Skip links

قصة : أحببت معذبي (الاخير)

 4,043 عدد مشاهداات

أحببت معذبي 🔥🔞
51

مكيهمنيش هادشي لي كيهمني فلوسي يكونو حاضرين دابا ولا راك عارف فين غتمشي ولكن عندي حل….جاد:لي هو…..عصمان:طلق مراتك التانية وترجع مع اسماء لفرنسا انا مكنتش غنهرض عليك هاد الطلب ولكن هي تعلقات بيك و ولات كتبغيك…..جاد(وقفت):طلب مني اي حاجة الا انني نطلق غفران بنتك انا متنبغيهاش ونتا عارف هادشي مزيان…..عصمان(ضرب يدو مع البيرو و وقف):نتا شنتي وحسيتي براسك وهادشي حيت عطيتك وقت وحاولت نعاملك كرجل أعمال ناضج ولكن نتا لا علاقة مع البزنس(هز التيلي)انا غنسيفطك فين تربا…..ما هي الا دقائق جاو البوليس كنت كنساينهم اصلا حيت معندي حتى حل آخر جاز دارولي المينوط فيدي وعطاهم عصمان الوتائق لي كتبت إخلالي بشروط العقد….وداوني معاهم للكوميسارية وصلت و اول حاجة درت تاصلت بالمحامي ديال الشركة جا عندي و عاودت ليه كلشي ووصيتو باش يعلم وسام بأنني ف الحبس…..وقفت ومشيت بخطوات متثاقلة عند وسام مع انني عارفة الجواب ولكن خاصني نسول ونسمعها منو….غفران:وسام شنو وقع و..وصلاتك شي خبار على جاد ياك….وسام:غفران جاد راه…..غفران:شدوه ياك اهىء اهىء كنت عارفة مغيتفاهمش معاه الله ياخد فيهم الحق اهىء اهىء…..بقيت نبكي ونضرب فوجهي و فخاضي وهما تيجروني و والو مكنتش واعية اش كندير حتى كنت غنعاود نفس الخطأ مع اسية لي عنقاتني وزيرات عليا وهي تتبكي معايا….وسام:انا غنمشي عند المحامي….غفران(وقفت):انمشي معاك ا وساك عافاك مترفضش….وسام:عارف راسك قاسح يالاه زيدي…..مشينا للشركة وصلنا لقينا المحامي كاين تما هضرنا معاه وقالنا بلي الحل الوحيد هو نحاولو نجمعو المبلغ لان الطرف لاخر ممستاعدش لحتى شي محاولة باش يتفاهم معانا….مشينا قلبنا ف المبلغ ديال الشركة و السيولة لقينا يالاه 40 مليون لي كاينة يعني مزال خاصنا 60 مليون باش نكملو المبلغ…مشيت للدار جمعت كاع الدهب لي عندي باش نبيعو شافتني ماما زهيرة مشات تاهي جابت دهبها واخا رفضت لكن هي بزات عليا و حتى اسية جابت دهبها ديت داكشي باش نبيعو يالاه جاب شي حاجة….حياتنا تدمرات حوايجنا ولينا غنبيعوهم وسام باع طونوبيلتو و ديال جاد ومزال المبلغ ناقص…..ماما زهيرة:وسام….وسام:نعام….ماما:شوف اولدي غدا تمشي عند السمسار ودير اعلان باش نبيعو الفيلا…..وسام:شنووو لا ميمكنش جاد مغيبغيش….ماما زهيرة:مكيهمش دير هادشي لي قلت ليك متزيدش معايا ف الهضرة….فعلا داكشي لي دار وسام مشا عند السمسار ودارو اعلان فباب 👇👇👇👇👇👇👇 الفيلا ب انها للبيع….بقينا جالسين وتنشوفو منين غندبرو على الباقي حتى سمعنا الصونيط مشيت حليت لقيت ماما لي اول حاجة سولاتني عليها هو الاعلان دخلتها للظار وفهمناها كلشي فلول تقلقات حيت ما قلنالهم والو ولكن من بعد تفهماتنا دوزنا النهار كامل ف الدار تا واحد ما سول على الاعلان….صبح الصباح ومزال نفس الحال جاد مزال ما شفتوش حيت هو مابغانيش نمشي عندو لتم حدي هضرت معاه ف التيلي كان صوتو عيان بزاف….بقيت جالسة ف الدار حتى بدا تيليفوني كيصوني كان بابا لي طلب مني نمشي عندو للدار وداكشي لي درت…..غفران:بابا ياك لاباس شوشتيني فاش قلتي اجي بزربة…..بابا:بنتي واش حنا عائلتك ولا برانيين….غفران:لا ا بابا علاش تتقول هاد الهضرة….بابا:و علاش حنا آخر وحدين عرفنا بالمحنة ديال راجلك ابنتي لا موقفناش فوقت الحزة را حنا ماشي عائلة…..غفران:عارفة ا بابا لي كاين غير ما بغيتش نشطنكم معايا و صافي…..بابا:منعاودش نسمع هاد الهضرة(مد ليا صاك)هاكي شدي….غفران:شنو هادشي….بابا:هادي واحد البركة تعاونكم راني بعت الاراضي بجوج ديالي و ديال ماماك….غفران:شنوو لا ا بابا نتوما كنتو مخبيينهم وتتعاونو منهم واخا كانو جايبين التمن وعليهم الطلب مفرطتيش فيهم….ماما:آه ا بنتي ولكن ولكن دابا حنا واقفين عليهم وهاوما عاونونا…..نضت عنقتهم وبستهم وتنبكي حمدت الله لي عندي والدين بحالهم الحمد لله على قدنا ولكن بابا ما عمرو بخل علينا ودابا كتر ملي فرط ف ارضو و ارض ماما لي شحال من واحد بغاهم وكان تيرفض يبيعهوم….هزيت الفلوس و مشيت للدار كنت فرحانة حيت كل مرة كنلقاو منفذ….ماما زهيرى فاش عرفات بموضوت الاراضي حسيت بيها حشمات فهمتها اننا عائلة ومخاصهاش تفكر هاكاك جا وسام وفرح حتى هو فاش عرف بقات غير الفيلا هي لي عندنا امل كبير انها تجيب لينا الباقي….لكن وقع العكس اضطرينا نبيعوها بأقل تمن من الاتمنة لي تعرضات علينا….هزينا حوايجنا ومشينا لداري قادينا حوايجنا تما وبقينا تنغكرو ف طريقة اخرى باش نكملو المبلغ…..غغران:اممم وسام عندي فكرة…..وسام:آري ا ختي عتقينا بيها….غفران:علاش منهضروش مع باباك……كلشي بقا تيشوف فيا فلخر تفركعو بالضحك….ماما زهيرة:ههه ضحكتيني ابنتي…..وسام:هههه زوينة عندك هادي كون كان غيعطينا ميخليش ولدو يدخل للحبس الله يهديك…..غفران:انا غنمشي عندو ونطلبو واخا نبوس رجليه…..وسام(تعصب):غفران براكا واش عارفة اش تتخرجي على فمك عرفتي جاد الا عرف غيقلب علينا الدنيا هنا….غفران:مغيعرفش تا واحد مغايقولهاليه….المهم بقيت تنحاول نقنعهم تا واحد كا راضي

