود ليك …ومشات
انا: وااو وااو شحال كتهدر ضراتني في راسي ودني خلاتها توزوز دادا: هههه اياه مسيكينة دريوشة نية متحني متدني
انا: هي واش كتبات هنا ؟؟
دادا: لا لا بنيتي حرام ولدي (انور) ميخليهاش هنا تايتزوجو عاد تجي لعندو دابا مخليها في واحد الشقة راقية عندو في المدينة
انا: ههههه زعمة عمرو قاسها زعمة
دادا: بمرة ابنيتي عمرو حتى باسها عاد ينعس معاها تيديرو الكحل في البيض
انا: مممم مزيان نتي ادادا اتنعسي معايا في بيت واحد ياك دادا: لا ابنيتي انا مكنباتش هنا كتوصل 8 كيوصلني شيفور لدويرتي عند ولادي
انا: اويلي و مكاينش شي خدامات خرين هنا متقوليش كينين غير انا وياك لي غنخدمو فهاد القصر لي قدو قدااش
دادا: ايه ابنيتي ولدي مكيتيق في حد اول وحدة جابها هي ….

الجزء 19❤❤❤❤ حيت انا عيت وولدي معقد من البنات من نهار واحد الكلبة واحد بنت الحرام ( انا تقرصت)دارت فيه هاد الحالة باقا نعقل نهار جيت نخدم عندو كان يلاه بدا في شريكتو الولة كانت حالتو حالة ديمان كنلقاه جالس في جردة فشتا فالبرد في شمش و كيهدر غير بوحدو كان غيحماق مكانش كيبغي ياكل ليا الحمدالله منين جا خوه من برا و داه معاه تما لاوكرانيا و كون نفسو و جا هنا و دار مشارع و دار هاد القصر و تلقا مع كاميليا تاهيا دريوشة و نساتو فيها و عضحك مسكينة مكتعرف والو نية نية …انا بقيت ساكتة و كنسمع و شادة من قلبي على شوية كنت غنهبط الدموع قدامها
انا: ااه اوكي ادادا واخا تخليني نلبس باش نمشي نخدم
يلاه سدات الباب نزلت الارض وبديت تنبكي حيت كلشي بسبابي انا سباب كلشي و هادشي كامل لي وقع ليا ولا ليغيوقع ليا كلو نستاهلو
اكيد كتسألو شنو قصة انور و صوفيا انا غنرجع بيكم 5 اللور (هاد الاحداث ماشي في نفس المدينة ) كانت صوفيا عندها 20 عام كانت زوينة بزاف حتى دابا باقا زوينة عينيها كحلين و مشفرين شعرها طويل و عندها لاطاي ديال العارضات كانت محبوبة الجماهير الدراري كانت كتشطحهم على انغامها و مكتخلي حد يقيسها و مكتخلي حتى دري يحصل الشراف يكون معها وهي صوفيا العلاوي بنت اكبر رجل اعمال سي إنصاف العلاوي و لكن كانت نية كتيق بصحاباتها بزاف ولكن كانت عايشا حياتها بالمزيات كانت عطياها غير لي ديسكو بالليل و الباس الوعر و صحابات لي غير سمية ديال صحبات كانو تيغيرو منها و شراب و كتشري من احسن المركات العالمية و كتكل من ارقى المطاعم و كل مرة و فين تلقاها ها باريس ها لندن كان باها مفششها بزاف ….واحد النهار كانت فايقة تال ديك 12 كيف ديما لابسة بيجامة شورط قصير بزاف بالفوقاني ديالو ميني بوط هابطة و كتحك في عينيها يلاه فايقة كانت بيتا تشطح في لا بواط مع دوك المنيكات دصحاباتها
انا نزلت لقيت بابا يلاه دخل للدار على غير العادة مشيت بستو: بابي شنو جابك لدابا واش نسيتي شي حاجة
بابا: نو ماشيغي غي جيت نهدر معاك فواحد سيجي
