Skip links

قصة : أحببت شهيرا 4

 6,366 عدد مشاهداات

💘أحببت شهيرا 💘
🦋بقلم لمياء الشادلي 🦋
❌البارت 76 ❌
✳️شهيرة ✳️

عثمان وقف قرب لعندها بينما هي كتبعد حاصرها مع الحيط مبقالها مفر حنات راسها وغطات وجها تفاديا لشي دقة عارفة يديه سابقاه

سمية : عفاك مدرت والو عفاك مضربنيش

عثمان ضرب المرايا اللي كانت حداهم بكروشي تهرسات ولات كلها فتات ويديه رجعت كلها الدم كاع الزاج دخل فيها : شنو كنقولك انا هممم

سمية شداتها القفقافة كتشوف يدو كلها كتنزف : كتقولي منقربش لسي أنور ولكن هو راه مزوج وعندو ولد في عمرو 7 سنين كيشوفني انا كيف بنتو هو كبير عليا بزااااااااف

عثمان غمض عينيه دوز يديه على شعرو غدي يقرعو : حتى انا كبر منك بزااااااااف وحتى انا عندي ولد في عمرو 6 سنين نفس الشي الحب مفيهش السن أسمية كتفهمي طريق خويا خويها وهاد الخدمة كاملة بلاش منها قلتلك انا نوفرلك كلشي قلتلك نتزوج بيك مفهمتش علاش رافضة واش مكتشوفيش هادشي اللي كندير على قبلك صبري بدا كينفذ اسمية

سمية شدات يدو اللي عامرة دم : مشي هكاك احبيبي انا يلاه عندي 17 مغديش يدوزوني في لاكط وزيد عليها بابا مغديش يبغي يزوجني بيك خصوصا إلى عرف عندك ولد و ديجا كنتي مزوج وهو صيفطني باش نخدم مشي باش نتزوج بابا عقليتو في شكل ضد فكرة الزواج في السن المبكر وخا ساكنين في الفيلاج هو قالي نهار ديري 20 عام ديك الساعة عاد نقبل بفكرة تزوجي

عثمان : حتى لين غدي نبقى صابر عليك 3 سنين صعيبة اسمية وقضية لاكط وخا تكون في عمرك 15 يدوزوك هذيك الأمور خليها عليا وحتى باك انا نقنعو شنو بغيتي اكثر

سمية : لا عفاك بابا مغديش يولي يخليني نخدم عندكم

عثمان ضرب طبلة لاحها تهرسات كاملة صعراتو : واش قلتلك خدمي واش قالك شي واحد خدمي علاش عزيز عليك تصعريني

سمية جراتو لناموسية كلسات وجراتو يكلس حداها حلات المجر جبدات علبة الإسعافات بحكم ديما كتجي لعندو عارفة شنو كاين في جناحو بالتفصيل خدات منها كاع اللي غدي تحتاج باش داويه : حبيبي انا عارفة صعيب عليك تسناني هاد السنين كاملة وحتى انا صعيب عليا نبقى بعيدة عليك ولكن معندي مندير هو بابا ونتا الراجل اللي كنبغي مقادرة نخسر لحتى واحد فيكم

عثمان : غدي نصيفط سعاد عند أنور ونتي اتجي لعندي إلى عتارضتي انلسق حسك مع الحيط بشي تصرفيقة نيت كيبانلي سخنو عليك عظامك

سمية ابتسمت : عنيييييف وخا صافي انجي ودبا مغديش تشرحلي

عثمان هز كتابها وحلو عشوائي خدا وثيقة كيطبق المنهجية عليها: اك دبا غدي نخدمو بهاد الوثيقة حيت نفس الطريقة كتمشي على كاع الوثائق في أي وطني كتكون وثيقة مرفوقة ببعض المعطيات في الأول كيوصفوها بنص اللي كيكون فوق منها من بعد كيكونو المعطيات داخلها في التحت كيعطيو مجموعة من الاسئلة اللي الأغلبية كيكونو مرتابطين ببعضياتهم اول حاجة كديريها هي كتلاحظي ديك الوثيقة وكتقراي داك النص اللي كيكون الفوق كتددقي مزياااااان مخاصش تزكلي حتى حاجة من بعد كتربطي دوك المعطيات مع بعضياتهم وكتفكري فين شايفاهم بالضبط يعني ايفكروك في الدرس اللي كتهضر عليه ديك الوثيقة وبعد المرات كتكون رابطة مجموعة من الدروس تما خاص تستحضري كاع المكتسبات اللي حصلتي عليهم من داك الدروس وكتحاولي تشكلي منهم نص هذي كنسميوها مرحلة التفسير يعني السبب او التعليل للجواب اللي غدي تحصلي عليه في آخر مرحلة اللي هي مرحلة الاستنتاج وحاولي ماامكن يكون اسلوبك في الكتابة علمي وسليم وميكونش تناقض وخروج على الموضوع باش المصحح ينتابه مزيان وميظلمكش في النقاط فهمتي؟

سمية رجعات شعرها خلف اذنها وساطت بشفايفها : الى فهمت شي حاجة الله يعطيني معرفت شنو بففف غدي نحماق

عثمان حيد الكتاب بعدو وحط يدو اللي فيها الفاصمة خلف عنقها قربها وحط شفايفو على شفايفها غدي تحمقو بتصرفاتها

💘أحببت شهيرا 💘
🦋بقلم لمياء الشادلي 🦋
❌البارت 77 ❌
✳️شهيرة ✳️

❌❌❌عودة ❌❌ ❌

كتدوز يديها قدام وجهو وعى على راسو وشاف فيها من بعدما فاق من سهوتو

عثمان: فين بقينا

نورهان : كنتي غدي تشرحلي المنهجية

عثمان حرك راسو بالايجاب وقرب دوك المطبوعات كيشرحلها داز وقت طويل عاد كمل معاها سخفاتو دماغها ثثقييييل كتعصب حاول ما أمكن يضبط اعصابو معاها ويديرلها الخاطر معرفش علاش كيدير معاها هكا شي حاجة في شكل عندها كتجذبو هو عمرو كان هكا عمرو كان كيدير الخاطر لشي واحد قاطع افكارو الفيكس اللي صونا جاوب كانت رئيسة الخدم

عثمان : جاا؟ اك هانا نازل طلعو وجدولو جناحو يرتاح

نورهان شافت فيه بتساؤل : شكون ؟

عثمان :ولدي جااا اليوم

نورهان باستغراب : هاء طارق جا دبا؟ وعلاش غدي يرتاح

عثمان : لا ولدي آخر.

نورهان : ياااااه على نتا شحال عندك دالولاد

عثمان : عندي ولد اللي هو طارق وولد آخر اللي هو في مقام ولدي وفي نفس مكانة طارق وفي نفس الوقت هو ولد خويا حتى هو ربيتو معاه وطول حياتو عاشها معايا طارق كمل قرايتو بعيد عليا لكن هو كان ديما معايا هاد العام الوحيد هو اللي رجع فيه المغرب وداكشي علاش جيت كون مكانش هو مكنتش نرجع كان كيمشي ويجي ولكن منين بقى هنا جيت موراه

نورهان : باينة عزيز عليك سعداتو بيك

عثمان ابتسم : يلاه سيري لبسي حوايجك وهبطي عندنا حتى نتي غدي يعجبك الحال منين تشوفيه متأكد اتكوني كتعرفيه

نورهان : امممم شي شخصية مشهورة هذي صافي انا غدي نمشي ناخد دوش عيييت ونهبط عندكم

عثمان : يلاه سيري متعطليش على العشا حتى طارق مبقالو والو ويدخل

نورهان حركات راسها بالإيجاب وخرجات من المكتب دخلت لجناحها حيدات حوايجها كاملين هزات بينوار ودخلت للدوش

دخل عيان تعرضاتلو الخدامة عطاها الفيسط وكمل طريقو ناحية الدروج بانلو خيال دشي شخص في الصالة استغرب قرب عندو باغي يرضي فضولو وقف قدامو بانلو وجهو ابتاسم بصدمة

طارق : نضال؟

نضال على راسو من بعد ما كان مهبطو على البيسي كايخدم تصدم من شوفتو بادلو الابتسامة وحيد البيسي من فوقو يلاه وقف باش يتقدم ناحيتو كان طارق تلاح عليه معنقو عناق رجولي صدمو

طارق : 8 سنين متشاوفنا ياك الكلب نسيتي خوك وولد عمك وصاحبك محاولتيش حتى تسول فيا

نضال : والمرض والبغل وبعد راك خنقتيني محسابليش تركيا غدي تردك عناب بحال هكا اما مكنتش نخلي عمي يصيفطك

طارق : ياااااك هذي هي خوك

💘أحببت شهيرا 💘
🦋بقلم لمياء الشادلي 🦋
❌البارت 77 تتمة ❌
✳️شهيرة ✳️

عثمان هبط شافهم كيتناكرو ابتاسم هذا هو حالهم منلي كانو صغار لكن مكانوش كيتفرقو حتى جا النهار اللي بغى فيه طارق يمشي لتركيا يقرا تصميم الملابس تما تشغل طارق وكذلك نضال كان متبع النجاحات ديالو مجاتش فرصة انهم يوليو يتلاقاو في الوقت اللي كان طارق كيمشي فيه لأمريكا نضال كيمشي للمغرب وفاش كيرجع كيلقاه مشى

عثمان : راه كبرتو زعما راكم داخلين في ثلاثينات مزال مبغيتو تحيدو منكم هاد التصرفات

نضال : إوى قلها لولدك

عثمان : يلاه للصالة الآخرى تعشاو نيت نضال خاصو يرتاح راه وجدولك اولدي جناحك باش ترتاح وحتى الدوش واجد

نضال حرك راسو بالايجاب سبقهم عثمان وهما مشاو موراه كلسو لقاو الخدم موجدين الطبلة اللي كانت مجهزة بكل ما لذ وطاب اللي حليتي عليها فمك تلقاها فيها

طارق : ديك صفريطة معوالاش تجي كتقيل عاطياها غير للدوران معاطياش أهمية لكرشها شوية مكتشدش الأرض كيبقى فيا غير داك البجغوط اللي هازاه مطوفاه معاها

عثمان : طارق بعد منها دير اللي بغات وتغذيتها مكلفة بيها اخصائية التغذية الجنين بيخير مكاين لاش تخاف كتهضر عليه كأنك بااااه

طارق : وراه عزيزة عليا داكشي علاش كنغوت على مصلحتها نتا عارفني مكنسوقش لحتى وحدة في العائلة ولكن هي دارت بلاصتها وسطنا

نضال مفهمش علاش كيهضرو مدخلش هذا هو طبعو شي حاجة مكتعنيهش مكيدخلش فيها

كانت هابطة من الدروج سمعاتو شنو قال ابتسمت هبطات كتجري من الدروج توجهت لعندو منتابهااتش للشخص اللي كان عاطيها بالظهر عنقات طارق من اللور وتتشنتفو من شعرو

نورهان : تنحبك انا يا أحلى أخ أي خويا كيفكر فيا وفي ولدي شكون بحالي انا

طلقت منو طلعت راسها حطات يديها على فمها من الصدمة كتشوف عينيه حومر والكأس مهرس بين يديه اللي رجعو كلهم تيسيلو بالدم

نورهان : نضااااااااال 😳

💐 سالاو أجزاء الليلة 💐
💝 بغيت كل وحدة فيكم مبلية بالقصة وكتقدرتها تدير بوسط تهضر فيه عليها وشنو اللي عجبها فيها وكذلك توقعاتها للأجزاء الجاية 💝

💘أحببت شهيرا 💘
🦋بقلم لمياء الشادلي 🦋
❌البارت 78 ❌
✳️شهيرة ✳️

طلقت منو طلعت راسها حطات يديها على فمها من الصدمة كتشوف عينيه حومر والكأس مهرس بين يديه اللي رجعو كلهم تيسيلو بالدم

نورهان : نضااااااااال 😳

عثمان دور راسو لجيهة نضال من خلال نظراتو قدر يفهم كلشي ومن خلال ربط القصة ما بين داكشي اللي عاوداتلو وداكشي اللي قالولو كذلك نهار لقاها في منطقتو المحذورة اللي مكيدخلها حتى واحد من غيرو واللي من أقرباؤه

عثمان : طارق يالاه نخرجو

طارق مفهم والو : كفاش نخرجو واش تسطيتي الواليد انا جاي عيان باغي غير النعس

عثمان خنزر فيه : طارق هضرت

طارق وكل امرو لله وخا معارفش اصلا شنو واقع خدا الفيست ديالو من عند الخدامة وخرج مع عثمان خلاهم منفاردين بوحدهم

نورهان شافتهم مشاو رجعات باللور خايفة من اللي جاي توجهت ناحية الدروج طلعت كتجري حلات باب جناحها دخلت سدات الباب بالساروت وتكات عليه كتنهج

تابع هروبها بعينيه ابتسم بشر مزال مبرهشة عمرها غدي تحيد هاد القاعدة منها دفع الكرسي ووقف توجه للدروج طلع للطابق الأول سمع صوت تنفسها بحكم كانت كتجري حط يديه على البواني باغي يفتحو لكن كان مسدود بالساروت

نضال : نوووووورهان حلي هاد الباب قبل منهرسو عليك

نورهان كتنهج : سيف فحالك ياك انا خليتهالك وسير فحالك علاش تابعني طالقنا اوى الله يسهل عليك كلها ويشد طريق

