Skip links

قصة : أحببت معذبي 1

 15,879 عدد مشاهداات

أحببت معذبي 🔥🔞
1

سلام عليكم مرحبا خوتي اليوم جيبت ليكم قصه زوينه بعنوان احببت معذبي بعد تفاعلكم انحطها اليوم ان شاء الله
اكذووو حضوركم….

“انا سميتي غفران 25 سنة طويلة وعينيا كحلين شعري طويل واصل لخصري حروفي كحلين كلشي تيقول زوينة و عزيزة على كلشي لاني بطبعي عفوية ومتواضعة و دارنا تيعايروني تيقولو لي انا نية بزااف ونيتي غتخرج عليا ولكن انا مكنشوفش هكاك المهم انا خدامة فواحد الشركة بالضبط ف الحسابات عايشة مع والديا و ختي صغر مني بعام سميتها اسية وهي لا علاقة معايا ههه لي شافنا يحلف ما خواتات تا هي زوينة و بكوصة فين ما تخرج تجيب الخطاب ولكن كترفض حيت بغات فارس احلام لاباس عليه عندي صديقة وحدة انصاف كنعتبرها ختي الصحبة ديالنا عندها كتر من 10 سنين عمري حتاجيتها وملقيتهاش و حتى هي نفس الشيء تا هي خدامة معايا وهدشي لي زاد قربنا كتر انوصفها ليكم انصاف بنت طويلة قدي ف الطولة تقريبا عينيها قهويين وشعرها قهوي بيضة بزاف تا هي ديما جايبة الخطاب ولكن مزال ما سهل عليها الله كيتي انا لي من الخدمة للدار و من الدار للخدمة ههه الا تبسل عليا شي واحد تتشدني الخلعة وتجيني البكية داكشي علاش مكنخرجش بزاف باش نتفادى بحال هاد المواقف….اففف شحال الساعة دابا(قلبت التيل)هييييه ويلي 7:15 نضت بزربة لبست حوايجي وانا كنترعد عمىي تعطلت على خدمتي اول مرة توقع ليا و لكن لي عندو مصيبة بحال ختي مينعسش شوف بنت الحرام كب ناعسة ممسوقاش ويلي اليوم يجريو عليا هزيت صاكي وتميت خارجة تفكرت تيليفوني رجعت هزيتو وهبطت كنجري ف الدروج تلاقيت مع بابا تا هو غادي لخدمتو….بابا:بشوية عليك ابنتي دابا طيحي….غفران:تعطلت ا بابا اليوم يجريو عليا….بابا:ههه نتي ديما هاكا ولكن اول مرة ماشي مشكل…غفران:عادي تقول هاكا حيت عمرك شفتي المدير ديالنا….بابا:واخا واخا زيدي نوصلك….غفران(بستو وعنقتو):لهلا يخطيك عليا يالاه نمشيو….ماما(قاطعاتنا):مغتفطريش…غفران:لا ا ماما تال تما وناكل شي حاجة يالاه ا بابا….خرجت انا وبابا ركبت معاه ودرت السمطة ونطقت الشهادة ههه حيت بابا ملي كيشوف شب واحد زربان متيعقلش على الطريق اوا كسيرا وانا قلبي تيضرب وهو تيضحك عليا تا وصلنا لباب الشركة مع 8 بيلا…..بابا:هانا ا لالة فالوقت….غفران(بست ليه يديه):الله اخليك ليا بسلامة ورد بالك عافاك….بابا:واخا ا بنتي الله ارضي عليك و كولي….. يتبع

أحببت معذبي 🔥🔞
2

متبقايش تاني بجوع…..غفران(تنجري وتنهضر معاه):واخاا…مشيت للبوسط ديالي وانا كنلهت الحمد لله المدير مزال ما جا بقيت جالسة تنرد النفس تا جات انصاف….انصاف:الزين هه سبقتك اليوم مموالفاش ليك….غفران:غير سكتي بقيت مجمعة ديك المزغوبة ديال اسية الليل كامل…..انصاف؛ههه سرك دايرا فيها عقلك شدات الاجازة وعطاتها للنعاس ف الدار….غفران:الله اسهل عليها وخلاص انا نمشي نجيب ما ناكل مفطرتش نجيب ليك شي حاجة….انصاف:اه جيبيلي كاس د القهوة….غفران:هي لولة…..مشيت خديت باش نفطر والقهوة باش نتوكض شوية شفت راسي ف المراية ويلي على حالة غير هبيلة هاربة من سبيطار الحماق و صافي قاديت حالتي ورجعت لبلاصتي نخدم على راسي…..بقيت خدامة انا و انصاف مرة نجمعو مرة نخدمو تا وصلات وقيتة د الغدا تغدينا ورجعنا….انصاف:انا ندي هاد الضوسي للمدير ونجي….غفران:اه واخا هه عنداك غير يسمعك الهضرة تاني….انصاف:خليها على الله…بقيت جالسة خدامة تا رجعات….انصاف:اففف على معقد يحخخ….غفران:ههه اش قاليك تاني….انصاف:راك عارفا كلامو كي السم….غفران:بغيت غير نعرف مالو معاك….انصاف:تا نعرف انا والله تا نقوليك….الصراحة مهرفتش مال المدير مع انصاف فينما كترجع من عندو كتجي مزنكة ومحاملاش راسها وطالع ليها الدم المدير عصبي اه ولكن غير مع لي تيجبدو وهي خدمتها متقونة معرفتش شنو مشكيلتهم انا عمري مشيت عندو يمكن شفتو مرة وحدة ونهاار تعينت اول مرة هنا ديما كنت كنتفادا نتلاقا معاه حتى لي ضوسيي لي كنخدم كنسيفطهوملو مع السكريتيرة وهو تيردليا معاها الملاحظات هاكا حسن…المهم بقينا خدامين حتى وصلات 4 د العشية وقت حروجنا لصقاتني انصاف باش نخرجو نضورو فلول رفضت ولكن لصقاتني و انا مكنبغيش نخصر ليها خاطرها عيطت للدار علمتهم وخرجنا مشينا للبحر بقينا منتمشاو فجنبو و حنا مجمعين….شوية هزينا سراولنا وتخشينا ف الما بقينا كنلعبو بحال شي بنات صغار تا وقفو علينا واحد جوج انا غير شفتهم شداتني الخلعة اما انصاف ممسوقاش عندها زايد ناقص….توجه ليا واحد منهم….الشاب1:تبارك الله كتباني بحال شي حوري وسط البحر….غفران:الصمت…..الشاب1:صراحة عجبتيني انا وصاحبي عجباتو صاحبتك و حنا جوج ونتوما جوج علاش لي منتوانسوش بربعة….. يتبع

أحببت معذبي 🔥🔞
3

بينا…..انصاف:شوف نتا وياه غتقلعوا من هنا ولا مغيعجبكم حال….الشاب2:اووو قاسحة مع راسك….غفران(مشيت عند انصاف):ختى يالاه عافاك معندنا منديرو ب الصداع….انصاف:زيدي قدامي زيدي….تمينا غاديين وهوما تابعينا وتيهضرو مورانا انا محملتش راسي مكنبغيش نتحط فبحال هاد الموقف…المهم بقينا غاديبن وانا قابطة ف انصاف وحانية راسي تا بدات البنت تتنقز….انصاف:اووو شوفي شوفي شكون….غفران:شكون مالكي علامن تتهضري….انصاف:وا هزي راسك ا صاحبتي شوفي المدير ديالنا…ضرت شفت فيه كان واقف مع صحابو شي تلاتة…..انصاف:ناريي شحال بوكوص اول مرة نشوفو لابس سبور يالاه نمشيو نسلمو عليه….غفران:شنوووو اويلي حماقيتي حنا كنعرفوه ف اطار الخدمة صافي يالاه فحالنا….انصاف(جاراني):لا زيدي حشومة….بقيت غادا كنتجار انا وياها تا وصلنا عندهم وهادوك لي كانو تابعينا غير شافونا وقفنا حدا دراري وهوما يمشيو….وقفنا موراه وهو عاطينا بضهر و صحابو تيشوفو فينا بتعجب وانا مخشية مور انصاف تنجرها ولا بغات تحرك تا دار عندنا…..انصاف:سلام…..جاد(المدير):سلام….انصاف:كنا دايزين وشفناك قلنا نسلمو عليك….جاد:اه مزيان(دار عطانا بضهر)بقاو صحابو شي حابس الضحكة شي تيطلع و يهبط وانا تمنيت الارض تشق وندخل فيها لاني حسيت بالدل فهاد اللحظة بلاصة هاد الويلة…جريتها وتمينا غاديين تنعاير ونجدب والبنت غارقة ليا ف الاحلام شدينا طاكسي كل وحدة مشيات لدارها ولكن انا مبغاش يتسرط ليا داك البلان دابا اش غيكون تيقول علينا اففف..بقيت جالسة خدامة تا رجعات….انصاف:اففف على معقد يحخخ….غفران:ههه اش قاليك تاني….انصاف:راك عارفا كلامو كي السم….غفران:بغيت غير نعرف مالو معاك….انصاف:تا نعرف انا والله تا نقوليك….الصراحة مهرفتش مال المدير مع انصاف فينما كترجع من عندو كتجي مزنكة ومحاملاش راسها وطالع ليها الدم المدير عصبي اه ولكن غير مع لي تيجبدو وهي خدمتها متقونة معرفتش شنو مشكيلتهم انا عمري مشيت عندو يمكن شفتو مرة وحدة ونهاار تعينت اول مرة هنا ديما كنت كنتفادا نتلاقا معاه حتى لي ضوسيي لي كنخدم كنسيفطهوملو مع السكريتيرة وهو تيردليا معاها الملاحظات هاكا حسن…المهم بقينا خدامين حتى وصلات 4 د العشية وقت حروجنا لصقاتني انصاف باش نخرجو نضورو فلول ….. يتبع