انا : متقولش ليا غديزاكتيفي الكارط بونك ديالي
بابا: لا لا حبيبة ديال هاد المرة الموضوع جدي تعالي نكلسو هنا ..كلسنا في الفوتوي و شد ليا في يدي : كشفتي ابنتي انا كبرت ويقات ليا غير خطوة الموت (بغيت نهدر)لا بنتي مغتقاطعينيش هدي حقيقة مغيغرها حد و انا خايف عليك و قررت…

الجزء20❤
نزوجك بواحد سيد
انا حيدت يدي من يدو و نضت وقفت: لاء ابابا مبغيتش نتزوج هاكا بغيت نتزوج عن حب و زيدون هادا مكنعرفوش و بغيت نبقا معاك نتا هي عشرين مبغيتش نمشي يبقا حابسني
بابا : شكون لي غييقا حابسك بالعكس غيعتني بيك فحالي و كتر حيت باينا فيه راجل و قاد بشغلو وراه شافك و عجبتيه و دغيا جا العندي طلب يديك مني
انا كنتنفخ: اووو هو فين شافني
بابا: صراحة امافي منعرف يمكن فاش جيتي لشركة شافك حيت هو خدام عندي مهندس
انا: شنو مهندس؟؟كيفاش قدرتي ابابا تفكر فيه كزوج ليا وهو فقير و خدام عندنا من الفوق
بابا غوت: صوفيا براكاا حشومة انا منقدرش نخليك ضايعا هاكا هادي حياة لي عيشاها نتي و هو مشي فقير غي ماشي في ابمستوى ديالنا ولكن راه راجل ابنتي (بغيت نهدر) شوفي انا عرضت عليه بليل يتعشا عندنا ديك ساعة فاش تشوفيه قرري …مشا و خلاني كنغلي كيفاش بابا قدر يدير ليا فحال هاكا اووف و لكن صراحة تانا عندي فضول نعرف عادا كيف داير اووف عنداك ايكون من هادوك لي كيلبسو قوامج و كيطلعو سراولهم حتى الكرشهم و كيكن فيهم ريحة العرق و ديرين ليباك و شعرهم مشعكك و فيهم الحبوب فوجهم يخ يخ جوبوبا نتخيل …دزت الكوزينا درت فطور و غدا و طلعت لبيتي حتى دخلت فضيلة هي مرة ارملة زوينة هي رئيسة الخدم عندنا كتلبس الكلاس سروال كحل و قميجة بيضة و لافيست كحلة : انسة صوفيا راني جبت ليك القفطان لي غتلبسي في العشية و حتى الكوفرة قريبة تجي لعندك
انا نعسا فوق ناموسية و كنلعب بطيليفوني: مممم مزيان حطيه تما فاش تجي علميني
فضيلة: واخا انسة ….غير خرجات نضت كنجري كنشوف داك القفطان كيف داير مكنبغيش نبين بلي انا انطيغسي بيه قدام الناس …شفت لقيتو بالباج في العقيق و معندش الكمام فيه غير سميطات ..جات الكوفور دخلتها لعندي دارتو ليا كريباج و مكياج قلت لها ديرو ليا خفيف و لبست قفيطيني و صباط دومي طالون بالباج بقيت جالسة في البيت كنتسناهم يجيو بفارغ الصبر و قلبي كيضرب بجهد و عندي فضول نعىف شكون شوية كنسمع طموبيلات طليت من شرجم لقيت جوج طموبيلات وحدة ديال بابا و تانية خرج منها شي حد لابس كوستيم كحل مابانش ليا وجهو و نزل معاه واحد ااخر كبير شوية راسو شايب اويلي واشهادا هو لي جاي خطبني لا ميمكنش ايكون لاخور مشيت بقيت جالسة حتى دخل عليا بابا : وينو على الاميرة ديالي كبرت وولات عروسة …

الجزء21❤❤