أحببت معذبي 🔥🔞
52

الهضرة……صبح الصباح فقت بكري لبست حوايجي وخرجت باش نمشي للشركةديال مصطفي لي كاينة هنا لقيت وسام واقف تيسايني…..وسام:غنمشي معاك وتناقشيش معايا….غفران:واخا يالاه….وصلنا للشركة ودخلونا لعندو بقينا واقفين قدامو وهو كيطلع ويهبط فينا….مصطفى:امممم تواضعتو و جيتوا….وسام:متيقش راسك واخا انا عارف النتيجة غير بغيت الاخت تتأكد حيت كيسحابليها راك بنادم…..مصطفى:نتا قليل الترابي خرجو عليا براااااا…..غفران:سي مصطفى عافاك سمعلينا خلينا نهضرو…..مصطفى:غنسمعك بشرط يخرج هو….وسام؛لا منخليهاش معاك…..شفت فيه باش يخرج وداكشي لي دار….مصطفى:شنو بغيتي….غفران:عافاك انا جيت نترجاك ونبوس ليك رجليك غير عاونا حن فولدك متكونش قاسي هكا انا مستاعدة ندير لي بغيتي غير خرجو من الحبس….مصطفى(بنظرة شريرة):لي بغيت….غفران:اه كنواعدك نكون خدامة تحت رجليك….مصطفى(ناض تيقرب ليا):انا مبغيتكش خدامة انا بغيتك ليا انا مستاعد نعطيك المبلغ مقابل ليلة دوزيها معايا….ملي سمعت هضرتو ما بقيتش سمعت اش مزال تيقول بقات ديك”ليلة معايا”تتردد فودني ندمت حيت جيت ندمت حيت درتو بنادم عندو عقل تيفكر ولكن هو شنو والو لا علاقة مع الانسانية قلبة خالي من الرحمة معندوش ذرة ديال الاحترام لنفسو….مصطفى:مجاوبتينيش شنو قلتي(دوز يديه على حنكي)….غفران(بعدت عليه و رجعت لور):ولدك عندو الحق نتا ماشي بنادم نتا حيوان فهيئة انسان…..مصطفى(هز يديه تال الفوق وضربني):كبرت ليك الشان الموسخة حتى وليتي تحلي فمك نتي راك غير *** عنداك تيقي راسك(شدني من شعري وخرجني لاحني على برا)منعاودش نشوف كمامركم مرة خرا تفووو ينعلها سلعة…..شافني وسام جا تيجري عندي هزني من الارض وهو تيسب ويعاير كاع الموظفين تجمعو علينا وانا ديك الكلمة مزال تتعاود فودني وليت تنبكي بجهد…..وسام(شاف حنكي):واش ضربك دوي ضربك…..غفران:اهىء اهىء يالاه نمشيو من هنا عافاك ا وسام يالاه اهىء….وسام:بلاتي انا مزال مهضرت معاه….غفران:لااا عافاك اهىء يالاه…..شدني وسام من يدي وغادي جارني حيت حسيت براسي فشلت الطريق كاملة وهو تيسولني شنو وقع وانا تنزيد ف البكا…..حطنا الطاكسي قدام الدار طلعنا ونشيت نيشان لبيتي وسديت عليا ماما زهير 👇👇👇👇👇👇👇👇 و اسية عياو ميدقو مبغيت لا نهضر لا نسمع حتى شي كلمة من شي واحد حيت انا اصلا غلطت هما نبهوني منو و انه انسان حقير و متيسواش و دابا زدت تأكدت…بقيت مدة فالبيت عينيا تنفخو بالبكا وسمعت الصقيل ف الدار….خرجت من البيت لقيتهم جالسين تيتفرجو ولا التلفازة هي لي كتفرج فيهم كل واحد ساهي وتيفكر فشنو جاي وشنو تابعنا….مشيت تخشيت فماما زهيرة عنقتها وحتى هي بقات كدوز يدها على شعري وهي تجي اسية تا هي تخشات فينا…..وسام:وا ديتو ليا الواليدة ورتوني وانا حي….اسية:سير فحالك….وسام:نتي غير بلاتي….بقينا تنضحكو واخا غير بزز….صبح الصباح فقت معطلة خرجت للصالون ملقيت تا واحد ليقت الفطور محطوط وحداه وريقة من اسية^^حبيبة انا وماما مشينا عند الطبيبة ^^جلست فطرت ترجع فيا الروح غير شوية…شوية سمعت الصونيط ف الباب مشيت تنجر رجلي حليتو وتصدمت……غفران:اهىء اهىء اهىء حبيبي جيتي ياك متنحلمش ياك…..جاد(عنقني وتيبكي)؛شششت احبيبتي اه جيت متبكيش صافي كلشي سالا شششت….عنقتو وبقيت نبوس فيه ونبكي ونغوت ومرة نضحك وهو غير معنقني وتيبكي…..غفران:حبيبي كيفاش جيتي كيفاش تا خرجتي…..جاد:لي عندو عائلة بحال عائلتي مستحيل يبقى بوحدو ولا يتعدب كنشكرك احبيبتي حيت عاونتوني تا خرجت….غفران(بتعجب):شنوو مف…(قاطعنا صوت الباب)……وسام(مصدوم):جاااد!!!خرجتي كيفاش….جاد:شنو لي كيفاش ياك دفعتو المبلغ لعصمان…..غفران(تنشوف ف وسام):لا حنا مزال ما جمعنا المبلغ شكون خرجك….جاد:شنوو معرفتش انا جاو عندي خرجوني حتى المحامي مشفتوش لقيت الاجراءات خالصين حدي وقعت وجيت….بقينا جالسين وهاد الموضوع شاغل تفكيرنا خصوصا انا و وسام لي حسيت بيه تيفكر فداكشي لي تنفكر فيه زعما يكون مصطفى هو لي دفع المبلغ ميمكنش مستحيل نتيق….جات اسية و ماما زهيرة لي شافت ولدها نفس الحالة لي درت دارت كتر مني تتبكي وتغوت حتى سخفات دخلناها للبيت وبقيت معاها انا واسية…..اسية:غفران كيفاش قضية جاد مغهمتش…..غفران:تا انا اختي والله ما فهمت…..اسية:ميكونش باهم….غفران:انا متأكدة ماشي هو اخر هضرة كانت بيناتنا كتأكد ليا انه عمرو يديرها….اسية:ا ختي قوليليا شنو وقع ديك النهار جيتي حالتك للدار خلعتيني عليك…..غفران:عافاك ا اسية سدي هاد الموضوع….اسية:لا بغيت نعرف….عرفتها لصقة مغطلقنيش عاودت ليها كلشي ملي دخلت للبيرو تا رماني قدام الباب ….. يتبع