أحببت معذبي 🔥🔞
4

رفضت ولكن لصقاتني و انا مكنبغيش نخصر ليها خاطرها عيطت للدار علمتهم وخرجنا مشينا للبحر بقينا منتمشاو فجنبو و حنا مجمعين….شوية هزينا سراولنا وتخشينا ف الما بقينا كنلعبو بحال شي بنات صغار تا وقفو علينا واحد جوج انا غير شفتهم شداتني الخلعة اما انصاف ممسوقاش عندها زايد ناقص….توجه ليا واحد منهم….الشاب1:تبارك الله كتباني بحال شي حوري وسط البحر….غفران:الصمت…..الشاب1:صراحة عجبتيني انا وصاحبي عجباتو صاحبتك و حنا جوج ونتوما جوج علاش لي منتوانسوش بربعة بينا…..انصاف:شوف نتا وياه غتقلعوا من هنا ولا مغيعجبكم حال….الشاب2:اووو قاسحة مع راسك….غفران(مشيت عند انصاف):ختى يالاه عافاك معندنا منديرو ب الصداع….انصاف:زيدي قدامي زيدي….تمينا غاديين وهوما تابعينا وتيهضرو مورانا انا محملتش راسي مكنبغيش نتحط فبحال هاد الموقف…المهم بقينا غاديبن وانا قابطة ف انصاف وحانية راسي تا بدات البنت تتنقز….انصاف:اووو شوفي شوفي شكون….غفران:شكون مالكي علامن تتهضري….انصاف:وا هزي راسك ا صاحبتي شوفي المدير ديالنا…ضرت شفت فيه كان واقف مع صحابو شي تلاتة…..انصاف:ناريي شحال بوكوص اول مرة نشوفو لابس سبور يالاه نمشيو نسلمو عليه….غفران:شنوووو اويلي حماقيتي حنا كنعرفوه ف اطار الخدمة صافي يالاه فحالنا….انصاف(جاراني):لا زيدي حشومة….بقيت غادا كنتجار انا وياها تا وصلنا عندهم وهادوك لي كانو تابعينا غير شافونا وقفنا حدا دراري وهوما يمشيو….وقفنا موراه وهو عاطينا بضهر و صحابو تيشوفو فينا بتعجب وانا مخشية مور انصاف تنجرها ولا بغات تحرك تا دار عندنا…..انصاف:سلام…..جاد(المدير):سلام….انصاف:كنا دايزين وشفناك قلنا نسلمو عليك….جاد:اه مزيان(دار عطانا بضهر)بقاو صحابو شي حابس الضحكة شي تيطلع و يهبط وانا تمنيت الارض تشق وندخل فيها لاني حسيت بالدل فهاد اللحظة بلاصة هاد الويلة…جريتها وتمينا غاديين تنعاير ونجدب والبنت غارقة ليا ف الاحلام شدينا طاكسي كل وحدة مشيات لدارها ولكن انا مبغاش يتسرط ليا داك البلان دابا اش غيكون تيقول علينا اففف..بقيت ليل كامل وانا كنفكر فداك الفلاش عاودتو لا سية سبطاتني ههه تقول انا لي مشيت عندهم و مع هي مكتحاملش هي و انصاف كملات المهم سمعت ليا جوج كليمات ….. يتبع

أحببت معذبي 🔥🔞
5

ونعست فقت صباح بكري حيت اصلا منعستش الست حوايجي وهبطت فطرت مع والديا ومشيت لخدمتي باقي تا واحد ما جا بديت خدمتي تا بداو كيدخلو الموظفين…نضت نمشي نجيب كاس د القهوة خديتو وتميت راجعة وانا نتلاقا بالمدير جاي ناريي على وحلة اففف داز من حدايا طلع فيا وهبط ودار ضحكة استهزاء و مشا خلاني كنغلي…مشيت بزربة لبلاصتي لقيت انصاف جات…..غفران:ناري يختي حشومة عليك…..انصاف:بسم الله عليك مالكي….غفران:تلاقيت بالمدير كون تشوفي على شوفة دار فيا….انصاف:هههه وايلي تا نتيا راه عادي اصلا هاديك هي شوفتو…..غفران:لا اختي ولكن انا عمري تحطيت معاه فهاد الموقف اففف نتي السباب نتي…..انصاف:وا خلااااص حتى نتي خدمي خدمي….المهم بقيت خدامة النهار كامل مدقتش النعمة ديك الشوفة سدات ليا الشهية وصلات 4 باش نخرجو وكنت مزيرة….غفران:انصاف انا غنمشي للطواليط….انصاف:واخا متعطليش….مشيت كنجري مكنقدرش نحبسها هه كتر من الدري صغير بقيت كنجري ومشفتش قدامي تا دخلت فشي واحد كنت غنطيح كون مشدنيش هزيت راسي لقيتو هو جاد اليوم لخرة ليا…..غفران:س…سمحلي مشفتكش….جاد(ضحكة جانبية):دوك الفعايل راني حافضهم ولاو قدام بزاف كنصحك بدلي شوية واخا حيت بحالك(شاف فيا من راسي تال رجلي وهو مزال شادني من خصري)غير دايعين(دفعني ومشا)….غير مشا وانا نطلقها فحوايجي والدموع بداو تيهبطولي مركت خرجت كنجري عند انصاف خديت صاكي ومشيت نيشان للدار دخلت للدوش ندوش وانا تنبكي….دابا اكيد غيكون تيقول عليا بنت زنقة ممربياش و طامعة فيه و و…خرجت من الدوش ونعست ما شفت حد بقيت كنفكر تا نعست تال الصباح نفس الروتين نوض نلبس ونغطر ونمشي لخدمتي كنوصل بكري باش منسمعش الهضرة من عند حتا شي واحد….بداو تيدخلو الموظفين كل واحد دايها فخدمتو تا جات عندي السكريتيرة ديال جاد:هاكي قاليك موسيو جاد راجعي هاد الحسابات بتدقيق ميبغيش شي خطا…..غفران:اوكي….بقيت خدامة على دوك الوراق والحساب تا داخ عليا راسي نضت مشيت جبت كاس د القهوة ورجعت لقيت انصاف جالسة فبلاصتي ومعاها شي واحد جالس بلاصتها وعاطيينها للضحك…..غفران:احم…..انصاف:ههه عفران اجي اجي نعرفك عليه….الشخص:اوو بوكوصة ….. يتبع

أحببت معذبي 🔥🔞
6

مع راسك عاوداتليا عليك صاحبتك مي مضنيتكش هاكا….انا غير كنشوف فيهم تا نطقات انصاف:هادا موسيو وسام اخ المدير ديالنا يالاه جا اليوم وغيبدا معانا الخدمة….وسام(مدليا يديه):سلام…..غفران :سلام…..وسام:هه كتبانليا متوترة ولكن عادي كلشي عاملني هاكا حيت جاتهم غريبة وكاين فرق بيني و بين خوياخلانا ومشا…..انصاف:شفتي شحال ضريف ولكن ما بوكوصش بحال خوه….غفران:اودي الله يهديك ديها فخدمتك…..انصاف:بففف متخليش الواحد يحلم فخاطرو والو……المهم تحنيت على دوك الوراق معاودتش هزيت راسي تا قربنا نخرجو كنت كملتهوم هزيتهم وديتهم للسكريتيرة باش دخلهم ليه مي خي رفضات قاتليك مخداماش عندي….دقيت فالباب ودخلت كان جالس هو و خوه وسام لي كان غير تيضحك باينا فيه ضريف بزاف شافني وهو يجي عندي…..وسام:اووو غفران مرحبا بيك…..غفران:شكرا(شفت ف لاخر لي كان مغوبش كي عادتو)موسيو جاد الوراق لي طلبتي مني هاهوما…..جاد(عينيه ف البيسي)حطيهم وتفضلي….بلا ما نتردد حطيتهوم ومشيت اتجاه الباب ولكن حبسني خوه……وسام:انسة علاش عينيك منفوخين كنتي تتبكي…..غفران(شفت فيه بابتسامة):لا غير كنت مريضة….وسام:اه ميكون عندك باس ممكن تعتابريني صديقك ويلا احتاجيتي شي حاجة انا رهن الاشارة…..ما جيت فين نجاوبو تا ناض جاد ضرب يديه فوق البيرو…..جاد(بالغوات):واش عندي ركن تعارف هنا تحركي سيري شوفي شنو ديري…..خليتو وخرجت بزربة منقدرش نتحمل هاد الاهانة كل مرة خاصني نلقا حل…اليوم فقت وانا مقررة انني نقدم استقالتي ميمكمش نزيد نقبل كاع هاد الاهانات بلا سبب تا حاجة ما جابراني نقلب فجهة اخرى الرزق مجاش لهنا ووقف اصلا انا ممخصوصة من والو واخا بابا خدمتو على قد الحال ولكن الحمد لله…..لبست حوايجي وتاجهت للشركة وانا مصممة على قراري مشيت جلست ف البوسط ديالي جات انصاف بقينا كنهضرو شوية وما قلت ليها والو على الاستقالة حيت عارفاها غتمنعني…..بقيت جالسة حتى بانليا داك الويل ديال المدير داخل هزيت ورقة الاستقالة ومشيت عندو…ولكن السكريتيرة منعاتني ندخل بحكم انه عندو مكالمة مهمة تا تسالي….دازت ربع ساعة دخلات عندو علماتو وقالت ليا باش ندخل….دخلت عندو كان واقف كيطل من السرجم معرفت باش نبدا بقيت واقفة وساكتة حتى…..جاد:غتبقاي ….. يتبع