نضال : نوووورهان واش كتسطاي عليا على اشمن طلاااق كدوي

نورهان : كتضحك عليا ياك قلتي غدي طلقني علاش كذبتي عليا

نضال : نورهان حلي الباب بالخاطر لا فرعتو عليك شهدي على روحك مكاين اللي يفكك مني

نورهان : وا سيييييير فحالك ومبغييييتش بعد مني وااا طلقني وخليني نعيش حياتي

نضال : انحسب حد 3 مفتحتيش نتي المسؤولة على هادشي اللي غدي يوقع 1 ____ 2_____ ……. قبل ميقول ثلاثة فتحات الباب وقلبها كيضرب بالخلعة وخا هكاك مزال دافعة الصنطيحة

نورهان : شنو جيتي دير عندي ياك كتبغيك وكتبغيها وبعد منيي خليني في حالي

نضال دفعها على الحيط وزدح الباب موراهم حاصرها مع الحيط وعينو حومر بالاعصاب : على إنا غلط نحاسبك هممم؟ إنا واحد فيهم

نورهان : نتا ممنحقكش تحاسبني وإلى مبغيتيش تطلقني غدي نرفع عليك دعوة دالخيانة الزوجية وعمي عثمان غدي يوقف معايا حتى نجيب حقييي منك انا مبقيتش بوحدي اللي تحكر عليا

نضال صوتها ولا كيصدعو في راسو مكتسكتش : واااااا المرض مخنتكش كتفهميييي مخنتكش منيييين كتفهمي
نورهان : كيبغيتيني نتيق فيك انا شفت كلشي بعينيا مغديش نكذبهم باش نتيقك نتا

نضال غدي تحمقو هاد البرهوشة باغي يلصقها مع الحيط لكن مانعاه غير داك الكرش اللي كيشوفها قدها قداش خايف يجي حتى لآخر لحظة ويخسرها بالتهور ديالو وخا هاد المصيبة ميصلاحلها غير التصرفيق جبد التليفون على سعدو ووعدو دخل الفيديوهات خدم واحد ودورلها التليفون كتشوف في التسجيل اللي كان صوت وصورة منلي كان تيتفرج وخرجات عندو مريم لابسة شوميز ديالو

نضال : شنو باغة مزال كنظن كلشي واضح

نورهان : وعلاش كانت لابسة ديك قاميجتك

💘أحببت شهيرا 💘
🦋بقلم لمياء الشادلي 🦋
❌البارت 79 ❌
✳️شهيرة ✳️

نضال : ااععع صبر انضال على هاد البرهوشة صبر واش مكتفمييييش تكب على حوايجها العصير بغات تلبس حوايجك مخليتهاش لبست حوايجي

نورهان ابتسمت بالجنب لكن جمعاتها دغيا باش ميشوفهاش: وعلاش وسخت حوايجها وعلاش اصلا هي جاية عندك هي كاينة إن تمااااا

نضال زدح على الحيط بعصبية عيا يتكالما معاها لكن هاد النوع متنفع معاهم غير العصى : إلى ضربتك ميوقع والو لولدي؟

نورهان كتدمع ولات غير على سبة ولفات الفشوش من عند عثمان وطارق : نتا حكاااار هئ هئ طلقني وا طلقني هئ هئ انا مكنتيقش فيك نتا خنتيني

نضال زير على يديه ولا كيهبط منها الدم بغزارة ضابط اعصابو لاقصى درجة جرها من شعرها مزير عليه و كيهضر بعصبية : سمعيييني مزيااااان يا غدي تشدي معايا طريق يا غدي نملخ مك منشي قنت عيييييت صابر على هبالك كاين زوج كلمات انا مخنتكش هذو ديريهم في راسك ودبا غدي ندوزو للحساب علااااااااش الكلبة لبستي داك اللباس وانا مكاينش في القصر

نورهان عرفاتو علاياش كيهضر : وطلقني من شعري راك كتقصحني طلقني ونقولك

طلقها ونطق : غير ديال العصى يلاه دوي

نورهان : عرفت من المقال الصحفي أنك دخلتي المغرب وأنك جاي في الطريق وانا كنت باغة نصالحك حيت كنتي مقلق عليا داكشي علاش…….. حنات راسها وحناكها رجعو حومر

نضال فهم شنو بغات تقصد ابتسم بالجنب ورجع لتخنزيراتو : علاش الكلبة منين قلت لك وقفي خليتيني تابعك كي الحمق مشيتي مدرتيش وراك

نورهان : حتى نتا درتي نفس الشيء مخليتيلي حتى فرصة فين نشرحلك…….. عينيها حمارو وهي كتفكر دوك الذكريات هبطو دموعها……. كنت محتاجاك بزااااااااف خصوصا ولدك كان اكثر واحد محتاجلك مكنتش كنقدر حتى نعس وانا محتاجة ولو غير نشم ريحتك الوحم تمكن مني ونتا مكاينش معايا كنت كنلقى غير عمي عثمان ديما كنكلس معاه كنلقى ريحتو قريبة ليك وخا معرفتش علاش فقما كنشوفو كالس كنمشي نكلس حداه ونستنشق ديك الريحة

نضال زير على يديه القدر عرف يلعب عليهم بزوج قربها ليه و عنقها مزير عليها في حظنو : شت متبكيش كلشي داز غدي نعوضك على كلشي مغديش نولي نخليك بوحدك

نورهان فزكاتلو تريكو بدموعها : علاااااش متيقتينيش كنت موجودالك مفاجأة وباغة نقولك على حملي لكن نتا مخليتيلي حتى فرصة سمحتي فيا وخليتيني

نضال : مسمحتش فيك الظروف اللي فرقاتنا……. تفكر شي حاجة بعدها عليه مخنزر…… علاش الكلبة عنقتي طارق هممم ولفتييييها ولا شنو استاغليتي غيابي و درتي ما بغيتي

نورهان شافتو غدي يمرمقها معاها نطقت بسرعة : والله حتى بحال خويا والله كيحسبني ختو الصغيرة ديما كيقولهالي كيقولي مكرهتش كون كنتي ختي الحقيقية وأصلا فاش كيشوفني هضرت مع شي واحد كيغوت عليا

نضال بهمس : أصلا ميقدرش يحسبك شي حاجة غير ختو…… حس بشنو قالت في آخر جملة جمعها بتصرفيقة…….. عاودي شنو قلتي الكلبة

نورهان شادة في وجها وكتبكي عيات من هاد الحكرة اللي كيحسسها بيها حتى كتقول ولا ضريف وكيتقلب عليها كيف الزمان : علااااش كديرلي هكا هئ هئ انا مدرت والو هذوك غير أساتذة عمري شفت فيهم بشي نظرة خايبة هئ هئ فاش كيصيفطولي الدروس هو كيحسبها في شكل و كيغوت انا مدرت واااااالو هئ هئ علاش انضال ديما كتحسسني أنني رخيصة علاش كتحكر عليا هئ هئ إلى كنتي ديما غدي تعيشني المرار طلقني وهنيني خليني نمشي نعيش انا وولدي ونساني عليك هئ هئ مليت من هاد التملك الزايد ديالك راه انا إنسانة إنسانة كتفهم حتى انا عندي قلب وروح وكرامة مشي لعبة شريتيها ومباغي تخلي حتى واحد يقيصها هئ هئ

تنهد ندماتو علاش حط يدو عليها لكن هذا طبعو مقادرش يغيرو قيسو في كلشي إلا نورهان يقدر يقتل ويدير اي حاجة على قبلها قربها لعندو و عنقها : نتي مشي رخيصة نتي اغلى من روحي نتي اللي كتعصبيني كنقولك تاقي شري لكن نتي كديري العكس ديري عقلك انورهان ديري عقلك وخليني نكون معاك زوين

نورهان : ومتوليش ضربني

نضال حرك راسو بالنفي : شدي معايا الطريق وعمرني نحط يدي عليييك

💘أحببت شهيرا 💘
🦋بقلم لمياء الشادلي 🦋
❌البارت 80 ❌
✳️شهيرة ✳️

فرانة قدام البحر نزل كيشوف في أمواجو اللي كيعبرو على كمية الألم اللي كيحس بيه دخل في وسط الرملة كلس كيراقبو بصمت حس بشي حد كلس حداه متكلمش ومدارش لناحيتها

إلهام : محسابليش حتى الناس اللي لاباس عليهم كيكونو ديما مهمومين

ياسر تنهد وطلع راسو الفوق : شنو زعما جاية عندي باش تفرعيلي راسي بهاد الهضرة ديال والو

إلهام : غير كنت كالسة بوحدي قلت نجي نونسك

ياسر : قولي جيتي تصدعيني مشي تونسيني

إلهام وقفات : اهاه مقلتي عيييب ها هي غادة فحالها

ياسر جرها من يديها كلسها في بلاصتها : كلسي الأرض ونتي كلمة زوج كتقلقي

إلهام : إوى قولي بغيتيني نبقى معاك مالك هاز نيفك السما اصاحبي تواضع شويا تواضع راه كلنا ولاد الشعب

ياسر ابتسم : دبا انا مكبر هممم؟

الهام : إوى شوف نتا انا بعدا كتجيني شبعاااان عياقة

ياسر : علاش نتي مكتنافقيييش؟

إلهام : اش بيني اخويا وبين شي نفاق تنقول غير لا ڤيريتي بغيتي تقبلني كيفما أنا هي هذيك مبغيتيش لهلا

ياسر : نتقبلك كيفما نتي مالي غدي نتزوج بييك

إلهام تغيرو ملامحها للحزن دفنات الغصة في قلبها وقلبات الهضرة : دبا شكون هذي اللي مخلياك مهموم غير اعتارف

ياسر : مزال متزادتش هذي اللي تخليني مهموم لكن عييت من النفاقات ديال الناس بغيت نحس حتى انا بشي واحد كيبغيني بصح يبغي روحي وقلبي مشي زيني وفلوسي ولا مظهري

إلهام : ربما كاينة اللي كتبغييييك غير نتا مكتشوفش وكيحسابلك كلشي كينافقك

ياسر : شكون هذي وفين هي انا كاع مكتبانلي

إلهام : حل عينيك مزيااان وغدي تشوفها

نزلو من لوطو جرها من يديها توجهو للمصعد ضغطو على زر الطابق المقصود ثواني وتحل المصعد خرجو ناحية السيكخيتيغ عطاوها السمية استقبلاتهم في الحين لقاو الطبيبة كتسناهم

الطبيبة : اهلا مدام برادة مرحبا مرحبا بموسيو برادة كذلك

رضى : بغينا نتأكدوو واش فعلا المدام حامل

الطبيبة : مدام لينا يلاه معايا لغرفة الفحص وحتى نتا موسيو إلى بغيتي تكون معاها

رضى حرك راسو بالااايجاب وجر لينا ناحية الغرفة عاونها طلع فوق البياص طلعت حوايجها والطبيبة وضعت فوق كرشها سائل لزج وجبدات آلة كدوز بيها فوق كرشها وكتشوف في التليفيزيون

الطبيبة بابتسامة : المدام فعلا حاملة ودبا عندها 7 أسابيع تبغيو تسمعو دقات قلب الجنين؟

لينا حركات راسها بالإيجاب ودموعها كيهبطو إحساس جديد تحرك داخلها قرب عندها رضى وحط يديه على يديها كيطمأنها بأنه ديما معاها دورو راسهم ناحية التيفي كيشوفو فيه مزال صغيييور وصوت ضربات قلبو كيتسمعو

💘أحببت شهيرا 💘
🦋بقلم لمياء الشادلي 🦋
❌البارت 81 ❌
✳️شهيرة ✳️

رضى بابتسامة هز يديها قربها لفمو وقبلها : متخيليش قداش فرحان وأخيرا أيتزاد اللي غدي يؤرخ حبنااا كنبغييييك اروحي

لينا حشمها بكلامو طلعت راسها فيه بحب : وانا كنحماق عليك

خرجو مشادين في أيدي بعضياتهم ونظراتهم كلها حب طلعو في لوطو كسيرا ومرة مرة كيضور عينو لجيهتها وهي كذلك كتبادلو في نظراتو والابتسامة على وجها

سعد حط يدو على يديها مزير عليها : عندي ليك مفاجأة

فاتي بحماس : شنو هي

سعد بابتسامة : وإلى قلتهالك غدي تبقى مفاجأة ؟

دار الكيت في وذنو وربط الاتصال بشي شخص اللي جاوبو تم نيت : وصلتي؟ اك حنا لاحقين عليكم اه جبتي داكشي ديالها؟

الشخص : كلشي وااااجد

سعد : اك ……. وقطع رجع دوز نمرة أخرى جاوباتو في الحين كذلك………. فينك؟

رجاء : هانا وصلت كنتسناكم أولدي

سعد : اك حنا قرابين نوصلو…… قطع عليها وشاف في فاتي اللي مفاهمة والو…….. عارفك كطرحي بزااااااااف دالاسئلة في دماغك ولكن صبري مبقى والو

ــــــــــــــــــــــــــــــــــــــــــ
إلهام : حل عينيك مزيااان وغدي تشوفها

ياسر : حسب الذكاء ديالي وحسب معرفتي بالنساء وبتصرفاتهم كنفهم أنك معجبة بيا

إلهام : واش نتوما عائلة الوزاني منين كتكونو صغار كيرضعوكم الذكاء في عوض الحليب

ياسر ابتسم: منقدرش نواعدك بوالو ولكن نقدر نقولك أنني غدي نحاول نبغيك

إلهام وقفت غادة بحالها وعينيها اعتلتهم سحابة من الدموع : انا مطلبت منك والو وماشي حيت معجبة بيك فهذا كيعني أنني باغة ندخلو في علاقة وأصلا هذا غير إعجاب يعني نقدر ننساك بسهولة مشي بالضروري تحاول تبغيني كيفما عجبتيني غدي يعجبني شخص آخر