أحببت معذبي 🔥🔞
53

كنت كنعاود وغافلا على البركان لي كيتصنت علينا كان جاد واقف حدا الباب وسمع كلشي دفع الباب بجهد وجا قدامي…. جاد(بالغوات):علااااش ا غفران علاااش مشيتي عندو اش وصلك ليه هو حيواااان ماشي بنادم شفتي كي ردك رخيصة شفتي…..غفران:حبيبي عافاك س…..جاد(قاطعني)؛سكتييي سكتييي ا غفران…..خرج لبرا لي لقاها قدامو كيهرسها انا و اسية مكمشين حدا بعضياتنا وكنشوفو فيه كان بركان منفجر….عروقو خارجين ودموعو نازلين بحال الشلال تيعاير و يهرس تا دخل وسام مخلوع…..وسام:اش واقع جاد مالك….جاد(ضربو للوجه):علاش ديتيها لعندو وصيتك عليها ولا لا دوي ياك وصيتك ا وسام….وسام(دفعو عليه):تهدن ا جاد اتا حاولت معاها ولكن هي لي اصرات….غفران:اه ا جاد انا كنت غادا بوحدي…..جاد(قاطعني):نتي سكتيييي منسمعش حسك اليوم نقتلو اليوم نحيه….تم خارج وانا نوقف ليه قدام الباب…..جاد:حيدييي من قداااامي…..غفران:كنقسم ليك ا جاد الا خرجتي من هاد الباب غترجع مغتلقانيش و عمرك مزال تشوفني ونتا عارفني نديرها…..بقا تيشوف فيا وهو تيتنفس بجهد صدرو تيطلع ويهبط فلخر مشا دخل للبيت وسد الباب كنسمعو غير صوت التفرشيح حتى تقطع الحس….خليتو على راحتو عادراه داكشي لي سمع ماشي ساهل على اي راجل و بالخصوص فحالة جاد اقبح الكلام و التصرفات كتصدر من اقرب شخص لينا وهو الاب. سمعت السقيل وانا ندخل عندو لقيتو واقف وحاط جبهتو على السرجم….مشيت عنقتو من لور بلا منهضر زيرت عليه….جاد:غفران خليني عليك عافاك…..غفران:لأ منخليكش…..جاد:غفراان…..غفران:واخا انا نخويلك الدار كاع….مشيت جبدت واحد الصاك درت فيه بيجامتي يالاه بغيت نبدل حوايجي وهو يجرني عندو….جاد:فيين غادا… غفران:نخليك على خاطرك….جاد:بففف ا غفران كتزيدي تعصبيني….غفران:اه داكشي علاش بغيت نخليك باش متعصبش…..جاد(جرني عندو وعنقني):تعاودي تقوليها نهرس لمك فمك….غفران(دفعتو):كيفاش مك تتسبني دابا….جاد(باسني ففمي):متديش عليا ا حبيبة راني مزال معصب و مزال منسيت شنو درتي…..غفران:انا مدرت والو….جاد:لا والو غير مشيتي عند داك(سكت)صافي نساي اجي عندي توحشتك….غفران(تنرجع لور):جاد لا ماشي دابا….جاد:متخلينيش نشدك بزز اجي لهنا…..غفران:لا خليني تال اااايييي 👇👇👇👇👇👇👇👇👇 اوووووف…..جاد(مخلوع):شفتي شتديري…..غفران:واش انا ولا نتا لي فرشختي كلشي اوووف دخلات ليا زاجة كبيرة…..جاد(هزني):اجي جلسي رجلك تتسيل ب الدم….مشا جاب الدوا و جلس قدامي تيداوي رجلي وانا حاضياه كان مخلوع عليا بزاف واخا غير جرحة صغيرة لكن هو متيبغي حتى حاجة تقيسني كيفما بغات تكون….بقيت كنشوف فيه توحشتو بزاف جريتو عندي وهو تيشوف فيا وتلاحيت عليه بالبوسان هو تيقوليا عنداك رجلك ههه…نسينا راسنا وحنا مع بعضياتنا معرفتش شحال من ساعة بقينا ف البيت لي كلو مرون….حنى سمعنا الدقان ف الباب…نضنا دوشنا جاد لبس حوايجو وخرج عند ماما زهيرة…..انا بقيت تنجمع ديك الروينة لي دار الاسد ديالي….ساليت وخرجت جلست معاهم كان كلشي فرحان بخروج جاد و لكن كنا مشطونين بشكون دفع الباقي ديال المبلغ….حنا واخا بعنا شحال من حاجة مجمعناهش ولولا داك الشخص ما كانش جاد غيكون بيناتنا دابا….داز اسبوع جاد ولا تيخدم بليل وبنهار باش يرجع شركتو كيف كانت ولكن شكون خلاك مصطفى معرفناهش شنو دار بالضبط حتى نساحبو جميع الشركاء و العملاء من العمل مع جاد….اليوم كيف العادة فقت لقيت جاد مشا لخدمتو خرجت فطرت مع ماما زهيرة و اسية وطاحت فبالي نمشي عندو للشركة..نضت لبست حوايجي ومشيت للشركة كانو كاع الموظغين خدامين وصلت للبيرو ديال جاد ونا خلاتنيش ديك السكريتيرة العوجة ندخل ههه مسكينة معارفاش بلي وليت مرات قرن هادا….السكريتيرة:واش نتي مكتحشميش ياك مشيتي اش رجعك ياكما باغا ترغبي ميسيو جاد باش يرجعك ههه متعوليش حيت هو تيكرهك…غفران:شحال فيك ديال الهضرة دابا مغتخلينيش ندخل….السكريتيرة:لااا…..غفران:واخا…جبدت اليتيلي وسيفطت ميساج لجاد”حبيبو انا برا السكريتيرة ديالك مخلاتنيش ندخل”ههه يالاه سيفطت الميساح حل الباب وهو كيفور…..جاد(شاف فيها):علاش مخليتيهاش دخل….السكريتيرة:ميسيو جاد انا عارفاك تتكرها داكشي علاش مبغيتهاش تبرزطك…..جاد:ا لالة ديها فراسك وعرفي راسك معامن كتعاملي هادي راها مرتي…..مسكينة بقات مصدومة و تترمش فعينيها….جاد جا عندي جرني عندو من خصري وهو تيبوسني قدامها صراحة عجبني الحال شحال وانا تنجمع ليها بقات تتشوف فينا تا جرني جاد غادي داخلين للبيرو….جاد:ديها فخدمتك و دابا ….. يتبع