أحببت معذبي 🔥🔞
7

ساكتة…..غفران:احم موسيو جاد انا(قاطعني)….جاد:نتي شنو…..غفران:انا جيت نقدم استقالتي ونتمنى تق…(قاطعني مرة اخرى)…..جاد:ههههههههه (ضار شاف فيا)استقالة لا لا نتي بزاف عمري شفت شي غبية بحالك اجي الغباء عندكم هاكا ف العاءلة ولا غير نتي…..غفران(تنشوف فيه ومصدومة من هضرتو معرفتش اش هاد الكره كامل من جيهتي):اه استقالة وكنضن من حقي….جاد(جا عندي وشدني من فكي):واش نتي مكلخة تال هاد الدرجة ولا كيسحابليك انا دمدومة مغنعيقش بيك……غفران:ايي طلق مني معندكش الحق تصرف معايا بحال هاكا…..جاد:والله ما عندك الوجه علاش تحشمي تفوو على بنادم كيف داير…..غفران:اهىء حرام عليك شنو درتليك…..جاد:هاهاها قالت ليك شنو دارت سمعي انا راني عرفت كلشي يا اما ترجعي داكشي لي خديتي يا اما نعلم البوليس(غوت)كتسمعيييييي…..غفران؛شنوووو!!اشمن بوليس علاياش كتهضر…..جاد:اففف يا ربي سمعي مزيان الفلوس لي ختالستي راه حنا عرفنا بيهم فمعندك لاش تزيدي طيحي من راسك وتزيدي تغابي بحال هاكا بغيتي تشفري ومعرفتيش دابا اختاري بين الحلول…..غفران:اختلاس انا اختلاس انا مخديت والو كنحلف ليك اهىء اهىء…..جاد:دابا مبغيتيش تعتارفي دوك دموع التماسيح مينفعوش معايا(هز التيلي)كنضن البوليس غيعرفو يتصرفو معاك…..غفران:اهىء اهىء انا والله ما عارفا شي حاجة….جاد(خبط التيلي وهز واحد الورقة ورماهالي على وجهي):وهادشي شنو دوي شنو هادشييي…..خديت الورقة وبقيت تنشوف فيها فعلا فيها حسابات ناقصة وللاسف فيها الختم ديالي لي كيدل على انني انا لي قمت باخر مراجعة للحسابات والصدمة ان المبلغ كان كبير بزاف 20 مليون اه ميجمعها غير الفم..الله يا ربي فين كان مخبيلي هادشي….طحت ف الارض وانا تنبكي معرفت مندير يمكن غلطت ف الحساب ولكن هو تيقول الفلوس بصح ناقصين بقيت تنبكي وهو عاطيني بضهر حتى تحل الباب ودخل وسام خوه لي مفهم والو جا بزربة لعندي…..وسام:غفران مالك علاش كتبكي شنو كاين جاد مالها….جاد(دار شاف فينا):هاديك شفارة ا سيدي بغات تختالس ولكن معرفاتش راسها غتحصل مكلخة….وسام؛شنووو لا ميمكنش غفران مديرهاش…..جاد(بالغوات):ونتا اش دخلك شكون قالك مديرهاش فين كتعرفها…..وسام(وقف):متغوتش عليا ا جاد ….. يتبع

أحببت معذبي 🔥🔞
8

نتا خويا كبر ولكن هادشي ميعطيكش الحق تبقا تعامل الناس بهاد القسوة اكيد كاين شي سوء تفاهم…..جاد:كيفاش سوء تفاهم واش كنلعبو هنا راه 20 مليون هادي كتسمع…..غفران:اهىء اهىء والله ما خديت شي حاجة والله كنحلف ليك…..جاد:باراكااااا من الحلوف و التمتيل دابا غتختاري يا ترجعي الفلوس يا تمشي للحبس ترباي…..وسام:الحبس!!!خويا واش من نيتك…..غفران:معنديش منين نردهم اهىء اهىء…..جاد:اوا ختاريتي الحبس(هز التيلي)ما طلبتي غير الموجود…..وسام(مشا عندو حيدليه التيلي من يديه):تهدن ا صاحبي اكيد كاين حل…..جاد:وسام متعصبنيش اشمن حل اشمن حل من غير البوليس…..وسام بقا غادي جاي تيفكر ف حل وانا غير تنشهق معرفتش علاش هو تايق فيا تال هاد الدرجة ولكن حمدت الله لي سيفطولي فهاد اللحظة حسيت بيه غيعاوني……وسام:لقيتها جاد علاش لي متخليش غفران ترجع ليك الفلوس من خلال خدمتها… غفران(بفرح):اه اه انا موافقة….جاد:هههه واش كضحكو عليا واخا ضل عمرها كامل خدامة هنا خلصتها متجمعش ديك 20 مليون(بقا ساكت شحال بحالا تيفكر)ولكن عندي حل اخر……وسام؛شنو هو… جاد(شاف فيا):تخدمي عندي وتنفدي اي حاجة طلبتها منك بدون اعتراض وقتما طلبتمنك شي حاجة تنفديها يعني تكوني تحت امرتي…..غفران(مسحت دموعي ووقفت):قول بغيتي عبدة وصافي…..جاد:حسبيها كيف بغيتي…..وسام:غفران كنضن معندكش حل اخر….بقيت ساكتة وتنبكي فلخر وافقت لاحقاش هادا هو احسن حل واخا هو باغا غير يهيني والفرصة جات تال بين يديه ولكن حسن من الحبس بابا و ماما الا عرفو منضمنش اش غيطرا ليهم والفلوس معنديش منين نردهم داكشي علاش دزت على كرامتي و وافقت نكون عبدة عند هاد المتسلط لي حاس براسو وقاسي لدرجة كبيرة…..جاد:تافقنا يالاه يمكنليك تبداي من دابا سيري حيبيليا القهوة ديالي…..تميت غادة وهو يشدني وسام من يدي…..وسام:من الاحسن تال غدا وتبدا اليوم خليها تمشي ترتاح….جاد:امممم واخا ماشي مشكل اه خليلي نمرتك نقدر نحتاجك ف اي وقت….خليت ليه نمرتي وخرجت مشيت للبيرو ديالي كنجمع حوايجي و انصاف تتسولني مالي مقدرتش نجاوبها غير تنبكي هزيت حوايجي وخرجت بلا منطق بحرف مشيت نيشان للبحر جلست وبكيت باعلى صوت حتى حسيت براحة كبيرة بقيت شي شوية بينما نشفو ….. يتبع

أحببت معذبي 🔥🔞
9

دموعي عاد مشيت للدار طلعت نيشان لبيتي دوشت وتخشيت ف الفراش تفكرت شنو طرا وشنو غيطرا ليا مع هاد جاد وحياتي لي غتقلب بديت تنبكي حتى تهز عليا الغطا…..اسية:ختي مالك واش تتبكي مالكي واش كضرك شي حاجة..صبح صباح جديد لي تمنيتو كون موصلش تضت ت ضيت وصليت صلاتي وطلبت ربي يعاوني ويصبرني على لي تابعني….لبست حوايجي و اسية فاقت جالسة وتوصي فيا ولا قولو كتحرشني ههه وانا تا حاجة من داكشي لي قالت منقدر نديرها قاتليك الا طلبليك قهوة سيري خوي فيها باكية د الملحة وعطيهاليه اويلي باغا تسيفطني للحبس بقيت كندير ليها الخاطر…هبطت فطرت مع والديا وخرجت لخدمتي…انصاف معاودت ليها والو حيت اسية نبهاتني معرفتش علاش ولكن انا نيت مكان فيا لي بزيد يشرح لشي واحد شي حاجة المهم وصلت للبيرو بقيت جالسة حتى جات انصاف سولاتني على الباح ولكن تلغت الموضوع وحتى هي محكراتش…وصل الزقت لي غايدخل فيه داك الويل مكنحملش نجبد سميتو بانليا داخل للبيرو ديالو معرفت مندير تا جات عندي السكريتيرة ديالو قاتلي بلي بغاني…مشيت عندو تحت نظرات انصاف لي كلها تعجب و استفهام…دخلت عندو كان خدام فالبيسي مشافش فيا…..جاد:المرة الماجية ندخل للبيرو نلقاه نقي وكيضوي(دوز يديه على المكتب)شوفي على غبرة…..غفران:كنضن هادا اختصاص ديال المرة المسؤولة على الميناج ماشي خدمتي انا…..جاد(باستهزاء):ه هي حسن منك تنضن تتخدم بعرق كتافها مكتسرقش وكتشرطي مزال حمدي الله لي جات على هاكا دابا سيري جيبي ليا قهوتي ومتعطليش….يشرب فيها السم انشاء الله مشيت جبتها ليه وتفكرت هضرت اسية كنت غنديرهاليه و لكن انا جبااااانة مقدرتش…حطيتهاليه وتميت خارجة تا وقفني…..جاد:فين غادا….غفران:انمشي للبيرو ديالي….جاد:معامن تشاورتي هداك البيرو نسايه بقاي واقفة حدا الباب نقدر نحتاجك…..فهاد اللحظة حسيت بالحكرة واش انبقا واقفة هاكا النهار كامل حاولت نحبس دموعي وخرجت وقفت حدا الباب وديك السكريتيرة كتميق فيا وكتشفا هي اصلا مكتحملتنيش دابا كملات…المهم بقيت واقفة شي ساعتين وصلات وقيتة د الغدا ناضت هي جمعات الوقفة وتمات خارجة…..السكريتيرة:حضي معاك البيرو بينما رجعت….غفران:ياكما خدامة عندك….السكريتيرة:هه بحال داكشي معرفتش شنو ….. يتبع