باس ليا فوق راسي و شد ليا من يدي و خرجني و بقينا هابطين و انا قلبي كيضرب و مهبطة راسي و طلع معايا سخونية اووف منعرف مالني …دخلنا للصالون كانو مسيبين طابلة و مزوقينها بالحلوة و الموناضة جلسنا انا مهبطة راسي ومكنشول لوجه جلسين قدامي جوج واحد لابس كوستيم بالكحل طيتو زوينة وويديه بيدين و لابس مكانة و لي حداه عندو كريشة و يديه سمرين اكيد ماشي هادا غيكون لاخور بغيت نطلع عيني نشوف غالبة عليا الحشمة و كناكي حمرين غيطرطقو
داك بو كريشة: ايوا اسي انصاف كيفما قلت ليك راه انور ولدك و كتعرفو و سنين هو خدام عندك في شركة و نتا عارف علاش جينا طلبين راغبين في بنتك لالا صوفيا لخويا
بابا: ايوا سيدي نشوف قرار بنتي و لا وفقت انا نزريدكم غير الله يكمل بالخير بنتي اش قلتي ….اويلي ا بابا حشومة عليه حطني في موقف فحال هادا طلعت عيني في بابا و لساني معقود
انا:ءءء؟ بابا؟
بابا: ههههه نخليوهم بوحدهم يتعرف على بعضهم تعالا معايا اسي منصور …خرج بابا مع داك بو كريشة و خلاوني مع لاخور بغيت غير نطلع راسي في هداك مقديتش هو ناض و جا جلس حدايا وهدر ومد ليا يدو : سلام انا انور …تشجعت و طلعت عيني فيه بقيت مكونسية وااو على جمال عجبني بزاف كان كيشوف فيا و مبتاسم و عينيه كحلين و لحيتو خفيفة بينا فيه سمات الرجولة و شعرو مقاد …هو: واش مكتسلميش …انا عاد نتابهت ليدو و سلمت عليه …انا: اه اه انا صوفيا …هو بقا شاد ليا يدي و كيشوف فيا بواحد نضرات كيسكتو القلب :سمية زونية فحالك …انا ابتسمت و حشمت و هو كمل: صراحة انا عجبتيني من اول مرة شفتك ولكن كاعما كان يحساب ليا غتكوني زوينة تال الهدرجة عن قرب ….انا وليت انلعب بعيني و حناكي غيطرطقو بالحشمة …دخل بابا و خوه لهنا وهو يطلق ليا من يدي و جلسو قبالتنا
بابا: احمممم اوا ابنتي اش قررتي …انا حنيت راسي بالحشمة و شدتني ضحكة لي كتعلن على موفقتي ناض بابا كيعنق داك سيد و انور فرح حدايا و بغا يعنقني و حشم و سلم عليا ببيديه: شكرا شكرا بزاف ….دخلت فضيلة هزة في يديها واحد المخدة بالبيض فوق منها سربيتا بالحمر و فيها جوج بواطات فيهم خواتم عيط بابا على وحدة من دوك الخدمات كتعرف تزغرت غير ركبناهم و هي طلقها بتزغريتة هههه

الحزء22❤❤❤
صافي ركبنا الخواتم كان (خاتم ديالي من الماس) بابا ناض كيهدر في طيلي داك الراجل كيهدر معايا: سلام انا هو خو راجلك انور سميتي منصور انا معايش هنا انا مهندس في اوكرانيا
بابا: اووف حتى هاد العدول تعطل ..انا خرجت عيني في بابا و كنقولو بعيني كيفاش
منصور : معرفتش اسي انصاف علاش هاد زربة ليوما اللاكط وغدا الحنة و بعدو العرس هادشي مزروب بزاف
انور: لا لا ا منصور سي انصاف عندو الحق (سيد مزروب)
بابا: اسيدي انا باغي نفرح ببنتي دغيا و كلشي غيوجد في رمشة عين
انا مقديتش نهدر اويلي أ بابا شفتو باغي يسيفطني دغيا في ميكا ساك بقيت نشوف فيه و كنرمش بعيني و انا نحس بشي يد فوق يدي انور: واش مبغاش هاد زربة