أحببت معذبي 🔥🔞
54

عاد مدخلي عندي حد…..دخلنا جاد رجع كيكمل شي خدمة فشي وراق وانا تنضور فالبيرو تفكرت شحال من حاجة نهار مسحت صباطو ونهار تاهمني بالاختلاس بقيت ساهية حتى حسيت بيه محاوطني من خصري….جاد:فاش كتفكري….غفران:ههه الصباط….جاد(بابتسامة):شنو مفهمتش….غفران:نهار كفحت عليك القهوة نسيتي…..جاد:الصمت….غفران:مالك….جاد:هنتك بزاف انا منستاهلكش نتي تستاهلي ما….غفران(حطيت صبعي على فمو):شششت انا لي عارفة شكون يستاهلني داكشي داز بقى غير ذكرى….جاد:للأسف….غفران:جاد غنتقلق منك وا صافي احبيبي شوف انا جيت عندك توحشتك….جاد(تيقرب ليا):امممم توحشتيني بعدا ف الدار تتمحنيني عاد تتجي عندي…..غفران:ههه هانا قدامك دير لي بغيتي…..بقينا تنقربو حتى دخلنا فقبلات لي هيجاتنا بجوج نسينا راسنا فين كاينين حتى دخلات ديك خيتي وحنا فوضع جد محرج هه حوايجي طالعين و الفيست ديال جاد ف الارض قامجتو كلها محلولة هي تزنكات وبدات تمتم فالهضرة….السكريتيرة:س…سمحوليا ولكن….جاد:اش دخلك هنا وعلاش مدقيتيش….السكريتيرة:راني عييت ندق….جاد:شنو كاين علاش جيتي….السكريتيرة:واحد السيد برا بغا يشوفك على ما فهمت هو مدير إحدى الشركات وبغا يتعامل معانا….جاد:شنوو شكون هادا كاع الشركات حرضهوم مصطفى عليا….غفران:حبيبي متسرعش لعلها خير ربي كبير غيساعدك اكيد و مصطفى ربي غيحاسبو…..جاد:واخا 10 دقايق ودخليه….خرجات وبدينا تنقادو حوايجنا مسحت لجاد فمو لي عامر عكر…غفران:انا غنمشي دابا….جاد(قاطعني):لا غتبقاي تا نمشيو بجوج سيري جلسي….مشيت جلست بقينا 10 دقايق وصونا للسكريتيرة باش دخل السيد….سمعنا الدقان وهو يدخل هزيت راسي نشوف تصدمت حليت فمي تال ودني يمكن يمكن فهمت شنو كاين….غفران:ميمكنش شكدير نتا هنا….يوسف:نسيتي خوك ياك من نهار دفنوه ما زاروه….جاد:يوسف شكدير هنا….يوسف:على سلامتك…..جاد:الله اسلمك شكرا….يوسف:اكيد كتساءلو شنو جابني….حنا:الصمت….يوسف:ههه انا جيت نرجع فلوسي…..جاد:إنا فلوس….غفران:بلاتي يوسف متقولياش نتا لي خرجتي جاد….جاد:شنوو…..يوسف:اه انا…..عفران(طرت عليه عنقتو):شكرا بزاف ا يوسف….يوسف:مكاينش الشكر بين الخوت….جاد(جرني من يدي):مبقيتيش ….. يتبع

أحببت معذبي 🔥🔞
55

تحشمي كتعنقي فيه(شاف ف يوسف)علاش درتي هكاك…..يوسف:حيت ميمكنش نشوف اخ صاحبي و راجل ختي ف محنة ومنعاونوش خصوصا فاش عرفت ان الاب ديالك ورا هادشي وضد فيه جيت عندك اليوم باش نعرض عليك الشراكة بالرغم ان الاب ديالك هددني بخطيبتي…..جاد:شنوووو واش هددك ولكن نتا علاش مبينتيش راسك تال دابا…..يوسف:حيت كون عرضت المساعدة كنتي غترفض وعارفك حتى دابا غتبغي ترجع ليا الفلوس….جاد:هادي مافيها شك….يوسف:والفلوس انا بغيتهم عن طريق شراكتنا بجوج(مدلو يديه)كنتمنى مترفضش….جاد(بادلو السلام):انا موافق وكنشكرك على كلشي….يوسف:انا مباغيش الشكر….جاد:و شنو بغيتي!!….يوسف:بغيتك تعتابرني الاخ الصغير ديالك بحال وسام نتا عارف انني ديما كنحتارمك…..جاد(عنقو):اكيد من اليوم نتا خويا الصغير…..غفران(شفت فيهم وعينيا دموع):ياااااي ولينا عائلة كبيرة(عنقتهوم)…..جاد:شفتك نتي غير تتعنقي جمعي يديك ولا نقطعهم ليك….غفران(شديتو من حناكو):وا صافي الحب متبقاش تغير راه غير خوك….جاد:و لو……يوسف:هههه صافي خليونا نبداو خدمتنا….دازت شهرين جاد و يوسف قدرو انهم يكبرو الشركات ديالهم بجوج داكشي علاش مبقيتش كنشوف جاد بزاف شي مرات كنعس وهو مزال ما جا وهاد الوضع ولا كيزعجني بزااف قليل شي مرات كنتجمعو غير ف الفراش وهو لي تيفيقني….كرش اسية كبرات وعرفنا عندها وليد مشيبة وسام كل مرة وشنو كتشها ليه و الاغلبية الخروج مضروبة غير على الخروج…اليوم كيف العادة جاد ف الخدمة وانا بوحدي ف الدار اسية و وسام خداو دارهم بوحدهم و داو معاهم ماما زهيرة واخا حاولت معاها تبقى معانا ولكن مبغاتش وقالت بلي ضروري تبقى مع اسية فهاد الوقت….بقيت النهار كامل ف الدار كل مرة شنو تندير مليت و عييت من هاد الحالة لدرجة كرهت الخدمة ديال جاد حيت هي لي بعداتو عليا….وصلات 12 د الليل و مزال ما جا مشيت نعست كيف ديما…..تا حسيت بقبلاتو فعنقي تيحاول يفيقني….جاد:حبيبة ديالي…..غفران:جاد خليني عليك….جاد:لا دوري عندي توحشتك….غفران:لا باينة النهاى كامل مخليني مرمية هنا بحال الكلبة ماسولتيش فيا…..جاد(حبس ودورني عندو):شهاد الهضرة تاني ا غفران مالك…..غفران(دموعر كانو على سبة):اهىء اهىء خليني عليك بعد مني…..جاد:لا لا نتي بيك 👇👇👇👇👇👇👇👇 شي حاجة هاد النهار راني كنت خدام واش كنت كنتفلا….غفران(بالغوات):بزااف على هاد الخدمة بزااف كل نهار جاي معطل النهار كامل تتخليني هنا حتى اليتلي مكتهزوش تقول نشوف ديك الحمارة لي ف الدار واش حية ولا ميتة….جاد(كيهضر ومزير سنانو):غفران سكتي ورجعي تنعسي…..غفران:اه برافو هادشي لي غتولي دير دابا حيت مخديتيش حقك ياك(قطعت بيجامتي)هانا قدامك دير لي بغيتي اصلا هادا هو دوري دابا كتجي تفرغ فيا شهوتك وترميني…..جاد(هز يديه تا الفوق و ضربني):سكتي منسمعش حسك ماشي غير نتي لي كتعدبي انا علامن كندير هادشي كامل كنديرو على ودكم نتوماااا ولكن للأسف مقدرتيش التعب ديالي…..غفران(شادة حنكي):صبرت ا جاد صبرت عليك شهرين ونتا نفس الحالة النهار كامل متسولش فيا وتجي فليل تاخد لي بغيتي وتنعس هادي ماشي عيشة اهىء اهىء….جاد:دابا مبقاتش عاجباك هاد العيشة ياك…..غغران:آه عييت مبغيتش نكون ماما زهيرة التانية…..جاد؛شنو كتقصدي…..غفران:نتا عارف مزيان شنو قصدت نتا طلعتي لمصطفى وليتي تابع غير الفلوس ونسيتي كلشي والدليل هو انك ضربتيني من نهار تزوجنا مدرتيها…..جاد قرب ليا باش يني وانا نبعد ناض زدح الباب وخرج نعرفتوش فين مشا نعست فبلاصتي فين خلاني تال صباح…..حليت عينيا لقيت راسي فوق الناموسية اكيد جاد هو لي هزني ليها…نضت كنحك عيني وخرجت للصالون لقيتو ناعس تم رجل هنا و رجل لهيه مكرفس ف النعسة كانت ديك الساعة 8 د صباح امكن مشا عليه الحال دخلت للكوزينة تنوجد الفطور تا وقف عليا عند جاد:::عارف راسي ضلمتها بهاد التصرف و لكن ماشي لخاطري بغيت نوفرليهم كلشي مبغيتش نفس المشكل يوقع كرة خرا ونضطروا نبيعوا كلشي زيادة على انني بغيت نرجع الاراضي ديال والديها لي عاونوني ومبغاوش يرجعو يشدو الفلوس….يمكن عندها الحق انا نسيت راسي و وليت تابع الفلوس كرهت راسي فاش شبهاتني ب مصطفى ولكن حسيت بيها على حق حيت نسيتها ومبقيتش دايها فيها محسيتش براسي تا ضربتها ولكن عصباتني انا كنبغيها هي كروح ماشي ك جسد نفرغ فيه الشهوات ديالي…خرجت من الدار وانا محطم معرفت فين نمشي بقيت غير تنضور ف الزناقي تال 5 د صباح رجعت للدار دخلت للبيت لقيتها فين خليتها وحنكها مازال حمر ……. يتبع