أحببت معذبي 🔥🔞
10

درتي ولكن هاد العقوبة لي عاطيك المدير تستاهليها على النفخة الزايدة لي فيك يالاه تهبطي شوية……يالاه جيت نجاوبها وهو يخرج لاخر….جاد:انا غنمشي نتغدا دخلي ديري داكشي لي قلت ليك الصباح و ستفي لي ضوسيي…..مشاو بجوج يتغداو وانا دخلت للبيرة كنمسح الغبرة وكرشي تتغوت بالجوع قاديت ليه الضواسا ورجعت البيرو تيضوي شفت الساعة كان مزال الحال شي نص ساعة عاد يرجع…جلست على الكرسي وحطيت راسي على البيرو معفتش كيفاش تا درت نعست ولا شحال د الوقت….حسيت بشي يد تتلمس وجهي كانت رطبة و حنينة بزاف لوهلة كنت كنضن اني كنحلم حليت عيني كانت تتبانليا الضبابة حكيت عينيا كيبانلي جاد واقف تاكدت بلي راني خمرت تا وليت كنحلم جمعت الوقفة ف البلاصة…..غفران:س..سمحلي ما..(قاطعني)…..جاد:خرجي تنعيط ليك…..معاودتش معاه الهضرة خرجت بزربة من عندو وقفت قدام الباب وحاطا يدي على كرشي لي قتلها الجوع بغيت نمشر نامل ولكن ديك السفريطة غير انتحرك من تما ادخل تشريهاليا معاه….بقيت هاكاك لساعات هو معاودش عيط ليا وصلات 4 خرج مشافش فيا ومهضرنيش…غير مشا فحالو مشيت كنجري للكافي لي تما ناكل ساعة ملقيت حد الشركة كانت خاوية شفت الساعة لقيتها 4:30 خرجت كنجري لقيت الباب مسدود كلشي مشا فحالو شداتني الخلعة و البكية كلشي تخلط عليا.. بقيت كنضور من جهة لجهة الشركة كانت كبيرة بزاف وفيها المخارج بزاف كلهم مشيت ليهم و لكن كلهم مسدودين معرفت مندير بدا الحال كيضلام وهنا انا كملات معايا حيت جاع الضواو كيطفيوهم من المولد الرءيسي تفكرت تليفوني اول واحد طاح فبالي هو وسام كنصوني ليه مكيجاوبش والو تا فقدت الامل جلست حدا وجامعا رجلي عندي وتنبكي شداتني السخفة النهار كامل ما دقت النعمة شوية بدا تيليفوني كيصوني لقيتها اسية غير جاوبتها بدات تغوت عاودتليها اش وقع وقالتليا بلي غتجي عندي….بقيت جالسة هاكاك تا بدا تيليفوني تيصوني هاد المرة كان وسام فرحت ملي عيطلي….غفران:الوو…. وسام:وي غفران سمحيليا كنت ناعس مسمعتوش…..غفران:اهىء ماشي مشكل المهم عيطتي….وسام؛واش تتبكي مالكي اش واقع…..غفران:اهىء اهىء وسام انا ف الشركة مشا الحال فاش جيت نخرج لقيت البيبان مسدودين…..وسام:اشنوووو باقا دابا ف الشركة صافي صافي هانا جاي….قطعت معاه وبقيت جالسة …..
#يتبع__على ما تجمعو 200 تعليق داخل الرد 🔥

أحببت معذبي 🔥🔞
11

ارتاحيت دابا بعدا كاين لي غيخرجني و لكن السخفة قتلاتني معقلتش على راسي شنو وقع من بعد….حليت عينيا بزز مقديتش لقيت راسي فبيتي معرفتش كيفاش وصلت لهنا كنت بوحدي نضت بشوية مسندة على الحيط حيت فيا الدوخة مازال ما واكلا ايكون الطونسيو هبط ليا….هابطا ف الدروج وكنسمع الصداع الهضرة ديال الناس جاية من الصالون دخلت وقفت حدا الباب تصدمت كان وسام جالس مع بابا و ماما و ختي ولكن ماشي هادشي لي صدمني لا لي صدمني هو جاد لي حتى هو كاين معاهم…شافتني اسية جات بزربة لعندي هي و ماما كيطمانو عليا جلست معاهم وجاد تيشوف فيا واحد الشوفات البراءة زعما وهو سباب هادشي كامل….جاد:كي بقيتي….غفران:الحمد لله…..اسية:اوا الله اجازي لي كان السباب….انا قرصتها باش تسكت ساعة بنت الحرام عاد مزايدا فيه خفت غير بابا يحس بشي حاجة والله تا يصفيهاليه…المهم شدوهم للعشا ناض بابا مشا يصلي و ماما مشات للكوزينة توجد بقينا غير حنا بربعة اسية غير تتخنزر فيهم و وسام تيتبسم وجاد حادر راسو يمكن ندم منعرف واخا منضنش يندم هو قاسي وهادشي عندو عادي المهم بقينا ساكتين حتى…..اسية؛اوا اسي جاد نتمنى تكون مرتاح دابا هاد المرة جبناها سخفانة المرة الماجية نجيبوها ميتة….وسام:الله احفض مالك تتفايلي عليها….اسية:اوا هادشي لي غيطرا مدام هي مع هاد خوك لب معندو لا شفقة لا رحمة….غفران:اسية صافي سكتينا….وسام:واخا توريني ا اسية الحمام عافاك….اسية:بلاتي يجي بابا نخاف نخليه معاها….ناض وسام جرها من يديها وخرجو هادو مالهم ديك جنية معرفتها منين جابت هاد الزعامة….بقيت جالسة ساكتة تا هضر….جاد:واش كتحسي براسك مزيانة…..غفران(بتعجب):!!اه اه الحمد لله….جاد:سمحيليا انا….(قاطعنا دخول بابا)….بابا:مرحبا بيك اولدي نهار كبير هادا كون ما نتا وخوك كورا بنتي مسكينة باقا مرمية تما را هما عويناتي عندي غير جوج الا تقاسو منعرف اش يوقع ليا….هضرت بابا اترات فيا بزااف كيهضر مع الشخص الغلط لي هو نيت تياديني كل نهار وكل دقيقة كل ما جاتو الفرصة مشيت عند بابا بشت ليه راسو وتخشيت فيه و جاد غير حاضينا للحظة لمحت دمعة نزلات من عينيه مسحها دغيا شكيت واش كنتخيل ميمكنش واحد بحالو يبكي او يتاتر…المهم حطينا العشا داز فشكل كلشي تيضحك الا انا و جاد لي كنا فعالم اخر وسام دغيا والف مع ….. يتبع

أحببت معذبي 🔥🔞
12

بابا و ماما وحتى اسية كانو غير تيضحكو تا وصلات الوقيتى لى غيمشيو فيها سلمو علينا ومشاو اه و سي جاد قالي بلا متجي غدا حتى تحسي براسك مرتاحة صدمني بهضرتو.. دازت شهر على خدمتي تبدلو فيها بزاف د الحوايج منها انني رجعت للبوسط ديالي..معاملة جاد ليا تبدلات نسبيا مبقاش كيطلب مني ندير داكشي بحال نظف البيرو نجيب القهوة لا ولات عندي الحدود فخدمتي مع انه كل ساعة معيط ليا كيعطيني عرام ديال الضواسا نراجعهم ونديهم ليه…علاقتي ب انصاف ولات متوترة نوعا ما وليت تنلاحظ انها غير تتخنزر فيا وشحال من مرة لمحات ليا بلي راني زدت فيه من داك المشي و المجي للمكتب ديال المدير تقول غير انا مشتاقة فيه وتنمشي نشوفو….اليوم ساليت خدمتي بكري من بعد ما ديتليه جاع لي ضوسيي لي قاديت خرجت قدام الشركة بقيت واقفة كنساين طاكسي وتقول واش شي طاكسي كيدوز من تم حتى وقفات قدامي واحد اللوطو بيضاكان الزاج ديالها فيمي نزل الزاج وكان وسام ومعاه جاد…..وسام:اش باقا كديري هنا….غفران:كنساين طاكسي معرفت مالهم هاد النهار حتى واحد ما بان….وسام:هههه اه حيت دايرن اضراب….غفران:بصاح مكنتش عارفة افف صافي انعيط لبابا…..جاد:يالاه نوصلوك معانا….انا و وسام تصدمنا هه حتى من جاد معرفش راسو كيفاش نطقها بقينا تنشوفو فيه باستغراب…..جاد:الا مبغيتيش بلاش….وسام:لا لا بغات يالاه ا عفران نيت نسلمو على عمي و خالتي شحال هادي ما شفناهم….ركبت معاهم الطريق كانلة وانا مجمعة مع وسام كيقتل ب الضحك اما جاد مرة مرة تنلقاه تيشوف فيا من المراية وغير عاقد ديك الغوباشة ديالو…وصلنا للدار طلعو معايا سلمو على ماما و بابا….وسام:واحد اسية مكايناش….ماما:لا اولدي خرجات مشات عند شي صاحبتها ما بقا والو وتجي جلسو تشربو كاس د اتاي…..جاد:لا اخالتي غير سمحيلنا مرة اخرى….ماما:لي بغيتو اولدي…بابا:وا دوزو اولدي مرة مرة متنساوناش…..وسام:انشاء الله ا عمي سلمو على اسية…..صراحة الا ما خفت نكدب هاد الصكع طاح ف اسية احسن عوانو نخاف عليه منها ختي وانا عارفاها…هبطت وصلت معاهم للباب…جاد:بسلامة….غفران:بسلامة…وسام:تخلاي فراسك او….غفران:ههه وسلمي على اسية…..جاد:ههههه…..وسام؛مالكم تضحكو…..غفران:لا والو….وسام(قرب لعندي):ختي غفران واحد الطليبة….غفران:اما ….. يتبع

أحببت معذبي 🔥🔞
13

هي….وسام؛عطيني نمرة د ختك…..شفت ف جاد لي بانلي مصدوم من الجراة ديال خوه بقينا تنشوفو فبعضياتنا شحال هو ينطق….وسام:واش مغتعطيهاليش….جاد(شدو من عنقو):واش مكتحشمش نتا….وسام:علاش انحشم شوفر ختك عجباتني وانا ناوي الحلال عافاك عطيهالي نهضر معاها….غفران:والله معرفت تقدر متبغيش….وسام:مغنقولش ليها نتي لي عطيتيني نمرتها متخافيش….بقيت كنشوف فيه شحال فلخر عطيتهاليه ومشا وهو غيطير بالفرحة معارفش راسو باش غيتبلا بقا فيااليوم كيف العادة جيت لخدمتي بكري بقيت خدامة وتنهضر مع انصاف لي تتهضر معايا ناقص هادي مدة معرفتش السبب….انصاف:هاكي شوفي هادو…..غفران:شنو هادو….انصاف:وراق شنو مبانوش ليك…..غفران:اه ولكن علاش عاطياهم ليا راه ماشي خدمتي….انصاف:آه دابا هادي ماشي خدمتك و لكن القهوة لي كتمشي تجيبي للمدير خدمتك؟….غفران:انصاف مالكي وليتي هاكا إلا ضاراك شي حاجة قوليها متبقابش ضربيلي المعاني….انصاف:ا…..(قاطعنا تيليفوني لي تيصوني)…..غفران:الو…وي….ولكن….صافي واخا بسلامة….بففف منين خرجلي هادا عاود…..السكريتيرة:لالة غفران الشيفور كيساينك باش يوصلك…..انصاف:فين…..السكريتيرة(باستهزاء):ه للفيلا ديال ميسيو جاد…..انصاف(طلعات فيا وهبطات):وقالت ليك مالي وليت هاكا باز لبنادم…..انا خليتهم تيهضرو هزيت حوايجي وخرجت ما فيا لي يزيد يتجابد معاهم اما ديك السكريتيرة الحمد لله لي معارفاش اشنو واقع اما كون راها شوهاتني ف الشركة….ركبت مع الشيفور وبقيت غادة وكنقاد الوراق لي غيراجع حتى وقفات اللوطو هزيت راسي تدهشرت واحد الفيلا كبيييرة بزااف انا معمىي شفت فيلا مباشرة كنشوفهم غير ف التلفازة ههه حليا الشيفور الباب ونزلت غادة وتنشوف فديك الجردة كانت زوينة بزاف الورد لي فيها كانو جميع الالوان عجبوني بزااف تحنيت على واحد الوردة تنشم ريحتها حتى قاطعني شي صوت….المراة:كيعجبك الورد؟…..غفران:اممم لا بغيت نقول اه صراحة هاد الجردة زوينة بزاف….المراة:شكرا…..كانت مراة كبيرة فالعمر و النور فوجها باينة فيها طيبة بقات تتسولني تا جا جاد لي باس ليها راسها ويديها….جاد:الواليدة علاش خرجتي من بيتك….الام:عييت اولدي قلت نسرح رجيلاتي شوية و مزيان لي درتها تعرفت على غفران تبارك الله عليها ….. يتبع