انا: ءء؟انا؟؟لا اه لا حيت
بابا دورني عندو : ياك عجبك بغيتيه شنو الفرق مبين العرس لدرناه بعد غدا و من بعد عام
انا وليت درويشة : وا لي بغيتي ابابا
حسيت بكلشي رتاح جا العدول لابس فوقية عطاوه لي كارط نسيونال ديولنا سينا انور و عطاوني حتى انا نسيني ترددت في الاول مي من بعد سنيت زغرتات ديك الخدامة صافي فرحنا تعشينا كاملين هما خرجو و طلعت انا للبيتي صيفطت ميساج للكاع لبنات صحابتي باش يجيو قلت ليهم بلي غنتزوج و غدا لحنة انديروها في دار دخل عندي بابا و جا جلس حدايا انا ديرا لهيه مقلقة
بابا :مال الاميرة ديال باباها مقلقة مني
انا:حشومة ابابا عملتيني فحلا انا تقيلة عليك و باغي غير تفك مني
عنقني : لا لا ابنتي ماشي هكاك بالعكس بغيت نشوفك عروسة قبل منموت و نرتاح من جيهتك و تحيدي عليك من داكشي دليل و داك شراب
انا: وشفتي ابابا باغي تفك مني
بابا: لا لا ابنتي ماشي هكاك و دليل هي انه غندير لبنتي احسن عرس كلشي يبقا هدر ليك عليع صافي هههه هاكا بغيت بنتي ديما ضاحكة و انور غيعاملك و يبغيك فحالي
انا: لا ابابا مكاينش شي واحد فحالك هيء هيء مبغيتش نتفارق عليك
بابا : لا بنتي متبكيش غتبكيني معاك ….بقينا مع بعضنا نبكيو و نتفكرو ليام حتى نعست و غطاني و باسني فوق راسي و خرج
الغد ليه فقت تال ديك 12
فضيلة: انسة صوفيا صحابتك جاو
انا كنتكسل: بصاح انا ندوش و نهبط عندهم دكشي لي ظرت لبست سايا تجين قصيرة و تيشورت بالغوز قصيرة كتبين ليا خصري
نزلت سلمت عليهم (هاد البنات كنت تليقت معاهم فاش كانت عندي 16 عام في ديسكو…

الجزء 23 ❤❤ كنت كنقرا ديك ساعة و هما لي قنعوعني بلي القرايا معندي مندير بيها حيت بابا عندو الفلوس و نعيش حياتي حسن سلوى عندها 28 عام معرفتش شنو كتخدم مي راها لباس عليها و مزعرة شعرها و زوينة مابيهاش ليلى 25 عام مزوجة تهيا بشي حد لاباس عليه عندو تجارة و لكن منعرف ديالاش هي سمرة و ملامحها زوينين و مفورمية و مريم قدي قدها هي خت سلوى صغيرة كتشبه ليها و هي مكربيا شعرها و هي لي عرفاتني عليهم ولينا صحابات من روح روح كنسافرو مع بعضنا نسهرو و كلشي كنديروه كاملين)
سلوى:حشومة عليك هادي هي صحبة نقلتيي لينا والو عليه
ليلى : و حنايا مقلقين منك
انا: نو نو حبيباتي والله البرح عاد عرفتو و درنا خطبة و لاكط و كلشي في دقة و اليوم الحنة و غدا العرس
مريم: ويلي هادشي مزروب بزاف
سلوى : مالك خافة لعريس ليهرب هههه
انا: اصلا لا درنا العرس اليوما و لا غدا و لا العام جاي مغيغير والز
ليلى : ويي بصح المهيم هو فاش خدام
انا: اااه خدام مهندس عندنا في شركة
كلهم ضحكو حتى بانت ليهم ضرسة ديال العقل انا: هههه مالكم ؟؟
ليلى : ههه واش من نيتك اصحبتي
سلوى : ههههه نكتة زوينة والاهيلا ضحكت بدموع
انا: هههه علاش مالها شنو فيه