أحببت معذبي 🔥🔞
56

نعست تم تا فقت على صوت التقرقيب ف الكوزينة…نضت بزربة باش نشوفها ونطلب منها السماحة ونفتحو صفحة جديدة…كانت واقفة وعاطيا بضهرها قربت بشوية تا وقفت حداها شافتني واحد الشوفة باردة عمري شفتها شي لي وترني ومقديتش نهضر خفت نخرج شي كلام ونزيد نرونها تا نطقات هي وكون غير بقات ساكتة..جا بقا واقف حدايا تيشوف فيا ما هضر ما والو معرفتش اش كيضور ليه فداك الراس وقررت نهضر انا…..غفران:ممكن تديني لدارنا….بقا ساكت تيشوف فيا اكتر حاجة تتخلعو هي نقولو يديني لدارنا ولكن فعلا عييت وبغيت نرتاح شوية ونرتب افكاري معرفتش واش عندي الحق ولا لا ولكن نفسيتي عيات عمر شي حاجة كانت عندو اهم مني كان كيبقى النهار كامل ف الشركة وكل ساعة يعيطليا يشوفني شنو كندير ولا واش خاصاني شي حاجة ولكن دابا تا حاجة ما بقات داك الاهتمام كلو تلاشى حتى وليت كنحس براسي تقيلة عليه…بقا متردد شحال ولكن فلخر….جاد:واخا لي بغيتي….غفران:شكرا….خليتو واقف ومشيت كملت توجاد الفطور ليه هو انا مقاداش ندوقو ملي تنبكي أولا تنتقلق الشهية تتمشي ليا بمرة….حطيت ليه فطر بقا تياكل وحاضيني وانا تنجمع الكوزينة قاديت كلشي بلاصتو تا سالا جمعت الطبلة وساليت…مشيت للبيت باش نبدل حوايجي لقيتو جالس وساهي…هزيت حوايجي ومشيت للطواليط لبست تما وخرجت هزيت صاكي وشي تخربيق ديالي….غفران:يالاه انا ساليت….جاد(بقا تيطلع ويهبط فيا):يالاه…مشينا الطريق كاملا وحنا ساكتين تا وصلنا جيت نهبط وهو يجرني عندو عنقني بجهد ولكن انا مبادلتوش حيت قلة الاهتمام ديالو قتلات فيا كلشي بقا مدة معنقني كنت عارفاه تيسايني نعنقو كيف كل مرة ولكن لا هاد المرة مقدرتش تا عيا وطلقني وطبع قبلة جنب فمي ورجع بلاصتو كيشوف قدامو…نزلت بلا منتلفت لعندو دقيت فدارنا غير تحل الباب وهو يمشي طاير خلا غير العجاجة وراه….ماما:آه يا ربي السلامة شكون هادا لي غادي هاكا دخلي ابنتي….دخلت للدار حسيت بواحد الشعور غريب توحشت دارنا وتوحشت نبقا فيها داري انا و جاد ولات تتجيني كئيبة بزااف….طلعت نيشان لبيتي بدلت حوايجي وهبطت عند ماما غير تنضحك ونهضر تا ماما كانت فرحانة بيا بزاف…جا بابا للغدا تغدينا انا ماشي غير تغديت لا فرست الماكلة ههه بحالا جاد كان رابطني…لكن ….. يتبع