أحببت معذبي 🔥🔞
14

مقلتيليش خدامة معاك بنيتة زوينة بحالها….غفران:لهلا يخطيك ا لالة…..الام:لاواه ابنتي اشمن لالة راني بحال ماماك قوليلي ماما شحال تمنيت تكون عندي بنيتة ولكن ربي عطاني غير وسام و جاد….غفران:الله اخليهم ليك….الام:امين نخليكم تشوفو خدمتكم…..مشات وبقيت كنشوف حمقاتني ديك المراة لا علاقة معا هاد ولدها وسام شابه ليها ضرت عند جاد لقيتو ماد ليا يديه كيسحابلي غيسلم عليا مديت يدي وهو يبعد يديه…..جاد:الوراق.. غفران:اه سمحلي هاهوما….عطيتهوم ليه وهو يمشي جيهة واحد البلاصة فيها الطبلة و الكراسة جلس وجلست حتى انا….جاد(خنزر فيا):شكون قالك جلسي معامن تشاورتي…..وقفت ومعاودتش معاه الهضرة نهائيا…بقيت مدة وانا واقفة وهو تيقرا الوراق على خاطرو مرة يهضر ف التيلي مرة يشرب العصير لي يشرب فيه السم حتى جات الام ديالو….الام:مالك ابنتي واقفة جاد حشومة علاش خليتيها واقفة…..جاد:اصلا ساليت كانت غادة(رجع ليا الوراق)…..الام:لا غتبقا تغدا معانا….غفران:لا الالة(شافت فيا)بغيت نقول ا ماما…..الام:عيطيلي ماما زهيرة(شداتني فيدي)دابا زيدي مغاديش نخليك تمشي….تميت غادة تحت نظرات جاد لي تيتحلف عليا حسيتو باغي يدبحني….دخلنا بتلاتة للصالون بقيت مجمعة انا وياها حسيت بيها بحالا قنطانة ومكاينش لي يونسها وجاد غير ساكت وحاضينا….بداو الخدامات تيحطو الغدا وهو يدخل وسام غير شافني بدا يضحك جا باس لمو راسها وجا سلم عليا…..وسام:نهار كبير هدا لي زارتنا لالة غفران مرحبا بيك عندنا…..غفران:الله ابارك فيك…..زهيرة:راه بزز باش شديتها مبغاتش تجلس…..وسام:الواليدة هادي هي غفران لي عاودتليك كنا تعشينا عندهم ف دارهم…..زهيرة:بصاح اه ابنتي وسام عاودليا قاليا لقاوك سخفانة ف الشركة كيفاش وقعليك…..يالاه جيت نجاوبها وهو ينقز داك الزمر خاف نكحلها عليه… جاد:واش مغنتغداوش ولا شنو…..زهيرة:اه يالاه زيدي ابنتي مرحبا بيك…..مشينا تغدينا فجو كلو ضحك مع ماما زهيرة و وسام عزو عليا بزاف ودخلولي لخاطري…صراحة حشومة و عيب و عار يكونو تيجيو لداك الكائنمن بعد داك الغدا رجعت للشركة كملت خدمتي عادي انصاف مهضراتنيش بمرة و تانا تفاديتها…وصلات 4 وخرجت مشيت لدارنا وصلت بانتليا اللوطو ديال وسام حدا الدار تعجبت طلعت دغيا لقيتهم مجمعين كلشي كاين وتيضحكو سلمت عليهم ….. يتبع

أحببت معذبي 🔥🔞
15

وجلست معاهم وانا مزال معجبة من قدوم وسام لعندنا حتا….وسام(شاف ف بابا):عمي الا سمحتي ليا بغيت نعرض على غفران و اسية للعشا….غفران:شنوو….اسية:اه ا بابا عفاك….بابا:واخا ا ولدي نتا دابا راك واحد منا وبناتي امانة عندك….وسام:كون هاني الحاج نديرهم فعينيا….اسية:يسسس غفران يالاه نبدلو….غفران:لا غير سيرو انا عيانة…..ماما(تتغمزني):نوضي ابنتي سيري مع ختك واش اتخليهم امشيو بوحدهم….اودي ا الحاجة راه هادشي لي باغيين هوما….نضت بدلت عليا لبست كسيوة كحلا واصلة للركبة ودرت فوقها جاكيط تجين وصباط كحل خليت شعري مطلوق…اسية لبسات تجين كحل و شوميز بيضة خشاتها فيه نع بالغين بيضة وجمعات شعرها كوت شوفال…هبطنا عند وسام لي كان كيساينا ف اللوطو انا ركبت لور و اسية حداه بانوليا هاد جوج تافقو وبيناتهم شي حاجة….وصلنا لواحد الكافي حدا البحر كانت زوينة بزاف جلسنا وكل واحد خدا اش بغا بقينا مجمعين وتنضحكو حتى كنشوف جاد كان مع شي دراري و بنات صراغير كنشوفو كتشدني الخلعة داكشي علاش حنيت راسي وطلبت من الله باش ميشوفناش و لكن حيت انا زهري كيهرس الحجر شافنا وتم جاي جيهتنا…جاد:وسام اش كدير هنا….وسام:هانتا كتشوف جبت معايا هاد الاميرات عرضت عليهم(دار شاف ف صحابو)نتا مزال مع هاد الكليكة….جاد(جلس حدايا):اه نتا عارف انا مكانتفارقش عليهم(شاف ف اسية)صافا….اسية:امم الحمد لله سمحوليا بغيت نمشي للطواليط…..وسام:اجي انا نوريهاليك…..من بعد ما مشاو بجوج انا هزيت الكاس د العصير و درت كنشوف جيهة البحر….جاد:لاش كتخططو….غفران:شنوو!!مفهمتش…جاد:ههه نتي وختك علاش ناويين….غفران:معرفتكش علاش كتهضر….جاد:قتليك الغباء عندك فشكل يعني نتي و ختك شفتكم هاد الايام غير كدورو بوسام متشوفيهش هاكا تيضحك و نية واخا يقوليك تيبغي ختك راه غير كيتفلا عمرو كامل مع البنات….غفران:راك فاهم غالط وزيدون الا كان وسام عندو شي شغور تجاه ختي انا ماشي من حقي ندخل فيهم….جاد:و لكن انا من حقي ميمكنش نخلي ختك تضحك عليه وتاخد فلوسو خاصة انكم فقراء يعني ماشي من مستوانا خصوصا حالة واليديك….غفران(وقفت):حدك تم نتحمل جميع الاهانات الا انك توصل لواليديا كتسمع اولا حنا ….. يتبع

أحببت معذبي 🔥🔞
16

مكيهموناش الفلوس ولا المستوى وهادشي غيوصل واحد النهار و غتعرفو بالحق غيكون فات الحال…..جاد:يا….(قاطعنا صوت وسام)…..وسام:جاد مالكم اش كاين…..غفران(شديت اسية من يديها وجريتها):زيدي تحركي نتي قدامي….وسام:لا بلاتي انا نوصلكم….غفران:لا غنمشيو ف طاكسي ا موسيو وسام وسمحلينا تعدينا الحدود(شفت ف جاد)وتعدينا حتى المستوى….اسية:ختي اش كتقولي…..وسام(شنق على جاد):شنو قلتيليها….جريت اسية وخرجت خليناهم مشانقين….اه انا نتحمل الاهانة ولكن بابا و ماما لاااا هادو خط حمر شنو حيت شاف ماما مدايراش الدهب بحال مو ولا دارنا مافيهاش الرخام… هادشي غير تفاهة مبقاتش فداكشي بقات فالمعاملة و القناعة الحمد لله عمرنا مدينا يدينا لبنادم ولا تشكينا من مستوانا كيف خلاها..وصلنا للدار مشينا بدلنا و رجعنا جلسنا مع ماما و بابا…انا تخشيت ف ماما ومعنقاها كنموت عليها شكون هو باش يهينها بقيت حداها وهي كتلعب ليا فشعري و اسية غير شادا التيلي كل مرة جايها ميساج كنت متاكدة ايكون غير وسام هادي مدة باش ولاو تيهضرو و المصيبة كنضن انها ولفاتو وتقدر تكون كتبغيه….تعشينا وجمعت مع ماما الطبلة وطلعت للبيت لقيت اسية تتهضر ف التيلي شافتني و هي تقطع….غفران:كنتي كتهضري معاه….اسية:شكون…..غفران:وسام…..اسية:اه انا وياه مفهمناش شنو وقع بيناتكم نتي و جاد علاش جرييتيني بديك الطريقة…..غفران:حيت متحملتش هضرتو….اسية:شنو قال….عاودتليها كلشي و هي بدات تبكي و تنخصص….غفران:خاصكي تبعدي عليه هما فين و حنا فين…..اسية:علاش ا ختي واش حنا ماشي بشار اهىء اهىء حشومة عليه…..غفران:مسحي دموعك ونوضي تنعسي و وسام نسايه…..اسية:اهىء اهىء صعيب اختي انا كنبغيه و حتا هو اهىء اهىء…..غفران:شنوووو كيفاش تتبغيه واش حماقيتي واش نسيتي شنو قلت ليك قاليا جاد هو ولف البنات وديما مع وحدة فشكل….اسية:اهىء اهىء ولكن اهىء هو اليوم طلب مني الزواج…..غفران:الا كنتي بغاغا بابا و ماماا يتهانو من عند واحد بحال جاد غير قبلي بهاد الزواج باش مضيعيش هاد الفرصة….اسية بقات ساكتة شحال تتشوف وهي تهز التيلي سيفطات ميساج لوسام…..اسية:بصح عندك الحق انا نضحي باي حاجة على وديت ماما و بابا…..غفران:شنو قليتيليه…..اسية:رفضت عرض الزواج وطلبت منو ينساني ….. يتبع