ياسر وقف نفض حوايجو وشاف بيها بتخزيرة جرها من يديها مزير عليها : سمعيني مزياااااان محد قلبك مال ليا في نتي كلك وليتي ديالي معنديش في القاموس ديالي شي وحدة تبغيني وتمشي لواحد آخر نقتلك أقسم بالله حتى نقتلك

إلهام تنثرات منو : واش نتوما طاسيلة الوزاني كلكم دايرين هكا كلكم متملكين وكلكم أنانيين انا مشي عبدة عندك باش نكون ديالك كتفهم من نهار خلاقيت في هاد الدنيا وانا ديال راسي فعمرني غدي نكون ديال شي واحد ودبا كنساحب من الأول مكانش خاصني نجي

دارت عطاتو بالظهر مكملة طريقها قاطعها بكلامو اللي فرحها نوعا ما: درتك في عقلي ومغديش نخليك وغدي نعاودها نقتلك إلى مشيتي مع شي واحد آخر ودبا تحركي قدامي نوصلك تأخر الوقت

إلهام تنهدت وتمشات قدامو ركبت في لوطو اللور وهو ركب القدام شاف فيها من خلال انعكاسها في المراية

ياسر : الشيفور دباك أنا تحركي هبطي وطلعي للقدام

تأففت كتسوط نزلت زدحت الباب بالجهد وطلعت القدام زدحت حتى الباب لاخور

ياسر : طيرييييييه نتي كاااااع باك اللي شراها

إلهام شافت فيه بالجنب ونطقت بعصبية : وصافي قتلتينا باااك بااااك مكتعياش من نكير

ياسر كسيرا وشاف فيها بطرف عينيه : راني غدي نمرمقها مع حسك خلينا هانييين قبل منقلب عليك هاد لوطو

💘أحببت شهيرا 💘
🦋بقلم لمياء الشادلي 🦋
❌البارت 82 ❌
✳️شهيرة ✳️

إلهام ميقت فيه وحطات يديها على شعرها كتلويه وتتفقصو: غير خليها تقلب نييييت باش تموت نتا ونتهنا انا ونمشي نتزوج بشي واحد اللي يهتم بيا ويبغيني

ياسر جرها من ديك الزغبات اللي فرحانة بيهم جايين في ناظرها حسات بالضو ضربها بقوة الجبدة اللي جبدها : سمعيني مزياااااان انا وياك والزمن الطويل وإلى كان شي واحد ايموت هنا فراه هو نتي إلى ما زميتيش فمك

كلمة مني كلمة منك والطريق كلها دوزوها نقاشات بيناتهم مكيتسالاوش التجسيد الحقيقي ديال المثال الشهير ” طاح الحك وصاب غطاه” هي ليهم كل واحد كيعطي ما فجهدو من السبان والآخر كيقولو مكتعرفش كسيرا قدام الدار ديالها نزلت مخنزرة زدحت لوطو بالجهد بلعاني تموت في الضد جبدات الساروت من صاكها فتحات بيه الباب ودخلت حلات الباب الداخلي لاحت صاكها شيرات بيه فينما جا هو هذاك حيدات صباطها لاحتو حدا الباب وتلاحت فوق السداري اللي كاااان قاصح تقول مصنوع من الياجور هزات راسها في السما ويديها خلفو نزلت دمعة من عينيها مسحاتها بالزربة مراضياش ونطقت بصوت مائل للبكاء

إلهام : مفهمتش علاش مكيبغينيش طول هاد 7 شهور وانا تابعاه كنراقبو من بلاصة لبلاصة وهو ولا على بالو ومزال كيقولك منقدر نواعدك بوالو ولكن نقدر نقولك غدي نحاول نبغيك يعطيك دقة بنتلك انا سلعة تجربها بالحق والله لاكانت ليك من اليوم الضد انخرج منك الشياط حتى تولي طالب السلاك معايا الله يخلف على ختي نورهان كاااااع داكشي اللي دارت انطبقو هي دارتو بغير قصد وانا انديرو بالقصد سير يا ولدي يا ياسر لاماخرجت مك على طوعك مسميتيش إلهام

في الخارج شحال وهو مزال في نفس وضعيتو حضاها حتى دخلت عاد اطمئن من شحال هذي وهو حاط عينو عليها من نهار قطع املو من نورهان وعرف انه كان مجرد إعجاب اللي ميقدرش يفضلو على خوه وولد عمو فضل يخلي القدر يلعب لعبتو وفعلا من اول نهار شافها ومن نهار كان غدي يضربها وشاف داك تصنطيح اللي فيها ترسخاتلو في عقلو دار بحث شامل عليها عرف كلشي وكل أفكارو تأكدت منين شافها في البواط مع بنت ومرت ولد عمو عرف أن الصدف كانت ديما لصالحو كل مرة كيشوفها كتدخل لقلبو شويا بشويا لكن هو مشي حمق يمشي عندها ولا يدير اول خطوة وهو معارفش نيتها ومن مبادئه اللي ميمكنش يكسرهم هي أنه يطيح في طماعة ولا خلاطة داكشي علاش قرر يخليها تأكد ليه حبها ليه هز راسو من فوق الفولون وكسيرا مخلي كلشي للقدر

ــــــــــــــــــــــــــــــــــــــــ
نورهان : ومتوليش ضربني

نضال حرك راسو بالنفي : شدي معايا الطريق وعمرني نحط يدي عليييك

نورهان ابتسمت برقة قلبها صفا من الحليب دغيا كتنسى ديفو واحد اللي فيها تصرعها وغباءها هو اللي غدي يخرج عليها جراتو من يديها وكلساتو فوق الناموسية تمشات للدريسينغ جبدات علبة الإسعافات من المجر ورجعت عندو جبدات اللي غدي تحتاج وهزات يديه حطاتها على فخاذها كتسووط عليها وكتحيد الزاج الشي اللي خلاه كيرتاعش مشي من الألم اللي كيحس بيه وإنما من ملامسة يديها ليديه وقربها ليه وشنايفها اللي كيقربو ليدو باغييين يخففو عليه الألم جبدات كاع داك الزاج اللي في يدو هزات معقم مسحات كاع الدم اللي داير بيها تبعاتو ب بوماد دالجرح حطاتها على كاع البلايص اللي كان داخل فيهم الزاج حلات الفاصمة قطعات منها اللي غدي تحتاج ولواتها على يدو ختماتها بلصقة سدات بيها الفاصمة وطلعت فيه راسها بحب

نورهان : ودبا سالينا تمت المهمة بنجاح وخا مكنعرفش نداوي مزيان

نضال تنهد : شكون كذب عليك إلى جبتي في الباك مزيان غدي نديك تدوزي الكونكور ديال الطب

نورهان : لالالا انا معنديش مع الطب داكشي خليتو اللي قلبهم قاصح انا قلبي هشيش انا باغة نولي مصممة أزياء بحالك بغيت نولي نعاونك في التصاميم …….. حطات يديها على كرشها كدوزها عليها……….. الطب خليتو لهذا اللي في كرشي

نضال هزها حطها عندو في حظنو زير عليها ويديه فوق كرشها : بصح اولدي غدي تخرج طبيب بحال جدك؟

💘أحببت شهيرا 💘
🦋بقلم لمياء الشادلي 🦋
❌البارت 83 ❌
✳️شهيرة ✳️

نورهان : جدو طبيب؟ انا اللي عارفة عمي أنور رجل أعمال مشي طبيب

نضال : نساي باش عرفتيه ولد بعدا

نورهان حنات راسها بحزن : مشيت لعند طبيبة انا وعمي عثمان هي اللي حدداتلنا الجنس

نضال زير على يديه كره راسو في هاد اللحظة لو مكانش تضرب لو كان فايق في ديك الوقيتة كان غدي يكون معاها وكان غدي يحسسها بديك اللحظة الرائعة اللي كتتمناها اي حامل هزها بين يديه وحطها في فراشها حيدلها صباطها غطاها وتحنا لعندها قبل راسها بحب ووقف عطاها بالظهر خارج

نورهان قاطعاتو بصوت باكي : صافي غدي تمشي وتخليني

نضال نطق بدون ميدور عندها : الحمل رجعك بكاية مغادي فين انمشي للجناحي ندوش نبدل ونكمي ونجي

نورهان : بقى هنا قولهم يجيبو حوايجك لعندي

نضال تنهد : اك ولكن انكمي ونجي

نورهان : وا كمي هنا

نضال بحدة : نورهاااااان قلت غدي نكمي ونجيي

نورهان سكتات مقلقة من طريقة جوابو ندمت علاش رغباتو

حس بيها تقلقت دار عندها قرب لجيهتها طبع قبلة على خذها ونطق بصوت حنين : مبغيتش نآذيك دبا نتي حاملة والكارو غدي يأثر عليك وعلى الولد وخا انا اللي كنكمي

نورهان حركات راسها بالايجاب عاجبها الحال باهتمامو بيها كتحس براسها ملكة فوق العرش كيف لا وهي زوجة الملك امبراطور الأرض اللي الكل كيضربلو ألف حساب غير باش يهضرو معاه وهي كيتعامل معاها بلطف

خرج من البيت جبد من جيبو كارو حطو في فمو بيدو اللي عامرة وشام شعلو نتر نثرة وساط الدخان كيحاول ينسى ويتحكم في عصبيتو الطاغية عليه في هاد اللحظة توجه لجناحو دخل لقى الخدامة كتستف في حوايجو

نضال : رجعيهم للفاليز وديهم لجناح نورهان

الخدامة صوتو دخل لمسامع اذنها كموسيقى مستمتعة بيها سهات محساتش اصلا بشنو قال اللي همها في ذيك اللحظة هو صوتو

نضال بالغوات : الأخت صمكة

الخدامة تفافات طلعت راسها فيه كتفتف ونظراتها ليه كلهم إعجاب : احم سمحلي موسيو نضال سهيت مسمعتش شنو قلتي

نضال : خرجييييي

الخدامة : ولكن

نضال بالغوات : قلتلك خرجييييي

خرجات الخدامة طايرة خايفة من نبرة صوتو والطريقة اللي هضر معاها بيها هبطت كتجري دخلت عند صحاباتها لقاتهم كيوشوشو بيناتهم عاطيينها غير للنميمة في عباد الله

الخدامة : عتقو البنات كان غدي يصفيهالي

البنات دارو عندها كيشوفو وجها صفر مفهمو والو

الخدامة 1: مالك اختي وجهك صفر اش واقع لك

💘أحببت شهيرا 💘
🦋بقلم لمياء الشادلي 🦋
❌البارت 84 ❌
✳️شهيرة ✳️

الخدامة :السي نضال ناري كان غدي يضربني كنت كنرتب في حوايجو دخل قالي شي حاجة مسمعتهاش نتابهت غير لصوتو عندو واحد الصوت ناري كلشي على البحة اختي يزلزل الأرض انا سمعتو تلفت على القبلة منين مسمعتوش شنو قال بالضبط جرا عليا

الخدامة 1 :عبر عليك ههههه يا ختي شحال زوين ناري زينو في شكل اييييي حسدتها والله

الخدامة 2 : شكون حسدتي هو ممرتابطش

الخدامة 3 : منيتك احنينتي السيد مزوج وهذي اللي 8 شهور وهي عند السي عثمان شكون هي في نظرك راها مراتو والولد اللي حاملة بيه ولدو

الخدامة 2 : منين جبتو نتوما هادشي

الخدامة 1 : راه هو بنفسو كان قال هادشي للصحافة

الخدامة 2: ولكن راه طلقو بزااااااااف دالقنوات هضرو على مسألة طلاقهم وقالو خانتو ما خانتو ولا هو خانها انا مبقيت فاهمة والو

الخدامة 3 : ألا اصاحبتي مكاين لا خيانة لا مرض غير الصحافة مكتلقى ميدار كتقول أرا نوض نخرج الاشاعات على المشاهير ولكن انا اللي عارفة مكانوش مع بعضياتهم حيت كانو مخاصمين وصافي وزيد عليها شي ممرضة شافت عائلتو في الطبيب وسربت خبر للصحافة بانه كان مضروب وطول هاد المدة اللي كان غايب كان في غيبوبة راك شفتي شحال مالاح شي تصويرة ولا سطوري في الأنستقرام قلبي اتلقاي طالعة في 7 شهور

الخدامة 2 : واللهيلا إلى عندك الحق كنت ديما تندخل تنقول ممولفالوش ميحطش تصاورو خصوصا هو وداك صاحبو اللي مكيتفرقش هو وياه داك برادة كان إلى تعطل كيحط بعد شهر مشي 7 شهور

نورهان واقفة خلف الحيط ويديها على قلبها اللي كينبض بسرعة كتسمع لكاع داكشي اللي كيقولو كلمة بكلمة منلي بداو حديثهم بعدات من حداهم دخلت توجهت للمصعد ويديها على كرشها مثقلاها ضغطات على الطابق الأول ثواني وتفتح المصعد كتحس براسها غدي تحماق ميمكنش يكون هادشي اللي كيقولو بصح مغديش تسامح راسها إلى لقات راسها فعلا ظلماتو بينما هو كان ديما تيحميها وكيدير المستحيل على قبلها وقفاات قدام الجناح ديالو اللي وراتو ليها الخدامة حلات الباب بدون مدق ولا تطلب الإذن دخلت بانلها عاري الجسم من الفوق من غير الفوطة اللي ملوية على نصو التحتاني بغات تنطق قاطعها بصوتو الرجولي المعتاد