مريم: متقوليش ليا راك سيريو غتزوجي بهاد الفقير
انا: لا راه ماشي فقير غير ماشي فنفس المستوى ديالنا
سلوى: نوضي راه اكيد باغي غير فلوس باباك
انا: لا لا انور ماشي هكاك
ليلى : شفتك يلاه تلقيتي بيه وليتي تعرفيه
انا : ماشي هكاك
مريم: دابا اصلا معندنا منديرو ولا راجلها بعدا خلينا نشوفوه
سلوى : ويي شحال عندو من عام
انا: قاليا بابا عندو 28 عام المهيم نوضو معايا غنمشيو للحمام خانوم راه دار لنا بابا حجز لينا كلنا
ليلى : ايوا حبيبة دابا هدرتي يلاه نمشي ….مشينا ركبو معايا في الفيراري الحمرة ديالي غاديين و طالقين المزيكا و كنغنيو وصلنا لداك الحمام داير فحال صونا فيه كوافور و مساج و كلشي مشينا طلعنا نسخنو دخلنا في ديك الغرفة نتصهدو و كندهنو ليكريم و كينصحوني ديري كدا ديري كدا سلينا مشينا لاصال الاخرة دارو ليا لاصيغ اصلا مكين لاش مفياش زغب بزاف داروه ليا من راسي لرجلي خرجنا مشينا الكوافور و جلسنا شي كيدير لينا المنيكير و شي كيدير ليا بروشين لشعري و شادين الهدرة و النميمة سلوى:….

الجزء24❤❤ سلوى: صوفيا بما انك بقا بنت اليلة لولة غتكون صعيبة عليك
انا: من نحيت أش ؟
ليلى : بلاتي مريم نوضي ديري ليك مساج لهيه
مريم: لا لا تنديروه معاكم
سلوى: غير خاليها اليلى راه فايتا مجرباه
ليلى: وايلي على مريم ماشي بنت
سلوى: صباح الخير ابنتي
انا: علاياش كتهدرو مفهمت والو
سلوى: سيكس
انا: مالو
ليلى: اويلي على مالو هو لي غديريه نتي و داك عريس الغفلة غدا
انا: لا اويلي دغيا حنى يلاه تعرفنا غيصبر عليا حتى نتوالفو
سلوى:ههههه ضحكتني واش نتي كتهدري على رجال هادوك راه دياب فهيئة انسان غير كدخل البنت لشبكة ديالهم مكيعقلوش عليها
مريم: انا اول مرة كانت ليا بقا كيقولييا انا غير بشوية فاش تمكن حتى تمكن مبقاش عاقل عليا و دم ولا كيخرج بزاف
انا: خلعتوني البنات والله
ليلى: شفتي هاد انور هو لي زدقات ليا غدي ياخد املاك باباك و غيخد بنتو باقا صغيرة و عدراء و زوينة والله هو لي طارت ليه
انا: واش داكشي كيقصح بزاف
سلوى : شوفو دابا الناس في الناس و القرع في مشيط الراس ….بقاو كيعودو ليا و يخلعوني و يعمروني على انور كتعرفو كيف كنتخيلو فحال شي وحش باغي يخد مني كلشي و غيعدبني و غيديرني فحال شي خدمة و لا الة باش يشبع نزواتو صافي رجعت لدار و هما مشاو يوجدو للحفلة ديالي في اليل انا مشيت لبيتي و بقيت ساهية و ديك الهدرة كتعاود في راسي لبست قفطان خضر فيه حجيرات و مضمة دياب دهب و اكسسوارات خرين كانو محطوطين تما مع بليغة في لون سفيفة و شعري كنت درت ليه مشيطة ودايرا مكياج صارخ مناسب للقفطان ديالي و درت فوقو راسي تاج عصري ديال دهب وعاد اكسسوارات الاخرين وقفت قدام المرايا و كنهدر غير بوحدي : دابا انا وياه غنكونو بوحدنا و كيفما قالو البنات غيتهجم عليا و لا مبغيتش غيضربني و غيي….هو يشد ليا شي حد من كتافي من لور …بابا: لا بنتي مكين من هادشي والو نتي غتزوجي و غتكوني اجمل عروسة و غتعيشي حياة زوينة مع انور