أحببت معذبي 🔥🔞
17

وعمرنا نتلاقاو مزال اهىء اهىء….بدات تتبكي بجهد بقات فيا عمري شفتها فهاد الحالة نضت عنقتها وتنحاول نسكتها تيليفونها محبسش من التعياط ديال وسام حتى طفاتو نعسنا معانقين وهي تتنخصص….. ف الفيلا وسام:جاااااااااد…..زهيرة(خرجات من بيتها تتجري):وسام مالك اولدي مالك لاش تتغوت…..وسام:فين جاد فين هوااا…..زهيرة:راه فبيتو….وسام(طلع عندو ودحل للبيت):شنو قلتيليها….جاد(تيلعب البلايستيشن):شكون…..وسام:شوف فيا و هضر شنو قلتي لغفران تا خلات ختها تبعد عليا….جاد:ههه ميغركش داك التصرف دابا ترجع ليك بحال دوك الاشكال تيديرو هاد الفعايل باش يطيحو دراري لي لباس عليهم ويسوسوهم…..وسام(نتر ليه المانيطة من يديه وضربها مع الارض):نتا حياتك ديما غتبقا هاكا ديما عايش ليا ف المستوى اسية و غفران ماشي من داك النوع كتسمع…..جاد(وقف و معصب):متهزش عليا صوتك متنساش انا كبر منك و اكتر واحد عارف مصلاحتك….وسام:عطينيييي التيساع بعد مني مصلاحتي انا عارفها مع اسية انا تنبغيها واش كتفهم كنبغيها وغنتزوجها واخر مرة غنبهك بعد منهم ومتقربش ليهم(خرج و زدح الباب)…..جاد:واخااا الالة غفران دايرة فيها الكرامة انا غنوريك وغنزيد نربيك.فقت اليوم وانا حاسة بشي حاجة فقلبي شعور ممفهومش الفرحة مخلطة مع الالم….الالم اه كاين و لكن الفرحة لاش شنو السبب ديالها شكيت فراسي بديت كنحماق….شفت فختي لي مزال كتنخصص وهي ناعسة بستها ومشيت توضيت وصليت صلاتي ودعيت لربي يعاوني ويهنيني من هاد الدل و المهانة لي وليت عايشة فيهم….نزلت فطرت مع ماما و بابا وتاجهت لخدمتي…اليوم وصلت شوية معطلة لقيت كاع الموظفين كاينين حتى انصاف لقيتها خدامة قلت ليها السلام والله ما حاشاتو ليا…جلست ف البوسط ديالي ولقيت عرااام ديال الحسابات لي خاصهم يتراجعو حنيت راسي معاودتش هزيتو تا بقات ليا ورقة وحدة بديت فيها ونضت نجيب القهوة باش نقد نكمل…خليت كلشي فوق المكتب مشيت جبت قهوتي فاش كنت راجعة وقفني واحد الولد خدام معايا بقينا كنهضرو وانا مقابلة مع البوسط ديالي كتبانلي انصاف كتهز وتحط فالوراق يمكن تتقلب على شي حاجة…استأدنت من الولد ومشيت غير شافتني وهي ترجع لبلاصتها كأن شيئا لم يكن شي لي دخليا الشك…جلست بلاصتي وعاودت راجعت الحسابات وللأسف لقيت كلشي تخربق ….. يتبع

أحببت معذبي 🔥🔞
18

تاحاجة ما بقات كيفما هي داكشي لي تعدبت عليه الصباح كامل روناتو ليا هي.. درت عندها باش نسولها ولكن طاحت فبالي فكرة هي دابا معتابراني غبية وبصح عندها الحق انا اكبر مكلخة على وجه الكرة الأرضية لي عمري شكيت فيها وكنت دايراها ختي ولكن هي غدراتني تفكرت نهار جيت لقيتها هي و وسام وجالسة بلاصتي اكيد هي مولات الفعلة….هزيت دوك الوريقات خبيتهم عندي قبل مندير اي فعل جات السكريتيرة علماتنا بلي كاين اجتماع وخاص كاع الموظفين يكونو حاضرين..طبعا مشينا كان جاد كيشرح شي حاجة انامسمعتهاش كنت مرفوعة وفعالم اخر حتى شير عليا بستيلو…..جاد:الا كنتي باغا تسهاي سيري جلسي فداركم متجيش تخمي وتخططي فوسط الاجتماع…انا عرفتو شنو تيقصد محملتش راسي حيت اغلبية دوك لي كانو جالسين بداو تيضحكو…وقفت بزربة باش نخرج وانا نقلب الكاس ديال القهوة عليه ولكن تكفح ليه غير على صباطو…غفران:سمحليا عافاك مدرتهاش بلعاني….جاد:هبطي مسحيه….غفران:الصمت….جاد:هضرت معااااك هبطي مسحيه…..السكريتيرة(مدات ليا كلينيكس):هاكي باش تمسحيه ههه….بقا كلشي تيضحك اصلا انا مفهمتهمش علاش تيكرهوني واش غير بنادم داخل سوق راشو صافي راه متكبر و حاس براسو….انا ديك اللحظة جاتني الدوخة معرفت مندير عينيا عمرو دموع خديت الكلينيكس ونزلت على ركابي مسحتليه صباطو وبديت تنبكي ب الصوت…غطيت وجهي بيدي وانا تنبكي وتنشهق…..جاد(بالغوات):كلشي يخرججج لي عندو شي مكتب يمشي ليه تحركووووو…ناض كلشي خرج تيجري بقيت انا هكاك جالسة ف الارض حتى عاود غوت عليا….جاد:تحركي تا نتي واش مسمعتينيييييش….وقفت بزز باش وصلت للباب غادا للبيرو ديالي والموظفين تيشوفو فيا كاين لي تيضحك عليا كاين لي بقيت فيه كل واحد و شنو….من بعد هاد المعاملة لي عاملني بيها قدام الموظفين كرهتو لأقصى درجة عمري كرهت شي واحد تا كرهتو هو…انصاف جالسة حدايا تتشوف فيا وتضحك يااه شحال كنت بليييدة و نية دارنا كان عندهم الحق لي جا يديرها بيا وانا كيف الحمارة غادة مع بنادم بنيتي….نضت كنجري مشيت للطواليط دخلت غسلت وجهي ودوزت على عنقي لعل و عشى طفا النار لي شاعلا فيا جيت نخرج وهي دخل عندي انصاف وسدات الباب..—————–عند جاد:::اففف يا ربي يمكن ….. يتبع

أحببت معذبي 🔥🔞
19

زدت فيه بزاف كيفاش وليت هاكا كيفاش وليت قاسي القلب انا عمري ضنيت نعدب شي واحد بهاد الطريقة اففف احسن حاجة نعتادر منها واخا هي حاولات تختالس ولكن الاهانة لي درتلها اليوم قدام الموظفين صعيبة بزااف….علاش قلبي ضرني ملي شفتها تتبكي هكاك علااااش(ضرب يدو مع البيرو)…..خرجت من المكتب باش نعتادر من غفران على الموقف لي طرا واخا متستاهلش هي اصلا طماعة وختالسات الفلوس..معرفتش ملي غنوقف حداها واش غنقدر نعتادر هادي عمري درتها ومكنضنش غنديرها….ملي كنت غادي عندها بانتليا غادة كتجري لجهة الطواليط و انصاف تابعاها مشيت تبعتهم نساينها حتى تخرج ونهضر معاها ولكن من بعد ما سمعت الحديث ديالهم كرهت راسي والنهار لي تزدت فيه…بقيت واقف حدا الباب وكنتصنت….غفران:شنو كديري هنا شنو بغيتي عندي…..انصاف:اووو متصوريش ا حبيبة شحال بقيتي فيا….غفران:هه نتي اخر وحدة نبقا فيها يسحابليك معرفتش شنو درتي….انصاف:اه بصاح شنوو عرفتي….انصاف:نتي لي زورتي الحسابات ورديتيني مختلسة و شفارة ياك… انصاف:هههههههههه واخا عرفتيها معطلة ولكن نقدر نعتابرك دكية….غفران:علاش درتيلى هكاك علاش ديما كنت معتابراك صاحبتي و ختي نتي شنو درتي رديتيني شفارة وبنادم كيهيني و يطيح مني…..انصاف:نتي لي قلبتي عليها نتي عارفة مزيان بلي انا كنبغي جاد و لكن نتي شنو درتي وليتي تتحاواي تقربي منو….غفران:شنووو….انصاف:بلا مديري فيها البراءة عمر شي واحد مغيتيق بيك و جاد هادشي بالنسبة ليه غير تمتيل اه انا لي خديت 20 مليون هداك تمن حبي لي كيهينو كل مرة كندخل عندو تنحاول نتقرب منو تينعتني بالعاهرة ونتي نتي لي ديما الناس مقارنيني بيك مع انني انا زوينة عليك و الف واحد يتمناني…..غفران:ياااه يا انصاف هادشي كلو فقلبك عمري كنت كنضن قلبك كحل تال هاد الدرجة ودابا ملي اعتارفتي انا غنقول هادشي كلو لجاد…تمات خارجة وهي تشدها انصاف ضرباتها تا طاحت للارض وضربات راسها مع الصندوق لي كان تماك حتى بدا الدم تيسيل….دخلت بسرعة وانا مزال مصدوم من داكشي لي سمعت جريت انصاف عطيتها واحد التسرفيقة تا بانو ليها النجوم تتغمض عينيها وتحلهم متيقاتش بلي انا لي درتها……انصاف:موسيو جاد…..جاد:يااك الموسخة هادشي كلو خرج منك…شديتها من دراعها و عيطت للامن د ….. يتبع