نضال : علاش منعستيش عاجبك الحال كتعذبيلي ولدي

نورهان توجهت لعندو بدون متنطق ولا كلمة دوراتو لعندها بيدياتها الصغيورين مقارنة مع جسمو الضخم فكسات عينيها على الضربة اللي بارزة في قلبو واللي مزال اثرها لحد الآن حطات يديها على فمها بصدمة والدموع في عينيها منهامرين على خدها كتحس بروحها غدي تخرج كأنه عاد تضرب قدامها

نضال حظن وجها بين يديه: نورهان مالك واش شي واحد دارلك شي حاجة؟ قوليلي شكون قلقك نتفاهم معاه هضري

نورهان تلاحت عليه معنقاه ومزيرة عليه : هئ هئ سمحلييييي سمحلييي بزااااااااف هئ هئ في الوقت اللي كنتي كتقاسي فيه انا كنت كندعي عليك وكنت كنعاتبك هئ هئ هئ في الوقت اللي نتا كنتي بين الحياة والموت انا كنت حاقدة عليك وكنفكر نتاقم منك هئ هئ سمحلي احبيبي سمحلي على كلشي هئ هئ والله كنت حاسة بأنه واقعة شي حاجة كان ديما قلبي مزير عليا كنحس بيه كيتعصر عليك ولكن انا كنت كنبرد على راسي بأنك خنتيني ومدرتيليش اعتبار وخا نتا كنتي ديما كتعاملني كملكة وديما واقف جنبي سمحليييييي هئ هئ هئ مبغيتكش تكرهني ياك غدي تبقى معايا مغديش تسمح فيا حيت فكرت هكذا هئ

نضال ابتاسم على افكار محبوبتو زير عليها وسط حظنو ونطق بحنية : كاين شي واحد كيقدر يكره ولا يسمح في قلبو…… بعدها عليه وطبع قبلة حنينة على شفايفها…….. تيقيني نقدر نكره الكون إلا نتي نقدر نكره راسي ونتي لاااا محي هاد الافكار من راسك وديما ديري في بالك عمرني نسمح فيك وخا يوقع شنو ماكان ديما غدي نبقى جنبك عمر شي حاجة تفرقنا غير الموت وتيقي إلى وقعاتلك شي حاجة مغديش نتردد ولو دقيقة باش نتبعك

نورهان حطات يديها على فمو : الله ينجيك متجبدش المووت حياتنا يلاه بدات بغيت كاع الخلافات اللي دازو بيناتنا نساوهم ونعيشو من أجل المستقبل وولدنا

💘أحببت شهيرا 💘
🦋بقلم لمياء الشادلي 🦋
❌البارت 85 ❌
✳️شهيرة ✳️

سعد : اك حنا قرابين نوصلو…… قطع عليها وشاف في فاتي اللي مفاهمة والو…….. عارفك كطرحي بزااااااااف دالاسئلة في دماغك ولكن صبري مبقى والو

فاتي حركات راسها بالإيجاب والفرحة كتبري في عيونها

فرانة قدام عمارة كبيرة في السونطر دكازا وخا الليل إلا أن الأضواء منتاشرة في كل مكان كانهم في منتصف النهار حظنو ايدي بعضياتهم ودخلو للعمارة توجهو للمصعد ضغط سعد على الطابق المقصود ثواني وتفتح الباب خرجو وفاتي على وجها ملامح الاستفسار معارفاش فين جايبها وقفو قدام باب محلول

سعد : مستعدة؟

فاتي ابتسمت : مستعدة وخا معارفاش علاياش ههه

سعد : مشي مشكل مبقى والو وتعرفي

دخلو لقاو رجاء كتسناهم هي وبابات فاتي سبقهم سعد دق في باب د إحدى المكاتب سمع الإذن بالدخول حل الباب وجر فاتي وموراهم أم سعد وأب فاتي

الشخص : تفضلو مرحبا بيكم

سعد : شكرا كاع الوراق واجدين ؟ بقالنا غير نسنيو؟

الشخص جبد ملف حلو جبد منو ورقة حطها قدامهم ونطق موجه كلامو لفاتي : آنسة فاطمة الزهراء العناني قابلة تزوجي بالسيد سعد الفارسي على سنة الله ورسوله وتكوني ليه نعمة الزوجة في السراء والضراء

فاتي عينيها دمعو من الفرحة متصوراتش انه المفاجأة غدي تكون هي زواجو بيها حركات راسها بالإيجاب بدون متنطق

العدول : السيدة فاطمة الزهراء بغيت نسمع جوابك

فاتي نطقت بصوت عالي : اه قابلة قابلة

العدول : السيد سعد الفارسي واش موافق تزوج بالسيدة فاطمة الزهراء العناني على سنة الله ورسوله وتحميها وتكون ليها سند في السراء والضراء

سعد ركز نظرو على فاتي اللي كتشوف فيه بنظرة حب : مواااافق

العدول شاف في الوالدين ديالهم : ونتوما موافقين تكونو شهود على زواجهم

حركو راسهم بالايجاب بينما العدول قربلهم الوراق سناو بربعة طلع راسو وشاف في الزوجين بابتاسمة

العدول : مبرووووووك عليكم كنعلنكم زوج وزوجة

سعد وقف توجه لعند فاتي طبع قبلة على راسها ونطق بهمس في اذنيها : مبروووووك علينا حياتي وأخيرا وليتي مدام فاتي سعد الفارسي

فاتي ابتسمت وحناكها تزنكو بالحشمة قدام باها قاطعهم العدول اللي نطق

العدول : شنو نقيدلها هنا في المهر ديالها

سعد : 100 مليون والفيلة

فاتي بصدمة : ولكن قلتي غير 100 مليون مبغيتش الفيلة راه 100 مليون وكثيرة

سعد : سكتي مشي سوقك الفيلة كنت خديتهالك شحال هذي وكيفما كان الحال كنت غدي نعطيهالك

💘أحببت شهيرا 💘
🦋بقلم لمياء الشادلي 🦋
❌البارت 86 ❌
✳️شهيرة ✳️

قبل تنطق قاطعها باها : فاطمة الزهراء بنتي غدي تمشي معايا ولا تبقاي مع راجلك

سعد همسلها في اذنها : سيري مع باباك وخا مبقيتش صابر على بعدنا ولكن مشي مشكل نزيد نصبر مزال حتى نديرو العرس ونجيبك كيفما باغة عائلتك

فاتي فرحات كيفهمها في كلشي اصلا كانت عارفة مها مغديش تفك حتى يديرو العرس وهي مكانتش باغة تبزز عليه وهو مزال حازن على باه

سعد وجه نظرو لباباها : عمي علم مدام خذيجة العرس بعد شهر وغادي يكون عندي في الفيلة قولها اي حاجة حتاجتها تاصل بالأم ديالي ويتافقو بيناتهم

قابل كلامو بابتسامة راضي على راجل بنتو ونعم الزوج كان غدي يدير غلط كبير لو كان زوجها لشخص آخر غيرو

❌ ❌ ❌ بعد مرور 15 يوم ❌❌❌

هبطات كتجري كرشها منفوخة قدامها بالسيف باش كتخليها تمشى واللي فيها ممهنيها وقفت قدامو تلاحت عليه معنقاه قدام عثمان وطارق اللي مبتاسمين من انسجامهم دون مشاكل

نورهان : حبيبييييييي نجحت والله نجحت خدييييت الباك وب 17 عمرني كنت نحلم بيها كنت كنقول غدي نسقط وااااااو والمواد العلمية عندي طالعيييين بزااااااااف خصوصا العلوم جبت فيها 19،75 والفيزيك 18 والماط 19 عمرني حلمت بيها

نضال زير عليها بين يديه : مبروووك عمري تستاهلي

نورهان بقات مزيرة عليه تقولي خايفاه يهرب : شكرا لييك بزااااااااف طول الأيام ونتا كتراجع معايا…….. بعدات عليه وطبعت قبلة على راسو…….. شكرا ليك يا أحلى زوج الله يخليك ليا

عثمان : احم احم

نورهان دورات راسها عندو نسات راسها طلقت من نضال ومشات عندو عنقاتو حتى هو : حتى نتا عمي شكرا بزااااااااف كون مراجعتيش معايا العلوم مكنتش نجيب مزيان والله

عثمان دوز يديه على ظهرها بحنان : راك بحال بنتي اللي كيهم دبا هو النتيجة الحمد لله حققتي داكشي اللي كنتي باغة

نضال : وصافي طلقها شكراتك سالينا…… جرها وكلسها عندو……. مكتعرفيش تبتي ولا تشكري بنادم من بعيد

عثمان : يهديك الله اولدي راها بحال بنتي واش غدي تغير عليها مني

نضال : عارفها بنتك ولكن انا مشي سوقي حاجتي مكتقاسش

طارق : وحنا اللي شحال وحنا مخرجين معاك حلوقنا متشكريناش عقلي على هادشي انكارة الخير

نضال : تعاونها وخنافرك مهبطهم الأرض وبلى متسنى منها تشكرك

طارق : الله ياودي لا شكر على واجب مدرتش شيييي حاجة زعما

نورهان ابتسمت : صافي الله يسامح غدي نخلص عليك الكلاص اللي كتبغي

نضال خنزر فيها : مغديش تخرجو

نورهان : نخرجو كاملين نحتافلو بالنجاح ديالي عفاك احبيبي مترضهاش في وجهي

💘أحببت شهيرا 💘
🦋بقلم لمياء الشادلي 🦋
❌البارت 87 ❌
✳️شهيرة ✳️

نضال : لاااااا مكاينش الخروج غدي نرجعو لكازا

نورهان : الى مخرجتينيش انحكها في ولدك وديك الساعة يخرجلك مخسر يلاه

نضال : قديمة عندك هذي ساليتي الوحم شحال هذي مبقى عندك متخسري في وجهو ولا ذاتو

نورهان ابتسمت بغباء كتبغي دير سبة ساعة كتطيح راسها في مواقف بايخة: وصافي احبيبي وغير ديرلي خاطري هانتا نحتافلو اليوم وغدا نمشيو لكازا

نضال بحدة : نورهااااان كنتي طول الوقت كتدوزي الوطني وتكلسي في القصر بدون متمشي عند ماماك تشوفك مخلياها مقلقة عليك شنو ذنبها ديريلها هكاك

نورهان حنات راسها بحزن : وأنا كنت مدوخة مع الامتحان مكانش عندي الوقت والله منسيتها غير الظروف اللي خلاتني نتخلى على كلشي وانا غدي نرجع لعندها ولكن شنو فرق اليوم على غدا

عثمان : بلاتي بلاتي كفاش مها نورهان ياك قلتي نتي يتيمة

نورهان عضات على شفايفها حساب براسها حصلت من الكذبة اللي كذبتها عليه قبل : عمي انا يتيمة الاب مشي الأم قلتلك هكاك حيت خفت متدينيش معاك وانا كنت ساخطة على كلشي كنت باغة غير نبعد

عثمان تنهد :اك ولكن متوليش تكذبي ابنتي نتي اخلاقك زوينة متخصريهاش بالكذوب

نورهان حنات راسها حشمانة : سمحلي اعمي منعاودش …… رجعت علات راسها مصنطحة…….. ورغبو معايا اعمي نمشيو نحتافلو

عثمان : نضال ديرلها خاطرها حشومة عليك شوف كيفاش كترغبك خليها تفرح بالنجاح ديالها وغدا ديها حتى انا غدي نمشي معاكم انا وطارق مشفتش خويا كاااااع فاش كنت كنجي عندك للمستشفى كنلقاه مشى بغيت نودعو قبل منمشي

نضال تنهد وحرك راسو بالايجاب : يلاه سيري تبدلي حوايجك ومتجريش في الدروج خودي المصعد ودي معاك الخدامة مطلعيش بوحدك ولبسي شي حاجة طويلة نقتلك إلى لبستي شي حاجة مشي هي هذيك كتفهمي

نورهان : اك اك عندك مضيف

نضال خنزر فيها عرفها كتطنز : ومديريش هادشي اللي كنقولك وديك الساعة نشوفو هاد عندك مضيف ديالك فين غدي توصلك ولا حنا نديرو مناقص من هاد الخروج كاااع

نورهان : لالالالا صافي انا انلبس الجلابة كاااااع مهم نخرج

طارق : الله على راااااحة وأخيرا لقيت اللي يخرج فيك مكينفع معاك غير العصى

نضال دار شاف فيه: ونتا معندكش شي وحدة تقابلها غيرها

طارق : صافي بلى مدور فيا سحبت كلامي ناري يا صاحبي شحال كتعصب نتا إلى مطرطقش فيك شي عرق نحمدو ربي ونشكروه

نضال : عثمان هاد ولدك معوالش يتزوج ولا يضبر على شي وحدة يتلاهى معاها ولا كيبانلي كيدخل في شبوقاات الناس بلا قياس

طارق وقف : انا في لوطو سابقكم

عثمان : اك حتى انا غادي معاه مهم غدي نتسناوكم

نضال حرك راسو بالإيجاب دازو دقائق وهبطات لابسة كسوة طويلة في الأحمر مزيرة من جيهة الصدر ومطلوقة من التحت ودايرة فوقها جاكيط دالكوير مع كاط في الكحل جاتها اللبسة كيوت مستورة وفي نفس الوقت أنيقة ومكملاها الكرش اللي وتاتها ومزادتها إلا جمال