انا درت عند بابا: و لكناش اش غن غندير في في ليلة لولة
بابا ضحك : هههه انا غنقول لفضيلة تقول ليك صافي دابا جيت نهبطك راه ن كملين كيتسناو اميرتي زوينة
انا درت ليه براسي واخا و شدني من يدي و هبطني لقيت كلشي لتحت كيتسناني صحباتي و شي بنات و دراري كانو……

الجزء 25❤❤❤
كانو تيقراو معايا و صحاب بابا و بزاف ديال الناس لي مكنعرفهومش كلشي لبسين تكاشط و رجال جبادورات جابني بابا جلسني فواحد البلاسة بعيدة على الناس مزوقة و جات نقاشة كتنقش ليا جاو سلوى و مريم و ليلى سلمو عليا و جلسو حدايا تقريبا و بابا بان ليا كيخنزر فيهم مهيم بدات دقة المراكشية ناس ناضو كيشطحو و مكيعرفوش غير كيمشيو و يجيو مع الموسيقة شوية سكت كلشي و كنسمعو المسيقى جايا من برا و زغاريت تحنت فضيلة على ودني: هدا راه دفوع
انا :ااه …مشاو البنات صحابتي يطولو و انا بقيت جالسة طلقة يدي ورجي لديك البنت لي كتنقش
مشاو سلوى و ليلى و مريم يطلو على العرس و يشوفو العريس كيف داير خرجو على برا يشوفو لقاو منصور لابس جبادور و كيشطح اما العريس باقي في طموبيل لداخل
مريم: هادا هو العريس
ليلى : اويلي واش هادا هو لي غيدي لينا الاملاك من يدينا
سلوى : سكتو سكتو راه هاداك غير من العائلة شوفو راه العريس هو لي جالس في طموبيل لداخل ….طلو بان ليهم غير نص دوجهو كيضحك ….مريم: ويلي ويلي شدوني لا كان هادا هو العريس
ليلى كتعض في شنايفها : نااااااري ياختي مكرهتش نمشي عند صوفيا نقولها نتبادلو
سلوى: اش هاد تخربيق كنسمع ياكما نسيتو لاش جينا لهنا حنا واخا داك شارف ديال انصاف مبغاش يموت خلاص اشنو دار زوج بنتو دغيا بلا منعرفو
ليلى: ايكون عاق بينا زعما
سلوى: منعرف باقي معرفتش هاد شارف علاش ناوي و عاد دار لينا هاد انور في طريقنا مريم: ولكن رااااه خينااا واشمن خيناا
ليلى : ويييه ناري مي خرج ناريييي شدونييي
مريم : الله الله هادا بنادم
سلوى: تبتو ازبل متنوضش فيكم الدودة خصنا نفكرو كيف نديرو نفرقوهم
مريم: شوفي ختي خليني نعس معاه و نتوما جيبو صوفيا و هاهي خيانة ليلى : وعلاش تنعسي معاه نتي نعس انا سلوى: ووااا زمر سكتو معينعس معاك لا نتي لانتي مريم و ليلى: و شنو غينعس معاك نتي
سلوى شدات من راسها: يا ربي باش بليتيني سمعو هاد الخطة لي كتفكرو فيها عمرها تنجح انا لي كنعرف انور مزيان اي خطوة كيديرها كيضرب ليها الف حساب انصاف عرف ااش ختار لبنتو دابا قدامي غير ديك المكلخة ديال صوفيا هي باش غنلعب انا …جا دخل عريسي بجبادوربالباج جا و باس ليا فوق راسي و الكميرات و الصحافة كيصورو هاد انور بالاضافة لجانب الخاريجي لي زوين كنحس بيه من لداخل دافئ…

#يتبع

Leave a comment