أحببت معذبي 🔥🔞
20

الشركة جاو داوها وقلتهم يعيطو للبوليس…مشيت عند غفران لي كانت تقريبا مغيبة هزيتها بين يدي وهي تترمش تتحاول تفك مني…اول مرة نحقق فالملامح ديالها فعلا هي بريئة و نية بزااف وقلبها بيض و الا مكانتش غتصبر للظلم ديالي…ركبنا ف اللوطو وديتها للسبيطار عقمو ليها الجرح وخيطوه ليها حيت تضربات ضربة خايبة غير الله لي حفضها…من بعد ما خرج من عندها الطبيب عندها لقيتها متكية ومغمضة عينيها…معرفتش علاش و لكن لتاني مرة كنتجرأ نلمس الوجه الملائكي لي عندها….قلبي كان كيتقطع اول مرة نحس براسي ظالم لهاد الدرجة بحق انسان…بقيت كندوز يدي على خدودها لي مانو ورديين ونزلت لفمها كنلمسو هادشي كنديرو بدون شعور حتى فيقني التحرك ديالها و بدات تتحل عينيها…حليت عينيا من بعد محسيت بشي يدين تيدوزو على وجهي بدات كتوضاح ليا الصورة لقيت جاد واقف حدا راسي وكيشوف….غفران(شادة راسي):افف اش وقع….جاد:متقيسيش راسك الخياطة باقة جديدة من بعد ما ضرباتك انصاف غيبتي ونزفتي بزاف ولكن دابا مزيان….غفران:بغيت نمشي للدار فين تيليفوني….جاد(مد ليا صاكي):هاهوا صاكك….جبدت التيلي و عيطت لاسية قتليها تجي لعندي للسبيطار مبغاتش تسكت من الغوات تخلعات قطعت معاها ولقيت جاد تيخنزر فيا….جاد:يمكن انا لي جبتك وانا لي خاصني نردك…..غفران:ممحتاجاش شكرا حيت جبتيني…يالاه بغا يهضر و هي دخل اسية كي العاصفة ههه….اسية:اهىء اهىء ختي شنو وقع ليك(شافت ف جاد)شنو درتي ليها شنو مزال باغي عندنا…..غفران:اسية شششت من بعد ونعاودليك اجي عاونيني باش نمشيو….اسية(جات وقفات حدايا):ختي بلاتي يجي وسام هو لي جابني….غفران:ياك هضرنا فهادشي…..اسية:والله ما انا راه هو لي جا عندي للدار وقاليا لمهبطتيش انطلع عندكم…..بقينا كنخضرو هو يدخل وسام جا عندي سلم انا سلمت عليه سلام ناقص واخا ماليه تا دنب و لكن التيساع حسن…شديت ف اسية وتنينا خارجين تحت نضراتهم بجوج…وسام:انا نوصلكم…..غفران:لا انشدو غير طاكسي….جاد:ميكونش راسك قاسح راك مزال عيانة…..غفران:اسية عافاك يالاه خلاص راني كنتخنق هنا…..خرجنا شدينا طاكسي ومشينا للدار غير دخلنا مع الباب ماما شافتني تخلعات بدات تتغوت وتبكي وجا بابا حتى هو عاودت ليهم على انصاف و شنو دارت و لكن مجبدبتش ….. يتبع

أحببت معذبي 🔥🔞
21

جاد وداكشي لي دوز عليا حيت صافي داكشي سالا من بعد ما باتت براءتي قررت عمري نحط رجلي مزال فديك الشركة ولا نشوف وجهو…دازت 3 ايام جلست من الخدمة اسية و وسام مزال تيهضرو ف اليتيليفون وهو كل نهار تيرغبها باش توافق على زواجهم تاكدت بلي كيبغيها بصح ولكن خفت تعيش الاهانة من عند جاد كيف عشتها انا….كنت جالسة انا و اسية مجمعين ف البيت تا سمعنا ماما تتعيطلينا هبطنا ملي دخلنا للصالون تفاجات بالام ديال جاد و وسام…سلمت عليها و على ماما وختي مشات ماما توجد ما تحط وبقينا حنا مع ماما زهيرة كيف قالت هي….زهيرة:كي بقيتي ابنتي الحمد اللخ على سلامتك…غفران:الله اسلمك مرحبا بيك فرحت بمجيتك….زهيرة:الله ابارك فيك ابنتي(شافت ف اسية)هادي هي ختك الغزالة لي دات قلب ولدي ههه…..اسية تزنكات مشات تتجري للكوزينة….زهيرة:ههه حشمات تبارك الله عليها انا عاود ليا وسام عليها وشحال كيبغيها وانا جيت اليوم نشوفك ونهضر معاكم بجوج….غفران:انا كنسمعك….زهيرة:شوفي ابنتي انا ولادي بجوج كل واحد و كيفاش كبر انا وباهم مطلقين ملي كانت عند جاد 10 سنين طلقنا و بقا مع باه ف فرنسا مخلانيش باه نجيبو جبت معايا غير وسام كانت عندو 8سنين…جاد عاش مع باه غير ف القسوة و الضلم حيت كان عاطيها غير للبنات هادا كان سباب طلاقي منو ملي جيت للمغرب مكانش بارادتي هو لي سيفطني لهنا كنت عايشة غير فواحد الدار صغيرة على قدي انا و ولدي جاد ما شفتو حتى وصل لسن 30 سنة واحد النهار جا دق عليا ف الدار كان كيسحابني غيكرهني ولكن هو كان عاقل على كلشي واخا كان صغير بدا خدمتو هنا و اسس شركتو الخاصة بيه وخرجنا من الفقر لي كنا فيه وعاون خوه تا كبر وكمل قرايتو ودخلو شريك معاه للشركة وبالنسبة ليه كاع البنات بحال بحال وطماعين حيت فعلا كاع البنات لي عرف فحياتو كانو كيبغيو غير فلوسو عمرهم بغاوه لراسو وهادشي لي زاد قسح قلبو من صغرو مالقاش لي يحن فيه ولا علامن يشكي تحمل المسؤولية وهو صغير باه كان كيضربو و يضربني وهادشي ولد الحقد فقلبو….ياااه هادشي كامل عاشو بصح تعدب ولكن هادشي مكيعطيهش الحق يهين الناس بداك الشكل….زهيرة:فاش سهيتي ابنتي….يالاه انجاوبها دخلات ماما و اسية…..ماما:مرحبا بلالة زهيرة نهار كبير هدا….زهيرة:الله ابارك فيك الحاجة المهم اليوم انا جيت نشوف غفران ونيت بغيت نهضر معاك…..ماما:الله اسمعنا خبار الخير….زهيرة:اوا نتي كتعرفي ولدي وسام….ماما:ايييه الله ارضي عليه هو و ….. يتبع

أحببت معذبي 🔥🔞
22

جاد تبارك الله عليهم الله اخليهم ليك….زهيرة:امييين…اوا انا جيت بغيت من عندكم شي موعد نجيو نطلبو يد بنتك اسية لوسام ولدي…..ماما:انا الالة منزيدكم غير الخير الشوار شوار باها و الري ريها…..زهيرة:ايه ما قلتي عيب….هادشي كااااامل داز وانا و اسية مصدومين…بقينا جالسين تا بدا تيليفون ماما زهيرة تيصوني….زهيرة:سمحوليا…الو…اهلا ولدي..لا انا عند دار غفران شوية ونجي…لا لاش اتجي اولدي انرجع مع الشيفور غير خليك….واخا لي بغيتي بسلامة…..هادا ولدي قاليك يجي يديني….غفران(هضرت لاسية فودنيها):ههه متيفلت تا فرصة…..زهيرة(سمعاتنا):ههههه لا هادا جاد….انا سمعت سميتو وانا نجمع الضحكة معاودتش هضرت بقيت ساكتة…دازت مدة وسمعنا صوت الكلاكسون عرفتو هو ناضت ماما باش تحليه الباب…انا نضت باش نمشي لبيتي ولكن….زهيرة:فين غادة ا بنتي جلسي….غفران:ام اه واخا….رجعت جلست بلاصتي بزز انا محاملاش نشوف كمارتو ولكن مدام براءتي بانت مكاين لاش نزيد نخاف منو ونعطيه قيمة….المهم بقيت جالسة طلع هو و ماما كيهضرو ويضحكو باز وجهو قاسح سلم على كلشي جا عندي مد يديه وانا نسلم عليه بطراف صباعي ومشفتش فيه…جاد:كي بقيتي….غفران:الحمد لله….مشا جلس مقابل معايا…بقاو تيهضرو تا استأدنت منهم باش نمشي لبيتي بحجة انني عييت…وهو يوقف سي جاد….جاد:غفران بغيت نهضر معاك قبل ما تمشي….قبل مانجاوب ضروري يدخل شي واحد وهاد المرة كانت….ماما:اه بنتي دخلو للصالة….مشينا للصالة جلست وكنشوف قدامي وهو جالس حدايا….جاد:واش مزال كضرك الضربة….غفران:لا….جاد:الصمت….غفران:الا مبغيتي والو بغيت نمشي….جاد:واخا رتاحي تترجعي لخدمتك ونهضرو….غفران(درت شفت فيه):اشمن خدمة….جاد(باستفهام):خدمتك ف الشركة….غفران(وقفت):انا مغنرجعش للخدمة كنت تما غير تحت التهديدي ديالك ودابا الحمد لله براءتي بانت تا حاجة مكتلزمني نبقا تما….جاد(وقف قدامي):مفهمتش!…..غفران:راني كنهضر غير بالعربية ديك الشركة عمري نحط فيها رجلي مرة اخرى نموت ومنرجعش لاكتر بلاصة تعدبت فيها كرهت ديك الشركة وكرهتك وكرهت الصحابات كرهت راسي وضعفي لي خلاني ندلل ليك ونزل نمسح صباطك(جاد نزل راسو للارض)كنضن هادشي كافي باش منرجعش ….. يتبع