نضال تنهد : ااااااه شي نهار غدي تحمقيني

نورهان : ومتحشمنييييش

💘أحببت شهيرا 💘
🦋بقلم لمياء الشادلي 🦋
❌البارت 88 ❌
✳️شهيرة ✳️

نضال مدلها يدو شدات فيها وتمشاو خرجو حلها باب لوطو ركبات قادلها السمطة وركب هو كذلك حداها كسيرا بيد واليد الآخرة شاد بيها يديها بينما عثمان وطارق موراهم في لوطو ديال طارق

نورهان : نطلق موسيقى؟

نضال : طلقي

نورهان دخلت كتقلب ملقاتش اللي بغات شافت فيه بتساؤل : علاش مكاينينش الأغاني ديالك هنا

نضال : مالك حمقة علاش غدي نحط الاغاني ديالي هنا كااااع مكنتصنتلهم

نورهان : وااااو نتا في شكل…….. جبدات التليفون ديالها اللي كان فيه فقط اليوتيوب والواتساب اللي مراقب من طرفو حيدلها جميع مواقع التواصل الاجتماعي دخلت للاغاني دخلت للملف ديالو مسمياه بحبيبي طلعولها كاع الاغاني ديالو طلقات للبلوتوت وطلقات الاغاني ديالو مستمتعة بيهم عاجبها الحال

نضال : امممم قوليلي نتي معجبة حقيقية

نورهان : انا اكثر من معجبة انا كنت كنتبعك اكثر من أي وحدة وكان ديما عندي أمل أنني غدي نطلاقاك شي نهار ولكن مظنيتش انه فعلا غدي نتزوجو كيفما كنت متمنية مكتعرفش القدر شنو مخبي ليك

نضال : وعلاش كنتي محمقاني منين كنت باغيك تسني على عقد زواجنا

نورهان : كنت خايفة منك كنتي كتبانلي بحال شي وحش والله

. نضال ابتاسم : فين بغيتي تمشي

نورهان : الميمة خلينا نمشيو لماكدو بلى منمشيو لدوك لي ريسطو فيهم غير الناس الكئيبين بغيت نشوف ناس بزااااااااف ونحس براسي مشي بوحدي

نضال : وانا شنو كندير معاك

نورهان : ونتا هو كلشي في حياتي ولكن طول الوقت كنت غير في القصر قليل فين كنخرج ودبا بغيت ندامج مع الناس ونتفكر يامات كنت مع صحاباتي

نضال ابتسم ورد عليها بالقبول مبغاش يخسرلها فعلا عاشت العذاب لو كانت إنسانة في عوضها لا كانت داخلة في اكتئاب من مراحل متقدمة لكن هي طلعت انسانة قوية فؤانة قدام ماكدو والكل كيشوف فيهم خصوصا النوع ديال لوطو كانت ملفتة للنظر نزلو بزوج بعدما لاح نضال سوارت الكارد وعثمان وطارق نزلو موراهم كذلك دخلو خداو بلاصة معزولة بكون المكان عاااامر بزااااااااف واليوم السبت

نورهان : مهم انا بغيت كلاس دكاراميل بحال طارق

نضال ابتسم : خودي اللي بغيتي …….. وقفو عليهم الخدامة منين سمعو بقدومو شاف فيهم ونطق……. زوج كلاس كاراميل وزوج ايكسبريسو…… دور نظرو لنورهان….. مبغيتيش تاكلي شي حاجة؟

نورهان : متنتيقش في اللحم ديالهم عندهم حرام يكونو دايرين دالحلوف

نضال ابتسم على الغباء ديالها : فاش كنتي كتاكلي في فرنسا مفكرتيش واش حرام ودبا هنا حرام

نورهان : اغير ضاحكة عاد تعشيت مفياش الجوع بغيت غير كلاص

💘أحببت شهيرا 💘
🦋بقلم لمياء الشادلي 🦋
❌البارت 89 ❌
✳️شهيرة ✳️

نضال : اك 4 كلاص كاراميل وزوج ايكسبريسو

انصرفو وخلاوهم مندامجين في الحديث

طارق شاف التليفون تيصوني اعتذر وناض: ألوو شنو كاين

الشخص : سمحلي موسيو الوزاني صدعتك في الويكاند ولكن كاين واحد المشكل

طارق بعصبية :كفاااااااش كاين مشكل في الخدمة؟

الشخص : السي طارق عندنا مشكل في الفرع اللي في كازا وقع تزوير في بعض الحسابات

طارق : شنووووو وعاد كتقولهالي صافي تلاح غدا انكون تما

قطع ودار راجع عندهم معاجبو حال مكيحملش بحال هاد الاغلاط حالف حتى يندم هذا اللي سخن عليه راسو وبغى يطيح بالشركة جبد التليفون ناوي يدير اتصال آخر حس بشي حد دخل فيه وتكب عليه الكلاص وسخلو تريكو هز راسو عينيه حومر

ميساء بتأسف شديد : عفاك سمحلي اخويا مقصدتش والله…… جبدات كلينيكس….. انا غدي نصلح غلطي

طارق صرفقها حتى دار وجها للجيهة الأخرى والدم هبط من جنب فمها :مبقالك متصلحي والأبيض الكلبة الأبيض عورة ولا شنو

ميساء هبطات راسها شادة في بلاصة الضربة والدموع تيهبطو من عينيها : خويا قلت ليك الله يسامح معرفتش علاش هاد الحكرة

طارق غوت حتى كلشي دار عندهم لفت كاع الانظار: وتحركي غبرييييي من قدامي ولا غدي تجيبيها في عظامك

نورهان وقفات عليهم شادة في كرشها وعينيها على البنت اللي قالبة وجها للجهة الأخرى كتبرد الدقة

نورهان : ختي واش نتي بيخير ياكما كاين شي مشكل

ميساء هزات راسها ودورات وجها لناحية نورهان هاد الأخيرة اللي كانت مصدومة من وجودها وخصوصا الدم اللي كيسيل من جيهة فمها

طارق : سوليني انا واش بيخير اما هي راه طران مكتشوفش قدامها الله يحفظ

نورهان : ميساء ختي يلاه معايا نديك للطبيب إلى كنتي مقصحة بزااااااااف

ميساء بعدت على نورهان : لاااااا مواقع والو انا بيخير الحمد لله……. رجعات نظرها لطارق………. كنعتاذر مرة أخرى على هاد الغلط ولكن مقصدتش

هبطات جمعت داك الكلاص اللي في الأرض لاحتو في الپوبيل وخرجات كتمسح في دموعها

طارق : كتعرفيها؟

نورهان متبعالها العين مفهمتش علاش دارت راسها مكتعرفهاش : اه صاحبتي مكناش كنتفرقو انا وياها

طارق : باينة قليلة الادب غير من هاد التجاهل اللي دارتلك ناهيك انها داخلة كي البغلة فيا

نورهان : طاااااارق حشومة عليك ضربتيها يعجبك نتا اللي يهز يديه على ختك

طارق : اولا معنديش ختي ثانيا هاد النوع يستاهلو العصى ديما كيديرو راسهم معميين

نورهان : طارق مالك شاعل دبا من إمتى وليتي هكا

💘أحببت شهيرا 💘
🦋بقلم لمياء الشادلي 🦋
❌البارت 90 ❌
✳️شهيرة ✳️

طارق : من ديما انا هكا وزايدون مغديش تجي وحدة بحالك عاد عرفتها شهور قليلة تسولني هاد السؤال.

نورهان حسات بغصة في قلبها عصبها تصرفو : شكرا كنت عارفة راسي دخيلة عليكم

شافت فيه بتأنيب ورجعت لاطابل بانلها عثمان ونضال كيتناقشو على شي حاجة غير شافوها سكتو هما مشافوش المشكل اللي وقع بين طارق وميساء لاطابل ديالهم كانت معزولة على الناس وحتى نورهان لو مكانتش باغة تمشي الحمام مكانتش تنتابه لهم

نورهان : علاش سكتو لهاد الدرجة كتحسبوني دخيلة عليكم

نضال تعجب من كلامها جرها كلسها عندو مسح دموعها اللي بداو كيهبطو وطبع قبلة على راسها: اش هاد الهضرة كتقولي همم؟ من امتى كنتي دخيلة علينا وباش نرضي فضولك كنا كنهضرو على الحياة الشخصية ديال عثمان وأكيد هادشي مكيخصكش داكشي علاش سكتنا

عثمان : اااااه يا نضال مفهمتش هاد الصراحة ديالك الزايدة بلى قياس مكتعرفش تقول شي حاجة أخرى من غير حياتي الشخصية

نورهان مسحات دموعها والابتسامة على وجها : هادشي اللي كيخليني نبغيه اكثر ديما صريييح معايا

عثمان : أييييه…….. قاطعهم الدوموند ديالهم اللي تحطات وطارق اللي رجع لبلاصتو بينما نورهان مقابلاه بتخنزيرات سالات نورهان الكلاص ديالها وزادت زوج آخرين موراه مكتشبعش جنب فمها ولا كامل عامر كلاص نضال حط الكافي ديالو وحنا راسو عندها طبع قبل على شفايفها ودوز لسانو جنب فمها مسحلها كاع الكلاص خلاها مبرقة عينيها مرة مرة كتدورهم ما بين طارق اللي حاني راسو على التليفون ممسوقش وعثمان اللي كيدوي في التليفون والكأس دالاكسبريسو بين يديه مرة مرة كيجغم منو وعينيه عليهم شاداه الضحكة من ملامح نورهان

حنات راسها وحناكها غدي يطرطقو بالحمورية نطقت بهمس كيسمعها غير نضال : حشوووومة عليك حرجتيني قدامهم شوف عمي عثمان كيضحك عليا

نضال : مشي سوقي حلالي وندير فيك شنو ما بغيت وفين ما بغيت

عثمان : احم احم شنو نمشيو بغيت نرتاح غدا غدي نمشيو بكري عندنا شي مشاكل في الفرع دكازا

نضال : اك يلاه طارق إلى حتاجيتي شي حاجة قولهالي

طارق هز راسو شاف فيه : لا عارفني كنبغي نحل اموري بوحدي حتى الواليد مغديش نخليه يدخل

عثمان: اك اك خليونا نمشيو عيت والعمر بدا كيمشي كنحس براسي تساليت مبقاتش الطاقة ديال شحال هذي

نورهان وقفات : تضحك معانا اعمي نتا كون دوزتي الكونكور دالبوليس كون راك نتا الأول من بين ألف واحد في العشرينات

عثمان : ههههه البوليييس

نورهان ضرباات على راسها بغباء : اااه نسيت نتوما ضد البوليس مافيوزيين يااااك

طارق : غير راجلك مافيوزي كيحسابلك طاسيلة الوزاني كاملة

نورهان : اواااايلي وكيف درتو عرفتوه مافيوزي

طارق : وهانتي فرشتيه دبا

نورهان بغات تجاوبو تفكراات ضربات على راسها مرة أخرى : اااااه نسيت معرفتش علاش كنهضر معاك انا مخاصمة معاك كتعرفني أخويا باش تهضر معايا

💘أحببت شهيرا 💘
🦋بقلم لمياء الشادلي 🦋
❌البارت 91 ❌
✳️شهيرة ✳️

نضال جا موراها هزها بين يديها بينما هي دورات يديها على عنقو وحطات راسها على صدرو

نضال : شت ولات فيك الهضرة بزااااااااف وحتى الوزن تقاليتي

نورهان : ياااااك بغيتي تقولي غليضة اوى أخويا ولدك اللي متقلني

نضال : صافي صافي بلى متبقاي دمعي عليا هنا عارفك ضعيفة ومانكان وفيك 1،70 متر…….كيطنز عليها

ركبو في لوطو وكسيرا ناحية القصر دخلو عثمان وطارق توجههم لجناحهم ونضال ونورهان كذلك اللي ولاو مندامجين في هاد الأيام الأخيرة اكثر من أي كوبل ناسيين الماضي ومخليينو موراهم وعايشين حياتهم الزوجية بكل سعادة

أصبحنا وأصبح الملك لله فاقت على أشعة الشمس اللي كتلامس وجها ويديه اللي كدوز بحنان على شعرها طلعات راسها من فوق صدرو العاري اللي كانت متكية عليه وشافت فيه بكل حب

نورهان : صباح النور حياتي

نضال حنا عندها طبع قبلة على شفايفها : صباح النور روحي وليتي نعاسة

نورهان : انا نعاسة أييييه معرفت شكون اللي مخلانيش نعس حتى صبح الصباح

نضال ابتسم : نوضي تفطري باش نمشيو

نورهان ناضت لوات ليزار على جسمها العاري ومشات ناحية الحمام : غدي ندوش عاد نهبط ونتا؟

نضال : دوشت انا في الصباح بكري

نورهان : مفهمتش انا واش نتا آلة ولا معرفت شنو مكتنعسش؟

نضال : كتسنايني ندخل ندوشلك

نورهان هربات وسدات الحمام الباب دالحمام خايفة : اييييه بغيتي تكمل على مبديتي تنكون مكنعرفكش

ـــــــــــــــــــــ
جالسين في لاطابل كياكلو في صمت كلها وحاني راسو على الطبق ديالو قاطعهم صوتها اللي كسرات بيه داك الصمت وكلهم وجهو انظارهم ليها