أحببت معذبي 🔥🔞
57

الحمد لله لي جيت لدارنا حسيت بنفسيتي تحسنات ولكن توحشت جادشنو غيكون تيدير دابا…طلعت لبيتي لفوف تكيت تا داني النعاس معرفتش شحال من ساعة تا فقت على خاطري وكنت مرتاحة بزااف…كنت هابطة لعند ماما سمعت الصونيط ف الباب ومشيت حليت لقيتو جاد….قلبي كان غيسكت حسيت نفس الاحساس لي شفتو عندنا اول مرة بقينا تنشوفو فبعضياتنا وكل واحد فينا كانو عينيه تيعبروا على حبنا لبعضنا….ماما(قاطعاتنا خخخ):غفران شكون ابنتي….غفران:اا ها…..ماما:اهلا اهلا زيد اولدي دخل مرحبا(شافت فيا)شحال عيط ليك اليوم ونتي مغيبة ممولفاشليك تنعسي هاكا….غفران:اه بصح ولكن كنت عيانة…..جاد(شاف فيا):واش تضرك شي حاجة نديك للطبيب….غفران:لا لا دابا انا مزيانة…..بابا(تيهضر من الصالون):واااش غتبقاو ف الباب….دخلنا عندو جلسنا الهضرة و الضحك جاد محيدش عينيه عليا يمكن كان مستغرب من حالتي كيف كنت صباح وكيف تنضحك دابا….جاد(شاف ف الساعة):غفران مشينا….ماما:جلسو تعشاو….جاد:لا ا الحاجة يالاه نمشيو صباح(شاف فيا)خدام بكري وعندي خدمة بزااف…..غفران:جاد غير سير نتا انا غنبات هنا…..جاد(بالغوات):شناهوا….بابا(مستغرب):مالك اولدي مقالت عيب دار باها وبغات تبات ما فيها باس تجي مرة مرة تبات عندنا….جاد:عارف ا عمي غير….بابا:فهمتك اولدي ههه غتوحشها….جاد(وقف):واخا نخليكم دابا…..ماما:بسلامة اولدي نوضي ابنتي وصلي راجلك…..نضت معاه نوصلو للباب يالاه جيت نحلو وهو يلصقني معاه….جاد:آش هاد الفعايل كديري….غفران:مدرت والو…..جاد:لا درتي كتلويليا دراعي ياك آخر مرة نجيبك عندهم سمعتي….غفران:هادا الا رجعت معاك…..جاد(مصدوم):واش باغا تحمقيني شتتخرفي دابا راك بديتي تعصبيني…..غفران:معندك علاش تعصب…..جاد(زير عليا):غفران واش مبقيتيش كتبغيني(عينيه دمعو)دوييي جاوبيني……غفران:هاد السؤال انا لي خاصني نطرحو عليك ماشي نتا…..بلا ميجاوبني تلاح عليا كيبوسني بكل قوة و عنف حتى انا تجاوبت معاه وممنعتوش بقينا شي ربع ساعة هاكاك…..جاد:غفران يالاه معايا عافاك منقدرش نبقا بلا بيك…..غفران:منقدرش ا جاد انا اليوم حسيت براسي مرتاحة هنا كتر من الدار لهيه ولات كتجيني بحال الحبس كنبقى فيها النهار كامل بوحدي حتى 👇👇👇👇👇👇👇 كنعس….جاد:واخا راحتك هي لولة غدا نجي نديك….غفران:لا….جاد:كيفاش لا….غفران:انا غنبقا هنا تا نحس براسي مستاعدة نرجع…..جاد:يمكن نتي مبقيتيش باغاني انا ماشي الدار ا غفران….زدح الباب ومشا…..انا لحد الان مفهمتش التصرفات دياولي راسي زاد قصاح كتر من القياس بقا فيا سيفطتو مقلق….جيت نطلع وانا نلقا ماما يمكن سمعات كلشي حنيت راسي ومشيت لبيتي….بقيت متكية تا داني النعاس عاوتانيعند جاد:::::انا صافي غنحماق كيفما درت معاها وحلة ولات تتبعد بزااف كرهت هاد الخدمة لي خلاتها تكرهني وتبعد عليا…الدار لي كانت تتحماق عليها ولات تتجيها حبس شنو تغير شنو واقع ما بقيت فاهم والو…ندمت حيت ديتها لدارهم هادو هوما فعايلها كانت ديما تديرهاليا ولكن فلخر تتجي معايا هاد المرة حسيت بيها محاملانيش حيت قالت تبات قدام باها حيت عارفاه مزيان الا رفضت انا غيتدخل هو….كرهت داك الشعور حيت هي دابا مسؤوليتي انا فينما كنت خاصها تكون معايا…اوففف وصلت للدار غير دخلت محملتهاش وهي مكايناش بديت تنضور من بيت لبيت فكل بلاصة كاين الاتار ديالها…منكرش انني فديك اللحظة حطيت راسي بلاصتها بصح الدار كئيبة ما لقيت مندير وميجينيش النعاس وانا ممعنقهاش قلت على الاقل نعيطليها نسمع صوتها واخا مكافيش المهم حسن من والو….هزيت التيليفون عيطت ليها و والو مكتجاوبش راسي بغا يتفركع واش مباغاش تهضر معايا ولا شنو اتكون ناعسة ميمكنش مزال الحال مكتنعسش دابا تعصبت كان حدايا واحد الفاز هزيتو ضربتو مع الحيط تا تشتت…محبستش من التعياط حلفات لا هزات تا طفانو هنا صافي سالاتهم ليا واش ولات طفي عليا التيليفون مباغاش تسمعني ولا تهضر معايا شنو هاد الدنب الكبير لي درت وخلاها تبعدني عليها تال هاد الدرجة…بقيت غادي جاي فالبيت كنتسنا غير الصباح باش نمشي عندها حلفت تا نرجعها معايا واخا نجيبها من شعرها ومنفرقهاش..عند غفران:::ضرباتني الفيقة على واحد الوجع خفيف فكرشي تصدمت حيت كان نهار طلع عمري نعست فداك الوقت هزيت التيلي باش نشوف الساعة لقيتو طافي درتو يتشارجا وشعلتو شحال من مكالمة لقيت ديال جاد ناري قفرتها ايكون تعصب تاني حطيت التيلي ومشيت غسلت وجهي وتوضيت صليت وهبطت عند ماما…..غفران:صباح الخير….ماما:صباح النور ابنتي….غفران:ماما علاش ما فيقتنيش ….. يتبع