أحببت معذبي 🔥🔞
23

لتم…جاد:ولكن…(قاطعتو)….غفران:عافاك انا عيانة بغيت نمشي نرتاح(تميت خارجة للباب ورجعت وقفت)آه واحد الحاجة الا حطات ليك ماما تشرب ولا تاكل منصحكش حيت داكشي ديال المستوى ديالنا حنا فشكل….يالاه بغا يهضر وانا نمشي طلعت كنجري دخلت للبيت وجلست تنهج بحالا كان تابعني شي شفار….بقيت تنتفكر الملامح ديال وجهو فاش كنت تنهضر بانليا الندم فعينيه ولكن منضنش يندم حيت هو متكبر…بقيت جالسة تا جات اسية قالتليا راه مشاو…اما هي كانت فرحانة كون كانو عندها جناح كون طارت…جا بابا وقالت ليه ماما على موضوع اسية و وسام هو فرح حيت عزازين عليه بزاف وقالها مرحبا بيهم فاي وقت..من بعد متعشينا طلعنا لبيتنا و اسية عيطات لوسام قالتهالو مسكين فرح بدينا كنسمعو غواتو شحال ضحكنا عليه….فقت صباح معطلة مكاين لا خدمة لا والو هاد الوضع معجبنيش حيت مولفتش الجلاس داكشي علاش بقيت كنقلب ف بي سيت ديال الشركات ودفعت لشحال من شركة عالله نتقبل…هبطت عاونت ماما فشقا الدار وهي كل مرة تتسولني على خدمتي كنت كنتهرب تجاوبها ميمكنش نقوليها السبب….ضربات 12 لالة اسية عاد فايقة تتحك عينيها….ماما؛تبارك الله على العروسة لي غتزوج….غفران:ههه ولاهيلا نتي لي جات معاك….اسية(باستنا):صباح الخيير عليكم كاين شي فطور…..غفران:وا قولي الغدا…..اسية:لا ا حبيبة انا غنفطر ونتغدا….المهم حطيت ليها فطرات بقينا على الضحك و الهضرة حتى جا بابا تغدينا ومشا رجع لخدمتو..ماما مشات دير القيلولة هه…وانا وختي كنتفرجو تا صونا تيليفونها وشكون من غيرو سي وسام قاليك عارض علينا بجوج انا رفضت نمشي ولكن اسية لصقة قاتليك مبغاتش تمشي معاه بوحدهم….مشينا قلناها لماما ولبسنا حوايجنا يالاه خرجنا مع الباب هو يوقف علينا نزل وهو تيفرنس مشا عند اسية باسها وعنقها بقيت غير تنشوف فيه تا دفعاتو سلم عليا ومشينا دانا لشحال من بلاصة تسارينا وضحكنا وهو غير شاد يد اسية كانو فرحانين بزاف…وصلنا لواحد البلاصة فين تيجلسو العائلات جلسنا وانا بقيت ساهية ف الوليدات الصغار وتمنيت كون كان عندي تا انا شي وليد فلحظة ضحكت على راسي تا نلقا باه بعدا..نضت مشيت كنتشا شوية ونيت نخليهم بجوج ياخدو راحتهم فالهضرة….بقيت شحال تا صونات ليا ختي باش نرجع عندهم…ملي مشيت دانا وسام للفيلا ….. يتبع

أحببت معذبي 🔥🔞
24

عندهم حيت ماما زهيرة عرفاتنا معاه وطلباتو نمشيو تشوفنا تا انا كنت موحشاها هي عزيزة عليا بزاف ولكن مبغيتش نشوف هاداك المتكبر…..مشينا لقيناها كتساينا فرحات بينا بزاف دخلنا للصالون لقينا جاد كاين يخخ شافنا وتفاجأ يمكن نمانش عارفنا جايين ولأول مرة كنشوفو مبتاسم ناض جا عندنا وعينو عليا مفهمتش مالو جاني بحالا تيخطط لشي مصيبة سلم على اسية وسلم عليا كنت غنسلم عليه بطراف صباعي ولكن هو شظ يدي وزير عليها تا نترتها منو…الجلسة كاملة وهو تيشوف فيا وانا تنخنزر فيه….زهيرة؛اوا بنتي غفران مي بقيتي….غفران:الحمد لله….زهيرة:هاني نجيب العصير ونجي صايبتو على ودكوم….اسية:لهلا يخطيك نجي نعاونك…..وسام:اه تا انا….زهيرة:نتا جلس خلي عروستي هي تعاوني….بقينا تتضحكو انا و وسام وجاد ساكت وحاضينا الشوفة فعينيه بحالا كيتحلف علاش منعرف…..وسام:غفران امتا غترجعي للخدمة….غفران:قريب انشاء الله…..جاد(قفز من بلاصتو):البوسط ديالك باقي خاوي….غفران(تجاهلتو وكملت مع وسام):دفعت السيفي ديالي لشحال من شركة….جاد(وقف):كيفااااااااش؟!!جاد:كيفااااش؟!….انا مجاوبتوش بقيت غير تنشوف هو مالو داير هاد الحالة فاش تيهمو دخل وسام لي شاف القضية غتنوض….وسام:اه غفران الا بغيتي نهضرليك مع صاحبي تخدمي فنفس الضومين لي كنتي فيه…. كون قالها ليا فحالة اخرى كنت غنرفض ولكن دابا ضد فجاد قبلت ديك الساعة وسام عيط لصاحبو وقالو باش غدا نبدا فرحت بزاف اما جاد ضرب الطبلة بيديه وخرج…جات مانا زهيرة جلسنا معاهم شوية ونضنا مشينا وصلنا وسام للدار….نعست وفقت صباح لقيت وسام كيسايني باش يديني للشركة ديال صاحبو مسكين بغا يشوف اسية حلفات لا ناضت…مشينا دخلنا لواحد الشركة كبيرة كان التصميم ديالها زوين ومفوجة هضر وسام مع السكريتيرة دخلات عند المدير لي خرج عندنا اش غنقوليكم ما شاء الله و صافي كان بوكووووص ازعطت انا صافي انوصفو ليكم هو طويييل ومفورمي بشرتو بيضة وعويناتو كحلين وشعرو كحل كان غزال بقيت ساهية فيه تا حسيت بشي قرصة فيدي فقت لقيت السيد ماد يدو وانا مكايناش هنا سلمت عليه وعرفنا سام على بعضياتنا هو سميتو يوسف…عيط لديك السكريتيرة كانت بنت زوينة ومحتاجبة كانت غزالة مشيت معاها وراتني البوسط ديالي وهي مبتاسمة لا علاقة مع ديك العقروشة ….. يتبع

أحببت معذبي 🔥🔞
25

لي كانت فالشركة القديمة…جلست وبديت خدمتي وأول حاجة قررتها هي انني نبدل داكشي لي كان فالماضي يعني تحاول نتعرف على الناس و الموظفين منبقاش منطوية على راسي تنكرهم فيا…هادي كانت اول خطوة وربي استجابليا وصلات الوقيتة ديال الغدا وجات عندي ديك البنت تعرفت عليها سميتها ندى طلبات نمشي نتغداو بجوج و فعلا وافقت دخلنا للريسطو الخاص بالشركة خدينا غدانا وجلسنا تنتعاودي ولينا صحابات ولكن ماشي لدرجة نعاودليها اسراري هادي و التوبة عمري ندير التقة فأي وحدة شوية وقف علينا يوسف وهو هاز البلاطو ديالو تصدمت واش ايتغدا معانا….يوسف:ندى بانليا تصاحبتي نتي و الآنسة غفران…ندى:اه دخلات ليا لخاطري ضريفة بزاف….غفران:لهلا يخطيك….يوسف:يالاه كولو متبقاوش على الهضرة….غفران:واش غتغدا معانا…..يوسف:ههههه….وينووو على الضحيكة دبت انا دبت….ندى:ههه اه هو تيتغدا ديما مع الموظفين….يوسف:و لكن الا مبغيتيش يمكن ليا نمشي….غفران:لا لا خليك…..ويلي على حالة خلعتهم فمي ديما دايرها ليا…المهم سالينا الغدا ورجعنا لخدمتنا…داز النهار زوين بزاف تطلقت مع الموظفين كانو ضريفين معايا بزاااف..من بعد ما تافقو والديا مع ماما زهيرة بلي الغرس من هنا لشهر مبقيتش لقيت الوقت لي نحك حتى راسي تقول غير عرسي انا كنفيق صباح نمشي للخدمة ونرجع فالعشية نبقا نعاون ماما وشي مرات متنمشيش للخدمة يوسف مسكين عادرني ومكيخسرش ليا دايرني كتر من مجرد صديقة كنعتابرو خويا لي معنديش ديما واقف بجنبي ومساندني خصوصا من بعد نا عرف شنو داز عليا ف الشركة ديال جاد…اليوم مشينا انا و اسية تافقنا مع النكافة وختارينا اللبيسات وحتى الموديل ديال المشيطات…بابا تكلف ب التريتور….و ماما زهيرة ما خلات ما جابت لاسية وحتى انا كتجيب ليا…كنت جالسة فالكوزينة تا جات عندي العروسة ديالنا….اسية:ختي حبيبتي….غفران:شنو بغيتي دخلي فاالموضوع…..اسية:امممم فالصراحة وسام عارضنا هاد الليلة….غفران؛فين….اسية:للديسكو…..غفران:شنوووو كيفاش الديسكو واش حماقيتي….اسية:وا مالكي صمكتيني بشوية عليك شنو فيها الا مشينا فوجنا راه بزز باش وافق ههه قتليه انفسخو الخطوبة….غفران:اويلي على زغبية اتفسخي الخطوبة على ود ديسكو….اسية:اه ديما كنت باغا نمشي ليه عافاك اختي وافقي ….. يتبع

Leave a comment