لينا : حبيبي بغيت نمشي نشوف عائلتي توحشتهم

سلوى : نتي كل مرة عائلتك عاد كنتي عندهم مكاينش والديك

لينا : خالتي انا مشفتهمش هذي 15 ليوم ومشيت غير تغذيت وجيت هذي 3 شهور مكلست معاهم وزايدون انا هضرت مع راجلي مشي معاك

سلوى : اش هاد الطريقة كتهضري بيها مع حماتك كيبانلي نرجس معرفاتش تربيك

زدح على لاطابل بقوة كلهم تفزعو من ديك الضربة الأطباق كاملين تزعزعو من بلاصتهم نطق بصوت حاد بعض الشيء وبنبرة تهديد : الواليدة هذي مرتي انا كتفهمي مشي نتي اللي مزوجة بيها تمشي فوقما بغات عند والديها دوك التقاليد ديالكم ديال والو معندي مندير بيهم ومرتي عليك بالتيساع نتي الأم ديالي على راسي وعيني وطلباتك يتنفذو في الحين ولكن باش تحكمي في مراتي هذي ممنوع علييييك

سلوى : ولكن هكا راك غدي ضسرها وغدي تطلع عليك

كرم بعصبية: سلوى متزيديش فييييه متخلينيش نفكرك فاش كنتي واخدة حريتك ديك الساعة مكانش اللي كيهضر معاك اوى حتى البنت قيليها عليك خليها بينها وبين راجلها معندك دخل بيناتهم

💘أحببت شهيرا 💘
🦋بقلم لمياء الشادلي 🦋
❌البارت 92 ❌
✳️شهيرة ✳️

سلوى : ياكو دبا درتوني في الوسط كلكم درتو عليا ياك اولدي ياك حيت بغيت مصلحتك

رضى : الواليدة متنسايش أنني كنت باغي نسكنو غير انا وياها في الفيلة ديالي ولكن تراجعت على قراري غير باش نرضيك فمتخلينيش نولي نتراجع على هاد القرار

لينا : رضى حشومة ماماك متقولهاش هكا

رضى : مشي سوقك بيني وبينها مدخليش ودبا طلعي تبدلي حوايجك وقولي الخدامة توجد لك الفاليز غدي نخليك تكلسي معاهم 3 أيام بالحق مغديش تفوتيها هادشي غير على قبل خوك اللي مشفتيهش

لينا بفرحة : حلف خويا رجع

رضى : اليوم جاي غدي يكون دبا في الطريق

لينا بقوة الفرحة بدون متحس تلاحت عليه عنقاتو قدامهم وكيف لا وهي خوها تقريبا 9 شهور مكلست معاه نيشان منلي مشى لفرنسا هو ونورهان مكلست معاه ولا هضرت معاه او ممكن منلي تزوج نورهان وهو ملاهي مع مشاكلهم مكانش عاطيها كاااع الوقت

لينا : شكرا حبيبي شكرا بزااااااااف لهلا يخطيك عليا

رضى : يلاه طلعي و بالشوية متمشايش بالزربة على قبل البيبي والطالون ممنووووووع كتفهمي

لينا حركات راسها بالإيجاب بعدات عليه وطلعت في الدروج منتابها كيفما حذرها دقائق وكانت هابطة لابسة سروال جينز كحل مع شوميز طويلة في الكري وسبادرين نفس اللون كذلك وصاك في الكحل قربات عندو شدات في يدو وخرجو مخليين موراهم سلوى كتقلى في سمها

ـــــــــــــــــــــ
فرانة قدام باب دارهم والبراهش كلهم دارو بلوطو جاتهم في شكل ديك لوطو توقف في الدرب عارفينو شكون لكن ممولفينش يشوفو بحال هاد النوع ديال الطوموبيلات وقف واحد البرهوش في عمر ست سنين اللي غير شافو قصد دارها كيجري دق عليها خرجات عندو خذيجة دايرة زيف حياتي وكتمضغ المسكة اللي يشوفها ميقولش والدة ديك الزهرة شافت فيه بمعنى شنو نطق الطفل وهضرتو كلها معكلة

الطفل : حالتي قولي لبنتك تكلم لرازلها راه زا

خذيجة : اوعدي اوعدي قاد غير هضرتك………… طلات لداخل و عيطات بإسمها…….. فاطمة الزهراء خرجي ابنتي عند راجلك راه كيتسناك

فاتي من الداخل كتلبس حوايجها بالزربة خايفة تعطل : اه وخا هانا خارجة

خذيجة تمشات ناحيتو تتعوج غير بوحدها عاجبها الحال الجارات كلهم كيطلو وهي كتباها ببنتها طلات عليه من الزاج والابتسامة مكتفارقش وجها : ولدي دخل مرحبا بيك الدار داركم راك بحالك بحال فاطمة الزهراء وليتي في مقامها واكثر

سعد : لا معنديش الوقت خاصني نديها تشوف الغوب

خذيجة : إوى اللي بغيتي اولدي

سعد جبد شيك عمر فيه 200000 درهم (20 مليون) وعطاهلها : بالنسبة للتحضيرات تكلمت مع منسقة الحفلات هي اللي غدي تكلف بكلشي هذي ليك نتي والحاج والدراري إلى حتاجيتي شي حاجة بخصوص العرس

خذيجة خدات من عندو الشيك وعينيها كيبريو: الله يرضي عليك أولدي الله ينقي طريقك من الشوك ويعطيك ما نويتي في خاطرك

سعد ابتسم : اللي نويتها في خاطري ها هي خارجة بالمناسبة مور العرس غدي تحولو خديت لكم اباغطومون في السونطر حتى تمشيو تشوفوها وحولت جاد لايكول بريفي حسن يقدر يكتاسب اللغات بسرعة وهو مزال صغير

خذيجة : مخليتيلي منقول انسيبي الله يخليك لينا وصافي

فاتي وقفات حداهم : اش كتقولو

خذيجة خبات داك الشيك مبغاتش بنتها تشوفو عارفاها ديرلها الشوهة مكتحملش تشوفو كيعطي لوالديها الفلوس بلا قياس باغة هي تكمل قرايتها وتخدم وتصيفطلهم وخا هو كيعتابر فلوسو هي فلوسها ولكن هي مكتحملش هاد القضية نفسها حارة بلى قياس سعد ولا حافظها لذلك رجع كيصيفطلهم بلا خبارها وهما كذلك كيخبيو عليها

💘أحببت شهيرا 💘
🦋بقلم لمياء الشادلي 🦋
❌البارت 93 ❌
✳️شهيرة ✳️

سعد : خالتي خذيجة عرضات عليا ندخل وانا قلتلها مزروبين هادشي اللي كاين

فاتي حركات راسها بالإيجاب وشافت في مها : مهم ماما ها حنا مشينا مغدي نرجع حتى الليل

خذيجة : خودو راحتكم ابنتي معندك فاش تشاوري معايا مبقيتيش تحت سميتي اللي غدي تاخدي الاذن منو هاهو معاك

فاتي ابتسمت وطلعت حدا سعد سلمت عليه ودارت باي باي لمها : يلاه نمشيو

سعد : بلاتي…. شاف في دوك الدراري اللي كانو كالسين عيط لهذاك اللي دق في باب فاتي جا عندو في الحين جبد من جيبو 500 درهم عطاهالو…….. هذي خود بيها اللي بغيتي نتا وصحابك وكنقصد اللي بغيتي الحلوى الماكلة مشي الكارو والمعجون وداك التخربيق راني عايق بيكم نتوما البراهش نقطعلك رجليك إلى مشيتي عند السكفكف

البرهوش : أوايلي اصاحبي نتا مبايناس فيك من هنا كيفاس كتعرف السكفكف مول السكلاط

سعد بحدة: هانتا كريتي بلا عصى إلى مشيتي عندو نقطعلك رجليك يلاه دبا سير تلعب مع صحابك

كسيرا خلى البرهوش غير كيبرقق في عينيه خلعو بداك النبرة حلف لا حط رجليه عند السكفكف اللي معروف عليه كيبلي الدراري الصغار في الحي كيقولهم خوذو الشكلاط فابور وهو مخلطو كيتيقو فيه كيعطيهم المرة الأولى والثانية كيخليهم يتبلاو مزيان وكيجبد منهم المثني والمثلث ومنين كان سعد ساكن في الحومة اللي حدا حومة فاتي كان ديما مدابز معاه في قبل البراهش

فاتي : حشومة عليك ضهشرتي الولد

سعد : انا اللي عارف داك الكلب اش كيسوى بالحق غير بلاتي موجدلو بلان غدي يغرقو مزيان عمرو يخرج من الحبس

فاتي : توحشتك

سعد : واش قلتي شي حاجة ولا انا اللي مبقيتش كنسمع

فاتي : توحشتك

سعد : لا شنو زعما كتشعليني نديرو حنا بناقص من هاد العرس و نديرو السبوع في عوضو

فاتي رجعو حنوكها حومر: حشومة عليك هانتا كتحشمني

سعد رجع لوطو اوطوماتيك وهزها من بلاصتو حطها قدامو كيقبل فيها بكل شوق مطلقها حتى برد جنونو فيها : اااااه شنو كديري فيا

فاتي حنات راسها بخجل : مدرت والو

سعد : لا درتي و درتي بزااااااااف……… هز يديها حطها على قلبو…….. خليتي هذا كينبض غير بسميتك

فاتي : سعد حشومة عليك كتحشمني مكنعرفش باش نجاوب

سعد : انا راجلك معندك مناش تحشمي

فاتي : وخا هكاك عمرني دوزت شي واحد في حياتي معنديش تجربة في هاد الكلام وهادشي

سعد قلب وجهو كيصوط مباغيش يقلبوها صباط : واش حمقة نتي كتقولي هاد الهضرة قدامي محشمتيش لا غير دوزي تجربة باش نقتلك

فاتي حطات يديها على فمها : هاااء مقصدتش والله

سعد تنهد : مهم غدي نمشيو نشوفو الغوب ومن بعد انمشيو لقصر الوزاني عيطولي نضال ونورهان راجعين اليوم خاصنا نتجمعو

فاتي : حلف ياااااي توحشتها المسخوطة من نهار غبرات مولات دارت موراها ولا فكرت غير تصونيلنا

سعد: هذيك تبدلت بلا قياس ولكن اللي داز عليها مشي ساهل

💘أحببت شهيرا 💘
🦋بقلم لمياء الشادلي 🦋
❌البارت 94 ❌
✳️شهيرة ✳️

فاتي : وييي مسكينة بقات فيا هي مزال صغيرة و دازو عليها دوك المشاكل كاملين انا مشفتكش غير 7 شهور كنت انحماااااق وحنا مكناش حتى مفارقين عاد هي اللي بعد عليها وحسابلها كيخونها وزيد عليها مشات وهي حاملة حتى هاد النقطة كانت لاعبة دور كبير وعذباتها اكثر إوى الله يخليهم ديما مع بعضياتهم وصافي

فرانة قدام المول دخلو توجهو لمحل خاص دلي غوب فاتي مبغاتش مصممة هاد المرة ولات باغة غير تاخد كسوة بذوقها مفصلة مخيطة نيشان ويكون معاها سعد يختار معاها بلا ميضيعو الوقت دخلو للمحل تحت ترحيب صاحبة المحل شخصيا هاد الأخيرة اللي طلبت منهم يكلسو وتجيبلهم لي موديل اللي كاينين بدون ميتعذبو الفلوس وشنو كدير عندك كلشي غدي يوصلك حتى لبين يديك معندكش وجد دوك الرجيلات هما اللي غدي يديوك عند اللي بغيتي هادشي إلى قدرتي

فاتي : احم سعد شنو بانلك في هاد الستيل

سعد وجه نظرو لكاطالوك بانتلو الكسوة معريا من الكتاف والنص في الصدر غدي يجي باين حرك راسو بالنفي : هذي بالذات غير نسايها…… شاف في صاحبة المحل…… بغيت كاطالوك خاص بكساوي بالكمام

ابتسمت البنت بكل رقي عجبتها غيرتو عليها : اكيييد موسيو سعد طلباتك أوامر

أمرت البنات اللي خدامين معاها يجيبولها الكاطالوك حطاتو قدامهم كان فيه فساتين روعة فاتي كانت مقلقة حيت حرم عليها ديك الغوب عند بالها أنه هاد الستيل اللي طلب غدي يكون خايب أو معربن غير تحل الكاطالوك حلات فمها معاه دوزاتو كامل وبسرعة حطات يديها على وحدة شكلها راقي من الفوق مزيرة بالكمام شبكة فيها فتحة صغيرة جيهة الصدر هابطة مزيرة من الفوق حتى للركبة عاد مطلوقة

سعد : لا لا لا بلا متحلمي

فاتي : سعد حبيبي الله يخليك ليا ليلة في العمر ليلة خليني نفرح فيها ومن بعد لا بغيتي تحكم حياتك كاملة معنديش مشكل عفاك بغيت حتى انا نفرح براسي من ديما وانا كنحلم بهاد النهار عفااااك متردهاش في وجهي

سعد تنهد كيعارض كلشي ولكن اش يدير قدام دموع محبوبتو حط يديه على عيونها مسحلها دموعها اللي قربو يهبطو خوفا من أنه ميقبلش ونطق بنبرة حنينة : اك سيري قيسيها…… حول نبرتو لتهديد…… ولكن آخر مرة كنقسملك مغديش نولي نقبل على شي حاجة بحال هكا

فاتي قربات عندو طبعت قبلة على خذو فرحانة : الله يخليك ليا يا أحلى زوج في الكرة الأرضية

سعد ابتسم : يلاه سيري دغيا مخاصش نتعطلو

ـــــــــــــــــــــ
فرانة قدام البوابة الداخلية للقصر كلشي فرحان بعودتو تعرضولهم بالحليب والتمر ونرجس وسمية مقاداهم فرحة بالنسبة ليهم دبا لا بغات تجيهم الموت غير تجي تقدمت نرجس عند نضال قدماتلو الطبق دالتمر ابتاسم خداه من عندها وعطاه لنورهان ونورهان كذلك نفس الشيء

نرجس عطات للخدامة البلاطو وتلاحت على ولدها كتعنق فيه وتبوس كيف لا وهي شحال مشافت ضحكتو : الله اولدي شحال توحشتك ااااه متصورش شحال تخلعت عليك خفتك مترجعليش معرفتش علاش خرجتي من الطبيب وخليتينا غدي نحماقو

نضال : صافي الواليدة انا رجعت دبا مكاين لاش نذكرو الماضي

نرجس : راك كبدتي مغديش تحس بيا حتى تجربها وقريب غدي تحس بيا مبقالك والو.