أحببت معذبي 🔥🔞
58

لبارح…..ماما:الله يا بنيتي انا غير ما فيقتش بقا لينا عير البيت نريبوه عليك….غفران:والله ا ماما معرفت مالي هاد النعاس معرت فين كان مخبي….ماما:ههه غير العيا جلسي تفطري….جلست باش نفطر وهي تحطليا البيض غير شفتو وهي تشدني الترويعة نضت كنجري للحمام وماما تابعاني مخلوعة شاداليا شعري وانا تنرد ساليت وشفت ف ماما لقيتها تضحك….غفران:تضحكي عليا ياك….ماما:هههه اوا اش ندير دابا عاد فهمت…..غفران:اش فهمتي…..ماما:النعاس بزاف وراجلك لي مبقيتيش باغا تبقاي معاه فدارك وزيدي عليها هادشي لي طرا دابا…..غفران:شنو ا ماما والله ما فهمتك…..ماما:مالك هبيلة راها باينة نتي راك حاملة…..غفران:شنووووو حلفي…..ماما:جاتك الدورة هاد الشهر…..غفران:اه نسيتها ولاهيلا بصح شهرين ما جاتني وانا كيسحابلي غير تخربقات ليا عاوتاني…..ماما(عنقاتني):اوا مبروك عليك ابنتي…..غفران:الله ابارك فيك ا ماما ولكن خاصني نتاكد…..ماما:عيطي لراجلك يديك عند الطبيب….غفران:لا لا انا انمشي نجيب اختبار الحمل من الفرماسيان ونجي….ماما:واخا ومتعطليش…..خرجت من الدار مشيت للفرماسيان وانا غنطير بالفرجة خديت الاختبار ومشيت نيشان للدار درتو وبقيت واقفة انا وماما كنساينو الخطوط لي تيدلو على الحمل سمعنا الصونيط ف الباب مشات ماما تحل وبقيت انا تنشوف تا طلعو جوج خطوط…من كترة الفرحة وليت تنغوت طلعت فوق الناموسية وتنقز تا دخل عليا جاد مخلوع…..جاد:ماااالكي غفران شنو وقع…..غفران(هبطت عندو عنقتو تا جيفتو):حاملة حاملة ا جاد…..جاد:شنووو كيفاش…..ماما:هههه ويلي على كيفاش(خلاتنا و مشات)….جاد(بغرحة):واش تتهضري بصح كيفاش عرفتي…..غفران(وريتو الاختبار):ها نتا شوف هههه انا حاملة ا جاد اخيرا غيجينا بيبي……جاد(هزني عندو وتيبوسني):اه احبيبة الحمد لله حلمنا تحقق(حطني للارض)اجي نتي بعدا ياكما خرجتي شكون جابليك الاختبار…..غفران:اكيد جبتو راسي شكون بغيتي يخرج ماما…..جاد:واش كنوصيك متخرجيش ولا مكنوصيكش كنتي تعيطيليا نجيبو اجي علاش مكنتيش تتجاوبيني لبارح…..غفران:وااااااع ا جاد براكة راني نعست ومحسيتش براسي ودابا متقلقنيش انا و ولدنا(حطيت ي على كرشي)…..جاد:صافي صافي الله اسامح يالاه نمشيو عند الطبيبة…..غفران:واخا سير انبدل حوايجي ونجي….جاد:واقيلا راني 👇👇👇👇👇👇👇👇 راجلك…..غفران:ههه اه نسيت….جاد:والله مكتحشمي…بديت كنبدل حوايجي وهو يجي عندي جرني ودرنا شوية ليبيتيز ههه….نزلنا فطرت بقيت غير كنخشي وهو مخليني على خاطري….مشينا عند الطبيبة فحصاتني وعرفت بلي انا ف الاسبوع السادس ديال الحمل….جاد فرح بزاف ممشاش للخدمة النهار كامل وحنا كنضورو عيطنا لماما زهيرة علمناهم اسية فرحات بزااف و حتى وسام يوسف كلشي عيطناليه وبابا لي بقا تيبكي ف التيلي فرح ليا مسكين….وصل الليل وبدينا راجعين للدار بانليا جاد غادي بيا لدارنا انا وياه…..غفران:جاد غين غادي….جاد:للدار…..غفران:جاد رجعني لدارنا عند ماما….جاد:لا مغترجعيش لتم صافي….غفران:جاد رجعني والله ما حاملا نمشي لديك الدار…..جاد:حبيبة راه غير الحمل لي خلاك تكرهيها نسيتي شحال كنتي كتبغيها…..غفران:اهىء اهىء جاد ديني لدارنا عافاك مبغيتش نمشي لتم…..جاد(وقف جنب الطريق):ماشي حشومة عليك باغا تزيدي تا اليوم تباتي بعيدة عليا…..غفران:لا نتا غتبات معايا…..جاد:ههه اوا نباتو فدارنا بجوج….غفران:لا مبغيتش نمشي ليها…..جاد(باسني):واخا لي بغيتي….قلبنا الطريق ورجعنا لدارنا جاد حشم حيت اول مرة غيبات فدارنا عكسي انا لي كنت فرحانة بالنسبة ليا كلشي كان مزيان ملي دخلت للدار وانا كناكل وهوما تيضحكو عليا وجاني واحد الحنان على جاد جريتو قدام بابا قتليه يالاه نعسو…هههه مسكين تزنك طلعنا البيت وانا نطير عليه وتاهو مكانش من العاكزين دوزنا احسن ليلة من بعد مدة كنا موحشين بعضياتنا بزاف….صبح صباح حليت عينيا لقيت راسي مخشية فجاد طلعت فوقو وبقيت نبوس فيه تا فاق….جاد:ههه صباح الخير الزين ديالي….غغران:صباح النور احبيبي نوض فيا جوع بغيت نفطر….جاد:واخا حبيبة ندوش نيت باش نرجعو لدارنا…..غفران(نضت وقفت):جاد هضرت معاك ديك الدار مغنرجعش ليها….جاد:سمعيني راه….غفران(قاطعتو):انا غنمشي نفطر…..جاد:غفران اجي بلاتي نفهمك افففف…..مشيت جلست كنفطر مساينت حد وتا ماما مسكين غير كتحط ليا كولي الزيت كولي الخبز شربي الحليب متشربيش القهوة تا دخل جاد خنزرت فيه وكملت ماكلتي هو فطر وهو يوقف…..جاد:غفرام ….. يتبع

أحببت معذبي 🔥🔞
59

يالاه…..غفران:لا مغنمشيش….جاد:متعصبينيش…..ماما:متعصبش اولدي راه غير مع الوحم صبر عليها(شافت فيا)نوضي سيري مع راجلك براكا من الفشوش…..غفران:اهىء اهىء مبغيتش مغنمشيش…..جاد(هزني):والله معرفت واش غنربيك نتي ولا لي فكرشك….غفران:نزلنييي ابنادم اهىء ماما…..ماما:هههه ويلي وليتي كتر من الدراري الصغار سير اولدي الله اكون فعونك….جاد:اميين الحاجة….هبطني ببيجامتي ودخلني اللوطو ودار ليا السمطة بقيت نعوت هو يدير فيا واحد الشوفة دخلاتني سوق راسي….دورت وجهي للزاج ونعست وليت نعاااسة…..حليت عينيا وانا فبيت كبير و زوين مبانليش جاد ولكن تارت انتباهي ناموسية صغيرة ديال لي بيبي مشيت كنجري كنقلبها….جاد:عجباتك….غفران:آه زوينة بزاف ديالنا؟…..جاد: وديالمن….غغران:فين حنا….جاد:فدارنا جديدة…..غفران:شريتي دار خرى…..جاد:ضروري حيت منقدرش نزيد نبعد عليك ومنقدرش نبقا معاك فداركم اجي تشوفي الدار…..حرجنا من البيت وهو تيوريني قنت بقنت عجباتني بزاف واخا حشمت منو خليتو يشري دار خرى…..غغران:حبيبي سمحليا خليتك تشريها بعتي التانية ياك….جاد؛ههه لا انخليها احتياط للحمل التاني غكل حمل ليك انبدلو الدار….غفران:ههههه حيت معندنا ما يدار آجي شفتك ممشيتيش لخدمتك…..جاد:خليت يوسف و وسام يتكلفو وخديت كونجي ندوزو مع مرتي حبيبتي و بنتي و ولدي…..من بعد ما خدا الكونجي مبقيناش كنتفارقو ديما مع بعضياتنا ملى نفيقو حتى كنهسو كنحس بيه تيحاول يعوض دوك الايام اسية ختي دخلات فشهرها ولات كرشها كبيرة مرة مرة تيشدها الوجع تا كنقولو غتولد…..اليوم كيف ديما تعشيت انا و جاد هو لي طيب انا مبقيتش كنحمل نطيب كلينا وجلسنا شوية ونضنا نعسو يالله بدا تيدينا النعاس وهو يبدا يصوني التيلي ديال جاد فقنا مخلوعين حيت كان الوقت معطل خصوصا فاش لقينا نمرة وسام طاح فبالنا جوج احتمالات يا اسية يا ماما زهيرة ولكن الاحتمال لول هو لي صحيح…نضنا لبسنا حوايجنا وشدينا الطريق للسبيطار لقيناهم دخلوها كسرات الدنيا بغواتها انا بديت غير تنبكي مقديتش نسمعها وليت كنفكر نهار نولد….معرفتش شحال د الوقت بقينا تقطع حسها وخرج الطبيب قالنا على سلامتها وهي و الوليد صحتهم مزيانة واخا ولادتها كانت صعيبة بالسيف عاطياها غير للماكلة مكتحركش رجليها لان المشي تيسهل ….. يتبع