سمية شافت في نورهان بنظرة تأنيب والدموع هابطين من عينيها ونورهان قابلتها بنظرة خجولة من داكشي اللي دارت كانت لحظة غضب خلاتها تصرف بلى عقل وتخلي كلشي وراها معارفاش انه كاينين ناس آخرين كيتعذبو بسبابها تلاحت على مها عنقاتها والابتسامة على فمها كتحاول ما أمكن متبكيش

نورهان : سمحيلي أماما سمحيلي اللي داز عليا مشي ساهل والله نتي عارفاني انا مزالة صغيرة ووحدة في حالي وفي عمري مكانتش غدي تميز الصح من الغلط والله مقصدت نتخلى عليك

💘أحببت شهيرا 💘
🦋بقلم لمياء الشادلي 🦋
❌البارت 95 ❌
✳️شهيرة ✳️

سمية كتشهق بالبكى كبدتها شهورة وهي مرزية فيها وهي اللي عندها كيف متعذبش وهي اللي رباتها وكبراتها في التالي تمشي وتخليها

سمية : وانا شنو ذنبي في هادشي كامل هممم؟ شنو درت اللي تخليني وراك كنتعذب كل دقيقة وكنفكر واش واكلة ولالا واش مغطية واش نعستي مزيان واش مرتاحة واش الولد بيخير علاش درتي فيا هكا ابنتي

نورهان : سمحيلي اماما سمحيلي عفاااااااك سمحيلي والله منوليش نعاود

سمية قرصاتها : لا غير ولي عاودي

نضال : أسمية يهديك الله كنقولك متحطيش عليها يدك

سمية : نتا تحط عليها يدك وانا اللي كبرتها لا

لينا من موراهم شادة في يد رضى كتشوف فيهم كيدابزو وكيضحكو فرحانة بعودة خوها وعودة الحياة للقصر نطقت بابتسامة خلاتهم كلهم ينتابهولها : وحنا زعما معندناش بلاصة وسطكم

نضال دار عندها فتحلها يديه اللي غير شافتها مشات عندو كتجري بدون متفكر لا في الجنين ولا في والو تلاحت عليه معنقاه عينيها متلألئة بدموع الفرحة بينما هو هزها مزير عليها مخليها مستمتعة بلقاءهم الأخوي فعلا الأنثى كتحتاج 3 دالرجال في حياتها كل واحد فيهم وكيعوض بلاصة الآخر الأب الأخ الزوج

لينا : خلعتينا عليك أخويا والله توحشتك بزااااااااف متصورش شحال بقينا مخلوعين عليك اليوم فرحت بزااااااااف حيت شفتك

نضال نزلها وحط يدو كيشنتف شعرها : همممم داكشي علاش مشيتي تزوجتي بلا خباري…….. شاف في كرشها اللي كانت باينة غير شويا مزال صغيرة…….. وحاملة من الفوق وانا آخر من يعلم

لينا حنات راسها بخجل : والله مدرنا العرس تسنيتك حتى تفيق ولكن الزواج رضى أسر عليا نتزوجو والله

رضى : مغديش طلقلنا من المدام زعما

نضال : مشي سوقك ختي

رضى قرب لعندو جرها من بين يديه : راها مراتك انا مكنعرفش شي حاجة سميتها ختك

نضال : أهاه ورثتي تصرفاتي ولا غير جابلي الله

رضى ابتسم و عنقو عناق رجولي : على سلمتك الوحش

نضال : الله يسلمك

نرجس : وا دخلو واش غدي تبقاو هنا

توجهو كاملين للصالة والخدامات هزو لي فاليز وصلوهم للأجنحة ديالهم وخلاو الأفراد مندامجين في الحديث مستمتعين بهاد اللحظة اللي قليل كيحظاو بيها ومعارفينش واش فعلا غدي تستامر

خارجة من لافاك فرحانة حاسة براسها خدمات مزيان وعندها أمل كبير أنها تفاليدي كلشي وقف قدامها شاب في العشرينات مباينش فرق سن كبير بيناتهم

إلهام : أمير صفا كيدوزتي

أمير : صاماغش نقدرو نقولو هاد العام غدي نفاليدي

إلهام ابتسمت : وحتى نتا غير مدايرش راسك في القرايا عندك كلشي معرفتش علاش مبغيتيش تقرا

💘أحببت شهيرا 💘
🦋بقلم لمياء الشادلي 🦋
❌البارت 96 ❌
✳️شهيرة ✳️

أمير : ههه أودي معندي عقل ليها غير دايرين الخاطر لواليد كنحاول باش حتى إلى وقعت شي حاجة الله يحفظ نديبلاصيه في الشركة

إلهام : راه الوالدين ممعاهمش اللعب استمتع باللحظة محدهم جنبك نهار يمشيو الدنيا غدي تظلام في عينيك

أمير حط يديه على كتافها عزيزة عليه هاد البنت وفي نفس الوقت كتعجبو شخصيتها رغم الظروف اللي كتمر منها إلا أنها مستمتعة بالحياة وممخلياهاش تغلب عليها : ميبقاش فيك الحال حسبيني بحال خوك إلى حتاجيتي شي حاجة متردديش تجي عندي أنكون ديما في جنبك

قاطعهم صوت من خلفهم : شنو واقع هنا

إلهام دارت حلات عينيها بقى فيها أمير دبا هو اللي ولا محتاج مساعدتها تنقذو من هاد الوحش اللي قدامهم شافت في أمير ودارتلو حركة بعينيها باش يمشي الساعة الأخ مكلخ مفهم والو

أمير : موسيو الوزاني أهلا كتقلب على بنت عمك مبقاتش كتجي هذي شي 15 اليوم

ياسر مربع يديه كيشوف فيه باستهزاء : لا هاد الساعة كنقلب على خلى دار بوك

إلهام : ياسر كالم عفاك والله الى كيقرا معابا كيحسبني مسكين بحال ختو غير جا سولني كيف دوزت

ياسر : أهاه كيسولك كااااع على كفاش دوزتي هادشي متقدم عندكم

أمير : موسيو الوزاني مفهمتش علاش كتهضر استسمح غدي نساحب عندي ميتقضى هاد الساعة

ياسر : لا بلاتي حتى انا بغيت نسولك كيفاش غدي تولي من بعد زوج دقايق

أمير جا يجاوب معرف كروشي منين جاه رعفو تلفو حتى على شنو كان باغي يقول

ياسر : دبا تقدر تمشي هاد المرة عرف راسك علامن توقف

إلهام جرات ياسر خايفة لا يزيد يكمل عليه ولافاك كاملة كتفرج فيهم ركبو في لوطو ومرة مرة كدور راسها عندو كيكمي الكارو بعصبية وعينيه حمرين مقندش على نقشة يشعل

إلهام : دبا مالك

ياسر خنزر فيها مباغيش يحط عليها يدو في هاد الحالة غدي يدير فيها شي عاهة مستديمة : ومزال كتسولي الكلبة لا وواخدة راحتك زعما

إلهام : مدرت والو غير نتا كتعصب السيد كيقرا معايا مسكين سولني كيدوزت وصافي عادي هادشي كيكون في جميع الاختبارات

ياسر : ومعاديش وميهضروش معاك واش باغة تجهلي حسي ولا علامن كتقلبي

إلهام شدات يديه اللي كيكمي بيها حيدات منها الكارو لاحتو من النافذة وقربات يدو لعندها طبعت قبلة عليها وكدوز يديها عليها بحنان هاد الحركة اللي كدوبو وكتخلي غضبو يطفى بسرعة بالنسبة ليه مفعولها اكثر من الكارو او الخمر

ياسر تنهد : ااااه الله يصبرني سمعيني مزيان مزال متنسالي البلان ديال الدراري اللي من واحد لواحد

إلهام عضات على شفايفها بخجل : والله كنت باغة غير نفقسك حيت عصبتيني في الأول درتيني بحال شي عبدة أصلا هذوك كاملين بحال خوتي والله وراه اعتاذرت ليك

ياسر : ديري عقلك ا إلهام براكة من هاد التبرهيش راه حنا داخلين في المعقول مشي عاد غدي نتعارفو مبقيتش باغي هاد الحال صافي خاصنا نتزوجو

إلهام ابتسمت ديجا اعتارفو لبعضياتهم ورجعو كوبل كان كل نهار كيخرجها مكيتفارقوش طول اليوم وهي معاه لكن مل من هاد الوضع بغاها تولي حلالو ويتهنى من كل الحواجز : خلي فاتي وسعد يديرو العرس ديالهم وحنا نديروو موراهم صافي ولكن مخطبتينيش

💘أحببت شهيرا 💘
🦋بقلم لمياء الشادلي 🦋
❌البارت 97 ❌
✳️شهيرة ✳️

ياسر : ههه اك دبا خاصنا نمشيو للقصر الوزاني نضال ونورهان رجعو وكلشي غدي يكون مجموع

إلهام : ولكن انا باشمن صفة غدي نمشي معاك

ياسر : بصفتك حبيبتي وصاحبة بنتهم ولالا وحتى والديا غدي يكونو تما خاصهم يتعرفو عليك من ديما باغييني نتزوج جا الوقت فين يعرفو مرت ولدهم

إلهام : اييي شنو درت في حياتي حتى ربي يعطيني رجل بحالك كنبغييييك والله

ياسر قبلها وكسيرا : وعشقي لك اضعاف ما تشعرينه نحوي

إلهام : يخليلي الشاعر ديالي

ـــــــــــــــــــــــــــــــــــــــــــــــــ
خرجات جامعة شعرها كعكة مهملة والبنات موراها كيقادو الفستان من اللور جات جذابة رائعة جميلة كل هاذ الكلمات مقدروش يحددوو صورتها هز راسو من بعدما كان كيشرب الكافي ديالو و عينو على التليفون شاف فيها حط التليفون وعينو مفارقوهاش حتى التليفون طيحو بقوة انجذابو ليها قرب لعندها بينما هي كتقابلو بابتسامة بريئة طبع قبلة على راسها

سعد : معنديش كلمات اللي يقدرو يعبرو على مدى جمالك خفت نقول شي كلمة ونغلط في حقك لكن نقدر نجمع هادشي كامل ونقولك كلمتين اللي كنحسهم من جيهتك اعشقك بجنون

فاتي : كنبغيك حبيبي والله

سعد : حيديها جيتي مثيرة فيها بزااااف ومغديش نقدر نصبر عليك

فاتي : وخا نيت تعطلنا خاصنا نمشيو

داز الوقت كلشي كان مجموع في القصر لحقو عليهم سعد وفاتي ياسر والهام ووالديه بقاو غير طارق وعثمان اللي كانو مزال موصلو مشغولين مع داك المشكل اللي طرالهم في الشركة

نرجس : الغذا وجد فين تعطلو

نضال : صونيتلهم راهم في الطريق.

أنور : هذاك مسخوط الوالدين منلي جا مشفتو كيدير شي فعايل كان كيجي عندك غير في الليل ويمشي مزال الحد الآن مشفنا كمارتو

سمية قلبها مشا وجا منين سمعات صوتو اللي باقي بنفس الرنة

عثمان : ها نتا غدي تشوف كمارتي لهاد الدرجة توحشتيني

نورهان : عمي عثمان تعطلتي كنت غدي ناكل حقك والله ههه

طارق : كتفكري غير في كرشك

نورهان : هيهيهي مكنهضرش معاك نتا

نرجس دورت عينيها لعند سمية اللي كترعد عارفة صعيب اللقاء ولكن معندها مدير ضروري كانو غدي يتجمعو شي نهار : نورهان كتعرفي ابنتي عثمان ؟

نورهان : اه اماما نرجس كنعرفو هو اللي كنت كالسة معاه طول هاد المدة عمرني نسى خيرو تهلى فيا والله فاش كنت كنتوحم اللي كنت كنبغيها كيخرج بالليل ويجيبها ليا بلا القراية اللي كان داير معايا جهدو كامل فيها باش نتعلم وحتى شي وحدين وخا مقلقة منهم

💘أحببت شهيرا 💘
🦋بقلم لمياء الشادلي 🦋
❌البارت 98 ❌
✳️شهيرة ✳️

طارق : وهاد الوحدين إلى خرجتي برا وشفتي شنو جابولك تسامحيهم؟

نورهان : تطمعني زعما لالالا زيد داكشي في راسك عندي راجلي حبيبي كيجيبلي ما اكثر

طارق : وخرجي شوفي اصلا راجلك اللي جابهالك مشي انا انا غير صممتها من البارح وانا خدام عليها منعستش الليل كامل ميمكنش متشوفيهاش

نورهان ركبها الفضول خرجات برا بلا هواها بانتلها شي حاجة كبيرة مغلفة باينة اوطو تحيد عليها الغطا اوطوماتيك وهنا تحل معاه فمها تصدمت من هادشي اللي كتشوف كانت اوطو عمرها دارت في السوق في اللون الوردي كلها كتبري بالالماس اللي داير بيها تحشمي تصوكيها ناهيك على الشكل ديالها اللي صعيب يتوصف

طارق من وراها : وخا مشي من الضومين ديالي تصميم السيارات لكن كتبقى هوايتي وكانت اول تجربة ليا هي لوطو ديالك هههه ولكن راجلك اللي تكلف بصناعتها وتركيبها

نضال عنقها من اللور وحط راسو فوق راسها : مبرووووووك عليك النجاااااح حبيبتي

نورهان ممصدقاش اش كتشوف دارت عندو عنقاتو بفرحة : شكرا بزااااااااف هذا احسن كادو يجيني في حياتي

بعدت عليه ورجعت شافت في طارق : شكرا حتى نتا طارق بغيت نعنقك ولكن منقدرش راجلي حبيبي ميخلينيش ههههه وبالمناسبة غير قلب الحرفة من الحوايج لصناعة السيارات الماركة ديالك غدي دير بوووم ودبا سامحتك وخا قلقتيني

نضال : بلاتي مزال مكملنا…….. دار شاف في كاع العائلة اللي كيشوفو فيهم فرحانين ليهم وفيكسا نظرو على سمية…….. سمية ديتلك بنتك بدون منطلب اذنك ولكن هي سراقة كان ضروري خاصها تعاقب مقلتلهاش تسرقلي قلبي اللي حتى وحدة مقدرات تسرقو سمية دبا كنصحح في الغلط ديالي واش موافقة تعطيني بنتك

سمية ابتسمت من شحال وهي كتنتاظر فرحة بنتها كانت ديما كتمنى تعيش بنتها الحياة السعيدة اللي معاشتهاش هي : ههههه منلقاش نسيب حسن منك سولها هي واش قابلة بيك

نضال تحنى على رجليه وجبد بواط من جيبو مشاكلهم نساوه في كلشي حلها قدامها تصدمت كان خاتم الماسي كتحيطو حجيرات صغار دالالماس وكتوسطو جوهرة كبييييرة الماسية كتلمع : حبيبتي وحياتي ومراتي ومامات ولادي المستقبليين احم معنديش مع الرومانسية ولكن انحاول

سعد قاطعو : نضال ولادك سميتهم ذياب وريم وسعد

نضال خنزر فيه: سكت اصاحبي غدي تنسينا في كلشي

سعد : والساط والله الى كنهضر بصح سولها هي كانت كتقولها قبل حتى متشوفك وعندي الدليل……. جبد التليفون طلق تسجيل قديم فاش كانت نورهان كتحلم تلاقى مع نضال

🎤🎤التسجيل الصوتي 🎤🎤

نورهان بدات كتمسكن عليه :ولا احبيب ختيتو حشومة تخصرلها خاطرها وهي مسكينة تتحب نضال باغة تولد معاه وليدات تسميهم ذياب وريم والولد الثالث هذاك نزيدو غير على قبلك ونسميه على سميتك الحب ودبا شنو نبور انا نبور
❌ ❌ ❌ ❌

سعد : شفتي هانتا بصوتها مكذبتش

نورهان غمضات عينيها باحراج : سعد يعطيك الموت ممسامحالك لا دنيا لا آخرة

سعد : كنت حاس شي نهار انحتاج هاد التسجيل وإحساسي مخيبنيش

نضال : ديك الهضرة مزال نتفاهمو عليها ولكن دبا نرجعو لموضوعنا فين كنا احم حياتي وروحي ومراتي ومامات ولادي ذياب وريم سعد مغديش نزيدو نوريك الحب كيداير مهم تقبلي تزوجي بيا؟

💘أحببت شهيرا 💘
🦋بقلم لمياء الشادلي 🦋
❌البارت 99 ❌
✳️شهيرة ✳️

نورهان حركات راسها بالإيجاب حاسة براسها كأنها كتصور شي فيلم : قابلة احبيبي قابلة احياتي

نضال حط يديه على كرشها قبل ميركبلها الخاتم : ونتا البطل ولا نقولك ذياب قابل نتزوجو انا وماماك؟

نضال : صافي ولدي وافق……. ركبلها الخاتم وهي غدي طير بالفرحة………. دبا مبروك عليك مدام نورهان نضال الوزاني

عثمان وقف قدام سمية خلاهم كلهم كيشوفو فيه باغيين يعرفو شنو غدي يدير : نقدر نعرف كفاش قضية بنتك

نضال ابتسم بانتصار ضرب عصفورين بحجر واحد كان ممكن يطلب يد نورهان من سمية قبل مايدخل عثمان ولكن هو تعمد لهاد الحركة بغى كلشي يبان

سمية : شنو اللي مفهمتيش في قضية بنتي، نورهان بنتي حاجة باينة مكاينش توضيح

نورهان : عمي عثمان علاش كتغوت على ماما واش كتعرفها؟

سمية : أكيد كيعرفني ابنتي كيعرفني على أساس خدامة كانت عندو وصافي

عثمان بالغواات : سمييييييييية متخرجينيش على طوعي واش نورهان بنتووووو

نرجس : يلاه ندخلو خليوهم يحلو مشاكلهم بوحدهم

كلشي دخل بقى برا غير عثمان وسمية نضال ونورهان وطارق

سمية : واش لهاد الدرجة مكتشوووووفش هااااا؟ واش لهاد الدرجة تمسحاتلك الذاكرة بحقدك عليا شوف فيها حقق فيها مزيان 7 شهور وهي معاك ومرديتيش ليها البال؟ شوف عينيها نسخة طبق الأصل منك كيف بغيتيها تكون بنتو وهي كتشبهلك في كلشي

نورهان : كفاااااااااش مامااااااا اش كتخربقي شنو بغيتي تقصدي

سمية انطقت بعصبية موجهة كلامها لعثمان : نورهااااااان بنتتتتتتك

نورهان طاحت الأرض : شنووووووو كتضحكي عليا أماما ياااااك بابا مااااااات واش طلعات ليك السخانة

نضال قرب لعندها وقفها معنقها توقع دخل في صدمة : شت حبيبتي ياك عثمان عزيز عليك فين المشكل إلى كان باباك ياك ديما كنتي كتحلمي يكون عندك اب وها هوو قدامك

سمية نطقت بدون متحس : نورهان بنتي مكنكذبش عليك داكشي اللي عاودلك خالك كلو كذوب انا عمرني تزوجت منلي كنت صغيرة خدمت عند عائلة الوزاني منلي كانت عندي 16 عام تما فين تعرفت على باباك ولينا كنبغيو بعضياتنا منين درت ديك 18 لسنة بغى يتزوج بيا لكن جدك مبغاش مكانش قابل بيه حيت كان مطلق وعندو ولد وجدك مكيهموش ما هو مادي كل همو هو الشرف عثمان معجبوش الحال وبغى يقربني ليه اكثر داكشي علاش انتقلت خدمت عندو منين درت 20 عام وقع بيناتنا الغلط حملت بيك قالي نتزوجو انا معرفتش شنو ندير تلفت ما حيلتي للجنين اللي في كرشي ولا لردة فعل جدك معرفتش شنو ندير جا واحد خطبني قبل بيه جدك وبغى يزوجني ليه بزز انا مبغيتش قلت نمشي نتلاقاه ونحاول نشرحلو أنني مقابلاش بيه و كنبغي شخص آخر لكن وقع اللي مكانش في البال داك السيد تقرب مني في ديك اللحظة حضر باباك ومكانش عارف بحملي حسابلو كنخونو داكشي علاش مقبلتش نتزوج بيه حقد عليا وخوا البلاد وخا مشى مقدرتش نتخلى عليك ولا ندير الإجهاض منين ولدت عاونتني نرجس والسي أنور الله يجازيهم بالخير مشاو عند خالك كتبولو كاع دوك الأراضي بسميتو باش يسجلك عندو مع ولادو داكشي علاش كنيتك الزايدي نفس كنيتي من تما وانا مربياك وقررت نهز مسؤوليتك بدون مساعدة حتى شي واحد

عثمان دوز يديه على شعرو غدي يقرعو بالاعصاب توجه لعندها زير عليها من يديها : كفاااااااش اش كتخربقي كفاش مشيتي تشرحيلو شفتكم بعيني في وسط الريسطو كيقبلك اعععع مباغيش نتفكر داك المنظر اللي أصلا عمرو فارق عقلي ولا نسيتو

طارق : بلاتي بلاتي شرحولي دبا نورهان ختييي

💘أحببت شهيرا 💘
🦋بقلم لمياء الشادلي 🦋
❌البارت 100 ❌
✳️شهيرة ✳️

نورهان هبطو دموعها نطقت بصوت متعب : دبا انا بنت الحرااااام ياكوووو حشومة عليك أسمية كنتي كتشوفيهم كيحكرو عليا في المدرسة كنت ديما كندخل كنبكي على الاب اللي معنديش كنقولك وصفيهلي كنتي كتغوتي وتجري عليا وكتزيدي تجرحيني بكلمة ماااات كنتي عارفة بابا حي ومخلياني معذبة علاش مقلتيليش الحقيقة وخليتيني نقلب عليه

سمية : خوه ومكانش عارفو فين ونتي بغيتي تعرفي شنو بغيتيني نعطيك أمل ونخليك كتعذبي اكثر كل نهار تقلبي وترجعي فاشلة منين متلقايهش بغيتيني نكرهك في حياتك ونقولك نتي نتيجة غلطة

نضال : سميييية عرفي راسك اش كتقولي متحملوهاش ذنب ارتاكبتوه نتوما

عثمان جر سمية من يديها وتمشى ناحية لوطو ديالو دار عند نضال قبل ميركب ووجهلو كلامو : نضال دخل نورهان ترتاح متخليهاش بوحدها

نضال : راها مراتي متحتاجش عاد توصيني عليها

لاحها في لوطو وطلع كسيرا بسرعة بينما طارق وقف قدام نورهان اللي دموعها دايرين خط على وجهها

طارق : دبا فكري بإيجابية خلينا من ديك الدراما ديال اه حقا كذبو عليا ظلموني انا نتيجة غلطة انا نتيجة معرفت شنو معجبكش الحال تكوني ختي همممم؟

نورهان : نتا جاك هادشي ساهل حيت مشي نتا اللي في وضعي

طارق :اودي وخا كنت صغير مزال عاقل الواليد اش كان تيدير على قبل مك لدرجة كنت كنحسدها المعاملة اللي كان تيعاملها لا علاقة مع المعاملة اللي كان تيعامل بيها الواليدة الله يرحمها ونتي بعدا عندك والدين كيحماقو على بعضياتهم والدليل على ذلك القدر رجع جمعهم مرة أخرى وزيد عليها نتي بعدا عندك ماماك مشي بحالي انا يتيم طول عمري عشتو بوحدي حتى الواليد معشتش معاه بزااااااااف

نورهان طلعت راسها شافت في ملاحو بقى فيها دارت عند نضال كتطلب منو الاذن حرك راسو بالايجاب تلاحت على طارق معنقاه : صافي حسب ماما هي ماماك باش تعرف راسك عزيز قسمت معاك ماما شفتي اما الأب فراه حنا مشاركينو

طارق ابتسم : اييي ختي سخية شكون بحالي انا عندي اخت بحالك

نضال : وصافي متعيقوش

نورهان بابتسامة : والله الى بصح كنت شايفة الموضوع من ناحية سلبية دبا انا عندي اب بوكوس واخ مكاينش بحالو وخلاص زوج جمعهم كاملين مكاينش شي وحدة عندها الزهر بحالي

نضال تنهد : يلاه ندخلو غدي تكوني عيتي ولدي جاه الجوع

فرانة قدام فيلا في وسط الغابة نزلها من لوطو بعصبية بينما هي كتنثر منو دخلها لاحها في الأرض حسات بظهرها تقسم على زوج وعثمان مهاموش غواتها كل همو هو يلقى تفسير لكاع اللي داز مشي ساهل تكون 18 لسنة ونتا عايش في الجحيم كل نهار كيتكرر قدامو نفس المنظر في المُخَيِّلَة ديالو ونهار يرجع يلقى عندو بنت من صلبو كذلك عاشت اكثر من النص دحياتها في العذاب مستحيل العقل يتقبلو وكذلك هي اللي مدوزاتش القليل كل نهار كتعاني من ألم الفراق بلا العذاب الكبير اللي كان كيتمثل في صورة بنتها كل ما كتشوفها كتفكرو عمرها نساتو

عثمان ضرب الطبلة رجعات كلها فتات والزجاج انتشر في سائر سطحية أرض الفيلا : سمية متجهليينيييش بغيت تفسير لكاع هادشي اللي واقع

سمية : شرحت كلشي مكاينش تفسير اكثر من داكشي اللي قلت

عثمان تحنى لمستواها : سمية عارفاني مكنحملش نعاود هضرتي زوج مرات

سمية : وحتى انا كذلك هضرت ومغديش نفسر هضرتي زوج مرات

Leave a comment