أحببت معذبي 🔥🔞
60 و الأخير

الولادة….دخلنا عندها وجابولنا الفنيكيش كيشبه لباباه بزاف بقينا تما تال صباح جات ماما وبابا فرحو ليها….دازت 3 ايام عاد خرجناها مشينا كلنا لدارنا عند ماما حيت اصرات انها هي لي تهتم ب اسية مشينا تا حنا جلسنا معاهم تما كان جو زوين بزااف عائلة كبيرة الفرحة و السعادة لي كانت فعينينا….تال واحد النهار كنا كنتعشاو مجموعين وكنضحكو سمعنا الصونيط ف الباب مشيت حليت الباب تصدمت…..غفران:شكديري نتي هنا….اسماء:بغيت جاد….غفران:شنو بغيتيه ياك طلقتو وفلوسكم رجعو ليكم شنوووو باغاااا منا….دارنا غير سمعو غواتو جاو كيجيريو بدات كديق بيا النفس كنطلعها غير بزز جا شدني جاد وهو مخلوع……جاد:شكديري نتي هنا شنو بغيتي….اسماء:حبيبي عافاك لآخر مرة سمعني انا مستاعدة نبقا معاك واخا نتا مزوج معنديش مشكل المهم مبقا معاك….. غفران:واش نتي مريضة….اسماء:جاد عافاك عل الاقل خليني نهضر معاك غير هاد المرة…..جاد(شاف فيا):حبيبة دحلي غنتفاهم معاها ونجي….غفران:اه واخا سير الله اطليك بيها(دفعتو)ومترجعش عندي…..جاد:اش هاد الهضرة تاني…..غفران:كيف سمعتي ااااايييييي اهىء ايييي ا ماما كرشي اهىء اهىء…..جاد:غفران مالك…..غفران:متقيسنيش بعد مني….بقيت كنغوت تا شدني الحريق فكرشي وليت غير تنغوت داوني للسبيطار فحصاتني الطبيبة لي كنتبع معاها….جاد:مالها شنو عندها…..الطبيبة:واش وصيتك بلي مخاصهاش تعصب ولا لا راها فشهرها التامن مبغيناش ولادة مبكرة شنو عصبها…..جاد:غير شي مشكل و صافي….الطبيبة:اوا داك المشكل وصافي كان ممكن يتسبب ليها ف اجهاض….انا غير سمعت الاجهاض بديت نبكي ونوح….الطبيبة:باراكا من البكا راك غير تتآكي راسك و ولدك….غفران:ولدي!!…..الطبيبة:آه عندك ولد مبروك عليكم….جاد(بفرحة):الله ابارك فيك شكرا…..جا عندي هزني واخا عييت نفركل ليه والو بقيت منفخة عليه وماما زهيرة وماما تابعينا وتيضحكو علينا….ماما زهيرة:ههه سعدنا عير ف الولاد….ماما:لي جات من عند الله مرحبا بيها….ماما زهيرة:الحمد لله….رجعنا للدار معاودتش سولت على اسماء وحتى هوما مجبدوهاش قدامي حتى قالت لي اسية بلي وسام عيط لباها هو جا داها ومرضاش ب الدل لي دارت ليه….جاد الليل كامل وهو معنقني وحاط راسو على كرشي…قررنا باش نبقا فدارنا حتى نولد و اسية تا هي حلفات لا مشات يا نمشيو كاملين يا نبقاو كاملين ههه اما ماما و بابا كانو فرحانين حيت عمرنا عليهم الدار…..دازت جوج سيمانات مبقيتش كنوض كرشي تقلات عليا بلا قياس وجاني اكتئاب من داك الغلض لي وليت فيه اسية تضحك عليا وجاد حبيبي ديما تيرفع ليا المعنويات كيقوليا غير اميرتي و يوسف تيعيطليا باطوزة…تال واحد الليلة شدني الوجع بقيت نغوت ربي لي خلقني كلشي ناض مغزوع داوني السبيطار ديك الساعة دخلوني تعدبت بزااف عاد خرج ولدي غير شفتو وانا نغيب مهرفتش شحال د الوقت….حليت عينيا لقيت جاد ناعس حدايا وقابط ليا يدي وماما جالسة بعيدة تتقرا القرآن بديت تنتحرك باغا نهضر ومقاداش حلقي ناشف حركت غير يدي تا فاق جاد غير شافني وهو يبدا يبكي باسليا راسي وخرج تيجري جات عندي ماما تا هي تتبكي…..ماما:على سلامتك ابنتي اهىء اهىء…..دورت وجهي بقيت كنشوف ف الما هي فهماتني علات ليا راسي شوية وشرباتني….غفران:ماما لاش تتبكي انا مزيانة…..دخل جاد وجار فيديه الطبيبة….جاد(باسني فمي وعنقني بقوة):على سلامتك احبيبتي كنتي غتخلينا حشومة عليك….غفران:شن..وو….الطبيبة:مدام غفران على سلامتك راك شهر ونتي ف غيبوبة قلبك توقف مباشرة بعد الولادة و الحمد لله رجعتي لينا…..غفران:اهىء شنو انا مت و حييت ولدي فين ولدي….دحلات ماما زهيرة هازاه غير شفتو بديت نتنخصص اول مرة مشوفو ولكن حسيت براسي توحشتو عنقنا جاد وهو تيبكي ويحمد الله و حتى انا كنحمد الله لي رجعني نشوف ولدي ونربيه….خرجنا من السبيطار و الوجهة دارنا ههه تزوجنا ورجعنا حنا ورجالنا و ولادنا ولكن كلشي كان فرحان الحمد لله….درنا السبوع لولدي عصام وفرحنا بيه وكل واحد رجع لدارو و حياتو الخاصة بيه…..داز عام كانت حياتي مستقرة معايا عائلتي راجلي ولدي الحمد لله وربي مزال كيكرمني ويغرقني بالعطايا ديالو انا حاملة ببنيتة قرر جاد انه يسميها سناء تيعجبو هاد الاسم بزاف وانا محكرتش عليه(واخا عارفاه دار الخاطر لسناء المومني كانت كضور بيه ولكن ماشي مشكل هو ديااالي انا)…..وهادي انا غفران الموظفة البسيطة لي كانت كتحلم بالقليل وربي عوضني ب جاد لي عذبني فحياااتي هههه ولكن ولا تيتسطا عليا وانا……جاد:انا كتر…..غفران:لا انا……عصام:نأح انا……جاد و عفران:ههههه……

النها_________________ية ❌⛔
آراءكم داخل الرد 🌚

Leave a comment